Gaguritan Pancayoga 01
This page has been accessed 36,375 times.
Description
Bahasa Indonesia
English
Front and Back Covers
Leaf 1
[ ᭑1B]
᭚ᬑᬁᬅᬯᬶᬖ᭄ᬦᬫᬲ᭄ᬢᬸᬦᬵᬫᬲᬶᬥᬷ᭟ᬇᬣᬶᬕᬕᬸᬭᬶᬢᬦ᭄ᬧᬜ᭄ᬘᬬᭀᬕ᭟᭐᭟ᬧᬸᬧᬸᬄᬲ᭄ᬫᬭᬦ᭄ᬥᬦ᭟᭐᭟ᬬᬫ᭄ᬧᬸᬲᬵᬫ᭄ᬧᬸᬃᬡᬗᬯᬦ᭄ᬢᬸᬦᬶᬦ᭄᭞ᬦᬕᬶᬗᬶᬦ᭄ᬲᬗ᭄ᬕᬸᬧᬾᬲᬸᬩ᭞ᬲᬤᬸᬓ᭄ᬧᬗ᭄ᬭᬸ
ᬯᭂᬓ᭄ᬚᭂᬧᬗᬾ᭞ᬧᬸᬬᬸᬂᬲᬸᬕᬶᬄᬢᬸᬢᬸᬧ᭄ᬢᬶᬢ᭄ᬬᬂ᭞ᬳᬶᬩᬸᬓ᭄ᬫᬦᬄᬫᬫᬶᬋᬗᬂ᭞ᬓᬧᬮᬾᬦᬫ᭄ᬩᬸᬂᬧᬕ᭄ᬭᬶᬬᬸᬂ᭞ᬭᬶᬂᬳᬫ᭄ᬩᬭᬫᬳᬩᬩᬦ᭄᭟᭐᭟ᬬᬓᬭᬶᬯᬮᬓᬫᬗᬸᬭᬶᬢ᭄᭞ᬩᬸᬤ᭄ᬥᬦᬸᬬᬾᬦᬸᬚᬸᬢᬗ᭄ᬕᬮ᭄᭞
ᬮᬶᬫᬂᬮᬶᬓᬸᬃᬫᬸᬗ᭄ᬕᬄᬋᬓᭀ᭞ᬧᬾᬩ᭄ᬭᬸᬳᬭᬶᬳᬶᬓᬂᬯᬸᬮᬦ᭄᭞ᬇᬰᬓᬯᬃᬱᬦᬾᬫᬸᬗ᭄ᬕᬄ᭞ᬲᬗᬩᬗ᭄ᬲᬶᬢ᭄ᬦᬗ᭄ᬕᬸᬲᬢᬸᬲ᭄᭞ᬧᭂᬢᬂᬧᬸᬮᬸᬄᬓᬮᬶᬄᬯᬦ᭄ᬢᬄ᭟᭐᭟ᬫᬩᬺᬲᬶᬄᬭᬶᬂᬢᬫᬦ᭄ᬰᬸᬘᬶ᭞ᬫ᭄ᬧᬸᬲᬵ
ᬫ᭄ᬧᬸᬃᬡᬓᬂᬗᬭᬦ᭄᭞ᬓᬳᬸᬤᬸᬄᬗᬗ᭄ᬕᬶᬢ᭄ᬕᬶᬢᬦᬾ᭞ᬳᭀᬮᬶᬄᬤᬾᬯᬦᬶᬂᬆᬕᬫ᭞ᬳᬕᬸᬂᬲᬶᬦᬵᬫ᭄ᬧᬸᬭᬧᬶᬲᬦ᭄᭞ᬓᬶᬭᬂᬪᬲᬓ᭄ᬯᬾᬄᬓᬶᬓᬸᬓ᭄᭞ᬢᬢᬕᬸᬦᬸᬂᬧᬧᭀᬚᭀᬮᬦ᭄᭟᭐᭟ᬲᬓᬶᬂ
[ ᭒ 2A]
ᬢᬶᬢ᭄ᬬᬂᬤᬺᬤᬪᬓ᭄ᬢᬶ᭞ᬜᬸᬂᬲᬸᬂᬳᬶᬤᬲᬂᬳ᭄ᬬᬂᬆᬕᬫ᭞ᬢᬦ᭄ᬲᬓᬶᬂᬭᬵᬚᬩ᭄ᬭᬡᬦᬾ᭞ᬫᬗ᭄ᬭᬶᬧ᭄ᬢᬲᬭᬶᬦᬵᬕᬫ᭞ᬢᬦ᭄ᬗᬯᬶᬮᬂᬓᬳᬗ᭄ᬳᬾᬮᬦ᭄᭞ᬫᬳᬥᬂᬭᬳᬶᬦᬤᬮᬸ᭞ᬫᬜᬸᬤᬶᬓᬳᬃ
ᬚᬦ᭄ᬚᬕᬢ᭄᭟᭐᭟ᬧᬹᬃᬯᬦᬶᬂᬫᬲᬂᬧᬗᬯᬶ᭞ᬅᬗ᭄ᬕᬲᬯᬸᬓᬸᬦᬶᬂᬫᬢᬮ᭄᭞ᬰᬰᬶᬄᬓᬦᭂᬫ᭄ᬯᬯᬸᬗᭂᬦ᭄ᬢᭀᬲ᭄᭞ᬤᬾᬲᬾᬫᬵᬩᭂᬃᬢᬗ᭄ᬕᬮ᭄ᬧᬶᬂᬮᬶᬫ᭞ᬭᬄᬮᬶᬫᬫᬢᭂᬗ᭄ᬕᭂᬓᬶᬸᬓ᭄ᬧᬜ᭄ᬘ᭞ᬇᬰᬓᬯᬃᬱ
ᬦᬾ ᬓᬯᬸᬯᬸᬲ᭄᭞ᬲᬗ᭄ᬳᬩᬗ᭄ᬲᬶᬢ᭄ᬮᬗ᭄ᬓᬸᬂᬰᬢ᭟᭐᭟ᬳᭀᬓᬦ᭄ᬤᬦᬾ ᬧᬸᬬᬸᬂᬲᬸᬕᬶᬄ᭞ᬧᬜ᭄ᬘᬬᭀᬕᬫᬓᬗᬭᬦ᭄᭞ᬲᬧᬶᬲᬦ᭄ᬫᬶᬚᬶᬮ᭄ᬮᬾᬋᬓᭀ᭞ᬓᬲ᭄ᬯᬾᬦ᭄ᬓᬲᬸᬗᬦ᭄ᬳᬭᬦ᭄᭞ᬧᬶᬦᬶᬄᬤᬸᬳᬸᬃ
ᬪᬸᬢᬰᬯ᭞ᬢᬦᬶᬓᬗᬶᬦ᭄ᬢᬦᬶᬓᬯᬸᬄ᭞ᬢᬦᬶᬮᭀᬃᬢᬦᬶᬓᬚ᭟᭐᭟ᬦᬾᬳᬤᬶᬭᬶᬓᬕᬾᬢ᭄ᬫᬶᬚᬶᬮ᭄᭞ᬳᬶᬯᬬᬦ᭄ᬫᬶᬚᬶᬮ᭄ᬧᬫᬸᬦ᭄ᬢᬢ᭄᭞ᬤᬤᭀᬲ᭄ᬤᬮᬂᬲᭂᬦᭂᬂᬤᬦᬾ᭞ᬫᬩᬶᬲᬾᬓ
Auto-transliteration
[ 11B]
// oṅġawighnamastunāmasidhī. ithigaguritanpañcayoga. 0. pupuḥsmarandhana. 0. yampusāmpur̀ṇangawantunin, naginginsanggupesuba, sadukpangru
wĕkjĕpange, puyungsugiḥtutuptityang, hibukmanaḥmamir̥ĕngang, kapalenambungpagriyung, ringhambaramahababan. 0. yakariwalakamangurit, buddhanuyenujutanggal,
limanglikur̀munggaḥr̥ĕko, pebruharihikangwulan, iśakawar̀ṣanemunggaḥ, sangabangsitnanggusatus, pĕtangpuluḥkaliḥwantaḥ. 0. mabr̥ĕsiḥringtamanśuci, mpusā
mpur̀ṇakangngaran, kahuduḥnganggitgitane, holiḥdewaningāgama, hagungsināmpurapisan, kirangbhasakweḥkikuk, tatagunungpapojolan. 0. saking
[ 2 2A]
tityangdr̥ĕdabhakti, ñungsunghidasanghyangāgama, tansakingrājabraṇane, mangriptasarināgama, tanngawilangkahanghelan, mahadhangrahinadalu, mañudikahar̀
janjagat. 0. pūr̀waningmasangpangawi, anggasawukuningmatal, śaśiḥkanĕmwawungĕntos, desemābĕr̀tanggalpinglima, raḥlimamatĕnggĕk̶kpañca, iśakawar̀ṣa
ne kawuwus, sanghabangsitlangkungśata. 0. hokandane puyungsugiḥ, pañcayogamakangaran, sapisanmijiller̥ĕko, kaswenkasunganharan, piniḥduhur̀
bhutaśawa, tanikangintanikawuḥ, tanilor̀tanikaja. 0. nehadirikagetmijil, hiwayanmijilpamuntat, dadosdalangsĕnĕngdane, mabisekaLeaf 2
[ ᭒ 2B]
᭒᭞
ᬤᬮᬂᬚᬕᬢ᭄᭞ᬪᬵᬲ᭄ᬓᬭᬲᬸᬮᬸᬄᬗᬯᬬᬂ᭞ᬫᬓᭂᬮᬶᬃᬮᬗᬶᬢᬾᬩᬶᬭᬸ᭞ᬮᬮᬫ᭄ᬧᬳᬦ᭄ᬲᬃᬯᬏᬦ᭄ᬤᬄ᭟᭐᭟ᬲ᭄ᬯᬭᬦ᭄ᬕᭂᬤᭀᬕ᭄ᬓ᭄ᬭᬸᬕ᭄ᬢᬢᬶᬢ᭄᭞ᬯᬬᬗᬾᬢᬶᬩᬦ᭄ᬢᬶᬩᬦᬦ᭄᭞ᬓᭀᬘᬧ᭄ᬥᬂᬳ᭄ᬬᬂᬫ᭄ᬧᬸ
ᬢᭀ᭞ᬮᬶᬦ᭄ᬢᬂᬮᬗ᭄ᬕᭂᬂᬭᬶᬂᬧᬢᬧᬦ᭄᭞ᬫᬭᬶᬂᬕᬸᬦᬸᬂᬲᬧ᭄ᬢᬭᬵᬕ᭞ᬫ᭄ᬧᬸᬤᬮᬂᬤᬶᬢᬸᬜᬸᬲᬸᬧ᭄᭞ᬜᬭᬾᬲ᭄ᬢᬶᬫᬭᬶᬂᬳᬦᬓ᭄ᬰᬸᬓ᭄ᬮ᭟᭐᭟ᬓᬓᬶᬬᬬᬲᬦᬾᬫᬗ᭄ᬓᬶᬦ᭄᭞ᬫᬩᬶᬲᬾᬓᬫ᭄ᬧᬸᬤᬮᬂ᭞ᬫᬳᬵ
ᬭᬵᬚᬋᬱᬶᬫᬗ᭄ᬓᬾ᭞ᬗᬕᬸᬗᬶᬦ᭄ᬕᬸᬦᬸᬂᬧᬢᬧᬦ᭄᭞ᬫᬗᬚᬃᬯᬢᭂᬓᬶᬂᬢᬧ᭞ᬤᬕᬶᬗᬶᬂᬢᬢ᭄ᬯᬓᬯ᭄ᬭᬸᬄ᭞ᬓᬓᬸᬧᬲᬦ᭄ᬘᬢᬸᬃᬯᬾᬤ᭟᭐᭟ᬓᭀᬘᬧ᭄ᬳᭀᬓᬦ᭄ᬚ᭄ᬭᭀᬪᬶᬓ᭄ᬱᬸᬦᬷ᭞ᬫᬩᬶᬲᬾᬓᬧᬜ᭄ᬘ
ᬬᭀᬕ᭞ᬫᬓᬧᬜ᭄ᬘᬲᬯᬸᬄᬋᬓᭀ᭞ᬦᬭᬶᬂᬕᬸᬦᬸᬂᬲᬧ᭄ᬢᬭᬵᬕ᭞ᬲᬳᬯᬾᬤᬧᬗᬲ᭄ᬢᬯ᭞ᬥᬂᬕᬸᬭᬸᬲᬯᬾᬕᬫᭂᬢᬸ᭞ᬲᬳᬢᬶᬢᬶᬧᬜᬫ᭄ᬩ᭄ᬭᬫ᭟᭐᭟ᬑᬁᬢᬢ᭄ᬲᬢ᭄ᬲ᭄ᬯᬲ᭄ᬢ᭄ᬬᬲ᭄ᬢᬸᬯᬶᬄ᭞ᬤᬸᬄ
[ ᭓ 3A]
ᬤᬾᬯᬲᬂᬧᬜ᭄ᬘᬬᭀᬕ᭞ᬳᬧᬤᬶᬗᬃᬬᬦ᭄ᬓᬋᬧ᭄ᬦᬾ᭞ᬤᬸᬭᬳᬦᬭᬶᬂᬦᬵᬕᬭ᭞ᬧᬜ᭄ᬘᬢᬫᬸᬦᬸᬮ᭄ᬬᬦᬗ᭄ᬕᬮ᭄᭞ᬭᬳᬤ᭄ᬬᬦᬺᬡᬵᬓ᭄ᬦᬫ᭄ᬧᬸ᭞ᬜᬸᬳᬸᬦ᭄ᬯᬘᬦᬧᬢᬷᬃᬣᬦ᭄᭟᭐᭟ᬫᬗᬜᬸᬢ᭄ᬭᬵ
ᬳᬦᬶᬂᬳᬢᬶ᭞ᬮᬫᬓᬦᬶᬗ᭄ᬲᬸᬦ᭄ᬫᬮᬷᬮᬂ᭞ᬓᬳᬶᬮᬶᬮᬢᬄᬮᬸᬢᬸᬳᬾ᭞ᬓᬧᬡ᭄ᬥᬶᬢᬦ᭄ᬓᬋᬧᬶᬗ᭄ᬯᬂ᭞ᬬᬤ᭄ᬬᬦ᭄ᬦᬗᬸᬦ᭄ᬩ᭄ᬭᬢᬬᭀᬕ᭞ᬚᬮᬭᬦ᭄ᬭᬵᬦᬓ᭄ᬧᬗᬯ᭄ᬭᬸᬄ᭞ᬳᬦᬭᬶᬂᬕᬸᬦᬸᬂᬧᬢᬧᬦ᭄᭟᭐
᭟ᬫ᭄ᬧᬸᬥᬂᬳ᭄ᬬᬂᬫᬜᬯᬸᬭᬶᬦ᭄᭞ᬬᭀᬕ᭄ᬬᬭᬵᬦᬓ᭄ᬮ᭄ᬯᬶᬃᬳᬶᬦᬸᬘᬧ᭄᭞ᬓᬾᬯᬮᬕᭀᬤᬦᬾᬳᬩᭀᬢ᭄᭞ᬇᬦ᭄ᬤ᭄ᬭᬶᬬᬦᬾᬗᭂᬧᬶᬓᬶᬧᬓ᭄᭞ᬓᬸᬤᬸᬓᬸᬤᬸᬦᬗᬸᬦ᭄ᬩ᭄ᬭᬢ᭞ᬫᬦᬶᬭᬸᬲᭀᬮᬄᬲᬶᬂᬧᬸᬢᬸᬲ᭄
᭞ᬜᬸᬫᬶᬗ᭄ᬓᬶᬦ᭄ᬫᬗ᭄ᬕᬸᬄᬲᬗ᭄ᬲᬭ᭟᭐᭟ᬗᭂᬦ᭄ᬢᬭᬵ ᬕᬗᬦ᭄ᬢᭀᬲ᭄ᬓᬶᬭᬶᬲ᭄᭞ᬳᬶᬥᭂᬧ᭄ᬩᬸᬤ᭄ᬥᬶᬪᭀᬬᬯᬭᬲ᭄᭞ᬓᬮᬸᬤᬦ᭄ᬯᭂᬢᭂᬗᬾᬮᬸᬯᬾ᭚ᬢᬢᬸᬳᭀᬦ᭄ᬳᬶᬥᭂᬧᬾᬳᭀᬩᬄ᭞ᬓᬶᬭᬶᬲ᭄ᬭᬵᬕᬦᬾᬗ
Auto-transliteration
[ 2 2B]
2
dalangjagat, bhāskarasuluḥngawayang, makĕlir̀langitebiru, lalampahansar̀wa'endaḥ. 0. swaran'gĕdogkrugtatit, wayangetibantibanan, kocapdhanghyangmpu
to, lintanglanggĕngringpatapan, maringgunungsaptarāga, mpudalangdituñusup, ñarestimaringhanakśukla. 0. kakiyayasanemangkin, mabisekampudalang, mahā
rājar̥ĕsyimangke, ngagungin'gunungpatapan, mangajar̀watĕkingtapa, dagingingtatwakawruḥ, kakupasancatur̀weda. 0. kocap'hokanjrobhiksyunī, mabisekapañca
yoga, makapañcasawuḥr̥ĕko, naringgunungsaptarāga, sahawedapangastawa, dhanggurusawegamĕtu, sahatitipañambrama. 0. oṅġtatsatswastyastuwiḥ, duḥ
[ 3 3A]
dewasangpañcayoga, hapadingar̀yankar̥ĕpne, durahanaringnāgara, pañcatamunulyananggal, rahadyanr̥ĕṇāknampu, ñuhunwacanapatīr̀than. 0. mangañutrā
haninghati, lamakaningsunmalīlang, kahililataḥlutuhe, kapaṇdhitankar̥ĕpingwang, yadyannangunbratayoga, jalaranrānakpangawruḥ, hanaringgunungpatapan. 0
. mpudhanghyangmañawurin, yogyarānaklwir̀hinucap, kewalagodanehabot, indriyanengĕpikipak, kudukudunangunbrata, manirusolaḥsingputus
, ñumingkinmangguḥsangsara. 0. ngĕntarā gangantoskiris, hidhĕpbuddhibhoyawaras, kaludanwĕtĕngeluwe // tatuhonhidhĕpehobaḥ, kirisrāganengaLeaf 3
[ ᭓ 3B]
᭓᭞
ᬯᬶᬦᬂ᭞ᬚᬵᬢᬶᬩᬧᬦᭀᬭᬳᬤᬸᬂ᭞ᬭᬵᬕᬦᬾᬩᭂᬘᬶᬓᬂᬫ᭄ᬬᬭ᭟᭐᭟ᬳᬗ᭄ᬕᬩᬸᬤ᭄ᬥᬶᬬᬳᭀᬧᬾᬦᬶᬦ᭄᭞ᬓᬾᬯᬮᬗᬺᬢᬶᬦ᭄ᬤ᭄ᬭᬶᬬ᭞ᬤ᭄ᬬᬲ᭄ᬢᬸᬓᬾᬢᭂᬗᬄᬧᭂᬓᭂᬦᬾ᭞ᬘᬮᬸᬳᬾᬫᬦᬗᬸᬦ᭄ᬬᭀᬕ᭞ᬲ
ᬓᬶᬂᬘᬮᬸᬄᬫᬗᬯᬶᬦᬂ᭞ᬰᬸᬘᬶᬦ᭄ᬳᬶᬥᭂᬧᬾᬫᬢᭂᬫᬸ᭞ᬳᬶᬓᬸᬩ᭄ᬭᬢᬤᬳᬢ᭄ᬫᬩ᭄ᬯᬢ᭄᭟᭐᭟ᬧᬗᬸᬕᬸᬦᬾᬫᬗ᭄ᬤᬩᭂᬘᬶᬓ᭄᭞ᬧᬫᬸᬓᬸᬮᬾᬲᬵᬫ᭄ᬧᬸᬦ᭄ᬗᬯᬕ᭄᭞ᬭᬾᬄᬲᬭᬸᬳᬓᬾᬄᬳᬶᬭᬶᬩᬾ᭞ᬫᬸᬲᬸᬳᬾᬫᬓᬸ
ᬫᬭᭀᬯᬂ᭞ᬭᭀᬯᬗᬾᬫᬧᬶᬦ᭄ᬤᬧᬶᬦ᭄ᬤ᭞ᬲᭀᬮᬳᬾᬫᬓᬸᬫᬫᬸᬲᬸᬄ᭞ᬧᬸᬦᬶᬓᬯᬾᬢᬢᬲᬂ᭟᭐᭟ᬲᬫᬶᬗᬗ᭄ᬕᬾᬕᬸᬡᬍᬯᬶᬄ᭞ᬧᬗᭂᬯᬫᬶᬯᬄᬧ᭄ᬬᭀᬮᬦᬶᬸᬲ᭄᭞ᬓᬫᭀᬓ᭄ᬱᬍᬯᬶᬄᬳᬶᬭᬶᬗᬾ᭞
ᬬᬾᬦᬶᬂᬓᬭᬶᬲᬫᬃᬲᬫᬃ᭞ᬢᬶᬗ᭄ᬳᬮᬾ ᬓᬮᬶᬄᬫᬦ᭄ᬭᬯ᭞ᬲᬫᬦᬭᬶᬂᬰᭀᬘᬦ᭄ᬢᭂᬩᬸ᭞ᬗᬯᬶᬦᬂᬢᬢᬸᬚᭀᬦ᭄ᬧᬸᬜᬄ᭟᭐᭟ᬫ᭄ᬧᬸᬥᬂᬳ᭄ᬬᬂᬗᬯᬦ᭄ᬢᬸᬦᬶᬦ᭄᭞ᬯᬶᬚᬶᬯᬶᬚᬶᬓᬢᬸᬭᬾᬓ᭄ᬱᬦ᭄᭞
[ ᭔ 4A]
ᬤᬦᬾᬓᭂᬢᬸᬢ᭄ᬦᭂᬲᭂᬓ᭄ᬤ᭄ᬬᬕᬾ ᭞ᬤᬶᬓ᭄ᬱᬦᬧᬜ᭄ᬘᬧᬸᬦᬶᬓ᭞ᬓᬯᬲ᭄ᬧᬤᬬᬂᬭᬶᬂᬫ᭄ᬧᬸᬥᬂᬳ᭄ᬬᬂ᭞ᬲᬢ᭄ᬯᬫᬾᬗᬺᬯᬤᬶᬤᬸᬫᬸᬦ᭄᭞ᬲᬢ᭄ᬯᬫ᭄ᬭᬚᬄᬫᬶᬯᬄᬢ?ᬫᬄ᭟᭐᭟ᬩᬶᬩᬶᬢ᭄ᬲᬢ᭄ᬯᬫ᭄ᬓᬢᬶᬗᬮᬶᬦ᭄
᭞ᬤᬶᬢᬸᬋᬓᬾᬓᬶᬘᬾᬦ᭄ᬧᬭᬩ᭄᭞ᬓᭂᬢᬸᬢ᭄ᬩᬗᬸᬦ᭄ᬓᬂᬳᬭᬦᬾ᭞ᬘᬬᬦᬾᬓᬸᬫᭂᬤᬧ᭄ᬕᬮᬂ᭞ᬳᬸᬤᬸᬄᬭᬵᬦᬓ᭄ᬩᬗᬸᬦᬼᬫᬄ᭞ᬧᬸᬦᬧᬢᭂᬍᬩᬶᬂᬓᬍᬩᬸ᭞ᬤᬕᬶᬂᬢᬢ᭄ᬯᬘᬢᬸᬃᬯᬾᬤ᭟᭐᭟ᬧᬸᬧᬸᬄᬧ
ᬗ᭄ᬓᬸᬂ᭟᭐᭟ᬓᬢᬸᬢ᭄ᬩᬗᬸᬦ᭄ᬲᬃᬯᬶᬗᬦ᭄ᬤᬧ᭄᭞ᬲᬶᬗ᭄ᬕᬶᬄᬲᬶᬗ᭄ᬕᬶᬄᬥᬸᬄᬭᬢᬸᬲᬂᬫᬳᬵᬋᬱᬶ᭞ᬩᭂᬤᬓ᭄ᬮᬬᬄᬭᬵᬦᬦ᭄ᬳᭂᬫ᭄ᬧᬸ᭞ᬜᬸᬤᬶᬚᬕᬢ᭄ᬫᬗ᭄ᬤᬫᭂᬮᬶᬸᬮᬄ᭞ᬗᬯᬶᬢ᭄ᬚᬧᬂᬲᬗ᭄ᬲᬭᬦᬦ᭄ᬤᬂᬧᬓᬾᬯᬸᬄ᭞ᬧᬶᬦᬶᬄ
ᬯᬾᬦ᭄ᬢᭂᬦ᭄ᬮᬶᬫᭀᬮᬲ᭄ᬢᭂᬫ᭄ᬯᬂ᭞ᬳᬭᬸᬳᬭᬦᬶᬓᬂᬚᬕᬢ᭄᭟᭐᭟ᬢ᭄ᬯᬶᬦ᭄ᬫᭂᬃᬤᬾᬓᬓᬤᭀᬮᬢᬦ᭄᭞ᬢᬍᬃᬓᬭᬶᬓ᭄ᬯᬾᬄᬚᬷᬯᬫᬗᭂᬫᬲᬶᬦ᭄᭞ᬧᬸᬦᬶᬓᬗᬯᬶᬦᬂᬭᬢᬸ᭞ᬫᬫᬸᬳᬸᬦ᭄ᬭᬶᬂᬫ᭄ᬧᬸᬥᬂᬳ᭄ᬬᬂ᭞ᬥᬸᬄ
Auto-transliteration
[ 3 3B]
3
winang, jātibapanorahadung, rāganebĕcikangmyara. 0. hanggabuddhiyahopenin, kewalangr̥ĕtindriya, dyastuketĕngaḥpĕkĕne, caluhemanangunyoga, sa
kingcaluḥmangawinang, śucinhidhĕpematĕmu, hikubratadahatmabwat. 0. pangugunemangdabĕcik, pamukulesāmpunngawag, reḥsaruhakeḥhiribe, musuhemaku
marowang, rowangemapindapinda, solahemakumamusuḥ, punikawetatasang. 0. saminganggeguṇal̥ĕwiḥ, pangĕwamiwaḥpyolan̶s, kamokṣal̥ĕwiḥhiringe,
yeningkarisamar̀samar̀, tinghale kaliḥmanrawa, samanaringśocantĕbu, ngawinangtatujonpuñaḥ. 0. mpudhanghyangngawantunin, wijiwijikaturekṣan,
[ 4 4A]
danekĕtutnĕsĕkdyage , dikṣanapañcapunika, kawaspadayangringmpudhanghyang, satwamengr̥ĕwadidumun, satwamrajaḥmiwaḥta?maḥ. 0. bibitsatwamkatingalin
, ditur̥ĕkekicenparab, kĕtutbangunkangharane, cayanekumĕdapgalang, huduḥrānakbangunl̥ĕmaḥ, punapatĕl̥ĕbingkal̥ĕbu, dagingtatwacatur̀weda. 0. pupuḥpa
ngkung. 0. katutbangunsar̀wingandap, singgiḥsinggiḥdhuḥratusangmahār̥ĕsyi, bĕdaklayaḥrānanhĕmpu, ñudijagatmangdamĕl̶laḥ, ngawitjapangsangsaranandangpakewuḥ, piniḥ
wentĕnlimolastĕmwang, haruharanikangjagat. 0. twinmĕr̀dekakadolatan, tal̥ĕr̀karikweḥjīwamangĕmasin, punikangawinangratu, mamuhunringmpudhanghyang, dhuḥLeaf 4
[ ᭔ 4B]
᭔᭞
ᬢᬾᬫ᭄ᬩᬳᬂᬢᬦᬕᬲᬓᬶᬂᬓᬯ᭄ᬭᬸᬄ᭞ᬳᬗ᭄ᬕᬾᬦᬵᬫᬶᬢ᭄ᬭᬗᬶᬦ᭄ᬭᬓ᭄ᬬᬢ᭄᭞ᬆᬕᬫᬦᬾᬧᬳᬶᬘᬳᬶᬦ᭄᭟᭐᭟ᬓᬭᬶᬩᬯᬸᬃᬫᬦᬄᬢᬶᬢ᭄ᬬᬂ᭞ᬦᬧᬶᬫᬮᬶᬄᬳᬶᬤᬤᬦᬾᬲᬸᬓᬸᬩᬮᬶ᭟ᬬᬦ᭄ᬦᭀᬭᬲᬶᬤ᭄ᬥᬩᭂᬃ
ᬲᬢᬸ᭞ᬫᬗᬸᬕᬸᬲᬂᬳ᭄ᬬᬂᬆᬕᬫ᭞ᬳᬤᭀᬄᬧᬭᬫᬓᬶᬘᭂᬭᬦ᭄ᬫᬦᬄᬳᬶᬧᬸᬦ᭄᭞ᬯ᭄ᬬᬤᬶᬦ᭄ᬫᬫᬢᬹᬢᬂᬳᬯᬓ᭄᭞ᬢᭂᬫ᭄ᬧᬮ᭄ᬢᭀᬂᬫᬗᬺᬲᭂᬧ᭄ᬫᬸᬜᬶ᭟᭐᭟ᬓᬲᬸᬲᬸᬧᬦ᭄ᬭᬚᬄᬢᬫᬄ᭞ᬦᭀᬭᬓᬭᬶ᭞
ᬲᬢ᭄ᬯᬫᬾᬓᬕᬸᬕ᭄ᬯᬦᬶᬦ᭄᭞ᬲᬶᬦᬵ ᬫ᭄ᬧᬸᬭᬤᬸᬄᬲᬂᬕᬸᬭᬸ᭞ᬮᬗ᭄ᬖ᭄ᬬᬧᬸᬭᬸᬦ᭄ᬫᬧᬶᬦᬸᬦᬲ᭄᭞ᬭᬶᬂᬩᬸᬓ᭄ᬧᬤᬭᬵᬚᬋᬱᬶᬫᬳᬵᬮᬸᬳᬸᬭᬸ᭞ᬯᬦᬄᬩ᭄ᬯᬂᬦᭂᬍᬦ᭄ᬲᬗ᭄ᬲᬭ᭞ᬫᬗ᭄ᬤᬫᬗ᭄ᬕᬸᬄᬚᬕᬢ᭄ᬩᭂᬘᬶᬓ᭄
᭟᭐᭟ᬧᬹᬃᬯᬦ᭄ᬜᬲᬓᬶᬂᬧᬸᬦᬧ᭞ᬳ᭄ᬬᬂᬆᬕᬫᬶᬦᬭᬦᬾ ᬫᬜᬸᬗ᭄ᬓᬫᬶᬦ᭄᭞ᬓᬸᬤᬂᬳᬩᬤ᭄ᬫᬶᬯᬄᬢᬳᬸᬦ᭄᭞ᬬᬤᬶᬦ᭄ᬯᬾᬦᬵᬢᭂᬦ᭄ᬧᬭᭀᬩᬳᬦ᭄᭞ᬢᬸᬦᬲ᭄ᬢᬶᬢ᭄ᬬᬂᬲᬶᬗ᭄ᬕᬶᬄᬳᬸᬭᬸᬫᬳᬵᬮᬸᬳᬸᬃ᭞ᬮᬸᬯᬶᬃᬜ
[ ᭕ 5A]
ᬲᬭᬶᬦᬵ ᬕᬫ᭞ᬦᬭᬶᬂᬳᬗ᭄ᬕᬚ᭄ᬭᭀᬦᬶᬂᬩᬸᬤ᭄ᬥᬶ᭟᭐᭟ᬫ᭄ᬧᬸᬤᬮᬂᬫᬯᬘᬦ᭞ᬉᬥᬸᬄᬭᬵᬦᬓ᭄ᬓᭂᬢᬸᬢ᭄ᬩᬗᬸᬦ᭄ᬢᭂᬍᬩ᭄ᬩᬸᬤ᭄ᬥᬶ᭞ᬳᬬ᭄ᬯᬲᬗ᭄ᬰᬬᬯᬸᬯᬸᬲ᭄᭞ᬮ᭄ᬯᬶᬃᬦᬶᬂᬓᬤᬶᬳᬶᬦᬸᬘᬧ᭄᭞ᬲᬗ᭄ᬕᬸ
ᬧ᭄ᬩᬧᬓᬜ᭄ᬘᬦᬶᬂᬧᬶᬦᬸᬦᬲ᭄ᬓᭂᬢᬸᬢ᭄᭞ᬓᬾᬯᬮᬲᬵᬦᬓᬶᬤᬾᬯ᭞ᬢᭂᬢᭂᬲ᭄ᬩᬧᬫᬓᬲᬫᬶ᭟᭐᭟ᬧᬸᬧᬸᬄᬲ᭄ᬫᬭᬦ᭄ᬥᬦ᭟᭐᭟ᬲᬂᬕᬸᬭᬸᬫᬮᬶᬄᬫᬚᬶᬦ᭄ᬳᬶᬦ᭄᭞ᬭᬶᬂᬰᬶᬱ᭄ᬬᬘᬢᬸᬃᬓ
ᬭᬶᬓ᭞ᬪᬸᬢᬰᬯᬦᬸᬮ᭄ᬬᬳᬕᬾ᭞ᬫᬫᬋᬓ᭄ᬭᬶᬂᬧᬦᬪᬾᬬᬦ᭄᭞ᬓᬢᬸᬭᬾᬓ᭄ᬱᬓᬯᬲ᭄ᬧᬤᬬᬂ᭞ᬲᬬᬦ᭄ᬜᬦᬾᬲᬸᬓᬢᭂᬤᬸᬦ᭄᭞ᬫᬗᭂᬭᬾᬲ᭄ᬢᬶᬭᬶᬂᬫᬬᬧᬤ᭟᭐᭟ᬓᬦ᭄ᬢᭂᬦ᭄ᬫᬗ᭄ᬓᬦ᭄ᬚ᭄ᬭᭀ
ᬦᬶᬂᬳᬢᬶ᭞ᬲᬢ᭄ᬯᬫᬾᬓᬳᭀᬭᬦ᭄ᬢᬫᬄ᭞ᬥᬂᬕᬸᬭᬸᬗᬦ᭄ᬤᬶᬓᬫᬗ᭄ᬓᬾ ᭞ᬉᬥᬸᬄᬭᬵᬦᬓ᭄ᬪᬹᬢᬰᬯ᭞ᬬᭀᬕ᭄ᬬᬯᬦ᭄ᬢᬄᬦᭂᬭᬶᬫᬓᬦᬓ᭄᭞ᬫᬶᬫᬶᬢᬦ᭄ᬫᬵᬦᬸᬱᬳᬶᬓᬸ᭞ᬓᬦ᭄ᬤᬦᬶᬂᬫᬵᬦᬸ
Auto-transliteration
[ 4 4B]
4
tembahangtanagasakingkawruḥ, hanggenāmitranginrakyat, āgamanepahicahin. 0. karibawur̀manaḥtityang, napimaliḥhidadanesukubali. yannorasiddhabĕr̀
satu, mangugusanghyangāgama, hadoḥparamakicĕranmanaḥhipun, wyadinmamatūtanghawak, tĕmpaltongmangr̥ĕsĕpmuñi. 0. kasusupanrajaḥtamaḥ, norakari,
satwamekagugwanin, sinā mpuraduḥsangguru, langghyapurunmapinunas, ringbukpadarājar̥ĕsyimahāluhuru, wanaḥbwangnĕl̥ĕnsangsara, mangdamangguḥjagatbĕcik
. 0. pūr̀wanñasakingpunapa, hyangāgaminarane mañungkamin, kudanghabadmiwaḥtahun, yadinwenātĕnparobahan, tunastityangsinggiḥhurumahāluhur̀, luwir̀ña
[ 5 5A]
sarinā gama, naringhanggajroningbuddhi. 0. mpudalangmawacana, udhuḥrānakkĕtutbanguntĕl̥ĕbbuddhi, haywasangśayawuwus, lwir̀ningkadihinucap, sanggu
pbapakañcaningpinunaskĕtut, kewalasānakidewa, tĕtĕsbapamakasami. 0. pupuḥsmarandhana. 0. sanggurumaliḥmajinhin, ringśiṣyacatur̀ka
rika, bhutaśawanulyahage, mamar̥ĕkringpanabheyan, katurekṣakawaspadayang, sayanñanesukatĕdun, mangĕrestiringmayapada. 0. kantĕnmangkanjro
ninghati, satwamekahorantamaḥ, dhanggurungandikamangke , udhuḥrānakbhūtaśawa, yogyawantaḥnĕrimakanak, mimitanmānuṣahiku, kandaningmānuLeaf 5
[ ᭕ 5B]
᭕᭞
ᬱᬬᬚ᭄ᬜᬵ᭟᭐᭟ᬘᬢᬸᬃᬧ᭄ᬭᬓᬺᬢᬶᬧᬶᬮᬶᬳᬶᬦ᭄᭞ᬫᬓᬫᬶᬯᬄᬘᬢᬸᬃᬬᬚ᭄ᬜᬵ᭞ᬜᬦ᭄ᬤᬂᬲᬶᬫ᭄ᬧᭂᬦ᭄ᬭᬶᬳᬢᬶᬦᬾ᭞ᬮᬫᬓᬦᬾᬦᭀᬭᬲᬶᬫ᭄ᬧᬂ᭞ᬢᬶᬦ᭄ᬤᬓ᭄ᬫᬦᬳᬾᬳᬤᬸᬗᬂ᭞ᬫᬮᬚᬄᬲᬵᬫ᭄ᬧᬸᬦᬂ
ᬩᬯᬸᬃ᭞ᬓᬢᬄᬩᬓᬢ᭄ᬓᬸᬢᬂᬓᬸᬢᬂ᭟᭐᭟ᬯᬸᬦᬶᬗᬾᬳᬗᬦ᭄ᬤᬶᬩᬶᬩᬶᬄ᭞ᬢᬸᬲᬶᬂᬤᬸᬤᬸᬓ᭄ᬳᬤᬓᬸᬢᬂ᭞ᬦᬲᬃᬫᬦᬄᬦᬤᭀᬲ᭄ᬫᭀᬫᭀ᭞ᬫᬬᬄᬳᬸᬢᬂᬗᬮᬶᬄᬳᬸᬢᬂ᭞ᬫᬮᬳᬦ᭄ᬫᬳᬸᬜ᭄ᬚᬸᬓ᭄ᬳᬸ
ᬢᬂ᭞ᬲᬶᬦᬄᬭᬵ ᬕᬳᬩᭀᬢ᭄ᬦᬶᬓᬸᬮ᭄᭞ᬗᬫᭀᬓᭀᬳᬂᬭᬚᬄᬢᬫᬄ᭟᭐᭟ᬫᬭᬶᬂᬭᭀᬦ᭄ᬢᬮ᭄ᬓᬢᭂᬕᭂᬲᬶᬦ᭄᭞ᬲᬭᬲᬫᬸᬘ᭄ᬙᬬᬳᬭᬦ᭄᭞ᬲᬓᬶᬂᬓᬸᬦᬢᬢᬫ᭄ᬬᬦᬾ᭞ᬯᬭᬄᬦᬪᬾ
ᬅᬪ᭄ᬬᬲ᭞ᬋᬱᬶᬅᬯᬭᬸᬘᬶᬗᬭᬦ᭄᭞ᬫᬗ᭄ᬭᬶᬧ᭄ᬢᬲᬭᬷᬦᬶᬂᬢᬸᬢᬸᬃ᭞ᬋᬱᬶᬓᬮᬶᬄᬓᬩ᭄ᬬᬓ᭄ᬢ᭟᭐᭟ᬫᬗ᭄ᬓᬉᬚᬃᬲᬂᬫᬳᬵᬋᬱᬶ᭞ᬪᬹᬢᬰᬯᬦᬸᬮ᭄ᬬᬦᬗ᭄ᬕᬮ᭄᭞ᬳᬭᬹᬫ᭄ᬳᬫᬦᬶᬲ᭄ᬫᬗᬲᭀᬃ᭞
[ ᭖ 6A]
ᬗᬦ᭄ᬤᬶᬓ᭄ᬢᬶᬢ᭄ᬬᬂᬦᬤᭀᬲ᭄ᬚᬦ᭄ᬫ᭞ᬮᬾᬤᬂᬭᬢᬸᬫᬧᬯᬭᬄ᭞ᬫᬶᬯᬄᬩᭂᬓᭂᬮ᭄ᬢᬶᬢ᭄ᬬᬂᬭᬢᬸ᭞ᬦ᭄ᬤᬵᬯᭂᬕ᭄ᬲᬶᬦᬵᬫ᭄ᬧᬸᬭᬧᬶᬲᬦ᭄᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬲᬓᬶᬂᬳᬮᬶᬢ᭄ᬢᬶᬢ᭄ᬬᬂᬪᬸᬢ᭞ᬳ
ᬕᭂᬢ᭄ᬫᬗ᭄ᬕᬸᬄᬓᬤᬶᬫᬗ᭄ᬓᬶᬦ᭄᭞ᬯᬾᬦ᭄ᬢᭂᬦ᭄ᬳᬭᬶᬦ᭄ᬢᬶᬢ᭄ᬬᬂᬧᬢ᭄ᬧᬢ᭄᭞ᬦᬦ᭄ᬤᬦ᭄ᬗᬚᬓ᭄ᬓᭂᬫᬫᬳᬶ᭞ᬢᬢᬦ᭄ᬫᬭᬶᬫᬗᬸᬮ᭄ᬕᬸᬮᬶᬦ᭄᭞ᬫᬗᭂᬩᬕ᭄ᬭᬳᬶᬦᬤᬮᬸ᭞ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄ᬢᬸᬢᬸᬕ᭄ᬩᬚᬂ᭞ᬜᬤ᭄ᬬᬢᬶᬢ᭄ᬬᬂᬭᬯᬸᬄ
ᬢᬗ᭄ᬓᬶᬮ᭄᭞ᬭᬢᬸᬫ᭄ᬧᬸ᭞ᬢᬶᬢ᭄ᬬᬂᬫᬗᬢᬸᬭᬂᬚᬷᬯ᭟᭐᭟ᬓᬦ᭄ᬤᬦ᭄ᬜᬦᬾᬲᬂᬫᬗ᭄ᬚᬦ᭄ᬫ᭞ᬦᬭᬩ᭄ᬦᬭᭀᬦᬶᬯᬓ᭄ᬧᬓ᭄ᬱᬶ᭞ᬓᬜ᭄ᬘᬦ᭄ᬢᬭᬸᬳᭂᬩᬸᬦ᭄ᬧᬥᬂ᭞ᬧᬸᬦᬧᬶᬓᬾᬫᬳᬸᬭᬶᬧᬶᬦ᭄᭞ᬤᬸᬭᬸᬲᬂᬭᬢᬸ
ᬮᬶᬗ᭄ᬕᬦᬶᬦ᭄᭞ᬮᬫᬓᬦᬾᬭᬵᬦᬓᭂᬫ᭄ᬧᬸ᭞ᬳᬸᬦᬶᬗᬇᬦ᭄ᬤᬶᬓ᭄ᬧᬸᬦᬶᬓ᭞ᬓᬧᬶᬦᬶᬸᬩᬶᬦ᭄ᬤᬜ᭄ᬚᬷᬯᬳᬶᬦ᭄᭞ᬪᬾᬤᬦᬶᬧᬸᬦ᭄᭞ᬓᬜ᭄ᬘᬦᬶᬂᬯᬢᭂᬓ᭄ᬫᬗ᭄ᬓᬶᬳᬦ᭄᭟᭐᭟ᬬᬾᬦᬶᬂᬢᬸᬗ᭄ᬕᬮ᭄ᬩᬩᬓᬮᬦ᭄᭞
Auto-transliteration
[ 5 5B]
5
ṣayajñā. 0. catur̀prakr̥ĕtipilihin, makamiwaḥcatur̀yajñā, ñandangsimpĕnrihatine, lamakanenorasimpang, tindakmanahehadungang, malajaḥsāmpunang
bawur̀, kataḥbakatkutangkutang. 0. wuningehangandibibiḥ, tusingduduk'hadakutang, nasar̀manaḥnadosmomo, mayaḥhutangngaliḥhutang, malahanmahuñjuk'hu
tang, sinaḥrā gahabotnikul, ngamokohangrajaḥtamaḥ. 0. maringrontalkatĕgĕsin, sarasamucchayaharan, sakingkunatatamyane, waraḥnabhe
abhyasa, r̥ĕsyi'awarucingaran, mangriptasarīningtutur̀, r̥ĕsyikaliḥkabyakta. 0. mangka'ujar̀sangmahār̥ĕsyi, bhūtaśawanulyananggal, harūmhamanismangasor̀,
[ 6 6A]
ngandiktityangnadosjanma, ledangratumapawaraḥ, miwaḥbĕkĕltityangratu, ndāwĕgsināmpurapisan. 0. pupuḥsinom. 0. sakinghalittityangbhuta, ha
gĕtmangguḥkadimangkin, wentĕnharintityangpatpat, nandanngajakkĕmamahi, tatanmarimangulgulin, mangĕbagrahinadalu, sāmpunmangkintutugbajang, ñadyatityangrawuḥ
tangkil, ratumpu, tityangmangaturangjīwa. 0. kandanñanesangmangjanma, narabnaroniwakpaksyi, kañcantaruhĕbunpadhang, punapikemahuripin, durusangratu
lingganin, lamakanerānakĕmpu, huninga'indikpunika, kapin̶bindañjīwahin, bhedanipun, kañcaningwatĕkmangkihan. 0. yeningtunggalbabakalan,Leaf 6
[ ᭖ 6B]
᭖᭞
ᬗᬸᬤᬲᬦᬾᬄᬫᬸᬜᬶᬦ᭄ᬦᬶᬓᬶ᭞ᬧᬢᬶᬳᬸᬭᬶᬧ᭄ᬧᬥᬗᭂᬮᬄ᭞ᬓᬧᬶᬕᭂᬦᬄᬜᬗᬯᬶᬦᬶᬦ᭄᭞ᬢᬦ᭄ᬓᭂᬦᬶᬳᬦ᭄ᬢᬸᬓ᭄ᬫᬤᬾᬦᬶᬦ᭄᭞ᬥᬂᬕᬸᬭᬸ᭞ᬫᬲᬯᬸᬃᬓᭂᬜᬸᬃ᭞ᬉᬥᬸᬄᬦᬦᬓ᭄ᬪᬹᬢᬰᬯ᭞ᬕᭂᬦ᭄ᬢᭀᬲ᭄ᬩᬧ
ᬳᬭᬦᬶᬓᬶ᭞ᬳᭂᬥᬾᬢᬸᬮᬸᬲ᭄᭞ᬓᬲᬸᬗᬦ᭄ᬳᬶᬤᬾᬯᬳᬭᬦ᭄᭟᭐᭟ᬕᭂᬥᬾ ᬢᬸᬮᬸᬲ᭄ᬭᬭᬶᬲ᭄ᬜᭂᬫ᭄ᬩᬄ᭞ᬫᬗᭂᬮᬸᬢ᭄ᬚᭂᬂᬫᬳᬵᬋᬱᬶ᭞ᬲᬸᬧᬢ᭄ᬭᬢᬸᬫᬮᬦ᭄ᬢᬶᬢ᭄ᬬᬂ᭞ᬫᬗ᭄ᬤᬾᬦ᭄ᬢᬸᬫᬸᬲ᭄ᬤᬤᭀᬲ᭄ᬚᬦ᭄ᬫᬶ᭞ᬫᬦ
ᬤᭀᬦᬶᬸᬲ᭄ᬦᬭᬉᬢ᭄ᬢᬫᬶ᭞ᬧᬢᬷᬃᬣᬗ᭄ᬯᬂᬥᬸᬄᬲᬗ᭄ᬳᬸᬮᬸᬦ᭄᭞ᬮ᭄ᬯᬶᬃᬦᬥᬄᬫᬳᬵᬧᬯᬶᬢ᭄ᬭ᭞ᬯᬓ᭄ᬬᬦ᭄ᬭᬢᬸᬫ᭄ᬧᬸᬲᬶᬤ᭄ᬥᬶ᭞ᬢᬶᬢ᭄ᬬᬂᬍᬢᬸᬄ᭞ᬓᬸᬤᬸᬲᬾᬫᬭᬹᬧᬚᬦ᭄ᬫ᭟᭐᭟ᬩᬶᬗᬸᬂᬦᭀᬭᬢᬳᬸᬚᬮᬦ᭄᭞
ᬮᬸᬗ᭄ᬳᬦᭀᬭᬢᬳᬸᬫᬸᬮᬶᬄ᭞ᬲᬶᬦᬄᬢᬶᬩᬭᬶᬂᬦᬵᬭᬓ᭞ᬓᬳᬶᬮᬶᬓᬕ᭄ᬭᭀᬫ᭄ᬩᭀᬂᬕᭂᬦᬶ᭞ᬗᭂᬦ᭄ᬢᬓᭂᬦ᭄ᬢᬓ᭄ᬫᬗᭂᬫᬲᬶᬦ᭄᭞ᬥᬂᬕᬸᬭᬸᬫᬾᬲᭂᬫ᭄ᬲᬸᬫᬳᬸᬃ᭞ᬬᬾᬦᬶᬂᬚᬵᬢᬶᬓᬤᬶᬦᬦᬓ᭄᭞ᬫᬜᬸᬗ᭄ᬓᭂ
[ ᭗ 7A]
ᬫᬶᬦ᭄ᬢᬸᬢ᭄ᬯᬳᬚᬷ᭞ᬲᬶᬦᬄᬳᬶᬧᬸᬦ᭄᭞ᬫᬮᬦᬾᬧᬘᬂᬓᬮᬸᬓᬢ᭄᭟᭐᭟ᬧᬸᬧᬸᬄᬲ᭄ᬫᬭᬦ᭄ᬥᬦ᭟᭐᭟ᬢᬦᬶᬓᬯᬸᬄᬓᬢᭂᬢᭂᬲᬶᬦ᭄᭞ᬲᬂᬕᬸᬭᬸᬗᬯᬲ᭄ᬧᬤᬬᬂ᭞ᬓᬘᬶᬗᬓ᭄ᬚ᭄ᬭᭀᬦᬶᬂ
ᬳᬢᬶᬦᬾ᭞ᬲᬗᬸᬦ᭄ᬜᬦᬾ ᬮ᭄ᬯᬲ᭄ᬫᬦ᭄ᬚᬦ᭄ᬫ᭞ᬢᬢᬶᬕᬳᬕᭀᬃᬧᬸᬦᬶᬓ᭞ᬭᬚᬄᬢᬫᬄᬲᬢ᭄ᬯᬫ᭄ᬤᬶᬢᬸ᭞ᬲᬂᬋᬱᬶᬭᬭᬶᬲ᭄ᬗᬦ᭄ᬤᬶᬓ᭟᭐᭟ᬩᬧᬳᬲᬸᬂᬦᬭᬶᬂᬘᭂᬦᬶᬂ᭞ᬬᭀᬕ᭄ᬬᬭᬵᬦᬓ᭄ᬫᭂᬲᬾᬄᬧᬭᬩ᭄᭞
ᬜᭀᬫᬦ᭄ᬳᬲᬸᬂᬓᬂᬳᬭᬦᬾ᭞ᬫᬥᬦᬥᬦᬦᬭᬶᬂᬚᬕ᭄ᬢ᭄᭞ᬮᬷᬮᬦᬶᬂᬘᬶᬢ᭄ᬢᬮᬖᬯ᭞ᬧᭀᬫᬭᬵᬦᬓ᭄ᬦᭂᬓᬾᬂᬓᬮ᭄ᬩᬸ᭞ᬫᬯᬶᬯᬾ ᬓᬫᬧᬥᬦ᭟᭐᭟ᬆᬕᬫᬓᬮᬶᬦ᭄ᬢᬂᬰᬸᬘᬶ᭞ᬧ
ᬭᬕᬬᬦ᭄ᬲᬂᬳ᭄ᬬᬂᬥᬃᬫ᭞ᬗᬶᬘᬾᬦᬵᬭᬸᬭᬸᬂᬯᬦ᭄ᬢᬄᬭᭀᬭᭀ᭞ᬫᬃᬕᬳᬬᬸᬭᬸᬭᬸᬂᬓᬲᬃ᭞ᬳᬸᬭᬶᬧᬾ ᬓᭂᬦᬶᬳᬸᬚ᭄ᬬᬦ᭄᭞ᬗᬗ᭄ᬕ᭄ᬯᬂᬫᬳᬶᬳᭀᬮᬶᬄᬧᭂᬤᬸᬫ᭄᭞ᬦᬦ᭄ᬤᬸᬃᬩᭂᬘᬶᬓ᭄ᬬᬤᬶᬦ᭄ᬓᬲᬃ᭟᭐᭟ᬭᬕᬦᬦ᭄ᬤᬸᬃ
Auto-transliteration
[ 6 6B]
6
ngudasaneḥmuñinniki, patihurippadhangĕlaḥ, kapigĕnaḥñangawinin, tankĕnihantukmadenin, dhangguru, masawur̀kĕñur̀, udhuḥnanakbhūtaśawa, gĕntosbapa
haraniki, hĕdhetulus, kasunganhidewaharan. 0. gĕdhe tulusrarisñĕmbaḥ, mangĕlutjĕngmahār̥ĕsyi, supatratumalantityang, mangdentumusdadosjanmi, mana
don̶snara'uttami, patīr̀thangwangdhuḥsanghulun, lwir̀nadhaḥmahāpawitra, wakyanratumpusiddhi, tityangl̥ĕtuḥ, kudusemarūpajanma. 0. bingungnoratahujalan,
lunghanoratahumuliḥ, sinaḥtibaringnāraka, kahilikagrombonggĕni, ngĕntakĕntakmangĕmasin, dhanggurumesĕmsumahur̀, yeningjātikadinanak, mañungkĕ
[ 7 7A]
mintutwahajī, sinaḥhipun, malanepacangkalukat. 0. pupuḥsmarandhana. 0. tanikawuḥkatĕtĕsin, sanggurungawaspadayang, kacingakjroning
hatine, sangunñane lwasmanjanma, tatigahagor̀punika, rajaḥtamaḥsatwamditu, sangr̥ĕsyirarisngandika. 0. bapahasungnaringcĕning, yogyarānakmĕseḥparab,
ñomanhasungkangharane, madhanadhananaringjagt, līlaningcittalaghawa, pomarānaknĕkengkalbu, mawiwe kamapadhana. 0. āgamakalintangśuci, pa
ragayansanghyangdhar̀ma, ngicenārurungwantaḥroro, mar̀gahayururungkasar̀, huripe kĕnihujyan, nganggwangmahiholiḥpĕdum, nandur̀bĕcikyadinkasar̀. 0. raganandur̀Leaf 7
[ ᭗ 7B]
᭗᭞
ᬢᬸᬃᬗᬮᬧᬶᬦ᭄᭞ᬋᬲ᭄ᬬᬓᬶᬦ᭄ᬩᬦ᭄ᬧ᭄ᬭᬩᭀᬢ᭄ᬳᬶᬸᬜᬶᬸᬢ᭄ᬧᬗᬦ᭄᭞ᬓᬲᬸᬰᬶᬮᬦ᭄ᬧᬕᭂᬮᬦ᭄ᬧᬕᭂᬳᬦᬾ᭞ᬫᬲᬫ᭄ᬩᬂᬳᬦ᭄ᬢᬸᬓ᭄ᬓᬦ᭄ᬢᬸᬓ᭄ᬓᬢᭂᬗᬦ᭄᭞ᬪᬸᬓ᭄ᬢ᭄ᬬᬂᬯᭀᬄᬦᬾᬦᬾᬢᬲᬓ᭄᭟ᬭᬲᬫᬦᬶᬲ᭄ᬬᬤᬶᬦ᭄ᬳᬭᬹᬫ᭄᭞ᬬᬤᬶ
ᬦ᭄ᬭᬸᬲᬓ᭄ᬭᬕᬦᬯᬂ᭟᭐᭟ᬧᬸᬧᬸᬄᬕᬶᬦᬦ᭄ᬢᬶ᭟᭐᭟ᬫᬦᭂᬫ᭄ᬩᬄᬳᬶᬜᭀᬫᬦ᭄ᬳᬲᬸᬂ᭞ᬲᬶᬗ᭄ᬕᬶᬄᬤᬂᬳ᭄ᬬᬂᬫ᭄ᬧᬸᬲᬶᬤ᭄ᬥᬶ᭞ᬮᬶᬗ᭄ᬕᬦᬶᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬇᬦ᭄ᬥᬶ
[ 8A]
Auto-transliteration
[ 7 7B]
7
tur̀ngalapin, r̥ĕsyakinbanprabot'h̶ñ̶tpangan, kasuśilanpagĕlanpagĕhane, masambanghantukkantukkatĕngan, bhuktyangwoḥnenetasak. rasamanisyadinharūm, yadi
nrusakraganawang. 0. pupuḥginanti. 0. manĕmbaḥhiñomanhasung, singgiḥdanghyangmpusiddhi, lingganinpinunastityang, indhi
[ 8A]
