paparikan-malat-01

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭚ᬒᬁᬯᬶᬖ᭄ᬦᬫᬲ᭄ᬢᬸ᭚ᬳᬮᬶᬄᬅᬓ᭄ᬱᬭ᭞ᬫᬮᬢ᭄ᬧᬭᬶᬓᬦ᭄᭚ᬧᬸᬄᬤᬹᬃᬫ᭄ᬫᬵ᭟ᬓᬤᬸᬃᬫ᭄ᬫᬶᬢᬦ᭄‌ᬓᬳᬸᬘᬧ᭄ᬰ᭄ᬭᬷᬮᬲᭂᬫ᭄ᬦᬵᬣ᭞ᬚᬶᬃᬡ᭄ᬦᬫᬧᬾᬲ᭄ᬢᬲᬳᬶ᭞ᬦᬫ᭄ᬬᬸᬰ᭄ᬭᬷᬫᬢᬭᬫ᭄᭞ ᬢ᭄ᬭᬸᬡᬫᬗᬮᬶᬄᬓᬃᬫ᭄ᬫᬵ᭞ᬫᬲᬲᬸᬓᬦ᭄‌ᬍᬫᬄᬯᭂᬗᬶ᭞ᬫ᭄ᬯᬄᬦᬾᬓᬭᬯᭀᬲᬂ᭞ᬫᬜᬘᬩ᭄‌ᬫᬗ᭄ᬭᬸᬭᬸᬄᬧᬸᬢ᭄ᬭᬶ᭟ᬲᬵᬫ᭄ᬧᬸᬦᬓᬾᬄᬳᬸᬢᬸᬲᬦ᭄ᬧ᭄ᬭᬪᬹᬫᬢᬭᬫ᭄᭞ᬫᬳᬲ᭄ ᬭᬶᬂᬤᬰᬤᬾᬰᬶ᭞ᬜᭂᬋᬧ᭄ᬭᬵᬚᬧᬸᬢ᭄ᬭᬶᬬ᭞ᬬᬦ᭄ᬯᬾᬦ᭄ᬢᭂᬦ᭄ᬩᬦ᭄ᬢᭂᬦ᭄ᬫᭂᬮᬄ᭞ᬫᬗ᭄ᬥᬓᬳᬸᬗ᭄ᬕᬳᬂᬳᬸᬕᬶ᭞ᬭᬶᬂᬧᭀᬢ᭄ᬭᬾᬓ᭄ᬕᬫ᭄ᬩᬃ᭞ᬯᬯᬬᬳᬦ᭄ᬲᬂᬧᬸᬢ᭄ᬭᬶ᭟ᬳᬲᬶᬂᬧᭀᬮᬶᬄᬧᭀᬢ᭄ᬭᬾ ᬓ᭄ᬫᬗ᭄ᬥᬢᬸᬮᬓ᭄᭞ᬗᬢᬸᬭᬂᬭᬶᬂᬪᬸᬧᬢᬶ᭞ᬢᬜ᭄ᬘ᭄ᬭᬶᬢᬫᬚᬮᬦ᭄᭞ᬮᬫ᭄ᬧᬳᬾᬕ᭄ᬮᬶᬲ᭄ᬢᬸᬮᬓ᭄᭞ᬧᬋᬓ᭄ᬫᬢᬸᬃᬭᬶᬂᬪᬸᬧᬢᬶ᭞ᬳᬦ᭄ᬢᬸᬓᬾᬢᬶᬕᬂ᭞ᬦᬵᬕᬭᬓᬭᬯᬸᬳᬶᬦ᭄᭟ [᭒ 2A] ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬫᬤᬕᬶᬂᬭᬢ᭄ᬦᬤᬸᬳᬶᬢ᭄ᬣᬵ᭞ᬤ᭄ᬬᬄᬚᬕᬭᬕᬩᭂᬘᬶᬓ᭄᭞ᬲᭂᬮᬾᬄᬩᭀᬬᬓᬵᬃᬧᬾᬦ᭄᭞ᬳᬦ᭄ᬢᬸᬓ᭄ᬮᬶᬗ᭄ᬕᬶᬄᬲᬂᬦᬵᬣ᭞ᬯᬦ᭄ᬢᬄᬧᬸᬢ᭄ᬭᬶᬲᬶᬗ᭄ᬳᬵᬲᬭᬶ᭞ᬲᬋᬂ ᬕᬕᭂᬮᬂ᭞ᬧᭀᬢ᭄ᬭᬾᬓ᭄ᬢᬶᬢ᭄ᬬᬂᬧᬸᬦᬶᬓᬶ᭟ᬲᬵᬫ᭄ᬧᬸᬦ᭄ᬓᬢᬹᬃᬕᬫ᭄ᬩᬭᬾᬭᬶᬂᬰ᭄ᬭᬷᬫᬢᬭᬫ᭄᭞ᬲᬂᬧ᭄ᬭᬪᬸᬫᬗᬓ᭄ᬱᬶᬦᬶᬦ᭄᭞ᬭᬾᬓᬵᬕᬕᬫ᭄ᬩᬭᬦ᭄᭞ᬧᬥᬲᭂᬮᬾᬄᬲᬺᬗ᭄ᬕᬭᬵ᭞ ᬯᬃᬡ᭄ᬦᬮ᭄ᬯᬶᬃᬲᬸᬧ᭄ᬭᬪᬤᬾᬯᬶ᭞ᬧᬦ᭄ᬢᭂᬲ᭄ᬭᬶᬂᬭᬭᬲ᭄᭞ᬗ᭄ᬕᬯᬾᬲᬦ᭄ᬫᬢᬩᬸᬤ᭄ᬥᬶ᭟ᬦ᭄ᬤᬦ᭄ᬯᬶᬦᬲ᭄ᬯᬲ᭄ᬭᬸᬧᬦᬾᬢ᭄ᬭᬶᬕᬕ᭄ᬮᬂ᭞ᬲᬂᬧ᭄ᬭᬪᬸᬗᬸᬘᬧ᭄‌ᬳᬭᬶᬲ᭄᭞ᬚᬢᬶᬦᬶᬂᬲᬃᬚ᭄ᬚᬯ᭞ᬤᬾᬯᬢᬶᬦᬶᬂ ᬧ᭄ᬭᬥᬦ᭞ᬭᬶᬗᭂᬦ᭄ᬥᬶᬳᬶᬗ᭄ᬕ᭄ᬯᬦᬾᬧᬗ᭄ᬕᬶᬄ᭞ᬳᭀᬮᬶᬄᬳᬗᬯᬲ᭄᭞ᬓᬂᬥᬸᬣᬫᬢᬹᬃᬪᬓ᭄ᬢᬶ᭞ᬳᬶᬗ᭄ᬕᬶᬄᬭᬢᬸᬓᬂᬧᬸᬢ᭄ᬭᬶᬭᬶᬂᬲᬶᬗ᭄ᬳᬵᬲ᭄ᬓᬃ᭞ᬤᬯᭂᬕ᭄ᬢᬢᭀᬬᬦ᭄ᬧᬗ᭄ᬕᬶᬄ᭞ᬬᬦ᭄ᬧᬸᬢ᭄ᬭᬶ

Auto-transliteration

[1 1B] 1 // oṁwighnamastu // haliḥakṣara, malatparikan // puḥdūr̀mmā. kadur̀mmitankahucapśrīlasĕmnātha, jir̀ṇnamapestasahi, namyuśrīmataram, truṇamangaliḥkar̀mmā, masasukanl̥ĕmaḥwĕngi, mwaḥnekarawosang, mañacabmangruruḥputri. sāmpunakeḥhutusanprabhūmataram, mahas ringdaśadeśi, ñĕr̥ĕprājaputriya, yanwentĕnbantĕnmĕlaḥ, mangdhakahunggahanghugi, ringpotrekgambar̀, wawayahansangputri. hasingpoliḥpotre kmangdhatulak, ngaturangringbhupati, tañcritamajalan, lampaheglistulak, par̥ĕkmatur̀ringbhupati, hantuketigang, nāgarakarawuhin. [2 2A] nentĕnwentĕnmadagingratnaduhitthā, dyaḥjagaragabĕcik, sĕleḥboyakār̀pen, hantuklinggiḥsangnātha, wantaḥputrisinghāsari, sar̥ĕng gagĕlang, potrektityangpuniki. sāmpunkatūr̀gambareringśrīmataram, sangprabhumangaksyinin, rekāgagambaran, padhasĕleḥsr̥ĕnggarā, war̀ṇnalwir̀suprabhadewi, pantĕsringraras, nggawesanmatabuddhi. ndanwinaswasrupanetrigaglang, sangprabhungucap'haris, jatiningsar̀jjawa, dewatining pradhana, ringĕndhihinggwanepanggiḥ, holiḥhangawas, kangdhuthamatūr̀bhakti, hinggiḥratukangputriringsinghāskar̀, dawĕgtatoyanpanggiḥ, yanputri

Leaf 2

Image on Archive.org

[᭒ 2B] ᭒ ᬕᬕᭂᬮᬂ᭞ᬲ᭄ᬥᭂᬓ᭄ᬮᬸᬗ᭄ᬳᬵᬫᬲᬶᬭᬫ᭄᭞ᬭᬶᬂᬢᬫᬦ᭄ᬓᬳᬶᬭᬶᬂᬩᬶᬩᬶ᭞ᬲᬯᬂᬓᬦ᭄ᬤᬧᬦ᭄᭞ᬯᬃᬡ᭄ᬦᬦ᭄ᬤ᭄ᬬᬄᬦᬯᬂᬲᬶᬣᬶ᭟ᬲᬬᬦ᭄ᬕᭂᬫ᭄ᬧᭀᬃᬲᬶᬦᬸᬤᬸᬓ᭄ᬭᬶᬂᬲ᭄ᬫᬭᬦᬵᬮ᭞ᬓᬬᬸᬦᬾᬤᬶ ᬧ᭄ᬤᬶᬧ᭄‌ᬫᬧᬗ᭄ᬕᬶᬄ᭞ᬓᬮᬶᬄᬬᬦ᭄ᬢᬦ᭄ᬲᬶᬤ᭄ᬥᬵ᭞ᬗ᭄ᬭᬗ᭄ᬓᬢᬂᬤ᭄ᬬᬄᬦᬯᬂᬭᬵᬢ᭄᭞ᬲᬸᬓᬬᬦ᭄‌ᬗᬺᬋᬤᬶᬦᬹᬭᬶᬧ᭄᭞ᬦᬵᬣᬫᬢᬭᬫ᭄᭞ᬗᬩᬶᬦ᭄ᬕᬫ᭄ᬩᬃᬜᬸᬗ᭄ᬓᭂᬫᬶᬦ᭄᭟ᬮᬦ᭄ᬢᬲ᭄ᬦᬶᬫ᭄ᬩᬮ᭄ ᬧ᭄ᬭᬪᬸᬮᬲᭂᬫᬗᬸᬘᬧ᭄᭞ᬦ᭄ᬥᬶᬧᬸᬢ᭄ᬭᬶᬓᬲᬸᬩ᭄ᬮᬸᬯᬶᬄ᭞ᬤᬳᬢ᭄ᬧᬫᬵᬲᬫ᭞ᬭᬶᬂᬭᬾᬓᬧᬧᭀᬢ᭄ᬭᬾᬓᬦ᭄᭞ᬧ᭄ᬭᬪᬸᬮᬲᭂᬫ᭄ᬩᭂᬜᭂᬫ᭄ᬗᬦ᭄ᬤᬶᬓᬵ᭞ᬫᬶᬗ᭄ᬓᬾᬦᬾᬓᬲᬸᬩ᭄ᬮᬸᬯᬶᬄ᭟ ᬧᬶᬦ᭄ᬤᬦ᭄ᬕᬫ᭄ᬩᬃᬃᬢᬦᬦᬹᬢ᭄ᬭᬶᬂᬅᬱ᭄ᬝᬕᬸᬡ᭞ᬧᬸᬢ᭄ᬭᬶᬦᬶᬂᬕᬕᭂᬮᬂᬇᬓᬶ᭞ᬫᬶᬦᬗ᭄ᬕ᭄ᬯᬭᬶᬂᬘᬶᬢ᭄ᬢ᭞ᬤᬾᬦᬶᬂᬢᬦ᭄ᬧᬪᬹᬱᬡ᭞ᬧᬦ᭄ᬢᭂᬲ᭄‌ᬲᬺᬗ᭄ᬕᬭᬯᬶᬦᬸᬦᬶ᭞ᬫᬾᬲᭂᬫ᭄‌ᬲᬂᬦᬵᬣ᭞ᬫᬢᬭ [᭓ 3A] ᬫ᭄‌ᬫᬵᬢᬸᬃᬪᬓ᭄ᬢᬶ᭟ᬯ᭄ᬬᬓ᭄ᬢᬶᬧᬸᬢ᭄ᬭᬶᬳᬦᬹᬢ᭄ᬧᬶᬦᭂᬓᬸᬮ᭄ᬳᬶᬗᭂᬫ᭄ᬩᬦ᭄᭞ᬰ᭄ᬭᬷᬮᬲᭂᬫ᭄‌ᬳᬜᬳᬸᬭᬶᬦ᭄᭞ᬤᬸᬄᬳᬭᬶᬲᬂᬦᬵᬣ᭞ᬮ᭄ᬯᬶᬃᬳᬗᬶᬧᬶᬧᭀᬮᬄᬢ᭞ᬘᬶᬢᬦᬶᬭᬭᬶᬂᬲᬂᬧᬸᬢ᭄ᬭᬶ᭞ᬮ᭄ᬯᬶᬃᬯᬸᬲ᭄ᬲ ᬳᬭᬲ᭄᭞ᬫᬭᬲ᭄ᬳᬗᭂᬦ᭄ᬲᬸᬦ᭄ᬫᬗ᭄ᬓᬶᬦ᭄᭟ᬩᬶᬮᬶᬄᬓᬤᬮᭀᬦ᭄‌ᬳᬫᭂᬢᬸᬦᬶᬓᬂᬲ᭄ᬫᬭ᭞ᬳᬭᬶᬦᬶᬗ᭄ᬯᬂᬫᬢᬭᬫ᭄᭞ᬰ᭄ᬭᬷ᭞ᬲᬃᬯ᭄ᬯᬶᬗᬸᬘᬧᬸᬘᬧ᭄᭞ᬫᬗ᭄ᬓᬦᬇᬓᬗᬸᬚᬃ᭞ᬰ᭄ᬭᬷᬮᬲᭂᬫ᭄‌ᬲᬃ ᬚ᭄ᬚᬯᬫᬦᬷᬲ᭄᭞ᬳᭂᬦ᭄ᬢᬶᬓᬂᬳᬃᬱ᭞ᬯᬢᭂᬓ᭄ᬫᬦ᭄ᬢ᭄ᬭᬶᬫᬶᬭᬕᬶ᭟ᬤᬤᬶᬫᬵᬢᬹᬃᬧᬸᬦ᭄ᬤᭂᬫᬸᬂᬲᬶᬗ᭄ᬕᬶᬄᬧᬗᬾᬭᬦ᭄᭞ᬲᬵᬫ᭄ᬧᬸᬦ᭄‌ᬗᬾᬦ᭄ᬢᭂᬦᬂᬫᬗ᭄ᬓᬶᬦ᭄᭞ᬕᭂᬮᬶᬲᬂᬤᬩ᭄ᬥᬩᬂ᭞ᬮᬸᬗ᭄ᬳᬵᬫᬃᬕ᭄ᬬᬂᬧ ᬗ᭄ᬮᬫᬃ᭞ᬫᬫᬤᬶᬓ᭄ᬱᬂᬭᬵᬚᬧᬸᬢ᭄ᬭᬶ᭞ᬢᬫ᭄ᬩᬓᬶᬦ᭄‌ᬚᬖ᭄ᬭᬵ᭞ᬦᬸᬚᬸᬯᬾᬦ᭄ᬢᭂᬦ᭄‌ᬗ᭄ᬭᬶᬳᬶᬦᬶᬦ᭄᭟ᬫᬮᬶᬄᬜᬸᬫ᭄ᬩᬄᬳ᭄ᬬᬳᬸᬢᬸᬲᬦ᭄ᬫᬢᬹᬃᬫᬶᬤᬃᬣ᭞ᬳᬶᬗ᭄ᬕᬶᬄᬭᬢᬸᬲᬂᬳᬚᬶ᭞ᬲᬂᬭᬤᬾᬦ᭄

Auto-transliteration

[2 2B] 2 gagĕlang, sdhĕklunghāmasiram, ringtamankahiringbibi, sawangkandapan, war̀ṇnandyaḥnawangsithi. sayan'gĕmpor̀sinudukringsmaranāla, kayunedi pdipmapanggiḥ, kaliḥyantansiddhā, ngrangkatangdyaḥnawangrāt, sukayanngr̥ĕr̥ĕdinūrip, nāthamataram, ngabin'gambar̀ñungkĕmin. lantasnimbal prabhulasĕmangucap, ndhiputrikasubluwiḥ, dahatpamāsama, ringrekapapotrekan, prabhulasĕmbĕñĕmngandikā, mingkenekasubluwiḥ. pindan'gambar̀r̀tananūtringaṣṭaguṇa, putrininggagĕlangiki, minanggwaringcitta, deningtanpabhūṣaṇa, pantĕssr̥ĕnggarawinuni, mesĕmsangnātha, matara [3 3A] mmātur̀bhakti. wyaktiputrihanūtpinĕkulhingĕmban, śrīlasĕmhañahurin, duḥharisangnātha, lwir̀hangipipolaḥta, citaniraringsangputri, lwir̀wussa haras, marashangĕnsunmangkin. biliḥkadalonhamĕtunikangsmara, hariningwangmataram, śrī, sar̀wwingucapucap, mangkana'ikangujar̀, śrīlasĕmsar̀ jjawamanīs, hĕntikanghar̀ṣa, watĕkmantrimiragi. dadimātūr̀pundĕmungsinggiḥpangeran, sāmpunngentĕnangmangkin, gĕlisangdabdhabang, lunghāmar̀gyangpa nglamar̀, mamadikṣangrājaputri, tambakinjaghrā, nujuwentĕnngrihinin. maliḥñumbaḥhyahutusanmatūr̀midar̀tha, hinggiḥratusanghaji, sangraden

Leaf 3

Image on Archive.org

[᭓ 3B] ᭓ ᬧᬺᬩᬗ᭄ᬰᬵ᭞ᬧᬸᬢ᭄ᬭᬦ᭄ᬧ᭄ᬭᬪᬹᬓᭀᬭᬶᬧᬦ᭄᭞ᬭᬶᬂᬕᬕ᭄ᬮᬂᬲᬦᬾᬫᬗ᭄ᬓᬶᬦ᭄᭞ᬫᬓᬬᬸᬦ᭄‌ᬫᬾᬦ᭄ᬤ᭄ᬭᬵ᭞ᬘᬸᬮᬸᬓ᭄ᬭᬶᬂᬭᬤᬾᬦ᭄ᬤᬾᬯᬶ᭟ᬓᬮᬶᬄᬲᬧᬫᬃᬕ᭄ᬕᬶᬦ᭄ᬳᬶᬢ᭄ᬬᬂᬭᬢᬸᬩᬸᬤᬮ᭄᭞ᬰ᭄ᬭᬷᬭ ᬦ᭄ᬢᬦᬚᬵᬧ᭄ᬭᬧ᭄ᬢᬶ᭞ᬲᬓᬶᬂᬫᬮᬬᬹᬤᬾᬰ᭞ᬭᬳᬸᬄᬗᬢᬹᬭᬂᬭᬕᬵ᭞ᬭᬶᬂᬕᬕᭂᬮᬂᬦᬾᬫᬗ᭄ᬓᬶᬦ᭄᭞ᬫᬩ᭄ᬯᬢ᭄ᬓᬲᬸᬕᬶᬳᬦ᭄᭞ᬓᬳᬸᬮᬵᬓᬩᬾᬄᬗᬶᬭᬶᬂ᭟ᬫᬮᬶᬄᬭᬢᬸ᭞ᬧᬸᬢ᭄ᬭᬵᬤᬶᬥᬃ ᬫ᭄ᬫᬲᬂᬦᬵᬣ᭞ᬓᬲᬸᬩ᭄ᬭᬶᬂᬚᬕᬢ᭄ᬲᬫᬶ᭞ᬧ᭄ᬭᬯᬶᬭᬯᬶᬯᬾᬓᬵ᭞ᬘᬾᬱ᭄ᬝᬓᬵᬭᬢᬸᬃᬧ᭄ᬭᬚ᭄ᬜᬦ᭄᭞ᬩᬕᬸᬲ᭄‌ᬲᬺᬗ᭄ᬕᬭᬫᬫᬹᬃᬢ᭄ᬢᬶ᭞ᬯᬶᬢ᭄ᬧᬧᬮᬶᬳᬦ᭄᭞ᬲᬂᬳ᭄ᬬᬂᬓᬫᬵᬳᬗ᭄ᬭᬕᬦᬶᬦ᭄᭟ ᬲᬫᬶᬗᬍᬫ᭄‌ᬧ᭄ᬭᬕᬮ᭄ᬪᬥᬶᬭᬫᬬᬸᬤ᭄ᬥᬵ᭞ᬮᬕᬲ᭄ᬢᬦ᭄ᬩᬶᬲᬵᬚ᭄ᬭᬶᬄ᭞ᬲᬧᬸᬦᬶᬓᬰ᭄ᬯᬭᬦ᭄᭞ᬕ᭄ᬭᬶᬬᭂᬗᬦ᭄‌ᬓᬩᬃᬳᬦᬓ᭄᭞ᬦᬵᬗ᭄ᬳᬶᬂᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬫᬗ᭄ᬕᬶᬄ᭞ᬬᬤᬶᬦ᭄ᬧ᭄ᬭᬧᬸᬢ᭄ᬭᬶ [᭔ 4A] ᬬ᭞ᬓᬪᬵᬮᬦ᭄ᬧᬫᭀᬢᬦ᭄ᬰ᭄ᬭᬷ᭟ᬫᬓᬓᬵᬮᬶᬄᬓᬚᬭᬄᬲᬵᬫ᭄ᬧᬸᬦ᭄ᬓᬚᬫᬄ᭞ᬳᬶᬮᬶᬄᬧᬜ᭄ᬚᬶᬫᬮᬢ᭄ᬭᬰ᭄ᬫᬶᬦ᭄᭞ᬩᬶᬮᬶᬄᬰ᭄ᬭᬷᬕᬕᭂᬮᬂ᭞ᬧᬘᬂᬫᬦ᭄ᬢᬸᬳᬜ᭄ᬘᬬᬦ᭄᭞ᬭᬾᬄᬦᬾᬦ᭄ᬢᭂ ᬯᬾᬦ᭄ᬢᭂᬦ᭄ᬜᬫᬾᬦᬶᬦ᭄᭞ᬯᬃᬡ᭄ᬦᬲᬸᬢᬾᬚᬵ᭞ᬳ᭄ᬬᬂᬲ᭄ᬫᬭᬫᬹᬃᬢ᭄ᬢᬶ᭟ᬲᬦᬾᬫᬗ᭄ᬓᬶᬦ᭄ᬫᬕᭂᬦᬄᬭᬶᬂᬲᬶᬗ᭄ᬳᬵᬲ᭄ᬓᬃ᭞ᬧᬸᬦᬶᬓᬵᬦᬾᬫᬧᬮᬶᬦ᭄᭞ᬫᬗ᭄ᬭᬸᬲᬓ᭄ᬱᬂᬦᬵᬣ᭞ᬭᬢᬸᬭᬶᬂᬚᬭᬓᬦ᭄᭞ᬧ᭄ᬭ ᬪᬹᬫᬢᬭᬫ᭄‌ᬜᬳᬸᬭᬶᬦ᭄᭞ᬅᬄᬲᬳᬦᬦ᭄ᬬ᭞ᬮᬓᬶᬭᬶᬂᬭᬵᬚᬧᬸᬢ᭄ᬭᬶ᭟ᬫᬓᬵᬰᬢ᭄ᬭᬸᬳᬶᬗ᭄ᬲᬸᬦ᭄ᬤᬢᬦᬋᬋᬤᬵ᭞ᬳᬗᬺᬩᬸᬢᬲᬂᬧᬸᬢ᭄ᬭᬶ᭞ᬲᬵᬓ᭄ᬯᬾᬄᬫᬦ᭄ᬢ᭄ᬭᬶᬫᬶᬳᬱᬵ᭞ᬕᬸᬫᬸᬬᬸᬲ ᬳᬲᭂᬫ᭄ᬩᬄ᭞ᬲᬂᬦᬵᬣᬾᬂᬮᬲᭂᬫ᭄‌ᬳᬗᭂᬮᬶᬂ᭞ᬇᬄᬧᬢᬶᬄᬧᬫᬦ᭄᭞ᬳᬤᬦ᭄ᬳᬦᭀᬫᬄᬫᬗ᭄ᬓᬶᬦ᭄᭟ᬩᭂᬘᬶᬓ᭄ᬩᬜ᭄ᬚᬓᬶᬢᬮᬸᬫᬫ᭄ᬧᬄᬤᬾᬦᬾᬗ᭄ᬕᬮ᭄᭞ᬬᬦ᭄ᬧᬸᬢ᭄ᬭᬶᬲᬶᬗ᭄ᬳᬵ

Auto-transliteration

[3 3B] 3 pr̥ĕbangśā, putranprabhūkoripan, ringgaglangsanemangkin, makayunmendrā, culukringradendewi. kaliḥsapamar̀gginhityangratubudal, śrīra ntanajāprapti, sakingmalayūdeśa, rahuḥngatūrangragā, ringgagĕlangnemangkin, mabwatkasugihan, kahulākabeḥngiring. maliḥratu, putrādidhar̀ mmasangnātha, kasubringjagatsami, prawirawiwekā, ceṣṭakāratur̀prajñan, bagussr̥ĕnggaramamūr̀tti, witpapalihan, sanghyangkamāhangraganin. samingal̥ĕmpragalbhadhiramayuddhā, lagastanbisājriḥ, sapunikaśwaran, griyĕngankabar̀hanak, nānghingtityangnentĕnmanggiḥ, yadinpraputri [4 4A] ya, kabhālanpamotanśrī. makakāliḥkajaraḥsāmpunkajamaḥ, hiliḥpañjimalatraśmin, biliḥśrīgagĕlang, pacangmantuhañcayan, reḥnentĕ wentĕnñamenin, war̀ṇnasutejā, hyangsmaramūr̀tti. sanemangkinmagĕnaḥringsinghāskar̀, punikānemapalin, mangrusakṣangnātha, raturingjarakan, pra bhūmataramñahurin, aḥsahananya, lakiringrājaputri. makāśatruhingsundatanar̥ĕr̥ĕdā, hangr̥ĕbutasangputri, sākweḥmantrimihasyā, gumuyusa hasĕmbaḥ, sangnāthenglasĕmhangĕling, iḥpatiḥpaman, hadanhanomaḥmangkin. bĕcikbañjakitalumampaḥdenenggal, yanputrisinghā

Leaf 4

Image on Archive.org

[᭔ 4B] ᭔ ᬲᬭᬶ᭞ᬓᬫᬶᬳᬗ᭄ᬮᬫᬭᬵ᭞ᬳᬗ᭄ᬳᬶᬂᬫᬗ᭄ᬓᬶᬦ᭄ᬭᬶᬂᬳᬸᬦ᭄ᬢᬢ᭄᭞ᬤᬤᬶᬲ᭄ᬯᬫᬷᬫᬳᬵᬤᬾᬯᬷ᭞ᬕᭂᬦᭂᬧ᭄ᬭᭀᬗᭀᬲᭀᬯᬂ᭞ᬰ᭄ᬭᬷᬫᬢᬭᬫ᭄ᬯᬸᬲ᭄ᬫᬶᬗᬶᬲ᭄᭟ᬮᬦ᭄ᬢᬲ᭄ᬩᬸᬤᬮ᭄ᬲᬂᬧ᭄ᬭᬪᬹᬲᬓᬶᬂᬩᬜ᭄ᬘᬶ ᬗᬄ᭞ᬫᬦ᭄ᬢᬸᬓ᭄‌ᬓᬚ᭄ᬭᭀᬧᬹᬭᬶ᭞ᬰ᭄ᬭᬷᬮᬲᭂᬫ᭄‌ᬫᬢᬭᬫ᭄᭞ᬓᬮᬶᬄᬫᬤᬦ᭄ᬥᬦ᭄‌ᬢᬗᬦ᭄᭞ᬧᬬᬲ᭄‌ᬰ᭄ᬭᬷᬮᬲᭂᬫᬾᬩᭂᬘᬶᬓ᭄᭞ᬫᬯᬲ᭄ᬢ᭄ᬭᬲᬸᬢ᭄ᬭ᭞ᬫᬓᬫ᭄ᬧᬸᬄᬕ᭄ᬭᬶᬗ᭄ᬲᬶᬂᬭᬶᬗ᭄ᬕᬶᬢ᭄ ᬜᬸᬗ᭄ᬓᭂᬮᬶᬢ᭄ᬓᭂᬭᬶᬲ᭄ᬫᬮᬦ᭄ᬥᬾᬬᬦ᭄ᬢᭀᬕᭀᬕ᭄᭞ᬕᭂᬫᬵᬲ᭄᭞ᬫᬳᬶᬬᭂᬂᬩᬩᬦ᭄‌ᬲᭀᬘᬲᬫᬶ᭞ᬢᬸᬃᬫᬢᭂᬮᬂᬓᬦ᭞ᬢ᭄ᬭᬶᬥᬢᬸᬅᬢ᭄ᬫᬵᬭᬓ᭄ᬱ᭞ᬫᬲ᭄ᬓᬃᬘᭂᬫ᭄ᬧᬓᬯᬶᬮᬶ ᬲ᭄᭞ᬫᬭᬸᬫ᭄ᬩᬶᬂᬭᬢ᭄ᬦ᭞ᬧᬧᬭᬲᬦᬾᬮᬸᬜ᭄ᬘᬶᬧ᭄᭟ᬢ᭄ᬯᬭᬧᭂᬧᭂᬓ᭄ᬪᬸᬱᬦᬰ᭄ᬭᬷᬮᬲᭂᬫ᭄ᬦᬵᬣ᭞ᬫᬲᬶᬄᬩᬕᬸᬲ᭄‌ᬳᬗ᭄ᬭᬸᬦ᭄ᬬᬸᬦᬶᬦ᭄᭞ᬯᬶᬢ᭄ᬚᬳᭂᬦ᭄‌ᬲᬺᬗ᭄ᬕᬭᬵ᭞ᬫᬓᬦ᭄ᬢᭂ [᭕ 5A] ᬦ᭄ᬭᬶᬂᬘᬘᬶᬗᬓ᭄᭞ᬯᬯᬤᭀᬦᬦ᭄‌ᬚ᭄ᬭᬶᬄᬭᬶᬂᬳᬶᬲ᭄ᬢ᭄ᬭᬷ᭞ᬲᬂᬦᬵᬣᬮᬲᭂᬫ᭄᭞ᬗᭂᬩ᭄‌ᬢᬓᬸᬢ᭄‌ᬓᬾᬦ᭄ᬭᬩᬶ᭞ᬫᬶᬦᬓᬵᬤᬶᬧ᭄ᬭᬪᬹᬫᬢᬭᬫ᭄‌ᬫᬯᬲ᭄ᬢ᭄ᬭ᭞ᬲᬸᬢ᭄ᬭᬳᭂᬦ᭄ᬤᭂᬓ᭄ᬭᬸ ᬮᬵᬫᬶᬮᬶᬃ᭞ᬓᬫ᭄ᬧᬸᬄᬲᬲᭀᬗ᭄ᬓᬾᬢᬦ᭄᭞ᬳᬓ᭄ᬭᬶᬲ᭄ᬫᬮᬦ᭄ᬤᬾᬬᬦ᭄ᬥᬡ᭄ᬝ᭞ᬫᬲᬲᭂᬫ᭄ᬩᬃᬫᬶᬭᬄᬳᬤᬶ᭞ᬫᬲᬮᬸᬤᬶᬭ᭞ᬩᬳᬦ᭄‌ᬓᬺᬱ᭄ᬡᬤᬦᬗᭂᬦ᭄ᬤᬶᬄ᭟ᬫᬧᭂᬗ᭄ᬕᭂᬮ᭄ᬓᬦ ᬳᬮᬶᬢ᭄ᬫᬭᬸᬫ᭄ᬩᬶᬂᬭᬵᬢ᭄ᬦ᭞ᬯᬃᬡ᭄ᬦᬦᬾᬩᬕᬸᬲ᭄ᬩᬗ᭄ᬓᬶᬢ᭄᭞ᬢᬸᬃᬫᬦᬶᬂᬫᬲᬸᬫ᭄ᬧᬂ᭞ᬲᭂᬓᬃᬢᬗ᭄ᬕᬸᬮᬶᬭᬓ᭄ᬢ᭞ᬫᬓᬳᭀᬢᬦ᭄ᬳᭂᬫᬵᬲ᭄‌ᬯᬶᬮᬶᬲ᭄᭞ᬢᬾᬚᬵᬤᬸᬫᬶᬮᬄ᭞ᬧ ᬫᬸᬮᬸᬮᬸᬫ᭄ᬮᬸᬫ᭄ᬕᬥᬶᬂ᭟ᬲᭀᬚᬃᬚᬳᭂᬦ᭄‌ᬭᬯᬶᬲᬾᬫᬫᭂᬤᬂᬫᭂᬤᬂ᭞ᬮ᭄ᬯᬶᬃᬮᬸᬫᬸᬢ᭄ᬩᬩᬃᬳᬗᬶᬦ᭄᭞ᬫᬳᬶᬭᬶᬗᬮᬮᬜ᭄ᬘᬂ᭞ᬧ᭄ᬭᬫᬶᬰ᭄ᬯᬭᬶᬓᬧᭂᬦ᭄ᬥᬓ᭄᭞ᬫᬯᬲ᭄ᬢ᭄ᬭ

Auto-transliteration

[4 4B] 4 sari, kamihanglamarā, hanghingmangkinringhuntat, dadiswamīmahādewī, gĕnĕprongosowang, śrīmataramwusmingis. lantasbudalsangprabhūsakingbañci ngaḥ, mantukkajropūri, śrīlasĕmmataram, kaliḥmadandhantangan, payasśrīlasĕmebĕcik, mawastrasutra, makampuḥgringsingringgit ñungkĕlitkĕrismalandheyantogog, gĕmās, mahiyĕngbabansocasami, tur̀matĕlangkana, tridhatu'atmārakṣa, maskar̀cĕmpakawili s, marumbingratna, paparasaneluñcip. twarapĕpĕkbhuṣanaśrīlasĕmnātha, masiḥbagushangrunyunin, witjahĕnsr̥ĕnggarā, makantĕ [5 5A] nringcacingak, wawadonanjriḥringhistrī, sangnāthalasĕm, ngĕbtakutkenrabi, minakādiprabhūmatarammawastra, sutrahĕndĕkru lāmilir̀, kampuḥsasongketan, hakrismalandeyandhaṇṭa, masasĕmbar̀miraḥhadi, masaludira, bahankr̥ĕṣṇadanangĕndiḥ. mapĕnggĕlkana halitmarumbingrātna, war̀ṇnanebagusbangkit, tur̀maningmasumpang, sĕkar̀tanggulirakta, makahotanhĕmāswilis, tejādumilaḥ, pa mululumlumgadhing. sojar̀jahĕnrawisemamĕdangmĕdang, lwir̀lumutbabar̀hangin, mahiringalalañcang, pramiśwarikapĕndhak, mawastra

Leaf 5

Image on Archive.org

[᭕ 5B] ᭕ ᬲᭀᬗ᭄ᬓᬾᬢ᭄ᬫᬘᬯᬶ᭞ᬲ᭄ᬮᬾᬫ᭄ᬧᭀᬢ᭄ᬧᬢᭀᬮ᭞ᬫᬩᬶᬦ᭄ᬢᬂᬫᬗ᭄ᬕᬶᬲ᭄‌ᬩᬤᬶᬄ᭟ᬯᬸᬲ᭄ᬫᬲᬸᬭᬶᬧᬘᭂᬓ᭄ᬧᬸᬲᬸᬂᬯᬶᬡ᭄ᬥᬸᬰᬭ᭞ᬫᬲᭂᬓᬃᬧᬸᬘᬸᬓ᭄ᬧᬶᬗ᭄ᬕᬶᬃ᭞ᬢᬸᬃᬫᬧᬶᬗ᭄ᬕᭂ ᬮ᭄ᬓᬦ᭞ᬲᬸᬫᬶᬭᬶᬢ᭄ᬫᬫ᭄ᬩᬸᬫᬶᬜᬓ᭄᭞ᬫᬯᬃᬲᭂᬢᬫ᭄ᬩᬮ᭄‌ᬳᬲ᭄ᬢᬗ᭄ᬕᬶ᭞ᬗᬾᬦ᭄ᬤᬃᬓᬸᬫ᭄ᬓᬸᬫᬦ᭄᭞ᬗᬸᬍᬂᬫᭂᬩᭀᬥᬤᬭᬶ᭟ᬬᬤᬶᬦ᭄ᬦᭂᬕᬓ᭄‌ᬢᬦ᭄ᬫᬭᬶᬗᬩᬧᬲᬢ ᬦ᭄᭞ᬲᬭᬳᬸᬳᬾᬤᬸᬧᬢᬶ᭞ᬮᬲᭂᬫ᭄ᬳᬩ᭄ᬭᬶᬬᬸᬓᬦ᭄᭞ᬓ᭄ᬜᭂᬫ᭄ᬗᬦ᭄ᬤᬶᬓᬩᬦ᭄ᬩᬦ᭄᭞ᬢᭂᬫ᭄ᬧᬸᬄᬯᬘᬦᬦᬾᬫᬦᬶᬲ᭄᭞ᬳᬶᬗ᭄ᬕᬶᬄᬭᬢᬸᬫᬵᬲ᭄‌᭞ᬳᬭᬶᬫᬢᬭᬫ᭄ᬧ᭄ᬭ ᬧ᭄ᬢᬶ᭟ᬫᬗ᭄ᬓᬾᬥᬢᭂᬂᬳᬫᬶᬦ᭄ᬢᭀᬦᬓᭂᬦ᭄ᬕᬫ᭄ᬩᬃ᭞ᬇᬓᬶᬧᭀᬢ᭄ᬭᬾᬓ᭄ᬢᬶᬗ᭄ᬳᬮᬶᬦ᭄᭞ᬧ᭄ᬭᬫᬶᬰ᭄ᬯᬭᬶᬜᬶᬗᬓ᭄‌ᬳᬃᬱᬗᬦ᭄ᬤᬶᬓᬩᬦ᭄ᬩᬦ᭄᭞ᬳᭂᬦ᭄ᬤᬶᬧᭂᬃᬡ᭄ᬦᬄᬧᬸᬢ᭄ᬭᬶᬳᬶᬓᬶ᭞ [᭖ 6A] ᬰ᭄ᬭᬷᬮᬲᭂᬫ᭄ᬦᬵᬣ᭞ᬜᬳᬸᬭᬶᬦ᭄ᬫᬶᬗᬶᬲ᭄ᬫᬶᬗᬶᬲ᭄᭟ᬳᬭᬶᬫᬢᬭᬫ᭄‌ᬳᬃᬧᬭᬶᬂᬕᬮᬸᬄᬕᬕᭂᬮᬂ᭞ᬳᬶᬗ᭄ᬲᬸᬦ᭄ᬤ᭄ᬬᬄᬲᬶᬗ᭄ᬳᬵᬲᬭᬶ᭞ᬇᬓᬵᬓᬃᬬ᭄ᬬᬦᬶᬗ᭄ᬯᬂ᭞ᬳᬸᬫᬢᬸᬃᬭᬶᬂᬧᬗᬾᬭ ᬦ᭄᭞ᬧ᭄ᬭᬫᬾᬰ᭄ᬯᬭᬶᬲᬳᬸᬃᬓᭂᬜᬶᬂ᭞ᬇᬲ᭄ᬬᬧᬵᬯᬦ᭄ᬬ᭞ᬫᬥᬫᬶᬥᬶᬦᬺᬧᬢᬶ᭞ᬫᭀᬖᬵᬤᬺᬯᬾᬭᬩᬶᬘᬢᬸᬃᬲᭀᬯᬃ᭞ᬰ᭄ᬭᬷᬮᬲᭂᬫ᭄ᬳᬜᬳᬸᬭᬶᬦ᭄᭞ᬤᬸᬄᬬᬬᬶᬧ ᬗᬾᬭᬦ᭄᭞ᬬᬤᬶᬦ᭄ᬲᬶᬭᬧᬲᬸᬗ᭄ᬳ᭞ᬢᬦ᭄ᬢᭂᬓᬾᬂᬢ᭄ᬯᬲᬸᬚᬃᬓᬫᬶ᭞ᬢ᭄ᬯᬶᬩᬦ᭄ᬤ᭄ᬭᬾᬓ᭄ᬱ᭄ᬯᬭ᭞ᬰ᭄ᬭᬷᬫᬢᬭᬫ᭄ᬳᬸᬫᬶᬗᬶᬲ᭄᭟ᬢᬸᬃᬳᬗᬸᬘᬧ᭄‌ᬳᭂᬦ᭄ᬥᬶᬳᬸᬗ᭄ᬕ᭄ᬯᬦ᭄‌ᬳᬦᬓ᭄ᬱᬢ᭄ᬭᬶ ᬬ᭞ᬧᬫᬶᬰ᭄ᬯᬭᬶᬳᬜᬳᬸᬭᬶᬦ᭄᭞ᬲᬶᬗ᭄ᬕᬶᬄᬳᬭᬶᬦᬵᬣ᭞ᬯᬾᬦ᭄ᬢᭂᬦ᭄ᬭᬶᬂᬭᬗ᭄ᬓᬾᬲᬃᬬ᭞ᬧ᭄ᬭᬪᬹᬮᬲᭂᬦ᭄ᬳᬜᬳᬸᬭᬶᬦ᭄᭞ᬮᬄᬢᬳᬸᬫᬭ᭞ᬧᬋᬗ᭄ᬓᬾᬦᭀ

Auto-transliteration

[5 5B] 5 songketmacawi, slempotpatola, mabintangmanggisbadiḥ. wusmasuripacĕkpusungwiṇdhuśara, masĕkar̀pucukpinggir̀, tur̀mapinggĕ lkana, sumiritmambumiñak, mawar̀sĕtambalhastanggi, ngendar̀kumkuman, ngul̥ĕngmĕbodhadari. yadinnĕgaktanmaringabapasata n, sarahuhedupati, lasĕmhabriyukan, kñĕmngandikabanban, tĕmpuḥwacananemanis, hinggiḥratumās, harimatarampra pti. mangkedhatĕnghamintonakĕn'gambar̀, ikipotrektinghalin, pramiśwariñingak'har̀ṣangandikabanban, hĕndipĕr̀ṇnaḥputrihiki, [6 6A] śrīlasĕmnātha, ñahurinmingismingis. harimataramhar̀paringgaluḥgagĕlang, hingsundyaḥsinghāsari, ikākar̀yyaningwang, humatur̀ringpangera n, prameśwarisahur̀kĕñing, isyapāwanya, madhamidhinr̥ĕpati, moghādr̥ĕwerabicatur̀sowar̀, śrīlasĕmhañahurin, duḥyayipa ngeran, yadinsirapasungha, tantĕkengtwasujar̀kami, twibandrekṣwara, śrīmataramhumingis. tur̀hangucap'hĕndhihunggwanhanakṣatri ya, pamiśwarihañahurin, singgiḥharinātha, wentĕnringrangkesar̀ya, prabhūlasĕnhañahurin, laḥtahumara, par̥ĕngkeno

Leaf 6

Image on Archive.org

[᭖ 6B] ᭖ ᬬᬬᬶ᭟ᬯᬸᬲ᭄ᬮᬸᬫ᭄ᬧᬄᬧ᭄ᬭᬪᬹᬮᬲᭂᬫ᭄‌ᬮᬦ᭄ᬫᬢᬭᬫ᭄᭞ᬫᬭᬶᬂᬤ᭄ᬬᬄᬭᬗ᭄ᬓᬾᬲᬃᬬ᭞ᬭᬾᬄᬲᬵᬫ᭄ᬧᬸᬦ᭄ᬓᬮᬸᬕ᭄ᬭᬵ᭞ᬩᬳᬦ᭄‌ᬧ᭄ᬭᬫᬷᬰ᭄ᬯᬭᬶᬮᬲᭂᬫ᭄ᬦᬵᬣ᭞ᬤ᭄ᬯᬦᬶᬂᬫᬫᬃ ᬦᬭᬶᬲ᭄ᬤᬶᬲ᭄᭞ᬓᬧᬫᭂᬕᬢ᭄᭞ᬰ᭄ᬭᬷᬫᬢᬭᬫ᭄‌ᬫᬗᬶᬭᬶᬂ᭟ᬕᬮᬸᬄᬭᬗ᭄ᬓᬾᬲᬭᬶᬓᬧᬗ᭄ᬕᬶᬄᬭᬶᬂᬦᬢᬃ᭞ᬲ᭄ᬤᭂᬓ᭄ᬫᬘᬡ᭄ᬥᬵ᭞ᬲ᭄ᬤᭂᬓ᭄ᬫᬘᬡ᭄ᬥᬵᬓ᭄ᬜᬶᬂᬗᬓ᭄ᬱᬶᬭᬤᬾᬦ᭄ᬤᬾᬯᬶ᭞ᬬ ᬦᭂᬕᬓ᭄‌ᬮᬦ᭄ᬭᬭᬾᬘᬶᬮ᭄ᬬ᭞ᬯᬲ᭄ᬢ᭄ᬭᬵᬘᭂᬧᬸᬓ᭄ᬫᬥᬸᬲᬩᬸᬓ᭄ᬳᬾᬮᭀᬳᬦ᭄᭞ᬫᬲᭂᬗ᭄ᬓᬸᬳᬸᬩ᭄‌ᬩᬳᬜ᭄ᬘᬯᭂᬮᬶ᭟ᬢᬦ᭄ᬧᬕᬮᬂᬭᬫ᭄ᬩᬸᬢᬾᬲᬫᬄᬫᬕᬾᬫ᭄ᬩ ᬮ᭄᭞ᬚ᭄ᬭᬶᬚᬶᬢᬦ᭄ᬧᬳᬮᬶᬳᬮᬶ᭞ᬲᬬᬦ᭄‌ᬫᬺᬱ᭄ᬫᭂᬲ᭄‌ᬲᭂᬮᬾᬄ᭞ᬫᬸᬮᬚᭂᬕᬾᬕ᭄‌ᬲ᭄ᬭᬗ᭄ᬕᬭ᭞ᬳᬗ᭄ᬕᬓᭂᬘᬸᬤ᭄ᬭᬸᬓ᭄ᬱᬓᬸᬦᬶᬂ᭞ᬲᬯᬂ᭞ᬳᬩ᭄ᬭᬢ᭞ᬍᬲᬸ [᭗ 7A] ᬮ᭄ᬯᬶᬃᬫᬲᬲᬶᬭᬶᬄ᭟ᬢᬦ᭄ᬧᬦᬥᬄᬓᬫ᭄ᬩᬳᬦ᭄ᬮᬭᬲᬸᬗ᭄ᬓᬯ᭞ᬢᬦ᭄ᬫᬋᬦ᭄ᬲᭂᬤᬶᬄᬦᬗᬶᬲ᭄᭞ᬲᭀᬘᬩᬮᬸᬢ᭄ᬩᭂᬗᬄ᭞ᬮᬢᬶᬦᬾᬫᬗᬢᬶᬭᬄ᭞ᬯᬶᬫ᭄ᬩᬦᬾᬢᬚᭂᬧ᭄ᬜᬸᬭᬶᬭᬶ ᬢ᭄᭞ᬲᬸᬲᬸᬗᬸᬮᬾᬮᬫ᭄᭞ᬫᬳᬶᬭᬶᬩ᭄‌ᬩᬸᬗ᭄ᬲᬶᬮ᭄ᬜᬸᬄᬕᬥᬶᬂ᭟ᬲᬗ᭄ᬓᬦᬾᬫᭂᬂᬓᬕᭀᬢ᭄‌ᬫᬫᬃᬡ᭄ᬦᬢ᭄ᬯᬦ᭄ᬤᬾᬯᬶᬬ᭞ᬳᬧᬦᬾᬧᬘᬂᬕᬸᬭᬶᬢ᭄᭞ᬓᬲᭀᬃᬓᬫᭂᬮᬳ ᬦ᭄᭞ᬓᬮᬗᭃᬦᬾᬓᬸᬫ᭄ᬧᬸᬮᬂ᭞ᬓᬭᬲ᭄ᬫᬶᬯᬄᬢᬦᬄᬲᬶᬗ᭄ᬳᬶ᭞ᬗᬬᬸᬄᬫᬓᭂᬚᬂ᭞ᬦᬸᬗ᭄ᬓᬸᬮ᭄ᬭᬶᬂᬭᬤᬾᬦ᭄ᬤᬾᬯᬶ᭟ᬭᬭᬶᬲ᭄ᬫᬢᬹᬃᬭᬤᬾᬦ᭄ᬕᬮᬸᬄᬫᬳᬶᬭᬰ᭄ᬫ᭄ᬬ᭞ᬲᬶᬗ᭄ᬕᬶᬄᬳᬶᬩᬸ ᬩ᭄ᬬᬂᬳᬚᬶ᭞ᬮᬄᬤᬯᭂᬕ᭄ᬢᬫᬶᬮ᭄ᬯᬵ᭞ᬫᬗ᭄ᬓᬾᬤᬤᬶᬯᬭᬳ᭞ᬩᬶᬦᬸᬭᬸᬭᬶᬂᬘᬭᬓᬳᬮᬶᬢ᭄᭞ᬤᬯᭂᬕ᭄ᬢᬸᬮᬸᬗᬂ᭞ᬫᬗ᭄ᬓᬾᬫᬦᬶᬭᬩᬶᬩᬶ᭟ᬦ᭄ᬤᬦ᭄ᬮᬶᬗᬶᬭᬫᬗ᭄ᬓᬾᬕ

Auto-transliteration

[6 6B] 6 yayi. wuslumpaḥprabhūlasĕmlanmataram, maringdyaḥrangkesar̀ya, reḥsāmpunkalugrā, bahanpramīśwarilasĕmnātha, dwaningmamar̀ narisdis, kapamĕgat, śrīmatarammangiring. galuḥrangkesarikapanggiḥringnatar̀, sdĕkmacaṇdhā, sdĕkmacaṇdhākñingngaksyiradendewi, ya nĕgaklanrarecilya, wastrācĕpukmadhusabuk'helohan, masĕngkuhubbahañcawĕli. tanpagalangrambutesamaḥmagemba l, jrijitanpahalihali, sayanmr̥ĕṣmĕssĕleḥ, mulajĕgegsranggara, hanggakĕcudrukṣakuning, sawang, habrata, l̥ĕsu [7 7A] lwir̀masasiriḥ. tanpanadhaḥkambahanlarasungkawa, tanmar̥ĕnsĕdiḥnangis, socabalutbĕngaḥ, latinemangatiraḥ, wimbanetajĕpñuriri t, susungulelam, mahiribbungsilñuḥgadhing. sangkanemĕngkagotmamar̀ṇnatwandewiya, hapanepacanggurit, kasor̀kamĕlaha n, kalangönekumpulang, karasmiwaḥtanaḥsinghi, ngayuḥmakĕjang, nungkulringradendewi. rarismatūr̀raden'galuḥmahiraśmya, singgiḥhibu byanghaji, laḥdawĕgtamilwā, mangkedadiwaraha, binururingcarakahalit, dawĕgtulungang, mangkemanirabibi. ndanlingiramangkega

Leaf 7

Image on Archive.org

[᭗ 7B] ᭗ ᬮᬸᬄᬭᬗ᭄ᬓᬾᬃᬬᬵ᭞ᬤᬸᬄᬍᬲᬸᬳᬶᬗ᭄ᬲᬸᬦ᭄ᬦᬶᬦᬶ᭞ᬮ᭄ᬯᬶᬃᬳᬦ᭄ᬧᬧ᭄ᬭᬫᬦᬵ᭞ᬤᬤᬶᬧ᭄ᬭᬧ᭄ᬢᬲᬂᬦᬵᬣ᭞ᬤ᭄ᬬᬄᬭᬗ᭄ᬓᬾᬲᬭᬶᬳᬗᬫ᭄ᬩᬶᬮ᭄᭞ᬫᬸᬗ᭄ᬕ᭄ᬯᬶᬂᬧᬯᬳᬦ᭄᭞ᬧᬢᬺᬫ᭄ᬲᬵᬫ᭄ᬧᬸᬦ᭄ᬓᬶᬦᬢᬶᬓ᭄᭟ ᬧ᭄ᬭᬪᬹᬮᬲᭂᬫ᭄ᬕᬸᬫᬸᬬᬸᬫᬗ᭄ᬓᬶᬦᬗᬸᬘᬧ᭄᭞ᬮᬄᬳᬮᬶᬗ᭄ᬕ᭄ᬬᬳᬸᬕᬶ᭞ᬤᬸᬄᬳᬢ᭄ᬫᬵᬚ᭄ᬯᬶᬢ᭞ᬫᬰᬵᬳᬶᬗ᭄ᬲᬸᬦ᭄‌ᬗ᭄ᬕᬭᬧ᭞ᬯᬦᬶᬳᬗ᭄ᬕᬫᭂᬮᬦᬶᬦᬶ᭞ᬳᬦᬲ᭄ᬯᬓᬃᬬ᭄ᬬᬳᬭᬶᬦᬶᬭᬳᬧ ᬗ᭄ᬕᬶᬄ᭟ᬧ᭄ᬭᬡᬕᬢᬳᬳ᭄ᬬᬸᬦ᭄ᬯᭂᬭᬸᬄᬭᬶᬂᬯᬃᬡ᭄ᬦᬦᬶᬭ᭞ᬤ᭄ᬬᬄᬭᬗ᭄ᬓᬾᬲᬭᬶᬳᬦᬗᬶᬲ᭄᭞ᬫᬭᬶᬂᬧᬕᬸᬮᬶᬗᬦ᭄᭞ᬩ᭄ᬭᬶᬦ᭄ᬢᬳᬶᬦᬶᬭᬶᬂᬓᬸᬦ᭄ᬥᬂᬦᬣᬫᬢᬭᬫ᭄‌ᬳᬗ᭄ᬮᬶᬂ᭞ᬤᬸᬄᬳᬮᬤᬳ ᬢ᭄‌ᬘᬭᬦᬶᬧᬸᬦ᭄ᬧᬸᬦᬶᬓᬶ᭟ᬳᬾᬫᬦ᭄ᬤᬾᬦᬶᬂᬳᬬᬸᬦ᭄ᬬᬢᬦ᭄ᬧᬲᬶᬭᬶᬗᬦ᭄᭞ᬘᬮᬦᬾᬧᬸᬗ᭄ᬕᬸᬂᬩᬸᬤᬶ᭞ᬬᬤ᭄ᬬᬦᬗᬫᬾᬢ᭞ᬲᬳᬰ᭄ᬭᬦᬶᬂᬦᬵᬕᬭ᭞ᬫᬰᬧᭀᬮᬶᬄ [᭘ 8A] ᬓᬓᬵᬳᬚᬶ᭞ᬭᬵᬢ᭄ᬦᬤᬸᬳᬶᬢ᭄ᬣ᭞ᬓᬤᬶᬧ᭄ᬭᬫᬶᬰ᭄ᬯᬭᬶᬳᬶᬓᬶ᭟ᬗ᭄ᬳᬶᬂᬢᬸᬗ᭄ᬕᬮ᭄᭞ᬢᬦᬋᬧ᭄ᬳᬶᬗ᭄ᬲᬸᬦ᭄ᬓᬸᬫᬮᬶᬯᬢ᭄᭞ᬤᬾᬦ᭄ᬬᬢᬦᬵᬃᬱᬚᬭᬶ᭞ᬗᬷᬭᬶᬂᬓᬬᬸᬦ᭄ᬓᬓᬵ᭞ᬓᬯᬰ ᬲᬶᬭᬓᬓᬵ᭞ᬗᭂᬩᬯ᭄ᬥᬶᬭᬶᬓᬂᬧᬸᬢ᭄ᬭᬶ᭞ᬜᬗ᭄ᬓᭂᬮᬶᬂᬫᬾᬤ᭄ᬭᬵ᭞ᬭᬕᬭᬶᬂᬭᬗ᭄ᬓᬾᬲᬭᬶ᭟ᬲᬫ᭄ᬩᬶᬮ᭄‌ᬓᭂᬜᭂᬫ᭄ᬧ᭄ᬭᬪᬹᬫᬢᬭᬫᬗᬸᬘᬧ᭄᭞ᬤ᭄ᬬᬄᬕᬮᬸᬄᬫᬳᬶᬭᬰ᭄ᬫᬶ᭞ᬜ ᬕ᭄ᬚᬕ᭄‌ᬗᭀᬚᭀᬕ᭄ᬧᬫᬦ᭄‌᭞ᬰ᭄ᬭᬷᬫᬳᬵᬭᬵᬚᬫᬜᭂᬫᬓ᭄᭞ᬜᬶᬗᬮ᭄‌ᬲᬫ᭄ᬩᬶᬮ᭄‌ᬫᬦᬓᬾᬦᬶᬦ᭄᭞ᬤᬸᬄᬳᬦᬓᬶᬗ᭄ᬯᬂ᭞ᬦᬶᬦᬶᬤ᭄ᬬᬄᬫᬳᬶᬭᬰ᭄ᬫᬶᬦ᭄᭟ᬮᬶᬯᬢ᭄ᬕᬶᬮ ᬓᬂᬢᬸᬫᬶᬦ᭄ᬭᬶᬂᬩᬧᬦᬵᬣ᭞ᬦᬭᬾᬦ᭄ᬤ᭄ᬭᬮᬲᭂᬫ᭄᭞ᬫᬶᬭᬶᬲ᭄᭞ᬧᭂᬗ᭄ᬓᬸᬄᬢᭂᬫᭂᬦ᭄ᬲᬶᬭᬓ᭄ᬤᬾᬓ᭄ᬱᬂᬢᬦᬓᬾᬦᬦ᭄᭞ᬢᬸᬫᬸᬮᬶᬓᬲᬶᬗᬮ᭄ᬫᬮᬶᬄ᭞ᬳᬦ᭄ᬢᬸᬓ᭄‌ᬳᬶᬗᭂᬫ᭄ᬩᬦ᭄᭞

Auto-transliteration

[7 7B] 7 luḥrangker̀yā, duḥl̥ĕsuhingsunnini, lwir̀hanpapramanā, dadipraptasangnātha, dyaḥrangkesarihangambil, munggwingpawahan, patr̥ĕmsāmpunkinatik. prabhūlasĕmgumuyumangkinangucap, laḥhalinggyahugi, duḥhatmājwita, maśāhingsunnggarapa, wanihanggamĕlanini, hanaswakar̀yyaharinirahapa nggiḥ. praṇagatahahyunwĕruḥringwar̀ṇnanira, dyaḥrangkesarihanangis, maringpagulingan, brintahiniringkundhangnathamataramhangling, duḥhaladaha tcaranipunpuniki. hemandeninghayunyatanpasiringan, calanepunggungbudi, yadyanangameta, sahaśraningnāgara, maśapoliḥ [8 8A] kakāhaji, rātnaduhittha, kadipramiśwarihiki. nghingtunggal, tanar̥ĕp'hingsunkumaliwat, denyatanār̀ṣajari, ngīringkayunkakā, kawaśa sirakakā, ngĕbawdhirikangputri, ñangkĕlingmedrā, ragaringrangkesari. sambilkĕñĕmprabhūmataramangucap, dyaḥgaluḥmahiraśmi, ña gjagngojogpaman, śrīmahārājamañĕmak, ñingalsambilmanakenin, duḥhanakingwang, ninidyaḥmahiraśmin. liwatgila kangtuminringbapanātha, narendralasĕm, miris, pĕngkuḥtĕmĕnsirakdekṣangtanakenan, tumulikasingalmaliḥ, hantuk'hingĕmban,

Leaf 8

Image on Archive.org

[᭘ 8B ] ᭘ ᬧᬋᬓ᭄ᬭᬶᬂᬧ᭄ᬭᬫᬶᬰ᭄ᬯᬭᬶ᭟ᬧ᭄ᬭᬫᬶᬰ᭄ᬯᬭᬶᬜᬧ᭞ᬗᬸᬤᬵᬳᬕᬾᬧᬶᬲᬦ᭄᭞ᬤ᭄ᬯᬦᬶᬂᬕᭂᬮᬶᬲ᭄ᬫᬯᬮᬶ᭞ᬰ᭄ᬭᬷᬫᬢᬭᬫ᭄‌ᬗᬸᬘᬧ᭄᭞ᬤᬲ᭄ᬤᬲ᭄ᬯᬳᬸᬲᬓᭂᬤᬧ᭄᭞ᬯᬾᬦ᭄ᬢᭂᬦ᭄ᬳᬦᬓ᭄ᬭᬸᬲ ᬓ᭄‌ᬤ᭄ᬭᬶᬓᬶ᭞ᬤᬶᬧᬫᭂᬕᬢᬦ᭄᭞ᬫᬢᭂᬩᭂᬓ᭄ᬩᬳᬦ᭄ᬓᭂᬭᬶᬲ᭄᭟ᬧ᭄ᬭᬪᬹᬮᬲᭂᬫ᭄ᬓᭂᬜᭂᬫ᭄ᬓᭂᬜᭂᬫ᭄‌ᬓᭂᬤᬾᬓ᭄ᬦᬶᬫ᭄ᬩᬮ᭄᭞ᬤ᭄ᬯᬦᬶᬂᬢᬶᬢ᭄ᬬᬂᬯᬶᬢ᭄ᬤᭂᬭᬶᬄ᭞ᬚᭂᬚᭂᬧ᭄ᬲᬧᬸᬦᬶᬓᬵ᭞ᬲᬧᬶᬄᬢ ᬢᬕᭀᬦ᭄‌ᬗ᭄ᬭᬸᬲᬓ᭄᭞ᬧ᭄ᬭᬫᬶᬰ᭄ᬯᬭᬶᬫᬶᬋᬂᬩ᭄ᬭᬗ᭄ᬢᬶ᭞ᬗᬫ᭄ᬩ᭄ᬭᬾᬲ᭄‌ᬫᬦᭂᬕᬓ᭄᭞ᬢᬦ᭄ᬥᬂᬕᬶᬩᬸᬗᬦ᭄ᬧ᭄ᬭᬧ᭄ᬢᬶ᭟ᬕᭂᬮᬶᬲ᭄ᬗᬬᬸᬦᬂᬧ᭄ᬭᬪᬹᬫᬓᭂᬫ᭄ᬩᬸᬮᬦ᭄᭞ᬢᬦᬸᬘᬧᬦ᭄ᬯᬲ᭄ᬫᬸᬓ᭄ᬢᬶ᭞ ᬓᭀᬤᬮ᭄ᬓᬩᭂᬜ᭄ᬘᬶᬗᬄ᭞ᬗᬦ᭄ᬤᬶᬓᬧᬭᬶᬤᬃᬣ᭞ᬫᬶᬢᭂᬓᭂᬢᬶᬗᬸᬲ᭄ᬢᬶᬧᬢᬶᬄ᭞ᬫᬗ᭄ᬕᬯᬲᬸᬭᬵᬢ᭄‌᭞ᬭᬶᬂᬩ᭄ᬭᬡᬤᬕᬶᬂᬧᬹᬭᬶ᭟ᬢᬦᬸᬘᬧᬦ᭄ᬧᬲ᭄ᬫᭂᬗᬯᬸᬲ᭄ᬫᬚᬮᬦ᭄᭞ [᭙ 9A] ᬲᬯᬂᬯᭂᬗᬶᬤᬶᬫᬃᬕ᭄ᬕᬶ᭞ᬭᬯᬸᬄᬕᬕᭂᬮᬂ᭞ᬲᬂᬧ᭄ᬭᬪᬹᬤᬶᬩᬜ᭄ᬘᬶᬗᬄ᭞ᬓᬢᬗ᭄ᬓᬶᬮ᭄‌ᬩᬳᬦ᭄ᬫᬜ᭄ᬘᬫᬦ᭄ᬢ᭄ᬭᬶ᭞ᬮᬦ᭄ᬧᬭᬧᬸᬢ᭄ᬭᬵ᭞ᬰ᭄ᬭᬷᬫᬮᬬᬹᬫᬦᬗ᭄ᬓᬶᬮ᭄᭟ᬢᬸᬃᬫᬲᬦ᭄ᬥᬶᬂᬭᬶᬂᬭ ᬤᬾᬦ᭄ᬧ᭄ᬭᬩᬗ᭄ᬰᬦᭂᬕᬓ᭄᭞ᬳᬢᬢᬓᬤᬶᬢᬸᬮᬶᬲ᭄᭞ᬢᬦ᭄ᬤᬸᬫᬤᬾᬧ᭄ᬭᬧ᭄ᬢ᭞ᬳᬸᬢᬸᬲᬦ᭄ᬦᬧᬓ᭄ᬦᭂᬕᬓ᭄᭞ᬫᭂᬧᭂᬲ᭄ᬫᬗᬢᬸᬭᬂᬢᬸᬮᬶᬲ᭄᭞ᬭᬶᬂᬲᬂᬫᬯᬂᬭᬵᬢ᭄᭞ᬲᬂᬧ᭄ᬭᬪᬹᬫᬗᬫ᭄ᬩᬶᬮ᭄᭟ᬓ ᬦ᭄ᬥᬶᬓᬬᬂᬳᬶᬕᬸᬲ᭄ᬢᬶᬧᬢᬶᬄᬳᬫᬘᬵ᭞ᬤᬕᬶᬂᬧᬫᬸᬜᬶᬦ᭄ᬢᬸᬮᬶᬲ᭄᭞ᬳᬶᬗ᭄ᬕᬶᬄᬩᬧᬦᬵᬣ᭞ᬮᬾᬥᬂᬗᬗ᭄ᬓᭂᬦ᭄ᬤᬾᬯᬾᬓ᭄ᬢᬶᬢ᭄ᬬᬂ᭞ᬧᬸᬧᬸᬳᬗ᭄ᬕᬾᬦ᭄ᬧᬸᬢ᭄ᬭᬤ᭄ᬭᬶᬓᬶ᭞ᬫᬦ᭄ᬤᬾᬯᬾᬓ᭄‌ᬢ᭄ᬭᬸᬡ᭞ᬦᬸ ᬗᬤᬄᬩᬧᬳᬚᬶ᭟ᬓᬾᬗᬶᬦ᭄‌ᬗᭂᬮᬾᬤᬄᬢᬶᬢ᭄ᬬᬂᬧᬸᬭᬸᬦ᭄ᬫᬵᬢᬹᬃᬦᬗ᭄ᬓᬄ᭞ᬓᬢᬶᬢᬄᬳᬦ᭄ᬢᬸᬓ᭄ᬧᬮᬶᬂ᭞ᬳᬸᬮᬗᬸᬦ᭄ᬧ᭄ᬭᬧᬜ᭄ᬘ᭞ᬤᭂᬫᭂᬦ᭄ᬭᬶᬂᬳᬦᬓ᭄ᬩᬧ᭞ᬕᬮᬸᬄᬦᬯᬂᬭᬵᬢ᭄ᬓᬂᬧᬸ

Auto-transliteration

[8 8B ] 8 par̥ĕkringpramiśwari. pramiśwariñapa, ngudāhagepisan, dwaninggĕlismawali, śrīmataramngucap, dasdaswahusakĕdap, wentĕnhanakrusa kdriki, dipamĕgatan, matĕbĕkbahankĕris. prabhūlasĕmkĕñĕmkĕñĕmkĕdeknimbal, dwaningtityangwitdĕriḥ, jĕjĕpsapunikā, sapiḥta tagonngrusak, pramiśwarimir̥ĕngbrangti, ngambresmanĕgak, tandhanggibunganprapti. gĕlisngayunangprabhūmakĕmbulan, tanucapanwasmukti, kodalkabĕñcingaḥ, ngandikaparidar̀tha, mitĕkĕtingustipatiḥ, manggawasurāt, ringbraṇadagingpūri. tanucapanpasmĕngawusmajalan, [9 9A] sawangwĕngidimar̀ggi, rawuḥgagĕlang, sangprabhūdibañcingaḥ, katangkilbahanmañcamantri, lanparaputrā, śrīmalayūmanangkil. tur̀masandhingringra denprabangśanĕgak, hatatakaditulis, tandumadeprapta, hutusannapaknĕgak, mĕpĕsmangaturangtulis, ringsangmawangrāt, sangprabhūmangambil. ka ndhikayanghigustipatiḥhamacā, dagingpamuñintulis, hinggiḥbapanātha, ledhangngangkĕndewektityang, pupuhanggenputradriki, mandewektruṇa, nu ngadaḥbapahaji. kenginngĕledaḥtityangpurunmātūr̀nangkaḥ, katitaḥhantukpaling, hulangunprapañca, dĕmĕnringhanakbapa, galuḥnawangrātkangpu

Leaf 9

Image on Archive.org

[᭙ 9B] ᭙ ᬢ᭄ᬭᬶ᭞ᬳᬶᬗ᭄ᬕᬶᬄᬤᬸᬭᬸᬲᬂ᭞ᬳᬶᬘ᭄ᬘᬾᬦ᭄ᬢᬶᬢ᭄ᬬᬂᬪᬸᬧᬢᬶ᭟ᬫᬶᬲ᭄ᬢᬶᬳᬦᬓ᭄ᬩᬧᬓ᭄ᬯᬰᬫ᭄ᬭᬾᬦ᭄ᬢᬄᬢᬶᬢ᭄ᬬᬂ᭞ᬦᬸᬥᬸᬳᬂᬳᬮᬩᭂᬘᬶᬓ᭄‌᭞ᬫᬓᬤᬶᬗᭀᬤᬕᬂ᭞ᬚᬕᬢᬾᬭᬶᬂᬫᬢᬭᬫ᭄᭞ ᬢᭂᬢᭂᬧ᭄‌ᬫᬦᬸᬤᬸᬓ᭄‌ᬳᬸᬧᭂᬢᬶ᭞ᬗᭀᬘᬾᬢᬂᬗ᭄ᬕᬫᭂᬮᬂ᭞ᬲᬤᬺᬯᬾᬦ᭄ᬢᬶᬢ᭄ᬬᬂᬲᬫᬶ᭟ᬓᭂᬦᬶᬕᬦ᭄ᬢᬃᬤᬶᬦᬳᬂᬯᬘᬡᬦ᭄ᬩᬧᬵ᭞ᬢᭂᬧᭂᬗᬂᬲᬦᬾᬫᬗ᭄ᬓᬶᬦ᭄᭞ᬬᬦ᭄ᬓᬾᬦᬓ᭄ᬢᬦ᭄ᬓᬾᬦᬓ᭄᭞ ᬬᬦᬲᬸᬂᬢᬦᬲᬸᬗᬵ᭞ᬬᬦ᭄‌ᬦᬫ᭄ᬧᬶᬦ᭄ᬤᬢᬦ᭄ᬓᬢᬫ᭄ᬧᬶ᭞ᬲᬭᬵᬚᬩ᭄ᬭᬡ᭞ᬲᬦᬾᬓᬵᬢᬸᬃᬧᬸᬦᬶᬓᬶ᭟ᬓᬮᬶᬄᬯᬦ᭄ᬢᬄᬩᬧᬚᬕᬫᬦᬸᬮᬓᬂ᭞ᬧᬓᬶᬭᬶᬫ᭄ᬢᬶᬢ᭄ᬬᬂᬧᬸᬦᬶᬓᬶ᭞ ᬫᬗ᭄ᬥᬵᬩᬧᬚᬕ᭄ᬭᬵ᭞ᬜᬗᬶᬄᬲᬃᬯ᭄ᬯᬲᬜ᭄ᬚᬢᬵ᭞ᬧᬾᬢᬓ᭄‌ᬓᬸᬓᬸᬳᬂᬗᬃᬬ᭄ᬬᬦᬶᬦ᭄᭞ᬲᬳᬩᬮᬸᬫ᭄ᬩᬂ᭞ᬫᬲᬗ᭄ᬓ᭄ᬭᬩ᭄‌ᬲᬸᬗ᭄ᬕᬧᬸᬮᬶᬂ᭟ᬩᭀᬬᬯᬗ᭄ᬥᬾᬢᬶᬢ᭄ᬬᬂᬫ᭄ᬭᬶᬓᬶ [᭑᭐ 10A] ᬭᬯᬸᬄᬗᬺᬕᬄ᭞ᬩᬦ᭄ᬢᬲ᭄‌ᬫᬮᬶᬄᬳᬰᬰᬶᬄ᭞ᬗᬺᬚᭂᬓ᭄‌ᬮᬶᬗ᭄ᬕᬶᬄᬩᬧᬵ᭞ᬲᬧᬸᬦᬶᬓᬤᬕᬶᬂᬜ᭞ᬫᬸᬜᬶᬦ᭄ᬢᬸᬮᬶᬲ᭄ᬓᬧᬳᭀᬲᬶᬦ᭄᭞ᬦ᭄ᬤᬦ᭄ᬰ᭄ᬭᬶᬕᬕ᭄ᬮᬂ᭞ᬓᬭᬶᬫᬫᬶᬦᭂᬄᬧᬶᬓᬶᬃ᭞ᬫᬗ ᬦ᭄ᬥᬶᬓᬵᬧᬓᬬᬸᬦᬦᬾᬫᬚᬸᬕ᭄ᬚᬕ᭄᭞ᬧᬤᬾᬲᭂᬭᬳᬂᬲᬂᬧᬸᬢ᭄ᬭᬶ᭞ᬭᬾᬄᬳᬗ᭄ᬕᬾᬦ᭄ᬕᬕᬾᬮᬦ᭄᭞ᬳᬶᬦᬦᬓ᭄‌ᬭᬦ᭄ᬢᬦᬚ᭞ᬓᬂᬳᬸᬢᬸᬲᬦ᭄‌ᬫᬢᬸᬃᬫᬮᬶᬄ᭞ᬲᬗ᭄ᬓᬦᬶᬂᬯᬦ᭄ᬬ᭞ᬳ ᬗ᭄ᬮᬫᬃᬭᬤᬾᬦ᭄ᬤᬾᬯᬶ᭟ᬳᬧᬦᬶᬮᬂᬭᬤᬾᬦᬩ᭄ᬕᬸᬲ᭄ᬭᬦ᭄ᬢᬦᬚᬵ᭞ᬧᬵᬢᬹᬢᬶᬧᬸᬦ᭄ᬦᬾᬫᬗ᭄ᬓᬶᬦ᭄᭞ᬧᬶᬘᬬᬂᬢᬶᬯᬓᬂ᭞ᬚᬕᬶᬦᬧᬶᬓᭂᬮᬶᬤᬂ᭞ᬭᬤᬾᬦ᭄ᬧ᭄ᬭᬩᬗ᭄ᬰᬜᬯᬸᬭᬶᬦ᭄᭞ ᬫᬫᬸᬜᬶᬳᬕᬮ᭄᭞ᬩᬗ᭄ᬕ᭄ᬭᬲ᭄‌ᬲᬫ᭄ᬩᬶᬮ᭄‌ᬫᬦᭂᬗ᭄ᬓᬶᬓ᭄᭟ᬯᬭᬄᬳᬸᬕᬕᬸᬲ᭄ᬢᬶᬫᬸᬤᬾᬦᬕᬾᬧ᭄ᬭᬧ᭄ᬢᬶ᭞ᬳᬓᬸᬳᬫᬧᬕ᭄‌ᬚᬸᬭᬶᬢ᭄᭞ᬳᬲᬫ᭄ᬩᬸᬂᬮᬜ᭄ᬘᬶᬗᬦ᭄᭞ᬮᬯᬦ᭄‌ᬗ᭄ᬯᬂᬢ

Auto-transliteration

[9 9B] 9 tri, hinggiḥdurusang, hiccentityangbhupati. mistihanakbapakwaśamrentaḥtityang, nudhuhanghalabĕcik, makadingodagang, jagateringmataram, tĕtĕpmanuduk'hupĕti, ngocetangnggamĕlang, sadr̥ĕwentityangsami. kĕnigantar̀dinahangwacaṇanbapā, tĕpĕngangsanemangkin, yankenaktankenak, yanasungtanasungā, yannampindatankatampi, sarājabraṇa, sanekātur̀puniki. kaliḥwantaḥbapajagamanulakang, pakirimtityangpuniki, mangdhābapajagrā, ñangiḥsar̀wwasañjatā, petakkukuhangngar̀yyanin, sahabalumbang, masangkrabsunggapuling. boyawangdhetityangmriki [10 10A] rawuḥngr̥ĕgaḥ, bantasmaliḥhaśaśiḥ, ngr̥ĕjĕklinggiḥbapā, sapunikadagingña, muñintuliskapahosin, ndanśrigaglang, karimaminĕḥpikir̀, manga ndhikāpakayunanemajugjag, padesĕrahangsangputri, reḥhanggen'gagelan, hinanakrantanaja, kanghutusanmatur̀maliḥ, sangkaningwanya, ha nglamar̀radendewi. hapanilangradenabgusrantanajā, pātūtipunnemangkin, picayangtiwakang, jaginapikĕlidang, radenprabangśañawurin, mamuñihagal, banggrassambilmanĕngkik. waraḥhugagustimudenageprapti, hakuhamapagjurit, hasambunglañcingan, lawanngwangta

Leaf 10

Image on Archive.org

[᭑᭐ 10B] ᭑᭐ ᬦ᭄ᬥᬶᬂᬯᬶᬭᬵ᭞ᬤᬸᬤᬸᬲᬶᬧ᭄ᬭᬩᬗ᭄ᬰᬓᬭᬶ᭞ᬬᬦ᭄ᬩᬶᬲᬳᬸᬮᬧ᭄᭞ᬭᬶᬂᬫᬢᬭᬫ᭄‌ᬪᬸᬧᬳᬶ᭟ᬤᬤᬶᬲᬺᬗᭂᬦ᭄‌ᬓᬂᬤᬹᬢ᭄ᬢᬵᬫᬗ᭄ᬓᬶᬦ᭄‌ᬳᬫ᭄ᬬᬃᬱ᭞ᬕ᭄ᬮᬶᬲ᭄ᬦᬶᬫ᭄ᬩᬮ᭄ᬫᬫᬸᬚᬶ᭞ᬇᬄᬲᬂᬧ᭄ᬭᬩᬗ᭄ᬰᬵ᭞ᬓᬶ ᬢᬫᬦ᭄ᬢ᭄ᬭᬶᬚᭂᬗ᭄ᬕᬮᬵ᭞ᬗᬓᭀᬦ᭄ᬗᭀᬂᬫᬢᬹᬃᬕᭂᬮᬶᬲ᭄᭞ᬭᬶᬂᬰ᭄ᬭᬶᬫᬢᬭᬫ᭄᭞ᬤᬾᬦ᭄ᬧ᭄ᬭᬧ᭄ᬢᬭᬶᬓᬶ᭟ᬫ᭄ᬯᬄᬓᬶᬢᬵᬳᬯᬭᬄᬗᭀᬂᬢᬦᬯᬾᬄᬲᬂᬤ᭄ᬬᬄ᭞ᬫᬳ᭄ᬲᬫᬸᬩᬶᬲᬵᬚᬸᬭᬶᬢ᭄᭞ ᬜᬸᬤᬸᬓᬓᭂᬦ᭄ᬯᬶᬚᬂ᭞ᬫᬗ᭄ᬓᬦᬳᬸᬚᬭᬶᬂᬤᬸᬢᬵ᭞ᬭᬤᬾᬦᬮᬸᬫᬜᬳᬸᬭᬶᬦ᭄᭞ᬢᬸᬃᬫᭂᬢᭂᬓ᭄ᬧᭂᬥᬂ᭞ᬓᬬᬸᬦ᭄ᬧᬘᬂᬗᬬᬸᬤ᭄ᬥᬳᬶᬦ᭄᭟ᬰ᭄ᬭᬷᬕᬕᭂᬮᬂᬕᭂᬮᬶᬲ᭄‌ᬗ᭄ᬕᬫᭂᬮ᭄ ᬫᬗᬦ᭄ᬤᭂᬕᬂ᭞ᬲᬵᬫ᭄ᬧᬸᬦ᭄ᬫᬗ᭄ᬓᬦᬓᬓᬶ᭞ᬢᬦ᭄ᬧᬢ᭄ᬭᬧᬶᬂᬰᬲᬡ᭞ᬮᬓᬸᬦᬶᬭᬢ᭄ᬯᬦ᭄᭞ᬧᬍᬄᬧᬍᬄᬳᬶᬓᬂᬩᬸᬤ᭄ᬥᬶ᭞ᬳᬚᬕᭃᬂᬓ᭄ᬭᭀᬥ᭞ᬓ᭄ᬭᬫᬦᬶᬂᬫᬦ᭄ᬢ᭄ᬭᬶᬳᬤᬶ᭟ᬳᭂᬦ᭄ᬢᬶᬯᭂᬮ [᭑᭑ 11A] ᬲ᭄‌ᬰ᭄ᬭᬶᬫᬮᬬᬸᬭᬶᬂᬲᬂᬦᬵᬣ᭞ᬓᬳᬗ᭄ᬕᬾᬦ᭄ᬢᬗ᭄ᬕᬸᬄᬫᬓᭂᬮᬶᬤ᭄᭞ᬜᬩ᭄ᬭᬦ᭄ᬓᬵᬚᬧᬚᬧ᭄᭞ᬳᬦ᭄ᬢᬸᬓ᭄ᬮᬶᬗ᭄ᬕᬶᬄᬲᬂᬦᬵᬣ᭞ᬕ᭄ᬮᬶᬲ᭄ᬫᬵᬢᬹᬃᬲᬳᬵᬪᬓ᭄ᬢᬶ᭞ᬳᬶᬗ᭄ᬕᬶᬄᬲᬂᬦᬵᬣ᭞ᬤᬸᬭᬸᬲᬂᬓᬾᬲᬳᬸᬭᬶᬦ᭄᭟ᬬ ᬦ᭄ᬢᬦᬲᬸᬂ᭞ᬲᬗ᭄ᬕᬸᬧᬶᬦ᭄ᬫᬫᭂᬦ᭄ᬤᬓ᭄ᬬᬸᬤ᭄ᬥᬵ᭞ᬬᬦ᭄ᬫᬮᬶᬄᬧᬶᬤᬦ᭄ᬧ᭄ᬭᬧ᭄ᬢᬶ᭞ᬫᬢᬦ᭄ᬥᬶᬂᬧ᭄ᬭᬪᬵᬯ᭞ᬬᬦ᭄ᬤᬶᬕᬸᬦᬸᬂᬤᬶᬳᬮᬲ᭄᭞ᬬᬦ᭄ᬭᬶᬂᬋᬡ᭄ᬥᬂᬓᬓᬶᬲᬶᬓ᭄᭞ᬳᬾᬦᬓᬶᬦ᭄ᬧᬶᬲᬦ᭄᭞ᬲᬧᬦᬦ᭄ᬢᬗᬶᬂᬳᬭᬶ᭟ ᬤᬸᬄᬧᬸᬦᬧᬶᬓᬃᬬ᭄ᬬᬦ᭄ᬓᬳᬸᬮᬭᬶᬂᬚᬯ᭞ᬬᬤ᭄ᬬᬦ᭄ᬢᬦ᭄‌ᬚᬯᬶᬫᬮᬶᬄ᭞ᬲᬦᬾᬲᬵᬫ᭄ᬧᬸᬦ᭄‌ᬧ᭄ᬭᬾᬦ᭄ᬢᬄ᭞ᬳᬶᬭᬶᬓᬶᬓᬸᬫᬯᬸᬮ᭞ᬲᬩ᭄ᬭᬦ᭄ᬤᬶᬦᬓᬲ᭄ᬯᬾᬘ᭄ᬘᬦᬶᬦ᭄᭞ᬩᬵᬦ᭄ᬢᬶᬦᬸᬫ᭄ᬧᬗᬦ᭄᭞ᬤᬳᬃᬪᬹ ᬱᬡᬮ᭄ᬯᬶᬄ᭟ᬧᬵᬢᬹᬢ᭄ᬲᬦᬾᬫᬗ᭄ᬓᬶᬦ᭄ᬦᬳᬸᬃᬳᬸᬢᬂᬥᬦ᭞ᬩᬗ᭄ᬕᬬᬂᬢᬶᬢ᭄ᬬᬂᬳᬸᬕᬶ᭞ᬫᬧᬫᬶᬢ᭄ᬧᬧᬶᬲᬦ᭄᭞ᬫᬓᭂᬓᭂᬩ᭄ᬭᬶᬂᬧᬬᬸᬤ᭄ᬥᬦ᭄‌᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬦᬯᬸᬃᬲᬶᬄ᭞ᬲ᭄ᬯᬾᬘ᭄ᬘᬦ᭄ᬲᬂᬦᬵᬣ᭞

Auto-transliteration

[10 10B] 10 ndhingwirā, dudusiprabangśakari, yanbisahulap, ringmatarambhupahi. dadisr̥ĕngĕnkangdūttāmangkinhamyar̀ṣa, glisnimbalmamuji, iḥsangprabangśā, ki tamantrijĕnggalā, ngakonngongmatūr̀gĕlis, ringśrimataram, denpraptariki. mwaḥkitāhawaraḥngongtanaweḥsangdyaḥ, mahsamubisājurit, ñudukakĕnwijang, mangkanahujaringdutā, radenalumañahurin, tur̀mĕtĕkpĕdhang, kayunpacangngayuddhahin. śrīgagĕlanggĕlisnggamĕl mangandĕgang, sāmpunmangkanakaki, tanpatrapingśasaṇa, lakuniratwan, pal̥ĕḥpal̥ĕḥhikangbuddhi, hajagöngkrodha, kramaningmantrihadi. hĕntiwĕla [11 11A] sśrimalayuringsangnātha, kahanggentangguḥmakĕlid, ñabrankājapajap, hantuklinggiḥsangnātha, glismātūr̀sahābhakti, hinggiḥsangnātha, durusangkesahurin. ya ntanasung, sanggupinmamĕndakyuddhā, yanmaliḥpidanprapti, matandhingprabhāwa, yandigunungdihalas, yanringr̥ĕṇdhangkakisik, henakinpisan, sapanantanginghari. duḥpunapikar̀yyankahularingjawa, yadyantanjawimaliḥ, sanesāmpunprentaḥ, hirikikumawula, sabrandinakasweccanin, bāntinumpangan, dahar̀bhū ṣaṇalwiḥ. pātūtsanemangkinnahur̀hutangdhana, banggayangtityanghugi, mapamitpapisan, makĕkĕbringpayuddhan, hanggentityangmanawur̀siḥ, sweccansangnātha,

Leaf 11

Image on Archive.org

[᭑᭑ 11B] ᭑᭑ ᬲᭂᬮᬶᬤ᭄ᬲᭀᬭᬾᬗᬸᬩᬸᬗᬶᬦ᭄᭟ᬲᬧᬸᬦᬶᬓᬵᬳᬢᬹᬭᬾᬰ᭄ᬭᬷᬭᬦ᭄ᬢᬦᬚ᭞ᬧ᭄ᬭᬪᬹᬕᬕᭂᬮᬂᬫᬗ᭄ᬓᬶᬦ᭄᭞ᬓᬾᬦᬓ᭄ᬫᬫᬶᬋᬗᬂ᭞ᬳᬢᬹᬃᬰ᭄ᬭᬷᬭᬦ᭄ᬢᬦᬚ᭞ᬗᬾᬦᬓᬶᬦ᭄ᬢᬗ᭄ᬓᬶᬮᬦ᭄ᬲᬫᬶᬧ᭄ᬭᬪᬹ ᬕᬕ᭄ᬮᬂ᭞ᬩᬾᬩᬲ᭄ᬗᬦ᭄ᬥᬶᬓᬫᬗ᭄ᬓᬶᬦ᭄᭟ᬫᬜᬳᬸᬭᬶᬦ᭄‌ᬳᬸᬢᬸᬲᬦ᭄‌ᬯᬘᬡᬩᬦ᭄ᬩᬦ᭄᭞ᬘᬳᬶᬓᬳᬸᬢᬸᬲ᭄ᬫᬳᬶ᭞ᬩᬳᬦ᭄ᬧ᭄ᬭᬪᬹᬫᬢᬭᬫ᭄᭞ᬲᬥ᭄ᬬᬫᬗᬩᬲᬸᬭᬵᬢ᭄᭞ᬫᬶᬯᬄᬧᬲ ᬮᬸᬓ᭄ᬧᬓᬶᬭᬶᬫ᭄᭞ᬲᬭᬵᬚᬩ᭄ᬭᬡ᭞ᬳᬶᬗ᭄ᬲᬸᬦ᭄ᬤᬢᬦᬦᬫ᭄ᬧᬶ᭟ᬮᬄᬕᬯᬦᭂᬦᬶᬓᬶᬲᬥᬬᬳᬢᬸᬮᬓ᭄‌᭞ᬧᬤᬾᬦᬾᬦᭀᬭᬧ᭄ᬭᬧ᭄ᬢᬶ᭞ᬭᬦᬓ᭄‌ᬭᬦ᭄ᬢᬦᬚᬵ᭞ᬍᬳᭂᬂᬬᬭᬤᬾᬦ᭄ᬧᬢ᭄ᬭᬶ ᬬ᭞ᬳᬗᭂᬦᭂᬲ᭄ᬭᬶᬂᬯᬦᬕᬶᬭᬶ᭞ᬳᬦᬦ᭄ᬤᬂᬩ᭄ᬭᬦ᭄ᬢᬵ᭞ᬤᬤᬶᬧᬡ᭄ᬥᬶᬢᬧᬢ᭄ᬦᬶ᭟ᬫᬗ᭄ᬓᬦᬓᬶᬢᬥᬸᬢᬳᬢᬹᬭᬓ᭄ᬦ᭞ᬭᬶᬧ᭄ᬭᬪᬹᬫᬸᬪᬸᬧᬢᬶ᭞ᬫᬢᬭᬫ᭄ᬤᬾᬦ᭄ᬯᭂᬭᬸᬳ᭞ᬳᬶᬗᭀᬂᬓᬭᬶᬳᬤᬦ᭄ᬥᬦ᭄᭞ [᭑᭒ 12A] ᬓᬂᬥᬸᬢ᭄ᬢᬕᭂᬤᭂᬕ᭄‌ᬫᬧᬫᬶᬢ᭄᭞ᬢᬸᬃᬫᬦ᭄ᬢᭂᬕ᭄ᬫᬾᬚ᭞ᬘᬶᬓᬃᬘᬶᬓᬃᬫᬫᬸᬜᬸ᭟ᬫᬗ᭄ᬓᬾᬚᬦ᭄ᬢᭀᬲ᭄‌ᬕᬕᭂᬮᬂᬮᬸᬦ᭄ᬢᬸᬃᬤᬤᬶᬳᬮᬲ᭄᭞ᬩᬩᬬᭂᬫᬦ᭄‌ᬳᬩᬱ᭄ᬫᬶ᭞ᬲᬓ᭄ᬯᬾᬄᬫᬦ᭄ᬢ᭄ᬭᬶᬓᬶᬢᬵ᭞ ᬤᬾᬦ᭄ᬫᬸᬧᬥᬲᬬᬕᬵ᭞ᬫᬢᬦ᭄ᬥᬂᬜᬾᬢᬾᬫᬫᬃᬕ᭄ᬕᬶ᭞ᬗᭂᬦ᭄ᬢᬸᬗᬂᬘᭀᬢ᭞ᬘᭂᬗᭂᬂᬢᬦ᭄‌ᬧᬯᬓᬾᬭᬶᬂ᭟ᬲᬦᬾᬫᬗ᭄ᬓᬶᬦ᭄ᬲᬓ᭄ᬯᬾᬄᬧ᭄ᬭᬫᬦ᭄ᬢᬶᬂᬕᬕᭂᬮᬂ᭞ᬩ᭄ᬭᬳ᭄ᬫᬵᬓᬶᬦᬸᬩ᭄ᬥᬾᬂᬳᬢᬶ᭞ᬬᬦ᭄ᬧ ᬓ᭄ᬱᬧ᭄ᬭᬓᬱ᭞ᬳᬾᬮᬶᬂᬭᬶᬂᬓᬶᬦᬓᬶᬦ᭞ᬳᬸᬢᬸᬲᬦ᭄ᬢᭀᬂᬧᬢᬹᬢ᭄ᬧᬢᬾᬦᬶ᭞ᬓᬲᬫ᭄ᬧᭂᬢ᭄ᬧᬶᬲᬦ᭄ᬤᬶᬰᬲ᭄ᬢ᭄ᬭᬭᬵᬚᬦᬶᬢ᭄ᬢᬶ᭟ᬲᬵᬫ᭄ᬧᬸᬦᬵᬤᭀᬄᬧᬫᬃᬕ᭄ᬕᬶᬦ᭄ᬥᬸᬢᬫᬚᬮᬦ᭄᭞ᬧ᭄ᬭᬪᬹᬕ ᬕ᭄ᬮᬂᬫᬗ᭄ᬓᬶᬦ᭄‌ᬫᬗᬦ᭄ᬥᬶᬓᬩᬦ᭄ᬩᬦ᭄᭞ᬇᬄᬧ᭄ᬭᬫᬾᬦᬓ᭄‌ᬫᬓᭂᬚᬂ᭞ᬦᬄᬤᬩ᭄ᬤᬩᬂᬦᬾᬚᬦᬶ᭞ᬲᬃᬯ᭄ᬯᬲᬜ᭄ᬚᬢ᭞ᬤᬳᬫ᭄ᬧᬄᬫᬦᬗᬭᬶᬦ᭄᭟ᬳᬧᬦ᭄ᬭᬢᬸᬫᬢᬭᬫ᭄᭞ᬤᬳ

Auto-transliteration

[11 11B] 11 sĕlidsorengubungin. sapunikāhatūreśrīrantanaja, prabhūgagĕlangmangkin, kenakmamir̥ĕngang, hatūr̀śrīrantanaja, ngenakintangkilansamiprabhū gaglang, bebasngandhikamangkin. mañahurinhutusanwacaṇabanban, cahikahutusmahi, bahanprabhūmataram, sadhyamangabasurāt, miwaḥpasa lukpakirim, sarājabraṇa, hingsundatananampi. laḥgawanĕnikisadhayahatulak, padenenoraprapti, ranakrantanajā, l̥ĕhĕngyaradenpatri ya, hangĕnĕsringwanagiri, hanandangbrantā, dadipaṇdhitapatni. mangkanakitadhutahatūrakna, riprabhūmubhupati, mataramdenwĕruha, hingongkarihadandhan, [12 12A] kangdhuttagĕdĕgmapamit, tur̀mantĕgmeja, cikar̀cikar̀mamuñu. mangkejantosgagĕlangluntur̀dadihalas, babayĕmanhabaṣmi, sakweḥmantrikitā, denmupadhasayagā, matandhangñetemamar̀ggi, ngĕntungangcota, cĕngĕngtanpawakering. sanemangkinsakweḥpramantinggagĕlang, brahmākinubdhenghati, yanpa kṣaprakaṣa, helingringkinakina, hutusantongpatūtpateni, kasampĕtpisandiśastrarājanitti. sāmpunādoḥpamar̀ggindhutamajalan, prabhūga glangmangkinmangandhikabanban, iḥpramenakmakĕjang, naḥdabdabangnejani, sar̀wwasañjata, dahampaḥmanangarin. hapanratumataram, daha

Leaf 12

Image on Archive.org

[᭑᭒ 12B] ᭑᭒ ᬢ᭄ᬧ᭄ᬭᬯᬷᬭᬵ᭞ᬢᭀᬂᬩᬶᬲᬧᬧᬓᬾᬭᬶᬂ᭞ᬓᬲᬸᬩ᭄‌ᬗ᭄ᬕᬮᬬᬸᬤ᭄ᬥᬵ᭞ᬧᬕᭂᬄᬢᭀᬂᬩᬶᬲᬳᬸᬮᬧ᭄᭞ᬕᭂᬫᭂᬲ᭄ᬢᭂᬓᬾᬦᬶᬂᬪᬸᬧᬢᬶ᭞ᬓᬲᬸᬩ᭄ᬓᬮᬸᬫ᭄ᬩ᭄ᬭᬄ᭞ᬧᬭᬭᬢᬸᬢᬓᬸᬢ᭄ᬲᬫᬶ᭟ᬢ᭄ᬯ ᬭᬩᬸᬳᬸᬂᬬᬧᬘᬂᬢ᭄ᬓᬵᬫᬗ᭄ᬭᬶᬲ᭄ᬢ᭞ᬬᬳᬶᬫᬢᬭᬫ᭄‌ᬫᬳᬶ᭞ᬕᬶᬕᬶᬲ᭄ᬓᬾᬩ᭄ᬭᬗ᭄ᬢᬶᬜ᭞ᬭᬢᬸᬳᬩᬮᬦᬣ᭞ᬯᬢᭂᬓ᭄ᬫᬦ᭄ᬢ᭄ᬭᬶᬲᬳᬸᬃᬧᬓ᭄ᬱᬶ᭞ᬳᬶᬗ᭄ᬕᬶᬄᬩᬗ᭄ᬕᬬᬂ᭞ᬲᬸᬓᬢᬶᬢ᭄ᬬᬂᬫᬗᭂ ᬦᭂᬫᬶᬦ᭄᭟ᬢᬦ᭄ᬤᬸᬫᬤᬾᬓ᭄ᬩᭀᬳᬗᬸᬦᬗᬸᬦ᭄ᬧ᭄ᬭᬧ᭄ᬢᬶᬬᬵ᭞ᬫᬩᬺᬤ᭄ᬳᬓᬾᬄᬗᬶᬭᬶᬂ᭞ᬰ᭄ᬭᬷᬕᬕ᭄ᬮᬂ᭞ᬧ᭄ᬭᬫᬾᬦᬓ᭄ᬱᬫᬶᬚᬶᬃᬡ᭄ᬦᬵ᭞ᬭᬤᬾᬦᬵᬮᬸᬓᬕ᭄ᬬᬢ᭄ᬫᬗ᭄ᬓᬶᬦ᭄᭞ᬢᬸᬫ᭄ᬩᬾᬦ᭄ᬫᬜᬶᬗ ᬓ᭄᭞ᬓ᭄ᬩᭀᬳᬗᬸᬦᬗᬸᬦ᭄‌ᬧᬗ᭄ᬕᬶᬄ᭟ᬳᬾᬮᬶᬂᬬᬦ᭄ᬧᬸᬦ᭄ᬓᬃᬣᬮᬵᬳᬘᬺᬂᬢᬸᬫᬶᬗ᭄ᬳᬮ᭄᭞ᬬᬦ᭄ᬓᬭᬱᬳᬶᬂᬩᬸᬤ᭄ᬥᬶ᭞ᬢ᭄ᬯᬶᬲᬶᬭᬬᬶᬦᬶᬭ᭞ᬫᬗ᭄ᬓᬾᬳᬲᬮᬶᬦ᭄‌ᬦᬵᬫ᭄᭞ᬗᬭᬦ᭄ᬧᬜ᭄ᬚᬶ [᭑᭓ 13A] ᬫᬮᬢ᭄ᬭᬰ᭄ᬫᬶᬦ᭄᭞ᬢᬸᬫᬸᬗ᭄ᬓᬸᬮ᭄ᬤᬸᬄᬓᬵ᭞ᬮᬶᬯᬢ᭄ᬩᭂᬡ᭄ᬥᬸᬭᬶᬂᬳᬢᬶ᭟ᬦ᭄ᬤᬦ᭄ᬓᭂᬩᭀᬳᬗᬸᬦᬵᬗᬸᬦ᭄‌ᬫᬋᬓ᭄ᬱᬂᬦᬵᬣ᭞ᬲᭀᬮᬄᬫᬧᬶᬢᬦᬸᬦᬶᬂ᭞ᬭᬶᬂᬭᬤᬾᬦ᭄ᬧ᭄ᬭᬩᬗ᭄ᬰᬵ᭞ᬰ᭄ᬭᬷᬕᬕ᭄ᬮᬂᬗᬦ᭄ᬤᬶᬓ᭞ ᬦᬦᬓ᭄ᬧᬜ᭄ᬚᬶᬦᭀᬭᬧ᭄ᬭᬧ᭄ᬢᬶ᭞ᬳᬧᬓᬃᬬ᭄ᬬᬦ᭄ᬬ᭞ᬫᬦ᭄ᬤᭂᬕ᭄ᬭᬶᬂᬲᬶᬗ᭄ᬳᬵᬲᬭᬶ᭟ᬓ᭄ᬩᭀᬳᬗᬸᬦᬵᬗᬸᬦ᭄ᬫᬵᬢᬹᬃᬭᬶᬂᬦᬵᬣ᭞ᬭᬢᬸᬤᬾᬯᬕᬸᬂᬲᬶᬗ᭄ᬕᬶᬄ᭞ᬤ᭄ᬯᬦᬶᬂᬭᬢᬸᬢᬶᬢ᭄ᬬᬂ᭞ᬓᬳᬸᬢᬸᬲ᭄ᬓᬦ᭄ᬤᬶᬓ ᬦ᭄ᬤᬶᬓᬬᬂ᭞ᬳᬦ᭄ᬢᬸᬓ᭄ᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭞ᬫᬋᬓ᭄ᬱᬂᬦᬵᬣ᭞ᬩ᭄ᬯᬢ᭄ᬫᬯᬘᬡᬗᭂᬲᬾᬗᬶᬦ᭄᭟ᬳᬶᬤᬳᬦᬜ᭄ᬘᭀᬓᭀᬃᬭᬢᬸᬳᬶᬚᭂᬓ᭄ᬧᬶᬲᬦ᭄᭞ᬯᬾᬦ᭄ᬢᭂᬦ᭄ᬓᬃᬬ᭄ᬬᬳᬓᬶᬤᬶᬓ᭄᭞ ᬦᬾᬦ᭄ᬢᭂᬦ᭄ᬓᬶᬘ᭄ᬘᬾᬦ᭄ᬩᬸᬤᬮ᭄᭞ᬳᬦ᭄ᬢᬸᬓ᭄‌ᬰ᭄ᬭᬷᬫᬺᬖᬲᭂᬓᬃ᭞ᬳᬦᬓ᭄ᬘᭀᬓᭀᬃᬭᬢᬸᬫᬗ᭄ᬓᬶᬦ᭄᭞ᬭᬶᬂᬧᬡ᭄ᬥᬶᬦᬮᬲ᭄‌ᬫ᭄ᬓᬸᬢᬸᬲ᭄ᬳᬭᬶᬦ᭄ᬪᬸᬧᬢᬶ᭟ᬰ᭄ᬭᬷᬕᬕ᭄ᬮᬂᬫᬮᬶᬄᬦᬸᬕᭂᬲ᭄ᬫ

Auto-transliteration

[12 12B] 12 tprawīrā, tongbisapapakering, kasubnggalayuddhā, pagĕḥtongbisahulap, gĕmĕstĕkeningbhupati, kasubkalumbraḥ, pararatutakutsami. twa rabuhungyapacangtkāmangrista, yahimatarammahi, gigiskebrangtiña, ratuhabalanatha, watĕkmantrisahur̀paksyi, hinggiḥbanggayang, sukatityangmangĕ nĕmin. tandumadekbohangunangunpraptiyā, mabr̥ĕd'hakeḥngiring, śrīgaglang, pramenakṣamijir̀ṇnā, radenālukagyatmangkin, tumbenmañinga k, kbohangunangunpanggiḥ. helingyanpunkar̀thalāhacr̥ĕngtuminghal, yankaraṣahingbuddhi, twisirayinira, mangkehasalinnām, ngaranpañji [13 13A] malatraśmin, tumungkulduḥkā, liwatbĕṇdhuringhati. ndankĕbohangunāngunmar̥ĕkṣangnātha, solaḥmapitanuning, ringradenprabangśā, śrīgaglangngandika, nanakpañjinoraprapti, hapakar̀yyanya, mandĕgringsinghāsari. kbohangunāngunmātūr̀ringnātha, ratudewagungsinggiḥ, dwaningratutityang, kahutuskandika ndikayang, hantuk'hidaradenmantri, mar̥ĕkṣangnātha, bwatmawacaṇangĕsengin. hidahanañcokor̀ratuhijĕkpisan, wentĕnkar̀yyahakidik, nentĕnkiccenbudal, hantukśrīmr̥ĕghasĕkar̀, hanakcokor̀ratumangkin, ringpaṇdhinalasmkutusharinbhupati. śrīgaglangmaliḥnugĕsma

Leaf 13

Image on Archive.org

[᭑᭓ 13B] ᭑᭓ ᬦᬓᬾᬦᬂ᭞ᬳᬧᬵᬕᬯᬾᬦᬾᬳᬶᬧᬜ᭄ᬚᬶ᭞ᬥᬢᬗᬾᬂᬧᬡ᭄ᬥᬦᬮᬲ᭄᭞ᬓ᭄ᬩᭀᬳᬗᬸᬦᬵᬗᬸᬦ᭄ᬦᬶᬫ᭄ᬩᬮ᭄᭞ᬫᭂᬧᭂᬲ᭄ᬫᬵᬢᬸᬃᬲᬳᬵᬪᬓ᭄ᬢᬶ᭞ᬲᬮᬫ᭄ᬧᬄᬢᬶᬢ᭄ᬬᬂ᭞ᬫ᭄ᬭᬶᬓᬶᬫᬋᬓ᭄ᬪᬸ ᬧᬢᬶ᭟ᬳᬶᬤᬳᬦᬓ᭄ᬘᭀᬓᭀᬃᬳᬶᬤᬾᬯᬫᬫᬃᬕ᭄ᬕᬵ᭞ᬫᬤ᭄ᬯᬾᬭᬩᬶᬓᬓᬮᬶᬄ᭞ᬧᬳᬶᬘ᭄ᬘᬦ᭄ᬲᬂᬦᬵᬣ᭞ᬰ᭄ᬭᬷᬕᬕ᭄ᬮᬂᬗᬦ᭄ᬤᬶᬓ᭞ᬳᬶᬗ᭄ᬲᬸᬦ᭄ᬧᬓᬾᬯᭂᬄᬢᬦ᭄ᬲᬶᬧᬶ᭞ ᬓᬢᭂᬓᬦ᭄ᬪᬬᬵ᭞ᬫᬢᬭᬫ᭄‌ᬫᬦᬗ᭄ᬢᬗᬶᬦ᭄᭟ᬫᬮᬭᬧᬦ᭄‌ᬫᬢᬭᬫ᭄‌ᬫᬗ᭄ᬮᬫᬃ᭞ᬲᭀᬥᬭᬜ᭄ᬘᬳᬶᬤᬶᬦᬶ᭞ᬧᬸᬢ᭄ᬭᬶᬭᬢ᭄ᬦᬦᬶᬂᬭᬵᬢ᭄᭞ᬧᬦᭀᬫᬄᬦ᭄ᬬᬯᬸᬲ᭄ᬓᬢᬸ ᬮᬓ᭄᭞ᬫᬰᬳ᭄ᬬᬳᬸᬭᬸᬂᬧ᭄ᬭᬧ᭄ᬢᬶ᭞ᬳᬫᭂᬚᬳᬦ᭄᭞ᬓᬫᬶᬮᬦ᭄ᬫᬢ᭄ᬭᬶᬲᬫᬶ᭟ᬫᬗ᭄ᬓᬶᬦ᭄ᬩᭂᬘᬶᬓ᭄‌ᬦᬦᬓ᭄ᬫᬦ᭄ᬢ᭄ᬭᬶᬓᭀᬦ᭄ᬫᬦ᭄ᬢᬸᬓᬵ᭞ᬫᬓᬧ᭄ᬭᬫᬡᬉᬭᬶᬧ᭄᭞ᬭᬶᬂᬤᬾᬰ [᭑᭔ 14A] ᬕᬕ᭄ᬮᬂ᭞ᬲ᭄ᬫᬬᬦ᭄ᬬᬳᬗ᭄ᬭᬶᬱ᭄ᬝᬵ᭞ᬮᬫᬶᬦᬾᬫᬮᬶᬄᬳᬰᬰᬶᬄ᭞ᬢᬸᬃᬰᬢ᭄ᬭᬸᬫᬗ᭄ᬳᬧ᭄᭞ᬧᬥᬧ᭄ᬭᬯᬶᬭᬲᬫᬶ᭞ᬓ᭄ᬩᭀᬳᬗᬸᬦᬗᬸᬦ᭄ᬕᭂᬮᬶᬲ᭄ᬫᬢᬸᬃᬜᬸᬫ᭄ᬩᬄ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬯᬮᬶ᭞ ᬦᬸᬳᬸᬃᬫᬗ᭄ᬥᬵᬩᬸᬤᬮ᭄᭞ᬳᬦᬓ᭄ᬘᭀᬓᭀᬃᬳᬶᬤᬾᬯᬵ᭞ᬫᬦ᭄ᬢᬸᬓ᭄ᬱᬓᬶᬂᬲᬶᬗ᭄ᬳᬲᬭᬶ᭞ᬫᬋᬓ᭄ᬱᬂᬦᬵᬣ᭞ᬧᬸᬦᬶᬓᬶᬭᬢᬸᬫᬮᬶᬄ᭟ᬧᬓᬶᬭᬶᬫᬢᬸᬭᬶᬂᬘᭀᬓᭀᬃᬳᬶᬤᬾᬯ᭞ ᬓᬮᬶᬄᬭᬶᬂᬧ᭄ᬭᬫᬶᬰ᭄ᬯᬭᬶ᭞ᬯᬲ᭄ᬢ᭄ᬭᬩᬭᬂᬩᬭᬂ᭞ᬫᬶᬯᬄᬭᬶᬂᬭᬤᬾᬦ᭄ᬤᬾᬯ᭄ᬬ᭞ᬓᬸᬭᬸᬩ᭄‌ᬧᭂᬧᭂᬮᬶᬓ᭄‌ᬯᬶᬚᬶᬮᬶᬂ᭞ᬭᬶᬂᬧᬚᬭᬓᬦ᭄᭞ᬯᬯᬸᬳᬶᬂᬫᬶᬜᬓ᭄ᬯᬗᬶ᭟ᬓ᭄ᬩᭀᬳᬗᬸᬦ ᬗᬸᬦ᭄ᬜᬸᬫ᭄ᬩᬄᬧᬫᬶᬢ᭄ᬩᬸᬤᬮ᭄᭞ᬲᬂᬧ᭄ᬭᬪᬸᬦᬩ᭄ᬥᬳᬭᬶᬲ᭄᭞ᬤᭂᬫᬸᬂᬲᬸᬕᬸᬳᬦᬵ᭞ᬓᬶᬳᬗᬸᬦᬗᬸᬦ᭄ᬫᬶᬱ᭞ᬅᬄᬲᬵᬫ᭄ᬧᬸᬦ᭄ᬭᬢᬸᬓᭀᬢᬸᬦᬶ᭞ᬢᬶᬢ᭄ᬬᬂᬫᬦᬸᬦᬲ᭄᭞ᬭᬸᬧ

Auto-transliteration

[13 13B] 13 nakenang, hapāgawenehipañji, dhatangengpaṇdhanalas, kbohangunāngunnimbal, mĕpĕsmātur̀sahābhakti, salampaḥtityang, mrikimar̥ĕkbhu pati. hidahanakcokor̀hidewamamar̀ggā, madwerabikakaliḥ, pahiccansangnātha, śrīgaglangngandika, hingsunpakewĕḥtansipi, katĕkanbhayā, matarammanangtangin. malarapanmatarammanglamar̀, sodharañcahidini, putriratnaningrāt, panomaḥnyawuskatu lak, maśahyahurungprapti, hamĕjahan, kamilanmatrisami. mangkinbĕciknanakmantrikonmantukā, makapramaṇa'urip, ringdeśa [14 14A] gaglang, smayanyahangriṣṭā, laminemaliḥhaśaśiḥ, tur̀śatrumanghap, padhaprawirasami, kbohangunangun'gĕlismatur̀ñumbaḥ, mangkintityangmawali, nuhur̀mangdhābudal, hanakcokor̀hidewā, mantukṣakingsinghasari, mar̥ĕkṣangnātha, punikiratumaliḥ. pakirimaturingcokor̀hidewa, kaliḥringpramiśwari, wastrabarangbarang, miwaḥringradendewya, kurubpĕpĕlikwijiling, ringpajarakan, wawuhingmiñakwangi. kbohanguna ngunñumbaḥpamitbudal, sangprabhunabdhaharis, dĕmungsuguhanā, kihangunangunmiṣa, aḥsāmpunratukotuni, tityangmanunas, rupa

Leaf 14

Image on Archive.org

[᭑᭔ 14B] ᭑᭔ ᬓᬤᬶᬫ᭄ᬭᬤᬗᬶᬦ᭄᭟ᬰ᭄ᬭᬷᬕᬕ᭄ᬮᬂᬕ᭄ᬮᬶᬲ᭄ᬫᬗ᭄ᬓᬶᬦ᭄‌ᬗ᭄ᬭᬾᬓᬮᬬᬂ᭞ᬕᬶᬫ᭄ᬧᭂᬲ᭄ᬫᬳᬸᬍᬲ᭄ᬩᭂᬘᬶᬓ᭄᭞ᬳᬦ᭄ᬢᬸᬓ᭄ᬱᬸᬢ᭄ᬭᬚᭂᬦᬃ᭞ᬓ᭄ᬩᭀᬳᬗᬸᬦᬵᬗᬸᬦ᭄ᬓᬶᬘ᭄ᬘᬾᬦ᭄᭞ᬓᬢᬸᬦᬲ᭄‌ᬮ ᬳᬸᬢ᭄ᬫᬧᬫᬶᬢ᭄᭞ᬧᭂᬲᬸᬫᬚᬮᬦ᭄᭞ᬲᬂᬧ᭄ᬭᬪᬸᬮᬯᬸᬢ᭄ᬓᬧᬸᬭᬶ᭟ᬫᬶᬦᬓᬤᬶᬰ᭄ᬭᬷᬭᬦ᭄ᬢᬦᬚᬲᬵᬫ᭄ᬧᬸᬦ᭄ᬩᬸᬤᬮ᭄᭞ᬭᬤᬾᬧ᭄ᬭᬩᬗ᭄ᬰᬫᬗ᭄ᬓᬶᬦ᭄᭞ᬳᬲᭂᬫᬸᬓ᭄ᬭᭀᬥ᭞ᬲᭂ ᬦ᭄ᬥᬸᬩᭂᬦ᭄ᬥᬸᬦᬾᬮᬶᬯᬢ᭄᭞ᬩᬵᬦᬾᬓᬭᬶᬭᬤᬾᬦ᭄ᬧᬜ᭄ᬚᬶ᭞ᬧᬘᬂᬫᬗ᭄ᬕᬮᬵ᭞ᬭᬶᬂᬕᬕ᭄ᬮᬂᬦᬵᬕᬭᬶ᭟ᬓ᭄ᬩᭀᬳᬗᬸᬦᬗᬸᬦ᭄‌ᬫᬭᬶᬂᬧ᭄ᬭᬦᬵᬕᬭ᭞ᬳᬦ᭄ᬭᬸᬲ᭄ᬫᬜ᭄ᬚᬶᬂᬓᬧᬹ ᬭᬶ᭟ᬫᬭᬶᬂᬤᬍᬫ᭄ᬧᬶᬲᬦ᭄᭞ᬚᬸᬫᭀᬚᭀᬕ᭄‌ᬗ᭄ᬕᬯᬩᬭᬂ᭞ᬯ᭄ᬯᭀᬂᬭᬶᬂᬚ᭄ᬭᭀᬧᬥᬓᬧᬗ᭄ᬕᬶᬄ᭞ᬕᬸᬫᬸᬬᬸᬜᬧ᭞ᬫᬢᬓᬾᬦ᭄‌ᬲᬳᬸᬃᬧᬓ᭄ᬱᬶ᭟ᬲᬶᬗ᭄ᬕᬶᬄᬲᬥ᭄ᬬ [᭑᭕ 15A] ᬓ᭄ᬩᭀᬳᬗᬸᬦᬗᬸᬦ᭄ᬧ᭄ᬭᬧ᭄ᬢᬵ᭞ᬦ᭄ᬤᬶᬭᬢᬸᬩᬕᬸᬲ᭄ᬧᬜ᭄ᬚᬶ᭞ᬧᬸᬦ᭄ᬓᭂᬩᭀᬳᬗᬸᬘᬧ᭄᭞ᬲᬶᬗ᭄ᬕᬶᬄᬦᬶᬦᬶᬢᬦ᭄ᬧ᭄ᬭᬧ᭄ᬢ᭞ᬭᬤᬾᬦ᭄ᬫᬦ᭄ᬢ᭄ᬭᬶᬮᬸᬗ᭄ᬳᬵᬫᬗ᭄ᬓᬶᬦ᭄᭞ᬭᬶᬂᬧᬦ᭄ᬥᬦᬮᬲ᭄᭞ ᬳᬦᬲ᭄ᬯᬓᬃᬬ᭄ᬬᬓᬶᬤᬶᬓ᭄᭟ᬦ᭄ᬤᬦ᭄‌ᬲᬶᬭᬳᬦᬸᬱᬳᬃᬱᬭᬶᬂᬫᬡ᭄ᬥᬯ᭞ᬲᬶᬭᬦ᭄ᬭᬗᬃᬱᬫᬮᬶᬄ᭞ᬖᬭᬡᬧᬶᬡ᭄ᬥᬳᬓᬾᬦ᭄ᬯᬶᬱᬃᬱᬓᬮᬯᬦ᭄᭞ᬧᬋᬂᬮᬦ᭄ᬓᬶᬯᬶᬱᬧᬢᬶ᭞ ᬳᬗ᭄ᬕᬫᭂᬮ᭄ᬩᬭᬂ᭞ᬕᬜ᭄ᬚᬭᬦ᭄ᬧᬓᬶᬭᬶᬫ᭄᭟ᬳᬶᬗ᭄ᬕᬶᬄᬭᬢᬸ᭞ᬳᬦᬤ᭄ᬬᬄᬭᭀᬭᭀᬓᬢᬯᬦ᭄᭞ᬢᬤᬾᬦ᭄ᬤᬾᬯᬶᬜᬳᬸᬭᬶᬦ᭄᭞ᬦ᭄ᬭᬗᬃᬱᬳᬗᬸᬘᬧ᭄᭞ᬤᬾᬦ᭄ᬕᭂᬦᭂᬧᬲ ᬅᬱ᭄ᬝ᭞ᬫᬗ᭄ᬓᬾᬳᬗ᭄ᬕᬯᬦᭂᬦ᭄ᬧᬸᬢ᭄ᬭᬶ᭞ᬫᬾᬲᭂᬫ᭄‌ᬧᬸᬦ᭄ᬓᭂᬩᭀᬯ᭞ᬳᬗᬸᬦᬗᬸᬦ᭄ᬜᬳᬸᬭᬶᬦ᭄᭟ᬢᬦ᭄ᬓᭂᬦᬯᬶᬦᬶᬮᬂᬫᬭᬸᬧᬓᬦᬶᬭᬤᬾᬯᬵ᭞ᬲᬶᬭᬦ᭄ᬭᬗᬵᬃᬱ

Auto-transliteration

[14 14B] 14 kadimradangin. śrīgaglangglismangkinngrekalayang, gimpĕsmahul̥ĕsbĕcik, hantuksyutrajĕnar̀, kbohangunāngunkiccen, katunasla hutmapamit, pĕsumajalan, sangprabhulawutkapuri. minakadiśrīrantanajasāmpunbudal, radeprabangśamangkin, hasĕmukrodha, sĕ ndhubĕndhuneliwat, bānekariradenpañji, pacangmanggalā, ringgaglangnāgari. kbohangunangunmaringpranāgara, hanrusmañjingkapū ri. maringdal̥ĕmpisan, jumojognggawabarang, wwongringjropadhakapanggiḥ, gumuyuñapa, matakensahur̀paksyi. singgiḥsadhya [15 15A] kbohangunangunpraptā, ndiratubaguspañji, punkĕbohangucap, singgiḥninitanprapta, radenmantrilunghāmangkin, ringpandhanalas, hanaswakar̀yyakidik. ndansirahanuṣahar̀ṣaringmaṇdhawa, siranrangar̀ṣamaliḥ, gharaṇapiṇdhahakenwiṣar̀ṣakalawan, par̥ĕnglankiwiṣapati, hanggamĕlbarang, gañjaranpakirim. hinggiḥratu, hanadyaḥrorokatawan, tadendewiñahurin, nrangar̀ṣahangucap, den'gĕnĕpasa aṣṭa, mangkehanggawanĕnputri, mesĕmpunkĕbowa, hangunangunñahurin. tankĕnawinilangmarupakaniradewā, siranrangār̀ṣa

Leaf 15

Image on Archive.org

[᭑᭕ 15B] ᭑᭕ ᬫᬶᬗᬶᬲ᭄᭞ᬧᬸᬦ᭄ᬓᭂᬩᭀᬳᬗᬸᬘᬧ᭄᭞ᬫᬗ᭄ᬓᬾᬢᬦᬶᬯᬶᬦᬵᬃᬱᬵ᭞ᬓᬮᬯᬦ᭄ᬳᬶᬯᬶᬱᬧᬢᬶ᭞ᬮᬄᬢᬗ᭄ᬕᬧᬦ᭞ᬧᬓᬶᬭᬶᬫᬶᬓᬶᬲᬫᬶ᭟ᬮᬯᬦᬲᬶᬂᬳᬸᬫᬄᬰᬸᬦ᭄ᬬᬧᬜ ᬗᬦᬵ᭞ᬫᬗ᭄ᬓᬾᬤᬾᬦᬾᬗ᭄ᬕᬮᬺᬱᬶᬓ᭄᭞ᬕᬸᬫᬸᬬᬸᬓᬂᬳᬸᬚᬃ᭞ᬲᬫᬫᬾᬲᭂᬫ᭄ᬓᬂᬧᬸᬢ᭄ᬭᬶᬬᬵ᭞ᬓᬶᬯᬶᬱᬧᬢᬶᬜᬳᬸᬭᬶᬦ᭄᭞ᬤᬸᬄᬫᬰᬵᬓᬸᬭᬂ᭞ᬕᬯᬾᬦᬶᬗ᭄ᬲᬸᬦ᭄ᬭᬶᬂ ᬧᬹᬭᬶ᭟ᬦ᭄ᬳᭂᬃᬫᬾᬲᭂᬫ᭄‌ᬓ᭄ᬩᭀᬳᬗᬸᬦᬗᬸᬦ᭄‌ᬗᬸᬘᬧ᭄᭞ᬤᬯᭂᬕ᭄ᬫᬦᬶᬭᬳᬫᬶᬢ᭄᭞ᬫᬗ᭄ᬓᬾᬮᬸᬫᬫ᭄ᬧᬳ᭞ᬓᬶᬦᬸᬱᬳᬃᬱᬗᬸᬘᬧ᭄᭞ᬦ᭄ᬤᬄᬳᬕᬾᬮᬸᬫᬭᬶᬲ᭄᭞ᬕ᭄ᬮᬶᬲ᭄ᬮᬸ ᬗ᭄ᬳᬵᬩᬮᬦᬶᬭᬳᬦ᭄ᬤᬸᬮᬸᬭ᭞ᬳᬫᬃᬕ᭄ᬕᬶᬭᬶᬂᬢᭀᬄᬧᬢᬶ᭞ᬰ᭄ᬤᭂᬓ᭄‌ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬫᬮᬬᬹᬤᬶᬩᬜ᭄ᬘᬶᬗᬄ᭞ᬲ᭄ᬬᬧᬓᬂᬮᬸᬫᬶᬦ᭄ᬢᬂᬫᬃᬕ᭄ᬕᬶ᭞ᬳᬓ᭄ᬯᬾᬄᬩᬮᬓᬸ᭞ᬕᬸ [᭑᭖ 16A] ᬕᬸᬫᬺᬩᭂᬕ᭄ᬳᬶᬓᬂᬗᬶᬭᬶᬂ᭟ᬓᬂᬢᬶᬦᬓ᭄ᬯᬦ᭄‌ᬫᬵᬢᬹᬃᬭᬶᬂᬰ᭄ᬭᬷᬭᬦ᭄ᬢᬦᬚ᭞ᬓ᭄ᬩᭀᬳᬗᬸᬦᬗᬸᬦ᭄‌ᬲᬶᬗ᭄ᬕᬶᬄ᭞ᬯᬯᬸᬓᬂᬮᬸᬫᬶᬦ᭄ᬢᬂ᭞ᬳᬸᬘᬧᭂᬦ᭄ᬲᬶᬭᬓᭂᬩᭀᬳ᭞ᬮᬫ᭄ᬧ ᬳᬾᬭᬳᬶᬦᬯᭂᬗᬶ᭞ᬯᬸᬲ᭄ᬕᭂᬮᬶᬲ᭄ᬧ᭄ᬭᬵᬧ᭄ᬢ᭞ᬥᬢᭂᬂᬭᬶᬂᬲᬶᬗ᭄ᬳᬲᬭᬶ᭞ᬦ᭄ᬤᬦᬸᬘᬧᭂᬦ᭄ᬲᬶᬭᬧᬜ᭄ᬚᬶᬲᬶᬗ᭄ᬳᬵᬜ᭄ᬚᬬ᭞ᬳᭀᬮᬶᬄᬤᬾᬦ᭄ᬬᬵᬦ᭄ᬤᭀᬜ᭄ᬚᬸᬭᬶᬢ᭄᭞ᬭᬾᬄᬲᬂᬢᬶᬦᬓᬾᬦᬦ᭄᭞ᬦᬸᬗ᭄ᬓᬸᬮ᭄ ᬳᬲ᭄ᬭᬄᬚᬶᬯᬭᬕ᭞ᬦ᭄ᬤᬢᬦᬦᬳᬤᬺᬯᬾᬧᬸᬢ᭄ᬭᬶ᭞ᬤ᭄ᬯᬦᬶᬂᬲᬂᬦᬵᬣ᭞ᬚᬕᬢᬾᬓᬳᬢᬸᬃᬲᬫᬶ᭟ᬳᬕᬾᬢᬸᬮᬓ᭄‌ᬧ᭄ᬭᬫᬗ᭄ᬓᬶᬦ᭄‌ᬓᬲᬶᬗ᭄ᬳᬲᭂᬓᬃ᭞ᬢᬸᬃᬲ᭄ᬥᭂᬓᬦ᭄ᬤᬶᬫᬃᬕ᭄ᬕᬶ᭞ᬲᬶᬭᬫ ᬜ᭄ᬚᬶᬗᬸᬘᬧ᭄᭞ᬓᬓᬧᬤᬤᬸᬫᬦ᭞ᬳᬚᬵᬓᬾᬄᬯᭀᬂᬧᬋᬂᬓᬫᬶ᭞ᬲᭀᬓ᭄ᬯᭀᬚᬗ᭄ᬕᬮᬵ᭞ᬓᬭᬶᬧᬋᬂᬗ᭄ᬯᬂᬫᬗ᭄ᬓᬶᬦ᭄᭟ᬳᬧᬦ᭄‌ᬳᬦᬫᬗ᭄ᬓᬾᬓᬃᬬ᭄ᬬᬦᬶᬗ᭄ᬲᬸᬦ᭄ᬫᬢ᭄ᬭ᭞ᬓᬸᬤᬦᬶ

Auto-transliteration

[15 15B] 15 mingis, punkĕbohangucap, mangketaniwinār̀syā, kalawanhiwiṣapati, laḥtanggapana, pakirimikisami. lawanasinghumaḥśunyapaña nganā, mangkedenenggalr̥ĕsyik, gumuyukanghujar̀, samamesĕmkangputriyā, kiwiṣapatiñahurin, duḥmaśākurang, gaweningsunring pūri. nhĕr̀mesĕmkbohangunangunngucap, dawĕgmanirahamit, mangkelumampaha, kinuṣahar̀ṣangucap, ndaḥhagelumaris, glislu nghābalanirahandulura, hamar̀ggiringtoḥpati, śdĕkśrīnarendra, malayūdibañcingaḥ, syapakanglumintangmar̀ggi, hakweḥbalaku, gu [16 16A] gumr̥ĕbĕg'hikangngiring. kangtinakwanmātūr̀ringśrīrantanaja, kbohangunangunsinggiḥ, wawukanglumintang, hucapĕnsirakĕboha, lampa herahinawĕngi, wusgĕlisprāpta, dhatĕngringsinghasari, ndanucapĕnsirapañjisinghāñjaya, holiḥdenyāndoñjurit, reḥsangtinakenan, nungkul hasraḥjiwaraga, ndatananahadr̥ĕweputri, dwaningsangnātha, jagatekahatur̀sami. hagetulakpramangkinkasinghasĕkar̀, tur̀sdhĕkandimar̀ggi, sirama ñjingucap, kakapadadumana, hajākeḥwongpar̥ĕngkami, sokwojanggalā, karipar̥ĕngngwangmangkin. hapanhanamangkekar̀yyaningsunmatra, kudani

Leaf 16

Image on Archive.org

[᭑᭖ 16B] ᭑᭖ ᬭᬵᬃᬱᬳᬗ᭄ᬮᬶᬂ᭞ᬲᬦ᭄ᬥᬶᬓᬧᬗᬾᬭᬦ᭄᭞ᬲᬵᬫ᭄ᬧᬸᬦ᭄ᬤᬢᬦ᭄ᬧ᭄ᬭᬬᬢ᭄ᬦ᭞ᬭᬶᬂᬫᬃᬕ᭄ᬕᬶ᭞ᬫᬗ᭄ᬓᬢ᭄ᬲᬂᬧᬜ᭄ᬚᬶ᭞ᬯᬶᬢ᭄ᬮᬫ᭄ᬧᬄᬳᬶᬭᬩᬦ᭄ᬩᬦ᭄‌ᬳᬗᬦ᭄ᬢᭀᬲ᭄‌ᬯᭂᬗᬶ᭟ᬲᬵᬫ᭄ᬧᬸᬦ᭄ᬭᬢ᭄ᬭᬶᬲᬂᬧᬜ᭄ᬚᬶ ᬕᭂᬮᬶᬲ᭄ᬮᬸᬫᬫ᭄ᬧᬄ᭞ᬯᬸᬲ᭄ᬧ᭄ᬭᬧ᭄ᬢᬾᬂᬲᬶᬗᬲᬭᬶ᭞ᬯᭂᬗᬶᬤᬶᬩᬜ᭄ᬘᬶᬗᬄ᭞ᬲᬂᬧᬜ᭄ᬚᬶᬗᬧᬹᬃᬬᬂ᭞ᬫ᭄ᬦᬾᬓ᭄ᬢᬾᬫ᭄ᬩᭀᬓ᭄ᬫᬦᬮᬶᬢᬶ᭞ᬢ᭄ᬯᬶᬳᬚᬓ᭄ᬤᬤ᭄ᬯᬵ᭞ᬓ᭄ᬩᭀᬢᬦ᭄ᬫᬸᬦ᭄ᬥᬸᬃᬗᬶᬭᬶᬂ᭟ᬭᬤᬾᬦ᭄ᬕ ᬮᬸᬄᬲᬵᬫ᭄ᬧᬸᬦ᭄ᬲᬶᬋᬧ᭄ᬤᬶᬧᬫᬺᬫᬦ᭄᭞ᬲᬶᬭᬧᬜ᭄ᬚᬶᬗᬸᬗ᭄ᬕᬳᬶᬦ᭄᭞ᬫᭀᬗ᭄ᬓᭀᬤ᭄ᬦᬕᬲᭂᬓᬃ᭞ᬢ᭄ᬯᬦ᭄ᬕᬮᬸᬄᬳᬢᬗᬶᬬᬵ᭞ᬲᬶᬭᬧᬜ᭄ᬚᬶᬳᬗ᭄ᬭᬜ᭄ᬚᬶᬗᬶᬦ᭄᭞ᬧᬕᭂᬄᬢᭀᬂ ᬢᬶᬫ᭄ᬧᬂ᭞ᬓᬸᬭᬂᬥᬬᬫᬜᬶᬮᬶᬩ᭄᭟᭐᭟ᬧᬸᬄᬧᬗ᭄ᬓᬸᬃ᭟ᬲᬢᭂᬓᭂᬤᬾᬤᬶᬧᬫᬺᬫᬦ᭄᭞ᬲᬶᬭᬧᬜ᭄ᬚᬶᬜᭂᬫᬓ᭄ᬜᬶᬗᬮ᭄ᬭᬤᬾᬦ᭄ᬤᬾᬯᬶ᭞ᬲᬫ᭄ᬩᬶᬮ᭄ᬗᬩᬶᬦ᭄ᬗᬸᬓᬸᬢᬸᬓᬸᬢ᭄᭞ᬳ [᭑᭗ 17A] ᬤᬸᬄᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬫᭂᬍᬤ᭄ᬧᬶᬲᬦ᭄ᬢᬶᬢ᭄ᬬᬗᭂᬢᭀᬦ᭄ᬭᬢᬸᬳᬕᬸᬂ᭞ᬤ᭄ᬯᬦᬶᬂᬢᬶᬢ᭄ᬬᬂᬫᬗ᭄ᬓᬶᬦ᭄ᬢᭂᬓᬵ᭞ᬫᬫᭂᬢᭂᬂᬫᬋᬓ᭄ᬳᬶᬕᬸᬲ᭄ᬢᬶ᭟ᬜᬥ᭄ᬬᬜᭀᬮᭀᬂᬧᬘᬂᬫᬶᬗ᭄ᬕᬢ᭄᭞ ᬭᬢᬸᬳᬕᬸᬂ᭞ᬫᬕ᭄ᬭᬶᬄᬫᬫᬃᬕ᭄ᬕᬶᬫᬗ᭄ᬓᬶᬦ᭄᭞ᬗ᭄ᬕᬶᬄᬲᬵᬫ᭄ᬧᬸᬦᬂᬕᬸᬲ᭄ᬢᬶᬧᭂᬗ᭄ᬓᬸᬂ᭞ᬢᬸᬳᬸᬢᬂᬳᬢᬹᬃᬢᬶᬢ᭄ᬬᬂ᭞ᬫᬗᬃᬬ᭄ᬬᬦᬂᬮᬶᬗ᭄ᬕᬶᬄᬳᬶᬤᬳᬦᬓᬕᬸᬂ᭞ᬫᬗ᭄ᬥᬵᬢᬸᬮᬓ᭄ᬢᭂᬓᬾᬦ᭄ᬢᬶ ᬢ᭄ᬬᬂ᭞ᬫᬸᬧᬸᬍᬕᬵᬩᬋᬂᬕᬸᬲ᭄ᬢᬶ᭟ᬓᬾᬦᬓᬂᬭᬢᬸᬫᬵᬲ᭄ᬫᬶᬭᬄ᭞ᬩᬲ᭄ᬢᭀᬂᬫᬫ᭄ᬧᬸᬄᬢᬶᬢ᭄ᬬᬂᬩᭂᬮᬶᬲ᭄ᬭᬶᬂᬳᬶᬕᬸᬲ᭄ᬢᬶ᭞ᬓᬩᬢᭂᬓ᭄ᬩᬵᬦ᭄ᬢᬺᬱ᭄ᬡᬦᭂᬕᬸᬮ᭄᭞ᬤᭂᬫᭂᬦ᭄ᬢᭂᬓᬾᬦ᭄ᬳᬶᬤᬾ ᬯᬵ᭞ᬭᬤᬾᬦ᭄ᬕᬮᬸᬄᬫᭂᬦᭂᬂᬫᭀᬫᭀᬢᬸᬲᬫ᭄ᬩᬶᬮ᭄ᬗᬸᬦ᭄ᬢᬸᬓ᭄᭞ᬢᬺᬱ᭄ᬡᬢᭂᬓᬾᬦ᭄‌ᬩᬶᬩᬶᬬᬬᬄ᭞ᬬᬾᬄᬘᬶᬗᬓᬾᬤᬺᬱ᭄ᬫᬶᬚᬶᬮ᭄᭟ᬭᬤᬾᬦ᭄ᬫᬦ᭄ᬢ᭄ᬭᬶᬜᬺᬕ᭄ᬲᭂᬗᬸᬘᬧ᭄᭞

Auto-transliteration

[16 16B] 16 rār̀ṣahangling, sandhikapangeran, sāmpundatanprayatna, ringmar̀ggi, mangkatsangpañji, witlampaḥhirabanbanhangantoswĕngi. sāmpunratrisangpañji gĕlislumampaḥ, wuspraptengsingasari, wĕngidibañcingaḥ, sangpañjingapūr̀yang, mnektembokmanaliti, twihajakdadwā, kbotanmundhur̀ngiring. raden'ga luḥsāmpunsir̥ĕpdipamr̥ĕman, sirapañjingunggahin, mongkodnagasĕkar̀, twan'galuḥhatangiyā, sirapañjihangrañjingin, pagĕḥtong timpang, kurangdhayamañilib. 0. puḥpangkur̀. satĕkĕdedipamr̥ĕman, sirapañjiñĕmakñingalradendewi, sambilngabinngukutukut, ha [17 17A] duḥratugustintityang, mĕl̥ĕdpisantityangĕtonratuhagung, dwaningtityangmangkintĕkā, mamĕtĕngmar̥ĕk'higusti. ñadhyañolongpacangminggat, ratuhagung, magriḥmamar̀ggimangkin, nggiḥsāmpunanggustipĕngkung, tuhutanghatūr̀tityang, mangar̀yyananglinggiḥhidahanakagung, mangdhātulaktĕkenti tyang, mupul̥ĕgābar̥ĕnggusti. kenakangratumāsmiraḥ, bastongmampuḥtityangbĕlisringhigusti, kabatĕkbāntr̥ĕṣṇanĕgul, dĕmĕntĕkenhide wā, raden'galuḥmĕnĕngmomotusambilnguntuk, tr̥ĕṣṇatĕkenbibiyayaḥ, yeḥcingakedr̥ĕṣmijil. radenmantriñr̥ĕgsĕngucap,

Leaf 17

Image on Archive.org

[᭑᭗ 17B] ᭑᭗ ᬤᬸᬄᬧᬸᬦᬶᬓᬶᬢᬸᬮᬸᬂᬳᬢᬹᬃᬢᬶᬢ᭄ᬬᬂᬫᬡᬶᬓ᭄᭞ᬳᬧᬂᬳᬶᬤᬯᬶᬓᬦ᭄ᬭᬢᬸ᭞ᬭᬤᬾᬦ᭄ᬓᭀᬭᬶᬧᬦ᭄‌ᬧ᭄ᬭᬩᬗ᭄ᬰᬵ᭞ᬯ᭄ᬬᬓ᭄ᬢᬶᬘᬸᬮᬸᬓ᭄‌ᬧᬘᬂᬗ᭄ᬮᬫᬃᬭᬢᬸᬳᬬᬸ᭞ᬚᬕᬢᬾᬫᬓᭂᬚᬂ ᬦᬯᬂ᭞ᬓᬭᬶᬤᬶᬫᬃᬕ᭄ᬕᬶᬦᬾᬫᬗ᭄ᬓᬶᬦ᭄᭟ᬓᬾᬦ᭄ᬓᬾᬦ᭄‌ᬤᬕᬶᬂᬓᬬᬸᬦ᭄ᬳᬶᬤᬵ᭞ᬧᬘᬂᬫ᭄ᬭᬗ᭄ᬓᬢ᭄ᬗᬮᬶᬄᬓᬃᬫ᭄ᬫᬧᬶᬂᬓᬮᬶᬄ᭞ᬢ᭄ᬯᬭᬳᬾᬭᬂᬚᭂᬗᬄᬭᬢᬸ᭞ᬬᬦ᭄ᬢᬶᬦ᭄ᬤᬶᬄᬢ᭄ᬓᬾᬦ᭄ᬭᬵᬕ᭞ᬭᬢᬸᬲᭂ ᬮᬾᬄᬧᬸᬢ᭄ᬭᬶᬧᬸᬢ᭄ᬭᬦᬦᬓᬕᬸᬂ᭞ᬧᬘᬂᬧᬶᬂᬓᬮᬶᬄᬫᬭᬩ᭄ᬬᬦ᭄᭞ᬳᭂᬗ᭄ᬲᬧ᭄ᬢᬾᬓᬾᬦ᭄ᬩᬗ᭄ᬰᬢᬶᬗ᭄ᬕᬶ᭟ᬭᬤᬾᬦ᭄ᬕᬮᬸᬄᬫᬦᬸᬳᬸᬢᬂ᭞ᬭᬭᬶᬲ᭄ᬫᬢᬹᬃᬫᬦᬗᬶᬲ᭄‌ᬲᭂᬗᬶᬲᭂᬗᬶ᭞ᬚᭂ ᬚᭂᬧ᭄ᬫᬦᬄᬢᬶᬢ᭄ᬬᬂᬭᬢᬸ᭞ᬓᬾᬯᬦ᭄ᬢᭂᬦ᭄ᬢᬸᬦᬲ᭄ᬢᬶᬢ᭄ᬬᬂ᭞ᬫᬗ᭄ᬥᬲᬵᬫ᭄ᬧᬸᬦ᭄ᬩᭂᬮᬶᬧᬸᬭᬸᬦ᭄ᬭᬶᬂᬩᬧᬳᬕᬸᬂ᭞ᬲᬶᬭᬧᬜ᭄ᬚᬶᬮᬦ᭄ᬢᬲ᭄ᬦᬶᬫ᭄ᬩᬮ᭄᭞ᬤᬸᬄᬦ᭄ᬤᬶᬓᬧᬦ᭄ᬢᬶᬢ᭄ᬬᬂᬩᬦᬶ᭟ᬧᬂᬧᬂᬢᭂᬓᬾ [᭑᭘ 18A] ᬦ᭄ᬧᬦᭂᬫ᭄ᬩᬳᬦ᭄᭞ᬬᬤ᭄ᬬᬦ᭄ᬢᬶᬢ᭄ᬬᬂᬓᬢ᭄ᬭᬸᬕ᭄ᬢᬸᬕᬦ᭄ᬤᬶᬫᬃᬕ᭄ᬕᬶ᭞ᬫᬰᬢᬶᬢ᭄ᬬᬂᬧᬘᬂᬧᬸᬭᬸᬦ᭄᭞ᬫᬗ᭄ᬮᬯᬦ᭄‌ᬤᬲᬂᬦᬵᬣ᭞ᬢᭂᬧᭂᬂᬳᬢᬹᬃᬫᬗ᭄ᬓᬶᬦ᭄᭞ᬕᬸᬲ᭄ᬢᬶᬳᬬᬸ᭞ᬬᬦ᭄ᬢᬶᬢ᭄ᬬᬂᬧᬘᬂᬫᬢ ᬗ᭄ᬕᬮ᭄᭞ᬩᭀᬩᬣᬂᬓᬸᬤᬳᬶᬧᬜ᭄ᬚᬶ᭟ᬦᬶᬲᬗᬶᬢ᭄‌ᬓᬮᬶᬄᬦᬶᬩᬬᬦ᭄᭞ᬦᬶᬧᬲᬶᬭᬦ᭄ᬧᬗᭀᬦᭂᬗᬦ᭄᭞ᬳᬓᬤᬶ᭞ᬲᬶᬭᬧᬜ᭄ᬚᬶᬫᬗ᭄ᬓᬶᬦ᭄‌ᬦᬸᬦ᭄ᬤᬸᬦ᭄᭞ᬢᬸᬃᬢᬫ᭄ᬧᬸᬄᬧᬗᬦ᭄ᬥᬶᬓᬵ᭞ᬮ ᬫᬸᬦ᭄ᬲᬶᬭᬫᬲᬶᬄᬢᬺᬱ᭄ᬡᬾᬂᬢ᭄ᬯᬦ᭄ᬕᬮᬸᬄ᭞ᬮᬄᬫᬗ᭄ᬓᬾᬩᬋᬂᬧᬶᬦ᭄ᬥᬳᬵ᭞ᬢᬸᬫᬸᬢᬓᭂᬦ᭄‌ᬢ᭄ᬯᬦ᭄ᬤᬾᬯᬶ᭟ᬦᬶᬩᬬᬦ᭄‌ᬦᭂᬳᬃᬳᬗᬸᬘᬧ᭄᭞ᬳᬶᬗ᭄ᬕᬶᬄᬢᬸᬫᬸᬢ᭄ᬧᬢᬶᬓᬚᬶᬗᬶᬭᬶᬂ᭞ᬬᬤᬶ ᬦ᭄‌ᬧᭂᬚᬄᬳᬮᬳᬬᬸ᭞ᬢ᭄ᬯᬦ᭄ᬤᬾᬯᬶᬢᬶᬦᬸᬦ᭄ᬢᬸᬦᬦ᭄᭞ᬧᬸᬦᬂᬮ᭄ᬯᬃᬢᬶᬦᬗᬶᬦᬦ᭄‌ᬳᬫ᭄ᬩᬲᬵᬫ᭄ᬧᬸᬦ᭄᭞ᬓᬂᬮᬯᬂᬳᬶᬗᬫ᭄ᬩᬄᬫᭂᬥᬮ᭄᭞ᬢᬦ᭄ᬳᬦᬯᭀᬂᬳᬗ᭄ᬭᬯᬸᬳᬶ᭟ᬯᬸᬲ᭄ᬥᬢᭂᬂᬭᬶᬂ

Auto-transliteration

[17 17B] 17 duḥpunikitulunghatūr̀tityangmaṇik, hapanghidawikanratu, radenkoripanprabangśā, wyakticulukpacangnglamar̀ratuhayu, jagatemakĕjang nawang, karidimar̀gginemangkin. kenkendagingkayunhidā, pacangmrangkatngaliḥkar̀mmapingkaliḥ, twaraherangjĕngaḥratu, yantindiḥtkenrāga, ratusĕ leḥputriputrananakagung, pacangpingkaliḥmarabyan, hĕngsaptekenbangśatinggi. raden'galuḥmanuhutang, rarismatūr̀manangissĕngisĕngi, jĕ jĕpmanaḥtityangratu, kewantĕntunastityang, mangdhasāmpunbĕlipurunringbapahagung, sirapañjilantasnimbal, duḥndikapantityangbani. pangpangtĕke [18 18A] npanĕmbahan, yadyantityangkatrugtugandimar̀ggi, maśatityangpacangpurun, manglawandasangnātha, tĕpĕnghatūr̀mangkin, gustihayu, yantityangpacangmata nggal, bobathangkudahipañji. nisangitkaliḥnibayan, nipasiranpangonĕngan, hakadi, sirapañjimangkinnundun, tur̀tampuḥpangandhikā, la munsiramasiḥtr̥ĕṣṇengtwan'galuḥ, laḥmangkebar̥ĕngpindhahā, tumutakĕntwandewi. nibayannĕhar̀hangucap, hinggiḥtumutpatikajingiring, yadi npĕjaḥhalahayu, twandewitinuntunan, punanglwar̀tinanginanhambasāmpun, kanglawanghingambaḥmĕdhal, tanhanawonghangrawuhi. wusdhatĕngring

Leaf 18

Image on Archive.org

[᭑᭘ 18B] ᭑᭘ ᬚᬪᬧᬶᬲᬦ᭄᭞ᬲᬶᬭᬧᬜ᭄ᬚᬶᬳᬗᬸᬘᬧᬶᬲᬦ᭄᭞ᬲᬶᬓ᭄ᬩᭀᬧ᭄ᬭᬓᬱᬢᬸᬳᬸ᭞ᬗ᭄ᬭᬓ᭄ᬱᬭᬤᬾᬦ᭄ᬤᬾᬯᬶᬬᬵ᭞ᬮᬦᬶᬩᬬᬦ᭄‌ᬢᬭᬯᬃᬱᬲᬤᬸᬮᬸᬃ᭞ᬢᬸᬃᬫᬸᬗ᭄ᬕᬄᬭᬳᬤᬾᬦ᭄ᬤᬾᬯ᭄ᬬᬵ᭞ᬮ ᬯᬦ᭄ᬓᬓᬓᬓᬲᬫᬶ᭟ᬯᬸᬲ᭄‌ᬲᬫᬵᬦᬸᬗ᭄ᬕᬂᬫᬢᬗ᭄ᬕ᭞ᬲᬶᬭᬧᬜ᭄ᬚᬶᬗᬸᬘᬧ᭄‌ᬳᬓᭀᬦ᭄ᬭᬸᬫᬶᬳᬶᬦ᭄᭞ᬭᬳᬤᬾᬦ᭄ᬕᬮᬸᬄᬮᬸᬓᬸ᭞ᬫᬮᬃᬫᬮᬃᬮᬫ᭄ᬧᬳᬶᬭᬵ᭞ᬢᬦ᭄ᬓᬘᬶᬃᬬ᭄ᬬᬦ᭄‌ᬦ ᬫᬦᬶᬭᬕᭂᬮᬶᬲ᭄ᬢᬸᬫᬸᬢᬸᬃ᭞ᬳᬚᬳᬭᬃᬬ᭄ᬬᬦ᭄᭞ᬭᬶᬂᬩ᭄ᬬᬦ᭄ᬢᬭ᭞ᬧᬸᬦ᭄ᬓᭂᬩᭀᬯᬶᬦᭂᬓᬲ᭄ᬗᬹᬦᬶ᭟ᬲᬳᬸᬃᬲᭂᬫ᭄ᬩᬄᬓᬂᬓᬶᬦᭀᬦ᭞ᬦᬸᬮ᭄ᬬᬮᬸᬫᬫ᭄ᬧᬄᬳᬦ᭄ᬤᬤᬶᬲᬭᬣᬶ᭞ᬗᬶᬭᬶᬗᬓᭂᬦ᭄ ᬭᬤᬾᬦ᭄ᬕᬮᬸᬄ᭞ᬓᬩᬾᬄᬩᬮᬕᬕᬜ᭄ᬘᬗᬦ᭄᭞ᬦᭀᬭᬳᬦᬳᬓᬾᬄ᭞ᬲᬯᬢᬭᬭᭀᬗᬢᬸᬲ᭄᭞ᬲᬫᬧᬥᬓᬧᭂᬃᬘ᭄ᬘᬬ᭞ᬲᬶᬭᬧᬜ᭄ᬚᬶᬗᬸᬘᬧ᭄ᬫᬮᬶᬄ᭟ᬓᬓ [᭑᭙ 19A] ᬧᬥᬗ᭄ᬕᬯᬾᬩ᭄ᬬᭀᬢ᭞ᬳᬲᬫ᭄ᬩᬢᬯ᭄ᬯᭀᬗᭂᬂᬓ᭄ᬱᬢ᭄ᬭᬶᬬᬇᬓᬶ᭞ᬳᬭᬜ᭄ᬘᬭᬂᬦᬕᬲᬦ᭄ᬢᬸᬦ᭄᭞ᬯᬭᬸᬂᬇᬓᬶᬢᬸᬦ᭄ᬯ᭞ᬳᬚᬓᬭᬶᬤᬾᬦᬕᭂᬲᭂᬂᬤᬤᬶᬳᬯᬸ᭞ᬳᬦ᭄ᬭᬸᬲ᭄ᬕᬸᬫᬸᬭᬸᬄ ᬓᬂᬲᬸᬯᬭᬓ᭄᭞ᬓᬕᬾᬢ᭄ᬯᭀᬂᬲᬶᬗ᭄ᬚᬵᬲᬭᬶ᭟ᬫᬸᬮᬢᬶᬂᬳᬧᬶᬳᬗᬩᬃ᭞ᬲᬓ᭄ᬯᬾᬄᬫᬦ᭄ᬢ᭄ᬭᬷᬕᬾᬕᬾᬃᬲᬫᬳᬤᬦ᭄ᬩᭂᬥᬶᬮ᭄᭞ᬬᬦ᭄ᬫᬗ᭄ᬓᬶᬦᬮᬯᬦ᭄ᬤᬸᬫᬸᬦ᭄᭞ᬮᬸᬫᬚᬸᬢᬦ᭄ᬥᬂᬲᬢ᭄ᬭᬶᬬ᭞ ᬯ᭄ᬯᬾᬗᬶᬂᬧᬜ᭄ᬚᬶᬫᬗ᭄ᬓᬶᬦᬵᬧ᭄ᬭᬂᬳᬸᬦ᭄ᬤᬸᬃᬳᬸᬦ᭄ᬤᬸᬃ᭞ᬯ᭄ᬯᭀᬂᬲᬶᬗ᭄ᬳᬲᬭᬶᬳᬲᬸᬭᬓ᭄᭞ᬇᬄᬰᬢ᭄ᬭᬸᬧᬭᬦ᭄‌ᬓᬂᬧ᭄ᬭᬧ᭄ᬢᬶ᭟ᬳᬶᬭᬶᬗᬦ᭄ᬲᬂᬧᬜ᭄ᬚᬶᬗᬸᬘᬧ᭄᭞ᬲᬸᬫᬳᬸᬃᬳᬓᬸᬩᬮᬦᬾᬦᬺᬧ ᬢᬶ᭞ᬭᬢᬸᬘᬭᬂᬦᬕᬲᬦ᭄ᬢᬸᬦ᭄᭟ᬇᬓᬶᬢ᭄ᬓᬳᬫ᭄ᬩ᭄ᬭᬦᬂ᭞ᬲᬫᬗ᭄ᬓᬳᬮᭀᬓ᭄ᬯᭀᬂᬇᬓᬕᬸᬫᬸᬭᬸᬄ᭞ᬲᬃᬯ᭄ᬯᬶᬳᬢᬦ᭄ᬤᬶᬂᬬᬸᬤ᭄ᬥᬵ᭞ᬳᬧ᭄ᬭᬂᬲᬫ᭄ᬩᬶᬮ᭄ᬳᬓᬶᬭᬶᬕ᭄᭟ᬢᬶᬦᬸᬢ᭄ᬳᬶᬗᬸᬤᬦ

Auto-transliteration

[18 18B] 18 jabhapisan, sirapañjihangucapisan, sikboprakaṣatuhu, ngrakṣaradendewiyā, lanibayantarawar̀ṣasadulur̀, tur̀munggaḥrahadendewyā, la wankakakakasami. wussamānunggangmatangga, sirapañjingucap'hakonrumihin, rahaden'galuḥluku, malar̀malar̀lampahirā, tankacir̀yyanna maniragĕlistumutur̀, hajaharar̀yyan, ringbyantara, punkĕbowinĕkasngūni. sahur̀sĕmbaḥkangkinona, nulyalumampaḥhandadisarathi, ngiringakĕn raden'galuḥ, kabeḥbalagagañcangan, norahanahakeḥ, sawatararongatus, samapadhakapĕr̀ccaya, sirapañjingucapmaliḥ. kaka [19 19A] padhanggawebyota, hasambatawwongĕngkṣatriya'iki, harañcarangnagasantun, warungikitunwa, hajakaridenagĕsĕngdadihawu, hanrusgumuruḥ kangsuwarak, kagetwongsingjāsari. mulatinghapihangabar̀, sakweḥmantrīgeger̀samahadanbĕdhil, yanmangkinalawandumun, lumajutandhangsatriya, wwengingpañjimangkināpranghundur̀hundur̀, wwongsinghasarihasurak, iḥśatruparankangprapti. hiringansangpañjingucap, sumahur̀hakubalanenr̥ĕpa ti, ratucarangnagasantun. ikitkahambranang, samangkahalokwongikagumuruḥ, sar̀wwihatandingyuddhā, haprangsambilhakirig. tinut'hingudana

Leaf 19

Image on Archive.org

[᭑᭙ 19B] ᭑᭙ ᬦ᭄ᬳᬲ᭄ᬢ᭄ᬭᬵ᭞ᬢᬸᬫ᭄ᬩᬓ᭄ᬩᭂᬥᬶᬮ᭄‌ᬢ᭄ᬭᬸᬧᬦᬄ᭞ᬚᭂᬫ᭄ᬧᬭᬶᬂ᭞ᬓ᭄ᬩᭀᬢᬦ᭄ᬫᬸᬦ᭄ᬥᬸᬃᬳᬸᬫᬢᬸᬃ᭞ᬳᬶᬗ᭄ᬕᬶᬄᬮᬯᬦᭂᬦ᭄ᬧᬗᬾᬭᬦ᭄᭞ᬯ᭄ᬯᭀᬂᬧᬓᬦᬶᬭᬯᬸᬲᬓ᭄ᬯᬾᬄᬳᬦᬦ᭄ᬤᬂᬢᬢᬸ᭞ᬲᬶᬭᬧᬜ᭄ᬚᬶᬳᬗᬸ ᬘᬧ᭄᭞ᬤᬸᬄᬮᬯᬦᭂᬦ᭄‌ᬳᬚᬩ᭄ᬭᬗ᭄ᬢᬶ᭞ᬢᬗ᭄ᬕᬮᬦᬤᬾᬦ᭄ᬥᬭᬦ᭞ᬗ᭄ᬳᬶᬂᬳᬚᬲᬗᭂᬢ᭄‌ᬫᬺᬓᭀᬱᬳᬲᭂᬗ᭄ᬳᬶᬢ᭄᭞ᬲᭀᬓ᭄ᬳᬗ᭄ᬕᬯᬬᬂᬩ᭄ᬬᬸᬃ᭞ᬗᬫᬾᬢ᭄ᬘᬶᬤ᭄ᬭᬳᬮᬶᬗᬦ᭄᭞ᬮᬄᬲᭂᬗ᭄ᬓ ᬮᬾᬦ᭄‌ᬳᬚᬵᬤᬳᬢᬧ᭄ᬭᬂᬘᬸᬘᬸᬄ᭞ᬢᬸᬫᬸᬮᬶᬧᬥᬳᬧ᭄ᬭᬂ᭞ᬩᬸᬩᬃᬯ᭄ᬯᬾᬗᬶᬂᬲᬶᬗ᭄ᬳᬵᬲᬭᬶ᭟ᬫᬮᬶᬄᬗᭂᬦᭂᬲ᭄ᬲᬶᬭᬧᬜ᭄ᬚᬶᬬ᭞ᬫᬭᬭᬶᬂᬳᬮᬲ᭄‌ᬫᬃᬕ᭄ᬕᬦᬶᬭᬭᬶᬂᬗᬹᬦᬶ᭞ᬇᬓᬮᬫ᭄ᬧ ᬳᬶᬭᬢᬶᬦᬹᬢ᭄᭟ᬯ᭄ᬯᭀᬂᬲᬶᬗ᭄ᬳᬲᭂᬓᬃᬳᬗ᭄ᬭᬸᬃᬯ᭞ᬲᬶᬭᬧᬢᬶᬄᬳᬫᬸᬯᬸᬲ᭄᭞ᬫᬰᬓᬢᭂᬫᬸ᭞ᬩᭂᬘᬶᬓ᭄ᬫᬢᬹᬃᬭᬶᬂᬲᬂᬦᬵᬣ᭞ᬳᬸᬚᬭᬦᬢᬦ᭄ᬓᬧᬗ᭄ᬕᬶᬄ᭟ᬧᬥᬫᬦ᭄ᬢᬸᬓ᭄ᬯᬢᭂᬓ᭄‌ᬲᬢ᭄ᬭᬶ [᭒᭐ 20A] ᬬ᭞ᬳᬸᬫᬋᬓ᭄‌ᬫᬢᬹᬃᬭᬶᬂᬰ᭄ᬭᬷᬪᬸᬧᬢᬶ᭞ᬲᬂᬧ᭄ᬭᬪᬸᬲᭂᬤᭂᬓ᭄ᬳᬮᬸᬗ᭄ᬕᬸᬄ᭞ᬓᬢᬗ᭄ᬓᬶᬮ᭄ᬤᬶᬩᬜ᭄ᬘᬶᬗᬄ᭞ᬲᬋᬂᬧ᭄ᬭᬫᬶᬰ᭄ᬯᬭᬶ᭞ᬢᬦ᭄ᬧᬲᬄᬲᬤᬸᬮᬸᬃ᭞ᬧᬸᬦᬂᬫᬦ᭄ᬢ᭄ᬭᬶᬧ᭄ᬭᬧ᭄ᬢᬵᬦᭂᬫ᭄ᬩᬄ᭞ᬫᬢᬸᬃᬭᬶᬂᬮᬶ ᬗ᭄ᬕᬶᬄᬪᬸᬧᬢᬶ᭟ᬭᬢᬸᬤᬾᬯᬳᬕᬸᬂᬓᭀᬘᬧ᭄᭞ᬳᬸᬚᬃᬳᬸᬚᬃᬰᬢ᭄ᬭᬸᬲᬦᬾᬗᬬᬸᬤ᭄ᬥᬳᬶᬦ᭄‌᭞ᬗᬭᬦ᭄‌ᬘᬭᬂᬦᬵᬕᬲᬦ᭄ᬢᬸᬦ᭄᭞ᬤᬹᬃᬰᬶᬮᬭᬯᬸᬄᬫ᭄ᬩᬚᬕ᭄᭞ᬢ᭄ᬭᬸᬕ᭄ᬢᬸᬕ᭄ᬢᬶᬢ᭄ᬬᬂᬢ ᬦ᭄ᬯᬾᬦ᭄ᬢᭂᬦ᭄‌ᬓᬧᬗ᭄ᬕᬶᬄᬭᬢᬸ᭞ᬳᬶᬗ᭄ᬕᬶᬄᬩᬾᬜ᭄ᬚᬂᬧᬲᭂᬫᭂᬗᬦ᭄᭞ᬢᬶᬢ᭄ᬬᬂᬫᬮᬶᬄᬗᬭᭀᬦ᭄ᬤᬳᬶᬦ᭄᭟ᬗ᭄ᬭᬸᬲᬓ᭄‌ᬗᬺᬋᬄᬫᬸᬗ᭄ᬕ᭄ᬯᬶᬂᬳᬮᬲ᭄᭞ᬲᬂᬫᬯᬂᬭᬵᬢ᭄‌ᬕ᭄ᬮᬶᬲ᭄ᬫᬗ᭄ᬓᬶᬦ᭄ᬜᬳᬸᬭᬶᬦ᭄᭞ᬓᬂ ᬩᬮᬫᬗᬧᬳᬶᬓᬸ᭞ᬳᬦᬓᬘᬹᬃᬡ᭄ᬦᬦ᭄ᬧᭂᬚᬄ᭞ᬲᬶᬭᬧᬢᬶᬄᬲᬸᬫᬳᬸᬃ᭞ᬢᬦ᭄ᬯᬾᬦ᭄ᬢᭂᬦ᭄ᬭᬢᬸ᭞ᬳᬦᬓᬳᬸᬮᬧᭂᬚᬄ᭞ᬲᭀᬓ᭄ᬳᬭᬳᬢ᭄ᬦᬦ᭄ᬥᬂᬓᬦᬶᬦ᭄᭟ᬭᬾᬄᬳᬶᬧᬸᬦ᭄ᬦᬾᬦ᭄ᬢᭂ

Auto-transliteration

[19 19B] 19 nhastrā, tumbakbĕdhiltrupanaḥ, jĕmparing, kbotanmundhur̀humatur̀, hinggiḥlawanĕnpangeran, wwongpakanirawusakweḥhanandangtatu, sirapañjihangu cap, duḥlawanĕnhajabrangti, tanggalanadendharana, nghinghajasangĕtmr̥ĕkoṣahasĕnghit, sok'hanggawayangbyur̀, ngametcidrahalingan, laḥsĕngka lenhajādahataprangcucuḥ, tumulipadhahaprang, bubar̀wwengingsinghāsari. maliḥngĕnĕssirapañjiya, mararinghalasmar̀gganiraringngūni, ikalampa hiratinūt. wwongsinghasĕkar̀hangrur̀wa, sirapatiḥhamuwus, maśakatĕmu, bĕcikmatūr̀ringsangnātha, hujaranatankapanggiḥ. padhamantukwatĕksatri [20 20A] ya, humar̥ĕkmatūr̀ringśrībhupati, sangprabhusĕdĕk'halungguḥ, katangkildibañcingaḥ, sar̥ĕngpramiśwari, tanpasaḥsadulur̀, punangmantripraptānĕmbaḥ, matur̀ringli nggiḥbhupati. ratudewahagungkocap, hujar̀hujar̀śatrusanengayuddhahin, ngarancarangnāgasantun, dūr̀śilarawuḥmbajag, trugtugtityangta nwentĕnkapanggiḥratu, hinggiḥbeñjangpasĕmĕngan, tityangmaliḥngarondahin. ngrusakngr̥ĕr̥ĕḥmunggwinghalas, sangmawangrātglismangkinñahurin, kang balamangapahiku, hanakacūr̀ṇnanpĕjaḥ, sirapatiḥsumahur̀, tanwentĕnratu, hanakahulapĕjaḥ, sok'harahatnandhangkanin. reḥhipunnentĕ

Leaf 20

Image on Archive.org

[᭒᭐ 20B] ᭒᭑ ᬦ᭄ᬫᬢᬗ᭄ᬕᬮ᭄᭞ᬲᬓᬾᬯᬦ᭄ᬢᭂᬦ᭄ᬗᬢᬕ᭄‌ᬫᬬᬸᬤ᭄ᬥᬵᬗᬶᬍᬳᬶᬦ᭄᭞ᬳᬦ᭄ᬢᬸᬓᬾᬧᭀᬮᬶᬄᬫᬜᬕᬸᬢ᭄᭞ᬫᬲᬹᬃᬬ᭄ᬬᬓ᭄ᬭᬶᬂᬩᬜ᭄ᬘᬶᬗᬄ᭞ᬓᬾᬗᬶᬦ᭄‌ᬚᭂᬚᭂᬧ᭄ᬫᬦᬄᬢᬶᬢ᭄ᬬᬂᬭᬢᬸᬳᬕᬸᬂ᭞ ᬜᭂᬗ᭄ᬕᬸᬳᬂᬭᬶᬂᬧᬹᬭᬶᬧᬶᬲᬦ᭄᭞ᬗᬳᬸᬕ᭄ᬗᬫᬸᬓ᭄‌ᬰ᭄ᬭᬷᬪᬸᬧᬢᬶ᭟ᬧ᭄ᬭᬫᬶᬰ᭄ᬯᬭᬶᬦᬶᬫ᭄ᬩᬮ᭄‌ᬗᬸᬘᬧ᭄᭞ᬮᬄᬢᬶᬮᬶᬓᭂᬦ᭄‌ᬦᬦᬓ᭄ᬕᬮᬸᬄᬭᬸᬫᬶᬳᬶᬦ᭄᭞ᬳᬸᬦ᭄ᬤᬗᭂᬦ᭄ᬤᬾᬦ᭄ᬥᬢᭂᬂᬳᬰ᭄ᬭᬸ᭞ᬳᬶ ᬗᭂᬫ᭄ᬩᬦ᭄‌ᬯᬸᬲ᭄ᬫᬚᬮᬦ᭄᭞ᬓᬧᬲᬭᬾᬦ᭄‌ᬦᬸᬳᬸᬃᬭᬤᬾᬦ᭄ᬕᬮᬸᬄ᭞ᬲᬕᬾᬢᬦ᭄‌ᬲᬸᬯᬸᬂᬢᭀᬂᬳᬤᬵ᭞ᬤᬶᬧᬲᬭᬾᬦ᭄ᬭᬤᬾᬦ᭄ᬤᬾᬯᬶ᭟ᬳᭀᬜᬩᬳᬦ᭄ᬜᬫᬜᬩ᭄ᬲᬩ᭄᭞ ᬓᬳᬸᬓ᭄‌ᬓᬳᬸᬓ᭄‌ᬫᬗ᭄ᬭᬸᬭᬸᬄᬲᭂᬧᬶᬫᬶᬫᬶᬢ᭄᭞ᬓᬾᬯᬮᬢᬫ᭄ᬧᬓ᭄‌ᬓᬢᭂᬧᬸᬓ᭄᭞ᬢᬶᬓᭂᬄᬓᬲᬸᬃᬫᬓᭂᬩᬢ᭄᭞ᬤᬶᬦᬢᬳᬾ᭞ᬧᭂᬘᬓ᭄ᬕᭂᬦᬄᬭᬤᬾᬦ᭄ᬕᬮᬸᬄ᭞ [᭒᭑ 21A] ᬫᬗᭂᬢᬶᬲ᭄‌ᬫᬺᬫ᭄ᬫᬺᬫᬦ᭄᭞ᬳᬶᬓᬸᬡ᭄ᬥᬂᬩᭂᬗᭀᬂᬫᬫᭂᬥᬶᬮ᭄᭟ᬘᬦᭂᬕ᭄ᬫᬓᭂᬦᭂᬄᬓᭂᬦᭂᬳᬦ᭄᭞ᬇᬄᬓᭂᬚᭂᬳᬵᬮᬓᬸᬦᬶᬤᬢ᭄ᬯᬦ᭄ᬤᬾᬯᬶ᭞ᬲᬸᬫᭂᬮᬂᬫᬦᬳᬾᬮᬳᬸᬢ᭄᭞ᬓᬢᬓᭂᬄᬯ ᬦ᭄ᬢᬄᬳᬶᬮᬂ᭞ᬲᬗ᭄ᬓᬦ᭄ᬲᭂᬤᬶᬄᬲᬗᭀᬲᬗᭀᬗᭂᬮᬶᬂ᭞ᬲᬧᬗᬚᬄᬤᬕᬶᬂᬧᬹᬭᬵ᭞ᬲᭂᬥᬶᬄᬫᬵᬢᬸᬃᬭᬶᬂᬪᬸᬧᬢᬶ᭟ᬳᬶᬗ᭄ᬕᬶᬄᬭᬢᬸᬰ᭄ᬭᬷᬦᬭᬾᬦ᭄ᬤ᭄ᬭᬵ᭞ᬳᬦᬓ᭄ᬭᬢᬸᬳᬶᬤᬭᬳᬤᬾᬦ᭄ᬤᬾᬯᬶ᭞ ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬳᬶᬘᬮ᭄ᬭᬢᬸ᭞ᬩᬶᬗᬸᬂᬢᬶᬢ᭄ᬬᬂᬫᬫᬦᬄ᭞ᬩᬶᬮᬶᬄᬓ᭄ᬦᬶᬳᬶᬩᬶᬲᭀᬭᬾᬧᬮᬶᬂᬰᬢ᭄ᬭᬸ᭞ᬲᬂᬧ᭄ᬭᬪᬸᬓᬕ᭄ᬬᬢ᭄ᬫᬶᬋᬗᬂ᭞ᬓᬫᭂᬫᭂᬕᬦ᭄ᬢᬶᬗ᭄ᬕᬮ᭄ᬧ᭄ᬭᬡᬶ᭟ᬲᬂᬦᬵᬣᬭᬭᬶᬲ᭄ ᬓᬦ᭄ᬢᬓ᭞ᬳᬩ᭄ᬭᬶᬬᬸᬓᬦ᭄‌ᬲᬋᬂᬭᬶᬂᬧ᭄ᬭᬫᬷᬰ᭄ᬯᬭᬶ᭞ᬫᬘᭂᬧᭀᬮ᭄ᬓᬍᬗᭂᬃᬓᬦ᭄ᬢᬸ᭞ᬳᭂᬦ᭄ᬤᭂᬄᬳᬸᬬᬸᬢ᭄ᬫᬩ᭄ᬬᬬ᭄ᬯᬦ᭄᭞ᬚ᭄ᬭᭀᬦᬶᬂᬧᬹᬭᬢᬗᬶᬲᬾᬕᬸᬫᬸᬭᬸᬄ᭞ᬘᭂᬩ᭄ᬘᭂᬩ᭄ᬓᬤᬶᬰ᭄ᬯᬭᬦ᭄

Auto-transliteration

[20 20B] 21 nmatanggal, sakewantĕnngatagmayuddhāngil̥ĕhin, hantukepoliḥmañagut, masūr̀yyakringbañcingaḥ, kenginjĕjĕpmanaḥtityangratuhagung, ñĕngguhangringpūripisan, ngahugngamukśrībhupati. pramiśwarinimbalngucap, laḥtilikĕnnanakgaluḥrumihin, hundangĕndendhatĕnghaśru, hi ngĕmbanwusmajalan, kapasarennuhur̀raden'galuḥ, sagetansuwungtonghadā, dipasarenradendewi. hoñabahanñamañabsab, kahukkahukmangruruḥsĕpimimit, kewalatampakkatĕpuk, tikĕḥkasur̀makĕbat, dinatahe, pĕcakgĕnaḥraden'galuḥ, [21 21A] mangĕtismr̥ĕmmr̥ĕman, hikuṇdhangbĕngongmamĕdhil. canĕgmakĕnĕḥkĕnĕhan, iḥkĕjĕhālakunidatwandewi, sumĕlangmanahelahut, katakĕḥwa ntaḥhilang, sangkansĕdiḥsangosangongĕling, sapangajaḥdagingpūrā, sĕdhiḥmātur̀ringbhupati. hinggiḥratuśrīnarendrā, hanakratuhidarahadendewi, nentĕnwentĕnhicalratu, bingungtityangmamanaḥ, biliḥknihibisorepalingśatru, sangprabhukagyatmir̥ĕngang, kamĕmĕgantinggalpraṇi. sangnāthararis kantaka, habriyukansar̥ĕngringpramīśwari, macĕpolkal̥ĕngĕr̀kantu, hĕndĕḥhuyutmabyaywan, jroningpūratangisegumuruḥ, cĕbcĕbkadiśwaran

Leaf 21

Image on Archive.org

[᭒᭑ 21B] ᭒᭑ ᬳᭀᬫ᭄ᬩᬓ᭄᭞ᬳᬓ᭄ᬯᬾᬄᬫᬦ᭄ᬢ᭄ᬭᬷᬧᬥᬗᭂᬮᬶᬂ᭟ᬫᬗ᭄ᬮᬶᬮᬶᬃᬫᬗ᭄ᬓᬶᬦ᭄ᬲᬂᬦᬵᬣ᭞ᬢᬦ᭄ᬲᬄᬗᬸᬘᬧ᭄‌ᬗᬦ᭄ᬥᬶᬓᬲᭂᬗᬶᬲᭂᬗᬶ᭟ᬤᬸᬄᬳᬦᬓᬶᬗ᭄ᬲᬸᬦ᭄ᬢᬸᬯᬦ᭄ᬕᬮᬸᬄ᭞ᬓᬢᬸᬯᭀᬦ᭄ᬩᬮ ᬦᬶᬗ᭄ᬯᬂ᭞ᬗ᭄ᬭᬓ᭄ᬱᬲᬶᬭᬳᬗᭂᬫᬶᬢ᭄‌ᬲ᭄ᬬᬂᬮᬯᬦ᭄ᬤᬮᬸ᭞ᬧ᭄ᬭᬫᬶᬰ᭄ᬯᬭᬶᬳᬗ᭄ᬮᬶᬮᬶᬭ᭞ᬢᬦ᭄ᬲᬄᬫᭂᬓᬸᬮ᭄‌ᬰ᭄ᬭᬷᬪᬸᬧᬢᬶ᭟ᬓᬓᬳᬚᬶᬦ᭄ᬤᬶᬳᬦᬓᬶᬭᬵ᭞ᬮᬄᬭᬸᬭᬸᬳᭂᬦ᭄‌ᬳᬦ ᬓ᭄ᬢᬓᬳᬚᬶ᭞ᬲᬂᬧ᭄ᬭᬪᬸᬦᬗᬶᬲ᭄‌ᬫᬗᭂᬮᬸᬢ᭄᭞ᬭᬩᬶᬫᬲᭂᬦ᭄ᬥᬶᬳᬦ᭄᭞ᬫᬸᬦ᭄ᬢᬕ᭄ᬫᬦ᭄ᬢᬶᬕ᭄‌ᬚᭂᬫ᭄ᬧ᭄ᬬᬄᬚᭂᬫ᭄ᬧ᭄ᬬᬸᬄᬲᭂᬕᬸᬲᭂᬕᬸ᭞ᬳᭂᬗ᭄ᬲᭂᬓ᭄‌ᬓᬢᬶᬗ᭄ᬕᬮᬦ᭄‌ᬚᬶᬯᬵ᭞ᬳ ᬫ᭄ᬩᬸᬮ᭄ᬭᬸᬲᬓ᭄ᬢᬦ᭄ᬧᬓᬦᬶᬦ᭄᭟ᬲᬶᬦᭀᬓᬬᬸᬦᬾᬲᬂᬦᬵᬣ᭞ᬩᬳᬦᬾᬳᬶᬮᬂᬳᬶᬤᬭᬳᬤᬾᬦ᭄ᬤᬾᬯᬶ᭞ᬲᬳᬗᬦ᭄ᬤᬶᬓᬬᬂᬗᬸᬭᬸᬄ᭞ᬫᬗᭂᬜ᭄ᬘᬩᬶᬦ᭄ᬕᬸᬦᬸᬗᬮᬲ᭄᭞ [᭒᭒ 22A] ᬭᬶᬂᬧᬕᬕᬦ᭄᭞ᬤᬸᬲᬸᬦ᭄ᬤᬸᬲᬸᬦᬼᬯᬶᬄᬦᭂᬕᬭᬶ᭟ᬧ᭄ᬭᬫᬾᬦᬓ᭄‌ᬓᬮᬶᬄᬧᬸᬗ᭄ᬕᬯᬵ᭞ᬲᬫᬶᬮᬸᬗ᭄ᬳᬵᬲᬳᬵᬫᬗᬮᬶᬄᬳᭀᬃᬣᬶ᭞ᬬᬦ᭄ᬤᬶᬕᭂᬦᬄᬢ᭄ᬯᬦ᭄ᬕᬮᬸᬄ᭞ᬦᬶᬓᬯᬶ ᬢ᭄ᬓᬲᬺᬧᬂ᭞ᬰ᭄ᬭᬷᬦᬭᬾᬦ᭄ᬤ᭄ᬭᬢᬦ᭄ᬲᬄᬦᬗᬶᬲ᭄‌ᬗᬫᭀᬂᬩᬸᬓ᭄᭞ᬧᬺᬫᬶᬰ᭄ᬯᬭᬶᬮᬸᬢ᭄ᬓᬦ᭄ᬢᬓᬵ᭞ᬲ᭄ᬯᬾᬓᬼᬗᭂᬃᬢ᭄ᬯᬭᬫᬾᬮᬶᬂ᭟ᬢᬗᬶᬲᬾᬫᬩ᭄ᬬᭀᬬᭀᬗᬦ᭄᭞ᬳᭂᬦ᭄ᬤᭂᬄᬳᬸᬫᬸᬂ ᬲᬮᬶᬂᬢᬶᬫ᭄ᬩᬮ᭄ᬯᬦ᭄ᬢᬶᬯᬦ᭄ᬢᬶ᭞ᬘᬢᬸᬃᬢᬡ᭄ᬥᬧᬥᬭᬳᬸᬄ᭞ᬲᬥ᭄ᬬᬦᬶᬜ᭄ᬚᭀᬦᬢᬲᬂ᭞ᬲᬫᬶᬲᭂᬥᬶᬄᬫᬫᭂᬤᭂᬓ᭄ᬱᬶᬭᬲᬂᬧ᭄ᬭᬪᬸ᭞ᬲᬦᬾᬮᬸᬗ᭄ᬳᬵᬲᬫᬶᬢᬸᬮᬓ᭄᭞ᬗᬢᬹ ᬭᬂᬢ᭄ᬯᬭᬚᬧᬗ᭄ᬕᬶᬄ᭟ᬲᬶᬭᬧᬢᬶᬄᬭᬵᬚᬗᬸᬘᬧ᭄᭞ᬫᬢᬹᬃᬧᬓᬾᬮᬶᬂᬫᬭᬶᬂ᭞ᬰ᭄ᬭᬷᬪᬸᬧᬢᬶ᭞ᬳᬶᬗ᭄ᬕᬶᬄᬭᬢᬸᬤᬾᬯᬳᬕᬸᬂ᭞ᬲᭀᬢᬦᬶᬂᬓᬧᬶᬢᬺᬱ᭄ᬡᬦ᭄᭞ᬳᬸᬦᬶᬂᬲᬸᬗ᭄ᬓᬦ᭄

Auto-transliteration

[21 21B] 21 hombak, hakweḥmantrīpadhangĕling. manglilir̀mangkinsangnātha, tansaḥngucapngandhikasĕngisĕngi. duḥhanakingsuntuwan'galuḥ, katuwonbala ningwang, ngrakṣasirahangĕmitsyanglawandalu, pramiśwarihanglilira, tansaḥmĕkulśrībhupati. kakahajindihanakirā, laḥruruhĕnhana ktakahaji, sangprabhunangismangĕlut, rabimasĕndhihan, muntagmantigjĕmpyaḥjĕmpyuḥsĕgusĕgu, hĕngsĕkkatinggalanjiwā, ha mbulrusaktanpakanin. sinokayunesangnātha, bahanehilanghidarahadendewi, sahangandikayangnguruḥ, mangĕñcabin'gunungalas, [22 22A] ringpagagan, dusundusunl̥ĕwiḥnĕgari. pramenakkaliḥpunggawā, samilunghāsahāmangaliḥhor̀thi, yandigĕnaḥtwan'galuḥ, nikawi tkasr̥ĕpang, śrīnarendratansaḥnangisngamongbuk, pr̥ĕmiśwarilutkantakā, swekl̥ĕngĕr̀twarameling. tangisemabyoyongan, hĕndĕḥhumung salingtimbalwantiwanti, catur̀taṇdhapadharahuḥ, sadhyaniñjonatasang, samisĕdhiḥmamĕdĕksyirasangprabhu, sanelunghāsamitulak, ngatū rangtwarajapanggiḥ. sirapatiḥrājangucap, matūr̀pakelingmaring, śrībhupati, hinggiḥratudewahagung, sotaningkapitr̥ĕṣṇan, huningsungkan

Leaf 22

Image on Archive.org

[᭒᭒ 22B] ᭒᭒ ᬲᭂᬤᬶᬄᬭᬢᬸ᭞ᬭᬾᬄᬧᬳᬶᬘ᭄ᬘᬦ᭄‌ᬳᬶᬤᬤᬾᬯᬵ᭞ᬭᬶᬂᬳᬶᬢᬫ᭄ᬩᭂᬢ᭄ᬢᬸᬦᬳᬚᬶ᭟ᬬᬦ᭄‌ᬲᬸᬗ᭄ᬓᬦᬾᬭᬢᬸᬩᬕ᭄ᬩᬕ᭄᭞ᬫᬾᬄᬳᬫᬶᬦᬦ᭄‌ᬭᬸᬲᬓ᭄᭞ᬩᬸᬤᬸᬄᬧᬗ᭄ᬕᬶᬳᬶᬦ᭄᭞ᬫᬯᬰ ᬡᬦᬾᬦ᭄ᬢᭂᬦ᭄ᬧᬵᬢᬹᬢ᭄᭞ᬗᭂᬓᭀᬄᬓᭂᬤᬾᬓᬶᬦ᭄ᬳᬦᬓ᭄᭞ᬤᬸᬄᬢᬶᬗ᭄ᬕᬮᬂᬳᬦ᭄ᬢᬸᬓ᭄ᬦᬶᬭᬵᬢ᭄ᬫᬓᬦ᭄ᬓᬬᬸᬦ᭄᭞ᬳᭀᬦᭂᬂᬳᬾᬮᬶᬂᬭᬢᬸᬓᬸᬢᬂ᭞ᬳᬦ᭄ᬢᬸᬓ᭄ᬯᬶᬡ᭄ᬥᬸᬫᭂᬃᬢ᭄ᬣᬲᬸᬘᬶ᭟ ᬯ᭄ᬬᬓ᭄ᬢᬶᬤᬶᬓᬧᬦ᭄‌ᬫᬦᬸᬱᬵ᭞ᬧᬘᬂᬢ᭄ᬯᬭᬓᬭᬜ᭄ᬚᬶᬗᬦ᭄‌ᬳᬶᬩᬸᬓ᭄‌ᬲᬓᬶᬢ᭄‌ᬢ᭄ᬯᬶᬪᬝᬵᬭᬵᬫᬧ᭄ᬭᬪᬸ᭞ᬢᬍᬃᬯᬶᬓᬦ᭄‌ᬲ᭄ᬥᬶᬄᬲᬸᬗ᭄ᬓᬦ᭄᭞ᬭᬾᬄᬧᬳᬶᬘ᭄ᬘᬦ᭄‌ᬲᬲᬸᬓᬢ ᬦ᭄‌ᬲᬗ᭄ᬳ᭄ᬬᬂᬢᬸᬥᬸᬄ᭞ᬲᬸᬓᬳᬦᬦᭀᬭ᭞ᬉᬭᬶᬧ᭄‌ᬧᬵᬥᭂᬫ᭄ᬧᬘᬂᬧᬗ᭄ᬕ᭄ᬕᬶᬄ᭟ᬧᬸᬦᬶᬓᬭᬢᬸᬳᬾᬮᬶᬗᬂ᭞ᬬᬦ᭄ᬓᬧᬵᬢᬹᬢ᭄‌ᬲᬵᬫ᭄ᬧᬸᬦ᭄ᬩᬲ᭄‌ᬓᬤᬸᬭᬸᬲ᭄‌ᬯᬶᬗᬶ [᭒᭓ 23A] ᬢ᭄᭟ᬰᬲᬡᬦᬶᬂᬓᬾᬗᬶᬦ᭄ᬳᬕ᭄ᬬᬂᬚᬕᬢᬾᬭᬢᬸᬳᬾᬫᬦ᭄᭞ᬦᬶᬓᬘᬶᬗᬓ᭄‌ᬳᬦ᭄ᬢᬸᬓ᭄ᬱᬂᬚᬸᬫᭂᬦᭂᬂᬭᬢᬸ᭞ᬯᬶᬢ᭄ᬚᬕᬢ᭄ᬓᬧᬶᬢᬸᬢ᭄‌ᬢᬺᬱ᭄ᬡ᭞ᬓᬭᬸᬦ᭄‌ᬳᬶᬩᬸᬓ᭄ᬳᬗ᭄ᬳᬾ ᬮ᭄‌ᬓᬶᬗ᭄ᬓᬶᬂ᭟ᬭᬾᬄᬲᬂᬧ᭄ᬭᬪᬹᬗᭂᬫ᭄ᬧᬸᬗ᭄ᬭᬓ᭄ᬱ᭞ᬓᬾᬗᬶᬦ᭄ᬕᬸᬭᬶᬯᬶᬰᬾᬱᬬᬬᬄᬩᬶᬩᬶ᭞ᬫᬓᬵᬤᬶᬭᬓᬦ᭄ᬳᬶᬭᬢᬸ᭞ᬲᬂᬧ᭄ᬭᬪᬷᬭᬶᬂᬓᭀᬭᬶᬧᬦ᭄᭞ᬫᬓᬧ᭄ᬭᬫᬡᬚᬕᬢ᭄ ᬲᬳᬦᬦᬶᬂᬪᬸᬄ᭞ᬲᬂᬧ᭄ᬭᬪᬶᬳᬲᬳᬸᬃᬯᬲ᭄ᬧ᭞ᬬᬾᬄᬳᬓ᭄ᬱᬶᬦᬾᬧᬓᬭᬶᬢᬶᬲ᭄᭟ᬧ᭄ᬭᬫᬶᬰ᭄ᬯᬭᬶᬫᬗ᭄ᬮᬶᬮᬶᬭ᭞ᬫᬦ᭄ᬤᬸᬮᬫᬾᬲᬫ᭄ᬩᬢᬾᬳᬫᭂᬮᬲᬲᬶᬄ᭞ᬦᬶᬦᬶᬅᬢ᭄ᬫᬵ ᬚᬶᬯᬦᬶᬗ᭄ᬲᬸᬦ᭄᭞ᬤᬸᬄᬯᬾᬦ᭄ᬢᭂᬦᬦ᭄ᬫᬾᬫᬾᬭᬸᬲᬓ᭄᭞ᬮᬫᬸᬦ᭄‌ᬢ᭄ᬯᬭᬕᬸᬲ᭄ᬢᬶᬓᬧᬗ᭄ᬕᬶᬄ᭞ᬫᬲᬬᬸ᭞ᬫᬓᭂᬚᬂᬳᬫᬸᬳᬫᬸᬦ᭄ᬩᬶᬬᬂ᭞ᬢᬸᬬᬸᬄᬩᭂᬗᭀᬂᬗᬯᬲ᭄ᬮᬗᬶᬢ᭄᭟

Auto-transliteration

[22 22B] 22 sĕdiḥratu, reḥpahiccanhidadewā, ringhitambĕttunahaji. yansungkaneratubagbag, meḥhaminanrusak, buduḥpanggihin, mawaśa ṇanentĕnpātūt, ngĕkoḥkĕdekinhanak, duḥtinggalanghantuknirātmakankayun, honĕnghelingratukutang, hantukwiṇdhumĕr̀tthasuci. wyaktidikapanmanusyā, pacangtwarakarañjinganhibuksakittwibhaṭārāmaprabhu, tal̥ĕr̀wikansdhiḥsungkan, reḥpahiccansasukata nsanghyangtudhuḥ, sukahananora, urippādhĕmpacangpangggiḥ. punikaratuhelingang, yankapātūtsāmpunbaskaduruswingi [23 23A] t. śasaṇaningkenginhagyangjagateratuheman, nikacingak'hantukṣangjumĕnĕngratu, witjagatkapituttr̥ĕṣṇa, karunhibuk'hanghe lkingking. reḥsangprabhūngĕmpungrakṣa, kengin'guriwiśeṣayayaḥbibi, makādirakanhiratu, sangprabhīringkoripan, makapramaṇajagat sahananingbhuḥ, sangprabhihasahur̀waspa, yeḥhaksyinepakaritis. pramiśwarimanglilira, mandulamesambatehamĕlasasiḥ, nini'atmā jiwaningsun, duḥwentĕnanmemerusak, lamuntwaragustikapanggiḥ, masayu, makĕjanghamuhamunbiyang, tuyuḥbĕngongngawaslangit.

Leaf 23

Image on Archive.org

[᭒᭓ 23B] ᭒᭓ ᬧᬶᬦᬄᬍᬍᬄᬫᬦᬸᬗᬤᬄ᭞ᬲᬶᬂᬜᬗᭂᬦᬄᬲ᭄ᬯᬾᬘ᭄ᬘᬦ᭄ᬳᬶᬤᬲᬗ᭄ᬳ᭄ᬬᬂᬯᬶᬥᬶ᭞ᬭᬳᬸᬄᬗᬦ᭄ᬥᬶᬓᬧᬶᬢᬸᬢᬸᬃ᭞ᬫᬤᬃᬣᬬᬂᬢᭀᬗᭀᬲ᭄ᬳᬶᬤ᭞ᬳᬭᬸᬄᬢᬸᬬᬸᬄ᭞ᬫᬾᬫᬾᬓᬾᬦᬾ ᬚᭂᬫ᭄ᬧ᭄ᬬᬄᬚᭂᬫ᭄ᬧ᭄ᬬᬸᬄ᭞ᬲᬂᬧ᭄ᬭᬪᬹᬫᬗ᭄ᬭᬭᬶᬲ᭄ᬩᬸᬤᬮ᭄᭞ᬢᬦ᭄ᬲᬄᬲᬧᬹᬂᬧ᭄ᬭᬫᬶᬰ᭄ᬯᬭᬶ᭟ᬘᭂᬦ᭄ᬤᭂᬓ᭄ᬫᬗ᭄ᬓᬶᬦ᭄ᬢᬦ᭄ᬓᭀᬘᬧᬦ᭄᭞ᬓᬲᬸᬗ᭄ᬓᬦᬦ᭄‌ᬲᬂᬧ᭄ᬭᬪᬸᬧ᭄ᬭᬫᬶᬰ᭄ᬯᬭᬶ᭞ᬓᬬᬸᬦ᭄ᬲᬕ᭄ᬲ ᬕ᭄‌ᬦ᭄ᬭᬯᬂᬦ᭄ᬭᬸᬯᬸᬂ᭞ᬓᬤᬶᬓᬢᬶᬗ᭄ᬕᬮᬜ᭄ᬚᬶᬯᬵ᭞ᬩᬾᬜ᭄ᬚᬂᬲ᭄ᬫᭂᬂᬯᬸᬯᬸᬲᬦ᭄‌ᬲᬫᬦ᭄ᬢ᭄ᬭᬶᬲᬵᬫ᭄ᬧᬸᬦ᭄᭞ᬗᬸᬮᬢᬶᬲᬳᬕᬕᬯᬦ᭄᭞ᬫᬳᬶᬭᬶᬗᬦ᭄ᬢᬸᬫ᭄ᬩᬓ᭄ᬩᭂᬥᬶᬮ᭄᭟ᬢᬦ᭄ᬓ ᬧᬗ᭄ᬕᬶᬄᬲᬂᬲᬶᬦᬤ᭄ᬥ᭄ᬬᬦ᭄᭞ᬦ᭄ᬤᬦᬸᬘᬧᬦ᭄‌ᬲᬂᬧᬜ᭄ᬚᬶᬫᬮᬢ᭄ᬭᬰ᭄ᬫᬶᬦ᭄᭞ᬧᬸᬧᬸᬢ᭄ᬕᬕᬾᬲᭀᬦ᭄ᬮᬸᬫᬓᬸᬚ᭄ᬭᬶᬄᬧᬘᬂᬓᬢ᭄ᬭᬸᬕ᭄ᬢᬸᬕᬦ᭄᭞ᬓᬮᬶᬓᬸᬤᬦᬶᬭᬵᬃᬱᬲᬵᬫ᭄ᬧᬸᬦ᭄ᬓᬢᭂ [᭒᭔ 24A] ᬧᬸᬓ᭄᭞ᬲᬶᬭᬧᬜ᭄ᬚᬶᬗᬦ᭄ᬤᬶᬓᬬᬂ᭞ᬫᬗ᭄ᬥᬫᬭᬃᬬ᭄ᬬᬦ᭄ᬫᬫᬃᬕ᭄ᬕᬶ᭟ᬢᬦ᭄ᬤᬸᬫᬤᬾᬯᬸᬲ᭄ᬫᬭᬃᬬ᭄ᬬᬦ᭄᭞ᬲ᭄ᬬᬡ᭄ᬥᬦᬕᬚᬄᬚᬭᬦ᭄‌ᬫᬕᬄᬕᬳᬶᬦ᭄᭞ᬲᬯᬢᬭᬯᬾᬦ᭄ᬢᭂᬦ᭄ᬲᬢᬸ ᬲ᭄᭞ᬫᬢᬫ᭄ᬩᭂᬄᬩᬩᬦ᭄ᬤᬭᬦ᭄᭞ᬧᬸᬢ᭄ᬭᬶᬧᬢ᭄ᬧᬢ᭄‌ᬲᬫᬶᬧᬸᬢ᭄ᬭᬦᬃᬬ᭄ᬬᬤᭂᬫᬸᬂ᭞ᬧᬢᭂᬄᬲ᭄ᬮᬾᬄᬲ᭄ᬮᬾᬄᬯᬃᬡ᭄ᬦᬵ᭞ᬯᬸᬲ᭄ᬧᬥᬭᬶᬦᭀᬯᬂᬲᬫᬶᬃ᭟ᬢᬦ᭄ᬓᭀᬘᬧ᭄ᬚᬦᬶᬤᬶᬚᬮᬦ᭄᭞ ᬯᭀᬂᬲᬶᬗ᭄ᬳᬵᬲᬭᬶᬓᬧᬗ᭄ᬕᬶᬄᬲᬶᬭᬧᬢᬶᬄ᭞ᬜᭀᬗ᭄ᬓᭀᬓ᭄‌ᬫᭂᬧᭂᬲ᭄‌ᬲᬫ᭄ᬩᬶᬮ᭄ᬫᬢᬹᬃ᭞ᬗᬢᬹᬭᬂᬭᬤᬾᬦ᭄ᬤᬾᬯ᭄ᬬ᭞ᬳᬦ᭄ᬢᬸᬓ᭄ᬳᬶᬘᬮ᭄‌ᬢ᭄ᬯᬭᬤᬶᬧᬹᬭᬶᬢ᭄ᬯᬦ᭄ᬕᬮᬸᬄ᭞ ᬲᬶᬭᬧᬜ᭄ᬚᬶᬕ᭄ᬮᬶᬲ᭄ᬗᬸᬘᬧ᭄᭞ᬓᬗᭂᬦᬶᬗ᭄ᬲᬸᬦ᭄ᬭᬶᬂᬪᬸᬧᬢᬶ᭟ᬓᬦ᭄ᬢᭂᬦ᭄ᬓᬢᭂᬢᭂᬳᬦ᭄ᬮᬭ᭞ᬫᬳᬩᬭᬲᬋᬂᬳᬶᬤᬧ᭄ᬭᬫᬶᬰ᭄ᬯᬭᬶ᭞ᬭᬾᬄᬓᬾᬮᬗᬦ᭄ᬭᬤᬾᬦ᭄ᬕᬮᬸᬄ᭞ᬲᬂ

Auto-transliteration

[23 23B] 23 pinaḥl̥ĕl̥ĕḥmanungadaḥ, singñangĕnaḥsweccanhidasanghyangwidhi, rahuḥngandhikapitutur̀, madar̀thayangtongoshida, haruḥtuyuḥ, memekene jĕmpyaḥjĕmpyuḥ, sangprabhūmangrarisbudal, tansaḥsapūngpramiśwari. cĕndĕkmangkintankocapan, kasungkanansangprabhupramiśwari, kayunsagsa gnrawangnruwung, kadikatinggalañjiwā, beñjangsmĕngwuwusansamantrisāmpun, ngulatisahagagawan, mahiringantumbakbĕdhil. tanka panggiḥsangsinaddhyan, ndanucapansangpañjimalatraśmin, puputgagesonlumakujriḥpacangkatrugtugan, kalikudanirār̀ṣasāmpunkatĕ [24 24A] puk, sirapañjingandikayang, mangdhamarar̀yyanmamar̀ggi. tandumadewusmarar̀yyan, syaṇdhanagajaḥjaranmagaḥgahin, sawatarawentĕnsatu s, matambĕḥbabandaran, putripatpatsamiputranar̀yyadĕmung, patĕḥsleḥsleḥwar̀ṇnā, wuspadharinowangsamir̀. tankocapjanidijalan, wongsinghāsarikapanggiḥsirapatiḥ, ñongkokmĕpĕssambilmatūr̀, ngatūrangradendewya, hantuk'hicaltwaradipūritwan'galuḥ, sirapañjiglisngucap, kangĕningsunringbhupati. kantĕnkatĕtĕhanlara, mahabarasar̥ĕnghidapramiśwari, reḥkelanganraden'galuḥ, sang

Leaf 24

Image on Archive.org

[᭒᭔ 24B] ᭒᭔ ᬧᬜ᭄ᬚᬶᬫᬤᭂᬓᭂᬲᬦ᭄᭞ᬫᬗ᭄ᬓᬾᬧᬭᬦ᭄ᬓᬋᬧ᭄᭞ᬭᬓ᭄ᬭ᭄ᬬᬦ᭄ᬧᬢᬶᬄᬫᬵᬢᬹᬃ᭞ᬳᬶᬗ᭄ᬲᬸᬦ᭄ᬓᬂᬓᬶᬦᬾᬦᬫᬾᬢ᭞ᬓᬂᬭᬶᬧᬸᬦᭀᬭᬓᬧᬗ᭄ᬕᬶᬄ᭟ᬳᬗ᭄ᬳᬾᬮᬶᬗ᭄ᬲᬸᬦᬗ᭄ᬭᬭᬳ᭞ᬦ᭄ᬤᬢ ᬦᬦᬫᬬᬦ᭄ᬬᬇᬓᬂᬳᭀᬃᬣᬶ᭞ᬯᬢᭂᬓ᭄‌ᬫᬦ᭄ᬢ᭄ᬭᬶᬲᬫᬶᬗ᭄ᬭᬸᬭᬸᬄ᭞ᬫᬓᬤᬶᬘᬢᬸᬃᬢᬡ᭄ᬥᬵ᭞ᬳᬸᬗ᭄ᬕ᭄ᬯᬦ᭄ᬰᬢ᭄ᬭᬸᬗᬭᬦ᭄‌ᬘᬭᬂᬦᬵᬕᬲᬦ᭄ᬢᬸᬦ᭄᭞ᬲᬶᬭᬧᬜ᭄ᬚᬶᬕᭂᬮᬶᬲ᭄ᬗᬸᬘᬧ᭄᭟ᬤᬸᬄ ᬳᬤᭀᬄᬲᬶᬤ᭄ᬥᬵᬓᬧᬗ᭄ᬕᬶᬄ᭟ᬢ᭄ᬯᬶᬦᬶᬱ᭄ᬧᬵᬮᬓᬶᬢᬮᬸᬗ᭄ᬳᬵ᭞ᬢᭂᬭᬂᬓᬾᬄᬍᬲᬸᬧᬫᬦ᭄ᬫᬗ᭄ᬓᬾᬫᬫᬃᬕ᭄ᬕᬶ᭞ᬲᬶᬭᬧᬢᬶᬄᬘᭂᬦ᭄ᬥᭂᬓ᭄ᬦᬸᬳᬸᬦ᭄᭞ᬢᬸᬮᬓ᭄ᬫᬦ᭄ᬢᬸᬓ᭄‌ᬓᬤᬾ ᬰ᭞ᬢᬦᬸᬘᬧᬦ᭄‌ᬧ᭄ᬭᬧ᭄ᬢᬾᬂᬲᬶᬗ᭄ᬳᬵᬲᬭᬶᬲᬵᬫ᭄ᬧᬸᬦ᭄᭞ᬲᬶᬭᬧᬜ᭄ᬚᬶᬓᬚ᭄ᬭᭀᬧᬹᬭ᭞ᬢᬦ᭄ᬧᬋᬓ᭄‌ᬰ᭄ᬭᬷᬪᬸᬧᬢᬶ᭟ᬲᬂᬧ᭄ᬭᬪᬹᬢᬫ᭄ᬧᬸᬄᬯᬘᬡ᭞ᬲᬵᬫ᭄ᬧᬸᬦᬶᬮᬂ [᭒᭕ 25A] ᬭᬳᬶᬦ᭄ᬳᬶᬤᬾᬯᬦᬾᬕᬸᬲ᭄ᬢᬶ᭞ᬮᬘᬸᬃᬓᬘᭀᬮᭀᬂᬩᬦ᭄ᬫᬸᬲᬸᬄ᭞ᬓᬮᬶᬄᬩᬧᬵᬢᭀᬂᬮᬫ᭞ᬧᬘᬂᬤᬶᬦᬶᬤᬶᬦᬵᬕᬭᬲᬶᬗ᭄ᬳᬵᬲᬦ᭄ᬢᬸᬦ᭄᭞ᬲᬓᬶᬢ᭄ᬩᬧᬦᬾᬫᬤᬲᬃ᭞ᬫ ᬗᭂᬩᭂᬓᬶᬦ᭄ᬕᬸᬫᬶᬮᬗᬶᬢ᭄᭟ᬲᬶᬭᬧᬜ᭄ᬚᬶᬓᬫᭂᬫᭂᬕᬦ᭄᭞ᬧ᭄ᬭᬫᬶᬰ᭄ᬯᬭᬶᬓᬳᬦ᭄ᬢᬸᬢ᭄ᬯᬭᬫᬾᬮᬶᬂ᭞ᬢᬗᬶᬲᬾᬭᬫᬾᬕᬸᬫᬸᬭᬸᬄ᭞ᬳᭂᬦ᭄ᬢᬶᬯᭂᬮᬲ᭄ᬲᬶᬭᬧᬜ᭄ᬚ᭄ᬬ᭞ᬗᭂᬫ᭄ᬩᭂᬂᬯ ᬱ᭄ᬧ᭞ᬬᬾᬄᬳᬓ᭄ᬱᬶᬜ᭄ᬭᬾᬢ᭄ᬘᬾᬢ᭄‌ᬮᬩᬸᬄ᭞ᬲᬶᬕ᭄ᬲᬶᬕᬦᬸᬫᬢᬸᬃᬜᬸᬫ᭄ᬩᬄ᭞ᬫᭂᬕᬢ᭄ᬫᭂᬕᬢ᭄‌ᬢᬸᬂᬢᬸᬂᬢᬗᬶᬲ᭄᭟ᬧᬸᬧᬸᬢ᭄‌ᬢᬦ᭄ᬲᬥ᭄ᬬᬲᬂᬦᬵᬣ᭞ᬓᬾᬗᬶᬦ᭄ᬧᬸᬭᬸ ᬦ᭄‌ᬰᬢ᭄ᬭᬸᬜᭀᬮᭀᬂᬢ᭄ᬯᬦ᭄ᬤᬾᬯᬶ᭞ᬗ᭄ᬭᬜ᭄ᬚᬶᬂᬓᬚ᭄ᬭᭀᬧᬹᬭᬶᬜ᭄ᬭᬸᬦ᭄ᬤᬸᬧ᭄᭞ᬘᭂᬦ᭄ᬥᭂᬓ᭄ᬧᬫᬸᬗᬸᬦ᭄ᬢᬶᬢ᭄ᬬᬂ᭞ᬳᬶᬗ᭄ᬕᬶᬄᬭᬢᬸ᭞ᬲᬵᬫ᭄ᬧᬸᬦ᭄ᬩᬲ᭄ᬓᬤᬸᬭᬸᬲ᭄ᬲᬸᬗ᭄ᬲᬸᬢ᭄᭞ᬫᬤ

Auto-transliteration

[24 24B] 24 pañjimadĕkĕsan, mangkeparankar̥ĕp, rakryanpatiḥmātūr̀, hingsunkangkinenameta, kangripunorakapanggiḥ. hanghelingsunangraraha, ndata nanamayanya'ikanghor̀thi, watĕkmantrisamingruruḥ, makadicatur̀taṇdhā, hunggwanśatrungarancarangnāgasantun, sirapañjigĕlisngucap. duḥ hadoḥsiddhākapanggiḥ. twiniṣpālakitalunghā, tĕrangkeḥl̥ĕsupamanmangkemamar̀ggi, sirapatiḥcĕndhĕknuhun, tulakmantukkade śa, tanucapanpraptengsinghāsarisāmpun, sirapañjikajropūra, tanpar̥ĕkśrībhupati. sangprabhūtampuḥwacaṇa, sāmpunilang [25 25A] rahinhidewanegusti, lacur̀kacolongbanmusuḥ, kaliḥbapātonglama, pacangdinidināgarasinghāsantun, sakitbapanemadasar̀, ma ngĕbĕkin'gumilangit. sirapañjikamĕmĕgan, pramiśwarikahantutwarameling, tangiseramegumuruḥ, hĕntiwĕlassirapañjya, ngĕmbĕngwa ṣpa, yeḥhaksyiñretcetlabuḥ, sigsiganumatur̀ñumbaḥ, mĕgatmĕgattungtungtangis. puputtansadhyasangnātha, kenginpuru nśatruñolongtwandewi, ngrañjingkajropūriñrundup, cĕndhĕkpamunguntityang, hinggiḥratu, sāmpunbaskadurussungsut, mada

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org

Leaf 67

Image on Archive.org

Leaf 68

Image on Archive.org

Leaf 69

Image on Archive.org

Leaf 70

Image on Archive.org

Leaf 71

Image on Archive.org

Leaf 72

Image on Archive.org

Leaf 73

Image on Archive.org

Leaf 74

Image on Archive.org

Leaf 75

Image on Archive.org

Leaf 76

Image on Archive.org

Leaf 77

Image on Archive.org

Leaf 78

Image on Archive.org

Leaf 79

Image on Archive.org

Leaf 80

Image on Archive.org

Leaf 81

Image on Archive.org

Leaf 82

Image on Archive.org

Leaf 83

Image on Archive.org

Leaf 84

Image on Archive.org

Leaf 85

Image on Archive.org

Leaf 86

Image on Archive.org

Leaf 87

Image on Archive.org

Leaf 88

Image on Archive.org

Leaf 89

Image on Archive.org