Gaguritan Lutung Mungil 01

Original on Archive.org

Front and Back Covers

Image on Archive.org

[Judul : GAGURITAN LUTUNG MUNGIL. B Pnj. 50 cm. Lb.3,5 cm. Jml. 44 lb. Asal : Padangkerta , Karangasem. G/X/9/DokI/G. 254 PERPUSTAKAAN KTR. DOKBUD BALI PROP. BALI G/X/9/DOKBUD] [᭑ 1A] [6/X/9 Judul: GAGURITAN LUTUNG MUNGIL. Pnj.50 cm. Lb.3,5 cm. Jml. 44 lb. Asal: Padangkerta, Karangasem.]

Auto-transliteration

[Judul : GAGURITAN LUTUNG MUNGIL. B Pnj. 50 cm. Lb.3,5 cm. Jml. 44 lb. Asal : Padangkerta , Karangasem. G/X/9/DokI/G. 254 PERPUSTAKAAN KTR. DOKBUD BALI PROP. BALI G/X/9/DOKBUD] [1 1A] [6/X/9 Judul: GAGURITAN LUTUNG MUNGIL. Pnj.50 cm. Lb.3,5 cm. Jml. 44 lb. Asal: Padangkerta, Karangasem.]

Leaf 1

Image on Archive.org

[᭑ 1B] ᭑᭞ ᭚ᬧᬸᬄᬫᬕᬢ᭄ᬭᬸᬄ᭟᭜᭟ᬒᬁᬅᬯᬶᬖ᭄ᬦᬧᬹᬚᬷᬲᬸᬦ᭄ᬥᬸᬓ᭄ᬢᭂᬫ᭄ᬩᬾᬦᬶᬂᬳᬗᬧᬸᬲ᭄᭞ᬫᭀᬖᬵᬦ᭄ᬫᬸᬤᬶᬃᬖᬬᬸᬱᬤᬶ᭞ᬗ᭄ᬯᬂᬤᬰᬶᬤᬶᬦᬓᬮᬗ᭄ᬓᬸᬂ᭞ᬫᬶᬦ᭄ᬢᬵᬕᬸᬧ᭄ᬤᬡᬳᬫ᭄ᬧᬸᬭᬶ᭞ᬰᬸᬪᬓᬂᬘᬶᬦᬶᬢ᭄ᬢᬦᬷᬗᭀᬂ᭟᭜᭟ᬧᬸᬄᬤᬸᬃᬫ᭄ᬫ᭟᭜᭟ᬲᬓᬶᬂᬳᬶᬲᭂᬂᬫᬭᬶᬓ᭄‌ᬲᬢ᭄ᬯᬘᬘᬦ᭄ᬢᬸᬗᬦ᭄᭞ᬪᬱᬜᬚᬯᬩᬮᬶ᭞ ᬳᬧᬂᬫᬶᬮᬸᬫᬢ᭄ᬭ᭞ᬗᬶᬭᬶᬂᬫᬫᬵᬃᬕ᭄ᬕᬶᬮᬯᬲ᭄᭞ᬓ᭄ᬭᬡᬫᬶᬮᬸᬦᬸᬮᬤ᭄ᬓᬶᬤᬶᬓ᭄᭞ᬲᬸᬫᬲᬢ᭄‌ᬫᬮᬚᬄ᭞ᬤ᭄ᬭᭀᬧᭀᬦ᭄ᬫᬲᬶᬄᬫᬗᬯᬶ᭟ᬫᬶᬭᬶᬩ᭄‌ᬢᬢᬲ᭄ᬦᬯᬂᬧᬧ᭄ᬘᬄᬅᬓ᭄ᬱᬭ᭞ᬓᬶᬓᬸᬓ᭄ᬘᬧ᭄ᬜᬫ᭄ᬧᬶᬂ᭞ᬲᬸᬕᬮ᭄ᬤᬲᬶᬂᬫᬸᬜᬂ᭞ᬬᬦᬶᬦ᭄ᬤᬓᬾᬢᭀᬧᬗ᭄ᬓᬄ᭞ᬫᬲᬶᬄᬫᬶᬮᬸᬗ᭄ᬕᬯᬾᬕᬸᬭᬶᬢ᭄᭞ᬦ᭄ᬤᬸᬍᬕᬶᬦ᭄ᬫᬦᬄ᭞ ᬦᬸᬦ᭄ᬤᬸᬦᬶᬦ᭄ᬫᬦᬄᬕ᭄ᬢᬶ᭟ᬳᬯᬓ᭄ᬓᭀᬮᬸᬕ᭄ᬢᬸᬃᬓᬢᬸᬦᬦᬚᬶᬰᬵᬲ᭄ᬢ᭄ᬭ᭞ᬫᬲᬶᬄᬫᬶᬮᬸᬫᬵᬧᬶᬫᬵᬧᬶ᭞ᬳᬶᬩᬸᬓ᭄ᬲᬓᬶᬢ᭄ᬫᬾᬭᬂ᭞ᬳᬲᬶᬧᬥᬫᬫᬶᬋᬗᬂ᭞ᬯ᭄ᬢᬸᬇᬥᭂᬧ᭄‌ᬢ᭄ᬯᬭᬳᬶᬫ᭄ᬩᬶᬄ᭞ᬚᬗ᭄ᬓᭂᬧ᭄ᬭᬶᬭᬶᬕᬦ᭄᭞ᬲᬵᬢ᭄ᬫᬵᬯᬓ᭄‌ᬰᬵᬲ᭄ᬢ᭄ᬭᬫᬢᬶ᭟ᬲᬂᬳᬗᬗ᭄ᬕᬶᬢ᭄ᬳᬫᬶᬦ᭄ᬢᬵᬕᭃᬂᬋᬡᬳᬫ᭄ᬧᬸᬭ᭞ᬭᬶᬂᬳᬶᬤᬤᬦᬾᬲᬫᬶ᭞ᬲᬶᬂᬲᬸ ᬤ᭄ᬥᬶᬫᬜᬶᬗᬓ᭄᭞ᬰᬵᬲ᭄ᬢ᭄ᬭᬦᬾᬦᬫᬳᬤᬸᬓᬦ᭄᭞ᬢᬦᬶᬧᬲᬂᬧᬸᬧᬸᬄᬕᭂᬡ᭄ᬥᬶᬂ᭞ᬲᬫᬶᬜᬸᬮᬶᬗ᭄ᬲᬂ᭞ᬲᭀᬓ᭄‌ᬤᬤᬶᬬᬧᬘᬳᬶᬫ᭄᭟ᬧᬘᬂᬳᬗ᭄ᬕᬾ᭠ᬦ᭄‌ᬲᬢ᭄ᬯᬭᬶᬓᬵᬮᬦᬶᬂᬚᬸᬫᬄ᭞ᬫᬶᬢᬸᬢᬸᬭᬶᬦ᭄‌ᬘ᭄ᬦᬶᬓ᭄‌ᬘ᭄ᬦᬶᬓ᭄᭞ᬩᬶᬮᬶᬄᬲᬶᬤ᭄ᬥᬲᬤ᭄ᬬ᭞ᬕᬦ᭄ᬕᬦ᭄‌ᬬᬜᬓ᭄ᬫᬮᬚᬄ᭞ᬭᬾᬄ᭞ᬲᬸᬩᬜᬦ᭄ᬤᬂᬫᬹᬭᬸᬓᬶᬦ᭄᭞ [᭒ 2A] ᬗ᭄ᬕᬸᬕ᭄ᬯᬦᬶᬦ᭄‌ᬰᬵᬲ᭄ᬢ᭄ᬭ᭞ᬮᬗᭃᬯ᭄ᬓᬲᬶᬂᬢᬲ᭄ᬢ᭄ᬭᬶ᭟ᬳᬤᬩᭀᬚᭀᬕ᭄‌ᬫᬸᬗᬶᬮ᭄ᬢᬸᬃᬘᬘᭂᬧ᭄ᬫᬓ᭄ᬭᬸᬩ᭞ᬫᬸᬮᬗᬸᬧᬵᬬᬲᬦ᭄ᬤᬶ᭞ᬢᬸᬲ᭄ᬢᬸᬲ᭄ᬦᬶᬂᬓᬶᬲ᭄ᬓᭂᬩ᭄ᬥᬵ᭞ᬳᬶᬬᬫᬸᬮᬓᬳᬧ᭄ᬤᬧᬂ᭞ᬫ᭄ᬩᬦ᭄ᬢᬸᬯᬶᬦ᭄ᬲᬂᬭᬵᬫᬗᬹᬦᬶ᭞ᬗᬮᬳᬂᬤᬾᬰ᭞ᬍᬗ᭄ᬓᬦᬾᬮᬶᬗ᭄ᬲᭂᬫ᭄‌ᬩᬺᬲᬶᬄ᭟ᬘᬭᬶᬢᬬᬂᬲ᭄ᬥᭂᬓ᭄‌ᬬᬫᬵᬮᭀᬦ ᬮᭀᬦᬦ᭄᭞ᬤᬶᬢ᭄ᬗᬄᬳᬮᬲ᭄ᬳᬦᬸᬮᬶ᭞ᬦ᭄ᬤᬶᬗᭂᬄᬫᬸᬜᬶᬦ᭄‌ᬲᬝ᭞ᬓᬓ᭄ᬭᬸᬬᬸᬓ᭄‌ᬳᬶᬳᬬᬫ᭄ᬳᬮᬲ᭄᭞ᬤᬶᬘᬭᬂᬓᬬᬸᬦᬾᬜ᭄ᬕᬶᬃ᭞ᬭᬾᬄᬩ᭄ᬢᭂ᭠ᬓ᭄ᬢᬸᬃᬮ᭄ᬬᬂ᭞ᬳᬸᬲᬦ᭄‌ᬦ᭄ᬥᬵᬉᬮᬫ᭄ᬧᬲᬶᬄ᭟ᬤᬾᬦᬶᬂᬳᬶᬬᬵᬢ᭄ᬓᬳᬸᬮᬶᬫᬓᬓᬭᬂ᭞ᬧᭀᬮᬶᬄᬉᬮᬫ᭄‌ᬢᬦᬶᬓᬶᬓᬶᬢ᭄᭞ᬳᬶᬩᭀᬚᭀᬕ᭄ ᬲᬵᬤ᭄ᬭᬓ᭞ᬦ᭄ᬤᭂᬲᭂᬓ᭄‌ᬳᬶᬳᬬᬫᬮᬲ᭄᭞ᬳᬶᬓᬾᬓᬾᬃᬓᬕ᭄ᬬᬢ᭄ᬦᬸᬫᭀᬦᬶᬦ᭄᭞ᬳᬶᬮᬸᬢᬸᬂᬧ᭄ᬭᬵᬧ᭄ᬢ᭞ᬦᬳᭂᬦ᭄ᬭᬶᬂᬓᬪᬬᬧᬢᬶ᭟ᬲᬤᬵ᭠ᬮᭀᬦ᭄ᬳᬶᬮᬸᬢᬸᬂᬫᬗ᭄ᬓᬶᬦᬗᬸᬘᬧ᭄᭞ᬳᬫ᭄ᬮᬤ᭄ᬧ᭄ᬭᬩᬓᭀᬂᬮᬲ᭄ᬳᬲᬶᬄ᭞ᬳᬸᬤᬸᬄᬲᬝᬯᬦ᭞ᬧᬶᬢᬸᬮᬸᬲᬂᬚ᭄ᬯᬲᬸᬓ᭞ᬫᬲᬯᬶᬢ᭄ᬭᬢᬺᬱ᭄ᬡᬳᬲᬶᬄ᭞ᬭᬶᬂ ᬫᬦᬶᬭᬮᬭ᭞ᬳᬶᬤᬸᬧ᭄‌ᬲᬳᬶᬦᬦ᭄ᬤᬂᬲ᭄ᬥᬶᬄ᭟ᬓᬫᬸᬭᬗᬦ᭄ᬲᬳᬶᬓᬧ᭄ᬕᬢᬦ᭄ᬳᬫᬄ᭞ᬯᭀᬯᭀᬳᬦ᭄ᬲᬸᬦ᭄ᬬᬲᬫᬶ᭞ᬓᬾᬦᬾᬨᬮ᭠ᬦ᭄‌ᬩ᭄ᬭᬕ᭄᭞ᬫᬦᬶᬭᬓᬢᬸᬦᬵᬦ᭄ᬢᬥᬄ᭞ᬲᬶᬂᬜᬤᬶᬚᬤᬶᬚᬓᬧᬶ᭞ᬳᬶᬩᬗᬢᬸᬚ᭄ᬯᬂ᭞ᬦ᭄ᬧᬸᬓᬶᬦ᭄ᬦᬾᬧᬘᬂᬪᬸᬓ᭄ᬢᬶ᭟ᬩᬹᬳᬫᭀᬦ᭄ᬢᭀᬳᬶ᭠

Auto-transliteration

[1 1B] 1 // puḥmagatruḥ \\•\\ oṁawighnapūjīsundhuktĕmbeninghangapus, moghānmudir̀ghayuṣadi, ngwangdaśidinakalangkung, mintāgupdaṇahampuri, śubhakangcinittanīngong \\•\\ puḥdur̀mma \\•\\ sakinghisĕngmariksatwacacantungan, bhaṣañajawabali, hapangmilumatra, ngiringmamār̀ggilawas, kraṇamilunuladkidik, sumasatmalajaḥ, droponmasiḥmangawi. miribtatasnawangpapcaḥakṣara, kikukcapñamping, sugaldasingmuñang, yanindaketopangkaḥ, masiḥmilunggawegurit, ndul̥ĕginmanaḥ, nunduninmanaḥgti. hawakkolugtur̀katunanajiśāstra, masiḥmilumāpimāpi, hibuksakitmerang, hasipadhamamir̥ĕngang, wtu'idhĕptwarahimbiḥ, jangkĕpririgan, sātmāwakśāstramati. sanghanganggit'hamintāgöngr̥ĕṇahampura, ringhidadanesami, singsu ddhimañingak, śāstranenamahadukan, tanipasangpupuḥgĕṇdhing, samiñulingsang, sokdadiyapacahim. pacanghangge‐nsatwarikālaningjumaḥ, mituturincnikcnik, biliḥsiddhasadya, gan'ganyañakmalajaḥ, reḥ, subañandangmūrukin, [2 2A] nggugwaninśāstra, langöwkasingtastri. hadabojogmungiltur̀cacĕpmakruba, mulangupāyasandi, tustusningkiskĕbdhā, hiyamulakahapdapang, mbantuwinsangrāmangūni, ngalahangdeśa, l̥ĕngkanelingsĕmbr̥ĕsiḥ. caritayangsdhĕkyamālona lonan, ditngaḥhalashanuli, ndingĕḥmuñinsaṭa, kakruyuk'hihayamhalas, dicarangkayuneñgir̀, reḥbtĕ‐ktur̀lyang, husanndhā'ulampasiḥ. deninghiyātkahulimakakarang, poliḥulamtanikikit, hibojog sādraka, ndĕsĕk'hihayamalas, hikeker̀kagyatnumonin, hilutungprāpta, nahĕnringkabhayapati. sadā‐lonhilutungmangkinangucap, hamladprabakonglashasiḥ, huduḥsaṭawana, pitulusangjwasuka, masawitratr̥ĕṣṇahasiḥ, ring maniralara, hidupsahinandangsdhiḥ. kamurangansahikapgatanhamaḥ, wowohansunyasami, kenephala‐nbrag, manirakatunāntadhaḥ, singñadijadijakapi, hibangatujwang, npukinnepacangbhukti. būhamontohi‐

Leaf 2

Image on Archive.org

[᭒ 2B] ᭒᭞ ᬓᬾᬓᬾᬃᬳᬗᬸᬘᬧ᭄ᬩᬦ᭄ᬩᬦ᭄᭞ᬳᬶᬩᬮᬸᬢᬸᬂᬤᭀᬂᬧᬶᬦᭂᬳᬶᬦ᭄᭞ᬳᬶᬩᬮᬸᬢᬸᬂᬤᭀᬂᬧᬶᬦᭂᬳᬶᬦ᭄᭞ᬫᬗ᭄ᬤᭀᬄᬲᬶᬤ᭄ᬥᬲᬥ᭄ᬬ᭞ᬳᬶᬩᬫᬲᬯᬶᬢ᭄ᬭᬳᬶᬭ᭞ᬳᬶᬩᬩᬸᬭᭀ᭠ᬦ᭄ᬳᬶᬭᬧᬓ᭄ᬱᬶ᭞ᬚᭀᬄᬘᬸᬯᬢ᭄ᬲᬯᬢ᭄᭞ᬲᬳᬶᬄᬳᬶᬩᬢ᭄ᬓᬾᬦ᭄ᬓᬳᬶ᭟ᬩ᭄ᬯᬶᬦᬵᬫᬸᬮᬳᬶᬩᬢᭀᬲᬶᬦ᭄ᬩᬸᬭᭀᬦ᭄ᬤᭂᬗ᭄ᬓᬮ᭄᭞ᬤ᭄ᬫᭂᬦ᭄‌ᬗᬹᬮᬸᬓ᭄ᬳᬸᬮᬸᬓ᭄ᬲ ᬳᬶ᭞ᬳᬗ᭄ᬳᬶᬂᬮᬾᬜ᭄ᬚᭀᬄᬢᬦ᭄ᬤᬶᬂᬜ᭞ᬓᬳᬶᬢ᭄ᬓᬾᬦᬾᬦᬾᬮ᭄ᬬᬦ᭄᭞ᬬᬦ᭄ᬩ᭄ᬯᬢ᭄‌ᬓᬳᬶᬦᬾᬚᬦᬶ᭞ᬤᭀᬄᬧᬘᬂᬲᬶᬤ᭄ᬥ᭞ᬩᬳᬦ᭄ᬳᬶᬩ᭠ᬗᬫᬯᬸᬓᬶᬦ᭄᭟ᬤᬾᬦᬶᬂᬓᬳᬶᬲᬸᬩᬦᬯᬂᬲᬲᭀᬮᬳᬦ᭄᭞ᬳᬶᬩᬤ᭄ᬫᭂᬦ᭄‌ᬗᬤᬸᬭᬸᬲᬶᬢ᭄᭞ᬩᬶᬓᬲ᭄ᬗᬭᬸᬕᬤ᭞ᬫᬓ᭄ᬚᬂᬢᬶᬫ᭄ᬧᬮᬾᬩᬶ ᬓᬲ᭄᭞ᬳᬧᬂᬫᬲᬶᬄᬫᬧᬶᬓᭀᬮᬶᬄ᭞ᬢ᭄ᬭᬜᬂᬢᭀᬮᬶᬳᬦ᭄᭞ᬢ᭄ᬓᬾᬦ᭄ᬲᬲᬫᬦᬶᬗ᭄ᬳᬸᬭᬶᬧ᭄᭟ᬧᬦ᭄ᬢᭂᬲ᭄ᬳᬶᬩᬲᬢᬢᬦ᭄ᬫᬸᬲᬗ᭄ᬲᬭ᭞ᬤᬾᬦᬶᬩᬶᬓᬲ᭄ᬮᬶᬦ᭄ᬢᬂᬘ᭄ᬯᬶᬮ᭄᭞ᬳᬶᬮᬸᬢᬸᬂᬤᬸᬓ᭄‌ᬫ᭄ᬬᬃᬱᬵ᭞ᬧᬗᬸᬫᬦ᭄ᬳᬶᬳᬬᬫ᭄ᬳᬮᬲ᭄᭞ᬚ᭄ᬗᬄᬫᬾᬭᬂᬬᬭᬶᬗᬢᬶ᭞ᬲᬳᬲᬲᬸᬫ᭄ᬩᬃ᭞ᬬᬦ᭄ᬢᭀᬂᬲᬶᬤ᭄ᬥᬩ ᬳᬦ᭄ᬓᬳᬶ᭟ᬳᬶᬤᭀᬗᬶᬤᭀᬂᬓᬳᬶᬢᭀᬲᬶᬦ᭄ᬳᬶᬯᬦᬭ᭞ᬫᬗ᭄ᬭᬸᬲᬓ᭄‌ᬍᬗ᭄ᬓᬦᬾᬗᬹᬦᬶ᭞ᬗ᭄ᬕᬯᬾᬲᬶᬢᬸᬩᬡ᭄ᬥ᭞ᬧ᭄ᬭᬚᬸᬭᬶᬢ᭄ᬳᬶᬤᬲᬂᬭᬵᬫ᭞ᬳᬫᭀᬦ᭄ᬢᭀᬬᬭᬭᬶᬲ᭄ᬓᭂᬜᬶᬃ᭞ᬳᬮᭀᬦᬗᬸᬘᬧ᭄᭞ᬓᬤᬶᬫᬥᬸᬗᭂᬢᬸᬲ᭄ᬳᬢᬶ᭟ᬳᬸᬥᬸᬄᬳᬶᬩᬲᬝᬯᬦᬤᬓᬮᬶᬯᬢ᭄᭞ᬳᬶᬩ [᭓ 3A] ᬗ᭄ᬕᬯᬾᬲᬓᬶᬢ᭄ᬳᬢᬶ᭞ᬲᬵᬫᬸᬮᬲᬗ᭄ᬲᬭ᭞ᬤ᭄ᬯᬳᬶᬩᬩ᭄ᬯᬶᬦ᭄ᬗᭂᬦ᭄ᬢᬶᬓᬂ᭞ᬓ᭄ᬩᬸᬲ᭄ᬩᬭᬫᬸᬗ᭄ᬕ᭄ᬯᬾᬗᬢᬶ᭞ᬳᬓᬸᬤᬢᬳᬦᬂ᭞ᬤᭀᬂᬧᬶᬦᭂᬄᬚ᭄ᬯ᭠ᬭᬶᬗᬢᬶ᭟ᬫᬫᬸᬜᬶᬦᬾᬧᬢᬹᬢ᭄‌ᬢ᭄ᬯᬄᬲᬸᬓᬢ᭄ᬲᬸᬓᬢᬂ᭞ᬤᬶᬳᬢᬶᬬᬕᬕᬸᬮᬓᬶᬦ᭄᭞ᬧᬶᬮᬶᬄᬦᬾᬦᬾᬤᬤ᭄ᬯ᭞ᬧᬲᬚᬫᬶᬯᬄᬦᬾ ᬮᭀᬫ᭄ᬧᬂ᭞ᬩᬓᬮᬧᬮ᭄ᬬᬸᬫᬸᬜᬶ᭞ᬳᬤᬮᬦ᭄ᬢ᭄ᬯᬭ᭞ᬳᭂᬦ᭄ᬢᭀᬦᬾᬜᬦ᭄ᬤᬂᬓᬸᬓᬸᬳᬶᬦ᭄᭟ᬳᬗ᭄ᬕᭀᬦ᭄ᬳᬧᬜᬫ᭄ᬩᬢ᭄‌ᬦᬾᬦᬾᬢ᭄ᬯ᭠ᬭᬢᬯᬂ᭞ᬓᬵᬮᬶᬄᬢᭀᬂᬢᬳᬾᬦ᭄ᬧᬸᬓᬶᬦ᭄᭞ᬳ᭄ᬤᬫᬗᬸᬕᬸᬳᭀᬃᬣ᭞ᬳᭀᬃᬣᬦᬾᬳᭀᬃᬣᬾᬦᭀᬃᬣᬾᬦᬦ᭄᭞ᬦᬾᬳᬩ᭄ᬲᬶᬓ᭄‌ᬧᬢ᭄ᬧ᭠ ᬢ᭄ᬤᬤᬶ᭞ᬫᬾᬄᬮᬗ᭄ᬓᬸᬂᬅᬤᬰ᭞ᬗᬸᬤᬦᬾᬳᭂᬦ᭄ᬢᭀᬕᬸᬕᭀᬦᬶᬦ᭄᭟ᬲᬮ᭄ᬯᬶᬃᬫᬸᬜᬶᬓᬯ᭄ᬥᬃᬲᬓᬶᬂᬯᭀᬂᬮ᭄ᬬᬦ᭄᭞ᬤᬳᬢ᭄ᬲᭂᬗ᭄ᬓᬢ᭄ᬯᬄᬫᬦᬫ᭄ᬧᬶ᭞ᬚᬢ᭄‌ᬤᬤᬶᬧᬶᬲᬸᬦ᭞ᬳᭂᬦ᭄ᬢᭀᬦᬾᬢᬗᬭᬶᬦ᭄ᬧᬶᬲᬦ᭄᭞ᬳᬧᬂᬤᬦᬦ᭄ᬓᬢᬶᬩᬦᬶᬦ᭄᭞ᬧᬶᬮᬶᬄᬗᬶᬥᭂᬧᬂ᭞ᬧᬯᬭᬄᬚᬦᬦᬾᬲᬫᬶ᭟ᬲᬵ᭠ ᬥᬸᬥᬃᬫ᭄ᬫᬳᭂᬦ᭄ᬢᭀᬦᬾᬜᬦ᭄ᬤᬂᬭᬚᭂᬕᬂ᭞ᬳᬗ᭄ᬕᭀᬦ᭄‌ᬕ᭄ᬮᬃᬧᬢᬶᬉᬭᬶᬧ᭄᭞ᬧ᭄ᬥᬲᬾᬚᬮᬦᬂ᭞ᬫᬢᬦᬾᬤᬤ᭄ᬯᬗᭂᬦᭀᬢᬂ᭞ᬤᬶᬢᬸᬫᬭᬫᬵᬤᬜ᭄ᬚᬢᬶ᭞ᬢᭀᬦᬾᬲ᭄ᬥᭂᬂᬮᬤ᭄᭞ᬲᬗ᭄ᬓᬜ᭄ᬚᬦᬶᬦᬄᬧᬶᬦ᭄ᬢᭀᬦᬶᬦ᭄᭟ᬬᬦᬶᬂᬲᬚᬳᬶᬮᬸᬢᬸᬂᬜᬓ᭄ᬧᬘᬂᬮᭀᬫ᭄ᬧᬂ᭞ᬢ᭄ᬓᬾᬦᬶᬂᬲᬯᬶᬢ᭄ᬭ

Auto-transliteration

[2 2B] 2 keker̀hangucapbanban, hibalutungdongpinĕhin, hibalutungdongpinĕhin, mangdoḥsiddhasadhya, hibamasawitrahira, hibaburo‐nhirapaksyi, joḥcuwatsawat, sahiḥhibatkenkahi. bwināmulahibatosinburondĕngkal, dmĕnngūluk'huluksa hi, hanghingleñjoḥtandingña, kahitkenenelyan, yanbwatkahinejani, doḥpacangsiddha, bahanhiba‐ngamawukin. deningkahisubanawangsasolahan, hibadmĕnngadurusit, bikasngarugada, makjangtimpalebi kas, hapangmasiḥmapikoliḥ, trañangtolihan, tkensasamaninghurip. pantĕshibasatatanmusangsara, denibikaslintangcwil, hilutungdukmyar̀syā, pangumanhihayamhalas, jngaḥmerangyaringati, sahasasumbar̀, yantongsiddhaba hankahi. hidongidongkahitosinhiwanara, mangrusakl̥ĕngkanengūni, nggawesitubaṇdha, prajurit'hidasangrāma, hamontoyarariskĕñir̀, halonangucap, kadimadhungĕtushati. hudhuḥhibasaṭawanadakaliwat, hiba [3 3A] nggawesakit'hati, sāmulasangsara, dwahibabwinngĕntikang, kbusbaramunggwengati, hakudatahanang, dongpinĕḥjwa‐ringati. mamuñinepatūttwaḥsukatsukatang, dihatiyagagulakin, piliḥnenedadwa, pasajamiwaḥne lompang, bakalapalyumuñi, hadalantwara, hĕntoneñandangkukuhin. hanggonhapañambatnenetwa‐ratawang, kāliḥtongtahenpukin, hdamanguguhor̀tha, hor̀thanehor̀thenor̀thenan, nehabsikpatpa‐ tdadi, meḥlangkungadaśa, ngudanehĕntogugonin. salwir̀muñikawdhar̀sakingwonglyan, dahatsĕngkatwaḥmanampi, jatdadipisuna, hĕntonetangarinpisan, hapangdanankatibanin, piliḥngidhĕpang, pawaraḥjananesami. sā‐ dhudhar̀mmahĕntoneñandangrajĕgang, hanggon'glar̀pati'urip, pdhasejalanang, matanedadwangĕnotang, ditumaramādañjati, tonesdhĕnglad, sangkañjaninaḥpintonin. yaningsajahilutungñakpacanglompang, tkeningsawitra

Leaf 3

Image on Archive.org

[᭓ 3B] ᭓᭞ ᬢ᭄ᬯᬶ᭞ᬦᬾᬦᬾᬓᬲᬸᬰᬶᬮᬵᬦ᭄᭞ᬭᬓᭂᬢ᭄ᬭᬸᬫᬓᭂᬢᬶᬂᬢᬺᬱ᭄ᬡ᭞ᬤᬚᬩ᭄ᬯᬶᬦ᭄ᬫᬫᬶᬦ᭄ᬤᭀᬯᬶᬦ᭄᭞ᬲᬸᬂᬳᭀᬮᬲ᭄ᬭᬶᬂᬳᬶᬭ᭞ᬳ᭄ᬤᬳᬶᬩᬩ᭄ᬯᬶᬦ᭄ᬦᭀᬮᬶᬄ᭟᭠ᬳᬶᬩᬩ᭄ᬯᬶᬸᬳᬬᬫ᭄‌ᬓᬤᬾᬦ᭄ᬓᬾᬧᬓᬵᬃᬤ᭄ᬥᬶᬦ᭄ᬇᬦ᭄ᬤ᭄ᬭ᭞ᬧᬫᬶᬚᬶᬮᬦ᭄‌ᬤᬳᬢᬼᬯᬶᬄ᭞ᬧᬦ᭄ᬢᭂᬲ᭄ᬫᬗ᭄ᬮᬭᬂ᭞ᬲᬹᬓ᭄ᬱ᭄ᬫᬓᬧᬭᬫᬵᬃᬣᬦ᭄᭞ᬜᬦ᭄ᬤᬂᬫᬵᬤᭂ᭠ ᬕ᭄‌ᬯᬶᬓᬸᬍᬯᬶᬄ᭞ᬥᬵᬦᬢᬹᬃᬥᬃᬫ᭄ᬫ᭞ᬓᬲᬸᬗ᭄ᬲᬸᬂᬩᬵᬦ᭄ᬧᬭᬧᬓ᭄ᬱᬶ᭟ᬚᬦᬶᬳᬶᬭᬫᬓ᭄ᬦᭂᬄᬜᬶᬯᬶᬭᬂᬳᬶᬩ᭞ᬳᬶᬩᬢ᭄ᬯᬄᬗᬯᬶᬰᬾᬱᬵᬦᬶᬦ᭄᭞᭠ᬲᬲᬿᬮ᭄ᬯᬦᬶᬂᬓ᭄ᬭᬫ᭞ᬚ᭄ᬮᬾᬫ᭄ᬮᬄᬫᬩᬋᬗᬦ᭄᭞ᬢ᭄ᬯᬭᬳᬶᬭᬧᬘᬂᬕᬶᬗ᭄ᬲᬶᬃ᭞ᬢᬺᬱ᭄ᬡᬜᬶᬯᬶᬢ᭞ᬤ᭄ᬬᬲ᭄ᬢᬸᬦ᭄ᬜᬓᬪᬬᬧᬢᬶ᭟ᬭᬾᬳᬳᬾᬢᭀᬫᬸ᭠ ᬜᬶᬦ᭄ᬜᬦᬾᬳᬶᬯᬦᬭ᭞ᬳᬶᬓᬾᬓᬾᬃᬲᭂᬓ᭄ᬲᭂᬓ᭄ᬫᬶᬦᭂᬳᬶᬦ᭄᭞ᬧᬦ᭄ᬢᬶᬬᬧᬲᬚ᭞ᬲᭀᬓᬾᬯᬮᬦ᭄ᬤᬶᬗᭂᬄᬳᭀᬃᬣ᭞ᬩ᭄ᬯᬢ᭄ᬲᭀᬮᬄᬳᬶ᭠ᬮᬸᬢᬸᬂᬘ᭄ᬯᬶᬮ᭄᭞ᬲᬸᬚᬢᬶᬢᬦ᭄ᬧ᭄ᬥᬲ᭄᭞ᬫᬢᬦᬾᬤᬤ᭄ᬯᬗᭂᬦᭀᬢᬶᬦ᭄᭟ᬤᬤᬶᬯ᭄ᬢᬸᬇᬥᭂᬧ᭄ᬜᬦᬾᬓᬩ᭄ᬬᬧᬭ᭞ᬮᬶᬧ᭄ᬬᬢ᭄ᬓᬾᬦ᭄‌ᬕᬶᬸᬰ᭄ᬮᭀᬓᬦ᭄ᬕᬸᬫᬶ᭞ ᬩᬶᬩᬶᬳᬾᬓᬚᬸᬭᬸᬳᬦ᭄᭞ᬚᬶᬳᬾᬓᬩᬦ᭄ᬤᬶᬮᬦ᭄᭞ᬤᬤᬶᬓ᭄ᬦᬕᭂᬦ᭄ᬢᬸᬄᬕᭂᬡ᭄ᬥᬶᬲ᭄᭞ᬳᬦ᭄ᬢᬸᬓ᭄‌ᬯᬦᬭ᭞ᬢᬸᬫᬸᬮᬶᬳᬗᬸᬘᬧ᭄ᬓᭂᬜᬶᬂ᭟ᬮ᭠ᬫᬸᬦ᭄ᬓᬾᬦ᭄ᬢᭀᬳᬶᬩᬮᬸᬢᬸᬂᬳ᭄ᬤᬫᬶᬣ᭄ᬬ᭞ᬳ᭄ᬮᭀᬂᬢ᭄ᬓᬾᬦ᭄ᬧᬭᬚᬜ᭄ᬚᬶ᭞ᬦᬄᬦᬾᬧᬤᬶᬗᭂᬳᬂ᭞ᬦᬾᬳᬶᬢᬸᬦᬶᬓᬳᬶᬮ᭄ᬯᬲ᭄᭞ᬫᬓᬓᬭᬂᬢ᭄ᬗᬳᬶᬂᬧ᭠ [᭔ 4A] ᬲᬶᬄ᭞ᬫᬗᬮᬶᬄᬳᬸᬮᬫ᭄᭞ᬤᬶᬢᬸᬤᬶᬧᬲᬶᬄᬓᬗᬶᬦ᭄᭟ᬦᬾᬩ᭄ᬯᬶᬦ᭄ᬫᬦᬶᬚᬮᬦ᭄ᬳᬶᬩᬮ᭄ᬯᬶᬸᬫᬩᬋᬗᬦ᭄᭞ᬓ᭄ᬫᬮ᭄ᬯᬲ᭄ᬳᬚᬓ᭄ᬓᬳᬶ᭞ᬳᬶᬮᬸᬢᬸᬂᬫᬲᬯᬸ᭠ᬢ᭄‌ᬦᬄ᭞ᬕ᭄ᬮᬶᬲᬶᬂᬲᬢ᭄ᬯᬘ᭄ᬭᬶᬢ᭞ᬲ᭄ᬫᭂᬂᬩᬯᬸᬕᬮᬂᬓᬗᬶᬦ᭄᭞ᬳᬶᬮᬸᬢᬸᬂᬬᬧ᭄ᬭᬵᬧ᭄ᬢ᭞ᬗᬮᬶᬄᬳᬶᬓᬾᬓᬾᬃᬗᬚᬓᬶᬦ᭄᭟ᬢᬸᬃᬫᬚᬮᬦ᭄ᬳᬶᬓᬾᬓᬾᬃᬢ᭠ ᬦ᭄ᬤᭀᬄᬯᬦᬭ᭞ᬢᬦᬸᬘᬧᭂᬦ᭄‌ᬬᬫᬭᬶᬂᬫᬵᬃᬕ᭄ᬕᬶ᭞ᬭᬶᬂᬧᬲᬶᬲᬶᬢ᭄ᬓ᭞ᬲᬕᬭᬦᬾᬅᬲᬢ᭄ᬧᬸᬭᬲ᭄᭞ᬢᬸᬫᬸᬮᬶᬬᬫᬓᬓᬵᬮᬶᬄ᭞ᬗᬢ᭄ᬗᬄ᭠ᬢ᭄ᬗᬳᬂ᭞ᬗᬮᬶᬄᬳᬸᬮᬫ᭄‌ᬤᬗ᭄ᬓ᭄ᬭᬓ᭄ᬤᬶᬗ᭄ᬓ᭄ᬭᬶᬓ᭄᭟ᬓᬤᬸᬂᬓ᭄ᬮᬗᭂᬦ᭄ᬳᬶᬓᬾᬓᬾᬃᬫᬶᬯᬄᬯᬦᬭ᭞ᬤᬾᬦᬶᬂᬳᬸᬮᬫ᭄‌ᬢᬦᬶᬓᬶᬓᬶᬢ᭄᭞ᬧ᭄ᬮᬦ᭄ᬤᭀᬄᬗᬢᭂ ᬳᬂ᭞ᬤᬤᬶᬤᬸᬳᬸᬃᬧᬭᬂᬧᬭᬗᬦ᭄᭞ᬳᬶᬓᬾᬓᬾᬃᬢᬦ᭄‌ᬲᬸᬫ᭄ᬮᬗᬢᬶ᭞ᬧᬦ᭄ᬩᬶᬱᬵᬗ᭄ᬕᬕᬦ᭞ᬦᬗ᭄ᬳᬶᬂᬳᬶᬮᬸᬢᬸᬂᬬᬯ᭄ᬭᬶᬦ᭄᭟ᬦᬸᬮᬶᬗᬸᬘᬧ᭄ᬳᬶᬮᬸᬢᬸᬂᬢ᭄ᬓᬾᬦ᭄ᬢᬶᬫ᭄ᬧᬮ᭄ᬜ᭞ᬇᬄᬓᬾᬓᬾᬃᬦᬄᬚᬮᬦ᭄ᬫᬮᬶᬄ᭞ᬩᬲᬂᬲᬸᬩᬩᭂᬗ᭄ᬓᬂ᭞ᬧᬲᬗᬾᬲᬸᬩᬫᬭ᭞ᬦ᭄ᬤᬾᬦ᭄ᬫᬮᬸᬧᬲᬯᬸᬢ᭄ᬧᬓ᭄ᬱᬶ᭞ᬩᬾᬦᬾ ᬗᬮ᭄ᬬᬸᬦᬂ᭞ᬚᬦᬶᬦ᭄ᬢᭀᬳᭀᬜᬂᬤᬶᬦᬶ᭟ᬓᬘ᭄ᬭᬶᬢᬳᬶᬮᬸᬢᬸᬂᬩ᭄ᬗᬶᬮ᭄ᬮᬸᬘᬸᬢᬦ᭄᭞ᬤᬸᬳᬸᬃᬧᬭᬗᬦᬾᬗᬶᬗ᭄ᬕᬶᬮ᭄᭞ᬭᬾᬄᬬᬓᬤᬶᬗᬶᬦᬦ᭄᭞ᬧᬲᬶᬳᬾᬲᬵᬫ᭄ᬧᬸᬦ᭄ᬧᬲᬂ᭞ᬳᬶᬩᭀᬚᭀᬕ᭄‌ᬓᬚ᭄ᬗᬢ᭄‌ᬓᬚ᭄ᬗᬶᬢ᭄᭞ᬤᬸᬳᬸᬃᬩᬢᬸᬦᬾᬦᭂᬕᬓ᭄᭞ᬳᬶᬓᬾᬓᬾᬃᬫᬫᬳᭂ

Auto-transliteration

[3 3B] 3 twi, nenekasuśilān, rakĕtrumakĕtingtr̥ĕṣṇa, dajabwinmamindowin, sungholasringhira, hdahibabwinnoliḥ. ‐hibabw̶hayamkadenkepakār̀ddhinindra, pamijilandahatl̥ĕwiḥ, pantĕsmanglarang, sūkṣmakaparamār̀than, ñandangmādĕ‐ gwikul̥ĕwiḥ, dhānatūr̀dhar̀mma, kasungsungbānparapaksyi. janihiramaknĕḥñiwiranghiba, hibatwaḥngawiśesyānin, ‐sasailwaningkrama, jlemlaḥmabar̥ĕngan, twarahirapacanggingsir̀, tr̥ĕṣṇañiwita, dyastunñakabhayapati. rehahetomu‐ ñinñanehiwanara, hikeker̀sĕksĕkminĕhin, pantiyapasaja, sokewalandingĕḥhor̀tha, bwatsolaḥhi‐lutungcwil, sujatitanpdhas, matanedadwangĕnotin. dadiwtu'idhĕpñanekabyapara, lipyatken'g̶ślokan'gumi, bibihekajuruhan, jihekabandilan, dadiknagĕntuḥgĕṇdhis, hantukwanara, tumulihangucapkĕñing. la‐munkentohibalutunghdamithya, hlongtkenparajañji, naḥnepadingĕhang, nehitunikahilwas, makakarangtngahingpa‐ [4 4A] siḥ, mangaliḥhulam, ditudipasiḥkangin. nebwinmanijalanhibalw̶mabar̥ĕngan, kmalwashajakkahi, hilutungmasawu‐tnaḥ, glisingsatwacrita, smĕngbawugalangkangin, hilutungyaprāpta, ngaliḥhikeker̀ngajakin. tur̀majalanhikeker̀ta‐ ndoḥwanara, tanucapĕnyamaringmār̀ggi, ringpasisitka, sagarane'asatpuras, tumuliyamakakāliḥ, ngatngaḥ‐tngahang, ngaliḥhulamdangkrakdingkrik. kadungklangĕnhikeker̀miwaḥwanara, deninghulamtanikikit, plandoḥngatĕ hang, dadiduhur̀parangparangan, hikeker̀tansumlangati, panbisyānggagana, nanghinghilutungyawrin. nulingucap'hilutungtkentimpalña, iḥkeker̀naḥjalanmaliḥ, basangsubabĕngkang, pasangesubamara, ndenmalupasawutpaksyi, bene ngalyunang, janintohoñangdini. kacritahilutungbngillucutan, duhur̀paranganenginggil, reḥyakadinginan, pasihesāmpunpasang, hibojogkajngatkajngit, duhur̀batunenĕgak, hikeker̀mamahĕ

Leaf 4

Image on Archive.org

[᭔ 4B] ᭔᭞ ᬓᬶᬦ᭄᭟ᬓ᭄ᬜᬶᬃᬜᭂᬜᭂᬧ᭄‌ᬳᬶᬓᬾᬓᬾᬃᬫᬸᬜᬶᬦᬾᬩᬦ᭄ᬩᬦ᭄᭞ᬫᬢᬶᬳᬶᬩᬮᬸᬢᬸᬂᬚᬦᬶ᭞ᬤᬶᬦᬶᬓᬸᬢᬂᬕ᭄ᬮᬄ᭞ᬳᬶᬩᭀᬚᭀᬕ᭄᭠ᬚᭂᬚᭂᬄᬗᭂᬄᬕᭂᬳᬂ᭞ᬲᬓᬶᬢ᭄ᬚᭂᬗᬄᬬᬭᬶᬗᬢᬶ᭞ᬭᬭᬶᬲ᭄ᬳᬗᬸᬘᬧ᭄᭞ᬕ᭄ᬫᭂᬲ᭄ᬳᬶᬩᬢ᭄ᬓᬾᬦ᭄ᬓᬳᬶ᭟ᬫᬢᬫ᭄ᬩ᭄ᬯᬲ᭄‌ᬬᬾᬄᬫᬢᬦ᭄ᬳᬶᬮᬸᬢᬸᬂᬫᭂᬫ᭄ᬩᬄ᭞ᬳᬶ᭠ ᬓᬾᬓᬾᬃᬩᬸᬗ᭄ᬓᬸᬢ᭄‌ᬗᭂᬤᬾᬓᬶᬦ᭄᭞ᬓᬳᬶᬫᬕᬕᬸᬬ᭄ᬯᬦ᭄᭞ᬳ᭄ᬤᬦ᭄ᬤᬾᬦ᭄‌ᬲᬗᭂᬢ᭄ᬜᭂᬩᭂᬢᬂ᭞ᬧᬶᬮᬶᬄᬧᬮᬶᬳᬶᬦ᭄ᬫᬦᬫ᭄ᬧᬶ᭞ᬉᬘᬧᬾᬤᬤ᭄ᬯ᭞ᬢᬼᬩ᭄‌ᬕᬸᬬᬸᬦᬾᬳᬶᬩᭂᬢᬶᬦ᭄‌ᬚᬮᬦ᭄‌ᬫᬸᬮᬶᬄᬦᬾᬩᬢᬶᬲ᭄‌ᬕᭂᬮᬳᬾᬕᬶᬲ᭄ᬬᬂ᭞ᬕᭂᬮᬄᬫᬗ᭄ᬩᭂᬭᬂᬘᬳᬶ᭞ᬳᬶᬮᬸᬢᬸᬂᬕᬃᬚ᭄ᬚᬶᬢ᭞ᬢᬸᬫᬸ᭠ ᬮᬶᬫᬦᭂᬗ᭄ᬓᭀᬮ᭄ᬳᬾᬗ᭄ᬕᬮ᭄᭞ᬤᬶᬩᬢᬶᬲ᭄ᬓᬾᬓᬾᬭᬾᬦᬸᬗ᭄ᬕᬶᬮ᭄᭞ᬫᬓ᭄ᬚᬶᬢ᭄‌ᬗᬶᬜ᭄ᬘᬂ᭞ᬩᬸᬗᬸᬢ᭄ᬦᬾᬓ᭄ᬫᬓ᭄ᬫᬓ᭄ᬫᬶᬓ᭄ᬫᬶᬓ᭄᭟ᬕ᭄ᬮᬶᬲᬶᬂᬘ᭄ᬭᬶᬢᬳᬶᬓᬾᬓᬾᬃᬦᬫ᭄ᬩᬸᬂᬫᬗ᭄ᬮᬬᬂ᭞ᬭᬶᬂᬚᬮᬦ᭄ᬢᬦ᭄‌ᬓᬯᬶᬦᬃᬡ᭄ᬦᬶ᭞ᬭᬶᬂᬧᬲᬶᬲᬶᬓᭀᬘᬧ᭄᭞ᬓᬼᬲᭀᬓ᭄‌ᬳᬶᬓᬾᬓᬾᬃᬫᭂᬜ᭄ᬘᭂᬕᬦ᭄᭞ᬤᬶᬩ᭄ᬬᬲᬾᬓᬩ᭄ᬦᭂᬗᬶ ᬦ᭄᭞ᬢᬸᬃᬫᬧᬗ᭄ᬲᭂᬕᬦ᭄᭞ᬳᬶᬮᬸᬢᬸᬂᬬᬫᬘᬼᬗᬶᬓ᭄᭟ᬮᬯᬸᬢ᭄‌ᬗᬸᬘᬧ᭄ᬳᬶᬓᬾᬓᬾᬃᬫᬸᬜᬶᬦ᭄ᬦᬾᬩᬦ᭄ᬩᬦ᭄᭞ᬦᬄᬓᬾᬲᬸᬩᬢᬸᬳᬸᬜ᭄ᬘᬳᬶ᭞ᬦᬾᬲᬸᬩᬩ᭄ᬬᬲ᭄᭞ᬳᬶᬩᭀᬚᭀᬕ᭄‌ᬗᬶᬲᬶᬦᭂᬓᭂᬓᬂ᭞ᬳᬶᬓᬾᬓᬾᬃᬩ᭄ᬯᬶᬦ᭄ᬫᬫᬸᬜᬶ᭞ᬳ᭄ᬦᬾᬓᬾᬦ᭄ᬓᬾᬦ᭄ᬳᬶᬩ᭞ᬮᬸᬢᬸᬂᬤᭀᬂᬮᬾᬩᬗᬶ᭠ [᭕ 5A] ᬦ᭄ᬓᬳᬶ᭟ᬳᬶᬯᬦᬭᬫᬗᬶᬲᬶᬲᬬᬦ᭄‌ᬦ᭄ᬓᭂᬓᬂ᭞ᬩᬢᬶᬲ᭄ᬜᬳᬶᬓᬾᬓᬾᬃᬧᬓ᭄ᬱᬶ᭞ᬓᬳᬶᬫ᭄ᬧᬸᬲ᭄ᬫᬓᬤᬤ᭄ᬯ᭞ᬲᬃᬯ᭄ᬯᬶᬫᬸᬜᬶᬦᬾᬩᬗ᭄ᬕ᭄ᬭᬲ᭄᭞ᬳᬶᬄ᭠ᬳᬶᬄᬓᬾᬓᭂᬃᬫᬢᬶᬚᬦᬶᬢᬸᬃᬓᬩᬺᬱᭂᬓᬂ᭞ᬩᬸᬮᬸᬦ᭄ᬜᬦᬾᬓᬩᬸᬢ᭄ᬩᬸᬢᬶᬦ᭄᭟ᬬᬳᬶᬓᬾᬓᭂᬃᬗ᭄ᬭᬱᬵᬭᬶᬂᬓᬪᬬᬵᬦ᭄ᬢᬓ᭞ᬭᬭᬶᬲ᭄ᬗᬾᬓᭀ ᬧᬬᬲᬦ᭄ᬥᬶ᭞ᬫᬗ᭄ᬤᬾᬲᬶᬤ᭄ᬥᬮᬶᬃ᭞ᬢ᭄ᬓᬾᬦᬶᬂᬪᬬᬘᬦ᭄ᬢᬓ᭞ᬭᬭᬶᬲ᭄‌ᬬᬫ᭄ᬥᭂᬫ᭄ᬗᬸᬮᬶᬦ᭄ᬢᬶᬓ᭄᭞ᬗᬶᬥᭂᬫᬂᬫᬢ᭞ᬳᬸᬮᬢ᭄ᬫᬶᬭᬶᬩ᭄‌ᬲᬸᬩᬫᬢᬶ᭟ᬤᬶᬲᬸᬩᬦᬾᬩᬸᬮᬸᬦ᭄ᬜᬦᬾᬢ᭄ᬮᬄᬮᬕ᭄ᬮᬕ᭄᭞ᬳᬶᬮᬸᬢᬸᬂᬓ᭄ᬤᬾᬓ᭄ᬫᬗ᭄ᬭᬶᬓ᭄ᬕᬶᬓ᭄᭞ᬢᬸᬃᬫᬸᬤᬂᬫᬤᬶᬗᬂ᭞ᬳᬶᬳᬶᬳᬶᬓ᭄ᬦᬾᬲᬸᬩᬓ᭄ᬥᬲ᭄᭞ᬓᬵᬮᬶᬄᬳᬶᬩᬲᬸᬩ ᬫᬢᬶ᭞ᬚᬦᬶᬳᬶᬭᬮ᭄ᬯᬲ᭄᭞ᬫᬗᬮᬶᬳᬂᬳᬶᬩᬳᬧᬶ᭟ᬳᬾᬜ᭄ᬘᭀᬂᬫᬗ᭄ᬓᬶᬦ᭄ᬳᬶᬮᬸᬢᬸᬂᬫᬮᬚᬦ᭄ᬮᬸᬯᬲ᭄᭞ᬓᬤᬸᬓᬸᬳᬦ᭄‌ᬗᬮᬶᬳᬧᬶ᭞ᬧ᭠ᬘᬂᬓᬵᬗ᭄ᬕᭀᬦ᭄ᬫᬗ᭄ᬕᬂ᭞ᬳᬶᬮᬸᬢᬸᬂᬢᬦ᭄‌ᬓᬘᬭᬶᬢ᭞ᬳᬶᬓᬾᬓᬾᬃᬓᭀᬘᬧᬦ᭄ᬫᬗ᭄ᬓᬶᬦ᭄᭞ᬩᬯᬸᬬᬗᭂᬤᬢ᭄᭞ᬳᬶᬮᬸᬢᬸᬂᬢ᭄ᬯᬭᬵᬤᬓᬵᬭᬶ᭟᭜᭟ ᬧᬸᬄᬲ᭄ᬫᬭᬦ᭄ᬥᬦ᭟᭜᭟ᬕ᭄ᬮᬶᬲ᭄ᬩᬗᬸᬦ᭄ᬢᬸᬃᬜ᭄ᬮᬶᬲᬶᬄ᭞ᬓᭂᬩᭂᬢᬾᬬᬫᬲᬗᬶᬤᬦ᭄᭞ᬓᬮᬶᬦ᭄ᬢᬂᬲᬓᬶᬢ᭄‌ᬭᬱᬵᬦᬾ᭞ᬭᬾᬄᬩᬸᬮᬸᬦᬾ᭠ᬫᬢᬄᬫᬢᬄ᭞ᬲᬫᬶᬢ᭄ᬮᬲ᭄‌ᬓᬩᬸᬢ᭄ᬩᬸᬢ᭄‌ᬢᬦ᭄᭞ᬳᬦ᭄ᬢᬸᬓ᭄ᬳᬶᬮᬸᬢᬸᬂᬢᬦ᭄ᬢᬶᬭᬸᬦ᭄᭞ᬢ᭄ᬯᬭᬩᬶᬱᬗᬲᬹᬓ᭄ᬱ᭄ᬫᬂ᭟ᬩᬲᬗᭂᬢ᭄‌ᬢᭀᬂᬩᬶᬱᬢᬫ᭄ᬧᬶ᭞ᬢ᭄ᬓᬾ

Auto-transliteration

[4 4B] 4 kin. kñir̀ñĕñĕp'hikeker̀muñinebanban, matihibalutungjani, dinikutangglaḥ, hibojog‐jĕjĕḥngĕḥgĕhang, sakitjĕngaḥyaringati, rarishangucap, gmĕshibatkenkahi. matambwasyeḥmatanhilutungmĕmbaḥ, hi‐ keker̀bungkutngĕdekin, kahimagaguywan, hdandensangĕtñĕbĕtang, piliḥpalihinmanampi, ucapedadwa, tl̥ĕbguyunehibĕtinjalanmuliḥnebatisgĕlahegisyang, gĕlaḥmangbĕrangcahi, hilutunggar̀jjita, tumu‐ limanĕngkolhenggal, dibatiskekerenunggil, makjitngiñcang, bungutnekmakmakmikmik. glisingcritahikeker̀nambungmanglayang, ringjalantankawinar̀ṇni, ringpasisikocap, kl̥ĕsok'hikeker̀mĕñcĕgan, dibyasekabnĕngi n, tur̀mapangsĕgan, hilutungyamacl̥ĕngik. lawutngucap'hikeker̀muñinnebanban, naḥkesubatuhuñcahi, nesubabyas, hibojogngisinĕkĕkang, hikeker̀bwinmamuñi, hnekenkenhiba, lutungdonglebangi‐ [5 5A] nkahi. hiwanaramangisisayannkĕkang, batisñahikeker̀paksyi, kahimpusmakadadwa, sar̀wwimuñinebanggras, hiḥ‐hiḥkekĕr̀matijanitur̀kabr̥ĕsyĕkang, bulunñanekabutbutin. yahikekĕr̀ngrasyāringkabhayāntaka, rarisngeko payasandhi, mangdesiddhalir̀, tkeningbhayacantaka, rarisyamdhĕmngulintik, ngidhĕmangmata, hulatmiribsubamati. disubanebulunñanetlaḥlaglag, hilutungkdekmangrikgik, tur̀mudangmadingang, hihihiknesubakdhas, kāliḥhibasuba mati, janihiralwas, mangalihanghibahapi. heñcongmangkinhilutungmalajanluwas, kadukuhanngalihapi, pa‐cangkānggonmanggang, hilutungtankacarita, hikeker̀kocapanmangkin, bawuyangĕdat, hilutungtwarādakāri \\•\\ puḥsmarandhana \\•\\ glisbanguntur̀ñlisiḥ, kĕbĕteyamasangidan, kalintangsakitrasyāne, reḥbulune‐mataḥmataḥ, samitlaskabutbuttan, hantuk'hilutungtantirun, twarabiṣangasūkṣmang. basangĕttongbiṣatampi, tke

Leaf 5

Image on Archive.org

[᭕ 5B] ᭕᭞ ᬦᬶᬂᬧᬶᬳᭀᬮᬲ᭄ᬢᬶᬧᬮ᭄᭞ᬲᭀᬓ᭄‌ᬗᬸᬮᬄᬫ᭄ᬩᬳᬦ᭄ᬧᬶᬓ᭄ᬦᭀᬄ᭞ᬢ᭄ᬯᬭᬫᬗᬶᬢᬸᬂᬓᬳᬸᬘᬧ᭄᭞ᬲᬶᬦᭂᬲᭂᬮᬶᬂᬤᬸᬦ᭄ᬬᬧᬤ᭞ᬳᭂᬦ᭄ᬢᭀᬳᬢᬶᬦ᭄ᬩᬸᬭᭀᬦ᭄ᬢᬸᬳᬸ᭞ᬢᭀᬂᬩᬶᬱᬓᬧᬶᬯ᭄ᬮᬲᬦ᭄᭟ᬘᬭᬶᬢᬳᬶᬓᬾᬓᬾᬃᬫᬗ᭄ᬓᬶᬦ᭄᭞ᬧᬦ᭄ᬮᬭᬢᬦ᭄‌ᬲᬦ᭄ᬤᬂᬲᬦ᭄ᬤᬂ᭞ᬫᬗ᭄ᬮᬶᬂᬫᬗᬭᭀᬦᬵᬭᭀᬦ᭄᭞ᬓᬾ ᬦᬾᬲᬵᬦ᭄ᬓᭀᬢᬶᬢ᭄ᬬᬂᬤᬾᬯ᭞ᬳᬫ᭄ᬧᬳᬾᬢ᭄ᬯᬶᬫᬓᬵᬤ᭞ᬓᬵᬮᬶᬄᬫᬢᬢ᭄ᬕᬃᬜᬸᬕ᭄ᬚᬸᬕ᭄᭞ᬳᬸᬭᬶᬧᬾᬳᬗ᭄ᬕᭀᬦ᭄ᬧᬮᬮ᭄ᬬᬦ᭄᭟ᬤᬤᬶ᭠ᬫᬩᬸᬤ᭄ᬥᬶᬗᬸᬕᭀᬦᬶᬦ᭄᭞ᬬᬦ᭄ᬳᬧᬚ᭄ᬯᬫᬗᭀᬕ᭞ᬲᬗ᭄ᬓᬦ᭄‌ᬢᬶᬢ᭄ᬬᬂᬓᬤᬭᭀᬧᭀᬦ᭄᭞ᬩᬵᬲ᭄ᬓᬯ᭄ᬯᬦ᭄‌ᬳᬶᬮᬸᬢᬸᬂᬩᬗ᭄ᬲᬢ᭄᭞ᬕᬸᬫᬶᬦᬾᬗᬸᬘ ᬧᬂᬚᬳᬢ᭄᭞ᬫᬲᬶᬄᬢᬶᬢ᭄ᬬᬂᬳ᭄ᬜᬓ᭄ᬢᬸᬭᬸᬢ᭄᭞ᬢ᭄ᬓᬾᬦᬶᬂᬫᬸᬜᬶᬦ᭄ᬩᬩ᭄ᬥᬕ᭄᭟ᬚᬦᬶᬢᬶᬢ᭄ᬬᬂᬫᬗ᭄ᬫᬲᬶᬦ᭄᭞ᬧᬶᬢ᭄ᬯᬲ᭄ᬢᬶᬢ᭄ᬬᬗᬾᬳᭀᬮᬲ᭄᭞ᬫᬗᭀᬮᬲᬶᬦ᭄ᬳᬢᬶᬲᬢᭀ᭞ᬫᬓᬤᬶᬰ᭄ᬮᭀᬓᬦᬶᬂᬚᬕᬢ᭄᭞ᬗ᭄ᬮᬸᬲᬶᬦ᭄‌ᬘᬶᬘᬶᬂᬫᬘᬂᬘᬂ᭞ᬢᬦ᭄‌ᬯᬗ᭄ᬤᬾᬧᬘᬂᬓᬲ᭄ᬕᬸᬢ᭄᭞ᬓᬾᬦ᭄ᬢᬶᬸᬧᬶᬲᬦ᭄ᬧᬶᬢ᭄ᬯᬶᬦ᭄ᬜ᭟ ᬳᬧᬤᬤᬶᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬧᬓ᭄ᬱᬶᬦᬵᬗ᭄ᬳᬶᬲᬵᬫ᭄ᬧᬸᬦ᭄ᬮᬕ᭄ᬮᬕ᭄᭞ᬥᬸᬄᬤᬾᬯᬲᬂᬓᬧᬶᬦᬯᭀᬢ᭄᭞ᬘᬶᬗᬓᬶᬦ᭄ᬲᬶᬄᬳᬸᬕᬶᬢᬶᬢ᭄ᬬᬂ᭞ᬮᬶᬦ᭄ᬢᬂᬮᬭᬓᬚᬦ᭄ᬢᬓ᭞ᬓᬪᬶᬱᬾᬓᬳᬦ᭄ᬢᬸᬓ᭄ᬮᬸᬢᬸᬂ᭞ᬗᬤᬓᬂᬲᬦ᭄ᬫᬓᬓᬲ᭄ᬬᬦ᭄᭟ᬧ᭄ᬢᭂᬂᬮ᭄ᬫᬄᬬᬫᬗ᭄ᬮᬶᬂ᭞ᬳᬶᬓᬾᬓᭂᬃᬤᬶᬢ᭄ᬗᬳᬮᬲ᭄᭞ᬫᬦ᭄ᬤᬸᬮᬫ᭠ [᭖ 6A] ᬲᬲᬵᬫ᭄ᬩᬢᬾ᭞ᬓᬓᬶᬳᬲᬶᬄᬓᬯ᭄ᬮᬲᬦ᭄᭞ᬘᬭᬶᬢᬳᬶᬩᬦ᭄ᬢᬾᬂᬳᬳᬲ᭄᭞ᬦ᭄ᬤᬶᬗᭂᬄᬲᬲᬫ᭄ᬩᬢ᭄ᬓᭀᬮᬲ᭄ᬳ᭄ᬬᬸᬦ᭄᭞ᬦᬗ᭄ᬳᬶᬂᬲᬓᬶᬂᬫᬦ᭄ᬤᬭᬯ᭟᭠ᬢᬸᬫᬸᬮᬶᬬᬫᬗᬯᬲ᭄ᬯᬲᬶᬦ᭄᭞ᬢᬦᬲ᭄ᬯᬾᬲᬵᬫ᭄ᬧᬸᬦ᭄ᬜᬢ᭞ᬲᬲᬫ᭄ᬩᬢ᭄‌ᬳᬶᬧᬸᬦ᭄ᬳᬶᬓᬾᬓᬾᬃ᭞ᬳᬶᬩᬦ᭄ᬢᬾᬂᬳᬮᭀᬦᬗᬸᬘᬧ᭄᭞ᬳᭂᬦ᭄ᬢᭀᬳ ᬧᬲᬶᬄᬓ᭄ᬭᬡᬦ᭄ᬜ᭞ᬲᬗ᭄ᬓᬦ᭄ᬳᬶᬩᬢᬦ᭄ᬧᬩᬸᬮᬸ᭞ᬓᬮᬶᬄᬲᬸᬗ᭄ᬲᬸᬢ᭄ᬳᬫ᭄ᬮᬲ᭄ᬳᬃᬱ᭟ᬳᬶᬓᬾᬓᬾᬃᬳᬮᭀᬦ᭄ᬜᬯᬸᬭᬶᬦ᭄᭞ᬫᬸᬜᬶᬦᬾᬳᬫ᭄ᬮ᭠ᬤ᭄ᬧ᭄ᬭᬡ᭞ᬳᬧᬓ᭄ᬫᬦᬶᬭᬩᬦ᭄ᬢᬾᬂ᭞ᬳᬶᬭᬲᬓᬶᬂᬓ᭄ᬦᬓᬩᬶᬓᬲ᭄᭞ᬩᬳᬦ᭄ᬳᬶᬯᬦᬭᬩᬗ᭄ᬲᬢ᭄᭞ᬦᬸᬮᬶᬓᬥᬃᬣᬬᬂᬲᬤ᭄ᬭᬸᬫ᭄᭞ᬲᬓᬶᬂᬗᬯᬶᬢ᭄ ᬗᬦ᭄ᬢᬶᬢ᭄ᬮᬲ᭄᭟ᬓᭀᬮᬲᬦ᭄ᬩᬦ᭄ᬢᬾᬂᬤᬸᬓ᭄‌ᬫ᭄ᬬᬃᬱᬶ᭞ᬲᬢᬶᬗ᭄ᬓᬄᬳᬶᬳᬬᬫ᭄ᬳᬮᬲ᭄᭞ᬳᬦᬸᬮᬶᬳᬭᬹᬫ᭄ᬉᬚᬭᬾ᭞ᬳᬸᬥᬸᬄᬳᬶᬩᬘᬣᬯᬦ᭞ᬳ᭄ᬤᬲᬗᭂᬢ᭄‌ᬲᬸᬫ᭄ᬮᬗᬶᬢ᭄ᬯᬲ᭄᭞ᬯᬶᬥᬶᬦᬾᬫᬲᬗᬵᬓᭀᬮᬸᬕ᭄᭞ᬫᬫ᭄ᬩᬯᭀᬲ᭄ᬗᬶᬯᬂᬫᬵᬢᬹᬢᬂ᭟ᬳᬶᬤᬢ᭄ᬯᬄᬜᬦ᭄ᬤᬂᬓᬸᬓᬸᬳᬶ ᬦ᭄᭞ᬚ᭄ᬮᬾᬫ᭄ᬮᬄᬲᬸᬓ᭄ᬲ᭄ᬭᬳᬂ᭞ᬳ᭄ᬤᬲᬗᭂᬢ᭄‌ᬧᬜᭂᬮ᭄ᬲᭂᬮᬾ᭞ᬓᬵᬮᬓᬾᬦᬾᬓᬚᬦ᭄ᬢᬓᬵ᭞ᬓᬵᬮᬶᬄᬳ᭄ᬤᬫᬗᭂᬗ᭄ᬲᬧᬂ᭞ᬭᬶᬓᬵ᭠ᬮᬲᬸᬓᬭᬳᬬᬸ᭞ᬳᬱ᭄ᬝᬶᬢᬶᬪᬓ᭄ᬢᬶᬧᬕᭂᬳᬂ᭟ᬦᬾᬚᬦᬶᬳᬶᬭᬦᭂᬕᬭᬶᬦ᭄᭞ᬳᬶᬲᭂᬂᬳᬶᬲᭂᬂᬫᬗ᭄ᬯᬍᬲᬂ᭞ᬜᬫ᭄ᬧᭀᬮᬶᬳᬶᬦ᭄‌ᬬᬳᬶ᭠

Auto-transliteration

[5 5B] 5 ningpiholastipal, sokngulaḥmbahanpiknoḥ, twaramangitungkahucap, sinĕsĕlingdunyapada, hĕntohatinburontuhu, tongbiṣakapiwlasan. caritahikeker̀mangkin, panlaratansandangsandang, manglingmangaronāron, ke nesānkotityangdewa, hampahetwimakāda, kāliḥmatatgar̀ñugjug, huripehanggonpalalyan. dadi‐mabuddhingugonin, yanhapajwamangoga, sangkantityangkadaropon, bāskawwanhilutungbangsat, guminenguca pangjahat, masiḥtityanghñakturut, tkeningmuñinbabdhag. janitityangmangmasin, pitwastityangeholas, mangolasinhatisato, makadiślokaningjagat, nglusincicingmacangcang, tanwangdepacangkasgut, kent̶pisanpitwinña. hapadadintityangmangkin, paksyinānghisāmpunlaglag, dhuḥdewasangkapinawot, cingakinsiḥhugitityang, lintanglarakajantaka, kabhisyekahantuklutung, ngadakangsanmakakasyan. ptĕnglmaḥyamangling, hikekĕr̀ditngahalas, mandulama‐ [6 6A] sasāmbate, kakihasiḥkawlasan, caritahibantenghahas, ndingĕḥsasambatkolashyun, nanghingsakingmandarawa. ‐tumuliyamangawaswasin, tanaswesāmpunñata, sasambat'hipunhikeker̀, hibantenghalonangucap, hĕntoha pasiḥkraṇanña, sangkanhibatanpabulu, kaliḥsungsut'hamlashar̀ṣa. hikeker̀halonñawurin, muñinehamla‐dpraṇa, hapakmanirabanteng, hirasakingknakabikas, bahanhiwanarabangsat, nulikadhar̀thayangsadrum, sakingngawit ngantitlas. kolasanbantengdukmyar̀syi, satingkaḥhihayamhalas, hanuliharūmujare, hudhuḥhibacathawana, hdasangĕtsumlangitwas, widhinemasangākolug, mambawosngiwangmātūtang. hidatwaḥñandangkukuhi n, jlemlaḥsuksrahang, hdasangĕtpañĕlsĕle, kālakenekajantakā, kāliḥhdamangĕngsapang, rikā‐lasukarahayu, haṣṭitibhaktipagĕhang. nejanihiranĕgarin, hisĕnghisĕngmangwal̥ĕsang, ñampolihinyahi‐

Leaf 6

Image on Archive.org

[᭖ 6B] ᭖᭞ ᬩᭀᬚᭀᬕ᭄‌ᬦᬗ᭄ᬳᬶᬂᬳ᭄ᬤᬮ᭄ᬓᬭᬶᬂᬳᬶᬩ᭞ᬭᬾᬄᬓᬾᬢᭀᬳᬸᬘᬧᬶᬂᬰᬵᬲ᭄ᬢ᭄ᬭ᭞ᬲᬵᬥᬸᬥᬃᬫ᭄ᬫᬦᬾᬚ᭄ᬯᬧᬸᬧᬸ᭞ᬢᬦ᭄‌ᬯ᭄ᬦᬂᬫᬫᬍᬲ᭄ᬳ᭠ᬮ᭟ᬳᬬᬸᬳᬗ᭄ᬕᭀᬦ᭄ᬫᬲᬶᬮᬶᬳᬶᬦ᭄᭞ᬓᬾᬦ᭄ᬢᭀᬧᬵᬢᬹᬢ᭄ᬜᬦᬾᬧᬶᬲᬦ᭄᭞ᬳᬶᬭᬧᬘᬂᬧᬵᬫ᭄ᬩᬾᬮᬦᬾ᭞ᬧᬵᬦ᭄ᬧᬵᬢᬹᬢ᭄ᬳᬶᬩᬦᬾᬮᬶᬦ᭄ᬢᬂ᭞ᬢ᭄ᬯ ᬭᬕᬶᬗ᭄ᬲᬶᬃᬳᬶᬭᬧ᭄ᬚᬄ᭞ᬬᬦ᭄‌ᬗᭂᬫᬲᬶᬦ᭄ᬦᬾᬦᬾᬧᬵᬢᬹᬢ᭄᭞ᬳᬶᬓᬾᬓᭂᬃᬲᬸᬫᬯᬸᬃᬩᬦ᭄ᬩᬦ᭄᭟ᬮᬶᬦ᭄ᬢᬂᬲᬹᬓ᭄ᬱ᭄ᬫᬧᬶᬢ᭄ᬯᬶ᭞ᬧᬶᬳᭀᬮᬲ᭄ᬳᬶᬩᬭᬶᬂᬳᬶᬭ᭞ᬳᬶᬤᬲᬂᬳ᭄ᬬᬂᬯᬶᬥᬶᬓᬯᭀᬢ᭄᭞ᬧᬘᬂᬲᬸᬂᬮᬸᬕ᭄ᬭᬳᬯ᭄ᬓᬲ᭄᭞ᬤᬾᬦᬶᬂᬳᬶᬭᬢᬦ᭄ᬜᬶᬤᬬᬂ᭞ᬗᬤᬓᬂᬧᬫᬍᬲ᭄ᬗᬾᬲᬸᬓ᭄᭞ᬓᬾᬯᬮ᭠ ᬳᬶᬤᬳ᭄ᬬᬂᬢᬶᬢᬄ᭟ᬳᬸᬦᬶᬂᬭᬶᬂᬦᬾᬜᬦ᭄ᬤᬂᬢ᭄ᬯᬶ᭞ᬳᬧᬫᬓᬧᬗ᭄ᬭᬸᬬᬕ᭞ᬓᬶᬩᬦ᭄ᬢᬾᬂᬲᬸᬫᬯᬸᬃᬳᬮᭀᬦ᭄᭞ᬳ᭄ᬤᬓᬢᬳᬦ᭄ᬭᬱᬵᬦ᭄᭞ᬓ᭄ᬫᬲᬸᬩᬳᬶᬩᬓᬾᬲᬄ᭞ᬳᬶᬭᬦᬾᬚᬦᬶᬗᬭᬸᬭᬸᬄ᭞ᬳᬶᬓᬾᬓᬾᬃᬜ᭄ᬮᬶᬲᬶᬄᬳᬾᬗ᭄ᬕᬮ᭄᭟ᬳᬶᬩᬦ᭄ᬢᬾᬂᬦᬸᬮᬶᬫᬫᬵᬃᬕ᭄ᬕᬶ᭞ᬗᬭᬸᬭᬸᬳᬶᬮᬸᬢᬸᬂᬤᭂ ᬗ᭄ᬓᬮ᭄᭞ᬢᬦᬲ᭄ᬯᬾᬭᬶᬂᬫᬵᬃᬕ᭄ᬕᬶᬦᬾ᭞ᬳᬶᬮᬸᬢᬸᬂᬭᬭᬶᬲ᭄ᬓᬘᬦ᭄ᬤᬓ᭄᭞ᬇᬭᬶᬓᬭᬶᬂᬢ᭄ᬧᬶᬦ᭄‌ᬢᭂᬮᬸᬓᬦ᭄᭞ᬳᬶᬮᬸᬢᬸᬂᬜᬫ᭄ᬩ᭄ᬭᬫᬳᬮᬸᬲ᭄᭞ᬳᬶᬄᬓᭀᬬᬓᭀᬩᬦ᭄ᬢᬾᬂᬧ᭄ᬭᬵᬧ᭄ᬢ᭟ᬳᬶᬩᬮᬓᬃᬓ᭄ᬚᬳᬚᬦᬶ᭞ᬳᬶᬩᬦ᭄ᬢᬾᬂᬫᬲᬯᬸᬢ᭄ᬦᬶᬫ᭄ᬩᬮ᭄᭞ᬳᬶᬭᬳᬓᬃᬓᬵᬮᬲᬾᬳᭂᬦ᭄ᬢᭀ᭞ᬦᬾᬗᭂᬦᬄᬲ᭄ᬮ᭠ [᭗ 7A] ᬢ᭄ᬲᬕᬭ᭞ᬓᭀᬘᬧ᭄ᬳᭂᬦ᭄ᬢᭀᬳᬮᬲ᭄‌ᬭᬫ᭄ᬬ᭞ᬲᬃᬯ᭄ᬯᬲᬃᬯ᭄ᬯᬦ᭄ᬥᭂᬂᬤᬶᬢᬸ᭞ᬢᬺᬡᬓᬮᬵᬯᬦ᭄ᬯᭀᬄᬯᭀᬳᬦ᭄᭟ᬳᬶᬮᬸᬢᬸᬂᬳᬸᬘᬧᬾᬫᬦᬶᬲ᭄᭞ᬗᬰᬶᬳᬰᬶᬄᬳᬧ᭄ᬮᬲᬵᬃᬱ᭞ᬗᬍᬫᭂᬳᬶᬦ᭄‌ᬬᬳᬶᬩᬦ᭄ᬢᬾᬂ᭞ᬳᬸᬥᬸᬄᬩᬦ᭄ᬢᬾᬂᬬᬦ᭄ᬢ᭄ᬯᬄᬲᬚ᭞ᬳᬶᬩᬢᬺᬱ᭄ᬡᬓᬸᬫᬜᬫ᭞ᬳᬶᬭᬳᬚᬓ᭄ᬫᬫᬶ᭠ ᬮᬸ᭞ᬳᬶᬩᬦ᭄ᬢᬾᬂᬫᬲᬯᬸᬢ᭄‌ᬦᬄ᭟ᬳᬶᬭᬤᬶᬦᬶᬫᬗᬫ᭄ᬩᬳᬶᬦ᭄᭞ᬳᬧᬂᬳᬾᬗ᭄ᬕᬮ᭄‌ᬢ᭄ᬓᭂᬤ᭄ᬓᭂᬫ᭞ᬳᬶᬩᬓᬾᬦ᭄ᬓᬾᬦᬂᬗ᭄ᬭᭀᬩᭀᬓ᭄᭞ᬳᬶᬬᬾᬄᬜᬦᬾᬥᬍᬫ᭄ᬧᬶᬲᬦ᭄᭞ᬳᬶᬮᬸᬢᬸᬂᬳᬗᬸᬘᬧ᭄ᬩᬦ᭄ᬩᬦ᭄᭞ᬕᬦ᭄ᬤᭀᬗᬶᬭᬚᬂᬤᬶᬢᬸᬦ᭄ᬤᬸᬦ᭄᭞ᬬᬦ᭄‌ᬢ᭄ᬯᬄᬳᬶᬩᬢᬺᬱ᭄ᬡ᭟ᬳᭂᬦ᭄ᬢᭀᬫ᭄ᬮᬄᬲᬯᬸᬢ᭄‌ᬲ ᬫ᭄ᬧᬶ᭞ᬫᬳᬶᬓᬾᬳᬾᬗ᭄ᬕᬮ᭄ᬫᭂᬦᬾᬓᬂ᭞ᬳᬶᬩᭀᬚᭀᬕ᭄‌ᬮᬦ᭄ᬢᬲ᭄ᬫᬓ᭄ᬘᭀᬕ᭄᭞ᬳᬶᬩᬦ᭄ᬢᬾᬂᬦᬸᬮᬶᬫᬚᬮᬦ᭄᭞ᬓᭀᬘᬧᬦ᭄‌ᬢ᭄ᬗᬄᬲᬕᬭ᭞᭠ᬯᬾᬦ᭄ᬢᭂᬦ᭄ᬩᬢᬸᬢ᭄ᬕᭂᬄᬗᬸᬗ᭄ᬕᬸᬮ᭄᭞ᬳᬶᬩᬦ᭄ᬢᬾᬂᬭᬭᬶᬲ᭄ᬫᬓ᭄ᬭᬸᬡ᭟ᬳᬶᬄᬩᭀᬚᭀᬕ᭄‌ᬫᬭᬾᬭᬾᬦ᭄ᬤᬶᬦᬶ᭞ᬳᬯᬓ᭄ᬳᬶᬭᬓᭂᬩᬸᬲ᭄ᬧᬶᬲᬦ᭄᭞ᬳᬶᬭᬧᬘᬂᬫ᭠ ᬜ᭄ᬚᬸᬲ᭄ᬜᭀᬗ᭄ᬓᭀᬓ᭄᭞ᬦᬄᬲᬯᬸᬢ᭄ᬳᬶᬩᭀᬚᭀᬕ᭄‌ᬳᬾᬗ᭄ᬕᬮ᭄᭞ᬮᬦ᭄ᬢᬲ᭄ᬳᬶᬮᬸᬢᬸᬂᬢᬸᬳᬸᬦᬦ᭄᭞ᬫᬜᭀᬗ᭄ᬓᭀᬓ᭄‌ᬤᬶᬤᬸᬳᬸᬃᬩᬢᬸ᭞ᬳᬶ᭠ᬩᬦ᭄ᬢᬾᬂᬬᬫᬘᬼᬩᬦ᭄᭟ᬕᬕ᭄ᬮᬶᬲᬦ᭄‌ᬢᬸᬢᬸᬃᬫᬗ᭄ᬓᬶᬦ᭄᭞ᬢᭀᬬᬦᬾᬲᬵᬫ᭄ᬧᬸᬦ᭄‌ᬗᭂᬤᬾᬦᬂ᭞ᬳᬶᬩᬦ᭄ᬢᬾᬂᬩᬗᬸᬦ᭄‌ᬜᬮᭀᬲᭀᬃ᭞ᬜ᭄ᬭᬸᬢ᭄ᬘᬸᬢ᭄

Auto-transliteration

[6 6B] 6 bojognanghinghdalkaringhiba, reḥketohucapingśāstra, sādhudhar̀mmanejwapupu, tanwnangmamal̥ĕsha‐la. hayuhanggonmasilihin, kentopātūtñanepisan, hirapacangpāmbelane, pānpātūt'hibanelintang, twa ragingsir̀hirapjaḥ, yanngĕmasinnenepātūt, hikekĕr̀sumawur̀banban. lintangsūkṣmapitwi, piholashibaringhira, hidasanghyangwidhikawot, pacangsunglugrahawkas, deninghiratanñidayang, ngadakangpamal̥ĕsngesuk, kewala‐ hidahyangtitaḥ. huningringneñandangtwi, hapamakapangruyaga, kibantengsumawur̀halon, hdakatahanrasyān, kmasubahibakesaḥ, hiranejaningaruruḥ, hikeker̀ñlisiḥhenggal. hibantengnulimamār̀ggi, ngaruruhilutungdĕ ngkal, tanasweringmār̀ggine, hilutungrariskacandak, irikaringtpintĕlukan, hilutungñambramahalus, hiḥkoyakobantengprāpta. hibalakar̀kjahajani, hibantengmasawutnimbal, hirahakar̀kālasehĕnto, nengĕnaḥsla‐ [7 7A] tsagara, kocap'hĕntohalasramya, sar̀wwasar̀wwandhĕngditu, tr̥ĕṇakalāwanwoḥwohan. hilutunghucapemanis, ngaśihaśiḥhaplasār̀ṣa, ngal̥ĕmĕhinyahibanteng, hudhuḥbantengyantwaḥsaja, hibatr̥ĕṣṇakumañama, hirahajakmami‐ lu, hibantengmasawutnaḥ. hiradinimangambahin, hapanghenggaltkĕdkĕma, hibakenkenangngrobok, hiyeḥñanedhal̥ĕmpisan, hilutunghangucapbanban, gandongirajangditundun, yantwaḥhibatr̥ĕṣṇa. hĕntomlaḥsawutsa mpi, mahikehenggalmĕnekang, hibojoglantasmakcog, hibantengnulimajalan, kocapantngaḥsagara, ‐wentĕnbatutgĕḥngunggul, hibantengrarismakruṇa. hiḥbojogmarerendini, hawak'hirakĕbuspisan, hirapacangma‐ ñjusñongkok, naḥsawut'hibojog'henggal, lantashilutungtuhunan, mañongkokdiduhur̀batu, hi‐bantengyamacl̥ĕban. gaglisantutur̀mangkin, toyanesāmpunngĕdenang, hibantengbangunñalosor̀, ñrutcut

Leaf 7

Image on Archive.org

[᭗ 7B] ᭗᭞ ᬮᬦ᭄ᬢᬲ᭄ᬗᬲᬶᬲ᭄ᬬᬂ᭞ᬳᬶᬮᬸᬢᬸᬂᬳ᭄ᬦᬸᬤᬶᬢ᭄ᬗᬄ᭞ᬓ᭄ᬮᬜ᭄ᬘᬓ᭄ᬮᬶᬜ᭄ᬘᬶᬘ᭄ᬗᬓ᭄ᬘᭂᬗᬸᬓ᭄᭞ᬘ᭄ᬭᬸᬯᬢ᭄‌ᬘ᭄ᬭᬸᬯᬾᬢ᭄ᬫᬘ᭄ᬭᬄᬘᬸᬳᬦ᭄᭟ᬩᬢᬸᬦᬾᬫᬓᬶᬓᬾᬦ᭄ᬳᬶᬮᬶᬤ᭄᭞ᬳᬶᬮᬸᬢᬸᬂᬬᬲ᭄ᬥᬶᬄᬚ᭄ᬗᬄ᭞ᬧᬦᭂᬲ᭄‌ᬩᬭᬩᬸᬓᬓᬩᭀᬃᬩᭀᬃ᭞ᬦᬳᭂᬦ᭄‌ᬢ᭄ᬓᬾᬦ᭄ᬧᬘᬂᬪᬬ᭞ᬢᬦ᭄‌ᬯᬗ᭄ᬤᬾᬗᭂᬫᬲᬶᬦ᭄ᬧ᭄ᬚᬄ᭞ᬓᬪᬶᬱᬾᬓᬩᬵᬦ᭄ᬳᬶᬍᬫ᭄ᬩᬸ᭞ᬫᬶ ᬢ᭄ᬯᬲᬾᬗᬭᬸᬕᬥ᭟ᬲᬓᬶᬂᬫᬸᬮᬕᭂᬂᬰᬶᬄᬯᬶᬥᬶ᭞ᬤᬸᬓ᭄‌ᬧᬸᬦᬶᬓᬧ᭄ᬜᬸᬧ᭄ᬭᬵᬧ᭄ᬢ᭞ᬳᬶᬧ᭄ᬜᬸᬳᬗᬸᬘᬧ᭄ᬳᬮᭀᬦ᭄᭞ᬏᬮᬸᬢᬸᬂᬓᭂᬢᬸᬫ᭄ᬩᬾᬦ᭄ᬧᬶᬲᬦ᭄᭞ᬤᬶᬦᬶᬩᬓᬢ᭄ᬧᬸᬓ᭄ᬗᬶᬜᬄ᭞ᬳᬧᬦᬾᬲᬗᭂᬢ᭄ᬫᬓ᭄ᬮᬗᬸᬦ᭄᭞ᬫᬸᬮᬶᬳᬾᬢ᭄ᬓᬾᬦᬶᬂᬳᬶᬩ᭟ᬳᬸᬄᬳᬧᬲᬶᬓᬾᬦ᭄ᬢᭀᬦ᭄ᬘᬳᬶ᭞ᬫᬧ᭄ᬢᬓᬧᬶᬦᬶᬂᬳᬶᬩ᭞ᬓᬳᬶᬲ᭠ ᬓᬶᬂᬓᬓᭃᬧᬾᬢ᭄ᬲᬶᬗ᭄ᬲᬾ᭞ᬩᬳᬦ᭄‌ᬬᬳᬶᬍᬫ᭄ᬩᬸᬭᬘᬵᬭᬄ᭞ᬦᬸᬮᬶᬓᬢᬸᬢᬸᬭᬂᬢ᭄ᬮᬄ᭞ᬢᬸᬫᬸᬮᬶᬬᬗᬶᬤᬶᬄᬢᬸᬮᬸᬂ᭞ᬓᬾᬦᬾᬫᬸᬜᬶᬦ᭄ᬜᬲᬤ᭄ᬭ᭠ᬩ᭟ᬢᬸᬮᬸᬲᬂᬚ᭄ᬯᬍᬕᬜ᭄ᬘᬳᬶ᭞ᬓᬸᬫᬜᬫᬢ᭄ᬓᬾᬦ᭄ᬳᬶᬭ᭞ᬬᬦᬶᬂᬲᬸᬩᬩᬸᬓᬓᬾᬦ᭄ᬢᭀ᭞ᬤᬶᬢᬸᬯᬤᬧᬸᬡ᭄ᬬᬦ᭄ᬳᬶᬭ᭞ᬫᬶᬦᬓᬫᬓᬥᬓ᭄ᬱᬶᬡ᭞᭠ ᬧᭀᬦ᭄ᬤᭀᬗᬶᬭᬳᬩᬧ᭄ᬲᬸ᭞ᬤᬶᬢᬸᬮᬦ᭄ᬢᬲ᭄ᬢᬫ᭄ᬧᬶᬳᬸᬧᬄ᭟ᬳᬶᬧ᭄ᬜᬸᬫᬸᬜᬶᬦ᭄ᬦᬾᬫᬦᬶᬲ᭄᭞ᬳᬧᬩ᭄ᬯᬶᬦ᭄‌ᬧᬘᬂᬫᬳᬸᬧᬄ᭞ᬤ᭄ᬬᬲ᭄ᬢᬸᬢᬦᬵᬫᬧᬶ᭠ᬓ᭄ᬦᭀᬄ᭞ᬳᬶᬭᬲᬸᬓᬳᬲᬸᬂᬯ᭄ᬮᬲ᭄᭞ᬦᬄᬫᬳᬶᬮᬦ᭄ᬢᬲ᭄ᬳᬾᬗ᭄ᬕᬮᬂ᭞ᬤᬶᬢᬸᬦ᭄ᬤᬸᬦ᭄‌ᬳᬶᬭᬦᬾᬫᬸᬗ᭄ᬕᬸᬄ᭞ᬳᬶᬮᬸᬢᬸᬂᬫᬓ᭄ᬘᭀᬕ᭄ᬳᬾᬗ᭄ᬕᬮ᭄᭟ᬓᬧᭀ [᭘ 8A] ᬦ᭄ᬤᭀᬂᬳᬶᬮᬸᬢᬸᬂᬕ᭄ᬮᬶᬲ᭄᭞ᬭᬶᬂᬧᬲᬶᬲᬶᬲᬵᬫ᭄ᬧᬸᬦ᭄ᬢᬶᬩ᭞ᬲᬕᬾᬢ᭄‌ᬲᬸᬩᬤᬶᬩ᭄ᬬᬲᬾ᭞ᬳᬶᬮᬸᬢᬸᬂᬬᬤᬶᬂᬓ᭄ᬮᬓ᭄ᬤᬶᬂᬓ᭄ᬮᬓ᭄᭞ᬮ᭄ᬬᬂᬢᬦ᭄‌ᬲᬧᬶᬭᬧᬶᬭ᭞ᬳᬶᬧ᭄ᬜᬸᬭᬭᬶᬲ᭄ᬳᬫᬸᬯᬸᬲ᭄᭞ᬚᬦᬶᬳᬶᬭᬦᬕᬶᬄᬳᬸᬧᬄ᭟ᬳᬶᬩᭀᬚᭀᬕ᭄‌ᬓ᭄ᬜᬶᬂᬜᬯᬸᬢᬶᬦ᭄᭞ᬳᬸᬧᬳᬶᬭᬳ᭄ᬦᬸᬚᬸᬫᬄ᭞ᬳᬧᬂᬳᬶᬩᬤᬶᬦᬶᬗᬦ᭄ᬢᭀ ᬲ᭄᭞ᬳᬶᬭᬫᬸᬮᬶᬄᬗᬮᬶᬄᬳᬸᬧᬄ᭞ᬳᬶᬧ᭄ᬜᬸᬫᬸᬜᬶᬦᬾᬕ᭄ᬢᬃ᭞ᬕᬢ᭄ᬬᬂᬓ᭄ᬫᬳᬶᬩᬮᬸᬢᬸᬂ᭞ᬳᬶᬮᬸᬢᬸᬂᬫᬮᬶᬳᬗᬸᬘᬧ᭄᭟ᬳ᭄ᬤᬳᬶᬩᬫᬗᬮᬳᬶᬦ᭄᭞ᬲᬢᭀᬦ᭄ᬤᬾᬦ᭄ᬳᬶᬭᬦᬾᬧ᭄ᬭᬵᬧ᭄ᬢ᭞ᬳᬶᬧ᭄ᬜᬸᬳᬮᬸᬲ᭄‌ᬳᬸᬚᬭᬾ᭞ᬓ᭄ᬫᬓᬾᬳᬾᬜ᭄ᬘᭀᬮᬾᬜ᭄ᬘᭀᬮᬂ᭞ᬳᬶᬭᬢ᭄ᬯᬭᬧᬘᬂᬓᬾᬲᬄ᭞᭠ ᬩᭀᬕ᭄ᬩᭀᬕ᭄‌ᬳᬶᬩᬲᬯᬸᬢ᭄ᬮᬸᬢᬸᬂ᭞ᬲᬶᬂᬩᬸᬯᬸᬂᬳᬶᬩᬫᬢᬶᬗ᭄ᬕᬮ᭄᭟ᬳᬧᬂᬤᬦᬦ᭄ᬫᬷᬭᬶᬩ᭄ᬓᬳᬶ᭞ᬘ᭄ᬤᭀᬓ᭄‌ᬢ᭄ᬓᬾᬦ᭄ᬧᬲᬦ᭄ᬓᬾᬢ᭞ᬳᬶᬭᬢ᭄ᬯᬭᬩᬶᬲᬮᬶᬜᭀᬓ᭄᭞ᬚᬦᬶᬧᬂᬧᬥᬲᬸᬫ᭄ᬧᬳᬦ᭄᭞ᬬᬦ᭄ᬳᬶᬭᬧᬘᬂᬮᭀᬫ᭄ᬧᬂ᭞ᬳᬧᬗᬶᬭᬫᬢᬶᬩ᭄ᬭᬸᬂ᭞ᬓᬾᬦ᭄ᬢᭀᬲᬸᬫ᭄ᬧᬳᬶᬭᬧ᭄ᬭᬕᬢ᭄᭟ ᬳᬶᬩᬧ᭄ᬜᬸᬓᬾᬦ᭄ᬓᬾᬦ᭄ᬩᬦᬶ᭞ᬳᬶᬧ᭄ᬜᬸᬫᬲᬯᬸᬢ᭄ᬦᬶᬫ᭄ᬩᬮ᭄᭞ᬲᬓᬮ᭄ᬯᬶᬭᬶᬂᬧᬭᬲᭀᬲᭀᬢ᭄᭞ᬳᬶᬭᬧᬱ᭄ᬝᬶᬢ᭄ᬯᬭᬮᭀᬫ᭄ᬧᬂ᭞ᬳᬓᬾᬢᭀ᭠ᬦᬄᬲᬸᬩᬧ᭄ᬭᬕᬢ᭄᭞ᬕᬢ᭄ᬬᬂᬫᬸᬮᬶᬄᬳᬶᬩᬮᬸᬢᬸᬂ᭞ᬩᬵᬲ᭄ᬫᬓ᭄ᬮᭀᬫᬓᬓᭂᬜ᭄ᬘᬦ᭄᭟ᬳᬶᬮᬸᬢᬸᬂᬳᬰ᭄ᬭᬸᬜᬯᬸᬭᬶᬦ᭄᭞ᬦ᭄ᬤᬾᬦ᭄ᬓᬾᬧ᭄ᬜᬸᬳᬧᬓ᭄ᬭ᭠

Auto-transliteration

[7 7B] 7 lantasngasisyang, hilutunghnuditngaḥ, klañcakliñcicngakcĕnguk, cruwatcruwetmacraḥcuhan. batunemakikenhilid, hilutungyasdhiḥjngaḥ, panĕsbarabukakabor̀bor̀, nahĕntkenpacangbhaya, tanwangdengĕmasinpjaḥ, kabhisyekabānhil̥ĕmbu, mi twasengarugadha. sakingmulagĕngśiḥwidhi, dukpunikapñuprāpta, hipñuhangucap'halon, elutungkĕtumbenpisan, dinibakatpukngiñaḥ, hapanesangĕtmaklangun, mulihetkeninghiba. huḥhapasikentoncahi, maptakapininghiba, kahisa‐ kingkaköpetsingse, bahanyahil̥ĕmburacāraḥ, nulikatuturangtlaḥ, tumuliyangidiḥtulung, kenemuñinñasadra‐ba. tulusangjwal̥ĕgañcahi, kumañamatkenhira, yaningsubabukakento, dituwadapuṇyanhira, minakamakadhaksyiṇa, ‐ pondongirahabapsu, ditulantastampihupaḥ. hipñumuñinnemanis, hapabwinpacangmahupaḥ, dyastutanāmapi‐knoḥ, hirasukahasungwlas, naḥmahilantashenggalang, ditundunhiranemungguḥ, hilutungmakcog'henggal. kapo [8 8A] ndonghilutungglis, ringpasisisāmpuntiba, sagetsubadibyase, hilutungyadingklakdingklak, lyangtansapirapira, hipñurarishamuwus, janihiranagiḥhupaḥ. hibojogkñingñawutin, hupahirahnujumaḥ, hapanghibadininganto s, hiramuliḥngaliḥhupaḥ, hipñumuñinegtar̀, gatyangkmahibalutung, hilutungmalihangucap. hdahibamangalahin, satondenhiraneprāpta, hipñuhalushujare, kmakeheñcoleñcolang, hiratwarapacangkesaḥ, ‐ bogbog'hibasawutlutung, singbuwunghibamatinggal. hapangdananmīribkahi, cdoktkenpasanketa, hiratwarabisaliñok, janipangpadhasumpahan, yanhirapacanglompang, hapangiramatibrung, kentosumpahirapragat. hibapñukenkenbani, hipñumasawutnimbal, sakalwiringparasosot, hirapaṣṭitwaralompang, haketo‐naḥsubapragat, gatyangmuliḥhibalutung, bāsmaklomakakĕñcan. hilutunghaśruñawurin, ndenkepñuhapakra‐

Leaf 8

Image on Archive.org

[᭘ 8B] ᭘᭞ ᬡ᭞ᬲᬗ᭄ᬓᬦ᭄ᬳᬶᬩᬭᬶᬭᬶᬄᬗᭀᬦᭀᬂ᭞ᬳᬧᬵᬗ᭄ᬕᭀᬦ᭄‌ᬳᬶᬩᬢᬢᬓᬦ᭄᭞ᬢᬸᬢᬸᬭᬶᬜ᭄ᬚᬳᬶᬭᬫᬢ᭄ᬭ᭞ᬳᬧᬂᬳᬶᬭᬲᬶᬄᬢᬳᬸ᭞ᬢ᭄ᬓᬾᬦ᭄‌ᬓᬯᬶᬰᬾᬱᬵᬦ᭄ᬳᬶᬩ᭟ᬳᬶᬧ᭄ᬜᬸᬲᬺᬗᭂᬦ᭄ᬜᬯᬸᬭᬶᬦ᭄᭞ᬲᭀᬓᬾᬯᬮᬢᬗ᭄ᬓᬄᬤᭀᬯᬂ᭞ᬫᬶᬦᬓᬤᬬᬸᬂᬓᬾᬧᬾᬲᬾ᭞ᬳᭀᬳᭀᬳᭀᬫᬸᬜᬶ ᬦ᭄᭞ᬯᬦᬭ᭞ᬳᬗᭀᬩ᭄‌ᬲᬦ᭄ᬳᬶᬭᬦ᭄ᬤᬶᬗᭂᬳᬂ᭞ᬓᬰᬓ᭄ᬢ᭄ᬬᬦ᭄ᬳᬶᬩᬦᬾᬧ᭄ᬜᬸ᭞ᬲᬸᬫᬲᬢ᭄‌ᬨᬮ᭄ᬯᬲᬓᬮ᭟ᬳᬧᬤᬤᬶᬗᭀᬂᬗᬶᬯᬲᬶᬦ᭄᭞ᬓᬾ᭠ᬦ᭄ᬓᬾᬦ᭄ᬲᬶᬄᬓᬧᬶᬢ᭄ᬯᬶᬦ᭄ᬜ᭞ᬕᭀᬩᬦ᭄ᬢᭀᬢᬗ᭄ᬓᬄᬳᬶᬩᬦᬾ᭞ᬳᬧᬂᬳᬶᬭᬧ᭄ᬤᬲ᭄‌ᬦᬯᬂ᭞ᬳᬶᬧ᭄ᬜᬸᬫᬲᬯᬸᬢ᭄ᬕᬜ᭄ᬘᬂ᭞ᬦᬄᬧᬳᭂᬓᬂᬳᬶᬩᬮᬸᬢᬸᬂ᭞ᬤᬶᬦᬶᬫ ᬢᬦᬾᬧ᭄ᬮᬸᬤᬂ᭟ᬳᬶᬮᬸᬢᬸᬂᬓ᭄ᬤᬾᬓ᭄ᬫᬗᬶᬓ᭄ᬕᬶᬓ᭄᭞ᬳᬶᬳᬶᬳᬶᬳᬶᬓ᭄ᬲᬶᬂᬦᭀᬢ᭄ᬕᭂᬮᬄ᭞ᬩᬤᬶᬗᬂᬢ᭄ᬯᬄᬳᬯᬓᬾ᭞ᬳᬧᬂᬳᬶᬭᬧ᭄ᬤᬲ᭄‌ᬦᬯᬂ᭞ᬳᬶᬧ᭄ᬜᬸᬭᬭᬶᬲ᭄ᬳᬗᬸᬘᬧ᭄᭞ᬤᭀᬂᬢᬸᬮᬸᬗᬶᬦ᭄ᬕᭂᬮᬄᬮᬸᬢᬸᬂ᭞ᬩᬤᬶᬗᬂᬳᬧᬂᬦᭂᬗ᭄ᬓᬬᬓ᭄᭟ᬳᬶᬮᬸᬢᬸᬂᬭᬭᬶᬲ᭄ᬫᬗᬸᬗ᭄ᬓᬶᬢ᭄᭞ᬩᬢᬶᬲ᭄ᬦᬾᬜ᭄ᬭᬓ᭄ᬘᬓ᭄ᬫᬦᬸᬜ᭄ᬚᬂ᭞ ᬳᭂᬗ᭄ᬕᬂᬳᭂᬗ᭄ᬕᬶᬂᬳᭂᬗ᭄ᬓᬕ᭄ᬳᭂᬗ᭄ᬓᭀᬕ᭄᭞ᬕᭂᬩ᭄ᬯᬕ᭄‌ᬳᬶᬧ᭄ᬜᬸᬦᭂᬗ᭄ᬓᬬᬓ᭄᭞ᬳᬶᬮᬸᬢᬸᬂᬓ᭄ᬤᬾᬓ᭄ᬫᬗᬮ᭄ᬓᬮ᭄᭞ᬳᬳᬳᬓ᭄ᬳᬶᬳᬶᬓ᭄ᬳᬸᬳᬸᬳᬸᬓ᭄᭞ᬚᬦᬶᬓᬳᬶᬗᬮᬶᬄᬳᬸᬧᬄ᭟ᬳᬸᬧᬄᬩᬭᭀᬂᬫᬘᬦ᭄‌ᬍᬯᬶᬄ᭞ᬳᬳᬾᬂᬢ᭄ᬯᬭᬧᬥᬧᬥ᭞ᬦᬵᬗ᭄ᬳᬶᬂᬳᬶᬩᬧᬧ᭄ᬮᭀᬢ᭄᭞ᬳᬶᬮᬸᬢᬸᬂᬜ᭄ᬭᬶᬚᬶᬕᬜ᭄ᬘᬂ᭞ [᭙ 9A] ᬫᬘ᭄ᬮᬧ᭄‌ᬓᬢ᭄ᬗᬄᬳᬮᬲ᭄᭞ᬫᬗᬮᬶᬄᬲᬂᬯ᭄ᬬᬖ᭄ᬭᬳᬲ᭄ᬭᬸ᭞ᬢᬦᬸᬘᬧᭂᬦ᭄‌ᬬᬭᬶᬂᬤᬮᬦ᭄᭟ᬘᬭᬶᬢᬳᬶᬧ᭄ᬜᬸᬗᭂᬮᬶᬂ᭞ᬗᬰᬶᬳᬰᬶᬄᬢᬦ᭄ᬧ᭄ᬕᬢ᭠ᬦ᭄᭞ᬲᬗᭂᬢ᭄ᬫᬜᭂᬮ᭄ᬲᭂᬮ᭄ᬳᬯᬓᬾ᭞ᬚᬧᬶᬲᭂᬮ᭄ᬲᭂᬮ᭄‌ᬓᬤᬸᬂᬮᬶᬯᬢ᭄᭞ᬧ᭄ᬥᬲ᭄‌ᬢ᭄ᬯᬭᬵᬤᬕᬸᬡᬦ᭄ᬜ᭞ᬳᬯᬓ᭄‌ᬲᬸᬩᬩ᭄ᬮᬸᬲ᭄ᬮᬸᬘᬸᬢ᭄᭞ᬚᬦᬶᬫᬭᬫ᭠ ᬘᬶᬂᬘᬶᬗᬦ᭄᭟ᬓᬾᬦ᭄ᬢᭀᬲᬮᭀᬓᬦᬶᬂᬕᬸᬫᬶ᭞ᬲᬗ᭄ᬓᬦ᭄‌ᬚᬦᬶᬧ᭄ᬮᬧᬦᬂ᭞ᬲᬢᭀᬦ᭄ᬤᬾᬦ᭄‌ᬳᬸᬮᬸᬂᬳᬸᬚᬦᬾ᭞ᬬᬾᬦ᭄ᬕᬸᬍᬫ᭄ᬧᬚᭂᬂᬓ᭄ᬩᬢᬂ᭞ᬳᬧᬂᬳ᭄ᬤᬓᬳᬸᬚᬦᬦ᭄᭞ᬢᭀᬧᬵᬢᬹᬢᬶᬂᬲᭀᬮᬄᬮᬓᬸ᭞ᬳᬧᬂᬫᬗ᭄ᬕᬶᬄᬓ᭄ᬭᬳᬬ᭄ᬯᬦ᭄᭟ᬘ᭄ᬭᬶᬢᬳᬶᬮᬸᬢᬸᬂᬦᬾᬫᬗ᭄ᬓᬶᬦ᭄᭞ᬳᬶᬫᬘᬦ᭄‌ᬯᬸᬲ᭄ᬢᭂ ᬧᬸᬓᬶᬦ᭞ᬲ᭄ᬥᭂᬓ᭄ᬫᭂᬥᭂᬫ᭄ᬲᭀᬃᬓᬬᬸᬦᬾ᭞ᬳᬶᬫᬘᬦ᭄ᬫᬢᬓᭀᬦ᭄ᬲᭂᬗᬧ᭄᭞ᬳᬶᬩᬮᬸᬢᬸᬂᬩᬓᬮ᭄ᬓᭂᬚ᭞ᬳᬶᬮᬸᬢᬸᬂᬳᬸᬘᬧᬾᬳᬮᬸᬲ᭄᭞ᬳᬶ᭠ᬭᬫᬳᬶᬗᬮᬶᬄᬳᬶᬩ᭟ᬚᬮᬦ᭄ᬢᬾᬫᬧᬢᬸᬂᬚᬦᬶ᭞ᬫᬧᬢᬸᬂᬳᬾᬩᬢ᭄ᬳᬾᬩᬢᬦ᭄᭞ᬳᬶᬭᬲᬸᬩᬫᬧ᭄ᬗᬵᬩᬾ᭞ᬤᬶᬧᬲᬶᬲᬶᬬᬓᬧ᭄ᬚᬂ᭞ᬳ᭄ᬩᬾ᭠ ᬧ᭄ᬜᬸᬕ᭄ᬥᬾᬧ᭄ᬲᬦ᭄᭞ᬳᬶᬫᬘᬦ᭄‌ᬮ᭄ᬬᬂᬫᬲᬯᬸᬢ᭄᭞ᬬᬦ᭄ᬧᬶᬢ᭄ᬯᬶᬲᬚᬚᬮᬦ᭄᭟ᬲᬂᬓᬵᬮᬶᬄᬭᬭᬶᬲ᭄ᬫᬫᬵᬃᬕ᭄ᬕᬶ᭞ᬢᬦ᭄ᬓᬘᬭᬶᬢᬤᬶᬚᬮᬦ᭄᭞ᬤᬶᬧᬲᬶᬲᬶᬯᬸᬲ᭄‌ᬢ᭄ᬓᭂᬤᬾ᭞ᬲᬶᬕ᭄‌ᬳᬶᬧ᭄ᬜᬸᬦᬾᬦᭂᬗ᭄ᬓᬬᬓ᭄᭞ᬳᬶᬫᬘᬦ᭄‌ᬬᬚᬶᬩ᭄ᬭᬕ᭄ᬚᬶᬩ᭄ᬭᬕ᭄᭞ᬢ᭄ᬯᬭᬕᬶᬕᬶᬲ᭄ᬓᭂᬩ᭄ᬥᭂᬮᬶᬧᬸᬦ᭄᭞ᬧᬘᬂᬫᬳᭀᬮᬳᭀ

Auto-transliteration

[8 8B] 8 ṇa, sangkanhibaririḥngonong, hapānggonhibatatakan, tuturiñjahiramatra, hapanghirasiḥtahu, tkenkawiśesyānhiba. hipñusr̥ĕngĕnñawurin, sokewalatangkaḥdowang, minakadayungkepese, hohohomuñi n, wanara, hangobsanhirandingĕhang, kaśaktyanhibanepñu, sumasatphalwasakala. hapadadingongngiwasin, ke‐nkensiḥkapitwinña, gobantotangkaḥhibane, hapanghirapdasnawang, hipñumasawutgañcang, naḥpahĕkanghibalutung, dinima tanepludang. hilutungkdekmangikgik, hihihihiksingnotgĕlaḥ, badingangtwaḥhawake, hapanghirapdasnawang, hipñurarishangucap, dongtulungin'gĕlaḥlutung, badinganghapangnĕngkayak. hilutungrarismangungkit, batisneñrakcakmanuñjang, hĕngganghĕngginghĕngkag'hĕngkog, gĕbwag'hipñunĕngkayak, hilutungkdekmangalkal, hahahak'hihik'huhuhuk, janikahingaliḥhupaḥ. hupaḥbarongmacanl̥ĕwiḥ, hahengtwarapadhapadha, nānghinghibapaplot, hilutungñrijigañcang, [9 9A] maclapkatngaḥhalas, mangaliḥsangwyaghrahasru, tanucapĕnyaringdalan. caritahipñungĕling, ngaśihaśiḥtanpgata‐n, sangĕtmañĕlsĕlhawake, japisĕlsĕlkadungliwat, pdhastwarādaguṇanña, hawaksubabluslucut, janimarama‐ cingcingan. kentosalokaninggumi, sangkanjaniplapanang, satondenhulunghujane, yen'gul̥ĕmpajĕngkbatang, hapanghdakahujanan, topātūtingsolaḥlaku, hapangmanggiḥkrahaywan. critahilutungnemangkin, himacanwustĕ pukina, sdhĕkmĕdhĕmsor̀kayune, himacanmatakonsĕngap, hibalutungbakalkĕja, hilutunghucapehalus, hi‐ramahingaliḥhiba. jalantemapatungjani, mapatunghebat'hebatan, hirasubamapngābe, dipasisiyakapjang, hbe‐ pñugdhepsan, himacanlyangmasawut, yanpitwisajajalan. sangkāliḥrarismamār̀ggi, tankacaritadijalan, dipasisiwustkĕde, sig'hipñunenĕngkayak, himacanyajibragjibrag, twaragigiskĕbdhĕlipun, pacangmaholaho

Leaf 9

Image on Archive.org

[᭙ 9B] ᭙᭞ ᬳᬦ᭄᭟ᬮᬸᬢᬸᬂᬳᬶᬩᬗᬮᬶᬄᬳᬧᬶ᭞ᬳᬶᬭᬤᬶᬦᬶᬫᬸᬓᬂᬫᬸᬓᬂ᭞ᬚᬮᬦ᭄ᬫᬗ᭄ᬕᬯᬾᬲᬲᬢᬾ᭞ᬳᬶᬮᬸᬢᬸᬂᬳᬾᬗ᭄ᬕᬮ᭄ᬫᬚᬮᬦ᭄᭞ᬘ᭄ᬭᬶᬢᬦᬾ᭠ᬕᬕ᭄ᬮᬶᬲᬦ᭄᭞ᬫᬗ᭄ᬕᬂᬲᬲᬢᬾᬓᬯᬸᬯᬸᬲ᭄᭞ᬫᬓᬤ᭄ᬯᬮᬶᬦ᭄ᬢᬂᬍᬕ᭟᭜᭟ᬧᬸᬄᬧᬸᬘᬸᬂ᭟᭜᭟ᬓᬩᬢ᭄ᬓᬸᬩᬸᬢ᭄᭞ᬫᬸᬜᬶᬦ᭄ᬳᬧᬶᬧ᭄ᬮᬓ᭄ᬧ᭄ᬮᬓ᭄ᬧ᭄ᬮᬸᬓ᭄ᬧ᭄ᬮᬸ᭠ ᬓ᭄᭞ᬲᬢᬾᬦᬾᬩᬤᬶᬗᬂ᭞ᬫᬭᬬᬍᬩᭂᬂᬳᬓᬢᬶᬄ᭞ᬮᬸᬢᬸᬂᬫᬸᬯᬸᬲ᭄᭞ᬳ᭄ᬦᬾᬮᬓᬃᬓᬧ᭄ᬦᬾᬓᬂ᭟ᬫᭀᬂᬫᬲᬯᬸᬢ᭄᭞ᬲᬗ᭄ᬓᬦ᭄ᬬᬳᬳᬤᬶᬤᬸᬳᬸᬃ᭞ᬳᬧᬲᬶᬄᬓ᭄ᬭᬡᬦ᭄ᬜ᭞ᬳᬶᬩᭀᬚᭀᬕ᭄ᬫᬲᬯᬸᬢ᭄ᬜᭂᬗ᭄ᬓᬶᬂ᭞ᬩ᭄ᬮᭀᬕ᭄ᬲᬶᬕᬸᬕ᭄᭞ᬬᬦ᭄ᬤᬶᬦᬶᬬᬩ᭄ᬢᬾᬦ᭄ᬧ᭄ᬚᬂ᭟ᬳᬫᬄᬍᬕᬸ᭞ᬩᬓᬮ᭄ᬢᭂᬮᬄᬳ᭠ ᬫᬄᬲ᭄ᬫᬸᬢ᭄᭞ᬩᬶᬓᬸᬮ᭄ᬜᬶᬂᬜᬶᬂᬗᬫᬄ᭞ᬩᬮᬂᬚᬗ᭄ᬓ᭄ᬭᬶᬓ᭄ᬫᬶᬯᬄᬜᬶᬜᬶᬓ᭄᭞ᬳᬫᬄᬘᬧᬸᬂ᭞ᬮ᭄ᬬᬸᬩᬜ᭄ᬘᬦᬦᬾᬢ᭄ᬓ᭞ᬢᬦ᭄ᬧᬲᬯᬸᬢ᭄᭞ᬳᬶᬫᬘᬦ᭄ᬳᬶᬢᭂᬧ᭄ᬫᬦᬸᬦᬸ᭞ᬍᬩᭂᬂᬓᬵᬢᬶᬄᬫᬸᬗ᭄ᬕᬄ᭞ᬘ᭄ᬭᬶᬢᬧᬸᬧᬸᬢ᭄‌ᬍᬩᭂᬂᬲᬫᬶ᭞ᬳᭀᬜᬤᬶᬤᬸᬳᬸᬃ᭞ᬳᬶᬩᭀᬚᭀᬕ᭄ᬤᬶᬢᬸᬦᬫ᭄ᬩᬸᬦᬂ᭟ᬲᬸᬩᬲᬸᬯᬸᬤ᭄᭞ᬳᬶ᭠ ᬫᬘᬦ᭄ᬳᬮᭀᬦᬫᬸᬯᬸᬲ᭄᭞ᬤᭀᬂᬓ᭄ᬫᬢᬸᬳᬸᬦᬂ᭞ᬚᬮᬦ᭄‌ᬤᬶᬦᬶᬩᭂᬢᬾᬦ᭄ᬧᬶᬲᬶ᭞ᬲᬯᬸᬢ᭄ᬮᬸᬢᬸᬂ᭞ᬦᬄᬚᬦᬶᬩᬓᬮ᭄ᬢᬸᬳᬸᬦᬂ᭟ᬫᬜ᭄ᬭᬸᬢ᭄ᬘᬸᬢ᭄᭞ᬳᬶᬩᭀᬚᭀᬕ᭄ᬫᭂᬦᬾᬓ᭄‌ᬗᬮᬬᬸᬢ᭄᭞ᬢ᭄ᬓᭂᬤ᭄‌ᬲᬶᬕ᭄ᬢᭀᬗᭀᬲ᭄ᬜ᭞ᬮᬦ᭄ᬢᬲ᭄‌ᬬᬦᭂᬕᬓ᭄ᬗᬧᬶᬓᬶᬦ᭄᭞ᬫᬗᬜᬸᬓ᭄ᬜᬸᬓ᭄᭞ᬩᬸᬗᬢ᭄ᬦᬾᬗᬾᬯᬾᬭᬶᬦ᭄ᬫ [᭑᭐ 10A] ᬘᬦ᭄᭟ᬭᬭᬶᬲ᭄ᬫᬸᬯᬸᬲ᭄᭞ᬲᬢᬾᬦᬾᬲᬫ᭄ᬩᬶᬮᬂᬳᬯᬸᬦ᭄᭞ᬦᬄᬫᬘᬦ᭄ᬓᬢᬶᬓ᭞ᬦᬵᬗ᭄ᬳᬶᬂᬦᬾᬫᬭᬳᬓᬢᬶᬄ᭞ᬳᬦ᭄ᬢᬶᬫᬮᬸ᭞ᬩᬶᬦ᭄ᬲᭂᬧᬦ᭄ᬕᭂᬮᬄᬗᬸ᭠ᬮᬸᬗᬂ᭟ᬳᬶᬫᭀᬂᬦᬸᬗ᭄ᬓ᭄ᬭᬸᬓ᭄᭞ᬚ᭄ᬗᬄᬫᬾᬭᬮᬶᬦ᭄ᬢᬂᬓ᭄ᬩᬸᬲ᭄᭞ᬓᭃᬥᬸᬫᬦ᭄ᬓᬢᬶᬓ᭞ᬮᬸᬢᬸᬂᬬᬫᭂᬩᭂᬄᬗᬸᬮᬸᬗᬶᬦ᭄᭞ᬢᬹᬃᬳᬯᬸᬯᬸᬲ᭄᭞ᬢ᭄ᬮᬳᬂᬲᬸᬩᬢᭀ᭠ ᬢᭀᬦᬦ᭄᭟ᬳᬶᬗ᭄ᬕᬶᬄᬧᬸᬧᬸᬢ᭄᭞ᬲᬢᬾᬦᬾᬢ᭄ᬮᬄᬓᬳᬶᬫᬸᬢ᭄᭞ᬳᬶᬮᬸᬢᬸᬂᬩ᭄ᬢᭂᬓᬦ᭄᭞ᬧ᭄ᬲᬸᬳᬸᬯᬩ᭄ᬲᬤᬢᬶᬢᬶ᭞ᬗᬸᬦ᭄ᬤᬧ᭄ᬗᬸᬬᬸᬓ᭄᭞ᬫᬢ᭠ᬦᬾᬲᬬᬦ᭄ᬗ᭄ᬭᬶᬬᭂᬧᬂ᭟ᬳᬗ᭄ᬕᬸᬢᬗ᭄ᬕᬸᬢ᭄᭞ᬮᬦ᭄ᬢᬲ᭄‌ᬬᬧᬸᬍᬲ᭄ᬫᬜᬶᬗ᭄ᬓ᭄ᬭᬸᬢ᭄᭞ᬳᭂᬗ᭄ᬲᬧ᭄‌ᬢ᭄ᬓᬾᬦ᭄ᬳᬯᬓ᭄᭞ᬳᬶᬫᬘᬦ᭄ᬫᬗ᭄ᬕ᭄ᬭᬸᬯᬾᬂᬜ᭄ᬚ᭄ᬭᬶᬢ᭄᭞ᬬᬳᬶ᭠ ᬮᬸᬢᬸᬂ᭞ᬢᬗ᭄ᬓᭂᬚᬸᬢ᭄ᬮᬶᬫᬦᬾᬓ᭄ᬧᬃ᭟ᬮᬯᬸᬢ᭄ᬳᬸᬮᬸᬂ᭞ᬳᬶᬩᭀᬚᭀᬕ᭄‌ᬬᬫᬘᬼᬩᬸᬕ᭄᭞ᬳᬶᬫᬘᬦ᭄‌ᬗᬾᬗ᭄ᬕᬮᬂ᭞ᬜᬕᬺᬧ᭄ᬳᬶᬮᬸᬢᬸᬂᬗ᭠ᬚ᭄ᬗᬶᬢ᭄᭞ᬳᬶᬫᭀᬂᬗ᭄ᬮᬸᬃ᭞ᬫᬢᬶᬳᬶᬩᬘᬧ᭄ᬮᭀᬓ᭄ᬕᭂᬮᬄ᭟ᬬᬳᬶᬮᬸᬢᬸᬂ᭞ᬕ᭄ᬢᬃᬫᬸᬜᬶᬦ᭄ᬜᬦᬾᬧ᭄ᬲᬸ᭞ᬳᬶᬄᬳᬶᬩᬯᬶᬬᬖ᭄ᬭ᭞ᬳᬶᬩᬧᬓ᭄ᬱᬗᬫᬄᬓ᭠ ᬳᬶ᭞ᬢᬸᬲᬶᬂᬧ᭄ᬮᬸᬢ᭄᭞ᬓᬳᬶᬫᬢᬶᬩᬳᬦ᭄ᬳᬶᬩ᭟ᬤᬾᬦᬶᬂᬢᬸᬳᬸ᭞ᬓᬳᬶᬢᭀᬲ᭄‌ᬯᬦᬭᬓᬲᬸᬩ᭄᭞ᬭᬶᬂᬭᬵᬫ᭄ᬬᬡᬘᬭᬶᬢ᭞ᬳᬶᬭᬯᬵᬡᬲᬗ᭄ᬓᬦ᭄ᬫᬢᬶ᭞ᬦᬾᬗᬋᬩᬸᬢ᭄᭞ᬮᬮᬗᬶᬢ᭄‌ᬓᬳᬶᬦᬾᬲᬸᬩ᭟ᬓᬳᬶᬦ᭄ᬫᬸ᭞ᬦᬾᬚᬦᬶᬯᬶᬰᬾᬱᬦ᭄ᬭᬸᬲ᭄᭞ᬚᬢᬶᬤᬳᬢ᭄ᬲᭂᬗ᭄ᬓ᭞ᬧᬫᬢᬶ

Auto-transliteration

[9 9B] 9 han. lutunghibangaliḥhapi, hiradinimukangmukang, jalanmanggawesasate, hilutunghenggalmajalan, critane‐gaglisan, manggangsasatekawuwus, makadwalintangl̥ĕga \\•\\ puḥpucung \\•\\ kabatkubut, muñinhapiplakplakplukplu‐ k, satenebadingang, marayal̥ĕbĕnghakatiḥ, lutungmuwus, hnelakar̀kapnekang. mongmasawut, sangkanyahahadiduhur̀, hapasiḥkraṇanña, hibojogmasawutñĕngking, blogsigug, yandiniyabtenpjang. hamaḥl̥ĕgu, bakaltĕlaḥha‐ maḥsmut, bikulñingñingngamaḥ, balangjangkrikmiwaḥñiñik, hamaḥcapung, lyubañcananetka, tanpasawut, himacanhitĕpmanunu, l̥ĕbĕngkātiḥmunggaḥ, critapuputl̥ĕbĕngsami, hoñadiduhur̀, hibojogditunambunang. subasuwud, hi‐ macanhalonamuwus, dongkmatuhunang, jalandinibĕtenpisi, sawutlutung, naḥjanibakaltuhunang. mañrutcut, hibojogmĕnekngalayut, tkĕdsigtongosña, lantasyanĕgakngapikin, mangañukñuk, bungatnengewerinma [10 10A] can. rarismuwus, satenesambilanghawun, naḥmacankatika, nānghingnemarahakatiḥ, hantimalu, binsĕpan'gĕlaḥngu‐lungang. himongnungkruk, jngaḥmeralintangkbus, ködhumankatika, lutungyamĕbĕḥngulungin, tūr̀hawuwus, tlahangsubato‐ tonan. hinggiḥpuput, satenetlaḥkahimut, hilutungbtĕkan, psuhuwabsadatiti, ngundapnguyuk, mata‐nesayanngriyĕpang. hanggutanggut, lantasyapul̥ĕsmañingkrut, hĕngsaptkenhawak, himacanmanggruwengñjrit, yahi‐ lutung, tangkĕjutlimanekpar̀. lawut'hulung, hibojogyamacl̥ĕbug, himacanngenggalang, ñagr̥ĕp'hilutungnga‐jngit, himongnglur̀, matihibacaplokgĕlaḥ. yahilutung, gtar̀muñinñanepsu, hiḥhibawiyaghra, hibapakṣangamaḥka‐ hi, tusingplut, kahimatibahanhiba. deningtuhu, kahitoswanarakasub, ringrāmyaṇacarita, hirawāṇasangkanmati, nengar̥ĕbut, lalangitkahinesuba. kahinmu, nejaniwiśeṣanrus, jatidahatsĕngka, pamati

Leaf 10

Image on Archive.org

[᭑᭐ 10B] ᭑᭐᭞ ᬦ᭄ᬓᬳᬶᬦᬾᬓᬵᬮᬶᬄ᭞ᬬᬦ᭄ᬢᬦ᭄ᬯ᭄ᬭᬸᬄ᭞ᬢ᭄ᬯᬭᬩᬶᬲᬗᬫᬢ᭄ᬬᬂ᭟ᬳᬶᬫᭀᬂᬫᬸᬯᬸᬲ᭄᭞ᬦᬄᬮᬯᬸᬢ᭄‌ᬳᭀᬭᬳᬂᬮᬸᬢᬸᬂ᭞ᬚᬦᬶᬳᬧᬂᬢ᭄ᬭᬂ᭞ᬕ᭄ᬦᬄᬧ᭄ᬭᬡ᭠ᬦ᭄ᬳᬶᬩᬦᬾᬢ᭄ᬯᬶ᭞ᬢᬸᬲᬶᬂᬩᬸᬯᬸᬂ᭞ᬓᬳᬶᬩᬓᬮ᭄ᬦᬥᬄᬳᬶᬩ᭟ᬲᬯᬸᬢ᭄ᬮᬸᬢᬸᬂ᭞ᬤᬶᬢᬸᬓ᭄ᬢᬸᬓ᭄ᬳᬶᬓᬸᬢ᭄ᬳᬸᬫᬸᬗ᭄ᬕᬸᬄ᭞ᬬᬦ᭄ᬲᬸᬩᬦ᭄ᬢᭀᬧ᭄ᬕᬢ᭄᭞ᬧ᭄ᬤᬲ᭄‌ᬓᬳᬶᬩᬶᬲᬫ ᬢᬶ᭞ᬳᭂᬦ᭄ᬢᭀᬲ᭄ᬕᬸᬢ᭄᭞ᬳᬶᬫᬘᬦ᭄ᬜᬧ᭄ᬮᭀᬓ᭄ᬗᬾᬗ᭄ᬕᬮᬂ᭟ᬤᬤᬶᬮᬸᬧᬸᬢ᭄᭞ᬳᬶᬓᬸᬢ᭄ᬦᬾᬢᭀᬂᬩᬓᬢ᭄ᬩᬸᬭᬸ᭞ᬳᬯᬓ᭄ᬜᬦᬾᬮᬾᬩᬂ᭞ᬳᬶᬓᬸᬢ᭄ᬦᬾᬲᬳᬢᬂᬳᬮᬶᬄ᭞ᬘᬗ᭄ᬓ᭄ᬯᬓ᭄ᬲᬯᬸᬤ᭄᭞ᬳᬶᬮᬸᬢᬸᬂᬫᬓ᭄ᬘᭀᬲ᭄ᬫᬸᬗ᭄ᬕᬄ᭟ᬫᬗᬭᬸᬓ᭄ᬕᬸᬓ᭄᭞ᬳᬶᬮᬸᬢᬸᬂᬓ᭄ᬤᬾᬓ᭄ᬤᬶᬓᬬᬸ᭞ᬮᬦ᭄ᬢᬲ᭄‌ᬗᬫ᭄ᬦᬾᬓᬂ᭞ᬤᬶᬘᬭᬂᬓᬬᬸ᭠ ᬦᬾᬗᭂᬮᬦ᭄ᬢᬶᬂ᭞ᬘ᭄ᬗᬸᬘ᭄ᬗᬸ᭞ᬗᭂᬤᬾᬓᬶᬦ᭄‌ᬬᬲᬂᬯ᭄ᬬᬖ᭄ᬭ᭟ᬚ᭄ᬗᬄᬓ᭄ᬩᬸᬲ᭄᭞ᬳᬶᬫᬘᬦ᭄ᬓᬮᬳᬂᬮᬸᬢᬸᬂ᭞ᬭᬭᬶᬲ᭄‌ᬫᬸᬭᬂᬮᬵᬫ᭄ᬧᬄ᭞ᬲᬢᬶᬩᬧᬭᬦ᭄ᬫᬫᬵᬃᬕ᭄ᬕᬶ᭞ᬲᬕᬾᬢ᭄ᬫᬗ᭄ᬕᬸᬄ᭞ᬲᬫ᭄ᬧᬶᬲ᭄ᬥᭂᬓᬦ᭄ᬫᬘᬂᬘᬂ᭟ᬫᬘᬦ᭄‌ᬫᬸᬯᬸᬲ᭄᭞ᬳᬶᬄᬳᬶᬩᬩᬦ᭄ᬢᬾᬂᬫᬢ᭄ᬕᬸᬮ᭄᭞ᬳ᭄ᬜᬾᬦ᭄‌ᬦᭂᬕᬸᬮ᭄ᬳᬶᬩ᭞ᬢᬦ᭄ᬧᬤᭀᬦ᭄ᬢᬦ᭄ᬤᬸᬓᬾ ᬮᬜᬶᬂ᭞ᬤᬤᬶᬦᬸᬗ᭄ᬓᬸᬮ᭄᭞ᬢ᭄ᬯᬭᬩᬶᬱᬦᬯᬂᬚ᭄ᬗᬄ᭟ᬭᬭᬶᬲ᭄ᬫᬸᬯᬸᬲ᭄᭞ᬳᬶᬍᬫ᭄ᬩᬸᬦᬸᬢᬸᬭᬂᬳᬸᬦ᭄ᬤᬸᬓ᭄᭞ᬳ᭄ᬤᬳᬶᬩᬮᬗ᭄ᬕᬄ᭞ᬫᬧ᭄ᬢᬢᬦ᭄ᬧᬧᬓ᭄ᬳᬾᬭᬶᬂ᭞ᬬᬳᬶᬤᬸᬓᬸᬄ᭞ᬦᬾᬫᬵᬤᬦ᭄‌ᬤᬸᬓᬸᬄᬚᬗ᭄ᬕᬭᬦ᭄᭟ᬳᭂᬦ᭄ᬢᭀᬓᬲᬸᬩ᭄᭞ᬤᬶᬩᬢᬦ᭄ᬮᬗᬶᬢ᭄ᬓᬯᬸᬯᬸᬲ᭄᭞ᬰᬓ᭄ᬢᬶᬢᬸᬃᬯᬶᬰᬾᬱᬵ᭞ᬢᬦ᭄ᬧᬥ᭠ [᭑᭑ 11A] ᬧᬥᬤᬶᬕᬸᬫᬶ᭞ᬤᬦᬾᬗᬸᬩᬸᬄ᭞ᬤᭀᬦ᭄ᬓᬳᬶᬤᬶᬦᬶᬫᬘᬂᬘᬂ᭟ᬫᭀᬂᬫᬲᬯᬸᬢ᭄᭞ᬤᬶᬚᬢᭀᬗᭀᬲ᭄‌ᬬᬳᬶᬤᬸᬓᬸᬄ᭞ᬓᬳᬶᬧᬂᬮᬯᬦ᭞ᬩᬳᬦ᭄‌ᬬᬳᬶᬤᬸᬓᬸᬄᬰᬓ᭄ᬢᬶ᭞ᬓᬳᬶᬫᬕᬸᬢ᭄᭞ᬓᬰᬓ᭄ᬢ᭄ᬬᬦᬾᬳᬶᬚᬗ᭄ᬕᬭᬦ᭄᭟ᬤᬶᬢᬸᬭᬸᬭᬸᬄ᭞ᬓᬾᬦ᭄ᬢᭀᬲᬯᬸᬢ᭄ᬜᬳᬶᬍᬫ᭄ᬩᬸ᭞ᬲᬃᬯ᭄ᬯᬶᬫᬢᬸᬚᬸᬳᬂ᭞ ᬤᬶᬧᬸᬜᬦ᭄ᬚᬓᬦᬾᬩᭂᬤᬗᬶᬦ᭄᭞ᬳᬶᬬᬤᬶᬢᬸ᭞ᬗᬶᬭᬶᬲᬶᬦ᭄ᬫᬗ᭄ᬕᬯᬾᬢ᭄ᬯᬓ᭄᭟ᬢᬦ᭄ᬧᬲᬯᬸᬢ᭄᭞ᬳᬶᬫᬘᬦ᭄ᬮᬦ᭄ᬢᬲ᭄‌ᬜᬭᬸᬢ᭄ᬘᬸᬢ᭄᭞ᬗᬸᬗ᭄ᬲᬶᬧᬸᬜᬦ᭄‌ᬚᬓ᭞ᬳᬶᬤᬸᬓᬸᬄᬲ᭄ᬥᭂᬓ᭄ᬗᬶᬭᬶᬲᬶᬦ᭄᭞ᬬᬤᬶᬤᬸᬳᬸᬃ᭞ᬳᬶᬫᬘᬦ᭄‌ᬩ᭄ᬢᬾᬦ᭄ᬦᬸᬗᬥᬄ᭟ᬫᬘᬦ᭄ᬗᭂᬮᬸᬃ᭞ᬦᬾᬓᭀᬬᬲᬶᬳᬶᬩᬤᬸᬓᬸᬄ᭞ᬳᬶᬩ ᬓᬲᬸᬩ᭄ᬧᬶᬲᬦ᭄᭞ᬯᬶᬰᬾᬱᬵᬓᬮᬶᬯᬢ᭄ᬰᬓ᭄ᬢᬶ᭞ᬲᬚᬤᬸᬓᬸᬄ᭞ᬬᬦ᭄ᬧᬲᬚᬳᬶᬭᬮᬵᬯᬦ᭄᭟᭜᭟ᬧᬸᬄᬫᬶᬚᬶᬮ᭄᭟᭜᭟ᬲᬶᬂᬚᬩᬸᬯᬸᬂᬳᬶᬩᬮᬓᬃᬫᬢᬶ᭞ᬫᬧ᭄ᬭᬂᬮᬯᬦ᭄ᬳᬶᬗᭀᬂ᭞ᬫᬘᬦ᭄‌ᬫᬸᬮᬫᬦᬸᬱᬵᬫᬗ᭄ᬲᬦᬾ᭞ᬬᬳᬶᬤᬸᬓᬸᬄ᭞ᬫᬦᭀᬮᬶᬄᬲᬩ᭄ᬤᬵᬭᬶᬲ᭄᭞ᬳᬾᬄᬫᬘᬦ᭄ᬧᬶ ᬢ᭄ᬯᬶ᭞ᬕᬸᬂᬉᬚᬃᬫᬭᬾᬗ᭄ᬲᬸᬦ᭄᭟ᬓᬳᬶᬤᬸᬓᬸᬄᬚᬢᬶᬯᬶᬭᬰᬱᬵᬰᬓ᭄ᬢᬶ᭞ᬭᬶᬂᬚᬕᬢ᭄ᬢᬦ᭄ᬲᬯᭀᬲ᭄᭞ᬫᬸᬮᬳᬶᬭᬓᬯᬸᬯᬸᬲᬾᬂᬭᬵᬢᬾ᭞ᬢᬦᬧᬥᬧᬥᬭᬶᬂᬓᬰᬓ᭄ᬢᬶᬦ᭄᭞ᬳᬶᬩᬢᬦ᭄ᬤ᭄ᬭᬸᬄᬢ᭄ᬯᬶ᭞ᬚᬦᬶᬳᬧᬂᬯ᭄ᬭᬸᬄ᭟ᬬᬦ᭄ᬧᬶᬢᬸᬳᬸᬳᬶᬩᬧᬘᬂᬩᬦᬶ᭞ᬦᬄᬤᬶᬢᬸᬓᬾᬳᬦ᭄ᬢᭀ

Auto-transliteration

[10 10B] 10 nkahinekāliḥ, yantanwruḥ, twarabisangamatyang. himongmuwus, naḥlawut'horahanglutung, janihapangtrang, gnaḥpraṇa‐nhibanetwi, tusingbuwung, kahibakalnadhaḥhiba. sawutlutung, dituktuk'hikut'humungguḥ, yansubantopgat, pdaskahibisama ti, hĕntosgut, himacanñaplokngenggalang. dadiluput, hikutnetongbakatburu, hawakñanelebang, hikutnesahatanghaliḥ, cangkwaksawud, hilutungmakcosmunggaḥ. mangarukguk, hilutungkdekdikayu, lantasngamnekang, dicarangkayu‐ nengĕlanting, cngucngu, ngĕdekinyasangwyaghra. jngaḥkbus, himacankalahanglutung, rarismuranglāmpaḥ, satibaparanmamār̀ggi, sagetmangguḥ, sampisdhĕkanmacangcang. macanmuwus, hiḥhibabantengmatgul, hñennĕgulhiba, tanpadontanduke lañing, dadinungkul, twarabiṣanawangjngaḥ. rarismuwus, hil̥ĕmbunuturanghunduk, hdahibalanggaḥ, maptatanpapak'hering, yahidukuḥ, nemādandukuḥjanggaran. hĕntokasub, dibatanlangitkawuwus, śaktitur̀wiśesyā, tanpadha‐ [11 11A] padhadigumi, danengubuḥ, donkahidinimacangcang. mongmasawut, dijatongosyahidukuḥ, kahipanglawana, bahanyahidukuḥśakti, kahimagut, kaśaktyanehijanggaran. ditururuḥ, kentosawutñahil̥ĕmbu, sar̀wwimatujuhang, dipuñanjakanebĕdangin, hiyaditu, ngirisinmanggawetwak. tanpasawut, himacanlantasñarutcut, ngungsipuñanjaka, hidukuḥsdhĕkngirisin, yadiduhur̀, himacanbtennungadhaḥ. macanngĕlur̀, nekoyasihibadukuḥ, hiba kasubpisan, wiśesyākaliwatśakti, sajadukuḥ, yanpasajahiralāwan \\•\\ puḥmijil \\•\\ singjabuwunghibalakar̀mati, mapranglawanhingong, macanmulamanusyāmangsane, yahidukuḥ, manoliḥsabdāris, heḥmacanpi twi, gungujar̀marengsun. kahidukuḥjatiwiraśasyāśakti, ringjagattansawos, mulahirakawuwusengrāte, tanapadhapadharingkaśaktin, hibatandruḥtwi, janihapangwruḥ. yanpituhuhibapacangbani, naḥditukehanto

Leaf 11

Image on Archive.org

[᭑᭑ 11B] ᭑᭑᭞ ᬲ᭄᭞ᬦᬵᬗ᭄ᬳᬶᬂᬳ᭄ᬤᬓᬸᬭᬂᬲᬬᬕᬦᬾ᭞ᬳᬧᬂᬓᬸᬓᬸᬄᬳ᭄ᬤᬳᬶᬩᬫ᭄ᬮᬳᬶᬩ᭄᭞ᬬᬾᬦ᭄ᬭᬶᬂᬲᬸᬩᬫᬶᬚᬶᬮ᭄᭞ᬯᬶᬰᬾᬱᬵᬦᬶᬭᬾᬓᬸ᭟ᬫᬲᬳᬸᬭᬸᬂᬳᬶᬩᬢᬸᬫ᭄ᬧᬸᬃᬪᬱ᭄ᬫᬶ᭞ᬯ᭄ᬬᬖ᭄ᬭᬫᬸᬯᬸᬲ᭄ᬳᬮᭀᬦ᭄᭞ᬳᬶᬭᬢ᭄ᬯᬭᬕᬶᬗ᭄ᬲᬶᬭᬶᬂᬧᬢᬶᬦᬾ᭞ᬦᬄᬮᬯᬸᬢᬂᬗᭀᬂᬲᬥ᭄ᬬᬗᬶᬯᬲᬶᬦ᭄᭞ᬧᬂᬧ᭄ᬤᬲ᭄ᬫᬫᬗ᭄ᬕᬶᬄ᭞ ᬲᬯᬸᬢ᭄ᬳᬶᬭᬤᬸᬓᬸᬄ᭟ᬦᬄᬤᭀᬂᬢ᭄ᬕᬸᬮ᭄‌ᬤᬾᬯᬾᬓᬾᬩᬸᬢᬶᬢᬶᬂ᭞ᬤᬶᬓᬬᬸᬦᬾᬳᭂᬦ᭄ᬢᭀ᭞ᬧᬂᬳ᭄ᬤᬳᬶᬩᬫ᭄ᬮᬳᬶᬩ᭄ᬤᬶᬲᬸᬩᬦᬾ᭞ᬦ᭄ᬤᬶ᭠ᬮᬩ᭄ᬧᭂᬲᬸᬓᬯᬶᬰᬾᬱᬵᬦ᭄ᬓᬳᬶ᭞ᬦ᭄ᬢᭀᬢᬗᬭᬶᬦ᭄ᬓᬳᬶ᭞ᬲᬗ᭄ᬓᬜ᭄ᬚᬦᬶᬢ᭄ᬕᬸᬮ᭄᭟ᬦᬄᬧᬲᬯᬸᬢ᭄‌ᬳᬶᬫᬘᬦ᭄‌ᬬᬭᬭᬶᬲ᭄᭞ᬦᭂᬕᬸᬮ᭄᭞ᬤᬾ᭠ ᬯᬾᬓ᭄ᬳᬾᬯᭀᬢ᭄᭞ᬲᬸᬩᬧ᭄ᬭᬕᬢ᭄ᬓᬸᬓᬸᬄᬢᬢᬮᬾᬦ᭄ᬦᬾ᭞ᬉᬚᬃᬤᬸᬓᬸᬄᬳᬧᬂᬓᬸᬯᬢ᭄ᬩᬸᬯᬶᬦ᭄᭞ᬳᬶᬫᬘᬦ᭄ᬜᬯᬸᬢᬶᬦ᭄᭞ᬦᬾᬲᬸᬩᬓᬸᬓᬸᬄ᭟ᬤᬶᬢᬸᬮᬯᬸᬢ᭄‌ᬤᬸᬓᬸᬄᬢᬸᬳᬸᬦ᭄ᬕᭂᬮᬶᬲ᭄᭞ᬳᬶᬫᬘᬦ᭄ᬓᬳᭀᬚᭀᬕ᭄᭞ᬲᬃᬯ᭄ᬯᬶᬤᬦᬾᬗᬗ᭄ᬕᬃᬧᬗᬶᬭᬶᬲ᭄ᬦᬾ᭞ᬢᬸᬃᬳᬫᬸᬯᬸᬲ᭄᭞ ᬦᬄᬦᬾᬲᬸᬩᬚᬦᬶ᭞ᬩᬓᬮ᭄‌ᬗᬮᬧ᭄ᬳᬸᬭᬶᬧ᭄᭞ᬢᭂᬡ᭄ᬥᬲᬾᬩᬓᬮ᭄ᬳᭂᬫ᭄ᬧᬸᬕ᭄᭟ᬧᬗᬵᬫᬸᬫ᭄ᬩᬸᬮ᭄‌ᬧᭀᬮᭀᬲ᭄ᬦᬾᬫᬓᭂᬘ᭄ᬭᬶᬢ᭄᭞ᬳᬶᬫᬘᬦ᭄‌ᬬᬗᭂᬢᭀᬃ᭞ᬜᬸᬫ᭄ᬩᬄᬜᬸᬫ᭄ᬩᬄᬫᬦᬸᬦᬲ᭄ᬳᬸᬭᬶᬧ᭞ᬢ᭄ᬬᬂᬓᬧᭀᬓ᭄ᬢ᭄ᬯᬭᬧᬘᬂᬩᬦᬶ᭞ᬲᬕᬺᬄᬢᬦ᭄ᬤᬤᬶ᭞ᬫᭂᬜ᭄ᬘᬦᬳᬶᬤᬸᬓᬸᬄ᭟ [᭑᭒ 12A] ᬮᬦ᭄ᬢᬲ᭄‌ᬦᬸᬲᬸᬧ᭄‌ᬬᬳᬶᬫᬘᬦ᭄ᬕᭂᬮᬶᬲ᭄᭞ᬦᬾᬚᬦᬶᬓᬭᬯᭀᬲ᭄᭞ᬧᬢ᭄ᬫᬸᬦ᭄ᬦᬾᬢ᭄ᬓᬾᬦ᭄ᬳᬶᬚᬭᬦᬾ᭞ᬤᬶᬳᬮᬲᬾᬩᬸᬓᬲ᭄ᬫᬬᬳᬶ᭠ᬦ᭄᭞ᬳᬶᬫᬘᬦ᭄ᬦᬸᬮ᭄ᬬᬵᬗ᭄ᬮᬶᬂ᭞ᬳᬶᬚᬭᬦ᭄ᬓᬢ᭄ᬧᬸᬓ᭄᭟ᬲ᭄ᬥᭂᬂᬩᬕᬸᬲ᭄ᬓᬳᬶᬮᬬᬄᬳᬢᬶ᭞ᬳᬧᬚᬦᬶᬳᬗ᭄ᬕᭀᬦ᭄᭞ᬫᬗᬶᬮᬗᬂᬩᬵᬘᬗᭂᬢ᭄‌ᬲ᭄ᬥᬸ᭠ ᬓᬾ᭞ᬲᬚᬯᬶᬦᬶᬂᬳᬶᬩᬳᬫᬄᬓᬳᬶ᭞ᬧᬗᬵᬫᬗ᭄ᬦᬦ᭄ᬢᬶᬂ᭞ᬩᬲᬂᬳᬶᬭᬜᬦ᭄ᬢᬸᬂ᭟ᬲᬤᬳᬮᬸᬲ᭄ᬳᬶᬚᬭᬦ᭄ᬜᬯᬸᬭᬶᬦ᭄᭞ᬫᬸᬜᬶᬫᬦᬶᬲ᭄ᬳ᭠ᬮᭀᬦ᭄᭞ᬳᬶᬭᬢ᭄ᬯᬭᬧᬜ᭄ᬚᬂᬧᬗᬸᬘᬧᬾ᭞ᬮᬫᬸᬦ᭄ᬲᬸᬩᬤᬦᬾᬤᬸᬓᬸᬄᬰᬓ᭄ᬢᬶ᭞ᬗᬮᬸᬕ᭄ᬭᬳᬶᬜ᭄ᬘᬳᬶ᭞ᬳᬶᬭᬜᬥ᭄ᬬᬢᬶᬦᬹᬢ᭄᭟ᬫᬘ ᬦ᭄ᬫᬸᬯᬸᬲ᭄ᬳᬶᬭᬦᬾᬦᬾᬚᬦᬶ᭞ᬧᬘᬂᬦᬸᬦᬲ᭄ᬭᬯᭀᬲ᭄᭞ᬢ᭄ᬓᬾᬦ᭄ᬤᬦᬾᬚ᭄ᬭᭀᬤᬸᬓᬸᬄᬰᬓ᭄ᬢᬶᬦᬾ᭞ᬮᬦ᭄ᬢᬲ᭄‌ᬜ᭄ᬭᬸᬢ᭄ᬘᬸᬢ᭄‌ᬳᬶᬫᬘᬦ᭄ᬫᬫᬃᬕ᭄ᬕᬶ᭞ᬢᬦ᭄ᬓᭀᬘᬧ᭄ᬤᬶᬫᬵᬃᬕ᭄ᬕᬶ᭞ᬭᬶᬂᬤᬸᬓᬸᬳᬦ᭄ᬭᬯᬸᬄ᭟᭜᭟ᬧᬸᬄᬧᬸᬘᬸᬂ᭟᭜᭟ᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬚ᭄ᬭᭀᬤᬸᬓᬸᬄᬲ᭄ᬥᭂᬓ᭄ᬫᬮᬸᬗ᭄ᬕᬸᬄ᭞ᬳᬶᬫᬘᬦ᭄‌ᬧ᭄ᬭᬵ ᬧ᭄ᬢ᭞ᬤᬶᬳᬚᭂᬂᬚ᭄ᬭᭀᬤᬸᬓᬸᬄᬦᬗ᭄ᬓᬶᬮ᭄᭞ᬤᬸᬓᬸᬄᬫᬸᬯᬸᬲ᭄᭞ᬳᬧᬲᬥ᭄ᬬᬦ᭄ᬫᬘᬦ᭄ᬢᭂᬓ᭟ᬳᬶᬫᭀᬂᬫᬵᬢᬸᬃ᭞ᬦ᭄ᬤᬯᭂᬕᬂᬚ᭄ᬭᭀᬦᬾᬤᬸᬓᬸᬄ᭞ᬦᬾᬫᬓᬳᬯᬦᬦ᭄᭞ᬭᬯᬸᬄᬢᬶᬢ᭄ᬬᬗᬾᬫᬦᬗ᭄ᬓᬶᬮ᭄᭞ᬢᬶᬢ᭄ᬬᬂᬗ᭄ᬮᬸᬗ᭄ᬲᬸᬃ᭞ᬫᬗ᭄ᬤᬢ᭄ᬯᬶᬚ᭄ᬭᭀᬦᬾᬲ᭄ᬯᬾᬘ᭄ᬙᬵ᭟ᬲᬸᬂᬧᬶᬢᬸᬥᬸᬄ᭞ᬦᬾᬫᬯᬱ᭄ᬝᬳᬶᬯᬂ

Auto-transliteration

[11 11B] 11 s, nānghinghdakurangsayagane, hapangkukuḥhdahibamlahib, yenringsubamijil, wiśesyānireku. masahurunghibatumpur̀bhaṣmi, wyaghramuwushalon, hiratwaragingsiringpatine, naḥlawutangngongsadhyangiwasin, pangpdasmamanggiḥ, sawut'hiradukuḥ. naḥdongtguldewekebutiting, dikayunehĕnto, panghdahibamlahibdisubane, ndi‐labpĕsukawiśesyānkahi, ntotangarinkahi, sangkañjanitgul. naḥpasawut'himacanyararis, nĕgul, de‐ wek'hewot, subapragatkukuḥtatalenne, ujar̀dukuḥhapangkuwatbuwin, himacanñawutin, nesubakukuḥ. ditulawutdukuḥtuhun'gĕlis, himacankahojog, sar̀wwidanenganggar̀pangirisne, tur̀hamuwus, naḥnesubajani, bakalngalap'hurip, tĕṇdhasebakalhĕmpug. pangāmumbulpolosnemakĕcrit, himacanyangĕtor̀, ñumbaḥñumbaḥmanunashuripa, tyangkapoktwarapacangbani, sagr̥ĕḥtandadi, mĕñcanahidukuḥ. [12 12A] lantasnusupyahimacan'gĕlis, nejanikarawos, patmunnetkenhijarane, dihalasebukasmayahi‐n, himacannulyāngling, hijarankatpuk. sdhĕngbaguskahilayaḥhati, hapajanihanggon, mangilangangbācangĕtsdhu‐ ke, sajawininghibahamaḥkahi, pangāmangnanting, basanghirañantung. sadahalushijaranñawurin, muñimanisha‐lon, hiratwarapañjangpangucape, lamunsubadanedukuḥśakti, ngalugrahiñcahi, hirañadhyatinūt. maca nmuwushiranenejani, pacangnunasrawos, tkendanejrodukuḥśaktine, lantasñrutcut'himacanmamar̀ggi, tankocapdimār̀ggi, ringdukuhanrawuḥ \\•\\ puḥpucung \\•\\ mangkinkawuwus, jrodukuḥsdhĕkmalungguḥ, himacanprā pta, dihajĕngjrodukuḥnangkil, dukuḥmuwus, hapasadhyanmacantĕka. himongmātur̀, ndawĕgangjronedukuḥ, nemakahawanan, rawuḥtityangemanangkil, tityangnglungsur̀, mangdatwijroneswecchā. sungpitudhuḥ, nemawaṣṭahiwang

Leaf 12

Image on Archive.org

[᭑᭒ 12B] ᭑᭒᭞ ᬧᬢᬹᬢ᭄᭞ᬦᬾᬜ᭄ᬘᬾᬦ᭄ᬓᬤᬤᭀᬲᬂ᭞ᬧᬓ᭄ᬱᬦ᭄ᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬫᬗ᭄ᬤᬦ᭄ᬭᬸᬲ᭄᭞ᬭᬳᬬᬸᬦᬾᬢᬫᬢᬶᬢ᭄ᬬᬂ᭟ᬲᬯᬸᬃᬤᬸᬓᬸᬄ᭞ᬬᬦ᭄ᬲᬸᬩᬳᬕᬸᬗᬶᬂᬮᬸᬧᬸᬢ᭄᭞ᬩ᭄ᬯᬶᬦ᭄‌ᬓ᭄ᬦᬉᬧᬢᬵ᭞ᬳᭂᬦ᭄ᬢᭀᬯ᭄ᬦᬂᬧᬓ᭄ᬱᬘᬳᬶ᭞ᬬᬦ᭄‌ᬓᬲᬥᬸᬦ᭄᭞ᬳᭂᬦ᭄ᬢᭀᬢ᭄ᬯᬭᬯ᭄ᬦᬂᬧᬶᬲᬦ᭄᭟ᬓᬾᬦ᭄ᬢᭀᬧᬸᬧᬸᬢ᭄᭞ᬳᬶᬯ᭄ᬬ᭠ ᬖ᭄ᬭᬓᬲᬼᬓ᭄ᬫᬫᬸᬢ᭄ᬭᬸ᭞ᬤᬾᬦᬶᬂᬳ᭄ᬜᬸᬤ᭄ᬧᬶᬲᬦ᭄᭞ᬤᬤᬶᬗᬾᬓᭀᬂᬧᬬᬲᬦ᭄ᬥᬶ᭞ᬮᬯᬸᬢ᭄ᬫᬢᬹᬃ᭞ᬢᬶᬢ᭄ᬬᬂᬫᬦᬸᬦᬲᬂᬳᬶᬧ᭄ᬬᬦ᭄᭟ᬯ᭄ᬗᬶᬯᬯᬸ᭞ᬳᬶᬧᬾᬦ᭄ᬢᬶᬢ᭄ᬬᬂᬋᬓᬾᬫᬸᬗ᭄ᬕᬸᬄ᭞ᬢᬶᬢ᭄ᬬᬂᬜᬭᬧ᭄ᬓᬸᬤ᭞ᬦᬶᬓᬢ᭄ᬥᬦ᭄ᬢᬶᬢ᭄ᬬᬂᬭᬭᬶᬲ᭄᭞ [᭑᭓ 13A]

Auto-transliteration

[12 12B] 12 patūt, neñcenkadadosang, pakṣantityangkadimangkin, mangdanrus, rahayunetamatityang. sawur̀dukuḥ, yansubahagungingluput, bwinkna'upatā, hĕntownangpakṣacahi, yankasadhun, hĕntotwarawnangpisan. kentopuput, hiwya‐ ghrakasl̥ĕkmamutru, deninghñudpisan, dadingekongpayasandhi, lawutmatūr̀, tityangmanunasanghipyan. wngiwawu, hipentityangr̥ĕkemungguḥ, tityangñarapkuda, nikatdhantityangraris, [13 13A]

Leaf 13

Image on Archive.org

Leaf 14

Image on Archive.org

Leaf 15

Image on Archive.org

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org