Cita Yoni
This page has been accessed 7,457 times.
Description
Bahasa Indonesia
English
Front and Back Covers
Leaf 1
[᭑ 1B]
᭑
᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸᬦᬵᬫᬲᬶᬤ᭄ᬟᬀ᭛᭐᭚ᬳᬦᬫᬗ᭄ᬓᬾᬯᬸᬯᬸᬲᬦ᭄᭞ᬳᬶᬓᬲᬂᬳᬦᬫᬘᬶᬮᬶᬬᬚ᭄ᬜ᭞ᬲᬶᬭᬫᬢᬓ᭄ᬯᬦ᭄ᬭᬶᬓᬓᬦᬶᬭᬲᬂᬳᬦᬫᬘᬶᬢ
ᬬᬸᬦᬶ᭞ᬭᬶᬳ᭄ᬬᬦᬶᬭᬯ᭄ᬭᬸᬳ᭞ᬭᬶᬓᬬᭀᬕ᭄ᬬᬦᬶᬂᬕᬫᬩᬮᬶᬳᬶᬡ᭄ᬥᬸᬓ᭄ᬭᬫᬦ᭄ᬬᬲᭀᬯᬂᬲᭀᬯᬂ᭞ᬳᬧᬦ᭄ᬳᬓ᭄ᬯᬾᬄᬤᬳᬢ᭄ᬳᬸᬮᬄᬦ᭄ᬬ᭞ᬳᬦᬦᬦ᭄ᬳᬶᬓᬶ᭞ᬳ
ᬦᬦ᭄ᬳᬶᬓ᭞ᬳᬦᬫᬗ᭄ᬓᬾ᭞ᬳᬦᬲᬫᬗ᭄ᬓ᭞ᬳᬦᬗᬾᬢᬦ᭄᭞ᬳᬦᬗᬶᬤᬸᬮ᭄᭞ᬳᬦᬗᬸᬮ᭄ᬯᬦ᭄᭞ᬳᬦᬗᬮᭀᬃ᭞ᬳᬶᬦᬭᬶᬂᬕᬶᬭᬶᬯᬦᬗᬸᬫᬃᬘ᭄ᬙᬡᬪᬝᬭ᭞ᬳ
ᬦᬭᬶᬂᬢᬶᬭᬳᬶᬂᬲᬫᬸᬤ᭄ᬭᬳᬫᬸᬚᬪᬝᬭ᭞ᬳᬦᬭᬶᬕ᭄ᬯᬕᬳ᭄ᬯᬭᬳᬸᬫᬃᬘ᭄ᬙᬡᬪᬝᬭ᭞ᬳᬦᬭᬶᬂᬧᬸᬦ᭄ᬬᬢᬷᬃᬢ᭄ᬣᬲᬂᬳ᭄ᬬᬂᬓᬂᬧᬶᬦᬸᬚᬦ᭄ᬬ᭟ᬳᬦᬳᬫᬸᬚᬭᬶᬂᬤ
[᭒ 2A]
ᬍᬫ᭄᭞ᬳᬦᬭᬶᬂᬤᬾᬰᬧᬗᭂᬦ᭄ᬳᬗᭂᬦᬦ᭄ᬳᬤᬾᬯᬲ᭄ᬢᬦ᭞ᬳᬓ᭄ᬯᬾᬄᬲᬶᬦᬶᬯᬶᬢᬘ᭄ᬬ᭟᭜᭟ᬳᬦᬭᬶᬂᬫᬾᬭᬸᬧ᭄ᬭᬲᬤ᭞ᬓᬸᬢᬶᬲᬮ᭞ᬳᬓ᭄ᬯᬾᬄᬤᬾᬯᬲᬶᬦᬶᬯᬶ
ᬢᬦ᭄ᬬ᭞ᬫᬓᬤᬶᬳ᭄ᬬᬂᬩ᭄ᬭᬵᬳ᭄ᬫᬯᬶᬱ᭄ᬡᬸᬇᬰ᭄ᬯᬭ᭞ᬫᬓᬳᬕ᭄ᬭᬕᬾᬱᬪᬝᬭᬰᬶᬯᬵᬃᬤ᭄ᬟᬦᬭᬾᬰ᭄ᬯᬭᬷ᭞ᬳᬸᬫᬸᬗ᭄ᬕ᭄ᬯᬶᬂᬲᬗ᭄ᬕᬃᬧᬤ᭄ᬫᬲᬦ᭟ᬬᬢᬾᬓᬳᬶᬦᬃᬘ᭄ᬙᬡ᭞
ᬳᬲᬸᬂᬲᬚᬶᬮᬶᬦᬶᬯᬶᬢᬓᬶᬦᬪᬓ᭄ᬢ᭄ᬬᬦ᭄ᬤᬾᬦᬶᬭᬓᬂᬯ᭄ᬯᬂ᭟ᬯᬦᬾᬄᬳᬦᬳᬸᬫᬸᬚᬶᬤᬃᬫ᭄ᬫᬲᬮ᭞ᬳᬸᬫᬃᬘ᭄ᬙᬡᬪᬝᬭᬰᬶᬯᬤᬶᬢ᭄ᬬ᭞ᬓᬶᬦᬪᬓ᭄ᬢ᭄ᬬᬓ᭄ᬬᬲᬭᬶᬲᬭᬶ᭟
ᬳᬦᬳᬩ᭄ᬭᬢᬫᬧᬯᬲ᭞ᬳᬦᬫᬭᬤᬶᬦ᭄ᬫᬯᬓ᭄ᬫᬢᬷᬃᬢ᭄ᬣᬦᬶᬢ᭄ᬬᬲ᭞ᬳᬦᬫᬤᬦ᭞ᬳᬦᬫᬬᬲᬳᬦᬫᬧᬸᬦ᭄ᬬ᭟ᬳᬦ᭄ᬯᬶᬸᬧᬦ᭄ᬫᬓ᭄ᬯᬾᬄᬢ᭄ᬫᭂᬦ᭄ᬤᬸᬮᬄ
Auto-transliteration
[1 1B]
1
/// oṁawighnamāstunāmasidḍaṃ /// 0 // hanamangkewuwusan, hikasanghanamaciliyajña, siramatakwanrikakanirasanghanamacita
yuni, rihyanirawruha, rikayogyaninggamabalihiṇdhukramanyasowangsowang, hapanhakweḥdahat'hulaḥnya, hanananhiki, ha
nanhika, hanamangke, hanasamangka, hanangetan, hanangidul, hanangulwan, hanangalor̀, hinaringgiriwanangumar̀cchaṇabhaṭara, ha
naringtirahingsamudrahamujabhaṭara, hanarigwagahwarahumar̀cchaṇabhaṭara, hanaringpunyatīr̀tthasanghyangkangpinujanya. hanahamujaringda
[2 2A]
l̥ĕm, hanaringdeśapangĕnhangĕnanhadewastana, hakweḥsiniwitacya \\•\\ hanaringmeruprasada, kutisala, hakweḥdewasiniwi
tanya, makadihyangbrāhmawiṣṇu'iśwara, makahagrageṣabhaṭaraśiwār̀dḍanareśwarī, humunggwingsanggar̀padmasana. yatekahinar̀cchaṇa,
hasungsajiliniwitakinabhaktyandenirakangwwang. waneḥhanahumujidar̀mmasala, humar̀cchaṇabhaṭaraśiwaditya, kinabhaktyakyasarisari.
hanahabratamapawasa, hanamaradinmawakmatīr̀tthanityasa, hanamadana, hanamayasahanamapunya. hanw̶panmakweḥtmĕndulaḥLeaf 2
[᭒ 2B]
᭒᭞
ᬦ᭄ᬬ᭞ᬫᬗ᭄ᬤᬾᬩ᭄ᬭᬢᬦᬶᬂᬢ᭄ᬯᬲ᭄ᬳᬸᬫᬸᬮᬢ᭄᭞ᬬᬳᬶᬓᬓᬩᬾᬄᬳᬦᬦ᭄ᬬᬦᬶᬭ᭞ᬬᬢᬦ᭄ᬬᬦ᭄ᬲᬶᬭᬯ᭄ᬭᬸᬳᬭᬶᬧᬭᬫᬵᬃᬢᬦ᭄ᬬᬳᬶᬭᬶᬓᬂᬬᬸᬓ᭄ᬢᬶᬓᬕᭂᬕᬕ
ᬯᬾᬬᬦ᭄ᬬ᭞ᬳᬾᬢᬸᬦᬶᬭᬦ᭄ᬫᬢᬓ᭄ᬯᬦ᭄ᬭᬶᬓᬓᬦᬶᬭ᭟᭜᭟ᬑᬓᬦ᭄ᬬᬀ᭞ᬓ᭄ᬱᬫᬦᬀᬬᬸᬦᬶ᭞ᬫᬸᬤᬓ᭄ᬭᬫᬦᬤᬃᬫ᭄ᬫᬦᬀ᭞ᬲᬸᬩᬓᬃᬫ᭄ᬫᬬᬸᬓ᭄ᬢᬶᬦᬶᬢ᭄ᬬᬀ᭟ᬕᬫᬩ
ᬮᬶᬳᬷᬡ᭄ᬥᬸᬯᬘᬦᭂᬦ᭄᭟ᬳᬸᬤᬸᬄᬓᬓᬦᬶᬗᬸᬮᬸᬦ᭄ᬲᬂᬘᬶᬢᬬᬸᬦᬶ᭞ᬓ᭄ᬱᬫᬵᬓ᭄ᬦᬢ᭄ᬫᭂᬦ᭄ᬧᬢᬓ᭄ᬯᬦᬶᬗᬸᬧᬸᬦ᭄ᬭᬶᬓᬶᬢ᭞ᬤᬾᬦᬶᬂᬫᬸᬤᬦᬶᬗᬸᬮᬸᬦ᭄᭞ᬳ᭄ᬬᬸᬦ᭄ᬯᬶᬭᬸᬳ
ᬭᬶᬢᬶᬗ᭄ᬓᬄᬓᬬᭀᬕ᭄ᬬᬦᬶᬂᬕᬫᬩᬮᬶᬳᬶᬡ᭄ᬥᬸ᭞ᬓ᭄ᬭᬫᬦ᭄ᬬᬲᭀᬯᬂᬲᭀᬯᬂ᭟ᬳᬧᬦ᭄ᬫᬓ᭄ᬯᬾᬄᬳᬸᬮᬄᬦ᭄ᬬ᭞ᬳᬦᬲᬫᬗ᭄ᬓᬾ᭞ᬳᬦᬲᬫᬗ᭄ᬓᬾ᭞ᬳᬦᬳᬶᬓᬶ᭞
[᭓ 3A]
ᬳᬦᬳᬶᬓ᭞ᬳᬦᬫᬗᬾᬢᬦ᭄᭞ᬳᬦᬫᬗᬶᬤᬸᬮ᭄᭞ᬳᬦᬫᬗᬸᬮᭀᬦ᭄᭞ᬳᬦᬫᬗᬮᭀᬃ᭞ᬳᬦᬳᬫᬸᬚᬭᬶᬂᬕᬶᬭᬶᬯᬦ᭞ᬳᬦᬭᬶᬂᬢᬶᬭᬳᬶᬂᬲ
ᬫᬸᬤ᭄ᬭᬳᬸᬫᬃᬘ᭄ᬙᬡᬪᬝᬭ᭞ᬳᬦᬭᬶᬂᬕᬸᬳ᭄ᬯᬕᬸᬳ᭄ᬯᬭᬳᬫᬹᬃᬢ᭄ᬣᬶᬲᬂᬳ᭄ᬬᬂ᭞ᬳᬦᬭᬶᬂᬧᬸᬦ᭄ᬬᬢᬷᬃᬢ᭄ᬣᬫᬗᬤᬶᬲ᭄ᬢᬦᬪᬝᬭ᭞ᬳᬦᬭᬶᬂᬤᬾᬰᬧᬗᭂᬦ᭄ᬳᬗᭂᬦ
ᬦ᭄ᬤᬾᬲ᭄ᬢᬦ᭞ᬳᬓ᭄ᬯᬾᬄᬲᬶᬦᬶᬯᬶᬢᬦᬶᬭ᭟᭜᭟ᬳᬦᬳᬫᬸᬚᬭᬶᬂᬫᬾᬭᬸᬧ᭄ᬭᬲᬤ᭄ᬥ᭞ᬯᬦᬾᬄᬳᬦᬫᬗᬃᬘ᭄ᬙᬡᬰᬶᬯᬭᬤᬶᬢ᭄ᬬᬭᬶᬂᬥᬃᬫ᭄ᬫᬲᬮ
ᬲᬭᬶᬲᬭᬶᬓᬶᬦᬪᬓ᭄ᬢᬶᬳᬦ᭄ᬬ᭞ᬳᬦᬫᬩ᭄ᬭᬢᬫᭀᬧᬯᬲ᭞ᬳᬦᬫᬭᬤᬶᬦ᭄ᬫᬵᬯᬓ᭄ᬫᬢᬷᬃᬢ᭄ᬯᬦᬶᬢ᭄ᬬᬲ᭞ᬳᬦᬫᬬᬰ᭞ᬳᬦᬫᬤᬦ᭞ᬳᬦ
Auto-transliteration
[2 2B]
2
nya, mangdebrataningtwashumulat, yahikakabeḥhananyanira, yatanyansirawruhariparamār̀tanyahirikangyuktikagĕgaga
weyanya, hetuniranmatakwanrikakanira \\•\\ okanyaṃ, kṣamanaṃyuni, mudakramanadar̀mmanaṃ, subakar̀mmayuktinityaṃ. gamaba
lihīṇdhuwacanĕn. huduḥkakaningulunsangcitayuni, kṣamāknatmĕnpatakwaningupunrikita, deningmudaningulun, hyunwiruha
ritingkaḥkayogyaninggamabalihiṇdhu, kramanyasowangsowang. hapanmakweḥhulaḥnya, hanasamangke, hanasamangke, hanahiki,
[3 3A]
hanahika, hanamangetan, hanamangidul, hanamangulon, hanamangalor̀, hanahamujaringgiriwana, hanaringtirahingsa
mudrahumar̀cchaṇabhaṭara, hanaringguhwaguhwarahamūr̀tthisanghyang, hanaringpunyatīr̀tthamangadistanabhaṭara, hanaringdeśapangĕnhangĕna
ndestana, hakweḥsiniwitanira \\•\\ hanahamujaringmeruprasaddha, waneḥhanamangar̀cchaṇaśiwaradityaringdhar̀mmasala
sarisarikinabhaktihanya, hanamabratamopawasa, hanamaradinmāwakmatīr̀twanityasa, hanamayaśa, hanamadana, hanaLeaf 3
[᭓ 3B]
᭓᭞
ᬫᬧᬸᬦ᭄ᬬ᭞ᬳᬓ᭄ᬯᬾᬄᬤᬳᬢ᭄ᬳᬸᬮᬄᬦ᭄ᬬ᭟ᬳᬧᬫᬢᬗ᭄ᬬᬦ᭄ᬫᬗ᭄ᬓᬦ᭞ᬮᬯᬦ᭄ᬫᬸᬯᬄᬧᬢᬓ᭄ᬮᬦᬶᬗᬸᬮᬸᬦ᭄ᬭᬶᬂᬲᬶᬭ᭟ᬫᬶᬭᬓ᭄ᬯᬾᬄᬪᬝᬭᬲᬶᬦᬷᬯᬶᬦᬶᬭ᭟ᬳᬧᬦ᭄ᬢᬸ
ᬗ᭄ᬕᬮ᭄᭞ᬳᬧᬫᬓ᭄ᬯᬾᬄ᭞ᬫᬓᬤᬶᬯ᭄ᬭᬸᬄᬪᬝᬭᬫᬦᬗ᭄ᬕᬧ᭄ᬲᬚᬶᬦᬶᬂᬯ᭄ᬯᬂᬪᬓ᭄ᬢᬶᬧᬶᬂᬲᬶᬭ᭟ᬳᬧᬯ᭄ᬭᬸᬄᬪᬝᬭᬯᬶᬦᬾᬄᬳᬬᬸᬭᬶᬂᬯ᭄ᬯᬂᬪᬓ᭄ᬢᬶᬭᬶᬲᬶᬭ᭟ᬫ᭄ᬯᬂᬯ᭄ᬭᬸᬄ
ᬪᬝᬭᬯᬶᬦᬾᬄᬧᬮᬭᬶᬂᬯ᭄ᬯᬂᬳᬸᬫᬸᬮᬄᬤᬦᬧᬸᬦ᭄ᬬᬫ᭄ᬯᬂᬩ᭄ᬭᬢ᭟ᬬᬢᬶᬓᬯᬭᬳᭂᬦ᭄ᬢᬭᬶᬂᬗ᭄ᬯᬂ᭞ᬫᬭᬧ᭄ᬯᬦ᭄ᬯᭂᬭᬸᬄᬳᬸᬮᬸᬦ᭄ᬳᬶᬭᬶᬓᬂᬲᬶᬦᬗ᭄ᬕᬸᬄᬧᬭᬫᬵᬃᬢ᭟ᬫ
ᬗ᭄ᬓᬦᬮᬶᬂᬦᬶᬭᬫᬢᬓ᭄ᬯᬦ᭄᭟ᬲᬸᬫᬳᬸᬃᬲᬂᬘᬶᬢᬬᬸᬦᬶ᭞ᬮᬶᬂᬦᬶᬭ᭝ᬑᬁᬒᬁᬳᬭᬶᬦᬶᬗᬸᬮᬸᬦ᭄ᬲᬂᬘᬶᬮᬶᬬᬚ᭄ᬜ᭞ᬮᬮᬸᬩᬕ᭄ᬬᬢ᭄ᬫᭂᬦ᭄ᬳᬸᬮᬸᬦ᭄ᬭᬶᬂᬳ᭄ᬬᬸᬦ᭄ᬢᬫᬗ᭄ᬓᬦ᭞
[᭔ 4A]
ᬳᬸᬢ᭄ᬲᬳᬢᬜᬢᬜᬭᬶᬢᬶᬗ᭄ᬓᬄᬓᬬᭀᬕ᭄ᬬᬦᬶᬂᬕᬫᬩᬮᬶᬳᬶᬡ᭄ᬥᬸ᭞ᬢᬸᬳᬸᬓᬤᬶᬮᬶᬂᬢ᭞ᬳᬧᬦ᭄ᬳᬓ᭄ᬯᬾᬄᬢ᭄ᬫᭂᬦ᭄ᬳᬸᬮᬄᬦ᭄ᬬ᭞ᬩᬾᬤᬩᬾᬤᬩ᭄ᬭᬢᬫ᭄ᬯᬂᬕ
ᬯᬾᬳᬸᬧᬓᬭᬦ᭄ᬬ᭞ᬳᬫᬸᬚᬭᬶᬂᬪᬝᬭᬕᬸᬫᬯᬾᬩ᭄ᬭᬦ᭄ᬢᬮᬶᬗᬦ᭄ᬢ᭟ᬦᬶᬳᬫ᭄ᬧᬭᬫᬵᬃᬢ᭄ᬣᬦ᭄ᬬᬦᬷᬳᬦ᭄᭟ᬬᬭᬶᬦᬲᬤᬾᬦᬶᬂᬳᬸᬮᬸᬦ᭄ᬧᬥᬦ᭄ᬬ᭟᭜᭟ᬳᬦ᭄ᬦ
ᬩᬸᬢᬶᬄᬧ᭄ᬭᬲᬫᬦᬀ᭞ᬬᬸᬦᬶᬕᬚᬾᬦ᭄ᬤ᭄ᬭᬲᬶᬳᬦᬀ᭞ᬫᬶᬦ᭄ᬢᬘᬾᬲ᭄ᬢᬓᬭᬤᬺᬲ᭄ᬬᬀᬯᬮᬢ᭄ᬓᬭᬀᬳᬲ᭄ᬣᬕᬕᬧᭂᬦ᭄᭟᭜᭟ᬳᬦᬯ᭄ᬯᬂᬫᬳᬸᬢᬫᬓ᭄ᬯᬾᬄ᭞ᬫᬳ᭄ᬬᬸ
Auto-transliteration
[3 3B]
3
mapunya, hakweḥdahat'hulaḥnya. hapamatangyanmangkana, lawanmuwaḥpataklaningulunringsira. mirakweḥbhaṭarasinīwinira. hapantu
nggal, hapamakweḥ, makadiwruḥbhaṭaramananggapsajiningwwangbhaktipingsira. hapawruḥbhaṭarawineḥhayuringwwangbhaktirisira. mwangwruḥ
bhaṭarawineḥpalaringwwanghumulaḥdanapunyamwangbrata. yatikawarahĕntaringngwang, marapwanwĕruḥhulunhirikangsinangguḥparamār̀ta. ma
ngkanalingniramatakwan. sumahur̀sangcitayuni, lingnira:oṅġoṁhariningulunsangciliyajña, lalubagyatmĕnhulunringhyuntamangkana,
[4 4A]
hutsahatañatañaritingkaḥkayogyaninggamabalihiṇdhu, tuhukadilingta, hapanhakweḥtmĕnhulaḥnya, bedabedabratamwangga
wehupakaranya, hamujaringbhaṭaragumawebrantalinganta. nihamparamār̀tthanyanīhan. yarinasadeninghulunpadhanya \\•\\ hanna
butiḥprasamanaṃ, yunigajendrasihanaṃ, mintacestakaradr̥ĕsyaṃwalatkaraṃhasthagagapĕn \\•\\ hanawwangmahutamakweḥ, mahyu
