Paparikan Wiratha Parwa

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭛᭐᭛ᬒᬁᬅᬯᬶᬖ᭄ᬦᬫᬲ᭄ᬢᬸᬬᬦᬫᬲ᭄ᬯᬳᬵ᭛᭐᭛ᬧᬸᬧᬸᬄᬥᬹᬃᬫ᭄ᬫᬵ᭟᭐᭟ᬥᬹᬃᬦᬶᬫᬶᬢ᭄ᬢᬘᬭᬶᬢᬫᬢᭂᬫ᭄ᬩᬂᬤᬹᬃᬫ᭄ᬫᬵ᭞ᬳᬗ᭄ᬕᬾᬦ᭄ᬫᬫᬹᬃᬡ᭄ᬦᬬᬂᬳᬢᬶ᭞ᬲᭂᬥᭂᬂᬉᬢ᭄ᬢᬫᬬᬂ᭞ᬤᬾᬦᬶᬂᬘᬭᬶᬢᬦᬾᬯ ᬬᬄ᭞ᬳᬗ᭄ᬕᬾᬦ᭄ᬜᬮᬶᬫᬸᬭᬂᬲᭂᬥᬶᬄ᭞ᬤᬾᬦᬶᬂᬉᬢ᭄ᬢᬫᬵ᭞ᬧᬓᬃᬬ᭄ᬬᬦ᭄ᬲᬂᬋᬱᬶᬍᬯᬶᬄ᭟ᬓᬲᬸᬫ᭄ᬩᬸᬂᬫᬧᭂᬲᬾᬗᬦ᭄ᬪᬕᬯᬵᬦ᭄ᬩ᭄ᬬᬱᬵ᭞ᬧᬸᬢ᭄ᬭᬦ᭄ᬲᬂᬲᬸᬚᬦᬕᬡ᭄ᬥᬶ᭞ᬫᬶᬯᬄᬧᬭᬲᬭᬵ᭞ᬳᬸᬭᬸᬳᬶᬂ ᬘᬢᬹᬃᬯᬾᬤ᭄ᬥᬵ᭞ᬜ᭄ᬚᬬᬘᬭᬶᬢᬦᬾᬲᬫᬶ᭞ᬧ᭄ᬮᬸᬓᬸᬢᬸᬲ᭄ᬧᬃᬯ᭄ᬯᬵ᭞ᬢᬸᬢᬸᬭᬦ᭄ᬳᬸᬢ᭄ᬢᬫᬲᬫᬶ᭟ᬳᬲᬶᬂᬢᭂᬍᬩ᭄ᬫᬫᬶᬋᬗᬂᬢᬸᬢᬸᬃᬧᬃᬯ᭄ᬯ᭞ᬗ᭄ᬕᬯᬾᬦᬂᬧᬹᬃᬡ᭄ᬦᬦᬶᬂᬳᬢᬶ᭞ᬮᬸᬧᬸᬢ᭄ᬧᬧᬓᬃᬫ᭄ᬫᬵ᭞ᬳᬲᬶᬂᬕᬯᬾᬓᬲᬶ ᬤ᭄ᬥᬦ᭄᭞ᬧ᭄ᬬᬦᬓ᭄ᬘᬸᬘᬸᬲᬫᬶᬯᬺᬤ᭄ᬥᬶ᭞ᬓᬶᬦᬲᬶᬳᬦ᭄ᬚᬕᬢ᭄᭞ᬓᬥᬂᬩ᭄ᬭᬬᬳᬰᬶᬄᬲᬫᬶ᭟ᬧᬹᬃᬯ᭄ᬯᬦᬶᬂᬘᬭᬶᬢᬵᬓᭀᬘᬧ᭄‌ᬯᬶᬭᬢᬧᬃᬯ᭄ᬯ᭞ᬤᬯᭂᬕ᭄ᬲᬂᬧᬡ᭄ᬥᬯᬜᬶᬮᬶᬩ᭄᭞ᬫᬗᭂᬲᬾᬳᬶᬦ᭄ᬕᭀᬩ᭞ᬜ [᭒ 2A] ᬥ᭄ᬬᬜᬶᬮᬶᬩ᭄ᬫᬫᬋᬓᬦ᭄᭞ᬭᬶᬂᬳᬶᬤᬵᬲᬂᬭᬢᬸᬍᬯᬶᬄ᭞ᬧ᭄ᬭᬪᬹᬯᬶᬭᬣᬵ᭞ᬧᬭᬩ᭄ᬳᬶᬤᬵᬫᬵᬓ᭄ᬱ᭄ᬬᬧᬢᬶ᭟ᬥᬃᬫ᭄ᬫᬯᬗ᭄ᬰᬧᬦ᭄ᬢᭂᬲ᭄ᬫᬭᬸᬧᬵᬧᬡ᭄ᬥᬶᬢ᭞ᬲᬂᬤ᭄ᬯᬶᬚᬓᬗ᭄ᬓᬵᬓᬧᬸᬚᬶ᭞ᬢ᭄ᬯᬭᬢᬳᬾᬦ᭄ᬧᬲᬄ ᬭᬶᬳᬚᭂᬂᬲᬂᬦᬭᬦᬵᬣᬵ᭞ᬫᬗ᭄ᬭᬯᭀᬲ᭄ᬫᬗᬸᬮᬂᬳᬸᬮᬶᬄ᭞ᬗ᭄ᬭᬯᭀᬲᬂᬚᬕᬢ᭄᭞ᬜᬮᬦᬂᬳᬸᬘᬧᬶᬗ᭄ᬳᬚᬶ᭟ᬲᬂᬪᬷᬫ᭄ᬫᬧᬦ᭄ᬢᭂᬲ᭄ᬫᬭᬸᬧᬵᬩᬮᬯᬵ᭞ᬚᬸᬭᬸᬳᭀᬮᬄᬰ᭄ᬭᬶᬪᬸᬧᬢᬶ᭞ᬩᬶᬲᬫᬗ᭄ᬕᬯᬾᬦᬂ ᭞ᬫᬗ᭄ᬤᬾᬓᬾᬦᬓ᭄ᬲᬂᬦᬵᬣ᭞ᬢᬦ᭄ᬫᬭᬶᬓᬕᬯᬾᬦᬶᬦ᭄᭞ᬲᬂᬥᬦᬜ᭄ᬚᬬ᭞ᬳᬲᬶᬦ᭄ᬫᬭᬸᬧᬵᬩᬜ᭄ᬘᬶᬄ᭟ᬦᬾᬓᬳᬸᬘᬧ᭄ᬫᬳᬤᬓ᭄ᬓᭂᬤᬶᬯᬺᬦ᭄ᬦᬮᬵ᭞ᬗᬗ᭄ᬓᭂᬦ᭄ᬧᬋᬓᬦ᭄ᬤ᭄ᬭᬸᬧᬥᬶ᭞ᬯ᭄ᬭᬸᬄᬫᬲᬰ᭄ᬭᬫᬦ᭄᭞ᬗᬸᬭᬸ ᬓ᭄ᬯᬢᭂᬓ᭄ᬲᬭᬵᬚ᭄ᬬ᭞ᬫᬓᬤᬶᬤ᭄ᬬᬄᬉᬢ᭄ᬢᬭᬶ᭞ᬫᬗ᭄ᬓᬶᬦ᭄ᬓᬳᬾᬫᬦ᭄᭞ᬤᬾᬦᬶᬂᬲᬂᬫᬓ᭄ᬱ᭄ᬬᬧᬢᬶ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬢᬶᬗ᭄ᬓᬳᬾᬲᬂᬥᬦᬜ᭄ᬚᬬ᭞ᬕᬸᬫᬦ᭄ᬢᬶᬲᬂᬤ᭄ᬭᬸᬧᬥᬶ᭞ᬢᭂᬓᬫᬕᬫ᭄ᬩᬳᬦ᭄᭞ᬲᭀᬮᬄᬢᬶ

Auto-transliteration

[1 1B] 1 /// 0 /// oṁawighnamastuyanamaswahā /// 0 /// pupuḥdhūr̀mmā. 0. dhūr̀nimittacaritamatĕmbangdūr̀mmā, hanggenmamūr̀ṇnayanghati, sĕdhĕnguttamayang, deningcaritanewa yaḥ, hanggenñalimurangsĕdhiḥ, deninguttamā, pakar̀yyansangr̥ĕsyil̥ĕwiḥ. kasumbungmapĕsenganbhagawānbyasyā, putransangsujanagaṇdhi, miwaḥparasarā, huruhing catūr̀weddhā, ñjayacaritanesami, plukutuspar̀wwā, tuturanhuttamasami. hasingtĕl̥ĕbmamir̥ĕngangtutur̀par̀wwa, nggawenangpūr̀ṇnaninghati, luputpapakar̀mmā, hasinggawekasi ddhan, pyanakcucusamiwr̥ĕddhi, kinasihanjagat, kadhangbrayahaśiḥsami. pūr̀wwaningcaritākocapwiratapar̀wwa, dawĕgsangpaṇdhawañilib, mangĕsehin'goba, ña [2 2A] dhyañilibmamar̥ĕkan, ringhidāsangratul̥ĕwiḥ, prabhūwirathā, parab'hidāmākṣyapati. dhar̀mmawangśapantĕsmarupāpaṇdhita, sangdwijakangkākapuji, twaratahenpasaḥ rihajĕngsangnaranāthā, mangrawosmangulanghuliḥ, ngrawosangjagat, ñalananghucapinghaji. sangbhīmmapantĕsmarupābalawā, juruholaḥśribhupati, bisamanggawenang , mangdekenaksangnātha, tanmarikagawenin, sangdhanañjaya, hasinmarupābañciḥ. nekahucapmahadakkĕdiwr̥ĕnnalā, ngangkĕnpar̥ĕkandrupadhi, wruḥmasaśraman, nguru kwatĕksarājya, makadidyaḥuttari, mangkinkaheman, deningsangmakṣyapati. sāmpunpuputtingkahesangdhanañjaya, gumantisangdrupadhi, tĕkamagambahan, solaḥti

Leaf 2

Image on Archive.org

[᭒ 2B] ᭒ ᬗ᭄ᬓᬄᬧᬋᬓᬦ᭄᭞ᬲᬶᬜ᭄ᬚᬂᬲᭂᬍᬫ᭄ᬯᬶᬚᬶᬮ᭄ᬚᬯᬶ᭞ᬯᬕᭂᬤ᭄‌ᬗ᭄ᬭᬘᬶᬓᬂ᭞ᬳᭀᬤᬓᬾᬲᬦᬾᬫᬶᬳᬶᬓ᭄᭟ᬓᬧᬶᬳᬦ᭄ᬤᭂᬮ᭄ᬤᬾᬦᬶᬭᬤ᭄ᬬᬄᬲᬸᬥᬾᬱ᭄ᬡᬵ᭞ᬭᬩᬶᬫᬋᬧ᭄ᬫᬓ᭄ᬱ᭄ᬬᬧᬢᬶ᭞ᬢᭂᬓᬲᬂᬦᬓᬸ ᬮᬵ᭞ᬧᬋᬓ᭄ᬭᬶᬂᬦᬭᬦᬵᬣ᭞ᬫᬗᬸᬦᬶᬗᬂᬳᬯᬓᬾᬭᬶᬭᬶᬄ᭞ᬗᬸᬭᬸᬓᬂᬚᬭᬦ᭄᭞ᬘᭂᬧᭂᬢ᭄ᬭᬶᬭᬶᬄᬫᬗᭀᬋᬕᬶᬦ᭄᭟ᬧᭂᬘᬓ᭄ᬧᬋᬓᬦ᭄ᬳᬶᬤᬵᬲᬂᬥᬃᬫ᭄ᬫᬯᬗ᭄ᬰᬵ᭞ᬓᬧᬶᬳᬦ᭄ᬤᭂᬮ᭄ᬫᬗᭀᬋᬕᬶᬦ᭄᭞ᬫᬤᬦ᭄ᬲᬂ ᬕ᭄ᬭᬦ᭄ᬢᬶᬓᬵ᭞ᬲᬂᬧ᭄ᬭᬪᬸᬮᬶᬦ᭄ᬢᬂᬓᬾᬦᬓ᭄᭞ᬲᬂᬲᬤᬾᬯᬵᬭᬯᬸᬄᬫᬗ᭄ᬓᬶᬦ᭄᭞ᬧᬦ᭄ᬢᭂᬲ᭄ᬲᭀᬮᬳᬾ᭞ᬧᬋᬓ᭄ᬭᬶᬂᬲᬂᬫᬓ᭄ᬱ᭄ᬬᬧᬢᬶ᭟ᬗᬸᬦᬶᬗᬂᬧᭂᬘᬓ᭄ᬧᬋᬓᬦ᭄ᬥᬃᬫ᭄ᬫᬯᬗ᭄ᬰᬵ᭞ᬚᬸᬭᬸᬗᬗᭀᬦ᭄‌ᬍᬫ᭄ᬩᬸᬗᬸᬦᬶ᭞ ᬫᬤᬦ᭄ᬕ᭄ᬭᬦ᭄ᬢᬶᬨᬮᬵ᭞ᬲᬸᬓᬵᬳᬶᬤᬲᬂᬦᬵᬣ᭞ᬫᬶᬋᬗᬂᬳᬢᬸᬭᬾᬲᬫᬶ᭞ᬧᬥᬗᬢᬸᬭᬂ᭞ᬍᬯᬶᬄᬕᬕᬶᬦᬦᬾᬲᬫᬶ᭟ᬧᬶᬭᬓᬸᬦᬂᬮᬯᬲ᭄ᬳᬤᬵᬲᬂᬧᬡ᭄ᬥᬯᬵ᭞ᬧᬕᭂᬄᬯᬶᬭᬣᬪᬸᬫᬶ᭞ᬯᬢᬭᬧᬢ᭄ᬩᬸᬮ [᭓ 3A] ᬦ᭄᭞ᬫᬋᬓᬦ᭄ᬭᬶᬂᬯᬶᬭᬣ᭞ᬲᬂᬧ᭄ᬭᬪᬸᬳᬶᬤᬦᬾᬫᬗ᭄ᬓᬶᬦ᭄᭞ᬳᬲᬸᬂᬤᭀᬚᬦ᭞ᬭᬶᬂᬳᬶᬤᬲᬂᬋᬱᬶᬲᬫᬶ᭟ᬲᬫ᭄ᬧᬸᬦ᭄ᬧ᭄ᬭᬕᬢ᭄ᬳᬦ᭄ᬢᬸᬓ᭄ᬳᬶᬤᬵᬇᬘᬵᬥᬦ᭞ᬧᬗᬗ᭄ᬕᭀᬦᬾᬯᬲ᭄ᬢ᭄ᬭᬧᬸᬢᬶᬄ᭞ᬢᬸᬫᬸᬮᬶᬢᬲᬶᬭᬵ᭞ ᬫᬗᬤᬬᬂᬧᬧᬼᬗ᭄ᬓᬸᬗᬦ᭄᭞ᬯᬢᭂᬓ᭄ᬢᭂᬕᬸᬳᬾᬗᬸᬦᬶ᭞ᬓᬺᬂᬫᬚᬕᬸᬭᬦ᭄᭞ᬫᬚᬸᬓ᭄ᬚᬸᬓᬦ᭄ᬲᬮᬶᬂᬧᬦ᭄ᬢᬶᬕ᭄᭟ᬳᬦᬸᬮᬶᬢᭂᬓᬵᬕᭀᬩᬦᬾᬓᬪᬶᬦᬯᬵ᭞ᬕᭂᬥᬾᬮᬡ᭄ᬥᬸᬗᬾᬢᬦ᭄ᬲᬶᬦᬶᬧᬶ᭞ᬫ ᬳᬤᬦ᭄ᬲᬂᬫᬮᭀᬤ᭄ᬜᬵ᭞ᬳᬤᭂᬚᬾᬳᬸᬮᬶᬓᬲ᭄‌᭞ᬧᬋᬓ᭄ᬭᬶᬂᬲᬂᬫᬓ᭄ᬱ᭄ᬬᬧᬢᬶ᭞ᬕᬢᬶᬫᬦᬸᬦᬲ᭄᭞ᬫᬢᬸᬗ᭄ᬕᬮᬦ᭄ᬢᬦ᭄ᬤᬶᬂᬚᬸᬭᬶᬢ᭄᭟ᬢᭀᬲᬶᬂᬳᬤᬩᬦᬶᬗ᭄ᬮᬯᬦ᭄ᬫᬢᬸᬗ᭄ᬕᬮᬦ᭄᭞ᬦᬡ᭄ᬥᬶᬗᬶᬦ᭄ᬫᬮᭀᬤ᭄ᬜ ᬧᬢᬶ᭞ᬤᬾᬦᬶᬂᬳᬸᬮᬶᬲᬸᬩ᭞ᬫᬗᬲᭀᬭᬂᬰᬢ᭄ᬭᬸᬥᬶᬭ᭞ᬤᬾᬦᬶᬂᬢᭂᬕᬸᬄᬢᬦ᭄ᬲᬶᬦᬶᬧᬶ᭞ᬧ᭄ᬭᬪᬸᬯᬶᬭᬣᬵ᭞ᬩᭂᬗᭀᬂᬳᬶᬤᬢᬦ᭄ᬜᬯᬸᬭᬶᬦ᭄᭟ᬳᬶᬤᬲᬂᬥᬃᬫ᭄ᬫᬯᬗ᭄ᬰᬵᬳᬾᬯᬢᬸᬫᬶᬗ᭄ᬳᬮ᭄᭞ᬢᬶᬗ᭄ᬓ

Auto-transliteration

[2 2B] 2 ngkaḥpar̥ĕkan, siñjangsĕl̥ĕmwijiljawi, wagĕdngracikang, hodakesanemihik. kapihandĕldeniradyaḥsudheṣṇā, rabimar̥ĕpmakṣyapati, tĕkasangnaku lā, par̥ĕkringnaranātha, manguninganghawakeririḥ, ngurukangjaran, cĕpĕtririḥmangor̥ĕgin. pĕcakpar̥ĕkanhidāsangdhar̀mmawangśā, kapihandĕlmangor̥ĕgin, madansang grantikā, sangprabhulintangkenak, sangsadewārawuḥmangkin, pantĕssolahe, par̥ĕkringsangmakṣyapati. nguningangpĕcakpar̥ĕkandhar̀mmawangśā, jurungangonl̥ĕmbunguni, madan'grantiphalā, sukāhidasangnātha, mir̥ĕnganghaturesami, padhangaturang, l̥ĕwiḥgaginanesami. pirakunanglawashadāsangpaṇdhawā, pagĕḥwirathabhumi, watarapatbula [3 3A] n, mar̥ĕkanringwiratha, sangprabhuhidanemangkin, hasungdojana, ringhidasangr̥ĕsyisami. sampunpragat'hantuk'hidā'icādhana, panganggonewastraputiḥ, tumulitasirā, mangadayangpapl̥ĕngkungan, watĕktĕguhenguni, kr̥ĕngmajaguran, majukjukansalingpantig. hanulitĕkāgobanekabhinawā, gĕdhelaṇdhungetansinipi, ma hadansangmalodñā, hadĕjehulikas, par̥ĕkringsangmakṣyapati, gatimanunas, matunggalantandingjurit. tosinghadabaninglawanmatunggalan, naṇdhinginmalodña pati, deninghulisuba, mangasorangśatrudhira, deningtĕguḥtansinipi, prabhuwirathā, bĕngonghidatanñawurin. hidasangdhar̀mmawangśāhewatuminghal, tingka

Leaf 3

Image on Archive.org

[᭓ 3B] ᭓ ᬳᬾᬫᬮᭀᬤ᭄ᬜᬢᬸᬯᬶ᭞ᬫᬢᬸᬭᬶᬲᬂᬦᬵᬣ᭞ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬗᭂᬮᬄ᭞ᬚᬦ᭄ᬫᬧᬘᬂᬦᬡ᭄ᬥᬶᬗᬶᬦ᭄᭞ᬫᬭᬚᬫᬮ᭞ᬦᬾᬓᬲᬸᬫ᭄ᬩᬸᬂᬓᬲᬸᬩ᭄ᬰᬓ᭄ᬢᬶ᭞ᬲᬦᬾᬦ᭄ᬤᬶᬓᬬᬂᬳᬶᬤᬾᬯᬚᬸᬭᬸᬳᭀᬮᬄ᭞ ᬫᬸᬮᬤᭂᬫᭂᬦ᭄ᬲᬓᬶᬂᬗᬸᬦᬶ᭞ᬫᬘᬡ᭄ᬥᬘᬡ᭄ᬥᬬᬦ᭄᭞ᬫᬳᬤᬦ᭄ᬲᬂᬩᬮᬯᬵ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬭᬶᬲ᭄᭞ᬘᬳᬶᬩᬮᬯᬵ᭞ᬢᬸᬯᬶᬩᬧᬵᬦᬸᬦ᭄ᬤᬾᬦ᭄ᬘᬳᬶ᭟ᬫᬢᬡ᭄ᬥᬶᬗᬦ᭄ᬫᬢᬦ᭄ᬓᭂᬧᬶᬦ᭄ᬲᬂᬫᬮᭀᬤ᭄ᬜ᭞ᬲᬂᬩᬮ ᬯᬵᬮᬲ᭄ᬫᬗᬶᬭᬶᬂ᭞ᬕᬶᬮᬶᬲ᭄ᬓᬩᬜ᭄ᬘᬶᬗᬄ᭞ᬦᬗ᭄ᬓᭂᬧᬶᬦ᭄ᬲᬂᬫᬮᭀᬤ᭄ᬜ᭞ᬲ᭄ᬬᬢᬾᬢ᭄ᬯᬭᬕᬶᬕᬶᬲᬶᬦ᭄᭞ᬧᬥᬍᬕᬯᬵ᭞ᬲᬮᬶᬂᬚᭂᬓ᭄ᬚᭂᬓ᭄ᬲᬮᬶᬂᬧᬦ᭄ᬢᬶᬕ᭄᭟ᬦᬸᬮᬶᬓᬲᭀᬃᬧᬢᬗ᭄ᬓᭂᬧᬾᬲᬂᬩᬮᬯᬵ᭞ᬓᬲᬯᬸᬧ᭄ ᬚᭂᬫᬓ᭄ᬓᬧᬦ᭄ᬢᬶᬂ᭞ᬓᬢᬶᬩᬭᬶᬂᬍᬫᬄ᭞ᬲᬂᬩᬮᬯᬵᬫᬳᬗ᭄ᬲᭂᬕᬦ᭄‌᭞ᬤᬤᬶᬳᭂᬦᭂᬓ᭄ᬳᬶᬓᬸᬂᬳᬢᬶ᭞ᬩᬮᬵᬫᬮᭀᬤ᭄ᬜ᭞ᬫᬩ᭄ᬭᬶᬬᬸᬓ᭄ᬫᬜᬸᬭ᭄ᬬᬓᬶᬦ᭄᭟ᬦ᭄ᬤᬢᬦᬲᬸᬯᬾᬓᬍᬗᭂᬃᬲᬂᬩᬮᬯᬵ᭞ᬩᬗᬸᬦ᭄ᬳ [᭔ 4A] ᬦᬸᬮᬶᬦᬸᬤᬶᬂ᭞ᬓᭀᬂᬓᬶᬢᬫᬮᭀᬤ᭄ᬜ᭞ᬳ᭄ᬥᬘᬕᭂᬃᬳᬶᬤᬜᬯᬸᬧᬂ᭞ᬧᬫᭂᬦᬂᬳᬶᬩᬦᬾᬚᬦᬶ᭞ᬧᬥᬳᬸᬫᬭ᭞ᬫᬗᬤᬸᬯᬂᬓᬯᬦᬶᬦ᭄᭟ᬲᬂᬫᬮᭀᬚ᭄ᬜᬳᬾᬕᬃᬫᬦᬄᬢᬦ᭄ᬲᬗ᭄ᬲᬬᬵ᭞ᬫᬦ᭄ᬤᭂᬮ᭄ᬳᬯᬓᬾ ᬰᬓ᭄ᬢᬶ᭞ᬦᬸᬮᬶᬲᬂᬩᬮᬯᬵ᭞ᬩᬭᬶᬗᬸᬢᬦ᭄ᬗᬸᬲᬧ᭄ᬢᬦᬄ᭞ᬓᬲᬯᬸᬧ᭄ᬲᬸᬓᬸᬦᬾᬓᬮᬶᬄ᭞ᬲᬂᬧ᭄ᬭᬪᬸᬫᬮ᭞ᬫᬜᬸᬫ᭄ᬧ᭄ᬭᬶᬢ᭄ᬢᬶᬩᬭᬶᬂᬲᬶᬢᬶ᭟ᬥᭂᬓ᭄ᬥᭂᬓ᭄ᬫᬲ᭄ᬢᬓᬦ᭄ᬬᬧᭀᬮᭀᬦᬾᬲᬸᬫᬶᬭᬢ᭄᭞ᬫᬢᬧᭂᬮᬸᬤ᭄ᬫᬓᬓᬵ ᬮᬶᬄ᭞ᬕᭂᬢᬶᬄᬧᭂᬲᬸᬲᬫ᭄ᬩ᭄ᬭᬕ᭄᭞ᬕᭂᬭᭀᬓ᭄ᬕᭂᬭᭀᬓ᭄ᬧᭂᬲᬸᬳᬗ᭄ᬓ᭄ᬬᬦ᭄᭞ᬗᭂᬮᬸᬃᬧᬫᭂᬓᬲᬶᬂᬳᬸᬭᬶᬧ᭄᭞ᬳᬸᬬᬂᬫᬸᬮᬶᬲᬄ᭞ᬜᬍᬫ᭄ᬧᬄᬢᬸᬫᬸᬮᬶᬫᬢᬶ᭟ᬕᬯᭀᬓ᭄ᬢᬸᬫᬶᬗ᭄ᬳᬮ᭄ᬲᬯᭂᬢᭂᬓᬶᬂᬯᬶᬭᬣ᭞ᬗᬢᭀᬦᬂ ᬫᬮᭀᬚ᭄ᬜᬫᬢᬶ᭞ᬤᬾᬦᬶᬂᬲᬂᬩᬮᬯᬵ᭞ᬲᬂᬧ᭄ᬭᬪᬸᬮᬶᬦ᭄ᬢᬂᬳᬾᬕᬃ᭞ᬜᬶᬗᬓ᭄ᬲᬂᬫᬮᭀᬚ᭄ᬜᬫᬢᬶ᭞ᬩᬮᬯᬵᬲᬶᬭ᭞ᬫᬓᬲᬶᬦᭀᬫᬦᬶᬂᬳᬢᬶ᭟᭐᭟ᬧᬸᬧᬸᬄᬲᬶᬦᭀᬫ᭄᭟ᬧᬶᬭᬂᬤᬶᬦᬮ

Auto-transliteration

[3 3B] 3 hemalodñatuwi, maturisangnātha, hinggiḥratutityangngĕlaḥ, janmapacangnaṇdhingin, marajamala, nekasumbungkasubśakti, sanendikayanghidewajuruholaḥ, muladĕmĕnsakingnguni, macaṇdhacaṇdhayan, mahadansangbalawā, sangprabhungandikāris, cahibalawā, tuwibapānundencahi. mataṇdhinganmatankĕpinsangmalodña, sangbala wālasmangiring, giliskabañcingaḥ, nangkĕpinsangmalodña, syatetwaragigisin, padhal̥ĕgawā, salingjĕkjĕksalingpantig. nulikasor̀patangkĕpesangbalawā, kasawup jĕmakkapanting, katibaringl̥ĕmaḥ, sangbalawāmahangsĕgan, dadihĕnĕk'hikunghati, balāmalodña, mabriyukmañuryakin. ndatanasuwekal̥ĕngĕr̀sangbalawā, bangunha [4 4A] nulinuding, kongkitamalodña, hdhacagĕr̀hidañawupang, pamĕnanghibanejani, padhahumara, mangaduwangkawanin. sangmalojñahegar̀manaḥtansangsayā, mandĕlhawake śakti, nulisangbalawā, baringutanngusaptanaḥ, kasawupsukunekaliḥ, sangprabhumala, mañumprittibaringsiti. dhĕkdhĕkmastakanyapolonesumirat, matapĕludmakakā liḥ, gĕtiḥpĕsusambrag, gĕrokgĕrokpĕsuhangkyan, ngĕlur̀pamĕkasinghurip, huyangmulisaḥ, ñal̥ĕmpaḥtumulimati. gawoktuminghalsawĕtĕkingwiratha, ngatonang malojñamati, deningsangbalawā, sangprabhulintanghegar̀, ñingaksangmalojñamati, balawāsira, makasinomaninghati. 0. pupuḥsinom. pirangdinala

Leaf 4

Image on Archive.org

[᭔ 4B] ᭔ ᬯᬲ᭄ᬦᬶᬭᬵ᭞ᬲᬂᬩᬮᬯᬵᬗᭂᬡ᭄ᬥᬓ᭄ᬚᬸᬭᬶᬢ᭄᭞ᬫᬗᬲᭀᬭᬂᬤᬾᬰᬫᬮ᭞ᬫᬯᭂᬯᭂᬄᬰᬶᬄᬫᬓ᭄ᬱ᭄ᬬᬧᬢᬶ᭞ᬗᬾᬫᬦ᭄ᬲᬂᬩᬮᬯᬵᬫᬗ᭄ᬓᬶᬦ᭄᭞ᬓᬶᬘᬾᬦ᭄ᬯᬲ᭄ᬢ᭄ᬭᬮᬸᬳᬸᬂᬮᬸᬳᬸᬂ᭞ᬫᬲ᭄ᬫᬡᬶᬓ᭄ᬭᬚ᭄ᬬᬫᬸᬮ᭄ᬬᬵ᭞ᬳᬲᬶᬂ ᬧᬗᬗ᭄ᬕᭀᬦᬾᬍᬯᬶᬄ᭞ᬤᬾᬦᬶᬂᬓᬲᬸᬩ᭄᭞ᬓᬓᬺᬗᬦᬾᬭᬶᬂᬧᬬᬸᬤ᭄ᬥᬦ᭄᭟ᬢᭀᬲᬶᬂᬳᬤᬩᬦᬶᬫᬧᬲ᭄᭞ᬲᬂᬩᬮᬯᬵᬗᭂᬡ᭄ᬥᬓ᭄ᬚᬸᬭᬶᬢ᭄᭞ᬲᬯᭀᬗᬶᬂᬯᬶᬭᬣᬫᬗ᭄ᬓᭀ᭞ᬲᬓ᭄ᬯᬾᬳᬶᬂᬩᬸᬭᭀᬦ᭄ᬳᭂ ᬦ᭄ᬢᬶ᭞ᬲᬶᬗ᭄ᬳᬵᬩᬭ᭄ᬯᬂᬯᬭᬓ᭄ᬳᬲ᭄ᬢᬶ᭞ᬲᬫᬶᬢᭂᬮᬲ᭄ᬧᬥᬦᬸᬗ᭄ᬓᬸᬮ᭄᭞ᬓᬭᬡᬧ᭄ᬭᬪᬸᬯᬶᬭᬣ᭞ᬫᬯᭂᬯᭂᬄᬭᬶᬗ᭄ᬳᬢᬶ᭞ᬲᬸᬓᬵᬢᬸᬳᬸ᭞ᬓᬧᬶᬳᬡ᭄ᬥᭂᬮ᭄ᬲᬂᬩᬮᬯᬵ᭟ᬤᬰᬩᬸᬮᬦ᭄ᬢᬸᬯᬸᬄᬳᬶᬤ᭞ᬲᬂᬧ ᬡ᭄ᬥᬯᬦᬾᬫᬦᬶᬮᬶᬩ᭄᭞ᬫᬫᬋᬓᬦ᭄ᬭᬶᬂᬯᬶᬭᬣ᭞ᬲᬂᬤ᭄ᬭᬸᬧᬥᬶᬦᬾᬓᬧᬸᬚᬶ᭞ᬚᭂᬕᬾᬕ᭄ᬕᬾᬦᭀᬭᬫᬤᬦᬶᬦ᭄᭞ᬲᭀᬮᬳᬾᬗ᭄ᬕᬯᬾᬳᬸᬮᬗᬸᬦ᭄᭞ᬲᬯᬢᭂᬓᬶᬂᬯᬶᬭᬣᬵ᭞ᬕᬯᭀᬓ᭄ᬗᬦ᭄ᬢᭂᬦᬂᬲᬶ [᭕ 5A] ᬮᬦ᭄ᬤ᭄ᬭᬶ᭞ᬢᬸᬯᬶᬓᬲᬸᬩ᭄᭞ᬯᬃᬡ᭄ᬦᬦᬾᬓᬤᬶᬳ᭄ᬬᬂᬯᬸᬮᬦ᭄᭟ᬢᬸᬯᬶᬳᬶᬧᬢᬶᬄᬘᬘᬓᬵ᭞ᬕᬯᭀᬓ᭄ᬗᬢᭀᬦᬂᬲᬶᬮᬦ᭄ᬤ᭄ᬭᬶ᭞ᬫᬫᬸᬮᬶᬲᬄᬩᭂᬗᭀᬂᬩᭂᬗᭀᬂ᭞ᬕᬥᬓ᭄ᬳᬸᬬᬂᬩᬸᬤᬸᬄᬧᬮᬶᬂ᭞ᬫᬗ ᬢᭀᬦᬂᬲᬶᬮᬦ᭄ᬤ᭄ᬭᬶ᭞ᬢ᭄ᬯᬭᬚᭂᬦᭂᬓ᭄‌ᬬᬫᬮᬸᬗ᭄ᬕᬸᬄ᭞ᬤᬾᬦᬶᬂᬩ᭄ᬯᬢ᭄ᬓᬲ᭄ᬫᬭᬦ᭄᭞ᬤᬤᬶᬬᬧᬋᬓᬧᬸᬭᬶ᭞ᬮᬯᬸᬢ᭄ᬫᬢᬸᬃ᭞ᬭᬶᬂᬳᬶᬤᬲᬂᬤ᭄ᬬᬄᬲᬸᬥᬾᬱ᭄ᬡᬵ᭟ᬳᬢᬸᬭᬾᬳᬗ᭄ᬮᬤ᭄ᬧ᭄ᬭᬡᬵ᭞ᬲᬯᬂᬓᭂᬜᭂᬫ᭄ᬕᬸᬬᬸᬫ ᬦᬶᬲ᭄᭞ᬢᬦ᭄ᬫᬭᬶᬳᬗᬮᬧ᭄ᬓᬲᭀᬃ᭞ᬇᬗ᭄ᬕᬶᬄᬭᬢᬸᬭᬵᬚᬧᬸᬢ᭄ᬭᬶ᭞ᬦᬸᬦᬲᬸᬕ᭄ᬭᬦᬾᬭᬶᬳᬶᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬭᬶᬂᬳᬶᬭᬢᬸ᭞ᬧᬜ᭄ᬚ᭄ᬭᭀᬯᬦ᭄ᬘᭀᬓᭀᬃᬳᬶᬤᬾᬯ᭞ᬦᬾᬫᬯᬲ᭄ᬢᬳᬶᬲᬸᬮᬦ᭄ᬤ᭄ᬭᬶ᭞ᬤᬾᬦᬶᬂᬓ ᬲᬸᬩ᭄᭞ᬳᬬᬸᬦᬾᬢ᭄ᬯᬭᬵᬤᬧᬥᬵ᭟ᬲᬂᬲᬸᬥᬾᬱ᭄ᬡᬵᬲᬫ᭄ᬧᬸᬦ᭄ᬮᬸᬕ᭄ᬭ᭞ᬲᬂᬘᬘᬓᬫᬫᬸᬜᬶᬫᬦᬶᬲ᭄᭞ᬫᬗ᭄ᬭᬸᬫ᭄ᬭᬸᬫ᭄ᬲᬂᬲᬸᬮᬦ᭄ᬤ᭄ᬭ᭄ᬬᬵ᭞ᬇᬗ᭄ᬕᬶᬄᬤᬾᬯᬲᬦᬾᬫᬗ᭄ᬓᬶᬦ᭄᭞ᬫᬦᬸᬦᬲ᭄ᬭᬶᬂᬳᬶᬫᬡᬶᬓ᭄᭞ᬢᬶ

Auto-transliteration

[4 4B] 4 wasnirā, sangbalawāngĕṇdhakjurit, mangasorangdeśamala, mawĕwĕḥśiḥmakṣyapati, ngemansangbalawāmangkin, kicenwastraluhungluhung, masmaṇikrajyamulyā, hasing panganggonel̥ĕwiḥ, deningkasub, kakr̥ĕnganeringpayuddhan. tosinghadabanimapas, sangbalawāngĕṇdhakjurit, sawongingwirathamangko, sakwehingburonhĕ nti, singhābarwangwarak'hasti, samitĕlaspadhanungkul, karaṇaprabhuwiratha, mawĕwĕḥringhati, sukātuhu, kapihaṇdhĕlsangbalawā. daśabulantuwuḥhida, sangpa ṇdhawanemanilib, mamar̥ĕkanringwiratha, sangdrupadhinekapuji, jĕgeggenoramadanin, solahenggawehulangun, sawatĕkingwirathā, gawokngantĕnangsi [5 5A] landri, tuwikasub, war̀ṇnanekadihyangwulan. tuwihipatiḥcacakā, gawokngatonangsilandri, mamulisaḥbĕngongbĕngong, gadhak'huyangbuduḥpaling, manga tonangsilandri, twarajĕnĕkyamalungguḥ, deningbwatkasmaran, dadiyapar̥ĕkapuri, lawutmatur̀, ringhidasangdyaḥsudheṣṇā. haturehangladpraṇā, sawangkĕñĕmguyuma nis, tanmarihangalapkasor̀, inggiḥraturājaputri, nunasugranerihin, tityangnunasringhiratu, pañjrowancokor̀hidewa, nemawastahisulandri, deningka sub, hayunetwarādapadhā. sangsudheṣṇāsampunlugra, sangcacakamamuñimanis, mangrumrumsangsulandryā, inggiḥdewasanemangkin, manunasringhimaṇik, ti

Leaf 5

Image on Archive.org

[᭕ 5B] ᭕ ᬢ᭄ᬬᬂᬫᬫᬜ᭄ᬚᬓ᭄ᬲᬢᬸᬯᬸᬓ᭄᭞ᬢᭂᬓᬦᬶᬂᬧ᭄ᬬᬦᬓ᭄ᬲᭀᬫᬄ᭞ᬫᬫᬋᬓᬦ᭄ᬭᬶᬂᬳᬶᬫᬡᬶᬓ᭄᭞ᬚᬸᬭᬸᬧᬗ᭄ᬓᬸ᭞ᬬᬦ᭄ᬲᬫ᭄ᬧᬸᬦ᭄ᬳᬶᬤᬾᬯᬲ᭄ᬯᬾᬘ᭄ᬘ᭟ᬳᬸᬧᬫᬶᬦ᭄ᬢᬶᬢ᭄ᬬᬂᬳᬶᬤᬾᬯᬵ᭞ᬓᬤᬶᬲᭂᬓᬃᬦᬕᬲᬭᬶ ᭞ᬫᬶᬳᬶᬓ᭄ᬢᬭᬤᬧᬥᬵ᭞ᬲᬬᬂᬢ᭄ᬯᬭᬤᬫᬗᬮᬶᬄ᭞ᬢᬸᬫ᭄ᬮᬶᬮᬶᬗᬦᬾᬗ᭄ᬭᬶᬂᬗ᭄ᬭᬶᬂ᭞ᬫᬗᬶᬲᭂᬧ᭄ᬲᬭᬶᬦᬶᬂᬲᬦ᭄ᬢᬸᬦ᭄᭞ᬓᬾᬢᭀᬧᬫᬶᬦ᭄ᬜᬤᬾᬯ᭞ᬢ᭄ᬯᬭᬳᬤᬳᬦᬓᬼᬯᬶᬄ᭞ᬳᬫᬫᬗ᭄ᬓᬸ᭞ᬓᬳᬬᭀ ᬦ᭄ᬤᬾᬯᬦᬾᬫᬶᬭᬄ᭟ᬍᬯᬶᬄᬓᬳᬬᭀᬦ᭄ᬳᬶᬤᬾᬯ᭞ᬫᬗᬲᭀᬭᬂᬲᬂᬳ᭄ᬬᬂᬭᬢᬶᬄ᭞ᬲᬶᬂᬢᬸᬫᬶᬗ᭄ᬳᬮ᭄ᬧᬥᬵᬕᬯᭀᬓ᭄᭞ᬗᬢᭀᬦᬂᬭᬢᬸᬫᬲ᭄ᬫᬡᬶᬓ᭄᭞ᬲᬸᬲᬸᬜᬗ᭄ᬓᬶᬄᬮ᭄ᬯᬶᬃᬜᬸᬄᬕᬥᬶᬂ᭞ᬩᬶᬩᬶᬳᬾᬫᬲ᭄ᬯᬵ ᬢ᭄ᬫᬥᬸ᭞ᬫᬗᭂᬫᬸᬕᬸᬮᬤ᭄ᬭᬯᬵ᭞ᬩᬗ᭄ᬓ᭄ᬬᬂᬫᬭᭀᬲ᭄ᬚᬜ᭄ᬚᬂᬭᬫ᭄ᬧᬶᬂ᭞ᬘᬶᬗᬓ᭄ᬫᬺᬥᬸ᭞ᬓᬤᬶᬢᬝᬶᬢ᭄ᬰᬰᬶᬄᬓᬧᬢ᭄᭟ᬢᬸᬯᬶᬳᬶᬤᬲᬂᬳ᭄ᬬᬂᬲ᭄ᬫᬭ᭞ᬩᬸᬤᬸᬄᬧᬮᬶᬂᬭᬶᬂᬳᬶᬫᬡᬶᬓ᭄᭞ᬢᬦ᭄ᬩᬶᬦᬓᬤᬶᬧᬯᬓ [᭖ 6A] ᭞ᬫᬗᭂᬲᭂᬦᬮᬦᬶᬗ᭄ᬳᬢᬶ᭞ᬢᬦ᭄ᬚᬗ᭄ᬓᬵᬫᬗᭂᬩᬸᬲᬶᬦ᭄᭞ᬫᬦᬄᬢᬶᬢ᭄ᬬᬗᬾᬭᬢᬸ᭞ᬫᬗ᭄ᬓᬶᬦ᭄ᬲ᭄ᬯᬾᬘ᭄ᬙᬵᬳᬶᬤᬾᬯ᭞ᬫᬫᬤᭂᬫᬂᬳ᭄ᬬᬂᬳᬕ᭄ᬦᬶ᭞ᬚ᭄ᬭᭀᬦᬶᬂᬲᬸᬫᬸᬃ᭞ᬭᬶᬲᭂᬥᭂᬂᬢᬵᬧᬲᬗ᭄ᬕᬫᬦ᭄᭟ᬮᬶ ᬬᬸᬫᬸᬜᬶᬦ᭄ᬲᬂᬘᬘᬓᬵ᭞ᬫᬗ᭄ᬭᬸᬫ᭄ᬭᬸᬫ᭄ᬫᬫᬸᬜᬶᬫᬦᬶᬲ᭄᭞ᬲᬸᬮᬦ᭄ᬤ᭄ᬭᬶᬫᬲᬳᬸᬃᬳᬮᭀᬦ᭄᭞ᬥᬸᬄᬕᬸᬲ᭄ᬢᬶᬲᬗᬧᬢᬶᬄ᭞ᬳᬫ᭄ᬧᬸᬭᬢᬶᬢ᭄ᬬᬂᬭᬶᬳᬶᬦ᭄᭞ᬩᭀᬬᬢᬶᬢ᭄ᬬᬂᬲᬓᬶᬂᬧᬸᬭᬸᬦ᭄᭞ᬢᬸᬯᬶᬦᬶᬯ ᬮ᭄ᬳᬶᬤᬾᬯᬵ᭞ᬤᬾᬦᬶᬂᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭞ᬫᬧᬶᬢᬸᬢᬸᬃ᭞ᬲᬓᬶᬂᬢᬫ᭄ᬩᭂᬢ᭄ᬢᬸᬦᬫᬦᬄ᭟ᬳᬫ᭄ᬧᬸᬭᬬᬂᬳᬶᬓᬶᬢᬶᬢ᭄ᬬᬂ᭞ᬫᬢᬸᬃᬭᬶᬂᬮᬶᬗ᭄ᬕᬶᬄᬳᬶᬕᬸᬲ᭄ᬢᬶ᭞ᬩᭀᬬᬲᭂᬥᭂᬂᬩᭀᬬᬢᬶᬢ᭄ᬬᬂ᭞ᬫᬢᭂᬫᬸᬮᬯᬦ᭄ᬳᬶ ᬕᬸᬲ᭄ᬢᬶ᭞ᬢᬶᬢ᭄ᬬᬂᬫᬋᬓᬦ᭄ᬗᬶᬲ᭄ᬓᬶᬦ᭄᭞ᬓᬸᬭᬂᬩᭀᬕᬩᭂᬮᭀᬕ᭄ᬧᬸᬗ᭄ᬕᬸᬂ᭞ᬓᬮᬶᬄᬲᬫ᭄ᬧᬸᬦ᭄ᬢᬶᬢ᭄ᬬᬂᬗᭂᬮᬄ᭞ᬲᭀᬫᬄᬲᬂᬕᬡ᭄ᬥᬃᬯ᭄ᬯᬧᬢᬶ᭞ᬮᬶᬫᬂᬳᬸᬓᬸᬤ᭄᭞ᬳᬶᬤᬗᬯᬶᬰᬾᬱᬵᬢᬶᬢ᭄ᬬᬂ᭟ᬢᬦ᭄ᬓᬳᬶᬥᭂᬧ᭄ᬲᬂ

Auto-transliteration

[5 5B] 5 tyangmamañjaksatuwuk, tĕkaningpyanaksomaḥ, mamar̥ĕkanringhimaṇik, jurupangku, yansampunhidewaswecca. hupamintityanghidewā, kadisĕkar̀nagasari , mihiktaradapadhā, sayangtwaradamangaliḥ, tumlilinganengringngring, mangisĕpsariningsantun, ketopaminñadewa, twarahadahanakl̥ĕwiḥ, hamamangku, kahayo ndewanemiraḥ. l̥ĕwiḥkahayonhidewa, mangasorangsanghyangratiḥ, singtuminghalpadhāgawok, ngatonangratumasmaṇik, susuñangkiḥlwir̀ñuḥgadhing, bibihemaswā tmadhu, mangĕmuguladrawā, bangkyangmarosjañjangramping, cingakmr̥ĕdhu, kaditaṭitśaśiḥkapat. tuwihidasanghyangsmara, buduḥpalingringhimaṇik, tanbinakadipawaka [6 6A] , mangĕsĕnalaninghati, tanjangkāmangĕbusin, manaḥtityangeratu, mangkinswecchāhidewa, mamadĕmanghyanghagni, jroningsumur̀, risĕdhĕngtāpasanggaman. li yumuñinsangcacakā, mangrumrummamuñimanis, sulandrimasahur̀halon, dhuḥgustisangapatiḥ, hampuratityangrihin, boyatityangsakingpurun, tuwiniwa lhidewā, deningtityangsanemangkin, mapitutur̀, sakingtambĕttunamanaḥ. hampurayanghikitityang, matur̀ringlinggiḥhigusti, boyasĕdhĕngboyatityang, matĕmulawanhi gusti, tityangmar̥ĕkanngiskin, kurangbogabĕlogpunggung, kaliḥsampuntityangngĕlaḥ, somaḥsanggaṇdhar̀wwapati, limanghukud, hidangawiśesyātityang. tankahidhĕpsang

Leaf 6

Image on Archive.org

[᭖ 6B] ᭖ ᬘᬘᬓᬵ᭞ᬲᬸᬫᬶᬗ᭄ᬓᬶᬦ᭄ᬳᬶᬥᭂᬧᬾᬧᬮᬶᬂ᭞ᬤᬤᬶᬗ᭄ᬕᬯᬾᬍᬯᬶᬤᭀᬱᬵ᭞ᬓ᭄ᬭᬡᬫᬗ᭄ᬕᬯᬾᬧᬢᬶ᭞ᬫᬮᬶᬄᬫᬫᬸᬜᬶᬫᬦᬶᬲ᭄᭞ᬩᭀᬬᬲᬓᬶᬂᬢᬶᬢ᭄ᬬᬂᬭᬢᬸ᭞ᬗᬍᬫᭂᬲᬶᬦ᭄ᬳᬶᬤᬾᬯᬵ᭞ᬲᬂᬳ᭄ᬬᬂᬓᬫᬵᬫ ᬗ᭄ᬭᬜ᭄ᬚᬶᬗᬶᬦ᭄᭞ᬳᬶᬤᬗᬸᬢᬸᬲ᭄᭞ᬢᬶᬢ᭄ᬬᬂᬫᬢᬸᬃᬳᬶᬤᬾᬯᬵ᭞ᬦᬸᬮᬶᬩᬗ᭄ᬕ᭄ᬭᬲ᭄ᬲᬂᬘᬘᬓᬵ᭞ᬫᬫᬸᬜᬶᬭᬶᬲᬂᬲᬸᬮᬦ᭄ᬤ᭄ᬭᬶ᭞ᬫᬦ᭄ᬮᬶᬓ᭄ᬓᬸᬫᬶᬲᬾᬲᭀᬗ᭄ᬓᭀᬓ᭄᭞ᬓᬾᬦᬾᬤᬾᬯᬲᬂᬲᬸᬮᬦ᭄ᬤ᭄ᬭᬶ᭞ᬬᬦ᭄ᬢ᭄ᬯᬭᬫᬗᬶ ᬤᭂᬧ᭄ᬫᬸᬜᬶ᭞ᬚᬦᬶᬩᭂᬮᬶᬫᬧᬶᬢᬸᬢᬸᬃ᭞ᬳᬶᬤᬾᬯᬵᬳᬸᬕᬶᬢᬢᬲ᭄᭞ᬢᬸᬯᬶᬢᬶᬗ᭄ᬓᬄᬩᬸᬓᬚᬦᬶ᭞ᬩᭂᬮᬶᬗᬸᬳᬸᬩ᭄᭞ᬚᬕᬢᬾᬦᬾᬭᬶᬂᬯᬶᬭᬣᬵ᭟ᬢᬸᬯᬶᬫᬸᬜᬶᬦ᭄ᬲᬂᬘᬘᬓᬵ᭞ᬫᬜ᭄ᬚᭂᬚᭂᬳᬶᬦ᭄ᬲᬂᬲᬸᬮᬦ᭄ᬤ᭄ᬭᬶ᭞ ᬕᭂᬮᬶᬲ᭄ᬤᬦᬾᬫᬢᬸᬃᬳᬮᭀᬦ᭄᭞ᬕᬸᬲ᭄ᬢᬶᬭᬓ᭄ᬭ᭄ᬬᬦᬵᬧᬢᬶᬄ᭞ᬓᬤᬶᬳᬢᬸᬃᬢᬶᬢ᭄ᬬᬂᬭᬶᬳᬶᬦ᭄᭞ᬲᬫ᭄ᬧᬸᬦᬂᬢ᭄ᬯᬭᬫᬗᬸᬕᬸ᭞ᬚᬢᬶᬢᬶᬢ᭄ᬬᬂᬲᬫ᭄ᬧᬸᬦ᭄ᬗᭂᬮᬄ᭞ᬲᭀᬫᬄᬲᬂᬕᭂᬡ᭄ᬥᬃᬯ᭄ᬯᬧᬢᬶ᭞ᬢᬸᬯᬶᬓᬲᬸᬩ᭄᭞ [᭗ 7A] ᬰᬓ᭄ᬢᬶᬦᬾᬢᬦ᭄ᬧᬢᬦ᭄ᬤᬶᬗᬦ᭄᭟ᬬᬦ᭄ᬳᬶᬕᬸᬲ᭄ᬢᬶᬓᭂᬥᭂᬄᬧᬶᬲᬦ᭄᭞ᬢᬦ᭄ᬳᬸᬭᬸᬂᬧᬘᬂᬗᭂᬫᬲᬶᬦ᭄᭞ᬓᬚᬬᬤᬾᬦᬶᬂᬕᭂᬡ᭄ᬥᬃᬯ᭄ᬯᬵ᭞ᬉᬧᬫᬵᬢᬶᬢ᭄ᬬᬂᬳᬶᬕᬸᬲ᭄ᬢᬶ᭞ᬧᬶᬓᭂᬥᭂᬄᬫᬩᬃᬧᬲᬶᬄ᭞ᬫᬲᬥ᭄ᬬᬗ᭄ᬮᬗ᭄ᬓᬃ ᬕᬸᬦᬸᬂ᭞ᬢᬦ᭄ᬯᬡ᭄ᬥ᭄ᬬᬧᬘᬂᬭᬸᬲᬓ᭄᭞ᬓᬾᬢᭀᬲᬯᬸᬃᬲᬂᬲᬸᬮᬦ᭄ᬤ᭄ᬭᬶ᭞ᬫᬧᬶᬢᬸᬢᬸᬃ᭞ᬲᬂᬘᬘᬓᬚᭂᬗᬄᬳᬾᬭᬂ᭟ᬭᬭᬶᬲ᭄ᬤᬦᬾᬗᬧᬸᬭᬬᬂ᭞ᬧᬋᬓ᭄ᬭᬶᬂᬲᬸᬥᬾᬱ᭄ᬡᬵᬧᬸᬢ᭄ᬭᬶ᭞ᬫᬧᬶᬦᬸᬦᬲ᭄ᬗᬮᬧ᭄ᬓᬲᭀᬃ᭞ ᬳᬢᬸᬭᬾᬳᬗᬰᬶᬳᬰᬶᬄ᭞ᬇᬗ᭄ᬕᬶᬄᬭᬢᬸᬫᬳᭀᬤᬾᬯᬶ᭞ᬧᬸᬦᬧᬶᬳᬦ᭄ᬢᬸᬓ᭄ᬳᬶᬭᬢᬸ᭞ᬫᬗ᭄ᬤᬵᬲᬶᬤ᭄ᬥᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬫᬜ᭄ᬚᬫᬄᬳᬶᬧᬸᬦ᭄ᬲᬶᬮᬦ᭄ᬤ᭄ᬭᬶ᭞ᬤᬾᬦᬶᬂᬧᭂᬗ᭄ᬓᬸᬂ᭞ᬫᬦᬄᬜᬦᬾᬢ᭄ᬯᬭᬕᭀᬜ᭄ᬚᬄ᭟ᬫ ᬗᬦ᭄ᬤᬶᬓᬲᬂᬲᬸᬥᬾᬱ᭄ᬡᬵ᭞ᬩᭂᬮᬶᬘᬘᬓᬦᬾᬚᬦᬶ᭞ᬫᬦᬄᬢᬶᬢ᭄ᬬᬂᬫᬗᬸᬧᬬᬵ᭞ᬫᬗ᭄ᬤᬾᬓᭂᬫᬓᬸᬫᬄᬩᭂᬮᬶ᭞ᬢᬸᬦ᭄ᬤᬾᬦ᭄ᬢᬶᬢ᭄ᬬᬂᬫᬗᬮᬶᬄ᭞ᬮᬩᬳᬦ᭄ᬫᬦᬲᬶᬘᬢᬸᬃ᭞ᬓᭂᬦᬩᭂᬮᬫᬦᬭᬕ᭄ᬬᬂ᭞ᬲ

Auto-transliteration

[6 6B] 6 cacakā, sumingkinhidhĕpepaling, dadinggawel̥ĕwidosyā, kraṇamanggawepati, maliḥmamuñimanis, boyasakingtityangratu, ngal̥ĕmĕsinhidewā, sanghyangkamāma ngrañjingin, hidangutus, tityangmatur̀hidewā, nulibanggrassangcacakā, mamuñirisangsulandri, manlikkumisesongkok, kenedewasangsulandri, yantwaramangi dĕpmuñi, janibĕlimapitutur̀, hidewāhugitatas, tuwitingkaḥbukajani, bĕlinguhub, jagateneringwirathā. tuwimuñinsangcacakā, mañjĕjĕhinsangsulandri, gĕlisdanematur̀halon, gustirakryanāpatiḥ, kadihatur̀tityangrihin, sampunangtwaramangugu, jatitityangsampunngĕlaḥ, somaḥsanggĕṇdhar̀wwapati, tuwikasub, [7 7A] śaktinetanpatandingan. yanhigustikĕdhĕḥpisan, tanhurungpacangngĕmasin, kajayadeninggĕṇdhar̀wwā, upamātityanghigusti, pikĕdhĕḥmabar̀pasiḥ, masadhyanglangkar̀ gunung, tanwaṇdhyapacangrusak, ketosawur̀sangsulandri, mapitutur̀, sangcacakajĕngaḥherang. rarisdanengapurayang, par̥ĕkringsudheṣṇāputri, mapinunasngalapkasor̀, haturehangaśihaśiḥ, inggiḥratumahodewi, punapihantuk'hiratu, mangdāsiddhahantuktityang, mañjamaḥhipunsilandri, deningpĕngkung, manaḥñanetwaragoñjaḥ. ma ngandikasangsudheṣṇā, bĕlicacakanejani, manaḥtityangmangupayā, mangdekĕmakumaḥbĕli, tundentityangmangaliḥ, labahanmanasicatur̀, kĕnabĕlamanaragyang, sa

Leaf 7

Image on Archive.org

[᭗ 7B] ᭗ ᬳᬸᬧᬓᬭᬦᬾᬲᬫᬶ᭞ᬩᭂᬮᬶᬤᬶᬢᬸ᭞ᬫᬦᬩ᭄ᬥᬩᬂᬧᬢᬸᬭ᭄ᬯᬦ᭄᭟ᬢᬶᬢ᭄ᬬᬂᬓᬮᬶᬦ᭄ᬢᬂᬲᬗ᭄ᬲᬬ᭞ᬗᬢᭀᬦᬂᬭᬸᬧᬦ᭄ᬲᬶᬮᬦ᭄ᬤ᭄ᬭᬶ᭞ᬲᬸᬚᬢᬶᬳᬶᬤᬲᬂᬦᬵᬣᬵ᭞ᬩᬸᬤᬸᬄᬧᬮᬶᬂᬭᬶᬂᬲᬸᬮᬦ᭄ᬤ᭄ᬭᬶ᭞ᬚᬦᬶᬳ ᬤᬓᬳ᭄ᬬᬸᬦ᭄ᬩᭂᬮᬶ᭞ᬳᬧᬂᬲᬶᬤ᭄ᬥᬬᬫᬢᭂᬫᬸ᭞ᬫᬦᬶᬲᭂᬫᭂᬂᬢᬶᬢ᭄ᬬᬂᬗᭀᬦ᭄ᬓᭀᬦ᭄᭞ᬳᬧᬂᬓᭂᬫᬵᬓᬸᬫᬄᬩᭂᬮᬶ᭞ᬩᭂᬮᬶᬤᬶᬢᬸ᭞ᬤᬚᬗ᭄ᬓᬬᬦ᭄ᬫᬫᬺᬓᭀᬱᬵ᭟ᬓᬾᬢᭀᬧᬗᬦ᭄ᬤᬶᬓᬦ᭄ᬳᬶᬤ᭞ᬲᬂᬲᬸᬥᬾᬱ᭄ᬡᬵ ᬭᬚᬧᬸᬢ᭄ᬭᬶ᭞ᬍᬯᬶᬄᬳᬾᬕᬃᬲᬂᬘᬘᬓᬵ᭞ᬫᬗᬲᭀᬃᬭᬭᬶᬲ᭄ᬫᬧᬫᬶᬢ᭄᭞ᬕᬢᬶᬧᬚᬮᬦᬾᬫᬸᬮᬶᬄ᭞ᬲᬹᬃᬬ᭄ᬬᬦᬾᬲᬫ᭄ᬧᬸᬦ᭄ᬲᬸᬫᬸᬭᬸᬧ᭄᭞ᬲᬢᭂᬓᬦᬾᬫᬭᬶᬂᬉᬫᬄ᭞ᬲᬂᬘᬘᬓᬳᬸᬬᬂᬧᬮᬶᬂ᭞ᬓᭂᬦᭂᬄᬳᬶᬩᬸ ᬓ᭄᭞ᬢᬦ᭄ᬫᬭᬶᬳᬗᬚᬧᬼᬫᬄ᭟ᬢᬦ᭄ᬳᬸᬘᬧᬂᬮᬢ᭄ᬭᬶᬓᬵᬮ᭞ᬲᬫ᭄ᬧᬸᬦ᭄ᬢᬢᬲᬼᬫᬄᬫᬗ᭄ᬓᬶᬦ᭄᭞ᬳᬾᬮᬶᬂᬳᬶᬤᬵᬲᬂᬲᬸᬥᬾᬱ᭄ᬡᬵ᭞ᬧᬸᬧᬸᬢ᭄ᬳᬸᬩᬬᬦᬾᬭᬶᬳᬶᬦ᭄᭞ᬗᬡ᭄ᬥᬶᬓᬵᬳᬶᬤᬳᬭᬶᬲ᭄‌᭞ᬫᬦᬶ [᭘ 8A] ᬲ᭄ᬜᭂᬜᭂᬃᬓᬤᬶᬫᬥᬸ᭞ᬦᬾᬜᬳᬶᬲᬂᬲᬸᬮᬦ᭄ᬢ᭄ᬭ᭄ᬬ᭞ᬳᭂᬫ᭄ᬩᭀᬓ᭄ᬦᬸᬦ᭄ᬤᬾᬦ᭄ᬜᬳᬶᬚᬦᬶ᭞ᬳᭂᬥᬢᬓᬸᬢ᭄᭞ᬓᬳᬸᬫᬄᬫᬦ᭄ᬢ᭄ᬭᬶᬘᬘᬓᬵ᭟ᬕᬳᬾᬦᬾᬗᬸᬮᬶᬄᬮᬩᬳᬦ᭄᭞ᬓᭂᬫᬜᬳᬶᬕᬢᬶᬕᬢᬶ᭞ ᬲᬸᬮᬦ᭄ᬤ᭄ᬭᬶᬚᭂᬚᭂᬄᬫᬗᭂᬢᭀᬃ᭞ᬦᬸᬮᬶᬤᬦᬾᬫᬢᬸᬃᬳᬭᬶᬲ᭄᭞ᬇᬗ᭄ᬕᬶᬄᬲᬂᬭᬵᬚᬧᬸᬢ᭄ᬭᬶ᭞ᬩᭀᬬᬲᬓᬶᬂᬢᬶᬢ᭄ᬬᬂᬧᬸᬭᬸᬦ᭄᭞ᬫᬦᬸᬮᬓ᭄ᬘᭀᬓᭀᬃᬳᬶᬤᬾᬯ᭞ᬫᬲᬢᬦ᭄ᬳᬶᬭᬢᬸᬳᬸᬦᬶᬂ᭞ᬲᭀᬮᬄᬳᬶᬧᬸ ᬦ᭄᭞ᬮᬓ᭄ᬱᬡᬦᬾᬭᬶᬂᬢᬶᬢ᭄ᬬᬂ᭟ᬬᬦ᭄ᬯᬾᬦ᭄ᬢᭂᬦ᭄ᬓᬃᬬ᭄ᬬᬦ᭄ᬳᬶᬤᬾᬯᬵ᭞ᬮ᭄ᬬᬦᬦ᭄ᬓᬸᬫᬄᬳᬶᬫᬦ᭄ᬢ᭄ᬭᬶ᭞ᬧᬢᬸᬢ᭄ᬫᬃᬕ᭄ᬕᬶᬦ᭄ᬢᬶᬢ᭄ᬬᬂᬫᬗ᭄ᬓᭀ᭞ᬲᬸᬥᬾᬱ᭄ᬡᬵᬩᬗ᭄ᬕ᭄ᬭᬲ᭄ᬳᬗ᭄ᬮᬶᬂ᭞ᬘᭂᬤᬾᬲ᭄ᬜᬳᬶᬲᬸᬮᬦ᭄ᬤ᭄ᬭᬶ᭞ᬳᭂᬥᬜᬳᬶᬮᬶᬦ᭄ᬢᬂᬢ ᬓᬸᬢ᭄᭞ᬓᬳᬸᬫᬄᬳᬶᬘᬘᬓ᭞ᬲᬸᬮᬦ᭄ᬤ᭄ᬭᬶᬫᬫᬃᬕ᭄ᬕᬶᬳᬭᬶᬲ᭄᭞ᬫᬦᬄᬳᬶᬩᬸᬓ᭄᭞ᬢᬶᬗ᭄ᬓᬳᬾ᭞ᬩ᭄ᬯᬢ᭄ᬲᬗᬸᬧᬬ᭟ᬲᬢᭂᬓᬦᬾᬫᬭᬶᬂᬚᬮᬦ᭄᭞ᬫᬦᬗᬶᬲ᭄ᬳᬗᬰᬶᬳᬰᬶᬄ᭞ᬢᬦ᭄ᬫᬭᬶᬗᬱ᭄ᬝᬯᬤᬾᬯ᭞

Auto-transliteration

[7 7B] 7 hupakaranesami, bĕliditu, manabdhabangpaturwan. tityangkalintangsangsaya, ngatonangrupansilandri, sujatihidasangnāthā, buduḥpalingringsulandri, janiha dakahyunbĕli, hapangsiddhayamatĕmu, manisĕmĕngtityangngonkon, hapangkĕmākumaḥbĕli, bĕliditu, dajangkayanmamr̥ĕkosyā. ketopangandikanhida, sangsudheṣṇā rajaputri, l̥ĕwiḥhegar̀sangcacakā, mangasor̀rarismapamit, gatipajalanemuliḥ, sūr̀yyanesampunsumurup, satĕkanemaringumaḥ, sangcacakahuyangpaling, kĕnĕḥhibu k, tanmarihangajapl̥ĕmaḥ. tanhucapanglatrikāla, sampuntatasl̥ĕmaḥmangkin, helinghidāsangsudheṣṇā, puput'hubayanerihin, ngaṇdhikāhidaharis, mani [8 8A] sñĕñĕr̀kadimadhu, neñahisangsulantrya, hĕmboknundenñahijani, hĕdhatakut, kahumaḥmantricacakā. gahenenguliḥlabahan, kĕmañahigatigati, sulandrijĕjĕḥmangĕtor̀, nulidanematur̀haris, inggiḥsangrājaputri, boyasakingtityangpurun, manulakcokor̀hidewa, masatanhiratuhuning, solaḥhipu n, lakṣaṇaneringtityang. yanwentĕnkar̀yyanhidewā, lyanankumaḥhimantri, patutmar̀ggintityangmangko, sudheṣṇābanggrashangling, cĕdesñahisulandri, hĕdhañahilintangta kut, kahumaḥhicacaka, sulandrimamar̀ggiharis, manaḥhibuk, tingkahe, bwatsangupaya. satĕkanemaringjalan, manangishangaśihaśiḥ, tanmaringaṣṭawadewa,

Leaf 8

Image on Archive.org

[᭘ 8B] ᭘ ᬇᬗ᭄ᬕᬶᬄᬭᬢᬸᬤᬾᬯᬲᬫᬶ᭞ᬳᬶᬘ᭄ᬙᬵᬪᬝᬵᬭᬗᭂᬫᬶᬢ᭄᭞ᬫᬗ᭄ᬤᬢᬶᬢ᭄ᬬᬂᬫᬗ᭄ᬕᬶᬄᬳᬬᬸ᭞ᬰ᭄ᬭᬤ᭄ᬥᬘᭀᬓᭀᬃᬪᬝᬵᬭ᭞ᬫᬜᬶᬗᬓ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬢᬸᬳᬸ᭞ᬧᬢᬶᬩ᭄ᬭᬢ᭄ᬢᬭᬶᬂᬲᭀᬫᬄ ᭟ᬓᬾᬢᭀᬳᬢᬸᬃᬲᬂᬲᬸᬮᬦ᭄ᬤ᭄ᬭ᭄ᬬ᭞ᬭᬶᬂᬳᬶᬤᬪᬝᬵᬭᬲᬫᬶ᭞ᬦᬸᬮᬶᬜᬸᬫ᭄ᬩᬄᬲᬂᬳ᭄ᬬᬂᬲᬹᬃᬬ᭄ᬬ᭞ᬤᬾᬦᬶᬂᬳᬶᬤᬫᬜᬸᬦᬭᬶᬦ᭄᭞ᬲᬓ᭄ᬭᬄᬚᬕᬢᬾᬲᬫᬶ᭞ᬜᬶᬗᬓ᭄ᬢᬶᬗ᭄ᬓᬳᬮᬳᬬᬸ᭞ᬲᬂᬳ᭄ᬬᬂᬲᬸᬃᬬ᭄ᬬᬵᬫ ᬲᬸᬭᬸᬧᬦ᭄᭞ᬓᬳ᭄ᬬᬸᬦ᭄ᬳᬶᬤᬲᬦᬾᬫᬗ᭄ᬓᬶᬦ᭄᭞ᬧᬘᬂᬗᬸᬢᬸᬲ᭄᭞ᬧᬋᬓᬦ᭄ᬭᬸᬧᬭᬵᬓ᭄ᬱᬲᬵ᭟ᬓᬧᬶᬓᭂᬥᭂᬄᬓᬳ᭄ᬬᬸᬦ᭄ᬳᬶᬤ᭞ᬫᬦᬸᬮᬸᬗᬶᬦ᭄ᬲᬂᬲᬸᬮᬦ᭄ᬤ᭄ᬭᬶ᭞ᬤᬾᬦᬶᬂᬧᬕᭂᬄᬧᬢᬶᬩ᭄ᬭᬢ᭞ᬕᬶᬮᬶᬂᬳᬶᬥᭂ ᬧᬾᬫᬲ᭄ᬯᬫᬶ᭞ᬭᬶᬂᬧᬜ᭄ᬘᬧᬡ᭄ᬥᬯᬵᬲᬫᬶ᭞ᬲᬂᬲᬸᬮᬦ᭄ᬤ᭄ᬭᬶᬓᬕᬾᬢ᭄ᬭᬯᬸᬄ᭞ᬳᬸᬫᬄᬫᬦ᭄ᬢ᭄ᬭᬶᬘᬘᬓᬵ᭞ᬲᬂᬫᬦ᭄ᬢ᭄ᬭᬶᬳᬾᬕᬃᬦᬶᬗ᭄ᬳᬮᬶᬦ᭄᭞ᬤᬾᬦᬶᬂᬭᬯᬸᬄ᭞ᬲᬦᬾᬫᬕᬦ᭄ᬢᬸᬂᬭᬶᬂᬫᬦᬄ᭟ᬲᬂᬘᬘᬓᬲᬯᬸᬃᬩᬗ᭄ᬓᬦ᭄ [᭙ 9A] ᬤᬾᬯᬦ᭄ᬢᬶᬢ᭄ᬬᬂᬲᬂᬲᬸᬮᬦ᭄ᬤ᭄ᬭᬶ᭞ᬢᬓᬧ᭄ᬯᬲᬚᬳᬶᬤᬾᬯ᭞ᬗᬭᬯᬸᬳᬶᬦ᭄ᬳᬸᬫᬄᬩᭂᬮᬶ᭞ᬳᬧᬲᬚᬳ᭄ᬬᬸᬦ᭄ᬳᬶᬫᬡᬶᬓ᭄᭞ᬬᬦ᭄ᬫᬲ᭄ᬧᬶᬧᬶᬲ᭄ᬯᬲ᭄ᬢ᭄ᬭᬳᬮᬸᬲ᭄᭞ᬳᬲᬶᬂᬓᬳ᭄ᬬᬸᬦ᭄ᬓᬲᬶᬤ᭄ᬥᬦ᭄᭞ᬩᭂᬮᬶᬢ᭄ᬯᬭᬳᬮᬶᬦ᭄ᬳᬮᬶ ᬦ᭄᭞ᬳᬲᬶᬂᬮᬸᬳᬸᬂ᭞ᬩᭂᬮᬶᬜ᭄ᬭᬳᬂᬭᬶᬂᬳᬶᬤᬾᬯᬵ᭟ᬬᬦ᭄ᬫᬗᬮᬶᬄᬫᬲ᭄ᬚᬶᬦᬭᬦ᭄‌᭞ᬲᬦᬾᬫᬜᬦ᭄ᬤᬂᬤᬶᬓᬘᬶᬂ᭞ᬲᬫ᭄ᬧᬶᬂᬓᬲᬸᬭᬾᬫᬦᭀᬗᭀᬲ᭄᭞ᬩᭂᬮᬶᬩᬋᬂᬳᬚᬓ᭄ᬗᬮᬶᬄ᭞ᬲᬂᬲᬸᬮᬦ᭄ᬤ᭄ᬭᬶᬫᬢᬸᬃᬳᬭᬶᬲ᭄᭞ᬦᬾᬫᬗ᭄ᬓᬶᬦ᭄ᬢᬶ ᬢ᭄ᬬᬂᬓᬳᬸᬢᬸᬲ᭄‌᭞ᬳᬦ᭄ᬢᬸᬓ᭄ᬲᬂᬭᬵᬚᬧᬸᬢ᭄ᬭ᭄ᬬ᭞ᬫᬧᬭᬩ᭄ᬲᬸᬥᬾᬱ᭄ᬡᬵᬤᬾᬯᬶ᭞ᬳᬶᬤᬗᬸᬢᬸᬲ᭄᭞ᬢᬶᬢ᭄ᬬᬂᬫᬦᬸᬦᬲ᭄ᬮᬩᬳᬦ᭄᭟ᬲᬂᬫᬦ᭄ᬢ᭄ᬭᬶᬓᭂᬜᭂᬫ᭄ᬳᬗᬸᬘᬧ᭄᭞ᬫᬸᬜᬶᬫᬦᬶᬲ᭄ᬲᬯᬂᬓᭂᬜᬶᬂ᭞ᬥᬹᬳᬢ᭄ᬫᬦ᭄ᬢᬶᬢ᭄ᬬᬂᬳᬶᬤᬾᬯ᭞ᬳᭂ ᬦᬾᬳᬤᬧᬋᬓᬦ᭄ᬘᭂᬦᬶᬓ᭄᭞ᬩᭂᬮᬶᬦᬸᬦ᭄ᬤᬾᬦ᭄ᬓᬧᬸᬭᬶ᭞ᬫᬗᬩᬮᬩᬦᬾᬫᬮᬸ᭞ᬳᬤᬶᬤᬶᬦᬶᬗᬦ᭄ᬢᭀᬲᬂ᭞ᬓᬚᭂᬫᬓ᭄ᬢᬗᬦᬾᬓᬮᬶᬄ᭞ᬢᬸᬃᬓᬕᭂᬮᬸᬢ᭄᭞ᬳᬶᬲᬸᬮᬦ᭄ᬤ᭄ᬭᬶᬫᬫᬸᬮᬶᬲᬄ᭟ᬦᬸᬮᬶᬤᬦᬾᬫᬗᬶ

Auto-transliteration

[8 8B] 8 inggiḥratudewasami, hicchābhaṭārangĕmit, mangdatityangmanggiḥhayu, śraddhacokor̀bhaṭāra, mañingaktityangnemangkin, tityangtuhu, patibrattaringsomaḥ . ketohatur̀sangsulandrya, ringhidabhaṭārasami, nuliñumbaḥsanghyangsūr̀yya, deninghidamañunarin, sakraḥjagatesami, ñingaktingkahalahayu, sanghyangsur̀yyāma surupan, kahyunhidasanemangkin, pacangngutus, par̥ĕkanruparākṣasā. kapikĕdhĕḥkahyunhida, manulunginsangsulandri, deningpagĕḥpatibrata, gilinghidhĕ pemaswami, ringpañcapaṇdhawāsami, sangsulandrikagetrawuḥ, humaḥmantricacakā, sangmantrihegar̀ninghalin, deningrawuḥ, sanemagantungringmanaḥ. sangcacakasawur̀bangkan [9 9A] dewantityangsangsulandri, takapwasajahidewa, ngarawuhinhumaḥbĕli, hapasajahyunhimaṇik, yanmaspipiswastrahalus, hasingkahyunkasiddhan, bĕlitwarahalinhali n, hasingluhung, bĕliñrahangringhidewā. yanmangaliḥmasjinaran, sanemañandangdikacing, sampingkasuremanongos, bĕlibar̥ĕnghajakngaliḥ, sangsulandrimatur̀haris, nemangkinti tyangkahutus, hantuksangrājaputrya, maparabsudheṣṇādewi, hidangutus, tityangmanunaslabahan. sangmantrikĕñĕmhangucap, muñimanissawangkĕñing, dhūhatmantityanghidewa, hĕ nehadapar̥ĕkancĕnik, bĕlinundenkapuri, mangabalabanemalu, hadidiningantosang, kajĕmaktanganekaliḥ, tur̀kagĕlut, hisulandrimamulisaḥ. nulidanemangi

Leaf 9

Image on Archive.org

[᭙ 9B] ᭙ ᬩᭂᬕᬂ᭞ᬓᭂᬮᬾᬲ᭄ᬢᬗᬦᬾᬲᬸᬫᬦ᭄ᬢ᭄ᬭᬶ᭞ᬲᬸᬮᬦ᭄ᬤ᭄ᬭᬫᬮᬳᬶᬩ᭄ᬕᭀᬗ᭄ᬲᭀᬃ᭞ᬓᬢᬸᬫ᭄ᬩᬸᬭᬶᬲᬓᬾᬂᬗᬸᬭᬶ᭞ᬤᬾᬦᬶᬂᬘᬘᬓᬧᬢᬶᬄ᭞ᬭᬶᬂᬳᬚᭂᬂᬲᬂᬥᬃᬫ᭄ᬫᬲᬸᬦᬸ᭞ᬦᬸᬮᬶᬤᬦᬾᬫᬜᬫ᭄ᬩᬓ᭄᭞ᬭᬫ᭄ᬩᬸᬢ᭄ᬲᬂᬧᬜ᭄ᬘᬮᬶᬧᬸᬢ᭄ᬭᬶ᭞ ᬦᬸᬮᬶᬗᬺᬕᬸᬢ᭄᭞ᬩᬗ᭄ᬓ᭄ᬬᬗᬾᬤ᭄ᬬᬄᬲᬸᬮᬦ᭄ᬤ᭄ᬭ᭄ᬬᬵ᭟ᬕᭂᬮᬶᬲ᭄ᬧᬓᭀᬦ᭄ᬲᬂᬳ᭄ᬬᬂᬲᬸᬃᬬ᭄ᬬᬵ᭞ᬫᬭᬸᬧᬭᬵᬓ᭄ᬱᬲᬵᬫᬗ᭄ᬓᬶᬦ᭄᭞ᬫᬦᬸᬮᬸᬗᬶᬦ᭄ᬲᬂᬲᬸᬮᬦ᭄ᬤ᭄ᬭ᭄ᬬᬵ᭞ᬫᬢᭂᬫᬳᬦ᭄ᬳᬶᬓᬶᬸᬳᬗᬶᬦ᭄᭞ᬗᬫ᭄ᬧᭂᬳᬂᬘᬘᬓᬧᬢᬶᬄ᭞ᬫᭂᬍᬓᭂᬢᬶᬓ᭄ᬳᬶ ᬬᬵᬳᬸᬮᬸᬂᬳᭂᬩᬄᬜᬦᬾᬫᬦᬸᬗ᭄ᬓᬬᬓ᭄᭞ᬲᬂᬪᬷᬫ᭄ᬫᬵᬲᬺᬗᭂᬦᬶᬗ᭄ᬳᬮᬶᬦ᭄᭞ᬜᬤ᭄ᬬᬦᬸᬮᬸᬂ᭞ᬲᬂᬲᬸᬮᬦ᭄ᬤ᭄ᬭᬶᬓᬧ᭄ᬮᬕᬦ᭄ᬤᬂ᭟ᬢᬸᬫᬶᬗ᭄ᬳᬮ᭄ᬲᬂᬥᬃᬫ᭄ᬫᬯᬗ᭄ᬰ᭞ᬓᬚᭂᬫᬓ᭄ᬢᬗᬦᬾᬓᬵᬮᬶᬄ᭞ᬲᬂᬪᬷᬫ᭄ᬫᬵᬲᬺᬗᭂᬦ᭄ᬫᬗᭂᬢᭀᬃ᭞ᬧᬶᬢᬸ ᬢᬸᬭᬶᬦ᭄ᬲᬓᬾᬂᬳᬭᬶᬲ᭄᭞ᬳᭂᬥᬳᬤᬶᬩ᭄ᬯᬢ᭄ᬩ᭄ᬭᬗ᭄ᬢᬶ᭞ᬳᬧᬂᬳᭂᬥᬵᬓᬢᭂᬗᭂᬃᬫᬮᬸ᭞ᬫᬕᭀᬩᬲᬂᬧᬡ᭄ᬥᬯᬵ᭞ᬲᬶᬦᬗ᭄ᬕᬄᬲᬂᬲ᭄ᬬᬄᬤ᭄ᬭᬸᬧᬥᬶ᭞ᬦᬸᬮᬶᬗᬸᬦ᭄ᬢᬸᬮ᭄᭞ᬲᬂᬩᬮᬯᬵᬮᬳᬸᬢ᭄ᬩᬸᬤᬮ᭄᭟ᬲᬸᬮᬦ᭄ᬤ᭄ᬭᬶᬫᬗ᭄ᬓᬶᬦ᭄ᬓᭀ [᭑᭐ 10A] ᬘᬧᬦ᭄᭞ᬧᬋᬓ᭄ᬭᬶᬲᬂᬫᬓ᭄ᬱ᭄ᬬᬧᬢᬶ᭞ᬗᬰᬶᬳᬰᬶᬄᬗᬮᬧ᭄ᬓᬲᭀᬃ᭞ᬫᬢᬸᬃᬫᬤᬸᬮᬸᬭᬦ᭄ᬢᬗᬶᬲ᭄᭞ᬇᬗ᭄ᬕᬶᬄᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬫᬗᬸᬦᬶᬗᬂᬭᬶᬂᬳᬶᬭᬢᬸ᭞ᬢᬶᬗ᭄ᬓᬄᬧᬢᬶᬄᬘᬘᬓᬵ᭞ᬤᭂᬕᬕ᭄ᬫᭀᬫᭀ ᬗᬗ᭄ᬕᬘᬶᬗᬶᬂ᭞ᬤᬾᬦᬶᬂᬳᬶᬧᬸᬦ᭄᭞ᬫᬺᬓᭀᬱᬵᬫᬗᭂᬚᬸᬓ᭄ᬢᬶᬢ᭄ᬬᬂ᭟ᬫᬦᬄᬢᬶᬢ᭄ᬬᬂᬢ᭄ᬯᬭᬳᬕᭀᬜ᭄ᬚᬄ᭞ᬢᬶᬢ᭄ᬬᬂᬯᬦ᭄ᬢᬄᬫᬗᬲ᭄ᬢᬶᬢᬶ᭞ᬫᬫᬕᭂᬳᬂᬧᬢᬶᬩ᭄ᬭᬢ᭞ᬲᬂᬦᬵᬣᬳᬗᬸᬘᬧ᭄ᬳᬭᬶᬲ᭄᭞ᬥᬹᬄᬜᬳᬶᬤ᭄ᬬᬄᬲᬸᬮᬦ᭄ᬤ᭄ᬭᬶ᭞ ᬩᭂᬮᬶᬢ᭄ᬯᬭᬳᬤᬢᬯᬸ᭞ᬢᬶᬗ᭄ᬓᬄᬜᬳᬶᬦᬾᬲᬸᬩ᭞ᬢᭂᬓᬾᬦ᭄ᬳᬶᬘᬘᬓᬵᬧᬢᬶᬄ᭞ᬲᬮᬄᬤᬸᬦᬸᬂ᭞ᬬᬦ᭄ᬩᭂᬮᬶᬩᬓᬮ᭄ᬗᭂᬜ᭄ᬘᬦᬂ᭟ᬓᬾᬢᭀᬧᬗᬦ᭄ᬤᬶᬓᬦ᭄ᬳᬶᬤ᭞ᬲᬂᬧ᭄ᬭᬪᬸᬭᬭᬶᬲ᭄ᬦᬶᬗ᭄ᬕᬮᬶᬦ᭄᭞ᬯᬢᭂᬓ᭄ᬯᬶᬭᬣᬦᬾᬩᭂᬗᭀᬂ᭞ ᬗᬦ᭄ᬢᭂᬦᬂᬲᬸᬮᬦ᭄ᬤ᭄ᬭᬶᬲᭂᬥᬶᬄ᭞ᬳᬤᬗᬸᬧᭂᬢ᭄ᬘᬘᬓᬵᬧᬢᬶᬄ᭞ᬓᭂᬥᭂᬄᬫᬗᬸᬧᭂᬢ᭄ᬲᬂᬧ᭄ᬭᬪᬸ᭞ᬳᬦᬶᬡ᭄ᬥᬲᬂᬲᬸᬥᬾᬱ᭄ᬡᬵ᭞ᬥᬃᬫ᭄ᬫᬯᬗ᭄ᬰᬭᬯᬸᬄᬫᬗ᭄ᬓᬶᬦ᭄᭞ᬫᬧᬶᬢᬸᬢᬸᬃ᭞ᬗᬮᬶᬧᬸᬃᬧᬜ᭄ᬘᬮᬶᬧᬸᬢ᭄ᬭ᭟ᬫᬗᬦ᭄ᬤᬶᬓᬵᬗᭂᬮ

Auto-transliteration

[9 9B] 9 bĕgang, kĕlestanganesumantri, sulandramalahibgongsor̀, katumburisakengnguri, deningcacakapatiḥ, ringhajĕngsangdhar̀mmasunu, nulidanemañambak, rambutsangpañcaliputri, nulingr̥ĕgut, bangkyangedyaḥsulandryā. gĕlispakonsanghyangsur̀yyā, maruparākṣasāmangkin, manulunginsangsulandryā, matĕmahanhik̶hangin, ngampĕhangcacakapatiḥ, mĕl̥ĕkĕtik'hi yāhulunghĕbaḥñanemanungkayak, sangbhīmmāsr̥ĕngĕninghalin, ñadyanulung, sangsulandrikaplagandang. tuminghalsangdhar̀mmawangśa, kajĕmaktanganekāliḥ, sangbhīmmāsr̥ĕngĕnmangĕtor̀, pitu turinsakengharis, hĕdhahadibwatbrangti, hapanghĕdhākatĕngĕr̀malu, magobasangpaṇdhawā, sinanggaḥsangsyaḥdrupadhi, nulinguntul, sangbalawālahutbudal. sulandrimangkinko [10 10A] capan, par̥ĕkrisangmakṣyapati, ngaśihaśiḥngalapkasor̀, matur̀madulurantangis, inggiḥtityangnemangkin, manguningangringhiratu, tingkaḥpatiḥcacakā, dĕgagmomo nganggacinging, deninghipun, mr̥ĕkosyāmangĕjuktityang. manaḥtityangtwarahagoñjaḥ, tityangwantaḥmangastiti, mamagĕhangpatibrata, sangnāthahangucap'haris, dhūḥñahidyaḥsulandri, bĕlitwarahadatawu, tingkaḥñahinesuba, tĕkenhicacakāpatiḥ, salaḥdunung, yanbĕlibakalngĕñcanang. ketopangandikanhida, sangprabhurarisninggalin, watĕkwirathanebĕngong, ngantĕnangsulandrisĕdhiḥ, hadangupĕtcacakāpatiḥ, kĕdhĕḥmangupĕtsangprabhu, haniṇdhasangsudheṣṇā, dhar̀mmawangśarawuḥmangkin, mapitutur̀, ngalipur̀pañcaliputra. mangandikāngĕla

Leaf 10

Image on Archive.org

[᭑᭐ 10B] ᭑᭐ ᬤ᭄ᬧ᭄ᬭᬡᬵ᭞ᬥᬸᬄᬤᬾᬯᬲᬂᬲᬸᬮᬦ᭄ᬤ᭄ᬭᬶ᭞ᬩᭂᬮᬶᬫᬧᬶᬢᬸᬢᬸᬃᬫᬗ᭄ᬓᭀ᭞ᬳᭂᬥᬵᬩᬲ᭄ᬓᬤᬸᬭᬸᬲ᭄ᬲᭂᬥᬶᬄ᭞ᬓᭂᬫᬤᬾᬯᬓᬧᬸᬭᬶ᭞ᬧᬋᬓ᭄ᬲᬂᬲᬸᬥᬾᬱ᭄ᬡᬵᬧ᭄ᬭᬪᬸ᭞ᬢᬶᬗ᭄ᬓᬄᬤᬤᬶᬧᬋᬓᬦ᭄᭞ᬢ᭄ᬯᬭᬗᬢᬸᬂᬧᬦᬲ᭄ᬳᭂᬢᬶ ᬲ᭄᭞ᬢᬸᬯᬶᬫᬫ᭄ᬧᬸᬲ᭄᭞ᬲᬸᬩᬜᬮᬦᬂᬓᬥᬃᬫ᭄ᬫᬦ᭄᭟ᬳᬶᬤᬵᬲᬂᬕᬡ᭄ᬥᬃᬯ᭄ᬯᬭᬚ᭞ᬢᭀᬲᬶᬂᬢᬳᬾᬦ᭄ᬳᬶᬤᬮᬮᬶ᭞ᬢᬦ᭄ᬫᬭᬶᬗ᭄ᬭᬓ᭄ᬱᬳᬶᬤᬾᬯ᭞ᬲᬂᬤ᭄ᬭᭀᬧᬤᬶᬫᬫᬶᬲᬶᬗ᭄ᬕᬶᬄ᭞ᬢᬸᬢᬸᬃᬳᬶᬤᬲᬂᬰ᭄ᬯᬫᬶ᭞ᬭᬭᬶ ᬲ᭄ᬤᬦᬾᬢᬸᬫᬦ᭄ᬥᬸᬓ᭄᭞ᬮᬶᬗ᭄ᬕᬶᬄᬧᬸᬢ᭄ᬭᬶᬲᬸᬥᬾᬱ᭄ᬡᬵ᭞ᬬᬾᬄᬫᬢᬦᬾᬤᬺᬲ᭄ᬫᬶᬚᬶᬮ᭄᭞ᬦᬸᬮᬶᬗᬸᬦ᭄ᬢᬸᬮ᭄᭞ᬫᬗᬦ᭄ᬤᬶᬓᬵᬲᬲᬸᬥᬾᬱ᭄ᬡᬵ᭟ᬥᬸᬄᬜᬳᬶᬲᬂᬲᬸᬮᬦ᭄ᬤ᭄ᬭ᭄ᬬᬵ᭞ᬧᬓ᭄ᬭᬡᬦᬶᬂᬜᬳᬶᬲᭂᬥᬶᬄ᭞ᬲᬂᬲᬸᬮᬦ᭄ᬤ᭄ᬭᬶᬫᬢᬸᬃᬳ ᬮᭀᬦ᭄᭞ᬓ᭄ᬭᬡᬢᬶᬢ᭄ᬬᬂᬦᬡ᭄ᬥᬂᬲᭂᬥᬶᬄ᭞ᬤᬾᬦᬶᬂᬘᬘᬓᬧᬢᬶᬄ᭞ᬮᬗ᭄ᬕᬡᬵᬳᬶᬧᬸᬦ᭄ᬫᬗᭂᬚᬸᬓ᭄᭞ᬫᬜᬫ᭄ᬩᬓ᭄ᬭᬶᬂᬩᬜ᭄ᬘᬶᬗᬄ᭞ᬭᬶᬂᬳᬚᭂᬂᬲᬂᬧ᭄ᬭᬪᬸᬢᬸᬯᬶ᭞ᬩᬲ᭄ᬓᬤᬸᬭᬸᬲ᭄᭞ᬩ᭄ᬯᬢ᭄ᬮᬗ᭄ᬕᬡᬦᬾᬭᬶᬂᬢᬶᬢ᭄ᬬᬂ᭟ᬲᬲᬸ [᭑᭑ 11A] ᬥᬾᬱ᭄ᬡᬵᬲᬯᬸᬃᬩᬗ᭄ᬕ᭄ᬭᬲ᭄᭞ᬫᬧᬶᬤᬸᬓᬵᬭᬲᬂᬧᬢᬶᬄ᭞ᬥᬸᬄᬜᬳᬶᬲᬂᬲᬸᬮᬦ᭄ᬤ᭄ᬭ᭄ᬬ᭞ᬢᬸᬯᬶᬲᬚᬫᬸᬜᬶᬦ᭄ᬜᬳᬶ᭞ᬧᬢᬶᬄᬘᬘᬓᬩᬗ᭄ᬕᬶ᭞ᬲᬭᭀᬱᬬᬫᬗᭂᬚᬸᬓ᭄᭞ᬭᬶᬳᬚᭂᬂᬳᬶᬤᬲᬂᬦᬵᬣ᭞ᬧ᭄ᬭᬲᬗ᭄ᬕᬵᬬ ᬢᭂᬓᬾᬦ᭄ᬜᬳᬶ᭞ᬩᬲ᭄ᬓᬤᬸᬭᬸᬲ᭄‌᭞ᬮᬓ᭄ᬱᬡᬦᬾᬳᬶᬘᬘᬓᬵ᭟ᬫᬦ᭄ᬬᬦ᭄ᬳᭂᬫ᭄ᬩᭀᬓ᭄ᬫᬦᬸᬦ᭄ᬤᬾᬦᬂ᭞ᬗᭂᬫᬢ᭄ᬬᬂᬘᬘᬓᬵᬩᭂᬕᬶᬕ᭄᭞ᬓᭂᬫᬵᬜᬳᬶᬓᬧᬢᬸᬭᭀᬦ᭄᭞ᬮᬶᬮᬬᬂᬳᬶᬥᭂᬧᬾᬲᭂᬥᬶᬄ᭞ᬲᬂᬲᬸᬮ ᬦ᭄ᬤ᭄ᬭᬶᬫᬗᬶᬭᬶᬂ᭞ᬭᬶᬂᬢᬸᬢᬸᬃᬲᬸᬥᬾᬱ᭄ᬡᬵᬧ᭄ᬭᬪᬸ᭞ᬳᬦᬸᬮᬶᬓᬧᬢᬸᬭ᭄ᬯᬦ᭄᭞ᬜᬮᬶᬫᬸᬭᬂᬫᬦᬄᬲᭂᬥᬶᬄ᭞ᬢᬸᬯᬶᬧᬗ᭄ᬓᬸᬃ᭞ᬫᬕᭂᬦ᭄ᬢᭀᬲ᭄ᬢᭂᬫ᭄ᬩᬂᬥᬥᬓᬦ᭄᭚᭐᭚ᬧᬸᬧᬸᬄᬧᬗ᭄ᬓᬸᬃ᭟᭐᭟ᬢᬘᬧᬂᬲᬸᬮᬦ᭄ᬤ᭄ᬭ᭄ᬬ᭞ᬭᬶᬂᬧᬫᬺᬫ ᬫᬦ᭄᭞ᬲᭂᬥᬶᬄᬫᬗᬕᬶᬳᬕᬶᬄ᭞ᬜᬾᬦ᭄ᬳᬦᬓᬾᬬᬭᬸᬭᬸᬄ᭞ᬢᬸᬦ᭄ᬤᬾᬦ᭄ᬫᬜᬮᬶᬫᬸᬭᬂᬫᬦᬄᬓᭂᬩᬸᬲ᭄᭞ᬧᬸᬳᬸᬦ᭄ᬓᬤᬶᬢᬶᬦᬸᬦᬸ᭞ᬤᬾᬦᬶᬂᬳ᭄ᬬᬧᬯᬓᬵ᭞ᬢ᭄ᬯᬭᬳᬤᬫᬦᬬᬸᬳᬶᬦ᭄᭟ᬢᭀᬲᬶᬂᬳᬤᬳᬦ

Auto-transliteration

[10 10B] 10 dpraṇā, dhuḥdewasangsulandri, bĕlimapitutur̀mangko, hĕdhābaskadurussĕdhiḥ, kĕmadewakapuri, par̥ĕksangsudheṣṇāprabhu, tingkaḥdadipar̥ĕkan, twarangatungpanashĕti s, tuwimampus, subañalanangkadhar̀mman. hidāsanggaṇdhar̀wwaraja, tosingtahenhidalali, tanmaringrakṣahidewa, sangdropadimamisinggiḥ, tutur̀hidasangśwami, rari sdanetumandhuk, linggiḥputrisudheṣṇā, yeḥmatanedr̥ĕsmijil, nulinguntul, mangandikāsasudheṣṇā. dhuḥñahisangsulandryā, pakraṇaningñahisĕdhiḥ, sangsulandrimatur̀ha lon, kraṇatityangnaṇdhangsĕdhiḥ, deningcacakapatiḥ, langgaṇāhipunmangĕjuk, mañambakringbañcingaḥ, ringhajĕngsangprabhutuwi, baskadurus, bwatlanggaṇaneringtityang. sasu [11 11A] dheṣṇāsawur̀banggras, mapidukārasangpatiḥ, dhuḥñahisangsulandrya, tuwisajamuñinñahi, patiḥcacakabanggi, saroṣayamangĕjuk, rihajĕnghidasangnātha, prasanggāya tĕkenñahi, baskadurus, lakṣaṇanehicacakā. manyanhĕmbokmanundenang, ngĕmatyangcacakābĕgig, kĕmāñahikapaturon, lilayanghidhĕpesĕdhiḥ, sangsula ndrimangiring, ringtutur̀sudheṣṇāprabhu, hanulikapaturwan, ñalimurangmanaḥsĕdhiḥ, tuwipangkur̀, magĕntostĕmbangdhadhakan // 0 // pupuḥpangkur̀. 0. tacapangsulandrya, ringpamr̥ĕma man, sĕdhiḥmangagihagiḥ, ñenhanakeyaruruḥ, tundenmañalimurangmanaḥkĕbus, puhunkaditinunu, deninghyapawakā, twarahadamanayuhin. tosinghadahana

Leaf 11

Image on Archive.org

[᭑᭑ 11B] ᭑᭑ ᬓ᭄ᬮᬾᬦᬦ᭄᭞ᬗᬓᬮ᭄ᬜᭂᬤᬸᬄ᭞ᬧᬦᬲᬾᬓᬤᬶᬳᬧᬶ᭞ᬲᬂᬪᬶᬫ᭄ᬫᬵᬚᬦᬶᬭᬸᬭᬸᬄ᭞ᬢᬸᬦ᭄ᬤᬾᬦ᭄ᬜᬮᬶᬫᬸᬭᬂ᭞ᬫᬦᬄᬓᭂᬩᬸᬲ᭄᭞ᬢᬶᬗ᭄ᬓᬄᬘᬘᬓᬦᬾᬫᬮᬸ᭞ᬕᭂᬮᬶᬲ᭄ᬤᬦᬾᬫᬫᬃᬕ᭄ᬕ᭞ᬫᬤᬸᬮᬸᬭᬦ᭄ᬫᬦᬄᬲᭂᬥᬶᬄ᭞ ᭟ᬧᬚᬮᬦᬾᬕᬕᬜ᭄ᬘᬗᬦ᭄‌ᬫ᭄ᬲᬫ᭄ᬧᬸᬦ᭄ᬭᬭᬸᬄ᭞ᬭᬶᬂᬧᬯᬋᬕᬦᬾᬫᬗ᭄ᬓᬶᬦ᭄᭞ᬲᬂᬪᬶᬫ᭄ᬫᬵᬳᬶᬤᬫᬢᬸᬭᬸ᭞ᬤᬶᬧ᭄ᬮᬗ᭄ᬓᬦᬾᬦᬸᬗᬥᬄ᭞ᬲᬂᬲᬸᬮᬦ᭄ᬤ᭄ᬭ᭄ᬬᬵ᭞ᬗᬰᬶᬳᬰᬶᬄᬳᬸᬫᬢᬸᬃ᭞ᬇᬗ᭄ᬕᬶᬄᬩᭂᬮᬶᬲᬂᬩᬮ ᬯᬵ᭞ᬫᬢᬗᬶᬩᭂᬮᬶᬦᬾᬫᬗ᭄ᬓᬶᬦ᭄᭟ᬳᬧᬵᬕᬯᬾᬦᬾᬫᬢᬸᬭ᭄ᬯ᭞ᬢ᭄ᬯᬭᬢᬯᬸ᭞ᬭᬶᬂᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬲᬂᬪᬶᬫ᭄ᬫᬵᬕᭂᬮᬶᬲ᭄ᬫᬳᬸᬗᬸ᭞ᬫᬗᬸᬲᬧ᭄ᬳᬸᬲᬧ᭄ᬫᬢ᭞ᬓᬕᬾᬢ᭄ᬦᬸᬮᬸ᭞ᬲᬸᬮᬦ᭄ᬤ᭄ᬭᬶᬲᭂᬥᬶᬄᬗᬸᬗ᭄ᬓᬸᬦ᭄᭞ᬓᭂ ᬜᭂᬫ᭄ᬫᬫᬸᬜᬶᬩᬦ᭄ᬩᬦ᭄᭞ᬗᬮᬶᬫᬸᬭᬂᬲᬂᬲᬸᬮᬦ᭄ᬤ᭄ᬭᬶ᭟ᬳᬤᬶᬦ᭄ᬩᭂᬮᬶᬳᬢ᭄ᬫᬚᬶᬯᬵ᭞ᬳᬧᬵᬲᬚ᭞ᬲᭂᬥᬶᬳᬂᬳᬤᬶᬦᬾᬫᬗ᭄ᬓᬶᬦ᭄᭞ᬳᬧᬵᬓᬳ᭄ᬬᬸᬦᬂᬳᬶᬭᬢᬸ᭞ᬩᭂᬮᬶᬚᬕᬜᬶᬤᬬᬂ᭞ᬳᬲᬶᬂᬓᬬᬸᬦ᭄᭞ᬲᬂ [᭑᭒ 12A] ᬲᬸᬮᬦ᭄ᬤ᭄ᬭᬶᬕᭂᬮᬶᬲ᭄ᬫᬢᬸᬃ᭞ᬫᬫᭂᬧᭂᬲ᭄ᬲᬳᬵᬲᬸᬫ᭄ᬩᬄ᭞ᬳᬢᬸᬃᬫᬤᬸᬮᬸᬭᬦ᭄ᬢᬗᬶᬲ᭄᭟ᬇᬗ᭄ᬕᬶᬄᬩᭂᬮᬶᬚᬶᬯᬦ᭄ᬢᬶᬢ᭄ᬬᬂ᭞ᬦᬾᬧᬶᬋᬗᬂ᭞ᬳᬢᬸᬃᬢᬶᬢ᭄ᬬᬂᬗᬾᬫᬗ᭄ᬓᬶᬦ᭄᭞ᬤᬯᭂᬕ᭄ᬘᬭᬶᬢᬦᬾᬤᬸᬫᬸᬦ᭄᭞ᬓᬳᬸᬘᬧ᭄ᬥ᭄ᬬᬸᬢ ᬘᬭᬶᬢᬵ᭞ᬓᬧ᭄ᬭᬓᭀᬱᬵ᭞ᬤᬾᬦᬶᬂᬤᬸᬰ᭄ᬰᬲᬦᬧᬸᬗ᭄ᬓᬸᬂ᭞ᬫ᭄ᬯᬂᬧᬦᬸᬲᬸᬧᬾᬂᬳᬮᬲ᭄᭞ᬫᬮᬶᬄᬢᬶᬢ᭄ᬬᬂᬦᭂᬫᬸᬲᭂᬥᬶᬄ᭟ᬤᬾᬦᬶᬂᬢᬶᬢ᭄ᬬᬂᬓᬧ᭄ᬭᬓᭀᬱ᭞ᬤᬾᬦᬶᬂᬳᬶᬧᬸᬦ᭄᭞ᬤᬸᬱ᭄ᬝᬵᬚᬬᬤ᭄ᬭᬣᬯ᭄ᬬᬓ᭄ᬢᬶ᭞ᬧᬶᬂᬭ᭄ᬯᬢᬶᬢ᭄ᬬᬂ ᬫᬫᬗ᭄ᬕᬸᬄ᭞ᬓᬧᬸᬢᭂᬓᬶᬂᬲ᭄ᬯᬘᬶᬢ᭄ᬢᬵ᭞ᬜᬾᬦ᭄ᬳᬦᬓᬾ᭞ᬢ᭄ᬯᬭᬜᬓᬶᬢᬂᬭᬶᬂᬓᬳ᭄ᬬᬸᬦ᭄᭞ᬭᬯᬸᬄᬢᬶᬢ᭄ᬬᬂᬯᬶᬭᬣ᭞ᬫᬮᬶᬄᬢᬶᬢ᭄ᬬᬂᬦᭂᬫᬸᬲᭂᬥᬶᬄ᭟ᬳᭀᬮᬶᬄᬳᬶᬧᬸᬦ᭄ᬫᬦ᭄ᬢ᭄ᬭᬶᬘᬘᬓ᭞ᬮᬶᬦ᭄ᬢᬂᬤᬸᬱ᭄ᬝᬵ᭞ᬧᭀᬗᬳᬾ ᬢᬦ᭄ᬲᬶᬦᬶᬧᬶ᭞ᬗᭂᬚᬸᬓ᭄ᬭᬶᬳᬚᭃᬂᬲᬂᬧ᭄ᬭᬪᬸ᭞ᬤᬯᭂᬕᬾᬭᬶᬂᬩᬜ᭄ᬘᬶᬗᬄ᭞ᬲᬶᬂᬚᬓᭀᬡ᭄ᬥᬸᬃ᭞ᬭᬶᬂᬳᬚᭂᬂᬳᬶᬤᬲᬂᬧ᭄ᬭᬪᬸ᭞ᬓᬮᬶᬄᬳᬶᬤᬥᬃᬫ᭄ᬫᬯᬗ᭄ᬰᬵ᭞ᬩᭂᬮᬶᬓ᭄ᬭᭀᬥᬫᬜᬶᬗᬓᬶᬦ᭄᭟ᬬᬦ᭄ᬢᬦ᭄ᬫᬢᬶᬲᬂᬘᬘᬓᬵ᭞ᬦᭀ

Auto-transliteration

[11 11B] 11 klenan, ngakalñĕduḥ, panasekadihapi, sangbhimmājaniruruḥ, tundenñalimurang, manaḥkĕbus, tingkaḥcacakanemalu, gĕlisdanemamar̀gga, maduluranmanaḥsĕdhiḥ, . pajalanegagañcanganmsampunraruḥ, ringpawar̥ĕganemangkin, sangbhimmāhidamaturu, diplangkanenungadhaḥ, sangsulandryā, ngaśihaśiḥhumatur̀, inggiḥbĕlisangbala wā, matangibĕlinemangkin. hapāgawenematurwa, twaratawu, ringtityangkadimangkin, sangbhimmāgĕlismahungu, mangusap'husapmata, kagetnulu, sulandrisĕdhiḥngungkun, kĕ ñĕmmamuñibanban, ngalimurangsangsulandri. hadinbĕlihatmajiwā, hapāsaja, sĕdhihanghadinemangkin, hapākahyunanghiratu, bĕlijagañidayang, hasingkayun, sang [12 12A] sulandrigĕlismatur̀, mamĕpĕssahāsumbaḥ, hatur̀madulurantangis. inggiḥbĕlijiwantityang, nepir̥ĕngang, hatur̀tityangngemangkin, dawĕgcaritanedumun, kahucapdhyuta caritā, kaprakosyā, deningduśśasanapungkung, mwangpanusupenghalas, maliḥtityangnĕmusĕdhiḥ. deningtityangkaprakoṣa, deninghipun, duṣṭājayadrathawyakti, pingrwatityang mamangguḥ, kaputĕkingswacittā, ñenhanake, twarañakitangringkahyun, rawuḥtityangwiratha, maliḥtityangnĕmusĕdhiḥ. holiḥhipunmantricacaka, lintangduṣṭā, pongahe tansinipi, ngĕjukrihajöngsangprabhu, dawĕgeringbañcingaḥ, singjakoṇdhur̀, ringhajĕnghidasangprabhu, kaliḥhidadhar̀mmawangśā, bĕlikrodhamañingakin. yantanmatisangcacakā, no

Leaf 12

Image on Archive.org

[᭑᭒ 12B] ᭑᭒ ᬭᬲᬸᬤ᭄ᬥᬵ᭞ᬫᬦᬄᬢᬶᬢ᭄ᬬᬗᬾᬫᬗ᭄ᬓᬶᬦ᭄᭞ᬫᬮᬶᬄᬢᬶᬢ᭄ᬬᬂᬫᬦᬸᬮᬸ᭞ᬳᬶᬤᬵᬲᬂᬥᬃᬫ᭄ᬫᬯᬗ᭄ᬰᬵ᭞ᬗᬸᬦᬶᬳᬶᬤ᭞ᬫᬸᬦ᭄ᬢᭂᬳᬂᬚᬕᬢᬾᬤᬸᬫᬸᬦ᭄᭞ᬯᭂᬗ᭄ᬓᬦᬶᬂᬩ᭄ᬭᬢᬯᬃᬱ᭞ᬦᬾᬫᬗ᭄ᬓᬶᬦ᭄ᬳᬶᬤᬫᬗᭂᬫ᭄ᬧᬶ᭟ᬦᬾᬩᭂᬮᬶ ᬓᬦ᭄ᬤᬶᬓᬬᬂ᭞ᬚᬸᬭᬸᬳᭀᬮᬄ᭞ᬳᬶᬤᬲᬂᬫᬓ᭄ᬱ᭄ᬬᬧᬢᬶ᭞ᬢᬦ᭄ᬫᬭᬶᬲᬦᬾᬤᬸᬫᬸᬦ᭄᭞ᬫᬲ᭄ᬬᬢ᭄ᬮᬯᬦ᭄ᬕᬚᬄ᭞ᬮᬯᬦ᭄ᬲᬶᬗ᭄ᬳ᭞ᬲᬳᬶᬩᭂᬮᬶᬓᬳᬤᬸ᭞ᬤᬾᬦᬶᬂᬧ᭄ᬭᬪᬸᬯᬶᬭᬣ᭞ᬓ᭄ᬭᬡᬫᬦᬄᬢᬶᬢ᭄ᬬᬂᬲᭂ ᬥᬶᬄ᭟ᬭᬳᬶᬦ᭄ᬩᭂᬮᬶᬥᬦᬜ᭄ᬚᬬ᭞ᬗᬸᬦᬶᬓᬲᬸᬩ᭄᭞ᬮᬶᬬᬸᬗᬲᭀᬭᬂᬕᬸᬫᬶ᭞ᬭᬓ᭄ᬱᬲᬤᬿᬢ᭄ᬬᬵᬫᬦᬸᬗ᭄ᬓᬸᬮ᭄᭞ᬫ᭄ᬯᬂᬯᬢᭂᬓᬶᬂᬕᬦ᭄ᬤᬃᬯ᭄ᬯ᭞ᬢᬸᬯᬶᬓᬲᭀᬃ᭞ᬦᬾᬫᬗ᭄ᬓᬶᬦ᭄ᬳᬶᬤᬫᬸᬗ᭄ᬕᬄ᭞ᬫᬫᬋᬓᬦ᭄ᬚᬸᬭᬸᬳᬶᬕᭂᬮ᭄᭞ ᬗᬸᬭᬸᬓ᭄ᬳᬶᬤᬲᬗᬸᬢ᭄ᬢᬭᬶ᭟ᬓᬧᬶᬢᬸᬯᬶᬲᬂᬲᬤᬾᬯ᭞ᬗᬸᬦᬶᬓᬲᬸᬩ᭄᭞ᬩᬕᬸᬲᬾᬢᬦ᭄ᬲᬶᬦᬶᬧᬶ᭞ᬫᬗ᭄ᬓᬶᬦ᭄ᬫᬗᬗᭀᬦᬂᬍᬫ᭄ᬩᬸ᭞ᬤᬤᬶᬓ᭄ᬮᬶᬬᬦ᭄ᬕᭀᬨᬮᬵ᭞ᬲᬤᬓᬵᬮ᭞ᬗᬯᬵᬫ᭄ᬧᭂᬳᬦ᭄ᬭᬶᬂᬲᬂᬧ᭄ᬭ [᭑᭓ 13A] ᬪᬸ᭞ᬫ᭄ᬯᬂᬯᬶᬭᬵᬦᬓᬸᬮᬵ᭞ᬦᬦ᭄ᬤᬦ᭄ᬚᬭᬦ᭄ᬲᬳᬶᬲᬳᬶ᭟ᬧᬸᬦᬶᬓᬶᬢᬶᬢ᭄ᬬᬂᬫᬕᭀᬩ᭞ᬧᬜ᭄ᬚᭂᬭᭀᬯᬦ᭄᭞ᬫᬗᬸᬮᬶᬕ᭄ᬩᭀᬭᬾᬳᬾᬫᬶᬳᬶᬓ᭄᭞ᬲᭂᬓᭂᬮ᭄ᬫᬦᬄᬢᬶᬢ᭄ᬬᬂᬭᬢᬸ᭞ᬤᬾᬦᬶᬂᬢᬶᬢ᭄ᬬᬂᬫᬭᬶᬂᬓᬸ ᬦ᭞ᬫᬗ᭄ᬕᬶᬄᬲᬸᬓ᭞ᬫᬳᬶᬭᬶᬗᬦ᭄ᬲᬦᬾᬤᬸᬫᬸᬦ᭄᭞ᬧᬋᬓᬦ᭄ᬧᬶᬭᬂᬓᭀᬢ᭄ᬬᬦ᭄᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬦᭂᬫᬸᬲᭂᬥᬶᬄ᭟ᬲᬸᬚᬢᬶᬲᬗ᭄ᬓᬦᬶᬂᬢᬶᬢ᭄ᬬᬂ᭞ᬫᬗ᭄ᬭᬡᬬᬂ᭞ᬲᬂᬧᬡ᭄ᬥᬯᬦᭂᬫᬸᬲᭂᬥᬶᬄ᭞ᬢᬦ᭄ᬧᬬᬰᬢᬶᬢ᭄ᬬᬂ ᬤᬸᬫᬸᬦ᭄᭞ᬓ᭄ᬭᬡᬦᭂᬫᬸᬤᬸᬳᬶᬢᬵ᭞ᬢᬦ᭄ᬧᬓᬮ᭞ᬓᬮᬶᬄᬢᬗᬦ᭄ᬢᬶᬢ᭄ᬬᬂᬩᬸᬩᬸᬮ᭄᭞ᬩᬭᬦ᭄ᬫᬗᭂᬫᬸᬭᬄ᭞ᬫᬳᬸᬮᬶᬕᬦ᭄ᬲᬳᬶᬲᬳᬶᬫ᭟ᬲᬂᬪᬶᬫ᭄ᬫᬵᬲ᭄ᬭᬗᭂᬦ᭄ᬫᬋᬗᬂ᭞ᬳᬢᬸᬃᬳᬶᬤ᭞ᬲᬂᬤ᭄ᬬᬄᬧᬜ᭄ᬘᬮᬶᬧᬸᬢ᭄ᬭᬶ᭞ᬋᬗᬸ ᬚᬢᬶᬲᬸᬫᬭᬸᬃ᭞ᬭᬶᬲᬂᬤ᭄ᬬᬄᬲᬸᬮᬦ᭄ᬤ᭄ᬭ᭄ᬬᬵ᭞ᬇᬗ᭄ᬕᬶᬄᬤᬾᬯᬵ᭞ᬲᬫ᭄ᬧᬸᬦᬂᬳᬶᬭᬢᬸᬩᭂᬡ᭄ᬥᬸ᭞ᬩᭂᬮᬶᬚᬕᬫᬜᬶᬤᬬᬂ᭞ᬫᭂᬚᬳᬶᬘᬘᬓᬧᬢᬶᬄ᭟ᬬᬦᬶᬂᬩᭂᬮᬶᬓᬓᬲᭀᬭᬂ᭞ᬫᬢᬦ᭄ᬤᬶᬗᬦ᭄᭞ᬗ᭄ᬮᬯᬦ᭄ᬳᬶ

Auto-transliteration

[12 12B] 12 rasuddhā, manaḥtityangemangkin, maliḥtityangmanulu, hidāsangdhar̀mmawangśā, ngunihida, muntĕhangjagatedumun, wĕngkaningbratawar̀ṣa, nemangkinhidamangĕmpi. nebĕli kandikayang, juruholaḥ, hidasangmakṣyapati, tanmarisanedumun, masyatlawan'gajaḥ, lawansingha, sahibĕlikahadu, deningprabhuwiratha, kraṇamanaḥtityangsĕ dhiḥ. rahinbĕlidhanañjaya, ngunikasub, liyungasoranggumi, rakṣasadaityāmanungkul, mwangwatĕkinggandar̀wwa, tuwikasor̀, nemangkinhidamunggaḥ, mamar̥ĕkanjuruhigĕl, nguruk'hidasanguttari. kapituwisangsadewa, ngunikasub, bagusetansinipi, mangkinmangangonangl̥ĕmbu, dadikliyan'gophalā, sadakāla, ngawāmpĕhanringsangpra [13 13A] bhu, mwangwirānakulā, nandanjaransahisahi. punikitityangmagoba, pañjĕrowan, manguligborehemihik, sĕkĕlmanaḥtityangratu, deningtityangmaringku na, manggiḥsuka, mahiringansanedumun, par̥ĕkanpirangkotyan, mangkintityangnĕmusĕdhiḥ. sujatisangkaningtityang, mangraṇayang, sangpaṇdhawanĕmusĕdhiḥ, tanpayaśatityang dumun, kraṇanĕmuduhitā, tanpakala, kaliḥtangantityangbubul, baranmangĕmuraḥ, mahuligansahisahima. sangbhimmāsrangĕnmar̥ĕngang, hatur̀hida, sangdyaḥpañcaliputri, r̥ĕngu jatisumarur̀, risangdyaḥsulandryā, inggiḥdewā, sampunanghiratubĕṇdhu, bĕlijagamañidayang, mĕjahicacakapatiḥ. yaningbĕlikakasorang, matandingan, nglawanhi

Leaf 13

Image on Archive.org

[᭑᭓ 13B] ᭑᭓ ᬘᬘᬓᬧᬢᬶᬄ᭞ᬫᬗ᭄ᬤᬾᬩᭂᬮᬶᬦᭂᬫᬸᬳᬬᬸ᭞ᬫᬦᬸᬗ᭄ᬓᬧ᭄ᬲ᭄ᬯᬃᬕ᭄ᬕᬮᭀᬓ᭞ᬤᬾᬳᬶᬤᬾᬯᬵ᭞ᬧᬕᭂᬳᬂᬓᬳ᭄ᬬᬸᬦ᭄ᬳᬶᬭᬢᬸ᭞ᬩ᭄ᬯᬢ᭄ᬓᬧᬢᬶᬩ᭄ᬭᬢ᭄ᬢᬦ᭄᭞ᬭᬶᬂᬧᬜ᭄ᬘᬧᬡ᭄ᬥᬯᬲᬫᬶ᭟ᬫᬶᬋᬂᬳᬶ ᬤᬥᬃᬫ᭄ᬫᬯᬗ᭄ᬰ᭞ᬭᬾᬳᬶᬤᬾᬯᬵ᭞ᬲᭂᬥᬶᬳᬾᬗᬰᬶᬳᬰᬶᬄ᭞ᬢᬦ᭄ᬳᬸᬭᬸᬗᬦ᭄ᬳᬶᬤᬳᬦ᭄ᬢᬸ᭞ᬫᬶᬯᬄᬲᬂᬥᬦᬜ᭄ᬚᬬ᭞ᬲᬂᬦᬓᬸᬮᬵ᭞ᬲᬂᬲᬤᬾᬯᬢᬸᬯᬶᬢᬸᬫᬸᬢ᭄᭞ᬫᬶᬮᬸᬓᬩᬬᬦ᭄ᬢᬓ ᭞ᬩᭂᬮᬶᬩᬋᬂᬫᬗᭂᬫᬲᬶᬦ᭄᭟ᬩᭂᬮᬶᬚᬦᬶᬫᬦᬶᬸᬧᬶᬦᬸᬦᬲ᭄᭞ᬭᬶᬂᬳᬶᬤᬾᬯ᭞ᬤᬾᬦᬶᬂᬩᭂᬮᬶᬓᬤᬶᬫᬗ᭄ᬓᬶᬦ᭄᭞ᬫᬭᬦᭂᬳᬦ᭄ᬫᬦᬄᬳᬶᬩᬸᬓ᭄᭞ᬧᬮᬶᬂᬫᬩᬸᬮᬶᬲᬳᬦ᭄᭞ᬳᬸᬮᬶᬂᬮᬯᬲ᭄ ᭞ᬫᬓᭂᬦ᭄ᬢᬢ᭄ᬯᬭᬫᬫᬗ᭄ᬕᬸᬄ᭞ᬍᬯᬶᬳᬶᬂᬧᬲᬗ᭄ᬕᬫᬦ᭄᭞ᬦᬾᬳᬤᬩᬮᬾᬗᬺᬦᬦᬶᬦ᭄᭟ᬲᬫ᭄ᬧᬶᬂᬧᬯᭀᬦ᭄ᬩᬮᬾᬤᬤᬓᬦ᭄᭞ᬮᬶᬓᬄᬓᬸᬓᬸᬄ᭞ᬲᭂᬥᭂᬂᬳᬸᬗ᭄ᬕ᭄ᬯᬦᬶᬂᬓᬭᬰ᭄ᬫᬶᬦ᭄᭞ᬢᭀᬲᬶᬂ [᭑᭔ 14A] ᬳᬤᬳᬦᬓ᭄ᬢᬯᬸ᭞ᬓᭀᬭᬶᬦᬾᬲᬸᬩᬫᬩᬶᬤᭂᬮ᭄᭞ᬤᬶᬢᬸᬲᭂᬥᭂᬂ᭞ᬳᬸᬗ᭄ᬕ᭄ᬯᬦ᭄ᬳᬶᬤᬾᬯᬵᬫᬢᭂᬫᬸ᭞ᬫᬓᬭᭀᬦᬦ᭄ᬲᬮᬶᬂᬳᬭᬲ᭄᭞ᬤᬚᬗ᭄ᬓᬬᬦᬸᬭᬸᬧ᭄ᬓᬲᬶᬄ᭟ᬓᬾᬢᭀᬫᬸᬜᬶᬦ᭄ᬲᬂᬩ ᬮᬯᬵ᭞ᬫᬗ᭄ᬮᬮᬸᬜᬸᬄ᭞ᬤ᭄ᬭᬸᬧᬤᬶᬢᭂᬮᬲ᭄ᬫᬗᬶᬭᬶᬂ᭞ᬲᬂᬓᬮᬶᬄᬲᬫ᭄ᬧᬸᬦ᭄ᬢᬸᬫᬡ᭄ᬥᬸᬓ᭄᭞ᬭᬶᬂᬚ᭄ᬭᭀᬦᬶᬂᬧᬢᬸᬭ᭄ᬯᬦ᭄᭞ᬢᬦ᭄ᬳᬸᬘᬧᭂᬦ᭄᭞ᬢᬶᬗ᭄ᬓᬄᬳᬦᬓᬾᬫᬢᭂᬫᬸ᭞ᬭᬶᬂᬚ᭄ᬭᬾᬦᬶᬂᬲᬬᬡ᭞ᬢᬢᬲ᭄‌ᬍ ᬫᬄᬲᬦᬾᬫᬗ᭄ᬓᬶᬦ᭄᭟ᬲᬂᬲᬸᬮᬦ᭄ᬤ᭄ᬭᬶᬭᬭᬶᬲ᭄ᬩᬸᬤᬮ᭄᭞ᬯᬃᬡ᭄ᬦᬭᬸᬭᬸ᭞ᬢᬦ᭄ᬩᬶᬦᬓᬤᬶᬳ᭄ᬬᬂᬭᬢᬶᬄ᭞ᬓᬢᬥᬄᬤᬾᬓᬮᬭᬯᬸ᭞ᬓᭂᬘᬸᬤ᭄ᬓᬸᬦᬶᬂᬲᬤ᭄ᬥᬓᭂᬫ᭄ᬩᬂ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬮᬶᬗ᭄ᬕᬶᬳᬶᬤᬦᬾᬤᬸᬫᬸ ᬦ᭄᭞ᬢᬦ᭄ᬳᬸᬘᬧᭂᬦᬭᬶᬂᬳᬸᬫᬄ᭞ᬘᬘᬓᬵᬧᬢᬶᬄᬦᭂᬓᬦᬶᬦ᭄᭟ᬫᬾᬭᬦᬶᬦ᭄ᬲᬂᬲᬸᬮᬦ᭄ᬤ᭄ᬭ᭄ᬬ᭞ᬦᬸᬮᬶᬫᬢᬸᬃ᭞ᬫᬸᬜᬶᬦᬾᬳᬗᬰᬶᬳᬰᬶᬄ᭞ᬫᬦᬶᬲ᭄ᬜᭂᬜᭂᬃᬓᬤᬶᬫᬥᬸ᭞ᬇᬗ᭄ᬕᬶᬄᬤᬾᬯᬲᬸᬮᬦ᭄ᬤ᭄ᬭ᭄ᬬᬵ᭞ᬩᭂ

Auto-transliteration

[13 13B] 13 cacakapatiḥ, mangdebĕlinĕmuhayu, manungkapswar̀ggaloka, dehidewā, pagĕhangkahyunhiratu, bwatkapatibrattan, ringpañcapaṇdhawasami. mir̥ĕnghi dadhar̀mmawangśa, rehidewā, sĕdhihengaśihaśiḥ, tanhurunganhidahantu, miwaḥsangdhanañjaya, sangnakulā, sangsadewatuwitumut, milukabayantaka , bĕlibar̥ĕngmangĕmasin. bĕlijaniman̶pinunas, ringhidewa, deningbĕlikadimangkin, maranĕhanmanaḥhibuk, palingmabulisahan, hulinglawas , makĕntatwaramamangguḥ, l̥ĕwihingpasanggaman, nehadabalengr̥ĕnanin. sampingpawonbaledadakan, likaḥkukuḥ, sĕdhĕnghunggwaningkaraśmin, tosing [14 14A] hadahanaktawu, korinesubamabidĕl, ditusĕdhĕng, hunggwanhidewāmatĕmu, makaronansalingharas, dajangkayanurupkasiḥ. ketomuñinsangba lawā, manglaluñuḥ, drupaditĕlasmangiring, sangkaliḥsampuntumaṇdhuk, ringjroningpaturwan, tanhucapĕn, tingkaḥhanakematĕmu, ringjreningsayaṇa, tatasl̥ĕ maḥsanemangkin. sangsulandrirarisbudal, war̀ṇnaruru, tanbinakadihyangratiḥ, katadhaḥdekalarawu, kĕcudkuningsaddhakĕmbang, sampunrawuḥringlinggihidanedumu n, tanhucapĕnaringhumaḥ, cacakāpatiḥnĕkanin. meraninsangsulandrya, nulimatur̀, muñinehangaśihaśiḥ, manisñĕñĕr̀kadimadhu, inggiḥdewasulandryā, bĕ

Leaf 14

Image on Archive.org

[᭑᭔ 14B] ᭑᭔ ᬮᬶᬫᬢᬸᬃ᭞ᬫᬗᬓ᭄ᬱᬫᬵᬭᬶᬂᬳᬶᬭᬢᬸ᭞ᬤᬸᬫᬸᬦ᭄ᬳᬶᬯᬂᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬮᬗ᭄ᬓᬧ᭄ᬫᬗᭂᬚᬸᬓ᭄ᬳᬶᬫᬡᬶᬓ᭄᭟ᬤᬾᬦᬶᬂᬢᬶᬢ᭄ᬬᬂᬫᬓᬸᬲᬭ᭞ᬫᬗᭀᬤᬕᬂ᭞ᬚᬕᬢ᭄ᬯᬶᬭᬣᬦᬾᬲᬫᬶ᭞ᬧᬶᬦᬸᬦᬲ᭄ᬢᬶᬢ᭄ᬬᬗᬾ ᬭᬢᬸ᭞ᬫᬗ᭄ᬤᬲ᭄ᬯᬾᬘ᭄ᬙᬵᬳᬶᬤᬾᬯᬵ᭞ᬗᬯᬸᬮᬬᬂ᭞ᬢᬶᬢ᭄ᬬᬂᬫᬫᬜ᭄ᬚᬓ᭄ᬲᬢᬸᬳᬸ᭞ᬲᬋᬂᬦᬸᬗ᭄ᬓᬸᬮᬂᬫᬦᬄ᭞ᬫᬗᭀᬤᬕ᭄ᬕᬸᬫᬶᬦᬾᬲᬫᬶ᭟ᬓᬾᬢᭀᬫᬸᬜᬶᬦ᭄ᬲᬂᬘᬘᬓᬵ᭞ᬲᬂᬲᬸᬮᬦ᭄ᬤ᭄ᬭ᭄ᬬᬵᬲᬯᬸᬃ ᬓᭂᬜᭂᬫ᭄ᬲᬤ᭄ᬥᬫᬦᬶᬲ᭄᭞ᬇᬗ᭄ᬕᬶᬄᬕᬸᬲ᭄ᬢᬶᬲᬸᬢᬲᬸᬦᬸ᭞ᬳᬢᬸᬃᬢᬶᬢ᭄ᬬᬗᬾᬧᬶᬋᬗᬂ᭞ᬫᬗ᭄ᬤᬾᬬᬢ᭄ᬦᬵ᭞ᬳᬶᬕᬸᬲ᭄ᬢᬶᬧᬘᬫᬢᭂᬫᬸ᭞ᬫᬓᬭᭀᬦᬦ᭄ᬭᬶᬂᬢᬶᬢ᭄ᬬᬂ᭞ᬳᬭᬄᬓᬯᬸᬮᬦ᭄ᬳᬶᬕᬸᬲ᭄ᬢᬶᬫ᭟ᬢᭂᬓᬦᬶᬂᬲ ᬦᬓ᭄ᬲᬫᬶᬢ᭄ᬭ᭞ᬳᬧᬂᬬᬢ᭄ᬦᬵ᭞ᬧᬘᬂᬫᬗᭂᬫᬶᬢ᭄ᬳᬶᬕᬸᬲ᭄ᬢᬶ᭞ᬮᬶᬦ᭄ᬢᬂᬢᬓᬸᬢ᭄ᬢᬶᬢ᭄ᬬᬂᬢᬸᬳᬸ᭞ᬭᬶᬂᬲᬂᬕᬦ᭄ᬤᬃᬯ᭄ᬯᬭᬵᬚ᭞ᬲᬂᬘᬘᬓᬵ᭞ᬫᬸᬜᬶᬳᬾᬕᬃᬫᬗᬭᬸᬫ᭄ᬭᬸᬫ᭄᭞ᬲᬫ᭄ᬧᬸᬦ᭄ᬤᬾᬯᬵᬲᬗ᭄ᬲᬬ᭞ᬦᬾᬯᬾ [᭑᭕ 15A] ᬓ᭄ᬩᭂᬮᬶᬫᬦᬡ᭄ᬥᬗᬶᬦ᭄᭟ᬲᬂᬯᬢᭂᬓ᭄ᬧᬜ᭄ᬘᬕᬦ᭄ᬤᬃᬯ᭄ᬯ᭞ᬦᭀᬭᬓᭀᬡ᭄ᬥᬸᬃ᭞ᬩᭂᬮᬶᬧᬘᬂᬦᬗ᭄ᬓᭂᬧᬶᬦ᭄‌᭞ᬕᬦ᭄ᬤᬃᬯ᭄ᬯᬦᬾᬮᬶᬫᬂᬳᬸᬓᬸᬤ᭄᭞ᬢᬸᬯᬶᬲᬢᬸᬲ᭄ᬲᬳᬬᬦ᭄ᬜ᭞ᬩᭂᬮᬶᬦᬾᬯᬾᬓ᭄᭞ᬬᬦ᭄ᬳᬶᬭᬢᬸ ᬲᬫ᭄ᬧᬸᬦ᭄ᬓᬳ᭄ᬬᬸᬦ᭄᭞ᬫᬢᬸᬗ᭄ᬕᬮᬦ᭄ᬭᬶᬂᬢᬶᬢ᭄ᬬᬂ᭞ᬲᬬᬡᬵᬦᭂᬫᬸᬓᬭᬲ᭄ᬫᬶᬦ᭄᭟ᬲᬫ᭄ᬧᬸᬦ᭄ᬧᬸᬧᬸᬢᬶᬂᬉᬤᬬ᭞ᬲᬂᬘᬘᬓᬵ᭞ᬢᬦ᭄ᬲᬶᬧᬶᬳᬾᬕᬃᬦᬾᬫᬗ᭄ᬓᬶᬦ᭄᭞ᬕᭂᬮᬶᬲ᭄ᬩᬸᬤᬮ᭄ᬳᬦᬾᬂᬓᬸᬯᬸ᭞ᬗ᭄ᬭᬗ᭄ᬲᬸᬓ᭄ᬪᬸᬱ ᬡᬦᬾᬫᭂᬮᬄ᭞ᬳᬤ᭄ᬭᬵᬫᬸᬭᬸᬩ᭄᭞ᬲᬹᬃᬬ᭄ᬬᬦᬾᬲᬫ᭄ᬧᬸᬦ᭄ᬲᬸᬫᬸᬭᬸᬧ᭄᭞ᬫᬢᬸᬢᬸᬃᬲᬂᬲᬸᬮᬦ᭄ᬤ᭄ᬭ᭄ᬬ᭞ᬧᬸᬧᬸᬢ᭄ᬳᬸᬪᬬᬦᬾᬭᬶᬳᬶᬦ᭄᭟ᬕᭂᬮᬶᬲ᭄ᬧᬋᬓ᭄ᬭᬶᬲᬂᬪᬶᬫ᭄ᬫ᭞ᬫᬧᬶᬢᬸᬢᬸᬃ᭞ᬧᬸᬧᬸᬢ᭄ᬳᬸᬪᬬᬦᬾᬫᬗ᭄ᬓᬶᬦ᭄᭞ᬳᬾᬕᬃᬲᬂ ᬪᬶᬫ᭄ᬫᬵᬮᬸᬫᬓᬸ᭞ᬳᬦᬾᬂᬩᬮᬾᬧᬲᬗ᭄ᬕ᭄ᬭᬳᬦ᭄᭞ᬜᭂᬍᬓᬸᬢᬸᬢ᭄᭞ᬓᬤᬶᬲᬶᬗ᭄ᬳᬵᬫᬦᬧᬸᬃ᭞ᬧᬓ᭄ᬱᬫᬫᬓ᭄ᬱᬓᬶᬤᬂ᭞ᬘᬘᬓᬵᬭᬯᬸᬄᬦᬾᬫᬗ᭄ᬓᬶᬦ᭄᭟ᬫᬦᬳᬾᬦᭀᬭᬲᬗ᭄ᬲᬬ᭞ᬫᬗᬭᬸᬫ᭄ᬭᬸᬫ᭄᭞ᬫᬗᭂᬮᬸ

Auto-transliteration

[14 14B] 14 limatur̀, mangakṣamāringhiratu, dumunhiwanghantuktityang, langkapmangĕjuk'himaṇik. deningtityangmakusara, mangodagang, jagatwirathanesami, pinunastityange ratu, mangdaswecchāhidewā, ngawulayang, tityangmamañjaksatuhu, sar̥ĕngnungkulangmanaḥ, mangodagguminesami. ketomuñinsangcacakā, sangsulandryāsawur̀ kĕñĕmsaddhamanis, inggiḥgustisutasunu, hatur̀tityangepir̥ĕngang, mangdeyatnā, higustipacamatĕmu, makaronanringtityang, haraḥkawulanhigustima. tĕkaningsa naksamitra, hapangyatnā, pacangmangĕmit'higusti, lintangtakuttityangtuhu, ringsanggandar̀wwarāja, sangcacakā, muñihegar̀mangarumrum, sampundewāsangsaya, newe [15 15A] kbĕlimanaṇdhangin. sangwatĕkpañcagandar̀wwa, norakoṇdhur̀, bĕlipacangnangkĕpin, gandar̀wwanelimanghukud, tuwisatussahayanña, bĕlinewek, yanhiratu sampunkahyun, matunggalanringtityang, sayaṇānĕmukarasmin. sampunpuputingudaya, sangcacakā, tansipihegar̀nemangkin, gĕlisbudalhanengkuwu, ngrangsukbhuṣa ṇanemĕlaḥ, hadrāmurub, sūr̀yyanesampunsumurup, matutur̀sangsulandrya, puput'hubhayanerihin. gĕlispar̥ĕkrisangbhimma, mapitutur̀, puput'hubhayanemangkin, hegar̀sang bhimmālumaku, hanengbalepasanggrahan, ñĕl̥ĕkutut, kadisinghāmanapur̀, pakṣamamakṣakidang, cacakārawuḥnemangkin. manahenorasangsaya, mangarumrum, mangĕlu

Leaf 15

Image on Archive.org

[᭑᭕ 15B] ᭑᭕ ᬢ᭄ᬭᬭᬶᬲ᭄ᬫᬫᬸᬜᬶ᭞ᬇᬗ᭄ᬕᬶᬄᬭᬢᬸᬲᬂᬗᬳᬬᬸ᭞ᬢᭀᬮᬶᬳᬶᬓᬶᬢᬶᬢ᭄ᬬᬂ᭞ᬳᬧᬲᬚ᭞ᬳᬶᬯᬂᬢᬶᬢ᭄ᬬᬗᬾᬭᬢᬸ᭞ᬢ᭄ᬯᬭᬫᬶᬚᬶᬮ᭄ᬧᬗᬦ᭄ᬤᬶᬓᬵ᭞ᬮᬶᬦ᭄ᬢᬂᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭟ᬫᬧᬶᬦᬸᬦᬲ᭄ᬭᬶᬂᬳᬶ ᬤᬾᬯᬵ᭞ᬫᬫᬋᬓᬦ᭄᭞ᬧᬘᬂᬫᬦᬸᬗ᭄ᬕᬮᬂᬳᬸᬭᬶᬧ᭄᭞ᬓᬤᬶᬳᬢᬸᬃᬢᬶᬢ᭄ᬬᬂᬤᬸᬫᬸᬦ᭄᭞ᬳᬶᬤᬾᬯᬳᬢ᭄ᬫᬦ᭄ᬢᬶᬢ᭄ᬬᬂ᭞ᬲᬂᬩᬮᬯᬵ᭞ᬦᬸᬮᬶᬫᬫᬸᬜᬶᬳᬮᬸᬲ᭄᭞ᬚ᭄ᬭᬶᬄᬢᬶᬢ᭄ᬬᬂᬢᬸᬫᬶᬗ᭄ᬳᬮ᭄᭞ᬩ᭄ᬯᬢ᭄ᬢᬶᬢ᭄ᬬᬂᬤᬳᬢ᭄ᬳᬶᬲᬶ ᬦ᭄᭟ᬓᬾᬢᭀᬫᬸᬜᬶᬦ᭄ᬲᬂᬩᬮᬯᬵ᭞ᬦᬸᬮᬶᬩᬗᬸᬦ᭄᭞ᬫᬜᬫ᭄ᬩᬓ᭄ᬘᬘᬓᬧᬢᬶᬄ᭞ᬩᬗ᭄ᬓ᭄ᬬᬗᬾᬲᬫ᭄ᬧᬸᬦ᭄ᬓᬲᬶᬦ᭄ᬢᬸᬤ᭄᭞ᬲᬂᬘᬘᬓᬦᬸᬗᬥᬄ᭞ᬕᭂᬮᬶᬲ᭄ᬩᬗᬸᬦ᭄᭞ᬗᬯᬍᬲ᭄ᬫᬜᭂᬫᬓ᭄ᬲᬸᬓᬸ᭞ᬓᬳᬸᬬᭂᬂᬲᬂᬩ ᬮᬯᬵ᭞ᬓᬧᬦ᭄ᬢᬶᬕᬂᬫᬭᬶᬂᬲᬶᬢᬶ᭟ᬲᬂᬩᬮᬯᬵᬗᭂᬯᬍᬲᬂ᭞ᬭᬭᬶᬲ᭄ᬗᭂᬮᬸᬢ᭄᭞ᬩᬗ᭄ᬓ᭄ᬬᬂᬘᬘᬓᬧᬢᬶᬄ᭞ᬫᬭᬸᬓᭂᬢ᭄ᬲᬮᬶᬂᬧᬮᬸ᭞ᬲᬮᬶᬂᬫᬜᭂᬍᬓ᭄ᬫᬢ᭞ᬫᬓᬸᬬᭂᬗᬦ᭄᭞ᬧᬢᬗ᭄ᬓᭂᬧᬾᬲᬮᬶᬂᬩᭂᬦ᭄ᬢᬸᬃ᭞ [᭑᭖ 16A] ᬢᬦ᭄ᬩᬶᬦᬓᬤᬶᬯ᭄ᬬᬖ᭄ᬭᬵ᭞ᬫᬢᬭᬸᬗᬦ᭄ᬮᬯᬦ᭄ᬳᬱ᭄ᬝᬶ᭟ᬓᬲᬶᬗ᭄ᬲᬾᬲᬂᬯᬺᬓᭀᬥᬭ᭞ᬫᬜᬭᬾᬦ᭄ᬤᬾᬂ᭞ᬓᬲᬯᬸᬧ᭄ᬲᬸᬓᬸᬦᬾᬓᬮᬶᬄ᭞ᬓᬢᬶᬩᬵᬫᬭᬶᬂᬯᬢᬸ᭞ᬤᬶᬦ᭄ᬭᬓ᭄ᬫᬸᬓᬵᬢᬶᬦᭂᬧᬓ᭄᭞ᬲᬮᬶᬂᬕᬸᬮᬸᬂ᭞ ᬧᬥᬵᬥᬷᬭᬲᬮᬶᬂᬲᬶᬦ᭄ᬢᬸᬤ᭄᭞ᬲᭂᬯᬾᬧᬥᬲᬸᬤᬢ᭄ᬥᬥ᭞ᬜᬗ᭄ᬲᬾᬦ᭄ᬓᬾᬭᬸᬄᬲᬂᬲᬸᬫᬦ᭄ᬢ᭄ᬭᬶ᭟ᬫᬓᬶᬍᬲᬦ᭄ᬲᬂᬘᬘᬓ᭞ᬗᬮᬶᬲᬶᬗ᭄ᬲᬾ᭞ᬗ᭄ᬮᬭᬂᬉᬧᬬᬲᬡ᭄ᬥᬶ᭞ᬲᬂᬪᬷᬫ᭄ᬫᬵᬬᬫᬦᬸᬮᬸ᭞ᬧᬓ᭄ᬱᬦᬾᬳᬶᬘᬘ ᬓ᭞ᬓᬓᭂᬦᭂᬳᬂ᭞ᬲᬂᬘᬘᬓᬵᬰᬓ᭄ᬢᬶᬢᬸᬳᬸ᭞ᬫᬓᭂᬘᭀᬲ᭄ᬭᬭᬶᬲ᭄ᬢᬸᬫᬡ᭄ᬥᬂ᭞ᬓᬲᬯᬸᬧ᭄ᬩᬢᬶᬲᬾᬓᬮᬶᬄ᭟ᬢᬶᬩᬵᬓᬦ᭄ᬢᭂᬧ᭄ᬲᬂᬘᬘᬓ᭞ᬓᬧᬶᬍᬕᬂ᭞ᬢᭂᬡ᭄ᬥᬲ᭄ᬲᬂᬘᬘᬓᬵᬧᬢᬶᬄ᭞ᬢᬗᬦ᭄ᬲᬸᬓᬸᬲᬫ᭄ᬧᬸᬦ᭄ᬳᭂᬮᬸᬂ ᭞ᬓᬧᭂᬦ᭄ᬧᭂᬦ᭄ᬢᭂᬗᬳᬶᬂᬕᬃᬩ᭄ᬪ᭞ᬫᬕᬮᬸᬮᬸᬓ᭄᭞ᬮᬬᭀᬦᬾᬤᬤᬶᬲᬭᬸ᭞ᬓᬤᬶᬓᭂᬡ᭄ᬥᬂᬫᬦᬸᬗᬥᬄ᭞ᬜᭂᬍᬓᬶᬦ᭄ᬢᬶᬂᬫᬭᬶᬂᬲᬶᬢᬶ᭟ᬲᬫ᭄ᬧᬸᬦ᭄ᬧᭂᬚᬄᬲᬂᬘᬘᬓᬵ᭞ᬓᬧ᭄ᬭᬚᬬ᭞ᬤᬾᬦᬶᬂᬫᬶᬸᬪᬶᬫ᭄ᬫᬦᬾᬫᬗ᭄ᬓᬶᬦ᭄᭞ᬦᬸ

Auto-transliteration

[15 15B] 15 trarismamuñi, inggiḥratusangngahayu, tolihikitityang, hapasaja, hiwangtityangeratu, twaramijilpangandikā, lintanghantuktityangmangkin. mapinunasringhi dewā, mamar̥ĕkan, pacangmanunggalanghurip, kadihatur̀tityangdumun, hidewahatmantityang, sangbalawā, nulimamuñihalus, jriḥtityangtuminghal, bwattityangdahat'hisi n. ketomuñinsangbalawā, nulibangun, mañambakcacakapatiḥ, bangkyangesampunkasintud, sangcacakanungadhaḥ, gĕlisbangun, ngawal̥ĕsmañĕmaksuku, kahuyĕngsangba lawā, kapantigangmaringsiti. sangbalawāngĕwal̥ĕsang, rarisngĕlut, bangkyangcacakapatiḥ, marukĕtsalingpalu, salingmañĕl̥ĕkmata, makuyĕngan, patangkĕpesalingbĕntur̀, [16 16A] tanbinakadiwyaghrā, matarunganlawanhaṣṭi. kasingsesangwr̥ĕkodhara, mañarendeng, kasawupsukunekaliḥ, katibāmaringwatu, dinrakmukātinĕpak, salinggulung, padhādhīrasalingsintud, sĕwepadhasudatdhadha, ñangsenkeruḥsangsumantri. makil̥ĕsansangcacaka, ngalisingse, nglarangupayasaṇdhi, sangbhīmmāyamanulu, pakṣanehicaca ka, kakĕnĕhang, sangcacakāśaktituhu, makĕcosraristumaṇdhang, kasawupbatisekaliḥ. tibākantĕpsangcacaka, kapil̥ĕgang, tĕṇdhassangcacakāpatiḥ, tangansukusampunhĕlung , kapĕnpĕntĕngahinggar̀bbha, magaluluk, layonedadisaru, kadikĕṇdhangmanungadhaḥ, ñĕl̥ĕkintingmaringsiti. sampunpĕjaḥsangcacakā, kaprajaya, deningm̶bhimmanemangkin, nu

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org

Leaf 67

Image on Archive.org

Leaf 68

Image on Archive.org

Leaf 69

Image on Archive.org

Leaf 70

Image on Archive.org