Gaguritan Puyung Sugih

Original on Archive.org

Description

Bahasa Indonesia

English

Front and Back Covers

Image on Archive.org

Leaf 1

Image on Archive.org

[ ᭑ 1B] ᭑ ᭚ᬒᬁᬆᬯᬶᬖ᭄ᬦᬫᬲ᭄ᬢᬶ᭟ᬇᬣᬶᬕᬕᬸᬭᬶᬢᬦ᭄᭞ᬧᬸᬬᬹᬂᬲᬸᬕᬶᬄ᭟᭐᭟ᬧᬸᬧᬸᬄᬕᬶᬦᬥ᭟᭐᭟ᬗ᭟ᬳᬶᬲᭂᬂᬢᬶᬢ᭄ᬬᬂᬗᬗᬶᬢ᭄ᬕᬶᬢ᭞ᬢᬦᬶᬓᬯᬸᬄᬢᬦᬶᬓᬗᬶᬦ᭄᭞ᬥᬸᬥᬸᬓᬚᬫᬶᬯᬄᬓᭂᬮᭀᬤ᭄᭞ᬲᬶᬦᬵᬫ᭄ᬧᬸ᭠ ᬭᬲᭀᬓ᭄ᬫᬫᬸᬧᬸᬄ᭞ᬧᬸᬄᬕᬶᬦᬥᬓᬢᭂᬫ᭄ᬩᬗᬂ᭞ᬓ᭄ᬯᬦ᭄ᬢᬦ᭄ᬜᬲᬶᬓ᭄᭞ᬳᬶᬦ᭄ᬥᬶᬓ᭄ᬢᬸᬢᬸᬃᬢᬸᬦᬮᬶᬯ᭠ᬢ᭄᭟᭐᭟᭒᭟ᬲᬓᬶᬂᬧᬸᬭᬸᬦ᭄ᬓᬕᬸᬬᭀᬦᬦ᭄᭞ᬫᬹᬥᬧᬸᬗ᭄ᬕᬸᬂᬮᬶᬦ᭄ᬢᬂᬫᬸᬗᬶᬮ᭄᭞ᬳᬗ᭄ᬕᭀᬦ᭄ᬗᭂᬫ᭄ᬧᬸᬩᭂᬮᭀᬕ᭄ᬧᭀ᭠ ᬚᭀᬮ᭄᭞ᬳᬲᬶᬂᬳᬸᬚᬂᬮᬶᬂᬮᬸᬂᬩᬸᬤᬸᬄ᭞ᬓᭂᬢᬸᬢ᭄ᬲᬗ᭄ᬕᬂᬯᬱ᭄ᬞᬦ᭄ᬢᬶᬢ᭄ᬬᬂ᭞ᬢᬸᬦᬲᬫᬶ᭞ᬕᬸᬦᬸᬂᬩᬜ᭄ᬚᬃᬭᬶᬂᬩᬲ᭄ᬢᬮ᭟᭐᭟᭓᭟ᬯᭂᬗᬶᬯᬳᬸᬦᬫ᭄ᬧᬶᬍᬫᬄ᭞ᬩᬗᬸᬦ᭄ᬢᬶᬢ᭄ᬬᬂᬭᬭᬶᬲ᭄ᬦᬸᬮᬶᬲ᭄᭞ᬦᬸᬚᬸᬩᬸᬤ᭄ᬥᬢᬗ᭄ᬕ ᬮ᭄ᬧᬶᬦ᭄ᬤᭀ᭞ᬭᬶᬂᬓᬸᬭᬦ᭄ᬢᬶᬮ᭄ᬯᬸᬓᬸᬦᬶᬧᬸᬦ᭄᭞ᬰᬰᬶᬄᬓᬧᬢ᭄ᬲᬵᬫ᭄ᬧᬸᬦ᭄ᬯᬬᬄ᭞ᬢᬳᬸᬦ᭄ᬩᬮᬶ᭞ᬲ᭄ᬬᬩᬗ᭄ᬲᬶᬢ᭄ᬦᭂᬫ᭄ᬤᬰᬤᬤ᭄ᬯ᭟᭐᭟᭕᭟ᬭᬶᬂᬯᭀᬮᬦ᭄ᬥᬶᬳᬸᬚᬸᬂᬢᬶᬢ᭄ᬬᬂ᭞ᬤ᭄ᬯᬮᬶᬓᬸᬃᬢᬗ᭄ᬕᬮ᭄ᬲᬫᬶ᭞ᬑᬓ᭄ᬢᭀᬩᭂᬃ [ 2A] ᬰᬰᬶᬳᬾᬚᬦ᭄ᬢᭀᬲ᭄᭞ᬭᬄᬢᬸᬗ᭄ᬕᬮ᭄ᬢᭂᬗ᭄ᬕᭂᬓ᭄ᬘᬢᬸᬃ᭞ᬰᬓᬯᬃᬱᬦᬾᬳᬸᬘᬧᬂ᭞ᬲᬗᬩᬗ᭄ᬲᬶᬢ᭄᭞ᬲᬢᬸᬲᬧᭂᬢᬂᬤᬰᬢᬸᬗ᭄ᬕᬮ᭄᭟᭕᭟ᬢᬸᬢᬸᬃᬯᬳᬸᬓᬳᬸᬗ᭄ᬕᬳᬂ᭞ᬳᬶᬳᬜᬃᬩᬳᬸᬓᬕᬸᬭᬶᬢ᭄᭞ᬦᬾᬓ᭠ ᬭᬶᬜ᭄ᬘᬶᬓ᭄ᬚᬦ᭄ᬫᬭᭀᬭᭀ᭞ᬯᬯᬸᬗᬦ᭄ᬢᬾᬦ᭄ᬳᬶᬲ᭄ᬢ᭄ᬭᬷᬓᬓᬸᬂ᭞ᬫᬸᬗ᭄ᬕᬄᬳᬶᬧᬸᬦ᭄ᬲᬓᬶᬂᬲᬗ᭄ᬲᬭ᭞ᬫᬗ᭄ᬕᬸᬄᬩᭂᬘᬶᬓ᭄᭞ᬤᬶᬫᬢᬸᬦᬾᬓᬢᭂᬫᭀᬓᬂ᭟᭐᭟᭖᭟ᬤᬸᬓᬾᬓᬸᬦᬢᭂᬫ᭄ᬧᬮ᭄ᬧᬶᬲᬦ᭄᭞ᬦᬭᬶᬂᬳᬶ᭠ ᬤᬲᬂᬳ᭄ᬬᬂᬯᬶᬥᬶ᭞ᬫᬗᬸᬮᬸᬭᬶᬦᬶᬥᭂᬧ᭄ᬫᭀᬫᭀ᭞ᬫᬗ᭄ᬓᬶᬦᬶᬧᬸᬦ᭄ᬯᬯᬸᬗᬸᬕᬸ᭞ᬇᬦ᭄ᬥᬶᬓ᭄ᬳᬶᬤᬲᬂᬳ᭄ᬬᬂᬥᬃᬫ᭞ᬓᬲᬸᬗ᭄ᬓᭂᬫᬶᬦ᭄᭞ᬮᬶᬦ᭄ᬢᬂᬗᬸᬗ᭄ᬕᬸᬮ᭄ᬦᬭᬶᬂᬚᬕᬢ᭄᭟᭐᭟᭗᭞ᬮᬦᬂᬳᬶᬲ᭄ᬢ᭄ᬭᬶᬦᬩ᭄ᬤᬩ᭄ᬳᬯ ᬓ᭄᭞ᬲᭂᬮᬶᬤ᭄ᬲᬜ᭄ᬚᬲ᭄ᬬᬂᬮᬢ᭄ᬭᬶ᭞ᬢᬶᬗ᭄ᬓᬄᬮᬓᬸᬮᬶᬦ᭄ᬢᬂᬗᬲᭀᬃ᭞ᬚᬦ᭄ᬫᬇᬓᬦᬭᬶᬂᬓᬸᬩᬸ᭞ᬧᬤᬾᬰᬬᬦ᭄ᬜᬦᬾᬓᭀᬘᬧ᭄᭞ᬮᬶᬦ᭄ᬢᬂᬲᭂᬧᬶ᭞ᬓᬭᬂᬲᬸᬯᬸᬂᬓᬂᬳᬶᬦᬸᬘᬧ᭄᭟᭐᭟᭘᭞

Auto-transliteration

[ 1 1B] 1 // oṁāwighnamasti. ithigaguritan, puyūngsugiḥ. 0. pupuḥginadha. 0. nga. hisĕngtityangngangitgita, tanikawuḥtanikangin, dhudhukajamiwaḥkĕlod, sināmpu‐ rasokmamupuḥ, puḥginadhakatĕmbangang, kwantanñasik, hindhiktutur̀tunaliwa‐t. 0. 2. sakingpurunkaguyonan, mūdhapunggunglintangmungil, hanggonngĕmpubĕlogpo‐ jol, hasinghujanglinglungbuduḥ, kĕtutsanggangwaṣṭhantityang, tunasami, gunungbañjar̀ringbastala. 0. 3. wĕngiwahunampil̥ĕmaḥ, banguntityangrarisnulis, nujubuddhatangga lpindo, ringkurantilwukunipun, śaśiḥkapatsāmpunwayaḥ, tahunbali, syabangsitnĕmdaśadadwa. 0. 5. ringwolandhihujungtityang, dwalikur̀tanggalsami, oktobĕr̀ [ 2A] śaśihejantos, raḥtunggaltĕnggĕkcatur̀, śakawar̀ṣanehucapang, sangabangsit, satusapĕtangdaśatunggal. 5. tutur̀wahukahunggahang, hihañar̀bahukagurit, neka‐ riñcikjanmaroro, wawungantenhistrīkakung, munggaḥhipunsakingsangsara, mangguḥbĕcik, dimatunekatĕmokang. 0. 6. dukekunatĕmpalpisan, naringhi‐ dasanghyangwidhi, mangulurinidhĕpmomo, mangkinipunwawungugu, indhik'hidasanghyangdhar̀ma, kasungkĕmin, lintangngunggulnaringjagat. 0. 7 lananghistrinabdab'hawa k, sĕlidsañjasyanglatri, tingkaḥlakulintangngasor̀, janma'ikanaringkubu, padeśayanñanekocap, lintangsĕpi, karangsuwungkanghinucap. 0. 8

Leaf 2

Image on Archive.org

[᭒ 2B] ᭒ ᬫᬭᬶᬂᬢᬸᬢᬸᬃᬓᬳᬸᬗ᭄ᬕᬳᬂᬫᬯᬱ᭄ᬞᬳᬶᬯᬬᬦ᭄ᬲᬸᬕᬶᬄ᭞ᬳᬶᬧᬸᬬᬸᬂᬦᬾᬮᬦᬂᬋᬓᭀ᭞ᬓᬸᬤᬂᬢᬶᬩᬦ᭄ᬲᬫ᭄ᬧᬸᬦᬶᬧᬸᬦ᭄᭞ᬮᬯᬲ᭄ᬜᬦᬾᬧᬗᬦ᭄ᬢᬾᬦᬦ᭄᭞ᬓᬘᬶᬢ᭄ᬫᬗ᭄ᬓᬶᬦ᭄᭞ᬯᬯᬸᬗᬶᬤᬫ᭄ᬓᬮᬶᬄ ᬩᬸᬮᬦ᭄᭟᭐᭟᭙᭟ᬤᬦᬾᬧᬸᬬᬸᬂᬮᬶᬦ᭄ᬢᬂᬋᬡ᭞ᬭᬶᬂᬭᬩᬶᬦᬾᬫᬗᬃᬩᬶᬦᬶ᭞ᬦᬾᬮᬦᬂᬫᬫᬸᬜᬶᬳᬮᭀᬦ᭄᭞ᬜᬳᬶᬯᬬᬦ᭄ᬳᬚᬢᬸᬬᬸᬄ᭞ᬳᬕᭂᬢ᭄ᬚᬦᬶᬲᬶᬫ᭄ᬧᬸᬭ᭞ᬭᬶᬂᬳ᭄ᬬᬂᬯᬶᬤᬶ᭞ᬧᬲ᭄ᬯᬾᬘᬦᬾᬳᬕᬸᬂᬧᬶᬲᬦ᭄ ᭟᭐᭟᭑᭐᭟ᬧᬶᬦᬸᬦᬲᬾᬓᬲᬶᬦᬳᬂ᭞ᬧᭀᬘᭀᬮ᭄ᬲᬸᬩᬓᬲᬶᬗ᭄ᬓᬸᬳᬶᬦ᭄᭞ᬳᬬ᭄ᬯᬲᬸᬭᬸᬤ᭄ᬗ᭠ᬮᬧ᭄ᬓᬲᭀᬃ᭞ᬫᬗᬲ᭄ᬢᬯᬲ᭄ᬬᬂᬤᬮᬸ᭞ᬤᬸᬫᬥᬓ᭄ᬫᬗ᭄ᬕᬸᬄᬲᬵᬫ᭄ᬧᬸᬭᬡ᭞ᬓᬲᬫ᭄ᬧᭀᬮᬶᬄ᭞ᬓᬺᬢᬶᬦᬾᬤᬤᬶᬲᬬᬸ ᬩᬦ᭄᭟᭐᭟᭑᭑᭟ᬯᬬᬦ᭄ᬲᬸᬕᬶᬄᬫᬫᬢᬹᬢᬂ᭞ᬫᬮᬓ᭄ᬱᬡᬦᭀᬮᬄᬍᬯᬶᬄ᭞ᬦᬶᬕᬂᬤᬶᬦᬬᬫᬕᭂᬦ᭄ᬢᭀᬲ᭄᭞ᬩᬩᬦ᭄ᬢᭂᬦᬾᬢᭂᬢᭂᬧ᭄ᬲᬫ᭄ᬧᬸᬦ᭄᭞ᬳᬲᭂᬧ᭄ᬤᬸᬧᬫᬯᭀᬃᬫᭂᬜᬦ᭄᭞ᬮᬦ᭄ᬳᬲ᭄ᬢ᭠ [ ᭓ 3A] ᬗ᭄ᬕᬶ᭞ᬜᬸᬤ᭄ᬥᬫᬵᬮᬦᬶᬂᬩᭂᬮᬶᬗᬦ᭄᭟᭐᭟᭑᭒᭟ᬮᬶᬫᬦᬾᬢᬦ᭄ᬓᬳᬸᬘᬧᬂ᭞ᬩᭀᬮᭀᬢᬦᬾᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄᭞ᬦᬸᬚᬸᬧᬹᬃᬡᬫᬦᬶᬂᬓᬧᬢ᭄᭞ᬓᭂᬩ᭄ᬮᭀᬗᭀᬯᬾᬂᬲᬵᬫ᭄ᬧᬸᬦ᭄ᬫᭂᬢᬸ᭞ᬳᬶᬧᬸᬬᬸᬂᬜᬳᬸ ᬧ᭄ᬗᬶᬫᬗᬂ᭞ᬓᬕᬾᬢ᭄ᬳᬶᬲ᭄ᬢ᭄ᬭᬷ᭞ᬳᬬᬸᬦᬾᬫᬗᬬᬂᬗᬬᬂ᭟᭐᭟᭑᭓᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬢᬶᬦᭂᬕᭂ᭠ᬲᬦ᭄᭞ᬤᬧᭂᬢᬦ᭄ᬲᬫ᭄ᬧᬸᬜ᭄ᬘᬸᬫᬯᬶᬲ᭄᭞ᬳᬶᬬᬸᬃᬲᭀᬮᬄᬲᬶᬂᬚᬩ᭞ᬲᭀᬓᬶᬧᬸᬦ᭄ᬧᬥᬫᬦᬶᬦᬹᬢ᭄᭞ᬗᬦᬹ᭠ ᬢᬶᬫᬵᬦᬱᬬᬚ᭄ᬜ᭞ᬭᭀᬭᬲ᭄ᬫᬮᬶᬄ᭞ᬭᬭᬾᬲᬫ᭄ᬧᬸᬦ᭄ᬢᬶᬕᬂᬯᬸᬮᬦ᭄᭟᭐᭟᭑᭔᭟ᬧᬸᬬᬸᬲᬸᬕᬶᬄᬓᬓᭂᬢᬳᬂ᭞ᬧ᭄ᬬᬦᬓ᭄ᬤᬦᬾᬲᬦᬾᬫᬗ᭄ᬓᬶᬦ᭄᭞ᬮ᭄ᬯᬶᬄᬲᬳᬬᬸᬮᬦᬸᬲ᭄ᬋᬓᭀ᭞ᬯ᭄ᬯᬂᬤᬾᬰᬦᬾᬧ ᬥᬭᬯᬸᬄ᭞ᬲᬫᬶᬳᭀᬮᬲ᭄ᬫᬭᬭᬧᬦ᭄᭞ᬍᬫᬄᬯᭂᬗᬶ᭞ᬓᬤᬶᬯᬃᬱᬢᬦ᭄ᬲᬸᬭᬸᬤᬦ᭄᭟᭐᭟᭑᭕᭟ᬩᭂᬓᭂᬮᬾᬤᬸᬫᬥᬶᬫᭂᬮᬄ᭞ᬧᬸᬦᬶᬓᬦᬾᬫᬗᬯᬶᬦᬶᬦ᭄᭞ᬫᬺᬢᬦᬾᬗᬮᬶᬫᬵᬦᬸᬱ

Auto-transliteration

[2 2B] 2 maringtutur̀kahunggahangmawaṣṭhahiwayansugiḥ, hipuyungnelanangr̥ĕko, kudangtibansampunipun, lawasñanepangantenan, kacitmangkin, wawungidamkaliḥ bulan. 0. 9. danepuyunglintangr̥ĕṇa, ringrabinemangar̀bini, nelanangmamuñihalon, ñahiwayanhajatuyuḥ, hagĕtjanisimpura, ringhyangwidi, paswecanehagungpisan . 0. 10. pinunasekasinahang, pocolsubakasingkuhin, haywasurudnga‐lapkasor̀, mangastawasyangdalu, dumadhakmangguḥsāmpuraṇa, kasampoliḥ, kr̥ĕtinedadisayu ban. 0. 11. wayansugiḥmamatūtang, malakṣaṇanolaḥl̥ĕwiḥ, nigangdinayamagĕntos, babantĕnetĕtĕpsampun, hasĕpdupamawor̀mĕñan, lanhasta‐ [ 3 3A] nggi, ñuddhamālaningbĕlingan. 0. 12. limanetankahucapang, bolotanesāmpunmangkin, nujupūr̀ṇamaningkapat, kĕblongowengsāmpunmĕtu, hipuyungñahu pngimangang, kaget'histrī, hayunemangayangngayang. 0. 13. sāmpunpuputtinĕgĕ‐san, dapĕtansampuñcumawis, hiyur̀solaḥsingjaba, sokipunpadhamaninūt, nganū‐ timānaṣayajña, rorasmaliḥ, raresampuntigangwulan. 0. 14. puyusugiḥkakĕtahang, pyanakdanesanemangkin, lwiḥsahayulanusr̥ĕko, wwangdeśanepa dharawuḥ, samiholasmararapan, l̥ĕmaḥwĕngi, kadiwar̀ṣatansurudan. 0. 15. bĕkĕledumadhimĕlaḥ, punikanemangawinin, mr̥ĕtanengalimānuṣa

Leaf 3

Image on Archive.org

[᭓ 3B] ᭓ ᭞ᬳᭀᬮᬲ᭄ᬳᬲᬶᬄᬧᬥᬪᬬᬸᬄ᭞ᬳᬸᬮᬶᬤᬶᬢᬸᬦᬾᬫᬜᬶᬢ᭄ᬬᬂ᭞ᬲᬫ᭄ᬧᬿᬓᭂᬮᬶᬄ᭞ᬦᬶᬧᬸᬬᬸᬲᬸᬕᬶᬄᬧᬸᬦᬶᬓ᭟᭐᭟᭑᭖᭟ᬲᬫ᭄ᬧᬿᬚᬦᬶᬫᬢᬶᬫ᭄ᬢᬶᬫᬦ᭄᭞ᬧᬵᬦᬓ᭄ᬜᬦᬾᬫᬗᬩᬦᬶᬦ᭄᭞ᬮᬘᬸᬃᬢᬸᬢᬸ᭠ ᬕ᭄ᬳᬕᭂᬢᬺᬦᭀ᭞ᬫᬸᬮᬬᬜᬓᬦ᭄ᬗᬢᭂᬮᬸᬦ᭄᭞ᬓᬜ᭄ᬘᬶᬢ᭄ᬚᬦᬶᬲᬵᬫ᭄ᬧᬸᬦ᭄ᬩᬚᬂ᭞ᬳᬬᬸᬍᬯᬶᬄ᭞ᬯᬬᬳᬾᬮᬶᬫᭀᬮᬲ᭄ᬢᬶᬩᬦ᭄᭟᭐᭟᭑᭗᭟ᬓᬲᭀᬩ᭄ᬲᬫᬶᬫᬗᬦ᭄ᬢᭂᬦᬂ᭞ᬢᬭᬸᬡᬦᬾᬚ᭄ᬭᬶᬄᬫᬫᬸᬜᬶ᭞ᬕᬾ᭠ ᬕᬾᬃᬳᬸᬫᬸᬂᬧᬓᬸᬩᭀᬦ᭄᭞ᬳᬗ᭄ᬕᬸᬭᬦᬾᬭᬫᬾᬤᬶᬢᬸ᭞ᬭᬶᬂᬓᬭᬂᬲᬸᬯᬸᬂᬧᬸᬦᬶᬓ᭞ᬫᬗᬾᬤᬦᬶᬦ᭄᭞ᬳᬦ᭄ᬢᬸᬓ᭄ᬳᬬᬸᬦ᭄ᬜᬦᬷᬯᬬᬦ᭄᭟᭐᭟᭑᭘᭟ᬮᬶᬦ᭄ᬢᬂᬳᬬᬸᬍᬯᬶᬄᬫᬕᬸᬡ᭞ᬦᬷᬮᬸᬄᬯᬬᬦ᭄ᬧᬸᬬᬸᬂ᭠ ᬲᬸᬕᬶᬄ᭞ᬩᬧᬦ᭄ᬜᬦᬾᬭᬭᬶᬲ᭄ᬫᬯᬾᬲ᭄᭞ᬦᬸᬢᬸᬭᬂᬮᬘᬸᬭᬾᬤᬸᬫᬸᬦ᭄᭞ᬜᬳᬶᬯᬬᬦ᭄ᬫᬲᬶᬩᬧ᭞ᬉᬥᬸᬄᬘᭂᬦᬶᬂ᭞ᬢᬢᬲᬂᬯᬬᬦ᭄ᬫᬶᬋᬗᬂ᭟᭐᭟᭑᭙᭟ᬩᬢᬸᬦ᭄ᬢᬶᬗ᭄ᬳᬮ᭄ᬢᬶᬢ᭄ᬬᬂᬤᬾᬯ᭞ᬍᬯᬶᬄᬫ [ 4A] ᬕᬸᬡᬢᬦ᭄ᬧᬢᬦ᭄ᬤᬶᬂ᭞ᬲᬤ᭄ᬬᬦ᭄ᬩᬧᬜᬥᬓ᭄ᬤᬾᬯ᭞ᬤᬸᬫᬸᬦ᭄ᬮᬘᬸᬃᬚᬦᬶᬤᬸᬭᬸᬲ᭄᭞ᬲᬓᬶᬂᬓᬯᬶᬳᬸᬚᬂᬢᬶᬢ᭄ᬬᬂ᭞ᬧᬶᬋᬂᬚᬦᬶ᭞ᬮᬘᬸᬭᬾᬗᬯᬶᬦᬂᬲᬤ᭄ᬬ᭟᭐᭟᭒᭐᭟ᬲᬦᬾᬫᬮᬸᬤᬶᬦᬶᬤᬾᬯ᭞ᬭᬶᬂᬚᬕ ᬢ᭄ᬧᬸᬬᬸᬂᬧᬸᬦᬶᬓᬶ᭞ᬳᬤᬤᬸᬓᬸᬄᬮᬶᬦ᭄ᬢᬂᬓᬯᭀᬢ᭄᭞ᬳᬚᬃᬲᬵᬫ᭄ᬧᬸᬃᬡᬓᬯᬸᬯᬸᬲ᭄᭞ᬮᬶᬦ᭄ᬢᬂᬲ᭠ᬓᬶᬢ᭄ᬮ᭄ᬯᬶᬄᬕᬸᬡᬯᬦ᭄᭞ᬓᬲᬸᬩ᭄ᬭᬶᬭᬶᬄ᭞ᬗᬾᬩᭂᬓ᭄ᬳᬦ᭄ᬢᬸᬓᬵᬲ᭄ᬢᬕᬸᬡ᭟᭐᭟᭒᭑᭟ᬜᭂᬦᭂᬂᬤᬦᬾᬓᬸᬥᬂ᭠ ᬳᬩᬤ᭄᭞ᬦᭀᬭᬓᭂᬦᬾᬢ᭄ᬯᬧᬢᬶ᭞ᬭᬶᬂᬚᬕᬢ᭄ᬤᬦᬾᬓᬲᭀᬳᭀᬃ᭞ᬓᬯᬶᬚᬦᬦ᭄ᬮᬶᬦ᭄ᬢᬂᬧᬸᬢᬸᬲ᭄᭞ᬢᬸᬢᬸᬃᬓᬦ᭄ᬥᬦᬾᬦ᭄ᬢᭂᬦ᭄ᬓᬶᬭᬂ᭞ᬢᬢ᭄ᬯᬳᬚᬷ᭞ᬧᬸᬧᬸᬢᬶᬂᬤᬕᬶᬂᬥᬃᬫ᭟᭐᭟᭒᭒᭞ᬯ᭄ᬯᬂᬲᬸᬯᬸᬗᬾᬢᭂᬮᬲ᭄ᬲ ᬫ᭄ᬬᬦ᭄᭞ᬮᬦᬂᬳᬶᬲ᭄ᬢ᭄ᬭᬷᬳᬕᬸᬂᬳᬮᬶᬢ᭄᭞ᬭᬯᬸᬄᬲᬫᬶᬗᬮᬧ᭄ᬓᬲᭀᬃ᭞ᬫᬕᬸᬭᬸᬭᬶᬂᬚ᭄ᬭᭀᬤᬸᬓᬸᬄ᭞ᬓᬜ᭄ᬘᬦ᭄ᬢᬢ᭄ᬯᬢᭂᬮᬲ᭄ᬓᬳᬚᬃ᭞ᬇᬦ᭄ᬥᬶᬓ᭄ᬱᬶᬗᬶᬢ᭄᭞ᬢᭂᬮᬲ᭄ᬤᬦᬾᬫᬗᬸᬫ᭄ᬧᬸᬮᬂ᭟᭐᭟᭒᭓᭟ᬤ᭄ᬯᬦᬶᬂ

Auto-transliteration

[3 3B] 3 , holashasiḥpadhabhayuḥ, huliditunemañityang, sampaikĕliḥ, nipuyusugiḥpunika. 0. 16. sampaijanimatimtiman, pānakñanemangabanin, lacur̀tutu‐ g'hagĕtr̥ĕno, mulayañakanngatĕlun, kañcitjanisāmpunbajang, hayul̥ĕwiḥ, wayahelimolastiban. 0. 17. kasobsamimangantĕnang, taruṇanejriḥmamuñi, ge‐ ger̀humungpakubon, hangguranerameditu, ringkarangsuwungpunika, mangedanin, hantuk'hayunñanīwayan. 0. 18. lintanghayul̥ĕwiḥmaguṇa, nīluḥwayanpuyung‐ sugiḥ, bapanñanerarismawes, nuturanglacuredumun, ñahiwayanmasibapa, udhuḥcĕning, tatasangwayanmir̥ĕngang. 0. 19. batuntinghaltityangdewa, l̥ĕwiḥma [ 4A] guṇatanpatanding, sadyanbapañadhakdewa, dumunlacur̀janidurus, sakingkawihujangtityang, pir̥ĕngjani, lacurengawinangsadya. 0. 20. sanemaludinidewa, ringjaga tpuyungpuniki, hadadukuḥlintangkawot, hajar̀sāmpur̀ṇakawuwus, lintangsa‐kitlwiḥguṇawan, kasubririḥ, ngebĕk'hantukāstaguṇa. 0. 21. ñĕnĕngdanekudhang‐ habad, norakĕnetwapati, ringjagatdanekasohor̀, kawijananlintangputus, tutur̀kandhanentĕnkirang, tatwahajī, puputingdagingdhar̀ma. 0. 22 wwangsuwungetĕlassa myan, lananghistrīhagunghalit, rawuḥsamingalapkasor̀, magururingjrodukuḥ, kañcantatwatĕlaskahajar̀, indhiksyingit, tĕlasdanemangumpulang. 0. 23. dwaning

Gaguritan Puyung Sugih

Description

Bahasa Indonesia

English

Front and Back Covers

Leaf 1

Leaf 2

Leaf 3

Leaf 4

Leaf 5

Leaf 6

Leaf 7

Leaf 8

Leaf 9

Leaf 10

Leaf 11

Leaf 12

Leaf 13

Leaf 14

Leaf 15

Leaf 16

Leaf 17

Leaf 18

Leaf 19

Leaf 20

Leaf 21

Leaf 22

Leaf 23

Leaf 24

Leaf 25

Leaf 26

Leaf 27

Leaf 28

Leaf 29

Leaf 30

Leaf 31

Leaf 32

Leaf 33

Leaf 34

Leaf 35

Leaf 36

Leaf 37

Leaf 38

Leaf 39

Leaf 40

Leaf 41

Leaf 42

Leaf 43

Leaf 44

Leaf 45

Leaf 46

Leaf 47

Leaf 48

Leaf 49

Leaf 50

Leaf 51

Leaf 52

Leaf 53

Leaf 54

Leaf 55

Leaf 56

Leaf 57

Leaf 58

Leaf 59

Leaf 60

Leaf 61

Leaf 62

Leaf 63

Leaf 64

Leaf 65

Leaf 66

Leaf 67

Leaf 68

Leaf 69

Leaf 70

Leaf 71

Leaf 72

Leaf 73

Leaf 74

Leaf 75