kala-purana

Original on Archive.org

Front and Back Covers

Image on Archive.org

[PERPUSTAKAAN KTR.DOKBUD BALI PROP. BALI T/IX/15/DOKBUD Judul : Kala PURANA. Pj. 30 cm. Lb. 3,5 cm. Jl. 22 lb. Asal : Petak, Gianyar. Krp. S.] [᭑ 1A] [Judul : Kala PURANA. Pj. 30 cm. Lb. 3,5 cm. Jl. 22 lb. Asal : Petak, Gianyar.]

Auto-transliteration

[PERPUSTAKAAN KTR.DOKBUD BALI PROP. BALI T/IX/15/DOKBUD Judul : Kala PURANA. Pj. 30 cm. Lb. 3,5 cm. Jl. 22 lb. Asal : Petak, Gianyar. Krp. S.] [1 1A] [Judul : Kala PURANA. Pj. 30 cm. Lb. 3,5 cm. Jl. 22 lb. Asal : Petak, Gianyar.]

Leaf 1

Image on Archive.org

[᭑ 1B] ᬭᬵ᭐ᬭᬵᬒᬁᬅᬯᬶᬖ᭄ᬦᬫᬲ᭄ᬢᬸᬭᬵ᭐ᬭᬵᬇᬢᬶᬓᬵᬮᬧᬸᬭᬡ᭞ᬫᬵᬓᬧᬸᬃᬯ᭄ᬯᬓᬲᬂᬳ᭄ᬬᬂᬰᬶᬯᬭᬶᬂᬰ᭄ᬯᬂᬕ᭄ᬕᬯᬮᭀᬓ᭞ᬓᬯᬸᬯᬸ ᬲᭂᬦ᭄ᬪᬝᬵᬭᬰᬶᬯ᭞ᬳᬦᬧᬸᬢ᭄ᬭᬦᬶᬭᬓᬵᬮᬶᬄᬲᬶᬓᬶᬮᬓᬶᬮᬓᬶ᭞ᬓᬂᬧᬦᬸᬯᬲᬂᬳ᭄ᬬᬂᬓᬵᬮ᭞ᬓᬂᬤᬶᬢᬧ᭄ᬦᬶᬂᬭᬵᬓ᭄ᬱᬲᬯᬃᬡ᭄ᬦᬦᬶ ᬭ᭞ᬓᬗᬭᬶᬲᬂᬳ᭄ᬬᬂᬧᬜ᭄ᬘᬓᬸᬫᬭᬗᬭᬦᬶᬭ᭞ᬓᬭᬶᬭᬭᬾ᭞ᬳᬧᭂᬓᬶᬓ᭄ᬯᬃᬡ᭄ᬦᬦᬶᬭ᭞ᬲᬶᬭᬪᬝᬵᬭᬓᬵᬮᬤᬸᬓ᭄ᬫᬶᬚᬶᬮ᭄ ᬲᬸᬦ᭄ᬥ᭄ᬬᬯᬾᬮ᭞ᬭᬶᬤᬶᬦ᭞ᬯᬺᬱ᭄ᬧᬢᬶ᭞ᬧᭀᬦ᭄᭞ᬯᬭᬯᬬᬂ᭞ᬲᬂᬳ᭄ᬬᬂᬧᬜ᭄ᬘᬓᬸᬫᬭᬤᬸᬓ᭄ᬫᬶᬚᬶᬮ᭄ᬧᭂᬲᭂᬓ᭄ᬧ᭄ᬭᬪᬢ [᭒ 2A] ᬭᬶᬂᬤᬶᬦ᭞ᬲᬦᬶᬰ᭄ᬘᬭ᭞ᬓ᭄ᬮᬶᬯᭀᬦ᭄᭞ᬯᬭᬯᬬᬂ᭟ᬲᬂᬳ᭄ᬬᬂᬓᬵᬮᬫᬢᬧᬭᬶᬂᬲᭂᬫᬲ᭄ᬢᬦᬦᬶᬭ᭟ᬑᬓᬭᬭᬾᬲᬂᬳ᭄ᬬᬂᬧᬜ᭄ᬘᬓᬸᬫᬭ ᬓᬭᬶᬳᬦᬾᬂᬰ᭄ᬯᬂᬕ᭄ᬕ᭞ᬳᬶᬦᬶᬗᬸᬤᬾᬬᬬᬳᬶᬭᬪᬝᬭᬰᬶᬯ᭟ᬫᬗ᭄ᬓᬾᬢᬸᬘᬧᬲᬵᬫ᭄ᬧᬸᬦ᭄ᬳᬮᬸᬳᬸᬃᬲᬂᬳ᭄ᬬᬂᬓᬵᬮ᭞ᬯᬶᬦᬾᬄᬦᬸᬕ᭄ᬭ ᬳᬤᬾᬳ᭄ᬬᬂᬓᬲᬸᬳᬸᬦ᭄ᬓᬶᬤᬸᬮ᭄᭞ᬯᭂᬦᬂᬳᬦᬤᬄᬯ᭄ᬯᬂ᭞ᬲ᭠ᬯᬶᬚᬶᬮᬶᬂᬯᬭᬯᬬᬂ᭞ᬲᬮ᭄ᬯᬶᬭᬶᬂᬯ᭄ᬯᬂᬮᬸᬫᬓᬸᬢᭂᬗᬄᬗ᭄ᬭᬾᬩᭂᬦᭂ᭞ᬫ᭄ᬯᬂ᭠ ᬯ᭄ᬯᬂᬮᬸᬫᬓᬸᬭᬶᬂᬲᬦ᭄ᬥ᭄ᬬᬯᬾᬮ᭞ᬫᬗ᭄ᬓᬦᬧᬦᬸᬕ᭄ᬭᬕᬦᬶᬭᬲᬂᬳ᭄ᬬᬂᬓᬲᬸᬳᬸᬦ᭄ᬓᬶᬤᬸᬮ᭄᭟ᬤᬤᬶᬫᬾᬗᭂᬢ᭄ᬓᬪᬝᬵᬭᬓᬵᬮ᭞ᬭᬶᬂᬓ

Auto-transliteration

[1 1B] rā0rā'oṁawighnamasturā0rā'itikālapuraṇa, mākapur̀wwakasan̅g̅hyan̅g̅śiwarin̅g̅śwan̅g̅ggawaloka, kawuwu sĕnbaṭāraśiwa, hanaputranirakāliḥsikilakilaki, kan̅g̅panuwasan̅g̅hyan̅g̅kāla, kan̅g̅ditapnin̅g̅rākṣasawar̀ṇnani ra, kangarisan̅g̅hyan̅g̅pañcakumarangaranira, karirare, hapĕkikwar̀ṇnanira, sirabaṭārakāladukmijil sundhyawela, ridina, wr̥ĕṣpati, pon, warawayan̅g̅, san̅g̅hyan̅g̅pañcakumaradukmijilpĕsĕkprabata [2 2A] rin̅g̅dina, saniścara, kliwon, warawayan̅g̅. san̅g̅hyan̅g̅kālamataparin̅g̅sĕmastananira. okararesan̅g̅hyan̅g̅pañcakumara karihanen̅g̅śwan̅g̅gga, hiningudeyayahirabaṭaraśiwa. mangketucapasāmpunhaluhur̀san̅g̅hyan̅g̅kāla, wineḥnugra hadehyan̅g̅kasuhunkidul, wĕnan̅g̅hanadaḥwwan̅g̅, sa‐wijilin̅g̅warawayan̅g̅, salwirin̅g̅wwan̅g̅lumakutĕngaḥngrebĕnĕ, mwan̅g̅‐ wwan̅g̅lumakurin̅g̅sandhyawela, mangkanapanugraganirasan̅g̅hyan̅g̅kasuhunkidul. dadimengĕtkabaṭārakāla, rin̅g̅ka

Leaf 2

Image on Archive.org

[᭒ 2B] ᬥᬃᬫ᭄ᬫᬦᬶᬭ᭞ᬳᬧᬦ᭄ᬳᬦᬳᬭᬶᬦᬶᬭᬧᬋᬂᬫᬶᬚᬶᬮ᭄ᬭᬶᬂᬯᬸᬓᬸᬯᬭᬯᬬᬂ᭞ᬯᭂᬦᬂᬧᬶᬦᬓᬕᬤᬄᬦᬶᬭ᭞ᬳᬧᬦ᭄ᬲᬂᬳ᭄ᬬᬂᬧᬜ᭄ᬘᬓᬸᬫ ᬭᬳᬯᭂᬢᭀᬦ᭄‌ᬯᬸᬓᬸᬯᬭᬯᬬᬂ᭞ᬭᬶᬂᬤᬶᬤ᭞ᬘᬦᬶᬰ᭄ᬘᬭᬓ᭄ᬮᬶᬯᭀᬦ᭄᭟ᬬᬳᬶᬓᬤᬾᬦᬶᬭᬲᬂᬳ᭄ᬬᬂᬓᬵᬮ᭞ᬫᬦᬗ᭄ᬓᬶᬮᬶᬬᬬ ᬳᬶᬭᬪᬝᬭᬭᬕᬸᬭᬸ᭞ᬲᬳᭂᬓᬦᬶᬭᬾᬂᬰ᭄ᬯᬃᬕ᭄ᬕ᭞ᬧ᭄ᬭᬡᬫ᭄ᬬᬳᬵᬦᭂᬫ᭄ᬩᬄᬳᬶᬚᭃᬗᬶᬭᬪᬝᬭᬰᬶᬯ᭞ᬫᭀᬚᬃᬪᬝᬭᬰᬶᬯ ᬭᬶᬲᬸᬳᬦᬶᬭ᭞ᬥᬸᬄᬳᬦᬓ᭄ᬓᬸᬳ᭄ᬬᬂᬓᬵᬮ᭞ᬩᬮᬾᬓᬫᬬᬗᬦ᭄ᬢᭂᬓᬦ᭄ᬢᬭᬶᬂᬭᬫᬬᬩᬩᬶᬸᬧ᭞ᬳᬧᬭᬦ᭄ᬧ᭄ᬭᬬᭀᬚ [᭓ 3A] ᬦᬦ᭄ᬢ᭞ᬤᬓ᭄ᬯᬭᬄᬭᬶᬩᬧᬦ᭄ᬢ᭞ᬫᬦᬯᬶᬄᬯᬦ᭄ᬢᭂᬦ᭄ᬧᬫᬶᬲᬶᬦ᭄ᬢᬭᬶᬓᬫᬶ᭟ᬓᬶᬂᬲᬂᬳ᭄ᬬᬂᬓᬵᬮ᭞ᬲᬶᬗ᭄ᬕᬶᬄᬤᭀᬦᬶᬂᬧᬤ᭄ᬕᬢᬓᬵᬮᬳᬦᬓ᭄ᬢᬥ ᬢᭂᬂ᭞ᬳᬸᬮᬸᬦᬫᬶᬦ᭄ᬢᬢᬤᬳᬦ᭄ᬭᬶᬚᭃᬂᬪᬝᬭ᭞ᬓᬲᬶᬧᬲᬸᬗᬶᬭᬲᬂᬳ᭄ᬬᬂᬓᬲᬸᬳᬸᬦ᭄ᬓᬶᬤᬸᬮ᭄ᬭᬶᬧᬶᬤᬓᬗ᭄ᬳᬸᬮᬸᬦ᭄᭞ᬫᬦᬯᬯᭂᬭᬸᬳᬾᬚᭃ᭠ ᬪᬝᬭ᭞ᬳᬦᭂᬤᬓᬂᬭᬭᬾᬲᬶᬧᬜ᭄ᬘᬓᬸᬫᬭ᭞ᬳᬭᬶᬦᬶᬗ᭄ᬳᬸ᭠ᬮᬸᬦ᭄᭞ᬢᬶᬦᬤᬄᬫᬫᬶ᭞ᬳᬧᬦ᭄ᬯᭂᬢᬸᬦ᭄ᬬᬲᬗᬯᭂᬢᭀᬦ᭄ᬭᬶᬂᬢᬸᬫ᭄ᬧᭂ ᬓ᭄ᬯᬬᬂ᭞ᬯ᭄ᬯᬗᬯᭂᬢᭀᬦ᭄ᬫᬭᬾᬂᬯᬸᬓᬸᬯᬭᬯᬬᬂ᭞ᬧᬶᬦᬓ᭠ᬮᬦᬫᬫᬶ᭞ᬫᬗ᭄ᬓᬦᬮᬶᬂᬲᬂᬳ᭄ᬬᬂᬓᬵᬮ᭟ᬲᬸᬫᬯᬸᬃᬪᬝᬭᬰᬶᬯᬵ᭞

Auto-transliteration

[2 2B] dhar̀mmanira, hapanhanaharinirapar̥ĕn̅g̅mijilrin̅g̅wukuwarawayan̅g̅, wĕnan̅g̅pinakagadaḥnira, hapansan̅g̅hyan̅g̅pañcakuma rahawĕtonwukuwarawayan̅g̅, rin̅g̅dida, caniścarakliwon. yahikadenirasan̅g̅hyan̅g̅kāla, manangkiliyaya hirabaṭararaguru, sahĕkaniren̅g̅śwar̀gga, praṇamyahānĕmbaḥhijöngirabaṭaraśiwa, mojar̀baṭaraśiwa risuhanira, dhuḥhanakkuhyan̅g̅kāla, balekamayangantĕkantarin̅g̅ramayabab̶pa, haparanprayoja [3 3A] nanta, dakwaraḥribapanta, manawiḥwantĕnpamisintarikami. kin̅g̅san̅g̅hyan̅g̅kāla, singgiḥdonin̅g̅padgatakālahanaktadha tĕn̅g̅, hulunamintatadahanrijön̅g̅baṭara, kasipasungirasan̅g̅hyan̅g̅kasuhunkidulripidakanghulun, manawawĕruhejö‐ baṭara, hanĕdakan̅g̅raresipañcakumara, harininghu‐lun, tinadaḥmami, hapanwĕtunyasangawĕtonrin̅g̅tumpĕ kwayan̅g̅, wwangawĕtonmaren̅g̅wukuwarawayan̅g̅, pinaka‐lanamami, mangkanalin̅g̅san̅g̅hyan̅g̅kāla. sumawur̀baṭaraśiwā,

Leaf 3

Image on Archive.org

[᭓ 3B] ᭓ ᬮᬄᬬᬢᬢᬦᬓ᭄ᬓᬸᬳ᭄ᬬᬂᬓᬵᬮ᭞ᬓᬵᬬᬮᬶᬂᬫᬸᬭᬶᬓᬫᬶ᭞ᬳᬸᬮᬸᬦ᭄ᬦᬸᬕ᭄ᬭᬳ᭞ᬫᭂᬦᬾᬳᬦᬧᬲᬵᬫᬬᬗ᭄ᬓᬸᬭᬶᬓᬶᬳᬮᬓᬶ᭞ᬮᬫᬓᬦᬾᬓᬶ ᬢᬳᬫᬗ᭄ᬕᬶᬄᬳᬬᬸᬓᬢᭂᬓᬾᬂᬚᭂᬫᬄ᭞ᬓᬶᬢᬢᬦ᭄ᬯᭂᬦᬂᬳᬦᬬᬄᬯ᭄ᬯᬂᬬᬦ᭄ᬤᬸᬭᬸᬂᬳᬧᬸᬧᬓ᭄᭞ᬓᬸᬦᬂᬫᬗ᭄ᬓᬾᬳᬭᬶᬦ᭄ᬢ᭞ᬲᬶᬧᬜ᭄ᬘᬓᬸᬫᬭ ᬤᬸᬭᬸᬂᬳᬧᬸᬯᭀᬯᬓ᭄᭞ᬳᬬ᭄ᬯᬓᬶᬢᬳᬦᬥᬄ᭞ᬳᬦ᭄ᬢᬾᬓᬓᭂᬦᬭᬸᬫᬸᬳᬦ᭄᭞ᬫᬗ᭄ᬓᬦᬓᬶᬂᬪᬝᬭᬰᬶᬯ᭞ᬫᬶᬲᬶᬗ᭄ᬕᬶᬄᬲᬂᬳ᭄ᬬᬂᬓᬵᬮ ᭞ᬫᬦᭂᬫ᭄ᬩᬄᬳᬫ᭄ᬯᬶᬢ᭄ᬭᬶᬧᬥᬪᬝᬭᬰᬶᬯ᭞ᬮᬶᬂᬪᬝᬭ᭞ᬭᬵᬳᬬᬸᬢᬵᬦᬓ᭄ᬓᬸᬬᬦ᭄ᬫᬗ᭄ᬓᬦ᭟ᬳᬶᬓᬶᬗᬓᭂᬦᬳᬶᬓᬱᬲᬓ᭠ [᭔ 4A] ᬋᬂ᭞ᬯᬢᬵᬭᬯᭀᬦ᭄ᬢᭂᬦ᭄ᬮᬶᬫᬂᬢᬳᬸᬦ᭄᭞ᬫᬾᬗᭂᬢ᭄ᬪᬝᬭᬓᬵᬮᬭᬶᬲᬫᬬ᭞ᬳᬸᬫᭂᬤᭂᬓ᭄ᬫᬸᬯᬄ᭞ᬭᬶᬂᬚᭃᬪᬝᬭᬕᬸᬭᬸ᭞ᬫᬸᬯᬄᬕᬫᬶᬦ᭄ᬢ ᬲᬦᬓᬾᬲᬂᬧᬜ᭄ᬘᬓᬸᬫᬭ᭟ᬮᬶᬂᬪᬝᬭ᭞ᬳᬦᬧᬢᬗ᭄ᬕᭂᬄᬳᬫᬶᬭᬶᬓᬶᬢᬳᬦᬓ᭄ᬓᬸ᭞ᬫᬮᬶᬄᬳᬓᬚᭂᬂ᭞ᬳᬦ᭄ᬢ᭄ᬬᬓᭂᬦᬤᬾᬦ᭄ᬢ᭞ᬮᬶᬂ᭠ ᬲᬂᬳ᭄ᬬᬂᬓᬵᬮ᭞ᬳᬦᬓ᭄ᬧᬤᬸᬓᬪᬝᬭᬳᬦᬸᬳᬸᬦ᭄᭞ᬫᬸᬯᬄᬳᬫ᭄ᬯᬶᬢ᭄ᬲᬂᬳ᭄ᬬᬂᬓᬵᬮ᭞ᬫᬸᬯᬄᬭᬶᬯᬾᬰ᭄ᬫᬦᬶᬭᬍᬦᬶ᭟ᬳᬸᬘᬧ᭠ ᬪᬝᬭᬰᬶᬯ᭞ᬕᬫᭂᬘᬶᬓᬧᬸᬢ᭄ᬭᬦᬶᬭ᭞ᬲᬂᬧᬜ᭄ᬘᬓᬸᬫᬵᬭ᭞ᬫᬶᬦᬲ᭄ᬢ᭄ᬯᬦ᭄ᬤᬾᬪᬝᬭᬕᬸᬭᬸ᭞ᬮᬦ᭄ᬯᭂᬦᬗᬕᬸᬮ᭞ᬓᬾᬯᬮ

Auto-transliteration

[3 3B] 3 laḥyatatanakkuhyan̅g̅kāla, kāyalin̅g̅murikami, hulunnugraha, mĕnehanapasāmayangkurikihalaki, lamakaneki tahamanggiḥhayukatĕken̅g̅jĕmaḥ, kitatanwĕnan̅g̅hanayaḥwwan̅g̅yandurun̅g̅hapupak, kunan̅g̅mangkeharinta, sipañcakumara durun̅g̅hapuwowak, haywakitahanadhaḥ, hantekakĕnarumuhan, mangkanakin̅g̅baṭaraśiwa, misinggiḥsan̅g̅hyan̅g̅kāla , manĕmbaḥhamwitripadhabaṭaraśiwa, lin̅g̅baṭara, rāhayutānakkuyanmangkana. hikingakĕnahikaṣasaka‐ [4 4A] r̥ĕn̅g̅, watārawontĕnliman̅g̅tahun, mengĕtbaṭarakālarisamaya, humĕdĕkmuwaḥ, rin̅g̅jöbaṭaraguru, muwaḥgaminta sanakesan̅g̅pañcakumara. lin̅g̅baṭara, hanapatanggĕḥhamirikitahanakku, maliḥhakajĕn̅g̅, hantyakĕnadenta, lin̅g̅‐ san̅g̅hyan̅g̅kāla, hanakpadukabaṭarahanuhun, muwaḥhamwitsan̅g̅hyan̅g̅kāla, muwaḥriweśmaniral̥ĕni. hucapa‐ baṭaraśiwa, gamĕcikaputranira, san̅g̅pañcakumāra, minastwandebaṭaraguru, lanwĕnangagula, kewala

Leaf 4

Image on Archive.org

[᭔ 4B] ᭔ ᬭᬭᬾᬚᬸᬕ᭟ᬢᬸᬘᬧᬳᬸᬯᬸᬲ᭄ᬦ᭄ᬬᬲᬓᬚᭂᬂ᭞ᬫᬸᬯᬄᬤᬢᭂᬂᬪᬝᬭᬭᬓᬵᬮ᭞ᬫᬦᬗ᭄ᬓᬶᬮᬶᬪᬝᬭᬕᬸᬭᬸ᭞ᬳᬫᬶᬦ᭄ᬢᬲᬂᬳ᭄ᬬᬂᬧᬜ᭄ᬘᬓᬸᬫ ᬭᬢᬶᬦᬤᬳᬶᬭᬫᬗ᭄ᬓᬾ᭞ᬮᬶᬂᬪᬝᬭ᭞ᬓᬵᬬᬾᬓᬶᬫᬗ᭄ᬓᬾᬓᬶᬢᬳᬦᬓ᭄ᬓᬸ᭞ᬳᬧᬦ᭄ᬬᬯᬶᬚᬶᬮ᭄ᬭᬶᬂᬤᬶᬦ᭞ᬘᬦᬶᬰ᭄ᬘᬭ᭞ᬓ᭄ᬮᬶᬯᭀᬦ᭄ ᬯᬸᬓᬸᬯᬬᬂ᭞ᬩᭂᬘᬶᬓᬦᬳᬶᬭᬶᬓᬓᬶᬢᬵᬦᬤᬄᬲᬂᬧᬜ᭄ᬘᬓᬸᬫᬭ᭞ᬫᬗ᭄ᬓᬦᬮᬶᬂᬪᬝᬭᬰᬶᬯ᭞ᬳᬫᬶᬦ᭄ᬢᬸᬳᬸᬲᬂᬳ᭄ᬬᬂᬓᬵᬮ ᬳᬦᭂᬫ᭄ᬩᬮᬫ᭄ᬯᬶᬢ᭄ᬫᬦ᭄ᬢᬸᬓᬾᬂᬲ᭄ᬣᬦᬦᬶᬭᬗᬸᬦᬶ᭟ᬢᬸᬘᬧ᭠ᬪᬝᬭᬰᬶᬯ᭞ᬳᬲᬸᬂᬯᬵᬘᬦᬭᬶᬧᬸᬕ᭄ᬭᬦᬶᬭ᭞ᬓᬫᬸᬂᬳᬦᬓ᭄ᬓᬸ [᭕ 5A] ᬲᬂᬧᬜ᭄ᬘᬓᬸᬯᬭ᭞ᬢᬦᬸᬭᬸᬂᬓᬶᬢᬫᬗ᭄ᬓᬾ᭞ᬬᬶᬦᬘᬄᬤᬾᬓᬓᬦ᭄ᬳᬲᬂᬳ᭄ᬬᬂᬓᬵᬮ᭞ᬭᬶᬮᭂᬓᬦᬶᬂᬤᬶᬦ᭞ᬘᬦᬶᬰ᭄ᬘᬭ᭞ᬓ᭄ᬮᬶᬯᭀᬦ᭄᭞ᬯ ᬬᬂ᭞ᬓᬸᬦᬂᬫᬗ᭄ᬓᬾᬳᬦᬧᬗᬸᬧᬳᬸᬯᬗ᭄ᬓᬸ᭞ᬧᬫᬳᬬᬸᬰᬭᬷᬭᬦ᭄ᬢ᭞ᬯᭂᬦᬂᬢᬶᬦᬸᬮᬃᬭᬶᬯ᭄ᬭᬂᬭᬶᬂᬫᬺᬘᬧᬤ᭞ᬓᬕᭂᬓᬾᬦᬾᬂᬤᭂᬮᬳ᭞ᬫᬗ᭄ᬓᬾ ᬳᬦᬫᬫᬶᬭᬸᬫᭂᬗᭃᬯᬺᬢ᭄ᬣᬲᬚᬢᬶ᭞ᬳᬦᬭᬓ᭄ᬯᬭᬢᬸᬍᬯᬶᬄᬭᬶᬂᬳᬥ᭄ᬬᬧᬤ᭞ᬫᬓᬗᬭᬦ᭄ᬧ᭄ᬭᬪᬸᬫᬬᬵᬰᬸᬭ᭞ᬭᬢᬸᬚᬸᬫᭂ᭠ ᬦᭂᬂᬭᬶᬂᬓᬺᬢᬦᬵᬕᬭ᭞ᬫᬭᬗ᭄ᬓᬓᬶᬢᬳᬦᬓ᭄ᬓᬸ᭞ᬦ᭄ᬥᬵᬫᭂᬓᬸᬮᬓᬶᬢ᭞ᬳᬫᬶᬦ᭄ᬢᬰ᭄ᬭᬡᬭᬶᬲᬶᬭ᭞ᬫᬓᬧᬗᬶᬍᬗᬸ

Auto-transliteration

[4 4B] 4 rarejuga. tucapahuwusnyasakajĕn̅g̅, muwaḥdatĕn̅g̅baṭararakāla, manangkilibaṭaraguru, hamintasan̅g̅hyan̅g̅pañcakuma ratinadahiramangke, lin̅g̅baṭara, kāyekimangkekitahanakku, hapanyawijilrin̅g̅dina, caniścara, kliwon wukuwayan̅g̅, bĕcikanahirikakitānadaḥsan̅g̅pañcakumara, mangkanalin̅g̅baṭaraśiwa, hamintuhusan̅g̅hyan̅g̅kāla hanĕmbalamwitmantuken̅g̅sthananiranguni. tucapa‐baṭaraśiwa, hasun̅g̅wācanaripugranira, kamun̅g̅hanakku [5 5A] san̅g̅pañcakuwara, tanurun̅g̅kitamangke, yinacaḥdekakanhasan̅g̅hyan̅g̅kāla, rilĕkanin̅g̅dina, caniścara, kliwon, wa yan̅g̅, kunan̅g̅mangkehanapangupahuwangku, pamahayuśarīranta, wĕnan̅g̅tinular̀riwran̅g̅rin̅g̅mr̥ĕcapada, kagĕkenen̅g̅dĕlaha, mangke hanamamirumĕngöwr̥ĕtthasajati, hanarakwaratul̥ĕwiḥrin̅g̅hadhyapada, makangaranprabhumayāśura, ratujumĕ‐ nĕn̅g̅rin̅g̅kr̥ĕtanāgara, marangkakitahanakku, ndhāmĕkulakita, hamintaśraṇarisira, makapangil̥ĕngu

Leaf 5

Image on Archive.org

[᭕ 5B] ᭕ ᬭᬶᬧ᭄ᬢ᭞ᬳᬧᬦ᭄ᬓᬓᬦ᭄ᬳᬓ᭄ᬬᬂᬓᬵᬮ᭞ᬫᬮᬶᬄᬢᬶᬕᬂᬤᬶᬦᬫᬗ᭄ᬓᬾ᭞ᬭᬶᬂᬘᬦᬶᬰ᭄ᬘᬭ᭞ᬓ᭄ᬮᬶᬯᭀᬦ᭄᭞ᬯᬬᬂ᭞ᬮᬋᬧᬦᬥᬄᬰᬭᬷᬭᬦ᭄ᬢ᭞ᬮᬄ ᬳᬕᬾᬓᬶᬢᬢᬸᬫᬸᬦ᭄ᬫᬭᬾᬂᬫᬺᬘᬧᬤ᭞ᬳᬗᬸᬮᬢᬶᬭᬢᬸᬭᬶᬂᬓᬺᬢᬦᬵᬕᬭ᭟ᬦᭂᬢᭂᬂᬯᬶᬦᬲ᭄ᬢ᭄ᬯᬦ᭄ᬢᬲᬂᬧᬜ᭄ᬘᬓᬸᬫᬭ᭞ᬅ ᬮᬕᬾᬓᬶᬢᬢᬸᬫᬸᬭᬸᬦ᭄ᬫᬭᬾᬂᬫᬺᬘᬧᬤ᭞ᬳᬗᬸᬮᬢᬶᬭᬢᬸᬭᬶᬂᬓᬺᬢᬦᬵᬕᬭ᭟ᬦᭂᬳᭂᬂᬯᬶᬪᬲ᭄ᬢ᭄ᬯᬦ᭄ᬢᬲᬂᬧᬜ᭄ᬘᬓᬸᬫᬭ᭞ᬫᬶᬦ᭄ᬢᬃᬢᬸ ᬭᬸᬦ᭄ᬭᬶᬂᬫᬥ᭄ᬬᬧᬤ᭞ᬤᬸᬧᬸᬦᬸᬗᬾᬂᬪᬸᬫᬶᬓᬺᬢᬦᬵᬕᬭ᭞ᬚᬸᬯᬸᬚᬸᬕᬾᬂᬧᬸᬭᬲᬂᬧ᭄ᬭᬪᬸᬫᬬᬵᬰᬸᬭ᭞ᬲᭂᬥᭂᬂᬕᬶᬦᬗ᭄ᬓᬶ [᭖ 6A] ᬮᬶᬂᬩᬳᬸᬤᬦ᭄ᬥᬦᬶᬭᬓᬩᬾᬄ᭟ᬢᬤᬦᬵᬦ᭄ᬢᬭ᭞ᬥᬢᭂᬂᬲᬂᬳ᭄ᬬᬂᬧᬜ᭄ᬘᬓᬸᬫᬭ᭞ᬫᬓᬶᬤᬸᬧᬸᬲᬸᬫᬸᬗ᭄ᬓᭂᬫᬶᬧᬗ᭄ᬓ᭄ᬯᬦᬶᬭᬲᬂᬧ᭄ᬭᬪᬸ᭞ᬓᬓᬕ᭄ᬯ ᬢ᭄ᬲᬂᬦᬵᬣᬫᬬᬵᬰᬸᬭ᭞ᬳᬕ᭄ᬬᬳᬢᬜᬭᬶᬲᬂᬯᬯᬸᬧ᭄ᬭᬵᬧ᭄ᬢ᭞ᬮᬶᬂᬦᬶᬭ᭞ᬇᬳᬧᬭᬦ᭄ᬓᬶᬢᬯᭀᬂᬭᬭᬾᬢᭂᬓᬲᬸᬫᬸᬗ᭄ᬓᭂᬫᬶᬓᬶᬲᬲ᭄ᬯᬗ᭄ᬓᬸ ᭞ᬲᬳᬵᬢᬯᬦ᭄ᬮᬯᬦ᭄ᬢᬗᬶᬲ᭄᭞ᬮᬄᬯᬭᬳᬓᭂᬦ᭟ᬫᭀᬚᬃᬲᬂᬭᬭᬾᬘᬶᬮᬶ᭞ᬲᬶᬗ᭄ᬕᬶᬄᬩᬧᬧ᭄ᬭᬪᬸᬫᬬᬵᬰᬸᬭ᭞ᬳᬸᬮᬸᬦ᭄ᬳᬦᬓ᭄ᬪᬝ ᬭᬰᬶᬯ᭞ᬫᬓᬗᬭᬦ᭄ᬲᬶᬧᬜ᭄ᬘᬓᬸᬫᬭ᭞ᬢᬦ᭄ᬳᬦᬯᬦᬾᬄᬤᭀᬦ᭄ᬫᬫᬶᬥᬢᭂᬂ᭞ᬳᬫᬶᬦ᭄ᬢᬰ᭄ᬭᬬᬕᬗᬶᬍᬦ᭄ᬭᬶᬚᭃᬫᬳᬭᬵ᭠

Auto-transliteration

[5 5B] 5 ripta, hapankakanhakyan̅g̅kāla, maliḥtigan̅g̅dinamangke, rin̅g̅caniścara, kliwon, wayan̅g̅, lar̥ĕpanadhaḥśarīranta, laḥ hagekitatumunmaren̅g̅mr̥ĕcapada, hangulatiraturin̅g̅kr̥ĕtanāgara. nĕtĕn̅g̅winastwantasan̅g̅pañcakumara, a lagekitatumurunmaren̅g̅mr̥ĕcapada, hangulatiraturin̅g̅kr̥ĕtanāgara. nĕhĕn̅g̅wibastwantasan̅g̅pañcakumara, mintar̀tu runrin̅g̅madhyapada, dupunungen̅g̅bhumikr̥ĕtanāgara, juwujugen̅g̅purasan̅g̅prabhumayāśura, sĕdhĕn̅g̅ginangki [6 6A] lin̅g̅bahudandhanirakabeḥ. tadanāntara, dhatĕn̅g̅san̅g̅hyan̅g̅pañcakumara, makidupusumungkĕmipangkwanirasan̅g̅prabhu, kakagwa tsan̅g̅nāthamayāśura, hagyahatañarisan̅g̅wawuprāpta, lin̅g̅nira, ihaparankitawon̅g̅raretĕkasumungkĕmikisaswangku , sahātawanlawantangis, laḥwarahakĕna. mojar̀san̅g̅rarecili, singgiḥbapaprabhumayāśura, hulunhanakbaṭa raśiwa, makangaransipañcakumara, tanhanawaneḥdonmamidhatĕn̅g̅, hamintaśrayagangil̥ĕnrijömaharā‐

Leaf 6

Image on Archive.org

[᭖ 6B] ᭖ ᬚ᭞ᬲᬯᬾᬢ᭄ᬦᬶᬂᬳᬦᬓᬓᬗ᭄ᬓᬸᬲᬦᬓ᭄ᬫᬢᬸᬳ᭞ᬯᬶᬦᬾᬄᬦᬸᬕ᭄ᬭᬳᬭᬶᬂᬲᬂᬳ᭄ᬬᬂᬲᬶᬦᬸᬳᬸᬦ᭄ᬓᬶᬤᬸᬮ᭄᭞ᬲᬶᬦᬸᬂᬦᬸᬕ᭄ᬭᬳᬵᬫᬗᭂᬦ᭄‌ᬯ᭄ᬯᬂ᭞ᬳᬲᬶᬂᬳᬯᭂ ᬢᭀᬦ᭄ᬯ᭄‌ᬯᬸᬓᬸᬯᬭᬯᬬᬂ᭞ᬯᭂᬦᬂᬢᬶᬦᬤᬄᬤᬾᬲᬂᬳ᭄ᬬᬂᬓᬵᬮ᭞ᬳᬸᬮᬸᬦ᭄ᬳᬯᭂᬢᭀᬦ᭄ᬭᬶᬂᬤᬶᬦ᭞ᬲᬦᬶᬰ᭄ᬘᬭᬓ᭄ᬮᬶᬯᭀᬦ᭄‌ᬯᬬᬂ᭞ᬯ ᬢᬶᬓᬤᭀᬦ᭄ᬯᬵᬦᬓ᭄ᬢᬧ᭄ᬭᬵᬧ᭄ᬢ᭞ᬳᬫᬶᬦ᭄ᬢᬰ᭄ᬭᬬᬫᬗᬶᬮᬾᬦ᭄᭞ᬭᬶᬚᭃᬰ᭄ᬭᬶᬦᬭᬦᬵᬣ᭞ᬮᬫᬓᬦᬾᬓᬭᬶᬳᬗᭂᬲᬂ᭞ᬫᬗ᭄ᬓᬦᬵ ᬮᬶᬂᬲᬂᬧᬜ᭄ᬘᬓᬸᬫᬭ᭟ᬉᬥᬸᬄᬳᬦᬓ᭄ᬓᬸᬲᬂᬧᬜ᭄ᬘᬓᬸᬫᬭ᭞ᬬᬦ᭄ᬫᬗ᭄ᬓᬦ᭞ᬓᬫᬶᬳᬗᬶᬮᬾᬓᭂᬦᬓᬶᬢ᭟ᬳᬶᬭᬶ [᭗ 7A] ᬓᬢᬲᬂᬧᬭᬫᬦ᭄ᬢ᭄ᬭᬶᬓᬮᬾᬄ᭞ᬓᬧ᭄ᬯᬲᬸᬫᬸᬗ᭄ᬲᬸᬂᬲᬥᬢᭂᬂᬲᬂᬧᬜ᭄ᬘᬓᬸᬫᬭ᭞ᬧᬥᬢᬯᭂᬮᬲ᭄ᬭᬶᬲᬶᬭ᭟ᬫᭀᬚᬃᬲᬂᬧ᭄ᬭᬪᬸᬫᬬᬰᬸ ᬭ᭞ᬥᬸᬄᬫᬵᬲ᭄ᬓᬸᬲᬂᬧᬜ᭄ᬘᬓᬸᬫᬭ᭞ᬳᬬ᭄ᬯᬲᬗ᭄ᬰᬬ᭞ᬇᬗ᭄ᬓᬾᬳᬗᬶᬮᬾᬦ᭄ᬭᬶᬓᬤᬢ᭄ᬯᬦ᭄ᬫᬫᬶ᭞ᬫᬸᬦ᭄ᬓᬭᬶᬳᬕᭂᬲᬂ᭞ᬬᬾᬦᬶᬲᬶᬫᬬᬵ ᬰᬸᬭ᭞ᬫᬗ᭄ᬓᬾᬓᬫᬶᬫᬓᭀᬦ᭄ᬭᬶᬂᬢᬦ᭄ᬥᬫᬦ᭄ᬢ᭄ᬭᬶᬓᬩᬾᬄ᭞ᬳᬗᬢᬕ᭄ᬧ᭄ᬯᬾᬓᬂᬧᬾᬓᬬᭀᬥ᭞ᬧ᭄ᬭᬲᬫᬭᬩ᭄ᬥᬂᬲᬜ᭄ᬚᬢ᭞᭠ ᬓᬶᬢᬤᬭᬦ᭄ᬫᬭᬳᬾᬂᬤᬍᬫ᭄ᬧᬸᬭᬶ᭞ᬧ᭄ᬭᬬᭀᬥᬫᬫᬶᬫᬗᭂᬫᬶᬢ᭄ᬓᬶᬢᬾᬂᬬᬯ᭞ᬢᬸᬫᬦ᭄ᬥᬗᬶᬲᬥᬢᭂᬂᬲᬂᬳ᭄ᬬᬂᬓᬵᬮ᭞

Auto-transliteration

[6 6B] 6 ja, sawetnin̅g̅hanakakangkusanakmatuha, wineḥnugraharin̅g̅san̅g̅hyan̅g̅sinuhunkidul, sinun̅g̅nugrahāmangĕnwwan̅g̅, hasin̅g̅hawĕ tonwwukuwarawayan̅g̅, wĕnan̅g̅tinadaḥdesan̅g̅hyan̅g̅kāla, hulunhawĕtonrin̅g̅dina, saniścarakliwonwayan̅g̅, wa tikadonwānaktaprāpta, hamintaśrayamangilen, rijöśrinaranātha, lamakanekarihangĕsan̅g̅, mangkanā lin̅g̅san̅g̅pañcakumara. udhuḥhanakkusan̅g̅pañcakumara, yanmangkana, kamihangilekĕnakita. hiri [7 7A] katasan̅g̅paramantrikaleḥ, kapwasumungsun̅g̅sadhatĕn̅g̅san̅g̅pañcakumara, padhatawĕlasrisira. mojar̀san̅g̅prabhumayaśu ra, dhuḥmāskusan̅g̅pañcakumara, haywasangśaya, ingkehangilenrikadatwanmami, munkarihagĕsan̅g̅, yenisimayā śura, mangkekamimakonrin̅g̅tandhamantrikabeḥ, hangatagpwekan̅g̅pekayodha, prasamarabdhan̅g̅sañjata, ‐ kitadaranmarahen̅g̅dal̥ĕmpuri, prayodhamamimangĕmitkiten̅g̅yawa, tumandhangisadhatĕn̅g̅san̅g̅hyan̅g̅kāla,

Leaf 7

Image on Archive.org

[᭗ 7B] ᭗ ᬳᬋᬧ᭄ᬫᬫᬶᬳᬫᬕᬸᬢ᭄ᬓᬲᬶᬗ᭄ᬳᬵᬯᬶᬓ᭄ᬭᬫᬦᬾᬲᬂᬳ᭄ᬬᬂᬓᬵᬮ᭞ᬫᬗ᭄ᬓᬦᬮᬶᬂᬳᬶᬭᬲᬂᬧ᭄ᬭᬪᬸ᭞ᬢᬦ᭄ᬤ᭄ᬯᬢᬶᬦ᭄ᬲᬂᬧᬜ᭄ᬘᬓᬸᬫᬭ᭞ᬫ ᬭᬳᬾᬂᬚ᭄ᬭᭀᬓᬤᬢ᭄ᬯᬦ᭄᭞ᬳᭂᬦᭂᬗᬓᭂᬦ᭟ᬢᬦ᭄ᬥ᭄ᬯᬓᬶᬦᭀᬦ᭄ᬕᬾᬲᬂᬧ᭄ᬭᬪᬸ᭞ᬳᬦᬩᭂᬄᬢᭂᬢᭂᬕ᭄ᬳᬕᬸᬂ᭞ᬲᬳᬭᬩ᭄ᬥᬂᬲᬜ᭄ᬚᬢ᭞ᬓᬶ ᬦᭀᬦᬗᬶᬤᭂᬭᬶᬧᬸᬭᬶᬲᬂᬧ᭄ᬭᬪᬸ᭞ᬓᬶᬦᭀᬦ᭄ᬳᬫᬕᬸᬢ᭄ᬲᬢᭂᬓᬦᬶᬭᬲᬂᬳ᭄ᬬᬂᬓᬮ᭟ᬫᬗ᭄ᬓᬾᬲᬵᬫ᭄ᬧᬸᬦᬶᬭᬲᬂᬧᬜ᭄ᬘᬓᬸᬫᬭ᭞ ᬳᬗᬶᬮᬾᬦ᭄ᬭᬶᬂᬓᬤᬢ᭄ᬯᬦᬶᬭᬲᬂᬧ᭄ᬭᬪᬸᬫᬬᬵᬰᬸᬭ᭟ᬢᬸᬘᬧᬫᬸᬯᬄᬪᬝᬭᬓᬵᬮ᭞ᬳᬧᬦ᭄ᬢᭂᬓᬲᬫᬬᬲᬗ᭄ᬓᬾᬢᬦᬶ [᭘ 8A] ᬭᬗᬸᬦᬶ᭞ᬭᬶᬢᭂᬓᬦᬶᬂᬤᬶᬦ᭞ᬘᬦᬶᬰ᭄ᬘᬭ᭞ᬓ᭄ᬮᬶᬯᭀᬦ᭄᭞ᬯᬬᬂ᭞ᬮᬸᬫᬭᬶᬲ᭄ᬲᬂᬳ᭄ᬬᬂᬓᬵᬮ᭞ᬫᬦᬗ᭄ᬓᬶᬮᬶᬪᬝᬭᬕᬸᬭᬸ᭞ᬳᬸᬫᬸᬗ᭄ᬯᬓᭂᬦ᭄ᬯ ᬦᭂᬂᬲᬗ᭄ᬓᬾᬢᬦᬶᬭᬗᬸᬦᬶ᭟ᬮᬶᬂᬪᬝᬭᬰᬶᬯ᭞ᬮᬄᬫᬾᬗᭂᬳ᭄ᬓᬫᬷᬲᭀᬪᬬᬗ᭄ᬓᬸᬓᬶᬢᬮᬓᬶ᭞ᬫᬗ᭄ᬓᬾᬓᬫᬶᬳᬲᬸᬂᬦᬸᬕ᭄ᬭᬳ᭞ᬓᬵ ᬬᬧᬫᬸᬕᬸᬦ᭄ᬢᬭᬶᬓᬫᬶ᭞ᬳᬦᬤᬄᬲᬂᬧᬜ᭄ᬘᬓᬸᬫᬭ᭞ᬮᬄᬭᬸᬭᬸᬳᭂᬦ᭄‌ᬤᬾᬦ᭄ᬢ᭞ᬳᬧᬦ᭄ᬬᬦᬸᬫᬶᬗ᭄ᬕᬢ᭄ᬲᬗ᭄ᬓᬾᬂᬰ᭄ᬯᬂᬕ᭄ᬕ᭞ᬫ ᬦᬯᬕᬸᬭᬸᬦ᭄ᬫᬭᬾᬂᬫᬺᬘᬧᬤ᭞ᬇᬭᬶᬓᬪᬓ᭄ᬱᬓ᭄ᬢ᭞ᬳᬧᬦᬭᬫᬶᬄᬳᬦᬭᬶᬂᬰ᭄ᬯᬃᬕ᭄ᬕ᭞ᬬᬦ᭄ᬓᬶᬢᬇᬗ᭄ᬓᬾᬳᬫᬗᬦ᭄‌ᬯ᭄ᬯᬂ᭞

Auto-transliteration

[7 7B] 7 har̥ĕpmamihamagutkasinghāwikramanesan̅g̅hyan̅g̅kāla, mangkanalin̅g̅hirasan̅g̅prabhu, tandwatinsan̅g̅pañcakumara, ma rahen̅g̅jrokadatwan, hĕnĕngakĕna. tandhwakinon'gesan̅g̅prabhu, hanabĕḥtĕtĕg'hagun̅g̅, saharabdhan̅g̅sañjata, ki nonangidĕripurisan̅g̅prabhu, kinonhamagutsatĕkanirasan̅g̅hyan̅g̅kala. mangkesāmpunirasan̅g̅pañcakumara, hangilenrin̅g̅kadatwanirasan̅g̅prabhumayāśura. tucapamuwaḥbaṭarakāla, hapantĕkasamayasangketani [8 8A] ranguni, ritĕkanin̅g̅dina, caniścara, kliwon, wayan̅g̅, lumarissan̅g̅hyan̅g̅kāla, manangkilibaṭaraguru, humungwakĕnwa nĕn̅g̅sangketaniranguni. lin̅g̅baṭaraśiwa, laḥmengĕhkamīsobayangkukitalaki, mangkekamihasun̅g̅nugraha, kā yapamuguntarikami, hanadaḥsan̅g̅pañcakumara, laḥruruhĕndenta, hapanyanuminggatsangken̅g̅śwan̅g̅gga, ma nawagurunmaren̅g̅mr̥ĕcapada, irikabakṣakta, hapanaramiḥhanarin̅g̅śwar̀gga, yankita'ingkehamanganwwan̅g̅,

Leaf 8

Image on Archive.org

[᭘ 8B] ᭘ ᬫᬗ᭄ᬓᬦᬮᬶᬂᬪᬝᬭᬕᬸᬭᬸ᭟ᬤᬤ᭄ᬬᬳᬫᬶᬲᬶᬗ᭄ᬕᬶᬄᬲᬂᬳ᭄ᬬᬂᬓᬵᬮᬳᬦᭂᬫ᭄ᬩᬳᬫ᭄ᬯᬶᬢ᭄ᬭᬶᬚᭃᬂᬪᬝᬭᬕᬸᬭᬸ᭟ᬢᬸᬘᬧᬭᬶᬮᬫ᭄ᬧᬄᬲᬂᬳ᭄ᬬᬂ ᬓᬵᬮᬢᬸᬫᬸᬭᬸᬦ᭄ᬫᬭᬾᬫᬺᬘᬧᬤ᭞ᬇᬭᬶᬓᬪᬝᬭᬕᬸᬭᬸ᭞ᬫᬳᬗᭂᬦ᭄ᬓᬳᬬ᭄ᬯᬦᬶᬧᬸᬢ᭄ᬭᬦᬶᬭ᭞ᬳᬫᬲ᭄ᬢᬸᬤᬾᬦ᭄ᬬᬳᬫ ᬗ᭄ᬕᬶᬄᬓᬥᬶᬃᬖ᭄ᬕᬵᬬᬸᬰᬦ᭄᭟ᬢᬸᬘᬧᬭᬶᬥᬢᭂᬂᬲᬂᬳ᭄ᬬᬂᬓᬵᬮᬳᬦᬾᬂᬫᬥ᭄ᬬᬮᭀᬓ᭞ᬓᬳᬫ᭄ᬩᬸᬂᬳᬫ᭄ᬩᬸᬂᬦᬾᬲᬂᬧᬜ᭄ᬘᬓᬸᬫᬭ ᬳᬧᬦ᭄ᬳᬦᬂᬯᬶᬚᬬᬫᬮ᭞ᬫᬭᬯᭀᬦ᭄ᬢᭂᬦᬶᬂᬪᬸᬫᬶᬓᬺᬢᬦᬵᬕᬭ᭞ᬚᬸᬫᬸᬚᬸᬕ᭄ᬲᬶᬭᬗ᭄ᬓᬦ᭞ᬓᬧᬗ᭄ᬕᬶᬄᬧᬸᬦᬂᬯᭀᬂᬧᬥ [᭙ 9A] ᬲᬺᬕᭂᬧ᭄ᬳᬦᭂᬗᭂᬦ᭄ᬲᬜ᭄ᬚᬢ᭞ᬯᬯᬂᬳ᭄ᬬᬂᬓᬵᬮᬫᬢᬜᬭᬶᬓᬂᬢ᭄ᬯᬂᬳᬕᭂᬮᬃᬓᬩᬾᬄ᭞ᬪᭀᬓᬫᬸᬂᬫᬦᬸᬰᬓᬩᬾᬄ᭞ᬕᬗᬧ ᬤᭀᬦ᭄ᬢᬳᬫᬗᬸᬦᬕᭂᬮᬃ᭞ᬲᬗ᭄ᬓᭂᬧᬶᬂᬯᬭᬬᬸᬥ᭞ᬲᬳᬪᬸᬱᬡᬦᬶᬗᬧᭂᬭᬂ᭞ᬲᬗᬧᬰᬢ᭄ᬭᬸᬦ᭄ᬢ᭞ᬯᬭᬕᭂᬦ᭄ᬢᬵᬓᬸᬤᬾᬫᬸᬓ ᬩᬾᬄ᭞ᬮᬫᬓᬦᬾᬗᭀᬂᬯᭂᬭᬸᬳ᭞ᬫᬗ᭄ᬓᬦᬧᬢᬜᬲᬂᬳ᭄ᬬᬂᬓᬵᬮ᭟ᬫᭀᬚᬃᬲᬂᬓᬶᬦᬓ᭄ᬯᬦᬦ᭄᭞ᬓᬫᬶᬓᬶᬦᭀᬦ᭄ᬤᬾᬰ᭄ᬭᬶ ᬫᬳᬭᬵᬚ᭞ᬫᬗ᭄ᬮᬮᬦᬓᬫᬸᬂᬓᬵᬮ᭞ᬓᬶᬦᭀᬦᬫᭂ᭠ᬚᬳᬦᬓᬫᬸᬂ᭞ᬤᭀᬰᬦ᭄ᬢᬳᬦᬥᬄᬯ᭄ᬯᬂ᭟ᬲᬸᬫᬳᬸᬃᬲᬂᬳ᭄ᬬᬂ

Auto-transliteration

[8 8B] 8 mangkanalin̅g̅baṭaraguru. dadyahamisinggiḥsan̅g̅hyan̅g̅kālahanĕmbahamwitrijön̅g̅baṭaraguru. tucaparilampaḥsan̅g̅hyan̅g̅ kālatumurunmaremr̥ĕcapada, irikabaṭaraguru, mahangĕnkahaywaniputranira, hamastudenyahama nggiḥkadhir̀ghgāyuśan. tucaparidhatĕn̅g̅san̅g̅hyan̅g̅kālahanen̅g̅madhyaloka, kahambun̅g̅hambun̅g̅nesan̅g̅pañcakumara hapanhanan̅g̅wijayamala, marawontĕnin̅g̅bhumikr̥ĕtanāgara, jumujugsirangkana, kapanggiḥpunan̅g̅won̅g̅padha [9 9A] sr̥ĕgĕp'hanĕngĕnsañjata, wawan̅g̅hyan̅g̅kālamatañarikan̅g̅twan̅g̅hagĕlar̀kabeḥ, bhokamun̅g̅manuśakabeḥ, gangapa dontahamangunagĕlar̀, sangkĕpin̅g̅warayudha, sahabhuṣaṇaningapĕran̅g̅, sangapaśatrunta, waragĕntākudemuka beḥ, lamakanengon̅g̅wĕruha, mangkanapatañasan̅g̅hyan̅g̅kāla. mojar̀san̅g̅kinakwanan, kamikinondeśri maharāja, manglalanakamun̅g̅kāla, kinonamĕ‐jahanakamun̅g̅, dośantahanadhaḥwwan̅g̅. sumahur̀san̅g̅hyan̅g̅

Leaf 9

Image on Archive.org

[᭙ 9B] ᭙ ᬓᬵᬮ᭞ᬮᬗ᭄ᬕᬄᬳᬸᬚᬃᬫᬸᬓᬫᬸᬂᬫᬵᬦᬸᬰ᭞ᬯᬾᬳᬦᬲᬂᬧᬜ᭄ᬘᬓᬸᬫᬭ᭞ᬫᬸᬮᬢᬢᬤᬳᬦᬶᬗᭀᬂ᭞ᬳᬕᬯᬾᬧᬭᬦ᭄ᬕᬸᬫᭂᬕᭂᬢᬶ ᬲᬂᬧᬜ᭄ᬘᬓᬸᬫᬭ᭞ᬧᬸᬮᬪᬓ᭄ᬱᬦᬦᬶᬗᭀᬂ᭞ᬲᬯᬸᬃᬫᬦᬸᬓ᭄ᬓᬂᬧ᭄ᬭᬬᭀᬥᬓᬩᬾᬄ᭞ᬳᬄᬢᬦ᭄ᬧᬯᬾᬄᬗ᭄ᬗᬸᬮᬸᬦ᭄᭞ᬳᬶᬭᬶᬓ ᬓ᭄ᬭᭀᬥᬲᬂᬳ᭄ᬬᬂᬓᬵᬮ᭞ᬧᬶᬦᬸᬧᬸᬄᬧᬭᬬᭀᬥᬓᬩᬾᬄ᭞ᬭᬶᬦᭂᬩᬸᬢ᭄ᬲᬂᬳ᭄ᬬᬂᬓᬮ᭞ᬤᬾᬦᬶᬂᬧ᭄ᬭᬚᬸᬭᬶᬢᬾᬂᬓᬺᬢᬦᬵ ᬕᬭ᭞ᬢᬦ᭄ᬧᬗ᭄ᬭᬵᬢ᭄ᬲᭂᬗᬶᬢ᭄ᬲᬂᬳ᭄ᬬᬂᬓᬵᬮᬢᬶᬦᬶᬩᬦ᭄ᬯᬭᬲᬜ᭄ᬚᬢ᭞ᬫᬮᬬᬸᬯᬤ᭄ᬯᬓᬩᬾᬄ᭞ᬰᬾᬱᬦᬶᬂᬫᬵ᭠ [᭑᭐ 10A] ᬢᬶ᭞ᬮᬓ᭄ᬯᬾᬄᬕᬢᬯᬦ᭄ᬓᬦᬶᬦ᭄᭞ᬭᬶᬦᬸᬚᬓ᭄ᬤᬾᬲᬂᬳ᭄ᬬᬂᬓᬵᬮ᭞ᬢᬦ᭄ᬳᬦᬯᬦᬶᬫᬸᬮᬢ᭄᭞ᬗᬭᬦ᭄ᬬ᭞ᬳᬦᬳᬸᬫᬢᬸᬭᬶᬲᬂᬧ᭄ᬭ ᬪᬸ᭞ᬬ᭄ᬣᬃᬮᬄᬢᬂᬧᬾᬓᬬᬸᬥ᭞ᬳᬧᭂᬭᬂᬮᬯᬦ᭄ᬲᬂᬳ᭄ᬬᬂᬓᬵᬮ᭞ᬇᬭᬶᬓᬲᬂᬧ᭄ᬭᬪᬸᬫᬳᬵᬰᬸᬭ᭞ᬳᭂᬮᬶᬲ᭄ᬫᬦ᭄ᬢᬸᬓ᭄ᬲᬓᬶᬂᬯᬢ ᬗᬦ᭄᭞ᬫᬭᬳᬾᬤᬍᬫ᭄ᬧᬸᬭᬶ᭞ᬫᬯᬸᬯᬸᬲᬶᬲᬂᬧᬜ᭄ᬘᬓᬸᬫᬭ᭞ᬓᬶᬦᭀᬦᬗᬶᬮᬾᬦ᭄ᬲᬓᬳ᭄ᬬᬸᬦᬶᬭ᭞ᬫᭀᬚᬭᬓᭂ ᬤ᭄ᬯᬤ᭄ᬯᬦᬶᬭᬲᬵᬫ᭄ᬧᬸᬦᬮᬄ᭞ᬫᬸᬯᬄᬮᬶᬂᬲᬂᬧ᭄ᬭᬪᬸ᭞ᬭᬶᬲᬂᬧᬜ᭄ᬘᬓᬸᬫᬭ᭞ᬦ᭄ᬕᬄᬫᬗ᭄ᬓᬾᬗ᭄ᬕᬸᬮᬸᬦ᭄ᬫᬯ᭄ᬯᬢ᭄ᬧᭂᬚᬄ᭞ᬢᬸ

Auto-transliteration

[9 9B] 9 kāla, langgaḥhujar̀mukamun̅g̅mānuśa, wehanasan̅g̅pañcakumara, mulatatadahaningon̅g̅, hagaweparan'gumĕgĕti san̅g̅pañcakumara, pulabakṣananingon̅g̅, sawur̀manukkan̅g̅prayodhakabeḥ, haḥtanpaweḥngngulun, hirika krodhasan̅g̅hyan̅g̅kāla, pinupuḥparayodhakabeḥ, rinĕbutsan̅g̅hyan̅g̅kala, denin̅g̅prajuriten̅g̅kr̥ĕtanā gara, tanpangrātsĕngitsan̅g̅hyan̅g̅kālatinibanwarasañjata, malayuwadwakabeḥ, śeṣanin̅g̅mā‐ [10 10A] ti, lakweḥgatawankanin, rinujakdesan̅g̅hyan̅g̅kāla, tanhanawanimulat, ngaranya, hanahumaturisan̅g̅pra bhu, ythar̀laḥtan̅g̅pekayudha, hapĕran̅g̅lawansan̅g̅hyan̅g̅kāla, irikasan̅g̅prabhumahāśura, hĕlismantuksakin̅g̅wata ngan, marahedal̥ĕmpuri, mawuwusisan̅g̅pañcakumara, kinonangilensakahyunira, mojarakĕ dwadwanirasāmpunalaḥ, muwaḥlin̅g̅san̅g̅prabhu, risan̅g̅pañcakumara, n'gaḥmangkenggulunmawwatpĕjaḥ, tu

Leaf 10

Image on Archive.org

[᭑᭐ 10B] ᬫᬗ᭄ᬕᬸᬳᬶᬓᬶᬕ᭞ᬢᬸᬫᬦ᭄ᬥᬡᬶᬧᬫᬓ᭄ᬲᬂᬳ᭄ᬬᬂᬓᬵᬮ᭞ᬫᬸᬮᬶᬳᬾᬂᬯᬶᬭᬮᭀᬓ᭞ᬫᬗ᭄ᬓᬦᬧᬯᭂᬓᬲ᭄ᬲᬂᬧ᭄ᬭᬪᬸᬫᬬᬵᬓᬸᬭ᭞ ᬢᬸᬘᬧᬲᬂᬧ᭄ᬭᬪᬸ᭞ᬳᬢᬦ᭄ᬤᬶᬂᬓᬥᬭᬦ᭄ᬮᬯᬦ᭄ᬲᬂᬳ᭄ᬬᬂᬓᬵᬮᬜᭀᬭᭀᬓ᭄ᬢᬶᬜᭀᬭᭀᬓ᭄᭞ᬬᬦ᭄ᬧᬶᬭᬓᬸᬦᬂᬲᬸᬘᬾᬦᬶ ᬭᬵᬬᬸᬥ᭞ᬧᭂᬚᬄᬲᬂᬧ᭄ᬭᬪᬸᬢᬦ᭄ᬧᬰᬭ᭟ᬳᬦᬸᬮᬶᬳᬗ᭄ᬭᬜ᭄ᬕᬶᬂᬲᬂᬳ᭄ᬬᬂᬓᬵᬮᬭᬶᬚ᭄ᬭᭀᬦᬶᬓᬥᬢ᭄ᬯᬓ᭄᭞ᬭᬶᬦᬸᬭᬸᬲᬂᬧᬜ᭄ᬘ ᬓᬸᬫᬭ᭞ᬫᬲᭀᬯᬾᬦᭀᬭᬓᬧᬗ᭄ᬕᬸᬄ᭞ᬤᬤᬶ᭠ᬫ᭄ᬩᬸᬂᬤᬾᬦᬶᬭᬪᬝᬭᬓᬵᬮ᭞ᬯᬶᬚᬬᬫᬮᬦᬶᬭ᭞ᬘᬶᬳ᭄ᬦ᭠ [᭑᭑ 11A] ᬦᬶᬤᬾᬯᬢ᭞ᬢ᭄ᬤᬸᬃᬬ᭄ᬬᬦᬶᬲᬵᬫ᭄ᬧᬸᬦ᭄ᬫᬶᬚᬶᬮ᭄᭞ᬲᬂᬧᬜ᭄ᬘᬓᬸᬫᬭ᭞ᬩᬶᬦᬸᬭᬸᬦᬶᬭᬫᬸᬯᬄ᭞ᬤᬤᬶᬓᬧᬗ᭄ᬕᬶᬄᬭᬶᬂᬫᬃᬕ᭄ᬕᬳᬕᬸᬂ᭞ ᬳᬢᬯᬦ᭄ᬢᬗᬶᬲ᭄ᬲᬸᬫᬩ᭄ᬯᬾᬫ᭄ᬩᬾᬪᬝᬭ᭞ᬢᬦ᭄ᬥ᭄ᬬᬲᬶ᭠ᬦᬶᬓᭂᬧ᭄‌ᬤᬾᬪᬝᬭᬓᬵᬮ᭞ᬓᭂᬃᬳᬶᬦᭂᬮ᭞ᬳᬦ᭄ᬓᬢᬵᬓᭂ ᬓ᭟ᬳᬸᬘᬧᬪᬝᬭᬰᬶᬯ᭞ᬭᬸᬫᭂᬗᭃᬧᬲᬫ᭄ᬩᬢᬶᬧᬸᬢ᭄ᬭᬦᬶᬭ᭞ᬰᬶᬕ᭄ᬭᬢᬸᬫᬸᬭᬸᬦ᭄ᬧᬋᬂᬮᬵᬯᬦ᭄ᬪᬝᬭᬶᬰ᭄ᬭᬶ᭞ᬳᬡ᭄ᬮᬶ ᬗ᭄ᬕᬶᬳᬶᬍᬫ᭄ᬩᬸᬮᬦᬂᬲ᭄ᬯᬾᬕᬯᬃᬡ᭄ᬦ᭞ᬫᬶᬚᬶᬮ᭄ᬲᬓᬶᬂᬳᬫ᭄ᬩᬭ᭞ᬇᬭᬶᬓᬪᬝᬭᬕᬸᬭᬸ᭞ᬳᬫᬲ᭄ᬢᬸᬲᬂᬳ᭄ᬬᬂᬓᬵᬮ᭞

Auto-transliteration

[10 10B] mangguhikiga, tumandhaṇipamaksan̅g̅hyan̅g̅kāla, mulihen̅g̅wiraloka, mangkanapawĕkassan̅g̅prabhumayākura, tucapasan̅g̅prabhu, hatandin̅g̅kadharanlawansan̅g̅hyan̅g̅kālañoroktiñorok, yanpirakunan̅g̅suceni rāyudha, pĕjaḥsan̅g̅prabhutanpaśara. hanulihangrañgin̅g̅san̅g̅hyan̅g̅kālarijronikadhatwak, rinurusan̅g̅pañca kumara, masowenorakapangguḥ, dadi‐mbun̅g̅denirabaṭarakāla, wijayamalanira, cihna‐ [11 11A] nidewata, tdur̀yyanisāmpunmijil, san̅g̅pañcakumara, binuruniramuwaḥ, dadikapanggiḥrin̅g̅mar̀ggahagun̅g̅, hatawantangissumabwembebaṭara, tandhyasi‐nikĕpdebaṭarakāla, kĕr̀hinĕla, hankatākĕ ka. hucapabaṭaraśiwa, rumĕngöpasambatiputranira, śigratumurunpar̥ĕn̅g̅lāwanbaṭariśri, haṇli nggihil̥ĕmbulanan̅g̅swegawar̀ṇna, mijilsakin̅g̅hambara, irikabaṭaraguru, hamastusan̅g̅hyan̅g̅kāla,

Leaf 11

Image on Archive.org

[᭑᭑ 11B] ᭑᭑ ᬮᬶᬂᬦᬶᬭᬳᬥ᭄ᬢᬸᬲᬂᬳ᭄ᬬᬂᬓᬵᬮᬳᬸᬫᬸᬳᬄ᭞ᬤᬸᬫᬍᬕ᭄ᬲᬂᬳ᭄ᬬᬂᬧᬜ᭄ᬘᬚᬸᬫᬭ᭞ᬫᬮᬬᬸᬢᬦ᭄ᬧᬫ᭄ᬧᬸᬢ ᬫ᭄ᬧᬸᬢᬦ᭄᭞ᬳᬶᬮᬂᬢᬦ᭄ᬧᬚᬫᬸᬖ᭞ᬓᬧᬗ᭄ᬕᬶᬄᬪᬝᬭᬰᬶᬯ᭞ᬮᬓᬵᬮᬶᬳᬩ᭄ᬮᬵᬯᬦ᭄ᬪᬝᬭᬭᬶᬰ᭄ᬭᬶ᭞ᬢᬦᬶᬢᬶᬳᬶᬍᬫ᭄ᬩᬸᬮᬦᬂ ᬲ᭄ᬯᬾᬢᬯᬃᬡ᭄ᬦ᭞ᬮᬸᬫᬓᬸᬢᭂᬗᬄᬗ᭄ᬯᬾᬩᭂᬦᭂ᭞ᬓᬫᬦ᭄ᬢ᭄ᬬᬦ᭄ᬓ᭄ᬭᭀᬥᬦᬶᬭᬲᬂᬳ᭄ᬬᬂᬓᬵᬮ᭞ᬳᬋᬧᬦᬥᬄᬩᬧᬾᬩᬸᬦᬶᬭ᭞ ᬳᬸᬫᬗᬂᬢᬸᬢᬸᬓ᭄ᬦᬶᬭᬓᬤᬶᬲᬶᬗ᭄ᬳᬵᬭᭀᬤ᭄ᬭ᭞ᬳᬦᬸᬮᬶᬫᭀᬚᬃᬲᬶᬭᬪᬝᬭᬰᬶᬯ᭞ᬮᬶᬂᬦᬶᬭ᭞ᬇᬄᬳᬚᬧ᭄ᬯᬓᬶᬢᬳ [᭑᭒ 12A] ᬦᬥᬄᬩᬧᬇᬩᬸᬦ᭄ᬢ᭟ᬳᬸᬚᬃᬲᬂᬳ᭄ᬬᬂᬓᬵᬮ᭞ᬥᬄᬲᬮᬄᬮᬫ᭄ᬧᬄᬧᬇᬩᬸᬗ᭄ᬓᬸ᭞ᬳᬲᬶᬂᬯ᭄ᬯᬂᬮᬸᬫᬓᬸᬮᬓᬸᬫᬰᬢᭂᬗᬄᬕ᭄ᬯᬾᬩᭂᬦᭂᬃ᭞ ᬯᭂᬦᬂᬳᬦᬓ᭄ᬢᬳᬦᬥᬄ᭞ᬲᬮ᭄ᬯᬂᬲᬮᬄᬮᬓᬸ᭞ᬬᬦᬦᬯ᭄ᬯᬂᬫᬫᬂᬕ᭄ᬕᬶᬫᬰᬲᬦ᭄ᬥᬾᬦᭀᬮ᭞ᬫᬗ᭄ᬓᬦᬧᬦᬸᬕ᭄ᬭᬳᬦᬶᬭᬲᬂᬳ᭄ᬬᬂ ᬓᬲᬸᬳᬸᬦ᭄ᬓᬶᬤᬸᬮ᭄᭞ᬳᬵᬧᬦᬶᬩᬸᬗ᭄ᬓᬸᬮᬸᬫᬓᬸᬫᬰᬢᭂᬗᬄᬗ᭄ᬯᬾᬩᭂᬦᭂ᭞ᬯᭂᬦᬂᬢᬶᬦᬥᬄᬫᬫᬶ᭞ᬫᬗ᭄ᬓᬦᬮᬶᬂᬲᬂᬳ᭄ᬬᬂᬓᬵᬮ᭞ ᬫᬯᬸᬯᬸᬲ᭄ᬪᬝᬭᬰᬶᬯ᭞ᬮᬄᬬᬯᭂᬦᬂᬓᬬᬮᬶᬂᬢ᭞ᬦᬵᬗ᭄ᬳᬶᬂᬬᬦ᭄ᬓᭂᬦᬤᬾᬦ᭄ᬢᬵᬜᭂᬧᬦᬶᬘᬘᬗ᭄ᬓ᭄ᬭᬶᬫᬦ᭄ᬫᬫᬶ᭞ᬫᬗ᭄ᬓᬾᬩᬧᬦ᭄ᬢᬵᬗ

Auto-transliteration

[11 11B] 11 lin̅g̅nirahadhtusan̅g̅hyan̅g̅kālahumuhaḥ, dumal̥ĕgsan̅g̅hyan̅g̅pañcajumara, malayutanpamputa mputan, hilan̅g̅tanpajamugha, kapanggiḥbaṭaraśiwa, lakālihablāwanbaṭarariśri, tanitihil̥ĕmbulanan̅g̅ swetawar̀ṇna, lumakutĕngaḥngwebĕnĕ, kamantyankrodhanirasan̅g̅hyan̅g̅kāla, har̥ĕpanadhaḥbapebunira, humangan̅g̅tutuknirakadisinghārodra, hanulimojar̀sirabaṭaraśiwa, lin̅g̅nira, iḥhajapwakitaha [12 12A] nadhaḥbapa'ibunta. hujar̀san̅g̅hyan̅g̅kāla, dhaḥsalaḥlampaḥpa'ibungku, hasin̅g̅wwan̅g̅lumakulakumaśatĕngaḥgwebĕnĕr̀, wĕnan̅g̅hanaktahanadhaḥ, salwan̅g̅salaḥlaku, yananawwan̅g̅maman̅g̅ggimaśasandhenola, mangkanapanugrahanirasan̅g̅hyan̅g̅ kasuhunkidul, hāpanibungkulumakumaśatĕngaḥngwebĕnĕ, wĕnan̅g̅tinadhaḥmami, mangkanalin̅g̅san̅g̅hyan̅g̅kāla, mawuwusbaṭaraśiwa, laḥyawĕnan̅g̅kayalin̅g̅ta, nānghin̅g̅yankĕnadentāñĕpanicacangkrimanmami, mangkebapantānga

Leaf 12

Image on Archive.org

[᭑᭒ 12B] ᭑᭒ ᬯᬶᬲ᭄ᬢᬭᬓᭂᬦ᭞ᬬᬦ᭄ᬓᭂᬦᬤᬾᬦ᭄ᬢ᭞ᬢᬥᬄᬩᬧᬇᬕᬸᬦ᭄ᬢ᭞ᬢᭂᬓᬦᬶᬂᬍᬫ᭄ᬩᬸᬦᬶᬗ᭄ᬡᬸᬮᬸᬦ᭄᭟ᬫᬶᬲᬶᬗ᭄ᬕᬶᬄᬲᬂᬳ᭄ᬬᬂᬓᬵᬮ᭞ᬮᬶᬂᬪᬝᬭᬰᬶᬯ᭞ ᬲ᭄ᬮᭀᬓᬵ᭞ᬳᬱ᭄ᬢᬧᬤᭀᬲᬲ᭄ᬢᬶᬓᬃᬦᭀ᭞ᬤ᭄ᬯᬶᬰᬺᬗ᭄ᬕᬶᬲᬧ᭄ᬢᬮᭀᬘᬦ᭞ᬘᬢᬸᬃᬪᬸᬚᬢ᭄ᬭᬶᬦᬪᬶᬦ᭄ᬘ᭞ᬏᬓᬪᬮᬤ᭄ᬯᬶᬧᬸᬭᬸᬰᬄ᭞ᬫ ᬲᬸᬯᬾᬪᬝᬭᬓᬵᬮ᭞ᬳᬸᬫᬗᭂᬦᬗᭂᬦ᭄ᬮᬸᬯᬶᬃᬦᬶᬂᬲᬧ᭄ᬢᬮᭀᬘᬦ᭞ᬢᬸᬦ᭄ᬯᭂᬭᬸᬄᬦ᭄ᬬᬭᬶᬲᭀᬘᬦᬶᬂᬓᬮ᭄ᬧᬶᬓᬓᬭᬲᬦᬸᬗ᭄ᬕ ᬮ᭄᭞ᬮ᭄ᬬᬦ᭄ᬲᬗ᭄ᬓᬾᬭᬶᬓ᭞ᬓᭂᬦᬤᬾᬦᬶᬭᬳᬜᭂᬧᬦᬶ᭞ᬢᬦ᭄ᬥᬸᬲ᭄ᬯᬾᬧᬶᬢᬸᬗ᭄ᬓᬲᬂᬳ᭄ᬬᬂᬓᬵᬮ᭞ᬮᬵᬯᬦ᭄ᬪᬝᬭᬰᬶᬯ᭞ᬳ᭠ [᭑᭓ 13A] ᬜᬧᬦᬶᬘᬘᬗ᭄ᬓ᭄ᬭᬶᬫᬦ᭄ᬲᬂᬩᬧ᭞ᬬᬦ᭄ᬳᬫᭂᬲᭂᬦ᭄ᬭᬶᬤᬍᬫ᭄ᬳᬢᬶᬲ᭄ᬯᬘᬶᬳ᭄ᬣᬪᬝᬭᬪᬝᬭᬶ᭞ᬭᬶᬓᬾᬫᭂᬗᬦ᭄ᬲᬂᬳ᭄ᬬᬂᬓᬵᬮ᭟ᬢᬦ᭄ᬤᬸ ᬫᬥᬾ᭞ᬲᬬᬦ᭄ᬮᬸᬫᬶᬗ᭄ᬲᬶᬃᬧᬮᬓᬸᬲᬂᬳ᭄ᬬᬂ᭞ᬯᬦ᭄ᬥᬾᬪᬝᬭ᭠ᬓᬵᬮᬫᬦᬥᬄᬪᬝᬭᬪᬝᬭᬶ᭞ᬳᬵᬧᬦ᭄ᬬᬳᬮᬄᬳᬘᬘ᭠ ᬗ᭄ᬓ᭄ᬭᬶᬫᬦ᭄ᬤᬾᬪᬝᬭᬰᬶᬯ᭞ᬫᬸᬂᬪᬝᬭᬪᬝᬭᬶᬫᬸᬮᬶᬄᬳᬂᬰᬶᬯᬧᬤᬫᬸᬯᬄ᭟ᬳᬸᬘᬧᬪᬝᬭᬓᬵᬮ᭞ᬫᬸᬯᬄᬮᬶᬦ ᬫ᭄ᬩᬸᬕᬦ᭄ᬥᬦᬾᬯᬶᬚᬬᬫᬮᬦᬶᬭᬲᬂᬧᬜ᭄ᬘᬓᬸᬫᬭ᭞ᬩᬶᬦᬸᬭᬸᬦᬶᬭᬫᬸᬯᬄ᭞ᬤᬤᬶᬳᬦᬯ᭄ᬯᬂᬳᬦᭂᬍᬲᬂᬮᬮᬂᬭᬶᬂᬦᬤᬷ᭞

Auto-transliteration

[12 12B] 12 wistarakĕna, yankĕnadenta, tadhaḥbapa'igunta, tĕkanin̅g̅l̥ĕmbuningṇulun. misinggiḥsan̅g̅hyan̅g̅kāla, lin̅g̅baṭaraśiwa, slokā, haṣtapadosastikar̀no, dwiśr̥ĕnggisaptalocana, catur̀bhujatrinabhinca, ekabaladwipuruśaḥ, ma suwebaṭarakāla, humangĕnangĕnluwir̀nin̅g̅saptalocana, tunwĕruḥnyarisocanin̅g̅kalpikakarasanungga l, lyansangkerika, kĕnadenirahañĕpani, tandhuswepitungkasan̅g̅hyan̅g̅kāla, lāwanbaṭaraśiwa, ha‐ [13 13A] ñapanicacangkrimansan̅g̅bapa, yanhamĕsĕnridal̥ĕmhatiswacihthabaṭarabaṭari, rikemĕngansan̅g̅hyan̅g̅kāla. tandu madhe, sayanlumingsir̀palakusan̅g̅hyan̅g̅, wandhebaṭara‐kālamanadhaḥbaṭarabaṭari, hāpanyahalaḥhacaca‐ ngkrimandebaṭaraśiwa, mun̅g̅baṭarabaṭarimuliḥhan̅g̅śiwapadamuwaḥ. hucapabaṭarakāla, muwaḥlina mbugandhanewijayamalanirasan̅g̅pañcakumara, binuruniramuwaḥ, dadihanawwan̅g̅hanĕl̥ĕsan̅g̅lalan̅g̅rin̅g̅nadī,

Leaf 13

Image on Archive.org

[᭑᭓ 13B] ᭑᭓ ᬓᬭᬶᬫᬩᬦ᭄ᬥᬓᬵᬮᬶᬄ᭞ᬓᬢᭀᬦ᭄ᬲᬂᬧᬜ᭄ᬘᬓᬸᬫᬭᬧ᭄ᬭᬶᬢᭂᬗᬳᬶᬗᬮᬮᬂ᭞ᬢᬦ᭄ᬥᬸᬲᬶᬦᬫ᭄ᬩᬸᬢᬶᬓᬂᬳᬮᬮᬂ᭞ᬮᬶᬦᬸᬓᬃᬤᬾᬦᬶᬭ᭞ ᬳᬸᬫᭂᬢ᭄ᬲᬂᬧᬜ᭄ᬘᬓᬸᬫᬭᬫᬸᬯᬄᬭᬶᬂᬤᭀᬄ᭞ᬓ᭄ᬭᭀᬥᬪᬝᬭᬓᬵᬮ᭞ᬯᬶᬦᬲ᭄ᬢᬸᬦᬶᬓᬂᬯ᭄ᬯᬂᬳᬦᭂᬍᬲᬶᬮᬮᬗᬢᬮᬶᬓᬵᬮᬶᬄ᭞ᬳᬸᬚ ᬭᬾ᭞ᬲ᭄ᬬᬧᬚ᭄ᬯᬗᭂᬜ᭄ᬘᭂᬩᬳᬮᬮᬂᬫᬢᬮᬶᬤᬸᬯ᭞ᬦᭀᬭᬦᬸᬘᬸᬮᬦ᭄ᬢᬮᬶᬤ᭄ᬬᬮᬕᬶᬲᬦᬸᬗ᭄ᬕᬮ᭄᭞ᬳᬲ᭄ᬢᬸᬯ᭄ᬯᬂᬫᬗ᭄ᬓᬦᬫ᭄ᬦᬾᬓᬢᭂ ᬓᬾᬂᬚᭂᬫᬄ᭞ᬢᬦ᭄ᬧᬯᬮᬶᬤᬤᬶᬚᬦ᭄ᬫᬫᬸᬯᬄ᭟ᬳᬶᬢᭂᬮᬲ᭄ᬫᬗ᭄ᬓᬦ᭞ᬫᬸᬯᬄᬩᬶᬦᬸᬭᬸᬲᬂᬧᬜ᭄ᬘᬓᬸᬫᬭ᭞ᬓᬢᭀᬗᭂᬧᭂ [᭑᭔ 14B] ᬧ᭄ᬭᬶᬲᭀᬭᬶᬂᬓᬮᬸᬫ᭄ᬧᬸ᭞ᬭᬶᬲᭀᬃᬦ᭄ᬬ᭞ᬳᬦᬳᬦ᭄ᬤᬪᬓᬶᬂ᭞ᬲᬳᬗᬶᬓᬧᬶᬦᭂᬲᭂᬮ᭄ᬢᬦᬶᬦᬸᬘᬸᬮᬦ᭄ᬢᬮᬶᬦ᭄ᬬ᭞ᬳᬶᬭᬶᬓᬲᬸᬫᬸᬭᬸᬧ᭄ᬲᬂᬧ ᬜ᭄ᬘᬓᬸᬫᬭᬳᬦᬸᬮᬶᬕᬶᬦᭀᬕᭀᬤᬾᬪᬝᬭᬓᬵᬮ᭞ᬤᬤᬶᬫ᭄ᬮᬾᬘᬲᬂᬧᬜ᭄ᬘᬓᬸᬫᬭ᭞ᬫᬸᬯᬄᬫᬮᬬᬸᬫᬭᬾᬂ ᬤᭀᬄ᭞ᬓ᭄ᬭᭀᬥᬲᬂᬳ᭄ᬬᬂᬓᬵᬮ᭞ᬢᬸᬃᬳᬫᬲ᭄ᬢᬸ᭞ᬜᬾᬦ᭄‌ᬚ᭄ᬯᬗᭂᬚᬂᬲᬳᬂᬩᭂᬢᬾᬦ᭄ᬢᬶᬦᭂᬗᬾ᭞ᬢ᭄ᬯᬭᬫ᭄ᬩᬸᬲᬶᬦᬢᬮᬶ ᬦᬾ᭞ᬳᬲ᭄ᬢᬸᬢᬦ᭄ᬳᬤᬶᬚᬦ᭄ᬫᬫᬸᬯᬄ᭟ᬫᬸᬯᬄᬓᬩᬸᬭᬸᬲᬂᬧᬜ᭄ᬘᬓᬸᬫᬭ᭞ᬓᬢᭀᬦ᭄ᬲᬸᬫᬸᬭᬸᬧ᭄ᬭᬶᬘᬗ᭄ᬓᭂᬫᬶᬂᬲ᭄ᬢᬦ᭄ᬤᬶᬮ

Auto-transliteration

[13 13B] 13 karimabandhakāliḥ, katonsan̅g̅pañcakumarapritĕngahingalalan̅g̅, tandhusinambutikan̅g̅halalan̅g̅, linukar̀denira, humĕtsan̅g̅pañcakumaramuwaḥrin̅g̅doḥ, krodhabaṭarakāla, winastunikan̅g̅wwan̅g̅hanĕl̥ĕsilalangatalikāliḥ, huja re, syapajwangĕñcĕbahalalan̅g̅mataliduwa, noranuculantalidyalagisanunggal, hastuwwan̅g̅mangkanamnekatĕ ken̅g̅jĕmaḥ, tanpawalidadijanmamuwaḥ. hitĕlasmangkana, muwaḥbinurusan̅g̅pañcakumara, katongĕpĕ [14 14B] prisorin̅g̅kalumpu, risor̀nya, hanahandabakin̅g̅, sahangikapinĕsĕltaninuculantalinya, hirikasumurupsan̅g̅pa ñcakumarahanuliginogodebaṭarakāla, dadimlecasan̅g̅pañcakumara, muwaḥmalayumaren̅g̅ doḥ, krodhasan̅g̅hyan̅g̅kāla, tur̀hamastu, ñenjwangĕjan̅g̅sahan̅g̅bĕtentinĕnge, twarambusinatali ne, hastutanhadijanmamuwaḥ. muwaḥkaburusan̅g̅pañcakumara, katonsumurupricangkĕmin̅g̅standila

Leaf 14

Image on Archive.org

[᭑᭔ 14B] ᭑᭔ ᭞ᬫᬸᬯᬄᬕᬶᬦᭀᬕᭀᬯᬾᬪᬝᬭᬓᬵᬮ᭞ᬤᬤᬶᬫᬮᬾᬘᬓᬭᬶᬭᬸᬦ᭄᭞ᬳᬵᬧᬦ᭄ᬦᭀᬭᬢᬶᬦᬸᬳᬸᬫᬦ᭄ᬭᬶᬭᬸᬦ᭄ᬬ᭞ᬓ᭄ᬭᭀᬤᬤ ᬪᬝᬭᬓᬵᬮ᭞ᬢᬸᬃᬳᬫᬲ᭄ᬢᬸ᭟ᬜᬾᬦ᭄‌ᬚ᭄ᬯᬫᬧᬸᬦ᭄ᬧᬸᬦ᭄‌ᬢ᭄ᬯᬭᬓᭂᬓᭂᬧᬶᬦ᭄ᬭᬶᬭᬸᬦ᭄ᬦᬾ᭞ᬯᬲ᭄ᬢᬸᬢᬦ᭄ᬧᬦ᭄ᬤᬤᬶᬚᬦ᭄ᬫᬫᬸᬯᬄ᭟ᬫ ᬗᬾᬳᬸᬘᬧᬲᬵᬫ᭄ᬧᬸᬦ᭄ᬲᬦ᭄ᬥᬾᬓᬵᬮ᭞ᬦᭀᬭᬓᬧᬗ᭄ᬕᬶᬄᬲᬂᬧᬜ᭄ᬘᬓᬸᬫᬭ᭞ᬩᬶᬦᬸᬭᬸᬤᬾᬦᬶᬭ᭟ᬤᬤᬶᬳᬦᬓᬧ ᬗ᭄ᬕᬶᬄ᭞ᬯ᭄ᬯᬂᬫᬢᬸᬓᬃᬮᬵᬯᬦ᭄ᬲᬦᬓ᭄ᬦ᭄ᬬ᭞ᬓᭂᬳᭂᬪᬶᬦᬓ᭄ᬱᬤᬾᬲᬂᬳ᭄ᬬᬂᬓᬵᬮ᭞ᬢᬸᬃᬯᬶᬦᬲ᭄ᬢᬸᬓᬂᬭᬵᬮ᭄᭞ᬲ᭄ᬬᬧᬚᬸᬕ [᭑᭕ 15A] ᬳᬶᬓᬂᬯ᭄ᬯᬂ᭞ᬫᬋᬩᬢ᭄ᬫᬰᬲᬦ᭄ᬥᬾᬓᬵᬮ᭞ᬯᭂᬦᬂᬬᬳᬶᬦᬯᬄᬤᬾᬦᬶᬜᬾᬂ᭞ᬫᬗ᭄ᬓᬦᬢᬦ᭄ᬢᬸᬪᬝᬭᬓᬵᬮ᭟ᬫᬸᬯᬄᬭᬶᬦᬸᬭᬸᬄᬲᬂ ᬧᬜ᭄ᬘᬓᬸᬫᬭ᭞ᬓᬢᭂᬓᬦ᭄ᬭᬢ᭄ᬭᬶᬫᬰᬭᬶᬂᬢᭂᬗᬄᬯᭂᬗᬶ᭞ᬳᬦᬯᭀᬂᬤᬮᬂᬳᬗ᭄ᬯᬬᬂ᭞ᬦᭂᬫᭀᬦᬶᬦ᭄‌ᬯᬸᬓᬸᬢᬸᬫ᭄ᬧᭂᬓ᭄ᬯᬬᬂ ᬲᬗᬦᬵᬫᬫ᭄ᬧᬸᬮᬾᬕᬾᬃᬗ᭄ᬯᬬᬂ᭞ᬲᬵᬫ᭄ᬧᬸᬦᬗᬋᬧᬦᬘᬬᬂᬘᬮᬚᬸᬭᬸᬋᬱᭂᬧ᭄ᬦ᭄ᬬ᭞ᬯᬸᬲ᭄ᬢᬶᬦᬩᭂᬄ᭞ᬲ᭄ᬯᬭᬦ᭄ᬬᬫᬦᬶᬲᬭᬸᬫ᭄᭟ ᬓᬜ᭄ᬘᬶᬢ᭄ᬤᬢᭂᬂᬪᬝᬭᬓᬵᬮ᭞ᬳᬫᬸᬭᬸᬲᬂᬧᬜ᭄ᬘᬓᬸᬫᬭ᭞ᬳᬦᬗᬶᬲ᭄ᬲᬂᬧᬜ᭄ᬘᬓᬸᬫᬭ᭞ᬳᬫᭂᬮᬲᬃᬱ᭞ᬗᬰ᭄ᬭ

Auto-transliteration

[14 14B] 14 , muwaḥginogowebaṭarakāla, dadimalecakarirun, hāpannoratinuhumanrirunya, krodada baṭarakāla, tur̀hamastu. ñenjwamapunpuntwarakĕkĕpinrirunne, wastutanpandadijanmamuwaḥ. ma ngehucapasāmpunsandhekāla, norakapanggiḥsan̅g̅pañcakumara, binurudenira. dadihanakapa nggiḥ, wwan̅g̅matukar̀lāwansanaknya, kĕhĕbhinakṣadesan̅g̅hyan̅g̅kāla, tur̀winastukan̅g̅rāl, syapajuga [15 15A] hikan̅g̅wwan̅g̅, mar̥ĕbatmaśasandhekāla, wĕnan̅g̅yahinawaḥdeniñen̅g̅, mangkanatantubaṭarakāla. muwaḥrinuruḥsan̅g̅ pañcakumara, katĕkanratrimaśarin̅g̅tĕngaḥwĕngi, hanawon̅g̅dalan̅g̅hangwayan̅g̅, nĕmoninwukutumpĕkwayan̅g̅ sanganāmampuleger̀ngwayan̅g̅, sāmpunangar̥ĕpanacayan̅g̅calajurur̥ĕsyĕpnya, wustinabĕḥ, swaranyamanisarum. kañcitdatĕn̅g̅baṭarakāla, hamurusan̅g̅pañcakumara, hanangissan̅g̅pañcakumara, hamĕlasar̀ṣa, ngaśra

Leaf 15

Image on Archive.org

[᭑᭕ 15B] ᭑᭕ ᬬᬵᬫᬶᬦ᭄ᬢᬉᬭᬶᬧ᭄᭞ᬍᬲ᭄ᬲᬸᬫᬸᬗ᭄ᬓᭂᬫ᭄ᬭᬶᬧᬦ᭄ᬓ᭄ᬯᬦᬶᬂᬲᬂᬥᬮᬂ᭞ᬤᬤᬶᬓᬕ᭄ᬬᬢ᭄‌ᬫ᭄ᬧᬸᬮᬾᬕᬾᬃ᭞ᬢᬸᬃᬳᬗ᭄ᬮᬶᬂ᭞ᬥᬸᬄᬲ᭄ᬬᬧᬤᬾᬯᬓᬸᬫᬸᬧ ᬩ᭄ᬭᬶᬂᬓᬶᬲᬧ᭄ᬯᬓ᭄ᬓᬸᬦᬾ᭟ᬮᬶᬂᬲᬂᬢᬶᬦᬜᬦ᭄᭞ᬳᬸᬮᬸᬦ᭄ᬫᬗᬭᬦ᭄ᬲᬂᬧᬜ᭄ᬘᬓᬸᬫᬭ᭞ᬳᬦᬓ᭄ᬦᬶᬭᬪᬝᬭᬕᬸᬭᬸ᭞ᬳᬫᬶᬦ᭄ᬢᬉᬭᬶᬧ᭄ᬭᬶᬲᬂ ᬧᬗᭂᬫ᭄ᬧᬸᬦ᭄᭞ᬗ᭄ᬳᬸᬮᬸᬦ᭄ᬫᬬᬢᬶᬦᬥᬄᬤᬾᬓᬓᬦᬶᬗ᭄ᬳᬸᬮᬸᬦ᭄ᬪᬝᬭᬓᬵᬮ᭞ᬲᬶᬦᬸᬂᬦᬸᬕ᭄ᬭᬳᬭᬶᬲᬂᬳ᭄ᬬᬂᬓᬲᬸᬳᬸᬦ᭄ᬓᬶᬤᬸᬮ᭄᭞ ᬲᬮ᭄ᬯᬶᬭᬶᬯ᭄ᬯᬂᬮᬢᭂᬢᭀᬦ᭄ᬭᬶᬯᬸᬓᬸᬯᬭᬯᬬᬂ᭞ᬗ᭄ᬳᬸᬮᬸᬦ᭄ᬫ᭠ᬢᬸᬭᬶᬂᬤᬶᬦ᭞ᬘᬦᬶᬰ᭄ᬘᬭ᭞ᬓ᭄ᬮᬶᬯᭀᬦ᭄᭞ᬯᬭᬯᬬᬂ᭞ᬬᬢᬶᬓᬧ [᭑᭖ 16A] ᬗᬰ᭄ᬭᬬᬫᬫᬶᬭᬶᬲᬂᬧᬗᭂᬫ᭄ᬧ᭄ᬯᬦ᭄᭟ᬳᬗ᭄ᬮᬶᬂᬫ᭄ᬧᬸᬮᬾᬕᬾᬃ᭞ᬥᬸᬄᬫᬵᬲ᭄ᬓᬸᬳᬯᭂᬮᬲᬓᬸᬭᬶᬓᬶᬢ᭞ᬳᬸᬮᬸᬦ᭄ᬫᬗᬶᬮ᭄ᬯᬦᭂᬦ᭄ᬓᬶᬢ᭞ᬲᬶᬦ ᬫ᭄ᬩᬸᬢ᭄ᬲᬂᬧᬜ᭄ᬘᬓᬸᬫᬭ᭞ᬲᬶᬦᬸᬭᬸᬧᬓᭂᬦ᭄ᬭᬶᬂᬮ᭄ᬬᬗᬶᬂᬧ᭠ᬮᬯᬳᬶᬂᬋᬤᭂᬧ᭄᭞ᬋᬤᭂᬧ᭄᭞ᬗ᭞ᬕᭂᬦ᭄ᬤᬾᬃ᭟ᬢᬦ᭄ᬓᭀᬘᬧᬦ᭄‌ᬫ᭄ᬧᬸ ᬮᬾᬕᬾᬃᬫᬸᬯᬄᬗ᭄ᬯᬬᬂ᭞ᬳᬦᬸᬳᬸᬕᬓᭂᬦ᭄ᬧᬮᬓ᭄ᬯᬦᬶᬂᬘᬭᬶᬢᬗᬦᬶ᭟ᬲᭂᬥᭂᬂᬭᬵᬫ᭄ᬬᬦᬶᬓᬂᬯᬬᬂ᭞ᬚᬳ᭄ᬥᬕᭂᬂᬲᬂ ᬳ᭄ᬬᬂᬓᬵᬮ᭞ᬚᬸᬫᬸᬚᬸᬕ᭄ᬫᬭᬶᬂᬡᬦ᭄ᬢᭂᬦ᭄᭞ᬤᬳᬢ᭄ᬮᬧᬯᬼᬓᬂ᭞ᬢᬦ᭄ᬥᬸᬪᬦᬓ᭄ᬱᬲᬦ᭄ᬮᬦᬶᬂᬩᬩᬗ᭄ᬓᬶᬢ᭄ᬓᬩᬾᬄ᭞ᬳᭂ

Auto-transliteration

[15 15B] 15 yāminta'urip, l̥ĕssumungkĕmripankwanin̅g̅san̅g̅dhalan̅g̅, dadikagyatmpuleger̀, tur̀hanglin̅g̅, dhuḥsyapadewakumupa brin̅g̅kisapwakkune. lin̅g̅san̅g̅tinañan, hulunmangaransan̅g̅pañcakumara, hanaknirabaṭaraguru, haminta'uriprisan̅g̅ pangĕmpun, nghulunmayatinadhaḥdekakaninghulunbaṭarakāla, sinun̅g̅nugraharisan̅g̅hyan̅g̅kasuhunkidul, salwiriwwan̅g̅latĕtonriwukuwarawayan̅g̅, nghulunma‐turin̅g̅dina, caniścara, kliwon, warawayan̅g̅, yatikapa [16 16A] ngaśrayamamirisan̅g̅pangĕmpwan. hanglin̅g̅mpuleger̀, dhuḥmāskuhawĕlasakurikita, hulunmangilwanĕnkita, sina mbutsan̅g̅pañcakumara, sinurupakĕnrin̅g̅lyangin̅g̅pa‐lawahin̅g̅r̥ĕdĕp, r̥ĕdĕp, nga, gĕnder̀. tankocapanmpu leger̀muwaḥngwayan̅g̅, hanuhugakĕnpalakwanin̅g̅caritangani. sĕdhĕn̅g̅rāmyanikan̅g̅wayan̅g̅, jahdhagĕn̅g̅san̅g̅ hyan̅g̅kāla, jumujugmarin̅g̅ṇantĕn, dahatlapawl̥ĕkan̅g̅, tandhubanakṣasanlanin̅g̅babangkitkabeḥ, hĕ

Leaf 16

Image on Archive.org

[᭑᭖ 16B] ᭑᭖ ᬦ᭄ᬢᬶᬢᬦ᭄ᬧᬰᬾᬱᬤᬾᬦᬶᬭ᭞ᬯᬶᬤ᭄ᬥᬶᬯᬥᬦᬦᬶᬂᬗ᭄ᬯᬬᬂ᭞ᬤᬤᬶᬓᬳᬯᬸᬭᬳ᭄ᬲᬂᬳᬗ᭄ᬯᬶᬤᬸ᭞ᬫ᭄ᬯᬂᬚᬸᬭᬸᬦᬶᬂᬫᬺᬤᬗ᭄ᬕ᭞ᬢᭂᬓᬦᬶᬂᬘ᭄ᬯᬂ ᬮᬦᭀᬦ᭄ᬢᭀᬦ᭄᭞ᬧᬥᬳᬦ᭄ᬤᬸᬮᬸᬯᬃᬡ᭄ᬦᬦᬶᬭᬲᬂᬳ᭄ᬬᬂ᭠ᬓᬵᬮ᭞ᬓᬤᬶᬢ᭄ᬭᬧ᭄ᬦᬶᬂᬭᬵᬓ᭄ᬱᬲᬵᬗᬯᬢᬭ᭞ᬇᬋᬂᬯᬃᬡ᭄ᬦᬦ᭄ᬬ᭞ ᬩᬵᬂᬭᬫ᭄ᬩᬸᬢ᭄ᬦ᭄ᬬ᭞ᬫᬸᬭᬶᬭᬶᬂᬳᬯ᭄ᬭᬸᬢ᭄ᬯ᭄ᬭᬸᬢᬦ᭄᭞ᬲᭀᬘᬓ᭄ᬬᬮ᭄ᬯᬶᬃᬢᬾᬚᬦᬶᬂᬯᬶᬦ᭄ᬢᬂᬢᬸᬫᬫ᭄ᬩᬕ᭞ᬳᬕᭃᬂᬳᬭᬸᬳᬸᬃᬧᬗᬤᭂ᭠ ᬕ᭄ᬦ᭄ᬬ᭞ᬳᬫᬬᬫᬬᬚᬢᬶᬲᬶᬭ᭟ᬫᭀᬚᬃᬫ᭄ᬧᬸᬮᬾᬕᬾᬃᬳᬕᬯᬾᬧᬭᬦ᭄ᬧᬤᬸᬓᬪᬝᬭᬓᬵᬮ᭞ᬚᬕ᭄ᬡ [᭑᭗ 17A] ᬫᬗᬦ᭄ᬧᬩᬦ᭄ᬢᭂᬦᬶᬗ᭄ᬲᬸᬦ᭄᭞ᬗᬸᬦᬶᬯᬾᬄᬤᬸᬭᬸᬂᬳᬸᬯᬸᬲᬦ᭄ᬫᬦᬶᬭᬳᬗ᭄ᬯᬬᬂ᭞ᬭᬶᬂᬦ᭄ᬥᬶᬫᬫᬶᬗᬫᬾᬢ᭄ᬯᬶᬤ᭄ᬥᬶᬯᬶᬥᬦᬫᬸᬯᬄ᭟ ᬮᬶᬂᬪᬝᬭᬓᬵᬮ᭞ᬯᬾᬳᭂᬦ᭄ᬢᬥᬳᬦ᭄ᬫᬫᬶᬲᬂᬧᬜ᭄ᬘᬓᬸᬫ᭞ᬳᬵᬦᬦ᭄ᬓᬶᬢᬳᬸᬫᬸᬗᬸᬧᬦᭂᬦ᭄ᬭᬶᬗ᭄ᬓᬾ᭞ᬬᬤᭀᬦᬶᬗ᭄ᬳᬸ ᬮᬸᬦᬸᬫᬗᬦ᭄ᬧᬕᬦ᭄ᬢᭂᬦ᭄ᬢ᭞ᬓᬫᬸᬯᭀᬂᬤᬮᬲᬮᬄ᭞ᬲᬯᬸᬃᬫ᭄ᬧᬸᬮᬾᬕᬾᬃᬦ᭄ᬤᬶᬢᬦᬯᭀᬂᬫᬯᬾᬄ᭞ᬬᬦ᭄ᬳᬸᬭᬸᬂᬳ᭠ ᬦᬧᬫᬶᬦ᭄ᬢ᭞ᬰᬢ᭄ᬭᬸᬦ᭄ᬢᬲᬂᬧᬜ᭄ᬘᬓᬸᬫᬭ᭞ᬗᬰᬬᬾᬃᬉᬭᬶᬧ᭄ᬭᬶᬓᬫᬶ᭞ᬬᬦ᭄ᬳᬦᬧᬫᬶᬦ᭄ᬢᬦ᭄ᬢᬭᬸᬫᬸᬦ᭄᭞ᬯᭂ᭠

Auto-transliteration

[16 16B] 16 ntitanpaśeṣadenira, widdhiwadhananin̅g̅ngwayan̅g̅, dadikahawurahsan̅g̅hangwidu, mwan̅g̅jurunin̅g̅mr̥ĕdangga, tĕkanin̅g̅cwan̅g̅ lanonton, padhahanduluwar̀ṇnanirasan̅g̅hyan̅g̅‐kāla, kaditrapnin̅g̅rākṣasāngawatara, ir̥ĕn̅g̅war̀ṇnanya, bān̅g̅rambutnya, muririn̅g̅hawrutwrutan, socakyalwir̀tejanin̅g̅wintan̅g̅tumambaga, hagön̅g̅haruhur̀pangadĕ‐ gnya, hamayamayajatisira. mojar̀mpuleger̀hagaweparanpadukabaṭarakāla, jagṇa [17 17A] manganpabantĕningsun, nguniweḥdurun̅g̅huwusanmanirahangwayan̅g̅, rin̅g̅ndhimamingametwiddhiwidhanamuwaḥ. lin̅g̅baṭarakāla, wehĕntadhahanmamisan̅g̅pañcakuma, hānankitahumungupanĕnringke, yadoninghu lunumanganpagantĕnta, kamuwon̅g̅dalasalaḥ, sawur̀mpuleger̀nditanawon̅g̅maweḥ, yanhurun̅g̅ha‐ napaminta, śatruntasan̅g̅pañcakumara, ngaśayer̀uriprikami, yanhanapamintantarumun, wĕ‐

Leaf 17

Image on Archive.org

[᭑᭗ 17B] ᭑᭗ ᬦᬂᬓᬫᬶᬧᬯᬾᬄᬢᬦ᭄ᬧᬯᬾᬄ᭞ᬳᬵᬧᬦ᭄ᬢᬸᬭᬸᬂᬳᬦᬧᬫᬶᬦ᭄ᬢᬦ᭄ᬢᬭᬶᬓᬫᬶ᭞ᬚᬕ᭄ᬪᬓ᭄ᬱᬲᬩᬦ᭄ᬢᭂᬦᬶᬂᬗ᭄ᬳᬸᬮᬸᬦ?᭞ᬪᬝᬭ ᬓᬵᬮᬲᬮᬄ᭞ᬬᬦ᭄ᬲᬸᬮᬸᬳᬶᬦ᭄ᬭᬶᬂᬥᬃᬫ᭄ᬫᬰᬲ᭄ᬢ᭄ᬭ᭞ᬧᬫᬸᬢᬸᬲᬶᬭᬪᬝᬭᬫᬦᬸᬗᬸᬦᬶ᭞ᬧᬲᬶᬮᬶᬳᬦ᭄ᬧᬩᬦ᭄ᬢᭂᬦᬶᬂᬗ᭄ᬳᬸᬮᬸ ᬦ᭄ᬫᬗ᭄ᬓᬾ᭞ᬪᬝᬭᬓᬵᬮᬮᬓᬳᭂᬳᬦ᭄ᬤᬾᬦᬶᬂᬗ᭄ᬳᬸᬮᬸᬦ᭄᭞ᬓᬗᬩᭂᬘᬶᬓ᭄ᬭᬗ᭄ᬓᬾ᭞ᬧᬤᬸᬓᬪᬝᬭᬳᬲᬸᬂᬦᬸᬕ᭄ᬭᬳᬭᬶᬧᬶᬦᬓᬗ᭄ᬳᬸᬮᬸᬦ᭄᭞ ᬧᬓᭂᬦᬦᬶᬂᬚᬕᬢ᭄ᬓᬩᬾᬄ᭞ᬤᬾᬦ᭄ᬬᬯᭂᬭᬸᬳ᭞ᬧᬲᬫ᭄ᬧ᭄ᬭᬶᬢᬶᬦᬶᬗ᭄ᬳᬸᬮᬸᬦ᭄ᬓᬮᬯᬦ᭄ᬓᬶᬢ᭞ᬫᭂᬦᬾᬧᬸᬃᬯ᭄ᬯᬓᬦ᭄ᬬ᭞ᬯ᭄ᬯᬂᬳᬦᬯᬸᬃᬳᬸ [᭑᭘ 18A] ᬯᬂᬭᬶᬓᬶᬢ᭞ᬲᬮᬦ᭄ᬮᬦᬶᬂᬧᬩᬗ᭄ᬓᬶᬢ᭄‌ᬤᬾᬦᬕᭂᬦᭂᬧ᭄᭞ᬲᬮ᭄ᬯᬶᬭᬶᬂᬯ᭄ᬯᬂᬳᬯᭂᬢᭀᬦ᭄ᬭᬶᬂᬯᬸᬓᬸᬯᬭᬯᬬᬂ᭞ᬫᬃᬭ᭄ᬬᬓᬶᬢᬢᬫᬦᬥᬢᬶ ᬭᬶᬬ᭞ᬬᬦ᭄ᬢᬦ᭄ᬬᬫᬦᬯᬸᬃᬳᬸᬢᬂᬳᬸᬢᬂᬭᬶᬓᬶᬢ᭞ᬲᬓᬳ᭄ᬬᬦ᭄ᬢᬪᬝᬭᬓᬵᬮ᭞ᬫᬓᬦᬶᬫ᭄ᬫᬶᬢ᭞ᬲᬦᬓ᭄ᬢᬲᬂᬧᬜ᭄ᬘᬓᬸᬫᬭ᭞ᬓᬲ᭠ ᬫ᭄ᬧᬸᬃᬡ᭄ᬦᬤᬾᬪᬝᬭᬓᬵᬮ᭞ᬓᬯᭂᬭᬸᬳᬦᬤᬾᬦᬶᬂᬯ᭄ᬯᬂᬓᬩᬾᬄ᭞ᬳᬸᬗ᭄ᬕ᭄ᬯᬓᬶᬦ᭄ᬭᬶᬂᬋᬋᬧᬶᬦᬸᬕ᭄ᬭᬳᬦ᭄ᬢᬭᬶᬗ᭄ᬳᬸᬮᬸᬦ᭄᭞ᬓᬯᭂᬭᬸ᭠ ᬳᬦᬤᬾᬦᬶᬂᬯ᭄ᬯᬂᬓᬩᬾᬄᬕᭂᬓᬾᬤᭂᬮᬢ᭞ᬯᭂᬤᬭᬦ᭄ᬓᬸᬲᬦᬓ᭄ᬢᬲᬧᬜ᭄ᬘᬓᬸᬫᬭ᭞ᬳᬬ᭄ᬯᬰᬸᬫ᭟ᬯᬶᬤᭂᬢ᭄ᬯᬓᭂᬦ᭄ᬲᬂᬧᬜ᭄ᬘ

Auto-transliteration

[17 17B] 17 nan̅g̅kamipaweḥtanpaweḥ, hāpanturun̅g̅hanapamintantarikami, jagbakṣasabantĕnin̅g̅nghuluna?, baṭara kālasalaḥ, yansuluhinrin̅g̅dhar̀mmaśastra, pamutusirabaṭaramanunguni, pasilihanpabantĕnin̅g̅nghulu nmangke, baṭarakālalakahĕhandenin̅g̅nghulun, kangabĕcikrangke, padukabaṭarahasun̅g̅nugraharipinakanghulun, pakĕnanin̅g̅jagatkabeḥ, denyawĕruha, pasampritininghulunkalawankita, mĕnepur̀wwakanya, wwan̅g̅hanawur̀hu [18 18A] wan̅g̅rikita, salanlanin̅g̅pabangkitdenagĕnĕp, salwirin̅g̅wwan̅g̅hawĕtonrin̅g̅wukuwarawayan̅g̅, mar̀ryakitatamanadhati riya, yantanyamanawur̀hutan̅g̅hutan̅g̅rikita, sakahyantabaṭarakāla, makanimmita, sanaktasan̅g̅pañcakumara, kasa‐ mpur̀ṇnadebaṭarakāla, kawĕruhanadenin̅g̅wwan̅g̅kabeḥ, hunggwakinrin̅g̅r̥ĕr̥ĕpinugrahantaringhulun, kawĕru‐ hanadenin̅g̅wwan̅g̅kabeḥgĕkedĕlata, wĕdarankusanaktasapañcakumara, haywaśuma. widĕtwakĕnsan̅g̅pañca

Leaf 18

Image on Archive.org

[᭑᭘ 18B] ᭑᭘ ᬓᬸᬫᬭᬤᬾᬫ᭄ᬧᬸᬮᬾᬕᬾᬃ᭟ᬇᬭᬶᬓᬲᭀᬫ᭄ᬬᬳᬢᬶᬦᬶᬭᬪᬝᬭᬓᬵᬮ᭞ᬲᬸᬓᬢᬦ᭄ᬪᬓ᭄ᬱᬲᬂᬧᬜ᭄ᬘᬓᬸᬫᬭ᭟ᬲᬵᬫ᭄ᬧᬸᬦ᭄ᬓᬋᬗᭃ ᬲᭀᬚᬭᬶᬭᬫ᭄ᬧᬸᬮᬾᬕᬾᬃ᭞ᬲᬗ᭄ᬓᬾᬚ᭄ᬭᭀᬦᬶᬂᬢᬲᬯᬄ᭞᭠ᬯᭂᬦᬂᬫᬓᬧᬓᬺᬢᬶᬦᬶᬂᬚᬕᬢ᭄᭞ᬫᬰᬶᬳᬾᬂᬰᬶᬭᬦᬶᬭ᭞ᬫᬸᬃᬲᬂᬧ ᬜ᭄ᬘᬓᬸᬫᬭᬦ᭄ᬢᬸᬓᬾᬂᬰ᭄ᬯᬃᬕ᭄ᬕᬮᭀᬓ᭞ᬓᬵᬭᬶᬫ᭄ᬧᬸᬮᬾᬕᬳᬾᬃᬳᬗᬸᬘᬧᬸᬘᬧ᭄ᬮᬵᬯᬦ᭄ᬪᬝᬭᬓᬵᬮ᭟ᬥᬸᬄᬩᬧᬯᭀᬂ ᬳᬫᬗ᭄ᬓᬸᬥᬮᬂ᭞ᬯᬶᬥᬸᬗᬭᬦ᭄ᬳᬯᬦᬾᬄ᭞ᬓᬯᭂᬭᬸᬳᬦᬤᬾᬦᬶᬂᬯ᭄ᬯᬂ᭞ᬓᬲᬸᬕᬸᬮᬦ᭄ᬢᬫᬗ᭄ᬓᬸᬥᬮᬂᬗᬭᬦ᭄ᬢ᭞ᬓᬺᬢᬵᬓᬸᬭᬕᬾ [᭑᭙ 19A] ᬓᬶᬭᬶᬂᬭᬵᬢ᭄᭞ᬫᬳᬩᬸᬤ᭄ᬥᬶᬫᬾᬢ᭄ᬭᬶᬓᬭᬸᬡᬲ᭄ᬯᬪᬯᬦ᭄ᬢᬭᬶᬭᬵᬢ᭄ᬓᬩᬾᬄ᭞ᬫᬓᬧᬸᬃᬯ᭄ᬯᬓᬲᬦᬓ᭄ᬫᬫᬶ᭞ᬲᬫ᭄ᬧ᭄ᬭᬶᬢᬦ᭄ᬢᬭᬶᬗ᭄ᬳᬸᬮᬸᬦ᭄᭞ᬫᬶ ᬲᬶᬗ᭄ᬕᬶᬄᬫᬫᬶᬲᬯᬸᬯᬸᬲ᭄ᬢ᭞ᬧᬕᭂᬳᬓᭂᬦᬓᭂᬢᬳᬫᬗ᭄ᬓᬸᬥᬃᬫ᭄ᬫᬧᬯᬬᬗᬦ᭄᭞ᬦᬶᬢ᭄ᬬᬰᬫᬾᬗᭂᬢᬓᬶᬢᬭᬶᬓᬫᬶ᭞ᬯᭂᬦᬂᬓᬶᬢᬵ ᬦᬩᬵᬓᭂᬦ᭄ᬧᬗ᭄ᬮᬸᬓᬢᬦᬶᬭᬫ᭄ᬧᬸᬮᬾᬕᬾᬃᬓᬢᭂᬓᬢᭂᬓᬾᬂᬚᭂᬫᬄ᭞ᬇᬢᬶᬧᬗᬩᬦ᭄ᬢᭂᬦ᭄ᬬᬦᬶᬫ᭄ᬫᬶᬢᬦ᭄ᬬᬓᬤᬶᬤᬗᬸ᭞ᬳᬸᬘ ᬧᬲᬂᬧᬜ᭄ᬘᬓᬸᬫᬭ᭞ᬯᬮᬸᬦ᭄ᬬᬫᬸᬃᬫᬦ᭄ᬢᬸᬓᬾᬂᬰ᭄ᬯᬃᬕ᭄ᬕ᭟ᬲᬥᬢᭂᬗᬄᬭᬂᬳᬓᬱ᭞ᬯᬶᬦᬧᬕ᭄ᬤᬾᬦᬶᬂᬩᬧᬇᬩᬸᬦᬶᬭ᭞ᬳᬦᬸᬗ᭄ᬕᬂ᭠

Auto-transliteration

[18 18B] 18 kumaradempuleger̀. irikasomyahatinirabaṭarakāla, sukatanbakṣasan̅g̅pañcakumara. sāmpunkar̥ĕngö sojarirampuleger̀, sangkejronin̅g̅tasawaḥ, ‐wĕnan̅g̅makapakr̥ĕtinin̅g̅jagat, maśihen̅g̅śiranira, mur̀san̅g̅pa ñcakumarantuken̅g̅śwar̀ggaloka, kārimpulegaher̀hangucapucaplāwanbaṭarakāla. dhuḥbapawon̅g̅ hamangkudhalan̅g̅, widhungaranhawaneḥ, kawĕruhanadenin̅g̅wwan̅g̅, kasugulantamangkudhalan̅g̅ngaranta, kr̥ĕtākurage [19 19A] kirin̅g̅rāt, mahabuddhimetrikaruṇaswabawantarirātkabeḥ, makapur̀wwakasanakmami, sampritantaringhulun, mi singgiḥmamisawuwusta, pagĕhakĕnakĕtahamangkudhar̀mmapawayangan, nityaśamengĕtakitarikami, wĕnan̅g̅kitā nabākĕnpanglukatanirampuleger̀katĕkatĕken̅g̅jĕmaḥ, itipangabantĕnyanimmitanyakadidangu, huca pasan̅g̅pañcakumara, walunyamur̀mantuken̅g̅śwar̀gga. sadhatĕngaḥran̅g̅hakaṣa, winapagdenin̅g̅bapa'ibunira, hanunggan̅g̅‐

Leaf 19

Image on Archive.org

[᭑᭙ 19B] ᭑᭙ ᬍᬫ᭄ᬩᬸᬲ᭄ᬯᬾᬢᬯᬃᬡ᭄ᬦ᭞ᬪᬝᬭᬰᬶᬯᬮᬵᬯᬦ᭄ᬪᬝᬭᬶᬰ᭄ᬭᬶ᭞ᬲᬶᬦᬫ᭄ᬩ᭄ᬯᬢ᭄ᬲᬂᬧᬜ᭄ᬘᬓᬸᬫᬭ᭞ᬓᬶᬦᭀᬦ᭄ᬧᬋᬂᬳᬗ᭄ᬮᬶᬗ᭄ᬕᬶᬳᬶᬍᬫ᭄ᬩᬸᬤᬾᬯᬢ᭞ ᬳᬦᬸᬮ᭄ᬬᬫᬸᬃᬫᬦ᭄ᬢᬸᬓᬾᬂᬤ᭄ᬯᬃᬕ᭄ᬳᬰᬶᬯᬮᭀᬓ᭞ᬧᬦᬧᬕ᭄ᬤᬾᬦᬶᬂᬯᬶᬥ᭄ᬬᬵᬤᬭᬯᬶᬥ᭄ᬬᬵᬤᬭᬷ᭞ᬲᬳᬯᬶᬥᬶᬯᬶᬥᬦᬦ᭄ᬬ᭞ᬧᬶᬦᬸᬚᬤᬾᬪᬝ ᬭᬕᬸᬭᬸ᭞ᬲᬶᬦᬸᬤ᭄ᬥᬫᬮᬮ᭄ᬭᬬᬦᬶᬭ᭞ᬯᬶᬲᬃᬚ᭄ᬚᬫᬮᬶᬮᬂᬧᬵᬧᬓ᭄ᬮᬾᬰᬦᬶᬭᬓᬩᬾᬄ᭞ᬯᬮᬸᬬᬚᬢᬶᬓᬤᬶᬤᬗᬸ᭟᭜᭟ᬇ᭠ ᬢᬶᬧᬩᬦ᭄ᬢᭂᬦ᭄ᬧᬗ᭄ᬮᬸᬓᬦ᭄‌ᬫ᭄ᬧᬸᬮᬾᬕᬾᬃ᭞ᬮᬸᬯᬶᬃᬦ᭄ᬬ᭞ᬳᬗᬤᭂᬕᬓᭂᬦᬲᬗ᭄ᬕᬃᬢᬸᬢᬸᬦ᭄᭞ᬫᬸᬗ᭄ᬕᬄᬲᬘᬶ᭞᭒᭞ᬲᭀᬭᭀᬄ᭞ᬕᭂ [᭒᭐ 20A] ᬦᭂᬧ᭄ᬲᬮᬦ᭄ᬮᬦᬶᬂᬩᬦ᭄ᬢᭂᬦ᭄ᬲᬸᬘᬶᬓᬤᬶᬤᬶᬤᬗᬸ᭞ᬭᬶᬂᬲᭀᬃᬦ᭄ᬬᬧᬩᬗ᭄ᬓᬶᬢ᭄ᬳᬲᭀᬭᭀᬄ᭞ᬕᭂᬳᭂᬧ᭄ᬲᬭᬸᬦ᭄ᬢᬸᬢᬦᬶᬂᬧᬩᬗ᭄ᬓᬶᬢ᭄ᬓᬤᬶᬲᬗᬸ᭞ᬫ ᬅᬃᬣ᭞᭔᭕᭐᭐᭟ᬫᬸᬯᬄᬘᬭᬸᬲᭀᬃᬦᬶᬂᬲᬗ᭄ᬕᬃᬢᬸᬯ᭄ᬯᬢ᭄ᬯᬦ᭄᭞ᬰᬢᬵᬫᬜ᭄ᬘᬯᬃᬡ᭄ᬦ᭞ᬳᭀᬮᬄᬫᬵᬦᬸᬢ᭄ᬳᬸᬭᬶᬧ᭄ᬓᬤᬶᬤᬗᬸ᭞ᬯᬮᬸᬮᬂᬦ᭄ᬬᬮᬬᬂ ᬮᬬᬂ᭞ᬲᭂᬕᬵᬦ᭄ᬬᬳᬦᬸᬢ᭄ᬳᬸᬭᬶᬧ᭄‌ᬕᬫᬜ᭄ᬘᬤᬾᬰ᭟ᬫᬮᬶᬄᬩᬦ᭄ᬢᭂᬦ᭄ᬧᬦᭂᬩᬲᬦ᭄ᬲᬗᬯᭂᬢᭀᬦ᭄᭞ᬧᬗᬤᭂᬕᬓᭂ᭠ ᬦ᭄ᬮᬳᬧᬦ᭄ᬫᬩᬸᬘᬸᬢᬶᬮ᭞ᬫᬸᬗ᭄ᬕᬄᬲᬸᬘᬶᬳᬲᭀᬭᭀᬄᬕᭂᬳᭂᬧ᭄᭞ᬫᬳᬸᬮᬫ᭄ᬳᬶᬢᬶᬓ᭄ᬫᬩᬾᬢᬸᬢᬸᬕᭂᬦᭂᬧ᭄ᬲᬮᬦ᭄ᬮᬦᬶᬂ

Auto-transliteration

[19 19B] 19 l̥ĕmbuswetawar̀ṇna, baṭaraśiwalāwanbaṭariśri, sinambwatsan̅g̅pañcakumara, kinonpar̥ĕn̅g̅hanglinggihil̥ĕmbudewata, hanulyamur̀mantuken̅g̅dwar̀g'haśiwaloka, panapagdenin̅g̅widhyādarawidhyādarī, sahawidhiwidhananya, pinujadebaṭa raguru, sinuddhamalalrayanira, wisar̀jjamalilan̅g̅pāpakleśanirakabeḥ, waluyajatikadidangu \\•\\ i‐ tipabantĕnpanglukanmpuleger̀, luwir̀nya, hangadĕgakĕnasanggar̀tutun, munggaḥsaci 2 soroḥ, gĕ [20 20A] nĕpsalanlanin̅g̅bantĕnsucikadididangu, rin̅g̅sor̀nyapabangkit'hasoroḥ, gĕhĕpsaruntutanin̅g̅pabangkitkadisangu, ma ar̀tha 4500. muwaḥcarusor̀nin̅g̅sanggar̀tuwwatwan, śatāmañcawar̀ṇna, holaḥmānut'huripkadidangu, walulan̅g̅nyalayan̅g̅ layan̅g̅, sĕgānyahanut'huripgamañcadeśa. maliḥbantĕnpanĕbasansangawĕton, pangadĕgakĕ‐ nlahapanmabucutila, munggaḥsucihasoroḥgĕhĕp, mahulamhitikmabetutugĕnĕpsalanlanin̅g̅

Leaf 20

Image on Archive.org

[᭒᭐ 20B] ᭒᭐ ᬲᬸᬘᬶᬮᬤᬶᬤᬗᬸ᭞ᬲᬲᬮᬄ᭞ᬅᬃᬣ᭞᭑᭗᭐᭐᭞ᬫᬸᬯᬄᬩᬦ᭄ᬢᭂᬦᬾᬭᬶᬲᭀᬃᬦ᭄ᬬ᭞ᬲᭂᬦᭂᬓ᭄ᬧᬸᬢᬶᬄ᭞ᬭᬵ᭞ᬳᬶᬯᬓ᭄ᬦ᭄ᬬᬰᬢᬧᬸᬢᬶᬄ ᬯᬶᬦᬗᬸᬦ᭄ᬳᬸᬭᬶᬧ᭄᭟ᬫᬸᬯᬄᬲᬗ᭄ᬕᬄᬘᬸᬘᬸᬓ᭄᭞᭒᭞ᬕᭂᬦᬳᬂᬭᬶᬂᬢᬗ᭄ᬕᬸᬦ᭄ᬳᬗ᭄ᬕᬦ᭄ᬓᭂᬮᬶᬭᬾ᭞ᬫᬮᬫᬓ᭄ᬫᬕᬦ᭄ᬢᬸᬗᬦ᭄᭞ᬫᬸᬗ᭄ᬕᬄᬩ ᬦ᭄ᬢᭂᬦ᭄ᬢᬸᬫ᭄ᬧᭂᬂᬧᬥᬫᬤᬦᬵᬦ᭄᭞ᬓᭂᬫ᭄ᬪᬳᭀᬯᬳ᭄ᬬᬲ᭄᭞ᬍᬗᬯᬗᬶᬭᬢ᭄ᬯᬕᬗᬶ᭞ᬤᬫ᭄ᬫᬦ᭄ᬬᬲᬓᬩ᭄ᬯᬢᬦ᭄᭟ᬫᬸᬯᬄᬩᬦ᭄ᬢᭂᬦ᭄ᬧᬂᬫ ᬗ᭄ᬯᬬᬂ᭞ᬲᬸᬘᬶ᭞᭑᭞ᬲᬭᬸᬦ᭄ᬢᬸᬢᬦᬶᬧᬸᬦ᭄ᬳᭂᬦᭂᬧ᭄ᬓᬤᬗᬸ᭞ᬲᬭᬸᬦ᭄ᬢᬸᬢᬦᬶᬧᬸᬗᭂᬦ᭄ᬕᭂᬦᭂᬧ᭄ᬓᬤᬶᬤᬗᬸ᭞ᬳᬶᬢᬓ᭄ᬦ᭄ᬬᬳᬶᬢᬶᬓ᭄ᬫᬩᬾᬢᬸᬢᬸ᭞ᬲᬳᬧᬸᬮᬕᬾᬫ᭄ᬩᬮ᭄᭞ᬫᬲᭂᬓᬃ [᭒᭑ 21A] ᬢᬫᬦ᭄᭞ᬧᬚᭂᬕᬦ᭄᭞᭑᭞ᬘᬦᬂᬧᬗ᭄ᬓᭀᬦ᭄᭞ᬪᬓ᭄ᬱᬶᬦᬲᬃᬯ᭄ᬯ᭞᭔᭞ᬫᬅᬃᬣ᭞᭕᭐᭐᭞ᬧᭂᬭᬲ᭄ᬧᬜᭂᬦᭂᬂ᭞ᬲᭂᬕᭂᬳᬦ᭄ᬳᬕᬸᬂ᭟ᬯ ᬤᬄᬢᬶᬃᬣᬧᬗ᭄ᬮᬸᬓᬢᬦ᭄ᬲᬂᬫ᭄ᬧᬸᬮᬾᬕᬾᬃ᭞ᬲᬗ᭄ᬓᬸᬲᬸᬤ᭄ᬥᬫᬮ᭞ᬫᬢᬢᬓᬦ᭄ᬩᭂᬭᬲ᭄᭞ᬩᭂᬦᬂ᭞ᬅᬃᬣ᭞᭒᭒᭕᭞ᬫ᭄ᬯᬂᬲᭂᬓᬃᬫᬯᬃ ᬡ᭄ᬦ᭞᭑᭑᭞ᬯᬃᬡ᭄ᬦ᭞ᬫ᭄ᬯᬂᬭᬸᬯᬶᬭᬸᬯᬶ᭞ᬲᬫ᭄ᬲᬫ᭄ᬩᬶᬚᬓᬸᬦᬶᬂ᭞ᬢᭂᬮᬲ᭄᭟᭜᭟ᬢᬸᬘᬧᬫᬗ᭄ᬓᬾᬪᬝᬭᬓᬵᬮ᭞ᬳᬕᭂᬦ᭄ᬥᬸ ᬭᬱ᭞ᬓᬮᬯᬦ᭄‌ᬫ᭄ᬧᬸᬮᬾᬕᬾᬃ᭞ᬮᬶᬂᬫ᭄ᬧᬸᬮᬾᬕᬾᬃ᭞ᬧᬸᬓᬸᬮᬸᬦ᭄ᬧᬥᬸᬓᬪᬝᬭᬓᬵᬮ᭞ᬫᬗ᭄ᬓᬾᬬᬳᬶᬓᬶᬩᬦ᭄ᬢᭂᬦᬾᬳ

Auto-transliteration

[20 20B] 20 suciladidangu, sasalaḥ, ar̀tha 1700 muwaḥbantĕnerisor̀nya, sĕnĕkputiḥ, rā, hiwaknyaśataputiḥ winangunhurip. muwaḥsanggaḥcucuk 2 gĕnahan̅g̅rin̅g̅tanggunhanggankĕlire, malamakmagantungan, munggaḥba ntĕntumpĕn̅g̅padhamadanān, kĕmbahowahyas, l̥ĕngawangiratwagangi, dammanyasakabwatan. muwaḥbantĕnpan̅g̅ma ngwayan̅g̅, suci 1 saruntutanipunhĕnĕpkadangu, saruntutanipungĕn'gĕnĕpkadidangu, hitaknyahitikmabetutu, sahapulagembal, masĕkar̀ [21 21A] taman, pajĕgan 1 canan̅g̅pangkon, baksyinasar̀wwa 4 ma'ar̀tha 500 pĕraspañĕnĕn̅g̅, sĕgĕhanhagun̅g̅. wa daḥtir̀thapanglukatansan̅g̅mpuleger̀, sangkusuddhamala, matatakanbĕras, bĕnan̅g̅, ar̀tha 225 mwan̅g̅sĕkar̀mawar̀ ṇna 11 war̀ṇna, mwan̅g̅ruwiruwi, samsambijakunin̅g̅, tĕlas \\•\\ tucapamangkebaṭarakāla, hagĕndhu raṣa, kalawanmpuleger̀, lin̅g̅mpuleger̀, pukulunpadhukabaṭarakāla, mangkeyahikibantĕneha

Leaf 21

Image on Archive.org

[᭒᭑ 21B] ᭒᭑ ᬗ᭄ᬕᬾᬦ᭄ᬫᬦᬶᬭ᭞ᬧᬜᬫ᭄ᬧᬸᬭᬓ᭄ᬭᭀᬥᬪᬝᬭᬭᬶᬳᬦ᭄ᬢᭂᬦ᭄ᬢ᭟ᬲᬗᬦᬵᬫᬲᬂᬳ᭄ᬬᬂᬧᬜ᭄ᬘᬓᬸᬫᬭ᭞ᬧᬶᬦᬓᬧᬜᬸᬤ᭄ᬥᬫᬮᬕᭂᬍᬂᬢ ᬧᬤᬸᬓᬪᬝᬭ᭞ᬫᬸᬯᬄᬢᭂᬓᬦᬶᬂᬤᭂᬮᬳ᭞ᬬᬦ᭄ᬳᬦᬭᬭᬾᬫᭂᬢᬸᬭᬶᬂᬯᬸᬓᬸᬯᬭᬯᬬᬂ᭞ᬬᬦ᭄ᬳᬦ᭄ᬳᬦᬯᬮᬶᬦᬾ᭞ᬩᬦ᭄ᬢᭂᬦ᭄ᬧᬓᬸᬓᬸ ᬦ᭄ᬢᬶᬯᬭᬶᬪᬝᬭ᭞ᬫᬯᬮᬶᬤᬾᬦᬶᬂᬧᬗ᭄ᬮᬸᬓᬢᬦ᭄‌ᬫ᭄ᬧᬸᬮᬾᬕᬾᬃ᭞ᬬᬦ᭄ᬢᬦ᭄ᬫᬗ᭄ᬓᬦ᭞ᬲᬓᬯᭂᬦᬂᬳ᭄ᬬᬸᬦ᭄ᬪᬝᬭ᭞ᬢᬦᬶᬩ ᬦᬶᬤᬦ᭄ᬥ᭞ᬳᬗ᭄ᬕᭂᬭᬶᬗᬶᬳᬤ᭄ᬬᬧᬶᬢᬶᬦᬥᬄᬤᬾᬪᬝᬭ᭞ᬲᬓᬸᬳ᭄ᬬᬸᬦ᭄ᬢᬯᭂᬦᬂ᭞ᬳᬦᬗ᭄ᬓᬮᬾᬦᬶ᭞ᬯᬶᬦᬲ᭄ᬢᬸᬦ᭄ᬢ᭞ᬢᬦ᭄ᬧ᭠ [᭒᭒ 22A] ᬦ᭄ᬤᬤᬶᬚᬦ᭄ᬫᬫᬸᬯᬄ᭞ᬳᬢ᭄ᬫᬦ᭄ᬬᬤᬤᬶᬩᬬᬸᬚᬢᬶᬓᬶᬓ᭄᭞ᬕᬸᬫᬸᬯᬸᬄᬢᭂᬗᬳᬶᬗᬮᬲ᭄᭟ᬓᬸᬦᬂᬯ᭄ᬯᬗᬾᬬᬦ᭄ᬲᬵᬫ᭄ᬧᬸᬦ᭄ᬫᬮᬸᬓᬢ᭄ᬭᬶᬂ ᬯᬬᬂ᭞ᬤᬾᬦᬶᬂᬧᬗ᭄ᬮᬸᬓᬢᬦ᭄‌ᬫ᭄ᬧᬸᬮᬾᬕᬾᬃ᭞ᬳᬬ᭄ᬯᬪᬝᬭᬳᬦᬗ᭄ᬓᬮᬾᬦᬶ᭞ᬫ᭄ᬯᬂᬳᬦᬤᬄ᭞ᬫᬗ᭄ᬓᬦᬰᬫᬦᬾᬫ᭄ᬧᬸᬮᬾ ᬕᬾᬃᬭᬶᬚᭂᬂᬪᬝᬭᬓᬵᬮ᭟ᬫᬶᬲᬶᬗ᭄ᬕᬶᬄᬪᬝᬭᬓᬵᬮ᭞ᬫᭀᬚᬃᬪᬝᬭᬓᬵᬮᬫᬸᬯᬄ᭞ᬮᬄᬬᬫ᭄ᬧᬸᬮᬾᬕᬾᬃᬬᬮᬂ᭞ᬇ ᬓᬶᬯᭂᬭᬸᬳᬯ᭄ᬯᬓᬶᬢ᭞ᬬᬦᬦᬯ᭄ᬯᬂᬫᬮᬓᬸᬢᭂᬗᬄᬗ᭄ᬯᬾ᭠ᬩᭂᬦᭂᬃ᭞ᬮᬸᬫᬓᬸᬫᬰᬲᬦ᭄ᬥᬾᬓᬵᬮ᭞ᬮᬸᬗ᭄ᬳᬵᬫᬰᬦᬶᬂᬢᭂᬗᬄ᭠

Auto-transliteration

[21 21B] 21 nggenmanira, pañampurakrodhabaṭararihantĕnta. sanganāmasan̅g̅hyan̅g̅pañcakumara, pinakapañuddhamalagĕl̥ĕn̅g̅ta padukabaṭara, muwaḥtĕkanin̅g̅dĕlaha, yanhanararemĕturin̅g̅wukuwarawayan̅g̅, yanhanhanawaline, bantĕnpakuku ntiwaribaṭara, mawalidenin̅g̅panglukatanmpuleger̀, yantanmangkana, sakawĕnan̅g̅hyunbaṭara, taniba nidandha, hanggĕringihadyapitinadhaḥdebaṭara, sakuhyuntawĕnan̅g̅, hanangkaleni, winastunta, tanpa‐ [22 22A] ndadijanmamuwaḥ, hatmanyadadibayujatikik, gumuwuḥtĕngahingalas. kunan̅g̅wwangeyansāmpunmalukatrin̅g̅ wayan̅g̅, denin̅g̅panglukatanmpuleger̀, haywabaṭarahanangkaleni, mwan̅g̅hanadaḥ, mangkanaśamanempule ger̀rijĕn̅g̅baṭarakāla. misinggiḥbaṭarakāla, mojar̀baṭarakālamuwaḥ, laḥyampuleger̀yalan̅g̅, i kiwĕruhawwakita, yananawwan̅g̅malakutĕngaḥngwe‐bĕnĕr̀, lumakumaśasandhekāla, lunghāmaśanin̅g̅tĕngaḥ‐

Leaf 22

Image on Archive.org

[᭒᭒ 22B] ᭒᭒ ᬯᭂᬗᬶ᭞ᬳᬶᬓᬯᭂᬦᬂᬗᭀᬂᬳᬦᬥᬄ᭞ᬧᬶᬦᬓᬩᬾᬮᬦᬶᬗ᭄ᬳᬸᬮᬸᬦ᭄᭞ᬧᬦᬸᬕ᭄ᬭᬳᬦᬶᬭᬳ᭄ᬬᬂᬓᬲᬸᬳᬸᬦ᭄ᬓᬶᬤᬸᬮ᭄᭞ᬳᬗ᭄ᬓᬦᬮᬶᬂᬪᬝ ᬭᬓᬵᬮ᭞ᬫᬯᬸᬯᬸᬲ᭄ᬳᭂᬫ᭄ᬧᬸᬥᬮᬂ᭞ᬲᬓᬳᬋᬧ᭄ᬤᬾᬪᬢᬭᬧᬸᬓᬸᬮᬸᬦ᭄᭟ᬢᭂᬮᬲ᭄ᬫᬗ᭄ᬓᬦᬲᬸᬩᬬᬇᬢᬦᬶᬭᬲᬂᬭᬸᬯ᭞ᬫᬸᬃ ᬪᬝᬭᬓᬵᬮ᭞ᬫᬮᬶᬳᬾᬂᬲ᭄ᬣᬦᬦᬶᬭᬕᬸᬦᬶ᭞ᬳᭂᬫ᭄ᬧᬸᬮᬾᬕᬾᬃᬳᬸᬯᬸᬲᬗ᭄ᬭᬶᬗ᭄ᬕᬶᬢ᭄᭞ᬯᭀᬂᬓᬩᬾᬄᬧᬥᬫᬸᬮᬶᬄᬭᬶᬂᬓᬸ ᬯᬸᬦᬶᬭᬲᭀᬯᬂᬲᭀᬯᬂ᭞ᬢᭂᬮᬲ᭄᭟ᬧᬸᬧᬸᬢ᭄ᬓᬲᬸᬭᬵ᭠ᬢ᭄ᬭᬶᬂᬤᬶᬦ᭞ᬘ᭞ᬧ᭞ᬯᬭᬶᬕᬵᬤ᭄ᬬᬦ᭄᭞ᬧᬗ᭄ᬮᭀᬂᬧᬶᬂ᭞᭓᭞ᬰᬰᬶᬄ᭞ [᭒᭓ 23A] ᭞᭖᭞ᬢᬳᬸᬦ᭄᭞᭑᭙᭑᭓᭞ᬳᭀᬮᬶᬄᬓᬶᬧᬡ᭄ᬥᬾᬓᭂᬢᬸᬢ᭄ᬉᬭᬶᬧ᭄᭞ᬧᬾᬢᬓ᭄᭞ᬕ᭄ᬬᬜᬃ᭟᭜᭟

Auto-transliteration

[22 22B] 22 wĕngi, hikawĕnan̅g̅ngon̅g̅hanadhaḥ, pinakabelaninghulun, panugrahanirahyan̅g̅kasuhunkidul, hangkanalin̅g̅baṭa rakāla, mawuwushĕmpudhalan̅g̅, sakahar̥ĕpdebatarapukulun. tĕlasmangkanasubaya'itanirasan̅g̅ruwa, mur̀ baṭarakāla, malihen̅g̅sthananiraguni, hĕmpuleger̀huwusangringgit, won̅g̅kabeḥpadhamuliḥrin̅g̅ku wunirasowan̅g̅sowan̅g̅, tĕlas. puputkasurā‐trin̅g̅dina, ca, pa, warigādyan, panglon̅g̅pin̅g̅ 3 śaśiḥ, [23 23A] 6 tahun 1913 holiḥkipaṇdhekĕtuturip, petak, gyañar̀ \\•\\

Leaf 23

Image on Archive.org

[᭒᭓ 23B]

Auto-transliteration

[23 23B]

Leaf 24

Image on Archive.org