Paparikan Bagawadgita
This page has been accessed 38,389 times.
Description
Bahasa Indonesia
English
Front and Back Covers
Leaf 1
[᭑ 1B]
᭑
᭚ᬑᬁᬅᬯᬶᬖ᭄ᬦᬫᬵᬲ᭄ᬢᬸ᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬳᬶᬗ᭄ᬕᬶᬄᬭᬢᬸᬧᬦᭂᬫ᭄ᬩᬳᬦ᭄᭞ᬲᬂᬦᬶᬯᬓᬂᬢᬶᬃᬣᬰᬸᬘᬶ᭞ᬧᬗᬧᬸᬲᬦ᭄ᬧᬸᬦᬃᬪᬯ᭞ᬳᬤ᭄ᬯᬢ᭄ᬬᬦᬶᬂᬲᬜ᭄ᬚᬶ
ᬯᬦᬶ᭟ᬳ᭄ᬬᬂᬫᬳᬵᬪᬭᬣᬍᬯᬶᬄ᭞ᬭᬸᬫᬕᬲᬗᬶᬩᬸᬳᬲᬸᬂ᭞ᬲᬬᬕᬢᬶᬢ᭄ᬬᬂᬗᬢ᭄ᬧᬤ᭞ᬗᬲ᭄ᬢᬯᬦᭂᬫ᭄ᬩᬄᬲᬸᬪᬓ᭄ᬢᬶ᭞ᬭᬶᬂᬳ᭄ᬬᬗᬶᬩᬸ᭞ᬧᬗ᭄ᬭᬸᬯᬢᬦ᭄ᬤᬸᬄᬓᬚᬦ᭄ᬫ᭟
ᬳᬸᬕᬶᬧᬗᬸᬪᬓ᭄ᬢᬶᬢ᭄ᬬᬂᬫ᭄ᬭᬶᬂᬲᬂᬰ᭄ᬭᬷᬯ᭄ᬬᬱᬋᬱᬶ᭞ᬲᬂᬗᬯᬯᬫᬢᬵᬚ᭄ᬜᬦ᭞ᬲᬂᬯᬶᬪᬹᬄᬩᬾᬢᬾᬮ᭄ᬧᬗᬓ᭄ᬱᬶ᭞ᬲᬢ᭄ᬮᬯᬦᬶᬂᬧᬤ᭄ᬫᬲᬭᬷ᭞ᬗᬸᬭᬶᬧᬂᬤᬫᬃᬓᬯ᭄ᬭᬸᬄ᭞ᬫᬫᬶ
ᬜᬓ᭄ᬫᬳᬵᬪᬭᬢ᭞ᬦᬾᬯᬶᬚᬶᬮ᭄ᬲᬓᬾᬂᬋᬱᬶ᭞ᬥᬹᬄᬳ᭄ᬬᬗᬕᬸᬂ᭞ᬫᬸᬕᬶᬲᬫᬶᬬᬦ᭄ᬭᬳᬃᬚ᭄ᬚ᭟᭐᭟ᬫᬗ᭄ᬓᬶᬦ᭄ᬓᬯᬶᬢ᭄ᬓᬧᬶᬤᬃᬣ᭞ᬲᬂᬤᬺᬱ᭄ᬝᬭᬵᬱ᭄ᬝ᭄ᬭᬪᬹᬧᬢᬶ᭞ᬓᬬᬸᬦᬾᬗᬸ
[᭒ 2A]
ᬲᭂᬓ᭄ᬩᬸᬮᬶᬲᬄ᭞ᬭᬾᬄᬧᬸᬢ᭄ᬭᬳᬶᬤᬢᬦ᭄ᬗᬶᬭᬶᬂ᭞ᬫᬕᬶᬚᬕᬢᬾᬧᬄᬓᬮᬶᬄ᭞ᬲᬋᬂᬭᬶᬂᬲᬂᬥᬃᬫ᭄ᬫᬲᬸᬦᬸ᭞ᬲᬵᬫ᭄ᬧᬸᬦ᭄ᬲᬶᬦᬄᬫᬃᬢ᭄ᬢᭀᬲ᭄ᬬᬸᬤ᭄ᬥ᭞ᬫᬦᬹᬢ᭄ᬩᬯᭀᬲ᭄ᬰ᭄ᬭᬷᬳᬭᬶᬫᬹᬃᬢ᭄ᬢᬶ᭞ᬲ
ᬗ᭄ᬓᬦ᭄ᬦᬸᬫᬸᬲ᭄᭞ᬫᬗ᭄ᬓᬶᬦᬶᬤᬫᬯᬘᬦ᭟᭐᭟ᬳᬸᬥᬹᬄᬦᬦᬓ᭄ᬱᬂᬲᬜ᭄ᬚᬬ᭞ᬳᬶᬤ᭄ᬤᬬᬂᬩᬧᬢᬸᬢᬸᬭᬶᬦ᭄᭞ᬧᬭᬶᬤᬩ᭄ᬤᬩ᭄ᬧ᭄ᬬᬦᬓ᭄ᬩᬧ᭞ᬫᬶᬯᬄᬧᬸᬢ᭄ᬭᬦ᭄ᬧᬵᬩ᭄ᬥᬸᬲᬫᬶ᭞ᬤᬶᬓᬸᬭᬸ
ᬓ᭄ᬱᬾᬢ᭄ᬭᬫᬗ᭄ᬓᬶᬦ᭄᭞ᬫᬶᬦᬩ᭄ᬲᬬᬕᬫᬢᭂᬫ᭄ᬧᬸᬃ᭞ᬫᭂᬦ᭄ᬳᬧᬧᬥᬕᬭᬧ᭞ᬲᬂᬲᬜ᭄ᬚᬬᬫᬢᬸᬭᬭᬶᬲ᭄᭞ᬥᬹᬄᬲᬂᬧ᭄ᬭᬪᬸ᭞ᬤᬸᬭᬸᬲᬶᬤᬾᬯᬫᬶᬬᬃᬱ᭟᭐᭟ᬲᬲᬵᬫ᭄ᬧᬸ
ᬦᬶᬤᬳᬶᬳᬦᬓ᭄᭞ᬲᬂᬤᬸᬃᬬ᭄ᬬᭀᬥᬦᬦᬾᬫᬗ᭄ᬓᬶᬦ᭄᭞ᬜᬶᬗᬓ᭄ᬧ᭄ᬭᬚᬸᬭᬶᬢ᭄ᬧᬵᬡ᭄ᬥᬯ᭞ᬲᬬᬕᬳᬗᬤᬸᬚᬸᬭᬶᬢ᭄᭞ᬭᬭᬶᬲᬶᬤᬧ᭄ᬤᭂᬓ᭄ᬢᬗ᭄ᬓᬶᬮ᭄᭞ᬭᬶᬗᬶᬤᬲᬂᬕᬸᬭᬸ
Auto-transliteration
[1 1B]
1
// oṅġawighnamāstu. 0. pupuḥsinom. 0. hinggiḥratupanĕmbahan, sangniwakangtir̀thaśuci, pangapusanpunar̀bhawa, hadwatyaningsañji
wani. hyangmahābharathal̥ĕwiḥ, rumagasangibuhasung, sayagatityangngatpada, ngastawanĕmbaḥsubhakti, ringhyangibu, pangruwatanduḥkajanma.
hugipangubhaktityangmringsangśrīwyaṣar̥ĕsyi, sangngawawamatājñana, sangwibhūḥbetelpangaksyi, satlawaningpadmasarī, nguripangdamar̀kawruḥ, mami
ñakmahābharata, newijilsakengr̥ĕsyi, dhūḥhyangagung, mugisamiyanrahar̀jja. 0. mangkinkawitkapidar̀tha, sangdr̥ĕṣṭarāṣṭrabhūpati, kayunengu
[2 2A]
sĕkbulisaḥ, reḥputrahidatanngiring, magijagatepaḥkaliḥ, sar̥ĕngringsangdhar̀mmasunu, sāmpunsinaḥmar̀ttosyuddha, manūtbawosśrīharimūr̀tti, sa
ngkannumus, mangkinidamawacana. 0. hudhūḥnanakṣangsañjaya, hiddayangbapatuturin, paridabdabpyanakbapa, miwaḥputranpābdhusami, dikuru
ksyetramangkin, minabsayagamatĕmpur̀, mĕnhapapadhagarapa, sangsañjayamaturaris, dhūḥsangprabhu, durusidewamiyar̀ṣa. 0. sasāmpu
nidahihanak, sangdur̀yyodhananemangkin, ñingakprajuritpāṇdhawa, sayagahangadujurit, rarisidapdĕktangkil, ringidasangguru
