Gaguritan Katak
This page has been accessed 25,691 times.
Description
Bahasa Indonesia
English
Front and Back Covers
Leaf 1
[᭑ 1B]
᭑
᭚᭜᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚᭜᭚ᬕᬕᬸᬭᬶᬢᬦ᭄ᬓᬢᬓ᭄᭞ᬧᬸᬭᬶᬲᬸᬓᬲᬵᬥᬩᬸᬮᬾᬮᬾᬂ᭞᭑᭟᭜᭟ᬧᬸᬄᬤᭂᬫᬸᬂ᭟ᬳᬫ᭄ᬧᬸᬭᬢᬶᬢ᭄ᬬᬂᬗᬯᬶᬢᬶᬦ᭄ᬫᬜᬸᬭᬢ᭄᭞ᬭᬶᬂᬤᬶᬦᬦᬶ
ᬧᬸᬦ᭄ᬫᬸᬗ᭄ᬕᬸᬄ᭞ᬰᬦᬶᬰ᭄ᬘᬭᬦᬸᬚᬸ᭞ᬓᬮᬶᬯᭀᬦ᭄ᬯᬸᬓᬸᬦᭂᬫᭀᬦᬶᬦ᭄᭞ᬯᬭᬓ᭄ᬭᬸᬮᬸᬢ᭄ᬓᭀᬘᬧ᭄᭞ᬢᭂᬗ᭄ᬕᭂᬓ᭄ᬮᬶᬫᬢᬹᬃᬭᬵᬄᬓᬸᬢᬸᬲ᭄᭞ᬧᬗ᭄ᬮᭀᬗᬾᬧᬶᬂᬮᬶᬫ᭞ᬇᬰᬓᬦ᭄ᬜᬦᭂᬫᭀᬦᬶᬦ᭄᭞
ᬲᬶᬬᬸᬤᭀᬫᬲ᭄ᬲᬾᬓᭂᬢ᭄ᬓᭀᬘᬧ᭄᭞ᬬᬦ᭄ᬫᬢᬗ᭄ᬕᬸᬳᬾᬓᬦ᭄ᬳᬓᬸᬢᬸᬲ᭄᭞ᬤᬶᬢᬸᬫᬦᭂᬫ᭄ᬩᬾᬦᬶᬦ᭄ᬦᬸᬭᬄᬓᬓᬶᬤᬸᬗᬦ᭄᭞ᬲᬢ᭄ᬯᬦ᭄ᬜᬢᬦ᭄ᬧᬩᬸᬓᬸ᭞ᬫᬲᬶᬄᬳᬧᬂᬦᬸᬤᬸᬓ᭄᭞ᬜᬭᬶ
ᬢᬬᬂᬤᬶᬧᬗᬯᬶ᭞ᬩᬲ᭄ᬲᬳᬶᬤᬶᬗᭂᬳᬂ᭞ᬢᬸᬗ᭄ᬕᬮ᭄ᬧᭂᬢᭂᬂᬳᬸᬬᬸᬢ᭄ᬫᬸᬯᬸᬕ᭄᭞ᬤᬶᬢᭂᬗᬄᬜᬭᬗᬦ᭄᭞ᬭᬫᬾᬫᬗᭀᬜ᭄ᬘᬂᬗᬸᬘᬶ᭞ᬳᬦᬓᬾᬫᬵᬤᬦ᭄ᬫᬾᬓᭀᬬᬦ᭄᭞ᬜ
[᭒ 2A]
ᬦ᭄ᬥᬂᬯᬦ᭄ᬢᬄᬫᬸᬗ᭄ᬕᬄᬭᬶᬂᬓᬶᬤᬸᬂᬓᬶᬤᬸᬂ᭟ᬧᬶᬡ᭄ᬥᬬᬂᬫᬸᬜᬶᬦ᭄ᬜᬫᬓᬶᬤᬸᬂᬓᬸᬫᬫ᭄ᬩᬂ᭞ᬍᬗᭂᬂᬲᬯᬢ᭄ᬓᬭᬸᬗᬸ᭞ᬫᭂᬕᬢ᭄ᬳᬮᬸᬲ᭄᭞ᬩᬦ᭄ᬩᬦ᭄ᬚᬗᬶᬄᬗᬮᬶᬓᬮᬶᬓ᭄᭞ᬗᭂᬗ᭄ᬓᬮ᭄ᬫᬲᬫ᭄ᬩᬶᬮᬦ᭄᭞ᬗᬮᬶᬄᬩᬮᬂᬮᬗᬦ᭄ᬘ
ᬧᬸᬂ᭞ᬤᬤᬶᬳᬮᬶᬄᬳᬸᬦ᭄ᬥᬂ᭞ᬳᬶᬓᬢᬓ᭄ᬫᬫᬶᬭᬕᬶ᭞ᬳᭀᬲᬄᬲᭂᬥᬶᬄᬫᬳᬶᬍᬳᬦ᭄᭞ᬢᬦ᭄ᬧᬗᬶᬢᬸᬂᬫᬚᬮᬦ᭄ᬦᬳᬸᬲ᭄᭟ᬫᬓᭂᬦᭂᬄᬓᭂᬦᭂᬄᬤᬶᬫᬃᬕ᭄ᬕᬶᬓᬾᬦ᭄ᬓᬾᬦ᭄ᬩᬳᬦ᭄᭞ᬦ᭄ᬥᬬᬦᬂᬫᬗ᭄ᬥᬾ᭠
ᬦ᭄ᬧᬬᬸ᭞ᬓᬧᬗ᭄ᬕᬶᬄᬫᬢᭂᬫᬸ᭞ᬤᬾᬯᬾᬓᬾᬓᬸᬘᬶᬯᬢᬦ᭄ᬥᬶᬂ᭞ᬳᭀᬤᬄᬮᬸᬤᬶᬦ᭄ᬓᬄᬓᬄ᭞ᬤᬶᬳᬾᬗ᭄ᬓᬾᬦ᭄ᬳᬶᬬᬧᬘᬂᬓᬾᬭᬸᬢ᭄᭞ᬤᬾᬯᬾᬓᬾᬫᬸᬤ᭄ᬬᬂ᭞ᬳᬦᬓᬾᬳᬬᬸᬧᬲ᭄ᬢᬶ᭞ᬚᬦᬶᬫᬗ᭄ᬕᬯᬾᬧ
ᬳᬾᬓᬦ᭄᭞ᬢᭂᬓᭂᬦ᭄ᬤᬶᬢᬸᬮᬶᬫᬸᬄᬫᬘᭂᬩᬸᬕ᭄᭟ᬢᬸᬃᬫᬢᬶᬗ᭄ᬓᬄᬫᬸᬜᬶᬧᬮᬶᬂᬲᬲᭀᬮᬳᬦ᭄᭞ᬓᬤᬶᬯᬯᬮᬾᬦ᭄ᬩᬸᬤᬸᬄ᭞ᬳᬸᬤᬸᬄᬓᭀᬬᬦ᭄ᬳᬬᬸ᭞ᬤᭀᬂᬢᬸᬮᬸᬗᬶᬦ᭄ᬓᬸᬤᬩᭂᬮᬶ᭞ᬢᬸᬯᬄ
Auto-transliteration
[1 1B]
1
// • // oṁawighnamastu // • // gaguritankatak, purisukasādhabuleleng 1 \\•\\ puḥdĕmung. hampuratityangngawitinmañurat, ringdinani
punmungguḥ, śaniścaranuju, kaliwonwukunĕmonin, warakrulutkocap, tĕnggĕklimatūr̀rāḥkutus, panglongepinglima, iśakanñanĕmonin,
siyudomassekĕtkocap, yanmatangguhekanhakutus, ditumanĕmbeninnuraḥkakidungan, satwanñatanpabuku, masiḥhapangnuduk, ñari
tayangdipangawi, bassahidingĕhang, tunggalpĕtĕnghuyutmuwug, ditĕngaḥñarangan, ramemangoñcangnguci, hanakemādanmekoyan, ña
[2 2A]
ndhangwantaḥmunggaḥringkidungkidung. piṇdhayangmuñinñamakidungkumambang, l̥ĕngĕngsawatkarungu, mĕgat'halus, banbanjangiḥngalikalik, ngĕngkalmasambilan, ngaliḥbalanglanganca
pung, dadihaliḥhundhang, hikatakmamiragi, hosaḥsĕdhiḥmahil̥ĕhan, tanpangitungmajalannahus. makĕnĕḥkĕnĕḥdimar̀ggikenkenbahan, ndhayanangmangdhe‐
npayu, kapanggiḥmatĕmu, dewekekuciwatandhing, hodaḥludinkaḥkaḥ, dihengkenhiyapacangkerut, dewekemudyang, hanakehayupasti, janimanggawepa
hekan, tĕkĕnditulimuḥmacĕbug. tur̀matingkaḥmuñipalingsasolahan, kadiwawalenbuduḥ, huduḥkoyanhayu, dongtulunginkudabĕli, tuwaḥLeaf 2
[᭒ 2B]
᭒
ᬜᬳᬶᬫᬓᬤ᭞ᬓᬾᬦᬾᬩᭂᬮᬶᬓᭂᬦᬳᬦ᭄ᬢᬸ᭞ᬬᬦ᭄ᬭᬶᬂᬧᬭᬶᬫᬦ᭞ᬧᭂᬤᬲ᭄ᬜᬳᬶᬗᬸᬦᬳᬶᬦ᭄᭞ᬩᭂᬮᬶᬫᬦᬶᬫᬢᬸᬯᬶᬬᬂ᭞ᬓᬵᬮᬶᬄᬲᭂᬫᭂᬂᬜᬳᬶᬦᬾᬘᬸᬮᬸᬓ᭄᭟ᬳᬸᬮᬶᬳᬶᬮᬸᬩᬳᬦ᭄ᬜᬳᬶᬫᬗᬶᬭᬸᬢᬂ᭞
ᬦᬗ᭄ᬳᬶᬂᬩᭂᬮᬶᬢᬦ᭄ᬮᬶᬗᬸ᭞ᬤᬸᬓᬢ᭄ᬭᬸᬦᬩᬕᬸᬲ᭄᭞ᬩᬚᬂᬘᭂᬦᬶᬓ᭄ᬮᬸᬤᬶᬦ᭄ᬕᬳᬶᬢ᭄᭞ᬜᬳᬶᬲᬳᬶᬗᭂᬗ᭄ᬓᬮ᭄᭞ᬜᬫ᭄ᬩᬸᬗᬶᬦ᭄ᬩᭂᬮᬶᬫᬗ᭄ᬮᬶᬤᬸᬂ᭞ᬚᬦᬶᬫᬧᬸᬮᬶᬳᬂ᭞ᬳᬢᬸᬢ᭄ᬜᬶᬤᬬᬂᬓᬧᬗ᭄ᬕᬶᬄ᭞ᬜᬳᬶᬗᬗ᭄ᬕᭀ
ᬦ᭄ᬕᬸᬦᬫᬦ᭄ᬥᬃ᭞ᬢᭂᬫᬄᬤᬤᬶᬩᬸᬤᬸᬄᬳᬸᬮᬗᬸᬦ᭄᭟ᬲᬸᬩᬧᬢᬸᬮᬸᬗᬂᬩᭂᬮᬶᬢᭂᬓᬶᬸᬓᬾᬦ᭄ᬩᬮ᭄ᬬᬦ᭄᭞ᬦᬾᬲᬸᬩᬓᬲᬸᬩ᭄ᬯᭂᬭᬸᬄ᭞ᬓᬳᬸᬗ᭄ᬕᬦᬦ᭄ᬢᬓ᭄ᬱᬸ᭞ᬳᬯᬲ᭄ᬢᭂᬓᬾᬦᬶᬂᬧᬜᬓᬶᬢ᭄᭞ᬲᬓ᭄ᬢᬶᬗᬾᬢᬾᬮ᭄ᬢᬶᬗ᭄ᬳᬮ᭄᭞ᬩᭂᬮᬶᬫᬦᭂᬦᬸᬗᬂᬤᬶᬢᬸ᭞ᬧᬦᬗ᭄ᬓᬦᬶᬂᬭᭀᬕ᭞ᬦᬾᬗᬯᬶᬦᬂᬩᬸᬤᬸᬄᬧᬮᬶᬂ᭞ᬜᬳᬶᬤᬶᬢᬸᬧᭂᬤᬲ᭄ᬗᭂᬦᬄ᭟ᬫᬲᬂᬕᬸᬦᬫᬰ᭄ᬭᬡᬓᬶᬤᬸᬂ᭟ᬓᬵᬮᬶᬄᬜᬳᬶᬫᬦ᭠
[᭓ 3A]
ᬦᭂᬫᬶᬦ᭄ᬕᬸᬦᬫᬦ᭄ᬥᬃ᭞ᬓᬾᬢᭀᬚ᭄ᬭᭀᬩᬮ᭄ᬬᬦ᭄ᬳᭂᬗ᭄ᬕᬸᬂ᭞ᬓᬾᬢᬗᬶᬦ᭄ᬩᬳᬦ᭄ᬢᭂᬦᬸᬂ᭞ᬲᬶᬦᬄᬗᬾᬢᬾᬂᬓᭀᬘᬧ᭄ᬜᬳᬶ᭞ᬮᬸᬯᬲ᭄ᬗᬮᬶᬄᬕᬸᬦ᭞ᬳᬸᬮᬶᬤᬶᬦᬶᬓᭂᬮᭀᬤ᭄ᬓᬯᬸᬄ᭞ᬭᬶᬂᬗᬓᬦ᭄ᬓᬸᬘᬸᬩᬸᬂ᭞
ᬓᭀᬘᬧ᭄ᬤᬦᬾᬢᬦ᭄ᬧᬢᬦ᭄ᬥᬶᬂ᭞ᬕᬸᬦᬲᬓ᭄ᬢᬶᬫᬂᬮᬾᬬᬓ᭄᭞ᬬᬦ᭄ᬫᬗᭂᬦ᭄ᬥᬶᬄᬫᬢᬸᬫ᭄ᬧᬂᬧᬶᬢᬸ᭟ᬓᬾᬢᭀᬧᬗᬦ᭄ᬤᬶᬓᬦ᭄ᬤᬦᬾᬚ᭄ᬭᭀᬩᬮ᭄ᬬᬦ᭄᭞ᬓᬵᬮᬶᬄᬫᬧᬸᬕ᭄ᬧᬸᬕ᭄ᬩᬜ᭄ᬘᬸᬢ᭄᭞ᬫ
ᬦ᭄ᬥᬸᬲ᭄ᬤᬶᬢᬸᬫ᭄ᬩᬸᬓᬸ᭞ᬫᬘᬭᬸᬫᬩᬦ᭄ᬢᭂᬦ᭄ᬲᬸᬘᬶ᭞ᬫᬲᬶᬄᬢ᭄ᬯᬭᬲᬶᬤ᭄ᬥ᭞ᬫᬭᬸᬤᬦ᭄ᬲᬸᬫᬗ᭄ᬓᬶᬦ᭄ᬮᬜᬸᬤ᭄᭞ᬢᭀᬂᬤᬤᬶᬳᭂᬗ᭄ᬲᬧᬂ᭞ᬓᭂᬦᭂᬄᬩᭂᬮᬶᬦᬾᬭᬶᬂᬳᬤᬶ᭞ᬓᬶᬤᭂᬫᬂᬫᬲᬶᬄ
ᬫᬗᭂᬦᬄ᭞ᬫᬗᬸᬮᬧᬶᬦ᭄ᬗᬚᬓᬶᬦ᭄ᬫᬦ᭄ᬥᬸᬲ᭄᭟ᬲᬬᬦ᭄ᬲᬫ᭄ᬩᭂᬄᬩᬸᬬᬃᬧᬮᬶᬂᬓᭂ᭠ᬦᭂᬄᬭᬜ᭄ᬘ᭞ᬢᭀᬂᬤᬤᬶᬩᬳᬦ᭄ᬫᬜᬧᬸᬄ᭞ᬢᭀᬂᬤᬤᬶᬢᭂᬕᬸᬮ᭄ᬢᬮᬶᬦᬶᬦ᭄᭞ᬢᭀᬂᬦ᭄ᬤᬸ
Auto-transliteration
[2 2B]
2
ñahimakada, kenebĕlikĕnahantu, yanringparimana, pĕdasñahingunahin, bĕlimanimatuwiyang, kāliḥsĕmĕngñahineculuk. hulihilubahanñahimangirutang,
nanghingbĕlitanlingu, dukatrunabagus, bajangcĕnikludin'gahit, ñahisahingĕngkal, ñambunginbĕlimanglidung, janimapulihang, hatutñidayangkapanggiḥ, ñahinganggo
n'gunamandhar̀, tĕmaḥdadibuduḥhulangun. subapatulungangbĕlitĕk̶kenbalyan, nesubakasubwĕruḥ, kahungganantaksyu, hawastĕkeningpañakit, saktingeteltinghal, bĕlimanĕnungangditu, panangkaningroga, nengawinangbuduḥpaling, ñahiditupĕdasngĕnaḥ. masanggunamaśraṇakidung. kāliḥñahimana‐
[3 3A]
nĕmin'gunamandhar̀, ketojrobalyanhĕnggung, ketanginbahantĕnung, sinaḥngetengkocapñahi, luwasngaliḥguna, hulidinikĕlodkawuḥ, ringngakankucubung,
kocapdanetanpatandhing, gunasaktimangleyak, yanmangĕndhiḥmatumpangpitu. ketopangandikandanejrobalyan, kāliḥmapugpugbañcut, ma
ndhusditumbuku, macarumabantĕnsuci, masiḥtwarasiddha, marudansumangkinlañud, tongdadihĕngsapang, kĕnĕḥbĕlineringhadi, kidĕmangmasiḥ
mangĕnaḥ, mangulapinngajakinmandhus. sayansambĕḥbuyar̀palingkĕ‐nĕḥrañca, tongdadibahanmañapuḥ, tongdaditĕgultalinin, tongnduLeaf 3
[᭓ 3B]
᭓
ᬲᬶᬫᬚᬮᬦ᭄᭞ᬩᬢᬶᬲᬾᬤᬤᬶᬦ᭄ᬤᬭᬸᬯᬸᬂ᭞ᬲᬕᬾᬢ᭄ᬤᬶᬦᬶᬲᬸᬩ᭞ᬫᬦᭂᬕᬓ᭄ᬗᬋᬧᬶᬦ᭄ᬜᬳᬶ᭞ᬦᬵᬗ᭄ᬳᬶᬂᬳᬤᬶᬳᬫ᭄ᬧᬸᬭᬬᬂ᭞ᬓᭂᬦᭂᬄᬳᬶᬧᬸᬦ᭄ᬳᬸᬮᬗᬸᬦ᭄᭞ᬳ᭄ᬤᬲᬗᭂᬢ᭄ᬭᬶᬂᬳᬢᬶᬢᬦ᭄ᬤ᭄ᬭᬸᬄ᭟
ᬬᬤ᭄ᬬᬧᬶᬦ᭄ᬢᬦ᭄ᬤ᭄ᬭᬸᬄᬳᬶᬦ᭄ᬳᬤᬶᬩᭂᬮᬶᬍᬕ᭞ᬬᬤ᭄ᬬᬧᬶᬦ᭄ᬢᬶᬕ᭄ᬢᬶᬕ᭄ᬢᬸᬦ᭄ᬤᬸᬂ᭞ᬩᭂᬮᬶᬢ᭄ᬯᬭᬲᬸᬭᬸᬤ᭄᭞ᬬᬤᬶᬦ᭄ᬫᬗ᭄ᬮᬦ᭄ᬢᬲ᭄ᬢᭂᬩᭂᬓᬶᬦ᭄᭞ᬢ᭄ᬯᬭᬫᬤᬸᬳᬦ᭄᭞ᬧᬂᬧᭂᬲᬦ᭄ᬤᬶᬦᬶᬫᬓᬸᬩᬸᬃ᭞ᬤᬾᬦᬶᬂᬢ᭄ᬯᬭᬳᬤ᭞ᬳᬶ
ᬩ᭄ᬓᬾᬫᬫᬮᬶᬄᬕᬸᬫᬶ᭞ᬓᬵᬮᬶᬄᬳᬢ᭄ᬫᬦ᭄ᬩᭂᬮᬶᬰ᭄ᬯᬃᬕ᭄ᬕ᭞ᬬᬦ᭄ᬲᬸᬩᬳᬤᬶᬫᬜᬸᬤᬸᬓ᭄᭟ᬩᭂᬮᬶᬫᬜᭂᬭᬳᬂᬳᬸᬭᬶᬧ᭄ᬧᬶᬲᬦ᭄ᬧᬶᬲᬦ᭄᭞ᬓᬗ᭄ᬕᭀᬦ᭄ᬜᬳᬤᬶᬤᬶᬢᬸ᭞ᬫᬫᬭᬾᬦ᭄ᬢᬄᬫᬗᬸ
ᬤᬸᬄ᭞ᬩᭂᬮᬶᬢ᭄ᬯᬭᬫᬫᬶᬯᬮᬶᬦ᭄᭞ᬫᬗ᭄ᬮᬦ᭄ᬢᬲ᭄ᬧᬜ᭄ᬚᬓᬂ᭞ᬢ᭄ᬯᬭᬩᭂᬮᬶᬧᬘᬂᬓᬶᬫᬸᬤ᭄᭞ᬦᬄᬳᬤᬶᬢᬸᬮᬸᬲᬂ᭞ᬢ᭄ᬮᬲ᭄ᬳᬤᬶᬦᬾᬭᬶᬂᬩᭂᬮᬶ᭞ᬲᬸᬤᬶᬫᬗᬗ᭄ᬕᭀᬦ᭄ᬧᬗᬬᬄ᭞ᬩᭂᬮᬶᬳᬦ᭄ᬢᭂᬂᬫ
[᭔ 4A]
ᬗᬮᬶᬄᬘᬧᬸᬂ᭟ᬓᬾᬢᭀᬧᬫᬸᬜᬶᬦᬾᬫᬢᬾᬕ᭄ᬢᭀᬕ᭄ᬗ᭄ᬮᭂᬗ᭄ᬓᬭ᭞ᬲᬫ᭄ᬩᬶᬮ᭄ᬫᬗᬸᬳᬸᬢ᭄ᬳᭂᬦ᭄ᬢᬸᬤ᭄᭞ᬗᭂᬮᬶᬂᬘᭂᬗᬸᬓ᭄ᬘᭂᬗᬸᬓ᭄᭞ᬫᬗ᭄ᬭᬲᬤᬶᬫᬦᬄ᭞ᬯᬦ᭄ᬢᬄᬲᬓᬶᬂᬢᬶᬢᬄᬯᬶᬥᬶ᭞ᬫᬗᬺᬜ᭄ᬘᬦᬗ᭄ᬕᬯᬾᬚᭂᬗᬄ᭞
ᬭᬶᬂᬗᬓᬦ᭄ᬓᬘᬸᬩᬸᬂ᭞ᬓᭀᬘᬧ᭄ᬤᬦᬾᬢᬦ᭄ᬧᬢᬦ᭄ᬤᬶᬂ᭞ᬕᬸᬦᬰᬓ᭄ᬢᬶᬫᬗ᭄ᬮᬾᬬᬓ᭄᭞ᬬᬦ᭄ᬫᬗᭂᬦ᭄ᬤᬶᬄᬫᬢᬸᬫ᭄ᬧᬂᬧᬶᬢᬸ᭟᭜᭟ᬧᬸᬄᬓᬸᬫᬫ᭄ᬩᬂ᭟ᬦᬶᬫ᭄ᬩᬮ᭄ᬲᭂᬤᬶᬄᬦᬶᬓᭀᬬᬦ᭄ᬳᬭᬶᬲ᭄ᬜᬳᬸᬭᬶᬦ᭄᭞ᬳᬤᬸᬄ
ᬩᭂᬮᬶᬓᬢᬓ᭄᭞ᬮᬶᬦ᭄ᬢᬂᬳᬕᬸᬂᬲ᭄ᬯᬾᬘᬦ᭄ᬩᭂᬮᬶ᭞ᬗᬫ᭄ᬧᬸᬭᬬᬂᬓᬤᬶᬢᬶᬢ᭄ᬬᬂ᭟ᬲᬓᬶᬂᬭᬶᬳᬶᬦ᭄ᬢᬶᬢ᭄ᬬᬂᬫᬗᬾᬲ᭄ᬢᬶᬗᬸᬧᬤᬶ᭞ᬫᬗ᭄ᬥᬾᬦᬾᬜᬶᬤᬬᬂ᭞ᬢᬶᬢ᭄ᬬᬂᬓᬧᬗ᭄ᬕᬶᬄᬭᬶᬂᬩᭂᬮᬶ᭞ᬳᬦ᭄ᬢᬸᬓ᭄ᬩᭂᬮᬶᬓ
ᬲᬸᬩ᭄ᬧᬶᬲᬦ᭄᭟ᬩᬕᬸᬲ᭄ᬦᬸᬮᬸᬲ᭄ᬜᭂᬍᬧ᭄ᬢᬸᬃᬲᬓᬤᬶᬲᬗ᭄ᬮᬶᬂ᭞ᬤ᭄ᬯᬦᬶᬂᬫᭂᬍᬤ᭄ᬧᬶᬲᬦ᭄᭞ᬢᬶᬢ᭄ᬬᬂᬫᬗ᭄ᬥᬾᬦ᭄ᬢᬢᬲ᭄ᬳᬸᬦᬶᬂ᭞ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬓᬧ᭄ᬭᬤᬢ᭟ᬗᬸᬤᬲᬾᬯᭀᬲ᭄ᬢᬦ᭄ᬯᬾᬦ᭄ᬢᭂᬦ᭄ᬫᬓ᭠
Auto-transliteration
[3 3B]
3
simajalan, batisedadindaruwung, sagetdinisuba, manĕgakngar̥ĕpinñahi, nānghinghadihampurayang, kĕnĕḥhipunhulangun, hdasangĕtringhatitandruḥ.
yadyapintandruḥhinhadibĕlil̥ĕga, yadyapintigtigtundung, bĕlitwarasurud, yadinmanglantastĕbĕkin, twaramaduhan, pangpĕsandinimakubur̀, deningtwarahada, hi
bkemamaliḥgumi, kāliḥhatmanbĕliśwar̀gga, yansubahadimañuduk. bĕlimañĕrahanghurippisanpisan, kanggonñahadiditu, mamarentaḥmangu
duḥ, bĕlitwaramamiwalin, manglantaspañjakang, twarabĕlipacangkimud, naḥhaditulusang, tlashadineringbĕli, sudimanganggonpangayaḥ, bĕlihantĕngma
[4 4A]
ngaliḥcapung. ketopamuñinemategtognglĕngkara, sambilmanguhut'hĕntud, ngĕlingcĕngukcĕnguk, mangrasadimanaḥ, wantaḥsakingtitaḥwidhi, mangr̥ĕñcananggawejĕngaḥ,
ringngakankacubung, kocapdanetanpatanding, gunaśaktimangleyak, yanmangĕndiḥmatumpangpitu \\•\\ puḥkumambang. nimbalsĕdiḥnikoyanharisñahurin, haduḥ
bĕlikatak, lintanghagungswecanbĕli, ngampurayangkaditityang. sakingrihintityangmangestingupadi, mangdheneñidayang, tityangkapanggiḥringbĕli, hantukbĕlika
subpisan. bagusnulusñĕl̥ĕptur̀sakadisangling, dwaningmĕl̥ĕdpisan, tityangmangdhentatashuning, mangkinsāmpunkapradata. ngudasewostanwentĕnmaka‐Leaf 4
[᭔ 4B]
᭔
ᬤᬶᬯᬺᬢᬶᬢᭀᬂᬫᬤᬬᬢᬶᬢ᭄ᬬᬂ᭞ᬲᬵᬫ᭄ᬧᬸᬦᬂᬓᬾᬳᬶᬯᬂᬢᬫ᭄ᬧᬶ᭞ᬢᬩᭂᬢᬶᬢ᭄ᬬᬂᬫᬶᬳᬦ᭄ᬤᬾᬬᬂ᭟ᬲᬢ᭄ᬲᬸᬫᬲᬢ᭄ᬢᬳᬶᬦ᭄ᬩᬸᬗ᭄ᬓᬮᬦ᭄ᬦᬸᬫᬤᬶ᭞ᬢᬸᬦ᭄ᬤᬸᬦ᭄ᬢᬫ᭄ᬧᬓ᭄ᬲᬶᬗ᭄ᬓᬮ᭄᭞ᬩᬳᭀᬂᬧᬸᬦᬸᬓ᭄ᬩᬶᬩᬶᬄᬍᬧᬶᬲ᭄᭞ᬩ
ᬢᬶᬲ᭄ᬢᬶᬕ᭄ᬮᬶᬂᬫᬜᬸᬭᬾᬗ᭄ᬓᬂ᭟ᬬᬤᬶᬦ᭄ᬓᬾᬢᭀᬲᬶᬧᭀᬓ᭄ᬲᬦ᭄ᬩᭂᬮᬶᬗᬤᬦᬶᬦ᭄᭞ᬢᬶᬢ᭄ᬬᬂᬲᬳᬶᬗᬸᬜ᭞ᬓᬘᬸᬗ᭄ᬓᬸᬩ᭄ᬩᭂᬮᬶᬦᬾᬗᭂᬗ᭄ᬓᬶᬢᬓ᭄᭞ᬧᭂᬕᬢᬂᬫᬸᬜᬶᬦ᭄ᬦᬶᬓᭀᬬᬦ᭄᭟ᬓᬘᬭᬶᬢᬳᬶᬍᬮᬲᬦ᭄ᬮᬮᬶ᭠
ᬮᬮᬶ᭞ᬤᬶᬧᬶᬗ᭄ᬕᬶᬂᬢᭂᬮᬩᬄ᭞ᬤᬤᬶᬬᬫᬦᬶᬗᬄᬫᬸᬜᬶ᭞ᬭᬫᬾᬢᬸᬃᬫᬓᬾᬘᬦ᭄ᬓᬾᬘ᭠ᬦ᭄᭟ᬢᬦᬦ᭄ᬢᬭᬳᬶᬍᬮᬲᬦ᭄ᬫᬜᬕ᭄ᬚᬕᬶᬦ᭄᭞ᬤᬶᬚᬸᬫᬄᬦᬶᬓᭀᬬᬦ᭄᭞ᬓᬧᬗ᭄ᬕᬶᬄᬲᬶᬕ᭄ᬲᬶᬕᬦ᭄ᬗᭂ
ᬮᬶᬂ᭞ᬫᬢᬓᭀᬦ᭄ᬫᬸᬜᬶᬦ᭄ᬜᬕᭂᬢᬃ᭟ᬤᬸᬄᬓᭂᬦᬵᬧᬧ᭄ᬬᬦᬓ᭄ᬩᬧᬫᬵᬲ᭄ᬳᬧᭂᬢᬶ᭞ᬳᬧᬲᬶᬄᬫᬓᬤ᭞ᬲᭂᬤᬶᬄᬲᬦ᭄ᬓᬧ᭄ᬭᬡᬳᬢᬶ᭞ᬓᬵᬮᬶᬄᬬᬦ᭄ᬜᬦ᭄ᬤᬂᬫᬯᬶᬭᬂ᭟ᬬᬾᬦ᭄ᬜᬩᭀᬩᭀ
[᭕ 5A]
ᬢ᭄ᬬᬾᬦ᭄ᬜᬧᬶᬲᬸᬦᬤᬶᬗᭂᬄᬜᬳᬶ᭞ᬦᬄᬢᬸᬢᬸᬭᬶᬦ᭄ᬩᬧ᭞ᬢᬺᬱ᭄ᬡᬦ᭄ᬩᬧᬢ᭄ᬯᬭᬩᬸᬯᬶᬦ᭄᭞ᬜᬳᬶᬳᬗ᭄ᬕᭀᬦ᭄ᬩᬧᬧ᭄ᬬᬦᬓ᭄᭟ᬲᬗ᭄ᬓᬦ᭄ᬫᭂᬮᬶᬤ᭄ᬩᬧᬗᬚᬓᬶᬦ᭄ᬜᬳᬶ᭞ᬳᬧᬂᬜᬳᬶᬩᬶᬲ᭞ᬫᬜᬶᬤ᭄ᬭᬫ᭠
ᬗᬶᬗᭂᬃᬫᬸᬜᬶ᭞ᬦᬾᬫᬫᬲᬂᬤᬬᬘᭀᬭᬄ᭟ᬤᬾᬦᬶᬂᬲᬭᬸᬧᬶᬓᭂᬦᬦ᭄ᬳᬶᬤᬬᬍᬗᬶᬢ᭄᭞ᬤᬸᬯᭂᬕ᭄ᬫᬗ᭄ᬮᭂᬗ᭄ᬓᬭ᭞ᬍᬫᬸᬄᬫᬗᬾᬮᭀᬕᬂᬫᬸᬜᬶ᭞ᬩᬸᬤᬶᬦ᭄ᬜᬩᬶᬲᬫᬜᬶᬤ᭄ᬭ᭟ᬮᬶᬬᬸᬳᬜᬸᬤ᭄ᬓᬳᭂ
ᬫ᭄ᬩᬳᬦ᭄ᬫᬸᬜᬶᬫᬦᬶᬲ᭄᭞ᬭᬾᬄᬲᬸᬩᬓᬧᬭ᭞ᬳᬸᬮᬶᬄᬳᬶᬮᬸᬓᬬᬂᬚᬦᬶ᭞ᬧᬦᭂᬲ᭄ᬓᭂᬦᬓᬫᬦᬶᬲᬦ᭄᭟᭜᭟ᬧᬸᬄᬧᬗ᭄ᬓᬸᬃ᭟ᬳᬶᬗ᭄ᬕᬶᬄᬩᬧᬲᬥ᭄ᬬᬧᬶᬲᬦ᭄᭞ᬫᬗ᭄ᬓᬶᬦ᭄ᬭᬯᬸᬄᬫᬭᬶᬓᬶᬫ᭠
ᬦᬶᬜ᭄ᬚᭀᬯᬶᬦ᭄᭞ᬢᬸᬃᬦᬢᬲᬂᬓᬦ᭄ᬥᬦ᭄ᬳᬶᬧᬸᬦ᭄᭞ᬭᬾᬄᬓᬢᬶᬩᬾᬦ᭄ᬤᬸᬄᬓᬶᬢ᭞ᬓᬤᬶᬫᬗ᭄ᬓᬶᬦ᭄ᬬᬦ᭄ᬢᬦ᭄ᬩᬧ᭞ᬫᬾᬮᬶᬂᬢᭂᬭᬸᬲ᭄᭞ᬫᬗᬗ᭄ᬓᭂᬦᬶᬦ᭄ᬢᬶᬢ᭄ᬬᬂᬳᭀᬓ᭞ᬦ᭄ᬤᬯᭂᬕᬂᬳᬸᬕᬶᬲᬶ
Auto-transliteration
[4 4B]
4
diwr̥ĕtitongmadayatityang, sāmpunangkehiwangtampi, tabĕtityangmihandeyang. satsumasattahinbungkalannumadi, tunduntampaksingkal, bahongpunukbibiḥl̥ĕpis, ba
tistiglingmañurengkang. yadinketosipoksanbĕlingadanin, tityangsahinguña, kacungkubbĕlinengĕngkitak, pĕgatangmuñinnikoyan. kacaritahil̥ĕlasanlali‐
lali, dipinggingtĕlabaḥ, dadiyamaningaḥmuñi, rametur̀makecankeca‐n. tanantarahil̥ĕlasanmañagjagin, dijumaḥnikoyan, kapanggiḥsigsiganngĕ
ling, matakonmuñinñagĕtar̀. duḥkĕnāpapyanakbapamāshapĕti, hapasiḥmakada, sĕdiḥsankapraṇahati, kāliḥyanñandangmawirang. yenñabobo
[5 5A]
tyenñapisunadingĕḥñahi, naḥtuturinbapa, tr̥ĕṣṇanbapatwarabuwin, ñahihanggonbapapyanak. sangkanmĕlidbapangajakinñahi, hapangñahibisa, mañidrama‐
ngingĕr̀muñi, nemamasangdayacoraḥ. deningsarupikĕnanhidayal̥ĕngit, duwĕgmanglĕngkara, l̥ĕmuḥmangelogangmuñi, budinñabisamañidra. liyuhañudkahĕ
mbahanmuñimanis, reḥsubakapara, huliḥhilukayangjani, panĕskĕnakamanisan \\•\\ puḥpangkur̀. hinggiḥbapasadhyapisan, mangkinrawuḥmarikima‐
niñjowin, tur̀natasangkandhanhipun, reḥkatibenduḥkita, kadimangkinyantanbapa, melingtĕrus, mangangkĕnintityanghoka, ndawĕganghugisiLeaf 5
[᭕ 5B]
᭕
ᬧᬢᬶᬦ᭄᭟ᬤᬾᬦᬶᬂᬮᬘᬸᬭᬾᬓᬤᬤᬓ᭄᭞ᬢᬦ᭄ᬫᬶᬦᭂᬳᬓᬤᬮᬶᬄᬓᬳᬾᬭᬗᬦ᭄᭞ᬢᬦ᭄ᬧᬲᬗ᭄ᬓᬦ᭄ᬓᬤᬶᬢᬓ᭄ᬱᬸ᭞ᬚᭂᬕ᭄ᬗᭀᬫᬾᬮ᭄ᬫᬗ᭄ᬮᭂᬗ᭄ᬓᬭ᭞ᬫᬧᬶᬲᬥᬸᬫᬧᬶᬲᬓᬶᬢ᭄ᬓᭂᬦᬳᬦ᭄ᬢᬸ᭞ᬫᬗᬸᬜ᭄ᬘᬭᬂ
ᬕᬶᬸᬓᭂᬦᬶᬕᬸᬦ᭞ᬢᬶᬢ᭄ᬬᬂᬓᬤᬮᬶᬄᬗᬸᬦᬳᬶᬦ᭄᭟ᬕᬸᬭᬸᬳᬾᬮᬶᬂᬧᬶᬲᬦ᭄ᬢᬶᬢ᭄ᬬᬂ᭞ᬲᬓᬶᬂᬳᬮᬶᬢ᭄ᬢᭂᬫᭂᬲ᭄ᬭᬯᬸᬳᬶᬂᬫᬗ᭄ᬓᬶᬦ᭄᭞ᬤᬾᬭᬾᬂᬦᬳᭂᬦ᭄ᬓᬧᬶᬮᬸᬕ᭄᭞ᬭᬶᬂᬦᬾᬫᬫ᭄ᬩᭂᬓ᭄ᬤᬸᬃᬰᬶᬮ᭞ᬤᬾᬭᬾᬂᬦᬳᭂᬦ᭄ᬳᭂᬗᭂ
ᬩ᭄ᬭᬶᬂᬩᬭᭀᬂᬧᬦᬓᬸᬢ᭄᭞ᬤᬾᬭᬾᬂᬦᬳᭂᬦ᭄ᬧᬶᬲᬦ᭄ᬢᬶᬢ᭄ᬬᬂ᭞ᬳ᭄ᬗᭂᬩ᭄ᬭᬶᬂᬳᬶᬩᭂᬭᬸᬓ᭄ᬢᬓᬶᬮ᭄᭟ᬲᬗᭂᬢ᭄ᬢᬦ᭄ᬤ᭄ᬭᬸᬄᬧᬶᬲᬦ᭄ᬢᬶᬢ᭄ᬬᬂ᭞ᬢ᭄ᬯᬭᬢᬳᬸᬭᬶᬂᬤᬾᬯᬾᬓ᭄ᬓᭂᬲ᭄ᬓᭂᬲ᭄ᬕᬸᬤᬶᬕ᭄᭞ᬜᭂᬗ᭄ᬓᭂᬍᬧ᭄ᬗᬶᬧᬶᬮ᭄ᬤᬶᬢᭂ᭠
ᬫᬸᬓᬸ᭞ᬩᭂᬭᬕ᭄ᬗᬦ᭄ᬢᬶᬳᬜᬸᬤᬦ᭄᭞ᬯᬯᬸᬗ᭄ᬓᬶᬦ᭄ᬢᬸᬫ᭄ᬩᬸᬄᬩᬾᬢᬓ᭄ᬫᬧᬶᬩᬕᬸᬲ᭄᭞ᬳᬶᬍᬮᬲᬦ᭄ᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬕᬸᬭᬸᬳᬸᬦᬶᬂᬫᬸᬮᬤᭂᬓᬶᬮ᭄᭟ᬳᬦᬓᬾᬫᬵᬤᬦ᭄ᬳᬶᬓᬢᬓ᭄᭞
[᭖ 6A]
ᬕᬸᬭᬸᬳᬸᬦᬶᬂᬕᬸᬫᬦᬤᭂᬗ᭄ᬓᬶᬚᬳᬶᬮ᭄᭞ᬩᬶᬓᬲ᭄ᬳᬮᬳᬮᬶᬂᬳᬶᬮᬸ᭞ᬓ᭄ᬭᬡᬦᬶᬭᬸᬓᬕᭀᬩ᭞ᬗᬤᬸᬩᬶᬓᬲ᭄ᬢᬦᬶᬜᬦ᭄ᬤᬂᬢᬶᬫ᭄ᬧᬮ᭄ᬭᬸᬭᬸᬄ᭞ᬘᬸᬮᬸᬓ᭄ᬢᭂᬓᬾᬦ᭄ᬳᬦᬓ᭄ᬫᬮᬶᬄ᭞ᬢ᭄ᬯᬭᬩᬶᬲᬦᬳᬸᬢ᭄ᬢᬦ᭄ᬥᬶᬂ᭟
ᬓᬵᬮᬶᬄᬫᬩᬳᬦ᭄ᬗᬸᬤᬶᬬᬂ᭞ᬦᬶᬓᬮᬶᬧᭂᬲ᭄ᬯᬢᬭᬮᬶᬫᬰᬰᬶᬄ᭞ᬢᬸᬃᬫᬘᬾᬢᬶᬦᬶᬮᬸᬄᬮᬶᬦ᭄ᬥᬂ᭞ᬲᬢᬢᬓᬤᬬᬦᬂ᭞ᬧᬶᬦᬄᬩᭂᬭᬕ᭄ᬓᬳᬸᬤᬸᬄᬗᬮᬶᬄᬤᬤᬮᬸ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬜᬳᬬ
ᬳᬦ᭄᭞ᬗᬲ᭄ᬢᬧᬬᬂᬳᬯᬓ᭄ᬲᬳᬶ᭟ᬓᬲᬸᬯᬾᬦ᭄ᬢ᭄ᬯᬭᬜᬶᬤᬬᬂ᭞ᬯᭂᬢᬸᬚᭂᬗᬄᬤᬤᬓᬦ᭄ᬕᭂᬤᭂᬕ᭄ᬗᬶᬦ᭄ᬢᬶᬧ᭄᭞ᬦᬶᬓᬮᬶᬧᭂᬲ᭄ᬓᬤᬶᬳᬸᬤᬸᬄ᭞ᬧᭂᬲᬸᬦᬸᬚᬸᬫᬲ᭄ᬮᬶᬬᬳᬦ᭄᭞ᬢᬦ᭄ᬫᬶᬦᬳᭂᬦ᭄ᬲᭂᬮᬸ᭠
ᬦ᭄ᬓᬕᬾᬩᬾᬕ᭄ᬫᬗᬸᬮᬸᬦ᭄᭞ᬚᭂᬭᬢ᭄ᬚᭂᬭᬶᬢ᭄ᬓᬩ᭄ᬮᭂᬕᬦ᭄ᬤᬂ᭞ᬕᬾᬕᬾᬃᬳᬓᬾᬄᬫᬜᬕ᭄ᬚᬕᬶᬦ᭄᭟ᬓᬋᬩᬸᬢ᭄ᬮᬦ᭄ᬢᬲ᭄ᬓᬩᭂᬮᬲ᭄᭞ᬦᬾᬦᬾᬲᭂᬗᬶᬢ᭄ᬢᬶᬫ᭄ᬧᬮ᭄ᬜᬦᬾᬜᬕᬸᬭᬶᬦ᭄᭞ᬳᬶᬩᬮᬂ
Auto-transliteration
[5 5B]
5
patin. deninglacurekadadak, tanminĕhakadaliḥkaherangan, tanpasangkankaditaksyu, jĕgngomelmanglĕngkara, mapisadhumapisakitkĕnahantu, manguñcarang
g̶kĕniguna, tityangkadaliḥngunahin. guruhelingpisantityang, sakinghalittĕmĕsrawuhingmangkin, derengnahĕnkapilug, ringnemambĕkdur̀śila, derengnahĕnhĕngĕ
bringbarongpanakut, derengnahĕnpisantityang, hngĕbringhibĕruktakil. sangĕttandruḥpisantityang, twaratahuringdewekkĕskĕsgudig, ñĕngkĕl̥ĕpngipilditĕ‐
muku, bĕragngantihañudan, wawungkintumbuḥbetakmapibagus, hil̥ĕlasankĕñĕmnimbal, guruhuningmuladĕkil. hanakemādanhikatak,
[6 6A]
guruhuninggumanadĕngkijahil, bikashalahalinghilu, kraṇanirukagoba, ngadubikastaniñandangtimpalruruḥ, culuktĕkenhanakmaliḥ, twarabisanahuttandhing.
kāliḥmabahanngudiyang, nikalipĕswataralimaśaśiḥ, tur̀macetiniluḥlindhang, satatakadayanang, pinaḥbĕragkahuduḥngaliḥdadalu, hĕntohanggonñahaya
han, ngastapayanghawaksahi. kasuwentwarañidayang, wĕtujĕngaḥdadakan'gĕdĕgngintip, nikalipĕskadihuduḥ, pĕsunujumasliyahan, tanminahĕnsĕlu‐
nkagebegmangulun, jĕratjĕritkablĕgandang, geger̀hakeḥmañagjagin. kar̥ĕbutlantaskabĕlas, nenesĕngittimpalñaneñagurin, hibalangLeaf 6
[᭖ 6B]
᭖
ᬫᬫᭂᬦ᭄ᬢᬶᬮ᭄ᬘᬸᬗᬸᬄ᭞ᬳᬶᬬᬸᬤᬂᬜᭂᬧᬶᬢ᭄ᬫᬢ᭞ᬲᬗ᭄ᬓᬦ᭄ᬧᭂᬭᭀᬓ᭄ᬳᬶᬓᬬᬸᬬᬸᬩᬸᬯᬶᬦ᭄ᬗᭂᬮᬸᬤ᭄᭞ᬜᭂᬧᬶᬢ᭄ᬩᬩᭀᬓᭀᬂᬜᬚᬬᬂ᭞ᬳᬶᬓᬢᬓ᭄ᬓᬚᭂᬗᬢ᭄ᬓᬚᭂᬗᬶᬢ᭄᭟ᬓᬢᭀᬫᬸᬜᬶᬦ᭄ᬜᬦᬸᬢᬸᬭᬂ᭞ᬢᬹᬃᬫ
ᬜᬤ᭄ᬘᬤ᭄ᬳᬶᬓᬢᬓ᭄ᬤᬸᬓᬶᬂᬗᬹᬦᬶ᭞ᬓᬵᬮᬶᬄᬜᬫ᭄ᬩᬢ᭄ᬢ᭄ᬯᬭᬧᬵᬢᬹᬢ᭄᭞ᬳᬶᬓᬢᬓ᭄ᬫ᭄ᬭᬱᬚᭂᬗᬄ᭞ᬮᬦ᭄ᬢᬲ᭄ᬜᬕ᭄ᬚᬕ᭄᭞ᬤᬩ᭄ᬤᬩ᭄ᬧᭂᬢᬓᭀᬦᬾᬳᬮᬸᬲ᭄᭞ᬗᬸᬤᬓᬾᬢᭀᬩᬳᬦ᭄ᬮᬮᬲᬦ᭄᭞ᬢᬦ᭄ᬤ᭄ᬭᬸᬄᬢᭂ
ᬓᬾᬦ᭄ᬳᬦᬓ᭄ᬫᬶᬲ᭄ᬓᬶᬦ᭄᭟ᬬᬾᬦᬶᬂᬓᬢᭀᬩᬵᬦ᭄ᬫᬸᬘᬧᬦ᭄᭞ᬫᬸᬲ᭄ᬢᬶᬢᭀᬦ᭄ᬤᬾᬦ᭄ᬫᬦᬯᬂᬢᬸᬢᬹᬃᬚᬢᬶ᭞ᬦᬾᬗᭀᬚᬭᬂᬳᬶᬯᬂᬧᬵᬢᬸᬢ᭄᭞ᬤᬶᬢᬸᬬᬓᬲᬶᬦᬳᬂ᭞ᬲᬸᬓᬤᬸᬳ᭄ᬓᬩᭂᬢᭂᬓ᭄ᬮᬬᬄᬧᬸᬍᬲ᭄ᬩ
ᬗᬸᬦ᭄᭞ᬳᭂᬦ᭄ᬢᭀᬳᬶᬍᬳᬂᬳᬶᬢᬸᬗᬂ᭞ᬫᬲᭂᬧ᭄ᬢᭂᬍᬩᬂᬤᬶᬳᬢᬶ᭟ᬳᬦᬓᬾᬚᭂᬮᬾᬳᬸᬘᬧᬂ᭞ᬩᬸᬓᬬᬂᬫᬓᭂᬚᬂᬫᬗᭂᬤᬾᬓᬶᬦ᭄᭞ᬚᭂᬦᭂᬂᬳᬮᬮᬸᬤᬶᬦ᭄ᬢᭂᬧᬸ᭞ᬬᬦ᭄ᬳᬮᬶᬄᬓᭂᬦᭂᬄᬬᬂ᭞
[᭗ 7A]
ᬤᬶᬧᬗ᭄ᬭᬱᬩᬚᬂᬘᭂᬦᬶᬓ᭄ᬩᬸᬯᬶᬦ᭄ᬩᬕᬸᬲ᭄᭞ᬓ᭄ᬭᬡᬬᬂᬗᭀᬮᬄᬭᬭᬾ᭞ᬲᬶᬂᬩᬶᬓᬲᬂᬬᬂᬫᬦᬶᬲ᭄᭟ᬬᬦ᭄ᬚᭂᬮᬾᬦᬾᬓᬮᬸᬫ᭄ᬩ᭄ᬭᬄ᭞ᬢ᭄ᬯᬭᬧᬶᬲ᭄ᬫᬗ᭄ᬭᬱᬚᭂᬮᬾᬕᬢᬶ᭞ᬬᬤᬶᬦ᭄ᬦᬾᬦᬾ
ᬢᬸᬯᬘᬓ᭄ᬮᬸᬓ᭄᭞ᬫᬲᬶᬄᬢᬸᬫ᭄ᬩᬸᬄᬓᬲᬭᬦ᭄᭞ᬳᬾᬕᬃᬩᬾᬢᬓ᭄ᬫᬍᬗᬶᬲ᭄ᬧᬾᬦ᭄ᬥᭂᬃᬫᬗᬮᬸᬧ᭄᭞ᬫᬧᬸᬜᬬᬦ᭄ᬫᬸᬫᬄᬤᬳ᭞ᬤᬶᬳᬢᬶᬫᭂᬍᬤ᭄ᬫᬩᬸᬜ᭄ᬘᬶᬂ᭟᭜᭟ᬧᬸᬄᬲᬶ
ᬦᭀᬫ᭄᭟ᬇᬍᬮᬲᬦ᭄ᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬲᬚᬓᬢᬓ᭄ᬩᭂᬦᭂᬄᬕᬢᬶ᭞ᬦᬵᬗ᭄ᬳᬶᬂᬬᬂᬓᬢᬦ᭄ᬤ᭄ᬭᬸᬳᬦ᭄᭞ᬬᬦ᭄ᬓᭂᬦᭂᬄᬚᬤ᭄ᬫᬦᬾᬢᬗ᭄ᬓᬶᬮ᭄᭞ᬫᬓᭂᬚᬂᬦᬕᬶᬄᬲᬸᬕᬶᬄ᭞ᬲᬗ᭄ᬓᬦ᭄ᬗᬮᬶᬄᬫᬶ
ᬜ᭄ᬘᬂᬫᬶᬜ᭄ᬘᬸᬂ᭞ᬤᬶᬕᭀᬩᬫᬗᬶᬦᬬᬦ᭄᭞ᬓᬧᬵᬢᬹᬢᬦ᭄ᬫᬗᭂᬮᬾᬦᬶᬦ᭄᭞ᬳᬤᬢᬸᬮᬸᬲ᭄᭞ᬫᬧᬳᬸᬮᬄᬓᬫᭂᬮᬳᬦ᭄᭟ᬳᬤᬦᬾᬤᭂᬫᭂᬦ᭄ᬗᬸᬧᬬ᭞ᬫᬫᬲᬗᬂ
Auto-transliteration
[6 6B]
6
mamĕntilcunguḥ, hiyudangñĕpitmata, sangkanpĕrok'hikayuyubuwinngĕlud, ñĕpitbabokongñajayang, hikatakkajĕngatkajĕngit. katomuñinñanuturang, tūr̀ma
ñadcad'hikatakdukingngūni, kāliḥñambattwarapātūt, hikatakmraṣajĕngaḥ, lantasñagjag, dabdabpĕtakonehalus, ngudaketobahanlalasan, tandruḥtĕ
kenhanakmiskin. yeningkatobānmucapan, mustitondenmanawangtutūr̀jati, nengojaranghiwangpātut, dituyakasinahang, sukaduhkabĕtĕklayaḥpul̥ĕsba
ngun, hĕntohil̥ĕhanghitungang, masĕptĕl̥ĕbangdihati. hanakejĕlehucapang, bukayangmakĕjangmangĕdekin, jĕnĕnghalaludintĕpu, yanhaliḥkĕnĕḥyang,
[7 7A]
dipangraṣabajangcĕnikbuwinbagus, kraṇayangngolaḥrare, singbikasangyangmanis. yanjĕlenekalumbraḥ, twarapismangraṣajĕlegati, yadinnene
tuwacakluk, masiḥtumbuḥkasaran, hegar̀betakmal̥ĕngispendhĕr̀mangalup, mapuñayanmumaḥdaha, dihatimĕl̥ĕdmabuñcing \\•\\ puḥsi
nom. il̥ĕlasankĕñĕmnimbal, sajakatakbĕnĕḥgati, nānghingyangkatandruhan, yankĕnĕḥjadmanetangkil, makĕjangnagiḥsugiḥ, sangkanngaliḥmi
ñcangmiñcung, digobamanginayan, kapātūtanmangĕlenin, hadatulus, mapahulaḥkamĕlahan. hadanedĕmĕnngupaya, mamasangangLeaf 7
[᭗ 7B]
᭗
ᬤᬬᬍᬗᬶᬢ᭄᭞ᬤᬾᬗ᭄ᬓᭂᬮᬧ᭄ᬤᬾᬗ᭄ᬓᭂᬍᬧ᭄ᬓᬧᬶᬲᬕ᭞ᬗᬶᬦ᭄ᬢᬶᬧ᭄ᬳᬸᬫᬄᬳᬦᬓ᭄ᬲᭂᬧᬶ᭞ᬳᬦᬓᬾᬩᬸᬓᬘᬳᬶ᭞ᬳᬸᬮᬶᬂᬳᬶᬮᬸᬩᬧᬢᬳᬸ᭞ᬬᬾᬦ᭄ᬢ᭄ᬯᬭᬫᬗᬸᬧᬬ᭞ᬢᭀᬂᬫᭂᬮᬸᬢᬶᬦ᭄ᬢ
ᬍᬗᬶᬲ᭄ᬧᬲᬶᬮ᭄᭞ᬦᬕᬶᬄᬕᬸᬕᬸ᭞ᬫᬦᬸᬄᬜᬶᬗ᭄ᬲᬾᬲᭀᬫᬄᬢᬶᬫ᭄ᬧᬮ᭄᭟ᬫᬓ᭠ᬫ᭄ᬩᬸᬮᬦ᭄ᬩᬳᬦ᭄ᬲᭀᬗᬄ᭞ᬳ᭄ᬢᬸᬄᬤᬗ᭄ᬓᬮᬾᬗᬩᬦᬶᬦ᭄᭞ᬚᬸᬯᬂᬓᬾᬯᬮᬫᬩᬳᬦ᭄᭞ᬫ
ᬗᬶᬲᬶᬦᬶᬦ᭄ᬮᭂᬕᬦ᭄ᬳᬢᬶ᭞ᬢ᭄ᬯᬭᬤᬩᬶᬱᬳᬶᬫ᭄ᬩᬶᬄ᭞ᬬᬤᬶᬦ᭄ᬫᬘᬗ᭄ᬓᭂᬮᬶᬂᬫᬳᬶᬫ᭄ᬧᬸᬲ᭄᭞ᬓᬚᭂᬓ᭄ᬚᭂᬓ᭄ᬩᬳᬦ᭄ᬢᬶᬫ᭄ᬧᬮ᭄᭞ᬇᬤᬸᬧᬾᬲᬢᭂᬗᬄᬫᬢᬶ᭞ᬫᬲᬶᬄᬳᭂᬦᬸ᭞ᬜᬮᬦᬂᬓᭂ
ᬦᭂᬄᬤᬸᬃᬰᬶᬮ᭟ᬓᬾᬢᭀᬫᬸᬜᬶᬦᬸᬳᬶᬑᬮᬲᬦ᭄᭞ᬫᬗ᭄ᬯᬂᬯᬂᬢᬸᬃᬫᬜᭂᬗᬳᬶᬦ᭄᭞ᬳᬶᬓᬢᬓ᭄ᬬᬩᬗᬸᬦ᭄ᬓ᭄ᬭᭀᬥ᭞ᬫᬩᬶᬦ᭄ᬥᭂᬃᬫᬓᬶᬋᬢ᭄ᬦᬸᬤᬶᬂ᭞ᬦᬾᬇᬩᬮᬳᬸᬦ᭄ᬕᬸᬫᬶ᭞
[᭘ 8A]
ᬍᬢᬸᬄᬇᬩᬦᬾᬓᬤᬸᬭᬸᬲ᭄᭞ᬧᬦ᭄ᬢᭂᬲ᭄ᬦᬾᬩᬸᬓᬇᬩ᭞ᬫᬫᬦ᭄ᬤᬸᬲᬶᬦ᭄ᬢᬳᬶᬦ᭄ᬲᬫ᭄ᬧᬶ᭞ᬓ᭄ᬭᬡᬍᬢᬸᬄ᭞ᬍᬓᬤ᭄ᬳᬸᬮᬶᬮᬸᬳᬸᬦ᭄ᬩᬂᬩᬂ᭟ᬳ᭄ᬤᬇᬩᬫᬢᭂᬫ᭄ᬧᬶᬮᬂ᭞ᬓᬧᬵᬢᬹᬢᬦ᭄ᬢᭂᬓᬾᬦ᭄ᬓᬳᬶ᭞
ᬫᬮᬶᬄᬢ᭄ᬯᬭᬓᬳᬶᬲᬸᬓ᭞ᬫᬦᭂᬫ᭄ᬧᬶᬮ᭄ᬢᭂᬓᬾᬦᬶᬂᬩᬘᬶᬦ᭄᭞ᬬᬤ᭄ᬬᬧᬶᬦ᭄ᬳᬶᬩᬲᬸᬕᬶᬄ᭞ᬓᬳᬶᬢ᭄ᬯᬭᬢᬳᬾᬦ᭄ᬜᬢᬸ᭞ᬬᬤ᭄ᬬᬧᬶᬦ᭄ᬳᬶᬩᬩᬶᬱ᭞ᬓᬭᬶᬳᬶᬢ᭄ᬯᬭᬫᬮᬚᬳᬶᬦ᭄᭞ᬬᬤᬶᬦ᭄ᬓᬲᬸ
ᬩ᭄᭞ᬓᬳᬶᬢ᭄ᬯᬭᬳᬗᭀᬩ᭄ᬧᬶᬲᬦ᭄᭟ᬬᬤ᭄ᬬᬧᬶᬦ᭄ᬳᬶᬩᬧᬸᬭᬸᬱ᭞ᬓᬳᬶᬢ᭄ᬯᬭᬫᬗᬶ᭠ᬭᬶᬳᬶᬦ᭄᭞ᬦᬄᬧᬶᬤᬦ᭄ᬚᬓᭂᬦᭂᬄᬳᬶᬩ᭞ᬳᬶᬩᬓᬗ᭄ᬕᭀᬦ᭄ᬜᬫᬶᬮᬶᬳᬶᬦ᭄᭞ᬦᬾᬚᬦᬶᬬᬤᬶ
ᬦ᭄ᬫᬦᬶ᭞ᬧᬶᬮᬶᬳᬶᬦ᭄ᬢᭀᬗᭀᬲ᭄ᬫᬧᬕᬸᬢ᭄᭞ᬤᬶᬕᬸᬦᬸᬂᬬᬤᬶᬦ᭄ᬤᬶᬚᬸᬭᬂ᭞ᬤᭂᬢᭂᬕᬮ᭄ᬬᬤᬶᬦ᭄ᬤᬶᬘᬭᬶᬓ᭄᭞ᬤᭀᬂᬫᬲᬳᬸᬢ᭄᭞ᬳᬧᬂᬓᬳᬶᬫᬤᬶᬗᭂᬳᬂ᭟ᬳᬓᬾᬢᭀᬫᬸᬜᬶᬦ᭄ᬳᬶ
Auto-transliteration
[7 7B]
7
dayal̥ĕngit, dengkĕlapdengkĕl̥ĕpkapisaga, ngintip'humaḥhanaksĕpi, hanakebukacahi, hulinghilubapatahu, yentwaramangupaya, tongmĕlutinta
l̥ĕngispasil, nagiḥgugu, manuḥñingsesomaḥtimpal. maka‐mbulanbahansongaḥ, htuḥdangkalengabanin, juwangkewalamabahan, ma
ngisininlĕganhati, twaradabiṣahimbiḥ, yadinmacangkĕlingmahimpus, kajĕkjĕkbahantimpal, idupesatĕngaḥmati, masiḥhĕnu, ñalanangkĕ
nĕḥdur̀śila. ketomuñinuhi'olasan, mangwangwangtur̀mañĕngahin, hikatakyabangunkrodha, mabindhĕr̀makir̥ĕtnuding, ne'ibalahun'gumi,
[8 8A]
l̥ĕtuḥibanekadurus, pantĕsnebuka'iba, mamandusintahinsampi, kraṇal̥ĕtuḥ, l̥ĕkad'huliluhunbangbang. hda'ibamatĕmpilang, kapātūtantĕkenkahi,
maliḥtwarakahisuka, manĕmpiltĕkeningbacin, yadyapinhibasugiḥ, kahitwaratahenñatu, yadyapinhibabiṣa, karihitwaramalajahin, yadinkasu
b, kahitwarahangobpisan. yadyapinhibapuruṣa, kahitwaramangi‐rihin, naḥpidanjakĕnĕḥhiba, hibakanggonñamilihin, nejaniyadi
nmani, pilihintongosmapagut, digunungyadindijurang, dĕtĕgalyadindicarik, dongmasahut, hapangkahimadingĕhang. haketomuñinhi
