gaguritan-dukuh-suladri-02

Original on Archive.org

Front and Back Covers

Image on Archive.org

[᭑ 1A] ᭑ ᬦᬶᬧᬤᬫ᭄ᬧ᭄ᬬᬓ᭄ᬭᬶᬂᬧᬶᬗ᭄ᬕᬶᬃᬫᬵᬃᬕ᭄ᬕᬶ᭞ᬗᭂᬢᭀᬦ᭄ᬲᬂᬮᬸᬗ᭄ᬳᬓᬕᬸᬦᬸᬂ᭞ᬓ᭄ᬭᬶᬕᬦ᭄ᬫᬶᬭᬶᬗᬦ᭄ᬧᬜ᭄ᬚᬓ᭄᭞ᬢᬸᬳᬸᬳᬲᬶᬦ᭄᭞ᬫᬪᬹᬱᬡᬳᬩ᭄ᬭᬫᬸᬭᬸᬩ᭄᭞ᬧᬗᬶᬭᬶᬗᬾᬲᬫᬶᬩᬸᬗᬄ᭞ᬢᬸᬮ᭄ᬬᬓᬤᬶᬕᬸᬦᬸᬂᬲᬵᬭᬶ᭟ᬢᬫ᭄ᬩᬾᬮᬸᬗ᭄ᬳᬫᬭᬄᬤᬾᬰ᭞ᬭᬵᬚᬧᬸᬢ᭄ᬭᬶᬫᬾᬄᬲᬓᬾᬂᬮᬾᬤᬂᬗ ᬓ᭄ᬱᬶ᭞ᬧᬜ᭄ᬚᬓᬾᬭᬶᬂᬤᬸᬲᬸᬦ᭄ᬤᬸᬲᬸᬦ᭄᭞ᬫᬗ᭄ᬕᭂᬄᬪᬓ᭄ᬢᬶᬗᬯᬸᬮ᭞ᬲᬋᬂᬲᬫᬶ᭞ᬧᬓ᭄ᬭᬶᬫᬶᬓ᭄ᬭᬶᬂᬢᬶᬫ᭄ᬧᬮᬶᬧᬸᬦ᭄᭞ᬫᬢᬶᬫ᭄ᬧᬸᬄᬫᬲᬶ᭠ᬮᬤᬩ᭄ᬤᬩ᭄᭞ᬜᬓᬸᬧᬂᬮᬶᬫᬫᬪᬓ᭄ᬢᬶ᭟ᬲᭀᬢᬦᬶᬂᬪᬓ᭄ᬢᬶᬫᬫᬜ᭄ᬚᬓ᭄᭞ᬭᬶᬂᬤᬍᬫ᭄ᬲᬂᬕᬸᬡᬕᬦᬭᬶᬂᬩᬮᬶ᭞ᬭᬵᬚᬧᬸᬢ᭄ᬭᬶᬢᬫ᭄ᬩᬾᬢᭂᬤᬸᬦ᭄᭞ ᬓᭂᬦ᭄ᬤᭂᬮ᭄ᬲᬫᬶᬯᭀᬂᬤᬾᬰ᭞ᬭᬱᬗᬶᬧᬶ᭞ᬤᬾᬦᬶᬂᬢᬫ᭄ᬩᬾᬳᬶᬧᬸᬦ᭄ᬫᬗ᭄ᬕᬸᬄ᭞ᬭᬵᬚᬧᬸᬢ᭄ᬭᬶᬲ᭄ᬯᬾᬘ᭄ᬙᬧᬸᬭ᭞ᬳᬕᭂᬢ᭄ᬤᬾᬯᬾᬓᬾᬦᬸᬫᬤᬶ᭟ᬲᬧᬸᬦᬶᬓᬧᬓᭂᬳᭂᬗᬦ᭄᭞ᬲᬯᭀᬂᬤᬾᬰᬘᬶᬳ᭄ᬦᬦᬶᬂᬳᬶᬧᬸᬦ᭄ᬪᬓ᭄ᬢᬶ᭞ᬢᬦ᭄ᬤᬸᬫᬤᬾᬲᬕᬾᬢ᭄ᬭᬯᬸᬄ᭞ᬫᬗ᭄ᬓᬶᬦ᭄ᬭᬶᬂᬤᬾᬰᬢᬸᬲᬦ᭄᭞ ᬭᬾᬄᬢᭂᬗᬳᬶ᭞ᬳᬶᬭᬶᬗᬦᬾᬲᬵᬫ᭄ᬧᬸᬦ᭄ᬕᭂᬧᬸ᭞ᬇᬭᬶᬓᬵᬤᬸᬫᬸᬦ᭄ᬫᬭᬵᬃᬬ᭄ᬬᬦ᭄᭞ᬚᬩᬦ᭄ᬧᬸᬭᬓᭂᬦ᭄ᬢᭂᬮ᭄ᬕᬸᬫᬶ᭟ᬕᬶᬧᬶᬄᬲ᭠ᬯᭀᬂᬤᬾᬰᬢᬸᬲᬦ᭄᭞ᬭᬯᬸᬄᬢᬗ᭄ᬓᬶᬮ᭄ᬭᬶᬂᬳᬶᬤᬭᬵᬚᬧᬸᬢ᭄ᬭᬶ᭞ᬮᬸᬄᬫ᭄ᬯᬦᬶᬲᬫᬶᬲᬸᬫᬸᬬᬸᬕ᭄᭞ᬯᬾᬦ᭄ᬢᭂᬦ᭄ᬗᬢᬸᬭᬂᬲᭂᬤᬄ᭞ᬲᬃᬯ᭄ᬯᬫᬦᬶᬲ᭄᭞ᬳ᭠

Auto-transliteration

[1 1A] 1 nipadampyakringpinggir̀mār̀ggi, ngĕtonsanglunghakagunung, kriganmiringanpañjak, tuhuhasin, mabhūṣaṇahabramurub, pangiringesamibungaḥ, tulyakadigunungsāri. tambelunghamaraḥdeśa, rājaputrimeḥsakengledangnga ksyi, pañjakeringdusundusun, manggĕḥbhaktingawula, sar̥ĕngsami, pakrimikringtimpalipun, matimpuḥmasi‐ladabdab, ñakupanglimamabhakti. sotaningbhaktimamañjak, ringdal̥ĕmsangguṇaganaringbali, rājaputritambetĕdun, kĕndĕlsamiwongdeśa, raṣangipi, deningtambehipunmangguḥ, rājaputriswecchapura, hagĕtdewekenumadi. sapunikapakĕhĕngan, sawongdeśacihnaninghipunbhakti, tandumadesagetrawuḥ, mangkinringdeśatusan, reḥtĕngahi, hiringanesāmpun'gĕpu, irikādumunmarār̀yyan, jabanpurakĕntĕlgumi. gipiḥsa‐wongdeśatusan, rawuḥtangkilringhidarājaputri, luḥmwanisamisumuyug, wentĕnngaturangsĕdaḥ, sar̀wwamanis, ha‐

Leaf 1

Image on Archive.org

[᭑ 1B] ᭑ ᬗ᭄ᬕᬾᬦ᭄ᬫᬓᬢᬍᬤ᭄ᬳᬢᬹᬃ᭞ᬓᬮᬸᬗᬄᬲᬵᬫ᭄ᬧᬸᬦ᭄ᬘᬸᬫᬤᬂ᭞ᬧᬦᬫ᭄ᬬᬸᬳᬶᬭᬶᬗᬦ᭄ᬲᬫᬶ᭟ᬓᬗᭂᬦ᭄ᬭᬵᬚᬧᬸᬢ᭄ᬭᬶᬜᬶᬗᬓ᭄᭞ᬧᬜ᭄ᬚᬓ᭄ᬢᬸ᭠ᬲᬦ᭄ᬭᬯᬸᬄᬢᬦ᭄ᬧᭂᬕᬢ᭄ᬢᬗ᭄ᬓᬶᬮ᭄᭞ᬜᬶᬳ᭄ᬦᬬᬂᬲᬸᬪᬓ᭄ᬢᬶᬦᬶᬧᬸᬦ᭄᭞ᬫᬭᬾᬭᭀᬤ᭄ᬜᬸᬯᬸᬦ᭄ᬤᬸᬮᬂ᭞ᬳᬕᬸᬂᬳᬮᬶᬢ᭄᭞ᬢᬦ᭄ᬓᬸᬭᬗᬦ᭄ᬧᬗᬦ᭄ᬓᬶᬦᬸᬫ᭄᭞ᬧ ᬦᬫ᭄ᬯᬶᬲᬯᬯᬸᬧ᭄ᬭᬧ᭄ᬢ᭞ᬲᭀᬢᬦᬶᬂᬤᬺᬤ᭄ᬥᬲᬸᬪᬓ᭄ᬢᬶ᭟ᬓᬤᬶᬧᬜ᭄ᬚᬂᬬᬦᬸᬘᬧᬂ᭞ᬲᬢᬶᬗ᭄ᬓᬳᬾᬭᬶᬂᬧᬸᬭᬓᭂᬦ᭄ᬢᭂᬮ᭄ᬕᬸᬫᬶ᭞ᬱᬤ᭄ᬭᬱ᭠ᬧᬸᬦᬂᬧᬦᬫ᭄ᬬ᭞ᬲᬵᬫ᭄ᬧᬸᬦ᭄ᬫᬶᬗ᭄ᬕᭂᬓ᭄ᬳ᭄ᬬᬂᬲᬹᬃᬬ᭄ᬬ᭞ᬓᬵᬮᬲᬶᬗᬶᬢ᭄᭞ᬤᬬᬸᬄᬫᬫᬵᬃᬕ᭄ᬕᬶᬲᬾᬂᬓᬯᬸᬄ᭞ᬲᬂᬮᬸᬗ᭄ᬳᬫᬮᬶᬄᬫᬫᬃᬕ᭄ᬕ᭞ᬜᬸᬚᬸᬃᬤᬾᬰᬢᬫᬦ᭄ᬩ ᬮᬶ᭟ᬤᬾᬰᬩᬓᬲ᭄ᬓᬮᬶᬦ᭄ᬢᬗᬦ᭄᭞ᬩᭂᬦᭂᬂᬓᬯᬸᬄᬭᬶᬂᬤᬾᬰᬢᭂᬕᬮ᭄ᬯᬗᬶ᭞ᬭᬶᬂᬢᬸᬓᬤ᭄ᬫᭂᬮᬗᬶᬢ᭄ᬢᭂᬤᬸᬦ᭄᭞ᬫᬸᬗ᭄ᬕᬳᬦ᭄ᬦᬶᬜ᭄ᬘᬧ᭄ᬤᬾᬰ᭞ᬢᬫᬦ᭄ᬩᬮᬶ᭞ᬧᬫᭂᬦ᭄ᬤᬓ᭄ᬘᬸᬫᬤᬂᬲᬵᬫ᭄ᬧᬸᬦ᭄᭞ᬗᬫ᭄ᬩ᭄ᬬᬃᬭᬶᬂᬧᬶᬗ᭄ᬕᬶᬃᬤᬾᬰ᭞ᬳᬕᬸᬂᬳᬮᬶᬢ᭄ᬮᬦᬂᬳᬶᬲ᭄ᬢ᭄ᬭᬶ᭟ᬫᭂᬦ᭄ᬤᬓ᭄ᬲᬂᬫᬡᬶᬓᬶᬂᬧᬸᬭ᭞ᬲᬓᬾᬂᬧ ᬓᭀᬦ᭄ᬚ᭄ᬭᭀᬤᬸᬓᬸᬄᬮᬦᬂᬳᬶᬲ᭄ᬢ᭄ᬭᬶ᭞ᬫᬥᬾᬯᬢᬶᬲᬋᬂᬭᬯᬸᬄ᭞ᬓᭂᬦ᭄ᬤᭂᬮ᭄ᬲᬯᭀᬂᬧᬤᬸᬓ᭄ᬯᬦ᭄᭞ᬲᬲᬸᬓᬢᬾᬤᬤᭀᬲ᭄ᬭᬩᬶ᭟ᬮᬸᬄᬫ᭄ᬯᬦᬶᬕᬶᬭᬂᬫᬫᭂᬦ᭄ᬤᬓ᭄᭞ᬓᬾᬗᬶᬦ᭄ᬤᬸᬫ᭄ᬬᬲᬤᬾᬰᬢᬫᬦ᭄ᬩᬮᬶ᭞ᬜᬫᬩ᭄ᬭᬬᬓᬝᬄᬭᬯᬸᬄ᭞ᬲᬓᬾᬂᬕᬾᬮ᭄ᬕᬾᬮ᭄ᬗᬶᬭᬶᬗᬂ᭞ᬭᬵ᭠ [᭒ 2A] ᭒ ᬚᬧᬸᬢ᭄ᬭᬶ᭞ᬫᭂᬍᬤ᭄ᬫᬦᬳᬾᬓᬘᬸᬦ᭄ᬤᬸᬓ᭄᭞ᬲᬵᬫ᭄ᬧᬸᬦ᭄ᬮᬯᬲ᭄ᬫᬩᭂᬮᬲᬦ᭄᭞ᬫᬕᭂᬦᬄᬭᬶᬂᬢᬫᬦ᭄ᬩᬮᬶ᭟ᬫᬲ᭄ᬮᬶᬬᬸᬭᬦ᭄ᬧᬥ᭠ᬜᬧ᭞ᬧᭂᬃᬦᬄᬓᬤᬂᬫᬶᬲᬦ᭄ᬫᬶᬦ᭄ᬤᭀᬦ᭄ᬓᬧᬗ᭄ᬕᬶᬄ᭞ᬭᬾᬄᬳᬶᬲᭂᬂᬯᬾᬦ᭄ᬢᭂᬦ᭄ᬫᬕᭂᬮᬸᬢ᭄᭞ᬲᬫ᭄ᬩᬶᬮᬂᬫᬘᬧᬢᬦ᭄᭞ᬚᬮᬦ᭄ᬚᬦᬶ᭞ᬲᬶᬗ᭄ᬕᬄᬓᬓᬸᬩᬸ ᬦᬾᬳᬸᬯᬸᬕ᭄᭞ᬩᬦ᭄ᬢᬲ᭄ᬩᬲᬾᬳᬧᬓ᭄ᬧᬓᬦ᭄᭞ᬫᬶᬭᬶᬩ᭄ᬲᬶᬤ᭄ᬥᬩᬦ᭄ᬜᬗᭀᬦᬶᬦ᭄᭟ᬓᬝᬄᬬᬦ᭄ᬧᬘᬂᬳᬸᬘᬧᬂ᭞ᬲᬶᬮᬶᬄᬳᬮᬧ᭄ᬲᭀᬢᬦᬶᬂᬢᬫ᭄ᬩᬾᬧᬗ᭄ᬕᬶᬄ᭞ᬭᬵᬚᬧᬸᬢ᭄ᬭᬶᬓᭀᬘᬧ᭄ᬲᬵᬫ᭄ᬧᬸᬦ᭄᭞ᬚᬸᬫᬸᬚᬸᬕ᭄ᬭᬶᬂᬧᬤᬸᬓ᭄ᬯᬦ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬕᬕᬾᬲᭀᬦ᭄ᬲᬋᬂᬥᬂ ᬕᬸᬭᬸ᭞ᬗᬢᬸᬭᬂᬩᬦ᭄ᬢᭂᬦ᭄ᬧᬫᭂᬦ᭄ᬤᬓ᭄᭞ᬲᭀᬧᬘᬭᬧᬸᬮᬧᬮᬶ᭟ᬧᬲᭂᬕᭂᬄᬲᬵᬫ᭄ᬧᬸᬦ᭄ᬘᬸᬫᬤᬂ᭞ᬧᬶᬦᬹᬚᬯᬯᬸᬓᬵᬢᬸᬭᬦ᭄ᬫᬮᬶᬗ᭄ᬕᬶᬄ᭞ᬭᬵᬚᬧᬸᬢ᭄ᬭᬶᬯᬸᬲ᭄ᬫᬮᬸᬗ᭄ᬕᬸᬄ᭞ᬫᬥᬾᬯᬢᬶᬦᬯᭂᬕᬂ᭞ᬫᬵᬢᬹᬃᬲᬶᬲᬶᬧ᭄᭞ᬗᬸᬦᬶᬗ᭄ᬳᬬᬂᬭᬶᬂᬥᬂᬕᬸᬭᬸ᭞ᬧᬫᬵᬃᬕ᭄ᬕᬶᬦᬾᬧ᭄ᬭᬡᬖᬢ᭞ᬗᬶ ᬭᬶᬂᬳᬶᬤᬭᬵᬚᬧᬸᬢ᭄ᬭᬶ᭟ᬫᬕᬶᬗ᭄ᬲᬶᬃᬫᬢᬫ᭄ᬩᬲᬸᬗ᭄ᬓᬦ᭄᭞ᬤᬾᬦᬶᬂᬘᭂᬘᭂᬄᬳᬶᬤᬓᬦ᭄ᬢᬸᬭᬶᬂᬧᬸᬭᬶ᭞ᬲᬓᬾᬂᬯᬵᬘᬦᬦ᭄ᬲᬂᬧ᭄ᬭᬪᬹ᭞ᬗᬶᬗ᭄ᬲᬶᬭᬂᬓᬧᬤᬸᬓ᭄ᬯᬦ᭄᭞ᬓᬵᬢᬹᬃᬲᬫᬶ᭞ᬳᬶᬦ᭄ᬤᬶᬓᬾᬭᬶᬂᬧᬸᬭᬶᬳᬕᬸᬂ᭞ᬤᬸᬓᬸᬄᬲᬸᬮᬤ᭄ᬭᬶᬗᬦ᭄ᬤᬶᬓ᭞ᬳᬭᬄᬤᭂᬧᬂᬳᬶᬤᬤᬶᬦᬶ᭟ᬢᭀᬂᬜᬦ᭄ᬤᬂᬘᭂᬦᬶᬂ

Auto-transliteration

[1 1B] 1 nggenmakatal̥ĕd'hatūr̀, kalungaḥsāmpuncumadang, panamyuhiringansami. kangĕnrājaputriñingak, pañjaktu‐sanrawuḥtanpĕgattangkil, ñihnayangsubhaktinipun, marerodñuwundulang, hagunghalit, tankuranganpangankinum, pa namwisawawuprapta, sotaningdr̥ĕddhasubhakti. kadipañjangyanucapang, satingkaheringpurakĕntĕlgumi, ṣadraṣa‐punangpanamya, sāmpunminggĕk'hyangsūr̀yya, kālasingit, dayuḥmamār̀ggisengkawuḥ, sanglunghamaliḥmamar̀gga, ñujur̀deśatamanba li. deśabakaskalintangan, bĕnĕngkawuḥringdeśatĕgalwangi, ringtukadmĕlangittĕdun, munggahanniñcapdeśa, tamanbali, pamĕndakcumadangsāmpun, ngambyar̀ringpinggir̀deśa, hagunghalitlananghistri. mĕndaksangmaṇikingpura, sakengpa konjrodukuḥlananghistri, madhewatisar̥ĕngrawuḥ, kĕndĕlsawongpadukwan, sasukatedadosrabi. luḥmwanigirangmamĕndak, kengindumyasadeśatamanbali, ñamabrayakaṭaḥrawuḥ, sakenggelgelngiringang, rā‐ [2 2A] 2 japutri, mĕl̥ĕdmanahekacunduk, sāmpunlawasmabĕlasan, magĕnaḥringtamanbali. masliyuranpadha‐ñapa, pĕr̀naḥkadangmisanmindonkapanggiḥ, reḥhisĕngwentĕnmagĕlut, sambilangmacapatan, jalanjani, singgaḥkakubu nehuwug, bantasbasehapakpakan, miribsiddhabanñangonin. kaṭaḥyanpacanghucapang, siliḥhalapsotaningtambepanggiḥ, rājaputrikocapsāmpun, jumujugringpadukwan, dukuḥhistri, gagesonsar̥ĕngdhang guru, ngaturangbantĕnpamĕndak, sopacarapulapali. pasĕgĕḥsāmpuncumadang, pinūjawawukāturanmalinggiḥ, rājaputriwusmalungguḥ, madhewatinawĕgang, mātūr̀sisip, nguninghayangringdhangguru, pamār̀gginepraṇaghata, ngi ringhidarājaputri. magingsir̀matambasungkan, deningcĕcĕḥhidakanturingpuri, sakengwācanansangprabhū, ngingsirangkapadukwan, kātūr̀sami, hindikeringpurihagung, dukuḥsuladringandika, haraḥdĕpanghidadini. tongñandangcĕning

Leaf 2

Image on Archive.org

[᭒ 2B] ᭒ ᬮᬦ᭄ᬢᬗᬂ᭞ᬤᭂᬧᬂᬩᬧᬦᬫ᭄ᬩᬦᬶᬦ᭄ᬭᬵᬚᬧᬸᬢ᭄ᬭᬶ᭞ᬢᬸᬲᬶᬂᬜᬦ᭄ᬤᬂᬳᬚᬓ᭄ᬮᬶᬬᬸ᭞ᬫᬓᭂᬫᬶᬢ᭄ᬤᬶᬧᬤᬸᬓ᭄ᬯᬦ᭄᭞ᬳᬸᬫᬄᬘᭂᬦᬶᬂ᭞ᬫᬥᬾᬯ᭠ᬢᬶᬦᬶᬫ᭄ᬩᬮ᭄ᬫᬵᬢᬸᬭ᭄᭞ᬲᬭᬮᬾᬤᬂᬧᬓᬬᬸᬦᬦ᭄᭞ᬢᬶᬢ᭄ᬬᬂᬦᬯᬸᬳᬶᬦ᭄ᬲᬂᬗᬶᬭᬶᬂ᭟ᬥᬹᬄᬜᬫᬩ᭄ᬭᬬᬫᬓᭂᬚᬂ᭞ᬋᬡᬬᬂᬇᬤᭂᬧᬾᬫᬢᬸᬮᬓ᭄ᬫᬸ ᬮᬶᬄ᭞ᬤᬾᬦᬶᬂᬚᬦᬶᬲᬸᬩᬭᬯᬸᬄ᭞ᬤᬾᬯᬵᬬᬸᬫᬵᬲ᭄ᬤᬶᬤᬾᬰ᭞ᬢᬫᬦ᭄ᬩᬮᬶ᭞ᬢ᭄ᬯᬭᬜᬦ᭄ᬤᬂᬳᬚᬓ᭄ᬮᬶᬬᬸ᭞ᬗᭂᬫᬶᬢ᭄ᬳᬶᬤᬤᬶᬧᬤᬸᬓ᭄ᬯᬦ᭄᭞ᬤᭂᬧᬂᬬᬂᬤᬶᬦᬶᬧᬤᬶᬤᬶ᭟ᬓᬾᬯᬮᬲᬸᬩᬓᬾᬦᬓᬦ᭄᭞ᬓᬬᬂᬦ᭄ᬢᭀᬳᬶᬭᬶᬂᬬᬂᬫᬦ᭄ᬢᬸᬓ᭄ᬓᬧᬸᬭᬶ᭞ᬓᬾᬢᭀᬫᬵᬢᬹᬃᬭᬶᬂᬲᬂᬧ᭄ᬭᬪᬹ᭞ ᬳᬶᬭᬶᬗᬦᬾᬢᬦ᭄ᬧᬜ᭄ᬚᬂ᭞ᬫᬵᬢᬹᬃᬲᬶᬲᬶᬧ᭄᭞ᬫᬧᬫᬶᬢ᭄ᬲᬕᬺᬳᬦ᭄ᬫᬦ᭄ᬢᬸᬓ᭄᭞ᬯᬾᬦ᭄ᬢᭂᬦ᭄ᬓᬦ᭄ᬢᬸᬦ᭄ᬭᬶᬂᬧᭀᬦ᭄ᬤᭀᬓᬦ᭄᭞ᬜᬶ᭠ᬫ᭄ᬧᬗᬶᬦ᭄ᬧᬩ᭄ᬭᬬᬦ᭄ᬓᬭᬶ᭟ᬓᬤᬸᬓ᭄ᬳᬶᬢᭂᬄᬫᬭᬭᬱᬵᬦ᭄᭞ᬓᬗᬶᬦ᭄ᬓᬯᬸᬄᬗᬾᬮᬶᬗᬂᬤᬸᬓᬾᬓᬵᬭᬶ᭞ᬭᬶᬂᬕᬾᬮ᭄ᬕᬾᬮ᭄ᬲᬋᬂᬫᬕᬸᬩᬸᬕ᭄᭞ᬫᬩ᭠ ᬜ᭄ᬚᬃᬫᬯᬤᬾᬰ᭞ᬲᬋᬂᬲᬫᬶ᭞ᬲᬸᬓᬵᬤᬸᬄᬓᬵᬳᬕᭂᬢ᭄ᬮᬘᬸᬭ᭄᭞ᬓᬾᬗᬶᬦ᭄ᬩᬦ᭄ᬢᬂᬭᬭᬯᭀᬲᬦ᭄᭞ᬢᬩᬸᬄᬕᭂᬢᬃᬫᬸᬜᬶ᭠ᬫᬦᬶᬲ᭄᭟ᬓᬩᬢᭂᬓ᭄ᬫᭂᬍᬤ᭄ᬗᭂᬦᭀᬢᬂ᭞ᬕᭂᬮᬄᬢᬶᬫ᭄ᬧᬮ᭄‌‌ᬲᬭᬸᬤᭂᬫᭂᬦᬾᬗᬶᬤᬶᬄ᭞ᬲᭂᬩᭂᬂᬤᭂᬤᭂᬢ᭄ᬫᬧᬶᬭᬸᬗᬸ᭞ᬢᭂᬓᬾᬦ᭄ᬜᬫᬦᬾᬮᬯᬲ᭄᭞᭠ [᭓ 3A] ᭓ ᬫᬩᭂᬮᬲᬦ᭄᭞ᬫᬫᭀᬦ᭄ᬤᭀᬓ᭄ᬦᭀᬗᭀᬲ᭄ᬤᬶᬕᬸᬦᬸᬂ᭞ᬓᬳᬶᬭᬶᬤ᭄ᬳᬦ᭄ᬢᬸᬓ᭄ᬲᬂᬦᬵᬣ᭞ᬳᬕᭂᬢ᭄ᬗᭂᬮᬄᬢᭂᬕᬮ᭄ᬘᬭᬶᬓ᭄᭟ᬲ᭠ᬓᬾᬂᬭᬶᬭᬶᬄᬗᬸᬦᬵᬥᬶᬓ᭞ᬲᬲᭂᬩᭂᬗᬦ᭄ᬫᬧᬶᬍᬓ᭄ᬓᬢᬜ᭄ᬚᬾᬦᬶᬦ᭄᭞ᬚᬗᬦ᭄ᬧᬓᬸᬩᬓ᭄ᬢᬫᬦ᭄ᬢᬸᬓ᭄᭞ᬓᬢᬸᬮᬓ᭄ᬗᬤᬾᬲᭂᬫᬂ᭞ᬢᭀᬂᬜᬓ᭄ᬗᬶᬤᬶᬄ ᭞ᬚᬦ᭄ᬢᭀᬲ᭄ᬲᬂᬓᬢᭂᬓᬦ᭄ᬢᬫ᭄ᬬᬸ᭞ᬚᭂᬗᬄᬤᬾᬦᬶᬂᬢᭀᬂᬜᬶᬤ᭄ᬥᬬᬂ᭞ᬫᭂᬓᭂᬮᬶᬦ᭄ᬢᬶᬫ᭄ᬧᬮᬾᬫᬸᬮᬶᬄ᭟ᬳᭀᬕᬦ᭄ᬦᬜ᭄ᬚᬾᬦ᭄ᬫᬕᭂᬦᭂᬧᬦ᭄᭞ᬳᬬᬫ᭄ᬓᬸᬭᬸᬗᬦ᭄ᬧᬶᬲᬦ᭄ᬢᬤ᭄ᬢᬤ᭄ᬫᬸᬮᬶᬄ᭞ᬤᬸᬭᬾᬦ᭄ᬯᬦᬶᬨᬮᬕᬦ᭄ᬢᬸᬂ᭞ᬯᬯᬸᬜᬓ᭄ᬓᬢᬭᬶᬫ᭞ᬭᬶᬂᬲᬂᬗᬶᬤᬶᬄ᭞ᬫᬕ᭄ᬭᬾᬦ᭄ᬤᭀᬢᬦ᭄ᬤᬸᬭᬸᬲ᭄ᬫᬦ᭄ᬢᬸᬓ᭄ ᭞ᬲᬭᬢ᭄ᬦᭂᬕᭂᬦ᭄ᬨᬮᬩᬸᬗ᭄ᬓᬄ᭞ᬳᬸᬧᬄᬧᭂᬦ᭄ᬢᬾᬲ᭄ᬧᭀᬗᬄᬚ᭄ᬯᬭᬶ᭟᭜᭟ᬕᬶᬦᬤ᭟᭜᭟ᬢᬦ᭄ᬓᭀᬘᬧᬦ᭄ᬲᬂᬯᬸᬲ᭄ᬫᬶᬦ᭄ᬢᬃ᭞ᬓᬾᬲᬄᬲᬓᬾᬂᬢᬫᬦ᭄ᬩᬮᬶ᭞ᬓᬕᬾᬮ᭄ᬕᬾᬮ᭄ᬲᬫᬶᬫᬢᬸᬮᬓ᭄᭞ᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬸᬯᬸᬲ᭄᭞ᬲᬂᬚᭂᬦᭂᬓ᭄ᬫᬭᬶᬂᬧᬤᬸᬓ᭄ᬯᬦ᭄᭞ᬭᬵᬚᬧᬸᬢ᭄ᬭᬶ᭞ᬓᬳᭂ᭠ ᬫ᭄ᬩᬦ᭄ᬳᬦ᭄ᬢᬸᬓ᭄ᬩᬶᬬᬂ᭟ᬫᬥᬾᬯᬢᬶᬮᬦ᭄ᬧᬜ᭄ᬚ᭄ᬭᭀᬯᬦ᭄᭞ᬲᬋᬂᬧᬢ᭄ᬧᬢ᭄ᬓᬦ᭄ᬢᬸᬦ᭄ᬗᬶᬭᬶᬂ᭞ᬗᭂᬫᬶᬢ᭄ᬲᬂᬫᬡᬶᬓᬶᬂᬧᬸᬭ᭞ᬭᬶᬂᬧᬤᬸᬓ᭄ᬯᬦ᭄‌‌ᬲᬶᬬᬂᬤᬮᬸ᭞ᬦᬾᬓᬓᬵᬮᬶᬄᬓᬦ᭄ᬢᬸᬦ᭄‌‌ᬤᭂᬳ᭞ᬩᬚᬂᬳᬮᬶᬢ᭄᭞ᬢᬦ᭄ᬧᬾᬦ᭄ᬤᬄᬲᭂᬓᬃᬳᬧᬲᬂ᭞ᬫᬧᬸᬗ᭄ᬓᬸᬲᬦ᭄ᬫᬥᬾᬲᭂᬓᬃ᭞ᬦᬾᬳᬮᬶᬢ᭠

Auto-transliteration

[2 2B] 2 lantangang, dĕpangbapanambaninrājaputri, tusingñandanghajakliyu, makĕmitdipadukwan, humaḥcĕning, madhewa‐tinimbalmātur, saraledangpakayunan, tityangnawuhinsangngiring. dhūḥñamabrayamakĕjang, r̥ĕṇayangidĕpematulakmu liḥ, deningjanisubarawuḥ, dewāyumāsdideśa, tamanbali, twarañandanghajakliyu, ngĕmit'hidadipadukwan, dĕpangyangdinipadidi. kewalasubakenakan, kayangntohiringyangmantukkapuri, ketomātūr̀ringsangprabhū, hiringanetanpañjang, mātūr̀sisip, mapamitsagr̥ĕhanmantuk, wentĕnkantunringpondokan, ñi‐mpanginpabrayankari. kaduk'hitĕḥmararasyān, kanginkawuḥngelingangdukekāri, ringgelgelsar̥ĕngmagubug, maba‐ ñjar̀mawadeśa, sar̥ĕngsami, sukāduḥkāhagĕtlacur, kenginbantangrarawosan, tabuḥgĕtar̀muñi‐manis. kabatĕkmĕl̥ĕdngĕnotang, gĕlaḥtimpalsarudĕmĕnengidiḥ, sĕbĕngdĕdĕtmapirungu, tĕkenñamanelawas, ‐ [3 3A] 3 mabĕlasan, mamondoknongosdigunung, kahirid'hantuksangnātha, hagĕtngĕlaḥtĕgalcarik. sa‐kengririḥngunādhika, sasĕbĕnganmapil̥ĕkkatañjenin, janganpakubaktamantuk, katulakngadesĕmang, tongñakngidiḥ , jantossangkatĕkantamyu, jĕngaḥdeningtongñiddhayang, mĕkĕlintimpalemuliḥ. hogannañjenmagĕnĕpan, hayamkurunganpisantadtadmuliḥ, durenwaniphalagantung, wawuñakkatarima, ringsangngidiḥ, magrendotandurusmantuk , saratnĕgĕnphalabungkaḥ, hupaḥpĕntespongaḥjwari \\•\\ ginada \\•\\ tankocapansangwusmintar̀, kesaḥsakengtamanbali, kagelgelsamimatulak, nemangkinmaliḥkawuwus, sangjĕnĕkmaringpadukwan, rājaputri, kahĕ‐ mbanhantukbiyang. madhewatilanpañjrowan, sar̥ĕngpatpatkantunngiring, ngĕmitsangmaṇikingpura, ringpadukwansiyangdalu, nekakāliḥkantundĕha, bajanghalit, tanpendaḥsĕkar̀hapasang, mapungkusanmadhesĕkar̀, nehalita‐

Leaf 3

Image on Archive.org

[᭓ 3B] ᭓ ᬦ᭄ᬜᭀᬫᬦ᭄ᬲᬵᬭᬶ᭞ᬫᬓᬓᬵᬮᬶᬄᬚᭂᬕᬾᬕ᭄ᬗᬬᬂ᭞ᬢᬦ᭄ᬯᬾᬦ᭄ᬢᭂᬦ᭄ᬓᬲᭀᬭᬦ᭄ᬲᭂᬫᬸ᭞ᬲᬾᬍᬩ᭄ᬲᬾᬩᭂᬢ᭄ᬘᬾᬱ᭄ᬝᬵᬓᬭ᭞ᬢᬫᬾᬂᬕᬢᬶ᭞ᬗᬬᬧ᭄ᬲᬂᬫᬡᬶᬓᬶᬂᬧᬸᬭ᭞ᬧᬦ᭄ᬢᭂᬲ᭄ᬫᬓᬧᬮᬶᬯᬭ᭞ᬧᬸᬦᬶᬓᬫᬮᬶᬄᬓᬓᬵᬮᬶᬄ᭞ᬯ᭄ᬯᬂᬚᭂᬭᭀᬫᬤᬾᬯᬾᬓ᭄ᬢᬸᬯ᭞ᬧᬯᭀᬗᬦ᭄ᬭᬶᬂᬧᬸᬭᬶ᭠ ᬳᬕᬸᬂ᭞ᬦᬶᬓᬕᬸᬫᬦ᭄ᬢᬶᬧᬗᭂᬫ᭄ᬩᬦ᭄᭞ᬫᬥᬾᬯᬢᬶ᭞ᬲᬲᬸᬓᬢ᭄ᬭᬶᬂᬲ᭄ᬯᬾᬘ᭄ᬙᬧᬸᬭ᭟ᬫᬾᬦ᭄ᬧ᭄ᬭᭀᬤᭀᬂᬲᬓᬾᬂᬕᬸᬡᬓ᭄ᬱ᭞ᬫᬾ᭠ᬦ᭄ᬲᬗ᭄ᬓᭀᬮ᭄ᬲᬓᬶᬂᬓᬫᭀᬦᬶᬂ᭞ᬲᭀᬢᬦᬶᬂᬤᬤᭀᬲ᭄ᬧᬗᭂᬫ᭄ᬩᬦ᭄᭞ᬫᬓᬓᬵᬮᬶᬄᬢᬸᬯᭀᬦ᭄ᬢᬸᬢᬹᬢ᭄᭞ᬲᬬᬕᬗᬢᬸᬭᬂᬳᬬᬄ᭞ᬲᬶᬬᬂᬮ ᬢ᭄ᬭᬶ᭞ᬧᬦ᭄ᬢᭂᬲ᭄ᬲᬂᬓᬵᬮᬶᬄᬓᬳᬾᬫᬦ᭄᭟ᬫᬥᬾᬯᬢᬶᬫᬦᬸᬦᬲᬂ᭞ᬭᬶᬂᬤᬦᬾᬳᬦᬓᬾᬮᬶᬗ᭄ᬲᬶᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬦ᭠ᬯᭂᬕᬂ᭞ᬓᬤᬶᬮᬮᬶᬯᬯᬸᬫᬵᬢᬹᬃ᭞ᬤᬶᬚᬓᬧᭀᬳᭂᬫ᭄ᬩᭀᬓ᭄ᬢᬶᬢ᭄ᬬᬂ᭞ᬦᬶᬮᬯᬢᬶ᭞ᬮᬦ᭄ᬳᬶᬩᭂᬮᬶᬫᬺᬢ᭄ᬣᬚᬶᬯ᭟ᬢᬦ᭄ᬯᬾᬦ᭄ᬢᭂᬦ᭄ᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂ᭞ᬲ ᬓᬾᬂᬳᬶᬦᬸᬦᬶᬳᬶᬭᬶᬓᬶ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬦᬶᬫ᭄ᬩᬮ᭄ᬳᬮᭀᬦ᭄᭞ᬤᬜᭂᬩᭂᬢᬂᬘᭂᬦᬶᬂᬳᬬᬸ᭞ᬦᬶᬮᬯᬢᬶᬫᬺᬢ᭄ᬣᬚᬶᬯ᭞ᬮᬯᬲ᭄ᬕᬢᬶ᭞ᬫᬕᭂᬤᬶᬳᬸᬮᬶᬂᬧᬤᬸᬓ᭄ᬯᬦ᭄᭟ᬓᬕᬸᬦᬸᬂᬫᬯᬦᬧ᭄ᬭᬱ᭄ᬝ᭞ᬓᬢᬸᬢᬸᬭᬂᬲᬓᬾᬂᬗᬯᬶᬢ᭄᭞ᬓᬭᬯᬸᬳᬦ᭄ᬯᬬᬦ᭄ᬲᬤ᭄ᬭ᭞ᬧᭂᬘᬓ᭄ᬧᭀᬮᬶᬄᬫᬮᬶᬄ [᭔ 4A] ᭔ ᬗᭂᬚᬸᬓ᭄᭞ᬦᬶᬮᬯᬢᬶᬭᬶᬂᬧᬤᬸᬓ᭄ᬯᬦ᭄᭞ᬢᬦ᭄ᬧᬯᬗ᭄ᬲᬶᬢ᭄᭞ᬦᬶᬮᬯᬢᬶᬦᬶᬗ᭄ᬕᬮ᭄ᬤᬾᬰ᭟ᬲᬫᬶᬲᬵᬫ᭄ᬧᬸᬦ᭄ᬓᬧᬶᬤᬃᬢ᭄ᬢ᭞ᬫᬥᬾᬯ᭠ᬢᬶᬗᭂᬫ᭄ᬩᭂᬂᬳᬓ᭄ᬱᬶ᭞ᬓᬗᭂᬦ᭄ᬓᬬᬸᬦᬾᬫᬶᬋᬗᬂ᭞ᬲᬂᬬᭀᬕᬶᬳᬕᬾᬫᬲᬳᬸᬭ᭄᭞ᬢᭀᬂᬜᬦ᭄ᬤᬂᬘᭂᬦᬶᬂᬫᬗᭂᬦᬂ᭞ᬳᭂᬫ᭄ᬩᭀᬓ᭄ᬘᭂᬦᬶᬂ᭞ᬫᬕᭂᬤᬶᬦᬸᬢᬸᬕ᭄ᬓᬸ ᬋᬦᬦ᭄᭟ᬤᬶᬕᬸᬦᬸᬂᬩᬋᬂᬫᬢᬧ᭞ᬳᬸᬩᬬᬦᬾᬲᬸᬩᬧᬲ᭄ᬢᬶ᭞ᬚᭂᬮᬾᬫᭂᬮᬄᬫᬓᬭᭀᬦᬦ᭄᭞ᬍᬓᭂᬢ᭄ᬫᬕᭂᬢᬶᬄᬳᬩᬸᬂ᭠ᬩᬸᬂ᭞ᬫᬲᬘᭂᬦᬶᬂᬢ᭄ᬯᬭᬦᬯᬂ᭞ᬮᬸᬮᬸᬢᬲᬶᬄ᭞ᬭᬓᭂᬢ᭄ᬢᭀᬂᬤᬤᬶᬧᬮᬲᬂ᭟ᬫᬥᬾᬯᬢᬶᬫᬵᬢᬹᬃᬦᬶᬫ᭄ᬩᬮ᭄᭞ᬩᭀᬬᬲᬗ᭄ᬓᬦᬶᬂᬢᬦ᭄ᬳᬸᬦᬶᬂ᭞ᬳᬶᬦ᭄ᬤᬶᬓ᭄‌‌ ᬢᬺᬱ᭄ᬡᬵᬫᬓᬸᬋᬦᬦ᭄᭞ᬲᭀᬢᬦᬶᬂᬫᬜᬫᬓᬦ᭄ᬢᬸᬦ᭄᭞ᬬᬤᬶᬦ᭄ᬫᬤᭀᬄᬤᭀᬳᬦ᭄ᬕᭂᬦᬄ᭞ᬩᬦ᭄ᬢᬲ᭄ᬳᭀᬃᬢ᭄ᬢᬶ᭞ᬢᬦ᭄ᬯᬾᬦ᭄ᬢᭂᬦ᭄ᬧᬶᬭᬕᬶᬦ᭄ᬢᬶᬢ᭄ᬬᬂ᭟ᬳᬯᬶᬦᬦ᭄ᬢᬶᬢ᭄ᬬᬂᬫᬗᭂᬦᬂ᭞ᬫᬶᬦᬩ᭄ᬤᬦᬾᬲᬵᬫ᭄ᬧᬸᬦ᭄ᬮᬮᬶ᭞ᬭᬶᬂᬢᬶᬢ᭄ᬬᬂᬓᬵᬭᬶᬫᬜᬫ᭞ᬭᬾᬄᬲᬵᬫ᭄ᬧᬸᬦ᭄ᬫᬤᬾᬯᬾᬓ᭄ᬮᬘᬸᬃ᭞ ᬫᬫᬜ᭄ᬚᬓ᭄ᬭᬶᬂᬲ᭄ᬯᬾᬘ᭄ᬙᬧᬸᬭ᭞ᬓᬤᬶᬮᬮᬶᬲ᭄᭞ᬓᬬᬸᬦᬾᬜᭂᬧᬾᬓᬂᬢᬶᬢ᭄ᬬᬂ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬳᬕᬾᬦᬶᬫ᭄ᬩᬮ᭄᭞ᬲᬃᬯ᭄ᬯᬶ᭠ᬗᭂᬮᬸᬢ᭄ᬫᬥᬾᬯᬢᬶ᭞ᬗᬸᬤᬘᭂᬦᬶᬂᬫᬲᭂᬮ᭄ᬲᭂᬮᬦ᭄᭞ᬜᭂᬮ᭄ᬲᭂᬮᬂᬤᬾᬯᬾᬓᬾᬮᬘᬸᬭ᭄᭞ᬲᭂᬩᭂᬢ᭄ᬲᬦ᭄ᬫᬾᬫᬾᬦᬶᬗᭂᬳᬂ᭞ᬢᬸᬭᬄᬘᭂ᭠

Auto-transliteration

[3 3B] 3 nñomansāri, makakāliḥjĕgegngayang, tanwentĕnkasoransĕmu, sel̥ĕbsebĕtceṣṭākara, tamenggati, ngayapsangmaṇikingpura, pantĕsmakapaliwara, punikamaliḥkakāliḥ, wwangjĕromadewektuwa, pawonganringpuri‐ hagung, nikagumantipangĕmban, madhewati, sasukatringswecchapura. menprodongsakengguṇakṣa, me‐nsangkolsakingkamoning, sotaningdadospangĕmban, makakāliḥtuwontutūt, sayagangaturanghayaḥ, siyangla tri, pantĕssangkāliḥkaheman. madhewatimanunasang, ringdanehanakelingsir̀, hinggiḥtityangmana‐wĕgang, kadilaliwawumātūr̀, dijakapohĕmboktityang, nilawati, lanhibĕlimr̥ĕtthajiwa. tanwentĕnpanggihintityang, sa kenghinunihiriki, dukuḥhistrinimbalhalon, dañĕbĕtangcĕninghayu, nilawatimr̥ĕtthajiwa, lawasgati, magĕdihulingpadukwan. kagunungmawanapraṣṭa, katuturangsakengngawit, karawuhanwayansadra, pĕcakpoliḥmaliḥ [4 4A] 4 ngĕjuk, nilawatiringpadukwan, tanpawangsit, nilawatininggaldeśa. samisāmpunkapidar̀tta, madhewa‐tingĕmbĕnghaksyi, kangĕnkayunemir̥ĕngang, sangyogihagemasahur, tongñandangcĕningmangĕnang, hĕmbokcĕning, magĕdinutugku r̥ĕnan. digunungbar̥ĕngmatapa, hubayanesubapasti, jĕlemĕlaḥmakaronan, l̥ĕkĕtmagĕtiḥhabung‐bung, masacĕningtwaranawang, lulutasiḥ, rakĕttongdadipalasang. madhewatimātūr̀nimbal, boyasangkaningtanhuning, hindik tr̥ĕṣṇāmakur̥ĕnan, sotaningmañamakantun, yadinmadoḥdohan'gĕnaḥ, bantashor̀tti, tanwentĕnpiragintityang. hawinantityangmangĕnang, minabdanesāmpunlali, ringtityangkārimañama, reḥsāmpunmadeweklacur̀, mamañjakringswecchapura, kadilalis, kayuneñĕpekangtityang. dukuḥhistrihagenimbal, sar̀wwi‐ngĕlutmadhewati, ngudacĕningmasĕlsĕlan, ñĕlsĕlangdewekelacur, sĕbĕtsanmemeningĕhang, turaḥcĕ‐

Leaf 4

Image on Archive.org

[᭔ 4B] ᭔ ᬦᬶᬂ᭞ᬲᬮᬄᬢᬫ᭄ᬧᬶᬫᬭᬭᬫ᭟ᬳᬯᬦᬦ᭄ᬘᭂᬦᬶᬂᬫᬫᬜ᭄ᬚᬓ᭄᭞ᬲᬓᬾᬂᬫᬗ᭄ᬳᬶᬥᭂᬧᬂᬫᬸᬜᬶ᭞ᬗᬸᬤᬫᬾᬫᬾᬫᬦᬦ᭄ᬤ᭄ᬭᬸᬳᬂ᭞ᬢᬺᬱ᭄ᬡᬵᬦ᭄ᬘᭂᬦᬶᬂᬲᬢᬸᬯᬸᬓ᭄᭞ᬫᬾᬫᬾᬚᬦᬶᬗᬶᬤᬶᬄᬳᭀᬮᬲ᭄᭞ᬢᭂᬓᬾᬦ᭄ᬘᭂᬦᬶᬂ᭞ᬳᭂᬤᬲᬚᬜᭂᬮ᭄ᬲᭂᬮ᭄ᬳᬯᬓ᭄᭟ᬓᬤᬸᬂᬧᭂᬮᬶᬄᬤᬗᬶᬗᭂᬢᬂ᭞ᬦᬾᬚ ᬦᬶᬚᬮᬦ᭄ᬚᬸᬫᬸᬦᬶᬦ᭄᭞ᬤᬲᬭᬶᬦᬶᬥᭂᬧ᭄ᬦᬶᬃᬫᬵᬮ᭞ᬗᬃᬤ᭄ᬥᬶᬦᬶᬦ᭄ᬳᬦᬾᬭᬳᬬᬸ᭞ᬳᬧᬕᬸᬡᬦ᭄ᬦᬾᬜᭂᬮ᭄ᬲᭂᬮᬂ᭞ᬳᭂᬫ᭄ᬩᭀᬓ᭄ᬘᭂᬦᬶᬂ᭞ᬲᬓᬾᬂᬓᬩ᭄ᬭᬦ᭄ᬯᬦ᭄ᬫᬚᬮᬦ᭄᭟ᬢᬦ᭄ᬧᬯᬗ᭄ᬲᬶᬢ᭄ᬲᬲᬶᬮᬶᬩᬦ᭄᭞ᬮᬮᬶᬲ᭄ᬗᬸᬢᬂᬧ᭄ᬬᬦᬓ᭄ᬘᭂᬦᬶᬓ᭄᭞ᬫᬥᬾᬯᬢᬶᬲ᭄ᬫᬸᬓᬕᬶᬬᬢ᭄᭞ᬫᬦ᭄ᬢᭂᬕ᭄ᬧᬸᬧᬸ᭠ ᬭᬭᬶᬲ᭄ᬫᬵᬢᬸᬭ᭄᭞ᬤᬶᬚᬓᬧᭀᬦᬓᬦ᭄ᬢᬶᬢ᭄ᬬᬂ᭞ᬳᬶᬧᬸᬦ᭄ᬫᬗ᭄ᬓᬶᬦ᭄᭞ᬫᬦᬯᬶᬲᬵᬫ᭄ᬧᬸᬦ᭄ᬢᬭᬸᬡ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬗᬦ᭄ᬤᬶᬓᬬᬂ᭞ᬭᬾᬜ᭄ᬘᬂᬤᬦᬾᬫᬗᬢᬸᬭᬶᬦ᭄᭞ᬓᬵᬫᬚᬬᬫᬮᬜ᭄ᬘᬭᬦ᭄᭞ᬫᬗ᭄ᬤᬕᭂᬮᬶᬲ᭄ᬕᭂᬮᬶᬲ᭄ᬫᬦ᭄ᬢᬸᬓ᭄᭞ᬲᬂᬓᬤᬯᬸᬳᬦ᭄ᬗᬶᬭᬶᬗᬂ᭞ᬳᬕᬾᬧ᭄ᬭᬧ᭄ᬢᬶ᭞ᬧᬸᬢᬸ᭠ ᬦ᭄ᬤᬦᬾᬓᬵᬫᬚᬬ᭟ᬧ᭄ᬭᬦᬫ᭄ᬬᬗᬢᬸᬭᬂᬲᭂᬫ᭄ᬩᬄ᭞ᬭᬶᬂᬤᬦᬾᬳᬦᬓᬾᬮᬶᬗ᭄ᬲᬶᬭ᭄᭞ᬤᬸᬓᬸᬄᬲᬸᬮᬤ᭄ᬭᬶᬗᬦ᭄ᬤᬶᬓ᭞ᬓᬵᬫᬚᬬᬫᬳᬶᬫᬮᬸ᭞ᬤᬶᬦᬶᬦᭂᬕᬓ᭄ᬳᬚᬓ᭄ᬧᭂᬓᬓ᭄᭞ᬩᬋᬂᬢᬗ᭄ᬓᬶᬮ᭄᭞ᬭᬶᬂᬳᬶᬤᬫᬡᬶᬓᬶᬂᬧᬸᬭᬶ᭟ᬓᬵᬫᬚᬬᬦᬸᬦᬲ᭄ᬮᬸᬕ᭄ᬭ᭞ᬩᬗ᭄ᬕᬬᬂᬢᬶᬢ᭄ᬬᬂ᭠ [᭕ 5A] ᭕ ᬇᬭᬶᬓᬶ᭞ᬗᭂᬮᬸᬂᬳᬗ᭄ᬕᬫᬢᬗᬦᬦ᭄᭞ᬜᭂᬫ᭄ᬧᬮ᭄ᬲᬶᬮᬲᬤᬗᬸᬦ᭄ᬢᬸᬮ᭄᭞ᬲᭀᬢᬦᬶᬂᬓᬦ᭄ᬢᬸᬦ᭄ᬢᬭᬸᬡ᭞ᬓᬤᬶᬕᭂᬮᬶᬧ᭄᭞᭠ᬓᬩᬶᬮ᭄ᬩᬶᬮ᭄ᬫᬧᬲᬂᬮᬶᬬᬢ᭄᭟ᬤᬸᬓᬸᬄᬳᬶᬲ᭄ᬢ᭄ᬭᬶᬓᬗᭂᬦ᭄ᬜᬶᬗᬓ᭄᭞ᬭᬶᬂᬫᬥᬾᬯᬢᬶᬫᬯᬗ᭄ᬲᬶᬢ᭄᭞ᬦᬄᬚᬦᬶᬳᬧᬗᬢᬯᬂ᭞ᬓᬧᭀᬦᬓᬦ᭄ᬘᭂᬦᬶᬂ᭠ ᬳᬸᬩᬸᬄ᭞ᬦᬸᬘᭂᬦᬶᬓ᭄ᬢᬶᬗ᭄ᬕᬮ᭄‌‌ᬭᬭᬫ᭞ᬓᬦ᭄ᬢᬶᬓᭂᬮᬶᬄ᭞ᬧᬭᬩ᭄ᬫᬾᬫᬾᬓᬵᬫᬚᬬ᭟ᬫᬥᬾᬯᬢᬶᬦᬍᬓ᭄ᬢᭂᬓᬂ᭞ᬩᭂᬗᭀᬂ᭠ᬳᬗᭀᬩ᭄ᬫᬜᬶᬗᬓᬶᬦ᭄᭞ᬓᬵᬫᬚᬬᬬᬦ᭄ᬲᬯᬗᬂ᭞ᬓᬤᬶᬳ᭄ᬬᬂᬲ᭄ᬫᬭᬢᬸᬫᬸᬭᬸᬦ᭄᭞ᬩᬕᬸᬲ᭄ᬕᭂᬜ᭄ᬚᬶᬂᬓᭂᬮᬸᬲ᭄ᬫᬾᬦᬓ᭄᭞ᬫᬥᬾᬯᬢᬶ᭞ᬢᬦ᭄ᬧᬾ᭠ ᬦ᭄ᬤᬄᬓᬤᬶᬜᬸᬫ᭄ᬧᭂᬦ᭟ᬯᬯᬸᬳᬾᬮᬶᬂᬓᬧᬶᬗᭀᬦᬦ᭄᭞ᬫᬘᭂᬩᬸᬃᬢᭂᬤᬸᬦ᭄ᬦᬫ᭄ᬧᭂᬓᬶᬦ᭄᭞ᬗᬸᬭᬸᬢᬸᬭᬸᬢ᭄ᬓᬵᬫᬚᬬ᭞ᬗᭂᬮᬸᬢ᭄ᬩᬳᬸᬫᬧᬶᬢᬸᬢᬸᬭ᭄᭞ᬳᬫ᭄ᬧᬸᬭᬘᭂᬦᬶᬂᬳᬫ᭄ᬧᬸᬭ᭞ᬢᬸᬫ᭄ᬩᬾᬦ᭄ᬚᬦᬶ᭞ᬫᬾᬫᬾᬦᬯᬂᬓᬧᭀᬦᬓᬦ᭄᭟ᬲᬸᬩᬓᭂᬮᬶᬄᬫᬭᬧᭂᬤᬲ᭄᭞ᬢᭂᬓᬾ ᬦ᭄ᬧ᭄ᬬᬦᬓ᭄ᬲᬾᬧ᭄ᬳᬯᬳᬶ᭞ᬢᬹᬃᬓᬦ᭄ᬢᬶᬲᬸᬩᬢᬭᬸᬡ᭞ᬫᬾᬫᬾᬩᬸᬓᬢ᭄ᬯᬭᬭᬸᬗᬸ᭞ᬓᬵᬫᬚᬬᬫᬵᬢᬹᬃᬦᬶᬫ᭄ᬩᬮ᭄᭞ᬲᬵᬫ᭄ᬧᬸᬦ᭄ᬩᬶᬩᬶ᭞ᬓᬤᬶᬧᬜ᭄ᬚᬂᬜᭂᬮ᭄ᬲᭂᬮ᭄ᬭᬕ᭟ᬩᭀᬬᬩᬶᬩᬶᬲᬓᬾᬂᬢᬶᬢ᭄ᬬᬂ᭞ᬕᬸᬫᬦ᭄ᬢᬶᬫᬤᬾᬯᬾᬓ᭄ᬲᬶᬲᬶᬧ᭄᭞ᬢᬦ᭄ᬳᬸᬦᬶᬂᬭᬶᬂᬧᬚᬕᬢᬦ᭄᭞ᬳ᭠

Auto-transliteration

[4 4B] 4 ning, salaḥtampimararama. hawanancĕningmamañjak, sakengmanghidhĕpangmuñi, ngudamememanandruhang, tr̥ĕṣṇāncĕningsatuwuk, memejaningidiḥholas, tĕkencĕning, hĕdasajañĕlsĕlhawak. kadungpĕliḥdangingĕtang, neja nijalanjumunin, dasarinidhĕpnir̀māla, ngar̀ddhininhanerahayu, hapaguṇanneñĕlsĕlang, hĕmbokcĕning, sakengkabranwanmajalan. tanpawangsitsasiliban, lalisngutangpyanakcĕnik, madhewatismukagiyat, mantĕgpupu‐ rarismātur, dijakaponakantityang, hipunmangkin, manawisāmpuntaruṇa. dukuḥhistringandikayang, reñcangdanemangaturin, kāmajayamalañcaran, mangdagĕlisgĕlismantuk, sangkadawuhanngiringang, hageprapti, putu‐ ndanekāmajaya. pranamyangaturangsĕmbaḥ, ringdanehanakelingsir, dukuḥsuladringandika, kāmajayamahimalu, dininĕgak'hajakpĕkak, bar̥ĕngtangkil, ringhidamaṇikingpuri. kāmajayanunaslugra, banggayangtityang‐ [5 5A] 5 iriki, ngĕlunghanggamatanganan, ñĕmpalsilasadanguntul, sotaningkantuntaruṇa, kadigĕlip, ‐kabilbilmapasangliyat. dukuḥhistrikangĕnñingak, ringmadhewatimawangsit, naḥjanihapangatawang, kaponakancĕning‐ hubuḥ, nucĕniktinggalrarama, kantikĕliḥ, parabmemekāmajaya. madhewatinal̥ĕktĕkang, bĕngong‐hangobmañingakin, kāmajayayansawangang, kadihyangsmaratumurun, bagusgĕñjingkĕlusmenak, madhewati, tanpe‐ ndaḥkadiñumpĕna. wawuhelingkapingonan, macĕbur̀tĕdunnampĕkin, nguruturutkāmajaya, ngĕlutbahumapitutur, hampuracĕninghampura, tumbenjani, memenawangkaponakan. subakĕliḥmarapĕdas, tĕke npyanaksep'hawahi, tūr̀kantisubataruṇa, memebukatwararungu, kāmajayamātūr̀nimbal, sāmpunbibi, kadipañjangñĕlsĕlraga. boyabibisakengtityang, gumantimadeweksisip, tanhuningringpajagatan, ha‐

Leaf 5

Image on Archive.org

[᭕ 5B] ᭕ ᬦ᭄ᬢᬸᬓ᭄ᬢᬫ᭄ᬩᭂᬢᬾᬓᬮᬗ᭄ᬓᬸᬂ᭞ᬩᭀᬬᬧᬵᬢᬹᬢ᭄ᬓᬤᬶᬢᬶᬢ᭄ᬬᬂ᭞ᬫᬧᬶᬮᬮᬶ᭞ᬳᬸᬧᬫᬶᬓᬤᬶᬲᬲᭀᬗ᭄ᬕᬦ᭄᭟ᬧᬶᬢᬶᬓ᭄ᬩᭂᬗᬶᬮ᭄ᬳᬸᬩᬸᬳᬶᬦ᭞ᬮᬗ᭄ᬕᬦᬧᬸᬭᬸᬦ᭄ᬫᬸᬯᬶᬓᬶᬦ᭄᭞ᬓᭂᬢᬸᬗᬦ᭄ᬕᭂᬦᬄᬧᬲᬗᭀᬦ᭄᭞ᬫᬢᬶᬍᬲᬂᬤᬾᬯᬾᬓ᭄ᬮᬘᬸᬭ᭄᭞ᬤᬸᬭᬸᬲ᭄ᬩᭂᬭᬕ᭄‌‌ᬢᬦ᭄ᬧᬦᭂᬥ᭞ᬩᬶ᭠ ᬮᬶᬄᬫᬵᬢᬶ᭞ᬧᬥᭂᬫᬾᬲᬓᬾᬂᬫᬓᭂᬦ᭄ᬢ᭟ᬲᬧᬸᬦᬶᬓᬳᬸᬧᬫᬶᬦ᭄ᬜ᭞ᬢᬶᬢ᭄ᬬᬂᬢᬦ᭄ᬳᬸᬦᬶᬂᬭᬶᬂᬩᬶᬩᬶ᭞ᬤᬶᬚᬯᬾᬦ᭄ᬢᭂᬦ᭄ᬓᬧᬵᬢᬹᬢᬦ᭄᭞ᬢᬶᬢ᭄ᬬᬂᬲᬓᬤᬶᬢᬦ᭄ᬭᬸᬗᬸ᭞ᬭᬶᬂᬲᬦᬾᬧᬵᬢᬹᬢ᭄ᬜᬬᬗᬂ᭞ᬢᬹᬃᬗᬸᬩᬸᬳᬶᬦ᭄᭞ᬕᭂᬦᬄᬗᭂᬮᬦ᭄ᬢᬶᬗᬂᬳᬯᬓ᭄᭟ᬗ᭄ᬳᬶᬂᬢᬦ᭄ᬲᬗ᭄ᬓᬦᬶᬂᬧ᭄ᬭᬲᬗ᭄ᬕ᭞ᬲᬓ ᬭᬶᬂᬢᬶᬢ᭄ᬬᬂᬗᬃᬤ᭄ᬥᬶᬦᬶᬦ᭄᭞ᬳᬾᬮᬶᬂᬭᬶᬂᬫᬤᬾᬯᬾᬓ᭄ᬓᬯᭀᬦ᭄᭞ᬓᬯᭀᬦᬶᬦ᭄‌‌ᬭᬭᬫᬳᬸᬩᬸᬄ᭞ᬫᬥᬾᬯᬢᬶᬗᭂᬫ᭄ᬩᭂᬂᬢᬶ᭠ᬗ᭄ᬳᬮ᭄᭞ᬳᬥᬹᬄᬘᭂᬦᬶᬂ᭞ᬲᭂᬩᭂᬢ᭄ᬲᬦ᭄ᬫᬾᬫᬾᬦᬶᬗᭂᬳᬂ᭟ᬢᭀᬂᬜᬦ᭄ᬤᬂᬘᭂᬦᬶᬂᬮᬦ᭄ᬢᬗᬂ᭞ᬜᬫ᭄ᬩᬢᬂᬦᬾᬩᭂᬦᭂᬄᬧᭂᬮᬶᬄ᭞ᬗᬸᬤᬫᬗᬸᬦᬂᬤᬸᬄᬓᬶ ᬢ᭞ᬲᭂᬩᭂᬢ᭄ᬫᬾᬫᬾᬦᬾᬫᬯᬸᬯᬸᬄ᭞ᬦᬶᬗᭂᬄᬘᭂᬦᬶᬂᬫᬧᬗᭂᬦᬦ᭄᭞ᬲᭂᬤ᭄ᬲᭂᬤ᭄ᬲᭂᬤᬶᬄ᭞ᬜᭂᬮ᭄ᬲᭂᬮ᭄ᬳᬯᬓ᭄ᬢᬦᬶᬩᬕ᭄ᬬ᭟ᬫᬾᬫᬾᬢ᭄ᬯᬭᬫᬮᬾᬩᬗᬦ᭄᭞ᬫᬧ᭄ᬬᬦᬓ᭄ᬢᭂᬓᬾᬦᬶᬂᬘᭂᬦᬶᬂ᭞ᬢᬺᬱ᭄ᬡᬵᬦ᭄ᬫᬾᬫᬾᬢ᭄ᬯᬭᬪᬶᬦ᭞ᬫᬵᬋᬧ᭄ᬓᬧᭀᬦᬓᬦ᭄ᬧᬢᬸᬄ᭞ᬢᭂᬓᬾᬦ᭄ᬳᬶ᭠ [᭖ 6A] ᭖ ᬤᬤᬾᬯᬵᬬᬸᬫᬵᬲ᭄᭞ᬕᬸᬲ᭄ᬢᬶᬦ᭄ᬘᭂᬦᬶᬂ᭞ᬳᬲᬄᬢᭀᬂᬳᬤᬳᭂᬜ᭄ᬘᬾᬢᬦ᭄᭟ᬲᭀᬢᬦᬶᬂᬫᬾᬫᬾᬫᬜᬫ᭞ᬲᭀᬤᭂᬢ᭄ᬢᭂᬓᬾᬦ᭄ᬫᬾᬫᬾᬦ᭄ᬘᭂᬦᬶᬂ᭞ᬩᬸᬓᬲᭂᬧᬶᬢᬾᬲᬵᬢ᭄ᬫᬓ᭞ᬧᬭᬲ᭄ᬧᬭᭀᬲ᭄ᬢᭂᬓᬳᬤᬸᬂ᭞ᬢ᭄ᬯᬭᬢᬳᬾᬦ᭄ᬫᬕᭂᬋᬗᬦ᭄᭞ᬳᬸᬮᬶᬘᭂᬦᬶᬓ᭄᭞ ᬫᬓᬶᬮᬶᬢ᭄‌‌ᬢᬺᬱ᭄ᬡᬵᬫᬜᬫ᭟ᬳᬚᬓ᭄ᬤᬤ᭄ᬯᬤᬶᬧᬤᬸᬓ᭄ᬯᬦ᭄᭞ᬗᬬᬳᬶᬦ᭄ᬳᬦᬓᬾᬮᬶᬗ᭄ᬲᬶᬭ᭄᭞ᬗᬸᬤᬫᬾᬫᬾᬢᭀᬂ᭠ᬗᬶᬗᭂᬢᬂ᭞ᬳᬤᬘᭂᬦᬶᬂᬚᬦᬶᬢᬸᬫ᭄ᬩᬸᬄ᭞ᬳᭀᬓᬦ᭄ᬤᬦᬾᬢ᭄ᬯᬭᬮᬾᬦᬦ᭄᭞ᬫᬾᬫᬾᬳᬸᬕᬶ᭞ᬳᬕᭂᬢ᭄ᬮᬘᬸᬃᬫᬦᬫ᭄ᬧᭂᬤᬂ᭟ᬚᬦᬶᬫᬾᬫᬾᬫᬢ ᬯᬗᬂ᭞ᬤᬾᬯᬵᬬᬸᬫᬵᬲ᭄ᬧᬃᬡ᭄ᬦᬄᬘᭂᬦᬶᬂ᭞ᬫᬫᬶᬲᬦ᭄ᬤᬶᬘᭀᬓᭀᬃᬘᭀᬓᭀᬃ᭞ᬧᬧᬃᬡ᭄ᬦᬳᬦ᭄ᬲᬓᬾᬂᬯᬥᬹ᭞ᬫᬾᬫᬾᬜᬤ᭄ᬬᬫᬢᭂᬫ᭄ᬧᬳᬂ᭞ᬢᭂᬓᬾᬦ᭄ᬘᭂᬦᬶᬂ᭞ᬳᬶᬭᬶᬂᬳᬶᬤᬤᬶᬧᬤᬸᬓ᭄ᬯᬦ᭄᭟ᬫᬢᬫ᭄ᬩᬲᬸᬗ᭄ᬓᬦ᭄ᬲᬸᬗ᭄ᬓᬦᬦ᭄᭞ᬳᬯᬦᬦ᭄ᬤᬶᬦᬶᬫᬕᬶᬗ᭄ᬲᬶᬃ᭞ᬫᬤᬓ᭄ᬳᬶᬤ᭠ ᬳᬾᬗ᭄ᬕᬮ᭄ᬓᬾᬦᬓ᭄᭞ᬘᭂᬦᬶᬂᬗᬶᬭᬶᬂᬳᬶᬤᬫᬦ᭄ᬢᬸᬓ᭄᭞ᬬᬾᬦ᭄ᬫᬓᬶᬢᬘᭂᬦᬶᬂᬦᬯᬂ᭞ᬲ᭄ᬯᬾᬘ᭄ᬙᬧᬸᬭᬶ᭞ᬢᭀᬗᭀᬲ᭄ᬫᬾᬫᬾᬫᬫᬋᬓᬦ᭄᭟ᬢᬗ᭄ᬓᬶᬮ᭄ᬭᬶᬂᬳᬶᬤᬲᬂᬦᬵᬣ᭞ᬲᬂᬕᬸᬡᬕᬡᬭᬶᬂᬩᬮᬶ᭞ᬲᬶᬦᬄᬘᭂᬦᬶᬂᬓᬮᬾᬤᬗᬦ᭄᭞ᬓᬵᬫᬚᬬᬓᬵᬭᬶᬗᬸᬦ᭄ᬢᬸᬓ᭄᭞ᬓᬤᬶ

Auto-transliteration

[5 5B] 5 ntuktambĕtekalangkung, boyapātūtkaditityang, mapilali, hupamikadisasonggan. pitikbĕngilhubuhina, langganapurunmuwikin, kĕtungan'gĕnaḥpasangon, matil̥ĕsangdeweklacur, durusbĕragtanpanĕdha, bi‐ liḥmāti, padhĕmesakengmakĕnta. sapunikahupaminña, tityangtanhuningringbibi, dijawentĕnkapātūtan, tityangsakaditanrungu, ringsanepātūtñayangang, tūr̀ngubuhin, gĕnaḥngĕlantinganghawak. nghingtansangkaningprasangga, saka ringtityangngar̀ddhinin, helingringmadewekkawon, kawoninraramahubuḥ, madhewatingĕmbĕngti‐nghal, hadhūḥcĕning, sĕbĕtsanmemeningĕhang. tongñandangcĕninglantangang, ñambatangnebĕnĕḥpĕliḥ, ngudamangunangduḥki ta, sĕbĕtmemenemawuwuḥ, ningĕḥcĕningmapangĕnan, sĕdsĕdsĕdiḥ, ñĕlsĕlhawaktanibagya. memetwaramalebangan, mapyanaktĕkeningcĕning, tr̥ĕṣṇānmemetwarabhina, mār̥ĕpkaponakanpatuḥ, tĕkenhi‐ [6 6A] 6 dadewāyumās, gustincĕning, hasaḥtonghadahĕñcetan. sotaningmememañama, sodĕttĕkenmemencĕning, bukasĕpitesātmaka, parasparostĕkahadung, twaratahenmagĕr̥ĕngan, hulicĕnik, makilittr̥ĕṣṇāmañama. hajakdadwadipadukwan, ngayahinhanakelingsir, ngudamemetong‐ngingĕtang, hadacĕningjanitumbuḥ, hokandanetwaralenan, memehugi, hagĕtlacur̀manampĕdang. janimememata wangang, dewāyumāspar̀ṇnaḥcĕning, mamisandicokor̀cokor̀, papar̀ṇnahansakengwadhū, memeñadyamatĕmpahang, tĕkencĕning, hiringhidadipadukwan. matambasungkansungkanan, hawanandinimagingsir̀, madak'hida‐ henggalkenak, cĕningngiringhidamantuk, yenmakitacĕningnawang, swecchapuri, tongosmememamar̥ĕkan. tangkilringhidasangnātha, sangguṇagaṇaringbali, sinaḥcĕningkaledangan, kāmajayakāringuntuk, kadi

Leaf 6

Image on Archive.org

[᭖ 6B] ᭖ ᬳᬸᬮᬧ᭄ᬫᬗᬦ᭄ᬢᭂᬦᬂ᭞ᬭᬵᬚᬧᬸᬢ᭄ᬭᬶ᭞ᬢᬸᬮ᭄ᬬᬭᬣᬶᬄᬜᬮᬦ᭄ᬢᬭ᭟ᬤᬸᬓᬸᬄᬲᬸᬮᬤ᭄ᬭᬶᬗᬦ᭄ᬤᬶᬓ᭞ᬦᬄᬭᬾᬭᬾᬦᬂᬫᬮᬸᬘᭂᬦᬶᬂ᭞ᬯᬶᬭᬾᬄᬲᬸᬩᬮᬶᬗ᭄ᬲᬶᬃᬲᬜ᭄ᬚ᭞ᬭᬵᬚᬧᬸᬢ᭄ᬭᬶᬫᬶᬭᬶᬩ᭄ᬮᭂᬲᬸ᭞ᬳᬢᬸᬭᬶᬦ᭄ᬳᬶᬤᬫᬭᬵᬃᬬ᭄ᬬᬦ᭄᭞ᬳᬸᬮᬶᬢᬸᬦᬶ᭞ᬓᬍᬲᭀᬦ᭄ᬳᬶᬤᬫᬫᬵᬃᬕ᭄ᬕ᭟ᬭᬵ ᬚᬧᬸᬢ᭄ᬭᬶᬯᬸᬲ᭄ᬓᬵᬢᬸᬭᬦ᭄᭞ᬓᬧᬓᭀᬍᬫᬦ᭄ᬫᬕᬶᬗ᭄ᬲᬶᬭ᭄᭞ᬧᬯᭀᬗᬦ᭄ᬲᬫᬶᬗᬶᬭᬶᬗᬂ᭞ᬓᬩᬮᬾᬦᬾᬯᬯᬸᬢᬗᬸ᭠ᬦ᭄᭞ᬩᬮᬾᬳᬮᬶᬢ᭄‌‌ᬯᬸᬲ᭄ᬘᬸᬫᬤᬂ᭞ᬧᬘᬂᬮᬶᬗ᭄ᬕᬶᬄ᭞ᬭᬵᬚᬧᬸᬢ᭄ᬭᬶᬭᬶᬂᬧᬤᬸᬓ᭄ᬯᬦ᭄᭟ᬫᬾᬦ᭄ᬧ᭄ᬭᭀᬤᭀᬂᬗᬢᬸᬭᬂᬳᭀᬤᬓ᭄᭞ᬫᬾᬦ᭄ᬲ᭠ ᬗ᭄ᬓᭀᬮ᭄ᬫᬋᬲᬶᬓ᭄ᬋᬲᬶᬓ᭄᭞ᬜᭀᬫᬦ᭄ᬲᬵᬭᬶᬫᬤᬾᬲᭂᬓᬃ᭞ᬩᭂᬗᭀᬂᬩᭂᬗᭀᬂᬫᬶᬦᬩ᭄ᬓᬦ᭄ᬢᬸᬦ᭄᭞ᬓᬤᬶᬗᬶᬧᬶᬗᬦ᭄ᬢᭂᬦᬂ᭞ᬭᬵᬚᬧᬸᬢ᭄ᬭᬶ᭞ᬓᬢᬗ᭄ᬓᬶᬮ᭄ᬭᬶᬂᬓᬵᬫᬚᬬ᭟ᬲ᭄ᬫᬭᬭᬣᬶᬄᬬᬦ᭄ᬲᬯᬗᬂ᭞ᬚᭂᬕᬾᬕ᭄ᬩᬕᬸᬲᬾᬫᬲᬦ᭄ᬤᬶᬂ᭞ᬲᬂᬓᬵᬮᬶᬄᬭᬹᬧᬓᬧᬶᬗᭀ᭠ ᬦ᭄᭞ᬭᬾᬜ᭄ᬘᬂᬭᭀᬩᬦ᭄ᬲᬫᬶᬕᬸᬧᬸᬄ᭞ᬲᬬᬕᬗᬢᬸᬭᬂᬳᬬᬄ᭞ᬲᬓᬾᬂᬪᬓ᭄ᬢᬶ᭞ᬯᬾᬦ᭄ᬢᭂᬦ᭄ᬭᬾᬧᭀᬢ᭄ᬦᬸᬗ᭄ᬕ᭄ᬯᬂᬤᬂᬤᬂ᭟᭜᭟ᬤᬂᬤᬂ᭟᭜᭟ᬲᬲᬸᬓᬢ᭄ᬤᬾᬯᬵᬬᬸᬫᬵᬲ᭄ᬫᬮᬶᬗ᭄ᬕᬶᬄ᭞ᬭᬶᬂᬧᬤᬸᬓ᭄ᬯᬦ᭄᭞ᬫᬕᬶᬗ᭄ᬲᬶᬃᬫᬢᬫ᭄ᬩ᭞ᬳᬦ᭄ᬢᬸᬓ᭄‌‌ᬭᬳᬢ᭄ᬧᬶᬦᬸᬗ᭄ᬓᬦᬾ᭞ᬧᬜ᭄ᬚ [᭗ 7A] ᭗ ᬓ᭄‌‌ᬕᬾᬮ᭄ᬕᬾᬮ᭄ᬲᬸᬫᬸᬬᬸᬕ᭄᭞ᬓᬧᬤᬸᬓ᭄ᬯᬦ᭄ᬢᬫᬦ᭄ᬩᬮᬶ᭞ᬲᬩ᭄ᬭᬦ᭄ᬤᬶᬦᬢᬦ᭄ᬧᭂᬕᬢ᭄᭞ᬮᬸᬄᬫ᭄ᬯᬦᬶᬓᬕᬸᬦᬸᬂ᭞ᬫᬕᬶᬮᬶᬃᬫᬓ᭄ᬢᬭᬭᬧᬦ᭄᭞ᬫᬢᭂᬕᭂᬧᬦ᭄᭞ᬲᬗᬦᬦ᭄ᬳᬬᬫ᭄ᬮᬦ᭄ᬳᬶᬢᬶᬓ᭄᭞ᬫᬤᬸᬮᬸᬭᬦ᭄ᬳᬤᬾᬂᬩᭂᬭᬲ᭄᭟ᬜᬤ᭄ᬬᬢᬗ᭄ᬓᬶᬮ᭄‌‌ᬜᬶᬳ᭄ᬦᬬᬂᬲᬸᬪᬓ᭄ᬢᬶ᭞ᬭᬶᬂᬲᬂᬲᬸᬗ᭄ᬓ ᬦ᭄᭞ᬲᭀᬢᬦᬶᬂᬫᬫᬜ᭄ᬚᬓ᭄᭞ᬓᬩᬢᭂᬓ᭄‌‌ᬤᬺᬤ᭄ᬥᬪᬓ᭄ᬢᬶᬦᬾ᭞ᬗᬯᬸᬮᬭᬶᬂᬲᬂᬧ᭄ᬭᬪᬹ᭞ᬓᬮᬾᬤᬗᬦ᭄ᬲᬩᬾᬂᬧᬸᬭᬶ᭞᭠ᬦᬾᬫ᭄ᬯᬦᬶᬫᬢᭂᬕᭂᬦᬦ᭄᭞ᬦᬾᬮᬸᬄᬲᬭᬢ᭄ᬜᬸᬯᬸᬦ᭄᭞ᬲᬓᬾᬂᬕᬾᬮ᭄ᬕᬾᬮ᭄ᬫᬕ᭄ᬭᬾᬦ᭄ᬤᭀᬢᬦ᭄᭞ᬓᬧᬤᬸᬓ᭄ᬯᬦ᭄᭞ᬳᬶᬦᬩᬾᬗᬢᬸᬭᬂᬪᬓ᭄ᬢᬶ᭞ ᬓᬕᬸᬦᬸᬂᬓᬵᬮᬧᬢᬶᬃᬢ᭄ᬣᬦ᭄᭟ᬓᬾᬗᬶᬦ᭄ᬤᬸᬫ᭄ᬬᬫᬭᬶᬂᬢᬫᬦ᭄ᬩᬮᬶ᭞ᬲᬩ᭄ᬭᬦ᭄ᬤᬶᬦ᭞ᬭᬵᬚᬧᬸᬢ᭄ᬭᬶᬮᬾᬤᬂ᭞ᬗᬓ᭄ᬱᬶᬲᬸᬪᬓ᭄ᬢᬶᬦ᭄ᬧᬜ᭄ᬚᬓᬾ᭞ᬭᬾᬭᬤ᭄ᬭᬾᬭᭀᬤ᭄ᬓᬕᬸᬦᬸᬂ᭞ᬯᬲ᭄ᬢᬸᬓᬾᬦᬓ᭄ᬭᬵᬚᬧᬸᬢ᭄ᬭᬶ᭞ᬓᬾᬦᬓᬾᬢᬦ᭄ᬧᬢᬫ᭄ᬩ᭞ᬲᬂᬬᭀᬕᬶᬫᬶᬢᬸᬤᬸᬄ᭞ᬲᬩ᭄ᬭᬦ᭄ᬫᬰᬸᬘᬶᬮ᭠ ᬓ᭄ᬱᬡ᭞ᬧᬢᬶᬩ᭄ᬭᬢ᭞ᬲᬢᬢᬫᬳᭂᬦᬶᬂᬳᭂᬦᬶᬂ᭞ᬧᬂᬍᬩᬸᬭᬦ᭄ᬤᬰᬫᬮ᭟ᬫᬮᬧᬢᬓᬤᬾᬦ᭄ᬕᭂᬲᭃᬂᬪᬲ᭄ᬫᬶ᭞ᬫᬢᭂᬫᬳᬦ᭄᭞ᬮᬭᬫᬮᬭᬤᬦ᭄᭞ᬫᬓᬢᬫ᭄ᬩᬧᬶᬦᬸᬗ᭄ᬓᬦᬾ᭞ᬧᬶᬦᬹᬚᬳᬲ᭄ᬢᬸᬧᬸᬗ᭄ᬓᬸ᭞ᬧᬗ᭄ᬮᬸᬓᬢᬦ᭄ᬲᬗᬕ᭄ᬭᬶᬂ᭞ᬧᬭᬶᬧᬹᬃᬡ᭄ᬦᬦᬶᬃᬫᬵᬮ᭞ᬧᬸᬦᬄᬲᬃᬯ᭄ᬯᬍᬢᬸᬄ᭞

Auto-transliteration

[6 6B] 6 hulapmangantĕnang, rājaputri, tulyarathiḥñalantara. dukuḥsuladringandika, naḥrerenangmalucĕning, wireḥsubalingsir̀sañja, rājaputrimiriblĕsu, haturinhidamarār̀yyan, hulituni, kal̥ĕsonhidamamār̀gga. rā japutriwuskāturan, kapakol̥ĕmanmagingsir, pawongansamingiringang, kabalenewawutangu‐n, balehalitwuscumadang, pacanglinggiḥ, rājaputriringpadukwan. menprodongngaturanghodak, mensa‐ ngkolmar̥ĕsikr̥ĕsik, ñomansārimadesĕkar̀, bĕngongbĕngongminabkantun, kadingipingantĕnang, rājaputri, katangkilringkāmajaya. smararathiḥyansawangang, jĕgegbagusemasanding, sangkāliḥrūpakapingo‐ n, reñcangrobansamigupuḥ, sayagangaturanghayaḥ, sakengbhakti, wentĕnrepotnunggwangdangdang \\•\\ dangdang \\•\\ sasukatdewāyumāsmalinggiḥ, ringpadukwan, magingsir̀matamba, hantukrahatpinungkane, pañja [7 7A] 7 kgelgelsumuyug, kapadukwantamanbali, sabrandinatanpĕgat, luḥmwanikagunung, magilir̀maktararapan, matĕgĕpan, sangananhayamlanhitik, maduluranhadengbĕras. ñadyatangkilñihnayangsubhakti, ringsangsungka n, sotaningmamañjak, kabatĕkdr̥ĕddhabhaktine, ngawularingsangprabhū, kaledangansabengpuri, ‐nemwanimatĕgĕnan, neluḥsaratñuwun, sakenggelgelmagrendotan, kapadukwan, hinabengaturangbhakti, kagunungkālapatir̀tthan. kengindumyamaringtamanbali, sabrandina, rājaputriledang, ngaksyisubhaktinpañjake, reradrerodkagunung, wastukenakrājaputri, kenaketanpatamba, sangyogimituduḥ, sabranmaśucila‐ kṣaṇa, patibrata, satatamahĕninghĕning, pangl̥ĕburandaśamala. malapatakaden'gĕsöngbhasmi, matĕmahan, laramalaradan, makatambapinungkane, pinūjahastupungku, panglukatansangagring, paripūr̀ṇnanir̀māla, punaḥsar̀wwal̥ĕtuḥ,

Leaf 7

Image on Archive.org

[᭗ 7B] ᭗ ᬯᬶᬱ᭄ᬬᬫᬢᭂᬫᬳᬦ᭄‌‌ᬫᬺᬢ᭄ᬣᬵ᭞ᬧᬭᬶᬰᬸᬤ᭄ᬥ᭞ᬲᬓᬾᬂᬓᬲᬶᬤ᭄ᬥᬾᬦ᭄ᬲᬂᬬᭀᬕᬶ᭞ᬫᬬᭀᬕᬫᬚᬧᬫᬦ᭄ᬢ᭄ᬭ᭟ᬓᬸᬤᬂᬤᬶᬦᬲᬵᬫ᭄ᬧᬸᬦ᭄ᬭᬵᬚᬧᬸᬢ᭄ᬭᬶ᭞ᬭᬶᬂᬧᬤᬸᬓ᭄ᬯᬦ᭄᭞ᬤᬸᬭᬸᬂᬦᬳᭂᬦ᭄ᬧᬶᬲᬦ᭄᭞ᬗᭂᬦ᭄ᬢᬄᬫᬮᬶᬄᬧᬶᬦᬸᬗ᭄ᬓᬦᬾ᭞ᬓᬾᬦᬓ᭄ᬳᬦ᭄ᬢᬸᬓ᭄ᬓᬲ᭄ᬮᬶᬫᬸᬭ᭄᭞ᬓᬍᬗᭂᬗᬦ᭄ᬢᬫᬦ᭄ᬲᬵ᭠ ᬭᬶ᭞ᬦᬃᬫ᭄ᬫᬤᬬᬦᬸᬧᬫ᭞ᬳᬾᬩᭂᬓ᭄ᬲᬃᬯ᭄ᬯᬲᬦ᭄ᬢᬸᬦ᭄᭞ᬧᬤᬫ᭄ᬧ᭄ᬬᬓ᭄ᬧᬶᬗ᭄ᬕᬶᬃᬢᭂᬮᬕ᭞ᬦᭂᬥᭂᬂᬓᭂᬫ᭄ᬩᬂ᭞ᬚᬫ᭄ᬧᬶᬭᬶᬂᬕᬥᬸᬂᬫᭂᬮᬢᬶ᭞ᬭ᭠ᬢ᭄ᬦᬫᭂᬦᬸᬄᬫᬓᬘᬓᬦ᭄᭟ᬲᬩ᭄ᬭᬦ᭄ᬤᬶᬦᬳᬶᬤᬭᬵᬚᬧᬸᬢ᭄ᬭᬶ᭞ᬫᬲᬲᬜ᭄ᬚᬦ᭄᭞ᬲᬃᬯ᭄ᬯᬶᬗᬮᬧ᭄ᬲᭂᬓᬃ᭞ᬫᬹᬃᬡ᭄ᬦᬬᬂᬳᬶᬩᬸᬓ᭄ᬓᬬᬸᬦᬾ᭞ᬯᬗᬶᬦᬶᬂᬢᬶᬃᬢ᭄ᬣᬵ ᬳᬭᬹᬫ᭄᭞ᬭᬱᬗᬭᬤ᭄ᬫᬗᬢᬸᬭᬶᬦ᭄᭞ᬭᬵᬚᬧᬸᬢ᭄ᬭᬶᬫᬲᬶᬭᬫ᭄᭞ᬭᬶᬂᬢᬸᬓᬤᬾᬢᭂᬤᬸᬦ᭄᭞ᬜᭀᬫᬦ᭄ᬲᬵᬭᬶᬫᬥᬾᬲᭂᬓᬃ᭞ᬫᬗᬶᬭᬶᬗᬂ᭞ᬭᬶᬂᬧᬜ᭄ᬘᭀᬭᬦᬾᬫᬰᬸᬘᬶ᭞ᬲᬋᬂᬢᬶᬕᬗᭂᬮᬸᬲ᭄ᬯᬲ᭄ᬢ᭄ᬭ᭟ᬢᭀᬬᬳᬦᬓᬦ᭄ᬦᬶᬂᬗᬸᬮᬗᬸᬦᬶᬦ᭄‌‌ᬲᬂᬫᬲᬶᬭᬫ᭄᭞ᬫᬰᬸᬘᬶᬮᬓ᭄ᬱᬡ᭞᭠ ᬓᬤᬸᬓ᭄ᬯᬸᬮᬗᬸᬦ᭄ᬓᬬᬸᬦᬾ᭞ᬚᬦ᭄ᬢᭀᬲ᭄ᬢᬦ᭄ᬯᬾᬦ᭄ᬢᭂᬦ᭄ᬭᬸᬗᬸ᭞ᬭᬶᬂᬢᬭᬸᬦᬾᬯᬾᬦ᭄ᬢᭂᬦ᭄ᬗᬶᬦ᭄ᬢᬶᬧ᭄᭞ᬓᬵᬫᬚᬬᬲᭂᬤᭂᬓᬦ᭄᭞ᬗᬮ᭠ᬧ᭄ᬲᭂᬓᬃᬚᭂᬧᬸᬦ᭄᭞ᬳᭀᬲᬄᬜᬶᬗᬓ᭄ᬲᬂᬫᬲᬶᬭᬫ᭄᭞ᬓᬮᬸᬮᬸᬢᬦ᭄᭞ᬢᬦ᭄ᬧᬾᬦ᭄ᬤᬄᬓᬤᬶᬥᬥᬭᬶ᭞ᬓᬦ᭄ᬢᭂᬦ᭄ᬗᬶᬮᬶᬲ᭄ᬲᬓᬾᬂᬩᬩ᭄ᬯᬦ᭄᭟ᬢ [᭘ 8A] ᭘ ᬫ᭄ᬩᬾᬜᬶᬗᬓ᭄ᬧᬸᬧᬹᬧᬸᬢᬶᬄᬕᬤᬶᬂ᭞ᬢᬍᬓ᭄ᬢᭂᬓᬂ᭞ᬫᬫᬸᬥᬓ᭄ᬘᬶᬦᬕ᭞ᬓᬤᬶᬤᬸᬦ᭄ᬤᬸᬦ᭄ᬯᬸᬮᬗᬸᬦᬾ᭞ᬧᬫᬸᬮᬸᬍᬫ᭄ᬧᬸᬂᬍᬫ᭄ᬩᬸᬢ᭄᭞᭠ᬜᬮᬾᬬᭀᬕ᭄ᬫᬥ᭄ᬬᬦᬾᬭᬫ᭄ᬧᬶᬂ᭞ᬢᬸᬮ᭄ᬬᬓᬤᬶᬲᬾᬯᬫ᭄ᬪ᭞ᬤᭀᬢ᭄ᬫᬓᬶᬢᬗᭂᬮᬸᬢ᭄᭞ᬜᬢᬸᬍᬕᬤᬶᬧᬩᬶᬦᬦ᭄᭞ᬲᬃᬯ᭄ᬯᬶᬗᬭᬲ᭄᭞ᬫ᭠ ᬘᭀᬓᭀᬮ᭄ᬲᬸᬲᬸᬦᬾᬭᬸᬧᬶᬢ᭄᭞ᬫᬩᬸᬤ᭄ᬥᬶᬜᭂᬧ᭄ᬲᭂᬧ᭄ᬦᭂᬮᬦᬂ᭟ᬬᬦ᭄ᬮᬶᬂᬮᬶᬂᬫᬓᬶᬢᬜᬳᬸᬧ᭄ᬗᬩᬶᬦ᭄᭞ᬜᬗ᭄ᬓᭀᬮ᭄ᬦᬶᬫᬦ᭄᭞ᬓᬲᭀᬩ᭄ᬫᬗᬦ᭄ᬢᭂᬦᬂ᭞ᬓᬳᬬᭀᬦ᭄ᬭᬵᬚᬧᬸᬢ᭄ᬭᬶᬦᬾ᭞ᬲᬓ᭄ᬱᬢ᭄ᬳ᭄ᬬᬂᬕᬶᬭᬶᬯᬥᬹ᭞ᬗᬲᭀᬭᬂᬲᬩᬢᬦ᭄ᬮᬗᬶᬢ᭄᭞ᬫᬥᬾᬲᭂᬓᬃᬢᬦ᭄ᬧᬾ᭠ ᬦ᭄ᬤᬄ᭞ᬲᬸᬧ᭄ᬭᬪᬤᬶᬦᬸᬮᬸ᭞ᬚᭂᬕᬾᬕ᭄ᬢᬦ᭄ᬲᬫᬾᬂᬫᬦᬹᬱ᭞ᬬᬦ᭄ᬧᬃᬡ᭄ᬦᬬᬂ᭞ᬓᬚᭂᬕᬾᬕᬦ᭄ᬜᭀᬫᬦ᭄ᬲᬵᬭᬶ᭞ᬢᬸᬮ᭄ᬬᬓᬤᬶᬢᬶᬮᭀᬢ᭄ᬢᬫ᭟ᬓᬵᬫᬚᬬᬲᬬᬦ᭄ᬮᬶᬂᬮᬸᬂᬧᬮᬶᬂ᭞ᬓᬮᬸᬮᬸᬢᬦ᭄᭞ᬮᬮᬶᬫᬓᬶᬚᬧᬦ᭄᭞ᬗᬮᬶᬂᬮᬶᬂᬯᬶᬤ᭄ᬬᬥᬭᬶᬦᬾ᭞ᬢᬫ᭄ᬩᬾᬧᬗ᭄ᬕᬶᬄᬫᬮᬮᬸᬂ ᭞ᬓᭂᬢᬸᬕ᭄ᬓᭂᬢᬸᬕ᭄ᬳᬸᬮᬸᬦᬢᬶ᭞ᬭᬱᬳᬯᭀᬃᬲᬭᬕ᭞ᬩᭂᬗᭀᬂᬲᬶᬬᬢ᭄ᬲᬶᬬᬸᬢ᭄᭞ᬚᬦ᭄ᬢᭀᬲ᭄ᬮᬮᬶᬗᬮᬧ᭄ᬲᭂᬓᬃ᭞ᬓᬧᬶᬗᭀᬦᬦ᭄᭞ᬭᬶᬂᬘᬭᬂᬚᭂᬧᬸᬦᬾᬗᭂᬜ᭄ᬚᬶᬓ᭄᭞ᬤᭂᬮᬓ᭄ᬤᭂᬮᭀᬓ᭄ᬫᬧᬯᬲᬦ᭄᭟ᬓᬮᬗᭂᬦᬾᬓᬤᬶᬭᬱᬗᬶᬧᬶ᭞ᬫᬗ᭄ᬕᬶᬄᬲ᭄ᬯᬃᬕ᭄ᬕ᭞ᬦᬤ᭠

Auto-transliteration

[7 7B] 7 wiṣyamatĕmahanmr̥ĕtthā, pariśuddha, sakengkasiddhensangyogi, mayogamajapamantra. kudangdinasāmpunrājaputri, ringpadukwan, durungnahĕnpisan, ngĕntaḥmaliḥpinungkane, kenak'hantukkaslimur, kal̥ĕngĕngantamansā‐ ri, nar̀mmadayanupama, hebĕksar̀wwasantun, padampyakpinggir̀tĕlaga, nĕdhĕngkĕmbang, jampiringgadhungmĕlati, ra‐tnamĕnuḥmakacakan. sabrandinahidarājaputri, masasañjan, sar̀wwingalapsĕkar̀, mūr̀ṇnayanghibukkayune, wanginingtir̀tthā harūm, raṣangaradmangaturin, rājaputrimasiram, ringtukadetĕdun, ñomansārimadhesĕkar̀, mangiringang, ringpañcoranemaśuci, sar̥ĕngtigangĕluswastra. toyahanakanningngulanguninsangmasiram, maśucilakṣaṇa, ‐ kadukwulangunkayune, jantostanwentĕnrungu, ringtarunewentĕnngintip, kāmajayasĕdĕkan, ngala‐psĕkar̀jĕpun, hosaḥñingaksangmasiram, kalulutan, tanpendaḥkadidhadhari, kantĕnngilissakengbabwan. ta [8 8A] 8 mbeñingakpupūputiḥgading, tal̥ĕktĕkang, mamudhakcinaga, kadidundunwulangune, pamulul̥ĕmpungl̥ĕmbut, ‐ñaleyogmadhyaneramping, tulyakadisewambha, dotmakitangĕlut, ñatul̥ĕgadipabinan, sar̀wwingaras, ma‐ cokolsusunerupit, mabuddhiñĕpsĕpnĕlanang. yanlinglingmakitañahupngabin, ñangkolniman, kasobmangantĕnang, kahayonrājaputrine, sakṣat'hyanggiriwadhū, ngasorangsabatanlangit, madhesĕkar̀tanpe‐ ndaḥ, suprabhadinulu, jĕgegtansamengmanūṣa, yanpar̀ṇnayang, kajĕgeganñomansāri, tulyakaditilottama. kāmajayasayanlinglungpaling, kalulutan, lalimakijapan, ngalinglingwidyadharine, tambepanggiḥmalalung , kĕtugkĕtug'hulunati, raṣahawor̀saraga, bĕngongsiyatsiyut, jantoslalingalapsĕkar̀, kapingonan, ringcarangjĕpunengĕñjik, dĕlakdĕlokmapawasan. kalangĕnekadiraṣangipi, manggiḥswar̀gga, nada‐

Leaf 8

Image on Archive.org

[᭘ 8B] ᭘ ᬓ᭄ᬲᬭᬳᭂᬫ᭄ᬧᬓ᭄᭞ᬘᬭᬂᬮᬢᬸᬄᬤᬶᬲᬫ᭄ᬧᬶᬗᬾ᭞ᬳᭀᬕᬦ᭄ᬮᬩᬸᬄᬫᬘᭂᬩᬸᬕ᭄᭞ᬓᬕᬶᬬᬢ᭄ᬲᬂᬓᬤᬶᬭᬣᬶᬄ᭞ᬕᬕᬾ᭠ᬲᭀᬦ᭄ᬗᬫ᭄ᬩᬶᬮ᭄ᬯᬲ᭄ᬢ᭄ᬭ᭞ᬍᬓ᭄ᬚᭂᬗᬄᬫᬮᬮᬸᬂ᭞ᬜᭀᬫᬦ᭄ᬲᬵᬭᬶᬫᬥᬾᬲᭂᬓᬭ᭄᭞ᬩᭂᬘᬢ᭄ᬲᬾᬧᬦ᭄᭞ᬦᭂᬓᭂᬧ᭄ᬗᬾᬗ᭄ᬕᬮᬂᬦᬾᬧᬶᬗᬶᬢ᭄᭞ᬓ᭠ ᬩ᭄ᬭᬦ᭄ᬯᬦ᭄ᬫᬲᬶᬮᬸᬃᬲᬶᬜ᭄ᬚᬂ᭟ᬯᬸᬲ᭄ᬫᬲᬶᬭᬫ᭄ᬲᭂᬩᭂᬗᬾᬓᬩᬶᬮ᭄ᬩᬶᬮ᭄᭞ᬲᬋᬂᬢᬶᬕ᭞ᬫᬧᬯᬲᬦ᭄‌‌ᬫᬸᬗ᭄ᬕᬄ᭞ᬓᬦ᭄ᬢᭂᬦ᭄ᬭᬶᬂᬧᬸᬜᬦ᭄ᬚᭂᬧᬸᬦᬾ᭞ᬓᬵᬫᬚᬬᬩᬤᬸᬳᬸᬭ᭄᭞ᬗᭂᬤᭀᬄᬳᬸᬮᬢ᭄ᬫᬧᬶᬫᬧᬶ᭞ᬕᬕᬾᬲᭀᬦ᭄ᬫᬪᬹᬱᬡ᭞ᬩᭂᬘᬢ᭄ᬲᬾᬧᬦ᭄ᬫᬦ᭄ᬢᬸᬓ᭄᭞ᬢᬦ᭄ᬧᬦᭀ ᬮᬶᬄᬲᭂᬫᬸᬳᬾᬭᬂ᭞ᬓᬧᬤᬸᬓ᭄ᬯᬦ᭄᭞ᬭᬵᬚᬧᬸᬢ᭄ᬭᬶᬚᬕ᭄ᬗᬭᬜ᭄ᬚᬶᬂ᭞ᬓᬧᬢᬸᬭᭀᬦ᭄ᬫᬕᬸᬦᭂᬫᬦ᭄᭟ᬢᬦ᭄ᬲᬄᬳᬾᬮᬶᬂᬭᬶᬂᬳᬶᬦ᭄ᬤᬶᬓᬾᬢᬸᬦᬶ᭞ᬤᬸᬓ᭄ᬫᬲᬶᬭᬫ᭄᭞ᬲᬶᬦᬄᬓᬵᬫᬚᬬ᭞ᬧᭀᬮᬶᬄᬗᬶᬦ᭄ᬢᬶᬧ᭄ᬲᬤᬯᭂᬕᬾ᭞ᬗᬍᬚᭀᬕ᭄‌‌ᬤᬸᬓ᭄ᬫᬮᬮᬸᬂ᭞ᬓᬦ᭄ᬢᭂᬦ᭄ᬫᬓᬳᬗ᭄ᬕ ᬲᬫᬶ᭞ᬗᬯᭂᬢ᭄ᬯᬂᬭᬭᬫ᭄ᬩᬗᬦ᭄᭞ᬓᬧᬃᬡ᭄ᬦᬭᬶᬂᬓᬬᬸᬦ᭄᭞ᬓᬵᬫᬚᬬᬗᬤᬾᬲᭂᬫᬂ᭞ᬫᬓᬶᬧᭂᬓᬦ᭄᭞ᬲᬶᬂᬜᬕᬶᬮᬫᬗᬶᬮᬶᬗᬶᬦ᭄᭞ᬧᬾᬢ᭄ᬯᬾᬦ᭄ᬢᭂᬦ᭄ᬭᬸᬧᬘᬾᬤᬵᬗ᭄ᬕ᭟ᬜᭂᬮ᭄ᬲᭂᬮ᭄ᬭᬕᬳᬶᬤᬭᬵᬚᬧᬸᬢ᭄ᬭᬶ᭞ᬢᬸᬦᬬᬢ᭄ᬦ᭞ᬳᬭᬄᬢᭀᬂᬫᬤᬬ᭞ᬳᬤᬳᬦᬓ᭄ᬤᬶᬓᬬᬸ᭠ [᭙ 9A] ᭙ ᬦᬾ᭞ᬫᬩᬮᬶᬄᬜᬭᬸᬜᬭᬸ᭞ᬫᬥᬾᬲᭂᬓᬃᬫᬵᬢᬹᬃᬳᬭᬶᬲ᭄᭞ᬗᬸᬤᬘᭀᬓᭀᬭᬶᬤᬾᬯ᭞ᬓᬤᬶᬩᬗᭂᬢ᭄ᬲᬸᬗ᭄ᬲᬸᬢ᭄᭞ᬩᭀᬬᬜᬦ᭄ᬤᬂᬫᬲᭂᬮ᭄ᬲᭂᬮᬦ᭄᭞ᬩᬬᬢᬶᬢᬄ᭞ᬓᬵᬫᬚᬬᬫᬫᬗ᭄ᬕᬶᬳᬶᬦ᭄᭞ᬫᬦᬯᬶᬢᬸᬫᭀᬦ᭄ᬢᬦ᭄ᬧᭂᬤᬲ᭄᭟ᬚᬕᬦᬧᬶᬫᬮᬶᬄᬫᬶᬓ᭠ ᬬᬸᬦᬶᬦ᭄᭞ᬦᬾᬯᬸᬲ᭄ᬮᬶᬦ᭄ᬢᬂ᭞ᬢᭀᬂᬜᬦ᭄ᬤᬂᬲᬸᬗ᭄ᬓᬯ᭞ᬩᭂᬘᬶᬓ᭄ᬮᬷᬮᬬᬂᬓᬬᬸᬦᬾ᭞ᬜᭀᬫᬦ᭄ᬲᬵᬭᬶᬳᬸᬫᬢᬹᬃ᭞ᬤᬯᭂᬕ᭄ᬢᬶ᭠ᬢ᭄ᬬᬂᬫᬢᬹᬃᬲᬶᬲᬶᬧ᭄᭞ᬭᬾᬄᬢᬫ᭄ᬩᭂᬢᬾᬓᬮᬶᬦ᭄ᬢᬂ᭞ᬧ᭄ᬭᬲᬗ᭄ᬕᬫᬧᬸᬗᬸ᭞ᬗᬸᬤᬓᬾᬗᬶᬦ᭄ᬲᬮᬶᬢ᭄ᬳᬃᬱ᭞ᬧᬫᬶᬤᬸᬓᬵ᭞ᬩᬬᬧᬗᭂᬦ᭄ᬤᬦᬶᬂᬯᬶᬤ᭄ᬥᬶ᭞ᬦᬸ ᬤᬸᬳᬂᬘᭀᬓᭀᬭᬶᬤᬾᬯ᭟ᬫᬲᬶᬭᬫ᭄ᬭᬶᬂᬧᬜ᭄ᬘᭀᬭᬦᬾᬧᬶᬗᬶᬢ᭄᭞ᬦᬤᬓ᭄ᬲᬭ᭞ᬓᬵᬫᬚᬬᬫᬸᬗ᭄ᬕᬄ᭞ᬫᬗ᭄ᬕᬸ᭠ᬳᬂᬲᬓᬾᬂᬢᬭᬸᬦᬾ᭞ᬲᬋᬂᬢᬶᬕᬫᬮᬮᬸᬂ᭞ᬚᬦ᭄ᬢᭂᬦᬶᬧᬸᬦ᭄ᬩᬸᬤᬸᬄᬧᬮᬶᬂ᭞ᬓᬵᬫᬚᬬᬗᬦ᭄ᬢᭂᬦᬂ᭞ᬓᬧᬶᬗᭀᬦ᭄ᬯᬸᬮᬗᬸᬦ᭄᭞ᬫᬾᬄᬮᬮᬶᬭᬶᬂ᭠ ᬧᬤᬾᬯᬾᬓᬦ᭄᭞ᬓᬮᬸᬮᬸᬢᬦ᭄᭞ᬩᬗ᭄ᬕᬬᬂᬩᬸᬤᬸᬄᬧᬤᬶᬤᬶ᭞ᬫᬶᬂᬲᬶᬓᬶᬦ᭄ᬘᭀᬓᭀᬭᬶᬤᬾᬯ᭟ᬧᬸᬭᬸᬦ᭄ᬢᬶᬢ᭄ᬬᬂᬫᬩᬸᬯᬢ᭄ᬳᬓᭂᬢᬶ᭞ᬗᬯᬢᬗᬂ᭞ᬓᬵᬫᬚᬬᬭᬸᬦ᭄ᬢᬕ᭄᭞ᬨᬮᬦ᭄ᬮᬾᬤᬢ᭄ᬧᬮᬶᬬᬢᬾ᭞ᬫᬥᬾᬲᭂᬓᬃᬫᬲᬳᬸᬭ᭄᭞ᬢᭀᬂᬫᬤᬬᬕ᭠

Auto-transliteration

[8 8B] 8 ksarahĕmpak, caranglatuḥdisampinge, hoganlabuḥmacĕbug, kagiyatsangkadirathiḥ, gage‐sonngambilwastra, l̥ĕkjĕngaḥmalalung, ñomansārimadhesĕkar, bĕcatsepan, nĕkĕpngenggalangnepingit, ka‐ branwanmasilur̀siñjang. wusmasiramsĕbĕngekabilbil, sar̥ĕngtiga, mapawasanmunggaḥ, kantĕnringpuñanjĕpune, kāmajayabaduhur, ngĕdoḥhulatmapimapi, gagesonmabhūṣaṇa, bĕcatsepanmantuk, tanpano liḥsĕmuherang, kapadukwan, rājaputrijagngarañjing, kapaturonmagunĕman. tansaḥhelingringhindiketuni, dukmasiram, sinaḥkāmajaya, poliḥngintipsadawĕge, ngal̥ĕjogdukmalalung, kantĕnmakahangga sami, ngawĕtwangrarambangan, kapar̀ṇnaringkayun, kāmajayangadesĕmang, makipĕkan, singñagilamangilingin, petwentĕnrupacedāngga. ñĕlsĕlragahidarājaputri, tunayatna, haraḥtongmadaya, hadahanakdikayu‐ [9 9A] 9 ne, mabaliḥñaruñaru, madhesĕkar̀mātūr̀haris, ngudacokoridewa, kadibangĕtsungsut, boyañandangmasĕlsĕlan, bayatitaḥ, kāmajayamamanggihin, manawitumontanpĕdas. jaganapimaliḥmika‐ yunin, newuslintang, tongñandangsungkawa, bĕciklīlayangkayune, ñomansārihumatūr̀, dawĕgti‐tyangmatūr̀sisip, reḥtambĕtekalintang, prasanggamapungu, ngudakenginsalit'har̀ṣa, pamidukā, bayapangĕndaningwiddhi, nu duhangcokoridewa. masiramringpañcoranepingit, nadaksara, kāmajayamunggaḥ, manggu‐hangsakengtarune, sar̥ĕngtigamalalung, jantĕnipunbuduḥpaling, kāmajayangantĕnang, kapingonwulangun, meḥlaliring‐ padewekan, kalulutan, banggayangbuduḥpadidi, mingsikincokoridewa. puruntityangmabuwat'hakĕti, ngawatangang, kāmajayaruntag, phalanledatpaliyate, madhesĕkar̀masahur, tongmadayaga‐

Leaf 9

Image on Archive.org

[᭙ 9B] ᭙ ᬢᬶᬕᬢᬶ᭞ᬳᭂᬫ᭄ᬩᭀᬓ᭄ᬲᬮᬄᬧᬫᬃᬡ᭄ᬦ᭞ᬓᬤᬾᬦ᭄ᬲᬚᬓᬶᬫᬸᬤ᭄᭞ᬢᬸᬭᬄᬘᬭᬮᬶᬧᬶᬕᬤᬂ᭞ᬓᬵᬫᬚᬬ᭞ᬮᬶᬬᭂᬧ᭄ᬮᬶᬬᭂᬧ᭄ᬦᬕᬶᬄᬗᬸᬢᬶᬮ᭄᭞ᬦᬄᬤᭂᬧᬂᬳᭂᬫ᭄ᬩᭀᬓ᭄ᬕᬸᬢᬶᬮ᭟ᬢ᭄ᬯᬭᬳᭂᬫ᭄ᬩᭀᬓ᭄ᬮᬓᬭᬦ᭄ᬫᬓᬶᬭᬶᬕ᭄᭞ᬓᬧᬜ᭄ᬚᬓᬂ᭞ᬢᭂᬓᬾᬦ᭄ᬓᬵᬫᬚᬬ᭞ᬬᬦ᭄ᬲᬸᬩᬧ᭠ ᬥᬘᬸᬫ᭄ᬧᬸᬦᬾ᭞ᬩᬦᬶᬦᬢᬓᬶᬦ᭄ᬮᬘᬸᬭ᭄᭞ᬚᭂᬮᬾᬫᭂᬮᬄᬩᬋᬂᬫᬵᬢᬶ᭞ᬬᬤ᭄ᬬᬗᬢᬸᬭᬂᬳᬬᬄ᭞ᬫᬸᬂᬧᬸᬂᬫ᭄ᬩᭀᬓ᭄‌‌ᬦᬸᬳᬶᬤᬸᬧ᭄᭞ᬮᬲ᭄ᬬᬫ᭄ᬩᭀᬓ᭄ᬤᬶᬦᬶᬫᬓᬸᬢᬂ᭞ᬤᬶᬧᬤᬸᬓ᭄ᬯᬦ᭄᭞ᬜᭀᬫᬦ᭄ᬲᬵᬭᬶᬲᬳᬸᬃᬓᭂᬜᬶᬂ᭞ᬤᭀᬂᬗᬸᬤᬢᭂᬓᬜᬕᭂᬭᬂ᭟ᬳᬸᬮᬸᬗᬦ᭄ᬤᬫᬸᬄᬲᬸᬩ ᬢᭂᬗᬳᬶ᭞ᬤᬶᬚᬕᬩᬕ᭄᭞ᬤᬸᬓᬧᬦ᭄ᬜᬶᬤ᭄ᬥᬬᬂ᭞ᬢᬦᬳᬾᬢᭂᬓᬾᬦ᭄ᬮᬗᬶᬢᬾ᭞ᬳᬢᭂᬧ᭄ᬩᭂᬢᬾᬦ᭄ᬩᬤᬸᬳᬸᬭ᭄᭞ᬤᭂᬫᭂᬦ᭄ᬗᬍᬕᬬᬂᬳᬗᬶᬦ᭄᭞ᬜᬾᬦ᭄ᬢ᭄ᬯᬭᬮᬓᬃᬳᭂᬜᬓ᭄᭞ᬮᬩᬸᬄᬦᭂᬧᬾᬦ᭄ᬓᬲᬸᬭ᭄᭞ᬢᬶᬤᭀᬂᬩᭂᬮᬸᬲ᭄ᬫᬍᬩ᭄ᬮᭂᬩᬦ᭄᭞ᬗᬤᬸᬧᭀᬗᬄ᭞ᬫᬾᬲᭂ ᬫ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬤᬤᬢᬩᬓᬢ᭄ᬓᭂᬜ᭄ᬘᬦᬂ᭞ᬚᭂᬮᬾᬫᭂᬮᬄᬢ᭄ᬯᬭᬤᬤᬶᬳᬮᬶᬄ᭞ᬲᬭᬢᬶᬢᬄ᭞ᬍᬓ᭄ᬳᬶᬘᬂᬦᬶᬗᭂ᭠ᬳᬂ᭞ᬧᬚᬸᬮᬢ᭄ᬫᬸᬜᬶᬦ᭄ᬜᬳᬶᬦᬾ᭞ᬩᬸᬓᬢᭀᬂᬦᬯᬂᬓᬶᬫᬸᬤ᭄᭞ᬗᬭᬯᭀᬲᬂᬳᬦᬓ᭄ᬫ᭄ᬯᬦᬶ᭞ᬢᬶᬤᭀᬂᬧᬵᬢᬹᬢ᭄ᬧᭂᬢᬬᬂ᭞ᬭᬾᬄᬧᬢᬸ [᭑᭐ 10A] ᭑᭐ ᬭᬸᬳᭂᬮᬸᬄ᭞ᬲᬶᬂᬜᬳᬤᬳᬦᬓ᭄ᬦᬯᬂ᭞ᬮᬓᬃᬓᬸᬚᬂ᭞ᬤᬤᬶᬓᬓᭂᬤᬾᬓᬦ᭄ᬕᬸᬫᬶ᭞ᬓᬚᬃᬯ᭄ᬯᬓᬂᬲᬮᬄᬢᬶᬗ᭄ᬓᬄ᭟ᬫᭂᬦ᭄ᬤᭂ᭠ᬧ᭄ᬜᬳᬶᬢ᭄ᬯᬭᬤᬤᬶ᭞ᬗᬯᬾᬭᬬᬂ᭞ᬳᬶᬘᬂᬲᬸᬩᬦᬯᬂ᭞ᬧᬫᭂᬢᭂᬂᬇᬥᭂᬧ᭄ᬜᬳᬶᬦᬾ᭞ᬲᬓᬭᬶᬂᬧᬥᬲᬸᬮᬸᬓ᭄᭞ᬗᭂᬢᭀᬳᬶᬦ᭄ᬲᬶᬬᬧ᭄ᬫᬢᬚᬶ᭞ ᬢᭀᬂᬜᬦ᭄ᬤᬂᬫᬓᭂᬩᬗᬦ᭄᭞ᬧᬶᬢᬸᬗᬦᬾᬧᬢᬸᬄ᭞ᬓᬮᬶᬬᬩᬾᬩᬦᬶᬗᬲᬮ᭄᭞ᬗᭀᬜᬂᬕᭂᬮᬭ᭄᭞ᬳᬶᬘᬂᬜᬓ᭄ᬩᬋᬂᬗᬶᬮᭀᬦᬶᬦ᭄᭞ᬫᬩᬸᬤ᭄ᬥᬶᬫᬶᬮᬸᬫᬯᬭᬂ᭟ᬧᬥᬩᬋᬢ᭄ᬲᬸᬩᬫᬳᬦ᭄ᬢᬦ᭄ᬤᬶᬂ᭞ᬤᬜᭂᬩᭂᬢᬂ᭞ᬧ᭄ᬭᬤᬾᬜᬳᬶᬓᬮᬄ᭞ᬲᬭᬬᬂᬳᬕᭂ᭠ ᬢ᭄ᬮᬘᬸᬭᬾ᭞ᬫᬥᬾᬲᭂᬓᬃᬓᬤᬸᬭᬸᬲ᭄᭞ᬧᬸᬭᬸᬦ᭄ᬜᭀᬗ᭄ᬓᬓ᭄ᬭᬵᬚᬧᬸᬢ᭄ᬭᬶ᭞ᬳᬢᬸᬭᬾᬢᭀᬂᬚᬗ᭄ᬓᬬᬦ᭄᭞ᬢᬶᬢ᭄ᬬᬂᬲ᭠ᬓᬾᬂᬲᬥᬹ᭞ᬫᬵᬢᬹᬃᬭᬶᬂᬘᭀᬓᭀᬭᬶᬤᬾᬯ᭞ᬩᭀᬬᬜᬦ᭄ᬤᬂ᭞ᬳᬦ᭄ᬤᬸᬲᬾᬫᬮᬶᬄᬢᭂᬓᭂᬧᬶᬦ᭄᭞ᬫᬗ᭄ᬤᭀᬄᬢᬦ᭄ᬯᬾᬦ᭄ᬢᭂᬦ᭄ᬫᬍᬓᬄ᭟ ᬚᬕᬦᬧᬶᬫᬓᭂᬩᬗᬦ᭄ᬫᬮᬶᬄ᭞ᬫᬧᬶᬓᬾᬫᬤ᭄᭞ᬜᭀᬫᬦ᭄ᬲᬵᬭᬶᬦᬶᬫ᭄ᬩᬮ᭄᭞ᬗᬸᬤᬩᬲ᭄ᬮᬗ᭄ᬲᭀᬢ᭄ᬳᬢᬸᬭᬾ᭞᭠ᬮᬕᬸᬢᬾᬲᬚᬘᬸᬫ᭄ᬧᬸ᭞ᬢ᭄ᬯᬭᬚᬗ᭄ᬓᬬᬦ᭄ᬫᬫᬸᬜᬶ᭞ᬤᭀᬂᬗᬸᬤᬧᬢᬶᬕᬩᬕ᭄᭞ᬘᬭᬢᬸᬓᬾᬳᬜᬸᬤ᭄᭞ᬫᬓᭂᬚᬂᬢᭂᬓᬤᬮᬶᬳᬂ᭞

Auto-transliteration

[9 9B] 9 tigati, hĕmboksalaḥpamar̀ṇna, kadensajakimud, turaḥcaralipigadang, kāmajaya, liyĕpliyĕpnagiḥngutil, naḥdĕpanghĕmbokgutila. twarahĕmboklakaranmakirig, kapañjakang, tĕkenkāmajaya, yansubapa‐ dhacumpune, baninatakinlacur, jĕlemĕlaḥbar̥ĕngmāti, yadyangaturanghayaḥ, mungpungmboknuhidup, lasyambokdinimakutang, dipadukwan, ñomansārisahur̀kĕñing, dongngudatĕkañagĕrang. hulungandamuḥsuba tĕngahi, dijagabag, dukapanñiddhayang, tanahetĕkenlangite, hatĕpbĕtenbaduhur, dĕmĕnngal̥ĕgayanghangin, ñentwaralakar̀hĕñak, labuḥnĕpenkasur, tidongbĕlusmal̥ĕblĕban, ngadupongaḥ, mesĕ mhidarājaputri, dadatabakatkĕñcanang, jĕlemĕlaḥtwaradadihaliḥ, saratitaḥ, l̥ĕk'hicangningĕ‐hang, pajulatmuñinñahine, bukatongnawangkimud, ngarawosanghanakmwani, tidongpātūtpĕtayang, reḥpatu [10 10A] 10 ruhĕluḥ, singñahadahanaknawang, lakar̀kujang, dadikakĕdekan'gumi, kajar̀wwakangsalaḥtingkaḥ. mĕndĕ‐pñahitwaradadi, ngawerayang, hicangsubanawang, pamĕtĕngidhĕpñahine, sakaringpadhasuluk, ngĕtohinsiyapmataji, tongñandangmakĕbangan, pitunganepatuḥ, kaliyabebaningasal, ngoñanggĕlar, hicangñakbar̥ĕngngilonin, mabuddhimilumawarang. padhabar̥ĕtsubamahantanding, dañĕbĕtang, pradeñahikalaḥ, sarayanghagĕ‐ tlacure, madhesĕkar̀kadurus, purunñongkakrājaputri, haturetongjangkayan, tityangsa‐kengsadhū, mātūr̀ringcokoridewa, boyañandang, handusemaliḥtĕkĕpin, mangdoḥtanwentĕnmal̥ĕkaḥ. jaganapimakĕbanganmaliḥ, mapikemad, ñomansārinimbal, ngudabaslangsot'hature, ‐lagutesajacumpu, twarajangkayanmamuñi, dongngudapatigabag, caratukehañud, makĕjangtĕkadalihang,

Leaf 10

Image on Archive.org

[᭑᭐ 10B] ᭑᭐ ᬩᬋᬂᬧᭀᬗᬄ᭞ᬢᬶᬫ᭄ᬧᬮᬾᬩᬋᬂᬳᬭᬦᬶᬦ᭄᭞ᬫᬩᬸᬤ᭄ᬥᬶᬲᬏᬓᬧ᭄ᬭᬬ᭟ᬭᬵᬚᬧᬸᬢ᭄ᬭᬶᬳᬕᬾᬜᬧ᭄ᬲᬧ᭄ᬭᬭᬶᬲ᭄᭞ᬢᬹᬃᬗᬦ᭄ᬤᬶᬓ᭞ᬭᬾᬭᬾᬦᬂᬫᬚᬸᬮᬢ᭄᭞ᬤᬧᬸᬭᬂᬩᭂᬦᭂᬄᬧᭂᬮᬶᬳᬾ᭞ᬓᬤᬸᬂᬓᬾᬳᬚᬓ᭄ᬢᭂᬮᬸ᭞ᬧᬥᬕᬶᬕᬶᬲᬂᬫᬫᬸᬜᬶ᭞ᬢᭀᬂᬜᬦ᭄ᬤᬂᬫᬕᭂ᭠ ᬩᬸᬭᬦ᭄᭞ᬢᬸᬮᬸᬲ᭄ᬧᬥᬩᭂᬮᬸᬲ᭄᭞ᬜᭀᬫᬦ᭄ᬲᬵᬭᬶᬫᬥᬾᬲᭂᬓᬭ᭄᭞ᬗᬮᬶᬬᭂᬧᬂ᭞ᬩᭀᬬᬫᬮᬶᬄᬲᬮᬶᬂᬤᬮᬶᬄ᭞᭠ᬲᬸᬫᬗ᭄ᬕᬸᬧ᭄ᬗᭂᬦ᭄ᬢᭀᬲᬶᬦ᭄ᬢᬤᬄ᭟᭜᭟ᬕᬶᬦᬦ᭄ᬢᬶ᭟᭜᭟ᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬸᬯᬸᬲ᭄᭞ᬲᬲᬵᬫ᭄ᬧᬸᬦᬾᬭᬵᬚᬧᬸᬢ᭄ᬭᬶ᭞ᬫᬓᬯᭀᬦ᭄ᬲᬓᬾᬂᬧ ᬜ᭄ᬘᭀᬭᬦ᭄᭞ᬓᬧᬤᬸᬓ᭄ᬯᬦ᭄ᬢᬸᬮᬓ᭄ᬫᬮᬶᬄ᭞ᬫᬥᬾᬲᭂᬓᬃᬫᬗᬶᬭᬶᬗᬂ᭞ᬜᭀᬫᬦ᭄ᬲᬵᬭᬶᬗᭂᬢᬹᬢ᭄ᬩᬸᬭᬶ᭟ᬓᬵᬫᬚᬬ᭠ᬩᭂᬗᭀᬂᬓᬦ᭄ᬢᬸᬦ᭄᭞ᬭᬶᬂᬘᬭᬂᬚᭂᬧᬸᬦᬾᬗᭂᬜ᭄ᬚᬶᬓ᭄᭞ᬓᬤᬸᬓ᭄ᬓᬧᬶᬗᭀᬦ᭄ᬗᬦ᭄ᬢᭂᬦᬂ᭞ᬲᬂᬢᬶᬕᬓᬤᬶᬥᬥᬭᬶ᭞ᬫᬮᬮᬸᬂᬲᭂᬤᭂᬓ᭄ᬫᬲᬶᬭᬫ᭄᭞᭠ ᬓᬵᬫᬚᬬᬓᭂᬩᬸᬲ᭄ᬤᬶᬗᬶᬦ᭄᭟ᬓᭂᬚᬢ᭄ᬓᭂᬚᬸᬢ᭄ᬢᬶᬯᬂᬧᭂᬜᬸ᭞ᬓᭂᬲ᭄ᬬᬩ᭄ᬓᭂᬲ᭄ᬬᬩ᭄ᬳᬸᬬᬂᬧᬮᬶᬂ᭞ᬗᬮᬶᬂᬮᬶᬂᬧᬸᬧᬹᬫᬫᬸᬤᬓ᭄᭞ᬫᬥ᭄ᬬᬭᬫ᭄ᬧᬶᬂᬲᬸᬲᬸᬭᬸᬧᬶᬢ᭄᭞ᬢᬦ᭄ᬧᬾᬦ᭄ᬤᬄᬓᬤᬶᬜᬸᬫ᭄ᬧᭂᬦ᭞ᬲᬯᬶᬭᬾᬄᬢᬫ᭄ᬩᬾᬫᬗ᭄ᬕᬶᬳᬶᬦ᭄᭟ᬧᬯᬾᬲ᭄ᬢ᭄ᬭᬶᬲᭂᬤᭂᬓ᭄ᬫᬮᬮᬸᬂ᭞ᬓᭂᬢᬸᬕ᭄ᬓᭂ᭠ [᭑᭑ 11A] ᭑᭑ ᬢᬸᬕ᭄ᬳᬸᬮᬸᬦ᭄ᬳᬢᬶ᭞ᬓᬵᬫᬚᬬᬓᬲᭂᬫᬭᬦ᭄᭞ᬓᬤᬶᬢᬸᬫ᭄ᬮᬶᬮᬶᬗᬦ᭄ᬳᬮᬶᬢ᭄᭞ᬢᬫ᭄ᬩᬾᬗᬤᭂᬓ᭄ᬓᬫᬶᬳᬶᬓᬦ᭄᭞ᬤᭀᬢ᭄ᬫᬓᬶᬢᬗᬶᬲᭂᬧ᭄ᬲᬵᬭᬶ᭟ᬫᬩᬸᬤᬶᬧᬘᬂᬫᬓᭂᬩᬸᬭ᭄᭞ᬓᭂᬩᬢᬂᬓᬫ᭄ᬧᬶᬤᬾᬕᬶᬮᬶᬂ᭞ᬤᬸᬓᬧᬦ᭄ᬧᬘᬂᬜᬶᬤ᭄ᬥᬬᬂ᭞ᬗᬶᬦ᭄ᬤᬂᬫᬓᭂᬩᭂᬃᬗᬸᬮᬢᬶ᭞ᬓᬫᬦᬶᬲᬦ᭄ᬕᬸᬮ᭠ ᬜᬯᬦ᭄᭞ᬕᭂᬍᬓ᭄ᬕᭂᬍᬓ᭄ᬤᭀᬢ᭄ᬧᬤᬶᬤᬶ᭟ᬓᬤ᭄ᬬᬗ᭄ᬕᬦᬶᬂᬲᭂᬓᬃᬧᬸᬲᬸᬄ᭞ᬓᭂᬫ᭄ᬩᬗᬾᬲᬓᬾᬂᬫᬩᬶᬢ᭄ᬩᬶᬢ᭄᭞ᬓᬵᬫᬚᬬᬯᭂᬢᬸᬫᬾᬦ᭄ᬤ᭄ᬭ᭞ᬲᬲᬸᬓᬢ᭄ᬧᭀᬮᬶᬄᬫᬗ᭄ᬕᬶᬳᬶᬦ᭄᭞ᬧᬯᬾᬲ᭄ᬢ᭄ᬭᬶᬲᭂᬤᭂᬓ᭄ᬫᬲᬶᬭᬫ᭄᭞ᬓᬮᬸᬮᬸᬢᬦ᭄ᬩᬸᬤᬸᬄᬧᬮᬶᬂ᭟ᬕᬕᬾᬲᭀᬦ᭄ᬢᬸᬫᬸᬮᬶᬢᭂᬤᬸᬦ᭄᭞᭠ ᬲᬓᬾᬂᬯᬶᬢ᭄ᬚᭂᬧᬸᬦᬾᬭᬭᬶᬲ᭄᭞ᬓᬩᬶᬮ᭄ᬩᬶᬮ᭄ᬳᬾᬮᬶᬂᬭᬶᬂᬭᬕ᭞ᬗᬭᬕᬩᭂᬗᭀᬂᬢᬦ᭄ᬫᬭᬶ᭞ᬫᬧᬗᭂᬦᬦ᭄ᬢᬦᬶᬩᬕ᭄ᬬ᭞ᬢ᭠ᬦ᭄ᬯᬾᬦ᭄ᬢᭂᬦ᭄ᬓᬦ᭄ᬢᬸᬦ᭄ᬧᬩᬮᬶᬄ᭟ᬭᬯᬸᬄᬩᭂᬢᬾᬦ᭄ᬧᬢᬶᬓᬘᬸᬄ᭞ᬫᭂᬤᬮ᭄ᬧᬚᬃᬢᬦ᭄ᬧᬰ᭄ᬭᬸᬢᬶ᭞ᬓᬤᬶᬳᬾᬗᬾᬗᬦ᭄ᬓᬢᬧᬓ᭄᭞ᬘᬭᬂᬚᭂᬧᬸᬦᬾ ᬓᬢᬸᬤᬶᬂ᭞ᬲᬦᬾᬮᬢᬸᬄᬧᭂᬘᬓ᭄ᬳᭂᬫ᭄ᬧᬓ᭄᭞ᬤᬮᬶᬳᬂᬲᬓᬾᬂᬩᬩᬾᬓᬶ᭟ᬓᬩᬢ᭄ᬩᬢᬂᬢᬦ᭄ᬧᬲᭂᬫᬸ᭞ᬢ᭄ᬯᬭᬗᭂᬮᬄ᭠ᬳᭀᬮᬲ᭄ᬳᬢᬶ᭞ᬢᬸᬮ᭄ᬬᬓᬤᬶᬫᬕᭀᬘᬾᬓᬦ᭄᭞ᬚᬸᬭᬸᬓᭂᬫ᭄ᬩᬭᬾᬜᬫ᭄ᬩᬸᬢᬶᬦ᭄᭞ᬫᬜ᭄ᬘᬗᬂᬤᬶᬲᬢᬂᬩᬯᬓ᭄᭞ᬤᬸᬭᬸᬂᬧᭀᬮᬶᬄᬲ᭠

Auto-transliteration

[10 10B] 10 bar̥ĕngpongaḥ, timpalebar̥ĕngharanin, mabuddhisa'ekapraya. rājaputrihageñapsapraris, tūr̀ngandika, rerenangmajulat, dapurangbĕnĕḥpĕlihe, kadungkehajaktĕlu, padhagigisangmamuñi, tongñandangmagĕ‐ buran, tuluspadhabĕlus, ñomansārimadhesĕkar, ngaliyĕpang, boyamaliḥsalingdaliḥ, ‐sumanggupngĕntosintadaḥ \\•\\ ginanti \\•\\ nemangkinmaliḥkawuwus, sasāmpunerājaputri, makawonsakengpa ñcoran, kapadukwantulakmaliḥ, madhesĕkar̀mangiringang, ñomansāringĕtūtburi. kāmajaya‐bĕngongkantun, ringcarangjĕpunengĕñjik, kadukkapingonngantĕnang, sangtigakadidhadhari, malalungsĕdĕkmasiram, ‐ kāmajayakĕbusdingin. kĕjatkĕjuttiwangpĕñu, kĕsyabkĕsyab'huyangpaling, ngalinglingpupūmamudak, madhyarampingsusurupit, tanpendaḥkadiñumpĕna, sawireḥtambemanggihin. pawestrisĕdĕkmalalung, kĕtugkĕ‐ [11 11A] 11 tug'hulunhati, kāmajayakasĕmaran, kaditumlilinganhalit, tambengadĕkkamihikan, dotmakitangisĕpsāri. mabudipacangmakĕbur, kĕbatangkampidegiling, dukapanpacangñiddhayang, ngindangmakĕbĕr̀ngulati, kamanisan'gula‐ ñawan, gĕl̥ĕkgĕl̥ĕkdotpadidi. kadyangganingsĕkar̀pusuḥ, kĕmbangesakengmabitbit, kāmajayawĕtumendra, sasukatpoliḥmanggihin, pawestrisĕdĕkmasiram, kalulutanbuduḥpaling. gagesontumulitĕdun, ‐ sakengwitjĕpuneraris, kabilbilhelingringraga, ngaragabĕngongtanmari, mapangĕnantanibagya, ta‐nwentĕnkantunpabaliḥ. rawuḥbĕtenpatikacuḥ, mĕdalpajar̀tanpaśruti, kadihengengankatapak, carangjĕpune katuding, sanelatuḥpĕcak'hĕmpak, dalihangsakengbabeki. kabatbatangtanpasĕmu, twarangĕlaḥ‐holashati, tulyakadimagocekan, jurukĕmbareñambutin, mañcangangdisatangbawak, durungpoliḥsa‐

Leaf 11

Image on Archive.org

[᭑᭑ 11B] ᭑᭑ ᬫᬶᬗᬸᬢᬶᬮ᭄᭟ᬲᬲᬫ᭄ᬩᬢᬾᬫᭂᬭᬄᬫᭂᬭᬸᬄ᭞ᬳᬭᬄᬯᬶᬤ᭄ᬥᬶᬦᬾᬩᬩᬾᬓᬶ᭞ᬫᬭᬲᬦ᭄ᬗᬶᬘ᭄ᬙᬾᬦ᭄ᬓᬍᬕᬦ᭄᭞ᬢᭀᬦ᭄ᬤᬾᬦ᭄ᬫᬍ᭠ᬢᬦ᭄ᬳᬯᬳᬶ᭞ᬤᬸᬄᬓᬶᬢᬦᬾᬲᬕᬾᬢ᭄ᬦᬶᬫ᭄ᬩᬮ᭄᭞ᬦᬦ᭄ᬤᬂᬮᬭᬲᭂᬤᬶᬄᬓᬶᬂᬓᬶᬂ᭟ᬳᬮᬫᬮᬫ᭄ᬢᬶᬢ᭄ᬬᬂᬓᬦ᭄ᬢᬸᬦ᭄᭞ᬓᬤᬶᬩᭂᬤᬓᬾᬲᬸᬕᬶᬦᬶᬦ᭄᭞᭠ ᬓᬸᬚᬂᬫᬮᬶᬓᬶᬦ᭄ᬦᬾᬩᬸᬲᬦ᭄᭞ᬍᬕᬦᬾᬩᬸᬓᬗᬶᬧᬶ᭞ᬭᬱᬬᬂᬲᬸᬩᬤᬶᬲ᭄ᬯᬃᬕ᭄ᬕ᭞ᬢᬸᬫ᭄ᬩᬾᬦ᭄ᬦᭂᬧᬸᬓᬶᬦ᭄‌‌ᬥᬥᬭᬶ᭟ᬤᬸᬭᬸᬲ᭄ᬢᬶᬢ᭄ᬬᬂᬲᭂᬤᬶᬄᬗᬸᬦ᭄ᬗᬸᬦ᭄᭞ᬫᬧᬗᭂᬦᬦ᭄ᬲᬳᬶᬲᬳᬶ᭞ᬦᬦ᭄ᬤᬂᬮᬭᬢᬦ᭄ᬧᬢᬫ᭄ᬩ᭞ᬚᬮᬭᬦ᭄ᬢᬶᬢ᭄ᬬᬂᬗᭂᬫᬲᬶᬦ᭄᭞ᬩᭂᬭᬕᬭᬶᬕ᭄ᬢᬦ᭄ᬧᬦᭂᬥ᭞ᬫᭂᬕᬤᬂᬭ᭠ ᬳᬶᬦᬯᭂᬗᬶ᭟ᬮᬶᬧᬸᬭᬂᬢᭀᬂᬤᬤᬶᬮᬶᬧᬸᬭ᭄᭞ᬮᬮᬶᬬᬂᬲᬸᬫᬗ᭄ᬓᬶᬦ᭄ᬳᬾᬮᬶᬂ᭞ᬤᭂᬓ᭄ᬤᭂᬓ᭄ᬮᬶᬤᭂᬓ᭄ᬫᬦᬄᬢᬶᬢ᭄ᬬᬂ᭞ᬲᬫ᭄ᬩᭂᬄᬩᬸᬬᬃᬮᬶᬂᬮᬸᬂᬧᬮᬶᬂ᭞ᬓᬤᬶᬕᭂᬤᬳᬾᬧᬦ᭄ᬢᬶᬕᬂ᭞ᬢᬦ᭄ᬓᭂᬦᬾᬂᬢᬸᬧ᭄ᬢᬸᬧᬂᬫᬮᬶᬄ᭟ᬓᬵᬫᬚᬬᬭᬭᬶᬲ᭄ᬗᬸᬦ᭄ᬢᬸᬮ᭄᭞ᬫᬫᬵᬃᬕ᭄ᬕᬶᬳᬬᬢ᭄ᬫᬕᬶᬗ᭄ᬲᬶᬭ᭄᭞ᬤᭂᬓᬲ᭄ᬤᭂ ᬓᭂᬲ᭄ᬩᬶᬮᬂᬤᬗ᭄ᬓ᭞ᬫᬧᬗᭂᬦᬦ᭄ᬢᬶᬤᭀᬂᬕᬶᬕᬶᬲ᭄᭞ᬦᬄᬓᬾᬦᬾᬨᬮᬦᬾᬮᬾᬤᬢ᭄᭞ᬫᬓᭂᬮᭀᬮᬓᬃᬢᬦ᭄ᬤ᭠ᬗᬶᬦ᭄᭟ᬫᬭᬶᬂᬧᭀᬦ᭄ᬤᭀᬓ᭄ᬲᬕᬾᬢ᭄ᬭᬯᬸᬄ᭞ᬓᬵᬫᬚᬬᬩᭂᬗᭀᬂᬓᬵᬭᬶ᭞ᬓᬫ᭄ᬩᬂᬓᬸᬫ᭄ᬩᬂᬫᬢᬶᬦ᭄ᬤᬓᬦ᭄᭞ᬗᬭᬫ᭄ᬩᬂᬳᬶᬦ᭄ᬤᬶᬓᬾᬢᬸᬦᬶ᭞ [᭑᭒ 12A] ᭑᭒ ᬫᬲᬤᬄᬲᬫ᭄ᬩᬶᬮᬂᬦᭂᬕᬓ᭄᭞ᬧᬤᬶᬤᬶᬤᬶᬩᬸᬘᬸᬦ᭄ᬲᭂᬦ᭄ᬤᬶ᭟ᬓᬧᬶᬗᭀᬦ᭄ᬦᬢᬓᬶᬦ᭄ᬚᬕᬸᬢ᭄᭞ᬓᬢᬸᬗ᭄ᬓᬸᬮ᭄ᬩᭂᬗᭀᬂᬗᬮᬶᬂᬮᬶᬂ᭞ᬳᬾᬮᭀᬕᬦ᭄ᬧᬸᬜᬦ᭄ᬘᬫᬭ᭞ᬲᬤᬍᬫᬸᬄᬢᬫ᭄ᬧᬸᬄᬳᬗᬶᬦ᭄᭞ᬭᬱᬲᬂᬫᬡᬶᬓᬶᬂᬧᬸᬭ᭞ᬫᬯᬵᬘᬦᬫᬗᬸᬮᬧᬶᬦ᭄᭟ᬗᬚᬓᬶᬦ᭄ᬲᬋᬂᬓ᭠ ᬕᬸᬦᬸᬂ᭞ᬫᬘᬗ᭄ᬓ᭄ᬭᬫᬮᬸᬗ᭄ᬳᬵᬗᬓ᭄ᬱᬶ᭞ᬧᬦᭂᬥᭂᬂᬓᬃᬝᬶᬓᬫᬲ᭞ᬫᬹᬃᬡ᭄ᬦᬬᬂᬓᬬᬸᬦᬾᬲᭂᬤᬶᬄ᭞ᬲᬃᬯ᭄ᬯᬲᭂᬓᬃᬦᭂᬥᭂᬂᬫᭂᬓᬭ᭄᭞ᬓᬍᬗᭃᬗᬦ᭄ᬧᬲᬶᬃᬯᬸᬓᬶᬭ᭄᭟ᬓᬢᬸᬗ᭄ᬓᬸᬮ᭄ᬩᭂᬗᭀᬂᬗᬮᬫᬸᬦ᭄᭞ᬳᬸᬮᬗᬸᬦ᭄ᬧᬢᬶᬋᬲᭂᬧᬶᬦ᭄᭞ᬓᬵᬫᬚᬬᬢᭀᬂᬫᬤᬬ᭞ᬓᬭᬯᬸ᭠ ᬳᬦ᭄ᬜᭀᬫᬦ᭄ᬲᬵᬭᬶ᭞ᬲᬕᬾᬢ᭄ᬤᬶᬲᬫ᭄ᬧᬶᬗᬾᬦᭂᬕᬓ᭄᭞ᬧ᭄ᬭᬡᬖᬢᬢᬦ᭄ᬧᬯᬗ᭄ᬲᬶᬢ᭄᭟ᬫᬢᭂᬗ᭄ᬓᬾᬫ᭄ᬗᬯᬾᬢᬗ᭄ᬓᭂᬚᬸᬢ᭄᭞ᬓᬵᬫᬚᬬᬯᬯᬸᬦᭀᬮᬶᬄ᭞ᬭᬭᬶᬲ᭄ᬗᬸᬦ᭄ᬢᬸᬮ᭄ᬗᬸᬭᬶᬓ᭄ᬢᬦᬄ᭞ᬧᭂᬮᬸᬄᬧᬶᬤᬶᬢ᭄ᬓᭂᬩᬸᬲ᭄ᬤᬶᬗᬶᬦ᭄᭞ᬭᬱᬢᬦ᭄ᬧᬅᬢ᭄ᬫᬚᬶᬯ᭞ᬫᬓᭂᬲ᭄ᬬᬩ᭄ᬢᬸᬭᬄ ᬓᬩᬶᬮ᭄ᬩᬶᬮ᭄᭟ᬜᭀᬫᬦ᭄ᬲᬵᬭᬶᬢᬍᬃᬗᬸᬦ᭄ᬢᬸᬮ᭄᭞ᬫᬧᬶᬧᭂᬦᭂᬤ᭄ᬗᭂᬍᬓ᭄ᬳᬢᬶ᭞ᬲᭀᬢᬦᬶᬂᬤᬳᬢᬭᬸᬡ᭞ᬢᬫ᭄ᬩᬾ᭠ᬫᬢᭂᬫᬸᬲᬂᬓᬵᬮᬶᬄ᭞ᬓᬵᬮᬲᭂᬧᬶᬤᬶᬧᭀᬦ᭄ᬤᭀᬓᬦ᭄᭞ᬓᬭᬶᬓᬶᬫᬸᬤ᭄ᬢᬓᬸᬢ᭄ᬩᬦᬶ᭟ᬢᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬫᬤᬸᬯᬸᬦ᭄᭞ᬲᬫᬶᬩᬸᬗ᭄ᬓᭂ᭠

Auto-transliteration

[11 11B] 11 mingutil. sasambatemĕraḥmĕruḥ, haraḥwiddhinebabeki, marasanngicchenkal̥ĕgan, tondenmal̥ĕ‐tanhawahi, duḥkitanesagetnimbal, nandanglarasĕdiḥkingking. halamalamtityangkantun, kadibĕdakesuginin, ‐ kujangmalikinnebusan, l̥ĕganebukangipi, raṣayangsubadiswar̀gga, tumbennĕpukindhadhari. durustityangsĕdiḥngunngun, mapangĕnansahisahi, nandanglaratanpatamba, jalarantityangngĕmasin, bĕragarigtanpanĕdha, mĕgadangra‐ hinawĕngi. lipurangtongdadilipur, laliyangsumangkinheling, dĕkdĕklidĕkmanaḥtityang, sambĕḥbuyar̀linglungpaling, kadigĕdahepantigang, tankĕnengtuptupangmaliḥ. kāmajayararisnguntul, mamār̀ggihayatmagingsir, dĕkasdĕ kĕsbilangdangka, mapangĕnantidonggigis, naḥkenephalaneledat, makĕlolakar̀tanda‐ngin. maringpondoksagetrawuḥ, kāmajayabĕngongkāri, kambangkumbangmatindakan, ngarambanghindiketuni, [12 12A] 12 masadaḥsambilangnĕgak, padididibucunsĕndi. kapingonnatakinjagut, katungkulbĕngongngalingling, heloganpuñancamara, sadal̥ĕmuḥtampuḥhangin, raṣasangmaṇikingpura, mawācanamangulapin. ngajakinsar̥ĕngka‐ gunung, macangkramalunghāngaksyi, panĕdhĕngkar̀ṭikamasa, mūr̀ṇnayangkayunesĕdiḥ, sar̀wwasĕkar̀nĕdhĕngmĕkar, kal̥ĕngönganpasir̀wukir. katungkulbĕngongngalamun, hulangunpatir̥ĕsĕpin, kāmajayatongmadaya, karawu‐ hanñomansāri, sagetdisampingenĕgak, praṇaghatatanpawangsit. matĕngkemngawetangkĕjut, kāmajayawawunoliḥ, rarisnguntulnguriktanaḥ, pĕluḥpiditkĕbusdingin, raṣatanpa'atmajiwa, makĕsyabturaḥ kabilbil. ñomansārital̥ĕr̀nguntul, mapipĕnĕdngĕl̥ĕk'hati, sotaningdahataruṇa, tambe‐matĕmusangkāliḥ, kālasĕpidipondokan, karikimudtakutbani. tanwentĕnpurunmaduwun, samibungkĕ‐

Leaf 12

Image on Archive.org

[᭑᭒ 12B] ᭑᭒ ᬫ᭄ᬓᬤᬶᬚᬫ᭄ᬧᬶ᭞ᬓᬵᬭᬶᬍᬓ᭄ᬫᬧᬲᬂᬮᬶᬬᬢ᭄᭞ᬲᬭᬸᬯᬂᬫᬩᬮᬶᬄᬮᬗᬶᬢ᭄᭞ᬲᬶᬦᬋᬗᬦ᭄ᬲᬧᬶᬲᬦᬦ᭄᭞ᬗᭂᬤᭀᬳᬸᬮᬢ᭄ᬫᬧᬶᬫᬧᬶ᭟ᬫᬫᬾᬗᭀᬲ᭄ᬫᬲᭂᬩᭂᬂᬗᬫ᭄ᬩᬸᬮ᭄᭞ᬜᬶᬓ᭄ᬱᬶᬓ᭄ᬭᬕᬜᭀᬫᬦ᭄ᬲᬵᬭᬶ᭞ᬫᬦ᭄ᬢᭂᬕ᭄ᬧᬸᬧᬹᬫᬤᭂᬓᭂᬲᬦ᭄᭞ᬤᭀᬂᬮᬮᬶᬲ᭄ᬲᬚᬫᬸᬯᬶ᭠ ᬓᬶᬦ᭄᭞ᬢ᭄ᬯᬭᬲᬾᬦ᭄ᬤᭂᬫ᭄ᬫᬲᭀᬲᬧᬦ᭄᭞ᬘᬭᬦᭂᬧᬸᬓᬶᬦ᭄ᬫᬫᭂᬤᬶ᭟ᬢᬸᬦᬕᭀᬩᬳᭂᬗ᭄ᬓᬄᬩᭂᬗᬸ᭞ᬜᬾᬦ᭄ᬲᬾᬦ᭄ᬤᭂᬫ᭄ᬮᬓᬃᬦᭂᬲᭂᬓᬶᬦ᭄᭞ᬓᬵᬫᬚᬬᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬗᬮᬯᬦᬶᬦ᭄ᬫᬲ᭄ᬯᬂᬫᬸᬜᬶ᭞ᬗᬸᬤᬓᬾᬗᬶᬦ᭄ᬲᬮᬶᬢ᭄ᬳᬃᬱ᭞ᬦᬫ᭄ᬧᭀᬓᬂᬳᬦᬓ᭄ᬲᬸᬪᬓ᭄ᬢᬶ᭟ᬥᬹᬄᬲ ᬫ᭄ᬧᬸᬦᬂᬳᬸᬕᬶᬩᭂᬦ᭄ᬤᬸ᭞ᬜᭂᬧᬾᬓᬂᬓᬯᬸᬮᬲᬶᬲᬶᬧ᭄᭞ᬢᬫ᭄ᬩᭂᬢ᭄ᬗᬶᬭᬶᬂᬧᬓᬬᬸᬦᬦ᭄᭞ᬜᭀᬫᬦ᭄ᬲᬵᬭᬶᬦᬶᬫ᭄ᬩᬮ᭄ᬫᬮᬶᬄ᭞ᬳ᭠ᬭᬄᬗᬸᬤᬫᬲᬺᬓᬾᬦᬦ᭄᭞ᬫᬶᬭᬶᬩ᭄ᬢᭀᬂᬫᬓᬤᬂᬯᬃᬕ᭄ᬕᬶ᭟ᬧᬥᬳᬲᬄᬳᬲᬄᬢᬸᬯᬸᬄ᭞ᬢ᭄ᬯᬭᬜᬦ᭄ᬤᬂᬫᬫ᭄ᬮᬧᬦᬶᬦ᭄᭞ᬓᬾᬦ᭄ᬓᬾᬦ᭄ᬲᭀᬢ ᬦᬶᬂᬫᬜᬫ᭞ᬫᬪᬱᬫᬓᬵᬓᬳᬤᬶ᭞ᬢᭀᬂᬜᬦ᭄ᬤᬂᬗᬦ᭄ᬤᬧᬂᬭᬕᬲᬮᬶᬂᬢᭂᬩᬄᬍᬕᬦᬫ᭄ᬧᬶ᭟ᬓᬵᬫᬚᬬᬲᬳᬸᬃᬕᬸᬬᬸ᭞ᬲᬭᬮᬾᬤᬂᬢᬶᬢ᭄ᬬᬂᬗᬶᬭᬶᬂ᭞ᬲ᭄ᬯᬾᬘ᭄ᬙᬗᬶᬘ᭄ᬙᬾᬦᬶᬦ᭄ᬧᬗᬜ᭄ᬘᬦ᭄᭞ᬮᬲ᭄ᬬᬢᬶᬢ᭄ᬬᬂᬦᬸᬯᬸᬢ᭄ᬢᬶᬢᬶ᭞ᬬᬤᬶᬦ᭄ᬮᬩᬸᬄᬫᬧᬦ᭄ᬢᬶᬕᬦ᭄᭞ᬫ [᭑᭓ 13A] ᭑᭓ ᬫᬫᬦᬄᬫᬮᬶᬄᬗᭂᬮᬦ᭄ᬢᬶᬂ᭟ᬫ᭄ᬩᭀᬓ᭄ᬜᭀᬫᬦ᭄ᬲᬫ᭄ᬧᬸᬦᬂᬩᭂᬦ᭄ᬤᬸ᭞ᬢᬶᬢ᭄ᬬᬂᬳᬶᬯᬂᬲᬦᬾᬢᬸᬦᬶ᭞ᬧᭀᬮᬶᬄᬗᭂᬢᭀᬦ᭄᭠ᬫ᭄ᬩᭀᬓ᭄ᬫᬲᬶᬭᬫ᭄᭞ᬫᬾᬄᬫᬾᬕᬾᬮ᭄ᬓᬩᬯᭀᬲ᭄ᬩᬗ᭄ᬕᬶ᭞ᬩᭀᬬᬯᬾᬦ᭄ᬢᭂᬦ᭄ᬫᬦᬄᬢᬶᬢ᭄ᬬᬂ᭞ᬜᭂᬮᬧ᭄ᬕᬸᬫᬦ᭄ᬢᬶᬫᬩᬮᬶᬄ᭟ᬫᬗ᭄ᬤᬲᬵᬫ᭄ᬧᬸᬦ᭄ᬳᬶ᭠ ᬯᬂᬲᭂᬗ᭄ᬕᬸᬄ᭞ᬜᭀᬫᬦ᭄ᬲᬵᬭᬶᬲᬯᬸᬃᬓᭂᬜᬶᬂ᭞ᬤᭀᬂᬗᬸᬤᬤᬤᬢᬭᬫ᭄ᬩᬂ᭞ᬫᬲᬓᬾᬫ᭄ᬩᭀᬓ᭄ᬲᬮᬄᬢᬫ᭄ᬧᬶ᭞ᬩᬦ᭄ᬢ᭠ᬲ᭄ᬫᬩᬮᬶᬄᬢᭀᬫ᭄ᬩᬬᬂ᭞ᬳᬸᬮᬶᬚᭀᬄᬯᬬᬦ᭄ᬗᬶᬮᬶᬗᬶᬦ᭄᭟ᬓᬮᬸᬤ᭄ᬢ᭄ᬯᬭᬫᬳᬦ᭄ᬗᬸᬲᬸᬤ᭄᭞ᬢ᭄ᬯᬭᬧᬢᬹᬢ᭄‌‌ᬫ᭄ᬩᭀᬓ᭄ᬫᭂᬤᬶᬳᬶᬦ᭄᭞ᬯᬬᬦ᭄ᬓᬾ ᬯᬮᬋᬡᬬᬂ᭞ᬇᬥᭂᬧᬾᬫᬜᬫᬚᬦᬶ᭞ᬳᭂᬫ᭄ᬩᭀᬓ᭄ᬢ᭄ᬯᬭᬚᬦᭂᬗᭂᬢᬂ᭞ᬬᬦ᭄ᬯᬬᬦ᭄ᬲᬓᬾᬂᬫᬩᬸᬤ᭄ᬥᬶ᭟ᬗᬸᬲᬸᬤ᭄‌‌ᬫ᭄ᬩᭀᬓ᭄ᬲᬓᬭᬶᬂᬘᬸᬫ᭄ᬧᬸ᭞ᬜᭀᬫᬦ᭄ᬲᬵᬭᬶᬋᬩᬄᬭᬭᬶᬲ᭄᭞ᬤᬶᬧᬩᬶᬦᬦ᭄ᬓᬵᬫᬚᬬ᭞ᬮᬾᬫ᭄ᬧᭀᬃᬭᬱᬢᬦ᭄ᬧᬕᬮᬶᬄ᭞ᬲᬃᬯ᭄ᬯᬶᬗᬸᬘᬧᬥᬹᬄᬯ ᬬᬦ᭄᭞ᬢᬸᬮᬸᬂᬫ᭄ᬩᭀᬓ᭄ᬚᬦᬶᬳᬸᬩᬤᬶᬦ᭄᭟ᬲᬓᬶᬢ᭄‌‌ᬫ᭄ᬩᭀᬓ᭄ᬧᭂᬧᭂᬲᬦ᭄ᬗᬶᬩᬸᬓ᭄᭞ᬓᬵᬫᬚᬬᬳᬕᬾᬭᬭᬶᬲ᭄᭞ᬕᬕ᭄ᬭᬾᬧᬾᬦᭂᬦ᭄ᬗᬭᬲᬭᬲ᭄᭞ᬫᭂᬘᬶᬓ᭄ᬜᭀᬜᭀᬦᬶᬫᬦ᭄ᬧᬶᬧᬶ᭞ᬜᭀᬫᬦ᭄ᬲᬭᬶᬚᬕ᭄ᬫᬲᭂᬭᬄ᭞ᬓᬤᬦ᭄ᬤᬦ᭄ᬭᬭᬶᬲ᭄ᬗᬭᬜ᭄ᬚᬶᬂ᭟ᬇᬭᬶᬓᬵᬢᭂ᭠

Auto-transliteration

[12 12B] 12 mkadijampi, kāril̥ĕkmapasangliyat, saruwangmabaliḥlangit, sinar̥ĕngansapisanan, ngĕdohulatmapimapi. mamengosmasĕbĕngngambul, ñiksyikragañomansāri, mantĕgpupūmadĕkĕsan, donglalissajamuwi‐ kin, twarasendĕmmasosapan, caranĕpukinmamĕdi. tunagobahĕngkaḥbĕngu, ñensendĕmlakar̀nĕsĕkin, kāmajayakĕñĕmnimbal, ngalawaninmaswangmuñi, ngudakenginsalit'har̀ṣa, nampokanghanaksubhakti. dhūḥsa mpunanghugibĕndu, ñĕpekangkawulasisip, tambĕtngiringpakayunan, ñomansārinimbalmaliḥ, ha‐raḥngudamasr̥ĕkenan, miribtongmakadangwar̀ggi. padhahasaḥhasaḥtuwuḥ, twarañandangmamlapanin, kenkensota ningmañama, mabhaṣamakākahadi, tongñandangngandapangragasalingtĕbaḥl̥ĕganampi. kāmajayasahur̀guyu, saraledangtityangngiring, swecchangiccheninpangañcan, lasyatityangnuwuttiti, yadinlabuḥmapantigan, ma [13 13A] 13 mamanaḥmaliḥngĕlanting. mbokñomansampunangbĕndu, tityanghiwangsanetuni, poliḥngĕton‐mbokmasiram, meḥmegelkabawosbanggi, boyawentĕnmanaḥtityang, ñĕlapgumantimabaliḥ. mangdasāmpunhi‐ wangsĕngguḥ, ñomansārisawur̀kĕñing, dongngudadadatarambang, masakemboksalaḥtampi, banta‐smabaliḥtombayang, hulijoḥwayanngilingin. kaludtwaramahanngusud, twarapatūtmbokmĕdihin, wayanke walar̥ĕṇayang, idhĕpemañamajani, hĕmboktwarajanĕngĕtang, yanwayansakengmabuddhi. ngusudmboksakaringcumpu, ñomansārir̥ĕbaḥraris, dipabinankāmajaya, lempor̀raṣatanpagaliḥ, sar̀wwingucapadhūḥwa yan, tulungmbokjanihubadin. sakitmbokpĕpĕsanngibuk, kāmajayahageraris, gagrepenĕnngarasaras, mĕcikñoñonimanpipi, ñomansarijagmasĕraḥ, kadandanrarisngarañjing. irikātĕ‐

Leaf 13

Image on Archive.org

[᭑᭓ 13B] ᭑᭓ ᬗᬳᬶᬂᬓᬸᬩᬸ᭞ᬲᬋᬂᬓᬵᬮᬶᬄᬲᭂᬤᭂᬓ᭄ᬲᭂᬧᬶ᭞ᬜᭂᬧᬸᬓᬂᬘᬸᬫ᭄ᬩ᭄ᬯᬦᬭᬱ᭞ᬓᬵᬫᬚᬬᬜᭀᬫᬦ᭄ᬲᬵᬭᬶ᭞ᬫᬕᭂᬮᬸᬢ᭄ᬫᬕᬍᬂᬮᬶᬫ᭞ᬮᬜ᭄ᬘᬶᬗᬦ᭄ᬲᬶᬜ᭄ᬚᬂᬫᬓᬶᬮᬶᬢ᭄᭟ᬫᬢᬶᬫ᭄ᬧᬄᬗᬶᬮᬶᬢᬂᬧᬸᬧᬹ᭞ᬜᭀᬫᬦ᭄ᬲᬵᬭᬶᬗᬋᬋᬗᬶᬄ᭞ᬳᬥᬹᬄᬯᬬᬦ᭄‌‌ᬤᭀᬂᬕᬶᬕᬶ᭠ ᬲᬂ᭞ᬗᬶᬲᬶᬫ᭄ᬩᭀᬓ᭄ᬫᬭᬱᬲᬓᬶᬢ᭄᭞ᬓᬵᬫᬚᬬᬢᭀᬂᬚᬗ᭄ᬓᬬᬦ᭄᭞ᬗᭂᬮᬸᬢ᭄ᬩᬗ᭄ᬓ᭄ᬬᬂᬗᬸᬢ᭄ᬕᬸᬢ᭄ᬧᬶᬧᬶ᭟ᬳᬗ᭄ᬓᬶᬳᬦᬾᬦᭀᬯᭀᬲ᭄ᬗᬗ᭄ᬲᬸᬭ᭄᭞ᬜᭀᬫᬦ᭄ᬲᬵᬭᬶᬫ᭄ᬭᬱᬓᬦᬶᬦ᭄᭞ᬢᬗ᭄ᬓᭂᬚᬸᬢ᭄ᬫᬗᬲ᭄ᬕᬲ᭄ᬢᬗ᭄ᬓᬄ᭞ᬓᬵᬫᬚᬬᬓᬤᬶᬕᬶᬭᬶᬓ᭄᭞ᬳᬥᬹᬄᬫ᭄ᬩᭀᬓ᭄ᬤᬸᬭᬸᬲ᭄ᬧᬶᬘᬬᬂ᭞ ᬓᬮᬾᬤᬗᬦ᭄‌‌ᬫ᭄ᬩᭀᬓᬾᬫᬗ᭄ᬓᬶᬦ᭄᭟ᬤᭀᬂᬲᬫ᭄ᬧᬸᬦᬂᬳᭂᬫ᭄ᬩᭀᬓ᭄ᬩᭂᬦ᭄ᬤᬸ᭞ᬢᬶᬢ᭄ᬬᬂᬓᭂᬤᭂᬄᬫᬵᬢᬹᬃᬲᬶᬲᬶᬧ᭄᭞ᬳᬦ᭄ᬢᬸᬓ᭄ᬢᬫ᭄ᬩᭂᬢᬾᬓᬮᬶᬦ᭄ᬢᬂ᭞ᬗᬢᬸᬭᬂᬳᬬᬄᬦᭂᬫ᭄ᬩᬾᬦᬶᬦ᭄᭞ᬲᬵᬫ᭄ᬧᬸᬦ᭄ᬳᬸᬕᬶᬗᬯᬦᭂᬳᬂ᭞ᬗᬶᬘ᭄ᬙᬾᬦᬶᬦ᭄ᬓᬬᬸᬦᬾᬧᬶᬗᬶᬢ᭄᭟ᬢᭂᬕ᭄ᬢᭂᬕᬂᬫ᭄ᬩᭀᬓ᭄ᬫᬧᬓ ᬬᬸᬦ᭄᭞ᬢᬳᬦᬂᬲᬓᬶᬢ᭄ᬳᬕᬶᬕᬶᬲ᭄᭞ᬜᭀᬫᬦ᭄ᬲᬭᬶᬫᬾᬄᬓᬧ᭄ᬭᬡᬦ᭄᭞ᬓᬵᬫᬚᬬᬫᭂᬓᬸᬮ᭄ᬕᬶᬧᬶᬄ᭞ᬲᭀᬢ᭠ᬦᬶᬂᬤᬳᬢᬭᬸᬡ᭞ᬓᬤᬶᬓᬸᬫ᭄ᬩᬂᬗᬶᬲᭂᬧ᭄ᬲᬵᬭᬶ᭟ᬓᬵᬫᬚᬬᬫᬗᬢᭂᬓᬸᬮ᭄᭞ᬗᬸᬮᬸᬭᬶᬦ᭄ᬓᬍᬕᬦ᭄ᬳᬢᬶ᭞ᬢᬸᬫ᭄ᬩᬾᬦ᭄ᬦᬯᬂᬭᬱᬦ᭄ᬫᭂᬮᬄ᭞ᬲᬶᬬ [᭑᭔ 14A] ᭑᭔ ᬢ᭄ᬲᬶᬬᬸᬢ᭄ᬮᬮᬄᬫᬦᬶᬲ᭄᭞ᬓᬭᬦᭂᬳᬦ᭄ᬗᭀᬜᬂᬍᬕ᭞ᬓᬵᬫᬚᬬᬧᭂᬮᬸᬄᬧᬶᬤᬶᬢ᭄᭟ᬮᬾᬧᬾᬄᬭᬱᬢᬦ᭄ᬧᬩ᭠ᬬᬸ᭞ᬫᬘᭂᬧᭀᬮ᭄‌‌ᬭᬹᬧᬢᬦᬾᬮᬶᬂ᭞ᬜᭀᬫᬦ᭄ᬲᬵᬭᬶᬓᬵᬫᬚᬬ᭞ᬓᬍᬲᭀᬦ᭄ᬦᬯᬸᬂᬓᬭᬲ᭄ᬫᬶᬦ᭄᭞ᬢᭀᬂᬜᬦ᭄ᬤᬂᬫᬮᬶᬄᬧᬜ᭄ᬚᬗᬂ᭞ᬲᬂ ᬲᬶᬦᭀᬫ᭄ᬓᬦ᭄ᬢᬸᬦ᭄ᬫᬓᬶᬮᬶᬢ᭄᭟᭜᭟ᬲᬶᬦᭀᬫ᭄᭟᭜᭟ᬜᭀᬫᬦ᭄ᬲᬵᬭᬶᬓᬵᬫᬚᬬ᭞ᬭᬶᬂᬧᭀᬦ᭄ᬤᭀᬓ᭄ᬓᬦ᭄ᬢᬸᬦ᭄ᬫᬓᬶ᭠ᬮᬶᬢ᭄᭞ᬜᭂᬧᬸᬓᬂᬘᬸᬫ᭄ᬩ᭄ᬯᬦᬭᬱ᭞ᬜᬢᬸᬍᬕᬗᬸᬮᬗᬸᬦᬶᬦ᭄᭞ᬢᬦ᭄ᬧᬾᬦ᭄ᬤᬄᬲ᭄ᬫᬭᬭᬣᬶᬄ᭞ᬲᬂᬓᬵᬮᬶᬄᬳᬯᭀᬃᬲᬮᬸᬮᬸᬢ᭄᭞ᬗᬸᬮᬸᬭᬶ ᬦ᭄ᬮᭂᬕᬦ᭄ᬫᬦᬄ᭞ᬢᬦ᭄ᬫᬭᬶᬫᬗᬭᬶᬳᬭᬶᬄ᭞ᬲᬮᬶᬂᬭᬸᬫ᭄ᬭᬸᬫ᭄᭞ᬫᬓᬭᭀᬦᬦ᭄ᬭᬶᬂᬧᬫᬺᬫᬦ᭄᭟ᬢᭀᬂᬜᬦ᭄ᬤᬂᬫᬮᬶᬄᬩ᭠ᬯᭀᬲᬂ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬲᬫᬶᬳᬸᬦᬶᬂ᭞ᬲᬢᬶᬗ᭄ᬓᬄᬜᭀᬮᭀᬂᬲᭂᬫᬭ᭞ᬦᬾᬫᬗ᭄ᬓᬶᬦᬸᬘᬧᬂᬫᬮᬶᬄ᭞ᬫᬥᬾᬲᭂᬓᬃᬜᬦ᭄ᬢᭀᬲᬶᬦ᭄᭞ ᬜᭀᬫᬦ᭄ᬲᬵᬭᬶᬤᬾᬭᬾᬂᬭᬯᬸᬄ᭞ᬲᬓᬾᬂᬢᬸᬦᬶᬫᬓᬯᭀᬦ᭄᭞ᬫᬶᬦᬩ᭄ᬲᬵᬫ᭄ᬧᬸᬦ᭄ᬳᬧᬦᬮᬶᬓ᭄᭞ᬓᬶᬭᬂᬮᬗ᭄ᬓᬸᬂ᭞᭠ᬢᬍᬃᬢᬦ᭄ᬯᬾᬦ᭄ᬢᭂᬦ᭄ᬫᬢᬸᬮᬓ᭄᭟ᬫᬥᬾᬲᭂᬓᬃᬓᬤᬶᬫᬭᬲ᭄᭞ᬳᬦ᭄ᬢᬸᬓ᭄‌‌ᬲ᭄ᬯᬾᬦᬾᬜᬦ᭄ᬢᭀᬲᬶᬦ᭄᭞ᬓᬾᬗᬶᬦ᭄ᬫᭂᬢᬸᬭᬭᬫ᭄ᬩᬗᬦ᭄᭞ᬲᬶᬂ

Auto-transliteration

[13 13B] 13 ngahingkubu, sar̥ĕngkāliḥsĕdĕksĕpi, ñĕpukangcumbwanaraṣa, kāmajayañomansāri, magĕlutmagal̥ĕnglima, lañcingansiñjangmakilit. matimpaḥngilitangpupū, ñomansāringar̥ĕr̥ĕngiḥ, hadhūḥwayandonggigi‐ sang, ngisimbokmaraṣasakit, kāmajayatongjangkayan, ngĕlutbangkyangngutgutpipi. hangkihanenowosngangsur, ñomansārimraṣakanin, tangkĕjutmangasgastangkaḥ, kāmajayakadigirik, hadhūḥmbokduruspicayang, kaledanganmbokemangkin. dongsampunanghĕmbokbĕndu, tityangkĕdĕḥmātūr̀sisip, hantuktambĕtekalintang, ngaturanghayaḥnĕmbenin, sāmpunhugingawanĕhang, ngiccheninkayunepingit. tĕgtĕgangmbokmapaka yun, tahanangsakit'hagigis, ñomansarimeḥkapraṇan, kāmajayamĕkulgipiḥ, sota‐ningdahataruṇa, kadikumbangngisĕpsāri. kāmajayamangatĕkul, ngulurinkal̥ĕganhati, tumbennawangraṣanmĕlaḥ, siya [14 14A] 14 tsiyutlalaḥmanis, karanĕhanngoñangl̥ĕga, kāmajayapĕluḥpidit. lepeḥraṣatanpaba‐yu, macĕpolrūpataneling, ñomansārikāmajaya, kal̥ĕsonnawungkarasmin, tongñandangmaliḥpañjangang, sang sinomkantunmakilit \\•\\ sinom \\•\\ ñomansārikāmajaya, ringpondokkantunmaki‐lit, ñĕpukangcumbwanaraṣa, ñatul̥ĕgangulangunin, tanpendaḥsmararathiḥ, sangkāliḥhawor̀salulut, nguluri nlĕganmanaḥ, tanmarimangarihariḥ, salingrumrum, makaronanringpamr̥ĕman. tongñandangmaliḥba‐wosang, deningsāmpunsamihuning, satingkaḥñolongsĕmara, nemangkinucapangmaliḥ, madhesĕkar̀ñantosin, ñomansāriderengrawuḥ, sakengtunimakawon, minabsāmpunhapanalik, kiranglangkung, ‐tal̥ĕr̀tanwentĕnmatulak. madhesĕkar̀kadimaras, hantuksweneñantosin, kenginmĕturarambangan, sing

Leaf 14

Image on Archive.org

[᭑᭔ 14B] ᭑᭔ ᬜᬮᬶᬜᭀᬓ᭄ᬜᭀᬫᬦ᭄ᬲᬭᬶ᭞ᬗᬤᭀᬓᬂᬤᬬᬲᬶᬮᬶᬩ᭄᭞ᬗᭀᬭᬳᬂᬮᬓᬃᬫᬩᬜᬸ᭞ᬤᭀᬂᬗᬸᬤᬚᬫᬓᭂᬮᭀ᭞ᬫᬾᬄᬚᭂᬦᭂᬂᬓᭂᬩᬂᬫᬫᭂᬤᬶ᭞ᬫᭂᬮᬄᬭᬸᬭᬸᬄ᭞ᬧᬓᭂᬳᭂᬗᬦ᭄ᬫᬥᬾᬲᭂᬓᬭ᭄᭟ᬤᭀᬂᬗᬸᬤᬤᬶᬦᬶᬧᬤᬶᬤ᭄ᬬᬦ᭄᭞ᬗᭂᬫᬶᬢ᭄ᬳᬶᬤᬭᬵᬚᬧᬸ ᬢ᭄ᬭᬶ᭞ᬦᬸᬫᬓᭀᬍᬫ᭄ᬤᬶᬕᭂᬥᭀᬗᬦ᭄᭞ᬢᭂᬕᬭᬂᬲᬚᬢᬶᬮᬶᬓᬶᬦ᭄᭞ᬢᭀᬗᭀᬲ᭄ᬜᬦᬾᬫᬮᬮᬶ᭞ᬫᬥᬾᬲᭂᬓᬃ᭠ᬦᬸᬮᬶᬳᬶᬚᬸ᭞ᬫᬫᬵᬃᬕ᭄ᬕᬶᬓᬧᭀᬦ᭄ᬤᭀᬓᬦ᭄᭞ᬯᬯᬸᬫᬭᬱᬲᬓᬤᬶ᭞ᬓᭂᬦᬶᬳᬧᬸᬲ᭄᭞ᬜᭀᬫᬦ᭄ᬲᬵᬭᬶᬢᭀᬂᬫᬤᬬ᭟ᬓᬶᬧᬓ᭄ᬓᬶᬧᭂ᭠ ᬓ᭄ᬫᬧᬯᬲᬦ᭄᭞ᬫᬮᭀᬦᬦ᭄ᬦᬶᬜ᭄ᬚᬶᬓ᭄ᬫᬫᬵᬃᬕ᭄ᬕᬶ᭞ᬦᬭᬸᬂᬗᭀᬚᭀᬕ᭄ᬓᬧᭀᬦ᭄ᬤᭀᬓ᭄᭞ᬓᬤᬶᬯᬾᬦ᭄ᬢᭂᬦ᭄ᬗᬯᬗ᭄ᬲᬶᬢᬶ᭠ᬦ᭄᭞ᬲ᭄ᬯᬭᬦ᭄ᬧᬓ᭄ᬱᬶᬓᬓᭂᬮᬶᬓ᭄᭞ᬗᬶᬦ᭄ᬤᬂᬓᬢᬓᭂᬄᬫᬲᬤᬸ᭞ᬦᬸᬤᬸᬳᬶᬦ᭄ᬫᬥᬾᬲᭂᬓᬭ᭄᭞ᬕᭂᬦᬄᬲᬂᬦᬯᬸᬂᬓᬭᬲ᭄ᬫᬶᬦ᭄᭞ᬢᬸᬳᬸᬢᬸᬳᬸᬩ ᬦ᭄ᬩᬦ᭄ᬫᬲ᭄ᬯᬭᬜᬃᬯ᭄ᬯᬓᬂ᭟ᬜᭀᬫᬦ᭄ᬲᬵᬭᬶᬓᬵᬫᬚᬬ᭞ᬇᬭᬶᬓᬵᬫᭂᬗ᭄ᬓᭂᬩ᭄ᬲᬂᬓᬵᬮᬶᬄ᭞ᬫᬥᬾᬲᭂᬓᬃᬦᬸᬮᬶᬬᬢ᭄ᬦ᭞᭠ᬲᬓᬾᬂᬲᭀᬂᬩᭂᬤᬾᬕᬾᬗᬶᬦ᭄ᬢᬶᬧ᭄᭞ᬲᬶᬦᬄᬓᬦ᭄ᬢᭂᬦ᭄ᬲᬂᬓᬵᬮᬶᬄ᭞ᬇᬭᬶᬓᬵᬓᬦ᭄ᬢᬸᬦ᭄ᬫᬕᭂᬮᬸᬢ᭄᭞ᬫᬥᬾᬲᭂᬓᬃᬦᭂᬫᭀᬦᬂ᭞ᬗᬢᭂᬗ᭄ᬓᬾ [᭑᭕ 15A] ᭑᭕ ᬫ᭄ᬲᬤᬗᬤᭂᬫᬶ᭞ᬕᭂᬤᬸᬄᬕᭂᬤᬸᬄ᭞ᬳᬸᬮᬸᬦ᭄ᬳᬢᬶᬫᬥᬾᬲᭂᬓᬭ᭄᭞ᬓᬵᬫᬚᬬᬓᬧᬸᬧᬸᬗᬦ᭄᭞ᬳᬕᬾᬦᬸᬦ᭄ᬤᬸᬦ᭄ᬜᭀᬫᬦ᭄ᬲᬭᬶ᭞ᬓᬤᬶᬩᬮᬂᬓᬢᬶᬧᬢᬦ᭄᭞ᬓ᭄ᬭᬲᬓ᭄ᬓ᭄ᬭᭀᬲᭀᬓ᭄ᬲᬋᬂᬓᬵᬮᬶᬄ᭞ᬲᬶᬜ᭄ᬚᬂᬓᬜ᭄ᬘᬸᬢ᭄ᬫᬓᬶᬮᬶᬢ᭄᭞ᬢᬫ᭄ᬩᬶᬲᬗ᭄ᬓᬮᬫᬘᭂᬩᬸᬭ᭄᭞ᬓᬵᬫ ᬚᬬᬫᬲᬾᬧᬓ᭄᭞ᬩᭂᬘᬢ᭄ᬲᬾᬧᬦ᭄ᬗᬜ᭄ᬘᬶᬂᬓᭀᬭᬶ᭞ᬳᬸᬮᬄᬤᬸᬥᬹ᭞ᬓᬶᬫᬸᬤ᭄ᬚᭂᬗᬄᬓᬤᬧᭂᬢᬦ᭄᭟ᬜᭀᬫᬦ᭄ᬲᬭᬶᬫᬓᬶᬍᬲᬦ᭄᭞ᬓᬢᭂᬗᬄᬳᬧᬤᬾᬗᭂᬧᬶᬮ᭄᭞ᬢ᭄ᬯᬭᬩᬦᬶᬫᬘ᭄ᬮᭂᬓᬶᬲᬦ᭄᭞ᬫᬥᬾᬲᭂᬓᬃᬦᭀᬕ᭄ᬢᭀᬕ᭄ᬓᭀᬭᬶ᭞ᬧᬢᬶᬓᬘᬸᬄᬫᬫᬸᬜᬶ᭞ᬳ᭠ ᬫ᭄ᬧᬓᬂᬓᭀᬭᬶᬦᬾᬫᬮᬸ᭞ᬫᬾᬄᬢᬲᬓ᭄ᬤᬶᬲᭂᬓᭂᬩᬦ᭄᭞ᬳᬸᬮᬶᬢᭂᬗᬄᬲᬶᬬᭂᬧ᭄ᬲᭂᬧᬶ᭞ᬢᬦ᭄ᬧᬲᬳᬸᬭ᭄᭞ᬓᬵᬫᬚᬬᬓ᭠ᬘ᭄ᬮᭂᬗᬕᬦ᭄᭟ᬚᭂᬚᭂᬄᬗᭂᬢᭀᬃᬓᬫᭂᬫᭂᬕᬦ᭄᭞ᬫᬥᬾᬲᭂᬓᬃᬲᬬᬦ᭄ᬲᭂᬗᬶᬢ᭄᭞ᬲᬳᬲᬦᭀᬕ᭄ᬢᭀᬕ᭄ᬚᭂᬮᬦᬦ᭄᭞ᬫᬫᬶᬲᬸᬄᬩᬗ᭄ᬕ᭄ᬭᬲ᭄ᬫᬫᬸ᭠ ᬜᬶ᭞ᬗᭀᬭᬳᬂᬮᬓᬃᬜᭂᬭᬶᬢ᭄᭞ᬬᬦᬶᬂᬢ᭄ᬯᬭᬜᬓ᭄ᬫᬲᬳᬸᬢ᭄᭞ᬓᬵᬫᬚᬬᬦᬯᭂᬕᬂ᭞ᬗᬶᬤᬶᬄᬳᭀᬮᬲ᭄ᬗᬲᬶᬳ᭠ᬲᬶᬄ᭞ᬤᬾᬯᬭᬢᬸ᭞ᬲᬫ᭄ᬧᬸᬦᬂᬫ᭄ᬩᭀᬓ᭄ᬫᬓᬯᬸᬓᬦ᭄᭟ᬤᭀᬂᬧᬤᬍᬫ᭄ᬓᬸᬤᬢᬶᬢ᭄ᬬᬂ᭞ᬮᬶᬬᬸᬳᬦᬓᬾᬦᭂᬧᬸᬓᬶᬦ᭄᭞ᬫᬥᬾᬲᭂᬓᬃᬳᬕᬾ

Auto-transliteration

[14 14B] 14 ñaliñokñomansari, ngadokangdayasilib, ngorahanglakar̀mabañu, dongngudajamakĕlo, meḥjĕnĕngkĕbangmamĕdi, mĕlaḥruruḥ, pakĕhĕnganmadhesĕkar. dongngudadinipadidyan, ngĕmit'hidarājapu tri, numakol̥ĕmdigĕdhongan, tĕgarangsajatilikin, tongosñanemalali, madhesĕkar̀‐nulihiju, mamār̀ggikapondokan, wawumaraṣasakadi, kĕnihapus, ñomansāritongmadaya. kipakkipĕ‐ kmapawasan, malonanniñjikmamār̀ggi, narungngojogkapondok, kadiwentĕnngawangsiti‐n, swaranpaksyikakĕlik, ngindangkatakĕḥmasadu, nuduhinmadhesĕkar, gĕnaḥsangnawungkarasmin, tuhutuhuba nbanmaswarañar̀wwakang. ñomansārikāmajaya, irikāmĕngkĕbsangkāliḥ, madhesĕkar̀nuliyatna, ‐sakengsongbĕdegengintip, sinaḥkantĕnsangkāliḥ, irikākantunmagĕlut, madhesĕkar̀nĕmonang, ngatĕngke [15 15A] 15 msadangadĕmi, gĕduḥgĕduḥ, hulunhatimadhesĕkar, kāmajayakapupungan, hagenundunñomansari, kadibalangkatipatan, krasakkrosoksar̥ĕngkāliḥ, siñjangkañcutmakilit, tambisangkalamacĕbur, kāma jayamasepak, bĕcatsepanngañcingkori, hulaḥdudhū, kimudjĕngaḥkadapĕtan. ñomansarimakil̥ĕsan, katĕngaḥhapadengĕpil, twarabanimaclĕkisan, madhesĕkar̀nogtogkori, patikacuḥmamuñi, ha‐ mpakangkorinemalu, meḥtasakdisĕkĕban, hulitĕngaḥsiyĕpsĕpi, tanpasahur, kāmajayaka‐clĕngagan. jĕjĕḥngĕtor̀kamĕmĕgan, madhesĕkar̀sayansĕngit, sahasanogtogjĕlanan, mamisuḥbanggrasmamu‐ ñi, ngorahanglakar̀ñĕrit, yaningtwarañakmasahut, kāmajayanawĕgang, ngidiḥholasngasiha‐siḥ, dewaratu, sampunangmbokmakawukan. dongpadal̥ĕmkudatityang, liyuhanakenĕpukin, madhesĕkar̀hage

Leaf 15

Image on Archive.org

[᭑᭕ 15B] ᭑᭕ ᬦᬶᬫ᭄ᬩᬮ᭄᭞ᬬᬾᬦ᭄ᬢᬓᬸᬢ᭄ᬓᭂᬤᬾᬓᬶᬦ᭄ᬕᬸᬫᬶ᭞ᬤᭀᬂᬳᬾᬗ᭄ᬕᬮᬂᬓᬲᬶᬲᬶ᭞ᬓᬵᬫᬚᬬᬢᬦ᭄ᬧᬲᬳᬸᬭ᭄᭞ᬭᬾᬄᬓᬲᭂᬍᬓ᭄ᬫᬓᬦ᭄ᬤ᭞ᬓᬶᬲᬶᬓ᭄ᬓᬶᬲᬶᬓ᭄ᬫᬸᬓᬄᬓᭀᬭᬶ᭞ᬢᭂᬓᬗᬸᬦ᭄ᬢᬸᬮ᭄᭞ᬓᬩᬶᬮ᭄ᬩᬶᬮ᭄ᬫᬧᬲᬂᬮᬶᬬᬢ᭄᭟ᬫᬥᬾᬲᭂᬓᬃᬢᬦ᭄ᬮᬶᬗᬸᬦᬦ᭄᭞ᬓᬢᭂᬗᬄᬳᬶᬚᬸᬗᬭ ᬜ᭄ᬚᬶᬂ᭞ᬳᬾᬗᬧᬾᬗᬧ᭄ᬫᬧᬯᬲᬦ᭄᭞ᬓᬩᬢᬦ᭄ᬮᭀᬗᬦ᭄ᬜᬮᬶᬓ᭄ᬱᬶᬓ᭄᭞ᬢᬦ᭄ᬓᬧᬗ᭄ᬕᬶᬄᬦᬾᬳᬮᬶᬄ᭞ᬢᬍᬃᬢᬦ᭄ᬯᬗ᭄ᬤᬾ᭠ᬗᬭᬸᬭᬸᬄ᭞ᬫᬭᬶᬂᬳᬧᬤᬾᬦᭂᬮᭀᬓ᭄᭞ᬜᭀᬫᬦ᭄ᬲᬭᬶᬓᬦ᭄ᬢᭂᬦ᭄ᬗᭂᬧᬶᬮ᭄᭞ᬗᬶᬲᬶᬢᬫ᭄ᬧᬸᬮ᭄᭞ᬫᭂᬗ᭄ᬓᭂᬩ᭄ᬫᬮᬶᬗᬦ᭄ᬲᬲᬓ᭟ᬭᬶᬂᬩᬸᬘᬸᬫᬢᬶᬫ᭠ ᬲᬤᬄ᭞ᬫᬥᬾᬲᭂᬓᬃᬩᬳᬓ᭄ᬩᬶᬳᬶᬂ᭞ᬜᭂᬧᭂᬢᬶᬦ᭄ᬫᬢ᭄ᬩᬢᬂᬧᭀᬗᬄ᭞ᬜᭀᬫᬦ᭄ᬲᬭᬶᬢᬹᬃᬓᬢᬸᬤᬶᬂ᭞ᬤᭀᬂᬗᬸᬤᬢ᭠ᬓᬸᬢ᭄ᬩᬦᬶ᭞ᬗᬮᬶᬬᭂᬧ᭄ᬩᬍᬫᬦ᭄ᬲᬫ᭄ᬩᬸᬓ᭄᭞ᬳᬸᬮᬢ᭄ᬧᭂᬦᭂᬤ᭄ᬫᬩᬶᬓᬲ᭄᭞ᬤᭀᬂᬓᬤᬾᬦ᭄ᬲᬚᬫᬕᭂᬤᬶ᭞ᬮᬓᬃᬫᬜᬸᬄ᭞ᬢᭂᬓᬤᬶᬦᬶᬫᬲᬦᭂᬓ ᬦ᭄᭟ᬢ᭄ᬯᬭᬗᬾᬤᬍᬫᬗ᭄ᬳᬯᬓ᭄᭞ᬓᬩᬢᭂᬓ᭄ᬧᭀᬗᬄᬚᬸᬯᬭᬶ᭞ᬜᬮᬦᬂᬇᬥᭂᬧᬾᬫᭀᬫᭀ᭞ᬇᬦ᭄ᬤ᭄ᬭᬶᬬᬦ᭄ᬓᭂ᭠ᬦᭂᬳᬾᬳᬸᬮᬸᬭᬶᬦ᭄᭞ᬗᬸᬗ᭄ᬕᬳᬶᬦ᭄ᬳᬦᬓ᭄ᬫ᭄ᬯᬦᬶ᭞ᬜᭀᬫᬦ᭄ᬲᬭᬶᬢᬦ᭄ᬧᬲᬳᬸᬭ᭄᭞ᬦᭂᬓᭂᬧ᭄ᬫᬸᬯᬓᬾᬭᬗᬦ᭄᭞ᬫᬩᬸᬤᬶᬮᬓᬃᬓᬲᬶᬲᬶ᭞᭠ [᭑᭖ 16A] ᭑᭖ ᬮᬸᬢ᭄ᬫᬘᭂᬩᬸᬭ᭄᭞ᬓᬧᬫ᭄ᬮᬗᬾᬳᬬᬢ᭄ᬫᭂᬤᬮ᭄᭟ᬤᬸᬭᬸᬲ᭄ᬫᬕᬸᬚᭂᬕᬸᬚᭂᬕᬦ᭄᭞ᬫᬥᬾᬲᭂᬓᬃᬳᬶᬚᬸᬗᬫ᭄ᬩᬶᬲ᭄᭞ᬜᭀᬫ᭠ᬦ᭄ᬲᬭᬶᬗᬢᬾᬧᬾᬓᬂ᭞ᬲᬮᬶᬂᬘᭀᬕ᭄ᬭᭀᬄᬲᬮᬶᬗᬫ᭄ᬩᬶᬲ᭄᭞ᬫᬭᬸᬓᭂᬢ᭄ᬲᬋᬂᬓᬵᬮᬶᬄ᭞ᬢᬦ᭄ᬧᬾᬦ᭄ᬤᬄᬩᬩ᭄ᬯᬂᬫᬧᬮᬸ᭞ᬲᬳᬲᬲᬮᬶᬂᬚᬫ᭄ᬩ ᬓ᭄᭞ᬫᬘᬶᬂᬘᬶᬗᬦ᭄ᬓᬤᬸᬓ᭄ᬲᭂᬗᬶᬢ᭄᭞ᬲᬮᬶᬂᬕᬯᬸᬓ᭄᭞ᬤᬸᬭᬸᬲ᭄ᬫᬶᬬᭂᬕᬦ᭄ᬚᬫ᭄ᬩᬭᬦ᭄᭟ᬓᬵᬫᬚᬬᬩᭂᬘᬢ᭄ᬲᬾᬧᬦ᭄᭞ᬫᭂᬮᬲᬂᬜᭂᬮᬕ᭄ᬦᬫ᭄ᬩᬓᬶᬦ᭄᭞ᬜᭀᬫᬦ᭄ᬲᬭᬶᬫᬥᬾᬲᭂᬓᬭ᭄᭞ᬫᬕᬸᬚᭂᬕ᭄ᬲᭂᬤᭂᬓ᭄ᬫᬩᬶᬲ᭄ᬩᬶᬲ᭄᭞ᬜᭀᬫᬦ᭄ᬲᬭᬶᬫᬍᬘᬶ᭞ᬧᭀᬮᬶᬄᬫᬓᬶᬍᬲ᭠ ᬦ᭄ᬧᭂᬲᬸ᭞ᬫᬘᭂᬩᬸᬃᬗᬢᭂᬩᬾᬦᬂ᭞ᬢᬦ᭄ᬧᬦᭀᬮᬶᬄᬢᭂᬤᬸᬦ᭄ᬓᬗᬶᬦ᭄᭞ᬜᬸᬦᬸᬢ᭄ᬜᬸᬦᬸᬢ᭄᭞ᬫᬫᬵᬃᬕ᭄ᬕᬶᬗᬸᬗ᭄ᬲᬶᬓᬢᬸᬓᬤ᭄᭟ᬫᬥᬾᬲᭂᬓᬃᬓᬚᭂᬗᬳᬦ᭄᭞ᬧᬢᬶᬓᬘᬸᬄᬫᬲ᭄ᬯᬂᬫᬸᬜᬶ᭞ᬫᬢ᭄ᬩᬢᬂᬲᬸᬦ᭄ᬤᭂᬮ᭄ᬧᬦᬬᬂ᭞ᬲᬳᬦᬸᬤᬶᬂᬜᭀᬫᬦ᭄ᬲᬭᬶ᭞ᬗᬸᬤᬳᬶᬩᬫᬮᬳᬶ᭠ ᬩ᭄᭞ᬢᬦᬄᬲᭂᬫᬩᬲᭀᬂᬚᬭᬸᬄ᭞ᬢᭀᬂᬗᬾᬤᬍᬫᬂᬳᬯᬓ᭄᭞ᬓᬵᬫᬚᬬᬓᬶᬲᬶᬓ᭄ᬓᬶᬲᬶᬓ᭄᭞ᬗᬮᬮᬸᬜᬸᬄ᭞ᬗᬲᬶᬳᬲᬶᬄᬗᭂᬮᬤ᭄ᬧ᭄ᬭᬡ᭟ᬤᬸᬭᬸᬲᬂᬫ᭄ᬩᭀᬓ᭄ᬘᬶᬗᬓ᭄ᬢᬶᬢ᭄ᬬᬂ᭞ᬲᬫ᭄ᬧᬸᬦᬂᬮᬮᬶᬲ᭄ᬫᬸᬯᬶᬓᬶᬦ᭄᭞ᬢᬶᬢ᭄ᬬᬂᬪᬓ᭄ᬢᬶᬗᬩᬸᬓ᭄ᬘᭀᬓᭀᬃ᭞ᬫᬫᬋᬓ᭠

Auto-transliteration

[15 15B] 15 nimbal, yentakutkĕdekin'gumi, donghenggalangkasisi, kāmajayatanpasahur, reḥkasĕl̥ĕkmakanda, kisikkisikmukaḥkori, tĕkanguntul, kabilbilmapasangliyat. madhesĕkar̀tanlingunan, katĕngaḥhijungara ñjing, hengapengapmapawasan, kabatanlonganñaliksyik, tankapanggiḥnehaliḥ, tal̥ĕr̀tanwangde‐ngaruruḥ, maringhapadenĕlok, ñomansarikantĕnngĕpil, ngisitampul, mĕngkĕbmalingansasaka. ringbucumatima‐ sadaḥ, madhesĕkar̀bahakbihing, ñĕpĕtinmatbatangpongaḥ, ñomansaritūr̀katuding, dongngudata‐kutbani, ngaliyĕpbal̥ĕmansambuk, hulatpĕnĕdmabikas, dongkadensajamagĕdi, lakar̀mañuḥ, tĕkadinimasanĕka n. twarangedal̥ĕmanghawak, kabatĕkpongaḥjuwari, ñalanangidhĕpemomo, indriyankĕ‐nĕhehulurin, ngunggahinhanakmwani, ñomansaritanpasahur, nĕkĕpmuwakerangan, mabudilakar̀kasisi, ‐ [16 16A] 16 lutmacĕbur, kapamlangehayatmĕdal. durusmagujĕgujĕgan, madhesĕkar̀hijungambis, ñoma‐nsaringatepekang, salingcogroḥsalingambis, marukĕtsar̥ĕngkāliḥ, tanpendaḥbabwangmapalu, sahasasalingjamba k, macingcingankaduksĕngit, salinggawuk, durusmiyĕganjambaran. kāmajayabĕcatsepan, mĕlasangñĕlagnambakin, ñomansarimadhesĕkar, magujĕgsĕdĕkmabisbis, ñomansarimal̥ĕci, poliḥmakil̥ĕsa‐ npĕsu, macĕbur̀ngatĕbenang, tanpanoliḥtĕdunkangin, ñunutñunut, mamār̀ggingungsikatukad. madhesĕkar̀kajĕngahan, patikacuḥmaswangmuñi, matbatangsundĕlpanayang, sahanudingñomansari, ngudahibamalahi‐ b, tanaḥsĕmabasongjaruḥ, tongngedal̥ĕmanghawak, kāmajayakisikkisik, ngalaluñuḥ, ngasihasiḥngĕladpraṇa. durusangmbokcingaktityang, sampunanglalismuwikin, tityangbhaktingabukcokor̀, mamar̥ĕka‐

Leaf 16

Image on Archive.org

[᭑᭖ 16B] ᭑᭖ ᬦ᭄ᬭᬶᬂᬫᬵᬲ᭄ᬫᬡᬶᬓ᭄᭞ᬩᭀᬬᬯᬾᬦ᭄ᬢᭂᬦ᭄ᬓᬓᬵᬮᬶᬄ᭞ᬢᬺᬱ᭄ᬡᬾᬦ᭄ᬢᬶᬢ᭄ᬬᬂᬭᬶᬂᬳᬶᬭᬢᬸ᭞ᬫ᭄ᬩᭀᬓ᭄ᬧᬢᬹᬢ᭄ᬗᬯᬶᬯᭂᬦᬂ᭞ᬤᬾᬯᬾᬓ᭄ᬢᬶᬢ᭄ᬬᬂᬢᬹᬃᬗᭀᬮᬲᬶᬦ᭄᭞ᬢᬶᬢ᭄ᬬᬂᬳᬸᬩᬸᬄ᭞ᬫᬥᬾᬲᭂᬓᬃᬜᬍᬦᭂᬕᬂ᭟ᬤᭂᬫᬤᭂᬫᬶᬗᬤᬾᬲᭂᬫᬂ᭞ᬗᭂᬚᭀᬄᬳᬸᬮᬢ᭄ᬫᬧᬶᬫᬧᬶ᭞ᬓᬵᬫᬚ᭠ ᬬᬕᬕ᭄ᬭᬾᬧᬾᬦᬦ᭄᭞ᬫᬓᬶᬢᬗᬸᬢ᭄ᬕᬸᬢ᭄ᬜᬶᬘᬶᬧᬶᬦ᭄᭞ᬢᬦ᭄ᬫᬭᬶᬗᬲᬶᬳᬲᬶᬄ᭞ᬫ᭄ᬩᭀᬓ᭄ᬫᬥᬾᬲᬵᬫ᭄ᬧᬸᬦᬂᬩᭂᬦ᭄ᬤᬸ᭞ᬧᬧᬓ᭄ᬫ᭠ᬮᬶᬄᬳᬾᬮᬶᬗᬂ᭞ᬢᬶᬢ᭄ᬬᬂᬢᬫ᭄ᬩᭂᬢ᭄ᬫᬵᬢᬹᬃᬲᬶᬲᬶᬧ᭄᭞ᬯᬶᬭᬾᬄᬓᬤᬸᬂ᭞ᬳᬶᬯᬂᬮᬫ᭄ᬧᬄᬳᬫ᭄ᬧᬸᬭᬬᬂ᭟ᬩᭀᬬᬜᬦ᭄ᬤᬂᬫᬲᭂᬮ᭄ᬲᭂᬮᬦ᭄᭞ᬦᬾᬫᬗ᭄ᬓᬶ ᬦ᭄ᬢᬫ᭄ᬩᬾᬦᬶᬦ᭄ᬫᬮᬶᬄ᭞ᬫᬥᬾᬲᭂᬓᬃᬦᬶᬫ᭄ᬩᬮᬮᭀᬦ᭄᭞ᬤᭀᬂᬗᬸᬤᬯᬬᬦ᭄ᬩᬩᬾᬓᬶ᭞ᬗᬯᬾᬦᬂᬲᬓᬶᬢ᭄ᬳᬢᬶ᭞ᬮᬕᬸᬢᬾ᭠ᬯᬬᬦ᭄ᬓᬕᬸᬕᬸ᭞ᬫᬫᬸᬜᬶᬗᬤᬸᬧᭀᬗᬄ᭞ᬫᬓᭂᬫᬶᬓᬦ᭄ᬳᬮᬸᬄᬕᬢᬶ᭞ᬗᬮᬮᬸᬜᬸᬄ᭞ᬜᬾᬦ᭄ᬲᬾᬦ᭄ᬤᭂᬫ᭄ᬮᬓᬃᬦᬶᬗᭂᬳᬂ᭟ᬗᬲᬶᬳᬲᬶᬄᬗᬓᬸ ᬢᬺᬱ᭄ᬡᬵ᭞ᬮᬾᬦ᭄ᬤᬶᬓᭂᬦᭂᬄᬮᬾᬦ᭄ᬤᬶᬩᬶᬩᬶᬄ᭞ᬤᬬᬦᬾᬫᬫᬗ᭄ᬕᬸᬮ᭄ᬕᬫ᭄ᬩᬂ᭞ᬧᬍᬗᬸᬢᬶᬦ᭄ᬩᬳᬦ᭄ᬫᬸᬜᬶ᭞ᬤᭀᬂᬜᬾᬦ᭄ᬜ᭠ᬓ᭄ᬜᬤᬶᬦ᭄᭞ᬲᭀᬮᬄᬯᬬᬦ᭄ᬲᬸᬩᬤᬸᬥᬹ᭞ᬫᬧᭂᬮᬾᬄᬜᭂᬍᬓ᭄ᬫᬢ᭞ᬓᬵᬫᬚᬬᬫᬜᬳᬸᬭᬶᬦ᭄᭞ᬤᬾᬯᬭᬢᬸ᭞ᬤᭀᬂᬗᬸᬤᬫ᭄ᬩᭀ᭠ [᭑᭗ 17A] ᭑᭗ ᬓ᭄ᬲᬮᬶᬢ᭄ᬳᬃᬱ᭟ᬗᬤᬾᬦ᭄ᬢᬶᬢ᭄ᬬᬂᬢᬸᬦᬢᬺᬱ᭄ᬡᬵ᭞ᬕᬸᬫᬦ᭄ᬢᬶᬯᬦ᭄ᬢᬄᬲᬸᬪᬓ᭄ᬢᬶ᭞ᬫᬫᬋᬓᬦ᭄ᬗᭂᬩᬸᬓ᭄ᬘᭀᬓᭀᬃ᭞ᬢᬦ᭄ᬯᬾᬦ᭄ᬢᭂᬦ᭄ᬢᬶ᭠ᬢ᭄ᬬᬂᬗᬶᬮᭀᬦᬶᬦ᭄᭞ᬳᬭᬶᬦ᭄‌‌ᬫ᭄ᬩᭀᬓ᭄ᬜᭀᬫᬦ᭄ᬲᬭᬶ᭞ᬫᬦᬄᬢᬶᬢ᭄ᬬᬂᬲᬓᬾᬂᬲᬵᬥᬹ᭞ᬗᬚᬧ᭄‌‌ᬮᬾᬤᬂᬫᬵᬲ᭄ᬫᬶᬭᬄ᭞ᬫ᭄ᬩᭀᬓ᭄ᬳᬗ᭄ᬕᬾᬦ᭄ᬢᬶᬢ᭄ᬬᬂ᭠ ᬦᬾᬫᬗ᭄ᬓᬶᬦ᭄᭞ᬳᬦᬓ᭄ᬮᬸᬄ᭞ᬚᭂᬮᬾᬫᭂᬮᬄᬫᬓᬭᭀᬦᬦ᭄᭟ᬲᬺᬗᭂᬦ᭄ᬫᬥᬾᬲᭃᬓᬃᬦᬶᬫ᭄ᬩᬮ᭄᭞ᬤᭀᬂᬓᬸᬤᬧᭀᬗᬄᬫᬫᬸᬜᬶ᭞ᬫᬓᭂᬮᬶᬤ᭄ᬗᬾᬤᬾᬗᬂᬢᬗ᭄ᬓᬄ᭞ᬜᬶᬍᬫ᭄ᬤᬶᬧᬲᭀᬦᬾᬘᭂᬦᬶᬓ᭄᭞ᬫ᭄ᬩᭀᬓ᭄ᬢᬶᬤᭀᬂᬳᬦᬓ᭄ᬫ᭄ᬯᬦᬶ᭞ᬤᭀᬂᬜᬾᬦ᭄ᬮᬓᬃᬓᬸᬮᬸᬓᬸᬮᬸ᭠ ᬓ᭄᭞ᬘᬭᬤᬸᬯᭂᬕ᭄ᬗᬭᬯᭀᬲ᭄᭞ᬗᭂᬦ᭄ᬢᬸᬗᬂᬳᬸᬬᬄᬓᬧᬲᬶᬄ᭞ᬤᭀᬂᬜᬾᬦ᭄ᬗᬸᬕᬸ᭞ᬤᬬᬦ᭄ᬯᬬᬦ᭄‌‌ᬤᬤᬤᬓᬦ᭄᭟ᬫ᭠ᬥᬾᬲᭂᬓᬃᬗᬤᬾᬲᭂᬫᬂ᭞ᬗᬤᬾᬩ᭄ᬭᬲ᭄ᬳᬬᬢ᭄ᬫᬕᭂᬤᬶ᭞ᬯᬬᬦ᭄‌‌ᬫ᭄ᬩᭀᬓ᭄ᬚᬦᬶᬫᬫᬶᬦ᭄ᬤᬄ᭞ᬓᭂᬫᭀᬳᬮᬶᬄᬜᭀᬫᬦ᭄ᬲᬭᬶ᭞ᬓᬵᬫᬚᬬᬦ ᬫ᭄ᬩᬓᬶᬦ᭄᭞ᬢᬹᬃᬲᬾᬩᭂᬢ᭄ᬗᬫ᭄ᬩᬶᬲ᭄ᬢᭂᬗ᭄ᬓᬮᬸᬂ᭞ᬫᬥᬾᬲᭂᬓᬃᬗᬮᬶᬕᬲ᭄᭞ᬫᬲᬶᬤᬓᭂᬧ᭄ᬗᬍᬓ᭄ᬳᬢᬶ᭞ᬫᬧᬶᬓᬶᬫᬸᬤ᭄᭞ᬓᬵᬫ᭠ᬚᬬᬗᬭᬲᬭᬲ᭄᭟ᬗᭂᬮᬸᬢ᭄ᬩᬳᭀᬂᬫᬥᬾᬲᭂᬓᬭ᭄᭞ᬓᬤᬦ᭄ᬤᬦ᭄ᬤᬸᬭᬸᬲ᭄ᬗᬭᬜ᭄ᬚᬶᬂ᭞ᬫᬥᬾᬲᭂᬓᬃᬗᬮᬸᬯᬦᬂ᭞ᬓᬵᬫᬚᬬᬢᭂᬓᭂ᭠

Auto-transliteration

[16 16B] 16 nringmāsmaṇik, boyawentĕnkakāliḥ, tr̥ĕṣṇentityangringhiratu, mbokpatūtngawiwĕnang, dewektityangtūr̀ngolasin, tityanghubuḥ, madhesĕkar̀ñal̥ĕnĕgang. dĕmadĕmingadesĕmang, ngĕjoḥhulatmapimapi, kāmaja‐ yagagrepenan, makitangutgutñicipin, tanmaringasihasiḥ, mbokmadhesāmpunangbĕndu, papakma‐liḥhelingang, tityangtambĕtmātūr̀sisip, wireḥkadung, hiwanglampaḥhampurayang. boyañandangmasĕlsĕlan, nemangki ntambeninmaliḥ, madhesĕkar̀nimbalalon, dongngudawayanbabeki, ngawenangsakit'hati, lagute‐wayankagugu, mamuñingadupongaḥ, makĕmikanhaluḥgati, ngalaluñuḥ, ñensendĕmlakar̀ningĕhang. ngasihasiḥngaku tr̥ĕṣṇā, lendikĕnĕḥlendibibiḥ, dayanemamanggulgambang, pal̥ĕngutinbahanmuñi, dongñenña‐kñadin, solaḥwayansubadudhū, mapĕleḥñĕl̥ĕkmata, kāmajayamañahurin, dewaratu, dongngudambo‐ [17 17A] 17 ksalit'har̀ṣa. ngadentityangtunatr̥ĕṣṇā, gumantiwantaḥsubhakti, mamar̥ĕkanngĕbukcokor̀, tanwentĕnti‐tyangngilonin, harinmbokñomansari, manaḥtityangsakengsādhū, ngajapledangmāsmiraḥ, mbok'hanggentityang‐ nemangkin, hanakluḥ, jĕlemĕlaḥmakaronan. sr̥ĕngĕnmadhesökar̀nimbal, dongkudapongaḥmamuñi, makĕlidngedengangtangkaḥ, ñil̥ĕmdipasonecĕnik, mboktidonghanakmwani, dongñenlakar̀kulukulu‐ k, caraduwĕgngarawos, ngĕntunganghuyaḥkapasiḥ, dongñenngugu, dayanwayandadadakan. ma‐dhesĕkar̀ngadesĕmang, ngadebrashayatmagĕdi, wayanmbokjanimamindaḥ, kĕmohaliḥñomansari, kāmajayana mbakin, tūr̀sebĕtngambistĕngkalung, madhesĕkar̀ngaligas, masidakĕpngal̥ĕk'hati, mapikimud, kāma‐jayangarasaras. ngĕlutbahongmadhesĕkar, kadandandurusngarañjing, madhesĕkar̀ngaluwanang, kāmajayatĕkĕ‐

Leaf 17

Image on Archive.org

[᭑᭗ 17B] ᭑᭗ ᬓ᭄ᬗᬶᬲᬶ᭞ᬢᬦ᭄ᬫᬭᬶᬗᬭᬶᬳᬭᬶᬄ᭞ᬗᬶᬭᬶᬂᬫ᭄ᬩᭀᬓ᭄ᬤᬸᬫᬸᬦ᭄ᬫᬮᬸᬗ᭄ᬕᬸᬄ᭞ᬫᬥᬾᬲᭂᬓᬃᬜᬩᬺᬕᬂ᭞ᬫᬢᬶᬫ᭄ᬧᬸᬄᬤᬶᬩᬸᬘᬸᬫᬵᬢᬶ᭞ᬓ᭠ᬦ᭄ᬢᬸᬦ᭄ᬘᭂᬮᬸᬢ᭄᭞ᬩᬦᬶᬢᬓᬸᬢ᭄ᬤᬸᬭᬸᬂᬢᬫ᭟ᬓᬵᬫᬚᬬᬗᬭᬲᬭᬲ᭄᭞ᬕᭂᬭᬲ᭄ᬕᭂᬭᭀᬲ᭄ᬦᬶᬫᬦ᭄ᬧᬶᬧᬶ᭞ᬗᭂᬮᬸᬢ᭄ᬩᬗ᭄ᬓ᭄ᬬᬂᬗᬩᬕ᭄ᬜᭀᬜᭀ᭞ᬫᬥᬾ ᬲᭂᬓᬃᬓᭂᬮᬤ᭄ᬓᭂᬮᬶᬤ᭄᭞ᬫᬫᬾᬗᭀᬲ᭄ᬫᭂᬜ᭄ᬚᬸᬄᬯᬸᬭᬶ᭞ᬤᭀᬂᬗᬸᬤᬯᬬᬦ᭄ᬫᬫᭂᬭᬸᬤ᭄᭞ᬗᬤᭀᬓᬂᬩᬬᬸᬳᬓᬲ᭄᭞ᬢ᭄ᬯᬭᬗᭂᬮᬄᬳᭀᬮᬲ᭄ᬳᬢᬶ᭞ᬢᬦ᭄ᬧᬲᭂᬫᬸ᭞ᬢᭂᬓᬩᬶᬦᬮ᭄ᬯᬯᬤᭀᬦᬦ᭄᭟ᬓᬫ᭄ᬩᭂᬦ᭄ᬘᭂᬭᬶᬓ᭄‌‌ᬫ᭄ᬩᭀᬓ᭄ᬳᬸᬮᬶᬳᬂ᭞ᬤᭀᬂᬗᬸᬤᬯᬬᬦ᭄ᬩᬩᬾᬓᬶ᭞ᬢ᭄ᬯ ᬭᬲᬚᬲᬓᬾᬂᬳᭀᬮᬲ᭄᭞ᬗᭂᬩᬸᬢᬶᬦ᭄‌‌ᬫ᭄ᬩᭀᬓ᭄ᬓᬫ᭄ᬩᭂᬦ᭄ᬘᭂᬭᬶᬓ᭄᭞ᬧᬬᬸᬤᬶᬗᬶᬦ᭄ᬗᬤᭂᬕ᭄ᬮᬶᬕ᭄᭞ᬗᬮᬾᬕᬾᬭᬱᬫᬮ᭠ᬮᬸᬂ᭞ᬓᬵᬫᬚᬬᬗᬶᬗᭂᬭᬂ᭞ᬭᬯᭀᬲᬾᬘᬭᬜᬶᬫ᭄ᬩᬶᬗᬶᬦ᭄᭞ᬫᬤᬤᬸᬭᬸᬲ᭄᭞ᬗᬚᬓᬶᬦ᭄ᬫᬚᭂᬮᬾᬫᭂᬮᬄ᭟ᬢᭀᬂᬲᬶᬤ᭄ᬥᬩᬦ᭄ᬗᭂᬋᬢ᭄ᬫᬦᬄ᭞ ᬓᬵᬫᬚᬬᬳᬶᬚᬸᬭᬭᬶᬲ᭄᭞ᬦᬸᬗ᭄ᬓᬬᬓᬂᬫᬥᬾᬲᭂᬓᬭ᭄᭞ᬗᬍᬗᬶᬦ᭄ᬮᬶᬫᬜᬗ᭄ᬓᬸᬢᬶᬦ᭄᭞ᬲᬾᬩᭂᬢ᭄ᬗᭂᬩᬶᬢᬂᬢᬧᬶᬄ᭞ᬫᬥᬾᬲᭂᬓᬃᬳᬤᬸᬳᬤᬸᬄ᭞ᬭᬱᬓᭂᬦᬫᬸᬮᬶᬲᬄ᭞ᬓᬤᬶᬮᬶᬦ᭄ᬤᬸᬗᬾᬳᬸᬬᬳᬶᬦ᭄᭞ᬓᭂᬚᬢ᭄ᬓᭂᬚᬸᬢ᭄᭞ᬭᬾᬄᬢᬸᬫ᭄ᬩᬾᬦ᭄ᬦᬯᬂᬲᬤ᭄ᬭᬱ᭟ᬮᬮᬄ [᭑᭘ 18A] ᭑᭘ ᬫᬦᬶᬲ᭄᭞ᬬᬦ᭄ᬓᭂᬘᬧᬂ᭞ᬫᬥᬾᬲᭂᬓᬃᬗᬋᬋᬗᬶᬄ᭞ᬳᬥᬸᬄᬯᬬᬦ᭄ᬤᭀᬂᬕᬶᬕᬶᬲᬂ᭞ᬗᬸᬬᬓ᭄‌‌ᬫ᭄ᬩᭀᬓ᭄ᬢᭀᬂᬤᬤᬶᬳᬢᬶ᭞ᬓᬵᬫᬚᬬᬢᬦ᭄ᬫᬭᬶ᭞ᬫᬕᬶᬲᭂᬄᬩᬩᬃᬗᬢᭂᬓᬸᬮ᭄᭞ᬢ᭄ᬯᬭᬤᬤᬶᬭᬾᬭᬾᬦᬂ᭞ᬢᬸᬮ᭄ᬬᬲᭂᬫᬮ᭄ᬫᭀᬂᬧᭀᬂᬢᬶᬗ᭄ᬓᬶᬄ᭞ᬩᭂᬚᬄᬩᭂᬚᬸᬄ᭞ᬗᬸᬮᬸᬭᬶᬦ᭄ᬓ ᬍᬕᬦ᭄ᬫᬦᬄ᭟ᬤᬲ᭄ᬓᬦ᭄ᬢᬶᬗᭂᬮᬸᬗᬂᬮᬶᬓᬄ᭞ᬢᭀᬂᬜᬦ᭄ᬤᬂᬩᬯᭀᬲᬂᬫᬮᬶᬄ᭞ᬭᬾᬄᬲᬵᬫ᭄ᬧᬸᬦᬯᭀᬃᬲᬭᬕ᭞ᬢᬦ᭄ᬯᬾᬦ᭄ᬢᭂᬦ᭄ᬓᬲᭀᬭᬦ᭄ᬢᬦ᭄ᬤᬶᬂ᭞ᬓᬮᬗᭃᬦᬾᬢᬦ᭄ᬲᬶᬧᬶ᭞ᬲᬂᬓᬵᬮᬶᬄᬲᬕᬾᬢ᭄ᬢᬗ᭄ᬓᭂᬚᬸᬢ᭄᭞ᬭᬱᬯᬾᬦ᭄ᬢᭂᬦ᭄ᬜᭂᬗ᭄ᬓᬯᭀᬦ᭄᭞ᬳᬦᬓ᭄ᬭᬯᬸᬄᬚᭂᬭᬶᬢ᭄ᬚᭂᬭᬶ ᬢ᭄᭞ᬓᬯᬸᬓ᭄ᬓᬯᬸᬓ᭄᭞ᬜᭀᬫᬦ᭄ᬲᬭᬶᬫᬥᬾᬲᭂᬓᬭ᭄᭟ᬓᬶᬚᬜᬳᬶᬳᬚᬓ᭄ᬤᬤ᭄ᬯ᭞ᬓᬤᬸᬂᬓᬮᬗᭃᬦ᭄ᬫᬮᬮᬶ᭞ᬢᭀᬂᬳᬶᬗᭂᬢ᭄ᬢᭂᬓᬾᬦ᭄ᬕᬕᬫᬦ᭄᭞ᬗᭂᬫᬶᬢ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬳᬶᬤᬲᬸᬩᬫᬢᬗᬶ᭞ᬫᬲᬾᬧᬓ᭄ᬲᬂᬓᬵᬮᬶᬄᬩᬗᬸᬦ᭄᭞ᬭᬱᬓᬢᬸᬫ᭄ᬩᬓ᭄ᬮᭂᬧᬲ᭄᭞᭠ ᬍᬓ᭄ᬚᭂᬗᬄᬳᭀᬕᬦ᭄ᬓᬩᬶᬮ᭄ᬩᬶᬮ᭄᭞ᬫᭂᬭᬄᬫᭂᬭᬸᬄ᭞ᬦᬾᬚᬦᬶᬮᬓᬃᬓᬾᬦ᭄ᬓᬾᬦᬂ᭟ᬲᬶᬦᬄᬮᬓᬃᬓᬤᬧᭂᬢᬦ᭄᭞ᬬᬾᬦ᭄ᬢ᭄ᬯᬭᬳᬾᬗ᭄ᬕᬮ᭄ᬫᬕᭂᬤᬶ᭞ᬩᭂᬘᬢ᭄ᬲᬾᬧᬦ᭄ᬜᬮᬸᬓ᭄ᬯᬲ᭄ᬢ᭄ᬭ᭞ᬳᬕᬾᬫᭂᬤᬮ᭄ᬲᬋᬂᬓᬵᬮᬶᬄ᭞ᬫᬓᬶᬍᬲᬦ᭄ᬜᬮᬶᬩ᭄ᬲᬶᬩ᭄᭞ᬫᬾᬦ᭄ᬧ᭄ᬭᭀᬤᭀᬂ᭠

Auto-transliteration

[17 17B] 17 kngisi, tanmaringarihariḥ, ngiringmbokdumunmalungguḥ, madhesĕkar̀ñabr̥ĕgang, matimpuḥdibucumāti, ka‐ntuncĕlut, banitakutdurungtama. kāmajayangarasaras, gĕrasgĕrosnimanpipi, ngĕlutbangkyangngabagñoño, madhe sĕkar̀kĕladkĕlid, mamengosmĕñjuḥwuri, dongngudawayanmamĕrud, ngadokangbayuhakas, twarangĕlaḥholashati, tanpasĕmu, tĕkabinalwawadonan. kambĕncĕrikmbok'hulihang, dongngudawayanbabeki, twa rasajasakengholas, ngĕbutinmbokkambĕncĕrik, payudinginngadĕglig, ngalegeraṣamala‐lung, kāmajayangingĕrang, rawosecarañimbingin, madadurus, ngajakinmajĕlemĕlaḥ. tongsiddhabanngĕr̥ĕtmanaḥ, kāmajayahijuraris, nungkayakangmadhesĕkar, ngal̥ĕnginlimañangkutin, sebĕtngĕbitangtapiḥ, madhesĕkar̀haduhaduḥ, raṣakĕnamulisaḥ, kadilindungehuyahin, kĕjatkĕjut, reḥtumbennawangsadraṣa. lalaḥ [18 18A] 18 manis, yankĕcapang, madhesĕkar̀ngar̥ĕr̥ĕngiḥ, hadhuḥwayandonggigisang, nguyakmboktongdadihati, kāmajayatanmari, magisĕḥbabar̀ngatĕkul, twaradadirerenang, tulyasĕmalmongpongtingkiḥ, bĕjaḥbĕjuḥ, ngulurinka l̥ĕganmanaḥ. daskantingĕlunganglikaḥ, tongñandangbawosangmaliḥ, reḥsāmpunawor̀saraga, tanwentĕnkasorantanding, kalangönetansipi, sangkāliḥsagettangkĕjut, raṣawentĕnñĕngkawon, hanakrawuḥjĕritjĕri t, kawukkawuk, ñomansarimadhesĕkar. kijañahihajakdadwa, kadungkalangönmalali, tonghingĕttĕken'gagaman, ngĕmit'hidarājaputri, hidasubamatangi, masepaksangkāliḥbangun, raṣakatumbaklĕpas, ‐ l̥ĕkjĕngaḥhogankabilbil, mĕraḥmĕruḥ, nejanilakar̀kenkenang. sinaḥlakar̀kadapĕtan, yentwarahenggalmagĕdi, bĕcatsepanñalukwastra, hagemĕdalsar̥ĕngkāliḥ, makil̥ĕsanñalibsib, menprodong‐

Leaf 18

Image on Archive.org

[᭑᭘ 18B] ᭑᭘ ᬫᬓᭂᬮᬧ᭄ᬭᬯᬸᬄ᭞ᬲᬓᬾᬂᬤᭀᬄᬫᬓᬯᬸᬓᬦ᭄᭞ᬫᬥᬾᬲᭂᬓᬃᬧᭀᬮᬶᬄᬢᬗ᭄ᬓᬶᬲ᭄᭞ᬕᭂᬮᬶᬲ᭄ᬢᭂᬤᬸᬦ᭄᭞ᬓᬢᬸᬓᬤ᭄ᬜᬭᬸᬫᭂ᭠ᬫᭂᬫᬦ᭄᭟ᬓᬵᬫᬚᬬᬜᬭᬸᬦᭂᬕᬓ᭄᭞ᬤᬶᬩᭀᬗ᭄ᬓᭀᬮ᭄ᬓᬬᬸᬦᬾᬗᭂᬢᬶᬲ᭄᭞ᬫᬾᬦ᭄ᬧ᭄ᬭᭀᬤᭀᬂᬦᬸᬮᬶᬫᬢᬓᭀᬦ᭄᭞ᬯᬬᬦ᭄ᬗᬸᬚᬂᬢᭂ᭠ ᬓᬤᬶᬦᬶ᭞ᬓᬵᬫᬚᬬᬜᬳᬸᬭᬶᬦ᭄᭞ᬬᬦ᭄ᬳᭀᬗ᭄ᬓᭂᬩ᭄ᬗᭂᬮᬶᬤᬶᬦ᭄ᬓᭂᬩᬸᬲ᭄᭞ᬗᬮᬶᬄᬳᬗᬶᬦ᭄ᬲᬫ᭄ᬩᬶᬮᬂ᭞ᬦᭂᬗᭀᬓᬶᬦ᭄ᬳᬩ᭄ᬬᬦ᭄ᬧᬤᬶᬤᬶ᭞ᬤᭂᬫᭂᬦ᭄ᬗᬗ᭄ᬕᬸᬃ᭞ᬫᬾᬫᬾᬓᬶᬚᬗᬧᬗᬧᬂ᭟ᬫᬾᬦ᭄ᬧ᭄ᬭᭀᬤᭀᬂᬓᭂᬜᭂᬫᬗᬸᬘᬧ᭄᭞ᬫᬾᬫᬾᬓᬦ᭄ᬤᬶᬓᬬᬂᬗᬮᬶᬄ᭞ᬜᭀᬫᬦ᭄ᬲᬭᬶ᭠ ᬫᬥᬾᬲᭂᬓᬭ᭄᭞ᬳᬦ᭄ᬢᬸᬓ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬢᬸᬭᬄᬯᬬᬦ᭄ᬦᭂᬧᬸᬓᬶᬦ᭄᭞ᬤᬶᬚᬓᬧᭀᬳᬶᬬᬗᬗ᭄ᬕᬸᬭ᭄᭞ᬓᬵᬫᬚᬬ᭠ᬳᬗᬸᬘᬧ᭄᭞ᬬᬂᬢ᭄ᬯᬭᬲᬚᬦᭂᬧᬸᬓᬶᬦ᭄᭞ᬲᬶᬗᬤᬶᬢᬸ᭞ᬤᬶᬢᬸᬓᬤᬾᬫᬘᬾᬫ᭄ᬧ᭄ᬮᬸᬗᬦ᭄᭟ᬳᬾᬜ᭄ᬘᭀᬂᬫᬾᬦ᭄ᬧ᭄ᬭᭀᬤᭀᬂᬫᬚᬮᬦ᭄᭞ ᬫᬤᭂᬮᭀᬓᬦ᭄ᬩᭂᬢᬾᬦ᭄ᬓᬗᬶᬦ᭄᭞ᬫᬓᬦ᭄ᬢᭂᬦ᭄ᬲᬓᬾᬂᬳᬶᬭᬶᬓᬵ᭞ᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬳᬸᬮᬧᬶᬦ᭄ᬳᬧᬂᬫᬸᬮᬶᬄ᭞ᬫᬓᬓᬵᬮᬶᬄᬢᬸᬯᭀᬦ᭄ᬢᬸᬦᬹᬢ᭄᭞ᬫᭂᬦᬾᬓᬦ᭄ᬩᭂᬘᬢ᭄ᬲᬾᬧᬦ᭄᭞ᬦᬵᬗ᭄ᬳᬶᬂᬘᬭᬳᬦᬓ᭄ᬧᬸᬯᬶᬓ᭄᭞ᬲᭂᬩᭂᬂᬚᭂᬦ᭄ᬤᬸᬮ᭄᭞ᬤᬾᬭᬧ᭄ᬤᬾᬋᬧ᭄ [᭑᭙ 19A] ᭑᭙ ᬢᭀᬂᬲᭀᬘᬧᬦ᭄᭟᭜᭟ᬕᬶᬦᬤ᭟᭜᭟ᬧᬚᬮᬦᬾᬫᬧᬮᬲᬦ᭄᭞ᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬳᬸᬮᬶᬢᬸᬓ᭠ᬤᬾᬫᭂᬦᬾᬓᬦ᭄᭞ᬳᬸᬲᬸᬤᬶᬦ᭄ᬓᬫ᭄ᬩᭂᬦᬾᬩᭂᬮᬸᬲ᭄᭞ᬍᬓ᭄ᬚᭂᬗᬄᬬᬦᬶᬂᬫᬭᬾᬭᭀᬤ᭄᭞ᬓᬭᬕ᭄ᬓᬶᬭᬶᬕ᭄᭞ᬧᬥᬢ᭄ᬯᬭᬜᬓ᭄ᬫᬮ᭄ᬯᬦᬦ᭄᭟᭠ ᬫᬾᬦ᭄ᬧ᭄ᬭᭀᬤᭀᬂᬫᬭᬹᬧᬲᭂᬮᬂ᭞ᬗᭂᬢᭀᬦ᭄ᬲᬂᬓᬵᬮᬶᬄᬫᬫᬵᬃᬕ᭄ᬕᬶ᭞ᬓᬢᬓᭂᬄᬘᬭᬦᬶᬂᬳᬦᬓ᭄‌‌᭞ᬫᬕᬸᬮᬜᬯᬦ᭄ᬫᬫᬤᬸ᭞ᬧᬥᬢ᭄ᬯᬭᬜᬓ᭄ᬲᭀᬘᬧᬦ᭄᭞ᬘᬭᬧᬸᬯᬶᬓ᭄᭞ᬤᬾᬭᬧ᭄ᬤᬾᬋᬧ᭄ᬫᬶᬭᬶᬩ᭄ᬢᬸᬗ᭄ᬓᬲ᭄᭟ᬬᬦ᭄‌‌ᬢ᭄ᬮᭂᬓ᭄ᬢᭂᬓᬂᬫᬗᬸᬦ᭄ᬢᬸᬮᬂ᭞ᬲᭂᬩᭂᬗᬾᬘᬭᬓ ᬩᬶᬮ᭄ᬩᬶᬮ᭄᭞ᬫᬾᬦ᭄ᬧ᭄ᬭᭀᬤᭀᬂᬢᬸᬫᭀᬦ᭄ᬢᬦ᭄ᬧᭂᬤᬲ᭄᭞ᬳᬯᬶᬦᬦ᭄ᬢᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄᭞ᬫᬢᬓᬾᬦ᭄ᬧᬘᬂᬜᭂᬤ᭄ᬲᭂᬤᬂ᭞᭠ᬫᬧᬶᬫᬧᬶ᭞ᬢ᭄ᬯᬭᬭᬸᬗᬸᬗᭂᬚᭀᬄᬯᬸᬮᬢ᭄᭟ᬤᬤᬢᬤᭀᬂᬩᬓᬢ᭄ᬭᬫ᭄ᬩᬂ᭞ᬜᬓᬓᬾᬦ᭄ᬓᬾᬦ᭄ᬜᬓᬢᬸᬲᬶᬂ᭞ᬢ᭄ᬯᬭᬜᬦ᭄ᬤᬂᬳᬶᬜ᭄ᬚᬦᬶᬜ᭄ᬚ᭠ ᬦ᭄᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬜᭀᬫᬦ᭄ᬲᬭᬶᬫᬥᬾᬲᭂᬓᬭ᭄᭞ᬲᬋᬂᬓᬵᬮᬶᬄ᭞ᬳᬶᬭᬶᬓᬵᬭᬶᬂᬧᬓᭀᬍᬫ᭠ᬦ᭄᭟ᬜᬮᬾᬫ᭄ᬧᭀᬄᬫᬢᬶᬫ᭄ᬧᬸᬄᬦᬢ᭄ᬬ᭞ᬫᭂᬤᭂᬓ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬫᬾᬦ᭄ᬧ᭄ᬭᭀᬤᭀᬂᬲᬵᬫ᭄ᬧᬸᬦ᭄ᬫᬓᬯᭀᬦ᭄᭞ᬲᬓᬾᬯᬦ᭄ᬢᭂᬦ᭄ᬲᬋᬂ᭠

Auto-transliteration

[18 18B] 18 makĕlaprawuḥ, sakengdoḥmakawukan, madhesĕkar̀poliḥtangkis, gĕlistĕdun, katukadñarumĕ‐mĕman. kāmajayañarunĕgak, dibongkolkayunengĕtis, menprodongnulimatakon, wayanngujangtĕ‐ kadini, kāmajayañahurin, yanhongkĕbngĕlidinkĕbus, ngaliḥhanginsambilang, nĕngokinhabyanpadidi, dĕmĕnnganggur̀, memekijangapangapang. menprodongkĕñĕmangucap, memekandikayangngaliḥ, ñomansari‐ madhesĕkar, hantuk'hidarājaputri, turaḥwayannĕpukin, dijakapohiyanganggur, kāmajaya‐hangucap, yangtwarasajanĕpukin, singaditu, ditukademacemplungan. heñcongmenprodongmajalan, madĕlokanbĕtenkangin, makantĕnsakenghirikā, madhesĕkar̀ñomansari, hulapinhapangmuliḥ, makakāliḥtuwontunūt, mĕnekanbĕcatsepan, nānghingcarahanakpuwik, sĕbĕngjĕndul, derapder̥ĕp [19 19A] 19 tongsocapan \\•\\ ginada \\•\\ pajalanemapalasan, madhesĕkar̀ñomansari, hulituka‐demĕnekan, husudinkambĕnebĕlus, l̥ĕkjĕngaḥyaningmarerod, karagkirig, padhatwarañakmalwanan. ‐ menprodongmarūpasĕlang, ngĕtonsangkāliḥmamār̀ggi, katakĕḥcaraninghanak, magulañawanmamadu, padhatwarañaksocapan, carapuwik, derapder̥ĕpmiribtungkas. yantlĕktĕkangmanguntulang, sĕbĕngecaraka bilbil, menprodongtumontanpĕdas, hawinantanwentĕnpurun, matakenpacangñĕdsĕdang, ‐mapimapi, twararungungĕjoḥwulat. dadatadongbakatrambang, ñakakenkenñakatusing, twarañandanghiñjaniñja‐ n, kocapmangkinsāmpunrawuḥ, ñomansarimadhesĕkar, sar̥ĕngkāliḥ, hirikāringpakol̥ĕma‐n. ñalempoḥmatimpuḥnatya, mĕdĕk'hidarājaputri, menprodongsāmpunmakawon, sakewantĕnsar̥ĕng‐

Leaf 19

Image on Archive.org

[᭑᭙ 19B] ᭑᭙ ᬢᭂᬮᬸ᭞ᬳᬶᬭᬶᬓᬵᬭᬶᬂᬓᭀᬍᬫᬦ᭄᭞ᬭᬵᬚᬧᬸᬢ᭄ᬭᬶ᭞ᬢᬸᬫᬸᬮᬶᬳᬮᭀᬦ᭄ᬗᬦ᭄ᬤᬶᬓ᭟ᬳᬸᬮᬶᬤᬶᬚᬫᬭᬢᭂᬓ᭞ᬜᬳᬶᬲᭂ᭠ᬓᬃᬫᬶᬯᬄᬲᬭᬶ᭞ᬫᭂᬤ᭄ᬮᭂᬕᬳᬶᬘᬂᬗᬦ᭄ᬢᭀᬲᬂ᭞ᬢᬦ᭄ᬧᬯᬗ᭄ᬲᬶᬢ᭄ᬜᬳᬶᬗᬗ᭄ᬕᬸᬃ᭞ᬫᬥᬾᬲᭂᬓᬃᬗᬭᬶᬳᬶᬦᬂ᭞ᬫᬵᬢᬹᬃᬲᬶᬲᬶᬧ᭄᭞ᬢᬶᬢ᭄ᬬᬂᬲᬓᬾᬂᬫ᭠ ᬓᭂᬩᭀᬢᬦ᭄᭟ᬭᬶᬂᬩᬾᬚᬶᬳᬚᭂᬩᭀᬲ᭄ᬧᬶᬲᬦ᭄᭞ᬩᭀᬬᬚᬦ᭄ᬢᭀᬲ᭄ᬳᬧᬦᬮᬶᬓ᭄᭞ᬜᭀᬫᬦ᭄ᬲᬭᬶᬫᬵᬢᬹᬃᬦᬶᬫ᭄ᬩ᭠ᬮ᭄᭞ᬢᬶᬢ᭄ᬬᬂᬕᬸᬫᬦ᭄ᬢᬶᬫᬩᬜᬸ᭞ᬩᭀᬬᬚᬦ᭄ᬢᭀᬲ᭄ᬳᬧᬗᬶᬦᬂ᭞ᬭᬵᬚᬧᬸᬢ᭄ᬭᬶ᭞ᬲᬤᬫᬾᬲᭂᬫ᭄ᬫᬯᬘᬦ᭟ᬜᬳᬶᬲᬭᬶᬫᬶᬯᬄᬲᭂᬓᬃ᭞ᬕᭀ ᬩᬦ᭄ᬜᬳᬶᬓᭂᬘᬸᬤ᭄ᬓᬸᬦᬶᬂ᭞ᬫᬾᬄᬤᬶᬩᬶᬲᬜ᭄ᬚᬫᬕᬤᬂ᭞ᬫᬥᬾᬲᭂᬓᬃᬫᬮᬶᬄᬫᬵᬢᬸᬭ᭄᭞ᬧᭂᬘᬓ᭄ᬧᭀᬮᬶᬄᬦᭂᬥᬭᬸᬚᬓ᭄᭞ᬓᬗ᭄ᬓᬢ᭄ᬫᬶᬲᬶᬂ᭞ᬩᭀᬬᬲᬗ᭄ᬓᬦᬶᬂᬫᬕᬤᬂ᭟ᬜᭀᬫᬦ᭄ᬲᬭᬶᬫᬵᬢᬹᬃᬦᬶᬫ᭄ᬩᬮ᭄᭞ᬗᬸᬦᬶᬗ᭄ᬳᬂᬭᬶᬂᬭᬵᬚᬧᬸᬢ᭄ᬭᬶ᭞ᬢᬦ᭄ᬯᬾᬦ᭄ᬢᭂᬦ᭄ᬧᭀᬮᬶᬄᬫᬕᬤᬂ᭞ ᬢᬦ᭄ᬲᬯᭀᬲ᭄ᬭᬢᬸᬤᬾᬯᬵᬕᬸᬂ᭞ᬳᭀᬤᬓ᭄ᬓᬸᬜᬶᬢᬾᬗᬯᬶᬦᬂ᭞ᬢᬶᬢ᭄ᬬᬂᬕᬤᬶᬂ᭞ᬓᭂᬘᬸᬤ᭄ᬓᬸᬦᬶᬂᬧᬓᬦ᭄ᬢᭂᬦᬦ᭄᭟ᬤᬸᬯᭂᬕ᭄ᬲᬦ᭄ᬜᬳᬶᬫᬓᬦ᭄ᬤ᭞ᬧᬗᬦ᭄ᬤᬶᬓᬦ᭄ᬭᬵᬚᬧᬸᬢ᭄ᬭᬶ᭞ᬫᬢᬶᬫ᭄ᬧᬮ᭄ᬳᬲᬶᬂᬢᬓᭀᬦᬂ᭞ᬢᭀᬂᬓᭂᬚᬶᬮ᭄ᬜᬳᬶᬫᬲᬳᬸᬢ᭄᭞ᬲᬸᬩᬳᬤᬸᬂᬳᬚᬓ᭄ᬤᬤ᭄ᬯ᭞ᬲᬶᬦᬄᬜᬳᬶ᭞ [᭒᭐ 20A] ᭒᭐ ᬧᬢᬸᬄᬤᬬᬢᬓᭂᬄᬳᬶᬘᬂ᭟ᬤᬸᬭᬸᬂᬧᬸᬧᬸᬢ᭄ᬫᬭᬭᬲᬦ᭄᭞ᬫᬾᬦ᭄ᬲᬗ᭄ᬓᭀᬮ᭄ᬲᬕᬾᬢ᭄ᬫᬘᭂᬮᬶᬕ᭄᭞ᬫᬵᬢᬹᬃᬲᬶᬲᬶᬧ᭄ᬫᬦᬯᭂᬕᬂ᭞ᬲᭀᬢᬦᬶᬂᬢᬶᬢ᭄ᬬᬂᬓᬳᬸᬢᬸᬲ᭄᭞ᬗᬢᬸᬭᬶᬦ᭄ᬘᭀᬓᭀᬭᬶᬤᬾᬯ᭞ᬗᬮᬸᬗᬦᬶᬦ᭄᭞ᬭᬶᬂᬩᬮᬾᬳᬕᭂᬂᬫᬘᬶᬗᬓ᭄᭟ᬲᭂᬤᭂᬓ᭄ᬫᬓᬵᬃᬬ᭄ᬬᬲᬗ ᬦᬦ᭄᭞ᬭᭀᬩᬦ᭄ᬧᬤᬸᬓ᭄ᬯᬦᬾᬲᬫᬶ᭞ᬓᬾᬯᬦ᭄ᬢᭂᬦ᭄ᬘᭀᬓᭀᬭᬶᬤᬾᬯ᭞ᬳᬶᬭᬶᬓᬵᬲᬋᬂᬫᬮᬸᬗ᭄ᬕᬸᬄ᭞ᬗᬓ᭄ᬱᬶᬲᬂᬗᬢᬸᬭᬂᬳᬬᬄ᭞ᬳᬕᬸᬂᬳᬮᬶᬢ᭄᭞ᬮᬫᬓᬦ᭄ᬕᬶᬭᬂᬫᬓᬵᬃᬬ᭄ᬬ᭟ᬲᬓᬾᬂᬳᬶᬩ᭄ᬬᬂᬗᬸᬢᬸᬲᬂ᭞ᬢᬶᬢ᭄ᬬᬂᬫᬓᬵᬯᬶᬦᬦ᭄ᬢᬗ᭄ᬓᬶᬮ᭄᭞ᬗᬢᬸᬭᬶᬦ᭄ᬘᭀᬓᭀᬭᬶ᭠ ᬤᬾᬯ᭞ᬭᬵᬚᬧᬸᬢ᭄ᬭᬶᬮᬾᬤᬂᬢᭂᬤᬸᬦ᭄᭞ᬗᬓ᭄ᬱᬶᬳᬦᬓᬾᬫᬓᬵᬃᬬ᭄ᬬ᭞ᬳᭂᬮᬸᬄᬫ᭄ᬯᬦᬶ᭞ᬯᬾᬦ᭄ᬢᭂᬦ᭄ᬲᬋᬂᬓᬵᬮᬶᬄᬤᬰ᭟᭠ᬫᬲᭂᬭᭀᬢ᭄ᬢᭂᬤᬸᬦ᭄‌ᬲᬂᬗᬬᬄ᭞ᬓᬭᬯᬸᬳᬦ᭄ᬭᬵᬚᬧᬸᬢ᭄ᬭᬶ᭞ᬫᬥᬾᬯᬢᬶᬳᬕᬾᬫᭂᬦ᭄ᬤᬓ᭄᭞ᬭᬵᬚᬧᬸᬢ᭄ᬭᬶᬯᬸᬲ᭄ᬫᬮᬸᬗ᭄ᬕᬸᬄ᭞ᬫᬾᬲᭂᬫ᭄ᬳᬶᬤᬫᬯᬘᬦ᭞ ᬩ᭄ᬭᬬᬯᬃᬕ᭄ᬕᬶ᭞ᬫᭂᬦᬾᬓᬦ᭄ᬳᬚᬓ᭄ᬫᬓᭂᬚᬂ᭟ᬮᬳᬸᬢᬂᬤᭀᬂᬫᬕᬭᬧᬦ᭄᭞ᬲᬂᬗᬬᬄᬓᭂᬦ᭄ᬤᭂᬮ᭄ᬫᬶᬭᬕᬶ᭞ᬫᬢᬗᬦᬦ᭄ᬦᬸᬦᬲ᭄ᬮᬸ᭠ᬕ᭄ᬭ᭞ᬓᬮᬸᬕ᭄ᬭᬫᬮᬶᬄᬫᬩ᭄ᬭᬶᬬᬸᬓ᭄᭞ᬳᬾᬧᭀᬢ᭄ᬫᬓᬵᬃᬬ᭄ᬬᬲᬗᬦᬦ᭄᭞ᬭᬵᬚᬧᬸᬢ᭄ᬭᬶ᭞ᬲᬤᬘᬸᬘᬸᬤ᭄ᬫᬦᬓᬾᬦᬂ᭟ᬳᬯᬶᬦᬦ᭄ᬲᬭᬢ᭄ᬫᬓᬵᬃ᭠

Auto-transliteration

[19 19B] 19 tĕlu, hirikāringkol̥ĕman, rājaputri, tumulihalonngandika. hulidijamaratĕka, ñahisĕ‐kar̀miwaḥsari, mĕdlĕgahicangngantosang, tanpawangsitñahinganggur̀, madhesĕkar̀ngarihinang, mātūr̀sisip, tityangsakengma‐ kĕbotan. ringbejihajĕbospisan, boyajantoshapanalik, ñomansarimātūr̀nimba‐l, tityanggumantimabañu, boyajantoshapanginang, rājaputri, sadamesĕmmawacana. ñahisarimiwaḥsĕkar̀, go banñahikĕcudkuning, meḥdibisañjamagadang, madhesĕkar̀maliḥmātur, pĕcakpoliḥnĕdharujak, kangkatmising, boyasangkaningmagadang. ñomansarimātūr̀nimbal, nguninghangringrājaputri, tanwentĕnpoliḥmagadang, tansawosratudewāgung, hodakkuñitengawinang, tityanggading, kĕcudkuningpakantĕnan. duwĕgsanñahimakanda, pangandikanrājaputri, matimpalhasingtakonang, tongkĕjilñahimasahut, subahadunghajakdadwa, sinaḥñahi, [20 20A] 20 patuḥdayatakĕḥhicang. durungpuputmararasan, mensangkolsagetmacĕlig, mātūr̀sisipmanawĕgang, sotaningtityangkahutus, ngaturincokoridewa, ngalunganin, ringbalehagĕngmacingak. sĕdĕkmakār̀yyasanga nan, robanpadukwanesami, kewantĕncokoridewa, hirikāsar̥ĕngmalungguḥ, ngaksyisangngaturanghayaḥ, hagunghalit, lamakan'girangmakār̀yya. sakenghibyangngutusang, tityangmakāwinantangkil, ngaturincokori‐ dewa, rājaputriledangtĕdun, ngaksyihanakemakār̀yya, hĕluḥmwani, wentĕnsar̥ĕngkāliḥdaśa. ‐masĕrottĕdunsangngayaḥ, karawuhanrājaputri, madhewatihagemĕndak, rājaputriwusmalungguḥ, mesĕmhidamawacana, brayawar̀ggi, mĕnekanhajakmakĕjang. lahutangdongmagarapan, sangngayaḥkĕndĕlmiragi, matanganannunaslu‐gra, kalugramaliḥmabriyuk, hepotmakār̀yyasanganan, rājaputri, sadacucudmanakenang. hawinansaratmakār̀‐

Leaf 20

Image on Archive.org

[᭒᭐ 20B] ᭒᭐ ᬬ᭄ᬬ᭞ᬲᬗᬦᬦ᭄ᬳᬗ᭄ᬕᬾᬦ᭄ᬧᬸᬦᬧᬶ᭞ᬫᬥᬾᬯᬢᬶᬫᬵᬢᬹᬃᬳᬮᭀᬦ᭄᭞ᬤᭀᬂᬗᬸᬤᬳᬶᬭᬢᬸᬢᬦ᭄ᬤ᭄ᬭᬸᬄ᭞ᬩᬶᬦ᭄ᬢᭂᬮᬸᬦ᭄ᬧᬘᬂᬳᭀᬤᬮᬦ᭄᭞ᬰᬭᬰ᭄ᬯᬢᬶ᭞ᬲᬓᬾᬂᬫᬗ᭄ᬓᬶᬦ᭄ᬧᬵᬢᬹᬢ᭄ᬧ᭄ᬭᬤᬂ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬫᬵᬢᬹᬃᬦᬶᬫ᭄ᬩᬮ᭄᭞ᬫᬦᬯᬶᬭᬢᬸᬢᬦ᭄ᬳᬸᬦᬶᬂ᭞ᬳᬶᬦ᭄ᬤᬶᬓ᭄ᬗᬢᬸᬭᬂᬧᬶᬳᭀ ᬤᬮ᭄᭞ᬰᬭᬰ᭄ᬯᬢᬶᬫᬬᬸᬳᬬᬸ᭞ᬭᬵᬚᬧᬸᬢ᭄ᬭᬶᬳᬕᬾᬦᬶᬫ᭄ᬩᬮ᭄᭞ᬲᬚᬦᬶᬦᬶ᭞ᬢᬶᬢ᭄ᬬᬂᬢᭀᬦ᭄ᬤᬾᬦ᭄ᬢᬢᬲ᭄ᬦᬯᬂ᭟ᬋᬡᬦᬶᬦᬶᬫᬶᬤᬃᬢ᭄ᬣᬬᬂ᭞ᬳᬧᬂᬤᬦᬦ᭄ᬤᬤᬶᬕᬧᬶ᭞ᬲᬂᬗᬬᬄᬲᬫᬶᬦᬯᭂᬕᬂ᭞ᬳᬢᬸᬭᬾᬩ᭄ᬭ᭄ᬬᬸᬓ᭄ᬲᬧᬗ᭄ᬕᬸᬮ᭄᭞ᬤᬸᬭᬸᬲᬂᬳᬸᬕᬶᬯᭂᬤᬭᬂ᭞ᬫᬗ᭄ᬤᬾᬳᬸᬦᬶᬂ᭞ᬲᬋᬂ ᬲᬫᬶᬫᬸᬂᬧᬸᬂᬗᬬᬄ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬓᬾᬦᬾᬓᬮᬶᬗᬦᬾᬗᬹᬦᬶ᭞ᬓᭀᬘᬧ᭄ᬤᬗ᭄ᬳ᭄ᬬᬂᬲᬶᬤ᭄ᬥᬶᬫᬦ᭄ᬢ᭄ᬭ᭞ᬤᬯᭂᬕ᭄ᬳᬶᬤᬗᬶᬘ᭄ᬙᬾᬦ᭄ᬢᬸᬢᬸᬭ᭄᭞ᬭᬶᬂᬲᬂᬯᬶᬓᬹᬫᬧᬲᬾᬗᬦ᭄᭞ᬥᬃᬫ᭄ᬫᬲᬶᬤ᭄ᬥᬶ᭞ᬲᬹᬓ᭄ᬱᭂᬫᬦᬶᬂᬯᬭᬯᬭᬄ᭟ᬯᬾᬦ᭄ᬢᭂᬦ᭄ᬋᬓᬾᬓᬢᬸᬢᬸᬭᬦ᭄᭞ᬭᬵᬚᬋ ᬱᬶᬲᬦᬾᬗᬹᬦᬶ᭞ᬫᬧᬲᬾᬗᬦ᭄ᬕᬶᬭᬷᬰ᭄ᬯᬭ᭞ᬫᬤ᭄ᬯᬾᬧᬢᬶᬄᬧᬶᬢᬸᬮᬶᬓᬸᬃ᭞ᬫᬭᬶᬂᬕᬸᬦᬸᬂᬳᬶᬫᬮᬬ᭞ᬜᬓ᭄ᬭᬯᬃᬢ᭄ᬢᬶ᭞ᬭᬢᬸᬯᬶ᭠ᬪᬹᬄᬦᬶᬦ᭄ᬤ᭄ᬬᬾᬂᬲᬭᬵᬢ᭄᭟ᬧᬧᬢᬶᬄᬳᬶᬤᬲᬂᬦᬵᬣ᭞ᬩᬘᬓ᭄ᬫᬗ᭄ᬓᬶᬦ᭄ᬲᬶᬓᬶᬲᬶᬓᬶ᭞ᬫᬯᬵᬱ᭄ᬝᬲᬂᬓᬸᬮᬤᬾᬯ᭞ᬫᬤᭂᬕ᭄ᬫᬭᬶᬂᬧᬲᬸᬢ᭄ᬭᬦᬸ᭞ᬲᬂᬭᬵ [᭒᭑ 21A] ᭒᭑ ᬚᬢᬮᬸᬓᬮᬯᬦ᭄᭞ᬫᬳᬵᬧᬢᬶᬄ᭞ᬲᬂᬫᬺᬢ᭄ᬣᬪ᭄ᬯᬦᬧᬲᬾᬗᬦ᭄᭟ᬫᬤᭂᬕ᭄ᬭᬶᬂᬫᬺᬕᬯᬶᬚᬬ᭞ᬲᬋᬂᬇᬭᬶᬓᬵᬫᬢᬶ᭠ᬳᬶᬦ᭄᭞ᬫᬓᬵᬤᬶᬲᬂᬯᬭᬶᬓ᭄ᬱᬬ᭞ᬗᬫᭂᬮᬂᬚᬕᬢ᭄ᬭᬶᬂᬩᬺᬕᬸ᭞ᬓᬵᬮᬶᬄᬲᬂᬯᬭᬶᬯᬶᬱᬬ᭞ᬫᬤᭂᬕ᭄ᬧᬢᬶᬄ᭞ᬫᬭᬶᬂᬯᬕᬤ᭄ᬬᬲ᭄ᬯᬭ᭟ᬫᬮᬶᬄ᭠ ᬲᬂᬚᬸᬮᬸᬂᬓᬳᬸᬘᬧ᭄᭞ᬗᭂᬭᬾᬄᬧᬜ᭄ᬚᬓ᭄ᬫᬤᭂᬕ᭄ᬧᬢᬶᬄ᭞ᬭᬶᬂᬚᬕᬢ᭄ᬲᭂᬓᬃᬓᬜ᭄ᬘᬦ᭞ᬲᬂᬲᬸᬂᬲᬂᬢᬬᬓᬯᬸᬯᬸᬲ᭄᭞ᬫᬤᭂᬕ᭄ᬧᬢᬶᬄᬭᬶᬂᬲᬸᬕ᭄ᬭᬳ᭞ᬫᬶᬦᬓᬵᬤᬶ᭞ᬲᬂᬤᬸᬗᬸᬮᬦ᭄‌ᬬᬦ᭄ᬢᬓᭀᬘᬧ᭄᭟ᬫᬢᬶᬳᬶᬦ᭄ᬭᬶᬂᬢᬸᬗ᭄ᬕᬸᬮ᭄‌ᬪ᭄ᬯᬦ᭞ᬲᬂᬧᬸᬱ᭄ᬧᬶᬢᬋᬓᬾᬫᬮᬶᬄ᭞ᬫ ᬤᭂᬕ᭄ᬧᬢᬶᬄᬭᬶᬂᬚᬦᬭ᭞ᬲᬂᬮᬗ᭄ᬓᬶᬃᬓᭀᬘᬧ᭄ᬫᬮᬸᬗ᭄ᬕᬸᬄ᭞ᬭᬶᬂᬮᬓᬫᬡᬶᬓ᭄‌ᬦᬵᬕᬭ᭞ᬫᬫᬢᬶᬳᬶᬦ᭄᭞ᬫᬓᬵᬤᬶᬲᬂ᭠ᬫᭂᬤᬂᬲ᭄ᬬ‌᭟ᬭᬶᬂᬧᬤᬧᬦ᭄ᬧᭂᬝᬓ᭄ᬓᭀᬘᬧ᭄᭞ᬇᬭᬶᬓᬵᬋᬓᬾᬫᬢᬶᬳᬶᬦ᭄᭞ᬲᬂᬧᬸᬚᬸᬢ᭄ᬫᬭᬶᬂᬧᬸᬚᬶᬗ᭄ᬕ᭞ᬫᬤᭂᬕ᭄ᬓᬾᬗᬶᬦ᭄ᬧᬢᬶᬄᬳᬕᬸᬂ᭞ᬯᬾ ᬦ᭄ᬫᬧᬭᬩ᭄ᬲᬂᬧᬳᬂ᭞ᬫᬤᭂᬕ᭄ᬧᬢᬶᬄ᭞ᬫᬭᬶᬂᬚᬕᬢ᭄ᬧᬗ᭄ᬓᬸᬯᬃᬱ᭟ᬫᬮᬶᬄᬲᬂᬓ᭄ᬭᬸᬮᬸᬢ᭄‌ᬓᬳᬸᬘᬧ᭄᭞ᬭᬶᬂᬭᬸᬭᬹᬓ᭄ᬕᬡ᭄ᬥᬫᬢᬶᬳᬶᬦ᭄᭞ᬫᬶᬦᬓᬵᬤᬶᬲᬂᬫ᭄ᬭᬂᬲᬶᬗ᭄ᬳ᭞ᬫᬭᬶᬂᬲᬫᬶᬭᬂᬫᬯᬸᬗ᭄ᬕᬸᬄ᭞ᬫᬤᭂᬕ᭄ᬧᬢᬶᬄᬗᭀᬤᬕ᭄ᬧᬜ᭄ᬚᬓ᭄᭞ᬯᬾᬦ᭄ᬢᭂᬦ᭄ᬫᬮᬶᬄ᭞ᬲᬂᬢᬫ᭄ᬩᬶᬃᬲᬦᬾᬓ

Auto-transliteration

[20 20B] 20 yya, sangananhanggenpunapi, madhewatimātūr̀halon, dongngudahiratutandruḥ, bintĕlunpacanghodalan, śaraśwati, sakengmangkinpātūtpradang. dukuḥhistrimātūr̀nimbal, manawiratutanhuning, hindikngaturangpiho dal, śaraśwatimayuhayu, rājaputrihagenimbal, sajanini, tityangtondentatasnawang. r̥ĕṇaninimidar̀tthayang, hapangdanandadigapi, sangngayaḥsaminawĕgang, haturebryuksapanggul, durusanghugiwĕdarang, mangdehuning, sar̥ĕng samimungpungngayaḥ. dukuḥhistrikĕñĕmnimbal, kenekalinganengūni, kocapdanghyangsiddhimantra, dawĕg'hidangicchentutur, ringsangwikūmapasengan, dhar̀mmasiddhi, sūksyĕmaningwarawaraḥ. wentĕnr̥ĕkekatuturan, rājar̥ĕ syisanengūni, mapasengan'girīśwara, madwepatiḥpitulikur̀, maringgununghimalaya, ñakrawar̀tti, ratuwi‐bhūḥnindyengsarāt. papatiḥhidasangnātha, bacakmangkinsikisiki, mawāṣṭasangkuladewa, madĕgmaringpasutranu, sangrā [21 21A] 21 jatalukalawan, mahāpatiḥ, sangmr̥ĕtthabhwanapasengan. madĕgringmr̥ĕgawijaya, sar̥ĕngirikāmati‐hin, makādisangwarikṣaya, ngamĕlangjagatringbr̥ĕgu, kāliḥsangwariwiṣaya, madĕgpatiḥ, maringwagadyaswara. maliḥ‐ sangjulungkahucap, ngĕreḥpañjakmadĕgpatiḥ, ringjagatsĕkar̀kañcana, sangsungsangtayakawuwus, madĕgpatiḥringsugraha, minakādi, sangdungulanyantakocap. matihinringtunggulbhwana, sangpuṣpitar̥ĕkemaliḥ, ma dĕgpatiḥringjanara, sanglangkir̀kocapmalungguḥ, ringlakamaṇiknāgara, mamatihin, makādisang‐mĕdangsya. ringpadapanpĕṭakkocap, irikār̥ĕkematihin, sangpujutmaringpujingga, madĕgkenginpatiḥhagung, we nmaparabsangpahang, madĕgpatiḥ, maringjagatpangkuwar̀ṣa. maliḥsangkrulutkahucap, ringrurūkgaṇdhamatihin, minakādisangmrangsingha, maringsamirangmawungguḥ, madĕgpatiḥngodagpañjak, wentĕnmaliḥ, sangtambir̀saneka

Leaf 21

Image on Archive.org

[᭒᭑ 21B] ᭒᭑ ᬮᭀᬓ᭟ᬭᬶᬂᬓᬯᬶᬭᬶᬗᭀᬤᬕ᭄ᬧᬜ᭄ᬚᬓ᭄᭞ᬇᬭᬶᬓᬵᬤᬦᬾᬫᬢᬶᬳᬶᬦ᭄᭞ᬫᬓᬵᬤᬶᬲᬂᬫᭂᬤᬗ᭄ᬓᬸᬱ᭞ᬓᭀᬘᬧ᭄ᬫᬤᭂᬕ᭄ᬧᬢᬶᬄᬳᬕᬸᬂ᭞ᬭᬶᬂᬚᬕᬢ᭄ᬓᬸᬲ᭄ᬬᬦᬵᬕᬭ᭞ᬫᬶᬦᬓᬵᬤᬶ᭞ᬲᬂᬫᬢᬮ᭄ᬋᬓᬾᬧᬲᬾᬗᬦ᭄᭟ᬫᬤᭂᬕ᭄ᬧᬢᬶᬄᬭᬶᬂᬫᬦ᭄ᬢᬮ᭞ᬲᬂᬉᬬᬾᬓᭀᬘᬧ᭄ᬫ᭠ ᬢᬶᬳᬶᬦ᭄᭞ᬫᬭᬶᬂᬚᬕᬢ᭄ᬧᬤᭂᬗᭂᬦᬦ᭄᭞ᬫᬮᬶᬄᬯᬾᬦ᭄ᬢᭂᬦ᭄ᬦᬾᬓᬯᬸᬯᬸᬲ᭄᭞ᬓᭀᬘᬧ᭄ᬲᬂᬫᬦᬿᬮ᭄ᬚᬮ᭞ᬫᬤᭂᬕ᭄ᬧᬢᬶᬄ᭞ᬫᬭᬶᬂᬚᬕᬢ᭄ᬓᬭᬂᬗᬶᬚᬮ᭄᭟ᬧᬸᬦᬶᬓᬲᬂᬧᭂᬭᬂᬚᬕᬢ᭄᭞ᬭᬶᬂᬧᬗᬸᬦ᭄ᬤᬭᬦ᭄ᬫᬢᬶᬳᬶᬦ᭄᭞ᬯᬾᬦ᭄ᬢᭂᬦ᭄ᬫᬮᬶᬄᬫᬧᬲᬾᬗᬦ᭄᭞ᬲᬂᬫᬳᬵᬚᬦᬓᬯᬸᬯᬸ᭠ ᬲ᭄᭞ᬓᭀᬘᬧ᭄ᬫᬭᬶᬂᬩᬮᬶᬦ᭄ᬤᬸᬗᬦ᭄᭞ᬫᬤᭂᬕ᭄ᬧᬢᬶᬄ᭞ᬇᬭᬶᬓᬵᬗᬫᭂᬮᬂᬚᬕᬢ᭄᭟ᬲᬂᬯᬷᬭᬉᬕᬸᬄᬓᬳᬸᬘᬧ᭄᭞ᬫᬤᭂᬕ᭄ᬧᬢᬶᬄᬫᬗ᭄ᬓᬸᬩᬸᬫᬶ᭞ᬭᬶᬂᬚᬕᬢ᭄ᬕᬡ᭄ᬥᬯᬶᬭᬦ᭞ᬲᬂᬭᬶᬗ᭄ᬕᬶᬫᬮᬶᬄᬓᬯᬸᬯᬸᬲ᭄᭞ᬭᬶᬂᬕᬶᬢᬧ᭄ᬲᬭᬶᬫᬗ᭄ᬕᬮ᭞ᬫᬤᭂᬕ᭄ᬧᬢᬶᬄ᭞ᬲᬂᬓᬸᬮᬯᬸᬄᬬᬦ᭄ᬢᬓᭀ ᬘᬧ᭄᭟ᬫᬤᭂᬕ᭄ᬧᬢᬶᬄᬭᬶᬂᬲᬸᬫᬶᬭᬂ᭞ᬓᬤᬶᬦᬶᬓᬫᬓᬲᬫᬶ᭞ᬭᬵᬚᬧᬸᬢ᭄ᬭᬶᬫᬗᬦ᭄ᬤᬶᬓ᭞ᬩᭀᬬᬯᬾᬦ᭄ᬢᭂᬦ᭄ᬧᬶᬢᬸᬮᬶᬓᬸᬃ᭞ᬯᬯᬸᬲᬮᬳᬾᬫᬯᬶᬮᬂ᭞ᬫᬥᬾᬯᬢᬶ᭞ᬫᬵᬢᬹᬢᬂᬳᬶᬤᬳᬶᬳᬦᬓ᭄᭟ᬤᬸᬓᬸᬄᬳᬶᬲ᭄ᬢ᭄ᬭᬶᬦᭀᬭᬧᬜ᭄ᬚᬂ᭞ᬳᬶᬗ᭄ᬕᬶᬄᬓᬶᬭᬗᬦ᭄ᬓᬓᬵᬮᬶᬄ᭞ᬓ [᭒᭒ 22A] ᭒᭒ ᬤᬶᬦᬶᬓᬭᬶᬂᬘᬓᭂᬧᬦ᭄᭞ᬫᬸᬗ᭄ᬕᬸᬄᬳᬦᬓᬕᬸᬂᬳᬬᬸ᭞ᬦᬾᬜᬦᬦ᭄ᬫᬮᬶᬄᬩᬯᭀᬲᬂ᭞ᬩᭀᬬᬧᬗ᭄ᬕᬶᬄ᭞ᬓᬲᬶᬗ᭄ᬲᬮ᭠ᬦ᭄ᬧᬯᬶᬮᬗᬦ᭄᭟ᬤᬸᬄᬦᬶᬦᬶᬩᭂᬘᬶᬓ᭄ᬮᬦ᭄ᬢᬸᬭᬂ᭞ᬧᬗᬦ᭄ᬤᬶᬓᬦ᭄ᬭᬵᬚᬧᬸᬢ᭄ᬭᬶ᭞ᬦᬾᬜᬦᬦ᭄ᬫᬮᬶᬄᬕᬸᬚᭂᬕᬂ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬦᬶᬫ᭄ᬩᬮ᭄ᬫᬵᬢᬸᬭ᭄᭞ᬲᬭᬮᬾ ᬤᬂᬧᬓᬬᬸᬦᬦ᭄᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄᭞ᬮᬦ᭄ᬢᬸᬭᬂᬲᬢ᭄ᬯᬧᬸᬦᬶᬓ᭟ᬭᬶᬂᬚᬕᬢ᭄ᬚᬮᬲᬗ᭄ᬕᬭ᭞ᬯᬾᬦ᭄ᬢᭂᬦ᭄ᬋᬓᬾᬭᬵᬚᬋᬱᬶ᭞ᬤᬗ᭄ᬳ᭄ᬬᬂᬓᬸᬮᬕᬶᬭᬶᬓᭀᬘᬧ᭄᭞ᬧᬲᬾᬗᬦ᭄ᬳᬶᬤᬲᬂᬧ᭄ᬭᬪᬹ᭞ᬳᬶᬤᬫᬤ᭄ᬯᬾᬭᬩᬶᬓᬭᭀ᭞ᬦᬾᬳᬲᬶᬓᬶ᭞ᬫᬧᬲᬾᬗᬦ᭄ᬤᬾᬯᬶᬲᬶᬦ᭄ᬢ᭟ᬳᭀᬓ ᬦ᭄ᬤᬗ᭄ᬳ᭄ᬬᬂᬕᬤᬷᬰ᭄ᬯᬭ᭞ᬭᬩᬶᬦᬾᬫᬮᬶᬄᬳᬲᬶᬓᬶ᭞ᬤᬾᬯᬶᬮᬡ᭄ᬥᭂᬧ᭄‌ᬧᬭᬩ᭄ᬳᬶᬤ᭞ᬓᬳᭀᬓᬳᬦ᭄ᬢᬸᬓ᭄ᬲᬂᬧ᭄ᬭᬪᬹ᭞ᬤᬗ᭄ᬳ᭄ᬬᬂᬧᬰᬹᬧᬢᬶᬗᬭᬦ᭄᭞ᬭᬵᬚᬋᬱᬶ᭞ᬫᬤᭂᬕ᭄ᬫᬭᬶᬂᬓᬸᬡ᭄ᬥᬤ᭄ᬯᬷᬧ᭟ᬕᭂᬮᬶᬲ᭄ᬫᬗ᭄ᬓᬶᬦ᭄ᬘᬭᬶᬢᬬᬂ᭞ᬤᬾᬯᬶᬲᬶᬦ᭄ᬢᬫᬾᬄᬕᬃᬩ᭄ᬪᬶᬦᬶ᭞ᬢᬹᬃᬲᬵᬫ᭄ᬧᬸᬦ᭄ᬢᬸᬢᬸᬕ᭄ᬯᬸᬮ ᬦᬦ᭄᭞ᬳᭂᬫ᭄ᬩᬲ᭄ᬩᭀᬩᭀᬢᬦᬾᬲᬵᬫ᭄ᬧᬸᬦ᭄᭞ᬳᬦᬓᬾᬳᬮᬶᬢ᭄ᬢᬹᬃᬮᬦᬂ᭞ᬓᬧᬭᬩᬶᬦ᭄‌᭞ᬲᬶᬚᬩᬂᬩᬬᬶᬳᬶᬳᬦᬓ᭄᭟ᬳᬗ᭄ᬕᬦ᭄ᬳᬶᬤᬓᬪᬶᬦᬯ᭞ᬳᬕᭃᬂᬢᬹᬃᬧᬜ᭄ᬚᬂᬗᬗᭀᬩᬶᬦ᭄᭞ᬤᬂᬳ᭄ᬬᬂᬓᬸᬮᬕᬶᬭᬶᬓᬾᬲᬄ᭞ᬮᬸᬗ᭄ᬳᬫᬢᬧᬓᬕᬸᬦᬸᬂ᭞ᬲᬶᬚᬩᬂ᭠

Auto-transliteration

[21 21B] 21 loka. ringkawiringodagpañjak, irikādanematihin, makādisangmĕdangkuṣa, kocapmadĕgpatiḥhagung, ringjagatkusyanāgara, minakādi, sangmatalr̥ĕkepasengan. madĕgpatiḥringmantala, sanguyekocapma‐ tihin, maringjagatpadĕngĕnan, maliḥwentĕnnekawuwus, kocapsangmanailjala, madĕgpatiḥ, maringjagatkarangngijal. punikasangpĕrangjagat, ringpangundaranmatihin, wentĕnmaliḥmapasengan, sangmahājanakawuwu‐ s, kocapmaringbalindungan, madĕgpatiḥ, irikāngamĕlangjagat. sangwīra'uguḥkahucap, madĕgpatiḥmangkubumi, ringjagatgaṇdhawirana, sangringgimaliḥkawuwus, ringgitapsarimanggala, madĕgpatiḥ, sangkulawuḥyantako cap. madĕgpatiḥringsumirang, kadinikamakasami, rājaputrimangandika, boyawentĕnpitulikur̀, wawusalahemawilang, madhewati, mātūtanghidahihanak. dukuḥhistrinorapañjang, hinggiḥkirangankakāliḥ, ka [22 22A] 22 dinikaringcakĕpan, mungguḥhanakagunghayu, neñananmaliḥbawosang, boyapanggiḥ, kasingsala‐npawilangan. duḥninibĕciklanturang, pangandikanrājaputri, neñananmaliḥgujĕgang, dukuḥhistrinimbalmātur, sarale dangpakayunan, hinggiḥmangkin, lanturangsatwapunika. ringjagatjalasanggara, wentĕnr̥ĕkerājar̥ĕsyi, danghyangkulagirikocap, pasenganhidasangprabhū, hidamadwerabikaro, nehasiki, mapasengandewisinta. hoka ndanghyanggadīśwara, rabinemaliḥhasiki, dewilaṇdhĕpparab'hida, kahokahantuksangprabhū, danghyangpaśūpatingaran, rājar̥ĕsyi, madĕgmaringkuṇdhadwīpa. gĕlismangkincaritayang, dewisintameḥgar̀bbhini, tūr̀sāmpuntutugwula nan, hĕmbasbobotanesāmpun, hanakehalittūr̀lanang, kaparabin, sijabangbayihihanak. hangganhidakabhinawa, hagöngtūr̀pañjangngangobin, danghyangkulagirikesaḥ, lunghamatapakagunung, sijabang‐

Leaf 22

Image on Archive.org

[᭒᭒ 22B] ᭒᭒ ᬬᬶᬓᬢᬶᬗ᭄ᬕᬮ᭄᭞ᬓᬦ᭄ᬢᬸᬦ᭄ᬳᬮᬶᬢ᭄᭞ᬓᬳᭂᬫ᭄ᬩᬦ᭄ᬳᬦ᭄ᬢᬸᬓ᭄ᬳᬶᬩᬶᬬᬂ᭟ᬢᬦ᭄ᬓᬘᬭᬶᬢᬲᬂᬮᬸᬗ᭄ᬳ᭞ᬓᭀᬘᬧᬦ᭄ᬲᬶᬚᬩᬂᬩᬬᬶ᭞ᬫᬫᬾᬢᬦᬕᬶᬄᬳᬚᭂᬗᬦ᭄᭞ᬤᬾᬯᬶᬲᬶᬦ᭄ᬢᬲᭂᬤᭂᬓ᭄ᬗᬭᬸ᭞ᬲᬶᬚᬩᬂᬩᬬᬶᬫᬕᬸᬬᬂ᭞ᬲᭂᬤ᭄ᬲᭂᬤ᭄ᬦᬗᬶᬲ᭄᭞ᬤᬸᬓᬵᬳᬶᬤᬤᬾᬯᬶᬲᬶᬦ᭄ᬢ᭟ᬲ ᬳᬲᬗᭂᬩᬸᬕ᭄ᬳᬶᬳᬦᬓ᭄᭞ᬳᬦ᭄ᬢᬸᬓ᭄ᬲᬶᬬᬸᬢ᭄ᬚᬦ᭄ᬢᭀᬲ᭄ᬓᬦᬶᬦ᭄᭞ᬫᭂᬤᬮ᭄ᬳᭂᬭᬄᬢᬦ᭄ᬧᭂᬕᬢᬦ᭄᭞ᬫᬓᬘᬓᬦ᭄ᬲᬓᬾᬂᬧ᭄ᬭᬪᬹ᭞ᬲᬶᬚᬩᬂᬩᬬᬶᬤᬸᬄᬓᬶᬢ᭞ᬢᬹᬃᬫᬧᬫᬶᬢ᭄᭞ᬭᬶᬂᬳᬶᬩᬶᬬᬂᬤᬾᬯᬶᬲᬶᬦ᭄ᬢ᭟ᬫᬓᬯᭀᬦ᭄ᬦᬶᬗ᭄ᬕᬮ᭄ᬦᬵᬕᬭ᭞ᬲᬶᬚᬩᬂᬩᬬᬶᬦᬾᬫᬗ᭄ᬓᬶᬦ᭄᭞᭠ ᬢᬦ᭄ᬓᭀᬘᬧᬦ᭄ᬤᬾᬯᬶᬲᬶᬦ᭄ᬢ᭞ᬳᬦᬓᬾᬳᬮᬶᬢ᭄ᬓᬯᬸᬯᬸᬲ᭄᭞ᬓᬮᬧᬸᬮᬧᬸᬫᬫᬵᬃᬕ᭄ᬕ᭞ᬲᬳᬦᬗᬶᬲ᭄᭞ᬜᬸᬲᬸᬧ᭄ᬫᬭᬶᬂ᭠ᬕᬸᬦᬸᬂᬳᬮᬲ᭄᭟ᬓᬜ᭄ᬘᬶᬢ᭄ᬧᬗ᭄ᬕᬶᬄᬩᬢᬸᬮᬸᬫ᭄ᬩᬂ᭞ᬇᬭᬶᬓᬵᬳᬶᬤᬫᬮᬶᬗ᭄ᬕᬶᬄ᭞ᬲᬶᬚᬩᬂᬩᬬᬶᬫᬢᬧ᭞ᬭᬶᬂᬢᬗ᭄ᬕᬸᬦ᭄ᬚᬕᬢᬾᬓᬯᬸᬄ᭞ᬫᬫᭂ ᬕᭂᬂᬓᬤᬶᬧ᭄ᬭᬢᬶᬫ᭞ᬲᬵᬫ᭄ᬧᬸᬦ᭄ᬮᬫᬶ᭞ᬲᬯᬢᬭᬧᬢᬂᬫᬲ᭟ᬢᭂᬤᬸᬦ᭄ᬳᬶᬤᬲᬗ᭄ᬳ᭄ᬬᬂᬰᬶᬯ᭞ᬮᬄᬓᬶᬢᬲᬶᬚᬩᬂᬩᬬᬶ᭞ᬫᬦᬶᬭᬗᭂᬦ᭄ᬢᭀᬲᬶᬦ᭄ᬳᬤᬦ᭄᭞ᬦᬾᬚᬦᬶᬲᬂᬯᬢᬸᬕᬸᬦᬸᬂ᭞ᬚᬮᬭᬦ᭄ᬧᬕᭂᬄᬫᬢᬧ᭞ᬓᬤᬶᬕᬶᬭᬶ᭞ᬚᬦᬶᬳᬧᬮᬓᬃᬢᬸᬦᬲ᭄᭟ᬲᬂᬯᬢᬸ᭠ [᭒᭓ 23A] ᭒᭓ ᬕᬸᬦᬸᬂᬦᬯᭂᬕᬂ᭞ᬬᬦᬶᬂᬯᬦ᭄ᬢᬄᬓᬧᬶᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬦᬸᬦᬲ᭄ᬓᬯᬶᬪᬯᬦ᭄᭞ᬜᬓ᭄ᬭᬥᬮᬫᬤᭂᬕ᭄ᬳᬕᬸᬂ᭞ᬳ᭄ᬬᬂᬰᬶᬯᬳᬲᬸᬂᬮᬸ᭠ᬕ᭄ᬭᬳ᭞ᬯᭂᬦᬂᬘᬳᬶ᭞ᬫᬤᭂᬕ᭄ᬳᬕᬸᬂᬗᭀᬤᬕ᭄ᬧᬜ᭄ᬚᬓ᭄᭟ᬫᭀᬕᬧᬶᬢᬸᬮᬶᬓᬹᬃᬚᬕᬢ᭄᭞ᬧ᭄ᬭᬲᬶᬤ᭄ᬥᬓᬮᬳᬂᬘᬳᬶ᭞ᬢᬦ᭄ᬫᬵᬢᬶᬤᬾᬦᬶᬂᬲᬜ᭄ᬚ᭠ ᬢ᭞ᬲᬯᬢᭂᬓ᭄ᬫᬵᬦᬸᬱᬦᬸᬗ᭄ᬓᬸᬮ᭄᭞ᬳᬧᬶᬳᬗᬶᬦ᭄ᬫᬶᬯᬄᬢᭀᬬ᭞ᬢᭀᬂᬫᬶᬕ᭄ᬭᬦᬶᬦ᭄᭞ᬓᬵᬮᬦᬶᬂᬘᬳᬶᬫᬲᬶᬬᬢ᭄᭟ᬲᬂᬯ᭠ᬢᬸᬕᬸᬦᬸᬂᬦᬸᬦᬲᬂ᭞ᬲᬶᬗ᭄ᬕᬶᬄᬪᬝᬵᬭᬭᬶᬂᬦᬧᬶ᭞ᬫᬕᭂᬦᬄᬓᬧᬢ᭄ᬬᬦ᭄ᬢᬶᬢ᭄ᬬᬂ᭞ᬪᬝᬵᬭᬰᬶᬯᬫᬲᬳᬸᬭ᭄᭞ᬬᬾᬦ᭄ᬳᬤᬯᬢᭂᬓ᭄ᬯᬶᬰᬾᬱ᭞ᬗᭂᬧᬾᬢ᭄ᬧ᭠ ᬢᬶ᭞ᬯᬶᬱᬬᬫᬢ᭄ᬭᬶᬯᬶᬓ᭄ᬭᬫ᭟ᬫᬫᬹᬃᬢ᭄ᬢᬶᬫᬳᬸᬮᬸᬳᭂᬫ᭄ᬧᬲ᭄᭞ᬦᬾᬯᭂᬦᬂᬗᬮᬳᬂᬘᬳᬶ᭞ᬫᬲᬜ᭄ᬚᬢᬧᬜ᭄ᬘᬦᬓ᭞ᬚᬮ᭠ᬭᬦ᭄ᬓᬯᭂᬓᬲ᭄ᬮᬫ᭄ᬧᬸᬲ᭄᭞ᬢᬸᬫᬸᬮᬶᬪᬝᬵᬭᬰᬶᬯ᭞ᬫᬗᬯᭀᬦᬶᬦ᭄᭞ᬲᬂᬯᬢᬸᬕᬸᬦᬸᬂᬲᬓ᭄ᬱᬡ᭟ᬲᬲᬵᬫ᭄ᬧᬸᬦ᭄ᬪᬝᬵᬭᬰᬶᬯ᭞ᬫᬮᬾᬘ᭄ᬙᬦᭀ ᬭᬓᬧᬗ᭄ᬕᬶᬄ᭞ᬦᬾᬫᬗ᭄ᬓᬶᬦ᭄ᬫᬮᬶᬄᬳᬸᬘᬧᬂ᭞ᬧᬫᬵᬃᬕ᭄ᬕᬦ᭄ᬲᬂᬯᬢᬸᬕᬸᬦᬸᬂ᭞ᬗᬸᬗ᭄ᬲᬶᬕᬸᬦᬸᬂᬳᬶᬫᬮᬬ᭞ᬦᬸᬮᬶᬧᬗ᭄ᬕᬶᬄ᭞ᬧᬯᬾ᭠ᬲ᭄ᬢ᭄ᬭᬶᬲᭂᬤᭂᬓ᭄ᬫᬲᬶᬭᬫ᭄᭟ᬯᬲ᭄ᬢᬸᬳᬶᬤᬓᬮᬸᬮᬸᬢᬦ᭄᭞ᬫ᭄ᬭᬓᭀᬲᬳᬦᬓᬾᬳᬶᬲ᭄ᬢ᭄ᬭᬶ᭞ᬤᬸᬭᬸᬲ᭄ᬫᬕᬸᬚᭂᬕ᭄ᬕᬸᬚᭂᬕᬦ᭄᭞ᬲᬦᬾᬫ᭄ᬯᬦᬶᬳᬕᬾᬭ

Auto-transliteration

[22 22B] 22 yikatinggal, kantunhalit, kahĕmbanhantuk'hibiyang. tankacaritasanglungha, kocapansijabangbayi, mametanagiḥhajĕngan, dewisintasĕdĕkngaru, sijabangbayimaguyang, sĕdsĕdnangis, dukāhidadewisinta. sa hasangĕbug'hihanak, hantuksiyutjantoskanin, mĕdalhĕraḥtanpĕgatan, makacakansakengprabhū, sijabangbayiduḥkita, tūr̀mapamit, ringhibiyangdewisinta. makawonninggalnāgara, sijabangbayinemangkin, ‐ tankocapandewisinta, hanakehalitkawuwus, kalapulapumamār̀gga, sahanangis, ñusupmaring‐gununghalas. kañcitpanggiḥbatulumbang, irikāhidamalinggiḥ, sijabangbayimatapa, ringtanggunjagatekawuḥ, mamĕ gĕngkadipratima, sāmpunlami, sawatarapatangmasa. tĕdunhidasanghyangśiwa, laḥkitasijabangbayi, manirangĕntosinhadan, nejanisangwatugunung, jalaranpagĕḥmatapa, kadigiri, janihapalakar̀tunas. sangwatu‐ [23 23A] 23 gunungnawĕgang, yaningwantaḥkapisinggiḥ, tityangnunaskawibhawan, ñakradhalamadĕg'hagung, hyangśiwahasunglu‐graha, wĕnangcahi, madĕg'hagungngodagpañjak. mogapitulikūr̀jagat, prasiddhakalahangcahi, tanmātideningsañja‐ ta, sawatĕkmānuṣanungkul, hapihanginmiwaḥtoya, tongmigranin, kālaningcahimasiyat. sangwa‐tugunungnunasang, singgiḥbhaṭāraringnapi, magĕnaḥkapatyantityang, bhaṭāraśiwamasahur, yenhadawatĕkwiśeṣa, ngĕpetpa‐ ti, wiṣayamatriwikrama. mamūr̀ttimahuluhĕmpas, newĕnangngalahangcahi, masañjatapañcanaka, jala‐rankawĕkaslampus, tumulibhaṭāraśiwa, mangawonin, sangwatugunungsakṣaṇa. sasāmpunbhaṭāraśiwa, malecchano rakapanggiḥ, nemangkinmaliḥhucapang, pamār̀ggansangwatugunung, ngungsigununghimalaya, nulipanggiḥ, pawe‐strisĕdĕkmasiram. wastuhidakalulutan, mrakosahanakehistri, durusmagujĕggujĕgan, sanemwanihagera

Leaf 23

Image on Archive.org

[᭒᭓ 23B] ᭒᭓ ᬯᬸᬄ᭞ᬲᬂᬯᬢᬸᬕᬸᬦᬸᬂᬓᬧᬭᬕ᭄᭞ᬓᬚᬕᬸᬭᬶᬦ᭄᭞ᬓᬢᬸᬫ᭄ᬩᬓ᭄ᬢᬦ᭄ᬯᬾᬦ᭄ᬢᭂᬦ᭄ᬓᬶᬮᬲ᭄᭟ᬤᬸᬭᬸᬲ᭄ᬕᬾᬕᬾᬃᬲᬦᬵᬕᬭ᭞ᬯᬾᬦ᭄ᬢᭂ᭠ᬦ᭄ᬲᬦᬾᬫᬵᬢᬹᬃᬳᬸᬦᬶᬂ᭞ᬭᬶᬂᬳᬶᬤᬲᬂᬕᬶᬭᬶᬲ᭄ᬯᬃᬕ᭄ᬕ᭞ᬲ᭄ᬯᬭᬦ᭄ᬓᬸᬮ᭄ᬓᬸᬮᬾᬕᬸᬫᭂᬦ᭄ᬢᬸᬄ᭞ᬢᭂᬤᬸᬦ᭄ᬯᬢᭂᬓ᭄ᬧᬭᬬᬸᬤ᭄ᬥ᭞ᬫᬗᭂᬫ᭄ᬩᬭᬶᬦ᭄᭞ᬲᬬᬕᬫᬓ᭄ᬢᬲᬜ᭄ᬚ ᬢ᭟ᬲᬳᬲᬗᬤᬓᬂᬬᬸᬤ᭄ᬥ᭞ᬲᬹᬃᬬ᭄ᬬᬓᬾᬫᬯᬦ᭄ᬢᬶᬯᬦ᭄ᬢᬶ᭞ᬭᬶᬂᬯᬯᭂᬗ᭄ᬓᭀᬦ᭄ᬳᬶᬫᬮᬬ᭞ᬲᬂᬯᬢᬸᬕᬸᬦᬸᬂᬓᬋᬩᬸᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬓᬦᬶᬦ᭄ᬓᬲᭂᬫ᭄ᬧᬮ᭄᭞ᬓᬢᬸᬫ᭄ᬩᬓᬶᬦ᭄᭞ᬓᬤᬶᬕᬸᬦᬸᬂᬢᭂᬫ᭄ᬧᬸᬄᬳᭀᬫ᭄ᬩᬓ᭄᭟ᬲᬳᬗᬫᬸᬓ᭄ᬗᬫᬭᬬᬂ᭞ᬲᬂᬕᬶᬭᬷᬰ᭄ᬯᬭᬓᬧᬶᬮᬶᬲ᭄᭞ᬧᬫᬸᬧᬸᬢ᭄ᬓᬯᭀ᭠ ᬦ᭄ᬫᬬᬸᬤ᭄ᬥ᭞ᬦᬸᬗ᭄ᬓᬸᬮ᭄ᬲᬫᬶᬯᬢᭂᬓ᭄ᬯᬸᬓᬸ᭞ᬧᬧᬢᬶᬄᬲᬂᬕᬶᬭᬷᬰ᭄ᬯᬭ᭞ᬫᬓᬲᬫᬶ᭞ᬧᬶᬢᬸᬮᬶᬓᬸᬃᬧᬯᬶᬮᬗᬦ᭄᭟ᬓᬸᬮᬦ᭄ᬢᬶᬃᬢᭀᬮᬸ᭠ᬓᬮᬯᬦ᭄᭞ᬕᬸᬫ᭄ᬩᬺᬕ᭄‌ᬯᬭᬶᬕᬲᬫᬮᬶᬄ᭞ᬯᬭᬶᬕᬤ᭄ᬬᬦ᭄ᬫᬲᬋᬗᬦ᭄᭞ᬚᬸᬮᬸᬂᬯᬗᬶᬢᬍᬃᬦᬸᬗ᭄ᬓᬸᬮ᭄᭞ᬲᬸᬂᬲᬂᬓᬮᬯᬦ᭄ᬤᬸᬗᬸᬮᬦ᭄᭞ᬦᬶᬓᬫᬮᬶᬄ᭞ ᬓᬸᬦᬶᬗᬦ᭄ᬮᬗ᭄ᬓᬶᬭ᭄‌ᬓᬮᬯᬦ᭄᭟ᬫᭂᬤᬂᬲ᭄ᬬᬧᬸᬚᬸᬢ᭄‌ᬧᬳᬂ᭞ᬓ᭄ᬭᬸᬮᬸᬢ᭄‌ᬫ᭄ᬭᬓᬶᬄᬮᬦ᭄ᬢᬫ᭄ᬩᬶᬭ᭄᭞ᬉᬬᬾᬮᬦ᭄ᬫᬦᬳᬶᬮ᭄ᬦᬸᬗ᭄ᬓᬸᬮ᭄᭞ᬧ᭄ᬭᬂᬩᬓᬢ᭄ᬓᬮᬯᬦ᭄ᬩᬮ᭞ᬉᬕᬸᬫᬮᬶᬄ᭞ᬯᬬᬂᬓᬸᬮᬯᬸᬓᬮᬯᬦ᭄᭟ᬤᬸᬓᬸᬢ᭄ᬧᬸᬦᬶᬓᬧᬦᭂᬮᬲ᭄᭞ᬧᬶᬢᬸᬮᬶᬓᬹᬃᬫᬓᬲᬫᬶ᭞ᬯᬶᬭᬾᬄᬲᬵᬫ᭄ᬧᬸᬦ᭄ᬚ [᭒᭔ 24A] ᭒᭔ ᬬᬾᬂᬭᬡ᭞ᬢᬸᬫᬸᬮᬶᬲᬂᬯᬢᬸᬕᬸᬦᬸᬂ᭞ᬫᬤᭂᬕ᭄ᬫᬭᬶᬂᬳᬶᬫᬮᬬ᭞ᬫᬫ᭄ᬭᬪᭀᬦᬶᬦ᭄᭞ᬗᭂᬦ᭄ᬢᭀᬲᬶᬦ᭄ᬲᬂᬕᬶᬭᬷᬰ᭄ᬯᬭ᭟ᬲᭂᬤᭂᬓ᭄ᬢᬗ᭄ᬓᬶᬮ᭄ᬭᬶᬂᬧᬲᬾᬪᬦ᭄᭞ᬲᬂᬯᬢᬸᬕᬸᬦᬸᬂᬦᬓᬾᬦᬶᬦ᭄᭞ᬧᬭᬫᬦ᭄ᬢ᭄ᬭᬶᬩᬳᬸᬥᬡ᭄ᬥ᭞ᬤᬶᬚᬳᬤᬩ᭄ᬯᬶᬦ᭄ᬫᬸᬲᬸᬄ᭞ᬦᬶᬭᬫᬓᬶᬢᬫᬲᬶᬬᬢ᭄᭞ᬗᭂᬩᬸᬕ᭄ᬕᬸᬫᬶ᭞ᬳᬸ ᬫᬵᬢᬹᬃᬲᬂᬓᬢᬓᬾᬦᬦ᭄᭟ᬭᬶᬂᬚᬕᬢ᭄ᬚᬮᬲᬗ᭄ᬕᬭ᭞ᬓᭀᬘᬧ᭄ᬯᬾᬦ᭄ᬢᭂᬦ᭄ᬭᬢᬸᬳᬶᬲ᭄ᬢ᭄ᬭᬶ᭞ᬲᬂᬯᬢᬸᬕᬸᬦᬸᬂᬗᬦ᭄ᬤᬶᬓ᭞ᬦᬄᬚᬮ᭠ᬦ᭄ᬚᬦᬶᬫᬕᭂᬩᬸᬕ᭄᭞ᬢᬸᬫᬸᬮᬶᬫᬗ᭄ᬓᬢ᭄ᬫᬬᬸᬤ᭄ᬥ᭞ᬓᬲᭀᬃᬭᬭᬶᬲ᭄᭞ᬚᬕᬢ᭄ᬳᬶᬤᬤᬾᬯᬶᬲᬶᬦ᭄ᬢ᭟ᬦᬸᬗ᭄ᬓᬸᬮ᭄ᬲᭀᬢᬦᬶᬂᬓᬲᭀᬭᬦ᭄᭞ᬤᬾᬯᬶᬲᬶᬦ᭄ᬢ᭠ ᬓᬵᬮᬧ᭄ᬭᬩᬶ᭞ᬓᬵᬮᬶᬄᬤᬾᬯᬶᬮᬡ᭄ᬥᭂᬧ᭄ᬋᬓᭀ᭞ᬳᬦ᭄ᬢᬸᬓ᭄ᬳᬶᬤᬯᬢᬸᬕᬸᬦᬸᬂ᭞ᬲᬓᬾᬂᬧᬗᭂᬦ᭄ᬤᬦᬶᬂᬢᬶᬢᬄ᭞ᬩᭀᬬᬳᬸᬦᬶᬂ᭞ᬫᬭᬩᬶᬳᬶᬩᬸᬲᬓᬵᬮ᭟ᬫᬾᬄᬮᬗ᭄ᬓᬸᬂᬭᬶᬂᬧᬢᬂᬫᬲ᭞ᬲᬂᬯᬢᬸᬕᬸᬦᬸᬂᬫᬭᬩᬶ᭞ᬓᬵᬮᬦᬶᬂᬫᬮᬾᬤᬂᬮᬾᬤᬂ᭞ᬲᬂᬯᬢᬸᬕᬸᬦᬸᬂᬫᬓᬸᬢᬸ᭞ᬤᬾ ᬯᬶᬲᬶᬦ᭄ᬢᬲ᭄ᬫᬸᬓᬕᬶᬬᬢ᭄᭞ᬫᬫᭂᬤᬲᬶᬦ᭄᭞ᬩᬶᬓᭂᬢ᭄ᬧ᭄ᬭᬪᬹᬦᬵᬭᬦᬵᬣ᭟ᬓᬧᬓᬬᬸᬦ᭄ᬳᬦ᭄ᬢᬸᬓ᭄ᬳᬶᬤ᭞ᬲᬶᬦᬄᬦᬾᬫᬸᬮᬳᬶ᭠ᬘᭂᬦᬶᬂ᭞ᬤᭀᬂᬩᬓᬢ᭄ᬳᬗ᭄ᬕᭀᬦ᭄ᬓᬸᬋᬦᬦ᭄᭞ᬤᬾᬯᬶᬲᬶᬦ᭄ᬢᬮᬶᬦ᭄ᬢᬂᬲᬸᬗ᭄ᬲᬸᬢ᭄᭞ᬲᬂᬯᬢᬸᬕᬸᬦᬸᬂᬦᬢᬲᬂ᭞ᬤ᭄ᬯᬦᬶᬂᬲᭂᬤᬶᬄ᭞ᬤᬾᬯᬶᬲᬶᬦ᭄ᬢᬦᬤᬓ᭄ᬤ᭠

Auto-transliteration

[23 23B] 23 wuḥ, sangwatugunungkaparag, kajagurin, katumbaktanwentĕnkilas. durusgeger̀sanāgara, wentĕ‐nsanemātūr̀huning, ringhidasanggiriswar̀gga, swarankulkulegumĕntuḥ, tĕdunwatĕkparayuddha, mangĕmbarin, sayagamaktasañja ta. sahasangadakangyuddha, sūr̀yyakemawantiwanti, ringwawĕngkonhimalaya, sangwatugunungkar̥ĕbut, tanwentĕnkaninkasĕmpal, katumbakin, kadigunungtĕmpuḥhombak. sahangamukngamarayang, sanggirīśwarakapilis, pamuputkawo‐ nmayuddha, nungkulsamiwatĕkwuku, papatiḥsanggirīśwara, makasami, pitulikur̀pawilangan. kulantir̀tolu‐kalawan, gumbr̥ĕgwarigasamaliḥ, warigadyanmasar̥ĕngan, julungwangital̥ĕr̀nungkul, sungsangkalawandungulan, nikamaliḥ, kuninganlangkirkalawan. mĕdangsyapujutpahang, krulutmrakiḥlantambir, uyelanmanahilnungkul, prangbakatkalawanbala, ugumaliḥ, wayangkulawukalawan. dukutpunikapanĕlas, pitulikūr̀makasami, wireḥsāmpunja [24 24A] 24 yengraṇa, tumulisangwatugunung, madĕgmaringhimalaya, mamrabhonin, ngĕntosinsanggirīśwara. sĕdĕktangkilringpasebhan, sangwatugunungnakenin, paramantribahudhaṇdha, dijahadabwinmusuḥ, niramakitamasiyat, ngĕbuggumi, hu mātūr̀sangkatakenan. ringjagatjalasanggara, kocapwentĕnratuhistri, sangwatugunungngandika, naḥjala‐njanimagĕbug, tumulimangkatmayuddha, kasor̀raris, jagat'hidadewisinta. nungkulsotaningkasoran, dewisinta‐ kālaprabi, kāliḥdewilaṇdhĕpr̥ĕko, hantuk'hidawatugunung, sakengpangĕndaningtitaḥ, boyahuning, marabihibusakāla. meḥlangkungringpatangmasa, sangwatugunungmarabi, kālaningmaledangledang, sangwatugunungmakutu, de wisintasmukagiyat, mamĕdasin, bikĕtprabhūnāranātha. kapakayunhantuk'hida, sinaḥnemulahi‐cĕning, dongbakat'hanggonkur̥ĕnan, dewisintalintangsungsut, sangwatugunungnatasang, dwaningsĕdiḥ, dewisintanadakda‐

Leaf 24

Image on Archive.org

[᭒᭔ 24B] ᭒᭔ ᬬ᭟ᬫᬯᭀᬲᬂᬧᭀᬮᬶᬄᬜᬸᬫ᭄ᬧ᭄ᬦ᭞ᬜᬶᬗᬓ᭄ᬤᬾᬯᬶᬦᬯᬂᬭᬣᬶᬄ᭞ᬭᬩᬶᬦ᭄ᬲᬗ᭄ᬳ᭄ᬬᬂᬯᬶᬱ᭄ᬡᬸᬓᭀᬘᬧ᭄᭞ᬫᬧᬶᬦ᭄ᬤᬲᬵᬫ᭄ᬧᬸᬦ᭄ᬫᬫ᭠ᬤᬸ᭞ᬧᬸᬦᬶᬓᬳᬯᬶᬦᬦ᭄ᬢᬶᬢ᭄ᬬᬂ᭞ᬓᬤᬶᬫᬗ᭄ᬓᬶᬦ᭄᭞ᬲᭂᬤᬶᬄᬫᬫᬗᭂᬦᬂᬳᬶᬤ᭟ᬬᬦ᭄ᬯᬦ᭄ᬢᬄᬩᭂᬮᬶᬲᬸᬯᬾᬘ᭄ᬙ᭞ᬤᬸᬭᬸᬲᬂᬫᬗ᭄ᬓᬶᬦ᭄ᬫᬧᬤᬶᬓ᭄᭞ᬦ᭄ᬤᬶᬓᬬᬂᬓ ᬯᬶᬱ᭄ᬡᬸᬮᭀᬓ᭞ᬫᭂᬍᬤ᭄ᬲᬦ᭄ᬢᬶᬢ᭄ᬬᬂᬫᬫᬤᬸ᭞ᬲᬂᬯᬢᬸᬕᬸᬦᬸᬂᬳᬗᬸᬘᬧ᭄᭞ᬤᬗᬦ᭄ᬳᬤᬶ᭞ᬭᬭᬶᬲ᭄ᬳᬶᬤᬫᬗᬸᬢᬸᬲᬂ᭟ᬲᬂᬯᬭᬶᬕᬤ᭄ᬬᬦ᭄ᬮᬸᬫᬫ᭄ᬧᬄ᭞ᬓᬯᬶᬱ᭄ᬡᬸᬮᭀᬓᬫᬧᬤᬶᬓ᭄᭞ᬯᬸᬲ᭄ᬓᬵᬢᬹᬃᬲᬧᬭᬶᬓᬦ᭄ᬤ᭞ᬲᬯᬾᬢ᭄ᬦᬶᬂᬤᬦᬾᬓᬳᬸᬢᬸᬲ᭄᭞ᬫᬸᬭᬸᬩ᭄ᬤᬸᬓᬵᬦ᭄ᬳᬶᬤᬲᬗ᭄ᬳ᭄ᬬᬂ᭞ ᬳᬭᬶᬫᬹᬃᬢ᭄ᬢᬶ᭞ᬓᬢᬸᬮᬓ᭄ᬲᬂᬯᬭᬶᬕᬤ᭄ᬬᬦ᭄᭟ᬓᭂᬫᬫᬸᬮᬶᬄᬳᬾᬗ᭄ᬕᬮᬾᬗ᭄ᬕᬮ᭄᭞ᬮᬗ᭄ᬕᬦᬘᬳᬶᬫᬧᬤᬶᬓ᭄᭞ᬢ᭄ᬯᬭᬦᬯᬂᬧᬚᬕᬢᬦ᭄᭞ᬘᬸᬫᬗ᭄ᬓᬄᬲᬂᬯᬢᬸᬕᬸᬦᬸᬂ᭞ᬦᬕᬶᬄᬗᬶᬤᬶᬄᬲᭀᬫᬄᬦᬶᬭ᭞ᬦᬯᬂᬭᬝᬶᬄ᭞ᬤᭀᬄᬧᬭᬦᬶᬭᬜᬸᬓᬵᬬᬂ᭟ᬲᬂᬯᬭᬶᬕ᭠ ᬤ᭄ᬬᬦ᭄ᬓᬩᬢ᭄ᬩᬢ᭄᭞ᬢᬸᬫᬸᬮᬶᬭᬭᬶᬲ᭄ᬫᬧᬫᬶᬢ᭄᭞ᬭᬯᬸᬄᬭᬶᬂᬚᬮᬲᬗ᭄ᬕᬭ᭞ᬓᬵᬢᬹᬭᬶᬂᬲᬂᬯᬢᬸᬕᬸᬦᬸᬂ᭞ᬧᬗ᭄ᬮᬫᬃᬳᬶᬤᬓᬢᬸᬮᬓ᭄᭞ᬫᬸᬭᬸᬩ᭄ᬲᭂᬗᬶᬢ᭄᭞ᬫᬤᬹᬃᬕ᭄ᬕᬫᬇᬓᬂᬬᬸᬤ᭄ᬥ᭟᭜᭟ᬤᬹᬃᬫ᭄ᬫ᭟᭜᭟ᬫᬸᬭᬸᬩ᭄ᬓᬤᬶᬕᭂᬦᬶᬓᬢᬸᬭᬸᬳᬦ᭄ᬫᬶᬜᬓ᭄᭞ᬤᬸᬓᬵᬦ᭄ᬲᬂᬯᬢᬸᬕᬶᬭᬶ᭞᭠ [᭒᭕ 25B] ᭒᭕ ᬲᬯᬶᬭᬾᬄᬓᬢᬸᬮᬓ᭄᭞ᬧᬗ᭄ᬮᬫᬭᬾᬓᬲ᭄ᬯᬃᬕ᭄ᬕᬦ᭄᭞ᬳᬦ᭄ᬢᬸᬓ᭄ᬲᬗ᭄ᬳ᭄ᬬᬂᬳᬭᬶᬫᬹᬃᬢ᭄ᬢᬶ᭞ᬲᬓ᭄ᬱᬡᬳᬶᬤ᭞ᬗᬲᬾᬗᬶᬦ᭄ᬧᬭ᭠ᬫᬦ᭄ᬢ᭄ᬭᬶ᭟ᬲᬳᬲᬜ᭄ᬚᬢᬧᬭᬯᬸᬓᬸᬲᬬᬕ᭞ᬧᬘᬂᬫᬕᭂᬩᬸᬕ᭄ᬫᬗ᭄ᬓᬶᬦ᭄᭞ᬓᬯᬶᬱ᭄ᬡᬸᬪᬹᬯᬦ᭞ᬬᬦ᭄ᬢᬓᭀᬘᬧ᭄ᬭᬶᬂᬲ᭄ᬯᬃᬕ᭄ᬕᬦ᭄᭞ᬪᬝᬵᬭᬯᬶᬱ᭄ᬡᬸᬦ᭄ᬤᬯᬸ᭠ ᬳᬶᬦ᭄᭞ᬯᬢᭂᬓ᭄ᬤᬾᬯᬢ᭞ᬩᬶᬧ᭄ᬭᬬᬗᭂᬦ᭄ᬤᭀᬦ᭄ᬚᬸᬭᬶᬢ᭄᭟ᬧᬜ᭄ᬘᬋᬱᬶᬫᬶᬯᬄᬘᬢᬹᬃᬮᭀᬓᬧᬮ᭞ᬲᬩᬮᬤᬾᬯᬗᬶ᭠ᬭᬶᬂ᭞ᬬᬢ᭄ᬦᬫᬲᬜ᭄ᬚᬢ᭞ᬗᬗ᭄ᬓᬲᬗ᭄ᬓᬲ᭄ᬫᬬᬸᬤ᭄ᬥ᭞ᬦᬾᬫᬯᬵᬱ᭄ᬝᬧᬜ᭄ᬘᬋᬱᬶ᭞ᬓᬹᬃᬱᬶᬓᬫᬶᬯᬄ᭞ᬕᬃᬕ᭄ᬕᬓᬮᬯᬦ᭄ᬫᬿᬢ᭄ᬭᬶ᭟ᬮᬦ᭄ᬓᬸᬭᬸᬱ᭄ᬬᬫᬶᬦᬓᬵ᭠ ᬤᬶᬧ᭄ᬭᬢᬜ᭄ᬚᬮ᭞ᬧᬸᬦᬶᬓᬧᬜ᭄ᬘᬋᬱᬶ᭞ᬘᬢᬹᬃᬮᭀᬓᬧᬮ᭞ᬇᬦ᭄ᬤ᭄ᬭᬫᬶᬯᬄᬪᬭᬹᬡ᭞ᬓ᭄ᬯᬿᬭᬫᬶᬯᬄᬬᬫᬫᬮᬶᬄ᭞ᬧᬢ᭄ᬧᬢ᭄ᬫᬯᬶᬮᬂ᭞ᬫᬗ᭄ᬕᬮᬫᬫᬸᬘᬸᬓᬶᬦ᭄᭟ᬭᬫᭂᬲ᭄ᬧᬢᭂᬫ᭄ᬧᬸᬄᬯᬢᭂᬓ᭄ᬯᬸᬓᬸᬓᬮᬯᬦ᭄᭞ᬤᬾᬯᬢᬋᬱᬶᬂᬮᬗᬶᬢ᭄᭞ᬓᬲᭀᬭᬦ᭄ᬫᬬᬸᬤ᭄ᬥ᭞ᬯᬢᭂᬓ᭄ ᬧᬭᬤᬾᬯᬢ᭞ᬧᬢᬶᬍᬧᬂᬲᬫᬶᬮᬶᬮᬶᬄ᭞ᬲᬩᬮᬤᬾᬯ᭞ᬢᬦ᭄ᬯᬶᬮᬂᬧᭂᬚᬄᬓᬦᬶᬦ᭄᭟ᬧᬜ᭄ᬘᬋᬱᬶᬦᬾᬫᬧᬭ᭠ᬩ᭄ᬲᬂᬓᬹᬃᬱᬶᬓ᭞ᬲᬾᬤ᭄ᬥᬳᭀᬮᬶᬄᬲᬂᬉᬓᬶᬭ᭄᭞ᬲᬂᬕᬃᬕ᭄ᬕᬧᬶᬦᭂᬚᬄ᭞ᬳᭀᬮᬶᬄᬲᬂᬯᬭᬶᬕᬤ᭄ᬬᬦ᭄᭞ᬲᬂᬫᬿᬢ᭄ᬭᬶᬧᬸᬦᬶᬓᬫᬮᬶᬄ᭞ᬲᬾᬤ᭄ᬥᬫ

Auto-transliteration

[24 24B] 24 ya. mawosangpoliḥñumpna, ñingakdewinawangrathiḥ, rabinsanghyangwiṣṇukocap, mapindasāmpunmama‐du, punikahawinantityang, kadimangkin, sĕdiḥmamangĕnanghida. yanwantaḥbĕlisuweccha, durusangmangkinmapadik, ndikayangka wiṣṇuloka, mĕl̥ĕdsantityangmamadu, sangwatugununghangucap, danganhadi, rarishidamangutusang. sangwarigadyanlumampaḥ, kawiṣṇulokamapadik, wuskātūr̀saparikanda, sawetningdanekahutus, murubdukānhidasanghyang, harimūr̀tti, katulaksangwarigadyan. kĕmamuliḥhenggalenggal, langganacahimapadik, twaranawangpajagatan, cumangkaḥsangwatugunung, nagiḥngidiḥsomaḥnira, nawangraṭiḥ, doḥparanirañukāyang. sangwariga‐ dyankabatbat, tumulirarismapamit, rawuḥringjalasanggara, kātūringsangwatugunung, panglamar̀hidakatulak, murubsĕngit, madūr̀ggama'ikangyuddha \\•\\ dūr̀mma \\•\\ murubkadigĕnikaturuhanmiñak, dukānsangwatugiri, ‐ [25 25B] 25 sawireḥkatulak, panglamarekaswar̀ggan, hantuksanghyangharimūr̀tti, sakṣaṇahida, ngasenginpara‐mantri. sahasañjataparawukusayaga, pacangmagĕbugmangkin, kawiṣṇubhūwana, yantakocapringswar̀ggan, bhaṭārawiṣṇundawu‐ hin, watĕkdewata, biprayangĕndonjurit. pañcar̥ĕsyimiwaḥcatūr̀lokapala, sabaladewangi‐ring, yatnamasañjata, ngangkasangkasmayuddha, nemawāṣṭapañcar̥ĕsyi, kūr̀syikamiwaḥ, gar̀ggakalawanmaitri. lankuruṣyaminakā‐ dipratañjala, punikapañcar̥ĕsyi, catūr̀lokapala, indramiwaḥbharūṇa, kwairamiwaḥyamamaliḥ, patpatmawilang, manggalamamucukin. ramĕspatĕmpuḥwatĕkwukukalawan, dewatar̥ĕsyinglangit, kasoranmayuddha, watĕk paradewata, patil̥ĕpangsamililiḥ, sabaladewa, tanwilangpĕjaḥkanin. pañcar̥ĕsyinemapara‐bsangkūr̀syika, seddhaholiḥsangukir, sanggar̀ggapinĕjaḥ, holiḥsangwarigadyan, sangmaitripunikamaliḥ, seddhama

Leaf 25

Image on Archive.org

[᭒᭕ 25B] ᭒᭕ ᬬᬸᬤ᭄ᬥ᭞ᬫᬋᬧ᭄ᬲᬂᬚᬸᬮᬸᬂᬯᬗᬶ᭞ᬲᬂᬓᬸᬭᬸᬱ᭄ᬬᬓᬲᬾᬤ᭄ᬥᬬᬂᬲᬂᬕᬮᬸᬗᬦ᭄᭞ᬲᬂᬧ᭄ᬭᬢᬜ᭄ᬚᬮᬫᬮᬶᬄ᭞ᬲᬾᬤ᭄ᬥᬲᬧᬶᬲᬦ᭄᭞ᬫᬬᬸᬤ᭄ᬥᬭᬶᬂᬲᬂᬫᬢᬮ᭄᭞ᬰᬾᬱᬦᬶᬂᬧᭂᬚᬄᬓᬮᬶᬮᬶᬄ᭞ᬯᬢᭂᬓ᭄ᬤᬾᬯᬢ᭞ᬧᬢᬶᬧᬸᬭᬸᬕ᭄ᬧᬸᬭᬸᬕᬶᬦ᭄᭟ᬪᬝᬵᬭᬯᬶᬱ᭄ᬡᬸᬫᬗ᭄ᬕᬮᬫᬧᬕ᭄‌‌ᬬᬸᬤ᭄ᬥ᭞ ᬳᬦᬸᬗ᭄ᬕᬂᬓᬵᬕᬧᬢᬶ᭞ᬫᬲᬜ᭄ᬚᬢᬘᬓ᭄ᬭ᭞ᬓ᭄ᬭᭀᬥᬫᬗ᭄ᬲᭂᬄᬫᬢᬗ᭄ᬕᬮ᭄᭞ᬲᬯᬢᭂᬓ᭄ᬯᬸᬓᬸᬗᭂᬫᬲᬶᬦ᭄᭞ᬫᬵᬢᬶᬧᬶᬦᭂᬚᬄ᭞ᬤᬾᬦᬶᬂᬳ᭄ᬬᬂᬳᬭᬶᬫᬹᬃᬢ᭄ᬢᬶ᭟ᬓᬲᭀᬃᬧᬢᬗ᭄ᬓᭂᬧ᭄ᬲᬶᬓᭂᬧ᭄ᬚᬮᬲᬗ᭄ᬕᬭ᭞ᬮᬶᬮᬶᬄᬧᬢᬶᬧᬸᬭᬸᬕᬶᬦ᭄᭞ᬢᬦ᭄ᬧᬦᭀᬮᬶᬄᬳᬸᬦ᭄ᬢᬢ᭄᭞ᬲᬂᬯᬢᬸᬕᬸᬦᬸᬂ ᬫᬗ᭄ᬓᬢ᭄᭞ᬮᬕᬯᬢᬦ᭄ᬧᬧᬓᬾᬭᬶᬂ᭞ᬫᬗ᭄ᬲᭂᬄᬫᬬᬸᬤ᭄ᬥ᭞ᬲᬳᬲᬵᬗᬸᬩᬢᬩᬶᬢ᭄᭟ᬢᬦ᭄ᬓᬶᬭᬶᬕᬦ᭄ᬓᬋᬩᬸᬢ᭄ᬯᬢᭂᬓ᭄ᬤᬾᬯᬢ᭞ᬢᬦ᭄ᬯᬾᬦ᭄ᬢᭂᬦ᭄ᬦᬦ᭄ᬤᬂᬓᬦᬶᬦ᭄᭞ᬓᬲᭂᬫ᭄ᬧᬮ᭄ᬓᬢᬸᬫ᭄ᬩᬓ᭄᭞ᬧᬸᬦᬄᬲᬃᬯ᭄ᬯᬲᬜ᭄ᬚᬢ᭞ᬢᭀᬂᬩᬶᬗ᭄ᬮᬲ᭄ᬲᬂᬯᬢᬸᬕᬶᬭᬶ᭞ᬢᭂᬕᬸᬄᬢᬦ᭄ᬧᬶᬭ᭞ᬓ ᬮᬗᬦ᭄ᬲᬵᬫ᭄ᬧᬸᬦ᭄ᬯᭂᬗᬶ᭟ᬓᬾᬗᬶᬦ᭄ᬫᬭᬵᬃᬬ᭄ᬬᬦ᭄ᬧᬭᬸᬓᭂᬢ᭄ᬲᬂᬫᬬᬸᬤ᭄ᬥ᭞ᬓᬩᭂᬮᬢ᭄ᬳᬦ᭄ᬢᬸᬓ᭄ᬯᭂᬗᬶ᭞ᬲᬫᬶᬫᬓᬶᬍᬲᬦ᭄᭞ᬲᬂᬯ᭠ᬢᬸᬕᬸᬦᬸᬂᬓᬾᬲᬄ᭞ᬫᬦ᭄ᬢᬸᬓ᭄ᬫᬯᬮᬶᬓᬧᬸᬭᬶ᭞ᬚᬮᬲᬗ᭄ᬕᬭ᭞ᬦᬾᬫᬗ᭄ᬓᬶᬦᬸᬘᬧ᭄ᬫᬮᬶᬄ᭟ᬪᬝᬵᬭᬯᬶᬱ᭄ᬡᬸᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬢᬫ᭄ᬩᬾ [᭒᭖ 26A] ᭒᭖ ᬓᬲᭀᬭᬦ᭄ᬢᬦ᭄ᬤᬶᬂ᭞ᬫᬭᬶᬂᬭᬡᬗ᭄ᬕᬡ᭞ᬫᬧᬕ᭄ᬰᬢ᭄ᬭᬸᬫᬬᬸᬤ᭄ᬥ᭞ᬳᬾᬭᬂᬓᬬᬸᬦᬾᬢᬦ᭄ᬲᬶᬧᬶ᭞ᬓᬜ᭄ᬘᬶᬢ᭄ᬓ᭄ᬭᬯᬸᬳᬦ᭄᭞ᬪᬕᬯᬵᬦ᭄‌ᬯᬺᬳᬲ᭄ᬧᬢᬶ᭟ᬧᬃᬡ᭄ᬦᬄᬫᬢ᭄ᬯᬳᬦ᭄ᬢᬸᬓ᭄ᬲᬗ᭄ᬳ᭄ᬬᬂᬯᬶᬱ᭄ᬡᬸᬓᭀᬘᬧ᭄᭞ᬲᬂᬤ᭄ᬯᬷᬚᬫᬵᬢᬸᬭᬭᬶᬲ᭄᭞ᬧᬸᬦᬧᬶᬳᬯᬶᬦᬦ᭄᭞ᬪᬝᬭᬦᬦ᭄ᬤᬂᬮᬭ᭞ᬳ᭄ᬬᬂᬯᬶ ᬱ᭄ᬡᬸᬦ᭄ᬤᬃᬢ᭄ᬣᬬᬂᬳᬶᬦ᭄ᬤᬶᬓ᭄᭞ᬓᬲᭀᬃᬫᬬᬸᬤ᭄ᬥ᭞ᬦᬗ᭄ᬓᭂᬧᬶᬦ᭄ᬫᬸᬲᬸᬄᬰᬓ᭄ᬢᬶ᭟ᬪᬕᬯᬵᬦ᭄‌ᬯᬺᬳᬲ᭄ᬧᬢᬶᬫᬵᬢᬹᬃᬧ᭄ᬭᬦᬫ᭄ᬬ᭞ᬲᬵ᭠ᬫ᭄ᬧᬸᬦ᭄ᬗᭀᬩᭂᬢᬂᬫᬮᬶᬄ᭞ᬤᬸᬓᬧᬦ᭄ᬓᬲᭀᬭᬦ᭄᭞ᬪᬝᬵᬭᬫᬧᬕ᭄ᬬᬸᬤ᭄ᬥ᭞ᬪᬕᬯᬵᬦ᭄ᬮᬸᬫᬂᬮᬂᬲᬾᬗᬶᬦ᭄᭞ᬳᬶᬧᬾᬦ᭄ᬪᬝᬵᬭ᭞ᬓᬬᭀ᭠ ᬕ᭄ᬬᬳᬗ᭄ᬕᬾᬦ᭄ᬓᬦ᭄ᬢᬶ᭟ᬭᬾᬄᬳᬸᬦᬶᬂᬫᬲᬶᬮᬸᬫᬦ᭄ᬤᬤᭀᬲ᭄ᬓᬓᬯ᭞ᬳᬶᬤᬳᬸᬢᬸᬲ᭄ᬦᬾᬫᬗ᭄ᬓᬶᬦ᭄᭞ᬧᬘᬂᬗᬧᬾᬢ᭄ᬘᬶᬤ᭄ᬭ᭞᭠ᬤᬸᬓᬧᬦᭀᬭᬲᬶᬤ᭄ᬥ᭞ᬲᬂᬯᬢᬸᬕᬸᬦᬸᬂᬗᭂᬫᬲᬶᬦ᭄᭞ᬳᬦ᭄ᬤᭂᬮ᭄ᬪᬝᬵᬭ᭞ᬲᬂᬓᬳᬸᬢᬸᬲ᭄ᬫᬫᬵᬃᬕ᭄ᬕᬶ᭟ᬓᬘᬭᬶᬢᬲᬂᬯᬢᬸᬕᬸᬦᬸᬂᬲᭂᬤᭂᬓᬦ᭄᭞ ᬭᬶᬂᬧᬫᬺᬫᬦ᭄ᬦᬾᬫᬗ᭄ᬓᬶᬦ᭄᭞ᬲᬋᬂᬤᬾᬯᬶᬲᬶᬦ᭄ᬢ᭞ᬤᬾᬯᬶᬮᬡ᭄ᬥᭂᬧ᭄ᬢᬦ᭄ᬧᬲᬄ᭞ᬘᬸᬘᬸᬤ᭄ᬦᬸᬦᬲᬂᬲᬂᬓᬵᬮᬶᬄ᭞ᬭᬶᬂᬭᬓᬦ᭄ᬳᬶᬤ᭞ᬳᬢᬸᬭᬾᬗᬲᬶᬳᬲᬶᬄ᭟ᬳᬶᬗ᭄ᬕᬶᬄᬩᭂᬮᬶᬳᬗᭀᬩ᭄ᬢᬶᬢ᭄ᬬᬂᬗᬫᬦᬳᬂ᭞ᬳᬦ᭄ᬢᬸᬓ᭄ᬓᬰᬓ᭄ᬢ᭄ᬬᬦ᭄ᬩᭂᬮᬶ᭞ᬜᬶᬤ᭄ᬥᬬᬂᬗᬲᭀᬭᬂ᭞ᬯᬢᭂ᭠

Auto-transliteration

[25 25B] 25 yuddha, mar̥ĕpsangjulungwangi, sangkuruṣyakaseddhayangsanggalungan, sangpratañjalamaliḥ, seddhasapisan, mayuddharingsangmatal, śeṣaningpĕjaḥkaliliḥ, watĕkdewata, patipurugpurugin. bhaṭārawiṣṇumanggalamapagyuddha, hanunggangkāgapati, masañjatacakra, krodhamangsĕḥmatanggal, sawatĕkwukungĕmasin, mātipinĕjaḥ, deninghyangharimūr̀tti. kasor̀patangkĕpsikĕpjalasanggara, liliḥpatipurugin, tanpanoliḥhuntat, sangwatugunung mangkat, lagawatanpapakering, mangsĕḥmayuddha, sahasāngubatabit. tankirigankar̥ĕbutwatĕkdewata, tanwentĕnnandangkanin, kasĕmpalkatumbak, punaḥsar̀wwasañjata, tongbinglassangwatugiri, tĕguḥtanpira, ka langansāmpunwĕngi. kenginmarār̀yyanparukĕtsangmayuddha, kabĕlat'hantukwĕngi, samimakil̥ĕsan, sangwa‐tugunungkesaḥ, mantukmawalikapuri, jalasanggara, nemangkinucapmaliḥ. bhaṭārawiṣṇunangismasasambatan, tambe [26 26A] 26 kasorantanding, maringraṇanggaṇa, mapagśatrumayuddha, herangkayunetansipi, kañcitkrawuhan, bhagawānwr̥ĕhaspati. par̀ṇnaḥmatwahantuksanghyangwiṣṇukocap, sangdwījamāturaris, punapihawinan, bhaṭaranandanglara, hyangwi ṣṇundar̀tthayanghindik, kasor̀mayuddha, nangkĕpinmusuḥśakti. bhagawānwr̥ĕhaspatimātūr̀pranamya, sā‐mpunngobĕtangmaliḥ, dukapankasoran, bhaṭāramapagyuddha, bhagawānlumanglangsengin, hipenbhaṭāra, kayo‐ gyahanggenkanti. reḥhuningmasilumandadoskakawa, hidahutusnemangkin, pacangngapetcidra, ‐dukapanorasiddha, sangwatugunungngĕmasin, handĕlbhaṭāra, sangkahutusmamār̀ggi. kacaritasangwatugunungsĕdĕkan, ringpamr̥ĕmannemangkin, sar̥ĕngdewisinta, dewilaṇdhĕptanpasaḥ, cucudnunasangsangkāliḥ, ringrakanhida, haturengasihasiḥ. hinggiḥbĕlihangobtityangngamanahang, hantukkaśaktyanbĕli, ñiddhayangngasorang, watĕ‐

Leaf 26

Image on Archive.org

[᭒᭖ 26B] ᭒᭖ ᬓ᭄ᬤᬾᬯᬭᬶᬂᬲ᭄ᬯᬃᬕ᭄ᬕᬦ᭄᭞ᬲᬂᬯᬢᬸᬕᬸᬦᬸᬂᬜᬳᬸᬭᬶᬦ᭄᭞ᬤᬳᬤᬶᬯᬾᬭ᭞ᬩᭂᬮᬶᬗᭀᬭᬳᬶᬦ᭄ᬚᬦᬶ᭟ᬳᬦᬾᬫᬮᬸᬲᬤᬸᬕᬲ᭄ᬩᭂᬮᬶᬫᬢᬧ᭞ᬲᬗ᭄ᬳ᭄ᬬᬂᬰᬶᬯᬦᭂᬤᬸᬦᬶᬦ᭄᭞ᬗᬶᬘ᭄ᬙᬾᬦ᭄ᬧᬦᬸᬕ᭄ᬭᬳᬦ᭄᭞ᬧᭂᬋᬤ᭄ᬢᭂᬕᬸᬄᬫᬲᬶᬬᬢ᭄᭞ᬢ᭄ᬯᬭᬩᭂᬮᬶᬮᬓᬃᬫᬵᬢᬶ᭞ᬩᬳᬦ᭄ᬲᬜ᭄ᬚ ᬢ᭞ᬦᬗ᭄ᬓᭂᬧᬶᬦ᭄ᬫᬸᬲᬸᬄᬰᬓ᭄ᬢᬶ᭟ᬗ᭄ᬳᬶᬂᬬᬦ᭄ᬳᬤᬲᬂᬯᬶᬓᬦ᭄ᬫᬢ᭄ᬭᬶᬯᬶᬓ᭄ᬭᬫ᭞ᬫᬳᬸᬮᬸᬫ᭄ᬧᬲ᭄ᬫᬫᬹᬃᬢ᭄ᬢᬶ᭞ᬫᬲᬜ᭄ᬚᬢᬦᬓ᭞ᬚᬮᬭ᭠ᬦ᭄ᬩᭂᬮᬶᬧᭂᬚᬄ᭞ᬦᬄᬧᬶᬗᬶᬢᬂᬲᬚᬳᬤᬶ᭞ᬭᬾᬄᬳᬶᬮᬳᬶᬮ᭞ᬬᬾᬦ᭄ᬳᬤᬧᬾᬢ᭄ᬫᬶᬭᬕᬶ᭟ᬲᬵᬫ᭄ᬧᬸᬦ᭄ᬢᬢᬲ᭄ᬓᬧᬶᬋᬂᬳᬦ᭄ᬢᬸᬓ᭄ᬪᬕᬯᬵᬦ᭄᭞ᬮᬸ ᬫᬂᬮᬂᬧᭀᬮᬶᬄᬗᬶᬦ᭄ᬢᬶᬧ᭄᭞ᬦᬾᬤᬤᭀᬲ᭄ᬓᬓᬯ᭞ᬭᬭᬶᬲ᭄ᬳᬶᬤᬗᬸᬦᬶᬗᬂ᭞ᬭᬶᬂᬲᬗ᭄ᬳ᭄ᬬᬂᬯᬶᬱ᭄ᬡᬸᬤᬶᬕᭂᬮᬶᬲ᭄᭞ᬲᬓ᭄ᬱᬡᬳᬶ᭠ᬤ᭞ᬲᬗ᭄ᬳ᭄ᬬᬂᬯᬶᬱ᭄ᬡᬸᬫᬫᬹᬃᬢ᭄ᬢᬶ᭟ᬫᬳᬸᬮᬸᬫ᭄ᬧᬲ᭄‌ᬲᬶᬬᬸᬫᬢᬗᬦ᭄ᬧᬜ᭄ᬚᬂ᭞ᬓᬪᬶᬦᬯᬗᬗᭀᬩᬶᬦ᭄᭞ᬤᬸᬓ᭄ᬫᬲᬮᬶᬦ᭄ᬭᬸᬧ᭞ᬯᬢᬭᬤᬯᬸᬄᬢᬶ᭠ ᬕ᭞ᬪᬝᬵᬭᬯᬶᬱ᭄ᬡᬸᬫᬫᬹᬃᬢ᭄ᬢᬶ᭞ᬓᭀᬘᬧ᭄ᬭᬶᬂᬤᬶᬦ᭞ᬭᬤᬶᬢᬾᬓ᭄ᬮᬶᬯᭀᬦ᭄ᬦᭂᬫᭀᬦᬶᬦ᭄᭟ᬯᬭᬯᬢᬸᬕᬸᬦᬸᬂᬓᭀᬘ᭠ᬧ᭄ᬤᬸᬓ᭄ᬧᬸᬦᬶᬓ᭞ᬲᬂᬯᬢᬸᬕᬸᬦᬸᬂᬮᬶᬮᬶᬄ᭞ᬓᬸᬘᬶᬯᬫᬬᬸᬤ᭄ᬥ᭞ᬓᬘᭂᬓᬸᬓ᭄ᬓᬲᬩᬢᬂ᭞ᬳᬦ᭄ᬢᬸᬓ᭄ᬳᬶᬤᬲᬗ᭄ᬳ᭄ᬬᬂᬳᬭᬶ᭞ᬦᬸᬗ᭄ᬓᬸᬮ᭄ᬫᬲᭂᬭᬄ᭞ᬳᬯᬶ᭠ [᭒᭗ 27A] ᭒᭗ ᬦ᭄ᬯᬾᬦ᭄ᬢᭂᬦ᭄ᬫᬗ᭄ᬓᬶᬦ᭄᭟ᬓᬲᬫ᭄ᬩᬢᬂᬩᬢᬸᬕᬸᬦᬸᬂᬭᬸᬦ᭄ᬢᬸᬄᬓᭀᬘᬧ᭄᭞ᬓᬢᬫᬶᬭᬯᬸᬄᬫᬗ᭄ᬓᬶᬦ᭄᭞ᬯᬶᬭᬾᬄᬓᬲᬩᬢᬂ᭞ᬭᬸᬦ᭄ᬢᬸᬄᬦᬶᬩᬾᬦ᭄ᬯᭀᬄᬦᬗ᭄ᬓ᭞ᬫᬲᭂᬂᬲᭂᬂᬧᬓᬸᬗᬮᬶᬮᬶᬂ᭞ᬓᬮᬭᬮᬭ᭞ᬫᬢᬍᬤ᭄ᬤᬳᬸᬦ᭄ᬓᭂᬮᬤᬶ᭟ᬫᬢᬶᬢᬦ᭄ᬫᬢᬶᬯᬢᬸᬕᬸᬦᬸᬂᬤᬸᬓ᭄ᬦᬶᬓ᭞ᬓᬵᬮᬘᭀᬫᬉ ᬫᬦᬶᬲ᭄᭞ᬯᬢᬸᬕᬸᬦᬸᬂᬧᭂᬚᬄ᭞ᬫᬯᬵᬱ᭄ᬝᬲᬦ᭄ᬤᬸᬂᬯᬢᬂ᭞ᬩᬾᬜ᭄ᬚᬗᬦ᭄ᬳᬗ᭄ᬕᬭᬧᬳᬶᬂ᭞ᬧᬳᬶᬤ᭄ᬧᬳᬶᬤᬦ᭄᭞ᬤᬶᬦᬦᬾᬓᬯᬵᬱ᭄ᬝᬦᬶᬦ᭄᭟ᬯᬶᬭᬾᬄᬤᬸᬓ᭄ᬧᬸᬦᬶᬓᬪᬕᬯᬵᬦ᭄ᬮᬸᬫᬂᬮᬂ᭞ᬫᬮᬳᬶᬩ᭄ᬫᬸᬭᬢ᭄ᬫᬭᬶᬢ᭄᭞ᬩᬾᬜ᭄ᬚᬗᬦ᭄ᬭᬶᬂᬤᬶᬦ᭞ᬩᬸᬤ᭄ᬥᬧᭀᬦ᭄ᬓᬭᬯᬸᬳᬦ᭄᭞ᬪᬝᬵᬭ ᬩᬸᬤ᭄ᬥᬫᬗᬸᬭᬶᬧ᭄᭞ᬲᬂᬲᬵᬫ᭄ᬧᬸᬦ᭄ᬧᭂᬚᬄ᭞ᬯᬦ᭄ᬢᬄᬳᬤᬯᬸᬄᬳᬸᬭᬶᬧ᭄᭟ᬭᬶᬂᬤᬶᬦᬯ᭄ᬭᬲ᭄ᬧᬢᬶᬯᬕᬾᬓᬭᬯᬸᬳᬦ᭄᭞ᬪᬕ᭠ᬯᬵᬦ᭄‌‌ᬯᬺᬳᬲ᭄ᬧᬢᬶ᭞ᬳᭀᬮᬲ᭄ᬳᬶᬤᬜᬶᬗᬓ᭄᭞ᬲᬂᬯᬢᬸᬕᬸᬦᬸᬂᬧᭂᬚᬄ᭞ᬲ᭄ᬯᬾᬘ᭄ᬙᬳᬶᬤᬫᬮᬶᬄᬗᬸᬭᬶᬧ᭄᭞ᬫᬾᬄᬤᬯᬸᬄᬢᬶᬕ᭞ᬧᭂᬚᬄ᭠ ᬲᬂᬯᬢᬸᬕᬶᬭᬶ᭟ᬰᬸᬓ᭄ᬭᬓ᭄ᬮᬶᬯᭀᬦ᭄ᬢᭂᬤᬸᬦ᭄ᬫᬮᬶᬄᬲᬗ᭄ᬳ᭄ᬬᬂᬰᬶᬯ᭞ᬓᬧᬶᬳᭀᬮᬲᬦ᭄ᬗᬓ᭄ᬱᬶ᭞ᬯᬢᬸᬕᬸᬦᬸᬂᬲᬾᬤ᭄ᬥ᭞ᬭᬭᬶ᭠ᬲ᭄ᬳᬶᬤᬪᬝᬵᬭ᭞ᬫᬩᬯᭀᬲ᭄ᬭᬶᬂᬲᬗ᭄ᬳ᭄ᬬᬂᬳᬭᬶ᭞ᬦᬾᬦ᭄ᬢᭂᬦ᭄ᬓᬮᬸᬕ᭄ᬭ᭞ᬳᬬᬢ᭄ᬳᬶᬤᬫᬢᬾᬦᬶᬦ᭄᭟ᬓᬧᬶᬤᬯᭂᬕ᭄ᬫᬗ᭄ᬤᬯᬾᬦ᭄ᬢᭂᬦ᭄ᬓᬬᬂᬯᭂᬓᬲ᭄᭞

Auto-transliteration

[26 26B] 26 kdewaringswar̀ggan, sangwatugunungñahurin, dahadiwera, bĕlingorahinjani. hanemalusadugasbĕlimatapa, sanghyangśiwanĕdunin, ngicchenpanugrahan, pĕr̥ĕdtĕguḥmasiyat, twarabĕlilakar̀māti, bahansañja ta, nangkĕpinmusuḥśakti. nghingyanhadasangwikanmatriwikrama, mahulumpasmamūr̀tti, masañjatanaka, jalara‐nbĕlipĕjaḥ, naḥpingitangsajahadi, reḥhilahila, yenhadapetmiragi. sāmpuntataskapir̥ĕnghantukbhagawān, lu manglangpoliḥngintip, nedadoskakawa, rarishidanguningang, ringsanghyangwiṣṇudigĕlis, sakṣaṇahi‐da, sanghyangwiṣṇumamūr̀tti. mahulumpassiyumatanganpañjang, kabhinawangangobin, dukmasalinrupa, wataradawuḥti‐ ga, bhaṭārawiṣṇumamūr̀tti, kocapringdina, raditekliwonnĕmonin. warawatugunungkoca‐pdukpunika, sangwatugunungliliḥ, kuciwamayuddha, kacĕkukkasabatang, hantuk'hidasanghyanghari, nungkulmasĕraḥ, hawi‐ [27 27A] 27 nwentĕnmangkin. kasambatangbatugunungruntuḥkocap, katamirawuḥmangkin, wireḥkasabatang, runtuḥnibenwoḥnangka, masĕngsĕngpakungaliling, kalaralara, matal̥ĕddahunkĕladi. matitanmatiwatugunungduknika, kālacoma'u manis, watugunungpĕjaḥ, mawāṣṭasandungwatang, beñjanganhanggarapahing, pahidpahidan, dinanekawāṣṭanin. wireḥdukpunikabhagawānlumanglang, malahibmuratmarit, beñjanganringdina, buddhaponkarawuhan, bhaṭāra buddhamangurip, sangsāmpunpĕjaḥ, wantaḥhadawuḥhurip. ringdinawraspatiwagekarawuhan, bhaga‐wānwr̥ĕhaspati, holashidañingak, sangwatugunungpĕjaḥ, swecchahidamaliḥngurip, meḥdawuḥtiga, pĕjaḥ‐ sangwatugiri. śukrakliwontĕdunmaliḥsanghyangśiwa, kapiholasanngaksyi, watugunungseddha, rari‐shidabhaṭāra, mabawosringsanghyanghari, nentĕnkalugra, hayat'hidamatenin. kapidawĕgmangdawentĕnkayangwĕkas,

Leaf 27

Image on Archive.org

[᭒᭗ 27B] ᭒᭗ ᬧᬹᬃᬯ᭄ᬯᬦ᭄ᬲᬂᬯᬢᬸᬕᬶᬸᬦᬶᬸᬕᬶᬭᬶ᭞ᬧᬂᬧᬂᬭᬶᬂᬪᬝᬵᬭ᭞ᬓᬢᭂᬫᬄᬳᬦ᭄ᬢᬸᬓ᭄ᬳᬶᬤ᭞ᬪᬝᬵᬭᬰᬶᬯᬢᬸᬫᬸᬮᬶ᭞ᬯᭂᬓᬲ᭄ᬢᬦ᭄ᬯᭂᬦᬂ᭞ᬯᬶᬦᬮᬢ᭄‌ᬯ᭄ᬯᬗᬭᬩᬶ᭟ᬓᬂᬇᬩᬸᬢᬦ᭄ᬯᭂᬦᬂᬳᬓᬸᬋᬦ᭄ᬮᬦ᭄ᬳᭀᬓ᭞ᬤᬸᬫᬤᬓ᭄ᬗᬍᬢᬸᬳᬶᬦ᭄᭞ᬯᬘᬦᬦ᭄ᬪᬝᬵᬭ᭞ᬳ᭄ᬬᬂᬯᬶᬱ᭄ᬡᬸᬢᬍᬃᬦᭂᬫᬄ᭞ᬳᬶᬄᬓᬶᬢᬲᬂᬯ᭠ ᬢᬸᬕᬶᬭᬶ᭞ᬦᬗ᭄ᬓᭂᬦ᭄ᬦᭂᬫ᭄ᬩᬸᬮᬦ᭄᭞ᬓᬘᬡ᭄ᬥᬮᬦ᭄ᬓᬂᬩᬸᬫᬶ᭟ᬓᭂᬦᬶᬲᬵᬫ᭄ᬧᬸᬦ᭄ᬤᬾᬯᬾᬓ᭄ᬢᬶᬢ᭄ᬬᬂᬓᬧᬦᬲᬦ᭄᭞ᬲᬗ᭄ᬳ᭄ᬬᬂᬯᬶᬱ᭄ᬡᬸᬗᬤ᭄ᬬᬦᬶᬦ᭄᭞ᬲᬵᬫ᭄ᬧᬸᬦ᭄ᬲᬧᬸᬦᬶᬓ᭞ᬳᭀᬮᬲ᭄ᬳᬶᬤᬪᬝᬵᬭ᭞ᬲᬯᬢᭂᬓ᭄ᬯᬸᬓᬸᬓᬳᬸᬭᬶᬧ᭄᭞ᬮᬦ᭄ᬯᬢᭂᬓ᭄ᬤᬾᬯ᭞ᬫᬓᬵᬤᬶᬧᬜ᭄ᬘᬋᬱᬶ᭟ᬘᬦᬶᬰ᭄ᬘᬭᬉᬫ ᬦᬶᬲ᭄ᬢᭂᬤᬸᬦ᭄ᬭᬦ᭄ᬢᬩᬦ᭄᭞ᬯᬢᭂᬓ᭄ᬤᬾᬯᬢᬲᬫᬶ᭞ᬫᬰᬸᬘᬶᬮᬓ᭄ᬱᬡ᭞ᬤᬾᬯᬲᬧᬩᬺᬲᬶᬳᬦ᭄᭞ᬘᬡ᭄ᬥᬮᬦ᭄ᬲᬂᬯᬢᬸᬕᬶᬭᬶ᭞ᬫᬳᬬᬸᬮᭀᬦ᭄ᬢᬃ᭞ᬳᭀᬤᬮᬦ᭄ᬰᬭᬰ᭄ᬯᬢᬶ᭟ᬭᬤᬶᬢᬾᬧᬳᬶᬂᬲᬶᬦ᭄ᬢᬗᭂᬤᬲ᭄ᬭᬳᬶᬦ᭞ᬓᬸᬫ᭄ᬓᬸᬫᬦ᭄ᬯᬢᬸᬕᬶᬭᬶ᭞ᬢᬶᬗ᭄ᬓᬳᬶᬂᬫᬚᬫᬲ᭄᭞ᬩᬜᬸ᭠ ᬧᬶᬦᬭᬸᬄᬗᬭᬦ᭄᭞ᬲᬯᬢᭂᬓ᭄ᬤᬾᬯᬢᬗᬯᬶ᭞ᬗᬶᬓᭂᬢ᭄ᬘᬭᬶᬢ᭞ᬯᬾᬦ᭄ᬢᭂᬦ᭄ᬓᬶᬤᬸᬂᬓᬓᬯᬶᬦ᭄᭟ᬓᬵᬮᬧᬸᬦᬶᬓᬯᬾᬦ᭄ᬢᭂᬦ᭄ᬤᬾᬯᬲ᭞ᬲᬯᬢᭂᬓ᭄ᬧᬜ᭄ᬘᬋᬱᬶ᭞ᬲᬫᬶᬓᬳᬸᬗ᭄ᬕᬳᬂ᭞ᬭᬶᬂᬤᬶᬦᬧᬜ᭄ᬘᬯᬭ᭞ᬲᬂᬕᬃᬕ᭄ᬕᬓ᭄ᬮᬶᬯᭀᬦ᭄ᬦᭂᬫᭀᬦᬶᬦ᭄᭞ᬮᬦ᭄ᬲᬂᬓᬹᬃᬲᬶᬓ᭞ᬭᬶᬓᬵᬮᬦᬶᬂᬉ [᭒᭘ 28A] ᭒᭘ ᬫᬦᬶᬲ᭄᭟ᬲᬂᬫᬿᬢ᭄ᬭᬶᬓᬵᬮᬦᬶᬂᬧᬳᬶᬂᬓᬳᬸᬗ᭄ᬕᬳᬂ᭞ᬲᬂᬓᬸᬭᬸᬲ᭄ᬬᬓᬵᬮᬦᬶᬂ᭞ᬧᭀᬦ᭄ᬦᭂᬫᭀᬦᬶᬦ᭄ᬫᬸᬗ᭄ᬕᬄ᭞ᬲᬂᬧ᭄ᬭᬢᬜ᭄ᬚᬮᬫᬸ᭠ᬗ᭄ᬕᬄ᭞ᬓᬵᬮᬦᬶᬂᬯᬕᬾᬦᭂᬫᭀᬦᬶᬦ᭄᭞ᬲᬵᬫ᭄ᬧᬸᬦ᭄ᬮᬮᬶᬫ᭞ᬫᬯᬶᬮᬂᬧᬜ᭄ᬘᬋᬱᬶ᭟ᬧᬢᭂᬫᬸᬦᬶᬂᬯᬸᬓᬸᬮᬯᬦ᭄ᬧᬜ᭄ᬘᬯᬭ᭞ᬓᬢᬸᬢᬸᬭᬦᬾ᭠ ᬗᬹᬦᬶ᭞ᬓᬾᬗᬶᬦ᭄ᬭᬭᬳᬶᬦᬦ᭄᭞ᬲᬳᬯᬶᬤ᭄ᬥᬶᬯᬾᬤᬦ᭞ᬓᬲᬸᬗ᭄ᬓᭂᬫᬶᬦ᭄ᬲᬋᬂᬲᬫᬶ᭞ᬭᬶᬂᬩᬮᬶᬳᬕ᭞ᬓᭂᬦ᭄ᬤᭂᬮ᭄ᬲᬫᬶᬫᬶᬭᬕᬶ᭟᭜᭟ᬫᬲ᭄ᬓᬸᬫᬫ᭄ᬩᬂ᭟᭜᭟ᬭᬵᬚᬧᬸᬢ᭄ᬭᬶᬮᬾᬤᬂᬓᬬᬸᬦᬾᬢᬦ᭄ᬲᬶᬧᬶ᭞ᬢᬫ᭄ᬩᬾᬫᬶᬋᬂᬲᬢ᭄ᬯ᭞ᬓᬢᬢ᭄ᬯᬦ᭄ᬲᬂᬯᬢᬸᬕᬶᬭᬶ᭞ᬦᬾᬓᬾᬗᬶᬦ᭄ᬩᬦ᭄ᬢᬗᬕᬫ᭟ ᬢᬸᬭᬄᬩᬮᬶᬪᬓ᭄ᬢᬶᬫᬵᬃᬕ᭄ᬕᬓᬯᬵᬱ᭄ᬝᬦᬶᬦ᭄᭞ᬢᬶᬗ᭄ᬓᬳᬾᬗᬢᬸᬭᬂ᭞ᬪᬓ᭄ᬢᬶᬭᬶᬂᬳᬶᬤᬳ᭄ᬬᬂᬯᬶᬤ᭄ᬥᬶ᭞ᬫᬲᬵᬥᬦᬩᬩᬦ᭄ᬢᭂᬦ᭠ᬦ᭄᭟ᬲᬳᬲᭂᬫ᭄ᬩᬄᬗᬲ᭄ᬢᬯᬬᬂᬚᬕᬢ᭄ᬩᬮᬶ᭞ᬮᬫᬓᬦ᭄ᬓᬯᭂᬓᬲ᭄᭞ᬓᬭᬳᬬᭀᬦᬾᬓᬧᬗ᭄ᬕᬶᬄ᭞ᬢᬶᬮᬶᬂᬫᬯᬶᬤ᭄ᬥᬶᬯᬾᬤᬦ᭟ᬍᬕᬧᬶᬲ ᬦ᭄ᬫᬦᬄᬲᬂᬗᬬᬄᬫᬶᬭᬕᬶ᭞ᬢᬸᬫᬸᬮᬶᬦᬸᬦᬲᬂ᭞ᬦᬯᭂᬕᬂᬭᬶᬂᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬳᬶᬗ᭄ᬕᬶᬄᬤᬸᬭᬸᬲᬂᬮᬦ᭄ᬢᬸᬭᬂ᭟ᬫᬸᬂᬧᬸᬂᬮᬾᬤᬂᬫ᭠ᬗ᭄ᬤᬢᬶᬢ᭄ᬬᬂᬢᬢᬲ᭄ᬳᬸᬦᬶᬂ᭞ᬲᬢᬶᬗ᭄ᬓᬄᬫᬕᬫ᭞ᬲᬪᬶᬦᬦ᭄ᬧᬸᬦᬶᬓᬫᬮᬶᬄ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬓᭂᬜᭂᬫ᭄ᬦᬶᬫ᭄ᬩᬮ᭄᭟ᬦᬄᬢᭀᬓᬾᬦᬾᬫᬾᬫᬾ

Auto-transliteration

[27 27B] 27 pūr̀wwansangwatug̶n̶giri, pangpangringbhaṭāra, katĕmaḥhantuk'hida, bhaṭāraśiwatumuli, wĕkastanwĕnang, winalatwwangarabi. kangibutanwĕnanghakur̥ĕnlanhoka, dumadakngal̥ĕtuhin, wacananbhaṭāra, hyangwiṣṇutal̥ĕr̀nĕmaḥ, hiḥkitasangwa‐ tugiri, nangkĕnnĕmbulan, kacaṇdhalankangbumi. kĕnisāmpundewektityangkapanasan, sanghyangwiṣṇungadyanin, sāmpunsapunika, holashidabhaṭāra, sawatĕkwukukahurip, lanwatĕkdewa, makādipañcar̥ĕsyi. caniścara'uma nistĕdunrantaban, watĕkdewatasami, maśucilakṣaṇa, dewasapabr̥ĕsihan, caṇdhalansangwatugiri, mahayulontar̀, hodalanśaraśwati. raditepahingsintangĕdasrahina, kumkumanwatugiri, tingkahingmajamas, bañu‐ pinaruḥngaran, sawatĕkdewatangawi, ngikĕtcarita, wentĕnkidungkakawin. kālapunikawentĕndewasa, sawatĕkpañcar̥ĕsyi, samikahunggahang, ringdinapañcawara, sanggar̀ggakliwonnĕmonin, lansangkūr̀sika, rikālaningu [28 28A] 28 manis. sangmaitrikālaningpahingkahunggahang, sangkurusyakālaning, ponnĕmoninmunggaḥ, sangpratañjalamu‐nggaḥ, kālaningwagenĕmonin, sāmpunlalima, mawilangpañcar̥ĕsyi. patĕmuningwukulawanpañcawara, katuturane‐ ngūni, kenginrarahinan, sahawiddhiwedana, kasungkĕminsar̥ĕngsami, ringbalihaga, kĕndĕlsamimiragi \\•\\ maskumambang \\•\\ rājaputriledangkayunetansipi, tambemir̥ĕngsatwa, katatwansangwatugiri, nekenginbantangagama. turaḥbalibhaktimār̀ggakawāṣṭanin, tingkahengaturang, bhaktiringhidahyangwiddhi, masādhanababantĕna‐n. sahasĕmbaḥngastawayangjagatbali, lamakankawĕkas, karahayonekapanggiḥ, tilingmawiddhiwedana. l̥ĕgapisa nmanaḥsangngayaḥmiragi, tumulinunasang, nawĕgangringdukuḥhistri, hinggiḥdurusanglanturang. mungpungledangma‐ngdatityangtatashuning, satingkaḥmagama, sabhinanpunikamaliḥ, dukuḥhistrikĕñĕmnimbal. naḥtokenememe

Leaf 28

Image on Archive.org

[᭒᭘ 28B] ᭒᭘ ᬗᭀᬭᬳᬶᬦ᭄ᬦᬾᬚᬦᬶ᭞ᬮᬶᬬᬸᬩᬩᬘᬓᬦ᭄᭞ᬧᬤᬾᬯᬲᬦ᭄ᬗᬘᬶᬕᬸᬫᬶ᭞ᬦᬾᬓᬵᬤᬦᬶᬦ᭄ᬭᬭᬳᬶᬦᬦ᭄᭟ᬗᬦᭂᬫ᭄ᬩᬸᬮ᭠ᬦ᭄ᬳᬶᬢᬸᬗᬦ᭄ᬩᬸᬮᬦᬦ᭄ᬩᬮᬶ᭞ᬓᬧᬢ᭄ᬲᬲᬸᬃᬤᬶᬦ᭞ᬫᬢᭂᬕᭂᬧᬦ᭄ᬧᬸᬮᬧᬮᬶ᭞ᬮᬦ᭄ᬢᬸᬭᬦ᭄ᬳᬸᬦ᭄ᬤᬸᬓᬾᬩᬸᬲᬦ᭄᭟ᬘᭀᬫᬭᬶᬩᭂᬓ᭄‌‌ᬳᭀᬤᬮᬦ᭄ᬪ ᬝᬵᬭᬶᬰ᭄ᬭᬷ᭞ᬦᬸᬚᬸᬯᬸᬓᬸᬲᬶᬦ᭄ᬢ᭞ᬘᭀᬫᬧᭀᬦ᭄ᬫᬦ᭄ᬢᭂᬦᬶᬦ᭄ᬧᬤᬶ᭞ᬢ᭄ᬯᬭᬤᬤᬶᬗᬤᭂᬧ᭄ᬩᬳᬲ᭄᭟ᬯᬸᬓᬸᬲᬶᬦ᭄ᬢᬅᬗ᭄ᬕᬭᬯᬕᬾᬦᭂᬫᭀᬦᬶᬦ᭄᭞ᬳᭀᬤᬮᬦ᭄ᬪᬝᬵᬭ᭞ᬫᬳᬵᬤᬾᬯᬬᭀᬕ᭄ᬬᬫᬲᬶᬄ᭞ᬗᬢᬸᬭᬂᬯᬶᬤ᭄ᬥᬶᬯᬾᬤᬦ᭟ᬲᬩᬸᬄᬳᭂᬫᬵᬲ᭄ᬤᬶᬦᬦᬾᬓᭀ᭠ ᬦᬾᬓᬵᬤᬦᬶᬦ᭄᭞ᬫᬦ᭄ᬢᭂᬦᬶᬦ᭄ᬪᬭᬡ᭞ᬫᬸᬮᬾᬫᬸᬮᬾᬳᭂᬫᬵᬲ᭄ᬧᬶᬧᬶᬲ᭄᭞ᬮᬫᬓᬦ᭄ᬲᬸᬕᬶᬄᬓᭀᬚᬭᬦ᭄᭟ᬯᬸᬓᬸᬲᬶ᭠ᬦ᭄ᬢᬩᬸᬤ᭄ᬥᬓ᭄ᬮᬶᬯᭀᬦ᭄ᬧᬕᭂᬃᬯᭂᬲᬶ᭞ᬧᬬᭀᬕᬦ᭄ᬪᬝᬵᬭ᭞ᬧ᭄ᬭᬫᬾᬲ᭄ᬢᬶᬕᬸᬭᬸᬦᭂᬫᭀᬦᬶᬦ᭄᭞ᬮᬦ᭄ᬤᬾᬯᬢᬦᬯᬲᬗ᭟ᬦᬸᬫᬤᬓᬂᬓᬭᬳ ᬬᭀᬦ᭄ᬕᬸᬫᬶᬩᬮᬶ᭞ᬮᬭᬫᬮᬭᬤᬦ᭄᭞ᬳᬯᬦᬦ᭄ᬗᬢᬸᬭᬂᬳᬘᬶ᭞ᬮᬫᬓᬦᬾᬤᬶᬃᬕ᭄ᬕᬬᬸᬱ᭟ᬯᬸᬓᬸᬮᬡ᭄ᬥᭂᬧ᭄‌‌ᬘ᭠ᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬩ᭄ᬯᬶᬦ᭄᭞ᬫᬯᬶᬤ᭄ᬥᬶᬯᬾᬤᬦ᭞ᬧᬬᭀᬕᬦ᭄ᬳ᭄ᬬᬂᬧᬰᬸᬧᬢᬶ᭞ᬧ᭄ᬭᬕᬬᬦ᭄ᬳ᭄ᬬᬂᬰᬶᬯ᭟ᬢᬸᬫ᭄ᬧᭂᬓ᭄ᬮᬦ᭄ᬤᭂᬧ᭄‌‌ᬓᭂᬢᬄᬤᬶᬦᬦᬾᬓᬵ [᭒᭙ 29A] ᭒᭙ ᬤᬦᬶᬦ᭄᭞ᬫᬳᬬᬸᬲᬜ᭄ᬚᬢ᭞ᬩᬦ᭄ᬢᭂᬦᬶᬦ᭄ᬧᬰᬸᬧᬢᬶᬦᬶᬦ᭄᭞ᬮᬫᬓᬦᬾᬚᬬᬾᬂᬭᬡ᭟ᬯᬸᬓᬸᬉᬓᬶᬃᬓᬵᬮᬭᬤᬶᬢᬾᬉᬫᬦᬶᬲ᭄᭞ᬓᬵᬮᬦᬶᬂᬫᬬᭀᬕ᭞ᬪᬝᬵᬭᬕᬸᬭᬸᬦᭂᬫᭀᬦᬶᬦ᭄᭞ᬫᬲᬶᬄᬫᬯᬶᬤ᭄ᬥᬶᬯᬾᬤᬦ᭟ᬅᬗ᭄ᬕᬃᬓᬲᬶᬄᬅᬗ᭄ᬕᬭᬓ᭄ᬮᬶᬯᭀᬦ᭄ᬓᬸᬮᬦ᭄ᬢᬶᬭ᭄᭞ᬧᬹ ᬚᬯᬮᬶᬦ᭄ᬳᬶᬤ᭞ᬳ᭄ᬬᬂᬫᬳᬵᬤᬾᬯᬦᭂᬫᭀᬦᬶᬦ᭄᭞ᬗᬢᬸᬭᬂᬩᬦ᭄ᬢᭂᬦ᭄ᬓᬲᬗ᭄ᬕᬄ᭟ᬘᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬯᬭᬶᬕᬦᭂᬫᭀᬦᬶ᭠ᬦ᭄᭞ᬫᬯᬶᬤ᭄ᬥᬶᬯᬾᬤᬦ᭞ᬢᬸᬫ᭄ᬧᭂᬓ᭄ᬧᬗᬸᬤᬸᬄᬓᬵᬤᬦᬶᬦ᭄᭞ᬧᬬᭀᬕᬦ᭄ᬲᬗ᭄ᬳ᭄ᬬᬂᬰᬗ᭄ᬓᬭ᭟ᬓᬓᬬᭀᬦᬦ᭄ᬧᬵᬢᬹᬢᬸᬤᬸᬄᬢᬹᬃᬩᬦ᭄ᬢᭂᬦᬶᬦ᭄᭞᭠ ᬳᬧᬂᬗᭂᬤ᭄ᬫᬩᬸᬯᬄ᭞ᬗᬫᬺᬢ᭄ᬣᬦᬶᬦ᭄ᬲᬂᬫᬳᬸᬭᬶᬧ᭄᭞ᬧᬸᬦᬶᬓᬧᬗᬸᬧᬚᬶᬯ᭟ᬯᬭᬶᬕᬤ᭄ᬬᬦ᭄ᬦᬸᬚᬸᬤᬶᬦᬘᭀᬫᬧᬳᬶᬂ᭞ᬧᬹᬚᬯ᭠ᬮᬶᬦ᭄ᬳᬶᬤ᭞ᬪᬝᬵᬭᬩ᭄ᬭᬳ᭄ᬫᬵᬦᭂᬫᭀᬦᬶᬦ᭄᭞ᬫᬲᬶᬄᬫᬯᬶᬤ᭄ᬥᬶᬯᬾᬤᬦ᭟ᬯᬸᬓᬸᬲᬸᬂᬲᬂᬯ᭄ᬭᬲ᭄ᬧᬢᬶᬯᬕᬾᬦᭂᬫᭀᬦᬶᬦ᭄᭞ᬫᬵᬤᬦ᭄ᬲᬸᬕ᭄ᬬᬦ᭄ᬚᬯ᭞ᬧ ᬫ᭄ᬭᬢᬶᬲ᭄ᬢᬦ᭄ᬕᬸᬫᬶᬩᬮᬶ᭞ᬳᬸᬘᬧᬶᬂᬲᬸᬦ᭄ᬤᬭᬶᬕᬫ᭟ᬓᬲᬫ᭄ᬩᬢᬂᬧ᭄ᬭᬪᬵᬯᬦ᭄ᬗᬢᬸᬭᬂᬳᬘᬶ᭞ᬤᬶᬲᬗ᭄ᬕᬄᬓᬫᬸᬮᬦ᭄᭞ᬧᬗ᭄ᬭᬭ᭠ᬢᬦ᭄ᬧᬸᬱ᭄ᬧᬯᬗᬶ᭞ᬭᬋᬲᬶᬓ᭄ᬓᬵᬢᬹᬃᬓᬧᬸᬭ᭟ᬤᬶᬧᬃᬬ᭄ᬬᬗᬦ᭄ᬧᬮᬶᬗ᭄ᬕᬶᬄᬪᬝᬵᬭᬲᬫᬶ᭞ᬓᭀᬚᬭᬦ᭄ᬪᬝᬵᬭ᭞ᬮᬦ᭄ᬤᬾᬯᬧᬶᬢᬭᬗᬶᬭᬶᬂ᭞ᬢᭂ᭠

Auto-transliteration

[28 28B] 28 ngorahinnejani, liyubabacakan, padewasanngacigumi, nekādaninrarahinan. nganĕmbula‐nhitunganbulananbali, kapatsasur̀dina, matĕgĕpanpulapali, lanturanhundukebusan. comaribĕk'hodalanbha ṭāriśrī, nujuwukusinta, comaponmantĕninpadi, twaradadingadĕpbahas. wukusinta'anggarawagenĕmonin, hodalanbhaṭāra, mahādewayogyamasiḥ, ngaturangwiddhiwedana. sabuḥhĕmāsdinaneko‐ nekādanin, mantĕninbharaṇa, mulemulehĕmāspipis, lamakansugiḥkojaran. wukusi‐ntabuddhakliwonpagĕr̀wĕsi, payoganbhaṭāra, pramestigurunĕmonin, landewatanawasanga. numadakangkaraha yon'gumibali, laramalaradan, hawananngaturanghaci, lamakanedir̀ggayuṣa. wukulaṇdhĕpca‐niścarakliwonbwin, mawiddhiwedana, payoganhyangpaśupati, pragayanhyangśiwa. tumpĕklandĕpkĕtaḥdinanekā [29 29A] 29 danin, mahayusañjata, bantĕninpaśupatinin, lamakanejayengraṇa. wuku'ukir̀kālaradite'umanis, kālaningmayoga, bhaṭāragurunĕmonin, masiḥmawiddhiwedana. anggar̀kasiḥanggarakliwonkulantir, pū jawalinhida, hyangmahādewanĕmonin, ngaturangbantĕnkasanggaḥ. caniścarakliwonwariganĕmoni‐n, mawiddhiwedana, tumpĕkpanguduḥkādanin, payogansanghyangśangkara. kakayonanpātūtuduḥtūr̀bantĕnin, ‐ hapangngĕdmabuwaḥ, ngamr̥ĕtthaninsangmahurip, punikapangupajiwa. warigadyannujudinacomapahing, pūjawa‐linhida, bhaṭārabrahmānĕmonin, masiḥmawiddhiwedana. wukusungsangwraspatiwagenĕmonin, mādansugyanjawa, pa mratistan'gumibali, hucapingsundarigama. kasambatangprabhāwanngaturanghaci, disanggaḥkamulan, pangrara‐tanpuṣpawangi, rar̥ĕsikkātūr̀kapura. dipar̀yyanganpalinggiḥbhaṭārasami, kojaranbhaṭāra, landewapitarangiring, tĕ‐

Leaf 29

Image on Archive.org

[᭒᭙ 29B] ᭒᭙ ᬤᬸᬦ᭄ᬫᬭᬶᬂᬫᬥ᭄ᬬᬧᬤ᭟ᬰᬸᬓ᭄ᬭᬓ᭄ᬮᬶᬯᭀᬦ᭄ᬯᬸᬓᬸᬲᬸᬂᬲᬂᬲᬸᬕ᭄ᬬᬦ᭄ᬩᬮᬶ᭞ᬧᬫ᭄ᬭᬢᬶᬲ᭄ᬢᬦ᭄ᬳᬗ᭄ᬕ᭞ᬰᬭᬶᬭᬫᬳᭂᬦᬶᬂ᭞ᬭᬾᬄᬲᬗ᭄ᬳ᭄ᬬᬂᬢᬶᬕᬯᬶᬰᬾᬱ᭟ᬧᬘᬂᬢᭂᬤᬸᬦ᭄ᬓᬫᬥ᭄ᬬᬧᬤᬫᬦᬤᬶ᭞ᬲᬂᬪᬹᬢᬕᬮᬸᬗᬦ᭄᭞ᬩᬶᬦ᭄ᬧᬸᬯᬦ᭄ᬭᬤᬶᬢᬾᬧᬳᬶᬂ᭞ᬫᬵᬤᬦ᭄ᬤᬶᬦᬧᬜᭂᬓᭂᬩ ᬦ᭄᭟ᬬᬦ᭄ᬘᭀᬫᬧᭀᬦ᭄ᬯᬸᬓᬸᬤᬸᬗᬸᬮᬦ᭄ᬓᬵᬤᬦᬶᬦ᭄᭞ᬤᬶᬦᬦᬾᬧᬜᬚᬵᬦ᭄᭞ᬭᬾᬄᬗᬳᬾᬚᬚᬦᭂᬫᭀᬦᬶᬦ᭄‌᭞ᬦᬾᬮᬓᬃᬳᬗ᭄ᬕᭀᬦ᭄ᬕᬮᬸᬗᬦ᭄᭟ᬤᬶᬅᬗ᭄ᬕᬭᬯᬕᬾᬤᬸᬗᬸᬮᬦ᭄ᬓᬵᬤᬦᬶᬦ᭄᭞ᬤᬶᬦᬧᬦᬫ᭄ᬧᬳᬦ᭄᭞ᬫᬢᬢᬫ᭄ᬧᬳᬦ᭄‌‌ᬦᭂᬫᭀᬦᬶᬦ᭄᭞ᬲ ᬭᬹᬧᬦᬶᬂᬯᬯᬮᬸᬗᬦ᭄᭟ᬪᬹᬢᬬᬚ᭄ᬜᬧᬶᬦᬓᬜᬭᭀᬦᬶᬦ᭄ᬕᬸᬫᬶ᭞ᬲᬩᬶᬮᬂᬧᭂᬫ᭄ᬧᬢᬦ᭄᭞ᬮᬮᬩᬳᬦ᭄ᬪᬹᬢᬪᬹᬢᬶ᭞ᬦᭂ᭠ᬫᭀᬦᬶᬦ᭄ᬫᬩᬾᬬᬓᬵᬮ᭟ᬩᬸᬤ᭄ᬥᬓ᭄ᬮᬶᬯᭀᬦ᭄ᬯᬸᬓᬸᬤᬸᬗᬸᬮᬦ᭄ᬓᬤᬦᬶᬦ᭄᭞ᬕᬮᬸᬗᬦ᭄ᬓᬮᬸᬫ᭄ᬩ᭄ᬭᬄ᭞ᬭᬭᬳᬶᬦᬦ᭄ᬕᬸᬫᬶᬩᬮᬶ᭞ᬧᬮᬶᬂᬉᬢ᭄ᬢᬫᬓᭀ ᬚᬭᬦ᭄᭟ᬓᬵᬮᬤᬶᬢᬸᬦᭂᬤᬲᬂᬭᬕᬫᬩᬺᬲᬶᬄ᭞ᬫᬰᬸᬘᬶᬮᬓ᭄ᬱᬡ᭞ᬓᬧᬸᬭᬧᬸᬭᬫᬪᬓ᭄ᬢᬶ᭞ᬬᬤᬶᬦ᭄ᬤᬶᬲᬗ᭄ᬕᬄ᭠ᬓᬫᬸᬮᬦ᭄᭟ᬘᬦᬶᬰ᭄ᬘᬭᬧᭀᬦ᭄ᬯᬸᬓᬸᬤᬸᬗᬸᬮᬦ᭄ᬦᬸᬮᬶ᭞ᬫᬵᬤᬦ᭄ᬧᬫᬭᬶᬤᬦ᭄᭞ᬕᬸᬭᬸᬤᬶᬦᬦᬾᬫᬫᬭᬶᬤ᭄᭞ᬩᬩᬦ᭄ᬢᭂᬦ᭄ᬦᬾᬳᬢᬸᬭᬂ᭟᭠ [᭓᭐ 30A] ᭓᭐ ᬩᬶᬦ᭄ᬫᬦᬶᬦ᭄ᬦᬾᬭᬤᬶᬢᬾᬯᬕᬾᬦᭂᬫᭀᬦᬶᬦ᭄᭞ᬯᬸᬓᬸᬦᬶᬂᬓᬸᬦᬶᬗᬦ᭄᭞ᬤᬶᬦᬳᬸᬮᬶᬳᬦ᭄ᬓᬵᬤᬦᬶᬦ᭄᭞ᬫᬦ᭄ᬢᬸᬓ᭄ᬪᬝᬵᬭ᭠ᬓᬲ᭄ᬯᬃᬕ᭄ᬕᬦ᭄᭟ᬘᭀᬫᬓ᭄ᬮᬶᬯᭀᬦ᭄ᬯᬸᬓᬸᬓᬸᬦᬶᬗᬦ᭄‌‌ᬓᬵᬤᬦᬶᬦ᭄᭞ᬤᬶᬦᬧᬫᬘᭂᬓᬦ᭄᭞ᬳᬕᬸᬂᬭᬭᬳᬶᬦᬦ᭄ᬕᬸᬫᬶ᭞ᬦᬸᬦ᭄ᬤᬸᬂᬲᬂᬪᬹᬢᬕᬮᬸ᭠ ᬗᬦ᭄᭟ᬩᬸᬤ᭄ᬥᬧᬳᬶᬂᬯᬸᬓᬸᬓᬸᬦᬶᬗᬦ᭄‌‌ᬢᬸᬫᬸᬮᬶ᭞ᬧᬹᬚᬯᬮᬶᬦ᭄ᬳᬶᬤ᭞ᬪᬝᬵᬭᬯᬶᬱ᭄ᬡᬸᬦᭂᬫᭀᬦᬶᬦ᭄᭞ᬫᬲᬶᬄᬫᬯᬶᬤ᭄ᬥᬶ᭠ᬯᬾᬤᬦ᭟ᬘᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬓᬸᬦᬶᬗᬦ᭄ᬓᬵᬤᬦᬶᬦ᭄᭞ᬤᬶᬦᬦᬾᬓᬸᬦᬶᬗᬦ᭄᭞ᬫᬸᬮᬭᬭᬳᬶᬦᬦ᭄ᬕᬸᬫᬶ᭞ᬢᭂᬤᬸᬦ᭄ᬲᬯᬢᭂᬓ᭄ᬤᬾᬯᬢ᭟᭠ ᬫᬳᬶᬭᬶᬗᬦ᭄ᬤᬾᬯᬮᬦ᭄ᬧᬶᬢᬭᬲᬫᬶ᭞ᬫᬭᬶᬂᬫᬥ᭄ᬬᬧᬤ᭞ᬢᭂᬤᬸᬦ᭄ᬓᬾᬯᬮᬳᬲᭂᬮᬶᬤ᭄᭞ᬧ᭄ᬭᬤᬂᬗᬢᬸᬭᬂᬧᬰᬸᬘ᭄ᬬ᭠ᬦ᭄᭟ᬩᬸᬤ᭄ᬥᬓ᭄ᬮᬶᬯᭀᬦ᭄ᬯᬸᬓᬸᬧᬳᬂᬮᬸᬢ᭄ᬓᬵᬤᬦᬶᬦ᭄᭞ᬤᬶᬦᬧᭂᬕᬢ᭄‌‌ᬯᬓᬦ᭄᭞ᬫᭂᬕᬢᬶᬦ᭄ᬗᬢᬸᬭᬂᬳᬘᬶ᭞ᬲᬸᬩᬧᬦᭂᬮᬄᬕᬮᬸᬗᬦ᭄᭟ᬘ᭠ ᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬯᬸᬓᬸᬉᬬᬾᬦᬸᬮᬶ᭞ᬫᬵᬤᬦ᭄ᬢᬸᬫ᭄ᬧᭂᬓ᭄ᬓᬦ᭄ᬤᬂ᭞ᬦᭂᬫᭀᬦᬶᬦ᭄ᬫᬩᬦ᭄ᬢᭂᬦ᭄ᬩ᭄ᬯᬶᬦ᭄᭞ᬗᭀᬢᭀᬦᬶᬦ᭄ᬳᬸᬩᬸ᭠ᬳᬸᬩᬸᬳᬦ᭄᭟ᬘᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬯᬸᬓᬸᬯᬬᬂᬦᬸᬮᬶ᭞ᬫᬵᬤᬦ᭄ᬢᬸᬫ᭄ᬧᭂᬓ᭄ᬯᬬᬂ᭞ᬲᬯᬢᭂᬓ᭄ᬤᬮᬂᬗᭀᬢᭀᬦᬶᬦ᭄᭞ᬯᬬᬂᬫᬶᬯᬄᬢᬢᬩᬸ

Auto-transliteration

[29 29B] 29 dunmaringmadhyapada. śukrakliwonwukusungsangsugyanbali, pamratistanhangga, śariramahĕning, reḥsanghyangtigawiśeṣa. pacangtĕdunkamadhyapadamanadi, sangbhūtagalungan, binpuwanraditepahing, mādandinapañĕkĕba n. yancomaponwukudungulankādanin, dinanepañajān, reḥngahejajanĕmonin, nelakar̀hanggon'galungan. di'anggarawagedungulankādanin, dinapanampahan, matatampahannĕmonin, sa rūpaningwawalungan. bhūtayajñapinakañaronin'gumi, sabilangpĕmpatan, lalabahanbhūtabhūti, nĕ‐moninmabeyakāla. buddhakliwonwukudungulankadanin, galungankalumbraḥ, rarahinan'gumibali, palinguttamako jaran. kāladitunĕdasangragamabr̥ĕsiḥ, maśucilakṣaṇa, kapurapuramabhakti, yadindisanggaḥ‐kamulan. caniścaraponwukudungulannuli, mādanpamaridan, gurudinanemamarid, babantĕnnehaturang. ‐ [30 30A] 30 binmaninneraditewagenĕmonin, wukuningkuningan, dinahulihankādanin, mantukbhaṭāra‐kaswar̀ggan. comakliwonwukukuningankādanin, dinapamacĕkan, hagungrarahinan'gumi, nundungsangbhūtagalu‐ ngan. buddhapahingwukukuningantumuli, pūjawalinhida, bhaṭārawiṣṇunĕmonin, masiḥmawiddhi‐wedana. caniścarakliwonkuningankādanin, dinanekuningan, mulararahinan'gumi, tĕdunsawatĕkdewata. ‐ mahiringandewalanpitarasami, maringmadhyapada, tĕdunkewalahasĕlid, pradangngaturangpaśucya‐n. buddhakliwonwukupahanglutkādanin, dinapĕgatwakan, mĕgatinngaturanghaci, subapanĕlaḥgalungan. ca‐ niścarakliwonwuku'uyenuli, mādantumpĕkkandang, nĕmoninmabantĕnbwin, ngotoninhubu‐hubuhan. caniścarakliwonwukuwayangnuli, mādantumpĕkwayang, sawatĕkdalangngotonin, wayangmiwaḥtatabu

Leaf 30

Image on Archive.org

[᭓᭐ 30B] ᭓᭐ ᬳᬦ᭄᭟ᬧ᭄ᬭᬕᬢ᭄ᬲᬸᬩᬧᬗᬦ᭄ᬤᬶᬓᬦ᭄ᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬲᬚ᭄ᬭᭀᬦᬶᬂᬦᭂᬫ᭄ᬩᬸᬮᬦ᭄᭞ᬢᬶᬗ᭄ᬓᬳᬾᬗᬢᬸᬭᬂᬳᬘᬶ᭞ᬫᬲᬵᬥᬦᬩᬩᬦ᭄ᬢᭂᬦᬦ᭄᭟ᬍᬕᬧᬶᬲᬦ᭄ᬫᬦᬄᬲᬂᬗᬬᬄᬫᬶᬭᬕᬶ᭞ᬳᬶᬦ᭄ᬤᬶᬓ᭄‌ᬭᬭᬳᬶᬦᬦ᭄᭞ᬫᬶᬦᬓᬵᬤᬶᬭᬵᬚᬧᬸᬢ᭄ᬭᬶ᭞ᬓᬧᬸᬗ᭄ᬓᬸᬃᬫᬮᬶᬄᬩᬯᭀᬲᬂ᭟᭜᭟ ᬧᬗ᭄ᬓᬸᬃ᭟᭜᭟ᬫᬾᬦ᭄ᬧ᭄ᬭᭀᬤᭀᬂᬫᬮᬶᬄᬦᬸᬦᬲᬂ᭞ᬳᬘᬶᬦ᭄ᬚᬕᬢ᭄‌ᬭᬶᬂᬤᬦᬾᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬥᬹᬄᬦᬧᬶᬓᬮᬶᬗᬦᬶᬧᬸᬦ᭄᭞ᬫᬭᬶᬂᬢᬶᬍᬫ᭄ᬓᬲᬗ᭞ᬬᬦᬶᬂᬜᭂᬧᬶ᭞ᬓᭂᬢᬾᬓᬦ᭄ᬰᬰᬶᬳᬾᬓᬦ᭄ᬢᬸᬦ᭄᭞ᬓᬤᬰᬤᬾᬲ᭄ᬢᬮᬦ᭄ᬲᬤ᭞ᬬᬦ᭄ᬯᬶᬮᬗᬶᬦ᭄ᬭᭀᬭᬲ᭄ᬲᬫᬶ᭟ᬓᭀ ᬘᬧ᭄ᬲᬲᭂᬧᬾᬦ᭄ᬧᬸᬦᬶᬓ᭞ᬧᬲᬮᬶᬢᬦ᭄‌ᬢᬳᬸᬦᬶᬰᬓᬵᬦ᭄ᬕᬸᬫᬶ᭞ᬓᬤᬶᬢᬦ᭄ᬯᬾᬦ᭄ᬢᭂᬦ᭄ᬜᬓ᭄ᬳᬤᬸᬂ᭞ᬓᬫᬦᬄᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬬᬦᬶᬂᬯ᭄ᬬᬓ᭄ᬢᬶ᭞ᬜᭂᬧᬶᬦᬾᬗᭂᬦ᭄ᬢᭀᬲᬂᬢᬳᬸᬦ᭄᭞ᬧᬸᬦᬧᬶᬳᬯᬶᬦᬦ᭄ᬧ᭄ᬭᬤᬂ᭞ᬲᬤᬸᬭᬸᬂᬧᬦᭂᬮᬲ᭄ᬰᬰᬶᬄ᭟ᬫᬾᬦ᭄ᬲᬗ᭄ᬓᭀᬮ᭄ᬓᭂᬜᭂᬫ᭄ᬫᬶᬭᬕ᭄ᬬᬂ᭞ᬫ ᬧᬶᬭᬶᬭᬶᬄᬫᬾᬦ᭄ᬧ᭄ᬭᭀᬤᭀᬂᬓᬘᬧᬢᬶᬦ᭄᭞ᬳᬭᬄᬫ᭄ᬩᭀᬓ᭄ᬲᬓᬭᬶᬂᬚᬸᬕᬸᬮ᭄᭞ᬩᭂᬮᭀᬕ᭄ᬢᭀᬂᬦᬯᬂᬳᬗ᭄ᬓ᭞ᬘᬭᬩᬮᬶ᭞ᬳᬤᬫᬵᬤᬦ᭄ᬳᬗ᭄ᬓᬧᬸᬬᬸᬂ᭞ᬫᬕᭀᬩᬫᬢᬦ᭄ᬢᬶᬢᬶᬭᬦ᭄᭞ᬧᬗᭀᬦᬾᬓᬾᬳᬮᬸᬄᬕᬢᬶ᭟ᬲᬤ᭄ᬯᬢᭂᬮᬸᬧᬢ᭄ᬧᬢ᭄ᬮᬶᬫ᭞᭠ [᭓᭑ 31A] ᭓᭑ ᬦᭂᬫ᭄‌ᬧᬶᬢᬸᬓᬸᬢᬸᬲ᭄‌ᬮᬦᬲ᭄ᬬᬜᬭᬶᬓ᭄᭞ᬓᬳᬗ᭄ᬓᬤᬤ᭄ᬯᬳᬗ᭄ᬕᭀᬦᬶᬫ᭄ᬩᬸᬄ᭞ᬕᭀᬩᬦ᭄ᬳᬗ᭄ᬓᬦᬾᬳᬲ᭄ᬬ᭞ᬧᬸᬮᬃᬧᬮᬶᬃ᭞ᬬ᭠ᬤᬶᬦ᭄ᬦᬸᬮᬶᬲ᭄ᬳᬗ᭄ᬓᬲᬶᬬᬸ᭞ᬢᬶᬗ᭄ᬓᬳᬾᬢ᭄ᬯᬭᬫᬮᬾᬦᬦ᭄᭞ᬲᬓᬾᬯᬮᬫᬮᬸᬓᭀᬭᬶ᭟ᬳᬗ᭄ᬓᬩᭂᬲᬶᬓ᭄ᬫᬓᭂᬫ᭄ᬩᬭᬦ᭄᭞ᬳᬗ᭄ᬓᬭᭀᬭᬲ᭄‌ᬲᬶᬫᬮᬸ᭠ ᬳᬗ᭄ᬓᬩᭂᬲᬶᬓ᭄᭞ᬢᬶᬫ᭄ᬩᬮ᭄ᬩᬦ᭄ᬳᬗ᭄ᬓᬧᬸᬬᬸᬂ᭞ᬬᬾᬦ᭄ᬦᬸᬮᬶᬲ᭄ᬳᬗ᭄ᬓᬤᬰ᭞ᬳᬗ᭄ᬓᬩᭂᬲᬶᬓ᭄᭞ᬳᬶᬫ᭄ᬩᬸᬳᬶᬦ᭄ᬩᬦ᭄ᬳᬗ᭄ᬓᬧᬸᬬᬸᬂ᭞ᬳᬓᬾᬢᭀᬫᬤᬦᬤᬰ᭞ᬳᬗ᭄ᬓᬲᭀᬮᬲᬾᬬᬾᬦ᭄ᬦᬸᬮᬶᬲ᭄᭟ᬲᬶᬧᬢᬂᬓᭂᬢᬾᬓᬦ᭄ᬳᬗ᭄ᬓ᭞ᬦ᭄ᬢᭀᬳᬯᬦᬦ᭄ᬤᬶᬓᬲᬗᬦᬾᬜᭂᬧᬶ᭞ᬓᭂᬜᭂᬫ᭄ᬤᬦᬾᬤᬸ ᬓᬸᬄᬯᬥᬹ᭞ᬫᬶᬋᬂᬫᬾᬦ᭄ᬲᬗ᭄ᬓᭀᬮ᭄ᬮᬕᬲ᭄᭞ᬫᭂᬲ᭄ᬯᬂᬫᬸᬜᬶ᭞ᬫᬶᬭᬶᬩ᭄ᬜᬓ᭄ᬲᬚᬫᬕᬸᬢᬸᬓ᭄᭞ᬧᬦ᭄ᬢᭂᬲ᭄ᬕᬸᬕᬸᬩᬩᭂᬮᭀᬕᬦ᭄᭞ᬋᬲᭂᬧᬂᬲᬚᬜᬓ᭄ᬳᬲᬶᬦ᭄᭟ᬢᬸᬫᬸᬮᬶᬤᬦᬾᬗᬦ᭄ᬤᬶᬓ᭞ᬫᬾᬦ᭄ᬲᬗ᭄ᬓᭀᬮ᭄ᬢᭂᬕᬭᬂᬩᬋᬂᬧᬶᬦᭂᬳᬶᬦ᭄᭞ᬯᬶᬭᬾᬄᬳᬤᬫᬲᬶᬄᬳᬸᬦ᭄ᬤᬸᬓ᭄᭞ᬳᬦᬾ ᬢᭂᬧᬸᬓ᭄ᬫᬮᬾᬦᬦ᭄᭞ᬩᬶᬦ᭄ᬳᬩᭂᬤᬶᬓ᭄᭞ᬬᬤᬶᬦ᭄ᬲᬲᬸᬤᬸᬓᬾᬧᬢᬸᬄ᭞ᬗᬢᬶᬩᬦ᭄ᬗᭂᬦ᭄ᬢᭀᬲᬶᬰᬓᬵ᭞ᬲᬲᬸᬩᬦᬾᬲᬸ᭠ᬯᬸᬤ᭄ᬜᭂᬧᬶ᭟ᬗᬶᬂᬢᬶᬤᭀᬂᬫᬩᬦ᭄ᬢᬂᬳᬗ᭄ᬓ᭞ᬪᬶᬦᬳᬗ᭄ᬕᭀᬦ᭄ᬫᬾᬫᬾᬚᬦᬶᬦᭂᬧᬲᬶᬦ᭄᭞ᬳᬸᬮᬢᬂᬤᬶᬢᬦᬄᬳᬶᬡ᭄ᬥᬸ᭞ᬓᭀᬚᬭᬦ᭄ᬳᬚᬶᬰᬓᬵ᭞

Auto-transliteration

[30 30B] 30 han. pragatsubapangandikandukuḥhistri, sajroningnĕmbulan, tingkahengaturanghaci, masādhanababantĕnan. l̥ĕgapisanmanaḥsangngayaḥmiragi, hindikrarahinan, minakādirājaputri, kapungkur̀maliḥbawosang \\•\\ pangkur̀ \\•\\ menprodongmaliḥnunasang, hacinjagatringdanedukuḥhistri, dhūḥnapikalinganipun, maringtil̥ĕmkasanga, yaningñĕpi, kĕtekanśaśihekantun, kadaśadestalansada, yanwilanginrorassami. ko capsasĕpenpunika, pasalitantahuniśakān'gumi, kaditanwentĕnñak'hadung, kamanaḥhantuktityang, yaningwyakti, ñĕpinengĕntosangtahun, punapihawinanpradang, sadurungpanĕlasśaśiḥ. mensangkolkĕñĕmmiragyang, ma piririḥmenprodongkacapatin, haraḥmboksakaringjugul, bĕlogtongnawanghangka, carabali, hadamādanhangkapuyung, magobamatantitiran, pangonekehaluḥgati. sadwatĕlupatpatlima, ‐ [31 31A] 31 nĕmpitukutuslanasyañarik, kahangkadadwahanggonimbuḥ, gobanhangkanehasya, pular̀palir̀, ya‐dinnulishangkasiyu, tingkahetwaramalenan, sakewalamalukori. hangkabĕsikmakĕmbaran, hangkarorassimalu‐ hangkabĕsik, timbalbanhangkapuyung, yennulishangkadaśa, hangkabĕsik, himbuhinbanhangkapuyung, haketomadanadaśa, hangkasolaseyennulis. sipatangkĕtekanhangka, ntohawanandikasanganeñĕpi, kĕñĕmdanedu kuḥwadhū, mir̥ĕngmensangkollagas, mĕswangmuñi, miribñaksajamagutuk, pantĕsgugubabĕlogan, r̥ĕsĕpangsajañak'hasin. tumulidanengandika, mensangkoltĕgarangbar̥ĕngpinĕhin, wireḥhadamasiḥhunduk, hane tĕpukmalenan, binhabĕdik, yadinsasudukepatuḥ, ngatibanngĕntosiśakā, sasubanesu‐wudñĕpi. ngingtidongmabantanghangka, bhinahanggonmemejaninĕpasin, hulatangditanaḥhiṇdhu, kojaranhajiśakā,

Leaf 31

Image on Archive.org

[᭓᭑ 31B] ᭓᭑ ᬲᬗ᭄ᬓᬦ᭄ᬳᬤᬇᬰᬓᬵᬓᬯᬶᬢᬾᬫᬮᬸ᭞ᬤᬶᬳᬶᬡ᭄ᬥᬸᬬᬤᬶᬦ᭄ᬤᬶᬚᬯ᭞ᬲᬸᬗ᭄ᬓᭂᬫᬶᬦ᭄ᬚᬦᬶᬤᬶᬩᬮᬶ᭟ᬤᬶᬩᬮᬶᬰᬰᬶᬄᬓᬲᬗ᭞ᬤᬶᬳᬶᬡ᭄ᬥᬸᬫᬲᬦ᭄‌‌ᬭᬭᬳᬶᬦᬦ᭄ᬕᬸᬫᬶ᭞ᬧ᭄ᬭᬢᬶᬢᬶᬫᬲᬱᬤ᭄ᬋᬢᬸ᭞ᬧᬦᭂᬥᭂᬗᬶᬂᬪᬲᬦ᭄ᬢ᭞ᬗᬮᬗᭂᬦᬶᬦ᭄᭞ᬲᬓᬜ᭄ᬘᬦᬶᬂᬓᬬᬸᬓᬬᬸ᭞ᬫᬓᭂᬥᬧᬦ᭄᭠ ᬢᬹᬃᬫᬩᬸᬗ᭄ᬳ᭞ᬳᬮᭀᬓᬾᬜᬮᬶᬦᬂᬰᬰᬶᬄ᭟ᬲᭂᬤᭂᬓᬦ᭄ᬫᬲᬸᬓᬲᬸᬓᬵᬦ᭄᭞ᬢᭀᬂᬳᬶᬡ᭄ᬥᬸᬫᬲᬶᬄᬫ᭄ᬭᬶᬬᬸᬓᬶᬦ᭄ᬤᬶᬩᬮᬶ᭞᭠ᬲᬯᬶᬭᬾᬄᬫᬵᬕᬫᬳᬶᬡ᭄ᬥᬸ᭞ᬤ᭄ᬯᬦᬶᬂᬢᬶᬍᬫ᭄ᬓᬲᬗ᭞ᬮᬦ᭄ᬢᬲ᭄ᬜᭂᬧᬶ᭞ᬦᬸᬮᬤ᭄ᬢᬢᬓ᭄ᬭᬫᬤᬶᬢᬸ᭞ᬫᬋᬗᬶᬦ᭄ᬫᬍᬕᬍᬕᬦ᭄᭞ᬜᬶᬳ᭄ᬦᬬᬂᬤᬾᬯᬾᬓ᭄ᬜᬸ ᬗ᭄ᬓᭂᬫᬶᬦ᭄᭟ᬅᬕᬫᬮᬦ᭄ᬢᬢᬓ᭄ᬭᬫ᭞ᬘᬭᬳᬶᬡ᭄ᬥᬸᬦᬾᬚᬮᬦᬂᬤᬶᬩᬮᬶ᭞ᬫᬾᬦ᭄ᬧ᭄ᬭᭀᬤᭀᬂᬫᬘᭂᬫ᭄ᬧ᭄ᬮᬾᬂᬫᬵᬢᬹᬃ᭞ᬧᬸᬦᬶᬓ᭠ᬧᬵᬢᬹᬢ᭄ᬧᬶᬲᬦ᭄᭞ᬢᬶᬢ᭄ᬬᬂᬗᬶᬭᬶᬂᬜᬸᬗ᭄ᬓᭂᬫᬶᬦ᭄ᬢᬸᬭᬄᬭᬶᬂᬳᬶᬡ᭄ᬥᬸ᭞ᬢᬦ᭄ᬲᬶᬫ᭄ᬧᬂᬓᬤᬶᬯᬘᬦ᭞ᬯᬯᬸᬢᬶᬢ᭄ᬬᬂᬗᭂᬕᬫᬗ᭄ᬓᬶᬦ᭄‌᭟ᬲᬂᬗᬬᬄᬲᬋᬂᬫᬵᬢᬹ᭠ ᬢᬂ᭞ᬧᬫᬶᬤᬃᬢ᭄ᬣᬦ᭄ᬧᬗᬶᬫ᭄ᬩᬂᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬫᬾᬦ᭄ᬲᬗ᭄ᬓᭀᬮ᭄ᬓᬩᬶᬮ᭄ᬩᬶᬮ᭄ᬗᬸᬦ᭄ᬢᬸᬮ᭄᭞ᬭᬵᬚᬧᬸᬢ᭄ᬭᬶᬫᬫᭂᬮᬢ᭄᭞ᬳᬶᬗ᭄ᬕᬶᬄᬦᬶᬦᬶᬭ᭠ᬭᬶᬲᬂᬫᬗ᭄ᬤᬗᭂᬮᬦ᭄ᬢᬸᬃ᭞ᬢᬶᬗ᭄ᬓᬳᬾᬦᬩ᭄ᬤᬩᬂᬓᬵᬃᬬ᭄ᬬ᭞ᬲᬲᭂᬧᬾᬦ᭄ᬓᬵᬮᬦᬶᬂᬜᭂᬧᬶ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬫᬵᬢᬹᬃᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬲᬧᬸᬦᬶᬓᬶᬤᬾ [᭓᭒ 32A] ᭓᭒ ᬯᬵᬕᬸᬂᬳᬶᬲ᭄ᬢ᭄ᬭᬶ᭞ᬳᬦ᭄ᬤᬬᬦ᭄ᬓᬵᬃᬬ᭄ᬬᬦᬾᬭᬢᬸ᭞ᬓᬵᬮᬧᬗ᭄ᬮᭀᬂᬧᬶᬂᬢ᭄ᬮᬸᬮᬲ᭄᭞ᬫᬮᬮᬲ᭄ᬢᬶᬓᬲᬵᬕᬭᬧᬵᬢᬹᬢ᭄ᬤᬸᬫᬸᬦ᭄᭞ᬳᬃᬘ᭄ᬘᬫᬓᬵᬤᬶᬧ᭄ᬭᬢᬶᬫ᭞ᬫᬭᬶᬂᬧᬸᬭᬧᬸᬭᬲᬫᬶ᭟ᬮᬸᬗ᭄ᬳᬬᬂᬲᬳᬚᬫ᭄ᬧᬦ᭞ᬓᬲᬵᬕᬭᬫᬰᬸᬘᬶᬧᬶᬦ᭄ᬤᬓᬤᬶ᭞ᬗᬫᬾᬢ᭄ᬢᬶᬃᬢ᭄ᬣᬓᬫᬡ᭄ᬥᬮᬸ᭞ ᬭᬶᬂᬢᭂᬍᬂᬦᬶᬂᬲᬫᬸᬤ᭄ᬭ᭞ᬧᬹᬚᬵᬓᬾᬃᬢ᭄ᬢᬶᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬲᬫᬶᬓᬵᬢᬹᬃ᭞ᬭᬭᬧᬦ᭄ᬭᬶᬂᬳ᭄ᬬᬂᬪᬭᬸᬡ᭞ᬮᬫᬓᬦ᭄ᬚᬕᬢᬾᬯᬺ᭠ᬤ᭄ᬥᬶ᭟ᬳᬜᬸᬤ᭄ᬲᬫᬮᬧᬢᬓ᭞ᬍᬩᬹᬃᬢᬦ᭄ᬧᬰᬾᬱᬍᬢᬸᬳᬶᬂᬪᬹᬫᬶ᭞ᬯᬸᬲ᭄ᬧᬸᬦᬶᬓᬭᬭᬶᬲ᭄ᬫᬦ᭄ᬢᬸᬓ᭄᭞ᬲᬳᬦᭂᬕᭂᬦ᭄ᬚᬫ᭄ᬧᬦ᭞ᬲᬋᬂᬲᬫᬶᬮᬶ ᬗ᭄ᬕᬶᬳᬂᬭᬶᬂᬩᬮᬾᬳᬕᬸᬂ᭞ᬭᬭᬶᬲ᭄ᬳᬢᬸᬭᬶᬦ᭄ᬥᬢᭂᬗᬦ᭄᭞ᬩᬾᬜ᭄ᬚᬂᬲᭂᬫᭂᬂᬳᬸᬘᬧ᭄ᬫᬮᬶᬄ᭟ᬦᬗᬸᬦ᭄ᬓᬵᬃᬬ᭄ᬬᬪᬹᬢᬬᬚ᭄ᬜ᭞ᬫᬘᬭᬸᬲᬩᬶᬮᬂᬧᭂᬫ᭄ᬧᬢᬦ᭄ᬫᬵᬃᬕ᭄ᬕᬶ᭞ᬉᬢ᭄ᬢᬫᬦᬾᬢᬳᬸᬃᬳᬕᬸᬂ᭞ᬳᬫᬥ᭄ᬬᬧᬜ᭄ᬘᬲᬦᬓ᭄᭞ᬧᬮᬶᬂᬦᬶᬲ᭄ᬢᬧᬜ᭄ᬘᬲᬢᬯᬵᬱ᭄ᬝᬦᬶᬧᬸᬦ᭄᭞ᬫᬭᬶᬂ᭠ ᬲᭀᬯᬂᬧᬓᬭᬗᬦ᭄᭞ᬓᬬᭀᬕ᭄ᬬᬢᬍᬃᬘᬭᭀᬦᬶᬦ᭄᭟ᬗᬦ᭄ᬢᭂᬩᬂᬘᬭᬸᬭᬶᬓᬵᬮ᭞ᬲᬦ᭄ᬤᬾᬓᬯᭀᬦ᭄ᬯᬸᬲ᭄ᬦᬶ᭠ᬓᬓᬯᬵᬱ᭄ᬝᬦᬶᬦ᭄᭞ᬓᬵᬃᬬ᭄ᬬᬦᬾᬋᬓᬾᬗᬭᬸᬧᬸᬓ᭄᭞ᬫᭀᬩᭀᬭᭀᬩᭀᬃᬧᬭᬓ᭄ᬧᬓ᭄᭞ᬲᭂᬫ᭄ᬩᬃᬫᬲ᭄ᬯᬶᬢᬢᬸᬮᬓ᭄ᬧᬜᭂᬗ᭄ᬓᭂᬃᬳᬕᬸᬂ᭞

Auto-transliteration

[31 31B] 31 sangkanhada'iśakākawitemalu, dihiṇdhuyadindijawa, sungkĕminjanidibali. dibaliśaśiḥkasanga, dihiṇdhumasanrarahinan'gumi, pratitimasaṣadr̥ĕtu, panĕdhĕngingbhasanta, ngalangĕnin, sakañcaningkayukayu, makĕdhapan‐ tūr̀mabungha, halokeñalinangśaśiḥ. sĕdĕkanmasukasukān, tonghiṇdhumasiḥmriyukindibali, ‐sawireḥmāgamahiṇdhu, dwaningtil̥ĕmkasanga, lantasñĕpi, nuladtatakramaditu, mar̥ĕnginmal̥ĕgal̥ĕgan, ñihnayangdewekñu ngkĕmin. agamalantatakrama, carahiṇdhunejalanangdibali, menprodongmacĕmplengmātūr̀, punika‐pātūtpisan, tityangngiringñungkĕminturaḥringhiṇdhu, tansimpangkadiwacana, wawutityangngĕgamangkin. sangngayaḥsar̥ĕngmātū‐ tang, pamidar̀tthanpangimbangdukuḥhistri, mensangkolkabilbilnguntul, rājaputrimamĕlat, hinggiḥninira‐risangmangdangĕlantur̀, tingkahenabdabangkār̀yya, sasĕpenkālaningñĕpi. dukuḥhistrimātūr̀nimbal, hinggiḥsapunikide [32 32A] 32 wāgunghistri, handayankār̀yyaneratu, kālapanglongpingtlulas, malalastikasāgarapātūtdumun, har̀ccamakādipratima, maringpurapurasami. lunghayangsahajampana, kasāgaramaśucipindakadi, ngamettir̀tthakamaṇdhalu, ringtĕl̥ĕngningsamudra, pūjāker̀ttisāmpunpuputsamikātūr̀, rarapanringhyangbharuṇa, lamakanjagatewr̥ĕ‐ddhi. hañudsamalapataka, l̥ĕbūr̀tanpaśeṣal̥ĕtuhingbhūmi, wuspunikararismantuk, sahanĕgĕnjampana, sar̥ĕngsamili nggihangringbalehagung, rarishaturindhatĕngan, beñjangsĕmĕnghucapmaliḥ. nangunkār̀yyabhūtayajña, macarusabilangpĕmpatanmār̀ggi, uttamanetahur̀hagung, hamadhyapañcasanak, palingnistapañcasatawāṣṭanipun, maring‐ sowangpakarangan, kayogyatal̥ĕr̀caronin. ngantĕbangcarurikāla, sandekawonwusni‐kakawāṣṭanin, kār̀yyaner̥ĕkengarupuk, moborobor̀parakpak, sĕmbar̀maswitatulakpañĕngkĕr̀hagung,

Leaf 32

Image on Archive.org

[᭓᭒ 32B] ᭓᭒ ᬫᬳᬶᬤᭂᬃᬭᬶᬂᬧᬓᬭᬗᬦ᭄᭞ᬧᬩ᭄ᬬᬓᬵᬮᬯᬸᬲ᭄ᬲᬸᬫᬚᬶ᭟ᬫᬭᬶᬂᬦᬢᬃᬧᬓᬭᬗᬦ᭄᭞ᬩᬾᬜ᭄ᬚᬗᬦ᭄ᬯᬯᬸᬜᭂᬧᬶᬫᬫᬢᬶ᭠ᬕ᭄ᬦᬶ᭞ᬳᬭᬳᬶᬦᬰᬸᬦ᭄ᬬᬲᬫᬸᬦ᭄᭞ᬢᬦ᭄ᬯᭂᬦᬂᬫᬕᬭᬧᬦ᭄᭞ᬫᬧᬶᬳᬧᬶᬭᬶᬂᬫᬵᬃᬕ᭄ᬕᬶᬢᬦ᭄ᬬᭀᬕ᭄ᬬᬗᬗ᭄ᬕᬸᬃ᭞ᬲᬂᬯᬶᬓᬦ᭄ᬗᭂᬮᬭᬂᬬᭀᬕ᭞ᬩᬾᬜ᭄ᬚᬂ᭠ ᬦᬾᬗᭂᬫ᭄ᬩᬓ᭄ᬫᬮᬮᬶ᭟ᬲᬧᬸᬦᬶᬓᬲᬧ᭄ᬭᬢᬶᬗ᭄ᬓᬄ᭞ᬓᬵᬮᬜᭂᬧᬶᬦᬾᬓᬫᬵᬃᬕ᭄ᬕ᭄ᬬᬂᬭᬶᬂᬩᬮᬶ᭞ᬧᬗᬘᬶᬦ᭄ᬚᬕᬢ᭄ᬗᬢᬳᬸ᭠ᬦ᭄᭞ᬲᭂᬤᭂᬓ᭄ᬢᬶᬍᬫ᭄ᬓᬲᬗ᭞ᬜᭀᬫᬦ᭄ᬲᬭᬶᬦᬸᬦᬲᬂᬧ᭄ᬭᬦᬫ᭄ᬬᬫᬵᬢᬹᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᭂᬍᬤ᭄ᬧᬶᬲᬦ᭄᭞ᬫᬗ᭄ᬤᬢᬶᬢ᭄ᬬᬂᬢᬍᬃᬳᬸᬦᬶᬂ᭟᭠ ᬓᬵᬮᬦᭂᬫᭀᬦᬶᬂᬧᬹᬃᬡ᭄ᬦᬫ᭞ᬫᬩᬺᬲᬶᬄᬥᬹᬄᬢᬢᬸᬚᭀᬦᬾᬧᬸᬦᬧᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬳᬶᬯᬂᬲᭂᬗ᭄ᬕᬸᬄ᭞ᬫᬥᬾᬲᭂᬓᬃᬦᬯᭂ᭠ᬕᬂ᭞ᬫᬵᬢᬹᬃᬲᬶᬲᬶᬧ᭄ᬢᬶᬢ᭄ᬬᬂᬢᬍᬃᬓᬤᬶᬢᬦ᭄ᬤ᭄ᬭᬸᬄ᭞ᬓᬵᬮᬢᬶᬍᬫ᭄ᬦᬗᬸᬦ᭄ᬩ᭄ᬭᬢ᭞ᬲᬗ᭄ᬓᬦ᭄ᬳᬦᬓᬾᬫᬩᬺᬲᬶᬄ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬓᭂᬜᭂᬫ᭄ᬦᬶᬫ᭄ᬩᬮ᭄᭞ ᬦᬄᬓᬾᬦᬾᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬳᬯᬦᬦ᭄ᬫᬓᬵᬃᬬ᭄ᬬᬳᬬᬸ᭞ᬲᭂᬤᭂᬓ᭄ᬢᬶᬍᬫ᭄ᬧᬹᬃᬡ᭄ᬦᬫ᭞ᬦᬄᬦᬾᬚᬦᬶᬧᬹᬃᬡ᭄ᬦᬫᬭᬯᭀᬲᬂᬫᬮᬸ᭞ᬧᬬᭀᬕᬦ᭄ᬳᬶᬤᬪᬝᬵᬭ᭞ᬳ᭄ᬬᬂᬧ᭄ᬭᬫᬾᬰ᭄ᬯᬭᬦᭂᬫᭀᬦᬶᬦ᭄᭟ᬪᬝᬵᬭᬧᬸᬭᬸᬱᬵᬗ᭄ᬓᬭ᭞ᬳᬶᬦᬸᬘᬧ᭄‌ᬲᬤ᭄ᬕᬦ [᭓᭓ 33A] ᭓᭓ ᬮᬵᬯᬦ᭄ᬪᬝᬵᬭᬶ᭞ᬫᬳᬶᬭᬶᬗᬦ᭄ᬮᬦᬂᬯᬥᬹ᭞ᬯᬶᬤ᭄ᬬᬥᬭᬓᬮᬵᬯᬦ᭄᭞ᬯᬶᬤ᭄ᬬᬥᬭᬶ᭞ᬧᬭᬯᬶᬓᬹᬬᭀᬕ᭄ᬬᬜᬸᬗ᭄ᬲᬸᬂ᭞ᬗᭂ᭠ᬮᬭᬂᬘᬦ᭄ᬤ᭄ᬭᬲᬾᬯᬦ᭞ᬗᬃᬕ᭄ᬕᬗᬃᬘ᭄ᬘᬦᬳ᭄ᬬᬂᬯᬶᬤ᭄ᬥᬶ᭟ᬫᬲᬂᬮᬶᬗ᭄ᬕᬫᬗᬢᬸᬭᬂ᭞ᬢᬃᬧ᭄ᬧᬡᬲᬲᬶᬤ᭄ᬥᬲᬶᬤ᭄ᬥᬬᬦ᭄ᬳᬸᬕᬶ᭞ᬫᬓᬵᬤᬶᬭᬶᬂᬳ᭄ᬬᬂᬲᬶᬢᬗ᭄ᬰᬸ᭞ ᬓᬗᬶᬦᬸᬘᬧ᭄ᬳ᭄ᬬᬂᬯᬸᬮᬦ᭄᭞ᬓᬵᬮᬯᭂᬗᬶ᭞ᬭᬶᬂᬧᬫ᭄ᬭᬚᬦ᭄ᬧᬵᬢᬹᬢ᭄ᬓᬵᬢᬸᬭ᭄᭞ᬬᭀᬕ᭄ᬬᬫᬰᬸᬘᬶᬮᬓ᭄ᬱᬡ᭞ᬫᬬᭀ᭠ᬕᬥ᭄ᬬᬦᬲᬵᬫᬤᬶ᭟ᬓᬵᬮᬦᬶᬂᬢᬶᬍᬫ᭄ᬭᬯᭀᬲᬂ᭞ᬫᬫᬸᬧᬸᬕ᭄ᬮᬭᬭᭀᬕᬯᬶᬖᭂᬦᬦᬶᬂ᭞ᬳᬗ᭄ᬕᬰᬭᬶᬭᬦᬾᬍᬢᬸᬄ᭞ᬮᬸᬓᬢ᭄ᬩᬦ᭄ᬩᭂᬩᬦ᭄ᬢᭂᬦ ᬦ᭄᭞ᬳᬧᬂᬩᬺᬲᬶᬄ᭞ᬮᬫᬓᬦ᭄ᬮᬲ᭄ᬬᬭᬳᬬᬸ᭞ᬲᬫ᭄ᬩᬶᬮᬂᬗᭂᬮᬭᬂᬬᭀᬕ᭞ᬭᬶᬓᬵᬮᬦᬶᬂᬢᭂᬗᬄᬯᭂᬗᬶ᭟ᬓᬾᬢᭀᬚᬢᬶᬲᬹᬓ᭄ᬱᭂᬫᬦ᭄ᬜ᭞ᬲᬗ᭄ᬓᬦ᭄ᬤᬶᬢᬶᬍᬫ᭄ᬧᬹᬃᬡ᭄ᬦᬫᬫᬩᬺᬲᬶᬄ᭞ᬫᬥᬾᬯᬢᬶᬦᬶᬫ᭄ᬩᬮ᭄ᬫᬵᬢᬸᬭ᭄᭞ᬤᬸᬭᬸᬲ᭄ᬳᬸᬕᬶᬧᬶᬤᬃᬢ᭄ᬣ᭞ᬫᬗ᭄ᬤᬳᬸᬦᬶᬂ᭞ᬭᬶᬂᬓᬚᭂᬂᬓ᭄ᬮᬶ᭠ ᬯᭀᬦ᭄ᬫᬘᬭᬸ᭞ᬲᬩ᭄ᬭᬦ᭄ᬗᬮᬶᬫᭀᬮᬲ᭄ᬤᬶᬦ᭞ᬢᬢᬸᬚᭀᬦᬾᬲᬧᬸᬦᬧᬶ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬫᬭᬶᬤᬃᬢ᭄ᬣ᭞ᬳᬤᬓᬵᬤᬦᬶᬦ᭄ᬲᬂᬪᬹᬢᬪᬹᬘᬭᬶ᭞ᬗᬭᬸᬪᬾᬤᬦᬕᬶᬄᬘᬭᬸ᭞ᬦᭀᬗᭀᬲ᭄ᬤᬶᬦᬢᬄᬲᬗ᭄ᬕᬄ᭞ᬳᬤᬩᬸᬯᬶᬦ᭄᭞ᬲᬂᬓᬵᬮᬪᬹᬘᬭᬶᬫᬸᬗ᭄ᬕᬸᬄ᭞ᬫᬭᬶᬂᬦᬢᬄ᭠

Auto-transliteration

[32 32B] 32 mahidĕr̀ringpakarangan, pabyakālawussumaji. maringnatar̀pakarangan, beñjanganwawuñĕpimamati‐gni, harahinaśunyasamun, tanwĕnangmagarapan, mapihapiringmār̀ggitanyogyanganggur̀, sangwikanngĕlarangyoga, beñjang‐ nengĕmbakmalali. sapunikasapratingkaḥ, kālañĕpinekamār̀ggyangringbali, pangacinjagatngatahu‐n, sĕdĕktil̥ĕmkasanga, ñomansarinunasangpranamyamātūr̀, hinggiḥtityangmĕl̥ĕdpisan, mangdatityangtal̥ĕr̀huning. ‐ kālanĕmoningpūr̀ṇnama, mabr̥ĕsiḥdhūḥtatujonepunapi, mangdasāmpunhiwangsĕngguḥ, madhesĕkar̀nawĕ‐gang, mātūr̀sisiptityangtal̥ĕr̀kaditandruḥ, kālatil̥ĕmnangunbrata, sangkanhanakemabr̥ĕsiḥ. dukuḥhistrikĕñĕmnimbal, naḥkenemadhesĕkar̀ñomansari, hawananmakār̀yyahayu, sĕdĕktil̥ĕmpūr̀ṇnama, naḥnejanipūr̀ṇnamarawosangmalu, payoganhidabhaṭāra, hyangprameśwaranĕmonin. bhaṭārapurusyāngkara, hinucapsadgana [33 33A] 33 lāwanbhaṭāri, mahiringanlanangwadhū, widyadharakalāwan, widyadhari, parawikūyogyañungsung, ngĕ‐larangcandrasewana, ngar̀ggangar̀ccanahyangwiddhi. masanglinggamangaturang, tar̀ppaṇasasiddhasiddhayanhugi, makādiringhyangsitangśu, kanginucap'hyangwulan, kālawĕngi, ringpamrajanpātūtkātur, yogyamaśucilakṣaṇa, mayo‐gadhyanasāmadi. kālaningtil̥ĕmrawosang, mamupuglararogawighĕnaning, hanggaśariranel̥ĕtuḥ, lukatbanbĕbantĕna n, hapangbr̥ĕsiḥ, lamakanlasyarahayu, sambilangngĕlarangyoga, rikālaningtĕngaḥwĕngi. ketojatisūksyĕmanña, sangkanditil̥ĕmpūr̀ṇnamamabr̥ĕsiḥ, madhewatinimbalmātur, durushugipidar̀ttha, mangdahuning, ringkajĕngkli‐ wonmacaru, sabranngalimolasdina, tatujonesapunapi. dukuḥhistrimaridar̀ttha, hadakādaninsangbhūtabhūcari, ngarubhedanagiḥcaru, nongosdinataḥsanggaḥ, hadabuwin, sangkālabhūcarimungguḥ, maringnataḥ‐

Leaf 33

Image on Archive.org

[᭓᭓ 33B] ᭓᭓ ᬧᬓᬭᬗᬦ᭄᭞ᬫᬶᬯᬄᬲᬂᬤᬹᬃᬕ᭄ᬕᬪᬹᬘᬭᬶ᭟ᬦᬾᬦᭀᬗᭀᬲ᭄ᬤᬶᬯᬗᬦ᭄ᬳᬸᬫᬄ᭞ᬦᬕᬶᬄᬘᬭᬸᬜᬦ᭄ᬤᬂᬫᬲᬶᬄᬘᬭᭀᬦᬶᬦ᭄᭞᭠ᬳᬧᬂᬤᬦᬦ᭄ᬗᭀᬤᬗᬸᬮ᭄ᬕᬸᬮ᭄᭞ᬪᬹᬢᬓᬵᬮᬮᬦ᭄ᬤᬹᬃᬕ᭄ᬕ᭞ᬫᬯᬾᬄᬩᬸᬓ᭄ᬢᬶ᭞ᬮᬫᬓᬦ᭄ᬧᭀᬮᭀᬲᬢᬸᬗ᭄ᬕᬸ᭞ᬚᭂᬫᭂᬢ᭄ᬢᬸᬦ᭄ᬤᬾᬦ᭄ᬜᬕᬳᬸᬫᬄ᭞ᬳᬯᬦ ᬦ᭄ᬧᬵᬢᬹᬢ᭄ᬮᬩᬳᬶᬦ᭄᭟ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬓᬤᬶᬦᬶᬓ᭞ᬢᬶᬗ᭄ᬓᬳᬾᬫᬘᬭᬸᬜᬭᭀᬦᬶᬦ᭄ᬕᬸᬫᬶ᭞ᬧᬫᬶᬤᬃᬢ᭄ᬣᬦ᭄ᬤᬸᬓᬸᬄᬯᬥᬹ᭞ᬭᬶᬂᬲᬂᬲᭂᬤᭂᬓᬦ᭄ᬗᬬᬄ᭞ᬓᭂᬦ᭄ᬤᭂᬮ᭄ᬲᬫᬶ᭞ᬢᬫ᭄ᬩᬾᬳᬶᬧᬸᬦ᭄ᬦᬶᬗᭂᬄᬢᬸᬢᬸᬭ᭄᭞ᬦᬾᬜᬦ᭄ᬤᬂᬯᬦ᭄ᬢᬄᬢᭂᬍᬩᬂ᭞ᬲᬹᬓ᭄ᬱᭂᬫᬦ᭄ᬜᬫᬗ᭄ᬤᬳᬸᬦᬶᬂ᭟ᬲᭀᬢᬦᬶᬂᬤᬤᬶᬫᬵ ᬦᬹᬱ᭞ᬍᬓᬤ᭄ᬳᭂᬮᬸᬄᬦᭀᬗᭀᬲ᭄ᬤᬶᬕᬸᬫᬶᬩᬮᬶ᭞ᬧᬓ᭄ᬭᬶᬫᬶᬓ᭄ᬭᬶᬂᬢᬶᬫ᭄ᬧᬮᬶᬧᬸᬦ᭄᭞ᬧᬵᬢᬹᬢᬾᬳᬧᬂᬦᬯᬂ᭞ᬳᬘᬶᬦ᭄ᬕᬸᬫᬶ᭞ᬮᬫᬓᬦ᭄ᬢᭀᬂᬲᬮᬄᬲᬸᬭᬸᬧ᭄᭞ᬳᬦᬾᬢᬶᬤᭀᬂᬓᬤᬾᬦ᭄ᬲᬚ᭞ᬮᬕᬸᬢᬾᬤᭂᬫᭂᬦ᭄ᬫᬪᬓ᭄ᬢᬶ᭟ᬲᬸᬩᬩᭂᬮᭀᬕ᭄ᬗᬓᬸᬩᬶᬱ᭞ᬫᬧᬶᬭᬶᬭᬶᬄᬧᬢᬾ᭠ ᬢᬾᬳᬶᬦ᭄ᬩᬦ᭄ᬫᬸᬜᬶ᭞ᬫᬾᬦ᭄ᬲᬗ᭄ᬓᭀᬮ᭄ᬓᬩᬶᬮ᭄ᬩᬶᬮ᭄ᬗᬸᬦ᭄ᬢᬸᬮ᭄᭞ᬫᬭᬱᬓᬲᭂᬫᭀᬦᬦ᭄᭞ᬫᭂᬦ᭄ᬤᭂᬧ᭄ᬦᭂᬗᬶᬮ᭄᭞ᬓᬲᭂᬍᬓ᭄ᬢᭀᬂᬗᭂᬮᬄᬲᬳᬸᬢ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶᬲᬾᬩᭂᬢ᭄ᬜᬶᬗᬓ᭄᭞ᬜᭂᬮᬕ᭄ᬲᬳᬗᬸᬘᬧᬭᬶᬲ᭄᭟ᬲᭂᬤᭂᬂᬫᭂᬮᬄᬲᬸᬩᬧ᭄ᬭᬕᬢ᭄᭞ᬗᬳᬾᬚᬚᬚᬮᬦ᭄ᬫᬭᬾᬭᬾ [᭓᭔ 34A] ᭓᭔ ᬦ᭄ᬚᬦᬶ᭞ᬫᭂᬮᬳᬦ᭄ᬫᬤᬳᬃᬫᬮᬸ᭞ᬦᬾᬜᬦᬦ᭄ᬫᬕᬭᬧᬦ᭄᭞ᬩ᭄ᬭᬬᬯᬃᬕ᭄ᬕᬶ᭞ᬲᬓᬾᬯᬮᬚᬸᬓᬸᬢ᭄ᬧᬓᬸ᭞ᬕᭂᬘᭀᬓ᭄ᬜᬯᬦ᭄‌ᬓ᭠ᬘᬂᬓᬘᬂ᭞ᬲᬤ᭄ᬥᬩᬳᬦ᭄ᬫᬜᬗᭀᬦᬶᬦ᭄᭟ᬲᬂᬗᬬᬄᬫᬩ᭄ᬭᬶᬬᬸᬓ᭄ᬦᬶᬫ᭄ᬩᬮ᭄᭞ᬚᭂᬭᭀᬤᬸᬓᬸᬄᬗᬸᬤᬩᬲ᭄ᬧ᭄ᬮᬧᬦ᭄ᬕᬢᬶ᭞ᬲ᭄ᬯᬾᬘ᭄ᬙᬦ᭄ᬚᭂᬭᭀᬦᬾᬓᬮᬗ᭄ᬓᬸᬂ᭞ ᬗᬗ᭄ᬕᬾᬦ᭄ᬢᬶᬢ᭄ᬬᬂᬓᬯᬸᬮ᭞ᬲᬋᬂᬲᬫᬶ᭞ᬢᬶᬢ᭄ᬬᬂᬲᬸᬪᬓ᭄ᬢᬶᬫᬫᭂᬓᬸᬮ᭄᭞ᬤᬤᭀᬲ᭄ᬭᬾᬜ᭄ᬘᬂᬭᬶᬂᬧᬤᬸᬓ᭄ᬯᬦ᭄᭞ᬧᬾᬢ᭄ᬗᬬᬄᬭ᭠ᬳᬶᬦᬯᭂᬗᬶ᭟ᬭᬱᬩᭂᬢᭂᬓ᭄ᬢᬦ᭄ᬧᬦᭂᬥ᭞ᬫᬦᬄᬢᬶᬢ᭄ᬬᬂᬧᭂᬘᬓ᭄ᬲᬓᬶᬢ᭄ᬗᬮᬶᬮᬶᬃ᭞ᬲᬵᬫ᭄ᬧᬸᬦ᭄ᬧᬥᭂᬫ᭄ᬫᬮᬶᬄᬳᬶᬤᬸᬧ᭄᭞ᬲᬲᬸᬓᬢᬾᬫᬶᬭᬕ᭄ᬬᬂ᭞᭠ ᬢᬸᬢᬸᬃᬬᬸᬓ᭄ᬢᬶ᭞ᬩᭀᬬᬫᬮᬶᬄᬓᬭᬶᬕᬧᬸᬮ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬫᬦᬳᬂ᭞ᬭᬱᬕᬮᬂᬧᭀᬮᬶᬄᬲᬸᬦ᭄ᬤᬶᬄ᭟ᬳᬭᬄᬤᬤᬢᬭᬯᭀᬲᬂ᭞ᬧᬦᬶᬫ᭄ᬩᬮ᭄ᬤᬸᬓᬸᬄᬳᬶᬲ᭄ᬢ᭄ᬭᬶᬲᬤᬓᭂᬜᬶᬂ᭞ᬓᬜ᭄ᬘᬶᬢ᭄ᬧᬗᬶᬗᬸᬦᬾᬭᬯᬸᬄ᭞ᬲᬕᬶᬲᬵᬫ᭄ᬧᬸᬦ᭄ᬘᬸᬫᬤᬂ᭞ᬦᬸᬮᬶᬭᬭᬶᬲ᭄᭞ᬲᬂᬗᬬᬄ᭠ ᬲᬫᬶᬫᬕᬶᬩᬸᬂ᭞ᬯᬾᬦ᭄ᬢᭂᬦ᭄ᬦᬾᬕᬸᬧᬸᬄᬗᬶᬲᬶᬤᬂ᭞ᬤᬗ᭄ᬤᬗᬾᬫᬤᬕᬶᬂᬕᭂᬦ᭄ᬤᬶᬲ᭄᭟᭜᭟ᬤᬂᬤᬂ᭟᭜᭟ᬓᬘᬭᬶᬢᬲᬵᬫ᭄ᬧᬸᬦ᭄ᬮᬶ᭠ᬦ᭄ᬢᬂᬫᬗ᭄ᬓᬶᬦ᭄᭞ᬢᬶᬕᬂᬤᬶᬦ᭞ᬦᭂᬫᭀᬦᬶᬦ᭄ᬳᭀᬤᬮᬦ᭄᭞ᬰᬭᬰ᭄ᬯᬢᬶᬩᬾᬜ᭄ᬚᬗᬦᬾ᭞ᬤᬯᭂᬕ᭄ᬩᬜᬸᬧᬶᬦᬭᬸᬄ᭞ᬭᬫᭂᬲ᭄ᬭᬶᬂᬢᬸᬓᬤ᭄ᬫᭂᬮᬗᬶ᭠

Auto-transliteration

[33 33B] 33 pakarangan, miwaḥsangdūr̀ggabhūcari. nenongosdiwanganhumaḥ, nagiḥcaruñandangmasiḥcaronin, ‐hapangdananngodangulgul, bhūtakālalandūr̀gga, maweḥbukti, lamakanpolosatunggu, jĕmĕttundenñagahumaḥ, hawana npātūtlabahin. puputsāmpunkadinika, tingkahemacaruñaronin'gumi, pamidar̀tthandukuḥwadhū, ringsangsĕdĕkanngayaḥ, kĕndĕlsami, tambehipunningĕḥtutur, neñandangwantaḥtĕl̥ĕbang, sūksyĕmanñamangdahuning. sotaningdadimā nūṣa, l̥ĕkad'hĕluḥnongosdigumibali, pakrimikringtimpalipun, pātūtehapangnawang, hacin'gumi, lamakantongsalaḥsurup, hanetidongkadensaja, lagutedĕmĕnmabhakti. subabĕlogngakubiṣa, mapiririḥpate‐ tehinbanmuñi, mensangkolkabilbilnguntul, maraṣakasĕmonan, mĕndĕpnĕngil, kasĕl̥ĕktongngĕlaḥsahut, dukuḥhistrisebĕtñingak, ñĕlagsahangucaparis. sĕdĕngmĕlaḥsubapragat, ngahejajajalanmarere [34 34A] 34 njani, mĕlahanmadahar̀malu, neñananmagarapan, brayawar̀ggi, sakewalajukutpaku, gĕcokñawanka‐cangkacang, saddhabahanmañangonin. sangngayaḥmabriyuknimbal, jĕrodukuḥngudabasplapan'gati, swecchanjĕronekalangkung, nganggentityangkawula, sar̥ĕngsami, tityangsubhaktimamĕkul, dadosreñcangringpadukwan, petngayaḥra‐hinawĕngi. raṣabĕtĕktanpanĕdha, manaḥtityangpĕcaksakitngalilir̀, sāmpunpadhĕmmaliḥhidup, sasukatemiragyang, ‐ tutur̀yukti, boyamaliḥkarigapul, hantuktityangngamanahang, raṣagalangpoliḥsundiḥ. haraḥdadatarawosang, panimbaldukuḥhistrisadakĕñing, kañcitpangingunerawuḥ, sagisāmpuncumadang, nuliraris, sangngayaḥ‐ samimagibung, wentĕnnegupuḥngisidang, dangdangemadaginggĕndis \\•\\ dangdang \\•\\ kacaritasāmpunli‐ntangmangkin, tigangdina, nĕmoninhodalan, śaraśwatibeñjangane, dawĕgbañupinaruḥ, ramĕsringtukadmĕlangi‐

Leaf 34

Image on Archive.org

[᭓᭔ 34B] ᭓᭔ ᬢ᭄᭞ᬗᭂᬤᬲ᭄ᬭᬳᬶᬦᬧ᭄ᬭᬤᬂ᭞ᬓᬢᬸᬓᬤᬾᬢᭂᬤᬸᬦ᭄᭞ᬤᬳᬢᬭᬸᬡᬫᭂᬕᬤᬂ᭞ᬧᭀᬮᬶᬄᬢᬤᬄ᭞ᬳᬸᬩᬬᬦᬾᬲᬵᬫ᭄ᬧᬸᬦ᭄ᬧᬲ᭄ᬢᬶ᭞ᬓᬧᬜ᭄ᬘᭀᬭᬦᬾᬫᬲᬶᬭᬫ᭄᭟ᬓᬦ᭄ᬢᬸᬦ᭄ᬯᭂᬗᬶᬲᬵᬫ᭄ᬧᬸᬦ᭄ᬕᭂᬦ᭄ᬤᬂᬕᭂᬦ᭄ᬤᬶᬂ᭞ᬫᬲᬯᬗᬦ᭄᭞ᬥᬹᬄᬭᬢᬸᬫᬵᬲ᭄ᬫᬶᬭᬄ᭞ᬳᬾᬮᬶᬗᬂᬓᬸᬤᬚᬜ᭄ᬚᬶᬦᬾ᭞ᬧᭂ ᬘᬓ᭄ᬲᬵᬫ᭄ᬧᬸᬦ᭄ᬲᬸᬫᬗ᭄ᬕᬸᬧ᭄᭞ᬜᬓ᭄ᬓᭀᬦᬾᬫᬢᬮᬶᬩᭂᬲᬶ᭞ᬗᬦ᭄ᬢᬾᬦ᭄ᬦᬢᬩ᭄ᬩᬬᬸᬯᬦ᭄᭞ᬩᬋᬂᬫᬲᬫᬬᬸᬢ᭄᭞ᬤᭀᬂᬓᬸᬤᬫᬢᬮᬶᬦ᭄ᬓᬨᬮ᭄᭞ᬢᬶᬢ᭄ᬬᬂᬘᬂᬘᬂ᭞ᬓᬦ᭄ᬢᬶᬫᬤᬫᬃᬤᬶᬮᬗᬶᬢ᭄᭞ᬩᬸᬮᬦᬦ᭄ᬓᭂᬜᭂᬮ᭄ᬗᬦ᭄ᬢᭀᬲᬂ᭟ᬲᬦᬾᬤᭂᬳᬫᬲᬳᬸᬃᬜᭂᬧᭂᬢᬶᬦ᭄᭞ᬦᬾᬢ᭠ ᬭᬸᬡ᭞ᬗᬸᬤᬤᬤᬶᬧᭀᬗᬄ᭞ᬢᬶᬤᭀᬂᬚᬗ᭄ᬓᬬᬦ᭄ᬫᬸᬜᬶᬦᬾ᭞ᬩᭂᬮᬸᬲ᭄ᬳᬶᬮᬂᬤᭀᬂᬗᭂᬢᬸᬄ᭞ᬗᬮᭀᬓᬂᬢᬳᬾᬦ᭄ᬫᬚ᭠ᬜ᭄ᬚᬶ᭞ᬮᬯᬃᬕᭂᬭᬂᬜᬕᭂᬭᬂ᭞ᬤᬓᬶᬦ᭄ᬓᬸᬧᬶᬂᬳᬶᬮᬸ᭞ᬢ᭄ᬯᬭᬢᬳᬾᬦ᭄ᬫᬲᭀᬘᬧᬦ᭄᭞ᬳᬘᭂᬧᬶᬓᬦ᭄᭞ᬓᬮᬶᬂᬓᬾᬮᬓᬃᬜᬗ᭄ᬕᬸᬧᬶᬦ᭄᭞ᬚᭂᬮᬾ᭠ ᬫᭂᬮᬄᬫᬓᬭᭀᬦᬦ᭄᭟ᬦᬄᬤᭂᬧᬂᬲᬸᬩᬤᭂᬳᬧᬤᬶᬤᬶ᭞ᬓᬦ᭄ᬢᬶᬯᭂᬓᬲ᭄᭞ᬮᬓᬃᬧᬢᬶᬍᬲᬂ᭞ᬩᬦ᭄ᬢ᭄ᬯᬭᬘᬸᬫ᭄ᬧᬸᬳᬶᬥᭂᬧᬾ᭞ᬕᬸᬮᬜᬯᬦ᭄ᬫᬫᬤᬸ᭞ᬗᬸᬤᬗᬮᬶᬄᬳᬦᬓ᭄ᬫ᭄ᬯᬦᬶ᭞ᬲᬸᬩᬦᬫ᭄ᬧᬶᬂᬕᬕᬾᬮᬦ᭄᭞ᬫᬾᬄᬮᬓᬃᬓᬍᬩᬸ᭞ᬦᬸᬫ᭄ᬧᬗᬶᬦ᭄ᬧ᭄ᬭᬳᬸᬦᬾᬲᬭᬢ᭄᭞ [᭓᭕ 35A] ᭓᭕ ᬲᬸᬩᬢᬯᬂ᭞ᬦᬾᬫᬦᬶᬲ᭄ᬫᬸᬮᬫᬦᬲᬶᬦ᭄᭞ᬦᬸᬓᬾᬳᬜᬸᬤ᭄ᬧᬢᬶᬕᬩᬕ᭄᭟ᬓᬤᬶᬧᬜ᭄ᬚᬂᬬᬦᬸᬘᬧᬂᬲᬫᬶ᭞ᬯᬯᬗ᭄ᬲᬮ᭠ᬦ᭄᭞ᬤᭂᬳᬮᬦ᭄ᬢᬭᬸᬡ᭞ᬲᬮᬶᬂᬢᬶᬫ᭄ᬩᬮ᭄ᬧᬲᬳᬸᬭᬾ᭞ᬫᬗ᭄ᬓᬶᬦ᭄ᬫᬮᬶᬄᬓᬯᬸᬯᬸᬲ᭄᭞ᬭᬶᬂᬧᬤᬸᬓ᭄ᬯᬦ᭄ᬭᬵᬚᬧᬸᬢ᭄ᬭᬶ᭞ᬲᬵᬫ᭄ᬧᬸᬦ᭄ᬳᬶᬤᬫᬫᬵᬃᬕ᭄ᬕ᭞ᬫᬩ ᬜᬸᬧᬶᬦᬭᬸᬄ᭞ᬓᬩᬾᬚᬶᬮᬸᬗ᭄ᬳᬫᬲᬶᬭᬫ᭄᭞ᬫᬳᬶᬭᬶᬗᬦ᭄᭞ᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬲᬃᬯ᭄ᬯᬶᬜᬸᬳᬸᬦ᭄ᬬᬾᬄᬓᬸᬫ᭄ᬓᬸᬫᬦ᭄᭟ᬓᬵᬫᬚᬬᬲᬓᬾᬂᬧᬸᬗ᭄ᬓᬸᬃᬗᬶᬭᬶᬂ᭞ᬫᬓ᭄ᬢᬧ᭄ᬭᬓ᭄ᬧᬓ᭄᭞ᬲᬸᬦ᭄ᬤᬶᬄᬫᬓᭀᬩᬭᬦ᭄᭞ᬓᬦ᭄ᬢᬸᬦ᭄ᬯᭂᬗᬶᬧᬫᬵᬃᬕ᭄ᬕᬶᬦᬾ᭞ᬢᭂᬤᬸᬦ᭄ᬓᬗᬶ᭠ ᬦ᭄ᬗᬭᬸᬭᬸᬂ᭞ᬓᬶᬮᬓᬶᬮᬸᬓ᭄ᬦᬸᬯᬸᬢ᭄ᬳᬩᬶᬂ᭞ᬳᬦ᭄ᬢᬸᬓ᭄ᬭᬸᬗ᭄ᬓᬫᬮᭀᬦᬦ᭄᭞ᬢᬓᬸᬢ᭄ᬲᬶᬂᬜᬮᬩᬸᬄ᭞ᬫᬥᬾᬲᭂᬓᬃᬦᬤᬓ᭄ᬲᬭ᭞ᬫᬤᬤᬬᬦ᭄᭞ᬓᬭᬕ᭄ᬓᬶᬭᬶᬕ᭄ᬢᭀᬮᬄᬢᭀᬮᬶᬄ᭞ᬫᭂᬍᬤ᭄ᬫᬓᬶᬢᬫᬤᬦ᭄ᬤᬦ᭄᭟ᬲᬋᬂᬓᬵᬫᬚᬬᬓᬦ᭄ᬢᬸᬦ᭄ᬤᭀᬭᬶ᭞ᬧᬓᬵᬮᬶᬳ᭠ ᬦ᭄᭞ᬲᬸᬦ᭄ᬤᬶᬳᬾᬓᬸᬘᭂᬓᬂ᭞ᬫᬧᬶᬮᬩᬸᬄᬩᬦ᭄ᬩᭂᬮᬶᬕᬾ᭞ᬗᬭᭀᬤ᭄ᬓᭀᬘᬧ᭄ᬓᬢᬜ᭄ᬚᬸᬂ᭞ᬤᭂᬓᬲ᭄ᬤᭂᬓᭂᬲ᭄ᬲᬭᬸᬗᬦ᭄ᬢᬶ᭞ᬓᬵᬫᬚᬬᬦᭂᬲᭂᬓᬂ᭞ᬜᭂᬮᬧᬂᬫᬓᬧ᭄ᬮᬸᬕ᭄᭞ᬫᬕᭂᬮᬸᬢ᭄ᬲᬕᬾᬢ᭄ᬫᬤᬶᬫᬦ᭄᭞ᬗᭀᬜᬂᬍᬕ᭞ᬫᬥᬾᬲᭂᬓᬃᬗᬋᬋᬗᬶᬄ᭞ᬗᭂᬮᬸᬢ᭄ᬩᬳᭀᬂ

Auto-transliteration

[34 34B] 34 t, ngĕdasrahinapradang, katukadetĕdun, dahataruṇamĕgadang, poliḥtadaḥ, hubayanesāmpunpasti, kapañcoranemasiram. kantunwĕngisāmpun'gĕndanggĕnding, masawangan, dhūḥratumāsmiraḥ, helingangkudajañjine, pĕ caksāmpunsumanggup, ñakkonematalibĕsi, ngantennatabbayuwan, bar̥ĕngmasamayut, dongkudamatalinkaphal, tityangcangcang, kantimadamar̀dilangit, bulanankĕñĕlngantosang. sanedĕhamasahur̀ñĕpĕtin, neta‐ ruṇa, ngudadadipongaḥ, tidongjangkayanmuñine, bĕlushilangdongngĕtuḥ, ngalokangtahenmaja‐ñji, lawar̀gĕrangñagĕrang, dakinkupinghilu, twaratahenmasocapan, hacĕpikan, kalingkelakar̀ñanggupin, jĕle‐ mĕlaḥmakaronan. naḥdĕpangsubadĕhapadidi, kantiwĕkas, lakar̀patil̥ĕsang, bantwaracumpuhidhĕpe, gulañawanmamadu, ngudangaliḥhanakmwani, subanampinggagelan, meḥlakar̀kal̥ĕbu, numpanginprahunesarat, [35 35A] 35 subatawang, nemanismulamanasin, nukehañudpatigabag. kadipañjangyanucapangsami, wawangsala‐n, dĕhalantaruṇa, salingtimbalpasahure, mangkinmaliḥkawuwus, ringpadukwanrājaputri, sāmpunhidamamār̀gga, maba ñupinaruḥ, kabejilunghamasiram, mahiringan, madhesĕkar̀ñomansari, sar̀wwiñuhunyeḥkumkuman. kāmajayasakengpungkur̀ngiring, maktaprakpak, sundiḥmakobaran, kantunwĕngipamār̀ggine, tĕdunkangi‐ nngarurung, kilakiluknuwut'habing, hantukrungkamalonan, takutsingñalabuḥ, madhesĕkar̀nadaksara, madadayan, karagkirigtolaḥtoliḥ, mĕl̥ĕdmakitamadandan. sar̥ĕngkāmajayakantundori, pakāliha‐ n, sundihekucĕkang, mapilabuḥbanbĕlige, ngarodkocapkatañjung, dĕkasdĕkĕssarunganti, kāmajayanĕsĕkang, ñĕlapangmakaplug, magĕlutsagetmadiman, ngoñangl̥ĕga, madhesĕkar̀ngar̥ĕr̥ĕngiḥ, ngĕlutbahong

Leaf 35

Image on Archive.org

[᭓᭕ 35B] ᭓᭕ ᬓᬵᬫᬚᬬ᭟ᬭᬵᬚᬧᬸᬢ᭄ᬭᬶᬗᬢᬩ᭄ᬢᬩ᭄ᬗᭂᬲᬾᬗᬶᬦ᭄᭞ᬓᬵᬫᬚᬬ᭞ᬳᬭᬄᬤᭀᬂᬳᬾᬗ᭄ᬕᬮᬂ᭞ᬳᬶᬤᬸᬧᬂᬫᬮᬸᬲᬸᬦ᭄ᬤᬶᬳᬾ᭞ᬧᭂᬢᭂᬂᬤᭀᬂᬧᬢᬶᬓᭂᬧᬸᬕ᭄᭞ᬧᬚᬮᬦᬾᬢᬸᬯᬸᬦ᭄ᬓᬗᬶᬦ᭄᭞ᬓᬵᬫᬚᬬᬫᬲᬾᬧᬓ᭄᭞ᬗᬸᬧᬶᬦᬂᬫᬓᬩ᭄ᬬᬸᬃ᭞ᬲᬸᬦ᭄ᬤᬶᬳᬦᬾᬮᬫᬓᭂᬩ᭄ᬬᬃ ᭞ᬲᬶᬦᬄᬕᬮᬂ᭞ᬜᭀᬫᬦ᭄ᬲᬭᬶᬤᭂᬫᬤᭂᬫᬶ᭞ᬓᭂᬦᬤᬬᬤᭂᬤᬤᬓᬦ᭄᭟ᬍᬓ᭄ᬚᭂᬗᬄᬫᬲᭂᬩᭂᬂᬩᬭᬓ᭄ᬩᬶᬳᬶᬂ᭞ᬗᬤᬾ᭠ᬲᭂᬫᬂ᭞ᬓᬩᬶᬮ᭄ᬩᬶᬮ᭄ᬫᬮᬶᬬᬢ᭄᭞ᬗᬶᬂᬲᬭᬸᬳᬦ᭄ᬢᬸᬓ᭄ᬯᭂᬗᬶᬦᬾ᭞ᬓᭀᬘᬧᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬵᬚᬧᬸᬢ᭄ᬭᬶᬫᬭᬶᬂᬩᬾᬚᬶ᭞ᬓᬧᬜ᭄ᬘᭀᬭᬦ᭄ᬫᬲᬶ᭠ ᬭᬫ᭄᭞ᬯᬯᬸᬳᬶᬤᬢᭂᬤᬸᬦ᭄᭞ᬤᭂᬳᬢᬭᬸᬡᬦᬾᬲᬫ᭄ᬩ᭄ᬭᬕ᭄᭞ᬫᬓᬶᬍᬲᬦ᭄᭞ᬯᬾᬦ᭄ᬢᭂᬦ᭄ᬗᬸᬢᬂᬓᬫ᭄ᬩᭂᬦ᭄ᬘᭂᬭᬶᬓ᭄᭞ᬩᭂᬘᬢ᭄ᬲᬾᬧᬦ᭄ᬫᬶᬭᬶᬕ᭄ᬢᬸᬓᬤ᭄᭟ᬫᬥᬾᬲᭂᬓᬃᬓᬮᬶᬄᬜᭀᬫᬦ᭄ᬲᬭᬶ᭞ᬘᬾᬱ᭄ᬝᬓᬵᬭ᭞ᬦᬩ᭄ᬤᬩ᭄ᬲᭀᬧᬘᬭ᭞ᬧᬲᬸᬘ᭄ᬬᬦ᭄ᬭᬵᬚᬧᬸᬢ᭄ᬭᬶᬦᬾ᭞ᬓᬵᬫ᭠ ᬚᬬᬗᬮᬶᬗ᭄ᬓᬸᬂ᭞ᬢᭂᬤᬸᬦ᭄ᬗᬾᬗ᭄ᬕᬮᬂᬫᬕᭂᬤᬶ᭞ᬓᬢᬸᬓᬤ᭄ᬫᬓᬶᬍᬲᬦ᭄᭞ᬧᬤᬾᬯᬾᬓᬦ᭄ᬫᬜ᭄ᬚᬸᬲ᭄᭞ᬢᬦ᭄ᬓᭀᬘᬧᬦ᭄ᬓᬫᬚᬬ᭞ᬲᬵᬫ᭄ᬧᬸᬦ᭄ᬓᬾᬲᬄ᭞ᬓᬘᬭᬶᬢᬭᬵᬚᬧᬸᬢ᭄ᬭᬶ᭞ᬲᬵᬫ᭄ᬧᬸᬦ᭄ᬫᬲᬸᬘᬶᬮᬓ᭄ᬱᬡ᭟ᬗᭂᬫ᭄ᬩᬸᬲ᭄ᬯᬲ᭄ᬢ᭄ᬭᬫᬲᬶᬭᬫ᭄ᬢᬸᬫᬸᬮᬶ᭞ᬲᬋᬂᬢᬶᬕ᭞ᬫᬲᬸ᭠ [᭓᭖ 36A] ᭓᭖ ᬲᬸᬃᬫᬚᬫᬲ᭄᭞ᬳᬦ᭄ᬢᬸᬓ᭄ᬢᭀᬬᬓᬸᬫ᭄ᬓᬸᬫᬦᬾ᭞ᬫᬶᬳᬶᬓᬾᬗᬮᬸᬧᬮᬸᬧ᭄᭞ᬕᬮᬂᬰᬰᬶᬄᬫᬜᬸᬦ᭄ᬤᬭᬶᬦ᭄᭞ᬭᬱᬳᬶᬤᬳ᭄ᬬᬂᬯᬸᬮᬦ᭄᭞ᬫᬧᬯᬲᬦ᭄ᬢᭂᬤᬸᬦ᭄᭞ᬩᭂᬗᭀᬂᬜᬶᬗᬓ᭄ᬲᬂᬫᬲᬶᬭᬫ᭄᭞ᬬᬦ᭄ᬲᬯᬗᬂ᭞ᬢᬦ᭄ᬧᬾᬦ᭄ᬤᬄᬓᬤᬶᬥᬥᬭᬶ᭞ᬫᬲᬸᬘᬶᬲᬳᬫᬫᬦ᭄ᬢ᭄ᬭ᭟ᬲᬵᬫ᭄ᬧᬸᬦ᭄ ᬧᬸᬧᬸᬢ᭄ᬫᬲᬶᬭᬫ᭄ᬢᬸᬫᬸᬮᬶ᭞ᬜᬸᬗ᭄ᬕᬃᬭᭀᬫ᭞ᬤᭂᬫ᭄ᬤᭂᬫ᭄ᬢᬸᬭᬶᬂᬲᬫᬄ᭞ᬓᬲᭀᬃᬲᭂᬧᬸᬓᬦ᭄ᬲᬩᭂᬳᬾ᭞ᬓᬵᬮᬰᬰᬶᬄᬓᬯᬸᬮᬸ᭞ᬧᬦ᭄ᬢᭂᬲ᭄ᬢᬭᬸᬡᬦᬾᬧᬮᬶᬂ᭞ᬓᬮᬸᬮᬸᬢᬦ᭄ᬗᬢᭀᬦᬂ᭞ᬲᬂᬓᬤᬶᬰᬶᬢᬗ᭄ᬰᬸ᭞ᬮᬸᬫ᭄ᬮᬸᬫ᭄ᬕᬤᬶᬂᬯᬸᬲ᭄ᬫᬲᬶᬭᬫ᭄᭞ᬫᬪᬹᬱᬡ᭞ᬫᬭᬂᬭᬂᬩᭀᬭᬾᬳᬾᬫᬶᬳᬶ᭠ ᬓ᭄᭞ᬳᬲᬶᬦ᭄ᬫᬲᬸᬫ᭄ᬧᬂᬘᭂᬫ᭄ᬧᬓ᭟ᬜᭀᬫᬦ᭄ᬲᬭᬶᬩᭂᬗᭀᬂᬦᬶᬗᭂᬄᬕᭂᬦ᭄ᬤᬶᬂ᭞ᬓᬵᬫᬚᬬ᭞ᬢᬦ᭄ᬲᬄᬫᬲᬯᬗᬦ᭄᭞ᬗᬲᬶ᭠ᬳᬲᬶᬄᬭᬶᬂᬢᬸᬓᬤᬾ᭞ᬕᬕᬾᬲᭀᬦ᭄ᬜᬶᬮᬶᬩ᭄ᬫᬵᬢᬹᬃ᭞ᬭᬶᬂᬳᬶᬤᬲᬂᬓᬤᬶᬭᬝᬶᬄ᭞ᬲᬧᬲᬶᬭᬧᬸᬦᬶᬓ᭞ᬜᭂᬮ᭄ᬲᭂᬮ᭄ᬤᬾᬯᬾᬓ᭄ᬮᬘᬸᬭ᭄᭞ᬭᬵᬚ ᬧᬸᬢ᭄ᬭᬶᬫᬯᬘᬦ᭞ᬳᬭᬄᬲᬚ᭞ᬦᬄᬓᭂᬫᭀᬳᬾᬗ᭄ᬕᬮᬂᬲᬭᬶ᭞ᬦᬸᬯᬸᬦᬂᬗᬩᬓᬸᬫ᭄ᬓᬸᬫᬦ᭄᭟ᬫᬶᬭᬶᬩ᭄ᬲᬸᬩᬲᬸᬯᬸ᭠ᬤ᭄ᬫᬜ᭄ᬚᬸᬲ᭄ᬚᬦᬶ᭞ᬓᬵᬫᬚᬬ᭞ᬫᬓᭂᬮᭀᬗᬦ᭄ᬢᭀᬲᬂ᭞ᬢᬸᬭᬄᬲᭂᬩᭂᬢ᭄ᬳᬶᬥᭂᬧ᭄ᬜᬦᬾ᭞ᬗᬤᬾᬦ᭄ᬩᭂᬜᬢᭀᬂᬭᬸᬗᬸ᭞ᬳᬮᭀᬓᬗᬤ

Auto-transliteration

[35 35B] 35 kāmajaya. rājaputringatabtabngĕsengin, kāmajaya, haraḥdonghenggalang, hidupangmalusundihe, pĕtĕngdongpatikĕpug, pajalanetuwunkangin, kāmajayamasepak, ngupinangmakabyur̀, sundihanelamakĕbyar̀ , sinaḥgalang, ñomansaridĕmadĕmi, kĕnadayadĕdadakan. l̥ĕkjĕngaḥmasĕbĕngbarakbihing, ngade‐sĕmang, kabilbilmaliyat, ngingsaruhantukwĕngine, kocapansāmpunrawuḥ, rājaputrimaringbeji, kapañcoranmasi‐ ram, wawuhidatĕdun, dĕhataruṇanesambrag, makil̥ĕsan, wentĕnngutangkambĕncĕrik, bĕcatsepanmirigtukad. madhesĕkar̀kaliḥñomansari, ceṣṭakāra, nabdabsopacara, pasucyanrājaputrine, kāma‐ jayangalingkung, tĕdunngenggalangmagĕdi, katukadmakil̥ĕsan, padewekanmañjus, tankocapankamajaya, sāmpunkesaḥ, kacaritarājaputri, sāmpunmasucilakṣaṇa. ngĕmbuswastramasiramtumuli, sar̥ĕngtiga, masu‐ [36 36A] 36 sur̀majamas, hantuktoyakumkumane, mihikengalupalup, galangśaśiḥmañundarin, raṣahidahyangwulan, mapawasantĕdun, bĕngongñingaksangmasiram, yansawangang, tanpendaḥkadidhadhari, masucisahamamantra. sāmpun puputmasiramtumuli, ñunggar̀roma, dĕmdĕmturingsamaḥ, kasor̀sĕpukansabĕhe, kālaśaśiḥkawulu, pantĕstaruṇanepaling, kalulutanngatonang, sangkadiśitangśu, lumlumgadingwusmasiram, mabhūṣaṇa, marangrangborehemihi‐ k, hasinmasumpangcĕmpaka. ñomansaribĕngongningĕḥgĕnding, kāmajaya, tansaḥmasawangan, ngasi‐hasiḥringtukade, gagesonñilibmātūr̀, ringhidasangkadiraṭiḥ, sapasirapunika, ñĕlsĕldeweklacur, rāja putrimawacana, haraḥsaja, naḥkĕmohenggalangsari, nuwunangngabakumkuman. miribsubasuwu‐dmañjusjani, kāmajaya, makĕlongantosang, turaḥsĕbĕt'hidhĕpñane, ngadenbĕñatongrungu, halokangada

Leaf 36

Image on Archive.org

[᭓᭖ 36B] ᭓᭖ ᬤᬶᬳᬢᬶ᭞ᬜᭀᬫᬦ᭄ᬲᬭᬶᬗᬢᬾᬧ᭄ᬮᬓ᭄᭞ᬢᭂᬤᬸᬦ᭄ᬜᬸᬯᬸᬦ᭄ᬚᬸᬦ᭄᭞ᬭᬶᬂᬲᬵᬫ᭄ᬧᬸᬦ᭄ᬭᬯᬸᬄᬩᭂᬢᬾᬦᬦ᭄᭞ᬧᬶᬗ᭄ᬕᬶᬃᬢᬸᬓᬤ᭄᭞ᬓᬵᬫᬚᬬᬫᬧᬶᬫᬧᬶ᭞ᬗᬸᬦ᭄ᬢᬸᬮ᭄ᬫᬶᬭᬶᬩ᭄ᬢ᭄ᬯᬭᬋᬗᭃ᭟ᬜᬭᬸᬫᭂᬫᭂᬫᬦ᭄ᬓᬵᬭᬶᬫᬕᭂᬦ᭄ᬤᬶᬂ᭞ᬜᭂᬮ᭄ᬲᭂᬮ᭄ᬳᬯᬓ᭄᭞ᬮᬘᬸᬭᬾᬢᬦ᭄ᬧᭂᬭᬄ᭞ᬲᬗ᭄ᬲᬭᬳᬶ ᬤᬸᬧ᭄ᬢᬶᬢ᭄ᬬᬗᬾ᭞ᬮᬕᬸᬢᬾᬩᭂᬜᬳᬸᬩᬸᬄ᭞ᬢᬸᬲᬶᬂᬳᬤᬲᬾᬦ᭄ᬤᭂᬫ᭄ᬦᭀᬮᬶᬄ᭞ᬤᬾᬯᬾᬓ᭄ᬳᬩᬸᬢ᭄ᬧᬗᬾᬲᬦ᭄᭞ᬤᬸᬫᬤᬶᬤᬶᬕᬸᬦᬸᬂ᭞ᬜᭀᬫᬦ᭄ᬲᬭᬶᬢᭂᬓᬦᬫ᭄ᬧ᭄ᬭᬢ᭄᭞ᬳᬭᬄᬯᬬᬦ᭄᭞ᬓᬸᬤᬤᬤᬶᬗᬲᬶᬳᬲᬶᬄ᭞ᬜᭂᬮ᭄ᬲᭂᬮ᭄ᬳᬯᬓ᭄ᬢᬦᬶᬩᬕ᭄ᬬ᭟ᬓᬵᬫᬚᬬᬢ ᬗ᭄ᬓᭂᬚᬸᬢ᭄ᬓᬩᬶᬮ᭄ᬩᬶᬮ᭄᭞ᬫᬗᬦ᭄ᬢᭂᬦᬂ᭞ᬜᭀᬫᬦ᭄ᬲᬭᬶᬜᬕ᭄ᬚᬕ᭄᭞ᬲᬕᬾᬢ᭄ᬲᬸᬩᬤᬶᬲᬫ᭄ᬧᬶᬗᬾ᭞ᬓᬶᬫᬸᬤ᭄ᬩᬗᬸᬦ᭄‌ᬫᬮᬮᬸᬂ᭞ᬜᭀᬫᬦ᭄ᬲᬭᬶᬫᬗᭂᬜ᭄ᬚᬸᬳᬶᬦ᭄᭞ᬓᬵᬫᬚᬬᬪᬹᬱᬡ᭞ᬲᬕᬾᬢᬦ᭄ᬫᬕᭂᬮᬸᬢ᭄᭞ᬫᬤᭀᬧ᭄ᬤᭀᬧ᭄ᬲᬤᬫᬤᬶᬫᬦ᭄᭞ᬗᭀᬜᬂ ᬍᬕ᭞ᬜᭀᬫᬦ᭄ᬲᬭᬶᬓᭂᬮᬤ᭄ᬓᭂᬮᬶᬤ᭄᭞ᬤᬲ᭄ᬓᭂᬦᬢᬸᬫ᭄ᬩᬓ᭄ᬫᭂᬲᬤᬄ᭟ᬮᬾᬮᬾᬢ᭄ᬓᬵᬫᬚᬬᬜᭀᬫᬦ᭄ᬲᬭᬶ᭞ᬫᬧᭂ᭠ᬦᬶᬗᬦ᭄᭞ᬓᬢᬸᬗ᭄ᬓᬸᬮ᭄ᬫᬘᬦ᭄ᬤ᭞ᬗᬸᬮᬸᬭᬶᬦ᭄ᬮᭂᬕᬦᬶᬥᭂᬧᬾ᭞ᬫᬲᬶᬲᬶᬕ᭄ᬓᬬᬂᬫᬫ᭄ᬩᬸᬄ᭞ᬜᭀᬫᬦ᭄ᬲᬭᬶᬫᬗᬬᬳᬶᬦ᭄᭞ᬓᬵᬫᬚᬬᬫᬧᬬᬲ᭄᭞ [᭓᭗ 37A] ᭓᭗ ᬦᬸᬦᭂᬓᭂᬓᬂᬲᬩᬸᬓ᭄᭞ᬢᬸᬦ᭄ᬤᬓ᭄ᬢᬸᬦ᭄ᬤᬶᬓ᭄ᬧᬢᬶᬕᬩᬕ᭄᭞ᬧᬤᬤ᭄ᬯᬦᬦ᭄᭞ᬫᬥᬾᬲᭂᬓᬃᬲᬕᬾᬢ᭄ᬜᭂᬭᬶᬢ᭄᭞ᬲᬓᬾᬂᬩᬩ᭄ᬯᬦ᭄ᬫᬓᬯᬸᬓᬦ᭄᭟ᬤᭀᬂᬳᬾᬗ᭄ᬕᬮᬂᬲᬸᬩᬕᬮᬂᬓᬗᬶᬦ᭄᭞ᬗᬫᭂᬦᬾᬓᬂ᭞ᬲᬂᬓᬵᬮᬶᬄᬫᬓᭂᬲ᭄ᬬᬩ᭄᭞ᬓᬤᬶᬲᬧᬶᬄᬧᬚᬸᬮᬸᬓᬾ᭞ᬕᬕᬾ᭠ ᬲᭀᬦ᭄ᬫᬸᬗ᭄ᬕᬄᬓᬯᬸᬄ᭞ᬗᬸᬦ᭄ᬢᬸᬮ᭄ᬲᭂᬩᭂᬗᬾᬓᬩᬶᬮ᭄ᬩᬶᬮ᭄᭞ᬭᬵᬚᬧᬸᬢ᭄ᬭᬶᬫᬫᬵᬃᬕ᭄ᬕ᭞ᬜᬦ᭄ᬢᭀᬲᬂᬩᬤᬸᬳᬸᬭ᭄᭞ᬇᬭᬶᬓᬵᬳᬶᬤᬫᬭᬵᬃᬬ᭄ᬬᬦ᭄᭞ᬫᬚᬗ᭄ᬕᭂᬮᬦ᭄᭞ᬭᬶᬂᬩᬢᬸᬮᬸᬫ᭄ᬩᬂᬫᬮᬶᬗ᭄ᬕᬶᬄ᭞ᬲᬃᬯ᭄ᬯᬶᬫᬕᬬᬸᬂᬕᬬᬸᬗᬦ᭄᭟ᬫᬓᭂᬜᬶᬃᬕᬸᬫᬦ᭄ᬢᬶᬮᬾᬤᬂᬗᬓ᭄ᬱᬶ᭞ᬓᬵᬫᬚ᭠ ᬬ᭞ᬭᬾᬄᬫᬓᭂᬮᬸᬲ᭄ᬫᬾᬦᬓ᭄᭞ᬮᬸᬫ᭄ᬮᬸᬫ᭄ᬕᬤᬶᬂᬧᬫᬸᬮᬸᬦᬾ᭞ᬢᬦ᭄ᬧᬾᬦ᭄ᬤᬄᬳ᭄ᬬᬗᬢᬦᬸ᭞ᬜᭂᬍᬳᬶᬦ᭄ᬢᭂᬤᬸᬦ᭄ᬓᬩᬮᬶ᭞ᬩᬸᬗᭂᬃᬳᬲᬶᬂᬗᬢᭀᬦᬂ᭞ᬓᬵᬫᬚᬬᬗᬸᬦ᭄ᬢᬸᬮ᭄᭞ᬜᬭᬸᬜᬭᬸᬗᬸᬭᬶᬓ᭄ᬢᬦᬄ᭞ᬲᬓᬾᬂᬳᬸᬮᬧ᭄᭞ᬦᬍᬓ᭄ᬢᭂᬓᬂᬭᬵᬚᬧᬸᬢ᭄ᬭᬶ᭞ᬓᬤᬶᬩᬸᬮᬦ᭄ᬓᬭ᭠ ᬳᬶᬦᬦ᭄᭟ᬋᬫ᭄ᬧᬸᬄᬫᬦᬶᬲ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬫᬗᬦ᭄ᬤᬶᬓ᭞ᬳᬥᬹᬄᬓᬵᬫᬚᬬ᭞ᬢᬸᬫ᭄ᬩᬾᬦ᭄‌ᬬᬂᬩᬸᬓᬳᬕᭂᬢᬾ᭞᭠ᬤᬶᬦᬶᬦᭀᬗᭀᬲ᭄ᬤᬶᬕᬸᬦᬸᬂ᭞ᬫᬓᬶᬲᬶᬤ᭄ᬗᬸᬩᬤᬂᬲᬓᬶᬢ᭄᭞ᬢᬸᬫ᭄ᬩᬾᬦᬶᬥᭂᬧᬾᬍᬕ᭞ᬳᬶᬩᬸᬓ᭄‌ᬬᬗᬾᬮᬶᬧᬸᬭ᭄᭞ᬦᭂᬧᬸᬓᬶᬦ᭄ᬘᬳᬶᬫᬧᬬ

Auto-transliteration

[36 36B] 36 dihati, ñomansaringateplak, tĕdunñuwunjun, ringsāmpunrawuḥbĕtenan, pinggir̀tukad, kāmajayamapimapi, nguntulmiribtwarar̥ĕngö. ñarumĕmĕmankārimagĕnding, ñĕlsĕlhawak, lacuretanpĕraḥ, sangsarahi duptityange, lagutebĕñahubuḥ, tusinghadasendĕmnoliḥ, dewek'habutpangesan, dumadidigunung, ñomansaritĕkanamprat, haraḥwayan, kudadadingasihasiḥ, ñĕlsĕlhawaktanibagya. kāmajayata ngkĕjutkabilbil, mangantĕnang, ñomansariñagjag, sagetsubadisampinge, kimudbangunmalalung, ñomansarimangĕñjuhin, kāmajayabhūṣaṇa, sagetanmagĕlut, madopdopsadamadiman, ngoñang l̥ĕga, ñomansarikĕladkĕlid, daskĕnatumbakmĕsadaḥ. leletkāmajayañomansari, mapĕ‐ningan, katungkulmacanda, ngulurinlĕganidhĕpe, masisigkayangmambuḥ, ñomansarimangayahin, kāmajayamapayas, [37 37A] 37 nunĕkĕkangsabuk, tundaktundikpatigabag, padadwanan, madhesĕkar̀sagetñĕrit, sakengbabwanmakawukan. donghenggalangsubagalangkangin, ngamĕnekang, sangkāliḥmakĕsyab, kadisapiḥpajuluke, gage‐ sonmunggaḥkawuḥ, nguntulsĕbĕngekabilbil, rājaputrimamār̀gga, ñantosangbaduhur, irikāhidamarār̀yyan, majanggĕlan, ringbatulumbangmalinggiḥ, sar̀wwimagayunggayungan. makĕñir̀gumantiledangngaksyi, kāmaja‐ ya, reḥmakĕlusmenak, lumlumgadingpamulune, tanpendaḥhyangatanu, ñĕl̥ĕhintĕdunkabali, bungĕr̀hasingngatonang, kāmajayanguntul, ñaruñarunguriktanaḥ, sakenghulap, nal̥ĕktĕkangrājaputri, kadibulankara‐ hinan. r̥ĕmpuḥmanishidarājaputri, mangandika, hadhūḥkāmajaya, tumbenyangbukahagĕte, ‐dininongosdigunung, makisidngubadangsakit, tumbenidhĕpel̥ĕga, hibukyangelipur, nĕpukincahimapaya

Leaf 37

Image on Archive.org

[᭓᭗ 37B] ᭓᭗ ᬲ᭄᭞ᬳᬲᬶᬦ᭄ᬧᭂᬲᬦ᭄᭞ᬫᬲᬸᬫ᭄ᬧᬂᬲᭂᬓᬃᬫᬲᬭᬶ᭞ᬤᬸᬯᭂᬕ᭄ᬲᬦ᭄ᬗᬤᬸᬗᬂᬭᬭᬲ᭄᭟ᬓᬵᬫᬚᬬᬫᬓ᭄ᬮᬶᬬᭂᬩ᭄ᬧ᭄ᬭᬫᬗ᭄ᬓᬶᬦ᭄᭞ᬓᬲᭂ᭠ᬫᭀᬦᬦ᭄᭞ᬫᭂᬧᭂᬲ᭄ᬫᬢᬗᬦᬦ᭄᭞ᬧ᭄ᬭᬦᬫ᭄ᬬᬩᬦ᭄ᬩᬦ᭄ᬳᬢᬸᬭᬾ᭞ᬳᬫ᭄ᬧᬸᬭᬢᬶᬢ᭄ᬬᬂᬭᬢᬸ᭞ᬓᬢᬫ᭄ᬩᭂᬢᬦ᭄ᬢᬸᬦᬩᬸᬤ᭄ᬥᬶ᭞ᬧ᭄ᬭᬲᬗ᭄ᬕᬫᬫᬋᬓᬦ᭄᭞ᬩᭂ᭠ ᬕᬾᬃᬢᬸᬭᬄᬕᬸᬦᬸᬂ᭞ᬢᬸᬦᬦᬶᬂᬗᬦᬸᬢᬂᬧᬬᬲ᭄᭞ᬫᭀᬦ᭄ᬧ᭄ᬭᬲᬶᬤ᭄ᬥ᭞ᬢᬶᬢ᭄ᬬᬂᬲᬋᬂᬗᬭᬫᬾᬦᬶᬦ᭄᭞ᬫᬸᬂᬧᬸᬂᬭᬭᬳᬶᬦᬦ᭄ᬚᬕᬢ᭄᭟ᬤᭀᬄᬧᬭᬢᬶᬢ᭄ᬬᬂᬫᬤᬾᬯᬾᬓ᭄ᬳᬲᬶᬦ᭄᭞ᬗᬩᭂᬢ᭄ᬧᬬᬲ᭄᭞ᬲᬗ᭄ᬓᬸᬃᬫᬩᭂᬢ᭄ᬚᬫ᭄ᬧ᭄ᬭᬄ᭞ᬓᬗ᭄ᬕᬾᬲᬓᬤᬦ᭄ᬲᭂᬓᬭᬾ᭞ᬧᬸᬘᬸᬓ᭄ᬩᬂᬢᬦᬶᬧᬵᬢᬹ ᬢ᭄᭞ᬯᬶᬭᬾᬄᬫᬤᬾᬯᬾᬓ᭄ᬯᭀᬂᬢᬦᬶ᭞ᬲᬓᬾᬂᬕᬶᬭᬂᬓᬚᬓᬦ᭄᭞ᬢᬶᬢ᭄ᬬᬂᬦᬸᬯᬸᬢ᭄ᬮᬸᬩᬸᬓ᭄᭞ᬘᭀᬓᭀᬭᬶᬤᬾᬯᬧᬯᬶᬓᬦ᭄᭞ᬫᬦᬄᬢᬶᬢ᭄ᬬᬂ᭞ᬲᭀᬢᬦᬶᬂᬓᬦ᭄ᬢᬸᬦ᭄ᬢᬭᬸᬡᬶ᭞ᬕᬸᬫᬦ᭄ᬢᬶᬕᬗ᭄ᬲᬭᬦ᭄ᬢᬶᬦ᭄ᬤᬓ᭄᭟ᬩᭀᬬᬳᬾᬮᬶᬂᬭᬶᬂᬫᬤᬾᬯᬾᬓ᭄ᬕᬸᬤᬶᬕ᭄᭞ᬭ᭠ ᬢᬸᬢᬶᬢ᭄ᬬᬂ᭞ᬲᬓᬭᬶᬂᬳᬍᬫᬦ᭄᭞ᬫᬯᬲ᭄ᬢᬸᬩᭂᬕᬸᬕ᭄ᬩᬸᬤ᭄ᬥᬶᬦᬾ᭞ᬗᭂᬤᭀᬢᬂᬲᭂᬓᬃᬢᬸᬜ᭄ᬚᬸᬂ᭞ᬢᬸᬦᬕᭀᬩᬢᬦᬶᬳᬲᬶ᭠ᬦ᭄᭞ᬧᭀᬗᬄᬦᬕᬶᬄᬜᬸᬫ᭄ᬧᬗᬂ᭞ᬢᭀᬂᬫᬤᬸᬯᬾᬲᬶᬓᬸᬢ᭄᭞ᬫᬩᬸᬤ᭄ᬥᬶᬗᬗ᭄ᬓᬩᬂᬳᬯᬓ᭄᭞ᬩᭀᬗ᭄ᬓᭀᬓ᭄ᬧᭀᬦ᭄ᬤᬮ᭄᭞ᬦᬦᭂᬂᬩᭂ᭠ [᭓᭘ 38A] ᭓᭘ ᬗᭀᬂᬭᬵᬚᬧᬸᬢ᭄ᬭᬶ᭞ᬫᬢᬗᬶᬭᬭᬶᬲ᭄ᬫᬫᬵᬃᬕ᭄ᬕ᭟ᬚᬮᬦ᭄ᬫᬸᬮᬶᬄᬓᬧᬤᬸᬓ᭄ᬯᬦ᭄ᬚᬦᬶ᭞ᬓᬵᬫᬚᬬ᭞ᬤᬾᬦᬶᬂᬲᬸᬩᬍᬫᬄ᭞ᬢ᭄ᬯᬭᬲᬭᬸᬩᬦ᭄ᬕᬮᬗᬾ᭞ᬭᬵᬚᬧᬸᬢ᭄ᬭᬶᬳᬫᬸᬯᬸᬲ᭄᭞ᬲᬾᬗᭂᬄᬭᬶᬂᬓᭂᬦᬶᬧᬧᬶᬭᬶᬂ᭞ᬦᬢᭀᬦᬶᬦᬸᬮᬸᬦ᭄ᬳᬃᬱ᭞ᬓᬧᬶᬦᭂᬄᬭᬶᬂᬓᬬᬸᬦ᭄᭞ᬢᬸᬫᬸᬮᬶᬳᬶ ᬤᬗᬦ᭄ᬤᬶᬓ᭞ᬓᬵᬫᬚᬬ᭞ᬤᬲᭂᬩᭂᬢ᭄ᬮᬓᬃᬓᬮᬳᬶᬦ᭄᭞ᬳᬸᬮᬶᬚᬦᬶᬬᬂᬫᬫᬶᬦ᭄ᬤᬄ᭟ᬩᬶᬦ᭄ᬫᬦᬶᬬᬂᬮᬓᬃᬧᬬᬸᬫᬸᬮᬶᬄ᭞ᬓᬦᬵᬕᬭ᭞ᬯᬶᬭᬾᬄᬲᬸᬩᬢᭂᬓ᭞ᬳᬸᬮᬶᬧᬸᬭᬶᬧᬫᭂᬦ᭄ᬤᬓᬾ᭞ᬲᬓᬾᬂᬩᬯᭀᬲ᭄ᬲᬂᬧ᭄ᬭᬪᬹ᭞ᬫᬶᬓᭂᬤᭂᬄᬬᬂᬳᬾᬗ᭄ᬕᬮ᭄ᬫᬸᬮᬶᬄ᭞ᬤᬾᬦᬶᬂ᭠ ᬲᬸᬩᬲᭂᬕᭂᬭᬦ᭄᭞ᬚᬮᬦ᭄ᬩᬋᬂᬦᬸᬢᬸᬕ᭄᭞ᬓᬵᬫᬚᬬᬫᬵᬢᬹᬃᬦᬶᬫ᭄ᬩᬮ᭄᭞ᬥᬹᬄᬳᬫ᭄ᬧᬸᬭ᭞ᬚᬕᬦᬧᬶᬢᬶᬢ᭄ᬬᬂᬗᬶᬭᬶᬂ᭞ᬓᬤᬶᬳᬸᬮᬫ᭄‌‌ᬬᬦᬸᬧᬫ᭟ᬤᬸᬭᬸᬲ᭄ᬳᬸᬮᬧ᭄ᬢᬶᬢ᭄ᬬᬂᬗᭂᬢᭀᬦ᭄ᬮᬗᬶᬢ᭄᭞ᬧᬢᬶᬕᬩᬕ᭄᭞ᬧᬸᬦᬶᬓᬳᬯᬶᬦᬦ᭄᭞ᬦᬯᭂᬕᬂᬳᬦ᭄ᬢᬸᬓ᭄ᬜᬮᬶᬢᬾ᭞ ᬗᬶᬂᬲᬵᬫ᭄ᬧᬸᬦ᭄ᬳᬶᬯᬂᬲᭂᬗ᭄ᬕᬸᬄ᭞ᬩᭀᬬᬲᬗ᭄ᬓᬦᬶᬂᬢᬦ᭄ᬪᬓ᭄ᬢᬶ᭞ᬧᬫ᭄ᬮᬧᬦ᭄ᬫᬦᬄᬢᬶᬢ᭄ᬬᬂ᭞ᬫᬗ᭄ᬤᬳᬸᬕᬶᬲᬵᬫ᭄ᬧᬸᬦ᭄᭞ᬘᭀᬓᭀᬭᬶᬤᬾᬯᬲᬸᬗ᭄ᬓᬯ᭞ᬧᭀᬮᬶᬄᬳᬾᬭᬂ᭞ᬗᬓ᭄ᬱᬶᬢᬶᬢ᭄ᬬᬂᬍᬦ᭄ᬢᬃᬍᬦ᭄ᬢᬶᬃ᭞ᬢᬦ᭄ᬳᬸᬦᬶᬂᬭᬶᬂᬢᬢᬓ᭄ᬭᬫ᭟ᬫᬲᬓᬲᬾᬧ᭄ᬢᬶᬢ᭄ᬬᬂᬧᬘᬂᬢᬗ᭄ᬓᬶ

Auto-transliteration

[37 37B] 37 s, hasinpĕsan, masumpangsĕkar̀masari, duwĕgsanngadungangraras. kāmajayamakliyĕbpramangkin, kasĕ‐monan, mĕpĕsmatanganan, pranamyabanbanhature, hampuratityangratu, katambĕtantunabuddhi, prasanggamamar̥ĕkan, bĕ‐ ger̀turaḥgunung, tunaningnganutangpayas, monprasiddha, tityangsar̥ĕngngaramenin, mungpungrarahinanjagat. doḥparatityangmadewek'hasin, ngabĕtpayas, sangkur̀mabĕtjampraḥ, kanggesakadansĕkare, pucukbangtanipātū t, wireḥmadewekwongtani, sakenggirangkajakan, tityangnuwutlubuk, cokoridewapawikan, manaḥtityang, sotaningkantuntaruṇi, gumantigangsarantindak. boyahelingringmadewekgudig, ra‐ tutityang, sakaringhal̥ĕman, mawastubĕgugbuddhine, ngĕdotangsĕkar̀tuñjung, tunagobatanihasi‐n, pongaḥnagiḥñumpangang, tongmaduwesikut, mabuddhingangkabanghawak, bongkokpondal, nanĕngbĕ‐ [38 38A] 38 ngongrājaputri, matangirarismamār̀gga. jalanmuliḥkapadukwanjani, kāmajaya, deningsubal̥ĕmaḥ, twarasaruban'galange, rājaputrihamuwus, sengĕḥringkĕnipapiring, natoninulunhar̀ṣa, kapinĕḥringkayun, tumulihi dangandika, kāmajaya, dasĕbĕtlakar̀kalahin, hulijaniyangmamindaḥ. binmaniyanglakar̀payumuliḥ, kanāgara, wireḥsubatĕka, hulipuripamĕndake, sakengbawossangprabhū, mikĕdĕḥyanghenggalmuliḥ, dening‐ subasĕgĕran, jalanbar̥ĕngnutug, kāmajayamātūr̀nimbal, dhūḥhampura, jaganapitityangngiring, kadihulamyanupama. durushulaptityangngĕtonlangit, patigabag, punikahawinan, nawĕganghantukñalite, ngingsāmpunhiwangsĕngguḥ, boyasangkaningtanbhakti, pamlapanmanaḥtityang, mangdahugisāmpun, cokoridewasungkawa, poliḥherang, ngaksyitityangl̥ĕntar̀l̥ĕntir̀, tanhuningringtatakrama. masakaseptityangpacangtangki

Leaf 38

Image on Archive.org

[᭓᭘ 38B] ᭓᭘ ᬮ᭄᭞ᬫᬫᬋᬓᬦ᭄᭞ᬫᭀᬦ᭄ᬘᭀᬓᭀᬭᬶᬤᬾᬯ᭞ᬓᬦ᭄ᬢᬸᬦ᭄ᬢᬦ᭄ᬫᬋᬦ᭄ᬮᬾᬤᬗᬾ᭞ᬢᬶᬢ᭄ᬬᬂᬪᬓ᭄ᬢᬶᬫᬫᭂᬓᬸᬮ᭄᭞ᬦᬸᬦ᭠ᬲ᭄ᬮᬸᬗ᭄ᬲᬸᬭᬦ᭄ᬲᬲᬳᬶ᭞ᬘᭀᬓᭀᬭᬶᬤᬾᬯᬲ᭄ᬯᬾᬘ᭄ᬙ᭞ᬭᬶᬂᬚᬤ᭄ᬫᬫᬫᭂᬭᬸᬤ᭄᭞ᬭᬸᬫᬲᬢ᭄ᬘᭀᬓᭀᬭᬶᬤᬾᬯ᭞ᬜᬸᬧᬢ᭄ᬢᬶᬢ᭄ᬬᬂ᭞ᬮᬫᬓ᭠ ᬦ᭄ᬓᬦ᭄ᬢᬸᬦ᭄ᬫᬳᬸᬭᬶᬧ᭄᭞ᬗᬗ᭄ᬓᬶᬤᬂᬅᬢ᭄ᬫᬓᬲᬲᬃ᭟ᬤ᭄ᬬᬲ᭄ᬢᬸᬦ᭄ᬢᬶᬢ᭄ᬬᬂᬫᬕᭂᬦᬄᬳᬶᬭᬶᬓᬶ᭞ᬭᬶᬂᬧᬤᬲᬦ᭄᭞ᬳᬤᭀᬄᬧᬓᬦ᭄ᬢᭂ᭠ᬦᬦ᭄᭞ᬦᬵᬗ᭄ᬳᬶᬂᬢᬫ᭄ᬧᭂᬓ᭄ᬤᬶᬫᬦᬳᬾ᭞ᬲᬓ᭄ᬱᬢ᭄ᬭᬶᬂᬧᬸᬭᬶᬳᬕᬸᬂ᭞ᬢᬶᬢ᭄ᬬᬂᬲᬢᬢᬗᭀᬩᭂᬢᬶᬦ᭄᭞ᬓᬬᬸᬦ᭄ᬘᭀᬓᭀᬭᬶᬤᬾᬯ᭞ᬭᬵᬚᬧᬸᬢ᭄ᬭᬶ ᬗᬸᬦ᭄ᬗᬸᬦ᭄᭞ᬫᬶᬋᬂᬳᬢᬹᬃᬓᬵᬫᬚᬬ᭞ᬗᭂᬮᬤ᭄ᬧ᭄ᬭᬡ᭞ᬢᬸᬫᬸᬮᬶᬗᬦ᭄ᬤᬶᬓᬳᬭᬶᬲ᭄᭞ᬦᬄᬤᭂᬧᬂᬲᬸᬩᬩᬯᬓᬂ᭟ᬲᬭᬢᬶᬢᬄᬲᬗ᭄ᬳ᭄ᬬᬂᬯᬶᬤ᭄ᬥᬶ᭞ᬫᬦᬸᬤᬸᬳᬂ᭞ᬢᭀᬂᬤᬤᬶᬮᬾᬫ᭄ᬧᬲᬂ᭞ᬳᬕᭂᬢᬾᬢᭂᬓᬾᬦ᭄ᬮᬘᬸᬭᬾ᭞ᬳᬲᭂᬫ᭄ᬦᭀᬗᭀᬲ᭄ᬤᬶᬕᬸᬦᬸᬂ᭞ᬢᭂᬓᬾᬦᬸᬬᬳᬾᬤᬶ ᬧᬲᬶᬄ᭞ᬬᬤᬶᬦ᭄ᬫᭂᬚᭀᬳᭂᬚᭀᬳᬦ᭄᭞ᬧᬫ᭄ᬭᬕᬢ᭄ᬓᬢᭂᬫᬸ᭞ᬤᬶᬧᬲᭀᬦᬾᬬᬦ᭄ᬗᬭᬸᬚᬓ᭄᭞ᬓᬵᬮᬗᬶᬤᬫ᭄᭞ᬫᬸᬮᬳᬸᬩᬤ᭄ᬳᬦᬓ᭄ᬩᭂᬮᬶᬂ᭞ᬓᬾᬢᭀᬲᬚᬓᬵᬫᬚᬬ᭟ᬓᬤᬶᬧᬜ᭄ᬚᬂᬩᬩᬯᭀᬲ᭄ᬲᬂᬓᬵᬮᬶᬄ᭞ᬲᬶᬮᬶᬄᬳᬮᬧ᭄᭞ᬲᬫ᭄ᬩᬶᬮᬂᬫᬫᬵᬃᬕ᭄ᬕ᭞ [᭓᭙ 39A] ᭓᭙ ᬓᬩᬢᭂᬓ᭄ᬮᬸᬮᬸᬢ᭄ᬳᬲᬶᬳᬾ᭞ᬢᬫ᭄ᬩᬾᬲᬓᬤᬶᬓᭂᬢᬸᬲ᭄᭞ᬓᬬᬸᬦ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬦᬸᬫᭀᬦᬂᬓᬵᬫᬚᬬ᭞ᬲᬕᬾ᭠ᬢ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬧᬤᬸᬓ᭄ᬯᬦ᭄‌‌ᬲᬵᬫ᭄ᬧᬸᬦ᭄ᬤᬩ᭄ᬤᬩ᭄᭞ᬲᬂᬫᬫᭂᬦ᭄ᬤᬓ᭄᭞ᬦᬸᬮᬶᬳᬶᬤᬭᬵᬚᬧᬸᬢ᭄ᬭᬶ᭞ᬫᬢᬶᬃᬢ᭄ᬣᬫᬚᬬᬚᬬ᭟ᬓᬵᬮᬯᭂᬗᬶᬓᬘ᭠ ᬭᬶᬢᬫᬗ᭄ᬓᬶᬦ᭄᭞ᬭᬶᬂᬧᬤᬸᬓ᭄ᬯᬦ᭄᭞ᬲᭂᬤᭂᬓ᭄ᬫᬧᬭᬸᬫᬦ᭄᭞ᬓᭀᬘᬧ᭄ᬭᬶᬂᬩᬮᬾᬳᬕᭃᬗᬾ᭞ᬚ᭄ᬭᭀᬤᬸᬓᬸᬄᬮᬦᬂᬯᬥᬹ᭞ᬲᬋᬂᬤᬦᬾᬫᬥᬾᬯᬢᬶ᭞ᬭᬵᬚᬧᬸᬢ᭄ᬭᬶᬓᬵᬢᬸᬭᬦ᭄᭞ᬲᬋᬂᬢᬍᬃᬧᬭᬹᬫ᭄᭞ᬫᬶᬦᬓᬵᬤᬶᬓᬵᬫᬚᬬ᭞ᬫᬥᬾᬲᭂᬓᬃ᭞ᬫᬾᬦ᭄ᬧ᭄ᬭᭀᬤᭀᬂᬮ᭠ ᬦ᭄ᬜᭀᬫᬦ᭄ᬲᬭᬶ᭞ᬫᬾᬦ᭄ᬲᬗ᭄ᬓᭀᬮ᭄ᬦᬗ᭄ᬓᬶᬮ᭄ᬧ᭄ᬭᬦᬫ᭄ᬬ᭞ᬭᬾᬜ᭄ᬘᬂᬭᭀᬩᬦ᭄ᬧᬤᬸᬓ᭄ᬯᬦ᭄ᬲᬫᬶ᭞ᬫᬢᬗ᭄ᬓᬶᬮᬦ᭄᭞ᬭᬹᬧᬓᬤᬶᬩᬸᬯᬢ᭄᭞ᬤᬸᬓ᭄ᬧᬸᬦᬶᬓᬧᬭᬸᬫᬦᬾ᭞ᬫᬥᬾᬯᬢᬶᬳᬸᬫᬵᬢᬹᬃ᭞ᬭᬶᬂᬤᬦᬾᬳᬦᬓᬾᬮᬶᬗ᭄ᬲᬶᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬦᬯᭂᬕᬂ᭞ᬫᬵᬢᬹᬃᬭᬶᬂᬥᬂᬕᬸᬭᬸ᭞ᬫᬓᬵ ᬤᬶᬢᬍᬃᬭᬶᬂᬩᬶᬬᬂ᭞ᬦᬸᬦᬲ᭄ᬮᬸᬕ᭄ᬭ᭞ᬦᬾᬩᬾᬜ᭄ᬚᬂᬢᬶᬢ᭄ᬬᬂᬫᬧᬫᬶᬢ᭄᭞ᬗᬶᬭᬶᬂᬲᬂᬫᬡᬶᬓᬶᬂᬧᬸᬭ‌‌᭟ᬤᬾᬦᬶᬂᬲᬵᬫ᭄ᬧᬸᬦ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬭᬹᬧᬓᬾᬦᬓ᭄᭞ᬧᬘᬂᬳᬶᬭᬶᬂᬢᬶᬢ᭄ᬬᬂ᭞ᬫᬦ᭄ᬢᬸᬓ᭄ᬓᬧᬸᬭᬶᬲᬭᬦᬾ᭞ᬧᬫᭂᬦ᭄ᬤᬓ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬲᬂᬬᭀᬕᬶᬗᬦ᭄ᬤᬶᬓᬳᬭᬶᬲ᭄᭞ᬦᬄ

Auto-transliteration

[38 38B] 38 l, mamar̥ĕkan, moncokoridewa, kantuntanmar̥ĕnledange, tityangbhaktimamĕkul, nuna‐slungsuransasahi, cokoridewasweccha, ringjadmamamĕrud, rumasatcokoridewa, ñupattityang, lamaka‐ nkantunmahurip, ngangkidangatmakasasar̀. dyastuntityangmagĕnaḥhiriki, ringpadasan, hadoḥpakantĕ‐nan, nānghingtampĕkdimanahe, sakṣatringpurihagung, tityangsatatangobĕtin, kayuncokoridewa, rājaputri ngunngun, mir̥ĕnghatūr̀kāmajaya, ngĕladpraṇa, tumulingandikaharis, naḥdĕpangsubabawakang. saratitaḥsanghyangwiddhi, manuduhang, tongdadilempasang, hagĕtetĕkenlacure, hasĕmnongosdigunung, tĕkenuyahedi pasiḥ, yadinmĕjohĕjohan, pamragatkatĕmu, dipasoneyanngarujak, kālangidam, mulahubad'hanakbĕling, ketosajakāmajaya. kadipañjangbabawossangkāliḥ, siliḥhalap, sambilangmamār̀gga, [39 39A] 39 kabatĕklulut'hasihe, tambesakadikĕtus, kayunhidarājaputri, numonangkāmajaya, sage‐tsāmpunrawuḥ, ringpadukwansāmpundabdab, sangmamĕndak, nulihidarājaputri, matir̀tthamajayajaya. kālawĕngikaca‐ ritamangkin, ringpadukwan, sĕdĕkmaparuman, kocapringbalehagönge, jrodukuḥlanangwadhū, sar̥ĕngdanemadhewati, rājaputrikāturan, sar̥ĕngtal̥ĕr̀parūm, minakādikāmajaya, madhesĕkar̀, menprodongla‐ nñomansari, mensangkolnangkilpranamya, reñcangrobanpadukwansami, matangkilan, rūpakadibuwat, dukpunikaparumane, madhewatihumātūr̀, ringdanehanakelingsir̀, hinggiḥtityangnawĕgang, mātūr̀ringdhangguru, makā dital̥ĕr̀ringbiyang, nunaslugra, nebeñjangtityangmapamit, ngiringsangmaṇikingpura. deningsāmpunhidarājaputri, rūpakenak, pacanghiringtityang, mantukkapurisarane, pamĕndaksāmpunrawuḥ, sangyogingandikaharis, naḥ

Leaf 39

Image on Archive.org

[᭓᭙ 39B] ᭓᭙ ᬓᬾᬘᭂᬦᬶᬂᬫᬚᬮᬦ᭄᭞ᬳᬶᬭᬶᬂᬳᬶᬤᬫᬦ᭄ᬢᬸᬓ᭄᭞ᬭᬵᬚᬧᬸᬢ᭄ᬭᬶᬜᭂᬮᬕ᭄ᬦᬶᬫ᭄ᬩᬮ᭄᭞ᬲᬤᬩᬦ᭄ᬩᬦ᭄᭞ᬳᬶᬗ᭄ᬕᬶᬄᬧᭂᬓᬓ᭄ᬓᬵᬮᬶᬄᬦᬶᬦᬶ᭞ᬓᬾᬦᬓᬂᬢᬶᬬᬂᬫᬫᬶᬦ᭄ᬤᬄ᭟ᬩᬾᬜ᭄ᬚᬂᬲᭂᬫᭂᬂᬫᬢᬸᬮᬓ᭄ᬓᬧᬸᬭᬶ᭞ᬧᬮᬶᬫᬸᬦᬦ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶᬦᬶᬫ᭄ᬩᬮ᭄᭞ᬫᬘᬧ᭄ᬘᬧ᭄ᬢᭀᬬᬦᬓ᭄ᬱᬶᬦᬾ᭞ ᬤᬸᬭᬸᬲᬂᬭᬢᬸᬫᬦ᭄ᬢᬸᬓ᭄᭞ᬫᬫᬵᬃᬕ᭄ᬕᬶᬧᬂᬩᭂᬘᬶᬓ᭄ᬩᭂᬘᬶᬓ᭄᭞ᬫᬤᬓ᭄ᬘᭀᬓᭀᬭᬶᬤᬾᬯ᭞ᬫᬭᬶᬂᬧᬸᬭᬶᬳᬕᬸᬂ᭞ᬭᬳᬚᭂᬂᬢᬹᬃᬧᬜ᭄ᬚᬂᬬᬸᬱ᭞ᬳᬶᬭᬶᬂᬢᬶᬢ᭄ᬬᬂ᭞ᬫᬥᬾᬯᬢᬶᬦᬶᬫ᭄ᬩᬮ᭄ᬫᬮᬶᬄ᭞ᬗᬦ᭄ᬤᬶᬓᬭᬶᬂᬓᬵᬫᬚᬬ᭟ᬥᬹᬄᬦᬦᬓ᭄ᬫᬾᬫᬾᬫᬫᬶᬦ᭄ᬤᬄᬚᬦᬶ᭞ᬮᬓᬃᬮᬸᬯᬲ᭄᭞ᬫᬦᬶᬧᬲᭂᬫᭂ ᬗᬦ᭄᭞ᬗᬶᬭᬶᬗᬂᬕᬸᬲ᭄ᬢᬶᬦ᭄ᬘᭂᬦᬶᬗᬾ᭞ᬫᬦ᭄ᬢᬸᬓ᭄ᬓᬧᬸᬭᬶᬳᬕᬸᬂ᭞ᬦᬄᬳᬶᬭᬶᬂᬳᬦᬓᬾᬮᬶᬗ᭄ᬲᬶᬃ᭞ᬤᬶᬧᬤᬸᬓ᭄ᬯᬦ᭄ᬧᬕᭂᬳᬂ᭞ᬢᬸᬲᬶᬂᬜᬦ᭄ᬤᬂᬦᬸᬢᬸᬕ᭄᭞ᬳᬧᬂᬢ᭄ᬯᬭᬗᬤᬸᬯᬸᬗᬦ᭄᭞ᬤᬦᬾᬚᬸᬫᬄ᭞ᬓᬶᬢᬓ᭄ᬓᬶᬢᬸᬓ᭄ᬲᬋᬂᬓᬵᬮᬶᬄ᭞ᬜᭂᬮ᭄ᬲᭂᬮ᭄ᬭᬕᬢᬦᬶᬩᬕ᭄ᬬ᭟ᬳᭀᬓᬧᬸᬢᬸᬫᬓᭂᬚᬂ᭠ ᬫᬕᭂᬤᬶ᭞ᬢᬦ᭄ᬢᭀᬮᬶᬳᬦ᭄᭞ᬓᬵᬫᬚᬬᬦᬶᬫ᭄ᬩᬮ᭄᭞ᬢᬦ᭄ᬲᬶᬫ᭄ᬧᬂᬩᬯᭀᬲ᭄ᬩᬶᬩᬶᬦᬾ᭞ᬬᬦ᭄ᬢᬶᬢ᭄ᬬᬂᬲᬋᬂᬗᬗ᭄ᬕᬸᬃ᭞ᬓᬤᬶᬳᬦᬓ᭄ᬯᬶᬃᬬ᭄ᬬᬕᬢᬶ᭞ᬢᬦ᭄ᬳᬸᬦᬶᬂᬫᬢᬶᬍᬲᬂ᭞ᬭᬶᬂᬫᬤᬾᬯᬾᬓ᭄ᬮᬘᬸᬭ᭄᭞ᬫᬥᬾᬯᬢᬶᬫᬦ᭄ᬢᭂᬕ᭄ᬯᬶᬚᬂ᭞ᬳᬕᬾᬦᬶᬫ᭄ᬩᬮ᭄᭞ᬓᬸᬤᬫᬶᬭᬶᬩ᭄ᬲᬮᬄᬢᬫ᭄ᬧᬶ᭞ [᭔᭐ 40A] ᭔᭐ ᬗᬤᬾᬦ᭄ᬫᬾᬫᬾᬢᬸᬦᬢᬺᬱ᭄ᬡᬵ᭟ᬫᬗ᭄ᬤᭀᬄᬫᬾᬫᬾᬮᬓᬃᬤᬤᬶᬳᬢᬶ᭞ᬗ᭄ᬲᬧ᭄ᬫᬧ᭄ᬬᬦᬓ᭄᭞ᬦᬦᬓ᭄ᬓᬵᬫᬚᬬ᭞ᬤᭀᬂᬮ᭠ᬦ᭄ᬢᬗᬂᬧᬧᬶᬦᭂᬳᬾ᭞ᬤᬧᭂᬲᬦ᭄ᬲᬮᬄᬲᭂᬗ᭄ᬕᬸᬄ᭞ᬗᬤᬾᬦ᭄ᬳᬯᬓ᭄ᬢᬦ᭄ᬧᬳᬚᬶ᭞ᬫᬾᬫᬾᬧᬵᬢᬹᬢ᭄ᬜᬶᬗ᭄ᬕᬶᬳᬂ᭞ᬜᬬᬗᬂᬲᬢᬸᬯᬸᬓ᭄᭞ᬲᭀᬢᬦᬶᬂᬫ᭠ ᬓᬧᭀᬦᬓᬦ᭄᭞ᬢ᭄ᬯᬭᬪᬶᬦ᭞ᬢᬺᬱ᭄ᬡᬵᬦ᭄ᬫᬾᬫᬾᬦᭂᬓᬾᬗ᭄ᬳᬢᬶ᭞ᬢ᭄ᬯᬭᬮᬓᬃᬫᬮᬾᬩᬗᬦ᭄᭟ᬩᬸᬓᬳᬧᬮᬘᬸᬃᬦᬦᬓ᭄ᬤᬶᬦᬶ᭞ᬤᬶᬧᬤᬸᬓ᭄ᬯᬦ᭄᭞ᬫᬾᬫᬾᬜᬤ᭄ᬬᬦᬢᬓ᭄᭞ᬗᬸᬓᬸᬳᬂᬧᬍᬓᬤᬦᬾ᭞ᬗᬦ᭄ᬤᬶᬓᬤᬸᬓᬸᬄᬯᬥᬹ᭞ᬤᭀᬂᬗᬸᬤᬩᬲ᭄ᬮᬦ᭄ᬢᬂᬕᬢᬶ᭞ᬦᬸᬢᬸᬭᬶᬦ᭄ᬓ ᬫᬚᬬ᭞ᬫᬶᬭᬶᬩ᭄ᬘᭂᬦᬶᬂᬢᬦ᭄ᬤ᭄ᬭᬸᬄ᭞ᬩᬦ᭄‌ᬢᬺᬱ᭄ᬡᬵᬦᬾᬫᬭᬭᬫ᭞ᬓᬵᬫᬚᬬ᭞ᬲᭂᬩᭂᬢ᭄‌ᬬᬮᬓᬃᬕᭂᬤᬶᬦᬶᬦ᭄᭞ᬜᬭᬾᬦ᭄ᬘᭂᬦᬶᬂᬢᭀᬂᬚᬗ᭄ᬓᬬᬦ᭄᭟ᬓᬵᬫᬚᬬᬫᭂᬧᭂᬲ᭄ᬫᬵᬢᬹᬃᬲᬶᬲᬶᬧ᭄᭞ᬥᬹᬄᬳᬫ᭄ᬧᬸᬭ᭞ᬲᬵᬫ᭄ᬧᬸᬦ᭄ᬩᬶᬩᬶᬤᬸᬓᬵ᭞ᬧᬾᬢ᭄ᬳᬶᬯᬂᬳᬢᬹᬃᬢᬶᬢ᭄ᬬᬗᬾ᭞ᬩᭀᬬ ᬲᬗ᭄ᬓᬦᬶᬂᬗᬕᬸ᭞ᬧ᭄ᬭᬲᬗ᭄ᬕᬧᬸᬭᬸᬦ᭄ᬭᬶᬂᬩᬶᬩᬶ᭞ᬳᬢᬸᬭᬾᬧᬧᭀᬚᭀᬮᬦ᭄᭞ᬢᬫ᭄ᬩᭂᬢᬾᬓᬮᬗ᭄ᬓᬸᬂ᭞ᬫᬲᬢᬶᬢ᭄ᬬᬂᬫᬦ᭠ᬫ᭄ᬧᭀᬓᬂ᭞ᬩᬶᬩᬶᬲ᭄ᬯᬾᬘ᭄ᬙ᭞ᬫᬗ᭄ᬤᭀᬄᬢᬶᬢ᭄ᬬᬂᬢᬸᬦᬪᬓ᭄ᬢᬶ᭞ᬭᬶᬂᬲᬦᬾᬧᬵᬢᬹᬢ᭄ᬜᬬᬗᬂ᭟ᬳᬕᭂᬢ᭄ᬮᬘᬸᬭᬾᬭᬶᬂᬢᬫᬦ᭄ᬩᬮᬶ᭞ᬩᭀᬬᬮᬶ

Auto-transliteration

[39 39B] 39 kecĕningmajalan, hiringhidamantuk, rājaputriñĕlagnimbal, sadabanban, hinggiḥpĕkakkāliḥnini, kenakangtiyangmamindaḥ. beñjangsĕmĕngmatulakkapuri, palimunan, dukuḥhistrinimbal, macapcaptoyanaksyine, durusangratumantuk, mamār̀ggipangbĕcikbĕcik, madakcokoridewa, maringpurihagung, rahajĕngtūr̀pañjangyuṣa, hiringtityang, madhewatinimbalmaliḥ, ngandikaringkāmajaya. dhūḥnanakmememamindaḥjani, lakar̀luwas, manipasĕmĕ ngan, ngiringanggustincĕninge, mantukkapurihagung, naḥhiringhanakelingsir̀, dipadukwanpagĕhang, tusingñandangnutug, hapangtwarangaduwungan, danejumaḥ, kitakkituksar̥ĕngkāliḥ, ñĕlsĕlragatanibagya. hokaputumakĕjang‐ magĕdi, tantolihan, kāmajayanimbal, tansimpangbawosbibine, yantityangsar̥ĕngnganggur̀, kadihanakwir̀yyagati, tanhuningmatil̥ĕsang, ringmadeweklacur, madhewatimantĕgwijang, hagenimbal, kudamiribsalaḥtampi, [40 40A] 40 ngadenmemetunatr̥ĕṣṇā. mangdoḥmemelakar̀dadihati, ngsapmapyanak, nanakkāmajaya, dongla‐ntangangpapinĕhe, dapĕsansalaḥsĕngguḥ, ngadenhawaktanpahaji, memepātūtñinggihang, ñayangangsatuwuk, sotaningma‐ kaponakan, twarabhina, tr̥ĕṣṇānmemenĕkenghati, twaralakar̀malebangan. bukahapalacur̀nanakdini, dipadukwan, memeñadyanatak, ngukuhangpal̥ĕkadane, ngandikadukuḥwadhū, dongngudabaslantanggati, nuturinka majaya, miribcĕningtandruḥ, bantr̥ĕṣṇānemararama, kāmajaya, sĕbĕtyalakar̀gĕdinin, ñarencĕningtongjangkayan. kāmajayamĕpĕsmātūr̀sisip, dhūḥhampura, sāmpunbibidukā, pet'hiwanghatūr̀tityange, boya sangkaningngagu, prasanggapurunringbibi, haturepapojolan, tambĕtekalangkung, masatityangmana‐mpokang, bibisweccha, mangdoḥtityangtunabhakti, ringsanepātūtñayangang. hagĕtlacureringtamanbali, boyali

Leaf 40

Image on Archive.org

[᭔᭐ 40B] ᭔᭐ ᬬᬦ᭄᭞ᬦᬾᬧᬵᬢᬹᬢ᭄ᬦᬩ᭄ᬤᬩᬂ᭞ᬓᬤᬶᬯᬘᬦᬦ᭄ᬩᬶᬩᬶᬦᬾ᭞ᬲᬯᬶᬭᬾᬄᬢᬶᬢ᭄ᬬᬂᬳᬸᬩᬸᬄ᭞ᬩᬶᬩᬶᬦᬾᬧᬵᬢᬹᬢ᭄ᬗᬸᬩᬸᬳᬶᬦ᭄᭞ᬜᬦ᭄ᬤᬂᬲᬸᬗ᭄ᬓᬦᬶᬦ᭄ᬢᬶᬢ᭄ᬬᬂ᭞ᬗᬦ᭄ᬤᬶᬓᬥᬂᬕᬸᬭᬸ᭞ᬳᬭᬄᬩᬲ᭄ᬮᬦ᭄ᬢᬂᬫᬮᬾᬫ᭄ᬩᬤ᭄᭞ᬫᬭᬭᬲᬦ᭄᭞ᬫᭂᬮᬄᬤᬩ᭄ᬤᬩᬂᬦᬾᬚᬦᬶ᭞ᬳᬸᬦ᭄ᬤᬸᬓᬾᬦᬾᬫ᭠ ᬦᬶᬲᭂᬫᭂᬗᬦ᭄᭟ᬓᬵᬫᬚᬬᬤᭂᬧᬂᬢ᭄ᬯᬭᬗᬶᬭᬶᬂ᭞ᬦᭀᬗᭀᬲ᭄ᬚᬸᬫᬄ᭞ᬓᬾᬯᬮᬲᭂᬗ᭄ᬕᬗᬦ᭄᭞ᬫᬸᬧᬸᬲᬸᬩᬤᬶᬘᬭᬶᬓᬾ᭞ᬲᬶᬦᬄᬮᬓᬭᬦ᭄ᬧᬬᬸ᭞ᬜᭂᬮᬧᬂᬢᬗ᭄ᬓᬶᬮ᭄ᬓᬧᬸᬭᬶ᭞ᬫᬥᬾᬯᬢᬶᬜᬕᭂᬭᬂ᭞ᬓᬵᬫᬚᬬᬗᬸᬦ᭄ᬢᬸᬮ᭄᭞ᬭᬾᬜ᭄ᬘᬂᬭᭀᬩᬦ᭄ᬫᬓᬶᬍᬲᬦ᭄᭞ᬢᬹᬃᬦᬩ᭄ᬤᬩᬂ᭞ ᬭᬭᬧᬦ᭄ᬚᬕᬓᬧᬸᬭᬶ᭞ᬨᬮᬕᬦ᭄ᬢᬸᬂᬨᬮᬩᬸᬗ᭄ᬓᬄ᭟ᬩᬾᬜ᭄ᬚᬂᬲᭂᬫᭂᬂᬓᬘᬭᬶᬢᬫᬮᬶᬄ᭞ᬭᬶᬂᬧᬤᬸᬓ᭄ᬯᬦ᭄᭞ᬲᬵᬫ᭄ᬧᬸᬦ᭄ᬫᬤᬩ᭄ᬤᬩᬦ᭄᭞ᬋᬫ᭄ᬩᬢ᭄ᬮᬦ᭄‌‌ᬢ᭄ᬮᭂᬫ᭄ᬧᭂᬓ᭄ᬫᬫᬲᬾ᭞ᬭᬵᬚᬧᬸᬢ᭄ᬭᬶᬳᬸᬫᬦ᭄ᬢᬸᬓ᭄᭞ᬲᬬᬕᬲᬵᬫ᭄ᬧᬸᬦ᭄ᬲᬂᬗᬶᬭᬶᬂ᭞ᬧᬜ᭄ᬚᬓᬾᬩᬩᬦ᭄ᬢᬾᬭᬦ᭄᭞ᬓᬧᬶᬲᬭ᭠ ᬫᬸᬦ᭄ᬤᬸᬢ᭄᭞ᬫᬥᬾᬯᬢᬶᬲᬳᬲᭂᬫ᭄ᬩᬄ᭞ᬦᬸᬦᬲ᭄ᬮᬸᬕ᭄ᬭ᭞ᬭᬶᬂᬤᬦᬾᬳᬦᬓᬾᬮᬶᬗ᭄ᬲᬶᬃ᭞ᬗᬶᬭᬶᬂᬲᬂᬫᬡᬶᬓᬶᬂᬧᬸᬭ᭟ᬲᬓ᭄ᬱᬡᬓᭀᬘᬧ᭄ᬲᬵᬫ᭄ᬧᬸᬦ᭄ᬫᬫᬵᬃᬕ᭄ᬕᬶ᭞ᬲᬕᭂᬋᬳᬦ᭄᭞ᬲᬳᬧᬘᬦᬗᬦ᭄᭞ᬲᭀᬧᬘᬭᬓᬵᬕᬸᬗᬦᬾ᭞ᬭᬶᬂᬲᬫ᭄ᬧᬶᬂᬢᭂᬤᬸᬂᬳᬕᬸᬂ᭞ᬫᬥᬾ [᭔᭑ 41A] ᭔᭑ ᬲᭂᬓᬃᬜᭀᬫᬦ᭄ᬲᬭᬶ᭞ᬢᭀᬂᬮᭀᬕᬲ᭄ᬫᬢᬶᬦ᭄ᬤᬓᬦ᭄᭞ᬓᬵᬭᬶᬗᬦ᭄ᬢᬸᬦᬦ᭄ᬢᬸᬦ᭄᭞ᬢᭀᬮᬄᬢᭀᬮᬶᬄᬳᬸᬮᬧᬸᬮᬧ᭄᭞ᬓᬵᬫᬚᬬᬓᬤᬶᬩᭂᬤᬓᬾᬲᬸᬕᬶᬦᬶᬦ᭄᭞ᬩᭂᬗᭀᬂᬲᬫ᭄ᬩᬶᬮᬂᬫᬲᬤᬄ᭟ᬜᭂᬮ᭄ᬲᭂᬮ᭄ᬭᬕᬫᬧᬗᭂᬦᬦ᭄ᬲᭂᬤᬶᬄ᭞ᬩᭂᬗᭀᬂᬜᭀᬧᬓ᭄᭞ᬗᬶ᭠ ᬮᬶᬗᬶᬦ᭄ᬲᬂᬮᬸᬗ᭄ᬳ᭞ᬓᭂᬮᬧ᭄ᬓᭂᬮᬧ᭄ᬭᬶᬂᬫᬵᬃᬕ᭄ᬕᬶᬦᬾ᭞ᬓᬵᬫᬚᬬᬤᬲ᭄ᬮᬩᬸᬄ᭞ᬯᬯᬸᬳᬢᬶᬦ᭄ᬤᬓ᭄ᬫᬓᬶᬭᬶᬕ᭄᭞ᬭᬭᬫ᭄ᬩᬗᬦᬾᬲᬯᬢ᭄᭞ᬭᬱᬢᬦ᭄ᬧᬩᬬᬸ᭞ᬳᬶᬗ᭄ᬕᬶᬄᬦᬾᬫᬗ᭄ᬓᬶᬦ᭄ᬧᬸᬧᬸᬢᬂ᭞ᬓᬤᬶᬦᬶᬓ᭞ᬩᬾᬜ᭄ᬚᬗᬦ᭄ᬫᬮᬶᬄᬢᬫ᭄ᬩᬾᬦᬶᬦ᭄᭞ᬬᬦᬶᬂᬳᬶᬤᬤᬦᬾᬳᬃᬱ᭛᭜᭛ ᬳᬶᬤᬤᬦᬾᬲᬫᬶᬲᬂᬫᬓᬬᬸᬦ᭄᭞ᬗᬃᬱᬾᬦ᭄ᬮᬦ᭄ᬢᬸᬭᬦᬾ᭞ᬓᬢᬢ᭄ᬯᬦ᭄ᬤᬸᬓᬸᬄᬲᬸᬮᬤ᭄ᬭᬶ᭞ᬧᭂᬘᬓ᭄ᬢᬶᬢ᭄ᬬᬂᬲᬸᬫᬗ᭄ᬕᬸᬧ᭄᭞ᬗᬢᬸᬭᬂᬦᬾᬓᬧᬶᬂᬓᬸᬢᬸᬲ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬘᬦ᭄ᬢᬸᬂᬋᬓᬾ᭞ᬧᬗᬯᬶᬦᬾᬓᬶᬭᬂᬮᬗ᭄ᬓᬸᬂ᭞ᬲᬓᬾᬂᬢᬶᬢ᭄ᬬᬂᬓᬢᬸᬦᬬᬦ᭄᭞ᬧᭀᬗᬄᬚ᭄ᬯᬭᬶᬓᬕᬸᬬᭀᬦᬦ᭄᭞ᬤᭀᬄ ᬧᬭᬧᬘᬂᬫᬦ᭄ᬢᬸᬓ᭄ᬭᬶᬂᬓᬬᬸᬦ᭄᭞ᬲᬯᬶᬭᬾᬄᬢᬫ᭄ᬩᭂᬢᬾ᭞ᬗᬤᬸᬧᭀᬗᬄᬫᬩᭂᬢ᭄ᬭᬶᬭᬶᬄ᭞ᬕᬸᬫᬦ᭄ᬢᬶᬢᬶᬢ᭄ᬬᬂᬚᬸᬕᬸᬮ᭄᭞ᬳᬢᬸᬭᬾᬲᬓᬤᬶᬮᬸᬘᬸ᭞ᬗᬸᬦᬶᬗᬂᬭᬶᬂᬳᬶᬤᬤᬦᬾ᭞ᬓᬤ᭄ᬬᬗ᭄ᬕᬦᬶᬂᬗᬾᬩᬢ᭄ᬘᬧᬸᬂ᭞ᬳᬓᬾᬳᬦ᭄ᬩᬾᬬᬳᬸᬧᬫ᭞ᬦᬵᬗ᭄ᬳᬶᬂᬩᬗ᭄ᬓᬶᬢ᭄ᬦᬾᬩᭀᬩᭀ

Auto-transliteration

[40 40B] 40 yan, nepātūtnabdabang, kadiwacananbibine, sawireḥtityanghubuḥ, bibinepātūtngubuhin, ñandangsungkanintityang, ngandikadhangguru, haraḥbaslantangmalembad, mararasan, mĕlaḥdabdabangnejani, hundukenema‐ nisĕmĕngan. kāmajayadĕpangtwarangiring, nongosjumaḥ, kewalasĕnggangan, mupusubadicarike, sinaḥlakaranpayu, ñĕlapangtangkilkapuri, madhewatiñagĕrang, kāmajayanguntul, reñcangrobanmakil̥ĕsan, tūr̀nabdabang, rarapanjagakapuri, phalagantungphalabungkaḥ. beñjangsĕmĕngkacaritamaliḥ, ringpadukwan, sāmpunmadabdaban, r̥ĕmbatlantlĕmpĕkmamase, rājaputrihumantuk, sayagasāmpunsangngiring, pañjakebabanteran, kapisara‐ mundut, madhewatisahasĕmbaḥ, nunaslugra, ringdanehanakelingsir̀, ngiringsangmaṇikingpura. sakṣaṇakocapsāmpunmamār̀ggi, sagĕr̥ĕhan, sahapacanangan, sopacarakāgungane, ringsampingtĕdunghagung, madhe [41 41A] 41 sĕkar̀ñomansari, tonglogasmatindakan, kāringantunantun, tolaḥtoliḥhulapulap, kāmajayakadibĕdakesuginin, bĕngongsambilangmasadaḥ. ñĕlsĕlragamapangĕnansĕdiḥ, bĕngongñopak, ngi‐ linginsanglungha, kĕlapkĕlapringmār̀ggine, kāmajayadaslabuḥ, wawuhatindakmakirig, rarambanganesawat, raṣatanpabayu, hinggiḥnemangkinpuputang, kadinika, beñjanganmaliḥtambenin, yaninghidadanehar̀ṣa /// • /// hidadanesamisangmakayun, ngar̀syenlanturane, katatwandukuḥsuladri, pĕcaktityangsumanggup, ngaturangnekapingkutus, mangdasāmpuncantungr̥ĕke, pangawinekiranglangkung, sakengtityangkatunayan, pongaḥjwarikaguyonan, doḥ parapacangmantukringkayun, sawireḥtambĕte, ngadupongaḥmabĕtririḥ, gumantitityangjugul, haturesakadilucu, nguningangringhidadane, kadyangganingngebatcapung, hakehanbeyahupama, nānghingbangkitnebobo

Leaf 41

Image on Archive.org

[᭔᭑ 41B] ᭔᭑ ᬢᬂ᭞ᬳᬶᬗ᭄ᬕᬶᬄᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬸᬯᬸᬲ᭄᭞ᬲᬂᬫᬦ᭄ᬢᬸᬓ᭄ᬓᬕᬾᬮ᭄ᬕᬾᬮ᭄᭞ᬓᬾᬲᬄᬲᬓᬾᬂᬢᬫᬦ᭄ᬩᬮᬶ᭞ᬢᬸᬮᬓ᭄ᬓᬧᬸᬭᬶᬳᬕᬸᬂ᭞ᬓᬵᬫᬚᬬᬲᭂᬤᬶᬄᬗᬸᬦ᭄ᬗᬸᬦ᭄᭞ᬫᬧᬗᭂᬦᬦ᭄ᬜᭂᬮ᭄ᬲᭂᬮ᭄ᬤᬾᬯᬾᬓ᭄᭞ᬢᬦᬶᬩᬕ᭄ᬬᬫᭂᬭᬄᬫᭂᬭᬸᬄ᭞ᬮᬶᬧᬸᬭᬂᬢᭀᬂᬤᬤᬶᬧᬹᬃᬡ᭄ᬦ᭞ᬓᬲᬸᬲᬸᬧᬦ᭄ᬧᬜ᭄ᬘᬾ ᬦ᭄ᬤ᭄ᬭᬶᬬ᭟ᬲᬶᬂᬲᬶᬂᬚᬮᬦ᭄ᬦᭂᬕᬓ᭄ᬗᭂᬮᬸᬢ᭄ᬳᭂᬦ᭄ᬢᬸᬤ᭄᭞ᬲᬯᬢ᭄ᬧᬮᬶᬬᬢᬾ᭞ᬩᭂᬗᭀᬂᬩᭂᬗᭀᬂᬦᭂᬍᬂᬮᬗᬶᬢ᭄᭞ᬢᬦ᭄ᬪᬶᬦᬳᬦᬓ᭄ᬩᬸᬤᬸᬄ᭞ᬧᬧᬶᬦᭂᬳᬾᬲᬬᬦ᭄ᬩᬶᬗᬸᬢ᭄᭞ᬲᬓᬾᬂᬲᭂᬫᭂᬂᬚᬦ᭄ᬢᭀᬲ᭄ᬲᭀᬭᬾ᭞ᬭᬶᬂᬓᬸᬩᬸᬦᬾᬩᬩᬃᬜᬗ᭄ᬓ᭄ᬭᬸᬂ᭞ᬢᬦ᭄ᬲᬄᬳᬾᬮᬶᬂᬭᬶᬂᬲᬂᬮᬸᬗ᭄ᬳ᭞ᬭᬵᬚᬧᬸᬢ᭄ᬭᬶᬲ᭄ᬯᬾ ᬘ᭄ᬙᬧᬸᬭ᭟ᬢᬦ᭄ᬧᬾᬦ᭄ᬤᬄᬓᬤᬶᬳ᭄ᬬᬂᬕᬶᬭᬶᬯᬥᬹ᭞ᬭᬱᬓᬳᬬᭀᬦᬾ᭞ᬗᬲᭀᬭᬂᬲᬩᬢᬦ᭄ᬮᬗᬶᬢ᭄᭞ᬓᬲ᭄ᬫᬭᬦ᭄ᬲᬂᬳᬸᬮᬗᬸᬦ᭄᭞ᬫᬢᭂᬫᬳᬦᬲᬶᬄᬮᬸᬮᬸᬢ᭄᭞ᬓᬵᬫᬚᬬᬫᬦᬸᬮᬫᬾ᭞ᬲᬂᬓᬵᬮᬶᬄᬫᬸᬲ᭄ᬢᬶᬓᬾᬂᬓᬬᬸᬦ᭄᭞ᬜᭀᬫᬦ᭄ᬲᬭᬶᬫᬥᬾᬲᭂᬓᬃ᭞ᬭᬾᬄᬧᭀ᭠ ᬮᬶᬄᬳᬯᭀᬃᬲᬭᬕ᭟ᬳᬮᬫᬮᬫ᭄ᬓᬵᬫᬚᬬᬓᬦ᭄ᬢᬸᬦ᭄᭞ᬤᬾᬦᬶᬂᬳᬸᬮᬗᬸᬦᬾ᭞ᬲᬩ᭄ᬭᬦ᭄ᬳᬾᬮᬶᬂᬭᬶᬂᬲᬂᬓᬵᬮᬶᬄ᭞ᬲᬤ᭠ᬯᭂᬕᬾᬭᬶᬂᬓᬸᬩᬸ᭞ᬓᬮᬗᭂᬦ᭄ᬗᬶᬮᬶᬢᬂᬧᬸᬧᬸ᭞ᬗᬸᬮᬸᬭᬶᬦ᭄ᬮᭂᬕᬦᬶᬥᭂᬧᬾ᭞ᬦᬶᬓᬓᬳᬾᬮᬶᬗᬂᬓᬦ᭄ᬢᬸᬦ᭄᭞ᬫᬕᭂᬮᬸᬢ᭄ᬫᬕᬍᬂᬮᬶᬫ᭞ᬜᭂᬧᬸᬓᬂᬘᬸ [᭔᭒ 42A] ᭔᭒ ᬫ᭄ᬩ᭄ᬯᬦᬭᬱ᭟ᬭᬶᬂᬧᬫᬺᬫᬦ᭄ᬧᭀᬮᬶᬄᬲᬮᬶᬂᬭᬸᬫ᭄ᬭᬸᬫ᭄᭞ᬓᬤ᭄ᬬᬗ᭄ᬕᬦᬶᬂᬋᬓᬾ᭞ᬢᬸᬫ᭄ᬮᬶᬮᬶᬗᬦ᭄ᬗᭂᬲᭂᬧ᭄ᬲᬵᬭᬶ᭞ᬗᬸᬮᬢᬶᬕᭂᬦ᭄ᬤᬶᬲ᭄ᬫᬥᬹ᭞ᬢᭀᬂᬮᭀᬕᬲ᭄ᬫᬮᬶᬄᬫᬓᭂᬩᬸᬃ᭞ᬳᬸᬮᬗᬸᬦ᭄ᬳᬦ᭄ᬢᬸᬓ᭄ᬫᬶᬳᬶᬓᬾ᭞ᬓᬤᬸᬓ᭄ᬗᭂᬮᬦ᭄ᬢᬶᬂᬗᬢᭂᬓᬸᬮ᭄᭞ᬜᬢᬸᬍᬕᬫᬓᬭᭀᬦᬦ᭄᭞ᬓᬸᬤ᭄ᬬᬂᬚᬕᬫᬫᬲ᭠ ᬳᬂ᭞ᬩᬸᬤᬸᬄᬧᬮᬶᬂᬓᬵᬫᬚᬬᬮᬶᬂᬮᬸᬂ᭞ᬜᬶᬗᬓ᭄ᬓᬳᬬᭀᬦᬾ᭞ᬲᬂᬤᬶᬬᬄᬫᬡᬶᬓᬶᬂᬧᬸᬭᬶ᭞ᬭᬱᬳᬯᭀᬃᬲᬮᬸᬮᬸᬢ᭄᭞ᬧᬹᬃᬡ᭄ᬦᬬᬂᬢᭀᬂᬤᬤᬶᬮᬶᬧᬹᬃ᭞ᬧᬗᭂᬦ᭄ᬤᬦ᭄ᬳᬲᬶᬄᬮᬸᬮᬸᬢᬾ᭞ᬩᬶᬦ᭄ᬧᬶᬤᬦ᭄ᬫᬮᬶᬄᬓᬧᬸᬗ᭄ᬓᬸᬃ᭞ᬭᬵᬚᬧᬸᬢ᭄ᬭᬶᬤᬾᬯᬵᬬᬸᬫᬵᬲ᭄᭞ᬧᬦᬸᬮᬫᬾᬦ᭄ᬓᬵᬫᬚᬬ᭟᭠ ᬩᬶᬮᬶᬄᬲᬶᬄᬢᬶᬢ᭄ᬬᬂᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞ᬬᬦ᭄ᬭᬢᬸᬧ᭄ᬭᬤᬾᬦᬾ᭞ᬮᬮᬶᬲ᭄ᬢᬦ᭄ᬓᭀᬩᭂᬃᬜᬶᬗᬓᬶᬦ᭄᭞ᬢᬶᬢ᭄ᬬᬂᬓᬯᬸᬮᬤᬸᬲᬸ᭠ᬦ᭄᭞ᬦᬧᬶᬳᬗᭂᬦ᭄ᬢᬶᬢ᭄ᬬᬂᬳᬶᬤᬸᬧ᭄᭞ᬓᬮᬭᬳᬸᬭᬶᬧᬾ᭞ᬤᬸᬭᬸᬲᬂᬳᬸᬕᬶᬤᬾᬯᬵᬕᬸᬂ᭞ᬜᬸᬧᬢ᭄ᬳᬢ᭄ᬫᬦᬾᬓᬲᬲᬃ᭟ᬢᬶᬢ᭄ᬬᬂᬪᬓ᭄ᬢᬶᬫᬫᬋᬓ ᬦ᭄᭟ᬬᬤᬶᬦ᭄ᬧᬶᬂᬲᬧ᭄ᬢᬬᭀᬕ᭄ᬬᬢᬸᬫᬸᬯᬸᬄ᭞ᬤᬸᬫᬤᬓ᭄ᬤᬶᬳᬕᬾ᭞ᬗᭂᬩᬸᬓ᭄ᬘᭀᬓᭀᬭᬶᬂᬫᬵᬲ᭄ᬫᬡᬶᬓ᭄᭞ᬜᬤ᭄ᬬᬯᬦ᭄ᬢᬄᬫᬫᭂᬓᬸᬮ᭄᭞ᬦᬸᬦᬲ᭄ᬮᬸᬗ᭄ᬲᬸᬭᬦ᭄ᬲᬢᬸᬯᬸᬓ᭄᭞ᬫᬫᬋᬓᬦ᭄ᬲᭂᬮᬶᬤ᭄ᬲᭀᬭᬾ᭞ᬫᬗ᭄ᬤᬢᬶᬢ᭄ᬬᬂᬓᬦ᭄ᬢᬸᬦ᭄ᬳᬶᬤᬸᬧ᭄᭞ᬲᬗ᭄ᬲᬭᬢᬶᬗ᭄ᬕᬮ᭄‌‌ᬭᬭᬫ᭞ᬬᬦ᭄ᬢᬦ᭄

Auto-transliteration

[41 41B] 41 tang, hinggiḥnemangkinmaliḥkawuwus, sangmantukkagelgel, kesaḥsakengtamanbali, tulakkapurihagung, kāmajayasĕdiḥngunngun, mapangĕnanñĕlsĕldewek, tanibagyamĕraḥmĕruḥ, lipurangtongdadipūr̀ṇna, kasusupanpañce ndriya. singsingjalannĕgakngĕlut'hĕntud, sawatpaliyate, bĕngongbĕngongnĕl̥ĕnglangit, tanbhinahanakbuduḥ, papinĕhesayanbingut, sakengsĕmĕngjantossore, ringkubunebabar̀ñangkrung, tansaḥhelingringsanglungha, rājaputriswe cchapura. tanpendaḥkadihyanggiriwadhū, raṣakahayone, ngasorangsabatanlangit, kasmaransanghulangun, matĕmahanasiḥlulut, kāmajayamanulame, sangkāliḥmustikengkayun, ñomansarimadhesĕkar̀, reḥpo‐ liḥhawor̀saraga. halamalamkāmajayakantun, deninghulangune, sabranhelingringsangkāliḥ, sada‐wĕgeringkubu, kalangĕnngilitangpupu, ngulurinlĕganidhĕpe, nikakahelingangkantun, magĕlutmagal̥ĕnglima, ñĕpukangcu [42 42A] 42 mbwanaraṣa. ringpamr̥ĕmanpoliḥsalingrumrum, kadyangganingr̥ĕke, tumlilinganngĕsĕpsāri, ngulatigĕndismadhū, tonglogasmaliḥmakĕbur̀, hulangunhantukmihike, kadukngĕlantingngatĕkul, ñatul̥ĕgamakaronan, kudyangjagamamasa‐ hang, buduḥpalingkāmajayalinglung, ñingakkahayone, sangdiyaḥmaṇikingpuri, raṣahawor̀salulut, pūr̀ṇnayangtongdadilipūr̀, pangĕndanhasiḥlulute, binpidanmaliḥkapungkur̀, rājaputridewāyumās, panulamenkāmajaya. ‐ biliḥsiḥtityangngĕmasinlampus, yanratupradene, lalistankobĕr̀ñingakin, tityangkawuladusu‐n, napihangĕntityanghidup, kalarahuripe, durusanghugidewāgung, ñupat'hatmanekasasar̀. tityangbhaktimamar̥ĕka n. yadinpingsaptayogyatumuwuḥ, dumadakdihage, ngĕbukcokoringmāsmaṇik, ñadyawantaḥmamĕkul, nunaslungsuransatuwuk, mamar̥ĕkansĕlidsore, mangdatityangkantunhidup, sangsaratinggalrarama, yantan

Leaf 42

Image on Archive.org

[᭔᭒ 42B] ᭔᭒ ᬲ᭄ᬯᬾᬘ᭄ᬙᬅᬢ᭄ᬫᬚᬶᬯ᭟ᬦᬧᬶᬧ᭄ᬯᬭᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄ᬳᬸᬩᬸᬄ᭞ᬢᬦ᭄ᬧᬩᬧᬫᬾᬫᬾ᭞ᬓᬤ᭄ᬬᬗ᭄ᬕᬦᬶᬂᬧᬶᬢᬶᬓ᭄ᬩᭂᬗᬶᬮ᭄᭞ᬢᬦ᭄ᬧᭀᬭᬢ᭄ᬓᬦ᭄ᬢᬸᬦ᭄ᬳᬶᬤᬸᬧ᭄᭞ᬢᬶᬗ᭄ᬕᬮ᭄ᬳᬶᬦᬮᬶᬗᬓ᭄ᬮᬶᬗᬸᬓ᭄᭞ᬫᬾᬄᬧᬥᭂᬫ᭄ᬳᬦ᭄ᬢᬸᬓ᭄ᬳᬮᬶᬢᬾ᭞ᬫᬫᭂᬲᬦ᭄‌‌ᬤᬸᬭᬸᬲ᭄ᬗᬮᬮᬸ᭞ᬩᭂᬭᬕᬭᬶᬕ᭄ᬢᬦ᭄ᬧᬦᭂᬥ᭞ᬲᬧᬲᬶᬭᬧᬘᬂ ᬳᭀᬮᬲ᭄᭟ᬫᬤᬓ᭄ᬮᬾᬤᬂᬥᬹᬄᬭᬢᬸᬤᬾᬯᬵᬕᬸᬂ᭞ᬭᬶᬂᬤᬾᬯᬾᬓ᭄ᬢᬶᬢ᭄ᬬᬂᬗᬾ᭞ᬧᬗ᭄ᬓᬄᬦᬕᬶᬄᬜᬸᬚᬸᬄᬮᬗᬶᬢ᭄᭞ᬤᬸᬭᬸ᭠ᬲ᭄ᬢᬶᬢ᭄ᬬᬂᬫᬘᭂᬩᬸᬕ᭄᭞ᬮᬩᬸᬄᬢᬦ᭄ᬳᬸᬦᬶᬂᬭᬶᬂᬧᬵᬢᬹᬢ᭄᭞ᬫᬫᭂᬭᬸᬤ᭄ᬳᬦ᭄ᬢᬸᬓ᭄ᬧᭀᬗᬳᬾ᭞ᬜᬶᬘᬶᬂᬲᬶᬗᬮ᭄ᬫᬫ᭄ᬪᭃᬓ᭄ᬩᭂᬕᬸᬕ᭄᭞ᬲᬵᬦ᭄ᬢᬸᬓᬦ᭄ᬘᭀᬓᭀᬭᬶ᭠ ᬤᬾᬯ᭞ᬜᬬᬗᬂᬗᬗ᭄ᬕᬾᬦ᭄ᬧᬋᬓᬦ᭄᭟ᬳᬯᬶᬦᬦ᭄ᬢᬶᬢ᭄ᬬᬂᬫᬫᬦᬄᬧᬸᬭᬸᬦ᭄᭞ᬧ᭄ᬭᬲᬗ᭄ᬕᬩᬸᬤ᭄ᬥᬶᬦᬾ᭞ᬗᭀᬤᬲᬗ᭄ᬓᬦᬶᬂᬲᬸᬪ᭠ᬓ᭄ᬢᬶ᭞ᬫᬫᬋᬓᬦ᭄ᬫᬫᭂᬓᬸᬮ᭄᭞ᬥᬹᬄᬳᬫ᭄ᬧᬸᬭᬢᬶᬢ᭄ᬬᬂᬭᬢᬸ᭞ᬤᬸᬭᬸᬲ᭄ᬮᬾᬤᬗᬂᬓᬬᬸᬦᬾ᭞ᬲᬵᬫ᭄ᬧᬸᬦ᭄ᬳᬸᬕᬶᬭᬢᬸᬩᭂᬦ᭄ᬤᬸ᭞ᬜᬶᬲᬶᬧᬂᬧᬋᬓᬦ᭄ᬲᬬᬂ᭞᭠ ᬤᬸᬓᬵᬭᬶᬂᬢᬶᬢ᭄ᬬᬂᬓᬮᬭᬦ᭄᭟ᬥᬹᬄᬧᬶᬳᬃᬱᬳᬢᬹᬃᬢᬶᬢ᭄ᬬᬂᬭᬢᬸ᭞ᬘᬶᬗᬓ᭄ᬧᬋᬓᬦᬾ᭞ᬭᬶᬂᬧᬤᬸᬓ᭄ᬯᬦ᭄ᬗᬲᬶᬳᬲᬶᬄ᭞ᬢᬦ᭄ᬧᬾᬦ᭄ᬤᬄᬓᬤᬶᬭᬢᬸ᭞ᬫᭂᬦ᭄ᬢᬶᬓ᭄ᬭᬶᬂᬕᭂᬦᬳᬾᬲᭂᬫ᭄ᬧᬸᬢ᭄᭞ᬓᭂᬩᬸᬲᬦ᭄ᬭᬶᬂᬧᬭᬗᬦᬾ᭞ᬢᬦ᭄ᬫᬭᬶᬗᬚᬧ᭄ᬩᭂᬮᬩᬸᬃ᭞ᬫᬲᬦᬶᬂᬰᬰᬶᬄᬓᬢᬶᬕ᭞ᬗᭂᬦ᭄ᬢ᭠ [᭔᭓ 43A] ᭔᭓ ᬓᭂᬦ᭄ᬢᬓ᭄ᬧᬦᬲ᭄ᬩᬭ᭟ᬤᬸᬓᬧᬦ᭄ᬲᬩᭂᬳᬾᬢᭂᬤᬸᬦ᭄᭞ᬤᬸᬭᬸᬲᬶᬧᬸᬦ᭄ᬭᬾᬕᬾᬲ᭄᭞ᬢᬦ᭄ᬧᬤᬳᬸᬦ᭄ᬯᬲ᭄ᬢᬸᬮᬶᬕᬶᬃ᭞ᬩᬶᬮᬶᬄᬭᬢᬸᬓᬢᬸᬗ᭄ᬓᬸᬮ᭄᭞ᬚᬸᬫᭂᬦᭂᬓ᭄ᬭᬶᬂᬧᬸᬭᬶᬳᬕᬸᬂ᭞ᬫᬾᬄᬚᬦ᭄ᬢᭀᬲ᭄ᬮᬮᬶᬓᬬᬸᬦᬾ᭞ᬗᬓ᭄ᬱᬶᬢᬶᬢ᭄ᬬᬂᬫᬭᬶᬂᬕᬸᬦᬸᬂ᭞ᬲᭂᬤᬶᬄᬓᬶᬗ᭄ᬓᬶᬂᬦᬦ᭄ᬤᬂᬮᬭ᭞ᬲᬵᬫ᭄ᬧᬸᬦ᭄ᬳᬸᬕᬶᬭᬢᬸ ᬮᬶᬧ᭄ᬬ᭟ᬓᬵᬫᬚᬬᬓᬗᭂᬦ᭄ᬲᭂᬫᬂᬲᭂᬦ᭄ᬤᬸ᭞ᬓᬩᬢᭂᬓ᭄ᬲᭂᬩᭂᬢᬾ᭞ᬓᬯᭀᬦᬶᬦ᭄ᬲᬂᬭᬞᬶᬄ᭞ᬫᭂᬤᬮ᭄ᬧᬚᬭᬾᬗᬘᬸᬄ᭞ᬤᭂᬓ᭠ᬲ᭄ᬤᭂᬓᭂᬲ᭄ᬫᬦ᭄ᬢᭂᬕ᭄ᬧᬸᬧᬸ᭞ᬩᭂᬗᭀᬂᬩᭂᬗᭀᬂᬤᬶᬧᭀᬦ᭄ᬤᭀᬓᬾ᭞ᬍᬍᬄᬭᬱᬢᬦ᭄ᬧᬩᬬᬸ᭞ᬫᬘᭂᬧᭀᬮ᭄ᬦᭂᬕᬓᬶᬸᬓ᭄ᬫᬲᬤᬄ᭞ᬓᬕᬶᬬᬢ᭄ᬢᬸᬫᬸᬮᬶ᭠ ᬜᬶᬗᬓ᭄᭟ᬯᬾᬦ᭄ᬢᭂᬦ᭄‌‌ᬯ᭄ᬯᬂᬧᬤᬸᬓ᭄ᬯᬦ᭄ᬲᬕᬾᬢ᭄ᬭᬯᬸᬄ᭞ᬧ᭄ᬭᬦᬫ᭄ᬬᬳᬢᬸᬭᬾ᭞ᬢᬶᬢ᭄ᬬᬂᬓᬳᬸᬢᬸᬲ᭄ᬗᬢᬸᬭᬶᬦ᭄᭞ᬚ᭄ᬭᭀᬦᬾᬤᬶᬕᭂᬮᬶᬲ᭄ᬫᬦ᭄ᬢᬸᬓ᭄᭞ᬲᬓᬾᬂᬧᬓᭀᬦ᭄ᬤᬸᬓᬸᬄᬯᬥᬹ᭞ᬚᬧ᭄ᬚᬧ᭄ᬤᬦᬾᬲᬵᬫ᭄ᬧᬸᬦ᭄ᬲᭀᬭᬾ᭞ᬚ᭄ᬭᭀᬦᬾᬫᬮᬜ᭄ᬘᬭᬦ᭄ᬓᬦ᭄ᬢᬸᬦ᭄᭞ᬓᬵᬫᬚᬬᬓᭂᬜᭂ ᬫ᭄ᬦᬶᬫ᭄ᬩᬮ᭄᭞ᬚᬮᬦ᭄ᬫᬸᬮᬶᬄᬓᬧᬤᬸᬓ᭄ᬯᬦ᭄᭟ᬓᬵᬫᬚᬬᬓᭀᬘᬧ᭄ᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄᭞ᬓᬳᬶᬭᬶᬂᬭᬾᬜ᭄ᬘᬗᬾ᭞ᬢᬗ᭄ᬓᬶᬮ᭄ᬭᬶᬂᬳᬦᬓᬾᬮᬶᬗ᭄ᬲᬶᬭ᭄᭞ᬥᬹᬄᬤᬶᬚᬘᬸᬘᬸᬗᬗ᭄ᬕᬸᬃ᭞ᬧᬗᬦ᭄ᬤᬶᬓᬦ᭄ᬤᬸᬓᬸᬄᬯᬥᬹ᭞ᬲᬂᬓᬢᬓᬾᬦᬦ᭄ᬳᬢᬸᬭᬾ᭞ᬢᬶᬢ᭄ᬬᬂᬓᬢᬸᬗ᭄ᬓᬸᬮ᭄ᬭᬶᬂᬓᬸᬩᬸ᭞ᬗᬮᬶᬜ᭄ᬘᬓᬶ

Auto-transliteration

[42 42B] 42 sweccha'atmajiwa. napipwarantityangmangkinhubuḥ, tanpabapameme, kadyangganingpitikbĕngil, tanporatkantunhidup, tinggalhinalingaklinguk, meḥpadhĕmhantuk'halite, mamĕsandurusngalalu, bĕragarigtanpanĕdha, sapasirapacang holas. madakledangdhūḥratudewāgung, ringdewektityangnge, pangkaḥnagiḥñujuḥlangit, duru‐stityangmacĕbug, labuḥtanhuningringpātūt, mamĕrud'hantukpongahe, ñicingsingalmambhökbĕgug, sāntukancokori‐ dewa, ñayangangnganggenpar̥ĕkan. hawinantityangmamanaḥpurun, prasanggabuddhine, ngodasangkaningsubha‐kti, mamar̥ĕkanmamĕkul, dhūḥhampuratityangratu, durusledangangkayune, sāmpunhugiratubĕndu, ñisipangpar̥ĕkansayang, ‐ dukāringtityangkalaran. dhūḥpihar̀ṣahatūr̀tityangratu, cingakpar̥ĕkane, ringpadukwanngasihasiḥ, tanpendaḥkadiratu, mĕntikringgĕnahesĕmput, kĕbusanringparangane, tanmaringajapbĕlabur̀, masaningśaśiḥkatiga, ngĕnta‐ [43 43A] 43 kĕntakpanasbara. dukapansabĕhetĕdun, durusipunreges, tanpadahunwastuligir̀, biliḥratukatungkul, jumĕnĕkringpurihagung, meḥjantoslalikayune, ngaksyitityangmaringgunung, sĕdiḥkingkingnandanglara, sāmpunhugiratu lipya. kāmajayakangĕnsĕmangsĕndu, kabatĕksĕbĕte, kawoninsangraṭhiḥ, mĕdalpajarengacuḥ, dĕka‐sdĕkĕsmantĕgpupu, bĕngongbĕngongdipondoke, l̥ĕl̥ĕḥraṣatanpabayu, macĕpolnĕgak̶kmasadaḥ, kagiyattumuli‐ ñingak. wentĕnwwangpadukwansagetrawuḥ, pranamyahature, tityangkahutusngaturin, jronedigĕlismantuk, sakengpakondukuḥwadhū, japjapdanesāmpunsore, jronemalañcarankantun, kāmajayakĕñĕ mnimbal, jalanmuliḥkapadukwan. kāmajayakocapsāmpunmantuk, kahiringreñcange, tangkilringhanakelingsir, dhūḥdijacucunganggur̀, pangandikandukuḥwadhū, sangkatakenanhature, tityangkatungkulringkubu, ngaliñcaki

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org

Leaf 67

Image on Archive.org

Leaf 68

Image on Archive.org

Leaf 69

Image on Archive.org

Leaf 70

Image on Archive.org

Leaf 71

Image on Archive.org

Leaf 72

Image on Archive.org

Leaf 73

Image on Archive.org

Leaf 74

Image on Archive.org

Leaf 75

Image on Archive.org

Leaf 76

Image on Archive.org

Leaf 77

Image on Archive.org

Leaf 78

Image on Archive.org

Leaf 79

Image on Archive.org

Leaf 80

Image on Archive.org

Leaf 81

Image on Archive.org

Leaf 82

Image on Archive.org

Leaf 83

Image on Archive.org

Leaf 84

Image on Archive.org

Leaf 85

Image on Archive.org

Leaf 86

Image on Archive.org

Leaf 87

Image on Archive.org

Leaf 88

Image on Archive.org

Leaf 89

Image on Archive.org

Leaf 90

Image on Archive.org

Leaf 91

Image on Archive.org

Leaf 92

Image on Archive.org

Leaf 93

Image on Archive.org

Leaf 94

Image on Archive.org

Leaf 95

Image on Archive.org

Leaf 96

Image on Archive.org

Leaf 97

Image on Archive.org

Leaf 98

Image on Archive.org

Leaf 99

Image on Archive.org

Leaf 100

Image on Archive.org

Leaf 101

Image on Archive.org

Leaf 102

Image on Archive.org

Leaf 103

Image on Archive.org

Leaf 104

Image on Archive.org

Leaf 105

Image on Archive.org

Leaf 106

Image on Archive.org

Leaf 107

Image on Archive.org

Leaf 108

Image on Archive.org

Leaf 109

Image on Archive.org

Leaf 110

Image on Archive.org

Leaf 111

Image on Archive.org

Leaf 112

Image on Archive.org

Leaf 113

Image on Archive.org

Leaf 114

Image on Archive.org

Leaf 115

Image on Archive.org

Leaf 116

Image on Archive.org

Leaf 117

Image on Archive.org

Leaf 118

Image on Archive.org

Leaf 119

Image on Archive.org

Leaf 120

Image on Archive.org

Leaf 121

Image on Archive.org

Leaf 122

Image on Archive.org

Leaf 123

Image on Archive.org

Leaf 124

Image on Archive.org

Leaf 125

Image on Archive.org

Leaf 126

Image on Archive.org

Leaf 127

Image on Archive.org

Leaf 128

Image on Archive.org

Leaf 129

Image on Archive.org

Leaf 130

Image on Archive.org

Leaf 131

Image on Archive.org

Leaf 132

Image on Archive.org

Leaf 133

Image on Archive.org

Leaf 134

Image on Archive.org

Leaf 135

Image on Archive.org

Leaf 136

Image on Archive.org

Leaf 137

Image on Archive.org

Leaf 138

Image on Archive.org

Leaf 139

Image on Archive.org

Leaf 140

Image on Archive.org

Leaf 141

Image on Archive.org

Leaf 142

Image on Archive.org

Leaf 143

Image on Archive.org

Leaf 144

Image on Archive.org

Leaf 145

Image on Archive.org

Leaf 146

Image on Archive.org

Leaf 147

Image on Archive.org

Leaf 148

Image on Archive.org

Leaf 149

Image on Archive.org

Leaf 150

Image on Archive.org

Leaf 151

Image on Archive.org

Leaf 152

Image on Archive.org

Leaf 153

Image on Archive.org

Leaf 154

Image on Archive.org

Leaf 155

Image on Archive.org

Leaf 156

Image on Archive.org

Leaf 157

Image on Archive.org

Leaf 158

Image on Archive.org

Leaf 159

Image on Archive.org

Leaf 160

Image on Archive.org

Leaf 161

Image on Archive.org

Leaf 162

Image on Archive.org

Leaf 163

Image on Archive.org

Leaf 164

Image on Archive.org

Leaf 165

Image on Archive.org

Leaf 166

Image on Archive.org

Leaf 167

Image on Archive.org

Leaf 168

Image on Archive.org

Leaf 169

Image on Archive.org

Leaf 170

Image on Archive.org

Leaf 171

Image on Archive.org

Leaf 172

Image on Archive.org

Leaf 173

Image on Archive.org

Leaf 174

Image on Archive.org

Leaf 175

Image on Archive.org

Leaf 176

Image on Archive.org

Leaf 177

Image on Archive.org

Leaf 178

Image on Archive.org

Leaf 179

Image on Archive.org

Leaf 180

Image on Archive.org

Leaf 181

Image on Archive.org

Leaf 182

Image on Archive.org

Leaf 183

Image on Archive.org

Leaf 184

Image on Archive.org

Leaf 185

Image on Archive.org

Leaf 186

Image on Archive.org

Leaf 187

Image on Archive.org

Leaf 188

Image on Archive.org

Leaf 189

Image on Archive.org

Leaf 190

Image on Archive.org

Leaf 191

Image on Archive.org

Leaf 192

Image on Archive.org

Leaf 193

Image on Archive.org

Leaf 194

Image on Archive.org

Leaf 195

Image on Archive.org

Leaf 196

Image on Archive.org

Leaf 197

Image on Archive.org

Leaf 198

Image on Archive.org

Leaf 199

Image on Archive.org

Leaf 200

Image on Archive.org

Leaf 201

Image on Archive.org

Leaf 202

Image on Archive.org

Leaf 203

Image on Archive.org

Leaf 204

Image on Archive.org

Leaf 205

Image on Archive.org

Leaf 206

Image on Archive.org

Leaf 207

Image on Archive.org

Leaf 208

Image on Archive.org

Leaf 209

Image on Archive.org

Leaf 210

Image on Archive.org

Leaf 211

Image on Archive.org

Leaf 212

Image on Archive.org

Leaf 213

Image on Archive.org

Leaf 214

Image on Archive.org

Leaf 215

Image on Archive.org

Leaf 216

Image on Archive.org

Leaf 217

Image on Archive.org

Leaf 218

Image on Archive.org

Leaf 219

Image on Archive.org

Leaf 220

Image on Archive.org

Leaf 221

Image on Archive.org

Leaf 222

Image on Archive.org

Leaf 223

Image on Archive.org

Leaf 224

Image on Archive.org

Leaf 225

Image on Archive.org

Leaf 226

Image on Archive.org

Leaf 227

Image on Archive.org

Leaf 228

Image on Archive.org

Leaf 229

Image on Archive.org

Leaf 230

Image on Archive.org

Leaf 231

Image on Archive.org

Leaf 232

Image on Archive.org

Leaf 233

Image on Archive.org

Leaf 234

Image on Archive.org

Leaf 235

Image on Archive.org

Leaf 236

Image on Archive.org

Leaf 237

Image on Archive.org

Leaf 238

Image on Archive.org

Leaf 239

Image on Archive.org

Leaf 240

Image on Archive.org

Leaf 241

Image on Archive.org

Leaf 242

Image on Archive.org

Leaf 243

Image on Archive.org

Leaf 244

Image on Archive.org

Leaf 245

Image on Archive.org

Leaf 246

Image on Archive.org

Leaf 247

Image on Archive.org

Leaf 248

Image on Archive.org

Leaf 249

Image on Archive.org

Leaf 250

Image on Archive.org

Leaf 251

Image on Archive.org

Leaf 252

Image on Archive.org

Leaf 253

Image on Archive.org