Gaguritan Pakangraras 02

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑᭟ ᭚ᬑᬁ᭞ᬅᬯᬶᬖ᭄ᬦᬫᬲ᭄ᬢᬸ᭟ᬇᬣᬶᬕᬕᬸᬭᬶᬢᬦ᭄ᬧᬓᬂᬭᬭᬲ᭄᭟᭜᭟ᬧᬸᬧᬸᬄᬕᬶᬦᬥ᭟ᬳᬤᬓᬶᬤᬸᬂᬲᬢ᭄ᬯᬫᭂᬮᬄ᭞ᬢᬸᬢᬸᬃᬫᬮᬢᬾᬓᬲᭂᬫ᭄ᬩᬶᬃ᭞ᬫᬢᭂᬫ᭄ᬩᬂᬕᬶᬦᬥᬋᬓᭀ᭞ᬦᬗ᭄ᬳᬶᬂᬢ᭄ᬯᬭᬧᬢᬶ ᬫᬸᬧᬸᬄ᭞ᬲᬸᬤᬸᬓᬾᬓᬢᬳᬦ᭄ᬲᬶᬗ᭄ᬲᬮ᭄᭞ᬤᬾᬯᬕᬸᬲ᭄ᬢᬶ᭞ᬅᬓ᭄ᬱ᭄ᬫᬢᬶᬢ᭄ᬬᬂᬫᬜᬸᬭᬵᬢ᭄᭟᭜᭟ᬲᬂᬧ᭄ᬭᬪᬸᬭᬶᬂᬚᬗ᭄ᬕᬮ᭞ᬳᬕᬸᬗᬾᬫᬜᬓ᭄ᬭᬯᬺᬢ᭄ᬢ᭞ᬫᬩᬮᬦ᭄ᬤᬢᬦ᭄ᬧᬳᬶᬗᬦ᭄᭞ᬫᬤ᭄ᬯᬾ ᬧᬸᬢ᭄ᬭᬳᬳᬸᬓᬸᬤ᭄᭞ᬫᬧᬲᬾᬗᬦ᭄ᬫᬦ᭄ᬢ᭄ᬭᬷᬓᭀᬭᬶᬧᬦ᭄᭞ᬳᬦᭀᬫᬮᬶᬢ᭄᭞ᬯᬯᬸᬳᬶᬤᬫᬤ᭄ᬯᬾᬫᬾᬦ᭄ᬤ᭄ᬭ᭟᭜᭟ᬓᬤᬶᬳ᭄ᬬᬂᬲ᭄ᬫᬭᬗᬶᬦ᭄ᬟᬭᬵᬢ᭄᭞ᬭᬹᬧᬦᬾᬢ᭄ᬯᬭᬫᬥᬾᬦᬶᬦ᭄᭞ᬬᬾᬦᬶᬂ ᬲᬲᭀᬭᬶᬂᬅᬓᬰ᭞ᬢᭀᬂᬳᬤᬭᬢᬸᬫᬫᬦ᭄ᬤᬸᬂ᭞ᬲᬓᬵᬤᬶᬭᬶᬂᬯᬃᬡ᭄ᬦᬦᬶᬤ᭞ᬢᬸᬳᬸᬍᬯᬶᬄ᭞ᬩᬕᬸᬲᬾᬗᬜᬸᬤᬂᬫᬦᬄ᭟᭜᭟ᬧᬭᬳᬶᬲ᭄ᬢ᭄ᬭᬷᬓᬢᬄᬓᬲ᭄ᬫᬭᬦ᭄᭞ᬧᬥᬮᬸ [᭒ 2A] ᬮᬸᬢ᭄ᬢᬺᬲ᭄ᬦᬾᬂᬳᬲᬶᬄ᭞ᬤᬶᬚᬩᬫᬶᬯᬄᬤᬶᬚ᭄ᬭᭀ᭞ᬢᬸᬳᬩᬚᬂᬮᬶᬬᬸᬩᬸᬤᬸᬄ᭞ᬳᬦᬾᬢᬸᬳᬩᬸᬯᬶᬦ᭄ᬧᬫᬤᬢ᭄᭞ᬫᬶᬮᬸᬗᬶᬤᬶᬄ᭞ᬢ᭄ᬯᬭᬗᬲᬾᬦ᭄ᬕᬶᬕᬶᬳᭀᬗ᭄ᬕᬂ᭟᭜᭟ᬩᬶᬦᬮ᭄ᬕᬶᬭᬂᬚᬶᬩ᭄ᬭᬕ᭄ᬚᬶ ᬩ᭄ᬭᬕ᭄᭞ᬗᬗ᭄ᬕᭀᬓᭀᬭᬩ᭄ᬫᬯᬗᬶ᭞ᬓᬤᬾᬦ᭄ᬤᬾᬯᬾᬓᬾᬩᬚᬂᬳ᭄ᬜᭀᬫ᭄᭞ᬗ᭄ᬕᬯᬾᬢᬶᬗ᭄ᬓᬄᬢᬦ᭄ᬤᬂᬳᬬᬸ᭞ᬍᬩᬶᬳᬦ᭄ᬢᭂᬓᬾᬦᬶᬂᬩᬚᬂ᭞ᬫᬗᬸᬗ᭄ᬓᬸᬮᬶᬦ᭄᭞ᬫᬩᬸᬗ᭄ᬳᬬᬕᬕᭂᬫ᭄ᬧᭀᬮᬦ᭄᭟᭜᭟ᬢᬦ᭄ᬓᭀ ᬘᬧᬦ᭄ᬧᬸᬦᬶᬓ᭞ᬓᬯᬸᬯᬸᬲᬭᬤᬾᬦ᭄ᬫᬦ᭄ᬢ᭄ᬭᬷ᭞ᬲᬵᬫ᭄ᬧᬸᬦ᭄ᬯᭂᬗᬶᬳᬶᬤᬦᬶᬤ᭄ᬭ᭞ᬲᬫᬦ᭄ᬢᬭᬢᭂᬗᬄᬤᬮᬸ᭞ᬭᬭᬶᬲᬶᬤᬫᬜᬸᬫ᭄ᬧᭂᬦ᭞ᬢᬸᬭᬸᬦᬶᬦ᭄ᬭᬢᬶᬄ᭞ᬕᭂᬮᬶᬲ᭄ᬫᬢᬗᬶᬭᬳᬥ᭄ᬬᬦ᭄᭟᭜᭟ᬢᬸᬫᬸᬮ᭄ᬬ ᬢᬢᬲ᭄ᬭᬳᬶᬦ᭞ᬭᬤᬾᬦ᭄ᬫᬦ᭄ᬢ᭄ᬭᬷᬭᬭᬶᬲ᭄ᬫᬶᬚᬶᬮ᭄᭞ᬫᭂᬤᬮᬶᬤᬓᬩᬜ᭄ᬘᬶᬗᬄ᭞ᬫᬗ᭄ᬭᬯᭀᬲ᭄ᬮᬸᬗ᭄ᬳᬫᬩᬸᬭᬸ᭞ᬧ᭄ᬭᬩᭂᬓᭂᬮ᭄ᬫᬶᬯᬄᬧᬋᬓᬦ᭄᭞ᬓᬢᬄᬗᬶᬭᬶᬂ᭞ᬢ᭄ᬯᬭᬤᬫᬶᬮᬶᬦ᭄ᬤᬶᬦ᭟᭜᭟

Auto-transliteration

[1 1B] 1. // oṅġ, awighnamastu. ithigaguritanpakangraras \\•\\ pupuḥginadha. hadakidungsatwamĕlaḥ, tutur̀malatekasĕmbir̀, matĕmbangginadhar̥ĕko, nanghingtwarapati mupuḥ, sudukekatahansingsal, dewagusti, akṣmatityangmañurāt \\•\\ sangprabhuringjanggala, hagungemañakrawr̥ĕtta, mabalandatanpahingan, madwe putrahahukud, mapasenganmantrīkoripan, hanomalit, wawuhidamadwemendra \\•\\ kadihyangsmaranginḍarāt, rūpanetwaramadhenin, yening sasoringakaśa, tonghadaratumamandung, sakādiringwar̀ṇnanida, tuhul̥ĕwiḥ, bagusengañudangmanaḥ \\•\\ parahistrīkataḥkasmaran, padhalu [2 2A] luttr̥ĕsnenghasiḥ, dijabamiwaḥdijro, tuhabajangliyubuduḥ, hanetuhabuwinpamadat, milungidiḥ, twarangasen'gigihonggang \\•\\ binalgirangjibragji brag, nganggokorabmawangi, kadendewekebajanghñom, nggawetingkaḥtandanghayu, l̥ĕbihantĕkeningbajang, mangungkulin, mabunghayagagĕmpolan \\•\\ tanko capanpunika, kawuwusaradenmantrī, sāmpunwĕngihidanidra, samantaratĕngaḥdalu, rarisidamañumpĕna, turuninratiḥ, gĕlismatangirahadhyan \\•\\ tumulya tatasrahina, radenmantrīrarismijil, mĕdalidakabañcingaḥ, mangrawoslunghamaburu, prabĕkĕlmiwaḥpar̥ĕkan, kataḥngiring, twaradamilindina \\•\\

Leaf 2

Image on Archive.org

[᭒ 2B] ᭒᭟ ᬧᬭᬫᬗ᭄ᬓᬶᬦᬶᬤᬮᬸᬗ᭄ᬳ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬲᬳᬲᬜ᭄ᬚᬢᬫ᭄ᬯᬂᬩᬲᭀᬂ᭞ᬧᬸᬦ᭄ᬢᬚ᭄ᬭᬸᬥᬄᬓᬃᬣᬮᬢᬸᬫᬸᬢ᭄᭞ᬧᬫᬃᬕ᭄ᬕᬦᬾᬢᬦ᭄ᬧᬭᬂᬬ᭄ᬬᬦ᭄᭞ᬕᭂᬮᬶᬲ᭄ᬧ᭄ᬭᬧ᭄ᬢᬶᬭᬤᬾᬦ᭄ᬫᬦ᭄ᬢ᭄ᬭᬷᬫᬭᬶᬳᬮᬲ᭟᭜᭟ ᬲᬢᭂᬓᬦᬾᬫᬭᬶᬂᬳᬮᬲ᭄᭞ᬓᬢᬄᬩᬸᬭᭀᬦᬾᬓᬧᬗ᭄ᬕᬶᬄ᭞ᬭᬤᬾᬦ᭄ᬫᬦ᭄ᬢ᭄ᬭᬷᬕᭂᬮᬶᬲ᭄ᬗᬦ᭄ᬤᬶᬓ᭞ᬓᭂᬫᬓᬓᬧᬥᬗᭂᬧᬸᬂ᭞ᬧᬶᬭᬶᬗᬾᬫᬢᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬲᬦ᭄ᬤᬶᬓᬦ᭄ᬘᭀᬓᭀᬃᬳᬶᬤᬾᬯ᭟᭜᭟ ᬧᬗᬶᬭᬶᬗᬾᬭᬭᬶᬲ᭄ᬗᬸᬮᬄ᭞ᬳᬤᬶᬭᬶᬢ᭄ᬯᬭᬤᬓᬭᬶ᭞ᬢᭂᬮᬲ᭄ᬩᬸᬗ᭄ᬓᬄᬢᭂᬓᬦᬶᬂᬩᬲᭀᬂ᭞ᬭᬤᬾᬦ᭄ᬫᬦ᭄ᬢ᭄ᬭᬗ᭄ᬭᬵᬕᬓᬦ᭄ᬢᬸᬦ᭄᭞ᬫᬗᬤᭂᬕ᭄ᬩᬢᬦ᭄ᬓᬭᭀᬬ᭞ᬢᬶᬢᬄᬕᬦ᭄ᬢᬶ᭞ᬲᬂᬓᬯᬶᬫᬫᬦ᭄ᬢᭂᬲᬂ᭟᭜᭟ᬤᬾ ᬦᬶᬂᬲᬵᬫ᭄ᬧᬸᬦ᭄ᬲᬧᬸᬦᬶᬓ᭞ᬭᬭᬶᬲ᭄ᬭᬯᬸᬄᬳᬸᬚᬦᬗᬶᬦ᭄᭞ᬧᭂᬢᭂᬂᬮᬶᬩᬸᬢ᭄ᬫᬳᬸᬍᬓᬦ᭄᭞ᬓᬢᬄᬢᬭᬸᬲᭂᬫ᭄ᬧᬮ᭄ᬳᭂᬭᬸᬕ᭄᭞ᬳᬓᬾᬄᬧᬸᬗ᭄ᬓᬢ᭄ᬧᬚᬸᬮᬶᬫ᭄ᬧᬂ᭞ᬮᬶᬂᬢᬶᬦ᭄ᬤᬶᬄ᭞ᬭᬤᬾᬦ᭄ᬫᬦ᭄ᬢ᭄ᬭᬷᬓᬘᬭᬶᬢ᭟᭜᭟ [᭓ 3A] ᬢᬦ᭄ᬫᬾᬮᬶᬂᬢᭂᬓᬾᬦᬶᬂᬭᬵᬕ᭞ᬓᬕᬸᬮᬸᬂᬩᬳᬦ᭄ᬳᬸᬚᬦᬗᬶᬦ᭄᭞ᬧᬶᬸᬂᬢᬶᬸᬂᬮᬶᬸᬂᬩᬶᬸᬂᬢ᭄ᬫᬶᬸᬂᬳᬶᬸᬂᬗ᭄ᬦᬶᬸᬂᬓᬶᬸᬂᬦᬶᬸᬂ᭞ᬓᬤᬶᬓᬧᬸᬓᬾᬲᬮᬫ᭄ᬩ᭞ᬓᬳᬫ᭄ᬧᭂᬳᬂᬩᬳᬦ᭄ᬳᬯᬸᬲ᭄᭞ᬓᬪᬓ᭄ᬢᬲᬧᬭᬦ᭄ᬧᬭᬦ᭄᭞ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬢᬶ ᬩᬫᬭᬶᬂᬢᬫᬦ᭄ᬤᬳ᭟᭜᭟ᬢᬦ᭄ᬓᭀᬘᬧᬦ᭄ᬫᬭᬶᬂᬢᬫᬦ᭄᭞ᬓᭀᬘᬧ᭄ᬧᬺᬩᭂᬓᭂᬮᬾᬫᬗ᭄ᬓᬶᬦ᭄᭞ᬲᬳᬶᬮᬂᬧᭂᬢᭂᬗᬾᬋᬓᭀ᭞ᬭᬤᬾᬦ᭄ᬫᬦ᭄ᬢ᭄ᬭᬶᬢ᭄ᬯᬭᬓᬦ᭄ᬢᬸᬦ᭄᭞ᬕᭂᬮᬶᬲ᭄ᬤᬦᬾᬧᬥᬮᬸᬗ᭄ᬳ᭞ᬫᬗᬸᬮ ᬢᬶ᭞ᬲᬢᬶᬩᬧᬭᬦᬾᬓᭀᬘᬧ᭄᭟᭜᭟ᬧᬸᬦ᭄ᬢᬓᬃᬣᬮᬓᬮᬯᬦ᭄᭞ᬚᬭᬸᬤᬾᬄᬲᬋᬂᬫᬫᬃᬕ᭄ᬕᬶ᭞ᬫᬗᭂᬮᬶᬂᬫᬲᬲᬵᬫ᭄ᬩᬢᬦ᭄᭞ᬤᬶᬚᬳᬭᬢᬸᬫᬮᬸᬗ᭄ᬕᬸᬄᬫᬮᬸᬗ᭄ᬕᬸᬄ᭟ᬤᬾᬯᬩᬕᬸᬲ᭄ᬕᬸᬲ᭄ᬢᬶ᭠ ᬦ᭄ᬢᬶᬢ᭄ᬬᬂ᭞ᬭᬤᬾᬦ᭄ᬫᬦ᭄ᬢ᭄ᬭᬷ᭞ᬤᬶᬚᬚᬦᬶᬭᬸᬭᬸᬄᬢᬶᬢ᭄ᬬᬂ᭟᭜᭟ᬬᬦ᭄ᬩᭀᬬᬓᭂᬦᬶᬓᬧᭂᬦ᭄ᬤᬓ᭄᭞ᬲᬸᬓᬢᬶᬢ᭄ᬬᬂᬗᭂᬲᬶᬦ᭄ᬫᬢᬶ᭞ᬤ᭄ᬬᬧᬶᬦ᭄ᬢᬶᬢ᭄ᬬᬂᬫᬗ᭄ᬕᬶᬄᬓᬯᭀᬦ᭄᭞ᬲᭀᬓ᭄ᬢᬶᬢ᭄ᬬᬂᬗᬶᬭᬶᬂᬳᬶᬭᬢᬸ᭞

Auto-transliteration

[2 2B] 2. paramangkinidalungha, tumulirarismamar̀ggi, sahasañjatamwangbasong, puntajrudhaḥkar̀thalatumut, pamar̀gganetanparangyyan, gĕlispraptiradenmantrīmarihalasa \\•\\ satĕkanemaringhalas, kataḥburonekapanggiḥ, radenmantrīgĕlisngandika, kĕmakakapadhangĕpung, piringematur̀sĕmbaḥ, tityangngiring, sandikancokor̀hidewa \\•\\ pangiringerarisngulaḥ, hadiritwaradakari, tĕlasbungkaḥtĕkaningbasong, radenmantrangrāgakantun, mangadĕgbatankaroya, titaḥganti, sangkawimamantĕsang \\•\\ de ningsāmpunsapunika, rarisrawuḥhujanangin, pĕtĕnglibutmahul̥ĕkan, kataḥtarusĕmpalhĕrug, hakeḥpungkatpajulimpang, lingtindiḥ, radenmantrīkacarita \\•\\ [3 3A] tanmelingtĕkeningrāga, kagulungbahanhujanangin, p̶ngt̶ngl̶ngb̶ngtm̶ngh̶ngngn̶ngk̶ngn̶ng, kadikapukesalamba, kahampĕhangbahanhawus, kabhaktasaparanparan, gĕlisprapti, ti bamaringtamandaha \\•\\ tankocapanmaringtaman, kocappr̥ĕbĕkĕlemangkin, sahilangpĕtĕnger̥ĕko, radenmantritwarakantun, gĕlisdanepadhalungha, mangula ti, satibaparanekocap \\•\\ puntakar̀thalakalawan, jarudeḥsar̥ĕngmamar̀ggi, mangĕlingmasasāmbatan, dijaharatumalungguḥmalungguḥ. dewabagusgusti‐ ntityang, radenmantrī, dijajaniruruḥtityang \\•\\ yanboyakĕnikapĕndak, sukatityangngĕsinmati, dyapintityangmanggiḥkawon, soktityangngiringhiratu,

Leaf 3

Image on Archive.org

[᭓ 3B] ᭓᭟ ᬤ᭄ᬬᬲ᭄ᬢᬸᬧᬵᬧᬓᬚᬦ᭄ᬢᬓ᭞ᬢᬶᬢ᭄ᬬᬂᬗᬶᬭᬶᬂ᭞ᬤ᭄ᬬᬧᬶᬦ᭄ᬢᬶᬩᬫᬭᬶᬂᬓᬯᬄ᭟᭜᭟ᬢᬦ᭄ᬓᭀᬘᬧ᭄ᬧᬸᬦ᭄ᬢᬓᬃᬣᬮ᭞ᬓᭀᬘᬧ᭄ᬧ᭄ᬭᬓᭂᬮ᭄ᬬᬦᬾᬫᬸᬮᬶᬄ᭞ᬲᬭᬯᬸᬳᬾᬭᬶᬂᬦᬵᬕᬭ᭞ᬫᬗ᭄ᬭᬭᬶᬲ᭄ᬓ ᬚ᭄ᬭᭀᬳᬕᬸᬂ᭞ᬕᭂᬮᬶᬲ᭄ᬫᬸᬗ᭄ᬕᬄᬭᬶᬂᬩᬜ᭄ᬘᬶᬗᬄ᭞ᬲᬫᬶᬲᭂᬤᬶᬄ᭞ᬫᬢᬸᬃᬲᭂᬫ᭄ᬩᬄᬭᬶᬂᬲᬂᬦᬵᬣ᭟᭜᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬓᬾᬦ᭄ᬢᭂᬦ᭄ᬓ᭄ᬭᬡᬦ᭄ᬤᬤᬶᬲᭂᬤᬶᬄ᭞ᬧ᭄ᬭᬩᭂᬓᭂᬮᬾᬫᬢᬸᬃᬲᬾᬕ᭄ᬲᬶᬕᬦ᭄᭞ᬕᬸᬲ᭄ᬢᬶᬦ᭄ᬢᬶ᭠ ᬢ᭄ᬬᬂᬲᬗᬳᬸᬮᬸᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬕᬸᬂᬲᬵᬫ᭄ᬧᬸᬭ᭞ᬫᬢᬸᬃᬲᬶᬲᬶᬧ᭄᭞ᬢ᭄ᬯᬦ᭄ᬫᬦ᭄ᬢ᭄ᬭᬷᬳᬶᬤᬳᬶᬘᬮ᭄᭟᭜᭟ᬲᭂᬤᭂᬓ᭄ᬢᬶᬢ᭄ᬬᬂᬗᬧᬸᬂᬓᬶᬤᬂ᭞ᬭᬭᬶᬲ᭄ᬭᬯᬸᬄᬳᬸᬚᬓᬗᬶᬦ᭄᭞ᬧᭂᬢᭂᬂᬮᬶᬤᭂᬕ᭄ᬢᬦ᭄ᬓᭀᬦ᭄ᬢᬶᬫ᭄ᬧᬮ᭄᭞ ᬳᬓᬾᬄᬓᬬᬸᬧᬸᬗ᭄ᬓᬢ᭄ᬳᭂᬭᬸᬕ᭄᭞ᬢᬶᬢ᭄ᬬᬂᬦᬳᭂᬦ᭄ᬢᬦ᭄ᬳᬸᬭᬶᬧ᭞ᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬧᬧᭀᬗᭀᬭᬦ᭄᭟᭜᭟ᬲᬂᬧ᭄ᬭᬪᬸᬕᭂᬮᬶᬲ᭄ᬗᬦ᭄ᬤᬶᬓ᭞ᬭᬶᬂᬧᬸᬗ᭄ᬕᬯᬫ᭄ᬯᬄᬧᬧᬢᬶᬄ᭞ᬓᬓᬧᬢᬶᬄᬚ [᭔ 4A] ᬦᬶᬮᬸᬯᬲ᭄᭞ᬳᬚᬓ᭄ᬧᬸᬗ᭄ᬕᬯᬦᬾᬗᬭᬸᬭᬸᬄ᭞ᬳᬶᬧᬢᬶᬄᬫᬳᬢᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬲᬦ᭄ᬤᬶᬓᬦ᭄ᬘᭀᬓᭀᬃᬳᬶᬤᬤᬾᬯ᭟᭜᭟ᬗᬦ᭄ᬤᬶᬓᬫᬮᬶᬄᬲᬂᬦᬵᬣ᭞ᬦᬄᬲᬸᬩᬪᬬᬕᬦ᭄ᬢᬶ᭞ᬫ ᬤᬦ᭄ᬦᬶᬭᬢᬦᬶᬪᬕ᭄ᬬ᭞ᬭᬭᬶᬲᬶᬤᬕᭂᬮᬶᬲ᭄ᬗᬤᬢᬸᬦ᭄᭞ᬫᬗᭀᬚᭀᬕ᭄ᬭᬶᬂᬍᬗᭂᬂᬭᬫ᭄ᬬ᭞ᬧ᭄ᬭᬫᬾᬰ᭄ᬯᬭᬷ᭞ᬫᬫᭂᬦ᭄ᬤᬓᬶᬤᬲᬂᬦᬵᬣ᭟᭜᭟ᬗᬦ᭄ᬤᬶᬓᬳᬶᬤᬲᬂᬦᬵᬣ᭞ᬳᬤᬶᬲᭀᬭᬷᬓᬸᬤ᭄ᬬᬂᬚᬦᬶ᭞ ᬳᭀᬓᬦᬶᬬᬤᬶᬦᬾᬳᬶᬘᬮ᭄᭞ᬤᬶᬳᬮᬲᬾᬬᬫᬩᬸᬭᬸ᭞ᬳᬤᬬᬦ᭄ᬓᭀᬧᬶᬲᬦ᭄ᬧᭂᬚᬄ᭞ᬢᭂᬓᬾᬦᬶᬂᬳᬸᬭᬶᬧ᭄᭞ᬦᬢᬓᬶᬦ᭄ᬤᬸᬄᬓᬶᬢᬯᬶᬭᬂ᭟᭜᭟ᬰ᭄ᬭᬷᬧ᭄ᬭᬫᬾᬰ᭄ᬯᬭᬷᬓᬭᬸᬡ᭞ᬫᬲᬲᬵᬫ᭄ᬩ ᬢᬦ᭄ᬚ᭄ᬭᬶᬢ᭄ᬚ᭄ᬭᬶᬢ᭄᭞ᬫᬫᬸᬮᬶᬲᬄᬦᬶᬕ᭄ᬢᬶᬕ᭄ᬭᬵᬕ᭞ᬓᬤᬸᬕᬶᬫᬗ᭄ᬭᬭᬶᬲ᭄ᬓᬦ᭄ᬢᬸ᭞ᬯᭀᬚ᭄ᬭᭀᬦᬾ᭠ᬫᬢ᭄ᬭᬬᬸᬳᬦ᭄᭞ᬧᬥᬗᭂᬮᬶᬂ᭞ᬳᬶᬩᭂᬂᬳᬸᬫ᭄ᬬᬂᬲᬚ᭄ᬭᭀᬦᬶᬂᬧᬸᬭ᭟᭜᭟ᬢᬦ᭄ᬓᭀᬘᬧ᭄ᬭᬶᬂᬚᬗ᭄ᬕ

Auto-transliteration

[3 3B] 3. dyastupāpakajantaka, tityangngiring, dyapintibamaringkawaḥ \\•\\ tankocappuntakar̀thala, kocapprakĕlyanemuliḥ, sarawuheringnāgara, mangrariska jrohagung, gĕlismunggaḥringbañcingaḥ, samisĕdiḥ, matur̀sĕmbaḥringsangnātha \\•\\ sangprabhurarisngandika, kentĕnkraṇandadisĕdiḥ, prabĕkĕlematur̀segsigan, gustinti‐ tyangsangahulun, tityangnunasgungsāmpura, matur̀sisip, twanmantrīhidahical \\•\\ sĕdĕktityangngapungkidang, rarisrawuḥhujakangin, pĕtĕnglidĕgtankontimpal, hakeḥkayupungkat'hĕrug, tityangnahĕntanhuripa, kadimangkin, tityangnunaspapongoran \\•\\ sangprabhugĕlisngandika, ringpunggawamwaḥpapatiḥ, kakapatiḥja [4 4A] niluwas, hajakpunggawanengaruruḥ, hipatiḥmahatur̀sĕmbaḥ, tityangngiring, sandikancokor̀hidadewa \\•\\ ngandikamaliḥsangnātha, naḥsubabhayaganti, ma danniratanibhagya, rarisidagĕlisngadatun, mangojogringl̥ĕngĕngramya, prameśwarī, mamĕndakidasangnātha \\•\\ ngandikahidasangnātha, hadisorīkudyangjani, hokaniyadinehical, dihalaseyamaburu, hadayankopisanpĕjaḥ, tĕkeninghurip, natakinduḥkitawirang \\•\\ śrīprameśwarīkaruṇa, masasāmba tanjritjrit, mamulisaḥnigtigrāga, kadugimangrariskantu, wojrone‐matrayuhan, padhangĕling, hibĕnghumyangsajroningpura \\•\\ tankocapringjangga

Leaf 4

Image on Archive.org

[᭔ 4B] ᭔᭟ ᬮ᭞ᬮᬭᬤᬸᬄᬓᬓᬧ᭄ᬭᬶᬳᬢᬶᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬷᬳᬶᬤᬓᭀᬘᬧ᭄᭞ᬭᬶᬂᬢᬫᬦ᭄ᬤᬳᬫᬮᬸᬗ᭄ᬕᬸᬄ᭞ᬕᭂᬮᬶᬲᬶᬤᬫᭂᬦ᭄ᬤᭂᬫ᭄ᬪᬹᬱᬡ᭞ᬲᬃᬯ᭄ᬯᬫᬵᬲᬥᬶ᭞ᬲᭀᬭᬶᬂᬓᬬᬸᬦᬵᬕᬧᬸᬱ᭄ᬧ᭟᭜᭟ᬗᭂᬢ᭄ᬓᬬᬸ ᬦᬾᬭᬳᬤ᭄ᬬᬦ᭄᭞ᬜᬶᬗᬓᬶᬦ᭄ᬢᬫᬦᬾᬩᭂᬘᬶᬓ᭄᭞ᬢᬢᬦ᭄ᬤᬸᬭᬦ᭄ᬲᬃᬯ᭄ᬯᬳᬾᬦ᭄ᬤᬄ᭞ᬲᭂᬓᬭᬾᬫᬢᬸᬭᬸᬢ᭄ᬢᬸᬭᬸᬢ᭄᭞ᬪᬬᬢᬫᬦ᭄ᬭᬢᬸᬤᬶᬩ᭄ᬬ᭞ᬮᬶᬦ᭄ᬢᬂᬍᬯᬶᬄ᭞ᬧᬲᬶᬭᬫᬦ᭄ᬫᬖᭀᬧᬸᬭ᭟᭜᭟ ᬳᭂᬦᭂᬗᬓ᭄ᬦᬋᬓᬾᬭᬳᬤ᭄ᬬᬦ᭄᭞ᬓᬯᬸᬯᬸᬲᬦ᭄ᬧᬸᬢ᭄ᬭᬷᬓᬤᬶᬭᬶ᭞ᬓᬤᬶᬥᬥᬭᬷᬲᬸᬧ᭄ᬭᬪ᭞ᬳᬬᬸᬦᬾᬫᬦᬸᬤᬸᬢ᭄ᬓᬬᬸᬦ᭄᭞ᬳᬲᬶᬂᬲᭀᬮᬄᬗ᭄ᬕᬯᬾᬧᬸᬲᬂ᭞ᬧᬗᬸᬘᬧ᭄ᬫᬦᬶᬲ᭄᭞ᬓᬤᬶᬚᬸᬭᬸᬳᬾᬳᬢᬸᬓ ᬤ᭄᭟᭜᭟ᬧᬗᬤᭂᬕᬾᬮᬗ᭄ᬲᬶᬂᬚᬂᬚᬂ᭞ᬧᬫᬸᬮᬸᬮ᭄ᬯᬶᬃᬫᬵᬲ᭄ᬲᬶᬦᬗ᭄ᬮᬶᬂ᭞ᬭᬫ᭄ᬩᬸᬢ᭄ᬤᭂᬫ᭄ᬲᬫᬄᬧᬜ᭄ᬚᬂ᭞ᬚᬭᬶᬚᬶᬭᬸᬭᬸᬲ᭄ᬫᬸᬲᬸᬄᬩᬓᬸᬂ᭞ᬦᬓᬦᬾᬧᬓ᭄ᬭᬶᬦᬶᬂᬧᬜ᭄ᬚᬂ᭞ᬫᬥ᭄ᬬᬭᬫ᭄ᬧᬶᬂ᭞ᬲᬸᬲᬸᬦᬾ [᭕ 5A] ᬩᬸᬦ᭄ᬢᭂᬃᬫᬶᬥᬥ᭟᭜᭟ᬳᬮᬶᬲᬾᬢᬚᭂᬧ᭄ᬜᬸᬭᬶᬕ᭞ᬭᬲᬜᬓᬤᬶᬦᬢᭀᬦᬶᬦ᭄᭞ᬧᬜᬶᬗᬓᬾᬫᬦᬶᬲ᭄ᬫᬸᬜ᭄ᬘ᭄ᬭᬢ᭄᭞ᬫᬲ᭄ᬮᭂᬤᬾᬢ᭄ᬮ᭄ᬯᬶᬃᬳᬦ᭄ᬤᬭᬸ᭞ᬢᬸᬯᬶᬓᬤᬶᬗᬮᬧ᭄ᬚᬶᬯ᭞ᬢᬸᬳᬸᬳᬲ᭄ᬭᬶ᭞ᬩᭂ ᬢᭂᬓ᭄ᬘᭀᬓᭀᬭᬾᬫᬫᬸᬥᬓ᭄᭟᭜᭟ᬓᭀᬘᬧᬶᬤᬓᬬᬸᬦ᭄ᬮᬸᬗ᭄ᬳ᭞ᬫᬶᬦ᭄ᬢᬃᬫᬭᬶᬂᬢᬫᬦ᭄ᬲᬭᬷ᭞ᬫᬧᬬᬲ᭄ᬫᬗᬗ᭄ᬕᭀᬳᬗ᭄ᬕᭀ᭞ᬰ᭄ᬭᬶᬦᬢᬦᬾᬯᬶᬮᬶᬲ᭄ᬮᬸᬫ᭄ᬮᬸᬫ᭄᭞ᬯᬚᬦᬾᬓᬤᬶᬤᬦ᭄ᬢ᭞ᬯᬸᬲ᭄ᬫᬲᬶᬲᬶᬕ᭄᭞ᬮ ᬫ᭄ᬩᬾᬦᬾᬫᬗ᭄ᬕᬶᬲ᭄ᬕᬶᬦᭂᬦ᭄ᬢ᭟᭜᭟ᬫᬲᬶᬧᬢ᭄ᬓᬸᬂᬭᬶᬂᬢᬶᬗ᭄ᬳᬮ᭄᭞ᬫᬲᭂᬗ᭄ᬓᬂᬮᭀᬦ᭄ᬢᬭᬾᬧᬸᬢᬶᬄ᭞ᬫᬲᭂᬓᬃᬕᬫ᭄ᬩᬶᬃᬫᬕᭂᬫ᭄ᬧᭀᬮ᭄᭞ᬫᬲᬺᬩᭂᬂᬩᬸᬗ᭄ᬳᬦ᭄ᬕᬤᬸᬂ᭞ᬫᬲᬸᬫ᭄ᬧᬂᬯᬶᬭᬵᬕᬓᭂᬫ᭄ᬩᬃ᭞ᬫᭂᬗ᭄ᬕᭂᬮᬧᬲᬶᬦ᭄᭞ᬫᬯᬲ᭄ᬢ᭄ᬭ ᬚᬶᬗ᭄ᬕᬳᬗ᭄ᬭᬭᬦ᭄᭟᭜᭟ᬫᬲᬶᬜ᭄ᬚᬂᬘᭂᬧᬸᬓ᭄ᬓᭂᬫ᭄ᬩᬂ᭞ᬫᬲᬗ᭄ᬓᬸᬯᬸᬩ᭄ᬢᬗᬶᬲᬸᬚᬶ᭞ᬧᬜ᭄ᬚ᭄ᬭᬵᬯᬦ᭄ᬧᬥᬫᬧᬬᬲ᭄᭞ᬗᬶᬦ᭄ᬢᭂᬗᭂᬫ᭄ᬩᬦ᭄ᬧᬥᬦᬸᬲᬸᬂ᭞ᬲᭀᬧᬘᬭᬫᬭᬶᬂᬳᬃᬱ᭞ᬧᬜ᭄ᬚ᭄ᬭᬵᬯᬦ᭄ᬘᭂᬭᬶ

Auto-transliteration

[4 4B] 4. la, laraduḥkakaprihatin, radenmantrīhidakocap, ringtamandahamalungguḥ, gĕlisidamĕndĕmbhūṣaṇa, sar̀wwamāsadhi, soringkayunāgapuṣpa \\•\\ ngĕtkayu nerahadyan, ñingakintamanebĕcik, tatanduransar̀wwahendaḥ, sĕkarematurutturut, bhayatamanratudibya, lintangl̥ĕwiḥ, pasiramanmaghopura \\•\\ hĕnĕngaknar̥ĕkerahadyan, kawuwusanputrīkadiri, kadidhadharīsuprabha, hayunemanudutkayun, hasingsolaḥnggawepusang, pangucapmanis, kadijuruhehatuka d \\•\\ pangadĕgelangsingjangjang, pamululwir̀māssinangling, rambutdĕmsamaḥpañjang, jarijirurusmusuḥbakung, nakanepakriningpañjang, madhyaramping, susune [5 5A] buntĕr̀midhadha \\•\\ halisetajĕpñuriga, rasañakadinatonin, pañingakemanismuñcrat, maslĕdetlwir̀handaru, tuwikadingalapjiwa, tuhuhasri, bĕ tĕkcokoremamudhak \\•\\ kocapidakayunlungha, mintar̀maringtamansarī, mapayasmanganggohanggo, śrinatanewilislumlum, wajanekadidanta, wusmasisig, la mbenemanggisginĕnta \\•\\ masipatkungringtinghal, masĕngkanglontareputiḥ, masĕkar̀gambir̀magĕmpol, masr̥ĕbĕngbunghan'gadung, masumpangwirāgakĕmbar̀, mĕnggĕlapasin, mawastra jinggahangraran \\•\\ masiñjangcĕpukkĕmbang, masangkuwubtangisuji, pañjrāwanpadhamapayas, ngintĕngĕmbanpadhanusung, sopacaramaringhar̀ṣa, pañjrāwancĕri

Leaf 5

Image on Archive.org

[᭕ 5B] ᭕᭟ ᬓ᭄᭞ᬫᬗᬩᬮᬮᬜ᭄ᬘᬂᬫᬵᬲ᭄᭟᭜᭟ᬫᬯᬱ᭄ᬝᬦᬶᬲᬸᬓᬳᬃᬱ᭞ᬓᬭᭀᬮᬦ᭄ᬦᬶᬲᬸᬓᬳᬲᬶᬄ᭞ᬫᬗᬩᬬᬓᭂᬧᭂᬢ᭄ᬤᬦ᭄ᬢ᭞ᬭᬭᬶᬲ᭄ᬫᭂᬤᬮ᭄ᬭᬤᬾᬦ᭄ᬕᬮᬸᬄ᭞ᬲᬭᬯᬸᬳᬾᬫᬭᬶᬂᬚᬩ᭞ᬲᬵᬫ᭄ᬧᬸ ᬦ᭄ᬫᬮᬶᬗ᭄ᬕᬶᬄ᭞ᬭᬶᬂᬤᬫ᭄ᬧᬃᬫᬧᭀᬦ᭄ᬢᬂᬫᬵᬲ᭄᭟᭜᭟ᬧᬬᬸᬂᬫᭂᬭᬓ᭄ᬫᬓᭂᬫ᭄ᬩᬭᬦ᭄᭞ᬓᬤᬶᬲᬂᬤ᭄ᬭᬹᬧᬥᬧᬸᬢ᭄ᬭᬷ᭞ᬲᬶᬂᬢᬸᬫᬶᬗ᭄ᬳᬮ᭄ᬧᬥᬕᬯᭀᬓ᭄᭞ᬭᬶᬂᬯᬃᬡ᭄ᬦᬦᬾᬭᬤᬾᬦ᭄ᬕᬮᬸᬄ᭞ᬓᬤᬶᬭᬢᬶᬄ ᬫᬘᬗ᭄ᬓ᭄ᬭᬫ᭞ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬭᬶᬂᬢᬫᬦ᭄ᬭᬭᬶᬲ᭄ᬫᬭᬃᬬ᭄ᬬᬦ᭄᭟᭜᭟ᬧᬋᬓᬦᬾᬲᬫᬶᬭᬶᬂᬚᬩ᭞ᬫᬗᬦ᭄ᬢᬶᬭᬳᬤᬾᬦ᭄ᬤᬾᬯᬷ᭞ᬧᬗᬶᬭᬶᬗᬾᬯᬤᭀᬦ᭄ᬯᬤᭀᬦ᭄᭞ᬧᬥᬗᬶᬭᬶᬂᬗᬮᬧ᭄ᬲᬦ᭄ᬢᬸᬦ᭄᭞ᬓᬮᬗᭂ ᬦ᭄ᬧᬥᬢᬸᬫᬶᬗ᭄ᬤᬮ᭄᭞ᬲᬫᬶᬩᭂᬘᬶᬓ᭄᭞ᬢᬫᬦᬾᬓᬤᬶᬭᬶᬂᬲ᭄ᬯᬃᬕ᭄ᬕᬦ᭄᭟᭜᭟ᬭᬭᬶᬲ᭄ᬗᬸ᭠ᬗ᭄ᬲᬶᬭᬶᬂᬧᬜ᭄ᬘᭀᬭᬦ᭄᭞ᬫᬲᬶᬭᬫ᭄ᬭᬳᬤᬾᬦ᭄ᬤᬾᬯᬷ᭞ᬲᬯᬸᬲᬦᬶᬤᬫᬲᬶᬭᬫ᭄᭞ᬭᬭᬶᬲ᭄ᬫᬗ᭄ᬮᬂᬮᬂ [᭖ 6A] ᬓᬸᬮᬗᬸᬦ᭄᭞ᬫᬗᬮᬧ᭄ᬲᬃᬯ᭄ᬯᬓᬸᬲᬸᬫ᭞ᬫᭂᬦᬸᬄᬕᬫ᭄ᬩᬶᬃ᭞ᬦᬵᬕᬲᬭᬶᬦᬾᬫᬫᬶᬦ᭄ᬢᬂ᭟᭜᭟ᬭᬭᬶᬲ᭄ᬓᬳᬸᬗ᭄ᬲᬶᬧᬸᬦᬶᬓ᭞ᬓᬢᭂᬧᬸᬓᬦᬓᬾᬧᭂᬓᬶᬓ᭄᭞ᬯᬯ᭄ᬯᬂᬳᬧᬢᭀᬓᬓᬩᬬᬦ᭄᭞ᬭᬹᬧᬦᬾ ᬓᬮᬶᬯᬢ᭄ᬩᬕᬸᬲ᭄᭞ᬢᬸᬯᬶᬫᬗ᭄ᬭᬸᬢᬂᬘᬶᬢ᭞ᬫᬗᭂᬢᬸᬲ᭄ᬳᬢᬶ᭞ᬓᭂᬫᬓᬓᬫᬦᬢᬲᬂ᭟᭜᭟ᬦᬶᬩᬬᬦ᭄ᬭᬭᬶᬲ᭄ᬦᬢᬲᬂ᭞ᬫᬦᬓᭀᬦᬦᬶᬦ᭄ᬲᬂᬳᬧᭂᬓᬶᬓ᭄᭞ᬘᬳᬶᬢᬾᬯ᭄ᬯᬂᬳᬧᬋᬓᭀ᭞ᬲᬂᬢᬶᬓᬜ ᬦ᭄ᬕᭂᬮᬶᬲ᭄ᬫᬲᬯᬸᬃ᭞ᬢᬦ᭄ᬯᬾᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬳᬸᬦᬶᬗ᭞ᬢᬶᬢ᭄ᬬᬂᬮᬮᬶ᭞ᬭᬶᬂᬤᬾᬰᬦ᭄ᬢᬶᬢ᭄ᬬᬗᬾᬲᬸᬩ᭟᭜᭟ᬭᬤᬾᬦ᭄ᬕᬮᬸᬄᬳᬶᬤᬜᬕ᭄ᬚᬕ᭄᭞ᬫᬦᬫ᭄ᬧᭂᬓᬶᬘ᭄ᬲᬂᬳᬧᭂᬓᬶᬓ᭄᭞ᬓᬬᬸᬦᬶᬤᬦᬾᬫᬘᭂᬮᭀ ᬲ᭄᭞ᬫᬤᬍᬫ᭄ᬫᬳᬶᬫ᭄ᬩᬸᬄᬮᬸᬮᬸᬢ᭄᭞ᬭᬭᬶᬲᬶᬤᬫᬗᬦ᭄ᬤᬶᬓ᭞ᬘᬳᬶᬘᭂᬦᬶᬓ᭄᭞ᬤᬶᬚᬳᬘᬳᬶᬫᬳᬸᬫᬄ᭟᭜᭟ᬤᬾᬰᬦ᭄ᬘᬳᬶᬤᬾᬰᬳᬧ᭞ᬳᭂᬜᬾᬦ᭄ᬫᬾᬫᬾᬩᬧᬦ᭄ᬘᬳᬶ᭞ᬓ᭄ᬭᬡ

Auto-transliteration

[5 5B] 5. k, mangabalalañcangmās \\•\\ mawaṣṭanisukahar̀ṣa, karolannisukahasiḥ, mangabayakĕpĕtdanta, rarismĕdalraden'galuḥ, sarawuhemaringjaba, sāmpu nmalinggiḥ, ringdampar̀mapontangmās \\•\\ payungmĕrakmakĕmbaran, kadisangdrūpadhaputrī, singtuminghalpadhagawok, ringwar̀ṇnaneraden'galuḥ, kadiratiḥ macangkrama, gĕlisprapti, ringtamanrarismarar̀yyan \\•\\ par̥ĕkanesamiringjaba, mangantirahadendewī, pangiringewadonwadon, padhangiringngalapsantun, kalangĕ npadhatumingdal, samibĕcik, tamanekadiringswar̀ggan \\•\\ rarisngu‐ngsiringpañcoran, masiramrahadendewī, sawusanidamasiram, rarismanglanglang [6 6A] kulangun, mangalapsar̀wwakusuma, mĕnuḥgambir̀, nāgasarinemamintang \\•\\ rariskahungsipunika, katĕpukanakepĕkik, wawwanghapatokakabayan, rūpane kaliwatbagus, tuwimangrutangcita, mangĕtushati, kĕmakakamanatasang \\•\\ nibayanrarisnatasang, manakonaninsanghapĕkik, cahitewwanghapar̥ĕko, sangtikaña n'gĕlismasawur̀, tanwenwentĕntityanghuninga, tityanglali, ringdeśantityangesuba \\•\\ raden'galuḥhidañagjag, manampĕkicsanghapĕkik, kayunidanemacĕlo s, madal̥ĕmmahimbuḥlulut, rarisidamangandika, cahicĕnik, dijahacahimahumaḥ \\•\\ deśancahideśahapa, hĕñenmemebapancahi, kraṇa

Leaf 6

Image on Archive.org

[᭖ 6B] ᭖᭟ ᬫ᭄ᬘᬳᬶᬤᬶᬦᬶᬦᭀᬗᭀᬲ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬷᬲᬸᬫᬯᬸᬃ᭞ᬧ᭄ᬭᬢᬫᬾᬂᬫᬗᬮᬧ᭄ᬘᬶᬢ᭞ᬭᬢᬸᬳᬶᬗ᭄ᬕᬶᬄ᭞ᬲᬵᬫ᭄ᬧᬸᬭᬢᬶᬢ᭄ᬬᬂᬯᭀᬂᬦᬶᬱ᭄ᬝ᭟᭜᭟ᬧ᭄ᬭᬤᬾᬰᬦ᭄ᬢᬶᬢ᭄ᬬᬂᬧᬸᬦᬶᬓ᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬫᬢᬸᬃ ᬲᬲᬶᬧ᭄᭞ᬢᬸᬢᬶᬢ᭄ᬬᬂᬮᬮᬶᬧᬶᬲᬦ᭄᭞ᬳᬾᬮᬶᬂᬢᬶᬢ᭄ᬬᬗᬾᬲᬵᬫ᭄ᬧᬸᬦ᭄᭞ᬦᬸᬢᬸᬕᬶᬫᬾᬫᬾᬫᬤᬕᬂ᭞ᬤᬤᭀᬲ᭄ᬧᬮᬶᬂ᭞ᬢᬶᬢ᭄ᬬᬂᬫᬸᬭᬂᬫᬸᬭᬂᬮᬫ᭄ᬧᬄ᭟᭜᭟ᬢᬶᬩᬢᬶᬢ᭄ᬬᬂᬫᬭᬶᬂᬳᬮᬲ᭄᭞ᬭᬭᬶᬲ᭄ᬭ ᬯᬸᬄᬳᬸᬚᬦᬗᬶᬦ᭄᭞ᬧᭂᬢᭂᬂᬥᭂᬥᭂᬢ᭄ᬢᬦ᭄ᬧᬳᬶᬗᬦ᭄᭞ᬗᬮᬶᬦᬸᬲ᭄ᬗᭂᬩᬳᬂᬓᬬᬸ᭞ᬮᬮᬶᬢᬶᬢ᭄ᬬᬂᬢᭂ᭠ᬓᬾᬦᬯᬓ᭄᭞ᬲᬕᬾᬢ᭄ᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬾᬮᬶᬂᬫᬭᬶᬂᬢᬫᬦ᭄᭟᭜᭟ᬳᬢᬸᬭᬾᬢ᭄ᬯᬶᬗᬮᬧ᭄ᬚᬷᬯ᭞ ᬧᬜ᭄ᬚ᭄ᬭᭀᬯᬦᬾᬲᭂᬫᬸᬦᬗᬶᬲ᭄᭞ᬧᬥᬬᬗᭂᬫ᭄ᬩᭂᬂᬬᬾᬄᬧᬦᭀᬦ᭞ᬦᬤ᭄ᬬᬦᬶᬤᬭᬤᬾᬦ᭄ᬕᬮᬸᬄ᭞ᬢᬦ᭄ᬳᬸᬦᬶᬂᬭᬶᬂᬯᬱ᭄ᬧᬫᭂᬤᬮ᭄᭞ᬢᭀᬚᬘᬳᬶᬳᭂᬤᬩ᭄ᬯᬶᬦ᭄ᬫᬦᬸᬢᬸᬭᬂ᭟᭜᭟ᬤᭂᬧᬂᬲᬸᬩᬘᬳᬶᬲᬶ [᭗ 7A] ᬬᭂᬧᬂ᭞ᬚᬦᬶᬫ᭄ᬩᭀᬓ᭄ᬦᬸᬤᬸᬓ᭄ᬘᬳᬶ᭞ᬳᭂᬜᬓ᭄ᬘᬳᬶᬤᬸᬤᬸᬓᭂᬫ᭄ᬩᭀᬓ᭄᭞ᬭᬤᬾᬦ᭄ᬫᬦ᭄ᬢ᭄ᬭᬷᬕᭂᬮᬶᬲ᭄ᬲᬸᬫᬯᬸᬃ᭞ᬲᬦ᭄ᬤᬶᬓᬦ᭄ᬘᭀᬓᭀᬃᬳᬶᬤᬾᬯ᭞ᬢᬶᬢ᭄ᬬᬂᬗᬶᬭᬶᬂ᭞ᬦᬗ᭄ᬳᬶᬂᬢᬶᬢ᭄ᬬᬂᬧᬵᬧᬥᬫ᭟᭜᭟ ᬫᬗ᭄ᬤᬭᬢᬸᬤᬸᬭᬸᬲᬶᬘ᭞ᬦᬸᬤᬸᬓ᭄ᬢᬶᬢ᭄ᬬᬂᬯᭀᬂᬓᬰᬾᬲᬶ᭞ᬲᬓ᭄ᬱᬢ᭄ᬦᬸᬤᬸᬓ᭄ᬧᬶᬢᬶᬓ᭄ᬩ᭄ᬭᬕ᭄᭞ᬓᭂ᭠ᬩᬶᬸᬂᬍᬩᬶᬧᬸᬦ᭄ᬫᬭᬶᬂᬩᬜᬸ᭞ᬭᬢᬸᬳᬶᬘᬫᬦᬶᬂᬢᬶᬗᬂ᭞ᬬᬦᬶᬂᬳᬸᬭᬶᬧ᭄᭞ᬯᭂᬦᬂᬳᬶᬧᬸᬦ᭄ᬗᬢᬸᬭᬂᬚᬷ ᬯ᭟᭜᭟ᬭᬳᬤᬾᬦ᭄ᬤᬾᬯᬷᬗᬦ᭄ᬤᬶᬓ᭞ᬳᭂᬫ᭄ᬩᭀᬓ᭄ᬚᬶᬦᬶᬦᬸᬤᬸᬓ᭄ᬘᬳᬶ᭞ᬕᭂᬮᬶᬲ᭄ᬗᬦ᭄ᬤᬶᬓᬭᬶᬂᬦᬶᬩᬬᬦ᭄ ᬩᬬᬦ᭄ᬓᭂᬫᬫᬺᬢᬾᬦᬶᬦ᭄ᬫᬮᬸ᭞ᬚᬓ᭄‌ᬬᬓᬧᬜ᭄ᬘᭀᬭᬦ᭄᭞ᬢᬸᬃᬧ ᬦ᭄ᬤᬲᬶᬦ᭄᭞ᬦᬶᬩᬬᬦ᭄ᬓᭂᬦ᭄ᬤᭂᬮ᭄ᬫᬗᬚᬓ᭄᭟᭜᭟ᬭᬭᬶᬲ᭄ᬓᬳᬢᭂᬄᬓᬧᬜ᭄ᬘᬸᬭᬦ᭄᭞ᬭᬳᬤ᭄ᬬᬦ᭄ᬫᬲᬶᬭᬫ᭄ᬕᭂᬮᬶᬲ᭄᭞ᬦᬶᬩᬬᬦ᭄ᬗᬬᬸᬦᬾᬮᬾᬮᭀᬃ᭞ᬧ᭄ᬭᬚᬦᬶᬳᬢᬶᬮᬶᬸᬮᬶᬸᬂ᭞

Auto-transliteration

[6 6B] 6. mcahidininongos, rahadenmantrīsumawur̀, pratamengmangalapcita, ratuhinggiḥ, sāmpuratityangwongniṣṭa \\•\\ pradeśantityangpunika, tityangndawĕgmatur̀ sasip, tutityanglalipisan, helingtityangesāmpun, nutugimememadagang, dadospaling, tityangmurangmuranglampaḥ \\•\\ tibatityangmaringhalas, rarisra wuḥhujanangin, pĕtĕngdhĕdhĕttanpahingan, ngalinusngĕbahangkayu, lalitityangtĕ‐kenawak, sagetmangkin, tityangmelingmaringtaman \\•\\ haturetwingalapjīwa, pañjrowanesĕmunangis, padhayangĕmbĕngyeḥpanona, nadyanidaraden'galuḥ, tanhuningringwaṣpamĕdal, tojacahihĕdabwinmanuturang \\•\\ dĕpangsubacahisi [7 7A] yĕpang, janimboknudukcahi, hĕñakcahidudukĕmbok, radenmantrīgĕlissumawur̀, sandikancokor̀hidewa, tityangngiring, nanghingtityangpāpadhama \\•\\ mangdaratudurusica, nuduktityangwongkaśesi, sakṣatnudukpitikbrag, kĕ‐b̶ngl̥ĕbipunmaringbañu, ratuhicamaningtingang, yaninghurip, wĕnanghipunngaturangjī wa \\•\\ rahadendewīngandika, hĕmbokjininudukcahi, gĕlisngandikaringnibayan bayankĕmamr̥ĕteninmalu, jakyakapañcoran, tur̀pa ndasin, nibayankĕndĕlmangajak \\•\\ rariskahatĕḥkapañcuran, rahadyanmasiramgĕlis, nibayanngayunelelor̀, prajanihatil̶l̶ng,

Leaf 7

Image on Archive.org

[᭗ 7B] ᭗᭟ ᬦᬾᬮᬶᬂᬮᬸᬂ᭞ᬗᬭᬲᬍᬓ᭄ᬢᬓᬾᬦᬶᬂᬢᬶᬫ᭄ᬧᬮ᭄᭞ᬮᬶᬬᬸᬦᬸᬢᬸᬢᬶᬦ᭄᭞ᬦᬶᬩᬬᬦ᭄ᬗ᭠ᬢᭂᬄᬭᬳᬤ᭄ᬬᬦ᭄᭟᭜᭟ᬲᬧᬸᬧᬸᬢᬶᬤᬫᬲᬶᬭᬫ᭄᭞ᬢᬸᬳᬸᬩᬕᬸᬲ᭄ᬫᬗᬾᬤᬦᬶᬦ᭄᭞ ᬫᬓᬢᬄᬯᭀᬂᬚ᭄ᬭᭀᬦᬾᬕᬯᭀᬓ᭄᭞ᬫᬓᬶᬲᬶᬓᬶᬲᬶᬳᬫᬸᬯᬸᬲ᭄᭞ᬩᭀᬬᬤᬸᬕᬶᬚᬦ᭄ᬫᬰᬸᬤ᭄ᬭ᭞ᬢ᭄ᬯᬄᬯᭀᬂᬍᬯᬶᬄᬓᭂᬮᬸᬲᬾᬢ᭄ᬯᬶᬲᬢ᭄ᬭ᭄ᬬᬉᬢ᭄ᬢᬫ᭟᭜᭟ᬭᬳᬤ᭄ᬬᬦ᭄ᬯᬸᬲᬦ᭄ᬫᬲᬶ ᬭᬫ᭄᭞ᬗᬦ᭄ᬤᬶᬓᬭᬳᬤᬾᬦ᭄ᬤᬾᬯᬷ᭞ᬓᬓᬩᬬᬦ᭄ᬤᭀᬂᬓᬾᬳᬾᬗ᭄ᬕᬮ᭄᭞ᬓᬫ᭄ᬩᭂᬦᬾᬚᭂᬫᬓᬂᬫᬮᬸ᭞ᬦᬶᬩᬬᬦ᭄ᬫᬗᬫ᭄ᬩᬶᬮ᭄ᬯᬲ᭄ᬢ᭄ᬭ᭞ᬓᬲᬮᬶᬦᬶᬦ᭄᭞ᬳᬚᬶᬩᬢᬶᬓᬺᬫ᭄ᬩᬂᬲᬸᬢ᭄ᬭ᭟ ᭐᭟ᬭᬤᬾᬦ᭄ᬤᬾᬯᬷᬫᬮᬶᬄᬗᬦ᭄ᬤᬶᬓ᭞ᬳᬳᬥᭂᬫᬂᬳᬦᬓᬾᬘ᭄ᬭᬶᬓ᭄᭞ᬦᬶᬩᬬᬦ᭄ᬕᭂᬮᬶᬲ᭄ᬫᬳᬂᬲᭂᬧᬄ᭞ᬭᬳᬤ᭄ᬬᬳᬶᬤᬢᬦ᭄ᬓᬬᬸᬦ᭄᭞ᬧᬗᬓᬸᬦᬾᬢ᭄ᬯᬭᬩᬶᬲ᭞ᬢᬶᬢ᭄ᬬᬂ [᭘ 8A] ᬘ᭄ᬭᬶᬓ᭄᭞ᬳᭂᬤᬳᭂᬫ᭄ᬩᭀᬓ᭄ᬗᬶᬘᬾᬦ᭄ᬲᭂᬧᬄ᭟᭜᭟ᬭᬤᬾᬦ᭄ᬳᬮᬸᬄᬳᬶᬤᬜᬦᬂ᭞ᬳᭂᬦᬾᬕᬦ᭄ᬢᬾᬦ᭄ᬳᭂᬫ᭄ᬩᭀᬓᬳᬫ᭄ᬩᬶᬮ᭄᭞ᬫᬓᬩᬸᬗ᭄ᬳᬳᬶᬂᬯᬥᬦ᭞ᬭᬤᬾᬦ᭄ᬫᬦ᭄ᬢ᭄ᬭᬷᬳᭂᬮᬶ ᬲ᭄ᬲᬸᬫᬯᬸᬃ᭞ᬳᬶᬗ᭄ᬕᬶᬄᬭᬢᬸᬫᬧᬳᬶᬘ᭞ᬢᬶᬢ᭄ᬬᬂᬗᬶᬭᬶᬂ᭞ᬦᬸᬦᬲ᭄ᬕᬦ᭄ᬢᬾᬦ᭄ᬘᭀᬓᭀᬃᬳᬶᬤᬾᬯ᭟᭜᭟ᬫᬲᬯᬸᬢ᭄ᬦᬶᬓᬓᬩᬬᬦ᭄᭞ᬫᬫ᭄ᬩᬢ᭄ᬩᬢ᭄ᬭᬳᬤᬾᬦ᭄ᬫᬦ᭄ᬢ᭄ᬭᬷ᭞ᬫᬧᬶᬮᬶᬄ ᬲᬦ᭄ᬘᬳᬶᬭᬶᬂᬲᭂᬧᬄ᭞ᬢ᭄ᬯᬭᬓᬾᬩᬸᬗᬸᬢ᭄ᬳᭂᬫ᭄ᬩᭀᬓ᭄ᬩ᭄ᬭᬸᬂ᭞ᬭᬤᬾᬦ᭄ᬕᬮᬸᬄᬫᬗᬦ᭄ᬤᬶᬓ᭞ᬰᬩ᭄ᬤᬫᬦᬶᬲ᭄᭞ᬳᭂᬤᬓᭀᬢᭀᬓᬓᬩᬬᬦ᭄᭟᭜᭟ᬲᬶᬂᬜᬳᬶᬤᬸᬧ᭄‌ᬬᬜᬓ᭄᭞ ᬩᬶᬮᬶᬄᬬᬫᬗᬶᬥᬧ᭄ᬫᬸᬜᬶ᭞ᬧᬢᭂᬧᭂᬢᬶᬦ᭄ᬳᬧᬂᬫᭂᬮᬄ᭞ᬚᬮᬦᬚᬓ᭄ᬚᬶᬦᬶᬫᬦ᭄ᬢᬸᬓ᭄᭞ᬭᬭᬶᬲ᭄ᬕᭂᬮᬶᬲᬶᬤᬩᬸᬤᬮ᭄᭞ᬲᬕᬾᬢ᭄ᬧ᭄ᬭᬧ᭄ᬢᬶ᭞ᬫᬗ᭄ᬭᬭᬶᬲᬶᬤᬓᬧᬸᬭ᭟᭜᭟ᬲᬭ᭠

Auto-transliteration

[7 7B] 7. nelinglung, ngarasal̥ĕktakeningtimpal, liyunututin, nibayannga‐tĕḥrahadyan \\•\\ sapuputidamasiram, tuhubagusmangedanin, makataḥwongjronegawok, makisikisihamuwus, boyadugijanmaśudra, twaḥwongl̥ĕwiḥkĕlusetwisatrya'uttama \\•\\ rahadyanwusanmasi ram, ngandikarahadendewī, kakabayandongkehenggal, kambĕnejĕmakangmalu, nibayanmangambilwastra, kasalinin, hajibatikr̥ĕmbangsutra. 0. radendewīmaliḥngandika, hahadhĕmanghanakecrik, nibayan'gĕlismahangsĕpaḥ, rahadyahidatankayun, pangakunetwarabisa, tityang [8 8A] crik, hĕdahĕmbokngicensĕpaḥ \\•\\ radenhaluḥhidañanang, hĕnegantenhĕmbokahambil, makabunghahingwadhana, radenmantrīhĕli ssumawur̀, hinggiḥratumapahica, tityangngiring, nunasgantencokor̀hidewa \\•\\ masawutnikakabayan, mambatbatrahadenmantrī, mapiliḥ sancahiringsĕpaḥ, twarakebungut'hĕmbokbrung, raden'galuḥmangandika, śabdamanis, hĕdakotokakabayan \\•\\ singñahidupyañak, biliḥyamangidhapmuñi, patĕpĕtinhapangmĕlaḥ, jalanajakjinimantuk, rarisgĕlisidabudal, sagetprapti, mangrarisidakapura \\•\\ sara‐

Leaf 8

Image on Archive.org

[᭘ 8B] ᭘᭟ ᬯᬸᬳᬾᬫᬭᬶᬂᬧᬸᬭ᭞ᬗᬦ᭄ᬤᬶᬓᬭᬳᬤᬾᬦ᭄ᬤᬾᬯᬷ᭞ᬢᭂᬓᬾᬦ᭄ᬓᬯᬸᬮᬫᬫᬾᬳᬶᬜ᭞ᬫᬾᬫᬾᬚᬦᬶᬗᬚᬓ᭄ᬫᬦ᭄ᬢᬸᬓ᭄᭞ᬳᭂᬤᬫᬫᬸᬯᬾᬦ᭄ᬫᬸᬯᬾᬦ᭄ᬜ᭞ᬯ᭄ᬬᬤᬶᬦ᭄ᬩ᭄ᬭᬗ᭄ᬢᬶ᭞ᬓᬲᬶᬳᬶᬦ᭄ᬚ᭄ᬯᬳᬧᬂᬫᭂᬮᬄ ᭟᭜᭟ᬫᬾᬫᬾᬳᬶᬜᬫᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬚᬕᬗᬶᬭᬶᬂ᭞ᬧᬓᬬᬸᬦ᭄ᬘᭀᬓᭀᬃᬳᬶᬤᬾᬯ᭞ᬦᬸᬳᬸᬦ᭄ᬢᬶᬢ᭄ᬬᬂᬗᬚᬓ᭄ᬫᬦ᭄ᬢᬸᬓ᭄᭞ᬩᬗ᭄ᬕᬬᬂᬲᬓᬾᬂᬚᬩ᭞ᬗᬶᬭᬶᬂᬪᬓ᭄ᬢᬶ᭞ᬫᬫᬋᬓᬦ᭄ᬭᬶᬂᬳᬶ ᬤᬾᬯ᭟᭜᭟ᬭᬳᬤᬾᬦ᭄ᬤᬾᬯᬷᬗᬦ᭄ᬤᬶᬓ᭞ᬦᬄᬤᬶᬢᬸᬳᬚᬓ᭄ᬩᬶᬩᬶ᭞ᬘᬳᬶᬤᬶᬢᬸᬧᭂᬚᬂᬳᭂᬫ᭄ᬩᭀᬓ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬷᬲᬸᬫᬯᬸᬃ᭞ᬢᬶᬢ᭄ᬬᬂᬗᬶᬭᬶᬂᬧᬓᬬᬸᬦᬦ᭄᭞ᬳᬮᬩᭂᬘᬶᬓ᭄᭞ᬲᬓᬬᬸᬦ᭄ᬘᭀ ᬓᭀᬃᬳᬶᬤᬾᬯ᭟᭜᭟ᬫᬾᬫᬾᬳᬶᬜᬫᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬫᬧᬫᬶᬢ᭄᭞ᬢᬸᬫᬸᬮᬶᬮᬸᬫᬫ᭄ᬧᬄᬳᬮᭀᬘ᭄᭞ᬭᬳᬥ᭄ᬬᬦ᭄ᬢᬦ᭄ᬲᬄᬫᬦᬸᬭᬹᬢ᭄᭞ᬲᬵᬫ᭄ᬧᬸᬦ᭄ᬢᬤᬸᬦ᭄ᬭᬶᬂᬩᬜ᭄ᬘᬶ [᭙ 9A] ᬗᬄ᭞ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬭᬶᬂᬳᬸᬫᬳᬾᬫᬾᬫᬾᬳᬶᬜ᭟᭜᭟ᬦᬾᬓᬸᬂᬫᬫᭂᬦ᭄ᬤᬓ᭄ᬢᬸᬃᬗᬸᬘᬧ᭄᭞ᬤᬶᬚᬩᬓᬢ᭄ᬳᬦᬓ᭄ᬘ᭄ᬭᬶᬓ᭄᭞ᬦᬶᬳᬶᬜᬲᬯᬸᬭᬾᬳᬮᭀᬦ᭄᭞ᬧᬶᬘᬦᬶᬤᬭᬢᬸᬳᬬᬸ᭞ᬫ ᬢᭂᬧᭂᬢᬶᬦ᭄ᬳᬧᬂᬫᭂᬮᬄ᭞ᬩᬶᬮᬶᬄᬳᬲᬶᬄ᭞ᬳᬗ᭄ᬕᭀᬦ᭄ᬧᬦᬓ᭄ᬩᬓᬮ᭄ᬲᬬᬗᬂ᭟᭜᭟ᬮᬦᬂᬯᬤᭀᬦ᭄ᬲᬸᬓᬍᬕ᭞ᬗᬸᬧᬧᬶᬭᬲᬂᬳᬧᭂᬓᬶᬓ᭄᭞ᬲᬯᬢᬭᬓᬮᬶᬄᬘᬦ᭄ᬤ᭄ᬭ᭞ᬧᬶᬲᬕᬦᬾᬧᬥ ᬗᬭᬸᬗᬸ᭞ᬫᬾᬫᬾᬩᭂᬓᬸᬂᬗᭂᬮᬄᬧ᭄ᬬᬦᬓ᭄᭞ᬲᬸᬩᬓᭂᬮᬶᬄ᭞ᬫ᭄ᬯᬦᬶᬩᬕᬸᬲᬾᬓᬮᬶᬦ᭄ᬢᬂ᭟᭜᭟ᬮᬶᬬᬸᬧᬶᬲᬕᬦᬾᬗᬸᬜ᭞ᬤᬾᬩᭂᬓᬸᬂᬓᭂᬜᭂᬮ᭄ᬗᭂᬦᭂᬫᬶᬦ᭄᭞ᬳᬤᬫᬸᬮᬶᬄᬳᬤᬢᭂᬓ᭞ᬫᬭᬭ᭠ ᬧᬦ᭄ᬚᬫ᭄ᬩᬾᬲᬸᬭᬸᬄ᭞ᬳᬤᬫᬗᬩᬯᭀᬄᬯᭀᬳᬦ᭄᭞ᬲᬮᬸᬯᬶᬭᬶᬂ᭞ᬳᬤᬗᬩᬲᬃᬯ᭄ᬯᬲᭂᬓᬃ᭟᭜᭟ᬧ᭄ᬭᬤᬳᬓᬢᬄᬓᬲ᭄ᬫᬭᬦ᭄᭞ᬭᬶᬂᬯᬃᬡ᭄ᬦᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬷ᭞ᬧᭂᬓᬶᬓ᭄ᬓᬤᬶᬲᬂᬳ᭄ᬬᬂ᭠

Auto-transliteration

[8 8B] 8. wuhemaringpura, ngandikarahadendewī, tĕkenkawulamamehiña, memejaningajakmantuk, hĕdamamuwenmuwenña, wyadinbrangti, kasihinjwahapangmĕlaḥ \\•\\ memehiñamatur̀sĕmbaḥ, hinggiḥtityangjagangiring, pakayuncokor̀hidewa, nuhuntityangngajakmantuk, banggayangsakengjaba, ngiringbhakti, mamar̥ĕkanringhi dewa \\•\\ rahadendewīngandika, naḥdituhajakbibi, cahiditupĕjanghĕmbok, rahadenmantrīsumawur̀, tityangngiringpakayunan, halabĕcik, sakayunco kor̀hidewa \\•\\ memehiñamatur̀sĕmbaḥ, hinggiḥratutityangmapamit, tumulilumampaḥhaloc, rahadhyantansaḥmanurūt, sāmpuntadunringbañci [9 9A] ngaḥ, gĕlisprapti, ringhumahememehiña \\•\\ nekungmamĕndaktur̀ngucap, dijabakat'hanakcrik, nihiñasawurehalon, picanidaratuhayu, ma tĕpĕtinhapangmĕlaḥ, biliḥhasiḥ, hanggonpanakbakalsayangang \\•\\ lanangwadonsukal̥ĕga, ngupapirasanghapĕkik, sawatarakaliḥcandra, pisaganepadha ngarungu, memebĕkungngĕlaḥpyanak, subakĕliḥ, mwanibagusekalintang \\•\\ liyupisaganenguña, debĕkungkĕñĕlngĕnĕmin, hadamuliḥhadatĕka, marara‐ panjambesuruḥ, hadamangabawoḥwohan, saluwiring, hadangabasar̀wwasĕkar̀ \\•\\ pradahakataḥkasmaran, ringwar̀ṇnanrahadenmantrī, pĕkikkadisanghyang‐

Leaf 9

Image on Archive.org

[᭙ 9B] ᭙᭟ ᬓᬫ᭞ᬲᬲᭀᬮᬳᬾᬗ᭄ᬕᬯᬾᬮᬸᬮᬸᬢ᭄᭞ᬓᬤᬶᬓᭂᬦᬭᬸᬚᬓ᭄ᬚᬗ᭄ᬕ᭞ᬮᬶᬂᬮᬸᬂᬧᬮᬶᬂ᭞ᬢ᭄ᬯᬭᬳᬾᬮᬶᬂᬢᭂᬓᬾᬦ᭄ᬓᬃᬬ᭄ᬬ᭟᭜᭟ᬤᬶᬧᭂᬢᭂᬗᬾᬤᬤᬶᬜᬧ᭄ᬜᬧ᭄᭞ᬭᬭᬦ᭄ᬜᬩᬋᬂᬫᬲᬦ᭄ᬤᬶᬂ᭞ᬤᬶᬧᬸᬍᬲᬾ ᬤᬤᬶᬳᬶᬧ᭄ᬬᬦ᭄᭞ᬩᬋᬂᬗᬮᬂᬮᬂᬓᬸᬮᬗᬸᬦ᭄᭞ᬭᬶᬂᬲᬂᬧᭂᬓᬶᬓ᭄ᬫᬓᬭᭀᬦᬦ᭄᭞ᬗ᭄ᬭᬭᬶᬲ᭄ᬳᬶᬧᬶ᭠ᬢ᭄᭞ᬫᬭᬳᭂᬦ᭄ᬢᭂᬦ᭄ᬦᬶᬕ᭄ᬢᬶᬕ᭄ᬢᬗ᭄ᬓᬄ᭟᭜᭟ᬢᬸᬯᬶᬓᬾᬢᭀᬳᬶᬲ᭄ᬢ᭄ᬭᬶᬓᬢᬄ᭞ᬧᭂᬢᭂᬂᬍᬫᬄᬧᬥᬳᬶᬲ᭄ᬲ᭄ᬭᬶ᭠ ᬓ᭄᭞ᬳᬤᬫᬗ᭄ᬕᬯᬾᬤᬮᬶᬳᬦ᭄᭞ᬫᬗᬸᬜᬓᬸᬫᬄᬤᬾᬩᭂᬓᬸᬂ᭞ᬳᬤᬦᬾᬜᬭᬸᬫᬤᬕᬂ᭞ᬲᬳᬶᬲᬳᬶ᭞ᬭᬳᬤ᭄ᬬᬦ᭄ᬚᬦᬶᬓᭀᬘᬧᬦ᭄᭟᭜᭟ᬤᬯᬸᬄᬧᬶᬲᬦ᭄ᬭᬭᬶᬲ᭄ᬫᭂᬤᬮ᭄᭞ᬲᬶᬂᬢᬸᬫᬶᬗ᭄ᬳᬮ᭄ᬮᬸᬮᬸ ᬢᬲᬶᬄ᭞ᬯᭀᬂᬧᬲᬭᬾᬧᬥᬕᬯᭀᬓ᭄᭞ᬭᬶᬂᬭᬳᬤ᭄ᬬᬦ᭄ᬮᬶᬯᬢ᭄ᬩᬕᬸᬲ᭄᭞ᬭᬲᬫᬗᭂᬜᬕᬂᬫᬦᬄ᭞ᬢᬸᬳᬸᬩᬗ᭄ᬓᬶᬢ᭄᭞ᬲᬚᬕᬢ᭄ᬢ᭄ᬯᬭᬤᬧᬥ᭟᭜᭟ᬲᭀᬮᬄᬢᬶᬗ᭄ᬓᬄᬲᭂᬫᬸᬫᭂᬮᬄ᭞ [᭑᭐ 10A] ᬤᬕᬂᬤᬕᬂᬮᬶᬬᬸᬦᬫ᭄ᬧᭂᬓᬶᬦ᭄᭞ᬢᬸᬯᬩᬚᬂᬧᬥᬋᬦᭀᬄ᭞ᬓᬢᬄᬬᬩᬸᬤᬸᬄᬫᬦᬸᬢᬸᬕ᭄᭞ᬳᬤᬫᬗᬸᬢᬂᬤᬕᬗᬦ᭄᭞ᬤᬾᬯᬕᬸᬲ᭄ᬢᬶ᭞ᬳᬦ᭄ᬢᭀᬲᬂᬚ᭄ᬯᬓᬸᬤᬢᬶᬢ᭄ᬬᬂ᭟᭜᭟ᬓᬾᬢᭀᬧᬥ ᬫᬸᬜᬶᬦ᭄ᬤᬕᬂ᭞ᬭᬤᬾᬦ᭄ᬫᬦ᭄ᬢ᭄ᬩᬷᬢᬦ᭄ᬧᬦᭀᬮᬶᬄ᭞ᬢ᭄ᬯᬭᬓᬬᬸᬦᬶᬤᬕᬾᬜ᭄ᬚᬾᬂ᭞ᬭᬭᬶᬲᬶᬤ᭠ᬗᬸᬗ᭄ᬲᬶᬫᬦ᭄ᬢᬸᬓ᭄᭞ᬲᬧ᭄ᬭᬧ᭄ᬢᬦᬾᬫᬭᬶᬂᬳᬸᬫᬄ᭞ᬓᬚᬕ᭄ᬚᬕᬶᬦ᭄᭞ᬭᬶᬂᬤᬾᬩᭂᬓᬸᬂᬳᬶᬲ᭄ᬢ᭄ᬭᬶᬮᬦᬂ᭟᭜᭟ᬢᬸ ᬫᬸᬮᬶᬭᬭᬶᬲᬗᬸᬘᬧ᭄᭞ᬳᬸᬮᬶᬤᬶᬚᬤᬾᬯᬕᬸᬲ᭄ᬢᬶ᭞ᬳᭂᬤᬤᬾᬯᬧᬢᬶᬮᬸᬯᬲ᭄᭞ᬳᬦᬓ᭄ᬤᬶᬦᬶᬮᬶᬬᬸᬭᬸᬲᬸᬄ᭞ᬧᬥᬫᬗ᭄ᬕᬯᬾᬧᬳᬾᬓᬦ᭄᭞ᬢᬸᬯᬄᬕᬸᬲ᭄ᬢᬶ᭞ᬓᬳᬸᬧᬬᬩᬳᬦᬦᬓ᭄᭟᭜᭟ᬳᭂ ᬦᭂᬗᬓ᭄ᬦᬭᬳᬤ᭄ᬬᬦ᭄᭞ᬓᭀᬘᬧᬦ᭄ᬭᬳᬤᬾᬦ᭄ᬤᬾᬯᬷ᭞ᬫᬾᬮᬶᬂᬭᬶᬂᬤᬸᬤᬸᬓ᭄ᬤᬸᬤᬸᬓᬦ᭄᭞ᬫᬗᬦ᭄ᬤᬶᬓᬳᬶᬤᬳᬮᬸᬲ᭄᭞ᬩᬬᬦ᭄ᬲᬗᬶᬢ᭄ᬧᬗᬸᬦᭂᬗᬦ᭄᭞ᬓᭂᬫᬳᬮᬶᬄ᭞ᬤᬸᬤᬸᬓ᭄ᬤᬸᬤᬸᬓᬦᬾᬲᬸᬩ᭟᭜᭟

Auto-transliteration

[9 9B] 9. kama, sasolahenggawelulut, kadikĕnarujakjangga, linglungpaling, twarahelingtĕkenkar̀yya \\•\\ dipĕtĕngedadiñapñap, raranñabar̥ĕngmasanding, dipul̥ĕse dadihipyan, bar̥ĕngngalanglangkulangun, ringsangpĕkikmakaronan, ngrarishipi‐t, marahĕntĕnnigtigtangkaḥ \\•\\ tuwiketohistrikataḥ, pĕtĕngl̥ĕmaḥpadhahissri‐ k, hadamanggawedalihan, manguñakumaḥdebĕkung, hadaneñarumadagang, sahisahi, rahadyanjanikocapan \\•\\ dawuḥpisanrarismĕdal, singtuminghallulu tasiḥ, wongpasarepadhagawok, ringrahadyanliwatbagus, rasamangĕñagangmanaḥ, tuhubangkit, sajagattwaradapadha \\•\\ solaḥtingkaḥsĕmumĕlaḥ, [10 10A] dagangdagangliyunampĕkin, tuwabajangpadhar̥ĕnoḥ, kataḥyabuduḥmanutug, hadamangutangdagangan, dewagusti, hantosangjwakudatityang \\•\\ ketopadha muñindagang, radenmantbītanpanoliḥ, twarakayunidageñjeng, rarisida‐ngungsimantuk, sapraptanemaringhumaḥ, kajagjagin, ringdebĕkunghistrilanang \\•\\ tu mulirarisangucap, hulidijadewagusti, hĕdadewapatiluwas, hanakdiniliyurusuḥ, padhamanggawepahekan, tuwaḥgusti, kahupayabahananak \\•\\ hĕ nĕngaknarahadyan, kocapanrahadendewī, melingringdudukdudukan, mangandikahidahalus, bayansangitpangunĕngan, kĕmahaliḥ, dudukdudukanesuba \\•\\

Leaf 10

Image on Archive.org

[᭑᭐ 10B] ᭑᭐᭟ ᬦᬶᬩᬬᬦ᭄ᬫᬢᬸᬃᬲᬦ᭄ᬤᬶᬓ᭞ᬢᬶᬢ᭄ᬬᬂᬫᬦᬸᬦᬲ᭄ᬫᬧᬫᬶᬢ᭄᭞ᬢᬸᬫᬸᬮᬶᬮᬸᬫᬫ᭄ᬧᬄᬳᬾᬜ᭄ᬘᭀᬮ᭄᭞ᬲᬢᭂᬓᬦᬾᬚᬸᬫᬄᬤᬾᬩᭂᬓᬸᬂ᭞ᬧᭂᬢᬂᬭᬳᬤ᭄ᬬᬦ᭄ᬫᬘ᭞᭞ᬫᬓᬓᬯᬶᬦ᭄᭞ᬧᬃᬣᬯᬶᬚᬬᬓᬧᬘ᭟᭜ ᭟ᬩᬬᬦ᭄ᬲᬗᬶᬢ᭄ᬧᬗᭀᬦᭂᬗᬦ᭄᭞ᬩᭂᬗᭀᬂᬜᭂᬩᬓ᭄ᬫᬦᬶᬗᬮᬶᬦ᭄᭞ᬩᬸᬓᬓᭂᬦᬤᬾᬱ᭄ᬝᬶᬳᬸᬧᬲ᭄᭞ᬧ᭄ᬭᬚᬦᬶᬳᬢᬶᬦᬾᬳᬸᬯᬸᬕ᭄᭞ᬓᬤᬶᬕᭂᬥᬳᬾᬧᬦ᭄ᬢᬶᬕᬂ᭞ᬲᬫ᭄ᬩᭂᬄᬧᬮᬶᬂ᭞ᬢᭀᬂᬤᬤᬶ ᬧᬘᬂᬢᬸᬧ᭄ᬢᬸᬧᬂ᭟᭜᭟ᬢᬦ᭄ᬳᬾᬮᬶᬂᬭᬶᬂᬧᬓᬬᬸᬦᬦ᭄᭞ᬓᬢᭂᬢᭂᬳᬦ᭄ᬩᬸᬤᬸᬄᬧᬮᬶᬂ᭞ᬤᬾᬩᭂᬓᬸᬂᬜᬕ᭄ᬚᬕ᭄ᬫᬧ᭞ᬫᬲᬶᬄᬢ᭄ᬯᬭᬤᬓᬭᬸᬗᬸ᭞ᬩᭀᬗᭀᬮ᭄ᬩᬳᬦ᭄ᬓᬲ᭄ᬫᬭᬦ᭄᭞ᬢᬦ᭄ᬦᬶᬗᭂᬄ ᬫᬸᬜᬶ᭞ᬓᬦ᭄ᬢᭀᬲ᭄ᬤᬾᬩᭂᬓᬸᬂᬫᬜᭂᬫᬓ᭄᭟᭜᭟ᬩᬬᬦ᭄ᬲᬗ᭄ᬳᬶᬢ᭄ᬧᬗᭀᬦᬦᭂᬗᬦ᭄᭞ᬢᬦ᭄ᬓᭂᬚᬸᬢ᭄ᬭᬭᬶᬲ᭄ᬜᬯᬸᬭᬶᬦ᭄᭞ᬢᬸᬯᬦ᭄ᬤᬾᬯᬶᬗᬸᬢᬸᬲ᭄ᬢᬶᬢ᭄ᬬᬂ᭞ᬩᬶᬩᬶᬫᬗ᭄ᬓᬶᬦ᭄ᬓᬚ᭄ᬭᭀᬳᬕᬸᬂ᭞ [᭑᭑ 11A] ᬧᬦᬓ᭄ᬩᬶᬩᬶᬩᬋᬂᬳᬚᬓ᭄᭞ᬳᬦᬾᬚᬦᬶ᭞ᬫᬾᬫᬾᬳᬶᬜᬫᬲᬯᬸᬭᬦ᭄᭟᭜᭟ᬲᬦ᭄ᬤᬶᬓᬦᬶᬕᬸᬲ᭄ᬢᬶᬩᬬᬦ᭄᭞ᬦᬸᬮ᭄ᬬᬦᬩ᭄ᬤᬭᬶᬂᬲᬂᬧᭂᬓᬶᬓ᭄᭞ᬕᬸᬲ᭄ᬢᬶᬩᬕᬸᬲ᭄ᬫᬃᬕ᭄ᬕᬶᬓᬚ᭄ᬭᭀ᭞ᬧᬗᬦ᭄ᬤᬶᬓᬦ᭄ᬭ ᬤᬾᬦ᭄ᬕᬮᬸᬄ᭞ᬭᬳᬤ᭄ᬬᬦ᭄ᬲᬯᬸᬃᬲᭂᬫᬶᬢ᭞ᬓᭂᬜᬸᬂᬫᬦᬶᬲ᭄᭞ᬢᬶᬢ᭄ᬬᬂᬗᬶᬭᬶᬂᬩᬶᬩᬶᬳᬶᬜ᭟᭜᭟ᬦᬶᬩᬬᬦ᭄ᬫᬮᬶᬄᬳᬗᬸᬘᬧ᭄᭞ᬢᭂᬓᬾᬦᬶᬂᬳᬦᬓᬾᬧᭂᬓᬶᬓ᭄᭞ᬳᭂᬫ᭄ᬩᭀᬓ᭄ᬗᬶᬭᬶᬂᬧᬓᬬᬸᬦ᭠ ᬦ᭄᭞ᬤᬘᬳᬶᬫ᭄ᬩᭀᬬᬦᬶᬦ᭄ᬯᬸᬯᬸᬲ᭄᭞ᬭᬵᬤ᭄ᬬᬦ᭄ᬲᬩ᭄ᬤᬦᬾᬜᬜᬧ᭄᭞ᬗᬮᬧ᭄ᬳᬢᬶ᭞ᬢᬶᬢ᭄ᬬᬂᬗᬶᬭᬶᬂᬳᭂᬫ᭄ᬩᭀᬓ᭄ᬩᬬᬦ᭄᭟᭜᭟ᬓᬧᬶᬫᬮᬶᬄᬧᬓᬬᬸᬦᬦ᭄᭞ᬢᬦ᭄ᬜᬦ᭄ᬤᬂᬢᬶᬢ᭄ᬬᬂᬫᬶᬯᬮᬶᬦ᭄ ᭞ᬳᬦᬾᬧᬢᬹᬢ᭄ᬲᭂᬫ᭄ᬩᬄᬕᭀᬕᭀᬂ᭞ᬢᬸᬯᬄᬳᬶᬤᬭᬤᬾᬦ᭄ᬕᬮᬸᬄ᭞ᬜᬦ᭄ᬤᬂᬧᬸᬚᬶᬧᭂᬢᭂᬂᬍᬫᬄ᭞ᬲᭂᬥᭂᬂᬪᬓ᭄ᬢᬶᬦᬶᬦ᭄᭞ᬤᬸᬫᬤᬶᬦ᭄ᬢᬶᬢ᭄ᬬᬗᬾᬫᬋᬓᬦ᭄᭟᭜᭟ᬳᬶᬗ᭄ᬕᬶᬄᬫᬃᬕ᭄ᬕᬶᬳᭂᬫ᭄ᬩᭀᬓ᭄ᬩ

Auto-transliteration

[10 10B] 10. nibayanmatur̀sandika, tityangmanunasmapamit, tumulilumampaḥheñcol, satĕkanejumaḥdebĕkung, pĕtangrahadyanmaca, , makakawin, par̀thawijayakapaca. • . bayansangitpangonĕngan, bĕngongñĕbakmaningalin, bukakĕnadeṣṭihupas, prajanihatinehuwug, kadigĕdhahepantigang, sambĕḥpaling, tongdadi pacangtuptupang \\•\\ tanhelingringpakayunan, katĕtĕhanbuduḥpaling, debĕkungñagjagmapa, masiḥtwaradakarungu, bongolbahankasmaran, tanningĕḥ muñi, kantosdebĕkungmañĕmak \\•\\ bayansanghitpangonanĕngan, tankĕjutrarisñawurin, tuwandewingutustityang, bibimangkinkajrohagung, [11 11A] panakbibibar̥ĕnghajak, hanejani, memehiñamasawuran \\•\\ sandikanigustibayan, nulyanabdaringsangpĕkik, gustibagusmar̀ggikajro, pangandikanra den'galuḥ, rahadyansawur̀sĕmita, kĕñungmanis, tityangngiringbibihiña \\•\\ nibayanmaliḥhangucap, tĕkeninghanakepĕkik, hĕmbokngiringpakayuna‐ n, dacahimboyaninwuwus, rādyansabdaneñañap, ngalap'hati, tityangngiringhĕmbokbayan \\•\\ kapimaliḥpakayunan, tanñandangtityangmiwalin , hanepatūtsĕmbaḥgogong, tuwaḥhidaraden'galuḥ, ñandangpujipĕtĕngl̥ĕmaḥ, sĕdhĕngbhaktinin, dumadintityangemar̥ĕkan \\•\\ hinggiḥmar̀ggihĕmbokba

Leaf 11

Image on Archive.org

[᭑᭑ 11B] ᭑᭑᭟ ᬬᬦ᭄᭞ᬳᭂᬫ᭄ᬩᭀᬓ᭄ᬤᬸᬫᬸᬦᬦ᭄ᬫᬫᬃᬕ᭄ᬕᬶ᭞ᬢᬶᬢ᭄ᬬᬂᬫᬗᬸᬗ᭄ᬓᬸᬭᬶᬦ᭄ᬳᭂᬫ᭄ᬩᭀᬓ᭄᭞ᬲᬕᬺᬳᬦ᭄ᬲᬫᬶᬮᬸᬫᬓᬸ᭞ᬲᬢᭂᬓᬦᬾᬭᬶᬂᬩᬜ᭄ᬘᬶᬗᬄ᭞ᬗ᭄ᬕᬯᬾᬧᬗᬶᬤ᭄᭞ᬭᬭᬶᬲ᭄ᬗᭀᬚᭀᬕ᭄ᬭᬶᬂᬧᬕᬮᬸᬳᬦ᭄᭟᭜᭟ᬲᬧ᭄ᬭ ᬧ᭄ᬢᬦᬾᬭᬶᬂᬧᬕᬮᬸᬳᬦ᭄᭞ᬤᬧᭂᬢᬂᬭᬳᬤᬾᬦ᭄ᬤᬾᬯᬷ᭞ᬭᬶᬲᭂᬤᭂᬓᬶᬤᬫᬫᬯᭀᬲ᭄᭞ᬭᬭᬶᬲ᭄‌ᬬᬦᬶᬩᬬᬦ᭄ᬭᬯᬸᬄ᭞ᬦᬶᬓᬶᬧᬋᬓᬦᬶᬤᬾᬯ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬤᬾᬦ᭄ᬤᬾᬯᬶᬕᭂᬮᬶᬲ᭄ᬫᬜᬶᬗᬓ᭄᭟ ᭐᭟ᬭᬭᬶᬲᬶᬤᬫᭂᬚᬂᬭᭀᬦ᭄ᬢᬮ᭄᭞ᬢᬸᬫᬸᬮᬶᬗᬦ᭄ᬤᬶᬓᬳᬭᬶᬲ᭄᭞ᬫᬳᬶᬤᬶᬦᬶᬬᬦ᭄ᬫᬦᭀᬗᭀᬲ᭄᭞ᬳᭂᬤᬘᬳᬶᬚᭂᬚᭂᬄᬢᬓᬸᬢ᭄᭞ᬫᬓᭂᬮᭀᬘᬳᬶᬢ᭄ᬯᬭᬗᭂᬦᬄ᭞ᬫᬭᬚᬦᬶ᭞ᬘᬳᬶᬗᭂᬦᬄ ᬢᭂᬓᬾᬦ᭄ᬦᬶᬭ᭟᭜᭟ᬬᬾᬦ᭄ᬢ᭄ᬯᬭᬳᭂᬫ᭄ᬩᭀᬓ᭄ᬦᬸᬦ᭄ᬤᬾᬦᬂ᭞ᬦᬶᬩᬬᬦ᭄ᬫᬗᬮᬶᬄᬘᬳᬶ᭞ᬢᬦᬶᬗᭂᬢ᭄ᬘᬳᬶᬭᬶᬂᬳᭂᬫ᭄ᬩᭀᬓ᭄᭞ᬦᬸᬤᬸᬓ᭄ᬘᬳᬶᬤᬶᬢᬫᬦ᭄ᬫᬮᬸ᭞ᬭᬳᬤ᭄ᬬᬦ᭄ᬲᬯᬸᬃᬮ᭄ᬯᬶᬃᬕᬸᬮ᭞ᬫᬢᬸᬃᬲᬶᬲᬶᬧ᭄ [᭑᭒ 12A] ᭞ᬢᬶᬢ᭄ᬬᬂᬦᬸᬦᬲ᭄ᬕᬸᬂᬲᬵᬫ᭄ᬧᬸᬭ᭟᭜᭟ᬢᬶᬢ᭄ᬬᬂᬦᬸᬦᬲ᭄ᬧᬧᭀᬗᭀᬭᬦ᭄᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬗᬶᬭᬶᬂ᭞ᬫᬋᬓ᭄ᬭᬶᬂᬘᭀᬓᭀᬃᬳᬶᬤᬾᬯ᭞ᬩᭀᬬᬢᬶᬢ᭄ᬬᬂᬮᬮᬶᬭᬢ᭞ᬭᬶᬂᬳᬢᬸᬃᬢᬶᬢ᭄ᬬᬂᬭᬶᬂᬢᬫᬦ᭄᭞ᬳᬶ ᬗ᭄ᬕᬶᬄᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬸᬧᬸᬢᬂᬩᬯᬸᬮ᭟᭜᭟ᬭᬳᬤᬾᬦ᭄ᬤᬾᬯᬷᬗᬦ᭄ᬤᬶᬓ᭞ᬬᬾᬦᬶᬂᬓᬾᬢᭀᬢᬸᬳᬸᬘᬳᬶ᭞ᬳᭂᬤᬩᬸᬯᬶᬦ᭄ᬓᬚᬩᬦᭀᬗᭀᬲ᭄᭞ᬭᬶᬂᬳᬸᬫᬳᬾᬳᬶᬜᬩᭂᬓᬸᬂ᭞ᬤᬶᬭᬗ᭄ᬓᬶᬘᬳᬶᬫ ᬕᭂᬦᬄ᭞ᬚ᭄ᬭᭀᬦᬶᬂᬧᬸᬭᬷ᭞ᬤᬶᬢᬸᬫᬮᬚᬄᬳᬦᬾᬫᭂᬮᬄ᭟᭜᭟ᬘᬳᬶᬳᬗ᭄ᬕᭀᬦ᭄ᬳᭂᬫ᭄ᬩᭀᬓ᭄ᬜᬫ᭞ᬳᭂᬫ᭄ᬩᭀᬓ᭄ᬫᬗᬤᬦᬶᬦ᭄ᬘᬳᬶ᭞ᬘᬳᬶᬫᬤᬦ᭄ᬧᬓᬂᬭᬭᬲ᭄᭞ᬭᬳᬤ᭄ᬬᬦ᭄ᬕᭂᬮᬶᬲ᭄ᬲᬸᬫᬯᬸᬃ᭞ᬢᬶᬢ᭄ᬬᬂᬢ ᬦ᭄ᬧᬸᬭᬸᬦ᭄ᬧᬶᬯᬮ᭄᭞ᬢᬶᬢ᭄ᬬᬂᬗᬶᬭᬶᬂ᭞ᬮᬾᬤᬂᬭᬢᬸᬗᬶᬘᬾᬦ᭄ᬯᬱ᭄ᬝ᭟᭜᭟ᬭᬤᬾᬦ᭄ᬕᬮᬸᬄᬫᬗᬦ᭄ᬤᬶᬓ᭞ᬩᬬᬦ᭄ᬓᭂᬫᬓᬾᬫᬲᬳᬶ᭞ᬲᬕᬶᬬᬂᬳᬶᬧᬓᬂᬭᬭᬲ᭄᭞ᬳᬧᬂᬬᬫᬥᬳᬃᬫᬮᬸ᭞ᬦᬶᬩᬬ

Auto-transliteration

[11 11B] 11. yan, hĕmbokdumunanmamar̀ggi, tityangmangungkurinhĕmbok, sagr̥ĕhansamilumaku, satĕkaneringbañcingaḥ, nggawepangid, rarisngojogringpagaluhan \\•\\ sapra ptaneringpagaluhan, dapĕtangrahadendewī, risĕdĕkidamamawos, rarisyanibayanrawuḥ, nikipar̥ĕkanidewa, sāmpunprapti, radendewigĕlismañingak. 0. rarisidamĕjangrontal, tumulingandikaharis, mahidiniyanmanongos, hĕdacahijĕjĕḥtakut, makĕlocahitwarangĕnaḥ, marajani, cahingĕnaḥ tĕkennira \\•\\ yentwarahĕmboknundenang, nibayanmangaliḥcahi, taningĕtcahiringhĕmbok, nudukcahiditamanmalu, rahadyansawur̀lwir̀gula, matur̀sisip [12 12A] , tityangnunasgungsāmpura \\•\\ tityangnunaspapongoran, nemangkintityangmangiring, mar̥ĕkringcokor̀hidewa, boyatityanglalirata, ringhatur̀tityangringtaman, hi nggiḥmangkin, tityangmuputangbawula \\•\\ rahadendewīngandika, yeningketotuhucahi, hĕdabuwinkajabanongos, ringhumahehiñabĕkung, dirangkicahima gĕnaḥ, jroningpurī, ditumalajaḥhanemĕlaḥ \\•\\ cahihanggonhĕmbokñama, hĕmbokmangadanincahi, cahimadanpakangraras, rahadyan'gĕlissumawur̀, tityangta npurunpiwal, tityangngiring, ledangratungicenwaṣṭa \\•\\ raden'galuḥmangandika, bayankĕmakemasahi, sagiyanghipakangraras, hapangyamadhahar̀malu, nibaya

Leaf 12

Image on Archive.org

[᭑᭒ 12B] ᭑᭒᭟ ᬦ᭄ᬫᬢᬸᬃᬲᬦ᭄ᬤᬶᬓ᭞ᬕᭂᬮᬶᬲ᭄ᬫᬲᬕᬶ᭞ᬦᬶᬩᬬᬦ᭄ᬫᬫ᭄ᬩᬓ᭄ᬢᬲᭀᬥ᭟᭜᭟ᬭᬤᬾᬦ᭄ᬤᬾᬯᬷᬫᬮᬶᬄᬗᬦ᭄ᬤᬶᬓ᭞ᬦᬄᬫᬥᬳᬃᬓᬾᬫᬮᬸᬘᬳᬶ᭞ᬧᬓᬂᬭᬭᬲ᭄ᬲᬯᬸᬃᬦᬸᬦᬲ᭄᭞ᬧᬳᬶᬘᬦ᭄ᬘᭀᬓᭀᬃ ᬳᬶᬭᬢᬸ᭞ᬢᬸᬯᬦ᭄ᬤᬾᬯᬷᬲᬯᬸᬃᬮᬯᬸᬢᬂ᭞ᬫᬥᬳᬃᬘᬳᬶ᭞ᬓᬗ᭄ᬕᭀᬯᬂᬓᬾᬢᭀᬲᬳᬤᬦ᭟᭜᭟ᬳᬶᬧᬓᬂᬭᬭᬲ᭄ᬫᬥᬳᬃ᭞ᬯᬸᬲ᭄ᬫᬥᬳᬃᬗᬶᬦᬂᬲᬶᬭᬶᬄ᭞ᬲᬫ᭄ᬩᬶᬮ᭄ᬦᬸᬦᬲ᭄ᬧᬓᬬᬸᬦᬦ᭄᭞ ᬗᬦ᭄ᬤᬶᬓᬭᬳᬤᬾᬦ᭄ᬕᬮᬸᬄ᭞ᬦᬄᬓᭂᬫᬓᬾᬚᬦᬶᬩ᭄ᬤᬮ᭄᭞ᬢᭂᬓᭂᬤ᭄ᬤᬶᬭᬗ᭄ᬓᬶ᭞ᬤᬶᬢᬸᬢᭀᬗᭀᬲ᭄ᬘᬳᬶᬫᭂᬮᬄ᭟᭜᭟ᬦᬗ᭄ᬳᬶᬂᬳᭂᬤᬘᬳᬶᬢᬸᬦ᭞ᬫᬮᬚᬳᬶᬦ᭄ᬲᭀᬮᬄᬩᭂᬘᬶᬓ᭄᭞ᬫᬕᬸ ᬭᬸᬮᬖᬸᬯᬶᬭᬫ᭞ᬳᬦᬾᬜᬦ᭄ᬤᬂᬬᭀᬕ᭄ᬬᬢᬶᬭᬸ᭞ᬳᭂᬤᬫᬮᬸᬗᬓᬸᬩᬶᬲ᭄᭞ᬓᬾᬢᭀᬘᬳᬶ᭞ᬲᬯᬸᬃᬓᭂᬜᬶᬂᬋᬓᬾᬭᬳᬤ᭄ᬬᬦ᭄᭟᭜᭟ᬢᬶᬢ᭄ᬬᬂᬜᬸᬯᬦ᭄ᬧᬗᬦ᭄ᬤᬶᬓ᭞ᬲᬓᬬᬸᬦ᭄ᬭ [᭑᭓ 13A] ᬭᬸᬫᬵᬲ᭄ᬫᬡᬶᬓ᭄᭞ᬲᬳᬸᬭᬶᬧ᭄ᬢᬶᬢ᭄ᬬᬗᬾᬜᭀᬓᭀᬃ᭞ᬫᬫᬋᬓᬦ᭄ᬭᬶᬂᬳᬶᬭᬢᬸ᭞ᬤ᭄ᬬᬧᬶᬦ᭄ᬫᬳᬯᬦᬦ᭄ᬭᬸᬲᬓ᭄᭞ᬢᬶᬢ᭄ᬬᬂᬪᬓ᭄ᬢᬶ᭞ᬲᬓᬬᬸᬦ᭄ᬘᭀᬓᭀᬃᬳᬶᬤᬾᬯ᭟᭜᭟ᬭᬤᬾᬦ᭄ᬤᬾᬯᬷᬫᬗᬦ᭄ᬤᬶᬓ ᭞ᬫᬾᬫᬾᬳᬶᬜᬓᭂᬫᬫᬸᬮᬶᬄ᭞ᬳᭂᬤᬫᬾᬫᬾᬫᬧᬗᭂᬦᬦ᭄᭞ᬫᬕᬸᬲ᭄ᬢᬶᬢᭂᬓᬾᬦᬶᬂᬳᬓᬸ᭞ᬧᬦᬓ᭄ᬫᬾᬫᬾᬦᬾᬤᬶᬦᬶᬤᭂᬧᬂ᭞ᬬᬤᬶᬭᬗ᭄ᬓᬶ᭞ᬫᬳᬶᬤᭂᬮᭀᬓᬶᬦ᭄ᬓᬧᬄᬓᬧᬄ᭟᭜᭟ᬳᬶᬜᬩᭂᬓᬸᬂᬫᬢᬸᬃᬲᭂ ᬫ᭄ᬩᬄ᭞ᬭᬢᬸᬳᬬᬸᬢᬶᬢ᭄ᬬᬂᬗᬶᬭᬶᬂ᭞ᬭᬳᬤ᭄ᬬᬦ᭄ᬲᬸᬫᬯᬸᬃᬳᬮᭀᬦ᭞ᬫ᭄ᬭᬶᬓᬩᬶᬩᬶᬳᬶᬜᬫᬦ᭄ᬢᬸᬓ᭄᭞ᬳᭂᬤᬩᬶᬩᬶᬫᬜᭂᬩᭂᬢᬂ᭞ᬢᬶᬢ᭄ᬬᬂᬤᬶᬦᬶ᭞ᬤᬶᬭᬗ᭄ᬓᬶᬧᬘᬂᬫᬕᭂᬦᬄ᭟᭜᭟ᬬᬾᬦ᭄ᬩᬶᬩᬶᬳᭂᬦᬸᬢᬺ ᬱ᭄ᬡ᭞ᬭᬶᬂᬢᬶᬢ᭄ᬬᬂᬯᭀᬂᬓᬲ᭄ᬬᬲᬶᬄ᭞ᬦᬗ᭄ᬳᬶᬂᬩᬩᬶᬤᬫᬓᭂᬮᭀ᭞ᬩ᭄ᬭᬗ᭄ᬢᬶᬢᭂᬓᬾᬦ᭄ᬢᬶᬢ᭄ᬬᬂᬳᬸᬩᬸᬄ᭞ᬢᬦ᭄ᬧᬫᬾᬫᬾᬦ᭄ᬧᬩᬧ᭞ᬫᬗ᭄ᬓᬶᬦ᭄ᬩᬶᬩᬶ᭞ᬳᬗ᭄ᬕᭀᬦ᭄ᬢᬶᬢ᭄ᬬᬂᬫᬾᬫᬾᬩᬧ᭟᭜᭟ᬓᬢᬄᬧᬜ᭄ᬚ᭄ᬭᭀᬯ

Auto-transliteration

[12 12B] 12. nmatur̀sandika, gĕlismasagi, nibayanmambaktasodha \\•\\ radendewīmaliḥngandika, naḥmadhahar̀kemalucahi, pakangrarassawur̀nunas, pahicancokor̀ hiratu, tuwandewīsawur̀lawutang, madhahar̀cahi, kanggowangketosahadana \\•\\ hipakangrarasmadhahar̀, wusmadhahar̀nginangsiriḥ, sambilnunaspakayunan, ngandikarahaden'galuḥ, naḥkĕmakejanibdal, tĕkĕddirangki, ditutongoscahimĕlaḥ \\•\\ nanghinghĕdacahituna, malajahinsolaḥbĕcik, magu rulaghuwirama, haneñandangyogyatiru, hĕdamalungakubis, ketocahi, sawur̀kĕñingr̥ĕkerahadyan \\•\\ tityangñuwanpangandika, sakayunra [13 13A] rumāsmaṇik, sahuriptityangeñokor̀, mamar̥ĕkanringhiratu, dyapinmahawananrusak, tityangbhakti, sakayuncokor̀hidewa \\•\\ radendewīmangandika , memehiñakĕmamuliḥ, hĕdamememapangĕnan, magustitĕkeninghaku, panakmemenedinidĕpang, yadirangki, mahidĕlokinkapaḥkapaḥ \\•\\ hiñabĕkungmatur̀sĕ mbaḥ, ratuhayutityangngiring, rahadyansumawur̀halona, mrikabibihiñamantuk, hĕdabibimañĕbĕtang, tityangdini, dirangkipacangmagĕnaḥ \\•\\ yenbibihĕnutr̥ĕ ṣṇa, ringtityangwongkasyasiḥ, nanghingbabidamakĕlo, brangtitĕkentityanghubuḥ, tanpamemenpabapa, mangkinbibi, hanggontityangmemebapa \\•\\ kataḥpañjrowa

Leaf 13

Image on Archive.org

[᭑᭓ 13B] ᭑᭓᭟ ᬦ᭄ᬫᬶᬋᬗᬂ᭞ᬓᬮᬶᬄᬳᬶᬤᬭᬤᬾᬦ᭄ᬤᬾᬯᬷ᭞ᬢᬸᬯᬶᬢᬸᬯᬄᬫᬓᬤᬮᭀᬤᭀᬄ᭞ᬜᬢ᭄ᬯᬢᭂᬓᬾᬦ᭄ᬳᬶᬜᬩᭂᬓᬸᬂ᭞ᬦᬶᬳᬶᬜᬫᬲᭂᬫᬸᬯᬱ᭄ᬧ᭞ᬢᬸᬃᬫᬧᬫᬶᬢ᭄᭞ᬢᬸᬫᬸᬮᬶᬫᬗ᭄ᬭᬭᬶᬲ᭄ᬩᬸᬤᬮ᭄᭟᭜᭟ ᬢᬸᬯᬦ᭄ᬤᬾᬯᬷᬫᬮᬶᬄᬗᬦ᭄ᬤᬶᬓ᭞ᬭᬶᬂᬧᬗᬶᬦ᭄ᬢᬾᬩᬬᬦ᭄ᬲᬗ᭄ᬳᬶᬢ᭄᭞ᬓᬓᬓᭂᬫᬤᬶᬢᬸᬤᬩ᭄ᬤᬩᬂ᭞ᬢᬶᬓᭂᬄᬕᬍᬂᬫᬶᬯᬄᬓᬲᬸᬃ᭞ᬮᬗ᭄ᬲᬾᬮᬮᬸᬳᬸᬭᬾᬧᬦ᭄ᬢᭂᬲᬂ᭞ᬫ᭄ᬯᬄᬕᬕᬸᬮᬶᬂ᭞ᬢᭂᬓᬾᬦ᭄ᬧᬯᭀᬳ ᬦ᭄ᬧᬢᬶᬯᬶᬤ᭄ᬯᬦ᭄᭟᭜᭟ᬧᬗ᭄ᬚ᭄ᬭᭀᬯᬦ᭄ᬫᬓ᭄ᬢᬧᬫᬺᬫᬦ᭄᭞ᬫᬤᬸᬮᬸᬭᬦ᭄ᬘᬦᬂᬳᬯᬜ᭄ᬘᬶ᭞ᬫᬶᬯᬄᬯᬲ᭄ᬢ᭄ᬭᬘᭂᬧᬸᬓ᭄ᬯᬶᬭᬂᬭᭀᬂ᭞ᬲᬩᬸᬓ᭄ᬲᬸᬢ᭄ᬭᬦᬾᬫᬲᬯᬸᬤ᭄᭞ᬓᬫ᭄ᬧᬸᬄᬲᬸᬢ᭄ᬭᬩᬩᬶᬦ᭄ᬢᬗᬦ᭄᭞ᬫᬤᬲᬃᬢ ᬗᬶ᭞ᬲᬧᬗᬗ᭄ᬕᭀᬦᬦᬓ᭄ᬮᬦᬂ᭟᭜᭟ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬭᬳᬤ᭄ᬬᬦ᭄ᬭᬭᬶᬲ᭄ᬓᬭᬗ᭄ᬓᬶ᭞ᬧᬫᬃᬕ᭄ᬕᬶᬦᬾᬲᬤᬳᬮᭀᬦ᭄᭞ᬭᬤᬾᬦ᭄ᬤᬾᬯᬷᬤᬫᬦ᭄ᬤᬸᬮᬸ᭞ᬮ᭄ᬧᬳᬾᬳᬶᬧᬓᬂᬭᬭᬲ᭄᭞ᬢᬸ [᭑᭔ 14A] ᬳᬳᬲᬶᬦ᭄᭞ᬢᬶᬗ᭄ᬓᬳᬾᬦᬶᬭᬸᬓᬭᬹᬧ᭟᭜᭟ᬢᬦ᭄ᬓᬾᬘᬧ᭄ᬋᬓᬾᬤᬶᬚᬮᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬬᬭᬶᬂᬭᬗ᭄ᬓᬶ᭞ᬭᬳᬤ᭄ᬬᬦ᭄ᬫᬮᬶᬗ᭄ᬕᬶᬄᬩᭂᬗᭀᬂ᭞ᬩᬬᬦ᭄ᬲᬗ᭄ᬳᬶᬢ᭄ᬩᬸᬤᬮ᭄ᬲᬵᬫ᭄ᬧᬸᬦ᭄᭞ᬗᬶᬦ᭄ᬢᬾᬗᭂ ᬕ᭄ᬩᬦ᭄ᬮᬦ᭄ᬧᬜ᭄ᬚ᭄ᬭᭀᬯᬦ᭄᭞ᬧᬥᬧᬓ᭄ᬭᬶᬫᬶᬓ᭄᭞ᬫᬶᬲᬶᬓᬂᬳᬶᬧᬓᬂᬭᬭᬲ᭄᭟᭜᭟ᬧᬥᬫᬗᬮᬶᬄᬧᬳᬾᬓᬦ᭄᭞ᬳᬤᬗᬮᬶᬄᬕᬸᬡᬧᬗᬲᬶᬄ᭞ᬳᬤᬗᬮᬶᬄᬩᬸᬗᬄᬧᬗᬗ᭄ᬕᭀ᭞ᬳᬤᬗ ᬮᬶᬄᬤᬸᬬᬸᬂ᭞ᬳᬤᬦᬕᬶᬄᬫᬺᬓᭀᬲ᭞ᬫᬗᬸᬗ᭄ᬕᬳᬶᬦ᭄᭞ᬗᬮᬶᬄᬍᬕᬫᬓᬓᭀᬲᭀᬤᬦ᭄᭟᭜᭟ᬳᭂᬦᭂᬗᬓ᭄ᬦᬧᬸᬦᬶᬓ᭞ᬓᬯᬸᬯᬸᬲᬦ᭄ᬭᬤᬾᬦ᭄ᬤᬾᬯᬷ᭞ᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬭᬶᬂᬧᬢᬸᬭᭀᬦ᭄᭞ᬤᬶᬓ ᬬᬸᬦ᭄ᬫᬲᬶᬄᬫᬕᬦ᭄ᬢᬸᬂ᭞ᬢᬦ᭄ᬮ᭄ᬬᬦᬶᬧᬓᬂᬭᬭᬲ᭄᭞ᬲᬸᬫ᭄ᬮᬧᬶᬂᬮᬶᬭᬶᬂ᭞ᬭᬭᬶᬲ᭄ᬗᬦ᭄ᬤᬶᬓᬭᬶᬂᬦᬶᬩᬬᬦ᭄᭟᭜᭟ᬳᬦᬾᬫᬦᬶᬓᬓᬩᬬᬦ᭄᭞ᬳᬶᬧᬓᬂᬭᬭᬲ᭄‌ᬬᬳᬮᬶᬄ᭞ᬳᬧᬗᬬᬫᬳᬶ᭠

Auto-transliteration

[13 13B] 13. nmir̥ĕngang, kaliḥhidaradendewī, tuwituwaḥmakadalodoḥ, ñatwatĕkenhiñabĕkung, nihiñamasĕmuwaṣpa, tur̀mapamit, tumulimangrarisbudal \\•\\ tuwandewīmaliḥngandika, ringpangintebayansanghit, kakakĕmaditudabdabang, tikĕḥgal̥ĕngmiwaḥkasur̀, langselaluhurepantĕsang, mwaḥgaguling, tĕkenpawoha npatiwidwan \\•\\ pangjrowanmaktapamr̥ĕman, madulurancananghawañci, miwaḥwastracĕpukwirangrong, sabuksutranemasawud, kampuḥsutrababintangan, madasar̀ta ngi, sapanganggonanaklanang \\•\\ tumulirarismamar̀gga, rahadyanrariskarangki, pamar̀gginesadahalon, radendewīdamandulu, lpahehipakangraras, tu [14 14A] hahasin, tingkahenirukarūpa \\•\\ tankecapr̥ĕkedijalan, sāmpunrawuḥyaringrangki, rahadyanmalinggiḥbĕngong, bayansanghitbudalsāmpun, ngintengĕ gbanlanpañjrowan, padhapakrimik, misikanghipakangraras \\•\\ padhamangaliḥpahekan, hadangaliḥguṇapangasiḥ, hadangaliḥbungaḥpanganggo, hadanga liḥduyung, hadanagiḥmr̥ĕkosa, mangunggahin, ngaliḥl̥ĕgamakakosodan \\•\\ hĕnĕngaknapunika, kawuwusanradendewī, sāmpunmunggaḥringpaturon, dika yunmasiḥmagantung, tanlyanipakangraras, sumlapingliring, rarisngandikaringnibayan \\•\\ hanemanikakabayan, hipakangrarasyahaliḥ, hapangayamahi‐

Leaf 14

Image on Archive.org

᭑᭔ ᭑᭔᭟ ᬢᭂᬓ᭞ᬦᬶᬩᬬᬦ᭄ᬕᭂᬮᬶᬲ᭄ᬫᬳᬢᬸᬃ᭞ᬢᬶᬢ᭄ᬬᬂᬗᬶᬭᬶᬂᬧᬓᬬᬸᬦᬦ᭄᭞ᬲᬵᬫ᭄ᬧᬸᬦ᭄ᬯᭂᬗᬶ᭞ᬦᬸᬦᬲ᭄ᬭᬢᬸᬫᬗ᭄ᬓᬾᬦ᭄ᬦᬶᬤ᭄ᬭ᭟᭜᭟ᬓᭀᬘᬧ᭄ᬚᬦᬶᬗᬍᬫᬳ᭞ᬦᬶᬩᬬᬦ᭄ᬕᭂᬮᬶᬲ᭄ᬓᬭᬗ᭄ᬓᬶ᭞ᬫᬗᬮᬶᬄᬳᬶᬧᬓᬂᬭ

Auto-transliteration

14 14. tĕka, nibayan'gĕlismahatur̀, tityangngiringpakayunan, sāmpunwĕngi, nunasratumangkennidra \\•\\ kocapjaningal̥ĕmaha, nibayan'gĕliskarangki, mangaliḥhipakangra

Leaf 15

Image on Archive.org

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org

Leaf 67

Image on Archive.org

Leaf 68

Image on Archive.org

Leaf 69

Image on Archive.org

Leaf 70

Image on Archive.org

Leaf 71

Image on Archive.org

Leaf 72

Image on Archive.org

Leaf 73

Image on Archive.org

Leaf 74

Image on Archive.org

Leaf 75

Image on Archive.org

Leaf 76

Image on Archive.org

Leaf 77

Image on Archive.org

Leaf 78

Image on Archive.org

Leaf 79

Image on Archive.org

Leaf 80

Image on Archive.org

Leaf 81

Image on Archive.org

Leaf 82

Image on Archive.org

Leaf 83

Image on Archive.org

Leaf 84

Image on Archive.org

Leaf 85

Image on Archive.org

Leaf 86

Image on Archive.org

Leaf 87

Image on Archive.org

Leaf 88

Image on Archive.org