Paparikan Malat 02
This page has been accessed 25,438 times.
Description
Bahasa Indonesia
English
Front and Back Covers
Leaf 1
᭑
[᭑ 1B]
᭚᭐᭚ᬤᬹᬃᬫ᭄ᬫ᭚᭐᭚ᬘᬭᬶᬢᬬᬂᬯᬾᬦ᭄ᬢᭂᬦ᭄ᬭᬢᬸᬧ᭄ᬢᬂᬦᬕᬭᬵ᭞ᬕᬕ᭄ᬮᬂᬲᬶᬗ᭄ᬳᬵᬲᬭᬶ᭞ᬤᭂᬳᬵᬫ᭄ᬯᬄᬓᭀᬭᬶᬧᬦ᭄᭞ᬲᬫᬶᬲᬵᬫ᭄ᬧᬸᬦ᭄ᬫᬧᬸᬢ᭄ᬭ᭞ᬭᬶᬂᬓᭀᬭᬶᬧᬦ᭄ᬓᬂᬓᬯᬃᬦᬶ᭞ᬫ
ᬧᬸᬢ᭄ᬭᬤᬤ᭄ᬯ᭞ᬦᬾᬤᬸᬳᬸᬭᬦ᭄ᬮᬦᬂᬧ᭄ᬓᬶᬓ᭄᭟ᬦᬾᬳᬮᬶᬢ᭄ᬳᬶᬲ᭄ᬢ᭄ᬭᬶᬳᬬᬸᬮ᭄ᬯᬶᬃᬳ᭄ᬬᬂᬭᬾᬓ᭞ᬓᬸᬓᬸᬦ᭄ᬥᬂᬤ᭄ᬯᬕᬸᬂᬧᬸᬢ᭄ᬭᬵᬤᬶ᭞ᬭᬶᬦᬕᬭᬤᭂᬳᬵ᭞ᬓᬧᬺᬦᬄᬳᬫᬶᬲᬦ᭄᭞ᬦᬗ᭄ᬳᬶᬂᬓ
ᬭᬶᬭᬭᬾᬲᬫᬶ᭞ᬲᬂᬭᬚᬵᬧᬸᬢ᭄ᬭ᭞ᬓᭀᬭᬶᬧᬦ᭄ᬘᬢ᭄ᬭᬦᬶᬂᬪᬹᬫᬶ᭟ᬦᬾᬭᬶᬂᬤᭂᬳᬫᬧᬸᬢ᭄ᬭᬓᬢ᭄ᬭᬶᬦᬶᬳᬶᬤᬵ᭞ᬦᬾᬧᬶᬦᬶᬄᬮᬸᬳᬸᬃᬳᬶᬲ᭄ᬢ᭄ᬭᬶ᭞ᬳᬬᬸᬯᬃᬡ᭄ᬦᬦ᭄ᬳᬶᬤᬵ᭞ᬤ᭄ᬯᬕᬸᬂᬧᬸᬢ᭄ᬭᬳᬮᬶ
ᬢᬦ᭄᭞ᬤ᭄ᬯᬬᬸᬳᬦᭀᬫ᭄ᬧᬮᬶᬂᬳᬮᬶᬢ᭄᭞ᬦᬾᬭᬶᬂᬕᬕ᭄ᬮᬂ᭞ᬧᬸᬢ᭄ᬭᬮᬦᬂᬲᬯᬶᬚᬶ᭟ᬲᬶᬗ᭄ᬳᬵᬲᬭᬶᬓᬭ᭄ᬯᬋᬓᬾᬧᬸᬢ᭄ᬭᬦ᭄ᬳᬶᬤᬵ᭞ᬮᬸᬳᬸᬃᬭᬦ᭄ᬳᬶᬲ᭄ᬢ᭄ᬭᬶᬍᬯᬶᬄ᭞ᬤ᭄ᬯᬬᬸᬭᬢᬸᬓ
[᭒ 2A]
ᬮᬸᬫ᭄ᬩ᭄ᬭᬄ᭞ᬮ᭄ᬯᬶᬃᬳ᭄ᬬᬂᬳ᭄ᬬᬂᬫᬦᬲᬶᬚᬵ᭞ᬦᬾᬳᬮᬶᬢᬦ᭄ᬮᬦᬂᬧ᭄ᬓᬶᬓ᭄᭞ᬫᬦᬶᬲ᭄ᬱ᭄ᬭᬗ᭄ᬕᬭᬵ᭞ᬧᬫᬸᬧᬸᬮᬦ᭄ᬫᬥᬸᬕᭂᬦ᭄ᬤᬶᬲ᭄᭟ᬮᬗ᭄ᬲᬶᬂᬮᬜ᭄ᬚᬃᬧᬫᬸᬮᬸᬫᬵᬲ᭄ᬧᬶᬦᬗ᭄ᬮᬶᬗᬦ᭄᭞ᬳᬗ᭄ᬕᬳᬗ᭄ᬭ
ᬦᬂᬭᬫ᭄ᬧᬶᬂ᭞ᬜᭂᬜᭂᬭᬶᬂᬘᬘᬶᬗᬓ᭄᭞ᬫᬦᬶᬲ᭄ᬳᬲᭂᬫ᭄ᬩᬃᬓᬶᬮᬂ᭞ᬓᬮᬸᬫ᭄ᬩ᭄ᬭᬄᬳᬶᬤ᭄ᬯᬕᬸᬂᬭᬳᬶ᭞ᬓᬸᬓᬸᬤ᭄ᬥᬂᬳᬶᬤᬵᬤ᭄ᬯᬬᬸᬳᬦᭀᬫ᭄ᬓᬤᬶᬭᬶ᭟ᬦᭂᬗᬓ᭄ᬦᬳᬕᬦ᭄ᬢ᭄ᬬᬦᬶᬂᬘᬶᬦᬭᬶᬢ᭞ᬭᬢᬸ
ᬳᬜᬓᬺᬯᬺᬢᬶ᭞ᬫᬗᭀᬘᬾᬢᬚᬕᬢ᭄᭞ᬫᬓᬘᬢ᭄ᬭᬦᬶᬂᬭᬢ᭄᭞ᬭᬶᬂᬲ᭄ᬯᬾᬮᬵᬓᬂᬦᬵᬕᬭᬶ᭞ᬧᬸᬧᬸᬢ᭄ᬩᬶᬲᬾᬓᬵ᭞ᬲᬂᬧ᭄ᬭᬪᬸᬧᬸᬲᭂᬃᬪᬹᬫᬶ᭟ᬧᬶᬢᬸᬂᬩᬗ᭄ᬲᬶᬢ᭄ᬭᬢᬸᬦᬾᬲᬸᬩᬓ
ᬚᬬᬵ᭞ᬯᬶᬪᬯᬵᬮᬶᬦ᭄ᬢᬂᬍᬯᬶᬄ᭞ᬳᬕᬸᬂᬫᬳᬸᬢᬫᬵ᭞ᬫᬧᬸᬢ᭄ᬭᬳᬶᬤ᭄ᬥᬤᬤ᭄ᬯ᭞ᬦᬾᬮᬸᬳᬸᬃᬳᬶᬲ᭄ᬢ᭄ᬭᬶᬍᬯᬶᬄ᭞ᬮᬦᬂᬳᬮᬶᬢᬦ᭄᭞ᬳᬶᬤ᭄ᬯᬕᬸᬂᬜᭂᬦᭂᬂᬧᬧᬰᬶᬄ᭟ᬦᬄᬳᬓᬾ
Auto-transliteration
1
[1 1B]
// 0 // dūr̀mma // 0 // caritayangwentĕnratuptangnagarā, gaglangsinghāsari, dĕhāmwaḥkoripan, samisāmpunmaputra, ringkoripankangkawar̀ni, ma
putradadwa, neduhuranlanangpkik. nehalit'histrihayulwir̀hyangreka, kukundhangdwagungputrādi, rinagaradĕhā, kapr̥ĕnaḥhamisan, nanghingka
riraresami, sangrajāputra, koripancatraningbhūmi. neringdĕhamaputrakatrinihidā, nepiniḥluhur̀histri, hayuwar̀ṇnanhidā, dwagungputrahali
tan, dwayuhanompalinghalit, neringgaglang, putralanangsawiji. singhāsarikarwar̥ĕkeputranhidā, luhur̀ranhistril̥ĕwiḥ, dwayuratuka
[2 2A]
lumbraḥ, lwir̀hyanghyangmanasijā, nehalitanlanangpkik, manisṣranggarā, pamupulanmadhugĕndis. langsinglañjar̀pamulumāspinanglingan, hanggahangra
nangramping, ñĕñĕringcacingak, manishasĕmbar̀kilang, kalumbraḥhidwagungrahi, kukuddhanghidādwayuhanomkadiri. nĕngaknahagantyaningcinarita, ratu
hañakr̥ĕwr̥ĕti, mangocetajagat, makacatraningrat, ringswelākangnāgari, puputbisekā, sangprabhupusĕr̀bhūmi. pitungbangsitratunesubaka
jayā, wibhawālintangl̥ĕwiḥ, hagungmahutamā, maputrahiddhadadwa, neluhur̀histril̥ĕwiḥ, lananghalitan, hidwagungñĕnĕngpapaśiḥ. naḥhake
