parwwa-tantri-kamandaka

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭛ ᭜ ᭛ᬒᬁᬅᬯᬶᬖ᭄ᬦᬫᬲ᭄ᬢᬸ᭛ ᭜ ᭛ᬫᬰᬩ᭄ᬥᬰᬵᬲ᭄ᬢ᭄ᬭᬫᬓᬦᬶᬢ᭄ᬬᬬᬧ᭄ᬭᬫᬥ᭞ᬯᬱ᭄ᬝᬸᬫᬘ᭄ᬙᬢᬶᬯ᭠ᬘᬲ᭄‌ᬧᬦ᭄ᬢᬭᬾ᭞ᬯᬡ᭄ᬥᬸᬂᬫᬶᬩ᭄ᬘᬦ᭄ᬢᬶᬯᬦᬫᬢ᭄‌ᬓᬢ᭄ᬣᬵ᭞ᬅᬱ᭄ᬝᬶᬦᬓᬫᬮᬦ᭄ᬢᬦᬵ᭟ᬇᬓᬂᬯ᭄ᬯᬂᬬᬦ᭄ᬢᬦ᭄ᬯ᭄ᬭᬸᬳᬶᬂᬰᬵᬲ᭄ᬢ᭄ᬭ᭞ᬢᬦ᭄ᬯ᭄ᬭᬸᬳᬶᬂ ᬰᬩ᭄ᬥᬧᬭᬸᬂᬗ᭄ᬕᬸᬦᬶᬂᬰᬲ᭄ᬢ᭄ᬭ᭞ᬫ᭄ᬯᬂᬰᬩ᭄ᬥᬫᬰᬩ᭄ᬥ᭟ᬫᬭᬢᬭᬶᬫᬥ᭄ᬬᬦᬶᬂᬰᬩ᭄ᬥᬫᬳ᭄ᬬᬸᬦᬗᬸᬘᬧᬸᬘᬧ᭄᭞ᬮᬯᬦ᭄ᬲᬂᬫᬳᬵᬧᬸᬭᬸᬱᬵ᭞ᬫᬗ᭄ᬓᬦᬯ᭄ᬯᬂᬫᬭᬾᬂᬳᬮᬲ᭄᭞ᬫᬳ᭄ᬬᬸᬦ᭄ᬫᬦᬶᬓᭂᬧᬵᬕᬚᬄ᭞ᬲ᭄ᬥᬂᬳᬫᬢ᭄ᬢ᭞ᬫᬫᬯᬰᬩ᭄ᬲᬸᬭᬶᬂᬢᬸᬜ᭄ᬚᬸᬂᬲᬮᬫ᭄ᬩ᭞ ᬓᬗ᭄ᬓᭂᬦ᭄ᬤᬾᬦ᭄ᬬᬧᬦᬶᬓᭂᬢᬦ᭄ᬬᬕᬚᬄᬲᬾᬳᬾᬯᬲᬥᬯᬶᬦᬶᬬᬰ᭞ᬲᬾᬢᬾᬬᬾᬯᬢ᭄ᬧᬃᬲᬸᬕᬸᬄ᭞ᬲᬸᬗ᭄ᬕᬶᬲᬸᬗ᭄ᬕᬶᬯᬶᬰᬾᬱᬘᬵ᭞ᬓᬲᬶᬓᬲᬶᬰᬭᬲ᭄ᬯᬢᬶ᭟ᬇᬯᬫᬗ᭄ᬓᬦᬓᬂᬢᬦ᭄ᬯ᭄ᬭᬸᬄᬭᬶᬂᬢᬶᬗ᭄ᬓᬄᬦᬶᬂᬅᬓ᭄ᬱᬭ᭞ᬫ᭄ᬯᬂᬭᬶᬂᬲᬧ᭄ᬢᬯᬶ ᬩᬓ᭄ᬢᬶ᭞ᬫ᭄ᬯᬂᬭᬶᬂᬯ᭄ᬯᬂᬧᬦ᭄ᬢᭂᬲ᭄ᬦᬶᬂᬅᬓ᭄ᬱᬭ᭞ᬧᬲ᭄ᬯᬵᬥᬃᬕ᭄ᬖᬦᬶᬂᬅᬓ᭄ᬱᬭ᭞ᬫ᭄ᬯᬂᬓᬯ᭄ᬭᬸᬳᬦᬦᬧᬸᬗᬮᬶᬗ᭄ᬕᬵ᭞ᬬᬦ᭄ᬦᬧᬸᬂsᬳᬓᬵ᭞ᬳᬧᬦ᭄‌ᬇᬓᬵᬲᬥᬦᬯ᭄ᬭᬸᬄᬫ᭄ᬯᬂᬰᬲ᭄ᬢ᭄ᬭᬯᬶᬪᬓ᭄ᬢᬶᬧᬥ᭟ᬬᬢᬓᬭᬡᬦᬶᬂᬯ᭄ᬭᬸᬳᬦᬶᬂᬲᬃᬯ᭄ᬯᬦᬸᬢᬢ᭄ᬣᬵ᭞ᬧᬥᬫ [᭒ 2A] ᬳᬵᬋᬓᬭᬶᬂᬲᬂᬫᬳᬵᬧᬸᬭᬸᬱᬵᬯᬾᬭᬲ᭄ᬢᬱ᭄ᬓᬭᬲᬫ᭄ᬩᬤ᭄ᬥᬄ᭞ᬲᬥᬦᬶᬬᬲᬂᬅᬫᬢ᭄ᬬ᭞ᬢᬱ᭄ᬓᬭᬂᬭᬳᬶᬭᬢ᭄ᬬᬤᬶ᭞ᬳᬺᬤ᭄ᬥᬬᬦ᭄‌ᬢᬲ᭄ᬬᬲᬗ᭄ᬕᬫᬄ᭟ᬇᬓᬂᬧᬲᬫ᭄ᬩᬥᬮᬯᬦ᭄ᬫᬮᬶᬂᬍᬳᭂᬂᬲᬫ᭄ᬩᬤᬮᬯᬦ᭄ᬲᬂᬲᬥᬸ᭟ᬅᬧᬦᬶᬓᬂᬫᬮᬶᬂᬅᬣ ᬳᬶᬬᬮᬧ᭄ᬦ᭄ᬬ᭟ᬓᬸᬦᬂᬲᬂᬲᬥᬸᬯᬢᬶᬬᬶᬦᬮᬧᬶᬓᬵ᭞ᬇᬓᬵᬢᬓᬢᬶᬰᬬᬦ᭄ᬬᬲᬂᬲᬥᬸᬧᬶᬦᬓᬵᬲᬂᬲᬃᬕ᭄ᬕ᭟ᬬᬢᬫᬢᬂᬦ᭄ᬬᬦ᭄‌ᬳᬬᭀᬢᬦ᭄ᬧ᭄ᬭᬬᬢ᭄ᬦᬚᬸᬕᬵᬲᬂᬫᬳᬸᬦ᭄‌ᬯ᭄ᬭᬸᬄᬳᬸᬢᬸᬲᬶᬂᬲᬃᬯᬰᬲ᭄ᬢ᭄ᬭ᭞ᬬᬦ᭄ᬬᭀᬕ᭄ᬬᬧᬲᬂᬲᬃᬕ᭄ᬕᬵ᭞᭚ ᬇᬦ᭄ᬥᬫ᭄ᬧ᭄ᬭᬶᬢᬶᬫ᭄‌ᬲᭀᬄᬋᬥᬦᬯᬩᬸᬤ᭄ᬥᬫ᭄᭞ᬢᬢ᭄ᬯᬾᬤᬺᬧ᭄ᬰ᭄ᬯᬦᬶᬤ᭄ᬬᬫᬦ᭄ᬢᬦ᭄᭞ᬧ᭄ᬭᬚ᭄ᬜᬵᬮᬾᬓᬾᬢᬦ᭄ᬢ᭄ᬭᬓᬹᬧᬭᬶ᭞ᬰ᭄ᬮᭀᬓᬓᬩᬡ᭄ᬥᬦᬲᬸᬪᬕᬵᬓ᭄ᬱᬭ᭟ᬳᬦᬲᬶᬭᬩ᭄ᬭᬵᬳ᭄ᬫᬡᬳᬢ᭄ᬬᬦ᭄ᬢᬧᬵᬡ᭄ᬥᬶᬢᬲᬶᬭ᭞ᬇᬓᬾᬂᬮᭀᬓᬵᬢ ᬦ᭄ᬢ᭄ᬭᬧᬶᬯᬰ᭄ᬮᭀᬓᬵᬫᬓᬨᬮᬦᬾᬬᬦᬶᬂᬭᬵᬢ᭄᭟ᬢᬦ᭄ᬧᬲᬂᬲᬃᬕ᭄ᬕᬮᬯᬦ᭄ᬦᬶᬲ᭄ᬮᬵᬓᬵᬮ᭟ᬅᬧᬾᬜᬓᬭᬹᬕ᭄‌ᬧᬫᬶᬢ᭄ᬭᬦ᭄᭞ᬢ᭄ᬮᬲ᭄ᬲᬸᬩᬥᬵ᭟ᬫᬢᬂᬦ᭄ᬬᬦ᭄ᬫᬗ᭄ᬓᬦᬵ᭞᭚ᬦᬦᬶᬘ᭄ᬮᬫᬦᬲᬂᬲᬃᬕ᭄ᬕ᭞ᬭᬭᬪᬤ᭄ᬭᬳᬶᬂᬧ

Auto-transliteration

[1 1B] 1 /// • /// oṁawighnamastu /// • /// maśabdhaśāstramakanityayapramadha, waṣṭumacchatiwa‐caspantare, waṇdhungmibcantiwanamatkatthā, aṣṭinakamalantanā. ikangwwangyantanwruhingśāstra, tanwruhing śabdhaparungngguningśastra, mwangśabdhamaśabdha. maratarimadhyaningśabdhamahyunangucapucap, lawansangmahāpurusyā, mangkanawwangmarenghalas, mahyunmanikĕpāgajaḥ, sdhanghamatta, mamawaśabsuringtuñjungsalamba, kangkĕndenyapanikĕtanyagajaḥsehewasadhawiniyaśa, seteyewatpar̀suguḥ, sunggisunggiwiśeṣacā, kasikasiśaraswati. iwamangkanakangtanwruḥringtingkaḥningakṣara, mwangringsaptawi bakti, mwangringwwangpantĕsningakṣara, paswādhar̀gghaningakṣara, mwangkawruhananapungalinggā, yannapungshakā, hapanikāsadhanawruḥmwangśastrawibhaktipadha. yatakaraṇaningwruhaningsar̀wwanutatthā, padhama [2 2A] hār̥ĕkaringsangmahāpurusyāwerastaṣkarasambaddhaḥ, sadhaniyasangamatya, taṣkarangrahiratyadi, hr̥ĕddhayantasyasanggamaḥ. ikangpasambadhalawanmalingl̥ĕhĕngsambadalawansangsadhu. apanikangmalingatha hiyalapnya. kunangsangsadhuwatiyinalapikā, ikātakatiśayanyasangsadhupinakāsangsar̀gga. yatamatangnyanhayotanprayatnajugāsangmahunwruḥhutusingsar̀waśastra, yanyogyapasangsar̀ggā, // indhampritimsoḥr̥ĕdhanawabuddham, tatwedr̥ĕpśwanidyamantan, prajñāleketantrakūpari, ślokakabaṇdhanasubhagākṣara. hanasirabrāhmaṇahatyantapāṇdhitasira, ikenglokāta ntrapiwaślokāmakaphalaneyaningrāt. tanpasangsar̀ggalawannislākāla. apeñakarūgpamitran, tlassubadhā. matangnyanmangkanā, // naniclamanasangsar̀gga, rarabhadrahingpa

Leaf 2

Image on Archive.org

[᭒ 2B] ᭒ ᬲ᭄ᬬᬢᬾ᭞ᬮᬶᬗ᭄ᬕᬃᬯᬺᬱᭀᬯᬳᬵᬜᭀᬭᭀ᭞ᬰ᭄ᬭᬕ᭄ᬕᬮᬾᬦᬦᬶᬧᬢᭀᬢᭀ᭟ᬓᬮᬶᬗᬦ᭄ᬬᬢᬦ᭄ᬲᬂᬲᬃᬕ᭄ᬕᬦᬶᬓᬂᬦᬶᬘᬤᬾᬦᬶᬓᬂᬫᬳᬋᬧ᭄ᬲᬸᬓᬵ᭟ᬅᬦᬾᬓᬶᬬᭀᬦᭂᬦ᭄᭞ᬲᬶᬗ᭄ᬳᬵᬮᬯᬦ᭄‌ᬯᬺᬱᬪᬵ᭞ᬧᬬᬢᬶᬰᬖᭀᬭᬦᬶᬓᬵ᭞ ᬢ᭄ᬮᬲᬾᬦᬓ᭄‌ᬤᬾᬦᬶᬭᬲᬫᬶᬢ᭄ᬭᬵ᭞ᬫᬓᬵᬯ᭄ᬓᬲᬦ᭄ᬳᬶᬮᬂᬳᬶᬓᬵ᭞ᬤᬾᬦᬶᬂᬦᬶᬘ᭄ᬘᬰ᭄ᬭᬕ᭄ᬕᬮᬵ᭞ᬧᬶᬦᬓᬵᬧᬢᬶᬄᬦᬶᬓᬂᬲᬶᬗ᭄ᬳᬵ᭟᭚ᬬᬾᬓᬺᬢᬰ᭄ᬘᬾᬦᬮᭀᬓᬾᬦ᭞ᬫᭀᬳᬵᬅᬗ᭄ᬕᬭᬦᬚᬦᬄ᭞ᬢ᭄ᬭᬾᬮᭀᬓᬵᬘᬭᬯᬶᬦᬬᬵ᭞ ᬧ᭄ᬭᬬᬢ᭄ᬦᬵᬚ᭄ᬜᬦᬓᬭᬦᬄ᭟ᬇᬓᬂᬰ᭄ᬮᭀᬓᬵᬓᬩᬾᬄ᭞ᬕᬶᬦᬯᬾᬤᬾᬦᬶᬭᬲᬗ᭄ᬳ᭄ᬬᬂᬪᬲᬸᬩᬕ᭞ᬬᬾᬓᬵᬓᬳᬶᬮᬗᬦᬶᬂᬧᬸᬗ᭄ᬕᬸᬂ᭞ᬫ᭄ᬯᬂᬅᬳᬗ᭄ᬓᬵᬭᬦᬶᬂᬮᭀᬓᬵ᭞ᬫᬹᬮᬳᬓ᭄ᬦᬂᬳᬘᬭᬵᬬᬸᬓ᭄ᬢᬶ᭞ᬫ᭄ᬯᬂᬫᬢ᭄ᬯᬗᬭᬶᬬᭀᬓᬵᬢ᭄ᬯ ᬗᬦ᭟ᬫ᭄ᬯᬂᬓᬧ᭄ᬭᬬᬢ᭄ᬦᬦ᭄ᬭᬶᬂᬲᭀᬮᬳᬵ᭞ᬯ᭄ᬭᬸᬳᬭᬶᬂᬬᬾᬕ᭄ᬬᬵᬫ᭄ᬯᬂᬢᬦ᭄ᬬᭀᬕ᭄ᬬ᭟ᬫᬢᬸᬢᬹᬭᬾᬂᬲ᭄ᬯᬥᬃᬫ᭄ᬫᬵ᭞ᬤᬫᬤ᭄ᬬᬓᭂᬦᬶᬂᬉᬪᬵᬬᬳᬶᬢᬵ᭟ᬦ᭄ᬥ᭄ᬬᬢ᭞ᬇᬓᬂᬳᬬ᭄ᬯᬦᬶᬰᬭᬶᬭᬵ᭞ᬫ᭄ᬯᬂᬳᬬ᭄ᬯᬦᬶᬂᬭᬵᬢ᭄᭞ᬫᬓᬤᬶᬳᬬ᭄ᬯᬦᬶᬂᬲᬂ [᭓ 3A] ᬧ᭄ᬭᬪᬹ᭟᭚ᬢᬰ᭄ᬫᬶᬦ᭄ᬦᬶᬘ᭄ᬘᬾᬦᬵᬲᬂᬲᬃᬕ᭄ᬕᬄ᭞ᬧᬸᬕᬸᬱᬢᬾᬯᬯᬃᬚ᭄ᬚᬶᬢᬄ᭞ᬰ᭄ᬭᬾᬬᬲ᭄‌ᬓᬫᭂᬦᬾᬦᬲᬃᬯ᭄ᬯᬾᬲᬸ᭞ᬬᬾᬲᬰᬸᬰ᭄ᬭᬸᬬᬲᬾᬓᬢᬫ᭄᭟ᬬᬢᬵᬦᬶᬫᬶᬢ᭄ᬢᬦ᭄ᬬᬦ᭄ᬢᬶᬦᬶᬗ᭄ᬳᬮᬓ᭄ᬦᬵᬚᬸᬕᬇᬓᬂᬯᬲᬂᬲᬃᬕ᭄ᬕᬮᬯᬦ᭄ᬦᬶᬘ᭄ᬘᬵ᭞ᬤᬾᬦᬶᬓᬂᬯ᭄ᬯᬂᬫᬳ ᬋᬧ᭄ᬲᬓᬵ᭞ᬭᬶᬂᬲᬃᬯ᭄ᬯᬮᭀᬓᬵ᭞ᬅᬧᬦᬶᬓᬵᬓᬶᬜ᭄ᬘᬶᬢ᭄ᬭᬶᬂᬳᬬᬹ᭟ᬫ᭄ᬯᬂᬇᬓᬂᬍᬓᬲᬶᬂᬳᬸᬮᬄᬭᬳᬬᬹ᭞ᬦ᭄ᬬᬧᬢᬦᬶᬮᬂᬇᬓᬵ᭞ᬬᬦ᭄ᬢᬦ᭄ᬧ᭄ᬭᬬᬢ᭄ᬦᬭᬶᬂᬬᭀᬕ᭄ᬬᬲᬂᬲᬃᬕ᭄ᬕᬦ᭄ᬬ᭟ᬦ᭄ᬬᬢᬵᬢᭀᬦ᭄ᬢᭀᬦᭂᬦᬶᬓᬂᬲᬂᬲᬃᬕ᭄ᬕᬵᬮᬯᬦ᭄ᬳᬬᬹᬦ᭄ᬬᬵ ᭞ᬳᬦᬾᬓᬶᬓᬢ᭄ᬣᬵᬯ᭄ᬬᬓ᭄ᬢᬶᬦ᭄ᬬ᭞ᬇᬓᬂᬢᬶᬦᬹᬢᬦ᭄ᬤᬾᬥᬗ᭄ᬳ᭄ᬬᬂᬪᬲᬸᬩᬕᬵ᭟ᬓᬸᬦᬂᬲᬫ᭄ᬪᬥᬦ᭄ᬬᬦᬶᬳᬦ᭄᭚ᬩ᭄ᬭᬳ᭄ᬫᬵᬡᬯᬶᬯᬶᬩᬸᬤ᭄ᬥᬦᬫ᭄᭞ᬦᬺᬧᬢᬶᬚᬬᬾᬓᬭᬦ᭄ᬡᬫ᭄᭞ᬅᬦᬶᬬᬰ᭄ᬫᬶᬦ᭄‌ᬲᬃᬯ᭄ᬯᬲᬶᬤ᭄ᬥᬶᬢᬫ᭄᭞ᬢᬦ᭄ᬢ᭄ᬭᬶᬯᬓ᭄ᬬᬦ᭄‌ᬦᬶᬃᬕ ᬯ᭄ᬬᬢᬾ᭟ᬳᬦᬢᬦ᭄ᬢ᭄ᬭᬶᬯᬓ᭄ᬬᬗᬭᬦ᭄ᬬ᭞ᬧᬶᬦᬶᬋᬗ᭄ᬯᬓᭂᬦ᭄‌ᬓᬤᬶᬩ᭄ᬬᬦᬶᬓᬂᬢᬦ᭄ᬢ᭄ᬭᬶ᭞ᬯ᭄ᬦᬂᬇᬓᬵᬫᬓᬤᭀᬦᬯᬶᬫᬸᬤ᭄ᬥᬶᬦᬩ᭄ᬭᬵᬳ᭄ᬫᬵᬡᬧᬶᬢ᭄ᬯᬶ᭞ᬫ᭄ᬯᬂᬇᬓᬂᬓᬯᬶᬚᬬᬦ᭄‌ᬲᬂᬧ᭄ᬭᬪᬹ᭟ᬓᬸᬦᬂᬧ᭄ᬯᬲᬶᬮᬾᬦ᭄ᬲᬗ᭄ᬓᬾᬭᬶᬓᬵ᭞ᬳᬶ

Auto-transliteration

[2 2B] 2 syate, linggar̀wr̥ĕsyowahāñoro, śraggalenanipatoto. kalinganyatansangsar̀gganikangnicadenikangmahar̥ĕpsukā. anekiyonĕn, singhālawanwr̥ĕṣabhā, payatiśaghoranikā, tlasenakdenirasamitrā, makāwkasanhilanghikā, deningniccaśraggalā, pinakāpatiḥnikangsinghā. // yekr̥ĕtaścenalokena, mohā'anggaranajanaḥ, trelokācarawinayā, prayatnājñanakaranaḥ. ikangślokākabeḥ, ginawedenirasanghyangbhasubaga, yekākahilanganingpunggung, mwangahangkāraninglokā, mūlahaknanghacarāyukti, mwangmatwangariyokātwa ngana. mwangkaprayatnanringsolahā, wruharingyegyāmwangtanyogya. matutūrengswadhar̀mmā, damadyakĕningubhāyahitā. ndhyata, ikanghaywaniśarirā, mwanghaywaningrāt, makadihaywaningsang [3 3A] prabhū. // taśminniccenāsangsar̀ggaḥ, puguṣatewawar̀jjitaḥ, śreyaskamĕnenasar̀wwesu, yesaśuśruyasekatam. yatānimittanyantininghalaknājuga'ikangwasangsar̀ggalawanniccā, denikangwwangmaha r̥ĕpsakā, ringsar̀wwalokā, apanikākiñcitringhayū. mwangikangl̥ĕkasinghulaḥrahayū, nyapatanilangikā, yantanprayatnaringyogyasangsar̀gganya. nyatātontonĕnikangsangsar̀ggālawanhayūnyā , hanekikatthāwyaktinya, ikangtinūtandedhanghyangbhasubagā. kunangsambhadhanyanihan // brahmāṇawiwibuddhanam, nr̥ĕpatijayekaranṇam, aniyaśminsar̀wwasiddhitam, tantriwakyannir̀ga wyate. hanatantriwakyangaranya, pinir̥ĕngwakĕnkadibyanikangtantri, wnangikāmakadonawimuddhinabrāhmāṇapitwi, mwangikangkawijayansangprabhū. kunangpwasilensangkerikā, hi

Leaf 3

Image on Archive.org

[᭓ 3B] ᭓ ᬦᬚᬭᬓᭂᬦ᭄‌ᬲᬃᬯ᭄ᬯᬲᬶᬲᬦ᭄ᬤᬶᬇᬓᬵ᭟ᬫᬗ᭄ᬓᬦᬓᬯᬸᬯᬸᬲᬦᬶᬂᬢᬦ᭄ᬢ᭄ᬭᬶᬯᬓ᭄ᬬᬵ᭟ᬫᬗ᭄ᬓᬾᬧ᭄ᬯᬾᬓᬶᬋᬗᭃᬦ᭄ᬧᬸᬃᬯ᭄ᬯᬧ᭄ᬭ᭬ᬱ᭄ᬝᬯᬦᬶᬓᬂᬘᬭᬶᬢᬵ᭚᭜᭚ᬳᬦᬲᬶᬭᬧ᭄ᬭᬪᬹᬗᬹᬦᬶᬇᬰ᭄ᬯᬓᬸᬯᬗ᭄ᬰᬦᬶᬭᬵ᭟ᬲᬫᬸᬤ᭄ᬭᬵᬕᬸᬧ᭄ᬝᬵᬧᬭᬫᬵᬭᬢ᭄ᬓᬵᬫᬦᬸᬗ᭄ᬓᬸ ᬮᬭᬶᬲᬶᬭ᭞ᬢᬶᬓᬂᬲᬳᬦᬦᬶᬂᬧᬭᬭᬢᬸᬲᬓᬯᭂᬗ᭄ᬓᬤᬾᬦᬶᬂᬲᬫᬸᬤ᭄ᬭᬵ᭟ᬲᬶᬭᬢᬳᬦᬭᬶᬫᬤ᭄ᬥᬵ᭞ᬫᬸᬗ᭄ᬕ᭄ᬯᬶᬂᬭᬵᬚ᭄ᬬᬵᬥᬶᬢᬸᬳᬢᬸᬳᬦᬶᬭ᭟ᬢᬦᬸᬘᬧᬓ᭄ᬦᬵᬢᬲᬶᬭᬓᬩᬾᬄᬤᬾᬦᬶᬂᬧᬶᬦᬓᬗ᭄ᬳᬸᬮᬸᬦ᭄᭞ᬯᬶᬃᬬ᭄ᬬᬦᬶᬭᬧᬶᬦᬓᬭᬢᬸᬦᬶᬪᬹ ᬫᬶ᭟ᬓᬸᬦᬂᬲᬶᬭᬯᬃᬡ᭄ᬦᬦᭂᬦ᭄‌ᬲᬂᬧ᭄ᬭᬪᬹᬯ᭄ᬓᬯ᭄ᬓᬦᬶᬭᬵ᭞ᬲᬶᬭᬵᬯ᭄ᬓᬲ᭄ᬦᬶᬂᬅᬚ᭄ᬜᬵᬲᬶᬤ᭄ᬥᬶ᭞ᬰ᭄ᬭᬷᬫᬳᬵᬭᬚᬐᬰ᭄ᬯᬃᬬ᭄ᬬᬨᬮ᭞ᬗᬭᬦᬶᬭ᭟ᬲᬶᬭᬢᬫᬓᬥᬢ᭄ᬯᬦ᭄ᬭᬶᬂᬧᬣᬮᬶᬧᬸᬢ᭄ᬭᬦᬵᬕᬭ᭞ᬭᬶᬂᬪᬹᬫᬶᬚᬫ᭄ᬪᬸᬤᬶᬧᬭᬶᬂᬢ᭄ᬭᬶᬪᬭᬢᬓᬡ᭄ᬥ᭟ ᬇᬓᬂᬤᬾᬰᬧᭂᬃᬡ᭄ᬦᬄᬓᬶᬤᬸᬮ᭄ᬲᬓᬾᬂᬇᬫᬯᬦ᭄᭞ᬳᬦᬢᬮ᭄ᬯᬄᬕᬗ᭄ᬕᬵᬫ᭄ᬯᬂᬬᬫᬸᬦ᭟ᬭᬶᬧᬦ᭄ᬢᬭᬦᬶᬓᬵᬓᬮᬶᬄᬬᬢᬫᬥ᭄ᬬᬤᬾᬰ᭞ᬬᬢᬭᬶᬧᬣᬮᬶᬧᬸᬢ᭄ᬭᬦᬵᬕᬭ᭞ᬗᬭᬦᬶᬂᬭᬵᬚ᭄ᬬᬵ᭟ᬢᬸᬘᬧᬢᬓᬶᬃᬢ᭄ᬣᬶᬦᬶᬭᬵ [᭔ 4A] ᬫᬳᬵᬭᬵᬚᬐᬰ᭄ᬯᬃᬬ᭄ᬬᬨᬮ᭞ᬘᬤᬸᬓᬵᬘᬡ᭄ᬥᬶᬲᬓᬮᬵᬯᬶᬥ᭄ᬬ᭞ᬧᬭᬚᬄ᭞ᬯ᭄ᬭᬸᬄᬢᬲᬶᬭᬇᬭᬶᬓᬂᬕᬸᬡᬤᭂᬫᬂᬧᬸᬮᬸᬄ᭞ᬧᬢ᭄‌ᬦᬶᬧᬸᬦ᭄᭞ᬧ᭄ᬭᬚ᭄ᬜᬵᬢᬲᬶᬭᬵ᭞ᬲᬃᬯ᭄ᬯᬰᬲ᭄ᬢ᭄ᬭᬧᬭᬶᬅᬚ᭄ᬜᬵ᭞ᬢᬦ᭄ᬳᬦᬓᬧᬶᬗ᭄ᬕᬶᬗᬦᬶᬭᬵ᭞ ᬭᬶᬲᬃᬯ᭄ᬯᬚᬭᬶᬂᬲᬃᬯ᭄ᬯᬰᬲ᭄ᬢ᭄ᬭ᭟ᬪᬹᬚᬘᬮᬄ᭟ᬰᬓ᭄ᬢ᭄ᬬᬵᬗᭃᬦᬗᭃᬦ᭄᭞ᬘᬢᬹᬃᬲᬕᬭ᭞ᬧᬭᬅᬢᬄ᭞ᬧᬳᬶᬗᬦᬦᬶᬓᬂᬘᬢᬹᬃᬲᬕᬭᬓᬧᬸᬦ᭄ᬧᬸᬦ᭄ᬤᬾᬦᬶᬭᬵ᭞ᬳᬤᬦ᭄ᬬᬪᬹᬫᬶᬲ᭄ᬯᬫ᭟ᬢᬦ᭄ᬳᬦᬮ᭄ᬬᬦ᭄ᬲᬗ᭄ᬓᬾᬭᬶᬓᬵᬧᬶᬦᬓᬵᬲ᭄ᬯᬫᬶ ᬦᬶᬪᬹᬫᬶ᭞ᬧᬶᬂᬪᬹᬫᬶ᭞ᬧᬗᬱ᭄ᬝ᭄ᬭᬦ᭄‌ᬉᬓᬮᬵᬭᬤ᭄ᬬ᭞ᬮᬶᬦᬶᬧᬸᬢ᭄ᬤᬾᬦᬶᬂᬓᬥᬢ᭄ᬯᬦ᭄‌ᬓᬂᬭᬢᬸᬫ᭄ᬯᬂᬚᬭᬹ᭞ᬢᬦ᭄ᬳᬦᬢᬸᬫᬶᬫ᭄ᬩᬂᬳᬦᬳᬍᬧᬶᬂᬭᬵᬚ᭄ᬬᬦᬶᬭᬵ᭟ᬅᬪᬶᬰᬢᬶᬢᬲᬃᬯ᭄ᬯᬥᬭᬡᬦᬸᬲᬶᬢᬄ᭟ᬫᬗ᭄ᬓᬦᬲᬶᬭᬧᬶᬦᬸᬚ᭞ ᬲᬶᬗ᭄ᬳᬵ᭞ᬲᬶᬗ᭄ᬳᬵᬰᬡᬲ᭄ᬣᬄ᭞ᬫᬸᬗ᭄ᬕ᭄ᬯᬶᬂᬭᬵᬢ᭄ᬦᬲᬶᬗ᭄ᬳᬵᬰᬡᬫᬡᬶ᭞ᬯᬶᬢ᭄ᬣᬶᬢᬶᬮᭀᬢ᭄ᬢᬫᬲᬸᬧ᭄ᬭᬪᬄ᭞ᬫᬸᬗ᭄ᬕ᭄ᬯᬶᬂᬭᬢ᭄ᬦᬲᬶᬗ᭄ᬳᬵᬰᬡᬫᬡᬶ᭟ᬤᬾᬯᬶᬲ᭄ᬢ᭄ᬭᬶᬦᬶᬭᬭᬶᬤᬍᬫ᭄‌ᬫ᭄ᬯᬂᬧᬭᬶᬯᬭᬦᬶᬭ᭟ᬓᬤᬶᬢᬤᬾᬯᬓᬦ᭄ᬬᬓ

Auto-transliteration

[3 3B] 3 najarakĕnsar̀wwasisandi'ikā. mangkanakawuwusaningtantriwakyā. mangkepwekir̥ĕngönpur̀wwapra᭬ṣṭawanikangcaritā // • // hanasiraprabhūngūni'iśwakuwangśanirā. samudrāgupṭāparamāratkāmanungku larisira, tikangsahananingpararatusakawĕngkadeningsamudrā. siratahanarimaddhā, munggwingrājyādhituhatuhanira. tanucapaknātasirakabeḥdeningpinakanghulun, wir̀yyanirapinakaratunibhū mi. kunangsirawar̀ṇnanĕnsangprabhūwkawkanirā, sirāwkasningajñāsiddhi, śrīmahāraja'aiśwar̀yyaphala, ngaranira. siratamakadhatwanringpathaliputranāgara, ringbhūmijambhudiparingtribharatakaṇdha. ikangdeśapĕr̀ṇnaḥkidulsakengimawan, hanatalwaḥganggāmwangyamuna. ripantaranikākaliḥyatamadhyadeśa, yataripathaliputranāgara, ngaraningrājyā. tucapatakir̀tthinirā [4 4A] mahārāja'aiśwar̀yyaphala, cadukācaṇdhisakalāwidhya, parajaḥ, wruḥtasira'irikangguṇadĕmangpuluḥ, patnipun, prajñātasirā, sar̀wwaśastrapari'ajñā, tanhanakapingginganirā, risar̀wwajaringsar̀wwaśastra. bhūjacalaḥ. śaktyāngönangön, catūr̀sagara, para'ataḥ, pahingananikangcatūr̀sagarakapunpundenirā, hadanyabhūmiswama. tanhanalyansangkerikāpinakāswami nibhūmi, pingbhūmi, pangaṣṭranukalāradya, liniputdeningkadhatwankangratumwangjarū, tanhanatumimbanghanahal̥ĕpingrājyanirā. abhiśatitasar̀wwadharaṇanusitaḥ. mangkanasirapinuja, singhā, singhāśaṇasthaḥ, munggwingrātnasinghāśaṇamaṇi, witthitilottamasuprabhaḥ, munggwingratnasinghāśaṇamaṇi. dewistriniraridal̥ĕmmwangpariwaranira. kaditadewakanyaka

Leaf 4

Image on Archive.org

[᭔ 4B] ᭔ ᬮ᭄ᬯᬶᬃᬧᬗᬸᬧ᭄ᬢᬶᬢᬶᬮᭀᬢ᭄ᬢᬫᬵᬲᬸᬧ᭄ᬭᬪᬵᬲᬸᬫᬭᬫ᭄ᬩᬄ᭟ᬫᬗ᭄ᬓᬦᬭᬹᬧᬦᬶᬂᬲ᭄ᬢ᭄ᬭᬶᬓᬧᬲᬸᬓ᭄‌ᬫᬸᬗ᭄ᬕ᭄ᬯᬶᬂᬚ᭄ᬭᭀᬭᬵᬚ᭄ᬬᬦᬶᬭ᭟ᬫᬗ᭄ᬓᬦᬂᬳᬦᬕ᭄ᬭᬵᬳᬵ᭞ᬮᬸᬫ᭄ᬭᬄᬮ᭄ᬯᬶᬃᬯᬃᬱᬵᬰ᭄ᬯᬾᬣᬵᬘᬢ᭄ᬭᬘᬫᬭᬵᬕ᭄ᬭ᭟ᬧᬬᬸᬂᬧᬸᬢᬶᬄ᭞ᬧᬸᬭᭀᬳᬶᬢ ᬭᬵᬚ᭄ᬬ᭞ᬫᬦ᭄ᬢ᭄ᬭᬶᬰᬾᬦᬧᬢᬶᬦᬶᬭᬲᬬᬸᬢᬫ᭄ᬯᬂᬭᬢᬸᬫ᭄ᬯᬂᬚᬸᬭᬹᬫ᭄ᬯᬂᬫᬦ᭄ᬢ᭄ᬭᬶ᭟ᬢ᭄ᬓᬵᬕ᭄ᬭᬓᬭᬳᬸᬦ᭄‌ᬲᬂᬭᬵᬚᬧᬹᬭᭀᬳᬶᬢᬦ᭄ᬦᬶᬭ᭞ᬧᬭᬚᬦᬲᬫᬸᬳᬵ᭚ᬧᬭᬶᬘᬾᬝᬶᬢᬄ᭟ᬅᬓ᭄ᬯᬾᬄᬇᬓᬂᬧᬭᬚᬦᬗ᭄ᬓᬦ᭞ᬐ᭠ ᬰ᭄ᬯᬃᬬ᭄ᬬᬨᬮᬯᬶᬱ᭄ᬫᬬᬵ᭟ᬓᬧᬸᬳᬦ᭄‌ᬢᬸᬫᬶᬗ᭄ᬳᬮ᭄‌ᬲᬂᬧ᭄ᬭᬪᬹᬯᬶᬃᬬ᭄ᬬ᭞ᬆᬦ᭄ᬲᬓᬵᬮᬪᬵᬯᬦᬘᬓ᭄ᬭᬯᬃᬢ᭄ᬬᬪᬶᬰᬾᬓᬵ᭟ᬦᬶᬢ᭄ᬬᬧᬶᬦᬹᬚᬤᬾᬲᬂᬓᬵᬮᬚᬦᬫᭂᬭᬶᬂᬪᬯᬦ᭟ᬅᬚ᭄ᬜᬲᬸᬓᬨᬮ᭞ᬅᬚ᭄ᬜᬵ ᬲᬶᬤ᭄ᬥᬶᬲᬶᬭᬵ᭞ᬅᬲᬶᬂᬓᬶᬦᭀᬦᬶᬭᬲᬶᬤ᭄ᬥᬶ᭟ᬫᬭᬩ᭄ᬬᬓᬦ᭄ᬬᬲᬸᬭᬹ᭞ᬦᬶᬢ᭄ᬬᬧᬯᬶᬯᬳᬵ᭟ᬢᬦ᭄ᬢ᭄ᬭᬓᬣᬦᬲᬂᬢᬦ᭄ᬢ᭄ᬭᬶ᭟ᬫᬶᬚᬶᬮ᭄‌ᬦᬶᬣᬶᬰᬲ᭄ᬢ᭄ᬭᬯ᭄ᬦᬂᬫᬸᬥᬦ᭄ᬬᬫᬦᬄᬮᬮᬫ᭄᭞ᬢᬸᬫᬢᬲᬓᭂᬦ᭄‌ᬫᬦᬄᬩᬸ [᭕ 5A] ᬤ᭄ᬥ᭄ᬬᬧᬸᬗ᭄ᬕᬸᬂ᭟ᬓᬤᬶᬥᬶᬧᬵᬦᬶᬢ᭄ᬬᬲᬸᬫᬸᬮᬸᬳᬶᬂᬪᬹᬫᬶᬓᬂᬦᬶᬣᬶᬰᬲ᭄ᬢ᭄ᬭ᭟᭚ᬅᬤᬶᬢ᭄ᬬᬓᬫᬶᬥᬫ᭄‌ᬰᬲ᭄ᬢ᭄ᬭ᭞ᬦᬭᭀᬚ᭄ᬜᬾᬲᬃᬯ᭄ᬯᬢᬢ᭄ᬯᬵᬢᬄ᭟ᬥᬃᬫ᭄ᬫᭀᬧᬤᬾᬰᬯᬶᬦᬬᬾᬄ᭞ᬓᬃᬬ᭄ᬬᬓᬃᬬ᭄ᬬᬰᬸᬪᬫ᭄‌ᬰᬸᬪᬫ᭄᭟ᬇᬢᬶᬰ ᬲ᭄ᬢ᭄ᬭᬢᬸᬗ᭄ᬕᬮ᭄᭞ᬦᬶᬣᬶᬰᬲ᭄ᬢ᭄ᬭᬢᬸᬗ᭄ᬕᬮ᭄᭞ᬦᬶᬢᬶᬦᬬᬵᬓ᭄ᬬᬢᬦ᭄ᬢ᭄ᬭᬯᬓ᭄ᬬ᭞ᬅᬚᬶᬦᬓᬂᬯ᭄ᬯᬂᬯ᭄ᬭᬸᬄᬓᬭᬶᬂᬢᬢ᭄ᬯ᭟ᬦᬶᬃᬬ᭄ᬬᬫᬦᬶᬂᬳᬚᬶ᭞ᬫᬦᬢᬗ᭄ᬕ᭄ᬯᬦᬂᬢ᭄ᬯᬂᬭᬶᬂᬥᬃᬫ᭄ᬫᭀᬧᬤᬾᬰ᭟ᬓᬢᭀᬦᬶᬓᬂᬳᬮᬳᬬᬸ᭞ᬇᬓᬂ ᬕᬯᬬᬓ᭄ᬦᬫ᭄ᬯᬂᬢᬦ᭄ᬕᬯᬬᬓ᭄ᬦᬵ᭟ᬓᬸᬦᬂᬧᬹᬃᬯ᭄ᬯᬓᬰ᭄ᬭᬷᬐᬰ᭄ᬯᬃᬬ᭄ᬬᬨᬮ᭞ᬫᬳ᭄ᬬᬸᬦᬶᬯᬶᬯᬳᬓᬃᬬ᭄ᬬᬳᬦᬾᬓᬫᬦ᭄ᬢ᭄ᬭᬶᬧᬹᬚᬧᬃᬬ᭄ᬬᬗ᭄ᬓᬾ᭞ᬭᬶᬳᬸᬯᬸᬲᬶᬭᬧᬶᬦᬹᬚᬵᬤᬾᬦᬶᬂᬅᬦᬾᬓᬵᬫᬦ᭄ᬢ᭄ᬭᬶ᭞ᬫᬦ᭄ᬢᬸᬓ᭄ᬢᬲᬶᬭᬭᬶᬂ ᬳᬦ᭄ᬢᬄᬧᬹᬭᬶ᭞ᬭᬶᬂᬏᬓᬲ᭄ᬣᬦ᭟ᬫᬸᬗ᭄ᬕᬄᬭᬶᬂᬰᬹᬦ᭄ᬬᬳᬸᬗ᭄ᬕ᭄ᬯᬦ᭄ᬬᬫᬭᬸᬳᬹᬃ᭟ᬓᬢᬶᬗ᭄ᬳᬮᬦ᭄ᬢᬂᬲᬪᬵᬭᬶᬂᬭᬵᬚ᭄ᬬᬤᬾᬦᬶᬭ᭞ᬫᭀᬖᬢᬳᬦᬲᬸᬤ᭄ᬭᬵᬯᬶᬯᬳᬵ᭟ᬬᬢᬓᬃᬬ᭄ᬬᬬᬭᬫ᭄ᬬᬲᭀᬧᬘᬭᬦ᭄ᬬᬳ

Auto-transliteration

[4 4B] 4 lwir̀panguptitilottamāsuprabhāsumarambaḥ. mangkanarūpaningstrikapasukmunggwingjrorājyanira. mangkananghanagrāhā, lumraḥlwir̀war̀syāśwethācatracamarāgra. payungputiḥ, purohita rājya, mantriśenapatinirasayutamwangratumwangjurūmwangmantri. tkāgrakarahunsangrājapūrohitannira, parajanasamuhā // pariceṭitaḥ. akweḥikangparajanangkana, ai‐ śwar̀yyaphalawiṣmayā. kapuhantuminghalsangprabhūwir̀yya, ānsakālabhāwanacakrawar̀tyabhiśekā. nityapinūjadesangkālajanamĕringbhawana. ajñasukaphala, ajñā siddhisirā, asingkinonirasiddhi. marabyakanyasurū, nityapawiwahā. tantrakathanasangtantri. mijilnithiśastrawnangmudhanyamanaḥlalam, tumatasakĕnmanaḥbu [5 5A] ddhyapunggung. kadidhipānityasumuluhingbhūmikangnithiśastra. // adityakamidhamśastra, narojñesar̀wwatatwātaḥ. dhar̀mmopadeśawinayeḥ, kar̀yyakar̀yyaśubhamśubham. itiśa stratunggal, nithiśastratunggal, nitinayākyatantrawakya, ajinakangwwangwruḥkaringtatwa. nir̀yyamaninghaji, manatanggwanangtwangringdhar̀mmopadeśa. katonikanghalahayu, ikang gawayaknamwangtan'gawayaknā. kunangpūr̀wwakaśrī'aiśwar̀yyaphala, mahyuniwiwahakar̀yyahanekamantripūjapar̀yyangke, rihuwusirapinūjādeninganekāmantri, mantuktasiraring hantaḥpūri, ringekasthana. munggaḥringśūnyahunggwanyamaruhūr̀. katinghalantangsabhāringrājyadenira, moghatahanasudrāwiwahā. yatakar̀yyayaramyasopacaranyaha

Leaf 5

Image on Archive.org

[᭕ 5B] ᭕ ᬍᬧ᭄᭞ᬇᬦᬶᬭᬶᬤᬾᬦᬶᬂᬲᬓᬸᬮᬯᬃᬕ᭄ᬕᬦ᭄ᬬ᭟ᬲᭂᬓᬶᬓᬂᬢᬸᬫᬶᬗᬮ᭄᭟ᬧᬥᬕᬃᬚ᭄ᬚᬶᬢᬵᬕᬶᬭᬂᬕᬶᬭᬳ᭄ᬬᬲᭂᬦ᭄᭞ᬭᬕᬭᬕᬦᬶᬓᬶᬢ᭄ᬯᬂᬚᬮ᭄ᬯᬷᬲ᭄ᬢ᭄ᬭᬶ᭞ᬢᬸᬫ᭄ᬯᬦᬶᬂᬧᬯᬶᬯᬳᬦ᭄ᬬ᭟ᬢᬂᬯ᭄ᬯᬂᬭᬶᬂᬚ᭄ᬭᭀᬭᬶᬂᬫᬗᬺᬗ᭄ᬳᭃᬯᬺᬢ᭄ᬢᬦ᭄ᬬ᭟ ᬳᬃᬱᬫᬗᬸᬘᬧ᭄‌ᬳᬸᬘᬧ᭄‌ᬲᬺᬗ᭄ᬕᬭᬵ᭞ᬫᬢᬓ᭄ᬯᬦ᭄ᬢᬓ᭄ᬯᬦ᭄᭞ᬓᬋᬗᭃᬤᬾᬰ᭄ᬭᬷᬐᬰ᭄ᬯᬃᬬ᭄ᬬᬨᬮ᭞ᬯ᭄ᬭᬸᬄᬢᬲᬶᬭᬬᬦ᭄ᬢᬦ᭄ᬳᬦᬮ᭄ᬯᬶᬄᬲᬓᬦᬶᬭᬵᬢ᭄᭞ᬮ᭄ᬬᬦ᭄‌ᬲᬓᬾᬂᬯᬶᬯᬳᬵᬓᬃᬬ᭄ᬬ᭟ᬭᬶᬂᬳᬾᬜ᭄ᬚᬶᬂᬫᬭᬢᬬᬵ᭞ᬳᬶᬦᬸᬦ᭄ᬤᬂ᭠ ᬦᬶᬭᬢᬭᬵᬦ᭄ᬭ᭄ᬬᬦᬵᬧᬢᬶᬄᬩᬡ᭄ᬥᬾᬰ᭄ᬯᬃᬬ᭄ᬬ᭟ᬥᬢᬂᬫᬦᭂᬫ᭄ᬩᬄᬭᬶᬧᬤᬸᬓᬵᬰ᭄ᬭᬶᬐᬰ᭄ᬯᬃᬬ᭄ᬬᬨᬮᬵᬮᬶᬂᬦᬶᬭ᭞ᬏᬓᬶᬢᬧᬭᬢᬡ᭄ᬥᬵ᭞ᬧᬭᬵᬫᬦ᭄ᬢ᭄ᬭᬶ᭞ᬫᬓᬵᬥᬶᬭᬓ᭄ᬭ᭄ᬬᬧᬢᬶᬄᬩᬡ᭄ᬥᬾᬰ᭄ᬯᬃᬬ᭄ᬬ᭞ᬦᬶᬫᬶᬢᬦᬶᬂᬗ᭄ᬳᬸᬮᬸᬦ᭄‌ᬦᬸᬫᬸᬦ᭄ᬥᬸᬗᬶᬭᬶ ᬓᬶᬢᬵ᭞ᬳᬫᬸᬗ᭄ᬲ᭄ᬬᬗ᭄ᬳᬸᬮᬸᬦ᭄‌ᬓᬧᬭᬶᬲᬸᬓᬵᬭᬶᬂᬲᬃᬯ᭄ᬯᬪᭀᬕᬵ᭟ᬤᬾᬦ᭄ᬢᬓᬩᬾᬄᬦ᭄ᬤᬦ᭄ᬧᬥᬮᬯᬦ᭄ᬲᬫᬦ᭄ᬬᬂᬚᬦ᭄ᬫᬵ᭞ᬫᬵᬫᬗᬦ᭄‌ᬲᭂᬓᬸᬮ᭄‌ᬫ᭄ᬯᬂᬫᬢ᭄ᬱ᭄ᬬ᭟ᬫᬧᬵᬳᬸᬮᬳᬦᬶᬂᬳᬸᬮᬸᬦ᭄‌ᬫ᭄ᬯᬂᬲᬸᬓᬵᬧᬭᬶᬫᬶᬢᬵ᭟ᬫᬗ᭄ᬓ [᭖ 6A] ᬗ᭄ᬓᬦᬲᬸᬓᬦᬶᬂᬳᬶᬦ᭄ᬤ᭄ᬭᬶᬬ᭞ᬳᬃᬱᬦᬶᬂᬯ᭄ᬯᬂᬢᬸᬫᭀᬦ᭄ᬧᬸᬓᬦᬶᬂᬳᬸᬮᬸᬦ᭄‌ᬮ᭄ᬯᬶᬳᬲᬗ᭄ᬓᬾᬲᬫᬦ᭄ᬬᬚᬦ᭄ᬫᬵ᭟ᬇᬓᬢᬢᬦ᭄ᬳᬦᬗᬶᬧᬶᬓᬶᬧᬶᬓ᭄‌ᬳᬶᬗ᭄ᬳᬸᬮᬸᬦ᭄᭞ᬫᬦᬸᬯᬸᬓᬦᬲᬸᬓᬦᬶᬂᬇᬦ᭄ᬤ᭄ᬭᬶᬬᬵ᭟ᬫᬓᬵᬥᬶᬲᬸᬓᬦᬶᬂᬯᬶᬯᬳᬵᬓᬃᬬ᭄ᬬᬵ᭟ ᬯ᭄ᬬᬓ᭄ᬢᬶᬦ᭄ᬬᬢᬦ᭄ᬬᬢᬦ᭄ᬳᬦᬮ᭄ᬯᬶᬄᬓᬤᬶᬯᬶᬯᬳᬓᬃᬬ᭄ᬬ᭞ᬯᬶᬗᬶᬫᬭᬬᬢᬵ᭟ᬳᬦᬲᬸᬓᬦᬶᬂᬲᬸᬤ᭄ᬭᬵᬯᬶᬯᬳᬵ᭞ᬅ᭠ᬢ᭄ᬬᬦ᭄ᬢᬲᬸᬓᬦᬶᬂᬭᬶᬬᬵ᭟ᬮᬾᬦᬲᬓᬾᬗᬹᬦᬶᬗᬹᬦᬶᬫᬦ᭄ᬢ᭄ᬭᬶ᭞ᬫᬓᬤᬶᬧ᭄ᬭᬪᬹᬢᬶᬓᬂᬫᬓᬃᬬ᭄ᬬᬯᬶᬯᬳᬵ᭞ᬦᬶᬬᬢᬵᬕᭃᬂ᭠ ᬲᬸᬓᬦᬶᬂᬧᬭ᭞ᬅᬧᬦ᭄ᬭᬓ᭄ᬯᬥᬃᬫ᭄ᬫᬗᬲᬸᬂᬧᬭᬳᬶᬢᬵ᭟ᬓᬮᬶᬗᬦ᭄ᬬ᭞ᬫᬫᬶᬫᬳ᭄ᬬᬸᬦ᭄‌ᬭᬶᬂᬯᬶᬯᬳᬓᬃᬬ᭄ᬬᬫᬫᬸᬓ᭄ᬢ᭄ᬬᬲᬸᬓᬦ᭄ᬬᬲᬸᬭᬹᬧᬬᭀᬯᬦᬵᬦᬗ᭄ᬓᭂᬦ᭄ᬦᬶᬢ᭄ᬬᬓᬵᬮ᭟ᬫᬓᬃᬬ᭄ᬬᬲᬓᬦᬶᬂᬧᬭᬵ᭞ᬫ᭄ᬯᬂᬲᬸᬓᬦᬶᬂᬲ᭄ᬯᬰᬭᬶᬭ ᬦᬶᬗ᭄ᬳᬸᬮᬸᬦ᭄᭞ᬫᬦᬯᬸᬓᬓ᭄ᬦᬂᬧᬜ᭄ᬘᬾᬦ᭄ᬤ᭄ᬭᬶᬬᬵ᭟ᬳᬶᬭᬾᬄᬳᬶᬗ᭄ᬳᬸᬮᬸᬦ᭄‌ᬲ᭄ᬥᭂᬂᬬᭀᬯᬦ᭟ᬲᬶᬤ᭄ᬟᬵᬓ᭄ᬦᬤᬾᬦ᭄ᬢᬓᬩᬾᬄ᭟ᬬᬾᬓᬶᬯ᭄ᬬᬓ᭄ᬢᬶᬦᬶᬂᬅᬚ᭄ᬜᬲᬶᬤ᭄ᬥᬶ᭞ᬇᬓᬵᬢᬓᬤᬶᬦ᭄ᬬᬦᬶᬗ᭄ᬳᬸᬮᬸᬦ᭄‌ᬲᬓᬶᬂᬲᬫᬦ᭄ᬬᬵᬚᬦ᭄ᬫᬵ᭟ᬫᬦᭂ

Auto-transliteration

[5 5B] 5 l̥ĕp, inirideningsakulawar̀gganya. sĕkikangtumingal. padhagar̀jjitāgiranggirahyasĕn, ragaraganikitwangjalwīstri, tumwaningpawiwahanya. tangwwangringjroringmangr̥ĕnghöwr̥ĕttanya. har̀ṣamangucap'hucapsr̥ĕnggarā, matakwantakwan, kar̥ĕngödeśrī'aiśwar̀yyaphala, wruḥtasirayantanhanalwiḥsakanirāt, lyansakengwiwahākar̀yya. ringheñjingmaratayā, hinundang‐ niratarānryanāpatiḥbaṇdheśwar̀yya. dhatangmanĕmbaḥripadukāśri'aiśwar̀yyaphalālingnira, ekitaparataṇdhā, parāmantri, makādhirakryapatiḥbaṇdheśwar̀yya, nimitaningnghulunnumundhungiri kitā, hamungsyanghulunkaparisukāringsar̀wwabhogā. dentakabeḥndanpadhalawansamanyangjanmā, māmangansĕkulmwangmatṣya. mapāhulahaninghulunmwangsukāparimitā. mangka [6 6A] ngkanasukaninghindriya, har̀ṣaningwwangtumonpukaninghulunlwihasangkesamanyajanmā. ikatatanhanangipikipik'hinghulun, manuwukanasukaningindriyā. makādhisukaningwiwahākar̀yyā. wyaktinyatanyatanhanalwiḥkadiwiwahakar̀yya, wingimarayatā. hanasukaningsudrāwiwahā, a‐tyantasukaningriyā. lenasakengūningūnimantri, makadiprabhūtikangmakar̀yyawiwahā, niyatāgöng‐ sukaningpara, apanrakwadhar̀mmangasungparahitā. kalinganya, mamimahyunringwiwahakar̀yyamamuktyasukanyasurūpayowanānangkĕnnityakāla. makar̀yyasakaningparā, mwangsukaningswaśarira ninghulun, manawukaknangpañcendriyā. hireḥhinghulunsdhĕngyowana. sidḍāknadentakabeḥ. yekiwyaktiningajñasiddhi, ikātakadinyaninghulunsakingsamanyājanmā. manĕ

Leaf 6

Image on Archive.org

[᭖ 6B] ᭖ ᬫ᭄ᬯᬨᬮᬦᬶᬂᬯᬶᬰᬾᬱᬦᬵᬣ᭞ᬫ᭄ᬯᬂᬓᬢᭀᬦᬦᬶᬂᬓᬰᬓ᭄ᬢᬶᬦᬶᬂᬫᬦ᭄ᬢ᭄ᬭᬶᬲᬸᬫᬶᬤ᭄ᬥᬵᬓ᭄ᬦᬓᬃᬬ᭄ᬬᬦᬶᬗ᭄ᬳᬸᬮᬸᬦ᭄᭟ᬫᬗ᭄ᬓᬦᬳᬚ᭄ᬜᬵᬰ᭄ᬭᬶᬐᬰ᭄ᬯᬃᬬ᭄ᬬᬨᬮ᭟ᬲᬸᬫᬳᬸᬃᬭᬓ᭄ᬭ᭄ᬬᬦᬧᬢᬶᬄᬦᬶᬢᬶᬩᬡ᭄ᬥᬾᬰ᭄ᬯᬃᬬ᭄ᬬ᭟ᬲᬚ᭄ᬜᬵᬰ᭄ᬭᬶᬫᬳᬵᬭᬵᬚ᭞ᬢᬦᬸᬧ᭠ ᬗ᭄ᬲᬬᬵᬰ᭄ᬭᬷᬧᬤᬸᬓᬵᬫᬳᬵᬭᬵᬚ᭞ᬭᬶᬕᬢᬶᬦᬶᬂᬧᬵᬝᬶᬓ᭄ᬧᬭᬫᬾᬰ᭄ᬯᬭᬵ᭞ᬳᬸᬫᬢᬹᬭᬓ᭄ᬦᬂᬲᬬᭀᬕ᭄ᬬᬦᬶᬓᬂᬲ᭄ᬢ᭄ᬭᬷᬓᬦ᭄ᬬᬵᬓᬳᬢᬹᬭᬭᬶᬧᬤᬸᬓᬵᬰ᭄ᬭᬶᬫᬳᬵᬭᬵᬚ᭟ᬫᬫᬶᬮᬶᬳᬵᬇᬭᬶᬓᬵᬓᬮᬶᬄ᭞ᬦ᭄ᬤᬦ᭄ᬧᬗᬺᬗᭃᬧᬝᬶᬓ᭄ᬳᬚᬶ ᬭᬶᬇᬢᬶᬳᬲᬵᬧᬹᬭᬡᬵᬭᬹᬧᬵᬲᬸᬤ᭄ᬭᬵᬦᬲ᭄ᬢ᭄ᬬᬦ᭄ᬢ᭄ᬬ᭞ᬯᬯᬳᬾᬓᭀᬧᬮᬶᬧ᭄ᬬᬵ᭞ᬢᭀᬭᬡᬵᬭᬢ᭄ᬯᬫᬾᬥᬶ᭞ᬦᬶᬧᬭᬶᬭᬵᬓ᭄ᬱᬡ᭟ᬲᬂᬧ᭄ᬭᬪᬹᬬᬦ᭄ᬲᬶᬭᬲᬸᬫᬶᬗᬶᬢ᭄ᬭᬶᬯᬶᬱᬬᬵ᭞ᬢᬦ᭄ᬬᭀᬕ᭄ᬬ᭞ᬫ᭄ᬯᬂᬭᬶᬂᬳᬶᬲ᭄ᬢ᭄ᬭᬶᬯᬶᬱᬬᬵ᭟ᬦᬶᬬᬢ ᬓᬵᬓᬧᬺᬫ᭄‌ᬲᬶᬭᬬᬦ᭄ᬫᬗ᭄ᬓᬦ᭟ᬓᬸᬦᬂᬇᬓᬂᬳᬸᬮᬳᬓ᭄ᬦᬦᬶᬭᬵ᭞ᬓᬸᬫᬶᬗ᭄ᬓᬶᬦᬲᬶᬭᬓᬧᬢ᭄ᬬᬦᬶᬂᬫᬸᬲᬸᬄᬦᬶᬭᬵᬧᬭᬧ᭄ᬭᬪᬹᬭᬶᬂᬢ᭄ᬗᬄᬦᬶᬂᬧᬮᬕᬦ᭄᭟ᬇᬭᬶᬓᬵᬢᬲᬶᬭᬧᬕᭂᬄᬓᬭᬢᬸᬦᬶᬭᬭᬶᬂᬭᬵᬚ᭄ᬬ᭟᭚ᬓᬵᬮᬢ᭄ᬭᬯᬦ᭄ᬢ [᭗ 7A] ᬫᬵᬢ᭄ᬫᬦ᭞ᬧᬥᬦᬾᬤᬾᬫᬳᬵᬢ᭄ᬬᬧᬶ᭞ᬢᬬᬫ᭄ᬦᬾᬫᬦᬲ᭄ᬯᬶᬦᬶᬬᬵ᭞ᬮᬓ᭄ᬱ᭄ᬬᬯᬯᬲᬸᬤ᭄ᬥᬥᬶᬧᬄ᭟ᬗᬹᬦᬶᬭᬶᬂᬳᬢᬶᬢᬵᬓᬵᬮ᭞ᬲᬶᬭᬢᬸᬳᬢᬸᬰ᭄ᬭᬶᬧᬭᬫᬾᬰ᭄ᬯᬭᬇᬓ᭄ᬱ᭄ᬯᬓᬸᬯᬗ᭄ᬰᬵ᭞ᬢᬸᬗ᭄ᬕᬮ᭄ᬢᬸᬗ᭄ᬕᬮ᭄ᬚᬸᬕᬵᬲᬶᬭᬧ᭄ᬭᬪᬹ᭞ᬢ ᬧᬶᬢ᭄ᬯᬶᬫᬓ᭄ᬯᬾᬄᬚᬸᬕᬵᬧᬲ᭄ᬢ᭄ᬭᬶᬦᬶᬭᬰ᭄ᬭᬷᬦ᭄ᬤᬾᬯᬶᬫ᭄ᬯᬂᬲᬸᬤᬾᬯᬶᬭᬶᬦᬓ᭄ᬱᬦᬶᬭᬵ᭞ᬓᬭᬓ᭄ᬱᬲᬶᬭᬓᬩᬾᬄ᭟ᬫᬗ᭄ᬓᬦᬮᬶᬂᬦᬶᬂᬭᬓ᭄ᬭᬶᬬᬦᬧᬢᬶᬄ᭟ᬫᬯᬸᬯᬸᬲ᭄‌ᬢᬰ᭄ᬭᬶᬫᬳᬵᬭᬵᬚ᭟ᬅᬉᬫ᭄‌ᬅᬉᬫ᭄‌ᬭᬓ᭄ᬭ᭄ᬬᬦ᭄ᬧᬢᬶᬄ᭞ᬯ᭄ᬭᬸᬄᬗ᭄ᬳᬸᬮᬸᬦ᭄ ᬲᬗ᭄ᬰᬬᬦ᭄ᬢᬓᬩᬾᬄ᭞ᬫ᭄ᬯᬂᬭᬱᬗ᭄ᬳ᭄ᬬᬂᬅᬕᬫᬵ᭞ᬳᬦᬢᬫ᭄ᬯᬄᬓᬋᬗᭃᬭᬶᬰᬲ᭄ᬢ᭄ᬭᬇᬢᬶᬅᬲᬵ᭟᭚ᬯᬶᬯᬳᬫ᭄ᬧᬃᬯ᭄ᬯᬣᬶᬰᬰ᭄ᬘᬵ᭞ᬰᬬᬦᬾᬰ᭄ᬭᬷᬥᬭᭀᬤᬯᬾᬢ᭄᭟ᬪᬝᬭᬧᬭᬫᬾᬰ᭄ᬯᬭᬫ᭄ᬯᬂᬪᬝᬭᬶᬉᬫᬵ᭞ᬲᬶᬭᬢᬫᬸᬗ᭄ᬕᬸᬄ ᬗ᭄ᬓᬵᬭᬶᬓᬵᬮᬦᬶᬯᬶᬯᬳᬵ᭟ᬪᬝᬭᬯᬶᬱ᭄ᬡᬸᬫ᭄ᬯᬂᬪᬝᬭᬶᬰ᭄ᬭᬷ᭞ᬲᬶᬭᬫᬸᬗ᭄ᬕ᭄ᬯᬶᬂᬧᬫᬺᬫᬦ᭄᭞ᬭᬶᬫᬯᬶᬯᬳᬵ᭟ᬫᬗ᭄ᬓᬦᬨᬮᬦᬶᬓᬃᬬ᭄ᬬᬯᬶᬯᬳᬵᬫᬫᬹᬚᬭᬶᬂᬪᬝᬭᬫ᭄ᬯᬂᬪᬝᬭᬶ᭟ᬇᬓᬵᬢᬓᬭᬡᬦᬶᬯᬺᬤ᭄ᬥ᭄ᬬᬲᬃᬯ᭄ᬯᬢᬸᬫᬸᬯᬸᬄ

Auto-transliteration

[6 6B] 6 mwaphalaningwiśeṣanātha, mwangkatonaningkaśaktiningmantrisumiddhāknakar̀yyaninghulun. mangkanahajñāśri'aiśwar̀yyaphala. sumahur̀rakryanapatiḥnitibaṇdheśwar̀yya. sajñāśrimahārāja, tanupa‐ ngsayāśrīpadukāmahārāja, rigatiningpāṭikparameśwarā, humatūraknangsayogyanikangstrīkanyākahatūraripadukāśrimahārāja. mamilihā'irikākaliḥ, ndanpangr̥ĕngöpaṭik'haji ri'itihasāpūraṇārūpāsudrānastyantya, wawahekopalipyā, toraṇāratwamedhi, niparirākṣaṇa. sangprabhūyansirasumingitriwiṣayā, tanyogya, mwangringhistriwiṣayā. niyata kākapr̥ĕmsirayanmangkana. kunangikanghulahaknanirā, kumingkinasirakapatyaningmusuḥnirāparaprabhūringtngaḥningpalagan. irikātasirapagĕḥkaratuniraringrājya. // kālatrawanta [7 7A] mātmana, padhanedemahātyapi, tayamnemanaswiniyā, lakṣyawawasuddhadhipaḥ. ngūniringhatitākāla, siratuhatuśriparameśwara'ikṣwakuwangśā, tunggaltunggaljugāsiraprabhū, ta pitwimakweḥjugāpastriniraśrīndewimwangsudewirinakṣanirā, karakṣasirakabeḥ. mangkanalingningrakriyanapatiḥ. mawuwustaśrimahārāja. a'uma'umrakryanpatiḥ, wruḥnghulun sangśayantakabeḥ, mwangraṣanghyangagamā, hanatamwaḥkar̥ĕngöriśastra'iti'asā. // wiwahampar̀wwathiśaścā, śayaneśrīdharodawet. bhaṭaraparameśwaramwangbhaṭari'umā, siratamungguḥ ngkārikālaniwiwahā. bhaṭarawiṣṇumwangbhaṭariśrī, siramunggwingpamr̥ĕman, rimawiwahā. mangkanaphalanikar̀yyawiwahāmamūjaringbhaṭaramwangbhaṭari. ikātakaraṇaniwr̥ĕddhyasar̀wwatumuwuḥ

Leaf 7

Image on Archive.org

[᭗ 7B] ᭗ ᬭᬶᬪᬯᬦᬵ᭞ᬫᬕᬯᬾᬓᬮᭀᬓᬨᬮᬦ᭄‌ᬦᬶᬂᬚᬕᬢ᭄᭟ᬇᬓᬢᬦᬶᬫᬶᬢᬦᬶᬗ᭄ᬳᬸᬮᬸᬦ᭄‌ᬫᬳ᭄ᬬᬸᬦᬶᬓᬃᬬ᭄ᬬᬵᬯᬶᬯᬳᬵᬦᬶᬢ᭄ᬬᬓᬵᬮ᭟ᬋᬗ᭄ᬯᬤᬾᬦ᭄ᬢᬓᬩᬾᬄ᭞ᬧᬭᬢᬡ᭄ᬥᬧᬭᬫᬦ᭄ᬢ᭄ᬭᬶ᭟ᬲᬓ᭄ᬯᬾᬄᬢᬵᬯ᭄ᬦᬂᬲᬸᬫᬶᬤ᭄ᬥᬓ᭄ᬦᬬᬚ᭄ᬜᬦᬶᬗ᭄ᬳᬸᬮᬸᬦ᭄᭞ ᬯᬭᬗᭃᬦ᭄‌ᬳᬶᬲ᭄ᬢ᭄ᬭᬶᬭᬵᬢ᭄ᬦᬵ᭞ᬫᬯᬶᬯᬳᬵᬦᬗ᭄ᬓᭂᬦ᭄ᬤᬶᬦᬵ᭟ᬫᬗ᭄ᬓᬦᬮᬶᬂᬰ᭄ᬭᬷᬐᬰ᭄ᬯᬃᬬ᭄ᬬᬨᬮᬵ᭞ᬭᬶᬂᬢᬡ᭄ᬥᬫᬦ᭄ᬢ᭄ᬭᬶᬫᬓᬵᬥᬶᬭᬓ᭄ᬭ᭄ᬬᬦᬧᬢᬶᬄᬦᬶᬢᬶᬩᬡ᭄ᬥᬾᬰ᭄ᬯᬃᬬ᭄ᬬ᭟ᬅᬢᭂᬳᭂᬃᬲᬶᬦᬸᬗᬦ᭄‌ᬳᬦᬸᬕ᭄ᬭᬳᬵᬯᬲ᭄ᬢ᭄ᬭᬓᬜ᭄ᬘᬡᬵᬥᬶᬭᬢ᭄ᬦᬵ᭟ᬅᬢᭂ ᬳᭂᬃᬧᬶᬦᬲᬭᬲᬭᬓᭂᬦ᭄ᬭᬶᬂᬓᬃᬬ᭄ᬬᬯᬶᬯᬳᬵ᭟ᬢᬦ᭄ᬧᭀᬯᬳᬦ᭄‌ᬳᬗ᭄ᬓᭂᬦ᭄ᬤᬶᬦᬓᬵᬮᬳᬸᬫᬢᬹᬭᬓ᭄ᬦᬂᬓᬃᬦ᭄ᬬᬲᬸᬭᬹᬧᬵᬭᬶᬂᬰ᭄ᬭᬶᬫᬳᬵᬭᬵᬚ᭟ᬲᬫᬗ᭄ᬓᬦᬢᭂᬯᭂᬓ᭄‌ᬭᬵᬓ᭄ᬭ᭄ᬬᬦᬵᬧᬢᬶᬄᬦᬶᬢᬶᬩᬡ᭄ᬥᬾᬰ᭄ᬯᬃᬬ᭄ᬬ᭞ᬫᬲᭂᬋᬳᬦ᭄‌ᬳᬸᬫᬵᬢᬹᬭ ᬓᭂᬦᬓᬦ᭄ᬬᬲᬸᬭᬹᬧᬬᭀᬯᬦᬭᬶᬂᬰ᭄ᬭᬶᬫᬳᬵᬭᬵᬚ᭟ᬫ᭄ᬯᬂᬇᬓᬂᬳᬸᬧᬘᬭᬫᬳᬍᬧ᭄᭞ᬲᬚ᭄ᬜᬵᬰ᭄ᬭᬶᬫᬳᬵᬭᬵᬚ᭞ᬲᬳᬗ᭄ᬓᬭᬓᬦᬓᬭᬵᬢ᭄ᬦᬵᬤ᭄ᬥᬶᬫ᭄ᬯᬂᬳᬫ᭄ᬩᬭᬵᬉᬢ᭄ᬢᬫᬵᬲᬗ᭄ᬕ᭄ᬭᬳᬦᬶᬂᬯᬶᬯᬳᬵ᭟ᬓᬃᬬ᭄ᬬᬧᬃᬬ᭄ᬬᬗ᭄ᬓᬰ [᭘ 8A] ᬡᬰ᭄ᬭᬷᬫᬳᬵᬭᬵᬚᬐᬰ᭄ᬯᬃᬬ᭄ᬬᬨᬮ᭟ᬅᬢ᭄ᬬᬦ᭄ᬢᬲᬸᬓᬰ᭄ᬭᬶᬫᬳᬵᬭᬵᬚᬢᬶᬦ᭄ᬓᬦ᭄‌ᬲᬓᬧ᭄ᬢᬶᬦᬶᬭᬵ᭞ᬤᬾᬦᬶᬂᬧ᭄ᬭᬚᬫᬦ᭄ᬢ᭄ᬭᬶ᭞ᬓᬸᬦᬂᬫᬮᬯᬲᬶᬓᬂᬓᬵᬮ᭞ᬢ᭄ᬮᬲᬶᬓᬂᬓᬦ᭄ᬬᬲᬸᬭᬹᬧᬭᬶᬂᬲᬫᬶᬧᬦᬶᬦᬵᬕᬭ᭞ᬇᬓᬂᬓᬳᬢᬹᬃᬭᬶᬂᬰ᭄ᬭᬶᬫᬳᬵ ᬭᬵᬚᬇᬭᬶᬓᬭᬶᬲᬓᬢᭂᬫ᭄ᬩᬾᬦ᭄ᬬᬵ᭞ᬭᬶᬳᬸᬯᬸᬲᬶᬭᬳᬸᬫᬢᬹᬭᬓᭂᬦ᭄ᬯᬶᬯᬳᬵᬭᬶᬲᬂᬦᬵᬣ᭞ᬲᬶᬭᬲᬵᬫ᭄ᬧᬸᬦ᭄ᬫᬦ᭄ᬢᬸᬓᬶᬂᬅᬦ᭄ᬢᬄᬧᬹᬭᬶ᭟ᬫ᭄ᬯᬄᬢᬡ᭄ᬚᬭᬓ᭄ᬭ᭄ᬬᬦ᭄‌ᬫᬦ᭄ᬢ᭄ᬭᬶᬫᬓᬩᬾᬳᬦ᭄᭞ᬫᬓᬵᬥᬶᬲᬂᬦᬶᬢᬶᬩᬡ᭄ᬥᬾᬰ᭄ᬯᬃᬬ᭄ᬬ᭞ᬲᬶᬭᬢᬫ ᬦ᭄ᬢᬸᬦ᭄ᬢᬭᬶᬯᬾᬱ᭄ᬫᬦᬶᬭᬵ᭞ᬢᬦ᭄ᬤᬸᬫᬸᬦᬸᬂᬭᬶᬤᬍᬫ᭄᭞ᬢᬸᬫᬫᬵᬭᬶᬂᬧᬳ᭄ᬬᬰᬦ᭄᭟ᬢᬦ᭄ᬳᬦᬯᬶᬦᬾᬄᬫᬋᬓ᭞ᬇᬓᬂᬓᬧᬋᬓᬾᬂᬥᬗᬹ᭟ᬬᬢᬧᬥᬓᬶᬦᭀᬦᬶᬭᬫᬶᬫ᭄ᬩᬵ᭞ᬓᬭᬶᬢᬲᬶᬭᬧ᭄ᬭᬶᬳᬯᬓ᭄‌ᬫᬫᬺᬫᬶᬂᬫᬳᬭᬶᬲ᭠ ᬓᬧᬢ᭄᭟ᬩᬶᬦ᭄ᬯᬢ᭄ᬭᬯᬶ᭞ᬫᬫ᭄ᬩ᭄ᬬᬦ᭄ᬫᬶᬤᭂᬃᬭᬶᬂᬦᬸᬱᬦᬶᬓᬩ᭄ᬯᬲ᭄ᬭᬯ᭄ᬬᬵ᭞ᬧᬶᬦᬶᬢᬶᬕᬭᬶᬂᬢᬸᬯᬸᬄᬦ᭄ᬬᬲᬸᬕᬡ᭄ᬥᬵ᭞ᬫᬦᭀᬗᬶᬢᬮᬕᬵᬧᬶᬦᬜ᭄ᬘᬸᬭᬦ᭄᭟ᬅᬦᬾᬓᬵᬫᬓᬭᬘᬭᬶᬣᬲ᭄ᬯᬪᬯᬦ᭄ᬬᬤ᭄ᬬᬍᬗ᭄ᬓᬭ᭟ᬉᬓᬶᬭᬦᬦᬶᬪ

Auto-transliteration

[7 7B] 7 ribhawanā, magawekalokaphalanningjagat. ikatanimitaninghulunmahyunikar̀yyāwiwahānityakāla. r̥ĕngwadentakabeḥ, parataṇdhaparamantri. sakweḥtāwnangsumiddhaknayajñaninghulun, warangönhistrirātnā, mawiwahānangkĕndinā. mangkanalingśrī'aiśwar̀yyaphalā, ringtaṇdhamantrimakādhirakryanapatiḥnitibaṇdheśwar̀yya. atĕhĕr̀sinunganhanugrahāwastrakañcaṇādhiratnā. atĕ hĕr̀pinasarasarakĕnringkar̀yyawiwahā. tanpowahanhangkĕndinakālahumatūraknangkar̀nyasurūpāringśrimahārāja. samangkanatĕwĕkrākryanāpatiḥnitibaṇdheśwar̀yya, masĕr̥ĕhanhumātūra kĕnakanyasurūpayowanaringśrimahārāja. mwangikanghupacaramahal̥ĕp, sajñāśrimahārāja, sahangkarakanakarātnāddhimwanghambarā'uttamāsanggrahaningwiwahā. kar̀yyapar̀yyangkaśa [8 8A] ṇaśrīmahārāja'aiśwar̀yyaphala. atyantasukaśrimahārājatinkansakaptinirā, deningprajamantri, kunangmalawasikangkāla, tlasikangkanyasurūparingsamipanināgara, ikangkahatūr̀ringśrimahā rāja'irikarisakatĕmbenyā, rihuwusirahumatūrakĕnwiwahārisangnātha, sirasāmpunmantukingantaḥpūri. mwaḥtaṇjarakryanmantrimakabehan, makādhisangnitibaṇdheśwar̀yya, siratama ntuntariweṣmanirā, tandumunungridal̥ĕm, tumamāringpahyaśan. tanhanawineḥmar̥ĕka, ikangkapar̥ĕkengdhangū. yatapadhakinoniramimbā, karitasiraprihawakmamr̥ĕmingmaharisa‐ kapat. binwatrawi, mambyanmidĕr̀ringnuṣanikabwasrawyā, pinitigaringtuwuḥnyasugaṇdhā, manongitalagāpinañcuran. anekāmakaracarithaswabhawanyadyal̥ĕngkara. ukirananibha

Leaf 8

Image on Archive.org

[᭘ 8B] ᭘ ᬧ᭄ᬭᬵ᭞ᬮᬮᬦᬦᬶᬂᬧᬕᭂᬃᬢᬸᬜ᭄ᬚᬸᬂᬦ᭄ᬬ᭟ᬫ᭄ᬯᬂᬇᬓᬂᬘᬭᬶᬢᬵᬦᬶᬂᬕᬺᬳᬵᬧᬫᬺᬫᬦ᭄ᬭᬓ᭄ᬭ᭄ᬬᬦᬧᬢᬶᬄ᭟ᬫᬮᬸᬧᬵᬢᬲᬶᬭᬫᬫᬺᬫᬶᬭᬶᬓᬵᬮᬸᬫᬶᬧᬹᬭᬓᭂᬦ᭄‌ᬭᬶᬰᭀᬓᬦᬶᬭᬵ᭞ᬓᬢᬸᬃᬯ᭄ᬯᬶᬦ᭄‌ᬓᬢᬸᬦᬦ᭄‌ᬧᬗᬤ᭄ᬯᬵ᭟ᬓᬢᬶᬗ᭄ᬳᬮᬦ᭄ᬧ᭄ᬯᬲᬶᬭᬫᬗ᭄ᬓᬦᬵ᭞ ᬤᬾᬦᬶᬂᬕᬸᬡ᭄ᬥᬶᬓ᭄᭞ᬳᬸᬫᬢᬹᬃᬇᬓᬂᬕᬸᬡ᭄ᬥᬶᬓ᭄‌ᬭᬶᬭᬓ᭄ᬭ᭄ᬬᬦ᭄ᬧᬶᬦᬢᬶᬄᬤ᭄ᬬᬄᬳᬭᬶᬭᬹᬧᬶᬡᬶ᭞ᬭᬶᬳᬸᬮᬢᬶᬂᬭᬓᬦᬶᬭᬵ᭞ᬯ᭄ᬭᬸᬄᬦᬶᬭᬦ᭄‌ᬯᬶᬬᭀᬕᬵᬳᬾᬢᬸ᭞ᬭᬶᬓᬵᬳᬶᬦᬸᬡ᭄ᬥᬂᬦᬶᬭᬢᬶᬓᬵᬦᬓ᭄ᬦᬶᬭᬤ᭄ᬬᬄᬢᬦ᭄ᬢ᭄ᬭᬶ᭞ᬲᬂᬧᬶᬦᬓᬥᬶᬦᬶᬂᬭᬹᬧᬵ᭞ᬗᬹᬦᬶᬯᬾᬄᬭᬶᬂ ᬓᬧ᭄ᬭᬚ᭄ᬜᬦᬦ᭄᭞ᬯ᭄ᬭᬸᬄᬭᬶᬲᬃᬯ᭄ᬯᬰᬲ᭄ᬢ᭄ᬭᬵᬕᬫᬵᬲᬳᬢᬦ᭄ᬢ᭄ᬭ᭞ᬫᬢᬗ᭄ᬬᬦ᭄‌ᬤ᭄ᬬᬄᬢᬦ᭄ᬢ᭄ᬭᬶᬧ᭄ᬭᬓᬰᬶᬢᬭᬶᬂᬮᭀᬓ᭟ᬥᬢᬂᬢᬲᬶᬭᬵᬦᭂᬫ᭄ᬩᬄᬭᬶᬂᬲᬶᬭᬾᬪᬹᬦᬶᬭ᭞ᬅᬉᬫ᭄‌ᬅᬉᬫ᭄‌ᬇᬪᬹᬲᬂᬳ᭄ᬬᬂᬲᬶᬦᭂᬫ᭄ᬩᬄᬢᬂᬅᬚ᭄ᬜᬦᬪᬝᬭᬲᬂᬓᬶᬦᬪᬓ᭄ᬢ᭄ᬬ ᬦᬶᬓᬵᬢᬦᬬᬦ᭄ᬓᬸ᭞ᬉᬤᬸᬄᬦ᭄ᬤᬄᬫᬮᬶᬗ᭄ᬕᬶᬳᬭᬶᬗ᭄ᬓᬾ᭟ᬉᬫ᭄ᬧᬋᬓ᭄ᬳᬶᬪᬹ᭞ᬦ᭄ᬤᬦᬶᬫᬶᬢ᭄ᬢᬦᬶᬂᬗ᭄ᬳᬸᬮᬸᬦ᭄‌ᬲᬸᬫ᭄ᬬᬗᬶᬓᬶᬢᬇᬪᬹ᭞ᬭᬵᬫᬭᬓ᭄ᬭ᭄ᬬᬦ᭄ᬲᬶᬭᬥᬢᬂᬲᬓᬾᬶᬧᬹᬭᬶ᭞ᬤᬸᬫᬸᬦᬸᬂᬢᬲᬶᬭᬭᬶᬂᬏᬓᬲ᭄ᬣᬦ᭞ᬢᬦ᭄ᬳᬦᬫᬋᬓᬲᬶᬭᬵ᭞ᬢᬸ [᭙ 9A] ᬫ᭄ᬯᬗᬶᬯᬶᬗᬶᬢ᭄ᬦᬶᬭᬵ᭞ᬦᬗ᭄ᬓᭂᬦ᭄ᬫᬗ᭄ᬓᬾᬲᬶᬭᬦᬓᬸ᭞ᬳᬫᬺᬫ᭄‌ᬢᬦ᭄ᬧᬮᬸᬧᬸᬢ᭄ᬧᬗᬤ᭄ᬯᬵ᭟ᬯᬾᬢ᭄ᬦᬶᬕᭃᬂᬦᬶᬂᬯᬸᬬᬸᬂᬦᬶᬭᬯᬮᬶᬂᬦᬶᬂᬇᬪᬹᬓ᭄ᬢᬶᬓᬶ᭞ᬫᬳ᭄ᬬᬸᬦ᭄ᬧ᭄ᬯᬓᬧᬋᬓᬵᬲᬶᬭ᭞ᬲᬸᬧ᭄ᬯᬦ᭄ᬢᬦ᭄ᬳᬦᬓᬵᬮᬤᬾᬰᬵ᭟ᬯ᭄ᬥᬶᬦᬶᬂᬗ᭄ᬳᬸᬮᬸᬦ᭄‌ᬲᬸᬕ᭄ᬬᬦ᭄ᬢᬶᬩᬦᬶᬯᬶᬗᬶᬢ᭄ᬦᬶ ᬭᬵ᭞ᬫᬧᬦ᭄ᬫᬄᬓᬲᬶᬄᬢᬵᬢᬾᬡ᭄ᬥᬸᬂᬭᬫᬦ᭄ᬢᬵ᭞ᬓᬢᭀᬦ᭄ᬤᬾᬦᬶᬗ᭄ᬳᬸᬮᬸᬦ᭄᭟᭚ᬅᬓᬭᬾᬗ᭄ᬳᬶᬢᬾᬕᬃᬢ᭄ᬢ᭄ᬬ᭞ᬘᬾᬱ᭄ᬝᬗ᭄ᬕᬵᬪᬱᬦᬾᬦᬘ᭄ᬘᬵ᭞ᬦᬾᬢ᭄ᬭᬯᬓ᭄ᬓ᭄ᬭᬯᬶᬓᬭᬾᬡᬹ᭞ᬕᬺᬳ᭄ᬬᬦ᭄ᬢᬾᬢᬪᬕᬫ᭄‌ᬫᬦᬄ᭟ᬅᬧᬦ᭄ᬭᬓ᭄ᬯᬧᬗᬵᬯ᭄ᬭᬸᬳᬦ᭄ᬢᬵᬩᬸᬤ᭄ᬥᬶᬦᬶᬂ ᬲᬸᬓᬵᬢᬦ᭄ᬲᬸᬓᬵ᭞ᬭᬶᬂᬚ᭄ᬭᭀᬳᬢᬶ᭟ᬧᬶᬦᬓᬵᬯᬶᬓᬭᬦᬶᬂᬳᬯᬬᬯ᭞ᬳᬶᬗ᭄ᬕᬶᬢᬵ᭞ᬘᬾᬱ᭄ᬝ᭞ᬫᬣ᭞ᬫᬸᬓᬵ᭞ᬓᬢᭀᬦ᭄‌ᬢᬗ᭄ᬓᬵᬦᬤᬾᬲᬂᬯ᭄ᬭᬸᬳᬶᬂᬘᬾᬱ᭄ᬝᬓᬭᬵ᭟ᬭᬵᬫᬦ᭄ᬢᬧ᭄ᬯᬫᬗ᭄ᬓᬦ᭟ᬬᬤᬦᬶᬫᬶᬢ᭄ᬢᬦᬶᬂᬗ᭄ᬳᬸᬮᬸᬦᬵᬯ᭄ᬥᬶᬳᬸᬫᬸᬭᬸᬕᬾᬭ᭄ᬬᬵ᭞ ᬅᬧᬦ᭄ᬭᬓ᭄ᬯᬲᬶᬦᬗ᭄ᬕᭂᬄᬳᬦᬓ᭄ᬩᬶᬗᬭᬦ᭄ᬬ᭟᭚ᬅᬪᬃᬬ᭄ᬬᬕ᭄ᬭᬳᬵᬤᬓ᭄ᬱᬵ᭞ᬲᬪᬬ᭄ᬬᬬᬧ᭄ᬭᬶᬬᬫ᭄ᬪᬤᬵ᭞ᬲᬪᬃᬬ᭄ᬬᬧᬢᬶᬩ᭄ᬭᬢ᭄ᬣᬵ᭞ᬲᬪᬂᬬ᭄ᬬᬬᬧᬢᬶᬧ᭄ᬭᬡᬵ᭟ᬩᬶᬲᬫᭀᬫᬄᬳᭀᬫᬄ᭞ᬯ᭄ᬭᬸᬄᬫᭀᬚᬃᬫᬦᬸᬓᬦᬂᬲ᭄ᬯᬫᬶ᭞ᬯ᭄ᬭᬸᬄᬫᬗ᭄ᬭ

Auto-transliteration

[8 8B] 8 prā, lalananingpagĕr̀tuñjungnya. mwangikangcaritāninggr̥ĕhāpamr̥ĕmanrakryanapatiḥ. malupātasiramamr̥ĕmirikālumipūrakĕnriśokanirā, katur̀wwinkatunanpangadwā. katinghalanpwasiramangkanā, deningguṇdhik, humatūr̀ikangguṇdhikrirakryanpinatiḥdyaḥharirūpiṇi, rihulatingrakanirā, wruḥniranwiyogāhetu, rikāhinuṇdhangniratikānakniradyaḥtantri, sangpinakadhiningrūpā, ngūniweḥring kaprajñanan, wruḥrisar̀wwaśastrāgamāsahatantra, matangyandyaḥtantriprakaśitaringloka. dhatangtasirānĕmbaḥringsirebhūnira, a'uma'umibhūsanghyangsinĕmbaḥtangajñanabhaṭarasangkinabhaktya nikātanayanku, uduḥndaḥmalinggiharingke. umpar̥ĕk'hibhū, ndanimittaningnghulunsumyangikita'ibhū, rāmarakryansiradhatangsakeipūri, dumunungtasiraringekasthana, tanhanamar̥ĕkasirā, tu [9 9A] mwangiwingitnirā, nangkĕnmangkesiranaku, hamr̥ĕmtanpaluputpangadwā. wetnigöngningwuyungnirawalingningibhūktiki, mahyunpwakapar̥ĕkāsira, supwantanhanakāladeśā. wdhiningnghulunsugyantibaniwingitni rā, mapanmaḥkasiḥtāteṇdhungramantā, katondeninghulun. // akarenghitegar̀ttya, ceṣṭanggābhaṣanenaccā, netrawakkrawikareṇū, gr̥ĕhyantetabhagammanaḥ. apanrakwapangāwruhantābuddhining sukātansukā, ringjrohati. pinakāwikaraninghawayawa, hinggitā, ceṣṭa, matha, mukā, katontangkānadesangwruhingceṣṭakarā. rāmantapwamangkana. yadanimittaningnghulunāwdhihumurugeryā, apanrakwasinanggĕḥhanakbingaranya. // abhar̀yyagrahādaksyā, sabhayyayapriyambhadā, sabhar̀yyapatibratthā, sabhangyyayapatipraṇā. bisamomaḥhomaḥ, wruḥmojar̀manukanangswami, wruḥmangra

Leaf 9

Image on Archive.org

[᭙ 9B] ᭙ ᬓ᭄ᬱᬧ᭄ᬭᬡᬦᬶᬂᬲ᭄ᬯᬫᬶ᭞ᬫᬓᬵᬥᬶᬓᬲᬢ᭄ᬬᬦᬶᬂᬫᬮᬓᬶ᭞ᬲᬶᬭᬢᬲᭂᬗ᭄ᬕᬳᭂᬦ᭄‌ᬪᬃᬬ᭄ᬬᬯᬶᬰᬾᬱᬦᬶᬂᬫᬦᬶᬯᬶ᭟ᬬᬢᬶᬓᬦᬶᬫᬶᬢ᭄ᬢᬦᬶᬂᬲ᭄ᬢ᭄ᬭᬷᬓᬶᬦᬬᬢ᭄ᬦᬓ᭄ᬦᬶᬂᬧ᭄ᬭᬶᬬᬵ᭟ᬳᬦᬯ᭄ᬯᬯᬤ᭄ᬯᬦ᭄ᬫᬗ᭄ᬓᬦᬵ᭞ᬢᬦ᭄ᬫᬮᬳᭂᬓ᭄ᬦᬶᬂᬮᬄᬲᬶᬓᬶᬢᬦ᭄ᬳᬶᬦᬸᬮᬳᬓᭂᬦ᭄ᬬᬵ᭞ᬗᬹᬦᬶ ᬗᬹᬦᬶᬫᬲ᭄ᬯᬪᬵᬯᬱᬣᬵ᭟᭚ᬬᬲ᭄ᬬᬪᬃᬬ᭄ᬬᬯᬶᬭᬹᬧᬓ᭄ᬱᬶ᭞ᬓᬱ᭄ᬫᬮᬶᬓᬵᬮᬳᬵᬧ᭄ᬭᬶᬬᬵ᭞ᬉᬢ᭄ᬢᬭᬢᬭᭀᬯᬥᬦᬫ᭄᭞ᬲᬚᬭᬤ᭄ᬯᬾᬱᬢᬂᬮᬦ᭟ᬯᬤ᭄ᬯᬯᬤ᭄ᬯᬦ᭄‌ᬳᬳᬮᬵᬭᬹᬧᬦ᭄ᬬᬯᬶᬦᬹᬮᬢᬦ᭄᭞ᬢᬦ᭄ᬩᬺᬲᬶᬳᬦ᭄᭞ᬦᬶᬢ᭄ᬬᬧᬋᬩᬸᬢᬸᬚᬃᬫ ᬯᬶᬥᬶᬂᬯᬶᬥᬶᬗᬦ᭄‌ᬓᬶᬦᬾᬮᬶᬓᬦ᭄‌ᬤᬾᬦᬶᬂᬲ᭄ᬯᬫᬶᬭᬾᬄᬦ᭄ᬬᬓᬢᬶᬩᬦᬦ᭄‌ᬚᬭᬵ᭞ᬬᬢᬂᬭᬓ᭄ᬯᬲᬥᬦᬦᬶᬂᬫᬢᬶᬮᬭᬶᬭᬶᬬᬵ᭟ᬕᬢᬶᬦᬶᬂᬲ᭄ᬢ᭄ᬭᬶᬤᬾᬦᬶᬂᬚᬮᬸ᭞ᬯ᭄ᬦᬂᬮᬸᬗ᭄ᬳᬵᬯ᭄ᬦᬂᬚ᭄ᬦᭂᬓ᭄᭞ᬤᬾᬦ᭄ᬤᭀᬳᬵᬫ᭄ᬯᬂᬢ᭄ᬯᬵ᭞ᬫᬓᬢᭀᬳᬕᬸᬡ᭞ ᬧᬾᬦ᭄ᬤᬄᬦ᭄ᬬᬲᬓᬶᬂᬧᬸᬢ᭄ᬭᬵ᭟ᬦᬱ᭄ᬝᬶᬯᬶᬥ᭄ᬬᬲᬫᬫᬶᬢ᭄ᬭᬵ᭞ᬦᬲᬓᭀᬧᬲᬫᬵᬭᬶᬧᬹ᭞ᬦᬱ᭄ᬝ᭄ᬬᬧᬢ᭄ᬬᬲᬫᬲ᭄ᬦᬾᬬᬵ᭞ᬦᬦᬱ᭄ᬝᬶᬤᬾᬯᬜ᭄ᬘᬭᬫ᭄‌ᬪᬮᬫ᭄᭟ᬦᭀᬭᬫᬶᬢ᭄ᬭᬓᬤᬶᬳᬚᬶ᭞ᬦᭀᬭᬫᬸᬲᬸᬄᬓᬤᬶᬕ᭄ᬭᬶᬂ᭞ᬦᭀᬭᬵᬲᬶᬄᬓᬤᬶ [᭑᭐ 10A] ᬳᬦᬓ᭄᭞ᬦᭀᬭᬰᬓ᭄ᬢᬶᬓᬤᬶᬤᬾᬯ᭄ᬯᬵ᭟ᬓᬮᬶᬗᬦ᭄ᬬᬦᬓᬸ᭞ᬦᬶᬫᬶᬢ᭄ᬢᬦᬶᬗ᭄ᬳᬸᬮᬸᬦ᭄‌ᬳᬸᬢᬸᬲ᭄ᬭᬶᬓᬶᬢ᭞ᬥᬢᬗᬭᬶᬬᬬᬄᬢᬵ᭞ᬢᬸᬫᬓ᭄ᬯᬦᬯᬶᬬᭀᬕᬦᬶᬭᬵ᭞ᬢᬦ᭄ᬳᬦᬯ᭄ᬯᬂᬫᬢ᭄ᬭᬦᬶᬂᬯᬸᬬᬸᬂᬯ᭄ᬯᬂᬓᬶᬢᬵ᭞ᬬᬬᬵᬲᬗ᭄ᬓᬦᬶᬂᬮᬶᬧᬹᬭᬤᬸᬄᬓᬶ ᬢᬦᬶᬭᬬᬦ᭄ᬫᬸᬮᬢᬾᬢᬦᬬᬗ᭄ᬓᬸ᭟ᬅᬧᬦ᭄ᬢᬦ᭄ᬳᬦᬲ᭄ᬦᬾᬳᬵᬓᬤᬶᬧᬸᬢ᭄ᬭ᭞ᬭᬱᬭᬱᬦ᭄ᬢᬢ᭄ᬯᬦ᭄᭞ᬅᬬ᭄ᬯᬫᬓᬤᬢ᭄᭞ᬫᬦᬯᬢ᭄ᬮᭂᬩ᭄ᬕᭃᬂᬦᬶᬂᬯᬶᬬᭀᬖᬦᬶᬭ᭞ᬫᬓᬧᬸᬧᬸᬢᬦ᭄ᬭᬶᬂᬦᬶᬭᬵᬓᬵᬦ᭄ᬬᬥᬦᬥᬦᬥᬃᬫ᭄ᬫᬵ᭞ᬥᬃᬫ᭄ᬫᬾᬥ ᬦᬦᬬᬦ᭄ᬰᬶᬯᬾ᭞ᬰᬢ᭄ᬭᬸᬯᬶᬱᬵᬖ᭄ᬦᬶᬭᭀᬕᬾᬲᬸ᭞ᬓᬵᬮᬓ᭄ᬱᬾᬧᬦᬓᬭᬬᬾᬢ᭄᭟ᬇᬓᬂᬭᬭᬲ᭄ᬥᭂᬂᬬᭀᬯᬦ᭞ᬳᬦ᭄ᬦᬾᬓᬬᭀᬕ᭄ᬬᬲᬸᬗᬦ᭄ᬬ᭟ᬫᬗ᭄ᬓᬦᬓᬕᬯᬬᬦᬶᬂᬥᬃᬫ᭄ᬫᬵ᭞ᬫ᭄ᬯᬂᬓᬲᬳᬸᬭᬦᬶᬂᬳᬸᬢᬂ᭟ᬗᬹᬦᬶᬗᬹᬦᬶᬰ ᬢ᭄ᬭᬸᬯᬳᬸᬥᬢᭂᬂᬭᬶᬓᬪ᭄ᬬᬱᬦᬶᬂᬯᬶᬥ᭄ᬬ᭞ᬭᬶᬓᬧᬢ᭄ᬬᬦᬶᬳᬧᬸᬬ᭄᭞ᬫ᭄ᬯᬂᬭᬶᬂᬕ᭄ᬭᬶᬂᬯᬳᬸᬓᬭᬱᬵ᭞ᬢᬦ᭄ᬕᬯᬬᬓ᭄ᬦᬂᬓᬵᬮ᭟ᬇᬓᬢᬓᬩᬾᬄᬢᬦ᭄ᬬᭀᬕ᭄ᬬᬳ᭄ᬮᭂᬫ᭄‌ᬳ᭄ᬮᭂᬫᭂᬦ᭄᭟ᬫᬗ᭄ᬓᬦᬢᬧ᭄ᬭᬶᬳᬢᬶᬦᬶᬂᬬᬬᬄᬢ᭞ᬦᬶᬳᬦᬵᬕ᭄ᬭᬶᬂᬢ᭄ᬫ

Auto-transliteration

[9 9B] 9 kṣapraṇaningswami, makādhikasatyaningmalaki, siratasĕnggahĕnbhar̀yyawiśeṣaningmaniwi. yatikanimittaningstrīkinayatnakningpriyā. hanawwawadwanmangkanā, tanmalahĕkninglaḥsikitanhinulahakĕnyā, ngūni ngūnimaswabhāwaṣathā. // yasyabhar̀yyawirūpaksyi, kaṣmalikālahāpriyā, uttaratarowadhanam, sajaradweṣatanglana. wadwawadwanhahalārūpanyawinūlatan, tanbr̥ĕsihan, nityapar̥ĕbutujar̀ma widhingwidhingankinelikandeningswamireḥnyakatibananjarā, yatangrakwasadhananingmatilaririyā. gatiningstrideningjalu, wnanglunghāwnangjnĕk, dendohāmwangtwā, makatohaguṇa, pendaḥnyasakingputrā. naṣṭiwidhyasamamitrā, nasakopasamāripū, naṣṭyapatyasamasneyā, nanaṣṭidewañcarambhalam. noramitrakadihaji, noramusuḥkadigring, norāsiḥkadi [10 10A] hanak, noraśaktikadidewwā. kalinganyanaku, nimittaninghulunhutusrikita, dhatangariyayaḥtā, tumakwanawiyoganirā, tanhanawwangmatraningwuyungwwangkitā, yayāsangkaninglipūraduḥki tanirayanmulatetanayangku. apantanhanasnehākadiputra, raṣaraṣantatwan, aywamakadat, manawatlĕbgöngningwiyoghanira, makapuputanringnirākānyadhanadhanadhar̀mmā, dhar̀mmedha nanayanśiwe, śatruwisyāghnirogesu, kālaksyepanakarayet. ikangrarasdhĕngyowana, hannekayogyasunganya. mangkanakagawayaningdhar̀mmā, mwangkasahuraninghutang. ngūningūniśa truwahudhatĕngrikabhyaṣaningwidhya, rikapatyanihapuy, mwangringgringwahukarasyā, tan'gawayaknangkāla. ikatakabeḥtanyogyahlĕmhlĕmĕn. mangkanataprihatiningyayaḥta, nihanāgringtma

Leaf 10

Image on Archive.org

[᭑᭐ 10B] ᭑᭐ ᬦ᭄ᬬᬵ᭟ᬬᬢᬦ᭄ᬬᬦ᭄ᬢᬜᬓ᭄ᬦᬫᬸᬮᬦ᭄ᬬᬫ᭄ᬯᬂᬉᬱᬥᬦᬶᬂᬤᬸᬄᬓᬦᬶᬭ᭞᭞ᬫᬗ᭄ᬓᬦᬮᬶᬂᬤ᭄ᬬᬄᬳᬭᬶᬭᬹᬧᬶᬡᬶ᭟ᬲᬸᬫᬳᬹᬃᬤ᭄ᬬᬄᬢᬦ᭄ᬢ᭄ᬭᬶ᭞ᬮᬶᬦᬶᬭ᭟ᬲᬚ᭄ᬜᬵᬲᬗ᭄ᬳᬸᬮᬸᬦ᭄ᬳᬶᬪᬹ᭞ᬢᬦ᭄ᬲᬗ᭄ᬰᬬᬭᬳᬤ᭄ᬬᬦ᭄‌ᬲᬗ᭄ᬳᬸᬮᬸᬦ᭄᭟ᬦ᭄ᬤᬄᬢᬗ᭄ᬳᬵᬢ ᬗ᭄ᬳᬵᬧᬦᭂᬫ᭄ᬩᬄᬭᬦᬓ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬮᬸᬫᬭᬶᬲᬫᬦᭂᬫ᭄ᬩᬳᬇᬭᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬅᬉᬫ᭄‌ᬇᬪᬹ᭟ᬍᬲ᭄ᬮᬸᬗ᭄ᬳᬵᬤ᭄ᬬᬄᬢᬦ᭄ᬢ᭄ᬭᬶ᭟ᬓᬧᬗ᭄ᬕᬶᬄᬲ᭄ᬥᬂᬦ᭄ᬬᬦᬶᬤ᭄ᬭᬦᬶᬤ᭄ᬭᬵᬬᬬᬄᬦᬶᬭᬭᬓ᭄ᬭ᭄ᬬᬦᬵᬧᬢᬶᬄ᭞ᬫᬾᬋ ᬧᬓᭂᬦ᭄ᬤᬸᬳᬸᬦᬶᬂᬢᬭᬶᬧ᭄᭞ᬳᬸᬫᬸᬗ᭄ᬓᬸᬭᬓᭂᬦᬵᬧᬥᬂᬥᬢᬂᬤ᭄ᬬᬄᬢᬦ᭄ᬢ᭄ᬭᬶ᭞ᬫᬗᬥᭂᬕᬶᬂᬤᬕᬦ᭄‌ᬲᬸᬫᬫ᭄ᬩ᭄ᬬᬗᭂᬧᭂᬢᬶᬭᬶᬂᬳᬸᬬᬂᬦᬶᬭᬵ᭟ᬫ᭄ᬮᭂᬲ᭄‌ᬯᬶᬚᬶᬮ᭄ᬦᬶᬂᬲ᭄ᬯᬾᬥᬭᬶᬂᬚᬚᬦᬶᬭᬵ᭞ᬫᬚᬭᬓᭂᬦ᭄‌ᬧᬦᬲ᭄ᬦᬶᬂᬲᬹᬓ᭄ᬱ᭄ᬫᬦᬶᬭᬭᬶᬂ ᬢ᭄ᬯᬲ᭄᭞ᬫᬗ᭄ᬭᬱᬧ᭄ᬯᬢᬶᬲ᭄‌ᬫᬢ᭄ᬭᬵ᭟ᬫᬩᬮᬶᬓ᭄ᬧ᭄ᬯᬲᬶᬭᬵ᭞ᬫᬺᬫᬍᬡ᭄ᬥᬶᬂᬭᬶᬂᬲᬫᬶᬧᬦᬶᬂᬧᬰᬶᬮᬦ᭄‌ᬤ᭄ᬬᬄᬢᬦ᭄ᬢ᭄ᬭᬶ᭟ᬯᬶᬦ᭄ᬥᭂᬮᬦᬶᬭᬢᬵᬚᭃᬂᬦᬶᬭᬵᬫᬦᬶᬭ᭞ᬫᬢᬗᬶᬤᬸᬫ᭄ᬮᬶᬂᬲᬶᬭᬵ᭟ᬢᬸᬫᬶᬗ᭄ᬳᬮ᭄ᬭᬶᬂᬯ᭄ᬓᬦᬶᬭ᭞ᬯᬶᬦᬲ᭄ᬧ [᭑᭑ 11A] ᬥᬓᭂᬦᬶᬭᬵ᭟ᬫᬢᬗ᭄ᬳᬶᬳᬲ᭄ᬫᬸᬕᬤ᭄ᬕᬤᬵ᭞ᬫᬢᬓ᭄ᬯᬦ᭄ᬤᭀᬦᬶᬭᬥᬢᬂ᭞ᬮᬶᬂᬦᬶᬭᬵ᭞ᬉᬥᬹᬄᬇᬩᬸᬫᬲᭀᬯᬾᬓᬶᬢᬵᬥᬢᬂ᭟ᬫᬧᬵᬤᭀᬦ᭄ᬢᬢ᭄ᬯᬦ᭄᭞ᬤᬶᬗᬃᬬ᭄ᬬᬦ᭄ᬢᬦᬬᬦ᭄ᬓᬸᬫᬭᬗ᭄ᬓᬾ᭞ᬫᬗ᭄ᬓᬦᬮᬶᬂᬦᬶᬭ᭞ᬳᬢᭂ ᬳᭂᬃᬫᬸᬲᬧᬲᬹᬃᬬ᭄ᬬᬦᬶᬂᬯ᭄ᬓᬦᬶᬭᬳᬶᬦᬫ᭄ᬩᬸᬂᬯᬸᬦ᭄ᬯᬹᬦᬦᬶᬭᬵ᭟ᬲᬳᬵᬮᬸᬄᬦᬶᬭᬤ᭄ᬭᬯᬬᬦ᭄ᬢᬸᬫᬶᬢᬶᬲ᭄‌ᬳᬶᬂᬧᬮᬶᬫᬶᬲᬦ᭄‌ᬤ᭄ᬬᬄᬢᬦ᭄ᬢ᭄ᬭᬶ᭟ᬦ᭄ᬤᬄᬢᭂᬗᭃᬦ᭄ᬢᬧᬦᭂᬫ᭄ᬩᬄᬭᬦᬓ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬳᬲᬾᬯᬾᬭᬦᬓ᭄ᬭ ᬓ᭄ᬭ᭄ᬬᬦ᭄ᬥᬢᬂ᭞ᬫᬸᬗ᭄ᬕ᭄ᬯᬶᬂᬤᬕᬦ᭄ᬲᬬᬬᬄ᭞ᬓᬸᬦᬂᬤᭀᬦᬶᬂᬫᬋᬓᬶᬂᬚᭃᬂᬬᬬᬄᬲᬗ᭄ᬳᬸᬮᬸᬦ᭄᭞ᬇᬦᬸᬢᬸᬲᬶᬩᬶᬩᬶᬳᬦ᭄ᬢᭂᬦ᭄ᬭᬓ᭄ᬭ᭄ᬬᬦ᭄᭟ᬢᬸᬫᬜᬓᬯᬶᬬᭀᬕᬦᬶᬂᬬᬬᬄᬦᬶᬗ᭄ᬳᬸᬮᬸᬦ᭄᭟ᬇᬪᬹᬫᬳ᭄ᬬᬸᬦ᭄ᬥᬢᭂᬗ᭟ ᬓᬸᬦᬂᬭᬶᬯ᭄ᬥᬶᬦᬶᬭᬫᬸᬭᬸᬕᬵᬯᬸᬬᬸᬂᬲᬂᬬᬬᬄᬦᬶᬗ᭄ᬳᬸᬮᬸᬦ᭄᭞ᬲᬸᬕ᭄ᬬᬦ᭄ᬢᬶᬩᬦᬶᬂᬯᬸᬬᬸᬂᬬᬬᬄᬦᬶᬗ᭄ᬳᬸᬮᬸᬦ᭄᭟ᬦᬶᬫᬶᬢ᭄ᬢᬦᬶᬂᬭᬦᬓ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬢᬸᬫᬓ᭄ᬯᬦᬓᬭᬡᬦᬶᬂᬯᬶᬬᭀᬕᬵ᭟ᬫᬗ᭄ᬓᬦᬮᬶᬂᬤ᭄ᬬᬄᬢᬦ᭄ᬢ᭄ᬭᬶ᭞

Auto-transliteration

[10 10B] 10 nyā. yatanyantañaknamulanyamwanguṣadhaningduḥkanira, , mangkanalingdyaḥharirūpiṇi. sumahūr̀dyaḥtantri, linira. sajñāsanghulunhibhū, tansangśayarahadyansanghulun. ndaḥtanghāta nghāpanĕmbaḥranakrahadyansanghulun, lumarisamanĕmbaha'irarahadyansanghulun, a'umibhū. l̥ĕslunghādyaḥtantri. kapanggiḥsdhangnyanidranidrāyayaḥnirarakryanāpatiḥ, mer̥ĕ pakĕnduhuningtarip, humungkurakĕnāpadhangdhatangdyaḥtantri, mangadhĕgingdagansumambyangĕpĕtiringhuyangnirā. mlĕswijilningswedharingjajanirā, majarakĕnpanasningsūkṣmaniraring twas, mangraṣapwatismatrā. mabalikpwasirā, mr̥ĕmal̥ĕṇdhingringsamipaningpaśilandyaḥtantri. windhĕlaniratājöngnirāmanira, matangidumlingsirā. tuminghalringwkanira, winaspa [11 11A] dhakĕnirā. matanghihasmugadgadā, matakwandoniradhatang, lingnirā, udhūḥibumasowekitādhatang. mapādontatwan, dingar̀yyantanayankumarangke, mangkanalingnira, hatĕ hĕr̀musapasūr̀yyaningwkanirahinambungwunwūnanirā. sahāluḥniradrawayantumitishingpalimisandyaḥtantri. ndaḥtĕngöntapanĕmbaḥranakrahadyansanghulun. haseweranakra kryandhatang, munggwingdagansayayaḥ, kunangdoningmar̥ĕkingjöngyayaḥsanghulun, inutusibibihantĕnrakryan. tumañakawiyoganingyayaḥninghulun. ibhūmahyundhatĕnga. kunangriwdhiniramurugāwuyungsangyayaḥninghulun, sugyantibaningwuyungyayaḥninghulun. nimittaningranakrahadyansanghulun, tumakwanakaraṇaningwiyogā. mangkanalingdyaḥtantri,

Leaf 11

Image on Archive.org

[᭑᭑ 11B] ᭑᭑ ᬲᬸᬫᬳᬹᬃᬭᬓ᭄ᬭ᭄ᬬᬦ᭄ᬧᬢᬶᬄ᭟ᬮᬶᬂᬦᬶᬭᬵ᭞ᬅᬉᬫ᭄‌ᬇᬪᬹ᭞ᬲᬗ᭄ᬳ᭄ᬬᬂᬲᬶᬦᭂᬫ᭄ᬩᬄᬢᬚ᭄ᬜᬦᬪᬝᬭᬓᬶᬦᬪᬓ᭄ᬢ᭄ᬬᬦᬦ᭄ᬢᬵ᭟ᬗ᭄ᬓᬾᬢᬇᬪᬹᬳᬮᬸᬗ᭄ᬕᬸᬄ᭟ᬦ᭄ᬤᬓ᭄ᬢᬚᬃᬭᬶᬂᬯᬶᬬᭀᬕᬦᬶᬗ᭄ᬳᬸᬮᬸᬦ᭄᭟ᬓᬸᬦᬂᬓᬭᬡᬦᬶᬓᬵ᭞ᬳ ᬚ᭄ᬜᬵᬰ᭄ᬭᬶᬫᬳᬵᬭᬵᬚᬫᬶᬦ᭄ᬢᬯᬶᬯᬳᬵᬓᬃᬬ᭄ᬬ᭞ᬇᬓᬂᬓᬦ᭄ᬬᬵᬲᬸᬭᬹᬧᬵᬬᭀᬯᬦᬵᬗ᭄ᬓᭂᬦ᭄‌ᬯ᭄ᬬᬱᬵ᭞ᬳᬸᬯᬸᬲ᭄ᬓᬲᬶᬤ᭄ᬥᬵᬦ᭄ᬤᬾᬦᬶᬗ᭄ᬳᬸᬮᬸᬦ᭄᭟ᬅᬮᬯᬲ᭄ᬧ᭄ᬯᬾᬓᬂᬓᬵᬮ᭞ᬫᬗ᭄ᬓᬾᬢᬳᭂᬦ᭄ᬢᬶᬓᬂᬓᬦ᭄ᬬᬵᬲᬸᬭᬹᬧᬬᭀᬯᬦ᭞ ᬫᬓᬵᬤᭀᬦ᭄‌ᬓᬳᬢᬹᬭᬦᬵᬫ᭄ᬯᬄᬮᬾᬦ᭄ᬓᬳᬢᬹᬭᬲᬓᬢᭂᬫ᭄ᬩᬾᬜ᭄ᬚᬂᬭᬶᬲᬶᬭᬵ᭟ᬇᬓᬵᬢᬓᬲᬗ᭄ᬰᬬᬦᬶᬂᬗ᭄ᬳᬸᬮᬸᬦ᭄᭞ᬓ᭄ᬭᭀᬥᬦᬶᬭᬵᬭᬶᬢᬦ᭄ᬳᬦᬦᬶᬂᬯᬶᬯᬳᬵᬓᬳᬢᬹᬭᬾᬂᬲᬶᬭᬵ᭟᭚ᬦᬦ᭄ᬢᬶᬦᬜ᭄ᬘᬡᬵᬥᬶᬦ ᬜ᭄ᬘ᭞ᬰᬺᬗ᭄ᬕᬶᬦᬵᬫᬱ᭄ᬝ᭄ᬭᬓᬶᬦᬜ᭄ᬘ᭞ᬧᬤᬃᬧ᭄ᬧᬵᬰᭀᬓᭀᬧᬓᬢ᭄ᬣᬯ᭄ᬬᬄ᭞ᬲ᭄ᬢ᭄ᬭᬷᬲᬸᬭᬚᭂᬢᬸᬦ᭄‌ᬫᬾᬢᬸᬪᬵᬫ᭄᭟ᬓᬮᬶᬗ᭄ᬳᬦ᭄ᬬ᭟ᬲᬢ᭄ᬯᬫᬮᬡ᭄ᬥᭂᬧ᭄‌ᬲᬸᬗ᭄ᬳᬸᬦ᭄ᬬ᭞ᬫ᭄ᬯᬂᬓᬸᬓᬸᬦ᭄ᬬ᭞ᬮ᭄ᬯᬄᬫᬤᬺᬲᬵᬤᬍᬫ᭄᭞ᬯ᭄ᬯᬂᬫᬗ᭄ᬕᭂᬕ [᭑᭒ 12A] ᬲᬜ᭄ᬚᬢᬵ᭞ᬯᬯᬤᭀᬦ᭄᭞ᬗᬹᬦᬶᬗᬹᬦᬶᬓᬤᬶᬢᬶᬗ᭄ᬓᬄᬦᬶᬭᬧ᭄ᬭᬪᬹ᭟ᬢᬦ᭄ᬓᬢ᭄ᬦᬂᬯᬶᬲ᭄ᬯᬲᬦ᭄᭟ᬫᬗ᭄ᬓᬦᬓᬵᬗ᭄ᬓᭂᬦ᭄ᬤᬾᬦᬶᬗ᭄ᬳᬸᬮᬸᬦ᭄᭟ᬲᬗ᭄ᬓᬦᬶᬂᬯᬶᬕ᭄ᬭᬳᬦᬶᬭᬥᬢᬂᬦ᭄ᬬᬢᬦᬶᬓᬵ᭞ᬳᬦᬓ᭄‌ᬳᬦᭂᬮᬵᬦᬳᬦᬶᬓᬂᬯᬶᬯᬳᬵ᭟ᬫᬢᬂ ᬦ᭄ᬬᬦ᭄ᬳᬦᬓᬸ᭞ᬧᬳᬮᬯᭂᬦ᭄‌ᬫᬦᬄᬢᭀᬦᬓᬸ᭟ᬯ᭄ᬓᬲᬦ᭄ᬢᬫᬸᬮᬢ᭄ᬳᬶᬗᬸᬮᬸᬦᬶᬪᬹ᭟ᬭᬶᬲᬓᬢᭂᬫ᭄ᬩᬾᬳᬶᬗᬦᬶᬉᬭᬶᬧ᭄ᬓᬸᬇᬪᬹ᭟ᬫᬗ᭄ᬓᬦᬮᬶᬂᬭᬓ᭄ᬭ᭄ᬬᬦᬧᬢᬶᬄ᭟ᬲᬸᬫᬳᬹᬃᬤ᭄ᬬᬄᬢᬦ᭄ᬢ᭄ᬭᬶ᭟ᬲᬚ᭄ᬜᬵᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬓᬧ᭄ᬯ ᬓᬲᬗ᭄ᬰᬬᬵᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬯᬶᬦᬮᬶᬂᬦᬶᬗ᭄ᬳᬸᬮᬸᬦ᭄᭞ᬢᬦ᭄ᬫᬳᬵᬪᬵᬭᬇᬓᬂᬲᬗ᭄ᬰᬬᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬲᬫᬵᬓᭂᬣᬳᬢᬹᬃᬬᬦᬓ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬬᬦ᭄ᬬᭀᬕ᭄ᬬᬋᬗᭃᬦ᭄ᬤᬾᬩᬧᬦᬶᬗ᭄ᬳᬸᬮᬸ ᬦ᭞ᬗᬹᬦᬶᬬᬦ᭄ᬢᬦ᭄ᬬᭀᬕ᭄ᬬᬋᬗ᭄ᬯᬓᭂᬦ᭄᭟ᬦ᭄ᬤᬶᬢᬦᬶᬫᬶᬢ᭄ᬢᬦᬶᬭᬦᬓ‌ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬫᬢᬹᬃᬫᬗ᭄ᬓᬦ᭟ᬫᬓᬵᬳᬾᬢᬸᬫᭀᬳᬶᬢᬦᬶᬗ᭄ᬳᬸᬮᬸᬦ᭄‌ᬢᬸᬫᭀᬦᬶᬂᬤᬸᬄᬓᬵᬧᬥ᭄ᬫᬢᬭᬳᬤ᭄ᬬᬦ᭄‌ᬲᬗ᭄ᬳᬸᬮᬸᬦ᭄᭞ᬦᬶ

Auto-transliteration

[11 11B] 11 sumahūr̀rakryanpatiḥ. lingnirā, a'umibhū, sanghyangsinĕmbaḥtajñanabhaṭarakinabhaktyanantā. ngketa'ibhūhalungguḥ. ndaktajar̀ringwiyoganinghulun. kunangkaraṇanikā, ha jñāśrimahārājamintawiwahākar̀yya, ikangkanyāsurūpāyowanāngkĕnwyasyā, huwuskasiddhāndeninghulun. alawaspwekangkāla, mangketahĕntikangkanyāsurūpayowana, makādonkahatūranāmwaḥlenkahatūrasakatĕmbeñjangrisirā. ikātakasangśayaningnghulun, krodhanirāritanhananingwiwahākahatūrengsirā. // nantinañcaṇādhina ñca, śr̥ĕnggināmaṣṭrakinañca, padar̀ppāśokopakatthawyaḥ, strīsurajĕtunmetubhām. kalinghanya. satwamalaṇdhĕpsunghunya, mwangkukunya, lwaḥmadr̥ĕsādal̥ĕm, wwangmanggĕga [12 12A] sañjatā, wawadon, ngūningūnikaditingkaḥniraprabhū. tankatnangwiswasan. mangkanakāngkĕndeninghulun. sangkaningwigrahaniradhatangnyatanikā, hanak'hanĕlānahanikangwiwahā. matang nyanhanaku, pahalawĕnmanaḥtonaku. wkasantamulat'hingulunibhū. risakatĕmbehingani'uripku'ibhū. mangkanalingrakryanapatiḥ. sumahūr̀dyaḥtantri. sajñārahadyansanghulunkapwa kasangśayārahadyansanghulun. winalingninghulun, tanmahābhāra'ikangsangśayarahadyansanghulun. samākĕthahatūr̀yanakrahadyansanghulun, yanyogyar̥ĕngöndebapaninghulu na, ngūniyantanyogyar̥ĕngwakĕn. nditanimittaniranakarahadyansanghulunmatūr̀mangkana. makāhetumohitaninghuluntumoningduḥkāpadhmatarahadyansanghulun, ni

Leaf 12

Image on Archive.org

[᭑᭒ 12B] ᭑᭒ ᬫᬶᬢ᭄ᬢᬦᬶᬂᬭᬦᬓ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬳᬫᬭᬕᭃᬂᬢᬦ᭄ᬬᭀᬕ᭄ᬬᬋᬗᭃᬦ᭄ᬤᬾᬦᬶᬂᬬᬬᬄᬦᬶᬗ᭄ᬳᬸᬮᬸᬦ᭄᭟ᬬᬦ᭄ᬬᭀᬕ᭄ᬬᬭᬦᬓ᭄‌ᬭᬳᬤ᭄ᬬᬦ᭄‌ᬲᬗ᭄ᬳᬸᬮᬸᬦᬵᬢᬹᬭᬓ᭄ᬦᬭᬶᬲᬓᬢᭂᬫ᭄ᬩᬾ᭟ᬧᬮᬋᬦ᭄ᬭᬶᬥᬢᭂᬗᬦᬶᬂᬓᬥ᭄ᬬᬄᬕᬸᬫᬦᬢᬶᬳᬪᬕ᭄ᬬᬦ᭄ ᬲᬗ᭄ᬓᬦᬶᬂᬫᬦ᭄ᬤᭂᬕᬵᬓᬳ᭄ᬬᬸᬦ᭄‌ᬲᬂᬧ᭄ᬭᬪᬹᬭᬶᬂᬯᬶᬯᬳᬵ᭟ᬮᬮᬦᬦ᭄ᬭᬶᬂᬰᬲ᭄ᬢ᭄ᬭᬯᬓ᭄ᬬ᭞ᬢᬦ᭄ᬢ᭄ᬭᬘᬭᬶᬢᬲᬗ᭄ᬓᬾᬂᬦᬶᬢᬶᬰᬲ᭄ᬢ᭄ᬭᬵ᭟ᬦ᭄ᬤᬄᬨᬮᬋᬦ᭄ᬢᬤᬾᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬬᬬᬄ᭟ᬫᬗ᭄ᬓᬦᬮᬶᬂᬤ᭄ᬬᬄᬢᬦ᭄ᬢ᭄ᬭᬶ᭟ᬲᬸᬫᬳᬸᬃᬭᬓ᭄ᬭ᭄ᬬᬦᬵᬧᬢᬶᬄ᭞ ᬅᬉᬫ᭄‌ᬇᬪᬹ᭞ᬪᬕ᭄ᬬᬢ᭄ᬯᬦ᭄‌ᬭᬶᬲᬸᬓᬦᬶᬢᬦᬬᬗ᭄ᬓᬸ᭞ᬫ᭄ᬯᬂᬓᬶᬦ᭄ᬓᬶᬦᭂᬦ᭄ᬢᬫᬾᬢ᭄‌ᬭᬶᬬᬦ᭄ᬤᭂᬳᬦᬶᬂᬩᬸᬤ᭄ᬥᬶᬰ᭄ᬭᬶᬰ᭄ᬭᬶᬫᬳᬵᬭᬵᬚ᭞ᬳᬅᬲ᭄‌ᬲᬗ᭄ᬓᬾᬂᬰᬲ᭄ᬢ᭄ᬭᬕᬫ᭟ᬬᬾᬓᬶᬲᬓ᭄ᬱᬢ᭄‌ᬫᬓᬵᬢ᭄ᬫᬨᬮᬦᬶᬂᬉᬭᬶᬧ᭄ᬦᬶᬂᬗ᭄ᬳᬸᬮᬸᬦ᭄᭟᭚ᬳ ᬖ᭄ᬦᬶᬳᭀᬢ᭄ᬭᬨᬮᬯᬾᬥᬄ᭞ᬤᬦᬢᬸᬦ᭄ᬢᬶᬨᬮᬡ᭄ᬥᬦᬫ᭄᭞ᬭᬢ᭄ᬭᬶᬧᬸᬢ᭄ᬭᬨᬮᬥᬭᬶ᭞ᬰᬶᬮᬯ᭄ᬭᬢ᭄ᬢᬶᬨᬮᬘᬭᬾᬢ᭄᭟ᬨᬮᬦᬶᬭᬲᬂᬩ᭄ᬭᬵᬳ᭄ᬫᬡᬓᬂᬯ᭄ᬭᬸᬄᬫᬯᬾᬥ᭞ᬫᬓᬤᭀᬦ᭄ᬲᬶᬤ᭄ᬥᬦᬶᬂᬳᬖ᭄ᬦᬶᬳᭀᬢ᭄ᬭ᭞ᬨᬮᬦᬶᬂᬫ [᭑᭓ 13A] ᬯᬾᬥ᭄ᬬ᭞ᬲᬸᬓᬦᬶᬂᬪᬹᬓ᭄ᬢᬶ᭞ᬫ᭄ᬯᬂᬯᬾᬯᬾᬄ᭟ᬨᬮᬦᬶᬫᬭᬩᬶ᭞ᬫᬧᬸᬢ᭄ᬭᬵ᭟ᬨᬮᬦᬶᬂᬫᬗᬚᬶ᭞ᬯ᭄ᬭᬸᬳᬭᬶᬂᬬᭀᬕ᭄ᬬᬵᬬᭀᬕ᭄ᬬ᭞ᬫᬗ᭄ᬭᬓ᭄ᬱᬰᬶᬮᬯᬺᬢ᭄ᬢᬶ᭟ᬫᬗ᭄ᬓᬾᬧ᭄ᬯᬓᬢ᭄ᬫᬸᬨᬮᬦᬶᬗ᭄ᬳᬸᬮᬸᬦ᭄‌ᬫᬢ᭄ᬓᬵ᭟᭚ᬉᬢᬾᬦᬲᬲᬸᬧᬸᬢᬺᬦ᭞ᬯᬶᬥ᭄ᬬ ᬬᬸᬓ᭄ᬢᬾᬦᬭᬸᬫᬾᬦ᭞ᬓᬸᬮᬲᬸᬧᬸᬢ᭄ᬭᬲᬶᬗ᭄ᬳᬾᬦ᭞ᬘᬡ᭄ᬥ᭄ᬭᬤᬾᬯᬧ᭄ᬭᬡᬕᬢᬾ᭟ᬫᬧᬵᬢᬨᬮᬦᬶᬂᬯ᭄ᬓᬵ᭞ᬬᬤ᭄ᬬᬧᬶᬦ᭄ᬫᬯ᭄ᬓᬵᬢᬸᬗ᭄ᬕᬮᬶᬓᬂᬯ᭄ᬯᬂ᭞ᬦ᭄ᬤᬢᬦ᭄ᬲᬶᬦᬗ᭄ᬕᬸᬄᬧᬸᬧᬸᬢ᭄ᬭ᭟ᬯ᭄ᬭᬸᬄᬢᬭᬶᬂᬲᬃᬯ᭄ᬯᬯᬶᬥ᭄ᬬ᭞ᬲᬹᬭᬹᬧᬫᬫᬤᬲᬚ᭄ᬜᬦ᭞ᬲᬸᬫᭀᬓᭂᬦ᭄ᬲᬫ ᬲᬫᬦ᭄ᬬᬚᬦ᭄ᬫᬵ᭟ᬬᬾᬓᬵᬫᬫᬤᬗᬶᬓᬸᬮᬵ᭞ᬓᬤᬶᬯᬸᬮᬦ᭄ᬢᬸᬫᬗ᭄ᬕᬮ᭄‌ᬢᬮ᭄ᬯᬶᬃᬦ᭄ᬬ᭟᭚ᬲᬃᬯ᭄ᬯᬭᬶᬥᬶᬧᬓᬘᬡ᭄ᬥ᭄ᬭ᭞ᬧ᭄ᬭᬪᬵᬓᬤᬶᬫᬓᭀᬭᬢᬶᬄ᭞ᬢ᭄ᬭᬶᬮᭀᬓᬵᬥᬶᬧᬓᭀᬥᬃᬫ᭄ᬫᬄ᭞ᬲᬸᬧᬸᬢ᭄ᬭᬄᬓᬸᬮᬥᬶᬧᬓᬄ᭟ᬭᬶᬂᬯ᭄ᬗᬶᬲᬗ᭄ᬳ᭄ᬬᬂᬯᬸᬮᬦ᭄ᬲᬶ ᬭᬧᬶᬦᬓᬲᬸᬮᬸᬄᬦᬶᬓᬂᬭᬢ᭄᭟ᬬᬦᬶᬂᬤᬶᬦᬓᬵᬮ᭞ᬲᬶᬭᬲᬗ᭄ᬳ᭄ᬬᬂᬅᬤᬶᬢ᭄ᬬᬧᬶᬦᬓᬵᬲᬸᬮᬸᬳᬶᬂᬮᭀᬓ᭟ᬬᬦ᭄ᬭᬶᬂᬢ᭄ᬭᬶᬮᭀᬓᬫᬡ᭄ᬥᬮ᭞ᬥᬃᬫ᭄ᬫᬧᬶᬦᬓᬵᬲᬸᬮᬸᬄ᭟ᬬᬦᬶᬂᬓᬸᬮᬲᬦ᭄ᬢᬦᬧᬸᬢ᭄ᬭᬯᬶᬰᬾᬱᬧᬶᬦᬓᬲᬸᬮᬸᬄ᭟᭚᭠

Auto-transliteration

[12 12B] 12 mittaningranakrahadyansanghulunhamaragöngtanyogyar̥ĕngöndeningyayaḥninghulun. yanyogyaranakrahadyansanghulunātūraknarisakatĕmbe. palar̥ĕnridhatĕnganingkadhyaḥgumanatihabhagyan sangkaningmandĕgākahyunsangprabhūringwiwahā. lalananringśastrawakya, tantracaritasangkengnitiśastrā. ndaḥphalar̥ĕntaderahadyansanghulunyayaḥ. mangkanalingdyaḥtantri. sumahur̀rakryanāpatiḥ, a'umibhū, bhagyatwanrisukanitanayangku, mwangkinkinĕntametriyandĕhaningbuddhiśriśrimahārāja, ha'assangkengśastragama. yekisakṣatmakātmaphalaninguripningnghulun. // ha ghnihotraphalawedhaḥ, danatuntiphalaṇdhanam, ratriputraphaladhari, śilawrattiphalacaret. phalanirasangbrāhmaṇakangwruḥmawedha, makadonsiddhaninghaghnihotra, phalaningma [13 13A] wedhya, sukaningbhūkti, mwangweweḥ. phalanimarabi, maputrā. phalaningmangaji, wruharingyogyāyogya, mangrakṣaśilawr̥ĕtti. mangkepwakatmuphalaninghulunmatkā. // utenasasuputr̥ĕna, widhya yuktenarumena, kulasuputrasinghena, caṇdhradewapraṇagate. mapātaphalaningwkā, yadyapinmawkātunggalikangwwang, ndatansinangguḥpuputra. wruḥtaringsar̀wwawidhya, sūrūpamamadasajñana, sumokĕnsama samanyajanmā. yekāmamadangikulā, kadiwulantumanggaltalwir̀nya. // sar̀wwaridhipakacaṇdhra, prabhākadimakoratiḥ, trilokādhipakodhar̀mmaḥ, suputraḥkuladhipakaḥ. ringwngisanghyangwulansi rapinakasuluḥnikangrat. yaningdinakāla, sirasanghyangadityapinakāsuluhingloka. yanringtrilokamaṇdhala, dhar̀mmapinakāsuluḥ. yaningkulasantanaputrawiśeṣapinakasuluḥ. // ‐

Leaf 13

Image on Archive.org

[᭑᭓ 13B] ᭑᭓ ᬏᬢᬾᬦᬵᬯᬦᬯᬺᬓ᭄ᬱᬦ᭞ᬫᬸᬘᬶᬬᬢᬾᬦᬲᬸᬕᬡ᭄ᬥᬶᬦᬵ᭞ᬯᬘᬶᬢᬦ᭄ᬢᬤᬰᬧᬃᬯ᭄ᬯᬵ᭞ᬲᬸᬧᬸᬢ᭄ᬭᬦᬓᬸᬮᬰ᭄ᬯᬢᬄ᭟ᬳᬦᬳᬮᬲ᭄ᬕᭃᬂ᭞ᬓᬶᬦᬳᬦᬦᬶᬂᬓᬬᬸᬢᬸᬗ᭄ᬕᬮ᭄᭞ᬦ᭄ᬤᬦ᭄ᬲᬸᬕᬡ᭄ᬥᬢᬲ᭄ᬓᬃᬦ᭄ᬬᬵ᭞ᬳᬶᬦᬭᬦᬦᬶᬓᬂᬳᬮᬲ᭄‌ᬓᬶᬦᬳᬦᬦᬶᬂᬲ᭄ᬓᬃᬲᬸᬕ ᬡ᭄ᬥ᭟ᬇᬯᬫᬗ᭄ᬓᬦᬢᬭᬶᬂᬓᬸᬮᬵ᭞ᬭᬶᬳᬦᬦᬶᬂᬲᬸᬧᬸᬢ᭄ᬭᬵ᭟᭚ᬉᬢᬾᬦᬲᬸᬓᬯᬺᬓ᭄ᬱᬾᬦ᭞ᬤᬾᬳ᭄ᬬᬫᬦᬾᬢᬄᬪᬶᬦ᭞ᬤᬬᬓᬾᬢᬤ᭄ᬯᬦᬲᬃᬯ᭄ᬯᬵ᭞ᬓᬸᬤᬸᬢ᭄ᬭᬾᬦᬓᬸᬮᬲ᭄ᬯᬢᬄ᭟ᬳᬮᬲᬵᬕᭃᬂᬓᬶᬦᬳᬦᬦᬶᬂᬓᬬ᭄ᬯᬓᬶᬂᬢᬸᬗ᭄ᬕᬮ᭄᭞ᬢᬶᬦᬸᬦ᭄ᬯᬦ᭄ᬢ ᬬᬕ᭄ᬲᭂᬂᬬᬳᬶᬮᬂᬓᬂᬳᬮᬲ᭄‌ᬓᬩᬾᬄ᭟ᬳᬶᬯᬫᬗ᭄ᬓᬦᬢᬂᬧᬸᬢ᭄ᬭᬵᬲᬶᬦᬗ᭄ᬕᬄᬓᬸᬧᬸᬢ᭄ᬭᬵ᭞ᬭᬸᬲᬓᬶᬓᬂᬓᬸᬮᬤᬾᬦ᭄ᬬᬵ᭟ᬓᬶᬢᬧ᭄ᬯᬬᬳᬸᬫᬸᬮᬳᬓ᭄ᬦᬶᬓᬂᬓᬸᬲᬸᬧᬸᬢ᭄ᬭᬶᬓᬦ᭄᭞ᬢᬸᬮᬸᬲᬳᬫᬓᬯᬶᬢᬦ᭄᭟ᬳᬬᭀᬢᬢᬦ᭄ᬯ᭄ᬭᬸᬄᬫ ᬗᬶᬭᬶᬂᬘᬾᬱ᭄ᬝᬓᬭᬲᬂᬧ᭄ᬭᬪᬹ᭞ᬤᬾᬦ᭄ᬳᬦᬧᬾᬡ᭄ᬥᬄᬢᬲᬓᬭᬶᬓᬂᬤ᭄ᬬᬄᬓᬭᬸᬳᬸᬦ᭄᭟ᬦ᭄ᬤ᭄ᬬᬢᬂᬳᬸᬮᬳᬵ᭟ᬦ᭄ᬬᬵᬧᬦ᭄ᬢᬳᬦ᭄ᬦ᭄ᬯᬵᬮᬶᬗ᭄ᬳᬦ᭄ᬢᬵ᭟ᬲᬓᬳ᭄ᬬᬸᬦᬦᬶᬭᬳᬬ᭄ᬯᬦᬮᬶᬦᬸᬧᬸᬢᬦ᭄‌‌᭟ᬅᬧᬦᬶᬓᬂᬲᬃᬯ᭄ᬯᬚᬕᬢ᭄‌ᬭᬓ᭄ᬯᬫᬢᬸ [᭑᭔ 14A] ᬗ᭄ᬕᬮᬦ᭄ᬧ᭄ᬭᬬᬵ᭟᭚ᬯᬦᬢᬺᬡᬫᬸᬤᬶᬣᬦᬂᬓᬲ᭄ᬘᬄᬭᬦᬢᬶᬫᬺᬕ᭄ᬖᬦ᭞ᬨᬮᬢᬭᬸᬫᬸᬤᬶᬢᬦᬭᬢ᭄ᬦᬵᬓᭀᬦᬶᬂᬓ᭠ᬫᬶᬥᬫ᭄᭞ᬅᬲᬸᬭᬪᬶᬫᬸᬤᬶᬢᬦᬗ᭄ᬓ᭄ᬬᬕᬡ᭄ᬥᬓᬾᬄᬓᬸᬓᬸᬭᬦ᭄᭞ᬅᬤᬶᬗᬦᬢᬶᬦᬭᬦᬬ᭄ᬬᬓ᭄‌ᬰ᭄ᬭᬶᬬᬦ᭄ᬢᬤ᭄‌ᬯᬶᬰᬾᬱᬦ᭄᭟ᬇ ᬓᬂᬫᬺᬕ᭄ᬖᬫᬜ᭄ᬚᬗᬦ᭄᭞ᬓᬶᬥᬂ᭞ᬯᬾᬳᬦᬬᬫᬵᬲ᭄‌ᬫᬡᬶ᭞ᬢᬦ᭄ᬫᬓᬤᭀᬦ᭄ᬬ᭟ᬉᬯᬓᬓ᭄ᬦᬭᬶᬂᬳᬮᬲ᭄᭞ᬯᬾᬳᬦᬤᬸᬓᬸᬢ᭄᭞ᬅᬢ᭄ᬬᬦ᭄ᬢᬲᬸᬓᬦ᭄ᬬ᭟ᬫᬗ᭄ᬓᬦᬯᬦᬭᬵᬲᬸᬗᬦᬢᬬᬵᬭᬵᬢ᭄ᬦᬪᬹᬱᬡᬵ᭞ᬢᬦ᭄ᬲᬸᬓᬇᬓᬵ᭟ᬢ᭄ᬯᬶᬓᬳ᭄ᬬᬸᬦᬶᬓᬵ ᬢᬸᬫᬶᬗ᭄ᬳᬮᬯ᭄ᬯᬄᬳᬦ᭄᭞ᬫ᭄ᬯᬂᬓᬬ᭄ᬯᬓᬬ᭄ᬯᬦ᭄᭞ᬢᬸᬱ᭄ᬝᬵᬫ᭄ᬩᭂᬓ᭄ᬦ᭄ᬬ᭟ᬫᬗ᭄ᬓᬦᬯᭂᬓ᭄᭞ᬯᬾᬳᬦᬢᬬᬲᬸᬕᬡ᭄ᬥᬵ᭞ᬍᬧᬦ᭞ᬢᬦ᭄ᬲᬸᬓᬇᬓᬵ᭟ᬓᬸᬦᬂᬍᬯᬶᬄᬲᬸᬓᬦ᭄ᬬᬬᬦ᭄ᬫᬸᬗ᭄ᬕ᭄ᬯᬶᬂᬧᬘᬃᬬ᭄ᬬᬦ᭄᭞ᬭᬶᬂᬗ᭄ᬓᬧᬸᬭᬶᬱᬵ᭞ᬓᬲ᭄ᬦᭂᬗᬶᬳᬢᬶᬦ᭄ᬬ᭟ᬬᬤ᭄ᬬᬧᬶ ᬫᬵᬦᬹᬱᬢ᭄ᬯᬶ᭞ᬲᬓᬳᬋᬧ᭄ᬦ᭄ᬬᬚᬸᬕᬯᬶᬰᬾᬱ᭟ᬫᬗ᭄ᬓᬦᬵᬓᬸ᭞ᬢᬫᭀᬮᬳᬭᬶᬂᬚᬂᬲᬂᬦᬵᬣ᭞ᬲᬧ᭄ᬭᬬᬦᬶᬭᬚᬸᬕᬓᬾᬗᭂᬢᬓ᭄ᬦᬦ᭄ᬢᬵ᭟ᬨᬮᬦ᭄ᬢᬯ᭄ᬭᬸᬄᬭᬶᬂᬦᬶᬢ᭄ᬢᬶᬲᬭᬲᬦᬶᬂᬰᬲ᭄ᬢ᭄ᬭᬵ᭟ᬫᬢᬂᬦ᭄ᬬᬦ᭄ᬢᬦ᭄ᬢ᭄ᬭᬶᬧᬦᬗ᭄ᬕᬸᬄᬲᬂᬧᬡ᭄ᬥᬶᬢᬵᬭᬶᬓᬶᬢ

Auto-transliteration

[13 13B] 13 etenāwanawr̥ĕkṣana, muciyatenasugaṇdhinā, wacitantadaśapar̀wwā, suputranakulaśwataḥ. hanahalasgöng, kinahananingkayutunggal, ndansugaṇdhataskar̀nyā, hinarananikanghalaskinahananingskar̀suga ṇdha. iwamangkanataringkulā, rihananingsuputrā. // utenasukawr̥ĕksyena, dehyamanetaḥbhina, dayaketadwanasar̀wwā, kudutrenakulaswataḥ. halasāgöngkinahananingkaywakingtunggal, tinunwanta yagsĕngyahilangkanghalaskabeḥ. hiwamangkanatangputrāsinanggaḥkuputrā, rusakikangkuladenyā. kitapwayahumulahaknikangkusuputrikan, tulusahamakawitan. hayotatanwruḥma ngiringceṣṭakarasangprabhū, denhanapeṇdhaḥtasakarikangdyaḥkaruhun. ndyatanghulahā. nyāpantahannwālinghantā. sakahyunanirahaywanalinuputan. apanikangsar̀wwajagatrakwamatu [14 14A] nggalanprayā. // wanatr̥ĕṇamudithanangkascaḥranatimr̥ĕgghana, phalatarumuditanaratnākoningka‐midham, asurabhimuditanangkyagaṇdhakeḥkukuran, adinganatinaranayyakśriyantadwiśeṣan. i kangmr̥ĕgghamañjangan, kidhang, wehanayamāsmaṇi, tanmakadonya. uwakaknaringhalas, wehanadukut, atyantasukanya. mangkanawanarāsunganatayārātnabhūṣaṇā, tansuka'ikā. twikahyunikā tuminghalawwaḥhan, mwangkaywakaywan, tuṣṭāmbĕknya. mangkanawĕk, wehanatayasugaṇdhā, l̥ĕpana, tansuka'ikā. kunangl̥ĕwiḥsukanyayanmunggwingpacar̀yyan, ringngkapurisyā, kasnĕngihatinya. yadyapi mānūṣatwi, sakahar̥ĕpnyajugawiśeṣa. mangkanāku, tamolaharingjangsangnātha, saprayanirajugakengĕtaknantā. phalantawruḥringnittisarasaningśastrā. matangnyantantripanangguḥsangpaṇdhitārikita

Leaf 14

Image on Archive.org

[᭑᭔ 14B] ᭑᭔ ᬇᬪᬹ‌᭟ᬭᬶᬕᬢᬶᬦ᭄ᬢᬯ᭄ᬭᬸᬄᬭᬶᬂᬦᬶᬢᬶᬢᬦ᭄ᬢ᭄ᬭᬰᬲ᭄ᬢ᭄ᬭ᭟ᬫᬗ᭄ᬓᬦᬮᬶᬂᬲᬶᬭᬭᬵᬓ᭄ᬭ᭄ᬬᬦᬵᬧᬢᬶᬄᬳᬫᬶᬢ᭄ᬓᭂᬢᬶᬲᬸᬢᬦᬶᬭᬵ᭟ᬲᬸᬫᬳᬸᬃᬥ᭄ᬬᬄᬢᬦ᭄ᬢ᭄ᬭᬶ᭟ᬲᬚ᭄ᬜᬵᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬢᬦ᭄ᬲᬗ᭄ᬰᬬᬭᬵᬦᬓ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬲᬵᬫ᭄ᬧᬸᬦ᭄ᬢᬵᬋᬰᭂᬧ᭄‌ᬲᬧᬶ ᬢᬸᬢᬹᬃᬲᬂᬬᬬᬄ᭟ᬫ᭄ᬯᬂᬓᭀᬧᬤᬾᬰᬲᬂᬧᬵᬡ᭄ᬥᬶᬢᬵ᭞ᬲᬭᬱᬲᬗ᭄ᬳ᭄ᬬᬂᬅᬰᬧᬹᬭᬡᬵ᭞ᬲᬳᬵᬫᬦ᭄ᬢ᭄ᬭᬦ᭄ᬬᬵ᭟ᬅᬧᬵᬧ᭄ᬯᬨᬮᬦ᭄ᬬᬬᬦ᭄ᬢᬦ᭄ᬧ᭄ᬭᬬᭀᬕ᭄ᬕᬓ᭄ᬦᬵ᭞ᬭᬶᬂᬧᬤ᭄ᬕᬢᬵᬓᬮ᭞ᬭᬶᬇᬥᭂᬧ᭄ᬭᬦᬓ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟᭚ᬦᬓᬭᭀᬢᬶᬄᬕᬸᬡᬤᬧ᭄ᬢ ᬫ᭄᭞ᬲᬭᬤᬯᬧᬸᬤᬬᬶᬯᬢ᭄᭞ᬯᬰᬸᬘᬶᬬᬃᬫ᭄ᬩᬭᬧ᭄ᬭᬃᬬ᭄ᬬᬦ᭄ᬢᬵ᭞ᬦᬶᬦᬶᬯᬭᬶᬢᬢᭀᬘᬭᬄ᭟ᬫᬧᬵᬢᬨᬮᬦᬶᬂᬕᬸᬡ᭟ᬬᬦᬗᬦ᭄ᬢᬶᬳᬢᭂᬳᭂᬃᬳᬸᬗ᭄ᬕ᭄ᬯᬦ᭄ᬬᬵ᭟ᬯᬾᬳᬓ᭄ᬦ᭟ᬉᬧᬫᬦ᭄ᬬᬓᬤᬶᬤᬫᬃᬫᬸᬗ᭄ᬕ᭄ᬯᬶᬂᬚ᭄ᬭᭀᬚ᭄ᬬᬸᬦ᭄᭞ᬢᬦ᭄ᬯᭂᬦᬂᬢᬦ᭄ᬲᬸ ᬫ᭄ᬦᬵᬧ᭄ᬭᬓᬰᬭᬶᬂᬧ᭄ᬭᬢᬶᬯᬶ᭞ᬢᬦ᭄ᬮᬸᬫ᭄ᬩ᭄ᬭᬭᬶᬂᬅᬫ᭄ᬩᬭᬵ᭟ᬫᬗ᭄ᬓᬦᬓᬧ᭄ᬭᬚ᭄ᬜᬦ᭄᭞ᬬᬦ᭄ᬢᬦ᭄ᬮᬓ᭄ᬯᬓ᭄ᬦᬵᬭᬶᬲ᭄ᬥᭂᬂᬧ᭄ᬭᬬᭀᬕ᭄ᬕᬓ᭄ᬦᬵ᭟ᬫᬗ᭄ᬓᬦᬵᬮᬶᬂᬥ᭄ᬬᬄᬢᬦ᭄ᬢ᭄ᬭᬶ᭟ᬅᬦ᭄ᬢ᭄ᬬᬦ᭄ᬢᬵᬅᬃᬱᬭᬓ᭄ᬭ᭄ᬬᬦᬧᬢᬶᬄᬭᬸᬫ᭄ᬗᭃᬯᬸᬯᬸᬲ᭄ᬦ᭄ᬬᬦᬓ᭄‌ᬦᬶᬭᬵ᭟ᬇᬭᬶᬓᬵᬢ [᭑᭕ 15A] ᬢᬥ᭄ᬬᬄᬢᬦ᭄ᬢ᭄ᬭᬶᬫᬗ᭄ᬓᭂᬦᬸᬫᬦ᭄ᬢᬸᬓ᭄‌ᬫᬦᬥᬳᬵ᭟ᬮᬶᬂᬦᬶᬭᬵ᭟ᬧᬳᬾᬦᬓ᭄ᬫᬦᬄᬢᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄ᬬᬬᬄ᭞ᬲ᭄ᬣᬦᬲᬵᬫ᭄ᬧᬸᬦ᭄ᬲᬸᬫᬗ᭄ᬕ᭄ᬭᬳᬵ᭞ᬫ᭄ᬯᬂᬮᬶᬫᭀᬓᬚᬫᬵᬫ᭄᭞ᬲᬳᬫ᭄ᬩᬭᬲᬳᬦᬧᬶᬮᬶᬳᬦᬲᬓᬃᬱᬦᬶᬭ᭟ᬧᬳᭀᬫᬦ᭄ ᬲᬫ᭄ᬧᬸᬦ᭄ᬳᬶᬦ᭄ᬬᬱᬦ᭄᭞ᬫ᭄ᬯᬂᬤᬾᬯᬧᬘᬭᬡ᭞ᬲᬳᬧᬜ᭄ᬘᭀᬧᬘᬭᬡᬲᬫ᭄ᬧᬸᬦ᭄‌ᬲ᭄ᬦᬳᬵ᭟ᬫ᭄ᬯᬂᬯᬸᬲᬭᬶᬓᬵᬫᭀᬮᬳᬓᭂᬦ᭄‌ᬓᬮᬶᬄᬫ᭄ᬯᬄᬢᬥᬄᬭᬳᬤ᭄ᬬᬦ᭄ᬲᬗ᭄ᬳ᭄ᬬᬮᬸᬦ᭄‌ᬬᬬᬄ᭟ᬲᬵᬫ᭄ᬧᬸᬦ᭄ᬧ᭄ᬯᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄ᬫᬦᬥᬄ᭞ᬲᬫᬦ᭄ᬢᬭᬭᬶ ᬳᬸᬯᬸᬲ᭄‌ᬰ᭄ᬭᬷᬫᬳᬵᬭᬵᬚᬫᬺᬫ᭄᭟ᬅᬲᬾᬯᬓᬵᬢᬭᬳᬤ᭄ᬬᬦ᭄‌ᬲᬗ᭄ᬳᬸᬮᬸᬦ᭄‌ᬭᬶᬳᬦᬦᬶᬂᬓᬵᬮᬤᬾᬰ᭞ᬫ᭄ᬯᬂᬭᬶᬢᬦ᭄ᬓᬧᭂᬗᬵᬧᭂᬗᬵᬲᬂᬦᬵᬣᬫᬗᬧᬦᬓ᭄ᬦᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬲᬸᬫᬳᬸᬃᬢᬭᬓ᭄ᬭ᭄ᬬᬦᬵᬧᬢᬶᬄ᭟ᬅᬉᬫ᭄‌ᬇᬪᬹ᭞ ᬲᬮᬶᬗᬭᬓ᭄ᬭ᭄ᬬᬦ᭄᭞ᬫᬦᬸᬭᬹᬢ᭄ᬗᬸᬮᬸᬦ᭄᭞ᬇᬪᬹ᭟ᬫᬦ᭄ᬢᬸᬓ᭄‌ᬢᬥ᭄ᬬᬄᬢᬦ᭄ᬢ᭄ᬭᬶ᭞ᬫᬚᬭᬾᬂᬇᬪᬹᬦᬶᬭᬵ᭟ᬲᬸᬓᬵᬢᬲᬶᬭ᭟ᬢ᭄ᬳᭂᬃᬫᬭᬓᭂᬦ᭄ᬲᬫᬲᬚᬶᬦᬶᬂᬫᬤ᭄ᬬᬸᬲ᭄᭞ᬓᬢᭀᬦ᭄ᬧ᭄ᬯᬲᬶᬭᬤᬾᬭᬓ᭄ᬭ᭄ᬬᬦᬧᬢᬶᬄ᭞ᬦ᭄ᬤᬄᬲᬶᬦ᭄ᬬᬂᬢᬲᬶᬭᬗᬸᬭᬫ

Auto-transliteration

[14 14B] 14 ibhū. rigatintawruḥringnititantraśastra. mangkanalingsirarākryanāpatiḥhamitkĕtisutanirā. sumahur̀dhyaḥtantri. sajñārahadyansanghulun, tansangśayarānakrahadyansanghulun, sāmpuntār̥ĕśĕpsapi tutūr̀sangyayaḥ. mwangkopadeśasangpāṇdhitā, saraṣasanghyangaśapūraṇā, sahāmantranyā. apāpwaphalanyayantanprayoggaknā, ringpadgatākala, ri'idhĕpranakrahadyansanghulun. // nakarotiḥguṇadapta m, saradawapudayiwat, waśuciyar̀mbaraprar̀yyantā, niniwaritatocaraḥ. mapātaphalaningguṇa. yanangantihatĕhĕr̀hunggwanyā. wehakna. upamanyakadidamar̀munggwingjrojyun, tanwĕnangtansu mnāprakaśaringpratiwi, tanlumbraringambarā. mangkanakaprajñan, yantanlakwaknārisdhĕngprayoggaknā. mangkanālingdhyaḥtantri. antyantā'ar̀ṣarakryanapatiḥrumngöwuwusnyanaknirā. irikāta [15 15A] tadhyaḥtantrimangkĕnumantukmanadhahā. lingnirā. pahenakmanaḥtarahadyansanghulunyayaḥ, sthanasāmpunsumanggrahā, mwanglimokajamām, sahambarasahanapilihanasakar̀ṣanira. pahoman sampunhinyaṣan, mwangdewapacaraṇa, sahapañcopacaraṇasampunsnahā. mwangwusarikāmolahakĕnkaliḥmwaḥtadhaḥrahadyansanghyalunyayaḥ. sāmpunpwarahadyansanghulunmanadhaḥ, samantarari huwusśrīmahārājamr̥ĕm. asewakātarahadyansanghulunrihananingkāladeśa, mwangritankapĕngāpĕngāsangnāthamangapanaknarahadyansanghulun. sumahur̀tarakryanāpatiḥ. a'umibhū, salingarakryan, manurūtngulun, ibhū. mantuktadhyaḥtantri, majarengibhūnirā. sukātasira. t'hĕr̀marakĕnsamasajiningmadyus, katonpwasiraderakryanapatiḥ, ndaḥsinyangtasirangurama

Leaf 15

Image on Archive.org

[᭑᭕ 15B] ᭑᭕ ᬲᬦᬾᬲᬶᬭᬵ᭞ᬇᬓᬂᬕᬸᬡ᭄ᬥᬶᬓ᭄ᬫᬲᬸᬳᬶᬚᭂᬂᬦᬶᬭᬵ᭞ᬢ᭄ᬓᬾᬂᬲ᭄ᬯᬰᬭᬶᬭᬦᬶᬭᬵ᭟ᬭᬶᬳᬸᬯᬸᬲ᭄‌ᬲᬶᬭᬵᬤ᭄ᬬᬸᬲ᭄᭞ᬢᬸᬫᬸᬮ᭄ᬯᬶᬳᬶᬸᬢᬲᬶᬭᬵᬤᬾᬳᬵᬲᬸᬤ᭄ᬥᬶ᭞ᬫᬚᬮᭀᬥᬓᬵ᭞ᬫᬗ᭄ᬳᬦᬓᭂᬦᬸᬥᬓᬜ᭄ᬚᬮᬶᬪᬝᬭ᭞ᬳᬸᬯᬸᬲ᭄ᬧ᭄ᬯᬬᬕ᭄ᬦᭂᬧ᭄‌ᬲᬳᬫᬦ᭄ᬢ᭄ᬭᬓ᭄ᬭ ᬫᬦᬶᬲᬹᬃᬬ᭄ᬬᬰᬾᬯᬦ᭞ᬫᬸᬗ᭄ᬕᬄᬢᬲᬶᬭᬲᬮᬶᬦ᭄ᬓᬫ᭄ᬧᬸᬄ᭞ᬢᬸᬫᬵᬫᬢᬲᬶᬭᬭᬶᬂᬧᬳᭀᬫᬦ᭄‌ᬧ᭄ᬭᬢᬫᬂᬪᬸᬢᬯᬶᬱᬚ᭄ᬜᬡ᭞ᬫᬗᭂᬦᬓᭂᬦ᭄ᬢᬲᬶᬭᬭᬶᬓᬂᬲᬚᬶᬉᬢ᭄ᬢᬫᬵ᭞ᬕᬡ᭄ᬥᬓ᭄ᬱᬢᬧᬸᬱ᭄ᬧᬕᬡ᭄ᬥ᭞ᬫ᭄ᬯᬂᬤᬸᬧᬵᬥᬶᬧᬵ᭞ᬫᬗᭂᬦᬓᭂᬦ᭄ᬢᬲᬶᬭᬲᭀ ᬤᬰᬫᬦ᭄ᬢ᭄ᬭ᭞ᬧᬶᬦᬹᬚᬦᬶᬭᬧᬜ᭄ᬘᬧᬘᬭᬵ᭞ᬫ᭄ᬯᬂᬦᬶᬯᬾᬥ᭄ᬬᬳᬍᬧ᭄᭟ᬳᬸᬯᬸᬲ᭄‌ᬲᬧᬸᬃᬡ᭄ᬦᬚᬧᬵ᭞ᬫᬸᬦ᭄ᬤᬸᬃᬢᬲᬶᬭᬳᭀᬫᬵ᭞ᬳᬸᬫᬋᬧᬶᬂᬓᬸᬡ᭄ᬥᬵ᭟ᬫᬂᬍᬓᬲᬦᬯᬶᬱᬃᬚ᭄ᬚᬦ᭞ᬲᬳᬫᬦ᭄ᬢ᭄ᬭ᭞ᬫ᭄ᬯᬂᬧ᭄ᬭᬢᬶᬱ᭄ᬝᬵᬫᬦ᭄ᬢ᭄ᬭ᭟ᬲ᭄ᬥᬂᬲᬗ᭄ᬳ᭄ᬬᬗᬖ᭄ᬦᬶᬚ᭄ᬯᬮ᭞ᬫᬦ᭄ᬢ᭄ᬭ ᬲᬳᬸᬢᬶᬢᬸᬫᬶᬩᬵ᭟ᬏᬦᬓ᭄ᬤᬶᬮᬄᬲᬗ᭄ᬳ᭄ᬬᬗᬖ᭄ᬦᬶ᭟ᬢ᭄ᬮᬲ᭄ᬧᬸᬚᬉᬢᬶ᭞ᬲᬗ᭄ᬳ᭄ᬬᬂᬅᬖ᭄ᬦᬶᬧᬶᬦᬭᬶᬢᬸᬱ᭄ᬝᬲᬶᬭᬵ᭟ᬇᬭᬶᬓᬢᬲᬶᬭᬫᬗᬸᬦ᭄ᬬᬓᭂᬦ᭄ᬧ᭄ᬭᬡᬍᬱ᭄ᬝᬵ᭞ᬲᬤ᭄ᬥ᭄ᬬᬦᬶᬭᬢᬶᬦᬪᬶᬬᭀᬖ᭄ᬦᬦ᭄‌ᬦᬶᬭᬵ᭞ᬫᬸᬮᬢ᭄ᬧ᭄ᬯᬲᬶᬭᬤᬶ [᭑᭖ 16A] ᬮᬄᬦᬶᬂᬧᬹᬃᬡ᭄ᬦᬳᬸᬢᬶ᭞ᬰᬸᬪᬵᬫᬫᬗ᭄ᬕᬮᬵ᭞ᬳ᭄ᬦᬶᬂᬲᬶᬤ᭄ᬥᬵᬦᬶᬓᬵ᭞ᬳᬃᬱᬧ᭄ᬯᬲᬶᬭᬧᬭᬶᬢᬸᬱ᭄ᬝᬵ᭞ᬳᬶᬮᬂᬢᬵᬗ᭄ᬳᬾᬮ᭄‌ᬮᬧᬵᬧ᭄ᬭᬶᬳᬢᬶᬓᬡ᭄ᬥᭂᬄᬤᬾᬦᬶᬂᬘᬶᬢ᭄ᬢᬧᬭᬶᬰᬸᬤ᭄ᬥᬵ᭟ᬓᬸᬦᬂᬬᬦ᭄ᬢᬦ᭄ᬭᬵᬚᬓᬃᬬ᭄ᬬᬓᬵᬗᭂᬦᬵᬗᭂᬦ᭄ᬤᬾᬦᬶᬭᬵ᭞ᬬᬬᬵᬢᬦᬶᬫ᭄ᬪᬲᬶᬭᬵ ᬲᬗ᭄ᬓᬾᬤᬾᬯᬮᬬᬵ᭞ᬓᬗᭂᬦ᭄ᬬᬫ᭄ᬯᬂᬲ᭄ᬯᬫᬶᬓᬃᬬ᭄ᬬ᭞ᬬᬢᬦᬶᬫᬶᬢ᭄ᬢᬦᬶᬭᬫᬶᬚᬶᬮ᭄‌ᬲᬳᬵᬳ᭄ᬦᬶᬭᬶᬘᬶᬢ᭄ᬢᬦᬶᬭᬵᬓᬤᬶᬢᬸᬭᬄᬦᬶᬕᬡ᭄ᬥᬪᬓ᭄ᬱᬵ᭟ᬢᬸᬳᬸᬦ᭄ᬢᬦ᭄ᬓᬢᭀᬦ᭄ᬓᬳᬗᭂᬦᬕᬡ᭄ᬥᬦᬶᬓᬵᬓᬭᬱᬤᬸᬫᬸᬦᬸᬂᬭᬶᬤᬍᬫᬶᬓᬵ᭟ᬫᬫ᭄ᬯᬶᬢᬥ᭄ᬬᬄ ᬢᬦ᭄ᬢ᭄ᬭᬶᬭᬶᬓᬯᬶᬢᬦᬶᬭᬵ᭞ᬲᬶᬦᬦ᭄ᬤᬢᬲᬳᬵᬰᬦ᭄ᬢᬶᬲᬶᬭᬓᬮᬶᬄ᭞ᬫᬺᬢ᭄ᬣᬓᬓᭂᬦ᭄‌ᬲᬶᬤ᭄ᬥᬵᬲᬤ᭄ᬬᬦᬶᬭᬵ᭞ᬫᬦ᭄ᬢᬸᬓ᭄‌ᬢᬤ᭄ᬬᬄᬢᬦ᭄ᬢ᭄ᬭᬶᬭᬶᬂᬕ᭄ᬭᬳᬦᬶᬭ᭟ᬭᬓ᭄ᬭ᭄ᬬᬦᬵᬧᬢᬶᬄᬭᬓᬮᬶᬄ᭞ᬓᬲᬸᬓᬦ᭄ᬲᬥᬫ᭄ᬧᬢᬶ᭞ᬲᬸᬫᬸᬓᭂᬦ᭄ᬫᬦᬄ ᬦᬶᬭᬧᬸᬧᬸᬢ᭄‌ᬦᬶᬤ᭄ᬭᬵ᭞ᬕᬢᬶᬦᬶᬂᬲᬂᬲᬃᬕ᭄ᬕᬲ᭄ᬯᬫᬶᬓᬃᬬ᭄ᬬᬮ᭄ᬯᬶᬓ᭄ᬓᬢᬶ᭞ᬢᬦ᭄ᬢᬭᬂᬲᬸᬫ᭄ᬮᬧᬶᬂᬘᬶᬢ᭄ᬢᬬᬦ᭄ᬓᬗᭂᬦ᭄‌ᬢᬂᬓᬃᬬ᭄ᬬᬩ᭄ᬬᬓ᭄ᬢᬦᬧᬶᬄᬳᬶᬲᬸᬓ᭟ᬫᬗ᭄ᬓᬦᬢᬭᬓ᭄ᬭ᭄ᬬᬦᬧᬢᬶᬄ᭞ᬫᬢᬗ᭄ᬳᬶᬫᬰᭀᬘ᭄ᬘᬵᬫᬤᬦ᭄‌ᬳᬸᬫᬜ᭄ᬚᬶᬗ᭟ᬫᬲᭀ

Auto-transliteration

[15 15B] 15 sanesirā, ikangguṇdhikmasuhijĕngnirā, tkengswaśariranirā. rihuwussirādyus, tumulwih̶tasirādehāsuddhi, majalodhakā, manghanakĕnudhakañjalibhaṭara, huwuspwayagnĕpsahamantrakra manisūr̀yyaśewana, munggaḥtasirasalinkampuḥ, tumāmatasiraringpahomanpratamangbhutawiṣajñaṇa, mangĕnakĕntasirarikangsaji'uttamā, gaṇdhakṣatapuṣpagaṇdha, mwangdupādhipā, mangĕnakĕntasiraso daśamantra, pinūjanirapañcapacarā, mwangniwedhyahal̥ĕp. huwussapur̀ṇnajapā, mundur̀tasirahomā, humar̥ĕpingkuṇdhā. mangl̥ĕkasanawiṣar̀jjana, sahamantra, mwangpratiṣṭāmantra. sdhangsanghyangaghnijwala, mantra sahutitumibā. enakdilaḥsanghyangaghni. tlaspuja'uti, sanghyangaghnipinarituṣṭasirā. irikatasiramangunyakĕnpraṇal̥ĕṣṭā, saddhyaniratinabhiyoghnannirā, mulatpwasiradi [16 16A] laḥningpūr̀ṇnahuti, śubhāmamanggalā, hningsiddhānikā, har̀ṣapwasiraparituṣṭā, hilangtānghellapāprihatikaṇdhĕḥdeningcittapariśuddhā. kunangyantanrājakar̀yyakāngĕnāngĕndenirā, yayātanimbhasirā sangkedewalayā, kangĕnyamwangswamikar̀yya, yatanimittaniramijilsahāhniricittanirākadituraḥnigaṇdhabhaksyā. tuhuntankatonkahangĕnagaṇdhanikākaraṣadumunungridal̥ĕmikā. mamwitadhyaḥ tantririkawitanirā, sinandatasahāśantisirakaliḥ, mr̥ĕtthakakĕnsiddhāsadyanirā, mantuktadyaḥtantriringgrahanira. rakryanāpatiḥrakaliḥ, kasukansadhampati, sumukĕnmanaḥ nirapuputnidrā, gatiningsangsar̀ggaswamikar̀yyalwikkati, tantarangsumlapingcittayankangĕntangkar̀yyabyaktanapiḥhisuka. mangkanatarakryanapatiḥ, matanghimaśoccāmadanhumañjinga. maso

Leaf 16

Image on Archive.org

[᭑᭖ 16B] ᭑᭖ ᬯᬾᬓᬮᬤᬾᬰᬵ᭞ᬳᬦᬵᬧ᭄ᬯᬯᬺᬢ᭄ᬢᬰ᭄ᬭᬷᬫᬳᬵᬭᬵᬚᬲᬳᬵᬓᬮᬤᬾᬰ᭞ᬢᬸᬫᬫᬵᬲᬶᬭᬫᬦᭂᬫ᭄ᬩᬄᬳᬶᬂᬧᬭᬫᬿᬰ᭄ᬯᬭᬵ᭟ᬲᬶᬦᬸᬗ᭄ᬲᬸᬂᬤᬾᬦᬶᬂᬕᬸᬬᬸᬲᬳᬵᬯᬸᬮᬢ᭄ᬫᬦᭀᬳᬭ᭞ᬲᬳᬵᬰᬩ᭄ᬥᬲᬕᭀᬭᬯ᭞ᬮᬶᬂᬦᬶᬭᬵ᭟ᬏᬭᬓ᭄ᬭ᭄ᬬᬦᬵᬧᬢᬶᬄ᭞ᬲ᭄ᬬᬧᬵ ᬢᬶᬓᬵᬕᬸᬫᬦ᭄ᬢᬶᬲᬓᬢᭂᬫ᭄ᬩᬾᬜ᭄ᬚᬶᬂ᭞ᬦ᭄ᬤᬶᬤᬾᬰᬦ᭄ᬬᬫ᭄ᬯᬂᬦᬵᬫᬦ᭄ᬬᬵ᭟ᬯᬺᬢ᭄ᬢᬵᬓ᭄ᬦ᭟ᬲᬸᬫᬳᬹᬃᬭᬓ᭄ᬭ᭄ᬬᬦᬧᬢᬶᬄ᭟ᬲᬚ᭄ᬜᬵᬳᬚᬶ᭞ᬢᬦ᭄ᬮᬦᬵᬇᬓᬂᬯᬶᬯᬳᬵᬤᬾᬰ᭄ᬭᬷᬳᬚᬶ᭞ᬓᬳᭂᬦ᭄ᬢᬶᬢᬂᬲ᭄ᬢ᭄ᬭᬷᬲᬓᬾᬂᬤᬾᬰᬵᬦ᭄ᬢᬭᬵ᭞ᬇᬓᬂᬓᬳᬢᬹᬭᬾᬂᬰ᭄ᬭᬶᬫᬳᬵᬭᬵᬚ᭞ᬓᬸ ᬦᬂᬬᬦ᭄ᬯᬦ᭄ᬢᭂᬦᬓᬲᬸᬓᬦ᭄‌ᬧᬭᬫᬾᬰ᭄ᬯᬭᬵ᭞ᬯ᭄ᬓᬵᬧᬝᬶᬓᬯᬶᬚᬶᬇᬓᬂᬫᬗᬭᬦ᭄‌ᬢᬦ᭄ᬢ᭄ᬭᬶ᭟ᬓ᭄ᬱᬫᬵᬓ᭄ᬦᬳᬢᬹᬭᬶᬂᬧᬝᬶᬓ᭄ᬳᬚᬶ᭞ᬭᬶᬧᬤᬸᬓᬵᬰ᭄ᬭᬷᬫᬳᬵᬭᬵᬚ᭟ᬮᬶᬂᬦᬶᬰᬲ᭄ᬢ᭄ᬭᬵ᭞ᬇᬓᬂᬉᬫᬭᬲᬶᬂᬯ᭄ᬯᬂᬢᬸᬯᬸᬳᬶᬂᬧ᭄ᬯᬗ᭄ᬓᬸᬮᬸᬦ᭄᭞ᬢᬦ᭄ᬢ᭄ᬭᬷᬭᬓ᭄ᬯᬥᬶᬃᬕ᭄ᬖᬵ ᬬᬸᬱᬵ᭞ᬯᬶᬃᬬ᭄ᬬᬯᬦ᭄᭟ᬓᬸᬦᬂᬧ᭄ᬯᬫᬸᬥᬦᬶᬂᬧ᭄ᬯᬂᬓᬸᬮᬸᬦ᭄᭞ᬤᬦ᭄ᬪᬾᬥᬵᬓᬮᬯᬦ᭄‌ᬓᬫᬸᬥᬧᬝᬶᬓ᭄ᬳᬚᬶ᭞ᬦ᭄ᬤᬄᬓᬲᬳᬹᬃᬦᬶᬂᬧᬝᬶᬓᬚᬶ᭞ᬓᬢ᭄ᬫᬸᬦᬶᬓᬵ᭟ᬫᬗ᭄ᬓᬦᬳᬢᬹᬃᬭᬓ᭄ᬭ᭄ᬬᬦᬵᬧᬢᬶᬄ᭟ᬲᬫᬳᬹᬃᬫᬳᬵᬭᬵᬚ᭟ᬅᬉᬫ᭄ [᭑᭗ 17A] ᬭᬓ᭄ᬭ᭄ᬬᬦᬧᬢᬶᬄ᭞ᬪᬕ᭄ᬬᬦᬶᬗ᭄ᬳᬸᬮᬸᬦ᭄‌ᬬᬦ᭄ᬯᭂᬓᬦ᭄ᬢᬵ᭟ᬫᬮᬯᬲ᭄‌ᬗ᭄ᬳᬸᬮᬸᬦ᭄‌ᬫᬗᬺᬗᭃᬓᭀᬢ᭄ᬢᬫᬦ᭄ᬬ᭞ᬢᬦ᭄ᬪᬾᬥᬲᬗ᭄ᬓᬾᬧᬚᬃᬢᬵ᭟ᬫ᭄ᬯᬂᬭᬶᬂᬓᬲᬸᬭᬹᬧᬦ᭄ᬬ᭞ᬓᬧ᭄ᬭᬚ᭄ᬜᬦ᭄‌ᬯ᭄ᬭᬸᬄᬭᬶᬂᬦᬶᬢᬶᬰᬲ᭄ᬢ᭄ᬭᬵ᭞ᬫᬢᬗ᭄ᬬᬦ᭄‌ᬢᬦ᭄ᬢ᭄ᬭᬶᬧ᭄ᬭᬓᬰᬶᬢᬵᬲᬂᬧᬦᬗ᭄ᬕᬄ ᬲᬂᬧᬡ᭄ᬥᬶᬢᬵ᭟ᬧ᭄ᬭᬓᬰᬮᬸᬫ᭄ᬭᬭᬶᬂᬭᬵᬢ᭄‌ᬓᬲᬸᬪᬕᬦᬶᬓᬵ᭟ᬓᬸᬦᬂᬫᬃᬫ᭄ᬫᬦᬶᬗ᭄ᬳᬸᬮᬸᬦ᭄ᬢᬦ᭄ᬧᬦᭀᬫᬄ᭞ᬯ᭄ᬥᬶᬦᬶᬗ᭄ᬳᬸᬮᬸᬦ᭄‌ᬢᬦ᭄ᬲᬸᬓᬦ᭄ᬢ᭞ᬢᬸᬫᬶᬗ᭄ᬳᬮᬭᬶᬓᬤᬸᬭᬘᬭᬦᬶᬗ᭄ᬳᬸᬮᬸᬦ᭄ᬩᬳᬸᬪᬃᬬ᭄ᬬ᭟ᬓᬤᬶᬓᬸᬫ᭄ᬩᬂᬗᬶᬂᬲ᭄ᬓᬃᬓᬳᬸᬮᬄᬦᬶᬗ᭄ᬳᬸᬮᬸᬦ᭄᭟ᬯ᭄ᬭᬸᬄᬗ᭄ᬳᬸ ᬮᬸᬦ᭄‌ᬬᬦ᭄ᬓᬾᬮᬶᬓᬦᬂᬢᬭᬸᬡᬶ᭞ᬅᬧᬦᬶᬓᬲᬶᬦᬗ᭄ᬕᬸᬄᬉᬢ᭄ᬢᬫᬦᬶᬂᬚᬦ᭄ᬫᬵ᭞ᬇᬓᬂᬫᬦᬸᬓᬦᬦᬰᬭᬶᬭᬵ᭞ᬢ᭄ᬳᭂᬃᬫᬕᬯᬬᬲᬸᬓᬦᬶᬂᬧᬭ᭞ᬢᬦ᭄ᬧᬕᬳᭂᬢ᭄ᬭᬱ᭞ᬢᬦ᭄ᬧᬢᬫᬗᬸᬮᬳᬓ᭄ᬦᬥᬦ᭞ᬧᬶᬲᬦᬶᬗᬸᬦ᭄ᬭᬶᬂᬧᬫᬮᬓᬸ᭞ᬫᬯ᭄ᬮᬲ᭄ ᬳᬾᬂᬓᬲ᭄ᬬᬲᬶᬄᬓᬰᬶᬮᬵ᭞ᬇᬓᬲᬓ᭄ᬱᬢ᭄‌ᬫᬫᬸᬓ᭄ᬢᬶᬲ᭄ᬯᬃᬕ᭄ᬕᬫᬗ᭄ᬓᬾᬗᬭᬦ᭄ᬬ᭞ᬳᬦᬕᬫᬵᬓᬸᬫ᭄ᬯᬵ᭟᭚ᬅᬕᬫᭀᬢ᭄ᬲ᭄ᬯᬃᬕ᭄ᬕᬦᬭᬓᭀ᭞ᬰ᭄ᬭᬸᬬᬢᬾᬭᭀᬭᬯᬯ᭄ᬯᬬᬫ᭄᭞ᬲᬓ᭄ᬱᬬᬾᬓᬦ᭄‌ᬭᬶᬤ᭄ᬭᬡ᭞ᬧ᭄ᬭᬢ᭄ᬬᬓ᭄ᬱᬦ

Auto-transliteration

[16 16B] 16 wekaladeśā, hanāpwawr̥ĕttaśrīmahārājasahākaladeśa, tumamāsiramanĕmbaḥhingparamaiśwarā. sinungsungdeningguyusahāwulatmanohara, sahāśabdhasagorawa, lingnirā. erakryanāpatiḥ, syapā tikāgumantisakatĕmbeñjing, ndideśanyamwangnāmanyā. wr̥ĕttākna. sumahūr̀rakryanapatiḥ. sajñāhaji, tanlanā'ikangwiwahādeśrīhaji, kahĕntitangstrīsakengdeśāntarā, ikangkahatūrengśrimahārāja, ku nangyanwantĕnakasukanparameśwarā, wkāpaṭikawiji'ikangmangarantantri. kṣamāknahatūringpaṭik'haji, ripadukāśrīmahārāja. lingniśastrā, ikangumarasingwwangtuwuhingpwangkulun, tantrīrakwadhir̀gghā yusyā, wir̀yyawan. kunangpwamudhaningpwangkulun, danbhedhākalawankamudhapaṭik'haji, ndaḥkasahūr̀ningpaṭikaji, katmunikā. mangkanahatūr̀rakryanāpatiḥ. samahūr̀mahārāja. a'um [17 17A] rakryanapatiḥ, bhagyaninghulunyanwĕkantā. malawasnghulunmangr̥ĕngökottamanya, tanbhedhasangkepajar̀tā. mwangringkasurūpanya, kaprajñanwruḥringnitiśastrā, matangyantantriprakaśitāsangpananggaḥ sangpaṇdhitā. prakaśalumraringrātkasubhaganikā. kunangmar̀mmaninghuluntanpanomaḥ, wdhininghuluntansukanta, tuminghalarikaduracaraninghulunbahubhar̀yya. kadikumbangngingskar̀kahulaḥninghulun. wruḥnghu lunyankelikanangtaruṇi, apanikasinangguḥuttamaningjanmā, ikangmanukananaśarirā, t'hĕr̀magawayasukaningpara, tanpagahĕtraṣa, tanpatamangulahaknadhana, pisaningunringpamalaku, mawlas hengkasyasiḥkaśilā, ikasakṣatmamuktiswar̀ggamangkengaranya, hanagamākumwā. // agamotswar̀gganarako, śruyaterorawawwayam, sakṣayekanridraṇa, pratyakṣana

Leaf 17

Image on Archive.org

[᭑᭗ 17B] ᭑᭗ ᬭᬓᬯᬶᬤᬸᬄ᭟ᬫᬧᬵᬢᬧᬦᭀᬦᬶᬂᬭᬵᬢ᭄᭞ᬭᬶᬂᬲ᭄ᬯᬕ᭄ᬕᬦᬭᬓᬵ᭟ᬓᬸᬦᬂᬭᬶᬓᬳᬶᬥᭂᬧᬦᬶᬓᬵᬧᬶᬦᭂᬋᬗ᭄ᬯᬓᭂᬦ᭄‌ᬲᬗ᭄ᬓᬾᬂᬅᬕᬫᬵᬇᬓᬵ᭟ᬅᬦ᭄ᬲᬶᬦᬗ᭄ᬕᬸᬄᬭᭀᬭᬯᬤ᭄ᬯᬬᬵᬗᬭᬦᬶᬓᬵ᭟ᬅᬦᬾᬓᬵᬦᬶᬢ᭄ᬬᬤᬭᬶᬤ᭄ᬭᬵ᭞ᬬᬾᬓᬵᬲᬶ ᬦᬗ᭄ᬕᬸᬄᬧ᭄ᬭᬢ᭄ᬬᬓ᭄ᬱᬦᬭᬓᬵ᭟ᬲᬓ᭄ᬱᬢ᭄ᬓᬢᭀᬦ᭄ᬧᬧᬦᬶᬂᬭᬵᬢ᭄᭟ᬳᬦᬧ᭄ᬯᬗ᭄ᬳᬸᬮᬸᬦ᭄ᬧ᭄ᬭᬪᬹᬇᬗᬸᬫᬳᬦ᭄ᬭᬶᬂᬯᬶᬱᬬ᭞ᬬᬢᬗᬋᬧᬓᭂᬦ᭄‌ᬧᬫᬵ᭞ᬦᬶᬢ᭄ᬬᬫ᭄ᬭᬢ᭄‌ᬫ᭄ᬭᬢᬶᬢᬶᬓᬂᬫᬦ᭄ᬢ᭄ᬭᬶ᭞ᬢᬦ᭄‌ᬲᬦ᭄ᬢᭀᬱᬭᬶᬂᬯᬶᬤᬬᬵ᭞ᬦ᭄ᬬᬦᭂᬫᬳᬦᬧᬗᬸᬫ᭄ᬧᭂᬢ ᬦᬶᬂᬧᬭᬵ᭟ᬫᬗ᭄ᬓᬾᬗ᭄ᬳᬸᬮᬸᬦ᭄‌ᬫᬦᭀᬫᬳᬯ᭄ᬓᬦ᭄ᬢᬵ᭞ᬫᬦᬳᬳᬸᬦᬶᬗ᭄ᬳᬸᬮᬸᬦ᭄‌ᬩᬸᬤ᭄ᬥ᭄ᬬᬦ᭄ᬢᬦ᭄ᬢᬯ᭄ᬓᬵ᭞ᬉᬫᭂᬫᬵᬦᬬᬦ᭄ᬢᬵᬓᬸᬦᭂᬂᬢᬸᬫᬶᬩᬾᬂᬳᬸᬮᬸᬦ᭄᭟ᬫᬗ᭄ᬓᬦᬮᬶᬂᬰ᭄ᬭᬶᬫᬳᬵᬭᬵᬚ᭟ᬳᬢᬹᬃᬲᭂᬫ᭄ᬩᬄᬭᬓ᭄ᬭ᭄ᬬᬦᬵᬧᬢᬶᬄ᭟ᬲᬚ᭄ᬜᬳᬚᬶ᭞ᬅᬢ᭄ᬬᬦ᭄ᬢ ᬧᬭᬫᬯᬶᬰᬾᬱᬳᬚ᭄ᬜᬵᬧᬭᬫᬾᬰ᭄ᬯᬭ᭞ᬭᬶᬦ᭄ᬗᭂᬧᬝᬶᬓᬚᬶ᭟ᬲᬓ᭄ᬱᬢ᭄‌ᬓᬢᬸᬭᬸᬦᬦ᭄ᬧᬭᬫᬵᬣᬧᬝᬶᬓᬚᬶ᭟ᬓᬸᬦᬂᬧ᭄ᬯᬮᬶᬂᬰ᭄ᬭᬷᬫᬳᬵᬭᬚ᭞ᬢᬸᬫᬳᬩᬸᬤ᭄ᬥᬶᬧᬝᬶᬓᬚᬶᬫᬯ᭄ᬓ᭞ᬢᬸᬳᬰ᭄ᬭᬶᬫᬳᬵᬭᬵᬚᬮᬯᬦ᭄ᬢᬫ᭄ᬯᬄᬮᬶᬧᬭᬫᬾᬰ᭄ᬯ [᭑᭘ 18A] ᬭᬫᬗᬤ᭄ᬬᬦᬶᬓᬲᬦ᭄ᬢᭀᬲᬦ᭄᭟ᬲᬶᬗ᭄ᬕᬶᬄᬮᬶᬂᬰ᭄ᬭᬶᬫᬳᬵᬭᬚ᭞ᬓᬶᬦᭀᬦ᭄ᬢᬫᬓ᭄ᬦᬶᬬᬦ᭄ᬭᬶᬂᬫᬹᬦᬶᬰ᭄ᬯᬭ᭞ᬯ᭄ᬯᬂᬢᬧᬲ᭄ᬯᬶ᭞ᬇᬓᬂᬩᬸᬤ᭄ᬥᬶᬓᬲᬦ᭄ᬢᭀᬰᬦ᭄‌ᬓ᭄ᬱᬫᬵ᭟᭚ᬅᬰᬦ᭄ᬢᭀᬰᭀᬫᬸᬦᬶᬦᬱ᭄ᬝᬵ᭞ᬲᬦ᭄ᬢᭀᬰᬾᬦᬱ᭄ᬝᬄᬪᬹᬧᬢᬶᬄ᭞ᬰᬮᬱ᭄ᬝᭀᬕᬢᬶᬢᭀ ᬦᬱ᭄ᬝᬄ᭞ᬦᬶᬃᬮᬚᬲᬮᬢᬸᬓᬸᬮᬗ᭄ᬕᬦᬫ᭄᭟ᬬᬦ᭄ᬤ᭄ᬯᬶᬚᬵ᭞ᬬᬦ᭄ᬧᬡ᭄ᬥᬶᬢ᭞ᬲᬮ᭄ᬯᬶᬭᬦᬶᬂᬲᬶᬦᬗ᭄ᬕᬸᬄᬫᬹᬦᬶ᭞ᬫᬳᬮᬵᬬᬦ᭄ᬢᬦ᭄ᬰᬦ᭄ᬢᭀᬰ᭞ᬭᬶᬂᬯᬳ᭄ᬬᬲᬸᬓᬵ᭟ᬓᬸᬦᬂᬓᬤᬶᬧᬭᬫᬾᬰ᭄ᬯᬭᬯᬶᬦᬓᬵᬘᬢ᭄ᬭᬦᬶᬂᬪᬹᬫᬶ᭞ᬤᬤ᭄ᬬᬢᬬᬦ᭄ᬰᬦ᭄ᬢᭀᬰᬾᬰᬂᬲᬸᬓᬵᬫ᭄ᬯᬂᬪᬹᬫᬶ᭞ᬫᬗ᭄ᬳᬵ ᬳᬮᬇᬓᬵᬲᬚ᭄ᬜᬳᬚᬶ᭞ᬓᬳᭂᬦ᭄ᬢᬶᬪᬹᬫᬶᬲᬂᬦᬵᬣᬲᬓᬭᬶᬂᬧᬗ᭄ᬯᬫᬦᬦᬶᬂᬰᬢ᭄ᬭᬸᬇᬓᬵ᭟ᬫ᭄ᬯᬂᬲᬸᬤ᭄ᬥᬵᬦᬶᬂᬪᬹᬫᬶ᭞ᬗᬹᬦᬶᬳᬶᬂᬪᬺᬢ᭄ᬢ᭄ᬬ᭞ᬅᬦᬓ᭄ᬲ᭄ᬢ᭄ᬭᬷᬢ᭄ᬯᬶᬳᬯᬮᬾᬧᬵ᭞ᬫᬸᬮᬦᬶᬂᬳᬶᬦᬯᬶᬃᬬ᭄ᬬ᭟ᬓᬸᬦᬂᬇᬓᬂᬕᭃᬂᬯᬶᬭᬵ᭞ᬢᬦ᭄ᬢ᭄ᬭᬫᬦᬶᬂᬳᬩᬡ᭄ᬥᬕᬶᬡᬵ᭞ ᬢᬦ᭄ᬤᬤ᭄ᬬᬵᬕᭃᬂᬳᬯᬶᬭᬂ᭞ᬭᬶᬂᬲ᭄ᬢ᭄ᬭᬶᬓᬸᬮᬚ᭞ᬭᬶᬲᬸᬓ᭄ᬮᬫᬗ᭄ᬕᭂᬕᬵᬓᬧᬢᬶᬩ᭄ᬭᬢᬦ᭄᭞ᬢᬶᬯᬲᬶᬓᬵᬬᬦ᭄ᬢᬦ᭄ᬯ᭄ᬭᬸᬄᬭᬶᬗᬶᬭᬂ᭟ᬓᬸᬦᬂᬳᬸᬮᬳᬲᬂᬧ᭄ᬭᬪᬹ᭞ᬢᬦ᭄ᬯᭂᬦᬂᬲᬶᬭᬬᬦ᭄ᬢᬦ᭄ᬢᬸᬫᭂᬕᬸᬳᬓ᭄ᬦᬵᬲᬧ᭄ᬢᬯᬶᬥ᭄ᬬᬯᬺᬢ᭄ᬢᬶ᭞ᬇᬓᬵᬢᬸᬫᬸᬮᬤᬦᬕᬸ

Auto-transliteration

[17 17B] 17 rakawiduḥ. mapātapanoningrāt, ringswagganarakā. kunangrikahidhĕpanikāpinĕr̥ĕngwakĕnsangkengagamā'ikā. ansinangguḥrorawadwayāngaranikā. anekānityadaridrā, yekāsi nangguḥpratyakṣanarakā. sakṣatkatonpapaningrāt. hanapwanghulunprabhū'ingumahanringwiṣaya, yatangar̥ĕpakĕnpamā, nityamratmratitikangmantri, tansantoṣaringwidayā, nyanĕmahanapangumpĕta ningparā. mangkenghulunmanomahawkantā, manahahuninghulunbuddhyantantawkā, umĕmānayantākunĕngtumibenghulun. mangkanalingśrimahārāja. hatūr̀sĕmbaḥrakryanāpatiḥ. sajñahaji, atyanta paramawiśeṣahajñāparameśwara, rinngĕpaṭikaji. sakṣatkaturunanparamāthapaṭikaji. kunangpwalingśrīmahāraja, tumahabuddhipaṭikajimawka, tuhaśrimahārājalawantamwaḥliparameśwa [18 18A] ramangadyanikasantosan. singgiḥlingśrimahāraja, kinontamakniyanringmūniśwara, wwangtapaswi, ikangbuddhikasantośankṣamā. // aśantośomuninaṣṭā, santośenaṣṭaḥbhūpatiḥ, śalaṣṭogatito naṣṭaḥ, nir̀lajasalatukulangganam. yandwijā, yanpaṇdhita, salwiraningsinangguḥmūni, mahalāyantanśantośa, ringwahyasukā. kunangkadiparameśwarawinakācatraningbhūmi, dadyatayanśantośeśangsukāmwangbhūmi, manghā hala'ikāsajñahaji, kahĕntibhūmisangnāthasakaringpangwamananingśatru'ikā. mwangsuddhāningbhūmi, ngūnihingbhr̥ĕttya, anakstrītwihawalepā, mulaninghinawir̀yya. kunangikanggöngwirā, tantramaninghabaṇdhagiṇā, tandadyāgönghawirang, ringstrikulaja, risuklamanggĕgākapatibratan, tiwasikāyantanwruḥringirang. kunanghulahasangprabhū, tanwĕnangsirayantantumĕguhaknāsaptawidhyawr̥ĕtti, ikātumuladanagu

Leaf 18

Image on Archive.org

[᭑᭘ 10B] ᭑᭘ ᬡᬲᬂᬲᬧ᭄ᬢᬤᬾᬯᬢᬵ᭟ᬲ᭄ᬬᬧᬵᬭᬓ᭄ᬯᬮᬶᬂᬦᬶᬂᬰᬲ᭄ᬢ᭄᭞ᬲᬂᬤᬾᬯᬢᬮᬧᭂᬦ᭄ᬕᬸᬡᬦᬶᬭᬵ᭟᭚ᬕᬸᬡᬰᬸᬓ᭄ᬭᬵᬲ᭄ᬬᬯᬦᬶᬱ᭄ᬝᬄ᭞ᬇᬦ᭄ᬤ᭄ᬭᬲᬶᬬᬦ᭄ᬥᭀᬧ᭄ᬭᬢᬶᬤ᭄ᬬᬰ᭄ᬘᬵ᭞ᬦᬺᬧᭀᬲᬶᬬᬱ᭄ᬝᬕᬸᬡᭀᬪᬯᬾᬢ᭄᭟ᬲᬗ᭄ᬳ᭄ᬬᬂᬰᬸᬓ᭄ᬭᬵ᭞ᬲᬗ᭄ᬳ᭄ᬬᬂᬪᬬᬸ᭞ᬲᬗ᭄ᬳ᭄ᬬᬂᬬᬫᬵ᭞ ᬲᬗ᭄ᬳ᭄ᬬᬂᬇᬦ᭄ᬤ᭄ᬭᬵ᭞ᬲᬗ᭄ᬳ᭄ᬬᬵᬂᬯᬸᬯᬦ᭄᭞ᬪᬝᬭᬶᬧ᭄ᬭᬢᬶᬯᬶ᭞ᬲᬶᬭᬤᬮᬧᭂᬦ᭄ᬓᬧᬶᬢᬸᬕᬸᬡᬦᬶᬭᬵ᭞ᬇᬓᬵᬢᬓᬩᬾᬄᬕᬸᬡᬳᬸᬮᬳᬓ᭄ᬦᬤᬾᬧᬭᬫᬾᬰ᭄ᬯᬭ᭞ᬳᬾᬢᬸᬧᬭᬫᬾᬰ᭄ᬯᬭᬢᬸᬫᭂᬫᬸᬓᬓᬾᬰ᭄ᬯᬃᬬᬦ᭄ᬧᬭᬶᬫᬶᬢᬵ᭟ᬧᬝᬶᬓᬚᬶᬫᬢᬹᬃ᭞ᬫ ᬓᬤᭀᬦ᭄‌ᬢᬦ᭄ᬢᬸᬢᬵᬧᬭᬫᬾᬰ᭄ᬯᬭᬭᬶᬂᬬᬢᬶᬓ᭄ᬭᬶᬬᬵ᭞ᬫᬾᬗᭂᬢᬭᬶᬭᬵᬚᬓᬺᬢ᭄ᬢᬶ᭟ᬫᬧᬵᬧ᭄ᬯᬳᬚ᭄ᬜᬵᬧᬭᬫᬾᬰ᭄ᬯᬭ᭞ᬢᬶᬢᬦ᭄ᬲᬦ᭄ᬢᭀᬰᬵᬰ᭄ᬭᬷᬫᬳᬵᬭᬵᬚ᭞ᬫ᭄ᬯᬂᬲᬗ᭄ᬰᬬᬵᬭᬶᬧᬗᬸᬘᬧᬶᬭᬶᬓᬂᬯ᭄ᬯᬂ᭟ᬓᬭᬡᬦᬶᬧᬝᬶᬓᬚᬶᬳᬸᬫᬢᬹ ᬭᬵᬭᬶᬧᬭᬫᬾᬰ᭄ᬯᬭ᭞ᬭᬶᬢᬦ᭄ᬲᬓᬧᬤᬸᬓᬧᬭᬫᬾᬰ᭄ᬯᬭᬭᬶᬂᬧᬝᬶᬓᬚᬶ᭟ᬧᬸᬦ᭄ᬢᬦ᭄ᬢ᭄ᬭᬶᬫᬗ᭄ᬓᬾᬧ᭄ᬯᬭᬶᬲᬦ᭄ᬫᬢᬵᬧᬭᬫᬾᬰ᭄ᬲᬭ᭟ᬲᬓ᭄ᬱᬢ᭄ᬪᬕ᭄ᬬᬧᬝᬶᬓᬚᬶ᭞ᬫᬢᬗ᭄ᬬᬦ᭄‌ᬧᬭᬫᬾᬰ᭄ᬯᬭᬢᬦ᭄ᬧᬦ᭄ᬕᬸᬳᬓᭂᬦ᭄ᬭᬱᬦᬶᬂᬰᬲ᭄ᬢ᭄ᬭ᭟ᬓᬸ [᭑᭑ 11A] ᬦᬂᬧ᭄ᬯᬫᬗ᭄ᬓᬾᬇᬥᭂᬧ᭄ᬧᬝᬶᬓᬚᬶ᭞ᬇᬓᬂᬢᬶᬦᬹᬢ᭄ᬧᬭᬫᬾᬰ᭄ᬯᬭ᭞᭚ᬧᬮᬬᬾᬢ᭄ᬓᬸᬮᬚᬵᬧ᭄ᬭᬚ᭄ᬜᬾ᭞ᬯᬶᬭᬹᬧᬫᬧᬶᬓᬦ᭄ᬬᬦᬫ᭄᭞ᬭᬹᬧᬦ᭄ᬯᬶᬢᬦ᭄‌ᬢᬸᬦᬶᬲᬜ᭄ᬘ᭞ᬕᬸᬡᬦ᭄᭟ᬯᬶᬢᬯᬶᬯᬳᬩᬺᬢ᭄᭟ᬳᬦᬲ᭄ᬢ᭄ᬭᬷᬓᬸᬮᬚ ᭞ᬫ᭄ᬯᬂᬬᬦ᭄ᬢᬦ᭄ᬲᬸᬭᬹᬧᬵ᭞ᬭᬭᬵᬢᬬ᭟ᬅᬦᬾᬓᬵᬫᬸᬯᬄ᭞ᬲᭀᬃᬓᬸᬮᬦ᭄ᬬ᭞ᬦ᭄ᬤᬦ᭄ᬲᬸᬭᬹᬧᬵ᭞ᬦᬶᬳᬦ᭄ᬫᬗ᭄ᬓᬦᬯ᭄ᬢ᭄ᬭᬶ᭟ᬤᬾᬲᬂᬯ᭄ᬭᬸᬄᬫᬗᬮᬧᬶᬲ᭄ᬢ᭄ᬭᬶ᭞ᬉᬢ᭄ᬢᬫᬾᬲᬢᬢᬵᬭᬶᬂᬓᬸᬮᬭᬹᬧᬵ᭟ᬇᬓᬂᬲ᭄ᬢ᭄ᬭᬶᬳᬦᬘᬮᬦ᭄ᬬ᭞ᬦ᭄ᬤᬦ᭄ᬓᬶᬦᬳ ᬦᬦ᭄ᬲᬮᬄᬲᬶᬓᬶᬲᬶᬦᬗ᭄ᬕᬸᬄᬕᬸᬡᬧᬢ᭄᭞ᬯ᭄ᬦᬂᬬᬮᬧᭂᬦ᭄᭟ᬦ᭄ᬤ᭄ᬬᬢᬮ᭄ᬯᬶᬃᬦ᭄ᬬ᭟ᬳᬦ᭄ᬯᬫ᭄᭞ᬲᬸᬕᬶᬄᬓᬸᬦᬂ᭞ᬯᬶᬰᬾᬱᬓᬸᬦᬂ᭞ᬓᬶᬦᬳᬦᬦᬶᬂᬯᬶᬯᬾᬓᬓᬸᬦᬂ᭟ᬗᬹᬦᬶᬗᬹᬦᬶᬓᬳᭂᬦ᭄ᬢ᭄ᬬᬓᬧᬢ᭄᭞ᬧᬶᬦᬓᬲ᭄ᬯᬪᬯᬦᬶᬓᬂ ᬲ᭄ᬢ᭄ᬭᬶ᭟ᬪᬕ᭄ᬬᬯᬶᬃᬬ᭄ᬬᬯᬦ᭄‌ᬲᬂᬫᬗᬮᬧ᭄᭟ᬮᬯᬦ᭄ᬢᬫ᭄ᬯᬄ᭞ᬓᬯᬸᬯᬸᬲᬦᬶᬂᬲ᭄ᬢ᭄ᬭᬶᬲᬶᬦᬗ᭄ᬕᬸᬄᬧᬢᬶᬩ᭄ᬭᬢ᭟᭚ᬅᬚᬲ᭄ᬘᬫᬸᬓᬢᭀᬄᬫᬾᬤ᭄ᬬᬘᬧ᭄ᬭᬱ᭄ᬝᬢᬄ᭞ᬩ᭄ᬭᬳ᭄ᬫᬵᬡᬾᬧᬥᬬᬫᬾᬤ᭄ᬬᬄ᭞ᬲ᭄ᬢ᭄ᬭᬷᬬᭀᬄᬫᬤ᭄ᬬᬰ᭄ᬘᬲᬃᬯ᭄ᬯᬢᬄ᭟

Auto-transliteration

[18 10B] 18 ṇasangsaptadewatā. syapārakwalingningśast, sangdewatalapĕn'guṇanirā. // guṇaśukrāsyawaniṣṭaḥ, indrasiyandhopratidyaścā, nr̥ĕposiyaṣṭaguṇobhawet. sanghyangśukrā, sanghyangbhayu, sanghyangyamā, sanghyangindrā, sanghyāngwuwan, bhaṭaripratiwi, siradalapĕnkapituguṇanirā, ikātakabeḥguṇahulahaknadeparameśwara, hetuparameśwaratumĕmukakeśwar̀yanparimitā. paṭikajimatūr̀, ma kadontantutāparameśwararingyatikriyā, mengĕtarirājakr̥ĕtti. mapāpwahajñāparameśwara, titansantośāśrīmahārāja, mwangsangśayāripangucapirikangwwang. karaṇanipaṭikajihumatū rāriparameśwara, ritansakapadukaparameśwararingpaṭikaji. puntantrimangkepwarisanmatāparameśsara. sakṣatbhagyapaṭikaji, matangyanparameśwaratanpan'guhakĕnraṣaningśastra. ku [11 11A] nangpwamangke'idhĕppaṭikaji, ikangtinūtparameśwara, // palayetkulajāprajñe, wirūpamapikanyanam, rūpanwitantunisañca, guṇan. witawiwahabr̥ĕt. hanastrīkulaja , mwangyantansurūpā, rarātaya. anekāmuwaḥ, sor̀kulanya, ndansurūpā, nihanmangkanawtri. desangwruḥmangalapistri, uttamesatatāringkularūpā. ikangstrihanacalanya, ndankinaha nansalaḥsikisinangguḥguṇapat, wnangyalapĕn. ndyatalwir̀nya. hanwam, sugiḥkunang, wiśeṣakunang, kinahananingwiwekakunang. ngūningūnikahĕntyakapat, pinakaswabhawanikang stri. bhagyawir̀yyawansangmangalap. lawantamwaḥ, kawuwusaningstrisinangguḥpatibrata. // ajascamukatoḥmedyacapraṣṭataḥ, brahmāṇepadhayamedyaḥ, strīyoḥmadyaścasar̀wwataḥ.

Leaf 19

Image on Archive.org

[᭑᭙ 19B] ᭑᭙ ᬇᬓᬂᬯ᭄ᬥᬸᬲ᭄᭞ᬫᬶᬡ᭄ᬥᬵ᭞ᬫᬸᬓᬦ᭄ᬬᬲᬸᬘᬶ᭟ᬇᬓᬂᬓᬸᬫ᭄ᬩᬂᬭᬶᬯᬸᬭᬶᬦ᭄ᬬᬲᬸᬘᬶ᭟ᬲᬂᬩ᭄ᬭᬳ᭄ᬫᬵᬡᬭᬶᬲᬸᬓᬸᬦᬶᬭᬵᬲᬸᬘᬶ᭟ᬓᬸᬦᬂᬇᬓᬂᬲ᭄ᬢ᭄ᬭᬶ᭞ᬇᬬᬵᬯᬬᬦ᭄ᬬᬓᬩᬾᬄᬲᬸᬘᬶ᭞ᬦ᭄ᬤᬦ᭄ᬦᬶᬳᬦ᭄‌ᬓᬦ᭄ᬬᬓᬵ᭚ᬩᬮᬸᬘ᭄ᬢ᭄ᬭᬶ ᬧᬢ᭄‌ᬲᬶᬓᬵᬢᬸᬘ᭄ᬘ᭞ᬫᬺᬤᬶᬦᬜ᭄ᬘᬓᬲᬡ᭄ᬥᬮᬸ᭞ᬖᭀᬳᬪᬸᬨᬮᬢᬫ᭄ᬩᬸᬮᬵ᭞ᬲᭀᬘᬶᬢ᭄ᬢᬫᬸᬧᬚᬬᬢᬾ᭟ᬲ᭄ᬢ᭄ᬭᬶᬅᬦ᭄ᬯᬫ᭄᭞ᬫᬸᬓᬦᬶᬂᬮᬦᬓᬮᬶᬗᬦ᭄ᬬ᭟ᬓᬫᬡ᭄ᬥᬮᬸᬲᬂᬋᬱᬶ᭞ᬯ᭄ᬯᬾᬳᬸᬫᬶᬮ᭄ᬬ᭞ᬯᬯᬳᬦ᭄᭞ᬲ᭄ᬥᬄ ᬯ᭄ᬯᬄ᭞ᬇᬓᬢᬓᬩᬾᬄᬲᬸᬘᬶ᭟ᬢᬦ᭄ᬳᬦᬲᬶᬦᬗ᭄ᬕᬄᬢ᭄ᬥᬵ᭟ᬅᬧᬦᬶᬓᬵᬬᬦ᭄ᬲᭂᬗ᭄ᬕᬳᭂᬦ᭄ᬢᭂᬥ᭞ᬳᬦᬫ᭄ᬯᬄᬇᬓᬵᬲᬶᬦᬸᬘ᭄ᬬᬓ᭄ᬦᬢᬫ᭞ᬧ᭄ᬭᬲᭂᬗ᭄ᬕᬳᭂᬦᬶᬓᬵᬢ᭄ᬥᬓᬩᬾᬄ᭟᭚ᬚᬮᬜ᭄ᬘᬮᬬᬢᭀᬘᬶᬱ᭄ᬝᬦ᭄᭞ᬫᬢ᭄ ᬲᬾᬘᬶᬱ᭄ᬝᬗ᭄ᬕᬫᬫ᭄ᬧᬬᬄ᭞ᬧᬸᬱ᭄ᬝᬫ᭄ᬩ᭄ᬭᬧᬭᬲᭀᬘᬶᬱ᭄ᬝ᭞ᬫᬺᬕ᭄ᬥᭀᬲᭀᬦ᭄ᬤᬶᬘᬦ᭄ᬤ᭄ᬭᬫᬄ᭟ᬇᬓᬗ᭄ᬥᬾᬲᬸᬘᬶ᭞ᬧ᭄ᬭᬲᬗ᭄ᬕᬢᬦ᭄ᬲᬸᬘᬶᬇᬓᬤᬾᬦᬶᬂᬳᬶᬫᬵ᭟ᬇᬓᬂᬧᭂᬳᬦ᭄‌ᬲᬶᬦᬗ᭄ᬕᭂᬲᬸᬘᬶ᭞ᬤᬾᬦᬶᬂᬧᬸᬭᬸᬓ᭄ᬦ᭄ᬬ᭟ [᭒᭐ 20A] ᬫᬗ᭄ᬓᬦᬲᭂᬓᬃᬲᬶᬦᬗ᭄ᬕᬄᬲᬸᬘᬶ᭞ᬢᬦ᭄ᬲᬸᬘᬶᬇᬓᬵᬤᬾᬦᬶᬂᬪ᭄ᬭᬫᬭᬵ᭞ᬫᬗ᭄ᬓᬦᬲᬗ᭄ᬳ᭄ᬬᬂᬯᬸᬮᬦ᭄‌ᬲᬸᬘᬶᬲᬶᬭᬵ᭞ᬢᬦ᭄ᬲᬸᬘᬶᬇᬓᬵᬤᬾᬦᬶᬂᬫᬺᬖᬵᬳᬦᬾᬂᬚ᭄ᬭᭀᬦᬶᬓᬵ᭟ᬓᬮᬶᬗᬦ᭄ᬬ᭞ᬯ᭄ᬯᬂᬚᬸᬕᬫᬕᬯᬾᬲᬸᬘᬶ ᬢᬦ᭄ᬲᬸᬘᬶ᭟ᬮᬯᬦ᭄ᬢᬫ᭄ᬯᬄ᭞ᬅᬚ᭄ᬜᬳᬚᬶ᭟᭚ᬅᬫ᭄ᬩᬦᬲᬡ᭄ᬥᬢᬾᬩ᭄ᬭᬢᬫ᭄᭞ᬫᬦᭀᬥ᭄ᬬᬦᬶᬓᬕᬸ᭠ᬤ᭄ᬬᬢᬾ᭞ᬯᬶᬤ᭄ᬬᬢᬧᬵᬩ᭄ᬭᬢᬤ᭄ᬬᬢ᭄ᬫᬵ᭞ᬲᬸᬘᬶᬚ᭄ᬜᬦᬾᬦᬲᬸᬤ᭄ᬬᬢᬾ᭟ᬇᬓᬂᬯ᭄ᬯᬾᬧᬶᬦᬓᬧᬫᬭᬶᬲᬸᬤ᭄ᬥᬵᬰᬭᬶᬭᬵ᭞ ᬥ᭄ᬬᬦᬧᬶᬦᬓᬵᬧᬶᬦᬓᬵᬧᬫᬭᬶᬲᬸᬤ᭄ᬥᬵᬫᬦᬄ᭟ᬇᬓᬂᬓᬶᬦᬳᬦᬦᬶᬂᬯᬶᬥ᭄᭞ᬢᬧᬵᬩ᭄ᬭᬢᬍᬯᬶᬄ᭞ᬲᬸᬤ᭄ᬥᬵᬇᬓᬵᬤᬾᬦᬶᬲᬸᬚ᭄ᬜᬦ᭟ᬓᬮᬶᬗ᭄ᬳᬦ᭄ᬬ᭞ᬩᬸᬤ᭄ᬥᬶᬕᬸᬕᬲᬗ᭄ᬓᬦᬶᬂᬲᬸᬤ᭄ᬥᬵᬲᬸᬤ᭄ᬥᬶ᭟ᬫᬗ᭄ᬓᬦᬢᬧᬭᬫᬾᬰ᭄ᬯ ᬭ᭟ᬩᬸᬤ᭄ᬥᬶᬧᬭᬫᬾᬰ᭄ᬯᬭᬲᬸᬤ᭄ᬥᬶ᭞ᬫᬗ᭄ᬓᬦᬢᬦᬶᬫᬶᬢ᭄ᬢᬦ᭄ᬬᬲᬸᬤ᭄ᬥᬭᬶᬯ᭄ᬓᬧᬝᬶᬓ᭄ᬳᬚᬶ᭞ᬧᬭᬶᬲᬸᬤ᭄ᬥᬵᬓᬮᬯᬜ᭄ᬘᬶᬢ᭄ᬢᬵ᭟ᬅᬦ᭄‌ᬧᬝᬶᬓᬚᬶᬳᬸᬫᬢᬹᬭᬓ᭄ᬦᬾᬂᬧᬭᬫᬾᬰ᭄ᬯᬭ᭞ᬓᬧᬢ᭄ᬬᬦ᭄‌ᬦᬶᬂᬧᬝᬶᬓᬚᬶᬢᬓᭀᬱ᭄ᬝᬳᬧᬃᬬ᭄ᬬ

Auto-transliteration

[19 19B] 19 ikangwdhus, miṇdhā, mukanyasuci. ikangkumbangriwurinyasuci. sangbrahmāṇarisukunirāsuci. kunangikangstri, iyāwayanyakabeḥsuci, ndannihankanyakā // baluctri patsikātucca, mr̥ĕdinañcakasaṇdhalu, ghohabhuphalatambulā, socittamupajayate. stri'anwam, mukaninglanakalinganya. kamaṇdhalusangr̥ĕsyi, wwehumilya, wawahan, sdhaḥ wwaḥ, ikatakabeḥsuci. tanhanasinanggaḥtdhā. apanikāyansĕnggahĕntĕdha, hanamwaḥikāsinucyaknatama, prasĕnggahĕnikātdhakabeḥ. // jalañcalayatociṣṭan, mat seciṣṭanggamampayaḥ, puṣṭambraparasociṣṭa, mr̥ĕgdhosondicandramaḥ. ikangdhesuci, prasanggatansuci'ikadeninghimā. ikangpĕhansinanggĕsuci, deningpuruknya. [20 20A] mangkanasĕkar̀sinanggaḥsuci, tansuci'ikādeningbhramarā, mangkanasanghyangwulansucisirā, tansuci'ikādeningmr̥ĕghāhanengjronikā. kalinganya, wwangjugamagawesuci tansuci. lawantamwaḥ, ajñahaji. // ambanasaṇdhatebratam, manodhyanikagu‐dyate, widyatapābratadyatmā, sucijñanenasudyate. ikangwwepinakapamarisuddhāśarirā, dhyanapinakāpinakāpamarisuddhāmanaḥ. ikangkinahananingwidh, tapābratal̥ĕwiḥ, suddhā'ikādenisujñana. kalinghanya, buddhigugasangkaningsuddhāsuddhi. mangkanataparameśwa ra. buddhiparameśwarasuddhi, mangkanatanimittanyasuddhariwkapaṭik'haji, parisuddhākalawañcittā. anpaṭikajihumatūraknengparameśwara, kapatyanningpaṭikajitakoṣṭahapar̀yya

Leaf 20

Image on Archive.org

[᭒᭐ 20B] ᭒᭐ ᬦ᭄ᬢ᭟ᬫᬗ᭄ᬓᬦᬮᬶᬂᬭᬓ᭄ᬭ᭄ᬬᬦᬵᬧᬢᬶᬄ᭟ᬲᬸᬓᬰ᭄ᬭᬶᬫᬳᬵᬭᬵᬚ᭞ᬫᬗᬺᬗᭃᬲᬳᬢᬹᬃᬭᬓ᭄ᬭ᭄ᬬᬦᬵᬧᬢᬶᬄ᭟ᬲᬶᬦᬸᬗᬦ᭄ᬲᬶᬭᬲ᭄ᬥᬄᬲᬓᬾᬂᬫᬦᬥᬳᬦᬶᬭ᭟ᬢᬶᬦᬗ᭄ᬕᬧ᭄‌ᬲᬶᬦᭂᬫ᭄ᬩᬳᬓᭂᬦ᭄‌ᬤᬾᬭᬓ᭄ᬭ᭄ᬬᬦᬧᬢᬶᬄ᭟᭚ᬲᬅᬱ᭄ᬝ ᬗ᭄ᬕᬦ᭄ᬧ᭄ᬭᬡᬲ᭄ᬬ᭟ᬯᬶᬦᬶᬚᬶᬮᬓᭂᬦ᭄ᬢᬂᬭᬵᬚᬧᬾᬦᬶ᭞ᬲᬓᬃᬬ᭄ᬬᬦᬶᬂᬯᬶᬯᬳᬵ᭟ᬘᬢ᭄ᬭ᭞ᬥ᭄ᬯᬚᬵ᭞ᬘᬫᬭᬵ᭞ᬲᬗ᭄ᬓ᭞ᬓᬮᬳᬵ᭞ᬤᬫ᭄ᬧᬵ᭞ᬤᬸᬤ᭄ᬯᬂᬫᬧᬓ᭄ᬦᬦᬸᬕ᭄ᬭᬳᬦᬶᬭᬭᬓ᭄ᬭ᭄ᬬᬦᬵᬧᬢᬶᬄ᭟ᬫᬯᭂᬯᭂᬄᬧᬗᬦᬸᬕ᭄ᬭᬳ᭟ᬘᬫ᭠ ᬭᬢᬶᬕᬵᬯᬃᬡ᭄ᬦᬵ᭟ᬲ᭄ᬯᬾᬢᬵ᭞ᬭᬓ᭄ᬢ᭞ᬓᬺᬱ᭄ᬡᬵ᭟ᬲᬳᬤᬫ᭄ᬧᬵ᭞ᬧᬫᬸᬘᬗᬦ᭄ᬫᬵᬲ᭄᭞ᬲᬳᬵᬤ᭄ᬬᬲᬍᬯᬶᬄ᭟ᬳᬍᬧ᭄ᬦᬶᬓᬂᬯᬶᬯᬳᬵ᭞ᬲᬗ᭄ᬓᬭᬶᬓᬂᬓᬭᬸᬳᬸᬦ᭄᭞ᬫᬫᬋᬗᬶᬧᬹᬚᬵᬫᬳᭀᬢ᭄ᬲᬯᬵ᭟ᬭᬶᬳᬸᬯᬸᬲ᭄‌ᬰ᭄ᬭᬶᬫᬳᬵᬭ ᬚᬳᬲᬸᬂᬦᬸᬕ᭄ᬭᬳᬵᬮᬗ᭄ᬓᬭᬦᬶᬂᬯᬶᬯᬳᬵ᭞ᬫᬦ᭄ᬢᬸᬓ᭄‌ᬤᬭᬓ᭄ᬭ᭄ᬬᬦᬧᬢᬶᬄᬫᬭᬶᬂᬓᬸᬯᬸᬦᬶᬭ᭞ᬫᬶᬯᬵᬲᬓ᭄ᬭᬫᬦᬶᬂᬯᬶᬯᬳᬵ᭟ᬫᬶᬚᬶᬮᬲᬓᬢᭂᬫ᭄ᬩᬾ᭟ᬉᬫᬸᬮᬳᬓ᭄ᬦᬲᬧ᭄ᬢᬯᬶᬥ᭄ᬬᬓᬃᬬ᭄ᬬ᭞ᬢᬶᬧ᭄ᬭᬢᬶᬧᬢ᭄ᬢᬶᬭᬶᬭᬵᬚᬵ [᭒᭑ 21A] ᬯᬶᬯᬳᬵᬓᬃᬬ᭄ᬬ᭟ᬳᬸᬯᬸᬲ᭄ᬧ᭄ᬯᬲᬯ᭄ᬗᬶ᭞ᬲᬓᬧᬧᬢ᭄‌ᬲᬗ᭄ᬕ᭄ᬭᬲᬚᬶ᭞ᬳᬲᬦᬶᬢ᭄ᬬᬲᬓᬃᬬ᭄ᬬ᭞ᬢᬸᬳᬸᬦ᭄ᬫᬗ᭄ᬮᭂᬯᬶᬄᬇᬓᬵ᭟ᬭᬶᬤᬾᬦᬶᬂᬯ᭄ᬓᬦᬶᬭᬵ᭞ᬦ᭄ᬬᬢᬍᬯᬶᬳᬵᬳᬍᬧᬶᬂᬓᬃᬬ᭄ᬬᬵᬲᬗ᭄ᬓᬾᬤᬗᬸᬦᬶᬢ᭄ᬬ᭟ᬇᬦ᭄ᬬᬱᬦ᭄‌ᬢᬂᬲ ᬪᬫ᭄ᬯᬂᬧᬯᬭᬗᬦ᭄᭞ᬢᬭᬢᬕ᭄ᬭᬫ᭄ᬩᬢ᭄ᬓᬫᬮᬵ᭞ᬓᬸᬫᬸᬮᬶᬮᬶᬂᬲᬶᬗ᭄ᬳᬲᬦᬭᬶᬫᬥ᭄ᬬᬦᬶᬓᬵ᭞ᬫᬗᬋᬧᬓᭂᬦ᭄‌ᬭᬢ᭄ᬦᬯᬶᬢᬦᬵ᭞ᬧᬥᬭᬶᬦᬘᬦᬾᬶᬧ᭄ᬭᬮᬫ᭄ᬩᬂ᭞ᬫᬚᬫᬂᬫᬡᬶᬧᬸᬢᬶᬄ᭞ᬫ᭄ᬯᬂᬲᬃᬯ᭄ᬯᬓᬸᬱᬸᬫᬨᬮᬳᬦᬾᬓᬯᬃ ᬡ᭄ᬦ᭞ᬯᬶᬦᬗᬸᬦ᭄‌ᬘᬮᬦ᭄‌ᬓᬦᬓᬦᬯᬭᬵᬢ᭄ᬦᬵᬕᭃᬂᬲᬦ᭄ᬢᬶᬗᬦᬶᬂᬳᬗ᭄ᬲᬲᬢᬾᬚᬓᬲᭂᬦ᭄ᬯᬦᬵᬭᬸᬡ᭟ᬧᬥᬫᬸᬮ᭄ᬬᬦᬾᬓᬯᬃᬡ᭄ᬦᬧᬶᬦᬓᬵᬧᬗ᭄ᬕᬸᬩᬄᬦᬶᬲᬶᬗ᭄ᬳᬰᬡ᭞ᬅᬢᭂᬧ᭄ᬦ᭄ᬬᬤᬾᬯᬗ᭄ᬕᬰ᭄ᬯᬾᬣᬯᬮᬶ᭞ᬧᬶᬢ ᬯᬮᬶ᭞ᬓᬺᬱ᭄ᬡᬯᬮᬶ᭞ᬕᬶᬦᬡ᭄ᬥᬧᬢ᭄ᬭᬦᬶᬂᬓᬦᬓᬵᬤ᭄ᬭᬯᬵ᭞ᬳᬦᬾᬓᬘᬭᬶᬓᬵ᭞ᬤᬾᬯᬗ᭄ᬕᬵ᭞ᬦᬭᬗ᭄ᬕᬵ᭞ᬲᬳᬚᬭᬹᬧᬓᬵ᭟ᬮᬾᬦ᭄ᬢᬂᬯᬲ᭄ᬢ᭄ᬭᬲᬸᬢ᭄ᬭ᭟ᬧᬦᬢᬮᬶ᭞ᬭᬗ᭄ᬕᬭᬗ᭄ᬕ᭞ᬯᬲ᭄ᬢ᭄ᬭᬦᬾᬓᬭᬹᬧᬵ᭞ᬰ᭄ᬯᬾᬣᬧᬶ

Auto-transliteration

[20 20B] 20 nta. mangkanalingrakryanāpatiḥ. sukaśrimahārāja, mangr̥ĕngösahatūr̀rakryanāpatiḥ. sinungansirasdhaḥsakengmanadhahanira. tinanggapsinĕmbahakĕnderakryanapatiḥ. // sa'aṣṭa ngganpraṇasya. winijilakĕntangrājapeni, sakar̀yyaningwiwahā. catra, dhwajā, camarā, sangka, kalahā, dampā, dudwangmapaknanugrahanirarakryanāpatiḥ. mawĕwĕḥpanganugraha. cama‐ ratigāwar̀ṇnā. swetā, rakta, kr̥ĕṣṇā. sahadampā, pamucanganmās, sahādyasal̥ĕwiḥ. hal̥ĕpnikangwiwahā, sangkarikangkaruhun, mamar̥ĕngipūjāmahotsawā. rihuwusśrimahāra jahasungnugrahālangkaraningwiwahā, mantukdarakryanapatiḥmaringkuwunira, miwāsakramaningwiwahā. mijilasakatĕmbe. umulahaknasaptawidhyakar̀yya, tipratipattirirājā [21 21A] wiwahākar̀yya. huwuspwasawngi, sakapapatsanggrasaji, hasanityasakar̀yya, tuhunmanglĕwiḥikā. rideningwkanirā, nyatal̥ĕwihāhal̥ĕpingkar̀yyāsangkedangunitya. inyaṣantangsa bhamwangpawarangan, taratagrambatkamalā, kumulilingsinghasanarimadhyanikā, mangar̥ĕpakĕnratnawitanā, padharinacaneipralambang, majamangmaṇiputiḥ, mwangsar̀wwakusyumaphalahanekawar̀ ṇna, winanguncalankanakanawarātnāgöngsantinganinghangsasatejakasĕnwanāruṇa. padhamulyanekawar̀ṇnapinakāpanggubaḥnisinghaśaṇa, atĕpnyadewanggaśwethawali, pita wali, kr̥ĕṣṇawali, ginaṇdhapatraningkanakādrawā, hanekacarikā, dewanggā, naranggā, sahajarūpakā. lentangwastrasutra. panatali, ranggarangga, wastranekarūpā, śwethapi

Leaf 21

Image on Archive.org

[᭒᭑ 21B] ᭒᭑ ᬢ᭞ᬭᬓ᭄ᬢᬓᬺᬱ᭄ᬡ᭟ᬢᬦ᭄ᬳᬦᬂᬯᬲ᭄ᬢ᭄ᬭᬢᬦᬫᬸᬮ᭄ᬬᬵ᭞ᬅᬥᬶᬓᬵᬭᬭᬶᬂᬫᬹᬧᬵ᭟ᬲᬮ᭄ᬯᬶᬭᬶᬂᬳᬲᬸᬗ᭄ᬳᬃᬱᬭᬶᬂᬭᬵᬢ᭄᭞ᬫᬗ᭄ᬓᬦᬂᬲᬃᬯ᭄ᬯᭀᬧᬘᬭᬦᬶᬂᬧᬯᬭᬗᬦ᭄᭟ᬇᬓᬂᬦᬢᬃᬕᬶᬦᭀᬫᬬᬵ᭞ᬭᬶᬯᬸᬯᬸᬲ᭄ᬦ᭄ᬬᬲᬶᬦᬯᬸᬭᬦ᭄ᬬᬓᬸᬲᬸᬫᬲᬸᬕᬡ᭄ᬥ᭞ᬯᬶ ᬦ᭄ᬯᬦᬦᬶᬓᬂᬲᬫᬶᬤ᭄ᬥᬵᬢᬹᬃᬤᬾᬰ᭟ᬫᬖᬭᬸᬘᬡ᭄ᬥᬦᬫᬚᬕᬭᬹᬕᬸᬮ᭄ᬕᬸᬮᬵ᭞ᬓᬬᬸᬓᬧᬸᬭᬵ᭞ᬫ᭄ᬯᬂᬓᬱ᭄ᬝᬸᬭ᭄ᬬ᭞ᬲᬶᬦᬶᬭᬫᬶᬂᬫᬥᬸᬧᬱ᭄ᬝᬶᬓᬵ᭞ᬲᬸᬫᬗ᭄ᬕ᭄ᬭᬳᬂᬲᬜ᭄ᬚᬢᬧᬭᬶᬯᬰ᭞ᬫ᭄ᬯᬂᬘᬓ᭄ᬭᬤ᭄ᬯᬚᬵ᭞ᬫ᭄ᬯᬂᬘᬢᬹᬃᬳᬰ᭄ᬭᬫᬵ᭞ᬳᬸᬯᬸᬲᬲᬗ᭄ᬓᭂ ᬧ᭄‌ᬧᬶᬦᬓᬵᬘᬚᬶᬦᬶᬭᬵ᭞ᬧᬭᬫᬍᬯᬶᬄ᭞ᬫᬯᬮ᭄ᬯᬶᬫᬗ᭄ᬕᭂᬕᬵᬓᬩ᭄ᬭᬳ᭄ᬫᬵᬯᬗ᭄ᬰᬦ᭄᭟ᬲᬢᬶᬬᬗ᭄ᬰᬲᬮᬓᬶᬩᬶ᭞ᬲᬫᬲᬸᬭᬸᬧᬵ᭞ᬬᭀᬯᬦ᭟ᬧᬭᬢᬡ᭄ᬥᬧᬭᬫᬦ᭄ᬢ᭄ᬭᬶ᭞ᬲᬫᬵᬲ᭄ᬦᬥᬪᬸᬱᬡᬲᬓ᭄ᬭᬫᬵ᭞ᬮᬓᬶᬩᬶᬲᭀᬧᬘᬭ᭟ᬧ ᬭᬶᬘᬭᬶᬓᬵᬫᬓᬡ᭄ᬥᬓᬡ᭄ᬥᬵ᭞ᬲᬳᬯᬤ᭄ᬯᬵ᭞ᬲᬗ᭄ᬓᬵᬓᬮᬳᬵ᭞ᬲᬸᬗ᭄ᬳᬹᬢᬶᬦ᭄ᬬᬸᬧ᭄᭞ᬫᬺᬤᬗ᭄ᬕᬵᬫᬸᬭᬯᬵ᭞ᬫ᭄ᬯᬂᬲᬂᬤ᭄ᬯᬶᬚᬋᬱᬶᬰᬶᬯᬰᭀᬖᬢᬵ᭞ᬳᬸᬫᬸᬂᬲᬫᬯᬾᬥᬵ᭟ᬘᭀᬤ᭄ᬬᬧᬭᬶᬳᬭ᭞ᬲᬂᬋᬱᬶᬥᬶᬫᬹᬃᬢ᭄ᬢᬶᬕᬸᬤᬸ [᭒᭒ 22A] ᬳᬦᬸᬮᬸᬧ᭄‌ᬲᬗ᭄ᬓᬵᬢᬫᬢᬫᬵ᭞ᬕᬸᬫᬸᬭᬹᬄᬮ᭄ᬯᬶᬃᬋᬩᬄᬢᬦ᭄ᬧᬗ᭄ᬓᬸᬭᬬᬬᬵᬩᬸᬩᬸᬮᬃᬧ᭄ᬭᬢᬶᬯᬶ᭟ᬧᬭᬯᬢᭂᬓ‌ᬤᬾᬯᬢᬮ᭄ᬯᬶᬃᬢ᭄ᬓᬧ᭄ᬯᬬᬵ᭞ᬦᭀᬦᬾᬂᬓᬃᬬ᭄ᬬᬫ᭄ᬯᬂᬯᬶᬯᬳᬵ᭞ᬫᬗ᭄ᬓᬦᬲᬓ᭄ᬭᬫᬦᬶᬭᬵ᭟ᬲᬵᬫ᭄ᬧᬸᬦᬶᬂᬲ᭄ᬦᬓ᭄ᬭᬫᬵ᭞ᬫᬳ᭄ᬬᬱᬪᬸᬱᬡ ᭟ᬢᬸᬫᬶᬗ᭄ᬳᬮ᭄‌ᬲᬶᬭᬾᬯᬤ᭄ᬯᬢᬸᬫᬶᬗ᭄ᬓᬄᬳᬓᬃᬬ᭄ᬬᬭᬶᬳᬾᬂ᭟ᬲᬂᬘᬢᬹᬃᬅᬰ᭄ᬭᬫᬵᬫᬳᭀᬫ᭟ᬫ᭄ᬯᬂᬰᬸᬪᬓᬵᬮᬧᬭᬫᬦ᭄ᬢ᭄ᬭᬶᬧᬭᬢᬡ᭄ᬥ᭞ᬯᬮᬶᬫᬾᬦ᭄ᬫᬾᬦ᭄‌ᬧᬥᬯᬤ᭄ᬯᬦ᭄᭟ᬫᬸᬡ᭄ᬥᬂᬯ᭄ᬓᬭᬓ᭄ᬭ᭄ᬬᬦᬵᬧᬢᬶᬄᬲᬳᬢᬧᬹᬭᬧ᭄ᬭᬥᬦᬧᬸᬭᬸᬱᬵ᭞ᬧ ᬭᬢᬡ᭄ᬥᬫᬦ᭄ᬢ᭄ᬭᬶᬚᬮᬸᬫᬗᬶᬭᬶᬰ᭄ᬭᬶᬫᬳᬵᬭᬵᬚ᭞ᬫᬶᬚᬶᬮ᭄‌ᬲᬶᬭᬳᬯᬦ᭄‌ᬤᬫ᭄ᬧᬵ᭞ᬲᬳᬭᬣᬰ᭄ᬯᬾᬢᬫᬪ᭄ᬭᬵ᭞ᬳᬸᬫᬸᬂᬢᬂᬯᬤ᭄ᬯᬲᬳᬲᬗ᭄ᬓᬓᬵᬮ᭟ᬧᬋᬂᬢᬲᬶᬭᬢ᭄ᬓᬵᬫ᭄ᬯᬂᬲᬂᬫᬦ᭄ᬢ᭄ᬭᬶᬭᬶᬂᬧᬕ᭄ᬮᬭᬦ᭄᭞ᬘᬓᬋᬂᬲᬶᬭᬫᬗᬺᬩ᭄‌ᬋᬓ᭄᭞ ᬫᬋᬂᬫᬭᬶᬂᬧᬳᭀᬫᬦ᭄᭟ᬲᬫᬯᬶᬤᬕ᭄ᬥᬭᬶᬂᬓ᭄ᬭᬶᬬᬵ᭞ᬧᬋᬂᬫᬗᬹᬘᬭᬡᬫᬦ᭄ᬢ᭄ᬭ᭟ᬳᬸᬯᬸᬲ᭄ᬦᬶᬭᬳᭀᬫᬵ᭞ᬢ᭄ᬭᬬᬵ᭞ᬫᬶᬚᬶᬮ᭄ᬫᬭᬾᬧᬕ᭄ᬮᬭᬦ᭄᭞ᬲᬫᬾᬭᬶᬗᬦᬾᬂᬤᬫ᭄ᬧ᭞ᬫᬸᬗ᭄ᬕᬄᬲᬶᬭᬾᬂᬲᬶᬗ᭄ᬳᬵᬰᬡ᭞ᬲᬳᬫᬦ᭄ᬢ᭄ᬭᬵ᭟ᬫᬗᬮᬶᬳᬶ

Auto-transliteration

[21 21B] 21 ta, raktakr̥ĕṣṇa. tanhanangwastratanamulyā, adhikāraringmūpā. salwiringhasunghar̀ṣaringrāt, mangkanangsar̀wwopacaraningpawarangan. ikangnatar̀ginomayā, riwuwusnyasinawuranyakusumasugaṇdha, wi nwananikangsamiddhātūr̀deśa. magharucaṇdhanamajagarūgulgulā, kayukapurā, mwangkaṣṭurya, siniramingmadhupaṣṭikā, sumanggrahangsañjatapariwaśa, mwangcakradwajā, mwangcatūr̀haśramā, huwusasangkĕ ppinakācajinirā, paramal̥ĕwiḥ, mawalwimanggĕgākabrahmāwangśan. satiyangśasalakibi, samasurupā, yowana. parataṇdhaparamantri, samāsnadhabhuṣaṇasakramā, lakibisopacara. pa ricarikāmakaṇdhakaṇdhā, sahawadwā, sangkākalahā, sunghūtinyup, mr̥ĕdanggāmurawā, mwangsangdwijar̥ĕsyiśiwaśoghatā, humungsamawedhā. codyaparihara, sangr̥ĕsyidhimūr̀ttigudu [22 22A] hanulupsangkātamatamā, gumurūḥlwir̀r̥ĕbaḥtanpangkurayayābubular̀pratiwi. parawatĕkadewatalwir̀tkapwayā, nonengkar̀yyamwangwiwahā, mangkanasakramanirā. sāmpuningsnakramā, mahyaṣabhuṣaṇa . tuminghalsirewadwatumingkaḥhakar̀yyariheng. sangcatūr̀aśramāmahoma. mwangśubhakālaparamantriparataṇdha, walimenmenpadhawadwan. muṇdhangwkarakryanāpatiḥsahatapūrapradhanapurusyā, pa rataṇdhamantrijalumangiriśrimahārāja, mijilsirahawandampā, saharathaśwetamabhrā, humungtangwadwasahasangkakāla. par̥ĕngtasiratkāmwangsangmantriringpaglaran, cakar̥ĕngsiramangr̥ĕbr̥ĕk, mar̥ĕngmaringpahoman. samawidagdharingkriyā, par̥ĕngmangūcaraṇamantra. huwusnirahomā, trayā, mijilmarepaglaran, sameringanengdampa, munggaḥsirengsinghāśaṇa, sahamantrā. mangalihi

Leaf 22

Image on Archive.org

[᭒᭒ 22B] ᭒᭒ ᬫᬮᬶᬗ᭄ᬕᬶᬄᬭᬶᬲᬶᬗ᭄ᬳᬰᬡ᭟ᬇᬭᬶᬓᬵᬧᬧᬭᬶᬕ᭄ᬭᬳᬵᬯᬶᬥᬶᬲᬂᬘᬢᬹᬃᬳᬰ᭄ᬭᬫᬵ᭞ᬲᬫᬵᬲᬶᬦᬸᬂᬥᬦ᭞ᬧᬭᬯᬶᬓᬸᬧᬫᬸᬱ᭄ᬧᬜ᭄ᬚᬮᬶ᭞ᬫᬦ᭄ᬢ᭄ᬭᬶᬯᬤ᭄ᬯᬦᬫᬱ᭄ᬓᬭᬵ᭞ᬫᬓᬧᬫᬸᬓᬵᬭᬓ᭄ᬭ᭄ᬬᬦᬵᬧᬢᬶᬄ᭟ᬰ᭄ᬭᬷᬫᬳᬵᬭᬵᬚᬫᬗᬦᬸᬕ᭄ᬭᬳᬵ᭞ᬯᬤ᭄ᬯᬯᬲ᭄ᬢ᭄ᬭᬵ ᬘᬳᬵᬘᬶᬳ᭄ᬦᬵ᭟ᬭᬶᬳᬸᬯᬸᬲ᭄ᬦᬶᬓᬂᬓᬃᬬ᭄ᬬᬭᬶᬂᬲᬪᬵ᭞ᬫᬦ᭄ᬢᬸᬓᬰ᭄ᬭᬷᬫᬳᬵᬭᬵᬚᬭᬶᬂᬲᬪᬵ᭞ᬫᬗᬮᬶᬳᬶᬂᬤᬫ᭄ᬧᬵ᭞ᬥᬢᬂᬳᬶᬤᬍᬫ᭄᭞ᬳᬫᬗ᭄ᬕᬶᬄᬲᬶᬭᬲᬧᬲᬚᬶᬦᬶᬂᬯᬶᬯᬳᬵ᭟ᬧᬶᬦᬋᬓ᭄ᬤᬾᬦᬶᬂᬯᬤ᭄ᬯᬮᬦᬂᬯᬤ᭄ᬯᬦ᭄‌ᬓᬧ᭄ᬝᬶᬲᬂᬧᬶᬦᬶᬮᬶᬄ᭟ᬭᬶ ᬬᬸᬯᬸᬲ᭄‌ᬦᬶᬂᬲᬚᬶᬯᬶᬯᬳᬵ᭞ᬫᬦᬥᬄᬰ᭄ᬭᬶᬫᬳᬵᬭᬵᬚ᭟ᬧᬭᬫᬦ᭄ᬢ᭄ᬭᬶᬲᬫᬯᬶᬦᬸᬢᬄ᭟ᬳᬸᬯᬸᬲ᭄ᬫᬦᬧ᭄ᬯᬦᬳᬧᬦ᭞ᬢᬫ᭄ᬩᬮ᭄‌ᬫᬢᭂᬓᭂᬄ᭞ᬮᬸᬫᬭᬶᬲ᭄ᬫᬶᬦᬸᬫᬦ᭄‌ᬳᬦᬾᬓᬯᬃᬡ᭄ᬦᬵ᭞ᬫᬦᬸᬯᬸᬓᬶᬓᬲᬸᬓᬦ᭄᭞ᬫᬲᬶᬫ᭄ᬩᬦᬧᬚᬃᬧᬚᬃᬧ᭄ᬯᬯ ᬦᬾᬄ᭞ᬳᬦᬫᬗᬶᬕᭂᬮ᭄᭞ᬫᬗᬶᬥᬸᬂ᭞ᬯᬦᬾᬄᬫᬗᭃᬤᬭᬶᬳᬢᬶ᭟ᬯᬦᬾᬄᬫᬸᬳᬹᬄᬳᬶᬫ᭄ᬦ᭄ᬬᬵ᭞ᬫᬲᭀᬯᬾᬢᬂᬧᬋᬓᬦ᭄‌ᬯ᭄ᬗᬶᬳᬸᬯᬸᬲ᭄‌ᬦᬶᬂᬓᬃᬬ᭄ᬬ᭟ᬇᬓᬂᬯᬤ᭄ᬯᬳᬸᬫᬦ᭄ᬢᬸᬓ᭄᭟ᬯ᭄ᬭᬸᬄᬳᬶᬂᬘᬾᬱ᭄ᬝᬓᬭᬵᬰ᭄ᬭᬷᬫᬳᬵᬭᬚ᭞ᬫᬸᬗ᭄ᬕᬄᬭᬶᬂᬕᬺ [᭒᭓ 23A] ᬳᬵᬧᬯᬭᬗᬦ᭄᭞ᬰᭀᬪᬫᬳᬍᬧ᭄᭟ᬫᬲᬳᬲᬶᬫ᭄ᬩᬦ᭄‌ᬳᬮᬮᬗ᭄ᬓᬭᬵ᭞ᬫᭀᬕᬭᬵᬕᬓᬭᬡ᭞ᬢᬸᬳᬸᬫᬦ᭄ᬫᬢᬮᬬᬵ᭞ᬰ᭄ᬭᬷᬯᬶᬱ᭄ᬡᬸᬳᬦᬂᬧ᭄ᬭᬢᬶᬱ᭄ᬝᬗ᭄ᬓᬦ᭟ᬳᬸᬯᬸᬲ᭄ᬦᬶᬭᬵᬫᬸᬚᬓᬮᬶᬄᬰ᭄ᬭᬶᬫᬳᬭᬵᬚ᭞ᬕᬸᬫᬸᬮᬶᬂᬲᬶᬭᬵᬮᬶᬮᬵ᭞ᬲᬂᬢᬦ᭄ᬢ᭄ᬭᬶᬲᬶᬭ ᬫᭂᬥᭂᬮᬶ᭟ᬳᬦᬢᬵᬯᭂᬮ᭄‌ᬳᬶᬲ᭄ᬢ᭄ᬭᬶᬫᬸᬗ᭄ᬕ᭄ᬯᬶᬂᬳᬫ᭄ᬩᬾᬦ᭄᭞ᬫᬢᬸᬗ᭄ᬕᬸᬤᬫᬃ᭞ᬬᬢᬲᬶᬂᬦ᭄ᬬᬂᬲᬂᬥ᭄ᬬᬄᬳᬸᬫᬜ᭄ᬚᬶᬗᬦ᭄ᬭᭀᬯᬗᬦᬶᬭᬫᬫᭂᬥᭂᬮᬶ᭟ᬫᬲᭀᬯᬾᬲᬶᬭᬵ᭞ᬫᬗᬸᬘᬧ᭄ᬮᬯᬦᬶᬓᬂᬯᬾᬮ᭄‌ᬲᬂᬢᬦ᭄ᬢ᭄ᬭᬶᬫᬧᬶᬳᬭᬶᬧ᭄‌ᬫᬫᬮᬓᬸᬧᬶᬦᬓᬣᬓᭂ ᬦᬶᬭᬶᬓᬂᬯᬾᬮ᭄᭟ᬮᬶᬂᬲᬂᬢᬦ᭄ᬢ᭄ᬭᬶ᭟ᬢᬫ᭄ᬩᬵᬅᬭᬶᬧ᭄᭟ᬲᬸᬫᬳᬹᬃᬇᬓᬂᬯᬾᬮ᭄᭟ᬢᬦ᭄‌ᬗ᭄ᬯᬂ᭟ᬭᬓ᭄ᬭ᭄ᬬᬜ᭄ᬚᬸᬕᬫᬓᬣ᭟ᬗ᭄ᬳᬸᬮᬸᬦ᭄ᬭᬓ᭄ᬯᬫᬗᬺᬗ᭄ᬯᬓ᭄ᬦᬵ᭟ᬫᬗ᭄ᬓᬦᬮᬶᬂᬦᬶᬓᬂᬯᬾᬮ᭄᭟ᬓᬋᬗᬵᬤᬾᬰ᭄ᬭᬶᬫᬳᬵᬭᬵᬚ᭞ᬫᬦᭂᬫ᭄ᬯᬦ᭄‌ᬇᬢᬵ ᬲᬶᬭᬇᬭᬶᬓᬂᬯᬾᬮ᭄᭞ᬫᬓᭀᬦᬓᬣᬭᬶᬂᬥ᭄ᬬᬄᬢᬦ᭄ᬢ᭄ᬭᬶ᭞ᬫᬢᬂᬦ᭄ᬬᬦ᭄‌ᬲᬶᬭᬫᬜ᭄ᬚᬯᬶᬮᬶᬂᬲᬸᬓᬸᬦᬶᬭᬇᬭᬶᬓᬂᬯᬾᬮ᭄᭟ᬯ᭄ᬭᬸᬄᬢᬂᬯᬾᬮ᭄‌ᬭᬶᬘᬾᬱ᭄ᬝᬓᬭᬲᬂᬧ᭄ᬭᬪᬹ᭞ᬫᬗ᭄ᬓᬶᬦ᭄‌ᬫᬓᭀᬦᬓᬣᬭᬶᬂᬥ᭄ᬬᬄᬢᬦ᭄ᬢ᭄ᬭᬶ᭟ᬫᬓᬣᬢᬤ᭄ᬬᬄ

Auto-transliteration

[22 22B] 22 malinggiḥrisinghaśaṇa. irikāpaparigrahāwidhisangcatūr̀haśramā, samāsinungdhana, parawikupamuṣpañjali, mantriwadwanamaṣkarā, makapamukārakryanāpatiḥ. śrīmahārājamanganugrahā, wadwawastrā cahācihnā. rihuwusnikangkar̀yyaringsabhā, mantukaśrīmahārājaringsabhā, mangalihingdampā, dhatanghidal̥ĕm, hamanggiḥsirasapasajiningwiwahā. pinar̥ĕkdeningwadwalanangwadwankapṭisangpiniliḥ. ri yuwusningsajiwiwahā, manadhaḥśrimahārāja. paramantrisamawinutaḥ. huwusmanapwanahapana, tambalmatĕkĕḥ, lumarisminumanhanekawar̀ṇnā, manuwukikasukan, masimbanapajar̀pajar̀pwawa neḥ, hanamangigĕl, mangidhung, waneḥmangödarihati. waneḥmuhūḥhimnyā, masowetangpar̥ĕkanwngihuwusningkar̀yya. ikangwadwahumantuk. wruḥhingceṣṭakarāśrīmahāraja, munggaḥringgr̥ĕ [23 23A] hāpawarangan, śobhamahal̥ĕp. masahasimbanhalalangkarā, mogarāgakaraṇa, tuhumanmatalayā, śrīwiṣṇuhanangpratiṣṭangkana. huwusnirāmujakaliḥśrimaharāja, gumulingsirālilā, sangtantrisira mĕdhĕli. hanatāwĕlhistrimunggwinghamben, matunggudamar̀, yatasingnyangsangdhyaḥhumañjinganrowanganiramamĕdhĕli. masowesirā, mangucaplawanikangwelsangtantrimapiharipmamalakupinakathakĕ nirikangwel. lingsangtantri. tambā'arip. sumahūr̀ikangwel. tanngwang. rakryañjugamakatha. nghulunrakwamangr̥ĕngwaknā. mangkanalingnikangwel. kar̥ĕngādeśrimahārāja, manĕmwanitā sira'irikangwel, makonakatharingdhyaḥtantri, matangnyansiramañjawilingsukunira'irikangwel. wruḥtangwelriceṣṭakarasangprabhū, mangkinmakonakatharingdhyaḥtantri. makathatadyaḥ

Leaf 23

Image on Archive.org

[᭒᭓ 23B] ᭒᭓ ᬢᬦ᭄ᬢ᭄ᬭᬶ᭞ᬳᬚᬵᬫᬭᬶᬢᬲᬶᬓᬫ᭄ᬦᬦᬶᬭᬓᬣᬵ᭟᭜᭟ᬇᬢᬶᬢᬦ᭄ᬢ᭄ᬭᬶᬯᬶᬯᬳᬓᬣ᭞ᬧ᭄ᬭᬢᬫᬵᬲᬃᬕ᭄ᬕᬄ᭟᭜᭟ᬇᬰ᭄ᬯᬭᬓᬫᬳᬾᬰᬲ᭄ᬢ᭄ᬭᬵ᭞ᬧ᭄ᬭᬬᭀᬦᭀᬢ᭄‌ᬲᬸᬓ᭄ᬬᬫᬯᬳᭂᬢ᭄᭞ᬢᬢᬲ᭄ᬢᬶᬭᬜ᭄ᬘᬘᬭᬶᬣᬵ᭞ᬦᬶᬢ᭄ᬢᬶᬫᬃᬕ᭄ᬕᬧ᭄ᬭᬫᬡᬢᬄ᭟ ᬳᬦᬘᬭᬶᬢᬵᬢᬦ᭄ᬢ᭄ᬭᬵ᭞ᬓᬣᬪᬝᬭᬧᬭᬫᬾᬰ᭄ᬯᬭᬫ᭄ᬯᬂᬪᬝᬭᬶᬰ᭄ᬭᬶ᭞ᬧᬭᬤᬾᬯᬲᬥᬫ᭄ᬧᬢᬶ᭞ᬧᬦᬓᬫᬗ᭄ᬕᬮᬦᬶᬯᬢᭂᬓ᭄ᬤᬾᬯᬢᬵ᭟ᬕ᭄ᬦᭂᬧ᭄ᬭᬶᬂᬲ᭄ᬯᬃᬕ᭄ᬕᬦᬶᬭᬲᭀᬯᬂᬲᭀᬯᬂ᭟ᬫᬓᬵᬥᬶ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸ᭞ᬇᬦ᭄ᬤ᭄ᬭ᭞ᬬᬫᬵ᭞ᬪ ᬭᬹᬡ᭞ᬓ᭄ᬯᬾᬭᬵ᭟ᬲᬳᬵᬓᬭᬶᬤ᭄ᬭᬶᬬᬵ᭞ᬫ᭄ᬯᬂᬨᬮᬦᬶᬂᬪᬓ᭄ᬢᬶᬦᬶᬭᬫ᭄ᬯᬂᬬᭀᬕ᭄ᬕᬦᬶᬭᬵ᭟ᬯᬶᬦᬾᬄᬫᬕᬯᬬᬰᬺᬱ᭄ᬝᬶᬭᬶᬂᬲ᭄ᬯᬃᬕ᭄ᬕᬵ᭞ᬭᬶᬂᬫᬥ᭄ᬬᬧᬥ᭞ᬧᬝᬮ᭞ᬲᬶᬭᬢᬲᬂᬤᬾᬯᬲᭀᬯᬂᬲᭀᬯᬂ᭞ᬲᬫᬧ᭄ᬢᬧᬭᬶᬧᬹᬃᬡ᭄ᬦᬇᬓᬂ ᬢ᭄ᬭᬶᬪᬸᬯᬦ᭟ᬳᬦᬦᬶᬂᬧᬜ᭄ᬘᬫᬳᬵᬪᬹᬢᬵ᭞ᬧᬶᬦᬓᬵᬰᬭᬶᬭᬵ᭞ᬫ᭄ᬯᬂᬉᬭᬶᬧ᭄ᬦᬶᬂᬲᬭᬵᬢ᭄᭟ᬮᬶᬦᬓ᭄ᬯᬦᬶᬂᬰᬸᬪᬵᬰᬸᬪᬰᬸᬪᬓᬃᬫ᭄ᬫ᭞ᬢᬸᬫ᭄ᬓᬾᬂᬭᬵᬢ᭄᭟ᬳᬦᬭᬳᬶᬦᬯᭂᬗᬶ᭞ᬫᬗ᭄ᬕᬮᬅᬤᬶᬢ᭄ᬬᬯᬸᬮᬦ᭄᭞ᬲᬧ᭄ᬢᬕ᭄ᬭᬳᬵ᭞ᬦᬓ᭄ᬱ [᭒᭔ 24A] ᬢ᭄ᬭᬵ᭞ᬤᬤ᭄ᬬᬅᬳᭀᬭᬢ᭄ᬭᬶ᭞ᬰᬸᬓ᭄ᬮᬧᬓ᭄ᬱᬵ᭞ᬲᬗ᭄ᬳ᭄ᬬᬂᬯᬸᬮᬦ᭄᭞ᬫᬾᬫ᭄ᬩᭂᬄᬫᬮ᭄ᬯᬂ᭞ᬳᬦᬧᬹᬃᬡ᭄ᬦᬫᬵᬢᬶᬍᬫ᭄᭞ᬳᬦᬧᬶᬦᬗᬦᬶᬂᬭᬯᬸ᭞ᬓ᭄ᬦᬵᬕ᭄ᬭᬳᬵᬲᬶᬭᬓᬮᬶᬄ᭟ᬧᬶᬦᬓᬵᬩᬧᬵᬭᬾᬡᬲᬶᬭᬤᬾᬪᬝᬭ᭞ᬫ᭄ᬯᬂᬫᬧ᭄ᬭᬥᬓ᭄ᬱᬶᬡᬵ ᭟ᬫᬶᬦ᭄ᬢᭀᬦᬓᭂᬦ᭄ᬭᬶᬳᬦᬦᬶᬂᬯᬶᬥᬶᬢᬃᬓ᭄ᬓᬵ᭞ᬤᬤᬶᬮᬾᬓ᭄‌ᬤᬤᬶᬢᬳᬸᬦ᭄᭞ᬤᬤᬶᬰᬦ᭞ᬤᬤᬶᬬᬸᬕᬧᬢ᭄᭞ᬤᬤᬶᬲᬗ᭄ᬳ᭄ᬬᬂᬫᬦ᭄ᬯᬦ᭄᭞ᬢᬭ᭞ᬧᬶᬂᬧᬢ᭄ᬩᭂᬮᬲ᭄᭞ᬬᬰᬓᬮ᭄ᬧᬵ᭞ᬲᬭᬳᬶᬦᬳᬶᬦᬮᬧ᭄ᬦ᭄ᬬᬵᬲᬗ᭄ᬳ᭄ᬬᬂᬰ᭄ᬭᬷᬧᬸᬭᬸᬱ᭞ᬢ᭄ᬭᬶ᭠ ᬧᬸᬭᬸᬱᬗᬭᬦᬶᬭᬵ᭟ᬲᬗ᭄ᬳ᭄ᬬᬂᬩ᭄ᬭᬳ᭄ᬫᬵᬯᬶᬱ᭄ᬡᬸᬇᬰ᭄ᬯᬭ᭟ᬲᬶᬭᬢᬲᬫᬵᬫᬸᬗ᭄ᬕ᭄ᬯᬶᬂᬲ᭄ᬯᬃᬕ᭄ᬕᬦᬶᬭᬵ᭞ᬰᬺᬱ᭄ᬝᬶᬦᬶᬭᬵᬫᬾᬫ᭄ᬩᭂᬄᬫᬮ᭄ᬯᬂ᭞ᬫᬕᬯᬾᬰᬺᬱ᭄ᬝᬶ᭞ᬫᬓᬓ᭄ᬱᬾᬢ᭄ᬭᬚᬕᬢ᭄ᬭᬬᬵ᭞ᬲ᭄ᬯᬃᬕ᭄ᬕᬫᬥ᭄ᬬᬧᬥᬧᬣᬮᬵ᭟ᬯ᭄ᬦᬂᬲᬶᬭᬦᬸᬕ᭄ᬭᬳᬯᬶ᭠ ᬕ᭄ᬭᬳ᭞ᬧᬥᬲᬶᬭᬓᬫᬲ᭄ᬯᬃᬕ᭄ᬕᬲ᭄ᬯᬃᬕ᭄ᬕᬯᬳᬦ᭟ᬲᬗ᭄ᬳ᭄ᬬᬂᬩ᭄ᬭᬳ᭄ᬫᬵᬳᬗ᭄ᬲᬵᬯᬳᬦᬦᬶᬭ᭟ᬳ᭄ᬬᬂᬯᬶᬱ᭄ᬡᬸᬕᬭᬸᬥᬯᬳᬦᬦᬶᬭᬵ᭟ᬳ᭄ᬬᬂᬇᬰ᭄ᬯᬭ᭞ᬯᬺᬲᬪᬵᬯᬳᬦᬦᬶᬭ᭟ᬧᬸᬢᬸᬤᬾᬪᬕᬯᬦ᭄‌ᬰᬳᬰ᭄ᬭᬯᬮᬶᬓᬶᬮ᭄ᬬ᭞ᬳ

Auto-transliteration

[23 23B] 23 tantri, hajāmaritasikamnanirakathā \\•\\ ititantriwiwahakatha, pratamāsar̀ggaḥ \\•\\ iśwarakamaheśastrā, prayonotsukyamawahĕt, tatastirañcacarithā, nittimar̀ggapramaṇataḥ. hanacaritātantrā, kathabhaṭaraparameśwaramwangbhaṭariśri, paradewasadhampati, panakamanggalaniwatĕkdewatā. gnĕpringswar̀gganirasowangsowang. makādhi, brahmāwiṣṇu, indra, yamā, bha rūṇa, kwerā. sahākaridriyā, mwangphalaningbhaktiniramwangyogganirā. wineḥmagawayaśr̥ĕṣṭiringswar̀ggā, ringmadhyapadha, paṭala, siratasangdewasowangsowang, samaptaparipūr̀ṇna'ikang tribhuwana. hananingpañcamahābhūtā, pinakāśarirā, mwanguripningsarāt. linakwaningśubhāśubhaśubhakar̀mma, tumkengrāt. hanarahinawĕngi, manggala'adityawulan, saptagrahā, nakṣa [24 24A] trā, dadya'ahoratri, śuklapaksyā, sanghyangwulan, membĕḥmalwang, hanapūr̀ṇnamātil̥ĕm, hanapinanganingrawu, knāgrahāsirakaliḥ. pinakābapāreṇasiradebhaṭara, mwangmapradhaksyiṇā . mintonakĕnrihananingwidhitar̀kkā, dadilekdaditahun, dadiśana, dadiyugapat, dadisanghyangmanwan, tara, pingpatbĕlas, yaśakalpā, sarahinahinalapnyāsanghyangśrīpuruṣa, tri‐ puruṣangaranirā. sanghyangbrahmāwiṣṇu'iśwara. siratasamāmunggwingswar̀gganirā, śr̥ĕṣṭinirāmembĕḥmalwang, magaweśr̥ĕṣṭi, makaksyetrajagatrayā, swar̀ggamadhyapadhapathalā. wnangsiranugrahawi‐ graha, padhasirakamaswar̀ggaswar̀ggawahana. sanghyangbrahmāhangsāwahananira. hyangwiṣṇugarudhawahananirā. hyangiśwara, wr̥ĕsabhāwahananira. putudebhagawanśahaśrawalikilya, ha

Leaf 24

Image on Archive.org

[᭒᭔ 24B] ᭒᭔ ᬦᬓ᭄ᬤᬾᬲᬂᬰᬸᬭᬩᬶ᭞ᬫᬓᬗᬭᬦ᭄‌ᬲᬂᬦᬡ᭄ᬥᬓᬵ᭟ᬓᬸᬦᬂᬲᬂᬣᬾᬤᬸ᭞ᬲᬂᬦᬡ᭄ᬥᬶᬦᬶᬗᬭᬦᬶᬭᬵ᭟ᬲᬶᬭᬢᬮᬸᬫ᭄ᬭᬾᬂᬪᬹᬫᬶ᭞ᬫᬦᬤᬶᬬᬍᬫ᭄ᬪᬸᬮᬦᬂᬯᬤᭀᬦ᭄᭟ᬖᭀᬲᬦ᭄ᬢᬦᬲᬓ᭄ᬯᬾᬳᬶᬂᬲᬧᬶᬯᬥᬓ᭄‌ᬧᬱᬸᬫᬸᬗ᭄ᬕ᭄ᬯᬶᬂᬯᬦ᭟ᬫᬗ᭄ᬓᬦ ᬢᬦ᭄ᬢ᭄ᬭᬘᬭᬶᬢᬗᬭᬦᬶᬭᬵ᭟ᬮᬶᬗᬦ᭄ᬢᬫᬧᬵᬢᬦᬶᬫᬶᬢ᭄ᬢᬯ᭄ᬭᬸᬄᬇᬓᬵᬓᬩᬾ᭟ᬇᬓᬂᬅᬢᬶᬢᬦᬕᬢᬯᬃᬣᬫᬦ᭟ᬦ᭄ᬤᬦᬳᬦ᭄ᬢᬂᬳᬢᬶᬢᬯᬃᬣᬫᬦ᭞ᬧᬚᬭᬓ᭄ᬦᬦᬶᬗ᭄ᬳᬸᬮᬸᬦ᭄᭟ᬧᬳᬾᬦᬓ᭄ᬢᬋᬗᭃᬦ᭄ᬢ᭞ᬲᬗ᭄ᬓᬾᬦᬶᬢᬶᬰ ᬲ᭄ᬢ᭄ᬭᬅᬢᬶᬢᬦᬕᬣᬯᬃᬣᬫᬦ᭟ᬇᬓᬂᬅᬢᬶᬢ᭞ᬳᬸᬦᬶᬳᬸᬯᬸᬲ᭄᭟ᬳ᭄ᬬᬢᬵᬳᬤᬺᬯ᭄ᬬᬢᬶᬢᬦᬕᬣᬯᬃᬣᬫᬦ᭟ᬫ᭄ᬯᬄ᭞ᬦ᭄ᬬᬧᬢᬳᬦ᭄ᬮᬶᬗᬦ᭄ᬢᬵ᭟ᬇᬓᬂᬦᬖᬭᬾᬓᬶ᭟ᬦᬕᬭᬦᬶᬂᬢᬸᬳᬢᬸᬳᬰ᭄ᬭᬷᬫᬳᬵᬭᬵᬚᬳᬶᬗ᭄ᬓᬾ᭟ ᭚ᬯᬶᬪᬹᬢᬶᬫᬬᬵᬯᬓ᭄ᬱᬧᬸᬱ᭄ᬝᬨᬮᬰᭀᬪᬶᬢᬃᬬ᭄ᬬᬧᬹᬭᬶ᭞ᬧ᭄ᬭᬳᬺᬱ᭄ᬝᬭᬓᬃᬬ᭄ᬬᬫᬢ᭄ᬬᬕᬚᬧᬢᬶᬲᬗ᭄ᬓ᭄ᬬᬓᬸᬮ᭞ᬲᬸᬯᬃᬡ᭄ᬦᬫᬡᬶᬓᬗ᭄ᬰᬕᬫ᭄ᬭᬲᬶᬮᭀᬳᬵᬯᬲ᭄ᬢ᭄ᬭᬦ᭄‌ᬯᬶᬢ᭞ᬯᬶᬓᬰᬶᬭᬶᬧᬹᬧᬹᬃᬕ᭄ᬕᬫ᭄‌ᬳᬤ᭄ᬭᬶᬯᬭᬵ [᭒᭕ 25A] ᬓᬭᬵᬚᬓᬸᬮᬵ᭟ᬢᬸᬳᬢᬸᬳᬰ᭄ᬭᬶᬫᬳᬵᬭᬵᬚ᭞ᬭᬶᬂᬅᬢᬶᬢᬓᬮᬵ᭞ᬫᬳᬵᬭᬵᬚᬤᬾᬯᬢᬵᬰ᭄ᬭᬶᬇᬓ᭄ᬱ᭄ᬯᬓᬸᬮᬵᬗᬭᬦᬶᬭ᭞ᬦᬵᬕᬭᬦᬶᬭᬾᬓᬶᬧᬝᬮᬶᬧᬸᬢ᭄ᬭᬵ᭟ᬅᬍᬧ᭄‌ᬦᬶᬓᬂᬦᬵᬕᬭᬢᬸᬘᬧᬓ᭄ᬦᬵ᭟ᬕ᭄ᬦᭂᬧ᭄ᬧᬭᬶᬧᬹᬃᬡ᭄ᬦᬢᬂᬲ ᬧ᭄ᬝᬲᬭᬚ᭄ᬬ᭞ᬕ᭄ᬦᭂᬧᬶᬓᬂᬘᬢᬹᬃᬯᬗ᭄ᬰᬵ᭞ᬕᬸᬡᬚᬦᬯᬥ᭞ᬫ᭄ᬯᬂᬲᬃᬕ᭄ᬕᬵ᭞ᬲᬥᬦᬦᬶᬭᬇᬢᬭᬂᬳᬮᬲ᭄‌ᬅᬡ᭄ᬥᬓᬯᬦ᭞ᬳᬸᬮᬶᬄᬦ᭄ᬬᬓᬬᬸᬤᬶᬦ᭄ᬯᬮ᭄‌ᬦᬶᬭᬤᬤᬶᬩ᭄ᬭᬲ᭄᭞ᬯᬺᬤ᭄ᬥᬶᬦ᭄ᬬᬤᬤᬶᬫᬵᬲ᭄᭞ᬤᬶᬦ᭄ᬯᬮ᭄ᬦᬶᬭᬢᬶᬦᬸᬫ᭄ᬩᬲᬓᭂᬦ᭄‌ᬩᬡ᭄ᬥ᭞ᬫᬯᭂᬓ ᬲᬦ᭄‌ᬲᬶᬭᬰᬺᬱ᭄ᬝᬶᬩ᭄ᬭᬵᬳ᭄ᬫᬵᬡ᭟ᬤᬤᬶᬫᬓ᭄ᬯᬾᬄᬍᬫ᭄ᬪᬸᬦᬶᬭᬵᬫ᭄ᬯᬪᬡ᭄ᬥ᭞ᬫᬩᬦ᭄ᬬᬕᬭᬶᬂᬤᬾᬰᬦᬶᬂᬓᬂᬫᬥ᭄ᬬᬤᬾᬰ᭟ᬫᬧᬓᬸᬦᬂᬇᬓᬂᬓᬵᬮ᭞ᬉᬫᬭᬢᬲᬶᬭᬭᬶᬓᬂᬉᬤ᭄ᬬᬦᬦᬷᬫᬮᬯ᭞ᬅᬫᬯᬤ᭄ᬯᬮ᭄ᬦᬶᬭ᭞ᬭᬯᬸᬄᬇᬓᬂᬧᬥᬢᬶ᭞ ᬫᬾᬄᬫᬶᬯᬸ᭞ᬮᬸᬗ᭄ᬳᬮᬫ᭄ᬧᬄᬳᬶᬭ᭞ᬅᬦᬾᬓᬵᬇᬓᬂᬕᬸᬦᬸᬂᬚᬸᬭᬂᬳᬮᬲ᭄‌ᬓᬳᬯᬦ᭄ᬤᬾᬦᬶᬭᬵ᭟ᬳᬦᬳᬮᬲ᭄‌ᬫᬲᬫᬶᬧᬕᬸᬦᬸᬂᬇᬓᬂᬉᬥ᭄ᬬᬦᬶᬫᬮᬯ᭞ᬫᬲᬫᬶᬧᬮ᭄ᬯᬄᬯᬮᬳᬂᬫᬳ᭄ᬦᬶᬂ᭞ᬯᬾᬦ᭄ᬬᬫᬤᬺᬲ᭄᭞ᬳᬸᬮᬫ᭄ᬦ᭄ᬬᬫᬓ᭄ᬯᬾᬄ᭞

Auto-transliteration

[24 24B] 24 nakdesangśurabi, makangaransangnaṇdhakā. kunangsangthedu, sangnaṇdhiningaranirā. siratalumrengbhūmi, manadiyal̥ĕmbhulanangwadon. ghosantanasakwehingsapiwadhakpasyumunggwingwana. mangkana tantracaritangaranirā. lingantamapātanimittawruḥikākabe. ikangatitanagatawar̀thamana. ndanahantanghatitawar̀thamana, pajaraknaninghulun. pahenaktar̥ĕngönta, sangkenitiśa stra'atitanagathawar̀thamana. ikangatita, hunihuwus. hyatāhadr̥ĕwyatitanagathawar̀thamana. mwaḥ, nyapatahanlingantā. ikangnaghareki. nagaraningtuhatuhaśrīmahārājahingke. // wibhūtimayāwakṣapuṣṭaphalaśobhitar̀yyapūri, prahr̥ĕṣṭarakar̀yyamatyagajapatisangkyakula, suwar̀ṇnamaṇikangśagamrasilohāwastranwita, wikaśiripūpūr̀ggamhadriwarā [25 25A] karājakulā. tuhatuhaśrimahārāja, ringatitakalā, mahārājadewatāśri'ikṣwakulāngaranira, nāgaranirekipaṭaliputrā. al̥ĕpnikangnāgaratucapaknā. gnĕpparipūr̀ṇnatangsa pṭasarajya, gnĕpikangcatūr̀wangśā, guṇajanawadha, mwangsar̀ggā, sadhananira'itaranghalasaṇdhakawana, huliḥnyakayudinwalniradadibras, wr̥ĕddhinyadadimās, dinwalniratinumbasakĕnbaṇdha, mawĕka sansiraśr̥ĕṣṭibrāhmāṇa. dadimakweḥl̥ĕmbhunirāmwabhaṇdha, mabanyagaringdeśaningkangmadhyadeśa. mapakunangikangkāla, umaratasirarikangudyananīmalawa, amawadwalnira, rawuḥikangpadhati, meḥmiwu, lunghalampaḥhira, anekā'ikanggunungjuranghalaskahawandenirā. hanahalasmasamipagunungikangudhyanimalawa, masamipalwaḥwalahangmahning, wenyamadr̥ĕs, hulamnyamakweḥ,

Leaf 25

Image on Archive.org

[᭒᭕ 25B] ᭒᭕ ᬕᬗᬦ᭄‌ᬓᬬᬸᬫᬓ᭄ᬯᬾᬄ᭟ᬭᬶᬢᬶᬭᬄᬦᬶᬓᬂᬳᬮᬲ᭄‌ᬩᬸᬭ᭄ᬯᬦ᭄‌ᬦᬲᬗ᭄ᬓᭂᬧ᭄᭞ᬯᭂᬓ᭄᭞ᬓᬶᬥᬂ᭞ᬫᬜ᭄ᬚᬗᬦ᭄᭞ᬓ᭠ᬜ᭄ᬘᬶᬮ᭄᭞ᬩᬦ᭄ᬢᬾᬂ᭞ᬯᬥᬓ᭄᭞ᬫ᭄ᬯᬂᬫᬺᬕ᭄ᬖᬢᬭᬹ᭞ᬯ᭄ᬭᬾ᭞ᬮᬸᬢᬸᬂ᭞ᬢᬸᬓᬂ᭞ᬯᬸᬭᬂᬳᬸᬢᬦ᭄᭞ᬳᬸᬯᬳᬸᬯ᭞ᬮ᭄ᬯᬓ᭄᭞ᬮᬕᬭᬂ᭞ᬯᬮ ᬗ᭄ᬓᬧᬦ᭄᭞ᬮᬡ᭄ᬥᬓ᭄᭞ᬢ᭄ᬮᭂᬤᬸ᭞ᬩᬭ᭄ᬯᬂ᭞ᬫᬘᬦ᭄᭞ᬫᬘᬦ᭄ᬢᬸᬢᬸᬮ᭄᭞ᬫᬘᬦ᭄ᬭᬾᬭᬂ᭞ᬫᬘᬦ᭄ᬓᬸᬫ᭄ᬩᬂ᭞ᬫ᭄ᬯᬂᬕᬚᬄ᭞ᬫ᭄ᬯᬂᬯᬭᬓ᭄᭞ᬢᬫ᭄ᬧᬓ᭄ᬦ᭄ᬬᬫᬓ᭄ᬯᬾᬄᬤᬸᬦᬸᬝᬦᬶᬂᬧᬥᬢᬶ᭟ᬇᬓᬂᬫᬸᬗ᭄ᬕ᭄ᬯᬶᬂᬤᬍᬫ᭄᭞ᬮ᭄ᬬᬦ᭄ᬢᬭᬸᬫᬓ᭄ᬱᬵ᭟ᬇᬓᬂᬫᬩ᭄ᬯᬢ᭄ᬩᬦ᭄ᬥᬦ᭄ᬬ᭟ ᬓᬂᬢᬦ᭄ᬫᬸᬮ᭄ᬬᬭᬶᬳᬾᬂ᭞ᬓᬸᬦᬂᬇᬓᬂᬫᬸᬮ᭄ᬬᬬᬢᬧᬋᬓ᭄ᬭᬶᬲᬶᬭᬭᬶᬦᬓ᭄ᬱᬵ᭟ᬫᬓᬳᬾᬢᬸᬭᬸᬫᬸᬳᬸᬦᬢᬶᬗ᭄ᬓᬄ᭞ᬲᬪᬃᬬ᭄ᬬᬦ᭄ᬥᬢᬂᬗᬶᬂᬧᬗᬶᬦᭂᬧᬦ᭄᭟ᬭᬶᬥᬢᬂᬦᬶᬧᬥᬢᬶᬓᬩᬾᬄ᭞ᬲᬫᬵᬢᬶᬗ᭄ᬓᬄᬳᬸᬗ᭄ᬕ᭄ᬯᬦ᭄ᬬ᭟ᬫᬗ᭄ᬓᬾᬧ᭄ᬯᬇᬓᬂᬕᬸᬦᬸᬂ ᬢᬦ᭄ᬓᬢᭀᬦ᭄᭞ᬕᬸᬮᬸᬂᬇᬓᬂᬡ᭄ᬥᬢᬦ᭄ᬓᬢᭀᬦ᭄‌ᬇᬓᬵ᭟ᬬᬢᬢᬶᬦᬓ᭄ᬯᬦᬓᭂᬦᬶᬭᬵ᭞ᬯᬶᬦᬭᬄᬲᬶᬭᬬᬦ᭄ᬓᬭᬶᬂᬳᬮᬲ᭄᭟ᬫᬗ᭄ᬓᬾᬲᬗ᭄ᬰᬬᬵᬗ᭄ᬳᬾᬮ᭄᭞ᬢᬦ᭄ᬪᬶᬲᬫᬶᬦ᭄ᬢᬃᬬᬲᬓᬾᬂᬗ᭄ᬕ᭄ᬯᬦ᭄ᬬ᭟ᬫᬯᬮᬶᬢᬲᬶᬭᬫ᭄ᬯᬄ [᭒᭖ 26A] ᬇᬗᬶᬭᬶᬗᬶᬂᬳᬫ᭄ᬩᭀᬦᬶᬭᬵ᭟ᬓᬢᭀᬦ᭄ᬧ᭄ᬯᬲᬂᬩ᭄ᬭᬳ᭄ᬫᬵᬡᬥᬢᬂᬤᬾᬲᬂᬦᬦ᭄ᬤᬓᬵ᭞ᬫᭀᬚᬃᬭᬶᬤᬍᬫ᭄ᬳᬢᬶᬦ᭄ᬬ᭟ᬥᬢᬂᬬᬲᬂᬥᬃᬫ᭄ᬫᬲ᭄ᬯᬫᬶᬫᬗ᭄ᬓᬾ᭟ᬉᬮᬄᬦ᭄ᬬᬅᬢ᭄ᬬᬦ᭄ᬢᬧᬧᬵᬓᬃᬫ᭄ᬫ᭟ᬗᬹᬦᬶᬭᬶᬓᬵᬮᬦ᭄ᬬᬤᬭᬶᬤ᭄ᬭᬤᬸᬄᬓᬵ᭞ᬗ᭄ᬳᬸᬮᬸᬦ᭄ ᬥᬢᬂᬬᬫᬸᬮᬦ᭄ᬬᬫᬩᬦ᭄ᬤᬩᬦ᭄ᬬᬕᬓᬬᬸ᭟ᬤᬤᬶᬬᬩ᭄ᬭᬲ᭄᭞ᬩ᭄ᬭᬲ᭄ᬤᬤᬶᬫᬵᬲ᭄᭟ᬗ᭄ᬳᬸᬮᬸᬦ᭄ᬫᬫ᭄ᬯᬢ᭄‌ᬗᬡ᭄ᬟᬦ᭄ᬬᬫᬶᬥᭂᬭᬶᬂᬤᬾᬰ᭟ᬓ᭄ᬭᬫᬵᬤᬤᬶᬍᬫ᭄ᬪᬸ᭞ᬭ᭄ᬯ᭞ᬢ᭄ᬮᬸ᭞ᬲᬧᬸᬮᬸᬄ᭞ᬲᬢᬸᬲ᭄᭞ᬫᬾᬄᬫᬾᬯᬸ᭞ᬧᬥᬲᬭᬢ᭄‌ᬤᬾᬦᬶᬂᬩᬡ᭄ᬥᬦ᭄ᬬ᭟ᬢ᭄ᬓᬧᬶ ᬗ᭄ᬳᬸᬮᬸᬦ᭄ᬤᬸᬭᬸᬂᬯᬶᬦᬾᬄᬦ᭄ᬬᬗᬶᬦᬓᬶᬦᬓᬵ᭟ᬅᬬ᭄ᬯᬢᬗ᭄ᬳᬸᬮᬸᬦ᭄ᬗᬶᬦᬓᬶᬦᬓᬵ᭟ᬫᬥᬗᬦᬫᬢ᭄ᬭᬲᬓᬾᬂᬍᬫ᭄ᬪᬸᬓᬩᬾᬄ᭟ᬢᬦ᭄ᬲᬫᬵ᭞ᬩᬮᬶᬓ᭄ᬧ᭄ᬯᬗ᭄ᬳᬸᬮᬸᬦ᭄ᬩᬶᬦ᭄ᬯᬢᬦ᭄ᬤᬾᬯᬾᬓ᭄᭞ᬳᬢ᭄ᬳᭂᬃᬢᬤᬺᬯᬾᬓᬶᬦᬝᬶᬓ᭄ᬦ᭄ᬬᬯᬶᬦ᭄ᬯᬢ᭄ᬓᬸ᭞ᬳᬭᬶᬂᬮᬶᬂᬦ᭄ᬬ᭞ᬇ ᬓᬂᬍᬫ᭄ᬪᬸᬳᬶᬓᬶᬫᬦᬸᬄᬳᬓ᭄ᬭᬮ᭄᭞ᬫᬗ᭄ᬓᬶᬦ᭄ᬩᬶᬦ᭄ᬯᬢᬦ᭄ᬬ᭟ᬥᬃᬫ᭄ᬫᬢᬭᬶᬂᬳᬸᬮᬄᬫᬗ᭄ᬓᬦᬵ᭟ᬢᬦ᭄ᬥᬃᬫ᭄ᬫᬲ᭄ᬯᬫᬶᬓᬧ᭄ᬯ᭟ᬫᬗ᭄ᬓᬦᬮᬶᬂᬦᬶᬓᬂᬦᬡ᭄ᬥᬓᬭᬶᬤᬍᬫ᭄‌ᬢ᭄ᬯᬲ᭄ᬦ᭄ᬬ᭟ᬫᬗ᭄ᬓᬶᬦ᭄ᬧᬋᬓ᭄‌ᬫ᭄ᬯᬂᬲᬂᬥᬃᬫ᭄ᬫᬲ᭄ᬯᬫᬶ᭞ᬫᬍᬍᬫᬢᬦᬶᬓᬂᬦᬡ᭄ᬥᬓᬵ᭞

Auto-transliteration

[25 25B] 25 gangankayumakweḥ. ritiraḥnikanghalasburwannasangkĕp, wĕk, kidhang, mañjangan, ka‐ñcil, banteng, wadhak, mwangmr̥ĕgghatarū, wre, lutung, tukang, wuranghutan, huwahuwa, lwak, lagarang, wala ngkapan, laṇdhak, tlĕdu, barwang, macan, macantutul, macanrerang, macankumbang, mwanggajaḥ, mwangwarak, tampaknyamakweḥdunuṭaningpadhati. ikangmunggwingdal̥ĕm, lyantarumaksyā. ikangmabwatbandhanya. kangtanmulyariheng, kunangikangmulyayatapar̥ĕkrisirarinaksyā. makaheturumuhunatingkaḥ, sabhar̀yyandhatangngingpanginĕpan. ridhatangnipadhatikabeḥ, samātingkaḥhunggwanya. mangkepwa'ikanggunung tankaton, gulungikangṇdhatankatonikā. yatatinakwanakĕnirā, winaraḥsirayankaringhalas. mangkesangśayānghel, tanbhisamintar̀yasakengnggwanya. mawalitasiramwaḥ [26 26A] ingiringinghambonirā. katonpwasangbrahmāṇadhatangdesangnandakā, mojar̀ridal̥ĕmhatinya. dhatangyasangdhar̀mmaswamimangke. ulaḥnya'atyantapapākar̀mma. ngūnirikālanyadaridraduḥkā, nghulun dhatangyamulanyamabandabanyagakayu. dadiyabras, brasdadimās. nghulunmamwatngaṇḍanyamidhĕringdeśa. kramādadil̥ĕmbhu, rwa, tlu, sapuluḥ, satus, meḥmewu, padhasaratdeningbaṇdhanya. tkapi nghulundurungwineḥnyanginakinakā. aywatanghulunnginakinakā. madhanganamatrasakengl̥ĕmbhukabeḥ. tansamā, balikpwanghulunbinwatandewek, hat'hĕr̀tadr̥ĕwekinaṭiknyawinwatku, haringlingnya, i kangl̥ĕmbhuhikimanuḥhakral, mangkinbinwatanya. dhar̀mmataringhulaḥmangkanā. tandhar̀mmaswamikapwa. mangkanalingnikangnaṇdhakaridal̥ĕmtwasnya. mangkinpar̥ĕkmwangsangdhar̀mmaswami, mal̥ĕl̥ĕmatanikangnaṇdhakā,

Leaf 26

Image on Archive.org

[᭒᭖ 26B] ᭒᭖ ᬢ᭄ᬳᭂᬃᬕᬸᬫᭂᬦ᭄ᬢᭂᬃᬳᬯᬓ᭄ᬦ᭄ᬬ᭞ᬫᬭᬶᬧᬸᬬᬸᬓ᭄‌ᬫᬧᬶᬫᬫ᭄ᬓᬲᬶᬉᬭᬶᬧ᭄᭟ᬥᬢᬂᬢᬲᬂᬥᬃᬫ᭄ᬫᬲ᭄ᬯᬫᬶ᭞ᬢᬸᬫᬸᬭᬸᬦ᭄‌ᬲᬓᬾᬂᬢᬸᬭᬗ᭄ᬕᬦᬶᬭᬵ᭟ᬢᬸᬫᬗᬶᬲᬶᬲᬂᬦᬦ᭄ᬥᬓᬵ᭞ᬫᬸᬘᬧᬶᬓᬂᬦᬦ᭄ᬥᬓᬵᬭᬶᬳᬢᬶᬦ᭄ᬬ᭟ᬳᬾᬮᬳᬾᬮᬓᬭᬶᬓᬵᬓᬸᬲᬂᬧᬧᬵᬲ᭄ᬯᬫᬶ᭞ ᬢᬗ᭄ᬳᬾᬄᬳᬓᬸᬬᬢᬦ᭄ᬧᬫᬾᬢᬵᬓᬭᬡᬗ᭄ᬓᬸᬦ᭄‌ᬲᬳᬲᬓᬾᬭ᭄ᬬᬵ᭟ᬫᬗ᭄ᬓᬶᬦ᭄ᬢᬬᬳᬸᬫᬥᭂᬕᬓᭂᬦ᭄‌ᬯᬸᬮᬢ᭄‌ᬦ᭄ᬬᬦᬶᬬᬫᬗᬗ᭄ᬲᬸᬃᬳᬗ᭄ᬲᬸᬃᬅᬫ᭄ᬩᭂᬓᬦ᭄ᬬ᭞ᬓᬶᬦᬓ᭄ᬯᬓᭂᬦ᭄‌ᬲᬸᬓᬸᬦ᭄ᬬ᭞ᬫᬫ᭄ᬓᬲᬶᬉᬭᬶᬧ᭄‌ᬮᬶᬂᬦᬶᬂᬢᬸᬫᬶᬗ᭄ᬳᬮᬶᬭ᭄ᬬᬵ᭟ᬫᬗ᭄ᬓᬶ ᬦ᭄‌ᬲᬂᬥᬃᬫ᭄ᬫᬲ᭄ᬯᬫᬶᬫᬦᬗᬶᬲ᭄᭞ᬢ᭄ᬳᭂᬃᬓᬸᬫᭀᬦᬶᬗ᭄ᬳᬸᬮᬸᬦ᭄ᬲᬶᬭᬓᬮᬶᬄ᭞ᬯᬸᬗ᭄ᬓᬸᬓ᭄᭞ᬗᬭᬦ᭄‌ᬲᬶᬦᬾᬢ᭄‌ᬮᬯᬦ᭄ᬲᬶᬢ᭄ᬓᬵ᭟ᬅᬉᬫ᭄᭞ᬯᬸᬗ᭄ᬓᬸᬓ᭄ᬓᬸᬓᬮᬶᬄ᭞ᬢᬲ᭄ᬬᬲᬶᬄᬢᬶᬓᬂᬦᬡ᭄ᬥᬓᬵ᭟ᬢᬸᬗ᭄ᬕᬸᬧ᭄ᬯᬤᬾᬦ᭄ᬢᬵ᭞ᬓᬸᬦᬂᬬᬦ᭄ᬳᬉᬭᬶᬧ᭄᭞ᬯ ᬢᬢᬤᬾᬦ᭄ᬢᬵᬭᬶᬂᬉᬤ᭄ᬬᬦᬶᬫᬮᬯ᭞ᬲᬓᬯᬰᬦᬶᬂᬩᬡ᭄ᬥᬦ᭄ᬬ᭟ᬫᬢᬶᬧ᭄ᬯᬬᬵ᭞ᬢᬸᬦᬸᬧ᭄ᬯᬧᬶᬦ᭄ᬢᭂᬦ᭄ᬲᬗ᭄ᬲᬭᬦ᭄ᬬ᭞ᬅᬲᬶᬂᬲᬶᬭᬳᬸᬫᬮᬶᬯᬢᬶᬓᬂᬳᬮᬲ᭄᭞ᬧᬲᬸᬳᬦ᭄ᬢᬥᬦᬲᬯᬓᬦ᭄ᬬ᭟ᬪᬕ᭄ᬬᬬᬦ᭄ᬲᬂᬧᬵᬡ᭄ᬥᬶᬢᬫ [᭒᭗ 27A] ᬫᬶᬦ᭄ᬢᬥᬦᬲᬶᬭᬵ᭞ᬫᬓᬤᭀᬦᬲᬶᬤ᭄ᬥᬵᬬᬢ᭄ᬭᬬᬦᬶᬗ᭄ᬳᬸᬮᬸᬦ᭄᭞ᬫ᭄ᬯᬂᬳᬬ᭄ᬯᬦᬶᬩᬡ᭄ᬥᬩᬦ᭄ᬬᬕᬵ᭟ᬦ᭄ᬤᬦᬶᬓᬂᬩᬡ᭄ᬥᬫᬲᬶᬫ᭄ᬧᭂᬦ᭄‌ᬦᬶᬚᬸᬕᬦ᭄ᬤᬦ᭄ᬯᬯ᭞ᬢᬣᬧᬶᬬᬢᬦ᭄ᬓᬯᬢᬳᬧᬦᬩ᭄ᬯᬢ᭄‌ᬇᬓᬂᬧᬥᬢᬶᬤᬾᬦᬶᬂᬩᬡ᭄ᬥ᭟ᬦ᭄ᬤᬦ᭄ᬫ ᬗ᭄ᬳᬾᬃᬢᬓᬶᬢᬓᬮᬶᬄ᭞ᬭᬓ᭄ᬱᬇᬓᬂᬩᬡ᭄ᬥᬫ᭄ᬯᬂᬦᬡ᭄ᬥᬓᬵ᭟ᬗ᭄ᬯᬂᬫᬭᬶᬂᬧᬓᬸᬯ᭄ᬯᬦ᭄᭞ᬭᬶᬂᬩᬾᬜ᭄ᬚᬂᬳᬓᬸᬫᬶᬦ᭄ᬢᬃᬲᬗ᭄ᬓᬾᬭᬶᬓᬵ᭞ᬍᬲ᭄ᬮᬸᬗ᭄ᬳᬵᬢᬲᬂᬩ᭄ᬭᬳ᭄ᬫᬵᬡᬥᬂᬫ᭄ᬫᬲ᭄ᬯᬫᬶ᭟ᬓᬭᬶᬢᬲᬶᬲᬶᬦᬾᬢ᭄‌ᬮᬯᬦ᭄‌ᬲᬶᬢ᭄ᬓᬵ᭞ᬫᬢᬸᬗ᭄ᬕᬸᬇ ᬓᬂᬯᬺᬯᬪᬵ᭟ᬲᬶᬢ᭄ᬓᬧ᭄ᬯᬬᬗᬸᬘᬧ᭄᭟ᬦ᭄ᬤᬄᬲᬶᬲᬶᬦᬾᬢ᭄᭞ᬳᬸᬮᬸᬦᬶᬓᬶᬓᬮᬶᬄᬓᬶᬦᭀᬦᬢᬸᬗ᭄ᬕ᭄ᬯᬦᬦ᭄ᬥᬓ᭞ᬫᬢᬗ᭄ᬬᬦ᭄ᬯᬭᬲᬦ᭄ᬬᬫᬗ᭄ᬕᬮᬵ᭟ᬫᬧᬦ᭄‌ᬲ᭄ᬥᬂᬫᬗᬶᬥᭂᬧ᭄‌ᬫᬭᬡᬚᬸᬕᬬᬵ᭞ᬫᬮᬯᬲ᭄ᬧ᭄ᬯᬢᬦ᭄‌ᬳᬶᬦ᭄ᬢᬃᬇ ᬓᬾᬗ᭄ᬳᬮᬲ᭄᭟ᬯᬶᬱ᭄ᬝᬶᬦ᭄ᬬ᭞ᬅᬧᬦ᭄ᬧᬗᭂᬢ᭄ᬳᭂᬢᬦᬶᬂᬤᬸᬱ᭄ᬝᬚᬸᬕᬢᬂᬳᬮᬲ᭄᭟ᬓᬢ᭄ᬫᬸᬓᬶᬢᬓᬮᬶᬄᬤᬾᬦᬶᬤᬸᬱ᭄ᬝ᭞ᬢᬶᬦᬃᬓ᭄ᬓᬓᬶᬢᬵᬢᬸᬗ᭄ᬕᬸᬤᬺᬯ᭄ᬬᬫᬸᬮ᭄ᬬ᭞ᬧᬶᬦᬢ᭄ᬬᬦ᭄ᬓᬶᬢᬮᬦᬓᬸ᭞ᬇᬦᬮᬧᬶᬓᬂᬤᬺᬯ᭄ᬬ᭟ᬬᬤ᭄ᬬ

Auto-transliteration

[26 26B] 26 t'hĕr̀gumĕntĕr̀hawaknya, maripuyukmapimamkasi'urip. dhatangtasangdhar̀mmaswami, tumurunsakengturangganirā. tumangisisangnandhakā, mucapikangnandhakārihatinya. helahelakarikākusangpapāswami, tangheḥhakuyatanpametākaraṇangkunsahasakeryā. mangkintayahumadhĕgakĕnwulatnyaniyamangangsur̀hangsur̀ambĕkanya, kinakwakĕnsukunya, mamkasi'uriplingningtuminghaliryā. mangki nsangdhar̀mmaswamimanangis, t'hĕr̀kumoninghulunsirakaliḥ, wungkuk, ngaransinetlawansitkā. a'um, wungkukkukaliḥ, tasyasiḥtikangnaṇdhakā. tunggupwadentā, kunangyanha'urip, wa tatadentāringudyanimalawa, sakawaśaningbaṇdhanya. matipwayā, tunupwapintĕnsangsaranya, asingsirahumaliwatikanghalas, pasuhantadhanasawakanya. bhagyayansangpāṇdhitama [27 27A] mintadhanasirā, makadonasiddhāyatrayaninghulun, mwanghaywanibaṇdhabanyagā. ndanikangbaṇdhamasimpĕnnijugandanwawa, tathapiyatankawatahapanabwatikangpadhatideningbaṇdha. ndanma ngher̀takitakaliḥ, rakṣa'ikangbaṇdhamwangnaṇdhakā. ngwangmaringpakuwwan, ringbeñjanghakumintar̀sangkerikā, l̥ĕslunghātasangbrahmāṇadhangmmaswami. karitasisinetlawansitkā, matunggu'i kangwr̥ĕwabhā. sitkapwayangucap. ndaḥsisinet, hulunikikaliḥkinonatunggwanandhaka, matangyanwarasanyamanggalā. mapansdhangmangidhĕpmaraṇajugayā, malawaspwatanhintar̀i kenghalas. wiṣṭinya, apanpangĕt'hĕtaningduṣṭajugatanghalas. katmukitakaliḥdeniduṣṭa, tinar̀kkakitātunggudr̥ĕwyamulya, pinatyankitalanaku, inalapikangdr̥ĕwya. yadya

Leaf 27

Image on Archive.org

[᭒᭗ 27B] ᭒᭗ ᬧᬶᬦ᭄ᬫᬮᬬ᭄ᬯᬵᬧᬾᬢᬉᬭᬶᬧ᭄‌ᬓᬶᬢᬮᬦᬵᬓᬸ᭞ᬫᬲᬢᬦᬸᬗ᭄ᬲᬶᬦᭂᬦ᭄᭞ᬤᬾᬦᬶᬂᬤᬸᬱ᭄ᬝᬵ᭟ᬯ᭄ᬥᬶᬦ᭄ᬬᬧᬭᬳᬓ᭄ᬦᬭᬹᬧᬦ᭄ᬬᬫ᭄ᬯᬂᬦᬫᬦ᭄ᬬᬵ᭞ᬅᬧᬦ᭄ᬢᬦ᭄ᬮᬾᬦ᭄ᬯᬦᬶᬦᬶᬂᬦᬵᬕᬭᬵ᭞ᬇᬓᬂᬫᬮᬓ᭄ᬯᬫᬗᬩᬾᬢ᭄᭟ᬬᬢᬦᬶᬫᬶᬢᬦ᭄ᬬᬢᬦ᭄ ᬧᬗᬹᬭᬶᬧᬶᬢᬸᬫᬳᬦᬶᬳᬦᬯ᭄ᬭᬸᬳᬵ᭟ᬗᬹᬦᬶᬗᬹᬦᬶᬓᬂᬪᬬᬵᬮᬾᬦ᭄ᬲᬗ᭄ᬓᬾᬚᬦ᭄ᬫᬵ᭞ᬫ᭄ᬯᬄᬳᬶᬓᬵᬤᬾᬦᬶᬂᬫᬺᬕ᭄ᬖᬵᬯ᭄ᬬᬖ᭄ᬭ᭟ᬓᬮᬶᬗ᭄ᬳᬦ᭄ᬬᬢᬢᬶᬗ᭄ᬕᬮᬓᭂᬦ᭄ᬬᬳᬸᬲᭂᬦᬶᬓᬶᬍᬫ᭄ᬪᬸ᭟ᬬᬭᬶᬓᬮᬶᬓᬸᬄᬇᬓᬶᬓᬓᬵ᭞ᬧᬓ᭄ᬱ ᬗ᭄ᬓᭂᬫᬢᬗ᭄ᬕᭂᬳᬭᬶᬂᬲᬂᬤ᭄ᬯᬶᬚᬵ᭟ᬤᬤᬶᬓᬶᬢᬫᬕ᭄ᬮᭂᬫ᭄᭟ᬓᬗᭂᬦ᭄ᬧ᭄ᬯᬫᬗ᭄ᬓᬾᬪᬬᬦᬶᬓᬵ᭞ᬫ᭄ᬯᬂᬦᬬ᭠ᬦᬶᬗ᭄ᬳᬸᬮᬸᬦ᭄᭟ᬓᬮᬶᬗᬦ᭄ᬬᬅᬬ᭄ᬯᬫᬲᭀᬯᬾᬫᭂᬂᬧᭂᬂᬳᬤᭀᬄᬓᬳᬦᬦ᭄ᬲᬂᬩ᭄ᬭᬳ᭄ᬫᬵᬡ᭟ᬮᬄᬢᬫᬗ᭄ᬓᬢ᭄᭟ᬫ ᬗ᭄ᬓᬦᬲᬳᬸᬃᬦ᭄ᬬᬲᬶᬲᬶᬦᬾᬢ᭄᭟ᬫᬚᬃᬧ᭄ᬯᬲᬶᬢ᭄ᬓᬵ᭟ᬳᬦᬉᬧᬬᬗ᭄ᬓᬸ᭞ᬦ᭄ᬤᬄᬢᬢᬶᬫ᭄ᬩᬸᬦ᭄ᬓᬬᬸ᭞ᬢᬶᬦᬸᬦᬸᬇᬓᬂᬓᬬᬸ᭞ᬳᬸᬯᬸᬲ᭄ᬦ᭄ᬬᬧ᭄ᬯᬬᬫᬸᬭᬸᬩ᭄᭞ᬢᬵᬗ᭄ᬓᬢ᭄᭟ᬳᬸᬯᬸᬲ᭄ᬫᬗ᭄ᬓᬦᬢᬬᬓᬢᭀᬦ᭄ᬓᬸᬓᬸᬲ᭄ᬦ᭄ᬬᬲ [᭒᭘ 28A] ᬓᬾᬂᬤᭀᬄ᭞ᬘᬶᬳ᭄ᬦᬦ᭄ᬢᬬᬦ᭄ᬢᬸᬦᬸ᭟ᬫᬗ᭄ᬓᬦᬢᬮᬶᬂᬦ᭄ᬬ᭟ᬫᬦᬸᬫ᭄ᬧᬸᬓ᭄ᬢᬬᬓᬬᬸ᭞ᬦ᭄ᬤᬶᬢᬳᬸᬗ᭄ᬕ᭄ᬯᬦ᭄ᬬᬦᬸᬫ᭄ᬧᬸᬓ᭄ᬓᬬᬸ᭟ᬇᬓᬂᬤᬦ᭄ᬥᬓ᭞ᬭᬶᬓᬳᬸᬭᬸᬕᬤᬓᬬᬸ᭟ᬅᬬ᭄ᬯ᭞ᬳᬶᬮᬵᬳᬶᬮᬩᬧᬵ᭞ᬖᭀᬯᬢ᭄ᬬᬗᬭᬦᬶ ᬓᬩᬧᬵ᭞ᬲᬫᬵᬮᬯᬦ᭄‌ᬩ᭄ᬭᬳ᭄ᬫᬵᬡᬳᬢ᭄ᬬ᭟ᬫᬵᬫᬢᬶᬩ᭄ᬭᬳ᭄ᬫᬵᬡᬧᬥᬦ᭄ᬬ᭟ᬢᬸᬫ᭄ᬧᬸᬓ᭄ᬢᬭᬶᬗᬤᭀᬄ᭟ᬦ᭄ᬤᬦᬸᬭᬸᬩᬓᭂᬦ᭄ᬢᬂᬳᬧ᭄ᬯᬶ᭟ᬫᬸᬭᬸᬩ᭄ᬲ᭄ᬯᬬᬢᬶᬦᬶᬗ᭄ᬕᬮ᭄‌ᬬᬵ᭟ᬭᬶᬳᬸᬯᬸᬲ᭄ᬦ᭄ᬬᬳᬦ᭄ᬢᬸᬓᬶᬭᬓᬶᬭ᭞ᬲᬶᬢ᭄ᬓᬵᬫ᭄ᬯᬂᬲᬶ᭠ ᬲᬶᬦᬾᬢ᭄‌ᬳᬸᬯᬸᬲ᭄‌ᬫᬸᬭᬸᬩᬶᬓᬂᬓᬬᬸᬢᬶᬦᬶᬫ᭄ᬩᬸᬦ᭄ᬦ᭄ᬬᬮᬸᬗ᭄ᬳᬧ᭄ᬯᬬᬓᬮᬶᬄ᭞ᬳᬗᬸᬘᬧ᭄‌ᬲᬶᬢ᭄ᬓ᭞ᬮᬶᬂᬦ᭄ᬬ᭟ᬮᬄᬲᬶᬧᬶᬦᬾᬢ᭄‌ᬢᬫᬭᬳᬸᬗ᭄ᬕ᭄ᬯᬦᬶᬂᬦᬡ᭄ᬥᬓᬵ᭞ᬳᬸᬘᬸᬮᬦᬵᬢᬮᬶᬢᬮᬶᬦ᭄ᬬ᭞ᬳᬬ᭄ᬯᬫᬍᬃᬢᬢᬮᬶᬦ᭄ᬬ ᬫ᭄ᬯᬂᬲᬯᭂᬤ᭄ᬦ᭄ᬬ᭟ᬫᬗᬺᬗᭃᬲᬂᬦᬡ᭄ᬥᬓᬧᬗᬸᬘᬧ᭄ᬦ᭄ᬬᬲᬶᬢ᭄ᬓ᭞ᬉᬫᬶᬗᭂᬢ᭄ᬧ᭄ᬯᬬ᭟ᬲᬫ᭄ᬧᬸᬦ᭄ᬬᬲᬄᬇᬓᬂᬢᬮᬶᬫ᭄ᬯᬂᬲᬯᭂᬤ᭄ᬦ᭄ᬬ᭞ᬍᬲ᭄ᬮᬸᬗ᭄ᬳᬵᬧ᭄ᬯᬬᬓᬮᬶᬄ᭞ᬲᬶᬢ᭄ᬓᬵᬮᬦ᭄ᬲᬶᬲᬶᬦᬾᬢ᭄᭟ᬯᬯᬸᬫᬸᬗ᭄ᬓᬸᬃᬧ᭄ᬯᬓᬮᬶᬄ᭞ᬫᭀᬖ

Auto-transliteration

[27 27B] 27 pinmalaywāpeta'uripkitalanāku, masatanungsinĕn, deningduṣṭā. wdhinyaparahaknarūpanyamwangnamanyā, apantanlenwaniningnāgarā, ikangmalakwamangabet. yatanimitanyatan pangūripitumahanihanawruhā. ngūningūnikangbhayālensangkejanmā, mwaḥhikādeningmr̥ĕgghāwyaghra. kalinghanyatatinggalakĕnyahusĕnikil̥ĕmbhu. yarikalikuḥikikakā, pakṣa ngkĕmatanggĕharingsangdwijā. dadikitamaglĕm. kangĕnpwamangkebhayanikā, mwangnaya‐ninghulun. kalinganya'aywamasowemĕngpĕnghadoḥkahanansangbrahmāṇa. laḥtamangkat. ma ngkanasahur̀nyasisinet. majar̀pwasitkā. hana'upayangku, ndaḥtatimbunkayu, tinunu'ikangkayu, huwusnyapwayamurub, tāngkat. huwusmangkanatayakatonkukusnyasa [28 28A] kengdoḥ, cihnantayantunu. mangkanatalingnya. manumpuktayakayu, nditahunggwanyanumpukkayu. ikangdandhaka, rikahurugadakayu. aywa, hilāhilabapā, ghowatyangarani kabapā, samālawanbrahmāṇahatya. māmatibrahmāṇapadhanya. tumpuktaringadoḥ. ndanurubakĕntanghapwi. murubswayatininggalyā. rihuwusnyahantukirakira, sitkāmwangsi‐ sinet'huwusmurubikangkayutinimbunnyalunghapwayakaliḥ, hangucapsitka, lingnya. laḥsipinettamarahunggwaningnaṇdhakā, huculanātalitalinya, haywamal̥ĕr̀tatalinya mwangsawĕdnya. mangr̥ĕngösangnaṇdhakapangucapnyasitka, umingĕtpwaya. sampunyasaḥikangtalimwangsawĕdnya, l̥ĕslunghāpwayakaliḥ, sitkālansisinet. wawumungkur̀pwakaliḥ, mogha

Leaf 28

Image on Archive.org

[᭒᭘ 28B] ᭒᭘ ᬢᬮᬸᬗ᭄ᬳᬵᬲᬂᬦᬡ᭄ᬥᬓᬵ᭞ᬫᬯᬸᬗᬸᬮᬸᬫᬫ᭄ᬧᬢ᭄‌ᬬᬭᬶᬂᬳᬲ᭄᭟ᬍᬧᬲ᭄ᬮᬓᬸᬦ᭄ᬬᬲᬶᬢ᭄ᬓᬵᬮᬦ᭄ᬲᬶᬲᬶᬦᬾᬢ᭄᭞ᬥᬢᬂᬓᬳᬦᬦ᭄ᬲᬂᬩ᭄ᬭᬳ᭄ᬫᬡᬵ᭞ᬫᬚᬃᬬᬦ᭄ᬳᬸᬯᬸᬲ᭄ᬫᬢᬶᬓᬂᬍᬫ᭄ᬪᬸ᭟ᬦ᭄ᬤᬦ᭄ᬢᬶᬦᬶᬗ᭄ᬳᬮᬦ᭄ᬢᬂᬳᬧ᭄ᬯᬶᬤᬾᬲᬂᬤ᭄ᬯᬶᬚᬵ᭞ᬓᬸᬫᬸᬓᬸ ᬲ᭄ᬓᬢᭀᬦ᭄‌ᬲᬓᬗ᭄ᬓᬾ᭞ᬦᬶᬳᬦᬶᬓᬢᬸᬦ᭄ᬯᬦᬶᬓᬂᬯᬺᬲᬪᬵᬤᬾᬲᬂᬧᬡ᭄ᬟᬶᬢᬵ᭟ᬇᬓᬂᬩᬡ᭄ᬥᬯᬶᬦᭀᬢ᭄‌ᬫᬓᬥᬓ᭄ᬱᬶᬡᬦᬶᬭ᭟ᬦᬶᬫᬶᬢᬦᬶᬗ᭄ᬳᬸᬮᬸᬦ᭄ᬢᬸᬫᬶᬗ᭄ᬕᬮᬓᭂᬦ᭄ᬢᬸᬭᬸᬂᬗᬶᬂᬲᬶᬫ᭄ᬧᭂᬦ᭄‌ᬲᬂᬦᬡ᭄ᬥᬓᬵ᭞ᬫᬯ᭄ᬥᬶᬧᬶᬦᬓᬗ᭄ᬳᬸᬮᬸᬦ᭄‌ᬢᬃᬬ᭄ᬬ ᬦ᭄ᬤᬾᬲᬂᬩ᭄ᬭᬳ᭄ᬫᬵᬡ᭞ᬫᬧᬦ᭄ᬤᬸᬃᬕ᭄ᬕᬫᬦᬶᬓᬶᬗ᭄ᬳᬮᬲ᭄᭞ᬫᬯ᭄ᬚᬶᬢᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬅᬓ᭄ᬱᬬᬫᬮ᭄ᬯᬂᬢᬂᬧᬭᬶᬘᬭ᭞ᬫᬢ᭄ᬬᬧᬶᬦᬓᬗ᭄ᬳᬸᬮᬸᬦ᭄᭟ᬫᬗ᭄ᬓᬦᬮᬶᬂᬦᬶᬓᬂᬓᬯᬸᬮᬓᬮᬶᬄ᭞ᬲᬸᬫᬳᬹᬃᬲᬂᬩ᭄ᬭᬳ᭄ᬫᬵᬡ᭟ᬅᬉᬫ᭄‌ᬲᬶᬦᬾᬢ᭄ ᬫ᭄ᬯᬂᬲᬶᬢ᭄ᬓᬵ᭞ᬳᬸᬯᬸᬲᬦᬶᬂᬓᬃᬬ᭄ᬬᬦ᭄ᬢᬦᬓᬸ᭟ᬇᬓᬂᬧᬤᬢᬶᬩᬾᬄᬲᬧᬓᭀᬦᭂᬦ᭄ᬫᬶᬭᬵ᭟ᬅᬬ᭄ᬯᬲᭀᬯᬾ᭟ᬬᬢᬲᬸᬫᬶᬖ᭄ᬭᬓᭂᬦ᭄ᬧᬥᬢᬶᬫᬗ᭄ᬓᬢ᭄᭞ᬲᬂᬥᬃᬫ᭄ᬫᬲ᭄ᬯᬫᬶᬫ᭄ᬯᬄᬲᬶᬭᬫᬶᬦ᭄ᬢᬃ᭞ᬓᬤᬶᬭᬢᬸᬫᬗ᭄ᬤᭀᬦ᭄ᬳᬍᬧ᭄ᬦᬶ [᭒᭙ 29A] ᬤᬾᬦᬶᬂᬓ᭄ᬯᬾᬄᬕᬸᬮᬶᬗᬦᬶᬓ᭟ᬢᬸᬘᬧᬵᬢᬲᬶᬭᬭᬶᬂᬫᬃᬕ᭄ᬕᬓᬮᬗᭃᬦ᭄ᬬᬤᬾᬦᬶᬂᬲᬭᬢ᭄ᬓᬵᬮ᭞ᬲ᭄ᬮᬦᬶᬂᬓᬧᬢ᭄ᬓᬮᬶᬫᬵ᭞ᬢᬸᬫᬶᬩᬢᬂᬳᬸᬤᬦ᭄‌ᬧᬶᬲᬦ᭄‌ᬲᬧ᭄ᬓᭂᬦ᭄᭟ᬫᬗ᭄ᬳᬹᬭᬶᬧ᭄‌ᬇᬓᬂᬦᬡ᭄ᬥᬓᬵ᭞ᬧᬭᬶᬢᬸᬱ᭄ᬝᬓᬢᬶᬩᬦ᭄ᬳᬸᬤᬦ᭄᭟ᬫᬵ ᬫᬗᬦ᭄ᬢᬬᬤᬸᬓᬸᬢ᭄ᬫᬳᬶᬚ᭄ᬯᬍᬫᭂᬲ᭄᭞ᬫᬗᬶᬦᬹᬫ᭄ᬯᬿ᭟ᬲᬗ᭄ᬰᬬᬳᬸᬚ᭄ᬯᬮᬫᬦᬄᬦ᭄ᬬ᭞ᬫᬲᬶᬕᬫᬳᬲ᭄‌ᬭᬶᬂᬤᬾᬰᬉᬤ᭄ᬬᬦᬫᬮᬯᬵ᭟᭜᭟ᬇᬢᬶᬦᬡ᭄ᬥᬓᬧ᭄ᬭᬓᬭᬡ᭞ᬧ᭄ᬭᬢᬫᬲᬃᬕ᭄ᬕᬢᬦ᭄ᬢ᭄ᬭᬶᬓᬝᬧᬹᬃᬯ᭄ᬯᬓᬵᬯᬶᬯᬳᬵ᭟᭜᭟ᬫᬗ᭄ᬓᬦᬂ ᬦᬡ᭄ᬥᬓᬧ᭄ᬭᬓᬭᬡᬵ᭟ᬭᬶᬳᬸᬯᬸᬲ᭄ᬦ᭄ᬬᬫᬳᬲᬶᬗ᭄ᬳᬮᬲ᭄᭞ᬓᬧᬗ᭄ᬕᬶᬄᬤᬾᬦᬶᬂᬰ᭄ᬭᬕᬮᬯᬮᬵ᭞ᬓᬩᬮᬤᬾᬦᬶᬂᬲᬂᬲᬶᬗ᭄ᬳᬵᬘᬡ᭄ᬥᬧᬶᬗ᭄ᬕᬕᬮ᭟ᬬᬢᬲᬫᬶᬢ᭄ᬭᬮᬯᬦ᭄ᬲᬂᬲᬶᬗ᭄ᬳᬵ᭞ᬭᬫ᭄ᬬᬧᬫᬶᬢ᭄ᬭᬦᬶᬂᬲᬂᬲᬶᬗ᭄ᬳᬵᬮᬯᬦ᭄‌ᬦᬡ᭄ᬥᬓ᭟ᬧᬶᬦᬶ ᬲᬸᬦᬓᭂᬦ᭄ᬤᬾᬦᬶᬂᬲᬫ᭄ᬪᬤᬰ᭄ᬭᬕᬮᬵ᭞ᬧᬢᬶᬄᬲᬂᬲᬶᬗ᭄ᬳᬵ᭟ᬫᬢᬂᬦ᭄ᬬᬦ᭄‌ᬲᬗᬂᬧᬸᬮᬸᬄᬇᬓᬂᬦᬡ᭄ᬥᬓᬵ᭞ᬧ᭄ᬭᬓᬭᬡ᭞ᬫᬓᬵᬳᬶᬗᬦ᭄ᬧᬢᬶᬦᬶᬓᬵᬓᬮᬶᬄ᭟ᬕᬸᬫᬦ᭄ᬢᬶᬧᬓ᭄ᬱᬶᬧ᭄ᬭᬓᬭᬡ᭞ᬲᬗᬂᬧᬸᬮᬸᬄᬘᬭᬶᬫ᭄ᬯᬄ᭞ᬤᬸᬓᬶᬓᬂᬫᬦᬸᬓ᭄

Auto-transliteration

[28 28B] 28 talunghāsangnaṇdhakā, mawungulumampatyaringhas. l̥ĕpaslakunyasitkālansisinet, dhatangkahanansangbrahmaṇā, majar̀yanhuwusmatikangl̥ĕmbhu. ndantininghalantanghapwidesangdwijā, kumuku skatonsakangke, nihanikatunwanikangwr̥ĕsabhādesangpaṇḍitā. ikangbaṇdhawinotmakadhaksyiṇanira. nimitaninghuluntuminggalakĕnturungngingsimpĕnsangnaṇdhakā, mawdhipinakanghuluntar̀yya ndesangbrahmāṇa, mapandur̀ggamanikinghalas, mawjitarahadyansanghulun, akṣayamalwangtangparicara, matyapinakanghulun. mangkanalingnikangkawulakaliḥ, sumahūr̀sangbrahmāṇa. a'umsinet mwangsitkā, huwusaningkar̀yyantanaku. ikangpadatibeḥsapakonĕnmirā. aywasowe. yatasumighrakĕnpadhatimangkat, sangdhar̀mmaswamimwaḥsiramintar̀, kadiratumangdonhal̥ĕpni [29 29A] deningkweḥgulinganika. tucapātasiraringmar̀ggakalangönyadeningsaratkāla, slaningkapatkalimā, tumibatanghudanpisansapkĕn. manghūripikangnaṇdhakā, parituṣṭakatibanhudan. mā mangantayadukutmahijwal̥ĕmĕs, manginūmwai. sangśayahujwalamanaḥnya, masigamahasringdeśa'udyanamalawā \\•\\ itinaṇdhakaprakaraṇa, pratamasar̀ggatantrikaṭapūr̀wwakāwiwahā \\•\\ mangkanang naṇdhakaprakaraṇā. rihuwusnyamahasinghalas, kapanggiḥdeningśragalawalā, kabaladeningsangsinghācaṇdhapinggagala. yatasamitralawansangsinghā, ramyapamitraningsangsinghālawannaṇdhaka. pini sunakĕndeningsambhadaśragalā, patiḥsangsinghā. matangnyansangangpuluḥikangnaṇdhakā, prakaraṇa, makāhinganpatinikākaliḥ. gumantipaksyiprakaraṇa, sangangpuluḥcarimwaḥ, dukikangmanuk

Leaf 29

Image on Archive.org

[᭒᭙ 29B] ᭒᭙ ᬳᬫᬾᬢ᭄ᬭᬣᬦ᭄ᬬ᭟ᬭᬶᬮᬸᬗ᭄ᬳᬵᬲᬂᬕᬭᬹᬥᬢᬸᬫᬹᬢ᭄ᬭᬶᬪᬝᬭᬯᬶᬱ᭄ᬡᬸᬫᬫᬸᬢᭂᬃᬲᬵᬕᬭ᭟ᬕᬸᬫᬦ᭄ᬢᬶᬫᬦ᭄ᬢᬶᬫᬡ᭄ᬥᬸᬓᬧ᭄ᬭᬓᬭᬡ᭞ᬲᬗᬂᬧᬸᬮᬸᬄᬘᬭᬶᬢᬫᬸᬯᬄ᭞ᬭᬶᬓᬮᬦᬶᬂᬲᬂᬦᬵᬕᬭᬵᬚᬲᬫᬶᬢ᭄ᬭᬮᬯᬦ᭄ᬫᬡ᭄ᬥᬸᬓᬵᬭᬵᬚ᭟ᬫᬓᬯ᭄ᬓᬲᬦ᭄ᬧᬢᬶ᭟ᬕᬸ ᬫᬦ᭄ᬢᬶᬢᬂᬧᬶᬲᬘᬧ᭄ᬭᬓᬭᬡ᭞ᬲᬗᬂᬧᬸᬮᬸᬄᬘᬭᬶᬲᬫ᭄ᬯᬄᬭᬶᬓᬵᬮᬦᬶᬂᬧᬶᬲᬘᬵᬫᬾᬢ᭄ᬭᬢᬸᬦ᭄ᬬ᭞ᬲ᭄ᬥᬂᬦᬶᬂᬫᬗᬶᬦᬸᬫ᭄ᬭᬄ᭞ᬫᬗᬦ᭄ᬯᬗ᭄ᬓᬾᬦᬶᬂᬭᬵᬓ᭄ᬱᬲᬫᬧ᭄ᬭᬂᬮᬯᬦ᭄ᬤᬾᬯᬢᬵ᭞ᬫᬋᬗᬸᬢ᭄‌ᬅᬫᬺᬢ᭄ᬣᬳᬸᬮᬶᬄᬳ᭄ᬬᬂᬯᬶᬱ᭄ᬡᬸᬫᬫᬸᬢᭂᬃᬲᬕᬭ᭟ᬫᬢᬂᬦ᭄ᬬᬦ᭄ ᬢ᭄ᬮᬸᬂᬗᬢᬸᬲ᭄‌ᬦᭂᬫ᭄ᬧᬸᬮᬸᬄᬧᬶᬡ᭄ᬥᬘᬭᬶᬢᬵ᭞ᬭᬶᬧᬢᬂᬧ᭄ᬭᬓᬭᬡ᭟ᬫᬗ᭄ᬥᬸᬓᬧ᭄ᬭᬓᬭᬡ᭞ᬧᬶᬲᬘᬧ᭄ᬭᬓᬭᬡ᭞ᬧᬓ᭄ᬱᬶᬧ᭄ᬭᬓᬭᬡ᭟ᬇᬓᬶᬢᬓᬩᬾᬄᬧᬥᬫᬶᬚᬶᬮ᭄‌ᬲᬓᬾᬂᬦᬶᬢᬶᬰᬲ᭄ᬢ᭄ᬭᬲᬳᬰ᭄ᬮᭀᬓᬦ᭄ᬬ᭞ᬭᬶᬓᬵᬮᬦᬶᬂᬫᬡ᭄ᬥᬸᬓᬭᬵᬚᬲ ᬫᬶᬢ᭄ᬭᬮᬯᬦ᭄‌ᬦᬵᬕᬭᬵᬚ᭟ᬅᬓ᭄ᬱᭂᬮ᭄‌ᬳᬸᬮᬸᬦ᭄‌ᬳᬓᬣ᭞ᬲᬸᬕ᭄ᬬᬦ᭄‌ᬰ᭄ᬭᬷᬫᬳᬵᬭᬵᬚᬓᬩ᭄ᬭᬶᬩᬶᬦᬦ᭄‌ᬲᬶᬭᬫᬺᬫ᭄᭟ᬫᬗ᭄ᬓᬦᬮᬶᬂᬥ᭄ᬬᬄᬢᬦ᭄ᬢ᭄ᬭᬶ᭞ᬅᬫ᭄ᬯᬶᬢ᭄‌ᬇᬓᬂᬯᬾᬮ᭄‌ᬫᬶᬚᬶᬮ᭄‌ᬫ᭄ᬯᬂᬢᬸᬫᬳᬵᬭ᭄ᬬᬸᬮᬄᬰ᭄ᬭᬷᬫᬳᬭᬵᬚ᭟ᬢᬦ᭄ᬤ᭄ᬯᬭᬶ [᭓᭐ 30A] ᬳᬸᬯᬸᬲ᭄ᬫᬶᬚᬶᬮᬶᬓᬂᬯᬾᬮ᭄᭞ᬰ᭄ᬭᬶᬫᬳᬵᬭᬵᬚᬢᬗᬶ᭟ᬮᬶᬂᬲᬶᬭᬵ᭟ᬥ᭄ᬬᬄᬢᬦ᭄ᬢ᭄ᬭᬷ᭞ᬫᬳᬸᬯᬸᬲᬦ᭄ᬲᬶᬭᬓᬣᬵᬦ᭄ᬤᬦ᭄ᬯᬶᬥᬶᬩᬭᬶᬩᬶᬦᬦᬶᬗ᭄ᬳᬸᬮᬸᬦ᭄‌ᬫᬺᬫ᭄᭟ᬢᬳᬇᬪᬹ᭞ᬲᬲᭀᬯᬾᬦ᭄ᬢᬓᬣᬵᬢᬸᬭᬸᬂᬗ᭄ᬳᬸᬮᬸᬦᬵᬢᬹᬭᬹ᭞ᬳᬃᬱᬓᬫᬶᬭᬸᬫ᭄ᬗᭃᬲᬭᬱᬦᬶᬂ ᬘᬭᬶᬢᬵᬫ᭄ᬯᬂᬧᬦᬶᬩᬓᭂᬦ᭄‌ᬰ᭄ᬮᭀᬓᬵ᭟ᬲᬯ᭄ᬗᬶᬗ᭄ᬳᬸᬮᬸᬦ᭄ᬢᬦ᭄ᬧᬫᬺᬫ᭄‌ᬳᬗᬺᬗᬵᬘᬭᬶᬦ᭄ᬢᬵ᭟ᬦ᭄ᬤᬄᬫᬄᬲ᭄ᬧᬄᬢᬫ᭄ᬩᬳᬭᬶᬗ᭄ᬓᬸᬗ᭄ᬳᬾᬮ᭄‌ᬫᬓᬝ᭟ᬫᬾᬄᬢᬸᬫᬶᬩᬾᬧ᭄ᬭᬳᬭᬧᬢᭂᬗᬳᬶᬂᬢᬶᬦᬶᬲᬧ᭄ᬭᬳᬭ᭞ᬮᬶᬯᬢ᭄‌ᬫᬗ᭄ᬓᭀ᭟ᬲ᭄ᬥᬂᬦᬶᬤ᭄ᬭᬇ ᬓᬂᬯ᭄ᬯᬂ᭞ᬳᬶᬗ᭄ᬳᬸᬮᬸᬦ᭄ᬮᬯᬦ᭄ᬓᬶᬢᬵᬢᬸᬭᬸᬂᬳᬫᬺᬫ᭄‌ᬯ᭄ᬭᬸᬄᬢᬓᬮᬶᬗᬦᬶᬓᬵᬢᬶᬦᬸᬗ᭄ᬕᬸᬭᬶᬂᬭᬢᬶᬄᬫᬦ᭄ᬫᬢᬵᬢᬸᬭᬸᬂᬧᬶᬦᬸᬚᬵ᭟ᬳᬸᬯᬸᬲ᭄ᬓᬶᬢᬗᬹᬦᬶᬂᬲᬪᬵᬓᬵᬮᬦᬶᬂᬧᬶᬦᬹᬚ᭞ᬪᬝᬭᬾᬰ᭄ᬯᬭᬫᬡ᭄ᬥᭂᬮ᭄‌ᬲᬶᬭᬓᬮᬶᬄᬧᬶᬦᬹᬚᬵ᭟ᬭᬶᬯᬳᬸᬦᬶᬗ᭄ᬯᬂᬭᬶᬂᬕᬺ ᬳᬧᬯᬭᬗᬦ᭄᭞ᬪᬝᬭᬯᬶᬱ᭄ᬡᬸᬫ᭄ᬯᬂᬪᬝᬭᬶᬰ᭄ᬭᬷᬧ᭄ᬭᬚᬧᬢᭂᬫ᭄ᬯᬦᬶᬂᬗ᭄ᬯᬂᬓᬮᬶᬄ᭟ᬲᬗ᭄ᬓᬦᬶᬂᬗ᭄ᬳᬾᬮ᭄ᬦᬶᬗ᭄ᬳᬸᬮᬸᬦ᭄᭞ᬢᬦ᭄ᬧᬫᬹᬚᬵᬭᬶᬪᬝᬭᬲ᭄ᬫᬭᬫ᭄ᬯᬂᬭᬢᬶᬄ᭞ᬫᬗ᭄ᬓᬾᬗ᭄ᬯᬂᬫᬂᬳᬹᬭᬦᬧᬹᬚᬳᬶᬮᬳᬶᬮ᭟ᬫᬗ᭄ᬓᬾᬧ᭄ᬯᬗ᭄ᬳᬸᬮᬸᬦ᭄‌ᬫᬫᬹᬚᬵᬢ᭄ᬓ

Auto-transliteration

[29 29B] 29 hametrathanya. rilunghāsanggarūdhatumūtribhaṭarawiṣṇumamutĕr̀sāgara. gumantimantimaṇdhukaprakaraṇa, sangangpuluḥcaritamuwaḥ, rikalaningsangnāgarājasamitralawanmaṇdhukārāja. makawkasanpati. gu mantitangpisacaprakaraṇa, sangangpuluḥcarisamwaḥrikālaningpisacāmetratunya, sdhangningmanginumraḥ, manganwangkeningrākṣasamapranglawandewatā, mar̥ĕngutamr̥ĕtthahuliḥhyangwiṣṇumamutĕr̀sagara. matangnyan tlungngatusnĕmpuluḥpiṇdhacaritā, ripatangprakaraṇa. mangdhukaprakaraṇa, pisacaprakaraṇa, paksyiprakaraṇa. ikitakabeḥpadhamijilsakengnitiśastrasahaślokanya, rikālaningmaṇdhukarājasa mitralawannāgarāja. aksyĕlhulunhakatha, sugyanśrīmahārājakabribinansiramr̥ĕm. mangkanalingdhyaḥtantri, amwitikangwelmijilmwangtumahāryulaḥśrīmaharāja. tandwari [30 30A] huwusmijilikangwel, śrimahārājatangi. lingsirā. dhyaḥtantrī, mahuwusansirakathāndanwidhibaribinaninghulunmr̥ĕm. taha'ibhū, sasowentakathāturungnghulunātūrū, har̀ṣakamirumngösaraṣaning caritāmwangpanibakĕnślokā. sawnginghuluntanpamr̥ĕmhangr̥ĕngācarintā. ndaḥmaḥspaḥtambaharingkunghelmakaṭa. meḥtumibepraharapatĕngahingtinisaprahara, liwatmangko. sdhangnidra'i kangwwang, hinghulunlawankitāturunghamr̥ĕmwruḥtakalinganikātinungguringratiḥmanmatāturungpinujā. huwuskitangūningsabhākālaningpinūja, bhaṭareśwaramaṇdhĕlsirakaliḥpinūjā. riwahuningwangringgr̥ĕ hapawarangan, bhaṭarawiṣṇumwangbhaṭariśrīprajapatĕmwaningngwangkaliḥ. sangkaningnghelninghulun, tanpamūjāribhaṭarasmaramwangratiḥ, mangkengwangmanghūranapūjahilahila. mangkepwanghulunmamūjātka

Leaf 30

Image on Archive.org

[᭓᭐ 30B] ᭓᭐ ᬓᬶᬢᬵᬓ᭄ᬭᬫᬦᬶᬂᬭᬢᬶᬄᬫᬦ᭄ᬫᬢᬵ᭞ᬫᬢ᭄‌ᬧᬶᬦᬓᬵᬧ᭄ᬭᬥᬦ᭞ᬅᬓᬳᬦᬦᬶᬭᬦ᭄᭟ᬦ᭄ᬤᬄᬦᬶᬳᬦ᭄ᬢᬧᬢ᭄ᬦᬶᬦᬶᬂᬧᭂᬃᬢ᭄ᬢᬫᬵᬰ᭄ᬯᬃᬕ᭄ᬕᬵ᭟ᬓᬾᬗᭂᬢᬓ᭄ᬦᬚᬢᬶᬦᬶᬭᬫ᭄ᬯᬂᬲ᭄ᬯᬪᬵᬯᬦ᭄ᬬ᭟ᬗᬹᬦᬶᬢᬭᬶᬧᬺᬯᬺᬢ᭄ᬢᬶᬦ᭄ᬬ᭞ᬇᬓᬵᬢᬢᬶᬱ᭄ᬝᬦ᭄ᬬ᭞ᬕᬡ᭄ᬥᬦ᭄ᬬ᭞ᬘᬸ ᬫ᭄ᬩᬦᬫ᭄ᬯᬂᬪᬸᬱᬡᬵ᭞ᬓ᭄ᬭᬫᬦᬶᬂᬩᬡ᭄ᬥᬯᬶᬦᭀᬥᬦ᭟ᬫᬧᬵᬓᬧᬶᬗ᭄ᬕᬶᬗᬦ᭄ᬢᬭᬶᬬᬵ᭟ᬲ᭄ᬯᬪᬵᬯᬢᬦ᭄ᬢ᭄ᬭᬶᬓᬸᬮᬚᬵ᭞ᬲᬸᬮᬚ᭄ᬜᬵᬗᬸᬫᬸᬮᬳᬓ᭄ᬦᬵᬓ᭄ᬦᬵᬓ᭄ᬭᬫᬵ᭟ᬦ᭄ᬤᬄᬧ᭄ᬭᬢᬫᬭᬢ᭄ᬭᬶᬫᬗ᭄ᬓᬾ᭞ᬓᬵᬮᬦᬶᬂᬘᬶᬢ᭄ᬭᬶᬯᬶᬦᭀᬥᬦ᭟ᬳᬸᬯᬸᬲ᭄ᬢᬓᬶᬢᬵᬯ᭄ᬭᬸᬄᬭᬶᬂᬬ ᬦ᭄ᬢᬶᬦᬶᬂᬓ᭄ᬭᬫᬵ᭞ᬢᬸᬫᬹᬢᬶᬓᬂᬲᬗ᭄ᬓᬶᬦᬶ᭟ᬯ᭄ᬓᬲᬦᬶᬂᬅᬱ᭄ᬝᬶᬓ᭄ᬭᬫᬵ᭟ᬢᬸᬫᬸᬗ᭄ᬕᬮᬓᭂᬦ᭄‌ᬓᬤ᭄ᬬᬧᬢᬶᬦᬶᬂᬓ᭄ᬭᬫᬵ᭟ᬧᬥᬢᬬᬫᬤᬺᬯ᭄ᬬᬳᬡ᭄ᬥᬵ᭞ᬫᬢᬗ᭄ᬬᬦ᭄‌ᬯ᭄ᬯᭀᬮᬸᬓ᭄ᬭᬫᬦᬶᬂᬚᬢᬶᬧᬢ᭄᭞ᬬᬢᬵᬓᬵᬮᬦᬶᬂᬘᬢᬹᬃᬬᬫᬵ᭟ᬫᬗ᭄ᬓᬦ ᬢᬉᬧᬤᬾᬰᬰ᭄ᬭᬶᬐᬰ᭄ᬯᬃᬬ᭄ᬬᬨᬮ᭞ᬭᬶᬂᬥ᭄ᬬᬄᬢᬦ᭄ᬢ᭄ᬭᬶ᭞ᬯ᭄ᬭᬸᬄᬢᬲᬶᬭᬬᬦ᭄‌ᬰᬲ᭄ᬢ᭄ᬭᬧᬭᬕ᭞ᬗᬹᬦᬶᬗᬹᬦᬶᬧᬗᬹᬧᬤᬾᬰᬲᬂᬦᬵᬣ᭟ᬦ᭄ᬤᬦ᭄‌ᬰ᭄ᬭᬶᬫᬳᬭᬵᬚ᭞ᬫᬗ᭄ᬓᬶᬦ᭄‌ᬳᬸᬫ᭄ᬯᬦᬇᬓᬂᬭᬕᬓᬭᬡ᭞ᬫᬶᬚᬶᬮᬶᬓᬂᬫᬦᭀ [᭓᭑ 31A] ᬭᬢᬦᬶᬂᬲᬶᬭ᭞ᬲᬢᬶᬗ᭄ᬓᬳᬶᬂᬓᬫᬵᬢᬦ᭄ᬢ᭄ᬭᬮᬶᬦ᭄ᬓᬲᬓᭂᬦ᭄‌ᬦᬶᬭᬵ᭟ᬫᬧᬢᬓ᭄ᬭᬫᬦᬶᬂᬫᬧᬗ᭄ᬕᬶᬄ᭞ᬮᬯᬦ᭄ᬲᬫᬯᬶᬤᬕ᭄ᬥᬭᬶᬓ᭄ᬭᬶᬬᬵ᭟ᬓᬤᬶᬧᬢ᭄ᬫᬸᬦᬶᬂᬯᬤ᭄ᬯᬦ᭄‌ᬲ᭄ᬥᬗᬵᬘᬃᬬ᭄ᬬ᭞ᬰᬶᬯᬵᬩᬸᬤ᭄ᬥᬵᬭᬶᬂᬲᬦ᭄ᬤᬶ᭞ᬫᬘᭀᬤ᭄ᬬᬫᬧᬭᬶᬳᬭ᭞ᬭᬶᬲᭀᬯᬾᬦᬶᬂ ᬰᬲ᭄ᬢ᭄ᬭᬢᬦ᭄ᬧ᭄ᬕᬢᬦᬶᬂᬭᬱᬵ᭟ᬅᬦ᭄‌ᬫᬳᭂᬫ᭄‌ᬫᬫᬾᬢ᭄‌ᬯᬶᬨᬮᬰ᭞ᬅᬦ᭄ᬢ᭄ᬬᬥᬡ᭄ᬥᬓᬭᬵ᭞ᬲᬳᬕᬸᬬ᭄ᬯᬕᬸᬬ᭄ᬯᬕᬯᬾᬮᬶᬲ᭄ᬬᬦ᭄᭞ᬓᬸᬫᬶᬦᬭᬓᭂᬦ᭄‌ᬭᬰ᭄ᬫᬶᬦᬶᬂᬯᬚᬧᬶᬗ᭄ᬳᬾ᭞ᬭᬶᬳᬸᬯᬸᬲ᭄ᬦᬶᬂᬓᬶᬦᬗᬦ᭄‌ᬫᬗ᭄ᬤᬾᬭᬰ᭄ᬫᬶᬦ᭄ᬬᬲᬳᬵᬮᬫ᭄ᬩᬾ᭞ᬭᬰ᭄ᬫᬶ ᬦᬶᬂᬰᬩ᭄ᬥᬧᬾᬢ᭄ᬧᬾᬢ᭄ᬭᬱᬵ᭞ᬉᬪᬵᬬᬭᬕᬓᬭᬡᬦ᭄‌ᬓᬧᬗ᭄ᬕᬶᬳᬦᬶᬂᬭᬱᬭᬶᬂᬚᬶᬦᭂᬫ᭄‌ᬇᬥᭂᬧ᭄ᬦᬶᬭᬵ᭟ᬫᬗ᭄ᬓᬦᬢᬲᬂᬯ᭄ᬭᬸᬄᬭᬰ᭄ᬫᬶᬦᬶᬂᬲᬗ᭄ᬕᬫᬵ᭞ᬢᭂᬫ᭄ᬩᬾᬦᬶᬭᬓᬢᭂᬓᬦ᭄‌ᬲᬲᬤ᭄ᬬᬦᬶᬭᬫ᭄ᬮᬃᬓᬫᬢᬦ᭄ᬢ᭄ᬭᬵ᭟ᬢᬗ᭄ᬳᬾᬄᬳᭂᬦ᭄ᬢ᭄ᬬ ᬓᬕᭂᬮᬭᬦᬶᬂᬘᬸᬫ᭄ᬪᬦᬓ᭄ᬭᬫᬵ᭞ᬅᬧᬦ᭄ᬢᬯᭂᬦᬗᬦᬶᬂᬤᬶᬦᬵ᭞ᬫ᭄ᬯᬂᬦᬕᬢᬦᬶᬃᬳᬕᬶᬋᬳᬦ᭄‌ᬳᬶᬂᬕᬸᬫᬦ᭄ᬢ᭄ᬬᬦᬭᬶᬯᬶᬯᬳᬵ᭟ᬳᬾᬢᬸᬦᬶᬭᬫᬶᬚᬶᬮᬵ᭞ᬲᬘᬭᬶᬳᬸᬯᬸᬲᬶᬭᬲᬹᬃᬬ᭄ᬬᬰᬾᬯᬦ᭞ᬫᬲᬂᬓᬮ᭄ᬧᬚᬸᬕᬲᬶᬭᬭᬶᬂᬧᬳᭀ

Auto-transliteration

[30 30B] 30 kitākramaningratiḥmanmatā, matpinakāpradhana, akahananiran. ndaḥnihantapatniningpĕr̀ttamāśwar̀ggā. kengĕtaknajatiniramwangswabhāwanya. ngūnitaripr̥ĕwr̥ĕttinya, ikātatiṣṭanya, gaṇdhanya, cu mbanamwangbhuṣaṇā, kramaningbaṇdhawinodhana. mapākapinggingantariyā. swabhāwatantrikulajā, sulajñāngumulahaknāknākramā. ndaḥpratamaratrimangke, kālaningcitriwinodhana. huwustakitāwruḥringya ntiningkramā, tumūtikangsangkini. wkasaningaṣṭikramā. tumunggalakĕnkadyapatiningkramā. padhatayamadr̥ĕwyahaṇdhā, matangyanwwolukramaningjatipat, yatākālaningcatūr̀yamā. mangkana ta'upadeśaśri'aiśwar̀yyaphala, ringdhyaḥtantri, wruḥtasirayanśastraparaga, ngūningūnipangūpadeśasangnātha. ndanśrimaharāja, mangkinhumwana'ikangragakaraṇa, mijilikangmano [31 31A] rataningsira, satingkahingkamātantralinkasakĕnnirā. mapatakramaningmapanggiḥ, lawansamawidagdharikriyā. kadipatmuningwadwansdhangācar̀yya, śiwābuddhāringsandi, macodyamaparihara, risowening śastratanpgataningrasyā. anmahĕmmametwiphalaśa, antyadhaṇdhakarā, sahaguywaguywagawelisyan, kuminarakĕnraśminingwajapinghe, rihuwusningkinanganmangderaśminyasahālambe, raśmi ningśabdhapetpetrasyā, ubhāyaragakaraṇankapanggihaningraṣaringjinĕmidhĕpnirā. mangkanatasangwruḥraśminingsanggamā, tĕmbenirakatĕkansasadyaniramlar̀kamatantrā. tangheḥhĕntya kagĕlaraningcumbhanakramā, apantawĕnanganingdinā, mwangnagatanir̀hagir̥ĕhanhinggumantyanariwiwahā. hetuniramijilā, sacarihuwusirasūr̀yyaśewana, masangkalpajugasiraringpaho

Leaf 31

Image on Archive.org

[᭓᭑ 31B] ᭓᭑ ᬫᬦ᭄᭟ᬫᬶᬚᬶᬮ᭄ᬢᬲᬶᬭᬵᬲᬸᬂᬰᬾᬯᬭᬶᬢᬡ᭄ᬥᬫᬦ᭄ᬢ᭄ᬭᬶᬭᬓ᭄ᬭ᭄ᬬᬦ᭄᭟ᬓᬧᬗ᭄ᬕᬶᬄᬳᬶᬓᬂᬫᬦᬗ᭄ᬓᬶᬮ᭄‌ᬭᬶᬂᬲᬶᬭᬵ᭞ᬫᬮᬶᬗ᭄ᬕᬶᬄᬢᬰ᭄ᬭᬶᬫᬳᬵᬭᬵᬚᬭᬶᬂᬲᬶᬗ᭄ᬳᬵᬰᬡ᭞ᬳᬸᬯᬸᬲ᭄‌ᬲᬸᬫᬗ᭄ᬕ᭄ᬭᬳᬵᬤᬫ᭄ᬧ᭞ᬢᬸᬫ᭄ᬭᬧ᭄ᬢᬂᬧᬤ᭄ᬫᬵᬰᬡᬓᬦᬓᬭᬢ᭄ᬦᬧᬢ᭄ᬭᬵ᭟ᬤᬦ᭄... ......ᬭᬹᬫ᭄᭞ᬫᬦ᭄ᬤᬤ᭄ᬬᬓᭂᬦ᭄ᬭᬕᬓᬭᬡ᭟ᬫᬦ᭄ᬢᬸᬓ᭄ᬲᬶᬭᬵᬲ᭄ᬫᬸᬳᬭᬶᬧ᭄᭞ᬫᬚᬭᬓᭂᬦ᭄ᬓᬸᬭᬂᬦᬶᬤ᭄ᬭᬵᬫᬗᬺᬗᬵᬘᬭᬶᬢᬵ᭟ᬫᬜ᭄ᬚᬶᬂᬰ᭄ᬭᬷᬫᬳᬵᬭᬵᬚᬭᬶᬂᬧᬕᬸᬮᬶᬗᬦ᭄᭞ᬲ᭄ᬯᬾᬘ᭄ᬘᬦᬶᬭᬢᬶᬦ᭄ᬓᬦ᭄᭞ᬧᬸᬧᬸᬢᬦᬶᬤ᭄ᬭᬵ᭟ᬧᬸᬧᬸᬢᬦᬶᬤ᭄ᬭᬵᬫᬯᬗᬹᬲᬶᬭᬵ᭞ᬥᬢᬗᬶᬂᬧᬲᭀᬘᬦ᭄᭞ᬳᬦᬸᬮ᭄ᬬᬳᬫᬹᬚᬵ᭟ᬫ᭄ᬯᬄᬫᬦᬥᬄᬢᬲᬶᬭᬱᬤ᭄ᬭᬱᬵ᭟ᬭᬶᬳᬸᬯᬸᬲᬶᬭᬳᬦᬥᬄ᭞ᬫᬸᬗ᭄ᬕᬄᬲᬶᬭᬭᬶᬂᬧᬕᬸᬮᬶᬗᬦ᭄᭞ᬫ᭄ᬯᬄᬢᬲᬶᬭᬫᬫᬶᬦ᭄ᬢᬫᬓᬣᬓ᭄ᬦᬵᬢᬸᬢᬸᬕᬦᬶᬘᬭᬶᬢᬵ᭟ᬫᬗ᭄ᬓᬦᬳᬸᬮᬄᬰ᭄ᬭᬶᬫᬳᬵᬭᬚ᭟ᬭᬶᬢ᭄ᬓᬦᬶᬂᬲᬂᬢ ᬦ᭄ᬢ᭄ᬭᬶᬓᬶᬦ᭄ᬯᬦ᭄‌ᬲᬶᬭᬘᬭᬶᬢᬵ᭞ᬲᬓᬵᬮᬘᬭᬶᬢᬭᬶᬂᬯ᭄ᬗᬶᬦ᭄ᬬᬵ᭟ᬫᬗ᭄ᬓᬦᬧᬸᬧᬸᬢ᭄‌ᬲᬗ᭄ᬕᬫᬯᬶᬥᬶᬯᬶᬥᬦᬵ᭞ᬬᬢᬳᬾᬢᬸᬰ᭄ᬭᬶᬫᬳᬵᬭᬵᬚᬐᬰ᭄ᬯᬃᬬ᭄ᬬᬨᬮ᭞ᬫᬭᬶᬯᬳᬓᬃᬬ᭄ᬬ᭞ᬲᬗ᭄ᬓᬾᬓᬯᬶᬘᬓ᭄ᬱᬡᬥ᭄ᬬᬄᬢᬦ᭄ᬢ᭄ᬭᬶ᭟ᬅᬦᬾ [᭒᭓ 32A] ᬓᬤᬾᬦᬶᬭᬲᬸᬓᬭᬶᬧᬜ᭄ᬘᬾᬦ᭄ᬤ᭄ᬭᬶᬬᬵ᭞ᬲᬂᬦᬵᬣ᭟ᬢᬸᬘᬧᬓ᭄ᬦᬰ᭄ᬭᬷᬫᬳᬵᬭᬵᬚ᭞ᬫᬫᬶᬦ᭄ᬢᬧᬸᬢᬸᬲᬦᬶᬂᬘᬭᬶᬢᬵᬦᬗ᭄ᬓᭂᬦ᭄ᬯᭂᬗᬶ᭟ᬲᬚ᭄ᬜᬵᬰ᭄ᬭᬷᬫᬳᬵᬫᬳᬵᬭᬵᬚ᭟ᬳᬾᬤ᭄ᬬᬄᬢᬦ᭄ᬢ᭄ᬭᬶ᭞ᬳᬬ᭄ᬯᬢᬭᬓ᭄ᬭ᭄ᬬᬦ᭄ᬲᬶᬦᬗ᭄ᬕᭂᬄᬧ᭄ᬭᬶᬗ᭄ᬳᬾᬮ᭄᭞ᬫᬗ᭄ᬓᬦᬮᬶᬂᬰ᭄ᬭᬶᬫ ᬫᬳᬵᬭᬵᬚ᭟ᬲᬸᬫᬳᬹᬃᬥ᭄ᬬᬄᬢᬦ᭄ᬢ᭄ᬭᬶ᭟ᬲᬚ᭄ᬜᬳᬚᬶ᭞ᬢᬦ᭄ᬲᬗ᭄ᬰᬬᬧᬭᬫᬾᬰ᭄ᬯᬭᬵ᭞ᬤᭀᬦᬶᬂᬧᬝᬶᬓᬚᬶᬫᬋᬓᬶᬂᬚᭃᬂᬧᬭᬫᬾᬰ᭄ᬯᬭ᭞ᬫᬦ᭄ᬓᬦ᭄ᬳᬦᬓᬲᬸᬓᬦ᭄ᬧᬭᬫᬾᬰ᭄ᬯᬭ᭟ᬦ᭄ᬤᬄᬫᬳᬾᬦᬓᬢᬫᬗᬺᬗᭃᬳᬚᬶ᭟ᬭᬶᬧᬲᬂᬲᬃᬕ᭄ᬕᬦᬶᬓᬂ᭠ ᬦᬡ᭄ᬥᬓᬵᬫ᭄ᬯᬂᬲᬶᬗ᭄ᬳᬵ᭟ᬯᬥᬓ᭄‌ᬫᬳᬵᬲ᭄ᬦᬾᬳ᭞ᬲᬶᬗ᭄ᬳᬵᬯᬺᬲᬪᬵᬳᭀᬯᬦᬾ᭞ᬚᬫ᭄ᬪᬸᬓᭀᬦᬢᬶᬮᬸᬡ᭄ᬥᬾᬦ᭞ᬢᬬᭀᬄᬲ᭄ᬘᬤ᭄ᬯᬶᬧᬦᬲᬦᬫ᭄᭟ᬩ᭄ᬬᬓ᭄ᬢᬫᬧᬲᬶᬄᬧᬲᬶᬳᬦ᭄‌ᬦᬶᬓᬂᬲᬶᬗ᭄ᬳᬵᬮᬯᬦ᭄‌ᬯᬺᬲᬪᬵᬦᬦ᭄ᬥᬓᬵ᭟ᬲᬮ ᬓᬸᬲᬾᬮ᭄ᬯᬦᬶᬭᬶᬓᬗᬮᬲ᭄᭞ᬭᬶᬂᬉᬥ᭄ᬬᬦᬶᬫᬮᬯ᭞ᬫᬓᬵᬯ᭄ᬓᬲᬦ᭄ᬫᬢᬶᬓᬂᬦᬡ᭄ᬥᬓᬮᬯᬦ᭄ᬲᬶᬗ᭄ᬳᬵᬲᬶᬘᬡ᭄ᬥᬧᬶᬗ᭄ᬕᬮᬵ᭞ᬫᬓᬓᬭᬡᬲᬂᬲᬃᬕ᭄ᬕᬮᬯᬦ᭄ᬫᬹᬃᬓ᭄ᬓᬵ᭞ᬇᬓᬂᬳᬲᬸᬳᬮᬲ᭄‌ᬧᬢᬶᬄᬳᬶᬓᬵᬓᬗᬭᬦ᭄‌ᬲᬫ᭄ᬩ

Auto-transliteration

[31 31B] 31 man. mijiltasirāsungśewaritaṇdhamantrirakryan. kapanggiḥhikangmanangkilringsirā, malinggiḥtaśrimahārājaringsinghāśaṇa, huwussumanggrahādampa, tumraptangpadmāśaṇakanakaratnapatrā. dan... ......rūm, mandadyakĕnragakaraṇa. mantuksirāsmuharip, majarakĕnkurangnidrāmangr̥ĕngācaritā. mañjingśrīmahārājaringpagulingan, sweccaniratinkan, puputanidrā. puputanidrāmawangūsirā, dhatangingpasocan, hanulyahamūjā. mwaḥmanadhaḥtasiraṣadrasyā. rihuwusirahanadhaḥ, munggaḥsiraringpagulingan, mwaḥtasiramamintamakathaknātutuganicaritā. mangkanahulaḥśrimahāraja. ritkaningsangta ntrikinwansiracaritā, sakālacaritaringwnginyā. mangkanapuputsanggamawidhiwidhanā, yatahetuśrimahārāja'aiśwar̀yyaphala, mariwahakar̀yya, sangkekawicakṣaṇadhyaḥtantri. ane [23 32A] kadenirasukaripañcendriyā, sangnātha. tucapaknaśrīmahārāja, mamintaputusaningcaritānangkĕnwĕngi. sajñāśrīmahāmahārāja. hedyaḥtantri, haywatarakryansinanggĕḥpringhel, mangkanalingśrima mahārāja. sumahūr̀dhyaḥtantri. sajñahaji, tansangśayaparameśwarā, doningpaṭikajimar̥ĕkingjöngparameśwara, mankanhanakasukanparameśwara. ndaḥmahenakatamangr̥ĕngöhaji. ripasangsar̀gganikang‐ naṇdhakāmwangsinghā. wadhakmahāsneha, singhāwr̥ĕsabhāhowane, jambhukonatiluṇdhena, tayoḥscadwipanasanam. byaktamapasiḥpasihannikangsinghālawanwr̥ĕsabhānandhakā. sala kuselwanirikangalas, ringudhyanimalawa, makāwkasanmatikangnaṇdhakalawansinghāsicaṇdhapinggalā, makakaraṇasangsar̀ggalawanmūr̀kkā, ikanghasuhalaspatiḥhikākangaransamba

Leaf 32

Image on Archive.org

[᭓᭒ 32B] ᬥ᭟᭜᭟ᬫᬗ᭄ᬓᬾᬓᬋᬗᬵᬤᬾᬰ᭄ᬭᬶᬫᬳᬵᬭᬵᬚ᭟ᬭᬶᬳᬸᬯᬸᬲᬶᬓᬂᬯᬺᬲᬪᬵᬲᬶᬦᬡ᭄ᬥᬓᬉᬭᬧ᭄᭞ᬫᬳᬲ᭄ᬢᬬᬵᬲᬶᬭᬭᬶᬫᬥ᭄ᬬᬦᬶᬂᬳᬮᬲ᭄ᬭᬶᬂᬉᬥ᭄ᬬᬦᬶᬫᬮᬯᬵ᭞ᬓᬧᬗ᭄ᬕᬶᬄᬢᬤᬾᬦᬶᬂᬰ᭄ᬭᬶᬕᬮᬩ᭄ᬖ᭄ᬬ᭞ᬳᬲᬸᬳ᭠ ᬮᬲ᭄‌ᬳᬓ᭄ᬯᬾᬄᬩᬮᬦᬶᬂᬲᬶᬲᬶᬗ᭄ᬳᬵᬲᬶᬘᬡ᭄ᬥᬧᬶᬗ᭄ᬕᬮᬵ᭞ᬫᬓᬵᬧᬢᬶᬄᬲᬶᬲᬫ᭄ᬪᬤᬵ᭟ᬇᬓᬂᬧᬢᬶᬄᬓᬭᬶᬳᬸᬫᬋᬓ᭄‌ᬳᬶᬲᬶᬭᬂᬗ᭄ᬳᬵᬘᬡ᭄ᬥᬧᬶᬗ᭄ᬕᬮᬵ᭞ᬇᬓᬂᬚᬫ᭄ᬩᬸᬓᬩᬮᬵᬢᬸᬫᭂᬫᬸᬂᬲᬂᬦᬡ᭄ᬥᬓᬵ᭞ᬢᬸᬫᭀᬦ᭄ᬢᬬ ᬫᬗ᭄ᬰᬦᬓ᭄ᬭᬦ᭄ᬬ᭟ᬓᬶᬦᬩᬾᬳᬦ᭄‌ᬢᬬᬳᬶᬦᬮᬸᬧ᭄‌ᬕᬶᬦᬸᬭᬸᬫᬸᬂ᭞ᬫᬳ᭄ᬬᬸᬦ᭄ᬧ᭄ᬯᬲᬳᬲᬦᬳᬸᬢᬵ᭞ᬓᬾᬧ᭄ᬯᬦ᭄ᬢᬫᬦᬄᬇᬓᬂᬦᬡ᭄ᬥᬓᬵ᭞ᬢᬶᬦᬫ᭄ᬧᬸᬄᬦ᭄ᬬᬲᬓᬧᬋᬓ᭄ᬤᬾᬦᬶᬓᬵ᭟ᬩᬸᬩᬃᬫᬮᬬ᭄ᬯᬯ᭄ᬥᬶᬦ᭄ᬬᬓᬲᬶᬗ ᬢ᭞ᬳᬦᬢ᭄ᬓᬲᬓᬾᬯᬸᬭᬶ᭞ᬯᬶᬦᬮ᭄ᬬᬦᬵ᭞ᬓᬕ᭄ᬬᬢ᭄ᬲᬸᬫᬫ᭄ᬩᬸᬭᬢ᭄᭞ᬮᬶᬦᬸᬤ᭄ᬦ᭄ᬬᬭᬶᬂᬧᬗ᭄ᬕᬮᬦ᭄ᬬ᭟ᬫᬗ᭄ᬓᬶᬦ᭄ᬓᬯᭂᬲᬶᬓᬂᬰ᭄ᬭᬮᬩᬮ᭞ᬳᬦᬓᬍᬪᬸᬭᬶᬂᬚᬸᬭᬂ᭞ᬮ᭄ᬬᬦ᭄‌ᬫᬗ᭄ᬦᬾᬧᬭᬗᬦ᭄᭞ᬳᬦᬫᬢᬶᬳᬦ [᭓᭓ 33A] ᬤᭂᬗ᭄ᬓᭂᬮ᭄᭟ᬰᬾᬲᬦ᭄ᬬᬫᬮᬬᬹᬫᬢᬹᬃᬭᬶᬂᬢ᭄ᬯᬦ᭄ᬬᬭᬶᬂᬲᬂᬲᬶᬗ᭄ᬳᬵᬘᬡ᭄ᬥᬧᬶᬗ᭄ᬕᬮᬵ᭟ᬮᬶᬂᬦ᭄ᬬ᭟ᬳᬢᬸᬃᬧᬝᬶᬓᬚᬶ᭞ᬭᬶᬂᬧᬤᬸᬓᬵᬲᬗ᭄ᬳᬸᬮᬸᬦ᭄᭞ᬭᬶᬕᬢᬶᬧᬝᬶᬓᬚᬶᬫᬳᬲᬶᬂᬯᬦ᭞ᬫᬫᬾᬢᬩᬸᬭ᭄ᬯᬦ᭄‌ᬓᬢᬹᬃᬭᬶᬂᬧᬤᬸᬓᬲᬗ᭄ᬳᬸᬮᬸ ᬮᬸᬦ᭄᭞ᬳᬫᬗ᭄ᬕᬶᬄᬧᬝᬶᬓᬚᬶᬩᬸᬃᬭ᭄ᬯᬦ᭄‌ᬳᬧᬹᬃᬯ᭄ᬯ᭟ᬢ᭄ᬫᭂᬦᬶᬂᬧᬝᬶᬓᬚᬶᬳᬸᬫᬸᬮᬢ᭄‌ᬫᬗ᭄ᬓᬦᬭᬹᬧᬦ᭄ᬬ᭞ᬳᬕᭃᬂᬫᬳᬶᬋᬂᬲᬸᬗᬸᬦ᭄ᬬᬧᬜ᭄ᬚᬂᬫᬮᬡ᭄ᬥᭂᬧ᭄᭞ᬢᭂᬗ᭄ᬕᭂᬓᬶᬧᬸᬦ᭄‌ᬳᬕᭃᬂ᭞ᬢᭂᬳᭂᬃᬯᭂᬯᭂᬭᬸᬢ᭄᭟ᬲᬦ᭄ᬬᬲᬧᬢᬶᬓ᭄‌ᬳᬚᬶᬲᬸᬫᬳᬸᬢ᭄ᬳᬗᬫ᭄ᬩᬸ ᬮᬦ᭞ᬓᬓᬃᬢ᭄ᬢᬮᬦᬶᬧᬸᬦᬦᭂᬫ᭄ᬧᬸᬄᬧᬝᬶᬓᬚᬶ᭞ᬢᭂᬳᭂᬃᬫᬗᭂᬫ᭄ᬩᬸᬲᬦ᭄‌ᬫᬗᭂᬦᭂᬲ᭄᭞ᬲᬳᬲ᭄ᬯᬭᬳᬗ᭄ᬕᬮᬬᬬᬓᬭᬸᬗ᭄ᬯᬶᬂᬳᬓᬰᬲ᭄ᬯᬭᬦ᭄ᬬ᭟ᬤᬾᬦᬶᬂᬖᭀᬭᬰ᭄ᬯᬭᬦ᭄ᬬ᭞ᬓᬕ᭄ᬬᬢ᭄ᬓᬢᬯᬸᬭᬕ᭄ᬫᬮᬬ᭄ᬯᬲᬲᬭᬦ᭄‌ᬲᬓ᭄ᬯᬾᬳᬶᬂᬩ ᬮᬫᬝᬶᬓᬚᬶ᭟ᬦᬦᬓᬍᬩ᭄ᬯᬶᬮ᭄ᬯᬄ᭟ᬭᬶᬂᬚᬸᬭᬂᬳᬤᬍᬫ᭄᭞ᬫᬗᭂᬦᬦᬶᬧᬭᬗᬦ᭄᭟ᬳᬮ᭄ᬯᬂᬧᭂᬚᬄᬮᬾᬦ᭄ᬢᬶᬓᭂᬮ᭄᭟ᬇᬓᬂᬫᬳᬸᬭᬶᬧ᭄᭞ᬰᬾᬲᬦᬶᬧᬸᬦ᭄᭞ᬫᬋᬓ᭄‌ᬭᬶᬂᬧᬝᬶᬓᬚᬶ᭞ᬳᬸᬫᬢᬹᬃᬭᬶᬂᬧᬤᬸᬓᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬫ᭄ᬯᬂᬭ

Auto-transliteration

[32 32B] dha \\•\\ mangkekar̥ĕngādeśrimahārāja. rihuwusikangwr̥ĕsabhāsinaṇdhaka'urap, mahastayāsirarimadhyaninghalasringudhyanimalawā, kapanggiḥtadeningśrigalabghya, hasuha‐ lashakweḥbalaningsisinghāsicaṇdhapinggalā, makāpatiḥsisambhadā. ikangpatiḥkarihumar̥ĕk'hisirangnghācaṇdhapinggalā, ikangjambukabalātumĕmungsangnaṇdhakā, tumontaya mangśanakranya. kinabehantayahinalupginurumung, mahyunpwasahasanahutā, kepwantamanaḥikangnaṇdhakā, tinampuḥnyasakapar̥ĕkdenikā. bubar̀malaywawdhinyakasinga ta, hanatkasakewuri, winalyanā, kagyatsumamburat, linudnyaringpanggalanya. mangkinkawĕsikangśralabala, hanakal̥ĕbhuringjurang, lyanmangneparangan, hanamatihana [33 33A] dĕngkĕl. śesanyamalayūmatūr̀ringtwanyaringsangsinghācaṇdhapinggalā. lingnya. hatur̀paṭikaji, ringpadukāsanghulun, rigatipaṭikajimahasingwana, mametaburwankatūr̀ringpadukasanghulu lun, hamanggiḥpaṭikajibur̀rwanhapūr̀wwa. tmĕningpaṭikajihumulatmangkanarūpanya, hagöngmahir̥ĕngsungunyapañjangmalaṇdhĕp, tĕnggĕkipunhagöng, tĕhĕr̀wĕwĕrut. sanyasapatik'hajisumahut'hangambu lana, kakar̀ttalanipunanĕmpuḥpaṭikaji, tĕhĕr̀mangĕmbusanmangĕnĕs, sahaswarahanggalayayakarungwinghakaśaswaranya. deningghoraśwaranya, kagyatkatawuragmalaywasasaransakwehingba lamaṭikaji. nanakal̥ĕbwilwaḥ. ringjuranghadal̥ĕm, mangĕnaniparangan. halwangpĕjaḥlentikĕl. ikangmahurip, śesanipun, mar̥ĕkringpaṭikaji, humatūr̀ringpadukarahadyansanghulun. mwangra

Leaf 33

Image on Archive.org

[᭓᭓ 33B] ᭓᭓ ᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬭᬓ᭄ᬭ᭄ᬬᬦᬧᬢᬶᬄ᭟ᬮᬰ᭄ᬘᬃᬬ᭄ᬬᬦ᭄‌ᬲᬂᬘᬡ᭄ᬥᬧᬶᬗ᭄ᬕᬮᬵ᭞ᬫᬗᬺᬗᬵᬓᬃᬢ᭄ᬣᬮᬦᬶᬓᬂᬦᬡ᭄ᬥᬓᬵ᭞ᬳᬢᬹᬃᬦᬶᬂᬰ᭄ᬭᬕ᭄ᬖᬮᬲᬗ᭄ᬖ᭄ᬬᬵ᭟ᬲᬸᬫᬳᬹᬃᬧᬢᬶᬄᬲᬫ᭄ᬪᬤ᭞ᬕᬸᬫᬸᬬᬸᬧᬘᭂᬄ᭞ᬳᬄᬳᬄᬯᬶᬱ᭄ᬫᬬᬵᬗ᭄ᬳᬸᬮᬸᬦ᭄ᬫᬗᬺᬗᬵᬳᬢᬹᬃᬢᬭᬶᬂ ᬲᬂᬧ᭄ᬭᬪᬹ᭟ᬮᬸᬓᬦ᭄‌ᬫᬸᬤ᭄ᬥᬦ᭄ᬢ᭞ᬤᬾᬦ᭄ᬢᬯ᭄ᬥᬶᬖᭀᬭᬰᬩ᭄ᬥ᭞ᬤᬾᬦ᭄ᬢᬳᬶᬦᬰᬓ᭄ᬢᬶ᭞ᬓᬸᬭᬂᬧ᭄ᬭᬪᬵᬯ᭟ᬦ᭄ᬤᬄᬗᭀᬂᬧᬘᬭᬶᬢᬓᭂᬦ᭄ᬓᬶᬢᬓᬩᬾᬄ᭟ᬋᬗᬵᬤᬾᬦ᭄ᬢᬵ᭟ᬳᬦᬗᬹᬦᬶᬭᬶᬂᬉᬰᬦ᭞ᬭᬶᬂᬓᬸᬲᬫ᭄ᬪᬶᬦᬵᬕᬭ᭟ᬓᬸᬦᬂᬯ᭄ᬓᬲᬂᬭᬢᬸᬲᬂᬲᬶ ᬦᬶᬯᬶᬗ᭄ᬓᬦ᭞ᬫᬳᬭᬵᬚᬰ᭄ᬭᬶᬯᬶᬱ᭄ᬡᬸᬕᬸᬧ᭄ᬝᬗᬭᬦᬶᬭ᭟ᬲᬶᬦᬸᬓᬸᬢᬲᬶᬭᬤᬾᬦᬶᬂᬰᬢ᭄ᬭᬸ᭞ᬘᬢᬹᬃᬦᬵᬕᬭ᭟ᬲᬓᬯᬾᬢᬦ᭄᭞ᬲᬓᬵᬓᬶᬤᬸᬮ᭄᭞ᬲᬓᬓᬸᬮᭀᬦ᭄᭞ᬲᬓᬮᭀᬃ᭟ᬫᬮᬯᬲ᭄‌ᬢᬲᬶᬭᬧ᭄ᬭᬂ᭞ᬧᬥᬰᬓ᭄ᬢᬶᬦᬶᬭ ᭞ᬲᬫᬭᭀᬤ᭄ᬭᬵ᭟ᬯ᭄ᬓᬲᬦ᭄‌ᬢᬶᬥᭂᬫ᭄ᬧᬸᬳᬶᬂᬩᬮᬳᬮᬭᬢᬾᬓᬂᬲᬓᬯᬾᬢᬦ᭄᭞ᬲᬜ᭄ᬚᬢᬢᬩᭂᬄᬳᬦ᭄‌ᬫ᭄ᬯᬂᬓᭂᬡ᭄ᬥᬂᬳᬕᬸᬂᬲ᭄ᬯᬭᬦ᭄ᬬᬮ᭄ᬯᬶᬃᬩᬸᬩᬸᬮᬂᬧ᭄ᬭᬢ᭄ᬣᬶᬯᬶ᭞ᬬᬬᬵᬭᬸᬕᬂᬅᬓᬰᬤᬾᬦᬶᬰᬩ᭄ᬥᬦᬶᬓᬂ [᭓᭔ 34A] ᬓᭂᬡ᭄ᬥᬂ᭟ᬅᬢ᭄ᬬᬦ᭄ᬢᬲᬖᭀᬭᬰᬩ᭄ᬥᬦ᭄ᬬ᭟ᬏᬦᬓ᭄ᬧᬫᬸᬓᬶᬓᬂᬩᬮᬵ᭞ᬇᬓᬂᬲᬓᬾᬂᬧᬹᬃᬯ᭄ᬯᬳᬶᬮᬂ᭞ᬫ᭄ᬯᬄᬯᬶᬦᬸᬓ᭄‌ᬲᬓᬧᬋᬓ᭄‌ᬤᬾᬦᬶᬭ᭟ᬫ᭄ᬯᬄᬯᬶᬦᬸᬓ᭄‌ᬲᬓᬓᬶᬤᬸᬮ᭄᭟ᬳᬶᬮᬂᬦᬶᬓᬂᬓᬶᬤᬸᬮ᭄᭟ᬫ᭄ᬯᬂᬢᬂᬲᬓᬓᬸᬮᭀᬦ᭄᭞ᬢᬶᬦᬫ᭄ᬧᬸᬄ ᬳᬶᬂᬯᬶᬭᬬᭀᬥ᭟ᬪ᭄ᬭᬱ᭄ᬝᬢᬦ᭄ᬧᬲᬭᬵ᭞ᬓᬯᭂᬲ᭄ᬕᬶᬭᬶᬕᬶᬭᬶᬦ᭄᭞ᬫᬗᬺᬗᬵᬰᬩ᭄ᬥᬖᭀᬭ᭟ᬇᬓᬂᬲᬓᬮᭀᬃᬯᬶᬦᬸᬓ᭄ᬦᬶᬭ᭞ᬫᬮᬬᬹᬢᬦ᭄ᬳᬦᬧᬸᬮᬶᬳᬵ᭞ᬲᬫᬯ᭄ᬥᬷᬂᬖᭀᬭᬰᬩ᭄ᬥᬦᬶᬓᬵ᭟ᬅᬓ᭄ᬯᬾᬄᬢᬾᬓᬂᬯ᭄ᬯᬂᬧ᭄ᬚᬄ᭞ᬓᬳᬥᬂᬗ᭄ᬳᬸᬮᬸᬦ᭄‌ᬫᬭᬾᬂ ᬧᬧ᭄ᬭᬗᬦ᭄᭞ᬯᬋᬕ᭄‌ᬫᬫᬶᬫᬗᬦ᭄‌ᬯᬗ᭄ᬓᬾᬦᬶᬂᬫᬢ᭄ᬬᬧ᭄ᬭᬂ᭞ᬢᬦ᭄ᬲᬧᬶᬭᬲᬸᬓᬗ᭄ᬓᬸ᭞ᬫᬫᬗᬦ᭄ᬓᬸᬦᬧᬵ᭟ᬅᬗ᭄ᬳᬶᬂᬧᬭᬦ᭄‌ᬳᬢᬶᬦᬶᬗ᭄ᬳᬸᬮᬸᬦ᭄‌ᬫᬳᬋᬧ᭄‌ᬇᬓᬂᬫᬕᭃᬂᬰᬩ᭄ᬥᬦ᭄ᬬ᭟ᬳᬸᬯᬸᬲᬶᬂᬓᬃᬬ᭄ᬬᬧ᭄ᬭᬂ᭞ᬫᬭᬶᬬᬭᬶᬦᬓ᭄ᬱ᭞ᬇᬓᬂᬫᬕᭃᬂᬰ ᬩ᭄ᬥᬦ᭄ᬬᬇᬓᬵ᭟ᬬᬢᬧᬶᬦᬗᬦ᭄ᬓᬸᬇᬓᬂᬖᭀᬭᬰᬩ᭄ᬥᬦ᭄ᬬ᭞ᬩᬶᬦᬩᬓ᭄ᬓᬸᬢᬸᬢᬸᬓ᭄ᬦ᭄ᬬᬲᬶᬦᬳᬸᬢ᭄ᬓᬸᬲᭂᬗᬶᬢ᭄᭞ᬫᬜ᭄ᬚᬶᬂᬳᬓᬸᬭᬶᬂᬚ᭄ᬭᭀᬦ᭄ᬬ᭟ᬲᬮᬳᬲᬵᬓᬸᬤᬾᬦ᭄ᬬ᭞ᬫᬗᬸᬘᬧ᭄‌ᬢᬵᬓᬸᬰ᭄ᬮᭀᬓ᭟᭚ᬰ᭄ᬭᬹᬢ᭄ᬢᬯᬢᬸ

Auto-transliteration

[33 33B] 33 hadyansanghulunrakryanapatiḥ. laścar̀yyansangcaṇdhapinggalā, mangr̥ĕngākar̀tthalanikangnaṇdhakā, hatūr̀ningśragghalasangghyā. sumahūr̀patiḥsambhada, gumuyupacĕḥ, haḥhaḥwiṣmayānghulunmangr̥ĕngāhatūr̀taring sangprabhū. lukanmuddhanta, dentawdhighoraśabdha, dentahinaśakti, kurangprabhāwa. ndaḥngongpacaritakĕnkitakabeḥ. r̥ĕngādentā. hanangūniringuśana, ringkusambhināgara. kunangwkasangratusangsi niwingkana, maharājaśriwiṣṇugupṭangaranira. sinukutasiradeningśatru, catūr̀nāgara. sakawetan, sakākidul, sakakulon, sakalor̀. malawastasiraprang, padhaśaktinira , samarodrā. wkasantidhĕmpuhingbalahalaratekangsakawetan, sañjatatabĕḥhanmwangkĕṇdhanghagungswaranyalwir̀bubulangpratthiwi, yayārugangakaśadeniśabdhanikang [34 34A] kĕṇdhang. atyantasaghoraśabdhanya. enakpamukikangbalā, ikangsakengpūr̀wwahilang, mwaḥwinuksakapar̥ĕkdenira. mwaḥwinuksakakidul. hilangnikangkidul. mwangtangsakakulon, tinampuḥ hingwirayodha. bhraṣṭatanpasarā, kawĕsgirigirin, mangr̥ĕngāśabdhaghora. ikangsakalor̀winuknira, malayūtanhanapulihā, samawdhīngghoraśabdhanikā. akweḥtekangwwangpjaḥ, kahadhangnghulunmareng paprangan, war̥ĕgmamimanganwangkeningmatyaprang, tansapirasukangku, mamangankunapā. anghingparanhatininghulunmahar̥ĕpikangmagöngśabdhanya. huwusingkar̀yyaprang, mariyarinakṣa, ikangmagöngśa bdhanya'ikā. yatapinanganku'ikangghoraśabdhanya, binabakkututuknyasinahutkusĕngit, mañjinghakuringjronya. salahasākudenya, mangucaptākuśloka. // śrūttawatu

Leaf 34

Image on Archive.org

[᭓᭔ 34B] ᭓᭔ ᬫᬸᬮᬰᬩ᭄ᬥᬵ᭞ᬫᬡᬶᬬᬾᬳᬜ᭄ᬚᬢᬸᬦᬯᬺᬢᬫ᭄᭞ᬅᬦᬸᬧ᭄ᬭᬯᬶᬲ᭄ᬬᬚᬦᬫᬶ᭞ᬅᬣᬥᬃᬫ᭄ᬫᬘᬤᬭᬸᬘᬵ᭟ᬗᬹᬦᬶᬫ᭠ᬗᬺᬗᬵᬓᬸᬰᬩ᭄ᬥᬦ᭄ᬬ᭞ᬇᬥᭂᬧ᭄ᬓᬸᬧᬶᬭᬧᬶᬭᬗ᭄ᬕᬵᬦ᭄ᬬᬵ᭟ᬓ᭄ᬯᬾᬄᬦᬶᬂᬤᬕᬶᬦ᭄ᬬ᭞ᬯᬥᬸᬓ᭄ᬦ᭄ᬬᬓᬸᬦᬂ᭟ᬫᬜ᭄ᬚᬶᬂᬢᬓᬸᬭᬶᬂᬚ᭄ᬭᬾ᭞ᬢᬦ᭄ᬳ ᬦᬓᬧᬗ᭄ᬕᬶᬄᬲᬳᬶᬲᬶᬦ᭄ᬬᬵ᭞ᬅᬗ᭄ᬳᬶᬓᬬᬸᬮᬯᬦ᭄ᬓᬸᬮᬶᬢ᭄᭟ᬫᬢᬂᬦ᭄ᬬᬦᬵᬬ᭄ᬯᬯ᭄ᬥᬶᬭᬶᬂᬰᬩ᭄ᬥᬖᭀᬭᬵ᭞ᬳᬶᬦᬰᬓ᭄ᬢᬶᬧ᭄ᬯᬪᬵᬯᬦ᭄ᬢ᭟ᬮᬸᬗ᭄ᬳᬵᬢᬾᬓᬂᬰ᭄ᬭᬕ᭄ᬕᬮᬵᬲᬳᬦᬦ᭄ᬬᬫᬳᬲᬶᬂᬯᬦ᭞ᬳᬸᬫᬾᬢ᭄‌ᬳᬶᬓᬳᬦᬦ᭄‌ᬲᬂᬦᬡ᭄ᬥᬓᬵ᭟ᬫᬗᭃ ᬢ᭄‌ᬲ᭄ᬯᬭᬦᬶᬓᬂᬖ᭄ᬭᭀᬥᬧᬥᬧᬫᬦᭀᬗᬶᬚᬭᬳ᭄ᬦᬶᬂ᭞ᬫᬚ᭄ᬭᭀᬚᬸᬭᬂᬦ᭄ᬬ᭞ᬗ᭄ᬓᬦᬧᬤ᭄ᬬᬸᬲᬦ᭄‌ᬲᬂᬦᬡ᭄ᬥᬓᬵ᭟ᬭ᭄ᬬᬸᬯᬸᬲ᭄ᬦᬶᬂᬗᬤ᭄ᬬᬸᬲ᭄‌ᬲᬂᬦᬡ᭄ᬥᬓᬵ᭞ᬫᭂᬦ᭄ᬢᬲ᭄‌‌ᬳᬗᭂᬢᭂᬢ᭄‌ᬳᬶᬲ᭄ᬯᬭᬦᬶᬂᬕ᭄ᬭᭀᬥ᭟ᬢ᭄ᬓᬵᬧ᭄ᬯᬇᬓᬂᬰ᭄ᬭᬕ᭄ᬕᬮᬩᬮᬫ᭠ ᬗᬮᬸᬧ᭄᭟ᬫᬗᬥᭂᬕ᭄‌ᬢᬲᬂᬦᬡ᭄ᬥᬓᬵ᭞ᬫᬗᭂᬫ᭄ᬩᬸᬲᬦ᭄᭞ᬢ᭄ᬳᭂᬃᬫᬦᬶᬗᬢ᭄‌ᬳᬸᬦᬹᬃ᭞ᬩᬶᬩᬮ᭄‌ᬢᬂᬍᬫᬄ᭟ᬫᬗᬲᬄᬳᬲᬄᬦ᭄ᬬᬲᬸᬗ᭄ᬳᬸ᭟ᬦᬕᬢᬂᬰ᭄ᬭᬕ᭄ᬕᬮᬫᬋᬓ᭄‌ᬲᬂᬢᬸᬭᬾᬢ᭄ᬯᬦ᭄ᬬᬲᬂᬲᬶᬗ᭄ᬳᬵᬘᬡ᭄ᬥᬧᬶᬗ᭄ᬕᬮᬵ᭟ᬥᬢᬂᬢ [᭓᭕ 35A] ᬲᬂᬲᬶᬗ᭄ᬳᬵ᭞ᬫᬯ᭄ᬥᬶᬫᬧᬋᬓ᭄ᬬᬵ᭞ᬢᬸᬫᬸᬮᬶᬫᬦᬦ᭄ᬢ᭄ᬯ᭟ᬮᬶᬂᬦ᭄ᬬ᭟ᬳᬾᬓᬶᬢᬵᬲᬢ᭄ᬯᬵ᭞ᬲ᭄ᬬᬧᬗᬭᬦ᭄ᬢ᭞ᬅᬰ᭄ᬘᬃᬬ᭄ᬬᬦ᭄ᬳᬸᬮᬸᬦ᭄‌ᬢᬸᬫᭀᬦᬶᬂᬓᬶᬢᬵ᭞ᬢᬫ᭄ᬩᬾᬦ᭄ᬬᬥᬢᬂᬇᬭᬶᬓᬾᬂᬯᬦᬵ᭟ᬅᬦ᭄ᬢ᭄ᬬᬦ᭄ᬢᬤᬹᬃᬕ᭄ᬕᬫᬦᬶᬓᬶᬂᬲᬪᬦᬶᬗ᭄ᬳᬸ ᬮᬸᬦ᭄᭟ᬇᬓᬶᬲᬶᬗ᭄ᬳᬲᬶᬘᬡ᭄ᬥᬧᬶᬗ᭄ᬕᬮᬯᬰᬭᬶᬗ᭄ᬳᬮᬲᬶᬓᬶ᭟ᬧᬶᬦᬓᬵᬦᬵᬣᬦᬶᬂᬫᬺᬕ᭄ᬖᬵᬓᬸ᭞ᬯᬰᬯᬰᬶᬢ᭄ᬯᬦᬶᬉᬭᬶᬧ᭄ᬦ᭄ᬬᬓᬩᬾᬄ᭟ᬓᬶᬢᬧ᭄ᬯᬫᬳᬲᬶᬓᬶᬗᬮᬲ᭄᭞ᬦ᭄ᬤᬶᬢᬲᬗ᭄ᬓᬦ᭄ᬢᬵ᭞ᬫᬗ᭄ᬓᬦᬮᬶᬂᬦᬶᬓᬲᬶᬲᬶᬗ᭄ᬳᬵ᭞ ᬲᬸᬫᬳᬹᬃᬇᬓᬂᬯᬺᬲᬪᬵ᭟ᬅᬉᬫ᭄‌ᬓᬶᬢᬵᬓᬧ᭄ᬯᬫᬗᬭᬦ᭄‌ᬲᬂᬘᬡ᭄ᬥᬧᬶᬗ᭄ᬳᬮᬵ᭟ᬇᬓᬂᬲᬶᬗ᭄ᬳᬵᬫᬓᬤᬵᬣᬦᬶᬂᬫᬺᬕ᭄ᬕᬇᬓᬶᬂᬳᬮᬲᬶᬂᬉᬤ᭄ᬬᬦᬫᬮᬯᬵ᭞ᬫᬓᬩᬮᬢᬂᬰᬺᬕ᭄ᬕᬮᬲᬗ᭄ᬓ᭄ᬬ᭟ᬓᬶᬢᬧ᭄ᬯᬢᬓ᭄ᬯ ᬦ᭄ᬲᬗ᭄ᬓᬦᬶᬗ᭄ᬳᬸᬮᬸᬦ᭄᭟ᬳᬸᬮᬸᬦ᭄ᬳᬦᬓ᭄‌ᬲᬂᬳᬭᬸᬡᬵ᭞ᬧᬢᬸᬢᬦ᭄‌ᬲᬓᬾᬂᬲᬂᬲᬸᬭᬩᬶ᭞ᬧᬸᬢᬸᬪᬕᬯᬦ᭄ᬲᬳᬰ᭄ᬭᬯᬮᬶᬓᬶᬮ᭄ᬬ᭞ᬲᬶᬦᬡ᭄ᬥᬓᬗᬭᬦᬶᬗ᭄ᬳᬸᬮᬸᬦ᭄᭟ᬧᬶᬦᬓᬢᬡ᭄ᬥᬤᬾᬪᬝᬭᬇᬰ᭄ᬯᬭ᭟ᬬ

Auto-transliteration

[34 34B] 34 mulaśabdhā, maṇiyehañjatunawr̥ĕtam, anuprawisyajanami, athadhar̀mmacadarucā. ngūnima‐ngr̥ĕngākuśabdhanya, idhĕpkupirapiranggānyā. kweḥningdaginya, wadhuknyakunang. mañjingtakuringjre, tanha nakapanggiḥsahisinyā, anghikayulawankulit. matangnyanāywawdhiringśabdhaghorā, hinaśaktipwabhāwanta. lunghātekangśraggalāsahananyamahasingwana, humet'hikahanansangnaṇdhakā. mangö tswaranikangghrodhapadhapamanongijarahning, majrojurangnya, ngkanapadyusansangnaṇdhakā. ryuwusningngadyussangnaṇdhakā, mĕntashangĕtĕt'hiswaraninggrodha. tkāpwa'ikangśraggalabalama‐ ngalup. mangadhĕgtasangnaṇdhakā, mangĕmbusan, t'hĕr̀maningat'hunūr̀, bibaltangl̥ĕmaḥ. mangasaḥhasaḥnyasunghu. nagatangśraggalamar̥ĕksangturetwanyasangsinghācaṇdhapinggalā. dhatangta [35 35A] sangsinghā, mawdhimapar̥ĕkyā, tumulimanantwa. lingnya. hekitāsatwā, syapangaranta, aścar̀yyanhuluntumoningkitā, tambenyadhatangirikengwanā. antyantadūr̀ggamanikingsabhaninghu lun. ikisinghasicaṇdhapinggalawaśaringhalasiki. pinakānāthaningmr̥ĕgghāku, waśawaśitwani'uripnyakabeḥ. kitapwamahasikingalas, nditasangkantā, mangkanalingnikasisinghā, sumahūr̀ikangwr̥ĕsabhā. a'umkitākapwamangaransangcaṇdhapinghalā. ikangsinghāmakadāthaningmr̥ĕgga'ikinghalasingudyanamalawā, makabalatangśr̥ĕggalasangkya. kitapwatakwa nsangkaninghulun. hulunhanaksangharuṇā, patutansakengsangsurabi, putubhagawansahaśrawalikilya, sinaṇdhakangaraninghulun. pinakataṇdhadebhaṭara'iśwara. ya

Leaf 35

Image on Archive.org

[᭓᭕ 35B] ᭓᭕ ᬦ᭄ᬬᭀᬕ᭄ᬬᬳᬸᬮᬸᬦ᭄‌ᬲᬦ᭄ᬫᬢ᭟ᬤᭀᬦᬶᬂᬗ᭄ᬳᬸᬮᬸᬦ᭄ᬫᬭᬗ᭄ᬓᬾ᭞ᬫᬳ᭄ᬬᬸᬦ᭄ᬯ᭄ᬭᬸᬄᬭᬶᬂᬲᬪᬦᬶᬂᬳᬮᬲᬶᬗ᭄ᬓᬾ᭟ᬫᬗ᭄ᬓᬦᬮᬶᬂᬲᬂᬦᬡ᭄ᬥᬓ᭟ᬲᬸᬫᬳᬹᬃᬇᬓᬂᬲᬶᬗ᭄ᬳᬵ᭞ᬮᬶᬂᬦ᭄ᬬ᭟ᬳᬾᬢᬦ᭄ᬲᬫᬦ᭄ᬬᬲᬢ᭄ᬯᬓᬧ᭄ᬯᬵᬓᬶᬢ᭞ᬯᬓᬯ᭄ᬓᬤᬾᬯᬢ᭞ᬯᬳᬦ ᬪᬝᬭᬇᬰ᭄ᬯᬭ᭟ᬬᬦ᭄ᬬᭀᬕ᭄ᬬᬗ᭄ᬳᬸᬮᬸᬦ᭄ᬲᬦ᭄ᬫᬢᬵ᭞ᬲᬫᬶᬢ᭄ᬭᬮᬦ᭄ᬓᬶᬢᬵ᭞ᬫᬳ᭄ᬬᬸᬦ᭄ᬫᬫᬶᬰᬾᬯᬓᬾᬂᬪᬝᬭ᭞ᬅᬬ᭄ᬯᬢᬓᬶᬢᬵᬕ᭄ᬬᬮᬸᬗ᭄ᬳᬲᬓᬭᬶᬂᬳᬮᬲᬾᬗ᭄ᬓᬾᬦᬾ᭟ᬫᬫᬸᬓ᭄ᬢ᭄ᬬᬭᬵᬫ᭄ᬬᬦᬶᬂᬘᬦᬦᬶᬗ᭄ᬳᬸᬮᬸᬦ᭄ᬭᬸᬄᬫᬸᬳᬸᬦ᭄᭞ ᬓᬫᬶᬭᬸᬫᬓ᭄ᬱᬾᬂᬓᬶᬢ᭟ᬢᬸᬫᬹᬢᬲᬧᬭᬦ᭄ᬢᬵ᭟ᬫᬗ᭄ᬓᬦᬮᬶᬂᬲᬂᬲᬶᬗ᭄ᬳᬵ᭞ᬲᬶᬦᬦ᭄ᬫᬢᬤᬾᬲᬂᬦᬡ᭄ᬥ᭠ᬓ᭟ᬳᬾᬲᬂᬲᬶᬗ᭄ᬳᬵ᭞ᬓᬶᬢᬫᬶᬤ᭄ᬭᬮᬯᬦ᭄‌ᬗ᭄ᬳᬸᬮᬸᬦ᭄᭞ᬤᬸᬭᬦ᭄‌ᬓᬢᬢᬸᬳ᭄ᬯᬵ᭟ᬯᬶᬭᬸᬤ᭄ᬥᬓ᭄ᬭᬫᬦᬶᬂᬗ᭄ᬳᬸᬮᬸᬦ᭄᭠ ᬮᬯᬦ᭄ᬓᬶᬢᬵ᭟ᬗ᭄ᬳᬸᬮᬸᬦ᭄‌ᬲᬧᬢ᭄ᬭᬳᬭᬵ᭞ᬓᬶᬢᬳᬶᬗ᭄ᬲᬸᬓ᭄ᬭᬫᬵ᭞ᬫᬩᬓ᭄ᬱᬲᬃᬯ᭄ᬯᬫᬺᬕ᭄ᬖᬵ᭞ᬦ᭄ᬤᬶᬢᬬᬦ᭄ᬧᬢᬹᬢᬵ᭟ᬧᬶᬢ᭄ᬯᬶᬓᬶᬢᬭᬢᬸᬦᬶᬫᬺᬕ᭄ᬖᬵ᭞ᬓᬤᬶᬫᬫᬶᬤᬾᬰᬦ᭄ᬢᬭᬵ᭟ᬓᬧᬤᬂᬧ᭄ᬭᬪᬹᬧᬢᭂᬳᬵᬲᬂᬲᬃ [᭓᭖ 36A] ᬕ᭄ᬕᬮᬯᬦ᭄ᬤᬸᬄᬓᬶᬢᬵ᭟ᬅᬧᬦ᭄ᬓᬤᬶᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄ᬧ᭄ᬭᬪᬹ᭞ᬬᬦ᭄ᬲᬫᬶᬢ᭄ᬭᬫᬓᬤᭀᬦ᭄ᬥᬃᬫ᭄ᬫᬵᬨᬮᬲᬓᬾᬂᬫᬶᬢ᭄ᬭᬵᬥᬃᬫ᭄ᬫᬵᬢᬓᬫᬲᬂᬬᭀᬕᬄ᭞ᬥᬃᬫ᭄ᬫᬲ᭄ᬝᬸᬢᬶᬢᬬᭀᬧᬭᬄ᭞ᬬᬤᬶᬦ᭄‌ᬳᬲ᭄ᬬᬲ᭄ᬢ᭄ᬭᬬᭀ ᬢᬲ᭄ᬫᬶᬦ᭄᭞ᬢᬦ᭄‌ᬅᬰ᭄ᬯᬾᬢᬧᬡ᭄ᬥᬶᬢᬄ᭟ᬇᬓᬂᬫᬶᬢ᭄ᬭᬵᬓᬶᬦᭀᬦᬓᭂᬦᬶᬭᬕᬯᬬᬓ᭄ᬦ᭞ᬦ᭄ᬤᬦ᭄ᬫᬓᬦᬶᬫᬶᬢᬦᬶᬂᬢᭂᬮᬸ᭟ᬥᬃᬫ᭄ᬫᬵ᭞ᬅᬃᬣ᭞ᬓᬫ᭟ᬓᬫᬷᬓᬶᬢᬦᬶᬃᬅᬃᬣ᭞ᬦᬶᬃᬥᬃᬫ᭄ᬫ᭞ᬫ᭄ᬯᬂᬓᬫᬵ᭟ᬅᬧᬦ᭄‌ᬗ᭄ᬳᬸᬮᬸᬦ᭄ᬤᬭᬶᬤ᭄ᬭᬵ᭞ᬢᬦ᭄ᬳᬦᬦᬶᬂᬅᬃᬣ᭞ᬦᬶᬃᬥᬃᬫ᭄ᬫᬵᬗ᭄ᬳᬸᬮᬸᬦ᭄‌ᬫᬸᬤ᭄ᬥ᭞ᬦᬶᬃᬓᬫᬵᬗ᭄ᬳᬸᬮᬸᬦ᭄ᬧ᭄ᬭᬶᬳᬯᬓ᭄᭞ᬢᬦ᭄ᬫᬦᬓ᭄‌ᬳᬭᬩᬶ᭟ᬤᬾᬰᬪᬝᬭᬢᬦ᭄ᬓᬋᬗᬵᬤᬾᬦᬶᬂᬯᬢᭂᬓ᭄ᬤᬾᬯᬢ᭞ᬬᬢᬇᬓᬭᬶᬦᭂᬗᬵᬦᬶᬗ᭄ᬳᬸᬮᬸ ᬦ᭄᭟ᬭᬳᬤ᭄ᬬᬦ᭄‌ᬲᬗ᭄ᬳᬸᬮᬸᬦ᭄ᬧ᭄ᬯᬳᬋᬧᬶᬂᬥᬃᬫ᭄ᬫ᭞ᬅᬧᬦ᭄‌ᬲ᭄ᬥᬗᬯ᭄ᬭᬤᬾᬦᬶᬂᬯᬶᬃᬬ᭄ᬬᬫ᭄ᬯᬂᬲ᭄ᬯᬃᬬ᭄ᬬᬦ᭄᭟᭚ᬰᬸᬭᬰᬭᬲ᭄ᬯᬢᬶᬮᬓ᭄ᬱᬶ᭞ᬢ᭄ᬭᬶᬲᬄᬢᬫᬥᬓᬭᬡ᭞ᬫᬥᬅᬗ᭄ᬲᬶᬬᬦ᭄ᬢᬶᬦᬘᬅᬗ᭄ᬰᬾ᭞ᬲᬾ

Auto-transliteration

[35 35B] 35 nyogyahulunsanmata. doningnghulunmarangke, mahyunwruḥringsabhaninghalasingke. mangkanalingsangnaṇdhaka. sumahūr̀ikangsinghā, lingnya. hetansamanyasatwakapwākita, wakawkadewata, wahana bhaṭara'iśwara. yanyogyanghulunsanmatā, samitralankitā, mahyunmamiśewakengbhaṭara, aywatakitāgyalunghasakaringhalasengkene. mamuktyarāmyaningcananinghulunruḥmuhun, kamirumaksyengkita. tumūtasaparantā. mangkanalingsangsinghā, sinanmatadesangnaṇdha‐ka. hesangsinghā, kitamidralawannghulun, durankatatuhwā. wiruddhakramaningnghulun‐ lawankitā. nghulunsapatraharā, kitahingsukramā, mabakṣasar̀wwamr̥ĕgghā, nditayanpatūtā. pitwikitaratunimr̥ĕgghā, kadimamideśantarā. kapadangprabhūpatĕhāsangsar̀ [36 36A] ggalawanduḥkitā. apankadirahadyansanghulunprabhū, yansamitramakadondhar̀mmāphalasakengmitrādhar̀mmātakamasangyogaḥ, dhar̀mmasṭutitayoparaḥ, yadinhasyastrayo tasmin, tanaśwetapaṇdhitaḥ. ikangmitrākinonakĕniragawayakna, ndanmakanimitaningtĕlu. dhar̀mmā, ar̀tha, kama. kamīkitanir̀ar̀tha, nir̀dhar̀mma, mwangkamā. apannghulundaridrā, tanhananingar̀tha, nir̀dhar̀mmānghulunmuddha, nir̀kamānghulunprihawak, tanmanak'harabi. deśabhaṭaratankar̥ĕngādeningwatĕkdewata, yata'ikarinĕngāninghulu n. rahadyansanghulunpwahar̥ĕpingdhar̀mma, apansdhangawradeningwir̀yyamwangswar̀yyan. // śuraśaraswatilaksyi, trisaḥtamadhakaraṇa, madha'angsiyantinaca'angśe, se

Leaf 36

Image on Archive.org

[᭓᭖ 36B] ᭓᭖ ᬰᬦ᭄ᬢᬾᬭᬾᬪᬹᬲᬾᬢᬫᬄ᭟ᬇᬓᬂᬳᬶᬦᬸᬫᬶᬦᬸᬫᬦ᭄᭞ᬕᬸᬡ᭞ᬓᬯ᭄ᬭᬸᬄ᭞ᬫᬓᬤᬶᬳᬚᬶ᭞ᬤᬺᬯ᭄ᬬ᭞ᬓᬸᬲᬸᬕᬶᬳᬦ᭄᭞ᬯᬶᬃᬬ᭄ᬬ᭞ᬬᬢᬶᬓᬵᬢ᭄ᬮᬸᬫᬕᬯᬾᬯ᭄ᬭᬭᬶᬂᬤᬤᬶ᭟ᬳᬦᬧ᭄ᬯᬓᬶᬦᬳᬦᬦ᭄‌ᬤᬾᬦᬶᬓ᭞ᬢᬦᬯ᭄ᬭ ᭞ᬬᬢᬶᬓᬵᬲᬶᬦᬗ᭄ᬕᬸᬄᬉᬢ᭄ᬢᬫᬵ᭞ᬉᬢ᭄ᬢᬫᬦᬶᬂᬧᬸᬭᬸᬱᬵ᭟᭚ᬢᬱ᭄ᬫᬢ᭄‌ᬪᬹᬫᬶᬲ᭄ᬯᬗᬾᬫᬢ᭄ᬬᭀ᭞ᬥᬃ᭠ᬫ᭄ᬫᬓᬫᬵᬃᬣᬲᬶᬤ᭄ᬥᬬᬾ᭞ᬕᬸᬡᬢᬦ᭄ᬢᬸᬢᬶᬂᬬᬸᬜᬶᬢᬄ᭞ᬕᬸᬡᬇᬦ᭄ᬢᬸᬦᬶᬯᬃᬚ᭄ᬚᬬᬾᬢ᭄᭟ᬫᬢᬂᬦ᭄ᬬᬦ᭄‌ᬲᬂᬧ᭄ᬭᬪᬹ ᬫᬦ᭄ᬢ᭄ᬭᬶ᭞ᬲᬂᬲᬥᬸ᭞ᬓᬲᬶᬤ᭄ᬥᬦ᭄‌ᬳᬶᬂᬥᬃᬫ᭄ᬫ᭞ᬅᬃᬣ᭞ᬓᬫᬵ᭞ᬕᬯᬬᬓ᭄ᬦᬵ᭟ᬅᬬᭀᬢᬦ᭄‌ᬲᬂᬲᬃᬕ᭄ᬕᬮᬯᬦ᭄‌ᬲᬥᬸᬫ᭄ᬯᬂᬫᬕᬸᬡᬵ᭞ᬳᬬ᭄ᬯᬢᬲᬂᬲᬃᬕ᭄ᬕᬮᬯᬦ᭄‌ᬫᬸᬥᬵ᭞ᬫ᭄ᬯᬂᬤᬹᬃᬚ᭄ᬚᬦ᭞ᬫᬭᬧ᭄ᬯᬦ᭄‌ᬢᬦ᭄ᬫᬸᬮᬳ᭠ ᬓᭂᬦ᭄ᬧᬧᬵ᭟ᬫᬕᬯᬾᬥᬃᬫ᭄ᬫᬚᬸᬕᬵᬧ᭄ᬭᬶᬄᬤᬾᬲᬂᬲᬥᬸ᭟᭚ᬢ᭄ᬬᬚᬤᬹᬃᬚ᭄ᬚᬦᬲᬂᬲᬃᬕ᭄ᬕ᭞ᬪᬚᬬᬥᬸᬲᬫᬕᬫ᭞ᬦᬸᬭᬸᬧᬸᬡ᭄ᬬᬫᬳᬵᬭᬢ᭄ᬭᭀ᭞ᬲ᭄ᬫᬭᬦᬶᬢ᭄ᬬᬫᬦᬶᬢ᭄ᬬᬦᬫ᭄᭟ᬫᬢᬂᬦ᭄ᬬᬦᬶᬓᬂᬤᬹᬃᬚ᭄ᬚᬦ᭞ᬳᬬ᭄ᬯ [᭓᭗ 37A] ᬧᬶᬦᬓᬵᬲᬂᬲᬃᬕ᭄ᬕᬵ᭞ᬲᬂᬲᬥᬸᬚᬸᬕᬲᬂᬲᬃᬕ᭄ᬕᬵ᭞ᬫᬕᬯᬾᬥᬃᬫ᭄ᬫᬭᬳᬶᬦᬯ᭄ᬗᬶ᭞ᬢᬦ᭄ᬧᬗᬶᬦᬓᬶᬦᬓ᭄᭞ᬳᬗᭂᬦ᭄‌ᬳᬗᭂᬦᭂᬦ᭄᭞ᬢᬦ᭄ᬮᬦᬦᬶᬂᬰᬭᬶᬭᬵ᭟ᬫᬗ᭄ᬓᬦᬮᬶᬂᬦᬶᬓᬂᬦᬦᬡ᭄ᬥᬓᬵ᭞ᬲᬸᬫᬳᬹᬃᬇᬓᬂᬲᬶᬗ᭄ᬳᬵ᭟ᬪᬕ᭄ᬬᬦᬶᬗ᭄ᬳᬸᬮᬸᬦ᭄ᬫᬲᬂᬲᬃ ᬕ᭄ᬮᬮᬯᬦ᭄ᬓᬶᬢ᭟ᬅᬧᬦ᭄ᬓᬶᬢᬫᬳᬵᬧᬢᬶᬢ᭄ᬭᬦᬶᬢ᭄ᬬᬫᬫᬋᬓ᭄ᬭᬶᬂᬪᬝᬭᬧᬭᬫᬾᬰ᭄ᬯᬭᬵ᭞ᬮᬦᬋᬗᬵᬉᬧᬤᬾᬰᬦᬶᬭᬵ᭟ᬓᬶᬢᬰᬩ᭄ᬥᬵᬲᬫ᭄ᬩᬥᬲᬶᬳᬵᬭᬶᬗ᭄ᬳᬸᬮᬸᬦ᭄᭟᭚ᬥᬃᬫ᭄ᬫᬲ᭄ᬘᬲᬢ᭄ᬯᬭᬂᬓᬸᬬ᭄ᬬᬢ᭄᭞ᬧᬧᬗ᭄ᬓᬸᬬ᭄ᬬᬤ᭄ᬯᬶᬯᬶᬮᬫ᭄ᬩᬶᬢᬫ᭄᭞ ᬢᬲ᭄ᬬᬢᬲ᭄ᬬᬫᬳᬹᬃᬢᬾᬦ᭞ᬪᬯᬢᬬᬸᬄᬧ᭄ᬭᬢᬶᬓ᭄ᬱᬬᬄ᭟ᬅᬧᬦ᭄ᬓᬋᬗᬵᬲᬗ᭄ᬓᬾᬦᬶᬢᬶ᭞ᬬᬦ᭄ᬫᬕᬯᬾᬥᬃᬫ᭄ᬫᬭᬓ᭄ᬯᬤᬾᬦᬕ᭄ᬮᬶᬲ᭄᭟ᬓᬸᬦᬂᬬᬦ᭄ᬫᬕᬯᬾᬧᬧᬲᬫᬦ᭄ᬢᬭᬓᭂᬦ᭄᭞ᬅᬬ᭄ᬯᬕ᭄ᬬᬕ᭄ᬬᬮᬸᬫ᭄ᬓᬲ᭄᭞ᬳᬧᬦ᭄ᬲᬩᬃᬬ᭄ᬬᬦ᭄ᬫᬮ᭄ᬯᬂᬇᬓᬂᬉᬭᬶ ᬧ᭄᭟ᬓᬮᬶᬗᬦ᭄ᬬᬢᬸᬫᬸᬢᬚᬸᬕᬵᬭᬶᬓᬶᬢᬗ᭄ᬳᬸᬮᬸᬦ᭄᭞ᬓᬶᬢᬲᬂᬲᬃᬕ᭄ᬕᬂᬓ᭄ᬯ᭞ᬦᬾᬦᬕ᭄ᬮᬶᬲ᭄‌ᬓᬸᬫᬚᬭᬦᬭᬶᬂᬧᬸᬡ᭄ᬬᬫ᭄ᬯᬂᬧᬧᬵ᭟ᬮᬶᬗᬦ᭄ᬢ᭞ᬥᬸᬭᬦ᭄ᬓᬶᬢᬢᬸᬳ᭄ᬯ᭟ᬮᬯᬦ᭄ᬓᬶᬢᬳᬸᬯᬸᬲ᭄‌ᬫᬺᬕ᭄ᬖᬭᬵᬚᬵ᭞ᬗᬹᬦᬶᬦᬷᬢ᭄ᬬᬲᬸᬓᬵ᭞ᬫ᭄ᬯᬂᬭᬶᬂᬧᬶᬦ

Auto-transliteration

[36 36B] 36 śanterebhūsetamaḥ. ikanghinuminuman, guṇa, kawruḥ, makadihaji, dr̥ĕwya, kusugihan, wir̀yya, yatikātlumagawewraringdadi. hanapwakinahanandenika, tanawra , yatikāsinangguḥuttamā, uttamaningpurusyā. // taṣmatbhūmiswangematyo, dhar̀‐mmakamār̀thasiddhaye, guṇatantutingyuñitaḥ, guṇa'intuniwar̀jjayet. matangnyansangprabhū mantri, sangsadhu, kasiddhanhingdhar̀mma, ar̀tha, kamā, gawayaknā. ayotansangsar̀ggalawansadhumwangmaguṇā, haywatasangsar̀ggalawanmudhā, mwangdūr̀jjana, marapwantanmulaha‐ kĕnpapā. magawedhar̀mmajugāpriḥdesangsadhu. // tyajadūr̀jjanasangsar̀gga, bhajayadhusamagama, nurupuṇyamahāratro, smaranityamanityanam. matangnyanikangdūr̀jjana, haywa [37 37A] pinakāsangsar̀ggā, sangsadhujugasangsar̀ggā, magawedhar̀mmarahinawngi, tanpanginakinak, hangĕnhangĕnĕn, tanlananingśarirā. mangkanalingnikangnanaṇdhakā, sumahūr̀ikangsinghā. bhagyaninghulunmasangsar̀ glalawankita. apankitamahāpatitranityamamar̥ĕkringbhaṭaraparameśwarā, lanar̥ĕngā'upadeśanirā. kitaśabdhāsambadhasihāringhulun. // dhar̀mmascasatwarangkuyyat, papangkuyyadwiwilambitam, tasyatasyamahūr̀tena, bhawatayuḥpratikṣayaḥ. apankar̥ĕngāsangkeniti, yanmagawedhar̀mmarakwadenaglis. kunangyanmagawepapasamantarakĕn, aywagyagyalumkas, hapansabar̀yyanmalwangikanguri p. kalinganyatumutajugārikitanghulun, kitasangsar̀ggangkwa, nenagliskumajaranaringpuṇyamwangpapā. linganta, dhurankitatuhwa. lawankitahuwusmr̥ĕggharājā, ngūninītyasukā, mwangringpina

Leaf 37

Image on Archive.org

[᭓᭗ 37B] ᭓᭗ ᬗᬦ᭄᭞ᬫᬧᬯ᭄ᬦᬗᬲᬧᬶᬳᬢᬶᬗ᭄ᬕᬮᬓᬃᬫ᭄ᬫᬦᬶᬢ᭄ᬬᬫᬫᬢᬶᬫᬢᬶ᭟ᬬᬇᬓᬸᬓᬲᬗ᭄ᬓᬦᬶᬗ᭄ᬳᬸᬮᬸᬦ᭄‌ᬲᬗ᭄ᬰᬬᬵ᭞ᬦ᭄ᬬᬢᬲᬥᬦᬶᬂᬳᬦ᭄ᬫᬸᬧᬧᬵ᭟ᬫᬗ᭄ᬓᬾᬓᬵᬋᬧ᭄ᬫᬫᬶᬫᬦᬧᬶᬳᬵᬲᬯᬶᬰᬬᬵ᭞ᬫᬮᬫᬮᬃᬓᬓᬯᬰ᭟ᬫᬗ᭄ᬓᬦᬮᬶᬂᬲᬂᬲᬶᬗ᭄ᬳᬵ᭟ ᬲᬸᬫᬳᬹᬃᬇᬓᬂᬦᬡ᭄ᬥᬓᬵ᭟ᬅᬉᬫ᭄‌ᬲᬂᬲᬶᬗ᭄ᬳᬵ᭞ᬬᬦ᭄ᬭᬳᬤ᭄ᬬᬦ᭄‌ᬲᬗ᭄ᬳᬸᬮᬸᬦ᭄‌ᬳᬋᬧᬗᬸᬮᬳᬓᭂᬦ᭄ᬥᬃᬫ᭄ᬫ᭞ᬳᬬ᭄ᬯᬢᬦ᭄ᬥᬶᬭᬲᬓᬵᬲᬤᬶᬤᬶᬓ᭄᭟ᬅᬬ᭄ᬯᬕ᭄ᬬᬕ᭄ᬬ᭟᭚ᬲᬦᬾᬭᬰ᭄ᬬᬄᬲᬦᬾᬯᬃᬢ᭄ᬢ᭄ᬬ᭞ᬲᬦᬾᬄᬧᬃᬯ᭄ᬯᬢᬮᬗ᭄ᬕᬦᬫ᭄᭞ᬲᬦᬾᬄ ᬬᬃᬰᬲ᭄ᬘᬵᬥᬃᬫ᭄ᬫᬰ᭄ᬘᬵ᭞ᬬᬫᬫᬾᬯᬲᬦᬾᬲ᭄ᬘᬤᬾ᭟ᬇᬓᬂᬫᬫᬾᬢ᭄‌ᬤᬺᬯ᭄ᬬ᭞ᬇᬓᬂᬫᬫᬾᬢ᭄ᬕᬸᬡᬵ᭞ᬫᬓᬥᬶᬯᬶᬃᬬ᭄ᬬ᭞ᬇᬓᬂᬫᬸᬗ᭄ᬕᬳᬶᬂᬕᬸᬦᬸᬂ᭞ᬇᬓᬫᬪ᭄ᬬᬱᬬᭀᬕ᭟ᬫᬗ᭄ᬓᬦᬫᬸᬮᬳᬓᭂᬦ᭄ᬥᬃᬫ᭄ᬫᬵᬲᬓᬵᬤᬶᬤᬶᬓ᭄᭞ᬓ᭄ᬭᬫᬓ᭄ᬭᬫ᭟ ᬳᬓ᭄ᬯᬾᬄᬤᬤᬶᬲᬶᬤ᭄ᬥᬓᬯᬰ᭟ᬓᬮᬶᬗᬦᬶᬓᬵ᭞ᬅᬬ᭄ᬯᬲᬗ᭄ᬰᬬᬵᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬮᬫᬸᬦᬸᬯᬸᬲᬓᬶᬦ᭄ᬓᬶᬦ᭄‌ᬗ᭄ᬳᬸᬮᬸᬦᬸᬫᬢᬹᬭᬓ᭄ᬦᬾᬂᬪᬝᬭᬧᬭᬫᬾᬰ᭄ᬯᬭ᭟ᬫᬗ᭄ᬓᬦᬮᬶᬂᬲᬂᬦᬡ᭄ᬥᬓᬵᬭᬶᬂᬲᬂᬲᬶᬗ᭄ᬳᬵ᭟ᬤᬤᬶᬢᬳᬾ [᭓᭘ 38A] ᬦᬓ᭄‌ᬤᬾᬦ᭄ᬬᬲᬫᬶᬢ᭄ᬭᬵ᭞ᬲᬮᬓᬸᬲᬾᬮ᭄ᬯᬦ᭄‌ᬲᬮᬯᬲ᭄ᬦ᭄ᬬᬲᬂᬲᬃᬕ᭄ᬕᬵ᭞ᬫᬭᬷᬓᬂᬲᬶᬗ᭄ᬳᬵᬫᬫᬢᬶᬫᬢᬶ᭟ᬲᬗ᭄ᬰᬬᬢᬦ᭄ᬧᬫᬗᬦ᭄‌ᬫᬗ᭄ᬰ᭞ᬲᬤᬶᬦ᭞ᬭ᭄ᬯᬂᬤᬶᬦ᭞ᬫ᭄ᬯᬂᬲᬧᭂᬓᭂᬦ᭄᭞ᬢ᭄ᬓᬾᬂᬓᬗ᭄ᬳᬾᬮ᭄᭟ᬫᬸᬮᬢ᭄ᬧ᭄ᬯᬰ᭄ᬭᬕ᭄ᬕᬮᬭᬶᬳᬸᬮᬄᬦᬶᬲᬶ᭠ ᬗ᭄ᬳᬵᬫᬗ᭄ᬓᬦᬵ᭞ᬮᬸᬗ᭄ᬳᬵᬢᬬᬵᬢᬸᬫᬶᬗ᭄ᬳᬮᬶᬂᬲᬂᬲᬶᬗ᭄ᬳᬵ᭞ᬤᬾᬦ᭄ᬬᬫᬶᬢ᭄ᬭᬮᬯᬦ᭄ᬮᭂᬫ᭄ᬩᬸ᭟ᬅᬯ᭄ᬓᬲᬦ᭄‌ᬓᬭᬶᬲᬂᬲᬶᬗ᭄ᬳᬓᬮᬯᬦ᭄‌ᬦᬦ᭄ᬥᬓ᭞ᬲᬸᬓᬕᭀᬱ᭄ᬝᬶᬥᬃᬫ᭄ᬫᬭᬱᬦᬾᬂᬰᬲ᭄ᬢ᭄ᬭ᭞ᬓᬸᬦᬂᬇᬓᬂᬰ᭄ᬭᬕ᭄ᬕᬮᬵᬲᬗ᭄ᬖ᭄ᬬ᭞ᬳᬸᬫᬸᬗ᭄ᬲᬶᬭᬶᬓᬂᬧᬢᬶᬄᬲ ᬫ᭄ᬪᬥᬫᬵᬚᬃᬭ᭄ᬬᬸᬮᬄᬦᬶᬲᬶᬗ᭄ᬳᬵ᭟᭜᭟ᬇᬢᬶᬦᬡ᭄ᬥᬓᬧ᭄ᬭᬓᬭ᭞ᬲᬶᬗ᭄ᬳᬵᬘᬡ᭄ᬥᬧᬶᬗ᭄ᬕᬮᬲᬂᬲᬃᬕ᭄ᬕᬵ᭟᭜᭟ᬭ᭄ᬬᬸᬯᬸᬲ᭄‌ᬦᬶᬓᬂᬲᬶᬗ᭄ᬳᬵᬲᬂᬕ᭄ᬕᬵᬮᬯᬦ᭄ᬮᭂᬫ᭄ᬪᬸ᭞ᬮᬸᬗ᭄ᬳᬵᬢᬾᬓᬂᬳᬲᬸᬓᬩᬾᬄᬲᬓᬾᬂᬲᬂᬲᬶᬗ᭄ᬳᬵᬫᬸᬗ᭄ᬲᬶᬭᬶᬓᬂᬧ ᬲᬫ᭄ᬪᬥ᭟ᬓᬧᬗ᭄ᬕᬶᬄᬧ᭄ᬯᬲᬂᬧᬢᬶᬄᬲᬫ᭄ᬪᬥ᭟ᬫᬢᬹᬃᬰ᭄ᬭᬕ᭄ᬕᬮᬓᬩᬾᬄ᭟ᬮᬶᬂᬦ᭄ᬬ᭟ᬇᬓᬶᬦᬶᬫᬶᬢ᭄ᬢᬦᬶᬗ᭄ᬳᬸᬮᬸᬦ᭄‌ᬲᬫᬥᬢᬂᬭᬶᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬫᬚᬭᬓᭂᬦ᭄ᬭᬶᬕᬢᬶᬰ᭄ᬭᬷᬫᬳᬵᬭᬵᬚ᭞ᬲᬵᬫ᭄ᬧᬸᬦ᭄ᬫᬲᬂᬲᬃᬕ᭄ᬕᬮᬯᬦ᭄

Auto-transliteration

[37 37B] 37 ngan, mapawnangasapihatinggalakar̀mmanityamamatimati. ya'ikukasangkaninghulunsangśayā, nyatasadhaninghanmupapā. mangkekār̥ĕpmamimanapihāsawiśayā, malamalar̀kakawaśa. mangkanalingsangsinghā. sumahūr̀ikangnaṇdhakā. a'umsangsinghā, yanrahadyansanghulunhar̥ĕpangulahakĕndhar̀mma, haywatandhirasakāsadidik. aywagyagya. // saneraśyaḥsanewar̀ttya, saneḥpar̀wwatalangganam, saneḥ yar̀śascādhar̀mmaścā, yamamewasanescade. ikangmametdr̥ĕwya, ikangmametguṇā, makadhiwir̀yya, ikangmunggahinggunung, ikamabhyaṣayoga. mangkanamulahakĕndhar̀mmāsakādidik, kramakrama. hakweḥdadisiddhakawaśa. kalinganikā, aywasangśayārahadyansanghulun. lamunuwusakinkinnghulunumatūraknengbhaṭaraparameśwara. mangkanalingsangnaṇdhakāringsangsinghā. daditahe [38 38A] nakdenyasamitrā, salakuselwansalawasnyasangsar̀ggā, marīkangsinghāmamatimati. sangśayatanpamanganmangśa, sadina, rwangdina, mwangsapĕkĕn, tkengkanghel. mulatpwaśraggalarihulaḥnisi‐ nghāmangkanā, lunghātayātuminghalingsangsinghā, denyamitralawanlĕmbu. awkasankarisangsinghakalawannandhaka, sukagoṣṭidhar̀mmaraṣanengśastra, kunangikangśraggalāsangghya, humungsirikangpatiḥsa mbhadhamājar̀ryulaḥnisinghā \\•\\ itinaṇdhakaprakara, singhācaṇdhapinggalasangsar̀ggā \\•\\ ryuwusnikangsinghāsangggālawanlĕmbhu, lunghātekanghasukabeḥsakengsangsinghāmungsirikangpa sambhadha. kapanggiḥpwasangpatiḥsambhadha. matūr̀śraggalakabeḥ. lingnya. ikinimittaninghulunsamadhatangrirahadyansanghulun. majarakĕnrigatiśrīmahārāja, sāmpunmasangsar̀ggalawan

Leaf 38

Image on Archive.org

[᭓᭘ 38B] ᭓᭘ ᬦᬡ᭄ᬥᬓᬵ᭟ᬢᬦᬸᬦᬶᬗᬵᬭᬶᬲᬗ᭄ᬳᬸᬮᬸᬦ᭄ᬓᬩᬾᬄ᭞ᬧᬶᬲᬦᬶᬗᬸᬦ᭄‌ᬲᬶᬭᬾᬓᬬᬦ᭄‌ᬲᬶᬭᬦ᭄ᬫᬦᬥᬳᬫᬗ᭄ᬰᬵ᭞ᬬᬦᬢᬹᬭᬦᬩᬸᬭ᭄ᬯᬦ᭄᭟ᬫᬭᬶᬬᬲᬶᬭᬩᬸᬭ᭄ᬯᬦ᭄᭞ᬢᬦ᭄ᬲᬶᬦᬸᬂᬤᬾᬦᬶᬂᬦᬡ᭄ᬥᬓᬵ᭟ᬲᬮᬶᬂᬦᬶᬂᬦᬡ᭄ᬥᬓᬧᬶᬦᬶᬲᬶᬗ᭄ᬕᬶᬄᬦᬶᬭᬵ᭞ᬫᬭᬶᬲᬶᬭᬫ ᬢᬶᬫᬢᬶᬩᬸᬭ᭄ᬯᬦ᭄᭟ᬫᬗ᭄ᬓᬦᬳᬢᬹᬭᬶᬂᬰ᭄ᬭᬕ᭄ᬕᬮᬵᬲᬗ᭄ᬖ᭟ᬲᬸᬫᬳᬹᬃᬇᬓᬂᬧᬢᬶᬄᬲᬫ᭄ᬪᬥᬵ᭞ᬮᬶᬂᬦ᭄ᬬ᭟ᬫᬗ᭄ᬓᬓᬸᬫ᭄ᬯ᭟ᬳᬸᬯᬸᬲ᭄‌ᬓᬲᬂᬲᬃᬕ᭄ᬕᬤᬾᬦᬶᬂᬍᬫ᭄ᬪᬸᬓᬧ᭄ᬯᬲᬶᬭᬵ᭟ᬩ᭄ᬬᬓ᭄ᬢᬲᬶᬭᬢᬸᬫᬹᬢ᭄‌ᬲᬳᬸᬮᬄᬇᬓᬂᬦᬡ᭄ᬥᬓ᭞ᬫᬓᬯ᭄ᬓᬲᬦ᭄‌ᬫᬦ ᬥᬄᬧᬢ᭄ᬭᬲᬶᬭᬵ᭟ᬓᬤᬶᬳᬢᬢ᭄‌ᬲᬶᬭ᭞ᬦ᭄ᬬᬢᬢᬸᬫᬹᬢ᭄‌ᬲᬳᬸᬮᬄᬦᬶᬂᬲᬂᬲᬃᬕ᭄ᬕᬦᬶᬭ᭟ᬫᬗ᭄ᬓᬦᬮᬶᬂᬦᬶᬂᬲᬫ᭄ᬪᬥ᭟ᬲᬸᬫᬳᬹᬃᬇᬓᬂᬳᬲᬸᬓᬩᬾᬄ᭞ᬳᬫᬮᬓᬸᬧᬶᬦᬘᬭᬶᬢᬓᭂᬦ᭄‌ᬭ᭄ᬬᬸᬮᬳᬶᬂᬳᬢᬢ᭄᭟ᬅᬉᬫ᭄‌ᬫᬘᬭᬶᬢᬗ᭄ᬳᬸᬮᬸᬦ᭄᭞ ᬋᬗ᭄ᬳᬵᬓᭂᬦ᭄‌ᬤᬾᬦ᭄ᬢᬓᬩᬾᬄ᭟ᬳᬦᬓᬥᬢ᭄ᬯᬦ᭄‌ᬭᬶᬂᬓᬸᬰᬫ᭄ᬩᬶᬦᬵᬕᬭ᭞ᬗᬭᬦ᭄ᬬ᭟ᬭᬢᬸᬦ᭄ᬬ᭞ᬰ᭄ᬭᬷᬫᬳᬵᬭᬵᬚᬧᬥᬧᬗᬭᬦ᭄ᬬ᭞ᬫᬮ᭄ᬯᬢᬪᬹᬫᬶᬓᬯᭂᬗ᭄ᬓᬤᬾᬦᬶᬭ᭟ᬲᬮᬾᬓ᭄‌ᬮᬫ᭄ᬧᬄᬧᬗᬾᬢᬦ᭄ᬬ᭞ᬧᬗᬶᬤᬸᬮ᭄ᬦ᭄ᬬ᭞ᬫ᭄ᬯᬂᬧᬗ [᭓᭙ 39A] ᬮᭀᬃᬦ᭄ᬬ᭞ᬭ᭄ᬬᬸᬗ᭄ᬕ᭄ᬯᬦᬶᬂᬘᬢᬹᬃᬢᬡ᭄ᬥᬫᬦ᭄ᬢ᭄ᬭᬶᬦᬶᬭ᭟ᬢᬦᬸᬘᬧᭂᬦ᭄‌ᬢᬤᭀᬄᬦᬶᬭᬲᬓᬾᬂᬫᬦ᭄ᬢ᭄ᬭᬶᬦᬶᬭᬧᬢ᭄᭞ᬧᬸᬦ᭄ᬧᬸᬦᬦ᭄ᬬᬲᭀᬯᬂᬲᭀᬯᬂ᭟ᬦᬶᬫᬶᬢ᭄ᬢᬦᬶᬂᬦᬵᬕᬭᬓᬺᬢ᭄ᬢ᭞ᬫᬯ᭄ᬥᬶᬂᬘᬢᬸᬲ᭄‌ᬢᬡ᭄ᬥᬫᬦ᭄ᬢ᭄ᬭᬶᬳᬦᬫᬯᭂᬯᭂᬳᬶ᭞ᬫᬮ᭄ᬯᬓᭂᬦ᭄ᬪᬹᬫᬶ᭞ᬫᬫᬶᬤᬶ ᬓ᭄‌ᬧᬸᬦ᭄ᬧᬸᬦᬦᬶᬂᬰᬢ᭄ᬭᬸᬢᬦ᭄ᬲᬳᬶᬦᬓᬶᬦᬓ᭄᭟ᬓᬶᬦ᭄ᬢᬸᬦ᭄ᬬᬭᬶᬂᬧᬗᬥᭂᬕ᭄‌ᬰ᭄ᬭᬷᬫᬳᬵᬭᬚ᭞ᬲᬂᬧᬹᬃᬯ᭄ᬯᬰᬾᬦ᭞ᬫᬸᬗ᭄ᬕᬸᬄᬯᬾᬢᬦ᭄᭞ᬲᬂᬥᬓ᭄ᬱᬶᬡᬰᬾᬦ᭞ᬫᬸᬗ᭄ᬕᬸᬄᬓᬶᬥᬸᬮ᭄᭟ᬲᬂᬧᬰ᭄ᬘᬂᬫᬰᬾᬦ᭞ᬫᬸᬗ᭄ᬕᬸᬄᬓᬸᬮᭀᬦ᭄᭟ᬲᬂᬉᬢ᭄ᬢᬭᬰᬾᬦ᭞ ᬫᬸᬗ᭄ᬕᬸᬄᬮᭀᬃ᭟ᬧᬥᬧ᭄ᬭᬶᬄᬓᬭᬵᬓ᭄ᬱᬦ᭄‌ᬲᬂᬧ᭄ᬭᬪᬹ᭟ᬫᬮᬯᬲ᭄‌ᬧ᭄ᬯᬾᬓᬂᬓᬵᬮ᭞ᬧ᭄ᬚᬄᬢᬲᬂᬧ᭄ᬭᬪᬹ᭞ᬭᬶᬦᬢ᭄ᬯᬵᬓᭂᬦ᭄ᬢᬵᬦᬓ᭄ᬦᬶᬭᬵᬫᬳᬵᬭᬵᬚᬤ᭄ᬭᬸᬫᬵᬗᬭᬦᬶᬭᬵ᭟ᬳᬦᬯᬤ᭄ᬯᬦᬶᬭᬵᬭᬶᬗᬹᬦᬶᬓᬵᬮᬦᬶᬭᬵᬦ᭄ᬭᬚᬧᬸᬢ᭄ᬭ᭞ᬬᬢᬳ᭄ᬬᬸᬦ᭄ ᬳᬗᬦ᭄ᬢ᭄ᬬᬦᬘᬢᬸᬲ᭄‌ᬢᬡ᭄ᬥᬫᬦ᭄ᬢ᭄ᬭᬶ᭟ᬤᬤᬶᬢᬲᬶᬭᬰ᭄ᬭᬷᬫᬳᬵᬭᬵᬚᬲᬸᬗᬚ᭄ᬜᬵ᭞ᬫᬗᬸᬡ᭄ᬥᬗᬭᬶᬲᬂᬫᬦ᭄ᬢ᭄ᬭᬶᬘᬢᬸᬲ᭄ᬤᬾᬰ᭟ᬦᬶᬢ᭄ᬬᬲ᭄ᬯᬾ᭞ᬭᬶᬯ᭄ᬥᬶᬦᬶᬭᬢᬶᬗ᭄ᬕᬮᬧᬓᬸᬯ᭄ᬯᬦ᭄᭟ᬳᬸᬯᬸᬲ᭄‌ᬓᬺᬢ᭄ᬢᬦᬸᬕ᭄ᬭᬳᬤᬾᬰ᭄ᬭᬶᬫᬳᬭᬵᬚᬤᬾ

Auto-transliteration

[38 38B] 38 naṇdhakā. tanuningārisanghulunkabeḥ, pisaningunsirekayansiranmanadhahamangśā, yanatūranaburwan. mariyasiraburwan, tansinungdeningnaṇdhakā. salingningnaṇdhakapinisinggiḥnirā, marisirama timatiburwan. mangkanahatūringśraggalāsanggha. sumahūr̀ikangpatiḥsambhadhā, lingnya. mangkakumwa. huwuskasangsar̀ggadeningl̥ĕmbhukapwasirā. byaktasiratumūtsahulaḥikangnaṇdhaka, makawkasanmana dhaḥpatrasirā. kadihatatsira, nyatatumūtsahulaḥningsangsar̀gganira. mangkanalingningsambhadha. sumahūr̀ikanghasukabeḥ, hamalakupinacaritakĕnryulahinghatat. a'ummacaritanghulun, r̥ĕnghākĕndentakabeḥ. hanakadhatwanringkuśambināgara, ngaranya. ratunya, śrīmahārājapadhapangaranya, malwatabhūmikawĕngkadenira. saleklampaḥpangetanya, pangidulnya, mwangpanga [39 39A] lor̀nya, ryunggwaningcatūr̀taṇdhamantrinira. tanucapĕntadoḥnirasakengmantrinirapat, punpunanyasowangsowang. nimittaningnāgarakr̥ĕtta, mawdhingcatustaṇdhamantrihanamawĕwĕhi, malwakĕnbhūmi, mamidi kpunpunaningśatrutansahinakinak. kintunyaringpangadhĕgśrīmahāraja, sangpūr̀wwaśena, mungguḥwetan, sangdhaksyiṇaśena, mungguḥkidhul. sangpaścangmaśena, mungguḥkulon. sanguttaraśena, mungguḥlor̀. padhapriḥkarākṣansangprabhū. malawaspwekangkāla, pjaḥtasangprabhū, rinatwākĕntānaknirāmahārājadrumāngaranirā. hanawadwanirāringūnikālanirānrajaputra, yatahyun hangantyanacatustaṇdhamantri. daditasiraśrīmahārājasungajñā, manguṇdhangarisangmantricatusdeśa. nityaswe, riwdhiniratinggalapakuwwan. huwuskr̥ĕttanugrahadeśrimaharājade

Leaf 39

Image on Archive.org

[᭓᭙ 39B] ᭓᭙ ᬯᬢ᭄ᬣᬵ᭞ᬭᬶᬢᬦ᭄ᬳᬦᬭᬶᬲᬗ᭄ᬓᬵ᭟ᬭᬶᬢᬦ᭄‌ᬦᭂᬗ᭄ᬕᬸᬳᬓ᭄ᬦᬵᬓᬕᬦ᭄ᬢ᭄ᬬᬦ᭄᭟ᬳᬦᬧ᭄ᬯᬵᬚ᭄ᬜᬵᬰ᭄ᬭᬶᬫᬳᬵᬭᬵᬚ᭞ᬲᬶᬤ᭄ᬥᬵᬓ᭄ᬦᬦ᭄ᬬᬲᭀᬯᬂᬲᭀᬯᬂ᭟ᬇᬓᬵᬲᬮ᭄ᬯᬶᬭᬦᬶᬓᬣᬬᬢ᭞ᬫᬓᬢᬭᬶᬫᬦ᭄ᬬᬭᬶᬲᬗ᭄ᬰᬬᬲᬓᬣᬵ᭟ᬫᬗ᭄ᬓᬦᬧᬦᭂᬫ᭄ᬩᬄ ᬦ᭄ᬬᬩᬃᬬ᭄ᬬᬦ᭄ᬓᬥᬢᭂᬗᬦᬵᬚ᭄ᬜᬵ᭟ᬤᬤᬶᬳᬸᬫᬢᬹᬃᬇᬓᬂᬯᬤ᭄ᬯᬧᬢ᭄᭞ᬧᬥᬳᬦᬸᬳᬸᬦᬵᬚ᭄ᬜᬳᬚᬶ᭞ᬫᬸᬡ᭄ᬥᬗᬢᬸᬗ᭄ᬕᬮᬦᬭᬶᬂᬫ᭄ᬢ᭄ᬭᬶᬘᬢᬹᬃᬤᬾᬰ᭞ᬫ᭄ᬯᬂᬭᬱᬦᬶᬂᬅᬚ᭄ᬜᬰ᭄ᬭᬷᬫᬳᬵᬭᬵᬚ᭞ᬲᬶᬗ᭄ᬮᬃᬕᬦᬫᬦᬭᬶᬫᬳᬵᬭᬵᬚᬤ᭄ᬭᭀᬳᬵ᭟ᬉ ᬮᬳᬓ᭄ᬦᬦ᭄ᬫᬯᬵᬚ᭄ᬜᬵ᭞ᬲᬶᬦᬸᬗ᭄ᬳᬦ᭄ᬢᬬᬵᬚ᭄ᬜᬫᬢᬸᬗ᭄ᬕᬮᬦ᭄ᬤᬾᬰ᭟ᬉᬫᬭᬾᬂᬧᬹᬃᬯ᭄ᬯᬤᬾᬰ᭞ᬲᬂᬯᬮᬓᬵ᭟ᬉᬫᬭᬾᬂᬥᬓ᭄ᬱᬶᬦᬤᬾᬰᬲᬂᬭᬡ᭞ᬫᬭᬾᬂᬧᬰ᭄ᬘᬶᬫᬤᬾᬰ᭞ᬲᬂᬢᬶᬮᬓᬵ᭟ᬉᬫᬭᬾᬂᬉᬢ᭄ᬢᬭᬤᬾᬰᬲᬂᬰᬭᬪᬵ᭞ ᬧᬋᬂᬫᬗ᭄ᬓᬢ᭄᭞ᬲᬫᬵᬧ᭄ᬯᬳᬚ᭄ᬜᬵ᭟ᬧᬋᬂᬢ᭄ᬓᬵᬭᬶᬂᬘᬢᬹᬃᬤᬾᬰ᭟ᬥᬢᬂᬲᬗ᭄ᬳ᭄ᬬᬂᬅᬚ᭄ᬜᬵᬳᬚᬶ᭞ᬇᬦᬋᬫ᭄ᬩᬫᬳᬍᬧ᭄᭞ᬲᭀᬧᬘᬭ᭞ᬲᬓ᭄ᬱᬢ᭄‌ᬰ᭄ᬭᬶᬫᬳᬵᬭᬵᬚᬥᬢᬂᬭᬶᬇᬥᭂᬧ᭄ᬦᬶᬓᬵ᭟ᬫ᭄ᬯᬂᬢᬦ᭄ᬳᬗᬕᬦᬭᬶᬲᭀᬚᬃ [᭔᭐ 40A] ᬭᬶᬳᬫᬯᬬᬚ᭄ᬜᬵ᭟ᬫᬲᭀᬯᬾᬧ᭄ᬯᬂᬓᬮᬵ᭞ᬕᬶᬦᬗ᭄ᬲᬮ᭄‌ᬧ᭄ᬯᬲᬗ᭄ᬳ᭄ᬬᬂᬅᬚ᭄ᬜᬵ᭞ᬧᬶᬦᬶᬦ᭄ᬢᭀᬦᬓᭂᬦᬶᬓᬵᬲᬗ᭄ᬳ᭄ᬬᬂᬅᬚ᭄ᬜᬵᬓ᭄ᬫᬶᬢᬦᬸᬕ᭄ᬭᬳᬏᬭᬵᬚᬤᬾᬯᬢ᭄ᬣᬵ᭟ᬢ᭄ᬳᭂᬃᬫᬦᬸᬭᬢ᭄‌ᬲᭂᬫ᭄ᬩᬄ᭟ᬭᬶᬳᬸᬯᬸᬲ᭄ᬦ᭄ᬬᬫᬦᬹᬭᬢ᭄ᬲᭂᬫ᭄ᬩᬄ᭞ᬫᬤ᭄ᬬᬸᬲ᭄‌ᬳᬓ᭄ᬭᬫᬲ᭄᭞ᬫᬫᬹᬚᬵ ᬲᬶᬭᬵ᭟ᬳᬸᬯᬸᬲ᭄ᬦ᭄ᬬᬫᬫᬹᬚᬵ᭞ᬧᬶᬦ᭄ᬓᬦ᭄ᬢᬫᬱ᭄ᬝᬓᬦ᭄ᬬᬥᬯᬓ᭄᭞ᬯᬶᬦ᭄ᬓᬲᬓᭂᬦ᭄‌ᬓᬢᬹᬭᬵᬤᬾᬦᬶᬂᬘᬢᬸᬲ᭄‌ᬢᬡ᭄ᬥᬫᬦ᭄ᬢ᭄ᬭᬶ᭟ᬬᬢᬯᬶᬦ᭄ᬯᬢᬓᭂᬦ᭄ᬭᬶᬂᬯᬤ᭄ᬯᬧᬢ᭄᭟ᬧᬋᬂᬢ᭄ᬓᬵ᭞ᬲᬫᬧ᭄ᬢᬲᬳᬵᬲᭂᬫ᭄ᬩᬄ᭞ᬫ᭄ᬯᬂᬳᬚ᭄ᬜᬵᬓ᭄ᬫᬶᬢᬦ᭄‌ᬫᬳᬵᬭᬵᬚᬤᬾᬯᬢ᭄ᬣ ᭞ᬧᬋᬂᬯᬶᬦᬯᬵ᭟ᬉᬦᬶᬰ᭄ᬭᬷᬫᬳᬵᬭᬵᬚ᭞ᬫᬲ᭄ᬫᬓᬳ᭄ᬯᬦ᭄‌ᬢᬲᬶᬭᬵ᭞ᬫᬗᬺᬗ᭄ᬳᬵᬲᭂᬫ᭄ᬩᬄᬦ᭄ᬬᬓᬧᬢ᭄᭞ᬫ᭄ᬯᬂᬭᬱᬦ᭄‌ᬲᬗ᭄ᬳ᭄ᬬᬂᬳᬚᬶᬓ᭄ᬫᬶᬢᬦ᭄ᬰ᭄ᬭᬷᬫᬳᬵᬭᬧᬤᬾᬯᬢ᭄ᬣ᭟ᬲᬓᬾᬂᬯ᭄ᬥᬶᬦ᭄ᬬᬳᬚ᭄ᬜᬵᬮᬗ᭄ᬕᬦᬵᬭᬶᬂᬓᬮᬶᬄᬫ᭄ᬯᬂᬓᬯ᭄ᬬᬓ᭄ᬢᬶᬦ᭄ᬬᬓ ᬢᭀᬦ᭄‌ᬲᬢ᭄ᬬᬵ᭟ᬓᬸᬫᬺᬢ᭄‌ᬢᭂᬗ᭄ᬕᭂᬓ᭄ᬦ᭄ᬬᬲᭀᬯᬂᬲᭀᬯᬂ᭞ᬫᬗ᭄ᬓᬾᬳᬢᬹᬭᬓᭂᬦ᭄ᬬᬭ᭄ᬬᬗ᭄ᬕᬧ᭄ᬭᬥᬦᬦ᭄ᬬ᭞ᬲᬳᬵᬢᬡ᭄ᬥᬭᬵᬚᬬᬵᬕ᭄ᬬ᭞ᬢ᭄ᬓᬾᬂᬧᬭᬶᬯᬭᬲ᭄ᬢ᭄ᬭᬶ᭟ᬅᬦᬾᬓᬧ᭄ᬭᬫᬡ᭞ᬫᬯ᭄ᬓᬲᬦ᭄ᬢᬲᬂᬧ᭄ᬭᬪᬹᬫᬗ᭄ᬮᬮᬸ᭟ᬇ

Auto-transliteration

[39 39B] 39 watthā, ritanhanarisangkā. ritannĕngguhaknākagantyan. hanapwājñāśrimahārāja, siddhāknanyasowangsowang. ikāsalwiranikathayata, makatarimanyarisangśayasakathā. mangkanapanĕmbaḥ nyabar̀yyankadhatĕnganājñā. dadihumatūr̀ikangwadwapat, padhahanuhunājñahaji, muṇdhangatunggalanaringmtricatūr̀deśa, mwangraṣaningajñaśrīmahārāja, singlar̀ganamanarimahārājadrohā. u lahaknanmawājñā, sinunghantayājñamatunggalandeśa. umarengpūr̀wwadeśa, sangwalakā. umarengdhaksyinadeśasangraṇa, marengpaścimadeśa, sangtilakā. umarenguttaradeśasangśarabhā, par̥ĕngmangkat, samāpwahajñā. par̥ĕngtkāringcatūr̀deśa. dhatangsanghyangajñāhaji, inar̥ĕmbamahal̥ĕp, sopacara, sakṣatśrimahārājadhatangri'idhĕpnikā. mwangtanhangaganarisojar̀ [40 40A] rihamawayajñā. masowepwangkalā, ginangsalpwasanghyangajñā, pinintonakĕnikāsanghyangajñākmitanugraha'erājadewatthā. t'hĕr̀manuratsĕmbaḥ. rihuwusnyamanūratsĕmbaḥ, madyushakramas, mamūjā sirā. huwusnyamamūjā, pinkantamaṣṭakanyadhawak, winkasakĕnkatūrādeningcatustaṇdhamantri. yatawinwatakĕnringwadwapat. par̥ĕngtkā, samaptasahāsĕmbaḥ, mwanghajñākmitanmahārājadewattha , par̥ĕngwinawā. uniśrīmahārāja, masmakahwantasirā, mangr̥ĕnghāsĕmbaḥnyakapat, mwangraṣansanghyanghajikmitanśrīmahārapadewattha. sakengwdhinyahajñālangganāringkaliḥmwangkawyaktinyaka tonsatyā. kumr̥ĕttĕnggĕknyasowangsowang, mangkehatūrakĕnyaryanggapradhananya, sahātaṇdharājayāgya, tkengpariwarastri. anekapramaṇa, mawkasantasangprabhūmanglalu. i

Leaf 40

Image on Archive.org

[᭔᭐ 40B] ᭔᭐ ᬓᬂᬪᬺᬢ᭄ᬬᬦᬶᬭᬵᬧᬢ᭄‌ᬲᬸᬫᬶᬮᬶᬳᬵᬭᬓ᭄ᬯᬜᬢᬹᬃᬤᬾᬰ᭞ᬰᬾᬦᬧᬢᬶᬲᬳᬵᬦᬸᬕ᭄ᬭᬳᬵᬓᬶᬦᭀᬦ᭄ᬕᬸᬫᬦ᭄ᬢ᭄ᬬᬦᬬᬓ᭄ᬭᬫᬦᬶᬂᬲᬂᬮᬶᬡᬵ᭟ᬧᬥᬵᬳᬃᬱᬓᬢ᭄ᬓᬦᬶᬂᬧ᭄ᬭᬬᬦᬶᬭᬵ᭞ᬫᬦ᭄ᬢᬸᬓᬸᬫᬭᬾᬂᬧᬓ᭄ᬯᬦ᭄ᬬᬲᭀᬯᬂᬲᭀᬯᬂᬭᬶᬂᬘᬢᬹᬃ᭠ ᬤᬾᬰᬵ᭞ᬧᬥᬯᬺᬭᬶᬂᬓᬲᬸᬓᬦ᭄᭞ᬢᬦ᭄ᬯ᭄ᬭᬸᬄᬭᬶᬂᬫᬃᬬ᭄ᬬᬦ᭄ᬢᬓ᭄ᬭᬫᬵ᭟ᬓᬋᬗ᭄ᬳᬵᬧ᭄ᬯᬬᬦ᭄ᬧᬭᬢ᭄ᬭᬇᬓᬂᬫᬦ᭄ᬢ᭄ᬭᬶᬘᬢᬹᬃᬤᬾᬰᬤᬾᬦᬶᬂᬫᬸᬲᬸᬄ᭞ᬤᬶᬦᭀᬦ᭄ᬧ᭄ᬯᬬᬵ᭞ᬓᬮᬄᬢᬓᬧᬢ᭄᭞ᬓᬢᬸᬮ᭄ᬬᬦᬶᬓᬂᬦᬵᬕᬭᬵ᭟ᬫᬵᬭᬵᬚᬤ᭄ᬭᬸ ᬫᬲᬶᬭᬵᬢᬶᬗ᭄ᬕᬮ᭄‌ᬦᬵᬕᬭ᭟ᬤᬤᬶᬢᬲᬶᬭᬦᬸᬗ᭄ᬕᬮ᭄ᬦᬸᬗ᭄ᬕᬮ᭄᭟ᬓᬯᬯᬭᬶᬕ᭄ᬭᬳᬦᬶᬓᬂᬲᬯᬭᬲᬶᬦᬶᬦᬾᬕᬗᬭᬦ᭄ᬬ᭟ᬓᬳᬥᬂᬬᬢᬦ᭄‌ᬳᬦᬾᬂᬕᬺᬳᬦ᭄ᬬ᭟ᬮᬸᬗ᭄ᬳᬩᬸᬦᬹᬩᬸᬭᬹ᭟ᬇᬓᬂᬅᬢᬢ᭄‌ᬚᬸᬕᬵᬓᬧᬗ᭄ᬕᬶᬄᬤᬾᬦᬶᬭ᭞ ᬓᬢᭀᬦ᭄ᬰ᭄ᬭᬶᬫᬳᬵᬭᬵᬚᬤᬾᬦ᭄ᬬ᭞ᬢᬸᬫᬸᬮᬶᬫᬦᬧᬵ᭞ᬮᬶᬂᬦ᭄ᬬ᭟ᬲ᭄ᬬᬧᬵᬇᬓᬸᬢ᭄ᬓᬵ᭞ᬲᬶᬓᭂᬧᭂᬦ᭄‌ᬧᬢ᭄ᬬᬦᬶ᭟ᬤᬸᬤᬸᬓ᭄ᬳᬢᬶᬦ᭄ᬬ᭟ᬤᬸᬤᬸᬓ᭄᭞ᬮᬗ᭄ᬕᬂᬭᬸᬥᬶᬭᬦ᭄ᬬ᭟ᬧᬕᬯᬾᬓ᭄ᬦᬳᭂᬫ᭄ᬩᬳᭂᬫ᭄ᬩᬵ᭞ᬭᬱᬭᬱ᭞ᬮᬸᬗ᭄ᬳᬵᬬᬫᬗ᭄ᬓᭀ᭟ [᭔᭑ 41A] ᬗ᭄ᬓᬦᬰᬩ᭄ᬥᬓᬭᬸᬗ᭄ᬯᬤᬾᬲᬂᬦᬣᬵ᭟ᬯᬶᬦᬲ᭄ᬧᬤᬓᭂᬦᬶᬭᬵᬢᬂᬫᬰᬩ᭄ᬥ᭟ᬅᬢᬢ᭄‌ᬬᬓᬢᭀᬦ᭄ᬤᬾᬦᬶᬭᬵ᭟ᬮᬸᬗ᭄ᬳᬢᬲᬶᬭᬵ᭞ᬫᬤᭀᬄᬳᬸᬮᬶᬄᬦᬶᬭᬮᬸᬗ᭄ᬳᬵ᭟ᬫᬫᬗ᭄ᬕᬶᬄᬢᬲᬶᬭᬧᬢᬧᬦ᭄᭞ᬳᬲ᭄ᬧᬶᬢᬂᬧᬦ᭄ᬢᬶ᭟ᬢᬦ᭄ᬳᬦᬢᬧᬵᬢᬓᬧᬗ᭄ᬕᬶᬄ᭞ ᬲᬸᬫᬸᬬᬸᬕ᭄‌ᬲᬶᬭᬭᬶᬂᬧᬦ᭄ᬢᬶ᭟ᬯᬳᬸᬲᬶᬭᬵᬳ᭄ᬬᬸᬦᬵᬮᬶᬗ᭄ᬕᬶᬳᬵ᭞ᬢᬸᬫᬶᬗ᭄ᬳᬮ᭄ᬢᬲᬶᬭᬭᬶᬂᬳᬢᬢ᭄᭞ᬫᬸᬗ᭄ᬕ᭄ᬯᬶᬂᬢᬶᬗ᭄ᬕᬭᬦᬶᬂᬧᬥᬸᬦᬶᬂᬧᬦ᭄ᬢᬶ᭟ᬫᬗᬥᭂᬕ᭄ᬢᬰ᭄ᬭᬷᬳᬚᬶᬫᬤᬦ᭄ᬲᬶᬭᬫᬗ᭄ᬲᬸᬮᬵ᭟ᬓᬗᬶᬦ᭄ᬳᬸᬚᬭᬶᬂᬳᬢᬢ᭄‌ᬓᬢ᭄ᬫᬸᬧᬹᬃᬯ᭄ᬯᬓᬵ᭟ᬓᬢᭀᬦ᭄ᬧ᭄ᬯᬵ᭠ ᬤᬾᬦᬶᬂᬅᬢᬢ᭄᭞ᬫᭀᬚᬃᬇᬓᬂᬅᬢᬢ᭄᭟ᬮᬶᬂᬦ᭄ᬬ᭟ᬦ᭄ᬤᬳᬮᬶᬗ᭄ᬕᬶᬳᬵᬲᬂᬦᬵᬣ᭟ᬅᬬ᭄ᬯᬲᬗ᭄ᬰᬬᬵ᭟ᬓᬓᬶᬕᬸᬭᬹᬳ᭄ᬬᬂᬫᬶᬚᬶᬮᬲᬂᬦᬵᬣ᭞ᬳᬦᬲᬶᬭᬢᬧᬶᬥᬢᬂ᭞ᬧᬪᬹᬕᬦ᭄ᬬᬲᬶᬭ᭟ᬅᬫᬶᬚᬶᬮᬓ᭄ᬦᬵᬢᬓᬮᬰᬵ᭞ᬫ᭄ᬯᬂ ᬧᬝᬭᬡ᭞ᬲᬳᬵᬯ᭄ᬯᬿᬬᬃᬖ᭄ᬬᬘᬫᬡ᭄ᬬᬧᬥ᭟ᬫ᭄ᬯᬂᬲᬃᬯ᭄ᬯᬨᬮ᭞ᬲᬳᬦᬳᬦᬶᬂᬳᬰ᭄ᬭᬫᬵ᭞ᬓᬢᬭᬾᬂᬧᬲᭂᬕᭂᬄᬳᬶᬂᬲᬶᬭ᭟ᬢᬦ᭄ᬤ᭄ᬯᬥᬢᬂᬢᬲᬂᬢᬧᬲ᭄ᬯᬶ᭞ᬫᬫᬯᬵᬓᬮᬰᬧᬝᬭᬡ᭞ᬲᬳᬵᬥᬭᬫ᭄ᬯᬂᬚᭃᬂ

Auto-transliteration

[40 40B] 40 kangbhr̥ĕtyanirāpatsumilihārakwañatūr̀deśa, śenapatisahānugrahākinon'gumantyanayakramaningsangliṇā. padhāhar̀ṣakatkaningprayanirā, mantukumarengpakwanyasowangsowangringcatūr̀‐ deśā, padhawr̥ĕringkasukan, tanwruḥringmar̀yyantakramā. kar̥ĕnghāpwayanparatra'ikangmantricatūr̀deśadeningmusuḥ, dinonpwayā, kalaḥtakapat, katulyanikangnāgarā. mārājadru masirātinggalnāgara. daditasiranunggalnunggal. kawawarigrahanikangsawarasininegangaranya. kahadhangyatanhanenggr̥ĕhanya. lunghabunūburū. ikangatatjugākapanggiḥdenira, katonśrimahārājadenya, tumulimanapā, lingnya. syapā'ikutkā, sikĕpĕnpatyani. duduk'hatinya. duduk, langgangrudhiranya. pagaweknahĕmbahĕmbā, raṣaraṣa, lunghāyamangko. [41 41A] ngkanaśabdhakarungwadesangnathā. winaspadakĕnirātangmaśabdha. atatyakatondenirā. lunghatasirā, madoḥhuliḥniralunghā. mamanggiḥtasirapatapan, haspitangpanti. tanhanatapātakapanggiḥ, sumuyugsiraringpanti. wahusirāhyunālinggihā, tuminghaltasiraringhatat, munggwingtinggaraningpadhuningpanti. mangadhĕgtaśrīhajimadansiramangsulā. kanginhujaringhatatkatmupūr̀wwakā. katonpwā‐ deningatat, mojar̀ikangatat. lingnya. ndahalinggihāsangnātha. aywasangśayā. kakigurūhyangmijilasangnātha, hanasiratapidhatang, pabhūganyasira. amijilaknātakalaśā, mwang paṭaraṇa, sahāwwaiyar̀ghyacamaṇyapadha. mwangsar̀wwaphala, sahanahaninghaśramā, katarengpasĕgĕḥhingsira. tandwadhatangtasangtapaswi, mamawākalaśapaṭaraṇa, sahādharamwangjöng

Leaf 41

Image on Archive.org

[᭔᭑ 41B] ᭔᭑ ᬦᬶᬭᬵ᭟ᬯᬿᬭᬶᬂᬓᬸᬫ᭄ᬪᬧᬲᬹᬃᬬ᭄ᬬᬦᬵ᭞ᬲᬳᬳᬸᬲᬯᬓ᭄ᬢ᭄ᬭᬵ᭟ᬕᬸᬫᬦ᭄ᬢᬶᬥᬢᬂᬫᬫᬯᬲᬃᬯ᭄ᬯᬨᬮ᭟ᬫ᭄ᬯᬄᬢᬥᬄᬲᬂᬦᬵᬣᬭᬶᬂᬧᬢᬧᬦ᭄᭟ᬲᬳᭀᬖᭀᬭᬯᬲᬂᬢᬧᬢᬧᬵ᭟ᬲᬸᬓᬵᬢᬧᬦᬥᬄᬳᬶᬭᬫᬳᬵᬭᬧᬤ᭄ᬭᬸᬫᬵ᭟ᬲᬶᬭᬵ ᬫᬚᬃᬭᬶᬂᬲᬲ᭄ᬯᬓᬃᬫ᭄ᬫᬦᬶᬭᬵᬥᬢᬂ᭟ᬫᬓᬧᬹᬃᬯ᭄ᬯᬓᬭᬶᬳᬶᬮᬂᬫᬳᬵᬭᬵᬚᬤᬾᬯᬢ᭄ᬣᬵ᭟ᬧᬥᬢᬲᬂᬢᬧᬵᬫᬦᬭᬰ᭄ᬝᬫᬵᬢᬸᬫᬾᬢᬦ᭄ᬲᬶᬭᬵ᭟ᬕᬸᬫᬦ᭄ᬢᬶᬢᬲᬂᬧ᭄ᬭᬪᬹᬢᬸᬫᬓ᭄ᬯᬦᬓᭂᬦ᭄‌ᬭᬶᬓᬮᬶᬗᬦᬶᬓᬂᬅᬢᬢ᭄᭞ᬓᬧᬗ᭄ᬕᬶᬄ ᬗ᭄ᬓᬾᬭᬶᬂᬧᬢᬧᬦ᭄᭞ᬲᬸᬫᬳᬹᬃᬧ᭄ᬯᬂᬅᬢᬢ᭄‌ᬫᬰ᭄ᬮᭀᬓ᭟᭚ᬫᬢᬧ᭄ᬬᬾᬓᭀᬧᬶᬢᬧ᭄ᬬᬾᬓᭀ᭞ᬫᬫᬦᬲ᭄ᬬᬘᬧᬓ᭄ᬱᬶᬦᬄ᭞ᬅᬳᬄᬫᬹᬦᬶᬲᬶᬭᬦᬵᬣᬄ᭞ᬯᬦᬶᬢᭀᬦᬕᬢᬚᬦᬄ᭟ᬰ᭄ᬭᬷᬫᬳᬵᬭᬵᬚ᭞ᬳᬸᬦᬶᬦ᭄ ᬲᭂᬫ᭄ᬩᬄᬧᬝᬶᬓ᭄ᬳᬚᬶ᭟ᬇᬓᬂᬅᬢᬢ᭄‌ᬓᬧᬗ᭄ᬕᬶᬄᬤᬾᬲᬂᬦᬵᬣᬧᬹᬃᬯ᭄ᬯᬓᬵ᭞ᬯ᭄ᬯᬂᬲᬦᬓ᭄ᬧᬝᬶᬓᬚᬶ᭟ᬧᬸᬦᬶᬓᬵᬲᬩᬧᬵᬲᬳᬾᬡ᭄ᬥᬸᬂ᭞ᬧᬝᬶᬓᬚᬶᬲᬫᬵᬫᬦᬸᬓ᭄᭞ᬓᬸᬦᬂᬧ᭄ᬭᬪᬾᬥᬦᬶᬂᬧᬝᬶᬓᬚᬶᬓᬧᬋᬓᬶᬂᬓ [᭔᭒ 42A] ᬤᬶᬲᬶᬭᬲᬂᬧᬡ᭄ᬥᬶᬢᬵ᭟ᬦᬶᬢ᭄ᬬᬵᬦ᭄ᬱᬗ᭄ᬳᬵᬲᭀᬚᬃᬲᬂᬧᬡ᭄ᬥᬶᬢᬵ᭟ᬧᬸᬦᬶᬓᬵᬦᬶᬢ᭄ᬬᬂᬋᬗ᭄ᬳᬵᬲᭀᬚᬭᬶᬂᬲᬯᬭ᭟᭚ᬕᬯᬰᬡᬄᬪᬕᬶᬭᬫᬕ᭄ᬭᬡᭀᬢᬶ᭞ᬲ᭄ᬯᬭᬜ᭄ᬘᬭᬦ᭄ᬪ᭄ᬬᬓᬃᬕ᭄ᬭᬡᭀᬫᬶᬄ᭞ᬧ᭄ᬭᬢ᭄ᬬᬓ᭄ᬱᬫᬾᬢᬤ᭄ᬭᬸᬫᬾ ᬢᬘᬤᬺᬱ᭄ᬝᬶ᭞ᬲᬂᬲᬃᬕ᭄ᬕᬚᬡ᭄ᬥᭀᬲᬕᬸᬡᬪᬯᬢᬵ᭟ᬧᬝᬶᬓᬚᬶᬦᬶᬢ᭄ᬬᬧ᭄ᬯᬭᬸᬫ᭄ᬩᭃᬭ᭄ᬬᬸᬚᬃᬲᬂᬧᬡ᭄ᬥᬶᬢ᭟ᬇᬓᬂᬅᬢᬢ᭄‌ᬧᬶᬦᬗ᭄ᬕᬶᬄᬤᬾᬰ᭄ᬭᬷᬳᬚᬶᬗᬹᬦᬶ᭞ᬦᬶᬢ᭄ᬬᬋᬗ᭄ᬳᭃᬲᭀᬚᬭᬶᬂᬲᬯᬭ᭟ᬓᬮᬶᬗᬦ᭄ᬬ᭞ᬯ᭄ᬬ ᬓ᭄ᬢᬶᬦᬶᬗ᭄ᬳᬸᬮᬄᬢᬶᬦᭀᬦ᭄ᬧᬭᬫᬾᬰ᭄ᬯᬭ᭞ᬕᬢᬶᬦᬶᬂᬲᬂᬲᬃᬕ᭄ᬕᬫᬦ᭄ᬤᬤ᭄ᬬᬓᭂᬦ᭄ᬕᬸᬡᬤᭀᬱᬦᬶᬂᬉᬮᬄ᭟ᬫᬗ᭄ᬓᬦᬢᬫ᭄ᬯᬄᬧᬭᬫᬾᬰ᭄ᬯᬭ᭞ᬢᬸᬫᬹᬢᬶᬂᬳᬸᬮᬄᬯᬤ᭄ᬯᬧᬢ᭄᭞ᬫᬦ᭄ᬤᬤ᭄ᬬᬓᭂᬦ᭄‌ᬉᬩᬬᬪ᭄ᬭᬱ᭄ᬝᬢᬦ᭄ᬯ᭄ᬭᬸᬄ᭠ ᬳᬫᬾᬢᬶᬓᬂᬬᭀᬕ᭄ᬬ᭟᭚ᬅᬢ᭄ᬬᬦ᭄ᬢᬭᬕᬢᬢ᭄ᬯᬄᬬᬵ᭞ᬯᬳ᭄ᬬᬰ᭄ᬘᬩ᭄ᬬᬦ᭄ᬢᬭᬗ᭄ᬕᬢᬄ᭞ᬢᬾᬲᬢ᭄ᬬᬦᬶᬦ᭄ᬤᬦᬬᬦ᭄ᬢᬶ᭞ᬭᬵᬚᬦ᭄ᬢ᭄ᬬᬤᬰᬶᬪᬸᬧᬢᬾ᭟ᬅᬧᬦᬶᬂᬫᬸᬗ᭄ᬕ᭄ᬯᬶᬂᬚ᭄ᬭᭀᬤᬤᬶᬯᬶᬦᬾᬄᬫᬸᬗ᭄ᬕ᭄ᬯᬂᬚᬩᬵᬤᬾ

Auto-transliteration

[41 41B] 41 nirā. wairingkumbhapasūr̀yyanā, sahahusawaktrā. gumantidhatangmamawasar̀wwaphala. mwaḥtadhaḥsangnātharingpatapan. sahoghorawasangtapatapā. sukātapanadhaḥhiramahārapadrumā. sirā majar̀ringsaswakar̀mmanirādhatang. makapūr̀wwakarihilangmahārājadewatthā. padhatasangtapāmanaraśṭamātumetansirā. gumantitasangprabhūtumakwanakĕnrikalinganikangatat, kapanggiḥ ngkeringpatapan, sumahūr̀pwangatatmaśloka. // matapyekopitapyeko, mamanasyacapaksyinaḥ, ahaḥmūnisiranāthaḥ, wanitonagatajanaḥ. śrīmahārāja, hunin sĕmbaḥpaṭik'haji. ikangatatkapanggiḥdesangnāthapūr̀wwakā, wwangsanakpaṭikaji. punikāsabapāsaheṇdhung, paṭikajisamāmanuk, kunangprabhedhaningpaṭikajikapar̥ĕkingka [42 42A] disirasangpaṇdhitā. nityānṣanghāsojar̀sangpaṇdhitā. punikānityangr̥ĕnghāsojaringsawara. // gawaśaṇaḥbhagiramagraṇoti, swarañcaranbhyakar̀graṇomiḥ, pratyakṣametadrume tacadr̥ĕṣṭi, sangsar̀ggajaṇdhosaguṇabhawatā. paṭikajinityapwarumböryujar̀sangpaṇdhita. ikangatatpinanggiḥdeśrīhajingūni, nityar̥ĕnghösojaringsawara. kalinganya, wya ktininghulaḥtinonparameśwara, gatiningsangsar̀ggamandadyakĕn'guṇadoṣaningulaḥ. mangkanatamwaḥparameśwara, tumūtinghulaḥwadwapat, mandadyakĕnubayabhraṣṭatanwruḥ‐ hametikangyogya. // atyantaragatatwaḥyā, wahyaścabyantaranggataḥ, tesatyanindanayanti, rājantyadaśibhupate. apaningmunggwingjrodadiwineḥmunggwangjabāde

Leaf 42

Image on Archive.org

[᭔᭒ 42B] ᭔᭒ ᬧᬭᬫᬾᬰ᭄ᬯᬭ᭟ᬇᬓᬂᬬᭀᬕ᭄ᬬᬫᬸᬗ᭄ᬕ᭄ᬯᬶᬂᬚᬩᬵ᭞ᬇᬓᬂᬢᬸᬫᭂᬕᬸᬳᬓ᭄ᬦᬓᬧ᭄ᬭᬪᬹᬦ᭄ᬧᬭᬫᬾᬰ᭄ᬯᬭ᭞ᬤᬤᬶᬳᬋᬧᬸᬫᬸᬗ᭄ᬕ᭄ᬯᬦᬓ᭄ᬦᬵᬭᬶᬂᬚ᭄ᬭᭀ᭞ᬯ᭄ᬬᬓ᭄ᬢᬶᬇᬓᬂᬘᬢᬸᬲ᭄ᬢᬡ᭄ᬥᬫᬦ᭄ᬢ᭄ᬭᬶᬤᬾᬧᬭᬫᬾᬰ᭄ᬯᬭᬫᬭᬾᬓᬵ᭞ᬅᬯ᭄ᬓᬲᬦ᭄‌ᬫᬶ ᬦ᭄ᬢᭀᬦᬓᭂᬦ᭄ᬓᬲᬢ᭄ᬬᬦ᭄ᬬᬵ᭞ᬫᬢ᭄ᬯᬦ᭄᭟ᬉᬫᬢᬹᬭᬓᭂᬦ᭄ᬫᬱ᭄ᬝᬓᬦ᭄ᬬ᭞ᬭᬶᬯ᭄ᬥᬶᬦ᭄ᬬᬅᬚ᭄ᬜᬵᬫᬳᬵᬭᬵᬚᬤᬾᬯᬢ᭄ᬣᬵ᭞ᬰ᭄ᬭᬶᬳᬚᬶᬧᬥᬶᬧᬵ᭟ᬫ᭄ᬯᬂᬅᬚ᭄ᬜᬵᬧᬭᬫᬾᬰ᭄ᬯᬭ᭞ᬫᬧᬵᬢᬫᬗ᭄ᬓᬾᬢ᭄ᬫᬄᬧᬭᬫᬾᬰ᭄ᬯᬭᬵ᭟ᬓᬾᬮ ᬗᬦ᭄ᬓᬲᬸᬓᬦ᭄᭞ᬫᬗ᭄ᬓᬦᬮᬶᬂᬦᬶᬓᬂᬅᬢᬢ᭄᭟ᬫᬗ᭄ᬓᬦᬢᬓ᭄ᬭᬫᬦᬶᬂᬲᬂᬲᬃᬕ᭄ᬕ᭞ᬇᬓᬂᬅᬢᬢ᭄‌ᬇᬦᬶᬗᬹᬤᬾᬲᬂᬧᬡ᭄ᬥᬶᬢᬵ᭞ᬯ᭄ᬭᬸᬄᬬᬫᬸᬚᬭᬓᭂᬦ᭄‌ᬧᬭᬫᬃᬣ᭞ᬇᬓᬂᬅᬢᬢ᭄‌ᬳᬶᬦᬶᬗᬸᬤᬾᬦᬶᬂᬲᬯᬭ᭞ᬲᭀᬮᬳᬶᬂ ᬲᬯᬭᬢᬶᬦᬸᬢ᭄ᬦ᭄ᬬ᭟ᬓᬮᬶᬗᬦ᭄ᬬᬲᬂᬲᬃᬕ᭄ᬕᬚᬸᬕᬫᬕᬯᬾᬕᬸᬡᬤᭀᬱᬵ᭞ᬫᬗ᭄ᬓᬦᬢᬧ᭄ᬭ᭠ᬪᬹᬦ᭄ᬢᬲᬂᬲᬶᬗ᭄ᬳᬵᬰ᭄ᬭᬶᬘᬡ᭄ᬥᬧᬶᬗ᭄ᬕᬮᬵᬫᬲᬂᬲᬃᬕ᭄ᬕᬮᬯᬦ᭄‌ᬯᬺᬲᬪᬵ᭞ᬦᬶᬬᬢᬵᬢᬸᬫᬹᬢ᭄‌ᬭᬶᬳᬸᬮᬄᬦᬶᬂ [᭔᭓ 43A] ᬦᬡ᭄ᬥᬓᬵ᭟ᬫᬫᬗᬦ᭄ᬤᬸᬓᬸᬢ᭄᭟ᬅᬬ᭄ᬯᬢᬓᬶᬢᬲᬗ᭄ᬲᬬᬵ᭟ᬗ᭄ᬳᬸᬮᬸᬦ᭄ᬫᬕᬯᬬᬵᬚ᭄ᬭᬸᬫ᭄᭞ᬫ᭠ᬓᬤᭀᬦ᭄ᬧᬲᬳᬦᬶᬭᬲᬫᬶᬢ᭄ᬭᬮᬯᬦ᭄‌ᬦᬡ᭄ᬥᬓᬵ᭟ᬫᬗ᭄ᬓᬾᬗ᭄ᬳᬸᬮᬸᬦ᭄ᬫᬭᬾᬂᬦᬡ᭄ᬥᬓᬵ᭟ᬮᬸᬗ᭄ᬳᬢᬲᬂᬲᬫ᭄ᬪᬤ᭞ ᬫᬾᬭᬾᬂᬲᬂᬦᬡ᭄ᬥᬓᬵ᭟ᬫᬧᬢᬓᬵᬮᬤᬾᬰ᭞ᬭᬶᬧᬧᬲᬄᬦᬶᬂᬲᬶᬗ᭄ᬳᬵᬫ᭄ᬯᬂᬯᬺᬲᬪᬵ᭟᭜᭟ᬇᬢᬶᬢᬦ᭄ᬢ᭄ᬭᬶᬘᬭᬶᬢᬵ᭞ᬲᬫ᭄ᬪᬥᬰᬺᬕ᭄ᬕᬮᬵᬲᬗ᭄ᬖ᭄ᬬ᭞ᬭᬵᬚᬤ᭄ᬭᬸᬫᬘᬭᬶᬢᬵ᭟᭜᭟ᬅᬢᬥᬾᬭᬅᬦᬄᬘᬢᬹᬃᬢ᭄ᬢ ᬲᬃᬕ᭄ᬕᬄ᭟᭜᭟ᬭᬶᬥᬢᬂᬇᬓᬂᬰᬺᬕ᭄ᬕᬮᬵᬇᬭᬶᬓᬂᬳᬮᬲ᭄᭞ᬓᬳᬦᬦᬶᬓᬂᬦᬡ᭄ᬥᬓᬵ᭞ᬲ᭄ᬥᬂᬅ᭠ᬗ᭄ᬳᭂᬩ᭄‌ᬇᬭᬶᬓᬂᬕ᭄ᬭᭀᬥᬧᬥᬧᬵ᭞ᬲᬫᬶᬧᬥᬥᬭ᭞ᬭᬶᬲᬵᬫ᭄ᬧᬸᬦ᭄ᬬᬫᬫᬗᬦ᭄‌ᬫᬤ᭄ᬬᬸᬲ᭄᭞ᬫᬸᬗ᭄ᬕᬸᬄᬫᬗ᭄ᬳᭂᬩᬄ ᬇᬭᬶᬓᬂᬯᬭᬶᬗᬶᬦ᭄᭞ᬫᬮᬶᬮᬵᬋᬫ᭄ᬧᬵ᭟ᬢ᭄ᬓᬧ᭄ᬯᬢᬂᬰᬺᬕᬮ᭞ᬫᬗᬥᭂᬕ᭄‌ᬲᬂᬦᬡ᭄ᬥᬓᬵ᭟ᬫᬲ᭄ᬕᭂᬄᬖᭀᬭᬯᬢᬓ᭄ᬯᬦ᭄᭞ᬤᭀᬦ᭄ᬲᬂᬰᬺᬕ᭄ᬕᬮᬥᬢᬂ᭟ᬲᬃᬚ᭄ᬚᬯᬢᬂᬰ᭄ᬭᬕ᭄ᬕᬮᬫᬚᬃ᭞ᬤᭀᬦ᭄ᬬᬧ᭄ᬯᬗᬭᬦ᭄ᬬ᭟

Auto-transliteration

[42 42B] 42 parameśwara. ikangyogyamunggwingjabā, ikangtumĕguhaknakaprabhūnparameśwara, dadihar̥ĕpumunggwanaknāringjro, wyakti'ikangcatustaṇdhamantrideparameśwaramarekā, awkasanmi ntonakĕnkasatyanyā, matwan. umatūrakĕnmaṣṭakanya, riwdhinya'ajñāmahārājadewatthā, śrihajipadhipā. mwangajñāparameśwara, mapātamangketmaḥparameśwarā. kela ngankasukan, mangkanalingnikangatat. mangkanatakramaningsangsar̀gga, ikangatatiningūdesangpaṇdhitā, wruḥyamujarakĕnparamar̀tha, ikangatat'hiningudeningsawara, solahing sawaratinutnya. kalinganyasangsar̀ggajugamagaweguṇadosyā, mangkanatapra‐bhūntasangsinghāśricaṇdhapinggalāmasangsar̀ggalawanwr̥ĕsabhā, niyatātumūtrihulaḥning [43 43A] naṇdhakā. mamangandukut. aywatakitasangsayā. nghulunmagawayājrum, ma‐kadonpasahanirasamitralawannaṇdhakā. mangkenghulunmarengnaṇdhakā. lunghatasangsambhada, merengsangnaṇdhakā. mapatakāladeśa, ripapasaḥningsinghāmwangwr̥ĕsabhā \\•\\ ititantricaritā, sambhadhaśr̥ĕggalāsangghya, rājadrumacaritā \\•\\ atadhera'anaḥcatūr̀tta sar̀ggaḥ \\•\\ ridhatangikangśr̥ĕggalā'irikanghalas, kahananikangnaṇdhakā, sdhanga‐nghĕbirikanggrodhapadhapā, samipadhadhara, risāmpunyamamanganmadyus, mungguḥmanghĕbaḥ irikangwaringin, malilār̥ĕmpā. tkapwatangśr̥ĕgala, mangadhĕgsangnaṇdhakā. masgĕḥghorawatakwan, donsangśr̥ĕggaladhatang. sar̀jjawatangśraggalamajar̀, donyapwangaranya.

Leaf 43

Image on Archive.org

[᭔᭓ 43B] ᭔᭓ ᬅᬉᬫ᭄‌ᬲᬂᬦᬡ᭄ᬥᬓᬵ᭞ᬓᬶᬧ᭄ᬯᬲᬂᬤᬾᬯᬢ᭄ᬣᬵᬧᬸᬢ᭄ᬭᬵ᭞ᬲᬹᬃᬬ᭄ᬬᬯᬗ᭄ᬰᬵ᭞ᬯ᭄ᬓᬲᬂᬲᬸᬭᬩᬶ᭞ᬲᬂᬧᬶᬦᬓᬢᬡ᭄ᬥᬪᬝᬭᬧᬭᬫᬾᬰ᭄ᬯᬭᬵ᭟ᬮᬶᬗ᭄ᬳᬦᬶᬗ᭄ᬳᬸᬮᬸᬦᬶᬭᬶᬓᬶᬢᬵ᭞ᬬᬦ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬫᬗᬭᬦ᭄‌ᬲᬂ ᬦᬡ᭄ᬥᬓᬵ᭟ᬧᬺᬓᬱᬓᬋᬗ᭄ᬳᬵᬓᭀᬢ᭄ᬢᬫᬦ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬫᬗ᭄ᬓᬾᬧ᭄ᬯᬓᬧᬗ᭄ᬕᬶᬄᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬧ᭄ᬭᬢ᭄ᬬᬓ᭄ᬱᬓᬢᬶᬗ᭄ᬳᬮᬦ᭄᭟ᬅᬕᬫᬕᬫᬫᬺᬕ᭄ᬖᬮᬓ᭄ᬱᬡᬲᬫ᭄ᬧᬹᬃᬡ᭄ᬦᬵ᭞ᬢᬦ᭄ᬲᬫᬲ ᬫᬭᬹᬧᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬮᬯᬦ᭄‌ᬫᬺᬕ᭄ᬖᬭᬶᬓᬂᬳᬮᬲ᭄᭟ᬭᬶᬓᬮᬶᬲ᭄ᬢᬸᬳᬬᬸᬦ᭄ᬢ᭞ᬇᬓᬶᬦᬶᬫᬶᬢ᭄ᬢᬦᬶᬂᬯ᭄ᬭᬸᬄᬭᬶᬧᬶᬦᬓᬗ᭄ᬳᬸᬮᬸᬦ᭄‌ᬭᬶᬂᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞᭚ᬅᬘᬭᬓᬸᬮᬵᬫᬓ᭄ᬬᬦ᭄ᬢᬶᬄ᭞ᬤᬾᬰ ᬫ᭄‌ᬫ᭄ᬬᬓᬢᬶᬄᬪᬰᬢᬫ᭄᭞ᬘᬓ᭄ᬧ᭄ᬬᬸᬄᬳᬺᬤ᭄ᬥᬬᬄᬫᬓ᭄ᬬᬢᬶᬄ᭞ᬪᬧᬸᬄᬭᬦᬶᬬᬢᬶᬪᭀᬚᬦᬫ᭄᭟ᬧᬗᬯ᭄ᬭᬸᬳᬭᬶᬓᬸᬮᬘᬭ᭞ᬫᬶᬦ᭄ᬢᭀᬦᬓᭂᬦ᭄ᬧᬗᬯ᭄ᬭᬸᬄᬭᬶᬂᬤᬾᬰ᭞ᬤᬰᬬᬫᬭᬳᬓᭂᬦ᭄᭞ᬲᬓᬯ᭄ᬭᬸᬳᬦᬶᬂ [᭔᭔ 44A] ᬳᬢᬶ᭟ᬫᬲᬬᬫᬭᬳᬓᭂᬦ᭄ᬬ᭞ᬓᬓᬢᭀᬦᬦᬶᬂᬰᬭᬶᬭ᭞ᬬᬫᬭᬳᬓᭂᬦᬶᬓᬂᬳᬾᬦᬓᬶᬂᬧᬶᬦᬗᬦ᭄᭞ᬫ᭄ᬯᬂᬢᬦᬾᬦᬓ᭄ᬦ᭄ᬬᬵ᭟ᬫᬗ᭄ᬓᬦᬢᬲ᭄ᬯᬪᬯᬦ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬫᬓᬧᬗᬯ᭄ᬭᬸᬦᬶᬂᬧᬶᬦᬓᬗ᭄ᬳᬸᬮᬸᬦ᭄᭞ᬬᬦᬡ᭄ᬥᬓᬭᬳ ᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬓᬸᬦᬂᬳᬸᬮᬸᬧ᭄ᬯᬵ᭞ᬢᬭᬸᬳᬭᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬲᬫᬦ᭄ᬬᬫᬺᬕ᭄ᬖᬗ᭄ᬳᬸᬮᬸᬦ᭄᭞ᬢᬦ᭄ᬳᬦᬯ᭄ᬯᬂᬳᬯ᭄ᬭᬸᬳᬵ᭞ᬮ᭄ᬬᬦᬲᬗ᭄ᬓᬾᬯᬭᬄ᭟ᬫ᭄ᬯᬂᬓᭀᬢ᭄ᬲᬳᬵᬲᬂᬫᬢᬜ᭞ᬦᬶᬫᬶᬢ᭄ᬢᬦᬶᬓᬶᬦᬯ᭄ᬭᬸᬳᬦ᭄ᬕᬢᬶᬦᬶᬂᬕᬸᬡᬇᬓᬶ᭟᭠ ᬬᬢᬦᬶᬫᬶᬢ᭄ᬢᬦᬶᬂᬫᬵᬚᬃᬳᬶᬳᬢᬶᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬳᬾᬢᬸᬦᬶᬂᬯ᭄ᬯᬂᬫᬭᬗ᭄ᬓᬾ᭟ᬫᬗᬺᬗ᭄ᬳᬵᬭᬳᬤ᭄ᬬᬦ᭄‌ᬲᬗ᭄ᬳᬸᬮᬸᬦ᭄ᬲᬫᬶᬢ᭄ᬭᬮᬯᬦ᭄‌ᬢ᭄ᬯᬦᬶᬗ᭄ᬳᬸᬮᬸᬦ᭄‌ᬲᬂᬲᬶᬗ᭄ᬳᬵᬘᬡ᭄ᬥᬧᬶᬗ᭄ᬕᬮᬵ᭟ᬭᬶᬯ᭄ᬭᬸᬳᬵᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬗ᭄ᬳᬸᬮᬸᬦ᭄ᬯ ᬤ᭄ᬯᬦ᭄ᬲᬂᬘᬡ᭄ᬥᬧᬶᬗ᭄ᬕᬮᬵ᭟ᬤᬾᬦ᭄ᬓᬤᬶᬯᬶᬲ᭄ᬯᬲᬦ᭄‌ᬭᬶᬢ᭄ᬯᬦᬶᬗ᭄ᬳᬸᬮᬸᬦ᭄᭞ᬫᬗ᭄ᬓᬦᬯᬶᬲ᭄ᬯᬲᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬫᬗ᭄ᬓᬦᬮᬶᬂᬲᬂᬲᬫ᭄ᬪᬥ᭞ᬲᬸᬫᬳᬹᬃᬲᬂᬦᬡ᭄ᬥᬓᬵ᭞ᬮᬶᬂᬦ᭄ᬬ᭟ᬅᬉᬫ᭄‌ᬓᬶᬢᬧ᭄ᬯᬗᬭᬦ᭄‌ᬲᬫ᭄ᬪᬤᬵ᭟ᬇᬓᬂᬧᬶᬦᬓᬵ

Auto-transliteration

[43 43B] 43 a'umsangnaṇdhakā, kipwasangdewatthāputrā, sūr̀yyawangśā, wkasangsurabi, sangpinakataṇdhabhaṭaraparameśwarā. linghaninghulunirikitā, yanrahadyansanghulunmangaransang naṇdhakā. pr̥ĕkaṣakar̥ĕnghākottamanrahadyansanghulun. mangkepwakapanggiḥrahadyansanghulun, pratyakṣakatinghalan. agamagamamr̥ĕgghalakṣaṇasampūr̀ṇnā, tansamasa marūparahadyansanghulunlawanmr̥ĕggharikanghalas. rikalistuhayunta, ikinimittaningwruḥripinakanghulunringrahadyansanghulun, // acarakulāmakyantiḥ, deśa mmyakatiḥbhaśatam, cakpyuḥhr̥ĕddhayaḥmakyatiḥ, bhapuḥraniyatibhojanam. pangawruharikulacara, mintonakĕnpangawruḥringdeśa, daśayamarahakĕn, sakawruhaning [44 44A] hati. masayamarahakĕnya, kakatonaningśarira, yamarahakĕnikanghenakingpinangan, mwangtanenaknyā. mangkanataswabhawanrahadyansanghulun, makapangawruningpinakanghulun, yanaṇdhakaraha dyansanghulun. kunanghulupwā, taruhararahadyansanghulun. samanyamr̥ĕgghanghulun, tanhanawwanghawruhā, lyanasangkewaraḥ. mwangkotsahāsangmataña, nimittanikinawruhan'gatiningguṇa'iki. ‐ yatanimittaningmājar̀hihatirahadyansanghulun, hetuningwwangmarangke. mangr̥ĕnghārahadyansanghulunsamitralawantwaninghulunsangsinghācaṇdhapinggalā. riwruhārahadyansanghulun, nghulunwa dwansangcaṇdhapinggalā. denkadiwiswasanritwaninghulun, mangkanawiswasarahadyansanghulun. mangkanalingsangsambhadha, sumahūr̀sangnaṇdhakā, lingnya. a'umkitapwangaransambhadā. ikangpinakā

Leaf 44

Image on Archive.org

[᭔᭔ 44B] ᭔᭔ ᬧᬢᬶᬄᬲᬂᬘᬡ᭄ᬥᬧᬗ᭄ᬕᬮᬵ᭟ᬓᬶᬢᬦᬶᬢ᭄ᬬᬇᬦᬸᬘᬧ᭄᭞ᬲᬶᬦᭂᬗ᭄ᬕ᭄ᬯᬬᬦ᭄ᬓᬢ᭄ᬣᬵᬯᬶᬘᬓ᭄ᬱᬡ᭞ᬦᬶᬢ᭄ᬬᬵᬯᬭᬄᬭᬶᬂᬳᭀᬧᬵᬤᬾᬬᬵ᭞ᬭᭀᬯᬗᬶᬭᬵᬗ᭄ᬭᬓ᭄ᬱᬫᬺᬕ᭄ᬖᬧ᭄ᬭᬚᬵ᭟ᬅᬉᬫ᭄ᬢᬸᬮᬸᬲᬓᭂᬦ᭄ᬲᬶᬄᬢᬭᬶᬂᬲᬶᬗ᭄ᬳᬵ᭞ᬢᬸᬫᬸᬮᬸᬲᬲᬶᬳᬵᬭᬶᬗ᭄ᬳᬸᬮᬸᬦ᭄᭟ᬓᬶᬢ ᬫ᭄ᬭᬢᬶᬲᬸᬫᬤ᭄ᬥ᭄ᬬᬓ᭄ᬦᬧᬫᬶᬢ᭄ᬭᬦᬶᬗ᭄ᬳᬸᬮᬸᬦ᭄‌ᬮᬯᬦ᭄‌ᬲᬂᬲᬶᬗ᭄ᬳᬵ᭟ᬅᬧᬦ᭄‌ᬲᬶᬭᬵᬭᬵᬚᬲ᭄ᬯᬪᬵᬯᬵᬪᬵᬯᬵ᭞ᬯ᭄ᬦᬂᬫᬸᬮᬳᬓᭂᬦᬵᬦᬸᬕ᭄ᬭᬳᬯᬶᬕ᭄ᬭᬳᬵ᭞ᬓᬶᬢᬵᬰᬭᬡᬦᬶᬗ᭄ᬳᬸᬮᬸᬦ᭄‌ᬳᬰᬾᬯᬓᬵᬭᬶᬲᬂᬲᬶᬗ᭄ᬳᬵ᭞ᬫᬸᬧᬓ᭄ᬱᬫᬓ᭄ᬦᬘᬮᬦᬶᬂᬰᬶᬮᬦᬶᬗ᭄ᬳᬸᬮᬸ ᬦ᭄ᬭᬶᬳᬦᬕᬢᬵ᭟ᬫᬗ᭄ᬓᬾᬧ᭄ᬯᬭᬶᬥᬢᬂᬢᬵ᭞ᬪᬕ᭄ᬬᬦᬶᬗ᭄ᬳᬸᬮᬸᬦᬶᬓᬶ᭞ᬦ᭄ᬤᬄᬓᬶᬢᬵᬫᬸᬚᬭᬓ᭄ᬦᬭᬶᬗ᭄ᬳᬸᬮᬸᬦ᭄᭞ᬭᬳᬢᬦᬲᭀᬮᬄᬰᬾᬯᬓᬭᬶᬂᬲᬂᬘᬡ᭄ᬥᬶᬧᬶᬗ᭄ᬕᬮᬵ᭟ᬧᬶᬲᬦᬶᬗ᭄ᬳᬸᬓᬶᬢᬢᬯ᭄ᬭᬸᬄᬳᬶᬲ᭄ᬯᬪᬵᬯᬲᬂᬲᬶᬗ᭄ᬳᬵ᭞ᬓᬵᬢᬲᬶᬳᬦ᭄ᬢ᭠ ᬭᬶᬗ᭄ᬳᬸᬮᬸᬦ᭄᭞ᬯᬭᬳᭂᬦᬶᬭᬾᬓᬶᬲᭀᬧᬤᬾᬰᬵ᭟ᬫᬗ᭄ᬓᬦᬮᬶᬂᬲᬂᬦᬡ᭄ᬥᬓᬵ᭟ᬲᬸᬫᬳᬹᬃᬲᬂᬲᬫ᭄ᬪᬥ᭞ᬮᬶᬂᬦ᭄ᬬ᭟ᬅᬉᬫ᭄‌ᬲᬂᬦᬡ᭄ᬥᬓᬵ᭞ᬢᬦ᭄‌ᬲᬗ᭄ᬲᬬᬵᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬭᬶᬰᬸᬰ᭄ᬭᬸᬲᬦᬶᬗ᭄ᬳᬸᬮᬸᬦ᭄ᬭᬶᬂᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ [᭔᭕ 45A] ᬤᭀᬦ᭄ᬬᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄ᬇᬓᬂᬯ᭄ᬦᬂᬧᬭᬰ᭄ᬭᬬᬦᬶᬗ᭄ᬳᬸᬮᬸᬦ᭄ᬭᬶᬂᬳᬬᬸ᭟ᬯ᭄ᬦᬂᬫᬢᬗᭂᬳᬵᬭᬶᬂᬳᬮᬦᬶᬂᬳᬸᬮᬄᬲᬂᬲᬶᬗ᭄ᬳᬵ᭞ᬫᬗ᭄ᬕᬮᬂᬳᬲᬶᬄ᭟ᬫᬗᬸᬧᬓ᭄ᬱᬫᬵᬓ᭄ᬦᬇᬓᬶᬂᬰ᭄ᬭᬕ᭄ᬕᬮᬵ᭞ᬅᬧᬦ᭄ᬲ᭄ᬯᬪᬵᬯᬲᬂᬲᬶᬗ᭄ᬳᬵᬕᭃᬂᬓ᭄ᬭᭀᬥ᭞ᬕᭃᬂᬳᬲᬶᬄ᭞ ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬯ᭄ᬦᬂᬫᬢᬸᬢᬹᬭᬦᬲᬶᬭᬵ᭞ᬅᬦᬧᭀᬯᬤ᭄ᬥᬦᬶᬂᬧᬓ᭄ᬱᬧᬯᬺᬢ᭄ᬢᬶᬦᬶᬭᬵ᭞ᬢᬸᬮᬸᬲᬓ᭄ᬦᬓᬫᬳᬢ᭄ᬫ᭄ᬬᬦᬶᬭᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬅᬬ᭄ᬯᬫᬶᬤᬶᬇᬓᬶᬧᬤᬸᬫ᭄ᬦᬶᬂᬇᬦᬓᬵᬫ᭄ᬩᭂᬓ᭄᭞ᬅᬧᬦ᭄ᬫᬗ᭄ᬓᬦᬓ᭄ᬭᬫᬲᬂᬲ ᬥᬸᬓᬤᬶᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟᭚ᬦᬶᬃᬕᬸᬡᬾᬰ᭄ᬯᬯᬶᬲᬃᬯ᭄ᬯᬾᬲᬸ᭞ᬤᬰᬢᬸᬳ᭄ᬯᬦ᭄ᬢᬶᬲᬤᬯᬄ᭞ᬦᬳᬶᬲᬗ᭄ᬓᬵᬢᬶᬚ᭄ᬯᭀᬢᬲᬵ᭞ᬘᬡ᭄ᬥ᭄ᬭᬘᬡ᭄ᬥᬮᬲᬾᬲ᭄ᬫᬦᬫ᭄᭟ᬲᬂᬲᬥᬸ᭞ᬲᬶᬭᬢᬦ᭄ᬧᬕᬸᬡ᭞ᬅᬧᬶᬢ᭄ᬯᬶᬲᬫᬦᬾᬦᬶᬭᬮᬯ ᬦ᭄ᬫᬕᬸᬡ᭟ᬫᬗ᭄ᬓᬦᬢᬾᬓᬂᬳᬸᬮᬄᬢᬵ᭞ᬧᬥᬢᬉᬢ᭄ᬢᬦᬶᬭ᭟ᬓᬧ᭄ᬯᬢᬤᬵᬧᬶᬮᬶᬄᬳᬸᬗ᭄ᬕ᭄ᬯᬦᬶᬘᬯᬶᬸᬫᬯᬾᬄᬲᬸᬓᬵ᭞ᬓᬤᬶᬢᬾᬚᬲᬗ᭄ᬳ᭄ᬬᬂᬯᬸᬮᬦ᭄᭟ᬬᬤ᭄ᬬᬧᬶᬦ᭄‌ᬳᬸᬫᬳᬶᬘᬡ᭄ᬥᬮᬢ᭄ᬯᬶ᭞ᬲᬶᬦᬸᬮᬸᬳᬦᬶᬭᬵᬬᬵ᭟

Auto-transliteration

[44 44B] 44 patiḥsangcaṇdhapanggalā. kitanitya'inucap, sinĕnggwayankatthāwicakṣaṇa, nityāwaraḥringhopādeyā, rowangirāngrakṣamr̥ĕgghaprajā. a'umtulusakĕnsiḥtaringsinghā, tumulusasihāringhulun. kita mratisumaddhyaknapamitraninghulunlawansangsinghā. apansirārājaswabhāwābhāwā, wnangmulahakĕnānugrahawigrahā, kitāśaraṇaninghulunhaśewakārisangsinghā, mupakṣamaknacalaningśilaninghulu nrihanagatā. mangkepwaridhatangtā, bhagyaninghuluniki, ndaḥkitāmujaraknaringhulun, rahatanasolaḥśewakaringsangcaṇdhipinggalā. pisaninghukitatawruḥhiswabhāwasangsinghā, kātasihanta‐ ringhulun, warahĕnirekisopadeśā. mangkanalingsangnaṇdhakā. sumahūr̀sangsambhadha, lingnya. a'umsangnaṇdhakā, tansangsayārahadyansanghulun, riśuśrusaninghulunringrahadyansanghulun. [45 45A] donyarahadyansanghulunikangwnangparaśrayaninghulunringhayu. wnangmatangĕhāringhalaninghulaḥsangsinghā, manggalanghasiḥ. mangupakṣamākna'ikingśraggalā, apanswabhāwasangsinghāgöngkrodha, gönghasiḥ, rahadyansanghulunwnangmatutūranasirā, anapowaddhaningpakṣapawr̥ĕttinirā, tulusaknakamahatmyanirarahadyansanghulun. aywamidi'ikipadumninginakāmbĕk, apanmangkanakramasangsa dhukadirahadyansanghulun. // nir̀guṇeśwawisar̀wwesu, daśatuhwantisadawaḥ, nahisangkātijwotasā, caṇdhracaṇdhalasesmanam. sangsadhu, siratanpaguṇa, apitwisamaneniralawa nmaguṇa. mangkanatekanghulaḥtā, padhata'uttanira. kapwatadāpiliḥhunggwanicaw̶maweḥsukā, kaditejasanghyangwulan. yadyapinhumahicaṇdhalatwi, sinuluhanirāyā.

Leaf 45

Image on Archive.org

[᭔᭕ 45B] ᭔᭕ ᬲᬗ᭄ᬳ᭄ᬬᬂᬯᬸᬮᬦ᭄ᬫᬯᬾᬄᬲᬸᬓᬵ᭟ᬫᬗ᭄ᬓᬦᬢᬭᬳᬤ᭄ᬬᬦ᭄‌ᬲᬗ᭄ᬳᬸᬮᬸᬦ᭄᭞ᬳᬸᬧᬫᬲᬦ᭄ᬢᭀᬲᬵᬧᬶᬦᬭᬦᬶᬗ᭄ᬳᬸᬮᬸᬦ᭄᭟ᬅᬧᬦ᭄ᬕᬢᬶᬦᬶᬂᬗ᭄ᬳᬸᬮᬸᬦ᭄‌ᬚᬸᬕᬳᬶᬦᬵ᭞ᬅᬫ᭄ᬩᭂᬓ᭄‌ᬲᬂᬘᬡ᭄ᬥᬧᬶᬗ᭄ᬕᬮᬬᬵᬬᬦᬵᬕᭃᬂᬓ᭄ᬭᭀᬥᬦᬶᬭ᭟ᬓᬶᬢᬢ᭠ ᬦ᭄ᬯ᭄ᬭᬸᬄᬭᬵᬚᬲᬗ᭄ᬳ᭄ᬬᬂᬥᬃᬫ᭄ᬫᬵ᭟ᬗ᭄ᬳᬸᬮᬸᬦ᭄‌ᬫᬫᬶᬦ᭄ᬢᬭᬶᬂᬭᬳᬤ᭄ᬬᬦ᭄‌ᬲᬗ᭄ᬳᬸᬮᬸᬦ᭄᭞ᬫᬭᬳᬦᬤᬾᬬᬦᬶᬂᬢᬧᬭᬶᬲᬂᬘᬡ᭄ᬥᬧᬶᬗ᭄ᬕᬮᬵ᭞ᬭᬶᬂᬳᬧᬢᬓᬧᬶᬗ᭄ᬕᬶᬗᬾᬭᬶᬓᬵ᭟ᬲ᭄ᬯᬪᬵᬯᬦᬶᬂᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬯᬶᬘᬓ᭄ᬱᬡ᭞ᬪᬶᬲᬵᬫᬶᬮᬶᬄᬕᬸ ᬡᬦᬶᬮ᭄ᬬᬦ᭄᭞ᬬᬤ᭄ᬬᬧᬶᬦ᭄ᬲᬲᬗ᭄ᬓᬦᬶᬂᬕᬸᬡᬳᬶᬦᬮᬧ᭄᭟᭚ᬯᬃᬱᬤᬲ᭄ᬬᬫᬺᬢ᭄ᬢᬗ᭄ᬕᬵᬲᬶᬭ᭞ᬫᬫᬾᬤ᭄ᬥᬤᬧᬶᬓᬜ᭄ᬘᬡᬫ᭄᭞ᬦᬶᬘ᭄ᬘᬤ᭄ᬬᬧ᭄‌ᬉᬢ᭄ᬢᬫᬯᬶᬥ᭄ᬬᬫ᭄᭞ᬲ᭄ᬢ᭄ᬭᬷᬭᬵᬢ᭄ᬦᬤ᭄ᬬᬸᬲ᭄‌ᬓᬸᬮᬘᬧᬶ᭟ᬇᬓᬂᬅᬫᬺᬢ᭄ᬢᬲᬓᬶᬂᬯᬶᬥ᭄ᬬᬧᬶᬢ᭄ᬯᬶ᭞ ᬇᬦᬮᬧᬶᬓᬵᬤᬾᬲᬂᬧ᭄ᬭᬚ᭄ᬜᬵᬳᬶᬦᬃᬬ᭄ᬬᬓᭂᬦ᭄‌ᬯᬶᬱ᭄ᬬᬦ᭄ᬬ᭞ᬫᬗ᭄ᬓᬦᬗᬭᬶᬕᭂᬤ᭄‌ᬘᬫ᭄ᬧᬹᬃᬳᬦᬢᬦ᭄ᬫᬭᬶᬦᬶᬓᬵ᭟ᬢᬶᬦᬶᬗ᭄ᬕᬮᬓᭂᬦ᭄‌ᬘᬫ᭄ᬧᬹᬃᬦ᭄ᬬᬫ᭄ᬯᬂᬭᬶᬕᭂᬤ᭄ᬦ᭄ᬬ᭞ᬫᬵᬲ᭄ᬚᬸᬕᬇᬗᬦ᭄ᬬᬳᬶᬦᬮᬧ᭄ᬦ᭄ᬬ᭟ᬫᬗ᭄ᬓᬦᬕᬸᬡ᭞ᬫᬓᬤᬶᬯᬶᬥ᭄ᬬ᭞ [᭔᭖ 46A] ᬫᬓᬕᬸᬡᬦᬶᬂᬯ᭄ᬯᬂ᭟ᬲᭀᬃᬚᬦ᭄ᬫᬦ᭄ᬬᬢ᭄ᬯᬶ᭞ᬢᬦ᭄ᬓᬢᬹᬢᬶᬓᬂᬳᬮᬦᬶᬂᬲ᭄ᬣᬦᬦ᭄ᬬ᭞ᬕᬸᬡᬦ᭄ᬬᬚᬸᬕᬇᬦᬮᬧ᭄ᬦ᭄ᬬᬤᬾᬲᬂᬧ᭄ᬭᬚ᭄ᬜᬵ᭟ᬫᬗ᭄ᬓᬦᬢᬾᬓᬂᬲ᭄ᬢ᭄ᬭᬷ᭞ᬫᬶᬚᬶᬮ᭄‌ᬲᬓᬶᬂᬢᬦ᭄ᬲᬸᬚᬦ᭄ᬫᬵ᭟ᬦ᭄ᬤᬦ᭄ᬬᬲ᭄ᬢ᭄ᬭᬷᬲᬸᬘᬶᬲᬸᬰᬶᬮᬵ᭞ᬧᬢᬶᬩ᭄ᬭᬢ᭄ᬣᬵ᭞ᬲᬸᬭᬹᬧᬵ᭞ᬢᬶᬦᬶᬗ᭄ᬕ ᬮᬓᭂᬦ᭄ᬢᬶᬓᬵᬤᭀᬱᬦᬶᬂᬢᬦ᭄ᬲᬸᬚᬦ᭄ᬫᬦ᭄ᬬ᭞ᬧᬗᬍᬯᬶᬄᬦ᭄ᬬᬇᬦᬮᬧ᭄ᬤᬾᬦ᭄ᬬ᭟ᬲᬂᬫᬳᬵᬧ᭄ᬭᬚ᭄ᬜᬵᬭᬶᬯ᭄ᬭᬸᬄᬳᬶᬭᬗᬮᬧ᭄ᬕᬸᬡᬵ᭞ᬧᬶᬦᬓᬢᭂᬫ᭄ᬩᬾᬳᬦᬶᬂᬕᬸᬡᬦᬶᬭᬵ᭟ᬭᬶᬦ᭄ᬕᭂᬧᬶᬭᬢᬯᬰᬡ᭞ᬫᬦ᭄ᬤᬤ᭄ᬬᬓᭂᬦᬶᬂᬳᬩ᭄ᬘᬶᬓᬶᬂᬲ᭄ᬯᬰᬭᬶᬭᬦᬶᬭᬵ᭟ᬲᬗ᭄ᬓ ᬦᬶᬭᬗᬸᬚᬃᬭᬳᬬᬸᬓᬶᬦᬬᬢ᭄ᬦᬓᭂᬦᬶᬭᬵ᭟ᬪᬾᬤ᭄ᬥᬮᬯᬦ᭄ᬩᬤ᭄ᬥᬶᬦᬶᬗᬧᬸᬗ᭄ᬕᬸᬂ᭞ᬫᬫ᭄ᬩᭂᬓᬓᭂᬦ᭄ᬯᬶᬱᬩᬸᬤ᭄ᬥᬶᬦᬶᬓ᭞ᬢᬦ᭄ᬯ᭄ᬭᬸᬄᬬᬦᬵᬦᭂᬫ᭄ᬯᬵᬮᬰᬭᬶᬭᬦ᭄ᬬ᭟ᬢᬦ᭄ᬧᬗᬺᬗ᭄ᬳᬵᬮᬶᬗᬦᬶᬂᬧᬭᬵᬬᬦ᭄ᬭᬳᬬᬸ᭟ᬫᬗ᭄ᬕᬮᬓᬲᬺᬗᭂᬦ᭄‌ᬬᬦᬵᬰᬩ᭄ᬥᬵ ᬯᬳ᭄ᬬᬵ᭞ᬢᬦ᭄ᬯ᭄ᬭᬸᬄᬬᬦᬫ᭄ᬯᬵᬳᬮᬫᬓᬧᬸᬧᬸᬢᬂᬧᬢᬶ᭟ᬓᬤᬶᬓᬂᬧᬲ᭄᭞ᬢᬦ᭄ᬧᬗᬺᬗ᭄ᬳᬵᬳᬸᬚᬭᬶᬂᬇᬢᬶᬯᬰᬡ᭞ᬮᬶᬂᬦᬶᬂᬳᬗ᭄ᬰᬵᬫᬶᬢ᭄ᬭᬦ᭄ᬬ᭟ᬫᬗ᭄ᬓᬦᬮᬶᬂᬲᬂᬲᬫ᭄ᬪᬥᬵᬰ᭄ᬭᬕ᭄ᬕᬮᬵ᭞ᬲᬸᬫᬳᬹᬃᬲᬂᬦᬡ᭄ᬥᬓᬵ᭟ᬮᬶᬂᬦ᭄ᬬ᭟ᬅᬧᬵᬢᬘ

Auto-transliteration

[45 45B] 45 sanghyangwulanmaweḥsukā. mangkanatarahadyansanghulun, hupamasantosāpinaraninghulun. apan'gatiningnghulunjugahinā, ambĕksangcaṇdhapinggalayāyanāgöngkrodhanira. kitata‐ nwruḥrājasanghyangdhar̀mmā. nghulunmamintaringrahadyansanghulun, marahanadeyaningtaparisangcaṇdhapinggalā, ringhapatakapinggingerikā. swabhāwaningrahadyansanghulunwicakṣaṇa, bhisāmiliḥgu ṇanilyan, yadyapinsasangkaningguṇahinalap. // war̀ṣadasyamr̥ĕttanggāsira, mameddhadapikañcaṇam, niccadyaputtamawidhyam, strīrātnadyuskulacapi. ikangamr̥ĕttasakingwidhyapitwi, inalapikādesangprajñāhinar̀yyakĕnwiṣyanya, mangkanangarigĕdcampūr̀hanatanmarinikā. tininggalakĕncampūr̀nyamwangrigĕdnya, māsjuga'inganyahinalapnya. mangkanaguṇa, makadiwidhya, [46 46A] makaguṇaningwwang. sor̀janmanyatwi, tankatūtikanghalaningsthananya, guṇanyajuga'inalapnyadesangprajñā. mangkanatekangstrī, mijilsakingtansujanmā. ndanyastrīsucisuśilā, patibratthā, surūpā, tiningga lakĕntikādoṣaningtansujanmanya, pangal̥ĕwiḥnya'inalapdenya. sangmahāprajñāriwruḥhirangalapguṇā, pinakatĕmbehaningguṇanirā. rin'gĕpiratawaśaṇa, mandadyakĕninghabcikingswaśariranirā. sangka nirangujar̀rahayukinayatnakĕnirā. bheddhalawanbaddhiningapunggung, mambĕkakĕnwiṣabuddhinika, tanwruḥyanānĕmwālaśariranya. tanpangr̥ĕnghālinganingparāyanrahayu. manggalakasr̥ĕngĕnyanāśabdhā wahyā, tanwruḥyanamwāhalamakapuputangpati. kadikangpas, tanpangr̥ĕnghāhujaringitiwaśaṇa, lingninghangśāmitranya. mangkanalingsangsambhadhāśraggalā, sumahūr̀sangnaṇdhakā. lingnya. apātaca

Leaf 46

Image on Archive.org

[᭔᭖ 46B] ᭔᭖ ᬭᬶᬢᬦᬶᬓᬂᬧᬵᬲ᭄᭞ᬢᬦ᭄ᬧᬫᬶᬦ᭄ᬢᬸᬳᬸᬢᬦ᭄ᬧᬗ᭄ᬭᬸᬗᬸᬧᬶᬢᬸᬢᬹᬭᬶᬂᬅᬗ᭄ᬰᬵ᭞ᬬᬢᬢᬶᬦ᭄ᬫᬸᬦ᭄ᬬᬅᬳᬮᬵ᭟ᬧᬘᬭᬶᬢ᭠ᬓ᭄ᬦᬵᬗ᭄ᬳᬸᬮᬸᬦ᭄᭟ᬲᬸᬫᬳᬹᬃᬇᬓᬂᬲᬫ᭄ᬪᬥᬵᬫᬘᬭᬶᬢᬵ᭟᭜᭟ᬇᬢᬶᬦᬡ᭄ᬥᬓᬵᬧ᭄ᬭᬓᬭᬡ᭞ᬲᬫ᭄ᬪᬤᬘᬭᬶᬢᬵ᭞ᬧᬜ᭄ᬘᬫ ᬲᬂᬲᬃᬕ᭄ᬕᬄ᭟᭜᭟ᬫᬘᬭᬶᬢᬵᬇᬓᬂᬰ᭄ᬭᬕ᭄ᬕᬮᬵ᭞ᬮᬶᬂᬦ᭄ᬬ᭟ᬳᬦᬢᬫ᭄ᬧᬲ᭄᭞ᬫᬸᬗ᭄ᬕ᭄ᬯᬶᬂᬢᬮᬕᬵᬓᬸᬫᬸᬥᬯᬢᬶᬗᬭᬦ᭄ᬬ᭟ᬭᬵᬫ᭄ᬬᬇᬓᬂᬢᬮᬕᬵ᭞ᬢᬸᬜ᭄ᬚᬸᬂᬫᬓ᭄ᬯᬾᬄᬳᬶᬭᬶᬬᬵ᭞ᬳᬦᬩᬂ᭞ᬳᬦᬩᬶᬭᬸ᭞ᬫ᭄ᬯᬂᬧᬸᬢᬶᬄᬯᬃᬡ᭄ᬦᬦᬶᬂᬢᬸᬜ᭄ᬚᬸᬂ᭟ᬳᬦᬵ ᬢᬅᬗ᭄ᬰᬲᬲᭀᬫᬄ᭞ᬫᬲᬪᬭ᭄ᬬ᭞ᬲᬗ᭄ᬓᬾᬂᬢᬮᬕᬵᬫᬦᬰᬭᬵ᭟ᬧᬦᬗ᭄ᬓᬦᬶᬗᬗ᭄ᬰᬵ᭞ᬲᬗ᭄ᬰᬬᬵᬲᬢ᭄‌ᬇᬓᬂᬢᬮᬕᬵᬫᬗᬋᬧᬓᭂᬦ᭄‌ᬮᬳ᭄ᬭᬸᬫᬲ᭟ᬫᬫ᭄ᬯᬶᬢᬶᬓᬂᬳᬗ᭄ᬰᬲᬶᬤᬹᬃᬩᬸᬤ᭄ᬥᬶ᭟ᬫᬫ᭄ᬯᬶᬢ᭄‌ᬗ᭄ᬳᬸᬮᬸᬦᬶᬭᬶᬓᬶᬢ᭞ᬫᬫᬶᬲᬢᬵ᭞ᬲᬳᬵᬲᬓᬾᬭᬶᬂᬢᬮᬕᬳᬶᬗ᭄ᬓᬾ᭟ᬲᬗᬰᬬᬵᬲᬢ᭄‌ᬇᬓᬂᬯᬾᬬᬶᬂᬢᬮᬕ᭞ᬅᬧᬶᬢ᭄ᬯᬶᬫᬗᬋᬧᬓᭂᬦ᭄ᬮᬳ᭄ᬭᬸᬫᬲᬵ᭞ᬲᬓᬭᬶᬂᬢᬤ᭄ᬓᬪᬶᬱᬦᬶᬗ᭄ᬳᬸᬮᬸᬦ᭄ᬓᬤᭀᬳᬦᬳ᭄ᬯᬾ᭞ᬦᬶᬫᬶᬢ᭄ᬢᬦᬶᬗ᭄ᬳᬸᬮᬸᬦ᭄‌ᬬᬦ᭄ᬫᬹᬭᬲᬓᬶᬗ᭄ᬓ [᭔᭗ 47A] ᬫᬸᬗ᭄ᬲ᭄ᬬᬾᬓᬂᬢᬮᬕᬇᬫᬯᬦ᭄‌ᬧᬃᬯ᭄ᬯᬢᬧᬯᬶᬢ᭄ᬭ᭞ᬢᬦᬵᬲᬢ᭄‌ᬤᬾᬦᬶᬂᬮᬳ᭄ᬭᬹᬓᬗ᭄ᬓᬂ᭞ᬇᬓᬂᬢᬮᬕᬵᬫᬦᬰᬭᬵ᭞ᬬᬾᬓᬵᬧᬭᬦᬶᬗ᭄ᬳᬸᬮᬸᬦ᭄᭞ᬫᬗ᭄ᬓᬦᬮᬶᬂᬦᬶᬂᬅᬗ᭄ᬰᬵ᭟ᬲᬸᬫᬳᬹᬃᬇᬓᬂᬫ᭄ᬧᬲ᭄᭟ᬫᬶᬢ᭄ᬭᬲᬂᬲᬗ᭄ᬰᬵᬤᬮᬸ ᬓᬥᬾᬲᬶᬦᬦ᭄ᬢᬵᬭᬶᬗ᭄ᬳᬸᬮᬸᬦ᭄᭞ᬫᬳ᭄ᬬᬸᬦ᭄ᬫᬢᬶᬗ᭄ᬕᬮ᭞ᬫᬫ᭄ᬭᬶᬄᬉᬭᬶᬧ᭄ᬤᬯᬓ᭄᭟ᬅᬧᬦ᭄ᬫᬫᬶᬲᬫᬵᬮᬯᬦ᭄ᬓᬶᬢᬵ᭞ᬢᬦ᭄ᬯᭂᬦᬂᬫᬤᭀᬳᬮᬯᬦ᭄‌ᬳ᭄ᬯᬾ᭞ᬢᬦ᭄ᬲᬳᬵᬗ᭄ᬳᬸᬮᬸᬦ᭄ᬲᬧᬭᬦ᭄ᬢᬵ᭞ᬢᬸᬫᬹᬢᬭᬶᬲ᭄ᬓᬤᬸᬄᬓᬦ᭄ᬢᬵ᭞ᬬᬢ ᬨᬮᬦᬶᬂᬗ᭄ᬳᬸᬮᬸᬦ᭄ᬲᬫᬶᬢ᭄ᬭᬮᬯᬦ᭄ᬓᬶᬢ᭟ᬯ᭄ᬦᬂᬧᬭᬲ᭄ᬧᬭᭀᬲ᭄‌ᬲᬃᬧ᭄ᬧᬦᬬᬵ᭞ᬉᬧᬰ᭄ᬭᬬᬭᬶᬂᬳᬬᬹᬲᬶᬮᬶᬄᬲᬸᬫ᭄ᬩᬄ᭞ᬫ᭄ᬓᬦᬮᬶᬂᬦᬶᬓᬂᬫ᭄ᬧᬲ᭄᭟ᬲᬸᬫᬳᬹᬃᬇᬓᬂᬅᬗ᭄ᬰ᭞ᬮᬶᬂᬦ᭄ᬬ᭟ᬅᬉᬫ᭄᭞ᬲᬶᬗ᭄ᬕᬶᬄᬢᬲᬂᬤᬹᬃᬩᬸᬤ᭄ᬥᬶ᭟ᬉᬥ ᬲᬶᬦᬦᬶᬗ᭄ᬳᬸᬮᬸᬦ᭄‌ᬳᬫᬶᬢ᭄ᬭᬳᬶᬭᬶᬓᬶᬢ᭞ᬲᬓᬭᬶᬢᬦ᭄ᬯᭂᬦᬂᬲᬮᬓᬸᬲᬾᬮ᭄ᬯᬦ᭄‌ᬮᬯᬦ᭄ᬓᬶᬢᬮᬯᬦ᭄‌ᬫᬫᬶ᭟ᬭᬾᬄᬫᬫᬶᬫᬶᬩᭂᬃ᭞ᬧᬢ᭄ᬯᬶᬳᬤᭀᬄᬇᬓᬂᬢᬮᬕᬫᬦᬰᬭᬵᬲᬓᬗ᭄ᬓᬾ᭞ᬫ᭄ᬯᬂᬳ᭄ᬮᭂᬢ᭄ᬦ᭄ᬬᬲᬗ᭄ᬓᬾᬭᬶᬗ᭄ᬓᬾ

Auto-transliteration

[46 46B] 46 ritanikangpās, tanpamintuhutanpangrungupitutūringangśā, yatatinmunya'ahalā. pacarita‐knānghulun. sumahūr̀ikangsambhadhāmacaritā \\•\\ itinaṇdhakāprakaraṇa, sambhadacaritā, pañcama sangsar̀ggaḥ \\•\\ macaritā'ikangśraggalā, lingnya. hanatampas, munggwingtalagākumudhawatingaranya. rāmya'ikangtalagā, tuñjungmakweḥhiriyā, hanabang, hanabiru, mwangputiḥwar̀ṇnaningtuñjung. hanā ta'angśasasomaḥ, masabharya, sangkengtalagāmanaśarā. panangkaningangśā, sangśayāsatikangtalagāmangar̥ĕpakĕnlahrumasa. mamwitikanghangśasidūr̀buddhi. mamwitnghulunirikita, mamisatā, sahāsakeringtalagahingke. sangaśayāsatikangweyingtalaga, apitwimangar̥ĕpakĕnlahrumasā, sakaringtadkabhiṣaninghulunkadohanahwe, nimittaninghulunyanmūrasakingka [47 47A] mungsyekangtalaga'imawanpar̀wwatapawitra, tanāsatdeninglahrūkangkang, ikangtalagāmanaśarā, yekāparaninghulun, mangkanalingningangśā. sumahūr̀ikangmpas. mitrasangsangśādalu kadhesinantāringhulun, mahyunmatinggala, mamriḥuripdawak. apanmamisamālawankitā, tanwĕnangmadohalawanhwe, tansahānghulunsaparantā, tumūtariskaduḥkantā, yata phalaningnghulunsamitralawankita. wnangparasparossar̀ppanayā, upaśrayaringhayūsiliḥsumbaḥ, mkanalingnikangmpas. sumahūr̀ikangangśa, lingnya. a'um, singgiḥtasangdūr̀buddhi. udha sinaninghulunhamitrahirikita, sakaritanwĕnangsalakuselwanlawankitalawanmami. reḥmamimibĕr̀, patwihadoḥikangtalagamanaśarāsakangke, mwanghlĕtnyasangkeringke

Leaf 47

Image on Archive.org

[᭔᭗ 47B] ᭔᭗ ᭞ᬚᬸᬭᬂᬕᬸᬦᬸᬂᬢᬦ᭄ᬧᬳᬶᬗᬦ᭄᭟ᬭᬶᬗᬧᬢᬓᬶᬢᬵᬯ᭄ᬦᬂᬗᬵᬳᬸᬫᬮᬶᬦ᭄ᬢᬗᬵᬭᬶᬬᬵ᭟ᬬᬢᬦᬶᬫᬶᬢ᭄ᬢᬦᬶᬂᬗ᭄ᬳᬸᬮᬸᬦᬵᬢᬶᬗ᭄ᬕᬮᬓᬶᬢᬵ᭞ᬧᬳᬮᬯᭂᬦ᭄ᬫᬦᬄᬢᬵ᭟ᬫᬗ᭄ᬓᬮᬶᬂᬦᬶᬓᬂᬳᬗ᭄ᬰᬵ᭟ᬲᬸᬫᬳᬹᬃᬇᬓᬂᬫ᭄ᬧᬲ᭄‌ᬮᬶᬂᬦ᭄ᬬ᭟ ᬢᬸᬮᬸᬲᬓᭂᬦ᭄ᬲᬶᬄᬢᬵᬫᬶᬢ᭄ᬭᬾᬂᬓᬫᬶ᭟ᬧᬓᬶᬭᬓᬶᬭᬵᬲᬥᬦᬫᬫᬶᬭᬯᬸᬄᬇᬭᬶᬓᬵ᭞ᬢᬦ᭄ᬲᬳᬵᬭᬶᬓᬶᬢᬵ᭟ᬲᬸᬫᬳᬹᬃᬇᬓᬂᬳᬗ᭄ᬰᬵ᭟ᬅᬉᬫ᭄᭞ᬳᬦᬓᬶᬭᬾᬦᬶᬗ᭄ᬳᬸᬮᬸᬦ᭄᭞ᬇᬓᬂᬓᬬᬸᬲᬳᬸᬢᭂᬫᬥ᭄ᬬᬦ᭄ᬬ᭞ᬓᬫᬶᬲᭀ ᬫᬄᬲᬸᬫᬳᬸᬢᬭᬶᬢᬸᬂᬢᬸᬂᬦᬶᬓᬂᬓᬬᬸᬲᬦᬲᬶᬦᬶ᭟ᬅᬬ᭄ᬯᬢᬓᬶᬢᬗᬸᬘᬧᬸᬘᬧ᭄᭞ᬫ᭄ᬦᭂᬗᬵᬭᬶᬗ᭄ᬳᬯᬦ᭄᭟ᬬᬤ᭄ᬬᬧᬶᬦ᭄‌ᬲᬮ᭄ᬯᬶᬭᬦᬶᬂᬓᬢᬶᬗ᭄ᬳᬮᬦ᭄‌ᬫ᭄ᬯᬂᬓᬋᬗ᭄ᬳᬵ᭞ᬫ᭄ᬦᭂᬂᬚᬸᬕᬓᬶᬢ᭟ᬅᬬ᭄ᬯᬧᬢᬶᬳᬸᬘᬧᬸᬘᬧᬶ᭞ᬅᬬ᭄ᬯᬳᬦ ᬳᬶᬦᬸᬦᬗ᭄ᬳᬵ᭞ᬳᬚᬧᬢᬶᬲᬲᬳᬸᬭᬶ᭟ᬇᬓᬶᬢᬳᬸᬮᬶᬳᬦ᭄ᬢᬵ᭟ᬳᬬᭀᬢᬢᬦ᭄‌ᬧᬫᬶᬦ᭄ᬢᬸᬳᬸᬳᬶᬭᬶᬓᬫᬶ᭞ᬓᬸᬦᬂᬓᬶᬢᬬᬦ᭄ᬢᬦ᭄ᬧᬗᬺᬗ᭄ᬳᬵᬯᬭᬄᬫᬫᬶ᭞ᬢᬦ᭄ᬲᬶᬤ᭄ᬥᬵᬓᬶᬢᬵ᭞ᬤᬤᬶᬫᬓᬯ᭄ᬓᬲᬦ᭄‌ᬧᬢᬶ᭟ᬫᬗ᭄ᬓ [᭔᭘ 48A] ᬦᬮᬶᬂᬦᬶᬓᬂᬳᬗ᭄ᬰᬵ᭞ᬫᬧᬶᬢᬸᬢᬹᬃᬭᬶᬂᬫ᭄ᬧᬲ᭄᭟ᬬᬢᬲᬶᬦᬳᬸᬢᬶᬓᬂᬓᬬᬸᬢ᭄ᬗᬦ᭄ᬬᬾᬤᬾᬦᬶᬓᬂᬫ᭄ᬧᬲ᭄᭞ᬇᬓᬂᬳᬗ᭄ᬰᬵᬦᬳᬸᬢ᭄‌ᬢᬸᬂᬢᬸᬂᬦ᭄ᬬᬲᬦᬲᬶᬦᬶ᭟ᬫᭃᬃᬇᬓᬂᬫᬶᬸᬳᬗ᭄ᬰᬵᬉᬫᬭᬾᬂᬫᬦᬲᬰᬭᬵ᭟ᬳᬤᭀᬄᬳᭀᬮᬶᬄ ᬦ᭄ᬬᬵᬫᭂᬃ᭞ᬢ᭄ᬓᬵᬧ᭄ᬯᬬᬵᬭᬶᬭᬸᬳᬹᬃᬦᬶᬓᬂᬢ᭄ᬕᬮ᭄‌ᬯᬶᬮᬚᬗ᭄ᬕᬮᬵ᭞ᬗᬭᬦ᭄ᬬ᭟ᬳᬦᬳᬲᬸᬳᬗ᭄ᬲᬂᬮᬦᬂᬯ‌᭠ᬤ᭄ᬯᬦ᭄‌ᬗ᭄ᬓᬵᬦ᭞ᬫᬗᭂᬢᬶᬲ᭄‌ᬲᭀᬭᬶᬂᬫᬚᬵ᭟ᬲᬶᬦᭀᬳᬦ᭄‌ᬗᬭᬦ᭄ᬬᬮᬦᬂ᭟ᬲᬶᬩᬩ᭄ᬬᬦ᭄‌ᬗᬭᬦ᭄ᬬᬯᬥᭀᬦ᭄᭟ᬳ ᬤᭀᬦ᭄ᬢᬬᬕᬕᬓ᭄ᬢᬸᬫᬢᬶᬂᬍᬫᬄ᭞ᬩᬶᬦᬸᬭᬸᬦ᭄ᬬᬢᬂᬕᬕᬓ᭄᭟ᬫᬵᬃᬧ᭄ᬯᬬ᭟ᬢᬶᬦ᭄ᬗᭃᬦ᭄ᬬᬵ᭞ᬓᬢᭀᬦᬶᬓᬂᬳᬗ᭄ᬰᬵᬓᬮᬶᬄ᭞ᬫᬗᬶᬩᬶᬭᬓᭂᬦ᭄‌ᬫ᭄ᬧᬲ᭄᭟ᬮᬶᬂᬦᬶᬂᬳᬲᬸᬯᬤᭀᬦ᭄᭟ᬳᬾᬩᬧᬦ᭄ᬬᬦᬓᬸ᭟ᬢᬶᬗ᭄ᬳᬮ᭄‌ᬳᬶᬓᬶᬂᬯᬲ᭄ᬢ᭄ᬯᬵ ᬲᬫ᭄ᬪᬯ᭞ᬫ᭄ᬧᬲ᭄ᬫᭃᬃᬮᬯᬦᬵᬗ᭄ᬰᬵᬮᬓᬶᬩᬶ᭟ᬲᬸᬫᬳᬹᬃᬇᬓᬂᬳᬲᬸᬮᬦᬂ᭟ᬅᬲᬫ᭄ᬪᬯᬤᬳᬢᬶᬓᬸᬮᬶᬂᬢᬵ᭟ᬇᬗᬧᬵᬢᬬᬦ᭄ᬫᬗ᭄ᬓᬦᬵ᭞ᬫ᭄ᬧᬲ᭄ᬫᭃᬭᬮᬯᬦᬵᬗ᭄ᬰᬵ᭟ᬅᬄᬅᬄᬳᬧᬦᬶᬓᬵᬢᬳᬶᬦᬶᬂᬍᬫ᭄ᬪᬸᬓᬶᬂ᭞ᬧᬭᬸᬫ

Auto-transliteration

[47 47B] 47 , juranggunungtanpahingan. ringapatakitāwnangngāhumalintangāriyā. yatanimittaningnghulunātinggalakitā, pahalawĕnmanaḥtā. mangkalingnikanghangśā. sumahūr̀ikangmpaslingnya. tulusakĕnsiḥtāmitrengkami. pakirakirāsadhanamamirawuḥirikā, tansahārikitā. sumahūr̀ikanghangśā. a'um, hanakireninghulun, ikangkayusahutĕmadhyanya, kamiso maḥsumahutaritungtungnikangkayusanasini. aywatakitangucapucap, mnĕngāringhawan. yadyapinsalwiraningkatinghalanmwangkar̥ĕnghā, mnĕngjugakita. aywapatihucapucapi, aywahana hinunanghā, hajapatisasahuri. ikitahulihantā. hayotatanpamintuhuhirikami, kunangkitayantanpangr̥ĕnghāwaraḥmami, tansiddhākitā, dadimakawkasanpati. mangka [48 48A] nalingnikanghangśā, mapitutūr̀ringmpas. yatasinahutikangkayutnganyedenikangmpas, ikanghangśānahuttungtungnyasanasini. mör̀ikangm̶hangśā'umarengmanasaśarā. hadoḥholiḥ nyāmĕr̀, tkāpwayāriruhūr̀nikangtgalwilajanggalā, ngaranya. hanahasuhangsanglanangwa‐dwanngkāna, mangĕtissoringmajā. sinohanngaranyalanang. sibabyanngaranyawadhon. ha dontayagagaktumatingl̥ĕmaḥ, binurunyatanggagak. mār̀pwaya. tinngönyā, katonikanghangśākaliḥ, mangibirakĕnmpas. lingninghasuwadon. hebapanyanaku. tinghalhikingwastwā sambhawa, mpasmör̀lawanāngśālakibi. sumahūr̀ikanghasulanang. asambhawadahatikulingtā. ingapātayanmangkanā, mpasmöralawanāngśā. aḥaḥhapanikātahiningl̥ĕmbhuking, paruma

Leaf 48

Image on Archive.org

[᭔᭘ 48B] ᭔᭘ ᬳᬦᬶᬓᬸᬢᬶᬲ᭄᭞ᬫᬓᭀᬮᬶᬳᬦᬶᬂᬧᬸᬢ᭄ᬭᬦ᭄ᬬᬓᬳ᭄ᬬᬸᬦᬶᬓᬵ᭟ᬫᬗ᭄ᬓᬦᬵᬮᬶᬂᬲᬶᬦᭀᬳᬦ᭄᭟ᬓᬋᬗ᭄ᬳᬵᬤᬾᬦᬶᬓᬂᬫ᭄ᬧᬲ᭄᭞ᬓ᭄ᬭᭀᬥᬧ᭄ᬯᬬᬵᬭᬶᬤᬾᬦ᭄ᬬᬲᬶᬦᬗ᭄ᬕᬸᬄᬧᬸᬭᬶᬲᬦᬶᬂᬍᬫ᭄ᬪ᭄ᬯᬓᬶᬂᬧᬭᬸᬫᬳᬦᬶᬂᬓᬸᬢᬶᬲ᭄᭞ᬯᬳᬸᬫᬗᬂ ᬢᬸᬢᬸᬓ᭄ᬦ᭄ᬬ᭞ᬫᬳᬋᬧᬸᬧᬸᬫᬳᬹᬭᬇᬓᬂᬫ᭄ᬧᬲ᭄᭞ᬳᬸᬯᬓ᭄‌ᬇᬓᬂᬓᬬᬸᬲᬶᬦᬳᬸᬢ᭄ᬦ᭄ᬬᬵ᭞ᬢᬶᬩᬧ᭄ᬯᬭᬶᬂᬍᬫᬄ᭞ᬫᬢᬶᬓᬂᬫ᭄ᬧᬲ᭄᭞ᬮᬶᬦᬸᬤ᭄ᬧᬶᬦᬗᬦᬶᬂᬳᬲᬸ᭞ᬮᬦᬂᬯᬤᭀᬦ᭄᭞ᬇᬓᬂᬳᬗ᭄ᬰᬵᬓᬭᬶᬓᬾᬭᬗᬦ᭄‌ᬢᬦ᭄ᬧᬶ ᬦᬶᬢᬸᬳᬸᬧᬶᬢᬸᬢᬹᬃᬦ᭄ᬬᬤᬾᬦᬶᬂᬫ᭄ᬧᬲ᭄᭟ᬢ᭄ᬳᭂᬃᬮᬸᬫᬭᬶᬲ᭄ᬫᭃᬃᬫᬭᬾᬂᬫᬦᬲᬰᬭᬵ᭟ᬓᬢᭀᬦ᭄ᬤᬾᬪᬕᬯᬦ᭄ᬪᬲᬸᬪᬕᬵᬫᬕᬯᬾᬰ᭄ᬮᭀᬓᬵ᭟᭚ᬫᬶᬢ᭄ᬭᬦᬦ᭄‌ᬢᬶᬗ᭄ᬳᬶᬢᬓᬫᬬᬦᬫ᭄᭞ᬬ᭄ᬬᬾᬯᬓ᭄ᬦ᭄ᬬᬫᬓᬶᬦᬡ᭄ᬥᬢᬶ᭞ᬲᬂ ᬓᬹᬃᬫ᭄ᬫᬇᬰᬤᬹᬃᬩᬸᬤ᭄ᬥᬶ᭞ᬓᬱ᭄ᬝᬪ᭄ᬭᬱ᭄ᬝᬯᬶᬦᬲ᭄ᬬᬢᬫ᭄᭟ᬇᬓᬂᬯᬭᬳᬶᬂᬫᬶᬢ᭄ᬭᬬᬦᬵᬩ᭄ᬘᬶᬓ᭄᭞ᬳᬸᬮᬳᬓ᭄ᬦᬵ᭟ᬳᬬ᭄ᬯᬯᬶᬦᬶᬳᬂ᭟ᬩ᭄ᬯᬢ᭄‌ᬓᬤᬶᬢᬂᬫ᭄ᬧᬲ᭄‌ᬤᬹᬃᬩᬸᬤ᭄ᬥᬶᬧᬶᬦᬓᬵᬫᬶᬢ᭄ᬭᬦᬶᬓᬂᬳᬗ᭄ᬰᬵ᭟ᬢᬦᬵᬇᬥᭂᬧ᭄ [᭔᭙ 49A] ᬭᬶᬂᬧᬶᬢᬸᬢᬹᬃ᭞ᬢᬦ᭄ᬯᬶᬦᬾᬄᬫ᭄ᬗᭃᬢᬸᬢᬸᬓ᭄ᬦᬬᬸ᭟ᬤᬤᬶᬬᬵᬦ᭄ᬫᬸᬳᬮᬵ᭞ᬢᬶᬩᬧᬶᬦᬗᬦᬶᬂᬳᬲᬸᬮᬦᬂᬯᬤᭀᬦ᭄᭟ᬫᬗ᭄ᬓᬦᬢᬵᬮᬦᬶᬂᬯ᭄ᬯᬂᬢᬦ᭄ᬯ᭄ᬭᬸᬄᬳᬗᬺᬗ᭄ᬳᬵᬯᬸᬯᬸᬅᬳᬬᬸ᭟ᬓᬸᬦᬂᬉᬚᬭᬶᬂᬫᬶᬢ᭄ᬭᬵᬯᬾᬄᬳᬬᬸ᭞ᬓᬸ ᬦᬂᬳᬸᬚᬭᬶᬂᬫᬶᬢ᭄ᬭᬯᬾᬄᬳᬮᬵ᭟ᬇᬯᬫᬗ᭄ᬓᬦ᭞ᬳᬬ᭄ᬯᬵᬕ᭄ᬬᬇᬦᬶᬥᭂᬧ᭄᭟ᬫᬗ᭄ᬓᬦᬢᬩᬸᬤ᭄ᬥᬶᬲᬂᬧ᭄ᬭᬚ᭄ᬜᬵ᭟ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄ᬧ᭄ᬯᬧ᭄ᬭᬚ᭄ᬜᬵ᭞ᬲᬂᬘᬡ᭄ᬥᬧᬶᬗ᭄ᬕᬮᬫᬸᬥ᭞ᬕᬸᬭᬕᬥᬚᬸᬕᬵ᭟ᬓᬢᬶᬗ᭄ᬳᬮᬦ᭄ᬧ᭄ᬯᬪᬾᬥᬦᬶᬂᬩᬸ ᬤ᭄ᬥᬶᬤᬾᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬲᬸᬫᬳᬹᬃᬲᬂᬦᬡ᭄ᬥᬓᬵ᭞ᬮᬶᬂᬦ᭄ᬬ᭟ᬅᬧᬓᬮᬶᬗ᭄ᬳᬦᬶᬂᬯᬸᬯᬸᬲ᭄ᬢᬵᬲᬫ᭄ᬪᬥᬵ᭟ᬅᬧᬦ᭄‌ᬰ᭄ᬯᬱ᭄ᬝᬵᬓᬸᬫᬗ᭄ᬓᬾᬓᬮᬯᬦ᭄‌ᬲᬂᬘᬡ᭄ᬥᬶᬧᬶᬗ᭄ᬕᬮᬵ᭟ᬳᬾᬢᬦ᭄ᬯ᭄ᬭᬸᬄᬧ᭄ᬯᬓᬶᬢ᭟ᬳᬦᬳᬸᬚᬃᬲᬂᬘ ᬡ᭄ᬥᬧᬶᬗ᭄ᬕᬮᬵ᭞ᬓᬸᬫ᭄ᬯᬵ᭟ᬳᬾᬦᬓᬲᬶᬮᬶᬩ᭄‌ᬦᬶᬓᬂᬦᬡ᭄ᬥᬓᬵ᭞ᬢᬦ᭄ᬯ᭄ᬭᬸᬄᬳᬶᬂᬩᬸᬤᬶᬗ᭄ᬓᬸᬪᬶᬲᬫᬵ᭟ᬓᬤᬶᬢᬸᬫᬵᬫᬢᬶᬤᬾᬦᬶᬂᬓᬢᬶᬗ᭄ᬕᬶ᭞ᬬᬤᬾᬗ᭄ᬓᬸ᭟ᬫᬗ᭄ᬓᬦᬮᬶᬂᬲᬂᬘᬡ᭄ᬥᬧᬶᬗ᭄ᬕᬮᬵ᭟᭜᭟ᬇᬢᬶᬲᬫ᭄ᬪᬥᬘ

Auto-transliteration

[48 48B] 48 hanikutis, makolihaningputranyakahyunikā. mangkanālingsinohan. kar̥ĕnghādenikangmpas, krodhapwayāridenyasinangguḥpurisaningl̥ĕmbhwakingparumahaningkutis, wahumangang tutuknya, mahar̥ĕpupumahūra'ikangmpas, huwakikangkayusinahutnyā, tibapwaringl̥ĕmaḥ, matikangmpas, linudpinanganinghasu, lanangwadon, ikanghangśākarikerangantanpi nituhupitutūr̀nyadeningmpas. t'hĕr̀lumarismör̀marengmanasaśarā. katondebhagawanbhasubhagāmagaweślokā. // mitranantinghitakamayanam, yyewaknyamakinaṇdhati, sang kūr̀mma'iśadūr̀buddhi, kaṣṭabhraṣṭawinasyatam. ikangwarahingmitrayanābcik, hulahaknā. haywawinihang. bwatkaditangmpasdūr̀buddhipinakāmitranikanghangśā. tanā'idhĕp [49 49A] ringpitutūr̀, tanwineḥmngötutuknayu. dadiyānmuhalā, tibapinanganinghasulanangwadon. mangkanatālaningwwangtanwruḥhangr̥ĕnghāwuwu'ahayu. kunangujaringmitrāweḥhayu, ku nanghujaringmitraweḥhalā. iwamangkana, haywāgya'inidhĕp. mangkanatabuddhisangprajñā. rahadyansanghulunpwaprajñā, sangcaṇdhapinggalamudha, guragadhajugā. katinghalanpwabhedhaningbu ddhiderahadyansanghulun. sumahūr̀sangnaṇdhakā, lingnya. apakalinghaningwuwustāsambhadhā. apanśwaṣṭākumangkekalawansangcaṇdhipinggalā. hetanwruḥpwakita. hanahujar̀sangca ṇdhapinggalā, kumwā. henakasilibnikangnaṇdhakā, tanwruḥhingbudingkubhisamā. kaditumāmatideningkatinggi, yadengku. mangkanalingsangcaṇdhapinggalā \\•\\ itisambhadhaca

Leaf 49

Image on Archive.org

[᭔᭙ 49B] ᭔᭙ ᬭᬶᬢᬵ᭞ᬅᬗ᭄ᬰᬵᬓᬹᬃᬫ᭄ᬫᬲᬂᬲᬃᬕ᭄ᬕᬵᬉᬨᬮᬭᬡᬦᬡ᭄ᬥᬓᬵᬧ᭄ᬭᬓᬭᬡ᭞ᬅᬱ᭄ᬝᬶᬫᬲᬂᬲᬃᬕ᭄ᬕᬵ᭟ᬲᬸᬫᬳᬹᬃᬲᬂᬦᬡ᭄ᬥᬓᬵ᭞ᬫᬢᬓ᭄ᬯᬦ᭄ᬭᬶᬂᬲᬂᬲᬫ᭄ᬪᬥ᭞ᬭᬶᬤᬾᬦ᭄ᬬᬧᬢᬶᬦᬶᬂᬢᬸᬫᬵᬤᬾᬦᬶᬂᬓᬢᬶᬢᬶᬗ᭄ᬕᬶ᭞ᬫᬧᬢᬓ᭄ᬭᬫᬦ᭄ᬬ ᭞ᬲᬸᬫᬳᬹᬃᬲᬂᬲᬫ᭄ᬪᬥ᭞ᬮᬶᬂᬦ᭄ᬬ᭟ᬳᬦᬢᬸᬫᬲᬶᬲ᭄ᬬᬲᬵᬬᬗᬭᬦ᭄ᬬ᭟ᬢᬫᭀᬮᬄᬬᬭᬶᬂᬢᬶᬮᬫ᭄‌ᬲᬂᬧ᭄ᬭᬪᬹ᭟ᬫᬮᬯᬲ᭄‌ᬧ᭄ᬯᬬᬫᬸᬗ᭄ᬕᬸᬄᬭᬶᬗ᭄ᬓᬦᬵ᭟ᬳᬦᬢᬶᬢᬶᬗ᭄ᬕᬶᬘᬡ᭄ᬥᬶᬮᬗᬭᬦ᭄ᬬ᭞ᬫᬸᬗ᭄ᬕ᭄ᬯᬶᬂᬲ᭄ᬮᬦᬶᬂᬢᬭᬶᬧ᭄᭟ᬬᬢ ᬫᬸᬮᬢᬶᬂᬢᬸᬫᬵᬳᬦᬾᬂᬢᬶᬮᬫ᭄‌ᬲᬂᬧ᭄ᬭᬪᬹ᭞ᬫᬭᬇᬓᬂᬢᬶᬢᬶᬗ᭄ᬕᬶᬭᬶᬂᬗ᭄ᬕ᭄ᬯᬦᬶᬢᬸᬫ᭟ᬫᭀᬚᬃᬢᬬ᭞ᬮᬶᬂᬦ᭄ᬬ᭟ᬳᬾᬲᬂᬢᬸᬫᬵ᭞ᬓ᭄ᬱᬫᬓ᭄ᬦᬵᬧᬢᬜᬦᬶᬗ᭄ᬳᬸᬮᬸᬦ᭄᭞ᬳᬶᬭᬶᬓᬶᬢᬵ᭞ᬲᬗ᭄ᬰᬬᬓᬧᬸᬳᬦ᭄‌ᬓᬫᬶᬢᬸᬫᭀ ᬦᬶᬭᬶᬓᬶᬢᬵ᭞ᬫᬳᬍᬧ᭄‌ᬲᬸᬮᬓ᭄ᬱᬡ᭟ᬅᬧᬭᬦ᭄ᬓᬓᬲᬸᬓᬦ᭄‌ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭟ᬢᭀᬄᬬᬢᬶᬓᬵᬧᬚᬭᬓ᭄ᬦᬵᬭᬶᬂᬗ᭄ᬳᬸᬮᬸᬦ᭄᭟ᬫ᭄ᬯᬂᬲ᭄ᬬᬧᬗᬭᬦ᭄ᬢᬵ᭟ᬓᬸᬦᬂᬯ᭄ᬭᬸᬳᬦ᭄ᬢᬭᬶᬗ᭄ᬳᬸᬮᬸᬦ᭄᭟ᬲᬶᬘᬡ᭄ᬥᬶᬮᬵ [᭕᭐ 50A] ᬗᬭᬦᬶᬗ᭄ᬳᬸᬮᬦ᭄᭞ᬓᬢᬶᬢᬗ᭄ᬳᬶᬫᬸᬗ᭄ᬕ᭄ᬯᬶᬂᬢᬭᬶᬧ᭄᭞ᬫᬫᬾᬢ᭄ᬫᬗ᭄ᬲᬢᬃᬧᭀᬮᬶᬄ᭟ᬬᬢᬦᬶᬫᬶᬢᬦᬶᬗ᭄ᬳᬸᬮᬸᬦ᭄ᬫᬓᬸᬭᬸ᭞ᬫᬧᬦᬭᬂᬬᬦ᭄ᬧᬫᬗᬦ᭄᭟ᬬᬦᬫᬗᬦ᭄ᬢᬸᬭᬸᬂᬯᬋᬕ᭄᭟ᬲᬓᬋᬂᬬᬗᬶᬲᭂᬧ᭄ᬭᬄᬦᬶᬂᬲᬸᬫᬡ᭄ᬥ᭞ᬢᬸ ᬫᬸᬮᬶᬮᬸᬗ᭄ᬳᬵ᭞ᬫᬗᬮᬶᬄᬳᬸᬗ᭄ᬕ᭄ᬯᬦ᭄ᬬ᭞ᬬᬾᬓᬦᬶᬫᬶᬢᬦᬶᬗ᭄ᬳᬸᬮᬸᬦ᭄ᬫᬓᬸᬭᬸ᭟ᬫᬸᬮᬢᬫᬫᬶᬭᬶᬓᬶᬢᬫᬍᬫ᭄ᬯᬓᬶᬭᬶᬲ᭄᭞ᬧᬭᬦ᭄ᬢᬶᬓᬪᬶᬦᬸᬓ᭄ᬢᬶᬦ᭄ᬢᬵ᭟ᬭᬹᬧᬦ᭄ᬢᬘᬬᬦᬶᬂᬳᬫᬗᬦᬾᬦᬓ᭄᭞ᬬᬢᬧᬚᬭᬓᭂᬦ᭄ᬲᬸᬓᬦ᭄ᬢᬵ ᭟ᬫᬗ᭄ᬓᬦᬧᬢᬓ᭄ᬯᬦᬶᬂᬓᬢᬶᬢᬶᬗ᭄ᬕᬶ᭟ᬲᬸᬫᬳᬹᬃᬇᬓᬂᬢᬸᬫᬵ᭞ᬮᬶᬂᬦ᭄ᬬ᭟ᬅᬉᬫ᭄‌ᬲᬂᬓᬢᬶᬢᬶᬗ᭄ᬕᬶ᭟ᬓᬶᬢᬬᬫᬗᬭᬦ᭄‌ᬓᬢᬶᬢᬶᬗ᭄ᬕᬶᬘᬡ᭄ᬥᬶᬮᬵ᭟ᬯ᭄ᬭᬸᬳᬦᬗ᭄ᬳᬸᬮᬸᬦ᭄‌ᬢᬸᬫᬲᬶᬬᬲᬵᬢᬗᬭᬶᬦᬶᬗ᭄ᬳᬸᬮᬸᬦ᭄᭟ ᬫᬮᬯᬢᬦᬾᬂᬢᬶᬮᬫ᭄‌ᬲᬂᬦᬵᬣ᭞ᬧᬶᬦᬗᬦ᭄ᬫᬫᬶᬧᬸᬧᬸᬲᬂᬧ᭄ᬭᬪᬹ᭟ᬓᬸᬦᬂᬧᬫᬗᬦ᭄ᬫᬫᬶᬫᬗ᭄ᬳᬾᬃᬓᬮᬤᬾᬰ᭞ᬭᬶᬓᬮᬲᬂᬧ᭄ᬭᬪᬹᬳᬾᬦᬓᬕᬸᬮᬶᬂ᭞ᬲᬫᬗ᭄ᬓᬦᬓᬮᬫᬫᬶᬫᬫᬗᬦ᭄᭞ᬲᬵᬫ᭄ᬩᭂᬓ᭄‌ᬫᬫᬶᬫᬯᬸᬯᬸᬲᬦ᭄

Auto-transliteration

[49 49B] 49 ritā, angśākūr̀mmasangsar̀ggā'uphalaraṇanaṇdhakāprakaraṇa, aṣṭimasangsar̀ggā. sumahūr̀sangnaṇdhakā, matakwanringsangsambhadha, ridenyapatiningtumādeningkatitinggi, mapatakramanya , sumahūr̀sangsambhadha, lingnya. hanatumasisyasāyangaranya. tamolaḥyaringtilamsangprabhū. malawaspwayamungguḥringkanā. hanatitinggicaṇdhilangaranya, munggwingslaningtarip. yata mulatingtumāhanengtilamsangprabhū, mara'ikangtitinggiringnggwanituma. mojar̀taya, lingnya. hesangtumā, kṣamaknāpatañaninghulun, hirikitā, sangśayakapuhankamitumo nirikitā, mahal̥ĕpsulakṣaṇa. aparankakasukanrahadyansanghuluna. toḥyatikāpajaraknāringnghulun. mwangsyapangarantā. kunangwruhantaringhulun. sicaṇdhilā [50 50A] ngaraninghulan, katitanghimunggwingtarip, mametmangsatar̀poliḥ. yatanimitaninghulunmakuru, mapanarangyanpamangan. yanamanganturungwar̥ĕg. sakar̥ĕngyangisĕpraḥningsumaṇdha, tu mulilunghā, mangaliḥhunggwanya, yekanimitaninghulunmakuru. mulatamamirikitamal̥ĕmwakiris, parantikabhinuktintā. rūpantacayaninghamanganenak, yatapajarakĕnsukantā . mangkanapatakwaningkatitinggi. sumahūr̀ikangtumā, lingnya. a'umsangkatitinggi. kitayamangarankatitinggicaṇdhilā. wruhananghuluntumasiyasātangarininghulun. malawatanengtilamsangnātha, pinanganmamipupusangprabhū. kunangpamanganmamimangher̀kaladeśa, rikalasangprabhūhenakaguling, samangkanakalamamimamangan, sāmbĕkmamimawuwusan

Leaf 50

Image on Archive.org

[᭕᭐ 50B] ᭕᭐ ᬯᬋᬕ᭄᭟ᬯ᭄ᬭᬸᬳᬵᬧᬶᬂᬭ᭄ᬯᬧᬶᬂᬢᬶᬕᬵ᭞ᬯᬶᬦᬮᬸᬬᬦ᭄ᬫᬫᬶᬬᬦ᭄ᬫᬗ᭄ᬓᬦᬵ᭟ᬬᬦ᭄ᬥᬢᬂᬲᬂᬧ᭄ᬭᬪᬸ᭞ᬬᬦ᭄ᬢᬦ᭄‌ᬓᬵᬮᬤᬾᬰᬓᬸᬦᬂ᭞ᬯ᭄ᬭᬸᬄᬫᬫᬶᬢᬦ᭄ᬧᬫᬗᬦ᭄‌ᬲᬯ᭄ᬗᬶ᭞ᬓᬮᬶᬄᬯ᭄ᬗᬶ᭞ᬍᬯᬶᬄᬲᬗ᭄ᬓᬾᬭᬶᬓᬵ᭟ᬫᬗ᭄ᬓᬦᬉᬧᬬ ᬫᬫᬶᬬᬦ᭄ᬧᬫᬗᬦ᭄ᬲᬂᬧ᭄ᬭᬪᬹ᭞ᬢᬦ᭄ᬲᬗ᭄ᬓᬾᬂᬫᬦᬸᬓᬦᬾᬦ᭄ᬤ᭄ᬭ᭄ᬬ᭞ᬫᬓᬤᭀᬦ᭄ᬧᬦᬸᬗ᭄ᬕᬸᬦᬚᬶᬢ᭄ᬯ᭟ᬫᬗ᭄ᬓᬦᬳᬸᬮᬄᬦᬶᬗ᭄ᬳᬸᬮᬸᬦ᭄᭟ᬲᬸᬫᬳᬹᬃᬇᬓᬂᬓᬢᬶᬢᬶᬗ᭄ᬕᬶ᭟ᬯ᭄ᬭᬸᬮᬸᬦ᭄ᬭᬶᬩᬸᬤ᭄ᬥᬶᬦ᭄ᬢᬲᬂᬢᬸᬫᬵ᭞ᬬᬦ᭄ᬓᬶᬢᬕᬸᬫᭂᬕ᭄ᬯ ᬦᬶᬓᬲᬦ᭄ᬢᭀᬲᬦ᭄᭟ᬅᬧᬦ᭄ᬓᬢᭀᬦ᭄ᬳᬮᬦᬶᬂᬫᬹᬃᬓ᭄ᬓᬵ᭞ᬫ᭄ᬯᬂᬮᭀᬪᬵ᭞ᬢᭀᬦᭂᬦ᭄ᬳᬶᬂᬫᬦᬹᬓ᭄ᬩᬓᬫᬢᬶᬤᬾᬦᬶᬂᬮᭀᬪᬦ᭄ᬬ᭟ᬲᬸᬫᬳᬹᬃᬇᬓᬂᬢᬸᬫᬵ᭞ᬮᬶᬂᬦ᭄ᬬ᭟ᬫᬧᬵᬓᬘᬭᬶᬢᬦᬶᬓᬂᬦᬸᬓ᭄ᬩᬓᬵ᭟ᬲᬸᬫᬳᬹᬃ ᬇᬓᬂᬓᬢᬶᬢᬶᬗ᭄ᬕᬶ᭟ᬦ᭄ᬤᬄᬢᬵᬓᬸᬫᬓᬣᬵ᭟ᬳᬦᬢᬮᬕᬵᬫᬮᬶᬡᬷᬗᬭᬦ᭄ᬬ᭞ᬳᬢ᭄ᬬᬦ᭄ᬢᬭᬶᬂᬭᬵᬫ᭄ᬬᬦᬶᬓᬵ᭞ᬅᬓ᭄ᬯᬾᬄᬢᬸᬜ᭄ᬚᬸᬂᬦ᭄ᬬᬦᬾᬓᬯᬃᬡ᭄ᬦᬵ᭞ᬢᬶᬦᭀᬦ᭄ᬮ᭄ᬯᬄᬳᬭᬢ᭞ᬳᬦᬾᬓᬂᬨᬮᬵ᭞ [᭕᭑ 51A] ᬫ᭄ᬯᬂᬓᬸᬲᬸᬫᬵᬢᬦ᭄ᬓᬍᬯᬲᬦ᭄᭞ᬧᬫᬭᬦ᭄ᬢᬶᬓᬂᬫᬦᬸᬓ᭄ᬫᬓᬶᬭᬾᬫᬶᬡᬵᬭᬶᬂᬢᬮᬕᬵ᭟ᬳᬦᬢᬫᬦᬸᬓ᭄‌ᬲᬶᬩᬓᬗᬭᬦ᭄ᬬ᭞ᬫᬰᬰᬡᬭᬶᬓᬂᬢᬮᬕᬵ᭟ᬬᬢᬶᬓᬢᬦ᭄ᬯ᭄ᬭᬸᬄᬭᬶᬂᬦᬬᬦ᭄ᬬ᭞ᬫᬳ᭄ᬬᬸᬦ᭄ᬫᬗᭂᬦ᭄ᬢ᭄ᬬᬓᭂᬦ᭄ᬳᬶᬯᬓᬶᬂ᭠ ᬢᬮᬕᬵ᭟ᬬᬢᬶᬓᬵᬢᬦ᭄ᬯ᭄ᬭᬸᬳᬶᬂᬦᬬᬦ᭄ᬬ᭟ᬤᬤᬶᬢᬬᬫᬋᬕᭂᬧ᭄ᬓᬶᬭᬓᬶᬭ᭞ᬫᬮ᭄ᬯᬶᬢᬬᬫᬭᬾᬂᬢᬮᬕᬵ᭟ᬫᬲᬮᬶᬦ᭄ᬪᬯᬵ᭞ᬢᬸᬫᬶᬭᬸᬪᬵᬯᬲᬂᬢᬸᬮᬸᬲ᭄ᬯᬶᬓᬸ᭟ᬲᬳᬶᬱ᭄ᬡᬸ᭞ᬢᬦ᭄ᬧ᭄ᬭᬡᬕᬢ᭞ᬧᬶᬲᬦ᭄ᬧᬶᬂᬭ᭄ᬯᬵ᭞ᬲᬶᬭᬲᬭᬶ᭟ᬇᬓᬂᬳᬶᬯ ᬓ᭄ᬳᬸᬮᬶᬯᬢᬶᬂᬅᬋᬧ᭄ᬦ᭄ᬬ᭞ᬦ᭄ᬤᬢᬜ᭄ᬘᬶᬦᬸᬘᬸᬓ᭄ᬦ᭄ᬬ᭟ᬦᬶᬢ᭄ᬬᬲᬓᬧ᭄ᬯᬫᬗ᭄ᬓᬦᬳᬸᬮᬄᬦ᭄ᬬᬤᬾᬦᬶᬂᬳᬶᬜᬓ᭄ᬓᬩᬾᬄ᭞ᬫᬭᬢᬾᬓᬂᬫᬶᬦᬓᬩᬾᬄᬭᬶᬳᬋᬧ᭄ᬦ᭄ᬬ᭟ᬫᬢᬓ᭄ᬯᬦ᭄ᬭᬶᬧᭀᬮᬄᬦ᭄ᬬᬵᬯᬓ᭄ᬦ᭄ᬬ᭞ᬲᭀᬮᬄᬪᬯᬦ᭄ᬬ᭟ᬲᬸᬫᬳᬹᬃᬫᬦᬸᬓ᭄ ᬲᬶᬩᬓᬵ᭞ᬮᬶᬂᬦ᭄ᬬ᭟ᬩᬸᬤ᭄ᬥᬶᬲᬦ᭄ᬢᬫᬶᬦᬓᬵᬲ᭄ᬯᬪᬯᬦ᭄ᬬ᭟ᬅᬉᬫ᭄᭞ᬲᬂᬫᬶᬦᬵᬲᬗ᭄ᬖ᭄ᬬ᭞ᬢᬸᬳᬸᬦ᭄‌ᬲᬶᬗ᭄ᬕᬶᬄᬯᬸᬯᬸᬲ᭄ᬢᬇᬓᬵᬓᬩᬾᬄ᭞ᬢᬸᬫᬜᬓᭂᬦ᭄‌ᬤᬸᬤᬸᬦᬶᬗ᭄ᬳᬸᬮᬸᬦ᭄‌ᬗᬹᬦᬶᬮᬯᬦ᭄ᬫᬗ᭄ᬓᬾ᭟ᬢᬸᬳᬸᬢ᭄ᬯᬦ᭄᭞ᬫᬓᬓᬭ

Auto-transliteration

[50 50B] 50 war̥ĕg. wruhāpingrwapingtigā, winaluyanmamiyanmangkanā. yandhatangsangprabhu, yantankāladeśakunang, wruḥmamitanpamangansawngi, kaliḥwngi, l̥ĕwiḥsangkerikā. mangkana'upaya mamiyanpamangansangprabhū, tansangkengmanukanendrya, makadonpanunggunajitwa. mangkanahulaḥninghulun. sumahūr̀ikangkatitinggi. wrulunribuddhintasangtumā, yankitagumĕgwa nikasantosan. apankatonhalaningmūr̀kkā, mwanglobhā, tonĕnhingmanūkbakamatideninglobhanya. sumahūr̀ikangtumā, lingnya. mapākacaritanikangnukbakā. sumahūr̀ ikangkatitinggi. ndaḥtākumakathā. hanatalagāmaliṇīngaranya, hatyantaringrāmyanikā, akweḥtuñjungnyanekawar̀ṇnā, tinonlwaḥharata, hanekangphalā, [51 51A] mwangkusumātankal̥ĕwasan, pamarantikangmanukmakiremiṇāringtalagā. hanatamanuksibakangaranya, maśaśaṇarikangtalagā. yatikatanwruḥringnayanya, mahyunmangĕntyakĕnhiwaking‐ talagā. yatikātanwruhingnayanya. daditayamar̥ĕgĕpkirakira, malwitayamarengtalagā. masalinbhawā, tumirubhāwasangtuluswiku. sahiṣṇu, tanpraṇagata, pisanpingrwā, sirasari. ikanghiwa k'huliwatingar̥ĕpnya, ndatañcinucuknya. nityasakapwamangkanahulaḥnyadeninghiñakkabeḥ, maratekangminakabeḥrihar̥ĕpnya. matakwanripolaḥnyāwaknya, solaḥbhawanya. sumahūr̀manuk sibakā, lingnya. buddhisantaminakāswabhawanya. a'um, sangmināsangghya, tuhunsinggiḥwuwusta'ikākabeḥ, tumañakĕnduduninghulunngūnilawanmangke. tuhutwan, makakara

Leaf 51

Image on Archive.org

[᭕᭑ 51B] ᭕᭑ ᬡᬦᬶᬳᬸᬯᬸᬲ᭄ᬫᬫᬶᬭᬸᬫ᭄ᬕᭂᬧ᭄‌ᬭᬱᬓᬧᬡ᭄ᬥᬶᬢᬦ᭄᭞ᬭᬸᬫ᭄ᬗᭃᬇᬓᬂᬲᬶᬦᬗ᭄ᬕᬸᬄᬧᬧᬵᬫ᭄ᬯᬵᬂᬧᬸᬡ᭄ᬬᬵ᭞ᬇᬓᬵᬢᬦᬶᬫᬶᬢ᭄ᬢᬦᬶᬗ᭄ᬳᬸᬮᬸᬦ᭄ᬫᬳ᭄ᬬᬸᬦ᭄ᬫᬸᬗ᭄ᬰᬶᬭᬰᬹᬦ᭄ᬬ᭞ᬫᬢᬗ᭄ᬬᬦ᭄ᬢᬸᬫᬶᬭᬹᬪᬯᬲᬂᬧᬡ᭄ᬥᬶᬢ᭞ᬫᬫᬳᬬ᭄ᬯᬉᬮᬄ᭞ᬫ᭄ᬯᬂᬰᬩ᭄ᬥᬩᬸᬤ᭄ᬥᬶᬰᬩ᭄ᬝᬵ᭟ᬫᬗ᭄ᬓᬦᬓᬶ ᬦ᭄ᬓᬶᬦᬶᬗ᭄ᬳᬸᬮᬸᬦ᭄᭟ᬫᬗ᭄ᬓᬦᬮᬶᬂᬲᬶᬂᬩᬓᬵ᭟ᬲᬸᬫᬳᬹᬃᬇᬓᬂᬇᬯᬓ᭄‌ᬓᬩᬾᬄ᭞ᬗ᭄ᬓᬾᬇᬓᬶᬧᭀᬫᭀᬯᬄ᭠ᬳᬶᬗ᭄ᬲᬵᬓ᭄ᬭᬫᬦ᭄ᬢᬫᬓᬗᬹᬦᬶᬓᬶᬦ᭄ᬓᬶᬦ᭄ᬓᬶᬢᬫᬗ᭄ᬓᬦᬵ᭟ᬫᬢᬗ᭄ᬬᬦ᭄ᬫᬶᬢ᭄ᬭᬦᬶᬗ᭄ᬳᬸᬮᬸᬦ᭄ᬓᬶᬢᬫᬗ᭄ᬓᬾ᭞ᬫᬫᬶᬫᬯᬭᬳᬦᬭᬶᬂᬓᬶ ᬢᬵᬬᭀᬕ᭄ᬬ᭞ᬓᬭᬡᬦᬶᬗ᭄ᬳᬸᬮᬸᬦ᭄ᬫᬦᭂᬫ᭄ᬯᬵᬫ᭄ᬩᭂᬓ᭄‌ᬭᬶᬂᬇᬳᬢ᭄ᬭᬧᬭᬢᬭᬵ᭟ᬫᬗ᭄ᬓᬦᬮᬶᬂᬇᬓᬂᬫᬶᬡᬵᬓᬩᬾᬄ᭞ᬫᭀᬖᬢᬓ᭄ᬦᬾᬂᬳᬸᬧᬬᬵ᭟ᬳᬸᬯᬸᬲ᭄ᬳᬾᬦᬓ᭄ᬧᬗᬦ᭄ᬤᭂᬮᬶᬂᬇᬯᬓ᭄ᬓᬩᬾᬄ᭞ᬇᬥᭂᬧᬶᬓᬂᬩᬓᬵ᭟ᬓ᭄ᬦᬵᬤᬾᬦ᭄ᬬ ᬫᬾᬢ᭄ᬳᬸᬧᬬᬵ᭞ᬓᬕᭂᬕᭂᬄᬳᭂᬦ᭄ᬢ᭄ᬬᬦ᭄ᬬᬤᬾᬦ᭄ᬬ᭟ᬓᬋᬕᭂᬧᬶᬓᬂᬦᬬᬵᬤᬾᬦ᭄ᬬ᭞ᬫᭀᬚᬃᬢᬬᬵ᭞ᬮᬶᬂᬦ᭄ᬬ᭟ᬅᬉᬫ᭄‌ᬲᬂᬳᬶᬯᬓ᭄‌ᬓᬩᬾᬄ᭞ᬩᬕ᭄ᬬᬓᬶᬢᬫᬶᬢ᭄ᬭᬦᬶᬗ᭄ᬳᬸᬮᬸᬦ᭄᭟ᬫᬗ᭄ᬓᬦᬮᬶᬂᬦ᭄ᬬ᭟ᬇᬓᬂᬲᬓᬢᭂᬫ᭄ᬩᬾᬫᬭᬢᬬ [᭕᭒ 52A] ᬫ᭄ᬯᬄᬫᬭᬾᬂᬢᬮᬕᬵ᭟ᬲᬸᬓ᭄ᬱ᭄ᬫᬵᬢᬶᬦ᭄ᬬᬲ᭄ᬫᬶᬢᬦ᭄ᬬᬭᬶᬢ᭄ᬧᬶᬦᬶᬓᬂᬢᬮᬕᬵ᭞ᬕᬗ᭄ᬕᭂᬂᬮᬸᬫᬸᬢ᭄ᬧᬶᬦᬗᬦ᭄ᬬᬵ᭟ᬇᬓᬂᬫᬢ᭄ᬲ᭄ᬬᬢᬶᬦᬗᬶᬲᬦ᭄᭟ᬫᬢᬓ᭄ᬯᬦᬶᬓᬂᬫᬶᬡᬵ᭞ᬭᬶᬤᬸᬄᬓᬦᬶᬓᬂᬩᬓᬵ᭞ᬲᬸᬫᬳᬹᬃᬇᬓᬂᬩᬓᬵ᭞ᬮᬶᬂᬦ᭄ᬬ᭟ᬅᬉᬫ᭄‌ᬲᬂᬫᬶᬡᬵ ᬓᬶᬢᬓᬩᬾᬄ᭞ᬦᬶᬫᬶᬢ᭄ᬢᬦᬶᬗ᭄ᬳᬸᬮᬸᬦ᭄‌ᬫᬦᬗᬶᬲ᭄᭞ᬮᬸᬓᬦ᭄ᬯᭂᬮᬲᬶᬗ᭄ᬳᬸᬮᬸᬦ᭄ᬭᬶᬓᬶᬢᬓᬩᬾᬄ᭞ᬦ᭄ᬤᬶᬳᬸᬯᬸᬲ᭄‌ᬲᬸᬓᬦ᭄ᬢᬓᬩᬾᬄᬳᬫᬸᬓ᭄ᬢᬶ᭞ᬓᬲᬸᬓᬦᬶᬂᬓᬸᬮᬯᬃᬕ᭄ᬕᬦ᭄ᬢᬫ᭄ᬯᬂᬦᬓ᭄ᬭᬩᬶᬦ᭄ᬬ᭞ᬭᭀᬯᬂᬢᬵᬫᬸᬓ᭄ᬢᬶᬭᬶᬂᬢᬮᬕᬵ᭟ᬇᬓᬢᬫᬶᬮᬸᬲᬸᬓ ᬗ᭄ᬳᬸᬮᬸᬦ᭄‌ᬭᬶᬲᬸᬓᬦ᭄ᬢᬵᬓᬩᬾᬄ᭟ᬫᬗ᭄ᬓᬾᬗ᭄ᬳᬸᬮᬸᬦ᭄‌ᬫᬗᬻᬯᬺᬢ᭄ᬢᬦᬶᬂᬧᬭᬵ᭞ᬧᬗᬸᬘᬧᬶᬂᬢ᭄ᬯᬭᬯᬵ᭞ᬦᭂᬗ᭄ᬕᬾᬄᬫᬗᬶᬭᬸᬧᬾᬂᬓᬶᬢ᭞ᬧᬥᬫᬕᬯᬾᬲᬧᬓᬶᬭᬾᬦᬶᬂᬫᬗᬮᬧᬶᬯᬓ᭄᭟ᬮᬶᬂᬦ᭄ᬬ᭟ᬳᬦᬚᬮᬵ᭞ᬚᬭᬶᬂᬳᬜ᭄ᬘᭀ᭞ᬲᬾᬲᬾᬃ᭞ᬲᬸᬲᬸ ᬕ᭄᭞ᬫᬗ᭄ᬓᬦᬤᬶᬦᬶᬂᬧᬗᬮᬧ᭄᭟ᬫ᭄ᬯᬂᬢᬸᬯᬚ᭄ᬦᬸ᭞ᬕᭂᬢᬶᬳᬶᬂᬲᬸᬲᬸᬭᬸᬄᬮᬦᬂ᭞ᬫᬪᬱᬥᬢᬂᬳᬕᭃᬂᬦᬶᬂᬯᬸᬮᬦ᭄‌ᬪᬤ᭄ᬭᬯᬤᬫᬲᬵ᭟ᬲᬶᬦᬫ᭄ᬩᬶᬦ᭄ᬬᬵᬘᬗ᭄ᬓ᭄ᬭᬫ᭟ᬳᬫᬯᬧᬦᬵᬫᬭᬫ᭄ᬬᬭᬵᬫ᭄ᬬᬦ᭄᭟ᬇᬓᬢᬦ᭄‌ᬯᬤ᭄ᬬᬓᭂᬦ᭄ᬭᬶᬬᭀᬕ᭄ᬕᬦᬶᬗ᭄ᬳᬸᬮᬸ

Auto-transliteration

[51 51B] 51 ṇanihuwusmamirumgĕpraṣakapaṇdhitan, rumngöikangsinangguḥpapāmwāngpuṇyā, ikātanimittaninghulunmahyunmungśiraśūnya, matangyantumirūbhawasangpaṇdhita, mamahaywa'ulaḥ, mwangśabdhabuddhiśabṭā. mangkanaki nkininghulun. mangkanalingsingbakā. sumahūr̀ikangiwakkabeḥ, ngke'ikipomowaḥ‐hingsākramantamakangūnikinkinkitamangkanā. matangyanmitraninghulunkitamangke, mamimawarahanaringki tāyogya, karaṇaninghulunmanĕmwāmbĕkringihatraparatarā. mangkanalingikangmiṇākabeḥ, moghataknenghupayā. huwushenakpangandĕlingiwakkabeḥ, idhĕpikangbakā. knādenya met'hupayā, kagĕgĕḥhĕntyanyadenya. kar̥ĕgĕpikangnayādenya, mojar̀tayā, lingnya. a'umsanghiwakkabeḥ, bagyakitamitraninghulun. mangkanalingnya. ikangsakatĕmbemarataya [52 52A] mwaḥmarengtalagā. sukṣmātinyasmitanyaritpinikangtalagā, ganggĕnglumutpinanganyā. ikangmatsyatinangisan. matakwanikangmiṇā, riduḥkanikangbakā, sumahūr̀ikangbakā, lingnya. a'umsangmiṇā kitakabeḥ, nimittaninghulunmanangis, lukanwĕlasinghulunrikitakabeḥ, ndihuwussukantakabeḥhamukti, kasukaningkulawar̀ggantamwangnakrabinya, rowangtāmuktiringtalagā. ikatamilusuka nghulunrisukantākabeḥ. mangkenghulunmangr̥öwr̥ĕttaningparā, pangucapingtwarawā, nĕnggeḥmangirupengkita, padhamagawesapakireningmangalapiwak. lingnya. hanajalā, jaringhañco, seser̀, susu g, mangkanadiningpangalap. mwangtuwajnu, gĕtihingsusuruḥlanang, mabhaṣadhatanghagöngningwulanbhadrawadamasā. sinambinyācangkrama. hamawapanāmaramyarāmyan. ikatanwadyakĕnriyogganinghulu

Leaf 52

Image on Archive.org

[᭕᭒ 52B] ᭕᭒ ᬦ᭄‌ᬮᬯᬦ᭄ᬓᬶᬢᬵ᭟ᬧᬧᬦᬶᬗ᭄ᬳᬸᬮᬸᬦ᭄᭞ᬢᬦ᭄ᬯᭂᬦᬂᬳᬫᬾᬢᬳᬬ᭄ᬯᬦᬶᬓᬶᬂᬓᬶᬢᬓᬩᬾᬄ᭟ᬫᭀᬚᬃᬇᬓᬂᬫᬢ᭄ᬲ᭄ᬬᬓᬩᬾᬄ᭟ᬳᬸᬤᬸᬄᬢᬲ᭄ᬬᬲᬶᬄᬢᬓᬶᬢᬫᬶᬢ᭄ᬭᬵ᭞ᬅᬗ᭄ᬳᬶᬂᬓᬶᬢᬭᬫᬵᬭᬾᬡᬗ᭄ᬓ᭄ᬯᬵ᭞ᬳᬸᬗ᭄ᬕ᭄ᬯᬦᬶᬂᬉᬭᬶᬧ᭄ᬓᬸᬓᬩᬾᬄ᭞ᬓᬶᬢᬫᬶᬢ᭄ᬭᬳ ᬲᬶᬳᬵ᭟ᬳᬵᬃᬱᬕᬃᬚ᭄ᬚᬶᬢᬵᬫ᭄ᬩᭂᬓᬶᬓᬂᬩᬓᬵᬭᬸᬫ᭄ᬩᬵᬢᬗᬶᬲ᭄ᬦ᭄ᬬᬓᬩᬾᬄ᭞ᬫᭀᬚᬃᬢᬬᬵ᭟ᬅᬉᬫ᭄‌ᬲᬂᬫᬶᬡᬵᬲᬗ᭄ᬖ᭄ᬬ᭞ᬫᬗ᭄ᬳᭂᬦᬵᬗ᭄ᬳᭂᬦ᭄ᬗ᭄ᬯᬂ᭞ᬳᬫᬾᬢᬓᬳᬬ᭄ᬯᬦ᭄ᬢᬵ᭟ᬦ᭄ᬤᬄᬳᬦᬉᬧᬬᬗ᭄ᬓ᭄ᬯᬵ᭟ᬬᬦ᭄ᬓᬶᬢᬵᬳ᭄ᬬᬸᬦ᭄ᬫᭃᬭᬓ᭄ᬦᬗ᭄ᬓ᭄ᬯᬓᬶᬢᬓ ᬩᬾᬄ᭟ᬳᬦᬢᬢᬮᬕᬵᬪᬝᬭᬭᬸᬤ᭄ᬭᬭᬶᬂᬅᬡ᭄ᬥᬯᬳᬦ᭞ᬗᬭᬦ᭄ᬬ᭞ᬧᬶᬦᬓᬲᬪᬵᬪᬝᬭᬭᬸᬤ᭄ᬭᬵ᭞ᬮᬭᬗᬦ᭄᭞ᬢᬦ᭄ᬳᬦᬵᬲᬪᬵᬭᬶᬬᬵ᭟ᬇᬭᬶᬓᬢᬓᬳᬦᬦ᭄ᬢᬵ᭟ᬫᬗ᭄ᬓᬾᬢᬳᬶᬩᭂᬭᬓ᭄ᬦᬗ᭄ᬓ᭄ᬯᬓᬶᬢ᭞ᬲᬓᬯᬰᬦᬶ ᬗ᭄ᬳᬸᬮᬸᬦᬸᬫᬸᬜ᭄ᬚᬮ᭞ᬫᬭᬾᬂᬢᬮᬕᬵ᭟ᬫᬚᬃᬇᬓᬂᬇᬯᬓ᭄᭟ᬭᬳᬬᬸᬬᬦ᭄‌ᬫᬗ᭄ᬓᬦᬢᬲᬶᬳᬦ᭄‌ᬢᬾᬭ᭄ᬬᬓᬸ᭞ᬯᬯᬢᬗ᭄ᬳᬸᬮᬸᬦ᭄᭟ᬫᬗ᭄ᬓᬦᬢᬮᬶᬂᬦᬶᬗᬶᬯᬓ᭄᭟ᬳᬶᬦᬶᬩᭂᬭᬓᭂᬦ᭄ᬬᬢᬂᬫᬶᬦ᭞ᬲᬸᬓᬸᬦ᭄ᬬᬓᬮᬶᬄᬲᬦ [᭕᭓ 53A] ᬲᬶᬦᬶᬫ᭄ᬯᬂᬧᬢᬸᬓ᭄ᬦ᭄ᬬ᭞ᬯᬶᬦᬯᬦ᭄ᬬᬭᬶᬂᬧᬸᬘᬓᬶᬂᬕᬸᬦᬸᬂ᭞ᬇᬭᬶᬓᬂᬯᬢᬸᬓᬸᬫᬮᬰᬵ᭞ᬇᬭᬶᬓᬵᬢᬬᬦ᭄ᬧᬶᬦᬗᬦᬶᬓᬂᬫᬢ᭄ᬲ᭄ᬬᬵ᭟ᬓᬸᬦᬂᬭᬶᬮᬯᬲ᭄ᬦ᭄ᬬᬫᬯᬦ᭄ᬢᬶᬯᬦ᭄ᬢᬶ᭞ᬢ᭄ᬮᬲᬶᬓᬂᬳᬶᬯᬓ᭄ᬤᬾᬦ᭄ᬬ᭟ᬳᬦᬢᬬᬸᬬᬸᬓᬯᬓ᭄‌ᬲᬲᬶᬓᬶ᭞ ᬬᬢᬵᬫᬮᬓᬸᬯᬶᬦᭂᬭᬓᭂᬦ᭄᭟ᬢᬦᬵᬗ᭄ᬕᬵᬇᬓᬂᬩᬓᬵ᭞ᬢᬸᬫᭀᬦᬶᬂᬲᬸᬧᬶᬢ᭄ᬦ᭄ᬬᬵᬕᭃᬂ᭞ᬓ᭄ᬥᭂᬄᬫᬧᬶᬦ᭄ᬢᬓᬲᬶᬄᬇᬓᬂᬳᬬᬸᬬᬸ᭞ᬮᬶᬂᬦ᭄ᬬᬵ᭞ᬢᬸᬮᬸᬲᬓᭂᬦ᭄ᬥᬃᬫᬦ᭄ᬢᬵᬲᬂᬪᬓᬵ᭞ᬦ᭄ᬬᬢᬗ᭄ᬳᬸᬮᬸᬦ᭄‌ᬳᬦ᭄ᬧᬶᬦᬸᬮᬶᬗᬦ᭄ᬤᬾᬦ᭄ᬢᬲᬂᬳᬫᬾ ᬢ᭄ᬫᬶᬦ᭄᭟ᬳᬦᬾᬓᬫᬶᬦᬓᬭᬶᬢᬶᬕᬂᬲᬂᬓᬶᬫᬶᬢ᭄ᬭᬦᬶᬗ᭄ᬳᬸᬮᬸᬦ᭄᭞ᬧᬋᬗᬢᬗ᭄ᬳᬸᬮᬸᬦ᭄᭞ᬲᬸᬫᬳᬹᬃᬢᬫᬶᬡᬢᬶᬕᬂᬲᬶᬓᬶ᭟ᬢᬸᬄᬯᬶᬓᬸᬲᬂᬩᬓᬵ᭞ᬳᬾᬫᬦ᭄ᬢᬥᬃᬫ᭄ᬫᬦ᭄ᬢᬬᬦ᭄ᬢᬸᬮᬸᬲ᭟ᬧᬧᬵᬭᬓ᭄ᬯᬗ᭄ᬳᬸᬮᬸᬦ᭄‌ᬬᬦ᭄ᬢᬦ᭄ᬢᬸᬢᬾᬭᬶᬓᬶᬢᬵ᭞ ᬬᬦ᭄ᬢᬦ᭄ᬫᬶᬮᬸᬫᬳᬵᬫᬶᬢ᭄ᬭᬦᬶᬗ᭄ᬳᬸᬮᬸᬦ᭄‌ᬬᬸᬬᬸ᭟ᬦ᭄ᬤᬶᬳᬳᬸᬗ᭄ᬕ᭄ᬯᬦᬶᬬ᭞ᬮᬶᬂᬦᬶᬓᬂᬩᬓ᭞ᬅᬧᬦ᭄ᬭᬶᬂᬲᬸᬓᬸᬗ᭄ᬓᬸᬓᬯ᭄ᬦᬂᬓᬶᬢᬓᬮᬶᬄ᭞ᬭᬶᬧᬢᬸᬓ᭄ᬓᬸᬓᬯ᭄ᬦᬂᬲᬲᬶᬓᬶ᭞ᬦ᭄ᬤᬶᬢᬳᬸᬗ᭄ᬕ᭄ᬯᬦᬶᬓᬂᬳᬬᬸᬬᬸ᭟ᬮᬶᬂᬦ᭄ᬬ᭟ᬬᬦ᭄ᬬᭀᬕ᭄ᬬᬗ᭄ᬳᬸᬮᬸᬦ᭄ᬧᭂᬮᬸᬓ

Auto-transliteration

[52 52B] 52 nlawankitā. papaninghulun, tanwĕnanghametahaywanikingkitakabeḥ. mojar̀ikangmatsyakabeḥ. huduḥtasyasiḥtakitamitrā, anghingkitaramāreṇangkwā, hunggwaninguripkukabeḥ, kitamitraha sihā. hār̀ṣagar̀jjitāmbĕkikangbakārumbātangisnyakabeḥ, mojar̀tayā. a'umsangmiṇāsangghya, manghĕnānghĕnngwang, hametakahaywantā. ndaḥhana'upayangkwā. yankitāhyunmöraknangkwakitaka beḥ. hanatatalagābhaṭararudraringaṇdhawahana, ngaranya, pinakasabhābhaṭararudrā, larangan, tanhanāsabhāriyā. irikatakahanantā. mangketahibĕraknangkwakita, sakawaśani nghulunumuñjala, marengtalagā. majar̀ikangiwak. rahayuyanmangkanatasihanteryaku, wawatanghulun. mangkanatalingningiwak. hinibĕrakĕnyatangmina, sukunyakaliḥsana [53 53A] sinimwangpatuknya, winawanyaringpucakinggunung, irikangwatukumalaśā, irikātayanpinanganikangmatsyā. kunangrilawasnyamawantiwanti, tlasikanghiwakdenya. hanatayuyukawaksasiki, yatāmalakuwinĕrakĕn. tanānggā'ikangbakā, tumoningsupitnyāgöng, kdhĕḥmapintakasiḥikanghayuyu, lingnyā, tulusakĕndhar̀mantāsangbhakā, nyatanghulunhanpinulingandentasanghame tmin. hanekaminakaritigangsangkimitraninghulun, par̥ĕngatanghulun, sumahūr̀tamiṇatigangsiki. tuḥwikusangbakā, hemantadhar̀mmantayantulusa. papārakwanghulunyantantuterikitā, yantanmilumahāmitraninghulunyuyu. ndihahunggwaniya, lingnikangbaka, apanringsukungkukawnangkitakaliḥ, ripatukkukawnangsasiki, nditahunggwanikanghayuyu. lingnya. yanyogyanghulunpĕluka

Leaf 53

Image on Archive.org

[᭕᭓ 53B] ᭕᭓ ᬕᬸᬮᬸᬓ᭄ᬢᬵ᭞ᬧᬸᬢᬸᬲ᭄ᬢᬗᬭᬦᬶᬂᬥᬃᬫ᭄ᬫᬦ᭄ᬢᬵ᭟ᬭᬶᬓᬦ᭄ᬢᬬᬦᬶᬗ᭄ᬳᬸᬮᬸᬦ᭄ᬓᬩᬾᬄ᭟ᬤᬤᬶᬫᬵᬗ᭄ᬕᬇᬓᬂᬩᬓᬵᬯ᭄ᬓᬲᬦ᭄᭞ᬢᬸᬫᬹᬢᬶᬓᬂᬳᬬᬸᬬᬸ᭞ᬫ᭄ᬮᬸᬓᬶᬕᬸᬮᬸᬦᬶᬂᬩᬓᬵ᭟ᬫᬗ᭄ᬳᭂᬦᬵᬗ᭄ᬳᭂᬦᬶᬓᬂᬅᬬᬸᬬᬸ᭞ᬲᬦ᭄ᬤᬾᬳᬵᬓᬸᬤᬾᬦᬶᬓᬶᬂᬩᬓᬵ᭞ ᬗᬹᬦᬶᬳᬓᬸᬭᬸ᭞ᬫᬗ᭄ᬓᬾᬧ᭄ᬯᬬᬍᬫᬸ᭞ᬫᭂᬧᭂᬓᬦ᭄‌ᬥᬥᬦ᭄ᬬᬭᬢ᭞ᬲᬶᬧᬶᬓᬗ᭄ᬳᬾᬮᬦᬶᬓᬵᬫᭃᬭᬓᭂᬦᬶᬯᬓᬓ᭄‌ᬲᬶᬫ᭄ᬩᬦ᭄ᬢᭂᬦ᭄‌ᬳᬓᬸᬭᬹᬯ᭟ᬧᭂᬦ᭄ᬥᬦᬶᬂᬥᬃᬫ᭄ᬫᬇᬦᬸᬮᬳᬵᬓᭂᬦ᭄‌ᬗ᭄ᬕᬦ᭄ᬬ᭞ᬫᬢᬗ᭄ᬬᬦᬵᬍᬫᬸ᭞ᬢᬳᬬᬵ᭞ᬪᬶᬲᬫᬵᬇᬓᬂᬳᬶ ᬯᬓ᭄‌ᬓᬩᬾᬄᬧᬶᬦᬗᬦ᭄ᬬ᭟ᬫᬗ᭄ᬓᬦᬵᬗ᭄ᬳᭂᬦᬵᬗ᭄ᬳᭂᬦᬶᬓᬂᬬᬸᬬᬸ᭟ᬢᬤᬦᬦ᭄ᬢᬭᬓᭀᬗᬂᬳᬕ᭄ᬭᬦᬶᬓᬂᬬᬸᬬᬸᬕᬸᬦᬸᬂ᭞ᬓᬢᬸᬗ᭄ᬓᬸᬮᬦᬶᬓᬂᬯᬢᬸᬓᬸᬫᬮᬰᬵ᭞ᬓᬯᬬᬓᬭᬶᬦᬶᬓᬂᬫᬶᬡᬵᬓᬢᭀᬦ᭄ᬤᬾᬦᬶᬓᬂᬬᬸᬬᬸ᭟ᬦ᭄ᬤᬄᬢᬮᬶᬂ ᬓᬸᬓᬤ᭄ᬱ᭄ᬝᬦᬶᬓᬶᬂᬩᬓᬵ᭟ᬬᬢ᭄ᬦᬵᬳᬬᬸᬬᬸ᭞ᬬᬢᬲᬶᬦᬸᬧᬶᬢ᭄ᬦ᭄ᬬᬕᬸᬮᬸᬦᬶᬓᬂᬩᬓᬵ᭞ᬢᬸᬕᭂᬮ᭄‌ᬓᬧᬶᬲᬦ᭄᭟ᬫᬢᬶᬓᬂᬩᬓᬵᬯ᭄ᬓᬲᬦ᭄ᬢᭂᬫᬳᬦ᭄ᬬ᭟ᬢᬶᬦᭀᬦ᭄ᬤᬾᬪᬕᬯᬦ᭄‌ᬪᬲᬸᬩᬕᬵᬦ᭄ᬫᬕᬯᬾ᭠ [᭕᭔ 54A] ᬰ᭄ᬮᭀᬓᬵ᭟ᬓᬺᬢᭀᬧᬸᬦᬄᬧᬸᬦᬄᬧᬧᬵ᭞ᬬᬧᬦᭀᬦᬶᬯᬢᬢᬾᬯᬄ᭞ᬤᬸᬄᬓᬾᬫᬧᬾᬦᭀᬢᬫ᭄‌ᬤᬹᬃᬩᬸᬤ᭄ᬥᬶ᭞ᬲᬪᬢᬄᬓᬃᬓ᭄ᬓᬤᬾᬬᬢᬄ᭟ᬇᬓᬂᬦᬶᬢ᭄ᬬᬵᬕᬯᬾᬧᬧᬵ᭞ᬚᬢᬶᬦ᭄ᬬᬵᬦ᭄ᬫᬸᬤᬸᬄᬓᬵ᭟ᬢᭀᬦᬶᬓᬂᬩᬓ᭞ᬭᬓᬝ᭞ᬫᬗ᭄ᬓᬦ ᬮᬶᬂᬦᬶᬓᬂᬢᬶᬢᬶᬗ᭄ᬕᬶ᭞ᬫᬘᬭᬶᬢᬓᭂᬦᬶᬂᬢᬸᬫᬵ᭟ᬤᬤᬶᬫᬗ᭄ᬕᬵᬇᬓᬂᬢᬸᬫᬧ᭄ᬭᬰ᭄ᬭᬬᬦ᭄ᬬ᭟ᬓᬳᬥᬂᬧ᭄ᬯᬲᬂᬧ᭄ᬭᬪᬹᬫᬕᬸᬮᬶᬂᬭᬶᬂᬭᬳᬶᬦᬵ᭞ᬢᬶᬦᭀᬦ᭄ᬬᬢᬧᬸᬧᬸᬲᬂᬧ᭄ᬭᬪᬹᬫᬓᬸᬦᬶᬂᬫᬧᬸᬢᬶᬄ᭟ᬬᬾᬓᬵᬓᬵᬃᬧᬫ᭄ᬩᭂᬓᬶᬓᬂᬓᬢᬶᬢᬶᬗ᭄ᬕᬶ᭞ᬗᬹᬦᬶᬗ᭄ᬯᬂ᭠ ᬲᬶᬦᬳᬸᬢ᭄ᬦ᭄ᬬᬢᬧᬸᬧᬸᬲᬂᬧ᭄ᬭᬪᬹ᭟ᬓᬕ᭄ᬬᬢ᭄ᬲᬶᬭᬤᬾᬦ᭄ᬬ᭞ᬓᬶᬦᭀᬦᬓᭂᬦ᭄ᬧᬾᬢᭂᬦ᭄ᬤᬾᬦᬶᬂᬲᬂᬧ᭄ᬭᬪᬹ᭟ᬯᬶᬦᬸᬮᬶᬓ᭄‌ᬢᬬᬤᬾ ᬦᬶᬂᬫᬢᬶᬮᬫ᭄᭞ᬢᬦ᭄ᬓᬢ᭄ᬫᬸᬇᬓᬂᬓᬢᬶᬢᬶᬗ᭄ᬕᬶ᭞ᬰᬶᬖ᭄ᬭᬫᬮᬬᬸᬭᬶᬂᬲ᭄ᬮᬦᬶᬂᬢᬭᬶᬧ᭄᭞ᬓᬢ᭄ᬫᬸᬇᬓᬂᬢᬸᬫᬲᭀᬫᬄ᭞ᬧᬶᬦᬢ᭄ᬬᬦ᭄ᬢᬬᬓᬮᬶᬄ᭟ᬢᬶᬦᭀᬦ᭄ᬤᬾᬪᬕᬯᬦ᭄ᬪᬲᬸᬩᬕ᭞ᬫᬕᬯᬾᬰ᭄ᬮᭀᬓᬵ᭟᭚ᬰᬶᬮᬯᬺᬢ᭄ᬢᬫᬯ᭄ᬬᬚ᭄ᬗᬬᬄ᭞

Auto-transliteration

[53 53B] 53 guluktā, putustangaraningdhar̀mmantā. rikantayaninghulunkabeḥ. dadimāngga'ikangbakāwkasan, tumūtikanghayuyu, mlukiguluningbakā. manghĕnānghĕnikangayuyu, sandehākudenikingbakā, ngūnihakuru, mangkepwayal̥ĕmu, mĕpĕkandhadhanyarata, sipikanghelanikāmörakĕniwakaksimbantĕnhakurūwa. pĕndhaningdhar̀mma'inulahākĕnngganya, matangyanāl̥ĕmu, tahayā, bhisamā'ikanghi wakkabeḥpinanganya. mangkanānghĕnānghĕnikangyuyu. tadanantarakonganghagranikangyuyugunung, katungkulanikangwatukumalaśā, kawayakarinikangmiṇākatondenikangyuyu. ndaḥtaling kukadṣṭanikingbakā. yatnāhayuyu, yatasinupitnyagulunikangbakā, tugĕlkapisan. matikangbakāwkasantĕmahanya. tinondebhagawanbhasubagānmagawe‐ [54 54A] ślokā. kr̥ĕtopunaḥpunaḥpapā, yapanoniwatatewaḥ, duḥkemapenotamdūr̀buddhi, sabhataḥkar̀kkadeyataḥ. ikangnityāgawepapā, jatinyānmuduḥkā. tonikangbaka, rakaṭa, mangkana lingnikangtitinggi, macaritakĕningtumā. dadimanggā'ikangtumapraśrayanya. kahadhangpwasangprabhūmagulingringrahinā, tinonyatapupusangprabhūmakuningmaputiḥ. yekākār̀pambĕkikangkatitinggi, ngūningwang‐ sinahutnyatapupusangprabhū. kagyatsiradenya, kinonakĕnpetĕndeningsangprabhū. winuliktayade ningmatilam, tankatmu'ikangkatitinggi, śighramalayuringslaningtarip, katmu'ikangtumasomaḥ, pinatyantayakaliḥ. tinondebhagawanbhasubaga, magaweślokā. // śilawr̥ĕttamawyajngayaḥ,

Leaf 54

Image on Archive.org

[᭕᭔ 54B] ᭕᭔ ᬲᭀᬤᬤᬢ᭄ᬭᬶᬫ᭄ᬭᬢᬶᬰ᭄ᬭᬬᬦ᭄᭞ᬳᬮᬬᬰ᭄ᬘᬡ᭄ᬥᬾᬮᬾᬢᬾᬯ᭞ᬚᬶᬯᬶᬢᬫ᭄‌ᬤ᭄ᬯᬶᬧ᭄ᬭᬬᬸᬤ᭄ᬬᬢᬾ᭟ᬇᬓᬂᬫᬫᬭᬰ᭄ᬭᬬᬦ᭄‌ᬢᬦ᭄ᬯ᭄ᬭᬸᬄᬭᬶᬂᬫᬃᬬ᭄ᬬᬥᬦᬶᬂᬫᬫᬭᬰ᭄ᬭᬬᬦ᭄᭞ᬫᬦ᭄ᬫᬸᬤᬸᬄᬓᬵ᭞ᬢᬲ᭄ᬯᬪᬯᬦ᭄ᬬ᭟ᬢᭀᬦᬶᬓᬂᬢᬸᬫᬫᬢᬶᬤᬾᬦᬶᬂᬓ ᬢᬶᬢᬶᬗ᭄ᬕᬶ᭟ᬫᬗ᭄ᬓᬦᬢᬶᬓᬂᬍᬫ᭄ᬩᬸ᭞ᬯᬯᬂᬦ᭄ᬬᭀᬫᬶᬢ᭄ᬭᬭ᭄ᬬᬓᬸ᭞ᬢᬦ᭄ᬯ᭄ᬭᬸᬄᬭᬶᬫᬃᬬ᭄ᬬᬤᬗ᭄ᬓᬸ᭟ᬦ᭄ᬬᬢᬫᬢ᭄ᬬᬤᬾᬗ᭄ᬓᬸᬫᬗ᭄ᬓᬦᬮᬶᬂᬲᬂᬘᬡ᭄ᬥᬧᬶᬗ᭄ᬕᬮᬭᬶᬓᬶᬢᬲᬂᬦᬡ᭄ᬥᬓᬵ᭟ᬤᬾᬦᬶᬲᬶᬄᬓ᭄ᬯᬶᬭᬶᬓᬶᬢ᭞ᬫᬧᬗ᭄ᬬᬦ᭄ᬫᬫᬶᬫᬯᬭᬳᬶᬓᬶᬢᬵᬫᬗ᭄ᬓᬾᬲᬂᬦ᭠ ᬡ᭄ᬥᬓ᭟ᬧᬭᬦ᭄ᬢᬵᬓᬸᬫᬯᬭᬄᬳᬶᬭᬶᬓᬶᬢ᭟ᬦᬳᬦ᭄‌ᬲᬂᬦᬡ᭄ᬥᬓᬫᬗᬦ᭄ᬤᬸᬓᬸᬢ᭄᭞ᬳᬓᬸᬫᬗᬦ᭄ᬫᬗ᭄ᬲ᭞ᬦ᭄ᬤᬶᬧᬵᬢᬹᬢᬓᬶᬭᬓᬶᬭᬂᬓᬸ᭟ᬫᬦᬯᬇᬮᬳᬓᬸᬇᬮᬬᬦ᭄ᬧ᭄ᬭᬫᬥ᭟ᬓᬤᬶᬓᬳᬶᬮᬗᬦᬶᬓᬂᬫᬦᬸᬓ᭄‌ᬲᬃᬯ᭄ᬯᬫᬗᬦᬶᬯ ᬓ᭄ᬤᬾᬦᬶᬂᬓᬸᬯᭀᬂ᭟ᬫᬗ᭄ᬓᬦᬢᬶᬯᬲ᭄ᬓᬸᬬᬦ᭄ᬫᭂᬦᬾᬧ᭄ᬭᬫᬥ᭟ᬫᬗ᭄ᬓᬦᬮᬶᬂᬲᬂᬘᬡ᭄ᬥᬧᬶᬗ᭄ᬕᬮ᭟ᬫᬢᬓ᭄ᬯᬦ᭄‌ᬲᬂᬦᬡ᭄ᬥᬓᬵ᭞ᬮᬶᬂᬦ᭄ᬬ᭟ᬫᬧᬵᬓᬮᬶᬗᬦ᭄ᬬᬢᬂᬫᬦᬸᬓ᭄‌ᬲᬃᬯ᭄ᬯᬫᬗᬦ᭄‌ᬫᬗ᭄ᬰᬤᬾᬦᬶᬂᬓᬸᬯᭀᬂ᭟ᬲᬸᬫᬳᬹᬃᬲᬂᬲᬫ᭄ᬪᬥ᭟ᬳᬦ [᭕᭕ 55A] ᭕᭕ ᬫᬦᬸᬓ᭄ᬘᬗᬓ᭄᭞ᬲᬶᬥᬶᬭᬓᬭᬗᬭᬦ᭄ᬬ᭞ᬲᬶᬢᬸᬗ᭄ᬕᬮᬶᬗᬭᬦᬶᬂᬲ᭄ᬢ᭄ᬭᬶᬦ᭄ᬬ᭟ᬳᬦᬢᬫᬦᬸᬓ᭄ᬚᬗ᭄ᬓᬸᬂᬲᬶᬓᬵᬮᬯᬳᬦᬗᬭᬦ᭄ᬬ᭟ᬲᬶᬯᬮᬶᬓᬶᬢᬶᬗᬭᬦᬶᬂᬭᬩᬶᬦ᭄ᬬ᭟ᬫᬓᬚᬸᬭᬸᬦᬶᬂᬩᬗᭀᬲᬶᬫᬮᬢᬸᬡ᭄ᬥᬵᬗᬭᬦ᭄ᬬ᭞ᬲᬶᬢᬸᬦ᭄ᬬᬢᬤᬶᬦᬶᬗᬭᬦᬶᬂᬲ᭄ᬢ᭄ᬭᬶᬦ᭄ᬬ᭞ ᬬᬢᬫᬫᬭᬰ᭄ᬭᬬᬭᬶᬂᬭᬗ᭄ᬭᬵ᭞ᬩᬫᬥ᭄ᬬᬯᬶᬬᬾᬢᬗᬭᬦ᭄ᬬ᭞ᬢᬸᬫᬸᬯᬸᬄᬭᬶᬳᬖ᭄ᬭᬦᬶᬂᬕᬸᬦᬸᬂ᭟ᬢᬦ᭄ᬳᬦᬲᬗ᭄ᬰᬬᬦ᭄ᬬ᭞ᬫᬵᬦᬓ᭄‌ᬫᬧᬸᬢᬸᬪᬸᬬᬸᬢ᭄‌ᬓᬩᬾᬄᬦ᭄ᬬ᭞ᬧᬥᬯᬺᬥᬶᬯ᭄ᬓᬦ᭄ᬬ᭞ᬢᬦ᭄ᬳᬦᬫᬦᬸᬓ᭄‌ᬳᬥᬃᬫ᭄ᬫᬦᬾᬭ᭄ᬬᬵ᭞ᬗᬹᬦᬶᬗᬹᬦᬶᬓᬂᬫᬦᬹᬱ᭞ ᬤᬾᬦᬶᬂᬭᬸᬳᬹᬃᬦ᭄ᬬᬦᬾᬂᬭᬗ᭄ᬭᬵ᭞ᬯ᭄ᬦᬂᬢᬸᬫᬶᬗ᭄ᬳᬮᬦᬓ᭄ᬭᬩᬶᬦ᭄ᬬᬓᬵᬮᬦ᭄ᬬᬫᬾᬢ᭄‌ᬫᬗ᭄ᬰᬦ᭄ᬬᬦᬓ᭄ᬦ᭄ᬬ᭟ᬧᬋᬂᬮᬸᬗ᭄ᬳᬧᬋᬂᬢ᭄ᬓᬵ᭞ᬓᬧ᭄ᬯᬲᬶᬦᬸᬗ᭄ᬲᬸᬂᬤᬾᬦᬶᬂᬯ᭄ᬓᬦ᭄ᬬᬲᭀᬯᬂᬲᭀᬯᬂ᭟ᬫᬗ᭄ᬓᬦᬅᬪᬦ᭄ᬬ᭟ᬫᬧᬓᬸᬦᬂᬇᬓᬂᬓᬵᬮ᭞ᬳᬦᬢᬵ ᬫᬦᬸᬓ᭄‌ᬓᬸᬯᭀᬂᬲᬮᬓᬶᬩᬶ᭞ᬲᬶᬧᬭᬥᬗᬭᬦ᭄ᬬᬓᬂᬮᬦᬂ᭞ᬲᬶᬲᬸᬪᬦᬶᬗᬭᬦᬶᬂᬲ᭄ᬢ᭄ᬭᬶᬦ᭄ᬬ᭟ᬬᬢᬯᬶᬭᬕ᭄ᬬᬢᬦ᭄ᬧᬦᬓ᭄᭞ᬤᬾᬦᬶᬂᬲᬫᬵᬦᬓᬦ᭄ᬬᬇᬦᬮᬧ᭄‌ᬤᬾᬦᬶᬂᬯ᭄ᬯᬂᬚᬸᬕ᭟ᬧᬦᬩ᭄ᬥᬧᬢᬸᬯᬸᬳᬦᬶᬓᬂᬕᬕᬓ᭄‌ᬧᬶᬦᬓ

Auto-transliteration

[54 54B] 54 sodadatrimratiśrayan, halayaścaṇdheletewa, jiwitamdwiprayudyate. ikangmamaraśrayantanwruḥringmar̀yyadhaningmamaraśrayan, manmuduḥkā, taswabhawanya. tonikangtumamatideningka titinggi. mangkanatikangl̥ĕmbu, wawangnyomitraryaku, tanwruḥrimar̀yyadangku. nyatamatyadengkumangkanalingsangcaṇdhapinggalarikitasangnaṇdhakā. denisiḥkwirikita, mapangyanmamimawarahikitāmangkesangna‐ ṇdhaka. parantākumawaraḥhirikita. nahansangnaṇdhakamangandukut, hakumanganmangsa, ndipātūtakirakirangku. manawa'ilahaku'ilayanpramadha. kadikahilanganikangmanuksar̀wwamanganiwa kdeningkuwong. mangkanatiwaskuyanmĕnepramadha. mangkanalingsangcaṇdhapinggala. matakwansangnaṇdhakā, lingnya. mapākalinganyatangmanuksar̀wwamanganmangśadeningkuwong. sumahūr̀sangsambhadha. hana [55 55A] 55 manukcangak, sidhirakarangaranya, situnggalingaraningstrinya. hanatamanukjangkungsikālawahanangaranya. siwalikitingaraningrabinya. makajuruningbangosimalatuṇdhāngaranya, situnyatadiningaraningstrinya, yatamamaraśrayaringrangrā, bamadhyawiyetangaranya, tumuwuḥrihaghraninggunung. tanhanasangśayanya, mānakmaputubhuyutkabeḥnya, padhawr̥ĕdhiwkanya, tanhanamanuk'hadhar̀mmaneryā, ngūningūnikangmanūṣa, deningruhūr̀nyanengrangrā, wnangtuminghalanakrabinyakālanyametmangśanyanaknya. par̥ĕnglunghapar̥ĕngtkā, kapwasinungsungdeningwkanyasowangsowang. mangkana'abhanya. mapakunangikangkāla, hanatā manukkuwongsalakibi, siparadhangaranyakanglanang, sisubhaningaraningstrinya. yatawiragyatanpanak, deningsamānakanya'inalapdeningwwangjuga. panabdhapatuwuhanikanggagakpinaka

Leaf 55

Image on Archive.org

[᭕᭕ 55B] ᭕᭕ ᬧᬢᬸᬯᬳᬦ᭄ᬬᬳᬦ᭄ᬢᬶᬕᬵ᭟ᬅᬲᬶᬂᬯ᭄ᬯᬂᬫᬢᬶᬮᬶᬓ᭄ᬫᬳ᭄ᬬᬸᬦ᭄ᬭᬶᬳᬶᬥᭂᬧ᭄ᬦ᭄ᬬᬫᬮᬧᬳᬦᬓ᭄ᬦᬶᬓᬂᬓᬸᬯᭀᬂ᭞ᬤᬦᬶᬂᬳᬃᬱᬦ᭄ᬬᬭᬶᬂᬲ᭄ᬯᬭᬦ᭄ᬬ᭞ᬳᬾᬢᬸᬦ᭄ᬬᬦ᭄ᬲᬳᬲᬗᬮᬧ᭄᭟ᬩᬃᬬ᭄ᬬᬦ᭄ᬫᬦ᭄ᬫᬦᬓᬶᬓᬂᬓᬓ᭄᭟ᬓᬸᬦᬂᬮᬶᬂᬦᬶᬂᬳᬸᬮᬸᬦ᭄‌ᬲᬂᬲᬫ᭄ᬪᬥᬵ᭟ᬫᬧᬵ ᬧ᭄ᬭᬱ᭄ᬝᬯᬦᬶᬓᬂᬕᬕᬓ᭄᭞ᬓᬸᬤᬸᬯᬯᬦ᭄ᬬᬦ᭄ᬢᬶᬕᬤᬾᬦᬶᬂᬓᬸᬯᭀᬂ᭟ᬫᬯᬭᬄᬲᬂᬲᬫ᭄ᬪᬥ᭟ᬳᬦᬩᭀᬢᭀᬄᬭᬶᬂᬳᬩᬶᬭᬗᬭᬦ᭄ᬬ᭟ᬲᬶᬫᬮᬶᬡᬰ᭄ᬭᬬᬵᬗᬭᬦ᭄ᬬ᭞ᬩᭀᬢᭀᬄ᭟ᬬᬢᬓᬢ᭄ᬓᬦ᭄‌ᬯ᭄ᬬᬥᭂᬯ᭄ᬢᭂᬂ᭞ᬫᬓᬸᬭᬹᬢᬬᬵ᭞ᬳᬗ᭄ᬭᬶᬗ᭄ᬓᬶᬂᬭᬶᬗ᭄ᬓᬶᬂ ᬢᬦ᭄ᬯ᭄ᬭᬸᬄᬧᬦᬸᬮᬸᬗᬦ᭄ᬬᬯᬓ᭄ᬦ᭄ᬬ᭟ᬦᬸᬫᬗ᭄ᬓᬢᬬᬫᬫᬾᬢ᭄ᬲᬸᬯᬸᬂ᭞ᬳᬯᬢᬭᬲᬧᬫᬦᬄᬳᬸᬮᬶᬄᬦ᭄ᬬᬮᬓᬸ᭞ᬫᬭᬃᬬ᭄ᬬᬦ᭄ᬢᬬᬵ᭞ᬕᭂᬬᬸᬄᬲᬸᬓᬸᬦ᭄ᬬ᭟ᬳᬦᬢᬂᬕᬕᬓ᭄‌ᬲᬂᬤᬹᬭᬯᬺᬱ᭄ᬝᬶᬗᬭᬦ᭄ᬬ᭞ᬬᬢᬢᬸᬫᬹᬢᬶᬯᬸᬭᬶᬦᬶᬓᬂᬩᭀᬢᭀᬄ᭞ ᬯ᭄ᬬᬥᬶᬯ᭄ᬢᭂᬂ᭟ᬅᬧᬦ᭄ᬫᬾᬄᬫᬢ᭄ᬬᬭᬶᬇᬥᭂᬧ᭄ᬦ᭄ᬬ᭞ᬓᬢᬜ᭄ᬘᬦᬳᬦᬢᬓᬸᬯᭀᬂᬲᬶᬯᬓ᭄ᬪᬚ᭄ᬭᬗᬭᬦ᭄ᬬ᭞ᬫᬚᬃᬢᬬ᭟ᬲᬂᬤᬹᬭᬯᬺᬱ᭄ᬝᬶ᭞ᬳᬬ᭄ᬯᬓᬶᬢᬵᬢᬸᬫᬹᬢᬓᭂᬦ᭄ᬭᬶᬂᬩᭀᬢᭀᬄᬯ᭄ᬬᬥᬶ᭞ᬢᬗ᭄ᬳᬾᬄᬬᬫᬢ᭄ᬬᬬᬵ᭟ᬓᬸᬦᬂᬇᬓᬂᬫᬢᬶᬫ᭄ᬦᬾ [᭕᭖ 56A] ᬦ᭄ᬤᬦᬶᬓᬳᬦᬯ᭄ᬯᬂᬯᬤ᭄ᬯᬦ᭄‌ᬳᬍᬫᬸᬭ᭄ᬯᬂᬲᬶᬓᬶ᭞ᬳᬲᬮᬄᬕᬮᬄᬫᬄᬲ᭄ᬥᭂᬂᬢᬶᬦᬹᬢᬓ᭄ᬦᬶᬂᬤᬸᬱ᭄ᬝᬵ᭞ᬫᬢᬶᬧᬶᬦᬭᬕ᭄‌ᬭᬶᬂᬳᬶᬭᬶᬂᬦᬶᬂᬚᬸᬭᬂᬕᬢᬶᬦ᭄ᬬᬫ᭄ᬦᬾ᭞ᬮᬓᬸᬢᬢᬹᬢᬓᭂᬦᬶᬓᬵ᭟ᬮ᭄ᬯᬶᬄᬓᬫᬸ᭞ᬅᬧᬦᬵᬲᬶᬕᬯᬭᬲᬶᬓᬵ᭟ᬢᬗ᭄ᬳᬾᬄ ᬇᬓᬫᬢ᭄ᬬᬵ᭞ᬫᬗ᭄ᬓᬦᬮᬶᬂᬦᬶᬂᬕᬕᬓ᭄᭟ᬲᬸᬫᬳᬹᬃᬇᬓᬂᬓᬸᬯᭀᬂ᭞ᬮᬶᬂᬦ᭄ᬬ᭞ᬧᬭᬦ᭄ᬢᬢᭀᬳᬦ᭄ᬢᬵ᭟ᬲᬸᬫᬳᬹᬃᬲᬶᬕᬕᬓ᭄᭟ᬲᬶᬗᬮᬄᬳᬸᬮᬸᬦ᭟ᬅᬲ᭄ᬢᬸ᭞ᬮᬶᬦᬶᬓᬂᬓᬸᬯᭀᬂ᭟ᬢᬶᬦᬹᬢ᭄ᬦᬶᬓᬯ᭄ᬯᬂᬯᬤ᭄ᬯᬦ᭄ᬯᬤ᭄ᬯᬦᬵᬍᬫᬸ᭟ᬲᬢ᭄ᬓ ᬦ᭄ᬬᬭᬶᬂᬚᬸᬭᬂ᭞ᬧᬶᬦ᭄ᬚᬳᬦᬶᬓᬓᬮᬶᬄᬧᬶᬦ᭄ᬭᬂᬤᬾᬦᬶᬓᬂᬤᬸᬱ᭄ᬝᬵ᭟ᬤᬺᬯ᭄ᬬᬦ᭄ᬬᬳᬶᬦᬮᬧ᭄ᬦ᭄ᬬ᭟ᬢ᭄ᬓᬵᬇᬓᬂᬕᬕᬓ᭄‌ᬫᬫᬗᬦ᭄ᬯᬗ᭄ᬓᬾᬦ᭄ᬬ᭟ᬫᬚᬸᬃᬇᬓᬂᬓᬸᬯᭀᬂᬲᬶᬯᬓ᭄ᬪᬚ᭄ᬭᬵ᭟ᬫᬧᬵᬢᬓᬫᬸᬂᬕᬕᬓ᭄᭟ᬳᬮᬄᬓᬶᬢᬵ᭟ᬅᬉᬫ᭄‌ᬳᬸ ᬮᬸᬦᬓ᭄ᬦᬢᬗ᭄ᬳᬸᬮᬸᬦ᭄᭟ᬮᬶᬂᬦᬶᬓᬂᬕᬕᬓ᭄᭟ᬲᬸᬫᬳᬹᬃᬳᬶᬓᬂᬓᬸᬯᭀᬂ᭟᭟ᬅᬍᬫᭂᬄᬢᬵᬓᬸᬳᬸᬫᬸᬮᬸᬦᬓ᭄ᬦᬶᬭᬶᬓᬶᬢᬵ᭞ᬢᬦ᭄ᬯᭂᬦᬂᬓ᭄ᬯᬗᬶᬗᭀᬦᬶ᭞ᬳᬧᬦ᭄ᬓᬸᬦᬧᬵᬧᬶᬦᬗᬦ᭄ᬢᬵ᭞ᬓᬸᬦᬂᬧ᭄ᬯᬤᬾᬬᬦ᭄ᬢᬵ᭞ᬬᬦ᭄ᬧᬗᬦ᭄ᬢᬶᬕ

Auto-transliteration

[55 55B] 55 patuwahanyahantigā. asingwwangmatilikmahyunrihidhĕpnyamalapahanaknikangkuwong, daninghar̀ṣanyaringswaranya, hetunyansahasangalap. bar̀yyanmanmanakikangkak. kunanglingninghulunsangsambhadhā. mapā praṣṭawanikanggagak, kuduwawanyantigadeningkuwong. mawaraḥsangsambhadha. hanabotoḥringhabirangaranya. simaliṇaśrayāngaranya, botoḥ. yatakatkanwyadhĕwtĕng, makurūtayā, hangringkingringking tanwruḥpanulunganyawaknya. numangkatayamametsuwung, hawatarasapamanaḥhuliḥnyalaku, marar̀yyantayā, gĕyuḥsukunya. hanatanggagaksangdūrawr̥ĕṣṭingaranya, yatatumūtiwurinikangbotoḥ, wyadhiwtĕng. apanmeḥmatyari'idhĕpnya, katañcanahanatakuwongsiwakbhajrangaranya, majar̀taya. sangdūrawr̥ĕṣṭi, haywakitātumūtakĕnringbotoḥwyadhi, tangheḥyamatyayā. kunangikangmatimne [56 56A] ndanikahanawwangwadwanhal̥ĕmurwangsiki, hasalaḥgalaḥmaḥsdhĕngtinūtakningduṣṭā, matipinaragringhiringningjuranggatinyamne, lakutatūtakĕnikā. lwiḥkamu, apanāsigawarasikā. tangheḥ ikamatyā, mangkanalingninggagak. sumahūr̀ikangkuwong, lingnya, parantatohantā. sumahūr̀sigagak. singalaḥhuluna. astu, linikangkuwong. tinūtnikawwangwadwanwadwanāl̥ĕmu. satka nyaringjurang, pinjahanikakaliḥpinrangdenikangduṣṭā. dr̥ĕwyanyahinalapnya. tkā'ikanggagakmamanganwangkenya. majur̀ikangkuwongsiwakbhajrā. mapātakamunggagak. halaḥkitā. a'umhu lunaknatanghulun. lingnikanggagak. sumahūr̀hikangkuwong. . al̥ĕmĕḥtākuhumulunaknirikitā, tanwĕnangkwangingoni, hapankunapāpinangantā, kunangpwadeyantā, yanpangantiga

Leaf 56

Image on Archive.org

[᭕᭖ 56B] ᭕᭖ ᬓᬶᬢᬵᬳᬸᬫᭀᬭᬳᬦ᭄ᬢᬶᬕᬦᬶᬗ᭄ᬳᬸᬮᬸᬦ᭄᭞ᬲᬲᬶᬓᬶᬢᭂᬢᭂᬲᭂᬦ᭄ᬢᬵ᭟ᬧᬓᬦᬶᬢᬬᬯ᭄ᬯᬄᬳᬶᬂᬳᬫ᭄ᬩᬸᬮᬸ᭞ᬯᬭᬶᬗᬶᬦ᭄᭞ᬲᬧᬭᬦ᭄ᬬ᭟ᬬᬦᬸᬯᬸᬲᬢ᭄ᬯᬵᬳ᭄ᬮᭂᬫ᭄᭞ᬫᬗ᭄ᬓᬦᬮᬶᬂᬦᬶᬂᬓᬸᬯᭀᬂ᭟ᬉᬫ᭄᭞ᬮᬶᬂᬦ᭄ᬬᬕᬕᬓ᭄᭟ᬫᬗ᭄ᬓᬦᬧ᭄ᬭᬲ᭄ᬢᬯᬦ᭄ᬬ ᭞ᬬᬢᬢᬶᬦᬸᬯᬯᬦᬦ᭄‌ᬳᬦ᭄ᬢᬶᬕᬦᬶᬂᬕᬕᬓ᭄ᬤᬾᬦᬶᬂᬓᬸᬯᭀᬂ᭟ᬬᬤ᭄ᬬᬧᬶᬓᬢ᭄ᬓᬵᬫᬗ᭄ᬓᬾ᭟ᬲᬫᬗ᭄ᬓᬦᬮᬶᬂᬲᬂᬲᬫ᭄ᬪᬥᬵ᭟ᬯᬮᬸᬬᬢᬓᬧ᭄ᬭᬶᬳᬢᬶᬓᬂᬓᬸᬯᭀᬂᬮᬦᬂᬯᬤᭀᬦ᭄᭞ᬓᬭᬡᬦ᭄ᬬᬮᬸᬗ᭄ᬳᬵᬫᬳᬲ᭄‌ᬳᬳᬲ᭄᭞ ᬳᬓ᭄ᬯᬾᬄᬤᬾᬰᬧᬶᬦᬭᬦ᭄ᬬᬵ᭟ᬫᬦᭂᬫ᭄ᬯᬢᬬᬫᬦᬸᬓ᭄‌ᬫᬓ᭄ᬯᬾᬄ᭞ᬓᬧ᭄ᬯᬲᬸᬓᬵᬫᬦᬄᬦ᭄ᬬᬲᬳᬦᬦ᭄ᬬᬫᬗᬰ᭄ᬭᬬᬵᬭᬶᬓᬂᬭᬗ᭄ᬭᬵ᭟ᬓᬤᬸᬦᬸᬂᬳᬸᬫᬄᬦᬶᬓᬂᬚᬗ᭄ᬓᬸᬂ᭞ᬤᬤᬶᬢᬫᭀᬚᬃᬇᬓᬂᬓᬸᬯᭀᬂ᭞ᬮᬶᬂᬦ᭄ᬬ᭞ᬳᬦᬓᬭᬶᬚᬸᬭᬸ ᬦ᭄ᬢᬵᬬᬾᬓᬶᬓᬶᬢᬓᬩᬾᬄ᭞ᬲᬸᬫᬳᬹᬃᬇᬓᬂᬚᬗ᭄ᬓᬸᬂ᭞ᬳᬦᬚᬸᬭᬸᬫᬫᬶ᭟ᬲᬸᬫᬳᬹᬃᬇᬓᬂᬓᬸᬯᭀᬂ᭞ᬫᬧᬮ᭄ᬯᬶᬃᬦᬶᬭᬵ᭟ᬲᬫᬳᬹᬃᬢᬂᬚᬗ᭄ᬓᬸᬂ᭞ᬦ᭄ᬤᬦᬳᬦ᭄ᬢᬲᬶᬭᬤᬯᬵᬕᭂᬂᬳᬢᬸᬳᬍᬗᬃ᭟ᬲᬶᬭᬢᬶᬓᬵᬚᬸᬭᬸᬫᬫᬶ᭟ᬲᬸ [᭕᭗ 57A] ᬫᬳᬹᬃᬳᬶᬓᬂᬓᬸᬯᭀᬂ᭞ᬢᬸᬮᬸᬲᬓ᭄ᬦᬵᬲᬶᬄᬢᬭ᭄ᬬᬓᬸ᭞ᬳᬢᬹᬭᬓᭂᬦ᭄ᬢᬓᬫᬶᬭᬶᬲᬶᬭᬵ᭟ᬲᬸᬫᬳᬹᬃᬢᬂᬚᬗ᭄ᬓᬸᬂ᭞ᬫᬧᬧ᭄ᬭᬬᭀᬚᬦᬦ᭄ᬢᬵ᭟ᬲᬸᬫᬳᬹᬃᬇᬇᬓᬂᬓᬸᬯᭀᬂ᭟ᬫᬳ᭄ᬬᬸᬦ᭄ᬫᬶᬮᬸᬳᬦᬾᬗ᭄ᬓᬾᬗ᭄ᬳᬸᬮᬸᬦ᭄᭟ᬲᬸᬫᬳᬹᬃᬚᬗ᭄ᬓᬸᬂ᭟ᬅᬧᬭᬦ᭄ᬢᬫᬲᬸ ᬗᬦ᭄ᬢᬬᬦ᭄ᬲᬶᬤ᭄ᬥᬵᬓᬃᬬ᭄ᬬᬦ᭄ᬢᬵ᭟ᬲᬸᬫᬳᬹᬃᬇᬓᬂᬓᬸᬯᭀᬂ᭟ᬢᬦ᭄ᬳᬦᬧᬲᬸᬗᬦᬶᬂᬗ᭄ᬳᬸᬮᬸᬦ᭄᭞ᬅᬧᬦ᭄ᬥᬭᬶᬤ᭄ᬭᬓᬫᬶ᭞ᬲᬤᬓᬵᬮᬫᬭᬰ᭄ᬭᬬᬭᬶᬂᬕᬸᬦᬸᬂᬳᬮᬲ᭄᭞ᬪᬚ᭄ᬭᬦᬶᬓᬫᬗᬶᬢ᭄‌ᬭᬶᬂᬚᬸᬭᬂᬯᬸᬓᬶᬃ᭞ᬫᬗ᭄ᬓᬦᬢᬕᬯᬬᬦᬶ ᬗ᭄ᬳᬸᬮᬸᬦ᭄‌ᬤᬾᬦ᭄ᬢᬵ᭟ᬲᬸᬫᬳᬹᬃᬇᬓᬂᬚᬗ᭄ᬓᬸᬂ᭟ᬉᬤᬸᬄᬉᬤᬸᬄᬪᬕ᭄ᬬᬬᬦ᭄ᬫᬗ᭄ᬓᬦᬵ᭞ᬫᬗᬺᬗᬵᬢᬓᬫᬶ᭠ᬭᬶᬧ᭄ᬭᬚ᭄ᬜᬦ᭄ᬢᬭᬶᬂᬲ᭄ᬯᬭᬵ᭞ᬳᬦᬧ᭄ᬯᬚᬸᬭᬹᬫᬫᬶᬫᬗᬶᬕᭂᬮ᭄‌ᬧ᭄ᬭᬬᬦᬶᬭᬵ᭟ᬓᬶᬢᬧ᭄ᬯᬅᬋᬓᬵᬮᬶᬲ᭄ᬢ᭄ᬯᬬᬸᬓᬶᬥᬗᬦ᭄᭞ ᬓᬢᭀᬦ᭄‌ᬲᬫ᭄ᬪᬾᬕᬦ᭄᭞ᬦᬶᬭᬫᬗ᭄ᬓᬦᬵ᭟ᬇᬦᬢᬹᬭᬓᭂᬦᬶᬓᬂᬓᬸᬯᭀᬂᬤᬾᬦᬶᬂᬚᬗ᭄ᬓᬸᬂᬲᬶᬓᬮᬯᬦ᭟ᬇᬓᬂᬚᬸᬭᬹᬩᬗᭀᬫᬗᬭᬦ᭄ᬲᬶᬓᬮᬢᬸᬡ᭄ᬥᬵ᭞ᬇᬦᬚᬭᬓᭂᬦ᭄ᬢᬬᬦᬵᬓ᭄ᬯᬾᬄᬨᬮᬦ᭄ᬬᬕᬶᬣᬵᬤᬶᬤᬾ

Auto-transliteration

[56 56B] 56 kitāhumorahantiganinghulun, sasikitĕtĕsĕntā. pakanitayawwaḥhinghambulu, waringin, saparanya. yanuwusatwāhlĕm, mangkanalingningkuwong. um, lingnyagagak. mangkanaprastawanya , yatatinuwawananhantiganinggagakdeningkuwong. yadyapikatkāmangke. samangkanalingsangsambhadhā. waluyatakaprihatikangkuwonglanangwadon, karaṇanyalunghāmahashahas, hakweḥdeśapinaranyā. manĕmwatayamanukmakweḥ, kapwasukāmanaḥnyasahananyamangaśrayārikangrangrā. kadununghumaḥnikangjangkung, daditamojar̀ikangkuwong, lingnya, hanakarijuru ntāyekikitakabeḥ, sumahūr̀ikangjangkung, hanajurumami. sumahūr̀ikangkuwong, mapalwir̀nirā. samahūr̀tangjangkung, ndanahantasiradawāgĕnghatuhal̥ĕngar̀. siratikājurumami. su [57 57A] mahūr̀hikangkuwong, tulusaknāsiḥtaryaku, hatūrakĕntakamirisirā. sumahūr̀tangjangkung, mapaprayojanantā. sumahūr̀i'ikangkuwong. mahyunmiluhanengkenghulun. sumahūr̀jangkung. aparantamasu ngantayansiddhākar̀yyantā. sumahūr̀ikangkuwong. tanhanapasunganingnghulun, apandharidrakami, sadakālamaraśrayaringgununghalas, bhajranikamangitringjurangwukir̀, mangkanatagawayani nghulundentā. sumahūr̀ikangjangkung. uduḥuduḥbhagyayanmangkanā, mangr̥ĕngātakami‐riprajñantaringswarā, hanapwajurūmamimangigĕlprayanirā. kitapwa'ar̥ĕkālistwayukidhangan, katonsambhegan, niramangkanā. inatūrakĕnikangkuwongdeningjangkungsikalawana. ikangjurūbangomangaransikalatuṇdhā, inajarakĕntayanākweḥphalanyagithādide

Leaf 57

Image on Archive.org

[᭕᭗ 57B] ᭕᭗ ᬦᬶᬂᬓᬵᬮᬯᬦᬵ᭟ᬪᬕ᭄ᬬ᭞ᬮᬶᬂᬦᬶᬓᬂᬩᬗᭀ᭟ᬫᬗᬦ᭄ᬢᬶᬢᬶᬓᬂᬓᬸᬯᭀᬂᬮᬓᬶᬲ᭄ᬢ᭄ᬭᬶᬇᬭᬶᬓᬂᬭᬗ᭄ᬭᬵ᭞ᬧᬶᬭᬓᬸᬦᬂᬇᬓᬂᬓᬵᬮᬅᬮᬯᬲ᭄ᬫᬭᬰ᭄ᬭᬬᬵᬗᬦ᭄ᬢᬶ᭟ᬭᬶᬲᬓᬢᬫ᭄ᬩᬾᬲᬸᬓ᭄‌ᬇᬓᬂᬫᬦᬸᬓ᭄‌ᬓᬩᬾᬄᬫᬫᬾᬢ᭄‌ᬧᬗ ᬦ᭄ᬬᬲᭀᬯᬂᬲᭀᬯᬂ᭟ᬅᬳᬦᬦᬶᬓᬶᬂᬇᬯᬓ᭄ᬤᭀᬦ᭄ᬬᬵ᭟ᬫᬶᬮᬸᬇᬓᬂᬓᬸᬯᭀᬂ᭞ᬢᬦ᭄ᬫᬶᬮᬸᬓᬳᬦᬦᬶᬗᬶᬯᬓ᭄᭟ᬫᬭᬾᬂᬳᬫ᭄ᬩᬸᬮᬸ᭞ᬯᬭᬶᬗᬶᬦ᭄‌ᬚᬸᬕᬬᬵ᭞ᬓᬢᭀᬦ᭄ᬭᭀᬯᬂᬦ᭄ᬬᬧᬸᬢᬶᬄᬤᬸᬮᬹᬃᬫᬶᬮᬸᬬᬵ᭞ᬧᬶᬦᬓᬦᬶᬬᬦᬓ᭄ᬦ᭄ᬬ᭞ ᬯ᭄ᬯᬳᬶᬂᬳᬫ᭄ᬩᬸᬮᬸ᭟ᬅᬗᬶᬲᬶᬂᬧ᭄ᬯᬬᬵᬳᬦᬓᬶᬓᬂᬓᬸᬯᭀᬂ᭞ᬢᬳᬶᬦ᭄ᬬᬢᬸᬫᬶᬩᬵᬭᬶᬂᬍᬩᬭᬶᬂᬧᬂᬦᬶᬓᬂᬭ᭠ᬗ᭄ᬭᬵ᭟ᬓᬳᬸᬥᬦᬦ᭄‌ᬧ᭄ᬯᬬᬵ᭞ᬫᬯ᭄ᬯᬤ᭄ᬧ᭄ᬯᬬᬢᬸᬫᬸᬯᬸᬄᬮᬸᬫᬸᬂᬢ᭄ᬓᬾᬂᬍᬫᬄ᭞ᬕᬸᬫᬯᬾᬓᬬᬸᬫᬓᬧᬦᬾᬓᬦᬶᬓᬂᬭᬗᬭᬵ᭞ ᬅᬦ᭄ᬫᬗ᭄ᬓᬦ᭞ᬓᬳᬥᬂᬇᬓᬂᬭᬵᬫᬖ᭄ᬭᬫᬲᬫᬗᬶᬦᬸᬫ᭄‌‌ᬲᬓ᭄ᬯᬾᬄᬦ᭄ᬬ᭟ᬳᬦᬢᬸᬭᬸᬦ᭄‌ᬢ᭄ᬯᬓ᭄᭞ᬮᬮᬯᬸᬄᬲᬳᬦᬦ᭄ᬬ᭞ᬓᬓᬸᬭᬗᬦ᭄‌ᬢᬬᬮᬮᬯᬸᬄ᭟ᬢᬸᬫ᭄ᬗᭃᬢ᭄ᬗᭃᬢᬬᬵ᭟ᬫᬢᬶᬗ᭄ᬳᬮ᭄ᬦ᭄ᬬᬭᬶᬂᬭᬗ᭄ᬭᬵ᭞ᬓᬢᭀᬦ᭄ᬢᬶᬓᬂ [᭕᭘ 58A] ᬫᬦᬸᬓ᭄ᬫᬵᬦᬓ᭄᭞ᬓᬢᭀᬦ᭄ᬢᬾᬓᬧᬂᬦᬶᬂᬳᬫ᭄ᬩᬸᬮᬸᬲᬸᬮᬹᬃᬦ᭄ᬬᬢ᭄ᬓᬾᬍᬫᬄ᭟ᬬᬢᬶᬓᬳᬯᬦᬶᬂᬫᬦᬾᬓᬶᬂᬭᬗ᭄ᬭᬵ᭞ᬲᬢ᭄ᬓᬦ᭄ᬬᬭᬶᬂᬭᬸᬳᬹᬃᬭᬶᬂᬭᬗ᭄ᬭᬵ᭞ᬢᬶᬦ᭄ᬩᬄᬦ᭄ᬬᬇᬓᬂᬳᬦᬓᬶᬂᬫᬦᬸᬓ᭄ᬓᬩᬾᬄ᭞ᬢᬶᬩᬢᬬᬾᬂᬍᬫᬄ᭟ᬅᬭ᭠ ᬤᬶᬦ᭄ᬓᬩᬾᬄᬧ᭄ᬯᬬᬵ᭞ᬇᬦᬮᬧ᭄ᬦ᭄ᬬᬳᬶᬦᭀᬮᬄᬧ᭄ᬯᬬᬵ᭟ᬧᬭᬶᬧᬹᬃᬡ᭄ᬦᬤᬾᬦ᭄ᬬᬪᭀᬕ᭄ᬕᬵ᭟ᬢᬸᬫᬶᬗᬮ᭄ᬚᬸᬭᬹᬦ᭄ᬬᬩᬗᭀ᭞ᬓᬧᬸᬳᬦ᭄‌ᬬᬦ᭄ᬓᬢ᭄ᬓᬦ᭄‌ᬧ᭄ᬭᬬᬦ᭄ᬬᬤᬾᬦᬶᬢᬳᬶᬦᬶᬓᬂᬯᭀᬂ᭞ᬫᬢ᭄ᬫᬳᬦ᭄ᬢᬫ᭄ᬩᬸᬮᬸᬯᬭᬶᬗᬶᬦ᭄᭟ᬫᬢ ᬗ᭄ᬬᬦᬶᬓᬂᬫᬦᬸᬓᬸᬯᭀᬂ᭞ᬤᬸᬢ᭄ᬢᬳᬕᭃᬂᬤᬾᬦᬶᬂᬫᬦᬸᬓ᭄ᬓᬩᬾᬄ᭞ᬢᬶᬦᭀᬦ᭄ᬤᬾᬪᬕᬯᬦ᭄‌ᬪᬲᬸᬪᬕᬵᬅᬦ᭄ᬫᬕᬯᬾᬰ᭄ᬮᭀᬓ᭟ᬅᬪ᭄ᬬᬱᬦᬫᬦᭀᬫᬶᬢ᭄ᬭᬄ᭞ᬲᬳᬭᬡᬕᬢ᭄ᬣᬾᬦᬭᬄ᭞ᬧᬢ᭄ᬯᬪᬱ᭄ᬫᬶᬲᬘᬓ᭄ᬱ ᬡᬄ᭞ᬲᬶᬡ᭄ᬥᬕᬵᬧᬃᬢ᭄ᬢ᭄ᬬᬓᬬᬰ᭟ᬅᬃᬣᬦ᭄ᬬ᭟ᬇᬓᬂᬯ᭄ᬯᬂᬧᬥᬩᬸᬤ᭄ᬥᬶᬦ᭄ᬬ᭞ᬲᬫᬶᬧᬶᬦᬗᬦ᭄ᬬᬫᬧᬸᬧᬸᬮ᭄ᬢᬬᬵ᭞ᬭᬳᬬᬸᬯᬰᬡᬦ᭄ᬬ᭟ᬓᬸᬦᬂᬬᬦᬵᬦ᭄ᬮᬢ᭄᭞ᬤᬸᬤᬸᬧᬶᬦᬗᬦ᭄ᬬ᭞ᬤᬸᬤᬸᬩᬸᬤ᭄ᬥᬶᬦ᭄ᬬ᭞ᬳᬮᬯᬰᬡᬦ᭄ᬬᬵ᭟

Auto-transliteration

[57 57B] 57 ningkālawanā. bhagya, lingnikangbango. mangantitikangkuwonglakistri'irikangrangrā, pirakunangikangkāla'alawasmaraśrayānganti. risakatambesukikangmanukkabeḥmametpanga nyasowangsowang. ahananikingiwakdonyā. milu'ikangkuwong, tanmilukahananingiwak. marenghambulu, waringinjugayā, katonrowangnyaputiḥdulūr̀miluyā, pinakaniyanaknya, wwahinghambulu. angisingpwayāhanakikangkuwong, tahinyatumibāringl̥ĕbaringpangnikangra‐ngrā. kahudhananpwayā, mawwadpwayatumuwuḥlumungtkengl̥ĕmaḥ, gumawekayumakapanekanikangrangarā, anmangkana, kahadhangikangrāmaghramasamanginumsakweḥnya. hanaturuntwak, lalawuḥsahananya, kakurangantayalalawuḥ. tumngötngötayā. matinghalnyaringrangrā, katontikang [58 58A] manukmānak, katontekapangninghambulusulūr̀nyatkel̥ĕmaḥ. yatikahawaningmanekingrangrā, satkanyaringruhūr̀ringrangrā, tinbaḥnya'ikanghanakingmanukkabeḥ, tibatayengl̥ĕmaḥ. ara‐ dinkabeḥpwayā, inalapnyahinolaḥpwayā. paripūr̀ṇnadenyabhoggā. tumingaljurūnyabango, kapuhanyankatkanprayanyadenitahinikangwong, matmahantambuluwaringin. mata ngyanikangmanukuwong, duttahagöngdeningmanukkabeḥ, tinondebhagawanbhasubhagā'anmagaweśloka. abhyaṣanamanomitraḥ, saharaṇagatthenaraḥ, patwabhaṣmisacakṣa ṇaḥ, siṇdhagāpar̀ttyakayaśa. ar̀thanya. ikangwwangpadhabuddhinya, samipinanganyamapupultayā, rahayuwaśaṇanya. kunangyanānlat, dudupinanganya, dudubuddhinya, halawaśaṇanyā.

Leaf 58

Image on Archive.org

[᭕᭘ 58B] ᭕᭘ ᬓᬤᬶᬓᬳᬶᬮᬗᬦᬶᬥᭂᬧ᭄‌ᬚᬗ᭄ᬓᬸᬂ᭞ᬩᬗᭀᬤᬾᬦᬶᬓᬂᬓᬸᬯᭀᬂ᭟ᬦᬳᬦ᭄‌ᬓᬣᬵ᭞ᬤᭀᬦᬶᬓᬵᬤᬾᬦᬶᬗᬫᬶᬢ᭄ᬭᬵᬧ᭄ᬯᬬᬵ᭞ᬬᬾᬦ᭄ᬢᬦ᭄ᬲᬫᬵᬪᬸᬓ᭄ᬢᬶᬦ᭄ᬬᬵᬫ᭄ᬯᬂᬩᬸᬤ᭄ᬥᬶᬦ᭄ᬬ᭟ᬓᬮᬶᬗᬦ᭄ᬬᬫᬓᬶᬭᬓᬶᬭᬧᬢ᭄ᬬᬦᬶᬂᬦᬡ᭄ᬥᬓᬵ᭟ᬓᬫᬶᬫᬗ᭄ᬓᬾ᭞ᬫᬗ᭄ᬓᬦ ᬮᬶᬂᬲᬂᬘᬡ᭄ᬥᬧᬶᬗ᭄ᬕᬮᬵ᭟ᬫᬗ᭄ᬓᬦᬮᬶᬂᬲᬶᬲᬫ᭄ᬪᬥᬵᬭᬶᬲᬂᬦᬡ᭄ᬥᬓᬵ᭟ᬲᬸᬪᬤ᭄ᬥᬵᬧ᭄ᬯᬭᬶᬧᬫᬶᬢ᭄ᬭᬦ᭄‌ᬲᬂᬦᬡ᭄ᬥᬓ᭟ᬫᬢᬗ᭄ᬬᬦ᭄ᬳᬸᬫ᭄ᬦᭂᬂᬢᬦ᭄ᬲᬸᬫᬳᬹᬃᬲᬓᬋᬂ᭟ᬯ᭄ᬓᬲᬦ᭄ᬲᬸᬫᬳᬹᬃᬲᬂᬦᬡ᭄ᬥᬓᬵ᭞ᬮᬶᬂᬦ᭄ᬬ᭟ᬲ᭄ᬬᬧᬭᭀᬯᬗᬦ᭄ᬢᬵᬗ᭄ᬭᬸᬗᬹᬯᬸᬯᬸᬲ᭄ ᬲᬂᬘᬡ᭄ᬥᬧᬶᬗ᭄ᬕᬮᬵ᭞ᬅᬦ᭄ᬫᬗ᭄ᬓᬦᬭ᭄ᬬᬓᬸ᭟ᬲᬸᬫᬳᬸᬃᬲᬂᬲᬫ᭄ᬪᬥᬵ᭞ᬗ᭄ᬳᬸᬮᬸᬜ᭄ᬚᬸᬕᬯᬶᬦᬭᬄᬦᬶᬭᬵ᭟ᬲᬸᬫᬳᬹᬃᬲᬂᬦᬡ᭄ᬥᬓᬵ᭟ᬩ᭄ᬬᬓ᭄ᬢᬓᬤᬶᬲᬂᬰᬾᬯᬗ᭄ᬕᬭᬓᬶᬬᬵ᭟ᬲᬸᬫᬳᬹᬃᬲᬂᬦᬡ᭄ᬥᬓᬵᬫᬗ᭄ᬓᬦ᭟ᬫ᭄ᬯᬄᬲᬸᬫᬳᬹᬃᬇᬓᬂᬲᬫ᭄ᬪᬥᬵ᭞ ᬫᬧᬰᬾᬯᬗ᭄ᬕᬭᬓ᭄ᬭᬫᬦ᭄ᬬ᭟ᬦ᭄ᬤᬄᬗᭀᬂᬫᬓᬣᬵ᭟ᬳᬦᬲᬶᬭᬧᬶᬦᬡ᭄ᬥᬶᬢᬵ᭞ᬲᬂᬤᬾᬯᬦ᭄ᬢᬭᬗᬭᬦᬶᬭᬵ᭞ᬓᬳᬥᬂᬰᬯᬭᬦᬰᬵ᭞ᬫᬳᬲᬩᬸᬭᬸ᭞ᬫᬗ᭄ᬳᬾᬮ᭄ᬲᬶᬭᬮᬧᬵ᭞ᬳᬦᬢᬯᬤ᭄ᬯᬦᬶᬭᬲᬂᬰᬾᬯᬗ᭄ᬕᬭᬗᬭᬦ᭄ᬬ᭞ [᭕᭙ 59A] ᬬᬢᬓᬶᬦᭀᬦᬶᬭᬵᬫᬾᬢᬯ᭄ᬯᬿᬫ᭄ᬯᬂᬨᬮᬢᬥᬳᬦᬶᬭᬵ᭟ᬫᬳᬲ᭄ᬢᬬᬵ᭞ᬢᬦ᭄ᬧᭀᬮᬶᬄ᭞ᬢᬦ᭄ᬩᬜᬸ᭞ᬢᬦ᭄ᬨᬮᬵ᭟ᬓᬢ᭄ᬓᬵᬢᬬᬭᬶᬂᬢᬶᬭᬳᬶᬂᬲᬫᬸᬤ᭄ᬭᬵ᭞ᬫᬦ᭄ᬫᬸᬢᬬᬯᬲ᭄ᬢ᭄ᬯᬲᬫ᭄ᬪᬥᬵ᭞ᬇᬓᬂᬯ᭄ᬭᬾᬫᬗᬶᬕᭂᬮ᭄‌ᬢ᭄ᬗᬳᬶᬂᬢᬲᬶᬓ᭄ ᬫᬸᬗ᭄ᬕ᭄ᬯᬶᬂᬯᬢᬸᬫᬓᬫ᭄ᬩᬗᬦ᭄᭟ᬓᬧᬸᬳᬦ᭄ᬢᬬᬰᬾᬯᬗ᭄ᬕᬭ᭟ᬫᬮᬬᬸᬢᬬᬯᬭᬄᬭᬶᬲᬂᬧ᭄ᬭᬪᬹ᭟ᬳᬢᬹᬃᬦ᭄ᬬᬭᬶᬲᬂᬧ᭄ᬭᬪᬹ᭟ᬢᬦ᭄ᬧᬦ᭄ᬢᬸᬓ᭄ᬧᬯᬶᬓᬚᬶᬢᭀᬬᬫ᭄ᬯᬂᬨᬮᬵ᭟ᬳᬦᬢᬢᬶᬦᭀᬦ᭄ᬧᬢᬶᬓ᭄ᬳᬚᬶ᭞ᬯᬲ᭄ᬢ᭄ᬯᬲᬫ᭄ᬪᬯᬵ᭞ᬇᬓᬂ ᬯ᭄ᬭᬾᬫᬗᬶᬕᭂᬮ᭄‌ᬢ᭄ᬗᬳᬶᬂᬲᬕᬭᬵ᭞ᬫᬸᬗ᭄ᬕ᭄ᬯᬶᬂᬰᬶᬮᬫᬓᬫ᭄ᬩᬗᬦ᭄᭟ᬫᭀᬚᬃᬲᬂᬧ᭄ᬭᬪᬹ᭞ᬮᬶᬂᬦᬶᬭᬵ᭟ᬢᬸᬳᬸᬓᭀᬓᬭᬶᬓᬵ᭟ᬲᬸᬫᬳᬹᬃᬇᬓᬂᬰᬾᬯᬗ᭄ᬕᬭᬵ᭞ᬯ᭄ᬦᬂᬧᬝᬶᬓ᭄ᬳᬚᬶᬧ᭄ᬭᬗᭂᬦ᭄‌ᬬᬦ᭄‌ᬫᬤ᭄ᬯᬵ᭟ᬫᬶᬫ᭄ᬩᬵᬧ᭄ᬭᬪᬹᬳᬸᬫᬭᬾᬂᬲᬕ ᬭᬵ᭞ᬮᬯᬦᬶᬓᬂᬰᬾᬯᬗ᭄ᬕᬭ᭞ᬦ᭄ᬤᬢᬦ᭄ᬓᬢ᭄ᬫᬸᬇᬓᬂᬯ᭄ᬭᬾᬫᬗᬶᬕᭂᬮ᭄᭟ᬅᬧᬦ᭄ᬫᬬᬦᬶᬓᬂᬯᬶᬤ᭄ᬬᬥᬭᬫᬦᭀᬦ᭄ᬬ᭟ᬫᭀᬚᬃᬲᬂᬧ᭄ᬭᬪᬹ᭟ᬦ᭄ᬤᬶᬢᬗ᭄ᬕ᭄ᬯᬦ᭄‌ᬇᬓᬂᬯ᭄ᬭᬾᬧᬦᭀᬦ᭄ᬢᬗᬹᬦᬶ᭟ᬭᬶᬗ᭄ᬓᬾᬧ᭄ᬯᬗ᭄ᬓᬸᬮᬸᬦ᭄᭞ᬲ᭄ᬬᬧᬭᭀᬯᬂᬢ

Auto-transliteration

[58 58B] 58 kadikahilanganidhĕpjangkung, bangodenikangkuwong. nahankathā, donikādeningamitrāpwayā, yentansamābhuktinyāmwangbuddhinya. kalinganyamakirakirapatyaningnaṇdhakā. kamimangke, mangkana lingsangcaṇdhapinggalā. mangkanalingsisambhadhārisangnaṇdhakā. subhaddhāpwaripamitransangnaṇdhaka. matangyanhumnĕngtansumahūr̀sakar̥ĕng. wkasansumahūr̀sangnaṇdhakā, lingnya. syaparowangantāngrungūwuwus sangcaṇdhapinggalā, anmangkanaryaku. sumahur̀sangsambhadhā, nghuluñjugawinaraḥnirā. sumahūr̀sangnaṇdhakā. byaktakadisangśewanggarakiyā. sumahūr̀sangnaṇdhakāmangkana. mwaḥsumahūr̀ikangsambhadhā, mapaśewanggarakramanya. ndaḥngongmakathā. hanasirapinaṇdhitā, sangdewantarangaranirā, kahadhangśawaranaśā, mahasaburu, manghelsiralapā, hanatawadwanirasangśewanggarangaranya, [59 59A] yatakinonirāmetawwaimwangphalatadhahanirā. mahastayā, tanpoliḥ, tanbañu, tanphalā. katkātayaringtirahingsamudrā, manmutayawastwasambhadhā, ikangwremangigĕltngahingtasik munggwingwatumakambangan. kapuhantayaśewanggara. malayutayawaraḥrisangprabhū. hatūr̀nyarisangprabhū. tanpantukpawikajitoyamwangphalā. hanatatinonpatik'haji, wastwasambhawā, ikang wremangigĕltngahingsagarā, munggwingśilamakambangan. mojar̀sangprabhū, lingnirā. tuhukokarikā. sumahūr̀ikangśewanggarā, wnangpaṭik'hajiprangĕnyanmadwā. mimbāprabhūhumarengsaga rā, lawanikangśewanggara, ndatankatmu'ikangwremangigĕl. apanmayanikangwidyadharamanonya. mojar̀sangprabhū. nditanggwanikangwrepanontangūni. ringkepwangkulun, syaparowangta

Leaf 59

Image on Archive.org

[᭕᭙ 59B] ᭕᭙ ᬢᬸᬫᭀᬦ᭄ᬗᬹᬦᬶ᭟ᬧᬶᬦᬓᬵᬲᬓ᭄ᬱᬶᬦ᭄ᬢᬵ᭟ᬫᬵᬢᬹᬃᬇᬓᬂᬰᬾᬯᬗ᭄ᬕᬭᬵ᭟ᬧᬝᬶᬓᬚᬶᬚᬸᬕᬯᬶᬓᬦ᭄᭟ᬓ᭄ᬭᭀᬥᬲᬂᬧ᭄ᬭᬪᬹ᭞ᬧᬶᬦ᭄ᬭᬂᬇᬓᬂᬰᬾᬯᬗ᭄ᬕᬭᬵ᭞ᬤᬾᬦᬶᬂᬅᬤ᭄ᬯᬵ᭟ᬢᬦ᭄ᬳᬦᬧᬶᬦᬓᬵᬲᬓ᭄ᬱᬶᬦ᭄ᬬ᭟ᬢᬶᬦᭀᬦ᭄ᬤᬾᬪ ᬕᬯᬦ᭄‌ᬪᬲᬸᬪᬕᬵ᭞ᬫᬕᬯᬾᬰ᭄ᬮᭀᬓᬵ᭟᭚ᬅᬬᬓ᭄ᬱᬶᬬᬦᬯᬓ᭄ᬢᬃᬬ᭄ᬬ᭞ᬧ᭄ᬭᬢ᭄ᬬᬓ᭄ᬱᬫᬫᬶᬬᬤ᭄‌ᬪᬯᬾᬢ᭄᭞ᬯᬦᬭᭀᬦᬲ᭄ᬢᬶᬲᬂᬬᭀᬕᬾ᭞ᬚᬮᬫᬦᬶᬬᬾᬰᬶᬮᬢᬮᬾ᭟ᬇᬓᬶᬂᬯᬭᬳᬓ᭄ᬦ᭞ᬬᬦ᭄ᬢ ᬦ᭄ᬢᬸᬳ᭄ᬯᬢᬸᬳ᭄ᬯ᭞ᬅᬧᬶᬢ᭄ᬯᬶᬬᬦ᭄ᬢᬦ᭄ᬳᬦᬭᭀᬯᬂᬦ᭄ᬬᬯ᭄ᬭᬸᬄᬧᬶᬦᬓᬵᬳᬾᬢᬸᬲᬓ᭄ᬱᬶᬦ᭄ᬬ᭞ᬅᬬ᭄ᬯᬕ᭄ᬬᬫᭀᬚᬭᬓ᭄ᬦᬭᬶᬂᬲᬪᬵ᭞ᬫ᭄ᬯᬂᬭᬶᬂᬲᬂᬧ᭄ᬭᬪᬹ᭟ᬫᬗ᭄ᬓᬦᬮᬶᬂᬲᬂᬦᬡ᭄ᬥᬓᬵ᭞ᬤᬤᬶᬢᬬᬾᬭᬂᬲᬂᬲᬫ᭄ᬪᬥ᭟ᬮᬸᬗ᭄ᬳᬵᬫ ᬭᬾᬂᬲᬂᬘᬡ᭄ᬥᬧᬶᬗ᭄ᬕᬮᬵ᭞ᬓᬤ᭄ᬬᬤᬸᬗᬤᬸᬇᬓᬵ᭞ᬤᬤᬶᬢᬬᬲᬶᬦᬦ᭄ᬢ᭄ᬯᬤᬾᬲᬂᬘᬦ᭄ᬤᬧᬶᬗ᭄ᬕᬮ᭟ᬦ᭄ᬤᬶᬲᬗ᭄ᬓᬦ᭄ᬢᬲᬫ᭄ᬪᬥᬵ᭟ᬲᬸᬫᬳᬹᬃᬇᬓᬂᬲᬫ᭄ᬪᬥ᭞ᬇᬧᬝᬶᬓ᭄ᬳᬚᬶᬫᬗᬸᬘᬧᬸᬘᬧ᭄ᬮᬯᬦ᭄‌ᬲᬂᬦᬡ᭄ᬥᬓᬵ᭟ [᭖᭐ 60A] ᬅᬧᬭᬦ᭄‌ᬳᬸᬘᬧ᭄ᬫᬸᬮᬯᬦ᭄‌ᬲᬂᬦᬡ᭄ᬥᬓᬵ᭟ᬲᬸᬫᬳᬹᬃᬲᬂᬲᬫ᭄ᬪᬥ᭟ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦᬶᬦᬸᬘᬧ᭄‌ᬤᬾᬲᬂᬦᬡ᭄ᬥᬓᬵ᭞ᬓᬺᬢ᭄ᬢᬖ᭄ᬦᬵᬭᬓ᭄ᬯᬲ᭄ᬯᬪᬵᬯᬦᬶᬂᬲᬶᬗ᭄ᬳᬵ᭟ᬫᬗ᭄ᬓᬦᬮᬶᬂᬲᬂᬦᬡ᭄ᬥᬓᬵᬭᬶᬂᬧᬝᬶᬓᬚᬶ᭟ᬓᬸᬦᬂᬮᬶᬂᬧᬝᬶᬓ᭄ᬳᬚᬶ᭞ ᬫᬧᬓᬺᬢᬖ᭄ᬦᬦᬶᬓᬂᬲᬶᬗ᭄ᬳᬵ᭟ᬤᬤᬶᬢᬲᬂᬦᬡ᭄ᬥᬓᬘᬸᬫᬭᬶᬢᬓᭂᬦ᭄ᬭᬶᬧᬝᬶᬓᬚᬶ᭟ᬮᬶᬂᬦᬶᬭᬵ᭟ᬦ᭄ᬤᬄᬋᬗ᭄ᬯᬵᬓ᭄ᬦᬵᬤᬾᬦ᭄ᬢᬲᬫ᭄ᬪᬥ᭟ᬳᬦᬭᬓ᭄ᬯᬲᬶᬗ᭄ᬳᬵᬲᬂᬓᬾᬰᬭᬶᬗᬭᬦ᭄ᬬ᭟ᬳᬦᬢᬕᬕᬓ᭄‌ᬲᬶᬪᬶᬳᬵᬢᬗᬦ᭄ᬬ᭞ᬳᬦᬢᬫ᭄ᬯᬄ ᬳᬲᬸᬲᬶᬲᬶᬥᬃᬢ᭄ᬢᬓᬵᬗᬭᬦ᭄ᬬ᭟ᬳᬦᬢᬳᬹᬱ᭄ᬝ᭄ᬭᬵᬲᬶᬯᬶᬢᬓ᭄ᬱᬵᬗᬭᬦ᭄ᬬ᭟ᬲᬫᬶᬢ᭄ᬭᬗ᭄ᬕᬦ᭄ᬬᬓᬧᬢ᭄᭞ᬫᬢᬾᬓᬂᬲᬶᬗ᭄ᬳᬵᬭᬶᬂᬳᬮᬲ᭄᭞ᬫᬦᭂᬫᬸᬢᬬᬮᬶᬫᬦ᭄‌ᬲ᭄ᬥᬗᬫᭂᬢ᭄ᬢᬵ᭞ᬤᬶᬦ᭄ᬫᬓ᭄ᬦ᭄ᬬᬢᬬᬵ᭞ᬲᬳᬲᬤᬾᬦ᭄ᬬᬤ᭄ᬫᬓ᭄ ᬓᬸᬫ᭄ᬪᬦᬶᬂᬮᬶᬫᬦ᭄᭟ᬢᬦ᭄ᬓᬭᬱᬮᬭᬦ᭄ᬬᬤᬾᬦᬶᬂᬯ᭄ᬭᬦ᭄ᬬ᭟ᬳᬶᬦᬶᬗ᭄ᬳᭂᬮᬓᭂᬦ᭄ᬬᬳᬶᬓᬂᬲᬶᬗ᭄ᬳᬵᬢᬶᬩᬢᬬᬵᬭᬶᬂᬮ᭄ᬫᬄ᭟ᬢᬶᬦᭂᬯᭂᬓ᭄ᬦ᭄ᬬᬭᬶᬂᬕᬥᬶᬂᬦ᭄ᬬ᭞ᬕ᭄ᬮᬦᬢᬾᬓᬂᬲᬶᬗ᭄ᬳᬵ᭞ᬫᬸᬮᬶᬄᬭᬶᬂᬳᬸᬫᬄᬦ᭄ᬬ᭟ᬭᬶᬫᬗ᭄ᬓᬦ᭞ᬫᬗ᭄ᬮᬯᬤ᭄ᬮᬯᬤ᭄‌ᬫᬶ᭠

Auto-transliteration

[59 59B] 59 tumonngūni. pinakāsaksyintā. mātūr̀ikangśewanggarā. paṭikajijugawikan. krodhasangprabhū, pinrangikangśewanggarā, deningadwā. tanhanapinakāsaksyinya. tinondebha gawanbhasubhagā, magaweślokā. // ayaksyiyanawaktar̀yya, pratyakṣamamiyadbhawet, wanaronastisangyoge, jalamaniyeśilatale. ikingwarahakna, yanta ntuhwatuhwa, apitwiyantanhanarowangnyawruḥpinakāhetusaksyinya, aywagyamojaraknaringsabhā, mwangringsangprabhū. mangkanalingsangnaṇdhakā, daditayerangsangsambhadha. lunghāma rengsangcaṇdhapinggalā, kadyadungadu'ikā, daditayasinantwadesangcandapinggala. ndisangkantasambhadhā. sumahūr̀ikangsambhadha, ipaṭik'hajimangucapucaplawansangnaṇdhakā. [60 60A] aparanhucapmulawansangnaṇdhakā. sumahūr̀sangsambhadha. rahadyansanghuluninucapdesangnaṇdhakā, kr̥ĕttaghnārakwaswabhāwaningsinghā. mangkanalingsangnaṇdhakāringpaṭikaji. kunanglingpaṭik'haji, mapakr̥ĕtaghnanikangsinghā. daditasangnaṇdhakacumaritakĕnripaṭikaji. lingnirā. ndaḥr̥ĕngwāknādentasambhadha. hanarakwasinghāsangkeśaringaranya. hanatagagaksibhihātanganya, hanatamwaḥ hasusisidhar̀ttakāngaranya. hanatahūṣṭrāsiwitaksyāngaranya. samitrangganyakapat, matekangsinghāringhalas, manĕmutayalimansdhangamĕttā, dinmaknyatayā, sahasadenyadmak kumbhaningliman. tankaraṣalaranyadeningwranya. hininghĕlakĕnyahikangsinghātibatayāringlmaḥ. tinĕwĕknyaringgadhingnya, glanatekangsinghā, muliḥringhumaḥnya. rimangkana, manglawadlawadmi‐

Leaf 60

Image on Archive.org

[᭖᭐ 60B] ᭖᭐ ᬢ᭄ᬭᬦ᭄ᬬᬓᬢᬶᬕᬵ᭟ᬫᬗᬸᬮᬶᬄᬗᬸᬮᬶᬄᬇᬓᬂᬉᬧᬬᬵᬳᬸᬮᬳᬦ᭄ᬬ᭟ᬦ᭄ᬤᬦᬶᬳᬦ᭄ᬢᬮᬶᬂᬦᬶᬓᬂᬲᬶᬗ᭄ᬳᬵ᭟ᬲᬸᬫᬳᬹᬃᬢᬶᬓᬂᬯᬶᬃᬢᬓ᭄ᬱᬵ᭟ᬫᬧᬥᬬᬗ᭄ᬓᬸᬫᬶᬢ᭄ᬭᬵ᭟ᬅᬧᬦ᭄ᬢᬦ᭄ᬓᬯᬰᬫᬫᬶᬫᬢᬶᬫᬢᬶᬲᬢ᭄ᬯᬵ᭟ᬢᬳᬵ᭞ᬓᬸᬫ᭄ᬯᬮᬶᬂᬦᬶᬓᬂᬳᬸᬲ᭄ᬢ᭄ᬭᬵ᭟ ᬲᬸᬫᬳᬹᬃᬇᬓᬂᬕᬕᬓ᭄᭟ᬉᬫ᭄‌ᬩᬮᬶᬓ᭄ᬓᬶᬢᬫᬶᬢ᭄ᬭᬵᬲᬶᬳᬵ᭞ᬮᬓᬸᬢᬢᬸᬮᬶᬄᬭᬶᬤᬾᬰᬦ᭄ᬬ᭞ᬳᬓᬸᬫᬾᬢᬢᬥᬳᬦ᭄‌ᬢᬲᬂᬲᬶᬗ᭄ᬳᬵ᭟ᬅᬮᬭᬢᬵᬫ᭄ᬩᭂᬓᬂᬯᬶᬓᬢᬓ᭄ᬱ᭞ᬫᬶᬦᬂᬗ᭄ᬓᬦᬵ᭟ᬮᬸᬫᬓᬸᬢᬬᬵᬫᬾᬢ᭄ᬲᬢ᭄ᬯᬵ᭟ᬳᬮᬸ ᬗ᭄ᬳᬵᬇᬓᬂᬉᬱ᭄ᬝ᭄ᬭᬵ᭟ᬫᭀᬚᬃᬢᬾᬓᬂᬫᬰ᭄ᬮᭀᬓᬵ᭟ᬇᬓᬂᬕᬕᬓ᭄᭟᭚ᬓᬃᬫ᭄ᬫᬫᬦᬬᬓᬾᬦᬧᬶ᭞ᬫᬺᬥᬸᬦᬦᬭᬸᬡᬾᬦᬯᬵ᭞ᬉᬤ᭄ᬥᬸᬋᬥᬶᬪᬫᬢ᭄ᬫᬦᬫ᭄᭞ᬧᬰ᭄ᬘᬥᬃᬫ᭄ᬫᬲᬫᬘᬭᬾᬢ᭄᭟ᬓᬮᬶᬗᬦ᭄ᬬ᭞ᬲᭀᬧᬬᬦᬶᬂᬯ᭄ᬯᬂᬭᬶᬓᬵᬮ ᬦᬶᬪᬶᬱᬫᬵ᭞ᬫᭀᬦ᭄ᬰᬦ᭄ᬢᬵ᭞ᬬᬦ᭄ᬓ᭄ᬭᭀᬥ᭞ᬳᬸᬮᬳᬦ᭄ᬢᬫᬫᬾᬢᬸᬭᬶᬧ᭄᭞ᬦ᭄ᬤᬦ᭄ᬥᬃᬫ᭄ᬫᬯᬰᬡᬦ᭄ᬬ᭟ᬉᬮᬳᬵ᭞ᬢᬦᬵᬧᬮ᭄ᬯᬶᬃᬫᬗ᭄ᬓᬦᬵ᭟ᬲᬸᬫᬳᬹᬃᬇᬓᬂᬰ᭄ᬭᬕ᭄ᬕᬮᬵ᭟ᬳᬾᬲᬂᬦᬶᬝᬓᬵ᭞ᬅᬧᬭᬦᬾᬪᬶᬧ᭄ᬭᬬᬦ᭄ᬢᬵ᭟ᬫᬢᬗ᭄ᬬᬦ᭄ᬫᬸᬚᬭ [᭖᭑ 61A] ᬓᭂᬦ᭄‌ᬰ᭄ᬮᭀᬓᬵᬫᬗ᭄ᬓᬦᬵ᭟ᬫᭀᬚᬃᬭᬶᬓᬂᬕᬕᬓ᭄᭞ᬲᬶᬦᬶᬢᬓᬵ᭟ᬉᬫᬶᬢ᭄ᬭᬲᬂᬲᬶᬤ᭄ᬥᬃᬢᬓᬵ᭞ᬢᬦ᭄‌ᬬᬸᬓ᭄ᬢᬶᬩ᭄ᬭᬳ᭄ᬫᬡᬲᬫᬶᬢ᭄ᬭᬮᬯᬜ᭄ᬘᬡ᭄ᬥᬮᬵ᭟ᬫᬗ᭄ᬓᬦᬫ᭄ᬯᬄᬲᬂᬫᬓᬩ᭄ᬭᬢ᭟ᬢᬦ᭄ᬳᬦᬓ᭄ᬦᬳᬫᬶᬢ᭄ᬭᬢᬮᬯᬦ᭄ᬭᬢᬸ᭞ ᬧᬥᬢᬬᬸᬓ᭄ᬢᬶᬦᬶᬓᬵ᭟ᬇᬯᬫᬗ᭄ᬓᬦᬓᬤᬶᬓᬶᬢᬲᬢ᭄ᬯ᭞ᬳᬋᬧ᭄ᬤᬕᬶᬂ᭞ᬤᭀᬬᬦ᭄ᬭᬄ᭞ᬫᭀᬳᬭᬶᬂᬳᬸᬥᬸᬓ᭄᭞ᬳᬫᬶᬢ᭄ᬭᬢᬮᬯᬦ᭄ᬲᬢ᭄ᬯᬳᬋᬧ᭄ᬤᬸᬓᬸᬢ᭄᭞ᬫᬓᬉᬭᬶᬧᬦ᭄ᬬ᭟ᬮᬯᬦ᭄ᬓᬸᬦᬂ᭞ᬧᬥᬢᬬᬸᬓ᭄ᬢᬶᬦᬶᬓᬵᬲᬗ᭄ᬓᭂ ᬧᬦᬶᬓᬶᬬᬦᬗᭂᬦᬗᭂᬦ᭄ᬓᬸ᭟ᬇᬓᬶᬂᬭᬢᬸᬦ᭄ᬢ᭞ᬮᬭᬤᬾᬦᬶᬂᬓᬦᬶᬦ᭄ᬓᬯᬸᬯᬸᬳᬦ᭄ᬮᬧᬵ᭟ᬅᬧᬦᬶᬓᬵᬮ᭄ᬯᬶᬃᬦ᭄ᬬ᭞ᬇᬓᬂᬳᬸᬲ᭄ᬢ᭄ᬭᬵᬲᬶᬯᬶᬓᬢᬓ᭄ᬱᬵ᭞ᬬᬢᬳᬋᬧ᭄ᬓᬸᬢᬥᬳᬦᬶᬭᬫᬢᬂᬦ᭄ᬬᬦᬵᬕ᭄ᬮᬶᬲᬵ᭟ᬓᬸᬦᬂᬢᬳᬸᬮᬦ᭄ᬬ ᬓᬸᬮᬶᬢ᭄ᬦ᭄ᬬ᭞ᬬᬢᬥᬳᬦ᭄ᬢᬵ᭟ᬢᬦᬾᬦᬓ᭄‌ᬗ᭄ᬕᬦ᭄ᬬ᭟ᬫᬗ᭄ᬓᬦᬮᬶᬂᬦᬶᬓᬂᬕᬕᬓ᭄᭟ᬲᬸᬫᬳᬹᬃᬇᬓᬂᬲᬶᬤ᭄ᬥᬢᬓᬵ᭟ᬉᬫ᭄‌ᬅᬧᬓᬫᬸᬦᬶᬝᬓᬵ᭟ᬢᬦ᭄ᬢᬳᬵᬲᬮᬶᬂᬦᬶᬂᬮᬾᬦ᭄ᬓᬫᬸ᭞ᬦᬶᬳᬦ᭄ᬢᬵᬚᬶᬋᬗ᭄ᬳᭃᬦ᭄ᬢᬵ᭟

Auto-transliteration

[60 60B] 60 tranyakatigā. manguliḥnguliḥikangupayāhulahanya. ndanihantalingnikangsinghā. sumahūr̀tikangwir̀taksyā. mapadhayangkumitrā. apantankawaśamamimatimatisatwā. tahā, kumwalingnikanghustrā. sumahūr̀ikanggagak. umbalikkitamitrāsihā, lakutatuliḥrideśanya, hakumetatadhahantasangsinghā. alaratāmbĕkangwikatakṣa, minangngkanā. lumakutayāmetsatwā. halu nghā'ikanguṣṭrā. mojar̀tekangmaślokā. ikanggagak. // kar̀mmamanayakenapi, mr̥ĕdhunanaruṇenawā, uddhur̥ĕdhibhamatmanam, paścadhar̀mmasamacaret. kalinganya, sopayaningwwangrikāla nibhiṣamā, monśantā, yankrodha, hulahantamameturip, ndandhar̀mmawaśaṇanya. ulahā, tanāpalwir̀mangkanā. sumahūr̀ikangśraggalā. hesangniṭakā, aparanebhiprayantā. matangyanmujara [61 61A] kĕnślokāmangkanā. mojar̀rikanggagak, sinitakā. umitrasangsiddhar̀takā, tanyuktibrahmaṇasamitralawañcaṇdhalā. mangkanamwaḥsangmakabrata. tanhanaknahamitratalawanratu, padhatayuktinikā. iwamangkanakadikitasatwa, har̥ĕpdaging, doyanraḥ, moharinghudhuk, hamitratalawansatwahar̥ĕpdukut, maka'uripanya. lawankunang, padhatayuktinikāsangkĕ panikiyanangĕnangĕnku. ikingratunta, laradeningkaninkawuwuhanlapā. apanikālwir̀nya, ikanghustrāsiwikataksyā, yatahar̥ĕpkutadhahaniramatangnyanāglisā. kunangtahulanya kulitnya, yatadhahantā. tanenakngganya. mangkanalingnikanggagak. sumahūr̀ikangsiddhatakā. umapakamuniṭakā. tantahāsalingninglenkamu, nihantājir̥ĕnghöntā.

Leaf 61

Image on Archive.org

[᭖᭑ 61B] ᭖᭑ ᬲᬚ᭄ᬭᬶᬭᬓ᭄ᬭᬡ᭄ᬥᬫᬚ᭄ᬜᬢ᭄ᬯᬵ᭞ᬯᬾᬭᬫᬭᬡᬢᬾᬬᬸᬮᬄ᭞ᬅᬫᬺᬪᬵᬯᬫᬧ᭄ᬦᭀᬢᬶ᭞ᬲᬫᬸᬤ᭄ᬭᬇᬯᬦᬶᬢᬪᬵ᭟ᬇᬓᬂᬯ᭄ᬯᬂᬢᬦ᭄ᬯ᭄ᬭᬸᬳᬶᬂᬓᬰᬓ᭄ᬢᬶᬦᬶᬂᬫᬸᬲᬸᬄ᭞ᬅᬕ᭄ᬮᭂᬫ᭄‌ᬢᬬᬢᬸᬓᬃᬚᬸᬕᬵ᭞ᬦ᭄ᬬᬢᬵᬮᬄᬭᬓ᭄ᬯᬾᬓ᭟ᬢᭀᬦᭂᬦᬶᬓᬂᬢ ᬲᬶᬓᬵᬮᬄᬤᬾᬦᬶᬂᬢᬶᬦᬶᬮ᭄᭞ᬲᬸᬫᬳᬹᬃᬦᬶᬓᬂᬦᬶᬝᬓᬵ᭟ᬅᬧᬇᬓᬂᬢᬲᬶᬓ᭄‌ᬳᬮᬄᬤᬾᬦᬶᬂᬢᬶᬦᬶᬮ᭄᭟ᬲᬸᬫᬳᬸᬃᬇᬓᬂᬲᬶᬤᬃᬢ᭄ᬢᬓᬵ᭟ᬳᬦᬢᬶᬦᬶᬮ᭄‌ᬲᬮᬓᬶᬩᬶ᭞ᬲᬶᬬᬸᬕᬧᬥᬗᬭᬦᬶᬓᬂᬮᬦᬂ᭟ᬲᬶᬧ᭄ᬭᬶᬬ ᬫ᭄ᬪᬤᬩᬭᬦᬶᬓᬂᬯᬥ᭄ᬯᬦ᭄᭟ᬫᭀᬚᬃᬢᬲᬶᬧ᭄ᬭ᭄ᬬᬫ᭄ᬪᬥᬵ᭞ᬭᬶᬓᬂᬮᬓᬶᬦ᭄ᬬ᭟ᬇᬄᬩᬧᬦᬶᬳᬦᬓᬸ᭞ᬳᬢᬸᬳᬇᬓᬶᬫᬗ᭄ᬓᭀᬮᬾᬓ᭄ᬓ᭄ᬯᬵᬫᭂᬢᭂᬂ᭟ᬦ᭄ᬤᬶᬢᬾᬓᬶᬧᬗᬦ᭄ᬢᬶᬕᬦᬶᬗ᭄ᬳᬸᬮᬸᬦ᭄᭟ᬲᬸᬫᬳᬹᬃᬇᬓᬂᬮᬦᬂ᭟ᬭᬶᬗ᭄ᬓᬾᬇ ᬪᬹᬭᬶᬢ᭄ᬧᬶᬦᬶᬓᬂᬲᬵᬕᬭ᭟ᬢᬦ᭄ᬳᬦᬗᬸᬧᬓᬭᬳᬾᬃᬬ᭄ᬬᬓᬸ᭟ᬤᬤᬶᬢᬾᬓᬂᬧ᭄ᬭ᭄ᬬᬫ᭄ᬪᬥᬫᬗᬦ᭄ᬢᬶᬕᬵᬭᬶᬦ᭄ᬢᬶᬕᬵᬭᬶᬢ᭄ᬧᬶᬦᬶᬓᬂᬢᬲᬶᬓ᭄᭟ᬫᬸᬮᬢ᭄ᬧ᭄ᬯᬲᬗ᭄ᬳ᭄ᬬᬂᬢᬲᬶᬓ᭄᭞ᬫᭀᬚᬃᬢᬲᬶᬭᬵ᭟ᬅᬄᬢᬦ᭄‌ᬲᬓᬬ [᭖᭒ 62A] ᬦᬶᬓᬂᬢᬶᬦᬶᬮ᭄᭞ᬳᬭᬄ᭟ᬢᬦ᭄ᬯ᭄ᬭᬸᬄᬬᬫᬯᬭᬶᬤ᭄ᬫᬶᬢ᭄ᬦ᭄ᬬᬵ᭞ᬫᬸᬚᬭᬓᭂᬦ᭄‌ᬢᬦᬦᬓᬲᬗ᭄ᬰᬬᬦ᭄ᬬ᭟ᬫᬗ᭄ᬓᬦᬮᬶᬂᬲᬗ᭄ᬳ᭄ᬬᬂᬢᬲᬶᬓ᭄᭞ᬧᬶᬦᬳᬕᭃᬂᬢᬬ᭄ᬬᬃᬓ᭄ᬦᬶᬭᬵ᭞ᬳᬶᬮᬂᬳᬦ᭄ᬢᬶᬢᬦᬶᬓᬂᬢᬶᬦᬶᬮ᭄᭞ᬓᬯᬯᬤᬾᬦᬶᬓᬂᬳᬮᬸᬦ᭄᭟ᬫ ᬦᬗᬶᬲ᭄‌ᬲᬶᬧ᭄ᬭ᭄ᬬᬫ᭄ᬪᬥᬵᬫᬦᭂᬲᭂᬮᬶᬚᬮᬸᬦ᭄ᬬᬵ᭟ᬬᬢᬶᬓᬶᬫᬗ᭄ᬓᬾᬓᬳᬋᬧ᭄ᬦ᭄ᬬᬲᬂᬩᬧᬦ᭄ᬬᬦᬓᬸ᭟ᬗᬹᬦ᭄ᬬᬵᬓᭀᬦᬵᬗᬦ᭄ᬢᬶᬕᬳᬶᬢ᭄ᬧᬶᬦᬶᬂᬢᬲᬶᬓ᭄᭟ᬮᬮᬸᬧ᭄ᬯᬬᬳᬶᬮᬂᬳᬦ᭄ᬢᬶᬕᬗ᭄ᬓᬸᬫᬗ᭄ᬓᬾ᭟ᬫᬳᬵᬧᬶᬦᬾᬢ᭄ᬮᬭᬗ᭄ᬓᬸᬚᬸᬕ ᬤᬾᬦᬶᬩᬧᬦ᭄ᬬᬦᬓᬸ᭟ᬫᭀᬚᬃᬇᬓᬂᬢᬶᬦᬶᬮ᭄‌ᬮᬦᬂ᭟ᬳᬬ᭄ᬯᬲᬗ᭄ᬰᬬᬓᬶᬢᬲᬂᬇᬪᬹᬦ᭄ᬬᬦᬓ᭄ᬓᬵ᭞ᬫᬸᬮᬶᬄᬇᬓᬂᬳᬦ᭄ᬢᬶᬕᬦ᭄ᬢᬤᬾᬗ᭄ᬓᬸ᭟ᬦ᭄ᬬᬧᬦ᭄ᬢᬵᬳᬦᬸᬮᬶᬄᬳᬦ᭄ᬢᬶᬕᬦ᭄ᬢ᭟ᬤᬾᬦ᭄ᬓᬤᬶᬧᬧᬦᬶᬂᬦᬶᬲᬤ᭄ᬥᬵᬧᬧᬦᬶᬂᬫᬫᬶᬤ᭄ᬟ ᬳᬵ᭟ᬲᬸᬫᬳᬸᬃᬲ᭄ᬢ᭄ᬭᬶᬦ᭄ᬬ᭟ᬳᬧᬓᬭᬶᬓᬧᬧᬵᬦᬶᬂᬦᬶᬲᬤ᭄ᬥᬵ᭟ᬲᬸᬫᬳᬹᬃᬮᬦᬂᬦ᭄ᬬ᭟ᬳᬦᬬᬢᬸᬳᬵᬩᬸᬭᬸᬲᬶᬦᬶᬲᬤ᭄ᬥᬵᬗᬭᬦ᭄ᬬ᭞ᬬᬢᬮᬸᬗ᭄ᬳᬵᬩᬸᬭᬹ᭞ᬲᬥᬢᬂᬦ᭄ᬬᬭᬶᬂᬳᬮᬲ᭄᭞ᬳᬫᬗ᭄ᬕᬶᬄᬢᬬᬵᬮᬶᬫᬦ᭄᭞ᬧᬶ

Auto-transliteration

[61 61B] 61 sajrirakraṇdhamajñatwā, weramaraṇateyulaḥ, amr̥ĕbhāwamapnoti, samudra'iwanitabhā. ikangwwangtanwruhingkaśaktiningmusuḥ, aglĕmtayatukar̀jugā, nyatālaḥrakweka. tonĕnikangta sikālaḥdeningtinil, sumahūr̀nikangniṭakā. apa'ikangtasik'halaḥdeningtinil. sumahur̀ikangsidar̀ttakā. hanatinilsalakibi, siyugapadhangaranikanglanang. sipriya mbhadabaranikangwadhwan. mojar̀tasipryambhadhā, rikanglakinya. iḥbapanihanaku, hatuha'ikimangkolekkwāmĕtĕng. nditekipangantiganinghulun. sumahūr̀ikanglanang. ringke'i bhūritpinikangsāgara. tanhanangupakaraher̀yyaku. daditekangpryambhadhamangantigārintigāritpinikangtasik. mulatpwasanghyangtasik, mojar̀tasirā. aḥtansakaya [62 62A] nikangtinil, haraḥ. tanwruḥyamawaridmitnyā, mujarakĕntananakasangśayanya. mangkanalingsanghyangtasik, pinahagöngtayyar̀knirā, hilanghantitanikangtinil, kawawadenikanghalun. ma nangissipryambhadhāmanĕsĕlijalunyā. yatikimangkekahar̥ĕpnyasangbapanyanaku. ngūnyākonāngantigahitpiningtasik. lalupwayahilanghantigangkumangke. mahāpinetlarangkujuga denibapanyanaku. mojar̀ikangtinillanang. haywasangśayakitasangibhūnyanakkā, muliḥikanghantigantadengku. nyapantāhanuliḥhantiganta. denkadipapaningnisaddhāpapaningmamidḍa hā. sumahur̀strinya. hapakarikapapāningnisaddhā. sumahūr̀lanangnya. hanayatuhāburusinisaddhāngaranya, yatalunghāburū, sadhatangnyaringhalas, hamanggiḥtayāliman, pi

Leaf 62

Image on Archive.org

[᭖᭒ 62B] ᭖᭒ ᬦᬦᬄᬤᬾᬦ᭄ᬬ᭟ᬢ᭄ᬮᬲ᭄ᬧ᭄ᬯᬬᬵᬳ᭄ᬭᬸᬦ᭄ᬬ᭞ᬫᬮᬬᬹᬢᬬᬵ᭟ᬫᬦ᭄ᬫᬸᬢᬬᬵᬫᭀᬂᬲ᭄ᬥᬂᬮᬧᬵ᭞ᬩᬶᬦᬸᬭᬹᬧ᭄ᬯᬬᬵᬤᬾᬦᬶᬓᬂᬫᭀᬂ᭟ᬫᬵᬫᬦᬾᬓ᭄ᬢᬬᬵᬭᬶᬓᬂᬓᬬᬸᬇᬓᬂᬢᬸᬳᬩᬸᬭᬹ᭟ᬳᬦᬢᬯᬦᬭᬶ᭞ᬫᬦᬓᬦᬓ᭄‌ᬢᬢ᭄ᬮᬸ᭞ᬭᬶᬭᬸᬳᬹᬃ ᬇᬓᬂᬧᬶᬦᬦᬾᬓ᭄‌ᬤᬾᬦᬶᬓᬂᬧᬧᬓᬵ᭞ᬬᬢᬲᬸᬫᬳᬸᬢᬾᬭᬶᬬᬵ᭞ᬯ᭄ᬮᬲᬶᬓᬂᬯᬦᬭᬶᬭᬶᬂᬢᬸᬳᬩᬸᬭᬹ᭟ᬲᬫᬶᬢ᭄ᬭᬢᬬᬯ᭄ᬓᬲᬦ᭄‌ᬮᬯᬦᬶᬓᬂᬯᬦᬭᬶ᭞ᬧᬧᬓᬵ᭟ᬳᬦᬧ᭄ᬯᬗ᭄ᬳᬾᬮ᭄ᬦᬶᬓᬂᬦᬶᬲᬤ᭄ᬥᬵ᭞ᬫᬮᬓᬸᬧ᭄ᬯᬬᬵᬧᬶᬦᬗᬸᬮ᭄᭞ ᬳᬸᬫᬸᬮᬢ᭄‌ᬇᬓᬂᬫᭀᬂᬲᬓᬾᬲᭀᬃ᭞ᬫᭀᬚᬃᬢᬬᬵ᭞ᬳᬾᬢᬶᬓᬂᬯᬦᬭᬶ᭞ᬢᬶᬩᬓᭂᬦᬶᬓᬂᬯ᭄ᬯᬂ᭞ᬢᬦ᭄ᬬᭀᬕ᭄ᬬᬓᬶᬢᬲᬫᬶᬢ᭄ᬭᬮᬯᬦ᭄ᬬᬓᬺᬢᬖ᭄ᬦᬵᬚᬢᬶᬦᬶᬓᬂᬧᬧᬓᬵ᭟ᬲᬸᬫᬳᬹᬃᬇᬓᬂᬯᬦᬭᬶ᭟ᬫᬧᬓᬭᬶᬓᬓᬺᬢ᭄ᬢ ᬖ᭄ᬦᬦᬶᬓᬂᬯ᭄ᬯᬂ᭟ᬲᬸᬫᬳᬹᬃᬇᬓᬂᬫᭀᬂ᭞ᬫᬘᬭᬶᬢᬵ᭟ᬳᬦᬤᬾᬰᬭᬶᬂᬓᬰ᭄ᬫᬶᬭᬗᬭᬦ᭄ᬬ᭞ᬳᬦᬢᬲᬶᬭᬩ᭄ᬭᬳ᭄ᬫᬵᬡ᭞ᬲᬂᬬᬚ᭄ᬜᬵᬲ᭄ᬯᬫᬶᬗᬭᬦᬶᬭᬵ᭟ᬫᬳᬲ᭄ᬢᬲᬶᬭᬵᬢᬶᬃᬢ᭄ᬣᬭᬶᬓᬮᬮᬳ᭄ᬭᬸᬫᬰᬓᬂᬓᬂ᭟ᬫᬮᬧᬵᬲᬶᬭ [᭖᭓ 63A] ᬳ᭄ᬯᬾ᭟ᬫᬳᬲ᭄‌ᬢᬲᬶᬭᬵᬭᬭᬄᬢᭀᬬᬵ᭞ᬫᬫᬗ᭄ᬕᬶᬄᬢᬲᬶᬭᬲᬸᬫᬹᬃᬫᬢᬶ᭞ᬭᬶᬫᬥ᭄ᬬᬦᬶᬓᬂᬳᬮᬲ᭄᭟ᬢᬶᬦᬮ᭄ᬬᬦᬶᬭᬵᬢᬓᬫᬡ᭄ᬥᬮᬸᬦᬶᬭᬵ᭞ᬢᬶᬦᭂᬓ᭄ᬯᬓᭂᬦᬶᬭᬭᬶᬂᬲᬸᬫᬹᬃ᭟ᬓᬢᬶᬫ᭄ᬩᬵᬇᬓᬂᬯ᭄ᬭᬾ᭟ᬫᭀᬚᬃᬢᬲᬂᬩ᭄ᬭᬳ᭄ᬫᬵᬡ᭞ ᬮᬶᬂᬦᬶᬭᬵ᭟ᬅᬧᬭᬦ᭄‌ᬢᬤᭀᬦ᭄ᬢᬳᬦᬗ᭄ᬓᬾ᭟ᬫᬦᭂᬫ᭄ᬩᬄᬇᬓᬂᬯ᭄ᬭᬾ᭞ᬢ᭄ᬳᭂᬃᬫᭀᬚᬃ᭞ᬮᬶᬂᬦ᭄ᬬ᭟ᬉᬫ᭄‌ᬲᬂᬩ᭄ᬭᬵᬳ᭄ᬫᬵᬡᬵ᭞ᬓᬮ᭄ᬩᬸᬫᬫᬶ᭟ᬧᬢᬂᬲᬶᬓᬶᬭᭀᬯᬗ᭄ᬓᬸᬓᬮ᭄ᬩᬸ᭟ᬫᭀᬂᬮᬯᬦ᭄ᬳᬸᬮᬵ᭞ᬫ᭄ᬯᬂᬫᬦᬹᬱᬵ᭟ᬦ᭄ᬤᬦ᭄ᬫᭀᬂᬮᬯᬦ᭄ᬳᬸᬮᬵᬚᬸᬕᬳᭂᬦ᭄ᬢ ᬲᬓ᭄ᬦᬵ᭞ᬤᬾᬦ᭄ᬢᬲᬂᬩ᭄ᬭᬳ᭄ᬫᬡ᭟ᬳᬬ᭄ᬯᬳᬶᬦᭂᬦ᭄ᬢᬲᬶᬓᬂᬯ᭄ᬯᬂ᭞ᬤᭀᬱᬦ᭄ᬬᬦᬶᬘ᭄ᬘᬵᬇᬓᬂᬯ᭄ᬯᬂ᭞ᬫᬗ᭄ᬓᬦᬇᬓᬂᬯ᭄ᬭᬾ᭞ᬢ᭄ᬳᭂᬂᬮᬸᬗ᭄ᬳᬵᬫᬫ᭄ᬯᬶᬢ᭄᭟ᬢᬸᬫ᭄ᬓᬸᬲᬶᬭᬫ᭄ᬯᬄ᭞ᬓᬢᬶᬫ᭄ᬩᬵᬇᬓᬂᬫᭀᬂ᭟ᬢᬦ᭄ᬧᬲᬸᬂᬬᬦ᭄ᬢᬶᬫ᭄ᬩᬦᭂᬦ᭄‌ᬇᬓᬂᬯ᭄ᬯᬂ᭞ᬮᬶᬂᬦᬶᬓᬂᬫᭀᬂ᭟ ᬢᬸᬫᬶᬫ᭄ᬩᬲᬶᬭᬫ᭄ᬯᬄᬓᬢ᭄ᬫᬸᬇᬓᬂᬳᬸᬮᬵ᭞ᬫᭀᬚᬃᬮᬶᬂᬦ᭄ᬬ᭟ᬢ᭄ᬮᬲ᭄ᬧᬸᬓᬸᬮᬸᬦ᭄ᬓᬩᬾᬄ᭟ᬓᬭᬶᬓᬂᬚᬸᬕ᭞ᬳᬬ᭄ᬯᬳᬶᬦᭂᬦ᭄ᬢᬲ᭄ᬤᬾᬲᬂᬩ᭄ᬭᬳ᭄ᬫᬵᬡ᭟ᬓᬺᬢᬖ᭄ᬦᬇᬓᬂᬯ᭄ᬯᬂ᭞ᬢᬦ᭄ᬯ᭄ᬭᬸᬄᬧᬶᬦᬶᬳᬸᬢᬗᬦ᭄᭟ᬫᬗ᭄ᬓᬦᬮᬶᬂᬦᬶᬂᬳᬸᬮᬵ

Auto-transliteration

[62 62B] 62 nanaḥdenya. tlaspwayāhrunya, malayūtayā. manmutayāmongsdhanglapā, binurūpwayādenikangmong. māmanektayārikangkayu'ikangtuhaburū. hanatawanari, manakanaktatlu, riruhūr̀ ikangpinanekdenikangpapakā, yatasumahuteriyā, wlasikangwanariringtuhaburū. samitratayawkasanlawanikangwanari, papakā. hanapwanghelnikangnisaddhā, malakupwayāpinangul, humulatikangmongsakesor̀, mojar̀tayā, hetikangwanari, tibakĕnikangwwang, tanyogyakitasamitralawanyakr̥ĕtaghnājatinikangpapakā. sumahūr̀ikangwanari. mapakarikakr̥ĕtta ghnanikangwwang. sumahūr̀ikangmong, macaritā. hanadeśaringkaśmirangaranya, hanatasirabrahmāṇa, sangyajñāswamingaranirā. mahastasirātir̀ttharikalalahrumaśakangkang. malapāsira [63 63A] hwe. mahastasirāraraḥtoyā, mamanggiḥtasirasumūr̀mati, rimadhyanikanghalas. tinalyanirātakamaṇdhalunirā, tinĕkwakĕniraringsumūr̀. katimbā'ikangwre. mojar̀tasangbrahmāṇa, lingnirā. aparantadontahanangke. manĕmbaḥikangwre, t'hĕr̀mojar̀, lingnya. umsangbrāhmāṇā, kalbumami. patangsikirowangkukalbu. monglawanhulā, mwangmanūsyā. ndanmonglawanhulājugahĕnta saknā, dentasangbrahmaṇa. haywahinĕntasikangwwang, doṣanyaniccā'ikangwwang, mangkana'ikangwre, t'hĕnglunghāmamwit. tumkusiramwaḥ, katimbā'ikangmong. tanpasungyantimbanĕnikangwwang, lingnikangmong. tumimbasiramwaḥkatmu'ikanghulā, mojar̀lingnya. tlaspukulunkabeḥ. karikangjuga, haywahinĕntasdesangbrahmāṇa. kr̥ĕtaghna'ikangwwang, tanwruḥpinihutangan. mangkanalingninghulā

Leaf 63

Image on Archive.org

[᭖᭓ 63B] ᭖᭓ ᭟ᬫᬫ᭄ᬯᬶᬢ᭄ᬮᬸᬗᬵ᭟ᬫᬗ᭄ᬳᭃᬦᬗ᭄ᬳᭃᬦ᭄ᬢᬲᬂᬩ᭄ᬭᬳ᭄ᬫᬵᬡ᭟ᬅᬧᬓᬮᬶᬗ᭄ᬳᬦᬲᬢ᭄ᬯᬵᬓᬢ᭄ᬮᬸ᭞ᬢᬦ᭄ᬧᬯᬾᬄᬓᬳᭂᬦ᭄ᬢᬲᬦᬶᬓᬂᬯ᭄ᬯᬂ᭟ᬢᬦᬸᬮᬳᬵᬫᬶᬬᬦ᭄ᬫᬗ᭄ᬓᬦ᭟ᬳᬶᬮᬳᬶᬮᬵ᭞ᬢᬦ᭄ᬯᬓ᭄ᬲᬧᬣᬵᬗ᭄ᬳᬸᬮᬸᬦ᭄᭟ᬮᬮᬶᬲᬶᬭᬶᬓᬂ ᬯ᭄ᬯᬂ᭞ᬧᬦ᭄ᬢᬶᬩᬾᬦᬶᬂᬳᬭᬦᬶᬓᬵ᭟ᬤᬤᬶᬢᬲᬶᬭᬢᬸᬫ᭄ᬓᬸᬫ᭄ᬯᬄ᭞ᬓᬢᬶᬫ᭄ᬩᬇᬓᬂᬯ᭄ᬯᬂ᭟ᬫᬦᭂᬫ᭄ᬩᬄᬢᬬᬵᬭᬶᬂ᭠ᬲᬂᬩ᭄ᬭᬳ᭄ᬫᬵᬡ᭞ᬢ᭄ᬳᭂᬃᬫᭀᬚᬃ᭞ᬮᬶᬂᬦ᭄ᬬ᭟ᬅᬧᬡ᭄ᬥᬾᬫᬵᬲ᭄‌ᬲᬗ᭄ᬳᬸᬮᬸᬦ᭄᭞ᬳᬶᬂᬫᬥᬹᬭᬭᬵᬚᬧᬦᬗ᭄ᬓᬦᬶᬗ᭄ᬳᬸᬮᬸᬦ᭄᭞ᬲᬶ ᬯᬾᬦᬸᬓᬗᬭᬦᬶᬗ᭄ᬳᬸᬮᬸᬦ᭄᭟ᬓᬲᬶᬳᬦ᭄ᬭᬦᬓ᭄ᬲᬂᬩ᭄ᬭᬳ᭄ᬫᬵᬡ᭞ᬢ᭄ᬳᭂᬃᬫᬫ᭄ᬯᬶᬢ᭄‌ᬮᬸᬗ᭄ᬳᬵᬢᬬ᭟ᬓᬢ᭄ᬓᬲ᭄ᬢᬲᬂᬩ᭄ᬭᬳ᭄ᬫᬵᬡ᭞ᬫᬾᬢ᭄‌ᬢᬶᬃᬢ᭄ᬣᬵᬫᬦᬸᬲᬸᬧ᭄‌ᬫ᭄ᬯᬄ᭟ᬓᬯᬯᬢᬲᬶᬭᬾᬂᬳᬮᬲ᭄‌ᬓᬡ᭄ᬥᬓᬵᬯᬦ᭟ᬓᬗ᭄ᬳᬾᬮᬦ᭄‌ᬗ᭄ᬳᭂ᭠ ᬩᬶᬓᬬᬸ᭞ᬓᬧᬗ᭄ᬕᬶᬄᬇᬓᬂᬯ᭄ᬭᬾᬓᬢᬶᬫ᭄ᬩᬵᬗᬹᬦᬶ᭞ᬫᬗᬢᬹᬭᬓᭂᬦ᭄ᬢᬬᬵᬨᬮ᭞ᬭᬶᬂᬲᬂᬩ᭄ᬭᬳ᭄ᬫᬾᬡ᭟ᬭᬶᬳᬸᬯᬸᬲ᭄ᬦ᭄ᬬᬦᭂᬫ᭄ᬩᬄᬳᬫ᭄ᬯᬶᬢ᭄ᬮᬸᬗ᭄ᬳᬵ᭟ᬫ᭄ᬯᬄᬫ᭄ᬧᬸᬥᬗ᭄ᬳ᭄ᬬᬂᬮᬸᬗ᭄ᬳᬵ᭟ᬓᬧᬗ᭄ᬕᬶᬄᬢᬾᬓᬂᬫᭀᬂᬓᬂᬓᬢᬶᬫ᭄ᬩᬵᬗᬹᬦᬶ [᭖᭔ 64A] ᬤᬾᬦᬶᬭᬵ᭟ᬫᬦ᭄ᬤᭂᬕ᭄‌ᬢᬲᬂᬩ᭄ᬭᬳ᭄ᬫᬡ᭟ᬫᭀᬚᬃᬫ᭄ᬯᬄᬇᬓᬂᬫᭀᬂ᭞ᬮᬶᬂᬦ᭄ᬬᬵ᭟ᬪᬕ᭄ᬬᬓᬗ᭄ᬕᬶᬄᬲᬂᬩ᭄ᬭᬳ᭄ᬫᬵᬡ᭟ᬦᬶᬳᬦ᭄ᬢᬭᬚᬧᬸᬢ᭄ᬭᬪᬹᬱᬡᬓᬢᬹᬭᬭᬶᬂᬲᬂᬩ᭄ᬭᬳ᭄ᬫᬵᬡ᭞ᬧᬸᬳᬓᬦᬶᬂᬳᬸᬢᬂᬭᬶᬂᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬫ᭄ᬧᬸᬥᬗ᭄ᬳ᭄ᬬᬂ ᭟ᬫᬫ᭄ᬯᬶᬢ᭄‌ᬢᬬᬮᬸᬗ᭄ᬳᬵ᭟ᬫᬗ᭄ᬳᭃᬦᬵᬗᭃᬦ᭄ᬢᬲᬂᬩ᭄ᬭᬳ᭄ᬫᬵᬡ᭞ᬇᬓᬂᬧᬡ᭄ᬥᬾᬫᬵᬲ᭄‌ᬭᬶᬂᬫᬥᬹᬭᬵᬧᬓ᭄ᬦᬦᬶᬓᬂᬫᬵᬲ᭄᭟ᬮᬸᬫᬫ᭄ᬧᬄᬢᬲᬂᬩ᭄ᬭᬳ᭄ᬫᬵᬡ᭟ᬘᬸᬫᬦ᭄ᬤᬸᬓᬶᬂᬫᬥᬹᬭᬤᬾᬰ᭞ᬓᬤᬸᬦᬸᬂᬳᬶᬂᬧᬡ᭄ᬥᬾᬫᬵᬲ᭄‌ᬭᬶᬂᬫᬥᬹᬭᬵ ᬲᬶᬯᬾᬦᬸᬓᬵ᭞ᬓᬧᬗ᭄ᬕᬶᬄᬢᬬᬵ᭟ᬕᬃᬚ᭄ᬚᬶᬢᬫᬦᭂᬫ᭄ᬩᬄᬲᬦᬓ᭄ᬭᬩᬶᬦ᭄ᬬ᭞ᬳᬸᬫᬢᬹᬭᬓᭂᬦ᭄‌ᬲᬪᭀᬚᬦᬲᬂᬩ᭄ᬭᬵᬳ᭄ᬫᬡ᭞ᬳᬢ᭄ᬳᭂᬃᬬᬫᬗᬸᬧᬓ᭄ᬱᬫ᭟ᬲᬸᬓᬢᬲᬂᬩ᭄ᬭᬳ᭄ᬫᬵᬡ᭞ᬫᭀᬚᬃᬢᬲᬶᬭ᭟ᬅᬦᬓᬸᬯᬾᬦᬸᬓ ᭞ᬳᬦᬇᬓᬶᬫᬵᬲ᭄ᬪᬹᬱᬡᬧᬯᬾᬄᬦᬶᬓᬂᬫᭀᬂᬭᬾᬯᬂᬢᬓᬢᬶᬫ᭄ᬩᬗᬹᬦᬶ᭟ᬬᬢᬶᬓᬶᬧᬯᬾᬳᬗ᭄ᬓ᭄ᬯᬭᬶᬓᬶᬢ᭞ᬅᬧᬦᬶᬓᬶᬢᬦ᭄ᬳᬦᬧᬓ᭄ᬦᬦ᭄ᬬᬤᬾᬫᬫᬶ᭟ᬢᬶᬦᬗ᭄ᬕᬧᬶᬓᬂᬫᬵᬲ᭄‌ᬤᬾᬦᬶᬂᬯᬾᬦᬸᬓᬵ᭞ᬫᭀᬚᬃᬲᬂᬩ᭄ᬭᬳ᭄ᬫᬵ

Auto-transliteration

[63 63B] 63 . mamwitlungā. manghönanghöntasangbrahmāṇa. apakalinghanasatwākatlu, tanpaweḥkahĕntasanikangwwang. tanulahāmiyanmangkana. hilahilā, tanwaksapathānghulun. lalisirikang wwang, pantibeningharanikā. daditasiratumkumwaḥ, katimba'ikangwwang. manĕmbaḥtayāring‐sangbrahmāṇa, t'hĕr̀mojar̀, lingnya. apaṇdhemāssanghulun, hingmadhūrarājapanangkaninghulun, si wenukangaraninghulun. kasihanranaksangbrahmāṇa, t'hĕr̀mamwitlunghātaya. katkastasangbrahmāṇa, mettir̀tthāmanusupmwaḥ. kawawatasirenghalaskaṇdhakāwana. kanghelannghĕ‐ bikayu, kapanggiḥikangwrekatimbāngūni, mangatūrakĕntayāphala, ringsangbrahmeṇa. rihuwusnyanĕmbaḥhamwitlunghā. mwaḥmpudhanghyanglunghā. kapanggiḥtekangmongkangkatimbāngūni [64 64A] denirā. mandĕgtasangbrahmaṇa. mojar̀mwaḥikangmong, lingnyā. bhagyakanggiḥsangbrahmāṇa. nihantarajaputrabhūṣaṇakatūraringsangbrahmāṇa, puhakaninghutangringrahadyansanghulunmpudhanghyang . mamwittayalunghā. manghönāngöntasangbrahmāṇa, ikangpaṇdhemāsringmadhūrāpaknanikangmās. lumampaḥtasangbrahmāṇa. cumandukingmadhūradeśa, kadununghingpaṇdhemāsringmadhūrā siwenukā, kapanggiḥtayā. gar̀jjitamanĕmbaḥsanakrabinya, humatūrakĕnsabhojanasangbrāhmaṇa, hat'hĕr̀yamangupakṣama. sukatasangbrahmāṇa, mojar̀tasira. anakuwenuka , hana'ikimāsbhūṣaṇapaweḥnikangmongrewangtakatimbangūni. yatikipawehangkwarikita, apanikitanhanapaknanyademami. tinanggapikangmāsdeningwenukā, mojar̀sangbrahmā

Leaf 64

Image on Archive.org

[᭖᭔ 64B] ᭖᭔ ᬡ᭟ᬮᬶᬂᬦᬶᬭᬵ᭟ᬦ᭄ᬤᬶᬧᬤ᭄ᬬᬸᬲᬦᬶᬗ᭄ᬓᬾ᭟ᬫᭀᬚᬃᬲᬶᬯᬾᬦᬸᬓᬵ᭟ᬮᬶᬂᬦ᭄ᬬ᭟ᬧᬸᬦᬶᬓᬵᬯᬸᬮᬓᬦ᭄‌ᬤ᭄ᬬᬸᬲᬲᬂᬩ᭄ᬭᬳ᭄ᬫᬡ᭟ᬮᬸᬗ᭄ᬳᬵᬢᬲᬶᬭᬤ᭄ᬬᬸᬲ᭄᭞ᬓᬭᬶᬢᬫᬧᬡ᭄ᬥᬾᬫᬵᬲ᭄᭟ᬯᬶᬦᬸᬮᬢᬦ᭄ᬬᬵᬇᬓᬂᬪᬹᬱᬡ᭟ᬉᬥᬹᬄᬉᬥᬸᬄ ᬪᬹᬱᬡᬲᬂᬤ᭄ᬬᬄᬓ᭄ᬮᬾᬰᬗᬹᬦᬶᬭᬶᬂᬳᬮᬲᬶᬓᬶ᭟ᬫᭀᬚᬃᬢᬬᬭᬶᬂᬲ᭄ᬢ᭄ᬭᬶᬦ᭄ᬬ᭞ᬮᬶᬂᬦ᭄ᬬ᭟ᬲᬗᬶᬪᬹᬦ᭄ᬬᬦᬓᬸ᭞ᬫᬯᬾᬄᬫᬵᬲ᭄‌ᬲᬂᬩ᭄ᬭᬳ᭄ᬫᬵᬡ᭞ᬭᬶᬂᬓᬫᬶ᭟ᬪᬹᬱᬡᬲᬂᬥ᭄ᬬᬄᬓ᭄ᬮᬾᬱᬵᬭᬶᬗᬮᬲ᭄ᬳᬶᬓᬶ᭞ᬤᬫᭂᬮᬶᬂᬧᬭᬧᬡ᭄ᬥᬾᬫᬵᬲ᭄ ᬓᬩᬾᬄᬇᬓᬶ᭟ᬲᬮᬄᬫᬸᬮ᭄ᬬᬦ᭄ᬬᬳᬮᬧᭂᬦ᭄‌ᬤᬾᬦ᭄ᬫᬫᬶᬫᬵᬲ᭄ᬫᬡᬶᬇᬓᬶ᭞ᬫᬗ᭄ᬓᭀᬲᬸᬦᬵᬢᬹᬭᬓ᭄ᬦᬲᬂᬦᬵᬣ᭟ᬅᬬ᭄ᬯᬮᭀᬩ᭄ᬪᬲᬂᬧᬦ᭄ᬬᬦᬓᬸ᭞ᬲᬳᬹᬃᬢᬲ᭄ᬢ᭄ᬭᬶᬦ᭄ᬬ᭟ᬢᬲ᭄ᬬᬲᬶᬄᬓᬶᬢᬳᬭᬄ᭟ᬲᬸᬕ᭄ᬬᬦ᭄ᬓᬤᬶᬯ᭄ᬭᬾᬬᬦ᭄ᬢᬶ ᬇᬓᬵ᭟ᬲᬸᬫᬳᬹᬃᬚᬮᬸᬦ᭄ᬬ᭟ᬅᬧᬯ᭄ᬭᬾᬲᬶᬬᬦ᭄ᬢᬶᬓ᭄ᬭᬫᬦ᭄ᬬ᭟ᬲᬸᬫᬳᬹᬃᬭᬩᬶᬦ᭄ᬬ᭞ᬘᬭᬶᬢᬵ᭟ᬳᬦᬯ᭄ᬭᬾᬳᬶᬲ᭄ᬢ᭄ᬭᬶ᭞ᬲᬶᬬᬦ᭄ᬢᬶᬗᬭᬦ᭄ᬬ᭞ᬫᬗᭂᬦᬓᭂᬦ᭄‌ᬢᬧᬵ᭞ᬇᬓᬂᬫᬳᬵᬯᬺᬓ᭄ᬱᬲᬸᬥᬃᬱᬡᬗᬭᬦ᭄ᬬ᭞ᬢᬲ [᭖᭕ 65A] ᬓ᭄‌ᬧ᭄ᬯᬤᬾᬦᬶᬭᬢᬧᬵ᭞ᬭᬢᭂᬂᬳ᭄ᬯᬄᬦᬶᬂᬚᬫ᭄ᬩᬸᬲᬸᬥᬃᬱᬡᬭᬸᬭᬸᬭᬶᬳᬋᬧ᭄ᬦ᭄ᬬ᭟ᬢᬦ᭄ᬳᬦᬳᬾᬯᭂᬄᬦ᭄ᬬᬳᬸᬫᬸᬮᬢ᭄ᬚᬸᬕᬬᬵ᭟ᬭᬢᭂᬂᬤᬾᬦ᭄ᬬᬗᬦᬓᭂᬦ᭄ᬢᬧᬵ᭟ᬓᬭᬹᬡ᭄ᬬᬪᬝᬭ᭞ᬲᬶᬦ᭄ᬬᬂᬢᬬᬤᬾᬦᬶᬂᬪᬝᬭ᭟ᬳᬾᬬᬦ᭄ᬢᬶ ᬫᬧᬲᬥ᭄ᬬᬦ᭄ᬢᬵ᭟ᬫᬫᬶᬦ᭄ᬢᬵᬦᬸᬕ᭄ᬭᬳᬵ᭟ᬲᬸᬫᬳᬹᬃᬲᬶᬬᬦ᭄ᬢᬶ᭞ᬫᬳᬋᬧ᭄‌ᬤᬤ᭄ᬬᬯ᭄ᬯᬂᬮᬶᬲ᭄ᬢ᭄ᬯᬬᬸᬭᬦᬓ᭄‌ᬪᬝᬭᬵ᭟ᬲᬫᬮᬯᬦ᭄ᬓᬮᬶᬲ᭄ᬢ᭄ᬯᬬ᭄ᬯᬦᬶᬓᬂᬯᬶᬤ᭄ᬬᬥᬭᬶᬧᬸᬦᬗ᭄ᬕᬭᬧ᭄ᬭᬫᬦᬵ᭞ᬩᭀᬄᬤᬓ᭄‌ᬯᬾᬄᬇᬓᬵ᭟ᬮᬶᬂᬪ ᬝᬭ᭟ᬫᬄᬇᬓᬶᬫᬦᬶᬓ᭄᭞ᬲᬸᬮᬸᬳᬦᬶᬂᬫᬭᬾᬂᬢᬶᬃᬢ᭄ᬣᬵ᭟ᬬᬦ᭄ᬢᬶ᭟ᬧᬥᭃᬫ᭄‌ᬤᬶᬮᬄᬳᬶᬂᬫᬡᬶᬓ᭄‌ᬓᬢ᭄ᬫᬸᬢᬶᬃᬢ᭄ᬣᬤᬾᬦ᭄ᬢᬵ᭟ᬢ᭄ᬓᬭᬶᬬᬧᬢᬸᬫ᭄ᬤᬸᬦ᭄‌ᬧᬶᬂᬧᬶᬢᬸ᭞ᬧ᭄ᬭᬲᬶᬤ᭄ᬥᬵᬮᬶᬲ᭄ᬢ᭄ᬯᬬᬸᬓᭀ᭟ᬫᬹᬃᬢᬪᬝᬭ᭟ᬫᬕᬶᬭᬂᬲ᭄ᬬᬓ᭄ᬢᬶ᭞ᬢᬶ ᬦᬹᬢ᭄ᬦ᭄ᬬᬤᬶᬮᬄᬦᬶᬓᬂᬫᬡᬶᬓ᭄᭞ᬓᬧᬗ᭄ᬕᬶᬄᬢᬂᬢᬶᬃᬢ᭄ᬣᬵᬧᬯ᭄ᬓᬲ᭄ᬪᬝᬭᬗᬹᬦᬶ᭟ᬢᬸᬫ᭄ᬥᬸᬦ᭄‌ᬲᬶᬬᬦ᭄ᬢᬶ᭞ᬕ᭄ᬦᭂᬧᬶᬂᬧᬶᬢᬸ᭟ᬳᬸᬯᬸᬲ᭄ᬦ᭄ᬬᬫᭂᬦ᭄ᬢᬲ᭄᭞᭞ᬫᬗᬶᬮᭀᬭᬶᬂᬳ᭄ᬯᬿ᭞ᬢᭀᬦ᭄ᬢᭀᬦ᭄ᬬᬯᬓ᭄ᬦ᭄ᬬ᭞ᬍᬯᬶᬄᬲᬓᬾᬂᬭᬹᬧᬦᬶᬂᬯᬶᬤ᭄ᬬᬥᬭᬶ᭞

Auto-transliteration

[64 64B] 64 ṇa. lingnirā. ndipadyusaningke. mojar̀siwenukā. lingnya. punikāwulakandyusasangbrahmaṇa. lunghātasiradyus, karitamapaṇdhemās. winulatanyā'ikangbhūṣaṇa. udhūḥudhuḥ bhūṣaṇasangdyaḥkleśangūniringhalasiki. mojar̀tayaringstrinya, lingnya. sangibhūnyanaku, maweḥmāssangbrahmāṇa, ringkami. bhūṣaṇasangdhyaḥklesyāringalashiki, damĕlingparapaṇdhemās kabeḥiki. salaḥmulyanyahalapĕndenmamimāsmaṇi'iki, mangkosunātūraknasangnātha. aywalobbhasangpanyanaku, sahūr̀tastrinya. tasyasiḥkitaharaḥ. sugyankadiwreyanti ikā. sumahūr̀jalunya. apawresiyantikramanya. sumahūr̀rabinya, caritā. hanawrehistri, siyantingaranya, mangĕnakĕntapā, ikangmahāwr̥ĕkṣasudhar̀ṣaṇangaranya, tasa [65 65A] kpwadeniratapā, ratĕnghwaḥningjambusudhar̀ṣaṇarururihar̥ĕpnya. tanhanahewĕḥnyahumulatjugayā. ratĕngdenyanganakĕntapā. karūṇyabhaṭara, sinyangtayadeningbhaṭara. heyanti mapasadhyantā. mamintānugrahā. sumahūr̀siyanti, mahar̥ĕpdadyawwanglistwayuranakbhaṭarā. samalawankalistwaywanikangwidyadharipunanggarapramanā, boḥdakweḥikā. lingbha ṭara. maḥikimanik, suluhaningmarengtir̀tthā. yanti. padhömdilaḥhingmaṇikkatmutir̀tthadentā. tkariyapatumdunpingpitu, prasiddhālistwayuko. mūr̀tabhaṭara. magirangsyakti, ti nūtnyadilaḥnikangmaṇik, kapanggiḥtangtir̀tthāpawkasbhaṭarangūni. tumdhunsiyanti, gnĕpingpitu. huwusnyamĕntas, , mangiloringhwai, tontonyawaknya, l̥ĕwiḥsakengrūpaningwidyadhari,

Leaf 65

Image on Archive.org

[᭖᭕ 65B] ᭖᭕ ᬲᬂᬅᬗ᭄ᬕᬭᬵᬧ᭄ᬭᬫᬡᬵ‌᭟ᬫᬵᬗᭂᬦᬓᬸᬂᬗᭂᬦ᭄ᬢᬲ᭄ᬬᬦ᭄ᬢᬶ᭟ᬕ᭄ᬦᭂᬧᬵᬧᬶᬂᬧᬶᬢᬸᬯ᭄ᬯᬾᬳᬓᬸ᭞ᬓᬤᬶᬢᬸᬫᬶᬭᬸᬭᬹᬧᬪᬝᬭ᭟ᬢᬸᬫ᭄ᬥᬸᬦ᭄ᬧ᭄ᬯᬬᬫ᭄ᬯᬄᬤᬤᬶᬢᬬᬯᬮᬸᬬᬵᬫ᭄ᬯᬄᬯ᭄ᬭᬾ᭟ᬳᬮᬭᬢᬫᬦᬄᬦ᭄ᬬ᭞ᬳᬫᭂᬗᬦ᭄ᬬᬫᬢᬶ᭟ᬢᬶ ᬦᭀᬦ᭄ᬤᬾᬪᬕᬯᬦ᭄ᬪᬲᬸᬩᬕᬵ᭞ᬫᬕᬯᬾᬰ᭄ᬮᭀᬓᬵ᭟᭚ᬚᬫ᭄ᬩᬸᬓᬱ᭄ᬝᬢ᭄‌ᬫᬰᬓᬲᬾᬧᬄ᭞ᬲᬧ᭄ᬝᬤᬧᬭᬶᬢᭀᬕᬸᬡ᭞ᬳᬢᬶᬮᭀᬤᬾᬦᬤᭀᬰᬾᬦᬄ᭞ᬧᬹᬃᬡ᭄ᬦᬯᬦᬭᬢ᭄‌ᬢᬗ᭄ᬕᬢᬄ᭟ᬓᬮᬶᬗᬦ᭄ᬬ᭟ᬇᬓᬂᬯ᭄ᬯᬂᬓ ᬢ᭄ᬓᬦ᭄ᬧᬶᬦᬮᬓᬸ᭞ᬅᬬ᭄ᬯᬵᬢᬶᬮᭀᬦ᭞ᬅᬫ᭄ᬗᬦ᭄ᬬᬳᬦ᭄ᬫᬸᬧᬧᬵᬫᬕᭃᬂ᭟ᬢᭀᬦᭂᬦᬶᬓᬂᬯ᭄ᬭᬾᬲ᭄ᬬᬦ᭄ᬢᬶ᭟ᬦᬳᬦ᭄ᬢᬗ᭄ᬕᬸᬄᬭᬩᬶᬦ᭄ᬬ᭟ᬦ᭄ᬤᬢᬦ᭄ᬧᬫᬶᬢᬸᬳᬸᬮᬓᬶᬦ᭄ᬬ᭟ᬢᬸᬫᬫᬵᬬᬭᬶᬓᬥᬢ᭄ᬯᬦ᭄᭞ᬫᬗᬢᬹᬭᬓᭂᬦ᭞ᬪᬹᬱ ᬡᬓᬧᬸᬢ᭄ᬭᬦ᭄ᬭᬶᬂᬲᬂᬧ᭄ᬭᬪᬹ᭟ᬫᬭᬧ᭄ᬯᬦ᭄ᬫᬯᬾᬄᬲᬸᬓᬫᬕᭃᬂᬭᬶᬇᬥᭂᬧ᭄ᬦ᭄ᬬ᭞ᬫᬯᬢᬬᬪᬹᬱᬡ᭟ᬓᬧᬗ᭄ᬕᬶᬄᬲᬂᬤᬵᬣ᭟ᬫᬢᬹᬃᬇᬓᬵᬲᬶᬯᬾᬦᬸᬓᬵ᭟ᬮᬶᬂᬦ᭄ᬬ᭟ᬧᬝᬶᬓᬚᬶᬳᬸᬫᬢᬹᬭᬓ᭄ᬦᬂᬓᬧᬸᬢ᭄ᬭᬦ᭄᭞ᬪᬹᬱᬡ [᭖᭖ 66A] ᬲᬂᬤ᭄ᬬᬄᬓ᭄ᬮᬾᬰᬭᬶᬂᬳᬮᬲ᭄ᬧᬕᬸᬦᬸᬗᬦ᭄᭟ᬓᬧᬗ᭄ᬕᬶᬄᬳᬶᬂᬲᬂᬩ᭄ᬭᬳ᭄ᬫᬵᬡ᭞ᬤᬾᬧᬝᬶᬓᬚᬶ᭟ᬫᭀᬚᬃᬲᬂᬧ᭄ᬭᬪᬹ᭟ᬦ᭄ᬤᬶᬓᬂᬩ᭄ᬭᬳ᭄ᬫᬵᬡᬫᬗ᭄ᬓᬾ᭟ᬅᬚ᭄ᬜᬳᬚᬶ᭟ᬲᬗ᭄ᬓᬵᬮᬢᬲᬂᬩ᭄ᬭᬳ᭄ᬫᬵᬡ᭟ᬓᬸᬫ᭄ᬯᬢᬲᬶᬦᬗ᭄ᬓᬮᬲᬂᬩ᭄ᬭᬳ᭄ᬫᬵᬡ ᭟ᬭᬶᬳᬸᬯᬸᬲ᭄ᬦ᭄ᬬᬤ᭄ᬬᬸᬲᬶᬓᬲᬂᬩ᭄ᬭᬵᬳ᭄ᬫᬡ᭞ᬢ᭄ᬓᬢᬾᬓᬂᬢᬡ᭄ᬥᬲᬸᬫᬶᬓᭂᬧ᭄‌ᬳᬶᬲᬂᬩ᭄ᬭᬳ᭄ᬫᬵᬡ᭟ᬅᬧᬭ᭠ᬦ᭄ᬢᬾᬓᬶᬤᭀᬱᬫᬫᬶ᭟ᬫᭀᬚᬃᬇᬓᬂᬢᬡ᭄ᬥ᭟ᬢᬦ᭄ᬯᬶᬓᬦᬶᬗ᭄ᬲᬸᬦ᭄‌ᬧᬸᬓᬸᬮᬸᬦ᭄᭟ᬓᬶᬦ᭄ᬯᬦ᭄ᬤᬾᬲᬂᬧ᭄ᬭᬪᬹ᭟ᬫᬚᬃ᭠ ᬲᬂᬩ᭄ᬭᬳ᭄ᬫᬵᬡ᭟ᬮᬄᬅᬧᬓ᭄ᬦᬅᬗ᭄ᬳᬶᬂᬫᬶᬂᬦᬶᬃᬤᭀᬱ᭟ᬯᬶᬦᬯᬭᬶᬂᬧᬦᬗ᭄ᬓᬶᬮᬦ᭄᭞ᬭᬶᬗ᭄ᬓᭀᬲᬶᬭᬗᬶᬥᭂᬧ᭄‌ᬲᬗ᭄ᬰᬭ᭟ᬦ᭄ᬤᬦ᭄ᬤᬤᬶᬢᬲᬶᬭᬫᬕᬯᬾᬰ᭄ᬮᭀᬓᬵ᭟᭚ᬯ᭄ᬬᬖ᭄ᬭᬯᬓᬭᬲᬧᬦᬃ᭞ᬬᬦ᭄ᬫᬬᬰᬢ᭄ᬭᬸᬢᬯᬥᬄ᭞ᬢᬾ ᬦᬫᬫᬧᬸᬧᬦᬶᬢᬾᬦᬾ᭞ᬫᬦᬹᬲᬾᬦᬲ᭄ᬘᬶᬯᬜ᭄ᬘᬶᬢᬄ᭟ᬓᬮᬶᬗᬦ᭄ᬬ᭟ᬍᬳᭂᬂᬫᬲᬶᬳᬾᬂᬲᬢᭀ᭞ᬲᬧᬤᬶᬫᬲᬶᬳᬭᬶᬂᬯ᭄ᬯᬂᬦᬶᬘ᭄ᬘ᭟ᬫ᭄ᬯᬇᬓᬶᬢᬦ᭄‌ᬯᬯᬋᬗ᭄ᬳᭃᬦ᭄ᬢᬶᬓᬂᬯ᭄ᬭᬾ᭟ᬮᬸᬗ᭄ᬳᬵᬢᬂᬫᭀᬂᬗᬹᬦᬶ᭞ᬤᬤ᭄ᬬᬦ᭄ᬢᬸᬓ᭄

Auto-transliteration

[65 65B] 65 sanganggarāpramaṇā. māngĕnakungngĕntasyanti. gnĕpāpingpituwwehaku, kaditumirurūpabhaṭara. tumdhunpwayamwaḥdaditayawaluyāmwaḥwre. halaratamanaḥnya, hamĕnganyamati. ti nondebhagawanbhasubagā, magaweślokā. // jambukaṣṭatmaśakasepaḥ, sapṭadaparitoguṇa, hatilodenadośenaḥ, pūr̀ṇnawanarattanggataḥ. kalinganya. ikangwwangka tkanpinalaku, aywātilona, amnganyahanmupapāmagöng. tonĕnikangwresyanti. nahantangguḥrabinya. ndatanpamituhulakinya. tumamāyarikadhatwan, mangatūrakĕna, bhūṣa ṇakaputranringsangprabhū. marapwanmaweḥsukamagöngri'idhĕpnya, mawatayabhūṣaṇa. kapanggiḥsangdātha. matūr̀ikāsiwenukā. lingnya. paṭikajihumatūraknangkaputran, bhūṣaṇa [66 66A] sangdyaḥkleśaringhalaspagunungan. kapanggiḥhingsangbrahmāṇa, depaṭikaji. mojar̀sangprabhū. ndikangbrahmāṇamangke. ajñahaji. sangkālatasangbrahmāṇa. kumwatasinangkalasangbrahmāṇa . rihuwusnyadyusikasangbrāhmaṇa, tkatekangtaṇdhasumikĕp'hisangbrahmāṇa. apara‐ntekidoṣamami. mojar̀ikangtaṇdha. tanwikaningsunpukulun. kinwandesangprabhū. majar̀‐ sangbrahmāṇa. laḥapakna'anghingmingnir̀doṣa. winawaringpanangkilan, ringkosirangidhĕpsangśara. ndandaditasiramagaweślokā. // wyaghrawakarasapanar̀, yanmayaśatrutawadhaḥ, te namamapupanitene, manūsenasciwañcitaḥ. kalinganya. l̥ĕhĕngmasihengsato, sapadimasiharingwwangnicca. mwa'ikitanwawar̥ĕnghöntikangwre. lunghātangmongngūni, dadyantuk

Leaf 66

Image on Archive.org

[᭖᭖ 66B] ᭖᭖ ᬓᬩᬜ᭄ᬘᬡᬤᬾᬦᬶᬓᬂᬯ᭄ᬯᬂᬳᬶᬦᭂᬦ᭄ᬢᬲᬓᭂᬦ᭄ᬓᬸᬗᬹᬦᬶ᭟ᬭᬶᬢᬤᬦ᭄ᬢᬭᬫᬗᬺᬗ᭄ᬳᬵᬇᬓᬂᬯ᭄ᬭᬾᬬᬦ᭄ᬲᬂᬩ᭄ᬭ᭠ᬳ᭄ᬫᬵᬡᬲᬶᬦᬗ᭄ᬓᬵᬮ᭞ᬲᬂᬉᬮᬵᬫᬯᬭᬄᬳᬶᬂᬫᭀᬂ᭟ᬅᬧᬸᬧᬸᬮ᭄ᬧ᭄ᬯᬬᬵᬓᬢᬶᬕᬵ᭞ᬫᬸᬘᬧᬵᬢᬶᬗ᭄ᬓᬄᬲᬂᬩ᭄ᬭᬳ᭄ᬫᬵ ᬡᬓᬲᬗ᭄ᬓᬵᬮᬭᬶᬫᬸᬮᬦ᭄ᬬᬫᬵᬲ᭄‌ᬲᬓᬶᬲᬂᬫᭀᬂ᭟ᬲᬶᬦᬸᬗᬓ᭄ᬦᬳᬶᬲᬗᬧᬡ᭄ᬥᬾᬫᬵᬲ᭄ᬤᬾᬲᬂᬩ᭄ᬭᬳ᭄ᬫᬵᬡ᭟ᬇᬓᬧᬡ᭄ᬥᬫᬵᬲ᭄ᬫᬲᬸᬂᬭᬶᬂᬲᬂᬧ᭄ᬭᬪᬹ᭟ᬢᬶᬦᬃᬓ᭄ᬓᬵᬲᬂᬩ᭄ᬭᬳ᭄ᬫᬵᬡᬫᬢ᭄ᬬᬦᬶᬲᬂᬭᬵᬚᬧᬸᬢ᭄ᬭᬕᬸᬦᬸᬗᬦ᭄᭞ᬤᬾᬦᬶᬂᬦᬶᬘ᭄ᬘ ᬦᬶᬂᬫᬧᬡ᭄ᬥᬾᬫᬵᬲ᭄᭟ᬢᬦ᭄ᬯ᭄ᬭᬸᬄᬓ᭄ᬭᬫᬦᬶᬂᬯᬶᬦᬶᬮᬰᬦ᭄᭟ᬓ᭄ᬭᭀᬥᬵᬫ᭄ᬩᭂᬓ᭄ᬦᬶᬓᬂᬫᭀᬂ᭟ᬫᬳ᭄ᬬᬸᬦ᭄‌ᬬᬵᬫᬸᬓᬭᬶᬂᬚ᭄ᬭᭀᬓᬥᬢ᭄ᬯᬦ᭄᭟ᬫᬢᬗ᭄ᬕᬸᬄᬦᬶᬓᬂᬉᬮᬵ᭟ᬮᬶᬂᬦ᭄ᬬᬅᬬ᭄ᬯᬫᬗ᭄ᬓᬦᬲᬂᬫᭀᬂ᭞ᬢᬦ᭄ᬳᬦᬉᬧᬬᬵᬕᬢᬶ ᬦ᭄ᬢᬫᬸᬥᬳᬗᬗ᭄ᬕᬾᬓᬲ᭄‌ᬧ᭄ᬭᬪᬵᬯᬦ᭄ᬢ᭟ᬤᬤ᭄ᬬᬯᬢᬲᬂᬩ᭄ᬭᬳ᭄ᬫᬵᬡ᭟ᬳᬦᬉᬧᬬᬗ᭄ᬓᬸ᭞ᬲᬥᬦᬗ᭄ᬓᬸᬦᬳᬸᬭᬳᬸᬢᬂᬭᬶᬂᬲᬂᬩ᭄ᬭᬳ᭄ᬫᬵᬡ᭟ᬮᬸᬗ᭄ᬳᬵᬢᬲᬂᬳᬸᬮᬫᬭᬾᬂᬦᬕᬭ᭞ᬘᬸᬦ᭄ᬤᬸᬓᬶᬂᬧᬜᬗ᭄ᬓᬮᬦ᭄᭞ᬗ᭄ᬕ᭄ᬯᬦ᭄ᬲᬂᬩ᭄ᬭ [᭖᭗ 67A] ᬳ᭄ᬫᬵᬡ᭟ᬢᬦ᭄ᬤ᭄ᬯᬥᬢᬂᬭᬶᬓᬳᬦ᭄ᬲᬂᬩ᭄ᬭᬳ᭄ᬫᬵᬡ᭞ᬫᬢᬓ᭄ᬯᬦ᭄ᬭᬶᬤᭀᬱᬲᬂᬩ᭄ᬭᬳ᭄ᬫᬵᬡ᭟ᬮᬶᬂᬦ᭄ᬬ᭟ᬲᬂᬭᬢᬸᬡ᭄ᬥᬲᬾᬦᬤᬸᬫᬾᬄᬓᬸᬫᬭᬗ᭄ᬓᬾ᭟ᬲᬸᬫᬳᬹᬭᬇᬓᬂᬳᬸᬮᬵ᭟ᬫᬗ᭄ᬓᬾᬭᬦᬓ᭄‌ᬲᬂᬩ᭄ᬭᬳ᭄ᬫᬵᬡᬫᬦᬳᬸᬭᬳᬸᬢᬂ᭟ᬓ᭄ᬭᭀᬥᬇᬓᬂᬳᬸ ᬮᬵ᭞ᬫᬫ᭄ᬯᬶᬢ᭄‌ᬫᬦᬫ᭄ᬩ᭄ᬬᬧᬶᬦᬳᬮᬶᬢ᭄‌ᬳᬯᬓ᭄ᬦ᭄ᬬ᭞ᬢᬸᬫᬫᬵᬬᬭᬶᬂᬓᬥᬢ᭄ᬯᬦ᭄᭟ᬓᬳᬥᬂᬢᬵᬦᬓ᭄ᬲᬂᬭᬢᬸᬢᬸᬫᬸᬭᬸᬦ᭄ᬲᬓᬶᬂᬓᬸᬥᬵ᭞ᬲᬶᬦᬳᬸᬢ᭄‌ᬲᬸᬓᬸᬲᬂᬭᬵᬚᬧᬸᬢ᭄ᬭᬵ᭟ᬢᬶᬩᬵᬢᬲᬶᬭᬓᬧᬢᬶ᭟ᬧ᭄ᬭᬶᬳᬢᬶᬢᬲᬂᬧ᭄ᬭᬪᬹ᭞ᬓᬶᬦ᭄ᬯᬦ᭄ᬢᬵᬲᬂᬩ᭄ᬭᬵ ᬳ᭄ᬫᬵᬡᬗᬸᬱᬥᬦᬦ᭞ᬫ᭄ᬯᬂᬲᬓ᭄ᬯᬾᬄᬲᬂᬫᬕᬸᬡᬵ᭞ᬮᬶᬂᬦᬶᬭ᭟ᬅᬲᬶᬂᬳᬫᬭᬲᬓ᭄ᬦᬅᬦᬓᬸ᭞ᬭᭀᬯᬗᬗ᭄ᬓ᭄ᬯᬫᬮᬶᬳᬓᬥᬢᭀᬦ᭄᭟ᬢᬸᬗ᭄ᬕᬮᬲᬧᬮᬶᬗ᭄ᬕᬶᬳᬦ᭄᭟ᬳᬦᬢᬲᬶᬭᬯ᭄ᬭᬸᬄᬫᬗᬯᬓᬶᬂᬳᬸᬮᬵ᭞ᬥᬢᬂᬇᬓᬂᬳᬸᬮᬵᬭᬶᬂᬲᬂᬫᬗᬯᬓᬶᬂ ᬳᬸᬮᬵ᭟ᬫᭀᬚᬃᬢᬬᬵᬇᬓᬂᬳᬸᬮᬵ᭟ᬮᬶᬂᬦ᭄ᬬ᭟ᬲᬂᬩ᭄ᬭᬳ᭄ᬫᬵᬡᬲᬶᬦᬗ᭄ᬓᬵᬮᬲᬶᬭᬫᬭᬱᬓᭂᬦ᭄᭟ᬭᬶᬂᬲᬂᬭᬵᬚᬧᬸᬢ᭄ᬭᬥ᭄ᬬᬄᬯᬶᬭᬰᬾᬦ᭟ᬅᬧᬦ᭄ᬤᬸᬤᬸᬳᬸᬮᬄᬲᬂᬭᬢᬸᬭᬶᬂᬲᬂᬩ᭄ᬭᬵᬳ᭄ᬫᬡ᭞ᬬᬢᬲᬗ᭄ᬓᬦᬶᬂᬓ᭄ᬮᬾᬰᬲᬂᬭᬢᬸ᭟ᬫᬗ᭄ᬓᬦᬮᬶᬂᬦᬶᬂ

Auto-transliteration

[66 66B] 66 kabañcaṇadenikangwwanghinĕntasakĕnkungūni. ritadantaramangr̥ĕnghā'ikangwreyansangbra‐hmāṇasinangkāla, sangulāmawaraḥhingmong. apupulpwayākatigā, mucapātingkaḥsangbrahmā ṇakasangkālarimulanyamāssakisangmong. sinungaknahisangapaṇdhemāsdesangbrahmāṇa. ikapaṇdhamāsmasungringsangprabhū. tinar̀kkāsangbrahmāṇamatyanisangrājaputragunungan, deningnicca ningmapaṇdhemās. tanwruḥkramaningwinilaśan. krodhāmbĕknikangmong. mahyunyāmukaringjrokadhatwan. matangguḥnikangulā. lingnya'aywamangkanasangmong, tanhana'upayāgati ntamudhahanganggekasprabhāwanta. dadyawatasangbrahmāṇa. hana'upayangku, sadhanangkunahurahutangringsangbrahmāṇa. lunghātasanghulamarengnagara, cundukingpañangkalan, nggwansangbra [67 67A] hmāṇa. tandwadhatangrikahansangbrahmāṇa, matakwanridoṣasangbrahmāṇa. lingnya. sangratuṇdhasenadumeḥkumarangke. sumahūra'ikanghulā. mangkeranaksangbrahmāṇamanahurahutang. krodha'ikanghu lā, mamwitmanambyapinahalit'hawaknya, tumamāyaringkadhatwan. kahadhangtānaksangratutumurunsakingkudhā, sinahutsukusangrājaputrā. tibātasirakapati. prihatitasangprabhū, kinwantāsangbrā hmāṇanguṣadhanana, mwangsakweḥsangmaguṇā, lingnira. asinghamarasakna'anaku, rowangangkwamalihakadhaton. tunggalasapalinggihan. hanatasirawruḥmangawakinghulā, dhatangikanghulāringsangmangawaking hulā. mojar̀tayā'ikanghulā. lingnya. sangbrahmāṇasinangkālasiramaraṣakĕn. ringsangrājaputradhyaḥwiraśena. apanduduhulaḥsangraturingsangbrāhmaṇa, yatasangkaningkleśasangratu. mangkanalingning

Leaf 67

Image on Archive.org

[᭖᭗ 67B] ᭖᭗ ᬳᬸᬮᬵ᭞ᬬᬢᬶᬓᬵᬳᬶᬗᬢᬹᬭᬓᭂᬦ᭄ᬭᬶᬂᬲᬂᬭᬢᬸ᭟ᬤᬤᬶᬢᬲᬂᬩ᭄ᬭᬳ᭄ᬫᬵᬡᬓᬶᬦᭀᬦ᭄‌ᬳᬸᬯᬓᬓ᭄ᬦᬵᬲᬓᬶᬂᬧᬲᬗ᭄ᬓᬮᬦ᭄᭟ᬫ᭄ᬯᬂᬫᬸᬱᬥᬦᬦᬲᬂᬭᬵᬚᬧᬸᬢ᭄ᬭᬲᬶᬦᬸᬢᬶᬂᬳᬸᬮᬵ᭟ᬢᬦ᭄ᬫᬲᭀᬯᬾᬯᬭᬦ᭄‌ᬲᬂᬭᬵᬚᬧᬸᬢ᭄ᬭᬵ᭞ᬤᬾᬲᬂᬩ᭄ᬭᬳ᭄ᬫᬵᬡ᭟ᬭᬶᬯ᭄ᬓ ᬲᬦ᭄ᬯᬶᬦᬶᬯᬾᬄᬲᬶᬭᬵᬃᬤ᭄ᬥᬵᬭᬵᬚ᭄ᬬ᭟ᬓᬸᬦᬗᬶᬓᬂᬧᬡ᭄ᬥᬾᬫᬵᬲ᭄‌ᬓᬶᬦᭀᬦ᭄ᬧᬢ᭄ᬬᬦᬦᬵ᭞ᬤᬾᬦᬶᬓᬵᬰ᭄ᬮᭀᬓᬲᬂᬩ᭄ᬭᬳ᭄ᬫᬵᬡ᭟᭚ᬫᬦᬹᬱᬾᬲᬸᬓᬺᬢ᭄ᬢᬦᬱ᭄ᬝᬶ᭞ᬢᬵᬃᬤ᭄ᬥᬵᬕ᭄ᬬᬦᬶᬓᬺᬢ᭄ᬢᬯᬭᬫ᭄᭞ᬯ᭄ᬬᬖ᭄ᬭᬯᬦᬭᬲᬃᬯ᭄ᬯᬦ᭞ᬗ᭄ᬓᬺᬢᬫᬾᬯᬲ᭄‌ᬫᬭᬫ᭄ᬬᬳᬸᬫ᭄᭟ ᬇᬓᬂᬧᬗᬹᬧᬓᬭᬦᬶᬂᬯ᭄ᬯᬂᬦᬶᬘ᭄ᬮᬵ᭞ᬍᬳᭂᬂᬫᬸᬧᬸᬓᬭᬦᬶᬂᬲᬢ᭄ᬯ᭟ᬫᬗ᭄ᬓᬾᬫᬗᬸᬧᬓᬭᬯ᭄ᬯᬂᬦᬶᬘ᭄ᬙᬵ᭞ᬓᬵᬗ᭄ᬳᭂᬦ᭄‌ᬤᬾᬗ᭄ᬓᬸᬇᬓᬂᬳᬸᬮᬵ᭞ᬯ᭄ᬭᬾ᭞ᬫᭀᬂ᭞ᬯ᭄ᬦᬂᬬᬫᬍᬲ᭄ᬕᬸᬡᬵ᭟ᬫᬗ᭄ᬓᬦᬮᬶᬂᬲᬂᬩ᭄ᬭᬳ᭄ᬫᬵᬡ᭟ᬢᬶᬦᬾᬏᬦ᭄ᬤᬾᬪᬕᬯᬦ᭄‌ᬪᬲᬸᬩᬕᬵ᭞ᬫ ᬕᬯᬾᬰ᭄ᬮᭀᬓᬵ᭟᭚ᬦᬭᬄᬓᬺᬢᬖ᭄ᬦᬯᬺᬬᬡ᭞ᬦᬫᬺᬕ᭄ᬖᭀᬦᬘᬧᬦᬕᬄ᭞ᬦᬭᬦᬤᬹᬃᬱᬶᬢᭀᬯᬶᬧ᭄ᬭᬄ᭞ᬯᬦᬰᬾᬦᬯᬶᬫᬹᬃᬘ᭄ᬘᬶᬬᬢᬾ᭟ᬓᬮᬶᬗᬦ᭄ᬬ᭟ᬧ᭄ᬭᬬᬦᬶᬂᬯ᭄ᬯᬂᬚᬸᬕᬓᬺᬢᬖ᭄ᬦ᭞ᬇᬓᬂᬯ᭄ᬭᬾ᭞ᬫᭀᬂ᭞ᬳᬸᬮᬵ᭞ᬢᬦ᭄ᬫᬗ᭄ᬓᬦᬗᬹ [᭖᭘ 68A] ᬓᬵ᭞ᬯ᭄ᬬᬓ᭄ᬢᬶᬦ᭄ᬬᬲᬂᬩ᭄ᬭᬳ᭄ᬫᬵᬡ᭞ᬦ᭄ᬫᬸᬤᬸᬄᬓᬤᬾᬦᬶᬂᬫᬧᬡ᭄ᬥᬾᬫᬵᬲ᭄᭞ᬇᬓᬂᬳᬸᬮᬵᬫᬗᬹᬭᬶᬧᬶᬲᬶᬭᬵ᭟ᬗ᭄ᬓᬦᬘᬭᬶᬢᬦᬶᬓᬂᬫᭀᬂ᭟ᬮᬶᬂᬳᬶᬗ᭄ᬲᬓᬇᬭᬶᬓᬶᬯᬦᬭᬶ᭟ᬮᬯᬦ᭄ᬢᬫ᭄ᬯᬄᬫᬹᬃᬓ᭄ᬓᬲ᭄ᬯᬪᬯᬦᬶᬓᬂᬫᬦᬸᬱᬵ᭟ᬦᬳᬦ᭄ᬧᬫᬸᬢᬓᭂᬦ᭄‌ᬧ ᬦᭀᬦ᭄ᬬᬤᬾᬦᬶᬂᬮᭀᬪᬦ᭄ᬬᬫᬢ᭄ᬬᬦᬶᬓᬂᬯᬦᬭᬶ᭟ᬫᬧᬢᬬᬰᬦᬳᬦ᭄ᬢᬦᬶᬓᬂᬫᬦᬹᬱᬵ᭟ᬲᬸᬫᬳᬹᬃᬇᬓᬂᬫᭀᬂ᭟ᬲᬶᬇᬗ᭄ᬰᬓᬳᬦᬫᬳᬢ᭄‌ᬭᬶᬂᬫᬥᬹᬭᬲᬶᬲᬸᬤ᭄ᬥᬵᬗᬭᬦ᭄ᬬᬭ᭄ᬯᬲᬦᬓ᭄᭞ᬲᬶᬯᬮᬘᬶᬢ᭄‌ᬗᬭᬦ᭄ᬬ᭞ᬳᬤᬸᬮᬸᬃᬲᭀᬭᬾᬲᬸᬓ᭄᭟ᬫᬭᬶᬂᬧ ᬫᬳᬢᬦ᭄ᬬᬇᬭᬶᬓᬂᬳᬮᬲ᭄‌ᬳᬕᬫ᭄ᬬᬯᬦᬗᬭᬦ᭄ᬬ᭟ᬓᬢᬜ᭄ᬘᬦᬳᬦᬮᬸᬢᬸᬂᬳᬕᭃᬂᬳᬍᬫᬸ᭟ᬲᬶᬧᬸᬭᬸᬲᬯᬓ᭄‌ᬗᬭᬦ᭄ᬬ᭟ᬳᬦᬫᬶᬢ᭄ᬭᬦ᭄ᬬᬯ᭄ᬭᬾ᭞ᬳᬓᬸᬭᬹᬥ᭄ᬫᬶᬢ᭄᭞ᬲᬶᬰᬶᬭᬖ᭄ᬭᬕᬫᬗᬭᬦ᭄ᬬ᭟ᬬᬢᬗᬸᬘᬧᬸᬘᬧ᭄‌ᬭᬵᬫ᭄ᬬᬦᬶᬓᬂᬢᬺᬡ᭞ᬇᬓᬂᬕ ᬥᬸᬂᬫᬸᬭᬾᬓᭂᬫ᭄ᬩᬂᬦ᭄ᬬᬇᬓᬂᬭᬶᬂᬯᬦᬮᬸᬫᬸᬂᬮᬸᬗ᭄ᬕᬄᬦ᭄ᬬ᭟ᬭᬵᬫ᭄ᬬᬗ᭄ᬕᬦ᭄ᬬᬗᬶᬓᭂᬢ᭄ᬓᬶᬥᬸᬂᬧ᭄ᬭᬮᬫ᭄ᬩᬂ᭟ᬬᬵᬓᬸᬯ᭄ᬭᬸᬳᬫᬶᬢ᭄ᬭ᭟ᬮᬶᬂᬦᬶᬂᬮᬸᬢᬸᬂᬫᬗ᭄ᬓᬦ᭟ᬲᬸᬫᬳᬹᬃᬇᬓᬂᬯ᭄ᬭᬾ᭟ᬳᬧᬤᭀᬦ᭄ᬢᬯᬭᬄ᭟ᬕᬥᬸᬂᬫ᭄ᬯᬂᬯᬦ᭟ᬩᬳᬸᬮᬵᬓᬶᬢᬫᬶᬢ᭄ᬭᬵ᭟ᬬᬕᬥᬸᬂ

Auto-transliteration

[67 67B] 67 hulā, yatikāhingatūrakĕnringsangratu. daditasangbrahmāṇakinonhuwakaknāsakingpasangkalan. mwangmuṣadhananasangrājaputrasinutinghulā. tanmasowewaransangrājaputrā, desangbrahmāṇa. riwka sanwiniweḥsirār̀ddhārājya. kunangikangpaṇdhemāskinonpatyananā, denikāślokasangbrahmāṇa. // manūsyesukr̥ĕttanaṣṭi, tār̀ddhāgyanikr̥ĕttawaram, wyaghrawanarasar̀wwana, ngkr̥ĕtamewasmaramyahum. ikangpangūpakaraningwwangniclā, l̥ĕhĕngmupukaraningsatwa. mangkemangupakarawwangnicchā, kānghĕndengku'ikanghulā, wre, mong, wnangyamal̥ĕsguṇā. mangkanalingsangbrahmāṇa. tine'endebhagawanbhasubagā, ma gaweślokā. // naraḥkr̥ĕtaghnawr̥ĕyaṇa, namr̥ĕgghonacapanagaḥ, naranadūr̀syitowipraḥ, wanaśenawimūr̀cciyate. kalinganya. prayaningwwangjugakr̥ĕtaghna, ikangwre, mong, hulā, tanmangkanangū [68 68A] kā, wyaktinyasangbrahmāṇa, nmuduḥkadeningmapaṇdhemās, ikanghulāmangūripisirā. ngkanacaritanikangmong. linghingsaka'irikiwanari. lawantamwaḥmūr̀kkaswabhawanikangmanusyā. nahanpamutakĕnpa nonyadeninglobhanyamatyanikangwanari. mapatayaśanahantanikangmanūsyā. sumahūr̀ikangmong. si'ingśakahanamahatringmadhūrasisuddhāngaranyarwasanak, siwalacitngaranya, hadulur̀soresuk. maringpa mahatanya'irikanghalashagamyawanangaranya. katañcanahanalutunghagönghal̥ĕmu. sipurusawakngaranya. hanamitranyawre, hakurūdhmit, siśiraghragamangaranya. yatangucapucaprāmyanikangtr̥ĕṇa, ikangga dhungmurekĕmbangnya'ikangringwanalumunglunggaḥnya. rāmyangganyangikĕtkidhungpralambang. yākuwruhamitra. lingninglutungmangkana. sumahūr̀ikangwre. hapadontawaraḥ. gadhungmwangwana. bahulākitamitrā. yagadhung

Leaf 68

Image on Archive.org

[᭖᭘ 68B] ᭖᭘ ᬬᬯᬦᬵ᭞ᬪᬶᬦᬰ᭄ᬭᬸᬢᬶᬫᬗᬾᬓᬯᬓ᭄ᬬᬵ᭟ᬫᬗ᭄ᬓᬦᬮᬶᬂᬦᬶᬓᬂᬯ᭄ᬭᬾ᭟ᬢᬳᬦ᭄ᬧᬶᬄ᭞ᬲᬳᬹᬃᬦᬶᬓᬂᬮᬸᬢᬸᬂ᭟ᬩᬳᬸᬮ᭄ᬬᬬᬯᬢ᭄‌ᬘᬶᬦᬫᬡᬶᬤᬾᬬᬫ᭄᭞ᬬᬯᬢ᭄‌ᬯᬗᬭᬦ᭄ᬬ᭞ᬢᬦ᭄ᬤᬸᬤᬸ᭟ᬤᬸᬤᬸᬇᬓᬂᬇᬦᬭᬦ᭄ᬬ᭟ᬫᬗ᭄ᬓᬢᬂᬕᬥᬸᬂᬫ᭄ᬯᬂᬢᬦᬵ᭞ ᬓᬶᬢᬧ᭄ᬯᬫᬦᬗ᭄ᬕᬸᬄᬪᬶᬦᬰ᭄ᬭᬸᬢᬶ᭞ᬫ᭄ᬯᬂᬏᬓᬯᬓ᭄ᬬ᭟ᬇᬓᬂᬯᬦᬫ᭄ᬯᬂᬕᬥᬸᬂ᭞ᬢᬳᬇᬓᬵ᭟ᬢᬦ᭄ᬓᬤᬶᬧᬯᬭᬄ᭞ᬓᬤᬶᬲ᭄ᬓᬸᬮ᭄᭟ᬅᬧᬕᭂᬄᬳᬓᬸᬭᬶᬂᬧᬓ᭄ᬱᬫᬫᬶ᭟ᬮᬶᬂᬦᬶᬓᬂᬮᬸᬢᬸᬂᬫᬗ᭄ᬓᬦᬵ᭟ᬲᬸᬫᬳᬹᬃᬦᬶᬓᬂᬯ᭄ᬭᬾ᭟ᬢ᭄ᬧᭂᬢ᭄ᬳᬧᬕᭂᬄᬇᬓᬂᬮᬸᬢᬸᬂ᭞ᬫᬶᬦ᭄ᬢᬸ ᬳᬸᬯᬭᬄᬳᬶᬂᬩ᭄ᬭᬦ᭄ᬢᬵᬚ᭄ᬜᬡ᭞ᬢᬳᬵᬢᬦ᭄ᬤᬸᬤᬸᬇᬓᬵ᭞ᬦ᭄ᬤᬦ᭄ᬓᬤ᭄ᬬᬗ᭄ᬕᬦᬶᬂ.....᭚ᬦᬯᬬᬾᬭᬾᬓᬢ᭄ᬯᬫ᭄‌.....ᬤᬃᬫ᭄ᬫᬥᬃᬫ᭄ᬫ᭞ᬦᭀᬭᬦᬓᬢᬸᬳ᭄ᬯᬦ᭄᭟ᬫᬶᬦ᭄ᬢᭀᬦᬓᭂᬦ᭄‌ᬳᬶᬗᬗ᭄ᬓᬵᬭᬦ᭄ᬬᬵ᭟ᬢᬸᬗ᭄ᬕᬮ᭄‌ᬮᬯᬦ᭄ᬫᬓᬭ᭟ᬫᬗ᭄ᬓᬦᬮᬶᬂᬦᬶ ᬓᬂᬯ᭄ᬭᬾ᭞ᬫᬧᬕᭂᬄᬭᬶᬂᬧᬓ᭄ᬱᬦ᭄ᬬ᭟ᬲᬸᬫᬳᬹᬃᬇᬓᬂᬮᬸᬢᬸᬂ᭟ᬓᬶᬢᬧᬕᭂᬄᬭᬶᬧᬓ᭄ᬱᬦ᭄ᬢᬵ᭟ᬳᬓᬸᬫᬗ᭄ᬓᬦᬵᬢᬄ᭟ᬓᬸᬦᭂᬂᬧ᭄ᬯᬧᬗᬥ᭄ᬬᬭᬶᬂᬉᬥᬲᬶᬦᬵ᭞ᬫᬗ᭄ᬓᬾᬗ᭄ᬯᬂᬓᬮᬶᬄᬫᬢᭀᬳᬚᬶᬯᬶᬢᬵ᭟ᬲᬸᬫᬳᬹᬃᬇᬓᬂᬯ᭄ᬭᬾ᭞ᬮᬶᬂᬦ᭄ᬬ᭟ᬦ᭄ᬤᬶ [᭖᭙ 69A] ᬧᭀᬮᬶᬳᬦᬂᬉᬤᬲᬶᬦᬗ᭄ᬓᬾ᭟ᬅᬫᬦᬮᬯᬲ᭄ᬓᬭᬶᬄ᭟ᬲᬸᬫᬳᬹᬃᬇᬓᬂᬮᬸᬢᬸᬂ᭞ᬮᬶᬂᬦ᭄ᬬ᭟ᬳᬦᬧᭀᬲᬶᬓᬂᬯ᭄ᬯᬂᬳᬫᬳᬢ᭄᭞ᬓᬓᬮᬶᬄᬲᬫᬵᬲᬦᬓ᭄‌ᬳᬧ᭄ᬭᬫᬦᬭᬶᬂᬳᬳᬬᬸ᭟ᬬᭀᬕ᭄ᬬ᭟ᬫᬗ᭄ᬓᬦᬮᬶᬂᬦᬶᬓᬂᬯ᭄ᬭᬾ᭟ᬫ᭄ᬦᬾᬢᬧᬭᬦ᭄ᬢᭀᬳᬦᬶᬓᬂᬳᬮᬄ ᭟ᬮᬶᬂᬦᬶᬓᬂᬮᬸᬢᬸᬂ᭟ᬲᬸᬫᬳᬹᬃᬇᬓᬂᬯ᭄ᬭᬾ᭟ᬫᬢᭀᬳᬭᬩᬶ᭞ᬢᬦ᭄ᬧᬭᬩᬶᬗ᭄ᬯᬂ᭟ᬫᬢᭀᬳᬧᬶᬭᬓ᭄᭞ᬢᬦ᭄ᬧᬧᬶᬭᬓ᭄‌ᬗ᭄ᬯᬂ᭟ᬓᬸᬦᬂᬲᬶᬂᬩᬮᬯᬦ᭄ᬧᬓ᭄ᬱᬦ᭄ᬬᬉᬭᬶᬧᬦ᭟ᬅᬲᬶᬂᬲᭀᬃᬧᬓ᭄ᬱᬦ᭄ᬬ᭞ᬫᬢ᭄ᬬᬬᬵ᭟ᬮᬶᬂᬦᬶᬓᬂᬯ᭄ᬭᬾ᭟ᬲᬸᬫᬳᬹᬃᬇᬓᬂᬮᬸᬢᬸᬂ ᬓᬢᬸᬮᬶᬄᬳᬸᬚᬃᬓᬗᬹᬦᬶᬗᬭᬦᬶᬓᬵ᭟ᬮᬸᬫᬓᬸᬢᬬᬓᬮᬶᬄ᭞ᬫᬭᬭᬶᬂᬯᭀᬂᬳᬫᬳᬢ᭄ᬓᬮᬶᬄᬲᬶᬓᬶ᭞ᬓᬧᬗ᭄ᬕᬶᬄᬢᬾᬓᬂᬳᬫᬳᬢ᭄᭟ᬢᬸᬫᬳᬯᬸᬤ᭄‌ᬚᬸᬦ᭄ᬬᬫᬾᬲᬶᬢ᭄ᬯᬓ᭄᭟ᬳᬢᬓ᭄ᬯᬦᬶᬓᬂᬳᬫᬳᬢ᭄‌ᬭᬶᬤᭀᬦ᭄ᬬ᭞ᬢ᭄ᬳᭂᬃᬫᬯ ᬳᬸᬗ᭄ᬕ᭄ᬯᬦᬸᬗ᭄ᬕ᭄ᬯᬦ᭄᭟ᬫᬲᬶᬮᬢᬬᬵᬋᬧᬋᬧᬦ᭄᭞ᬫᬋᬓᬶᬓᬂᬯ᭄ᬭᬾᬭᬸᬫᬸᬳᬸᬦ᭄᭞ᬲ᭄ᬯᬚᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬯ᭄ᬭᬾᬲᬶᬰᬖ᭄ᬭᬕᬫ᭞ᬮᬸᬢᬸᬂᬳᬭᬦ᭄ᬲᬶᬧᬸᬭᬸᬱᬯᬓ᭄᭞ᬓᬸᬦᬂᬢᬶᬦᬜᬓᭂᬦ᭄‌ᬭᬶᬂᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬢ

Auto-transliteration

[68 68B] 68 yawanā, bhinaśrutimangekawakyā. mangkanalingnikangwre. tahanpiḥ, sahūr̀nikanglutung. bahulyayawatcinamaṇideyam, yawatwangaranya, tandudu. dudu'ikanginaranya. mangkatanggadhungmwangtanā, kitapwamanangguḥbhinaśruti, mwangekawakya. ikangwanamwanggadhung, taha'ikā. tankadipawaraḥ, kadiskul. apagĕḥhakuringpakṣamami. lingnikanglutungmangkanā. sumahūr̀nikangwre. tpĕt'hapagĕḥikanglutung, mintu huwaraḥhingbrantājñaṇa, tahātandudu'ikā, ndankadyangganing..... // nawayerekatwam.....dar̀mmadhar̀mma, noranakatuhwan. mintonakĕnhingangkāranyā. tunggallawanmakara. mangkanalingni kangwre, mapagĕḥringpakṣanya. sumahūr̀ikanglutung. kitapagĕḥripakṣantā. hakumangkanātaḥ. kunĕngpwapangadhyaringudhasinā, mangkengwangkaliḥmatohajiwitā. sumahūr̀ikangwre, lingnya. ndi [69 69A] polihanangudasinangke. amanalawaskariḥ. sumahūr̀ikanglutung, lingnya. hanaposikangwwanghamahat, kakaliḥsamāsanak'hapramanaringhahayu. yogya. mangkanalingnikangwre. mnetaparantohanikanghalaḥ . lingnikanglutung. sumahūr̀ikangwre. matoharabi, tanparabingwang. matohapirak, tanpapirakngwang. kunangsingbalawanpakṣanya'uripana. asingsor̀pakṣanya, matyayā. lingnikangwre. sumahūr̀ikanglutung katuliḥhujar̀kangūningaranikā. lumakutayakaliḥ, mararingwonghamahatkaliḥsiki, kapanggiḥtekanghamahat. tumahawudjunyamesitwak. hatakwanikanghamahatridonya, t'hĕr̀mawa hunggwanunggwan. masilatayār̥ĕpar̥ĕpan, mar̥ĕkikangwrerumuhun, swajarahadyansanghulun, wresiśaghragama, lutungharansipuruṣawak, kunangtinañakĕnringrahadyansanghulunta

Leaf 69

Image on Archive.org

[᭖᭙ 69B] ᭖᭙ ᬦ᭄ᬪᬭᬵ᭟ᬯᬦ᭄ᬢᭂᬦ᭄ᬮᬶᬂᬦᬶᬓᬂᬮᬸᬢᬸᬂ᭟ᬲᬶᬦᬗ᭄ᬕᬸᬄᬇᬓᬂᬮᬸᬢᬸᬂᬤᬸᬤᬸᬭᬶᬂᬯᬦᬫ᭄ᬯᬂᬕᬥᬹᬂ᭟ᬓᬸᬦᬂᬮᬶᬂᬦᬶᬗ᭄ᬳᬸᬮᬸᬦ᭄ᬢᬸᬗ᭄ᬕᬮ᭄᭟ᬇᬓᬵ᭟ᬬᬭᬶᬯᬦᬬᬭᬶᬕᬥᬸᬂ᭟ᬧᬥᬢᬗ᭄ᬳᬸᬮᬸᬦ᭄‌ᬓ᭄ᬤᭂᬄᬓᬮᬶᬄ᭞ᬫᬢᭀᬄᬧᬢ᭄ᬬᬦᬵᬲᬶᬂᬳᬮᬄ᭟ᬫᬗ᭄ᬓᬦᬮᬶᬂᬦᬶᬓᬂᬯ᭄ᬭᬾ᭟ ᬳᬢ᭄ᬳᭂᬃᬲᬸᬫᬸᬚᬶᬧᬓ᭄ᬱᬵ᭟ᬫᬢᬓ᭄ᬯᬦᬶᬓᬂᬳᬫᬳᬢ᭄ᬓᬮᬶᬄ᭞ᬇᬭᬶᬓᬂᬮᬸᬢᬸᬂ᭟ᬩ᭄ᬯᬢ᭄ᬲᬶᬲᬂᬮᬸᬢᬸᬂᬕᬸᬫᬦ᭄ᬢ᭄ᬬᬯᬭᬳᬵ᭟ᬫᭀᬚᬃᬇᬓᬂᬮᬸᬢᬸᬂ᭟ᬤᬸᬤᬸᬚᬸᬕᬇᬓᬂᬯᬦᬫ᭄ᬯᬂᬕᬥᬸᬂ᭟ᬓᬸᬦᬂᬮᬶᬂᬦᬶᬓᬂᬯ᭄ᬭᬾᬢᬸᬗ᭄ᬕᬮᬶᬓᬵ᭟ᬲᬶᬗ᭄ᬕᬶᬄᬲᬗ᭄ᬳᬸᬮᬸᬦᬵ ᬢᭀᬄᬧᬢ᭄ᬬᬦᬵ᭟ᬅᬧᬦ᭄ᬢᬦ᭄ᬧᬲᬸᬡ᭄ᬥᬵ᭟ᬫᬗ᭄ᬓᬦᬧᬚᬃᬦ᭄ᬬᬓᬮᬶᬄ᭞ᬧᬥᬧᬕᭂᬄᬚᬸᬕᬵᬭᬶᬂᬧᬓ᭄ᬱᬦ᭄ᬬ᭟ᬦ᭄ᬤᬦ᭄ᬮᬶᬂᬦᬶᬂᬲᬸᬭᬤ᭄ᬥᬵ᭟ᬓᬾᬫ᭄ᬗᬦ᭄‌ᬗ᭄ᬯᬂᬫ᭄ᬕᬢᬕᬯᬾᬦ᭄ᬢᬵ᭟ᬕᬢᬶᬦ᭄ᬬᬢᬗ᭄ᬓᬾᬧᬫ᭄ᬕᬢᬦᬵ᭟ᬫᭀᬚᬃᬇᬓᬂᬯᬘᬶᬢ᭄᭟ᬳᬤᬾ ᬇᬓᬸᬤᬦ᭄ᬢ᭞ᬲᬸᬫᬗ᭄ᬕᬸᬄᬇᬓᬾᬢᬦ᭄‌ᬲᬪᬵᬲᬪᬕᬢᬶᬦ᭄ᬬᬗ᭄ᬓᬾ᭟ᬲᬸᬫᬳᬹᬃᬓᬓᬦ᭄ᬬᬲᬶᬲᬸᬭᬵᬤ᭄ᬥᬵ᭟ᬉᬫ᭄᭞ᬲᬶᬬᬦ᭄ᬫᬗ᭄ᬓᬦ᭟ᬓᬸᬦᬂᬧ᭄ᬯᬩᬮᬯᬦ᭄‌ᬧᬓ᭄ᬱᬦ᭄ᬢᬇᬓᬂᬮᬸᬢᬸᬂ᭟ᬅᬧᬦ᭄ᬢᬸᬳᬸᬤᬸᬤᬸᬭᬶᬂᬯᬦ᭞ᬇᬓᬂᬕᬥᬸᬂ᭟ᬭ᭄ᬯ [᭗᭐ 70A] ᬦ᭄ᬬ᭞ᬓᭂᬫ᭄ᬩᬂᬦ᭄ᬬ᭞ᬮᬸᬗ᭄ᬕᬦ᭄ᬬᬵ᭞ᬤᬸᬤᬸᬧ᭄ᬭᬬᭀᬕᬦ᭄ᬬᬵ᭟ᬅᬗᬧᬇᬓᬸᬳᬶᬓᬸᬤᬾᬦ᭄ᬢᬫ᭄ᬕᬢ᭄‌ᬕᬯᬾ᭟ᬇᬓᬂᬯᬦᬭᬳᬓᬸᬭᬹᬳᬮᬶᬢ᭄᭞ᬳᬲᬗᬶᬢ᭄᭞ᬇᬓᬸᬇᬦᬮᬳᬦ᭄ᬢᬵ᭞ᬓᬸᬮᬸᬩᬦ᭄ᬬᬵᬓ᭄ᬥᬶᬓ᭄᭞ᬢᬦ᭄ᬳᬦᬨᬮᬦᬶᬗ᭄ᬯᬂ᭞ᬢᬾᬯᬘ᭄ᬤᭀᬲ᭄‌ᬅᬗ᭄ᬓᬭᬾᬧ ᬗᬚᬶᬦ᭄ᬬᬢᬦ᭄ᬳᬦᬵ᭟ᬫ᭄ᬯᬂᬳᬓᬸᬢᬬᬵ᭟ᬓᬸᬦᬂᬧ᭄ᬯᬲᭀᬭᬓᭂᬦ᭄ᬧᬓ᭄ᬱᬦᬶᬓᬂᬮᬸᬢᬸᬂ᭞ᬫᬓᬨᬮᬯᬋᬕᬦ᭄ᬓ᭄ᬯᬓᬸᬮᬸᬩᬦ᭄᭞ᬢᬫ᭄ᬩᬸᬮᬦ᭄ᬢᬗᬶᬦᬸᬫ᭄ᬢ᭄ᬯᬓ᭄᭞ᬳᬦᬯᬭᬕᬫᬵᬫᬗ᭄ᬓᬾᬮᬶᬂᬦ᭄ᬬ᭟᭚ᬅᬧᬭᬬᬫ᭄‌ᬧᬭᬶᬚ᭄ᬜᬬᬄ᭞ᬤᬾᬢᬮᭀᬪᬢᬢ᭄ᬯ ᬢᬄ᭞ᬲᬭᬲᬭᬦ᭄ᬢᬯᬮᭀᬓ᭄ᬬ᭞ᬘᬡ᭄ᬥᬘᬡ᭄ᬥᬾᬲᬸᬧᬢᬬᬾᬢ᭄᭟ᬓᬮᬶᬗᬦ᭄ᬬᬕᬸᬡᬤᭀᬱᬦᬶᬓᬂᬮᬸᬢᬸᬂ᭞ᬯ᭄ᬭᬾ᭞ᬳᬸᬯᬸᬲ᭄ᬧ᭄ᬯᬓᬶᬦᬯ᭄ᬭᬸᬳᬦ᭄᭟ᬅᬧᬦ᭄ᬧ᭄ᬯᬯᬾᬄᬧᬗᬚᬶᬭᬶᬂᬯ᭄ᬯᬂ᭟ᬫᬢᭀᬄᬬᬧᬢ᭄ᬬᬦᬵᬲᬶᬂᬳᬮᬄ᭟ᬗ᭄ᬯᬂᬫᭀᬳᬗᬶᬦᬸᬫᬢ᭄ᬯ ᬓ᭄᭞‌ᬓᬵᬮᬤᬾᬰᬫᬄᬇᬓᬵᬭᬶᬗ᭄ᬯᬂ᭞ᬢᬸᬮ᭄ᬬᬢᬶᬩᬢᬶᬩᬦ᭄ᬢᬫ᭄ᬩᬸᬮ᭄ᬲᬓᬶᬂᬯᬸᬮᬓᬦ᭄᭞ᬕᬢᬶᬦᬶᬓᬵ᭟ᬬᬤ᭄ᬬᬧᬶᬦ᭄ᬫᬗ᭄ᬓᬦᬵᬮᬶᬂᬦ᭄ᬬ᭞ᬳᬲᬶᬂᬲᬭᬢᬧ᭄ᬯᬳᬸᬮᬳᬦ᭄ᬢ᭞ᬳᬭᬧ᭄ᬯᬾᬓᬂᬮᬸᬢᬸᬂ᭞ᬢᬫ᭄ᬩᬸᬮᬦᬶᬂᬯ᭄ᬦᬂᬲᬓᬶᬂᬢᭀᬄᬦ᭄ᬬ᭞

Auto-transliteration

[69 69B] 69 nbharā. wantĕnlingnikanglutung. sinangguḥikanglutungduduringwanamwanggadhūng. kunanglingninghuluntunggal. ikā. yariwanayarigadhung. padhatanghulunkdĕḥkaliḥ, matoḥpatyanāsinghalaḥ. mangkanalingnikangwre. hat'hĕr̀sumujipaksyā. matakwanikanghamahatkaliḥ, irikanglutung. bwatsisanglutunggumantyawarahā. mojar̀ikanglutung. dudujuga'ikangwanamwanggadhung. kunanglingnikangwretunggalikā. singgiḥsanghulunā toḥpatyanā. apantanpasuṇdhā. mangkanapajar̀nyakaliḥ, padhapagĕḥjugāringpakṣanya. ndanlingningsuraddhā. kemnganngwangmgatagawentā. gatinyatangkepamgatanā. mojar̀ikangwacit. hade ikudanta, sumangguḥiketansabhāsabhagatinyangke. sumahūr̀kakanyasisurāddhā. um, siyanmangkana. kunangpwabalawanpakṣanta'ikanglutung. apantuhududuringwana, ikanggadhung. rwa [70 70A] nya, kĕmbangnya, lungganyā, duduprayoganyā. angapa'ikuhikudentamgatgawe. ikangwanarahakurūhalit, hasangit, iku'inalahantā, kulubanyākdhik, tanhanaphalaningwang, tewacdosangkarepa ngajinyatanhanā. mwanghakutayā. kunangpwasorakĕnpakṣanikanglutung, makaphalawar̥ĕgankwakuluban, tambulantanginumtwak, hanawaragamāmangkelingnya. // aparayamparijñayaḥ, detalobhatatwa taḥ, sarasarantawalokya, caṇdhacaṇdhesupatayet. kalinganyaguṇadoṣanikanglutung, wre, huwuspwakinawruhan. apanpwaweḥpangajiringwwang. matoḥyapatyanāsinghalaḥ. ngwangmohanginumatwa k, kāladeśamaḥikāringwang, tulyatibatibantambulsakingwulakan, gatinikā. yadyapinmangkanālingnya, hasingsaratapwahulahanta, harapwekanglutung, tambulaningwnangsakingtoḥnya,

Leaf 70

Image on Archive.org

[᭗᭐ 70B] ᭗᭐ ᬢᬦ᭄ᬯ᭄ᬭᬸᬳᬶᬂᬓᬵᬮᬤᬾᬰᬗᬭᬦ᭄ᬬ᭟ᬫ᭄ᬯᬂᬢᬦ᭄ᬯ᭄ᬭᬸᬳᬶᬂᬍᬫᬸᬦ᭄ᬬ᭞ᬫᬮᬯᬦᬵᬓᬸᬭᬹᬳᬲᬗᬶᬢ᭄᭞ᬫᬢᭀᬄᬧ᭄ᬯᬬᬫᬢᬶ᭟ᬯ᭄ᬭᬸᬄᬇᬓᬂᬮᬸᬢᬸᬂᬬᬦᬵᬮᬳᬓ᭄ᬦᬵᬯ᭄ᬬᬯᬳᬭᬦ᭄ᬬ᭟ᬬᬢᬶᬓᬵᬫᬢ᭄ᬬᬦᬶᬳᬯᬓ᭄ᬦ᭄ᬬᬗᬭᬦᬶᬓᬵ᭞ᬦᬳᬦ᭄ᬢᬲᭀᬭᬓᭂᬦ᭄ ᬇᬓᬂᬧᬓ᭄ᬱᬦᬶᬓᬂᬮᬸᬢᬸᬂ᭞ᬤᬾᬦᬶᬓᬂᬯ᭄ᬯᬂ᭟ᬳᬦᬫᬭᬄᬕᬫᬫ᭄ᬯᬂᬮᬶᬂᬦ᭄ᬬ᭟᭚ᬧᬸᬭᬶᬱᬜ᭄ᬘᬓᬶᬜ᭄ᬘᬶᬓᬶᬜ᭄ᬘᬶ᭞ᬤᬹᬃᬕᬡ᭄ᬥᬩᬳᬸᬬᬦᬓᬫ᭄᭞ᬲᬸᬭᬩ᭄ᬪᬶᬦᬶᬱ᭄ᬝᬵᬢᬲ᭄‌ᬕᬫᬵ᭞ᬇᬢᬶᬓᬶᬯᬯᬶᬰᬾᬱᬦᬫ᭄᭟ᬓᬮᬶᬗᬦ᭄ᬬ᭞ᬇᬓᬂᬓᬧᬘᬶᬭᬶᬢ᭄᭞ᬮᬯᬵ ᬦ᭄ᬓᬧᬢᬳᬶ᭞ᬧᬥᬩᭀᬦ᭄ᬬ᭞ᬫᬗ᭄ᬓᬦᬢᬇᬓᬂᬯ᭄ᬯᬂᬬᬦ᭄ᬲᭀᬭᬓ᭄ᬦᬵᬢᬇᬓᬂᬯ᭄ᬭᬾ᭞ᬦᬶᬦᬶᬦ᭄ᬤᬦ᭄‌ᬗ᭄ᬯᬂᬧᬢ᭄ᬬᬦᬦ᭞ᬬᬤ᭄ᬬᬧᬶᬦ᭄ᬢᭀᬄᬧᬢᬶᬦ᭄ᬲᬫᬬᬦ᭄ᬬ᭟ᬫᬢᬂᬦ᭄ᬬᬦ᭄ᬬᭀᬕ᭄ᬬᬦᬶᬓᬂᬮᬸᬢᬸᬂᬲᭀᬭᬓᭂᬦᬵᬧᬓ᭄ᬱᬦ᭄ᬬᬤᬾᬦ᭄ᬢᬵ᭟ᬲᬸᬫᬳᬹᬃᬓᬓ ᬦ᭄ᬬᬲᬶᬲᬸᬭᬤ᭄ᬥᬵ᭟ᬉᬫ᭄‌ᬲᬶᬬᬫᬗ᭄ᬓᬦᬵᬤᬾᬦ᭄ᬢᬳᬸᬫᬭᬄ᭟ᬅᬃᬢ᭄ᬣᬦᬶᬂᬰ᭄ᬮᭀᬓᬢᬢᬦ᭄‌ᬫᬗ᭄ᬓᬦᬤᬾᬦ᭄ᬢᬫᬗᬚᬶ᭟ᬫᬗᬸᬲᬶᬯᬤ᭄ᬥᬭᬶᬓᬯᬶᬤᬕ᭄ᬥᬦᬶᬂᬅᬭᬶᬦ᭄ᬬ᭟ᬳᬸᬯᬸᬲ᭄‌ᬧ᭄ᬯᬇᬓᬂᬳᬫᬳᬢ᭄‌ᬓᬮᬶᬄ᭟ᬩᬮᬯᬦᬦ᭄‌ᬧᬓ᭄ᬱᬫᬸᬓ [᭗᭑ 71A] ᬫᬸᬂᬯ᭄ᬭᬾ᭟ᬅᬧᬦ᭄ᬯ᭄ᬭᬸᬄᬭᬶᬂᬓᬵᬮᬤᬾᬰ᭟ᬓᬫᬶᬫᬗᬶᬦᬸᬫ᭄‌ᬢ᭄ᬯᬓ᭄᭞ᬓᬢ᭄ᬣᬫᬸᬢᭀᬄᬧᬢ᭄ᬬᬵ᭟ᬲᬂᬮᬸᬢᬸᬂᬓᬶᬢᬕᬸᬗᬍᬫᬸ᭞ᬮᬯᬦ᭄ᬢᬫᬓᬸᬭ᭄ᬯᬵᬤ᭄ᬫᬶᬢ᭄᭟ᬫᬗ᭄ᬓᬦᬮᬶᬂᬦᬶᬓᬂᬳᬫᬳᬢ᭄ᬓᬮᬶᬄ᭞ᬫᬫᬮᬸᬗ᭄ᬕᬳᬓᭂᬦ᭄ᬧᬫ᭄ᬕᬢ᭄᭟ᬲᬸᬫ ᬳᬹᬃᬇᬓᬂᬮᬸᬢᬸᬂ᭟ᬦ᭄ᬤ᭄ᬬᬮᬶᬗ᭄ᬳᬦᬶᬂᬧᬶᬦᬓᬗ᭄ᬳᬸᬮᬸᬦ᭄᭟ᬓᬤᬶᬯ᭄ᬦᬂᬉᬤᬰᬶᬦᬫᬭᬶᬂᬮᬾᬦ᭄᭞ᬫᬗ᭄ᬓᬦᬮᬶᬂᬦᬶᬓᬂᬮᬸᬢᬸᬂ᭟ᬢᬸᬫᬸᬮ᭄ᬯᬶᬓᬗᬫᬳᭂᬢ᭄‌ᬳᬦᬫ᭄ᬩᬸᬢ᭄‌ᬯᬮᬸᬳᬮᬸ᭞ᬧᬫᬸᬧᬸᬄᬦ᭄ᬬᬇᬓᬂᬮᬸᬢᬸᬂ᭞ᬓᬶᬦᬸᬮᬸᬩ᭄ᬦ᭄ᬬ᭞ᬧᬶᬦᬓᬢᬫ᭄ᬩᬸᬮ ᬦ᭄ᬬᬗᬶᬦᬸᬫ᭄‌ᬢ᭄ᬯᬓ᭄᭟ᬓᬸᬦᬂᬳᬢ᭄ᬫᬵᬢ᭄ᬦᬶᬓᬂᬮᬸᬢᬸᬂ᭞ᬲᬶᬦᬸᬗ᭄ᬲᬸᬂᬤᬾᬦᬶᬓᬂᬯᬶᬤ᭄ᬬᬥᬭᬶ᭞ᬫ᭄ᬯᬂᬯᬶᬤ᭄ᬬᬥᬭ᭞ᬳᬦᬸᬗ᭄ᬕᬂᬯᬶᬫᬦᬳᬯᬦ᭄ᬬᬫᬦ᭄ᬢᬸᬓᬶᬂᬰ᭄ᬯᬃᬕ᭄ᬕᬵ᭟ᬓᬸᬦᬂᬇᬓᬂᬯᬦᬭ᭞ᬯ᭄ᬬᬤ᭄ᬥᬶᬲᬗ᭄ᬰᬭ᭞ᬢᬦ᭄ᬫᬢᬶ᭞ᬢᬦ᭄ᬲᬫᬦᬶᬂᬳᬉᬭᬶᬧ᭄᭟ ᬇᬭᬶᬓᬂᬲᬓᬢᬫ᭄ᬩᬾᬲᬸᬓ᭄᭟ᬮᬸᬫᬓᬸᬢᬶᬓᬂᬳᬫᬳᬢ᭄‌ᬫᬭᬾᬂᬧᬫᬳᬢᬦ᭄ᬬᬇᬓᬂᬲᬸᬭᬤ᭄ᬥᬵᬢᬶᬩᬢᬬᬵ᭞ᬫᬗᭂᬦᬦᬶᬯᬢᬸᬭᬾᬚᬾᬂᬳᬸᬫᬡ᭄ᬥᭂᬫᬶᬧᬳᬢ᭄‌ᬦ᭄ᬬ᭟ᬅᬭᬶᬦ᭄ᬬᬵᬫᬾᬢ᭄‌ᬮᬭᬸᬧ᭄‌ᬳᬶᬮᬂ᭞ᬫᬢᬶᬲᬶᬦ

Auto-transliteration

[70 70B] 70 tanwruhingkāladeśangaranya. mwangtanwruhingl̥ĕmunya, malawanākurūhasangit, matoḥpwayamati. wruḥikanglutungyanālahaknāwyawaharanya. yatikāmatyanihawaknyangaranikā, nahantasorakĕn ikangpakṣanikanglutung, denikangwwang. hanamaraḥgamamwanglingnya. // puriṣañcakiñcikiñci, dūr̀gaṇdhabahuyanakam, surabbhiniṣṭātasgamā, itikiwawiśeṣanam. kalinganya, ikangkapacirit, lawā nkapatahi, padhabonya, mangkanata'ikangwwangyansoraknāta'ikangwre, ninindanngwangpatyanana, yadyapintoḥpatinsamayanya. matangnyanyogyanikanglutungsorakĕnāpakṣanyadentā. sumahūr̀kaka nyasisuraddhā. umsiyamangkanādentahumaraḥ. ar̀tthaningślokatatanmangkanadentamangaji. mangusiwaddharikawidagdhaningarinya. huwuspwa'ikanghamahatkaliḥ. balawananpakṣamuka [71 71A] mungwre. apanwruḥringkāladeśa. kamimanginumtwak, katthamutoḥpatyā. sanglutungkitagungal̥ĕmu, lawantamakurwādmit. mangkanalingnikanghamahatkaliḥ, mamalunggahakĕnpamgat. suma hūr̀ikanglutung. ndyalinghaningpinakanghulun. kadiwnangudaśinamaringlen, mangkanalingnikanglutung. tumulwikangamahĕt'hanambutwaluhalu, pamupuḥnya'ikanglutung, kinulubnya, pinakatambula nyanginumtwak. kunanghatmātnikanglutung, sinungsungdenikangwidyadhari, mwangwidyadhara, hanunggangwimanahawanyamantukingśwar̀ggā. kunangikangwanara, wyaddhisangśara, tanmati, tansamaningha'urip. irikangsakatambesuk. lumakutikanghamahatmarengpamahatanya'ikangsuraddhātibatayā, mangĕnaniwaturejenghumaṇdhĕmipahatnya. arinyāmetlarup'hilang, matisina

Leaf 71

Image on Archive.org

[᭗᭑ 71B] ᭗᭑ ᬳᬸᬢᬶᬂᬳᬸᬮᬵᬢᬭᬹᬗᬵ᭟ᬅᬢ᭄ᬫᬵᬦ᭄ᬬᬤᬸᬫᬸᬦᬸᬂᬭᬶᬂᬦᬵᬭᬓᬵ᭞ᬓᬶᬦ᭄ᬮᭂᬦᬶᬂᬓᬯᬄᬤᬾᬦᬶᬓᬂᬬᬫᬵᬩᬮ᭞ᬫᬫᬹᬓ᭄ᬢᬶᬧᬜ᭄ᬘᬕᬢᬶᬲᬗ᭄ᬰᬭᬵ᭟ᬕᬢᬶᬦ᭄ᬬᬫᬫᬸᬢᬫᬸᬢᬗᬶᬯᬓᭂᬦ᭄ᬢᭂᬗᭂᬦ᭄᭟ᬢᬶᬦᭀᬦ᭄ᬤᬪᬕᬯᬦ᭄ᬪᬲᬸᬩᬕᬵᬫᬕ ᬯᬾᬰ᭄ᬮᭀᬓᬵ᭟᭚ᬧᬓ᭄ᬱᬧᬣᬯᬶᬘᬭᬦ᭄ᬢᬸ᭞ᬰᬾᬤᬘᬶᬢ᭄‌ᬦᬭᬓᬯ᭄ᬭᬚᬾᬢ᭄᭞ᬲᬸᬭᬤ᭄ᬥᬵᬯᬮᬘᬶᬢ᭄‌ᬢᬺᬱ᭄ᬡᬵ᭞ᬫᬮᭀᬪᬥ᭄ᬬᬦᬫᬶᬕᬲᬾ᭟ᬇᬓᬲᬂᬧ᭄ᬭᬕᬶᬯᬓᬵ᭞ᬬᬦ᭄ᬧᬓ᭄ᬱᬧᬣᬵ᭞ᬧᬧᬵᬢᬶᬦ᭄ᬫᬸᬤᬾᬦ᭄ᬬᬵ᭟ᬓᬤᬶᬓᬂ ᬳᬫᬳᬢ᭄ᬲᬶᬲᬸᬭᬤ᭄ᬥᬵ᭞ᬫ᭄ᬯᬂᬲᬶᬯᬮᬘᬶ᭞ᬅᬦ᭄ᬫᬗᬮᬳᬓᭂᬦ᭄ᬯᬶᬘᬭᬦᬶᬂᬮᬸᬢᬸᬂ᭞ᬫᬓᬦᬶᬫᬶᬢᬦ᭄‌ᬳ᭄ᬬᬸᬦ᭄ᬬᬫᬢ᭄ᬲ᭄ᬬ᭞ᬳᬮᬢᬶᬦ᭄ᬫᬸᬦ᭄ᬬ᭞ᬬᬾᬓᬸᬂᬫᬦᬸᬱ᭄ᬬᬵᬮᭀᬓ᭟ᬫᬢᬗ᭄ᬬᬦ᭄ᬓᬫᬸᬂᬯᬦᬭᬶ᭞ᬢᬶᬩᬦᬓᭂᬦᬶᬓᬂᬫᬦᬸ ᬱ᭄ᬬᬤᬾᬦ᭄ᬢᬵ᭟ᬫᬗ᭄ᬓᬦᬮᬶᬂᬦᬶᬓᬂᬫᭀᬂᬲᬶᬳᬶᬗ᭄ᬰᬓᬵ᭟ᬲᬸᬫᬳᬹᬃᬇᬓᬂᬯᬦᬭᬶ᭟ᬅᬧᬵᬓᭀᬓᬲᬶᬳᬦᬫᭀᬂ᭟ᬅᬧᬦᬶᬓᬂᬫᬵᬂᬕᬢᬶᬦᬶᬓᬵᬓᬺᬢ᭄ᬢᬖ᭄ᬦᬵ᭟ᬲᬸᬫᬳᬹᬃᬇᬓᬂᬫᭀᬂ᭞ᬅᬧᬓᬺᬢᬖᬗ᭄ᬓᬸ᭟ [᭗᭒ 72A] ᬫᭀᬚᬃᬇᬓᬂᬯᬦᬭᬶ᭟ᬳᬦᬲᬂᬩ᭄ᬭᬳ᭄ᬫᬡ᭞ᬥᬗ᭄ᬳ᭄ᬬᬂᬫᬦᬯᬗᬭᬦᬶᬭᬵ᭞ᬲᬶᬭᬢᬫᬗᬚᬶᬬᬬᬹᬃᬯᬾᬤ᭄ᬥᬵ᭞ᬭᬶᬂᬪᬕᬯᬦ᭄‌ᬯ᭄ᬭᬳᬲ᭄ᬧᬢᬶ᭟ᬢᬥᬦᬦᬶᬭᬫᬗᬸᬭᬶᬧ᭄‌ᬓ᭄ᬦᬫᬢᬶ᭟ᬢ᭄ᬮᬲ᭄ᬧ᭄ᬯᬢᬫᬤᬾᬦᬶᬭᬫᬗᬚᬶ᭞ᬫᬦ᭄ᬢᬸᬓ᭄ᬢᬲᬶᬭ᭞ ᭟ᬳᬸᬫᬮᬶᬯᬢᬶᬂᬳᬮᬲ᭄ᬩᭃᬂ᭞ᬫᬫᬗ᭄ᬕᬶᬄᬢᬲᬶᬭᬵᬫᭀᬂᬫᬢᬶ᭞ᬲᬶᬦᬳᬸᬢᬶᬂᬳᬸᬮᬵ᭟ᬧᬶᬦᬭᬶᬓ᭄ᬱᬦᬶᬭᬵᬫᬦ᭄ᬢ᭄ᬭᬦᬶᬭ᭞ᬫᬳᬸᬭᬶᬧ᭄ᬢᬶᬓᬂᬫᭀᬂ᭟ᬫᬸᬮᬢ᭄ᬧ᭄ᬯᬬᬵᬭᬶᬲᬂᬩ᭄ᬭᬳ᭄ᬫᬵᬡ᭟ᬳᬬ᭄ᬯᬫᬗ᭄ᬰᬵᬓᬸ᭟ᬇᬓᬶᬂᬩ᭄ᬭᬵᬳ᭄ᬫᬡᬤᬾᬯᬘᬭᬶᬢᬬᬓ ᬭᬶᬄ᭟ᬤᬶᬦ᭄ᬫᬓ᭄ᬦ᭄ᬬᬢᬲᬶᬭ᭞ᬢ᭄ᬳᭂᬃᬧᬶᬦᬗᬦ᭄ᬬᬤᬾᬦᬶᬓᬂᬫᭀᬂ᭟ᬫᬢᬶᬢᬲᬶᬭᬵ᭞ᬤᬾᬦᬶᬂᬲᬫ᭄ᬩᬾᬕᬦᬶᬭᬵ᭞ᬫᬗ᭄ᬓᬦᬮᬶᬂᬦᬶᬓᬂᬯᬦᬭᬶ᭞ᬭᬶᬫᭀᬲᬶᬳᬶᬗ᭄ᬰᬓᬵ᭟ᬢᬶᬦᭀᬦ᭄ᬤᬾᬪᬕᬯᬦ᭄ᬪᬲᬸᬪᬕᬫᬕᬯᬾᬰ᭄ᬮᭀᬓ᭟᭚ᬓᬺᬢᬵ ᬖ᭄ᬦᬧᬶᬝᬓᬘᬃᬬ᭄ᬬᬦ᭄᭞ᬓᬃᬢ᭄ᬣᬭᬵᬫᬧᬧᬶᬡ᭄ᬥᬬᬾᬢ᭄᭞ᬓᬲᬬᬢ᭄ᬬᬥᬫᭀᬯ᭄ᬬᬖ᭄ᬭᬵ᭞ᬯᬾᬥᬲᬜ᭄ᬚᬶᬯᬓᬃᬬ᭄ᬬᬢ᭟ᬅᬃᬢ᭄ᬣᬦ᭄ᬬ᭟ᬢᬦᬸᬮᬳᬓ᭄ᬦᬧᬗᬸᬧᬓᬭᬦᬶᬂᬦᬶᬘ᭄ᬘ᭞ᬩ᭄ᬯᬢ᭄‌ᬫᬧᬸᬳᬭᬮᬭᬵᬫ᭄ᬩᭂᬓ᭄᭟ᬇᬓᬂᬕ

Auto-transliteration

[71 71B] 71 hutinghulātarūngā. atmānyadumunungringnārakā, kinlĕningkawaḥdenikangyamābala, mamūktipañcagatisangśarā. gatinyamamutamutangiwakĕntĕngĕn. tinondabhagawanbhasubagāmaga weślokā. // pakṣapathawicarantu, śedacitnarakawrajet, suraddhāwalacittr̥ĕṣṇā, malobhadhyanamigase. ikasangpragiwakā, yanpakṣapathā, papātinmudenyā. kadikang hamahatsisuraddhā, mwangsiwalaci, anmangalahakĕnwicaraninglutung, makanimitanhyunyamatsya, halatinmunya, yekungmanuṣyāloka. matangyankamungwanari, tibanakĕnikangmanu ṣyadentā. mangkanalingnikangmongsihingśakā. sumahūr̀ikangwanari. apākokasihanamong. apanikangmānggatinikākr̥ĕttaghnā. sumahūr̀ikangmong, apakr̥ĕtaghangku. [72 72A] mojar̀ikangwanari. hanasangbrahmaṇa, dhanghyangmanawangaranirā, siratamangajiyayūr̀weddhā, ringbhagawanwrahaspati. tadhananiramanguripknamati. tlaspwatamadeniramangaji, mantuktasira, . humaliwatinghalasböng, mamanggiḥtasirāmongmati, sinahutinghulā. pinarikṣanirāmantranira, mahuriptikangmong. mulatpwayārisangbrahmāṇa. haywamangśāku. ikingbrāhmaṇadewacaritayaka riḥ. dinmaknyatasira, t'hĕr̀pinanganyadenikangmong. matitasirā, deningsambeganirā, mangkanalingnikangwanari, rimosihingśakā. tinondebhagawanbhasubhagamagaweśloka. // kr̥ĕtā ghnapiṭakacar̀yyan, kar̀ttharāmapapiṇdhayet, kasayatyadhamowyaghrā, wedhasañjiwakar̀yyata. ar̀tthanya. tanulahaknapangupakaraningnicca, bwatmapuharalarāmbĕk. ikangga

Leaf 72

Image on Archive.org

[᭗᭒ 72B] ᭗᭒᭞ ᬯᬾᬳᬬᬸᬦᬶᬂᬫᬹᬃᬓ᭄ᬓ᭞ᬫᬾᬯᭂᬄᬬᬦ᭄ᬫᬫᬸᬳᬭᬳᬬᬸ᭞ᬢᭀᬦᭂᬦᬶᬓᬂᬯᬾᬥᬫᬗᬸᬭᬶᬧᬶᬫᭀᬂ᭟ᬓᬤᬶᬲᬂᬩ᭄ᬭᬵᬳ᭄ᬫᬡᬫᬢᬶᬤᬾᬦᬶᬂᬫᭀᬂᬳᬶᬦᬸᬭᬶᬧᬓᭂᬦᬶᬭᬵ᭞ᬍᬳᭂᬂᬇᬓᬂᬅᬬᬸᬬᬹᬲᬓᬭᬶᬓᬂᬫᭀᬂ᭟ᬫᬗ᭄ᬓᬦᬮᬶᬂᬦᬶᬓᬂ ᬯᬦᬭᬶ᭞ᬲᬸᬫᬳᬹᬃᬇᬓᬂᬫᭀᬂᬲᬶᬳᬶᬗ᭄ᬰᬓᬵ᭟ᬫᬧᬵᬘᬭᬶᬢᬦᬶᬓᬂᬳᬬᬸᬬᬹ᭞ᬲᬸᬫᬳᬹᬃᬇᬓᬂᬯᬦᬭᬶ᭞ᬫᬫᬘᬭᬶᬢᬦᬶᬓᬵ᭟ᬳᬦᬲᬶᬭᬩ᭄ᬭᬳ᭄ᬫᬵᬡᬲᬓᬶᬂᬧᬝᬮ᭞ᬲᬂᬤ᭄ᬯᬶᬚᬰ᭄ᬯᬭᬗᬭᬦᬶᬭᬵ᭟ᬫᬲᬶᬄᬭᬶᬂᬲᬃᬯ᭄ᬯᬲᬢ᭄ᬯ ᭞ᬫᬳᬲ᭄ᬧ᭄ᬯᬭᬭᬶᬂᬕᬸᬦᬸᬂᬫᬦ᭄ᬤᬾᬯᬰ᭄ᬭᬬᬵ᭞ᬫᬫᬗ᭄ᬕᬶᬄᬢᬲᬶᬭᬳᬬᬸᬬᬸᬓᬲᬢᬦ᭄‌ᬭᬶᬂᬧᬸᬘᬓ᭄ᬦᬶᬓᬂᬕᬸᬦᬸᬂ᭞ᬲᬂᬬᬬᬱ᭄ᬝᬫᬵᬗᬭᬦ᭄ᬬ᭟ᬗ᭄ᬓᬦᬢᬬᬦ᭄‌ᬲᬶᬦᬫ᭄ᬩᬸᬢ᭄ᬤᬾᬲᬂᬩ᭄ᬭᬳ᭄ᬫᬵᬡ᭞ᬇᬓᬂᬳᬬᬸᬬᬸᬢᬶᬦᭀᬦᬶᬭ ᬧ᭄ᬭᬡᬦ᭄ᬢᬶᬓᬵ᭞ᬦ᭄ᬤᬓ᭄ᬯᬯᬦ᭄ᬬᬭᬶᬂᬍᬫᬄᬮ᭄ᬯᬄ᭞ᬮᬶᬂᬦᬶᬭᬵ᭟ᬮᬸᬫᬫ᭄ᬧᬄᬢᬲᬶᬭᬵ᭟ᬫᬫᬗ᭄ᬕᬶᬄᬢᬲᬶᬭᬧᬢᬦᬶ᭞ᬭᬶᬂᬢ᭄ᬧᬶᬦᬶᬂᬮ᭄ᬯᬄᬳᬶᬦ᭄ᬯᬓ᭄ᬦᬶᬭᬓᬂᬳᬬᬸᬬᬸ᭟ᬫᬭᬃᬬ᭄ᬬᬦ᭄ᬢᬲᬶᬭᬭᬶᬂᬧᬝᬦᬶ᭞ᬫᬢᬸᬭᬸᬲᬶᬭᬾᬭᬶᬓᬵ᭞ [᭗᭓ 73A] ᬬᬢᬲᬸᬓᬵ᭟ᬧᬦᬢᬲᬃᬧ᭄ᬧᬲᬫᬶᬢ᭄ᬭᬮᬯᬦ᭄ᬕᬕᬓ᭄᭟ᬧᬶᬦᬓᬵᬪᬬᬗ᭄ᬓᬦ᭟ᬫᭀᬚᬃᬇᬓᬂᬉᬮᬵ᭞ᬭᬶᬂᬫᬶᬢ᭄ᬭᬦ᭄ᬬ᭞ᬬᬦ᭄ᬳᬦᬯ᭄ᬯᬂᬳᬭᬃᬬ᭄ᬬᬦ᭄‌ᬫ᭄ᬦᬾᬧᬭᬳᬓᬸ᭞ᬦ᭄ᬤᬓ᭄ᬲᬳᬸᬢ᭄ᬦ᭄ᬬ᭞ᬓᬫᬶᬫᬗᬶᬦᬸᬫ᭄ᬭᬄᬦ᭄ᬬ᭟ᬢᬶᬦᭀᬦ᭄ᬤᬾᬦᬶᬕᬕ ᬓ᭄‌ᬲᬂᬩ᭄ᬭᬳ᭄ᬫᬵᬡ᭞ᬫᬢᬸᬭᬹᬭᬶᬂᬬᬰ᭞ᬕ᭄ᬮᬶᬲ᭄ᬫᬲ᭄ᬬᬗᬶᬂᬉᬮᬵ᭞ᬫᬶᬚᬶᬮ᭄ᬲᬓᬶᬂᬯᬶᬯᬭᬦ᭄ᬬ᭞ᬫᭀᬚᬃᬳᬶᬫᬶᬢ᭄ᬭᬦ᭄ᬬ᭞ᬮᬶᬂᬦ᭄ᬬ᭟ᬫᬶᬢ᭄ᬭ᭞ᬦᭀᬳᬦ᭄‌ᬫᬫᬶ᭞ᬫᬗᬺᬗ᭄ᬳᬵᬢᬶᬓᬂᬳᬬᬸᬬᬸᬫᭀᬚᬃ᭞ᬮᬶᬂᬦ᭄ᬬ᭟ᬅᬄᬓᬱ᭄ᬫᬮᬦᬶᬓᬂᬕᬕᬓ᭄᭞ᬫ᭄ᬯᬂᬳᬸ ᬮᬵ᭟ᬬᬢᬓᬭᬶᬄᬫᬗ᭄ᬓᬦᬵ᭟ᬫᭀᬚᬃᬇᬓᬂᬳᬬᬹᬬᬹ᭟ᬓᬋᬡᬦ᭄ᬤᬾᬲᬂᬩ᭄ᬭᬳ᭄ᬫᬵᬡ᭞ᬤᬤᬶᬢᬬᬫᬮᬓᬸᬲᬫᬶᬢ᭄ᬯᬮᬯᬦ᭄ᬕᬕᬓ᭄᭞ᬫ᭄ᬯᬂᬳᬸᬮᬵ᭞ᬲᬶᬦᬫ᭄ᬩᬾᬕᬦ᭄ᬢᬬᬵ᭟ᬫᭀᬚᬃᬇᬓᬂᬅᬬᬸᬬᬹ᭞ᬮᬶᬦ᭄ᬬ᭟ᬳᬾᬫᬶᬢ᭄ᬭᬓᬶᬢᬕᬕᬓ᭄᭞ ᬫ᭄ᬯᬂᬳᬸᬮᬵ᭞ᬦ᭄ᬤᬓ᭄‌ᬳᭀᬤᭀᬤ᭄‌ᬳᬶᬕᬸᬮᬸᬦ᭄ᬢᬓᬮᬶᬄ᭞ᬫᬭᬧ᭄ᬯᬦᬾᬦᬓ᭄‌ᬤᬾᬦ᭄ᬢᬦᬥᬄᬭᬶᬂᬩ᭄ᬭᬳ᭄ᬫᬡ᭟ᬲᬸᬫᬳᬹᬃᬇᬓᬂᬳᬸᬮᬵ᭟ᬫᬕ᭄ᬬᬵᬓᬸᬫᬫᬗ᭄ᬳᬦ᭞ᬲᬂᬩ᭄ᬭᬳ᭄ᬫᬡ᭟ᬲᬸᬫᬳᬹᬃᬇᬓᬂᬅᬬᬸᬬᬹ᭟ᬮᬄᬳᬸᬕᬲᬶᬫᬶᬢ᭄ᬭ᭞

Auto-transliteration

[72 72B] 72 wehayuningmūr̀kka, mewĕḥyanmamuharahayu, tonĕnikangwedhamanguripimong. kadisangbrāhmaṇamatideningmonghinuripakĕnirā, l̥ĕhĕngikangayuyūsakarikangmong. mangkanalingnikang wanari, sumahūr̀ikangmongsihingśakā. mapācaritanikanghayuyū, sumahūr̀ikangwanari, mamacaritanikā. hanasirabrahmāṇasakingpaṭala, sangdwijaśwarangaranirā. masiḥringsar̀wwasatwa , mahaspwararinggunungmandewaśrayā, mamanggiḥtasirahayuyukasatanringpucaknikanggunung, sangyayaṣṭamāngaranya. ngkanatayansinambutdesangbrahmāṇa, ikanghayuyutinonira praṇantikā, ndakwawanyaringl̥ĕmaḥlwaḥ, lingnirā. lumampaḥtasirā. mamanggiḥtasirapatani, ringtpininglwaḥhinwaknirakanghayuyu. marar̀yyantasiraringpaṭani, maturusirerikā, [73 73A] yatasukā. panatasar̀ppasamitralawan'gagak. pinakābhayangkana. mojar̀ikangulā, ringmitranya, yanhanawwangharar̀yyanmneparahaku, ndaksahutnya, kamimanginumraḥnya. tinondenigaga ksangbrahmāṇa, maturūringyaśa, glismasyangingulā, mijilsakingwiwaranya, mojar̀himitranya, lingnya. mitra, nohanmami, mangr̥ĕnghātikanghayuyumojar̀, lingnya. aḥkaṣmalanikanggagak, mwanghu lā. yatakariḥmangkanā. mojar̀ikanghayūyū. kar̥ĕṇandesangbrahmāṇa, daditayamalakusamitwalawan'gagak, mwanghulā, sinambegantayā. mojar̀ikangayuyū, linya. hemitrakitagagak, mwanghulā, ndak'hodod'higuluntakaliḥ, marapwanenakdentanadhaḥringbrahmaṇa. sumahūr̀ikanghulā. magyākumamanghana, sangbrahmaṇa. sumahūr̀ikangayuyū. laḥhugasimitra,

Leaf 73

Image on Archive.org

[᭗᭓ 73B] ᭗᭓ ᬢᬸᬳᬸᬢᬬᬵ᭟ᬮᬶᬦᬸᬗᬓᭂᬦ᭄ᬬᬢᬕᬸᬦ᭄ᬬᬓᬮᬶᬄ᭞ᬲᬶᬦᬸᬧᬶᬢ᭄ᬦ᭄ᬬᬢᬬ᭞ᬢᬸᬕᭂᬮ᭄ᬕᬸᬮᬦ᭄ᬬᬓᬮᬶᬄ᭞ᬢᬶᬦᭀᬦ᭄ᬤᬾᬪᬕᬯᬦ᭄ᬪᬲᬸᬩᬕ᭞ᬫᬕᬯᬾᬰ᭄ᬮᭀᬓᬵ᭚ᬓᬓᬲ᭄ᬬᬘᬧᬶᬲᬧᬲ᭄ᬬᬵ᭞ᬓᬃᬢ᭄ᬣᬤᬾᬦᬯᬺᬓ᭄ᬱᬶᬄᬓᬺᬢ᭄ᬢᬄ᭞ᬅᬦᬸᬫᬢᬦ᭄ᬫ ᬳᬵᬘᬶᬦ᭄ᬢ᭄ᬬ᭞ᬧᬹᬃᬡ᭄ᬦᬩ᭄ᬭᬳ᭄ᬫᬡᬚᬶᬯᬶᬢᬫ᭄᭟ᬓᬮᬶᬗᬦ᭄ᬬ᭟ᬇᬓᬂᬯᬲ᭄ᬢᬸᬲᬶᬦᬶᬳᬦ᭄‌ᬯᬶᬦᬶᬮᬰᬦ᭄᭞ᬚᬢᬶᬦ᭄ᬬᬫᬍᬲᬶᬂᬫᬸᬮ᭄ᬬ᭟ᬦᬳᬦ᭄‌ᬲᬂᬩ᭄ᬭᬳ᭄ᬫᬡᬫᬲᬶᬳᬶᬂᬓᬶᬂᬬᬸᬬᬸ᭞ᬦ᭄ᬬᬢᬵᬫᬍᬲᬶᬂᬲᬶᬄ᭞ᬫᬗ᭄ᬓᬦᬮ᭄ᬯᬶᬃᬦ᭄ᬬ᭟ᬫᬗ᭄ᬓᬦᬯᬸᬯᬸᬲᬶ᭠ ᬓᬂᬯᬦᬭᬶ᭟ᬫᬯᬸᬯᬸᬇᬓᬂᬧᬧᬓᬵ᭞ᬫᭀᬚᬃ᭞ᬮᬶᬂᬦ᭄ᬬ᭟ᬅᬕᬦ᭄ᬢᬶᬫᬶᬢ᭄ᬭᬵᬢᬸᬭᬹ᭟ᬫᬫᬶᬲᬸᬫᬗᬸᬮᬸᬳᬾᬂᬓᬶᬢ᭟ᬫᬢᬸᬭᬹᬇᬓᬂᬯᬦᬭᬶ᭟ᬫᬗ᭄ᬓᬾᬤᬤᬶᬫᭀᬚᬃᬇᬓᬂᬫᭀᬂᬢᬓᬾᬂᬲᭀᬃᬦ᭄ᬬ᭞ᬮᬶᬂᬦ᭄ᬬ᭟ᬳᬾᬓᭀᬂᬦᬶᬲᬤ᭄ᬥᬵ᭞ᬢᬶᬩᬓᭂ ᬦᬶᬓᬂᬯᬦᬭᬶ᭞ᬤᬸᬱ᭄ᬝᬚᬸᬕᬲ᭄ᬯᬚᬢᬶᬦ᭄ᬬ᭟ᬲᬸᬫᬳᬹᬃᬇᬓᬂᬦᬶᬲᬤ᭄ᬥᬵ᭞ᬅᬧᬓᬭᬶᬄᬤᬸᬱ᭄ᬝᬦᬶᬓᬂᬯ᭄ᬭᬾ᭞ᬲᬸᬫᬳᬹᬃᬇᬓᬂᬫᭀᬂ᭞ᬫᬘᬭᬶᬢ᭄ᬣᬵ᭟ᬳᬦᬬᬫᬦᬸᬓ᭄‌ᬇᬚᬶ᭞ᬳᬢᬸᬭ᭄ᬯᬧᬋᬓ᭄‌ᬢᬬᬮᬯᬦ᭄‌ᬯ᭄ᬭᬾ᭟ᬇᬓᬂᬳᬶᬚᬶ [᭗᭔ 74A] ᬕᬯᬾᬲᭂᬲᭂᬄ᭟ᬇᬓᬂᬯ᭄ᬭᬾᬫᬸᬗ᭄ᬕᬄᬭᬶᬂᬧᬂᬚᬸᬕ᭟ᬓᬢᬶᬲᬦ᭄‌ᬫᬗᬶᬤᬸᬓᬸᬲ᭄᭟ᬫᭀᬚᬃᬇᬓᬂᬳᬶᬚᬶᬫᬰ᭄ᬮᭀᬓ᭟ᬅᬰ᭄ᬯᬫᬤᬧᬥᬾᬲᬫ᭄ᬧᬶ᭞ᬩᬮᬫᬜ᭄ᬘᬧᬶᬯᬦᬭ᭞ᬰᬶᬢᬯᬢᬚᬮᬢᬲ᭄ᬢ᭄ᬭ᭞ᬢᬸᬯᬶᬂᬓᬶᬦᬓᬲᬶᬲᬶᬬᬢᬶ᭟ᬓᬮᬶᬗᬦ᭄ᬬ ᭟ᬅᬧᬓᬶᬢᬬᬓᬫᬸᬯ᭄ᬭᬾ᭞ᬫᬢᬗᬦ᭄‌ᬫᬲᬸᬓᬸ᭞ᬰᬓ᭄ᬢᬶᬢᬦ᭄ᬳᬦ᭟ᬓᬢᬫᬧᬶᬓᬶᬢᬵᬕᭃᬂ᭞ᬢᬦ᭄ᬧᬕᬯᬾᬳᬸᬫᬄ᭟ᬬᬢᬾᬓᬮᬸᬳ᭄ᬬᬗᬭᬦ᭄ᬬᬬᬢᬚᬸᬕᬸᬮ᭄ᬓᬸᬦᬂᬓᬶᬢᬵ᭟ᬫᬗ᭄ᬓᬦᬮᬶᬂᬦᬶᬓᬂᬫᬦᬹᬓ᭄ᬳᬶᬚᬶᬭᬶᬂᬯᬦᬭ᭞ᬲᬸᬫᬳᬹᬃᬇ᭠ ᬓᬂᬯ᭄ᬭᬾᬫᬰ᭄ᬮᭀᬓᬵ᭟᭚ᬅᬲ᭄ᬫᬓᬫ᭄‌ᬧᬹᬃᬯ᭄ᬯᬾᬓᬄᬲᬃᬯ᭄ᬯᬾ᭞ᬓᬾᬯᬵᬮᬫᬺᬫ᭄‌ᬫᬘᭀᬤᬶᬓᬄ᭞ᬧᬭᬓᬃᬬ᭄ᬬᭀᬫᬸᬰᬓ᭄ᬢᬲ᭄ᬢᬾ᭞ᬦᬯᬬᬰᬶᬮᬧᬡ᭄ᬥᬶᬢᬄ᭟ᬳᬾᬓᭀᬂᬳᬶᬚᬶ᭞ᬓᬯᬶᬢᬗ᭄ᬓᬸᬗᬹᬦᬶᬯᬤ᭄ᬯᬪᬝᬭᬭᬫ᭞ᬓᬯᬮᬦᬶᬓᬵᬭ ᬘᬭᬦᬶᬭᬫᬢᬫ᭄ᬩᬓ᭄‌ᬲᬕᬭ᭟ᬳᬯᬦᬦᬶᬭᬫᬭᬾᬂᬍᬗ᭄ᬓᬧᬹᬭ᭞ᬫᬫᬢ᭄ᬬᬦᬲᬂᬭᬵᬯᬡ᭞ᬲᬶᬤ᭄ᬥᬵᬤᬾᬦᬶᬂᬢᬸᬳᬢᬸᬳᬗ᭄ᬓᬸ᭟ᬢᬦ᭄ᬳᬸᬦ᭄ᬤᬕᬶᬗ᭄ᬳᬸᬮᬸᬦ᭄᭟ᬢᬦ᭄ᬓᬤᬶᬓᭀᬯᬾᬢ᭄ᬩᬾᬢ᭄‌ᬫᬦᭂᬫ᭄ᬧᬦᬶ᭞ᬰᬸᬘᬶᬫᬸᬓᬫ᭄ᬯᬶᬚᬦᬶᬣᬶ᭟

Auto-transliteration

[73 73B] 73 tuhutayā. linungakĕnyatagunyakaliḥ, sinupitnyataya, tugĕlgulanyakaliḥ, tinondebhagawanbhasubaga, magaweślokā // kakasyacapisapasyā, kar̀tthadenawr̥ĕksyiḥkr̥ĕttaḥ, anumatanma hācintya, pūr̀ṇnabrahmaṇajiwitam. kalinganya. ikangwastusinihanwinilaśan, jatinyamal̥ĕsingmulya. nahansangbrahmaṇamasihingkingyuyu, nyatāmal̥ĕsingsiḥ, mangkanalwir̀nya. mangkanawuwusi‐ kangwanari. mawuwu'ikangpapakā, mojar̀, lingnya. agantimitrāturū. mamisumanguluhengkita. maturū'ikangwanari. mangkedadimojar̀ikangmongtakengsor̀nya, lingnya. hekongnisaddhā, tibakĕ nikangwanari, duṣṭajugaswajatinya. sumahūr̀ikangnisaddhā, apakariḥduṣṭanikangwre, sumahūr̀ikangmong, macaritthā. hanayamanukiji, haturwapar̥ĕktayalawanwre. ikanghiji [74 74A] gawesĕsĕḥ. ikangwremunggaḥringpangjuga. katisanmangidukus. mojar̀ikanghijimaśloka. aśwamadapadhesampi, balamañcapiwanara, śitawatajalatastra, tuwingkinakasisiyati. kalinganya . apakitayakamuwre, matanganmasuku, śaktitanhana. katamapikitāgöng, tanpagawehumaḥ. yatekaluhyangaranyayatajugulkunangkitā. mangkanalingnikangmanūk'hijiringwanara, sumahūr̀i‐ kangwremaślokā. // asmakampūr̀wwekaḥsar̀wwe, kewālamr̥ĕmmacodikaḥ, parakar̀yyomuśaktaste, nawayaśilapaṇdhitaḥ. hekonghiji, kawitangkungūniwadwabhaṭararama, kawalanikāra caraniramatambaksagara. hawananiramarengl̥ĕngkapūra, mamatyanasangrāwaṇa, siddhādeningtuhatuhangku. tanhundaginghulun. tankadikowetbetmanĕmpani, śucimukamwijanithi.

Leaf 74

Image on Archive.org

[᭗᭔ 73B] ᭗᭔ᬪᬶᬱᬲᬶᬓᭀᬬᬦ᭄ᬕᬯᬾᬳᬸᬫᬄ᭟ᬫᬗ᭄ᬓᬦᬮᬶᬂᬦᬶᬓᬂᬯ᭄ᬭᬾ᭞ᬢ᭄ᬳᭂᬃᬭᬶᬦᬸᬚᬶᬢ᭄‌ᬇᬓᬂᬲᭂᬲᭂᬳᬦᬶᬓᬂᬫᬦᬸᬓᬶᬚᬶᬭᬶᬰᬸᬘᬶᬫᬸᬓᬵ᭟ᬳᬮᬭᬵᬫ᭄ᬩᭂᬓᬶᬓᬂᬳᬶᬚᬶ᭞ᬉᬫᬭᬢᬬᬭᬶᬲᬂᬧᬡ᭄ᬥᬶᬢ᭞ᬓᬶᬦᭀᬦᬶᬭᬫᬶᬢᬸᬢᬸᬭᬦᬳᬶᬭᬶᬓᬂᬯ᭄ᬭᬾ᭟ᬲᬸ ᬫᬳᬹᬃᬢᬲᬂᬧᬡ᭄ᬥᬶᬢᬫᬰ᭄ᬮᭀᬓᬵ᭟᭚ᬦᬦᬫ᭄ᬬᭀᬦᬫ᭄ᬬᬳᬾᬓᬱ᭄ᬝᭀ᭞ᬦᬦᬘᬓ᭄ᬭᬓ᭄ᬯᬫᬢᬾᬲ᭄ᬫᬶᬦᬾ᭞ᬰᬸᬘᬶᬫᬸᬓᬤ᭄ᬯᬶᬚᬦᬶᬢᬶ᭞ᬦᬰᬶᬲ᭄ᬬᬾᬰᬰᬡᬫ᭄ᬯᬬᬾᬢ᭄᭟ᬓᬮᬶᬗᬦ᭄ᬬ᭟ᬢᬦ᭄ᬳᬶᬦ᭄ᬮᬸᬓᬶᬓᬂᬓᬓᬬᬸᬬᬦ᭄ᬢᬦ᭄ᬬᭀᬕ᭄ᬬᬳ᭄ᬮᬸᬓᭂᬦ᭄᭟ᬢᬦ᭄ᬮᬶᬦ᭄ᬧ ᬲᬓᭂᬦᬶᬓᬂᬘᬓ᭄ᬭᬭᬶᬂᬯᬢᬸ᭞ᬢᬦ᭄ᬯᬭᬳᬓᭂᬦᬶᬓᬂᬮᬾᬦ᭄‌ᬲᬗ᭄ᬓᬾᬂᬲᬶᬲ᭄ᬬ᭞ᬫᬢᭂᬯᬲᬗ᭄ᬳᬾᬮ᭄᭞ᬓᬶᬢᬫᬭᬄᬯ᭄ᬭᬸᬳᬦ᭄ᬢᬓᬫᬸᬰᬸᬘᬶᬫᬸᬓᬵ᭟ᬫᬗ᭄ᬓᬦᬮᬶᬂᬲᬂᬢᬧᬵ᭟ᬓᬭᬶᬓᬾᬭᬗᬦ᭄‌ᬇᬓᬂᬫᬦᬸᬓ᭄ᬳᬶᬚᬶᬤᬾᬦᬶᬂᬓᬤᬸᬱ᭄ᬝᬦᬶᬓᬂ᭠ ᬯ᭄ᬭᬾ᭟ᬦᬶᬳᬦ᭄ᬢᬫ᭄ᬯᬄᬓᬤᬸᬱ᭄ᬝᬦᬶᬓᬂᬯ᭄ᬭᬾ᭟ᬳᬦᬢᬲᬶᬭᬭᬵᬚᬧᬸᬢ᭄ᬭ᭞ᬫᬫᭂᬂᬗᬫᭂᬂᬭᬶᬂᬢᬫᬦ᭄᭟ᬰ᭄ᬯᬯᬶᬰᬢᬫᬦᬄᬦᬶᬭᬾᬭᬶᬓᬵ᭟ᬫᬕᬸᬮᬶᬂᬢᬲᬶᬭᬮᬯᬦ᭄‌ᬲ᭄ᬢ᭄ᬭᬶᬦᬶᬭᬵ᭟ᬳᬦᬢᬫᬵᬫᬂᬗᬫᬂᬗᬦᬶᬭᬯ᭄ᬭᬾᬲᬶᬩ [᭗᭕ 75A] ᬩᬭᬸᬩᬸᬄᬗᬭᬦ᭄ᬬ᭟ᬬᬢᬯᬶᬦ᭄ᬓᬲᬦᬶᬭᬵᬢᬸᬗ᭄ᬕ᭄ᬯᬵᬕᬸᬮᬶᬂᬗᬶᬂᬲᬶᬭᬵ᭟ᬮᬶᬂᬦᬶᬭᬵ᭟ᬳᬾᬓᭀᬂᬯ᭄ᬭᬾ᭞ᬢᬸᬗ᭄ᬕ᭄ᬯᬵᬓᬸᬳᬕᬸᬮᬶᬂ᭞ᬬᬦ᭄ᬳᬦᬫ᭄ᬦᬾᬳᬸᬫᬮᬗᬶᬳᬦ᭄ᬤ᭄ᬭᬗ᭄ᬓᬸ᭞ᬧ᭄ᬭᬂ᭟ᬭᬪᬱᬤᬾᬦ᭄ᬢ᭟ᬫᬄᬳᬶᬓᬶᬂᬧ᭄ᬥᬂᬲᬜ᭄ᬚᬢᬫᬸ᭞ᬫᬗ᭄ᬓᬦᬧᬯ᭄ᬓᬲ᭄‌ᬲᬂ ᬭᬵᬚᬧᬸᬢ᭄ᬭ᭟ᬫᬕᬸᬮᬶᬂᬲᬶᬭᬫᬓᬮᬶᬳᬦ᭄᭞ᬳᬾᬦᬓ᭄ᬧᬕᬸᬮᬶᬂᬦᬶᬭ᭟ᬓᬜ᭄ᬘᬶᬢ᭄‌ᬳᬦᬢᬮᬮᭂᬃᬮᬮᬸᬲᬮᬓᬶᬩᬶ᭟ᬢᬸᬫ᭄ᬭᬧᬶᬓᬂᬮᬳᭂᬃᬭᬶᬂᬕᬸᬮᬸᬲᬂᬭᬵᬚᬧᬸᬢ᭄ᬭᬓᬮᬶᬳᬦ᭄᭟ᬇᬓᬂᬮᬮᭂᬃᬲ᭄ᬢ᭄ᬭᬶᬢᬸᬫ᭄ᬭᬧᬶᬂᬕᬸᬮᬸᬲᬂᬭᬵᬚᬧᬸᬢ᭄ᬭᬶ ᭟ᬇᬓᬂᬮᬮᭂᬃᬮᬦᬂᬢᬸᬫ᭄ᬭᬧᬶᬂᬕᬸᬮᬸᬲᬂᬭᬚᬧᬸᬢ᭄ᬭᬵ᭟ᬢᬸᬫᭀᬦᬶᬓᬂᬯ᭄ᬭᬾ᭞ᬫᬢᬸᬢᬸᬃᬲᬧᬯ᭄ᬓᬲ᭄‌ᬲᬂᬭᬵᬚᬧᬸᬢ᭄ᬭᬗᬹᬦᬶ᭞ᬧᬶᬦ᭄ᬭᬂᬦ᭄ᬬᬢᬮᬮᭂᬃᬮᬮᬸ᭟ᬓᬧᬭᬄᬕᬸᬮᬸᬲᬂᬭᬵᬚᬧᬸᬢ᭄ᬭᬓᬮᬶᬄᬲ᭄ᬢ᭄ᬭᬶᬦᬶᬭ᭞ᬤᬾᬦᬶᬂᬳᬫᭂᬗᬫᭂᬗᬦᬶ ᬭᬯ᭄ᬭᬾ᭟ᬬᬾᬓᬤᭀᬱᬦᬶᬂᬢᬦ᭄ᬯ᭄ᬭᬸᬄᬳᬶᬂᬲᬳᬬᬵ᭞ᬢᬶᬦᭀᬦ᭄ᬤᬾᬪᬕᬯᬦ᭄‌ᬪᬲᬸᬪᬕᬵᬫᬕᬯᬾᬰ᭄ᬮᭀᬓᬵ᭟ᬯᬭᬫ᭄‌ᬧᬡ᭄ᬥᬶᬢᬰᬢ᭄ᬭᬸᬜ᭄ᬘ᭞ᬦᬶᬘ᭄ᬘᬫᬶᬢ᭄ᬭᬢᬧᬡ᭄ᬥᬶᬢ᭞ᬧᬢ᭄ᬬᬯᬦᬭᬫᬹᬃᬓᬓ᭄ᬓᬾᬦ᭞ᬭᬵᬚᬧᬸᬢ᭄ᬭ᭠

Auto-transliteration

[74 73B] 74bhiṣasikoyan'gawehumaḥ. mangkanalingnikangwre, t'hĕr̀rinujitikangsĕsĕhanikangmanukijiriśucimukā. halarāmbĕkikanghiji, umaratayarisangpaṇdhita, kinoniramituturanahirikangwre. su mahūr̀tasangpaṇdhitamaślokā. // nanamyonamyahekaṣṭo, nanacakrakwamatesmine, śucimukadwijaniti, naśisyeśaśaṇamwayet. kalinganya. tanhinlukikangkakayuyantanyogyahlukĕn. tanlinpa sakĕnikangcakraringwatu, tanwarahakĕnikanglensangkengsisya, matĕwasanghel, kitamaraḥwruhantakamuśucimukā. mangkanalingsangtapā. karikeranganikangmanuk'hijideningkaduṣṭanikang‐ wre. nihantamwaḥkaduṣṭanikangwre. hanatasirarājaputra, mamĕngngamĕngringtaman. śwawiśatamanaḥnirerikā. magulingtasiralawanstrinirā. hanatamāmangngamangnganirawresiba [75 75A] barubuḥngaranya. yatawinkasanirātunggwāgulingngingsirā. lingnirā. hekongwre, tunggwākuhaguling, yanhanamnehumalangihandrangku, prang. rabhaṣadenta. maḥhikingpdhangsañjatamu, mangkanapawkassang rājaputra. magulingsiramakalihan, henakpagulingnira. kañcit'hanatalalĕr̀lalusalakibi. tumrapikanglahĕr̀ringgulusangrājaputrakalihan. ikanglalĕr̀stritumrapinggulusangrājaputri . ikanglalĕr̀lanangtumrapinggulusangrajaputrā. tumonikangwre, matutur̀sapawkassangrājaputrangūni, pinrangnyatalalĕr̀lalu. kaparaḥgulusangrājaputrakaliḥstrinira, deninghamĕngamĕngani rawre. yekadoṣaningtanwruḥhingsahayā, tinondebhagawanbhasubhagāmagaweślokā. warampaṇdhitaśatruñca, niccamitratapaṇdhita, patyawanaramūr̀kakkena, rājaputra‐

Leaf 75

Image on Archive.org

[᭗᭕ 75B] ᭗᭕ ᬯᬶᬱᬬᬦᬫ᭄᭟ᬓᬮᬶᬗᬦ᭄ᬬᬍᬳᭂᬂᬫᬰᬢ᭄ᬭᬸᬧᬡ᭄ᬥᬶᬢᬵ᭞ᬲᬧᬥᬶᬫᬫᬶᬢ᭄ᬭᬫᬹᬃᬓ᭄ᬓᬵ᭞ᬧᬸᬗ᭄ᬕᬸᬂ᭟ᬦᬳᬦ᭄‌ᬢᭀᬦᭂᬦ᭄‌ᬲᬂᬭᬵᬚᬧᬸᬢ᭄ᬭ᭞ᬫᬢᬶᬤᬾᬦᬶᬂᬳᬫᭂᬗᬫᭂᬗᬦᬶᬭᬵᬯ᭄ᬭᬾ᭟ᬦ᭄ᬤᬄᬓᬫᬸᬦᬶᬲᬤ᭄ᬥᬢᬦ᭄ᬳᬦᬓᬵᬮᬫᬸᬲᬫᬶᬢ᭄ᬭᬮᬯᬦᬶ ᬓᬂᬯ᭄ᬭᬾ᭞ᬮᬯᬦ᭄ᬢᬬᬫ᭄ᬯᬄᬬᬦᬋᬧ᭄‌ᬅᬉᬭᬶᬧᬵ᭞ᬢᬶᬩᬓᭂᬦᬶᬓᬂᬯ᭄ᬭᬾ᭞ᬫᬗ᭄ᬓᬦᬮᬶᬂᬦᬶᬓᬂᬫᭀ᭟ᬬᬢᬵᬢᬶᬦᬶᬩᬓᬦ᭄ᬬᬇᬓᬂᬯ᭄ᬭᬾᬤᬾᬦᬶᬦᬶᬱᬤ᭄ᬥᬵ᭟ᬤᬶᬦ᭄ᬫᬓ᭄‌ᬢᬤᬾᬦᬶᬓᬂᬫᭀᬂ᭞ᬕᬸᬫᬫᬸᬬᬸᬇᬓᬂᬯ᭄ᬭᬾ᭟ᬇᬗᬧᬧᬵᬓ᭄ᬦᬫ᭄ᬯᬵ ᬓᬸ᭟ᬫᭀᬚᬃᬇᬓᬂᬫᭀᬂ᭟ᬧᬶᬦᬗᬦ᭄ᬓᬸᬓᬫᬸ᭟ᬉᬫ᭄‌ᬕᬶᬦᬸᬢ᭄‌ᬳᬓᬸᬤᬾᬫᬸ᭞ᬫᬾᬄᬳᬍᬫ᭄ᬩᬸᬢᬵ᭟ᬬᬵᬬᬦ᭄ᬳᬓᬸᬢᬦ᭄ᬫᬢ᭄ᬬᬤᬾᬦ᭄ᬫᬸ᭟ᬲᬸᬫᬳᬹᬃᬇᬓᬂᬫᭀᬂ᭞ᬮᬶᬂᬦ᭄ᬬᬵ᭟ᬉᬫ᭄‌ᬫᬧᬓ᭄ᬦᬓ᭄ᬯᬲᬶᬓᭀ᭟ᬲᬸᬫᬳᬹᬃᬇᬓᬂᬯ᭄ᬭᬾ᭞ᬳᬋᬧ᭄ ᬧ᭄ᬯᬗ᭄ᬓᭀᬭᬶᬓᬧ᭄ᬚᬳᬗ᭄ᬓ᭄ᬯᬵ᭟ᬳᬬ᭄ᬯᬓᭀᬲᬗ᭄ᬰᬬᬵ᭟ᬦᬳᬦ᭄‌ᬲᬳᬸᬢ᭄‌ᬢᬸᬂᬢᬸᬂᬗᬶᬂᬇᬓᬸᬗ᭄ᬓᬸᬤᬾᬦ᭄ᬢᬵᬇᬓᬵ᭞ᬅᬧᬦᬶᬗ᭄ᬓᬦᬓᬳᬦᬦᬶᬂᬉᬭᬶᬧ᭄ᬓᬸ᭟ᬧᬮᬶᬗ᭄ᬕᬶᬳᬦ᭄‌ᬲᬗ᭄ᬳ᭄ᬬᬂᬧ᭄ᬭᬫᬡᬵ᭟ᬲᬸᬫᬳᬹᬃᬇᬓᬂᬫᭀ᭟ᬳᬾᬲᬤ᭄ᬥᬵ [᭗᭖ 76A] ᬧᬾᬃᬤᬳᬤ᭄‌ᬓᬢᬵ᭞ᬓᬳᬦᬦᬶᬂᬉᬭᬶᬧ᭄ᬫᬸ᭟ᬢᬸᬢᬹᬢ᭄ᬢᬾᬓᬂᬫᭀᬂ᭟ᬯᬳᬸᬧᬓ᭄ᬱᬦ᭄ᬬᬫᬦᬳᬸᬢ᭄‌ᬢᬸᬗ᭄ᬢᬸᬗᬶᬇᬓᬸᬦᬶᬓᬂᬯ᭄ᬭᬾ᭞ᬮᬸᬫᬸᬫ᭄ᬧᬢ᭄‌ᬇᬓᬂᬯᬦᬭᬶ᭞ᬭᬶᬂᬓᬬᬸ᭟ᬓᬾᬭᬗᬦᬶᬓᬂᬫᭀᬂ᭟ᬮᬸᬗ᭄ᬳᬵᬢᬬᬇᬓᬂᬫᭀᬂ᭟ᬢᬸᬫᬶᬗ᭄ᬳᬮ᭄ᬧ᭄ᬯᬢᬶᬓᬂ ᬦᬶᬲᬤ᭄ᬥᬵᬇᬭᬶᬓᬂᬯᬦᬭᬶ᭞ᬲᬗ᭄ᬰᬬᬢᬫᬦᬄᬦ᭄ᬬ᭞ᬫᬓᬳᬾᬢᬸᬭᬶᬤᬾᬦ᭄ᬬᬢᬸᬫᬶᬩᬓᭂᬦᬶᬓᬂᬯ᭄ᬭᬾᬗᬹᬦᬶ᭟ᬯ᭄ᬭᬸᬄᬧ᭄ᬯᬗᬶᬓᬂᬯᬦᬭᬶᬬᬦ᭄ᬲᬗ᭄ᬰᬬᬵᬇᬓᬂᬦᬶᬰᬤ᭄ᬥᬵ᭞ᬫᭀᬚᬃᬇᬓᬂᬯᬦᬭᬶ᭟ᬑᬫ᭄‌ᬫᬶᬢ᭄ᬭᬳᬬ᭄ᬯᬲᬦ᭄ᬤᬾᬳᬓᬶᬢᬵ᭞ᬳᬓᬸ ᬚᬸᬕᬫᭀᬲᬶᬮᬢᬸᬭᬹᬫᬢᬗ᭄ᬬᬦ᭄ᬢᬶᬩᬵ᭟ᬓᬸᬦᬂᬧ᭄ᬯᬤᬾᬬᬦ᭄ᬢᬳᬶᬮᬸᬳᬢᬸᬭᬹᬚᬸᬕᬵ᭟ᬫᬗ᭄ᬓᬦᬮᬶᬂᬦᬶᬓᬂᬯ᭄ᬭᬾᬯᬦᬭᬶ᭟ᬢᬸᬫᬭᬸᬦ᭄ᬢᬬᬓᬮᬶᬄ᭞ᬮᬸᬫᬓᬸᬯᬬᬵᬢᬹᬢ᭄‌ᬳᬮᬲ᭄᭟ᬅᬗ᭄ᬳᬾᬮ᭄‌ᬧ᭄ᬯᬇᬓᬂᬦᬶᬲᬤ᭄ᬥᬵ᭞ᬢᬦ᭄ᬯᭂᬦᬂᬮᬸᬫᬫ᭄ᬧᬄ᭞ ᬫᭀᬚᬃᬇᬓᬂᬦᬶᬲᬤ᭄ᬥᬵ᭞ᬮᬶᬂᬦ᭄ᬬ᭞ᬢᬸᬮᬸᬲᬓ᭄ᬦᬲᬶᬄᬫᬶᬢ᭄ᬭ᭞ᬕᬦ᭄ᬤᭀᬂᬢᬓᬸᬢᬦ᭄ᬓᬯᬰᬮᬸᬫᬫ᭄ᬧᬄᬢᬬᬵ᭟ᬕᬶᬦᬦ᭄ᬤᭀᬂᬢᬶᬓᬂᬦᬶᬰᬤ᭄ᬥᬵ᭞ᬤᭀᬦᬶᬓᬂᬯᬦᬭᬶ᭟ᬫᬭᬃᬬ᭄ᬬᬦ᭄ᬢᬭᬶᬂᬧᬣᬦᬶ᭞ᬲᬫᬶᬧᬦᬶᬂᬳᬯᬦ᭄᭟ᬫᭀᬚᬃᬢᬾᬓᬂ

Auto-transliteration

[75 75B] 75 wiṣayanam. kalinganyal̥ĕhĕngmaśatrupaṇdhitā, sapadhimamitramūr̀kkā, punggung. nahantonĕnsangrājaputra, matideninghamĕngamĕnganirāwre. ndaḥkamunisaddhatanhanakālamusamitralawani kangwre, lawantayamwaḥyanar̥ĕpa'uripā, tibakĕnikangwre, mangkanalingnikangmo. yatātinibakanya'ikangwredeniniṣaddhā. dinmaktadenikangmong, gumamuyu'ikangwre. ingapapāknamwā ku. mojar̀ikangmong. pinangankukamu. umginut'hakudemu, meḥhal̥ĕmbutā. yāyanhakutanmatyadenmu. sumahūr̀ikangmong, lingnyā. ummapaknakwasiko. sumahūr̀ikangwre, har̥ĕp pwangkorikapjahangkwā. haywakosangśayā. nahansahuttungtungngingikungkudentā'ikā, apaningkanakahananinguripku. palinggihansanghyangpramaṇā. sumahūr̀ikangmo. hesaddhā [76 76A] per̀dahadkatā, kahananinguripmu. tutūttekangmong. wahupakṣanyamanahuttungtungi'ikunikangwre, lumumpatikangwanari, ringkayu. keranganikangmong. lunghātaya'ikangmong. tuminghalpwatikang nisaddhā'irikangwanari, sangśayatamanaḥnya, makaheturidenyatumibakĕnikangwrengūni. wruḥpwangikangwanariyansangśayā'ikangniśaddhā, mojar̀ikangwanari. ommitrahaywasandehakitā, haku jugamosilaturūmatangyantibā. kunangpwadeyantahiluhaturūjugā. mangkanalingnikangwrewanari. tumaruntayakaliḥ, lumakuwayātūt'halas. anghelpwa'ikangnisaddhā, tanwĕnanglumampaḥ, mojar̀ikangnisaddhā, lingnya, tulusaknasiḥmitra, gandongtakutankawaśalumampaḥtayā. ginandongtikangniśaddhā, donikangwanari. marar̀yyantaringpathani, samipaninghawan. mojar̀tekang

Leaf 76

Image on Archive.org

[᭗᭖ 76B] ᭗᭖ ᬯᬦᬭᬶᬭᬶᬂᬳᬦᬓ᭄ᬦ᭄ᬬ᭟ᬗ᭄ᬓᬾᬢᬳᬦᬓᬸ᭞ᬧᬗ᭄ᬳᬾᬃᬮᬯᬦ᭄ᬦᬶᬰᬤ᭄ᬥᬵ᭞ᬯ᭄ᬯᬗᬢᬸᬳ᭄ᬯᬫᬸᬢ᭄ᬓᬳᬦᬓᬸ᭟ᬳᬓᬸᬳᬫᬾᬢᬯᭀᬄᬯᭀᬳᬦ᭄ᬢᬮᬯᬦ᭄‌ᬦᬶᬰᬤ᭄ᬥᬵ᭟ᬫᬗ᭄ᬓᬦᬮᬶᬂᬦᬶᬓᬂᬯᬦᬭᬶ᭟ᬮᬸᬗ᭄ᬳᬵᬢᬾᬓᬂᬯᬦᬭᬶ᭞ᬅᬫᬾ ᬢᬨᬮᬵ᭟ᬭᬶᬯᬸᬭᬶᬦᬶᬓᬂᬯᬦᬭᬶ᭞ᬫᬗᭂᬦᬵᬗᭂᬦ᭄‌ᬇᬓᬂᬦᬶᬰᬤ᭄ᬥᬵ᭞ᬭᬶᬤᬾᬦ᭄ᬬᬦ᭄‌ᬮᬧᬦ᭄ᬬ᭟ᬳᬾᬦᬓ᭄‌ᬗ᭄ᬕᬦ᭄ᬬᬳᬦ᭄ᬇᬓᬂᬯᬦᬭᬶᬧᬗᬦᭂᬦ᭄ᬓ᭄ᬯᬵ᭟ᬫᬗᭃᬦᬵᬗ᭄ᬳᭂᬦ᭄‌ᬫᬗ᭄ᬓᬦᬵ᭟ᬧᬶᬦᬢ᭄ᬬᬦ᭄ᬬᬵᬦᬓᬶᬓᬂᬯᬦᬭᬶ᭞ᬧᬶᬦᬕ ᬯᬬᬓᭂᬦᬸᬲ᭄ᬯᬦ᭄᭞ᬢᬶᬦᬸᬦᬸᬧ᭄ᬯᬬᬵ᭟ᬧᬶᬦᬗᬦ᭄ᬬᬢᬦ᭄ᬧᬳᬸᬬᬄ᭟ᬳᭂᬦ᭄ᬢᬶᬢᬦ᭄ᬧᬰᬾᬱᬵ᭟ᬮᬸᬗ᭄ᬳᬵᬢᬬᬫᬭᬶᬂᬢᬸᬬᬸᬳᬦ᭄᭞ᬇᬦᬶᬦᬸᬫᬦ᭄ᬬᬢ᭄ᬯᬓ᭄᭟ᬅᬢᬶᬲ᭄‌ᬫᬦᬄᬦ᭄ᬬ᭟ᬢᬥᬦᬦ᭄ᬢᬭᬥᬢᬂᬢᬾᬓᬂᬯᬦᬭᬶ᭞ᬫᭀ ᬮᬶᬲᬃᬯ᭄ᬯᬨᬮ᭞ᬯᬶᬦᬾᬄᬦ᭄ᬬᬦᬶᬓᬂᬦᬶᬰᬤ᭄ᬥᬵ᭟ᬫᬸᬮᬢ᭄‌ᬧ᭄ᬯᬾᬓᬂᬯᬦᬭᬶ᭞ᬢᬵᬦᬓ᭄ᬦ᭄ᬬᬢᬦ᭄ᬳᬦᬵ᭟ᬮᬶᬂᬦ᭄ᬬᬦ᭄ᬤᬶᬢᬧᬳᬸᬮᬸᬦᬦ᭄ᬢᬦᬶᬰᬤ᭄ᬥᬵ᭟ᬲᬸᬫᬳᬹᬃᬇᬓᬂᬦᬶᬰᬤ᭄ᬥᬵ᭟ᬢᬦ᭄ᬯ᭄ᬭᬸᬄᬗ᭄ᬳᬸᬮᬸᬦ᭄‌ᬫᬶᬢ᭄ᬭᬵ᭟ᬫᬦᬗᬶᬲ᭄ᬢᬬᬳᬢᬹ [᭗᭗ 77A] ᬢ᭄ᬪᬸᬭᬶᬓᬶᬢᬵ᭟ᬯ᭄ᬭᬸᬄᬧ᭄ᬯᬓᬂᬯᬦᬭᬶ᭞ᬬᬦ᭄ᬳᬦᬓ᭄ᬦ᭄ᬬᬧᬶᬦᬗᬦ᭄ᬤᬾᬦᬶᬓᬂᬦᬰᬤ᭄ᬥᬵ᭟ᬅᬧᬦ᭄ᬳᬦᬢᬸᬭᬄᬢᬸᬭᬄᬦᬶᬂᬯᬸᬮᬸᬦ᭄ᬬ᭞ᬫ᭄ᬯᬂᬳᬦᬦᬶᬂᬳᬧ᭄ᬯᬶ᭟ᬢᬣᬧᬶᬳᬸᬫ᭄ᬦᭂᬂᬚᬸᬕᬬᬵ᭟ᬅᬦ᭄ᬫᬗ᭄ᬓᬦᬧ᭄ᬯᬬᬵ᭞ᬫᭀᬚᬃᬇᬓᬂᬦᬶᬰᬤ᭄ᬥᬵ᭞ ᬮᬶᬂᬦ᭄ᬬ᭟ᬳᬋᬧ᭄‌ᬫᬦ᭄ᬢᬸᬓᬓᬫᬶᬫᬶᬢ᭄ᬭ᭟ᬲᬸᬫᬳᬹᬃᬇᬓᬂᬯᬦᬭᬶ᭟ᬦ᭄ᬤᬄᬦ᭄ᬤᬓ᭄‌ᬕᬡ᭄ᬥᭀᬂᬫᬶᬢ᭄ᬭ᭟ᬫᬗ᭄ᬓᬦᬮᬶᬂᬦ᭄ᬬ᭟ᬕᬶᬦᬦ᭄ᬤᭀᬂᬇᬓᬂᬦᬶᬰᬤ᭄ᬥᬵ᭞ᬫᬲᭀᬭᬾᬧ᭄ᬯᬭᬶᬓᬂᬯᬦ᭞ᬢ᭄ᬓᬢᬬᬵᬲᬫᬶᬧᬦᬶᬂᬳᬸᬫᬄᬦᬶᬓᬂᬦᬶᬰᬤ᭄ᬥᬵ᭞ ᬓᬧᬗ᭄ᬕᬶᬄᬢᬳᬯᬦ᭄ᬕᭃᬂ᭞ᬲᬶᬦᬮᬳᬓᭂᬦ᭄ᬢᬦᬶᬰᬤ᭄ᬥᬵ᭞ᬫᭀᬚᬃᬇᬓᬂᬯᬦᬭᬶ᭟ᬦ᭄ᬤᬄᬢᬲᬂᬦᬶᬰᬤ᭄ᬥ᭞ᬲᬤᭀᬱᬦᬶᬂᬳᬸᬮᬄᬓᬸᬫ᭄ᬯᬂᬳᬸᬚᬃᬫ᭄ᬫᬸ᭟ᬉᬧᬲᬫᬓ᭄ᬦᬦ᭄ᬢᬵᬢᬬᬵ᭞ᬳᬬ᭄ᬯᬓᬶᬢᬢᬸᬭᬶᬤ᭄ᬥᬓᭂᬦ᭄᭞ᬚᬢᬶᬦᬶᬂᬲᬦ ᬓ᭄ᬫᬗᬓᬦᬵ᭟ᬅᬧᬦ᭄ᬧᬥᬮᬭᬗ᭄ᬓᬸᬮᬯᬦ᭄ᬓᬶᬢᬵ᭞ᬍᬕᬵᬫ᭄ᬩᭂᬓ᭄ᬢᬵ᭟ᬢᬦ᭄ᬲᭀᬃᬧᬦᭀᬦ᭄‌ᬉᬚᬭᬧᬜ᭄ᬚᬂ᭟ᬓᬸᬦᭂᬂᬇᬓᬸᬂᬳᬧᬦ᭄ᬧᬋᬓ᭄‌ᬭ᭄ᬬᬸᬫᬄᬢ᭞ᬫᬗ᭄ᬓᬾᬳᬸᬮᬸᬦ᭄‌ᬫᬦ᭄ᬢᬸᬓᬵᬫᬗ᭄ᬓᬦᬵᬧᬫ᭄ᬯᬶᬢᬶᬓᬂᬯᬦᬭᬶ

Auto-transliteration

[76 76B] 76 wanariringhanaknya. ngketahanaku, pangher̀lawanniśaddhā, wwangatuhwamutkahanaku. hakuhametawoḥwohantalawanniśaddhā. mangkanalingnikangwanari. lunghātekangwanari, ame taphalā. riwurinikangwanari, mangĕnāngĕnikangniśaddhā, ridenyanlapanya. henakngganyahanikangwanaripanganĕnkwā. mangönānghĕnmangkanā. pinatyanyānakikangwanari, pinaga wayakĕnuswan, tinunupwayā. pinanganyatanpahuyaḥ. hĕntitanpaśesyā. lunghātayamaringtuyuhan, ininumanyatwak. atismanaḥnya. tadhanantaradhatangtekangwanari, mo lisar̀wwaphala, wineḥnyanikangniśaddhā. mulatpwekangwanari, tānaknyatanhanā. lingnyanditapahulunantaniśaddhā. sumahūr̀ikangniśaddhā. tanwruḥnghulunmitrā. manangistayahatū [77 77A] tbhurikitā. wruḥpwakangwanari, yanhanaknyapinangandenikangnaśaddhā. apanhanaturaḥturaḥningwulunya, mwanghananinghapwi. tathapihumnĕngjugayā. anmangkanapwayā, mojar̀ikangniśaddhā, lingnya. har̥ĕpmantukakamimitra. sumahūr̀ikangwanari. ndaḥndakgaṇdhongmitra. mangkanalingnya. ginandongikangniśaddhā, masorepwarikangwana, tkatayāsamipaninghumaḥnikangniśaddhā, kapanggiḥtahawan'göng, sinalahakĕntaniśaddhā, mojar̀ikangwanari. ndaḥtasangniśaddha, sadoṣaninghulaḥkumwanghujar̀mmu. upasamaknantātayā, haywakitaturiddhakĕn, jatiningsana kmangakanā. apanpadhalarangkulawankitā, l̥ĕgāmbĕktā. tansor̀panonujarapañjang. kunĕngikunghapanpar̥ĕkryumaḥta, mangkehulunmantukāmangkanāpamwitikangwanari

Leaf 77

Image on Archive.org

[᭗᭗ 77B] ᭗᭗ ᬭᬶᬲᬂᬦᬶᬰᬤ᭄ᬥᬵ᭞ᬫᬗ᭄ᬳᭂᬦᬵᬗᭂᬦ᭄ᬢᬦᬶᬰᬤ᭄ᬥᬵ᭟ᬅᬓᬸᬫᬮᬯᬲ᭄ᬮᬸᬗ᭄ᬳᬵ᭞ᬢᬦ᭄ᬳᬦᬳᬸᬮᬶᬄᬓᬸᬫᬺᬕ᭄ᬖᬵ᭞ᬫᬗ᭄ᬓᬦᬗ᭄ᬳᭂᬦᬵᬗ᭄ᬳᭂᬦ᭄ᬬ᭟ᬧᬶᬦ᭄ᬭᬂᬦ᭄ᬬᬢ᭄ᬗᬄᬦᬶᬓᬂᬯᬦᬭᬶ᭞ᬢ᭄ᬮᬲ᭄ᬢᬸᬕᭂᬮ᭄᭟ᬧᬶᬦᬶᬓᬸᬮ᭄ᬦ᭄ᬬᬢᬬᬾᬮᬭᬲ᭄‌ᬫᬸᬮᬶᬄᬢᬬᬵ᭟ᬭᬶᬧ᭄ᬚᬄ ᬦᬶᬓᬂᬯᬦᬭᬶ᭞ᬓᬢᭀᬦᬶᬓᬳᬸᬮᬄᬦ᭄ᬬᬤᬾᬪᬝᬭᬥᬃᬫ᭄ᬫ᭞ᬢᬸᬫᬸᬭᬸᬦᬶᬓᬂᬯᬶᬫᬦᬵ᭞ᬇᬦᬭᬳᬓᭂᬦ᭄ᬢᬶᬓᬂᬯᬶᬤ᭄ᬬᬥᬭᬯᬶᬤ᭄ᬬᬥᬭᬶ᭞ᬫᬗᬶᬕᭂᬮ᭄᭞ᬫᬦ᭄ᬬᬸᬧ᭄‌ᬲᬗ᭄ᬓᬵ᭞ᬫ᭄ᬯᬂᬕᬸᬧᬶᬢ᭄᭞ᬫᬗᬸᬤᬦᬓᭂᬦ᭄ᬓᭂᬫ᭄ᬩᬂ᭞ᬲᬳᬥᬹᬧᬥᬶᬧᬵ᭞ ᬳᬲᭂᬧ᭄ᬮᬯᬦ᭄ᬯᬗᬶᬯᬗᬶ᭟ᬅᬰ᭄ᬘᬃᬬ᭄ᬬᬥᬢᬗᬶᬂᬲ᭄ᬯᬃᬕ᭄ᬕ᭟ᬫᬧᬵᬳᬾᬢᬸᬦ᭄ᬬᬦ᭄ᬥᬢᬂᬪᬝᬭᬥᬃᬫ᭄ᬫ᭟ᬢᬸᬫᭀᬦᬶᬂᬳᬦ᭄ᬢᬃᬢᬸᬫᭀᬦᬶᬂᬳᬢ᭄ᬫᬦᬶᬂᬯᬦᬭᬶ᭞ᬲᬸᬤ᭄ᬥᬵᬤᬾᬦ᭄ᬬᬫᬗ᭄ᬳᭂᬦᬵᬗ᭄ᬳᭂᬦ᭄᭞ᬬᬢᬫᬢᬂᬦ᭄ᬬᬦ᭄ᬫᬮᬧ᭄‌ᬳᬢ᭄ᬫᬦᬶᬓᬂ ᬯᬦᬭᬶ᭟ᬇᬗᬡ᭄ᬥᭂᬮᬓᭂᬦᬶᬂᬯᬶᬫᬡᬵ᭟ᬫᬦᬸᬗ᭄ᬕᬂᬢᬬᬯᬶᬫᬡᬵ᭟ᬇᬓᬂᬯᬦᬭᬶᬫᬢ᭄ᬫᬳᬦ᭄‌ᬤᬾᬯᬢ᭄ᬣᬶᬓᬦ᭄ᬬᬓᬵ᭞ᬫᬋᬂᬥᬸᬫᬾᬄᬦ᭄ᬬᬫᬧᬸᬥᬸᬮᬯᬦᬦᬓ᭄ᬦ᭄ᬬ᭟ᬲᬥᬢᬂᬦ᭄ᬬᬂᬭᬶᬂᬲ᭄ᬯᬃᬕ᭄ᬕ᭞ᬫᭀᬚᬃᬢᬬᬵ᭠ [᭗᭘ 78A] ᬭᬶᬂᬪᬝᬭᬥᬃᬫ᭄ᬫᬵ᭟ᬮᬶᬂᬦ᭄ᬬ᭟ᬲᭀᬚᬃᬪᬝᬭ᭞ᬯᬦ᭄ᬢᭂᬦ᭄ᬯᬂᬲᬦᬓ᭄ᬳᬶᬗ᭄ᬳᬸᬮᬸᬦ᭄‌ᬫᬗᬭᬦ᭄‌ᬦᬶᬰᬤ᭄ᬥᬵ᭞ᬬᬦ᭄ᬬᬾᬕ᭄ᬬᬯᬯᬗ᭄ᬓᬾᬭᭀᬯᬗᬗ᭄ᬓ᭄ᬯᬲᬕᭀᬘᬭ᭟ᬲᬹᬫᬳᬹᬃᬪᬝᬭᬥᬃᬫ᭄ᬫᬵ᭟ᬅᬧᬤᭀᬦ᭄ᬢᬤᬾᬦᬶᬓᬵ᭟ᬑᬫ᭄᭞ᬯᬦᬭᬶ᭞ᬇᬓᬂᬗᬸ ᬮᬸᬦᬶᬂᬳᬯᬓ᭄ᬢᬗᬹᬦᬶ᭞ᬮᬯᬦ᭄ᬳᬦᬓ᭄ᬫᬸᬭᬶᬓᬵᬮᬫᬸᬯ᭄ᬭᬾ᭟ᬬᬢᬶᬓᬵᬢᬢᬓ᭄‌ᬓ᭄ᬦᬭᬶᬂᬲᬢᬳᬸᬦ᭄ᬬ᭟ᬫᬃᬬ᭄ᬬᬤᬾᬦ᭄ᬬᬫᬸᬓ᭄ᬢ᭄ᬬᬧᬧᬵᬧᬢᬓ᭟ᬳᬬᭀᬢᬾᬓᬳᬶᬦᬗ᭄ᬳᭂᬦᬗ᭄ᬳᭂᬦ᭄᭞ᬢᬸᬗ᭄ᬓᬸᬮᬶᬓᬲᬸᬓᬦ᭄ᬢᬵ᭟ᬫᬗ᭄ᬓᬦᭀᬚᬃᬪᬝᬭᬥᬃᬫ᭄ᬫ᭟᭠ ᬩ᭄ᬬᬢᬶᬢᬦᬶᬓᬂᬯᬦᬭᬶᬳᬦᬭᬶᬂᬲ᭄ᬯᬃᬕ᭄ᬕ᭟ᬢᬸᬘᬧᬦᬶᬓᬂᬦᬶᬰᬤ᭄ᬥᬵ᭞ᬫ᭄ᬯᬄ᭞ᬫᬭᬢᬬᬾᬂᬳᬮᬲ᭄ᬫᬩᬸᬭᬹᬩᬸᬭᬹ᭞ᬫ᭄ᬯᬄᬢᬬᬫᬗ᭄ᬕᬶᬄᬫᭀᬫᬸᬗ᭄ᬲᬶᬭᬶᬬᬗᬹᬦᬶ᭟ᬓᬢᭀᬦᬶᬓᬂᬫᭀᬂᬤᬾᬦ᭄ᬬ᭟ᬫᬮᬬᬹᬢᬬ᭞ᬫᭀᬚᬃᬇᬓᬂᬫᭀᬂᬫᬰ᭄ᬮᭀ ᬓᬵ᭟ᬫᬶᬢ᭄ᬭᬖ᭄ᬭᬫ᭄‌ᬩᬳᬦᬶᬲᬶᬢᬫ᭄᭞ᬦᬪᬓ᭄ᬢᬬᬶᬓᬢ᭄ᬯᬫ᭄‌ᬧᬾᬦᬫ᭄᭞ᬅᬰ᭄ᬘᬰᬶᬖ᭄ᬭᬫᬫᬩ᭄ᬭᬢᬄ......᭟ᬳᬾᬓᭀᬂᬦᬶᬰᬤ᭄ᬥᬵ᭞ᬢᬳᬓᬸᬫᬗᬦ᭄ᬭᬶᬓᬶᬢ᭞ᬅᬧᬦ᭄ᬓᬫᬸᬫᬶᬢ᭄ᬭᬤ᭄ᬭᭀᬳᬓᬵ᭞ᬫᬶᬮᬸᬧᬧᬵᬗ᭄ᬯᬂᬫᬗ

Auto-transliteration

[77 77B] 77 risangniśaddhā, manghĕnāngĕntaniśaddhā. akumalawaslunghā, tanhanahuliḥkumr̥ĕgghā, mangkananghĕnānghĕnya. pinrangnyatngaḥnikangwanari, tlastugĕl. pinikulnyatayelarasmuliḥtayā. ripjaḥ nikangwanari, katonikahulaḥnyadebhaṭaradhar̀mma, tumurunikangwimanā, inarahakĕntikangwidyadharawidyadhari, mangigĕl, manyupsangkā, mwanggupit, mangudanakĕnkĕmbang, sahadhūpadhipā, hasĕplawanwangiwangi. aścar̀yyadhatangingswar̀gga. mapāhetunyandhatangbhaṭaradhar̀mma. tumoninghantar̀tumoninghatmaningwanari, suddhādenyamanghĕnānghĕn, yatamatangnyanmalap'hatmanikang wanari. ingaṇdhĕlakĕningwimaṇā. manunggangtayawimaṇā. ikangwanarimatmahandewatthikanyakā, mar̥ĕngdhumeḥnyamapudhulawananaknya. sadhatangnyangringswar̀gga, mojar̀tayā‐ [78 78A] ringbhaṭaradhar̀mmā. lingnya. sojar̀bhaṭara, wantĕnwangsanak'hinghulunmangaranniśaddhā, yanyegyawawangkerowangangkwasagocara. sūmahūr̀bhaṭaradhar̀mmā. apadontadenikā. om, wanari, ikangngu luninghawaktangūni, lawanhanakmurikālamuwre. yatikātatakknaringsatahunya. mar̀yyadenyamuktyapapāpataka. hayotekahinanghĕnanghĕn, tungkulikasukantā. mangkanojar̀bhaṭaradhar̀mma. ‐ byatitanikangwanarihanaringswar̀gga. tucapanikangniśaddhā, mwaḥ, maratayenghalasmaburūburū, mwaḥtayamanggiḥmomungsiriyangūni. katonikangmongdenya. malayūtaya, mojar̀ikangmongmaślo kā. mitraghrambahanisitam, nabhaktayikatwampenam, aścaśighramamabrataḥ....... hekongniśaddhā, tahakumanganrikita, apankamumitradrohakā, milupapāngwangmanga

Leaf 78

Image on Archive.org

[᭗᭘ 78B] ᭗᭘ ᬦᬭᬶᬓᭀ᭟ᬫᬗ᭄ᬓᬦᬮᬶᬂᬦᬶᬓᬂᬫᭀᬂ᭞ᬢᬶᬦᭀᬦ᭄ᬤᬾᬪᬕᬯᬦ᭄ᬪᬲᬸᬩᬕᬳᬦ᭄ᬫᬕᬯᬾᬰ᭄ᬮᭀᬓᬵ᭟ᬢᬶᬃᬬ᭄ᬬᬓ᭄‌ᬬᭀᬦᬶᬲᬢᬾᬦᬧᬶ᭞ᬓᬺᬢᬖ᭄ᬦᭀᬧᬢᬶᬯ᭄ᬬᬢᬾ᭞ᬦᬶᬲᬥᬫ᭄‌ᬧᬧᬵᬲ᭄ᬬᬫᬶᬱ᭄ᬝᬵ᭞ᬯ᭄ᬬᬕ᭄ᬖᬺᬦᬧᬭᬶᬯᬃᬚ᭄ᬚᬢᬫ᭄᭟ᬅᬃᬣᬦ᭄ᬬ᭟ ᬇᬓᬂᬯ᭄ᬯᬂᬓᬺᬢ᭄ᬢᬖ᭄ᬦᬵ᭞ᬢᬦ᭄ᬳᬦᬲᬸᬤ᭄ᬥᬶᬇᬭᬶᬬᬵ᭟ᬢᬦ᭄ᬳᬦᬵᬋᬧ᭄‌ᬅᬫᬗᬦᬤᬕᬶᬂᬦ᭄ᬬ᭟ᬫᬗ᭄ᬓᬦᬢᬧᬧᬦᬶᬓᬂᬦᬶᬰᬤ᭄ᬥᬵᬗᬭᬦ᭄ᬬ᭟ᬬᬢᬓᬗ᭄ᬕᬶᬳᬤᬾᬗ᭄ᬓᬸ᭟ᬳᬦᬧᬥᬬᬦ᭄ᬢᬦ᭄ᬓᬧᬗ᭄ᬕᬶᬄᬳᬅᬦ᭄ᬢᬶᬕᬦ᭄ᬬᬸᬤᬾᬗ᭄ᬓᬸ᭟ᬫᬗ᭄ᬓᬦᬮᬶᬂᬦᬶ᭠ ᬓᬂᬢᬶᬦᬶᬮ᭄‌ᬮᬦᬂᬳᬗᬸᬘᬧᬶᬭᬩᬶᬦ᭄ᬬ᭞ᬉᬫᬭᬢᬬᬵᬭᬶᬂᬲᬂᬕᬭᬸᬥᬵ᭞ᬫᬦᭂᬫ᭄ᬩᬄᬲᬫ᭄ᬩᬶᬫᭀᬚᬃ᭟ᬲᭀᬚᬃᬲᬂᬧᬗᭂᬫ᭄ᬧ᭄ᬯᬦ᭄᭟ᬅᬦᬓ᭄ᬦᬶᬗ᭄ᬳᬸᬮᬸᬦ᭄ᬢᬦ᭄ᬧᬤᭀᬱ᭞ᬳᬶᬦᬮᬧ᭄‌ᬤᬾᬦᬶᬂᬲᬂᬳ᭄ᬬᬂᬢᬲᬶᬓ᭄᭟ᬬᬦᬸᬧᬫᬳᬕᬦ᭄ᬢ᭄ᬬ ᬦᬶᬗ᭄ᬳᬸᬮᬸᬦ᭄᭟ᬲᬸᬫᬳᬹᬃᬲᬂᬕᬭᬸᬥᬵ᭟ᬉᬫ᭄‌ᬗ᭄ᬳᬸᬮᬸᬦᬸᬫᬋᬓᬶᬂᬪᬝᬭᬯᬶᬱ᭄ᬡᬸ᭟ᬳᬸᬫᬢᬹᬃᬢᬲᬂᬕᬭᬸᬥᬭᬶᬂᬳ᭄ᬬᬂᬯᬶᬱ᭄ᬡᬸ᭞ᬮᬶᬂᬦ᭄ᬬ᭟ᬲᬚ᭄ᬜᬪᬝᬭᬵᬳᬯᬤ᭄ᬯᬦᬶᬗᬹᬦᬶᬧᬶᬦᬓᬗ᭄ᬳᬸᬮᬸᬦ᭄‌ᬢᬶᬦᬶᬮ᭄᭞ᬫᬓᬗᬭ [᭗᭙ 79A] ᬦ᭄‌ᬉᬢᬦᬧᬥ᭟ᬇᬦᬮᬧ᭄‌ᬳᬦᬓ᭄ᬦ᭄ᬬᬧ᭄ᬯᬂᬓᬸᬮᬸᬦ᭄ᬢᬦ᭄ᬧᬤᭀᬱ᭞ᬤᬾᬲᬗ᭄ᬳ᭄ᬬᬂᬢᬲᬶᬓ᭄᭟ᬬᬢᬇᬇᬦᬚᬶᬦᬶᬂᬧᬶᬦᬓᬗ᭄ᬳᬸᬮᬸᬦ᭄ᬭᬶᬪᬝᬭ᭟ᬫᬗ᭄ᬓᬦᬢᬳᬢᬹᬃᬭᬶᬂᬲᬂᬕᬭᬹᬥ᭟ᬧ᭄ᬭᬬᬢ᭄ᬦᬪᬝᬭ᭞ᬲᬶᬦ᭄ᬬᬗᬦᬶᬭᬢᬲᬂᬲᬸ ᬥᬃᬱᬡ᭞ᬮᬶᬂᬦᬶᬭᬵ᭟ᬳᬾᬅᬦᬓᬸᬲᬸᬥᬃᬱᬡ᭞ᬢ᭄ᬓᬓᭂᬦ᭄ᬯᬸᬯᬸᬲ᭄ᬓᬸᬭᬶᬲᬗ᭄ᬳ᭄ᬬᬂᬢᬲᬶᬓ᭄᭞ᬯᬾᬳᬓ᭄ᬦᬭᬓ᭄ᬯᬦᬓ᭄ᬦᬶᬂᬯᬤ᭄ᬯᬲᬂᬕᬭᬸᬤᬵ᭟ᬓᬸᬫ᭄ᬯᬮᬶᬗᬦ᭄ᬢᬵ᭟ᬲᬸᬫᬳᬹᬃᬲᬂᬲᬸᬥᬃᬱᬡᬵ᭞ᬮᬶᬂᬦ᭄ᬬ᭟ᬫᬦᭂᬫ᭄ᬩᬄᬗ᭄ᬳᬸᬮᬸᬦ᭄᭞ᬮᬸᬫᬭᬶᬲᬓ᭄ᬦᬵ ᬧᬗᬸᬢᬸᬲ᭄ᬪᬝᬭ᭟ᬮᬸᬗ᭄ᬳᬵᬲᬂᬲᬸᬥᬃᬱᬡᬳᬸᬫᬭᬾᬂᬲᬗ᭄ᬳ᭄ᬬᬂᬢᬲᬶᬓ᭄᭞ᬓᬸᬦᬂᬲᬗ᭄ᬳ᭄ᬬᬂᬢᬲᬶᬓ᭄‌ᬢᬸᬫᬓ᭄ᬯᬦ᭄ᬭᬶᬂᬲᬂᬲᬸᬥᬃᬱᬡ᭞ᬫᬲᬸᬂᬢᬲᬶᬭᬅᬃᬕ᭄ᬖ᭄ᬬᬧᬥ᭄ᬬᬘᬫᬦ᭄ᬬᬭᬶᬂᬲᬂᬲᬸᬤᬃᬱᬡ᭞ᬫᭀᬚᬃᬢᬲᬗ᭄ᬳ᭄ᬬᬂᬢᬲᬶᬓ᭄᭞ᬮᬶᬂᬦᬶᬭᬵ᭟ ᬰ᭄ᬯᬖᬢᬲᬂᬲᬸᬥᬃᬱᬡ᭟ᬅᬧᬬᬤᭀᬦ᭄ᬢᬤᬶᬗᬃᬬ᭄ᬬᬦ᭄‌ᬓᬶᬢᬫᬭᬗ᭄ᬓᬾ᭟ᬲᬸᬫᬳᬹᬃᬲᬂᬲᬸᬥᬃᬱᬡ᭟ᬇᬦᬸᬢᬸᬲ᭄ᬪᬝᬭᬯᬶᬱ᭄ᬡᬸᬧᬶᬦᬓᬗ᭄ᬳᬸᬮᬸᬦ᭄᭞ᬢᬸᬫ᭄ᬓᬓ᭄ᬦᬵᬲᬧᬗᬸᬢᬸᬲᬶᬭᬵ᭟ᬓᬸᬦᬂᬯ᭄ᬓᬲ᭄ᬪᬝᬭᬯᬶᬱ᭄ᬡᬸ᭞ᬓᬶᬢᬵᬭᬓ᭄ᬯᬢᬸ

Auto-transliteration

[78 78B] 78 nariko. mangkanalingnikangmong, tinondebhagawanbhasubagahanmagaweślokā. tir̀yyakyonisatenapi, kr̥ĕtaghnopatiwyate, nisadhampapāsyamiṣṭā, wyagghr̥ĕnapariwar̀jjatam. ar̀thanya. ikangwwangkr̥ĕttaghnā, tanhanasuddhi'iriyā. tanhanār̥ĕpamanganadagingnya. mangkanatapapanikangniśaddhāngaranya. yatakanggihadengku. hanapadhayantankapanggiḥha'antiganyudengku. mangkanalingni‐ kangtinillananghangucapirabinya, umaratayāringsanggarudhā, manĕmbaḥsambimojar̀. sojar̀sangpangĕmpwan. anakninghuluntanpadoṣa, hinalapdeningsanghyangtasik. yanupamahagantya ninghulun. sumahūr̀sanggarudhā. umnghulunumar̥ĕkingbhaṭarawiṣṇu. humatūr̀tasanggarudharinghyangwiṣṇu, lingnya. sajñabhaṭarāhawadwaningūnipinakanghuluntinil, makangara [79 79A] nutanapadha. inalap'hanaknyapwangkuluntanpadoṣa, desanghyangtasik. yata'i'inajiningpinakanghulunribhaṭara. mangkanatahatūr̀ringsanggarūdha. prayatnabhaṭara, sinyanganiratasangsu dhar̀ṣaṇa, lingnirā. he'anakusudhar̀ṣaṇa, tkakĕnwuwuskurisanghyangtasik, wehaknarakwanakningwadwasanggarudā. kumwalingantā. sumahūr̀sangsudhar̀ṣaṇā, lingnya. manĕmbaḥnghulun, lumarisaknā pangutusbhaṭara. lunghāsangsudhar̀ṣaṇahumarengsanghyangtasik, kunangsanghyangtasiktumakwanringsangsudhar̀ṣaṇa, masungtasira'ar̀gghyapadhyacamanyaringsangsudar̀ṣaṇa, mojar̀tasanghyangtasik, lingnirā. śwaghatasangsudhar̀ṣaṇa. apayadontadingar̀yyankitamarangke. sumahūr̀sangsudhar̀ṣaṇa. inutusbhaṭarawiṣṇupinakanghulun, tumkaknāsapangutusirā. kunangwkasbhaṭarawiṣṇu, kitārakwatu

Leaf 79

Image on Archive.org

[᭗᭙ 79B] ᭗᭙ ᬫ᭄ᬯᬦ᭄‌ᬅᬦᬓ᭄ᬯᬤ᭄ᬯᬲᬂᬕᬭᬸᬥ᭟ᬫᬗ᭄ᬓᬦᬯᬸᬯᬸᬲ᭄‌ᬲᬂᬲᬸᬥᬃᬱᬡᬵ᭞ᬳᬸᬫ᭄ᬯᬢᬶᬂᬪᬝᬭᬯᬶᬱ᭄ᬡᬸ᭞ᬪᬝᬭᬯᬶᬱ᭄ᬡᬸᬫᬲᬸᬂᬭᬶᬂᬲᬂᬕᬭᬸᬥ᭟ᬲᬂᬕᬭᬸᬥᬫᬯᬾᬄᬭᬶᬂᬲᬂᬢᬶᬦᬶᬮ᭄᭟ᬲᬸᬓᬢᬶᬓᬂᬢᬶᬦᬶᬮ᭄‌ᬯ᭄ᬓᬲᬦ᭄᭟ᬲᬸᬕ᭄ᬬᬦ᭄ᬫᬗ᭄ᬓᬦ᭟ᬢᬦ᭄ ᬳᬶᬢᬤᬸᬲᬂᬳᬸᬲ᭄ᬢ᭄ᬭᬵ᭟ᬮᬶᬂᬦᬶᬓᬂᬲᬶᬤ᭄ᬥᬃᬢᬓᬵ᭞ᬫᬗ᭄ᬓᬦᬵ᭟ᬲᬸᬫᬳᬹᬃᬇᬓᬂᬘᬶᬓᬵ᭟ᬅᬭᬾᬄᬲᬶᬂᬅᬧ᭠ᬦ᭄‌ᬳᬓ᭄ᬯᬾᬄᬲᬫᬶᬢ᭄ᬯᬦᬶᬓᬂᬢᬶᬦᬶᬮ᭄᭟ᬇᬓᬂᬉᬧ᭄ᬝ᭄ᬭᬧ᭄ᬯᬬᬢᬦ᭄ᬫᬗ᭄ᬓᬦᬵ᭟ᬬᭀᬕ᭄ᬬᬚᬸᬕᬵᬧᬗᬦ᭄ᬢᬶᬂᬅᬦ᭄ᬫᬗ᭄ᬓᬦᬮᬶᬂ ᬦᬶᬓᬂᬕᬕᬓ᭄᭞ᬓᬋᬗ᭄ᬳᬵᬤᬾᬦᬶᬓᬂᬲᬶᬗ᭄ᬳᬵ᭞ᬳᬾᬲᬂᬘᬢᬓᬵ᭞ᬅᬕᭃᬂᬭᬓ᭄ᬯᬧᬧᬦᬶᬂᬫᬶᬢ᭄ᬭᬤ᭄ᬭᭀᬳᬓᬵ᭟ᬲᬸᬫᬳᬹᬃᬇᬓᬂᬕᬕᬓ᭄᭟ᬳᬦᬳᬸᬧᬬᬗ᭄ᬓᬸ᭞ᬬᬢᬦ᭄ᬬᬦ᭄‌ᬢᬦ᭄ᬓᬢ᭄ᬓᬦᬭᬶᬂᬧᬧᬵ᭟ᬧᬗ᭄ᬳᬾᬃᬓᬶᬢᬲᬓᬋᬂ᭟ ᬬᬦ᭄ᬢᭂᬓᬧ᭄ᬯᬂᬳᬸᬲ᭄ᬢ᭄ᬭᬵ᭟ᬫᬭᬾᬂᬓᬶᬢᬵ᭞ᬳᬸᬮᬸᬦᬫᬮᬓ᭄ᬯᬧᬗᬦᭂᬦ᭄ᬢᬵ᭟ᬦ᭄ᬤᬳᬬ᭄ᬯᬢᬵᬓᬸᬧᬶᬦᬗᬦ᭄᭞ᬦ᭄ᬤᬬᬦ᭄ᬓᬸᬦᬂᬓᬧᬶᬢᬹᬢᬢᬂᬉᬱ᭄ᬝ᭄ᬭ᭞ᬫᬫᬮᬓᬸᬧᬶᬦᬗᬦ᭄᭞ᬲᬫᬗ᭄ᬓᬦᬢᬳᬬ᭄ᬯᬲ᭄ᬯᬾ᭟ᬫᬗ᭄ᬓᬦᬲᬬᬦ᭄ᬬ᭞ [᭘᭐ 80A] ᬢᬥᬦᬦ᭄ᬢᬭᬵ᭞ᬢ᭄ᬓᬢᬾᬓᬂᬉᬱ᭄ᬝ᭄ᬭᬵ᭟ᬫᭀᬚᬃᬢᬬᬵ᭞ᬢᬦ᭄ᬧᬦ᭄ᬢᬸᬓ᭄ᬦᬬᬓᬸᬫᬶᬢ᭄ᬭᬵ᭟ᬅᬧᬦ᭄ᬢᬦ᭄ᬯ᭄ᬭᬸᬄᬳᬓᬸᬓᬸᬫ᭄ᬦᬵᬬᬵ᭟ᬫᭀᬚᬃᬇᬓᬂᬲᬶᬗ᭄ᬳᬵ᭟ᬅᬧᬲᬶᬤᬾᬦ᭄ᬢᬦ᭄ᬢᬸᬓᬵ᭞ᬅᬧᬦ᭄ᬓᬶᬢᬢᬦ᭄ᬓᬯᬰᬵ᭟ᬫᭀᬚᬃᬇᬓᬂᬕᬕ ᬓ᭄‌ᬭᬶᬲᬶᬗ᭄ᬳᬵ᭟ᬳᬯ᭄ᬮᬲᬓᬸᬭᬶᬂᬓᬶᬢᬵ᭟ᬓᬶᬢᬧ᭄ᬭᬡᬦ᭄ᬢᬶᬓᬵ᭞ᬮᬸᬫᬾᬳᬮᬧᬵ᭟ᬓᬸᬦᬂᬬᬦ᭄ᬫᬗᬶᬦᬓᬦ᭞ᬰᬭᬶᬭᬦᬶᬗ᭄ᬳᬸᬮᬸᬦ᭄‌ᬧᬗᬦᭂᬦ᭄ᬓᭀ᭞ᬢᬢᬦ᭄ᬫᬳᬸᬭᬶᬧ᭄‌ᬓᬸ᭟ᬳᬕᭃᬂᬓᬧ᭄ᬯᬨᬮᬦᬶᬂᬫᬫᬸᬳᬭᬲᬸᬓᬦᬶᬂᬫᬶᬢ᭄ᬭᬵ᭟ ᬫᬗ᭄ᬓᬦᬉᬚᬃᬭᬶᬂᬕᬕᬓ᭄᭟ᬓᬧᬶᬢᬹᬢᬶᬓᬂᬚᬫ᭄ᬩᬸᬓᬵ᭞ᬫᬚᬃᬮᬶᬂᬦ᭄ᬬᬫᬫᬮᬓᬸᬧᬗᬦᭂᬦ᭄‌ᬫ᭄ᬯᬄ᭞ᬫᬗ᭄ᬓᬦᬇᬓᬂᬲᬶᬗ᭄ᬳᬵ᭞ᬫᭀᬚᬃᬢᬬᬭᬶᬂᬉᬱ᭄ᬝ᭄ᬭᬵ᭟ᬗ᭄ᬳᬸᬮᬸᬦ᭄ᬢᬧᬗᬦᭂᬦ᭄ᬭᬸᬫᬸᬳᬸᬦ᭄‌ᬫᬶᬢ᭄ᬭᬵ᭞ᬲᬨᬮᬢᬗ᭄ᬳᬸᬮᬸᬦᬾᬕᬸᬂ ᬳᬍᬫᬸ᭟ᬅᬦ᭄ᬫᬗ᭄ᬓᬦᬇᬓᬂᬲᬶᬗ᭄ᬳᬵ᭞ᬫᬸᬮᬢᬫᬸᬭᬶᬗᬂᬭᬶᬂᬭᭀᬯᬂᬦ᭄ᬬ᭟ᬫ᭄ᬢᬸᬓᬤᬸᬱ᭄ᬝᬦ᭄ᬬᬵ᭞ᬮᬸᬫᬸᬫ᭄ᬧᬢ᭄‌ᬬᬤᬸᬫᭂᬫᬓ᭄‌ᬕᬸᬮᬸᬦᬶᬓᬂᬉᬱ᭄ᬝ᭄ᬭᬵ᭞ᬧ᭄ᬚᬄᬇᬓᬂᬉᬱ᭄ᬝ᭄ᬭᬵ᭟ᬧᬶᬦᬗᬦ᭄ᬢᬬᬤᬾᬦᬶᬂᬲᬶᬗ᭄ᬳᬵ᭞ᬕᬕᬓ᭄᭞ᬳᬲᬸ᭟

Auto-transliteration

[79 79B] 79 mwananakwadwasanggarudha. mangkanawuwussangsudhar̀ṣaṇā, humwatingbhaṭarawiṣṇu, bhaṭarawiṣṇumasungringsanggarudha. sanggarudhamaweḥringsangtinil. sukatikangtinilwkasan. sugyanmangkana. tan hitadusanghustrā. lingnikangsiddhar̀takā, mangkanā. sumahūr̀ikangcikā. areḥsingapa‐nhakweḥsamitwanikangtinil. ikangupṭrapwayatanmangkanā. yogyajugāpangantinganmangkanaling nikanggagak, kar̥ĕnghādenikangsinghā, hesangcatakā, agöngrakwapapaningmitradrohakā. sumahūr̀ikanggagak. hanahupayangku, yatanyantankatkanaringpapā. pangher̀kitasakar̥ĕng. yantĕkapwanghustrā. marengkitā, hulunamalakwapanganĕntā. ndahaywatākupinangan, ndayankunangkapitūtatanguṣṭra, mamalakupinangan, samangkanatahaywaswe. mangkanasayanya, [80 80A] tadhanantarā, tkatekanguṣṭrā. mojar̀tayā, tanpantuknayakumitrā. apantanwruḥhakukumnāyā. mojar̀ikangsinghā. apasidentantukā, apankitatankawaśā. mojar̀ikanggaga krisinghā. hawlasakuringkitā. kitapraṇantikā, lumehalapā. kunangyanmanginakana, śariraninghulunpanganĕnko, tatanmahuripku. hagöngkapwaphalaningmamuharasukaningmitrā. mangkana'ujar̀ringgagak. kapitūtikangjambukā, majar̀lingnyamamalakupanganĕnmwaḥ, mangkana'ikangsinghā, mojar̀tayaringuṣṭrā. nghuluntapanganĕnrumuhunmitrā, saphalatanghulunegung hal̥ĕmu. anmangkana'ikangsinghā, mulatamuringangringrowangnya. mtukaduṣṭanyā, lumumpatyadumĕmakgulunikanguṣṭrā, pjaḥikanguṣṭrā. pinangantayadeningsinghā, gagak, hasu.

Leaf 80

Image on Archive.org

[᭘᭐ 80B] ᭘᭐ ᬳᭂᬦ᭄ᬢᬶᬢᬦ᭄ᬧᬰᬾᬱᬵ᭟ᬦᬳᬦ᭄ᬢᬶᬦᭀᬦ᭄ᬤᬾᬦ᭄ᬤᬾᬪᬕᬯᬦ᭄ᬪᬲᬸᬩᬕᬵᬦ᭄ᬫᬕᬯᬾᬰ᭄ᬮᭀᬓ᭟᭚ᬢᬦ᭄ᬋᬲᬫ᭄‌ᬧᬶᬡ᭄ᬥᬕᬓ᭄‌ᬲᬸᬤ᭄ᬭᬄ᭞ᬲᬫ᭄ᬯᬾᬫᬬᭀᬧᬥᬭᬶᬡᬄ᭞ᬓᬹᬃᬬ᭄ᬬᬤᭀᬱᬫᬦᭀᬲᬗ᭄ᬳᬶ᭞ᬲᬶᬗ᭄ᬳᬓᬓᬤᬬᭀᬬᬰᬵ᭟ ᬇᬓᬂᬧᬧᬓᬧᬕᭂᬳᬶᬧᬧᬵ᭞ᬫᬓᬶᬭᬓᬶᬭᬵᬲᭀᬮᬄᬩᬜ᭄ᬘᬡ᭟ᬕᬸᬫᬯᬾᬬᬓᭂᬦ᭄ᬤᭀᬱᬭᬶᬓᬵ᭞ᬭᬶᬢᬦ᭄ᬤᭀᬱᬭᬶᬓᬵ᭟ᬢᭀᬦᭂᬦ᭄‌ᬇᬓᬂᬲᬶᬗ᭄ᬳᬵ᭞ᬕᬕᬓ᭄‌ᬳᬲᬸ᭞ᬲᬸᬓᬵᬫᬗᬦᬸᬲ᭄ᬢ᭄ᬭ᭞ᬦᬳᬦ᭄‌ᬓᬺᬢᬖ᭄ᬦᬦᬶᬂᬲᬶᬗ᭄ᬳᬵ ᬫ᭄ᬯᬂᬓᬫᬶᬫᬶᬢ᭄ᬭᬵᬤ᭄ᬭᭀᬳᬓᬦ᭄ᬬᬵ᭟ᬫᬗ᭄ᬓᬦᬧᬯᬭᬄᬲᬂᬦᬡ᭄ᬥᬓᬵᬭᬶᬂᬳᬸᬮᬸᬦ᭄᭞ᬮᬶᬂᬦᬶᬲᬫ᭄ᬪᬤᬵᬫᬗ᭄ᬓᬦ᭟ᬫᬗ᭄ᬳᭂᬦᬵᬗᭂᬦ᭄ᬢᬲᬂᬘᬡ᭄ᬥᬧᬶᬗ᭄ᬕᬮᬵ᭞ᬮᬶᬂᬦ᭄ᬬ᭟ᬇᬓᬂᬦᬡ᭄ᬥᬓᬵᬢᬹᬢ᭄‌ᬢᬧᬦᬶᬂᬍᬫ᭄ᬪᬸᬓᬩᬾᬄ᭞ᬭᬓ᭄ᬯ ᬧᬋᬗ᭄ᬳᬵᬇᬫᬭᬶᬓᬵ᭟ᬅᬧᬢᬓᬯ᭄ᬦᬂᬳᬸᬫᬸᬚᬭᬓᭂᬦᬶᬓᬂᬢᬦ᭄ᬧᬭᬱᬵᬓᬋᬗ᭄ᬳᬵ᭟ᬢᬸᬳ᭄ᬯᬭᬶᬄᬯᬭᬯᬭᬄ᭞ᬦᬶᬓᬵᬓᬂᬲᬫ᭄ᬪᬥᬵ᭞ᬮᬶᬂᬦ᭄ᬬ᭟ᬅᬬ᭄ᬯᬫᬗ᭄ᬓᬦᬲᬂᬦᬡ᭄ᬥᬓᬵ᭟ᬓᬸᬦᬂᬭᬶᬗᬧᬵᬘᬮᬦᬦ᭄ᬬ᭟ [᭘᭑ 81A] ᬢᬸᬫᬸᬯᬸᬄᬲᬦ᭄ᬤᬾᬳᬦᬶᬂᬲᬶᬗ᭄ᬳᬵ᭞ᬭᬶᬲᬂᬲᬫ᭄ᬪᬥᬵ᭞ᬦᬡ᭄ᬥᬓᬵ᭟ᬤᬤᬶᬢᬫᭀᬚᬃ᭞ᬮᬶᬦ᭄ᬬ᭟ᬲᬤᬾᬦ᭄ᬬᬇᬓᬵ᭞ᬳᬧᬵᬓᬲᬗ᭄ᬰᬬᬭᬶᬓᬵ᭟ᬲᬸᬫᬳᬹᬃᬇᬓᬂᬲᬫ᭄ᬪᬥᬵ᭟ᬮᬶᬂᬦ᭄ᬬ᭟ᬳᬬ᭄ᬯᬫᬗ᭄ᬓᬦᬲᬂᬘᬡ᭄ᬥᬧᬶᬗ᭄ᬕᬮᬵ᭞ᬅ ᬧᬦᬓ᭄ᬯᬾᬄᬰᬓ᭄ᬢᬶᬅᬮᬄᬤᬾᬦᬶᬉᬧᬬᬵ᭞ᬢᭀᬦᭂᬦ᭄ᬢᬫᬗ᭄ᬓᬵ᭟ᬳᬦᬬᬮᬶᬫᬦ᭄‌ᬲ᭄ᬥᭂᬂᬫᬫᭂᬢ᭄ᬢᬵ᭞ᬅᬦ᭄ᬢ᭄ᬬᬦ᭄ᬢᬕᬮᬓ᭄ᬦ᭄ᬬ᭞ᬭᬶᬦᬸᬕ᭄ᬦ᭄ᬬᬢᬾᬓᬂᬓᬬᬸᬓᬬᬸᬭᬶᬂᬳᬮᬲ᭄᭟ᬳᬦᬢᬮᬯ᭄ᬯᬃᬫᬗᬦ᭄ᬢᬶᬕᬵᬭᬶᬂᬓᬬᬸᬢᬶ ᬩᬬᬳᬦ᭄ᬢᬶᬕᬦ᭄ᬬ᭞ᬧᬶᬦᬗᬦ᭄ᬢᬬᬤᬾᬦᬶᬂᬳᬮᬶᬫᬦ᭄᭞ᬫᬦᬗᬶᬲ᭄ᬢᬬᬵ᭞ᬢ᭄ᬳᭂᬃᬫᬚᬃᬳᬶᬚᬮᬸᬦ᭄ᬬ᭟ᬳᬶᬲᬂᬩᬧᬦ᭄ᬬ᭞ᬦᬶᬳᬦ᭄ᬱᬗ᭄ᬳᬵᬯᬸᬯᬸᬲ᭄ᬦᬶᬗ᭄ᬳᬸᬮᬸᬦ᭄᭞ᬫᬰ᭄ᬮᭀᬓᬵ᭚ᬰ᭄ᬭᬾᬬᭀᬦᬭᬲᬶᬬᬫᬭᬡᬫ᭄᭞ᬪᬶᬭᬾᬄᬰᬢ᭄ᬭᬸ ᬯᬡ᭄ᬥᬾᬭᬡᬾ᭞ᬓᬱ᭄ᬝᬲ᭄ᬬᬚᬶᬯᬶᬢᬥᬮᬫ᭄᭞ᬲ᭄ᬯᬧᬸᬢ᭄ᬭᬲ᭄ᬬᬯᬶᬦᬲᬓᬾᬄ᭟ᬓᬮᬶᬗᬦ᭄ᬬ᭟ᬓᬦ᭄ᬳᬦᬨᬮᬦᬶᬂᬉᬭᬶᬧ᭄ᬦᬶᬯ᭄ᬯᬂ᭞ᬅᬦ᭄ᬫᬢᬶᬅᬦᬓ᭄ᬦ᭄ᬬᬭᬩᬶᬦ᭄ᬬᬤᬾᬦᬶᬂᬫᬸᬲᬸᬄᬦ᭄ᬬ᭟ᬫᬢ᭄ᬬᬚᬸᬕᬓᬾᬦᬓᬦ᭄ᬬ᭟ᬫᬗ᭄ᬓᬦ

Auto-transliteration

[80 80B] 80 hĕntitanpaśesyā. nahantinondendebhagawanbhasubagānmagaweśloka. // tanr̥ĕsampiṇdhagaksudraḥ, samwemayopadhariṇaḥ, kūr̀yyadoṣamanosanghi, singhakakadayoyaśā. ikangpapakapagĕhipapā, makirakirāsolaḥbañcaṇa. gumaweyakĕndoṣarikā, ritandoṣarikā. tonĕnikangsinghā, gagak'hasu, sukāmanganustra, nahankr̥ĕtaghnaningsinghā mwangkamimitrādrohakanyā. mangkanapawaraḥsangnaṇdhakāringhulun, lingnisambhadāmangkana. manghĕnāngĕntasangcaṇdhapinggalā, lingnya. ikangnaṇdhakātūttapaningl̥ĕmbhukabeḥ, rakwa par̥ĕnghā'imarikā. apatakawnanghumujarakĕnikangtanparasyākar̥ĕnghā. tuhwariḥwarawaraḥ, nikākangsambhadhā, lingnya. aywamangkanasangnaṇdhakā. kunangringapācalananya. [81 81A] tumuwuḥsandehaningsinghā, risangsambhadhā, naṇdhakā. daditamojar̀, linya. sadenya'ikā, hapākasangśayarikā. sumahūr̀ikangsambhadhā. lingnya. haywamangkanasangcaṇdhapinggalā, a panakweḥśakti'alaḥdeni'upayā, tonĕntamangkā. hanayalimansdhĕngmamĕttā, antyantagalaknya, rinugnyatekangkayukayuringhalas. hanatalawwar̀mangantigāringkayuti bayahantiganya, pinangantayadeninghaliman, manangistayā, t'hĕr̀majar̀hijalunya. hisangbapanya, nihanṣanghāwuwusninghulun, maślokā // śreyonarasiyamaraṇam, bhireḥśatru waṇdheraṇe, kaṣṭasyajiwitadhalam, swaputrasyawinasakeḥ. kalinganya. kanhanaphalaninguripniwwang, anmati'anaknyarabinyadeningmusuḥnya. matyajugakenakanya. mangkana

Leaf 81

Image on Archive.org

[᭘᭑ 81B] ᭘᭑ ᬮᬶᬂᬦᬶᬂᬮᬭ᭄ᬯᬚᬮᬸᬦ᭄ᬬ᭟ᬲᬶᬦ᭄ᬬᬗᬦ᭄‌ᬢᬫᬶᬢ᭄ᬭᬦ᭄ᬬᬓᬩᬾᬄ᭟ᬢ᭄ᬓᬵᬢᬬᬵ᭟ᬓᬸᬦᬂᬮ᭄ᬯᬶᬃᬦ᭄ᬬ᭟ᬕᬕᬓ᭄᭞ᬧᬮᬝᬸᬓ᭄᭞ᬮᬍᬃᬯᬶᬮᬶᬲ᭄᭞ᬯ᭄ᬬᬸᬂ᭟ᬲᬫᬶᬯᬶᬦᬭᬳᬦ᭄ᬬᬢᬬᬵ᭞ᬬᬦ᭄ᬳᬦᬓ᭄ᬦ᭄ᬬᬫᬢᬶᬧᬶᬦᬗᬦᬶᬂᬮᬶᬫᬦ᭄᭟᭠ ᬳᬢ᭄ᬳᭂᬃᬫᬦᬗᬶᬲ᭄᭞ᬤᬤᬶᬫᭀᬚᬃᬇᬓᬂᬯ᭄ᬬᬸᬂ᭟ᬅᬬ᭄ᬯᬓᬶᬢᬮᬭᬵᬭᬶᬓᬧᬢ᭄ᬬᬦᬓ᭄ᬢ᭞ᬲᬸᬕ᭄ᬬᬦ᭄ᬓᬶᬢᬫᬶᬸᬓᬤᬶᬲᬗ᭄ᬳ᭄ᬬᬂᬇᬦ᭄ᬤ᭄ᬭᬫᬮᬭᬵᬭᬶᬓᬧᬢᬶᬦᬶᬂᬳᬢᬢ᭄᭞ᬓᬸᬦᬂᬤᬾᬬᬦ᭄ᬢᬓᬶᬭᬓᬶᬭᬓᬧᬢ᭄ᬬᬦᬶᬓᬂᬮᬶᬫᬦ᭄ ᭟ᬲᬸᬫᬳᬹᬃᬢᬫᬶᬢ᭄ᬭᬦ᭄ᬬᬓᬩᬾᬄ᭟ᬳᬧᬢᬮᬭᬲᬗ᭄ᬳ᭄ᬬᬂᬇᬦ᭄ᬤ᭄ᬭᬭᬶᬓᬧᬢᬶᬦᬶᬓᬂᬳᬢᬢ᭄᭞ᬲᬸᬫᬳᬹᬃᬇᬓᬂᬯ᭄ᬬᬸᬂᬫᬘᬭᬶᬢᬵ᭟ᬳᬦᬢᬬᬳᬢᬢ᭄᭟ᬳᬫᭂᬂᬳᬫᭂᬗᬦ᭄‌ᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭟ᬢᬦ᭄ᬳᬦᬓᬮᬸᬧᬸᬢ ᬦ᭄ᬬᬤᬾᬦ᭄ᬬᬗᬸᬘᬧᬸᬘᬧ᭄᭞ᬭᬶᬲᬃᬯ᭄ᬯᬪᬯᬵ᭟ᬓᬳᬥᬂᬲᬗ᭄ᬳ᭄ᬬᬂᬬᬫᬵᬫᬫᬭᬾᬂᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭟ᬫᬸᬮᬢᬶᬓᬂᬳᬢᬢ᭄‌ᬭᬶᬂᬳ᭄ᬬᬂᬬᬫᬵ᭟ᬫᬯ᭄ᬥᬶᬢᬬᬵ᭟ᬲᬸᬫᬸᬭᬸᬧ᭄‌ᬢᬬᬫᬭᬶᬂᬧᬮᬗ᭄ᬓᬵ᭟ᬢᬸᬫᭀᬦ᭄ᬧ᭄ᬯᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭞ [᭘᭒ 82A] ᬭᬶᬲ᭄ᬯᬪᬯᬦ᭄ᬬ᭟ᬳᬶᬦᬸᬚᬭᬦᬶᬭᬢᬂᬅᬢᬢ᭄‌ᬫᬢᬗ᭄ᬬᬦ᭄ᬫᬮᬬᬹ᭞ᬧᬭᬦ᭄ᬓᬯ᭄ᬥ᭄ᬬᬦ᭄ᬫᬸ᭞ᬲᬸᬫᬳᬹᬃᬇᬓᬂᬅᬢᬢ᭄᭟ᬅᬯ᭄ᬥᬶᬧ᭄ᬯᬗ᭄ᬳᬸᬮᬸᬦ᭄‌ᬭᬶᬂᬳ᭄ᬬᬂᬬᬫᬵ᭟ᬦ᭄ᬤᬦ᭄ᬮᭂᬯᬶᬄᬢᬓᬶᬭᬢᬓᬸᬢ᭄ᬫᬸᬭᬶᬳ᭄ᬬᬂᬬᬫᬵ᭞ᬫᬗ᭄ᬓᬵᬭᬶᬯ᭄ᬥᬶᬫᬸᬭ᭄ᬬᬓᬸ᭞ ᬲᬶᬦᬧᬦᬶᬭᬵᬢᬬ᭟ᬚᬄᬢᬱ᭄ᬫᬵᬢ᭄‌ᬫᬢ᭄ᬬᬓᭀᬅᬭᬄ᭟ᬥᬸᬫᬯᬸᬳᬭᬶᬂᬬᬫᬮᭀᬓᬵ᭟ᬭᬶᬲᬫᬗ᭄ᬓᬦᬯᬸᬯᬸᬲ᭄‌ᬲᬗ᭄ᬳ᭄ᬬᬂᬇᬦ᭄ᬤ᭄ᬭᬵ᭞ᬧ᭄ᬚᬄᬢᬾᬓᬂᬅᬢᬢ᭄᭟ᬭᬶᬯ᭄ᬓᬲᬦ᭄‌ᬢᬦ᭄ᬯᭂᬦᬂᬗ᭄ᬳᬸᬮᬸᬦᬸᬫᬸᬭᬶᬧᬓ᭄ᬦ᭟ᬓᬸᬦᬂ ᬓᬵᬮᬧᬭᬦᬦ᭄ᬢᬯ᭄ᬦᬂᬧ᭄ᬯᬲᬶᬭᬵᬳᬸᬫᬸᬭᬶᬧᬵᬓ᭄ᬓᬧᬢᬶ᭟ᬤᬤᬶᬢᬤᬸᬫᬸᬮᬃᬫᬭᬾᬂᬲᬗ᭄ᬳ᭄ᬬᬂᬓᬵᬮ᭞ᬫᬫᬮᬓᬸᬉᬭᬶᬧᬦᬶᬓᬂᬳᬢᬢ᭄᭟ᬓᬸᬦᬂᬲᬳᬹᬃᬲᬗ᭄ᬳ᭄ᬬᬂᬓᬮᬭᬶᬂᬳ᭄ᬬᬂᬇᬦ᭄ᬤ᭄ᬭ᭞ᬢᬦ᭄ᬯᭂᬦᬂᬳᬸᬮᬸᬦᬸᬫᬸᬭᬶᬧᬓ᭄ᬦᬵ᭞ ᬳᬧᬦ᭄ᬳᬸᬮᬸᬦ᭄ᬢᬦ᭄ᬭᬫᬦᬭᬶᬬᬵ᭞ᬢᬦ᭄ᬯ᭄ᬭᬸᬄᬗ᭄ᬳᬸᬮᬸᬦᬶᬂᬫᬢᬶ᭟ᬓᬸᬦᬂᬧ᭄ᬯᬧᬭᬦ᭄ᬢᬲᬂᬘᬶᬢ᭄ᬭᬕᬸᬧ᭄ᬢ᭟ᬧᬢᬓ᭄ᬦᬦ᭄ᬢᬉᬭᬶᬧᬦᬶᬓᬶᬂᬅᬢᬢ᭄᭟ᬅᬦ᭄ᬲᬭᬶᬓᬵᬯ᭄ᬭᬸᬄᬧᬭᬦᬶᬂᬫᬢᬶ᭟ᬭᬶᬤᬾᬦ᭄ᬬᬧᬶᬦᬓᬘᬶᬢ᭄ᬭᬮᭀ

Auto-transliteration

[81 81B] 81 lingninglarwajalunya. sinyangantamitranyakabeḥ. tkātayā. kunanglwir̀nya. gagak, palaṭuk, lal̥ĕr̀wilis, wyung. samiwinarahanyatayā, yanhanaknyamatipinanganingliman. ‐ hat'hĕr̀manangis, dadimojar̀ikangwyung. aywakitalarārikapatyanakta, sugyankitam̶kadisanghyangindramalarārikapatininghatat, kunangdeyantakirakirakapatyanikangliman . sumahūr̀tamitranyakabeḥ. hapatalarasanghyangindrarikapatinikanghatat, sumahūr̀ikangwyungmacaritā. hanatayahatat. hamĕnghamĕngansanghyangindra. tanhanakaluputa nyadenyangucapucap, risar̀wwabhawā. kahadhangsanghyangyamāmamarengsanghyangindra. mulatikanghatatringhyangyamā. mawdhitayā. sumuruptayamaringpalangkā. tumonpwasanghyangindra, [82 82A] riswabhawanya. hinujaraniratangatatmatangyanmalayū, parankawdhyanmu, sumahūr̀ikangatat. awdhipwanghulunringhyangyamā. ndanlĕwiḥtakiratakutmurihyangyamā, mangkāriwdhimuryaku, sinapanirātaya. jaḥtaṣmātmatyako'araḥ. dhumawuharingyamalokā. risamangkanawuwussanghyangindrā, pjaḥtekangatat. riwkasantanwĕnangnghulunumuripakna. kunang kālaparanantawnangpwasirāhumuripākkapati. daditadumular̀marengsanghyangkāla, mamalaku'uripanikanghatat. kunangsahūr̀sanghyangkalaringhyangindra, tanwĕnanghulunumuripaknā, hapanhuluntanramanariyā, tanwruḥnghuluningmati. kunangpwaparantasangcitragupta. pataknanta'uripanikingatat. ansarikāwruḥparaningmati. ridenyapinakacitralo

Leaf 82

Image on Archive.org

[᭘᭒ 82B] ᭘᭒ ᬓᬵ᭟ᬪᬝᬭᬯ᭄ᬭᬸᬄᬳᬶᬂᬫᬮ᭄ᬯᬂᬫᬢᬫ᭄ᬩᭂᬄᬳᬶᬚᬦ᭄ᬫᬵᬲᬭᬶᬲᬭᬶ᭞ᬫ᭄ᬯᬂᬯ᭄ᬭᬸᬄᬮᬯᬲ᭄ᬦ᭄ᬬᬳᬦᬭᬶᬂᬦᬭᬓᬮᭀᬓᬵᬫ᭄ᬯᬂᬭᬶᬂᬲ᭄ᬯᬃᬕ᭄ᬕᬮᭀᬓᬵ᭞ᬧᬥᬢᬶᬦᬫ᭄ᬧᬓ᭄ᬦᬶᬤᬾᬦ᭄ᬬ᭟ᬲᬶᬭᬢᬧᬭᬡᬦ᭄ᬢᬓᬮᬶᬄ᭟ᬢᬸᬫᬸᬢᬗ᭄ᬳᬸᬮᬸ᭠ ᬦ᭄᭟ᬫᬗ᭄ᬓᬦᬮᬶᬂᬲᬗ᭄ᬳ᭄ᬬᬂᬓᬵᬮ᭟ᬮᬸᬗ᭄ᬳᬵᬢᬲᬶᬭᬓᬢᬶᬕᬵᬫᬭᬾᬂᬓᬳᬦᬦ᭄‌ᬲᬂᬘᬶᬢ᭄ᬭᬕᬸᬧ᭄ᬝ᭟ᬓᬶᬦᭀᬦᬶᬭᬳᬸᬫᬸᬭᬧᬵᬓ᭄ᬦᬢᬢ᭄᭟ᬓᬸᬦᬂᬲᬗ᭄ᬕᬸᬧ᭄ᬲᬂᬘᬶᬢ᭄ᬭᬕᬸᬧ᭄ᬝᬵ᭟ᬢᬦ᭄ᬯ᭄ᬭᬸᬄᬗ᭄ᬳᬸᬮᬸᬦᬸᬫᬸᬭᬶᬧᬵ᭞ᬓ ᬬ᭟ᬓᬾᬯᬮ᭄ᬬᬓᬸᬯ᭄ᬭᬸᬄᬭᬶᬂᬲᬗ᭄ᬓᬦ᭄ᬧᬭᬦ᭄᭟ᬬᬢᬢᬶᬦᬸᬮᬶᬲᬓ᭄ᬦᬵᬗ᭄ᬳᬸᬮᬸᬦ᭄᭞ᬫ᭄ᬯᬂᬲᬸᬓᬤᬸᬄᬓᬦ᭄ᬬᬭᬶᬂᬇᬳᬢ᭄ᬭᬧᬭᬢ᭄ᬭ᭟ᬫᬗ᭄ᬓᬦᬧᬯ᭄ᬓᬲ᭄ᬪᬝᬭ᭟ᬓᬸᬦᬂᬇᬓᬂᬢ᭄ᬮᬲ᭄ᬫᬢᬶ᭞ᬫᬮᬸᬬᬵᬢᬉᬭᬶᬧᬵ᭞ᬢᬦ᭄ᬯᭂ᭠ ᬦᬂᬇᬓᬵ᭟ᬫᬗ᭄ᬓᬦᬮᬶᬂᬲᬂᬘᬶᬢ᭄ᬭᬕᬸᬧ᭄ᬢᬵ᭟ᬓᬾᬭᬗᬦ᭄ᬲᬗ᭄ᬳ᭄ᬬᬂᬇᬦ᭄ᬤ᭄ᬭᬢᬦ᭄ᬯᭂᬦᬂᬫᬫᬾᬢ᭄‌ᬉᬭᬶᬧ᭄ᬦᬶᬓᬂᬅᬢᬢ᭄᭟ᬭᬶᬯ᭄ᬓᬲᬦ᭄ᬫᬦ᭄ᬢᬸᬓ᭄‌ᬢᬲᬶᬭᬵ᭟ᬦᬳᬦ᭄ᬢᬶᬦᭀᬦ᭄‌ᬤᬾᬪᬕᬯᬦ᭄ᬪᬲᬸᬩᬕᬵᬦ᭄ᬫᬕᬯᬾ᭠ [᭘᭓ 83A] ᬬᬤᬰᬓ᭄ᬭᭀᬬᬫᬰ᭄ᬘᬾᬯᬵ᭞ᬓᬵᬮᬰ᭄ᬘᬪᬕᬯᬦ᭄ᬢᬣᬵ᭞ᬘᬶᬢ᭄ᬭᬕᬸᬧ᭄ᬢᬲᬫᬬᬦ᭄ᬢᬶ᭞ᬓᬤᬫ᭄‌ᬧᬶᬢᬺᬬᬢᬾᬲᬸᬓᬄ᭟ᬓᬮᬶᬗ᭄ᬳᬦ᭄ᬬᬲᬗ᭄ᬳ᭄ᬬᬂ᭟ᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭞ᬲᬗ᭄ᬳ᭄ᬬᬂᬬᬫᬵ᭞ᬲᬗ᭄ᬳ᭄ᬬᬂᬓᬮ᭟ᬫᬭᬾᬂᬲᬂᬘᬶᬢ᭄ᬭᬕᬸᬧ᭄ᬝᬵ᭞ᬉᬫᬾᬢᬸᬭᬶᬧᬶᬓᬂᬅ ᬢᬢ᭄᭟ᬢᬝᬧᬶᬢᬦ᭄ᬯᬮᬸᬬᬉᬭᬶᬧ᭄᭟ᬬᬢᬫᬢᬂᬦ᭄ᬬᬦ᭄‌ᬳᬬ᭄ᬯᬓᬶᬢᬓᬮᬭᬓᭂᬦ᭄‌ᬳᬶᬧᬢᬶ᭟ᬓᬸᬦᬂᬤᬾᬬᬦ᭄ᬢᬵᬓᬧᬢ᭄ᬬᬦᬶᬓᬂᬮᬶᬫᬦ᭄‌ᬚᬸᬕᬳᬸᬧᬬᬦ᭄ᬢᬵ᭟ᬬᬢᬵᬓᬶᬦᬩᬾᬳᬦ᭄᭞ᬫᬗ᭄ᬓᬦᬦᬶᬓᬂᬯ᭄ᬬᬸᬂ᭟ᬲᬸᬫᬳᬸᬃᬇᬓᬂ᭠ ᬕᬕᬓ᭄᭟ᬅᬬ᭄ᬯᬲᬗ᭄ᬰᬬᬓᬶᬢᬫᬶᬢ᭄ᬭ᭟ᬗ᭄ᬳᬸᬮᬸᬦ᭄ᬫᭀᬧᬬᬓᬧᬢ᭄ᬬᬦᬶᬓᬂᬮᬶᬫᬦ᭄᭟ᬓᬤᬶᬲᬂᬫ᭄ᬧ᭠ᬲ᭄ᬫᬗᬮᬳᬓᭂᬦ᭄ᬲᬂᬕᬭᬸᬥ᭟ᬲᬸᬫᬳᬹᬃᬫᬶᬢ᭄ᬭᬦ᭄ᬬᬓᬩᬾᬄ᭞ᬮᬶᬂᬦ᭄ᬬ᭟ᬫᬧᬓᬮᬄᬇᬲᬂᬕᬭᬸᬥᬤᬾᬦᬶᬂᬫ᭄ᬧᬲ᭄᭞ ᬲᬸᬫᬳᬹᬃᬇᬓᬂᬕᬕᬓ᭄᭟ᬦᬶᬳᬦ᭄‌ᬦ᭄ᬤᬓ᭄‌ᬧᬘᬭᬶᬢᬓᭂᬦ᭄᭟ᬳᬦᬬᬫ᭄ᬧᬲ᭄‌ᬫᬢᬸᬳᬵ᭟ᬯ᭄ᬭᬸᬳᬶᬂᬲᬧ᭄ᬤᬉᬧᬬᬵ᭟ᬇᬦᬚᬓ᭄ᬦ᭄ᬬᬭᭀᬯᬂᬦ᭄ᬬᬓᬩᬾᬄ᭞ᬫᭀᬚᬃᬢᬬᬵ᭞ᬳᬾᬓᬫᬸᬂᬧᬲ᭄ᬓᬩᬾᬄ᭞ᬅᬧᬢᬶᬓᬵᬳᬸ

Auto-transliteration

[82 82B] 82 kā. bhaṭarawruḥhingmalwangmatambĕḥhijanmāsarisari, mwangwruḥlawasnyahanaringnarakalokāmwangringswar̀ggalokā, padhatinampaknidenya. sirataparaṇantakaliḥ. tumutanghulu‐ n. mangkanalingsanghyangkāla. lunghātasirakatigāmarengkahanansangcitragupṭa. kinonirahumurapāknatat. kunangsanggupsangcitragupṭā. tanwruḥnghulunumuripā, ka ya. kewalyakuwruḥringsangkanparan. yatatinulisaknānghulun, mwangsukaduḥkanyaringihatraparatra. mangkanapawkasbhaṭara. kunangikangtlasmati, maluyāta'uripā, tanwĕ‐ nangikā. mangkanalingsangcitraguptā. kerangansanghyangindratanwĕnangmameturipnikangatat. riwkasanmantuktasirā. nahantinondebhagawanbhasubagānmagawe‐ [83 83A] yadaśakroyamaścewā, kālaścabhagawantathā, citraguptasamayanti, kadampitr̥ĕyatesukaḥ. kalinghanyasanghyang. sanghyangindra, sanghyangyamā, sanghyangkala. marengsangcitragupṭā, umeturipikanga tat. taṭapitanwaluya'urip. yatamatangnyanhaywakitakalarakĕnhipati. kunangdeyantākapatyanikanglimanjugahupayantā. yatākinabehan, mangkananikangwyung. sumahur̀ikang‐ gagak. aywasangśayakitamitra. nghulunmopayakapatyanikangliman. kadisangmpa‐smangalahakĕnsanggarudha. sumahūr̀mitranyakabeḥ, lingnya. mapakalaḥisanggarudhadeningmpas, sumahūr̀ikanggagak. nihanndakpacaritakĕn. hanayampasmatuhā. wruhingsapda'upayā. inajaknyarowangnyakabeḥ, mojar̀tayā, hekamungpaskabeḥ, apatikāhu

Leaf 83

Image on Archive.org

[᭘᭓ 83B] ᭘᭓ ᬧᬬᬦ᭄ᬢ᭟ᬬᬢᬦ᭄ᬬᬲᬂᬕᬭᬹᬥᬢᬦ᭄ᬧᬫᬗ᭄ᬰᬭᬶᬓᬶᬢᬵ᭟ᬲᬸᬫᬳᬹᬃᬇᬓᬂᬧᬲ᭄‌ᬓᬲᬶᬦᭀᬫᬦ᭄᭟ᬢᬦ᭄ᬯ᭄ᬭᬸᬄᬗ᭄ᬳᬸᬮᬸᬦ᭄ᬫᬫᬾᬢ᭄ᬳᬸᬧᬬᬵ᭟ᬲᬤᬾᬦ᭄ᬢᬚᬸᬕᬵᬢᬸᬫᬹᬤᬗ᭄ᬳᬸᬮᬸᬦ᭄᭞ᬓᬩᬾᬄ᭞ᬇᬓᬂᬲᬬᭀᬕ᭄ᬬᬗᭂᬦ᭠ ᬦᬶᬓᬶᬢᬵ᭞ᬤᬸᬫᬤ᭄ᬬᬓ᭄ᬦᬵᬓᬰ᭄ᬯᬱ᭄ᬝᬦᬶᬓᬂᬧᬲ᭄‌ᬓᬪᬬᬦ᭄᭟ᬭᬳᬬᬸᬯᬸᬯᬸᬲ᭄ᬢᬬᬦ᭄ᬫᬗ᭄ᬓᬦ᭟ᬳᬦᬳᬸᬧᬬᬦᬶᬗ᭄ᬳᬸᬮᬸᬦ᭄᭞ᬫᬦᭀᬳᬇᬭᬶᬓᬶᬢᬵ᭞ᬓᬩᬾᬄ᭟ᬦᬶᬳᬦ᭄ᬢᬂᬢᬗᭂᬦ᭄‌ᬳᬢᭀᬢᭀᬳᬦ᭄᭞ ᬲᬂᬕᬭᬸᬥ᭞ᬫᬕ᭄ᬮᬶᬲ᭄ᬕᭂᬮᬶᬲᬦ᭄ᬫᬦᭂᬩ᭄ᬭᬗᬶᬢ᭄‌ᬢᬲᬶᬓ᭄᭟ᬬᬦ᭄ᬳᬮᬄᬧ᭄ᬯᬓᬶᬢ᭞ᬢᬫ᭄ᬩᬾᬳᬦᬢᬥᬄᬲᬃᬕᬭᬹᬥᬵ᭟ᬅᬫ᭄ᬦᬂᬧ᭄ᬯᬓᬶᬢ᭞ᬫᬃᬬ᭄ᬬᬬᬓᬢᬥᬄᬲᬂᬕᬭᬹᬥ᭟ᬲᬸᬫᬳᬹᬃᬇᬓᬂᬧᬲ᭄ᬓᬓᬾᬄ᭟ᬅᬧᬤᬾᬬ᭠ ᬦ᭄ᬢ᭞ᬅᬢᭀᬢᭀᬳᬦᬮᬯᬦ᭄ᬲᬂᬕᬭᬹᬥᬓᬶᬢᬳᬦᬩ᭄ᬭᬂᬗᬾᬂᬲᬫᬸᬤ᭄ᬭᬵ᭟ᬢᬳᬵᬇᬓᬵ᭞ᬅᬧᬦ᭄ᬫᬳᬵᬰᬓ᭄ᬢᬶᬲᬂᬕᬭᬹᬥ᭞ᬯ᭄ᬦᬂᬕᬕᬡᬘᬭ᭞ᬦ᭄ᬤ᭄ᬬᬢᬵᬦᬸᬂᬫᬃᬕᬦ᭄ᬢᬯ᭄ᬦᬗᬵ᭟ᬲᬸᬫᬳᬹᬃᬇᬓᬂᬧᬲ᭄ [᭘᭔ 84A] ᬓᬪᬬᬦ᭄᭟ᬦᬶᬳᬦᬸᬧᬬᬗ᭄ᬓᬸ᭞ᬦ᭄ᬬᬢᬇᬓᬲᬂᬕᬭᬸᬥᬳᬮᬳᬤᬾᬦ᭄ᬢᬵ᭟ᬫᬢᬢᬓᬶᬢᬓᬩᬾᬄ᭞ᬭᬶᬤᬍᬫ᭄‌ᬳ᭄ᬯᬿ᭞ᬓᬲᭂᬗ᭄ᬓ᭄ᬯᬢᬾᬓᬂᬢᬲᬶᬓ᭄ᬤᬾᬦ᭄ᬢᬵ᭟ᬫᬯ᭄ᬓᬲᬦᬵᬢᭂᬫ᭄ᬩᬶᬂᬮᭀᬃ᭟ᬫᬲ᭄ᬬᬂᬲ᭄ᬬᬂᬧ᭄ᬯᬲᬂᬕᬭᬹᬥ᭞ᬲᬸᬫᬳᬹᬭᬢᬲᬓᬶᬂᬳᬋᬧ᭄ ᬧ᭄ᬲᬂᬭᬹᬥ᭟ᬓᬭᬹᬳᬹᬦᬢᬢᬸᬗ᭄ᬮᬮ᭄‌ᬢ᭄ᬓᬾᬂᬧᬶᬗ᭄ᬕᬶᬃ᭟ᬓᬢᭂᬫ᭄ᬯᬢᬤᬾᬲᬂᬕᬭᬹᬥ᭟ᬫᬗ᭄ᬓᬦᬢᬭᬱᬦᬶᬂᬧᬳᭂᬫ᭄‌ᬦᬶᬓᬂᬧᬲ᭄‌ᬓᬩᬾᬄ᭞ᬫᬢᬹᬢᬵᬮᬧ᭄‌ᬓ᭄ᬦᬦ᭄ᬬ᭟ᬫᬢᬢᬢᬬᬭᬶᬤᬍᬫ᭄‌ᬢᬲᬶᬓ᭄᭟ᬢᬤᬦᬦ᭄ᬢᬭᬢ᭄ᬓᬢᬲᬂᬕᬭᬹᬥ᭞ ᬫᬫᬮᬓᬸᬢᬥᬄ᭟ᬫᭀᬚᬃᬢᬾᬓᬂᬧᬲ᭄ᬓᬪᬬᬦ᭄᭟ᬫ᭄ᬦᬾᬳᬸᬮᬸᬦ᭄ᬫᬲᬸᬗ᭄ᬳᬵᬢᬥᬳᬵ᭞ᬮᬯᬦᬸᬮᬸᬦᬢᭀᬢᭀᬳᬦ᭄ᬲᬓᬋᬂ᭟ᬫᬦᬫ᭄ᬩᭂᬳᬦᬢᬥᬳᬦ᭄ᬢᬗ᭄ᬳᬸᬮᬸᬦ᭄‌ᬬᬦᬮᬄ᭟ᬬᬧ᭄ᬯᬦ᭄ᬓᬶᬢᬳᬮᬄ᭞ᬫᬃᬬ᭄ᬬᬓᬫᬶᬢᬥᬳᭂᬦ᭄ᬢᬵ ᬓᬢ᭄ᬓᬾᬂᬯᬾᬢ᭄ᬩᬾᬢ᭄‌ᬫᬫᬶᬓᬩᬾᬄ᭟ᬫᬗ᭄ᬓᬦᬮᬶᬂᬦᬶᬧᬲ᭄᭟ᬕᬸᬫᬸᬬᬸᬢᬲᬂᬕᬭᬹᬥ᭞ᬢ᭄ᬳᭂᬃᬫᭀᬚᬃ᭟ᬅᬮᬄᬲᬳᬶᬢ᭄ᬬᬦᬶᬓᬂᬧᬲ᭄‌ᬫᬫᭀᬚᬃᬅᬭᬄ᭞ᬭᬶᬯᭂᬦᬂᬢᬢᬸᬫᬦ᭄ᬢᬂᬅᬓᬸ᭟ᬫᬢᭀᬢᭀᬳᬦᬫᬗ᭄ᬓᬦᬓ᭄ᬭᬫᬦ᭄ᬬ᭟

Auto-transliteration

[83 83B] 83 payanta. yatanyasanggarūdhatanpamangśarikitā. sumahūr̀ikangpaskasinoman. tanwruḥnghulunmamet'hupayā. sadentajugātumūdanghulun, kabeḥ, ikangsayogyangĕna‐ nikitā, dumadyaknākaśwaṣṭanikangpaskabhayan. rahayuwuwustayanmangkana. hanahupayaninghulun, manoha'irikitā, kabeḥ. nihantangtangĕnhatotohan, sanggarudha, maglisgĕlisanmanĕbrangittasik. yanhalaḥpwakita, tambehanatadhaḥsar̀garūdhā. amnangpwakita, mar̀yyayakatadhaḥsanggarūdha. sumahūr̀ikangpaskakeḥ. apadeya‐ nta, atotohanalawansanggarūdhakitahanabrangngengsamudrā. tahā'ikā, apanmahāśaktisanggarūdha, wnanggagaṇacara, ndyatānungmar̀gantawnangā. sumahūr̀ikangpas [84 84A] kabhayan. nihanupayangku, nyata'ikasanggarudhahalahadentā. matatakitakabeḥ, ridal̥ĕmhwai, kasĕngkwatekangtasikdentā. mawkasanātĕmbinglor̀. masyangsyangpwasanggarūdha, sumahūratasakinghar̥ĕp psangrūdha. karūhūnatatunglaltkengpinggir̀. katĕmwatadesanggarūdha. mangkanataraṣaningpahĕmnikangpaskabeḥ, matūtālapknanya. matatatayaridal̥ĕmtasik. tadanantaratkatasanggarūdha, mamalakutadhaḥ. mojar̀tekangpaskabhayan. mnehulunmasunghātadhahā, lawanulunatotohansakar̥ĕng. manambĕhanatadhahantanghulunyanalaḥ. yapwankitahalaḥ, mar̀yyakamitadhahĕntā katkengwetbetmamikabeḥ. mangkanalingnipas. gumuyutasanggarūdha, t'hĕr̀mojar̀. alaḥsahityanikangpasmamojar̀araḥ, riwĕnangtatumantangaku. matotohanamangkanakramanya.

Leaf 84

Image on Archive.org

[᭘᭔ 84B] ᭘᭔ ᬭᬂᬓᬧᬢᬓᬶᬢᬫ᭄ᬦᬗᬵ᭟ᬫᬗ᭄ᬓᬦᬮᬶᬂᬲᬂᬕᬭᬹᬥᬵ᭟ᬮᬶᬦᬯᬦᬶᬭᬢᭀᬄᬢᭀᬳᬦ᭄᭟ᬫᬗ᭄ᬳᬵᬇᬓᬂᬧᬲ᭄᭟ᬢᬤᬦᬦ᭄ᬢᬭᬫᬗ᭄ᬮᬬᬂᬢᬲᬂᬕᬭᬹᬥ᭟ᬇᬓᬂᬧᬲ᭄‌ᬫ᭄ᬯᬄᬫᬢᬢᬫᬓᬇᬗᬦ᭄‌ᬧᬶᬗ᭄ᬕᬶᬭᬶᬂᬢᬲᬶᬓ᭄᭟ᬢ᭄ᬓᬢᬲᬂᬕᬭᬹᬥ ᬭᬶᬂᬫᬥ᭄ᬬᬦᬶᬂᬢᬲᬶᬓ᭄᭟ᬫᬲ᭄ᬬᬂᬲ᭄ᬬᬂᬢᬲᬶᬭᬵ᭟ᬳᬾᬓᭀᬧᬲ᭄᭟ᬫᬗ᭄ᬓᬦᬮᬶᬂᬦ᭄ᬬ᭟ᬲᬸᬫᬳᬹᬃᬇᬓᬂᬧᬲ᭄᭞ᬬᬅᬲᬶᬂᬓᬳᬋᬧ᭄ᬤᬾᬦ᭄ᬬᬚᬸᬕᬵ᭟ᬮᬶᬂᬦ᭄ᬬ᭟ᬅᬉᬫ᭄‌ᬓᬭᬶᬓᬶᬢᬲᬂᬕᬭᬹᬥ᭟ᬲᬸᬫᬳᬹᬃᬲᬂᬕᬭᬹᬥ᭟ᬉᬫ᭄‌ᬳᬕ᭄ᬮᬶᬲ᭄ᬤᬳ ᬢ᭄‌ᬓᭀᬇᬓᬶ᭟ᬅᬄᬳᬗ᭄ᬳᬾᬮᬓᬸᬫ᭄ᬦᬾ᭞ᬧᬶᬦᬄᬳᬩᬗᭂᬢ᭄‌ᬳᬶᬭᬵᬢᬤᬾᬦᬶᬭᬫᬗ᭄ᬮᬬᬂ᭞ᬯᬳᬸᬓᭀᬗᬂᬢ᭄ᬧᬶᬦᬶᬂᬢᬲᬶᬓ᭄ᬮᭀᬃ᭞ᬓᬢᭀᬦ᭄ᬢᬾᬓᬂᬧᬲ᭄‌ᬫᬗᬭᬶᬗᬭᬶᬂ᭞ᬫᭀᬚᬃᬢᬬᬾᬂᬲᬂᬕᬭᬹᬥ᭞ᬅᬲᭀᬯᬾᬗ᭄ᬳᬸᬮᬸᬦ᭄ ᬳ᭄ᬦᭂᬂᬓᬓᬶᬗᬦ᭄‌ᬳᬸᬃᬫᬾᬭᬓᭂᬦ᭄‌ᬓᬶᬢᬲᬂᬕᬭᬹᬥ᭟ᬫᭀᬚᬃᬲᬂᬕᬭᬹᬥ᭟ᬳᬰᬓ᭄ᬢᬶ᭟ᬭᬶᬂᬕ᭄ᬮᬶᬲ᭄ᬤᬳᬢ᭄‌ᬋᬩᬶᬓᭀ᭟ᬅᬮᬶᬦᬸᬳᬶᬓᬾᬩᬳᬸᬗ᭄ᬓᬸ᭞ᬢᬸᬫᬶᬭᬓᭂᬦ᭄‌ᬳ᭄ᬮᬃᬓᬸ᭞ᬅᬓᬸᬦᬶᬂᬧᬦᭀᬦ᭄ᬓᬸ᭟ᬫᭀᬚᬃᬢᬂᬧᬲ᭄᭟ᬫᬧᬵ [᭘᭕ 85B] ᬤᬾᬬᬦ᭄ᬢᬲᬂᬕᬭᬹᬥᬵ᭟ᬅᬮᬄᬧ᭄ᬯᬓᬶᬢᬤᬾᬦᬶᬗ᭄ᬳᬸᬮᬸᬦ᭄᭟ᬯ᭄ᬭᬸᬄᬢᬗ᭄ᬳᬮᬄᬲᬂᬕᬭᬹᬥᬵ᭟ᬫᬭᬶᬢᬾᬓᬂᬧᬲ᭄‌ᬓᬳᬭᬤᬾᬲᬂᬕᬭᬹᬥ᭞ᬬᬤ᭄ᬬᬧᬶᬓᬢ᭄ᬓᬫᬗ᭄ᬓᬾ᭟ᬫᬗ᭄ᬓᬦᬢᬳᬮᬄᬲᬂᬕᬭᬹᬥᬤᬾᬦᬶᬓᬂᬧᬲ᭄᭞ᬭᬶᬤᬾᬦ᭄ᬬᬦ᭄ᬢᬸᬓ᭄‌ᬓᬶ ᬭᬓᬶᬭᬦ᭄ᬬ᭟ᬦᬳᬦ᭄ᬢᬶᬦᭀᬦ᭄ᬤᬾᬪᬕᬯᬦ᭄ᬪᬲᬸᬩᬕᬵ᭞ᬫᬕᬯᬾᬰ᭄ᬮᭀᬓ᭞᭚ᬫᬤᬯᬄᬦᬶᬳᬶᬢᬲᬃᬯ᭄ᬯᬾ᭞ᬢᬾᬦ᭄ᬬᬾᬄᬦ᭄ᬬᬪᬕᬯᬢᭂᬦᬄ᭞ᬬᬬᬃᬲ᭄ᬬᬦ᭄ᬢᬶᬭᬡᬰᬢ᭄ᬭᬸᬦ᭄᭞ᬲᬸᬧᬃᬡ᭄ᬦᬫᬶᬯᬓᬘ᭄ᬘᬧᬄ᭟ᬓᬮᬶᬗᬦ᭄ᬬ᭟ᬇᬓᬂᬯ᭄ᬯᬂᬫᬦ᭄ᬢᬸᬓᬶ ᬭᬓᬶᬭᬦ᭄ᬬᬬᬩ᭄ᬭᬬᬵ᭞ᬅᬮᬄᬢᬾᬓᬫᬸᬲᬸᬄᬦ᭄ᬬ᭟ᬢᭀᬦᭂᬦ᭄ᬫᬗ᭄ᬓᬦᬧᬲ᭄᭟ᬦ᭄ᬤᬶᬦᭀᬦ᭄ᬧ᭄ᬯᬲᬂᬕᬭᬹᬥᬵ᭞ᬭᬶᬤᬾᬬᬦ᭄ᬬᬦ᭄ᬢᬸᬓ᭄‌ᬓᬶᬭᬓᬶᬭᬵ᭟ᬫᬗ᭄ᬓᬦᬮᬶᬂᬓᬂᬕᬕᬓ᭄᭟ᬲᬸᬫᬳᬹᬃᬇᬓᬂᬮᬍᬃᬯᬶᬮᬶᬲ᭄᭟ᬭᬳᬬᬸᬮᬶᬂᬢ᭞ ᬮᬸᬫ᭄ᬓᬲᬤᬸᬕᬓᬶᬢ᭞ᬫᬾᬢᬓᬧᬢ᭄ᬬᬦᬶᬂᬮᬶᬫᬦ᭄᭟ᬅᬧᬦ᭄‌ᬢᬦ᭄ᬲᬶᬤ᭄ᬥᬵᬇᬓᬂᬓᬃᬬ᭄ᬬᬬᬦ᭄ᬢᬦ᭄ᬲᬳᬍᬓᬲ᭄᭟ᬗᬹᬦᬶᬯᬾᬄᬭᬶᬢᬬᬦᬶᬂᬉᬧᬬ᭞ᬓᬤ᭄ᬬᬗ᭄ᬕᬦᬶᬓᬂᬲᬯᬭᬭᬵᬚ᭞ᬢᬲᬳᬍᬓᬲ᭄ᬦ᭄ᬬ᭞ᬢᬦ᭄ᬲᬶ

Auto-transliteration

[84 84B] 84 rangkapatakitamnangā. mangkanalingsanggarūdhā. linawaniratoḥtohan. manghā'ikangpas. tadanantaramanglayangtasanggarūdha. ikangpasmwaḥmatatamaka'inganpinggiringtasik. tkatasanggarūdha ringmadhyaningtasik. masyangsyangtasirā. hekopas. mangkanalingnya. sumahūr̀ikangpas, ya'asingkahar̥ĕpdenyajugā. lingnya. a'umkarikitasanggarūdha. sumahūr̀sanggarūdha. umhaglisdaha tko'iki. aḥhanghelakumne, pinaḥhabangĕt'hirātadeniramanglayang, wahukongangtpiningtasiklor̀, katontekangpasmangaringaring, mojar̀tayengsanggarūdha, asowenghulun hnĕngkakinganhur̀merakĕnkitasanggarūdha. mojar̀sanggarūdha. haśakti. ringglisdahatr̥ĕbiko. alinuhikebahungku, tumirakĕnhlar̀ku, akuningpanonku. mojar̀tangpas. mapā [85 85B] deyantasanggarūdhā. alaḥpwakitadeninghulun. wruḥtanghalaḥsanggarūdhā. maritekangpaskaharadesanggarūdha, yadyapikatkamangke. mangkanatahalaḥsanggarūdhadenikangpas, ridenyantukki rakiranya. nahantinondebhagawanbhasubagā, magaweśloka, // madawaḥnihitasar̀wwe, tenyeḥnyabhagawatĕnaḥ, yayar̀syantiraṇaśatrun, supar̀ṇnamiwakaccapaḥ. kalinganya. ikangwwangmantuki rakiranyayabrayā, alaḥtekamusuḥnya. tonĕnmangkanapas. ndinonpwasanggarūdhā, rideyanyantukkirakirā. mangkanalingkanggagak. sumahūr̀ikanglal̥ĕr̀wilis. rahayulingta, lumkasadugakita, metakapatyaningliman. apantansiddhā'ikangkar̀yyayantansahal̥ĕkas. ngūniweḥritayaningupaya, kadyangganikangsawararāja, tasahal̥ĕkasnya, tansi

Leaf 85

Image on Archive.org

[᭘᭕ 85B] ᭘᭕ ᬤ᭄ᬥᬵᬇᬓᬂᬲᬶᬦᬤ᭄ᬥ᭄ᬬᬦ᭄ᬬ᭟ᬲᬸᬫᬳᬹᬃᬫᬶᬢ᭄ᬭᬦ᭄ᬬᬓᬩᬾᬄ᭟ᬅᬧᬭᬦ᭄ᬢᬘᬭᬶᬢᬦᬶᬓᬂᬲᬯᬭᬭᬵᬚᬵ᭟ᬲᬸᬫᬳᬹᬃᬇᬓᬂᬮᬍᬃ᭟ᬳᬦᬲᬶᬭᬵᬩ᭄ᬭᬵᬳ᭄ᬫᬡᬵ᭟ᬫᬧᬭᬧᬭᬦ᭄᭟ᬓᬲ᭄ᬧᭂᬃᬢᬲᬶᬭᬭ᭄ᬬᬸᬫᬄᬦᬶᬓᬂᬲᬯᬭ᭟ᬲᬶᬭᬢᬪᬶᬦᭀ ᬚᬦᬵ᭟ᬅᬢ᭄ᬬᬦ᭄ᬢᬲᬸᬓᬦᬶᬭᬤᬾᬦᬶᬂᬧᬢ᭄ᬬᬦᬶᬂᬪᭀᬚᬦᬵᬦᬶᬭᬵ᭟ᬓᬢᭀᬦᬦ᭄ᬢᬲᬶᬭᬤᬾᬦᬶᬓᬂᬲᬯᬭᬭᬵᬚ᭟ᬅᬰ᭄ᬭᬃᬬ᭄ᬬᬢᬲᬶᬭᬢᬸᬫᭀᬦᬶᬂᬲᬶᬭᬪᭀᬚᬦ᭟ᬤᬤᬶᬢᬬᬵᬢᬓ᭄ᬯᬦ᭄‌‌᭞ᬮᬶᬂᬦ᭄ᬬ᭟ᬅᬧᬭᬓ᭄ᬯᬢᬶᬦᬥᬄᬫ᭄ᬧᬸᬥ ᬗ᭄ᬳ᭄ᬬᬂ᭟ᬫᬢᬗ᭄ᬳ᭄ᬬᬦ᭄ᬧᬢ᭄ᬬᬤᬳᬢ᭄‌ᬤᬾᬫ᭄ᬧᬸᬥᬗ᭄ᬳ᭄ᬬᬂᬫᬦᬥᬄ᭟ᬲᬸᬫᬳᬹᬃᬲᬂᬩ᭄ᬭᬳ᭄ᬫᬵᬡ᭞ᬫᬶᬜᬓᬶᬓᬪᬶᬦᭀᬚᬦᬦᬶᬗ᭄ᬳᬸᬮᬸᬦ᭄᭟ᬲᬸᬫᬳᬹᬃᬇᬓᬂᬲᬯᬭᬵᬚᬵ᭟ᬫᬧᬭᬱᬦᬶᬓᬧᬸᬓᬸᬮᬸᬦ᭄᭟ᬲᬸᬫᬳᬹᬃᬲᬂᬩ᭄ᬭᬳ᭄ᬫᬵᬡ᭟ᬦ᭄ᬤᬄ ᬫᬄᬲᬶᬓᬶᬫᬶᬜᬓᬶᬂᬲᬧᬶᬬᬦ᭄ᬓᬶᬢᬵᬋᬧ᭄‌ᬯ᭄ᬭᬸᬳᬭᬱᬦ᭄ᬬ᭟ᬤᬤᬶᬢᬓᬫᬶᬫᬶᬜᬫᬶᬫᬶᬜᬓ᭄ᬧᭂᬳᬦ᭄᭞ᬓᬾᬦᬓᬦ᭄ᬢᬬᬵ᭟ᬢᬸᬫᬓ᭄ᬯᬦ᭄ᬢᬬᬾᬂᬲᬂᬩ᭄ᬭᬳ᭄ᬫᬡ᭟ᬦ᭄ᬤᬶᬧᭀᬲᬶᬓᬡ᭄ᬥᬦ᭄ᬬᬇᬓᬂᬫᬶᬜᬓ᭄᭟ᬲᬸᬫᬳᬹᬃᬲᬂᬩ᭄ᬭ [᭘᭖ 86A] ᬳ᭄ᬫᬵᬡ᭟ᬇᬓᬂᬍᬫ᭄ᬩᬸᬧᭀᬮᬶᬳᬦ᭄ᬫᬫᬶ᭟ᬲᬫᬗ᭄ᬓᬦᬇᬓᬂᬲᬯᬭᬭᬵᬚ᭞ᬫᬶᬦ᭄ᬢᬵᬲᬶᬄᬳᬶᬂᬩ᭄ᬭᬵᬳ᭄ᬫᬡᬫᬢᬸᬫ᭄ᬩᬲᬇᬓᬂᬖᭀᬄᬲᬶᬗᬓᭂᬦᬶᬭᬵ᭞ᬇᬓᬂᬍᬫ᭄ᬩᬸ᭟ᬓᬸᬦᬂᬲᬂᬩ᭄ᬭᬳ᭄ᬫᬵᬡ᭞ᬮᬸᬗ᭄ᬳᬵᬲᬶᬭᬵ᭟ᬭᬶᬳᬸᬭᬶᬦᬶᬭᬫᬳᬋᬧ᭄‌ᬢᬶᬓᬂᬲ ᬯᬭᬭᬵᬚᬧᭂᬳᬦ᭄᭟ᬧᬶᬦᬹᬚᬦ᭄ᬬᬇᬓᬂᬍᬫ᭄ᬩᬸᬭᬶᬧᬜ᭄ᬘᭀᬧᬘᬭᬵ᭞ᬲᬳᬵᬥᬸᬥᬶᬧᬵ᭞ᬢ᭄ᬳᭂᬃᬢᬬᬫᭀᬚᬃ᭞ᬇᬓᬂᬲᬯᬭᬭᬵᬚ᭟ᬳᬾᬓᬫᬸᬂᬍᬫ᭄ᬩᬸ᭞ᬦ᭄ᬤᬄᬯᬾᬳᬶᬓᬫᬶᬕᬺᬢᬧᬢᬧᭂᬳᬦ᭄ᬭᬶᬓᬶᬢᬵ᭟ᬲᬸᬗᬦᬗ᭄ᬳᬸᬮᬸᬦ᭄ᬲᬲᬸᬓᬢ᭄᭞ᬲᬭ᭠ ᬯ᭄ᬬᬦ᭄᭞ᬫ᭄ᬯᬂᬲᬧᬗᬬ᭄ᬯᬦ᭄᭟ᬅᬬ᭄ᬯᬲᭀᬯᬾ᭟ᬫᬗ᭄ᬓᬦᬮᬶᬂᬦᬶᬓᬂᬲᬯᬭᬭᬵᬚ᭟ᬅᬧᬦ᭄ᬢᬦ᭄ᬧᬶᬦᭂᬄᬤᬾᬦ᭄ᬬ᭞ᬢᬦ᭄‌ᬲᬶᬤ᭄ᬥᬵᬇᬓᬵᬯᬶᬚᬶᬮ᭄‌ᬬᬦ᭄ᬢᬦ᭄ᬳᬦᬍᬓᬲ᭄ᬦ᭄ᬬ᭟ᬦᬳᬦ᭄ᬢᬶᬦᭀᬦ᭄ᬤᬾᬪᬕᬯᬦ᭄ᬪᬲᬸᬩᬕᬳᬦ᭄ᬫᬕᬯᬾᬰ᭄ᬮᭀᬓᬵ᭟ᬅᬓ᭄ᬭᬶᬬᬵ ᬚᬦᬸᬧᬬᭀᬦ᭞ᬓᬃᬬ᭄ᬬᬭᬫ᭄ᬩᭀᬦᬚᬬᬤᬾ᭞ᬤᬤᬶᬲᬧᬶᬄᬧᬬᭀᬢᬬᬾ᭞ᬕᬡ᭄ᬥᬫᬮ᭄ᬬᬦᬖᭀᬃᬬ᭄ᬬᬢᬾ᭟ᬓᬮᬶᬗᬦ᭄ᬬ᭟ᬢᬦ᭄ᬤᬤᬶᬇᬓᬂᬓᬃᬬ᭄ᬬᬬᬦ᭄ᬢᬦ᭄ᬧᬲᬥᬦᬂᬓ᭄ᬭᬶᬬᬵ᭞ᬫ᭄ᬯᬗᬸᬧᬬᬵ᭞ᬫᬓᬤᬶᬍᬓ᭞ᬓᬤ᭄ᬬᬗ᭄ᬕᬦᬶᬓᬂ

Auto-transliteration

[85 85B] 85 ddhā'ikangsinaddhyanya. sumahūr̀mitranyakabeḥ. aparantacaritanikangsawararājā. sumahūr̀ikanglal̥ĕr̀. hanasirābrāhmaṇā. maparaparan. kaspĕr̀tasiraryumaḥnikangsawara. siratabhino janā. atyantasukaniradeningpatyaningbhojanānirā. katonantasiradenikangsawararāja. aśrar̀yyatasiratumoningsirabhojana. daditayātakwan, lingnya. aparakwatinadhaḥmpudha nghyang. matanghyanpatyadahatdempudhanghyangmanadhaḥ. sumahūr̀sangbrahmāṇa, miñakikabhinojananinghulun. sumahūr̀ikangsawarājā. maparaṣanikapukulun. sumahūr̀sangbrahmāṇa. ndaḥ maḥsikimiñakingsapiyankitār̥ĕpwruharaṣanya. daditakamimiñamimiñakpĕhan, kenakantayā. tumakwantayengsangbrahmaṇa. ndiposikaṇdhanya'ikangmiñak. sumahūr̀sangbra [86 86A] hmāṇa. ikangl̥ĕmbupolihanmami. samangkana'ikangsawararāja, mintāsiḥhingbrāhmaṇamatumbasa'ikangghoḥsingakĕnirā, ikangl̥ĕmbu. kunangsangbrahmāṇa, lunghāsirā. rihuriniramahar̥ĕptikangsa wararājapĕhan. pinūjanya'ikangl̥ĕmburipañcopacarā, sahādhudhipā, t'hĕr̀tayamojar̀, ikangsawararāja. hekamungl̥ĕmbu, ndaḥwehikamigr̥ĕtapatapĕhanrikitā. sungananghulunsasukat, sara‐ wyan, mwangsapangaywan. aywasowe. mangkanalingnikangsawararāja. apantanpinĕḥdenya, tansiddhā'ikāwijilyantanhanal̥ĕkasnya. nahantinondebhagawanbhasubagahanmagaweślokā. akriyā janupayona, kar̀yyarambonajayade, dadisapiḥpayotaye, gaṇdhamalyanaghor̀yyate. kalinganya. tandadi'ikangkar̀yyayantanpasadhanangkriyā, mwangupayā, makadil̥ĕka, kadyangganikang

Leaf 86

Image on Archive.org

[᭘᭖ 86B] ᭘᭖ ᬲᬯᬭᬭᬵᬚ᭟ᬫᬳ᭄ᬬᬸᬦ᭄ᬧᭂᬳᬦ᭄ᬢᬦ᭄ᬲᬶᬤ᭄ᬥᬵᬤᬾᬦ᭄ᬬ᭞ᬅᬦ᭄ᬧᬓᬲᬥᬦᬂᬕᬡ᭄ᬥᬵᬫᬮ᭄ᬬᬵ᭞ᬬᬢᬧᭂᬳᬦ᭄‌ᬚᬸᬕᬬᬵ᭟ᬫᬗ᭄ᬓᬦᬮᬶᬂᬦᬶᬓᬂᬮᬍᬃᬯᬶᬮᬶᬲ᭄᭟ᬲᬸᬫᬳᬹᬃᬢᬶᬓᬂᬧᬮᬝᬸᬓ᭄᭟ᬭᬳᬬᬸᬮᬶᬂᬢᬬᬦ᭄ᬫᬗ᭄ᬓᬦᬵ᭟ᬦᬳᬦᬸᬧ ᬬᬦ᭄ᬢᬤᬾᬦ᭄ᬓᬤᬶᬤᬾᬦ᭄ᬢᬗᬮᬳᬓᭂᬦᬶᬓᬂᬫᭀᬂ᭟ᬲᬸᬫᬳᬹᬃᬫᬶᬢ᭄ᬭᬦ᭄ᬬᬓᬩᬾᬄ᭟ᬫᬧᬓᬮᬄᬇᬓᬂᬫᭀᬂᬤᬾᬦ᭄ᬢ᭟ᬲᬸᬫᬳᬹᬃᬇᬓᬂᬧᬮᬝᬸᬓ᭄᭟ᬦᬶᬳᬦ᭄᭟ᬳᬦᬢᬬᬫᭀᬂᬫᬫᬗᬦ᭄‌ᬓ᭄ᬦᬲ᭄᭟ᬓᬲᬸᬮᬶᬢᬦ᭄ᬢᬬᬢᬳᬸᬮᬦ᭄᭞ ᬕ᭄ᬮᬦᬢᬬᬮᬭᬵ᭟ᬫᬚᬃᬢᬓ᭄ᬯᬷᬭᬶᬬᬵ᭟ᬫᬢ᭄ᬭᬫᬧᬮᬭᬦ᭄ᬢᬵ᭟ᬲᬸᬫᬳᬹᬃᬢᬬ᭟ᬓᬲᬸᬮᬶᬢᬦ᭄ᬢᬳᬸᬮᬦ᭄ᬗᬸᬮᬸᬦ᭄᭟ᬧᬭᬦ᭄ᬢᬧᬲᬸᬗᬦᬢᬬᬦ᭄ᬳᬦᬯ᭄ᬦᬂᬳᬸᬫᬮᬧᬵᬦ᭟ᬲᬸᬫᬳᬹᬃᬢᬬ᭟ᬯᬾᬳᬦᬅᬢᬶᬦᬶᬂᬰᬰᬓᬫᬸ᭟ᬫ ᬗ᭄ᬓᬦᬧᬶᬦᬢᬸᬓ᭄ᬦ᭄ᬬᬓᬸᬢᬬᬲᬸᬮᬶᬢ᭄ᬦ᭄ᬬ᭟ᬭᬶᬯ᭄ᬓᬲᬦᬶᬮᬂᬢᬬᬤᬾᬗ᭄ᬓᬸ᭟ᬭᬶᬂᬅᬧᬬᬦ᭞ᬫᬭᬢᬬᬵ᭟ᬢᬶᬦᭀᬦ᭄ᬓᬸᬢᬫᬗᬦ᭄‌ᬰᬰᬵ᭞ᬇᬦᬸᬚᬭᬦ᭄‌ᬫᬫᬶ᭟ᬳᬾᬫᬶᬢ᭄ᬭᬢᬦ᭄ᬲᭂᬗ᭄ᬕᬳᭂᬦ᭄ᬫᬫᬶᬫᬦᬕᬶᬳᬓᭂᬦ᭄‌ᬯᬸᬯᬸᬲ᭄ᬢᬾᬂ [᭘᭗ 87A] ᬗ᭄ᬳᬸᬮᬸᬦ᭄᭟ᬗᬹᬦᬶᬭᬶᬓᬵᬮᬦ᭄ᬢᬓᬲᬸᬮᬶᬢᭂ᭞ᬢᬦ᭄ᬳᬦᬳᬸᬫᬮᬧᬦᬵ᭟ᬗ᭄ᬳᬸᬮᬸᬦᬸᬫᬮᬧᬶ᭞ᬳᬦᭂᬗ᭄ᬕᬸᬄᬯᬾᬄᬳᬢᬶᬦᬶᬂᬰᬰᬓᬶᬢᬾᬗ᭄ᬳᬸᬮᬸᬦ᭄᭟ᬫᬗ᭄ᬓᬾᬢᬸᬳᭀᬓᭂᬦ᭄ᬤᬾᬦ᭄ᬢᬵ᭞ᬳᬮᬧᬵᬢᬵᬓᬸ᭟ᬲᬸᬫᬳᬹᬃᬇᬓᬂᬫᭀᬂᬫᬰ᭄ᬮᭀᬓ᭟ᬅᬄ ᬅᬫᬾᬰᬸᬫ᭄ᬭᬕ᭄ᬖᬅᬭᬄ᭞ᬧ᭄ᬭᬪᬸᬰ᭄ᬘᬫᬦᬫᬚᬶᬦᬫ᭄᭞ᬫᬤ᭄ᬥ᭄ᬭᬱ᭄ᬝᬭᬡᬶᬫᬹᬃᬓ᭄ᬓ᭞ᬓᬶᬢᬦᬦᬩᬳᬸᬫᬦ᭄‌ᬬᬬᬵ᭟ᬓᬮᬶᬗᬦ᭄ᬬ᭟ᬯᬸᬯᬸᬲ᭄ᬦᬶᬓᬂᬫᭀᬂ᭟ᬲᬮᬄᬇᬥᭂᬧ᭄‌ᬓᬦ᭄ᬬᬸ᭟ᬲᬸᬕ᭄ᬬᬦ᭄ᬓᬫᬸᬢᬦ᭄ᬯ᭄ᬭᬸᬄᬳᬓᬸᬯᬶᬰᬾᬱ᭞ᬫᬸᬗ᭄ᬕ᭄ᬯᬶᬓᬾᬂᬳᬮᬲ᭄᭟ᬫ ᬫᬗᬦ᭄ᬲᬢ᭄ᬯᬚᬢᬶᬗ᭄ᬓᬸ᭟ᬢᬦᭂᬫ᭄ᬯᬓᬦ᭄ᬬᬢᬦ᭄ᬧᬶᬦᬗᬦ᭄ᬓᬸ᭟ᬤᬸᬓ᭄ᬫᬜ᭄ᬚᬶᬂᬭᬶᬂᬢᬸᬢᬸᬓ᭄ᬓᬸᬗᬹᬦᬶ᭞ᬫᬗ᭄ᬓᬾᬲᬶᬄᬓ᭄ᬯᬶᬂᬓᬫᬸ᭞ᬫᬗ᭄ᬓᬦᬮᬶᬂᬦ᭄ᬬ᭟ᬓ᭄ᬭᭀᬥᬢᬫᬦᬄᬓᬸᬤᬦ᭄ᬬ᭟ᬧᬶᬦᬢᬸᬓ᭄ᬓᬸᬢᬬᬫᬢᬦ᭄ᬬᬲᬮᬬᬵ᭞ᬯᬸᬢ᭄ᬢᬚᬤᬾᬗ᭄ᬓᬸ᭟ᬫᭀ ᬚᬃᬢᬵᬓᬸᬫᬰ᭄ᬮᭀᬓᬵ᭟᭚ᬫᬬᬓᬭᬘᬢᬸᬦ᭄ᬤᬾᬦᬵ᭞ᬦᬶᬢ᭄ᬬᬰᬳᬢᬶᬦ᭄ᬬ᭞ᬳᬾᬓᬫᬸᬢᬧᬤᬶᬢᬦᬾᬢ᭄ᬭᬄ᭞ᬓᬶᬢ᭄ᬯᬫ᭄‌ᬦᬩᬳᬸᬫᬦᬲᬾ᭟ᬢᬦ᭄ᬯ᭄ᬭᬸᬄᬬᬾᬜ᭄ᬘᬸᬘᬸᬓ᭄ᬓᬸᬓᬤᬶᬓᬭᬘᬓᬦ᭄ᬬᬸ᭟ᬢᬦ᭄ᬯ᭄ᬭᬸᬄᬓᬫᬸᬬᬦ᭄‌ᬳᬢ᭄ᬯ

Auto-transliteration

[86 86B] 86 sawararāja. mahyunpĕhantansiddhādenya, anpakasadhananggaṇdhāmalyā, yatapĕhanjugayā. mangkanalingnikanglal̥ĕr̀wilis. sumahūr̀tikangpalaṭuk. rahayulingtayanmangkanā. nahanupa yantadenkadidentangalahakĕnikangmong. sumahūr̀mitranyakabeḥ. mapakalaḥikangmongdenta. sumahūr̀ikangpalaṭuk. nihan. hanatayamongmamanganknas. kasulitantayatahulan, glanatayalarā. majar̀takwīriyā. matramapalarantā. sumahūr̀taya. kasulitantahulanngulun. parantapasunganatayanhanawnanghumalapāna. sumahūr̀taya. wehana'atiningśaśakamu. ma ngkanapinatuknyakutayasulitnya. riwkasanilangtayadengku. ringapayana, maratayā. tinonkutamanganśaśā, inujaranmami. hemitratansĕnggahĕnmamimanagihakĕnwuwusteng [87 87A] nghulun. ngūnirikālantakasulitĕ, tanhanahumalapanā. nghulunumalapi, hanĕngguḥweḥhatiningśaśakitenghulun. mangketuhokĕndentā, halapātāku. sumahūr̀ikangmongmaśloka. aḥ ameśumraggha'araḥ, prabhuścamanamajinam, maddhraṣṭaraṇimūr̀kka, kitananabahumanyayā. kalinganya. wuwusnikangmong. salaḥidhĕpkanyu. sugyankamutanwruḥhakuwiśeṣa, munggwikenghalas. ma mangansatwajatingku. tanĕmwakanyatanpinanganku. dukmañjingringtutukkungūni, mangkesiḥkwingkamu, mangkanalingnya. krodhatamanaḥkudanya. pinatukkutayamatanyasalayā, wuttajadengku. mo jar̀tākumaślokā. // mayakaracatundenā, nityaśahatinya, hekamutapaditanetraḥ, kitwamnabahumanase. tanwruḥyeñcucukkukadikaracakanyu. tanwruḥkamuyanhatwa

Leaf 87

Image on Archive.org

[᭘᭗ 87B] ᭘᭗ ᬫᬦᬓᬣ᭟ᬩ᭄ᬘᬶᬓ᭄‌ᬢᬓᬵᬫᬸᬢᬵᬓᭀᬯᬸᬢᬫᬢᬫᬸ᭟ᬫᬗ᭄ᬓᭀ᭟ᬲᬮᬬᬘᬶᬦᬸᬘᬸᬓ᭄ᬓᬸ᭞ᬅᬧᬦ᭄ᬓᬶᬢᬦ᭄‌ᬯ᭄ᬭᬸᬄᬓᬶᬦᬲᬶᬳᬦ᭄᭟ᬫᬗ᭄ᬓᬦᬢᬾᬓᬂᬮᬶᬫᬦ᭄‌ᬘᬸᬘᬸᬓᭂᬦ᭄ᬢᬫᬢᬦ᭄ᬬᬓᬮᬶᬄ᭞ᬫᬭᬧ᭄ᬯᬦᬸᬤᬬᬵ᭟ᬫᬗ᭄ᬓᬦᬯᬸᬯᬸᬲᬶᬓᬂᬧ ᬮᬝᬸᬓ᭄᭟ᬲᬸᬫᬳᬹᬃᬇᬓᬂᬕᬕᬓ᭄᭟ᬯᬸᬢ᭄ᬢᬧ᭄ᬯᬬᬵ᭞ᬕᬭᬸᬢᭂᬦ᭄ᬓ᭄ᬯᬳᬯᬓ᭄ᬦ᭄ᬬᬓᬩᬾᬄ᭟ᬭᬸᬦ᭄ᬢᬶᬂᬦ᭄ᬬᬢᬦ᭄ᬬ᭞ᬲᬸᬫᬳᬹᬃᬇᬓᬂᬮᬍᬃ᭟ᬓᬦᬶᬦ᭄ᬧ᭄ᬯᬬᬵ᭞ᬇᬲᬶᬗᬦᬗ᭄ᬓ᭄ᬯᬫᬭᬧ᭄ᬯᬦᬸᬍᬋᬦ᭄᭟ᬲᬸᬫᬳᬹᬃᬇᬓᬂᬯ᭄ᬬᬸᬂ᭟ᬓᬦᬶᬦ᭄ᬧ᭄ᬯᬬᬵ᭞ᬳᬸ᭠ ᬍᬋᬦ᭄‌ᬢᬬᬵ᭞ᬳᬢᬯᬶᬯᬸᬢᬵ᭟ᬓᬫᬶᬫᬸᬦ᭄ᬬᬭᬶᬚᬸᬭᬂᬳᬚ᭄ᬭᭀ᭟ᬅᬧᬦᬶᬓᬵᬬᬢᬦ᭄ᬬᬫᬮᬧᬳ᭄ᬯᬾ᭞ᬭᬸᬫ᭄ᬗᭃᬧ᭄ᬯᬬᬲ᭄ᬯᬭᬦᬶᬂᬗ᭄ᬳᬸᬮᬸᬦ᭄᭞ᬫᬭᬢᬬᬵ᭞ᬧᬗᬶᬥᭂᬧᬦ᭄ᬬᬳ᭄ᬯᬾᬫᬘᭂᬧᬓ᭄᭟ᬓᬍᬩᬸᬬᬚ᭄ᬭᭀᬦᬶᬂᬚᬸᬭᬂ᭞ᬫᬢᬶᬬ ᬤᬾᬦᬶᬓᬵ᭞ᬫᬗ᭄ᬓᬦᬢᬬᬲᬫᬬᬦ᭄ᬬᬓᬩᬾᬄ᭞ᬓᬋᬗ᭄ᬳᬵᬤᬾᬦᬶᬂᬮᬭ᭄ᬯᬤᬤᬶᬬᬫᭀᬚᬃ᭟ᬅᬢ᭄ᬬᬦ᭄ᬢᬇᬓᬵᬓᬫ᭄ᬩᭂᬦᬶᬗ᭄ᬳᬸᬮᬸᬦ᭄‌ᬭᬸᬫ᭄ᬗᭃᬯᬸᬯᬸᬲ᭄ᬢᬓᬩᬾᬄ᭟ᬳᬬ᭄ᬯᬢᬓᬶᬢᬫᬲᬮᬳᬦ᭄᭞ᬲᬸᬕ᭄ᬬᬦ᭄ᬢ᭄‌ᬓ [᭘᭘ 88A] ᬓᬤᬶᬲᬶᬗ᭄ᬳᬦᬶᬮᬫᭀᬭᭀᬧᬵ᭟ᬓᬘᬭᬶᬢᬦ᭄ᬬᬓᬩᬸᬭ᭄ᬯᬦ᭄ᬲᬂᬓᬺᬱ᭄ᬡᬵᬃᬚ᭄ᬚᬸᬦᬵ᭞ᬲ᭄ᬥᬂᬦ᭄ᬬᬦ᭄ᬳᬸᬫᬳᬲᬾᬂᬳᬮᬲ᭄‌ᬳᬡ᭄ᬥᬓᬯᬦ᭞ᬮᬸᬧᬸᬢ᭄ᬦᬶᬓᬂᬲᬶᬗ᭄ᬳᬵ᭞ᬫ᭄ᬕᬶᬮ᭄ᬢᬬᬵᬭᬶᬂᬳᬮᬲ᭄ᬯᬦᬾᬄ᭟ᬳᬦᬢᬬᬓᬶᬥᬂ᭞ᬲᬶᬫᬺᬕ᭄ᬖ ᬮᭀᬳᬶᬦᬶᬗᬭᬦ᭄ᬬ᭞ᬯᬶᬰᬢᬫᬫᭂᬂᬗᬫᭂᬂᬭᬶᬂᬳᬮᬲ᭄᭞ᬓᬢᭀᬦ᭄ᬢᬤᬾᬦᬶᬓᬂᬲᬶᬗ᭄ᬳᬵ᭟ᬤᬶᬦ᭄ᬫᬓ᭄ᬦ᭄ᬬᬢᬬᬵ᭞ᬮᬸᬧᬸᬢᬶᬓᬂᬓᬶᬥᬂ᭞ᬅᬧᬦ᭄ᬓᬧᬸᬍᬢᬶᬂᬳᭀᬤᭀᬤ᭄ᬳᬶᬓᬂᬲᬶᬗ᭄ᬳᬵ᭞ᬓ᭄ᬭᭀᬥᬢᬬᬵ᭟ᬤᬤᬶᬫᬕ᭄ᬮᬂᬦᬶ᭠ ᬓᬂᬲᬶᬗ᭄ᬳᬵᬭᬶᬓᬂᬳᬮᬲ᭄᭟ᬅᬢ᭄ᬳᭂᬃᬳᬶᬦᬸᬚᬭᬦ᭄ᬬ᭞ᬓᬋᬗ᭄ᬳᬵᬧ᭄ᬯᬬᬤᬾᬦᬶᬓᬂᬳᬮᬲ᭄᭞ᬫᭀᬚᬃᬢᬬᬵ᭟ᬅᬥᬄᬦᬶᬓᬂᬲᬶᬗ᭄ᬳᬵᬬᬢ᭟ᬯ᭄ᬦᬂᬫᬸᬚᬭᬓᭂᬦ᭄‌ᬲᬳᬵᬗᬶᬦᬓᬦᬾᬭ᭄ᬬ᭟ᬓᬤᬶᬧᬶᬭᬰᬓ᭄ᬢᬶ ᬦ᭄ᬬ᭟ᬲᬤᬾᬦ᭄ᬬᬫᬢᬶᬗ᭄ᬕᬮ᭟ᬮᬸᬗ᭄ᬳᬵᬬᬢᬦ᭄‌ᬮ᭄ᬯᬗᬵ᭟ᬫᬗ᭄ᬓᬾᬬᬢᬦ᭄‌ᬢᬫ᭄ᬗᬾᬳᬵ᭟ᬫᬗ᭄ᬓᬦᬮᬶᬂᬦᬶᬓᬂᬳᬮᬲ᭄᭟ᬮᬸᬗ᭄ᬳᬢᬾᬓᬂᬲᬶᬗ᭄ᬳᬵᬫ᭄ᬕᬶᬮ᭄‌ᬭᬶᬢ᭄ᬕᬮ᭄᭟ᬓᬢᭀᬦ᭄ᬧ᭄ᬯᬬᬤᬾᬦᬶᬂᬭᬫᬭᬶᬂᬢ᭄ᬕ

Auto-transliteration

[87 87B] 87 manakatha. bciktakāmutākowutamatamu. mangko. salayacinucukku, apankitanwruḥkinasihan. mangkanatekanglimancucukĕntamatanyakaliḥ, marapwanudayā. mangkanawuwusikangpa laṭuk. sumahūr̀ikanggagak. wuttapwayā, garutĕnkwahawaknyakabeḥ. runtingnyatanya, sumahūr̀ikanglal̥ĕr̀. kaninpwayā, isinganangkwamarapwanul̥ĕr̥ĕn. sumahūr̀ikangwyung. kaninpwayā, hu‐ l̥ĕr̥ĕntayā, hatawiwutā. kamimunyarijuranghajro. apanikāyatanyamalapahwe, rumngöpwayaswaraningnghulun, maratayā, pangidhĕpanyahwemacĕpak. kal̥ĕbuyajroningjurang, matiya denikā, mangkanatayasamayanyakabeḥ, kar̥ĕnghādeninglarwadadiyamojar̀. atyanta'ikākambĕninghulunrumngöwuwustakabeḥ. haywatakitamasalahan, sugyantka [88 88A] kadisinghanilamoropā. kacaritanyakaburwansangkr̥ĕṣṇār̀jjunā, sdhangnyanhumahasenghalashaṇdhakawana, luputnikangsinghā, mgiltayāringhalaswaneḥ. hanatayakidhang, simr̥ĕggha lohiningaranya, wiśatamamĕngngamĕngringhalas, katontadenikangsinghā. dinmaknyatayā, luputikangkidhang, apankapul̥ĕtinghodod'hikangsinghā, krodhatayā. dadimaglangni‐ kangsinghārikanghalas. at'hĕr̀hinujaranya, kar̥ĕnghāpwayadenikanghalas, mojar̀tayā. adhaḥnikangsinghāyata. wnangmujarakĕnsahānginakanerya. kadipiraśakti nya. sadenyamatinggala. lunghāyatanlwangā. mangkeyatantamngehā. mangkanalingnikanghalas. lunghatekangsinghāmgilritgal. katonpwayadeningramaringtga

Leaf 88

Image on Archive.org

[᭘᭘ 88B] ᭘᭘ ᬩᬶᬦᬸᬭᬹᬢᬬᬓᬶᬦᬩᬾᬳᬦ᭄᭞ᬫᬢᬶᬇᬓᬂᬲᬶᬗ᭄ᬳᬵ᭟ᬇᬓᬂᬳᬮᬲ᭄ᬕᬶᬦᬕᬵ᭞ᬦᬳᬦ᭄ᬢᬶᬦᭀᬦ᭄ᬤᬾᬪᬕᬯᬦ᭄ᬪᬲᬸᬩᬕᬵᬦ᭄ᬫᬕᬯᬾᬰ᭄ᬮᭀᬓ᭟᭚ᬓᬦᬦᬫ᭄ᬲᬶᬗ᭄ᬳᬵᬭᬓ᭄ᬭ᭄ᬬᬦ᭄ᬢᬸ᭞ᬲᬶᬗ᭄ᬳᬄᬦᬦᬦᬭᬦ᭄ᬢᬶᬓᬄ᭞ ᬧᬭᬧᬭᬯᬶᬭᭀᬤᬾᬦᬵ᭞ᬥᬦᬶᬲᬶᬗ᭄ᬳᬵᬜ᭄ᬘᬪᬕ᭄ᬬᬢᬶ᭟ᬓᬮᬶᬗᬦ᭄ᬬ᭞ᬤᬬᬦᬶᬓᬂᬯ᭄ᬯᬂ᭞ᬳᬬ᭄ᬯᬚᬸᬕᬫᬯᬶᬭᭀᬤ᭄ᬥᬵᬮᬯᬦ᭄‌ᬧᬭᬰ᭄ᬭᬬᬦ᭄᭟ᬩ᭄ᬯᬢ᭄ᬫᬗ᭄ᬤᬾᬢᬶᬯᬲ᭄᭟ᬢᭀᬦᭂᬦᬶᬓᬂᬳᬮᬲ᭄᭞ᬫ᭄ᬯᬂᬇᬓᬂᬲᬶᬗ᭄ᬳᬵ᭞ᬫ᭄ᬯᬂᬇᬓᬂ ᬲᬶᬗ᭄ᬳᬵᬳᬶᬂᬯᬰᬡᬦ᭄ᬬ᭟ᬓᬮᬶᬗᬦ᭄ᬬ᭞ᬅᬢᬹᬢᬤᬸᬮᬸᬭᬓᬶᬢᬓᬩᬾᬄ᭟ᬤᬾᬦ᭄ᬓᬤᬶᬕᬕᬓ᭄‌ᬲᬶᬪᬓ᭄ᬱ᭄ᬬᬭᬸᬥᬶᬢᬵ᭞ᬫᬗ᭄ᬓᬾᬳᬸᬮᬳᬦ᭄ᬢᬵ᭟ᬲᬸᬫᬳᬹᬃᬫᬶᬢ᭄ᬭᬦ᭄ᬬ᭟ᬫᬧᬓᬘᬭᬶᬢᬦ᭄ᬬᬲᬶᬕᬕᬓ᭄ᬪᬓ᭄ᬱ᭄ᬬᬭᬸ ᬥᬶᬢ᭟ᬲᬸᬫᬳᬹᬃᬇᬓᬂᬮᬭ᭄ᬯᬵ᭟ᬳᬦᬢᬕᬕᬓ᭄᭞ᬫᬲᭂᬲᭂᬄᬭᬶᬂᬭᬗ᭄ᬭᬵ᭞ᬲᬓᬸᬮᬯᬃᬕ᭄ᬕᬦ᭄ᬬ᭞ᬳᬦᬢᬬᬳᬸᬮᬵᬫᬸᬗ᭄ᬕ᭄ᬯᬶᬂᬳ᭄ᬯᬵᬤᬶᬂᬭᬗ᭄ᬭᬭᬶᬂᬕ᭄ᬯᬦ᭄ᬬ᭞ᬲᬶᬢᬓ᭄ᬱᬭᬗᬭᬦ᭄ᬬ᭟ᬬᬢᬶᬓᬫᬗᬦ᭄ᬅᬦᬓᬶᬓᬂᬕ [᭘᭙ 89A] ᬕᬓ᭄᭞ᬮᬶᬦ᭄ᬬᬗᬦ᭄ᬲᬓᬢᬸᬗ᭄ᬕᬮ᭄᭞ᬦᬗ᭄ᬓᭂᬦ᭄ᬤᬶᬦᬵ᭟ᬲᬗ᭄ᬰᬬᬵᬓ᭄ᬤᬶᬓ᭄‌ᬳᬦᬓᬶᬓᬂᬕᬕᬓ᭄᭟ᬲᬗ᭄ᬰᬬᬢᬫᬦᬄᬇᬓᬂᬕᬕᬓ᭄᭞ᬓᬩᬾᬄ᭟ᬭᬶᬯ᭄ᬓᬲᬦ᭄ᬯ᭄ᬭᬸᬄᬢᬇᬓᬂᬕᬕᬓ᭄᭞ᬬᬦ᭄‌ᬳᬸᬮᬵᬳᬫᬗᬦ᭄ᬳᬦᬓ᭄ᬦ᭄ᬬ᭟ᬓᬜ᭄ᬘᬶᬢ᭄ ᬳᬦᬢᬲᬂᬭᬵᬚᬧᬸᬢ᭄ᬭᬫᬤ᭄ᬬᬸᬲ᭄᭞ᬲᬂᬯᬶᬭᬧ᭄ᬭᬪᬗᬭᬦᬶᬭᬓᬩᬾᬄᬯᬤ᭄ᬯᬦᬶᬭᬤᬸᬮᬹᬃ᭟ᬥᬢᬂᬢᬲᬶᬭᬭᬶᬂᬧᬜ᭄ᬘᬸᬭᬦ᭄᭞ᬢ᭄ᬮᬲ᭄ᬫᬲᬮᬄᬪᬸᬱᬡᬦᬶᬭ᭞ᬳᬶᬦᭂᬦᬳᬓᭂᬦᬶᬭᬭᬶᬂᬲᭂᬦ᭄ᬤᬶᬦᬶᬂᬳᬸᬮᬸᬂ᭟ᬫᬸᬮᬢᬶᬓᬂᬕᬕᬓ᭄᭟ᬫᬗ᭄ᬓᭂᬦᬵ ᬗ᭄ᬳᭂᬦ᭄ᬢᬧᭀᬧᬬᬦ᭄ᬬ᭟ᬢᬥᬦᬦ᭄ᬢᬭᬲᬶᬦᬫ᭄ᬩᭂᬃᬦ᭄ᬬᬢᬂᬪᬸᬱᬡ᭞ᬭᬶᬂᬲᭂᬡ᭄ᬥᬶᬳᬸᬮᬸᬂ᭟ᬓᬵᬮᬧ᭄ᬤᬾᬦ᭄ᬬ᭞ᬯᬶᬦ᭠ᬯᬦ᭄ᬬᬭᬶᬂᬭᬸᬳᬹᬃᬭᬗ᭄ᬭᬵ᭟ᬩᬶᬦᬸᬭᬸᬦ᭄ᬬᬢᬬᬤᬾᬦᬶᬂᬯᬤ᭄ᬯ᭟ᬯ᭄ᬭᬸᬢᬾᬓᬂᬕᬕᬓ᭄᭞ᬭᬶᬂᬳᬸᬧᬬᬵ᭟ᬢᬶᬦᬶᬩᬓᭂᬦ᭄ᬬᬢᬶ ᬓᬂᬪᬹᬱᬡᬭᬶᬂᬮ᭄ᬬᬂᬦᬶᬂᬳᬸᬮᬵ᭞ᬫᬕᬶᬭᬂᬢᬯᬤ᭄ᬯᬲᬂᬤ᭄ᬬᬄ᭟ᬬᬢᬲᬫᬵᬢ᭄ᬭᬶᬳᬸᬫᬸᬂᬓᬩᬾᬄᬦ᭄ᬬᬇᬓᬂᬳᬸᬮᬵᬭᬸᬫ᭄ᬗᭃᬰᬩ᭄ᬥᬦ᭄ᬬ᭟ᬲᬗ᭄ᬰᬬᬫᬦᬄᬦ᭄ᬬᬯᬮᬶᬂᬦ᭄ᬬᬩᬶᬦᬸᬭᬹ᭟ᬫᬶᬚᬶᬮ᭄ᬢᬬᬲᬓᬶᬂᬯᬶᬯᬭᬦ᭄ᬬ᭟ᬳᬢ᭄ᬳᭂᬃ

Auto-transliteration

[88 88B] 88 binurūtayakinabehan, mati'ikangsinghā. ikanghalasginagā, nahantinondebhagawanbhasubagānmagaweśloka. // kananamsinghārakryantu, singhaḥnananarantikaḥ, paraparawirodenā, dhanisinghāñcabhagyati. kalinganya, dayanikangwwang, haywajugamawiroddhālawanparaśrayan. bwatmangdetiwas. tonĕnikanghalas, mwangikangsinghā, mwangikang singhāhingwaśaṇanya. kalinganya, atūtadulurakitakabeḥ. denkadigagaksibhakṣyarudhitā, mangkehulahantā. sumahūr̀mitranya. mapakacaritanyasigagakbhakṣyaru dhita. sumahūr̀ikanglarwā. hanatagagak, masĕsĕḥringrangrā, sakulawar̀gganya, hanatayahulāmunggwinghwādingrangraringgwanya, sitakṣarangaranya. yatikamangananakikangga [89 89A] gak, linyangansakatunggal, nangkĕndinā. sangśayākdik'hanakikanggagak. sangśayatamanaḥikanggagak, kabeḥ. riwkasanwruḥta'ikanggagak, yanhulāhamanganhanaknya. kañcit hanatasangrājaputramadyus, sangwiraprabhangaranirakabeḥwadwaniradulūr̀. dhatangtasiraringpañcuran, tlasmasalaḥbhuṣaṇanira, hinĕnahakĕniraringsĕndininghulung. mulatikanggagak. mangkĕnā nghĕntapopayanya. tadhanantarasinambĕr̀nyatangbhuṣaṇa, ringsĕṇdhihulung. kālapdenya, wina‐wanyaringruhūr̀rangrā. binurunyatayadeningwadwa. wrutekanggagak, ringhupayā. tinibakĕnyati kangbhūṣaṇaringlyangninghulā, magirangtawadwasangdyaḥ. yatasamātrihumungkabeḥnya'ikanghulārumngöśabdhanya. sangśayamanaḥnyawalingnyabinurū. mijiltayasakingwiwaranya. hat'hĕr̀

Leaf 89

Image on Archive.org

[᭘᭙ 89B] ᭘᭙ ᬓ᭄ᬭᭀᬥ᭟ᬓᬢᭀᬦ᭄ᬧ᭄ᬯᬤᬾᬯᬤ᭄ᬯᬭᬓ᭄ᬭ᭄ᬬᬦ᭄᭟ᬩᬶᬦᬸᬭᬹᬓᬶᬦᬩᬾᬳᬦ᭄᭞ᬧᬶᬦᬸᬧᬸᬄᬢᬬᬵᬓᬶᬦᭂᬫ᭄ᬩᬸᬮᬦ᭄᭟ᬯ᭄ᬓᬲᬦ᭄ᬫᬢᬶᬢᬬᬵᬇᬓᬂᬳᬸᬮᬵ᭟ᬦᬳᬦ᭄ᬢᬶᬦᭀᬦ᭄‌ᬤᬾᬪᬕᬯᬦ᭄ᬪᬲᬸᬩᬕᬵᬫᬕᬯᬾᬰ᭄ᬮᭀᬓᬵ᭟᭚ᬉᬫ ᬬᬾᬦᬵᬢ᭄ᬫᬭᬓ᭄ᬱᬲᬲ᭄ᬬᬢ᭄᭟ᬤᬹᬃᬩᬮᬲ᭄ᬬᬲᬓᬃᬢ᭄ᬢᬶᬦᬄ᭞ᬧᬦᬕᬄᬓᬮᬧᬸᬢ᭄ᬭᬲᬵ᭞ᬭᬵᬚᬩ᭄ᬭᬢᬾᬯᬶᬦᬲ᭄ᬬᬢᬶ᭟ᬓᬮᬶᬗᬦ᭄ᬬᬇᬓᬂᬳᬶᬦᬰᬓ᭄ᬢᬶ᭞ᬬᬦ᭄ᬫᬦ᭄ᬫᬸᬭᬶᬲᬸᬓᬦ᭄ᬬᬤᬤ᭄ᬬᬦᬭᬓ᭄ᬱᬓᬦ᭄ᬬ᭟ᬫᭀᬖᬧ᭄ᬯᬬᬢᭀᬦᭂᬦ ᬦᭂᬦ᭄‌ᬫᬗ᭄ᬓᬦᬵᬳᬸᬮᬵ᭞ᬳᬶᬮᬂᬬᬵᬤᬾᬦᬶᬂᬉᬧᬬᬦᬶᬓᬂᬕᬕᬓ᭄᭟ᬫ᭄ᬯᬄᬳᬸᬚᬭᬗ᭄ᬓ᭄ᬯᬾᬢᬫᬶᬢ᭄ᬭ᭞ᬅᬬ᭄ᬯᬓᬶᬢᬳᬧᬾᬓ᭄ᬱᬭᬶᬧᬥᬸᬫ᭄ᬢᬳᬸᬗ᭄ᬕ᭄ᬯᬦ᭄᭟ᬦᬶᬳᬦ᭄ᬢᬢᬳᬦᬓᬧ᭄ᬯᬲᬳᬃᬱᬦᬶᬓᬵ᭞ᬤᬾᬦ᭄ᬓᬤᬶᬓᬂᬯᬸᬭᬹᬯᬸᬭᬹ᭞ᬮᬶᬫᬬ ᬲᬫᬶᬢ᭄ᬭᬵ᭟ᬫᬗ᭄ᬓᬦᬮᬶᬂᬦᬶᬓᬂᬮᬭ᭄ᬯ᭟ᬲᬸᬫᬳᬹᬃᬫᬶᬢ᭄ᬭᬦ᭄ᬬ᭟ᬲ᭄ᬬᬧᬫᬶᬢ᭄ᬭᬇᬓᬂᬯᬸᬭᬹᬯᬸᬭᬹ᭟ᬲᬶᬓᬡ᭄ᬥᬕᬸᬡᬗᬭᬦ᭄ᬬ᭟ᬫ᭄ᬯᬂᬕᬕᬓ᭄‌ᬲᬶᬲᬸᬕᬧᬣᬗᬭᬦ᭄ᬬ᭞ᬢᬶᬓᬸᬲ᭄‌ᬲᬶᬇᬭᬡᬶᬬᬓ᭄ᬱᬗᬭᬦ᭄ᬬ᭞ᬫᬜ᭄ᬚᬗᬦ᭄ᬧᬦᬸ [᭙᭐ 90A] ᬡ᭄ᬥᬸᬂᬇᬓᬂᬢ᭄ᬯᬪᬸᬭᬹᬲᬶᬓᬸᬗᬧᬵᬗᬭᬦ᭄ᬬ᭞ᬲᬫᬶᬢ᭄ᬭᬓᬮᬶᬫᬵ᭟ᬳᬦᬢᬲᬯᬭᬲᬶᬅᬱ᭄ᬝᬓ᭄ᬭᬫᬵᬗᬭᬦ᭄ᬬᬵ᭞ᬳᬫᬲᬂᬢᬬᬵᬚᬭᬶᬂᬮᬸᬤ᭄ᬓᬧᬶᬗ᭄ᬕᬶᬃᬇᬓᬂᬳᬭᬄᬳᬭᬄ᭟ᬫᬸᬮᬢᬶᬓᬂᬯᬸᬭᬹᬯᬸᬭᬹ᭟ᬫᬢ᭄ᬬᬓᬸᬤᬾᬦᬶᬂᬚᬭᬶ᭞ᬮᬶᬂᬦ᭄ᬬ᭟ᬳᬶᬦᭂ ᬓᭂᬮ᭄ᬦ᭄ᬬᬢᬭᭀᬯᬂᬦ᭄ᬬᬓᬩᬾᬄ᭟ᬳᬾᬮᬄᬢᬧᬋᬂᬓᬶᬢᬮᬸᬫᬫ᭄ᬧᬄ᭞ᬢᬸᬫᬫ᭄ᬧᬸᬄᬚᬭᬶᬂᬦᬶᬓᬂᬲᬯᬭ᭟ᬢᬦ᭄ᬤ᭄ᬯᬧᬋᬂᬢᬸᬫᬫ᭄ᬧᬄᬚᬭᬶ᭞ᬓᬤᬯᬸᬢᬶᬓᬂᬚᬭᬶᬂᬤᬾᬦ᭄ᬬ᭟ᬫᬗ᭄ᬮᬬᬂᬭᬶᬂᬅᬓᬰ᭞ᬢ᭄ᬓᬢᬬᬬᬲᬬᭀᬚᬦᬤᭀᬄᬦ᭄ᬬᬢᬸ ᬫ᭄ᬭᬧ᭄ᬢᬬᬵᬳᬶᬂᬍᬫᬄ᭟ᬳᬓ᭄ᬧᭂᬓᭂᬧᭂᬓ᭄‌ᬳᬓᭂᬩᭂᬢ᭄‌ᬲᬸᬓᬸᬦ᭄ᬬ᭟ᬫᬸᬮᬢᬶᬓᬂᬢᬶᬓᬸᬲ᭄‌ᬳᬶᬭᬡ᭄ᬬᬵᬓ᭄ᬱᬭᬶᬫᬶᬢ᭄ᬭᬦ᭄ᬬᬓ᭄ᬦᬾᬂᬚᬭᬶᬂ᭟ᬲᬶᬦᬳᬸᬢ᭄ᬦ᭄ᬬᬢᬾᬓᬂᬚᬭᬶᬂ᭟ᬳ᭄ᬯᬓ᭄‌ᬮᬸᬧᬸᬢᬶᬓᬂᬫᬦᬸᬓ᭄‌ᬓᬩᬾᬄ᭟ᬇᬓᬂᬲᬯᬭ ᬓᬾᬭᬗᬦ᭄᭞ᬳᬶᬮᬂᬚᬭᬶᬂᬦ᭄ᬬ᭟ᬭᬶᬲᬓᬢᭂᬫ᭄ᬩᬾᬧ᭄ᬯᬬᬵ᭞ᬓᬢ᭄ᬓᬦ᭄ᬤᬸᬄᬓᬦ᭄ᬬᬢᬶᬓᬂᬢᬶᬓᬸᬲ᭄᭞ᬳᬶᬦᬸᬘᬧ᭄‌ᬲ᭄ᬯᬍᬮ᭄ᬦ᭄ᬬᬮ᭄ᬬᬂᬦᬶᬓᬂᬢᬶᬓᬸᬲ᭄᭟ᬫᬗᬺᬗ᭄ᬳᬵᬇᬓᬂᬕᬕᬓ᭄‌ᬲᬶᬮᬕᬸᬯᬢᬵ᭞ᬢᬦ᭄ᬢ᭄ᬭᬦᬶᬂᬓᬸᬦᬧᬵᬬᬳᬶᬦᭂᬦᬄ

Auto-transliteration

[89 89B] 89 krodha. katonpwadewadwarakryan. binurūkinabehan, pinupuḥtayākinĕmbulan. wkasanmatitayā'ikanghulā. nahantinondebhagawanbhasubagāmagaweślokā. // uma yenātmarakṣasasyat. dūr̀balasyasakar̀ttinaḥ, panagaḥkalaputrasā, rājabratewinasyati. kalinganya'ikanghinaśakti, yanmanmurisukanyadadyanarakṣakanya. moghapwayatonĕna nĕnmangkanāhulā, hilangyādeningupayanikanggagak. mwaḥhujarangkwetamitra, aywakitahapekṣaripadhumtahunggwan. nihantatahanakapwasahar̀ṣanikā, denkadikangwurūwurū, limaya samitrā. mangkanalingnikanglarwa. sumahūr̀mitranya. syapamitra'ikangwurūwurū. sikaṇdhaguṇangaranya. mwanggagaksisugapathangaranya, tikussi'iraṇiyakṣangaranya, mañjanganpanu [90 90A] ṇdhungikangtwabhurūsikungapāngaranya, samitrakalimā. hanatasawarasi'aṣṭakramāngaranyā, hamasangtayājaringludkapinggir̀ikangharaḥharaḥ. mulatikangwurūwurū. matyakudeningjari, lingnya. hinĕ kĕlnyatarowangnyakabeḥ. helaḥtapar̥ĕngkitalumampaḥ, tumampuḥjaringnikangsawara. tandwapar̥ĕngtumampaḥjari, kadawutikangjaringdenya. manglayangringakaśa, tkatayayasayojanadoḥnyatu mraptayāhingl̥ĕmaḥ. hakpĕkĕpĕk'hakĕbĕtsukunya. mulatikangtikushiraṇyākṣarimitranyaknengjaring. sinahutnyatekangjaring. hwakluputikangmanukkabeḥ. ikangsawara kerangan, hilangjaringnya. risakatĕmbepwayā, katkanduḥkanyatikangtikus, hinucapswal̥ĕlnyalyangnikangtikus. mangr̥ĕnghā'ikanggagaksilaguwatā, tantraningkunapāyahinĕnaḥ

Leaf 90

Image on Archive.org

[᭙᭐ 90B] ᭙᭐ ᬦ᭄ᬬᬭᬶᬳᬋᬧ᭄ᬦᬶᬓᬂᬮ᭄ᬬᬂᬦᬶᬓᬂᬢᬶᬓᬸᬲ᭄᭟ᬫᬸᬮᬢ᭄ᬳᬶᬓᬂᬲᬯᬭᬵ᭞ᬯᬸᬭᬸᬂᬤᬾᬦ᭄ᬬᬦᬸᬯᬮ᭄᭟ᬲᬶᬦᬗ᭄ᬕᬸᬄᬦ᭄ᬬᬫᬗᬦ᭄ᬯᬗ᭄ᬓᬾ᭟ᬅᬦ᭄ᬫᬗ᭄ᬓᬦᬫᬳᬲᬶᬓᬂᬢᬶᬓᬸᬲ᭄ᬭᬶᬂᬯ᭄ᬗᬶᬓᬢ᭄ᬫᬸᬫᬶᬢ᭄ᬭᬦ᭄ᬬᬫᬜ᭄ᬚᬗᬦ᭄‌ᬢᬶᬦᬮ᭄ᬬᬦ᭄ᬕᬸᬮᬸᬦ᭄ᬬᬤᬾᬦᬶᬂᬢ᭄ᬯᬩᬸᬭᬹ᭟ᬧᬦᬸ ᬡ᭄ᬥᬸᬂᬚᬢᬶᬦ᭄ᬬ᭟ᬬᬧ᭄ᬯᬦ᭄ᬢᬦ᭄ᬯ᭄ᬭᬶᬤᬾᬬᬦ᭄ᬬ᭞ᬧᬶᬦ᭄ᬕᬢ᭄‌ᬢᬮᬶᬦ᭄ᬬᬤᬾᬦᬶᬂᬢᬶᬓᬸᬲ᭄᭞ᬳ᭄ᬯᬢᬫᬜ᭄ᬚᬗᬦ᭄᭟ᬲᬸᬓᬵᬫᬦᬄᬦ᭄ᬬ᭟ᬯ᭄ᬓᬲᬦ᭄ᬫᬦ᭄ᬫᬸᬳᬸᬮᬵᬢᬾᬓᬂᬲᬯᬭᬵᬭᬶᬮ᭄ᬬᬂ᭞ᬓᬯ᭄ᬦᬂᬢᬾᬓᬳᬶᬦᬸᬲᬸᬂᬦ᭄ᬬᬫᬭᬶᬂᬧᬶᬗ᭄ᬕᬶᬃ᭟ᬫᬸᬮᬢ᭄ᬧ᭄ᬯᬫᬶᬢ᭄ᬭᬦ᭄ᬬᬢᬶ ᬢᬶᬕᬵ᭞ᬕᬕᬓ᭄ᬢᬶᬓᬸᬲ᭄ᬫᬜ᭄ᬚᬗᬦ᭄᭟ᬢ᭄ᬮᬲ᭄ᬦ᭄ᬬᬓᬺᬢᬲᬫᬬᬦ᭄ᬬ᭟ᬫ᭄ᬯᬂᬮᬸᬗ᭄ᬳᬵᬢᬂᬕᬕᬓ᭄᭞ᬮᬯᬦ᭄ᬫᬜ᭄ᬚᬗᬦ᭄᭟ᬅᬓᬭᬵᬭ᭄ᬯᬂᬧᬫᬦᬄᬤᭀᬄᬦ᭄ᬬ᭟ᬫᬸᬮᬢᬶᬓᬂᬲᬯᬭᬭᬶᬫᬜ᭄ᬚᬗᬦ᭄᭞ᬅᬓ᭄ᬥᬮ᭄‌ᬓ᭄ᬥᬮ᭄‌ᬲᬸᬓᬸᬦ᭄ᬬ᭟ᬢ᭄ᬓᬢᬾ ᬓᬂᬕᬕᬓ᭄‌ᬢᬸᬫ᭄ᬭᬧᬶᬂᬲᬸᬗ᭄ᬳᬸᬦ᭄ᬬ᭟ᬫᬸᬮᬢᬶᬓᬂᬲᬯᬭ᭞ᬢᬫ᭄ᬩᭂᬳᬦᬶᬓᬂᬧᬲ᭄᭞ᬮᬶᬂᬦ᭄ᬬ᭟ᬫᬮᬬᬸᬢᬬᬵᬯ᭄ᬥᬶᬓᬸᬭᬸᬳᬸᬦᬦ᭄‌ᬤᬾᬦᬶᬂᬮᬾᬦ᭄᭟ᬭᬶᬯᬸᬭᬶᬦ᭄ᬬᬫᬸᬮᬢ᭄‌ᬇᬓᬂᬢᬶᬓᬸᬲ᭄ᬭᬶᬫᬶᬢ᭄ᬭᬦ᭄ᬬᬧᬲ᭄‌ᬓ᭄ᬦᬾᬂᬚᬮ᭟ᬲᬶᬦᬳᬸ [᭙᭑ 91A] ᬢ᭄ᬦ᭄ᬬᬢᬂᬚᬮᬵ᭞ᬳ᭄ᬯᬓ᭄ᬢᬂᬧᬲ᭄‌ᬫᬭᬾᬂᬓ᭄ᬤᬸᬂ᭟ᬇᬓᬂᬲᬯᬭᬫᬾᬄᬢ᭄ᬓᬭᬶᬫᬜ᭄ᬚᬗᬦ᭄᭞ᬰᬶᬖ᭄ᬭᬢᬫᬮᬬᬹᬢᬂᬫᬜ᭄ᬚᬗᬦ᭄᭞ᬓᬾᬭᬗᬦ᭄‌ᬢᬾᬓᬂᬲᬯᬭᬵ᭟ᬦᬳᬦ᭄ᬢᬶᬦᭀᬦ᭄ᬤᬾᬪᬕᬯᬦ᭄ᬩᬲᬸᬩᬕᬵᬦᬫᬰ᭄ᬮᭀᬓᬵ᭟᭚ᬲᬗ᭄ᬕᭀᬢᬾᬧᬦᬭᬸ ᬧᬲᬄ᭞ᬫᬶᬢ᭄ᬭᬲᬢ᭄ᬬᬄᬧᬭᬲ᭄ᬧᬭᬵ᭞ᬢ᭄ᬭᬬᬲ᭄ᬢᬵᬓᬰᬫᬸᬦᬶᬢᬄ᭞ᬧᬓ᭄ᬱᬓᬹᬃᬫ᭄ᬫᬫᬺᬕ᭄ᬖᬬᬢᬄ᭟ᬓᬮᬶᬗᬦ᭄ᬬ᭟ᬇᬓᬂᬤᬸᬤᬸᬭᬸᬭᬹᬧᬦ᭄ᬬ᭞ᬤᬸᬤᬸᬤᬾᬰᬦ᭄ᬬ᭞ᬫᬓᬸᬫ᭄ᬧᬸᬮ᭄ᬢᬬᬲᬫᬶᬢ᭄ᬭᬦ᭄ᬬ᭟ᬯ᭄ᬦᬂᬢᬬᬲᬶᬮᬶᬄᬢᬸᬮᬸᬂᬮᬯᬦ᭄ᬭᭀᬯᬂᬦ᭄ᬬ᭞ᬳᬦ᭄ᬫᬸᬢ᭄ᬕᬸ ᬳᬶᬂᬧᬫᬶᬢ᭄ᬭᬦ᭄ᬬ᭟ᬫ᭄ᬯᬂᬲᬧᬓ᭄ᬱᬭᬓ᭄ᬱᬭᬶᬂᬫᬶᬢ᭄ᬭᬦ᭄ᬬ᭟ᬲᬸᬓᬲᬯᬰᬡᬦ᭄ᬬ᭞ᬓᬤᬶᬢᬂᬕᬕᬓ᭄᭞ᬢᬶᬓᬸᬲ᭄᭞ᬯᬸᬭᬹᬯᬸᬭᬹ᭞ᬫ᭄ᬯᬂᬧᬲ᭄᭞ᬫᬜ᭄ᬚᬗᬦ᭄᭟ᬫᬗ᭄ᬓᬦᬢᬓᬶᬢᬵ᭞ᬅᬬ᭄ᬯᬢᬦᬵᬧᬺᬕᬶᬬᬦ᭄ᬢᬦ᭄‌ᬳᬓᬧᭂᬲᬦ᭄᭟ᬅᬦ᭄ᬫᬗ᭄ᬓᬦᬧ᭄ᬯᬢᬮᬸᬫ᭄ᬓᬲ᭄ ᬢᬧᭀᬧᬬᬦ᭄ᬢᬗᬹᬦᬶ᭟ᬅᬦ᭄ᬧ᭄ᬚᬄᬢᬂᬳᬮᬶᬫᬦ᭄᭞ᬤᬾᬦᬶᬂᬓᬶᬢᭀᬧᬬᬵ᭟ᬦᬳᬦ᭄ᬢᬶᬦᭀᬦ᭄ᬤᬾᬪᬕᬯᬦ᭄ᬪᬲᬸᬩᬕᬵᬦ᭄ᬫᬕᬯᬾᬰ᭄ᬮᭀᬓᬵ᭟᭚ᬓᬓᭀᬥ᭄ᬭᬹᬫᬖᬺᬢᬰ᭄ᬘᬾᬯᬵ᭞ᬫᬡ᭄ᬥᬓᭀᬦᬶᬮᬧᬓ᭄ᬱᬶᬦᬄ᭞ᬮᬃᬯ᭄ᬯᬬᬅᬧᬦᭀ

Auto-transliteration

[90 90B] 90 nyarihar̥ĕpnikanglyangnikangtikus. mulat'hikangsawarā, wurungdenyanuwal. sinangguḥnyamanganwangke. anmangkanamahasikangtikusringwngikatmumitranyamañjangantinalyan'gulunyadeningtwaburū. panu ṇdhungjatinya. yapwantanwrideyanya, pin'gattalinyadeningtikus, hwatamañjangan. sukāmanaḥnya. wkasanmanmuhulātekangsawarārilyang, kawnangtekahinusungnyamaringpinggir̀. mulatpwamitranyati tigā, gagaktikusmañjangan. tlasnyakr̥ĕtasamayanya. mwanglunghātanggagak, lawanmañjangan. akarārwangpamanaḥdoḥnya. mulatikangsawararimañjangan, akdhalkdhalsukunya. tkate kanggagaktumrapingsunghunya. mulatikangsawara, tambĕhanikangpas, lingnya. malayutayāwdhikuruhunandeninglen. riwurinyamulatikangtikusrimitranyapasknengjala. sinahu [91 91A] tnyatangjalā, hwaktangpasmarengkdung. ikangsawarameḥtkarimañjangan, śighratamalayūtangmañjangan, kerangantekangsawarā. nahantinondebhagawanbasubagānamaślokā. // sanggotepanaru pasaḥ, mitrasatyaḥparasparā, trayastākaśamunitaḥ, pakṣakūr̀mmamr̥ĕgghayataḥ. kalinganya. ikangdudururūpanya, dududeśanya, makumpultayasamitranya. wnangtayasiliḥtulunglawanrowangnya, hanmutgu hingpamitranya. mwangsapakṣarakṣaringmitranya. sukasawaśaṇanya, kaditanggagak, tikus, wurūwurū, mwangpas, mañjangan. mangkanatakitā, aywatanāpr̥ĕgiyantanhakapĕsan. anmangkanapwatalumkas tapopayantangūni. anpjaḥtanghaliman, deningkitopayā. nahantinondebhagawanbhasubagānmagaweślokā. // kakodhrūmaghr̥ĕtaścewā, maṇdhakonilapaksyinaḥ, lar̀wwaya'apano

Leaf 91

Image on Archive.org

[᭙᭑ 91B] ᭙᭑ ᬢᬾ᭞ᬕᬚᬜ᭄ᬚᬖ᭄ᬦᬭᬹᬧᬬᬢᬄ᭟ᬫᬗ᭄ᬓᬦᬓᬮᬄᬦᬶᬓᬂᬕᬚᬄᬤᬾᬦᬶᬂᬮᬶᬫᬵᬲᬫᬶᬢ᭄ᬭᬵ᭞ᬫᬓᬲᬥᬦᬂᬉᬧᬬᬵ᭟ᬫᬢᬗ᭄ᬬᬦ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬲᬶᬘᬡ᭄ᬥᬧᬶᬗ᭄ᬕᬮᬵ᭟ᬅᬦ᭄ᬫᬗ᭄ᬓᬦᬯᬸᬯᬸᬲᬶᬓᬂᬲᬫ᭄ᬪᬤ᭞ᬫᬢᬫ᭄ᬩᭂᬄᬲᬗ᭄ᬰᬬᬲᬂ ᬘᬡ᭄ᬥᬧᬶᬗ᭄ᬕᬮᬵ᭟ᬯ᭄ᬭᬸᬄᬧ᭄ᬯᬲᬂᬲᬫ᭄ᬪᬤᬵ᭞ᬲᬗ᭄ᬰᬬᬲᬂᬲᬶᬗ᭄ᬳᬵ᭟ᬫᭀᬚᬃᬢᬬᬵ᭟ᬲᬚ᭄ᬜᬵᬲᬂᬧᬗᭂᬫ᭄ᬧ᭄ᬯᬦ᭄᭟ᬢᬵᬗ᭄ᬳᬾᬃᬢᬲᬓᬋᬂ᭟ᬗ᭄ᬳᬸᬮᬸᬦ᭄‌ᬮᬸᬫᬫ᭄ᬧᬄᬢᬥᬳᬦ᭄ᬢᬵ᭟ᬫᬗ᭄ᬓᬦᬮᬶᬂᬦᬶᬓᬂᬲᬫ᭄ᬪᬥᬵ᭟ᬮᬸᬗ᭄ᬳᬵᬢᬫᬭᬾᬂᬓᬳᬦᬦ᭄ᬲᬂᬦᬡ᭄ᬥ ᬓᬵ᭞ᬮᬶᬂᬦ᭄ᬬ᭟ᬦᬶᬳᬦ᭄ᬤᭀᬦᬶᬥᬢᬂᬓᬳᬦᬦ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬲᬂᬦᬡ᭄ᬥᬓᬵ᭟ᬗ᭄ᬳᬸᬮᬸᬦ᭄ᬲᬓᬾᬂᬲᬂᬘᬡ᭄ᬥᬧᬶᬗ᭄ᬕᬮᬵ᭟ᬓᬢᭀᬜ᭄ᬚᬸᬕᬮ᭄ᬯᬶᬃᬦᬶᬓᬂᬘᬡ᭄ᬥᬧᬶᬗ᭄ᬕᬮᬵᬭᬶᬧᬢ᭄ᬬᬦ᭄ᬢᬵ᭟ᬢᬸᬳᬸᬦᬶᬯᭂᬄᬦᬶᬂᬲᬫᬶᬢ᭄ᬭ᭞ᬬᬦ᭄ᬢᬦ᭄ᬲᬫᬰᬶᬮ᭠ ᬦ᭄ᬬ᭟ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬫᬓ᭄ᬥᬶᬓ᭄‌ᬯᭂᬢ᭄ᬯᬦᬶᬂᬳᬶᬃᬱ᭄ᬬᬦ᭄ᬢᬵ᭞ᬭᬶᬂᬲᬂᬘᬡ᭄ᬥᬧᬶᬗ᭄ᬕᬮᬵ᭟ᬫᬗ᭄ᬓᬦᬮᬶᬂᬲᬂᬲᬫ᭄ᬪᬥᬵ᭞ᬅᬧᬦ᭄ᬢᬦ᭄ᬫᬗ᭄ᬓᬪᬓ᭄ᬱᬫᬗ᭄ᬰ᭟ᬫᬗ᭄ᬓᬦᬢᬷᬃᬱ᭄ᬬᬲᬂᬘᬡ᭄ᬥᬧᬶᬗ᭄ᬕᬮᬵᬭᬶᬓᬶᬢᬳᬕᬦᬮᬵ᭟ᬅᬧᬦ᭄ᬕᭃᬂ [᭙᭒ 92A] ᬮᬧᬵ᭟ᬢᬦ᭄ᬲ᭄ᬝᬶᬢᬶᬭᬶᬂᬧᬫᬶᬢ᭄ᬭᬦ᭄ᬬᬬᬢᬵᬓᬤᬶᬲᬂᬳᬸᬮᬵᬲᬫᬶᬢ᭄ᬭᬮᬯᬦ᭄ᬢᬶᬓᬸᬲ᭄᭟ᬳᬢᬸᬳᬧ᭄ᬯᬬᬵ᭟ᬳᬦᬢᬶᬓᬸᬲᬕᭃᬂ᭞ᬲᬶᬓᬤᬾᬦ᭄ᬢᬗᬭᬦ᭄ᬬ᭞ᬓᬯ᭄ᬦᬂᬬᬳᬶᬦᬶᬭᬸᬧ᭄‌ᬤᬾᬦᬶᬂᬲᬯᬭᬵ᭞ᬧᬶᬦᬓᬦᬓᭂᬦ᭄ᬬᬭᬶᬂᬳᬸᬮᬵ᭞ᬫᬸᬗ᭄ᬕ᭄ᬯᬶᬂ ᬚ᭄ᬭᭀᬦᬶᬂᬤ᭄ᬬᬸᬦ᭄᭟ᬢᬶᬦᬸᬓᬸᬧ᭄ᬦ᭄ᬬᬯᬮᬸᬮᬂ᭞ᬫᭀᬂᬇᬓᬂᬳᬸᬮᬵᬤᬸᬫᬸᬂ᭟ᬇᬓᬂᬢᬶᬓᬸᬲ᭄ᬫᬚᬭᬶᬓᬂᬳᬸᬮᬵᬤᬸᬫᬸᬂ᭟ᬇᬄᬓᬫᬸᬂᬢᬶᬓᬸᬲ᭄᭞ᬧᬗᬦᭂᬦ᭄ᬓ᭄ᬯᬅᬭᬄ᭟ᬫᭀᬚᬃᬇᬓᬂᬢᬶᬓᬸᬲ᭄᭟ᬫ᭄ᬦᬾᬳᬓᬸᬧᬗᬦ᭄ᬤᬾᬦ᭄ᬢᬵ᭞ᬤᬓ᭄‌ᬯᬭᬯᬭᬄᬢᬇ ᬭᬶᬓᬶᬢᬭᬸᬫᬸᬳᬸᬦ᭄᭟ᬬᬦ᭄ᬓᬶᬢᬵᬫᬗᬦᬶᬭ᭄ᬬᬓᬸ᭞ᬧᬶᬦᬗᬦ᭄ᬢᬓᬶᬢᬤᬾᬦᬶᬂᬲᬯᬭ᭟ᬲᬃᬧ᭄ᬧ᭞ᬓᬮᬶᬗᬦ᭄ᬬᬫᬦᬶᬭᬹᬧᬸᬳᬸᬦ᭄‌ᬓᬫᬶ᭟ᬳᬦᬉᬧᬬᬗ᭄ᬓ᭄ᬯᬵ᭞ᬲᬳᬸᬢᭂᬦ᭄ᬓ᭄ᬯᬇᬓᬂᬢᬸᬢᬸᬧ᭄‌ᬤ᭄ᬬᬸᬦᬶᬓᬶ᭟ᬲᬸᬫᬳᬹᬃᬇᬓᬂᬳᬸᬮᬵ᭟ᬉᬥᬸᬄᬉᬥᬸᬄ ᬩᬭᬤᬳᬢ᭄‌ᬯᬭᬄᬢᬾᬂᬓᬫᬶ᭟ᬓᬸᬦᬂᬧ᭄ᬯᬫᬶᬢ᭄ᬭᬗ᭄ᬓ᭄ᬯᬓᬶᬢᬵ᭟ᬬᬢᬵᬲᬶᬦᬳᬸᬢ᭄‌ᬢᬸᬢᬸᬧᬶᬓᬂᬤ᭄ᬬᬸᬦ᭄‌ᬤᬾᬦᬶᬓᬂᬢᬶᬓᬸᬲ᭄᭟ᬫᬶᬚᬶᬮ᭄ᬢᬾᬓᬂᬳᬸᬮᬵᬤᬸᬮᬹᬃᬮᬯᬦ᭄ᬢᬶᬓᬸᬲ᭄᭞ᬅᬧᬦᬸᬯᬸᬲᬾᬦᬓ᭄‌ᬲᬫᬶᬢ᭄ᬭᬦ᭄ᬬ᭟ᬅᬤᭀᬄᬳᬸᬮᬶᬄ

Auto-transliteration

[91 91B] 91 te, gajañjaghnarūpayataḥ. mangkanakalaḥnikanggajaḥdeninglimāsamitrā, makasadhanangupayā. matangyanrahadyansanghulunsicaṇdhapinggalā. anmangkanawuwusikangsambhada, matambĕḥsangśayasang caṇdhapinggalā. wruḥpwasangsambhadā, sangśayasangsinghā. mojar̀tayā. sajñāsangpangĕmpwan. tāngher̀tasakar̥ĕng. nghulunlumampaḥtadhahantā. mangkanalingnikangsambhadhā. lunghātamarengkahanansangnaṇdha kā, lingnya. nihandonidhatangkahananrahadyansanghulun, sangnaṇdhakā. nghulunsakengsangcaṇdhapinggalā. katoñjugalwir̀nikangcaṇdhapinggalāripatyantā. tuhuniwĕḥningsamitra, yantansamaśila‐ nya. rahadyansanghulunmakdhikwĕtwaninghir̀ṣyantā, ringsangcaṇdhapinggalā. mangkanalingsangsambhadhā, apantanmangkabhakṣamangśa. mangkanatīr̀ṣyasangcaṇdhapinggalārikitahaganalā. apan'göng [92 92A] lapā. tansṭitiringpamitranyayatākadisanghulāsamitralawantikus. hatuhapwayā. hanatikusagöng, sikadentangaranya, kawnangyahinirupdeningsawarā, pinakanakĕnyaringhulā, munggwing jroningdyun. tinukupnyawalulang, mongikanghulādumung. ikangtikusmajarikanghulādumung. iḥkamungtikus, panganĕnkwa'araḥ. mojar̀ikangtikus. mnehakupangandentā, dakwarawaraḥta'i rikitarumuhun. yankitāmanganiryaku, pinangantakitadeningsawara. sar̀ppa, kalinganyamanirūpuhunkami. hana'upayangkwā, sahutĕnkwa'ikangtutupdyuniki. sumahūr̀ikanghulā. udhuḥudhuḥ baradahatwaraḥtengkami. kunangpwamitrangkwakitā. yatāsinahuttutupikangdyundenikangtikus. mijiltekanghulādulūr̀lawantikus, apanuwusenaksamitranya. adoḥhuliḥ

Leaf 92

Image on Archive.org

[᭙᭒ 92B] ᭙᭒ ᬦ᭄ᬬᬮᬸᬫᬓᬸ᭞ᬓᬢ᭄ᬓᬦᬮᬧᬵᬇᬓᬂᬳᬸᬮᬵ᭞ᬫᭀᬚᬃᬇᬓᬂᬳᬸᬮᬵᬭᬶᬫᬶᬢ᭄ᬭᬦ᭄ᬬᬢᬶᬓᬸᬲ᭄᭟ᬫᬶᬢ᭄ᬭᬵᬧᬗᬦᭂᬦ᭄ᬓ᭄ᬯᬓᬶᬢᬵ᭞ᬳᬮᬧᬵᬓᬸ᭟ᬲᬸᬫᬳᬹᬃᬇᬓᬂᬢᬶᬓᬸᬲ᭄᭟ᬉᬥᬸᬄᬉᬥᬸᬄ᭞ᬧᬗᬦᭂᬦ᭄ᬢᬵᬧ᭄ᬯᬵᬓᬸ᭟ᬲᬸᬫᬳᬹᬃᬇᬓᬂᬳᬸᬮᬵᬫᬰ᭄ᬮᭀᬓᬵ᭟ ᭚ᬅᬳᬫ᭄‌ᬰᬢ᭄ᬭᬸᬧᬺᬓᬺᬢ᭄ᬬᬢᬾ᭞ᬲᬤ᭄ᬬᬢᬾᬰᬓ᭄ᬬᬫᬯᬬᭀᬄ᭞ᬰᭀᬓ᭄ᬬᬳᬦ᭄ᬢᬾᬫᬸᬮᬄᬰᬢ᭄ᬭᬸ᭞ᬖᬺᬲ᭄ᬬᬾᬅᬗ᭄ᬕᬭᬡᬫ᭄‌ᬢᬓᬫ᭄᭟ᬓᬮᬶᬗᬦ᭄ᬬ᭟ᬧᬚᬢ᭄ᬬᬓᬸᬫᬸᬲᬸᬄᬢ᭟ᬓᬸᬦᬂᬬᬦ᭄ᬧᬥᬓᬢ᭄ᬓᬦ᭄ᬤᬸᬄᬓᬵ᭞ᬲᬫᬗ᭄ᬓᬦᬢᬵ ᬓᬸᬲᬫᬶᬢ᭄ᬭᬵ᭞ᬫᬗ᭄ᬓᬾᬢᬵᬓᬸᬧᬥᬲᬸᬓ᭞ᬰᬢ᭄ᬭᬸᬦ᭄ᬢᬢᬵᬓᬸᬫ᭄ᬯᬄ᭟ᬫᬢᬗ᭄ᬬᬦ᭄ᬧᬗᬦᭂᬦ᭄ᬓ᭄ᬯᬓᬶᬢ᭟ᬧᬶᬦ᭠ᬗᬦ᭄‌ᬢᬶᬓᬂᬢᬶᬓᬸᬲ᭄᭟ᬦᬳᬦ᭄ᬢᬶᬦᭀᬦ᭄ᬤᬾᬪᬕᬯᬵᬦ᭄ᬪᬲᬸᬩᬕᬅᬦ᭄ᬫᬕᬯᬾᬰ᭄ᬮᭀᬓᬵ᭟᭚ᬰᬰ᭄ᬬᬦ᭄ᬢ᭄ᬬᬾᬕ᭄ᬘᬓᬦ᭄ᬬ ᬗ᭄ᬰ᭞ᬘᬘᬭᬾᬪᬕᬯᬰᬗ᭄ᬕᬣᬫ᭄᭞ᬓᬦ᭄ᬬᬢᬣᬤ᭄ᬯᬬᬫ᭄‌ᬕᬫ᭄ᬬᬓ᭄᭞ᬅᬳᬾᬰᭀᬓ᭄ᬬᬬᬭᬓ᭄ᬱᬦᬫ᭄᭟ᬓᬮᬶᬗᬦ᭄ᬬ᭟ᬇᬓᬂᬳᬫᬶᬢ᭄ᬭᬮᬯᬦ᭄‌ᬯ᭄ᬯᬂᬫᬉᬢ᭄ᬢᬫ᭞ᬯ᭄ᬯᬂᬓᬦᬶᬱ᭄ᬝ᭞ᬢᬦ᭄ᬫᬮᬯᬲᬶᬓᬵ᭟ᬓᬸᬦᬂᬬᬦ᭄ᬲ [᭙᭓ 93A] ᬫᬉᬢ᭄ᬢᬫᬦ᭄ᬬ᭞ᬲᬫᬦᬶᬱ᭄ᬝᬵᬓᬸᬦᬂᬫᬢ᭄ᬕᬸᬳᬫᬶᬢ᭄ᬭᬦ᭄ᬬ᭟ᬢᭀᬦᭂᬦᬶᬓᬂᬳᬸᬮᬵᬮᬯᬦ᭄ᬢᬶᬓᬸᬲ᭄᭟ᬓᬦ᭄ᬢᭂᬦᬦ᭄ᬬᬲᬂᬦᬡ᭄ᬥᬓᬵ᭞ᬳᬬ᭄ᬯᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄ᬧ᭄ᬭᬫᬤ᭄ᬥᬵ᭟ᬲᬸᬫᬳᬹᬃᬲᬂᬦᬡ᭄ᬥᬓᬵ᭟ᬦ᭄ᬤᬶᬲᬗ᭄ᬰᬬᬗ᭄ᬓᬸᬭᬶᬯᬸᬯᬸᬲ᭄ᬢᬓᬩᬾᬄ᭟ ᬬᬦ᭄ᬫᬢ᭄ᬬᬵᬓᬸᬤᬾᬲᬂᬘᬡ᭄ᬥᬧᬶᬗ᭄ᬕᬮ᭞ᬫᬢ᭄ᬬᬩ᭄ᬘᬶᬓᬵᬓᬸ᭟ᬢᬦ᭄ᬳᬦᬤᭀᬱᬗ᭄ᬓᬸ᭟ᬪᬝᬭᬚᬸᬕᬫᬾᬯ᭄ᬭᬸᬳᬦ᭞ᬬᬓᬺᬢᬦ᭄ᬢᬦᬯᬶᬳᬂᬢᬗᬭᬦ᭄ᬬ᭟᭚ᬓᬺᬢᬃᬣᬯᬶᬢᬫ᭄‌ᬢᬂᬓᬃᬫ᭄ᬫᬫ᭄᭞ᬬᬤ᭄ᬭᬹᬯᬾᬢ᭄‌ᬧᬸᬚ᭄ᬬᬢᬾᬢᬸᬓᬫ᭄᭞ᬦ ᬕᬓ᭄ᬬᬫᬦ᭄ᬬᬰᬸᬤ᭄ᬥᬵᬦ᭄ᬢᬸ᭞ᬧᬡ᭄ᬥᬶᬢᬾᬄᬢ᭄ᬭᬶᬤᬰᬾᬭᬧᬶᬄ᭟ᬇᬓᬂᬰᬸᬪᬵᬰᬸᬪᬧᬗᭂᬥᬸᬫ᭄ᬪᬝᬭ᭞ᬢᬦ᭄ᬓᬯ᭄ᬦᬗᬶᬓᬵᬮᬶᬦᬗ᭄ᬕᬦ᭄ᬤᬾᬲᬂᬧᬡ᭄ᬥᬶᬢ᭟ᬤᬾᬯᬢ᭄ᬯᬶᬢᬦ᭄ᬓᬯ᭄ᬦᬂᬧᬗᬶᬮᬓ᭄ᬦᭂᬓᬶᬸ᭞ᬧᬥᬫ᭄ᬪᬝᬭᬵ᭟ᬫᬗ᭄ᬓᬦᬬᬦ᭄ᬓᬢ᭄ᬓ ᬦᬶᬂᬧᬢᬶ᭞ᬲᬤᬾᬦ᭄ᬬᬳᬸᬫᬶᬮᬗᬓᭂᬦ᭄‌ᬢᬦ᭄ᬯᭂᬦᬂᬮᬸᬧᬸᬢᬵ᭟ᬲᬸᬫᬳᬹᬃᬲᬶᬲᬫ᭄ᬪᬥ᭟ᬦ᭄ᬤ᭄ᬬᬢᬶᬓᬵᬰᬩ᭄ᬥᬫᬗᬓᬦᬲᬂᬦᬡ᭄ᬥᬓᬵ᭟ᬫᭀᬚᬃᬲᬂᬦᬡ᭄ᬥᬓᬵ᭟ᬳᬦᬬᬾᬓᬧᬸᬢ᭄ᬭᬗᬭᬦ᭄ᬬ᭟ᬳᬦᬢᬬᬯ᭄ᬯᬂᬪᬪ᭠

Auto-transliteration

[92 92B] 92 nyalumaku, katkanalapā'ikanghulā, mojar̀ikanghulārimitranyatikus. mitrāpanganĕnkwakitā, halapāku. sumahūr̀ikangtikus. udhuḥudhuḥ, panganĕntāpwāku. sumahūr̀ikanghulāmaślokā. // ahamśatrupr̥ĕkr̥ĕtyate, sadyateśakyamawayoḥ, śokyahantemulaḥśatru, ghr̥ĕsye'anggaraṇamtakam. kalinganya. pajatyakumusuḥta. kunangyanpadhakatkanduḥkā, samangkanatā kusamitrā, mangketākupadhasuka, śatruntatākumwaḥ. matangyanpanganĕnkwakita. pina‐ngantikangtikus. nahantinondebhagawānbhasubaga'anmagaweślokā. // śaśyantyegcakanya ngśa, cacarebhagawaśanggatham, kanyatathadwayamgamyak, aheśokyayarakṣanam. kalinganya. ikanghamitralawanwwangma'uttama, wwangkaniṣṭa, tanmalawasikā. kunangyansa [93 93A] ma'uttamanya, samaniṣṭākunangmatguhamitranya. tonĕnikanghulālawantikus. kantĕnanyasangnaṇdhakā, haywarahadyansanghulunpramaddhā. sumahūr̀sangnaṇdhakā. ndisangśayangkuriwuwustakabeḥ. yanmatyākudesangcaṇdhapinggala, matyabcikāku. tanhanadoṣangku. bhaṭarajugamewruhana, yakr̥ĕtantanawihangtangaranya. // kr̥ĕtar̀thawitamtangkar̀mmam, yadrūwetpujyatetukam, na gakyamanyaśuddhāntu, paṇdhiteḥtridaśerapiḥ. ikangśubhāśubhapangĕdhumbhaṭara, tankawnangikālinanggandesangpaṇdhita. dewatwitankawnangpangilaknĕk̶, padhambhaṭarā. mangkanayankatka ningpati, sadenyahumilangakĕntanwĕnangluputā. sumahūr̀sisambhadha. ndyatikāśabdhamangakanasangnaṇdhakā. mojar̀sangnaṇdhakā. hanayekaputrangaranya. hanatayawwangbhabha‐

Leaf 93

Image on Archive.org

[᭙᭓ 93B] ᭙᭓ ᬢᬸᬭᬦ᭄‌ᬢᬗᬭᬦ᭄ᬬ᭟ᬤᬹᬃᬚ᭄ᬚᬦᬦ᭄ᬬᬫᬮᬶᬂ᭟ᬤᬹᬃᬮᬪᬵᬢᬶᬓᬂᬯᬦᬤᬾᬦ᭄ᬬ᭞ᬲᬶᬦᬮᬩᬭᬓᭂᬦ᭄ᬢᬬᬤᬾᬦᬶᬭᬢᬡ᭄ᬥᬭᬓᬭᬓ᭄ᬭ᭄ᬬᬦ᭄ᬓᬩᬾᬄ᭟ᬢ᭄ᬓᬭᬶᬂᬢᬦᬬᬦ᭄ᬢᬦᬶ᭟ᬅᬲᬫᬵᬫᭀᬮᬶᬳᬾᬲᬶᬩᬢᬹᬃᬢᬱ᭄ᬓᬭᬵ᭟ᬫᬭᬳᬵᬢᬭᬶᬰ᭄ᬭᬶᬫᬳ ᬭᬵᬚᬵ᭟ᬯᬾᬳᭂᬦ᭄ᬲᬓᬳ᭄ᬬᬸᬦᬶᬭ᭟ᬫᬗ᭄ᬓᬦᬵᬚ᭄ᬜᬰ᭄ᬭᬷᬫᬳᬵᬭᬚ᭞ᬢ᭄ᬮᬲ᭄ᬯᬶᬦᬾᬄᬦ᭄ᬬᬓᬩᬾᬄᬳᬲᬶᬂᬓᬳᬦᬦᬶᬓᬂᬪᬢᬹᬃᬢᬱ᭄ᬓᬭ᭞ᬧᬶᬦᬾᬢ᭄ᬲᬶᬦᬸᬓ᭄ᬱ᭄ᬫᬵ᭟ᬢᬶᬦ᭄ᬯᬶᬢ᭄ᬯᬶ᭞ᬫᬮᬬᬹᬢᬬᬵᬦᬸᬲᬸᬧᬶᬂᬳᬮᬲ᭄᭞ᬳᬫᬗ᭄ᬕᬶᬄᬢᬬᬧᬢ ᬧᬦ᭄᭟ᬲᬂᬧᬶᬓᬰ᭄ᬭᬫᬵᬗᬭᬦᬶᬂᬲᬂᬢᬧᬵ᭟ᬅᬫ᭄ᬧᭂᬲ᭄ᬢᬬᬵᬭᬶᬂᬲᬶᬭᬵ᭟ᬉᬥᬦᬶᬢᬫᬦᬄᬦ᭄ᬬᬯ᭄ᬓᬲᬦ᭄᭞ᬫᬭᬶᬢᬬᬲᬶᬦᬡ᭄ᬥᬬᬭᬶᬂᬭᬢ᭄᭟ᬬᬢᬫᬢᬂᬦ᭄ᬬᬦᬵᬕᭃᬂᬓᬪᬓ᭄ᬢᬶᬦ᭄ᬬᬭᬶᬲᬂᬕᬸᬭᬹᬦ᭄ᬬ᭟ᬳᬫᬮᬓᬸᬯᬶᬦᬭᬄᬯ᭠ ᬭᬄ᭞ᬫᬓᬤᭀᬦ᭄ᬓᬳᬶᬮᬗᬦᬶᬂᬓ᭄ᬮᬾᬰᬦ᭄ᬬ᭟ᬤᬤᬶᬢᬲᬂᬧᬡ᭄ᬥᬶᬢᬫᬚᬃ᭞ᬅᬬ᭄ᬯᬲᬗ᭄ᬰᬬᬵᬢᬳᬦᬓᬸ᭟ᬫᬧᬢᬓᬶᬢᬵ᭟ᬮᬓᬸᬧᬭᬫᬭᬾᬂᬲ᭄ᬫᬰᬡᬵ᭟ᬫᬫᬾᬢ᭄‌ᬯ᭄ᬯᬗ᭄ᬓᬾᬓᬂᬯᬳᬸᬢᬶᬦᬶᬯᬓᭂᬦ᭄᭟ᬫᬗ᭄ᬓᬦ [᭙᭔ 94A] ᬮᬶᬂᬲᬂᬢᬧᬵ᭟ᬮᬸᬗ᭄ᬳᬵᬢᬪᬢᬹᬃᬢᬱ᭄ᬓᬭᬵᬫᬭᬶᬂᬰ᭄ᬫᬰᬡ᭟ᬢᬥᬦᬦ᭄ᬢᬭᬵᬫᬫᬗ᭄ᬕᬶᬄᬢᬬᬯ᭄ᬯᬗ᭄ᬓᬾ᭠ᬯᬳᬸᬢᬶᬦᬶᬯᬓᭂᬦ᭄᭟ᬫᬸᬮᬶᬄᬢᬫᬭᬾᬂᬲ᭄ᬯᬕᬸᬭᬹᬦ᭄ᬬ᭟ᬯᬦ᭄ᬢᭂᬦ᭄ᬧᬸᬓᬸᬮᬸᬦ᭄‌ᬯ᭄ᬯᬗ᭄ᬓᬾᬯᬳᬸᬢᬶᬦᬶᬯᬓᭂᬦ᭄᭟ᬫᬗ᭄ᬓᬦ ᬮᬶᬂᬦ᭄ᬬ᭟ᬪᬕ᭄ᬬᬇᬓᬶ᭟ᬮᬶᬂᬲᬂᬢᬧᬵ᭟ᬮᬸᬫᬫ᭄ᬧᬄᬢᬬᬲᬂᬧᬡ᭄ᬥᬶᬢ᭞ᬫ᭄ᬯᬂᬇᬓᬂᬪᬢᬹᬃᬢᬱ᭄ᬓᬭᬵ᭞ᬥᬢᬂᬲᬶᬭᬭᬶᬲ᭄ᬫᬵᬰᬡ᭞ᬲ᭄ᬥᬂᬲᬥᬓᬵ᭞ᬮᬸᬫ᭄ᬓᬲᬶᬭᬵᬫᬹᬚᬭᬶᬂᬯ᭄ᬯᬗ᭄ᬓᬾ᭞ᬲᬳᬕᬡ᭄ᬥᬲᬣ᭞ᬥᬸᬧᬥᬶᬧᬵ᭞ᬕᬸᬮ᭄ᬕᬸᬮ᭞ᬲ᭄ᬓᬃᬳᬸ ᬭ᭞ᬘᬡ᭄ᬥᬦ᭞ᬦᬶᬯᬾᬥ᭄ᬬ᭞ᬢ᭄ᬮᬲ᭄ᬧ᭄ᬯᬲᬶᬦᬶᬤ᭄ᬥᬶᬓᬵᬭᬦᬶᬭᬇᬓᬂᬯ᭄ᬯᬗ᭄ᬓᬾ᭟ᬓᬶᬦᬾᬦᬶᬭᬢᬓᬯᬰᬓᬲᬳᬲᬓ᭄ᬦᬭᬶᬂᬧᬺᬡᬄᬦ᭄ᬬ᭟ᬫ᭄ᬯᬄᬓᬶᬦᬾᬦᬶᬭᬢᬂᬪᬢᬹᬃᬢᬱ᭄ᬓᬭᬫᬢᬸᬭ᭄ᬯᬕᬸᬫᬦ᭄ᬢ᭄ᬬᬦᬂᬯᬗ᭄ᬓᬾ᭞ᬳᬢ᭄ᬳᭂᬃᬗᬋᬗ᭄ᬯᬓ᭄ᬦᬵ ᬯᬸᬯᬸᬲ᭄ᬦᬶᬓᬂᬯ᭄ᬯᬗ᭄ᬓᬾ᭟ᬤᬾᬦᬶᬂᬪᬢᬹᬃᬢᬱ᭄ᬓᬭ᭟ᬭᬶᬯ᭄ᬓᬲᬦ᭄‌ᬫᬦ᭄ᬢᬸᬓ᭄ᬢᬲᬂᬧᬡ᭄ᬥᬶᬢᬵ᭞ᬓᬯ᭄ᬓᬲ᭄ᬢᬲᬂᬪᬢᬹᬃᬢᬲ᭄ᬓᬭᬓᬭᬶᬭᬶᬂᬲ᭄ᬫᬵᬱᬡ᭞ᬫᬢᬸᬭᬹᬮᬸᬫ᭄ᬓᬲᬓᭂᬦ᭄ᬲᬮᬶᬂᬲᬂᬧᬵᬡ᭄ᬥᬶᬢ᭟ᬇᬭᬶᬓᬂᬢ᭄ᬗᬄᬓᬸᬍᬫ᭄ᬧ᭄ᬯ᭞ᬳᬥ

Auto-transliteration

[93 93B] 93 turantangaranya. dūr̀jjananyamaling. dūr̀labhātikangwanadenya, sinalabarakĕntayadenirataṇdharakarakryankabeḥ. tkaringtanayantani. asamāmolihesibatūr̀taṣkarā. marahātariśrimaha rājā. wehĕnsakahyunira. mangkanājñaśrīmahāraja, tlaswineḥnyakabeḥhasingkahananikangbhatūr̀taṣkara, pinetsinukṣmā. tinwitwi, malayūtayānusupinghalas, hamanggiḥtayapata pan. sangpikaśramāngaraningsangtapā. ampĕstayāringsirā. udhanitamanaḥnyawkasan, maritayasinaṇdhayaringrat. yatamatangnyanāgöngkabhaktinyarisanggurūnya. hamalakuwinaraḥwa‐ raḥ, makadonkahilanganingkleśanya. daditasangpaṇdhitamajar̀, aywasangśayātahanaku. mapatakitā. lakuparamarengsmaśaṇā. mametwwangkekangwahutiniwakĕn. mangkana [94 94A] lingsangtapā. lunghātabhatūr̀taṣkarāmaringśmaśaṇa. tadhanantarāmamanggiḥtayawwangke‐wahutiniwakĕn. muliḥtamarengswagurūnya. wantĕnpukulunwwangkewahutiniwakĕn. mangkana lingnya. bhagya'iki. lingsangtapā. lumampaḥtayasangpaṇdhita, mwangikangbhatūr̀taṣkarā, dhatangsirarismāśaṇa, sdhangsadhakā, lumkasirāmūjaringwwangke, sahagaṇdhasatha, dhupadhipā, gulgula, skar̀hu ra, caṇdhana, niwedhya, tlaspwasiniddhikāranira'ikangwwangke. kineniratakawaśakasahasaknaringpr̥ĕṇaḥnya. mwaḥkineniratangbhatūr̀taṣkaramaturwagumantyanangwangke, hat'hĕr̀ngar̥ĕngwaknā wuwusnikangwwangke. deningbhatūr̀taṣkara. riwkasanmantuktasangpaṇdhitā, kawkastasangbhatūr̀taskarakariringsmāṣaṇa, maturūlumkasakĕnsalingsangpāṇdhita. irikangtngaḥkul̥ĕmpwa, hadha

Leaf 94

Image on Archive.org

[᭙᭔ 94B] ᭙᭔ ᬦ᭄ᬢᬲᬂᬳ᭄ᬬᬂᬢᬬᬵᬫᬸᬮᬢᬶᬂᬰᬯᬵ᭟ᬲᬧᬢᬓᬶᬢᬳᬦᬗ᭄ᬓᬾ᭟ᬭᬶᬂᬳᬸᬗ᭄ᬕ᭄ᬯᬗ᭄ᬓᬸᬧᬢᬸᬭᬹᬭᬶᬂᬳᬸᬗ᭄ᬕ᭄ᬯᬦ᭄ᬢᬵ᭟ᬲᬧᬳᬭᬦ᭄ᬢᬵ᭟ᬳᬦᬭᬶᬂᬗ᭄ᬓᭀᬦᭀ᭟ᬲᬸᬫᬳᬹᬃᬢᬾᬓᬂᬪᬢᬹᬃᬢᬱ᭄ᬓᬭ᭟ᬦ᭄ᬤᬶᬲᬶᬧ᭄ᬯᬲᬶᬳᬸᬗ᭄ᬕ᭄ᬯᬦᬗ᭄ᬓᬸ᭟ᬫᬗ᭄ᬓᬦᬲᬳᬹᬃᬇᬓᬂ ᬪᬢᬹᬃᬢᬱ᭄ᬓᬭᬵ᭟ᬲᬸᬫᬳᬹᬃᬇᬓᬂᬯᬗ᭄ᬓᬾ᭟ᬳᬾᬲᬂᬪᬢᬹᬃᬢᬱ᭄ᬓᬭᬵ᭟ᬅᬓᬸᬭᬶᬪᬤ᭄ᬭᬯᬥᬗᬭᬦ᭄ᬬ᭞ᬧᬶᬦᬓᬢᬭᬩᬶᬦᬶᬓᬂᬯᬤ᭄ᬯᬭᬶᬂᬧᬥᬮᬶᬧᬸᬢ᭄ᬭᬵ᭞ᬢ᭄ᬓᬦᬦᬢᭀᬗ᭄ᬕ᭄ᬯᬦᬦ᭄ᬢᬵ᭟ᬫᬗ᭄ᬓᬦᭀᬚᬃᬇᬓᬂᬯᬗ᭄ᬓᬾ᭞ᬬᬢᬭᬶᬢ᭄ᬗᭂᬢᬶ ᬓᬂᬪᬢᬹᬃᬢᬱ᭄ᬓᬭᬵᬭᬶᬲᬓᬢᬫ᭄ᬩᬾᬜ᭄ᬚᬶᬂ᭞ᬫᬭᬢᬬᬵᬢᬾᬓᬂᬢᬹᬃᬢᬱ᭄ᬓᬭᬵ᭞ᬫᬚᬭᬓᭂᬦ᭄ᬰᬩ᭄ᬥᬦᬶᬓᬂᬯᬗ᭄ᬓᬾᬭᬶᬂᬲᬂᬧᬡ᭄ᬥᬶᬢᬵ᭟ᬤᬤᬶᬢᬲᬶᬭᬫᭀᬚᬃ᭞ᬮᬶᬂᬦ᭄ᬬ᭟ᬳᬾᬅᬦᬓᬸᬪᬢᬹᬃᬢᬱ᭄ᬓᬭᬵ᭟ᬓᬮᬶᬗᬦ᭄ᬬᬳᬸᬚᬃ ᬇᬓᬂᬯᬗ᭄ᬓᬾ᭞ᬬᬦ᭄ᬓᬫᬸᬫᬭᬶᬂᬪᬤ᭄ᬭᬯᬥ᭞ᬫᬢᬶᬓᬫᬸ᭞ᬓᬮᬶᬗᬦ᭄ᬬᬅᬬ᭄ᬯᬢᬓᬶᬢᬫᬭᬗ᭄ᬓᬦ᭟ᬫᬗ᭄ᬓᬦᬮᬶᬂᬲᬂᬧᬡ᭄ᬥᬶᬢᬵ᭟ᬬᬢ᭄ᬦᬢᬾᬓᬂᬪᬢᬹᬃᬢᬱ᭄ᬓᬭ᭞ᬅᬢ᭄ᬳᭂᬃᬬᬫᬶᬦ᭄ᬢᭂᬦᬸᬕ᭄ᬭᬳᬦ᭞ᬤᬤᬶᬢᬯᬶᬦᬭᬳᬶᬂᬥᬃ [᭙᭕ 95A] ᬫ᭄ᬫ᭟ᬭᬶᬢ᭄ᬮᬲ᭄ᬦ᭄ᬬᬓᬺᬢ᭄ᬢᭀᬧᬥᬾᬰᬵ᭞ᬇᬓᬂᬪᬢᬹᬃᬢᬱ᭄ᬓᬭᬵᬫᬫ᭄ᬯᬶᬢᬬᬵ᭟ᬕᬸᬫᬯᬾᬧᬢᬧᬦ᭄᭟ᬫᬮᬯᬲ᭄‌ᬧ᭄ᬯᬬᬫᬢᬧᬵ᭞ᬳᬦᬢᬬᬵᬫᬺᬢ᭄ᬬᬸᬧᬬᬵᬲ᭄ᬢ᭄ᬭᬶᬧᬶᬦᬓᬧᬫᬜ᭄ᬘᬡᬦ᭄ᬬ᭞ᬬᬢᬓᬧᬗ᭄ᬕᬶᬄᬤᬾᬦᬶᬓᬂᬪᬢᬹᬃᬢᬱ᭄ᬓᬭ ᬭᬶᬳᬮᬲ᭄᭟ᬢᬶᬦᭀᬦ᭄ᬬᬤᬾᬲᬂᬪᬢᬹᬃᬢᬱ᭄ᬓᬭ᭞ᬓᬓ᭄ᬱᭂᬧᬵᬗ᭄ᬳᭂᬦᬵᬗ᭄ᬳᭂᬦᬶᬓᬂᬪᬢᬹᬃᬢᬱ᭄ᬓᬭᬵ᭞ᬫᭀᬚᬃᬢᬬ᭞ᬮᬶᬂᬦ᭄ᬬ᭟ᬳᬾᬓᬂᬲ᭄ᬢ᭄ᬭᬷ᭟ᬦ᭄ᬤᬶᬲᬶᬦᬗ᭄ᬓᬦ᭄ᬢᬵ᭟ᬲᬸᬫᬳᬹᬃᬇᬓᬂᬲ᭄ᬢ᭄ᬭᬶ᭟ᬗ᭄ᬳᬸᬮᬸᬦ᭄ᬢᬶᬦᬓ᭄ᬯᬦᬓᭂᬦ᭄ᬭᬶᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬲ᭄ᬢ᭄ᬭᬶᬮᬯ ᬲ᭄‌ᬲᬶᬦ᭄ᬕᭂᬄᬳᬶᬂᬩᬧᬾᬪᬹᬗ᭄ᬳᬸᬮᬸᬦ᭄᭟ᬧᬶᬦᬭᬶᬓ᭄ᬥᬯᬭᬗᭂᬦ᭄‌ᬓᬾᬲᬶᬄᬦᬶᬗ᭄ᬳᬸᬮᬸᬦ᭄᭟ᬬᬢᬓᬗ᭄ᬳᬸᬮᬸᬦ᭄‌ᬳᬸᬫᬳᬲ᭄‌ᬳᬶᬓᬾᬗ᭄ᬳᬮᬲ᭄᭞ᬓᬢ᭄ᬫᬸᬳᬋᬧ᭄‌ᬅᬉᬭᬶᬧᬵ᭟ᬫᬗ᭄ᬓᬾᬧ᭄ᬯᬫᬳ᭄ᬬᬸᬦ᭄‌ᬗ᭄ᬯᬂᬫᬮᬓ᭄ᬬᬲᬂᬢᬧᬵ᭟ᬫᬗ᭄ᬓᬦᬮᬶᬂᬦᬶᬓᬂᬫᬺᬢ᭄ᬬᬸ ᬩᬜ᭄ᬘᬡ᭟ᬅᬫᭀᬖᬢᬾᬓᬂᬢᬹᬃᬢᬱ᭄ᬓᬭᬓ᭄ᬦᬭᬕᬵ᭟ᬫᬧᬗ᭄ᬕᬶᬄᬢᬬᬯ᭄ᬓᬲᬦ᭄᭞ᬫᬮᬯᬲ᭄ᬢᬬᬫᬧᬗ᭄ᬕᬶᬄ᭞ᬫᬦᬓ᭄ᬢᬬᬲᬲᬶᬓᬶᬚᬮᬸ᭟ᬮᬶᬲ᭄ᬢ᭄ᬯᬬᬸᬧᬭᬶᬧᬹᬃᬡ᭄ᬦ᭞ᬢᬳᬸᬢᬬᬪᬶᬱᬮᬸᬫᬓᬸ᭞ᬅᬲᬶᬄᬢᬬᬫᬦᬓ᭄‌ᬫᬭᬩᬶ᭟

Auto-transliteration

[94 94B] 94 ntasanghyangtayāmulatingśawā. sapatakitahanangke. ringhunggwangkupaturūringhunggwantā. sapaharantā. hanaringngkono. sumahūr̀tekangbhatūr̀taṣkara. ndisipwasihunggwanangku. mangkanasahūr̀ikang bhatūr̀taṣkarā. sumahūr̀ikangwangke. hesangbhatūr̀taṣkarā. akuribhadrawadhangaranya, pinakatarabinikangwadwaringpadhaliputrā, tkananatonggwanantā. mangkanojar̀ikangwangke, yataritngĕti kangbhatūr̀taṣkarārisakatambeñjing, maratayātekangtūr̀taṣkarā, majarakĕnśabdhanikangwangkeringsangpaṇdhitā. daditasiramojar̀, lingnya. he'anakubhatūr̀taṣkarā. kalinganyahujar̀ ikangwangke, yankamumaringbhadrawadha, matikamu, kalinganya'aywatakitamarangkana. mangkanalingsangpaṇdhitā. yatnatekangbhatūr̀taṣkara, at'hĕr̀yamintĕnugrahana, daditawinarahingdhar̀ [95 95A] mma. ritlasnyakr̥ĕttopadheśā, ikangbhatūr̀taṣkarāmamwitayā. gumawepatapan. malawaspwayamatapā, hanatayāmr̥ĕtyupayāstripinakapamañcaṇanya, yatakapanggiḥdenikangbhatūr̀taṣkara rihalas. tinonyadesangbhatūr̀taṣkara, kaksyĕpānghĕnānghĕnikangbhatūr̀taṣkarā, mojar̀taya, lingnya. hekangstrī. ndisinangkantā. sumahūr̀ikangstri. nghuluntinakwanakĕnrirahadyansanghulun, strilawa ssin'gĕḥhingbapebhūnghulun. pinarikdhawarangĕnkesiḥninghulun. yatakanghulunhumahashikenghalas, katmuhar̥ĕpa'uripā. mangkepwamahyunngwangmalakyasangtapā. mangkanalingnikangmr̥ĕtyu bañcaṇa. amoghatekangtūr̀taṣkaraknaragā. mapanggiḥtayawkasan, malawastayamapanggiḥ, manaktayasasikijalu. listwayuparipūr̀ṇna, tahutayabhiṣalumaku, asiḥtayamanakmarabi.

Leaf 95

Image on Archive.org

[᭙᭕ 95B] ᭙᭕ ᬫᭀᬚᬃᬢᬾᬓᬗᬦᬓ᭄᭞ᬮᬶᬂᬦ᭄ᬬ᭟ᬫᬲ᭄ᬬᬲᬶᬄᬧ᭄ᬯᬲᬂᬩᬧᬦ᭄᭟ᬅᬢᭂᬃᬗ᭄ᬳᬸᬮᬸᬦ᭄‌ᬫᬭᬾᬂᬩᬧᬵ᭞ᬫ᭄ᬯᬂᬇᬪᬸ᭟ᬲᬸᬫᬳᬹᬃᬢᬾᬓᬂᬪᬢᬹᬃᬢᬱ᭄ᬓᬭᬵ᭟ᬦ᭄ᬤᬶᬢᬤᬾᬰᬦ᭄ᬬ᭞ᬇᬪᬹᬦ᭄ᬢᬵ᭟ᬲᬸᬫᬳᬹᬃᬲ᭄ᬢ᭄ᬭᬶᬦ᭄ᬬ᭟ᬇᬓᬂᬯᬦ᭄ᬯᬭᬶᬂᬧᬥᬮᬶᬧᬸᬢ᭄ᬭᬵ᭞ᬳᬶᬂᬤᬤ᭄ᬭᬯᬥ ᬗᬭᬦ᭄ᬬ᭟ᬲᬸᬫᬳᬹᬃᬇᬓᬂᬪᬢᬹᬃᬢᬱ᭄ᬓᬭᬵ᭟ᬳᬾᬳᬧᬤᬬᬗ᭄ᬓ᭄ᬯᬵ᭞ᬢᬃᬯ᭄ᬦᬂᬳᬓᬸᬫᬭᬾᬭᬶᬬᬵ᭟ᬮᬶᬂᬦᬶᬂᬤᬾᬯᬰᬩ᭄ᬥᬫᬗ᭄ᬓᬦᬵ᭞ᬫ᭄ᬯᬂᬯ᭄ᬓᬲ᭄‌ᬲᬂᬕᬸᬭᬹ᭟ᬫᬗ᭄ᬓᬦᬮᬶᬂᬪᬢᬹᬃᬢᬱ᭄ᬓᬭ᭟ᬮᬸᬗᬳᬢᬲ᭄ᬢ᭄ᬭᬶᬦ᭄ᬬ᭞ᬳᬸᬫᭂᬫ᭄ᬩᬦᬦᬓ᭄ᬦ᭄ᬬ᭞ᬅᬤᭀᬄᬳᬸᬮᬶᬄᬦ᭄ᬬᬮᬸᬫ ᬓᬸ᭞ᬫᬗ᭄ᬳᭂᬦᬗ᭄ᬳᭂᬦ᭄‌ᬇᬓᬂᬪᬢᬹᬃᬢᬱ᭄ᬓᬭᬵ᭞ᬅᬢ᭄ᬬᬦ᭄ᬢᬓᬲ᭄ᬬᬲᬶᬄᬭᬲᬶᬓᬅᬭᬄᬬᬮᬓ᭄ᬯᬓᬭ᭄ᬯᬦᬓ᭄ᬦ᭄ᬬ᭞ᬢᬸᬫᬸᬢᬬᬯ᭄ᬓᬲ᭄ᬦ᭄ᬬ᭟ᬤᬤᬶᬢᬬᬵᬤᬸᬮᬹᬃᬮᬓᬸ᭞ᬮᬯᬦ᭄‌ᬲ᭄ᬢ᭄ᬭᬶᬦ᭄ᬬᬮᬸᬫᬫ᭄ᬧᬄ᭟ᬧᬶᬢ᭄ᬯᬶᬬᬦᬗᭂᬫ᭄ᬩᬦ᭄ᬭᬭᬾ᭞ᬫᬳ᭄ᬮᭂᬢᬬᬕᬸᬮᬸ ᬗᬦ᭄᭟ᬧᬶᬭᬢᬓᬸᬦᬂᬮᬯᬲ᭄ᬦ᭄ᬬᬭᬶᬗᬯᬦ᭄᭞ᬢ᭄ᬓᬬᬭᬶᬯᬦ᭄ᬯᬦᬶᬂᬧᬥᬮᬶᬧᬸᬢ᭄ᬭ᭞ᬫᬭᬃᬬ᭄ᬬᬦ᭄ᬢᬬᬭᬶᬂᬲᭀᬃᬭᬶᬂᬅᬫ᭄ᬩᬸᬮᬸ᭞ᬲᬶᬲᬸᬪᬢᬹᬃᬢᬱ᭄ᬓᬭᬵ᭟ᬓᬜ᭄ᬘᬶᬢ᭄‌ᬢᬰ᭄ᬭᬷᬫᬳᬵᬭᬵᬚᬓᬳᬶᬮᬗᬦ᭄‌ᬯ᭄ᬥᬸᬲ᭄ᬓᬃᬯ᭄ᬯᬦᬓ᭄ᬦ᭄ᬬᬧᬶᬦᬾᬢ᭄‌ᬢᬬ [᭙᭖ 96A] ᬭᬶᬦᬭᬄᬤᬾᬦᬶᬂᬯᬤ᭄ᬯ᭞ᬓᬧᬗ᭄ᬕᬶᬄᬢᬾᬓᬂᬩᬢᬹᬃᬢᬱ᭄ᬓᬭᬤᬾᬦᬶᬂᬭᬸᬫᬭᬄᬲ᭄ᬥᬸᬲ᭄᭟ᬢᬶᬦᬓ᭄ᬯᬦᬦ᭄ᬢᬂᬩᬢᬹᬃᬢᬱ᭄ᬓᬭ᭟ᬮᬶᬂᬦ᭄ᬬ᭞ᬳᬾᬓᬶᬢᬲᬂᬳᬕᬸᬦᬸᬗᬦ᭄᭞ᬳᭀᬭᬓᬶᬢᬵᬦᭀᬦ᭄‌ᬯ᭄ᬥᬸᬲ᭄ᬓᬭ᭄ᬯᬵᬦᬓ᭄ᬦ᭄ᬬ᭟ᬲᬸᬫᬳᬹᬃᬇᬓᬂᬩ ᬢᬹᬃᬢᬱ᭄ᬓᬭ᭟ᬢᬦ᭄ᬯ᭄ᬭᬸᬄ᭞ᬮᬶᬂᬦ᭄ᬬ᭟ᬲᬦ᭄ᬤᬾᬳᬢᬵᬫ᭄ᬩᭂᬓᬶᬓᬂᬫᬗ᭄ᬭᬸᬭᬹᬄ᭞ᬯᬮᬶᬂᬦ᭄ᬬᬓᬶᬦ᭄ᬓᭂᬲ᭄‌ᬢᬬᬭᬶᬂᬢᬸ᭠ᬮᬸᬗᬦ᭄᭟ᬤᬤᬶᬢᬭᬶᬦᬭᬄᬦ᭄ᬬᬭᬶᬂᬚ᭄ᬭᭀᬕᬸᬮᬸᬗᬦ᭄᭟ᬓᬢ᭄ᬫᬸᬢᬲ᭄ᬢ᭄ᬭᬶᬦ᭄ᬬᬫᬢ᭄ᬫᬳᬦ᭄‌ᬯ᭄ᬥᬸᬲ᭄ᬓᬭ᭄ᬯᬦᬓ᭄ᬦ᭄ᬬ᭟ᬧᬶᬦᬶᬦ᭄ᬢᭀᬓ᭠ ᬓ᭄ᬦᬭᬶᬂᬩᬢᬹᬃᬢᬱ᭄ᬓᬭᬵ᭟ᬅᬰ᭄ᬘᬃᬬ᭄ᬬᬦ᭄ᬢᬾᬓᬂᬩᬢᬹᬃᬢᬱ᭄ᬓᬭᬵ᭟ᬭᬶᬯ᭄ᬓᬲᬦ᭄ᬲᬶᬤ᭄ᬥᬘᭀᬭᬄᬇᬓᬂᬪᬢᬹᬃᬢᬱ᭄ᬓᬭ᭞ᬮᬶᬂᬇᬓᬂᬭᬸᬫᬭᬄᬓᬩᬾᬄ᭞ᬧᬶᬦᬢ᭄ᬬᬦ᭄ᬬᬢᬬᬵ᭟ᬯᬗ᭄ᬓᬾᬦ᭄ᬬᬯᬶᬦᭂᬦ᭄ᬤᭂᬫᬶᬂᬳ᭄ᬯᬤᬶᬂᬅᬫ᭄ᬩᬸᬮᬸ᭞ᬲᬸᬲᬸᬪ ᬢᬃ᭟ᬦᬳᬦ᭄ᬢᬶᬦᬾᬦ᭄ᬤᬾᬪᬕᬯᬦ᭄ᬪᬲᬸᬩᬕᬅᬦ᭄ᬫᬕᬯᬾᬰ᭄ᬮᭀᬓᬵ᭟᭚ᬰ᭄ᬯᬫᬺᬢ᭄ᬬᬸᬬᬫ᭄‌ᬢ᭄ᬭᬬᭀᬬᬢ᭄ᬯ᭞ᬲᬫᬢ᭄ᬭᬾᬯᬦᬫᬸᬢ᭄ᬬᬬᬾᬢ᭄᭞ᬚᬦᬓ᭄ᬦᬧᬶᬕᬢᭀᬦᬲᬫ᭄᭞ᬲᬸᬪᬤᬾᬪᬢᬹᬃᬢᬱ᭄ᬓᬭᬫ᭄᭟ᬇ

Auto-transliteration

[95 95B] 95 mojar̀tekanganak, lingnya. masyasiḥpwasangbapan. atĕr̀nghulunmarengbapā, mwangibhu. sumahūr̀tekangbhatūr̀taṣkarā. nditadeśanya, ibhūntā. sumahūr̀strinya. ikangwanwaringpadhaliputrā, hingdadrawadha ngaranya. sumahūr̀ikangbhatūr̀taṣkarā. hehapadayangkwā, tar̀wnanghakumareriyā. lingningdewaśabdhamangkanā, mwangwkassanggurū. mangkanalingbhatūr̀taṣkara. lungahatastrinya, humĕmbananaknya, adoḥhuliḥnyaluma ku, manghĕnanghĕnikangbhatūr̀taṣkarā, atyantakasyasiḥrasika'araḥyalakwakarwanaknya, tumutayawkasnya. daditayādulūr̀laku, lawanstrinyalumampaḥ. pitwiyanangĕmbanrare, mahlĕtayagulu ngan. piratakunanglawasnyaringawan, tkayariwanwaningpadhaliputra, marar̀yyantayaringsor̀ringambulu, sisubhatūr̀taṣkarā. kañcittaśrīmahārājakahilanganwdhuskar̀wwanaknyapinettaya [96 96A] rinaraḥdeningwadwa, kapanggiḥtekangbatūr̀taṣkaradeningrumaraḥsdhus. tinakwanantangbatūr̀taṣkara. lingnya, hekitasanghagunungan, horakitānonwdhuskarwānaknya. sumahūr̀ikangba tūr̀taṣkara. tanwruḥ, lingnya. sandehatāmbĕkikangmangrurūḥ, walingnyakinkĕstayaringtu‐lungan. daditarinaraḥnyaringjrogulungan. katmutastrinyamatmahanwdhuskarwanaknya. pinintoka‐ knaringbatūr̀taṣkarā. aścar̀yyantekangbatūr̀taṣkarā. riwkasansiddhacoraḥikangbhatūr̀taṣkara, lingikangrumaraḥkabeḥ, pinatyanyatayā. wangkenyawinĕndĕminghwadingambulu, susubha tar̀. nahantinendebhagawanbhasubaga'anmagaweślokā. // śwamr̥ĕtyuyamtrayoyatwa, samatrewanamutyayet, janaknapigatonasam, subhadebhatūr̀taṣkaram. i

Leaf 96

Image on Archive.org

[᭙᭖ 96B] ᭙᭖ ᬓᬂᬯ᭄ᬯᬂᬓᬸᬫᬯ᭄ᬭᬸᬄᬭᬶᬂᬧᬢᬶᬦ᭄ᬬ᭞ᬳᬦᬫᬸᬗ᭄ᬕ᭄ᬯᬶᬂᬤᬾᬰᬳᬶᬦᬸᬳᬸᬢᬓᭂᬦ᭄‌ᬗ᭄ᬕ᭄ᬯᬦ᭄ᬬ᭞ᬫᭀᬮᬶᬄᬉᬧᬬᬦ᭄ᬬᬢᬦ᭄ᬫᬢ᭄ᬬ᭟ᬓᬝᬫᬧᬶᬬᬢᬦ᭄ᬤᬤᬶᬯ᭄ᬦᬂᬳᬸᬫᬶᬮᬗᬶᬧᬢᬶ᭞ᬅᬧᬦᬸᬯᬸᬲ᭄ᬧᬥᬸᬫ᭄ᬲᬗ᭄ᬳ᭄ᬬᬂ᭟ᬢᭀᬦᭂᬦ᭄ᬢᬪᬢᬹᬃᬢᬱ᭄ᬓᬭᬵ᭟ᬦᬳᬦ᭄ᬢᬯ᭄ᬬ ᬓ᭄ᬢᬶᬦ᭄ᬬ᭞ᬓᬺᬢ᭄ᬢᬯᬶᬳᬶᬓᬗᬭᬦ᭄ᬬ᭟ᬮᬯᬦ᭄ᬢᬵᬓᬸᬢ᭄ᬕᬸᬄᬳᬶᬂᬧᬫᬶᬢ᭄ᬭᬗ᭄ᬓᬸᬚᬸᬕᬮᬯᬦ᭄‌ᬲᬂᬘᬡ᭄ᬥᬧᬶᬗ᭄ᬕᬮᬵ᭟ᬲᬸᬫᬳᬹᬃᬲᬶᬲᬫ᭄ᬪᬥ᭟ᬫᬧᬇᬓᬵᬬᬦ᭄ᬓᬯᬶᬲ᭄ᬬᬧᬶᬦᬓᭀᬧᬫᬦ᭄ᬢᬵ᭟ᬲᬸᬫᬳᬹᬃᬲᬂᬦᬡ᭄ᬥᬓᬵ᭟ᬳᬦᬬᬇᬯᬓ᭄ ᬢᬶᬕᬲᬦᬓ᭄ᬦ᭄ᬬ᭟ᬓᬸᬦᬂᬗᬭᬦ᭄ᬬ᭞ᬲᬶᬪᬯᬶᬲ᭄ᬬᬢᬶ᭞ᬲᬶᬧᬢ᭄ᬬᬸᬫ᭄ᬦᬫᬢᬶ᭞ᬲᬶᬪᬕᬯᬶᬥᬢᬵ᭟ᬢᬫᭀᬮᬄᬇᬓᬂᬢᬮᬕᬵ᭟ᬅᬮᬯᬲ᭄ᬢᬦᬗ᭄ᬓᬦᬵ᭞ᬢ᭄ᬓᬢᬂᬮᬳ᭄ᬭᬸᬓᬂᬓᬂ᭟ᬫᬬᬢᬲᬢ᭄‌ᬳ᭄ᬯᬾᬦᬶᬓᬂᬢᬮᬕᬵ᭞ᬅ ᬫᬶᬢᬶᬓᬂᬦᭀᬢᬾᬯᬶᬖᬢᬭᬶᬂᬲᬦᬓ᭄ᬦ᭄ᬬ᭞ᬮᬶᬂᬦ᭄ᬬ᭟ᬳᬾᬲᬂᬳᬦ᭄ᬢᭂᬦ᭄ᬓᬸᬓᬮᬶᬄ᭞ᬲᬸᬕ᭄ᬬᬦᬲᬢᬳ᭄ᬯᬾᬦᬶᬓᬂᬢᬮᬕᬇᬓᬶ᭟ᬮᬸᬗ᭄ᬳᬲᬓᬶᬗ᭄ᬓᬾᬳᬓᬸ᭟ᬧᬸᬗ᭄ᬧᬸᬗᭂᬦ᭄ᬧ᭄ᬯᬳᬦᬳᬶᬮᬶᬦᬶᬓᬂᬢᬮᬕ᭞ᬬᬢᬢᬸᬢᬓ᭄ᬦ [᭙᭗ 97A] ᬗ᭄ᬓ᭄ᬯᬵ᭟ᬓᬸᬦᬂᬓᬶᬢᬓᬮᬶᬄᬫᬧᬳ᭄ᬬᬸᬦ᭄ᬢᬵ᭟ᬲᬸᬫᬳᬹᬃᬇᬓᬂᬧ᭄ᬭᬢ᭄ᬬᬸᬫ᭄ᬦᬫᬢᬶ᭟ᬢᬦᬵᬓᬸᬲᬳᬵᬲᬓᬶᬗ᭄ᬓᬾ᭟ᬦ᭄ᬤᬾᬦ᭄ᬫᭀᬧᬬᬗ᭄ᬓᬵᬤ᭄ᬮᬳᬵ᭟ᬲᬸᬫᬳᬹᬃᬲᬶᬤᬯᬶᬲ᭄ᬬᬢᬶ᭟ᬦ᭄ᬤᬶᬓᬶᬉᬧᬬᬦᬶᬗ᭄ᬯᬂᬮᬸᬧᬸᬢᬭᬶᬂᬧᬢᬶ᭟ᬗᬶᬂᬲᬗ᭄ᬳᬾᬃᬚᬸᬕᬓᬸᬫ ᬗ᭄ᬓᬾ᭟ᬳᬮᬲ᭄ᬧᬥᬦᬶᬂᬳ᭄ᬬᬂᬕᬸᬕᬾᬓᬶ᭟ᬬᬾᬓᬮᬶᬂᬦ᭄ᬬ᭟ᬫᬗ᭄ᬓᬦᬮᬸᬗ᭄ᬳᬵᬢᬾᬓᬂᬅᬦᬕ᭄ᬖᬢᬯᬶᬥᬢᬵ᭞ᬫᬦᬹᬢᬷᬮᬶᬦᬶᬓᬂᬳ᭄ᬯᬾ᭞ᬢ᭄ᬓᬢᬬᬾᬂᬮ᭄ᬯᬄᬫᬤᬍᬫ᭄᭞ᬲᬸᬓᬢᬫᬦᬄᬦ᭄ᬬ᭞ᬫᬍᬫᬸᬧᬭᬶᬧᬹᬃᬡ᭄ᬦᬵ᭟ᬢᬥᬦ᭄ᬢᬭᬢ᭄ᬓᬢᬯ᭄ᬯᬂᬫᬮ ᬧ᭄ᬳᬸᬮᬫᬶᬂᬢᬮᬕᬵ᭟ᬯ᭄ᬭᬸᬄᬢᬾᬓᬂᬧ᭄ᬭᬢ᭄ᬬᬸᬫ᭄ᬦᬫᬢᬶ᭞ᬬᬦ᭄ᬓᬶᬦᭂᬩᬹᬃᬇᬓᬂᬢᬮᬕᬵ᭞ᬢᬸᬫᬸᬮᬶᬬᬵᬧᬶᬫᬢᬶ᭞ᬇᬭᬶᬓᬂᬧᬗ᭄ᬓᬵ᭟ᬚᬶᬦᬸᬫ᭄ᬧᬸᬢ᭄‌ᬢᬬᬤᬾᬦᬶᬓᬂᬳᬫᬾᬢ᭄‌ᬇᬯᬓ᭄᭞ᬓᬓᭂᬩᬹᬃᬇᬥᭂᬧ᭄‌ᬇᬓᬵᬫᬾᬢ᭄ᬳᬶᬯᬢ᭄᭞ᬇᬦᭂᬦᬳ ᬓᭂᬦ᭄‌ᬢᬬᬳᬦᬾᬂᬓᭂᬫ᭄ᬩᬸ᭟ᬇᬓᬂᬲᬶᬪᬯᬶᬱ᭄ᬬᬢᬶᬓᬧᬗ᭄ᬕᬶᬄᬅᬗᭂᬥᭂᬯᬮ᭄᭞ᬲᬶᬦᬶᬓᭂᬧ᭄‌ᬢᬬᬯ᭄ᬓᬲᬦ᭄᭞ᬫᬢᬶᬢᬶᬦᭂᬓᬸᬓ᭄ᬢᬬᬵ᭟ᬭᬶᬯᭂᬓᬲᬦ᭄‌ᬫᬮᬶᬄᬇᬓᬂᬳᬫᬾᬢ᭄‌ᬳᬶᬯᬓ᭄᭞ᬯᬶᬦᬲᭂᬳᬦ᭄ᬬᬇᬓᬂᬧ᭄ᬭᬢ᭄ᬬᬸᬫ᭄ᬦᬫᬢᬶ

Auto-transliteration

[96 96B] 96 kangwwangkumawruḥringpatinya, hanamunggwingdeśahinuhutakĕnnggwanya, moliḥupayanyatanmatya. kaṭamapiyatandadiwnanghumilangipati, apanuwuspadhumsanghyang. tonĕntabhatūr̀taṣkarā. nahantawya ktinya, kr̥ĕttawihikangaranya. lawantākutguḥhingpamitrangkujugalawansangcaṇdhapinggalā. sumahūr̀sisambhadha. mapa'ikāyankawisyapinakopamantā. sumahūr̀sangnaṇdhakā. hanaya'iwak tigasanaknya. kunangngaranya, sibhawisyati, sipatyumnamati, sibhagawidhatā. tamolaḥikangtalagā. alawastanangkanā, tkatanglahrukangkang. mayatasat'hwenikangtalagā, a mitikangnotewighataringsanaknya, lingnya. hesanghantĕnkukaliḥ, sugyanasatahwenikangtalaga'iki. lunghasakingkehaku. pungpungĕnpwahanahilinikangtalaga, yatatutakna [97 97A] ngkwā. kunangkitakaliḥmapahyuntā. sumahūr̀ikangpratyumnamati. tanākusahāsakingke. ndenmopayangkādlahā. sumahūr̀sidawisyati. ndiki'upayaningwangluputaringpati. ngingsangher̀jugakuma ngke. halaspadhaninghyanggugeki. yekalingnya. mangkanalunghātekanganagghatawidhatā, manūtīlinikanghwe, tkatayenglwaḥmadal̥ĕm, sukatamanaḥnya, mal̥ĕmuparipūr̀ṇnā. tadhantaratkatawwangmala p'hulamingtalagā. wruḥtekangpratyumnamati, yankinĕbūr̀ikangtalagā, tumuliyāpimati, irikangpangkā. jinumputtayadenikanghametiwak, kakĕbūr̀idhĕpikāmet'hiwat, inĕnaha kĕntayahanengkĕmbu. ikangsibhawiṣyatikapanggiḥangĕdhĕwal, sinikĕptayawkasan, matitinĕkuktayā. riwĕkasanmaliḥikanghamet'hiwak, winasĕhanya'ikangpratyumnamati

Leaf 97

Image on Archive.org

[᭙᭗ 97B] ᭙᭗ ᬭᬶᬢ᭄ᬧᬶᬦᬶᬂᬮ᭄ᬯᬄ᭟ᬮᬸᬫᬸᬫ᭄ᬧᬢ᭄‌ᬢᬬᬭᬶᬂᬮ᭄ᬯᬄ᭟ᬫᬉᬭᬶᬧ᭄‌ᬧ᭄ᬭᬢ᭄ᬬᬸᬫ᭄ᬦᬫᬢᬶ᭞ᬯ᭄ᬓᬲ᭄ᬦ᭄ᬬᬵ᭟ᬓᬸᬦᬂᬇᬓᬂᬳᬸᬫᬾᬭᬓᭂᬦ᭄ᬰᬩ᭄ᬥᬦᬶᬂᬳ᭄ᬬᬂᬫᬢᬶᬢ᭄ᬫᬳᬦ᭄ᬬᬵ᭟ᬦᬳᬦ᭄ᬢᬶᬦᭀᬦ᭄ᬤᬾᬪᬕᬯᬦ᭄ᬪᬲᬸᬩᬕᬅᬦ᭄ᬧᬕᬯᬾᬰ᭄ᬮᭀᬓ᭟᭚ᬅᬦᬖᬢᬯᬶᬥᬢ ᬯᬢ᭄᭞ᬤ᭄ᬯᬢᬾᬢᭀᬲᬸᬓᬵᬫᬧᬓᭀ᭞ᬲᬤ᭄ᬪᬯᬶᬱ᭄ᬬᬢᬶᬦᬲ᭄ᬬᬢ᭄᭟ᬳᬸᬮᬳᬦᬶᬓᬂᬯ᭄ᬯᬂᬬᬦ᭄ᬫᬳ᭄ᬬᬸᬦ᭄ᬓᬢᭂᬫ᭄ᬯᬦᬶᬲᬸᬓᬵ᭞ᬉᬧᬬᬵᬚᬸᬕᬕᬯᬬᭂᬦ᭄᭟ᬢᭀᬦᭂᬦᬶᬓᬂᬅᬖᬢᬯᬶᬥᬢᬵ᭟ᬫ᭄ᬯᬂᬢᬂᬧ᭄ᬭᬢ᭄ᬬᬸᬫ᭄ᬦᬫᬢᬶ᭞ᬫᬦ᭄ᬫᬸᬲᬸᬓᬤᬾᬦᬶᬂ ᬦᬶᬢ᭄ᬬᬸᬧᬬᬦ᭄ᬬ᭟ᬇᬓᬂᬲᬤ᭄ᬥᬵᬯᬶᬱ᭄ᬬ᭞ᬧ᭄ᬚᬄᬢᬬᬵ᭟ᬅᬧᬦᬸᬫᬸᬮᬳᬓᭂᬦ᭄‌ᬓᬺᬢ᭄ᬢᬗ᭄ᬕᬵᬯᬶᬳᬶᬢᬵ᭟ᬉᬮᬄᬇᬓᬂᬲ᭄ᬬᬤᬵᬪᬯᬶᬱ᭄ᬬᬢᬶ᭞ᬳᬸᬮᬳᬓᬦᬶᬗ᭄ᬳᬸᬮᬸᬦ᭄᭟ᬫᬗ᭄ᬓᬦᬮᬶᬂᬲᬂᬦᬦ᭄ᬤᬓ᭟ᬮᬸᬗ᭄ᬳᬵᬲᬶᬲᬫ᭄ᬪᬤᬫᬭᬾᬂᬲᬂ᭠ ᬘᬡ᭄ᬥᬶᬗ᭄ᬕᬮᬵ᭞ᬮᬶᬂᬦ᭄ᬬ᭟ᬲᬚ᭄ᬜᬵᬳᬚᬶ᭟ᬢᬦ᭄ᬧᭀᬮᬶᬄᬳᬸᬮᬸᬦ᭄‌ᬓ᭄ᬦᬲ᭄᭞ᬢᬬᬳᭂᬦ᭄ᬧᬢᬶᬓᬚᬶ᭟ᬓᬯᬥᬾᬦ᭄‌ᬓᬵᬮᬓ᭄ᬱᬧᬵᬗ᭄ᬳᬸᬮᬸᬦ᭄᭟ᬢᬦ᭄ᬯᬭᬄᬧᬢᬶᬓᬚᬶ᭞ᬭᬶᬓᬧᬗ᭄ᬕᬶᬄᬲᬂᬦᬡ᭄ᬥᬓᬵᬤᬾᬦᬶᬂᬧᬝᬶᬓᬚᬶ᭟ [᭙᭘ 98A] ᬫᬗ᭄ᬰᬬᬚᬸᬕᬵᬗ᭄ᬯᬂᬭᬸᬫ᭄ᬗᬵᬯᬸᬯᬸᬲᬦᬶᬓᬵ᭟ᬫᬸᬚᬭᬓᭂᬦ᭄‌ᬢ᭄ᬕᬸᬳᬬᬭᬶᬂᬓᬫᬫᬶᬢ᭄ᬭᬦ᭄ᬮᬯᬦ᭄ᬓᬶᬢᬵ᭟ᬇᬓᬢᬵᬢᬸᬫ᭄ᬕᬸᬄᬚᬸᬕᬇᬥᭂᬧᬶᬂᬗ᭄ᬳᬸᬮᬸᬦ᭄᭞ᬧᬭᬓ᭄‌ᬲᬗ᭄ᬓᬦ᭄‌ᬳᬶᬦᬦᬶᬓᬵ᭞ᬅᬧᬦ᭄ᬳᬸᬯᬸᬲ᭄‌ᬲᬗ᭄ᬰᬬᬭᬶᬂᬰᬓ᭄ᬢᬶᬦ᭄ᬢ᭟ᬓᬢᭀᬦ᭄‌ᬚᬸ ᬕᬤᬾᬦᬶᬗ᭄ᬳᬸᬮᬸᬦ᭄‌ᬢᬦ᭄ᬧᬫ᭄ᬕᬢ᭄‌ᬢᬬᬵᬫᬾᬢ᭄ᬉᬧᬬᬵ᭟ᬳᬬ᭄ᬯᬢᬓᬶᬢᬓᬭᬸᬳᬸᬦᬦ᭄ᬤᬾᬦᬶᬗᬸᬧᬬᬵ᭞ᬅᬮᬄᬤᬾᬦᬶᬂᬯ᭄ᬥᬸᬲ᭄᭟ᬲᬸᬫᬳᬹᬃᬇᬓᬂᬘᬡ᭄ᬥᬧᬶᬗ᭄ᬕᬮ᭟ᬅᬧᬓᬮᬄᬦᬶᬓᬂᬫᭀᬂᬤᬾᬦᬶᬂᬯ᭄ᬥᬸᬲ᭄᭟ᬓᬮᬶᬄᬳᬦᬓ᭄ᬦ᭄ᬬ᭟ ᬲᬶᬫᬾᬲᬗᬭᬦ᭄ᬬ᭞ᬲᬶᬯᬶᬫᬮᬶᬗᬭᬦᬶᬗᬦᬓ᭄ᬦ᭄ᬬ᭟ᬓᬸᬦᬂᬲᬶᬫᬾᬲᬪᬵᬯᬳᬸᬫᬯᬭᬲ᭄‌ᬤᬾᬦ᭄ᬬᬓ᭄ᬦᬾᬂᬘᬘᬭᬦ᭄᭟ᬓᬢᭀᬦ᭄ᬲᬸᬓᭂᬢᬳᬶᬚᭀᬤᬾᬦ᭄ᬬ᭟ᬫᭀᬚᬃᬢᬬᬾᬗᬦᬓ᭄ᬦ᭄ᬬ᭟ᬳᬾᬯᬶᬫᬮᬶ᭞ᬢᬦ᭄ᬳᬦᬓᬳ᭄ᬬᬸᬦ᭄ᬓᬸ ᬗᬹᬦᬶᬥᬸᬓ᭄‌ᬲ᭄ᬥᬂᬦ᭄ᬬᬓᬸᬮᬭ᭟ᬫᬗ᭄ᬓᬾᬧ᭄ᬯᬳᬾᬦᬓ᭄‌ᬅᬗ᭄ᬕᬦ᭄ᬬᬲᬸᬓᭂᬢ᭄ᬳᬳᬶᬚᭀ᭞ᬳᬳ᭄ᬬᬸᬦ᭄ᬲᬸᬦ᭄‌ᬳᭂᬩᬦ᭄᭟ᬇᬮᬸᬢᬧᬾᬢ᭄ᬢ᭄ᬬᬦᬓᬸ᭟ᬅᬉᬫ᭄‌ᬇᬪᬹ᭞ᬪᬕ᭄ᬬᬦᬶᬗ᭄ᬳᬸᬮᬸᬦ᭄‌ᬬᬦ᭄ᬳᬦᬳᬋᬧ᭄ᬢᬵ᭞ᬇᬓᬂᬫᬗᬶᬦᬓᬦᬾᬭᬶᬓᬶᬢᬵ᭟

Auto-transliteration

[97 97B] 97 ritpininglwaḥ. lumumpattayaringlwaḥ. ma'urippratyumnamati, wkasnyā. kunangikanghumerakĕnśabdhaninghyangmatitmahanyā. nahantinondebhagawanbhasubaga'anpagaweśloka. // anaghatawidhata wat, dwatetosukāmapako, sadbhawiṣyatinasyat. hulahanikangwwangyanmahyunkatĕmwanisukā, upayājugagawayĕn. tonĕnikangaghatawidhatā. mwangtangpratyumnamati, manmusukadening nityupayanya. ikangsaddhāwiṣya, pjaḥtayā. apanumulahakĕnkr̥ĕttanggāwihitā. ulaḥikangsyadābhawiṣyati, hulahakaninghulun. mangkanalingsangnandaka. lunghāsisambhadamarengsang‐ caṇdhinggalā, lingnya. sajñāhaji. tanpoliḥhulunknas, tayahĕnpatikaji. kawadhenkālakṣapānghulun. tanwaraḥpatikaji, rikapanggiḥsangnaṇdhakādeningpaṭikaji. [98 98A] mangśayajugāngwangrumngāwuwusanikā. mujarakĕntguhayaringkamamitranlawankitā. ikatātumguḥjuga'idhĕpingnghulun, paraksangkanhinanikā, apanhuwussangśayaringśaktinta. katonju gadeninghuluntanpamgattayāmetupayā. haywatakitakaruhunandeningupayā, alaḥdeningwdhus. sumahūr̀ikangcaṇdhapinggala. apakalaḥnikangmongdeningwdhus. kaliḥhanaknya. simesangaranya, siwimalingaraninganaknya. kunangsimesabhāwahumawarasdenyaknengcacaran. katonsukĕtahijodenya. mojar̀tayenganaknya. hewimali, tanhanakahyunku ngūnidhuksdhangnyakulara. mangkepwahenakangganyasukĕt'hahijo, hahyunsunhĕban. ilutapettyanaku. a'umibhū, bhagyaninghulunyanhanahar̥ĕptā, ikangmanginakanerikitā.

Leaf 98

Image on Archive.org

[᭙᭘ 98B] ᭙᭘ ᬤᬤᬶᬢᬬᬮᬸᬫᬫ᭄ᬧᬄᬓᬮᬶᬳᬦᬓ᭄ᬦ᭄ᬬᬵ᭟ᬳᬦᬢᬬᬢᬭᬩᬦᬶᬂᬕᬸᬦᬸᬂ᭞ᬗ᭄ᬓᬦᬢᬧᬭᬦ᭄ᬬ᭟ᬓᬧᬗ᭄ᬕᬶᬄᬢᬬᬇᬓᬗᬶᬦᬬᬫᬬᬫ᭄ᬦ᭄ᬬ᭞ᬬᬢᬧᬶᬦᬓᬵᬧᬗᬦ᭄ᬬ᭟ᬳᬾᬦᬓ᭄ᬢᬵᬫ᭄ᬩᭂᬓ᭄ᬦ᭄ᬬᬯ᭄ᬓᬲᬦ᭄᭟ᬲᬗ᭄ᬰᬬᬵᬯᬭᬲ᭄‌ᬢᬬᬵ᭞ᬲ᭄ᬯᬱ᭄ᬝ ᬧᬭᬶᬧᬹᬃᬡ᭄ᬦᬵ᭟ᬫᬯᬮ᭄ᬯᬶᬯᬮ᭄ᬯᬶᬢᬬᬵᬫᬫᬗᬦ᭄‌ᬅᬦ᭄ᬓᬮᬶᬄ᭞ᬳᬦᬓ᭄ᬬᬵ᭟ᬢᬥᬦᬦ᭄ᬢᬭᬳᬦᬫᭀᬂ᭟ᬓᬤ᭄ᬪᬵᬢᬲᬶᬦᬶᬭᬥᬗᬭᬦ᭄ᬬ᭟ᬬᬢᬵᬫᬲᬪᬵᬇᬭᬶᬓᬂᬕᬦᬸᬂ᭟ᬯᬰᬯᬰᬶᬢ᭄ᬯᬲᬳᬦᬦᬶᬂᬲᬢ᭄ᬯᬳᬦᬭᬶᬗ᭄ᬓᬦᬵ᭟ᬬᬢᬫᬳ ᬲ᭄‌ᬳᬫᬾᬢ᭄ᬧᬗᬦᬦ᭄ᬬᬵ᭞ᬦ᭄ᬤᬢᬦ᭄ᬧᬫᬗ᭄ᬕᬶᬄᬧ᭄ᬯᬬᬵ᭞ᬕ᭄ᬮᬦᬵᬗ᭄ᬮᬶᬄᬮᬸᬤ᭄ᬮᬧᬵ᭞ᬲᬸᬫᬡ᭄ᬥᬾᬬᬵᬯᬶᬢ᭄ᬦᬶᬂᬓᬬᬸ᭟ᬫᭀᬚᬃᬢᬬᬵ᭟ᬥᬸᬄᬓᬫᬸᬂᬪᬝᬭ᭞ᬅᬧᬵᬓᬮᬶᬗᬦᬶᬓᬅᬭᬄ᭟ᬫᬢᬗ᭄ᬳ᭄ᬬᬦ᭄ᬯᬾᬳᬵᬦ᭄ᬥᬵᬓᬸ᭟ᬢᬦ᭄ᬫᬗ᭄ᬕᬶᬳᬵ ᬲᬢ᭄ᬯᬧᬗᬦᭂᬦ᭄ᬓ᭄ᬯᬵ᭟ᬫᬗ᭄ᬓᬦᬮᬶᬂᬦ᭄ᬬᬵ᭟ᬲᬯᬸᬮᬢ᭄ᬦ᭄ᬬᬯᬾᬢᬦ᭄᭞ᬓᬢᭀᬦ᭄ᬢᬓᬂᬫᬾᬲᬪᬵᬤᬾᬦ᭄ᬬᬂᬫᭀᬂᬲᬶᬦᬶᬭᬥ᭟ᬅᬧᬭᬦ᭄ᬢᬶᬦᭀᬦ᭄ᬓᬸᬲᬢ᭄ᬯ᭞ᬯ᭄ᬮᬂᬯ᭄ᬮᬂᬫᬲᬸᬗ᭄ᬳᬸ᭞ᬢᬦᬵᬯᬲ᭄ᬧᬦᭀᬦ᭄ᬓᬸ᭞ᬤᬾᬦᬶᬂᬮᬧᬵ᭟ᬯ᭄ᬥᬸᬲ᭄‌ᬗ᭄ᬕᬦ᭄ᬬ᭟ [᭙᭙ 99A] ᬅᬫᬗᬦᬓᬸᬯ᭄ᬥᬸᬲ᭄ᬫᭂᬦᬾ᭟ᬅᬧᬦ᭄ᬧᬗᬺᬗ᭄ᬯᬵᬓᬸᬭᬶᬂᬯ᭄ᬥᬸᬲ᭄᭞ᬅᬮ᭄ᬧᬰᬦ᭄ᬢᬶᬓᬵ᭞ᬧᬶᬲᬦᬶᬗᬸᬬᬳᬫᬥᬦᬰᬓ᭄ᬢᬶᬗ᭄ᬓᬸ᭞ᬧᬶᬦᬭᬦ᭄ᬬᬢᬾᬓᬂᬯ᭄ᬥᬸᬲ᭄᭞ᬓᬸᬦᬂᬢᬾᬓᬂᬫᬾᬲᬪᬵᬢᬦ᭄ᬯᬯᬋᬗ᭄ᬳᭃᬢᬬ᭞ᬧᬶᬚᭂᬃᬬᬵᬫᬗᬦ᭄ᬫᬗᬦ᭄᭟ᬅᬦᬓ᭄ᬦ᭄ᬬ ᬢᬬᬫᬸᬮᬢᬶᬂᬫᭀᬂ᭞ᬫᭀᬚᬃᬢᬬᬾᬂᬳᬶᬩᬸᬦ᭄ᬬᬵ᭟ᬇᬪᬹᬇᬓᬵ᭞ᬉᬥᬹᬄᬬᬫᭀᬂᬳᬸᬫᬭᬾᬂᬓᬶᬢᬵ᭟ᬅᬧᬢᬓᬸᬦᬂᬲᬥ᭄ᬬᬦ᭄ᬬ᭟ᬅᬧᬢᬶᬓᬾᬥᬬᬦ᭄ᬢᬦ᭄ᬢᬇᬪᬹ᭟ᬯᬳᬸᬯᬳᬸᬳᬾᬦᬓᬫ᭄ᬩᭂᬓᬸᬢᬸᬫᭀᬦᬶᬓᬂᬲ᭄ᬯᬱ᭄ᬝᬦ᭄ᬢᬇᬩᬸ᭟ᬮᬸᬧᬸ ᬢ᭄ᬤᬾᬦᬶᬂᬮᬭ᭞ᬫᬗ᭄ᬓᬾᬫᬺᬢ᭄ᬬᬸᬳᬸᬫᬮᬧ᭄ᬚᬶᬯᬵ᭞ᬇᬓᬵᬚᬸᬕᬇᬓᬂᬫᭀᬂᬤᬾᬦ᭄ᬬᬥᬢᬂ᭟ᬫᬗ᭄ᬓᬦᬮᬶᬂᬦ᭄ᬬᬦᬓ᭄ᬦ᭄ᬬ᭟ᬫᬧᬋᬓ᭄‌ᬢᬬᬇᬓᬂᬫᭀᬂ᭞ᬢ᭄ᬳᭂᬃᬫᭀᬚᬃ᭟ᬳᬾᬓᭀᬃᬯ᭄ᬥᬸᬲ᭄᭟ᬫᬧᬓᬫᬸᬫᬵᬫᭂᬂᬳᬫᭂᬂᬇᬓᬾᬗ᭄ᬳᬮᬲ᭄᭟ᬢ ᬦ᭄ᬯ᭄ᬭᬸᬄᬬᬦ᭄ᬲᬪᬗ᭄ᬓᬸᬇᬓᬶᬗ᭄ᬳᬮᬲ᭄᭟ᬦ᭄ᬤᬄᬧᬗ᭄ᬮᬫ᭄ᬧᬸᬢᬓᭀᬅᬭᬄ᭟ᬫᬗᭂᬦᬗᭂᬦ᭄‌ᬲ᭄ᬯᬃᬕ᭄ᬕᬳᬸᬲᬶᬋᬦ᭄᭟ᬅᬧᬢᬳᬶᬱ᭄ᬝᬶᬫᬸᬲ᭄ᬯᬃᬕ᭄ᬕᬵ᭞ᬅᬦᬫᭀᬩᬸᬤ᭄ᬥᬵᬓᬭᬶᬓᬵ᭟ᬦᬫᬰᬶᬯᬬᬓᬭᬶᬓ᭟ᬫᭀᬦ᭄‌ᬫᬳᬾᬰ᭄ᬯᬭᬬᬫᬦᬄ

Auto-transliteration

[98 98B] 98 daditayalumampaḥkalihanaknyā. hanatayatarabaninggunung, ngkanataparanya. kapanggiḥtaya'ikanginayamayamnya, yatapinakāpanganya. henaktāmbĕknyawkasan. sangśayāwarastayā, swaṣṭa paripūr̀ṇnā. mawalwiwalwitayāmamanganankaliḥ, hanakyā. tadhanantarahanamong. kadbhātasiniradhangaranya. yatāmasabhā'irikangganung. waśawaśitwasahananingsatwahanaringkanā. yatamaha shametpangananyā, ndatanpamanggiḥpwayā, glanāngliḥludlapā, sumaṇdheyāwitningkayu. mojar̀tayā. dhuḥkamungbhaṭara, apākalinganika'araḥ. matanghyanwehāndhāku. tanmanggihā satwapanganĕnkwā. mangkanalingnyā. sawulatnyawetan, katontakangmesabhādenyangmongsiniradha. aparantinonkusatwa, wlangwlangmasunghu, tanāwaspanonku, deninglapā. wdhusngganya. [99 99A] amanganakuwdhusmĕne. apanpangr̥ĕngwākuringwdhus, alpaśantikā, pisaninguyahamadhanaśaktingku, pinaranyatekangwdhus, kunangtekangmesabhātanwawar̥ĕnghötaya, pijĕr̀yāmanganmangan. anaknya tayamulatingmong, mojar̀tayenghibunyā. ibhū'ikā, udhūḥyamonghumarengkitā. apatakunangsadhyanya. apatikedhayantanta'ibhū. wahuwahuhenakambĕkutumonikangswaṣṭanta'ibu. lupu tdeninglara, mangkemr̥ĕtyuhumalapjiwā, ikājuga'ikangmongdenyadhatang. mangkanalingnyanaknya. mapar̥ĕktaya'ikangmong, t'hĕr̀mojar̀. hekor̀wdhus. mapakamumāmĕnghamĕngikenghalas. ta nwruḥyansabhangku'ikinghalas. ndaḥpanglamputako'araḥ. mangĕnangĕnswar̀ggahusir̥ĕn. apatahiṣṭimuswar̀ggā, anamobuddhākarikā. namaśiwayakarika. monmaheśwarayamanaḥ

Leaf 99

Image on Archive.org

Leaf 100

Image on Archive.org

Leaf 101

Image on Archive.org

Leaf 102

Image on Archive.org

Leaf 103

Image on Archive.org

Leaf 104

Image on Archive.org

Leaf 105

Image on Archive.org

Leaf 106

Image on Archive.org

[᭑᭐᭖ 106B] ᭑᭐᭖ ᬘᬡ᭄ᬥᬪᬾᬭᬯᬵᬇᬓᬂᬫᬳᬮᬵᬫ᭄ᬩᭂᬓ᭄ᬦ᭄ᬬ᭟ᬅᬧᬦᬶᬓᬂᬳᬲᬸᬬᬦ᭄ᬲᬶᬦᬶᬯᭀᬲᬶᬯᭀ᭞ᬩ᭄ᬯᬢ᭄‌ᬫᬗ᭄ᬕᬭᬸᬢ᭄᭟ᬗᬹᬦᬶᬗᬹᬦᬶᬫᬦᬳᬸᬢ᭄᭟ᬫᬢᬂᬦ᭄ᬬᬦ᭄ᬲᬂᬲᬥᬸ᭞ᬅᬬ᭄ᬯᬧᬶᬦᬓᬵᬲᬂᬲᬃᬕ᭄ᬕᬇᬓᬂᬦᬶᬘ᭄ᬘ᭟ᬢᭀᬦᭂᬦᬶᬓᬂᬲᬶᬗ᭄ᬳᬵ᭞ᬫᬲᬂᬲᬃᬕ᭄ᬕᬵᬮᬯᬦᬵᬲᬸ᭞ ᬫᬗ᭄ᬤᬤ᭄ᬬᬓᭂᬦ᭄ᬫᬗ᭄ᬭᬸᬕᬶᬂᬧᬫᬶᬢ᭄ᬭᬵᬲ᭄ᬥᬂᬫᬢ᭄ᬕᬸᬄ᭟ᬯ᭄ᬬᬓ᭄ᬢᬶᬦ᭄ᬬᬫᬢᬶᬓᬂᬲᬶᬗ᭄ᬳᬵ᭞ᬫ᭄ᬯᬂᬲᬂᬦᬡ᭄ᬥᬓᬵ᭞ᬬᬢᬧᬶᬦᬗᬦ᭄‌ᬤᬾᬦᬶᬓᬂᬰ᭄ᬭᬕ᭄ᬕᬮᬵᬲᬫ᭄ᬪᬥᬵ᭟ᬗᬹᬦᬾᬯᬾᬄᬳᬲᬸᬓᬩᬾᬄ᭟᭜᭟ᬇᬢᬶᬢᬦ᭄ᬢ᭄ᬭᬶᬘᬭᬶᬢᬲᬫᬧ᭄ᬝᬵ᭟ᬲᬸᬩᬮ᭄᭟᭜᭟ ᬧᬲ᭄ᬘᬢ᭄ᬲᬶᬦᬸᬭᬢ᭄᭞ᬓᬵᬮ᭞ᬯ᭄ᬭ᭞ᬓ᭞ᬯᬭᬫ᭄ᬭᬓᬶᬄ᭞ᬢᬶᬢᬶ᭞ᬢᬂ᭞ᬧᬶᬂ᭞᭙᭞ᬰᬰᬶᬄ᭞ᬓᬳᬸᬮᬸ᭟ᬭᬄ᭞᭙᭞ᬢᭂᬗ᭄ᬕᭂᬓ᭄‌ᬲᬸᬦ᭄ᬬ᭞ᬇᬰᬓᬵᬯᬃᬱ᭞᭑᭙᭐᭙᭟ᬳᭀᬮᬶᬄᬳᬶᬯᬬᬦ᭄‌ᬕ᭄ᬢᬲ᭄᭞ᬲᬓᬶᬂᬤᬾᬰᬢᬶᬱ᭄ᬝᬵ᭞ᬫᬕ᭄ᬦᬄᬭᬶᬂᬫᬗ᭄ᬲᬸᬮ᭄‌ᬮᭀᬤ᭄ᬧᬲᬃ᭞ᬓ ᬘᬫᬢᬦ᭄‌ᬳᬩᬂ᭞ᬓᬩᬸᬧᬢᬾᬦ᭄‌ᬓᬭᬗ᭄ᬳᬲᭂᬫ᭄᭟ᬢᬗ᭄ᬕᬮ᭄ᬫᬰᬾᬳᬶ᭞᭒᭘᭞ᬚᬦᬸᬳᬭᬶ᭞᭑᭙᭘᭘᭟ᬩᬩᭀᬦ᭄ᬬ᭞ᬤᬺᬯᬾᬦ᭄‌ᬳᬶᬤᬳᬶᬤᬾᬯ᭄ᬯᬕ᭄ᬥᬾᬘᬢ᭄ᬭᬵᬚ᭄ᬭᭀᬓᬗᬶᬦᬦ᭄‌ᬲᬶᬥ᭄ᬫᭂᬦ᭄᭟᭜᭟

Auto-transliteration

[106 106B] 106 caṇdhabherawā'ikangmahalāmbĕknya. apanikanghasuyansiniwosiwo, bwatmanggarut. ngūningūnimanahut. matangnyansangsadhu, aywapinakāsangsar̀gga'ikangnicca. tonĕnikangsinghā, masangsar̀ggālawanāsu, mangdadyakĕnmangrugingpamitrāsdhangmatguḥ. wyaktinyamatikangsinghā, mwangsangnaṇdhakā, yatapinangandenikangśraggalāsambhadhā. ngūneweḥhasukabeḥ \\•\\ ititantricaritasamapṭā. subal \\•\\ pascatsinurat, kāla, wra, ka, waramrakiḥ, titi, tang, ping 9 śaśiḥ, kahulu. raḥ 9 tĕnggĕksunya, iśakāwar̀ṣa 1909. holiḥhiwayan'gtas, sakingdeśatiṣṭā, magnaḥringmangsullodpasar̀, ka camatanhabang, kabupatenkaranghasĕm. tanggalmaśehi 28 januhari 1988. babonya, dr̥ĕwenhidahidewwagdhecatrājrokanginansidhmĕn \\•\\

Leaf 107

Image on Archive.org