paparikan-harisraya

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭛᭜᭛ᬒᬁᬅᬯᬶᬖ᭄ᬦᬵᬫᬵᬲ᭄ᬢᬸ᭛᭜᭛ᬇᬓᬶᬧᬭᬶᬓᬦ᭄‌‌ᬳᬭᬶᬰ᭄ᬭᬬ᭟᭜᭟ᬧᬸᬄᬲᬶᬦᭀᬫ᭄᭟᭜᭟ᬲᬶᬦᭀᬫ᭄ᬳᬗ᭄ᬕᬾᬦ᭄ᬧᬧ᭄ᬮᬚᬳᬦ᭄ ᬭᬶᬯᭂᬢᬸᬳ᭄ᬬᬂᬯᬸᬮᬦ᭄ᬮᬶᬡ᭄ᬥᬶ᭞ᬳᬗ᭄ᬕᬯᬾᬭᬕᬦᬶᬂᬫᬦᬄ᭞ᬭᬾᬄᬫᬸᬗ᭄ᬕᬄᬳ᭄ᬬᬂᬰ᭄ᬭᬶᬕᬢᬶ᭞ᬳᬦᬶᬢᬶᬢᬗ᭄ᬕᬮ᭄ᬧᬶᬂᬢ᭄ᬭᬶ᭞ᬲᬥᬦᬬᭀᬕ ᬦᬾᬢᬸᬫᬸᬢ᭄᭞ᬰᬰᬶᬄᬓᬤᬶᬗᬲᬵᬫᬰᬵ᭞ᬓᬯᬾᬱᬓᬵᬮᬫᬯᬗᬶ᭞ᬮ᭄ᬯᬶᬃᬧᬜ᭄ᬘᬧᬡ᭄ᬥᬯᬵᬳᬫᬹᬃᬢ᭄ᬢᬶᬮᭀᬓ᭟ᬭᬢᬸᬲᬂᬳ᭄ᬬᬂᬓᬯᬶᬰ᭄ᬯᬭᬵ᭞ ᬮᬶᬗ᭄ᬕ᭄ᬬᬂᬢᬶᬢ᭄ᬬᬂᬭᬶᬂᬕᬸᬭᬶᬢ᭄᭞ᬤᭀᬦᬶᬂᬳᬤᬫᬫᬸᬧᬸᬢᬂ᭞ᬧᬸᬢᬸᬲᬶᬂᬅᬚ᭄ᬜᬦᬍᬯᬶᬄ᭞ᬤᬸᬫᬥᬓ᭄‌‌ᬓᬲᬶᬤ᭄ᬥᬾᬂᬓᬧ᭄ᬢᬶ᭞ᬫᬓᬵᬫᬗ᭄ᬕᬮᬫᬗᬧᬸᬲ᭄ [᭒ 2A] ᭒ ᭞ᬧᬧ᭄ᬭᬂᬦᬶᬂᬲᬸᬓᬾᬰᬧᬸᬢ᭄ᬭ᭞ᬓᬮᬯᬦ᭄ᬳ᭄ᬬᬂᬲᬸᬭᬧᬢᬶ᭞ᬅᬱ᭄ᬝᬸᬯᬲ᭄ᬢᬸ᭞ᬯᬲ᭄ᬢᬸᬢᬦ᭄ᬓᬢᬫᬾᬂᬢᬸᬮᬄ᭟ᬫᬓᬵᬧᬹᬃᬯ᭄ᬯᬦᬶᬂᬘᬭᬶᬢ᭞ᬯᬾᬦ᭄ᬢᭂᬦ᭄ᬤᬾᬢ᭄ᬬ ᬤᬳᬢ᭄ᬰᬓ᭄ᬢᬶ᭞ᬢᬢᬶᬕᬧᬲ᭄ᬫᭂᬢᭀᬦᬦ᭄᭞ᬫᬳᬭᬦ᭄ᬤᬾᬢ᭄ᬬᬲᬸᬫᬮᬶ᭞ᬫᬮ᭄ᬬᬯᬦ᭄ᬓᬮᬯᬦ᭄ᬫᬮᬶ᭞ᬭᬶᬂᬍᬗ᭄ᬓᬵᬳᬗᬤᭂᬕ᭄ᬭᬢᬸ᭞ᬩᬮᬦᬾᬢ ᬦ᭄ᬓᭂᬦᬾᬂᬯᬶᬮᬂ᭞ᬤᬾᬢ᭄ᬬᬤᬦᬯᬭᬵᬓ᭄ᬱᬲᬶ᭞ᬯᬢᭂᬓ᭄ᬤᬶᬬᬸ᭞ᬧᬥᬧ᭄ᬭᬓᭀᬱᬭᬶᬂᬧ᭄ᬭᬂ᭟ᬯᬶᬯᬶᬢᬾᬗᬯᬶᬦᬂᬬᬸᬤ᭄ᬥ᭞ᬧ᭄ᬬᬃᬱᬾᬦ᭄ᬳᬸᬕᬶᬫᬗ᭄ᬤᬩ᭄ᬘᬶᬓ᭄ ᭞ᬳᬓᬾᬄᬧᬭᬫᭀᬫᭀᬫᬹᬃᬓ᭄ᬓ᭞ᬫᬭᬭᬶᬂᬓᬳ᭄ᬬᬗᬦ᭄ᬭᬶᬳᬶᬦ᭄᭞ᬢᬦ᭄ᬫᬭᬶᬳᬗᬸᬲᬓᬲᬶᬓ᭄᭞ᬕᬸᬭᬕᬥᬗᬤᬸᬕᬤᬸᬕ᭄᭞ᬲᬲᬶᬂᬓᬋ

Auto-transliteration

[1 1B] 1 /// • /// oṁawighnāmāstu /// • /// ikiparikanhariśraya \\•\\ puḥsinom \\•\\ sinomhanggenpaplajahan riwĕtuhyangwulanliṇdhi, hanggaweraganingmanaḥ, reḥmunggaḥhyangśrigati, hanititanggalpingtri, sadhanayoga netumut, śaśiḥkadingasāmaśā, kaweṣakālamawangi, lwir̀pañcapaṇdhawāhamūr̀ttiloka. ratusanghyangkawiśwarā, linggyangtityangringgurit, doninghadamamuputang, putusingajñanal̥ĕwiḥ, dumadhakkasiddhengkapti, makāmanggalamangapus [2 2A] 2 , paprangningsukeśaputra, kalawanhyangsurapati, aṣṭuwastu, wastutankatamengtulaḥ. makāpūr̀wwaningcarita, wentĕndetya dahatśakti, tatigapasmĕtonan, maharandetyasumali, malyawankalawanmali, ringl̥ĕngkāhangadĕgratu, balaneta nkĕnengwilang, detyadanawarākṣasi, watĕkdiyu, padhaprakoṣaringprang. wiwitengawinangyuddha, pyar̀syenhugimangdabcik , hakeḥparamomomūr̀kka, mararingkahyanganrihin, tanmarihangusakasik, guragadhangadugadug, sasingkar̥ĕ

Leaf 2

Image on Archive.org

[᭒ 2B] ᭒ ᬧ᭄ᬳᬶᬦᬮᬧᬦ᭄᭞ᬢᬢᬦ᭄ᬓᭂᬦᬳᬶᬦᬮᬗᬶᬦ᭄᭞ᬫᬗᬯᬶᬦᬂ᭞ᬳᬾᬯᬸᬄᬯᬢᭂᬓ᭄ᬤᬾᬯᬕᬡ᭟ᬳ᭄ᬬᬂᬰᬓ᭄ᬬᬵᬮᬗ᭄ᬓᬸᬂᬓᬾᬫᭂᬗᬦ᭄᭞ᬫᬶᬢᬳᭂᬦ᭄ᬭᬸ ᬲᬓ᭄ᬦᬾᬫᬗ᭄ᬓᬶᬦ᭄᭞ᬧᬸᬦᬶᬓᬵᬫᬯᬶᬦᬦ᭄ᬳᬶᬤ᭞ᬬᬢ᭄ᬦᬫᬫᬳᬸᬫᬂᬕ᭄ᬮᬶᬲ᭄᭞ᬯᬢᭂᬓ᭄ᬤᬾᬯᬢᬦᬾᬲᬫᬶ᭞ᬤᬰᬮᭀᬓᬨᬮᬢᬸᬫᬸᬢ᭄᭞ᬲᬧ᭄ᬢᬋ ᬱᬶᬮᬾᬦ᭄‌‌ᬦᬭᬤ᭞ᬥᬗ᭄ᬳ᭄ᬬᬂᬯᬓ᭄ᬧᬢᬶᬫᬓᬵᬤᬶ᭞ᬲᬫᬶᬓᬸᬫ᭄ᬧᬸᬮ᭄᭞ᬭᬶᬂᬧᬲᬾᬪᬦᬾᬳ᭄ᬬᬂᬇᬦ᭄ᬤ᭄ᬭ᭟ᬧᬗᬜ᭄ᬚᬸᬃᬭᬶᬂᬧᬲᬾᬪᬦ᭄᭞ᬫᬸᬓ᭄ᬬᬭᬶᬂᬲᬹ ᬓ᭄ᬱ᭄ᬫᬦᬷᬣᬶ᭞ᬥᬗ᭄ᬳ᭄ᬬᬂᬯᬓ᭄ᬧᬢᬶᬧᬫ᭄ᬓᬲ᭄᭞ᬭᬶᬲᬫ᭄ᬧᬸᬦ᭄ᬲᬫᬶᬫᬮᬶᬗ᭄ᬕᬶᬄ᭞ᬳ᭄ᬬᬂᬰᬓ᭄ᬭᬗᬦ᭄ᬤᬶᬓᬳᬭᬶᬲ᭄᭞ᬤᬸᬄᬲᬳᬦᬦᬶᬂᬫᬓᬸᬫ᭄ᬧᬸᬮ᭄᭞ᬳᬓᬾ [᭓ 3A] ᭓ ᬦ᭄ᬓᬾᬦ᭄ᬩᬳᬦ᭄ᬫᬤᬬ᭞ᬫᬸᬦᬳᬂᬰᬢ᭄ᬭᬸᬦᬾᬰᬓ᭄ᬢᬶ᭞ᬗᬫᬢᬶᬬᬂ᭞ᬳᬶᬓᬮᬵᬍᬗ᭄ᬓᬭᬵᬚ᭟ᬓᬤᬳᬢᬦ᭄‌‌ᬫᭀᬳᬫᬹᬃᬓ᭄ᬓ᭞ᬲᬸᬫᬮᬶᬓᬮᬯᬦ᭄ᬫᬮᬶ ᭞ᬫᬓᬵᬤᬶᬲᬂᬫᬮ᭄ᬬᬯᬦ᭄᭞ᬳᭂᬦ᭄ᬢᭀᬢ᭄ᬯᬄᬓᬳᬗ᭄ᬕᭀᬦ᭄ᬕᬸᬲ᭄ᬢᬶ᭞ᬳᭀᬮᬶᬄᬭᬓ᭄ᬱᬲᬭᬓ᭄ᬱᬲᬶ᭞ᬤᬵᬦᬯᬵᬤᬾᬢ᭄ᬬᬮᬦ᭄ᬤᬶᬬᬸ᭞ᬚᬮᬦ᭄ᬓᬾ ᬚᬦᬶᬤᬩ᭄ᬤᬩᬂ᭞ᬳᭂᬦ᭄ᬢᭀᬳᬸᬧᬬᬦᬾᬩ᭄ᬘᬶᬓ᭄᭞ᬫᬗ᭄ᬤᬾᬤᬸᬭᬸᬂ᭞ᬲ᭄ᬯᬃᬕ᭄ᬕᬦᬾᬓᬭᬸᬲᬓᬦ᭄᭟ᬤᬾᬦᬶᬂᬬᬲᬸᬩᬵᬫᬦᬯᬂ᭞ᬲᬂᬬᬬᬄᬫᭀᬮᬶᬳᬶᬂ ᬓᬶᬃᬢ᭄ᬢᬶ᭞ᬓᬲ᭄ᬯᬾᬘ᭄ᬘᬦᬦ᭄ᬯᬭᬦᬸᬕ᭄ᬭᬳᬵ᭞ᬳᭀᬮᬶᬄᬲᬗ᭄ᬳ᭄ᬬᬂᬕᬶᬭᬶᬧᬢ᭄ᬦᬶ᭞ᬳᭂᬦ᭄ᬢᭀᬳᬯᬦᬦᬾᬚᬦᬶ᭞ᬢᬦ᭄ᬧᬳᬶᬗᬦ᭄‌‌ᬗᬤᬸᬕᬤᬸᬕ᭄᭞᭠

Auto-transliteration

[2 2B] 2 p'hinalapan, tatankĕnahinalangin, mangawinang, hewuḥwatĕkdewagaṇa. hyangśakyālangkungkemĕngan, mitahĕnru saknemangkin, punikāmawinanhida, yatnamamahumangglis, watĕkdewatanesami, daśalokaphalatumut, saptar̥ĕ syilennarada, dhanghyangwakpatimakādi, samikumpul, ringpasebhanehyangindra. pangañjur̀ringpasebhan, mukyaringsū kṣmanīthi, dhanghyangwakpatipamkas, risampunsamimalinggiḥ, hyangśakrangandikaharis, duḥsahananingmakumpul, hake [3 3A] 3 nkenbahanmadaya, munahangśatruneśakti, ngamatiyang, hikalāl̥ĕngkarāja. kadahatanmohamūr̀kka, sumalikalawanmali , makādisangmalyawan, hĕntotwaḥkahanggon'gusti, holiḥrakṣasarakṣasi, dānawādetyalandiyu, jalanke janidabdabang, hĕntohupayanebcik, mangdedurung, swar̀gganekarusakan. deningyasubāmanawang, sangyayaḥmolihing kir̀tti, kasweccananwaranugrahā, holiḥsanghyanggiripatni, hĕntohawananejani, tanpahinganngadugadug, ‐

Leaf 3

Image on Archive.org

[᭓ 3B] ᭓ ᬳᬶᬥᭂᬧ᭄ᬜᬦᬾᬫᬗ᭄ᬭᬸᬲᬓᬂ᭞ᬚᬕᬢ᭄ᬫᬡ᭄ᬥᬮᬦᬾᬲᬫᬶ᭞ᬫᬓᬫᬶᬯᬄ᭞ᬲᬓᬾᬳᬶᬂᬅᬫᬭᬮᭀᬓᬵ᭟ᬮᬶᬯᬢ᭄ᬗᬗ᭄ᬕᭀᬓᬳᭂᬗ᭄ᬓᬭ᭞ᬢᬦ᭄ᬧ ᬦᭀᬮᬶᬄᬓᬦᬦ᭄ᬓᬾᬭᬶ᭞ᬦᬾᬦᬾᬧᬘᬶᬳ᭄ᬦᬦᬾᬢ᭄ᬭᬂ᭞ᬯᬤ᭄ᬯᬦ᭄ᬜᬦᬾᬗᬸᬲᬓᬲᬶᬓ᭄᭞ᬓᬲ᭄ᬯᬃᬕ᭄ᬕᬦ᭄ᬫᬗ᭄ᬮᭂᬪᭀᬦᬶᬦ᭄᭞ᬓᬾᬢᭀᬓᭂᬦᭂᬄᬜᬲᬢᬸᬯᬸᬓ᭄ ᭞ᬧᬶᬢᬸᬯᬶᬤᬾᬢ᭄ᬬᬭᬓ᭄ᬱᬲ᭞ᬫᬹᬃᬓ᭄ᬓᬮᬶᬯᬢ᭄ᬫᬗ᭄ᬮᭂᬢᭂᬳᬶᬦ᭄᭞ᬢᬸᬲᬶᬂᬧᭂᬲᬦ᭄᭞ᬲᬬᬂᬭᬶᬯᬢᭂᬓ᭄ᬤᬾᬯᬢ᭟ᬢᭀᬂᬲᬸᬯᬸᬤ᭄ᬗᬗ᭄ᬕᭀᬓᬳᬾᬗᬦ᭄᭞ᬮᭀ ᬪᬩᬗ᭄ᬕᬦᬾᬢᬦ᭄ᬲᬶᬧᬶ᭞ᬓᭂᬦᭂᬄᬜᬦᬾᬫᬗᬶᬮᬗᬂ᭞ᬰᬰᬡᬦ᭄‌‌ᬚᬕᬢᬾᬍᬯᬶᬄ᭞ᬯᬶᬭᬾᬄᬢᬦ᭄ᬧᬥᬃᬫ᭄ᬫᬚᬢᬶ᭞ᬯᬢᭂᬓ᭄‌‌ᬓᬮᬦᬧᬸ [᭔ 4A] ᭔ ᬦᬶᬓᬸ᭞ᬫᬓ᭄ᬭᬡᬦᬶᬭᬓᬾᬫᭂᬗᬦ᭄᭞ᬫᬶᬢᬳᭂᬦ᭄ᬓᬘᬶᬯᬚᬦᬶ᭞ᬧ᭄ᬤᬲ᭄ᬮᭂᬩᬸᬃ᭞ᬬᬦ᭄ᬧᬤᬾᬚᬦᬶᬢᭂᬫᬦᬂ᭟ᬳᭂᬦ᭄ᬢᭀᬦᬾᬚᬦᬶᬳᬶᬢᬸᬗᬂ᭞ᬬᬦ᭄ᬧᬤᬾᬧᬕᬸ ᬢᬶᬦ᭄ᬚᬦᬶ᭞ᬳᭂᬜ᭄ᬘᬾᬦ᭄ᬧ᭄ᬭᬚᬸᬭᬶᬢᬾᬯᬶᬭ᭞ᬳᭂᬜ᭄ᬘᬾᬦ᭄ᬲᬜ᭄ᬚᬢᬦᬾᬰᬓ᭄ᬢᬶ᭞ᬦᬾᬧ᭄ᬭᬬᬳᬗ᭄ᬕᭀᬦ᭄ᬫᬕᬸᬢᬶᬦ᭄᭞ᬲᬶᬦᬄᬢᬦ᭄ᬗᬯᬶᬦᬂᬩᬶᬦ᭄ᬢᬸᬮ᭄᭞ ᬳᬸᬧᬫᬳᬧᬶᬳᬢᭂᬕᬮ᭄᭞ᬫᬭᬩ᭄ᬫᬸᬭᬸᬩ᭄ᬢᭂᬫ᭄ᬧᬸᬄᬳᬗᬶᬦ᭄᭞ᬳᬲᬶᬂᬦᭂᬫ᭄ᬧᬸᬄ᭞ᬧᬸᬳᬸᬦ᭄ᬢ᭄ᬯᬭᬫᬕᬦ᭄ᬢᬸᬮᬦ᭄᭟ᬦᬾᬳᬤᬩ᭄ᬯᬶᬦ᭄ᬳᬧᬲᬮ᭄᭞ᬬᬾᬦ᭄ᬧ᭄ᬭ ᬬᬫᬗᬮᬶᬄᬓᬦ᭄ᬢᬶ᭞ᬓᬶᬚᬮᬓᬸᬫᬲᬶᬲᬶᬳᬦ᭄᭞ᬳᭂᬜ᭄ᬘᬾᬦᬾᬚᬦᬶᬗᬦ᭄ᬢᬶᬦᬶᬦ᭄᭞ᬤᬶᬚᬵᬳᬤᬫᭀᬃᬢ᭄ᬢᬰᬓ᭄ᬢᬶ᭞ᬚᬮᬦᬮᬶᬄᬓᭂᬫᬭᬸᬭᬸᬄ

Auto-transliteration

[3 3B] 3 hidhĕpñanemangrusakang, jagatmaṇdhalanesami, makamiwaḥ, sakehingamaralokā. liwatnganggokahĕngkara, tanpa noliḥkanankeri, nenepacihnanetrang, wadwanñanengusakasik, kaswar̀gganmanglĕbhonin, ketokĕnĕḥñasatuwuk , pituwidetyarakṣasa, mūr̀kkaliwatmanglĕtĕhin, tusingpĕsan, sayangriwatĕkdewata. tongsuwudnganggokahengan, lo bhabangganetansipi, kĕnĕḥñanemangilangang, śaśaṇanjagatel̥ĕwiḥ, wireḥtanpadhar̀mmajati, watĕkkalanapu [4 4A] 4 niku, makraṇanirakemĕngan, mitahĕnkaciwajani, pdaslĕbur̀, yanpadejanitĕmanang. hĕntonejanihitungang, yanpadepagu tinjani, hĕñcenprajuritewira, hĕñcensañjataneśakti, neprayahanggonmagutin, sinaḥtanngawinangbintul, hupamahapihatĕgal, marabmurubtĕmpuḥhangin, hasingnĕmpuḥ, puhuntwaramagantulan. nehadabwinhapasal, yenpra yamangaliḥkanti, kijalakumasisihan, hĕñcenejaningantinin, dijāhadamor̀ttaśakti, jalanaliḥkĕmaruruḥ

Leaf 4

Image on Archive.org

[᭔ 4B] ᭔ ᭞ᬲᬧᬸᬦᬶᬓᬵᬯᬓ᭄ᬬᬦ᭄ᬳᬶᬤ᭞ᬳᬶᬤᬲᬗ᭄ᬳ᭄ᬬᬂᬲᬸᬭᬧᬢᬶ᭞ᬭᬭᬶᬲ᭄ᬫᬢᬸᬃ᭞ᬥᬗ᭄ᬳ᭄ᬬᬂᬯᬓ᭄ᬧᬢᬶᬳᬦᭂᬫ᭄ᬩᬄ᭟ᬇᬗ᭄ᬕᬶᬄᬭᬢᬸᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭞ᬯᬾᬦ᭄ᬢᭂᬦ᭄ᬭᬭᬯᬢᬦ᭄ᬓᬶ ᬤᬶᬓ᭄᭞ᬢᬦ᭄ᬲᬾᬯᭀᬲ᭄ᬲᬓᬶᬂᬉᬧᬬ᭞ᬫᬯᬱ᭄ᬝᬵᬉᬧᬬᬲᬦ᭄ᬤᬶ᭞ᬫᬓᬵᬤᬶᬲᬸᬰᬶᬮᬩᬸᬤ᭄ᬥᬶ᭞ᬢᬦ᭄ᬫᬾᬮᬶᬓ᭄‌‌ᬭᬶᬂᬲᬂᬫᬮᬓᬸ᭞ᬗᬫᬗ᭄ᬕᭂᬳᬂᬓᬳᬗ᭄ᬓ ᬭᬦ᭄᭞ᬚ᭄ᬜᬦᭀᬢ᭄ᬢᬫᬦᬾᬕᬸᬕᭀᬦᬶᬦ᭄᭞ᬲᬶᬤ᭄ᬥᬵᬓᬸᬓᬸᬄ᭞ᬓᬸᬓᬸᬄᬫᬭᬶᬂᬧᬓᬳ᭄ᬬᬸᬦᬦ᭄᭟ᬢᬦ᭄ᬲᬓᬶᬂᬯ᭄ᬥᬶᬦᬶᬰ᭄ᬘᬬ᭞ᬓᬂᬳᬫ᭄ᬩᭂᬓ᭄‌‌ᬲᬸᬥᬶᬭᬍᬯᬶᬄ ᭞ᬫᬩᭂᬦᭂᬃᬢᬢᬦ᭄ᬯᬶᬓᬮ᭄ᬧ᭞ᬧᬾᬦ᭄ᬤᬄᬳᬶᬫᬮᬬᬕᬶᬭᬶ᭞ᬢᬦ᭄ᬯᬶᬥᬶᬢᬶᬦᭂᬫ᭄ᬧᬸᬄᬳᬗᬶᬦ᭄᭞ᬳᬶᬦᬸᬕᬄᬳᬸᬕᬄᬢᬃᬓᬾᬗ᭄ᬕᬸᬄ᭞ᬢᬯᬢ᭄ᬓᬢᭂ [᭕ 5A] ᭕ ᬫ᭄ᬯᬦᬶᬂᬦᬬ᭞ᬯ᭄ᬓᬲᬶᬂᬤᬶᬕ᭄ᬚᬬᬾᬂᬪᬸᬫᬶ᭞ᬲᬶᬤ᭄ᬥᬵᬫᭂᬦ᭄ᬢᬲ᭄᭞ᬭᬶᬂᬲᬓ᭄ᬭᭀᬥᬦᬶᬂᬓᬮᬦ᭟ᬦᬾᬫᬗ᭄ᬓᬶᬦ᭄ᬓᬢ᭄ᬓᬦ᭄ᬪᬬ᭞ᬲᬓᬶᬂᬳᬶᬓᬮᬦᬵᬰᬓ᭄ᬢᬶ᭞ᬢᬦ᭄ᬓᬾᬗᬶ ᬦ᭄ᬫᬮᬶᬄᬳᬶᬫ᭄ᬧᬲᬂ᭞ᬬᬾᬦ᭄ᬲᬫ᭄ᬧᬸᬦ᭄ᬭᬯᬸᬄᬫᬭᬶᬓᬶ᭞ᬢᬦ᭄ᬧᬢᬸᬢ᭄ᬭᬢᬸᬫᬕᬸᬢᬶᬦ᭄᭞ᬓᬵᬮᬦ᭄ᬢᬓᭀᬧᬫᬦᬶᬧᬸᬦ᭄᭞ᬗᭂᬦ᭄ᬤᬶᬄᬫᬗᬩᬃᬳᬩᬃ᭞ᬯᬤ᭄ᬯ ᬓ᭄ᬯᬾᬄᬢᬦ᭄ᬲᬶᬦᬶᬧᬶ᭞ᬲᬫᬶᬢ᭄ᬮᬸᬄ᭞ᬳᬦᬶᬦ᭄ᬤ᭄ᬬᬫᬳᬵᬧ᭄ᬭᬪᬯ᭟ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬲᬾᬯᭀᬲᬦ᭄᭞ᬦᬾᬧ᭄ᬭᬬᬵᬳᬗ᭄ᬕᬾᬦ᭄ᬫᬕᬸᬢᬶᬦ᭄᭞ᬫᬸᬦᬳᬂ ᬳᬶᬓᬮᬦ᭄ᬢᬓᬵ᭞ᬫᬓᬵᬤᬶᬳᬓᬵᬮᬵᬕ᭄ᬦᬶ᭞ᬲᬚᬯᬶᬦᬶᬂᬧ᭄ᬥᭂᬓ᭄ᬢᬗ᭄ᬓᬶᬮ᭄᭞ᬭᬶᬂᬳ᭄ᬬᬂᬫᬳᬾᬰ᭄ᬯᬭᬵᬭᬢᬸ᭞ᬲᬶᬦᬄᬳᬶᬤᬳᬲᬸᬂᬲ᭄ᬯᬾᬘ᭄ᬘ᭞ᬭᬶᬂᬲᬯ

Auto-transliteration

[4 4B] 4 , sapunikāwakyanhida, hidasanghyangsurapati, rarismatur̀, dhanghyangwakpatihanĕmbaḥ. inggiḥratusanghyangindra, wentĕnrarawatanki dik, tansewossakingupaya, mawaṣṭā'upayasandi, makādisuśilabuddhi, tanmelikringsangmalaku, ngamanggĕhangkahangka ran, jñanottamanegugonin, siddhākukuḥ, kukuḥmaringpakahyunan. tansakingwdhiniścaya, kanghambĕksudhiral̥ĕwiḥ , mabĕnĕr̀tatanwikalpa, pendaḥhimalayagiri, tanwidhitinĕmpuḥhangin, hinugaḥhugaḥtar̀kengguḥ, tawatkatĕ [5 5A] 5 mwaningnaya, wkasingdigjayengbhumi, siddhāmĕntas, ringsakrodhaningkalana. nemangkinkatkanbhaya, sakinghikalanāśakti, tankengi nmaliḥhimpasang, yensampunrawuḥmariki, tanpatutratumagutin, kālantakopamanipun, ngĕndiḥmangabar̀habar̀, wadwa kweḥtansinipi, samitluḥ, hanindyamahāprabhawa. tanwentĕnmaliḥsewosan, neprayāhanggenmagutin, munahang hikalantakā, makādihakālāgni, sajawiningpdhĕktangkil, ringhyangmaheśwarāratu, sinaḥhidahasungswecca, ringsawa

Leaf 5

Image on Archive.org

[᭕ 5B] ᭕ ᬓ᭄ᬳᬫ᭄ᬩᬭᬾᬓᬶ᭞ᬬᬾᬦᬶᬂᬲᬫ᭄ᬧᬸᬦ᭄᭞ᬲᬶᬦᬫ᭄ᬬᬦ᭄ᬫᬗᬢ᭄ᬧᬤ᭟ᬤᬾᬦᬶᬂᬳᬶᬤᬫᬗᭀᬤᬕᬂ᭞ᬲᬮᬶᬗ᭄ᬕᬄᬚᬕᬢᬾᬲᬫᬶ᭞ᬬᬾᬦ᭄ᬩ᭄ᬯᬢ᭄‌‌ᬭᬶᬂᬧᬓᬳ᭄ᬬᬸ ᬦᬦ᭄᭞ᬧᬸᬧᬸᬢᬶᬂᬳᬚ᭄ᬜᬦᬫᬹᬃᬢ᭄ᬢᬶ᭞ᬬᬦ᭄ᬭᬶᬂᬲᭀᬮᬄᬢᬦ᭄ᬧᬲᬶᬭᬶᬂ᭞ᬭᬶᬂᬚᬕᬢᬾᬳᬶᬤᬓᬲᬸᬩ᭄᭞ᬮᬶᬫ᭄ᬩᬓ᭄ᬳᬦ᭄ᬢᬸᬓ᭄‌‌ᬓᬧᬕᭂᬳᬦ᭄᭞ᬬᬦ᭄ᬭᬶᬂᬲᬃᬯ᭄ᬯ ᬤᬾᬯᬫᬮᬶᬄ᭞ᬢᭀᬯᬶᬕᬸᬭᬸ᭞ᬤᬾᬯᬤᬾᬯᬵᬕᬸᬂᬳᬤᬾᬯ᭟ᬲᬹᬃᬬ᭄ᬬᬳᬸᬧᬫᬶᬜᬳᬶᬤ᭞ᬜᬸᬦ᭄ᬤᬭᬶᬦ᭄ᬚᬕᬢᬾᬲᬫᬶ᭞ᬧᬸᬦᬶᬓᬭᬢᬸᬫᬯᬶᬦᬦ᭄᭞ ᬧᬵᬢᬸᬢ᭄ᬧᬶᬲᬦ᭄ᬭᬢᬸᬦᬗ᭄ᬓᬶᬮ᭄᭞ᬲᬶᬦᬄᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬳᬶᬤᬫᬫᬕᭂᬳᬂᬓᬳ᭄ᬬᬸᬦ᭄᭞ᬢᬸᬃᬧᬸᬧᬸᬢ᭄ᬭᬶᬂᬓᬲᬦ᭄ᬢ᭄ᬭᬦ᭄᭞ᬢᬦ᭄ᬫᬭᬶᬫᬕᭂᬳᬂᬓᬧ᭄ᬢᬶ᭞ [᭖ 6A] ᭖ ᬢᬦᬳᭀᬩᬄ᭞ᬮ᭄ᬯᬶᬃᬲ᭄ᬧᬝᬶᬓᬦᬶᬂᬫᬮᬶᬮᬂ᭟ᬩᭀᬬᬧᬳᬶᬦ᭄ᬤᬶᬓᬦ᭄ᬬᬸᬥ᭞ᬦᬾᬧ᭄ᬭᬬᬧᬘᬂᬓᬳᬸᬦᬶᬂ᭞ᬢᬗ᭄ᬓᬶᬮ᭄ᬭᬶᬂᬧᬮᬶᬗ᭄ᬕᬶᬄᬳᬶᬤ᭞ᬯᬶᬭᬾᬄ ᬳᬶᬤᬢ᭄ᬧᬯᬾᬭᬶ᭞ᬭᬶᬂᬚᬕᬢ᭄ᬢᬶᬕᬦᬾᬚᬢᬶ᭞ᬢᬦ᭄ᬯᬾᬦ᭄ᬢᭂᬦ᭄ᬫᬓᬸᬫᬫᬸᬲᬸᬄ᭞ᬭᬾᬄᬚᬕᬢ᭄ᬲᬫᬶᬫᬦᭂᬫ᭄ᬩᬄ᭞ᬲᬢᬢᬵᬓᬧᬸᬚᬶᬧᬸ ᬚᬶ᭞ᬳᬶᬤᬯᬦ᭄ᬢᬄ᭞ᬲᬗ᭄ᬳ᭄ᬬᬂᬦᬶᬂᬳ᭄ᬬᬂᬫᬳᭀᬢ᭄ᬢᬫ᭟ᬢᬦ᭄ᬓᬾᬧᬸᬦᬶᬓᬵᬫᬯᬶᬦᬦ᭄᭞ᬓᬗ᭄ᬓᬢ᭄ᬳᬶᬭᬢᬸᬫᬦᬗ᭄ᬓᬶᬮ᭄᭞ᬢᬸᬦᬲᬶᬦ᭄ᬧᬳᬶᬘ᭄ᬘ ᬦᬶᬤ᭞ᬦᬾᬧ᭄ᬭᬬᬵᬧᬵᬢᬸᬢ᭄ᬫᬃᬕ᭄ᬕᬶᬦᬶᬦ᭄᭞ᬢᬸᬦᬲ᭄ᬓᬳ᭄ᬬᬸᬦ᭄ᬳᬶᬤᬚᬢᬶ᭞ᬫᬗ᭄ᬤᬵᬳᬶᬤᬳᬶᬘ᭄ᬘᬢᬸᬤᬸᬄ᭞ᬭᬶᬂᬓᬧᬢᬶᬦᬶᬂᬓᬮᬦ᭞ᬫᬸᬃᬓ᭄ᬓᬫᭀᬫᭀ

Auto-transliteration

[5 5B] 5 k'hambareki, yeningsampun, sinamyanmangatpada. deninghidamangodagang, salinggaḥjagatesami, yenbwatringpakahyu nan, puputinghajñanamūr̀tti, yanringsolaḥtanpasiring, ringjagatehidakasub, limbak'hantukkapagĕhan, yanringsar̀wwa dewamaliḥ, towiguru, dewadewāgunghadewa. sūr̀yyahupamiñahida, ñundarinjagatesami, punikaratumawinan, pātutpisanratunangkil, sinaḥhantuktityangmangkin, hidamamagĕhangkahyun, tur̀puputringkasantran, tanmarimagĕhangkapti, [6 6A] 6 tanahobaḥ, lwir̀spaṭikaningmalilang. boyapahindikanyudha, neprayapacangkahuning, tangkilringpalinggiḥhida, wireḥ hidatpaweri, ringjagattiganejati, tanwentĕnmakumamusuḥ, reḥjagatsamimanĕmbaḥ, satatākapujipu ji, hidawantaḥ, sanghyangninghyangmahottama. tankepunikāmawinan, kangkat'hiratumanangkil, tunasinpahicca nida, neprayāpātutmar̀gginin, tunaskahyunhidajati, mangdāhidahiccatuduḥ, ringkapatiningkalana, mur̀kkamomo

Leaf 6

Image on Archive.org

[᭖ 6B] ᭖ ᬢᬶᬤᭀᬂᬕᬶᬕᬶᬲ᭄᭞ᬦᬶᬓᬵᬭᬢᬸ᭞ᬢᬸᬦᬲᬂᬭᬢᬸᬲᬭᬢᬂ᭟ᬲᬶᬦᬄᬳᬶᬤᬳᬲᬸᬂᬮᬸᬕ᭄ᬭ᭞ᬬᬦ᭄ᬲᬫ᭄ᬧᬸᬦ᭄ᬭᬢᬸᬜᬸᬗ᭄ᬓᭂᬫᬶᬦ᭄᭞ᬤᬾᬦᬶᬂᬳᬸᬧᬫᬶᬲᬜ᭄ᬚᬢ ᭞ᬩᬚ᭄ᬭᬢᬶᬢᬶᬓ᭄ᬱ᭄ᬡᬮᬸᬗᬶᬤ᭄᭞ᬳᬸᬧᬫᬶᬦ᭄ᬳᬶᬤᬦᬾᬚᬦᬶ᭞ᬯᬘᬦᬦ᭄ᬳᬶᬤᬳ᭄ᬬᬂᬕᬸᬭᬸ᭞ᬚᬢᬶᬳᬶᬤᬲᬶᬤ᭄ᬥᬶᬗᬸᬘᬧ᭄᭞ᬤᬾᬦᬶᬂᬲᬢᬢᬵᬗᬃᬤ᭄ᬥᬶᬦᬶᬦ᭄᭞ ᬓᬭᬳᬬᭀᬦ᭄᭞ᬚᬕᬢᬾᬓᬯᭂᬓᬲ᭄ᬯᭂᬓᬲ᭄᭟᭜᭟ᬧᬸᬄᬧᬗ᭄ᬓᬸᬃ᭟᭜᭟ᬲᬧᬸᬦᬶᬓᬵᬳᬢᬸᬃᬳᬶᬤ᭞ᬲᬸᬭᬕᬸᬭᬸᬫᬓᬵᬤᬶᬥᬗ᭄ᬳ᭄ᬬᬂᬯᬓ᭄ᬧᬢᬶ᭞ᬳ᭄ᬬᬂ ᬇᬦ᭄ᬤ᭄ᬭᬳᬃᬱᬳᬗ᭄ᬭᬸᬗᬸ᭞ᬤᬳᬢ᭄ᬳᬶᬤᬗᬸᬫᭂᬦ᭄ᬤᭂᬮᬂ᭞ᬓᬧᬶᬂᬓᬮᬶᬄ᭞ᬯᬢᭂᬓ᭄ᬤᬾᬯᬢᬦᬾᬗᬚᬸᬫ᭄᭞ᬧᬫᬸᬚᬶᬦᬾᬓᬢᬄᬓᬢᬄ᭞ᬫᬸᬚᬶᬪᬕᬯ [᭗ 7A] ᭗ ᬦ᭄ᬯᬓ᭄ᬧᬢᬶ᭟ᬕ᭄ᬮᬶᬲ᭄ᬳᬶᬤᬫᬤᬩ᭄ᬤᬩᬦ᭄᭞ᬲᬋᬂᬲᬫᬶ᭞ᬓᬰᬶᬯᬮᭀᬓᬫᬫᬃᬕ᭄ᬕᬶ᭞ᬫᬶᬯᬄᬯᬢᭂᬓ᭄ᬋᬱᬶᬢᬸᬫᬸᬢ᭄᭞ᬢᬦ᭄ᬫᬤᭀᬄᬮᬦ᭄ᬯᬶᬥ᭄ᬬ ᬥᬭᬶ᭞ᬧ᭄ᬭᬬᬗᬶᬭᬶᬂ᭞ᬓᬰᬶᬯᬵᬧᬤᬵᬲᬸᬫᬸᬬᬸᬕ᭄᭞ᬧᬫᬃᬕ᭄ᬕᬶᬦᬾᬫᬗᬶᬭᬶᬗᬂ᭞ᬧᬮᬶᬗ᭄ᬕᬶᬄᬳ᭄ᬬᬂᬲᬘᬶᬧᬢᬶ᭟ᬧᬫᬃᬕ᭄ᬕᬶᬦᬾᬧᬲ᭄ᬫᭂᬗᬦ᭄᭞ ᬧᬓᬾᬲᬳᬾᬲᬓᬶᬂᬇᬦ᭄ᬤ᭄ᬭᬧᬤᬗ᭄ᬭᬭᬶᬲ᭄᭞ᬫᬭᬶᬂᬳᬓᬰᬮᬸᬫᬓᬸ᭞ᬧᬗᬚᭂᬂᬳᬶᬤᬳ᭄ᬬᬂᬰᬓ᭄ᬭ᭞ᬓᬧᬸᬗ᭄ᬓᬸᬭᬶᬦ᭄᭞ᬳ᭄ᬬᬂᬧ᭄ᬭᬾᬢᬭᬵᬚᬫᬦ᭄ᬤᬸᬮᬸᬃ᭞ᬥᬦᬾᬰ᭄ᬯᬭ ᬢᬦ᭄ᬓᬲᬄ᭞ᬫ᭄ᬯᬂᬳ᭄ᬬᬂᬩᬭᬸᬡᬧᬢᬶ᭟ᬳᬶᬭᬶᬗᬂᬳᬧ᭄ᬲᬭᬕᬡ᭞ᬫᬜᬸᬭᬫ᭄ᬩᬄᬭᬶᬂᬳᬫ᭄ᬩᬭᬦᬾᬢᬶᬢᬶᬩ᭄᭞ᬧᬫᬃᬕ᭄ᬕᬶᬦ᭄ᬳᬶᬤᬦᬾᬢ᭄ᬭᬸᬲ᭄᭞ᬩ᭄ᬦᭂᬂᬓ

Auto-transliteration

[6 6B] 6 tidonggigis, nikāratu, tunasangratusaratang. sinaḥhidahasunglugra, yansampunratuñungkĕmin, deninghupamisañjata , bajratitikṣṇalungid, hupaminhidanejani, wacananhidahyangguru, jatihidasiddhingucap, deningsatatāngar̀ddhinin, karahayon, jagatekawĕkaswĕkas \\•\\ puḥpangkur̀ \\•\\ sapunikāhatur̀hida, suragurumakādidhanghyangwakpati, hyang indrahar̀ṣahangrungu, dahat'hidangumĕndĕlang, kapingkaliḥ, watĕkdewatanengajum, pamujinekataḥkataḥ, mujibhagawa [7 7A] 7 nwakpati. glishidamadabdaban, sar̥ĕngsami, kaśiwalokamamar̀ggi, miwaḥwatĕkr̥ĕsyitumut, tanmadoḥlanwidhya dhari, prayangiring, kaśiwāpadāsumuyug, pamar̀gginemangiringang, palinggiḥhyangsacipati. pamar̀gginepasmĕngan, pakesahesakingindrapadangraris, maringhakaśalumaku, pangajĕnghidahyangśakra, kapungkurin, hyangpretarājamandulur̀, dhaneśwara tankasaḥ, mwanghyangbaruṇapati. hiringanghapsaragaṇa, mañurambaḥringhambaranetitib, pamar̀gginhidanetrus, bnĕngka

Leaf 7

Image on Archive.org

[᭗ 7B] ᭗ ᬗᬶᬦ᭄ᬗᬯᬂᬗᬯᬂ᭞ᬓᬳᬸᬮᬸᬦᬶᬦ᭄᭞ᬳᬦ᭄ᬢᬸᬓ᭄ᬳᬶᬤᬰᬶᬯᬕᬸᬭᬸ᭞ᬫᬓᬵᬤᬶᬥᬗ᭄ᬳ᭄ᬬᬂᬯᬓ᭄ᬧᬢ᭄ᬬ᭞ᬧᬫᬃᬕ᭄ᬕᬶᬦ᭄ᬳᬶᬤᬦᬾᬳᬭᬶᬲ᭄᭟ᬤᬲ᭄ᬫᬶᬚᬶᬮ᭄ᬳᬶᬤᬳ᭄ᬬᬂᬪ ᬱ᭄ᬓᬭ᭞ᬫᬗᬭᬸᬤᬸᬕ᭄‌‌ᬲ᭄ᬯᬭᬦ᭄ᬢᭀᬬᬦᬶᬂᬧᬲᬶᬄ᭞ᬕᬮᬂᬮᬗᬶᬢᬾᬧᬗᬸᬲ᭄᭞ᬤᬲᬭᬶᬦ᭄ᬩᬦ᭄ᬕᬸᬍᬫ᭄ᬩᬭᬓ᭄᭞ᬬᬫᬭᬶᬭᬶᬕ᭄᭞ᬬᬾᬦ᭄ᬲᬯᬗᬂᬢ᭄ᬯᬄᬬ ᬧᬢᬸᬢ᭄᭞ᬓᬤᬶᬮᬫ᭄ᬩᬾᬦᬶᬂᬲ᭄ᬫᬭ᭞ᬳᬾᬕᬃᬗ᭄ᬢᭀᬦ᭄ᬲᬸᬭᬧᬢᬶ᭟ᬳᬶᬥᭂᬧ᭄ᬜᬦᬾᬦ᭄ᬤᬸᬫᬤᬓᬂ᭞ᬫᬗ᭄ᬤᬾᬳᬬᬸᬢᬦ᭄ᬯᬾᬦ᭄ᬢᭂᬦᬾᬫᬗ᭄ᬮᭂᬢᭂᬳᬶᬦ᭄᭞ ᬲᬸᬭᬮᭀᬓᬦᬾᬲᬢᬸᬳᬸᬓ᭄᭞ᬫᬮᬶᬄᬯᬾᬦ᭄ᬢᭂᬦ᭄ᬓᬧᬃᬡ᭄ᬦᬬᬂ᭞ᬲᬗ᭄ᬳ᭄ᬬᬂᬭᬯᬶ᭞ᬫᬲᬯᬂᬳᬶᬤᬫᬦᬸᬢᬸᬕ᭄᭞ᬫᬫᬃᬕ᭄ᬕᬲᬬᬦ᭄ᬤᬸᬳᬸᬭᬂ᭞ᬲᬋᬂᬓ [᭘ 8A] ᭘ ᬰᬶᬯᬵᬦᬵᬕᬭᬶ᭟ᬫᬸᬦ᭄ᬢᬩ᭄ᬢᬾᬚᬦᬶᬂᬳᬫ᭄ᬩᬭ᭞ᬧᬥᬵᬕᬶᬭᬂᬭᬶᬂᬯᬳᬸᬦᬾᬓᬫᬃᬕ᭄ᬕᬶᬦᬶᬦ᭄᭞ᬳᭀᬮᬶᬄᬲᬗ᭄ᬳ᭄ᬬᬂᬰᬢᬓᬺᬢᬸ᭞ᬫᬮᬶᬄᬯᬾᬦ᭄ᬢᭂ ᬦ᭄ᬓᬘᬶᬗᬓᬦ᭄᭞ᬢᬸᬳᬸᬩ᭄ᬘᬶᬓ᭄᭞ᬳᬶᬕᬸᬍᬫ᭄ᬓᬢᭀᬦ᭄ᬫᬦᬸᬳᬸᬢ᭄᭞ᬢᬩᬶᬂᬮᬗᬶᬢᬾᬫᬶᬤᭂᬳᬦ᭄᭞ᬲᬳᬵᬢᬕᬺᬄᬳᬢᬸᬢ᭄ᬧᬱ᭄ᬝᬶ᭟ᬳᬶᬦᬩ᭄ᬳᬶ ᬧᬸᬦ᭄ᬗᬸᬦᬶᬗᬬᬂ᭞ᬫᬢᬸᬤᬶᬗᬂᬦᬾᬧᬢᬸᬢ᭄ᬧ᭄ᬭᬬᬫᬃᬕ᭄ᬕᬶᬦᬶᬦ᭄᭞ᬳᬶᬳᬗᬶᬦ᭄ᬢᭂᬓᬵᬫᬦᭂᬫ᭄ᬧᬸᬄ᭞ᬭᬱᬜᬓᬤᬶᬗ᭄ᬕᬶᬲ᭄ᬯᬂ᭞ᬢᭀᬳᬶᬢᬢᬶᬢ᭄᭞ᬫᬓᬩ᭄ᬬ ᬓ᭄ᬩ᭄ᬬᬓ᭄ᬬᬫᬢᬭᬸᬂ᭞ᬢᬸᬮᬾᬦ᭄ᬢᬗᬦ᭄ᬫᬕᭂᬬᬸᬳᬦ᭄᭞ᬫᬧᬦ᭄ᬢᭂᬲ᭄ᬲᬯᬂᬗᬸᬮᬧᬶᬦ᭄᭟ᬭᬱᬕᬸᬭᬾᬶᬸᬭᬾᬶᬸᬤ᭄ᬫᬚᬚᬃᬚᬚᬃ᭞ᬧᬸᬄᬫᬗᬦ᭄ᬢᭂᬦᬂ᭞ᬭᬶᬂᬲᬂᬫᬳ᭄ᬬᬸ

Auto-transliteration

[7 7B] 7 nginngawangngawang, kahulunin, hantuk'hidaśiwaguru, makādidhanghyangwakpatya, pamar̀gginhidaneharis. dasmijilhidahyangbha ṣkara, mangarudugswarantoyaningpasiḥ, galanglangitepangus, dasarinban'gul̥ĕmbarak, yamaririg, yensawangangtwaḥya patut, kadilambeningsmara, hegar̀ngtonsurapati. hidhĕpñanendumadakang, mangdehayutanwentĕnemanglĕtĕhin, suralokanesatuhuk, maliḥwentĕnkapar̀ṇnayang, sanghyangrawi, masawanghidamanutug, mamar̀ggasayanduhurang, sar̥ĕngka [8 8A] 8 śiwānāgari. muntabtejaninghambara, padhāgirangringwahunekamar̀gginin, holiḥsanghyangśatakr̥ĕtu, maliḥwentĕ nkacingakan, tuhubcik, higul̥ĕmkatonmanuhut, tabinglangitemidĕhan, sahātagr̥ĕḥhatutpaṣṭi. hinab'hi punnguningayang, matudingangnepatutprayamar̀gginin, hihangintĕkāmanĕmpuḥ, raṣañakadinggiswang, tohitatit, makabya kbyakyamatarung, tulentanganmagĕyuhan, mapantĕssawangngulapin. raṣagure̶re̶dmajajar̀jajar̀, puḥmangantĕnang, ringsangmahyu

Leaf 8

Image on Archive.org

[᭘ 8B] ᭘ ᬦ᭄ᬜᬧᬸᬳᬂᬳᬮᬦᬶᬂᬪᬸᬫᬶ᭞ᬢᬸᬃᬫᬮᬶᬄᬯᬾᬦ᭄ᬢᭂᬦ᭄ᬓᬤᬸᬮᬸ᭞ᬮ᭄ᬯᬶᬃᬫᬳᬯᬵᬦ᭄ᬢᬸᬭᬗ᭄ᬕ᭞ᬓᬲᬯᬗᬂ᭞ᬧᬫᬃᬕ᭄ᬕᬶᬦ᭄ᬕᬸᬍᬫᬾᬳᬦᬸᬢ᭄᭞ᬫᬭᬾᬭᭀᬤ᭄ᬫᬚᬚᬃᬚ ᬚᬃ᭞ᬭᬶᬂᬮᬗᬶᬢᬾᬓᬢᭀᬦ᭄ᬩᭂᬘᬶᬓ᭄᭟ᬫᬮᬶᬄᬯᬾᬦ᭄ᬢᭂᬦ᭄ᬓᬤᬶᬕᬚᬄ᭞ᬯᬾᬦ᭄ᬢᭂᬦ᭄ᬓᬤᬶᬯᬶᬫᬡᬵᬦᬶᬮᬓᬳᬓ᭄ᬱᬶ᭞ᬚᬚᬭᬦ᭄ᬳᬶᬕᬸᬍᬫ᭄ᬧ᭄ᬮᬸᬂ᭞ᬫᬳᬶᬭᬶ ᬩ᭄ᬳᬶᬧᬸᬦ᭄ᬫᬤᬦ᭄ᬤᬦ᭄᭞ᬭᬶᬂᬧᬫᬃᬕ᭄ᬕᬶ᭞ᬫᬮᬶᬄᬯᬾᬦ᭄ᬢᭂᬦ᭄ᬓᬤᬶᬢᬸᬗ᭄ᬕᬸᬮ᭄᭞᭠ᬧ᭄ᬮᬸᬂᬫᬍᬚᭂᬃᬓᬗᬶᬦᬦ᭄᭞ᬗᬧᬶᬢ᭄ᬳᬶᬫᬡᬳᬲ᭄ᬢᬶ᭟ᬮ᭄ᬬᬦ᭄ᬫᬮᬶᬄᬓᬢᬶᬗ᭄ᬳᬮ ᬦ᭄᭞ᬢᭀᬕᬸᬍᬫᬾᬲᬯᬂᬳᬦᬓ᭄ᬫᬫᬃᬕ᭄ᬕᬶ᭞ᬫᬧᬦ᭄ᬢᬢ᭄ᬯᬶᬬᬧᬗᬸᬲ᭄᭞ᬍᬕᬵᬬᬫᬧᬚᭂᬂᬫᬲ᭄᭞ᬭᬾᬄᬓᭂᬦ᭄ᬢᬾᬭᬶᬦ᭄᭞ᬢᬾᬚᬦ᭄ᬳ᭄ᬬᬂᬅᬃᬓ᭄ᬓ [᭙ 9A] ᭙ ᬫᬸᬭᬸᬩ᭄᭞ᬲᬫ᭄ᬧᬸᬦᬶᬓᬵᬓᬧᬃᬡ᭄ᬦᬬᬂ᭞ᬳᭀᬮᬶᬄᬲᬂᬧᬸᬧᬸᬢᬶᬂᬓᬯᬶ᭟ᬭᬶᬂᬮᬗᬶᬢᬾᬓᬢᭀᬦ᭄ᬩᭂᬗᬂ᭞ᬩᭀᬬᬧᬶᬲᬦ᭄‌‌ᬳᬶᬕᬸᬍᬫ᭄‌‌ ᬯᬾᬦ᭄ᬢᭂᬦ᭄ᬜᬧᬸᬢᬶᬦ᭄᭞ᬕᬮᬂᬲᬫ᭄ᬧ᭄ᬮᬄᬢᬦ᭄ᬧᬢ᭄ᬮᬸᬢᬸᬄ᭞ᬳᬶᬦᬩ᭄ᬓᬵᬳ᭄ᬬᬸᬦ᭄ᬲᬂᬫ᭄ᬩ᭄ᬯᬢᬂ᭞ᬫᬗᬸᬮᬢᬶ᭞ᬓᭀᬢ᭄ᬢᬫᬦ᭄ᬜᬦᬾᬲᬢᬸᬯᬸᬓ᭄᭞ᬩ᭄ᬯᬢ᭄ᬪ ᬓ᭄ᬢᬶᬦᬾᬢᬦᭀᬯᬄ᭞ᬫᬗ᭄ᬮᬭᬂᬰᬶᬯᬲᬲ᭄ᬫᬺᬢᬶ᭟ᬓᬾᬢᭀᬳᬶᬥᭂᬧ᭄ᬜᬦᬾᬲᬢᬢ᭞ᬫᬳᬯᬦᬦ᭄᭞ᬫᬦ᭄ᬫᬸᬲᬮ᭄ᬯᬶᬭᬶᬂᬓᬧ᭄ᬢᬶ᭞ᬲᬹᬃᬬ᭄ᬬᬦᬾᬢᬦ᭄ᬤ ᬳᬢ᭄ᬓᭂᬩᬸᬲ᭄᭞ᬳᬦᬩᬶᬦᬩ᭄ᬓᬸᬫᬢᬺᬱ᭄ᬡᬵ᭞ᬭᬶᬂᬲᬓᬾᬳᬶᬂ᭞ᬤᬾᬯᬕᬡᬦᬾᬮᬸᬫᬓᬸ᭞ᬫᬗᬸᬗ᭄ᬲᬶᬭᬶᬂᬰᬶᬯᬮᭀᬓᬵ᭞ᬧ᭄ᬥᭂᬓ᭄ᬭᬶᬂᬳ᭄ᬬᬂᬚᬕᬢ᭄ᬧ

Auto-transliteration

[8 8B] 8 nñapuhanghalaningbhumi, tur̀maliḥwentĕnkadulu, lwir̀mahawānturangga, kasawangang, pamar̀ggin'gul̥ĕmehanut, marerodmajajar̀ja jar̀, ringlangitekatonbĕcik. maliḥwentĕnkadigajaḥ, wentĕnkadiwimaṇānilakahaksyi, jajaranhigul̥ĕmplung, mahiri b'hipunmadandan, ringpamar̀ggi, maliḥwentĕnkaditunggul, ‐plungmal̥ĕjĕr̀kanginan, ngapit'himaṇahasti. lyanmaliḥkatinghala n, togul̥ĕmesawanghanakmamar̀ggi, mapantatwiyapangus, l̥ĕgāyamapajĕngmas, reḥkĕnterin, tejanhyangar̀kka [9 9A] 9 murub, sampunikākapar̀ṇnayang, holiḥsangpuputingkawi. ringlangitekatonbĕngang, boyapisanhigul̥ĕm wentĕnñaputin, galangsamplaḥtanpatlutuḥ, hinabkāhyunsangmbwatang, mangulati, kottamanñanesatuwuk, bwatbha ktinetanowaḥ, manglarangśiwasasmr̥ĕti. ketohidhĕpñanesatata, mahawanan, manmusalwiringkapti, sūr̀yyanetanda hatkĕbus, hanabinabkumatr̥ĕṣṇā, ringsakehing, dewagaṇanelumaku, mangungsiringśiwalokā, pdhĕkringhyangjagatpa

Leaf 9

Image on Archive.org

[᭙ 9B] ᭙ ᬢᬶ᭟ᬲᬕᬭᬦᬾᬓᬳᬸᬗ᭄ᬓᬸᬮᬦ᭄᭞ᬜᭂᬍᬧ᭄ᬳᬮᬸᬲ᭄‌‌ᬭᬱᬲᬮᬶᬂᬲᬶᬮᬸᬗ᭄ᬮᬸᬗᬶᬦ᭄᭞ᬢ᭄ᬓᬾᬦᬶᬂᬳᬶᬮᬗᬶᬢ᭄ᬳᬢᬸᬢ᭄᭞ᬕᬶᬮᬶᬫᬕᭂᬂᬭᬶᬂᬢ᭄ᬗᬄᬜ᭞ ᬓᬭᬯᬸᬳᬶᬦ᭄᭞ᬩᬦ᭄ᬕᬸᬍᬫᬯᬦ᭄ᬢᬸᬦ᭄ᬯᬦ᭄ᬢᬸᬦ᭄᭞ᬫᬲᬯᬂᬓᬤᬶᬗᬃᬘ᭄ᬘᬡ᭞ᬭᬶᬯ᭄ᬢᬸᬳᬶᬤᬳ᭄ᬬᬂᬭᬯᬶ᭟ᬓ᭄ᬜᭂᬫ᭄ᬜᬦᬾᬫᬗ᭄ᬤᬾᬦ᭄ᬳᬸᬲᬦ᭄᭞ᬫᬢᬢᬸᬗ᭄ᬕᬸᬫ ᬭᬶᬂᬧᬦ᭄ᬢᬭᬦᬶᬂᬢᬲᬶᬓ᭄᭞ᬭᬾᬄᬲᬢᬢᬓᬢᭂᬫ᭄ᬧᬸᬄ᭞ᬳᬮᬸᬯᬦ᭄‌‌ᬳᭀᬫ᭄ᬩᬓᬾᬩᬗ᭄ᬓᬢ᭄᭞ᬮᬶᬬᬦ᭄ᬫᬮᬶᬄ᭞ᬧᬭᬳᬸᬦᬾᬳᭂᬚᭀᬄᬲᬭᬸ᭞ ᬓᬲᬧᬸᬢᬦ᭄ᬩᬳᬦ᭄ᬳᬸᬚᬦ᭄᭞ᬓᬢᭀᬦ᭄ᬗᬚᭂᬚᭂᬄᬚᭂᬚᭂᬳᬶᬦ᭄᭟ᬢᬸᬭᬶᬦ᭄ᬓᬳᬮᬸᬦᬦᭀᬫ᭄ᬩᬓ᭄᭞ᬗᭂᬦᬄᬳᬶᬮᬶᬤ᭄‌‌ᬬ᭄ᬬᬓᬦᭀᬫ᭄ᬩᬓᬾ [᭑᭐ 10A] ᭑᭐ ᬜᬧᬸᬢᬶᬦ᭄᭞ᬫᬳᬶᬭᬶᬩ᭄ᬫᬮᬩᬸᬄᬩᬜᬸ᭞ᬮᬬᬃᬜᬦᬾᬫᬭᬯᬢ᭄᭞ᬮ᭄ᬯᬶᬃᬗᬸᬮᬧᬶᬦ᭄᭞ᬯᬢᭂᬓ᭄ᬤᬾᬯᬦᬾᬮᬸᬫᬓᬸ᭞ᬭᬱᬦ᭄ᬜᬵᬦ ᬕᬶᬄᬳᬦ᭄ᬢᭀᬲᬂ᭞ᬧ᭄ᬭᬬᬦ᭄ᬳᬶᬧᬸᬦᬾᬫᬗᬶᬭᬶᬂ᭟ᬳᭀᬫ᭄ᬩᬓᬾᬫᬗᭂᬜ᭄ᬘᬄᬳᭂᬜ᭄ᬘᬄ᭞ᬓᬧᬲᬶᬲᬶᬳᬶᬭᬶᬩ᭄ᬕᬕᬾᬲᭀᬦ᭄ᬫᬗᬶᬭᬶᬂ᭞ᬢᬦ᭄ᬫᬤᭀᬄᬳᬶ ᬩ᭄ᬬᬲ᭄ᬳᬮᬸᬲ᭄᭞ᬳᬮᬸᬲ᭄ᬜᬫ᭄ᬧ᭄ᬮᬾᬕ᭄ᬫᬓ᭄ᬩᬢᬦ᭄᭞ᬓᬤᬶᬗᬚᬧ᭄᭞ᬭᬶᬂᬧᬢ᭄ᬥᬸᬦᬦᬶᬂᬭᬯᬸᬄ᭞ᬫᬲ᭄ᬯᬭᬳᬶᬓᬮᬗ᭄ᬓ᭄ᬬᬂ᭞ᬲᬺᬢ᭄‌‌ᬦᬗ᭄ᬳᬶᬂᬮᬶᬯᬢ᭄ᬚᬗᬶᬄ ᭟ᬫᬓᭂᬩᬸᬃᬲᬬᬦ᭄ᬗᭂᬤᭀᬳᬂ᭞ᬗᬸᬗ᭄ᬲᬶᬕᬸᬍᬫ᭄‌‌ᬦᬾᬲᭂᬍᬫ᭄ᬜᬵᬧᬸᬢᬶᬦ᭄᭞ᬫᬲᬯᬂᬕᬢᬶᬫᬦᬸᬢᬸᬕ᭄᭞ᬗᬶᬭᬶᬂᬦᬗ᭄ᬓᬶᬮ᭄ᬓᬲ᭄ᬯᬃᬕ᭄ᬕᬦ᭄᭞ᬚᬕᬵ

Auto-transliteration

[9 9B] 9 ti. sagaranekahungkulan, ñĕl̥ĕp'halusraṣasalingsilunglungin, tkeninghilangit'hatut, gilimagĕngringtngaḥña, karawuhin, ban'gul̥ĕmawantunwantun, masawangkadingar̀ccaṇa, riwtuhidahyangrawi. kñĕmñanemangdenhusan, matatungguma ringpantaraningtasik, reḥsatatakatĕmpuḥ, haluwanhombakebangkat, liyanmaliḥ, parahunehĕjoḥsaru, kasaputanbahanhujan, katonngajĕjĕḥjĕjĕhin. turinkahalunanombak, ngĕnaḥhilidyyakanombake [10 10A] 10 ñaputin, mahiribmalabuḥbañu, layar̀ñanemarawat, lwir̀ngulapin, watĕkdewanelumaku, raṣanñāna giḥhantosang, prayanhipunemangiring. hombakemangĕñcaḥhĕñcaḥ, kapasisihiribgagesonmangiring, tanmadoḥhi byashalus, halusñamplegmakbatan, kadingajap, ringpatdhunaningrawuḥ, maswarahikalangkyang, sr̥ĕtnanghingliwatjangiḥ . makĕbur̀sayanngĕdohang, ngungsigul̥ĕmnesĕl̥ĕmñāputin, masawanggatimanutug, ngiringnangkilkaswar̀ggan, jagā

Leaf 10

Image on Archive.org

Leaf 11

Image on Archive.org

Leaf 12

Image on Archive.org

Leaf 13

Image on Archive.org

Leaf 14

Image on Archive.org

Leaf 15

Image on Archive.org

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org