Tatwa Maha Jnana

Original on Archive.org

Front and Back Covers

Image on Archive.org

[PERPUSTAKAAN KTR. DOKBUD BALI PROP. BALI T/XXI/11/DOKBUD Judul : TATWA MAHA JNANA Panj. 40 cm. Jl. 77 lb. Asal : Griya Gulingan, Mengwi, Badung.] [᭑ 1A] ᭑

Auto-transliteration

[PERPUSTAKAAN KTR. DOKBUD BALI PROP. BALI T/XXI/11/DOKBUD Judul : TATWA MAHA JNANA Panj. 40 cm. Jl. 77 lb. Asal : Griya Gulingan, Mengwi, Badung.] [1 1A] 1

Leaf 1

Image on Archive.org

[᭑ 1B] ᭑ ᭚᭐᭚ᬑᬁᬅᬯᬶᬖ᭄ᬦᬫᬲ᭄ᬢᬸ᭞ᬦᬫᬄᬲᬶᬤ᭄ᬥᬫ᭄᭚᭐᭚ᬦᬶᬳᬦ᭄‌ᬓᬬᬢ᭄ᬦᬵᬓ᭄ᬦᬤᬾᬲᬂᬲᬾᬯᬓᬥᬃᬫ᭄ᬫ᭞ᬲᬂᬫᬳ᭄ᬬᬸᬦ᭄‌ᬮᬸᬧᬸᬢᬾᬂᬚᬦ᭄ᬫᬲᬂᬲᬵᬭ᭞ᬳᬦᬲᬂᬳ᭄ᬬᬂᬢᬢ᭄ᬢ᭄ᬯᬚ᭄ᬜᬵᬦᬗᬭᬦᬶᬭ᭞ᬬᬢᬶᬓ ᬓᬯ᭄ᬭᬸᬳᬓ᭄ᬦᬦ᭄ᬢᬭᬸᬫᬸᬳᬸᬦ᭄᭞ᬮᬯᬦᬶᬓᬤᬾᬯᬢᬵᬦ᭄ᬬ᭞ᬏᬦᬓ᭄‌ᬧ᭄ᬯᬯ᭄ᬭᬸᬄᬢᬭᬶᬂᬲᬂᬳ᭄ᬬᬂᬢᬢ᭄ᬢ᭄ᬯᬚ᭄ᬜᬦ᭞ᬦᬶᬬᬢᬲᬶᬭᬢᬸᬫᭀᬦ᭄‌ᬚᬦ᭄ᬫᬲᬂᬲᬵᬭᬫ᭄ᬯᬂᬫᬦ᭄ᬢᬸᬓᬭᬶᬲᬗ᭄ᬓᬦ᭄ᬬ᭟ᬅᬧᬭᬦᬶᬓᬲᬶᬦᬗ᭄ᬕᬸᬄᬲᬂᬳ᭄ᬬᬂ ᬢᬢ᭄ᬯᬚ᭄ᬜᬵᬗᬭᬦᬶᬭ᭞ᬲᬸᬕ᭄ᬬᬦ᭄‌ᬫᬗ᭄ᬓᬦᬮᬶᬗᬲᬂᬧᬭ᭞ᬅᬦᬫ᭄‌ᬯᬶᬄᬲᬂᬳ᭄ᬬᬂᬢᬢ᭄ᬢ᭄ᬯᬚ᭄ᬜᬵᬦᬗᬭᬦᬶᬭ᭞ᬅᬦᬸᬂᬧᬶᬦᬓᬩᬸᬗ᭄ᬓᬄᬦᬶᬂᬢᬢ᭄ᬢ᭄ᬯᬓᬩᬾᬄ᭞ᬦ᭄ᬤ᭄ᬬᬮᬶᬃᬦ᭄ᬬᬦᬶᬳᬦ᭄᭟ᬘᬾᬢᬦ᭞ᬅᬘᬾᬢᬦ᭞ᬘᬾᬢᬦ ᬗᬭᬦ᭄ᬬᬚ᭄ᬜᬵᬯ᭄ᬭᬸᬄᬫᬾᬗᭂᬢ᭄᭞ᬭᬶᬂᬢᬸᬢᬸᬃᬢᬦ᭄‌ᬧᬩᬮᬶᬓ᭄‌ᬮᬸᬧ᭞ᬅᬘᬾᬢᬦᬗᬭᬦ᭄ᬬᬇᬓᬂᬮᬸᬧᬯ᭄ᬬᬵᬫᭀᬳᬢᬦ᭄‌ᬓᬳᬦᬦ᭄‌ᬢᬸᬢᬸᬃ᭟ᬇᬓᬂᬘᬾᬢᬦᬮᬯᬦ᭄ᬅᬘᬾᬢᬦ᭞ᬬᬾᬓᬲᬶ [᭒ 2A] ᬦᬗ᭄ᬕᬸᬄᬰᬶᬯᬢᬢ᭄ᬢ᭄ᬯᬮᬯᬦ᭄‌ᬫᬵᬬᬵᬢᬢ᭄ᬢ᭄ᬯ᭞ᬇᬓᬂᬘᬾᬢᬦ᭞ᬬᬾᬓᬰᬶᬯᬢᬢ᭄ᬢ᭄ᬯ᭞ᬇᬓᬂᬅᬘᬾᬢᬦ᭞ᬬᬾᬓᬫᬵᬬᬵᬢᬢ᭄ᬢ᭄ᬯ᭞ᬧᬥᬳᬶᬢ᭄ᬦ᭄ᬬᬫ᭄ᬯᬂᬲᬹᬓ᭄ᬱ᭄ᬫᬦ᭄ᬬ᭞ᬓᬸᬦᬂᬓᬲᭀᬃᬦᬶᬓᬂᬫᬵᬬᬵᬢᬢ᭄ᬢ᭄ᬯᬤᬾᬦᬶᬂᬰᬶᬯ ᬢᬢ᭄ᬢ᭄ᬯ᭞ᬢᬦ᭄‌ᬧᬘᬾᬢᬦ᭄‌ᬢᬦ᭄‌ᬧᬚ᭄ᬜᬵᬦᬇᬓᬂᬫᬵᬬᬵᬢᬢ᭄ᬢ᭄ᬯ᭞ᬓᬾᬯᬮᬮᬸᬧᬢᬦ᭄‌ᬓᬳᬦᬦ᭄‌ᬢᬸᬢᬸᬭ᭄᭞ᬢᬬᬧᬶᬦᬓᬵᬯᬓ᭄ᬦ᭄ᬬ᭞ᬅᬯᬗᬯᬗᬸᬯᬸᬗᬸᬯᬸᬂ᭞ᬢᬦ᭄‌ᬧᬕᬫᭀᬗᬦ᭄᭞ᬮᬸᬧᬯᬶᬯᬭᬷ ᬳ᭞ᬲ᭄ᬯᬪᬵᬯᬦᬶᬓᬂᬫᬵᬬᬵᬢᬢ᭄ᬢ᭄ᬯ᭟ᬢᬸᬢᬸᬃᬧ᭄ᬭᬓᬵᬰᬧ᭄ᬯᬲ᭄ᬯᬪᬵᬯᬦᬶᬓᬂᬰᬶᬯᬢᬢ᭄ᬢ᭄ᬯ᭞ᬇᬓᬂᬲᬶᬦᬗ᭄ᬕᬸᬄᬰᬶᬯᬢᬢ᭄ᬢ᭄ᬯ᭞ᬢᬶᬕᬧ᭄ᬭᬪᬾᬤᬦ᭄ᬬ᭞ᬮ᭄ᬯᬶᬃᬦ᭄ᬬ᭞ᬧᬭᬫᬰᬶᬯᬢᬢ᭄ᬢ᭄ᬯ᭞ᬆᬢ᭄ᬫᬶᬓᬢᬢ᭄ᬢ᭄ᬯ᭟ᬧᬭᬫᬰᬶᬯᬢᬢ᭄ᬢ᭄ᬯᬗ ᬭᬦ᭄ᬬᬓᬲ᭄ᬣᬶᬢ᭄ᬬᬦ᭄‌ᬪᬝᬭᬭᬶᬂᬦᬶᬲ᭄ᬓᬮ᭞ᬢᬦ᭄‌ᬧᭀᬮᬄ᭞ᬢᬦ᭄‌ᬮᬶᬫ᭄ᬩᬓ᭄᭞ᬢᬦ᭄‌ᬮᬓᬸ᭞ᬢᬦ᭄‌ᬧᬲᬗ᭄ᬓᬦ᭄᭞ᬢᬦ᭄‌ᬧᬯᬭᬦ᭄᭞ᬢᬦ᭄‌ᬧᬯ᭄ᬓᬲᬦ᭄᭞ᬓᬾᬯᬮᬲ᭄ᬣᬶᬢᬶ᭞ᬉᬫᬶᬗᭂᬂ᭞᭠

Auto-transliteration

[1 1B] 1 // 0 // oṅġawighnamastu, namaḥsiddham // 0 // nihankayatnāknadesangsewakadhar̀mma, sangmahyunluputengjanmasangsāra, hanasanghyangtattwajñānangaranira, yatika kawruhaknantarumuhun, lawanikadewatānya, enakpwawruḥtaringsanghyangtattwajñana, niyatasiratumonjanmasangsāramwangmantukarisangkanya. aparanikasinangguḥsanghyang tatwajñāngaranira, sugyanmangkanalingasangpara, anamwiḥsanghyangtattwajñānangaranira, anungpinakabungkaḥningtattwakabeḥ, ndyalir̀nyanihan. cetana, acetana, cetana ngaranyajñāwruḥmengĕt, ringtutur̀tanpabaliklupa, acetanangaranya'ikanglupawyāmohatankahanantutur̀. ikangcetanalawanacetana, yekasi [2 2A] nangguḥśiwatattwalawanmāyātattwa, ikangcetana, yekaśiwatattwa, ikangacetana, yekamāyātattwa, padhahitnyamwangsūkṣmanya, kunangkasor̀nikangmāyātattwadeningśiwa tattwa, tanpacetantanpajñāna'ikangmāyātattwa, kewalalupatankahanantutur, tayapinakāwaknya, awangawanguwunguwung, tanpagamongan, lupawiwarī ha, swabhāwanikangmāyātattwa. tutur̀prakāśapwaswabhāwanikangśiwatattwa, ikangsinangguḥśiwatattwa, tigaprabhedanya, lwir̀nya, paramaśiwatattwa, ātmikatattwa. paramaśiwatattwanga ranyakasthityanbhaṭararingniskala, tanpolaḥ, tanlimbak, tanlaku, tanpasangkan, tanpawaran, tanpawkasan, kewalasthiti, umingĕng, ‐

Leaf 2

Image on Archive.org

[᭒ 2B] ᭒ ᬳᬸᬫ᭄ᬦᭂᬂᬮᬗ᭄ᬕᭂᬂᬚᬸᬕᬲᬶᬭ᭞ᬇᬩᭂᬓ᭄‌ᬢᬂᬭᬵᬢ᭄‌ᬓᬩᬾᬄᬤᬾᬦᬶᬭ᭞ᬓᬓᬲᬸᬢ᭄‌ᬓᬳ᭄ᬫᬸᬓᬯ᭄ᬬᬵᬧᬓᬓᬩᬾᬄᬓᬂᬲᬧ᭄ᬢᬪᬸᬯᬦᬤᬾᬦᬶᬭ᭞ᬲᬧ᭄ᬢᬧᬵᬢᬵᬮᬲᬸᬡ᭄ᬥᬸᬮ᭄‌ᬯᬸᬲ᭄ᬢᬸ᭞ᬧ᭄ᬦᬸᬄᬮ᭄ᬬᬩ᭄‌ᬓᬂᬚ ᬮᬢ᭄‌ᬤᬾᬦᬶᬭ᭞ᬢᬦ᭄‌ᬓᬯ᭄ᬦᬂᬮᬶᬦᭀᬗᬦ᭄᭞ᬢᬦ᭄‌ᬓᬯ᭄ᬦᬂᬢᬶᬦᬫ᭄ᬩᭂᬳᬦ᭄‌ᬦᬶᬱ᭄ᬓᬵᬃᬬ᭄ᬬᬦᬶᬰ᭄ᬧ᭄ᬭᬬᭀᬚᬦᬚᬸᬕᬲᬶᬭ᭞ᬢᬦ᭄‌ᬯᬭᬯ᭄ᬬᬵᬧᬵᬭᬭᬶᬂᬳᬮᬳᬬᬸ᭞ᬦᬶᬃᬳᬸᬦᬶᬗᬢᬲᬶᬭᬇᬓᬓᬩᬾᬄ᭞ᬫ᭄ᬯᬂᬢ ᬦ᭄‌ᬳᬦᬗᬢᬷᬢᬵᬦᬵᬕᬢᬯᬃᬢ᭄ᬢᬫᬵᬦᬭᬶᬲᬶᬭ᭞ᬢᬦ᭄‌ᬓᬳᬼᬢᬦ᭄‌ᬲᬶᬭᬤᬾᬦᬶᬂᬓᬵᬮ᭞ᬭᬳᬶᬦᬲᬤᬵᬚᬸᬕᬲᬶᬭ᭞ᬢᬦ᭄ᬧᬓᬳᬶᬮᬗᬦ᭄‌ᬮᬦᬵᬚᬸᬮᬲᬶᬭ᭞ᬦᬳᬦ᭄‌ᬮᬓ᭄ᬱᬡᬪᬝᬵᬭᬧᬭ ᬫᬰᬶᬯᬢᬢ᭄ᬢ᭄ᬯ᭞ᬬᬾᬓᬓᬲ᭄ᬣᬶᬢ᭄ᬬᬦ᭄‌ᬪᬝᬵᬭᬭᬶᬂᬦᬶᬲ᭄ᬓᬮᬋᬓ᭞ᬲᬶᬭᬢᬪᬝᬵᬭᬧᬭᬫᬰᬶᬯᬢᬢ᭄ᬢ᭄ᬯᬗᬭᬦᬶᬭ᭟ᬦᬶᬳᬦ᭄‌ᬲᬤᬵᬰᬶᬯᬢᬢ᭄ᬢ᭄ᬯᬗᬭᬦᬶᬭ᭞ᬯ᭄ᬬᬵᬧᬵᬭᬢᬪᬝᬵᬭᬲᬤᬵᬰᬶᬯᬢᬢ᭄ᬢ᭄ᬯ᭞ᬯ᭄ᬬᬵ [᭓ 3A] ᬧᬵᬭᬗᬭᬦ᭄ᬬᬓᬶᬦᬳᬦᬦ᭄᭞ᬲᬶᬭᬤᬾᬦᬶᬂᬲᬃᬯ᭄ᬯᬚ᭄ᬜᬫ᭄ᬯᬂᬲᬃᬯ᭄ᬯᬓᬵᬃᬬ᭄ᬬᬓᬃᬢ᭄ᬢᬵᬲᬶᬭ᭞ᬲᬃᬯ᭄ᬯᬚ᭄ᬜᬲᬃᬯ᭄ᬯᬓᬵᬃᬬ᭄ᬬᬓᬃᬢ᭄ᬢᬵᬗᬭᬦ᭄ᬬ᭞ᬅᬦᬫ᭄‌ᬧᬶᬄ᭞ᬳᬦᬧᬤ᭄ᬫᬵᬲᬦᬧᬮᬸᬗ᭄ᬕᬸᬳᬦ᭄‌ᬪᬝᬵᬭ᭞ᬘᬤᬸᬰᬓ᭄ᬢᬶᬗ ᬭᬦ᭄ᬬ᭞ᬮ᭄ᬯᬶᬃᬦ᭄ᬬ᭟ᬚ᭄ᬜᬵᬦᬰᬓ᭄ᬢᬶ᭞ᬧ᭄ᬭᬪᬸᬰᬓ᭄ᬢᬶ᭞ᬓ᭄ᬭᬶᬬᬵᬰᬓ᭄ᬢᬶ᭞ᬦᬳᬦ᭄‌ᬢᬂᬲᬶᬦᬗ᭄ᬕᬸᬄᬘᬤᬸᬰᬓ᭄ᬢᬶᬗᬭᬦ᭄ᬬ᭟ᬚ᭄ᬜᬵᬦᬰᬓ᭄ᬢᬶᬗᬭᬦ᭄ᬬᬢᬶᬕᬧ᭄ᬭᬪᬾᬤᬦ᭄ᬬ᭞ᬮ᭄ᬯᬶᬃᬦ᭄ᬬ᭞ᬤᬹᬭᬤᬃᬰ᭄ᬰᬦ᭞ᬤᬹᬭᬰ᭄ᬭᬯᬦ᭞ᬤᬹᬭᬵᬢ᭄ᬫᬓ᭟ᬤᬹ ᬳᭂᬳᬤᬃᬰ᭄ᬰᬦᬗᬭᬦ᭄ᬬᬢᬸᬫᭀᬦᬶᬗᬤᭀᬳᬧᬋᬓ᭄᭞ᬤᬹᬭᬰ᭄ᬭᬯᬡᬭᬸᬫᭂᬗᭃᬰᬩ᭄ᬤᬳᬤᭀᬳᬤᭀᬳᬧᬋᬓ᭄᭞ᬤᬹᬭᬵᬢ᭄ᬫᬓᬗᬭᬦ᭄ᬬᬯ᭄ᬭᬸᬄᬭᬶᬗᬫ᭄ᬩᭂᬓ᭄‌ᬦᬶᬗᬤᭀᬳᬧᬋᬓ᭄᭞ᬦᬳᬦ᭄‌ᬢᬂᬲᬶᬦᬗ᭄ᬕᬸᬄ ᬚ᭄ᬜᬵᬦᬰᬓ᭄ᬢᬶᬗᬭᬦ᭄ᬬ᭟ᬯᬶᬪᬸᬰᬓ᭄ᬢᬶᬗᬭᬦ᭄ᬬᬢᬦ᭄‌ᬳᬦᬓᬢᬸᬦᬦᬶᬭᬇᬭᬶᬓᬂᬭᬵᬢ᭄‌ᬓᬩᬾᬄ᭟ᬧ᭄ᬭᬪᬸᬰᬓ᭄ᬢᬶᬗᬭᬦ᭄ᬬᬢᬦ᭄‌ᬓᬮᬗ᭄ᬩᬦᬦ᭄᭞ᬭᬶᬲᬓᬾᬘ᭄ᬙᬦᬶᬭ᭟ᬓ᭄ᬭᬶᬬᬵᬰᬓ᭄ᬢᬶᬗᬭᬦ᭄ᬬᬲᬶ

Auto-transliteration

[2 2B] 2 humnĕnglanggĕngjugasira, ibĕktangrātkabeḥdenira, kakasutkahmukawyāpakakabeḥkangsaptabhuwanadenira, saptapātālasuṇdhulwustu, pnuḥlyabkangja latdenira, tankawnanglinongan, tankawnangtinambĕhanniṣkār̀yyaniśprayojanajugasira, tanwarawyāpāraringhalahayu, nir̀huningatasira'ikakabeḥ, mwangta nhanangatītānāgatawar̀ttamānarisira, tankahl̥ĕtansiradeningkāla, rahinasadājugasira, tanpakahilanganlanājulasira, nahanlakṣaṇabhaṭārapara maśiwatattwa, yekakasthityanbhaṭāraringniskalar̥ĕka, siratabhaṭāraparamaśiwatattwangaranira. nihansadāśiwatattwangaranira, wyāpāratabhaṭārasadāśiwatattwa, wyā [3 3A] pārangaranyakinahanan, siradeningsar̀wwajñamwangsar̀wwakār̀yyakar̀ttāsira, sar̀wwajñasar̀wwakār̀yyakar̀ttāngaranya, anampiḥ, hanapadmāsanapalungguhanbhaṭāra, caduśaktinga ranya, lwir̀nya. jñānaśakti, prabhuśakti, kriyāśakti, nahantangsinangguḥcaduśaktingaranya. jñānaśaktingaranyatigaprabhedanya, lwir̀nya, dūradar̀śśana, dūraśrawana, dūrātmaka. dū hĕhadar̀śśanangaranyatumoningadohapar̥ĕk, dūraśrawaṇarumĕngöśabdahadohadohapar̥ĕk, dūrātmakangaranyawruḥringambĕkningadohapar̥ĕk, nahantangsinangguḥ jñānaśaktingaranya. wibhuśaktingaranyatanhanakatunanira'irikangrātkabeḥ. prabhuśaktingaranyatankalangbanan, risakecchanira. kriyāśaktingaranyasi

Leaf 3

Image on Archive.org

[᭓ 3B] ᭓ ᬭᬳᬸᬫᬦᬓᬶᬓᬂᬭᬵᬢ᭄‌ᬓᬩᬾᬄ᭞ᬗᬸᬦᬶᬯᬾᬄᬇᬓᬂᬯᬢᭂᬓ᭄‌ᬤᬾᬯᬢᬵᬓᬩᬾᬄ᭞ᬓᬤ᭄ᬬᬗ᭄ᬕᬦᬶᬂᬩ᭄ᬭᬳ᭄ᬫᬵ᭞ᬯᬶᬱ᭄ᬡᬸ᭞ᬇᬰ᭄ᬯᬭ᭞ᬧᬜ᭄ᬘᬋᬱᬶ᭞ᬲᬧ᭄ᬢᬋᬱᬶ᭞ᬇᬦ᭄ᬤ᭄ᬭ᭞ᬬᬫ᭞ᬯᬭᬸᬡ᭞ᬓᬸᬩᬾᬭ᭞ ᬯᬾᬰ᭄ᬭᬯᬡ᭞ᬯᬶᬤ᭄ᬬᬵᬥᬭ᭞ᬕᬦ᭄ᬥᬃᬯ᭄ᬯ᭞ᬤᬦᬯ᭞ᬤᬾᬢ᭄ᬬ᭞ᬭᬓ᭄ᬱᬲ᭞ᬪᬹᬢᬬᬓ᭄ᬱ᭞ᬪᬹᬢᬤ᭄ᬗᭂᬦ᭄᭞ᬪᬹᬢᬓᬵᬮ᭞ᬪᬹᬢᬧᬶᬰᬵᬘ᭞ᬗᬸᬦᬶᬯᬾᬄᬇᬓᬂᬪᬸᬯᬦ᭞ᬧᬺᬣᬶᬯᬶ᭞ᬅᬧᬄ᭞ᬢᬾᬚ᭞ᬯᬵᬬᬸ᭞ᬆ ᬓᬰ᭞ᬘᬦ᭄ᬤ᭄ᬭ᭞ᬅᬤᬶᬢ᭄ᬬ᭞ᬭᬵᬭᬕᬡ᭞ᬬᬾᬓᬕᬯᬾᬪᬝ᭄ᬝᬭᬲᬤᬵᬰᬶᬯᬢᬢ᭄ᬢ᭄ᬯᬭᬶᬂᬦᬶᬱ᭄ᬓᬮ᭞ᬇᬓᬓᬩᬾᬄ᭟ᬓᬸᬦᬂᬕᬯᬾᬪᬝᬭᬵᬲᬤᬵᬰᬶᬯᬢᬢ᭄ᬢ᭄ᬯᬭᬶᬂᬲᬓᬮ᭞ᬲᬂᬳ᭄ᬬᬂᬰᬵᬲ᭄ᬢ᭄ᬭ᭞ᬅ ᬚᬶ᭞ᬯᬾᬤ᭄ᬬ᭞ᬢᬃᬢ᭄ᬓ᭞ᬯ᭄ᬬᬵᬓᬭᬡ᭞ᬕᬡᬶᬢ᭞ᬬᬢᬶᬓᬕᬯᬾᬪᬝᬵᬭᬲᬤᬵᬰᬶᬯᬢᬢ᭄ᬢ᭄ᬯ᭞ᬅᬦ᭄ᬲᬶᬭᬧ᭄ᬭᬫᬵᬡᬇᬭᬶᬓᬂᬭᬵᬢ᭄‌ᬓᬩᬾᬄ᭞ᬲᬶᬭᬫᬓᬤᬺᬯ᭄ᬬᬇᬭᬶᬓᬂᬲᬓᬮᬦᬶᬱ᭄ᬓᬮ᭞ᬲᬶᬭᬢᬪ [᭔ 4A] ᬝᬵᬭᬆᬤᬶᬧ᭄ᬭᬫᬵᬡᬗᬭᬦᬶᬭ᭞ᬲᬶᬭᬢᬪᬝᬵᬭᬚᬕᬦ᭄ᬦᬵᬣᬗᬭᬦᬶᬭ᭞ᬲᬶᬭᬢᬪᬝᬵᬭᬫᬓᬵᬭᬡᬗᬭᬦᬶᬭ᭞ᬲᬶᬭᬢᬪᬝᬵᬭᬧᬭᬫᬾᬰ᭄ᬯᬭᬗᬭᬦᬶᬭ᭞ᬲᬶᬭᬢᬪᬝᬵᬭᬕᬸᬭᬸᬗᬭᬦᬶᬭ᭞ ᬲᬶᬭᬢᬪᬝᬵᬭᬫᬳᬸᬮᬸᬦ᭄‌ᬗᬭᬦᬶᬭ᭞ᬲᬶᬭᬢᬫᬗᬭᬦ᭄‌ᬪᬝᬵᬭᬯᬰᬯᬰᬶᬢ᭄ᬯ᭞ᬇᬓᬢᬓᬩᬾᬄ᭞ᬲᬶᬭᬵᬕᬯᬾᬢᬦ᭄‌ᬕᬶᬦᬯᬾ᭞ᬲᬶᬭᬢᬯ᭄ᬦᬂᬫᬗ᭄ᬳᬦᬵᬓᭂᬦ᭄‌ᬯ᭄ᬦᬂᬫᬗ᭄ᬳᬶᬮᬗᬓᭂᬦ᭄᭞ᬢᬦ᭄‌ᬳ ᬦᬮᬸᬫ᭄ᬯᬶᬳᬦᬓᬾᬰ᭄ᬯᬃᬬ᭄ᬬᬦᬶᬭ᭞ᬲᬶᬭᬢᬪᬝᬵᬭᬕᬸᬭᬸᬦᬶᬂᬕᬸᬭᬸ᭞ᬦᬳᬦ᭄‌ᬢᬮᬓ᭄ᬱᬡᬪᬝᬵᬭᬲᬤᬵᬰᬶᬯᬢᬢ᭄ᬢ᭄ᬯ᭟ᬦᬶᬳᬦ᭄‌ᬢᬂᬲᬶᬦᬗ᭄ᬕ᭄ᬕᬶᬄᬆᬢ᭄ᬫᬶᬓᬢᬢ᭄ᬢ᭄ᬯᬗᬭᬦ᭄ᬬ᭞ᬪᬝᬵᬭᬲᬤᬵᬰᬶᬯᬢᬢ᭄ᬢ᭄ᬯᬓᬸᬦᬂ ᬮᬓ᭄ᬱᬡᬳᬦᬶᬭ᭞ᬊᬢᬧ᭄ᬭᭀᬢ᭞ᬊᬢᬗᬭᬦ᭄ᬬᬓᬤ᭄ᬬᬗ᭄ᬕᬦᬦᬗᬧᬸᬬ᭄‌ᬳᬦᬭᬶᬗᭂᬲᭂᬬᭂᬦ᭄᭞ᬲᬹᬓ᭄ᬱ᭄ᬫᬚᬸᬕᬓᬗᬧᬸᬬ᭄‌ᬳᬦᬭᬶᬂᬓᬬᬸᬧ᭄ᬭᬶᬂ᭞ᬫᬗ᭄ᬓᬦᬢᬪᬝᬵᬭᬲᬤᬵᬰᬶᬯᬢᬢ᭄ᬢ᭄ᬯ᭞ᬅᬦ᭄‌ᬯ᭄ᬬᬵᬧ

Auto-transliteration

[3 3B] 3 rahumanakikangrātkabeḥ, nguniweḥikangwatĕkdewatākabeḥ, kadyangganingbrahmā, wiṣṇu, iśwara, pañcar̥ĕsyi, saptar̥ĕsyi, indra, yama, waruṇa, kubera, weśrawaṇa, widyādhara, gandhar̀wwa, danawa, detya, rakṣasa, bhūtayakṣa, bhūtadngĕn, bhūtakāla, bhūtapiśāca, nguniweḥikangbhuwana, pr̥ĕthiwi, apaḥ, teja, wāyu, ā kaśa, candra, aditya, rāragaṇa, yekagawebhaṭṭarasadāśiwatattwaringniṣkala, ikakabeḥ. kunanggawebhaṭarāsadāśiwatattwaringsakala, sanghyangśāstra, a ji, wedya, tar̀tka, wyākaraṇa, gaṇita, yatikagawebhaṭārasadāśiwatattwa, ansirapramāṇa'irikangrātkabeḥ, siramakadr̥ĕwya'irikangsakalaniṣkala, siratabha [4 4A] ṭāra'ādipramāṇangaranira, siratabhaṭārajagannāthangaranira, siratabhaṭāramakāraṇangaranira, siratabhaṭāraparameśwarangaranira, siratabhaṭāragurungaranira, siratabhaṭāramahulunngaranira, siratamangaranbhaṭārawaśawaśitwa, ikatakabeḥ, sirāgawetan'ginawe, siratawnangmanghanākĕnwnangmanghilangakĕn, tanha nalumwihanakeśwar̀yyanira, siratabhaṭāraguruningguru, nahantalakṣaṇabhaṭārasadāśiwatattwa. nihantangsinangggiḥātmikatattwangaranya, bhaṭārasadāśiwatattwakunang lakṣaṇahanira, ūtaprota, ūtangaranyakadyanggananangapuyhanaringĕsĕyĕn, sūkṣmajugakangapuyhanaringkayupring, mangkanatabhaṭārasadāśiwatattwa, anwyāpa

Leaf 4

Image on Archive.org

[᭔ 4B] ᭔ ᬓᬭᬶᬂᬫᬵᬬᬵᬢᬢ᭄ᬢ᭄ᬯ᭞ᬢᬦ᭄‌ᬓᬢᭀᬦ᭄‌ᬢᬦ᭄‌ᬓᬶᬦᬯ᭄ᬭᬸᬳᬦ᭄᭞ᬲᬶᬭᬯᬶᬪᬸᬳᬸᬫᬶᬂᬩᭂᬓᬶᬂᬫᬵᬬᬢᬢ᭄ᬢ᭄ᬯ᭞ᬧ᭄ᬭᭀᬢᬗᬭᬦ᭄ᬬᬓᬤ᭄ᬬᬗ᭄ᬕᬦᬶᬂᬫᬡᬶᬓ᭄‌ᬲᬨᬝᬶᬓ᭞ᬅᬳ᭄ᬦᬶᬂ᭞ᬳᬫᬵᬬᬫᬵᬬ᭞ᬢ᭄ᬭᬸᬲᬮᬶᬮᬂᬢᬦ᭄ ᬓᬵᬯᬭᬡᬦ᭄᭞ᬢᬓ᭄ᬢᬵᬰ᭄ᬦᬇᬭᬶᬓᬂᬯᬃᬡ᭄ᬦ᭞ᬤᬤᬶᬫᬲᬮᬶᬦ᭄‌ᬯᬃᬡ᭄ᬦᬇᬓᬂᬫᬡᬶᬓ᭄᭞ᬲᬶᬦᬧᬸᬢ᭄‌ᬤᬾᬦᬶᬓᬂᬯᬃᬡ᭄ᬦᬭᬓ᭄ᬢᬭᬶᬂᬫᬵᬬᬵᬢᬢ᭄ᬢ᭄ᬯ᭞ᬢᬦ᭄ᬓᬢᭀᬦ᭄‌ᬢᬦ᭄‌ᬓᬶᬦᬯ᭄ᬭᬸᬳᬦ᭄᭞ᬲᬶᬭᬯᬶᬪᬸᬳᬸᬫᬶᬩᭂᬓᬶᬂ ᬫᬵᬬᬵᬢᬢ᭄ᬢ᭄ᬯ᭞ᬲᬶᬦᬯᬸᬢ᭄‌ᬤᬾᬦᬶᬓᬂᬯᬃᬡ᭄ᬦᬭᬓ᭄ᬢᬦ᭄ᬬᬚᬸᬕᬾᬓᬂᬫᬡᬶᬓ᭄᭞ᬫᬓᬦᬶᬫᬶᬢ᭄ᬢ᭞ᬧᬲᬳᬓ᭄ᬦᬇᬓᬂᬫᬡᬶᬓ᭄ᬮᬯᬦ᭄ᬯᬃᬡ᭄ᬦ᭞ᬦ᭄ᬤᬦᬶᬭᬶᬓᬫᬸᬮᬶᬄᬭᬹᬧᬦᬶᬓᬵᬳ᭄ᬦᬶᬂ᭞ᬇᬓᬂᬯᬃᬡ᭄ᬦᬭᬓ᭄ᬢᬦ᭄ᬬᬗᬹᬦᬶ᭞ᬳᬦᬭᬶᬓᬵ ᬯᬓ᭄ᬦ᭄ᬬᬚᬸᬕᬾᬓᬯ᭄ᬓᬲᬦ᭄᭟ᬓᬤᬶᬫᬗ᭄ᬓᬦᬢᬪᬝᬵᬭᬲᬤᬵᬰᬶᬯᬢᬢ᭄ᬢ᭄ᬯ᭞ᬅᬯ᭄ᬬᬵᬧᬓᬘᬸᬫᬾᬢᬦᬾᬓᬂᬫᬵᬬᬵᬢᬢ᭄ᬢ᭄ᬯ᭞ᬫᬮᬧ᭄ᬯᬲ᭄ᬯᬪᬵᬯᬦᬶᬓᬂᬫᬵᬬᬵᬢ᭄ᬢ᭄ᬯ᭞ᬬᬢᬲᬶᬦᬗ᭄ᬕᬸᬄᬓᭀᬋᬋᬗ᭄ᬕ᭞ᬓ [᭕ 5A] ᬭᬓ᭄ᬢᬦ᭄‌ᬫᬮᬗᬭᬦ᭄ᬬ᭞ᬫᬢᬂᬦ᭄ᬬᬦ᭄‌ᬓᬤᬶᬳᬶᬮᬂᬓᬳᬶᬥᭂᬧᬦ᭄ᬬ᭞ᬰᬓ᭄ᬢᬶᬪᬝᬭᬯ᭄ᬓᬲᬦ᭄᭞ᬓᬶᬦ᭄ᬢᬸᬳᬢ᭞ᬅᬧᬦ᭄‌ᬲᬨᬝᬶᬓᭀᬯᬫ᭞ᬓ᭄ᬢᬂᬪᬝᬵᬭᬲᬤᬵᬰᬶᬯᬢᬢ᭄ᬢ᭄ᬯ᭞ᬢᬦ᭄‌ᬯ᭄ᬦᬂᬘᬶᬦᬫ᭄ᬧᬸᬭᬦ᭄᭞ ᬢᬸᬳᬸᬦ᭄‌ᬫᬓᬵᬯᬓ᭄‌ᬢᬸᬢᬸᬃᬫ᭄ᬫᬵᬢ᭄ᬭ᭞ᬚᬸᬕᬓᬂᬘᬾᬢᬦᬯ᭄ᬓᬲᬦ᭄᭞ᬦ᭄ᬤᬦ᭄‌ᬲᬶᬭᬢᬲᬶᬦᬗ᭄ᬕᬸᬄᬢᬆᬢ᭄ᬫᬶᬓᬢᬢ᭄ᬢ᭄ᬯᬗᬭᬦᬶᬭ᭞ᬲᬶᬭᬢᬲᬂᬳ᭄ᬬᬗᬵᬢ᭄ᬫᬵᬯᬶᬰᬾᬱᬗᬭᬦᬶᬭ᭞ᬲᬶᬭᬢᬪᬝᬵᬭ ᬥᬃᬫ᭄ᬫᬗᬭᬦᬶᬭ᭞ᬲᬶᬭᬢᬳᬸᬫᬶᬩᭂᬓᬶᬂᬭᬵᬢ᭄‌ᬓᬩᬾᬄ᭞ᬲᬶᬭᬢᬧᬶᬦᬓᬳᬸᬭᬶᬧᬶᬂᬭᬵᬢ᭄‌ᬓᬩᬾᬄ᭞ᬲᬃᬯ᭄ᬯᬚᬦ᭄ᬫᬓᬩᬾᬄ᭞ᬦᬳᬦ᭄‌ᬧᬧᬥᬦᬶᬭᬓᬤ᭄ᬬᬗ᭄ᬕᬦᬶᬂᬭᬲᬂᬳ᭄ᬬᬗᬵᬤᬶᬢ᭄ᬬ᭞ᬢᬸᬗ᭄ᬕᬮ᭄‌ᬲᬶᬭᬢ᭄ᬓᬯ᭄ᬬᬵ ᬧᬵᬭᬭᬶᬗᬪ᭄ᬬᬦ᭄ᬢᬭ᭞ᬢᬸᬳᬸᬦ᭄‌ᬢᬾᬚᬦᬶᬭᬚᬸᬕᬮᬸᬫ᭄ᬭᬵᬫᬳᬲᬶᬂᬤᬰᬤᬾᬰ᭞ᬳᬸᬫᬶᬩᭂᬓᬶᬂᬭᬵᬢ᭄ᬓᬩᬾᬄ᭞ᬢᬸᬫᬚᬦᬶᬂᬳᬮᬳᬬᬸ᭞ᬅᬩᭀᬮᬯᬦᬯᬗᬶ᭞ᬇᬓᬂᬢᬾᬚᬢᬸᬫᬾᬚᬦᬶᬂᬳᬮ

Auto-transliteration

[4 4B] 4 karingmāyātattwa, tankatontankinawruhan, sirawibhuhumingbĕkingmāyatattwa, protangaranyakadyangganingmaṇiksaphaṭika, ahning, hamāyamāya, trusalilangtan kāwaraṇan, taktāśna'irikangwar̀ṇna, dadimasalinwar̀ṇna'ikangmaṇik, sinaputdenikangwar̀ṇnaraktaringmāyātattwa, tankatontankinawruhan, sirawibhuhumibĕking māyātattwa, sinawutdenikangwar̀ṇnaraktanyajugekangmaṇik, makanimitta, pasahakna'ikangmaṇiklawanwar̀ṇna, ndanirikamuliḥrūpanikāhning, ikangwar̀ṇnaraktanyangūni, hanarikā waknyajugekawkasan. kadimangkanatabhaṭārasadāśiwatattwa, awyāpakacumetanekangmāyātattwa, malapwaswabhāwanikangmāyāttwa, yatasinangguḥkor̥ĕr̥ĕngga, ka [5 5A] raktanmalangaranya, matangnyankadihilangkahidhĕpanya, śaktibhaṭarawkasan, kintuhata, apansaphaṭikowama, ktangbhaṭārasadāśiwatattwa, tanwnangcinampuran, tuhunmakāwaktutur̀mmātra, jugakangcetanawkasan, ndansiratasinangguḥta'ātmikatattwangaranira, siratasanghyangātmāwiśeṣangaranira, siratabhaṭāra dhar̀mmangaranira, siratahumibĕkingrātkabeḥ, siratapinakahuripingrātkabeḥ, sar̀wwajanmakabeḥ, nahanpapadhanirakadyangganingrasanghyangāditya, tunggalsiratkawyā pāraringabhyantara, tuhuntejanirajugalumrāmahasingdaśadeśa, humibĕkingrātkabeḥ, tumajaninghalahayu, abolawanawangi, ikangtejatumejaninghala

Leaf 5

Image on Archive.org

[᭕ 5B] ᭕ ᬳᬬᬸ᭞ᬅᬩᭀᬮᬯᬦᬯᬗᬶ᭞ᬇᬓᬂᬢᬾᬚᬢᬸᬫᬾᬚᬦᬶᬂᬳᬮᬳᬬᬸ᭞ᬅᬓ᭄ᬯᬾᬄᬕᬯᬾᬦᬶᬂᬢᬾᬚᬲᬂᬳ᭄ᬬᬸᬗᬵᬤᬶᬢ᭄ᬬ᭞ᬳᬦᬫᬭᬶᬗᬳᬮ᭞ᬳᬦᬫᬭᬶᬂᬗᬳᬬᬸ᭞ᬳᬦᬫᬭᬶᬗᬩᭀ᭞ᬳᬦᬫᬭᬶᬗᬯ ᬗᬶ᭞ᬳᬦᬫᬭᬶᬂᬭᬹᬧᬯᬃᬡ᭄ᬦ᭞ᬢ᭄ᬮᬲ᭄‌ᬓᬭᬸᬳᬸᬦ᭄‌ᬲᬂᬳ᭄ᬬᬜᬤᬶᬢ᭄ᬬ᭞ᬲᬃᬯ᭄ᬯᬾᬘ᭄ᬙᬵᬲᬂᬳ᭄ᬬᬗᬵᬤᬶᬢ᭄ᬬᬚᬸᬕᬲᬶᬭᬳᬦᬭᬶᬗᬪ᭄ᬬᬦ᭄ᬢᬭ᭟ᬫᬗ᭄ᬓᬦᬢᬪᬝᬭᬥᬃᬫ᭄ᬫ᭞ᬢᬸᬳᬸᬦ᭄‌ᬳᬦᬭᬶᬂᬦᬶᬱ᭄ᬓᬮ᭞ᬚᬸᬕᬲᬶᬭᬫᬓᬵᬯ ᬓᬶᬓᬂᬢᬹᬃᬬ᭄ᬬᬧᬤ᭞ᬢᬸᬳᬸᬦ᭄‌ᬘᬾᬢᬦᬦᬶᬭᬚᬸᬕᬮᬸᬫ᭄ᬭᬵ᭞ᬳᬸᬫᬶᬩᭂᬓᬶᬂᬭᬵᬢ᭄‌ᬓᬩᬾᬄ᭞ᬫᬢ᭄ᬫᬳᬦ᭄‌ᬲᬂᬰᬬᬕᬘᬮ᭄᭞ᬧᬶᬦᬓᬳᬸᬭᬶᬧ᭄‌ᬦᬶᬂᬲᬃᬯ᭄ᬯᬚᬦ᭄ᬫᬓᬩᬾᬄ᭞ᬫᬵᬬᬵᬢᬲᬶᬦᬗ᭄ᬕᬸᬄᬘᬾᬢᬦᬫᬜᬾᬢᬦ ᬗᬭᬦ᭄ᬬ᭟ᬦᬶᬳᬦ᭄‌ᬧ᭄ᬭᬱ᭄ᬝᬯᬦ᭄‌ᬪᬝᬵᬭᬥᬃᬫ᭄ᬫ᭞ᬅᬦᬸᬂᬫᬺᬤ᭄ᬥ᭄ᬬᬵᬓᬘᬾᬢᬦᬦᬶᬭ᭞ᬪᬝᬵᬭᬫᬳᬸᬮᬸᬦ᭄‌ᬲᬶᬭᬫᬳ᭄ᬬᬸᬦ᭄ᬫᬦᭀᬦ᭄‌ᬯᬲ᭄ᬢᬸᬲᬓᬮ᭞ᬬᬢᬫᬢᬂᬦ᭄ᬬᬦᬶᬦᬶᬘ᭄ᬙᬵᬦᬶᬭᬢᬲᬂᬳ᭄ᬬᬗᬵᬢ᭄ᬫᬵ᭞ᬧᬶᬦ [᭖ 6A] ᬢᭂᬫ᭄ᬯᬓᭂᬦᬶᬭᬮᬯᬦ᭄‌ᬧ᭄ᬭᬥᬵᬦᬢᬢ᭄ᬢ᭄ᬯ᭞ᬧ᭄ᬭᬥᬦᬢᬢ᭄ᬢ᭄ᬯᬗᬭᬦ᭄ᬬ᭞ᬅᬦᬓ᭄‌ᬦᬶᬂᬫᬵᬬᬵᬢᬢ᭄ᬢ᭄ᬯ᭞ᬬᬢᬫᬢᬂᬦ᭄ᬬᬦ᭄‌ᬮᬸᬧᬯᬶᬧᬭᬶᬢᬲ᭄ᬯᬪᬵᬯᬦᬶᬓᬂᬧ᭄ᬭᬥᬵᬦᬢᬢ᭄ᬢ᭄ᬯ᭞ᬢᬸᬭᬸᬗᬭᬦ᭄ᬬᬦᬶᬂᬫᬵᬦᬸᬱ᭞ᬮᬸᬧ ᬧ᭄ᬯᬵᬯᬓ᭄‌ᬦᬶᬂᬧ᭄ᬭᬥᬵᬦᬢᬢ᭄ᬢ᭄ᬯ᭞ᬢᬸᬢᬸᬃᬧ᭄ᬭᬓᬵᬰᬧ᭄ᬯᬵᬯᬓ᭄‌ᬲᬂᬳ᭄ᬬᬗᬵᬢ᭄ᬫᬵ᭞ᬇᬓᬂᬢᬸᬢᬸᬃᬫᬢ᭄ᬫᬸᬮᬯᬦ᭄‌ᬮᬸᬧ᭞ᬬᬢᬲᬶᬦᬗ᭄ᬕᬸᬄᬧ᭄ᬭᬤᬵᬦᬧᬸᬭᬸᬱᬗᬭᬦ᭄ᬬ᭞ᬭᬶᬧᬫᬗ᭄ᬕᬶᬄᬇᬓᬂᬧ᭄ᬭᬥᬵᬦᬮᬯᬦ᭄‌ᬧᬸᬭᬸᬱ᭞ ᬇᬓᬢᬬᬦ᭄‌ᬧᬵᬦᬓ᭄‌ᬘᬶᬢ᭄ᬢᬮᬯᬦ᭄‌ᬕᬸᬡ᭞ᬘᬶᬢ᭄ᬢᬗᬭᬦ᭄ᬬᬕᬡᬮ᭄‌ᬦᬶᬂᬧᬸᬭᬸᬱ᭞ᬕᬸᬡᬗᬭᬦ᭄ᬬᬤᬤᬶᬦᬶᬂᬧ᭄ᬭᬥᬵᬦᬢ᭄ᬢ᭄ᬯ᭞ᬅᬦ᭄‌ᬓᬘᬾᬢᬦᬤᬾᬦᬶᬂᬧᬸᬧᬸᬱ᭞ᬇᬓᬂᬕᬸᬡᬢᬶᬕᬧ᭄ᬭᬪᬾᬤᬦ᭄ᬬ᭞ ᬫᬧᬮᬾᬦᬦ᭄‌ᬮ᭄ᬯᬶᬃᬦ᭄ᬬ᭞ᬲᬢ᭄ᬢ᭄ᬯ᭞ᬭᬚᬄ᭞ᬢᬫᬄ᭞ᬬᬾᬓ᭄ᬓᬲᬶᬦᬗ᭄ᬕᬸᬄᬢ᭄ᬭᬶᬕᬸᬡᬗᬭᬦ᭄ᬬ᭞ᬬᬢᬧᬶᬦᬓᬕᬸᬡᬤᬾᬦᬶᬂᬘᬶᬢ᭄ᬢ᭞ᬦᬳᬦ᭄‌ᬢᬂᬘᬶᬢ᭄ᬢᬲᬢ᭄ᬢ᭄ᬯ᭞ᬘᬶᬢ᭄ᬢᬭᬚᬄ᭞ᬘᬶᬢ᭄ᬢᬢᬫᬳ᭄᭟ᬘᬶᬢ᭄ᬢᬗᬭᬦ᭄ᬬᬘᬾᬢᬦᬲᬂ

Auto-transliteration

[5 5B] 5 hayu, abolawanawangi, ikangtejatumejaninghalahayu, akweḥgaweningtejasanghyungāditya, hanamaringahala, hanamaringngahayu, hanamaringabo, hanamaringawa ngi, hanamaringrūpawar̀ṇna, tlaskaruhunsanghyañaditya, sar̀wwecchāsanghyangādityajugasirahanaringabhyantara. mangkanatabhaṭaradhar̀mma, tuhunhanaringniṣkala, jugasiramakāwa kikangtūr̀yyapada, tuhuncetananirajugalumrā, humibĕkingrātkabeḥ, matmahansangśayagacal, pinakahuripningsar̀wwajanmakabeḥ, māyātasinangguḥcetanamañetana ngaranya. nihanpraṣṭawanbhaṭāradhar̀mma, anungmr̥ĕddhyākacetananira, bhaṭāramahulunsiramahyunmanonwastusakala, yatamatangnyaninicchāniratasanghyangātmā, pina [6 6A] tĕmwakĕniralawanpradhānatattwa, pradhanatattwangaranya, anakningmāyātattwa, yatamatangnyanlupawiparitaswabhāwanikangpradhānatattwa, turungaranyaningmānuṣa, lupa pwāwakningpradhānatattwa, tutur̀prakāśapwāwaksanghyangātmā, ikangtutur̀matmulawanlupa, yatasinangguḥpradānapuruṣangaranya, ripamanggiḥikangpradhānalawanpuruṣa, ikatayanpānakcittalawan'guṇa, cittangaranyagaṇalningpuruṣa, guṇangaranyadadiningpradhānattwa, ankacetanadeningpupuṣa, ikangguṇatigaprabhedanya, mapalenanlwir̀nya, sattwa, rajaḥ, tamaḥ, yekkasinangguḥtriguṇangaranya, yatapinakaguṇadeningcitta, nahantangcittasattwa, cittarajaḥ, cittatamah. cittangaranyacetanasang

Leaf 6

Image on Archive.org

[᭖ 6B] ᭖ ᬧᬸᬭᬸᬱᬓᬭᬓ᭄ᬢᬦ᭄‌ᬓᭀᬧᬋᬗ᭄ᬕᬤᬾᬦᬶᬂᬢ᭄ᬭᬶᬕᬸᬡ᭞ᬘᬶᬢ᭄ᬢᬗᬭᬦ᭄ᬬᬯ᭄ᬓᬲᬦ᭄᭞ᬮᬓ᭄ᬱᬡᬦ᭄ᬬᬓᬾᬗᭂᬢᬓ᭄ᬦ᭟ᬬᬦ᭄‌ᬲᬢ᭄ᬢ᭄ᬯᬧ᭄ᬭᬓᬵᬰᬭᬸᬫᬓᭂᬢᬶᬭᬶᬓᬂᬘᬶᬢ᭄ᬢ᭞ᬬᬾᬓᬧ᭄ᬭᬵᬚ᭄ᬜᬯᬶᬤᬕ᭄ᬥ᭞ᬯ᭄ᬭᬸᬄᬭᬶᬬᭀᬕ᭄ᬬᬮ ᬯᬦ᭄‌ᬢᬦ᭄ᬬᭀᬕ᭄ᬬ᭞ᬅᬓᬫᬹᬮ᭄ᬬᬦ᭄‌ᬤᬾᬦ᭄ᬬᬵᬫᬯᬵᬫ᭄ᬗᭂᬓ᭄᭞ᬅᬳᬤ᭄ᬬᬦ᭄‌ᬢ᭄ᬗᭂᬦ᭄᭞ᬢᬦ᭄‌ᬕᬸᬭᬕᬥ᭞ᬢᬦ᭄‌ᬩᬩᬓᬸᬚᬃ᭞ᬪᬓ᭄ᬢᬶᬢᭀᬦᬦ᭄ᬤᬸᬕᬤᬸᬕ᭞ᬅᬲᬶᬄᬢᬬᬭᬶᬂᬓᬲ᭄ᬬᬲᬶᬄ᭞ᬅᬦᬸᬫᭀᬤᬭᬶᬂᬳᬶᬦᬶ ᬤᬷᬦ᭞ᬢᬸᬦᬾᬂᬲᬸᬗ᭄ᬲᬸᬢ᭄᭞ᬲᬢ᭄ᬬᬪᬓ᭄ᬢᬶ᭞ᬅᬭᬸᬫ᭄ᬧᬢᬶᬂᬳᬮᬦ᭄ᬬ᭞ᬲᭀᬫ᭄ᬬᬯᬲᬦᬦ᭄ᬬ᭞ᬅᬢᭂᬦ᭄‌ᬢᬬᬗᬸᬘᬧ᭄‌ᬰᬵᬲ᭄ᬢ᭄ᬭ᭞ᬓᬫᬸᬦᬶᬯᬘᬦᬦ᭄ᬬ᭞ᬉᬢ᭄ᬲᬵᬳᬵᬗᬸᬲᬶᬂᬕᬸᬡᬧᬗᬯ᭄ᬭᬸᬄᬓᬲᬫ᭄ᬬᬕ᭄ᬚᬵᬜᬦᬦ᭄᭞ᬢᬦ᭄ᬧ ᬫᬮᬶᬗ᭄ᬳᬾᬮ᭞ᬢᬦ᭄‌ᬓ᭄ᬦᬾᬂᬲᬸᬗ᭄ᬲᬸᬢ᭄᭞ᬓᬾᬯᬮᬩᬸᬗᬄᬧᬢᬶᬗ᭄ᬳᬮᬦ᭄ᬬ᭞ᬲᬂᬧᭀᬮᬄᬦ᭄ᬬᬫᬂᬤᬤ᭄ᬬᬓᭂᬦ᭄‌ᬳᬃᬱᬭᬶᬂᬲᬂᬢᬸᬫᬶᬗ᭄ᬳᬮ᭄᭞ᬫᬂᬤᬤ᭄ᬬᬓᭂᬦ᭄‌ᬢᬺᬧ᭄ᬢᬶᬧᬭᬶᬢᬸᬱ᭄ᬝᬭᬶᬂᬘᬶᬢ᭄ᬢᬦᬶᬂᬯᬭ᭞ᬫᬲᭀᬃᬢᬬ [᭗ 7A] ᬭᬶᬗᬪᬶᬧ᭄ᬭᬵᬬ᭞ᬫᬗ᭄ᬕᬵᬓᭀᬘᬶᬯᬳᭀ᭞ᬢᬦ᭄‌ᬓᬾᬧᭀᬦᬸᬫᬳᬵᬃᬲᬸᬦ᭄ᬧᬵᬫ᭄ᬗᭂᬓ᭄‌ᬦᬶᬂᬧᬭ᭞ᬢᬢᬦᬳᬗ᭄ᬓᬵᬭ᭞ᬢᬦ᭄‌ᬫᭀᬳᬤᬾᬦ᭄ᬬᬵᬫᬯᬧ᭄ᬭᬯᬺᬢ᭄ᬢᬶ᭞ᬓᬾᬯᬮᬩᬸᬗᬄᬰᬵᬦ᭄ᬢᬵᬮᬶᬮᬂ᭞ᬅᬢ᭄ᬦᬶᬂᬦᬶᬭᬵ ᬯᬭᬡᬢᬦ᭄‌ᬧᬢᬮᬸᬢᬸᬄ᭞ᬅᬢᬄᬧᬶᬦᬓᬚ᭄ᬜᬵᬦᬦ᭄ᬬ᭞ᬅᬰ᭄ᬭᬷᬧᬢᬶᬗ᭄ᬳᬮᬦ᭄ᬬ᭞ᬬᬾᬓᬯ᭄ᬬᬓ᭄ᬢᬶᬦᬶᬓᬂᬘᬶᬢ᭄ᬢᬲᬢ᭄ᬢ᭄ᬯ᭞ᬦᬳᬦ᭄‌ᬮᬓ᭄ᬱᬡᬦᬶᬓᬂᬘᬶᬢ᭄ᬢᬲᬲ᭄ᬢ᭄ᬢ᭄ᬯ᭞ᬅᬭᬸᬫᬓᭂᬢᬶᬭᬶᬓᬂᬘᬶᬢ᭄ᬢ᭄ᬢ᭟ᬦᬶᬳᬦ᭄‌ᬮᬓ᭄ᬱ ᬡᬦᬶᬓᬂᬘᬶᬢ᭄ᬢᬭᬚᬄ᭞ᬅᬦ᭄‌ᬭᬸᬫᬓᭂᬢᬶᬭᬶᬓᬂᬘᬶᬢ᭄ᬢ᭞ᬘᬜ᭄ᬘᬮ᭞ᬅᬤᬺᬱ᭄ᬫᭀᬮᬄ᭞ᬅᬰᬶᬖ᭄ᬭ᭞ᬯᬦᬲ᭄ᬪᬵᬭᬦ᭄᭞ᬅᬕ᭄ᬮᬶᬲ᭄‌ᬩᬗ᭄ᬕ᭞ᬇᬃᬱ᭄ᬬᬵ᭞ᬲᬮᬄᬳᬵᬲ᭞ᬲᬵᬳᬲ᭞ᬘᬧᬮ᭞ᬯᬯᬂᬢ᭄ᬓᬲᬵᬳᬲ᭞ᬢᬸ ᬦᬾᬗᬲᬶᬄ᭞ᬢᬸᬦᬾᬂᬯ᭄ᬮᬲᬶᬄ᭞ᬓᬸᬫᬮ᭄ᬯᬶᬳᬓᭂᬦᬯᬓ᭄‌ᬕᬸᬡ᭞ᬕᭃᬂᬳᬢᬶ᭞ᬓ᭄ᬭᭀᬥᬦ᭄ᬬᬕᭃᬂᬲᬸᬗ᭄ᬲᬸᬢ᭄᭞ᬅᬳᬗ᭄ᬓᬵᬭ᭞ᬮᭀᬪ᭞ᬤᬫ᭄ᬪ᭞ᬓ᭄ᬭᬸᬭ᭞ᬢᬭᬢᬓᬸᬢ᭞ᬓᬪᬶᬦᬯᬲᬧᭀᬮᬄᬦ᭄ᬬ᭞ᬫᬂᬤ

Auto-transliteration

[6 6B] 6 puruṣakaraktankopar̥ĕnggadeningtriguṇa, cittangaranyawkasan, lakṣaṇanyakengĕtakna. yansattwaprakāśarumakĕtirikangcitta, yekaprājñawidagdha, wruḥriyogyala wantanyogya, akamūlyandenyāmawāmngĕk, ahadyantngĕn, tan'guragadha, tanbabakujar̀, bhaktitonandugaduga, asiḥtayaringkasyasiḥ, anumodaringhini dīna, tunengsungsut, satyabhakti, arumpatinghalanya, somyawasananya, atĕntayangucapśāstra, kamuniwacananya, utsāhāngusingguṇapangawruḥkasamyagjāñanan, tanpa malinghela, tanknengsungsut, kewalabungaḥpatinghalanya, sangpolaḥnyamangdadyakĕnhar̀ṣaringsangtuminghal, mangdadyakĕntr̥ĕptiparituṣṭaringcittaningwara, masor̀taya [7 7A] ringabhiprāya, manggākociwaho, tankeponumahār̀sunpāmngĕkningpara, tatanahangkāra, tanmohadenyāmawaprawr̥ĕtti, kewalabungaḥśāntālilang, atningnirā waraṇatanpatalutuḥ, ataḥpinakajñānanya, aśrīpatinghalanya, yekawyaktinikangcittasattwa, nahanlakṣaṇanikangcittasasttwa, arumakĕtirikangcittta. nihanlakṣa ṇanikangcittarajaḥ, anrumakĕtirikangcitta, cañcala, adr̥ĕṣmolaḥ, aśighra, wanasbhāran, aglisbangga, ir̀ṣyā, salaḥhāsa, sāhasa, capala, wawangtkasāhasa, tu nengasiḥ, tunengwlasiḥ, kumalwihakĕnawakguṇa, gönghati, krodhanyagöngsungsut, ahangkāra, lobha, dambha, krura, taratakuta, kabhinawasapolaḥnya, mangda

Leaf 7

Image on Archive.org

[᭗ 7B] ᭗ ᬤ᭄ᬬᬓᭂᬦ᭄‌ᬋᬱ᭄‌ᬦᬶᬂᬢᬸᬫᬶᬗ᭄ᬳᬮ᭄᭞ᬰᬩ᭄ᬤᬦ᭄ᬬᬫᬂᬤᬤ᭄ᬬᬓᭂᬦ᭄‌ᬓᬃᬡᬰᬹᬮᬭᬶᬂᬲᬂᬫᬗᬺᬗᭃ᭞ᬅᬮᬗ᭄ᬖ᭄ᬬᬭᬸᬳᬸᬃᬧᬵᬫ᭄ᬗᭂᬓᬦ᭄ᬬ᭞ᬫᬂᬤᬤ᭄ᬬᬓᭂᬦ᭄‌ᬳᬾᬯᬦᬶᬂᬘᬶᬢ᭄ᬢᬦᬶᬂᬧᬭ᭞ᬢᬦᬗ᭄ᬕᬓᭀᬭᬸᬃᬯᬵ᭞ᬢᬦᬗ᭄ᬕ ᬲᭀᬃᬭᬶᬗᬪᬶᬧ᭄ᬭᬵᬬ᭞ᬬᬾᬓᬯ᭄ᬬᬓ᭄ᬢᬶᬦᬶᬓᬂᬘᬶᬢ᭄ᬢᬭᬚᬄ᭞ᬅᬦ᭄‌ᬭᬸᬫᬓᭂᬢᬶᬭᬶᬓᬂᬘᬶᬢ᭄ᬢ᭟ᬦᬶᬳᬦ᭄‌ᬮᬓ᭄ᬱᬡᬦᬶᬂᬘᬶᬢ᭄ᬢᬢᬫᬄ᭞ᬅᬦ᭄‌ᬭᬸᬫᬓᭂᬢᬶᬭᬶᬓᬂᬘᬶᬢ᭄ᬢ᭞ᬅᬩᭂᬬᭂᬢ᭄᭞ᬅᬮ᭄ᬫᭂᬄ᭞ᬕᬸᬳ᭄ᬬ᭞ᬲᬶᬫ᭄ᬧ ᬦᭂᬄ᭞ᬓᬮᬶᬱ᭞ᬅᬫᬗᬦᬢᬦᬗ᭄ᬳᬾᬮ᭄᭞ᬅᬢᬷᬲ᭄᭞ᬅᬭᬶᬧ᭄᭞ᬩᭀᬢ᭄ᬢᬸᬭᬸ᭞ᬕᭂᬫᬹᬥ᭞ᬕᭂᬂᬭᬵᬕ᭞ᬕᭂᬗᬾᬮᬶᬓ᭄᭞ᬕᭂᬂᬯᬶᬱᬬ᭞ᬤᬺᬥᬢᬬᬰᬸᬓ᭄ᬮᬰᭀᬡᬶᬢ᭞ᬫᬧᬸᬮᬂᬫᬢᬸᬭᬸᬮ ᬯᬦᬦᬓ᭄‌ᬭᬩᬶᬦ᭄ᬬ᭞ᬫᬗ᭄ᬓᬦᬯ᭄ᬬᬓ᭄ᬢᬶᬦᬶᬓᬂᬘᬶᬢ᭄ᬢᬢᬫᬄ᭞ᬦᬳᬦ᭄‌ᬮᬓ᭄ᬱᬡᬦᬶᬂᬘᬶᬢ᭄ᬢᬢᬫᬄ᭞ᬅᬦ᭄‌ᬭᬸᬫᬓᭂᬢᬶᬭᬶᬓᬂᬘᬶᬢ᭄ᬢ᭟ᬇᬓᬂᬲᬢ᭄ᬢ᭄ᬯ᭞ᬭᬚᬄ᭞ᬢᬫᬄ᭞ᬭᬸᬫᬓᭂᬢᬶᬭᬶᬓᬂᬘᬶᬢ᭄ᬢ᭞ᬬᬾᬓᬦᬶᬫᬶ [᭘ 8A] ᬢ᭄ᬢᬦᬶᬗᬵᬯ᭄ᬫᬵᬦ᭄‌ᬯᬢ᭄ᬫᬄᬢ᭄ᬫᬳᬦ᭄᭟ᬦᬶᬳᬦ᭄‌ᬓ᭄ᬭᬫᬦ᭄ᬬᬓᬾᬗᭂᬢᬓ᭄ᬦ᭞ᬬᬦ᭄‌ᬲᬢ᭄ᬢ᭄ᬯᬓᬯᬮ᭞ᬧ᭄ᬭᬓᬵᬰᬕᭃᬗᬶᬭᬶᬓᬂᬘᬶᬢ᭄ᬢ᭞ᬬᬾᬓᬦᬶᬫᬶᬢ᭄ᬢᬦᬶᬗᬵᬢ᭄ᬫᬵᬫᬫᬗ᭄ᬕᬶᬄᬓᬫᭀᬓ᭄ᬱᬦ᭄᭞ᬅᬧᬦᬶᬓᬲᬢ᭄ᬢ᭄ᬯᬕᬸᬫ ᬯᬬᬓᭂᬦᬭᬱᬦᬶᬗᬕᬫ᭞ᬲᬉᬢ᭄ᬲᬵᬳᬧ᭄ᬭᬬᬢ᭄ᬦ᭞ᬮᬸᬫ᭄ᬓᬲᬓᭂᬦ᭄‌ᬓ᭄ᬭᬫᬦᬶᬂᬓᬲᬫ᭄ᬬᬕ᭄ᬚᬵᬜᬦᬦ᭄᭟ᬬᬦ᭄ᬧᬢ᭄ᬫᬸᬇᬓᬂᬲᬢ᭄ᬢ᭄ᬯᬮᬯᬦ᭄‌ᬭᬚᬄ᭞ᬧ᭄ᬭᬓᬵᬰᬕᭃᬗᬶᬭᬶᬓᬂᬘᬶᬢ᭄ᬢ᭞ᬬᬾᬓᬦᬶᬫᬶᬢ᭄ᬢᬦᬶᬗᬵᬢ᭄ᬫᬵᬧᬭᬭᬶᬂᬲ᭄ᬯᬃ ᬕ᭄ᬕ᭞ᬅᬧᬦᬶᬓᬂᬲᬢ᭄ᬢ᭄ᬯᬫᬳ᭄ᬬᬸᬦ᭄‌ᬫᬕᬯᬬᬳᬬᬸ᭞ᬇᬓᬂᬭᬚᬄᬫᬂᬮᬓ᭄ᬯᬓᭂᬦ᭄‌ᬲᬸᬫᬶᬤ᭄ᬥᬵᬓᭂᬦ᭄‌ᬲᬧ᭄ᬭᬬᭀᬚᬦᬦᬶᬂᬲᬢ᭄ᬢ᭄ᬯ᭞ᬦᬳᬦ᭄‌ᬬᬸᬓ᭄ᬢᬶᬓᬂᬭᬚᬄ᭞ᬫᬶᬮ᭄ᬯᬯᬓᬂᬲ᭄ᬯᬃᬕ᭄ᬕ᭞ᬓᬾᬡ᭄ᬥᬶᬢ᭄‌ᬤᬾᬦᬶᬂᬲᬢ᭄ᬢ᭄ᬯ᭟ᬬᬧ᭄ᬯᬦᬶᬓᬂᬲ ᬢ᭄ᬢ᭄ᬯ᭞ᬧᬢ᭄ᬫᬸᬮᬯᬦ᭄‌ᬭᬚᬄᬢᬫᬄ᭞ᬧ᭄ᬭᬓᬵᬰᬕᭃᬗᬶᬭᬶᬓᬂᬘᬶᬢ᭄ᬢ᭞ᬬᬾᬓᬦᬶᬫᬶᬢ᭄ᬢᬦᬶᬗᬵᬢ᭄ᬫᬵᬫᬂᬤᬤᬶᬫᬵᬦᬸᬱ᭞ᬅᬧᬦᬶᬓᬂᬲᬢ᭄ᬢ᭄ᬯᬭᬚᬄᬢᬫᬄᬢᬦ᭄ᬧᬢᬹᬓᬶᬭᬓᬶᬭᬦ᭄ᬬ᭞ᬢᬵᬕᬯᬾᬳᬬᬸ᭞ᬢᬵᬗᬦᬓᭂᬦ᭄‌ᬘᬃᬫ᭄ᬫ᭞ᬧᬹ

Auto-transliteration

[7 7B] 7 dyakĕnr̥ĕṣningtuminghal, śabdanyamangdadyakĕnkar̀ṇaśūlaringsangmangr̥ĕngö, alangghyaruhur̀pāmngĕkanya, mangdadyakĕnhewaningcittaningpara, tananggakorur̀wā, tanangga sor̀ringabhiprāya, yekawyaktinikangcittarajaḥ, anrumakĕtirikangcitta. nihanlakṣaṇaningcittatamaḥ, anrumakĕtirikangcitta, abĕyĕt, almĕḥ, guhya, simpa nĕḥ, kaliṣa, amanganatananghel, atīs, arip, botturu, gĕmūdha, gĕngrāga, gĕngelik, gĕngwiṣaya, dr̥ĕdhatayaśuklaśoṇita, mapulangmaturula wananakrabinya, mangkanawyaktinikangcittatamaḥ, nahanlakṣaṇaningcittatamaḥ, anrumakĕtirikangcitta. ikangsattwa, rajaḥ, tamaḥ, rumakĕtirikangcitta, yekanimi [8 8A] ttaningāwmānwatmaḥtmahan. nihankramanyakengĕtakna, yansattwakawala, prakāśagöngirikangcitta, yekanimittaningātmāmamanggiḥkamokṣan, apanikasattwaguma wayakĕnaraṣaningagama, sa'utsāhaprayatna, lumkasakĕnkramaningkasamyagjāñanan. yanpatmu'ikangsattwalawanrajaḥ, prakāśagöngirikangcitta, yekanimittaningātmāpararingswar̀ gga, apanikangsattwamahyunmagawayahayu, ikangrajaḥmanglakwakĕnsumiddhākĕnsaprayojananingsattwa, nahanyuktikangrajaḥ, milwawakangswar̀gga, keṇdhitdeningsattwa. yapwanikangsa ttwa, patmulawanrajaḥtamaḥ, prakāśagöngirikangcitta, yekanimittaningātmāmangdadimānuṣa, apanikangsattwarajaḥtamaḥtanpatūkirakiranya, tāgawehayu, tānganakĕncar̀mma, pū

Leaf 8

Image on Archive.org

[᭘ 8B] ᭘ ᬡ᭄ᬬ᭞ᬬᬰ᭞ᬮᬶᬂᬦᬶᬓᬂᬲᬢ᭄ᬢ᭄ᬯ᭟ᬓ᭄ᬭᭀᬥᬵᬕ᭄ᬦᬗᬓᬸ᭞ᬮᬶᬂᬦᬶᬓᬂᬭᬚᬄ᭟ᬕᬸᬳ᭄ᬬᬮ᭄ᬫᭂᬄ᭞ᬢᬵᬫᬗᬦ᭄‌ᬳᬢᬸᬭᬸᬚᬸᬕᬵ᭞ᬮᬶᬂᬦᬶᬓᬂᬢᬫᬄ᭟ᬫᬗ᭄ᬓᬦᬓᬶᬭᬓᬶᬭᬦᬶᬓᬂᬲᬢ᭄ᬢ᭄ᬯ᭞ᬭᬚᬄ᭞ᬢᬫᬄ᭞ᬢᬦ᭄‌ᬧᬢᬹᬢ᭄‌ᬫᬯᬮᬂᬯᬗᬦ᭄᭞ᬬ ᬢᬫᬢᬂᬦ᭄ᬬᬦ᭄‌ᬢᬦ᭄‌ᬳᬦᬓ᭄ᬭᬶᬬᬵᬳᬮᬳᬬᬸ᭞ᬓᬤᬤᬶᬤᬾᬦ᭄ᬬ᭞ᬲᬮᬄᬲᬯᬶᬚᬶ᭞ᬦᬳᬦ᭄‌ᬬᬸᬓ᭄ᬢᬶᬦᬶᬓᬂᬫᬤᬤᬶᬫᬵᬦᬸᬱ᭞ᬇᬓᬲᬂᬳ᭄ᬬᬂᬗᬵᬢ᭄ᬫᬵ᭞ᬫᬗ᭄ᬓᬦᬮᬓ᭄ᬱᬡᬦᬶᬓᬂᬢ᭄ᬭᬶᬕᬸᬡᬭᬸᬫᬓᭂᬢᬶᬭᬶᬓᬂᬘᬶᬢ᭄ᬢ᭞ᬭᬶᬧ ᬫᬗ᭄ᬕᬸᬄᬦᬶᬂᬢ᭄ᬭᬶᬕᬸᬡᬮᬯᬦ᭄‌ᬘᬶᬢ᭄ᬢ᭞ᬫ᭄ᬢᬸᬢᬂᬩᬸᬤ᭄ᬥᬶ᭞ᬧᬮᬲᬡᬦᬶᬂᬩᬸᬤ᭄ᬥᬶ᭞ᬩᬸᬤ᭄ᬥᬶᬳᬦ᭄‌ᬧᬳᬶᬥᭂᬧ᭄᭞ᬇᬓᬂᬩᬸᬤ᭄ᬥᬶᬦ᭄ᬤᬦᬳᬶᬥᭂᬧ᭄‌ᬬ᭞ᬓᬤᬶᬢᬦ᭄‌ᬯ᭄ᬭᬸᬇᬓᬂᬩᬸᬤ᭄ᬥᬶ᭞ᬦ᭄ᬤᬦ᭄‌ᬯ᭄ᬭᬸᬄᬬ᭞ᬓᬤᬶᬢᬦ᭄ᬧᬘᬾᬢᬦᬾᬓᬂ ᬩᬸᬤ᭄ᬥᬶ᭞ᬦ᭄ᬤᬦ᭄‌ᬘᬾᬢᬦᬬ᭞ᬲᬂᬓ᭄ᬱᬾᬧᬦ᭄ᬬ᭞ᬮ᭄ᬕᭂᬮ᭄ᬕᭂᬲ᭄ᬣᬶᬢᬶᬳᬸᬫᬶᬗᭂᬂᬍᬫᭂᬂ᭞ᬫᬾᬗᭂᬢ᭄‌ᬭᬶᬂᬳᬮᬳᬬᬸᬚᬸᬕᬾᬓᬂᬩᬸᬤ᭄ᬥᬶ᭞ᬅᬯᬓᬭᬶᬲᬶᬦᬗ᭄ᬕᬸᬄᬩᬸᬤ᭄ᬥᬶᬗᬭᬦ᭄ᬬ᭞ᬏᬦᬶᬳᬦ᭄‌ᬧᬶᬄ᭞ᬕᬡᬮ᭄‌ᬦᬶᬂᬢ᭄ᬭᬶᬕᬸᬡ [᭙ 9A] ᭞ᬓᬘᬾᬢᬦᬤᬾᬦᬶᬂᬘᬶᬢ᭄ᬢ᭞ᬬᬾᬓᬵᬲᬶᬦᬗ᭄ᬕᬸᬄᬩᬸᬤ᭄ᬥᬶᬗᬭᬦ᭄ᬬ᭞ᬲᬗ᭄ᬓᬦᬶᬂᬩᬸᬤ᭄ᬥᬶ᭞ᬫ᭄ᬢᬸᬢᬗᬳᬗ᭄ᬓᬭ᭞ᬅᬳᬗ᭄ᬓᬵᬭᬗᬭᬦ᭄ᬬᬕᬡᬮ᭄‌ᬦᬶᬂᬘᬶᬢ᭄ᬢ᭞ᬬᬢᬲᬶᬦᬗ᭄ᬕᬸᬄᬘᬾᬢᬦᬫᬜᬾᬢᬦᬗᬭᬦ᭄ᬬ᭞ᬅᬧᬤᬸᬫᬾᬄ ᬬᬦ᭄‌ᬫᬗ᭄ᬓᬦ᭞ᬅᬧᬦᬶᬓᬂᬘᬾᬢᬦᬲᬂᬰᬬᬕᬡᬮ᭄‌ᬲ᭄ᬯᬪᬵᬯᬦ᭄ᬬ᭞ᬬᬢᬫᬢᬂᬦ᭄ᬬᬦ᭄ᬅᬓ᭄ᬯᬾᬄᬧ᭄ᬭᬪᬾᬤᬦᬶᬂᬢᬸᬢᬸᬭ᭄᭞ᬅᬕᬡᬮᬮᬶᬢ᭄‌ᬲ᭄ᬯᬪᬵᬯᬦᬶᬂᬢᬸᬢᬸᬭ᭄᭟ᬦᬶᬳᬦ᭄‌ᬓ᭄ᬭᬫᬦ᭄ᬬᬓᬾᬗᭂᬢᬓ᭄ᬦ᭞ᬪᬝᬵᬭ ᬫᬳᬸᬮᬸᬦ᭄‌ᬫᬓᬘᬾᬢᬦᬲᬂᬳ᭄ᬬᬗᬵᬢ᭄ᬫᬵ᭞ᬲᬂᬳ᭄ᬬᬂᬗᬵᬢ᭄ᬫᬵᬫᬓᬘᬾᬢᬦᬇᬓᬂᬘᬶᬢ᭄ᬢ᭞ᬇᬓᬘᬶᬢ᭄ᬢᬫᬓᬘᬾᬢᬦᬇᬓᬗᬳᬗ᭄ᬓᬵᬭ᭞ᬬᬢᬇᬦᬯᬾᬰᬤᬾᬦᬶᬂᬓ᭄ᬭᬶᬬᬵᬰᬵᬓ᭄ᬢᬶᬪᬝᬵᬭᬫᬧ᭄ᬭᬫᬵᬡ᭞ᬬ ᬢᬲᬶᬦᬗ᭄ᬕᬸᬄᬳᬸᬭᬶᬧ᭄‌ᬦᬶᬳᬸᬭᬶᬧ᭄‌ᬗᬭᬦ᭄ᬬ᭞ᬓ᭄ᬭᬶᬬᬵᬰᬓ᭄ᬢᬶᬪᬝᬵᬭᬧ᭄ᬭᬫᬵᬡ᭞ᬫ᭄ᬯᬂᬧᬶᬦᬓᬳᬸᬭᬶᬧ᭄‌ᬦᬶᬗᬳᬗ᭄ᬓᬵᬭ᭞ᬧᬶᬦᬓᬳᬸᬭᬶᬧ᭄‌ᬦᬶᬂᬩᬸᬤ᭄ᬥᬶ᭞ᬬᬢᬫᬢᬂᬦ᭄ᬬᬦ᭄‌ᬧ᭄ᬭᬫᬵᬡᬗᬭᬦᬶᬓᬅᬳᬗ᭄ᬓᬵᬭᬯᬦᬾᬄ᭞ᬅ

Auto-transliteration

[8 8B] 8 ṇya, yaśa, lingnikangsattwa. krodhāgnangaku, lingnikangrajaḥ. guhyalmĕḥ, tāmanganhaturujugā, lingnikangtamaḥ. mangkanakirakiranikangsattwa, rajaḥ, tamaḥ, tanpatūtmawalangwangan, ya tamatangnyantanhanakriyāhalahayu, kadadidenya, salaḥsawiji, nahanyuktinikangmadadimānuṣa, ikasanghyangngātmā, mangkanalakṣaṇanikangtriguṇarumakĕtirikangcitta, ripa mangguḥningtriguṇalawancitta, mtutangbuddhi, palasaṇaningbuddhi, buddhihanpahidhĕp, ikangbuddhindanahidhĕpya, kaditanwru'ikangbuddhi, ndanwruḥya, kaditanpacetanekang buddhi, ndancetanaya, sangksyepanya, lgĕlgĕsthitihumingĕngl̥ĕmĕng, mengĕtringhalahayujugekangbuddhi, awakarisinangguḥbuddhingaranya, enihanpiḥ, gaṇalningtriguṇa [9 9A] , kacetanadeningcitta, yekāsinangguḥbuddhingaranya, sangkaningbuddhi, mtutangahangkara, ahangkārangaranyagaṇalningcitta, yatasinangguḥcetanamañetanangaranya, apadumeḥ yanmangkana, apanikangcetanasangśayagaṇalswabhāwanya, yatamatangnyanakweḥprabhedaningtutur, agaṇalalitswabhāwaningtutur. nihankramanyakengĕtakna, bhaṭāra mahulunmakacetanasanghyangātmā, sanghyangngātmāmakacetana'ikangcitta, ikacittamakacetana'ikangahangkāra, yata'inaweśadeningkriyāśāktibhaṭāramapramāṇa, ya tasinangguḥhuripnihuripngaranya, kriyāśaktibhaṭārapramāṇa, mwangpinakahuripningahangkāra, pinakahuripningbuddhi, yatamatangnyanpramāṇangaranika'ahangkārawaneḥ, a

Leaf 9

Image on Archive.org

[᭙ 9B] ᭙ ᬧᬦ᭄‌ᬫᬗᬓᬸᬫᬫᬲ᭄ᬢᬸᬦᬶᬭᬶᬂᬳᬦᬮᬯᬦ᭄‌ᬢᬦ᭄ᬳᬦ᭞ᬫᬂᬮᬓᬲᬓᭂᬦ᭄‌ᬓᬵᬃᬬ᭄ᬬᬳᬮᬳᬬᬸ᭞ᬚᬸᬕᬕᬸᬡᬦᬶᬓᬗᬳᬗ᭄ᬓᬵᬭᬫ᭄ᬯᬂᬫᬗᬓᬸᬲᬃᬯ᭄ᬯᬤᬺᬩ᭄ᬬ᭞ᬮᬶᬂᬦ᭄ᬬ᭞ᬤᬺᬩ᭄ᬬᬗ᭄ᬓᬸ᭞ᬩᬬᬸᬗ᭄ᬓᬸ᭞ᬰᬩ᭄ᬤᬗ᭄ᬓᬸ᭞ᬇᬥᭂᬧ᭄ᬓᬸ᭞ᬰᬭᬷᬭᬗ᭄ᬓᬸ ᭞ᬫᬗ᭄ᬓᬦᬮᬶᬂᬦᬶᬓᬗᬳᬗ᭄ᬓᬵᬭ᭞ᬇᬓᬗᬳᬗ᭄ᬓᬵᬭᬮᬯᬦ᭄‌ᬕᬸᬤ᭄ᬥᬶ᭞ᬲᬶᬦᬗ᭄ᬕᬸᬄᬯᬶᬰᬾᬱ᭞ᬭᬶᬤᬾᬦ᭄ᬬᬲ᭄ᬣᬶᬢᬶᬳᬸᬫᬶᬗᭂᬂᬢᬦ᭄‌ᬧᭀᬮᬄ᭞ᬢᬸᬳᬸᬦ᭄‌ᬢᬸᬢᬸᬃᬫ᭄ᬫᬵᬢ᭄ᬭᬮ᭄ᬫᭂᬂᬫᬾᬗᭂᬢ᭄‌ᬭᬶᬂᬳᬮᬳᬬᬸ᭞ᬚᬸᬕᬾᬓᬂᬩᬸᬤ᭄ᬥᬶ᭞ᬢᬸᬳᬸᬦ᭄‌ᬧᬶ ᬦᬓᬧᬭᬦ᭄ᬢᬶᬚᬸᬕᬾᬓᬳᬦᬦ᭄ᬬᬤᬾᬦᬶᬗᬳᬗ᭄ᬓᬵᬭᬢ᭄ᬭᬶᬪᬾᬤᬦ᭄ᬬ᭞ᬮ᭄ᬯᬶᬃᬦ᭄ᬬ᭞ᬲᬶᬯᬾᬓ᭄ᬭᬢ᭞ᬲᬶᬢᬾᬚᬲ᭞ᬲᬶᬪᬹᬢᬵᬤᬶ᭞ᬦᬳᬦ᭄‌ᬬᬅᬳᬗ᭄ᬓᬵᬭ᭟ᬅᬳᬗ᭄ᬓᬵᬭᬲᬶᬯᬾᬓᬺᬢ᭞ᬬᬾᬓᬩᬸᬤ᭄ᬥᬶᬲᬢ᭄ᬢ᭄ᬯ᭞ᬅᬳᬗ᭄ᬓᬵᬭᬲᬶᬢᬾᬚ ᬲ᭞ᬬᬾᬓᬩᬸᬤ᭄ᬥᬶᬭᬚᬄ᭞ᬅᬳᬗ᭄ᬓᬵᬭᬲᬶᬪᬹᬢᬵᬤᬶ᭞ᬬᬾᬓᬩᬸᬤ᭄ᬥᬶᬢᬫᬄ᭟ᬕᬯᬾᬦ᭄ᬬᬬᬾᬓᬶᬯᬸᬯᬸᬲᭂᬦ᭄᭞ᬅᬳᬗ᭄ᬓᬵᬭᬲᬶᬯᬾᬓᬺᬢ᭞ᬬᬾᬓᬫᬕᬯᬾᬫᬦᬄ᭞ᬫ᭄ᬯᬂᬤᬰᬾᬦ᭄ᬤ᭄ᬭᬶᬬ᭞ᬮ᭄ᬯᬶᬃᬦ᭄ᬬ᭞ᬘᬓ᭄ᬱᬸ᭞ᬰ᭄ᬭᭀᬢ᭄ᬭ᭞ᬖ᭄ᬭᬡ᭞ᬚᬶᬳ᭄ᬯᬵ [᭑᭐ 10A] ᭞ᬢ᭄ᬯᬓ᭄᭞ᬦᬳᬦ᭄‌ᬢᬂᬲᬶᬦᬗ᭄ᬕᬸᬄᬧᬜ᭄ᬘᬾᬦ᭄ᬤ᭄ᬭᬶᬬᬗᬭᬦ᭄ᬬ᭞ᬯᬵᬓ᭄᭞ᬧᬵᬡᬶ᭞ᬧᬵᬤ᭞ᬉᬧᬲ᭄ᬣ᭞ᬧᬵᬬᬸ᭞ᬬᬾᬓᬲᬶᬦᬗ᭄ᬕᬸᬄᬧᬜ᭄ᬘᬓᬃᬫ᭄ᬫᬾᬦ᭄ᬤ᭄ᬭᬶᬬᬗᬭᬦ᭄ᬬ᭞ᬯᬵᬓ᭄᭞ᬧᬵᬡᬶ᭞ᬧᬵᬤ᭞ᬉᬧᬲ᭄ᬣ᭞ᬧᬵᬬᬸ᭞ᬬᬾᬓᬲᬶᬦᬗ᭄ᬕᬸᬄᬧᬜ᭄ᬘᬓᬃ ᬫ᭄ᬫᬾᬦ᭄ᬤ᭄ᬭᬶᬬᬗᬭᬦ᭄ᬬ᭞ᬧᬧᬶᬡ᭄ᬥᬦᬶᬓᬂᬧᬜ᭄ᬘᬾᬦ᭄ᬤ᭄ᬭᬶᬬ᭞ᬮᬯᬦ᭄‌ᬧᬜ᭄ᬘᬓᬃᬫ᭄ᬫᬾᬦ᭄ᬤ᭄ᬭᬶᬬ᭞ᬬᬾᬓᬲᬶᬦᬗ᭄ᬕᬸᬄᬤᬰᬾᬦ᭄ᬤ᭄ᬭᬶᬬᬗᬭᬦ᭄ᬬ᭞ᬓᬲᬯᭂᬮᬲ᭄‌ᬫᬦᬄ᭞ᬦᬳᬦ᭄‌ᬕᬯᬾᬦᬶᬓᬂᬲᬶᬯᬾᬓᬺᬢᬅᬳᬗ᭄ᬓᬵᬭ᭟ᬓᬸᬦᬗᬶᬓ ᬗᬳᬗ᭄ᬓᬵᬭᬲᬶᬪᬹᬢᬵᬤᬶ᭞ᬬᬾᬓᬵᬕᬯᬾᬧᬜ᭄ᬘᬢᬦ᭄ᬫᬵᬢ᭄ᬭ᭟ᬰᬩ᭄ᬤᬢᬦ᭄ᬫᬵᬢ᭄ᬭᬗᬭᬦ᭄ᬬ᭞ᬢᬸᬢᬸᬧᬶᬢᬮᬶᬗᬦ᭄ᬢᬓᬮᬶᬄ᭞ᬳᬦᬰᬩ᭄ᬤᬓᬋᬗᭃ᭞ᬮᬶᬢ᭄‌ᬦᬶᬓᬂᬰᬩ᭄ᬤ᭞ᬬᬾᬓᬰᬩ᭄ᬤᬢᬦ᭄ᬫᬵᬢ᭄ᬭᬗᬭᬦ᭄ᬬ᭟ᬲ᭄ᬧᬃᬰ᭄ᬰᬢᬦ᭄ᬫᬵ ᬢ᭄ᬭᬗᬭᬦ᭄ᬬ᭞ᬳᬦᬯᬵᬬᬸᬫᬤᬺᬱ᭄᭞ᬗᬭᬢ᭄‌ᬧ᭄ᬭᬳᬵᬭᬓᬸᬦᬂ᭞ᬫᬋᬦ᭄‌ᬧ᭄ᬯᬾᬓᬂᬯᬵᬬᬸ᭞ᬮᬶᬢ᭄‌ᬦᬶᬓᬂᬲᬸᬫᬶᬮᬶᬭᬹᬫᭂᬲᭂᬯᬶᬂᬓᬸᬮᬶᬢ᭄᭞ᬬᬾᬓᬲ᭄ᬧᬃᬰ᭄ᬰᬢᬦ᭄ᬫᬵᬢ᭄ᬭᬗᬭᬦ᭄ᬬ᭟ᬭᬹᬧᬢᬦ᭄ᬫᬵᬢ᭄ᬭᬗᬭᬦ᭄ᬬ᭞ᬤᬸᬯᭂᬕᬶᬓᬵᬲ

Auto-transliteration

[9 9B] 9 panmangakumamastuniringhanalawantanhana, manglakasakĕnkār̀yyahalahayu, jugaguṇanikangahangkāramwangmangakusar̀wwadr̥ĕbya, lingnya, dr̥ĕbyangku, bayungku, śabdangku, idhĕpku, śarīrangku , mangkanalingnikangahangkāra, ikangahangkāralawan'guddhi, sinangguḥwiśeṣa, ridenyasthitihumingĕngtanpolaḥ, tuhuntutur̀mmātralmĕngmengĕtringhalahayu, jugekangbuddhi, tuhunpi nakaparantijugekahananyadeningahangkāratribhedanya, lwir̀nya, siwekrata, sitejasa, sibhūtādi, nahanya'ahangkāra. ahangkārasiwekr̥ĕta, yekabuddhisattwa, ahangkārasiteja sa, yekabuddhirajaḥ, ahangkārasibhūtādi, yekabuddhitamaḥ. gawenyayekiwuwusĕn, ahangkārasiwekr̥ĕta, yekamagawemanaḥ, mwangdaśendriya, lwir̀nya, caksyu, śrotra, ghraṇa, jihwā [10 10A] , twak, nahantangsinangguḥpañcendriyangaranya, wāk, pāṇi, pāda, upastha, pāyu, yekasinangguḥpañcakar̀mmendriyangaranya, wāk, pāṇi, pāda, upastha, pāyu, yekasinangguḥpañcakar̀ mmendriyangaranya, papiṇdhanikangpañcendriya, lawanpañcakar̀mmendriya, yekasinangguḥdaśendriyangaranya, kasawĕlasmanaḥ, nahan'gawenikangsiwekr̥ĕta'ahangkāra. kunangika ngahangkārasibhūtādi, yekāgawepañcatanmātra. śabdatanmātrangaranya, tutupitalingantakaliḥ, hanaśabdakar̥ĕngö, litnikangśabda, yekaśabdatanmātrangaranya. spar̀śśatanmā trangaranya, hanawāyumadr̥ĕṣ, ngaratprahārakunang, mar̥ĕnpwekangwāyu, litnikangsumilirūmĕsĕwingkulit, yekaspar̀śśatanmātrangaranya. rūpatanmātrangaranya, duwĕgikāsa

Leaf 10

Image on Archive.org

[᭑᭐ 10B] ᭑᭐ ᬲᬦ᭄ᬥ᭄ᬬᬵ᭞ᬲᬸᬫᬸᬭᬸᬧ᭄‌ᬲᬂᬳ᭄ᬬᬗᬵᬤᬶᬢ᭄ᬬᬓᬸᬮ᭄ᬯᬦ᭄᭞ᬳᬦᬢᬢᬾᬚᬦᬶᬭᬓᬯ᭄ᬓᬲ᭄‌ᬫᬵᬢ᭄ᬭᬫᬵᬢ᭄ᬭ᭞ᬮᬶᬢ᭄ᬦᬶᬓᬂᬢᬾᬚ᭞ᬬᬾᬓᬭᬹᬧᬢᬦ᭄ᬫᬵᬢ᭄ᬭᬗᬭᬦ᭄ᬬ᭟ᬭᬲᬢᬦ᭄ᬫᬵᬢ᭄ᬭᬗᬭᬦ᭄ᬬ᭞ᬓᬤ᭄ᬬᬗ᭄ᬕᬵᬦᬶᬗᬫᬗᬦ᭄‌ᬱᬥ᭄ᬭᬲ᭞ᬢ᭄ᬮ ᬲ᭄‌ᬧ᭄ᬯᬵᬫᬗᬦ᭄᭞ᬳᬦᬢᬬᬰᬾᬱᬦ᭄ᬬᬫᬵᬢ᭄ᬭᬓᬯ᭄ᬓᬲ᭄‌ᬭᬶᬂᬮᬶᬥᬄ᭞ᬮᬶᬢ᭄‌ᬦᬶᬓᬂᬭᬲ᭞ᬬᬾᬓᬭᬲᬢᬦ᭄ᬫᬵᬢ᭄ᬭᬗᬭᬦ᭄ᬬ᭟ᬕᬦ᭄ᬥᬢᬦ᭄ᬫᬵᬢ᭄ᬭᬗᬭᬦ᭄ᬬ᭞ᬓᬤ᭄ᬬᬗ᭄ᬕᬦᬶᬗᬩᬸᬂᬯᬗᬶᬯᬗᬶ᭞ᬘᬦ᭄ᬤᬦᬵᬕᬸᬭᬸᬓᬸᬦᬂ᭞ᬮᬸᬗ᭄ᬳᬢᬂᬯᬵᬲᬓ᭄ᬯᬾᬄ ᬭᬶᬓᬳᬾᬦᬢᬬᬰᬾᬱᬦᬶᬓᬂᬕᬦ᭄ᬥᬭᬶᬗᬶᬭᬸᬂ᭞ᬬᬢᬳᬶᬦᬫ᭄ᬩᬸᬂᬭᬶᬦᬲᬦ᭄᭞ᬮᬶᬢ᭄‌ᬦᬶᬓᬂᬕᬡ᭄ᬥ᭞ᬬᬾᬓᬕᬦ᭄ᬥᬢᬦ᭄ᬫᬵᬢ᭄ᬭᬗᬭᬦ᭄ᬬ᭟ᬲᬗ᭄ᬓᬭᬶᬂᬧᬜ᭄ᬘᬢᬦ᭄ᬫᬵᬢ᭄ᬭ᭞ᬫ᭄ᬢᬸᬢᬂᬧᬜ᭄ᬘᬫᬳᬵᬪᬹᬢ᭞ᬅᬓᬵᬰᬫ᭄ᬢᬸᬲᬓᬶᬂᬰᬩ᭄ᬤᬢᬦ᭄ᬫᬵᬢ᭄ᬭ ᭞ᬳᬯᬗᬯᬂᬳᬸᬯᬸᬂᬗᬸᬯᬸᬂ᭞ᬢᬦ᭄‌ᬧᬮᬫᭀᬗᬦ᭄᭞ᬫᬯᬾᬄᬅᬯᬦ᭄‌ᬮᬓ᭄ᬱᬡᬦ᭄ᬬ᭞ᬰᬩ᭄ᬤᬧᬶᬦᬓᬕᬸᬡᬦ᭄ᬬ᭟ᬯᬵᬬᬸᬫ᭄ᬢᬸᬲᬓᬶᬂᬲ᭄ᬧᬃᬰ᭄ᬰᬢᬦ᭄ᬫᬵᬢ᭄ᬭ᭞ᬭᬶᬯᬸᬢ᭄‌ᬧᬢᬩᬭᬢ᭄‌ᬧ᭄ᬭᬳᬵᬭ᭞ᬅᬗᬸᬮᬳᬓᭂᬦ᭄‌ᬮᬓ᭄ᬱᬦ᭄ᬬ [᭑᭑ 11A] ᭞ᬲ᭄ᬧᬃᬱᬧᬶᬦᬓᬕᬸᬡᬦ᭄ᬬ᭟ᬢᬾᬚᬫ᭄ᬢᬸᬲᬓᬭᬶᬂᬭᬹᬧᬢᬦ᭄ᬫᬵᬢ᭄ᬭ᭞ᬧ᭄ᬭᬓᬵᬰᬯᬥ᭞ᬅᬧᬦᬲ᭄‌ᬧᬶᬦᬓᬮᬓ᭄ᬱᬡᬦ᭄ᬬ᭞ᬭᬹᬧᬯᬶᬦᬓᬕᬸᬡᬦ᭄ᬬ᭟ᬅᬧᬄᬫ᭄ᬢᬸᬲᬓᬭᬶᬂᬭᬲᬢᬦ᭄ᬫᬵᬢ᭄ᬭ᭞ᬅᬫᬼᬲ᭄‌ᬮᬓ᭄ᬱᬡᬦ᭄ᬬ ᬲᬥ᭄ᬭᬲᬧᬶᬦᬓᬕᬸᬡᬦ᭄ᬬ᭟ᬧᬺᬣᬶᬯᬶᬫ᭄ᬢᬸᬲᬓᬶᬂᬕᬡ᭄ᬥᬢᬦ᭄ᬫᬵᬢ᭄ᬭ᭞ᬅᬓᬵᬰᬕᬡᬮ᭄‌ᬮᬓ᭄ᬱᬡᬦ᭄ᬬ᭞ᬕᬡ᭄ᬥᬧᬶᬦᬓᬕᬸᬡᬦ᭄ᬬ᭞ᬇᬓᬂᬕᬦ᭄ᬥᬢᬶᬕᬧ᭄ᬭᬪᬾᬤᬦ᭄ᬬ᭞ᬲᬸᬭᬪᬶ᭞ᬅᬲᬸᬭᬤᬶ᭞ᬲᬘᬕᬦ᭄ᬥᬲᬵᬥᬵᬭ ᬡᬄ᭞ᬅᬓᬂᬢᬦᬯᬗᬶᬢᬦᬩᭀ᭞ᬗ᭞ᬦᬳᬦ᭄‌ᬢᬮᬓ᭄ᬱᬡᬦᬶᬓᬂᬧᬺᬣᬶᬯᬶ᭞ᬬᬾᬓᬧᬫ᭄ᬓᬲ᭄‌ᬦᬶᬂᬢᬢ᭄ᬢ᭄ᬯᬕᬡᬮ᭄᭞ᬇᬓᬂᬧᬺᬣᬶᬯᬶ᭞ᬅᬧᬄ᭞ᬢᬾᬚ᭞ᬯᬵᬬᬸ᭞ᬆᬓᬵᬰ᭞ᬬᬢᬕᬶᬦᬯᬾᬪᬸᬯᬦᬤᬾᬪᬝᬵᬭ᭞ ᬅᬃᬤ᭄ᬥᬭᬸᬳᬸᬃᬲᬸᬫᬶᬡ᭄ᬥᬸᬳᬸᬃ᭞ᬢᬢᬸᬫ᭄ᬧᬂᬢᬸᬫ᭄ᬧᬵᬗᬦ᭄‌ᬮᬓ᭄ᬱᬡᬦ᭄ᬬ᭞ᬇᬓᬂᬢᬢ᭄ᬢ᭄ᬯᬇᬭᬸᬳᬸᬭ᭄᭞ᬧᬶᬦᬓᬕᬸᬡᬤᬾᬦᬶᬂᬢᬢ᭄ᬢ᭄ᬯᬇᬲᭀᬭ᭄᭟ᬦᬶᬳᬦ᭄‌ᬮᬓ᭄ᬱᬡᬦ᭄ᬬ᭞ᬇᬓᬵᬗᬓᬵᬰᬫᬸᬗ᭄ᬕ᭄ᬯᬶᬂᬭᬸᬳᬸᬭ᭄᭞ᬢᬸᬫᬹᬢ᭄

Auto-transliteration

[10 10B] 10 sandhyā, sumurupsanghyangādityakulwan, hanatatejanirakawkasmātramātra, litnikangteja, yekarūpatanmātrangaranya. rasatanmātrangaranya, kadyanggāningamanganṣadhrasa, tla spwāmangan, hanatayaśeṣanyamātrakawkasringlidhaḥ, litnikangrasa, yekarasatanmātrangaranya. gandhatanmātrangaranya, kadyangganingabungwangiwangi, candanāgurukunang, lunghatangwāsakweḥ rikahenatayaśeṣanikanggandharingirung, yatahinambungrinasan, litnikanggaṇdha, yekagandhatanmātrangaranya. sangkaringpañcatanmātra, mtutangpañcamahābhūta, akāśamtusakingśabdatanmātra , hawangawanghuwungnguwung, tanpalamongan, maweḥawanlakṣaṇanya, śabdapinakaguṇanya. wāyumtusakingspar̀śśatanmātra, riwutpatabaratprahāra, angulahakĕnlakṣanya [11 11A] , spar̀ṣapinakaguṇanya. tejamtusakaringrūpatanmātra, prakāśawadha, apanaspinakalakṣaṇanya, rūpawinakaguṇanya. apaḥmtusakaringrasatanmātra, aml̥ĕslakṣaṇanya sadhrasapinakaguṇanya. pr̥ĕthiwimtusakinggaṇdhatanmātra, akāśagaṇallakṣaṇanya, gaṇdhapinakaguṇanya, ikanggandhatigaprabhedanya, surabhi, asuradi, sacagandhasādhāra ṇaḥ, akangtanawangitanabo, nga, nahantalakṣaṇanikangpr̥ĕthiwi, yekapamkasningtattwagaṇal, ikangpr̥ĕthiwi, apaḥ, teja, wāyu, ākāśa, yataginawebhuwanadebhaṭāra, ar̀ddharuhur̀sumiṇdhuhur̀, tatumpangtumpānganlakṣaṇanya, ikangtattwa'iruhur, pinakaguṇadeningtattwa'isor. nihanlakṣaṇanya, ikāngakāśamunggwingruhur, tumūt

Leaf 11

Image on Archive.org

[᭑᭑ 11B] ᭑᭑ ᬢᬂᬯᬵᬬᬸ᭞ᬬᬢᬫᬢᬂᬦ᭄ᬬᬦ᭄‌ᬭᭀᬕᬸᬡᬦᬶᬂᬯᬵᬬᬸᬰᬩ᭄ᬤ᭞ᬲ᭄ᬧᬃᬰ᭄ᬰ᭟ᬅᬓᬵᬰ᭞ᬯᬵᬬᬸ᭞ᬢᬾᬚᬬᬢᬫᬢᬂᬦ᭄ᬬᬦ᭄‌ᬢᬸᬕᬕᬸᬡᬦᬶᬂᬢᬾᬚᬰᬩ᭄ᬤ᭞ᬲ᭄ᬧᬃᬰ᭄ᬰ᭞ᬭᬹᬧ᭟ᬅᬓᬵᬰ᭞ᬯᬵᬬᬸ᭞ᬢᬾᬚ᭞ᬅᬧᬄ᭞ᬬ ᬢᬫᬢᬂᬦ᭄ᬬᬦ᭄‌ᬧᬢ᭄‌ᬕᬸᬡᬦᬶᬂᬗᬵᬯᬄᬰᬩ᭄ᬤ᭞ᬲ᭄ᬧᬃᬰ᭄ᬰ᭞ᬭᬹᬧ᭞ᬱᬤ᭄ᬭᬲ᭟ᬯᬵᬬᬸ᭞ᬢᬾᬚ᭞ᬆᬧᬄ᭞ᬧᬺᬣᬶᬯᬷ᭞ᬬᬢᬫᬢᬂᬦ᭄ᬬᬦ᭄‌ᬮᬶᬫᬕᬸᬡᬦᬶᬂᬧᬺᬣᬶᬯᬷᬰᬩ᭄ᬤ᭞ᬲᭀᬧᬃᬰ᭄ᬰ᭞ᬭᬹᬧ᭞ᬲᬥ᭄ᬭᬲ᭞ᬕᬦ᭄ᬥ᭟ᬦᬳᬦ᭄‌ᬮ ᬓ᭄ᬱᬡᬦᬶᬓᬂᬧᬜ᭄ᬘᬫᬳᬵᬪᬹᬢ᭞ᬅᬦ᭄ᬧᬄᬯᭀᬃᬕᬸᬡ᭞ᬕᬶᬦᬯᬾᬅᬡ᭄ᬥᬪᬹᬯᬦ᭞ᬤᬾᬪᬝᬵᬭ᭞ᬮ᭄ᬯᬶᬃᬦ᭄ᬬ᭞ᬲᬧ᭄ᬢᬮᭀᬓ᭞ᬧᬫ᭄ᬓᬲ᭄‌ᬫᬸᬗ᭄ᬕ᭄ᬯᬶᬂᬭᬸᬳᬸᬭ᭄᭞ᬢᬹᬫᬹᬢ᭄‌ᬢᬂᬲᬧ᭄ᬢᬧᬵᬢᬵᬮᬸᬫᬸᬗ᭄ᬕᬸᬄᬇᬲᭀᬭ᭄᭞ᬪᬸᬯᬦ ᬰᬭᬷᬭᬗᬭᬦ᭄ᬬ᭞ᬲᬢ᭄ᬬᬮᭀᬓ᭞ᬫᬸᬗ᭄ᬕ᭄ᬯᬶᬂᬭᬸᬳᬸᬭ᭄᭞ᬇᬲᭀᬃᬦ᭄ᬬᬫᬳᬵᬮᭀᬓ᭞ᬇᬲᭀᬃᬦ᭄ᬬᬚᬦᬮᭀᬓ᭞ᬇᬲᭀᬃᬦ᭄ᬬᬢᬧᭀᬮᭀᬓ᭞ᬇᬲᭀᬃᬦ᭄ᬬᬲ᭄ᬯᬃᬮ᭄ᬮᭀᬓ᭞ᬇᬲᭀᬃᬦ᭄ᬬᬪᬹᬃ [᭑᭒ 12A] ᬮ᭄ᬮᭀᬓ᭟ᬦ᭄ᬤᬦᬶᬓᬂᬪᬹᬃᬮ᭄ᬮᭀᬓᬧᬢᬶᬫ᭄ᬩᬸᬦᬦᬶᬂᬢᬢ᭄ᬢ᭄ᬯᬓᬩᬾᬄ᭞ᬗ᭄ᬓᬭᬶᬪᬹᬃᬮ᭄ᬮᭀᬓᬲᬧ᭄ᬢᬧᬃᬯ᭄ᬯᬢ᭞ᬲᬧ᭄ᬢᬵᬃᬡ᭄ᬦᬯ᭞ᬲᬧ᭄ᬢᬤ᭄ᬯᬶᬧ᭞ᬤᬰᬯᬵᬬᬸ᭞ᬤᬰᬾᬦ᭄ᬤ᭄ᬭᬶᬬ᭞ᬗ᭄ᬓᬵᬦᬧ᭄ᬯᬲᬫᭀᬳᬗ᭄ᬓᬾᬪᬹᬃᬮ᭄ᬮᭀᬓᬇᬓᬓᬩᬾᬄ᭟ᬇ ᬓᬂᬲᬧ᭄ᬢᬧᬃᬯ᭄ᬯᬢ᭞ᬧᬺᬣᬶᬯᬶᬭᬓᭂᬢ᭄ᬦ᭄ᬬᬗ᭄ᬓᬾᬪᬹᬯᬦᬵᬦ᭄ᬢᬭ᭟ᬇᬓᬂᬲᬧ᭄ᬢᬵᬃᬡ᭄ᬦᬯ᭞ᬅᬧᬄᬭᬓᬾᬢ᭄ᬦ᭄ᬬᬗ᭄ᬓᬾᬪᬹᬯᬦᬵᬦ᭄ᬢᬭ᭟ᬇᬓᬂᬲᬧ᭄ᬢᬤ᭄ᬯᬶᬧ᭞ᬢᬾᬚᬭᬚᭂᬢ᭄ᬦ᭄ᬬᬗ᭄ᬓᬾᬪᬹᬯᬦᬵᬦ᭄ᬢᬭ᭟ᬇᬓᬂᬤᬰᬯᬵᬬᬸ᭞ᬯᬵᬬᬸᬭᬓᭂᬢ᭄ᬦ᭄ᬬᬗ᭄ᬓᬾ ᬪᬹᬯᬦᬵᬦ᭄ᬢᬭ᭟ᬇᬓᬂᬤᬰᬾᬦ᭄ᬤ᭄ᬭᬶᬬ᭞ᬅᬓᬰᬭᬓᭂᬢ᭄ᬦ᭄ᬬᬗ᭄ᬓᬾᬪᬹᬯᬦᬵᬦ᭄ᬢᬭ᭟ᬦᬳᬦ᭄‌ᬮᬓ᭄ᬱᬡᬦᬶᬓᬂᬲᬃᬯ᭄ᬯᬢᬢ᭄ᬢ᭄ᬯ᭞ᬧᬲᬫᭀᬳᬭᬶᬂᬩ᭄ᬳᬵᬳᬸᬃᬮ᭄ᬮᭀᬓ᭟ᬦᬶᬳᬦ᭄‌ᬢᬂᬲᬧ᭄ᬢᬧᬵᬢᬵᬮᬗᬭᬦ᭄ᬬ᭞ᬧᬵᬢᬮ᭞ᬯᬾᬢᬮ᭞ᬦᬶᬢᬮ ᭞ᬫᬳᬵᬢᬮ᭞ᬲᬸᬢᬮ᭞ᬢᬮᬵᬢᬮ᭞ᬭᬲᬵᬢᬮ᭞ᬇᬲᭀᬃᬦ᭄ᬦᬶᬂᬲᬧ᭄ᬢᬧᬵᬢᬵᬮ᭞ᬩᬮᬕᬃᬤ᭄ᬤᬪᬫᬳᬵᬦᬭᬓ᭞ᬇᬲᭀᬃᬦ᭄ᬦᬶᬂᬫᬳᬵᬦᬭᬓ᭞ᬗ᭄ᬓᬵᬦᬢᬗ᭄ᬕ᭄ᬯᬦ᭄‌ᬲᬂᬓᬵᬮᬵᬕ᭄ᬦᬶᬭᬸᬤ᭄ᬭ᭞ᬅᬧ᭄ᬯᬶᬤᬸᬫᬶᬮᬄᬲᬤᬵᬓᬵᬮ᭞

Auto-transliteration

[11 11B] 11 tangwāyu, yatamatangnyanroguṇaningwāyuśabda, spar̀śśa. akāśa, wāyu, tejayatamatangnyantugaguṇaningtejaśabda, spar̀śśa, rūpa. akāśa, wāyu, teja, apaḥ, ya tamatangnyanpatguṇaningngāwaḥśabda, spar̀śśa, rūpa, ṣadrasa. wāyu, teja, āpaḥ, pr̥ĕthiwī, yatamatangnyanlimaguṇaningpr̥ĕthiwīśabda, sopar̀śśa, rūpa, sadhrasa, gandha. nahanla kṣaṇanikangpañcamahābhūta, anpaḥwor̀guṇa, ginawe'aṇdhabhūwana, debhaṭāra, lwir̀nya, saptaloka, pamkasmunggwingruhur, tūmūttangsaptapātālumungguḥisor, bhuwana śarīrangaranya, satyaloka, munggwingruhur, isor̀nyamahāloka, isor̀nyajanaloka, isor̀nyatapoloka, isor̀nyaswar̀lloka, isor̀nyabhūr̀ [12 12A] lloka. ndanikangbhūr̀llokapatimbunaningtattwakabeḥ, ngkaribhūr̀llokasaptapar̀wwata, saptār̀ṇnawa, saptadwipa, daśawāyu, daśendriya, ngkānapwasamohangkebhūr̀lloka'ikakabeḥ. i kangsaptapar̀wwata, pr̥ĕthiwirakĕtnyangkebhūwanāntara. ikangsaptār̀ṇnawa, apaḥraketnyangkebhūwanāntara. ikangsaptadwipa, tejarajĕtnyangkebhūwanāntara. ikangdaśawāyu, wāyurakĕtnyangke bhūwanāntara. ikangdaśendriya, akaśarakĕtnyangkebhūwanāntara. nahanlakṣaṇanikangsar̀wwatattwa, pasamoharingb'hāhur̀lloka. nihantangsaptapātālangaranya, pātala, wetala, nitala , mahātala, sutala, talātala, rasātala, isor̀nningsaptapātāla, balagar̀ddabhamahānaraka, isor̀nningmahānaraka, ngkānatanggwansangkālāgnirudra, apwidumilaḥsadākāla,

Leaf 12

Image on Archive.org

[᭑᭒ 12B] ᭑᭒ ᬲᬢᬸᬲᬶᬯᬸᬬᭀᬚᬦᬤᬶᬮᬄᬦ᭄ᬬᬫᬗᬮᬤᬮᬤ᭄᭞ᬲᬂᬳ᭄ᬬᬂᬓᬵᬮᬵᬕ᭄ᬦᬶᬭᬸᬤ᭄ᬭ᭞ᬅᬧᬸᬬ᭄‌ᬧᬶᬦᬓᬥᬲᬃᬦ᭄ᬦᬶᬂᬲᬧ᭄ᬢᬧᬵᬢᬵᬮ᭞ᬫᬗ᭄ᬓᬤᬮᬓ᭄ᬱᬡᬦᬶᬂᬗᬡ᭄ᬥᬪᬸᬯᬦ᭞ᬓᬧ᭄ᬯᬫᬢᬸᬫ᭄ᬧᬂᬢᬸᬫ᭄ᬧᬗᬦ᭄᭞ᬓᬤᬶᬢᬮᬦᬶᬂ ᬢᬯ᭄ᬯᬦ᭄᭞ᬇᬓᬂᬢᬢ᭄ᬢ᭄ᬯᬕᬡᬮ᭄᭞ᬲᬫᬗ᭄ᬓᬦᬓ᭄ᬯᬾᬄᬦ᭄ᬬ᭞ᬕᬯᬾᬦᬶᬓᬗᬳᬗ᭄ᬓᬵᬭᬲᬶᬪᬹᬢᬵᬤᬶᬫᬸᬮᬦᬶᬓ᭟ᬓᬸᬦᬂᬮᬓ᭄ᬱᬡᬦᬶᬓᬗᬳᬗ᭄ᬓᬵᬭᬲᬶᬢᬾᬚᬘ᭞ᬬᬾᬓᬤᬶᬯᬬᬸᬄᬮᬓ᭄ᬱᬡᬦ᭄ᬬ᭞ᬢᬸ ᬫᬸᬮᬸᬂᬲᬶᬯᬾᬓᬺᬢ᭞ᬮᬯᬦ᭄‌ᬲᬶᬪᬹᬣᬵᬤᬶ᭞ᬫᬶᬮᬸᬫᬕᬯᬾᬏᬓᬵᬤᬰᬾᬦ᭄ᬤ᭄ᬭᬶᬬ᭞ᬮᬯᬦ᭄‌ᬧᬜ᭄ᬘᬢᬦ᭄ᬫᬵᬢ᭄ᬭ᭟ᬓᬸᬦᬗᬶᬓᬗᬳᬗ᭄ᬓᬵᬭᬢᬶᬕᬮᬓ᭄ᬱᬡᬦ᭄ᬬ᭞ᬫ᭄ᬢᬸᬲᬓᬭᬷᬩᬸᬤ᭄ᬥᬶ᭞ᬬᬢᬉᬫᬸᬧ ᬕᬫᬇᬭᬶᬓᬂᬲᬢ᭄ᬢ᭄ᬯ᭞ᬭᬚᬄ᭞ᬢᬫᬄ᭞ᬲ᭄ᬬᬧᬓᬭᬶᬓᬫᬗᬸᬧᬕᬫ᭞ᬲᬂᬳ᭄ᬬᬂᬧ᭄ᬭᬫᬵᬡᬗᬭᬦᬶᬭ᭞ᬕᬡᬮ᭄‌ᬲᬂᬳ᭄ᬬᬗᬵᬢ᭄ᬫᬵᬳᬦᬭᬶᬂᬢᬹᬃᬬ᭄ᬬᬧᬤ᭞ᬲᬶᬭᬲᬂᬲᬶᬦᬗ᭄ᬕᬸᬄᬲᬂᬳ᭄ᬬᬂᬧ᭄ᬭᬫᬵᬡᬗᬭᬦᬶ [᭑᭓ 13A] ᬭ᭞ᬲᬶᬭᬢᬫᬗᬓᬸᬫᬫᬲ᭄ᬢ᭄ᬯᬦᬶ᭞ᬮᬸᬫ᭄ᬓᬲᬓᭂᬦ᭄‌ᬓ᭄ᬭᬶᬬᬵᬳᬮᬳᬬᬸ᭞ᬓᬸᬦᬂᬗᬶᬓᬂᬩᬸᬤ᭄ᬥᬶ᭞ᬫᬦᬄ᭞ᬅᬳᬗ᭄ᬓᬓᬵᬭ᭞ᬲ᭄ᬥᭂᬂᬧᬶᬦᬓᬲᬵᬓᬲᬵᬥᬦᬚᬸᬕᬳᬦᬦ᭄ᬬ᭞ᬇᬓᬂᬢᬂᬩᬸᬤ᭄ᬥᬶ᭞ᬫᬦᬄ᭞ᬧᬶᬦᬓᬲᬵ ᬥᬦᬲᬂᬳ᭄ᬬᬂᬧ᭄ᬭᬫᬵᬡᬫᬫᬶᬓᬮ᭄ᬧ᭞ᬇᬓᬗᬳᬗ᭄ᬓᬵᬭᬧᬶᬦᬓᬲᬵᬥᬦᬲᬂᬳ᭄ᬬᬂᬧ᭄ᬭᬫᬵᬡ᭞ᬫᬗᬓᬸ᭞ᬫᬂᬮ᭄ᬓᬲᬓᭂᬦ᭄‌ᬓ᭄ᬭᬶᬬᬵᬓᬵᬃᬬ᭄ᬬᬳᬮᬳᬬᬸ᭟ᬫᬗ᭄ᬓᬦᬮᬓ᭄ᬱᬡᬲᬂᬳ᭄ᬬᬂᬧ᭄ᬭᬫᬵᬡ᭞ᬫᬓ ᬲᬵᬥᬦᬇᬓᬂᬩᬸᬤ᭄ᬥᬶ᭞ᬫᬦᬄ᭞ᬅᬳᬗ᭄ᬓᬵᬭ᭟ᬫᬧᬓᬭᬶᬪᬾᬤᬦᬶᬂᬧ᭄ᬭᬫᬵᬡᬮᬯᬦ᭄‌ᬯᬶᬰᬾᬱ᭞ᬦ᭄ᬤᬦᬶᬳᬦ᭄‌ᬭᭀᬪᬾᬤᬦ᭄ᬬ᭞ᬧᬥᬅᬢ᭄ᬫᬵᬲᬶᬭᬓᬮᬶᬄ᭞ᬓᬸᬦᬂᬪᬾᬤᬦ᭄ᬬ᭞ᬓᬲᭀᬃᬲᬂᬳ᭄ᬬᬂᬧ᭄ᬭ ᬫᬵᬡᬤᬾᬦᬶᬂᬯᬶᬰᬾᬱ᭞ᬯ᭄ᬬᬵᬧᬵᬭᬭᬶᬂᬳᬮᬳᬬᬸᬲᬂᬳ᭄ᬬᬂᬧ᭄ᬭᬫᬵᬡ᭞ᬓᬸᬦᬂᬲᬂᬳ᭄ᬬᬂᬯᭀᬰᬾᬱ᭞ᬢᬦ᭄‌ᬯ᭄ᬬᬵᬧᬵᬭ᭞ᬦᬶᬱ᭄ᬓᬵᬃᬬ᭄ᬬ᭞ᬦᬶᬱ᭄ᬧ᭄ᬭᬬᭀᬚᬦ᭞ᬦᬶᬃᬳᬸᬦᬶᬗᬲᬶᬭᬭᬶᬂᬳᬮᬳᬬᬸ᭞ᬓᬾᬯᬮᬲ᭄ᬣᬶᬢᬶ

Auto-transliteration

[12 12B] 12 satusiwuyojanadilaḥnyamangaladalad, sanghyangkālāgnirudra, apuypinakadhasar̀nningsaptapātāla, mangkadalakṣaṇaningngaṇdhabhuwana, kapwamatumpangtumpangan, kaditalaning tawwan, ikangtattwagaṇal, samangkanakweḥnya, gawenikangahangkārasibhūtādimulanika. kunanglakṣaṇanikangahangkārasitejaca, yekadiwayuḥlakṣaṇanya, tu mulungsiwekr̥ĕta, lawansibhūthādi, milumagawe'ekādaśendriya, lawanpañcatanmātra. kunangikangahangkāratigalakṣaṇanya, mtusakarībuddhi, yata'umupa gama'irikangsattwa, rajaḥ, tamaḥ, syapakarikamangupagama, sanghyangpramāṇangaranira, gaṇalsanghyangātmāhanaringtūr̀yyapada, sirasangsinangguḥsanghyangpramāṇangarani [13 13A] ra, siratamangakumamastwani, lumkasakĕnkriyāhalahayu, kunangngikangbuddhi, manaḥ, ahangkakāra, sdhĕngpinakasākasādhanajugahananya, ikangtangbuddhi, manaḥ, pinakasā dhanasanghyangpramāṇamamikalpa, ikangahangkārapinakasādhanasanghyangpramāṇa, mangaku, manglkasakĕnkriyākār̀yyahalahayu. mangkanalakṣaṇasanghyangpramāṇa, maka sādhana'ikangbuddhi, manaḥ, ahangkāra. mapakaribhedaningpramāṇalawanwiśeṣa, ndanihanrobhedanya, padha'atmāsirakaliḥ, kunangbhedanya, kasor̀sanghyangpra māṇadeningwiśeṣa, wyāpāraringhalahayusanghyangpramāṇa, kunangsanghyangwośeṣa, tanwyāpāra, niṣkār̀yya, niṣprayojana, nir̀huningasiraringhalahayu, kewalasthiti

Leaf 13

Image on Archive.org

[᭑᭓ 13B] ᭑᭓ ᬳᬸᬫᬶᬗᭂᬂᬢᬦ᭄‌ᬧᭀᬮᬄ᭞ᬢᬦ᭄‌ᬮᬶᬫ᭄ᬗᬓ᭄᭞ᬢᬦ᭄ᬮᬓᬸ᭞ᬢᬦ᭄‌ᬳᬶᬮᬶ᭞ᬫᬗ᭄ᬓᬦᬮᬓ᭄ᬱᬡᬲᬂᬳ᭄ᬬᬂᬧ᭄ᬭᬫᬵᬡᬯᬶᬰᬾᬱᬫᬕᬡᬮᬮᬶᬢᬶᬓ᭞ᬫᬗ᭄ᬓᬦᬓᬂᬲᬶᬦᬗ᭄ᬕᬸᬄᬧ᭄ᬭᬫᬵᬡ᭞ᬢᬳᬫ᭄ᬧᬶᬄ᭞ᬧᬥᬵ ᬢ᭄ᬫᬵᬲᬶᬭᬓᬮᬶᬄ᭞ᬇᬓᬂᬧᬤᬚᬸᬕᬫᬧ᭄ᬭᬪᬾᬤ᭞ᬲᬂᬰᬬᬕᬡᬮ᭄‌ᬧᬶᬦᬓᭀᬗ᭄ᬕ᭄ᬯᬦ᭄‌ᬲᬂᬳ᭄ᬬᬂᬧ᭄ᬭᬗᬵᬢ᭄ᬫᬵ᭞ᬬᬢᬢᬶᬦᬹᬢ᭄‌ᬦᬶᬓᬗᬵᬢ᭄ᬫᬵ᭞ᬫᬕᬡᬮᬮᬶᬢ᭄᭞ᬲ᭄ᬯᬪᬵᬯᬦᬶᬗᬵᬢ᭄ᬫᬵ᭞ᬇᬓᬗᬵ ᬢ᭄ᬫᬵᬳᬦᬭᬶᬂᬢᬸᬃᬬ᭄ᬬᬧᬤ᭞ᬬᬬᬢᬄᬧ᭄ᬭᬫᬵᬡᬯᬶᬰᬾᬱᬓᭀᬚᬭᬦᬶᬭ᭞ᬫᬸᬗ᭄ᬕᬸᬄᬧ᭄ᬭᬲᬂᬳ᭄ᬬᬗᬵᬢ᭄ᬫᬵᬭᬶᬂᬕ᭄ᬭᬧᬤ᭞ᬬᬬᬢᬄᬧ᭄ᬭᬫᬵᬡᬓᭀᬚᬭᬦᬶᬭ᭞ᬫᬸᬗ᭄ᬕᬸᬄᬧ᭄ᬯᬲᬂᬳ᭄ᬬᬂᬗᬵᬢ᭄ᬫᬵᬭᬶᬂᬲᬸᬧ᭄ᬢ ᬧᬤ᭞ᬦᬳᬦ᭄‌ᬯᬲ᭄ᬢᬸᬦ᭄ᬬᬗᬭᬦ᭄‌ᬲᬂᬳ᭄ᬬᬂᬗᬵᬢ᭄ᬫᬵᬲ᭄ᬣᬶᬢᬶᬳᬸᬫᬶᬗᭂᬂ᭞ᬇᬓᬢᬲᬶᬦᬗ᭄ᬕᬸᬄᬯᬶᬰᬾᬱᬗᬭᬦ᭄ᬬ᭞ᬲᬂᬳ᭄ᬬᬗᬵᬢ᭄ᬫᬵᬧᬵᬭ᭞ᬫᬫᬲ᭄ᬢ᭄ᬯᬦᬶ᭞ᬇᬓᬢᬂᬲᬶᬦᬗ᭄ᬕᬸᬄᬧ᭄ᬭᬫᬵᬦᬗᬭᬦᬶᬭ᭞ᬫ [᭑᭔ 14A] ᬗ᭄ᬓᬦᬮᬓ᭄ᬱᬡᬲᬂᬳ᭄ᬬᬗᬵᬢ᭄ᬫᬵᬭᬶᬂᬲᬧᬤᬧᬤ᭞ᬧ᭄ᬭᬫᬵᬡᬯᬶᬰᬾᬱᬚᬸᬕᬲᬶᬭ᭞ᬫᬧᬓᬭᬶᬤᬸᬄᬫᬄᬇᬓᬗᬳᬗ᭄ᬓᬵᬭᬲᬶᬦᬗ᭄ᬕᬸᬄᬧ᭄ᬭᬫᬵᬡ᭞ᬭᬶᬤᬾᬦ᭄ᬬᬦ᭄‌ᬧᬶᬦᬓᬲᬵᬥᬦᬭᬶᬂᬫᬗᬓᬸ᭞ᬫᬫ ᬲ᭄ᬢ᭄ᬯᬦᬶᬚᬸᬕᬲᬶᬭ᭞ᬓᬸᬦᬂᬦᬶᬫᬶᬢ᭄ᬢᬦᬶᬂᬓᬤᬶᬲᬧᬢᬶᬕ᭞ᬅᬭᬓ᭄ᬭᬮ᭄ᬯᬶᬃᬦ᭄ᬦᬶᬓᬂᬩᬸᬤ᭄ᬥᬶ᭞ᬇᬓᬗᬳᬗ᭄ᬓᬵᬭᬢᬶᬕᬧ᭄ᬭᬪᬾᬤᬦ᭄ᬬ᭞ᬫᬧᬭᬦ᭄ᬢᬶᬭᬶᬓᬂᬩᬸᬤ᭄ᬥᬶ᭞ᬬᬢᬶᬕᬯᬺᬤ᭄ᬥᬶᬫᬵᬦᬓ᭄‌ᬮᬶᬫᬂᬧᬸᬮᬸᬄ᭞ᬮᬶᬂᬫᬂ ᬧᬸᬮᬸᬄᬯᬺᬤ᭄ᬥᬶᬫᬵᬦᬓ᭄‌ᬲᬵᬢᬸᬲ᭄᭞ᬲᬵᬢᬸᬲ᭄‌ᬯᬺᬤ᭄ᬥᬶᬫᬵᬦᬓ᭄‌ᬲᬾᬯᬸ᭞ᬲᬾᬯᬸᬯᬺᬤ᭄ᬥᬶᬫᬵᬦᬓ᭄‌ᬢᬦ᭄‌ᬓᬶᬦᬯ᭄ᬭᬸᬳᬦ᭄‌ᬯᬶᬮᬂᬦ᭄ᬬ᭞ᬬᬾᬓᬦᬶᬫᬶᬢ᭄ᬢᬦᬶᬗᬵᬢ᭄ᬫᬵᬧᬢ᭄ᬫᬄᬢ᭄ᬫᬳᬦ᭄᭟ᬫᬧᬓᬭᬶᬬᬸᬓ᭄ᬢᬶ ᬦᬶᬓᬂᬲᬢ᭄ᬢ᭄ᬯ᭞ᬭᬚᬄ᭞ᬢᬫᬄ᭞ᬅᬦ᭄‌ᬧᬢ᭄ᬫᬄᬢ᭄ᬫᬳᬦ᭄᭞ᬫᬧᬸᬢᭂᬭᬭᬶᬂᬲ᭄ᬯᬃᬕ᭄ᬕᬦᬭᬓ᭞ᬫᬵᬦᬸᬱᬢ᭄ᬭᬶᬬᬓ᭄᭟ᬲᬸᬕ᭄ᬬᬦ᭄‌ᬫᬗ᭄ᬓᬦᬮᬶᬗᬲᬂᬧᬭ᭞ᬦ᭄ᬤᬦᬳᬦ᭄ᬧᬶᬄ᭞ᬇᬓᬗᬳᬗ᭄ᬓᬵᬭᬢᬶᬕᬧ᭄ᬭᬪᬾᬤᬦ᭄ᬬ᭞ᬫᬧ

Auto-transliteration

[13 13B] 13 humingĕngtanpolaḥ, tanlimngak, tanlaku, tanhili, mangkanalakṣaṇasanghyangpramāṇawiśeṣamagaṇalalitika, mangkanakangsinangguḥpramāṇa, tahampiḥ, padhā tmāsirakaliḥ, ikangpadajugamaprabheda, sangśayagaṇalpinakonggwansanghyangprangātmā, yatatinūtnikangātmā, magaṇalalit, swabhāwaningātmā, ikangā tmāhanaringtur̀yyapada, yayataḥpramāṇawiśeṣakojaranira, mungguḥprasanghyangātmāringgrapada, yayataḥpramāṇakojaranira, mungguḥpwasanghyangngātmāringsupta pada, nahanwastunyangaransanghyangngātmāsthitihumingĕng, ikatasinangguḥwiśeṣangaranya, sanghyangātmāpāra, mamastwani, ikatangsinangguḥpramānangaranira, ma [14 14A] ngkanalakṣaṇasanghyangātmāringsapadapada, pramāṇawiśeṣajugasira, mapakariduḥmaḥikangahangkārasinangguḥpramāṇa, ridenyanpinakasādhanaringmangaku, mama stwanijugasira, kunangnimittaningkadisapatiga, arakralwir̀nnikangbuddhi, ikangahangkāratigaprabhedanya, maparantirikangbuddhi, yatigawr̥ĕddhimānaklimangpuluḥ, lingmang puluḥwr̥ĕddhimānaksātus, sātuswr̥ĕddhimānaksewu, sewuwr̥ĕddhimānaktankinawruhanwilangnya, yekanimittaningātmāpatmaḥtmahan. mapakariyukti nikangsattwa, rajaḥ, tamaḥ, anpatmaḥtmahan, maputĕraringswar̀gganaraka, mānuṣatriyak. sugyanmangkanalingasangpara, ndanahanpiḥ, ikangahangkāratigaprabhedanya, mapa

Leaf 14

Image on Archive.org

[᭑᭔ 14B] ᭑᭔ ᬭᬦ᭄ᬢᬶᬭᬶᬓᬂᬩᬸᬤ᭄ᬥᬶ᭞ᬳᬦᬩᬸᬤ᭄ᬥᬶᬲᬢ᭄ᬢ᭄ᬯ᭞ᬳᬦᬩᬸᬤ᭄ᬥᬶᬭᬚᬄ᭞ᬳᬦᬩᬸᬤ᭄ᬥᬶᬢᬫᬄ᭞ᬬᬢᬢᬸᬫᬹᬢᬓᭂᬲᬓᬵᬧ᭄ᬢᬶᬦᬶᬂᬬᭀᬦᬶᬦ᭄ᬬ᭞ᬧᬶᬦᬓᬚᬦ᭄ᬫᬦ᭄ᬬ᭞ᬯ᭄ᬭᬸᬄᬧ᭄ᬯᬲᬂᬦᬶᬧᬸᬡᬢᬢ᭄ᬢ᭄ᬯ᭞ᬅᬦ᭄‌ᬫᬗ᭄ᬓᬦᬓ᭄ᬭᬫᬦ᭄ᬬ᭞ᬬᬢᬫ ᬢᬂᬦ᭄ᬬᬦ᭄‌ᬓᬯ᭄ᬭᬸᬳᬦ᭞ᬇᬓᬂᬬᭀᬦᬶᬫᬂᬤᬤ᭄ᬬᬓᭂᬦ᭄‌ᬓᬫᭀᬓ᭄ᬱᬦ᭄᭞ᬮᬯᬦ᭄‌ᬲ᭄ᬯᬃᬕ᭄ᬕ᭞ᬗᬸᬦᬶᬯᬾᬄᬇᬓᬂᬚᬦ᭄ᬫᬯᬮᬸᬬ᭄ᬯᬮᬸᬬ᭄᭞ᬦᬶᬳᬦ᭄‌ᬓ᭄ᬭᬫᬦ᭄ᬬᬓᬾᬗᬢᬓ᭄ᬦ᭟ᬬᬧ᭄ᬯᬦᬦᬩᬸᬤ᭄ᬥᬶᬲᬢ᭄ᬢ᭄ᬯ᭞ᬢᬶᬩ᭄ᬭᬭᬶᬓᬮᬶᬗ ᬦᬶᬂᬓᬧ᭄ᬭᬚ᭄ᬜᬵᬦ᭄᭞ᬫᬸᬂᬲᬶᬂᬰᬵᬲ᭄ᬢ᭄ᬭᬫᭀᬮᬳᬓᭂᬦ᭄‌ᬓᬲᬫ᭄ᬬᬕ᭄ᬚᬜᬦᬦ᭄᭞ᬲᬂᬳ᭄ᬬᬂᬢ᭄ᬭᬶᬧᬸᬭᬸᬱᬬᭀᬦᬶᬦᬶᬂᬲᬢ᭄ᬢ᭄ᬯᬬᬦ᭄‌ᬫᬗ᭄ᬓᬦ᭟ᬬᬧ᭄ᬯᬦᬦᬩᬸᬤ᭄ᬥᬶᬲᬢ᭄ᬢ᭄ᬯ᭞ᬢᬶᬩ᭄ᬭᬭᬶᬓᬮᬶᬗᬦᬶᬂᬩ᭄ᬭᬢ᭞ᬢᬧ᭞ᬬᭀᬕ᭞ᬲᬫᬵᬤᬶ᭞ ᬧᬜ᭄ᬘᬋᬱᬶᬬᭀᬦᬶᬦᬶᬂᬢᬢ᭄ᬢ᭄ᬯᬬᬦ᭄‌ᬫᬗ᭄ᬓᬦ᭟ᬬᬧ᭄ᬯᬦᬦᬩᬸᬤ᭄ᬥᬶᬲᬢ᭄ᬢ᭄ᬯ᭞ᬢᬷᬩ᭄ᬭᬭᬶᬓᬮᬶᬗᬦᬶᬂᬯᬹᬚᬵᬃᬡ᭄ᬡᬘ᭞ᬚᬧ᭞ᬫᬦ᭄ᬢ᭄ᬭᬫ᭄ᬯᬂᬓᬲ᭄ᬢᬸᬢ᭄ᬬᬦ᭄‌ᬪᬝᬵᬭ᭞ᬲᬧ᭄ᬢᬋᬱᬶᬬᭀᬦᬶᬦᬶᬂᬲᬢ᭄ᬢ᭄ᬯᬬᬦ᭄‌ᬫᬗ᭄ᬓᬦ᭟ᬬᬧ᭄ᬯᬦᬦ [᭑᭕ 15A] ᬩᬸᬤ᭄ᬥᬶᬲᬢ᭄ᬢ᭄ᬯᬢᬦ᭄‌ᬧᬗᬶᬯᭃᬳᬮᬳᬬᬸ᭞ᬅᬲᬶᬄᬢᬬᬭᬶᬂᬲᬃᬯ᭄ᬯᬧ᭄ᬭᬵᬡ᭞ᬤᬾᬯᬋᬱᬶᬬᭀᬦᬶᬦᬶᬂᬲᬢ᭄ᬢ᭄ᬯᬬᬦ᭄‌ᬫᬗ᭄ᬓᬦ᭟ᬬᬧ᭄ᬯᬦᬦᬩᬸᬤ᭄ᬥᬶᬲᬢ᭄ᬢ᭄ᬯ᭞ᬢᬷᬩ᭄ᬭᬭᬶᬓᬮᬶᬗᬦᬶᬂᬥᬃᬫ᭄ᬫ᭞ᬓᬶᬃᬢ᭄ᬢᬶ᭞ᬬᬰ᭞ᬧᬸᬡ᭄ᬬ᭞ᬤᬾ ᬯᬬᭀᬦᬶᬦᬶᬂᬲᬢ᭄ᬢ᭄ᬯᬬᬦ᭄‌ᬫᬗ᭄ᬓᬦ᭟ᬬᬧ᭄ᬯᬦᬦᬩᬸᬤ᭄ᬥᬶᬲᬢ᭄ᬢ᭄ᬯ᭞ᬢᬶᬩᬺᬭᬶᬓᬮᬶᬗᬦᬶᬂᬓᬯᬦᬶᬦ᭄᭞ᬓᬥᬶᬭᬦ᭄᭞ᬓᬰᬹᬭᬦ᭄᭞ᬢᬦ᭄‌ᬫᬮᬶᬂᬪᬬ᭞ᬚᬶᬯᬶᬢᬧᬭᬶᬢ᭄ᬬᬵᬕᬭᬶᬂᬳᬸᬭᬶᬧ᭄ᬦ᭄ᬬ᭞ᬪᬗ᭄ᬕᬉᬫᬢ᭄ᬬᬳᬸᬫᬸᬮ ᬳᬓᭂᬦ᭄‌ᬰᬭᬷᬭᬦ᭄ᬬᬫᬓᬦᬶᬫᬶᬢ᭄ᬢᬵᬲᬶᬄᬦ᭄ᬬ᭞ᬪᬓ᭄ᬢᬶᬦ᭄ᬬ᭞ᬭᬲᬶᬓᬢᬦ᭄‌ᬯ᭄ᬬᬵᬫᭀᬳᬤᬾᬦ᭄ᬬᬫᬯᬧ᭄ᬭᬯᬺᬢ᭄ᬢᬶ᭞᭞ᬓᬾᬯᬮᬰᬵᬦ᭄ᬢᬘᬶᬢ᭄ᬢ᭞ᬅᬮᬶᬮᬂᬚᬸᬕᬫᬦᬄᬦ᭄ᬬ᭞ᬬᬦ᭄‌ᬕᬯᬾᬬᬓᭂᬦ᭄‌ᬓᬥᬶᬭᬦ᭄᭞ ᬓᬯᬦᬶᬦ᭄᭞ᬯᬶᬤ᭄ᬬᬵᬥᬭᬬᬶᬦᬶᬦᬶᬂᬲᬢ᭄ᬢ᭄ᬯᬬᬦ᭄‌ᬫᬗ᭄ᬓᬦ᭟ᬬᬧ᭄ᬯᬦᬦᬩᬸᬤ᭄ᬥᬶᬲᬢ᭄ᬢ᭄ᬯ᭞ᬢᬷᬩ᭄ᬭᬭᬶᬓᬮᬶᬗᬦᬶᬂᬓᬮᬗᭃᬦ᭄᭞ᬳᬃᬱᬢᬬᬂᬋᬗᭃᬳᬸᬦ᭄ᬬᬳᬸᬦ᭄ᬬᬦ᭄‌ᬫᬂᬤᬤ᭄ᬬᬓᭂᬓᬃᬡ᭄ᬦᬫᬦᬶᬳᬭᬮᬗᭃ᭞ᬤᬺ

Auto-transliteration

[14 14B] 14 rantirikangbuddhi, hanabuddhisattwa, hanabuddhirajaḥ, hanabuddhitamaḥ, yatatumūtakĕsakāptiningyoninya, pinakajanmanya, wruḥpwasangnipuṇatattwa, anmangkanakramanya, yatama tangnyankawruhana, ikangyonimangdadyakĕnkamokṣan, lawanswar̀gga, nguniweḥikangjanmawaluywaluy, nihankramanyakengatakna. yapwananabuddhisattwa, tibrarikalinga ningkaprajñān, mungsingśāstramolahakĕnkasamyagjañanan, sanghyangtripuruṣayoniningsattwayanmangkana. yapwananabuddhisattwa, tibrarikalinganingbrata, tapa, yoga, samādi, pañcar̥ĕsyiyoniningtattwayanmangkana. yapwananabuddhisattwa, tībrarikalinganingwūjār̀ṇṇaca, japa, mantramwangkastutyanbhaṭāra, saptar̥ĕsyiyoniningsattwayanmangkana. yapwanana [15 15A] buddhisattwatanpangiwöhalahayu, asiḥtayaringsar̀wwaprāṇa, dewar̥ĕsyiyoniningsattwayanmangkana. yapwananabuddhisattwa, tībrarikalinganingdhar̀mma, kir̀tti, yaśa, puṇya, de wayoniningsattwayanmangkana. yapwananabuddhisattwa, tibr̥ĕrikalinganingkawanin, kadhiran, kaśūran, tanmalingbhaya, jiwitaparityāgaringhuripnya, bhangga'umatyahumula hakĕnśarīranyamakanimittāsiḥnya, bhaktinya, rasikatanwyāmohadenyamawaprawr̥ĕtti, , kewalaśāntacitta, alilangjugamanaḥnya, yan'gaweyakĕnkadhiran, kawanin, widyādharayininingsattwayanmangkana. yapwananabuddhisattwa, tībrarikalinganingkalangön, har̀ṣatayangr̥ĕngöhunyahunyanmangdadyakĕkar̀ṇnamaniharalangö, dr̥ĕ

Leaf 15

Image on Archive.org

[᭑᭕ 15B] ᭑᭕ ᬥᬢᬬᬭᬶᬂᬳᬶᬕᭂᬮ᭄᭞ᬓᬶᬤᬸᬂ᭞ᬤᬺᬥᬢᬬᬵᬘᬗ᭄ᬓ᭄ᬭᬫ᭞ᬅᬲᬶᬂᬭᬫ᭄ᬬᬮᬗᭃᬧᬶᬦᬭᬦ᭄ᬬ᭞ᬳᬃᬱᬢᬬᬫᬦᭀᬦ᭄‌ᬲ᭄ᬓᬃᬯᬗᬶᬯᬗᬶ᭞ᬕᬦ᭄ᬥᬃᬯ᭄ᬯᬬᭀᬦᬶᬦᬶᬂᬲᬢ᭄ᬢ᭄ᬯᬬᬦ᭄‌ᬫᬗ᭄ᬓᬦ᭟ᬬᬢᬶᬓᬢᬦ᭄‌ᬧᬓᬪᬹᬫᬶᬦᭂᬦ ᬤᬾᬦᬶᬂᬲᬫ᭄ᬬᬕ᭄ᬚᬵᬜᬦ᭞ᬬᬦ᭄‌ᬧᬗᬸᬲᬶᬃᬓᬫᭀᬓ᭄ᬱᬧᬤᬦ᭄᭞ᬓᬸᬦᬗᬶᬓᬂᬬᭀᬕ᭄ᬬᬧᬓᬪᬹᬫᬶᬦᭂᬦ᭄‌ᬤᬾᬦᬶᬂᬓᬲᬫ᭄ᬬᬕ᭄ᬚᬵᬜᬦᬦ᭄᭞ᬓᬧᬗ᭄ᬕᬶᬳᬦᬶᬂᬓᬫᭀᬓ᭄ᬱᬦ᭄‌ᬤᬾᬲᬂᬋᬱᬶ᭞ᬤᬾᬯᬋᬱᬶ᭞ᬲᬋᬋᬱᬶ ᭞ᬧᬜ᭄ᬘᬋᬱᬶ᭞ᬫᬓᬵᬤᬶᬲᬂᬳ᭄ᬬᬂᬢ᭄ᬭᬶᬧᬸᬭᬸᬱ᭞ᬦᬳᬦ᭄‌ᬢᬂᬩᬸᬤ᭄ᬥᬶᬲᬢ᭄ᬢ᭄ᬯᬓᬦᬶᬱ᭄ᬝ᭞ᬫᬥ᭄ᬬᬫᭀᬢ᭄ᬢᬫ᭟ᬩᬸᬤ᭄ᬥᬶᬭᬚᬄᬬᬾᬓᬶᬯᬸᬯᬸᬲᭂᬦ᭄᭞ᬳᬦᬩᬸᬤ᭄ᬥᬶᬭᬚᬄ᭞ᬯᬶᬦᬾᬄᬰᬩ᭄ᬤᬢᬦ᭄‌ᬬᭀᬕ᭄ᬬ᭞ᬳᬦᬾᬓᬂᬓ᭄ᬭᭀ ᬥ᭞ᬓᬸᬦᬂᬢᬧ᭄ᬯᬦ᭄‌ᬯ᭄ᬦᬂᬫᬂᬋᬢ᭄᭞ᬢᬦ᭄᭞ᬓᬯ᭄ᬢᬸᬦᬶᬂᬯᬶᬚᬶᬮ᭄‌ᬳᬾᬦ᭄ᬬ᭞ᬫᬓᬦᬶᬫᬶᬢ᭄ᬢᬳᬦᬓᬮᬶᬗᬦᬶᬂᬧᬭ᭞ᬬᬢᬫᬢᬂᬦ᭄ᬬᬦ᭄‌ᬫ᭄ᬦᬂᬚᬸᬕ᭞ᬳᬸᬫᬶᬓᭂᬮ᭄‌ᬲ᭄ᬯᬰᬭᬷᬭᬦ᭄ᬬ᭞ᬲᬓᬭᬶᬂᬲᭂᬓ᭄ᬦ᭄ᬬᬭᬶᬳᬢᬶᬦ᭄ᬬ᭞ [᭑᭖ 16A] ᬤ᭄ᬭᬯᬢᬬᬫᬶᬚᬶᬮ᭄‌ᬫᬢ᭄ᬫᬳᬦ᭄‌ᬢᬗᬶᬲ᭄᭞ᬤᬵᬦᬯᬬᭀᬦᬶᬦᬶᬂᬭᬚᬄᬬᬓ᭄‌ᬫᬗ᭄ᬓᬦ᭟ᬳᬦᬩᬸᬤ᭄ᬥᬶᬭᬚᬄ᭞ᬯᬶᬦᬾᬄᬰᬩ᭄ᬤᬢᬦ᭄‌ᬬᭀᬕ᭄ᬬ᭞ᬳᬦᬾᬓᬂᬓ᭄ᬭᭀᬥ᭞ᬓᬸᬦᬂᬢᬧ᭄ᬯᬦ᭄‌ᬳᬸᬫ᭄ᬦᭂᬂᬚᬸᬕ ᬬ᭞ᬫ᭄ᬦᬾᬢᬬᬭᬶᬂᬓᬤᭀᬳᬦ᭄᭞ᬉᬚᬃᬢᬬ᭞ᬮᬶᬂᬦ᭄ᬬ᭞ᬅᬥᬶᬓᬵᬭᬤᬾᬦᬦᬸ᭞ᬯ᭄ᬦᬗᬯᬾᬄᬰᬩ᭄ᬤᬢᬦ᭄ᬬᭀᬕ᭄ᬬᬇᬃᬬ᭄ᬬᬓᬸ᭞ᬓᬤ᭄ᬬᬂᬯᬗᬯᭂᬤ᭄ᬬᬲᬓᬵᬋᬧ᭄ᬦ᭄ᬬ᭞ᬓᬸᬦᬂᬢᬧ᭄ᬯᬦᬮ᭄ᬫᭂᬄᬭᬶᬂᬯᬵᬤᬚᬸᬕᬓᬸ᭞ᬅ ᬳᬢᬓᬸ᭞ᬭᬶᬗᬬᬸᬗ᭄ᬓᬸ᭞ᬤᬾᬢ᭄ᬬᬦᬶᬦᬶᬂᬭᬚᬄᬬᬦ᭄‌ᬫᬗ᭄ᬓᬦ᭟ᬳᬦᬩᬸᬤ᭄ᬥᬶᬭᬚᬄ᭞ᬯᬶᬦᬾᬄᬰᬩ᭄ᬤᬢᬦ᭄‌ᬬᭀᬕ᭄ᬬ᭞ᬓᬩᬗᬦ᭄‌ᬓᬸᬫ᭄ᬢᭂᬃᬰᬭᬶᬭᬦ᭄ᬬ᭞ᬯᬯᬗᬧᬭᬵᬕ᭞ᬯᬵᬓ᭄ᬘᬧᬮ᭞ᬳᬲ᭄ᬢᬘᬧᬮ᭞ᬧᬵ ᬤᬘᬧᬮ᭟ᬫᬗ᭄ᬭᬶᬓ᭄‌ᬫᬲᬶᬗ᭄ᬳᬦᬵᬤ᭞ᬫᬸᬚᬭᬓᭂᬦ᭄ᬲᬫᬾᬦᬓᬾᬭᬶᬬ᭞ᬢᬦ᭄‌ᬧᬂᬕᬍᬂᬮᬶᬗᬦᬶᬂᬯᬭ᭞ᬭᬵᬓ᭄ᬱᬲᬬᭀᬦᬶᬦᬶᬂᬭᬚᬄᬬᬦ᭄‌ᬫᬗ᭄ᬓᬦ᭟ᬦᬶᬳᬦ᭄‌ᬢᬢ᭄ᬢ᭄ᬯᬦ᭄ᬬᬭᬵᬓ᭄ᬱᬲᬧᬶᬦᬓᬳ᭄ᬬᬂᬦᬶᬂᬦ

Auto-transliteration

[15 15B] 15 dhatayaringhigĕl, kidung, dr̥ĕdhatayācangkrama, asingramyalangöpinaranya, har̀ṣatayamanonskar̀wangiwangi, gandhar̀wwayoniningsattwayanmangkana. yatikatanpakabhūminĕna deningsamyagjāñana, yanpangusir̀kamokṣapadan, kunangikangyogyapakabhūminĕndeningkasamyagjāñanan, kapanggihaningkamokṣandesangr̥ĕsyi, dewar̥ĕsyi, sar̥ĕr̥ĕsyi , pañcar̥ĕsyi, makādisanghyangtripuruṣa, nahantangbuddhisattwakaniṣṭa, madhyamottama. buddhirajaḥyekiwuwusĕn, hanabuddhirajaḥ, wineḥśabdatanyogya, hanekangkro dha, kunangtapwanwnangmangr̥ĕt, tan, kawtuningwijilhenya, makanimittahanakalinganingpara, yatamatangnyanmnangjuga, humikĕlswaśarīranya, sakaringsĕknyarihatinya, [16 16A] drawatayamijilmatmahantangis, dānawayoniningrajaḥyakmangkana. hanabuddhirajaḥ, wineḥśabdatanyogya, hanekangkrodha, kunangtapwanhumnĕngjuga ya, mnetayaringkadohan, ujar̀taya, lingnya, adhikāradenanu, wnangaweḥśabdatanyogya'ir̀yyaku, kadyangwangawĕdyasakār̥ĕpnya, kunangtapwanalmĕḥringwādajugaku, a hataku, ringayungku, detyaniningrajaḥyanmangkana. hanabuddhirajaḥ, wineḥśabdatanyogya, kabangankumtĕr̀śariranya, wawangaparāga, wākcapala, hastacapala, pā dacapala. mangrikmasinghanāda, mujarakĕnsamenakeriya, tanpanggal̥ĕnglinganingwara, rākṣasayoniningrajaḥyanmangkana. nihantattwanyarākṣasapinakahyangningna

Leaf 16

Image on Archive.org

[᭑᭖ 16B] ᭑᭖ ᬥ᭄ᬕ᭞ᬕᬫᬦ᭄ᬕᬫᬦ᭄‌ᬲᬂᬧ᭄ᬭᬪᬸ᭞ᬲᬮ᭄ᬯᬶᬃᬦᬶᬂᬦᬥ᭄ᬕᬯᬃᬢ᭄ᬢᬫᬵᬦᬧᬗᬮᬧ᭄‌ᬳᬸᬭᬶᬧ᭄᭞ᬭᬵᬓ᭄ᬱᬧᬶᬦᬓᬤᬾᬯᬢᬵᬦ᭄ᬬ᭟ᬤᬾᬢ᭄ᬬᬧᬶᬦᬓᬳ᭄ᬬᬂᬦᬶᬂᬦᬥ᭄ᬕ᭞ᬧᬶᬦᬓᬕᬫᬦ᭄ᬕᬫᬦ᭄‌ᬯ᭄ᬯᬂᬢᬦᬶ᭞ᬓᬤ᭄ᬬᬗ᭄ᬕᬦᬶᬂᬮᬸᬓᬾ ᬧᬺᬓᬸᬮ᭄᭞ᬲᬮ᭄ᬯᬶᬭᬦᬶᬂᬦᬥ᭄ᬕᬧᬶᬦᬓᬲᬵᬥᬦᬦᬶᬗᬫᬶᬚᬶᬮᬓᭂᬦ᭄‌ᬓᬫᭀᬧᬚᬷᬯ᭟ᬤᬾᬢ᭄ᬬᬤᬾᬯᬢᬵᬦ᭄ᬬ᭟ᬤᬵᬦᬯᬧᬶᬦᬓᬳ᭄ᬬᬂᬦᬶᬂᬦᬥ᭄ᬕ᭞ᬧᬶᬦᬓᬕᬫᬦ᭄ᬕᬫᬦ᭄‌ᬲᬂᬯᬶᬓᬸ᭞ᬓᬤ᭄ᬬᬗ᭄ᬕᬦᬶᬂᬧᬫᬶᬲᭀ᭞ ᬓᬃᬢ᭄ᬭᬶ᭞ᬓᬭᬬᬸ᭞ᬤᬵᬦᬯᬤᬾᬯᬢᬵᬦ᭄ᬬ᭟ᬦᬳᬦ᭄‌ᬢᬂᬩᬸᬤ᭄ᬥᬶᬭᬚᬄ᭞ᬓᬦᬶᬱ᭄ᬝᬫᬥ᭄ᬬᬫᭀᬢ᭄ᬢᬫ᭟ᬩᬸᬤᬶᬢᬫᬄᬬᬾᬓᬶᬯᬸᬯᬸᬲᭂᬦ᭄᭞ᬳᬦᬩᬸᬤ᭄ᬥᬶᬢᬫᬄ᭞ᬢᬦ᭄‌ᬳᬭᭀᬳᬭᭀᬧᬶᬦᬗᬦ᭄᭞ᬯᬋᬕ᭄‌ᬤᬾᬦᬶᬂᬕᬗᬦ ᬦ᭄‌ᬲᬕ᭄ᬢᭂᬲ᭄᭞ᬲ᭄ᬕᭂᬲᬓ᭄ᬱᭂᬮ᭄᭞ᬢ᭄ᬯᬓ᭄‌ᬲᬢᬳᬧᬦ᭄᭞ᬧᬭᬶᬢᬸᬱ᭄ᬝᬯᬦᬄᬦ᭄ᬬ᭞ᬤᬾᬦᬶᬓ᭞ᬪᬹᬢᬬᬓ᭄ᬱᬬᭀᬦᬶᬦᬶᬂᬢᬫᬄᬬᬦ᭄‌ᬫᬗ᭄ᬓᬦ᭞ᬤᬾᬰᬦ᭄ᬬᬫᬸᬗ᭄ᬕ᭄ᬯᬶᬂᬯᬦᭀ᭞ᬧᬶᬦᬓᬳ᭄ᬬᬂᬥᬵᬢᬸ᭞ᬫᬸᬗ᭄ᬕ᭄ᬯᬶᬂ᭞ᬮᬶᬗ᭄ᬕ᭞ᬧ᭄ᬭᬢᬶᬫᬵ [᭑᭗ 17A] ᬮᬶᬂᬕᬶᬃᬧᬫᬹᬚᬭᬹᬚᬦ᭄᭟ᬬᬧ᭄ᬯᬦᬦᬩᬸᬤ᭄ᬥᬶᬢᬫᬄ᭞ᬳᬧᬶᬮᬶᬄᬭᬶᬂᬧᬶᬦᬗᬦ᭄᭞ᬢᬦ᭄‌ᬲᬫᬵᬲ᭄‌ᬭᬶᬓᬳᬋᬧ᭄ᬦ᭄ᬬ᭞ᬳᬤᬶᬤᬶᬂᬢᬦ᭄‌ᬤᭂᬮᬦ᭄ᬬ᭞ᬇᬭᬗᬶᬭᬗᬦ᭄‌ᬢᬦ᭄‌ᬤᬺᬧ᭞ᬢᬦ᭄‌ᬲᬂᬕ᭄ᬭᬳᬫᬦᬄᬦ᭄ᬬ᭞ᬬᬦ ᬫᬗ᭄ᬕᬶᬄᬪᭀᬕ᭞ᬅᬢᬶᬲ᭄‌ᬢᬬᬫᬦᬄᬦ᭄ᬬ᭞ᬪᬹᬢᬤᭂᬗᭂᬦ᭄‌ᬬᭀᬦᬶᬦᬶᬂᬢᬫᬄᬬᬦ᭄‌ᬫᬗ᭄ᬓᬦ᭞ᬤᬾᬰᬦ᭄ᬬᬫᬸᬗ᭄ᬕ᭄ᬯᬶᬂᬯᬂᬮᬸ᭞ᬓᬭᬫᬾᬥᬦ᭄᭞ᬧᬶᬦᬓᬤᬾᬯᬦᬶᬂᬓᬬᬸᬩᬦᬲ᭄ᬧᬢᬶ᭟ᬬᬧ᭄ᬯᬦᬦᬩᬸᬤ᭄ᬥᬶᬢᬫᬄ᭞ᬲᬫ᭄ᬧᬤ ᬦ᭄‌ᬬᬢᬭᬶᬂᬧᬶᬦᬗᬦ᭄᭞ᬢᬦᬧᬶᬮᬶᬄᬭᬶᬲᬓᬵᬋᬧ᭄ᬦ᭄ᬬ᭞ᬲᬮ᭄ᬯᬶᬃᬦᬶᬂᬫᬵᬂᬲᬲᬶᬦᬗ᭄ᬕᬸᬄᬘᬫ᭄ᬧᬸᬃ᭞ᬧᬶᬦᬗᬦ᭄ᬬᬇᬓᬓᬩᬾᬄ᭞ᬮᬫᬸᬦ᭄‌ᬯᬋᬕᬚᬸᬕᬮᬶᬂᬦ᭄ᬬ᭞ᬪᬹᬢᬓᬵᬮᬬᭀᬦᬶᬦᬶᬂᬢᬫᬄᬬᬦ᭄‌ᬫᬗ᭄ᬓᬦ᭞ᬤᬾᬰᬦ᭄ᬬ ᬫᬸᬗ᭄ᬕ᭄ᬯᬶᬂᬲ᭄ᬫ᭞ᬯᬢᭂᬲ᭄᭞ᬧᬫᬗ᭄ᬕᬳᬦ᭄᭞ᬲᬢᬸᬲ᭄ᬧᬣ᭟ᬬᬦᬦᬩᬸᬤ᭄ᬥᬶᬢᬫᬄ᭞ᬢᬗ᭄ᬕᬵᬫᬗᬦᬢᬦᬾᬦᬓ᭄‌᭞ᬬᬢᬦᬶᬫᬶᬢ᭄ᬢᬦ᭄ᬬᬳᬭᬸᬳᬭᬯ᭄ᬓᬲᬦ᭄᭞ᬓᬩᬭᬢ᭄‌ᬓᬢᬶᬫᬸᬭ᭄᭞ᬢᬦ᭄‌ᬧᬫᬮᬶᬂᬳᬾᬮ᭄᭞ᬯ᭄ᬭᬸᬄ

Auto-transliteration

[16 16B] 16 dhga, gaman'gamansangprabhu, salwir̀ningnadhgawar̀ttamānapangalap'hurip, rākṣapinakadewatānya. detyapinakahyangningnadhga, pinakagaman'gamanwwangtani, kadyangganingluke pr̥ĕkul, salwiraningnadhgapinakasādhananingamijilakĕnkamopajīwa. detyadewatānya. dānawapinakahyangningnadhga, pinakagaman'gamansangwiku, kadyangganingpamiso, kar̀tri, karayu, dānawadewatānya. nahantangbuddhirajaḥ, kaniṣṭamadhyamottama. buditamaḥyekiwuwusĕn, hanabuddhitamaḥ, tanharoharopinangan, war̥ĕgdeninggangana nsagtĕs, sgĕsaksyĕl, twaksatahapan, parituṣṭawanaḥnya, denika, bhūtayakṣayoniningtamaḥyanmangkana, deśanyamunggwingwano, pinakahyangdhātu, munggwing, lingga, pratimā [17 17A] linggir̀pamūjarūjan. yapwananabuddhitamaḥ, hapiliḥringpinangan, tansamāsrikahar̥ĕpnya, hadidingtandĕlanya, irangirangantandr̥ĕpa, tansanggrahamanaḥnya, yana manggiḥbhoga, atistayamanaḥnya, bhūtadĕngĕnyoniningtamaḥyanmangkana, deśanyamunggwingwanglu, karamedhan, pinakadewaningkayubanaspati. yapwananabuddhitamaḥ, sampada nyataringpinangan, tanapiliḥrisakār̥ĕpnya, salwir̀ningmāngsasinangguḥcampur̀, pinanganya'ikakabeḥ, lamunwar̥ĕgajugalingnya, bhūtakālayoniningtamaḥyanmangkana, deśanya munggwingsma, watĕs, pamanggahan, satuspatha. yananabuddhitamaḥ, tanggāmanganatanenak, yatanimittanyaharuharawkasan, kabaratkatimur, tanpamalinghel, wruḥ

Leaf 17

Image on Archive.org

[᭑᭗ 17B] ᭑᭗ ᬢᬬᬧᬭᬶᬘᬤ᭄ᬭᬭᬶᬤ᭄ᬭᬦᬶᬂᬮᬾᬦ᭄᭞ᬫᬓᬦᬶᬫᬶᬢ᭄ᬢᬬᬵᬮ᭄ᬫᭂᬄᬫᬗᬾᬮᬳᬦᬤᬸᬤᬹᬓᬮ᭄ᬫᬄ᭞ᬤᬺᬧᬢᬬᬭᬶᬂᬢᬜ᭄ᬚᬓᬦ᭄᭞ᬳᬗᬸᬧᬶᬂᬚᬸᬕᬢᬮᬶᬗᬦ᭄ᬬ᭞ᬅᬦ᭄‌ᬧᬂᬋᬗᭃᬪᭀᬕ᭞ᬪᬹᬢᬧᬶᬰᬵᬘᬬᭀᬦᬶᬦᬶᬂᬢ ᬫᬄᬬᬦ᭄‌ᬫᬗ᭄ᬓᬦ᭞ᬤᬾᬰᬦ᭄ᬬᬵᬗᬫ᭄ᬩᬭ᭞ᬅᬮᬓᬸᬮᬓᬸ᭞ᬢᬦ᭄‌ᬧᭀᬮᬄ᭞ᬬᬾᬓᬲᬶᬦᬗ᭄ᬕᬸᬄᬲᬲᬩᬵᬯᬸᬄ᭞ᬮᬶᬂᬦᬶᬂᬮᭀᬓ᭟ᬦᬳᬦ᭄‌ᬢᬂᬩᬸᬤ᭄ᬥᬶᬢᬫᬄᬓᬦᬶᬱ᭄ᬝᬫᬥ᭄ᬬᬫᭀᬢ᭄ᬢᬫ᭟ᬇᬓᬂᬲᬢ᭄ᬢ᭄ᬯᬭᬚᬄᬢᬫᬄ ᬦᬶᬫᬶᬢ᭄ᬢᬦᬶᬗᬵᬢ᭄ᬫᬵᬧᬢ᭄ᬫᬄᬢ᭄ᬫᬳᬦ᭄᭞ᬦᬳᬦ᭄‌ᬓ᭄ᬭᬫᬦ᭄ᬬᬓᬾᬗᭂᬢᬓ᭄ᬦ᭟ᬬᬦ᭄‌ᬧᬢ᭄ᬫᬸᬇᬓᬂᬪᬹᬢᬬᬓ᭄ᬱ᭞ᬮᬯᬦ᭄‌ᬤᬾᬯᬤᬾᬯᬋᬱᬶᬲᬧ᭄ᬢᬋᬱᬶ᭞ᬧᬜ᭄ᬘᬋᬱᬶ᭞ᬢ᭄ᬭᬶᬧᬸᬭᬸᬱ᭞ᬧ᭄ᬭᬓᬵᬰᬕᭃᬗᬶᬭᬶᬓᬂᬩᬸᬤ᭄ᬥᬶ᭞ᬬᬾᬓᬦᬶ ᬫᬶᬢ᭄ᬢᬦᬶᬗᬵᬢ᭄ᬫᬫᬫᬗ᭄ᬕᬶᬄᬓᬫᬶᬓ᭄ᬱᬦ᭄᭟ᬓᬸᬦᬗᬶᬓᬂᬪᬹᬢᬤ᭄ᬗᭂᬦ᭄‌ᬤᬾᬢ᭄ᬬᬫᬵᬢ᭄ᬭᬧᬢ᭄ᬫᬸᬮᬯᬦ᭄ᬤᬾᬢ᭄ᬬ᭞ᬯᬶᬤ᭄ᬬᬵᬥᬭ᭞ᬤᬾᬯᬢᬵ᭞ᬧ᭄ᬭᬓᬵᬰᬕᭃᬗᬶᬭᬶᬓᬂᬩᬸᬤ᭄ᬥᬶ᭞ᬬᬦᬶᬫᬶᬢ᭄ᬢᬦᬶᬗᬵᬢ᭄ᬫᬵᬫᬫᬗ᭄ᬕᬶᬄᬲ᭄ᬯᬃᬕ᭄ᬕ᭟ [᭑᭘ 18A] ᬓᬸᬦᬗᬶᬭᬶᬓᬂᬪᬹᬢᬓᬵᬮᬧᬢ᭄ᬫᬸᬮᬯᬦ᭄‌ᬭᬵᬓ᭄ᬱᬲ᭞ᬕᬦ᭄ᬥᬃᬯ᭄ᬯ᭞ᬧ᭄ᬭᬓᬵᬰᬕᭃᬗᬶᬭᬶᬓᬂᬩᬸᬤ᭄ᬥᬶ᭞ᬬᬾᬓᬦᬶᬫᬶᬢ᭄ᬢᬦᬶᬗᬵᬢ᭄ᬫᬵᬤᬤ᭄ᬬᬫᬵᬦᬸᬱ᭟ᬓᬸᬦᬗᬶᬓᬂᬪᬹᬢᬧᬶᬰᬵᬘᬫᬢ᭄ᬫᬸᬮᬯᬦ᭄‌ᬭᬵᬓ᭄ᬱᬲ᭞ᬧ᭄ᬭᬓᬵ ᬰᬕᭃᬗᬶᬭᬶᬓᬂᬩᬸᬤ᭄ᬥᬶ᭞ᬬᬾᬓᬦᬶᬫᬶᬢ᭄ᬢᬦᬶᬂᬗᬵᬢ᭄ᬫᬵᬢᬶᬩᬾᬂᬦᬭᬓ᭟ᬓᬸᬦᬂᬗᬶᬓᬂᬬᬦ᭄‌ᬪᬹᬢᬧᬶᬰᬵᬘᬓᬾᬯᬮ᭞ᬧ᭄ᬭᬓᬵᬰᬕᭃᬗᬶᬭᬶᬓᬂᬩᬸᬤ᭄ᬥᬶ᭞ᬬᬾᬓᬦᬶᬫᬶᬢ᭄ᬢᬦᬶᬗᬵᬢ᭄ᬫᬵᬤᬤ᭄ᬬᬢ᭄ᬭᬶᬬᬓ᭄᭟ᬦᬶᬳᬦ᭄ ᬓᬾᬗᭂᬢᬓ᭄ᬦᬯ᭄ᬬᬕ᭄ᬕᬫᬸᬯᬄ᭞ᬦᬶᬫᬶᬢ᭄ᬢᬭᬶᬂᬲᬂᬳ᭄ᬬᬗᬵᬢ᭄ᬫᬵᬫᬧᬮᬾᬦᬦ᭄᭞ᬲᬂᬰᬬᬕᬡᬮ᭄᭞ᬲᬂᬳ᭄ᬬᬂᬢ᭄ᬭᬶᬧᬸᬭᬸᬱ᭞ᬢ᭄ᬭᬶᬧᬸᬢᬸᬱᬗᬭᬦ᭄ᬬ᭞ᬪᬝᬵᬭᬩ᭄ᬭᬳ᭄ᬫᬵ᭞ᬯᬶᬱ᭄ᬡᬸ᭞ᬇᬰ᭄ᬯᬭ᭞ᬲᬶᬭᬢᬧᬶᬦᬓᬵᬤᬶᬲᬢ᭄ᬢ᭄ᬯ᭞ᬇᬓᬢᬗᬵ ᬤᬶᬲᬢ᭄ᬢ᭄ᬯ᭞ᬬᬦ᭄‌ᬧ᭄ᬭᬫᬵᬓᬸᬭᬂᬬᭀᬕ᭞ᬫᬜ᭄ᬘᬋᬱᬶᬢ᭄ᬫᬳᬦ᭄ᬬ᭞ᬧᬜ᭄ᬘᬋᬱᬶᬓᬸᬭᬂᬬᭀᬕ᭞ᬲᬧ᭄ᬢᬋᬱᬶᬢ᭄ᬫᬬᬦ᭄ᬬ᭞ᬲᬋᬋᬱᬶᬓᬸᬭᬂᬬᭀᬕᬤᬾᬯᬋᬱᬶᬢ᭄ᬫᬳᬦ᭄ᬬ᭞ᬤᬾᬯᬋᬱᬶᬓᬸᬭᬂᬬᭀᬕ᭞ᬤᬾᬯᬢᬵ

Auto-transliteration

[17 17B] 17 tayaparicadraridraninglen, makanimittayālmĕḥmangelahanadudūkalmaḥ, dr̥ĕpatayaringtañjakan, hangupingjugatalinganya, anpangr̥ĕngöbhoga, bhūtapiśācayoniningta maḥyanmangkana, deśanyāngambara, alakulaku, tanpolaḥ, yekasinangguḥsasabāwuḥ, lingningloka. nahantangbuddhitamaḥkaniṣṭamadhyamottama. ikangsattwarajaḥtamaḥ nimittaningātmāpatmaḥtmahan, nahankramanyakengĕtakna. yanpatmu'ikangbhūtayakṣa, lawandewadewar̥ĕsyisaptar̥ĕsyi, pañcar̥ĕsyi, tripuruṣa, prakāśagöngirikangbuddhi, yekani mittaningātmamamanggiḥkamikṣan. kunangikangbhūtadngĕndetyamātrapatmulawandetya, widyādhara, dewatā, prakāśagöngirikangbuddhi, yanimittaningātmāmamanggiḥswar̀gga. [18 18A] kunangirikangbhūtakālapatmulawanrākṣasa, gandhar̀wwa, prakāśagöngirikangbuddhi, yekanimittaningātmādadyamānuṣa. kunangikangbhūtapiśācamatmulawanrākṣasa, prakā śagöngirikangbuddhi, yekanimittaningngātmātibengnaraka. kunangngikangyanbhūtapiśācakewala, prakāśagöngirikangbuddhi, yekanimittaningātmādadyatriyak. nihan kengĕtaknawyaggamuwaḥ, nimittaringsanghyangātmāmapalenan, sangśayagaṇal, sanghyangtripuruṣa, triputuṣangaranya, bhaṭārabrahmā, wiṣṇu, iśwara, siratapinakādisattwa, ikatangā disattwa, yanpramākurangyoga, mañcar̥ĕsyitmahanya, pañcar̥ĕsyikurangyoga, saptar̥ĕsyitmayanya, sar̥ĕr̥ĕsyikurangyogadewar̥ĕsyitmahanya, dewar̥ĕsyikurangyoga, dewatā

Leaf 18

Image on Archive.org

[᭑᭘ 18B] ᭑᭘ ᬢ᭄ᬫᬳᬦ᭄ᬬ᭞ᬤᬾᬯᬢᬵᬓᬸᬭᬂᬬᭀᬕ᭞ᬯᬶᬤ᭄ᬬᬵᬥᬭᬢ᭄ᬫᬳᬦ᭄ᬬ᭞ᬯᬶᬤ᭄ᬬᬵᬥᬭᬓᬸᬭᬂᬬᭀᬕ᭞ᬕᬦ᭄ᬥᬃᬯ᭄ᬯᬢ᭄ᬫᬳᬦ᭄ᬬ᭞ᬕᬦ᭄ᬥᬃᬯ᭄ᬯᬓᬸᬭᬂᬬᭀᬕ᭞ᬤᬵᬦ᭄ᬯᬢ᭄ᬫᬳᬦ᭄ᬬ᭞ᬤᬵᬦᬯᬓᬸᬭᬂᬬᭀᬕ᭞ᬤᬾᬢ᭄ᬬᬢ᭄ᬫᬳᬦ᭄ᬬ᭞ᬤᬾ ᬢ᭄ᬬᬓᬸᬭᬂᬬᭀᬕ᭞ᬭᬵᬓ᭄ᬱᬲᬢ᭄ᬫᬳᬦ᭄ᬬ᭞ᬭᬓ᭄ᬱᬲᬓᬸᬭᬂᬬᭀᬕ᭞ᬪᬹᬢᬬᬓ᭄ᬱᬢ᭄ᬫᬳᬦ᭄ᬬ᭞ᬪᬹᬢᬬᬓ᭄ᬱᬓᬸᬭᬂᬬᭀᬕ᭞ᬪᬹᬢᬤ᭄ᬗᭂᬦ᭄‌ᬢ᭄ᬫᬳᬦ᭄ᬬ᭞ᬪᬹᬢᬤ᭄ᬗᭂᬦ᭄‌ᬓᬸᬭᬂᬬᭀᬕ᭞ᬪᬹᬢᬓᬵᬮᬢ᭄ᬫᬳᬦ᭄ᬬ᭞ᬪᬹ ᬢᬓᬵᬮᬓᬸᬭᬂᬬᭀᬕ᭞ᬪᬹᬢᬧᬶᬲᬘᬢ᭄ᬫᬳᬦ᭄ᬬ᭞ᬪᬹᬢᬧᬶᬲᬘᬓᬸᬭᬂᬬᭀᬮ᭞ᬫᬵᬦᬸᬱᬢ᭄ᬫᬳᬦ᭄ᬬ᭞ᬇᬓᬂᬫᬵᬦᬸᬱᬢᬦ᭄‌ᬓᬶᬦᬳᬦᬦ᭄‌ᬤᬾᬦᬶᬂᬚ᭄ᬜᬵᬦᬰᬓ᭄ᬢᬶ᭞ᬅᬧᬦ᭄‌ᬧᬢᬶᬫ᭄ᬩᬸᬦᬦᬶᬂᬳᬮᬳᬬᬸ᭞ᬳ ᬫᬬᬤᬾᬯᬢᬵ᭞ᬭᬶᬂᬫᬵᬦᬸᬱᬰᬓ᭄ᬢᬶ᭞ᬮᬶᬫ᭄ᬧᬤ᭄‌ᬓᬮᬶᬗᬦ᭄‌ᬚᬸᬕᬾᬓᬂᬯᬢᭂᬓ᭄‌ᬤᬾᬯᬢᬵᬫᭀᬦᬸᬱᬓᬸᬭᬂᬬᭀᬕ᭞ᬢ᭄ᬭᬶᬬᬓ᭄‌ᬢ᭄ᬫᬳᬦ᭄ᬬ᭞ᬓᬮᬶᬫᬧ᭄ᬭᬓᬵᬭᬦᬶᬂᬢ᭄ᬭᬶᬬᬓ᭄᭞ᬧᬰᬸᬬᬤᬤᬶᬭᬶᬂᬯᬦ᭄ᬯ᭞ᬫᬺ [᭑᭙ 19A] ᬕᬥᬤᬤᬶᬭᬶᬗᬮᬲ᭄᭞ᬧᬓ᭄ᬱᬷᬬᬤᬤᬶᬭᬶᬂᬲᬃᬯ᭄ᬯᬫᭂᬭ᭄᭞ᬫᬶᬦᬬᬤᬤᬶᬭᬶᬂᬩᬜᬸ᭞ᬧᬶᬧᬷᬮᬶᬓᬵᬗᬭᬦᬶᬂᬲᬢ᭄ᬢ᭄ᬯᬫᬂᬮᬓᬸᬮᬓᬸᬥᬥᬦ᭄ᬬ᭞ᬢᬦᬶᬓᬶᬦᬯ᭄ᬭᬸᬳᬦ᭄‌ᬗᬭᬦ᭄ᬬᬯᬦᬾᬄ᭞ᬬᬾᬓᬇᬓᬂᬲᬶᬦ ᬗ᭄ᬕᬸᬄᬲᬃᬯ᭄ᬯᬓᬸᬫᬶᬮᬶᬧ᭄‌ᬗᬭᬦ᭄ᬬ᭞ᬲᬭᬷᬲᬺᬧᬓᬂᬮᬸᬫᬓ᭄ᬯᬶᬥᬥᬦ᭄ᬬ᭞ᬲ᭄ᬣᬵᬯᬭᬗᬭᬦ᭄ᬬᬫᭀᬮᬄᬭᬶᬂᬗᬸᬗ᭄ᬯᬦ᭄᭞ᬮᬸᬫᬓᬸᬓᬂᬗ᭄ᬮᬸᬭᬸᬫᬸᬭ᭄᭞ᬦᬳᬦ᭄‌ᬢ᭄ᬫᬳᬦ᭄‌ᬲᬂᬳ᭄ᬬᬗᬵᬢ᭄ᬫᬵᬬᬦ᭄‌ᬫᬵᬦᬸᬱᬧ᭄ᬭᬫᬵᬤᬓᬸᬭᬂ ᬬᭀᬕ᭟ᬲᬲ᭄ᬳᬭᬄ᭞ᬢᬦ᭄‌ᬧᬳᬶᬗᬦ᭄‌ᬓᬱ᭄ᬝᬓᬵᬲ᭄ᬬᬲᬶᬄᬲᬂᬳ᭄ᬬᬗᬵᬢ᭄ᬫᬵ᭞ᬢᭂᬳᭂᬍᬃᬍᬩ᭄‌ᬳᬶᬮᬂᬢᬦ᭄ᬯᬮᬸᬬ᭄‌ᬭᬶᬂᬚᬢᬶᬦ᭄ᬬ᭞ᬓᬤᬶᬢᬦ᭄‌ᬧᬳᬶᬥᭂᬧᬦ᭄‌ᬲᬂᬳ᭄ᬬᬗᬵᬢ᭄ᬫᬵ᭞ᬧᬥᬦᬶᬭ᭞ᬓᬤ᭄ᬬᬗ᭄ᬕᬦᬶᬂᬯᬶᬚᬶᬦᬶᬂᬚᬯ ᬲᬯᬶᬚᬶ᭞ᬲᭂᬲᭂᬩᬦ᭄‌ᬢᬬᬧᬭᬲᬾᬯᬸᬦᭂᬦ᭄᭞ᬮ᭄ᬗᭀᬓ᭄ᬦᬭᬶᬂᬲᬫᬸᬤ᭄ᬭ᭞ᬅᬢ᭄ᬬᬦ᭄ᬢᬚᬸᬕᬓᬧᬗ᭄ᬕᬶᬳᬦ᭄ᬬᬭᬶᬂᬚᬵᬢᬶᬦ᭄ᬬᬚᬯ᭞ᬫᬗ᭄ᬓᬦᬢᬲᬂᬳ᭄ᬬᬂᬗᬵᬢ᭄ᬫᬵ᭞ᬬᬦ᭄‌ᬲᬵᬫ᭄ᬧᬸᬦ᭄‌ᬤᬤᬶᬢ᭄ᬭᬶᬬᬓ᭄᭞ᬍᬳᭂᬗ᭄ᬕᬦ᭄ᬬᬇᬓᬂᬤ

Auto-transliteration

[18 18B] 18 tmahanya, dewatākurangyoga, widyādharatmahanya, widyādharakurangyoga, gandhar̀wwatmahanya, gandhar̀wwakurangyoga, dānwatmahanya, dānawakurangyoga, detyatmahanya, de tyakurangyoga, rākṣasatmahanya, rakṣasakurangyoga, bhūtayakṣatmahanya, bhūtayakṣakurangyoga, bhūtadngĕntmahanya, bhūtadngĕnkurangyoga, bhūtakālatmahanya, bhū takālakurangyoga, bhūtapisacatmahanya, bhūtapisacakurangyola, mānuṣatmahanya, ikangmānuṣatankinahanandeningjñānaśakti, apanpatimbunaninghalahayu, ha mayadewatā, ringmānuṣaśakti, limpadkalinganjugekangwatĕkdewatāmonuṣakurangyoga, triyaktmahanya, kalimaprakāraningtriyak, paśuyadadiringwanwa, mr̥ĕ [19 19A] gadhadadiringalas, paksyīyadadiringsar̀wwamĕr, minayadadiringbañu, pipīlikāngaraningsattwamanglakulakudhadhanya, tanikinawruhanngaranyawaneḥ, yeka'ikangsina ngguḥsar̀wwakumilipngaranya, sarīsr̥ĕpakanglumakwidhadhanya, sthāwarangaranyamolaḥringngungwan, lumakukangnglurumur, nahantmahansanghyangātmāyanmānuṣapramādakurang yoga. sasharaḥ, tanpahingankaṣṭakāsyasiḥsanghyangātmā, tĕhĕl̥ĕr̀l̥ĕb'hilangtanwaluyringjatinya, kaditanpahidhĕpansanghyangātmā, padhanira, kadyangganingwijiningjawa sawiji, sĕsĕbantayaparasewunĕn, lngoknaringsamudra, atyantajugakapanggihanyaringjātinyajawa, mangkanatasanghyangngātmā, yansāmpundaditriyak, l̥ĕhĕngganya'ikangda

Leaf 19

Image on Archive.org

[᭑᭙ 19B] ᭑᭙ ᬤᬶᬧᬰᬸ᭞ᬅᬧᬦ᭄‌ᬬᬯ᭄ᬦᬂᬧᬶᬦᬓᬲᬵᬥᬦᬦᬶᬂᬫᬕᬯᬾᬳᬬᬸ᭞ᬇᬓᬂᬤᬤᬶᬧᬶᬧᬶᬮᬶᬓᬵ᭞ᬓᬤ᭄ᬬᬗ᭄ᬕᬦᬶᬂᬢᭂᬢᭂᬓ᭄‌ᬮᬶᬦ᭄ᬢᬄ᭞ᬯ᭄ᬤᬶᬢ᭄᭞ᬯᬭᬬᬂ᭞ᬳᬶᬭᬲ᭄ᬧᭀᬄ᭞ᬲᬮ᭄ᬯᬶᬭᬦᬶᬂᬓᬶᬦᬾᬮᬶᬓᬦ᭄‌ᬤᬾᬫᬵᬦᬸᬱ ᭞ᬧᬶᬲᬦᬶᬗᬸᬬᬦ᭄‌ᬓᭀᬮᬳᬦ᭞ᬮᬯᬦ᭄‌ᬢᬯᬦᬾᬄ᭞ᬇᬓᬂᬢ᭄ᬭᬶᬬᬓ᭄᭞ᬳᬦᬓᬶᬦᬯᭂᬤ᭄ᬬᬦ᭄᭞ᬢᬦᬓᬶᬦᬾᬮᬶᬓᬦ᭄᭞ᬫᬧᬢᬓᬮᬶᬗᬦ᭄ᬬ᭞ᬇᬓᬂᬓᬃᬫ᭄ᬫᬳᬮ᭞ᬓᬦᬶᬱ᭄ᬝ᭟ᬫᬥ᭄ᬬᬫᭀᬢ᭄ᬢᬫ᭞ᬳᬢᬶᬗ᭄ᬓᬄ᭞ᬅ ᬧᬢᬓᬦᬶᬱ᭄ᬝᬦᬶᬂᬫᬕᬯᬾᬬᬮ᭞ᬇᬓᬂᬯᭀᬂᬓᬮᬸᬧᬸᬢᬦ᭄‌ᬤᬾᬦᬶᬂᬓ᭄ᬭᭀᬤᬦ᭄ᬬ᭞ᬤᬤᬶᬲᬵᬳ᭄ᬲ᭞ᬘᬧᬮ᭞ᬫᬗ᭄ᬓᬦᬢᬯ᭄ᬯᬗᬫᬸᬓ᭄ᬢ᭄ᬬᬧᬕᬯᬾᬦ᭄ᬬᬳᬮ᭞ᬬᬢᬢᬶᬕᬵᬭᬶᬂᬦᬭᬓ᭞ᬳᭂᬦ᭄ᬢᬲ᭄ᬦ᭄ᬬᬲᬗ᭄ᬓᬾᬭᬶ ᬓ᭞ᬬᬾᬓᬯᬶᬦᬾᬄᬤᬤᬶᬫᬵᬦᬸᬱᬤᬾᬲᬂᬬᬫᬩᬮ᭞ᬢᬦ᭄‌ᬧᬥᬭᬹᬧᬦ᭄ᬬᬮᬯᬦ᭄‌ᬲᬂᬲᬵᬥᬸ᭞ᬬᬾᬓᬶᬯᬶᬓᬵᬭᬚᬦ᭄ᬫᬗᬭᬦ᭄ᬬ᭞ᬓᬳᬦᬦ᭄‌ᬘᬾᬤ᭞ᬲᬮ᭄ᬯᬶᬭᬦᬶᬂᬘᬾᬤ᭞ᬫᬓᬨᬮᬦᬶᬂᬓᬦᬶᬱ᭄ᬝᬤᬾ [᭒᭐ 20A] ᬦᬶᬂᬕᬯᬾᬦ᭄ᬬᬵᬮ᭟ᬦᬶᬳᬦᬶᬓᬂᬯ᭄ᬯᬂ᭞ᬫᬥ᭄ᬬᬤᬾᬦ᭄ᬬᬵᬕᬯᬾᬳᬮᬫᬓᬦᬶᬫᬶᬢ᭄ᬢᬤᬾᬦᬶᬂᬓᬲ᭄ᬯᬵᬲᬶᬄᬦ᭄ᬬ᭞ᬢᬦᬦᬧᬗᬦᭂᬦ᭄ᬬᬲᬡ᭄ᬥᬗᭂᬦ᭄ᬬ᭞ᬫᬗ᭄ᬓᬦᬓᬵᬭᬡᬦ᭄ᬬᬵᬕᬯᬾᬳᬮ᭞ᬮᬸᬫᬓᬸᬫᬮᬶᬂᬧᬭᬘᬶ ᬤ᭄ᬭᬭᬶᬂᬤᬺᬩ᭄ᬬᬲᬂᬲᬵᬥᬸ᭞ᬲᬓᬵᬭᬡᬦ᭄ᬬᬫᬗᬫ᭞ᬧ᭄ᬚᬄᬧ᭄ᬯᬬᬫᬲᬸᬭᬸᬗᬸᬮᬄᬦ᭄ᬬᬫᬗ᭄ᬓᬦ᭞ᬤᬸᬫᬸᬦᬸᬢᬬᬭᬶᬂᬦᬭᬓ᭞ᬳᭂᬦ᭄ᬢᬲᬦ᭄ᬬᬲᬗ᭄ᬓᬾᬦᬭᬓ᭞ᬯᬶᬦᬾᬄᬢᬬᬤᬤᬶᬢ᭄ᬭᬶᬬᬓ᭄‌ᬤᬾᬲᬂᬬᬫᬩᬮ᭞ᬦ᭄ᬤᬦᬶ ᬓᬂᬢ᭄ᬭᬶᬬᬓ᭄‌ᬓᬂᬯ᭄ᬦᬂᬧᬶᬦᬗᬦ᭄᭞ᬯ᭄ᬦᬂᬧᬶᬦᬗᬦ᭄‌ᬧᬶᬦᬓᬲᬵᬥᬦᬦᬶᬗᬕᬯᬾᬬᬚ᭄ᬜᬢᬯᬸᬭ᭄᭞ᬧᬶᬦᬾᬄᬫᬗ᭄ᬓᬦᬯᬵᬲᬦᬦ᭄ᬬ᭞ᬦᬳᬦ᭄‌ᬫᬥ᭄ᬬᬦᬶᬂᬨᬮᬦᬶᬂᬕᬯᬾᬦ᭄ᬬᬳᬮ᭟ᬦᬶᬳᬦᬸᬢ᭄ᬢᬫᬦᬶᬂᬕᬯᬾᬦ᭄ᬬ ᬳᬮ᭞ᬦ᭄ᬤᬫᬓᬦᬶᬫᬶᬢ᭄ᬢᬦ᭄‌ᬤᬾᬦᬶᬂᬗᬳᬗ᭄ᬓᬵᬭᬦ᭄ᬬ᭞ᬤᬾᬦᬶᬂᬮᭀᬪᬦ᭄ᬬ᭞ᬤᬾᬦᬶᬂᬫᭀᬳᬦ᭄ᬬ᭞ᬤᬾᬦᬶᬂᬤᬫ᭄ᬪᬦ᭄ᬬᬫ᭄ᬯᬂᬳᬶᬭᬶᬱ᭄ᬬᬚ᭄ᬜᬵ᭞ᬢᬦ᭄‌ᬯᬯᬲᭂᬳᬦ᭄᭞ᬢᬸᬳᬸᬍᬢᬸᬄᬦᬶᬂᬚ᭄ᬜᬵᬦᬦ᭄ᬬ᭞ᬧᭀᬭᬧᬸᬭᬶᬤᬾᬦ᭄ᬬ

Auto-transliteration

[19 19B] 19 dipaśu, apanyawnangpinakasādhananingmagawehayu, ikangdadipipilikā, kadyangganingtĕtĕklintaḥ, wdit, warayang, hiraspoḥ, salwiraningkinelikandemānuṣa , pisaninguyankolahana, lawantawaneḥ, ikangtriyak, hanakinawĕdyan, tanakinelikan, mapatakalinganya, ikangkar̀mmahala, kaniṣṭa. madhyamottama, hatingkaḥ, a patakaniṣṭaningmagaweyala, ikangwongkaluputandeningkrodanya, dadisāhsa, capala, mangkanatawwangamuktyapagawenyahala, yatatigāringnaraka, hĕntasnyasangkeri ka, yekawineḥdadimānuṣadesangyamabala, tanpadharūpanyalawansangsādhu, yekiwikārajanmangaranya, kahananceda, salwiraningceda, makaphalaningkaniṣṭade [20 20A] ninggawenyāla. nihanikangwwang, madhyadenyāgawehalamakanimittadeningkaswāsiḥnya, tananapanganĕnyasaṇdhangĕnya, mangkanakāraṇanyāgawehala, lumakumalingparaci draringdr̥ĕbyasangsādhu, sakāraṇanyamangama, pjaḥpwayamasurungulaḥnyamangkana, dumunutayaringnaraka, hĕntasanyasangkenaraka, wineḥtayadaditriyakdesangyamabala, ndani kangtriyakkangwnangpinangan, wnangpinanganpinakasādhananingagaweyajñatawur, pineḥmangkanawāsananya, nahanmadhyaningphalaninggawenyahala. nihanuttamaninggawenya hala, ndamakanimittandeningngahangkāranya, deninglobhanya, deningmohanya, deningdambhanyamwanghiriṣyajñā, tanwawasĕhan, tuhul̥ĕtuḥningjñānanya, porapuridenya

Leaf 20

Image on Archive.org

[᭒᭐ 20B] ᭒᭐ ᬫᬕᬯᬾᬳᬮ᭞ᬳᬫ᭄ᬭᬂᬯᭀᬂᬢᬦ᭄ᬧᬤᭀᬱ᭞ᬳᬗᬶᬯᬢᬤᭀᬮ᭄‌ᬯᭀᬂᬢᬦ᭄‌ᬧᬤᭀᬱ᭞ᬫᬾᬯᬾᬄᬮᬭᬵᬫ᭄ᬗᭂᬓᬶᬂᬧᬭ᭞ᬅᬫᬗᬦ᭄‌ᬧᬥᬦᬾᬯᭀᬂᬳᬭᬦ᭄ᬬ᭞ᬇᬓᬢᬚᬦ᭄ᬫᬫᬗ᭄ᬓᬦᬓ᭄ᬭᬫᬦ᭄ᬬ ᭞ᬲᬓᬵᬮᬚᬸᬕᬓᬶᬦᬾᬮᬶᬓᬦ᭄᭞ᬓᬶᬦᬭᬶᬱ᭄ᬬᬦ᭄‌᭞ᬓᬶᬦᬯᭂᬤ᭄ᬬᬦ᭄‌ᬤᬾᬦᬶᬂᬲᬫᬦ᭄ᬬᬫᬵᬦᬸᬱ᭞ᬲᬧᬭᬦ᭄ᬬᬳᬲᬶᬂᬲᬓᬳᬦᬦ᭄ᬬᬚᬸᬕᬧᬶᬦᬍᬳᬶᬦᬗ᭄ᬮᬸᬄ᭞ᬧ᭄ᬚᬄᬧ᭄ᬯᬯ᭄ᬯᬂᬫᬗ᭄ᬓᬦ᭞ᬓ᭄ᬭᬫᬦ᭄ᬬᬢᬦ᭄ ᬤᭀᬄᬤᬸᬫᬸᬦᬸᬂᬫᬭᬶᬂᬦᬭᬓ᭞ᬳᭂᬦ᭄ᬢᬲ᭄ᬦ᭄ᬬᬲᬗ᭄ᬓᬾᬗ᭄ᬓᬵᬦ᭞ᬯᬶᬦᬾᬄᬢᬬᬤᬤᬶᬢ᭄ᬭᬶᬬᬓ᭄᭞ᬤᬾᬲᬂᬬᬫᬩᬮ᭞ᬦ᭄ᬤᬦᬳᬦ᭄‌ᬢ᭄ᬫᬳᬦ᭄ᬬ᭞ᬲᬮ᭄ᬯᬶᬭᬦᬶᬂᬢ᭄ᬭᬶᬬᬓ᭄‌ᬓᬶᬦᬾᬮᬶᬓᬾᬮᬶᬓᬦ᭄᭞ᬓᬶᬦᬭᬶᬱ᭄ᬬᬦ᭄᭞ᬓᬶ ᬦᬯᭂᬤ᭄ᬬᬦ᭄‌ᬤᬾᬦᬶᬂᬫᬵᬦᬸᬱ᭞ᬬᬾᬓᬧᬶᬦᬓᬚᬦ᭄ᬫᬦ᭄ᬬ᭞ᬦᬳᬦ᭄‌ᬨᬮᬦᬶᬓᬉᬢ᭄ᬢᬫᬦᬶᬂᬕᬯᬾᬦ᭄ᬬᬳᬮ᭞ᬍᬯᬶᬄᬯᬶᬯᬭᬷᬢᬦ᭄ᬬ᭞ᬢᬦ᭄ᬧᬲᬶᬂᬓᬚᬦ᭄ᬫᬦ᭄ᬬᬲᬂᬳ᭄ᬬᬗᬵᬢ᭄ᬫᬵ᭞ᬧᬶᬲᬦᬶᬗᬸᬯ᭄ᬭᬸᬳᬭᬶᬂᬓ [᭒᭑ 21A] ᬮᬶᬗᬦᬶᬂᬤᬤᬶᬦ᭄ᬬ᭞ᬬᬧ᭄ᬯᬦ᭄‌ᬳᬦᬕᬫᬦ᭄ᬬᬯ᭄ᬦᬂᬢᬸᬫᬓ᭄ᬯᬦᬓ᭄ᬦᬓᬮᬶᬗᬦᬶᬗᬥᬫᬦ᭄ᬬᬭᬶᬂᬲᬂᬧᬡ᭄ᬥᬶᬢ᭟ᬅᬧᬦᬶᬫᬶᬢ᭄ᬢᬦᬶᬂᬧᬜ᭄ᬘᬢ᭄ᬭᬶᬬᬓ᭄᭞ᬲᬢᬶᬗ᭄ᬓᬄᬦᬶᬂᬫᬵᬦᬸᬱᬫᬕᬯᬾᬳᬮᬭᬶᬬ᭞ᬫᬢᬂᬦ᭄ᬬᬳᬕ ᬯᬾᬬᬧᬭᬭᬶᬂᬫᬵᬦᬸᬱ᭞ᬧᬕᬯᬾᬬᬳᬶᬭᬶᬓᬂᬢ᭄ᬭᬶᬬᬓ᭄᭟ᬬᬦ᭄‌ᬫᬗ᭄ᬓᬦᬮᬶᬗᬲᬂᬧᬭ᭞ᬦ᭄ᬤᬦᬶᬳᬦ᭄ᬧᬶᬄᬧᬋᬂᬫᬶᬚᬶᬮᬶᬓᬂᬪᬸᬯᬦ᭞ᬇᬓᬂᬧᬜ᭄ᬘᬢ᭄ᬭᬶᬬᬓ᭄᭞ᬢᬦᬸᬘᬧᭂᬦᬶᬓᬂᬲ᭄ᬯᬃᬕ᭄ᬕᬦᬭᬓ᭞ᬗᬸᬦᬶᬯᬾᬄᬇᬓᬂ ᬲᬃᬯ᭄ᬯᬚᬦ᭄ᬫᬳᬮᬳᬬᬸ᭞ᬅᬦ᭄‌ᬧᬶᬦᬓᬲᬚᬦᬶᬂᬪᬸᬯᬦᬕᬢᬶᬦ᭄ᬬ᭞ᬇᬓᬂᬲ᭄ᬯᬃᬕ᭄ᬕᬨᬮᬦᬶᬂᬫᬕᬯᬾᬯᬳᬬᬸ᭞ᬇᬓᬂᬦᬭᬓᬨᬮᬦᬶᬂᬫᬕᬯᬾᬳᬮ᭞ᬳᭂᬦ᭄ᬢᬲ᭄ᬦ᭄ᬬᬲᬗ᭄ᬓᬾᬭᬶᬓ᭞ᬇᬭᬶᬓᬢᬬᬦ᭄‌ᬧᬂᬚ ᬦ᭄ᬫᬢ᭄ᬭᬶᬬᬓ᭄᭞ᬅᬧᬦᬸᬮᬶᬄᬦ᭄ᬬᬵᬕᬯᬾᬳᬮ᭞ᬲᬂᬓ᭄ᬱᬾᬧᬦ᭄ᬬ᭞ᬲᬚᬶᬦᬶᬂᬪᬸᬯᬦᬚᬸᬕᬾᬓᬂᬳᬮᬳᬬᬸ᭞ᬉᬫᬗ᭄ᬓᬦᬫᬭᬓᬫᬶᬗ᭄ᬓᬾᬢ᭄ᬭᬶᬮᭀᬓ᭞ᬫᬂᬳᬶᬥᭂᬧ᭄‌ᬲᬸᬦᬤᬸᬄᬦ᭞ᬮᬭᬵᬮᬧ᭞ᬧᬦᬲ᭄ᬢᬷᬲ᭄

Auto-transliteration

[20 20B] 20 magawehala, hamrangwongtanpadoṣa, hangiwatadolwongtanpadoṣa, meweḥlarāmngĕkingpara, amanganpadhanewongharanya, ikatajanmamangkanakramanya , sakālajugakinelikan, kinariṣyan, kinawĕdyandeningsamanyamānuṣa, saparanyahasingsakahananyajugapinal̥ĕhinangluḥ, pjaḥpwawwangmangkana, kramanyatan doḥdumunungmaringnaraka, hĕntasnyasangkengkāna, wineḥtayadaditriyak, desangyamabala, ndanahantmahanya, salwiraningtriyakkinelikelikan, kinariṣyan, ki nawĕdyandeningmānuṣa, yekapinakajanmanya, nahanphalanika'uttamaninggawenyahala, l̥ĕwiḥwiwarītanya, tanpasingkajanmanyasanghyangātmā, pisaninguwruharingka [21 21A] linganingdadinya, yapwanhanagamanyawnangtumakwanaknakalinganingadhamanyaringsangpaṇdhita. apanimittaningpañcatriyak, satingkaḥningmānuṣamagawehalariya, matangnyahaga weyapararingmānuṣa, pagaweyahirikangtriyak. yanmangkanalingasangpara, ndanihanpiḥpar̥ĕngmijilikangbhuwana, ikangpañcatriyak, tanucapĕnikangswar̀gganaraka, nguniweḥikang sar̀wwajanmahalahayu, anpinakasajaningbhuwanagatinya, ikangswar̀ggaphalaningmagawewahayu, ikangnarakaphalaningmagawehala, hĕntasnyasangkerika, irikatayanpangja nmatriyak, apanuliḥnyāgawehala, sangksyepanya, sajiningbhuwanajugekanghalahayu, umangkanamarakamingketriloka, manghidhĕpsunaduḥna, larālapa, panastīs

Leaf 21

Image on Archive.org

[᭒᭑ 21B] ᭒᭑ ᭞ᬢᬸᬳᬧᬢᬶ᭞ᬲᬚᬶᬦᬶᬂᬚᬦ᭄ᬫᬫᬗ᭄ᬓᬦ᭞ᬦᭀᬳᬦ᭄‌ᬯᭀᬕᬦ᭄᭞ᬬᬢᬫᬢᬂᬦ᭄ᬬᬦ᭄‌ᬢᬦ᭄‌ᬳᬦᬓᬲᬂᬰᬬᬫᬫᬷ᭞ᬅᬧᬦ᭄‌ᬲᬚᬶᬦᬶᬂᬪᬸᬯᬦᬓᬫᬶᬤᬾᬪᬝᬵᬭ᭞ᬫᬵᬢᬶᬫᬂᬚᬦ᭄ᬫᬫ᭄ᬯᬄ᭞ᬚᬵᬢᬶᬦ᭄ᬬ ᬫᬗ᭄ᬓᬦ᭟ᬦ᭄ᬤᬄᬬᬢᬶᬓᬶᬤᭀᬦᬲᬂᬳ᭄ᬬᬂᬢᬢ᭄ᬢ᭄ᬯᬚ᭄ᬜᬵᬦ᭞ᬅᬧᬦ᭄‌ᬧᬶᬦᬶᬦ᭄ᬢᭀᬦᬓᭂᬦ᭄‌ᬭᬶᬓᬶᬢᬓᬫᬸᬂᬧᬭ᭞ᬬᬢᬫᬢᬂᬦ᭄ᬬᬦ᭄᭞ᬬᬢᬫᬵᬃᬬ᭄ᬬᬫᬓᬚᬵᬢᬶᬦ᭄ᬬᬫᬗ᭄ᬓᬦᬾᬓᬂᬭᬵᬢ᭄᭞ᬬᬦ᭄‌ᬯ᭄ᬭᬸᬳᬓᬶᬢᬭᬸ ᬫᬲᬾ᭞ᬭᬸᬫᭂᬗᭃ᭞ᬭᬲᬲᬂᬳ᭄ᬬᬂᬢᬢ᭄ᬢ᭄ᬯᬚ᭄ᬜᬵᬦ᭞ᬬᬧ᭄ᬯᬦ᭄ᬏᬦᬓᬢᬫ᭄ᬯᬦᬶᬭᬲᬂᬳ᭄ᬬᬂᬢᬢ᭄ᬢ᭄ᬯᬚ᭄ᬜᬵᬦ᭞ᬤᬾᬦᬶᬓᬂᬭᬵᬢ᭄᭞ᬬᬾᬓᬲᬗ᭄ᬓᬦᬶᬂᬢᬸᬢᬸᬃᬦ᭄ᬬ᭞ᬕᬸᬫᬯᬬᬓ᭄ᬦᬭᬲᬦᬶᬂᬧ᭄ᬭᬬᭀᬕᬲᬦ᭄ᬥᬶ᭞ᬫᬓᬲᬸᬮᬸᬄ ᬢᬂᬲᬫ᭄ᬬᬕ᭄ᬚᬜᬦᬦ᭄᭞ᬫᬓᬪᬹᬫ᭄ᬬᬩ᭄ᬭᬢ᭞ᬢᬧ᭞ᬬᭀᬕ᭞ᬲᬫᬵᬥᬶ᭞ᬬᬾᬓᬢᬫ᭄ᬗᬵᬦᬶᬗᬵᬢ᭄ᬫᬵᬲᬂᬲᬵᬭ᭟ᬇᬓᬗᬵᬢ᭄ᬫᬵ᭞ᬦ᭄ᬤ᭄ᬬᬫᬂᬳᬶᬥᭂᬧ᭄‌ᬲᬂᬲᬵᬭ᭞ᬓᬾᬯ᭄ᬯᬦ᭄‌ᬗ᭄ᬫᬶᬂᬭᬸᬫᬲᬾᬲᬂᬳ᭄ᬬᬂᬢᬢ᭄ᬢ᭄ᬯᬚ᭄ᬜᬵᬦ᭞ᬅ [᭒᭒ 22A] ᬭᬄ᭞ᬅᬧᬦ᭄‌ᬲᬶᬦᬗ᭄ᬕ᭄ᬯᬲ᭄ᬣᬶᬢ᭄ᬲᬂᬳ᭄ᬬᬗᬵᬢ᭄ᬫᬵᬳᬦᬭᬶᬂᬢᬹᬃᬬ᭄ᬬᬧᬤ᭞ᬢ᭄ᬮᬲ᭄‌ᬓᬭᬸᬳᬸᬦ᭄‌ᬪᬝᬵᬭᬫᬳᬸᬮᬸᬦ᭄᭞ᬲᬶᬦᬗ᭄ᬕᬸᬄᬯ᭄ᬬᬵᬧᬶᬯ᭄ᬬᬵᬧᬓᬲᬶᬭᬳᬦᬭᬶᬂᬦᬶᬱ᭄ᬓᬮ᭞ᬓ᭄ᬭᬶᬬᬵᬰᬓ᭄ᬢᬶᬪᬝᬵᬭ᭞ᬉᬫᬵᬯᬾᬰᬇᬓᬗ ᬳᬗ᭄ᬓᬵᬭ᭞ᬇᬓᬗᬳᬗ᭄ᬓᬵᬭ᭞ᬉᬫᬵᬯᬾᬰᬇᬓᬂᬯᬵᬬᬸ᭞ᬇᬓᬂᬯᬵᬬᬸᬬᬢᬲᬸᬫᬸᬲᬸᬓᬶᬂᬦᬵᬥᬷ᭞ᬇᬓᬂᬦᬵᬥᬶᬬᬢᬲᬹᬓ᭄ᬱ᭄ᬫᬭᬶᬂᬰᬭᬷᬭ᭞ᬇᬓᬂᬰᬭᬷᬭᬬᬫᬂᬳᬶᬥᭂᬧᬜ᭄ᬘᬕᬢᬶᬲᬂᬲᬵᬭ᭞ᬦᬶᬬᬢᬦ᭄ᬬᬚᬸ ᬕᬾᬪᬝᬵᬭ᭞ᬇᬓᬂᬫᬂᬳᬶᬥᭂᬧ᭄‌ᬲᬂᬲᬵᬭ᭞ᬬᬦ᭄‌ᬫᬗ᭄ᬓᬦ᭞ᬫᬶᬮᬸᬤᬤᬶᬢ᭄ᬭᬶᬬᬓ᭄᭟ᬲᬸᬕ᭄ᬬᬦ᭄‌ᬫᬗ᭄ᬓᬦᬮᬶᬗᬲᬂᬧᬭ᭞ᬦ᭄ᬤᬦ᭄‌ᬢᬳᬫ᭄‌ᬧᬶᬄ᭞ᬦᬳᬦ᭄‌ᬤᬺᬱ᭄ᬝᭀᬧᬫᬓᬤ᭄ᬬᬗ᭄ᬕᬦᬶᬗᬧᬡ᭄ᬥᬾᬯ᭄ᬲᬶ᭞ᬯ᭄ᬲᬶᬕᬶᬦ ᬯᬾᬦ᭄ᬬ᭞ᬇᬓᬂᬧ᭄ᬭᬩᭀᬢᬦᬾᬓᬮ᭄ᬯᬶᬃᬦ᭄ᬬ᭞ᬧᬭᬦ᭄᭞ᬧᬮᬸ᭞ᬲᬸᬧᬶᬢ᭄᭞ᬓᬶᬓᬶᬭ᭄᭞ᬅᬲᬶᬂᬧ᭄ᬲᬶᬚᬸᬕᬓᬢᬸᬗ᭄ᬕᬮᬦ᭄ᬬ᭞ᬫᬗ᭄ᬓᬦᬢᬂᬯ᭄ᬲᬶᬓᬢᬶ᭞ᬕᬶᬦᬯᬾᬦᬥ᭄ᬕᬤᬾᬲᬂᬧᬡ᭄ᬥᬾ᭞ᬇᬓᬂᬦᬥ᭄ᬕᬫᬓ᭄ᬯᬾᬄᬮ᭄ᬯᬶᬃᬦ᭄ᬬ᭞

Auto-transliteration

[21 21B] 21 , tuhapati, sajiningjanmamangkana, nohanwogan, yatamatangnyantanhanakasangśayamamī, apansajiningbhuwanakamidebhaṭāra, mātimangjanmamwaḥ, jātinya mangkana. ndaḥyatikidonasanghyangtattwajñāna, apanpinintonakĕnrikitakamungpara, yatamatangnyan, yatamār̀yyamakajātinyamangkanekangrāt, yanwruhakitaru mase, rumĕngö, rasasanghyangtattwajñāna, yapwanenakatamwanirasanghyangtattwajñāna, denikangrāt, yekasangkaningtutur̀nya, gumawayaknarasaningprayogasandhi, makasuluḥ tangsamyagjañanan, makabhūmyabrata, tapa, yoga, samādhi, yekatamngāningātmāsangsāra. ikangātmā, ndyamanghidhĕpsangsāra, kewwanngmingrumasesanghyangtattwajñāna, a [22 22A] raḥ, apansinanggwasthitsanghyangātmāhanaringtūr̀yyapada, tlaskaruhunbhaṭāramahulun, sinangguḥwyāpiwyāpakasirahanaringniṣkala, kriyāśaktibhaṭāra, umāweśa'ikanga hangkāra, ikangahangkāra, umāweśa'ikangwāyu, ikangwāyuyatasumusukingnādhī, ikangnādhiyatasūkṣmaringśarīra, ikangśarīrayamanghidhĕpañcagatisangsāra, niyatanyaju gebhaṭāra, ikangmanghidhĕpsangsāra, yanmangkana, miludaditriyak. sugyanmangkanalingasangpara, ndantahampiḥ, nahandr̥ĕṣṭopamakadyangganingapaṇdhewsi, wsigina wenya, ikangprabotanekalwir̀nya, paran, palu, supit, kikir, asingpsijugakatunggalanya, mangkanatangwsikati, ginawenadhgadesangpaṇdhe, ikangnadhgamakweḥlwir̀nya,

Leaf 22

Image on Archive.org

[᭒᭒ 22B] ᭒᭒ ᬅᬦᬦᬥ᭄ᬕᬧᬶᬦᬓᬕᬫᬦ᭄ᬕᬫᬦ᭄‌ᬲᬂᬧᬡ᭄ᬥᬶᬢ᭞ᬬᬬᬢᬄᬦᬥ᭄ᬕᬚᬸᬕᬓᬲᬂᬚ᭄ᬜᬵᬦ᭄ᬬᬓᬩᬾᬄ᭞ᬬᬵᬯᬢ᭄‌ᬯ᭄ᬲᬶᬫᬮᬡ᭄ᬥᭂᬧ᭄᭞ᬢᬵᬯᬢ᭄‌ᬦᬥ᭄ᬕᬚᬸᬕᬓᬲᬂᬚ᭄ᬜᬵᬦ᭄ᬬ᭞ᬢᬸᬳᬸᬦ᭄‌ᬕᬯᬾᬦ᭄ᬬᬚᬸᬕᬤᬸᬤᬹ᭞ ᬇᬓᬂᬦᬥ᭄ᬕᬳᬦᬾᬂᬲᬂᬧ᭄ᬭᬪᬶ᭞ᬓᬤ᭄ᬬᬗ᭄ᬕᬦᬶᬂᬘᬸᬭᬶᬓ᭄᭞ᬫᬮᬮ᭄ᬬᬰᬗ᭄ᬓᬸᬄ᭞ᬧᬶᬦᬓᬲᬵᬤᬦᬦᬶᬗᬧ᭄ᬭᬂᬫᬗᬮᬧ᭄‌ᬳᬸᬭᬶᬧᬓ᭄ᬦᬦ᭄ᬬ᭞ᬇᬓᬂᬦᬥ᭄ᬕᬳᬦᬭᬶᬂᬯᭀᬂᬢᬦᬶ᭞ᬓᬤ᭄ᬬᬗ᭄ᬕᬦᬶᬂᬮᬸᬓᬾ᭞ᬧᬺᬓᬸᬮ᭄᭞ᬧᬶᬦᬓᬲᬵ ᬥᬦᬦᬶᬂᬗᬫᬶᬚᬶᬮᬓᭂᬦ᭄‌ᬓᬃᬫᭀᬧᬚᬷᬯ᭞ᬧᬓ᭄ᬦᬦ᭄ᬬ᭞ᬇᬓᬂᬦᬥ᭄ᬕᬳᬦᬭᬶᬂᬲᬂᬧᬡ᭄ᬥᬶᬢ᭞ᬓᬤ᭄ᬬᬗ᭄ᬕᬦᬶᬂᬧᬓᬶᬲᬶ᭞ᬓᬃᬢ᭄ᬭᬶ᭞ᬓᬭᬬᬸ᭞ᬧᬶᬦᬓᬲᬵᬥᬦᬦᬶᬗᬫᬶᬲᭀ᭞ᬧᬗ᭄ᬭᬶᬧᬓ᭄ᬦᬦ᭄ᬬ᭞ᬦ᭄ᬤᬦ᭄‌ᬦᬥ᭄ᬕ ᬚᬸᬕᬢᬸᬫᬫ᭄ᬧᬸᬄᬭᬶᬂᬳᬮᬳᬬᬸ᭞ᬓᬸᬦᬗᬶᬓᬂᬧ᭄ᬭᬩ᭄ᬯᬢ᭄‌ᬧᬶᬄ᭞ᬢᬦ᭄‌ᬫᬶᬮᬸᬇᬓᬢᬸᬫᬫ᭄ᬧᬸᬄᬭᬶᬂᬳᬮᬳᬬᬸ᭞ᬢᬸᬳᬸᬦ᭄‌ᬧᬶᬦᬓᬧᬕᬯᬾᬚᬸᬕᬳᬦᬦ᭄ᬬ᭞ᬢ᭄ᬮᬲ᭄‌ᬓᬭᬸᬳᬸᬦ᭄‌ᬲᬂᬧᬡ᭄ᬥᬾ᭞ᬯ᭄ᬬᬵᬧᬷᬯ᭄ᬬᬵᬧ [᭒᭓ 23A] ᬓᬚᬸᬕᬾᬲᬂᬧᬡ᭄ᬥᬾ᭞ᬇᬘ᭄ᬙᬵᬦᬶᬂᬫᬦᬄᬲᬂᬧᬡ᭄ᬥᬾᬚᬸᬕ᭞ᬕᬸᬫᬯᬾᬇᬓᬂᬯ᭄ᬲᬶᬓᬢᬶ᭞ᬲᬂᬧᬡ᭄ᬥᬾᬚᬸᬕᬯ᭄ᬭᬸᬳᬶᬢ᭄ᬫᬳᬦᬶᬓᬂᬯ᭄ᬲᬶᬓᬢᬶ᭞ᬅᬦ᭄‌ᬫᬓᬲᬵᬥᬦᬳᬶᬥᭂᬧ᭄‌ᬦᬶᬭ᭞ᬫᬓᬧᬕᬯᬾᬇᬓᬂᬧ᭄ᬭᬩ᭄ᬯ ᬢ᭄᭞ᬧ᭄ᬭᬩ᭄ᬯᬢ᭄‌ᬢᬬᬦ᭄‌ᬧᬕᬯᬾᬲᬂᬧᬡ᭄ᬥᬾᬫᭀᬮᬳᬓ᭄ᬦᬾᬓᬂᬧ᭄ᬭᬩᭀᬢ᭄᭞ᬬᬦ᭄‌ᬫᬭᬵᬃᬬ᭄ᬬᬦ᭄‌ᬲᬂᬧᬡ᭄ᬥᬾ᭞ᬉᬫ᭄ᬦᭂᬂᬧ᭄ᬭᬩ᭄ᬯᬢ᭄ᬇᬓ᭞ᬲ᭄ᬣᬶᬢᬶᬳᬦᬭᬶᬧᬓᭂᬓᭂᬲᬦ᭄ᬬ᭟ᬅᬮᬶᬳᬓ᭄ᬦᬧ᭄ᬯᬢᬮᬶᬗᬧᬗ᭄ᬭᬗᭃ᭞ᬫ ᬗ᭄ᬓᬦᬢᬪᬝᬵᬭᬫᬳᬸᬮᬸᬦ᭄᭞ᬳᬦᬯ᭄ᬬᬵᬧᬓᬚᬸᬕᬲᬶᬭ᭞ᬘᬾᬢᬦᬦᬶᬭᬚᬸᬕ᭞ᬕᬸᬫᬯᬬᬓᬂᬲᬃᬯ᭄ᬯᬚᬦ᭄ᬫᬓᬩᬾᬄ᭞ᬅᬦ᭄‌ᬫᬓᬲᬵᬥᬦᬾᬓᬂᬓ᭄ᬭᬶᬬᬵᬰᬓ᭄ᬢᬶᬪᬝᬵᬭ᭞ᬫᬓᬧᬕᬯᬾᬇᬓᬗᬵᬢ᭄ᬫᬵᬳᬦᬭᬶᬂ ᬢᬹᬃᬬ᭄ᬬᬧᬤ᭞ᬮᬯᬦᬶᬓᬗᬵᬢ᭄ᬫᬵᬳᬦᬭᬶᬂᬚᬵᬕ᭄ᬭᬧᬤ᭞ᬅᬦ᭄‌ᬕᬸᬫᬯᬾᬬᬾᬓᬗᬵᬢ᭄ᬫᬵᬕᬦᬭᬶᬂᬲᬸᬧ᭄ᬢᬧᬤ᭞ᬯᬶᬦᬾᬄᬦᬶᬭᬫᬂᬳᬶᬥᭂᬧᬯᬜ᭄ᬘᬕᬢᬶᬲᬂᬲᬵᬭ᭞ᬲᬸᬦᬤᬸᬄᬦ᭞ᬮᬭᬮᬧ᭞ᬧᬦᬲ᭄ᬢᬷᬲ᭄᭞ᬢᬸ

Auto-transliteration

[22 22B] 22 ananadhgapinakagaman'gamansangpaṇdhita, yayataḥnadhgajugakasangjñānyakabeḥ, yāwatwsimalaṇdhĕp, tāwatnadhgajugakasangjñānya, tuhun'gawenyajugadudū, ikangnadhgahanengsangprabhi, kadyangganingcurik, malalyaśangkuḥ, pinakasādananingaprangmangalap'huripaknanya, ikangnadhgahanaringwongtani, kadyangganingluke, pr̥ĕkul, pinakasā dhananingngamijilakĕnkar̀mopajīwa, paknanya, ikangnadhgahanaringsangpaṇdhita, kadyangganingpakisi, kar̀tri, karayu, pinakasādhananingamiso, pangripaknanya, ndannadhga jugatumampuḥringhalahayu, kunangikangprabwatpiḥ, tanmilu'ikatumampuḥringhalahayu, tuhunpinakapagawejugahananya, tlaskaruhunsangpaṇdhe, wyāpīwyāpa [23 23A] kajugesangpaṇdhe, icchāningmanaḥsangpaṇdhejuga, gumawe'ikangwsikati, sangpaṇdhejugawruhitmahanikangwsikati, anmakasādhanahidhĕpnira, makapagawe'ikangprabwa t, prabwattayanpagawesangpaṇdhemolahaknekangprabot, yanmarār̀yyansangpaṇdhe, umnĕngprabwatika, sthitihanaripakĕkĕsanya. alihaknapwatalingapangrangö, ma ngkanatabhaṭāramahulun, hanawyāpakajugasira, cetananirajuga, gumawayakangsar̀wwajanmakabeḥ, anmakasādhanekangkriyāśaktibhaṭāra, makapagawe'ikangātmāhanaring tūr̀yyapada, lawanikangātmāhanaringjāgrapada, an'gumaweyekangātmāganaringsuptapada, wineḥniramanghidhĕpawañcagatisangsāra, sunaduḥna, laralapa, panastīs, tu

Leaf 23

Image on Archive.org

[᭒᭓ 23B] ᭒᭓ ᬳᬧᬵᬢᬶ᭞ᬲᬂᬓ᭄ᬱᬾᬧᬦ᭄ᬬ᭞ᬆᬢ᭄ᬫᬾᬓᬂᬕᬶᬦᬯᬾᬲᬂᬲᬵᬭᬤᬾᬪᬝᬵᬭ᭟ᬦᬶᬳᬦ᭄‌ᬓ᭄ᬭᬫᬦ᭄ᬬᬓᭀᬗᭂᬢᬓ᭄ᬦ᭞ᬪᬝᬵᬭᬫᬳᬸᬮᬸᬦ᭄‌ᬫᬳᬋᬧᬦᭀᬦ᭄‌ᬯᬲ᭄ᬢᬸᬲᬓᬮ᭞ᬬᬢᬫᬢᬂᬦ᭄ᬬᬦᬶᬦᬶᬘ᭄ᬙᬵᬦᬶ ᬭᬾᬓᬗᬵᬢ᭄ᬫᬵ᭞ᬢᬸᬗ᭄ᬕᬮ᭄᭞ᬅᬧᬦᬧᬭᭀᬮ᭄ᬯᬶᬃᬦ᭄ᬬᬲᬂᬳ᭄ᬬᬗᬵᬢ᭄ᬫᬵ᭞ᬭᬶᬓᬵᬮᬦᬶᬭᬇᬦᬶᬘ᭄ᬙᬵᬤᬾᬪᬝᬵᬭ᭞ᬅᬦ᭄‌ᬓᬶᬦᭀᬦ᭄‌ᬲᬶᬭᬫᬜᬾᬢᬦᬾᬂᬧ᭄ᬭᬥᬵᬦᬢᬢ᭄ᬢ᭄ᬯ᭞ᬦ᭄ᬤᬦᬶᬭᬶᬓᬢᬲᬂᬳ᭄ᬬᬂᬫᬧᬭᭀᬯ᭄ᬓᬲ ᬦ᭄᭞ᬳᬦᬯ᭄ᬬᬵᬧᬵᬭ᭞ᬮᬯᬦ᭄‌ᬢᬦ᭄ᬯ᭄ᬬᬵᬧᬵᬭ᭞ᬆᬢ᭄ᬫᬵᬯ᭄ᬬᬵᬧᬵᬭᬗᬭᬦ᭄ᬬ᭞ᬭᬶᬓᬵᬮᬦᬶᬭᬓᬶᬦᭀᬦ᭄‌ᬫᬜᬾᬢᬦᬭᬶᬂᬧ᭄ᬭᬥᬵᬦᬢᬢ᭄ᬢ᭄ᬯᬤᬾᬪᬝᬵᬭ᭞ᬫᬜᬾᬢᬦᬗᬭᬦ᭄ᬬᬉᬫ᭄ᬬᬧᬭᬓᭂᬦ᭄‌ᬢᬸᬢᬸᬃ ᬦᬶᬭ᭞ᬫᬂᬳᬶᬥᭂᬧ᭄‌ᬫᬗᬦᬵᬗᭂᬦ᭄‌ᬬᬾᬓᬲᬶᬦᬗ᭄ᬕᬸᬄᬫᬜᬾᬢᬦᬗᬭᬦ᭄ᬬ᭟ᬅᬢ᭄ᬫᬵᬢᬦ᭄ᬯ᭄ᬬᬵᬧᬵᬭᬗᬭᬦ᭄ᬬ᭞ᬪᬝᬵᬭᬫᬳᬸᬮᬸᬦ᭄‌ᬫᬭᬵᬃᬬ᭄ᬬᬦ᭄‌ᬳᬸᬫ᭄ᬦᬂ᭞ᬫᬓᭀᬦ᭄‌ᬫᬜᬾᬢᬦ᭞ᬳᬸᬫ᭄ᬦᭂᬗᬶᬓᬗᬵᬢ᭄ᬫᬵᬫ [᭒᭔ 24A] ᬭᬶᬫᬜᬾᬢᬦ᭞ᬓᬤᬶᬮᬯᬦᬶᬓᬂᬤᬺᬱ᭄ᬝᬗᬹᬦᬶ᭞ᬧ᭄ᬭᬩᭀᬢ᭄‌ᬲᬂᬧᬡ᭄ᬥᬾ᭞ᬳᬸᬫ᭄ᬦᬂᬗᬶᬓᬂᬧ᭄ᬭᬩᭀᬢ᭄᭞ᬫᬗ᭄ᬓᬦᬮᬓ᭄ᬱᬡᬲᬂᬳ᭄ᬬᬗᬵᬢ᭄ᬫᬵ᭞ᬫᬭᬶᬲᬶᬭᬓᬶᬦᭀᬦ᭄‌ᬫᬜᬾᬢᬦᬤᬾᬪᬝᬵᬭ᭞ᬳᬸ ᬫ᭄ᬦᬂᬲᬂᬳ᭄ᬬᬗᬵᬢ᭄ᬫᬵᬫᬭᬶᬫᬜᬾᬢᬦ᭞ᬯᬾᬮ᭄ᬬᬲ᭄ᬣᬶᬢᬶᬳᬸᬫᬶᬥᭂᬂᬢᬦ᭄‌ᬧᭀᬮᬄ᭞ᬢᬦ᭄‌ᬮᬶᬫ᭄ᬗᬓ᭄᭞ᬲᬶᬭᬢᬲᬶᬦᬗ᭄ᬕᬸᬄᬅᬢ᭄ᬫᬵᬯᬶᬰᬾᬱᬗᬭᬦ᭄ᬬ᭞ᬲᬶᬭᬢᬪᬝᬵᬭᬥᬃᬫ᭄ᬫᬗᬭᬦᬶᬭᬯᬦᬾᬄ᭞ ᬓᬸᬦᬂᬓᬵᬮᬦᬶᬭᬯ᭄ᬬᬵᬧᬵᬭᬫᬜᬾᬢᬦ᭞ᬇᬭᬶᬓᬢᬲᬶᬭᬧ᭄ᬭᬫᬵᬡᬗᬗᬭᬦᬶᬭᬯᬦᬾᬄ᭞ᬇᬓᬗᬵᬢ᭄ᬫᬵᬲᬶᬦᬗ᭄ᬕᬸᬄᬲᬂᬳ᭄ᬬᬂᬧ᭄ᬭᬫᬵᬡ᭞ᬮᬯᬦ᭄‌ᬲᬂᬳ᭄ᬬᬗᬵᬢ᭄ᬫᬵᬯᬶᬰᬾᬱ᭞ᬓᬾᬯᬮᬲ᭄ᬣᬶᬢᬶᬳᬦᬭᬶᬂ ᬢᬹᬃᬬ᭄ᬬᬧᬤ᭞ᬓᬸᬦᬗᬶᬓᬗᬵᬢ᭄ᬫᬵᬳᬦᬭᬶᬂᬚᬵᬕ᭄ᬭᬯᬤ᭞ᬬᬬᬢᬄᬢᬸᬗ᭄ᬕᬮᬓ᭄ᬱᬡᬦᬶᬭ᭞ᬓᬤᬶᬮᬓ᭄ᬱᬡᬦᬶᬗᬵᬢ᭄ᬫᬳᬦᬭᬶᬂᬢᬹᬃᬬ᭄ᬬᬧᬤ᭞ᬓᬸᬦᬂᬭ᭄ᬯᬪᬾᬤᬦ᭄ᬬ᭞ᬅᬕᬡᬮᬮᬶᬢᬶᬓ᭞ᬆᬢ᭄ᬫᬵ

Auto-transliteration

[23 23B] 23 hapāti, sangksyepanya, ātmekangginawesangsāradebhaṭāra. nihankramanyakongĕtakna, bhaṭāramahulunmahar̥ĕpanonwastusakala, yatamatangnyaninicchāni rekangātmā, tunggal, apanaparolwir̀nyasanghyangātmā, rikālanira'inicchādebhaṭāra, ankinonsiramañetanengpradhānatattwa, ndanirikatasanghyangmaparowkasa n, hanawyāpāra, lawantanwyāpāra, ātmāwyāpārangaranya, rikālanirakinonmañetanaringpradhānatattwadebhaṭāra, mañetanangaranya'umyaparakĕntutur̀ nira, manghidhĕpmanganāngĕnyekasinangguḥmañetanangaranya. atmātanwyāpārangaranya, bhaṭāramahulunmarār̀yyanhumnang, makonmañetana, humnĕngikangātmāma [24 24A] rimañetana, kadilawanikangdr̥ĕṣṭangūni, prabotsangpaṇdhe, humnangngikangprabot, mangkanalakṣaṇasanghyangātmā, marisirakinonmañetanadebhaṭāra, hu mnangsanghyangātmāmarimañetana, welyasthitihumidhĕngtanpolaḥ, tanlimngak, siratasinangguḥatmāwiśeṣangaranya, siratabhaṭāradhar̀mmangaranirawaneḥ, kunangkālanirawyāpāramañetana, irikatasirapramāṇangangaranirawaneḥ, ikangātmāsinangguḥsanghyangpramāṇa, lawansanghyangātmāwiśeṣa, kewalasthitihanaring tūr̀yyapada, kunangikangātmāhanaringjāgrawada, yayataḥtunggalakṣaṇanira, kadilakṣaṇaningātmahanaringtūr̀yyapada, kunangrwabhedanya, agaṇalalitika, ātmā

Leaf 24

Image on Archive.org

[᭒᭔ 24B] ᭒᭔ ᬳᬦᬭᬶᬂᬚᬵᬕ᭄ᬭᬧᬤ᭞ᬅᬧᬦ᭄‌ᬘᬾᬢᬦᬲ᭄ᬯᬪᬵᬯᬦ᭄ᬬ᭞ᬘᬾᬢᬦᬗᬭᬦ᭄ᬬ᭞ᬕᬡᬮ᭄‌ᬦᬶᬗᬵᬢ᭄ᬫᬵᬳᬦᬭᬶᬂᬢᬹᬃᬬ᭄ᬬᬧᬤ᭞ᬇᬓᬗᬶᬗᬭᬦᬦ᭄‌ᬘᬶᬢ᭄ᬢ᭞ᬇᬓᬂᬓᬭᬓ᭄ᬢᬦ᭄‌ᬤᬾᬦᬶᬂᬢ᭄ᬭᬶᬕᬸᬡ᭞ᬲᬶᬢ᭄ᬢᬗ ᬭᬦ᭄ᬬ᭞ᬢᬸᬢᬸᬃᬯ᭄ᬬᬵᬧᬵᬭᬢᬦ᭄‌ᬯ᭄ᬭᬸᬳᬶᬂᬳᬮᬳᬬᬸ᭞ᬇᬓᬢᬂᬢᬸᬢᬸᬃᬮᬯᬦ᭄‌ᬘᬶᬢ᭄ᬢ᭞ᬢᬸᬗ᭄ᬕᬮ᭄‌ᬲ᭄ᬯᬪᬵᬯᬦ᭄ᬬ᭞ᬘᬶᬢ᭄ᬢᬗᬭᬦ᭄ᬬᬯ᭄ᬬᬵᬧᬵᬭ᭞ᬢᬸᬢᬸᬃᬗᬭᬦ᭄ᬬᬭᬶᬓᬵᬮᬦ᭄ᬬᬲ᭄ᬣᬶᬢᬶᬳᬸᬫᬶᬥᭂᬂᬢᬦ᭄‌ᬧᭀᬮᬄ᭞ ᬇᬓᬗᬵᬢ᭄ᬫᬵᬳᬦᬭᬶᬂᬚᬵᬕ᭄ᬭᬧᬤ᭞ᬢᬸᬗ᭄ᬕᬮ᭄‌ᬢᬸᬢᬸᬃᬯ᭄ᬬᬵᬧᬵᬭ᭞ᬮᬯᬦ᭄ᬢᬦ᭄ᬯ᭄ᬬᬵᬧᬵᬭ᭞ᬪᬾᬤᬦ᭄ᬬ᭞ᬬᬬᬢᬄᬆᬢ᭄ᬫᬵᬚᬸᬕᬵᬓᬲᬂᬚ᭄ᬜᬵᬦ᭄ᬬ᭞ᬇᬓᬗᬵᬢ᭄ᬫᬵᬧ᭄ᬯᬕᬶᬦᬯᬾ᭞ᬯᬶᬦᬾᬄᬗᬶᬥᭂᬧ᭄‌ᬲᬂ ᬲᬵᬭᬲᬸᬦᬤᬸᬄᬦ᭞ᬇᬓᬗᬵᬢ᭄ᬫᬵᬇᬦᬭᬦᬦᬳᬗ᭄ᬓᬵᬭ᭞ᬬᬢᬶᬓᬕᬶᬦᬯᬾᬤᬾᬪᬝᬵᬭ᭞ᬯᬶᬦᬾᬄᬫᬢ᭄ᬫᬳᬦ᭄‌ᬲᬂᬰᬬᬕᬡᬮ᭄᭞ᬫᬓᬧ᭄ᬭᬩᭀᬢᬶᬓᬗᬵᬢ᭄ᬫᬵᬳᬦ᭄ᬭᬶᬂᬚᬵᬕ᭄ᬭᬧᬤ᭞ᬮ [᭒᭕ 25A] ᬯᬦᬶᬓᬗᬵᬢ᭄ᬫᬵᬳᬦᬭᬶᬂᬢᬹᬃᬬ᭄ᬬᬧᬤ᭞ᬬᬾᬓᬧᬕᬯᬾᬤᬾᬪᬝᬵᬭ᭞ᬦᬳᬦ᭄‌ᬓ᭄ᬭᬫᬦ᭄ᬬᬓᬾᬗᭂᬢᬓ᭄ᬦ᭞ᬇᬓᬗᬵᬢ᭄ᬫᬵᬇᬦᬭᬦᬦᬳᬗ᭄ᬓᬵᬭᬲᬶᬯᬾᬓᬺᬢ᭞ᬬᬾᬓᬕᬶᬦᬯᬾᬤᬾᬪᬝᬵᬭ᭞ᬮᬯᬦ᭄ ᬤᬰᬾᬦ᭄ᬤ᭄ᬭᬶᬬ᭞ᬓᬸᬦᬗᬶᬓᬗᬵᬢ᭄ᬫᬵᬇᬦᬭᬦᬦᬳᬗ᭄ᬓᬵᬭᬲᬶᬪᬹᬢᬵᬤᬶ᭞ᬬᬾᬓᬓᬶᬦᭀᬦ᭄‌ᬤᬾᬪᬝᬵᬭᬫᬕᬯᬾᬬᬧᬜ᭄ᬘᬢᬦ᭄ᬫᬢ᭄ᬭ᭞ᬮᬯᬦ᭄‌ᬧᬜ᭄ᬘᬫᬳᬵᬪᬹᬢ᭞ᬓᬸᬦᬗᬶᬓᬂᬫᬦᬄ᭞ᬫᬦᬄᬗᬭ ᬦ᭄‌ᬳᬶᬥᭂᬧ᭄᭞ᬇᬓᬂᬳᬶᬥᭂᬧ᭄‌ᬬᬢᬯᬶᬦᬶᬫ᭄ᬗᬦᬫᬸᬯᬄ᭞ᬅᬦ᭄‌ᬫᬢ᭄ᬫᬳᬦ᭄‌ᬬᬢᬵᬢ᭄ᬫᬵᬮᬯᭂᬮᬯᭃ᭞ᬆᬢ᭄ᬫᬵᬮᬯᭂᬮᬯᭃᬗᬭᬦᬶᬓᬆᬢ᭄ᬫᬵᬧᬭᬶᬯᬵᬭ᭞ᬆᬢ᭄ᬫᬵᬧᬭᬶᬯᬵᬭᬗᬭᬦ᭄ᬬ᭞ᬦᬶᬳᬦ᭄‌ᬮ᭄ᬯᬶᬃᬦ᭄ᬬ᭞ᬆ ᬢ᭄ᬫᬵ᭞ᬧᬭᬵᬢ᭄ᬫᬵ᭞ᬦᬶᬭᬵᬢ᭄ᬫᬵ᭞ᬆᬦ᭄ᬢᬭᬵᬢ᭄ᬫ᭞ᬲᬹᬓ᭄ᬱ᭄ᬫᬵᬢ᭄ᬫᬵ᭞ᬬᬾᬓᬧᬜ᭄ᬘᬵᬢ᭄ᬫᬵᬗᬭᬦ᭄ᬬ᭞ᬳᬶᬥᭂᬧ᭄‌ᬓᬢᬸᬗ᭄ᬕᬮᬦ᭄ᬬ᭞ᬬᬳᬶᬓᬲᬶᬦᬗ᭄ᬕᬸᬄᬧᬫ᭄ᬓᬲᬶᬗᬵᬢ᭄ᬫᬵᬕᬡᬮ᭄᭞ᬬᬾᬓᬢᬸᬫᬫ᭄ᬧᬸᬄᬭᬶᬂᬳᬮᬳᬬᬸᬕᬢᬶᬦ᭄ᬬ᭞ᬢ

Auto-transliteration

[24 24B] 24 hanaringjāgrapada, apancetanaswabhāwanya, cetanangaranya, gaṇalningātmāhanaringtūr̀yyapada, ikangingaranancitta, ikangkaraktandeningtriguṇa, sittanga ranya, tutur̀wyāpāratanwruhinghalahayu, ikatangtutur̀lawancitta, tunggalswabhāwanya, cittangaranyawyāpāra, tutur̀ngaranyarikālanyasthitihumidhĕngtanpolaḥ, ikangātmāhanaringjāgrapada, tunggaltutur̀wyāpāra, lawantanwyāpāra, bhedanya, yayataḥātmājugākasangjñānya, ikangātmāpwaginawe, wineḥngidhĕpsang sārasunaduḥna, ikangātmā'inarananahangkāra, yatikaginawedebhaṭāra, wineḥmatmahansangśayagaṇal, makaprabotikangātmāhanringjāgrapada, la [25 25A] wanikangātmāhanaringtūr̀yyapada, yekapagawedebhaṭāra, nahankramanyakengĕtakna, ikangātmā'inarananahangkārasiwekr̥ĕta, yekaginawedebhaṭāra, lawan daśendriya, kunangikangātmā'inarananahangkārasibhūtādi, yekakinondebhaṭāramagaweyapañcatanmatra, lawanpañcamahābhūta, kunangikangmanaḥ, manaḥngara nhidhĕp, ikanghidhĕpyatawinimnganamuwaḥ, anmatmahanyatātmālawĕlawö, ātmālawĕlawöngaranika'ātmāpariwāra, ātmāpariwārangaranya, nihanlwir̀nya, ā tmā, parātmā, nirātmā, āntarātma, sūkṣmātmā, yekapañcātmāngaranya, hidhĕpkatunggalanya, yahikasinangguḥpamkasingātmāgaṇal, yekatumampuḥringhalahayugatinya, ta

Leaf 25

Image on Archive.org

[᭒᭕ 25B] ᭒᭕ ᬦ᭄ᬧᬳᬸᬲᬦ᭄‌ᬢ᭄ᬫᭂᬦ᭄᭟ᬰᬓᬝᬾᬧᬫᬷᬧ᭄ᬭᬥᬵᬦᬷᬧᬸᬭᬸᬱᭀᬯᬺᬱᬪᭀᬧᬫᬄ᭞ᬗᬹᬰᬲᬵᬭᬣᬶᬲᬷᬬᬸᬓ᭄ᬢᬷᬚᬕᬢ᭄‌ᬪ᭄ᬭᬫᬶᬢᬘᬓ᭄ᬭᬯᬢ᭄᭟ᬇᬓᬂᬧ᭄ᬭᬤᬵᬦᬢᬢ᭄ᬢ᭄ᬯᬬᬵᬗ᭄ᬓᭂᬦ᭄‌ᬰᬓᬝ᭞ᬇᬓᬗᬵᬢ᭄ᬫᬵᬬᬵᬗ᭄ᬓᭂᬦ᭄‌ᬯᬺᬱᬪ ᭞ᬗᬹᬰᬄᬪᬾᬝᬵᬭᬗ᭄ᬚᬰ᭄ᬯᬭᬲᬶᬭᬓᬵᬗ᭄ᬓᭂᬦ᭄‌ᬲᬵᬭᬣ᭄ᬬ᭞ᬳᬸᬫᬺᬕᬶᬓᬗᬵᬢ᭄ᬫᬵᬫᬂᬳᬶᬭᬶᬤ᭄‌ᬕ᭄ᬭᬶᬢᬦ᭄᭞ᬚᬕᬢ᭄‌ᬪ᭄ᬭᬫᬶᬢᬘᬓ᭄ᬭᬯᬢ᭄᭞ᬇᬓᬂᬚᬕᬢ᭄‌ᬓᬗ᭄ᬓᭂᬦ᭄‌ᬘᬓ᭄ᬭᬦᬶᬂᬕᬶᬮᬶᬗᬦ᭄‌ᬕᬸᬫᬸᬮᬸᬗᬧᬸᬢᭂᬭᬦ᭄‌ᬭᬶᬂ ᬤᬾᬯᬢᬵ᭞ᬫᬵᬦᬸᬱ᭞ᬢ᭄ᬭᬶᬬᬓ᭄᭞ᬫᬓᬦᬶᬫᬶᬢ᭄ᬢᬤᬾᬦᬶᬂᬓᬃᬫ᭄ᬫᬳᬮᬳᬬᬸ᭞ᬫᬗ᭄ᬓᬦᬯ᭄ᬓᬲᬦᬶᬗᬵᬢ᭄ᬫᬵᬕᬡᬮ᭄᭞ᬬᬾᬓᬦᬥ᭄ᬕᬓᬵᬗ᭄ᬓᭂᬦ᭄‌ᬕᬯᬾᬲᬂᬧᬡ᭄ᬥᬾ᭞ᬓᬸᬦᬗᬶᬓᬗᬵᬢ᭄ᬫᬵᬯ᭄ᬬᬵᬧᬭᬳᬦᬭᬶᬂᬢᬹᬃᬬ᭄ᬬᬧ ᬤ᭞ᬬᬾᬓᬓᬵᬗ᭄ᬓᭂᬲᬸᬧᬶᬢ᭄‌ᬲᬂᬧᬡ᭄ᬥᬾ᭞ᬓᬸᬦᬗᬶᬓᬵᬗᬵᬢ᭄ᬫᬵᬢᬦ᭄ᬯ᭄ᬬᬵᬧᬵᬭᬬᬢᬓ᭄ᬦᬧᬋᬡᬲᬂᬧᬡ᭄ᬥᬾ᭞ᬇᬓᬗᬵᬢ᭄ᬫᬵᬳᬦᬭᬶᬂᬚᬵᬕ᭄ᬭᬧᬤ᭞ᬮᬯᬦᬶᬓᬗᬵᬢ᭄ᬫᬵᬳᬦᬭᬶᬂᬢᬹᬃᬬ᭄ᬬᬧᬤ᭞ᬢᬦ᭄‌ᬫᬶᬮᬸ [᭒᭖ 26A] ᬢᬸᬫᬫ᭄ᬧᬸᬄᬭᬶᬂᬳᬮᬳᬬᬸ᭞ᬢ᭄ᬮᬲ᭄‌ᬓᬭᬸᬳᬸᬦ᭄‌ᬪᬝᬵᬭᬫᬳᬸᬮᬸᬦ᭄᭞ᬯ᭄ᬬᬵᬧᬷᬯ᭄ᬬᬵᬧᬓᬚᬸᬮᬲᬶᬭ᭞ᬇᬘ᭄ᬙᬵᬦᬶᬂᬫᬦᬄᬭᬢᬚᬸᬕ᭞ᬕᬸᬫᬯᬬᬶᬓᬂᬲᬃᬯ᭄ᬯᬚᬦ᭄ᬫ᭞ᬦ᭄ᬤ᭄ᬬᬢᬶᬓᬗᬵᬢ᭄ᬫᬵᬲᬶᬦᬗ᭄ᬕᬸᬄᬫᬂᬳᬶᬥᭂ ᬧ᭄‌ᬲᬂᬲᬵᬭ᭞ᬬᬢᬮᬶᬗᬲᬂᬧᬭ᭞ᬲᬶᬦᬗ᭄ᬕᬸᬄᬢᬬᬵᬢ᭄ᬫᬵᬫᬂᬳᬶᬥᭂᬧ᭄‌ᬲᬂᬲᬵᬭ᭞ᬦ᭄ᬤᬦᬶᬓᬗᬵᬢ᭄ᬫᬵᬇᬦᬭᬦᬦᬳᬗ᭄ᬓᬵᬭᬲᬶᬯᬾᬓᬺᬢ᭞ᬬᬾᬓᬩᬸᬤ᭄ᬥᬶᬲᬢ᭄ᬢ᭄ᬯ᭞ᬬᬾᬓᬫᬂᬳᬶᬥᭂᬧ᭄‌ᬮᬭ᭟ᬇᬓᬗᬵ ᬢ᭄ᬫᬵᬇᬦᬭᬦᬦᬳᬗ᭄ᬓᬵᬭᬲᬶᬢᬾᬚᬲ᭞ᬬᬾᬓᬩᬸᬤ᭄ᬥᬶᬭᬚᬄ᭞ᬬᬾᬓᬫᬂᬮᬭᬾ᭞ᬇᬓᬗᬵᬢ᭄ᬫᬵᬇᬦᬭᬦᬦᬳᬗ᭄ᬓᬵᬭᬲᬶᬪᬹᬢᬵᬤᬶ᭞ᬬᬾᬓᬩᬸᬤ᭄ᬥᬶᬢᬫᬄ᭞ᬬᬾᬓᬧᬶᬦᬓᬮᬭ᭟ᬦᬶᬳᬦ᭄‌ᬢᬧ᭄ᬭ ᬪᬾᬤᬦ᭄ᬬᬵᬢ᭄ᬫᬵᬫᬂᬳᬶᬥᭂᬧ᭄᭞ᬮᬯᬦᬶᬓᬗᬵᬢ᭄ᬫᬵᬢᬦ᭄‌ᬧᬂᬳᬶᬥᭂᬧ᭄᭞ᬅᬧᬯ᭄ᬯᬬᬫᬢᬂᬦ᭄ᬬᬦ᭄‌ᬪᬝᬵᬭᬘᬃᬫ᭄ᬫ᭞ᬅᬦ᭄‌ᬲᬶᬭᬧᬶᬦᬓᬳᬸᬭᬶᬧ᭄‌ᬦᬶᬂᬲᬃᬯ᭄ᬯᬚᬦ᭄ᬫᬓᬩᬾᬄ᭞ᬢ᭄ᬮᬲ᭄‌ᬓᬭᬸᬳᬸᬦ᭄‌ᬪᬝᬵᬭᬫᬳᬸᬮᬸ

Auto-transliteration

[25 25B] 25 npahusantmĕn. śakaṭepamīpradhānīpurusyowr̥ĕṣabhopamaḥ, ngūśasārathisīyuktījagatbhramitacakrawat. ikangpradānatattwayāngkĕnśakaṭa, ikangātmāyāngkĕnwr̥ĕṣabha , ngūśaḥbheṭārangjaśwarasirakāngkĕnsārathya, humr̥ĕgikangātmāmanghiridgritan, jagatbhramitacakrawat, ikangjagatkangkĕncakraninggilingan'gumulungaputĕranring dewatā, mānuṣa, triyak, makanimittadeningkar̀mmahalahayu, mangkanawkasaningātmāgaṇal, yekanadhgakāngkĕn'gawesangpaṇdhe, kunangikangātmāwyāparahanaringtūr̀yyapa da, yekakāngkĕsupitsangpaṇdhe, kunangikāngātmātanwyāpārayataknapar̥ĕṇasangpaṇdhe, ikangātmāhanaringjāgrapada, lawanikangātmāhanaringtūr̀yyapada, tanmilu [26 26A] tumampuḥringhalahayu, tlaskaruhunbhaṭāramahulun, wyāpīwyāpakajulasira, icchāningmanaḥratajuga, gumawayikangsar̀wwajanma, ndyatikangātmāsinangguḥmanghidhĕ psangsāra, yatalingasangpara, sinangguḥtayātmāmanghidhĕpsangsāra, ndanikangātmā'inarananahangkārasiwekr̥ĕta, yekabuddhisattwa, yekamanghidhĕplara. ikangā tmā'inarananahangkārasitejasa, yekabuddhirajaḥ, yekamanglare, ikangātmā'inarananahangkārasibhūtādi, yekabuddhitamaḥ, yekapinakalara. nihantapra bhedanyātmāmanghidhĕp, lawanikangātmātanpanghidhĕp, apawwayamatangnyanbhaṭāracar̀mma, ansirapinakahuripningsar̀wwajanmakabeḥ, tlaskaruhunbhaṭāramahulu

Leaf 26

Image on Archive.org

[᭒᭖ 26B] ᭒᭖ ᬦ᭄᭞ᬅᬦ᭄‌ᬲᬶᬭᬭᬓ᭄ᬯᬢᬸᬫᬹᬢ᭄‌ᬫᬂᬚᬦ᭄ᬫ᭞ᬧᬶᬦᬓᬉᬭᬶᬧ᭄‌ᬦᬶᬂᬳᬸᬭᬶᬧ᭄᭟ᬲᬶᬗ᭄ᬕᬶᬄᬪᬝᬭᬳᬦᬧᬶᬦᬓᬳᬸᬭᬶᬧ᭄‌ᬦᬶᬂᬯᭀᬂᬓᬩᬾᬄ᭞ᬦ᭄ᬤᬦ᭄ᬊᬢᬧ᭄ᬭᭀᬢᬮᬓ᭄ᬱᬡᬦᬶᬭ᭞ᬊᬢᬗᬭᬦ᭄ᬬ᭞ᬓᬤ᭄ᬬᬗ᭄ᬕᬦᬶ ᬗᬧᬸᬬ᭄‌ᬳᬦᬭᬶᬗᭂᬲᭂᬬᭂᬦ᭄᭞ᬧ᭄ᬭᬶᬗᬫ᭄ᬧ᭄ᬬᬮ᭄‌ᬓᬬᬸ᭞ᬓᬸᬦᬂᬢᬦ᭄‌ᬓᬶᬦᬯ᭄ᬭᬸᬳᬦ᭄᭞ᬢᬦ᭄‌ᬓᬢᭀᬦ᭄ᬚᬸᬕᬳᬦᬦ᭄ᬬ᭞ᬧ᭄ᬬᬓ᭄ᬢᬢᬦ᭄‌ᬯ᭄ᬬᬓ᭄ᬢᬚᬸᬕᬳᬦᬦ᭄ᬬ᭞ᬅᬧᬓᬮᬶᬗᬦ᭄ᬬ᭞ᬬᬢᬩᬭᬗᭂᬲᭂᬬᭂ ᬗ᭄ᬯᬗᬶᬭᬶᬓᬂᬧ᭄ᬭᬶᬗᬫ᭄ᬧ᭄ᬬᬮ᭄‌ᬓᬬᬸ᭞ᬦᬶᬬᬢᬦ᭄ᬬᬦ᭄‌ᬧᬫᬶᬚᬶᬬᬓ᭄ᬦᬧᬸᬬ᭄᭞ᬓᬂᬬᭀᬕ᭄ᬬᬫᬶᬚᬶᬮᬓ᭄ᬦᬧᬸᬬ᭄᭞ᬅᬧᬦᬾᬯᭂᬄᬓᬂᬓᬶᬳᬦᬦ᭄‌ᬤᬾᬦᬶᬗᬧᬸᬬ᭄᭟ᬅᬮᬶᬳᬓ᭄ᬦᬢᬮᬶᬗᬧᬗ᭄ᬭᬗᭃ᭞ ᬓᬤᬶᬫᬗ᭄ᬓᬦᬢᬪᬝᬵᬭ᭞ᬅᬦ᭄‌ᬳᬦᬾᬭᬶᬓᬂᬲᬃᬯ᭄ᬯᬚᬦ᭄ᬫᬓᬩᬾᬄ᭞ᬯ᭄ᬬᬓ᭄ᬢᬢᬦ᭄ᬯ᭄ᬬᬓ᭄ᬢ᭞ᬚᬸᬕᬳᬦᬦᬶᬭᬳᬦᬭᬶᬂᬭᬵᬢ᭄‌ᬓᬩᬾᬄ᭞ᬦᬳᬦ᭄‌ᬧᬗ᭄ᬳᬶᬗ᭄ᬕᬦᬭᬶᬯ᭄ᬬᬓ᭄ᬢᬦᬶᬭᬮᬯᬦ᭄‌ᬢᬦ᭄ᬯ᭄ᬬᬓ᭄ᬢᬦᬶᬭ᭞ᬳᬦᬭᬶ [᭒᭗ 27A] ᬯᬂᬓᬩᬾᬄ᭞ᬳᬬ᭄ᬯᬶᬦᬸᬘᬧᬶᬓᬂᬚᬦ᭄ᬫᬓᬩᬾᬄ᭞ᬲᬫᬦ᭄ᬬ᭞ᬇᬓᬂᬢᬦᬦᬢᬸᬢᬸᬃᬦ᭄ᬬ᭞ᬫ᭄ᬯᬂᬢᬦᬦᬓᬧ᭄ᬭᬚ᭄ᬜᬵᬦᬶᬭᬶᬬ᭞ᬇᬓᬲᬂᬓᬶᬦᬳᬦᬦ᭄‌ᬤᬾᬦᬶᬂᬢᬸᬢᬸᬃᬮᬯᬦ᭄‌ᬓᬧ᭄ᬭᬚ᭄ᬜᬵᬦ᭄᭞ᬲᬶᬭᬘᬭᬶᬢᬵᬓᭂᬦ᭄ ᬭᬸᬫᬸᬳᬸᬦ᭄᭞ᬲᬂᬲᬵᬫ᭄ᬧᬸᬦ᭄‌ᬯ᭄ᬭᬸᬄᬭᬶᬓᬮᬶᬗᬦᬶᬂᬧ᭄ᬭᬬᭀᬕᬲᬦ᭄ᬤᬶ᭞ᬗᬸᬦᬶᬯᬾᬄᬲᬶᬭᬲᬂᬮᬸᬫ᭄ᬓᬲᬓᭂᬦ᭄‌ᬢᬧ᭞ᬩ᭄ᬭᬢ᭞ᬬᭀᬕ᭞ᬲᬫᬵᬥᬶ᭞ᬅᬧᬓᬧᭀᬫᬢᬂᬦ᭄ᬬᬦ᭄‌ᬫᬾᬯᭂᬄᬇᬓᬲᬂᬯ᭄ᬦᬂᬫᬦᬸᬯᬸᬳ ᬓᭂᬦ᭄‌ᬚ᭄ᬜᬵᬦ᭞ᬮᬯᬦ᭄‌ᬯ᭄ᬦᬂᬢᬸᬫᬫ᭄ᬯᬬᭀᬕᬯᬶᬰᬾᬱ᭞ᬓᬾᬦᬓᬦ᭄ᬬ᭞ᬲᬩᬭᬶᬦ᭄ᬬ᭞ᬯ᭄ᬭᬸᬳᬭᬶᬂᬬᭀᬕᬲᬫᬵᬥᬶ᭞ᬮᬸᬫ᭄ᬓᬲᬓᭂᬦ᭄‌ᬢᬧ᭞ᬩ᭄ᬭᬢ᭞ᬬᭀᬕ᭞ᬲᬫᬵᬥᬶ᭞ᬯ᭄ᬦᬂᬲᬶᬭᬲᬓᬵᬫᬓᬵᬫ᭞ᬯ᭄ᬦᬗ ᬢᬲᬶᬭᬚᬸᬕᬮᬸᬫ᭄ᬓᬲᬓᭂᬦ᭄‌ᬧ᭄ᬭᬬᭀᬚᬦᬦᬶᬭ᭞ᬲᬓ᭄ᬯᬾᬄᬦᬶᬓᬂᬮᬸᬫ᭄ᬓᬲᬓ᭄ᬦᬶᬓᬂᬧ᭄ᬭᬬᭀᬕᬲᬦ᭄ᬥᬶ᭞ᬢᬦ᭄‌ᬓᬾᬯᭂᬳᬦᬚᬸᬕᬲᬶᬭ᭞ᬅᬧᬦ᭄‌ᬧᬥᬓᬶᬦᬳᬦᬦ᭄‌ᬗᬭᬦ᭄ᬬ᭞ᬲᬶᬭᬤᭂᬦᬶᬗᬵᬢ᭄ᬫᬵᬯᬶᬰᬾ

Auto-transliteration

[26 26B] 26 n, ansirarakwatumūtmangjanma, pinaka'uripninghurip. singgiḥbhaṭarahanapinakahuripningwongkabeḥ, ndanūtaprotalakṣaṇanira, ūtangaranya, kadyanggani ngapuyhanaringĕsĕyĕn, pringampyalkayu, kunangtankinawruhan, tankatonjugahananya, pyaktatanwyaktajugahananya, apakalinganya, yatabarangĕsĕyĕ ngwangirikangpringampyalkayu, niyatanyanpamijiyaknapuy, kangyogyamijilaknapuy, apanewĕḥkangkihanandeningapuy. alihaknatalingapangrangö, kadimangkanatabhaṭāra, anhanerikangsar̀wwajanmakabeḥ, wyaktatanwyakta, jugahananirahanaringrātkabeḥ, nahanpanghingganariwyaktaniralawantanwyaktanira, hanari [27 27A] wangkabeḥ, haywinucapikangjanmakabeḥ, samanya, ikangtananatutur̀nya, mwangtananakaprajñāniriya, ikasangkinahanandeningtutur̀lawankaprajñān, siracaritākĕn rumuhun, sangsāmpunwruḥrikalinganingprayogasandi, nguniweḥsirasanglumkasakĕntapa, brata, yoga, samādhi, apakapomatangnyanmewĕḥikasangwnangmanuwuha kĕnjñāna, lawanwnangtumamwayogawiśeṣa, kenakanya, sabarinya, wruharingyogasamādhi, lumkasakĕntapa, brata, yoga, samādhi, wnangsirasakāmakāma, wnanga tasirajugalumkasakĕnprayojananira, sakweḥnikanglumkasaknikangprayogasandhi, tankewĕhanajugasira, apanpadhakinahananngaranya, siradĕningātmāwiśe

Leaf 27

Image on Archive.org

[᭒᭗ 27B] ᭒᭗ ᬱ᭞ᬫᬾᬯᭂᬄᬇᬓᬂᬲᬂᬗᬶᬦᬦ᭄ᬤᭂᬮᬦ᭄‌ᬤᬾᬦᬶᬂᬪᬝᬵᬭ᭟ᬧ᭄ᬭᭀᬢᬓᬧ᭄ᬯᬧᬂᬳᬶᬗ᭄ᬕᬦᬦ᭄ᬢ᭞ᬓᬤ᭄ᬬᬗᬦᬶᬂᬢᬾᬚᬦᬶᬂᬫᬡᬶᬓ᭄᭞ᬫᬗᬾᬓᬤᬾᬰᬳᬦᬦ᭄ᬬ᭞ᬦ᭄ᬤᬄᬫᬗ᭄ᬓᬦᬪᬝᬵᬭ᭞ᬇᬦᭀᬗ᭄ᬕ᭄ᬯᬦ᭄‌ᬲᬶᬭᬫᬗᬾᬓ ᬤᬾᬰ᭞ᬆᬥ᭄ᬬᬵᬢ᭄ᬫᬶᬓᬚᬸᬕᬲᬂᬳᬶᬦᬦ᭄ᬤᭂᬮᬦ᭄‌ᬤᬾᬦᬶᬂᬪᬝᬵᬭ᭞ᬦ᭄ᬤᬵᬢᬦ᭄‌ᬧᬤᭀᬦᬶᬓᬂᬩ᭄ᬭᬢ᭞ᬢᬧ᭞ᬬᭀᬕ᭞ᬲᬫᬥᬶ᭞ᬕᬯᬬᬓ᭄ᬦ᭞ᬆᬧᬦ᭄‌ᬢᬦᬦᬗᬭᬦᬶᬓ᭞ᬇᬓᬗᬶᬦᬋᬧᬋᬧ᭄ ᬬᬦ᭄‌ᬫᬗ᭄ᬓᬦᬵ᭞ᬅᬧᬦ᭄‌ᬫᬾᬯᭂᬄᬲᬶᬭᬲᬂᬓᬶᬦᬳᬦᬦ᭄‌ᬤᬾᬦᬶᬗᬵᬢ᭄ᬫᬵᬯᬶᬰᬾᬱ᭞ᬫᬾᬯᭂᬄᬲᬶᬭᬲᬂᬳᬶᬦᬦ᭄ᬤᭂᬮᬦ᭄‌ᬤᬾᬦᬶᬂᬪᬝᬵᬭ᭞ᬮᬶᬂᬦᬶᬗᬵᬕᬫ᭟ᬲᬸᬕ᭄ᬬᬦ᭄‌ᬫᬗ᭄ᬓᬦᬮᬶᬂᬲᬂᬧᬭ᭞ᬢᬳ ᬫ᭄‌ᬧᬶᬄ᭞ᬕᬯᬬᬓ᭄ᬦᬳᬶᬓᬂᬩ᭄ᬭᬢ᭞ᬢᬧ᭞ᬬᭀᬕ᭞ᬲᬫᬵᬤᬶ᭞ᬅᬧᬦᬶᬓᬂᬲᬫᬵᬥᬶ᭞ᬇᬰ᭄ᬯᬭᬧ᭄ᬭᬡᬶᬥᬵᬦ᭞ᬬᬾᬓᬓᬵᬃᬤ᭄ᬥᬦᬦ᭄‌ᬲᬂᬳ᭄ᬬᬗᬵᬢ᭄ᬫᬵᬯᬶᬰᬾᬱ᭞ᬗᬸᬦᬶᬯᬾᬄᬓᬵᬃᬤ᭄ᬥᬦᬦ᭄‌ᬪᬝᬵᬭᬫ᭄ᬬᬧ᭄ᬯᬦ᭄ [᭒᭘ 28A] ᬲᬶᬂᬮᭀᬢ᭄‌ᬳᬸᬫᬪ᭄ᬬᬵᬲ᭞ᬇᬓᬂᬲᬫᬵᬥᬶ᭞ᬇᬰ᭄ᬯᬭᬧ᭄ᬭᬡᬶᬥᬵᬦ᭞ᬢᬦ᭄‌ᬧᬗᬸᬘᬧᬵᬮᬯᬲ᭄᭞ᬫᬲᭂᬂᬓᭂᬭᬳᬸᬭᬶᬧ᭄᭞ᬳᬸᬭᬶᬧ᭄‌ᬲᬶᬭᬳᬸᬫᬪ᭄ᬬᬵᬲᬇᬓᬂᬲᬫᬵᬥᬶ᭞ᬭᬶᬚᬦ᭄ᬫᬦᬶᬭᬲᭀᬳᬄ᭞ᬫᬢᬸᬢᬸᬃᬚᬸᬕᬲᬶᬭ ᬳᬸᬫᬪ᭄ᬬᬵᬲᬇᬓᬂᬲᬫᬵᬥᬶ᭞ᬦ᭄ᬤᬄᬫᬗ᭄ᬓᬦᬢᬢᬸᬢᬸᬭᬦ᭄‌ᬧᬶᬄᬪᬝᬵᬭ᭞ᬳᬶᬦᬦ᭄ᬤᭂᬮᬦ᭄‌ᬲᬶᬭᬤᬾᬦᬶᬂᬪᬝᬵᬭ᭞ᬲᬂᬓ᭄ᬱᬾᬧᬦ᭄ᬬ᭞ᬇᬦᬃᬤ᭄ᬥᬦᬲᬶᬦᬫᬵᬥᬶ᭞ᬢ᭄ᬓᬪᬝᬵᬭ᭞ᬅᬦ᭄‌ᬳᬦᬲᬶᬭᬇᬭᬶᬓᬂᬯᭀᬂ᭞ᬬ ᬢᬦ᭄‌ᬳᬶᬦᬃᬤ᭄ᬥᬦ᭞ᬢᬦ᭄‌ᬲᬶᬦᬫᬵᬥᬶ᭞ᬲᬶᬭᬢᬦ᭄‌ᬳᬦᬇᬭᬶᬓᬂᬯᭀᬂ᭞ᬦᬶᬳᬦ᭄‌ᬢᬂᬧᬦ᭄ᬡᬢ᭄ᬭᬶᬬᬓ᭄᭞ᬅᬦ᭄‌ᬲᬶᬦᬗ᭄ᬕᬸᬄᬫᬭᬶᬧᬵᬯᬓ᭄‌ᬪᬝᬵᬭᬥᬃᬫ᭄ᬫ᭞ᬅᬧᬧ᭄ᬯᬫᬢᬂᬦ᭄ᬬᬦ᭄‌ᬧᬶᬦᬭᬷᬢᬢᬦᬦᬢᬸ ᬢᬸᬃᬦ᭄ᬬ᭞ᬓᬾᬦᬓᬦ᭄ᬬ᭞ᬫᬢᬸᬢᬸᬭᬢᬬᬭᬶᬂᬧ᭄ᬭᬬᭀᬚᬦᬓᬩᬾᬄ᭞ᬬᬦ᭄‌ᬢᬸᬳᬸᬬᬓᬶᬦᬳᬦᬦ᭄‌ᬤᬾᬦᬶᬂᬪᬝᬵᬭᬥᬃᬫ᭄ᬫ᭞ᬅᬧᬧ᭄ᬯᬕᬯᬾᬦ᭄ᬬᬢᬦ᭄‌ᬫᬗ᭄ᬓᬦ᭞ᬬᬾᬓᬧᬂᬳᬶᬗ᭄ᬕᬦᬦ᭄‌ᬧᬗᬦᬸᬫᬵ

Auto-transliteration

[27 27B] 27 ṣa, mewĕḥikangsangnginandĕlandeningbhaṭāra. protakapwapanghinggananta, kadyanganingtejaningmaṇik, mangekadeśahananya, ndaḥmangkanabhaṭāra, inonggwansiramangeka deśa, ādhyātmikajugasanghinandĕlandeningbhaṭāra, ndātanpadonikangbrata, tapa, yoga, samadhi, gawayakna, āpantananangaranika, ikanginar̥ĕpar̥ĕp yanmangkanā, apanmewĕḥsirasangkinahanandeningātmāwiśeṣa, mewĕḥsirasanghinandĕlandeningbhaṭāra, lingningāgama. sugyanmangkanalingsangpara, taha mpiḥ, gawayaknahikangbrata, tapa, yoga, samādi, apanikangsamādhi, iśwarapraṇidhāna, yekakār̀ddhanansanghyangātmāwiśeṣa, nguniweḥkār̀ddhananbhaṭāramyapwan [28 28A] singlot'humabhyāsa, ikangsamādhi, iśwarapraṇidhāna, tanpangucapālawas, masĕngkĕrahurip, huripsirahumabhyāsa'ikangsamādhi, rijanmanirasohaḥ, matutur̀jugasira humabhyāsa'ikangsamādhi, ndaḥmangkanatatuturanpiḥbhaṭāra, hinandĕlansiradeningbhaṭāra, sangksyepanya, inar̀ddhanasinamādhi, tkabhaṭāra, anhanasira'irikangwong, ya tanhinar̀ddhana, tansinamādhi, siratanhana'irikangwong, nihantangpanṇatriyak, ansinangguḥmaripāwakbhaṭāradhar̀mma, apapwamatangnyanpinarītatananatu tur̀nya, kenakanya, matuturatayaringprayojanakabeḥ, yantuhuyakinahanandeningbhaṭāradhar̀mma, apapwagawenyatanmangkana, yekapanghinggananpanganumā

Leaf 28

Image on Archive.org

[᭒᭘ 28B] ᭒᭘ ᬦᬦ᭄᭞ᬅᬦ᭄‌ᬮᬮᬶᬲ᭄‌ᬪᬝᬵᬭᬾᬭᬶᬬ᭞ᬓᬾᬯᬮᬢᬦ᭄‌ᬓᬶᬦᬳᬦᬦ᭄‌ᬚᬸᬕ᭞ᬕᬢᬶᬦ᭄ᬬᬤᬾᬦᬶᬗᬵᬢ᭄ᬫᬵᬯᬶᬰᬾᬱ᭞ᬇᬓᬗᬵᬢ᭄ᬫᬵᬦ᭄ᬤ᭄ᬬᬳᭀᬯᬳᬦᬗ᭄ᬓᬵᬦ᭞ᬇᬓᬗᬵᬢ᭄ᬫᬵᬮᬯᭂᬮᬯᭃᬚᬸᬕ᭞ᬇᬓᬧᬫ᭄ᬓ ᬲ᭄‌ᬦᬶᬗᬵᬢ᭄ᬫᬵᬕᬡᬮ᭄᭞ᬇᬓᬂᬳᬶᬦᬭᬦᬦ᭄‌ᬳᬶᬥᭂᬧ᭄᭞ᬬᬢᬫᬢᬂᬦ᭄ᬬᬦᬶᬓᬂᬯᬵᬬᬸ᭞ᬰᬩ᭄ᬤ᭞ᬇᬥᭂᬧ᭄‌ᬚᬸᬕᬳᬦᬗ᭄ᬓᬵᬦ᭞ᬯᬵᬬᬸᬧᬶᬦᬓᬳᬸᬭᬶᬧ᭄ᬦ᭄ᬬ᭞ᬇᬓᬂᬳᬶᬥᭂᬧᬶᬦᬓᬵᬗᭂᬦᬗᭂᬦ᭄ᬬ᭞ᬇᬓᬂᬰᬩ᭄ᬤᬧᬶᬦ ᬓᬲ᭄ᬯᬭᬦ᭄ᬬ᭞ᬬᬢᬫᬢᬂᬦ᭄ᬬᬦ᭄᭞ᬢᬦ᭄‌ᬧᬯᬲ᭄ᬢᬸᬰᬩ᭄ᬤᬦᬶᬂᬢ᭄ᬭᬶᬬᬓ᭄᭞ᬅᬧᬦ᭄‌ᬢᬦ᭄‌ᬓᬶᬦᬳᬦᬦ᭄‌ᬤᬾᬦᬶᬗᬵᬢ᭄ᬫᬵᬯᬶᬰᬾᬱ᭞ᬓᬸᬦᬗᬶᬓᬂᬯᬵᬬᬸ᭞ᬰᬩ᭄ᬤ᭞ᬳᬶᬥᭂᬧ᭄‌ᬚᬸᬕᬮᬭᬶᬄᬯᬃᬢ᭄ᬢ᭞ᬇᬓᬭᬶᬂᬢ᭄ᬭᬶᬬᬓ᭄‌ᬫ ᬕᭃᬗᬤ᭄ᬫᬶᬢ᭄᭞ᬢ᭄ᬓᬭᬶᬂᬲ᭄ᬣᬵᬯᬭ᭞ᬚᬗ᭄ᬕᬫ᭞ᬢᬺᬡ᭞ᬢᬭᬸ᭞ᬮᬢᬵ᭞ᬮᬸᬮ᭄ᬫ᭞ᬢᬦᬦᬓᬢᬸᬦᬦ᭄᭞ᬯᬵᬬᬸ᭞ᬰᬩ᭄ᬤ᭞ᬳᬶᬥᭂᬧ᭄᭞ᬇᬓᬂᬲᬢ᭄ᬢ᭄ᬯᬢᬸᬯᬸᬄ᭞ᬓᬸᬦᬗᬶᬓᬂᬲᬂᬳ᭄ᬬᬗᬵᬢ᭄ᬫᬵᬯᬶᬰᬾᬱ᭞ᬓᬾᬯᬮᬚᬸᬕᬲᬶ [᭒᭙ 29A] ᬭᬢᬦ᭄‌ᬳᬦᬗ᭄ᬓᬵᬦ᭞ᬦ᭄ᬤᬦ᭄‌ᬮᬸᬧᬮᬓ᭄ᬱᬡᬵᬓ᭄ᬦᬭᬶᬂᬚᬦ᭄ᬫᬲᬫᬗ᭄ᬓᬾ᭟ᬇᬓᬂᬯᬵᬬᬸ᭞ᬰᬩ᭄ᬤ᭞ᬇᬥᭂᬧ᭄‌ᬚᬸᬕᬮᬭᬶᬄᬯᬃᬢ᭄ᬢ᭞ᬳᬦᬭᬶᬂᬚᬦ᭄ᬫᬫᬵᬦᬸᬱ᭞ᬫ᭄ᬯᬂᬓᬦᬶᬱ᭄ᬝ᭞ᬫᬥ᭄ᬬᬫᭀᬢ᭄ᬢᬫ᭞ᬢᬦᬦᬓᬢᬸᬦᬦ᭄‌ᬯᬵᬬᬸ ᭞ᬰᬩ᭄ᬤ᭞ᬇᬥᭂᬧ᭄᭞ᬓᬸᬦᬂᬲᬂᬳ᭄ᬬᬗᬵᬢ᭄ᬫᬵᬯᬶᬰᬾᬱ᭞ᬆᬥ᭄ᬬᬵᬢ᭄ᬫᬶᬓᬚᬸᬕᬲᬶᬭ᭞ᬲᬂᬓᬶᬦᬳᬦᬦᬵᬢ᭄ᬫᬵᬯᬶᬰᬾᬱ᭞ᬢ᭄ᬮᬲ᭄‌ᬓᬭᬸᬳᬸᬦ᭄‌ᬪᬝ᭄ᬝᬵᬭᬫᬳᬸᬮᬸᬦ᭄᭞ᬫᬗᬃᬡ᭄ᬡ᭄ᬥᬦᬾᬭᬶᬬ᭞ᬇᬓᬂᬚᬦ᭄ᬫᬫᬵᬦᬸᬱᬓᬩᬾᬄ ᭞ᬢᬦ᭄‌ᬧᬥᬮᬯᬦ᭄‌ᬭᭀᬯᬂᬦ᭄ᬬ᭞ᬳᬦᬢᬸᬢᬸᬃ᭞ᬳᬦᬮᬸᬧ᭞ᬳᬦᬧ᭄ᬭᬚ᭄ᬜᬵᬦ᭄᭞ᬳᬦᬧᬸᬗ᭄ᬕᬸᬂ᭞ᬅᬧᬓᬮᬶᬗᬦ᭄ᬬ᭞ᬲᬂᬓᬶᬳᬦᬦ᭄‌ᬤᬾᬦᬶᬗᬵᬢ᭄ᬫᬵᬯᬶᬰᬾᬱ᭞ᬧ᭄ᬭᬚ᭄ᬜᬵᬦᬢᬸᬢᬸᬭ᭄᭞ᬅᬧᬦᬶᬓᬗᬢᬸᬢᬸᬃ ᬗᬭᬦ᭄ᬬ᭞ᬬᬾᬓᬧᬗᬯᬓ᭄‌ᬲᬂᬳ᭄ᬬᬂᬯᬶᬰᬾᬱ᭞ᬫᬗ᭄ᬓᬾᬭᬶᬂᬫᬵᬦᬸᬱᬇᬓᬢᬲᬂᬧ᭄ᬭᬚ᭄ᬜᬵᬦ᭄᭞ᬮᬯᬦ᭄‌ᬲᬂᬫᬢᬸᬢᬸᬃᬓᬦᬶᬱ᭄ᬝ᭞ᬫᬥ᭄ᬬᬫᭀᬢ᭄ᬢᬫ᭞ᬇᬓᬮ᭄ᬯᬶᬃᬦ᭄ᬬ᭞ᬅᬧᬤᬸᬫᬾᬄᬬᬦ᭄‌ᬫᬗ᭄ᬓᬦ᭞ᬅᬧᬓᬦᬶ

Auto-transliteration

[28 28B] 28 nan, anlalisbhaṭāreriya, kewalatankinahananjuga, gatinyadeningātmāwiśeṣa, ikangātmāndyahowahanangkāna, ikangātmālawĕlawöjuga, ikapamka sningātmāgaṇal, ikanghinarananhidhĕp, yatamatangnyanikangwāyu, śabda, idhĕpjugahanangkāna, wāyupinakahuripnya, ikanghidhĕpinakāngĕnangĕnya, ikangśabdapina kaswaranya, yatamatangnyan, tanpawastuśabdaningtriyak, apantankinahanandeningātmāwiśeṣa, kunangikangwāyu, śabda, hidhĕpjugalariḥwar̀tta, ikaringtriyakma göngadmit, tkaringsthāwara, janggama, tr̥ĕṇa, taru, latā, lulma, tananakatunan, wāyu, śabda, hidhĕp, ikangsattwatuwuḥ, kunangikangsanghyangātmāwiśeṣa, kewalajugasi [29 29A] ratanhanangkāna, ndanlupalakṣaṇāknaringjanmasamangke. ikangwāyu, śabda, idhĕpjugalariḥwar̀tta, hanaringjanmamānuṣa, mwangkaniṣṭa, madhyamottama, tananakatunanwāyu , śabda, idhĕp, kunangsanghyangātmāwiśeṣa, ādhyātmikajugasira, sangkinahananātmāwiśeṣa, tlaskaruhunbhaṭṭāramahulun, mangar̀ṇṇdhaneriya, ikangjanmamānuṣakabeḥ , tanpadhalawanrowangnya, hanatutur̀, hanalupa, hanaprajñān, hanapunggung, apakalinganya, sangkihanandeningātmāwiśeṣa, prajñānatutur, apanikangatutur̀ ngaranya, yekapangawaksanghyangwiśeṣa, mangkeringmānuṣa'ikatasangprajñān, lawansangmatutur̀kaniṣṭa, madhyamottama, ikalwir̀nya, apadumeḥyanmangkana, apakani

Leaf 29

Image on Archive.org

[᭒᭙ 29B] ᭒᭙ ᬱ᭄ᬝ᭞ᬫᬥ᭄ᬬᬫᭀᬢ᭄ᬢᬫ᭞ᬮᬓ᭄ᬱᬡᬲᬂᬳ᭄ᬬᬗᬵᬢ᭄ᬫᬵ᭞ᬲᬂᬓᬸᬫᬳᬦᬦ᭄‌ᬭᬶᬂᬫᬵᬦᬸᬱᬚᬦ᭄ᬫ᭞ᬬᬢᬫᬢᬂᬦ᭄ᬬᬦ᭄‌ᬓᬦᬶᬱ᭄ᬝ᭞ᬫᬥ᭄ᬬᬫᭀᬢ᭄ᬢᬫ᭞ᬮ᭄ᬯᬶᬃᬦᬶᬓᬂᬲᬂᬫᬢᬸᬢᬸᬃᬮᬯᬦ᭄‌ᬧ᭄ᬭᬚ᭄ᬜᬵᬦ᭄᭞ᬓᬸᬦᬂᬲᬗᬧᬸᬗ᭄ᬕᬸᬂ ᬮᬯᬦ᭄‌ᬲᬂᬫᬮᬸᬧ᭞ᬅᬓ᭄ᬥᬶᬓ᭄‌ᬢᬸᬢᬸᬃᬦ᭄ᬬ᭞ᬓᬦᬶᬱ᭄ᬝᬦᬶᬂᬓᬦᬶᬱ᭄ᬝ᭞ᬇᬓᬗᬵᬢ᭄ᬫᬵᬗᬭᬦᬶᬓᬬᬦ᭄ᬫᬗ᭄ᬓᬦ᭞ᬦᬳᬦ᭄‌ᬬᬸᬓ᭄ᬢᬶᬦᬶᬓᬂᬚᬦ᭄ᬫᬓᬦᬶᬱ᭄ᬝ᭞ᬫᬥ᭄ᬬᬫᭀᬢ᭄ᬢᬫ᭞ᬤᬾᬦ᭄ᬬᬵᬫᬗ᭄ᬕᬶᬳᬓᭂᬦ᭄‌ᬓᬧ᭄ᬭᬚ᭄ᬜᬦ᭄ ᬮᬯᬦ᭄ᬢᬸᬢᬸᬭ᭄᭞ᬅᬧᬦᬶᬓᬗᬵᬢ᭄ᬫᬵᬓᬦᬶᬱ᭄ᬝ᭞ᬫᬥ᭄ᬬᭀᬢ᭄ᬢᬫ᭞ᬮᬓ᭄ᬱᬡᬦ᭄ᬬᬳᬦᬭᬶᬂᬚᬵᬕ᭄ᬭᬧᬤ᭞ᬮᬯᬦ᭄‌ᬳᬦᬭᬶᬂᬢᬹᬃᬬ᭄ᬬᬧᬤ᭞ᬬᬦᬵᬢ᭄ᬫᬵᬉᬢ᭄ᬢᬫ᭞ᬳᬦᬭᬶᬓᬂᬯ᭄ᬯᬂ᭞ᬉᬢ᭄ᬢᬫᬦᬶᬓᬂᬯ᭄ᬯᬂ᭟ᬉᬫᬗ᭄ᬕᬸᬳᬓᭂᬦ᭄ ᬓᬧ᭄ᬭᬚ᭄ᬜᬵᬦ᭄‌ᬮᬯᬦ᭄‌ᬢᬸᬢᬸᬭ᭄᭞ᬬᬦ᭄‌ᬫᬾᬥ᭄ᬬᬓᬗᬵᬢ᭄ᬫᬵ᭞ᬳᬦᬭᬶᬓᬂᬯ᭄ᬯᬂ᭞ᬫᬥ᭄ᬬᬤᬾᬦ᭄ᬬᬵᬫᬗ᭄ᬕᬶᬳᬓᭂᬦ᭄‌ᬓᬧ᭄ᬭᬚ᭄ᬜᬵᬦᬦ᭄ᬬᬮᬯᬦ᭄‌ᬢᬸᬢᬸᬭ᭄᭞ᬓᬸᬦᬂᬬᬦ᭄‌ᬓᬦᬶᬱ᭄ᬝᬦᬶᬗᬵᬢ᭄ᬫᬵ᭞ᬳᬦᬭᬶᬓᬂᬯ᭄ᬯᬂ᭞ᬓᬦᬶᬱ᭄ᬝ [᭓᭐ 30A] ᬤᬾᬦ᭄ᬬᬵᬫᬗ᭄ᬕᬶᬳᬓᭂᬦ᭄‌ᬓᬧ᭄ᬭᬚ᭄ᬜᬵᬦ᭄‌ᬮᬯᬦ᭄‌ᬢᬸᬢᬸᬭ᭄᭞ᬓᬸᬦᬂᬬᬦ᭄‌ᬓᬦᬶᬱ᭄ᬝᬦᬶᬂᬓᬦᬶᬱ᭄ᬝᬇᬓᬗᬵᬢ᭄ᬫᬵ᭞ᬳᬦᬭᬶᬓᬂᬯ᭄ᬯᬂ᭞ᬢᬦ᭄‌ᬳᬦᬾᬓᬂᬓᬧ᭄ᬭᬚ᭄ᬜᬵᬦ᭄‌ᬮᬯᬦ᭄᭞ᬬᬦ᭄‌ᬫᬗ᭄ᬓᬦ᭞ᬢᬸᬳᬸᬦ᭄‌ᬢᬸ ᬢᬸᬃᬫᬵᬢ᭄ᬭᬚᬸᬕ᭞ᬳᬦᬭᬶᬓᬂᬯ᭄ᬯᬂ᭞ᬬᬦ᭄‌ᬫᬗ᭄ᬓᬦ᭞ᬓᬸᬦᬂᬲᬂᬓᬶᬦᬳᬦᬦ᭄‌ᬤᬾᬦᬶᬗᬵᬢ᭄ᬫᬵᬯᬶᬰᬾᬱ᭞ᬉᬢ᭄ᬢᬫ᭞ᬲᬶᬭᬢᬫᬾᬯᭂᬄᬆᬢ᭄ᬫᬵᬉᬢ᭄ᬢᬫ᭞ᬆᬢ᭄ᬫᬵᬯᬶᬰᬾᬱᬗᬭᬦᬶᬭ᭟ᬦ᭄ᬤᬦ᭄‌ᬢᬳᬫ᭄‌ᬧᬶᬄ᭞ᬅᬤᬾ ᬇᬓᬂᬧᬥᬢᬂᬯ᭄ᬯᬂᬓᬶᬦᬳᬦᬦ᭄‌ᬤᬾᬦᬶᬗᬵᬢ᭄ᬫᬵᬯᬶᬰᬾᬱ᭞ᬢᬦᬦᬓᬢᬸᬦᬯᬶᬰᬾᬱᬇᬓᬗᬭᬦ᭄ᬬ᭞ᬇᬓᬂᬭᬵᬢ᭄‌ᬓᬩᬾᬄ᭞ᬓᬸᬦᬂᬲᭀᬃᬍᬯᬶᬄᬮᬯᬦ᭄‌ᬭᭀᬯᬂᬦ᭄ᬬᬯᬦᬾᬄ᭞ᬇᬓᬂᬰᬸᬪᬵᬰᬸᬪᬓᬃᬫ᭄ᬫᬤᬸ ᬫᬤ᭄ᬬᬓᭂᬦᬶᬓ᭞ᬬᬾᬓᬦᬶᬫᬶᬢ᭄ᬢᬦᬶᬂᬚᬦ᭄ᬫᬓᬦᬶᬱ᭄ᬝ᭞ᬫᬥ᭄ᬬ᭞ᬉᬢ᭄ᬢᬫ᭞ᬮ᭄ᬯᬶᬃᬦ᭄ᬬ᭟ᬫᬗ᭄ᬓᬦᬮᬶᬗᬦ᭄ᬢᬲᬂᬧᬭ᭞ᬲᬶᬗ᭄ᬕᬶᬄᬰᬩ᭄ᬤᬲᬂᬧᬭ᭞ᬇᬓᬂᬲᬸᬦᬤᬸᬄᬦᬗᬭᬦᬶᬓ᭞ᬦ᭄ᬤᬦᬶᬓᬂᬰᬸᬪᬵᬰᬸᬪᬵᬗᬭᬦᬶᬭ᭞ᬇᬓᬂᬧ᭄ᬭ

Auto-transliteration

[29 29B] 29 ṣṭa, madhyamottama, lakṣaṇasanghyangātmā, sangkumahananringmānuṣajanma, yatamatangnyankaniṣṭa, madhyamottama, lwir̀nikangsangmatutur̀lawanprajñān, kunangsangapunggung lawansangmalupa, akdhiktutur̀nya, kaniṣṭaningkaniṣṭa, ikangātmāngaranikayanmangkana, nahanyuktinikangjanmakaniṣṭa, madhyamottama, denyāmanggihakĕnkaprajñan lawantutur, apanikangātmākaniṣṭa, madhyottama, lakṣaṇanyahanaringjāgrapada, lawanhanaringtūr̀yyapada, yanātmā'uttama, hanarikangwwang, uttamanikangwwang. umangguhakĕn kaprajñānlawantutur, yanmedhyakangātmā, hanarikangwwang, madhyadenyāmanggihakĕnkaprajñānanyalawantutur, kunangyankaniṣṭaningātmā, hanarikangwwang, kaniṣṭa [30 30A] denyāmanggihakĕnkaprajñānlawantutur, kunangyankaniṣṭaningkaniṣṭa'ikangātmā, hanarikangwwang, tanhanekangkaprajñānlawan, yanmangkana, tuhuntu tur̀mātrajuga, hanarikangwwang, yanmangkana, kunangsangkinahanandeningātmāwiśeṣa, uttama, siratamewĕḥātmā'uttama, ātmāwiśeṣangaranira. ndantahampiḥ, ade ikangpadhatangwwangkinahanandeningātmāwiśeṣa, tananakatunawiśeṣa'ikangaranya, ikangrātkabeḥ, kunangsor̀l̥ĕwiḥlawanrowangnyawaneḥ, ikangśubhāśubhakar̀mmadu madyakĕnika, yekanimittaningjanmakaniṣṭa, madhya, uttama, lwir̀nya. mangkanalingantasangpara, singgiḥśabdasangpara, ikangsunaduḥnangaranika, ndanikangśubhāśubhāngaranira, ikangpra

Leaf 30

Image on Archive.org

[᭓᭐ 30B] ᭓᭐ ᬚ᭄ᬜᬵᬦ᭄‌ᬮᬯᬦ᭄‌ᬧᬸᬗ᭄ᬕᬸᬂ᭞ᬇᬓᬂᬢᬸᬢᬸᬃᬮᬯᬦ᭄‌ᬮᬸᬧ᭞ᬬᬾᬓᬶᬘᬭᬶᬢᬭᬸᬫᬸᬳᬸᬦ᭄᭞ᬅᬧᬧ᭄ᬯᬦᬶᬫᬶᬢ᭄ᬢᬦ᭄ᬬ᭞ᬳᬦᬧ᭄ᬭᬚ᭄ᬜᬵᬦ᭄‌ᬓᬶᬦᬳᬦᬦ᭄‌ᬤᬾᬦᬶᬂᬢᬸᬢᬸᬭ᭄᭞ᬦ᭄ᬤᬦ᭄‌ᬓᬵᬲ᭄ᬬᬲᬶᬄᬚᬸᬕᬬ᭞ᬢᬦ᭄‌ᬓᬶᬦ ᬳᬦᬦ᭄‌ᬤᬾᬦᬶᬂᬯᬶᬪᬯ᭞ᬗᬸᬦᬶᬯᬾᬄᬬᬦ᭄‌ᬯᬶᬓᬵᬭᬵᬓᬵᬭᬓᬸᬦᬂ᭞ᬇᬓᬂᬚᬦ᭄ᬫᬫᬗ᭄ᬓᬦ᭞ᬦ᭄ᬤᬦ᭄‌ᬢᬸᬢᬸᬃᬮᬯᬦ᭄‌ᬓᬧ᭄ᬭᬚ᭄ᬜᬵᬦ᭄‌᭞ᬢᬦ᭄‌ᬲᬄᬚᬸᬕᬲᬓᬾᬭᬶᬬ᭞ᬬᬾᬓᬧᬶᬦᬓᬤᬺᬩ᭄ᬬᬦ᭄ᬬ᭞ᬧᬶᬦᬓᬫᬵ ᬲ᭄ᬫᬡᬶᬓ᭄ᬦ᭄ᬬ᭞ᬳᬦᬢᬬᬚᬦ᭄ᬫᬲᬮᬶᬲᬸᬄ᭞ᬅᬫᬗ᭄ᬕᬶᬳᬯᬶᬪᬯᬢ᭄ᬳᭂᬭ᭄᭞ᬢᬦ᭄‌ᬳᬦᬢᬸᬢᬸᬃᬦ᭄ᬬ᭞ᬢᬦ᭄‌ᬓᬶᬦᬳᬦᬦ᭄‌ᬤᬾᬦᬶᬂᬧ᭄ᬭᬚ᭄ᬜᬵᬦ᭄᭞ᬅᬧᬦ᭄‌ᬤᬸᬫᬤ᭄ᬬᬦᬶᬓ᭞ᬅᬤᬾᬇᬓᬲᭂᬗ᭄ᬕᬸᬳᬦ᭄‌ᬰᬸᬪᬓᬃᬫ᭄ᬫ ᬤᬸᬫᬤ᭄ᬬᬓᭂᬦᬶᬓ᭞ᬲᬂᬓ᭄ᬱᬾᬧᬦ᭄ᬬ᭞ᬮᬭᬗᬦ᭄‌ᬚᬸᬕᬲᬂᬓᬶᬦᬳᬦᬦ᭄‌ᬤᬾᬦᬶᬂᬗᬵᬢ᭄ᬫᬵᬯᬶᬰᬾᬱᬲᬂᬧ᭄ᬭᬚ᭄ᬜᬵᬦ᭄᭞ᬲᬂᬫᬢᬸᬢᬸᬭ᭄᭞ᬲᬂᬓᬶᬦᬳᬦᬦ᭄‌ᬤᬾᬦᬶᬗᬵᬢ᭄ᬫᬵᬯᬶᬰᬾᬱ᭞ᬦᬶᬳᬦ᭄‌ᬧᬂᬮᬗ᭄ᬕᬦᬾᬭᬶ [᭓᭑ 31A] ᬓᬂᬭᬵᬢ᭄‌ᬓᬩᬾᬄ᭞ᬢᬦᬦᬯᬾᬳᬦᬧᬸᬗ᭄ᬕᬸᬗᬮᬯᬦᬶᬓᬂᬮᬸᬧ᭞ᬓᬾᬯᬮᬢᬸᬢᬸᬭ᭄᭞ᬓᬧ᭄ᬭ᭄ᬯᬚ᭄ᬜᬵᬦ᭄‌ᬮ᭄ᬯᬶᬭᬦ᭄ᬬᬓᬩᬾᬄ᭞ᬇᬓᬂᬚᬦ᭄ᬫᬓᬦᬶᬱ᭄ᬝ᭞ᬫᬥ᭄ᬬ᭞ᬉᬢ᭄ᬢᬫ᭞ᬢᬦ᭄‌ᬳᬦᬮᬸᬧᬮᬯᬦ᭄‌ᬧᬸ ᬗ᭄ᬕᬸᬂ᭞ᬫᬢᬸᬢᬸᬭᬧ᭄ᬭᬚ᭄ᬜᬵᬦ᭄‌ᬚᬸᬕᬓᬾᬦᬓᬦ᭄ᬬᬓᬩᬾᬄ᭞ᬅᬧᬦ᭄‌ᬧᬥᬳᬶᬦᬦ᭄ᬤᭂᬮᬦ᭄᭞ᬧᬥᬓᬶᬦᬳᬦᬦ᭄‌ᬤᬾᬦᬶᬗᬵᬢ᭄ᬫᬵᬯᬶᬰᬾᬱ᭞ᬮᬶᬗᬦ᭄ᬢᬓᬫᬸᬂᬧᬭ᭞ᬅᬧᬯ᭄ᬯᬕᬯᬾᬦ᭄ᬬᬢᬦ᭄‌ᬫᬗ᭄ᬓᬦ᭞ᬦᬳᬦ᭄‌ᬧᬂ ᬳᬶᬗ᭄ᬕᬦᬫᬗᬦᬸᬫᬵᬦᬦ᭄᭞ᬅᬦ᭄‌ᬫᬾᬯᭂᬄᬇᬓᬲᬂᬓᬶᬦᬳᬦᬦ᭄‌ᬤᬾᬦᬶᬗᬵᬢ᭄ᬫᬵᬯᬶᬰᬾᬱ᭞ᬲᬂᬳ᭄ᬬᬗᬵᬢ᭄ᬫᬵᬯᬶᬰ᭄ᬯᬾᬱᬗᬭᬦᬶᬭ᭞ᬧ᭄ᬭᬚ᭄ᬜᬵᬦ᭄‌ᬫᬓᬵᬯᬓ᭄‌ᬢᬸᬢᬸᬃᬧ᭄ᬭᬓᬵᬰ᭞ᬚᬸᬕ᭞ᬦᬳᬦ᭄‌ᬧᬗᬦᬸᬫᬵᬦᬦ᭄᭞ᬇᬓᬂ ᬚᬦ᭄ᬫᬮᬸᬧᬮᬯᬦ᭄‌ᬧᬸᬗ᭄ᬕᬸᬂ᭞ᬢᬦ᭄‌ᬓᬶᬦᬳᬦᬦ᭄‌ᬤᬾᬦᬶᬂᬢᬸᬢᬸᬃ᭞ᬮᬯᬦ᭄‌ᬧ᭄ᬭᬚ᭄ᬜᬦ᭄᭞ᬢᬦ᭄‌ᬓᬶᬦᬳᬦᬦ᭄‌ᬚᬸᬕᬢᬶᬦ᭄ᬬᬤᬾᬦᬶᬗᬵᬢ᭄ᬫᬵᬯᬶᬰᬾᬱ᭟ᬇᬓᬗᬵᬢ᭄ᬫᬵᬦ᭄ᬤ᭄ᬬᬧ᭄ᬭᬳᬦᬗ᭄ᬓᬵᬦᬬᬦ᭄‌ᬫᬗ᭄ᬓᬦᬵ᭞ᬇᬓ

Auto-transliteration

[30 30B] 30 jñānlawanpunggung, ikangtutur̀lawanlupa, yekicaritarumuhun, apapwanimittanya, hanaprajñānkinahanandeningtutur, ndankāsyasiḥjugaya, tankina hanandeningwibhawa, nguniweḥyanwikārākārakunang, ikangjanmamangkana, ndantutur̀lawankaprajñān, tansaḥjugasakeriya, yekapinakadr̥ĕbyanya, pinakamā smaṇiknya, hanatayajanmasalisuḥ, amanggihawibhawat'hĕr, tanhanatutur̀nya, tankinahanandeningprajñān, apandumadyanika, ade'ikasĕngguhanśubhakar̀mma dumadyakĕnika, sangksyepanya, laranganjugasangkinahanandeningngātmāwiśeṣasangprajñān, sangmatutur, sangkinahanandeningātmāwiśeṣa, nihanpanglangganeri [31 31A] kangrātkabeḥ, tananawehanapunggungalawanikanglupa, kewalatutur, kaprwajñānlwiranyakabeḥ, ikangjanmakaniṣṭa, madhya, uttama, tanhanalupalawanpu nggung, matuturaprajñānjugakenakanyakabeḥ, apanpadhahinandĕlan, padhakinahanandeningātmāwiśeṣa, lingantakamungpara, apawwagawenyatanmangkana, nahanpang hingganamanganumānan, anmewĕḥikasangkinahanandeningātmāwiśeṣa, sanghyangātmāwiśweṣangaranira, prajñānmakāwaktutur̀prakāśa, juga, nahanpanganumānan, ikang janmalupalawanpunggung, tankinahanandeningtutur̀, lawanprajñan, tankinahananjugatinyadeningātmāwiśeṣa. ikangātmāndyaprahanangkānayanmangkanā, ika

Leaf 31

Image on Archive.org

[᭓᭑ 31B] ᭓᭑ ᬗᬵᬢ᭄ᬫᬵᬯ᭄ᬬᬵᬧᬵᬭ᭞ᬓᬂᬳᬦᬭᬶᬂᬚᬕ᭄ᬭᬧᬤᬚᬸᬕ᭞ᬇᬓᬗᬶᬦᬭᬦᬦ᭄‌ᬤᬶᬢ᭞ᬲᬶᬦᬗ᭄ᬕᬸᬄᬫᬗᬓᬸ᭞ᬫᬫᬲ᭄ᬢ᭄ᬯᬦᬶᬢᬦ᭄‌ᬓᬯᬲ᭄ᬢ᭄ᬯᬦ᭄‌᭞ᬫᬦᭀᬦ᭄‌ᬢᬦ᭄‌ᬓᬢᭀᬦ᭄᭞ᬬᬾᬓᬳᬗ᭄ᬓᬵᬦᬬᬦ᭄‌ᬫᬗ᭄ᬓᬦ᭞ᬬ ᬢᬫᬢᬂᬦ᭄ᬬᬦ᭄‌ᬯ᭄ᬭᬸᬄᬫᬫᬲ᭄ᬢ᭄ᬯᬦᬶᬭᬶᬂᬳᬦᬮᬯᬦ᭄‌ᬢᬦ᭄ᬳᬦ᭞ᬦᬳᬦ᭄‌ᬓᬍᬯᬶᬄᬦ᭄ᬬᬲᬗ᭄ᬓᬾᬢ᭄ᬭᬶᬬᬓ᭄᭞ᬢᬸᬳᬸᬦ᭄‌ᬢᬦ᭄‌ᬯ᭄ᬭᬸᬄᬢᬬᬭᬶᬂᬯᬶᬥᬾᬱ᭞ᬢᬦ᭄‌ᬯ᭄ᬭᬸᬄᬢᬬᬭᬶᬂᬰᬵᬲ᭄ᬢ᭄ᬭᬵᬕᬫ᭞ᬬᬢᬲᬶᬦᬗ᭄ᬕᬸᬄᬚᬦ᭄ᬫᬇᬯᭂ ᬗᬶᬯᭃᬗᬭᬦ᭄ᬬ᭞ᬓᬢ᭄ᬫᬸᬚᬸᬕᬓᬂᬢᬸᬢᬸᬃᬤᬾᬦ᭄ᬬ᭞ᬓᬳᬥᬗᬦᬂᬚᬸᬕᬓᬂᬳᬬᬸᬤᬾᬦ᭄ᬬ᭞ᬅᬧᬦ᭄‌ᬢᬦ᭄‌ᬧᬲᬸᬮᬸᬄᬰᬵᬲ᭄ᬢ᭄ᬭᬵᬕᬫ᭟ᬓᬸᬦᬂᬬᬦ᭄‌ᬳᬦᬚᬦ᭄ᬫᬓᬢᭀᬦ᭄‌ᬧ᭄ᬭᬚ᭄ᬜᬵᬦ᭄᭞ᬯᬶᬤᬕ᭄ᬥᬯ᭄ᬭᬸᬄᬫᬗᬚᬶ᭞ᬦ᭄ᬤ ᬦ᭄‌ᬓᬦᬶᬱ᭄ᬝᬤᬾᬦ᭄ᬬᬵᬫᬗ᭄ᬕᬶᬳᬓᭂᬦ᭄‌ᬓᬧ᭄ᬭᬚ᭄ᬜᬦ᭄‌ᬮᬯᬦ᭄‌ᬢᬸᬢᬸᬭ᭄᭞ᬬᬬᬢᬄᬚᬸᬕᬢᬦ᭄‌ᬓᬶᬦᬳᬦᬦ᭄‌ᬤᬾᬦᬶᬗᬵᬢ᭄ᬫᬵᬯᬶᬰᬾᬱ᭞ᬅᬢ᭄ᬫᭂᬳᬦ᭄ᬤ᭄ᬬᬧ᭄ᬯᬳᬗ᭄ᬓᬵᬦ᭞ᬇᬓᬗᬵᬢ᭄ᬫᬵᬯ᭄ᬬᬵᬧᬭᬳᬦᬭᬶᬂᬢᬹᬃᬬ᭄ᬬ [᭓᭒ 32A] ᬧᬤ᭞ᬲᬶᬭᬳᬦᬗ᭄ᬓᬵᬦ᭟ᬓᬸᬦᬂᬬᬦ᭄‌ᬳᬦᬚᬦ᭄ᬫᬓᬢᭀᬦ᭄‌ᬧ᭄ᬭᬚ᭄ᬜᬵᬦ᭄᭞ᬯᬶᬤᬕ᭄ᬥᬯ᭄ᬭᬸᬄᬫᬗᬚᬶᬢᬦ᭄‌ᬳᬦᬓᭀᬮᬶᬄᬦᬶᬭᬭᬶᬂᬕᬸᬡᬓᬩᬾᬄ᭞ᬲᬫ᭄ᬬᬕ᭄ᬚᬜᬦᬓᬸᬦᬂᬲᬶᬭ᭞ᬉᬢ᭄ᬢᬫᬤᬾᬦᬶ ᬭᬵᬫᬗ᭄ᬕᬶᬳᬓᭂᬦ᭄‌ᬓᬧ᭄ᬭᬚ᭄ᬜᬵᬦ᭄᭞ᬦ᭄ᬤᬦᬶᬭᬶᬓᬢᬬᬦᬵᬢ᭄ᬫᬵᬯᬶᬰᬾᬱ᭞ᬳᬦᬗ᭄ᬓᬵᬦᬬᬫᬗ᭄ᬓᬦ᭞ᬆᬢ᭄ᬫᬵᬯᬶᬰᬾᬱᬗᬭᬦᬶᬭ᭞ᬪᬝᬭᬥᬃᬫ᭄ᬫ᭞ᬪᬝᬭᬥᬃᬫ᭄ᬫᬗᬭᬦᬶᬭᬇᬓᬗᬵᬢ᭄ᬫᬵᬢᬦ᭄ ᬯ᭄ᬬᬵᬧᬵᬭᬳᬦᬭᬶᬂᬢᬹᬃᬬ᭄ᬬᬧᬤ᭞ᬇᬓᬂᬲᬶᬦᬗ᭄ᬕᬸᬄᬧ᭄ᬭᬚ᭄ᬜᬵᬦ᭄᭞ᬧᬶᬦᬓᬢᬸᬢᬸᬃᬧ᭄ᬭᬓᬵᬰ᭞ᬲᬶᬭᬢᬳᬦᬗ᭄ᬓᬵᬦᬬᬦ᭄‌ᬫᬗ᭄ᬓᬦ᭟ᬓᬸᬦᬂᬬᬦ᭄‌ᬳᬦᬚᬦ᭄ᬫᬓᬢᭀᬦ᭄‌ᬮᬶᬫ᭄ᬧᬤ᭄᭞ᬤᬾᬦ᭄ᬬᬉᬫᬗ᭄ᬕᬸᬳ ᬓᭂᬦ᭄‌ᬲᬓᬾᬗᬸᬢ᭄ᬢᬫᬦᬶ᭞ᬇᬓᬂᬧ᭄ᬭᬚ᭄ᬜᬵᬦ᭄‌ᬮᬯᬦ᭄‌ᬢᬸᬢᬸᬭ᭄᭞ᬮᬶᬫ᭄ᬧᬤ᭄‌ᬲᬓᬾᬗᬸᬢ᭄ᬢᬫᬗᬭᬦᬶᬭ᭞ᬯ᭄ᬦᬂᬲᬶᬭᬯ᭄ᬬᬵᬧᬶᬧ᭄ᬬᬵᬧᬓᬭᬶᬂᬲᬓᬮ᭞ᬯ᭄ᬦᬂᬢᬫᬫᬶᬦ᭄ᬢᭀᬦᬓᭂᬦ᭄‌ᬧᬗᬦᬸᬫᬵᬦᬦ᭄᭞ᬫᬓ

Auto-transliteration

[31 31B] 31 ngātmāwyāpāra, kanghanaringjagrapadajuga, ikanginaranandita, sinangguḥmangaku, mamastwanitankawastwan, manontankaton, yekahangkānayanmangkana, ya tamatangnyanwruḥmamastwaniringhanalawantanhana, nahankal̥ĕwiḥnyasangketriyak, tuhuntanwruḥtayaringwidheṣa, tanwruḥtayaringśāstrāgama, yatasinangguḥjanma'iwĕ ngiwöngaranya, katmujugakangtutur̀denya, kahadhanganangjugakanghayudenya, apantanpasuluḥśāstrāgama. kunangyanhanajanmakatonprajñān, widagdhawruḥmangaji, nda nkaniṣṭadenyāmanggihakĕnkaprajñanlawantutur, yayataḥjugatankinahanandeningātmāwiśeṣa, atmĕhandyapwahangkāna, ikangātmāwyāparahanaringtūr̀yya [32 32A] pada, sirahanangkāna. kunangyanhanajanmakatonprajñān, widagdhawruḥmangajitanhanakoliḥniraringguṇakabeḥ, samyagjañanakunangsira, uttamadeni rāmanggihakĕnkaprajñān, ndanirikatayanātmāwiśeṣa, hanangkānayamangkana, ātmāwiśeṣangaranira, bhaṭaradhar̀mma, bhaṭaradhar̀mmangaranira'ikangātmātan wyāpārahanaringtūr̀yyapada, ikangsinangguḥprajñān, pinakatutur̀prakāśa, siratahanangkānayanmangkana. kunangyanhanajanmakatonlimpad, denya'umangguha kĕnsakenguttamani, ikangprajñānlawantutur, limpadsakenguttamangaranira, wnangsirawyāpipyāpakaringsakala, wnangtamamintonakĕnpanganumānan, maka

Leaf 32

Image on Archive.org

[᭓᭒ 32B] ᭓᭒ ᬤᬺᬩ᭄ᬬᬓᬵᬱ᭄ᬝᬾᬂᬰ᭄ᬯᬃᬬ᭄ᬬᬦ᭄᭞ᬫ᭄ᬯᬂᬫᬦᭂᬫ᭄ᬯᬓᭂᬦ᭄‌ᬬᭀᬕᬯᬶᬰᬾᬱ᭞ᬉᬢ᭄ᬢᬫᬤᬾᬦᬶᬭᬉᬫᬗ᭄ᬕᬸᬳᬓᭂᬦ᭄‌ᬓᬬᭀᬕᬷᬰ᭄ᬯᬭᬦ᭄᭞ᬦ᭄ᬤᬵᬢᬦ᭄‌ᬯ᭄ᬦᬂᬭᬶᬦᬓ᭄ᬯᬦ᭄᭞ᬪᬝᬵᬭᬵᬤᬶᬧ᭄ᬭᬫᬵᬡᬳᬦᬾᬗ᭄ᬓᬵᬦᬫᬗ᭄ᬓᬦ᭞ᬪ ᬝᬵᬭᬵᬤᬶᬧ᭄ᬭᬫᬡᬗᬭᬦᬶᬭᬪᬝᬵᬭᬲᬤᬵᬰᬶᬯᬵᬢᬢ᭄ᬢ᭄ᬯ᭞ᬗᬸᬦᬶᬯᬾᬄᬪᬝᬵᬭᬥᬃᬫ᭄ᬫ᭞ᬲᬶᬭᬇᬓᬳᬦᬗ᭄ᬓᬦᬬᬦ᭄‌ᬫᬗ᭄ᬓᬦ᭟ᬦᬳᬦ᭄‌ᬧ᭄ᬭᬪᬾᬤᬦᬶᬗᬵᬢ᭄ᬫᬵ᭞ᬅᬦ᭄‌ᬓᬦᬶᬱ᭄ᬝ᭞ᬫᬥ᭄ᬬ᭞ᬉᬢ᭄ᬢᬫ᭞ᬲᬂ ᬓᬸᬫᬳᬦᬾᬓᬂᬚᬦ᭄ᬫᬢᬸᬢᬸᬃᬮᬯᬦ᭄‌ᬧ᭄ᬭᬚ᭄ᬜᬵᬦ᭄᭟ᬇᬓᬧᬸᬳᬦ᭄‌ᬗ᭄ᬯᬂᬭᬸᬫᬲᬾᬗᬶᬓᬂᬢᬢ᭄ᬢ᭄ᬯᬳᬭᬳ᭄᭞ᬇᬓᬂᬲᬶᬦᬗ᭄ᬕᬸᬄᬅᬢ᭄ᬫᬵᬮᬯᭂᬮᬯᭃ᭞ᬚᬸᬕᬢᬫᬸᬫ᭄ᬧᬸᬳᬶᬂᬳᬮᬳᬬᬸ᭞ᬮᬶᬂᬦᬶᬗᬵᬕᬫ᭞ᬓᬸᬦᬂᬗᬶᬓᬗᬵ ᬢ᭄ᬫᬵᬳᬦᬭᬶᬂᬚᬵᬕ᭄ᬭᬧᬤ᭞ᬮᬯᬦᬶᬓᬗᬵᬢ᭄ᬫᬵᬳᬦᬭᬶᬂᬢᬹᬃᬬ᭄ᬬᬧᬥ᭞ᬬᬾᬓᬢᬦ᭄‌ᬫᬶᬮᬸᬢᬸᬫᬫ᭄ᬧᬸᬄᬭᬶᬂᬳᬮᬳᬬᬸ᭞ᬮᬶᬂᬦᬶᬂᬢᬢ᭄ᬢ᭄ᬯᬢᬫ᭄ᬗᬾᬬᬦ᭄᭞ᬫᬗ᭄ᬓᬾᬧ᭄ᬯᬬᬲᬶᬭᬧᬶᬦᬓᬵᬢ᭄ᬫᬵ᭞ᬲᬫᬓ [᭓᭓ 33A] ᬦᬶᬱ᭄ᬝ᭟ᬫᬥ᭄ᬬᬉᬢ᭄ᬢᬫ᭞ᬤᬾᬦᬶᬭᬉᬫᬗ᭄ᬕᬸᬳᬓᭂᬦ᭄‌ᬢᬸᬢᬸᬃᬮᬯᬦ᭄‌ᬓᬧ᭄ᬭᬚ᭄ᬜᬦ᭄᭞ᬗᬸᬦᬶᬯᬾᬄᬇᬓᬂᬧᬸᬂᬕᬸᬂᬮᬯᬦ᭄‌ᬮᬸᬧ᭞ᬢ᭄ᬮᬲ᭄‌ᬓᬭᬸᬳᬸᬦ᭄‌ᬤᬾᬦᬶᬭᬉᬫᬗ᭄ᬕᬸᬳᬓᭂᬦ᭄‌ᬮᬶᬫ᭄ᬧᬤ᭄᭞ᬲᬓᬾᬗᬸᬢ᭄ᬢᬫ᭞ᬇ ᬓᬂᬢᬸᬢᬸᬃᬮᬯᬦ᭄‌ᬧ᭄ᬭᬚ᭄ᬜᬵᬦ᭄᭞ᬦᬶᬬᬢᬫᬰᬭᬷᬭᬚᬸᬕᬪᬝᬵᬭᬬᬦ᭄‌ᬫᬗ᭄ᬓᬦ᭞ᬗᬸᬦᬶᬯᬾᬄᬇᬓᬗᬵᬢ᭄ᬫᬵᬳᬦᬭᬶᬂᬚᬵᬕ᭄ᬭᬧᬤ᭞ᬮᬯᬦᬶᬓᬗᬵᬢ᭄ᬫᬵᬳᬦᬭᬶᬂᬢᬹᬃᬬ᭄ᬬᬧᬤ᭞ᬦᬶᬬᬢᬦ᭄ᬬᬦ᭄‌ᬫᬰᬭᬷ ᬭᬚᬸᬕᬬᬦ᭄‌ᬫᬗ᭄ᬓᬦ᭞ᬬᬵᬯᬢ᭄‌ᬫᬰᬭᬷᬭ᭞ᬢᬵᬯᬢ᭄‌ᬫᬶᬮᬸᬇᬓᬢᬸᬫᬫ᭄ᬧᬸᬄᬭᬶᬳᬮᬳᬬᬸᬬᬦ᭄‌ᬫᬗ᭄ᬓᬦ᭟ᬲᬸᬕ᭄ᬬᬦ᭄‌ᬫᬗ᭄ᬓᬦᬮᬶᬂᬲᬂᬧᬭᬦ᭄ᬤᬦ᭄‌ᬢᬳᬫ᭄ᬧᬶᬄ᭞ᬦᬶᬳᬦ᭄‌ᬤᬺᬱ᭄ᬝᭀᬧᬫ᭞ᬓᬤ᭄ᬬᬗ᭄ᬕᬦᬶᬂᬫᬡᬶ ᬓ᭄‌ᬲ᭄ᬨᬝᬶᬓᬲᬵᬫ᭄ᬧᬸᬦ᭄‌ᬓᬶᬦᬦᬶᬰ᭄ᬘᬬᬦᬶᬓᬂᬫᬡᬶᬓ᭄‌ᬲ᭄ᬨᬝᬶᬓ᭞ᬅᬦ᭄‌ᬓᬾᬯᬮᬰᬸᬤ᭄ᬥᬧᬸᬢᬶᬄᬦᬶᬃᬫ᭄ᬫᬮ᭞ᬦᬶᬭᬵᬯᬭᬡᬢᬦ᭄ᬧᬢᬮᬸᬢᬸᬄ᭞ᬚᬸᬕᬯᬃᬡ᭄ᬦᬦᬶᬓᬂᬫᬡᬶᬓ᭄᭞ᬢᬣᬵᬧᬶᬦ᭄ᬬᬦ᭄‌ᬫᬗ᭄ᬓᬦ

Auto-transliteration

[32 32B] 32 dr̥ĕbyakāṣṭengśwar̀yyan, mwangmanĕmwakĕnyogawiśeṣa, uttamadenira'umangguhakĕnkayogīśwaran, ndātanwnangrinakwan, bhaṭārādipramāṇahanengkānamangkana, bha ṭārādipramaṇangaranirabhaṭārasadāśiwātattwa, nguniweḥbhaṭāradhar̀mma, sira'ikahanangkanayanmangkana. nahanprabhedaningātmā, ankaniṣṭa, madhya, uttama, sang kumahanekangjanmatutur̀lawanprajñān. ikapuhanngwangrumasengikangtattwaharah, ikangsinangguḥatmālawĕlawö, jugatamumpuhinghalahayu, lingningāgama, kunangngikangā tmāhanaringjāgrapada, lawanikangātmāhanaringtūr̀yyapadha, yekatanmilutumampuḥringhalahayu, lingningtattwatamngeyan, mangkepwayasirapinakātmā, samaka [33 33A] niṣṭa. madhya'uttama, denira'umangguhakĕntutur̀lawankaprajñan, nguniweḥikangpunggunglawanlupa, tlaskaruhundenira'umangguhakĕnlimpad, sakenguttama, i kangtutur̀lawanprajñān, niyatamaśarīrajugabhaṭārayanmangkana, nguniweḥikangātmāhanaringjāgrapada, lawanikangātmāhanaringtūr̀yyapada, niyatanyanmaśarī rajugayanmangkana, yāwatmaśarīra, tāwatmilu'ikatumampuḥrihalahayuyanmangkana. sugyanmangkanalingsangparandantahampiḥ, nihandr̥ĕṣṭopama, kadyangganingmaṇi ksphaṭikasāmpunkinaniścayanikangmaṇiksphaṭika, ankewalaśuddhaputiḥnir̀mmala, nirāwaraṇatanpatalutuḥ, jugawar̀ṇnanikangmaṇik, tathāpinyanmangkana

Leaf 33

Image on Archive.org

[᭓᭓ 33B] ᭓᭓ ᬭᬓ᭄ᬢᬓ᭄ᬦᬢᬬᬇᬭᬶᬓᬂᬯᬃᬡ᭄ᬦ᭞ᬬᬦᬩᬂ᭞ᬬᬦᬓᬸᬦᬶᬂ᭞ᬇᬓᬢᬬᬦ᭄‌ᬫᬲᬮᬶᬦ᭄‌ᬯᬃᬡ᭄ᬦᬇᬓᬂᬫᬡᬶᬓ᭄᭞ᬅᬦ᭄‌ᬫᬓᬯᬃᬡ᭄ᬦᬉᬗ᭄ᬕ᭄ᬯᬦᬶᬓᬂᬭᬸᬫᬓᭂᬢ᭄‌ᬚᬸᬕᬓᬯ᭄ᬓᬲᬦ᭄᭞ᬬᬾᬓᬲᬶᬦᬗ᭄ᬕᬸᬄᬓᬭᬓ᭄ᬢ ᬦ᭄‌ᬮᬯᬦ᭄‌ᬓᭀᬧᬋᬗ᭄ᬕᬦ᭄‌ᬗᬭᬦ᭄ᬬ᭞ᬓᬤᬶᬳᬶᬮᬂᬯᬃᬡ᭄ᬦᬦᬶᬓᬂᬫᬡᬶᬓ᭄‌ᬓᬳᬶᬥᭂᬧᬦ᭄ᬬ᭞ᬢ᭄ᬮᬃᬚᬸᬕᬯᬃᬡ᭄ᬦᬦᬶᬓᬂᬢᬦ᭄ᬧᬢᬸᬮᬸᬢᬸᬄ᭞ᬫᬓᬦᬶᬫᬶᬢ᭄ᬢᬧᬲᬳᬓ᭄ᬦᬳᬶᬓᬂᬫᬡᬶᬓ᭄‌ᬮᬯᬦᬶᬓᬂᬯᬃᬡ᭄ᬦ᭞ᬦ᭄ᬤ ᬦᬶᬭᬶᬓᬢᬬᬦ᭄‌ᬓᬢᭀᬦ᭄‌ᬰᬸᬤ᭄ᬥᬧᬸᬢᬶᬄᬦᬶᬃᬫ᭄ᬫᬮ᭞ᬇᬓᬂᬫᬡᬶᬓ᭄‌ᬮᬯᬦᬶᬓᬂᬯ᭄ᬓᬲᬦ᭄‌᭞ᬫᬸᬯᬄᬭᬶᬚᬵᬢᬶᬦ᭄ᬬᬇᬦᬶ᭞ᬇᬓᬂᬯᬃᬡ᭄ᬦᬭᬓ᭄ᬢᬦ᭄ᬬᬗᬹᬦᬶ᭞ᬳᬦᬾᬓᬵᬯᬓᬦ᭄ᬬᬚᬸᬕᬾᬓᬯ᭄ᬓᬲᬦ᭄᭟ᬅ ᬮᬶᬳᬓ᭄ᬦᬢᬮᬶᬗᬧᬗ᭄ᬭᬗᭃ᭞ᬇᬯᬫᬗ᭄ᬓᬦᬢᬲᬂᬳ᭄ᬬᬗᬵᬢ᭄ᬫᬵᬳᬦᬭᬶᬂᬚᬕ᭄ᬭᬧᬤ᭞ᬮᬯᬦ᭄‌ᬲᬂᬳ᭄ᬬᬗᬵᬢ᭄ᬫᬵᬳᬦᬭᬶᬂᬢᬹᬃᬬ᭄ᬬᬧᬤ᭞ᬅᬦ᭄‌ᬧᬶᬦᬓᬵᬢ᭄ᬫᬵᬦᬶᬂᬭᬵᬢ᭄‌ᬓᬩᬾᬄ᭞ᬦ᭄ᬤᬦᬮᬶᬢᬘᬶᬦ᭄ᬢ᭄ᬬᬲᬹᬓ᭄ᬱ᭄ᬫ [᭓᭔ 34A] ᬚᬸᬕᬲᬶᬭ᭞ᬦᬶᬂᬫᬮ᭞ᬰᬸᬤ᭄ᬥᬧᬸᬢᬶᬄ᭞ᬦᬶᬭᬵᬯᬭᬡᬢᬦ᭄ᬧᬢᬮᬸᬢᬸᬄ᭞ᬫᬓᬵᬯᬓ᭄‌ᬲ᭄ᬨᬝᬶᬓᬚ᭄ᬜᬵᬦᬚᬸᬕᬲᬶᬭ᭞ᬬᬢᬫᬢᬂᬦ᭄ᬬᬦ᭄‌ᬢᬦ᭄‌ᬓ᭄ᬦᬲᬶᬭᬭᬶᬂᬳᬮᬳᬬᬸ᭞ᬓᬢᬸᬦᬸᬲᬶᬭᬢᬦ᭄‌ᬕᭂ ᬲᭂᬂ᭞ᬓᬍᬩᬸᬭᬶᬂᬩᬜᬸᬲᬶᬭᬢᬦ᭄‌ᬢᬼᬲ᭄᭞ᬅᬧᬦᬮᬶᬢ᭄‌ᬲᬹᬓ᭄ᬱ᭄ᬫᬚᬸᬕᬲᬶᬭ᭞ᬅᬘᬶᬦ᭄ᬢ᭄ᬬᬵᬗᬦ᭄ᬤᭂᬮᬶᬢᬦ᭄‌ᬓᬦ᭄ᬤᭂᬓᬦ᭄‌ᬚᬸᬕᬲᬶᬭᬭᬶᬂᬚ᭄ᬜᬵᬦ᭞ᬫᬦᭀᬦ᭄‌ᬢᬦ᭄‌ᬓᬢᭀᬦ᭄᭞ᬫᬗᬓᬸᬢᬦ᭄‌ᬓᬵᬓᬸ ᭞ᬫᬫᬲ᭄ᬢ᭄ᬯᬦᬶᬢᬦ᭄‌ᬓᬯᬲ᭄ᬢ᭄ᬯᬦ᭄‌ᬚᬸᬕᬲᬶᬭᬭᬶᬂᬯᬵᬬᬸ᭞ᬰᬩ᭄ᬤ᭞ᬇᬥᭂᬧ᭄ᬦ᭄᭞ᬢᬸᬳᬸᬦ᭄‌ᬲᬶᬭᬓᭀᬧᬋᬗ᭄ᬕᬚᬸᬕᬲᬶᬭᬤᬾᬦᬶᬓᬗᬶᬦᬸᬗ᭄ᬕ᭄ᬯᬦᬶᬭ᭞ᬲᬭᬹᬧᬦᬶᬓᬗᬶᬦᬸᬗ᭄ᬕ᭄ᬯᬦᬶᬭᬧᬶᬦᬓᬭᬹᬧᬦᬶᬭ᭞ᬬᬢᬫᬢᬂᬦ᭄ᬬ ᬦ᭄‌ᬓᬤᬶᬫᬶᬮᬸᬓᬳᬶᬥᭂᬧᬦᬶᬭ᭞ᬢᬸᬫᬫ᭄ᬧᬸᬄᬭᬶᬂᬳᬮᬳᬬᬸ᭞ᬓᬶᬦ᭄ᬢᬸᬢᬳ᭞ᬇᬓᬗᬵᬢ᭄ᬫᬵᬳᬦᬭᬶᬂᬲᬸᬧ᭄ᬢᬧᬤ᭞ᬮᬯᬦᬶᬓᬗᬵᬢ᭄ᬫᬵᬳᬦᬭᬶᬂᬲ᭄ᬯᬧ᭄ᬦᬧᬤ᭞ᬚᬸᬕᬫᬂᬳᬶᬥᭂᬧ᭄‌ᬲᬂᬲᬵᬭ᭞ᬅᬧᬸᬢᭂᬭᬦ᭄‌ᬭᬶᬂ

Auto-transliteration

[33 33B] 33 raktaknataya'irikangwar̀ṇna, yanabang, yanakuning, ikatayanmasalinwar̀ṇna'ikangmaṇik, anmakawar̀ṇna'unggwanikangrumakĕtjugakawkasan, yekasinangguḥkarakta nlawankopar̥ĕngganngaranya, kadihilangwar̀ṇnanikangmaṇikkahidhĕpanya, tlar̀jugawar̀ṇnanikangtanpatulutuḥ, makanimittapasahaknahikangmaṇiklawanikangwar̀ṇna, nda nirikatayankatonśuddhaputiḥnir̀mmala, ikangmaṇiklawanikangwkasan, muwaḥrijātinya'ini, ikangwar̀ṇnaraktanyangūni, hanekāwakanyajugekawkasan. a lihaknatalingapangrangö, iwamangkanatasanghyangātmāhanaringjagrapada, lawansanghyangātmāhanaringtūr̀yyapada, anpinakātmāningrātkabeḥ, ndanalitacintyasūkṣma [34 34A] jugasira, ningmala, śuddhaputiḥ, nirāwaraṇatanpatalutuḥ, makāwaksphaṭikajñānajugasira, yatamatangnyantanknasiraringhalahayu, katunusiratan'gĕ sĕng, kal̥ĕburingbañusiratantl̥ĕs, apanalitsūkṣmajugasira, acintyāngandĕlitankandĕkanjugasiraringjñāna, manontankaton, mangakutankāku , mamastwanitankawastwanjugasiraringwāyu, śabda, idhĕpn, tuhunsirakopar̥ĕnggajugasiradenikanginunggwanira, sarūpanikanginunggwanirapinakarūpanira, yatamatangnya nkadimilukahidhĕpanira, tumampuḥringhalahayu, kintutaha, ikangātmāhanaringsuptapada, lawanikangātmāhanaringswapnapada, jugamanghidhĕpsangsāra, aputĕranring

Leaf 34

Image on Archive.org

[᭓᭔ 34B] ᭓᭔ ᬤᬾᬯᬢᬵ᭞ᬫᬵᬦᬸᬱ᭞ᬢ᭄ᬭᬶᬬᬓ᭄᭞ᬢᬸᬫᬫ᭄ᬧᬸᬄᬭᬶᬂᬳᬮᬳᬬᬸ᭞ᬲᬸᬧ᭄ᬢᬳᭀᬯᬤᬗᬭᬦ᭄ᬬᬇᬓᬂᬮᬸᬧ᭞ᬬᬾᬓᬦᬶᬫᬶᬢ᭄ᬢᬦᬶᬗᬵᬢ᭄ᬫᬵᬫᬢᬸᬭᬸ᭞ᬲ᭄ᬯᬧ᭄ᬦᬧᬤᬗᬭᬦ᭄ᬬᬳᭀᬯᬭᬦᬶᬗᬵᬢ᭄ᬫᬵᬫᬗᬶᬧᬶ᭞ᬇᬓᬗᬵᬢ᭄ᬫᬵ ᬳᬦᬭᬶᬂᬲᬸᬧ᭄ᬢᬧᬤᬮᬯᬦᬶᬓᬗᬵᬢ᭄ᬫᬵᬳᬦᬭᬶᬂᬲ᭄ᬯᬧ᭄ᬦᬧᬤ᭞ᬬᬾᬓᬲᬶᬦᬗ᭄ᬕᬸᬄᬆᬢ᭄ᬫᬵᬲᬂᬲᬵᬭᬗᬭᬦ᭄ᬬ᭞ᬓᬶᬦ᭄ᬢᬸᬢᬸᬗ᭄ᬕᬮ᭄‌ᬲᬂᬳ᭄ᬬᬗᬵᬢ᭄ᬫᬵ᭞ᬇᬓᬚᬸᬕᬧᬥᬫᬧ᭄ᬭᬪᬾᬤᬲᬂᬰᬬᬕᬡᬮ᭄᭞ᬆᬢ᭄ᬫᬵ ᬫᬳᬼᬢᬶᬓᬂᬲᬃᬯ᭄ᬯᬢᬢ᭄ᬢ᭄ᬯ᭞ᬅᬦ᭄‌ᬫᬢᬸᬫ᭄ᬧᬂᬢᬸᬫ᭄ᬧᬗᬦ᭄᭞ᬓᬤᬶᬢᬮᬦᬶᬂᬢᬯ᭄ᬯᬦ᭄‌ᬓᬓ᭄ᬱᬡᬲᬂᬳ᭄ᬬᬗᬵᬢ᭄ᬫᬵ᭞ᬳᬦᬭᬶᬂᬲᬧᬤᬧᬤ᭞ᬆᬢ᭄ᬫᬵᬬᬢᬇᬦᬭᬦᬦ᭄‌ᬳᬦᬓ᭄‌ᬦᬶᬂᬢᬯᭀᬦ᭄᭞ᬉᬫᬸ ᬗ᭄ᬕᬸᬄᬇᬭᬶᬓᬂᬧᬤ᭞ᬦᬶᬳᬦ᭄‌ᬮᬓ᭄ᬱᬡᬲᬂᬳ᭄ᬬᬗᬵᬢ᭄ᬫᬵᬓᬾᬗᭂᬢᬓ᭄ᬦ᭞ᬬᬦᬸᬫᬸᬗ᭄ᬕᬸᬄᬲᬶᬭᬭᬶᬂᬲ᭄ᬯᬧ᭄ᬦᬧᬤᬮ᭄ᬗᭂᬮ᭄ᬗᭃᬳᬶᬯᭂᬗᬶ᭞ᬯᭂᬂᬚᬸᬕᬮᬓ᭄ᬱᬡᬦ᭄ᬬ᭞ᬳᬦᬦ᭄‌ᬢᬸᬢᬸᬭᬃᬤ᭄ᬥᬯᬸᬭᬵᬯᬸᬢᬦ᭄‌ᬯᬲ᭄ᬧᬤ [᭓᭕ 35A] ᬓᬤᬶᬮᬓ᭄ᬱᬡᬦᬶᬂᬫᬗᬶᬮᭀᬭᬶᬂᬯ᭄ᬯᬾᬚᬸᬕᬢᬸᬫᭀᬦᬶᬂᬯᬲ᭄ᬢᬸᬳᬦᬮᬯᬦ᭄ᬢᬦ᭄ᬳᬦ᭟ᬫᬗ᭄ᬕᬸᬄᬓᬧᭀᬲᬶᬭᬭᬶᬂᬲᬸᬧ᭄ᬢᬧᬤ᭞ᬅᬮᬸᬧᬯᬶᬧᬭᬷᬢᬢᬦ᭄‌ᬓᬳᬦᬦ᭄‌ᬢᬸᬢᬸᬭ᭄᭞ᬓᬤᬶᬳᬶᬮᬂᬚᬸᬕᬲᬂ ᬳ᭄ᬬᬗᬵᬢ᭄ᬫᬵᬮᬸᬗ᭄ᬳᬢ᭄ᬓ᭞ᬅᬧᬦ᭄‌ᬲᬶᬦᬧᬸᬢᬶᬂᬓᬵᬮᬦᬶᬤ᭄ᬭᬵ᭟ᬫᬸᬗ᭄ᬕᬸᬄᬓᬧᭀᬲᬶᬭᬭᬶᬂᬚᬵᬕ᭄ᬭᬧᬤ᭞ᬅᬯᬲ᭄‌ᬧ᭄ᬭᬢ᭄ᬬᬓ᭄ᬱᬲᬂᬳ᭄ᬬᬗᬵᬢ᭄ᬫᬵ᭞ᬢᬸᬫᭀᬦᬶᬓᬂᬯᬲ᭄ᬢᬸᬳᬦᬮᬯᬦ᭄‌ᬢᬦ᭄ᬳᬦ᭞ᬅᬧᬦ᭄‌ᬧ᭄ᬭ ᬓᬵᬰᬦᬶᬃᬫ᭄ᬫᬮᬾᬓᬂᬧᬤ᭞ᬢᬾᬚᬦᬶᬭᬯᬃᬡ᭄ᬦᬓᬵᬰ᭞ᬅᬳ᭄ᬦᬶᬂᬅᬦᬶᬮᬵᬦᬶᬧ᭞ᬫᬗ᭄ᬓᬦᬮᬓ᭄ᬱᬡᬲᬂᬳ᭄ᬬᬗᬵᬢ᭄ᬫᬵᬮᬦᬭᬶᬂᬚᬵᬕ᭄ᬭᬧᬤ᭟ᬲᬸᬧ᭄ᬢᬧᬤ᭞ᬲ᭄ᬯᬧ᭄ᬦᬧᬤᬓᬓᬲᬸᬢ᭄‌ᬓᬳ᭄ᬫᬸᬚᬸᬕᬤᬾᬦᬶᬂᬧ᭄ᬭᬥᬵᬦ ᬢᬢ᭄ᬢ᭄ᬯ᭞ᬲᬳᬶᬗᬦᬶᬂᬧ᭄ᬭᬥᬵᬦᬵᬫᬗ᭄ᬓᬸ᭞ᬓᬳᬲᬦ᭄‌ᬓᬮᬗ᭄ᬮᬗᬦ᭄‌ᬓᬧᬭᬘᬓ᭄ᬭᬚᬸᬕᬤᬾᬦᬶᬂᬫᬦᬄᬫᬗᬮ᭄ᬧᬦ᭞ᬓᬮᬗ᭄ᬓᬳᬦ᭄‌ᬬᬤᬾᬦᬶᬂᬭᬳᬶᬦᬯ᭄ᬗᬶ᭞ᬓᬸᬦᬂᬧ᭄ᬭᬪᬾᬤᬦ᭄ᬬ᭞ᬇᬓᬂᬲᬢᬳᬸᬦ᭄‌ᬭᬶᬂᬧᬵᬦᬸ

Auto-transliteration

[34 34B] 34 dewatā, mānuṣa, triyak, tumampuḥringhalahayu, suptahowadangaranya'ikanglupa, yekanimittaningātmāmaturu, swapnapadangaranyahowaraningātmāmangipi, ikangātmā hanaringsuptapadalawanikangātmāhanaringswapnapada, yekasinangguḥātmāsangsārangaranya, kintutunggalsanghyangātmā, ikajugapadhamaprabhedasangśayagaṇal, ātmā mahl̥ĕtikangsar̀wwatattwa, anmatumpangtumpangan, kaditalaningtawwankakṣaṇasanghyangātmā, hanaringsapadapada, ātmāyata'inarananhanakningtawon, umu ngguḥirikangpada, nihanlakṣaṇasanghyangātmākengĕtakna, yanumungguḥsiraringswapnapadalngĕlngöhiwĕngi, wĕngjugalakṣaṇanya, hanantuturar̀ddhawurāwutanwaspada [35 35A] kadilakṣaṇaningmangiloringwwejugatumoningwastuhanalawantanhana. mangguḥkaposiraringsuptapada, alupawiparītatankahanantutur, kadihilangjugasang hyangātmālunghatka, apansinaputingkālanidrā. mungguḥkaposiraringjāgrapada, awaspratyakṣasanghyangātmā, tumonikangwastuhanalawantanhana, apanpra kāśanir̀mmalekangpada, tejanirawar̀ṇnakāśa, ahninganilānipa, mangkanalakṣaṇasanghyangātmālanaringjāgrapada. suptapada, swapnapadakakasutkahmujugadeningpradhāna tattwa, sahinganingpradhānāmangku, kahasankalanglangankaparacakrajugadeningmanaḥmangalpana, kalangkahanyadeningrahinawngi, kunangprabhedanya, ikangsatahunringpānu

Leaf 35

Image on Archive.org

[᭓᭕ 35B] ᭓᭕ ᬱ᭞ᬬᬾᬓᬧᬶᬦᬓᬯ᭄ᬗᬶᬭᬶᬂᬚᬵᬕ᭄ᬭᬧᬤ᭞ᬇᬓᬂᬭᭀᬯ᭄ᬮᬲ᭄‌ᬢᬳᬸᬦ᭄‌ᬭᬶᬂᬫᬵᬦᬸᬱ᭞ᬬᬾᬓᬧᬶᬦᬓᬮᬾᬓ᭄‌ᬭᬶᬂᬚᬵᬕ᭄ᬭᬧᬤ᭞ᬇᬓᬂᬲᬬᬸᬕᬭᬶᬂᬫᬵᬦᬸᬱ᭞ᬬᭂᬓᬧᬶᬦᬓᬢᬳᬸᬦ᭄‌ᬭᬶᬂᬚᬵᬕ᭄ᬭᬧᬤ᭞ ᬇᬓᬂᬘᬢᬸᬃᬬ᭄ᬬᬸᬕᬭᬶᬂᬫᬵᬦᬸᬱ᭞ᬬᬾᬓᬲᬢᬧᬭᬶᬂᬚᬵᬕ᭄ᬭᬧᬤ᭞ᬦᬳᬦ᭄‌ᬮᬓ᭄ᬱᬡᬲᬂᬳ᭄ᬬᬗᬵᬢ᭄ᬫᬵᬳᬦᬭᬶᬂᬚᬵᬕ᭄ᬭᬧᬤ᭟ᬉᬫᬸᬗ᭄ᬕᬸᬄᬓᬧᭀᬲᬶᬭᬭᬶᬂᬢᬹᬃᬬ᭄ᬬᬧᬤ᭞ᬏᬦᬓ᭄‌ᬢ᭄ᬫᭂᬦ᭄‌ᬯᬲ᭄ᬧᬤ ᬲᬂᬳ᭄ᬬᬗᬵᬢ᭄ᬫᬵᬢᬸᬫᭀᬦ᭄‌ᬭᬶᬂᬲᬃᬯ᭄ᬯᬯᬲ᭄ᬢᬸ᭞ᬳᬦᬮᬯᬦ᭄‌ᬢᬦ᭄ᬳᬦ᭞ᬏᬦᬓ᭄‌ᬤᬾᬦᬶᬂᬭᬓᬸᬫᬯ᭄ᬭᬸᬄᬇᬭᬶᬓᬗᬢᬷᬢᬵᬦᬵᬕᬢᬯᬃᬢ᭄ᬣᬫᬵᬦᬅᬧᬦ᭄‌ᬫᬓᬵᬯᬓ᭄‌ᬢᬸᬢᬸᬃᬧ᭄ᬭᬓᬵᬰᬲᬶᬭ᭞ᬢᬾᬚᬦᬶᬭ ᬰᬸᬤ᭄ᬥᬧᬸᬢᬶᬄ᭞ᬓᬤᬶᬯᬃᬡ᭄ᬦᬦᬶᬂᬫᬡᬶᬓ᭄‌ᬲ᭄ᬨᬝᬶᬓ᭞ᬅᬮᬶᬮᬗᬳ᭄ᬦᬶᬂᬢᬦ᭄ᬧᬢᬮᬸᬢᬸᬄ᭞ᬢ᭄ᬫᭂᬦᬶᬢ᭄ᬬᬓᬵᬮᬚᬸᬕ᭞ᬭᬳᬶᬦᬵᬲᬤᬵᬢᬦ᭄‌ᬓᬳᬼᬢᬦ᭄‌ᬤᬾᬦᬶᬂᬭᬳᬶᬦᬯ᭄ᬗᬶ᭞ᬗᬸᬦᬶᬯᬾᬄᬢᬦ᭄‌ᬓᬢ᭄ᬓᬦ᭄‌ᬤᬾ [᭓᭖ 36A] ᬦᬶᬂᬫᬦᬄᬫᬗᬮ᭄ᬨᬦ᭞ᬢᬸᬦᬗᬶᬓᬂᬚᬵᬕ᭄ᬭᬧᬤᬫ᭄ᬧᬶᬄ᭞ᬓᬾᬤᭂᬭᬦ᭄‌ᬓᬧᬭᬘᬓ᭄ᬭᬤᬾᬦᬶᬂᬫᬦᬄᬫᬗᬮ᭄ᬧᬦ᭞ᬦᬳᬦ᭄‌ᬓᬲᭀᬃᬦᬶᬓᬂᬚᬵᬕ᭄ᬭᬧᬤᬤᬾᬦᬶᬂᬢᬹᬃᬬ᭄ᬬᬧᬤ᭞ᬅᬧᬦᬮᬶᬢᬶᬓᬂᬢᬸᬃᬬ᭄ᬬ ᬧᬤ᭞ᬓᬾᬯᬮᬚᬸᬕᬢᬢᬦ᭄‌ᬓᬢ᭄ᬓᬦ᭄‌ᬤᬾᬦᬶᬂᬳᬶᬥᭂᬧ᭄᭞ᬢ᭄ᬮᬲ᭄‌ᬓᬭᬸᬳᬸᬦᬶᬓᬂᬢᬹᬃᬬ᭄ᬬᬧᬤ᭞ᬅᬧᬦᬸᬗ᭄ᬕ᭄ᬯᬦ᭄‌ᬪᬝᬵᬭᬫᬳᬸᬮᬸᬦᬶᬓᬂᬢᬹᬃᬬ᭄ᬬᬵᬦ᭄ᬢᬧᬤ᭞ᬢᬾᬚᬦᬶᬭᬧ᭄ᬭᬓᬵᬰᬤᬸᬫᬶᬮᬄ᭞ᬓᬤᬶ ᬢᬾᬚᬦᬶᬗᬵᬤᬶᬢ᭄ᬬᬲᬾᬯᬸ᭞ᬢᬸᬳᬸᬦ᭄‌ᬢᬦᬧᬦᬲ᭄‌ᬪᬾᬤᬦ᭄ᬬ᭞ᬓᬾᬯᬮᬧ᭄ᬭᬓᬵᬰᬧᬥᬂᬚᬸᬕ᭞ᬭᬳᬶᬦᬵᬲᬤᬵᬦᬶᬢ᭄ᬬᬓᬵᬮ᭞ᬢᬦ᭄‌ᬓᬳᬼᬢᬦ᭄‌ᬤᬾᬦᬶᬂᬭᬳᬶᬦᬯ᭄ᬗᬶ᭞ᬓᬶᬦᬳᬦᬦ᭄‌ᬲᬶᬭ ᬤᬾᬦᬶᬂᬲᬃᬯ᭄ᬯᬚ᭄ᬜᬵᬲᬃᬯ᭄ᬯᬓᬵᬃᬬ᭄ᬬᬓᬵᬃᬢ᭄ᬢᬵ᭞ᬚ᭄ᬜᬵᬦᬰᬓ᭄ᬢᬶ᭞ᬯᬶᬪᬸᬰᬓ᭄ᬢᬶ᭞ᬧ᭄ᬭᬪᬸᬰᬓ᭄ᬢᬶ᭞ᬓ᭄ᬭᬶᬬᬵᬰᬓ᭄ᬢᬶ᭞ᬦᬳᬦ᭄‌ᬓᬲᭀᬃᬦᬶᬓᬂᬢᬸᬃᬬ᭄ᬬᬧᬤ᭞ᬤᬾᬦᬶᬂᬢᬹᬃᬬ᭄ᬬᬦ᭄ᬢᬧᬤ᭞ᬓᬶᬦ᭄ᬢᬸᬧᬥᬮᬶᬢ᭄ᬦ᭄ᬬ᭞ᬫ᭄ᬯᬂᬲᬹᬓ᭄ᬱ᭄ᬫᬦ᭄ᬬ᭞ᬬᬢ

Auto-transliteration

[35 35B] 35 ṣa, yekapinakawngiringjāgrapada, ikangrowlastahunringmānuṣa, yekapinakalekringjāgrapada, ikangsayugaringmānuṣa, yĕkapinakatahunringjāgrapada, ikangcatur̀yyugaringmānuṣa, yekasataparingjāgrapada, nahanlakṣaṇasanghyangātmāhanaringjāgrapada. umungguḥkaposiraringtūr̀yyapada, enaktmĕnwaspada sanghyangātmātumonringsar̀wwawastu, hanalawantanhana, enakdeningrakumawruḥirikangatītānāgatawar̀tthamāna'apanmakāwaktutur̀prakāśasira, tejanira śuddhaputiḥ, kadiwar̀ṇnaningmaṇiksphaṭika, alilangahningtanpatalutuḥ, tmĕnityakālajuga, rahināsadātankahl̥ĕtandeningrahinawngi, nguniweḥtankatkande [36 36A] ningmanaḥmangalphana, tunangikangjāgrapadampiḥ, kedĕrankaparacakradeningmanaḥmangalpana, nahankasor̀nikangjāgrapadadeningtūr̀yyapada, apanalitikangtur̀yya pada, kewalajugatatankatkandeninghidhĕp, tlaskaruhunikangtūr̀yyapada, apanunggwanbhaṭāramahulunikangtūr̀yyāntapada, tejaniraprakāśadumilaḥ, kadi tejaningādityasewu, tuhuntanapanasbhedanya, kewalaprakāśapadhangjuga, rahināsadānityakāla, tankahl̥ĕtandeningrahinawngi, kinahanansira deningsar̀wwajñāsar̀wwakār̀yyakār̀ttā, jñānaśakti, wibhuśakti, prabhuśakti, kriyāśakti, nahankasor̀nikangtur̀yyapada, deningtūr̀yyantapada, kintupadhalitnya, mwangsūkṣmanya, yata

Leaf 36

Image on Archive.org

[᭓᭖ 36B] ᭓᭖ ᬫᬢᬂᬦ᭄ᬬᬦ᭄‌ᬓᬾᬯᬮᬚᬸᬕᬢᬦ᭄‌ᬓᬢ᭄ᬓᬦ᭄‌ᬤᬾᬦᬶᬂᬳᬶᬥᭂᬧ᭄᭞ᬲᬂᬓ᭄ᬱᬾᬧᬦ᭄ᬬ᭞ᬲᬂᬧᬦ᭄ᬬ᭞ᬲᬂᬫᬦᭂᬫ᭄ᬯᬓᭂᬦ᭄‌ᬬᭀᬕᬯᬶᬰᬾᬱᬚᬸᬕᬢ᭄ᬓᬗ᭄ᬓᬦ᭟ᬅᬧᬯ᭄ᬯᬫᬢᬂᬦ᭄ᬬᬦ᭄‌ᬢᬦᬯᬦᬗᬶᬦᬸᬯᬓᭂᬦ᭄‌ᬭᬶᬳᬦᬦᬶᬂᬢᬹᬃᬬ᭄ᬬ ᬧᬤᬫ᭄ᬯᬂᬢᬹᬃᬬ᭄ᬬᬦ᭄ᬢᬧᬤ᭞ᬅᬧᬦ᭄‌ᬢᬦ᭄‌ᬓᬢ᭄ᬓᬦ᭄‌ᬤᬾᬦᬶᬂᬳᬶᬥᭂᬧ᭄᭞ᬳᬧᬦᬶᬓᬂᬳᬶᬥᭂᬧ᭄‌ᬗᬭᬦ᭄ᬬ᭞ᬬᬾᬓᬯᬶᬦᬓᬲᬥᬦᬦᬶᬂᬫᬗᬯ᭄ᬭᬸᬳ᭞ᬯᬲ᭄ᬢᬸᬳᬦᬮᬯᬦ᭄‌ᬢᬦ᭄ᬳᬦ᭞ᬲᬸᬕ᭄ᬬᬦ᭄‌ᬫᬗ᭄ᬓᬦᬮᬶᬗ ᬲᬂᬧᬭ᭟ᬥᬢᬤᭀᬦᬶᬓᬂᬧ᭄ᬭᬫᬵᬡᬢ᭄ᬮᬸ᭞ᬧᬶᬦᬓᬲᬸᬮᬸᬄᬫᬢᬓᬶᬢᬓᬲᬫ᭄ᬬᬦ᭄ᬚᬜᬦ᭟ᬧ᭄ᬭᬫᬵᬡᬢ᭄ᬮᬸᬗᬭᬦ᭄ᬬ᭞ᬧ᭄ᬭᬢ᭄ᬬᬓ᭄ᬱᬧ᭄ᬭᬫᬵᬡ᭞ᬅᬦᬸᬫᬵᬦᬧ᭄ᬭᬫᬵᬡ᭞ᬆᬕᬫᬧ᭄ᬭᬫᬵᬡ᭞ᬇᬓᬢᬂᬯᬲ᭄ᬢᬕ ᬡᬕ᭄᭞ᬲᬓᬢᭀᬦ᭄‌ᬲᬓᬋᬗᭃ᭞ᬲᬓᬕᬫᭂᬮ᭄‌ᬤᬾᬦᬶᬂᬢᬗᬦ᭄᭞ᬬᬾᬓᬓᬯ᭄ᬦᬂᬤᬾᬦᬶᬂᬧ᭄ᬭᬢ᭄ᬬᬓ᭄ᬱᬧ᭄ᬭᬫᬵᬡ᭟ᬓᬸᬦᬂᬗᬶᬓᬂᬲᬹᬓ᭄ᬱ᭄ᬫᬓᬤᬶᬮᬓ᭄ᬱᬡᬢᬹᬃᬬ᭄ᬬᬧᬤ᭞ᬬᬾᬓᬓᬯ᭄ᬦᬂᬤᬾᬦᬶᬗᬦᬸ [᭓᭗ 37A] ᬫᬵᬦᬧ᭄ᬭᬫᬵᬡ᭟ᬓᬸᬦᬗᬶᬓᬂᬧᬭᬫᬲᬹᬓ᭄ᬱ᭄ᬫᬓᬤᬶᬮᬓ᭄ᬱᬡᬦᬶᬓᬂᬢᬹᬃᬬ᭄ᬬᬵᬦ᭄ᬢᬧᬤ᭞ᬬᬾᬓᬓᬯ᭄ᬦᬂᬤᬾᬦᬶᬗᬵᬢ᭄ᬫᬵᬕᬫᬧ᭄ᬭᬫᬵᬡ᭟ᬦᬳᬦ᭄‌ᬮᬓ᭄ᬱᬡᬦᬶᬓᬂᬧᬤ᭞ᬫᬕᬡᬮᬮᬶᬢ᭄᭞ᬬᬢᬢᬶᬦᬹᬢᬶ ᬓᬗᬵᬢ᭄ᬫᬵ᭞ᬫᬕᬡᬮᬮᬶᬢ᭄‌ᬲ᭄ᬯᬪᬵᬯᬦᬶᬗᬵᬢ᭄ᬫᬵ᭟ᬇᬓᬗᬵᬢ᭄ᬫᬵ᭟ᬇᬓᬗᬵᬢ᭄ᬫᬳᬦᬭᬶᬂᬚᬵᬕ᭄ᬭᬧᬤ᭞ᬬᬾᬓᬓᬸᬫᬶᬗ᭄ᬓᬶᬦ᭄‌ᬓᬾᬫ᭄ᬧᭂᬦᬶᬗᬵᬢ᭄ᬫᬵᬳᬦᬭᬶᬂᬲᬸᬧ᭄ᬢᬧᬤ᭞ᬮᬯᬦᬶᬓᬗᬵᬢ᭄ᬫᬵᬳᬦᬭᬶᬂᬲ᭄ᬯᬧ᭄ᬦᬧᬤ᭞ᬬᬧ᭄ᬯ ᬦᬾᬦᬓ᭄‌ᬧᬧᬶᬲᬦᬶᬓᬫᬭᬭᬶᬂᬚᬵᬕ᭄ᬭᬧᬤ᭞ᬫᬸᬮᬶᬄᬢᬲᬶᬭᬫᬭᬶᬂᬢᬹᬃᬬ᭄ᬬᬧᬤ᭞ᬏᬦᬓ᭄‌ᬧ᭄ᬯᬵᬦ᭄ᬤᭂᬮ᭄‌ᬦᬶᬭᬭᬶᬂᬢᬹᬃᬬ᭄ᬬᬧᬤ᭞ᬫᬸᬮᬶᬄᬢᬲᬶᬭᬫᬭᬶᬂᬢᬹᬃᬬ᭄ᬬᬵᬧᬤ᭞ᬦᬳᬦᬮᬓ᭄ᬱᬡᬲᬂᬳ᭄ᬬᬗᬵᬢ᭄ᬫᬵ ᬳᬦᬭᬶᬂᬲᬹᬓ᭄ᬱ᭄ᬫᬇᬓᬓᬩᬾᬄ᭟᭐᭟ᬉᬢ᭄ᬧᬢ᭄ᬬᬓ᭄ᬦᬧ᭄ᬯᬲᬶᬭ᭞ᬭᬶᬂᬚᬦ᭄ᬫᬲᬫᬗ᭄ᬓᬾ᭞ᬲᬂᬳ᭄ᬬᬗᬵᬢ᭄ᬫᬵᬫᬂᬚᬦ᭄ᬫᬭᬶᬂᬧ᭄ᬭᭂᬣᬶᬯᬷ᭞ᬉᬫᬦ᭄ᬤᭂᬮᬶᬭᬶᬂᬪᬸᬯᬦᬰᬭᬶ᭞ᬯ᭄ᬬᬵᬧᬓᬧ᭄ᬯᬲᬶᬭᬭᬶᬂᬱᬥ᭄ᬭᬱ᭞ᬲᬵᬭᬶᬦᬶᬂᬜ᭄ᬘᬫᬳᬵ

Auto-transliteration

[36 36B] 36 matangnyankewalajugatankatkandeninghidhĕp, sangksyepanya, sangpanya, sangmanĕmwakĕnyogawiśeṣajugatkangkana. apawwamatangnyantanawananginuwakĕnrihananingtūr̀yya padamwangtūr̀yyantapada, apantankatkandeninghidhĕp, hapanikanghidhĕpngaranya, yekawinakasadhananingmangawruha, wastuhanalawantanhana, sugyanmangkanalinga sangpara. dhatadonikangpramāṇatlu, pinakasuluḥmatakitakasamyanjañana. pramāṇatlungaranya, pratyakṣapramāṇa, anumānapramāṇa, āgamapramāṇa, ikatangwastaga ṇag, sakatonsakar̥ĕngö, sakagamĕldeningtangan, yekakawnangdeningpratyakṣapramāṇa. kunangngikangsūkṣmakadilakṣaṇatūr̀yyapada, yekakawnangdeninganu [37 37A] mānapramāṇa. kunangikangparamasūkṣmakadilakṣaṇanikangtūr̀yyāntapada, yekakawnangdeningātmāgamapramāṇa. nahanlakṣaṇanikangpada, magaṇalalit, yatatinūti kangātmā, magaṇalalitswabhāwaningātmā. ikangātmā. ikangātmahanaringjāgrapada, yekakumingkinkempĕningātmāhanaringsuptapada, lawanikangātmāhanaringswapnapada, yapwa nenakpapisanikamararingjāgrapada, muliḥtasiramaringtūr̀yyapada, enakpwāndĕlniraringtūr̀yyapada, muliḥtasiramaringtūr̀yyāpada, nahanalakṣaṇasanghyangātmā hanaringsūkṣma'ikakabeḥ. 0. utpatyaknapwasira, ringjanmasamangke, sanghyangātmāmangjanmaringprĕthiwī, umandĕliringbhuwanaśari, wyāpakapwasiraringṣadhraṣa, sāriningñcamahā

Leaf 37

Image on Archive.org

[᭓᭗ 37B] ᭓᭗ ᬪᬹᬢ᭞ᬧ᭄ᬭᭂᬣᬶᬯᬷ᭞ᬆᬧᬄ᭞ᬢᬾᬚ᭞ᬯᬵᬬᬸ᭞ᬆᬓᬵᬰ᭞ᬬᬾᬓᬫᬫᬶᬚᬶᬧᬓᭂᬦ᭄‌ᬱᬥ᭄ᬭᬲ᭞ᬦᬳᬦ᭄‌ᬮ᭄ᬯᬶᬃᬦ᭄ᬬ᭞ᬅᬫ᭄ᬮ᭞ᬓᬱᬵᬬ᭞ᬢᬶᬓ᭄ᬢ᭞ᬓᬝᬸᬓ᭞ᬮᬯᬡ᭞ᬫᬥᬸᬭ᭟ᬳᬫ᭄ᬮᬗᬅᬲᭂᬫ᭄᭞ᬓᬱᬵᬬ᭞ᬗᬲᭂ ᬧᭂᬢ᭄᭞ᬢᬶᬓ᭄ᬢᬗᬧᬳᬶᬢ᭄᭞ᬓᬝᬸᬓᬗᬅᬧ᭄ᬥᭂᬲ᭄᭞ᬮᬯᬡᬗᬅᬲᬶᬦ᭄᭞ᬫᬥᬸᬭᬗᬫᬦᬶᬲ᭄᭟ᬦᬳᬦ᭄‌ᬲᬶᬦᬗ᭄ᬕᬸᬄᬱᬥ᭄ᬭᬲᬗᬭᬦ᭄ᬬ᭞ᬬᬾᬓᬗᬭᬦᬶᬂᬧᬹᬃᬯ᭄ᬯᬦᬶᬗᬫᬸᬯᬸᬄᬰᬭᬷᬭ᭞ᬓᬧᬶᬂᬭ᭄ᬯᬦᬶᬗᬫᬸᬯᬸᬄ ᬰᬭᬷᬭ᭞ᬇᬓᬂᬱᬥ᭄ᬭᬲᬧᬶᬦᬗᬦᬶᬗᬶᬦᬸᬫ᭄‌ᬤᬾᬦᬶᬂᬮᬓᬶᬮᬓᬶ᭞ᬲᬵᬭᬶᬦᬶᬓᬂᬧᬶᬦᬗᬦᬶᬗᬶᬦᬸᬫ᭄᭞ᬬᬾᬓᬫᬢ᭄ᬫᬳᬦ᭄‌ᬭᬄᬤᬕᬶᬂᬕᬚᬶᬄ᭞ᬓᬧᬶᬂᬢᬶᬕᬦᬶᬗᬫᬸᬯᬸᬄᬰᬭᬷᬭ᭞ᬲᬭᬶᬦᬶᬓᬂᬭᬄ ᬤᬕᬶᬂᬕᬚᬶᬄ᭞ᬥᬢᬶᬓᬫᬢ᭄ᬫᬳᬦ᭄‌ᬓᬵᬫᬭᬢᬶᬄ᭞ᬬᬾᬓᬧᬶᬦᬓᬧᬗ᭄ᬕᬶᬳᬓᭂᬦ᭄‌ᬤᬾᬦᬶᬂᬭᬵᬕ᭞ᬬᬾᬓᬫᬂᬤᬤᬶᬫᬸᬯᬄ᭞ᬬᬾᬓᬵᬓ᭄ᬯᬾᬳᬶᬓᬂᬓᬵᬫᬲᬓᬾᬂᬭᬢᬶᬄ᭞ᬬᬾᬓᬤᬤᬶᬮᬦᬂ᭞ᬬᬦᬓ᭄ᬯᬵ [᭓᭘ 38A] ᬳᬶᬓᬂᬭᬢᬶᬄᬲᬓᬾᬂᬓᬵᬫ᭞ᬬᬾᬓᬤᬤᬶᬯᬤᭀᬦ᭄᭞ᬬᬧ᭄ᬯᬦ᭄‌ᬲᬫᬵᬓ᭄ᬯᬾᬳᬶᬓᬂᬓᬵᬫᬯᬦ᭄ᬭᬢᬶᬄ᭞ᬬᬾᬓᬤᬤᬶᬓ᭄ᬥᬶ᭞ᬯᬮᬯᬤᬶᬓᬸᬦᬂ᭞ᬓᬸᬦᬗᬶᬓᬂᬓᬵᬫ᭞ᬬᬾᬓᬤᬤᬶᬢᬳᬸᬮᬦ᭄᭞ᬳᭀᬢᭀ ᬢ᭄᭞ᬧᬸᬳᬸᬦ᭄‌ᬯᬸᬮᬸ᭞ᬇᬓᬂᬭᬢᬶᬄ᭞ᬬᬾᬓᬫᬢ᭄ᬫᬳᬦ᭄‌ᬭᬄᬤᬕᬶᬂᬕᬚᬶᬄ᭞ᬦᬳᬦ᭄‌ᬯ᭄ᬬᬓ᭄ᬢᬶᬦᬶᬓᬂᬧᬜ᭄ᬘᬫᬳᬵᬪᬹᬢ᭞ᬫᬹᬮᬦᬶᬂᬰᬭᬷᬭᬲᬫᬗ᭄ᬓᬾ᭞ᬯ᭄ᬬᬓ᭄ᬢᬶᬦ᭄ᬬ᭞ᬧ᭄ᬭᭂᬣᬶᬯᬷᬧᬶᬦᬓᬓᬸᬮᬶᬢ᭄᭞ᬆᬧᬄ ᬧᬶᬦᬓᬭᬄ᭞ᬢᬾᬚᬧᬶᬦᬓᬤᬕᬶᬂ᭞ᬯᬵᬬᬸᬧᬶᬦᬓᬢᬳᬸᬮᬦ᭄᭞ᬆᬓᬵᬰᬧᬶᬦᬓᬲᬸᬫ᭄ᬲᬸᬫ᭄᭟ᬇᬓᬂᬧᬜ᭄ᬘᬢᬦ᭄ᬫᬵᬢ᭄ᬭ᭞ᬢ᭄ᬫᬳᬦ᭄ᬬ᭞ᬰᬩ᭄ᬤᬢᬦ᭄ᬫᬵᬢ᭄ᬭᬤᬤᬶᬢᬮᬶᬗ᭞ᬲ᭄ᬧᬃᬰ᭄ᬰᬢᬦ᭄ᬫᬢ᭄ᬭᬫᬂᬤᬤᬶᬓᬸ ᬮᬶᬢ᭄᭞ᬭᬹᬧᬢᬦ᭄ᬫᬢ᭄ᬭᬫᬂᬤᬤᬶᬫᬢ᭞ᬭᬲᬢᬦ᭄ᬫᬢ᭄ᬭᬫᬂᬤᬤᬶᬮᬶᬥᬄ᭞ᬕᬦ᭄ᬥᬢᬦ᭄ᬫᬢ᭄ᬭᬫᬂᬤᬤᬶᬇᬭᬸᬂ᭞ᬬᬾᬓᬲᬶᬦᬗ᭄ᬕᬸᬧᬜ᭄ᬘᬕᭀᬮᬓᬗᬭᬦ᭄ᬬ᭞ᬢᬸᬫᬫ᭄ᬩᭂᬄᬢᬗᬡ᭄ᬠᬪᬸᬯᬦ᭞ᬲᬧ᭄ᬢᬧᬵᬢᬵᬮ᭞ᬲ

Auto-transliteration

[37 37B] 37 bhūta, prĕthiwī, āpaḥ, teja, wāyu, ākāśa, yekamamijipakĕnṣadhrasa, nahanlwir̀nya, amla, kasyāya, tikta, kaṭuka, lawaṇa, madhura. hamlanga'asĕm, kasyāya, ngasĕ pĕt, tiktangapahit, kaṭukanga'apdhĕs, lawaṇanga'asin, madhurangamanis. nahansinangguḥṣadhrasangaranya, yekangaraningpūr̀wwaningamuwuḥśarīra, kapingrwaningamuwuḥ śarīra, ikangṣadhrasapinanganinginumdeninglakilaki, sārinikangpinanganinginum, yekamatmahanraḥdaginggajiḥ, kapingtiganingamuwuḥśarīra, sarinikangraḥ daginggajiḥ, dhatikamatmahankāmaratiḥ, yekapinakapanggihakĕndeningrāga, yekamangdadimuwaḥ, yekākwehikangkāmasakengratiḥ, yekadadilanang, yanakwā [38 38A] hikangratiḥsakengkāma, yekadadiwadon, yapwansamākwehikangkāmawanratiḥ, yekadadikdhi, walawadikunang, kunangikangkāma, yekadaditahulan, hoto t, puhunwulu, ikangratiḥ, yekamatmahanraḥdaginggajiḥ, nahanwyaktinikangpañcamahābhūta, mūlaningśarīrasamangke, wyaktinya, prĕthiwīpinakakulit, āpaḥ pinakaraḥ, tejapinakadaging, wāyupinakatahulan, ākāśapinakasumsum. ikangpañcatanmātra, tmahanya, śabdatanmātradaditalinga, spar̀śśatanmatramangdadiku lit, rūpatanmatramangdadimata, rasatanmatramangdadilidhaḥ, gandhatanmatramangdadi'irung, yekasinanggupañcagolakangaranya, tumambĕḥtangaṇḍhabhuwana, saptapātāla, sa

Leaf 38

Image on Archive.org

[᭓᭘ 38B] ᭓᭘ ᬧ᭄ᬢᬪᬸᬯᬦ᭟ᬲᬧ᭄ᬢᬪᬸᬯᬦᬗᬭᬦ᭄ᬬ᭞ᬪᬹᬃᬮ᭄ᬮᭀᬓᬯ᭄ᬢᬂᬪᬸᬯᬃᬮ᭄ᬮᭀᬓᬳᬢᬶ᭞ᬲ᭄ᬯᬃᬮ᭄ᬮᭀᬓᬥᬥ᭞ᬢᬧᭀᬓᬕᬸᬮᬸ᭞ᬚᬦᬃᬮᭀᬓᬇᬮᬢ᭄᭞ᬫᬳᬃᬮ᭄ᬮᭀᬓᬓᬇᬭᬸᬂ᭞ᬲᬢ᭄ᬬᬮ᭄ᬮᭀᬓᬫᬢ᭞ᬦᬳᬦ᭄‌ᬲᬶᬦᬵ ᬗ᭄ᬕᬸᬄᬲᬧ᭄ᬢᬪᬸᬯᬦᬗᬭᬦ᭄ᬬ᭟ᬲᬧ᭄ᬢᬧᬵᬢᬵᬮᬗᬭᬦ᭄ᬬ᭞ᬧᬢᬵᬮᬲᬶᬮᬶᬢ᭄᭞ᬯᬾᬢᬮᬧᬸᬧᬸ᭞ᬦᬶᬢᬮᬢᬸᬭ᭄᭞ᬫᬳᬵᬢᬮᬯ᭄ᬢᬶᬲ᭄᭞ᬲᬸᬢᬮᬧᬕ᭄ᬮᬗᬦᬶᬂᬲᬸᬓᬸ᭞ᬢᬮᬵᬢᬮᬯᬳᬓᬗᬶᬂᬢᬮᬫ᭄ᬧᬓᬦ᭄ ᭞ᬭᬲᬵᬢᬮᬍᬧᬍᬧᬦ᭄ᬬᬇᬲᭀᬭ᭄᭞ᬦᬳᬦ᭄‌ᬢᬂᬲᬶᬦᬗ᭄ᬕᬸᬄᬲᬧ᭄ᬢᬧᬵᬢᬵᬮᬗᬭᬦ᭄ᬬ᭟ᬦᬳᬦ᭄‌ᬢᬂᬲᬶᬦᬗ᭄ᬕᬸᬄᬅᬡ᭄ᬥᬪᬸᬯᬦᬗᬭᬦ᭄ᬬᬭᬶᬂᬰᬭᬷᬭ᭞ᬇᬓᬂᬚᬦ᭄ᬫᬲᬫᬗ᭄ᬓᬾ᭞ᬫᬦ᭄ᬤᭂᬮ᭄ᬢᬂᬲᬧ᭄ᬢᬧᬃᬯ᭄ᬯᬢ᭞ᬮᬸ ᬫᬸᬮᬓ᭄‌ᬮᬸᬫᬶᬫ᭄ᬩᬓ᭄‌ᬢᬂᬲᬧ᭄ᬢᬵᬃᬡ᭄ᬦᬯ᭞ᬍᬫᭂᬂᬲᬸᬫ᭄ᬦᭂᬢᬂᬲᬧ᭄ᬢᬤ᭄ᬯᬷᬧ᭞ᬉᬫᬶᬭᬶᬢᬂᬤᬰᬯᬵᬬᬸᬭᬶᬂᬦᬵᬥᬷ᭟ᬲᬧ᭄ᬢᬧᬃᬯ᭄ᬯᬢᬗᬭᬦ᭄ᬬ᭞ᬯᬸᬗ᭄ᬲᬶᬮᬦ᭄‌ᬕᬸᬦᬸᬂᬫᬵᬮ᭄ᬬᬯᬵᬦ᭄᭞ᬧᬮᬶᬢᬮᬶᬢᬦ᭄‌ᬕᬸᬸᬂᬦᬶᬱᬾᬥᬮᬶ [᭓᭙ 39A] ᬫ᭄ᬧᬕᬸᬦᬸᬂᬕᬦ᭄ᬥᬫᬵᬤᬦ᭞ᬧᬭᬸᬧᬭᬸᬕᬸᬸᬂᬫᬮᬬᬫᬳᬶᬥᬭ᭞ᬅᬫ᭄ᬧ᭄ᬭᬸᬕᬸᬦᬸᬂᬢ᭄ᬭᬶᬰ᭄ᬭᭂᬗ᭄ᬕ᭞ᬳᬢᬶᬕᬸᬸᬂᬯᬶᬦ᭄ᬥ᭄ᬬ᭞ᬧᬸᬲᬸᬄᬧᬸᬲᬸᬄᬫᬳᬵᬫᬾᬭᬸ᭞ᬦᬳᬦ᭄‌ᬲᬶᬦᬗ᭄ᬕᬸᬄᬲᬧ᭄ᬢᬧᬃᬯ᭄ᬯᬢᬗᬭᬦ᭄ᬬ᭟ᬲᬧ᭄ᬢᬵᬃᬡ ᬯᬗᬭᬦ᭄ᬬ᭞ᬫᬹᬢ᭄ᬭᬢᬲᬶᬓ᭄‌ᬢᭀᬓ᭄᭞ᬭᬄᬢᬲᬶᬓ᭄‌ᬓᬶᬮᬂ᭞ᬅᬭᬶᬗᭂᬢ᭄‌ᬢᬲᬶᬓᬲᬶᬦ᭄᭞ᬕᬚᬶᬄᬢᬲᬶᬓ᭄‌ᬢᬲᬶᬓ᭄‌ᬫᬶᬜᬓ᭄᭞ᬇᬤᬸᬢᬲᬶᬓᬫᬥᬸ᭞ᬲᬸᬫ᭄ᬲᬸᬫ᭄‌ᬢᬲᬶᬓ᭄‌ᬲᬸᬸᬲᬸ᭞ᬉᬢᭂᬓ᭄‌ᬢᬲᬶᬓ᭄ ᬧᬳᬦ᭄᭞ᬦᬳᬦ᭄‌ᬲᬶᬦᬗ᭄ᬕᬸᬄᬲᬧ᭄ᬢᬵᬃᬡ᭄ᬦᬯᬗᬭᬦ᭄ᬬ᭟ᬲᬧ᭄ᬢᬤ᭄ᬯᬷᬧᬗᬭᬦ᭄ᬬ᭞ᬢᬳᬸᬮᬦ᭄‌ᬚᬫ᭄ᬩᬸᬤ᭄ᬯᬷᬧ᭞ᬳᭀᬢᭀᬢ᭄‌ᬓᬸᬰᬤ᭄ᬯᬷᬧ᭞ᬤᬕᬶᬂᬰᬗ᭄ᬓᬤ᭄ᬯᬷᬧ᭞ᬓᬸᬮᬶᬢ᭄‌ᬰᬵᬮ᭄ᬫᬮᬶᬤ᭄ᬯᬷᬧ᭞ᬯᬸᬮᬸᬕᭀᬫᬾᬥᬤ᭄ᬯᬷᬧ᭞ᬓᬸ ᬓᬸᬲ᭄‌ᬧᬸᬱ᭄ᬓᬭᬤ᭄ᬯᬷᬧ᭞ᬉᬦ᭄ᬢᬸ᭞ᬓ᭄ᬭᭀᬜ᭄ᬘᬤ᭄ᬯᬷᬧ᭟ᬦᬵᬥᬶᬗᬭᬦ᭄ᬬ᭞ᬮ᭄ᬬᬂᬦᬶᬂᬳᭀᬢᭀᬢ᭄᭞ᬩᬸᬗ᭄ᬓᬄᬦ᭄ᬬ᭞ᬇᭀᬃᬭᬶᬂᬦᬵᬪᬶ᭞ᬫᬶᬡ᭄ᬥᬸᬳᬸᬃᬢᬬᬢ᭄ᬓᬾᬂᬧᬸᬲᬭ᭄᭞ᬳᬦᬢᬧᬗᬸᬫᬮᬂᬓ᭄ᬯᬾᬄᬦ᭄ᬬᬲᬾᬯᬶᬧᬶᬢᬸᬂᬧᬸᬮᬸᬄᬭᭀ

Auto-transliteration

[38 38B] 38 ptabhuwana. saptabhuwanangaranya, bhūr̀llokawtangbhuwar̀llokahati, swar̀llokadhadha, tapokagulu, janar̀loka'ilat, mahar̀llokaka'irung, satyallokamata, nahansinā ngguḥsaptabhuwanangaranya. saptapātālangaranya, patālasilit, wetalapupu, nitalatur, mahātalawtis, sutalapaglanganingsuku, talātalawahakangingtalampakan , rasātalal̥ĕpal̥ĕpanya'isor, nahantangsinangguḥsaptapātālangaranya. nahantangsinangguḥaṇdhabhuwanangaranyaringśarīra, ikangjanmasamangke, mandĕltangsaptapar̀wwata, lu mulaklumimbaktangsaptār̀ṇnawa, l̥ĕmĕngsumnĕtangsaptadwīpa, umiritangdaśawāyuringnādhī. saptapar̀wwatangaranya, wungsilan'gunungmālyawān, palitalitan'guungnisyedhali [39 39A] mpagununggandhamādana, paruparuguungmalayamahidhara, amprugunungtriśrĕngga, hatiguungwindhya, pusuḥpusuḥmahāmeru, nahansinangguḥsaptapar̀wwatangaranya. saptār̀ṇa wangaranya, mūtratasiktok, raḥtasikkilang, aringĕttasikasin, gajiḥtasiktasikmiñak, idutasikamadhu, sumsumtasiksuusu, utĕktasik pahan, nahansinangguḥsaptār̀ṇnawangaranya. saptadwīpangaranya, tahulanjambudwīpa, hototkuśadwīpa, dagingśangkadwīpa, kulitśālmalidwīpa, wulugomedhadwīpa, ku kuspuṣkaradwīpa, untu, kroñcadwīpa. nādhingaranya, lyangninghotot, bungkaḥnya, ior̀ringnābhi, miṇdhuhur̀tayatkengpusar, hanatapangumalangkweḥnyasewipitungpuluḥro

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org

Leaf 67

Image on Archive.org

Leaf 68

Image on Archive.org

Leaf 69

Image on Archive.org

Leaf 70

Image on Archive.org

Leaf 71

Image on Archive.org

Leaf 72

Image on Archive.org

Leaf 73

Image on Archive.org

Leaf 74

Image on Archive.org

Leaf 75

Image on Archive.org

Leaf 76

Image on Archive.org

Leaf 77

Image on Archive.org

Leaf 78

Image on Archive.org

Leaf 79

Image on Archive.org