Gaguritan Gde Upeksa

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭚ᬑᬁᬅᬯᬶᬖ᭄ᬦᬫᬵᬲ᭄ᬢᬸᬦᬫᬲᬤᬀ᭚ᬧᬸᬧᬸᬄᬚᬶᬦᬤ᭚ᬲᬓᬶᬂᬳᬶᬲᭂᬂᬫᬦᬄᬢᬶᬢ᭄ᬬᬂ᭞ᬫᬭᬶᬓ᭄ᬲᬢ᭄ᬯᬦᬦᬓ᭄ᬮᬶᬗ᭄ᬲᬶᬃ᭞ᬳᬗ᭄ᬕᬾᬦ᭄ᬗᬮᬷᬮᬬᬂᬫᬦᬳ᭄᭞ᬓᬲᬸᬓᬦᬾᬓ᭄ᬦᬶᬭᬸᬭᬸᬳ᭄᭞ᬦᬾᬫᬤᬲᬃᬤᬰᬾᬦ᭄ᬤ᭄ᬭᬶᬬ᭞ ᬳᬶᬯᬂᬧᬶᬮᬶᬄ᭞ᬓᬤᬾᬦ᭄ᬰ᭄ᬭᬬᬓᬦ᭄ᬢ᭄ᬬᭀᬢ᭄ᬢᬫ᭟ᬦᬗᬃᬤ᭄ᬥᬶᬦᬶᬦ᭄ᬢᬶᬢ᭄ᬬᬂᬲᬤ᭄ᬬ᭞ᬧᬢᬶᬳᬸᬭᬶᬧᬾ᭠ᬳᬶᬃᬓᬶ᭞ᬧᬸᬦᬶᬓᬓ᭄ᬦᬶᬲᬭᬢᬂ᭞ᬳᬗ᭄ᬕᬾᬦ᭄ᬩ᭄ᬭᬬᬢᬺᬱ᭄ᬡᬮᬸᬮᬸᬢ᭄᭞ᬤᬤᭀᬲ᭄ᬦᬸᬗ᭄ᬕᬮᬶᬓ᭄ᬨᬮᬦ᭄ᬜ᭞ᬰ᭠ ᬢ᭄ᬭᬸᬰᬓ᭄ᬢᬶ᭞ᬓ᭄ᬭᬸᬭᬓᬭᬢᬦ᭄ᬧᬲᬫ᭟ᬫᬶᬚᬶᬮ᭄ᬗᭂᬦᬶᬦᬶᬧᬸᬦ᭄ᬗᬩᬭ᭄᭞ᬤᬾᬯᬾᬓ᭄ᬢᬶᬢ᭄ᬬᬗᬾᬓᬪᬰ᭄ᬫᬶ᭞ᬯ᭄ᬢᬸᬓ᭄ᬩᬸᬲ᭄ᬩᬭᬳᬸᬬᬂ᭞ᬧᬸᬮᬂᬧᬮᬶᬂᬫᬗᬮᬶᬫᬸᬄ᭞ᬢᬦ᭄ᬓᭀᬤᬕ᭄ᬢᬶᬢ᭄ᬬᬂᬦᬳᬦᬂ᭞ᬲᬦᬾᬫᬗ᭄ᬓᬶᬦ᭄᭞ ᬢᬦᬸᬭᬸᬂᬫᬗ᭄ᬕᬶᬄᬦᬭᬓ᭟ᬫᬶᬚᬶᬮᬦ᭄ᬤᬸᬲ᭄ᬫᬳᬶᬦ᭄ᬧᬸᬓᬦ᭄᭞ᬇᬋᬗᬶᬗ᭄ᬕᭂᬮ᭄ᬓᬤᬶᬫᬗ᭄ᬲᬶ᭞ᬗᬮᬶ᭠ᬧᬸᬢ᭄ᬭᬕᬰᬭᬀᬭ᭞ᬤᬤᭀᬲ᭄ᬗᬃᬤ᭄ᬥᬶᬧ᭄ᬢᭂᬗᬶᬩᬸᬢ᭄᭞ᬢᬦᬸᬦᬶᬂᬭᬶᬂᬧᬚᬕᬢᬦ᭄᭞ᬤᬸᬭᬸᬲ᭄‌ᬗ᭄ᬫᬲᬶᬦ᭄᭞ᬧᬢᬶ [᭒ 2A] ᬫᬸᬭᬸᬕ᭄ᬗᬋᬋᬄᬫᬃᬕ᭄ᬕ᭟ᬓᬤᬸᬮᬸᬭᬶᬦ᭄ᬭᬚᬄᬢᬫᬄ᭞ᬫᬍᬓᬢᬶᬧᬸᬦ᭄ᬢᬺᬱ᭄ᬡᬳᬶᬦ᭄᭞ᬯ᭄ᬢᬮᬓ᭄ᬱᬡᬦᬾᬜᬶᬫ᭄ᬧᬂ᭞ᬫᭀᬫᭀᬫᬹᬃᬓ᭄ᬓᬍᬗᬶᬢ᭄ᬢᬫ᭄ᬩᬄ᭞ᬧᬸᬮᬂᬧᬮᬶᬂᬫᬮᬓ᭄ᬱᬡ᭞ᬢᬦ᭄ᬗᬶᬢᬸᬗᬶᬦ᭄᭞ᬧᬶᬢᬸᬢᬸᬃᬜᬫ ᬦᬾᬢᬺᬱ᭄ᬡ᭞ᬫᬗ᭄ᬓᬶᬦᬶᬧᬸᬦ᭄ᬤᬰᬾᬦ᭄ᬤ᭄ᬭᬶᬬ᭞ᬗᬫᬹᬓ᭄ᬢᬦ᭄ᬓᭂᬦᬶᬳᬮᬗᬶᬦ᭄᭞ᬫᬗᬕᭂᬫ᭄ᬲᬃᬯ᭄ᬯᬲᬜ᭄ᬚᬢ᭞ᬓᬤᬶᬳᬚᬶᬮᬦ᭄ᬥᭂᬧᬶᬧᬸᬦ᭄᭞ᬜᬜᬧ᭄ᬫᬓᬶᬮᬢ᭄ᬤᬸᬫᬶᬮᬄ᭞ᬫᬦᬶᬩᬦᬶᬦ᭄᭞ᬤᬾᬯᬾᬓ᭄ᬢ᭄ᬬᬂᬫᬢᬢᬸᬭᬳᬢ᭄᭟᭠ ᬳᬤᬸᬄᬳᬤᬸᬄᬫᬢᬳᬦᬦ᭄᭞ᬓᬮᬶᬦ᭄ᬢᬂᬫᬦᬦ᭄ᬤᬂᬓᬦᬶᬓ᭄᭞ᬢᬸᬮᬸᬂᬢᬸᬮᬸᬂᬗᬫᬾᬤᬾᬯ᭞ᬢ᭄ᬯᬭᬓᭀᬳᬓ᭄ᬫᬗ᭄ᬭᬸᬗᬸ᭞ᬤᬸᬭᬸᬲ᭄ᬲᬓᬶᬢ᭄ᬧᬤᬶᬤᬶᬬᬦ᭄᭞ᬲᬶᬭᬫᬗ᭄ᬓᬶᬦ᭄᭞ᬲᭂᬮ᭄ᬲᭂᬮ᭄ᬯᬳᬸᬦᬦ᭄ᬤᬂᬮᬭ᭟ᬫᬭᬗ᭄ᬭᬲ᭠ ᬓᬲᬓᬶᬢᬦ᭄᭞ᬗᬾᬩ᭄ᬭᬲᬂᬤᬾᬯᬾᬓ᭄ᬫᬓᬶᬦ᭄ᬓᬶᬦ᭄᭞ᬫᬗᬺᬋᬄᬢᬫ᭄ᬩᬫᬶᬍᬳᬦ᭄᭞ᬲᬓᬶᬢ᭄ᬢᬶᬢ᭄ᬬᬂ᭠ᬦᬦ᭄ᬤᬂᬢᬢᬸ᭞ᬢ᭄ᬯᬭᬯᬾᬦ᭄ᬢᭂᬦᬓ᭄‌ᬳᭀᬮᬲ᭄᭞ᬫᬦᬫ᭄ᬩᬦᬶᬦ᭄᭞ᬢᬸᬮᬸᬲ᭄ᬲᬗ᭄ᬲᬭᬢᬶᬩᬦᬦ᭄᭟ᬓᬸᬤ᭄ᬬᬂᬢᬶ᭠

Auto-transliteration

[1 1B] 1 // oṅġawighnamāstunamasadaṃ // pupuḥjinada // sakinghisĕngmanaḥtityang, mariksatwananaklingsir̀, hanggenngalīlayangmanah, kasukanekniruruh, nemadasar̀daśendriya, hiwangpiliḥ, kadenśrayakantyottama. nangar̀ddhinintityangsadya, patihuripe‐hir̀ki, punikaknisaratang, hanggenbrayatr̥ĕṣṇalulut, dadosnunggalikphalanña, śa‐ truśakti, krurakaratanpasama. mijilngĕninipunngabar, dewektityangekabhaśmi, wtukbusbarahuyang, pulangpalingmangalimuḥ, tankodagtityangnahanang, sanemangkin, tanurungmanggiḥnaraka. mijilandusmahinpukan, ir̥ĕnginggĕlkadimangsi, ngali‐putragaśaraṃra, dadosngar̀ddhiptĕngibut, tanuningringpajagatan, durusngmasin, pati [2 2A] murugngar̥ĕr̥ĕḥmar̀gga. kadulurinrajaḥtamaḥ, mal̥ĕkatipuntr̥ĕṣṇahin, wtalakṣaṇaneñimpang, momomūr̀kkal̥ĕngittambaḥ, pulangpalingmalakṣaṇa, tanngitungin, pitutur̀ñama netr̥ĕṣṇa, mangkinipundaśendriya, ngamūktankĕnihalangin, mangagĕmsar̀wwasañjata, kadihajilandhĕpipun, ñañapmakilatdumilaḥ, manibanin, dewektyangmataturahat. ‐ haduḥhaduḥmatahanan, kalintangmanandangkanik, tulungtulungngamedewa, twarakohakmangrungu, durussakitpadidiyan, siramangkin, sĕlsĕlwahunandanglara. marangrasa‐ kasakitan, ngebrasangdewekmakinkin, mangr̥ĕr̥ĕḥtambamil̥ĕhan, sakittityang‐nandangtatu, twarawentĕnak'holas, manambanin, tulussangsaratibanan. kudyangti‐

Leaf 2

Image on Archive.org

[᭒ 2B] ᭒ ᬢ᭄ᬬᬂᬜᭂᬮ᭄ᬲᭂᬮᬯᬓ᭄᭞ᬳᬶᬯᬂᬢᬶᬢ᭄ᬬᬗᬾᬫᬫᬶᬮᬶᬄ᭞ᬩ᭄ᬯᬢ᭄ᬗᬺᬋᬄᬲᬦᬾᬲᬤ᭄ᬬ᭞ᬤᬤᭀᬲ᭄ᬦᬭ᭠ᬓᬢ᭄ᬝ᭞ᬩᭀᬬᬲᬓᬶᬗᬦᬓ᭄ᬮ᭄ᬬᬦ᭄᭞ᬦᬾᬗᬃᬤ᭄ᬥᬶᬦᬶᬦ᭄᭞ᬦ᭄ᬫᬸᬳᬸᬭᬶᬧ᭄ᬓᬲᬗ᭄ᬲᬭᬦ᭄᭟ᬢᬦᬸᬭᬸᬗᬦ᭄ᬧ᭠ ᬘᬂᬧ᭄ᬚᬄ᭞ᬲᬚ᭄ᬭᭀᬦᬶᬂᬢᬶᬢ᭄ᬬᬂᬫᬳᬸᬭᬶᬧ᭄᭞ᬓᬸᬤᬸᬚᬓ᭄ᬢᭀᬲᬂᬍᬕᬬᬂ᭞ᬜ᭄ᬚᬦ᭄ᬢᭀᬲ᭄ᬢᬫ᭄ᬩᬲ᭄ᬯᬾᬘ᭄ᬘᬦ᭄ᬲᬸᬳᬸᬂ᭞ᬫᬦᬯᬶᬲᬶᬤ᭄ᬥᬓᬮᬸᬓᬢ᭄᭞ᬲ᭄ᬤᬦᬳᬶᬦ᭄᭞ᬳᬲ᭄ᬢᬶᬢᬶᬫᬫᬹᬚᬲᬂᬳ᭄ᬬᬂ᭟ᬯᬦ᭄ᬢᭂᬦ᭄ᬧᬶᬭᬕ᭄ᬬᬂᬢᬶᬢ᭄ᬬᬂ᭞ᬧ ᬗᬦ᭄ᬤᬶᬓᬦᬦᬓ᭄ᬮᬶᬗ᭄ᬲᬶᬭ᭄᭞ᬫᬯᭂᬄᬫᬦ᭄ᬤᬺᬱ᭄ᬝᬶᬫᬵᬦᬸᬱ᭞ᬭᬶᬂᬫᬺᬘᬧᬤᬫᬦᬸᬭᬸᬦ᭄᭞ᬤᬳᬢ᭄ᬲ᭄ᬭᬶᬧᬶᬢ᭄ᬫᬤᬸᬃᬕ᭄ᬕᬫ᭞ᬓ᭄ᬭᬩᬧᬮᬶᬂ᭞ᬢᬦᬸᬦᬶᬂᬭᬶᬂᬧᬚᬕᬢᬦ᭄᭟ᬕᬕᭀᬤᬦᬾᬩᬲ᭄ᬓᬮᬶᬯᬢ᭄᭞ᬓ᭄ᬦᬶᬲᬗ᭄ᬮᬧ᭄ᬤᬕᬶᬂ ᬕᬸᬫᬶ᭞ᬲᬦᬾᬩ᭄ᬘᬶᬓ᭄ᬓᬤᬾᬦ᭄ᬓᬯᭀᬦ᭄᭞ᬲᬗ᭄ᬓᬦ᭄ᬧᬮᬶᬂᬢᬶᬢ᭄ᬬᬂᬗ᭄ᬭᬸᬭᬸᬄ᭞ᬓᭀᬘᬧ᭄ᬢᬢᬸᬚᭀᬦ᭄ᬫᬜ᭄ᬚᬦ᭄ᬫ᭞ᬫᬜᬮᬶᬦᬶᬦ᭄᭞ᬮᬓ᭄ᬱᬡᬳᬮᬳᬶᬦᬸᬘᬧ᭄᭟ᬮᬓ᭄ᬱᬡᬥᬃᬫ᭄ᬫᬲᬭᬢᬂ᭞ᬳᬗ᭄ᬕᬾᬦ᭄‌ᬗᬼᬩᬸᬃᬳᬶᬯᬂ᭠ [᭓ 3A] ᬫᬗ᭄ᬓᬶᬦ᭄᭞ᬲᬧᬸᬦᬶᬓᬓᬩᬯᭀᬲᬂ᭞ᬳᭀᬮᬶᬄᬲᬂᬫᬭᬕᬧᬸᬢᬸᬲ᭄᭞ᬲᬂᬲᬵᬫ᭄ᬧᬸᬦ᭄ᬫᭀᬮᬶᬳᬂᬥᬃᬫ᭄ᬫ᭞ᬢᭂᬢᭂᬲᬸᬦᬶᬂ᭞ᬫᬤ᭄ᬫᬶᬰᬢ᭄ᬭᬸᬭᬶᬂᬭᬕ᭟ᬯᬳᬸᬢᬶᬢ᭄ᬬᬂᬗᬋᬲᭂᬧᬂ᭞ᬯᬥᬦᬦᬶᬤᬲᬂᬥᬃᬫ᭄ᬫᬶ᭞ᬫᬭᬶᬰᬸᬤᬲ ᬲᭀᬮᬳᬦ᭄᭞ᬮᬓ᭄ᬱᬡᬓᬳᭀᬦ᭄ᬢᬦ᭄ᬧᬢᬹᬢ᭄᭞ᬲᬓᬶᬂᬓ᭄ᬤᭂᬄᬫᬜᬭᬢᬂ᭞ᬫᬗᭂᬦ᭄ᬢᭀᬲᬶᬦ᭄᭞ᬲᬓᬶᬂᬭᬳᬬᬸᬮᬓ᭄ᬱᬡ᭟ᬧᬫᬤᭂᬫᬶᬤᬰᬾᬦ᭄ᬤ᭄ᬭᬶᬬ᭞ᬲᬓᬶᬂᬫᬦᬄᬓᭀᬘᬧ᭄ᬳ᭄ᬭᬸᬢᬶᬦ᭄᭞ᬩᬸᬤ᭄ᬥᬶᬓᬾᬃᬢ᭄ᬢᬶᬦᬾᬮᬶ ᬫ᭄ᬩᬓᬂ᭞ᬲᬜ᭄ᬚᬢᬫᬗ᭄ᬮᬕᬾᬰᬢ᭄ᬭᬸ᭞ᬦᬾᬯᬾᬦ᭄ᬢᭂᬦ᭄ᬤ᭄ᬭᭀᬦᬶᬂᬰᬭᬷᬭ᭞ᬍᬯᬶᬄᬰᬓ᭄ᬢᬶ᭞ᬤᬰᬇᬦ᭄ᬤ᭄ᬭᬶᬬᬧᬸᬦᬶᬓ᭟ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬫᭀᬮᬶᬄᬭᬲ᭞ᬫᬲᬮᬶᬬᬄᬕᬮᬂᬳ᭄ᬦᬶᬂ᭞ᬫᬦᬄᬢᬶᬢ᭄ᬬᬂᬓᬤᬶᬩᬸᬮᬦ᭄᭞ᬫᬭ᭠ ᬯᬢ᭄ᬲᬦᬾᬓᬢᬸᬚᬸ᭞ᬳᬗ᭄ᬕᬾᬦ᭄ᬧᬗᬼᬩᬸᬭᬦ᭄ᬫᬮ᭞ᬫᬦ᭄ᬤᬩᬰ᭄ᬫᬶ᭞ᬜᬦ᭄ᬢᭀᬲ᭄ᬲᬫ᭄ᬩᬶᬮ᭄ᬫᬗᬶᬦ᭄ᬓᬶᬦᬂ᭞᭠ᬫᬓᬾᬃᬢ᭄ᬢᬶᬲᬫ᭄ᬩᬶᬮ᭄ᬫᬗ᭄ᬭᬕ᭄ᬕᬕ᭄᭞ᬫᬭᬶᬓᬭᬦ᭄ᬲᬢ᭄ᬯᬫᬗ᭄ᬓᬶᬦ᭄᭞ᬧᬸᬦᬶᬓᬓᬸᬧ᭄ᬢᬸᬧᬂᬢᬶᬢ᭄ᬬᬂ᭞ᬤᬤᭀᬲ᭄ᬲ᭄ᬓᬭᬮᬶᬢ᭄ᬓᬶ

Auto-transliteration

[2 2B] 2 tyangñĕlsĕlawak, hiwangtityangemamiliḥ, bwatngr̥ĕr̥ĕḥsanesadya, dadosnara‐katṭa, boyasakinganaklyan, nengar̀ddhinin, nmuhuripkasangsaran. tanurunganpa‐ cangpjaḥ, sajroningtityangmahurip, kudujaktosangl̥ĕgayang, ñjantostambasweccansuhung, manawisiddhakalukat, sdanahin, hastitimamūjasanghyang. wantĕnpiragyangtityang, pa ngandikananaklingsir, mawĕḥmandr̥ĕṣṭimānuṣa, ringmr̥ĕcapadamanurun, dahatsripitmadur̀ggama, krabapaling, tanuningringpajagatan. gagodanebaskaliwat, knisanglapdaging gumi, sanebcikkadenkawon, sangkanpalingtityangngruruḥ, kocaptatujonmañjanma, mañalinin, lakṣaṇahalahinucap. lakṣaṇadhar̀mmasaratang, hanggenngl̥ĕbur̀hiwang‐ [3 3A] mangkin, sapunikakabawosang, holiḥsangmaragaputus, sangsāmpunmolihangdhar̀mma, tĕtĕsuning, madmiśatruringraga. wahutityangngar̥ĕsĕpang, wadhananidasangdhar̀mmi, mariśudasa solahan, lakṣaṇakahontanpatūt, sakingkdĕḥmañaratang, mangĕntosin, sakingrahayulakṣaṇa. pamadĕmidaśendriya, sakingmanaḥkocap'hrutin, buddhiker̀ttineli mbakang, sañjatamanglageśatru, newentĕndroningśarīra, l̥ĕwiḥśakti, daśa'indriyapunika. sāmpuntityangmoliḥrasa, masaliyaḥgalanghning, manaḥtityangkadibulan, mara‐ watsanekatuju, hanggenpangl̥ĕburanmala, mandabaśmi, ñantossambilmanginkinang, ‐maker̀ttisambilmangraggag, marikaransatwamangkin, punikakuptupangtityang, dadosskaralitki

Leaf 3

Image on Archive.org

[᭓ 3B] ᭓ ᬤᬸᬂ᭞ᬳᬗ᭄ᬕᬾᬦᬸᬗ᭄ᬓᬮᬂᬫ᭄ᬮᬚᬄ᭞ᬲᬢ᭄ᬯᬫᬗ᭄ᬓᬶᬦ᭄᭞ᬳᬗ᭄ᬕᬾᬦ᭄ᬫᬜ᭄ᬘᬶᬗᬶᬦ᭄ᬧᬶᬬᬦᬓ᭄᭟ᬩᬭᬾᬦᬶᬦ᭠ᬦ᭄ᬢᬸᬓ᭄ᬓᬶᬤᬸᬗᬦ᭄᭞ᬭᬶᬲᬵᬫ᭄ᬧᬸᬦ᭄ᬢᭂᬍᬩ᭄ᬫᬶᬭᬕᬶ᭞ᬯᬶᬚᬶᬮ᭄ᬤᭂᬫᭂᬦᬶᬧᬸᬦ᭄᭞ᬫ᭄ᬮᬚᬄ᭞ᬲᬲ᭄ᬢ᭄ᬭᬫᬶᬯᬄᬢᬢ᭄ᬯᬢᬸᬢᬸᬭ᭄᭞᭠ ᬧᬶᬦᬓᬓᬳᬗ᭄ᬕᬾᬦᬶᬫ᭄ᬩ᭞ᬫᬦᬸᬦ᭄ᬢᬸᬦᬶᬦ᭄᭞ᬚ᭄ᬭᭀᬦᬶᬂᬫᬳᬸᬭᬶᬧ᭄ᬭᬶᬂᬚᬕᬢ᭄᭟ᬤᬸᬫᬤᬓ᭄ᬢᬶᬢ᭄ᬬᬂᬜᬶᬤᬬᬂ᭞ᬮᬦ᭄ᬢᬸᬃᬫᬸᬧᬸᬢᬂᬫᬗᬯᬶ᭞ᬓᬤᬶᬳᬬᬫᬸᬧᬫᬶᬬᬂ᭞ᬕᬸᬤᬶᬕ᭄ᬮᬕ᭄ᬮᬕ᭄ᬢᬦ᭄ᬧᬩᬸᬮᬸ᭞ᬫᬩᭂᬢ᭄ᬚᬫ᭄ᬧ᭄ᬭᬄᬩᬸ ᬮᬸᬲᬫᬄ᭞ᬢᬦᬸᬦᬶᬗᬶᬦ᭄᭞ᬤᬾᬯᬾᬓ᭄ᬤᬤᭀᬲ᭄ᬓᬓᭂᬤᬾᬓᬦ᭄᭟ᬤ᭄ᬬᬲ᭄ᬢᬸᬦ᭄ᬲᬧᬸᬦᬶᬓᬓᭀᬘᬧ᭄᭞ᬢᬦ᭄ᬓᬲᬾᬧ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬗᬮᬸᬗ᭄ᬲᬸᬃᬕᭃᬂᬲᬶᬦᬫ᭄ᬧᬸᬭ᭞ᬭᬶᬂᬲᬂᬧ᭄ᬭᬚ᭄ᬜᬦ᭄ᬗᬯᬶᬓᬶᬤᬸᬂ᭞ᬫᬶᬯᬄᬭᬶᬂ᭠ ᬲᬂᬲ᭄ᬦᭂᬂᬫᬘ᭞ᬢᬶᬢ᭄ᬬᬂᬧᬶᬗ᭄ᬕᬶᬂ᭞ᬧᭀᬗᬄᬫᬗᬢᬸᬭᬂᬕᬶᬢ᭟ᬢᬦ᭄ᬫᬦᬹᬢ᭄ᬤᬕᬶᬂᬘᬭᬶᬢ᭞ᬩᬱᬦ᭄ᬜ᭠ᬢᬦ᭄ᬫᬲᭀᬃᬲᬶᬗ᭄ᬕᬶᬄ᭞ᬲᬫᬶᬲᬫᬶᬫᬳᬤᬸᬓᬦ᭄᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬫᬦᬹᬢᬸᬦ᭄ᬤᬸᬓ᭄᭞ᬲᬓᬤᬶᬲ᭄ᬮᭀᬓᬦᬶᬧ᭠ [᭔ 4A] ᬭ᭞ᬬᬦᬸᬧᬫᬶ᭞ᬢᬦ᭄ᬩᬶᬫᬳᬶᬧᬸᬦᬶᬩ᭄ᬦᬂ᭟ᬲᬫ᭄ᬩᭂᬦ᭄ᬩᬸᬳᬸᬢ᭄ᬫᬕ᭄ᬮᬢᬸᬭᬦ᭄᭞ᬢᬦ᭄ᬲᬶᬤ᭄ᬥᬳᬦ᭄ᬢᬸᬓ᭄ᬗᬧᬶᬓᬶᬦ᭄᭞ᬗ᭄ᬕᬶᬮᬶᬳᬂᬧᬂᬤᬤᬶᬳᬤᬲ᭄᭞ᬧᬸᬧᬸᬢ᭄ᬲᬫ᭄ᬩᭂᬦᬾᬓᬧᬗ᭄ᬕᬸᬄ᭞ᬤᬸᬭᬸᬲ᭄ᬢᬲ᭄ᬢᬲ᭄ᬭᬦ᭄ᬢᬲ᭄ᬩᬸᬦ᭄ᬢᬲ᭄᭞ᬲᬦᬾᬫᬗ᭄ᬓᬶᬦ᭄᭞ ᬫᬓ᭄ᬱᬢᬶᬢ᭄ᬬᬫᬦᬸᬧ᭄ᬢᬸᬧᬂ᭟ᬲᬭᬢ᭄ᬢᬶᬢ᭄ᬬᬂᬫᬜᬫ᭄ᬩᬸᬗᬂ᭞ᬫᬗ᭄ᬤᬤᬤᭀᬲ᭄ᬧᬜ᭄ᬚᬂᬗ᭄ᬭᬭᬶᬲ᭄᭞ᬲᬧᬸᬦᬶᬓᬫᬦᬄᬢᬶᬢ᭄ᬬᬂ᭞ᬫᬗ᭄ᬤᬜᬶᬤ᭄ᬥᬬᬂᬫᬗ᭄ᬮᬦ᭄ᬢᬸᬭ᭄ᬳ᭞ᬮᬶᬳᬢᬮᬶᬢᬾᬫᭂᬮᬚᬄ᭞ᬲᬲ᭄ᬢ᭄ᬭᬫᬶᬯᬄᬓᬓᬶᬤᬸᬗᬦ᭄᭟ ᭟᭐᭟ᬧᬸᬧᬸᬄᬤᬂᬤᬂ᭟᭐᭟ᬫᬗ᭄ᬓᬶᬦ᭄ᬘᬭᬶᬢᬬᬂᬢᬶᬢ᭄ᬬᬂᬗᬯᬶᬢ᭄᭞ᬯᬾᬦ᭄ᬢᭂᬦ᭄ᬓᭀᬘᬧ᭄‌ᬯ᭄ᬯᭀᬂᬤᬸᬲᬸᬦ᭄ᬭᬶᬂᬓᬸᬦ᭞ᬧᬕᭂᬄᬮᬗ᭄ᬕᭂᬂᬮᬓ᭄ᬱᬡᬦᬾ᭞ᬜᬸᬫᬸᬗ᭄ᬓᭂᬫᬶᬦᬾᬓᬘᬢᬸᬭ᭄᭞ᬢᬦ᭄ᬮᬾᬦ᭄ᬘᬢᬸᬃᬧᬭᬶᬫᬶᬢᬾᬓᬶ᭞ᬧ᭄ᬭᬚ᭄ᬜ ᬦ᭄ᬗᬫᭀᬂᬭᬕ᭞ᬲ᭄ᬦᭂᬂᬫᬧᬫᬃᬕ᭄ᬕᬶᬳᬬᬸ᭞ᬜᬫᬩ᭄ᬭᬬᬲᬫᬶᬢᬺᬱ᭄ᬡ᭞ᬫᬲᬤᬦᬗᬮᬧ᭄ᬓᬲᭀᬃᬫᬗᬃᬤ᭄ᬥᬶᬦᬶᬦ᭄᭞ᬓᬭᬳᬬ᭄ᬯᬦᬦᬓ᭄ᬮ᭄ᬬᬦᬦ᭄᭟ᬦ᭄ᬤᬸᬯᬾᬧ᭄ᬬᬦᬓᬶᬧᬸᬦ᭄ᬢ᭄ᬯᬄᬓᬓᬮᬶᬄ᭞ᬲᬂᬫᬯᬲ᭄ᬢᬳᬶᬕ᭄ᬥᬾᬳᬸᬧᬾᬓ᭄ᬱ

Auto-transliteration

[3 3B] 3 dung, hanggenungkalangmlajaḥ, satwamangkin, hanggenmañcinginpiyanak. barenina‐ntukkidungan, risāmpuntĕl̥ĕbmiragi, wijildĕmĕnipun, mlajaḥ, sastramiwaḥtatwatutur, ‐ pinakakahanggenimba, manuntunin, jroningmahuripringjagat. dumadaktityangñidayang, lantur̀muputangmangawi, kadihayamupamiyang, gudiglaglagtanpabulu, mabĕtjampraḥbu lusamaḥ, tanuningin, dewekdadoskakĕdekan. dyastunsapunikakocap, tankaseptityangnemangkin, ngalungsur̀göngsinampura, ringsangprajñanngawikidung, miwaḥring‐ sangsnĕngmaca, tityangpingging, pongaḥmangaturanggita. tanmanūtdagingcarita, baṣanña‐tanmasor̀singgiḥ, samisamimahadukan, nentĕnpisanmanūtunduk, sakadislokanipa‐ [4 4A] ra, yanupami, tanbimahipunibnang. sambĕnbuhutmaglaturan, tansiddhahantukngapikin, nggilihangpangdadihadas, puputsambĕnekapangguḥ, durustastasrantasbuntas, sanemangkin, makṣatityamanuptupang. sarattityangmañambungang, mangdadadospañjangngraris, sapunikamanaḥtityang, mangdañiddhayangmanglanturha, lihatalitemĕlajaḥ, sastramiwaḥkakidungan. . 0. pupuḥdangdang. 0. mangkincaritayangtityangngawit, wentĕnkocapwwongdusunringkuna, pagĕḥlanggĕnglakṣaṇane, ñumungkĕminekacatur, tanlencatur̀parimiteki, prajña nngamongraga, snĕngmapamar̀ggihayu, ñamabrayasamitr̥ĕṣṇa, masadanangalapkasor̀mangar̀ddhinin, karahaywananaklyanan. nduwepyanakipuntwaḥkakaliḥ, sangmawastahigdhehupekṣa

Leaf 4

Image on Archive.org

[᭔ 4B] ᭔ ᬲᬦᬾᬓ᭄ᬮᬶᬳᬦ᭄ᬫ᭄ᬯᬦᬶᬦᬾ᭞ᬫᬦᬹᬢ᭄ᬲᬓᬶᬂᬯᬲ᭄ᬢᬦᬶᬧᬸᬦ᭄᭞ᬳᬶᬫᬥᬾᬫᬸᬤᬶᬢᬳᬶᬗ᭄ᬕᬶᬄ᭞ᬫᬮᬶᬄᬦᬾ᭠ᬳᬮᬶᬢᬦ᭄᭞ᬮᬸᬄᬓᬭᬸᬡᬷᬯᬲ᭄ᬢᬦᬶᬧᬸᬦ᭄᭞ᬲᬫᬶᬢ᭄ᬭᬸᬡᬢ᭄ᬭᬸᬡᬶᬜᬮᬄ᭞ᬳᬤᬸᬂᬧᬶᬲᬦ᭄‌ᬢᬺᬱ᭄ᬡᬫᬜᬫᬲᬶ᭠ ᬓᬮᬶᬄ᭞ᬢᭂᬍᬩ᭄ᬫᬳᬸᬭᬸᬓᬶᬦ᭄ᬲᬲ᭄ᬢ᭄ᬭ᭟ᬕᬸᬭᬸᬦᬶᬧᬸᬦ᭄‌ᬫᬓᬃᬬ᭄ᬬᬭᬶᬂᬘᬭᬶᬓ᭄᭞ᬜᬩ᭄ᬭᬦ᭄ᬤᬶᬳᬶᬫᬥᬾᬫᬸᬤᬶᬢ᭞ᬚ᭄ᬫᭂᬢ᭄ᬦᬸᬮᬸᬗᬶᬦ᭄ᬕᬸᬭᬸᬦᬾ᭞ᬢᬦ᭄ᬧᬶᬯᬮ᭄ᬭᬶᬂᬧᬶᬢᬸᬤᬸᬄ᭞ᬲᬧᬸᬦᬶᬓᬦᬶᬮᬸᬄᬭᬸᬡᬷ᭞ᬚ᭄ᬫᭂᬢ᭄ᬫᬧᬦ᭄ᬫᬦ᭄᭞᭠ ᬤᬓ᭄ᬢᬶᬦᬾᬫᬕᬸᬭᬸ᭞ᬳᬶᬗᭂᬢ᭄ᬢᭂᬓᬾᬦ᭄ᬕᬸᬡᬕᬶᬡᬶ᭞ᬤᬤᬶᬲᬸᬓᬫᬢ᭄ᬫᬸᬲᬮᬶᬂᬍᬕᬦᬶᬦ᭄᭞ᬗᬃᬤ᭄ᬥᬶᬮᬸᬮᬸᬢᬼᬓᭂᬢ᭄ᬢᬺᬱ᭄ᬡ᭟ᬭᬶᬲᬵᬫ᭄ᬧᬸᬦᬾᬭᬯᬸᬄᬲᬓᬶᬂᬘᬭᬶᬢ᭞ᬯᬸᬲ᭄ᬫᬤᬳᬃᬲᬫᬶᬫᬢᭂᬕ᭄ᬢᭂᬕᬦ᭄᭞ᬦᬸᬮᬶᬳᬶᬫᬸᬤᬶᬢ ᬫᬗ᭄ᬓᬾ᭞ᬫᬳᬢᬸᬃᬭᬶᬂᬕᬸᬭᬸ᭞ᬳᬶᬗ᭄ᬕᬶᬄᬕᬸᬭᬸᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬩᬗᭂᬢ᭄ᬤᭂᬫᭂᬦ᭄ᬧᬶᬲᬦ᭄᭞ᬫᬶᬭᬕᬶ᭠ᬥᬂᬕᬸᬭᬸ᭞ᬳᬭᬦ᭄ᬲᬢ᭄ᬯᬧᬓᬳᬶᬫ᭄ᬩ᭞ᬲᬸᬮᬸᬄᬭᬕᬲᬦᬾᬧᬢᬹᬢ᭄ᬧᬾᬢ᭄ᬧᬢᬶᬢᬶᬲ᭄᭞ᬲᬦᬾᬓᬳᭀᬦ᭄᭠ [᭕ 5A] ᬤᭀᬳᬂᬗᬸᬢᬂ᭟ᬳᬦ᭄ᬢᬸᬓ᭄ᬢᬫ᭄ᬩᭂᬢ᭄ᬢᬶᬢ᭄ᬬᬗᬾᬢᬦ᭄ᬲᬶᬧᬶ᭞ᬦᬯᬶᬲᬶᬤ᭄ᬥᬳᬦ᭄ᬢᬸᬓ᭄ᬫᬗᬺᬲᭂᬧᬂ᭞ᬳᬶᬫ᭄ᬩᬭᬶᬗᬭᬦ᭄ᬲᬢ᭄ᬯᬦᬾ᭞ᬳᬗ᭄ᬕᭀᬦ᭄ᬢᬶᬢ᭄ᬬᬂᬩ᭄ᬓᭂᬮᬶᬤᬸᬧ᭄᭞ᬧᬶᬦᬓᬢ᭄ᬓᭂᬦ᭄ᬫᬫᬃᬕ᭄ᬕᬶ᭞ᬫᬗ᭄ᬤᬢᬦ᭄ᬓᬩᬜ᭄ᬘᬦ᭞ᬭᬶᬂᬫᬃᬕ᭄ᬕᬶᬓᬢᬜ᭄ᬚᬸᬂ᭞ ᬓ᭄ᬩᬾᬲ᭄ᬩᬸᬗ᭄ᬓᬄᬩᬢᬶᬲ᭄ᬢᬶᬢ᭄ᬬᬂ᭞ᬫᬩ᭄ᬮᭀᬮᬭᬦ᭄᭞ᬜᬭᬾᬢ᭄ᬘᬾᬢ᭄ᬭᬳᬾᬳᬸᬫᬶᬮᬶ᭞ᬤᬲᬃᬳᬫ᭄ᬧᬄᬫ᭠ᬢᬶᬦ᭄ᬤᬓᬦ᭄᭟ᬢᬦ᭄ᬯᬗ᭄ᬤᬾᬬᬦ᭄ᬧᬘᬂᬦᬦ᭄ᬤᬂᬓᬦᬶᬦ᭄᭞ᬩᬗᭂᬢ᭄ᬧᬶᬲᬦ᭄᭞ᬤᬤᭀᬲ᭄ᬩᭂᬭᬸᬂᬩᭀᬗ᭄ᬓᬂ᭞ᬫᬫ᭄ᬩᬗᬗᭂ ᬲ᭄ᬓᬤᬶᬯᬗ᭄ᬓᬾ᭞ᬲᬶᬭᬓᭀᬤᬕ᭄ᬧᬘᬂᬗᬫ᭄ᬩᬸ᭞ᬜᬫᬩ᭄ᬭᬬᬧᬥᬗ᭄ᬤᭀᬳᬶᬦ᭄᭞ᬦ᭄ᬓᭂᬧ᭄ᬘᬸᬗᬸᬄᬗᭀᬤᬾ᭠ᬲ᭄ᬫᬂ᭞ᬫᬕ᭄ᬤᬶᬫᬫᬶᬲᬸᬄ᭞ᬳᬦ᭄ᬢᬸᬓ᭄ᬤᬸᬍᬕ᭄ᬫᬗᬢᭀᬦᬂ᭞ᬩᭂᬭᬸᬂᬩᬸᬬᬭ᭄‌ᬢ᭄ᬓᬩᬸᬬᬸᬂᬫᬗᬺᬚ᭄ᬜ᭄ᬕᬶᬦ᭄᭞ᬧᬸᬦᬶᬓᬚᭂᬭᬶᬳᬶ ᬦ᭄ᬢᬶᬢ᭄ᬬᬂ᭟ᬦᬶᬓᬭᬸᬗᬷᬦᬶᬫ᭄ᬩᬮ᭄ᬫᬢᬸᬭᬭᬶᬲ᭄᭞ᬳᬲᭂᬫᬶᬢᬫᬦᬶᬲ᭄ᬩᬦ᭄ᬩᬦᬮᬤ᭄᭞ᬕᬃᬚ᭄ᬚᬶᬢᬭᬲᬦ᭄ᬫᬦᬳᬾ᭞ᬫᬦᬹᬢᬢᬸᬃᬳᬶᬩ᭄ᬮᬶᬯᬳᬸ᭞ᬢᬶᬢ᭄ᬬᬂᬢᬍᬃᬫᬜᬋᬗᬶᬦ᭄᭞ᬗ᭄ᬮᬸᬗ᭄ᬲᬸᬃᬳᬭᬦ᭄ᬲᬢ᭄ᬯ᭞ᬢᬶᬢ᭄ᬬᬂᬤ᭄ᬫᭂᬦ᭄ᬕᬸᬭᬸ᭞ᬫᬶᬭᬕᬶ᭠

Auto-transliteration

[4 4B] 4 saneklihanmwanine, manūtsakingwastanipun, himadhemuditahinggiḥ, maliḥne‐halitan, luḥkaruṇīwastanipun, samitruṇatruṇiñalaḥ, hadungpisantr̥ĕṣṇamañamasi‐ kaliḥ, tĕl̥ĕbmahurukinsastra. gurunipunmakar̀yyaringcarik, ñabrandihimadhemudita, jmĕtnulungin'gurune, tanpiwalringpituduḥ, sapunikaniluḥruṇī, jmĕtmapanman, ‐ daktinemaguru, hingĕttĕken'guṇagiṇi, dadisukamatmusalingl̥ĕganin, ngar̀ddhilulutl̥ĕkĕttr̥ĕṣṇa. risāmpunerawuḥsakingcarita, wusmadahar̀samimatĕgtĕgan, nulihimudita mangke, mahatur̀ringguru, hinggiḥgurutityangmangkin, bangĕtdĕmĕnpisan, miragi‐dhangguru, haransatwapakahimba, suluḥragasanepatūtpetpatitis, sanekahon‐ [5 5A] dohangngutang. hantuktambĕttityangetansipi, nawisiddhahantukmangr̥ĕsĕpang, himbaringaransatwane, hanggontityangbkĕlidup, pinakatkĕnmamar̀ggi, mangdatankabañcana, ringmar̀ggikatañjung, kbesbungkaḥbatistityang, mablolaran, ñaretcetrahehumili, dasar̀hampaḥma‐tindakan. tanwangdeyanpacangnandangkanin, bangĕtpisan, dadosbĕrungbongkang, mambangangĕ skadiwangke, sirakodagpacangngambu, ñamabrayapadhangdohin, nkĕpcunguḥngode‐smang, magdimamisuḥ, hantukdul̥ĕgmangatonang, bĕrungbuyartkabuyungmangr̥ĕjñgin, punikajĕrihi ntityang. nikarungīnimbalmaturaris, hasĕmitamanisbanbanalad, gar̀jjitarasanmanahe, manūtatur̀hibliwahu, tityangtal̥ĕr̀mañar̥ĕngin, nglungsur̀haransatwa, tityangdmĕn'guru, miragi‐

Leaf 5

Image on Archive.org

[᭕ 5B] ᭕ ᬬᬂᬳᬭᬦ᭄ᬲᬢ᭄ᬯ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬸᬮᬢ᭄ᬧᬤᬾᬯᬾᬓᬦ᭄ᬯ᭄ᬬᬓ᭄ᬢᬶ᭞ᬤᬕᬶᬂᬯᬶᬫ᭄ᬩᬦᬭᬂᬲᬢ᭄ᬯ᭞ᬦᬯᬶ᭠ᬲᬶᬤ᭄ᬥᬭᬳᬬᬸᬦᬾᬧᬗ᭄ᬕᬶᬄ᭞ᬢᬦ᭄ᬲᭂᬗ᭄ᬓᬮᬳᬸᬭᬶᬧᬾᬭᬶᬂᬚᬕᬢ᭄᭞ᬦᬾᬦ᭄ᬢᭂᬦ᭄ᬲᬦ᭄ᬤᬸᬮ᭄ᬮᬓ᭄ᬱᬡᬦᬾ᭞ᬧᬸᬦᬶᬓ ᬦᬾᬧᬘᬂᬢᬸᬚᬸ᭞ᬦ᭄ᬤᬯᭂᬕ᭄ᬭᬭᬶᬲᬂᬦᬾᬫᬗ᭄ᬓᬶᬦ᭄᭞ᬓᬯᬶᬢᬶᬦ᭄ᬫᬭᬦ᭄ᬲᬢ᭄ᬯ᭞ᬕ᭄ᬥᬾᬳᬸᬧᬾᬓ᭄ᬱᬬᬓ᭄ᬜᬸᬂ᭞ᬕᬶᬭᬂᬦᬫ᭄ᬧᬾᬦᬶᬦ᭄ᬧ᭄ᬬᬦᬓ᭄᭞ᬫᬦᬶᬲ᭄ᬩᬦ᭄ᬩᬦ᭄᭞ᬫᬸᬜᬶᬦᬾᬩᬼᬕᬦᬶᬦᬢᬶ᭞ᬗᬯᬾᬋᬱᭂᬧ᭄ᬲᬂᬫᬶᬋᬗᬂ᭟ᬳᬸᬥᬸᬄᬘ᭄ᬦᬶᬂ ᬧ᭄ᬬᬦᬓ᭄ᬕᬸᬭᬸᬘ᭄ᬦᬶᬂ᭞ᬍᬮᬧᬶᬲᬦ᭄ᬕᬸᬭᬸᬫᬤᬶᬗᭂᬳᬂ᭞ᬧᬢᬹᬢ᭄ᬲᬦ᭄ᬩᬯᭀᬲ᭄ᬘᭂᬦᬶᬗᬾ᭞ᬘᬶᬳ᭄ᬦᬢᬼᬩ᭄ᬗᬸᬮᬳᬬᬸ᭞ᬚᬦᬶᬕᬸᬭᬸᬮᬓᬃᬗᬯᬶᬢᬶᬦ᭄᭞ᬫᬵᬭᬦ᭄ᬲᬢ᭄ᬯᬓᬸᬤ᭞ᬲᬢ᭄ᬯᬩᬳᬦ᭄ᬫᬸᬦᬸᬄ᭞ᬢᬳᬾᬦ᭄ᬕᬸᬭᬸᬫᬤᬶᬗᭂᬳᬂ᭞ᬳ ᬭᬦ᭄ᬲᬢ᭄ᬯ᭞ᬳᬶᬓᬓ᭄ᬬᬂᬤᬦᬾᬦᬸᬢᬸᬭᬶᬦ᭄᭞ᬩᭀᬬᬕᬸᬭᬸᬲᬓᬶᬂᬧ᭄ᬭᬚ᭄ᬜᬦ᭄᭟ᬤᬤᬶᬓᬢᬸᬢ᭄ᬲᬢ᭄ᬯᬦᬾᬤᬶᬓᭀᬧᬶᬂ᭞ᬩᬶᬮᬶᬄᬲᬶᬤ᭄ᬥᬬᬦ᭄ᬓᭂᬤ᭄ᬤᬶᬭᬲ᭞ᬳᬶᬗᭂᬢ᭄ᬢᭂᬓᬾᬦ᭄ᬲᬢ᭄ᬯᬦ᭄ᬤᬦᬾ᭞ᬲᬶᬤ᭄ᬥᬧᬘᬂᬗᬮᬦ᭄ᬢᬸᬭ᭄᭞ᬚᬦᬶᬗᬸᬭᬸᬫᬗ [᭖ 6A] ᬯᬶᬢᬶᬦ᭄᭞ᬫ᭄ᬮᬳᬂᬫᬤᬶᬗᭂᬳᬂ᭞ᬳᬭᬦ᭄ᬲᬢ᭄ᬯᬳᬶᬮᬸ᭞ᬳᬤᬓᭀᬘᬧ᭄ᬩᬮᬾᬳᬤᬢ᭄᭞ᬘᬭᬶᬢᬬᬂᬳᬶᬢᬫ᭄ᬧᬸᬮ᭄ᬩᬗ᭄ᬕ᭄ᬭᬲ᭄ᬫᬫᬸᬜᬶ᭞ᬫᬘᭂᬫ᭄ᬧ᭄ᬮᬾᬂᬘᬗ᭄ᬓᬄ᭟ᬫᬗᭂᬦᭂᬳᬂᬤᬾᬯᬾᬓ᭄ᬗᬕᬸᬗᬶᬦ᭄᭞ᬢᬦ᭄ᬧᬗᬶᬢᬸᬂ᭠ ᬳᬦᬾᬮ᭄ᬬᬦ᭄ᬮ᭄ᬬᬦᬦ᭄᭞ᬳᬦ᭄ᬤᭂᬮ᭄ᬤᭂᬕᬕ᭄ᬫᭂᬲ᭄ᬯᬂᬫᬸᬜᬶᬦᬾ᭞ᬢᬦ᭄ᬧᬰ᭄ᬭᬢᬶᬧᬢᬶᬓᬘᬸᬄ᭞ᬲ᭄ᬓᭂᬦ᭄ᬫᬜᬓᬶᬢᬶᬦ᭄ᬓᭀᬧᬶᬂ᭞ᬗᬃᬤ᭄ᬥᬶᬦᬶᬦ᭄ᬲᬓᬶᬢ᭄ᬫᬦᬄ᭞ᬦᬾᬫᬫᬶᬋᬂᬢᬸᬳᬸ᭞ᬲᬮᬄᬢᬫ᭄ᬧᬶᬫᬤᭂᬕᭂᬧᬦ᭄᭞ᬫᬓ᭄ᬭᬶᬫᬶᬓᬦ᭄᭞ᬬᬦ᭄ᬫᬲ᭠ ᬳᬸᬢ᭄ᬮᬓᬃᬧ᭄ᬮᬶᬄ᭞ᬬᬦ᭄ᬤᬶᬗ᭄ᬳᬂᬢᬸᬲᬶᬂᬓᭀᬤᬕ᭄᭟ᬳᬶᬄᬦᬾᬳᬶᬩᬧ᭄ᬭᬩᭀᬢ᭄ᬩᬮᬾᬚᬦᬶ᭞ᬧᬤᬶᬗᭂᬳᬂᬓᬳᬶᬳᬗ᭄ᬕᭀᬭᬵᬚ᭞ᬲᭂᬫ᭄ᬩᬄᬲᬸᬂᬲᬸᬂᬓᬢ᭄ᬯᬗᬦᬾ᭞ᬢᬸᬭᬸᬢᬶᬦ᭄ᬧᬦᬶᬢᬄᬓᬸ᭞ᬳ᭄ᬤᬳᬶᬩᬩᬦᬶᬫᬗ᭄ᬭᬶᬫᬶᬓ᭄᭞ᬓᬳᬶᬦᬾ ᬓᬗ᭄ᬕᭀᬳᬂ᭞ᬗᭀᬤᬕᬂᬤᬾᬯᬾᬓ᭄ᬫᬸ᭞ᬢᬸᬲᬶᬂᬤᬤᬶᬧᬘᬂᬧᬶᬯᬮ᭄᭞ᬮᬦ᭄ᬧ᭄ᬭᬲᬗ᭄ᬖ᭞ᬢ᭄ᬓᬾᬦ᭄ᬓᬳᬶᬤ᭠ᬤᬶᬕᬸᬲ᭄ᬰᬶ᭞ᬳᬦᬓᬕᬸᬂᬫᬯᬶᬪᬯ᭟ᬯᬶᬭᬾᬄᬓᬳᬶᬳᬤ᭄ᬕᬦ᭄ᬧᬶᬢᬸᬯᬶ᭞ᬦᬾᬗᬸᬓᬸᬳᬂ᭞ᬳᬶᬩᬵᬚᬓ᭄ᬫᬓ᭄ᬚᬂ᭞ᬗᬤᭂᬕ᭄ᬢᬸ᭠

Auto-transliteration

[5 5B] 5 yangharansatwa, hanggentityangmulatpadewekanwyakti, dagingwimbanarangsatwa, nawi‐siddharahayunepanggiḥ, tansĕngkalahuriperingjagat, nentĕnsandullakṣaṇane, punika nepacangtuju, ndawĕgrarisangnemangkin, kawitinmaransatwa, gdhehupekṣayakñung, girangnampeninpyanak, manisbanban, muñinebl̥ĕganinati, ngawer̥ĕsyĕpsangmir̥ĕngang. hudhuḥcning pyanakgurucning, l̥ĕlapisan'gurumadingĕhang, patūtsanbawoscĕninge, cihnatl̥ĕbngulahayu, janigurulakar̀ngawitin, māransatwakuda, satwabahanmunuḥ, tahen'gurumadingĕhang, ha ransatwa, hikakyangdanenuturin, boyagurusakingprajñan. dadikatutsatwanedikoping, biliḥsiddhayankĕddirasa, hingĕttĕkensatwandane, siddhapacangngalantur, janingurumanga [6 6A] witin, mlahangmadingĕhang, haransatwahilu, hadakocapbalehadat, caritayanghitampulbanggrasmamuñi, macĕmplengcangkaḥ. mangĕnĕhangdewekngagungin, tanpangitung‐ hanelyanlyanan, handĕldĕgagmĕswangmuñine, tanpaśratipatikacuḥ, skĕnmañakitinkoping, ngar̀ddhininsakitmanaḥ, nemamir̥ĕngtuhu, salaḥtampimadĕgĕpan, makrimikan, yanmasa‐ hutlakar̀pliḥ, yandinghangtusingkodag. hiḥnehibaprabotbalejani, padingĕhangkahihanggorāja, sĕmbaḥsungsungkatwangane, turutinpanitaḥku, hdahibabanimangrimik, kahine kanggohang, ngodagangdewekmu, tusingdadipacangpiwal, lanprasanggha, tkenkahida‐digusśi, hanakagungmawibhawa. wireḥkahihadganpituwi, nengukuhang, hibājakmakjang, ngadĕgtu‐

Leaf 6

Image on Archive.org

[᭖ 6B] ᭖ ᬫᭂᬍᬕ᭄ᬤᬾᬯᬾᬓᬾ᭞ᬕ᭄ᬥᬾᬢ᭄ᬕᭂᬄᬓᬮᬗ᭄ᬓᬸᬂ᭞ᬓ᭄ᬭᬡᬫᬦᬹᬢ᭄ᬫᬤᭂᬕᬚᬶ᭞ᬫᬳᬤᬦᬚᬶᬰᬓ᭞ᬩᬾᬢᬾᬮ᭄ᬫᬦᬾᬓ᭄ᬢᬸᬳᬸᬦ᭄᭞ᬢ᭄ᬕᭂᬄᬫᬜᬸᬚᬸᬳᬫ᭄ᬩᬭ᭞ᬫᬾᬄᬫᬾᬄᬲᬶᬤ᭄ᬥᬩᬸᬮᬦᬾᬩᬓᬢ᭄ᬳᬸᬲᬸᬤᬶᬦ᭄᭞ᬳᭂᬜᬾᬦᬤᬤᬶ ᬗᭂᬳᬶᬗ᭟ᬦᬾᬦᬾᬓᬲᬸᬩ᭄‌ᬲᬶᬂᬮᬾᬦ᭄ᬢ᭄ᬯᬄᬓᬳᬶ᭞ᬫᬜᬶᬤᬬᬂᬗᬸᬲᬸᬤᬶᬦᬶᬩᬸᬮᬦ᭄᭞ᬳᬶᬲᬸᬦ᭄ᬤᬸᬓ᭄ᬫᬲᬳᬸᬢ᭄ᬫᬗ᭄ᬓᬾ᭞ᬫᬶᬯᬳᬶᬳᬜ᭄ᬚᬦ᭄ᬫᬶᬮᬸ᭞ᬲ᭄ᬩᭂᬢ᭄ᬤᬸᬄᬓᬶᬢᬦ᭄ᬤᬶᬗᭂᬳᬶᬦ᭄᭞ᬳᬶᬢᬫ᭄ᬧᬸᬮ᭄ᬬᬲᬶᬕᬸᬕ᭄ᬗᬦ᭄ᬤᬂ᭞ᬫᭂᬲᬸᬫᬜᬶ᭠ ᬜ᭄ᬭᬸᬢᬸ᭞ᬢᬦ᭄ᬧᬓ᭄ᬦᭂᬄᬩᬗ᭄ᬕ᭄ᬭᬲ᭄ᬓ᭄ᬭᬲ᭄᭞ᬢᬸᬲᬶᬂᬩᬶᬦᬓᬤᬶᬳᬚᬶᬦᬸᬲᬸᬓ᭄ᬓᭀᬧᬶᬂ᭞ᬜᬓᬶᬢᬶᬦ᭄ᬓᬮᬶᬯ᭠ᬢ᭄ᬮᬶᬢ᭄᭟ᬤᬤᬶᬩᬾᬢᬾᬢ᭄‌ᬫᬦᬳᭀᬦᬶᬦᬢᬶ᭞ᬯᭀᬂᬕᬶᬕᬶᬲᬦ᭄‌ᬢᬸᬫᬸᬲ᭄ᬤᬕᬶᬗᬸᬭᬢ᭄᭞ᬗ᭄ᬩᬸᬲ᭄ᬩᬭᬩᬭ ᬦ᭄ᬫᭀᬯᬦᬾ᭞ᬯ᭄ᬢᬸᬫᬸᬜᬶᬦᬾᬲᬳᬸᬤ᭄᭞ᬳᬶᬩᬢᬫ᭄ᬧᬸᬮ᭄ᬩᬗ᭄ᬕᬢᬦ᭄ᬲᬶᬧᬶ᭞ᬫᬸᬂᬢᬳᬸᬢ᭄ᬓᬾᬦᬯᬓ᭄᭞ᬗ᭄ᬭᬯᭀᬲ᭄ᬢᬦ᭄ᬧᬗᬶᬢᬸᬂ᭞ᬳᬦᬓ᭄ᬮᬾᬦᬦᬫᬸᬂᬮᬕᬲ᭄᭞ᬮᬬᬄᬳᬶᬩᬢᬦ᭄ᬧᬳᬱ᭄ᬝᬶ᭞ᬳᬾᬮᬄᬩᬳᬦ᭄ᬫᬗᬶᬮᬸ᭠ [᭗ 7A] ᬗᬂ᭟ᬤᬤᬶᬚ᭄ᬯᬭᬶᬦᬕᬶᬳᬗ᭄ᬕᭀᬦ᭄ᬕᬸᬲ᭄ᬢᬶ᭞ᬚᬸᬭᬸᬳᬶᬢᬄᬳᬧᬲᬸᬩᬧ᭄ᬭᬚ᭄ᬜᬦ᭄᭞ᬤᬾᬯᬾᬓ᭄ᬢᬫ᭄ᬧᬸᬮ᭄ᬢᬦ᭄ᬧᬗᬺᬲᬾ᭞ᬳᬮᬸᬳᬮᬸᬄᬫᬩᬸᬗᬸᬢ᭄᭞ᬢᬸᬲᬶᬂᬗ᭄ᬭᬲᬤᬾᬯᬾᬓᬾᬗᭂᬫ᭄ᬧᬶ᭞ᬲᬗ᭄ᬓᬦᬶᬩᬜᬶᬤᬬᬂ᭞ᬫᬚᬸᬚᬸᬓ᭄ᬢᬸᬃ ᬓᬸᬓᬸᬄ᭞ᬚᬸᬫᬼᬕ᭄ᬧᬮᬶᬂᬢᭂᬕᭂᬳ᭞ᬬᬾᬦᬶᬂᬢ᭄ᬯᬭᬓᬳᬶᬜᬸᬮᬸᬳᬶᬩᬚᬦᬶ᭞ᬧᬬᬸᬳ᭄ᬩᬄᬫᬩ᭄ᬭᬭᬓᬦ᭄᭟ᬓ᭄ᬦᬧᬦᬲ᭄‌ᬓ᭄ᬦᬳᬸᬚᬦ᭄ᬲᬶ᭞ᬢ᭄ᬯᬭᬩᬸᬳᬸᬗᬦ᭄‌ᬫᬧᬲᬄᬤᬶᬦᬢᬄ᭞ᬓ᭄ᬩᬲᭂᬦ᭄ᬤᬬᬸᬳᭂᬦ᭄ᬫᬗ᭄ᬓᬾ᭞ᬳ᭄ᬜᬾᬦᬶᬩᬧ ᬘᬂᬗ᭄ᬭᬸᬗᬸ᭞ᬤᬾᬦᬶᬂᬲᭀᬮᬄᬳᬶᬩᬩᬗ᭄ᬕᬶ᭞ᬧᭀᬗᬄᬦᬕᬶᬄᬳᬗ᭄ᬕᭀᬦ᭄ᬭᬵᬚ᭞ᬗᬤᬾᬦᬯᬦ᭄ᬯᭂᬭᬸᬄ᭞᭠ᬧᬫᬸᬧᬸᬢ᭄ᬩᭂᬕᭀᬮᭀᬕᬦ᭄᭞ᬧ᭄ᬭᬕᬢ᭄ᬗᭂᬦ᭄ᬢᬸᬄᬧᬬᬸᬜᬕᬫᬄᬢᬢᬦᬶ᭞ᬳᭂᬜᬾᬦ᭄ᬧᬘᬂᬗᬯᬶᬭᬗᬂ᭟ᬯᬶᬭᬾᬄ ᬓᬳᬶᬜᬸᬮᬸᬄᬳᬶᬩᬚᬢᬶ᭞ᬫᬦᭂᬓᭂᬓᬂᬜᬍᬩᬢ᭄ᬫᬫᬜ᭄ᬚᬂ᭞ᬩ᭄ᬢᬾᬦ᭄ᬩᬤᬸᬳᬸᬃᬢᭀᬗᭀᬲᬾ᭞ᬓᬳᬶ᭠ᬧᬢᬹᬢᬗ᭄ᬕᭀᬦᬕᬸᬂ᭞ᬓᬳᬶᬲᬸᬪᬓ᭄ᬢᬶᬦᬶᬦ᭄ᬲᬳᬶ᭞ᬳᬶᬩᬳᬫᬸᬂᬦᬸᬳᬸᬢᬂ᭞ᬲᬧᬶᬢᬸᬤᬸᬳᬓᬸ᭞ᬢᬦ᭄ᬤᬤᬶᬳᬶᬩᬮ

Auto-transliteration

[6 6B] 6 mĕl̥ĕgdeweke, gdhetgĕḥkalangkung, kraṇamanūtmadĕgaji, mahadanajiśaka, betelmanektuhun, tgĕḥmañujuhambara, meḥmeḥsiddhabulanebakat'husudin, hĕñenadadi ngĕhinga. nenekasubsinglentwaḥkahi, mañidayangngusudinibulan, hisundukmasahutmangke, miwahihañjanmilu, sbĕtduḥkitandingĕhin, hitampulyasigugngandang, mĕsumañi‐ ñrutu, tanpaknĕḥbanggraskras, tusingbinakadihajinusukkoping, ñakitinkaliwa‐tlit. dadibetetmanahoninati, wonggigisantumusdagingurat, ngbusbarabara nmowane, wtumuñinesahud, hibatampulbanggatansipi, mungtahutkenawak, ngrawostanpangitung, hanaklenanamunglagas, layaḥhibatanpahaṣṭi, helaḥbahanmangilu‐ [7 7A] ngang. dadijwarinagihanggon'gusti, juruhitaḥhapasubaprajñan, dewektampultanpangr̥ĕse, haluhaluḥmabungut, tusingngrasadewekengĕmpi, sangkanibañidayang, majujuktur̀ kukuḥ, juml̥ĕgpalingtĕgĕha, yeningtwarakahiñuluhibajani, payuhbaḥmabrarakan. knapanasknahujansi, twarabuhunganmapasaḥdinataḥ, kbasĕndayuhĕnmangke, hñenibapa cangngrungu, deningsolaḥhibabanggi, pongaḥnagiḥhanggonrāja, ngadenawanwĕruḥ, ‐pamuputbĕgologan, pragatngĕntuḥpayuñagamaḥtatani, hĕñenpacangngawirangang. wireḥ kahiñuluḥhibajati, manĕkĕkangñal̥ĕbatmamañjang, btenbaduhur̀tongose, kahi‐patūtanggonagung, kahisubhaktininsahi, hibahamungnuhutang, sapituduhaku, tandadihibala

Leaf 7

Image on Archive.org

[᭗ 7B] ᭗ ᬗ᭄ᬕᬦ᭞ᬫᬫᬋᬓᬦ᭄᭞ᬬᬦ᭄ᬩᬦᬶᬮᬓᬃᬗ᭄ᬫᬲᬶᬦ᭄᭞ᬫᬵᬢᬶᬳᬶᬩᬓᬧᬦᬲᬦ᭄᭟ᬤᬤᬶᬩᬸᬗ᭄ᬓᭂᬫ᭄᭠ᬩᬸᬗᬸᬢᬶᬩᬍᬲᬶᬦ᭄᭞ᬢ᭄ᬯᬭᬲᬶᬤ᭄ᬥᬗᬸᬘᬧ᭄ᬫᬓ᭄ᬭᬶᬫᬶᬓᬦ᭄᭞ᬳᬫᬸᬂᬕ᭄ᬥᬾᬬᬦᬫᬼᬓᬾ᭞ᬧᭀᬮᭀᬦᬾᬳᭂᬫ᭄ᬩᬸᬄᬧᬸ᭠ ᬬᬸᬂ᭞ᬫᬩᭂᬢᬩᭂᬢ᭄ᬫᬓᬸᬭᬶᬭᬶᬄ᭞ᬜᬧᬓᬤᬶᬳᬓᬸᬢᬶᬗ᭄ᬓᬄ᭞ᬩᬶᬓᬲ᭄‌ᬢ᭄ᬯᬭᬫᬦᬹᬢ᭄᭞ᬳ᭄ᬜᬾᬦ᭄ᬲᬶᬳᬦᬓᬾᬳᬸᬮᬧ᭄᭞ᬧᬘᬗᬯ᭄ᬯᬂᬩᬸᬓᬕᭂᬦ᭄ᬥᬗᬾᬕ᭄ᬩᬸᬕᬶᬦ᭄᭞ᬫᬘ᭄ᬤᬸᬕ᭄ᬫᬸᬜᬶᬦᬾᬓᭂᬭᬲ᭄᭟ᬘᬭᬶᬢᬬᬂᬕᬸᬭᬸᬕᬶ ᬭᬳᬩ᭄ᬣᬦᬶ᭞ᬤᬶᬲᬸᬩᬦᬾᬦᬶᬗᭂᬄᬫᬸᬜᬶᬲᬶᬗ᭄ᬲᬮ᭄᭞ᬫᬋᬩᬸᬢ᭄ᬤᬤᬶᬳᬕᬸᬗᬾ᭞ᬯ᭄ᬢᬸᬳᬶᬭᬶᬫᬦᬳᬶᬧᬸᬦ᭄᭞ᬯᬶᬭᬾᬄᬢᬸᬲᬶᬂᬳᬤᬦᬾᬢᭀᬮᬶᬄ᭞ᬗᬃᬤ᭄ᬥᬶᬓᬤᬬᬸᬳᬦ᭄᭞ᬜ᭄ᬮᬕ᭄ᬫᬫᬸᬜᬶᬗᬲᬸᬄ ᭞ᬫᬫᬢ᭄ᬩᬢ᭄ᬢᬸᬃᬗᬦᬶᬲ᭄ᬢᬬᬂ᭞ᬬᬳᬶᬲᬸᬦ᭄ᬤᬸᬓ᭄᭞ᬫᬶᬯᬄᬳ᭄ᬬᬜ᭄ᬚᬦ᭄ᬢᭀᬩᬸᬯᬶᬦ᭄᭞ᬮᬶᬯᬢ᭄ᬧ᭄ᬤᭂᬲ᭄ᬧᬫᬸᬜᬶᬦ᭄ᬜ᭟ᬳᬶᬩᬳᬜ᭄ᬚᬦ᭄ᬲᬸᬦ᭄ᬤᬸᬓ᭄ᬗᬓᬸᬭᬶᬭᬶᬄ᭞ᬩᬦᬶᬳᬶᬩᬗᬦᬶᬲ᭄ᬢᬬᬂᬢᬶᬫ᭄ᬧᬮ᭄᭞ᬮᬚᬸᬫᭂᬲᬸ [᭘ 8A] ᬳᬂᬫᬸᬜᬶᬦᬾ᭞ᬜᬘᬤᬶᬧᬸᬦᬶᬢᬫ᭄ᬧᬸᬮ᭄᭞ᬢ᭄ᬯᬭᬗᬸᬦᬤᬶᬓᬾᬗ᭄ᬳᬢᬶ᭞ᬳᬫ᭄ᬧᬄᬫᬘᭂᬫ᭄ᬧ᭄ᬮᬾᬗᬦ᭄᭞ᬳᬦ᭄ᬤᭂᬮ᭄ᬤᬾᬯᬾᬓ᭄ᬧᬮᬶᬗᬕᬸᬂ᭞ᬮᬦ᭄ᬢᬂᬜᬮ᭄ᬩᬢ᭄ᬗᬸᬓᬸᬳᬂ᭞ᬜᬸᬮᬸᬄᬰᬓᬲᬸᬩᬚ᭄ᬯ᭠ ᬭᬶᬤᬤᬶᬕᬸᬲ᭄ᬢᬶ᭞ᬫᬦᬤ᭄ᬬᬂᬢᬶᬫ᭄ᬧᬮ᭄ᬧᬜ᭄ᬚᬓ᭄᭟ᬢᬸᬲᬶᬂᬧᬶᬲᬦᬶᬩᬗ᭄ᬭᬲᬾᬗ᭄ᬳᬢᬶ᭞ᬦᬾᬦᬾᬲᬚᬫᬤᬬᬸᬳᬶᬦᬶᬩᬢᬾᬦ᭄ᬮᬾᬦ᭄ᬓᬳᬶᬢ᭄ᬯᬳᭀᬮᬲᬾ᭞ᬦ᭄ᬤᬬᬸᬳᬶᬦ᭄ᬢᬦ᭄ᬓᭂᬦᬓ᭄ᬩᬸᬲ᭄᭞ᬲᬗ᭄ᬓᬤᬶ᭠ ᬩᬮᬸᬧᬸᬢᬶᬂᬧᬢᬶ᭞ᬓᬳᬶᬦᬾᬗ᭄ᬭᬡᬬᬂ᭞ᬫᬲᬲᬄᬤᬶᬤᬸᬳᬸᬭ᭄᭞ᬢ᭄ᬯᬭᬗᬶᬢᬸᬂᬓᬧᬦᬲᬦ᭄᭞ᬮᬦᬸᬚᬦᬦ᭄᭞ᬤᬬᬸᬳᭂᬦ᭄ᬫᬲᬶᬳ᭄ᬫᬲᬶᬦ᭄᭞ᬩᬳᬦ᭄ᬢᬶᬦ᭄ᬤᬶᬳᬾᬫᬢᬶᬫ᭄ᬧᬮ᭄᭟ᬩᬸᬓᬚᬦᬶᬳᬶᬩ᭠ ᬮᬦ᭄ᬢᬲ᭄ᬤᭂᬗ᭄ᬕᬶ᭞ᬗᬸᬘᬧ᭄ᬩᬗ᭄ᬕ᭄ᬭᬲ᭄‌ᬦᬕᬶᬄᬳᬗ᭄ᬕᭀᬦ᭄ᬭᬵᬚ᭞ᬕ᭄ᬥᬾᬓᭀᬳᬫ᭄ᬩᭂᬓᬶᬩᬦᬾ᭞ᬳᬦᬹᬢᬂᬢᭀᬗᭀᬲᬶᬧᬸᬦ᭄᭞ᬧᬮᬶᬂᬢ᭄ᬕᭂᬄᬓᬳᬶᬦᭀᬗᭀᬲᬶᬦ᭄᭞ᬧᬢᬹᬢᬶᬩᬫᬜᬸᬫ᭄ᬩᬄ᭞ᬢ᭄ᬓᬾᬦ᭄ᬦᬾᬤᬶᬤᬸᬳᬸᬭ᭄

Auto-transliteration

[7 7B] 7 nggana, mamar̥ĕkan, yanbanilakar̀ngmasin, mātihibakapanasan. dadibungkĕm‐bungutibal̥ĕsin, twarasiddhangucapmakrimikan, hamunggdheyanaml̥ĕke, polonehĕmbuḥpu‐ yung, mabĕtabĕtmakuririḥ, ñapakadihakutingkaḥ, bikastwaramanūt, hñensihanakehulap, pacangawwangbukagĕndhangegbugin, macdugmuñinekĕras. caritayanggurugi rahabthani, disubaneningĕḥmuñisingsal, mar̥ĕbutdadihagunge, wtuhirimanahipun, wireḥtusinghadanetoliḥ, ngar̀ddhikadayuhan, ñlagmamuñingasuḥ , mamatbattur̀nganistayang, yahisunduk, miwaḥhyañjantobuwin, liwatpdĕspamuñinña. hibahañjansundukngakuririḥ, banihibanganistayangtimpal, lajumĕsu [8 8A] hangmuñine, ñacadipunitampul, twarangunadikenghati, hampaḥmacĕmplengan, handĕldewekpalingagung, lantangñalbatngukuhang, ñuluḥśakasubajwa‐ ridadigusti, manadyangtimpalpañjak. tusingpisanibangrasenghati, nenesajamadayuhinibatenlenkahitwaholase, ndayuhintankĕnakbus, sangkadi‐ baluputingpati, kahinengraṇayang, masasaḥdiduhur, twarangitungkapanasan, lanujanan, dayuhĕnmasihmasin, bahantindihematimpal. bukajanihiba‐ lantasdĕnggi, ngucapbanggrasnagiḥhanggonrāja, gdhekohambĕkibane, hanūtangtongosipun, palingtgĕḥkahinongosin, patūtibamañumbaḥ, tkennediduhur

Leaf 8

Image on Archive.org

[᭘ 8B] ᭙ ᭞ᬳᬕᬸᬂᬢᭀᬗᭀᬲᬕᬸᬂᬮᬓ᭄ᬱᬡ᭞ᬫᬜᬶᬤᬬᬂᬦ᭄ᬤᬬᬸᬳᬶᬦ᭄ᬫᬓ᭄ᬭᬩᬳ᭄ᬢᬶᬲ᭄᭞ᬧᬶᬢᬸᬤᬸᬄᬓ᭠ᬳᬶᬢᬸᬳᬸᬢᬂ᭟ᬘᬭᬶᬢᬬᬂᬕᬸᬭᬸᬦᬾᬦᬾᬚᬦᬶ᭞ᬬᬳᬶᬢᬮᬶᬯᬶᬭᬂᬫᬤᬶᬗᭂᬳᬂ᭞ᬲᬮᬶᬂᬮᬶᬫ᭄ᬧᬤᬶ ᬦ᭄ᬫᬸᬜᬶᬦᬾ᭞ᬧᬥᬦᬕᬶᬄᬓᬕᬸᬕᬸ᭞ᬚᬸᬯᬭᬶᬫᭂᬲ᭄ᬯᬂᬫᬸᬜᬶ᭞ᬦᬕᬶᬄᬦᬶᬢᬄᬢᬶᬫ᭄ᬧᬮ᭄᭞ᬦᬾᬦᬾᬳᬚᬓ᭄ᬓᬸᬫ᭄ᬧᬸᬮ᭄᭞ᬲᬳᬶᬩᬋᬂᬚ᭄ᬮᬾᬫ᭄ᬮᬄ᭞ᬤᬤᬶᬢᬦ᭄ᬤ᭄ᬭᬸᬄᬢᬶᬫ᭄ᬧᬮᬾᬩᬓᬢ᭄ᬤᭂᬗ᭄ᬓᬶᬓᬶᬦ᭄᭞ ᭞ᬫᭂᬍᬤ᭄ᬤᬤᬶᬦᬵᬣᬭᬵᬚ᭟ᬫᬘᭂᬫ᭄ᬧ᭄ᬮᬾᬗᬦᬶᬢᬮᬶᬫᬫᬸᬜᬶ᭞ᬲᬤᬩᬗ᭄ᬕ᭄ᬭᬲ᭄‌ᬳᬕᬮ᭄ᬓᭂᬜᬢ᭄ᬢᭂᬗᬮ᭄᭞ᬓᬸᬤᬸᬳᬗ᭄ᬓᬩᬂᬤᬾᬯᬾᬓᬾ᭞ᬘ᭄ᬦᬶᬓ᭄ᬢᬶᬧᬶᬲ᭄ᬩᬯᬓᬶᬧᬸᬦ᭄᭞ᬗᬗ᭄ᬲᭂᬳᬦ᭄ᬤᭂᬗ᭄ᬓᬶᬓ᭄ᬫ᭠ ᬫᬸᬜᬶ᭞ᬳᬶᬄᬭᬳᬩ᭄ᬚᬦ᭄ᬧᬗ᭄ᬭᬲ᭞ᬢ᭄ᬯᬄᬲᬚᬤᬶᬤᬸᬳᬸᬭ᭄᭞ᬤᬚᬳᬶᬩᬓᬮᬶᬳᬦ᭄᭞ᬫᬗᬦ᭄ᬤᭂᬮᬂᬤᬾᬯᬾᬓ᭄ᬦᬕᬶᬳᬗ᭄ᬕᭀᬦ᭄ᬕᬸᬲ᭄ᬢᬶ᭞ᬜᬾᬦᬦᬓᬾᬩᬓᬢ᭄ᬢᬶᬢᬄ᭟ᬢᬸᬲᬶᬗᬶᬗᭂᬢᬶᬩᬢ᭄ᬓᬾᬦ᭄ᬓᬳᬶ᭞ [᭙ 9A] ᬦᬾᬦᬾᬢᬺᬲ᭄ᬡ᭞ᬓᬳᬶᬫᬗᬶᬲᬶᬬᬂ᭞ᬓ᭄ᬭᬡᬲᬶᬤ᭄ᬥᬫᬗ᭄ᬕᭂᬄᬫᬗ᭄ᬓᬾ᭞ᬳᬶᬩᬦᭀᬗᭀᬲ᭄ᬤᬶᬤᬸᬳᬸᬭ᭄᭞ᬫ᭄ᬮᬄᬢᭀᬗᭀᬲᬶᬩᬚᬦᬶ᭞ᬫᬭᬦᭀᬗᭀᬲ᭄ᬤᬸᬳᬸᬭᬦ᭄᭞ᬤ᭄ᬕᬕᬫ᭄ᬩᭂᬓᬦ᭄ᬫᬸ᭞ᬦᬶᬮᬲ᭄ᬢᬶᬫ᭄ᬧᬮ᭄ᬦᬾᬩ᭄ᬢᬾᬦᬦ᭄᭞ᬤᬶ ᬚᬳᬤᬩ᭄ᬦᭂᬳᬶᬧᬸᬦ᭄ᬩᬸᬓᬚᬦᬶ᭞ᬲᭀᬮᬄᬳᬦ᭄ᬫᬦᬹᬢ᭄ᬓ᭄ᬭᬫ᭟ᬢ᭄ᬯᬄᬓᬾᬲᬚᬓᬳᬶᬘ᭄ᬦᬶᬓ᭄ᬢᬶᬧᬶᬲ᭄᭞᭠ᬢ᭄ᬯᬭᬲᬚᬗᬲᭂᬫ᭄ᬲᭂᬫᬗᬯᬓ᭄᭞ᬫᬮᬶᬫᬕᬾᬩ᭄ᬭᬤᬾᬯᬾᬓᬾ᭞ᬲᭀᬮᬄᬳᬶᬩᬓᬳᬶᬦᬸᬭᬸᬢ᭄᭞ᬲᬗ᭄ᬢ ᬦ᭄ᬫᬶᬮᬸᬫᭂᬲ᭄ᬯᬂᬫᬸᬜᬶ᭞ᬬᬾᬦᬶᬂᬓᬳᬶᬮᬓᬃᬳ᭄ᬮᬲ᭄᭞ᬗ᭄ᬮᬾᬲᬶᬦ᭄ᬧᬦ᭄ᬕᬸᬮ᭄᭞ᬳᬸᬮᬸᬗᬶᬩᬫᬩ᭄ᬭᬭᬓᬦ᭄᭞ᬦᭂᬧᬾᬦ᭄ᬢᬦᬄᬓᬗ᭄ᬕᭀᬦ᭄ᬧ᭄ᬭᬓ᭄ᬧᬓ᭄ᬓᬳᭂᬜ᭄ᬚᬸᬢᬶᬦ᭄᭞ᬤᬤᬶᬳᬩᬸᬢ᭄ᬫᬳᬦ᭄ᬜ᭟ᬫ᭄ᬮᬄᬓᬳᬶᬳᬗ᭄ᬕᭀᬦᬕᬸᬂ᭠ ᬚᬦᬶ᭞ᬢᬸᬃᬤᬤᬶᬬᬂᬧ᭄ᬭᬓᬗ᭄ᬕᭀᬦᬶᬢᬳᬂ᭞ᬢᬦ᭄ᬤᬤᬶᬩ᭄ᬮᬶᬢ᭄ᬮᬫ᭄ᬧᬄᬬᬵ᭞ᬬᬦ᭄ᬩᭂᬮᬶᬢ᭄ᬤᬦ᭄ᬥᬳᬕᬸᬂ᭞ᬓᬲ᭠ᬓᬶᬢᬶᬦ᭄ᬧᬺᬚᬦᬶ᭞ᬓᬾᬢᭀᬳᬶᬩᬳᬧᬂᬦᬯᬂ᭞ᬓᬳᬶᬭᬢᬸᬳᬕᬸᬂ᭞ᬗᭀᬤᬕᬂᬲᬳᬶᬲᬶᬦ᭄ᬚᬕᬢ᭄᭞ᬢ᭄ᬯᬭᬲᬶ᭠

Auto-transliteration

[8 8B] 9 , hagungtongosagunglakṣaṇa, mañidayangndayuhinmakrabahtis, pituduḥka‐hituhutang. caritayanggurunenejani, yahitaliwirangmadingĕhang, salinglimpadi nmuñine, padhanagiḥkagugu, juwarimĕswangmuñi, nagiḥnitaḥtimpal, nenehajakkumpul, sahibar̥ĕngjlemlaḥ, daditandruḥtimpalebakatdĕngkikin, , mĕl̥ĕddadinātharāja. macĕmplenganitalimamuñi, sadabanggrashagalkĕñattĕngal, kuduhangkabangdeweke, cniktipisbawakipun, ngangsĕhandĕngkikma‐ muñi, hiḥrahabjanpangrasa, twaḥsajadiduhur, dajahibakalihan, mangandĕlangdeweknagihanggon'gusti, ñenanakebakattitaḥ. tusingingĕtibatkenkahi, [9 9A] nenetr̥ĕsṇa, kahimangisiyang, kraṇasiddhamanggĕḥmangke, hibanongosdiduhur, mlaḥtongosibajani, maranongosduhuran, dgagambĕkanmu, nilastimpalnebtenan, di jahadabnĕhipunbukajani, solaḥhanmanūtkrama. twaḥkesajakahicniktipis, ‐twarasajangasĕmsĕmangawak, malimagebradeweke, solaḥhibakahinurut, sangta nmilumĕswangmuñi, yeningkahilakar̀hlas, nglesinpan'gul, hulungibamabrarakan, nĕpentanaḥkanggonprakpakkahĕñjutin, dadihabutmahanña. mlaḥkahihanggonagung‐ jani, tur̀dadiyangprakanggonitahang, tandadiblitlampaḥyā, yanbĕlitdandhahagung, kasa‐kitinpr̥ĕjani, ketohibahapangnawang, kahiratuhagung, ngodagangsahisinjagat, twarasi‐

Leaf 9

Image on Archive.org

[᭙ 9B] ᭙ ᬲᬦ᭄‌ᬳᬶᬩᬧᬜ᭄ᬚᬓ᭄ᬤᬤᬶᬓ᭄ᬭᬶᬫᬶᬓ᭄᭞ᬢ᭄ᬓᬾᬦ᭄ᬭᬢᬸᬧᬬᬸᬂᬚᬕᬢ᭄᭟ᬓᬾᬢᭀᬘ᭄ᬦᬶᬂᬫᬸᬜᬶᬦ᭄ᬜᬳᬶᬢᬮᬶ᭞ᬢ᭄ᬯᬭᬗᭂᬢᬸᬂᬯᬲᬦᬦᬶᬗᬸᬚᬭ᭄᭞ᬫᬶᬮᬸᬳᬶᬢᬹᬢᬶᬢᬹᬢᬦᬾ᭞ᬳᬶᬕᬳᬶᬕᬚᬗᭂᬮᬶᬧᬸᬦ᭄᭞ᬩᭂᬮ᭄ᬩᭂ ᬮᬫ᭄ᬩᭂᬮ᭄ᬢᬦ᭄ᬓᬶᬤᬶᬓ᭄᭞ᬯ᭄ᬢᬸᬓ᭄ᬩᬸᬲ᭄ᬩᬭᬗᬃᬭ᭄᭞ᬧᭂᬲᬸᬫᬸᬜᬶᬗᬘᬸᬄ᭞ᬕ᭄ᬤᭂᬕ᭄ᬩᬲᬗᬶᬧᬸᬦ᭄ᬫᭂᬗ᭄ᬓᬩ᭄᭞ᬫᬢᬲᬸᬗᬼᬂᬘᬸᬗᬸᬄᬳᬶᬧᬸᬦ᭄‌ᬓ᭄ᬩᬶᬂᬓ᭄ᬩᬶᬂ᭞ᬳᬸᬮᬸᬦᬢᬶᬫᬍᬓᭀᬓᬦ᭄᭟ᬳᬶᬩᬢᬗ᭄ᬮᬶᬂᬳᬾᬮᬳᬾᬫᬫᬸ᭠ ᬜᬶ᭞ᬳᬕᬸᬂᬤᭀᬱᬗᬶᬢᬸᬂᬧᬤᬾᬯᬾᬓᬦ᭄᭞ᬦᬶᬲ᭄ᬢᬢᬦᬦᬕᬸᬡᬦᬾ᭞ᬤᬤᬶᬫᬶᬮᬸᬗᬤᬸ᭠ᬓᬤᬸᬓ᭄᭞ᬫᬗᭂᬢᬗᭂᬢ᭄ᬫᬗᬓᬸᬭᬶᬭᬶᬄ᭞ᬤᬾᬯᬾᬓ᭄ᬢᬶᬧᬶᬲ᭄ᬫᬳᬶᬮᬸᬢᬦ᭄᭞ᬚ᭄ᬯᬭᬶᬤᬤᬶᬳᬕᬸᬂ᭞ᬤᬾᬯᬾᬓ᭄ᬢ᭄ᬯ ᬭᬗ᭄ᬮᬄᬕᬶᬡ᭞ᬲᬓᬶᬗᬵᬫ᭄ᬧᬄ᭞ᬫᬫᬸᬜᬶᬢᬦ᭄ᬗᬗ᭄ᬕᭀᬩᬸᬤ᭄ᬥᬶ᭞ᬗᬃᬤ᭄ᬥᬶᬕᬜ᭄ᬚᬶᬄᬚᬷᬯᬦᬶᬩ᭟᭠ᬳᬶᬩᬗ᭄ᬮᬄᬕᬸᬡᬢ᭄ᬯᬳᬩ᭄ᬲᬶᬓ᭄᭞ᬳᬦ᭄ᬕᬸᬮᬦ᭄‌ᬓᬸᬤ᭄ᬬᬂᬤᬤᬶᬭᬵᬚ᭞ᬦᬕᬶᬄᬦᬶᬢᬄᬲᬚᬕᬢᬾ᭞ᬓ [᭑᭐ 10A] ᬤᬾᬦᬮᬸᬄᬤᬤᬶᬳᬕᬸᬂ᭞ᬦᬩ᭄ᬤᬩ᭄ᬚᬕᬢᬧᬂᬢᬺᬧ᭄ᬢᬶ᭞ᬢᬸᬲᬶᬂᬤᬤᬶᬧ᭄ᬭᬕᬢᬂ᭞ᬳᬸᬮᬶᬳᬦ᭄ᬫᬦ᭄ᬕ᭠ᬮ᭄᭞ᬳᬶᬩᬗᬸᬘᬧ᭄ᬢᬦ᭄ᬧᬭᬲ᭞᭄᭞ᬦᬄᬦᬾᬓᬳᬶᬕ᭄ᬮᬸᬢᬶᬩᬲᬳᬶᬲᬳᬶ᭞ᬳᬶᬩᬦᭂᬓᭂᬓᬗᬶᬭᬳᬩ᭄ ᭟ᬧᬢᬶᬍᬲᬂᬤᬾᬯᬾᬓᬶᬩᬦᬾᬘ᭄ᬦᬶᬓ᭄᭞ᬫᬳᬶᬮᬸᬢᬦ᭄‌ᬓᬳᬶᬧᬢᬹᬢᬸᬮᬳᬂ᭞ᬩ᭄ᬭᬶᬬᬸᬓᬶᬦᬚᬓ᭄ᬮᬶᬬᬸᬦᬾ᭞ᬓᬳᬶᬳᬤ᭄ᬕᬗᬵᬕᬸᬂ᭞ᬯᬶᬭᬾᬄᬓᬳᬶᬮᬦ᭄ᬢᬂᬢᬦ᭄ᬲᬶᬧᬶ᭞ᬤᬶᬤᬸᬳᬸᬃᬜᬮ᭄ᬩᬢ᭄᭞ᬢᬦ᭄ᬲ᭠ ᬗ᭄ᬰᬬᬮᬫᬸᬦ᭄᭞ᬓᬳᬶᬫᬤᭂᬕ᭄ᬦᬵᬣᬭᬵᬚ᭞ᬲᬶᬦᬳᬶᬩᬧᬕᭂᬄᬗ᭄ᬮᬸᬢ᭄ᬤᬾᬯᬾᬓ᭄ᬓᬳᬶ᭞ᬭᬳ᭠ᬬᬸᬳᬶᬩᬓᬯ᭄ᬓᬲ᭄᭟ᬓᬾᬢᭀᬘ᭄ᬦᬶᬂᬧᬶᬢᬸᬗ᭄ᬓᬲᬾᬧᬮᬶᬂ᭞ᬧ᭄ᬭᬩᭀᬢ᭄ᬩᬮᬾᬫᬮᬶᬫ᭄ᬧᬤ᭄ᬮᬶᬫ᭄ᬧᬤᬦ᭄᭞ᬳᬶ ᬢᬮᬶᬲ᭄ᬤᬶᬄᬫᬦᬳᬾ᭞ᬜᭂᬮ᭄ᬲᭂᬮᬂᬤᬾᬯᬾᬓᬾᬮᬘᬸᬭ᭄᭞ᬗ᭄ᬭᬲᬳᬶᬧᬸᬦ᭄ᬧᬮᬶᬂᬘ᭄ᬦᬶᬓ᭄᭞ᬓᬤᬸᬮᬸᬭᬶᬦ᭄ᬓᬩᬢ᭄ᬩᬢ᭄‌᭞ᬳᬶᬕᬳᬶᬕᬳᬶᬓᬸ᭞ᬫᬫᬸᬜᬶᬢᬦ᭄ᬫᬦᬹᬢ᭄ᬓ᭄ᬭᬫ᭞ᬲᬳᬩᬗ᭄ᬕ᭄ᬭᬲ᭄‌ᬩ᭄ᬕᭂᬢᭂᬓ᭄ᬢᬶ᭠

Auto-transliteration

[9 9B] 9 sanhibapañjakdadikrimik, tkenratupayungjagat. ketocningmuñinñahitali, twarangĕtungwasananingujar, miluhitūtitūtane, higahigajangĕlipun, bĕlbĕ lambĕltankidik, wtukbusbarangar̀r, pĕsumuñingacuḥ, gdĕgbasangipunmĕngkab, matasungl̥ĕngcunguḥhipunkbingkbing, hulunatimal̥ĕkokan. hibatanglinghelahemamu‐ ñi, hagungdoṣangitungpadewekan, nistatananaguṇane, dadimilungadu‐kaduk, mangĕtangĕtmangakuririḥ, dewektipismahilutan, jwaridadihagung, dewektwa ranglaḥgiṇa, sakingāmpaḥ, mamuñitannganggobuddhi, ngar̀ddhigañjiḥjīwaniba. ‐hibanglaḥguṇatwahabsik, han'gulankudyangdadirāja, nagiḥnitaḥsajagate, ka [10 10A] denaluḥdadihagung, nabdabjagatapangtr̥ĕpti, tusingdadipragatang, hulihanman'ga‐l, hibangucaptanparasa, , naḥnekahiglutibasahisahi, hibanĕkĕkangirahab . patil̥ĕsangdewekibanecnik, mahilutankahipatūtulahang, briyukinajakliyune, kahihadgangāgung, wireḥkahilantangtansipi, diduhur̀ñalbat, tansa‐ ngśayalamun, kahimadĕgnātharāja, sinahibapagĕḥnglutdewekkahi, raha‐yuhibakawkas. ketocningpitungkasepaling, prabotbalemalimpadlimpadan, hi talisdiḥmanahe, ñĕlsĕlangdewekelacur, ngrasahipunpalingcnik, kadulurinkabatbat, higahigahiku, mamuñitanmanūtkrama, sahabanggrasbgĕtĕkti‐

Leaf 10

Image on Archive.org

[᭑᭐ 10B] ᭑᭐ ᬫᬦᬢᭀᬦᬶᬦ᭄᭞ᬫᭂᬲᬸᬕ᭄ᬢᬶᬳᬾᬓᬫᬢ᭟᭐᭟ᬧᬸᬧᬸᬄᬲ᭄ᬫᬭᬦ᭄ᬤᬦ᭟᭐᭟ᬳᬶᬢᬮᬶᬬᬮᬯᬸᬢ᭄ᬲᭂᬤᬶᬄ᭞ᬜᭂᬲᭂᬮ᭄ᬤᬾᬯᬾᬓ᭄ᬢᬦᬶᬩᬕ᭄ᬬ᭞ᬩᬲ᭄ᬲᬗᭂᬢ᭄ᬮᬗ᭄ᬲᭀᬢ᭄ᬫᬸᬜᬶᬦᬾ᭞ᬢ᭄ᬯᬭᬗᬶᬢᬸᬂᬤᬾᬯᬾᬓ᭄ᬦᬶᬲ᭄ᬢ ᭞ᬚᬦᬶᬫᬭᬳᬶᬧᬸᬦ᭄ᬗ᭄ᬭᬲ᭞ᬢ᭄ᬓᬾᬦ᭄ᬤᬾᬯᬾᬓ᭄ᬲᬮᬳᬸᬦ᭄ᬤᬸᬓ᭄᭞ᬳᬸᬮᬶᬳᬧᬸᬲ᭄ᬫᬧ᭄ᬮᬯᬦᬦ᭄᭟᭠ᬳᬶᬩᬳᬶᬕᬳᬶᬕᬚᬢᬶ᭞ᬜᬫ᭄ᬩᬢ᭄ᬲᬭᬓᬳᬶᬫᬭ᭞ᬲᬚᬓᬳᬶᬫᬵᬯᬓ᭄ᬦᬶᬲ᭄ᬢ᭞ᬢᬶᬧᬶᬲ᭄ᬩᬯᬓ᭄ᬫᬳᬶᬮᬸ ᬢᬦ᭄᭞ᬢ᭄ᬯᬭᬧᬶᬲᬦ᭄ᬗᭂᬮᬄᬕᬶᬦ᭞ᬕᬶᬡᬦ᭄ᬓᬳᬶᬩᬦ᭄ᬢᬲ᭄ᬦᭂᬕᬸᬮ᭄᭞ᬳᬶᬩᬫᬲᬶᬢᬦ᭄ᬧᬗ᭄ᬭᬲ᭟ᬲᭀᬢᬦᬶᬗᬶᬤᬸᬧ᭄ᬤᬶᬕᬸᬫᬶ᭞ᬮ᭄ᬬᬸᬩᬜ᭄ᬘᬦᬦᬾᬳᬤ᭞ᬤᬗᬦ᭄ᬤᭂᬮᬂᬤᬾᬯᬾᬓ᭄ᬓᭀᬓᭀᬂ᭞ᬮᬦ᭄ᬢᬂᬤᬶ᭠ ᬤᬸᬳᬸᬃᬜᬮ᭄ᬩᬢ᭄᭞ᬤᬶᬲᬸᬩᬓᬢ᭄ᬓᬦ᭄ᬪᬬ᭞ᬓᬵᬮᬫᬺᬢ᭄ᬬᬸᬦᬦᬄᬮᬯᬸᬢ᭄᭞ᬢ᭄ᬓᬩᬸᬩᬸᬓ᭄ᬫᬕ᭄ᬭᬬᬧ᭄᭟ᬳᭂᬦ᭄ᬢᭀᬳᬦᬾᬤᬤᬶᬕᭂᬭᬶᬂ᭞ᬗᬫᬳᬶᬩᬜᬩ᭄ᬭᬦ᭄ᬤᬶᬦ᭞ᬗ᭄ᬮᬶᬤᬶᬦ᭄ᬢᬸᬲᬶᬂᬜᬶᬤᬬᬂ᭞ᬭᬾᬳᬶᬩᬲᬸ [᭑᭑ 11A] ᬩᬫᬩ᭄ᬮᬕ᭄ᬩᬕ᭄᭞ᬓᬳᬶᬦ᭄ᬕᬸᬮ᭄ᬚᬓ᭄ᬮ᭄ᬬᬸᬧᬶᬲᬦ᭄᭞ᬢ᭄ᬓᭂᬓ᭄ᬫᭂᬦᬾᬓ᭄ᬢᭂᬓᭂᬓ᭄ᬢᬸᬳᬸᬦ᭄᭞ᬓᬸᬤ᭄ᬬᬂᬧᬘᬂᬫ᭠ᬓᬺᬲ᭄ᬓᬦ᭄᭟ᬧ᭄ᬭᬕᬢ᭄ᬫᬜᭂᬭᬳᬗᬸᬭᬶᬧ᭄᭞ᬲᬗ᭄ᬓᬦ᭄ᬚᬦᬶᬤᬲᬗ᭄ᬢᬂ᭞ᬗᬦ᭄ᬤᭂᬮᬂᬓᬸᬓᬸᬄᬤᬾᬯᬾᬓᬾ᭞ᬬᬦ᭄ᬧᭂ ᬮᬶᬄᬩᬦ᭄ᬫᬮᬓ᭄ᬱᬡ᭞ᬰᬢ᭄ᬭᬸᬢ᭄ᬓᬫᬕ᭄ᬭᬬᬧᬦ᭄᭞ᬜᭂᬗ᭄ᬓᬮᬾᬦ᭄ᬤᬾᬯᬾᬓᬾᬮᬯᬸᬢ᭄᭞ᬧ᭠ᬬᬸᬫᬗ᭄ᬫᬲᬶᬦ᭄ᬧ᭄ᬚᬄ᭟ᬢ᭄ᬯᬭᬳᬤᬩ᭄ᬭᬬᬲ᭄ᬤᬶᬄ᭞ᬫᬗᭂᬦᬗᬶᬩᬫᬵᬢᬶᬗ᭄ᬕᬮ᭄᭞ᬳᬸᬮᬶᬤᬶᬕᬸᬫᬶᬦᬾᬤᬶᬦᬾ᭞᭠ ᬫᬮᬄᬮ᭄ᬬᬸᬦᬫᬤᬓᬂ᭞ᬫᬵᬢᬶᬓᬼᬫ᭄ᬤᬶᬓᬯᬄ᭞ᬲᬗ᭄ᬲᬭᬳᬶᬦ᭄ᬤᬶᬓᬾᬮᬫ᭄ᬧᬸᬲ᭄᭞ᬢ᭄ᬯᬭᬲᬶᬤ᭄ᬥᬫᬭᬶᬲᬸᬤ᭄ᬥ᭟ᬚᬦᬶᬘᬭᬶᬢᬬᬂᬩᬸᬯᬶᬦ᭄᭞ᬳᬶᬲᭂᬦ᭄ᬤᬶᬓ᭄ᬤᬾᬓ᭄ᬦᬶᬗᭂᬳᬂ᭞ᬧᬶᬢᬸᬗ᭄ᬓᬲ᭄ᬜᬫᬩ᭄ᬭᬬᬦ᭄ᬜ᭞ᬧᬥᬫᬳ᭠ ᬕᬸᬗᬕᬸᬗᬦ᭄᭞ᬲᬮᬶᬂᬦᬕᬶᬄᬓᬗ᭄ᬕᭀᬯᬂ᭞ᬧᭂᬲᬸᬫᬸᬜᬶᬦᬶᬧᬸᬦᬮᬸᬲ᭄᭞ᬩᬦ᭄ᬩᬦ᭄ᬓᭂᬜᬶᬂᬫᬓᬭᬸᬡ᭟ᬦᬾᬢᬾᬳᬶᬩᬜᬫᬦ᭄ᬓᬳᬶ᭞ᬢᭀᬮᬶᬄᬓᬳᬶᬳᬶᬲᬗ᭄ᬲᬭ᭞ᬫᬤᬾᬯᬾᬓ᭄ᬩᭀᬗ᭄ᬓᭀᬤᬶᬩ᭄ᬢᬾᬦ᭄᭞ᬫᬶ᭠

Auto-transliteration

[10 10B] 10 manatonin, mĕsugtihekamata. 0. pupuḥsmarandana. 0. hitaliyalawutsĕdiḥ, ñĕsĕldewektanibagya, bassangĕtlangsotmuñine, twarangitungdeweknista , janimarahipunngrasa, tkendeweksalahunduk, hulihapusmaplawanan. ‐hibahigahigajati, ñambatsarakahimara, sajakahimāwaknista, tipisbawakmahilu tan, twarapisanngĕlaḥgina, giṇankahibantasnĕgul, hibamasitanpangrasa. sotaningidupdigumi, lyubañcananehada, dangandĕlangdewekkokong, lantangdi‐ duhur̀ñalbat, disubakatkanbhaya, kālamr̥ĕtyunanaḥlawut, tkabubukmagrayap. hĕntohanedadigĕring, ngamahibañabrandina, nglidintusingñidayang, rehibasu [11 11A] bamablagbag, kahin'guljaklyupisan, tkĕkmĕnektĕkĕktuhun, kudyangpacangma‐kr̥ĕskan. pragatmañĕrahangurip, sangkanjanidasangtang, ngandĕlangkukuḥdeweke, yanpĕ liḥbanmalakṣaṇa, śatrutkamagrayapan, ñĕngkalendewekelawut, pa‐yumangmasinpjaḥ. twarahadabrayasdiḥ, mangĕnangibamātinggal, hulidiguminedine, ‐ malaḥlyunamadakang, mātikl̥ĕmdikawaḥ, sangsarahindikelampus, twarasiddhamarisuddha. janicaritayangbuwin, hisĕndikdekningĕhang, pitungkasñamabrayanña, padhamaha‐ gungagungan, salingnagiḥkanggowang, pĕsumuñinipunalus, banbankĕñingmakaruṇa. netehibañamankahi, toliḥkahihisangsara, madewekbongkodibten, mi‐

Leaf 11

Image on Archive.org

[᭑᭑ 11B] ᭑᭑ ᬯᬄᬓᬳᬶᬧᬮᬶᬂᬩᬳᬢ᭄᭞ᬜᬸᬳᬸᬦᬶᬩᬧ᭄ᬢᭂᬂᬮ᭄ᬫᬄ᭞ᬳᬧᬗᬶᬩᬦ᭄ᬫᬸᬳᬬᬸ᭞ᬓᭂᬓᭂᬄᬫᬚᬸᬚᬸᬓ᭄ᬫᬓ᭄ᬚᬂ᭟ᬧᬗ᭄ᬤᬓᬢ᭄ᬓᬦ᭄ᬧᬜᬓᬶᬢ᭄᭞ᬕ᭄ᬭᬶᬗᬦᬾᬫᬫᬜ᭄ᬘᬦ᭞ᬢᬦ᭄ᬮᬾᬦᬶᬢᬢᬦᬶᬋᬓᭀ᭞ᬦᬾᬗ᭄ᬭᬸᬲᬓᬂᬤᬾᬯᬾ᭠ ᬓᬶᬩ᭞ᬫᬯᬦᬦ᭄ᬓᬳᬶᬫᬚᬕ᭄ᬭ᭞ᬦᭀᬗᭀᬲ᭄ᬩᭂᬢᬾᬦ᭄ᬓᬦ᭄ᬢᬶᬩᬸᬗ᭄ᬓᬸᬢ᭄᭞ᬜᬕᬳᬶᬦ᭄ᬢᬢᬦᬶᬘᭀ᭠ᬭᬄ᭟ᬓᬾᬢᭀᬲᬹᬓ᭄ᬱ᭄ᬫᬦ᭄ᬜᬦᬾᬚᬢᬶ᭞ᬧ᭄ᬮᬶᬳᬶᬩᬬᬦ᭄ᬫᬢᬸᬗ᭄ᬓᬲ᭄᭞ᬲᬶᬦᬄᬳᬸᬯᬸᬕ᭄ᬩᬸᬬᬃᬭᬾᬕᬾᬲ᭄᭞ᬤᬶᬲᬸ ᬩᬳᬶᬩᬫᬩ᭄ᬮᬲᬦ᭄᭞ᬳᬾᬮᬄᬩᬜ᭄ᬘᬦᬦᬾᬢ᭄ᬓ᭞ᬲᬗ᭄ᬓᬦ᭄ᬓᬳᬶᬗᬶᬤᬶᬄᬢᬸᬮᬸᬂ᭞ᬳᬶᬗᭂᬢᬂᬤᬾ᭠ᬯᬾᬓᬾᬲᭀᬯᬂ᭟ᬢᬫ᭄ᬧᬸᬮ᭄ᬧᬢᬹᬢ᭄ᬫᬗᬤ᭄ᬕᬶᬦ᭄᭞ᬲᬸᬦ᭄ᬤᬸᬓᬜ᭄ᬚᬦ᭄ᬫᬦᭂᬢ᭄ᬕᬂ᭞ᬳᬶᬭᬳᬩ᭄ᬦᬬᬸᬳᬶᬦ᭄ᬋᬓᭀ᭞ᬕᬶ᭠ ᬢᬮᬶᬦ᭄ᬕᬸᬮ᭄ᬦᬓᭂᬓᬂ᭞ᬳᬶᬕᬳᬶᬕᬦᬾᬗᬸᬓᬸᬳᬂ᭞ᬳᬾᬮᬄᬳᬶᬢᬮᬶᬫᬗ᭄ᬕᭂᬮᬸᬢ᭄᭞ᬓᬾᬢᭀᬳᬶᬩᬚᬓ᭄ᬫᬓ᭄ᬚᬂ᭟ᬚᬦᬶᬓᬯᬶᬢᬶᬦ᭄ᬦᬩ᭄ᬤᬩᬶᬦ᭄᭞ᬫᬢᬸᬳᬂᬤᬾᬯᬾᬓ᭄ᬫᬜᬫ᭞ᬧᬥᬗᬦᬹᬢᬂᬥᬃᬫ᭄ᬫᬦᬾ᭞ᬫᬕᬳᬾᬳᬚ [᭑᭒ 12A] ᬓ᭄ᬫᬓ᭄ᬚᬂ᭞ᬫᬦᬹᬢ᭄ᬓᬤᬶᬲ᭄ᬮᭀᬓᬦ᭄ᬚᬕᬢ᭄᭞ᬲᬮᬶᬗᬲᬄᬲᬮᬶᬗᬲᬸᬄ᭞ᬢᬺᬱ᭄ᬡᬮᬸᬮᬸᬢ᭄ᬢᭂᬓᬾᬦ᭄ᬜᬫ᭟ᬢᭀᬗᭀᬲᬶᬦ᭄ᬢᭀᬗᭀᬲᬾᬚᬦᬶ᭞ᬲᭀᬯᬂᬲᭀᬯᬂᬫᬗᬶᬗ᭄ᬢᬂ᭞ᬫᬕᬳᬾᬳᬚᬓ᭄ᬫᬓ᭄ᬚᬂ᭞ᬲᬮᬸᬗ᭄ᬮᬸᬂᬲᬩ᭠ ᬬᬦ᭄ᬢᬓ᭞ᬬᬦ᭄ᬲᬸᬩᬧᬕᭂᬄᬩᬳᬦ᭄᭞ᬲᬶᬦᬄᬭᬕᬬᬸᬓᬢ᭄ᬫᬸ᭞ᬳᬤᬸᬗᬾᬓᬳᬸᬢ᭄ᬢᬫᬬᬂ᭟ᬳᭀᬮᬶᬳᬦᬓᬾᬤᬶᬕᬸᬫᬶ᭞ᬳᬶᬭᬕᬓᬵᬗ᭄ᬕᭀᬦ᭄ᬲᬬᬸᬩᬦ᭄᭞ᬫᬶᬯᬄᬢᭀᬗᭀᬲ᭄ᬫᬓᬾᬃᬢ᭄ᬢᬶᬦᬾ᭞ᬗᬃᬤ᭄ᬥᬶᬲᭂᬦ᭄ᬢ ᬦᬳᬸᬢ᭄ᬢᬫ᭞ᬓᬮᬶᬄᬢᭀᬗᭀᬲ᭄ᬫᬬᬚ᭄ᬜ᭞ᬮ᭄ᬬᬸᬕᬸᬡᬦᬾᬓᬢ᭄ᬧᬸᬓ᭄᭞ᬲᬗ᭄ᬓᬦ᭄ᬚᬦᬶᬮᬦ᭄ᬲᬭ᭠ᬢᬂ᭟ᬧᬢᬸᬳᬂᬤᬾᬯᬾᬓᬾᬚᬦᬶ᭞ᬲᬸᬳᬸᬤ᭄ᬫᬳᬚᬸᬫᬚᬸᬫᬦ᭄᭞ᬫᬢᬸᬗ᭄ᬓᬲ᭄ᬮᬶᬫ᭄ᬧᬤ᭄ᬮᬶᬫ᭄ᬧᬤᬦ᭄᭞ᬘ᭄ᬦᬶᬂᬓᬾᬢᭀ ᬧᬫᬸᬧᬸᬢ᭄ᬜ᭞ᬳᬶᬲᭂᬦ᭄ᬤᬶᬲᬓᬶᬂᬧ᭄ᬭᬚ᭄ᬜᬦ᭄᭞ᬦᭂᬧᬲᬶᬓᬶᬢᬸᬗ᭄ᬓᬲᬶᬧᬸᬦ᭄᭞ᬤᬤᬶᬧᬢᬸᬢᬩ᭄ᬭᬶᬬᬸᬓᬦ᭄᭟᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬳᬓᬾᬢᭀᬲᬸᬩᬧ᭄ᬭᬕᬢ᭄᭞ᬲᬢ᭄ᬯᬦ᭄ᬕᬸᬭᬸᬢ᭄ᬓᬾᬦ᭄ᬘᭂᬦᬶᬂ᭞ᬍᬕᬕᬸᬭᬸᬫᬗ

Auto-transliteration

[11 11B] 11 waḥkahipalingbahat, ñuhunibaptĕnglmaḥ, hapangibanmuhayu, kĕkĕḥmajujukmakjang. pangdakatkanpañakit, gringanemamañcana, tanlenitatanir̥ĕko, nengrusakangdewe‐ kiba, mawanankahimajagra, nongosbĕtenkantibungkut, ñagahintatanico‐raḥ. ketosūkṣmanñanejati, plihibayanmatungkas, sinaḥhuwugbuyar̀reges, disu bahibamablasan, helaḥbañcananetka, sangkankahingidiḥtulung, hingĕtangde‐wekesowang. tampulpatūtmangadgin, sundukañjanmanĕtgang, hirahabnayuhinr̥ĕko, gi‐ talin'gulnakĕkang, higahiganengukuhang, helaḥhitalimanggĕlut, ketohibajakmakjang. janikawitinnabdabin, matuhangdewekmañama, padhanganūtangdhar̀mmane, magahehaja [12 12A] kmakjang, manūtkadislokanjagat, salingasaḥsalingasuḥ, tr̥ĕṣṇaluluttĕkenñama. tongosintongosejani, sowangsowangmangingtang, magahehajakmakjang, salunglungsaba‐ yantaka, yansubapagĕḥbahan, sinaḥragayukatmu, hadungekahuttamayang. holihanakedigumi, hiragakānggonsayuban, miwaḥtongosmaker̀ttine, ngar̀ddhisĕnta nahuttama, kaliḥtongosmayajña, lyuguṇanekatpuk, sangkanjanilansara‐tang. patuhangdewekejani, suhudmahajumajuman, matungkaslimpadlimpadan, cningketo pamuputña, hisĕndisakingprajñan, nĕpasikitungkasipun, dadipatutabriyukan. . 0. pupuḥsinom. 0. haketosubapragat, satwan'gurutkencĕning, l̥ĕgagurumanga

Leaf 12

Image on Archive.org

[᭑᭒ 12B] ᭑᭒ ᬢᭀᬦᬂ᭞ᬫᬶᬦᬩ᭄ᬋᬲᭂᬧ᭄ᬘᭂᬦᬶᬂᬦᬫ᭄ᬧᬶ᭞ᬫᬲᬳᬸᬃᬧ᭄ᬬᬓ᭄ᬜᬫᬗ᭄ᬓᬶᬦ᭄᭞ᬳᬮᭀᬦ᭄ᬩᬦ᭄ᬩᬦ᭄ᬲᬤᬓ᭄ᬜᬸᬂ᭞ᬧᬸᬦᬶᬓᬫᬥᬾᬫᬸᬤᬶᬢ᭞ᬲᬶᬗ᭄ᬕᬶᬄᬕᬸᬭᬸᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬤ᭄ᬫᭂᬦ᭄ᬗ᭄ᬭᬸᬗᬸ᭞ᬢᬦ᭄ᬲᬢ᭄ᬯᬦᬾᬧᬸᬦᬶᬓ᭟ᬓᬶᬭᬂᬢᬶ ᬢ᭄ᬬᬂᬫᬶᬭᬕᬶᬬᬂ᭞ᬲᬢ᭄ᬯᬦᬶᬩᬮᬾᬦᬾᬩ᭄ᬘᬶᬓ᭄᭞ᬯᬦ᭄ᬢᬄᬫᬭᬹᬧᬳᬤ᭄ᬕᬦ᭄᭞ᬫᬶᬯᬄᬲᬸᬦ᭄ᬤᬸᬓᬜ᭄ᬚᬦ᭄ᬫᬮᬶᬄ᭞ᬤᬸᬤᬸᬭᬶᬦᬶᬧᬸᬦᬶᬳᬮᬶ᭞ᬫᬓᬫᬶᬯᬄᬭᬳᬩᬶᬧᬸᬦ᭄᭞ᬳᬶᬕᬳᬶᬕᬫᬮᬶᬄᬓᭀᬘᬧ᭄᭞ᬧᬗᬸᬲᬦᬶ ᬧᬸᬦᬶᬲᭂᬦ᭄ᬤᬶ᭞ᬯᬦ᭄ᬢᬳᬶᬧᬸᬦ᭄᭞ᬦᭂᬧᬲᬶᬦ᭄ᬫᬯᬶᬦᬦ᭄ᬧᬸᬦᬄ᭟ᬳᬶᬧᬸᬦ᭄ᬫᬕ᭄ᬦᬄᬭᬶᬂᬢ᭄ᬗᬄ᭞ᬧ᭄ᬭᬚ᭄ᬜᬦᬶᬧᬸᬦ᭄ᬫ᭠ᬦᬸᬢᬸᬭᬶᬦ᭄᭞ᬩᬗᭂᬢ᭄ᬢᬫ᭄ᬧᬮ᭄ᬜᬲᬶᬢᬸᬗ᭄ᬓᬲ᭄᭞ᬲᬫᬶᬬᬲᬮᬶᬂᬮᬶᬫ᭄ᬧᬤᬶᬦ᭄᭞ᬯᬯᬸᬳᬶᬧᬸᬦ᭄ᬓᬢᬸᬢᬸᬭᬶᬦ᭄ ᭞ᬲᬫᬶᬫᬩ᭄ᬭᬶᬬᬸᬓ᭄ᬫᬓᬢᬹᬢ᭄᭞ᬳᬤᬸᬂᬗᬶᬗ᭄ᬢᬶᬦ᭄ᬕᭂᬦᬄ᭞ᬗᬸᬓᬸᬳᬶᬦ᭄ᬥᬃᬫ᭄ᬫᬦ᭄ᬜᬯᬶᬚᬶ᭞ᬫᬮᬶᬢᬶᬧᬸᬦ᭄᭞ᬮᬸᬄᬓᬭᬸᬡᬷᬫᬢᬸᬃᬦᬶᬫ᭄ᬩᬮ᭄᭟ᬤ᭄ᬫᭂᬦ᭄ᬲᬦ᭄ᬢᬶᬢ᭄ᬬᬂᬫᬶᬭᬕ᭄ᬬᬂ᭞ᬲᬢ᭄ᬯᬦᬶᬩᬮᬾᬦᬾᬩ᭄ᬘᬶᬓ᭄᭞ᬭᬲᬓ᭄ᬢᬸᬲ᭄ᬫ [᭑᭓ 13A] ᬦᬄᬢᬶᬢ᭄ᬬᬂ᭞ᬳᬶᬩᬮᬾᬲᬮᬶᬂᬮᬶᬫ᭄ᬧᬤᬶᬦ᭄᭞ᬲᬹᬓ᭄ᬱ᭄ᬫᬦᬶᬧᬸᬦ᭄ᬧᬸᬦᬧᬶ᭞ᬫᬗ᭄ᬤᬳᬸᬦᬶᬂᬢᬶᬢ᭄ᬬᬂᬕᬸᬭᬸ᭞ᬦᬯᬶᬜᬶᬤᬬᬂᬗᬺᬲᭂᬧᬂ᭞ᬳᬶᬫ᭄ᬩᬮᬓ᭄ᬱᬡᬦᬾᬩ᭄ᬘᬶᬓ᭄᭞ᬲᬦᬾᬧᬢᬹᬢ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬢᬢᬸᬮᬤᬦ᭄᭟ᬳᬦ᭄ᬢᬸᬓ᭄ᬢ ᬫ᭄ᬩᬢ᭄ᬤᬾᬯᬾᬓ᭄ᬢᬶᬢ᭄ᬬᬂ᭞ᬫᬦᬯᬶᬢᬶᬢ᭄ᬬᬂᬫᬳᭀᬮᬶᬄ᭞ᬫᬳᬸᬦᬸᬄᬭᬶᬂᬤᬕᬶᬂᬲᬢ᭄ᬯ᭞ᬦᬸᬤᬸᬓ᭄ᬲᬦᬾᬩ᭄ᬘᬶᬓ᭄ᬩᭂᬘᬶᬓ᭄᭞ᬲᬦᬾᬓᬳᭀᬦ᭄ᬓᭂᬮᬶᬤᬶᬦ᭄᭞ᬲᬧᬸᬦᬶᬓᬢᬶᬢ᭄ᬬᬂᬕᬸᬭᬸ᭞ᬤᬲᬭᬶᬦ᭄ᬚᭂᬫᭂᬢ᭄ᬫᬮᬚᬄ᭞ᬓᬤᬶᬧᬸᬦ᭄ᬢᬸᬮᬦ᭄ᬩᭂᬲᬶ᭞ ᬲᭂᬭᬶᬗᬲᬸᬄ᭞ᬓᬲᬸᬯᬾᬬᬦ᭄ᬤᬤᭀᬲ᭄ᬫᬗᬦ᭄᭟ᬕᬸᬭᬸᬦ᭄ᬜᬫᬲᬳᬸᬃᬦᬶᬫ᭄ᬩᬮ᭄᭞ᬢᬸᬳᬸᬲᬓᬓᬾᬢᭀᬘ᭄ᬦᬶᬂ᭞ᬚᬦᬶᬕᬸᬭᬸᬫᬜᬶᬤᬳᬂ᭞ᬳᬶᬫ᭄ᬩᬦ᭄ᬲᬢ᭄ᬯᬦᬾᬳᬶᬢᬸᬦᬶ᭞ᬘ᭄ᬦᬶᬂᬫᬸᬤᬶᬢᬫᬸᬯᬦᬶ᭞ᬮᬸᬄᬓᬭᬸᬡᬷᬫᬯᬓ᭄ᬳᭂᬮᬸᬄ ᭞ᬘ᭄ᬦᬶᬂᬫᬜᬫᬵᬚᬓ᭄ᬤᬤ᭄ᬯ᭞ᬤᬧᬢᬶᬲᬮᬶᬂᬮᬶᬫ᭄ᬧᬤᬶᬦ᭄᭞ᬓᬦ᭄ᬢᬶᬳᬸᬬᬸᬢ᭄᭞ᬧᬥᬫᬦᬕᬶᬄᬓᬗ᭄ᬕᭀᬯᬂ᭟ᬤᬶᬲᬸᬩᬦᬾᬘ᭄ᬦᬶᬂᬢᬸᬗ᭄ᬓᬲ᭄᭞ᬳᬚᬓ᭄ᬜᬫᬲᬮᬶᬂᬤᬮᬶᬄ᭞ᬳᬾᬮᬳᬦᬓᬾᬗᬤᬸᬓᬂ᭞ᬗᬃᬤ᭄ᬥᬶᬳᬧᬂᬧᬸᬮᬂᬧ

Auto-transliteration

[12 12B] 12 tonang, minabr̥ĕsĕpcĕningnampi, masahur̀pyakñamangkin, halonbanbansadakñung, punikamadhemudita, singgiḥgurutityangmangkin, dmĕnngrungu, tansatwanepunika. kirangti tyangmiragiyang, satwanibalenebcik, wantaḥmarūpahadgan, miwaḥsundukañjanmaliḥ, dudurinipunihali, makamiwaḥrahabipun, higahigamaliḥkocap, pangusani punisĕndi, wantahipun, nĕpasinmawinanpunaḥ. hipunmagnaḥringtngaḥ, prajñanipunma‐nuturin, bangĕttampalñasitungkas, samiyasalinglimpadin, wawuhipunkatuturin , samimabriyukmakatūt, hadungngingtin'gĕnaḥ, ngukuhindhar̀mmanñawiji, malitipun, luḥkaruṇīmatur̀nimbal. dmĕnsantityangmiragyang, satwanibalenebcik, rasaktusma [13 13A] naḥtityang, hibalesalinglimpadin, sūkṣmanipunpunapi, mangdahuningtityangguru, nawiñidayangngr̥ĕsĕpang, himbalakṣaṇanebcik, sanepatūt, hanggentityangtatuladan. hantukta mbatdewektityang, manawitityangmaholiḥ, mahunuḥringdagingsatwa, nuduksanebcikbĕcik, sanekahonkĕlidin, sapunikatityangguru, dasarinjĕmĕtmalajaḥ, kadipuntulanbĕsi, sĕringasuḥ, kasuweyandadosmangan. gurunñamasahur̀nimbal, tuhusakaketocning, janigurumañidahang, himbansatwanehituni, cningmuditamuwani, luḥkaruṇīmawak'hĕluḥ , cningmañamājakdadwa, dapatisalinglimpadin, kantihuyut, padhamanagiḥkanggowang. disubanecningtungkas, hajakñamasalingdaliḥ, helahanakengadukang, ngar̀ddhihapangpulangpa

Leaf 13

Image on Archive.org

[᭑᭓ 13B] ᭑᭓ ᬮᬶᬂ᭞ᬫᬬᭂᬕᬦ᭄ᬲᬳᬶᬲᬳᬶ᭞ᬲᬮᬶᬂᬩᬢ᭄ᬩᬢ᭄ᬲᬮᬶᬂᬧᬶᬲᬸᬄ᭞ᬓ᭄ᬤᬾᬓᬦᬓᬾᬗᬢᭀᬦᬂ᭞ᬘᬶᬳ᭄ᬦᬩ᭄ᬮᭀᬕᬾᬢᬦ᭄ᬲᬶᬧᬶ᭞ᬬᬾᬦ᭄ᬢ᭄ᬯᬄᬧᬢᬹᬢ᭄᭞ᬢᬸᬢᬸᬭᬶᬲᭂᬦ᭄ᬤᬶᬦᬾᬢᬸᬮᬤ᭄᭟ᬳᬦᬹᬢᬶᬦ᭄ᬥᬃᬫ᭄ᬫᬦᬾᬲᭀᬯᬂ᭞ᬦᬾᬦᬾᬫ᭄ᬯᬦᬶᬢᬸ ᬲᬶᬂᬤᬤᬶ᭞ᬗᭀᬤᬕᬂᬥᬃᬫ᭄ᬫᬦᬓ᭄ᬮ᭄ᬬᬦ᭄᭞ᬦᬾᬫᬤᬾᬯᬾᬓᬦᬓᬶᬲ᭄ᬢ᭄ᬭᬷ᭞ᬬᬦ᭄ᬲᬸᬩᬲᬮᬶᬗᬓᬸᬳᬶᬦ᭄᭞ᬲᬶᬦᬳᭂᬦ᭄ᬢᭀᬗᬃᬤ᭄ᬥᬶᬮᬸᬮᬸᬢ᭄᭞ᬢᬺᬱ᭄ᬡᬦ᭄ᬘᭂᬗᬾᬫᬜᬫ᭞ᬤᬤᬶᬓ᭄ᬜᬕᬸᬮᬸᬓ᭄ᬲᬕᬶᬮᬶᬓ᭄᭞ᬫᬓᬮᬦ᭄ᬢᬸᬭ᭄᭞ᬲ ᬮᬸᬫ᭄ᬩᬂᬲᬩᬬᬦ᭄ᬢᬓ᭟ᬬᬾᬦ᭄ᬳᬶᬦᬦ᭄ᬲᬂᬤᬤᬶᬩᬮ᭄ᬬᬦ᭄᭞ᬢᬦ᭄ᬮᬾᬦ᭄ᬫᬗᬸᬩᬤᬶᬦ᭄ᬲᬓᬶᬢ᭄᭞ᬬᬾᬦᬶᬂᬤᬤᬶᬓᬸᬲᬶᬃᬤᭀᬓᬭ᭄᭞ᬤᭀᬓᬭᬾᬳᬫᭀᬗᬧᬶᬓᬶᬦ᭄᭞ᬬᬾᬦ᭄ᬤᬤᬶᬕᬸᬭᬸᬦ᭄ᬫᬸᬭᬶᬤ᭄᭞ᬫᬸᬭᬶᬤᬾᬳᬚᬕᬶᬦ᭄ᬫ᭠ ᬮᬸ᭞ᬬᬾᬦᬶᬂᬓᬾᬢᭀᬲᬸᬩᬲᬶᬦᬄ᭞ᬚᬕᬢᬾᬤᬤᬶᬦ᭄ᬬᬢᬺᬧ᭄ᬢᬶ᭞ᬬᬾᬦᬶᬗᬶᬧᬸᬦ᭄᭞ᬓᬸᬲᬶᬃᬤᭀᬓᬃ᭠ᬫᬳᬸᬩᬤᬦ᭄᭟ᬳᭂᬦ᭄ᬢᭀᬳᬦᬾᬫᬗ᭄ᬭᬡᬬᬂ᭞ᬚᬕᬢ᭄ᬩᬳᬸᬃᬢᬸᬗ᭄ᬓᬲ᭄ᬲᬳᬶ᭞ᬩᬶᬦᬥᬃᬫ᭄ᬫᬩᬶᬦᬲᭀᬮᬄ᭞ [᭑᭔ 14A] ᬧᬥᬬᬲᬮᬶᬂᬮᬗ᭄ᬓᬸᬗᬶᬦ᭄᭞ᬥᬃᬫ᭄ᬫᬦᬦᬓᬾᬮᬗ᭄ᬓᬸᬗᬶᬦ᭄᭞ᬧᬧ᭄ᬭᬶᬄᬬᬳᬧᬂᬓᬕᬸᬕᬸ᭞ᬳᬓᬾᬢᭀᬘ᭄ᬦᬶᬂᬋᬲᭂᬧᬂ᭞ᬧᬗ᭄ᬤᬧ᭄ᬮᬶᬄᬩᬦ᭄‌ᬗ᭄ᬮᬓᭀᬦᬶᬦ᭄᭞ᬳᬧᬂᬧᬸᬕᬸᬄ᭞ᬘ᭄ᬦᬶᬂᬗᬫᭀᬂᬓᬧᬢᬹᬢᬦ᭄᭟ᬳ᭄ᬤᬳᭀᬩᬄᬗ ᬫᭀᬂᬭᬕ᭞ᬕᬶᬫᬸᬤᬶᬢᬫᬳᬸᬃᬫᬮᬶᬄ᭞ᬕᬸᬭᬸᬢᬶᬢ᭄ᬬᬂᬫᬗᬶᬭᬶᬗᬂ᭞ᬧᭂᬢ᭄ᬓᭂᬢ᭄ᬕᬸᬭᬸᬦᬾᬲᬶᬗ᭄ᬕᬶᬄ᭞ᬓᬤᬶᬲ᭠ᬢ᭄ᬯᬦ᭄ᬕᬸᬭ᭄ᬯᬶᬸᬦᬸᬤᬶ᭞ᬢᬶᬗ᭄ᬓᬄᬧ᭄ᬭᬩᭀᬢ᭄ᬩᬮᬾᬩ᭄ᬕᬸᬕ᭄᭞ᬧᬢᬹᬢ᭄ᬦᬾᬦ᭄ᬢᭂᬦ᭄ᬜᬦ᭄ᬤᬂᬢᬸᬮᬤ᭄᭞ᬧᬶᬢᭂᬓᭂᬳᬶᬧᬸᬦᬶᬲᭂᬦ᭄ᬤᬶ᭞ᬤᬳ᭠ ᬢᬵᬫ᭄ᬧᬸᬄ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬢᬳᬸᬮᬤᬦ᭄᭟ᬮᬸᬄᬓᬭᬸᬡᬷᬫᬮᬶᬄᬦᬶᬫ᭄ᬩᬮ᭄᭞ᬤ᭄ᬫᭂᬦ᭄ᬓᭀᬢᬶᬢ᭄ᬬᬂᬫᬶᬭ᭠ᬕᬶ᭞ᬲᬢ᭄ᬯᬦ᭄ᬩᬮᬾᬦᬾᬧᬸᬦᬶᬓ᭞ᬳᬶᬫ᭄ᬩᬦᬶᬧᬸᬦ᭄ᬩᬗᭂᬢ᭄ᬩᭂᬘᬶᬓ᭄᭞ᬫᬦᬹᬢ᭄ᬭᬶᬂᬕᬶᬦᬲᬯᬶᬚᬶ᭞ᬳᬶᬢᬫ᭄ᬧᬸᬮ᭄ᬧᬢᬹᬢ᭄ᬫᬚᬸᬚᬸ ᬓ᭄᭞ᬫᬶᬯᬄᬲᬦᬾᬮ᭄ᬬᬦ᭄ᬮ᭄ᬬᬦᬦ᭄᭞ᬫᬦᬹᬢ᭄ᬕᭂᬦᬄᬲᬶᬓᬶᬲᬶᬓᬶ᭞ᬲᬶᬤ᭄ᬥᬓᬸᬓᬸᬳ᭄᭞ᬳ᭄ᬢᬶᬲ᭄ᬤᬤᭀᬲ᭄ᬧᬲᬬᬸ᭠ᬩᬦ᭄᭟ᬤᬤᭀᬲ᭄ᬕᭂᬦᬄᬫᬗᬾᬃᬣᬶᬬᬂ᭞ᬲᬦ᭄ᬢᬦᬦᬾᬫᬳᬸᬢ᭄ᬢᬫᬶ᭞ᬳᬶᬫ᭄ᬩᬬᬂᬢᬶᬢ᭄ᬬᬂᬭᬶᬂᬚᬕᬢ᭄᭞ᬲᬂᬤᬤᭀᬲ᭄ᬜᭂᬦᭂᬂ

Auto-transliteration

[13 13B] 13 ling, mayĕgansahisahi, salingbatbatsalingpisuḥ, kdekanakengatonang, cihnablogetansipi, yentwaḥpatūt, tuturisĕndinetulad. hanūtindhar̀mmanesowang, nenemwanitu singdadi, ngodagangdhar̀mmanaklyan, nemadewekanakistrī, yansubasalingakuhin, sinahĕntongar̀ddhilulut, tr̥ĕṣṇancĕngemañama, dadikñaguluksagilik, makalantur, sa lumbangsabayantaka. yenhinansangdadibalyan, tanlenmangubadinsakit, yeningdadikusir̀dokar, dokarehamongapikin, yendadigurunmurid, muridehajaginma‐ lu, yeningketosubasinaḥ, jagatedadinyatr̥ĕpti, yeningipun, kusir̀dokar̀‐mahubadan. hĕntohanemangraṇayang, jagatbahur̀tungkassahi, binadhar̀mmabinasolaḥ, [14 14A] padhayasalinglangkungin, dhar̀mmananakelangkungin, papriḥyahapangkagugu, haketocningr̥ĕsĕpang, pangdapliḥbannglakonin, hapangpuguḥ, cningngamongkapatūtan. hdahobaḥnga mongraga, gimuditamahur̀maliḥ, gurutityangmangiringang, pĕtkĕtgurunesinggiḥ, kadisa‐twan'gurw̶nudi, tingkaḥprabotbalebgug, patūtnentĕnñandangtulad, pitĕkĕhipunisĕndi, daha‐ tāmpuḥ, hanggentityangtahuladan. luḥkaruṇīmaliḥnimbal, dmĕnkotityangmira‐gi, satwanbalenepunika, himbanipunbangĕtbĕcik, manūtringginasawiji, hitampulpatūtmajuju k, miwaḥsanelyanlyanan, manūtgĕnaḥsikisiki, siddhakukuh, htisdadospasayu‐ban. dadosgĕnaḥmanger̀thiyang, santananemahuttami, himbayangtityangringjagat, sangdadosñĕnĕng

Leaf 14

Image on Archive.org

[᭑᭔ 14B] ᭑᭔ ᬪᬹᬧᬢᬶ᭞ᬬᬦ᭄ᬲᬵᬫ᭄ᬧᬸᬦ᭄ᬫᬗᬦᬹᬢᬶᬦ᭄᭞ᬥᬃᬫ᭄ᬫᬦ᭄ᬪᬹᬧᬢᬶᬧᬸᬦᬶᬓᬸ᭞ᬲᬶᬦᬄᬚᬕᬢᬾᬓᬢᬶᬲᬦ᭄᭞ᬯᬗᬸᬦᬦ᭄ᬗᬮᬦ᭄ᬢᬸᬃᬩ᭄ᬘᬶᬓ᭄᭞ᬲᬫᬶᬧᬸᬧᬸᬢ᭄᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬲᬦᬾᬦᬸᬗ᭄ᬓᬓ᭄᭟ᬧᬍᬫᬳᬦ᭄ᬮᬦ᭄ᬓᬳ᭄ᬬᬗᬦ᭄᭞᭠ ᬧᬯᭀᬗᬦ᭄ᬧᬸᬦᬶᬓᬫᬮᬶᬄ᭞ᬲᬫᬶᬲᬵᬫ᭄ᬧᬸᬦ᭄ᬓᬩᬕᬶᬬᬂ᭞ᬤᬦᬦᬾᬓᬩᬕᬶᬢ᭄ᬭᬶ᭞ᬲᬫᬶᬲᬫᬶᬫᬫᬃᬕ᭄ᬕᬶ᭞ᬤᬤᭀᬲ᭄ᬚᬕᬢᬾᬭᬳᬬᬸ᭞ᬯᬶᬭᬾᬄᬲᬂᬪᬹᬧᬢᬶᬧ᭄ᬭᬚ᭄ᬜᬦ᭄᭞ᬗᬦᬹᬢᬶᬦ᭄ᬥᬃᬫ᭄ᬫᬪᬹᬧᬢᬶ᭞ᬕ᭄ᬫᬸᬄᬮᬦ᭄ᬤᬸᬄ᭞ᬚᬕ ᬢᬾᬲᬬᬦ᭄ᬗᬚᬸᬫᬂ᭟ᬲᬧᬸᬦᬶᬓᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬦᬫ᭄ᬧᬾᬦᬶᬲᬢ᭄ᬯᬦᬾᬦᬸᬦᬶ᭞ᬕᬃᬚ᭄ᬚᬶᬢᬕᬸᬭᬸᬦ᭄ᬜᬦᬶᬫ᭄ᬮᬮ᭄᭞ᬧᬢᬹᬢ᭄ᬩᬦ᭄ᬘᭂᬦᬶᬂᬦᬫ᭄ᬧᬾᬦᬶᬦ᭄᭞ᬦᬄᬦᬾᬚᬦᬶᬳᬤᬩ᭄ᬯᬶᬦ᭄᭞ᬯᬸᬯᬸᬢᬦ᭄ᬧᬶᬬ᭄ᬓᭂᬢ᭄ᬭᬸ᭞ᬩᬶᬩᬶᬄᬲᬶᬤ᭄ᬥᬓ ᬲ᭄ᬯᬾᬘ᭄ᬙᬦᬦ᭄᭞ᬕᬸᬭᬸᬫᬧᬶᬬᬦᬓ᭄ᬘᭂᬦᬶᬂ᭟ᬳᬧᬂᬦᬸᬮᬸᬲ᭄᭞ᬘ᭄ᬦᬶᬂᬫᬗ᭄ᬕᬸᬄᬓᬭᬳᬬ᭄ᬯᬦ᭄᭟ᬬᬢ᭄ᬦᬬᬂᬘ᭄ᬦᬶᬂᬓᬶᬦ᭄ᬓᬶᬦᬂ᭞ᬫᬸᬂᬧᬸᬂᬭᬕᬦᬾᬦᬸᬘ᭄ᬦᬶᬓ᭄᭞ᬦᬸᬫᬳᬯᬓ᭄ᬩ᭄ᬭᬵᬳ᭄ᬫᬘᬃᬬ᭄ᬬ᭞ᬕᬮᬄᬘ᭄ᬦᬶᬂᬫᬢᬸᬭᬸᬓᬶᬦ᭄᭞ᬥᬃᬫ᭄ᬫᬧᬢᬹᬢ᭄ᬲᬢ᭄ᬬᬩᬸ [᭑᭕ 15A] ᬤ᭄ᬥᬶ᭞ᬳᭂᬦ᭄ᬢᭀᬧᬶᬦᬓᬧᬶᬓᬸᬓᬸᬄ᭞ᬢᬶᬗ᭄ᬓᬳᬾᬫᬗ᭄ᬤᬤᬶᬚᬦ᭄ᬫ᭞ᬳᬸᬢ᭄ᬲᬳᬵᬗ᭄ᬕᭀᬦ᭄ᬗᬧᬸᬯᬸᬳᬶᬦ᭄᭞ᬓᬾ᭠ᬢᭀᬧᬢᬹᬢ᭄᭞ᬢᭂᬍᬩ᭄ᬫᬳᬸᬭᬸᬓᬶᬦ᭄ᬲᬲ᭄ᬢ᭄ᬭ᭟ᬳᬶᬤᬤᬦᬾᬲᬗ᭄ᬓᬦ᭄ᬧ᭄ᬭᬚ᭄ᬜᬦ᭞ᬲᬂᬳ᭄ᬬᬂᬲᬲ᭄ᬢ᭄ᬭᬓᬲᬸᬗ᭄ᬓᭂᬫᬶᬦ᭄᭞ ᬤᬶᬢᬸᬲᬸᬩᬓᬳᬸᬗ᭄ᬕᬸᬳᬂ᭞ᬢᬢ᭄ᬯᬵᬳᬕᬫᬦᬾᬰᬸᬘᬶ᭞ᬬᬦ᭄ᬮᬗ᭄ᬕᭂᬂᬮᬦ᭄ᬢᬲ᭄ᬘᭂᬦᬶᬂ᭞ᬫᬧᬶᬳᭀᬮᬶᬄᬘ᭄ᬦᬶᬂᬫᬸᬭᬸᬓ᭄᭞ᬩ᭄ᬭᬡᬬᬂᬧ᭄ᬭᬚ᭄ᬜᬾᬂᬫᬬ᭞ᬫᬶᬯᬄᬲᬸᬰᬷᬮᬧ᭄ᬭᬓᬺᬢ᭄ᬢᬶ᭞ᬧᬥᬦᬸᬗ᭄ᬓᬸᬮ᭄᭞ᬰᬢ᭄ᬭᬸᬲᬚ᭄ᬭᭀ ᬦᬶᬂᬰᬭᬷᬭ᭟ᬫ᭄ᬯᬄᬘᬢᬸᬃᬩ᭄ᬭᬵᬳ᭄ᬫᬯᬶᬳᬭ᭞ᬳᭂᬦ᭄ᬢᭀᬢᬼᬩᬂᬫᬸᬭᬸᬓᬶᬦ᭄᭞ᬫᬶᬯᬄᬤᬰᬰᬷᬮᬩ᭄ᬯᬢᬂ᭞ᬫᬶᬢᭂᬢᬶᬦ᭄ᬓᭂᬦᭂᬳᬾᬧᬮᬶᬂ᭞ᬧᬫᬸᬦᬳᬶᬂᬳᬶᬭᬶᬳᬢᬶ᭞ᬮᬦ᭄ᬫᭀᬫᭀᬳᬗ᭄ᬓᬭᬩ᭄ᬕᬸᬕ᭄᭞ᬯ᭄ᬢᬸᬳᬶᬗᭂ ᬢ᭄ᬢᭂᬓᬾᬦᬯᬓ᭄᭞ᬫ᭄ᬯᬄᬜᬫᬲᬮ᭄ᬯᬶᬃᬫᬳᬸᬭᬶᬧ᭄᭞ᬳᬦᬾᬢᬸᬫ᭄ᬩᬸᬄ᭞ᬤᬶᬦᬶᬤᬶᬫᬺᬘᬧᬤ᭟ᬲᬶᬤ᭄ᬥᬜᬶᬓᬸᬢᬂᬤᬶᬳᬯᬓ᭄᭞ᬓᬾᬦ᭄ᬓᬾᬦ᭄ᬭᬲᬦᬾᬦᬾᬍᬯᬶᬄ᭞ᬳᭂᬦ᭄ᬢᭀᬢᬶᬯᬓᬂᬢ᭄ᬓᬾᬦ᭄ᬦᬾᬮ᭄ᬬᬦ᭄᭞ᬗᬃᬤ᭄ᬥᬶ

Auto-transliteration

[14 14B] 14 bhūpati, yansāmpunmanganūtin, dhar̀mmanbhūpatipuniku, sinaḥjagatekatisan, wangunanngalantur̀bcik, samipuput, nentĕnwentĕnsanenungkak. pal̥ĕmahanlankahyangan, ‐ pawonganpunikamaliḥ, samisāmpunkabagiyang, dananekabagitri, samisamimamar̀ggi, dadosjagaterahayu, wireḥsangbhūpatiprajñan, nganūtindhar̀mmabhūpati, gmuḥlanduḥ, jaga tesayanngajumang. sapunikahantuktityang, nampenisatwanenuni, gar̀jjitagurunñanimlal, patūtbancĕningnampenin, naḥnejanihadabwin, wuwutanpiykĕtru, bibiḥsiddhaka swecchanan, gurumapiyanakcĕning. hapangnulus, cningmangguḥkarahaywan. yatnayangcningkinkinang, mungpungraganenucnik, numahawakbrāhmacar̀yya, galaḥcningmaturukin, dhar̀mmapatūtsatyabu [15 15A] ddhi, hĕntopinakapikukuḥ, tingkahemangdadijanma, hutsahānggonngapuwuhin, ke‐topatūt, tĕl̥ĕbmahurukinsastra. hidadanesangkanprajñana, sanghyangsastrakasungkĕmin, ditusubakahungguhang, tatwāhagamaneśuci, yanlanggĕnglantascĕning, mapiholiḥcningmuruk, braṇayangprajñengmaya, miwaḥsuśīlaprakr̥ĕtti, padhanungkul, śatrusajro ningśarīra. mwaḥcatur̀brāhmawihara, hĕntotl̥ĕbangmurukin, miwaḥdaśaśīlabwatang, mitĕtinkĕnĕhepaling, pamunahinghirihati, lanmomohangkarabgug, wtuhingĕ ttĕkenawak, mwaḥñamasalwir̀mahurip, hanetumbuḥ, dinidimr̥ĕcapada. siddhañikutangdihawak, kenkenrasanenel̥ĕwiḥ, hĕntotiwakangtkennelyan, ngar̀ddhi

Leaf 15

Image on Archive.org

[᭑᭕ 15B] ᭑᭕ ᬢᬺᬱ᭄ᬡᬮᬸᬮᬸᬢᬲᬶᬄ᭞ᬮᬦ᭄ᬢᬲᭂᬦ᭄ᬢᭀᬭᬸᬦ᭄ᬢᬸᬢᬶᬦ᭄᭞ᬢᬧᬫᬃᬕ᭄ᬕᬧᬢᬹᬢᭂᬫ᭄ᬧᬸ᭞ᬯᬺᬤ᭄ᬬᬂᬢᬸᬃᬬᬮᬶᬫ᭄ᬩᬓᬂ᭞ᬓᬃᬤ᭄ᬥᬶᬦᬶᬦᬬᬸᬦᬶᬂᬪᬸᬫᬶ᭞ᬳᬧᬂᬓᬸᬓᬸᬄ᭞ᬘ᭄ᬦᬶᬂᬢᬼᬩᬂᬫ᭄ᬮᬚᬄ᭟ᬬᬾᬦ᭄ᬚᬕᬢ᭄ᬲᬸᬩᬭᬳᬵᬃᬚ᭄ᬚ᭞ᬲ ᬮ᭄ᬯᬶᬭᬶᬗᬤᬤᬶᬕᬸᬫᬶ᭞ᬧᬥᬓ᭄ᬦᬓᬭᬳᬬ᭄ᬯᬦ᭄᭞ᬲᬃᬯ᭄ᬯᬲᬢ᭄ᬯᬫᬶᬯᬄᬧᬓ᭄ᬱᬶ᭞ᬢᬦ᭄ᬮᬾᬫ᭄ᬧᬲ᭄ᬲᬃᬯ᭄ᬯᬯᬼᬢᬶᬓ᭄᭞ᬳᬸᬫᬗ᭄ᬕᭂᬄᬍᬲ᭄ᬢᬭᬶᬦᬶᬧᬸᬦ᭄᭞ᬧᬥᬤ᭄ᬫᭂᬦ᭄ᬗᬃᬤ᭄ᬥᬶᬬᬂ᭞ᬚᬕᬢ᭄ᬕᭂᬫᬸᬄᬮᬦ᭄ᬤᬸᬄᬲᬳᬶ᭞ᬦᬸ ᬗ᭄ᬕᬮ᭄ᬧᬢᬸᬄ᭞ᬩ᭄ᬭᬬᬓ᭄ᬩ᭄ᬭᬶᬬᬸᬓ᭄ᬗᬃᬤ᭄ᬥᬶᬲᬸᬓ᭟ᬗᬦᬹᬢᬶᬦ᭄ᬥᬃᬫ᭄ᬫᬦ᭄ᬜᬲᭀᬯᬂ᭞ᬫᬦᬹᬢ᭄ᬲᬢ᭄ᬯᬦᬾ᭠ᬳᬶᬢᬸᬦᬶ᭞ᬳᭂᬦ᭄ᬢᭀᬫᬤᬦᬶᬫ᭄ᬩᬦ᭄ᬚᬕᬢ᭄᭞ᬧᬢᬹᬢ᭄ᬲᬸᬗ᭄ᬓᭂᬫᬶᬦ᭄ᬧᬢᬶᬢᬶᬲ᭄᭞ᬳᬗ᭄ᬕᭀᬦ᭄ᬲᬤᬦᬤᬶ᭠ ᬕᬸᬫᬶ᭞ᬗᬃᬤ᭄ᬥᬶᬢᬺᬧ᭄ᬢᬶᬮᬸᬦᬂᬮᬦᬸᬲ᭄᭞ᬢᬸᬲᬶᬗᬤᬦᬾᬫᬢᬸᬗ᭄ᬓᬲ᭄᭞ᬧᬥᬬᬳᬲᬶᬄᬓᬸᬫᬲᬶᬄ᭞ᬲᬮᬶᬂᬢᬸᬮᬸᬂ᭞ᬦᬸᬮᬸᬗᬶᬦ᭄ᬦᬾᬫᬯᬓ᭄ᬢᬦ᭟ᬫᬤᬾᬫᬸᬤᬶᬢᬫᬜ᭄ᬮᬕ᭄᭞ᬍᬕᬫᬦᬄᬳᬶᬧᬸᬦ᭄ᬦᬫ᭄ᬧᬶ᭞᭠ [᭑᭖ 16A] ᬧᬶᬢᬸᬢᬸᬃᬕᬸᬭᬸᬭᬸᬧᬓ᭞ᬓᬾᬥᭂᬧ᭄ᬢᬶᬃᬣᬲᬜ᭄ᬚᬶᬯᬦᬶ᭞ᬰᬸᬘᬶᬳ᭄ᬦᬶᬂᬢᬦ᭄ᬧᬲᬶᬂᬲᬶᬂ᭞ᬧᬗ᭄ᬮᬸᬩᬸᬭᬦ᭄ᬲᬃᬯ᭄ᬯᬍᬢᬸᬄ᭞ᬮᬯᬸᬢ᭄ᬫᬢᬸᬃᬲᬤᬩᬦ᭄ᬩᬦ᭄᭞ᬕᬸᬭᬸᬢᬶᬢ᭄ᬬᬂᬫᬜ᭄ᬮᬕᬶᬦ᭄᭞ᬮᬶᬦ᭄ᬢᬂᬫᬦᬹᬢ᭄᭞ᬧᬶᬢᬸᬢᬸᬃᬭᬶᬂᬢᬶᬢ᭄ᬬᬂ᭟ ᬧᬸᬦᬶᬓᬤᬸᬭᬸᬂᬓᬫᬦᬄ᭞ᬲᬦᬾᬦ᭄ᬤᬶᬓᬬᬂᬳᬶᬦᬸᬦᬶ᭞ᬩ᭄ᬭᬵᬳ᭄ᬫᬓᬘᬢᬸᬃᬯᬶᬳᬭ᭞ᬦᬧᬶᬢ᭄ᬕᭂᬲᬶᬧᬸᬦ᭄ᬚᬢᬶ᭞ᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬢᬶᬢ᭄ᬬᬂᬢᭂᬢᭂᬲ᭄ᬯᭂᬭᬸᬄ᭞ᬦᬾᬫᬯᬲ᭄ᬢᬲᬧᬸᬦᬶᬓ᭞ᬯᬶᬭᬾᬄᬢᬶᬢ᭄ᬬᬂᬤᬸ ᬭᬸᬂᬳᬸᬦᬶᬂ᭞ᬫᬗ᭄ᬤᬲᬵᬫ᭄ᬧᬸᬦ᭄᭞ᬳᬸᬦᬶᬂᬢᬶᬢ᭄ᬬᬂᬫᬫᬯᭀᬱᬂ᭟ᬢᬦᬸᬦᬶᬂᬭᬶᬂᬧᬶᬢᭂᬕᭂᬲ᭄ᬜ᭞ᬧᬸᬦᬶᬓᬗᬯᬦᬂᬚᭂᬭᬶᬄ᭞ᬫᬧᬶᬫᬧᬶᬢᬶᬢ᭄ᬬᬂᬧ᭄ᬭᬚ᭄ᬜᬦ᭄᭞ᬫᬦᬹᬢ᭄ᬲᭂᬮᭀᬓᬦᬶᬂᬩᬸᬫᬶ᭞ᬚᬢᬶᬢᬦᬸᬦᬶᬂᬧᬸᬦᬧᬶ᭞ᬦ᭄ᬤᬗᬄ᭠ ᬦ᭄ᬮᬾᬗᬾᬓ᭄ᬓᬤᬶᬧᬦ᭄ᬢᬸᬦ᭄᭞ᬫᬶᬦᬩ᭄ᬫᬜᬸᬚᬸᬳᬫ᭄ᬩᬭ᭞ᬗᬸᬮᬢᬶᬰᬹᬦ᭄ᬬᬢᬰᬸᬘᬶ᭞ᬚᬢᬶᬦᬶᬧᬸᬦ᭄᭞ᬩ᭄ᬮᭀᬕ᭄ᬲᬶᬕᬸᬕ᭄ᬧᭀᬦ᭄ᬤᭀᬂᬢᬶᬢ᭄ᬬᬂ᭟ᬮᬸᬄᬓᬭᬸᬡᬷᬋᬲᭂᬦᬶᬹᬧ᭄ᬦᬶᬗᭂᬳᬂ᭞ᬲᬸᬫᬸᬲᬸᬧ᭄ᬲᬚ᭄ᬭᭀᬦᬶᬗ᭄ᬳᬢᬶ᭞ᬓᬤᬶᬯᬋᬕ᭄ᬢ᭠

Auto-transliteration

[15 15B] 15 tr̥ĕṣṇalulutasiḥ, lantasĕntoruntutin, tapamar̀ggapatūtĕmpu, wr̥ĕdyangtur̀yalimbakang, kar̀ddhininayuningbhumi, hapangkukuḥ, cningtl̥ĕbangmlajaḥ. yenjagatsubarahār̀jja, sa lwiringadadigumi, padhaknakarahaywan, sar̀wwasatwamiwaḥpaksyi, tanlempassar̀wwawl̥ĕtik, humanggĕḥl̥ĕstarinipun, padhadmĕnngar̀ddhiyang, jagatgĕmuḥlanduḥsahi, nu nggalpatuḥ, brayakbriyukngar̀ddhisuka. nganūtindhar̀mmanñasowang, manūtsatwane‐hituni, hĕntomadanimbanjagat, patūtsungkĕminpatitis, hanggonsadanadi‐ gumi, ngar̀ddhitr̥ĕptilunanglanus, tusingadanematungkas, padhayahasiḥkumasiḥ, salingtulung, nulunginnemawaktana. mademuditamañlag, l̥ĕgamanaḥhipunnampi, ‐ [16 16A] pitutur̀gururupaka, kedhĕptir̀thasañjiwani, śucihningtanpasingsing, pangluburansar̀wwal̥ĕtuḥ, lawutmatur̀sadabanban, gurutityangmañlagin, lintangmanūt, pitutur̀ringtityang. punikadurungkamanaḥ, sanendikayanghinuni, brāhmakacatur̀wihara, napitgĕsipunjati, ndikahintityangnemangkin, mangdatityangtĕtĕswĕruḥ, nemawastasapunika, wireḥtityangdu runghuning, mangdasāmpun, huningtityangmamawoṣang. tanuningringpitĕgĕsña, punikangawanangjĕriḥ, mapimapitityangprajñan, manūtsĕlokaningbumi, jatitanuningpunapi, ndangaḥ‐ nlengekkadipantun, minabmañujuhambara, ngulatiśūnyataśuci, jatinipun, blogsigugpondongtityang. luḥkaruṇīr̥ĕsĕniūpningĕhang, sumusupsajroninghati, kadiwar̥ĕgta‐

Leaf 16

Image on Archive.org

[᭑᭖ 16B] ᭑᭖ ᬦ᭄ᬧᬦᭂᬥ᭞ᬭᬭᬶᬲ᭄ᬫᬢᬸᬃᬲᬤᬓ᭄ᬜᬶᬂ᭞ᬢᬶᬢ᭄ᬬᬂᬦᬸᬦᬲᬂᬦᬾᬫᬗ᭄ᬓᬶᬦ᭄᭞ᬓᬲᬶᬦᬳᬦ᭄ᬭᬶᬂᬳᬶᬕᬸᬭᬸ᭞ᬲᬦᬾᬫ᭄ᬯᬲ᭄ᬢᬤᬰᬰᬷᬮ᭞ᬤᬸᬭᬸᬂᬓᬫᬦᬄᬯᬶᬬᬓ᭄ᬢᬶ᭞ᬢᭂᬲᬶᬧᬸᬦ᭄᭞ᬧᬸᬦᬶᬓᬢᬸᬦᬲᬂᬢᬶᬢ᭄ᬬᬂ᭟ᬓᬤᬶᬰ᭄ᬮᭀᬓᬦᬶᬂ᭠ ᬚᬕᬢ᭄᭞ᬩᬗᭂᬢ᭄ᬩᭂᬤᬓ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬭᬲᬢᬸᬄᬓᭀᬮᭀᬗᬦ᭄ᬢᬶᬢ᭄ᬬᬂ᭞ᬓᬦ᭄ᬢᭀᬲ᭄ᬢᬦ᭄ᬤᬤᭀᬲ᭄ᬫᬫᬸᬜᬶ᭞ᬧᭀᬮᬶᬄᬢᭀᬬᬓᬤᬶᬫᬗ᭄ᬓᬶᬦ᭄᭞ᬢᬦ᭄ᬲᬶᬤ᭄ᬥᬢᬶᬢ᭄ᬬᬗ᭄ᬮᬸᬗ᭄ᬲᬸᬭ᭄᭞ᬫᬧᬶᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬩᭂᬥ᭠ ᬓ᭄᭞ᬚ᭄ᬭᬶᬄᬓᬳᬸᬘᬧ᭄ᬢᬫ᭄ᬩᭂᬢ᭄ᬯ᭄ᬬᬓ᭄ᬢᬶ᭞ᬫᬗ᭄ᬤᬲᬵᬫ᭄ᬧᬸᬦ᭄᭞ᬲᬧᬸᬦᬶᬓᬤᬾᬯᬾᬓ᭄ᬢᬶᬢ᭄ᬬᬂ᭟ᬯ᭄ᬬᬓ᭄ᬢᬶᬦ᭄ᬜ᭠ᬤᬸᬭᬸᬂᬓᬫᬦᬄ᭞ᬳᬯᬦᬦ᭄ᬕᬸᬭᬸᬦᬾᬫᬗ᭄ᬓᬶᬦ᭄᭞ᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂᬧᬸᬦᬶᬓ᭞ᬦᬧᬶᬢ᭄ᬕᭂᬲᬶᬧᬸᬦ᭄ᬚᬢᬶ᭞ᬕ᭄ᬥᬾᬉ ᬧᬾᬓ᭄ᬱᬜᬳᬸᬭᬶᬦ᭄᭞ᬧᬢᬓᭀᬦ᭄ᬧ᭄ᬬᬦᬓᬾᬧᬢᬹᬢ᭄᭞ᬭᬭᬶᬲ᭄ᬤᬦᬾᬫᬶᬤᬃᬣᬬᬂ᭞ᬥᬹᬄᬫᬤᬾᬫᬸᬤᬶᬢᬘ᭄ᬦᬶᬂ᭞ᬮᬶᬦ᭄ᬢᬂᬧᬢᬹᬢ᭄᭞ᬧᬢᬓᭀᬦ᭄ᬘᭂᬦᬶᬂᬳᬸᬢ᭄ᬢᬫ᭟ᬧ᭄ᬭᬚ᭄ᬜᬦ᭄ᬘᭂᬦᬶᬂᬗᬤᬹᬢ᭄‌ᬰ᭄ᬮᭀᬓ᭞ᬤᬍᬫ᭄ᬮᬶᬗ᭄ᬕᬄ [᭑᭗ 17A] ᬓᬤᬶᬧᬲᬶᬄ᭞ᬦᬾᬳᬗ᭄ᬕᭀᬦ᭄ᬤᬲᬃᬳᬸᬧᬫ᭞ᬲᬶᬂᬚᬮᬾᬦ᭄ᬩᬸᬓᬳᬶᬧᬤᬶ᭞ᬬᬦ᭄ᬕᬸᬭᬸᬫᬦᬫ᭄ᬧᬾᬦᬶᬦ᭄᭞ᬰ᭄ᬮᭀᬓᬦ᭄ᬘᭂᬦᬶᬂᬯᬬᬄᬢᬸᬳᬸ᭞ᬦᬾᬦᬾᬧᬸᬬᬸᬂᬫᬦ᭄ᬤᬗᬄ᭞ᬦᬾᬦᬾᬗᬸᬦ᭄ᬢᬸᬮᬶᬧᬸᬦ᭄ᬚᭂᬮᬶᬄ᭞ᬓᬾᬢᭀᬢᬸᬳᬸ᭞ ᬚᬢᬶᬳᬶᬲᬶᬦᬶᬂᬰᭂᬮᭀᬓ᭟ᬦ᭄ᬢᭀᬫᬤᬦ᭄ᬲᬢ᭄ᬬᬳᬸᬢ᭄ᬢᬫ᭞ᬚᬢᬶᬰᬭᬷᬭᬓᬤᬦᬶᬦ᭄᭞ᬬᬦ᭄ᬚᬢᬶ᭠ᬢᭀᬦ᭄ᬤᬾᬦ᭄ᬫᬦᬯᬂ᭞ᬳᬸᬢ᭄ᬲᬳᬬᬂᬧᬗ᭄ᬤᬧ᭄ᬮᬶᬄ᭞ᬧᬢᬓᭀᬦᬂᬧ᭄ᬭᬚᬦᬶ᭞ᬳᬧᬂᬲ᭄ᬓᭂᬦ᭄ᬢᭂᬕᭂᬲᬶᬧᬸᬦ᭄᭞ᬧᬗ᭄ᬤᬫᬧᬶᬫ᭠ ᬧᬶᬧ᭄ᬭᬚ᭄ᬜᬦ᭄᭞ᬚᬢᬶᬢ᭄ᬯᬭᬦᬯᬗᬶᬦ᭄ᬤᬶᬓ᭄᭞ᬫᬯᬓ᭄ᬚᬸᬫ᭄ᬩᬸᬄ᭞ᬚᬦᬶᬕᬸᬭᬸᬧᬦᭂᬭᬗᬂ᭟ᬘᬢᬸᬩ᭄ᬭᬵᬳ᭄ᬫᬯᬶᬳᬭ᭞ᬧᬧᬢ᭄ᬩᬘᬓᬦ᭄ᬜᬘ᭄ᬦᬶᬂ᭞ᬦᬾᬢᬸᬲᬶᬂᬤᬤᬶᬩᭂᬮᬲᬂ᭞ᬫᬾᬢ᭄ᬭᬶᬬᬳᬢᬮᬸᬗᬸᬭᬶᬧ᭄᭞ᬓᬭᬸᬡᬯ᭄ᬮᬲᬲᬶᬄ᭞ᬫᬸᬤᬶ᭠ ᬢᬦᬾᬓᬧᬶᬂᬢ᭄ᬮᬸ᭞ᬫᬕᬯᬾᬲᬸᬓᬯ᭄ᬯᭀᬂᬮᬶᬬᬦ᭄᭞ᬓᬧᬶᬂᬧᬢᬸᬧᬾᬓ᭄ᬱᬫᬮᬶᬄ᭞ᬤᬳᬢ᭄ᬘᬸᬘᬸᬤ᭄᭞ᬫ᭠ᬓᬵᬃᬬ᭄ᬬᬢᬦ᭄ᬧᬫ᭄ᬭᬶᬄᬨᬮ᭟ᬫ᭄ᬯᬄᬦᬾᬫᬤᬦ᭄ᬤᬰᬰᬶᬮ᭞ᬳᬤᬰᬩᬘᬓᬦᬾᬓᬶ᭞ᬫᬲᬸᬓ᭄ᬲᬚ᭄ᬭᭀᬦᬶᬂᬩ᭄ᬭᬢ᭞

Auto-transliteration

[16 16B] 16 npanĕdha, rarismatur̀sadakñing, tityangnunasangnemangkin, kasinahanringhiguru, sanemwastadaśaśīla, durungkamanaḥwiyakti, tĕsipun, punikatunasangtityang. kadiślokaning‐ jagat, bangĕtbĕdaktityangmangkin, rasatuḥkolongantityang, kantostandadosmamuñi, poliḥtoyakadimangkin, tansiddhatityanglungsur, mapitityangnentĕnbĕdha‐ k, jriḥkahucaptambĕtwyakti, mangdasāmpun, sapunikadewektityang. wyaktinña‐durungkamanaḥ, hawanan'gurunemangkin, ndikahintityangpunika, napitgĕsipunjati, gdhe'u pekṣañahurin, patakonpyanakepatūt, rarisdanemidar̀thayang, dhūḥmademuditacning, lintangpatūt, patakoncĕninghuttama. prajñancĕningngadūtśloka, dal̥ĕmlinggaḥ [17 17A] kadipasiḥ, nehanggondasar̀hupama, singjalenbukahipadi, yan'gurumanampenin, ślokancĕningwayaḥtuhu, nenepuyungmandangaḥ, nenenguntulipunjĕliḥ, ketotuhu, jatihisiningśĕloka. ntomadansatyahuttama, jatiśarīrakadanin, yanjati‐tondenmanawang, hutsahayangpangdapliḥ, patakonangprajani, hapangskĕntĕgĕsipun, pangdamapima‐ piprajñan, jatitwaranawangindik, mawakjumbuḥ, janigurupanĕrangang. catubrāhmawihara, papatbacakanñacning, netusingdadibĕlasang, metriyahatalungurip, karuṇawlasasiḥ, mudi‐ tanekapingtlu, magawesukawwongliyan, kapingpatupekṣamaliḥ, dahatcucud, ma‐kār̀yyatanpamriḥphala. mwaḥnemadandaśaśila, hadaśabacakaneki, masuksajroningbrata,

Leaf 17

Image on Archive.org

[᭑᭗ 17B] ᭑᭗ ᬢᬦ᭄ᬤᬤᬶᬧᬘᬂᬮᬓᭀᬦᬶᬦ᭄᭞ᬳᬧᬦ᭄ᬮᬭᬗᬦ᭄ᬲᬚᬢᬶ᭞ᬤᬰᬾᬦ᭄ᬤ᭄ᬭᬶᬬᬰᬢ᭄ᬭᬸᬦᬶᬧᬸᬦ᭄᭞ᬧᬶᬢ᭄ᬕᭂᬲᬾᬤᬰᬰᬶᬮ᭞ᬧᬗ᭄ᬳᬺᬢᬦ᭄ᬤᬰᬾᬦ᭄ᬤ᭄ᬭᬶᬬᬾᬓᬶ᭞ᬰᬓ᭄ᬢᬶᬳᬕᬸᬂ᭞ᬗᬃᬤ᭄ᬥᬶᬘ᭄ᬦᬶᬂᬓᬦᬭᬓᬦ᭄᭟ᬰᬢ᭄ᬭᬸᬰᬓ᭄ᬢᬶᬚ᭄ᬭᭀᬦᬶᬂᬳ᭠ ᬯᬓ᭄᭞ᬳᭂᬦ᭄ᬢᭀᬦᬾᬧᬢᬹᬢ᭄ᬲᬶᬬᬢᬶᬦ᭄᭞ᬧᬗ᭄ᬤᬗᬮᬳᬂᬰᬭᬷᬭ᭞ᬳᬫᬵᬢᬶᬲᬚ᭄ᬭᭀᬦᬶᬗᬸᬭᬶᬧ᭄᭞᭠ᬩᬸᬤ᭄ᬥᬶᬳᬸᬍᬗᬂᬬᬢ᭄ᬦᬳᬶᬦ᭄᭞ᬢᬦ᭄ᬤᬶᬗᬶᬦᬶᬧᬸᬦᬶᬰᬢ᭄ᬭᬸ᭞ᬲᬜ᭄ᬚᬢᬳᬫ᭄ᬧᬸᬄᬲᬬᬗᬂ᭞ᬤᬰᬰᬷᬮᬓ᭄ᬭᬶᬲᬸᬢ᭄ᬢᬫᬶ᭞ ᬤᬾᬦᬶᬗᬫ᭄ᬧᬸᬄ᭞ᬳᬫᬵᬢᬶᬰᬢ᭄ᬭᬸᬭᬶᬂᬭᬕ᭟ᬦᬾᬦᬾᬫᬤᬦ᭄ᬤᬰᬰᬶᬮ᭞ᬳᬤᬰᬧᬢᬹᬢ᭄ᬧᬶᬢᭂᬢᬶᬦ᭄᭞ᬦᬾᬧᬗᬯᬶᬢ᭄ᬫᬦᬄᬓ᭄ᬭᭀᬥ᭞ᬫᭀᬫᭀᬳᬗ᭄ᬓᬸᬳᬶᬭᬶᬳᬢᬶ᭞ᬩᬵᬧᬓᬤᬶᬳᬓᬸᬫᬮᬶᬄ᭞ᬫᬸᬯᬄᬲ᭠ ᬭᬸᬦ᭄ᬢᬸᬢᬦᬶᬧᬸᬦ᭄᭞ᬦᬾᬦᬾᬫᬤᬦ᭄ᬤᬰᬾᬦ᭄ᬤ᭄ᬭᬶᬬ᭞ᬱᬤ᭄ᬭᬶᬧᬸᬫ᭄ᬯᬄᬱᬤ᭄ᬢᬢᬬᬶ᭞ᬲᬸᬩᬓᬸᬫ᭄ᬧᬸᬮ᭄᭞ᬦᬸᬗ᭄ᬕᬮ᭄ᬤᬤᬶᬤᬰᬾᬦ᭄ᬤ᭄ᬭᬶᬬ᭟ᬤᬰᬰᬷᬮᬦᬾᬧᬕᭂᬳᬂ᭞ᬧᬗ᭄ᬳᬺᬢᬦ᭄ᬰᬢ᭄ᬭᬸᬦᬾᬰᬓ᭄ᬢᬶ᭞ᬜᬩ᭄ᬭᬦ᭄ᬤᬶᬦᬳᬸᬢ᭄ᬲᬳᬬᬂ᭞ [᭑᭘ 18A] ᬓᭂᬦ᭄ᬢᬰᬢ᭄ᬭᬸᬦᬾᬧᬂᬫᬵᬢᬶ᭞ᬬᬦ᭄ᬲᬸᬩᬓᭂᬦ᭄ᬢᬘ᭄ᬦᬶᬂ᭞ᬲᬶᬦᬄᬩ᭄ᬭᬕ᭄ᬧᬢᬶᬳᬸᬬᬸᬤ᭄᭞ᬓᬾᬢᭀᬘ᭄ᬦᬶᬂᬧᬶᬢ᭄ᬕᭂᬲ᭄ᬜ᭞ᬤᬩ᭄ᬤᬩᬂᬤᬾᬯᬾᬓᬾᬚᬦᬶ᭞ᬚᭂᬫᭂᬢ᭄ᬫᬸᬭᬸᬓ᭄᭞ᬫᬸᬭᬸᬓᬶᬦ᭄ᬢᬢ᭄ᬯᬳᬕᬫ᭟ᬮᬶᬬᬸᬧᬮᬶᬳᬦᬕᬕᬶᬹᬫ᭞᭠ ᬦᬾᬤᬗ᭄ᬳᬂᬕᬸᬭᬸᬭᬶᬳᬶᬦ᭄᭞ᬕᬸᬭᬸᬤ᭄ᬫᭂᬦ᭄ᬫᬤᬶᬗᭂᬳᬂ᭞ᬩᬶᬲᬦᬾᬩᬦ᭄ᬢᬲ᭄ᬤᬶᬩᬶᬩᬶᬄ᭞ᬢ᭄ᬯᬭᬬᬓᬢ᭄ᬓᬾᬗ᭄ᬳᬢᬶ᭞ᬩ᭄ᬮᭀᬕ᭄ᬕᬸᬭᬸᬦᬾᬓᬮᬗ᭄ᬓᬸᬂ᭞ᬤᬸᬓ᭄ᬕᬸᬭᬸᬦᬾᬳ᭄ᬦᬸᬩᬚᬂ᭞ᬩᬬᬸᬕ᭄ᬥᬾᬢᬦ᭄ᬧᬳᬶᬦ᭄ᬤᬶᬓ᭄᭞ᬢ᭄ᬯᬭᬓᬶᬫᬸᬤ᭄᭞ᬩᭂ ᬢᭂᬓ᭄ᬩᬲᬗᬾᬳᬸᬮᬳᬂ᭟ᬫᬜᬸᬚᬸᬄᬲᬸᬓᬲᬓᬮ᭞ᬤᬰᬾᬦ᭄ᬤ᭄ᬭᬶᬬᬦᬾᬫᭀᬗ᭄ᬓᭀᬮᬶᬦ᭄᭞ᬳᭂ᭠ᬦ᭄ᬢᭀᬳᬍᬫ᭄ᬕᬸᬭᬸᬜᬩ᭄ᬭᬦ᭄᭞ᬳᬗ᭄ᬕᭀᬦ᭄ᬓᬤᬂᬢᬺᬱ᭄ᬡᬳᬲᬶᬄ᭞ᬩᬳᬂᬗᬫᬄᬲᬳᬶᬲᬳᬶ᭞ᬤᬤᬶᬳᬶᬧᬸᬦ᭄ᬫᭀᬓᭀᬄ ᬮᬸᬲᬸᬄ᭞ᬫᬫᬜ᭄ᬘᬦᬢᭀᬂᬕᬶᬕᬶᬲᬦ᭄᭞ᬓᬦ᭄ᬢᬶᬕᬸᬭᬸᬧᬸᬮᬂᬧᬮᬶᬂ᭞ᬧ᭄ᬢᭂᬗᬶᬩᬸᬢ᭄᭞ᬢ᭄ᬯᬭᬦᬯᬂᬧᬚᬕᬢᬦ᭄᭟ᬤᬶᬲᬸᬩᬦᬾᬕᬸᬭᬸᬢ᭄ᬯ᭞ᬫᬭᬕᬸᬭᬸᬫᬗ᭄ᬭᬲᬦᬶᬦ᭄᭞ᬰᬢ᭄ᬭᬸᬦᬾᬩᬓᬢᬗ᭄ᬦᬫᬂ᭞ᬢᬺᬱ᭄ᬡᬳᬶᬦ᭠

Auto-transliteration

[17 17B] 17 tandadipacanglakonin, hapanlarangansajati, daśendriyaśatrunipun, pitgĕsedaśaśila, panghr̥ĕtandaśendriyeki, śaktihagung, ngar̀ddhicningkanarakan. śatruśaktijroningha‐ wak, hĕntonepatūtsiyatin, pangdangalahangśarīra, hamātisajroningurip, ‐buddhihul̥ĕngangyatnahin, tandinginipuniśatru, sañjatahampuḥsayangang, daśaśīlakrisuttami, deningampuḥ, hamātiśatruringraga. nenemadandaśaśila, hadaśapatūtpitĕtin, nepangawitmanaḥkrodha, momohangkuhirihati, bāpakadihakumaliḥ, muwaḥsa‐ runtutanipun, nenemadandaśendriya, ṣadripumwaḥṣadtatayi, subakumpul, nunggaldadidaśendriya. daśaśīlanepagĕhang, panghr̥ĕtanśatruneśakti, ñabrandinahutsahayang, [18 18A] kĕntaśatrunepangmāti, yansubakĕntacning, sinaḥbragpatihuyud, ketocningpitgĕsña, dabdabangdewekejani, jĕmĕtmuruk, murukintatwahagama. liyupalihanagagiūma, ‐ nedanghanggururihin, gurudmĕnmadingĕhang, bisanebantasdibibiḥ, twarayakatkenghati, bloggurunekalangkung, dukgurunehnubajang, bayugdhetanpahindik, twarakimud, bĕ tĕkbasangehulahang. mañujuḥsukasakala, daśendriyanemongkolin, hĕ‐ntohal̥ĕmguruñabran, hanggonkadangtr̥ĕṣṇahasiḥ, bahangngamaḥsahisahi, dadihipunmokoḥ lusuḥ, mamañcanatonggigisan, kantigurupulangpaling, ptĕngibut, twaranawangpajagatan. disubanegurutwa, maragurumangrasanin, śatrunebakatangnamang, tr̥ĕṣṇahina‐

Leaf 18

Image on Archive.org

[᭑᭘ 18B] ᭑᭙ ᬲᬶᬳᬶᬦ᭄ᬲᬳᬶ᭞ᬫᬭᬕᬸᬭᬸᬫᭂᬭᬶᬄ᭞ᬓᬤᬶᬰ᭄ᬮᭀᬓᬦᬾᬓᬯᬸᬯᬸᬲ᭄᭞ᬫᬭᬓ᭄ᬮᬸᬄᬩ᭄ᬮᭀᬮᬭᬦ᭄᭞ᬫᬕᬾᬩ᭄ᬭᬲ᭄ᬫᬦ᭄ᬫᬓ᭄ᬲᭂᬧᬶᬢ᭄᭞ᬲᬗ᭄ᬓᬦ᭄ᬕᬸᬭᬸ᭞ᬩᬶᬲᬦᬸᬢᬸᬭᬶᬦ᭄ᬧᬶᬬᬦᬓ᭄᭟ᬬᬦ᭄ᬢ᭄ᬯᬄᬲᬶᬤ᭄ᬥᬳᬲ᭄ᬢᬶ ᬢᬶᬬᬂ᭞ᬳᬧᬂᬲᭂᬦ᭄ᬢᬦᬦᬾᬍᬯᬶᬄ᭞ᬢ᭄ᬯᬭᬘ᭄ᬦᬶᬂᬓᬩᬜ᭄ᬘᬦ᭞ᬓᬤᬶᬕᬸᬭᬸᬳᬦᬾᬭᬶᬳᬶᬦ᭄᭞ᬬᬤ᭄ᬬᬧᬶᬦ᭄ᬕᬸᬭᬸᬲᬶᬹᬮᬶᬗ᭄ᬲᬶᬃ᭞ᬢ᭄ᬯᬭᬓᭀᬧᬸᬗ᭄ᬕᭂᬮᬶᬂᬓᬬᬸᬦ᭄᭞ᬗ᭄ᬢᬸᬢ᭄ᬫᬸᬭᬸᬓᬶᬦᬵᬕᬫ᭞ᬫᬦᬯᬶᬲᬶᬤ᭄ᬥ ᬓᬧᬗ᭄ᬕᬶᬄ᭞ᬦᬾᬦᬾᬧᬢᬹᬢ᭄᭞ᬓᬵᬮᬢᬸᬫ᭄ᬩᬸᬄᬩ᭄ᬯᬶᬦᬯ᭄ᬓᬲ᭄᭟ᬓᬃᬫ᭄ᬫᬨᬮᬢᬦᬧᬲᬄ᭞ᬦᬸᬢᬸᬕ᭄ᬩᬋᬂᬧᬢᬶᬳᬸᬭᬶᬧ᭄᭞ᬳᬯᬦᬘ᭄ᬦᬶᬂᬧᬕᭂᬳᬂ᭞ᬗ᭄ᬢᬸᬢ᭄ᬓᬃᬫ᭄ᬫᬳᬦᬾᬍᬯᬶᬄ᭞ᬧᬗ᭄ᬤᬓᬩᬜ᭄ᬘᬦᬘ᭄ᬦᬶᬂ᭞ ᬤᬶᬚᬕᬢᬾᬘ᭄ᬦᬶᬂᬢᬸᬫ᭄ᬩᬸᬄ᭞ᬫ᭄ᬮᬳᬂᬘ᭄ᬦᬶᬂᬗᬺᬱᭂᬧᬂ᭞ᬧᬗ᭄ᬤᬲᬮᬄᬩᬳᬦ᭄ᬫᬶᬮᬶᬄ᭞ᬲᬶᬤ᭄ᬥᬮᬦᬸᬲ᭄᭞ᬮᬓ᭄ᬱᬡᬦᬾᬤᬶᬲ᭄ᬓᬮ᭟ᬳᬶᬫᬸᬤᬶᬢᬫᬢᬸᬃᬦᬶᬫ᭄ᬩᬮ᭄᭞ᬕᬸᬭᬸᬳᬫ᭄ᬧᬸᬭᬦᬾᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬓᬶᬭᬂᬫᬶ᭠ [᭑᭙ 19A] ᬭᬕᬶᬬᬂ᭞ᬳᬯᬦᬦ᭄ᬢᬶᬢ᭄ᬬᬗᬶᬯᬸᬳᬶᬦ᭄᭞ᬫᬦᬹᬢ᭄‌ᬰ᭄ᬮᭀᬓᬦᬾᬭᬶᬂᬪᬸᬫᬸ᭞ᬓᬤᬶᬲᬵᬕᬭ᭠ᬦᬾᬢᬸᬳᬸ᭞ᬫᬓᬸᬤᬂᬢᭀᬬ᭞ᬗ᭄ᬭᬜ᭄ᬚᬶᬂᬭᬶᬂᬢ᭄ᬗᬄᬧᬲᬶᬄ᭞ᬦᬾᬦ᭄ᬢᭂᬦᬶᬧᬸᬦ᭄᭞ᬦᬳᭂᬦ᭄ᬓᬳᭂᬩ᭄ᬓᬦ᭄ᬢᭀᬬ᭟ ᬲᬧᬸᬦᬶᬓᬫᬦᬄᬢᬶᬢ᭄ᬬᬂ᭞ᬢᬦ᭄ᬦᬳᭂᬦ᭄ᬯᬋᬕ᭄ᬫᬶᬭᬕᬶ᭞ᬧᬶᬢᬸᬢᬸᬃᬕᬸᬭᬸᬳᬸᬢ᭄ᬢᬫ᭞ᬯᬾᬦ᭄ᬢᭂᬦᬶᬫ᭄ᬩᬲᬦᬾᬧᬗ᭄ᬕᬶᬄ᭞ᬳᬦᬓ᭄ᬩᬸᬭᬕᬤᬲᬳᬶ᭞ᬫᬮᬶᬳᬶᬧᬸᬦ᭄ᬢᬦ᭄ᬧᬲ᭄ᬫᬸ᭞ᬤᬤᭀᬲ᭄ᬫᬗ᭄ᬕᬶᬄᬓᬭᬳᬬ᭄ᬯᬦ᭄᭞᭠ ᬢᬦ᭄ᬓᬶᬭᬂᬳᬃᬣᬪᬭᬡᬶ᭞ᬗᬸᬤ᭄ᬬᬗᬶᬧᬸᬦ᭄᭞ᬮᬾᬫ᭄ᬧᬲ᭄ᬭᬶᬂᬳᬶᬓᬃᬫ᭄ᬫᬨᬮ᭟ᬓᭀᬘᬧ᭄ᬓᬃᬫ᭄ᬫᬦᬾᬦ᭄ᬢᭂᬦ᭄ᬩᭂᬮᬲ᭄᭞ᬲᬋᬂᬦᬸᬢᬸᬕ᭄ᬧᬢᬶᬳᬸᬭᬶᬧ᭄᭞ᬧᬸᬦᬶᬓᬫᬦᬳᬶᬦ᭄ᬢᬶᬢ᭄ᬬᬂ᭞ᬳᬗ᭄ᬕᬾᬦ᭄ᬢᬶᬢ᭄ᬬᬫᬓᬪᬹᬓ᭄ᬢᬶ᭞ᬳᬶ᭠ ᬗ᭄ᬕᬶᬄᬕᬸᬭᬸᬲᬦᬾᬫᬗ᭄ᬓᬶᬦ᭄᭞ᬦ᭄ᬤᬶᬓᬳᬶᬩᬗᭂᬢᬂᬕᬸᬭᬸ᭞ᬫᬮᬶᬄᬦᬶᬓᬭᬸᬩᬷᬦᬶᬫ᭄ᬩᬮ᭄᭞ᬯ᭄ᬬᬓ᭄ᬢᬶ᭠ᬓᬾᬫᭂᬂᬢ᭄ᬬᬂᬫᬶᬭᬕᬶ᭞ᬗ᭄ᬭᬭᬶᬲ᭄ᬕᬸᬭᬸ᭞ᬇᬘ᭄ᬙᬾᬦ᭄ᬢᬶᬢ᭄ᬬᬂᬓᬢᭂᬭᬗᬦ᭄᭟ᬓᬤᬶᬳᬢᬸᬃᬩ᭄ᬮᬶᬫᬸᬤᬶᬢ᭞ᬗᬢᬸᬭᬂᬲ

Auto-transliteration

[18 18B] 19 sihinsahi, maragurumĕriḥ, kadiślokanekawuwus, marakluḥblolaran, magebrasmanmaksĕpit, sangkan'guru, bisanuturinpiyanak. yantwaḥsiddhahasti tiyang, hapangsĕntananel̥ĕwiḥ, twaracningkabañcana, kadiguruhanerihin, yadyapin'gurusiūlingsir̀, twarakopunggĕlingkayun, ngtutmurukināgama, manawisiddha kapanggiḥ, nenepatūt, kālatumbuḥbwinawkas. kar̀mmaphalatanapasaḥ, nutugbar̥ĕngpatihurip, hawanacningpagĕhang, ngtutkar̀mmahanel̥ĕwiḥ, pangdakabañcanacning, dijagatecningtumbuḥ, mlahangcningngr̥ĕsyĕpang, pangdasalaḥbahanmiliḥ, siddhalanus, lakṣaṇanediskala. himuditamatur̀nimbal, guruhampuranemangkin, hantukkirangmi‐ [19 19A] ragiyang, hawanantityangiwuhin, manūtślokaneringbhumu, kadisāgara‐netuhu, makudangtoya, ngrañjingringtngaḥpasiḥ, nentĕnipun, nahĕnkahĕbkantoya. sapunikamanaḥtityang, tannahĕnwar̥ĕgmiragi, pitutur̀guruhuttama, wentĕnimbasanepanggiḥ, hanakburagadasahi, malihipuntanpasmu, dadosmanggiḥkarahaywan, ‐ tankiranghar̀thabharaṇi, ngudyangipun, lempasringhikar̀mmaphala. kocapkar̀mmanentĕnbĕlas, sar̥ĕngnutugpatihurip, punikamanahintityang, hanggentityamakabhūkti, hi‐ nggiḥgurusanemangkin, ndikahibangĕtangguru, maliḥnikarubīnimbal, wyakti‐kemĕngtyangmiragi, ngrarisguru, icchentityangkatĕrangan. kadihatur̀blimudita, ngaturangsa

Leaf 19

Image on Archive.org

[᭑᭙ 19B] ᭑᭙ ᬦᬾᬫᬪᬹᬓ᭄ᬢᬶ᭞ᬗᬸᬤ᭄ᬬᬂᬢᬦ᭄ᬫᬦᬹᬢᭀᬮᬶᬄᬜ᭞ᬓᬃᬫ᭄ᬫᬓᬳᭀᬦ᭄ᬦᭂᬫᬸᬩ᭄ᬘᬶᬓ᭄᭞ᬳᬶᬕ᭄ᬥᬾᬉᬧᬾᬓ᭄ᬱᬭᬭᬶᬲ᭄᭞ᬦᭂᬭᬗᬂᬧᬶᬢ᭄ᬕᭂᬲᬶᬧᬸᬦ᭄᭞ᬦᬾᬫᬯᬲ᭄ᬢᬓᬃᬫ᭄ᬫᬨᬮ᭞ᬭᬭᬶᬲ᭄ᬓᭂᬤᬾᬓ᭄ᬦᭂᬓᭂᬧ᭄ᬩᬶᬩᬶᬄ᭞ᬳᬶᬳᬶᬳᬸ᭠ ᬳᬸᬳᬸᬄ᭞ᬓᬲ᭄ᬮᬶᬗ᭄ᬲᬸᬢ᭄ᬘᭂᬦᬶᬂᬗᬺᬱᬲᭂᬧᬂ᭟ᬧᬦᬶᬩᬦᬶᬓᬃᬫ᭄ᬫᬨᬮ᭞ᬢᬸᬲᬶᬂᬮᬓ᭄ᬱᬦᬦᬾᬚᬦᬶ᭞ᬤ᭄ᬬᬦ᭄ᬢᬸᬜ᭄ᬚᭂᬮᬾᬤ᭄ᬬᬲ᭄ᬢᬸᬦ᭄ᬫᭂᬮᬄ᭞ᬦ᭄ᬫᬸᬳᭀᬮᬶᬄᬦᬾᬦᬾᬚᬦᬶ᭞ᬓᬤᬶᬦᬾᬭᬯᭀᬲᬂᬘ᭄ᬦᬶᬂ᭞ᬲᬗ᭄ᬓᬦ᭄ᬬᬦ᭄ᬫᬸᬭ ᬳᬬᬸ᭞ᬳᭂᬦ᭄ᬢᭀᬓᬃᬫ᭄ᬫᬦᬾᬳᬶᬧᬶᬤᬦ᭄᭞ᬢ᭄ᬫᬦᬶᬧᬸᬦ᭄ᬮᬦ᭄ᬢᬲ᭄ᬚᬦᬶ᭞ᬳᬧᬦᬶᬧᬸᬦ᭄᭞ᬦᬸᬫᬤᬶᬤᬸᬓᬾᬭᬶᬯ᭄ᬓᬲ᭄᭟ᬲᭀᬮᬳᬾᬫᬦᬸᬢᬵᬕᬫ᭞ᬤ᭄ᬫᭂᬦᬶᬧᬸᬦ᭄ᬗᬃᬤ᭄ᬥᬶᬩ᭄ᬘᬶᬓ᭄᭞ᬫᬧᬹᬚᬫᬤᬳᬦᬧᬹᬡ᭄ᬬ᭞ᬓ᭄ᬭᬡ ᬳᬶᬧᬸᬦ᭄ᬤᬤᬶᬲᬸᬕᬶᬄ᭞ᬬᬦ᭄ᬩ᭄ᬯᬶᬦᬯ᭄ᬓᬲ᭄ᬢᬶᬢᬶᬲ᭄᭞ᬲᬶᬦᬄᬦᬭᬓᬓᬢ᭄ᬧᬸᬓ᭄᭞ᬓᬢᬸᬢᬸᬕ᭄ᬭᬶᬂᬓᬃᬫ᭄ᬫ᭠ᬨᬮ᭞ᬓᬾᬢᭀᬧᬶᬢ᭄ᬕᭂᬲ᭄ᬜᬘ᭄ᬦᬶᬂ᭞ᬧᬢᬹᬢᬶᬧᬸᬦ᭄᭞ᬚᬦᬶᬲ᭄ᬯᬓᬾᬃᬢ᭄ᬢᬶᬮᬶᬫ᭄ᬩᬓᬂ᭟ᬓᬵᬮᬦᬶᬢᬶᬲ᭄ᬩ᭄ᬯᬶᬦᬯ᭄ᬓᬲ᭄᭞ [᭒᭐ 20A] ᬳᬧᬂᬤᬤᬶᬳᬦᬓᬼᬯᬶᬄ᭞ᬳᬶᬫᬸᬤᬶᬢᬮ᭄ᬕᬧᬶᬲᬦ᭄᭞ᬯᬯᬸᬫᬗᬺᬱᭂᬧᬶᬗ᭄ᬳᬢᬶ᭞ᬫᬮᬶᬳᬶᬧᬸᬦ᭄ᬫᬯᬮᬶ᭞ᬦᬓᭀᬦᬂᬢ᭄ᬓᬾᬦᬶᬕᬸᬭᬸ᭞ᬯᬯᬸᬢᬶᬢ᭄ᬬᬂᬫᬶᬭᬕ᭄ᬬᬂ᭞ᬫᬵᬦᬸᬱᬦᬾᬫᬮᬶᬄᬦᬶᬳᬶᬲ᭄᭞ᬲ᭄ᬓᭂᬦᬶᬧᬸᬦ᭄᭞ᬓᬵ ᬮᬧᬥᭂᬫ᭄ᬤᬤᭀᬲ᭄ᬢᬦᬄ᭞ᬲ᭄ᬓᬤᬶᬳᭂᬦ᭄ᬢᬶᬓ᭄ᬳᭂᬦ᭄ᬢᬶᬓᬦ᭄᭞ᬯᭀᬳᬶᬧᬸᬦᬾᬲᬦᬾᬫᭂᬦ᭄ᬢᬶᬓ᭄᭞ᬧᬸ᭠ᬦᬶᬓᬗᬯᬶᬦᬂᬓᬢᬄ᭞ᬭᬶᬓᬭᬶᬓᬶᬳᬶᬧᬸᬦ᭄ᬫᭂᬦ᭄ᬢᬶᬓ᭄᭞ᬲᬾᬯᭀᬲ᭄ᬓᬤ᭄ᬓᬸᬂᬫᬮᬶᬄ᭞ᬤᬤᭀᬲ᭄ᬮᬶᬫ᭄ᬩᬓᬂᬯᬶᬢᬶ᭠ ᬧᬸᬦ᭄᭞ᬓᬤᬶᬫᬗ᭄ᬓᬶᬦᬶᬫᬵᬦᬸᬱ᭞ᬢᬦ᭄ᬧᬯᭀᬄᬢᬦ᭄ᬧᬳ᭄ᬯᬶᬢ᭄᭞ᬓᬸᬤ᭄ᬬᬗᬶᬧᬸᬦ᭄᭞ᬧᬘᬂᬦᬶ᭠ᬢᬶᬲ᭄ᬫᬲᭂᬳ᭄ᬦᬦ᭄᭟ᬯᬦ᭄ᬢᬳᬶᬧᬸᬦ᭄ᬫᬲᭂᬦ᭄ᬢᬦ᭞ᬢᬸᬭᬸᬦ᭄ᬢᬸᬫᬸᬭᬸᬦ᭄ᬮᬸᬄᬫ᭄ᬯᬦᬶ᭞ᬮᬸᬄᬓᬭᬸᬩᬷᬩᬮᬶᬄᬦᬶᬫ᭄ᬩᬮ᭄᭞ ᬭᬶᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬫᬶᬭᬕᬶ᭞ᬢᬢᬸᬭᬶᬧᬸᬦᬾᬕᬩ᭄ᬮᬶ᭞ᬲᬧᬸᬦᬧᬶᬦᬶᬦ᭄ᬤᬶᬓᬶᬧᬸᬦ᭄᭞ᬤᬦᬾᬲᬂ᭠ᬤᬤᭀᬲ᭄ᬫᬵᬦᬸᬱ᭞ᬳᬶᬦᬸᬘᬧ᭄ᬫᬮᬶᬄᬫᬦ᭄ᬤᬺᬱ᭄ᬝᬶ᭞ᬚᬢᬶᬦᬶᬧᬸᬦ᭄᭞ᬧᬸᬦᬶᬓᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂ᭟ᬩᬯᭀᬲ᭄ᬕᬸ᭠

Auto-transliteration

[19 19B] 19 nemabhūkti, ngudyangtanmanūtoliḥña, kar̀mmakahonnĕmubcik, higdhe'upekṣararis, nĕrangangpitgĕsipun, nemawastakar̀mmaphala, rariskĕdeknĕkĕpbibiḥ, hihihu‐ huhuḥ, kaslingsutcĕningngr̥ĕṣasĕpang. panibanikar̀mmaphala, tusinglakṣananejani, dyantuñjĕledyastunmĕlaḥ, nmuholiḥnenejani, kadinerawosangcning, sangkanyanmura hayu, hĕntokar̀mmanehipidan, tmanipunlantasjani, hapanipun, numadidukeriwkas. solahemanutāgama, dmĕnipunngar̀ddhibcik, mapūjamadahanapūṇya, kraṇa hipundadisugiḥ, yanbwinawkastitis, sinaḥnarakakatpuk, katutugringkar̀mma‐phala, ketopitgĕsñacning, patūtipun, janiswaker̀ttilimbakang. kālanitisbwinawkas, [20 20A] hapangdadihanakl̥ĕwiḥ, himuditalgapisan, wawumangr̥ĕsyĕpinghati, malihipunmawali, nakonangtkeniguru, wawutityangmiragyang, mānuṣanemaliḥnihis, skĕnipun, kā lapadhĕmdadostanaḥ, skadihĕntik'hĕntikan, wohipunesanemĕntik, pu‐nikangawinangkataḥ, rikarikihipunmĕntik, sewoskadkungmaliḥ, dadoslimbakangwiti‐ pun, kadimangkinimānuṣa, tanpawoḥtanpahwit, kudyangipun, pacangni‐tismasĕhnan. wantahipunmasĕntana, turuntumurunluḥmwani, luḥkarubībaliḥnimbal, risāmpuntityangmiragi, taturipunegabli, sapunapinindikipun, danesang‐dadosmānuṣa, hinucapmaliḥmandr̥ĕṣṭi, jatinipun, punikandikahintityang. bawosgu‐

Leaf 20

Image on Archive.org

[᭒᭐ 20B] ᬭᬸᬢᬦ᭄ᬧᬜ᭄ᬚᬂ᭞ᬦᬾᬦᬾᬳᭂᬦ᭄ᬢᭀᬚᬢᬶᬘ᭄ᬦᬶᬂ᭞ᬧᬯᬭᬄᬲᬂᬳ᭄ᬬᬂᬳᬕᬫ᭞ᬳᬶᬤᬲᬂᬳ᭄ᬬᬂᬯᬶᬥᬷᬳᬲᬶᬄ᭞ᬦᬶᬢᬄᬲᬳᬶᬲᬶᬦᬶᬂᬪᬹᬫᬶ᭞ᬤᬶᬢᬸᬳᬶᬤᬫ᭄ᬭᬕᬢᭂᬮᬸ᭞ᬲᬳ᭄ᬬᬂᬢ᭄ᬭᬶᬰᬓ᭄ᬢᬶᬓᬳᬸᬘᬧ᭄᭞ᬦᬸᬗ᭄ᬕᬮ᭄ᬳ᭄ᬬᬂᬕᬸᬭᬸ ᬓᬤᬦᬶᬦ᭄᭞ᬩ᭄ᬭᬵᬳ᭄ᬫᬯᬶᬱ᭄ᬡᬸ᭞ᬲᬂᬳ᭄ᬬᬂᬇᬰ᭄ᬯᬭᬧᬗᬸᬦ᭄ᬢᬢ᭄᭟ᬲᬂᬳ᭄ᬬᬂᬩ᭄ᬭᬵᬳ᭄ᬫᬫᬗᬤᬓᬂ᭞ᬲ᭠ᬮ᭄ᬯᬶᬭᬶᬗᬤᬤᬶᬕᬸᬫᬶ᭞ᬳᬶᬤᬲᬂᬳ᭄ᬬᬂᬯᬶᬱ᭄ᬡᬸᬓᭀᬘᬧ᭄᭞ᬳᬸᬭᬶᬧ᭄ᬲᬳᬦᬦᬶᬗ᭄ᬤᬤᬶ᭞ᬲᬂᬳ᭄ᬬᬂᬇᬰ᭄ᬯᬭᬰᬓ᭄ᬢᬶ ᭞ᬥᬃᬫ᭄ᬫᬦᬶᬤᬦᬾᬫᬗᬼᬩᬸᬭ᭄᭞ᬚᬦᬶᬳᬢᭂᬧᬂᬜᬢ᭄ᬯᬬᬂ᭞ᬳᬶᬤᬲᬂᬳ᭄ᬬᬂᬢ᭄ᬭᬶᬰᬓ᭄ᬢᬶ᭞ᬫᬜᬯᬶᬪᬸᬄ᭞ᬳᬶᬤᬗᬯᬰᬤᬶᬚᬕᬢ᭄᭟ᬳᬶᬤᬳᬦᬾᬫ᭄ᬭᬕᬢᬶᬢᬄ᭞ᬲᬗ᭄ᬓᬦ᭄ᬚᬦᬶᬩᬸᬓᬘ᭄ᬦᬶᬂ᭞ᬗᬤ᭄ᬕᬂᬳᬶᬤ ᬤᬶᬫ᭄ᬭᬚᬦ᭄᭞ᬳᬶᬤᬲᬸᬂᬲᬸᬂᬲᬳᬶᬲᬳᬶ᭞ᬢᬸᬲᬶᬂᬤᬤᬶᬮᬾᬫ᭄ᬧᬲᬶᬦ᭄᭞ᬭᬾᬳᬶᬤᬫᬭᬕᬕᬸᬭᬸ᭞ᬳᬶᬤᬕᬸᬭᬸᬦᬶᬂᬯᬶᬰᬾᬱ᭞ᬳᬶᬤᬕᬸᬭᬸᬤᬕᬶᬂᬕᬸᬫᬶ᭞ᬫ᭄ᬭᬕᬳᬶᬬᬸᬦ᭄᭞ᬧᬦᭂᬫ᭄ᬩᬳᬦ᭄ᬲᬪᬸᬯᬦ᭟ᬳᬶᬦ᭄ᬤᬶ [᭒᭑ 21A] ᬓ᭄ᬫᬵᬢᬶᬦᬾᬳᬸᬘᬧᬂ᭞ᬭᬕᬲ᭄ᬢᬸᬮᬳᬦᬾᬫᬵᬢᬶ᭟ᬓᬢᬶᬗ᭄ᬕᬮᬶᬦ᭄ᬲᬂᬳ᭄ᬬᬂᬳᬢ᭄ᬫ᭞ᬦᬾᬢᬦ᭄ᬓᭂᬦᬢᬸᬯᬧᬢᬶ᭞ᬚᬭᬫ᭄ᬭᬡᬓᬳᬤᬦᬶᬦ᭄᭞ᬳᬶᬤᬦᬾᬫᬭᬕᬯᬶᬪᬹᬄ᭞ᬰᬸᬘᬶᬢᬦ᭄ᬓᬳᬦᬦ᭄ᬫᬮ᭞ᬤᬶᬢᬸᬳᬶᬤ᭠ ᬩ᭄ᬯᬶᬦ᭄ᬫᬢᬶᬢᬶᬲ᭄᭞ᬫᬜᬮᬸᬧ᭄ᬲᬸᬧ᭄᭞ᬫᬭᬕᬦᬶᬦ᭄ᬭᬭᬾᬳᬜᬭ᭄᭟ᬤᬤᬶᬗᬯᬶᬢ᭄ᬩ᭄ᬯᬶᬦᬼᬓᬤ᭄᭞᭠ᬓᬾᬢᭀᬧᬳᬶᬍᬄᬜᬘ᭄ᬦᬶᬂ᭞ᬦᬗ᭄ᬳᬶᬂᬢ᭄ᬯᬭᬓᬳᬶᬗ᭄ᬢᬦ᭄᭞ᬳᬢ᭄ᬫᬦ᭄ᬜᬦᬾᬲᬸᬩᬦᬶᬢᬶᬲ᭄᭞ᬓ᭄ᬭᬡᬫᬯᬮᬶᬘ᭄ᬦᬶᬓ᭄᭞ ᬗᬩᬩ᭄ᬓᭂᬮᬼᬓᬤᬶᬧᬸᬦ᭄᭞ᬦᬾᬫᬳᬤᬦ᭄ᬓᬃᬫ᭄ᬫᬨᬮ᭞ᬫ᭄ᬮᬄᬚ᭄ᬮᬾᬧᬢᬹᬢ᭄ᬢᬫ᭄ᬧᬶ᭞ᬲᬸᬩᬫᬸᬗ᭄ᬕᬸᬄ᭞᭠ᬢᬶᬗ᭄ᬓᬳᬾᬦᬶᬢᬶᬲᬶᬧᬶᬤᬦ᭄᭟ᬳᬓᬾᬦᬾᬫᬮᬸᬓᬗ᭄ᬕᭀᬳᬂ᭞ᬩ᭄ᬓᭂᬮ᭄ᬘᭂᬦᬶᬗᬾᬦᬸᬫᬤᬶ᭞ᬓ᭄ᬭᬡᬘ᭄ᬦᬶᬂᬩ᭄ᬭᬵᬳ᭄ᬫ ᬘᬃᬬ᭄ᬬ᭞ᬳᬸᬦ᭄ᬤᬕᬦ᭄ᬘᭂᬗᬾᬚᬦᬶ᭞ᬬᬦ᭄ᬲᬶᬤ᭄ᬥᬩᬳᬦ᭄ᬘᭂᬦᬶᬂ᭞ᬳᬸᬦ᭄ᬤᬕᬂᬲᬗ᭄ᬓᭂᬤᬦᬶᬧᬸᬦ᭄᭞ᬦᬾᬦᬾᬳᬶᬦᬸᬘᬧ᭄ᬕ᭄ᬭᬳᬱ᭄ᬝ᭞ᬓᬧᬶᬂᬢ᭄ᬮᬸᬦ᭄ᬜᬦᬾᬫᬮᬶᬄ᭞ᬳᬸᬦ᭄ᬤᬕᬶᬧᬸᬦ᭄᭞ᬦᬾᬦᬾᬳᬶᬦᬸᬘᬧ᭄ᬪᬶᬓ᭄ᬱᬸᬓ᭟ᬤᬸᬭᬶᬬᬦ᭄ᬳᭂ

Auto-transliteration

[20 20B] rutanpañjang, nenehĕntojaticning, pawaraḥsanghyanghagama, hidasanghyangwidhīhasiḥ, nitaḥsahisiningbhūmi, dituhidamragatĕlu, sahyangtriśaktikahucap, nunggalhyangguru kadanin, brāhmawiṣṇu, sanghyangiśwarapanguntat. sanghyangbrāhmamangadakang, sa‐lwiringadadigumi, hidasanghyangwiṣṇukocap, huripsahananingdadi, sanghyangiśwaraśakti , dhar̀mmanidanemangl̥ĕbur, janihatĕpangñatwayang, hidasanghyangtriśakti, mañawibhuḥ, hidangawaśadijagat. hidahanemragatitaḥ, sangkanjanibukacning, ngadganghida dimrajan, hidasungsungsahisahi, tusingdadilempasin, rehidamaragaguru, hidaguruningwiśeṣa, hidagurudaginggumi, mragahiyun, panĕmbahansabhuwana. hindi [21 21A] kmātinehucapang, ragastulahanemāti. katinggalinsanghyanghatma, netankĕnatuwapati, jaramraṇakahadanin, hidanemaragawibhūḥ, śucitankahananmala, dituhida‐ bwinmatitis, mañalupsup, maraganinrarehañar. dadingawitbwinl̥ĕkad, ‐ketopahil̥ĕḥñacning, nanghingtwarakahingtan, hatmanñanesubanitis, kraṇamawalicnik, ngababkĕll̥ĕkadipun, nemahadankar̀mmaphala, mlaḥjlepatūttampi, subamungguḥ, ‐tingkahenitisipidan. hakenemalukanggohang, bkĕlcĕningenumadi, kraṇacningbrāhma car̀yya, hundagancĕngejani, yansiddhabahancĕning, hundagangsangkĕdanipun, nenehinucapgrahaṣṭa, kapingtlunñanemaliḥ, hundagipun, nenehinucapbhiksyuka. duriyanhĕ

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org

Leaf 67

Image on Archive.org

Leaf 68

Image on Archive.org

Leaf 69

Image on Archive.org

Leaf 70

Image on Archive.org

Leaf 71

Image on Archive.org

Leaf 72

Image on Archive.org

Leaf 73

Image on Archive.org

Leaf 74

Image on Archive.org

Leaf 75

Image on Archive.org

Leaf 76

Image on Archive.org

Leaf 77

Image on Archive.org

Leaf 78

Image on Archive.org

Leaf 79

Image on Archive.org

Leaf 80

Image on Archive.org

Leaf 81

Image on Archive.org

Leaf 82

Image on Archive.org

Leaf 83

Image on Archive.org

Leaf 84

Image on Archive.org

Leaf 85

Image on Archive.org

Leaf 86

Image on Archive.org

Leaf 87

Image on Archive.org

Leaf 88

Image on Archive.org