Paparikan Smaradahana 03

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭚᭜᭚ᬲ᭄ᬫᬭᬤᬳᬦᬧᬧᬭᬶᬓᬦ᭄᭚᭜᭚ᬧᬸᬧᬸᬄᬲᬶᬦᭀᬫ᭄᭚᭜᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚ᬧᬫᬸᬚᬦᬶᬂᬓᬯᬶᬰ᭄ᬯᬭ᭞ᬜᬯᬶᬲᬂᬓ ᭠ᬮᬩᬦ᭄‌‌ᬍᬯᬶᬄ᭞ᬗᬯᬶᬦᬂᬓᬤᬶᬃᬖ᭄ᬕᬬᬸᬲᬦ᭄᭞ᬫᬸᬗ᭄ᬕᬳᬶᬂᬲᭂᬓᬃᬢᬸᬜ᭄ᬚᬸᬂ᭠ᬫᬶᬳᬶᬓ᭄᭞ᬓᬮᬶᬗ᭄ᬕᬬᬂᬲᬚᬢᬶ᭞ᬓᬲᬶᬭᬫ᭄ᬲᬩᭂᬄᬓᬘᬢᬹᬃ᭞ᬫᬯᬶᬚᬩᬳᬦ᭄᭠ ᬅᬓ᭄ᬱᬭ᭞ᬧᬗᬯᬶᬦᬾᬮᬶᬦ᭄ᬢᬂᬍᬯᬶᬄ᭞ᬓᬭᬗ᭄ᬓᬶᬢᬂ᭞ᬳᬶᬭᬶᬓᬭᬶᬂᬢᬤᬳ᭠ᬮᬲ᭄᭟ᬫᬳᬲᭂᬧ᭄ᬳᬦ᭄ᬢᬸᬓ᭄‌‌ᬳ᭄ᬬᬂᬪᬸᬩ᭄ᬯ᭞ᬢᬫ᭄ᬮᬶᬮᬶᬗᬦᬾᬗᬭᬶᬗ᭄ᬭᬶᬂ᭞ᬫᬓᬖᭂᬡ᭄ᬝᬳᬶᬤ᭠ ᬋᬓᭀ᭞ᬳᬶᬗ᭄ᬕᬶᬄᬲᬗ᭄ᬳ᭄ᬬᬂᬲ᭄ᬫᬭᬍᬯᬶᬄ᭞ᬧᬶᬳᬃᬱᬬᬂᬭᬢᬸᬦᬾᬫᬗ᭄ᬓᬶᬦ᭄᭞ᬧᬦᬸᬮᬫᬾᬦ᭄ᬲᬂᬳᬸᬮᬗᬸᬦ᭄᭞ᬳᬶᬤᬾᬯ᭄ᬯᬫᬗ᭄ᬯᬲᬬᬂ᭞ᬬᬾᬄᬧᬦᭀᬦ᭄ᬜᬦᬾᬲᬂᬲᭂᬤᬶᬄ [᭒ 2A] ᭒ ᬭᬢᬸᬫ᭄ᬭᬕ᭄ᬕ᭞ᬤᭂᬯᬦᬶᬂᬲᬶᬜ᭄ᬚᬗᬾᬮᬸᬓᬭ᭄᭟ᬯ᭄ᬬᬓ᭄ᬢᬶᬭᬢᬸᬫᬫᭂᬢᭂᬗᬂ᭞ᬫᬗ᭄ᬕᬯᭂᬦᬂᬤᭂᬫᭂᬦ᭄ᬳᬢᬶ᭞ᬫᬗ᭄ᬭᬕᬦᬶᬦ᭄ᬓᬲᭂᬤᬶᬳᬦ᭄᭞ᬬᬤᬶᬦ᭄ᬫᬫᬹᬃᬡ᭄ᬦᬬᬂᬫᬮᬶᬄ᭞ᬧᬲᬸᬓ᭄‌‌ᬯᭂᬢᬸ᭠ ᬦᬶᬂᬫᬦᬶᬲ᭄᭞ᬪᬝᬵᬭᬗᭀᬤᬕ᭄ᬧᬸᬦᬶᬓᬸ᭞ᬫᬗᬯᬶᬦᬂᬓᬲ᭄ᬫᬭᬦ᭄᭞ᬳᬸᬮᬗᬸᬦ᭄ᬫᬦᬳᬾᬫᬮᬶᬄ᭞ᬓᬢᬄᬧᬶᬲᬦ᭄᭞ᬮᬶᬗ᭄ᬕᬶᬄᬧᬮᬸᬗ᭄ᬕᬸᬄᬪᬝᬵᬭ᭟ᬬᬾᬦ᭄‌‌ᬭᬶᬲ᭄ᬤᭂᬓ᭄ ᬭᬶᬂᬧᬫᬺᬫᬦ᭄᭞ᬭᬶᬂᬫᬸᬜ᭄ᬘᬸᬓ᭄‌‌ᬲᬸᬲᬸᬦᬾᬜᬗ᭄ᬓᬶᬄ᭞ᬬᬦᬶᬂᬭᬶᬂᬧᬗᬯᬶᬋᬓᭀ᭞ᬭᬶᬂᬍᬧᬶᬳᬦ᭄ᬓᬭᬲ᭄‌‌ᬳᬰ᭄ᬭᬶ᭞ᬫᬫᬸᬧᬸᬢᬂᬧᬗᬯᬶ᭞ᬫᬓᬕᬸᬭᬸᬦ᭄ᬢᬦᬄᬕᬭᬸ᭞ᬤᬾᬯᬦᬶᬂ ᬓᬓᬯᬶᬬᬦ᭄᭞ᬫᬫᬢᭂᬗᬶᬦ᭄ᬫᬜᬸᬦ᭄ᬤᬭᬶᬦ᭄᭞ᬭᬶᬂᬬᬾᬄᬧᬦᭀᬦ᭄᭟ᬯᬦ᭄ᬢᬄᬪᬝᬵᬭᬫᬮᬶᬗ᭄ᬕ᭞ᬭᬶᬂᬮᬸᬗ᭄ᬕᬸᬄᬕᬥᬸᬗᬾᬫᬶᬬᬶᬓ᭄᭞ᬭᬶᬂᬧᬸᬲᬸᬗᬾᬫᭂᬓ᭄ᬫᭂᬓ᭄ᬱᬫᬄ᭞ᬮᬶᬗ᭄ᬕᬶᬄ

Auto-transliteration

[1 1B] 1 // • // smaradahanapaparikan // • // pupuḥsinom // • // oṁawighnamastu // pamujaningkawiśwara, ñawisangka ‐labanl̥ĕwiḥ, ngawinangkadir̀ghgayusan, munggahingsĕkar̀tuñjung‐mihik, kalinggayangsajati, kasiramsabĕḥkacatūr̀, mawijabahan‐ akṣara, pangawinelintangl̥ĕwiḥ, karangkitang, hirikaringtadaha‐las. mahasĕp'hantuk'hyangbhubwa, tamlilinganengaringring, makaghĕṇṭahida‐ r̥ĕko, hinggiḥsanghyangsmaral̥ĕwiḥ, pihar̀ṣayangratunemangkin, panulamensanghulangun, hidewwamangwasayang, yeḥpanonñanesangsĕdiḥ [2 2A] 2 ratumragga, dĕwaningsiñjangelukar. wyaktiratumamĕtĕngang, manggawĕnangdĕmĕnhati, mangraganinkasĕdihan, yadinmamūr̀ṇnayangmaliḥ, pasukwĕtu‐ ningmanis, bhaṭārangodagpuniku, mangawinangkasmaran, hulangunmanahemaliḥ, kataḥpisan, linggiḥpalungguḥbhaṭāra. yenrisdĕk ringpamr̥ĕman, ringmuñcuksusuneñangkiḥ, yaningringpangawir̥ĕko, ringl̥ĕpihankarashaśri, mamuputangpangawi, makaguruntanaḥgaru, dewaning kakawiyan, mamatĕnginmañundarin, ringyeḥpanon. wantaḥbhaṭāramalingga, ringlungguḥgadhungemiyik, ringpusungemĕkmĕkṣamaḥ, linggiḥ

Leaf 2

Image on Archive.org

[᭒ 2B] ᭒ ᬳᬶᬤᬾᬯᬜᬓᬶᬢᬶᬦ᭄᭞ᬭᬶᬂᬩᬮᬾᬧᬓ᭄ᬭᬩ᭄‌‌ᬭᬯᬶᬢ᭄᭞ᬧᬦᬗ᭄ᬕᬸᬦ᭄ᬢᬢᬾᬭᬾᬓ᭄ᬳᬭᬹᬫ᭄᭞ᬫᬓᬧᬫᬦ᭄ᬤᭂᬫᬦ᭄‌‌ᬮᬶᬬᬢ᭄᭞ᬳᬜᭀᬮᭀᬂᬓᬮᬓᬳᬓ᭄ᬱᬶ᭞ᬧᬗᬜᬸᬤᬦ᭄ ᬧᬸᬢ᭄ᬭᬧᬸᬢ᭄ᬭᬬᬦ᭄‌‌ᬭᬶᬂᬧᬸᬥᬓ᭄᭟ᬫᬓᬤᬾᬯᬦ᭄ᬓᬮᬸᬮᬸᬢᬦ᭄᭞ᬗᬹᬮᬗᬸᬦᬶᬦ᭄‌‌ᬧᬲᬶᬃᬉᬓᬶᬭ᭄᭞ᬫ᭄ᬭᬕ᭄ᬕᬓᬶᬗ᭄ᬓᬶᬂᬭᬶᬂᬳᬫ᭄ᬩᬭ᭞ᬲᬸᬗ᭄ᬲᬸᬢ᭄ᬓᬲ᭄ᬫᬭᬦᬾᬫᬮᬶᬄ᭞ᬪᬝᬵᬭᬫᬗ᭄ᬭᬕᬦᬶᬦ᭄ ᬭᬶᬂᬧᭂᬢᭂᬂᬮᬶᬗ᭄ᬕᬶᬄᬳᬶᬭᬢᬸ᭞ᬲᬂᬲᭂᬤᬶᬄᬫᭂᬱ᭄ᬧᭂᬲ᭄‌‌ᬬᬾᬄᬫᬢ᭞ᬭᬶᬂᬢᬫᬦ᭄ᬦᬾᬗᬸ᭠ᬮᬗᬸᬦᬶᬦ᭄᭞ᬫ᭄ᬯᬄᬭᬶᬂᬮᬶᬫᬸᬢ᭄᭞ᬲᬧᬸᬓᬦ᭄ᬢᭀᬬᬦ᭄‌‌ᬲᬕᬭ᭟ᬭᬶᬂᬧᬕ᭄ᬭᬶᬬᭂᬂᬢ᭄ᬮᬶᬯᬶᬗᬦ᭄ ᬲᬧᬸᬦᬶᬓᬯᬦ᭄ᬢᬄᬚᬢᬶ᭞ᬧᬦ᭄ᬤᬤᭀᬲ᭄‌‌ᬭᬕ᭄ᬕᬦ᭄‌‌ᬪᬝᬵᬭ᭞ᬲᬶᬗ᭄ᬳᬵᬧᬸᬭᬸᬱᬭᬶᬂᬚᬸᬭᬶᬢ᭄᭞ᬭᬶᬂᬢᬭᬸᬡᬦᬾᬧᭂᬓᬶᬓ᭄᭞ᬧᬜ᭄ᬚᬶᬰᬹᬭᬾᬂᬭᬡᬭᬢᬸ᭞ᬲᬓ᭄ᬱᬢ᭄‌‌ᬭᬵᬕ᭄ᬕ᭠ [᭓ 3A] ᭓ ᬓᬸᬲᬸᬫᬵ᭞ᬬᬦᬶᬂᬭᬶᬂᬓᬶᬤᬸᬂᬓᬓᬯᬶᬦ᭄᭞ᬓᬭᬗ᭄ᬓᬶᬢᬂ᭞ᬭᬶᬂᬚᬕᬢᬾᬲᬶᬦᬫᬶᬬᬦ᭄᭟ᬫᬭᬕ᭄ᬕᬫᬦ᭄ᬢ᭄ᬭᬉᬢ᭄ᬢᬫ᭞ᬫᬦᬫ᭄ᬩᬦᬶᬦ᭄ᬩᬸᬤᬸᬄᬧᬮᬶᬂ᭞ᬭᬶᬓᬮᬦᬾᬭᬶᬂᬧᬢᬸᬭᭀ᭠ ᬦ᭄᭞ᬰ᭄ᬭᬶᬓᬵᬫ᭄ᬫᬰ᭄ᬯᬭᬫᬮᬶᬄ᭞ᬧᬭᬩ᭄‌‌ᬳᬶᬭᬢᬸᬲᬸᬚᬢᬶ᭞ᬳᬯᬶᬦᬦ᭄ᬢᬶᬢ᭄ᬬᬂᬫᬦᬸᬳᬸᬃ᭞ᬗᬲ᭄ᬢᬯᬲᬗ᭄ᬳ᭄ᬬᬂᬲ᭄ᬫᬭ᭞ᬩᬶᬧ᭄ᬭᬬᬧᬘᬂᬫᬗᬯᬶ᭞ᬗᬶᬭᬶᬂᬓᬬᬸᬦ᭄᭞ᬳᬶᬤᬲᬂᬳᬫᬯ ᬚᬕᬢ᭄᭟ᬫᬓᬘᬸᬥᬫᬡᬶᬦ᭄‌‌ᬢᬶᬢ᭄ᬬᬂ᭞ᬫ᭄ᬧᬸᬥᬃᬫ᭄ᬫᬵᬚᬧᬸᬦᬶᬓᬶ᭞ᬳᬗ᭄ᬳᬶᬂᬤᭀᬄᬧᬘᬂᬜᬶᬤᬬᬂ᭞ᬢᬶᬢ᭄ᬬᬂᬫᬸᬧᬸᬢᬂᬧᬗᬯᬶ᭞ᬓᬩᬢᭂᬓ᭄ᬳᬦ᭄ᬢᬸᬓ᭄ᬧᬶᬗ᭄ᬕᬶᬂ᭞ᬭᬶᬂᬦᬧᬶᬦᬾᬧᬘᬂ ᬧᬢᬸᬢ᭄᭞ᬲᭀᬢᬦᬶᬂᬓᬯᬶᬳᬜᬃ᭞ᬫᬮᬶᬄᬯ᭄ᬯᭀᬂᬤᬸᬲᬸᬦ᭄‌‌ᬲᬸᬚᬢᬶ᭞ᬲᭀᬓ᭄ᬓᬤᬸᬤᬸᬢ᭄᭞ᬭᬶᬂᬓᬸᬮᬗᬸᬦᬦ᭄‌‌ᬲᬕᬭ᭟ᬭᬶᬳᬶᬦ᭄ᬤᬸᬓ᭄‌‌ᬳᬶᬤᬳ᭄ᬬᬂᬰᬶᬯ᭞ᬫᬦᬗᬸᬦ᭄‌‌ᬬᭀᬕ᭄ᬕ

Auto-transliteration

[2 2B] 2 hidewañakitin, ringbalepakrabrawit, panangguntaterek'harūm, makapamandĕmanliyat, hañolongkalakahaksyi, pangañudan putraputrayanringpudhak. makadewankalulutan, ngūlanguninpasir̀ukir, mraggakingkingringhambara, sungsutkasmaranemaliḥ, bhaṭāramangraganin ringpĕtĕnglinggiḥhiratu, sangsĕdiḥmĕṣpĕsyeḥmata, ringtamannengu‐langunin, mwaḥringlimut, sapukantoyansagara. ringpagriyĕngtliwingan sapunikawantaḥjati, pandadosragganbhaṭāra, singhāpuruṣaringjurit, ringtaruṇanepĕkik, pañjiśūrengraṇaratu, sakṣatrāgga‐ [3 3A] 3 kusumā, yaningringkidungkakawin, karangkitang, ringjagatesinamiyan. maraggamantra'uttama, manambaninbuduḥpaling, rikalaneringpaturo‐ n, śrikāmmaśwaramaliḥ, parab'hiratusujati, hawinantityangmanuhur̀, ngastawasanghyangsmara, biprayapacangmangawi, ngiringkayun, hidasanghamawa jagat. makacudhamaṇintityang, mpudhar̀mmājapuniki, hanghingdoḥpacangñidayang, tityangmuputangpangawi, kabatĕk'hantukpingging, ringnapinepacang patut, sotaningkawihañar̀, maliḥwwongdusunsujati, sokkadudut, ringkulangunansagara. rihinduk'hidahyangśiwa, manangunyogga

Leaf 3

Image on Archive.org

[᭓ 3B] ᭓ ᬦᬸᬲ᭄ᬫ᭄ᬭᬢᬶ᭞ᬫᬭᬶᬂᬫᬳᬵᬫᬾᬭᬸᬋᬓᭀ᭞ᬧᬢᬧᬦ᭄‌‌ᬲᬂᬲᬶᬤ᭄ᬥᬬᭀᬕᬷ᭞ᬓᬲᬬᬸᬩ᭠ᬦ᭄ᬜᬫ᭄ᬩᬸᬳᬰ᭄ᬭᬶ᭞ᬭᬶᬂᬳᭂᬜ᭄ᬚᬸᬂᬢᬸᬓᬤ᭄‌‌ᬧᬸᬦᬶᬓᬸ᭞ᬕᬸᬦᬸᬗᬾᬢᬫ᭄ᬧᭂᬓ᭄ᬧᬶᬲᬦ᭄᭞ᬫᬓᬤᬾᬯᬦ᭄ᬤᬾᬯ ᬲᬫᬶ᭞ᬦᬗᬸᬦ᭄ᬢᬧᬵ᭞ᬬᬾᬦ᭄ᬦᬧᬶᬫᬮᬶᬄᬲᬭᬢᬂ᭟ᬤᬾᬦᬶᬂᬧᬭᬕᬬᬦ᭄‌‌ᬳᬶᬤ᭞ᬧᬭᬫᬢᬢ᭄ᬯᬦᬾᬮᬸᬯᬶᬄ᭞ᬓᬵᬦᬹᬢᬶᬦ᭄‌‌ᬲᬃᬯ᭄ᬯᬳᬕᬫ᭞ᬒᬫ᭄ᬓᬭᬰᬶᬯᬯᬗ᭄ᬕᬮᬸᬯᬶᬄ᭞ᬦᬸᬗ᭄ᬕᬮ᭄‌‌ᬋᬓᬾ ᬯᬶᬬᬓ᭄ᬢᬶ᭞ᬳᬸᬦ᭄ᬢᭂᬂᬩ᭄ᬭᬳ᭄ᬫᬵᬫᬦ᭄ᬢ᭄ᬭᬧᬸᬢᬸᬲ᭄᭞ᬫ᭄ᬯᬄᬳᬓ᭄ᬱᬭᬦ᭄ᬜᬓᭀᬘᬧ᭄᭞ᬲᬢᬶᬗ᭄ᬓᬳᬶᬂᬤᬰᬫᬹᬃᬢ᭄ᬢᬶ᭞ᬓᬤᬩ᭄ᬤᬩᬂ᭞ᬲᭂᬗ᭄ᬓᬦᬶᬂᬰ᭄ᬯᬭᬯᬶᬳᬜ᭄ᬚᬦ᭟ᬲᬶᬗᬶᬤᬶᬂᬚ᭄ᬜᬵᬦᬯᬶᬰᬾᬱ᭞ᬫᬶᬤᭂᬃᬧᬗᬾ ᬜ᭄ᬘᭂᬧᬾᬫᬗ᭄ᬓᬶᬦ᭄᭞ᬳᬸᬥᭂᬧ᭄‌‌ᬮᬸᬯᬶᬄᬫᬗᬺᬕᭂᬧᬂ᭞ᬫᬸᬘᭂᬄᬇᬦ᭄ᬤ᭄ᬭᬶᬬᬭᬶᬂᬳᬢᬶ᭞ᬢᬦ᭄ᬯᬾᬦ᭄ᬢᭂᬦ᭄‌‌ᬫᬭᬯᬢ᭄‌‌ᬫᬮᬶᬄ᭞ᬦᭂᬍᬩᬂᬲᬸᬓᬦ᭄ᬧᬢᭂᬫᬸ᭞ᬲᬬᬂᬓᬚᭂᬕᬾᬕᬦ᭄ᬜ᭞ᬯᬶᬥᬥᬭᬶᬍᬯᬶᬄᬍᬯᬶᬄ [᭔ 4A] ᭔ ᬢᬦ᭄ᬓᬮᬶᬗᬸ᭞ᬳᬦ᭄ᬢᬸᬓ᭄‌‌ᬳᬶᬤᬲᬗ᭄ᬳ᭄ᬬᬂᬰᬶᬯ᭟ᬫᬮᬶᬄᬋᬓᬾᬯᬃᬡ᭄ᬦᬦ᭄‌‌ᬳᬶᬤ᭞ᬲᬗ᭄ᬳ᭄ᬬᬂᬰ᭄ᬭᬶᬖᬶᬭᬶᬧᬵᬢᬶ᭞ᬯᬳᬸᬫᬗ᭄ᬭᬚᬲᬸᬯᬮᬵ᭞ᬘᬭᬶᬢᬰ᭄ᬯᬃᬕ᭄ᬕᬦᬾᬫᬗ᭄ᬓᬶᬦ᭄᭞ᬓᬭᬸᬲᬓᬦ᭄‌‌ᬯᬶᬬᬓ᭄ᬢᬶ ᬳᬦ᭄ᬢᬸᬓ᭄‌‌ᬭᬓ᭄ᬱᬲᬫᬗᭂᬩᬸᬕ᭄᭞ᬧᬜ᭄ᬚᬓ᭄‌‌ᬳᬶᬦᬶᬮᬵᬭᬹᬤ᭄ᬭᬓ᭞ᬭᬢᬸᬦᬾᬭᬶᬂᬲᬾᬦᬧᬸᬭᬶ᭞ᬭᬶᬂᬩᭀᬗ᭄ᬓᭀᬮ᭄ᬜ᭞ᬕᬸᬦᬸᬂᬳᬶᬫᬯᬦ᭄‌‌ᬧᬸᬦᬶᬓ᭟ᬮᬫ᭄ᬩᬸᬗᬾᬲᬤᬩᬮᬾᬭᬦ᭄᭞ᬧᬸ᭠ ᭠ᬭᬶᬦ᭄ᬜᬦᬾᬫᬗᬾᬯᭂᬳᬶᬦ᭄᭞ᬲᬯᬗ᭄ᬓᭀᬦᬶᬂᬢᭂᬕᬮ᭄ᬲᬾᬦ᭞ᬚᭂᬭᬶᬄᬢᬦ᭄ᬧᬸᬭᬸᬦ᭄‌‌ᬫᬢᬦ᭄ᬤᬶᬂ᭞ᬳᬯᬶᬦᬦ᭄ᬜᬦᬾᬫᬗ᭄ᬓᬶᬦ᭄᭞ᬯᬢᭂᬓ᭄ᬤᬾᬯᬲᬫᬶᬳᬶᬩᬸᬓ᭄᭞ᬗᭂᬮ᭄ᬋᬓᬾᬲᬫᬶᬬᬦ᭄ ᬰ᭄ᬯᬃᬕ᭄ᬕᬦᬾᬓᬭᬸᬲᬸᬳᬶᬦ᭄᭞ᬲᬓᬢᬄᬜᬯᬢᭂᬓ᭄ᬤᬰᬮᭀᬓᬨᬮ᭟ᬲᬫᬶᬓᬸ᭠ᬫ᭄ᬧᬸᬮ᭄ᬫᬢᬶᬫ᭄ᬩᬗᬦ᭄᭞ᬲᬓᬢᬳᬶᬂᬲᬂᬲᬶᬤᬵᬃᬱᬶ᭞ᬯᬲᬶᬱ᭄ᬝᬫᬶᬯᬄᬦᬵᬭᬤ᭞ᬖᬡ᭄ᬥᬃᬯ᭄ᬯᬳᬧ᭄ᬱᬭ

Auto-transliteration

[3 3B] 3 nusmrati, maringmahāmerur̥ĕko, patapansangsiddhayogī, kasayuba‐nñambuhaśri, ringhĕñjungtukadpuniku, gunungetampĕkpisan, makadewandewa sami, nanguntapā, yennapimaliḥsaratang. deningparagayanhida, paramatatwaneluwiḥ, kānūtinsar̀wwahagama, aumkaraśiwawanggaluwiḥ, nunggalr̥ĕke wiyakti, huntĕngbrahmāmantraputus, mwaḥhakṣaranñakocap, satingkahingdaśamūr̀tti, kadabdabang, sĕngkaningśwarawihañjana. singidingjñānawiśeṣa, midĕr̀pange ñcĕpemangkin, hudhĕpluwiḥmangr̥ĕgĕpang, mucĕḥindriyaringhati, tanwentĕnmarawatmaliḥ, nĕl̥ĕbangsukanpatĕmu, sayangkajĕgeganña, widhadharil̥ĕwiḥl̥ĕwiḥ [4 4A] 4 tankalingu, hantuk'hidasanghyangśiwa. maliḥr̥ĕkewar̀ṇnanhida, sanghyangśrighiripāti, wahumangrajasuwalā, caritaśwar̀gganemangkin, karusakanwiyakti hantukrakṣasamangĕbug, pañjak'hinilārūdraka, ratuneringsenapuri, ringbongkolña, gununghimawanpunika. lambungesadabaleran, pu‐ ‐rinñanemangewĕhin, sawangkoningtĕgalsena, jĕriḥtanpurunmatanding, hawinanñanemangkin, watĕkdewasamihibuk, ngĕlr̥ĕkesamiyan śwar̀gganekarusuhin, sakataḥñawatĕkdaśalokaphala. samiku‐mpulmatimbangan, sakatahingsangsidār̀syi, wasiṣṭamiwaḥnārada, ghaṇdhar̀wwahapṣara

Leaf 4

Image on Archive.org

[᭔ 4B] ᭔ ᬗᬶᬭᬶᬂ᭞ᬲᬗ᭄ᬳ᭄ᬬᬂᬇᬦ᭄ᬤ᭄ᬭᬫᬓᬤᬶ᭞ᬫᬶᬦᬓᬤᬶᬦᬾᬓᬢᬸᬭᬸᬢ᭄᭞ᬳᬶᬭᬶᬓᬭᬶᬂᬧᬦᬗ᭄ᬓᬶ᭠ᬮᬦ᭄᭞ᬧᬳᬶᬗᬦᬦ᭄ᬲᬫ᭄ᬧᬸᬦ᭄ᬢᬶᬢᬶᬩ᭄᭞ᬧᬦᬗ᭄ᬓᬶᬮᬦ᭄᭞ᬲᬗ᭄ᬳ᭄ᬬᬂᬇᬦ᭄ᬤ᭄ᬭᬫᬯᬘᬦ᭞ᬥᬸᬄᬤᬾᬯ᭄ᬯᬲᬂ ᬯᬷᬭᬧᬸᬭᬸᬱ᭞ᬳᬧ᭄ᬱᬭᬦᬾᬫᬓᬲᬫᬶ᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬦ᭄ᬤᬬᬦᬂ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸᬲᬫ᭄ᬧᬸᬦ᭄‌‌ᬚᭂᬭᬶᬄ᭞ᬓᬲᭀᬃᬓᬯᬶᬰᬾᬱᬦ᭄ᬲᬫᬶ᭞ᬭᬶᬂᬧᬬᬸᬤᬦ᭄ᬲᬫ᭄ᬧᬸᬦᬸᬗ᭄ᬓᬸᬮ᭄᭞ᬲᬫ᭄ᬧᬸᬦᬂᬗ᭠ ᬦ᭄ᬤᭂᬮᬂᬢᬶᬢᬶᬬᬂ᭞ᬭᬶᬂᬧᬬᬸᬤᬦ᭄ᬫᬦᬦ᭄ᬤᬶᬗᬶᬦ᭄᭞ᬩᭂᬘᬶᬓ᭄‌‌ᬭᬸᬭᬸᬄ᭞ᬓᬦ᭄ᬢᬶᬦᬾᬲᬦᬾᬮᬶ᭠ᬬᬦᬦ᭄᭟ᬬᬦ᭄ᬧᬤᬾᬳᬶᬤᬳ᭄ᬬᬂᬰᬶᬯ᭞ᬲᬭᬢ᭄‌‌ᬧᬘᬂᬳᬗ᭄ᬕᬾᬦ᭄ᬓᬦ᭄ᬢᬶ᭞ᬳᬶᬤᬦᬶᬗ᭄ᬕᬮᬂᬲᬜ᭄ᬚᬢ᭞ ᬭᬶᬂᬤᬕᬶᬂᬚᬕᬢᬾᬲᬫᬶ᭞ᬳᬶᬤᬢᬦ᭄ᬓᬸᬫᬭᬶᬲᬶᬦ᭄᭞ᬫᬶᬯᬄᬭᬶᬂᬦᬾᬳᬬᬸᬳᬬᬸ᭞ᬫᬓᬤᬶᬧᬜ᭄ᬘᬯᬶᬱᬬ᭞ᬇᬦ᭄ᬤ᭄ᬭᬶᬬᬦᬾᬗᬸᬮᬗᬸᬦᬶᬦ᭄᭞ᬢᬦ᭄‌‌ᬗᭀᬩᬳᬂ᭞ᬓᬬᬸᬦ᭄ᬳᬶᬤᬲᬗ᭄ᬳ᭄ᬬᬂᬰᬶᬯ᭟ [᭕ 5A] ᭕ ᬢ᭄ᬯᬶᬧᬕᭂᬄᬳᬶᬤᬫᬬᭀᬕ᭄ᬕ᭞ᬥᬗ᭄ᬳ᭄ᬬᬂᬯᬺᬳᬲ᭄ᬧᬢᬶᬜᬳᬸᬭᬶᬦ᭄᭞ᬦᬶᬓᬶᬯᬾᬦ᭄ᬢᭂᬦ᭄ᬤᬬᬦ᭄‌‌ᬢᬶᬢ᭄ᬬᬂ᭞ᬭᬢᬸᬲᬗ᭄ᬳ᭄ᬬᬂᬰᬘᬶᬧᬢᬶ᭞ᬳᬶᬤᬳ᭄ᬬᬂᬲ᭄ᬫᬭᬫᬗ᭄ᬓᬶᬦ᭄᭞ᬲᬭᬢᬂᬢᬸᬦᬲᬶᬦ᭄ᬢᬸᬮᬸᬂ᭞ᬧᬢᬸᬢ᭄ ᬫᬦᬳᬂᬢᬶᬢ᭄ᬬᬂ᭞ᬫᬗ᭄ᬤᬳᬶᬤᬫᬫᬦᬳᬶᬦ᭄᭞ᬲᬗ᭄ᬳ᭄ᬬᬂᬰᬶᬯ᭞ᬳᬦ᭄ᬢᬸᬓ᭄ᬧᬦᬄᬓᬸᬮᬗᬸᬦᬦ᭄᭟ᬫᬗ᭄ᬤᬾᬦᬾᬳᬶᬤᬓᬲ᭄ᬫᬭᬦ᭄᭞ᬮᬸᬮᬸᬢ᭄ᬓᬬᬸᬦᬾᬧᬺᬫᬗ᭄ᬓᬶᬦ᭄᭞ᬩᬶᬮᬶᬄᬳᬶᬤᬤᬾᬯᬶᬉᬫ᭞ᬓ᭠ ᬲᭂᬦᭂᬗᬶᬦ᭄‌‌ᬫᬸᬂᬧᬸᬂᬫᬗ᭄ᬓᬶᬦ᭄᭞ᬳᬶᬤᬲᬫ᭄ᬧᬸᬦ᭄ᬢᬭᬸᬡᬷ᭞ᬬᬦ᭄ᬲᬫ᭄ᬧᬸᬦ᭄ᬫᬢᭂᬫᬸᬮᬸᬮᬸᬢ᭄᭞ᬳᬶᬤᬲᬫᬶᬓᬲ᭄ᬫᬭᬦ᭄᭞ᬬᬦ᭄ᬫᬦ᭄ᬥᭂᬕ᭄‌‌ᬳᬶᬤᬗᬺᬫ᭄ᬧᬶᬦᬷ᭞ᬧᬶᬲᬭᬢᬂ᭞ᬫᬗ᭄ᬤᬳᬶᬤᬲᬶᬤᬜᬶᬗᬓ᭄᭟ ᬧᬮᬶᬗ᭄ᬕᬶᬳᬦ᭄ᬲᬮᬄᬭᬹᬧᬵ᭞ᬕᬚᬳᬾᬳᬕᭃᬂᬧᬸᬦᬶᬓᬶ᭞ᬓᬓᬾᬯᭂᬳᬦ᭄ᬤᬬᬧᬸᬦᬶᬓ᭞ᬕᭂ᭠ᬮᬶᬓᬶᬦ᭄‌‌ᬢᬶᬫ᭄ᬩᬂᬢᬶᬫ᭄ᬩᬗᬶᬦ᭄᭞ᬧᬸᬧᬸᬢ᭄‌‌ᬲᬧᬸᬦᬶᬓᬯᬶᬬᬓ᭄ᬢᬶ᭞ᬪᬕᬯᬦ᭄‌‌ᬯᬺᬳᬲ᭄ᬧᬢᬶᬫᬢᬹᬃ

Auto-transliteration

[4 4B] 4 ngiring, sanghyangindramakadi, minakadinekaturut, hirikaringpanangki‐lan, pahinganansampuntitib, panangkilan, sanghyangindramawacana, dhuḥdewwasang wīrapuruṣa, hapṣaranemakasami, kenkenbahanmandayanang, brahmāwiṣṇusampunjĕriḥ, kasor̀kawiśeṣansami, ringpayudansampunungkul, sampunangnga‐ ndĕlangtitiyang, ringpayudanmanandingin, bĕcikruruḥ, kantinesaneli‐yanan. yanpadehidahyangśiwa, saratpacanghanggenkanti, hidaninggalangsañjata, ringdagingjagatesami, hidatankumarisin, miwaḥringnehayuhayu, makadipañcawiṣaya, indriyanengulangunin, tanngobahang, kayunhidasanghyangśiwa. [5 5A] 5 twipagĕḥhidamayogga, dhanghyangwr̥ĕhaspatiñahurin, nikiwentĕndayantityang, ratusanghyangśacipati, hidahyangsmaramangkin, saratangtunasintulung, patut manahangtityang, mangdahidamamanahin, sanghyangśiwa, hantukpanaḥkulangunan. mangdenehidakasmaran, lulutkayunepr̥ĕmangkin, biliḥhidadewi'uma, ka‐ sĕnĕnginmungpungmangkin, hidasampuntaruṇī, yansampunmatĕmululut, hidasamikasmaran, yanmandhĕg'hidangr̥ĕmpinī, pisaratang, mangdahidasidañingak. palinggihansalaḥrūpā, gajahehagöngpuniki, kakewĕhandayapunika, gĕ‐likintimbangtimbangin, puputsapunikawiyakti, bhagawanwr̥ĕhaspatimatūr̀

Leaf 5

Image on Archive.org

[᭕ 5B] ᭕ ᬓᬧᬢᬸᬢᬂᬓᬲᬸᬫ᭄ᬩᬸᬗᬂ᭞ᬳᬦ᭄ᬢᬸᬓ᭄‌‌ᬲᬗ᭄ᬳ᭄ᬬᬂᬰᬘᬶᬧᬢᬶ᭞ᬤᬾᬦᬶᬂᬳᬶᬤ᭞ᬧᬵᬡ᭄ᬥᬶᬢᬮ᭄ᬯᬶᬄᬲᬶᬥ᭄ᬤᬶᬗᬸᬘᬧ᭄᭟ᬤᬾᬯᬢᬲᬫᬶᬫᬢᬸᬢᬂ᭞ᬤᬾᬦᬶᬂᬩᬩᬯᭀᬲᬾᬚᬢᬶ᭞ᬗᬦᬸᬢᬶᬦ᭄ᬤᬕᬶᬗᬶᬂ ᬯᬾᬤ᭄ᬤ᭞ᬧ᭄ᬭᬚ᭄ᬜᬦ᭄‌‌ᬭᬶᬂᬧᬗ᭄ᬭᬯᭀᬲ᭄‌‌ᬚᬢᬶ᭞ᬓᬗ᭄ᬕᬾᬭᬶᬂᬰ᭄ᬯᬃᬕ᭄ᬕᬲᬫᬶ᭞ᬧᬰ᭄ᬘᬤ᭄‌‌ᬫᬭᬶᬂᬲᬲ᭄ᬢ᭄ᬭᬧᬸᬢᬸᬲ᭄᭞ᬫᬮᬶᬄᬤᬕᬶᬗᬶᬦ᭄‌‌ᬫᬦ᭄ᬢ᭄ᬭ᭞ᬫᬶᬯᬄᬤᬕᬶᬂᬭᬵᬚᬦᬶᬢᬶ᭞ᬲᬫ᭄ᬧᬸᬦ᭄ᬳᬶᬗ᭄ᬓᬸᬧ᭄᭞ᬫᬫᬃᬕ᭄ᬕᬶᬳᬶ ᭠ᬤᬲᬫᬶᬬᬦ᭄᭟᭜᭟ᬧᬸᬧᬸᬄᬥᬹᬃᬫ᭄ᬫ᭚ᬲᬕᭂᬋᬳᬦ᭄‌‌ᬫᬫᬃᬕ᭄ᬕᬶᬓᬲ᭄ᬫᬭᬮᭀᬓ᭞ᬗ᭠ᬫ᭄ᬩᬭᬋᬓᬾᬫᬫᬃᬕ᭄ᬕᬶ᭞ᬗᬸᬗ᭄ᬲᬶᬫᬗᬶᬦᬂ᭞ᬗᬫ᭄ᬩᬄᬭᬶᬂᬯᬶᬰ᭄ᬯᬤᬾᬰ᭞ᬫᬗᬸᬗ᭄ᬓᬸᬮ᭄ᬫᬗ᭄ᬓᬶᬦ᭄ᬓᬳᬓ᭄ᬱᬶ ᬧᬸᬭᬶᬦ᭄‌‌ᬳ᭄ᬬᬂᬲ᭄ᬫᬭ᭞ᬧᬸᬭᬶᬦᬾᬮ᭄ᬯᬶᬄᬗᬗᭀᬩᬶᬦ᭄᭟ᬅᬦ᭄ᬢᬸᬓ᭄‌‌ᬲᭂᬓᬃᬳᬶᬦ᭄ᬢᭂᬦ᭄ᬧᬯᬗᬸ᭠ᬦ᭄‌‌‌‌ᬧᬸᬦᬶᬓ᭞ᬓᭀᬭᬶᬳᬕᬸᬗᬾᬗᭂᬦ᭄ᬤᬶᬄ᭞ᬮᬸᬯᬶᬃᬢᬢᬶᬢ᭄‌‌ᬤᬸᬫᬶᬮᬄ᭞ᬧᬜᭂᬗ᭄ᬓᭂᬃᬜᬦᬾ [᭖ 6A] ᭖ ᬫᬸᬦ᭄ᬢᬩ᭄᭞ᬫᬳᬸᬓᬶᬃᬫᬧᬢᬺᬲᬭᬷ᭞ᬜᬸᬓ᭄ᬘᬸᬓ᭄ᬳᬫ᭄ᬩᬭ᭞ᬢᭂᬕᭂᬳᬾᬗᬸᬮᬗᬸᬦᬶᬦ᭄᭟ᬓᬳᬧᬶᬢᬂᬳᬦ᭄ᬢᬸᬓ᭄ᬘᬫᬭᬫᭀᬬᭀᬕᬦ᭄᭞ᬢᬾᬚᬩᬸᬮᬦᬾᬗᬳᭀᬭᬶᬦ᭄᭞ᬫᬓᬮ᭠ ᬗᬦ᭄ᬲᭂᬦ᭄ᬢᬓ᭄᭞ᬓᬺᬩ᭄ᬓᬤᬶᬕᬸᬍᬫ᭄ᬮᬗᬄ᭞ᬩᬭᬓ᭄‌‌ᬩᬸᬮᬦᬾᬜᬸᬦ᭄ᬤᬭᬶᬦ᭄᭞ᬩᬮᬾᬧᬭᬸᬫᬦ᭄᭞ᬜᬢᬹᬃᬫᬲ᭄‌‌ᬫᬓᬲᬫᬶ᭟ᬫᬭᬾᬭᭀᬤ᭄‌‌ᬭᬯᬸᬄᬓᬵᬮᬸᬦᬵᬮᬸᬦ᭄ᬢᬦ᭄ᬧᭂᬕᬢ᭄᭞ ᬲᬓᬤᬶᬕᬸᬍᬫ᭄‌‌ᬢᬶᬧᬶᬲ᭄᭞ᬢᬾᬫ᭄ᬩᭀᬓ᭄ᬜᬧᬸᬦᬶᬓ᭞ᬗ᭄ᬕᬯᬾᬳᬸᬮᬧ᭄‌‌ᬲᬂᬗᬦ᭄ᬢᭂᬦᬂ᭞ᬓ᭄ᬤᬧᬦ᭄ᬧᬭᬶᬚᬢᬗᭂᬦ᭄ᬤᬶᬄ᭞ᬧᬫᬸᬕ᭄ᬩᬸᬕ᭄ᬫᬶᬭᬄ᭞ᬗ᭄ᬕᬯᬾᬕᬮᬂᬭᬶᬂᬯᭂᬗᬶ᭟ᬯᬲ᭄ᬢ᭄ᬭᬋᬓᬾᬓᬗ᭄ᬕᬾ᭠ ᬦ᭄ᬧᬢᬓᬧᬸᬦᬶᬓ᭞ᬗᬸᬮᬾᬧᬢ᭄‌‌ᬓᬢᭂᬫ᭄ᬧᬸᬄᬳᬗᬶᬦ᭄᭞ᬫᬡᬶᬓ᭄‌‌ᬘᬦ᭄ᬤ᭄ᬭᬓᬡ᭄ᬝ᭞ᬫᬶᬯᬄᬦᬶᬮᬵᬫᬘᬓ᭄ᬘᬓ᭄᭞ᬭᬶᬧᬦᬢᬭᬦᬾᬗᭂᬦ᭄ᬤᬶᬄ᭞ᬮᬾᬦ᭄ᬧᬭᬶᬚᬢ᭞ᬭᬶᬂᬢᬫᬦ᭄ᬜᬦᬾ᭠

Auto-transliteration

[5 5B] 5 kapatutangkasumbungang, hantuksanghyangśacipati, deninghida, pāṇdhitalwiḥsidhdingucap. dewatasamimatutang, deningbabawosejati, nganutindaginging wedda, prajñanringpangrawosjati, kanggeringśwar̀ggasami, paścadmaringsastraputus, maliḥdaginginmantra, miwaḥdagingrājaniti, sampunhingkup, mamar̀ggihi ‐dasamiyan \\•\\ pupuḥdhūr̀mma // sagĕr̥ĕhanmamar̀ggikasmaraloka, nga‐mbarar̥ĕkemamar̀ggi, ngungsimanginang, ngambaḥringwiśwadeśa, mangungkulmangkinkahaksyi purinhyangsmara, purinelwiḥngangobin. antuksĕkar̀hintĕnpawangu‐npunika, korihagungengĕndiḥ, luwir̀tatitdumilaḥ, pañĕngkĕr̀ñane [6 6A] 6 muntab, mahukir̀mapatr̥ĕsarī, ñukcuk'hambara, tĕgĕhengulangunin. kahapitanghantukcamaramoyogan, tejabulanengahorin, makala‐ ngansĕntak, kr̥ĕbkadigul̥ĕmlangaḥ, barakbulaneñundarin, baleparuman, ñatūr̀masmakasami. marerodrawuḥkālunāluntanpĕgat, sakadigul̥ĕmtipis, tembokñapunika, nggawehulapsangngantĕnang, kdapanparijatangĕndiḥ, pamugbugmiraḥ, nggawegalangringwĕngi. wastrar̥ĕkekangge‐ npatakapunika, ngulepatkatĕmpuḥhangin, maṇikcandrakaṇṭa, miwaḥnilāmacakcak, ripanataranengĕndiḥ, lenparijata, ringtamanñane‐

Leaf 6

Image on Archive.org

[᭖ 6B] ᭖ ᬳᬰ᭄ᬭᬶ᭟ᬗᭂᬦ᭄ᬤᬶᬄᬕᬮᬂᬘᬳ᭄ᬬᬦ᭄ᬜᬦᬾᬫᬓᬶᬮᬶᬢᬦ᭄᭞ᬩᬸᬗᬦ᭄ᬜᬫᬯᬃᬡ᭄ᬦᬶᬯᬃᬡ᭄ᬦᬶ᭞ᬕᬥᬸ᭠ᬗᬾᬗᬺᬫ᭄ᬧᬬᬓ᭄᭞ᬫᬓᬶᬮᬶᬢ᭄‌‌ᬫᬲ᭄ᬭᬯᬾᬬᬦ᭄᭞ᬗᬮᬶᬓᬸᬩ᭄‌‌ᬩᭀᬦ᭄ᬜᬦᬾᬫᬶᬬᬶᬓ᭄᭞ᬲᬭᬶ᭠ ᬦ᭄ᬜᬳᬳᬲ᭄᭞ᬫᬘᬫ᭄ᬧᬸᬄᬭᬶᬂᬓᬱ᭄ᬝᬸᬭᬶ᭟ᬫᬶᬯᬄᬯᬾᬦ᭄ᬢᭂᬦ᭄‌‌ᬓ᭄ᬮᭀᬤ᭄ᬓᬗᬶᬦ᭄ᬕᬕᬸᬦᬸᬗᬦ᭄᭞ᬤᬸᬫᬶᬮᬄᬗᬸᬮᬗᬸᬦᬶᬦ᭄᭞ᬢᬹᬃᬫᬘᬘᬦ᭄ᬤᬶᬬᬦ᭄᭞ᬢᭀᬬᬦ᭄ᬜᬦᬶᬂᬫᬸᬜ᭄ᬘ᭄ᬭᬢ᭄᭞ᬭᬶᬂᬳᬫ᭄ᬩᬭᬦᬾᬫᬗᭂ᭠ ᬘᬶᬭ᭄᭞ᬲᬓᬾᬂᬧᬸᬘᬓ᭄ᬜ᭞ᬢ᭄ᬭᬾᬩᬾᬲᬦ᭄ᬜᬜᬶᬭᬫᬶᬦ᭄᭟ᬲᬃᬯ᭄ᬯᬩᬸᬗ᭄ᬳᬵᬓᬓᬬᭀᬦᬦᬾᬭᬶᬂᬢᬫᬦ᭄᭞ᬓᬲᬶᬭᬫ᭄‌‌ᬫᬓᬲᬫᬶ᭞ᬓᭂᬤᬶᬲ᭄ᬜᬦᬾᬍᬕᭃ᭞ᬫᬓᭂᬩᭂᬃᬧᬲᬮᬶᬬᬩ᭄᭞ᬲᭂᬧᬸᬓ᭠ ᬓᬦ᭄‌‌ᬬᬾᬳᬾᬓᬳᬸᬗ᭄ᬲᬶ᭞ᬓᬾᬄᬬᬾᬦ᭄ᬩᬯᭀᬲᬂ᭞ᬓᬸᬮᬗᬸᬦᬦ᭄ᬜᬲᬫᬶ᭟ᬲᬤᬕᬶᬗᬶᬂᬧᬸᬭᬶ᭠ᬦᬾᬭᬶᬂᬲ᭄ᬫᬭᬮᭀᬓ᭞ᬤᬾᬯᬢᬦᬾᬕᬳᭀᬓ᭄ᬱᬫᬶ᭞ᬳᬦ᭄ᬢᬸᬓ᭄‌‌ᬧᬸᬭᬶᬦ᭄ᬳᬶᬤ᭞ᬓᬮᬶᬦ᭄ᬢᬂᬮᬸᬯᬶᬄ᭠ [᭗ 7A] ᭗ ᬧᬶᬲᬦ᭄᭞ᬫᬸᬮᬲᬭᬶᬦ᭄‌‌ᬗᬸᬮᬗᬸᬦᬶᬦ᭄᭞ᬓᬲᬸᬩ᭄‌‌ᬓᬳᬸᬘᬧ᭄᭞ᬓᬲᬸᬫ᭄ᬩᬸᬗᬂᬧᬋᬓᬯᬶ᭟ᬫᬸᬮᬩᭀᬗ᭄ᬓᭀᬮ᭄‌‌ᬲᬤᬕᬶᬗᬶᬂᬓᬫᬢᬦ᭄ᬢ᭄ᬭ᭞ᬢᬹᬃᬓᬧᬶᬗᬶᬢᬂᬯᬶᬬᬓ᭄ᬢᬶ᭞ᬫᬶᬯᬄᬓᬭ᭠ ᬗ᭄ᬓᬶᬢᬂ᭞ᬓᬳᬗ᭄ᬕᬾᬦ᭄ᬓᬓᬯᬶᬳᬦ᭄᭞ᬭᬯᬸᬄᬲᬗ᭄ᬳ᭄ᬬᬂᬇᬦ᭄ᬤ᭄ᬭᬫᬗ᭄ᬓᬶᬦ᭄᭞ᬭᬶᬂᬲ᭄ᬫᬭᬮᭀᬓ᭞ᬲᬋᬂᬲᬂᬧᬋᬋᬱᬶ᭟᭜᭟ᬧᬸᬧᬸᬄᬕᬶᬦᬤ᭟ᬓᭀᬘᬧ᭄‌‌ᬳᬶᬤᬲᬗ᭄ᬳ᭄ᬬᬂᬲ᭄ᬫᬭ᭞ᬲᬫ᭄ᬧᬸᬦ᭄ ᬜᬯᬶᬲᬂᬦᬾᬫᬗ᭄ᬓᬶᬦ᭄᭞ᬯᬚᬶᬓ᭄ᬢᬗᬦ᭄‌‌ᬫᬶᬯᬄᬘᭀᬓᭀᬃ᭞ᬳᬸᬦᬶᬭᬶᬂᬲᭀᬮᬄᬫᬢ᭠ᬫᬶᬬᬸ᭞ᬫᬜᬧᬳᬶᬤᬲᬺᬗ᭄ᬕᬭ᭞ᬳᬲᬸᬂᬮᬶᬗ᭄ᬕᬶᬄ᭞ᬭᬶᬂᬬᬫ᭄ᬫᬩᬭᬸᬡᬵᬓ᭄ᬯᬾᬭ᭟ᬫᬶᬯᬄᬤᬾᬰ᭠ ᬮᭀᬓᬨᬮᬵ᭞ᬩᭂᬮᭀᬤᬦ᭄‌‌ᬳᬶᬤᬫᬮᬶᬗ᭄ᬕᬶᬄ᭞ᬲᬗ᭄ᬳ᭄ᬬᬂᬇᬦ᭄ᬤ᭄ᬭᬫᬢᬹᬃᬳᬮᭀᬦ᭄᭞ᬭᬶᬂᬲᬂᬓᬢᬸᬦᬲᬶᬦ᭄ᬳᬲᬸᬂ᭞ᬳᬶᬗ᭄ᬕᬶᬄᬤᬾᬯ᭄ᬯᬲᬗ᭄ᬳ᭄ᬬᬂᬲ᭄ᬫᬭ᭞ᬓ᭄ᬭᬡᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬭᬯᬸᬄᬭᬶᬂᬳᬶᬤᬾᬯ᭄ᬯ᭞

Auto-transliteration

[6 6B] 6 haśri. ngĕndiḥgalangcahyanñanemakilitan, bunganñamawar̀ṇniwar̀ṇni, gadhu‐ngengr̥ĕmpayak, makilitmasraweyan, ngalikubbonñanemiyik, sari‐ nñahahas, macampuḥringkaṣṭuri. miwaḥwentĕnklodkangin'gagunungan, dumilaḥngulangunin, tūr̀macacandiyan, toyanñaningmuñcrat, ringhambaranemangĕ‐ cir, sakengpucakña, trebesanñañiramin. sar̀wwabunghākakayonaneringtaman, kasirammakasami, kĕdisñanel̥ĕgö, makĕbĕr̀pasaliyab, sĕpuka‐ kanyehekahungsi, keḥyenbawosang, kulangunanñasami. sadagingingpuri‐neringsmaraloka, dewatanegahokṣami, hantukpurinhida, kalintangluwiḥ‐ [7 7A] 7 pisan, mulasarinngulangunin, kasubkahucap, kasumbungangpar̥ĕkawi. mulabongkolsadagingingkamatantra, tūr̀kapingitangwiyakti, miwaḥkara‐ ngkitang, kahanggenkakawihan, rawuḥsanghyangindramangkin, ringsmaraloka, sar̥ĕngsangpar̥ĕr̥ĕsyi \\•\\ pupuḥginada. kocap'hidasanghyangsmara, sampun ñawisangnemangkin, wajiktanganmiwaḥcokor̀, huniringsolaḥmata‐miyu, mañapahidasr̥ĕnggara, hasunglinggiḥ, ringyammabaruṇākwera. miwaḥdeśa‐ lokaphalā, bĕlodanhidamalinggiḥ, sanghyangindramatūr̀halon, ringsangkatunasinhasung, hinggiḥdewwasanghyangsmara, kraṇamangkin, tityangrawuḥringhidewwa,

Leaf 7

Image on Archive.org

[᭗ 7B] ᭗ ᬫᬶᬲᬤ᭄ᬬᬦᬸᬦᬲ᭄‌‌ᬢᬸᬮᬸᬗᬦ᭄᭞ᬳᬦ᭄ᬢᬸᬓ᭄‌‌ᬲᬗ᭄ᬳ᭄ᬬᬂᬰᬶᬯᬫᬗ᭄ᬓᬶᬦ᭄᭞ᬳᬶᬤᬦᬗᬸᬦ᭄‌‌ᬢᬧᬩ᭄ᬭᬢ᭄ᬢ᭞ᬳᬶᬦ᭄ᬤ᭄ᬭᬶᬬᬦᬾᬢᬦ᭄ᬓᬮᬶᬗᬸ᭞ᬮᬮᬶᬭᬶᬂᬲ᭄ᬫᬭᬢᬦ᭄ᬢ᭄ᬭ᭞ᬭᬢᬸᬯᬶᬬᬓ᭄ᬢᬶ᭞ᬧᬭᬕᬬᬦ᭄ᬓᬸᬮᬗᬸᬦᬦ᭄᭟ ᬫᬓᬫᬶᬯᬄᬓᬢᬸᬭᬶᬤᬦ᭄᭞ᬧᬦᭂᬕᬸᬮᬦ᭄‌‌ᬲᬂᬦ᭄ᬤᬸᬫᬤᬶ᭞ᬫᬓᬲᬭᬶᬦ᭄ᬧᬢᬢᭂᬫᭀᬦ᭄᭞ᬭᬶᬂᬲᬤ᭄ᬭᬱᬭᬢᬸᬜᬸᬲᬸᬧ᭄᭞ᬤᬸᬭᬸᬲ᭄‌‌ᬦᬾᬫᬗ᭄ᬓᬶᬦ᭄ᬕᬯᬾᬦᬂ᭞ᬫᬗ᭄ᬤᬕᭂᬮᬶᬲ᭄᭞ᬲᬗ᭄ᬳ᭄ᬬᬂᬰᬷᬯ᭄ᬯᬓ᭠ ᬳᬶᬦ᭄ᬤ᭄ᬭᬶᬬᬦ᭄᭟ᬧᬦᬳᬶᬦ᭄ᬩᬳᬦ᭄ᬓᬸᬮᬗᬸᬦᬦ᭄᭞ᬢᬸᬭᬶᬤᬳᬗ᭄ᬕᬾᬦ᭄‌‌ᬗᬸᬚᬦᬶᬦ᭄᭞ᬲ᭠ᬓᬶᬢᬶᬦ᭄‌‌ᬩᬳᬦ᭄ᬓᬮᬸᬮᬸᬢᬦ᭄᭞ᬲᬧᬸᬦᬶᬓᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬩᬯᭀᬲ᭄‌‌ᬳᬶᬤᬲᬗ᭄ᬳ᭄ᬬᬇᬦ᭄ᬤ᭄ᬭ᭞ ᬦᬸᬮᬶᬄᬳᬭᬶᬲ᭄᭞ᬫᬢᬹᬃᬳᬶᬤᬲᬗ᭄ᬳ᭄ᬬᬂᬲ᭄ᬫᬭ᭟ᬢᬦ᭄ᬧᬢᬸᬢ᭄‌‌ᬳᬲᬧᬸᬦᬶᬓ᭞ᬳᬶᬦ᭄ᬤᬶᬓᬾᬫᬓᬃᬱᬓᬦ᭄ᬢᬶ᭞ᬲᬧᬸᬦᬧᬶᬳᬦ᭄ᬢᬸᬓ᭄‌‌ᬢᬶᬢ᭄ᬬᬂ᭞ᬗ᭄ᬕᬯᬾᬦᬂᬲ᭄ᬫᬭᬳᬸᬮᬗᬸᬦ᭄᭞ᬤᬾᬦᬶᬂᬳᬶᬤᬳᬚᬶᬦ᭄ [᭘ 8A] ᭘ ᬢᬶᬢ᭄ᬬᬂ᭞ᬳᬶᬤᬯᬶᬬᬓ᭄ᬢᬶ᭞ᬤᬾᬯ᭄ᬯᬦᬶᬂᬤᬾᬯ᭄ᬯᬲᬫᬶᬳᬦ᭄᭟ᬳᬶᬤᬫᬭᬕᬯᬶᬰᬾᬱ᭞ᬩᬯᭀᬲᬂᬭᬢᬸᬦᬾᬫᬗ᭄ᬓᬶᬦ᭄᭞ᬲᬶᬦᬄᬢᬶᬢ᭄ᬬᬂᬫᬗ᭄ᬕᬶᬄᬓᬯᭀᬦ᭄᭞ᬓᬤᬶᬢᭂᬫ᭄ᬧᬮ᭄‌‌ᬢᬶᬢ᭄ᬬᬂ ᬭᬢᬸ᭞ᬭᬶᬂᬧᬗᬦ᭄ᬤᬶᬓᬦ᭄‌‌ᬪᬝᬵᬭ᭞ᬰᬹᬭᬧᬢᬶ᭞ᬢᬦ᭄‌‌ᬫᬗᬶᬭᬶᬂᬧᬓᬬᬸᬦᬦ᭄‌‌ᬪᬕᬯᬦ᭄‌‌ᬯᬺᬳᬲ᭄ᬧᬢᬶᬦᬶᬫ᭄ᬩᬮ᭄᭞ᬮᬶᬫ᭄ᬩᬓ᭄ᬭᬶᬂᬓᬕᬸᬡᬦ᭄‌‌ᬮᬸᬯᬶᬄ᭞ᬧ᭄ᬭᬚ᭄ᬜᬦ᭄‌‌ᬳᬶᬤᬭᬶᬂ᭠ ᬩᬩᬯᭀᬲ᭄᭞ᬫᬦᭂᬭᬸᬲ᭄‌‌ᬫᬭᬶᬂᬧᬓᬬᬸᬦ᭄᭞ᬩᬩᬯᭀᬲᬾᬲᬤᬤᬩ᭄ᬤᬩ᭄᭞ᬳ᭠ᬮᬸᬲ᭄ᬫᬦᬶᬲ᭄᭞ᬫᬮᬦ᭄ᬢᬭᬦ᭄ᬓᬭᬳᬬᬸᬳᬦ᭄᭟ᬦᬧᬶᬲᭂᬮᬗᬶᬦ᭄‌‌ᬳᬶᬤᬾᬯ᭄ᬯ᭞ᬭᬶᬂᬭᬯᭀᬲ᭄‌‌ᬳ᭄ᬬᬂ᭠ ᬰᬹᬭᬧᬢᬶ᭞ᬧᬢᬸᬢ᭄ᬓᬳᬦᬹᬢᬶᬦ᭄ᬧᬶᬲᬦ᭄᭞ᬫᬫ᭄ᬩᬸᬯᬢᬂᬫᬧᬸᬢᬺᬢᬸᬳᬸ᭞ᬳᬶᬤᬲᬗ᭄ᬳ᭄ᬬᬂᬦᬶᬮᬓᬡ᭄ᬝ᭞ᬧᬸᬦᬶᬓᬚᬢᬶ᭞ᬫᬤᭂᬫᬂᬦᬶᬮᬵᬮᬸᬤ᭄ᬭᬓᬵ᭟ᬬᬦ᭄ᬧᬤᬾᬭᬢᬸᬓᬲᬧᬵ᭞ᬳ᭠

Auto-transliteration

[7 7B] 7 misadyanunastulungan, hantuksanghyangśiwamangkin, hidananguntapabratta, hindriyanetankalingu, laliringsmaratantra, ratuwiyakti, paragayankulangunan. makamiwaḥkaturidan, panĕgulansangndumadi, makasarinpatatĕmon, ringsadraṣaratuñusup, durusnemangkin'gawenang, mangdagĕlis, sanghyangśīwwaka‐ hindriyan. panahinbahankulangunan, turidahanggenngujanin, sa‐kitinbahankalulutan, sapunikasampunpuput, bawoshidasanghya'indra, nuliḥharis, matūr̀hidasanghyangsmara. tanpatut'hasapunika, hindikemakar̀ṣakanti, sapunapihantuktityang, nggawenangsmarahulangun, deninghidahajin [8 8A] 8 tityang, hidawiyakti, dewwaningdewwasamihan. hidamaragawiśeṣa, bawosangratunemangkin, sinaḥtityangmanggiḥkawon, kaditĕmpaltityang ratu, ringpangandikanbhaṭāra, śūrapati, tanmangiringpakayunanbhagawanwr̥ĕhaspatinimbal, limbakringkaguṇanluwiḥ, prajñanhidaring‐ babawos, manĕrusmaringpakayun, babawosesadadabdab, ha‐lusmanis, malantarankarahayuhan. napisĕlanginhidewwa, ringrawoshyang‐ śūrapati, patutkahanūtinpisan, mambuwatangmaputr̥ĕtuhu, hidasanghyangnilakaṇṭa, punikajati, madĕmangnilāludrakā. yanpaderatukasapā, ha‐

Leaf 8

Image on Archive.org

[᭘ 8B] ᭘ ᬦ᭄ᬢᬸᬓ᭄‌‌ᬲᬗ᭄ᬳ᭄ᬬᬂᬰᬶᬯᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬪᬹᬚᬗ᭄ᬕᬦ᭄‌‌ᬳᬶᬤᬾᬯ᭄ᬯ᭞ᬲᬋᬂᬲᬗ᭄ᬳ᭄ᬬᬂᬲᬣᬓᬺᬢᬸ᭞ᬫᬦᬸᬦᬲᬂᬧᬗᬫ᭄ᬧᬸᬭ᭞ᬲᬶᬦᬄᬚᬢᬶ᭞ᬳᬶᬤᬧᬘᬂᬜᬶᬦᬫ᭄ᬧᬸᬭ᭟ᬓᬤᬶᬢᭀᬬᬳᬓᭂᬢᬾ᭠ ᬮᬦ᭄᭞ᬯᬦ᭄ᬢᬄᬫᬭᬯᬢ᭄‌‌ᬯᬶᬬᬓ᭄ᬢᬶ᭞ᬩᭂᬦ᭄ᬤᬸᬦᬾᬯᬦ᭄ᬢᬄᬳᬩᭀᬲ᭄ᬩᭀᬲ᭄᭞ᬢᬸᬦᬲᬶᬦ᭄‌‌ᬲᬫ᭄ᬧᬸᬭᬳᬕᬸᬂ᭞ᬫᬯᬮᬶᬓᬤᬶᬭᬶᬂᬓᬸᬦ᭞ᬳᬶᬘ᭄ᬙᬫᬮᬶᬄ᭞ᬜᬶᬭᬫᬶᬦ᭄‌‌ᬳᬶᬤᬾᬯ᭄ᬯᬫᬺᬢ᭄ᬢ᭟ᬲᬫ᭄ᬧᬸ᭠ ᬦ᭄ᬧᬸᬧᬸᬢ᭄‌‌ᬩᬯᭀᬲ᭄‌‌ᬳᬶᬤ᭞ᬳᬶᬤᬥᬗ᭄ᬳ᭄ᬬᬂᬯᬺᬳᬲ᭄ᬧᬢᬶ᭞ᬲᬗ᭄ᬳ᭄ᬬᬂᬲ᭄ᬫᬭᬢᬦ᭄‌‌ᬲᬸᬫᭂᬮᬂ᭞ᬭᬶᬂᬓᬬᬸᬦ᭄‌‌ᬚᬢᬶᬫᬗᬸᬕᬸ᭞ᬢᬦ᭄ᬧᬢᬸᬢ᭄‌‌ᬳᬶᬤᬧ᭄ᬭᬡ᭄ᬥ᭞ᬫᬗ᭄ᬮᬶᬜᭀᬓᬶᬦ᭄᭞ᬧᬕᭂᬄᬳᬶᬤᬭᬶᬂ᭠ ᬯᬘᬦ᭟ᬭᬭᬶᬲ᭄‌‌ᬓᬲᭂᬮᬶᬓᬶᬦ᭄ᬧᬶᬲᬦ᭄᭞ᬤᬾᬯᬰᬦᬾᬲᬦᬾᬩᭂᬘᬶᬓ᭄᭞ᬧᬘᬂᬧᬫᬃ᭠ᬕ᭄ᬕᬶᬦᬾᬋᬓᭀ᭞ᬯᬢᭂᬓ᭄ᬤᬾᬯᬢᬧᬸᬦᬶᬓᬸ᭞ᬮᬸᬗ᭄ᬳᬦᬾᬓᬫᬳᬫᬾᬭᬸᬳ᭞ᬧᬘᬂᬗᬶᬭᬶᬂ᭞ [᭙ 9A] ᭙ ᬮᬶᬗ᭄ᬕᬶᬄᬳᬶᬤᬲᬗ᭄ᬳ᭄ᬬᬂᬲ᭄ᬫᬭ᭟ᬤᬾᬯᬢᬦᬾᬲᬫ᭄ᬧᬸᬦ᭄ᬩᬸᬤᬮ᭄᭞ᬳᬶᬗ᭄ᬓᬸᬧᬗ᭄ᬭᬯᭀᬲᬾᬫᬗ᭄ᬓᬶᬦ᭄᭞ᬯᬦ᭄ᬢᬄᬫᬮᬶᬄᬧᬶᬢᬸᬂᬤᬶᬦ᭞ᬜᬦ᭄ᬢᭀᬲ᭄ᬤᬾᬯᬰᬦᬾᬮᬸᬳᬸᬂ᭞ᬫᬦᬸᬚᬸᬢᬗ᭄ᬕᬮᬶᬂᬓᬧᬢ᭄᭞ᬳ᭄ᬬᬂᬳᬧ᭄ᬓᬶᬓ᭄ ᬭᬭᬶᬲ᭄‌‌ᬳᬶᬤᬗᬧᬸᬭᬶᬬᬂ᭟ᬮᬶᬦ᭄ᬢᬂᬓᬬᬸᬦᬾᬓᬲ᭄ᬫᬭᬦ᭄᭞ᬫᬜᬸᬲᬸᬧ᭄‌‌ᬲᬓᬤᬶᬧᬲᬶᬄ᭞ᬫ᭠ᬦᬸᬚᬸᬩᬸᬮᬦ᭄‌‌ᬧᬹᬃᬡ᭄ᬦᬫ᭞ᬩᬮᬾᬧᬗ᭄ᬢᬶᬲᬦ᭄ᬓᬚᬸᬚᬸᬃ᭞ᬢᭂᬕᭂᬳᬾᬜᬸᬓ᭄ᬘᬸᬓ᭄ᬳᬫ᭄ᬩᬭ᭞ᬓᬲᬬᬸᬩᬶᬦ᭄ ᬳᬦ᭄ᬢᬸᬓᬥᬧᬦ᭄‌‌ᬳᬗ᭄ᬰᭀᬓ᭟᭜᭚ᬧᬸᬧᬸᬄᬲᬶᬦᭀᬫ᭄᭚ᬤᬾᬯᬶᬭᬢᬶᬄᬫᬗ᭄ᬓᬶᬦ᭄‌‌ᬓᭀᬘᬧ᭄᭞ᬭᬶᬲᭂᬤᭂᬓ᭄‌‌ᬳᬶᬤᬫᬮᬶᬗ᭄ᬕᬶᬄ᭞ᬓᬳᬬᬧ᭄ᬳᬦ᭄ᬢᬸᬓ᭄ᬧᬯᭀᬗᬦ᭄᭞ᬫ᭄ᬩᬓ᭄ᬢᬧᬘᬦ᭠ ᬗᬦ᭄‌‌ᬳᬰ᭄ᬭᬶ᭞ᬯᬾᬦ᭄ᬢᭂᬦ᭄ᬦᬾᬫᬫᬬᬲᬶᬦ᭄᭞ᬗᭀᬤᬓᬶᬦ᭄‌‌ᬦᬩ᭄ᬤᬩᬂᬧᬸᬲᬸᬂ᭞ᬯᬾᬦ᭄ᬢᭂᬦ᭄ᬫᬦ᭠ᬩ᭄ᬤᬩᬂᬲᬶᬜ᭄ᬚᬂ᭞ᬫᬜᭂᬍᬓᬶᬦ᭄‌‌ᬲᭂᬓᬃᬫᬶᬬᬶᬓ᭄᭞ᬩᬸᬗᬦ᭄ᬕᬥᬸᬂ᭞ᬫᬢᬺᬗ᭄ᬕᬡᬩᬳᬦ᭄‌‌ᬘᭂᬫ᭄ᬧᬓ

Auto-transliteration

[8 8B] 8 ntuksanghyangśiwamangkin, tityangbhūjangganhidewwa, sar̥ĕngsanghyangsathakr̥ĕtu, manunasangpangampura, sinaḥjati, hidapacangñinampura. kaditoyahakĕte‐ lan, wantaḥmarawatwiyakti, bĕndunewantaḥhabosbos, tunasinsampurahagung, mawalikadiringkuna, hicchamaliḥ, ñiraminhidewwamr̥ĕtta. sampu‐ npuputbawoshida, hidadhanghyangwr̥ĕhaspati, sanghyangsmaratansumĕlang, ringkayunjatimangugu, tanpatut'hidapraṇdha, mangliñokin, pagĕḥhidaring‐ wacana. rariskasĕlikinpisan, dewaśanesanebĕcik, pacangpamar̀‐gginer̥ĕko, watĕkdewatapuniku, lunghanekamahameruha, pacangngiring, [9 9A] 9 linggiḥhidasanghyangsmara. dewatanesampunbudal, hingkupangrawosemangkin, wantaḥmaliḥpitungdina, ñantosdewaśaneluhung, manujutanggalingkapat, hyanghapkik rarishidangapuriyang. lintangkayunekasmaran, mañusupsakadipasiḥ, ma‐nujubulanpūr̀ṇnama, balepangtisankajujur̀, tĕgĕheñukcuk'hambara, kasayubin hantukadhapanhangśoka. • // pupuḥsinom // dewiratiḥmangkinkocap, risĕdĕk'hidamalinggiḥ, kahayap'hantukpawongan, mbaktapacana‐ nganhaśri, wentĕnnemamayasin, ngodakinnabdabangpusung, wentĕnmana‐bdabangsiñjang, mañĕl̥ĕkinsĕkar̀miyik, bungan'gadhung, matr̥ĕnggaṇabahancĕmpaka

Leaf 9

Image on Archive.org

[᭙ 9B] ᭙ ᭟ᬭᬯᬸᬄᬳᬶᬤᬲᬗ᭄ᬳ᭄ᬬᬂᬲ᭄ᬫᬭ᭞ᬫᬧᬗ᭄ᬕᬶᬄᬭᬶᬂᬤᬾᬯᬶᬭᬢᬶᬄ᭞ᬚᭂᬕᬾᬕᬾᬫᬗᬬᬂᬗᬬᬂ᭞ᬗ᭠ᬲᭀᬭᬂᬧᬭᬤᬾᬯᬢᬶ᭞ᬯᬦ᭄ᬢᬄᬧᬫᬸᬧᬸᬮᬦ᭄ᬫᬦᬶᬲ᭄᭞ᬧᬫᬸᬮᬸᬦᬾᬕᬥᬶᬂᬮᬸᬫ᭄ᬮᬸᬫ᭄᭞ᬩᭂᬢᭂᬓ᭄ ᬘᭀᬓᭀᬭᬾᬫᬫᬸᬥᬓ᭄᭞ᬯᬶᬫ᭄ᬩᬦᬾᬜᬭᬶᬭᬶᬢ᭄‌‌ᬮᬸᬗᬶᬤ᭄᭞ᬭᬫ᭄ᬩᬸᬢ᭄‌‌ᬕᭂᬫ᭄ᬧᬸᬓ᭄᭞ᬲᭂᬮᭂᬫ᭄‌‌ᬳᬗᬲᭀᬭᬂᬳᬸᬚᬦ᭄᭟ᬳᬶᬲᬶᬢᬾᬗᭂᬫ᭄ᬩᬂᬭᬶᬚᬰ᭞ᬳᬸᬦ᭄ᬢᬸᬜᬮᬂᬓᬤᬶᬫᬡᬶᬓ᭄᭞ᬫᬤᬶᬳᬦᬾᬫᭂ᭠ ᬭᭀᬲ᭄‌‌ᬗᬮᬸᬗ᭄ᬕᬄ᭞ᬲᬸᬲᬸᬗᬲᭀᬭᬂᬜᬸᬄᬕᬥᬶᬂ᭞ᬲ᭄ᬫᬶᬢᬦᬾᬲᬤᬩᬗ᭄ᬓᬶᬢ᭄᭞ᬯᬮᬸᬬᬫᬓᭂᬫᬸᬄᬫᬥᬸ᭞ᬦᬓᬵᬓᬤᬶᬫᬡᬶᬓ᭄ᬢᭀᬬ᭞ᬘᬘᬶᬗᬓᬾᬜᬸᬜᬸᬃᬫᬦᬶᬲ᭄᭞ᬲᬤᬩᬮᬸᬢ᭄᭞ᬢᬦ᭄‌‌ᬫᬭᬶ ᬗᬜᬸᬤᬂᬫᬦᬄ᭟ᬫᬮᬶᬄᬫᬗ᭄ᬭᬗ᭄ᬲᬸᬓ᭄‌‌ᬪᬹᬱᬡ᭞ᬫᬯᬲ᭄ᬢ᭄ᬭᬧᭂᬃᬫ᭄ᬫᬲ᭄‌‌ᬯᬶᬮᬶᬲ᭄᭞ᬫᬲᬶᬜ᭄ᬚᬂᬧᬢᭀ᭠ᬮᬲᬸᬢᬺ᭞ᬧᬧᭂᬢᬾᬢ᭄ᬕᬭᬶᬗ᭄ᬲᬶᬂᬭᬶᬗ᭄ᬕᬶᬢ᭄᭞ᬲᬸᬮᬾᬦ᭄ᬤᬂᬚᬗ᭄ᬕᬯᬭᬷ᭞ᬫᬲᭂᬗ᭄ᬓᬂᬬᬮᬸᬯᭂᬤ᭄‌‌ᬳᬕᬸᬂ᭞ᬫ [᭑᭐ 10A] ᭑᭐ ᭠ᬲᭂᬓᬃᬕᬜ᭄ᬚᬶᬭᬫᬲ᭄᭞ᬫᬧᬶᬗ᭄ᬕᭂᬮ᭄‌‌ᬫᬲᬾᬫᬲᬗ᭄ᬮᬶᬂ᭞ᬗ᭄ᬕᬯᬾᬮᬸᬮᬸᬢ᭄᭞ᬘᬶᬂᬘᬶᬗᬦᬾᬭᬚᬲᬶᬗ᭄ᬳᬵ᭟ᬢᭂᬧᬶᬦ᭄‌‌ᬲᬶᬜ᭄ᬚᬂᬫᬧᬶᬭᬤ᭞ᬫᬜᬗ᭄ᬕᬲᬸᬲᬸᬦᬾᬜᬗ᭄ᬓᬶᬄ᭞ᬫᬳᬸᬭᬧ᭄ᬳᬸᬭᬧ᭄ᬕᬕᬦ᭄ᬤᬦ᭄᭞ ᬩᬩᬧᬗᬦ᭄‌‌ᬫᬶᬬᬶᬓ᭄ᬫᬶᬬᬶᬓ᭄‌‌ᬭᬯᬶᬢ᭄᭞ᬚᬢᬶᬫᬭᬕ᭄ᬕᬭᬢᬶᬄ᭞ᬧᬓᬸᬫ᭄ᬧᬸᬮᬦ᭄‌‌ᬲ᭄ᬫᬭᬮᬸᬮᬸ᭠ᬢ᭄᭞ᬫᬗ᭄ᬕᬯᬾᬫᬦᬄᬧᬸᬲᬂ᭞ᬲᬶᬂᬓᬧᭂᬦ᭄ᬤᬓ᭄‌‌ᬮᬶᬂᬮᬸᬂᬧᬮᬶᬂ᭞ᬲᬫᬶᬩᬸᬤᬸᬄ᭞ᬓᬲᬸᬲᬸᬧ᭄‌‌ᬩᬳᬦ᭄ᬓᬲ᭄ᬫᬭᬦ᭄ ᬓᬾᬯᭂᬄᬲᬂᬓᬯᬶᬜᬸᬭᬢᬂ᭞ᬫᬃᬡ᭄ᬦᬳᬶᬤᬤᬾᬯᬶᬭᬢᬶᬄ᭞ᬬᬦ᭄‌‌ᬓᭂᬥᭂᬄᬧᬘᬂᬫᬃᬡ᭄ᬦᬬᬂ᭞ᬚ᭠ᬦ᭄ᬢᭂᬦ᭄‌‌ᬗ᭄ᬕᬯᬾᬩᬶᬗᬸᬂᬳᬢᬶ᭞ᬓᬮᬗᭂᬦᬶᬂᬧᬲᬶᬃᬉᬓᬶᬭ᭄᭞ᬲᬫᬶᬳᬶᬭᬶᬓᬫᬜᬸᬲᬸᬧ᭄᭞ᬫᬶᬯᬄᬓ ᭠ᬮᬗᭂᬦᬶᬂᬓᬧᬢ᭄᭞ᬓᬳᬬᭀᬦ᭄‌‌ᬳᬶᬤᬳ᭄ᬬᬂᬭᬢᬶᬄ᭞ᬬᬦᬶᬂᬧᬶᬕᬸᬫ᭄᭞ᬲᬓ᭄ᬱᬢ᭄‌‌ᬧᬓᬸ᭠ᬫ᭄ᬧᬸᬮᬦ᭄ᬢᬸᬭᬶᬤ᭟ᬧᬜ᭄ᬚᬂᬬᬦ᭄ᬧᬤᬾᬲᬢ᭄ᬯᬬᬂ᭞ᬓᬳᬬᭀᬦ᭄‌‌ᬳᬶᬤᬳ᭄ᬬᬂᬭᬢᬶᬄ᭞ᬲᬗ᭄ᬳ᭄ᬬᬂ

Auto-transliteration

[9 9B] 9 . rawuḥhidasanghyangsmara, mapanggiḥringdewiratiḥ, jĕgegemangayangngayang, nga‐sorangparadewati, wantaḥpamupulanmanis, pamulunegadhinglumlum, bĕtĕk cokoremamudhak, wimbaneñariritlungid, rambutgĕmpuk, sĕlĕmhangasoranghujan. hisitengĕmbangrijaśa, huntuñalangkadimaṇik, madihanemĕ‐ rosngalunggaḥ, susungasorangñuḥgadhing, smitanesadabangkit, waluyamakĕmuḥmadhu, nakākadimaṇiktoya, cacingakeñuñur̀manis, sadabalut, tanmari ngañudangmanaḥ. maliḥmangrangsukbhūṣaṇa, mawastrapĕr̀mmaswilis, masiñjangpato‐lasutr̥ĕ, papĕtetgaringsingringgit, sulendangjanggawarī, masĕngkangyaluwĕd'hagung, ma [10 10A] 10 ‐sĕkar̀gañjiramas, mapinggĕlmasemasangling, nggawelulut, cingcinganerajasinghā. tĕpinsiñjangmapirada, mañanggasusuneñangkiḥ, mahurap'hurapgagandan, babapanganmiyikmiyikrawit, jatimaraggaratiḥ, pakumpulansmaralulu‐t, manggawemanaḥpusang, singkapĕndaklinglungpaling, samibuduḥ, kasusupbahankasmaran kewĕḥsangkawiñuratang, mar̀ṇnahidadewiratiḥ, yankĕdhĕḥpacangmar̀ṇnayang, ja‐ntĕnnggawebingunghati, kalangĕningpasir̀ukir, samihirikamañusup, miwaḥka ‐langĕningkapat, kahayonhidahyangratiḥ, yaningpigum, sakṣatpaku‐mpulanturida. pañjangyanpadesatwayang, kahayonhidahyangratiḥ, sanghyang

Leaf 10

Image on Archive.org

[᭑᭐ 10B] ᭑᭐ ᬲ᭄ᬫᬭᬫᬗ᭄ᬓᬶᬦ᭄‌‌ᬓᭀᬘᬧ᭄᭞ᬭᬶᬂᬧᬸᬭᬶᬲᬫ᭄ᬧᬸᬦ᭄ᬫᬲᬦ᭄ᬤᬶᬂ᭞ᬢᬦ᭄ᬲᬄᬳᬶᬤᬫᬗᬩᬶᬦ᭄᭞ᬫ᭠ᬗᬭᬲ᭄ᬳᬭᬲ᭄‌‌ᬫᬗᭂᬮᬸᬢ᭄᭞ᬲᬫ᭄ᬩᬶᬮ᭄‌‌ᬳᬶᬤᬫᬦᬸᬢᬸᬭᬂ᭞ᬳᬶᬦ᭄ᬤᬶᬓᬾᬧᬘᬂᬫᬫᬃᬕ᭄ᬕᬶ᭞ᬗᬸᬗ᭄ᬲᬶᬕᬸᬦᬸᬂ᭞ ᬗ᭄ᬕᭀᬤᬳᬶᬤᬲᬗ᭄ᬳ᭄ᬬᬂᬰᬶᬯ᭄ᬯ᭟᭜᭚ᬧᬸᬧᬸᬄᬤᬂᬤᬂ᭚ᬤᬶᬬᬄᬳᬬᬸᬫᬜᭂᬳᬦᬂᬓᬲᬶᬄᬫᬓᭂᬥᬧᬦ᭄᭞ᬮᬸᬮᬸᬢᬶᬢᬶᬬᬂᬤᬾᬯ᭄ᬯ᭞ᬧᬗ᭄ᬮᬶᬮᬶᬢᬦ᭄ᬓᬲ᭄ᬫᬭᬦᬾ᭞ᬫᬓᬚᬶᬯᬦ᭄ᬢᬶᬢᬶᬬᬂᬭᬢᬸ᭞ ᬫᬗᭂᬦ᭄ᬢᬶᬓᬂᬲᭂᬤᬶᬄᬓᬶᬗ᭄ᬓᬶᬂ᭞ᬓᬮᬫᭂᬕᬦ᭄ᬳᬸᬚᬦ᭄᭞ᬧᬲᬸᬭᬯᬾᬗᬺᬫ᭄ᬩᬸᬦ᭄᭞ᬳᬸᬮᬗᬸᬦ᭄‌‌ᬢᬶᬢᬶᬬᬂᬭᬢᬸᬫᬲ᭄᭞ᬳᬸᬧᬫᬶᬦ᭄ᬜ᭞ᬓᬢᭂᬫ᭄ᬧᬸᬄᬩᬳᬦ᭄‌‌ᬩᬸᬤᬸᬄᬧᬮᬶᬂ᭞ᬲᭂᬤᬶᬄᬢᬶᬢᬶᬬᬂᬗᬚᬧ᭄ ᬳᬚᬧ᭄᭟ᬫᬗ᭄ᬓᬶᬦ᭄ᬧᬸᬗ᭄ᬕᭂᬮ᭄‌‌ᬢᬦ᭄ᬧᬲᭂᬳᭂᬦ᭄ᬫᬮᬶᬄ᭞ᬓᬧᬦᭂᬲᬦ᭄᭞ᬩᬳᬦ᭄ᬓᭂᬩᬸᬲ᭄ᬓᬲ᭄ᬫᬭ᭠ᬦ᭄᭞ᬓᬤᬶᬳᬸᬫ᭄ᬧᬫᬶᬦ᭄ᬜᬋᬓᬾ᭞ᬓᬾᬯᭂᬄᬓᬳᬶᬳᬗ᭄ᬰᬦᬗᬺᬫ᭄ᬩᬸᬦ᭄᭞ᬓᬢᬶᬩᬦᬦ᭄ᬳᬸᬚᬦ᭄‌ᬗ᭄ᬭᬶᬩᬶ [᭑᭑ 11A] ᭑᭑ ᭠ᬲ᭄᭞ᬳᬶᬩᬸᬓᬾᬫᬤᬶᬗᭂᬳᬂ᭞ᬮᬶᬂᬳᬦᬓ᭄‌‌ᬳᬶᬲ᭄ᬢ᭄ᬭᬶᬲᬸᬗ᭄ᬲᬸᬢ᭄᭞ᬗᬫ᭄ᬩᬸᬮ᭄ᬗᬾᬲ᭄ᬕᬾᬲ᭄ᬩᬳᬦ᭄ᬦᬓ᭞ᬲᬧᬸᬦᬶᬓ᭞ᬳᬸᬧᬫᬶᬦ᭄ᬜᬢᬶᬢᬶᬬᬂᬫᬗ᭄ᬓᬶᬦ᭄᭞ᬲᬓᬶᬢ᭄ᬳᬢᬶᬦᬸᬦᬲ᭄ᬢᬫ᭄ᬩᭃ᭟ᬫᬮᬶᬄᬢᬶᬢᬶᬬᬂᬫᬧ᭠ ᬫᬶᬢ᭄‌‌ᬦᬾᬫᬗ᭄ᬓᬶᬦ᭄᭞ᬳᬶᬓᬲ᭄ᬫᬭᬦ᭄᭞ᬮᬶᬮᬶᬢ᭄ᬓᬸᬮᬗᬸᬦᬦ᭄᭞ᬓᬢᭂᬕᬸᬮ᭄ᬳᬦ᭄ᬢᬸᬓ᭄ᬲᬶᬜ᭄ᬚ᭠ᬗᬾ᭞ᬫᬲᬸᬮᬫ᭄ᬫᬶᬬᬶᬓ᭄ᬳᬗᬮᬸᬩ᭄᭞ᬓᬲᬗ᭄ᬲᬭᬓᬳᬶᬫ᭄ᬧᬸᬲᬶᬦ᭄᭞ᬩᬳᬦ᭄ᬩᬸᬤᬸᬄᬓᬲ᭄ᬫᬭᬦ᭄᭞ ᬩᬶᬮᬶᬄᬧᬘᬂᬮᬫ᭄ᬧᬸᬲ᭄᭞ᬓᬩᭂᬤ᭄ᬩᭂᬤ᭄‌‌ᬩᬳᬦ᭄ᬢᬸᬭᬶᬤ᭞ᬤᭀᬂᬓ᭄ᬮᬾᬲᬂ᭞ᬫᭂᬤ᭄‌‌ᬢᬶᬢᬶᬬᬂᬦᬦ᭄ᬤᬂᬲᬓᬶᬢ᭄᭞ᬫᬗ᭄ᬤᬾᬦ᭄ᬲᬶᬤᬧᬹᬃᬡ᭄ᬦᬬᬦ᭄᭟ᬲᬓᬶᬢ᭄ᬢᬶᬢᬶᬬᬂᬧᬘᬂᬗᬸᬗ᭄ᬲᬶ᭞ᬕᬸᬦᬸᬂᬳᬮᬲ᭄᭞ ᬫᬗᭂᬦ᭄ᬢᬲᬶᬜ᭄ᬚᬸᬭᬂ᭞ᬲᬓᬾᬂᬧᬓᬃᬱᬦ᭄ᬤᬾᬯᬦᬾ᭞ᬫᬶᬲᬭᬢᬂᬢᬹᬃᬫᬜᬸᬫ᭄ᬩᬸᬂ᭞ᬕᬸᬡᬲᭀᬮᬄᬢᬶᬢᬶᬬᬂᬫᬗ᭄ᬓᬶᬦ᭄᭞ᬧᬓᬃᬱᬦ᭄‌‌ᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭞ᬫᬶᬯᬄᬲᬂᬧᬭᬯᬶᬓᬸ᭞ᬗᬲᬶᬄᬳᬲᬶᬄᬦᬸᬦᬲ᭄ᬳᬶᬘ᭄ᬙ᭞

Auto-transliteration

[10 10B] 10 smaramangkinkocap, ringpurisampunmasanding, tansaḥhidamangabin, ma‐ngarasharasmangĕlut, sambilhidamanuturang, hindikepacangmamar̀ggi, ngungsigunung, nggodahidasanghyangśiwwa. • // pupuḥdangdang // diyaḥhayumañĕhanangkasiḥmakĕdhapan, lulutitiyangdewwa, panglilitankasmarane, makajiwantitiyangratu, mangĕntikangsĕdiḥkingking, kalamĕganhujan, pasurawengr̥ĕmbun, hulanguntitiyangratumas, hupaminña, katĕmpuḥbahanbuduḥpaling, sĕdiḥtitiyangngajap hajap. mangkinpunggĕltanpasĕhĕnmaliḥ, kapanĕsan, bahankĕbuskasmara‐n, kadihumpaminñar̥ĕke, kewĕḥkahihangśanangr̥ĕmbun, katibananhujanngribi [11 11A] 11 ‐s, hibukemadingĕhang, linghanak'histrisungsut, ngambulngesgesbahannaka, sapunika, hupaminñatitiyangmangkin, sakit'hatinunastambö. maliḥtitiyangmapa‐ mitnemangkin, hikasmaran, lilitkulangunan, katĕgulhantuksiñja‐nge, masulammiyik'hangalub, kasangsarakahimpusin, bahanbuduḥkasmaran, biliḥpacanglampus, kabĕdbĕdbahanturida, dongklesang, mĕdtitiyangnandangsakit, mangdensidapūr̀ṇnayan. sakittitiyangpacangngungsi, gununghalas, mangĕntasiñjurang, sakengpakar̀ṣandewane, misaratangtūr̀mañumbung, guṇasolaḥtitiyangmangkin, pakar̀ṣansanghyangindra, miwaḥsangparawiku, ngasiḥhasiḥnunashiccha,

Leaf 11

Image on Archive.org

[᭑᭑ 11B] ᭑᭑ ᬦᬾᬭᬶᬂᬢᬶᬢᬶᬬᬂ᭞ᬳᬦ᭄ᬢᬸᬓ᭄‌ᬰᬶᬯᬫᬗ᭄ᬓᬶᬦ᭄᭞ᬧᬕᭂᬄᬫᬦᬗᬸᬦ᭄‌ᬬᬰ᭟ᬢᬦ᭄‌ᬗᬮᬶᬗᬸᬳᬶᬤᬭᬶᬂᬓᬭᬲ᭄ᬫᬶᬦ᭄᭞ᬲ᭄ᬫᬭᬢᬦ᭄ᬢ᭄ᬭ᭞ᬭᬶᬂᬫᬳᬫᬾᬭ᭄ᬯ᭞ᬧᬕᭂᬄᬲᬥᬗ᭄ᬕᬬᭀᬕᬦᬾ᭞ᬫᬲᬫᬥᬶᬲ ᭠ᬢᬸᬯᬸᬓ᭄᭞ᬢᬦ᭄ᬮᬶᬬᬦ᭄ᬧᬸᬦᬶᬓᬫᬗ᭄ᬓᬶᬦ᭄᭞ᬧᬶᬲᬭᬢᬂᬢᬶᬢᬶᬬᬂ᭞ᬫᬗ᭄ᬕᭀᬤᬩᬳᬦ᭄ᬓᬮ᭠ᬗᬸᬦ᭄᭞ᬳᬶᬤᬫᬬᭀᬕᬫᬩ᭄ᬭᬢ᭄ᬢ᭞ᬢᬦ᭄ᬮᬶᬬᬦ᭄‌ᬯᬦ᭄ᬢᬄ᭞ᬲᬜ᭄ᬚᬢᬦ᭄ᬢᬶᬢᬶᬬᬗᬾᬧᬶᬗᬶᬢ᭄᭞ᬗᬯᬶᬦᬂᬳᬶ ᭠ᬤᬓᬲ᭄ᬫᬭᬦ᭄᭟ᬳᬶᬤᭀᬂᬳᬶᬤᭀᬂᬳ᭄ᬬᬂᬲ᭄ᬫᬭᬧᬸᬦᬶᬓᬶ᭞ᬬᬦ᭄ᬢᬦ᭄ᬲᬶᬤ᭞ᬳᬦ᭄ᬢᬸᬓ᭄ᬫᬗᭀᬩᬳᬂᬫᬮᬶᬄᬬᬦ᭄ᬢᬦ᭄ᬲᬶᬤᬋᬓᬾ᭞ᬓᬃᬬ᭄ᬬᬦ᭄‌ᬲᬗ᭄ᬳ᭄ᬬᬂᬲᬣᬓᬺᬢᬸ᭞ᬫᬶᬲᬭᬢᬂᬫᬫᬦᬳᬶᬦ᭄᭞ᬳᬶᬓ᭠ ᬲᬂᬗ᭄ᬳ᭄ᬬᬂᬰᬶᬯ᭄ᬯ᭞ᬮᬾᬤᬗᬂᬓᬬᬸᬦ᭄‌ᬭᬢᬸ᭞ᬦᬧᬶᬤᬾᬯ᭄ᬯᬓᬲᬸᬗ᭄ᬲᬸᬢᬂ᭞ᬓ᭄ᬭᬡᬜᭂᬜᭂᬂ᭞ᬫᬳᬶᬭᬶᬩ᭄‌ᬲᬸᬗ᭄ᬲᬸᬢ᭄ᬦᬾᬫᬗ᭄ᬓᬶᬦ᭄᭞ᬳᬦ᭄ᬢᭀᬲ᭄ᬯᬦ᭄ᬢᬄᬮᬶᬫᬂᬤᬶᬦ᭟ᬲᬸᬯᬾᬦ᭄ᬢᬶᬢᬶᬬᬂᬧᬘᬂᬫᬧᬫᬶᬢ᭄᭞ [᭑᭒ 12A] ᭑᭒ ᬗᬸᬗ᭄ᬲᬶᬳᬮᬲ᭄᭞ᬬᬦ᭄ᬳᬶᬲᭂᬂᬭᬢᬸᬫᬲ᭄᭞ᬢᬗ᭄ᬕᭂᬦ᭄ᬢᬗ᭄ᬕᭂᬦᬶᬦ᭄ᬓᬬᬸᬦᬾ᭞ᬲᬫ᭄ᬧᬸᬦᬂᬮᬶ᭠ᬦ᭄ᬢᬂᬲᬸᬗ᭄ᬲᬸᬢ᭄᭞ᬳᬸᬧᬫᬶᬦ᭄ᬜᬭᬢᬸᬫᬗ᭄ᬓᬶᬦ᭄᭞ᬓᬤᬶᬓᬓᭂᬮᬶᬓ᭄‌ᬗᬸᬫ᭄ᬩᬂ᭞ᬢᬦ᭄‌ᬚᬧᬘᬂ ᬮᬚᬸ᭞ᬦᬶᬗ᭄ᬕᬮ᭄‌ᬳᬶᬧᬸᬜᬜ᭄ᬘᬫᬭ᭞ᬓᬤᬶᬓᬸᬫ᭄ᬩᬂ᭞ᬫᬓᭂᬩᭂᬃᬫᬗᬸᬗ᭄ᬲᬶᬲᬭᬷ᭞ᬲᭂᬓᬃᬩᬓᬸᬗᬾ‌ᬗᬺᬫ᭄ᬧᬬᬓ᭄᭟ᬬᬦᬶᬂᬫᭂᬤ᭄‌ᬫᬮᬶᬄᬬᬫᬯᬮᬶ᭞ᬗᬸᬗ᭄ᬲᬶᬕᭀᬯᭀᬓ᭄᭞ᬲ᭠ ᬧᬸᬦᬶᬓᬤᬾᬯ᭄ᬯ᭞ᬲᭀᬮᬄᬢᬶᬢᬶᬬᬗᬾᬦᬾᬫᬗ᭄ᬓᬶᬦ᭄᭞ᬲᬶᬦᬄᬢᬸᬮᬓ᭄‌ᬫᬗᭂᬮᬸᬢ᭄᭞ᬭᬢᬸᬭᬶᬂᬧᬫᬺᬫᬦ᭄ᬫᬮᬶᬄ᭞ᬫᬶᬯᬄᬫᬦᬓᭂᬧᬂ᭞ᬮᬶᬫᬭᬶᬂᬲᬸᬲᬸᬦᬾᬮ᭄ᬫᬸᬄ᭞ᬧᬸᬦᬶᬓᬗᬮᬫᬶᬦ᭄ ᬧᬶᬲᬦ᭄᭞ᬬᬤᬶᬦ᭄‌ᬗᬭᬲ᭄‌ᬧᬶᬧᬶᬲᬳᬫᬗᬢᬹᬭᬶᬦ᭄᭞ᬕᬦ᭄ᬢᬾᬦ᭄ᬓᬢᬫ᭄ᬧᬶᬩᬳᬦ᭄‌ᬲ᭄ᬫᬶᬢ᭟ᬳᬮᬶᬲ᭄ᬋᬗᬹᬢᬜ᭄ᬚᬢᬶᬗᬫ᭄ᬩᬸᬮᬶᬦ᭄᭞ᬫᬮᬶᬄᬤᬾᬯ᭄ᬯ᭞ᬬᬦ᭄‌ᬳᬶᬲᭂᬂᬓᬢᬶᬗ᭄ᬕᬮ᭄

Auto-transliteration

[11 11B] 11 neringtitiyang, hantukśiwamangkin, pagĕḥmanangunyaśa. tanngalinguhidaringkarasmin, smaratantra, ringmahamerwa, pagĕḥsadhanggayogane, masamadhisa ‐tuwuk, tanliyanpunikamangkin, pisaratangtitiyang, manggodabahankala‐ngun, hidamayogamabratta, tanliyanwantaḥ, sañjatantitiyangepingit, ngawinanghi ‐dakasmaran. hidonghidonghyangsmarapuniki, yantansida, hantukmangobahangmaliḥyantansidar̥ĕke, kar̀yyansanghyangsathakr̥ĕtu, misaratangmamanahin, hika‐ sangnghyangśiwwa, ledangangkayunratu, napidewwakasungsutang, kraṇañĕñĕng, mahiribsungsutnemangkin, hantoswantaḥlimangdina. suwentitiyangpacangmapamit, [12 12A] 12 ngungsihalas, yanhisĕngratumas, tanggĕntanggĕninkayune, sampunangli‐ntangsungsut, hupaminñaratumangkin, kadikakĕlikngumbang, tanjapacang laju, ninggalhipuñañcamara, kadikumbang, makĕbĕr̀mangungsisarī, sĕkar̀bakungengr̥ĕmpayak. yaningmĕdmaliḥyamawali, ngungsigowok, sa‐ punikadewwa, solaḥtitiyangenemangkin, sinaḥtulakmangĕlut, raturingpamr̥ĕmanmaliḥ, miwaḥmanakĕpang, limaringsusunelmuḥ, punikangalamin pisan, yadinngaraspipisahamangatūrin, gantenkatampibahansmita. halisr̥ĕngūtañjatingambulin, maliḥdewwa, yanhisĕngkatinggal

Leaf 12

Image on Archive.org

[᭑᭒ 12B] ᭑᭒ ᬚᬢᬶᬲᬸᬗ᭄ᬲᬸᬢ᭄‌ᬭᬶᬂᬓᬬᬸᬦᬾ᭞ᬲᬶᬦᬄᬗᬯᬶᬦᬂᬳᬶᬩᬸᬓ᭄᭞ᬲᬂᬦᬶᬗ᭄ᬕᬮᬶᬦ᭄ᬲᬫᬶᬲᭂᬤᬶᬄ᭞ᬤᬸᬓᬧᬦ᭄ᬢᬶᬢᬶᬬᬂᬤᬾᬯ᭄ᬯ᭞ᬍᬕᭃᬦᬶᬗ᭄ᬕᬮᬶᬦ᭄‌ᬳᬶᬭᬢᬸ᭞ᬲᬸᬓᬬᬦ᭄‌ᬚᬸᬯᬫᬲ᭠ ᬋᬗᬦ᭄᭞ᬫᬮᬜ᭄ᬘᬭᬦ᭄᭞ᬳᬶᬭᬶᬓᬶᬭᬶᬂᬢᬫᬦ᭄ᬲᬭᬷ᭞ᬫᬓᬮᬶᬳᬦ᭄ᬗᬗ᭄ᬕᬶᬢ᭄ᬲᭂᬓᬃ᭟ᬬᬦ᭄‌ᬳᬶᬭᬢᬸᬲᬋᬂᬦᬾᬦᬾᬫᬗ᭄ᬓᬶᬦ᭄᭞ᬧᬘᬂᬮᬸᬗ᭄ᬳ᭞ᬲᬶᬦᬄᬲᭂᬗ᭄ᬓᭃᬧᬶᬲᬦ᭄᭞ᬧᬫᬃᬕ᭄ᬕᬶᬦ᭄ ᬢᬶᬢᬶᬬᬗᬾᬭᬶᬂᬫᬃᬕ᭄ᬕᬶ᭞ᬢᬦ᭄‌ᬜᬶᬤᬬᬂᬳᬶᬭᬢᬸ᭞ᬭᬶᬂᬫᬃᬕ᭄ᬕᬶᬓᬮᬶᬦ᭄ᬢᬂᬩᭂᬮᬶᬕ᭄᭞ᬩᬢᬸᬮᬸᬫ᭄ᬩᬂᬮᬸᬫ᭄ᬩᬂ᭞ᬕᬸᬮᬓ᭄ᬕᬸᬮᬶᬓ᭄ᬫᬮᬸᬫᬸᬢ᭄᭞ᬧᬜᭂᬗ᭄ᬓᬦ᭄‌ᬫᬃᬕ᭄ᬕᬶᬦᬾᬲᬯᬢ᭄᭞ᬧᬗ᭄ᬓᬸᬂᬤᬍᬫ᭄᭞ᬓᬶᬮ᭠ ᬓᬶᬮᬸᬓ᭄‌ᬩᭂᬢ᭄ᬲᬭᬶᬧᬶᬢ᭄᭞ᬢᭀᬬᬦ᭄ᬜᬦᬾᬳᬕᭃᬂᬧᬶᬲᬦ᭄᭟ᬲᬬᬂᬧᬶᬲᬦ᭄‌ᬘᭀᬓᭀᬭᬾᬦᬾᬕᬮᬶᬂ᭞ᬓᬢᬢᭀᬦᬦ᭄᭞ᬢᬦ᭄ᬩᬶᬦᬳᬶᬧᬸᬥᬓ᭄᭞ᬓᬕᭀᬭᬾᬢ᭄‌ᬢᬦᬄᬕᬭᬸᬦᬾ᭞ [᭑᭓ 13A] ᭑᭓ ᬧᬸᬧᬸᬢ᭄ᬲᬧᬸᬦᬶᬓᬲᬫ᭄ᬧᬸᬦ᭄᭞ᬯᬘᬦᬦᬾᬳᬮᬸᬲ᭄ᬫᬦᬶᬲ᭄᭞ᬲᬃᬯ᭄ᬯᬶᬗᭂᬮᬸᬢ᭄‌ᬫᬤ᭄ᬬ᭞ᬢᬦ᭄ᬫᬭᬶᬗᬸᬓᬸᬢ᭄ᬳᬸᬓᬸᬢ᭄᭞ᬳ᭄ᬬᬂᬭᬢᬶᬄᬳᬶᬤᬫᬾᬗᭀᬲᬂ᭞ᬧᬭᬫᬗ᭄ᬓᬶᬦ᭄᭞ᬳᬶᬤᬗᬋᬗᬸᬯᬂ ᬳᬮᬶᬲ᭄᭞ᬭᬸᬲᬓ᭄ᬓᬬᬸᬦ᭄‌ᬳᬶᬤᬩᬸᬬᬃ᭟ᬤᭂᬓ᭄ᬤᭂᬓ᭄‌ᬲᬸᬯᬸᬂᬫᬧᬸᬯᬭᬢᬗᬶᬲ᭄‌ᬫᬢᬹᬃᬳᬮᭀᬦ᭄᭞ᬳᬶᬤᬲᬂᬓᬮᬭᬦ᭄᭞ᬯᬶᬬᬓ᭄ᬢᬶᬫᭂᬧᭂᬲ᭄ᬳᬢᬸᬭᬾ᭞ᬳᬶᬗ᭄ᬕᬶᬄᬤᬾᬯ᭄ᬯᬲᬂᬩᬕᬸᬲ᭄᭞ ᬲᬗ᭄ᬳ᭄ᬬᬂᬲ᭄ᬫᬭᬦᬾᬦᬾᬫᬗ᭄ᬓᬶᬦ᭄᭞ᬲᬫ᭄ᬧᬸᬦᬂᬭᬢᬸᬧᬶᬯᬮ᭄᭞ᬭᬶᬂᬳᬢᬹᬃᬢᬶᬢ᭄ᬬᬂᬳᬶᬤᬸ᭠ᬲᬸᬦ᭄᭞ᬤᬸᬄᬓᬶᬢᬓᬮᬶᬄᬲᬸᬫᭂᬮᬂ᭞ᬬᬾᬦ᭄‌ᬳ᭄ᬬᬂᬰᬶᬯ᭄ᬯ᭞ᬧᬘᬂᬕᭀᬤᬦ᭄‌ᬭᬢᬸᬫᬗ᭄ᬓᬶᬦ᭄᭞ ᬚᬦ᭄ᬢᭂᬦ᭄ᬧᬘᬂᬢᬦ᭄ᬫᬢᬸᬮᬓ᭄᭟ᬫᬮᬶᬄᬳᬶᬭᬢᬸᬧᬘᬂᬓᬧᬸᬭᬶ᭞ᬤᬾᬦᬶᬂᬳᬶᬤ᭞ᬲ᭠ᬗ᭄ᬳ᭄ᬬᬂᬰᬶᬯ᭄ᬯᬮᬶᬦ᭄ᬢᬂ᭞ᬮᬸᬯᬶᬄᬋᬓᬾᬧᬫᬹᬃᬢ᭄ᬢᬶᬦᬾ᭞ᬫᬮᬶᬄᬳᬶᬤᬲᬗ᭄ᬳ᭄ᬬᬂᬮᬸᬳᬸᬃ᭞ᬓᭂᬜ᭄ᬚᭂᬓ᭄ᬳᬶᬤᬫᬲᬫᬥᬶ

Auto-transliteration

[12 12B] 12 jatisungsutringkayune, sinaḥngawinanghibuk, sangninggalinsamisĕdiḥ, dukapantitiyangdewwa, l̥ĕgöninggalinhiratu, sukayanjuwamasa‐ r̥ĕngan, malañcaran, hirikiringtamansarī, makalihannganggitsĕkar̀. yanhiratusar̥ĕngnenemangkin, pacanglungha, sinaḥsĕngköpisan, pamar̀ggin titiyangeringmar̀ggi, tanñidayanghiratu, ringmar̀ggikalintangbĕlig, batulumbanglumbang, gulakgulikmalumut, pañĕngkanmar̀gginesawat, pangkungdal̥ĕm, kila‐ kilukbĕtsaripit, toyanñanehagöngpisan. sayangpisancokorenegaling, katatonan, tanbinahipudhak, kagorettanaḥgarune, [13 13A] 13 puputsapunikasampun, wacananehalusmanis, sar̀wwingĕlutmadya, tanmaringukut'hukut, hyangratiḥhidamengosang, paramangkin, hidangar̥ĕnguwang halis, rusakkayunhidabuyar̀. dĕkdĕksuwungmapuwaratangismatūr̀halon, hidasangkalaran, wiyaktimĕpĕshature, hinggiḥdewwasangbagus, sanghyangsmaranenemangkin, sampunangratupiwal, ringhatūr̀tityanghidu‐sun, duḥkitakaliḥsumĕlang, yenhyangśiwwa, pacanggodanratumangkin, jantĕnpacangtanmatulak. maliḥhiratupacangkapuri, deninghida, sa‐nghyangśiwwalintang, luwiḥr̥ĕkepamūr̀ttine, maliḥhidasanghyangluhur̀, kĕñjĕk'hidamasamadhi

Leaf 13

Image on Archive.org

[᭑᭓ 13B] ᭑᭓ ᬗᬋᬕᭂᬧ᭄ᬓᬦᬶᬃᬫ᭄ᬫᬮᬦ᭄᭞ᬗ᭄ᬕᬶᬦᭂᬗᬂᬲ᭄ᬫ᭄ᬭᬢᬶᬢᬸᬢᬹᬃ᭞ᬢᬺᬱ᭄ᬡᬦ᭄ᬢᬶᬢᬶᬬᬗᬾᬫᬲᭀᬫᬄ᭞ᬧᬶᬲ᭠ᬭᬢᬾ᭞ᬪᬓ᭄ᬢᬶᬦ᭄ᬢᬶᬢᬶᬬᬗᬾᬫᬕᬸᬲ᭄ᬢᬶ᭞ᬓ᭄ᬭᬡᬮᬚᬸᬫᬫᬸᬗᬸᬯᬂ᭟ᬤᬾᬦᬶᬂᬭᬢᬸᬢᬦ᭄ᬯᬗ᭄ᬤᬾᬗᭂ᭠ ᬫᬲᬶᬦ᭄᭞ᬓᬦᬭᬓᬦ᭄᭞ᬧᬗ᭄ᬕᬶᬳᬶᬦ᭄‌ᬳᬶᬤᬾᬯ᭞ᬫᬮᬶᬄᬘᬶᬭᬶᬓᬯᭀᬦ᭄‌ᬋᬓᬾ᭞ᬫᬮᬶᬄᬓᭀᬚᬭᬦ᭄ᬳᬶᬧᬸᬦ᭄᭞ᬲᭂᬗ᭄ᬓᬮᬧᬘᬂᬓᬧᬗ᭄ᬕᬶᬄ᭞ᬭᬾᬄᬳᬶᬢᬫ᭄ᬩᬸᬮᬶᬮᬶᬗᬦ᭄᭞ᬫᬳᬶᬍᬄᬳᬶ᭠ ᬧᬸᬦ᭄‌ᬦᬫ᭄ᬩᬸᬂ᭞ᬫᬶᬭᬶᬩ᭄‌ᬲᭂᬤᬶᬄᬭᬶᬂᬳᬫ᭄ᬩᬭ᭞ᬦᬾᬭᬶᬂᬢᬫᬦ᭄᭞ᬲᬺᬓᬃᬳᬗ᭄ᬰᬦᬦᬾᬳ᭠ᬰ᭄ᬭᬶ᭞ᬢᭂᬫ᭄ᬧᬸᬄᬳᬗᬶᬦ᭄‌ᬲᬫᬶᬳᭂᬫ᭄ᬧᬓ᭄᭟ᬳᭂᬦ᭄ᬢᬶᬓᬦ᭄ᬕᬥᬸᬂᬧᬲᬸᬭᬯᬾᬲᬫᬶ᭞ᬲᬭᬶᬦ᭄‌ᬧᬸᬥᬓ᭄ ᬲᬫ᭄ᬩᭂᬄᬓᬳᬗᬶᬦᬦ᭄᭞ᬫᬳᬶᬭᬶᬩ᭄‌ᬳᬸᬚᬦ᭄ᬳᬯᬸᬦᬾ᭞ᬓᬬᬸᬢᬾᬚᬦᬾᬮᬬᬸ᭞ᬳᬸᬲᬦ᭄ᬳᬶᬧᬸᬦ᭄ᬫᬸᬭᬸᬩ᭄‌ᬗᭂᬦ᭄ᬤᬶᬄ᭞ᬢᬦ᭄‌ᬧᬘᬬᬲᬫᬶᬬᬦ᭄᭞ᬓᬸᬮᬗᬸᬦᬦ᭄ᬳᬶᬧᬸᬦ᭄᭞ᬤᬶᬗ᭄ᬤᬶᬂᬳᬳᬶ [᭑᭔ 14A] ᭑᭔ ᬫᬲ᭄ᬭᬯᬾᬬᬦ᭄᭞ᬮᬬᬸᬮᬸᬤᬸᬲ᭄᭞ᬦ᭄ᬤᬯᭂᬕᬂᬭᬢᬸᬦᬾᬫᬗ᭄ᬓᬶᬦ᭄᭞ᬮᬶᬗ᭄ᬕᬶᬳᬶᬦ᭄ᬧᬫᬸᬗᬸᬦ᭄‌ᬢᬶᬢᬶᬬᬂ᭟ᬲᬫ᭄ᬧᬸᬦ᭄‌ᬭᬢᬸᬫᬗ᭄ᬕᭀᬤᬦᬾᬫᬗ᭄ᬓᬶᬦ᭄᭞ᬲᬗ᭄ᬳ᭄ᬬᬂᬰᬶᬯ᭄ᬯ᭞ᬩᭀᬬᬲᬓᬾᬂᬢᬶᬢᬶᬬᬂ᭞ ᬳᬸᬦᬶᬂᬭᬶᬂᬧᬭᬘᬶᬭᬶᬦᬾ᭞ᬫᬗ᭄ᬤᬭᬢᬸᬢᬦ᭄ᬓᬤᬸᬭᬸᬲ᭄᭞ᬧᬂᬧᬂᬭᬶᬂᬳᬶᬤᬳ᭄ᬬᬂᬮᬸᬯᬶᬄ᭞ᬢᬦ᭄‌ᬜᬦ᭄ᬤᬂᬧᬘᬂᬲᬭᬢᬂ᭞ᬭᬯᭀᬲ᭄‌ᬲᬗ᭄ᬳ᭄ᬬᬂᬰᬣᬓᬺᬢᬸ᭞ᬓᬮᭀᬓᬲᭀᬭᬶᬂᬜᭂᬗ᭄ᬓᬮ᭞ ᬢᬦ᭄‌ᬜᬶᬤᬬᬂ᭞ᬜᬾᬤᬬᬂᬳᬶᬭᬢᬸᬫᬗ᭄ᬓᬶᬦ᭄᭞ᬓᬢᬸᬤᬸᬳᬂᬫᬭᬶᬂᬪᬬᬵ᭟ᬢᬦ᭄‌‌ᬚᬓᬾᬢᭀᬲᬸᬚᬢᬶᬦ᭄ᬜᬳᬤᬶᬓᬲᬭᬢᬂ᭞ᬳᬦ᭄ᬢᬸᬓ᭄‌ᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭞ᬚᬢᬶᬗᬾᬃᬢ᭄ᬢᬶᬬᬂᬚᬕᬢᬾ ᬰ᭄ᬯᬃᬕ᭄ᬕᬫᬗ᭄ᬤᬭᬳᬬᬸ᭞ᬳᬶᬫᬸᬲᬸᬄᬫᬗ᭄ᬤᬾᬦ᭄ᬜᬫᬢᬶ᭞ᬢᬶᬢᬶᬬᬂᬓᬲᬭᬢᬂᬧᬶᬲᬦ᭄᭞ᬳᬶᬯᬂᬬᬦ᭄ᬧᬤᬾᬩᬸᬳᬸᬂ᭞ᬬᬦ᭄‌ᬗᬶᬫᬬᬂᬓᬃᬬ᭄ᬬᬦ᭄‌ᬳᬶᬤ᭞ᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭞ᬬᬤᬶᬬᬦ᭄ᬫᬗᬫ᭠

Auto-transliteration

[13 13B] 13 ngar̥ĕgĕpkanir̀mmalan, ngginĕngangsmratitutūr̀, tr̥ĕṣṇantitiyangemasomaḥ, pisa‐rate, bhaktintitiyangemagusti, kraṇalajumamunguwang. deningratutanwangdengĕ‐ masin, kanarakan, panggihinhidewa, maliḥcirikawonr̥ĕke, maliḥkojaranhipun, sĕngkalapacangkapanggiḥ, reḥhitambulilingan, mahil̥ĕḥhi‐ punnambung, miribsĕdiḥringhambara, neringtaman, sr̥ĕkar̀hangśananeha‐śri, tĕmpuḥhanginsamihĕmpak. hĕntikan'gadhungpasurawesami, sarinpudhak sambĕḥkahanginan, mahirib'hujanhawune, kayutejanelayu, husanhipunmurubngĕndiḥ, tanpacayasamiyan, kulangunanhipun, dingdinghahi [14 14A] 14 masraweyan, layuludus, ndawĕgangratunemangkin, linggihinpamunguntitiyang. sampunratumanggodanemangkin, sanghyangśiwwa, boyasakengtitiyang, huningringparacirine, mangdaratutankadurus, pangpangringhidahyangluwiḥ, tanñandangpacangsaratang, rawossanghyangśathakr̥ĕtu, kalokasoringñĕngkala, tanñidayang, ñedayanghiratumangkin, katuduhangmaringbhayā. tanjaketosujatinñahadikasaratang, hantuksanghyangindra, jatinger̀ttiyangjagate śwar̀ggamangdarahayu, himusuḥmangdenñamati, titiyangkasaratangpisan, hiwangyanpadebuhung, yanngimayangkar̀yyanhida, sanghyangindra, yadiyanmangama‐

Leaf 14

Image on Archive.org

[᭑᭔ 14B] ᭑᭔ ᬲᬶᬦ᭄ᬫᬢᬶ᭞ᬬᬦ᭄‌ᬗ᭄ᬕᬯᬾᬭᬳᬬᬸᬦ᭄‌ᬚᬕᬢ᭄᭚᭜᭚ᬧᬸᬧᬸᬄᬲᬶᬦᭀᬫ᭄᭚ᬲᬧᬸᬦᬶᬓᬯᬘᬦᬦ᭄‌ᬳᬶᬤ᭟ᬲᬗ᭄ᬳ᭄ᬬᬂᬲ᭄ᬫᬭᬫᬧᬲᬶᬳᬶᬦ᭄᭞ᬲᬗ᭄ᬳ᭄ᬬᬂᬭᬢᬶᬄᬓᬳᭂᬦᭂᬗᬦ᭄᭞ᬗᬸᬦ᭄ᬢᬸ᭠ ᬓ᭄ᬲᬗ᭄ᬰᬬᬢᬦ᭄ᬲᬶᬧᬶ᭞ᬭᬶᬂᬲᬾᬤᬦ᭄‌ᬳᬶᬤᬳᬶᬭᬩᬶ᭞ᬯᬮᬸᬬᬳᬸᬚᬦ᭄‌ᬓᬘᬢᬹᬃ᭞ᬬᬾᬄᬧ᭠ᬦᭀᬦᬾᬤᭂᬋᬲ᭄‌ᬩᬸᬬᬃ᭞ᬧᬸᬧᬸᬢ᭄‌ᬤᬸᬄᬓᬶᬢᬫᬲᬦ᭄ᬤᬶᬂ᭞ᬓᬤᬶᬧᬚᭂᬂ᭞ᬓᬸᬦᬶᬂᬫᬜᬦ᭄ᬤᬶᬂᬚᭂᬫ᭄ᬧᬦ᭟ᬓ ᬤᬶᬧᬸᬲᬸᬄᬓᬳᬸᬚᬦᬦ᭄᭞ᬮᬾᬤᬂᬳᬶᬤᬦᬾᬲᬂᬓᬮᬶᬄ᭞ᬓᬤᬶᬘᬸᬥᬭᬢ᭄ᬦᬋᬓᭀ᭞ᬫᬲᬦ᭄ᬤᬶᬂᬮᬦ᭄‌ᬲᭂᬓᬃᬢᬚᬶ᭞ᬲᬗ᭄ᬳ᭄ᬬᬂᬲ᭄ᬫᬭᬫᬗ᭄ᬓᬶᬦ᭄᭞ᬫᬯᭂᬯᭂᬄᬓᬲ᭄ᬫᬭᬦ᭄ᬓᬬᬸᬦ᭄᭞ᬜᬶᬗᬓᬫᬦᬶ᭠ ᬲᬦ᭄‌ᬳᬶᬤ᭞ᬓᬳᬬᭀᬦ᭄‌ᬳᬶᬤᬳ᭄ᬬᬂᬭᬢᬶᬄ᭞ᬧᬜ᭄ᬘᬾᬦ᭄ᬤ᭄ᬭᬶᬬ᭞ᬜᬸᬲᬸᬧ᭄ᬭᬶᬂᬧᬓᬬᬸᬦ᭄‌ᬳᬶᬤ᭟ᬭᬭᬶᬲ᭄‌ᬫᬜᬳᬸᬧ᭄‌ᬗ᭄ᬕᭂᬮᬶᬲᬂ᭞ᬫᬗᬫ᭄ᬩᬶᬮ᭄‌ᬲᬸᬲᬸᬦᬾᬜᬗ᭄ᬓᬶᬄ᭞ᬧᬫᬺᬫᬦᬾᬫᬳᭀ [᭑᭕ 15A] ᭑᭕ ᬬᬕᬦ᭄᭞ᬗᭂᬚᭂᬃᬢᬦ᭄ᬧᭂᬕᬢᬦ᭄ᬢᬶᬢᬶᬃ᭞ᬲᬫ᭄ᬧᬸᬦ᭄ᬓᬓ᭄ᬮᬾᬲᬶᬦ᭄ᬢᬧᬶᬄ᭞ᬯᬲ᭄ᬢ᭄ᬭᬦᬾᬲᬫ᭄ᬧᬸᬦ᭄ᬓᬳᭂ᭠ᬮᬸᬲ᭄᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬓᬭᬸᬲᬓᬦ᭄᭞ᬲᬂᬓᬤᬶᬩᬸᬮᬦ᭄‌ᬧᬹᬃᬡ᭄ᬦᬫᬧᬹᬃᬡ᭄ᬦᬫᬶ᭞ᬲᬫ᭄ᬧᬸᬦ᭄ᬩᭂᬮᬄ᭞ ᬓᬭᬜ᭄ᬚᬶᬗᬦ᭄‌ᬓᬧᬸᬭᬸᬱᬦ᭄᭟ᬯᬶᬬᬤᬶᬦ᭄‌ᬦᬾᬧᬢ᭄ᬧᬢ᭄ᬧᬸᬦᬶᬓ᭞ᬲᬕᬾᬢ᭄ᬧᬮ᭠ᬲ᭄‌ᬚᭂᬕ᭄ᬫᬓᬶᬮᬶᬢ᭄᭞ᬲᬫ᭄ᬧᬸᬦ᭄ᬧᬸᬧᬸᬢᬶᬂᬧᬢᭂᬫᭀᬦ᭄᭞ᬲᬤ᭄ᬭᬱᬦᬾᬮᬸᬯᬶᬄᬲᬫᬶ᭞ᬲᬦᬾ ᬲᬓᬤᬶᬮᬗᬶᬢ᭄᭞ᬓᬢᬢᬶᬢᬦ᭄‌ᬭᬸᬲᬓ᭄ᬳᬘᬸᬫ᭄᭞ᬢᬦ᭄ᬩᬶᬦᬳᬦᬓ᭄ᬳᭀᬥᬄ᭞ᬩᬶᬩᬶᬄᬧᬯᬄᬘ᭄ᬮᭂᬫᬓ᭄‌ᬘ᭄ᬮᭂᬫᬶᬓ᭄᭞ᬲᬧᬸᬦᬶᬓ᭞ᬲᭀᬮᬄᬳᬶᬤᬫᬓᬮᬶᬳᬦ᭄᭟ᬫᬳ ᬫᬸᬯᬂᬲ᭄ᬫᬭᬢᬦ᭄ᬢ᭄ᬭ᭞ᬧᬢᭂᬫᬸᬦᬶᬂᬮᬦᬂᬳᬶᬲ᭄ᬢ᭄ᬭᬶ᭞ᬲᬫᬥᬶᬮᬦ᭄‌ᬚᬧᬫᬦ᭄ᬢ᭄ᬭ᭞ᬫᬶᬯᬄᬓᬫᭀᬓ᭄ᬱᬦ᭄ᬜᬲᬫᬶ᭞ᬧᬫᬸᬚᬦ᭄ᬜᬢᬦ᭄ᬓᬭᬶ᭞ᬗᬸᬮᬸᬭᬶᬦ᭄‌ᬭᬱᬧᬢᭂᬫᬸ᭞ᬧᭂᬢᭂᬂᬮ᭄ᬫᬄᬢᬦ᭄ᬧᭂᬕᬢ᭄

Auto-transliteration

[14 14B] 14 sinmati, yannggawerahayunjagat // • // pupuḥsinom // sapunikawacananhida. sanghyangsmaramapasihin, sanghyangratiḥkahĕnĕngan, nguntu‐ ksangśayatansipi, ringsedanhidahirabi, waluyahujankacatūr̀, yeḥpa‐nonedĕr̥ĕsbuyar̀, puputduḥkitamasanding, kadipajĕng, kuningmañandingjĕmpana. ka dipusuḥkahujanan, ledanghidanesangkaliḥ, kadicudharatnar̥ĕko, masandinglansĕkar̀taji, sanghyangsmaramangkin, mawĕwĕḥkasmarankayun, ñingakamani‐ sanhida, kahayonhidahyangratiḥ, pañcendriya, ñusupringpakayunhida. rarismañahupnggĕlisang, mangambilsusuneñangkiḥ, pamr̥ĕmanemaho [15 15A] 15 yagan, ngĕjĕr̀tanpĕgatantitir̀, sampunkaklesintapiḥ, wastranesampunkahĕ‐lus, mangkinsampunkarusakan, sangkadibulanpūr̀ṇnamapūr̀ṇnami, sampunbĕlaḥ, karañjingankapuruṣan. wiyadinnepatpatpunika, sagetpala‐sjĕgmakilit, sampunpuputingpatĕmon, sadraṣaneluwiḥsami, sane sakadilangit, katatitanrusak'hacum, tanbinahanak'hodhaḥ, bibiḥpawaḥclĕmakclĕmik, sapunika, solaḥhidamakalihan. maha muwangsmaratantra, patĕmuninglananghistri, samadhilanjapamantra, miwaḥkamokṣanñasami, pamujanñatankari, ngulurinraṣapatĕmu, pĕtĕnglmaḥtanpĕgat

Leaf 15

Image on Archive.org

[᭑᭕ 15B] ᭑᭕ ᬲᬫ᭄ᬧᬸᬦ᭄ᬲᬸᬭᬸᬧ᭄‌ᬲᬹᬃᬬ᭄ᬬᬫᬗ᭄ᬓᬶᬦ᭄‌ᬕᬸᬍᬫ᭄‌ᬩᬭᬓ᭄᭞ᬮ᭄ᬯᬶᬃᬕᬮᬸᬕᬫᬲᭀᬭᭀᬢᬦ᭄᭟ᬮᬗᬶᬢᬾᬬᬦᬶᬂᬧᬃᬡ᭄ᬦᬬᬂ᭞ᬓᬤᬶᬤᭂᬳᬢᬸᬢᬸᬕ᭄‌ᬓᭂᬮᬶᬄ᭞ᬩᬢᬶᬲᬾᬫᬕᭂᬮᬂᬓᬢᭀᬦ᭄᭞ᬩᬸᬮ ᬦᬾᬳᭂᬦ᭄ᬤᬕ᭄‌ᬦᬾᬫᬗ᭄ᬓᬶᬦ᭄᭞ᬓᬕᬸᬍᬫᬦ᭄ᬫᬶᬭᬶᬩ᭄‌ᬲᭂᬤᬶᬄ᭞ᬢᬦ᭄ᬫᬭᬗᭂᬚᭀᬄᬫᬜᬸ᭠ᬮᬸᬄ᭞ᬜᬸᬦ᭄ᬤᬭᬶᬦ᭄ᬫᬃᬕ᭄ᬕᬭᬶᬂᬰ᭄ᬯᬃᬕ᭄ᬕᬦ᭄᭞ᬫᬫᬸᬘᬸᬓᬶᬦ᭄‌ᬯᬢᭂᬓ᭄ᬋᬱᬶ᭞ᬦᬾᬭᬶᬂᬰ᭄ᬯᬃᬕ᭄ᬕ᭞ᬗᬫᭂᬃᬢ᭄ᬢ ᬬᬂᬕᬮᬂᬩᬸᬮᬦ᭄᭟ᬯᬶᬤ᭄ᬬᬥᬭᬶᬦᬾᬓᬲ᭄ᬫᬭᬦ᭄᭞ᬳᬸᬮᬗᬸᬦ᭄‌ᬫᬋᬫ᭄ᬩᬸᬕ᭄ᬲᬫᬶ᭞ᬍᬕᭂᬦᬸᬚᬸᬕᬮᬂᬩᬸᬮᬦ᭄᭞ᬫᬶᬯᬄᬯᬾᬦ᭄ᬢᭂᬦ᭄ᬦᬾᬫᬮᬮᬶ᭞ᬩᬩᬯᭀᬲᬾᬫᬲᬲᬶᬦ᭄ᬤᬶᬭ᭄᭞ ᬫ᭄ᬩᬯᭀᬲᬂᬲᭀᬮᬄᬳᬸᬮᬗᬸᬦ᭄᭞ᬲᬫ᭄ᬩᬶᬮ᭄‌ᬫᬓᬓᭂᬤᬾᬓᬦ᭄᭞ᬕᬫᭂᬮᬦ᭄‌ᬓᬢᬩᬸᬄᬢᬶᬢᬶᬃ᭞ᬲᬸᬮᬶᬂᬋᬩᬩ᭄᭞ᬳᬤᬮᬾᬦ᭄‌‌ᬫᬕᬕᬶᬢᬬᬦ᭄᭟ᬳᬤᬗᬸᬗ᭄ᬲᬶ [᭑᭖ 16A] ᭑᭖ ᬲᬸᬭᬦᬤᬶᬬᬵ᭞ᬲᬳᬧᬯᭀᬗᬦ᭄‌ᬫᬗᬶᬭᬶᬂ᭞ᬫᬲᬶᬭᬫ᭄‌ᬫᬘᬘᬶᬫ᭄ᬧ᭄ᬮᬸᬗᬦ᭄‌ᬫᬶᬭᬶᬩ᭄ᬕᬫᭂᬮᬦ᭄ᬫᬗᬸᬘᬶ᭞ᬩᬩᭀᬭᬾᬄᬧᬸᬧᬸᬭᬾᬫᬶᬳᬶᬓ᭄᭞ᬳᬜᬸᬤ᭄‌ᬬᬤᬶᬢᬸ᭠ ᬫᬗᬮᬸᬩ᭄᭞ᬘᬫ᭄ᬧᬸᬄᬭᬶᬂᬢᭀᬬᬓᬸᬫ᭄ᬓᬸᬫᬦ᭄᭞ᬫᬸᬗ᭄ᬕᬸᬳᬶᬂᬢᬸᬓᬤ᭄‌ᬲᬸᬭᬦᬥᬶ᭞ᬓᬳᬜᬸᬤᬂ᭞ᬗᬸᬗ᭄ᬲᬶᬰ᭄ᬯᬃᬕ᭄ᬕᬦᬾᬲᬫᬶᬳᬦ᭄᭟ᬭᬶᬂᬧᬢᬕᭂᬮ᭄‌ᬧᬘᭂᬩᬸᬭᬦ᭄᭞ᬯᬾᬦ᭄ᬢᭂᬦ᭄ ᬧᬰ᭄ᬭᬫᬦ᭄‌ᬍᬯᬶᬄ᭞ᬩᬮᬾᬫᬡᬶᬓ᭄‌ᬦᭂᬩ᭄ᬜᬋᬓᭀ᭞ᬢᬤᬳᬮᬲ᭄‌ᬜᬦᬾᬲᬫᬶ᭞ᬢᭂᬗᭂᬢ᭄ᬫᬓᬦ᭄ᬢᭂᬦ᭄ᬲᬸᬚᬢᬶ᭞ᬭᬳᬩ᭄ᬜᬦᬾᬳᭂᬦ᭄ᬤᬶᬄᬫᬸᬭᬸᬩ᭄᭞ᬮ᭄ᬯᬶᬃᬓᬫ᭄ᬧᬶᬤ᭄‌ᬢᬫ᭄ᬩᬸᬮᬶᬮᬶᬗᬦ᭄ ᬮᬶᬗ᭄ᬕᬶᬄᬥᬗ᭄ᬳ᭄ᬬᬂᬯᬺᬳᬲ᭄ᬧᬢᬶ᭞ᬲᬧ᭄ᬢᬋᬱᬶ᭞ᬲᬫᬶᬫᬗᬶᬭᬶᬂᬫᬯᬾᬤ᭟ᬫᬶᬯᬄᬰ᭄ᬭᬸᬢᬶᬓᬳᭀᬜ᭄ᬘᬭᬂ᭞ᬯᬾᬦ᭄ᬢᭂᬦ᭄‌ᬳᬸᬬᬸᬢ᭄ᬫᬯᬶᬬᬤᬶ᭞ᬩᬩᬯᭀᬲᬾᬲᬮᬶᬂᬘᬾᬤ᭞ᬦᭂᬗ᭄ᬕᬸᬄᬓ᭠

Auto-transliteration

[15 15B] 15 sampunsurupsūr̀yyamangkin'gul̥ĕmbarak, lwir̀galugamasorotan. langiteyaningpar̀ṇnayang, kadidĕhatutugkĕliḥ, batisemagĕlangkaton, bula nehĕndagnemangkin, kagul̥ĕmanmiribsĕdiḥ, tanmarangĕjoḥmañu‐luḥ, ñundarinmar̀ggaringśwar̀ggan, mamucukinwatĕkr̥ĕsyi, neringśwar̀gga, ngamĕr̀tta yanggalangbulan. widyadharinekasmaran, hulangunmar̥ĕmbugsami, l̥ĕgĕnujugalangbulan, miwaḥwentĕnnemalali, babawosemasasindir, mbawosangsolaḥhulangun, sambilmakakĕdekan, gamĕlankatabuḥtitir̀, sulingr̥ĕbab, hadalenmagagitayan. hadangungsi [16 16A] 16 suranadiyā, sahapawonganmangiring, masirammacacimplunganmiribgamĕlanmanguci, baboreḥpupuremihik, hañudyaditu‐ mangalub, campuḥringtoyakumkuman, mungguhingtukadsuranadhi, kahañudang, ngungsiśwar̀gganesamihan. ringpatagĕlpacĕburan, wentĕn paśramanl̥ĕwiḥ, balemaṇiknĕbñar̥ĕko, tadahalasñanesami, tĕngĕtmakantĕnsujati, rahabñanehĕndiḥmurub, lwir̀kampidtambulilingan linggiḥdhanghyangwr̥ĕhaspati, saptar̥ĕsyi, samimangiringmaweda. miwaḥśrutikahoñcarang, wentĕnhuyutmawiyadi, babawosesalingceda, nĕngguḥka‐

Leaf 16

Image on Archive.org

[᭑᭖ 16B] ᭑᭖ ᬧᬢᬸᬢᬦ᭄ᬲᬫᬶ᭞ᬢᬸᬓᬤ᭄‌ᬖᬗ᭄ᬕᬦᬾᬯᬶᬬᬓ᭄ᬢᬶ᭞ᬧᬫᬭᭀᬳᬦ᭄ᬜᬦᬾᬲᬸᬮᬸᬓ᭄᭞ᬳᭂᬦᬶᬂᬢᬦ᭄ᬓᬍᬢᭂᬳᬶᬦ᭄᭞ᬓᬸᬮᬗᬸᬦᬦ᭄ᬜᬓᬧᬶᬗᬶᬢ᭄᭞ᬭᬾᬄᬫᬘᬫ᭄ᬧᬸᬄ᭞ᬭᬶᬂᬢ᭄ᬮᬕᬢ᭠ ᬫᬦ᭄‌ᬳ᭄ᬬᬂᬇᬦ᭄ᬤ᭄ᬭ᭟ᬩᬮᬾᬗᬸᬮᬗᬸᬦᬶᬦ᭄ᬧᬶᬲᬦ᭄᭞ᬚᬜᭂᬗ᭄ᬓᭂᬭᬾᬫᬗᬶᬍᬳᬶᬦ᭄᭞ᬭᬶᬂᬚᭂᬭᭀᬳᬦ᭄‌ᬩᭂᬘᬶᬓ᭄ᬧᬶᬲᬦ᭄᭞ᬮᬶᬗ᭄ᬕᬶᬄᬲᬗ᭄ᬳ᭄ᬬᬂᬇᬦ᭄ᬤ᭄ᬭᬯᬶᬬᬓ᭄ᬢᬶ᭞ᬫᬢᭂᬫᬸᬭᬶᬂᬯᬶᬥ᭄ᬬᬥᬭᬶ᭞ ᬭᬶᬂᬧᬸᬭᬶᬦᬾᬲᬮᬄᬳᬸᬓᬸᬃ᭞ᬓᬾᬢᭀᬯᬱ᭄ᬝᬦ᭄ᬜᬦᬾᬓᭀᬘᬧ᭄᭞ᬓᬮᬾᬃᬓᬯᬸᬄᬜᬦᬾᬫᬃᬕ᭄ᬕᬶ᭞ᬳᬰ᭄ᬭᬶᬳᬮᬸᬲ᭄᭞ᬫᬳᬧᬶᬢ᭄‌ᬩᬳᬦ᭄‌ᬕᬕᬸᬦᬸᬗᬦ᭄᭟ᬭᬶᬂᬜᬫ᭄ᬧᬶᬳᬦ᭄ᬜᬧᬸᬦᬶᬓ ᬘᬦ᭄ᬤᬶᬫᬡᬶᬓ᭄‌ᬪᬚᬺᬮᬸᬯᬶᬄ᭞ᬫᬧᬢᬺᬧᬶᬦ᭄ᬤᬦ᭄‌ᬦᬡ᭄ᬥᬓ᭞ᬳᬦ᭄ᬢᬸᬓ᭄‌ᬲᬲᭀᬘᬦᬾᬧᬸᬢᬶᬄ᭞ᬭᬯᬸᬄᬓᬧᬸᬘᬓ᭄ᬲᬫᬶ᭞ᬲᬰ᭄ᬯᬃᬕ᭄ᬕᬓᬮᬶᬦ᭄ᬢᬂᬮᬸᬳᬸᬂ᭞ᬲᬫᬶᬫᬤᬸᬤᭀᬦ᭄ᬤᬸᬤᭀᬦᬦ᭄᭞ᬭᬶᬂ [᭑᭗ 17A] ᭑᭗ ᬲᬧ᭄ᬢᬮᭀᬓᬫᬓᬤᬶ᭞ᬧᬸᬭᬶᬮᬸᬳᬸᬂ᭞ᬫᬤᬩ᭄ᬤᬩ᭄ᬫᬓᬦ᭄ᬤᬓᬦ᭄ᬤ᭟ᬭᬱᬓᬫ᭄ᬩᬂᬭᬶᬂᬳᬫ᭄ᬩᬭ᭞ᬓᬜᭀᬭᬦ᭄‌ᬳᬶᬩᬸᬦ᭄ᬳᬸᬣᬥᬶ᭞ᬫᬓᬥᬃᬫ᭄ᬫᬦ᭄ᬜᬦᬾᬋᬓᭀ᭞ᬲᬫ᭄ᬧᬸᬦ᭄‌ᬭᬳᬶ᭠ ᬦᬦᬾᬫᬗ᭄ᬓᬶᬦ᭄᭞ᬤᬳᬸᬄᬧᬶᬢᬸᬯᬶᬬᬓ᭄ᬢᬶ᭞ᬲᬗ᭄ᬳ᭄ᬬᬂᬩᬸᬮᬦ᭄‌ᬲᬫ᭄ᬧᬸᬦ᭄ᬲᬸᬭᬸᬧ᭄᭞ᬧᬦᬮᬶᬓᬦᬾᬫᬲᬸᬯᬭ᭞ᬲᬮᬶᬂᬢᬶᬫ᭄ᬩᬮ᭄‌ᬬᬫᬕᬦ᭄ᬢᬶ᭞ᬘᬸᬫᬗ᭄ᬓᬶᬭᬂ᭞ᬫᬫᬸᬜᬶᬢᬦ᭄ᬧᬧ᭄ᬕᬢᬦ᭄ ᭟ᬫᬶᬭᬶᬩ᭄ᬳᬦᬓ᭄‌ᬫᭂᬦᬾᬓ᭄ᬤᭂᬳᬵ᭞ᬓᬓᬃᬬ᭄ᬬᬦᬂᬧᬸᬮᬧᬮᬶ᭞ᬕᬸᬦᬸᬗᬾᬩᬭᬓ᭄‌ᬓᬢᭀᬦ᭄ᬢᭀᬦ᭄᭞ᬲᬗ᭄ᬳ᭄ᬬᬂᬲᬹᬃᬬ᭄ᬬᬲᬫ᭄ᬧᬸᬦ᭄ᬫᬶᬚᬶᬮ᭄᭞ᬘᬳ᭄ᬬᬦᬾᬩᬭᬓ᭄ᬓᬗᬶᬦ᭄᭞ᬓᬤᬶᬳᬦᬓ᭄ ᬳᬶᬲ᭄ᬢ᭄ᬭᬶᬲᬸᬗ᭄ᬲᬸᬢ᭄᭞ᬧᬦᬶᬗᬮᬦᬾᬩᬭᬓ᭄᭞ᬫᬶᬭᬶᬩ᭄‌ᬬᬳᬸᬲᬦ᭄ᬫᬗᭂᬮᬶᬂ᭞ᬓᬢᬸᬭᭀᬦᬦ᭄᭞ᬓᬧ᭄ᬭᬓᭀᬱᬭᬶᬂᬧᬫᬺᬫᬦ᭄᭚᭜᭚ᬧᬸᬧᬸᬄᬧᬗ᭄ᬓᬸᬃ᭚ᬫᬗ᭄ᬓᬶᬦ᭄ᬧᬫ᭄ᬧᬸᬦ᭄

Auto-transliteration

[16 16B] 16 patutansami, tukadghangganewiyakti, pamarohanñanesuluk, hĕningtankal̥ĕtĕhin, kulangunanñakapingit, reḥmacampuḥ, ringtlagata‐ manhyangindra. balengulanguninpisan, jañĕngkĕremangil̥ĕhin, ringjĕrohanbĕcikpisan, linggiḥsanghyangindrawiyakti, matĕmuringwidhyadhari, ringpurinesalaḥhukur̀, ketowaṣṭanñanekocap, kaler̀kawuḥñanemar̀ggi, haśrihalus, mahapitbahan'gagunungan. ringñampihanñapunika candimaṇikbhajr̥ĕluwiḥ, mapatr̥ĕpindannaṇdhaka, hantuksasocaneputiḥ, rawuḥkapucaksami, saśwar̀ggakalintangluhung, samimadudondudonan, ring [17 17A] 17 saptalokamakadi, puriluhung, madabdabmakandakanda. raṣakambangringhambara, kañoranhibunhuthadhi, makadhar̀mmanñaner̥ĕko, sampunrahi‐ nanemangkin, dahuḥpituwiyakti, sanghyangbulansampunsurup, panalikanemasuwara, salingtimbalyamaganti, cumangkirang, mamuñitanpapgatan . mirib'hanakmĕnekdĕhā, kakar̀yyanangpulapali, gunungebarakkatonton, sanghyangsūr̀yyasampunmijil, cahyanebarakkangin, kadihanak histrisungsut, paningalanebarak, miribyahusanmangĕling, katuronan, kaprakoṣaringpamr̥ĕman // • // pupuḥpangkur̀ // mangkinpampun

Leaf 17

Image on Archive.org

[᭑᭗ 17B] ᭑᭗ ᬧᬤᬾᬯᬲᬦ᭄᭞ᬤᬶᬦᬳᬬᬸᬧᬲᭂᬗ᭄ᬓᬾᬢᬦᬾᬭᬶᬳᬶᬦ᭄᭞ᬤᬾᬯᬢᬫᬤᬩ᭄ᬤᬩ᭄᭠ᬲᬫ᭄ᬧᬸᬦ᭄᭞ᬲᬫᬶᬲᬫ᭄ᬧᬸᬦ᭄ᬓᬤᬳᬸᬳᬦ᭄᭞ᬭᬶᬂᬳ᭄ᬬᬂᬇᬦ᭄ᬤ᭄ᬭ᭞ᬧᬘᬂᬗᬶᬭᬶᬂᬳ᭄ᬬᬂᬅᬢᬦᬸ᭞ᬫᬫᬃᬕ᭄ᬕᬶᬫ᭠ ᬗᬸᬗ᭄ᬲᬶᬬᬰ᭞ᬫᬳᬫᬾᬭᬸᬦᬾᬓᬳᬸᬗ᭄ᬲᬶ᭟ᬫᬶᬯᬄᬳᬶᬤᬲᬗ᭄ᬳ᭄ᬬᬂᬲ᭄ᬫᬭ᭞ᬲᬺᬕᭂᬧ᭄ᬲᬫ᭄ᬧᬸ᭠ᬦ᭄‌ᬫᬧᬫᬶᬢ᭄‌ᬭᬶᬂᬤᬾᬯᬶᬭᬢᬶᬄ᭞ᬫᬶᬚᬶᬮ᭄ᬫᬪᬸᬱᬡᬫᬸᬭᬸᬩ᭄᭞ᬓᬭᬶᬳᬶᬤᬫᬗᬦ᭄ᬢᭀᬲᬂ᭞ᬭᬶᬂᬩ᭠ ᬜ᭄ᬘᬶᬗᬄ᭞ᬧᬫᭂᬦ᭄ᬢᬗᬦ᭄‌ᬲᬺᬕᭂᬧ᭄ᬲᬫ᭄ᬧᬸᬦ᭄᭞ᬲᬶᬓᬶᬗ᭄ᬓᬶᬂᬋᬓᬾᬯᬱ᭄ᬝᬦ᭄ᬜ᭞ᬧᬦᬳᬾᬳᬶᬯᭂᬮᬲᬲᬶᬄ᭟ᬫᬓᬫᬶᬯᬄᬧᬜ᭄ᬚᬓ᭄‌ᬳᬶᬤ᭞ᬲᬫ᭄ᬧᬸᬦ᭄‌ᬓᬸᬫ᭄ᬧᬸᬮ᭄‌ᬢᬹᬃᬳᬶᬤᬮᬸᬮᬸᬢ᭄ᬯᬱ᭄ᬝᬦᬶᬦ᭄᭞ᬧᬮᬶ᭠ ᬗ᭄ᬕᬶᬳᬦ᭄ᬳᬶᬤᬮᬸᬳᬸᬂ᭞ᬳᬦ᭄ᬢᬸᬓ᭄‌ᬲᬃᬯ᭄ᬯᬦᬶᬂᬩᬸᬗ᭄ᬳᬵ᭞ᬫᬓᬫᬯᭀᬦ᭄‌ᬓᬥᬧᬦ᭄ᬕᬶᬦᬶᬜ᭄ᬚ᭄ᬭᬶᬂᬳᬮᬸᬲ᭄᭞ᬧᬗᬯᬓ᭄ᬤᭀᬓᬭᬾᬓᭀᬘᬧ᭄᭞ᬫᭂᬦᬸᬄᬳᬗ᭄ᬰᬦᬦᬾᬳᬰ᭄ᬭᬶ᭟ᬫᬓᬕᬚᬳᬾᬫᬘᬂ [᭑᭘ 18A] ᭑᭘ ᬘᬂ᭞ᬩᬸᬗᬓ᭄ᬤᬧᬦ᭄‌ᬩᬸᬦ᭄ᬓᬢᬶᬭᬳᬾᬳᬰ᭄ᬭᬶ᭞ᬳᬸᬥᬂᬫᬕᬫ᭄ᬩᬃᬭᬶᬂᬢᬸᬗ᭄ᬕᬸᬮ᭄᭞ᬳᬦ᭄ᬢᬸᬓ᭄‌ᬓ᭄ᬤᬧᬦ᭄‌ᬗᬸᬮᬾᬧᬢ᭄᭞ᬓᬸᬤᬧᬸᬢᬶᬄᬲᬬᭀᬗᬾᬫᬘᬂᬘᬂᬲᬫ᭄ᬧᬸᬦ᭄᭞ᬢᬢᬶᬢᬾᬫᬓᬢᬮᬶᬦ᭄ᬜ᭞ ᬓᬤᬶᬲᬸᬦ᭄ᬢᬕᬶᬫᬲ᭄‌ᬭᬯᬶᬢ᭄᭞ᬫᬓᬓᬸᬲᬶᬭᬦ᭄ᬜᬦᬾᬓᭀᬘᬧ᭄᭞ᬳᬗᬶᬦ᭄‌ᬜᬶᬃᬲᬶᬭ᭄‌ᬤᬩ᭄ᬤᬩ᭄ᬬᬫᬗ᭄ᬮᬦ᭄ᬢᬶᬕᬶᬦ᭄᭞ᬧᭂᬘᬸᬢᬾᬳᭂᬦ᭄ᬢᬶᬓᬦ᭄ᬕᬥᬸᬂ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬫᬲᬋᬗᬦ᭄ ᬤᬾᬯᬢᬋᬱᬶᬲᬤᬸᬮᬸᬃ᭞ᬯᬶᬥ᭄ᬬᬥᬭᬫᬗᬶᬭᬶᬗᬂ᭞ᬲᬗ᭄ᬳ᭄ᬬᬂᬇᬦ᭄ᬤ᭄ᬭᬫᬸᬗ᭄ᬕᬸᬳᬶᬂᬳᬱ᭄ᬝᬶ᭟ᬫ᭠ᬓᬧᬧᬸᬘᬸᬓ᭄ᬫᬫᬃᬕ᭄ᬕ᭞ᬲᬃᬯ᭄ᬯᬶᬮᬾᬤᬂᬫᬗᬮᭀᬤᬂᬋᬓᬾᬫᬫᬃᬕ᭄ᬕᬶ᭞ᬲ᭄ᬫᬭᬮᭀᬓᬯᬸᬲ᭄ᬓᬧᬸᬗ᭄ᬓᬸᬃ᭞ ᬢᬸᬓᬤ᭄‌ᬖᬗ᭄ᬕᬲᬫ᭄ᬧᬸᬦ᭄‌ᬮᬶᬦ᭄ᬢᬂ᭞ᬯᬢᭂᬓ᭄‌ᬋᬱᬶᬕᬡᬫᬓᭂᬩᭂᬃᬫᬫ᭄ᬩᬸᬃ᭞ᬓᬤᬶᬓᭀᬓᭀᬓᬦ᭄ᬫᬲᬄᬲᬄ᭞ᬧᬲᬶᬄᬓᬢᭀᬦ᭄‌ᬗᬸᬮᬗᬸᬦᬶᬦ᭄᭟ᬓᬤᬶᬕᬸᬦᬸᬗᬾᬫᬚᬮᬦ᭄

Auto-transliteration

[17 17B] 17 padewasan, dinahayupasĕngketanerihin, dewatamadabdab‐sampun, samisampunkadahuhan, ringhyangindra, pacangngiringhyangatanu, mamar̀ggima‐ ngungsiyaśa, mahamerunekahungsi. miwaḥhidasanghyangsmara, sr̥ĕgĕpsampu‐nmapamitringdewiratiḥ, mijilmabhuṣaṇamurub, karihidamangantosang, ringba‐ ñcingaḥ, pamĕntangansr̥ĕgĕpsampun, sikingkingr̥ĕkewaṣṭanña, panahehiwĕlasasiḥ. makamiwaḥpañjak'hida, sampunkumpultūr̀hidalulutwaṣṭanin, pali‐ nggihanhidaluhung, hantuksar̀wwaningbunghā, makamawonkadhapan'giniñjringhalus, pangawakdokarekocap, mĕnuḥhangśananehaśri. makagajahemacang [18 18A] 18 cang, bungakdapanbunkatirahehaśri, hudhangmagambar̀ringtunggul, hantukkdapanngulepat, kudaputiḥsayongemacangcangsampun, tatitemakatalinña, kadisuntagimasrawit, makakusiranñanekocap, hanginñir̀sirdabdabyamanglantigin, pĕcutehĕntikan'gadhung, tumulirarismamar̀gga, masar̥ĕngan dewatar̥ĕsyisadulur̀, widhyadharamangiringang, sanghyangindramungguhinghaṣṭi. ma‐kapapucukmamar̀gga, sar̀wwiledangmangalodangr̥ĕkemamar̀ggi, smaralokawuskapungkur̀, tukadghanggasampunlintang, watĕkr̥ĕsyigaṇamakĕbĕr̀mambur̀, kadikokokanmasaḥsaḥ, pasiḥkatonngulangunin. kadigunungemajalan

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org