gaguritan-sarwa-aji

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭛ᬑᬁᬅᬯᬶᬖ᭄ᬦᬫᬵᬲ᭄ᬢᬸ᭛ᬧᬸᬧᬸᬄᬲᬶᬦᭀᬫ᭄᭟᭐᭟ᬚᬦᬶᬢᬶᬢ᭄ᬬᬂᬗᬯᬾᬢᬢ᭞ᬦᬾᬓᬕᬸᬭᬶᬢ᭄ᬲᬃᬯ᭄ᬯᬳᬚᬶ᭞ᬳᬸ᭠ᬫᬸᬗ᭄ᬕᬸᬄᬢᬢᬦᬶᬂᬰᬵᬲ᭄ᬢ᭄ᬭᬫᬗᬚᬳᬶᬦ᭄᭞ᬯᬢᭂᬓ᭄ᬤᬾᬯᬢᬦᬾᬲᬫᬶ᭞ᬳᬸᬫᬸᬗ᭄ᬕᬸᬄᬭᬶᬂᬳᬚᬶᬲᬵᬫ᭄ᬧᬸᬦ᭄᭞ᬫᬗ᭄ᬕᬯᬾ ᬢᬸᬢᬸᬭᬦ᭄ᬲᬢ᭄ᬯ᭞ᬳ᭄ᬬᬂᬕᬸᬭᬸᬫᬗᬯᬶᬢᬶᬦ᭄᭞ᬫᬗ᭄ᬤᬾᬤᬸᬭᬸᬲ᭄᭞ᬢᬶᬢ᭄ᬬᬂᬗᬯᬾᬕᬕᬸᬭᬶᬢᬦ᭄᭟ᬦᬾᬓᬕᬸᬭᬶᬢ᭄‌ᬲᬵᬃᬯ᭄ᬯᬰᬵᬲ᭄ᬢ᭄ᬭ᭞ᬫᬸᬜᬶᬦ᭄ᬜᬦᬾᬧᬗᬯᬶᬢ᭄᭞ᬫᬸᬮᬰᬵᬲ᭄ᬢ᭄ᬭᬧᬮᬶᬂᬯᬬᬄ᭞ᬫᬸᬗ᭄ᬕᬸᬄᬫᬭᬶᬂᬲᬃᬯ᭄ᬯᬳᬚᬶ᭞ᬢᬢᬲᬂᬳᬧᬂᬧᬲ᭄ᬢᬶ᭞ᬫᬮ ᬚᬄᬤᬗᬯᬸᬗᬯᬸ᭞ᬢᬢᬲᬂᬳᬧᬂᬧᭂᬤᬲ᭄᭞ᬫᬸᬜᬶᬦ᭄ᬰᬵᬲ᭄ᬢ᭄ᬭᬢ᭄ᬯᬭᬧᭂᬮᬶᬄ᭞ᬗᬯᬾᬢᬸᬢᬸᬃ᭞ᬢᬦᬶᬓᬦ᭄ᬤᬓᬭ᭄ᬯᬦ᭄ᬓᬭ᭄ᬯᬦ᭄᭟ᬳ᭄ᬬᬂᬕᬸᬭᬸᬫᬭᬶᬂᬲ᭄ᬯᬃᬕ᭄ᬕᬦ᭄᭞ᬫᬤᬸᬯᬾᬧᬸᬢ᭄ᬭᬓᬓᬮᬶᬄ᭞ᬳᬗᬶᬂᬳᬶᬤᬲᬫᬶᬯᬤᭀᬦ᭄᭞ᬧᬗᭂᬫ᭄ᬩᬦᬾᬢᬶᬢᬶᬩ᭄᭞ᬤᬾ ᬯᬋᬱᬶᬫᬗᬸᬯᬾᬤᬳᬶᬦ᭄᭞ᬲᬫᬶᬗᬯᬾᬦᬂᬭᬳᬬᬸ᭞ᬳᬗᬤᬓᬂᬧ᭄ᬭᬪᬯ᭞ᬢᬾᬚᬗᬤᭂᬕ᭄‌ᬢᬾᬚᬕᬸᬮᬶᬂ᭞ᬓᭂᬢᬸᬕ᭄ᬮᬶᬦᬸᬄ᭞ᬲᬂᬳᬓᭂᬦᬾᬧ᭄ᬦᬲᬶᬬᬸᬭᬦ᭄᭟ᬳᬸᬚᬦ᭄ᬫ᭄ᬭᬚᬧᭂᬢᭂᬂᬍᬫᬄ᭞ᬢ᭄ᬯᬭᬳᭂᬦ᭄ᬤᬂᬳᬗᬦ᭄ᬳᬯᬳᬶ᭞ᬪᬝᬵᬵᬭᬕᬸᬭᬸᬗᬦ᭄ᬤᬶᬓ᭞ [᭒ 2A] ᬭᬶᬂᬳ᭄ᬬᬂᬇᬦ᭄ᬤ᭄ᬭᬦᬾᬦᬾᬚᬦᬶ᭞ᬕᬯᬾᬦᬂᬳᬧᬂᬧᬲ᭄ᬢᬶ᭞ᬫᬗ᭄ᬤᬾᬳᭂᬦ᭄ᬤᬂᬤᬾᬯᬭᬢᬸ᭞ᬫᬗ᭄ᬤᬾᬚᬕᬢᬾᬕᬮᬂ᭞ᬫᬫᬺᬯᬾᬱᬩᬸᬓᬚᬦᬶ᭞ᬩᬶᬮᬶᬄᬲᬤ᭄ᬬ᭞ᬜᬫᬦ᭄ᬘᬳᬶᬦᬾᬬᬤᬤ᭄ᬯ᭟ᬲᬸᬩᬢᬸᬢᬸᬕ᭄ᬢᭂᬮᬸᬩᬸᬮᬦ᭄᭞ᬧᬸᬢ᭄ᬭᬦᬾᬫᬲᬬᬦ᭄ᬳᬗ᭄ᬮᬶᬮᬶᬃ᭞ᬯᬃᬡ᭄ᬦᬩᬸᬗᬄ ᬳᬬᬸᬳᬦᭀᬫ᭄᭞ᬢ᭄ᬯᬭᬳᬤᬫᬜᬫᬾᬦᬶᬦ᭄᭞ᬢᬦ᭄ᬩᬶᬦᬓᬤᬶᬭᬢᬶᬄ᭞ᬫᬜᬸᬮᬸᬳᬶᬚᬕᬢ᭄ᬭᬢᬸ᭞ᬲᬫᬶᬦ᭄ᬬᬓᬳᬮᭀᬓᬦ᭄᭞ᬯᬃᬡ᭄ᬦᬳᬬᬸᬫᬗᬾᬤᬦᬶᬦ᭄᭞ᬧᭀᬮᬄᬳᬮᬸᬲ᭄᭞ᬲᬶᬂᬳᬩᭂᬢᬂᬓᬳᬾᬮᭀᬓᬦ᭄᭟ᬲᬸᬩᬢᬸᬢᬸᬕ᭄ᬤᬰᬫ ᬲ᭞ᬧᬸᬢ᭄ᬭᬦᬾᬫᬦᬸᬢᬸᬕ᭄ᬓᭂᬮᬶᬄ᭞ᬚᭂᬕᬾᬕᬾᬫᬗᬬᬂᬳᬬᬂ᭞ᬩᬸᬓᬤᬾᬯᬦᬾᬤᬶᬢᬸᬮᬶᬲ᭄᭞ᬧᬗᬗ᭄ᬕᬾᬦᬾᬲᬫᬶᬍᬯᬶᬄ᭞ᬫᬲᬲᭀᬘᬦ᭄ᬫᬶᬭᬄᬫᬸᬭᬸᬩ᭄᭞ᬫᬧᬶᬗ᭄ᬕᭂᬮ᭄‌ᬬᬫᬩᬸᬗ᭄ᬓᬸᬂᬳᭂᬫᬵᬲ᭄᭞ᬫᬢᬢᬄᬬᬧᬢ᭄ᬭᬲᬵᬭᬷ᭞ᬢᬮᬶᬦ᭄ᬩᬜ᭄ᬘᬂ᭞ᬫᬶᬭᬄᬳ ᬤᬶᬦᬾᬓᬸᬫ᭄ᬭᬜᬩ᭄᭟ᬭᬫ᭄ᬩᬸᬢ᭄ᬤᭂᬫ᭄ᬤᭂᬫ᭄ᬩᬸᬯᬶᬦ᭄ᬲᬫᬄ᭞ᬫᬢ᭄ᬭᬗ᭄ᬕᬦᬩᬸᬓᬲᬗ᭄ᬳᬶᬂ᭞ᬫᬲᬸᬯᭂᬂᬫᬲ᭄ᬘᬦᬭᬦ᭄ᬘᬂ᭞ᬯᬃᬡ᭄ᬦᬦᬾᬓᬵᬤᬶᬥᬥᬭᬶ᭞ᬢᬸᬳᬸᬬᬤᬾᬯᬭᬢᬶᬄ᭞ᬫᬜᬸᬮᬸᬳᬶᬦ᭄ᬚᬕᬢ᭄ᬭᬢᬸ᭞ᬩᬸᬓᬩᬸᬮᬦᬾᬓᭂᬫ᭄ᬩᬃ᭞ᬯᬃᬡ᭄ᬦᬦ᭄ᬳᬶᬤᬫᬗᬾᬤᬦᬶᬦ᭄᭞ᬲᬫᬶ

Auto-transliteration

[1 1B] 1 /// oṅġawighnamāstu /// pupuḥsinom. 0. janitityangngawetata, nekaguritsar̀wwahaji, hu‐mungguḥtataningśāstramangajahin, watĕkdewatanesami, humungguḥringhajisāmpun, manggawe tuturansatwa, hyanggurumangawitin, mangdedurus, tityangngawegaguritan. nekaguritsār̀wwaśāstra, muñinñanepangawit, mulaśāstrapalingwayaḥ, mungguḥmaringsar̀wwahaji, tatasanghapangpasti, mala jaḥdangawungawu, tatasanghapangpĕdas, muñinśāstratwarapĕliḥ, ngawetutur̀, tanikandakarwankarwan. hyanggurumaringswar̀ggan, maduweputrakakaliḥ, hanginghidasamiwadon, pangĕmbanetitib, de war̥ĕsyimanguwedahin, samingawenangrahayu, hangadakangprabhawa, tejangadĕgtejaguling, kĕtuglinuḥ, sanghakĕnepnasiyuran. hujanmrajapĕtĕngl̥ĕmaḥ, twarahĕndanghanganhawahi, bhaṭāāragurungandika, [2 2A] ringhyangindranenejani, gawenanghapangpasti, mangdehĕndangdewaratu, mangdejagategalang, mamr̥ĕweṣabukajani, biliḥsadya, ñamancahineyadadwa. subatutugtĕlubulan, putranemasayanhanglilir̀, war̀ṇnabungaḥ hayuhanom, twarahadamañamenin, tanbinakadiratiḥ, mañuluhijagatratu, saminyakahalokan, war̀ṇnahayumangedanin, polaḥhalus, singhabĕtangkahelokan. subatutugdaśama sa, putranemanutugkĕliḥ, jĕgegemangayanghayang, bukadewaneditulis, panganggenesamil̥ĕwiḥ, masasocanmiraḥmurub, mapinggĕlyamabungkunghĕmās, matataḥyapatrasārī, talinbañcang, miraḥha dinekumrañab. rambutdĕmdĕmbuwinsamaḥ, matrangganabukasanghing, masuwĕngmascanarancang, war̀ṇnanekādidhadhari, tuhuyadewaratiḥ, mañuluhinjagatratu, bukabulanekĕmbar̀, war̀ṇnanhidamangedanin, sami

Leaf 2

Image on Archive.org

[᭒ 2B] ᬮᬸᬮᬸᬢ᭄᭞ᬧᭂᬗᭂᬫ᭄ᬩᬦᬾᬮᬕᬾᬮᭀᬢᬦ᭄᭟ᬦᬾᬫᬗᭂᬫ᭄ᬩᬦ᭄ᬲᬫᬶᬩᬚᬂ᭞ᬳᬬᬸᬳᬬᬸᬲᬫᬶᬩᭂᬘᬶᬓ᭄᭞ᬯᬃᬡ᭄ᬦᬦᬾᬗᬾᬮᭀᬢᬂᬫᬦᬄ᭞ᬧᬲᬾᬮᬾᬃᬓᬵᬤᬶᬥᬥᬭᬶ᭞ᬢᬦ᭄ᬩᬶᬦᬓᬵᬤᬶᬢᬸᬮᬶᬲ᭄᭞ᬧᬸᬢᬶᬄᬜᬮᬂᬍᬫ᭄ᬧᬸᬂᬍᬫ᭄ᬩᬸᬢ᭄᭞ᬲᬫᬶᬬᬫ ᬢ᭄ᬭᬗ᭄ᬕᬡ᭞ᬫᬭᬸᬫ᭄ᬩᬶᬫᬲᭂᬓᬂᬢᬚᬶ᭞ᬕ᭄ᬭᬸᬤᬫᬸᬗ᭄ᬓᬸᬃ᭞ᬫᬧᬤᬶᬗ᭄ᬲᭂᬢ᭄‌ᬲᬸᬢ᭄ᬭᬚᭂᬦᬦᬃ᭟ᬲᬫᬶᬕᬯᭀᬓ᭄ᬫᬗᬦ᭄ᬢᭂᬦᬂ᭞ᬤᬶᬲ᭄ᬯᬃᬕ᭄ᬕᬦ᭄ᬧᬥᬥᬥᬭᬶ᭞ᬪᬝᬵᬵᬭᬗᬦ᭄ᬤᬶᬓᬳᬮᭀᬦ᭄᭞ᬭᬶᬂᬧᬸᬢ᭄ᬭᬦᬾᬫᬓᬓᬮᬶᬄ᭞ᬦᬾᬘᬶᬭᬶᬦ᭄ᬩᬧᬚᬦᬂ᭞ᬫᬫᬶᬦ᭄ᬢᬸᬳᬸᬭᬶᬲᬂ ᬳᬬᬸ᭞ᬘᬶᬭᬶᬦ᭄ᬕᬸᬭᬸᬍᬕ᭞ᬫᬧᬸᬢ᭄ᬭᬧᬸᬢ᭄ᬭᬬᬦ᭄ᬫᬗ᭄ᬓᬶᬦ᭄᭞ᬭᬶᬂᬲᬂᬳᬬᬸ᭞ᬫᬗ᭄ᬤᬾᬳᬶᬤᬫᬫᬸᬃᬡ᭄ᬦᬬᬂ᭟ᬳᭂᬦᬾᬲᭂᬓᬃᬢᬸᬜ᭄ᬚᬸᬂᬳᭂᬫᬵᬲ᭄᭞ᬧᬸᬢ᭄ᬭᬦᬾᬫᬫᬶᬢᬂᬕᭂᬮᬶᬲ᭄᭞ᬭᬭᬶᬲ᭄ᬳᬶᬤᬗ᭄ᬭᬗ᭄ᬲᬸᬓ᭄ᬧᬬᬲ᭄᭞ᬫᬯᬲ᭄ᬢ᭄ᬭᬬᬲᬸᬢ᭄ᬭᬧᬸᬢᬶᬄ᭞ᬢᬦ᭄ᬩᬶᬦᬕᬶᬭᬶᬭᬢᬶᬄ ᬫᬲᭂᬓᬃᬬᬧᬸᬤᬓ᭄ᬳᬭᬸᬫ᭄᭞ᬧᬬᬲᬾᬲᬫ᭄ᬩ᭄ᬭᬫ᭞ᬫᬲᬭᬸᬂᬮᬶᬗ᭄ᬕᬃᬫᬗ᭄ᬲᬶ᭞ᬭᬕᬍᬫ᭄ᬧᬸᬂ᭞ᬲᬸᬲᬸᬜᬗ᭄ᬓᬶᬄᬩᬸᬓᬕᬶᬮᬧ᭄᭟ᬳᬮᬶᬲᬾᬗ᭄ᬭᬾᬤᬶᬫᬶᬫ᭄ᬩ᭞ᬓᭂᬜᬸᬂᬫᬦᬶᬲ᭄ᬯᬗᬾᬤᬦᬶᬦ᭄᭞ᬢᬶᬤᬾᬢᬾᬲᬦ᭄ᬫᬥᬸᬤ᭄ᬭᬯ᭞ᬳᬸᬮᬢᬾᬫᬦᬸᬤᬸᬢ᭄ᬳᬢᬶ᭞ᬲᬶᬂᬧᭀ [᭓ 3A] ᬮᬳᬂᬧᬥᬳᬰ᭄ᬭᬶ᭞ᬲᬶᬂᬗᬢᭀᬦᬂᬧᬳᬮᬸᬮᬸᬢ᭄᭞ᬥᬥᬭᬶᬦᬾᬫᬭᬶᬂᬲ᭄ᬯᬃᬕ᭄ᬕᬦ᭄᭞ᬫᬗᬶᬭᬶᬬᬂᬕᬶᬭᬶᬧᬸᬢ᭄ᬭᬶ᭞ᬢᬦ᭄ᬤ᭄ᬯᬯᭂᬗᬶ᭞ᬳᬸᬲᬦ᭄‌ᬬᬫᬗ᭄ᬭᬗ᭄ᬲᬸᬓ᭄ᬧᬥᬲ᭄᭟ᬦᬾᬦᬾᬩᬾᬜ᭄ᬚᬂᬘᬭᬶᬢᬬᬂ᭞ᬧᬲᭂᬫᭂᬗᬦ᭄‌ᬬᬫᬢᬗᬶ᭞ᬧᬘᬂᬳᬶᬤᬲᬶᬸᬫᬲᬲᬦ᭄ᬚᬦ᭄᭞ ᬥᬥᬭᬶᬦᬾᬲᬫᬶᬗᬶᬭᬶᬂ᭞ᬧᬧᭂᬓ᭄ᬳᬸᬧᬓᬵᬭᬲᬫᬶ᭞ᬧᬫᬃᬕᬶᬦᬾᬲᬤᬦᬭᬸᬂ᭞ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬢᬫᬦ᭄᭞ᬲᭂᬤᭂᬓ᭄ᬲᭂᬓᬃᬲᭂᬤᭂᬂᬫ᭄ᬭᬶᬓ᭄᭞ᬲᭂᬓᬃᬲᬦ᭄ᬤᬢ᭄᭞ᬲᭂᬓᬃᬧᬸᬥᬓᬾᬫᬬᬗᬦ᭄᭟ᬢ᭄ᬭᬢᬾᬩᬂᬮᬦ᭄ᬢᬸᬜ᭄ᬚᬸᬂᬫᬵᬲ᭄᭞ᬢᬸᬜ᭄ᬚᬸᬂᬩᬂᬮᬦ᭄ᬢᬸᬜ᭄ᬚᬸᬂᬧᬸᬢᬶᬄ ᭞ᬢᬸᬜ᭄ᬚᬸᬂᬩᬶᬭᬸᬮᬦ᭄ᬢᬸᬜ᭄ᬚᬸᬂᬦᬶᬮ᭞........᭞......ᬮᬯᬦ᭄ᬚᭂᬫ᭄ᬧᬶᬭᬶᬂ᭞ᬲᭂᬓᬃᬓᭀᬫ᭄ᬬᬂᬮᬯᬦ᭄ᬕᬥᬸᬂ᭞ᬫᭂᬦᬸᬄᬮᬦ᭄ᬘᬦᬶᬕᬭ᭞ᬧᬾᬮᬾᬢ᭄ᬲᬤᬗᬦᬾᬍᬯᬶᬄ᭞ᬲᭂᬓᬃᬚᭂᬧᬸᬦ᭄᭞ᬮᬶᬃᬕᬶᬮᬮᬯᬦ᭄ᬳᬃᬪᬯ᭟ᬲᬫᬶᬧᬥᬓᬕᬾᬮᭀᬢ ᬦ᭄᭞ᬫᬭᬶᬂᬢᬫᬦ᭄ᬲᬫᬶᬍᬯᬶᬄ᭞ᬬᬦ᭄ᬧᬃᬡ᭄ᬦᬬᬂᬤᬤᬶᬕᬾᬮᭀᬢ᭄᭞ᬯᬢᭂᬓ᭄ᬤᬾᬯᬢᬦᬾᬲᬫᬶ᭞ᬧᬫᬃᬕ᭄ᬕᬶᬦᬾᬲᬫᬶᬍᬯᬶᬄ᭞ᬫᬕᬶᬍᬳᬶᬦ᭄ᬢᬫᬦ᭄ᬲᬦ᭄ᬢᬸᬦ᭄᭞ᬲᬵᬫ᭄ᬧᬸᬦ᭄ᬲᬸᬭᬸᬧ᭄‌ᬲᬂᬳ᭄ᬬᬗᬃᬓ᭄ᬓ᭞ᬧᬘᬂᬫᬦ᭄ᬢᬸᬓ᭄ᬲᬋᬂᬲᬫᬶ᭞ᬲᬕᬺᬳᬦ᭄᭞ᬫᬭᬶᬂᬢᬫᬦ᭄ᬳᬶ

Auto-transliteration

[2 2B] lulut, pĕngĕmbanelagelotan. nemangĕmbansamibajang, hayuhayusamibĕcik, war̀ṇnanengelotangmanaḥ, paseler̀kādidhadhari, tanbinakāditulis, putiḥñalangl̥ĕmpungl̥ĕmbut, samiyama tranggaṇa, marumbimasĕkangtaji, grudamungkur̀, mapadingsĕtsutrajĕnanar̀. samigawokmangantĕnang, diswar̀gganpadhadhadhari, bhaṭāārangandikahalon, ringputranemakakaliḥ, necirinbapajanang, mamintuhurisang hayu, cirin'gurul̥ĕga, maputraputrayanmangkin, ringsanghayu, mangdehidamamur̀ṇnayang. hĕnesĕkar̀tuñjunghĕmās, putranemamitanggĕlis, rarishidangrangsukpayas, mawastrayasutraputiḥ, tanbinagiriratiḥ masĕkar̀yapudak'harum, payasesambrama, masarunglinggar̀mangsi, ragal̥ĕmpung, susuñangkiḥbukagilap. halisengredimimba, kĕñungmaniswangedanin, tidetesanmadhudrawa, hulatemanudut'hati, singpo [3 3A] lahangpadhahaśri, singngatonangpahalulut, dhadharinemaringswar̀ggan, mangiriyanggiriputri, tandwawĕngi, husanyamangrangsukpadhas. nenebeñjangcaritayang, pasĕmĕnganyamatangi, pacanghidas̶masasanjan, dhadharinesamingiring, papĕk'hupakārasami, pamar̀ginesadanarung, sāmpunrawuḥmaringtaman, sĕdĕksĕkar̀sĕdĕngmrik, sĕkar̀sandat, sĕkar̀pudhakemayangan. tratebanglantuñjungmās, tuñjungbanglantuñjungputiḥ , tuñjungbirulantuñjungnila, ........, ......lawanjĕmpiring, sĕkar̀komyanglawan'gadhung, mĕnuḥlancanigara, peletsadanganel̥ĕwiḥ, sĕkar̀jĕpun, lir̀gilalawanhar̀bhawa. samipadhakagelota n, maringtamansamil̥ĕwiḥ, yanpar̀ṇnayangdadigelot, watĕkdewatanesami, pamar̀gginesamil̥ĕwiḥ, magil̥ĕhintamansantun, sāmpunsurupsanghyangar̀kka, pacangmantuksar̥ĕngsami, sagr̥ĕhan, maringtamanhi

Leaf 3

Image on Archive.org

[᭓ 3B] ᬤᬩᬸᬤᬮ᭄᭟ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬲ᭄ᬯᬃᬕ᭄ᬕᬦ᭄᭞ᬓᬧᬫᬺᬫᬦ᭄‌ᬬᬫᬗ᭄ᬭᬭᬶᬲ᭄᭞ᬧᬗᬗ᭄ᬕᭀᬦᬾᬓᬕᭂᬦᬳᬂ᭞ᬤᬶᬓᭀᬢᬓᬾᬓᬕᭂᬦᬳᬶᬦ᭄᭞ᬧᬗᭂᬫ᭄ᬩᬦᬾᬧᬥᬗᬶᬭᬶᬂ᭞ᬤᬾᬦᬶᬂᬲᬫᬶᬧᬥᬍᬲᬸ᭞ᬫᬗᬶᬭᬶᬂᬳᬶᬤᬪᬝᬵᬵᬭ᭞ᬭᬭᬶᬲ᭄ᬫᭂᬋᬫ᭄ᬳᬶᬤᬲᬫᬶ᭞ᬳᬶᬤᬳ᭄ᬬᬂ ᬕᬸᬭᬸ᭞ᬳᬶᬤᬫᬗ᭄ᬓᬶᬦ᭄ᬫᬧᬸᬢᬸᬲᬦ᭄᭟ᬢᭂᬓᬦᬶᬂᬯᬢᭂᬓ᭄ᬤᬾᬯᬢ᭞ᬫᬗ᭄ᬤᬾᬢᭂᬤᬸᬦ᭄ᬧᬋᬫᬗ᭄ᬓᬶᬦ᭄᭞ᬧᬘᬂᬳᬶᬤᬫᬗ᭄ᬭᬯᭀᬲ᭄᭞ᬯᬢᭂᬓ᭄ᬤᬾᬯᬢᬫᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬭᬯᬸᬄᬳᬶᬤᬲᬫᬶ᭞ᬫᬦᬗ᭄ᬓᬶᬮ᭄ᬳᬶᬤᬳ᭄ᬬᬂᬕᬸᬭᬸ᭞ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓ᭞ᬳᭂᬦᬾᬘᬳᬶᬧᬥ᭠ ᬚᬦᬶ᭞ᬳᬶᬥᭂᬧ᭄ᬕᬸᬭᬸ᭞ᬫ᭄ᬗᬯᬾᬦᬂᬜᬫᬦ᭄ᬳᬶᬤ᭟ᬚᬦᬶᬧᬘᬂᬦᬗᬸᬦ᭄ᬓᬃᬬ᭄ᬬ᭞ᬩᬶᬦ᭄ᬳᬲᬲᬶᬄᬳᬸᬮᬶᬚᬦᬶ᭞ᬮᬯᬸᬢᬂᬘᬳᬶᬫᬓᭂᬚᬂ᭞ᬮᬦᬂᬯᬤᭀᬦ᭄ᬧᬥᬫᬳᬶ᭞ᬳᬶᬗᭂᬢᬂᬗᬸᬮᬶᬚᬦᬶ᭞ᬫᬗᬸᬦ᭄ᬤᬂᬩᬧᬦᬾᬢᬸᬳᬸ᭞ᬧᬩᭂᬲᭂᬦ᭄ᬕᬸᬭᬸᬦᬾᬩᬸᬯᬢ᭄᭞ᬫᬗ᭄ᬤᬾᬘᬳᬶ ᬳᬸᬮᬶᬚᬦᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬧᬗ᭄ᬭᬯᭀᬲᬾᬲᬶᬦᬫ᭄ᬬᬦ᭄᭟ᬭᬭᬶᬲ᭄ᬩᬸᬤᬮ᭄ᬭᬦ᭄ᬢᭂᬩᬦ᭄᭞ᬧᬥᬗᬸᬗ᭄ᬲᬶᬲ᭄ᬯᬃᬕ᭄ᬕᬲᬫᬶ᭞........᭞.......᭞.........᭞..........᭞.....᭞........᭞ [᭔ 4A] ᬳ᭄ᬬᬂᬕᬸᬭᬸ᭞ᬫᬜᬮᬶᬦᬂᬳᬶᬤᬢᭂᬫ᭄ᬩᬂ᭟᭐᭟ᬧᬸᬧᬸᬄᬫᬵᬲ᭄ᬓᬸᬫᬫ᭄ᬩᬂ᭟᭐᭟ᬳ᭄ᬬᬂᬳᬶᬰ᭄ᬯᬭ᭞ᬫᬭᬶᬂᬧᬹᬃᬯ᭄ᬯᬳᬸᬗ᭄ᬕ᭄ᬯᬦᬾᬓᬶ᭞ᬲ᭄ᬯᬾᬢᬯᬃᬡ᭄ᬦᬦ᭄ᬳᬶᬤ᭞ᬫᬢᬸᬗ᭄ᬕᬗᬦ᭄ᬍᬫ᭄ᬩᬸᬧᬸᬢᬶᬄ᭞ᬫᬲᬜ᭄ᬚᬢᬳᬶᬤᬩᬚ᭄ᬭ᭟ᬳ᭄ᬬᬂᬗᬶᬲᭀᬭ᭞ᬭᬶᬂᬕ᭄ᬦᬾᬬᬳᬸᬗ᭄ᬕ᭄ᬯᬦᬾᬓᬶ᭞ᬤᬤᬸᬯᬃᬡ᭄ᬦᬦ᭄ᬳᬶᬤ᭞ᬫᬢᬸᬗ᭄ᬕᬗ ᬦ᭄ᬲᬶᬗᬍᬯᬶᬄ᭞ᬫᬲᬜ᭄ᬚᬢᬤᬸᬧᬲᬭ᭟ᬳᬶᬤᬳ᭄ᬬᬂᬩ᭄ᬭᬳ᭄ᬫᬵ᭞ᬭᬶᬂᬤᬓ᭄ᬱᬶᬡᬉᬗ᭄ᬕ᭄ᬯᬦ᭄ᬦᬾᬓᬶ᭞ᬭᬵᬓ᭄ᬢᬯᬃᬡ᭄ᬦᬦ᭄ᬳᬶᬤ᭞ᬫᬢᬸᬗ᭄ᬕᬗᬦ᭄‌ᬫᬘᬦ᭄ᬗᭂᬦ᭄ᬤᬶᬄ᭞ᬫᬲᬜ᭄ᬚᬢᬳᬶᬤᬕᬤ᭟ᬲᬂᬳ᭄ᬬᬂᬭᬸᬤ᭄ᬭ᭞ᬭᬶᬂᬦᬭᬶᬢᬶᬳᬸᬗ᭄ᬕ᭄ᬯᬦ᭄ᬦᬾᬓᬶ᭞ᬚᬶᬗ᭄ᬕᬯᬃᬡ᭄ᬦᬦ᭄ᬳᬶᬤ᭞ᬫᬢᬸᬗ᭄ᬕᬗᬦ᭄ᬓᬸᬤ ᬰᬓ᭄ᬢᬶ᭞ᬫᬲᬜ᭄ᬚᬢᬕᬤᬭᬵᬚ᭟ᬳ᭄ᬬᬂᬫᬳᬵᬤᬾᬯ᭞ᬭᬶᬂᬧᬘᬶᬫᬳᬸᬗ᭄ᬕ᭄ᬯᬦ᭄ᬦᬾᬓᬶ᭞ᬧᬸᬢᬯᬃᬡ᭄ᬦᬦ᭄ᬳᬶᬤ᭞ᬫᬢᬸᬗ᭄ᬕᬗᬦ᭄ᬩᬜᬓ᭄ᬰᬓ᭄ᬢᬶ᭞ᬫᬲᬜ᭄ᬚᬢᬦᬕᬧᬲᬄ᭟ᬳ᭄ᬬᬂᬲᬗ᭄ᬓᬭ᭞ᬭᬶᬂᬯᬬᬩ᭄ᬬᬳᬸᬗ᭄ᬕ᭄ᬯᬦ᭄ᬦᬾᬓᬶ᭞ᬳᬶᬚᭀᬯᬃᬡ᭄ᬦᬦ᭄ᬳᬶᬤ᭞ᬰᬓ᭄ᬢᬶᬦᬾᬢᬦ᭄ᬲᬶ ᬧᬶᬲᬶᬧᬶ᭞ᬫᬲᬦ᭄ᬚᬢᬳᬗ᭄ᬓᬸᬲ᭄ᬳᬶᬤ᭟ᬳᬶᬤᬳ᭄ᬬᬂᬯᬶᬱ᭄ᬡᬸ᭞ᬭᬶᬂᬉᬢ᭄ᬢᬭᬳᬸᬗ᭄ᬕ᭄ᬯᬦᬾᬓᬶ᭞ᬓᬺᬱ᭄ᬡᬯᬃᬡ᭄ᬦᬦ᭄ᬳᬶᬤ᭞ᬫᬢᬸᬗ᭄ᬕᬗᬦ᭄‌ᬕ᭄ᬭᬸᬥᬰᬓ᭄ᬢᬶ᭞ᬫᬲᬜ᭄ᬚᬢᬳᬶᬤᬘᬓ᭄ᬭ᭟ᬳᬶᬤᬳ᭄ᬬᬂᬰᬫ᭄ᬩᬸ᭞ᬭᬶᬂᬐᬃᬰᬦ᭄ᬬᬳᬸᬗ᭄ᬕ᭄ᬯᬦ᭄ᬦᬾᬓᬶ᭞ᬦᬶᬮᬯᬃᬡ᭄ᬦᬦ᭄ᬳᬶᬤ᭞ᬫᬢᬸᬗ᭄ᬕᬗᬦ᭄‌ᬯᬭᬓ᭄ᬰ

Auto-transliteration

[3 3B] dabudal. sāmpunrawuḥmaringswar̀ggan, kapamr̥ĕmanyamangraris, panganggonekagĕnahang, dikotakekagĕnahin, pangĕmbanepadhangiring, deningsamipadhal̥ĕsu, mangiringhidabhaṭāāra, rarismĕr̥ĕmhidasami, hidahyang guru, hidamangkinmaputusan. tĕkaningwatĕkdewata, mangdetĕdunpar̥ĕmangkin, pacanghidamangrawos, watĕkdewatamangiring, sāmpunrawuḥhidasami, manangkilhidahyangguru, rarishidamangandika, hĕnecahipadha‐ jani, hidhĕpguru, mngawenangñamanhida. janipacangnangunkar̀yya, binhasasiḥhulijani, lawutangcahimakĕjang, lanangwadonpadhamahi, hingĕtangngulijani, mangundangbapanetuhu, pabĕsĕn'gurunebuwat, mangdecahi hulijani, sāmpunpuput, pangrawosesinamyan. rarisbudalrantĕban, padhangungsiswar̀ggasami, ........, ......., ........., .........., ....., ........, [4 4A] hyangguru, mañalinanghidatĕmbang. 0. pupuḥmāskumambang. 0. hyanghiśwara, maringpūr̀wwahunggwaneki, swetawar̀ṇnanhida, matungganganl̥ĕmbuputiḥ, masañjatahidabajra. hyangngisora, ringgneyahunggwaneki, daduwar̀ṇnanhida, matungganga nsingal̥ĕwiḥ, masañjatadupasara. hidahyangbrahmā, ringdaksyiṇa'unggwanneki, rāktawar̀ṇnanhida, matungganganmacanngĕndiḥ, masañjatahidagada. sanghyangrudra, ringnaritihunggwanneki, jinggawar̀ṇnanhida, matunggangankuda śakti, masañjatagadarāja. hyangmahādewa, ringpacimahunggwanneki, putawar̀ṇnanhida, matungganganbañakśakti, masañjatanagapasaḥ. hyangsangkara, ringwayabyahunggwanneki, hijowar̀ṇnanhida, śaktinetansi pisipi, masanjatahangkushida. hidahyangwiṣṇu, ringuttarahunggwaneki, kr̥ĕṣṇawar̀ṇnanhida, matunggangan'grudhaśakti, masañjatahidacakra. hidahyangśambu, ringair̀śanyahunggwanneki, nilawar̀ṇnanhida, matungganganwarakśa

Leaf 4

Image on Archive.org

[᭔ 4B] ᬓ᭄ᬢᬶ᭞ᬫᬲᬜ᭄ᬚᬢᬢ᭄ᬭᬶᬰᬸᬮ᭟ᬳ᭄ᬬᬂᬰᬶᬯ᭞ᬫᬭᬶᬂᬢᭂᬗᬄᬳᬸᬗ᭄ᬕ᭄ᬯᬦ᭄ᬦᬾᬓᬶ᭞ᬫᬜ᭄ᬘᬯᬃᬡ᭄ᬦᬯᬃᬡ᭄ᬦᬦ᭄ᬳᬶᬤ᭞ᬫᬢᬸᬗ᭄ᬕᬗᬦ᭄ᬧ᭄ᬭᬫᬤᬫᬶ᭞ᬫᬲᬜ᭄ᬚᬢᬧᬤ᭄ᬫᬗ᭄ᬮᬬᬂ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬉᬧᬓᬵᬭᬦᬾᬦᬾᬦᬾᬫᬗ᭄ᬓᬶᬦ᭄᭞ᬲᬫᬢᬶᬗ᭄ᬓᬄᬳᬶᬭ᭞ᬉᬧᬓᬵᬭᬲᬃᬯ᭄ᬯᬍᬯᬶᬄ᭞ ᬫᬦᬶᬫ᭄ᬩᬮ᭄ᬢᭂᬫ᭄ᬩᬂᬕᬶᬦᬥ᭟᭐᭟ᬧᬸᬧᬸᬄᬕᬶᬦᬤ᭟᭐᭟ᬲᬵᬫ᭄ᬧᬸᬦ᭄ᬢᬫ᭄ᬧᭂᬓ᭄ᬢᬳᬓᬵᬃᬬ᭄ᬬ᭞ᬳ᭄ᬬᬂᬕᬸᬭᬸᬧᭂᬧᭂᬓ᭄‌ᬓᬢᬗ᭄ᬓᬶᬮ᭄᭞ᬧᬭᬋᬱᬶᬢᭂᬤᬸᬦ᭄ᬋᬓᭀ᭞ᬫᬫᭂᬤᭂᬓ᭄ᬳᬶᬤᬳ᭄ᬬᬂᬕᬸᬭᬸ᭞ᬫᬦᬸᬦᬲᬂᬤ᭄ᬯᬰᬓᬵᬃᬬ᭄ᬬ᭞ᬦᬾᬦᬾᬫᬗ᭄ᬓᬶᬦ᭄᭞ᬳ᭄ᬬᬂᬕᬸᬭᬸᬭᬭᬶᬲ᭄‌ᬗᬦᬶᬓᬵ᭟ᬳ᭄ᬬᬂ ᬋᬱᬶᬓᬦ᭄ᬤᬶᬓᬬᬂ᭞ᬗᬮᬶᬄᬤ᭄ᬯᬰᬦᬾᬦᬾᬚᬦᬶ᭞ᬲᬂᬋᬱᬶᬫᬵᬢᬸᬃᬳᬮᭀᬦ᭄᭞ᬳᬶᬗ᭄ᬕᬶᬄᬢᭀᬢ᭄ᬬᬂᬤᬳ᭄ᬬᬂᬕᬸᬭᬸ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬗᬸᬗ᭄ᬕᬳᬂ᭞ᬭᬶᬂᬧᬸᬭᬲ᭄ᬢᬶ᭞ᬓᭀᬘᬧ᭄ᬯᬾᬦ᭄ᬢᭂᬦ᭄ᬤᬸᬯᬰᬫᭂᬮᬄ᭟ᬲᭀᬫᬫᬦᬶᬲ᭄‌ᬓᭀᬘᬧᬦ᭄ᬬ᭞ᬯᬸᬓᬸᬢᭀᬮᬸ᭠ ᬫᬦᭂᬫᭀᬦᬶᬦ᭄᭞ᬢᬗ᭄ᬕᬮ᭄ᬧᬶᬂᬮᬶᬫᭀᬮᬲ᭄ᬋᬓᭀ᭞ᬫᬱᬰᬰᬶᬳᬾᬓᬘᬢᬸᬃ᭞ᬫᬲᬦ᭄ᬩᬸᬗᬲᭂᬤᭂᬂᬓᭂᬫ᭄ᬩᬂ᭞ᬫᬗᬾᬤᬦᬶᬦ᭄᭞ᬫᬺᬢ᭄ᬢᬫᬱᬓᭀᬘᬧᬦ᭄ᬬ᭟ᬲᬧᬸᬦᬶᬓᬓᭀᬚᬭᬦ᭄ᬬ᭞ᬦᬾᬩᬶᬦ᭄ᬢᭂᬮᬸᬦ᭄ᬳᬸᬮᬶᬚᬦᬶ᭞ᬫᬦᭂᬤᬸᬦᬂᬧᬜ᭄ᬚᬓ᭄ᬋᬓᭀ᭞ [᭕ 5A] ᬧ᭄ᬭᬩᭂᬓᭂᬮ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬲᬫᬶᬧᬥᬫᬕᬕᬫᬦ᭄᭞ᬧ᭄ᬭᬩᭀᬢ᭄ᬲᬫᬶ᭞ᬲᬵᬫ᭄ᬧᬸᬦ᭄ᬦᬧᬓ᭄ᬤᬶᬩᬜ᭄ᬘᬶᬗᬄ᭟ᬳᭂᬕᭀᬂᬕᬫ᭄ᬩᬂᬲᬵᬫ᭄ᬧᬸᬦ᭄ᬱ᭄ᬭᬵᬧ᭄ᬢ᭞ᬮ᭄ᬯᬂᬮᬯᬦ᭄ᬕᭀᬂᬪᬾᬭᬶ᭞ᬳᬂᬓ᭄ᬩᬸᬂᬮᬯᬦ᭄‌ᬢ᭄ᬭᬯᬱ᭞ᬲᬮᭀᬦ᭄ᬤᬶᬂᬓᬮᬯᬦ᭄‌ᬩᬼᬕᬜ᭄ᬚᬸᬃ᭞ᬕᭂᬦ᭄ᬤᬾᬃᬮᬯᬦ᭄ᬤ ᬕᬮᬸᬦ᭄ᬢᬂ᭞ᬘᬭᬸᬓ᭄ᬫᬮᬶᬄ᭞ᬲᬫᬶᬧᭂᬧᭂᬓ᭄ᬫᬭᬶᬂᬲ᭄ᬯᬃᬕ᭄ᬕᬦ᭄᭟ᬕᬕᬫ᭄ᬩᭂᬮᬦ᭄ᬫᬗ᭄ᬓᬶᬦ᭄ᬫᬲ᭄ᬯᬭ᭞ᬫᬭᬶᬂᬲ᭄ᬯᬃᬕ᭄ᬕᬦ᭄ᬓᭀᬘᬧᬫᬗ᭄ᬓᬶᬦ᭄᭞ᬲ᭄ᬯᬭᬦᬾᬫᬗᬺᬗᬶᬄᬋᬓᭀ᭞ᬢᬢᬩᬸᬳᬦ᭄ᬧᬥᬳᬮᬸᬲ᭄᭞ᬦᬾᬫᬕᬫ᭄ᬩᭂᬮ᭄ᬩᬚᬂᬩᬚᬂ᭞ᬫᬗᬾᬤᬦᬶᬦ᭄᭞ᬧᬗᬗ᭄ᬕᬾᬦᬾᬧᬧ ᬢᬸᬳᬦ᭄᭟ᬲᬫᬶᬕᬾᬮᭀᬢ᭄‌ᬯᭀᬂᬭᬶᬂᬲ᭄ᬯᬃᬕ᭄ᬕᬦ᭄᭞ᬫᬦᭀᬦ᭄ᬢᭀᬦ᭄‌ᬕᬕᬫ᭄ᬩᭂᬮᬦ᭄ᬍᬯᬶᬄ᭞ᬢᬢᬩᬸᬳᬦ᭄ᬍᬗᬶᬂᬋᬓᭀ᭞ᬲᬶᬂᬧᭀᬮᬳᬂᬧᬥᬳᬮᬸᬲ᭄᭞ᬤᬤᬶᬭᬶᬦᬾᬓᬏᬤᬦᬦ᭄᭞ᬓᬤᬶᬫᬗ᭄ᬓᬶᬦ᭄᭞ᬤᬤᬶᬮᬮᬢᭂᬓᬾᬦ᭄ᬓᬃᬬ᭄ᬬ᭟ᬲᬸᬗᬸ ᬦᬾᬫᬗ᭄ᬓᬶᬦ᭄ᬫᬲ᭄ᬯᬭ᭞ᬓᭂᬮᬯᬦ᭄ᬫᬜᭂᬤᬸᬢ᭄ᬩᭂᬤᬶᬮ᭄᭞ᬯᬢᭂᬓ᭄ᬤᬾᬯᬢᬦᬾᬳᬗ᭄ᬭᭀᬩ᭄᭞ᬫᬕᬾᬦ᭄ᬚᭀᬗᬦ᭄ᬓᬤᬶᬮᬶᬦᬸᬄ᭞ᬢᬢᬶᬢ᭄ᬓᭂᬭᬸᬕ᭄ᬫᬕᬾᬜ᭄ᬚᭀᬗᬦ᭄᭞ᬗᭂᬚᭂᬂᬲᬫᬶ᭞ᬭᬱᬳᬸᬯᬸᬕ᭄ᬫᬭᬶᬂᬲ᭄ᬯᬃᬕ᭄ᬕᬦ᭄᭟ᬲᭂᬓᬢ᭄ᬚᬦᬶᬦᬗᬸᬦ᭄ᬓᬃᬬ᭄ᬬ᭞ᬢ᭄ᬯᬭ

Auto-transliteration

[4 4B] kti, masañjatatriśula. hyangśiwa, maringtĕngaḥhunggwanneki, mañcawar̀ṇnawar̀ṇnanhida, matungganganpramadami, masañjatapadmanglayang. sāmpunpuput, upakāranenenemangkin, samatingkaḥhira, upakārasar̀wwal̥ĕwiḥ, manimbaltĕmbangginadha. 0. pupuḥginada. 0. sāmpuntampĕktahakār̀yya, hyanggurupĕpĕkkatangkil, parar̥ĕsyitĕdunr̥ĕko, mamĕdĕk'hidahyangguru, manunasangdwaśakār̀yya, nenemangkin, hyanggururarisnganikā. hyang r̥ĕsyikandikayang, ngaliḥdwaśanenejani, sangr̥ĕsyimātur̀halon, hinggiḥtotyangdahyangguru, tityangmangkinmangunggahang, ringpurasti, kocapwentĕnduwaśamĕlaḥ. somamaniskocapanya, wukutolu‐ manĕmonin, tanggalpinglimolasr̥ĕko, maṣaśaśihekacatur̀, masanbungasĕdĕngkĕmbang, mangedanin, mr̥ĕttamaṣakocapanya. sapunikakojaranya, nebintĕlunhulijani, manĕdunangpañjakr̥ĕko, [5 5A] prabĕkĕlsāmpunrawuḥ, samipadhamagagaman, prabotsami, sāmpunnapakdibañcingaḥ. hĕgonggambangsāmpunṣrāpta, lwanglawan'gongbheri, hangkbunglawantrawaṣa, salondingkalawanbl̥ĕgañjur̀, gĕnder̀lawanda galuntang, carukmaliḥ, samipĕpĕkmaringswar̀ggan. gagambĕlanmangkinmaswara, maringswar̀ggankocapamangkin, swaranemangr̥ĕngiḥr̥ĕko, tatabuhanpadhahalus, nemagambĕlbajangbajang, mangedanin, panganggenepapa tuhan. samigelotwongringswar̀ggan, manonton'gagambĕlanl̥ĕwiḥ, tatabuhanl̥ĕngingr̥ĕko, singpolahangpadhahalus, dadirineka'edanan, kadimangkin, dadilalatĕkenkar̀yya. sungu nemangkinmaswara, kĕlawanmañĕdutbĕdil, watĕkdewatanehangrob, magenjongankadilinuḥ, tatitkĕrugmageñjongan, ngĕjĕngsami, raṣahuwugmaringswar̀ggan. sĕkatjaninangunkar̀yya, twara

Leaf 5

Image on Archive.org

[᭕ 5B] ᭕ ᬳᬤᬩᬸᬓᬚᬦᬶ᭞ᬢᭂᬳᭂᬩ᭄ᬧᭂᬲᬦ᭄ᬓᬵᬃᬬ᭄ᬬᬦᬾᬋᬓᭀ᭞ᬢ᭄ᬯᬭᬧᬘᬂᬓᬾᬗ᭄ᬕᬸᬄᬢᬸᬬᬸᬄ᭞ᬧᭂᬢᭂᬂᬍᬫᬄᬬᬫᬕᬤᬂ᭞ᬲᬳᬶᬲᬳᬶ᭞ᬢ᭄ᬯᬭᬧᬘᬂᬓᬾᬗ᭄ᬕᬸᬄᬪᬬ᭟ᬲᬵᬫ᭄ᬧᬸᬦ᭄ᬭᬯᬸᬄᬤᬶᬦᬢᬃᬓᬵᬃᬬ᭄ᬬ᭞ᬫᬦᬸᬦ᭄ᬤᬾᬦᬦ᭄ᬗᭂᬚᬸᬓ᭄ᬩᬯᬶ᭞ᬓᬫ᭄ᬩᬶᬂᬲᭀᬮᬲ᭄ᬢᬸᬦ᭄ᬤᬾᬦ᭄ᬗᭀᬭᭀᬓ᭄᭞ ᬧᭂᬜᬸᬢᬸᬦ᭄ᬤᬾᬦ᭄ᬤᬲᬳᬸᬓᬸᬤ᭄᭞ᬫᬜ᭄ᬚᬗᬦ᭄‌ᬢᬸᬦ᭄ᬤᬾᬦ᭄ᬧᬢ᭄ᬧᬢ᭄᭞ᬫ᭄ᬯᬂᬓᬸᬍᬲᬶᬄ᭞ᬓᭂᬩᭀᬧᬢ᭄ᬧᬢ᭄ᬢᬸᬦ᭄ᬤᬾᬦ᭄‌ᬦᬫ᭄ᬧᬄ᭟ᬧᬗᬬᬳᬾᬲᬫᬶᬕᬜ᭄ᬘᬂ᭞ᬳᭀᬮᬳᬦᬾᬲᬫᬶᬩᭂᬘᬶᬓ᭄᭞ᬢᬶᬫ᭄ᬩᬗᬦ᭄ᬓᭂᬩᭀᬦᬾᬋᬓᭀ᭞ᬩ᭄ᬭᬜ᭄ᬘᬸᬄᬓᬫ᭄ᬩᬶᬂᬧᬥᬧᬸᬧᬸᬢ᭄᭞ ᬚᬦᬶᬲᬵᬫ᭄ᬧᬸᬦ᭄ᬧᬥᬧ᭄ᬭᬕᬢ᭄᭞ᬫᬗᬶᬢᬸᬗᬶᬦ᭄᭞ᬭᬭᬶᬲ᭄ᬗᬶᬩᬸᬂᬕᬕᬜ᭄ᬘᬗᬦ᭄᭟ᬲᬵᬫ᭄ᬧᬸᬦ᭄ᬧᬥᬕᬶᬦᭂᬮᬭᬦ᭄᭞ᬕᬶᬩᬸᬗᬦ᭄ᬯᬲᬲᬄᬲᬫᬶ᭞ᬘᭂᬘᭂᬧᬦ᭄ᬤᬯᬦ᭄ᬓᬓᭀᬘᭀᬃ᭞ᬢᬫ᭄ᬬᬸᬦᬾᬫᬮᬶᬗ᭄ᬕᬶᬄᬲᬵᬫ᭄ᬧᬸᬦ᭄᭞ᬳᬬᬄᬳᬬᬳᬦ᭄ᬧ᭄ᬭᬦᬫ᭄ᬬ᭞ ᬲᬫᬶᬩᭂᬘᬶᬓ᭄᭞ᬢᬫ᭄ᬬᬸᬦᬾᬭᬭᬶᬲ᭄ᬫᬚᭂᬗᬦ᭄᭟ᬏᬦᬓ᭄ᬧᬥᬫᬳᬚᭂᬗᬦ᭄᭞ᬧᬗᬬᬳᬾᬫᬦᬫ᭄ᬧᭂᬓᬶᬦ᭄᭞ᬫᬓ᭄ᬢᬳᬭᬓ᭄ᬮᬯᬦ᭄ᬳᭀᬲᭀᬮ᭄᭞ᬕᬶᬦᭂᬯᬃᬮᬯᬦ᭄ᬲᭂᬦ᭄ᬢᭂᬭᬸᬧ᭄᭞ᬩ᭄ᬭᬦ᭄ᬤᬶᬓᬧᬦ᭄ᬓᬶᬮᬂ᭞ᬳᬭᬓ᭄ᬳᬦᬶᬲ᭄᭞ᬲᬦ᭄ᬢᭂᬭᬸᬧ᭄ᬮᬦ᭄ᬮᬶᬫᭀ [᭖6A] ᬦᬦ᭄ᬤ᭟ᬲᬫᬶᬧᬥᬓᬢᬸᬭᬦ᭄᭞ᬢᬫᬶᬬᬸᬦᬾᬫᬦᬗ᭄ᬕᬧᬶᬦ᭄᭞ᬧᬗᬬᬳᬾᬲᬫᬶᬏᬧᭀᬢ᭄᭞ᬧᬥᬕᬸᬧᬸᬄᬗᬬᬳᬶᬦ᭄ᬢᬫ᭄ᬬᬸ᭞ᬢᬦ᭄ᬓᭀᬘᬧᬦ᭄‌ᬬᬫᬚᭂᬗᬦ᭄᭞ᬦᬾᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬳᬸᬲᬦ᭄‌ᬬᬫᬚᭂᬗᬦ᭄᭟ᬢᬫᬶᬬᬸᬦᬾᬫᬗ᭄ᬭᬭᬶᬲ᭄ᬩᬸᬤᬮ᭄᭞ᬧᬥ ᬗᬸᬗ᭄ᬲᬶᬲ᭄ᬯᬃᬕ᭄ᬕᬍᬯᬶᬄ᭞ᬓᭀᬘᬧᬧᬸᬢ᭄ᬭᬦᬾᬭᭀᬭᭀ᭞ᬫᬧᬬᬲ᭄ᬫᬦᬗᬸᬦ᭄ᬕᭂᬮᬸᬂ᭞ᬳᬶᬤᬧᬘᬂᬫᬸᬗ᭄ᬕᬄᬫᬢᬢᬄ᭞ᬦᬾᬦᬾᬫᬗ᭄ᬓᬶᬦ᭄᭞ᬫᬭᬶᬂᬲ᭄ᬯᬃᬕ᭄ᬕᬦ᭄ᬓᭂᬲᭂᬮ᭄ᬧᬶᬲᬦ᭄᭟ᬲᬵᬫ᭄ᬧᬸᬦ᭄ᬳᬶᬤᬫᬗ᭄ᬓᬶᬦ᭄ᬫᬸᬗ᭄ᬕᬄ᭞ᬓᬦ᭄ᬤᬶᬓᬬᬶᬜᭂᬤᬸᬢ᭄ᬩᭂᬤᬶᬮ᭄᭞ᬲᬸᬗᬸᬦᬾᬫᬗ᭄ᬓᬶᬦ᭄ᬫᬲ᭄ᬯᬭ ᭞ᬳᭂᬕᭀᬗᬾᬲᬵᬫ᭄ᬧᬸᬦ᭄ᬫᬢᬩᬸᬄ᭞ᬕᬫ᭄ᬩᬂᬫᬸᬦᬶᬮᬯᬦ᭄ᬚᬸᬩ᭄ᬮᬕ᭄᭞ᬫ᭄ᬯᬂᬲᭂᬮᭀᬦ᭄ᬤᬶᬂ᭞ᬳᬗ᭄ᬓᭂᬮᬸᬂᬓ᭄ᬮᬯᬦ᭄‌ᬢᬺᬯᬱ᭟ᬕᭂᬦ᭄ᬤᬾᬃᬫᬸᬜᬶᬫᬫᬦᬶᬲᬦ᭄᭞ᬕᭂᬦ᭄ᬤᬶᬗᬾᬕᬤᬸᬂᬫᭂᬮᬢᬶ᭞ᬲᬶᬂᬫᬗ᭄ᬭᬸᬗᬸᬧᬤᬕᬯᭀᬓ᭄᭞ᬭᬱᬦ᭄ᬜᬩᬸᬓᬓᬭᬸᬫ᭄ᬭᬸᬫ᭄᭞ᬤᬶᬧᬫᬺᬫ ᬦ᭄ᬧᬤᬤ᭄ᬯᬦᬦ᭄‌ᬗᬺᬫᬶᬄᬗᬺᬫᬶᬄ᭞ᬫᬫᬶᬋᬗᬂᬲ᭄ᬯᬭᬦ᭄ᬕᬸᬦ᭄ᬢᬂ᭟ᬯᬬᬂᬧ᭄ᬭᬯᬦᬾᬫᬲᭀᬮᬄ᭞ᬦᬾᬫᬦᬮᬂᬩᬚᬂᬘᭂᬦᬶᬓ᭄᭞ᬦᬾᬫᬦᭀᬦ᭄ᬢᭀᬦ᭄ᬭᬯᬸᬄᬋᬓᭀ᭞ᬫᬗᬗ᭄ᬕᬾᬦᬾᬳᬩ᭄ᬭᬫᬸᬭᬸᬩ᭄᭞ᬳᬗ᭄ᬳᬶᬂᬲᬫᬶᬩᬚᬂᬩᬚᬂ᭞ᬫᬗᬾᬤᬦᬶᬦ᭄᭞ᬲᬫᬶ

Auto-transliteration

[5 5B] 5 hadabukajani, tĕhĕbpĕsankār̀yyaner̥ĕko, twarapacangkengguḥtuyuḥ, pĕtĕngl̥ĕmaḥyamagadang, sahisahi, twarapacangkengguḥbhaya. sāmpunrawuḥdinatar̀kār̀yya, manundenanngĕjukbawi, kambingsolastundenngorok, pĕñutundendasahukud, mañjangantundenpatpat, mwangkul̥ĕsiḥ, kĕbopatpattundennampaḥ. pangayahesamigañcang, holahanesamibĕcik, timbangankĕboner̥ĕko, brañcuḥkambingpadhapuput, janisāmpunpadhapragat, mangitungin, rarisngibunggagañcangan. sāmpunpadhaginĕlaran, gibunganwasasaḥsami, cĕcĕpandawankakocor̀, tamyunemalinggiḥsāmpun, hayaḥhayahanpranamya, samibĕcik, tamyunerarismajĕngan. enakpadhamahajĕngan, pangayahemanampĕkin, maktaharaklawanhosol, ginĕwar̀lawansĕntĕrup, brandikapankilang, harak'hanis, santĕruplanlimo [66A] nanda. samipadhakaturan, tamiyunemananggapin, pangayahesami'epot, padhagupuḥngayahintamyu, tankocapanyamajĕngan, nenemangkin, sāmpunhusanyamajĕngan. tamiyunemangrarisbudal, padha ngungsiswar̀ggal̥ĕwiḥ, kocapaputraneroro, mapayasmanangun'gĕlung, hidapacangmunggaḥmatataḥ, nenemangkin, maringswar̀ggankĕsĕlpisan. sāmpunhidamangkinmunggaḥ, kandikayiñĕdutbĕdil, sungunemangkinmaswara , hĕgongesāmpunmatabuḥ, gambangmunilawanjublag, mwangsĕlonding, hangkĕlungklawantr̥ĕwaṣa. gĕnder̀muñimamanisan, gĕndingegadungmĕlati, singmangrungupadagawok, raṣanñabukakarumrum, dipamr̥ĕma npadadwananngr̥ĕmiḥngr̥ĕmiḥ, mamir̥ĕngangswaran'guntang. wayangprawanemasolaḥ, nemanalangbajangcĕnik, nemanontonrawuḥr̥ĕko, manganggenehabramurub, hanghingsamibajangbajang, mangedanin, sami

Leaf 6

Image on Archive.org

[᭖ 6B] ᭖ ᬕᬯᭀᬓ᭄ᬢᬶᬦᬓᭀᬦᬦ᭄᭟ᬳᭂᬜᬾᬦ᭄ᬳᭂᬦ᭄ᬢᭀᬦᬾᬫᬦᬮᬂ᭞ᬭᬹᬧᬩᬕᬸᬲ᭄ᬫᬗᬾᬤᬦᬶᬦ᭄᭞ᬲᬶᬂᬳᬩᭂᬢᬂᬲᬫᬶᬕᬾᬮᭀᬢ᭄᭞ᬓᭂᬜᬸᬂᬫᬦᬶᬲ᭄ᬳᬯᭀᬭᬶᬂᬫᬥᬸ᭞ᬭᬭᬶᬲ᭄ᬤᬮᬗᬾᬫᬫᬜ᭄ᬚᬂ᭞ᬩᬸᬓᬕᬶᬭᬶᬓ᭄᭞ᬫᬦᬳᬾᬢᭀᬂᬤᬤᬶᬮᬾᬦᬂ᭟ᬮᬫ᭄ᬧᬳᬦ᭄ᬯᬥ ᬗᬾᬫᭂᬮᬚ᭄᭟ᬧᬕᬸᬦᭂᬫᬦᬾᬍᬯᬶᬄ᭞ᬢᬦ᭄ᬮᬶᬬᬦ᭄ᬳᬶᬤᬳ᭄ᬬᬂᬲᬹᬃᬬ᭄ᬬ᭞ᬓᬢᬤᬄᬩᬳᬦ᭄ᬓᬮᬭᬯᬸ᭞ᬭᬾᬫ᭄ᬋᬫ᭄ᬢᬾᬚ᭠ᬦ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬫᬭᬶᬂᬮᬗᬶᬢ᭄᭞ᬲᬧᬸᬦᬶᬓᬚᬓᬦ᭄ᬤᬦ᭄ᬬ᭟ᬋᬚᬗᬾᬫᬗ᭄ᬓᬶᬦ᭄ᬫᬲᭀᬮᬄ᭞ᬤᬶᬧᬫ᭄ᬭᬚᬦ᭄ᬲᬳᬶᬲᬳᬶ᭞ᬫᬓᬫ᭄ᬩᭂᬦ᭄ᬓᬓ ᬜ᭄ᬘᬦ᭄ᬳᬶᬚᭀ᭞ᬫᬲᬸᬯᭂᬂᬫᬕᭂᬮᬂᬫᬵᬲ᭄᭞ᬳᬬᬸᬍᬯᬶᬄ᭞ᬲᬲᭀᬮᬳᬾᬦᬸᬤᬸᬢ᭄ᬘᬶᬢ᭄ᬢ᭟ᬮᬾᬕᭀᬗᬾᬫᬗ᭄ᬓᬶᬦ᭄ᬫᬲᭀᬮᬄᬕᬍᬫ᭄ᬧᬸᬂᬫᬗᬾᬤᬦᬶᬦ᭄᭞ᬦᬓᬧᬜ᭄ᬚᬂᬚ᭄ᬭᬶᬚᬶᬫ᭄ᬭᭀᬲ᭄᭞ᬩᬜ᭄ᬚᬗᬾᬗᬶᬮᭀᬢᬸᬃᬍᬫᬸᬄ᭞ᬲᬲᭀᬮᬳᬾᬦᬸᬤᬸᬢ᭄ᬘᬶᬢ᭄ᬢ᭞ ᬫᬭᬶᬂᬢᬸᬮᬶᬲ᭄᭞ᬢ᭄ᬯᬭᬯᬦᭂᬄᬫᬗᬸᬘᬧᬂ᭟ᬕᬫ᭄ᬩᬸᬄᬧᬃᬯ᭄ᬯᬦᬾᬫᬲᭀᬮᬄ᭞ᬦᬾᬫᬜᬮᬸᬓ᭄ᬲᬫᬶᬩᭂᬘᬶᬓ᭄᭞ᬮᬮᬫ᭄ᬧᬳᬦ᭄ᬲᬫᬶᬓᬯᭀᬢ᭄᭞ᬧᬩ᭄ᬭᬸᬫ᭄ᬭᬸᬫ᭄ᬲᬮ᭄ᬬᬦᬾᬳᬮᬸᬲ᭄᭞ᬲᭂᬤᬶᬄᬓᬗᭂᬦ᭄᭞ᬫᬫᬶᬋᬗᬂᬮᬦᬂᬳᬶᬲ᭄ᬢ᭄ᬭᬶ᭞ᬲᬫᬧᬥᬗᬸᬲᬧ᭄ [᭗ 7A] ᬯᬵᬱ᭄ᬧ᭟ᬩᬭᭀᬗᬾᬲᬵᬫ᭄ᬧᬸᬦ᭄ᬫᬲᭀᬮᬄ᭞ᬤᬶᬧᬲᬭᬾᬲᬵᬫ᭄ᬧᬸᬦ᭄ᬫᬶᬚᬶᬮ᭄᭞ᬚᬯᬸᬓᬾᬫᬲᭀᬮᬄᬋᬓᭀ᭞ᬧᬜᬯᬶᬦᬾᬲᬵᬫ᭄ᬧᬸᬦ᭄ᬧᭂᬲᬸ᭞ᬧᬗᬗ᭄ᬕᭀᬦᬾᬲᬫᬶᬩᬸᬗᬄ᭞ᬭᬵᬕᬍᬯᬶᬄ᭞ᬧ᭄ᬭᬕᬶᬦᬦᬾᬩᬚᬂᬩᬚᬂ᭟ᬮᬮᬫ᭄ᬧᬳᬦ᭄‌ᬭᬭᬫ᭄ᬧᬸᬢᬦ᭄᭞᭠ ᬲᬫᬶᬧᬥᬫᬗᭂᬘᭀᬓᬶᬦ᭄᭞ᬢᬦᬶᬧᬹᬃᬯ᭄ᬯᬢᬦᬶᬓᬦ᭄ᬤ᭞ᬧᬲᬶᬄᬧᬬᬸᬩ᭄ᬭᬶᬬᬓ᭄ᬩ᭄ᬭᬶᬬᬸᬓ᭄᭞ᬚᬦᬶᬲᬵᬫ᭄ᬧᬸᬦ᭄ᬫᬮᬸᬯᬭᬦ᭄᭞ᬦᬾᬦᬾᬚᬦᬶ᭞ᬓᭀᬘᬧ᭄‌ᬬᬫᬲᬮᬶᬦ᭄ᬮᬫ᭄ᬧᬳᬦ᭄᭟ᬭᬶᬂᬯᭂᬗᭀᬦᬾᬘᬮᭀᬦ᭄ᬳᬭᬂ᭞ᬦᬾᬫᬲᭀᬮᬄᬩᬶᬲᬦᬾᬱ᭄ᬝᬶ᭞ᬫᬗ᭄ᬮᭂ ᬓᬲᬂᬚᬧᬫᬦ᭄ᬢ᭄ᬭ᭞ᬫᬗ᭄ᬤᬾᬬᬲᬫᬶᬓᭂᬩᬸᬲ᭄᭞ᬲᬫᬶᬧᬥᬫᬗ᭄ᬭᬗ᭄ᬲᬸᬓᬂ᭞ᬬᬩᬶᬘᬭᬶ᭞ᬲᬫᬶᬗᬯᬤᬦᬾᬬᬜ᭟ᬦᬾᬫᬗ᭄ᬭᬗ᭄ᬤᬮᬗ᭄ᬲᬶᬂᬮᬜ᭄ᬚᬃ᭞ᬭᬵᬕᬍᬫᬸᬄᬫᬗᬾᬤᬦᬶᬦ᭄᭞ᬦᬓᬧᬜ᭄ᬚᬂᬚ᭄ᬭᬶᬚᬶᬫᭂᬭᭀᬲ᭄᭞ᬭᬫ᭄ᬩᬸᬢᬾᬥᬤᭂᬫ᭄ᬤᭂᬫ᭄ᬕᭂᬫ᭄ᬧᬸᬓ᭄᭞ᬳ ᬮᬶᬲ᭄ᬢᬚᭂᬧ᭄ᬩᬸᬓᬕᬶᬮᬧ᭄᭞ᬲᬸᬲᬸᬜᬗ᭄ᬓᬶᬄ᭞ᬫᬲᬸᬩᭂᬂᬤᬤᭀᬭᬾᬲᬦ᭄᭟ᬦᬾᬫᬗ᭄ᬭᬭᬸᬂᬲᬤᬩᭂᬗᬄ᭞ᬭᬹᬧᬳᬬᬸᬫᬗᬾᬤᬦᬶᬦ᭄᭞ᬭᬫ᭄ᬩᬸᬢ᭄ᬩᬭᬓ᭄ᬕᬶᬫ᭄ᬩᭂᬮ᭄ᬋᬓᭀ᭞ᬭᬕᬧᬜ᭄ᬚᬂᬩᬸᬯᬶᬦ᭄ᬮᬦ᭄ᬤᬸᬂ᭞ᬲᬶᬂᬧᭀᬮᬳᬂᬧᬫᭂᬮᬄ᭞ᬫᬗᬾᬤᬦᬶ

Auto-transliteration

[6 6B] 6 gawoktinakonan. hĕñenhĕntonemanalang, rūpabagusmangedanin, singhabĕtangsamigelot, kĕñungmanishaworingmadhu, rarisdalangemamañjang, bukagirik, manahetongdadilenang. lampahanwadha ngemĕlaj. pagunĕmanel̥ĕwiḥ, tanliyanhidahyangsūr̀yya, katadaḥbahankalarawu, remr̥ĕmteja‐nsanghyangsūr̀yya, maringlangit, sapunikajakandanya. r̥ĕjangemangkinmasolaḥ, dipamrajansahisahi, makambĕnkaka ñcanhijo, masuwĕngmagĕlangmās, hayul̥ĕwiḥ, sasolahenudutcitta. legongemangkinmasolaḥgal̥ĕmpungmangedanin, nakapañjangjrijimros, bañjangengilotur̀l̥ĕmuḥ, sasolahenudutcitta, maringtulis, twarawanĕḥmangucapang. gambuḥpar̀wwanemasolaḥ, nemañaluksamibĕcik, lalampahansamikawot, pabrumrumsalyanehalus, sĕdiḥkangĕn, mamir̥ĕnganglananghistri, samapadhangusap [7 7A] wāṣpa. barongesāmpunmasolaḥ, dipasaresāmpunmijil, jawukemasolaḥr̥ĕko, pañawinesāmpunpĕsu, panganggonesamibungaḥ, rāgal̥ĕwiḥ, praginanebajangbajang. lalampahanraramputan, ‐ samipadhamangĕcokin, tanipūr̀wwatanikanda, pasiḥpayubriyakbriyuk, janisāmpunmaluwaran, nenejani, kocapyamasalinlampahan. ringwĕngonecalonharang, nemasolaḥbisaneṣṭi, manglĕ kasangjapamantra, mangdeyasamikĕbus, samipadhamangrangsukang, yabicari, samingawadaneyaña. nemangrangdalangsinglañjar̀, rāgal̥ĕmuḥmangedanin, nakapañjangjrijimĕros, rambutedhadĕmdĕmgĕmpuk, ha listajĕpbukagilap, susuñangkiḥ, masubĕngdadoresan. nemangrarungsadabĕngaḥ, rūpahayumangedanin, rambutbarakgimbĕlr̥ĕko, ragapañjangbuwinlandung, singpolahangpamĕlaḥ, mangedani

Leaf 7

Image on Archive.org

[᭗ 7B] ᭗ ᬦ᭄᭞ᬫᬲᬸᬩᭂᬂᬬᬳᭂᬧᭂᬢ᭄ᬳᭂᬧᭂᬢᬦ᭄᭟ᬦᬾᬫᬗᬸᬬᬂᬲᬤᬚᬶᬗ᭄ᬕᬵ᭞ᬓᭂᬜᬸᬂᬫᬦᬶᬲ᭄ᬫᬗᬾᬤᬦᬶᬦ᭄᭞ᬭᬫ᭄ᬩᬸᬢ᭄ᬕᬤᬶᬂᬧᬜ᭄ᬚᬂᬋᬓᭀ᭞ᬳᬢᬾᬦ᭄ᬳᬢᬾᬦᬦ᭄ᬧᬥᬳᬮᬸᬲ᭄᭞ᬚ᭄ᬭᬶᬚᬶᬫᭂᬭᭀᬲ᭄‌ᬦᬓᬧᬜ᭄ᬚᬂ᭞ᬢᬸᬃᬫᬮᬸᬗᬶᬤ᭄᭞ᬢᬢᬶᬗᬮᬾᬜᬗ᭄ᬕᬩᬸᬮᬦ᭄ ᭟ᬦᬾᬫᬗᬼᬦ᭄ᬤᬓᬸᬦᬶᬂᬲᬫᬃ᭞ᬳᬮᬶᬲ᭄ᬢᬚᭂᬧ᭄ᬫᬸᬯᬂᬫᬮᬸᬗᬶᬤ᭄᭞ᬭᬫ᭄ᬩᬸᬢᬾᬬᬓᬸᬦᬶᬂᬋᬓᭀ᭞ᬧᬮᬶᬬᬢᬾᬜᬮᬂᬳᬮᬸᬲ᭄᭞ᬩᬶᬦ᭄ᬢᬶᬢ᭄‌ᬬᬜᬦ᭄ᬤᬂᬫᬾᬦ᭄ᬤ᭄ᬭ᭞ᬫᬗ᭄ᬭᬘᬧᬶᬦ᭄᭞ᬫᬲᬸᬧᭂᬂᬬᬮᬮᭀᬦᭀᬳᬦ᭄᭟ᬦᬾᬳᬸᬘᬧᬂᬲᬤᬫᬾᬗᬲ᭄᭞ᬳ ᬯᬓ᭄‌ᬳᬾᬦ᭄ᬤᬾᬧ᭄‌ᬩᬸᬯᬶᬦ᭄ᬤᭂᬓᬶᬮ᭄᭞ᬭᬫ᭄ᬩᬸᬢ᭄ᬚᬳᬂᬳᬶᬗ᭄ᬕᭂᬮ᭄ᬋᬓᭀ᭞ᬳᬯᬓ᭄ᬢᬸᬩᬸᬕ᭄‌ᬩᬸᬯᬶᬦ᭄ᬕᭂᬭᬸᬄ᭞ᬳᬗᬶᬂᬬᬧᬮᬶᬂᬲᬬᬂ᭞ᬫᬗᬶᬢᬸᬗᬶᬦ᭄᭞ᬤᬤᬶᬳᬶᬲᬶᬦ᭄ᬧᬧᬋᬕᬦ᭄᭟ᬦᬾᬫᬕᭂᬦ᭄ᬤᬶᬂᬲᬤᬦᬶᬮ᭞ᬭᬫ᭄ᬩᬸᬢ᭄ᬧᬜ᭄ᬚᬂᬤᭂᬫ᭄ᬤᭂᬫ᭄‌ᬯᬶᬮᬶᬲ᭄᭞ᬦᬓ ᬧᬜ᭄ᬚᬂᬚ᭄ᬭᬶᬚᬶᬫᭂᬭᭀᬲ᭄᭞ᬩᬜ᭄ᬘᬗᬾᬗᬮᬸᬗ᭄ᬕᬂᬳᬮᬸᬲ᭄᭞ᬲᬸᬲᬸᬜᬗ᭄ᬓᬶᬄᬩᬸᬓᬕᬶᬮᬧ᭄᭞ᬭᬹᬱᬍᬯᬶᬄ᭞ᬲᬶᬂᬳᬩᭂᬢᬂᬧᬥᬫᭂᬮᬄ᭟ᬦᬾᬗ᭄ᬯᬤᬦᬧᬸᬢᬶᬄᬜᬮᬂ᭞ᬳᬤᭂᬕ᭄ᬮᬜ᭄ᬚᬃᬫᬗᬾᬤᬦᬶᬦ᭄᭞ᬭᬫ᭄ᬩᬸᬢ᭄ᬲᬫᬄᬤᭂᬫ᭄ᬤᭂᬫ᭄ᬋᬓᭀ᭞ᬳᬮᬶᬲᬾ [᭘ 8A] ᬧᬜ᭄ᬚᬂᬫᭂᬍᬘᬸᬢ᭄᭞ᬳᬸᬮᬢ᭄ᬳᬸᬮᬢ᭄ᬲᬤᬫᬾᬦ᭄ᬤ᭄ᬭ᭞ᬫᬗ᭄ᬭᬜ᭄ᬘᬧᬶᬦ᭄᭞ᬧᬮᬶᬬᬢ᭄ᬫᬧᬘᬂᬘᬶᬤ᭄ᬭ᭟ᬍᬦ᭄ᬤᬶᬤᬤᬸᬭᬹᬧᬦᬾᬤ᭄ᬬ᭞ᬧᬗᬯᬓᬦ᭄ᬧᬸᬥᬓ᭄ᬲᬵᬭᬶ᭞ᬫᬬᬂᬧᬭᬹᬧᬦ᭄ᬬᬗ᭄ᬮᬬᭀᬦ᭄᭞ᬧᬮᬶᬬᬢᬾᬲᬦ᭄ᬥᬋᬗᬸ᭞ᬫᬳᬫ᭄ᬩᭂᬓᬦ᭄ᬲᬤᬕᬮᬓ᭄᭞ᬫᬗ᭄ᬭᬜ᭄ᬘᬧᬶᬦ᭄᭞ ᬫᬗ᭄ᬕᬯᬾᬬᬓᬕᬾᬮᭀᬢᬦ᭄᭟ᬲᬫᬶᬧᬥᬗ᭄ᬭᬗ᭄ᬲᬸᬓ᭄ᬧᬤᬲ᭄᭞ᬧᬥᬕᬯᭀᬓ᭄ᬫᬦᬶᬂᬳᬮᬶᬦ᭄᭞ᬧᬗᬗ᭄ᬕᭀᬦᬾᬲᬫᬶᬓᬯᭀᬢ᭄᭞ᬓᬸᬫᬭᬜᬗ᭄ᬲᬫᬶᬮᬸᬳᬸᬂ᭞ᬫᬲᭂᬓᬃᬤᬤᬸᬤᬸᬧᬫᭂᬮᬄ᭞ᬧᬓᭂᬭᬶᬤᬶᬂ᭞ᬧᬓᭂᬜᬶᬢ᭄ᬓᬤᬶᬓᬸᬦᬂᬓᬸᬦᬂ᭟ ........᭞.......᭞...ᬧᬥᬫᬧᬚᭂᬂᬭᭀᬩ᭄ᬭᭀᬩ᭄᭞ᬫᬍᬦ᭄ᬢᬾᬭᬂᬤᬫᬃᬮᬫ᭄ᬧᬸ᭞ᬲᬸᬦ᭄ᬤᬭᬾᬫᬗᬮᬂᬩᬸᬮᬦ᭄᭞ᬦᬾᬦᬾᬫᬗ᭄ᬓᬶᬦ᭄᭞ᬕᬕᬫᭂᬮᬦᬾᬫᬲ᭄ᬯᬭ᭟ᬢᬢᬩ᭄ᬯᬦ᭄ᬧᬥᬫᭂᬮᬄ᭞ᬧᬧᬸᬮᬗᬾᬫᬜ᭄ᬮᬦᬶᬦ᭄᭞ ᬦᬾᬫᬦᭀᬦ᭄ᬢᭀᬦ᭄ᬲᬫᬶᬕᬯᭀᬓ᭄᭞ᬮᬦᬂᬳᬶᬲ᭄ᬢ᭄ᬭᬶᬧᬥᬭᬯᬸᬄ᭞ᬲᬵᬫ᭄ᬧᬸᬦ᭄ᬧᭂᬧᭂᬓ᭄ᬤᬶᬩᬜ᭄ᬘᬶᬗᬄ᭞ᬯᬦ᭄ᬢᬶᬯᬦ᭄ᬢᬶ᭞ᬳᬤᬮᬩᬸᬄᬫᬜᬸᬭᬾᬦ᭄ᬤᬂ᭟ᬳᬤᬳᭂᬮᬸᬂᬢᬍᬲ᭄ᬢᬶᬫ᭄ᬧᬮ᭄᭞ᬳᬤᬮᬩᬸᬄᬲᭂᬗᬶᬲᭂᬗᬶ᭞ᬳᬤᬫᬳᬶᬗᬸᬓᬦ᭄ᬋᬓᭀ᭞ᬳᬤ

Auto-transliteration

[7 7B] 7 n, masubĕngyahĕpĕt'hĕpĕtan. nemanguyangsadajinggā, kĕñungmanismangedanin, rambutgadingpañjangr̥ĕko, hatenhatenanpadhahalus, jrijimĕrosnakapañjang, tur̀malungid, tatingaleñanggabulan . nemangl̥ĕndakuningsamar̀, halistajĕpmuwangmalungid, rambuteyakuningr̥ĕko, paliyateñalanghalus, bintityañandangmendra, mangracapin, masupĕngyalalonohan. nehucapangsadamengas, ha wak'hendepbuwindĕkil, rambutjahanghinggĕlr̥ĕko, hawaktubugbuwin'gĕruḥ, hangingyapalingsayang, mangitungin, dadihisinpapar̥ĕgan. nemagĕndingsadanila, rambutpañjangdĕmdĕmwilis, naka pañjangjrijimĕros, bañcangengalungganghalus, susuñangkiḥbukagilap, rūṣal̥ĕwiḥ, singhabĕtangpadhamĕlaḥ. nengwadanaputiḥñalang, hadĕglañjar̀mangedanin, rambutsamaḥdĕmdĕmr̥ĕko, halise [8 8A] pañjangmĕl̥ĕcut, hulat'hulatsadamendra, mangrañcapin, paliyatmapacangcidra. l̥ĕndidadurūpanedya, pangawakanpudhaksāri, mayangparūpanyanglayon, paliyatesandhar̥ĕngu, mahambĕkansadagalak, mangrañcapin, manggaweyakagelotan. samipadhangrangsukpadas, padhagawokmaninghalin, panganggonesamikawot, kumarañangsamiluhung, masĕkar̀dadudupamĕlaḥ, pakĕriding, pakĕñitkadikunangkunang. ........, ......., ...padhamapajĕngrobrob, mal̥ĕnterangdamar̀lampu, sundaremangalangbulan, nenemangkin, gagamĕlanemaswara. tatabwanpadhamĕlaḥ, papulangemañlanin, nemanontonsamigawok, lananghistripadharawuḥ, sāmpunpĕpĕkdibañcingaḥ, wantiwanti, hadalabuḥmañurendang. hadahĕlungtal̥ĕstimpal, hadalabuḥsĕngisĕngi, hadamahingukanr̥ĕko, hada

Leaf 8

Image on Archive.org

[᭘ 8B] ᭘ ᬜᬓᬃᬲᭂᬮᬾᬂᬕᬯᬸᬓ᭄᭞ᬳᬤᬗᬮᬶᬄᬢᭀᬗᭀᬲ᭄ᬦᭂᬕᬓ᭄᭞ᬬᬫᬩᬮᬶᬄ᭞ᬲᬫᬶᬳᬗᭀᬩ᭄‌ᬬᬗᬦ᭄ᬢᭂᬦᬂ᭟ᬲᭀᬲ᭄ᬬᬦᬾᬬᬚᬦᬶᬫᭂᬤᬮ᭄᭞ᬧᬥᬗᬯᬧᬚᭂᬂᬍᬯᬶᬄ᭞ᬧᬚᭂᬂᬫ᭄ᬭᬓ᭄ᬮᬦ᭄ᬧᬚᭂᬂᬳᬶᬚᭀ᭞ᬧᬚᭂᬂᬩᬭᬓ᭄ᬮᬦ᭄ᬧᬚᭂᬂᬤᬤᬸ᭞ᬧᬚᭂᬂᬫᬵᬲ᭄ᬮᬦ᭄ᬧᬚᭂᬂ ᬧᭂᬢᬓ᭄᭞ᬧᬚᭂᬂᬓᬸᬦᬶᬂ᭞ᬧᬚᭂᬂᬲᬸᬢ᭄ᬭᬦᬾᬢᬦ᭄ᬧᬲᬄ᭟ᬲᬵᬫ᭄ᬧᬸᬦ᭄ᬲᬫᬶᬗ᭄ᬓᬸᬮᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬦᬾᬫᬩᬮᬶᬄᬲᬫᬶᬗᭂᬮᭀᬄ᭞ᬲᬶᬲ᭄ᬬᬦᬾᬫᬲᭀᬮᬄᬲᬵᬫ᭄ᬧᬸᬦ᭄᭞ᬫᬗᬶᬕᬼᬫᬬᬂ᭞ᬗᬺᬲᬂᬳᬢᬶ᭞ᬲᬫᬶᬚᭂᬚᭂᬄᬫᬗᬦ᭄ᬢᭂ ᬦᬂ᭟ᬧᬥᬫᭂᬮᬄᬲᬲᭀᬮᬄᬦ᭄ᬬ᭞ᬧᬥᬬᬫᬗᬯᬕᭂᬦ᭄ᬤᬶᬂ᭞ᬳᬶᬫᬶᬱᬯᬤᬦᬋᬓᭀ᭞ᬫᬗᬧᬶᬃᬧᬶᬃᬮᬯᬸᬢ᭄ᬗᬗ᭄ᬕᬸᬢ᭄᭞ᬫᬳᬶᬭᬶᬩ᭄ᬫᬗᭂᬚᬸᬓ᭄ᬓᬢᬓ᭄᭞ᬫᬤᬾᬂᬓᬼᬧ᭄᭞ᬲᬫᬶᬕᬯᭀᬓ᭄ᬫᬦᭀᬦ᭄ᬢᭀᬦᬂ᭟ᬦᬶᬍᬦ᭄ᬤᬚᬦᬶᬓᭀᬘᬧ ᬳᬾᬦᬸᬤᬸᬢ᭄ᬳᬢᬶ᭞ᬲᬶᬂᬩᬶᬓᬲᬂᬧᬥᬳᬗᭀᬩ᭄᭞ᬲᬬᬦ᭄ᬋᬲ᭄ᬋᬱ᭄‌ᬲ᭄ᬯᬾᬫᬦ᭄ᬥᬸᬮᬸ᭞ᬧᬮᬸᬬᬫᬗᭂᬚᬸᬓ᭄ᬤᭀᬗ᭄ᬓᬂ᭞ᬫ᭄ᬯᬂᬦᬦᬶᬧᬶ᭞ᬲᬲᭀᬮᬳᬾᬲᬤᬕᬮᬓ᭄᭟ᬦᬶᬍᬦ᭄ᬤᬚᬦᬶᬓᭀᬘᬧ᭞ᬫᬗᬶᬕᭂᬮ᭄ᬤᬤᬶᬥᬥᬭᬶ᭞ᬩᬚᬂᬲᭂᬮᬾᬄᬳᬬᬸᬳ᭠ [᭙ 9A] ᬦᭀᬫ᭄᭞ᬯᬢᭂᬓ᭄ᬤᬾᬯᬢᬫᬘᭂᬩᬸᬕ᭄᭞ᬫᬳᬶᬭᬶᬩ᭄ᬜᬦ᭄ᬤᬂᬧᬚᭂᬂᬫᬵᬲ᭄᭞ᬫᬗᬶᬕᭂᬭᬶᬦ᭄᭞ᬯᬮᬸᬬᬕᭂᬦ᭄ᬢᬯᬂᬕᬮᬓ᭄᭟ᬦᬶᬮᬭᬸᬂᬫᬗ᭄ᬓᬶᬦ᭄ᬓᭀᬘᬧ᭞ᬫᬓᭂᬩᬸᬃᬩᬸᬓᬕᬸᬯᬵᬓ᭄ᬲᬶ᭞ᬫᬶᬩᭂᬃᬥᬫᬗ᭄ᬮᬬᬂᬋᬓᭀ᭞ᬦᬾᬦᭀᬦ᭄ᬢᭀᬦ᭄ᬫᬗᭂᬢᭀᬃᬮᬯᬸᬢ᭄᭞ᬦᬾ ᬦᬶᬂᬚᭂᬚᭂᬄᬫᬗᬦ᭄ᬢᭂᬦᬂ᭞ᬦᬾᬦᬾᬚᬦᬶ᭞ᬫᬳᬶᬭᬶᬩ᭄ᬫᬜᬫ᭄ᬩᬸᬢ᭄ᬳᬢ᭄ᬫ᭟ᬳᬶᬕᬸᬬᬂᬫᬗ᭄ᬓᬶᬦ᭄ᬓᭀᬘᬧ᭞ᬫᬤᭂᬤᬾᬂᬓ᭄ᬮᬾᬂᬦᬸᬤᬶᬂᬮᬗᬶᬢ᭄᭞ᬭᬱᬜᬫᬜᬜᬧ᭄ᬋᬓᭀ᭞ᬮᬯᬸᬢ᭄‌ᬬᬫᬤᭂᬂᬩᬬᬸ᭞ᬤᬤᬶᬳᭀᬳᭀᬦ᭄‌ᬬᬫᬓᭂᬚᬂ᭞ᬬᬫᬩᬮᬶᬄ᭞ᬩᬸᬓ ᬢ᭄ᬯᬭᬗᭂᬮᬄᬳᬢ᭄ᬫᬵ᭟ᬳᬶᬕᬦ᭄ᬤᬶᬫᬗ᭄ᬓᬶᬦ᭄ᬓᭀᬘᬧ᭞ᬲᬲᭀᬮᬳᬾᬓᬵᬤᬶᬫᬾᬲᬶ᭞ᬫᬾᬗᬲ᭄ᬫᬾᬗᭀᬲ᭄ᬩᬸᬮᬸᬕᬾᬫ᭄ᬩ᭄ᬭᭀᬂ᭞ᬯᬮᬸᬬᬫᬗᭂᬤᭂᬂᬯᬤᬸᬓ᭄᭞ᬢᭂᬮᬲ᭄ᬤᬕᬶᬂᬚᬚ᭄ᬭᭀᬯᬦ᭄᭞ᬦᬾᬦᬾᬫᬗ᭄ᬓᬶᬦ᭄᭞ᬫᬓᭂᬲ᭄ᬬᬩ᭄‌ᬦᬾᬗᬚᬓ᭄ᬧᬦᬓ᭄᭟ ᬳᬶᬯᭂᬓ᭄ᬫᬗ᭄ᬓᬶᬦ᭄ᬓᭀᬘᬧ᭞ᬫᬓᬓᭂᬩ᭄ᬯᬗᬮᬸᬫ᭄ᬩᬶᬄᬕᬸᬫᬶ᭞ᬭᬭᬶᬲ᭄‌ᬬᬫᬕᬳᬂᬋᬓᭀ᭞ᬫᬚᬮᬦ᭄ᬲᬫ᭄ᬩᬶᬮ᭄ᬫᬢᬶᬫ᭄ᬧᬸᬄ᭞ᬯᬮᬸᬬᬫᬗᬮᬶᬄᬧᬗᬦ᭄᭞ᬳᬦᬓ᭄ᬫᬢᬶ᭞ᬤᬶᬫᬵᬃᬕ᭄ᬕᬦᬾᬬᬫᬗᬦ᭄ᬤᬂ᭟ᬳᬶᬭᬗ᭄ᬤᬫᬗ᭄ᬓᬶᬦ᭄ᬓᭀᬘᬧ᭞ᬕ᭄ᬭᬬᬄᬕ᭄ᬭᬸᬬᬸᬄᬳᬦᬓ᭄ᬮᬶ

Auto-transliteration

[8 8B] 8 ñakar̀sĕlenggawuk, hadangaliḥtongosnĕgak, yamabaliḥ, samihangobyangantĕnang. sosyaneyajanimĕdal, padhangawapajĕngl̥ĕwiḥ, pajĕngmraklanpajĕnghijo, pajĕngbaraklanpajĕngdadu, pajĕngmāslanpajĕng pĕtak, pajĕngkuning, pajĕngsutranetanpasaḥ. sāmpunsamingkulan, tumulirarismamar̀ggi, nemabaliḥsamingĕloḥ, sisyanemasolaḥsāmpun, mangigl̥ĕmayang, ngr̥ĕsanghati, samijĕjĕḥmangantĕ nang. padhamĕlaḥsasolaḥnya, padhayamangawagĕnding, himiṣawadanar̥ĕko, mangapir̀pir̀lawutnganggut, mahiribmangĕjukkatak, madengkl̥ĕp, samigawokmanontonang. nil̥ĕndajanikocapa henudut'hati, singbikasangpadhahangob, sayanr̥ĕsr̥ĕṣswemandhulu, paluyamangĕjukdongkang, mwangnanipi, sasolahesadagalak. nil̥ĕndajanikocapa, mangigĕldadidhadhari, bajangsĕleḥhayuha‐ [9 9A] nom, watĕkdewatamacĕbug, mahiribñandangpajĕngmās, mangigĕrin, waluyagĕntawanggalak. nilarungmangkinkocapa, makĕbur̀bukaguwāksi, mibĕr̀dhamanglayangr̥ĕko, nenontonmangĕtor̀lawut, ne ningjĕjĕḥmangantĕnang, nenejani, mahiribmañambut'hatma. higuyangmangkinkocapa, madĕdengklengnudinglangit, raṣañamañañapr̥ĕko, lawutyamadĕngbayu, dadihohonyamakĕjang, yamabaliḥ, buka twarangĕlaḥhatmā. higandimangkinkocapa, sasolahekādimesi, mengasmengosbulugembrong, waluyamangĕdĕngwaduk, tĕlasdagingjajrowan, nenemangkin, makĕsyabnengajakpanak. hiwĕkmangkinkocapa, makakĕbwangalumbiḥgumi, rarisyamagahangr̥ĕko, majalansambilmatimpuḥ, waluyamangaliḥpangan, hanakmati, dimār̀gganeyamangandang. hirangdamangkinkocapa, grayaḥgruyuḥhanakli

Leaf 9

Image on Archive.org

[᭙ 9B] ᭙ ᬗ᭄ᬲᬶᬃ᭟ᬢᬢᭂᬓᭂᬦᬾᬢᬦ᭄ᬳᬤᭀᬄ᭞ᬧᬚᬮᬦᬾᬚ᭄ᬭᬦᬄᬚ᭄ᬭᬸᬦᬸᬄ᭞ᬤᬦᬾᬭᬗ᭄ᬤᬳᬦᬓ᭄ᬧᭂᬤᬲ᭄᭞ᬯᬶᬭᬾᬄᬮᬶᬗ᭄ᬲᬶᬃ᭞ᬢ᭄ᬯᬭᬫᬫ᭄ᬧᬸᬄᬬᬫᬚᬮᬦ᭄᭟ᬢᬦ᭄ᬓᭀᬘᬧᬫᬭᬶᬂᬤᬮᬦ᭄᭞ᬭᬭᬶᬲ᭄ᬮᬩᬸᬄᬫᬗᬸᬮᬶᬮᬶᬂ᭞ᬧ᭄ᬭᬡᬓᬤᬾᬜᬕ᭄ᬚᬕ᭄ᬳᬧᭀᬢ᭄᭞ᬲᬫᬶ ᬦ᭄ᬭᬫ᭄ᬧᬕᬸᬲ᭄ᬢᬶᬦ᭄ᬳᬶᬧᬸᬦ᭄᭞ᬤᬾᬦᬶᬂᬕᬸᬬᬸᬮᬕ᭄ᬭᬶᬚᬸᬤᬦ᭄᭞ᬦᬾᬦᬾᬫᬗ᭄ᬓᬶᬦ᭄᭞ᬚᬦᬶᬓᭂᬤᬾᬓ᭄‌ᬬᬫᬩ᭄ᬭᬶᬬᬓ᭄᭟ᬫᬓᭀᬮᭀᬗᬦ᭄ᬭᬶᬂᬩᬜ᭄ᬘᬶᬗᬄ᭞ᬤᬦᬾᬭᬗ᭄ᬤᬭᬭᬶᬲ᭄‌ᬦᬶᬗ᭄ᬓᬶᬓ᭄᭞ᬫᬗᬶᬕᭂᬮ᭄‌ᬬᬭᬾᬬᬤ᭄‌ᬭᬾᬬᭀᬤ᭄᭞ᬳᬤᬓᬾᬬ ᬓᭂᬤᬾᬓ᭄ᬮᬶᬬᬸ᭞ᬫᬓᭀᬮᭀᬗᬦ᭄ᬤᬶᬩᬜ᭄ᬘᬶᬗᬄ᭞ᬯᬦ᭄ᬢᬶᬯᬦ᭄ᬢᬶ᭞ᬳᬤᬢᬓᬸᬢ᭄ᬢᭂᬓᬾᬦ᭄ᬳᬯᬓ᭄᭟ᬳᬤᬗᬶᬤᭂᬫ᭄ᬳᬤᬗᭂᬤᬢ᭄᭞ᬳᬤᬗᭂᬮᬶᬂᬳᬤᬫᭂᬮᬳᬶᬩ᭄᭞ᬳᬤᬮᬩᬸᬄᬧᬢᬶᬧᬳᭀᬓ᭄᭞ᬳᬤᬫᬜᭂᬩᬸᬭᬶᬦ᭄ᬧᬗ᭄ᬓᬸᬂ᭞ᬳᬤᬫᬗᬜᬸ ᬤᬂᬳᬯᬓ᭄᭞ᬫᬭᬶᬂᬧᬲᬶᬄ᭞ᬳᬤᬬᬦᭂᬧᬾᬦ᭄ᬧᬭᬗᬦ᭄᭟ᬳᬤᬬᬦᭂᬧᬾᬦ᭄ᬧᬭᬗᬦ᭄᭟ᬳᬤᬮᬩᬸᬄᬗᬚᬓ᭄ᬧᬦᬓ᭄᭞ᬳᬤᬳᬗ᭄ᬭᬶᬜᬂᬚᭂᬭᬢ᭄ᬚᭂᬭᬶᬢ᭄᭞ᬕᬤᬮᬾᬦᬦ᭄ᬳᬦᬓ᭄‌ᬭᭀᬕᭀᬄ᭞ᬳᬤᬕᭂᬍᬫ᭄ᬫᬗᬮᬸᬄᬕᬸᬄ᭞ᬳᬤᬬᬜᬓᬶᬢᬂᬩᬲᬂ᭞ᬚᬸᬫ᭄ᬧ᭄ᬭᬢ᭄ᬚᬸᬫ᭄ᬧ᭄ᬭᬶᬢ᭄᭞ [᭑᭐ 10A] ᬳᬤᬬᬫᬗ᭄ᬭᬧᬾᬧᬦᬓ᭄᭟ᬳᬤᬮᬮᬶᬭᬶᬦ᭄ᬖ᭄ᬳᬸᬫᬄᬦ᭄ᬬ᭞ᬧᬥᬤᭂᬫᭂᬦ᭄‌ᬬᬫᬩᬮᬶᬄ᭞ᬳᬤᬬᬫᬗᬫ᭄ᬩᬸᬮ᭄ᬋᬓᭀ᭞ᬫᬘᬘᬮᬢ᭄ᬯᬭᬫᬦ᭄ᬢᬸᬓ᭄᭞ᬭᬭᬶᬲ᭄ᬗᬸᬢᬂᬧ᭄ᬬᬦᬓ᭄ᬲᭀᬫᬄ᭞ᬦᬾᬚᬦᬶ᭞ᬢᬦ᭄ᬳᬸᬭᬸᬂᬫᬤᬬᬭᬸᬲᬓ᭄᭟ᬳᬤᬳᬦᬓ᭄‌ᬲᬤ ᬩᬚᬂ᭞ᬧᬗ᭄ᬭᬯᭀᬲᬾᬫᬸᬗᬄᬫᬗᬶᬄ᭞ᬮᬾᬦ᭄ᬢᭀᬳᬤᬳᬦᬓ᭄ᬧᬾᬭᭀᬢ᭄᭞ᬫᬚᬮᬦ᭄‌ᬬᬤᭂᬂᬓ᭄ᬮᬓ᭄ᬤᭂᬂᬓ᭄ᬮᬸ᭠ᬓ᭄᭞ᬳᬶᬬᬗᬯᬾᬩᬩᬯᬸᬤᬦ᭄᭞ᬤᭂᬂᬓ᭄ᬮᬓ᭄ᬤᭂᬂᬓ᭄ᬮᬶᬓ᭄᭞ᬩᬸᬗᬸᬢᬾᬮᬶᬗ᭄ᬕᬄᬳᬲᬶᬩᬓ᭄᭟ᬤᬶᬢᬸᬓᭂᬤᬾᬓ᭄ᬫᬭᭀᬯᬦ᭄᭞ᬳᬤ ᬳᬦᬓ᭄ᬧᬸᬢᬶᬄᬕᬤᬶᬂ᭞ᬧᭂᬲᬸᬢᬳᬶᬫᬶᬲᬶᬂᬗᭂᬲᭀᬃ᭞ᬳᬦᬓᬾᬮᬶᬬᬸᬓᬲᬶᬫ᭄ᬩᬸᬄ᭞ᬤᬶᬢᬸᬳᬦᬓᬾᬫᬓᭂᬚᬂ᭞ᬓᭂᬦᬢᬳᬶ᭞ᬳᬤᬫᬜᬸᬄᬧᬓᭂᬘᬶᬭᬢ᭄᭟ᬳᬶᬭᬗ᭄ᬤᬫᬗ᭄ᬓᬶᬦ᭄ᬓᭀᬘᬧ᭞ᬫᬓᬓᬸᬤᬸᬂᬲᬃᬯ᭄ᬯᬧᬸᬢᬶᬄ᭞ᬲᬬᬦ᭄ᬋᬱ᭄ᬋᬲ᭄‌ᬯᭀᬂ ᬫᬦᭀᬦ᭄ᬢᭀᬦ᭄᭞ᬤᬦᬾᬭᬗ᭄ᬤᬫᬕᬵᬳᬸᬦᬸᬓ᭄᭞ᬲᬶᬲ᭄ᬬᬦᬾᬬᬧᬥᬕᬾᬯᬃ᭞ᬫᬜᬕ᭄ᬚᬕᬶᬦ᭄᭞ᬤᬦᬾᬭᬗ᭄ᬤᬬᬓᬤᬦ᭄ᬤᬦ᭄᭟ᬧᬚᬮᬦᬾᬫᬗᬤᬾᬗᬂ᭞ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬧᬸᬭᬶ᭞ᬤᬦᬾᬭᬗ᭄ᬤᬍᬲᬸᬋᬓᭀ᭞ᬓᬧᬦᬺᬫᬦ᭄‌ᬬ

Auto-transliteration

[9 9B] 9 ngsir̀. tatĕkĕnetanhadoḥ, pajalanejranaḥjrunuḥ, danerangdahanakpĕdas, wireḥlingsir̀, twaramampuḥyamajalan. tankocapamaringdalan, rarislabuḥmanguliling, praṇakadeñagjag'hapot, sami nrampagustinhipun, deningguyulagrijudan, nenemangkin, janikĕdekyamabriyak. makolonganringbañcingaḥ, danerangdararisningkik, mangigĕlyareyadreyod, hadakeya kĕdekliyu, makolongandibañcingaḥ, wantiwanti, hadatakuttĕkenhawak. hadangidĕmhadangĕdat, hadangĕlinghadamĕlahib, hadalabuḥpatipahok, hadamañĕburinpangkung, hadamangañu danghawak, maringpasiḥ, hadayanĕpenparangan. hadayanĕpenparangan. hadalabuḥngajakpanak, hadahangriñangjĕratjĕrit, gadalenanhanakrogoḥ, hadagĕl̥ĕmmangaluḥguḥ, hadayañakitangbasang, jumpratjumprit, [10 10A] hadayamangrapepanak. hadalaliringhhumaḥnya, padhadĕmĕnyamabaliḥ, hadayamangambulr̥ĕko, macacalatwaramantuk, rarisngutangpyanaksomaḥ, nejani, tanhurungmadayarusak. hadahanaksada bajang, pangrawosemungaḥmangiḥ, lentohadahanakperot, majalanyadĕngklakdĕngklu‐k, hiyangawebabawudan, dĕngklakdĕngklik, bungutelinggaḥhasibak. ditukĕdekmarowan, hada hanakputiḥgading, pĕsutahimisingngĕsor̀, hanakeliyukasimbuḥ, dituhanakemakĕjang, kĕnatahi, hadamañuḥpakĕcirat. hirangdamangkinkocapa, makakudungsar̀wwaputiḥ, sayanr̥ĕṣr̥ĕswong manonton, danerangdamagāhunuk, sisyaneyapadhagewar̀, mañagjagin, danerangdayakadandan. pajalanemangadengang, sāmpunrawuḥmaringpuri, danerangdal̥ĕsur̥ĕko, kapanr̥ĕmanya

Leaf 10

Image on Archive.org

[᭑᭐ 10B] ᭑᭐ ᬳᬢᬸᬭᬸ᭞ᬯᬯᬸᬢᬸᬭᬸᬢᬸᬭᬸᬳᬬᬫ᭄᭞ᬤᬦᬾᬦᬾᬗᬶᬧᬶ᭞ᬭᬭᬶᬲ᭄ᬩᬗᬸᬦ᭄‌ᬬᬫᬕᬾᬩ᭄ᬭᬲ᭄᭟ᬤᬦᬾᬭᬗ᭄ᬤᬫᬓᬯᬸᬓᬦ᭄᭞ᬮᬶᬬᬸᬧᬥᬫᬜᬕ᭄ᬚᬕᬶᬦ᭄᭞ᬧᬸᬦᬧᬶᬦᬶᬓᬬᬂᬋᬓᭀ᭞ᬭᬶᬂᬢᬶᬢ᭄ᬬᬂᬤᬾᬯᬭᬢᬸ᭞ᬤᬦᬾᬭᬗ᭄ᬤᬫᭂᬗᬦ᭄ᬤᬬᬂ᭞ᬫᬾᬫᬾ ᬗᬶᬧᬶ᭞ᬭᬭᬶᬲ᭄ᬩᬗᬸᬦ᭄‌ᬬᬫᬕᬾᬩ᭄ᬭᬲ᭄᭟ᬤᬦᬾᬭᬗ᭄ᬤᬫᬓᬯᬸᬓᬦ᭄᭞ᬳᬸᬫᬳᬾᬭᬸᬲᬓ᭄ᬤᬶᬧᬗᬶᬧᬶ᭞ᬳᬧᬧᬘᬂᬤᬤ᭄ᬬᬜᬋᬓᭀ᭞ᬫᬦᬄᬫᬾᬫᬾᬲ᭄ᬭᬶᬬᬂᬲ᭄ᬭᬶᬬᬸᬂ᭞ᬚᬦᬶᬓᬾᬦ᭄ᬓᬾᬦ᭄ᬩᬦ᭄ᬫᬤᬬ᭞ᬩᬸᬓᬚᬦᬶ᭞ᬳᬧᬂᬬᬤᬤᬶᬋᬓᬬᬂ᭟ᬳᭂ ᬗ᭄ᬲᬧ᭄‌ᬢᭀᬂᬤᬤᬶᬳᭂᬗ᭄ᬲᬧᬂ᭞ᬤᬤᬶᬳᬶᬗᭂᬢ᭄ᬤᬸᬓᬾᬗᬶᬧᬶ᭞ᬓᭂᬦᭂᬳᬾᬬᬲᬬᬦ᭄ᬳᭀᬳᭀᬦ᭄᭞ᬲᬤᬸᬓᬾᬫᬾᬫᬾᬳᬢᬸᬭᬸ᭞ᬤᬤᬶᬫᬾᬫᬾᬫᬲ᭄ᬬᬸᬄ᭞ᬢᭂᬗᬄᬯᭂᬗᬶ᭞ᬳᭂᬦ᭄ᬢᭀᬫᬾᬫᬾᬫᬤᬸᬳᬸᬭᬂ᭟ᬓᬾᬢᭀᬜᬳᬶᬚᬦᬶᬧᬥᬫ ᬗᬶᬢᬸᬗᬶᬦ᭄ᬫᬾᬫᬾᬚᬦᬶ᭞ᬓᭂᬦᭂᬄᬫᬾᬫᬾᬢ᭄ᬯᬄᬳᬓᬾᬢᬶ᭞ᬲᬶᬲ᭄ᬬᬦᬾᬭᬭᬶᬲ᭄ᬫᬳᬢᬸᬃ᭞ᬢᬶᬢ᭄ᬬᬂᬫᬢᬸᬃᬓᬲᬶᬲᬶᬧᬦ᭄᭞ᬦᬾᬦᬾᬚᬦᬶ᭞ᬪᭀᬬᬓᬢᬸᬃᬳᬦ᭄ᬢᬸᬓ᭄ᬢᬶᬢ᭄ᬬᬂ᭟ᬤᬦᬾᬭᬗ᭄ᬤᬬᬫᬗᬸᬘᬧ᭄᭞ᬓᭂᬦᭂᬄᬦᬶᬭᬦᬾᬦᬾᬚᬦᬶ᭞ᬧᬃᬡ᭄ᬦ᭠ [᭑᭑ 11A] ᬦ᭄ᬫᬾᬫᬾᬚᬦᬶᬋᬓᭀ᭞ᬢᬦ᭄ᬯᬸᬭᬂᬩᬜ᭄ᬘᬦᬭᬯᬸᬄ᭞ᬜᬳᬶᬚᬦᬶᬧᬥᬬᬢᬸ᭞ᬳᬸᬮᬶᬚᬦᬶ᭞ᬜᬳᬶᬧᬥᬳᬧᬂᬬᬢ᭄ᬦ᭟ᬫᬾᬫᬾᬚᬦᬶᬧᭀᬮᬶᬄᬳᭀᬃᬢ᭞ᬧ᭄ᬭᬪᬸᬤᬳᬲᬳᬢ᭄ᬫᬗ᭄ᬓᬶᬦ᭄᭞ᬧᬋᬓ᭄ᬭᬶᬂᬭᬓᬦᬾᬋᬓᭀ᭞ᬭᬶᬂᬲᬂᬧ᭄ᬭᬪᬸᬤᬶᬭᬄᬲᬵ ᬫ᭄ᬧᬸᬦ᭄᭞ᬫᬗ᭄ᬭᬯᭀᬲᬂᬓᬤᬸᬓᬶᬢᬦ᭄᭞ᬦᬾᬦᬾᬚᬦᬶ᭞ᬢᬦ᭄ᬮᬶᬬᬦ᭄ᬫᬾᬫᬾᬓᬭᬯᭀᬲᬦ᭄᭟ᬚᬦᬶᬜᬳᬶᬫᬗᭂᬦᭂᬳᬂ᭞ᬓᬲᬸᬤ᭄ᬳᭀᬃᬣᬦᬾᬭᬶᬂᬦᬵᬕᬭ᭞ᬓᬵᬮᬬᬓᬚᬩᬋᬓᭀ᭞ᬘᭂᬭᬶᬓ᭄ᬓᭂᬮᬶᬄᬧᬥᬳᬸᬫᬸᬂ᭞ᬳᭂᬦ᭄ᬢᭀᬓ᭄ᬭᬡᬫᬾᬫᬾ ᬧᭂᬚᬄ᭞ᬤᬶᬦᬕᬭᬶ᭞ᬫᬾᬫᬾᬫᬫᬦᬲᬶᬦ᭄ᬚᬕᬢ᭄᭟ᬫᬾᬫᬾᬚᬦᬶᬧᬘᬂᬓ᭄ᬭᬜ᭄ᬘᬩ᭄᭞ᬳᬦ᭄ᬢᬸᬓ᭄ᬧ᭄ᬭᬪᬸᬚᬕᬢ᭄ᬲᬫᬶ᭞ᬜᬳᬶᬓᬾᬦ᭄ᬓᬾᬦ᭄ᬚᬦᬶᬋᬓᭀ᭞ᬦᬄᬳᭀᬭᬳᬂᬚᬦᬶᬫᬮᬸ᭞ᬳᬧᬂᬫᬾᬫᬾᬧᬥᬦᬯᬂ᭞ᬓᭂᬦᭂᬄᬜᬳᬶ᭞ᬢᬶᬢ᭄ᬬᬂᬗᬶᬭᬶᬂᬧᬓ ᬬᬸᬦᬦ᭄᭟ᬦᬄᬳᭀᬭᬳᬶᬦ᭄ᬚᬦᬶᬧᬥ᭞ᬜᬫᬦ᭄ᬜᬳᬶᬧᬥᬲᬫᬶ᭞ᬕᬸᬲ᭄ᬢᬶᬦ᭄ᬜᬳᬶᬳᬭᬶᬋᬓᭀ᭞ᬲᬶᬜᬤᬦᬾᬢ᭄ᬯᬭᬢᬶᬦᬸᬢ᭄᭞ᬳᬧ᭄ᬤᬦᬾᬓᬭᬶᬩᬚᬂ᭞ᬭᬵᬢ᭄ᬦᬫᬗ᭄ᬕᬮᬶ᭞ᬢᬶᬢ᭄ᬬᬂᬗᬶᬭᬶᬂᬧᬓᬬᬸᬦᬦ᭄᭟ᬳᬗ᭄ᬳᬶᬂᬳᭂᬳᬜᬳᬶᬯᬾᬭ᭞ᬲᬶ

Auto-transliteration

[10 10B] 10 haturu, wawuturuturuhayam, danenengipi, rarisbangunyamagebras. danerangdamakawukan, liyupadhamañagjagin, punapinikayangr̥ĕko, ringtityangdewaratu, danerangdamĕngandayang, meme ngipi, rarisbangunyamagebras. danerangdamakawukan, humaherusakdipangipi, hapapacangdadyañar̥ĕko, manaḥmemesriyangsriyung, janikenkenbanmadaya, bukajani, hapangyadadir̥ĕkayang. hĕ ngsaptongdadihĕngsapang, dadihingĕtdukengipi, kĕnĕheyasayanhohon, sadukememehaturu, dadimememasyuḥ, tĕngaḥwĕngi, hĕntomememaduhurang. ketoñahijanipadhama ngitunginmemejani, kĕnĕḥmemetwaḥhaketi, sisyanerarismahatur̀, tityangmatur̀kasisipan, nenejani, bhoyakatur̀hantuktityang. danerangdayamangucap, kĕnĕḥniranenejani, par̀ṇna‐ [11 11A] nmemejanir̥ĕko, tanwurangbañcanarawuḥ, ñahijanipadhayatu, hulijani, ñahipadhahapangyatna. memejanipoliḥhor̀ta, prabhudahasahatmangkin, par̥ĕkringrakaner̥ĕko, ringsangprabhudiraḥsā mpun, mangrawosangkadukitan, nenejani, tanliyanmemekarawosan. janiñahimangĕnĕhang, kasud'hor̀thaneringnāgara, kālayakajabar̥ĕko, cĕrikkĕliḥpadhahumung, hĕntokraṇameme pĕjaḥ, dinagari, mememamanasinjagat. memejanipacangkrañcab, hantukprabhujagatsami, ñahikenkenjanir̥ĕko, naḥhorahangjanimalu, hapangmemepadhanawang, kĕnĕḥñahi, tityangngiringpaka yunan. naḥhorahinjanipadha, ñamanñahipadhasami, gustinñahiharir̥ĕko, siñadanetwaratinut, hapdanekaribajang, rātnamanggali, tityangngiringpakayunan. hanghinghĕhañahiwera, si

Leaf 11

Image on Archive.org

[᭑᭑ 11B] ᭑᭑ ᬫ᭄ᬧᭂᬦ᭄ᬚᬸᬕᬚ᭄ᬭᭀᬦᬶᬂᬳᬢᬶ᭞ᬳᬧᬗᬤᬯᬾᬭᬋᬓᭀ᭞ᬳᬓᬾᬄᬳᬦᬓ᭄ᬮᬶᬬᬸᬢᬳᬸ᭞ᬩᬶᬲᬜᬳᬶᬫᬜᬶᬗᬶᬤᬂ᭞ᬩ᭄ᬯᬢ᭄ᬧᬢᬶᬄ᭞ᬫᬸᬜᬶᬦ᭄ᬕᭂᬮᬄᬳᬗ᭄ᬕᭀᬦ᭄ᬤᭀᬱ᭟ᬢᬦ᭄ᬓᭀᬘᬧᬦ᭄ᬬᬧᬶᬦᬶᬓ᭞ᬓᬯᬸᬯᬸᬲ᭄ᬭᬢ᭄ᬦᬫᬗ᭄ᬕᬮᬶ᭞ᬢᬦ᭄ᬓᬵᬃᬬ᭄ᬬᬫᬗ᭄ᬓᬾᬧᬓᭀ ᭞ᬲᬧᬸᬦᬧᬶᬓᬬᬸᬦ᭄ᬭᬢᬸ᭞ᬯᬾᬭᬾᬄᬢᬶᬢ᭄ᬬᬂᬓᬦ᭄ᬤᬶᬓᬬᬂ᭞ᬳᬶᬩᬸᬦ᭄ᬕᬸᬲ᭄ᬢᬶ᭞ᬲᬧᬸᬦᬧᬶᬧᬓᬬᬸᬦᬦ᭄᭟ᬲᬂᬳᬬᬸᬭᬭᬶᬲ᭄ᬯᬦᬶᬫ᭄ᬩᬮ᭄᭞ᬲᬳᬸᬚᬭᬾᬳᬭᬸᬫ᭄ᬳᬫᬦᬶᬲ᭄᭞ᬢᬶᬦᬾᬢᬾᬘᬦ᭄ᬤ᭄ᬭᬯᬋᬓᭀ᭞ᬓᭂᬜᬸᬗᬾᬮ᭄ᬯᬶᬃᬫᬥᬸᬚᬸᬭᬸᬄ᭞ᬯᬃᬡ᭄ᬦᬦᬾᬮ᭄ᬯᬶᬃᬲᬂᬳ᭄ᬬᬂᬘ ᬦ᭄ᬤ᭄ᬭ᭞ᬫᬗᬾᬤᬦᬶᬦ᭄᭞ᬢᬸᬮᬾᬦ᭄ᬤᬤᬃᬭᬶᬂᬓᬾᬦ᭄ᬤ᭄ᬭᬦ᭄.ᬳᭂᬦ᭄ᬢᭀᬳᬧᬓᬢᬓᭀᬦᬂ᭞ᬢᭂᬓᬾᬦ᭄ᬦᬶᬭᬦᬾᬦᬾᬚᬦᬶ᭞ᬳᬸᬢᬸᬲᬦ᭄ᬫᬢᬸᬃᬳᬮᭀᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬤᬾᬯᬭᬢᬸ᭞ᬮᬫᬸᬦ᭄ᬳᬶᬤᬳᬬᬸᬦ᭄ᬧᬶᬲᬦ᭄᭞ᬕᬸᬲ᭄ᬢᬶᬦ᭄ᬤᬾᬲ᭄ᬢᬶ᭞ᬩᬶᬬᬂᬳᬶᬤᬲᬧᬸᬦᬶ ᬓ᭟ᬦᬶᬭᬵᬢ᭄ᬦᬫᬗ᭄ᬕᬮᬶᬦᬶᬫ᭄ᬩᬮ᭄᭞ᬓᭂᬜᬶᬃᬭᬭᬶᬲ᭄ᬫᬜᬯᬸᬭᬶᬦ᭄᭞ᬳᭂᬦᬾᬧᬥᬜᬳᬶᬋᬓᭀ᭞ᬧᬸᬢ᭄ᬭᬦᬾᬢ᭄ᬯᬭᬓᬬᬸᬦ᭄᭞ᬦᬾᬦ᭄ᬢᭂᬦ᭄ᬓᬶᬭᬶᬂᬧᬓᬬᬸᬦᬦ᭄᭞ᬦᬾᬦᬾᬫᬗ᭄ᬓᬶᬦ᭄᭞ᬤᬦᬾᬭᬗ᭄ᬤᬬᬫᬗᬸᬘᬧ᭄᭟ᬮᬫᬸᬦ᭄ᬓᬾᬢᭀᬧᬗ᭄ᬭᬱᬦ᭄ᬬ᭞ᬢ᭄ᬯᬭ [᭑᭒ 12A] ᬢᬶᬦᬹᬢ᭄ᬢᭂᬓᬾᬦ᭄ᬓᬳᬶ᭞ᬜᬳᬶᬓᬾᬦ᭄ᬓᬾᬦ᭄ᬧᬥᬋᬓᭀ᭞ᬢᬶᬢ᭄ᬬᬂᬫᬗᬶᬭᬶᬂᬳ᭄ᬬᬂᬳᬶᬩᬸ᭞ᬳᬶᬭᬗ᭄ᬤᬭᬭᬶᬲ᭄ᬳᬗᬸᬘᬧ᭄᭞ᬓᭂᬫᬜᬳᬶ᭞ᬚᬦᬶᬗᬮᬶᬄᬧᬕᬸᬭᬸᬯᬦ᭄᭟ᬢᬶᬢ᭄ᬬᬂᬗᬶᬭᬶᬂᬧᬓᬬᬸᬦᬦ᭄᭞ᬢᬸᬫᬸᬮ᭄ᬬᬭᬭᬶᬲ᭄ᬫᬫᬵᬃᬕ᭄ᬕ᭞ᬓᬾᬦ᭄ᬓᬾᬦ᭄ᬜᬳᬶᬧᬥᬋᬓᭀ᭞ᬕᭂᬤᭂ ᬕ᭄ᬲᬦ᭄ᬓᭂᬦᭂᬳᬾᬩᬯᬸ᭞ᬓᭂᬦᭂᬄᬦᬶᬭᬫᬺᬚᬬ᭞ᬭᬵᬢ᭄ᬦᬫᬗ᭄ᬕᬮᬶ᭞ᬫᬩ᭄ᬭᬶᬬᬸᬓ᭄ᬧᬥᬫᬓᭂᬳᬂ᭟ᬳᬤᬗᬩᬓᬬᬸᬳᭂᬫᬵᬲ᭄᭞ᬳᬤᬗᬩᬓᬬᬸᬧᬸᬭᬶ᭞ᬳᬤᬗᬩᬘᬭᬂᬓᬾᬮᭀᬃ᭞ᬳᬤᬗᬩᬮᬢᭂᬂᬗᬶᬬᬸ᭞ᬳᬤᬗᬩᬧᬧᬄᬕᭂᬤᬂ᭞ᬗᬩᬮᬶᬤᬶ᭞ ᬩᬚᬓ᭄ᬳᬗ᭄ᬕᭀᬜᬫ᭄ᬭᬚᬬ᭟ᬫᬗ᭄ᬮᬯᬸᬢ᭄‌ᬬᬗᬧᬸᬭ᭄ᬬᬂ᭞ᬲᭂᬤᭂᬓ᭄‌ᬦᬶᬭᬢ᭄ᬦᬫᬗ᭄ᬕᬮᬶ᭞ᬫᬳᬶᬦ᭄ᬤᭂᬗᬦ᭄ᬫᬭᬶᬂᬚᭂᬭᭀ᭞ᬓᬚᭂᬫᬓ᭄ᬭᬭᬶᬲ᭄ᬓᬘᭂᬓᬸᬓ᭄᭞ᬲᬫᬶᬧᬥᬫᬺᬚᬬ᭞ᬬᬓᬢᬶᬕ᭄ᬢᬶᬕ᭄᭞ᬦᬶᬭᬢ᭄ᬦᬫᬗ᭄ᬕᬮᬶᬗᬸᬘᬧ᭄᭟ᬓᬾᬦ᭄ᬓᬾᬦ᭄ᬲᬗ᭄ᬓᬦ᭄‌ᬢᬶ ᬕ᭄ᬢᬶᬕ᭄ᬦᬶᬭ᭞ᬦᬄᬳᭀᬭᬳᬶᬦ᭄ᬓᬳᬶᬚᬦᬶ᭞ᬳᬧᬳᭂᬦ᭄ᬢᭀᬲᬶᬂᬳᭂᬜᬓ᭄ᬋᬓᭀ᭞ᬫᬦᬾᬱ᭄ᬝᬶᬩᬭᬾᬂᬲᬶᬮᬸᬂᬮᬸᬂ᭞ᬳᭂᬦ᭄ᬢᭀᬲᬗ᭄ᬓᬦ᭄ᬓᬧᬺᬚᬬ᭞ᬳᭂᬦ᭄ᬢᭀᬫᬲᬶᬦ᭄᭞ᬲᬗ᭄ᬓᬦᬶᬂᬩᬦᬶᬫᬺᬚᬬ᭟ᬲᬧᬸᬦᬸᬦᬲᬦ᭄ᬓᬧᬺᬚᬬ᭞ᬭᬶᬸᬭᬭᬶᬲ᭄ᬩᬸᬤᬮ᭄ᬲᬋᬂ

Auto-transliteration

[11 11B] 11 mpĕnjugajroninghati, hapangadawerar̥ĕko, hakeḥhanakliyutahu, bisañahimañingidang, bwatpatiḥ, muñin'gĕlaḥhanggondoṣa. tankocapanyapinika, kawuwusratnamanggali, tankār̀yyamangkepako , sapunapikayunratu, wereḥtityangkandikayang, hibun'gusti, sapunapipakayunan. sanghayurariswanimbal, sahujareharumhamanis, tinetecandrawar̥ĕko, kĕñungelwir̀madhujuruḥ, war̀ṇnanelwir̀sanghyangca ndra, mangedanin, tulendadar̀ringkendran.hĕntohapakatakonang, tĕkenniranenejani, hutusanmatur̀halon, hinggiḥtityangdewaratu, lamunhidahayunpisan, gustindesti, biyanghidasapuni ka. nirātnamanggalinimbal, kĕñir̀rarismañawurin, hĕnepadhañahir̥ĕko, putranetwarakayun, nentĕnkiringpakayunan, nenemangkin, danerangdayamangucap. lamunketopangraṣanya, twara [12 12A] tinūttĕkenkahi, ñahikenkenpadhar̥ĕko, tityangmangiringhyanghibu, hirangdararishangucap, kĕmañahi, janingaliḥpaguruwan. tityangngiringpakayunan, tumulyararismamār̀gga, kenkenñahipadhar̥ĕko, gĕdĕ gsankĕnĕhebawu, kĕnĕḥniramr̥ĕjaya, rātnamanggali, mabriyukpadhamakĕhang. hadangabakayuhĕmās, hadangabakayupuri, hadangabacarangkelor̀, hadangabalatĕngngiyu, hadangabapapaḥgĕdang, ngabalidi, bajak'hanggoñamrajaya. manglawutyangapuryang, sĕdĕkniratnamanggali, mahindĕnganmaringjĕro, kajĕmakrariskacĕkuk, samipadhamr̥ĕjaya, yakatigtig, niratnamanggalingucap. kenkensangkanti gtignira, naḥhorahinkahijani, hapahĕntosinghĕñakr̥ĕko, maneṣṭibarengsilunglung, hĕntosangkankapr̥ĕjaya, hĕntomasin, sangkaningbanimr̥ĕjaya. sapununasankapr̥ĕjaya, r̶rarisbudalsar̥ĕng

Leaf 12

Image on Archive.org

[᭑᭒ 12A] ᭑᭒ ᬲᬫᬶ᭞ᬦᬶᬭᬢ᭄ᬦᬫᬗ᭄ᬕᬮᬶᬋᬓᭀ᭞ᬦᬗᬶᬲ᭄ᬫᬦ᭄ᬭᬸᬩᬸᬂᬓᬮᬸᬂ᭞ᬭᬭᬶᬲ᭄ᬤᬦᬾᬜᭂᬮ᭄ᬲᭂᬮ᭄ᬭᬕ᭞ᬬᬫᬕᭂᬤᬶ᭞ᬫᬗ᭄ᬭᬭᬶᬲ᭄ᬮᬯᬸᬢ᭄ᬓᬕ᭄ᬭᬶᬬ᭟ᬲᬭᬯᬸᬳᬾᬫᬭᬶᬂᬕ᭄ᬭᬶᬬ᭞ᬲᭂᬤᭂᬓ᭄ᬧᬤᬦ᭄ᬥᬓᬢᬗ᭄ᬓᬶᬮ᭄᭞ᬦᬶᬭᬢ᭄ᬦᬫᬗ᭄ᬕᬮᬶᬋᬓᭀ᭞ᬫᬵᬳᬢᬸᬃᬲᬫ᭄ᬩᬶᬮ᭄ᬲᬸᬗ᭄ᬲᬸᬢ᭄᭞ᬢᬶᬢ᭄ᬬᬂ ᬫᬵᬢᬸᬃᬓᭂᬦᬲᬶᬲᬶᬧᬦ᭄᭞ᬲᬶᬂᬫᬫᬸᬜᬶ᭞ᬧᬭᬦ᭄ᬤᬭᬭᬶᬲ᭄ᬗᬦ᭄ᬤᬶᬓ᭟ᬦᬾᬦᬾᬚᬦᬶ᭞ᬓᭂᬫᬩᬕᬸᬲ᭄ᬗᬯᬶᬭᬗᬂ᭟ᬲᬂᬳᬬᬸᬫᬗ᭄ᬕᬶᬄᬤᬸᬄᬓᬶᬢ᭞ᬳᭂᬦ᭄ᬢᭀᬩᬧᬫᬗᭀᬭᬳᬶᬦ᭄᭞ᬲᬶᬲ᭄ᬬᬦ᭄ᬤᬦᬾᬭᬗ᭄ᬤᬋᬓᭀ᭞ᬫᬗ᭄ᬤᬾᬩᬕᬸᬲ᭄ᬮᬸᬯᬲ᭄ᬲᬵᬫ᭄ᬧᬸᬦ᭄᭞ ᬢᬶᬢ᭄ᬬᬂᬧᬫᬶᬢ᭄ᬭᬶᬂᬧ᭄ᬭᬡ᭄ᬥ᭞ᬗᭂᬢᬸᬢ᭄ᬤᬸᬭᬶ᭞ᬲᬶᬲ᭄ᬬᬦᬾᬚᬦᬶᬫᬓᭂᬚᬂ᭟ᬭᬭᬶᬲ᭄ᬳᬶᬤᬗ᭄ᬭᬗ᭄ᬲᬸᬓ᭄ᬧᬬᬲ᭄᭞ᬫᬯᬵᬲ᭄ᬢ᭄ᬭᬬᬭᬤᬶᬗ᭄ᬤᬶᬄ᭞ᬫᬚᬮᬾᬃᬬᬧᬸᬢᬶᬄᬋᬓᭀ᭞ᬫᬓ᭄ᬯᬘᬬᬓᬺᬱ᭄ᬡᬳᬮᬸᬲ᭄᭞ᬫᬮᬮᬦ᭄ᬤᬾᬬᬦ᭄ᬚᬚᬫ᭄ᬧ᭄ᬭᬳᬦ᭄᭞ᬜᬸᬂᬓ᭄ᬮᬶᬢ᭄ᬓᬭᬶᬲ᭄᭞ᬲᬵᬫ᭄ᬧᬸ ᬦ᭄ᬧᬸᬧᬸᬢ᭄‌ᬗ᭄ᬭᬗ᭄ᬲᬸᬓ᭄ᬧᬬᬲ᭄᭟ᬭᬭᬶᬲ᭄ᬳᬶᬤᬗᭂᬚᬩᬬᬂ᭞ᬮᬫ᭄ᬧᬳᬾᬫᬗᭂᬢᬸᬢ᭄ᬤᬸᬭᬶ᭞ᬢᬦ᭄ᬓᭀᬘᬧᬳᬶᬤᬋᬓᭀ᭞ᬲᬶᬲ᭄ᬬᬦᬾᬫᬗ᭄ᬓᬶᬦ᭄ᬓᬯᬸᬯᬸᬲ᭄,ᬧᬘᬂᬗᬮᬶᬄᬧᬕᬸᬭᬸᬯᬦ᭄᭞ᬦᬾᬦᬾᬚᬦᬶ᭞ᬤᬤᬶᬫᬘᬸᬦ᭄ᬥᬸᬓ᭄ᬤᬶᬚᬮᬦ᭄᭟ᬳᭂᬦᬾᬜ [᭑᭓ 13A] ᬳᬶᬧᬥᬧ᭄ᬭᬲᬫ᭞ᬳᬶᬗᭂᬢᬂᬤᭀᬰᬦᬾᬲᬫ,ᬚᬦᬶᬢᬳᬦᬂᬋᬓᭀ᭞ᬤᭀᬱᬦᬾᬫᬦᬶᬕ᭄ᬢᬶᬕ᭄ᬩᬯᬸ᭞ᬤᬦᬾᬢ᭄ᬯᬭᬦᬯᬂᬲᬮᬄ᭞ᬭᬢ᭄ᬦᬫᬗ᭄ᬕᬮᬶ᭞ᬳᭂᬦ᭄ᬢᭀᬓ᭄ᬭᬡᬓᬳᬶᬢᭂᬓ᭟ᬧ᭄ᬭᬦᬓᬦᬾᬫᬗ᭄ᬓᬶᬦ᭄ᬳᬸᬘᬧ᭄᭞ᬢᬶᬢ᭄ᬬᬂᬩ᭄ᬬᬦᬬᬫᬦᬶᬕ᭄ᬢᬶᬕ᭄᭞ᬦᬧᬶᬦᬶᬸᬤ ᬦᬾᬳᬶᬫ᭄ᬩᭀᬓ᭄ᬋᬓᭀ᭞ᬫᬫᬬᬂᬳᬶᬤᬲᬂᬳᬬᬸ᭞ᬲᬧᬸᬦᬶᬓᬚ᭄ᬯᬓᬦ᭄ᬤᬦ᭄ᬜᬦᬾᬫᬗ᭄ᬓᬶᬦ᭄᭞ᬲᬦᬾᬫᬗ᭄ᬓᬶᬦ᭄᭞ᬳᬶᬤᬩᬕᬸᬲ᭄ᬫᬗᬦ᭄ᬤᬶᬓ᭟ᬳᭂᬦᬾᬜᬳᬶᬧᬤᬧ᭄ᬭᬲᬫ᭞ᬤᬳᭀᬭᬳᬶᬦ᭄ᬦᬾᬦᬾᬚᬦᬶ᭞ᬤᬾᬦᬶᬂᬬᬫᬢᬶᬮᬲ᭄ᬋᬓᭀ᭞ᬓᬬᬸᬦᬾᬲᬸᬫ ᬗ᭄ᬓᬶᬦ᭄ᬩᭂᬦ᭄ᬤᬸ᭞ᬭᬭᬶᬲ᭄ᬳᬶᬤᬳᬫᬺᬚᬬ᭞ᬮᬯᬸᬢ᭄‌ᬦᬶᬕ᭄ᬢᬶᬕ᭄᭞ᬧ᭄ᬭᬦᬓᬦᬾᬬᬫᬓᭂᬚᬂ᭟ᬲᬵᬫ᭄ᬧᬸᬦ᭄ᬲᬫᬶᬓ᭄ᬭᬶᬸᬓᬧᬺᬚᬬ᭞ᬧ᭄ᬭᬦᬓᬦᬾᬮᬯᬸᬢ᭄‌ᬦᬗᬶᬲ᭄᭞ᬫᬜᭂᬮ᭄ᬲᭂᬮ᭄ᬭᬕᬋᬓᭀ᭞ᬓᬢᬸᬗ᭄ᬕᬮᬶᬦ᭄ᬤᬾᬯᬭᬢᬸ᭞ᬳᬶᬤᬩᬕᬸᬲ᭄ᬭᬭᬶᬲ᭄ᬩᬸᬤᬮ᭄᭞ᬦᬾ ᬦᬾᬫᬗ᭄ᬓᬶᬦ᭄᭞ᬳᬶᬤᬲᬵᬫ᭄ᬧᬸᬦ᭄ᬫᬭᬶᬂᬕ᭄ᬭᬶᬬ᭟ᬤᬦᬾᬭᬗ᭄ᬤᬫᬗ᭄ᬓᬶᬦ᭄ᬓᭀᬘᬧ᭄᭞ᬫᬗ᭄ᬭᬸᬗᬸᬲ᭄ᬯᬭᬮᬦ᭄ᬢᬗᬶᬲ᭄᭞ᬮᬯᬸᬢ᭄‌ᬬᬫᬫᬵᬃᬕ᭄ᬕᬶᬋᬓᭀ᭞ᬓᬧᬗ᭄ᬕᬶᬄᬲᬶᬲ᭄ᬬᬦᬾᬤᬶᬢᬸ᭞ᬤᬦᬾᬭᬗ᭄ᬤᬫᬢᬢᬲᬦ᭄᭞ᬦᬾᬦᬾᬚᬦᬶ᭞ᬲᬶᬲ᭄ᬬᬦᬾᬭᬭᬶᬲ᭄ᬗ

Auto-transliteration

[12 12A] 12 sami, niratnamanggalir̥ĕko, nangismanrubungkalung, rarisdaneñĕlsĕlraga, yamagĕdi, mangrarislawutkagriya. sarawuhemaringgriya, sĕdĕkpadandhakatangkil, niratnamanggalir̥ĕko, māhatur̀sambilsungsut, tityang mātur̀kĕnasisipan, singmamuñi, parandararisngandika. nenejani, kĕmabagusngawirangang. sanghayumanggiḥduḥkita, hĕntobapamangorahin, sisyandanerangdar̥ĕko, mangdebagusluwassāmpun, tityangpamitringpraṇdha, ngĕtutduri, sisyanejanimakĕjang. rarishidangrangsukpayas, mawāstrayaradingdiḥ, majaler̀yaputiḥr̥ĕko, makwacayakr̥ĕṣṇahalus, malalandeyanjajamprahan, ñungklitkaris, sāmpu npuputngrangsukpayas. rarishidangĕjabayang, lampahemangĕtutduri, tankocapahidar̥ĕko, sisyanemangkinkawuwus,pacangngaliḥpaguruwan, nenejani, dadimacundhukdijalan. hĕneña [13 13A] hipadhaprasama, hingĕtangdośanesama,janitahanangr̥ĕko, doṣanemanigtigbawu, danetwaranawangsalaḥ, ratnamanggali, hĕntokraṇakahitĕka. pranakanemangkinhucap, tityangbyanayamanigtig, napin̶da nehimbokr̥ĕko, mamayanghidasanghayu, sapunikajwakandanñanemangkin, sanemangkin, hidabagusmangandika. hĕneñahipadaprasama, dahorahinnenejani, deningyamatilasr̥ĕko, kayunesuma ngkinbĕndu, rarishidahamr̥ĕjaya, lawutnigtig, pranakaneyamakĕjang. sāmpunsamikr̶kapr̥ĕjaya, pranakanelawutnangis, mañĕlsĕlragar̥ĕko, katunggalindewaratu, hidabagusrarisbudal, ne nemangkin, hidasāmpunmaringgriya. danerangdamangkinkocap, mangrunguswaralantangis, lawutyamamār̀ggir̥ĕko, kapanggiḥsisyaneditu, danerangdamatatasan, nenejani, sisyanerarisnga

Leaf 13

Image on Archive.org

[᭑᭓ 13B] ᭑᭓ ᬦ᭄ᬤᬬᬂ᭞ᬳᬶᬤᬩᬕᬸᬲ᭄ᬫᬗ᭄ᬓᬶᬦ᭄ᬧ᭄ᬭᬵᬧ᭄ᬢ᭟ᬫᬫᬺᬚᬬᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬓᭀᬘᬧ᭄ᬫᬗ᭄ᬓᬶᬦ᭄ᬢᬶᬢ᭄ᬬᬂᬋᬓᭀ᭞ᬫᬫᬺᬚᬬᬢᬶᬢ᭄ᬬᬂᬲᬶᬦᬸᬳᬸᬦ᭄᭞ᬲᬧᬸᬦᬧᬶᬧᬓᬬᬸᬦᬦ᭄᭞ᬦᬾᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗ᭄ᬮᬸᬗ᭄ᬲᬸᬃᬧᬗᬦ᭄ᬤᬶᬓ᭟ᬤᬦᬾᬭᬗ᭄ᬤᬫᬗ᭄ᬓᬶᬦ᭄ᬗᬸᬘᬧ᭄᭞ᬦᬄᬳᭂᬦ᭄ᬤᭂ ᬧᬂᬦᬾᬦᬾᬚᬦᬶ᭞ᬓᭂᬫᬜᬳᬶᬏᬗ᭄ᬕᬮ᭄ᬋᬓᭀ᭞ᬫᬗᬮᬶᬄᬥᬧᬘᬂᬕᬸᬭᬸ᭞ᬤᬦᬾᬭᬗ᭄ᬤᬭᬭᬶᬲ᭄ᬩᬸᬤᬮ᭄᭞ᬓᬚᭂᬭᭀᬧᬸᬭᬶ᭞ᬓᭀᬘᬧ᭄ᬤᬦᬾᬍᬲᬸᬧᬶᬲᬦ᭄᭟ᬲᬶᬲ᭄ᬬᬦᬾᬫᬗ᭄ᬓᬶᬦ᭄ᬓᭀᬘᬧ᭞ᬫᬫᭂᬤᭂᬓ᭄ᬪᬬᬵᬲᬫᬶ᭞ᬲᬫᬶᬗᬸᬗ᭄ᬲᬶᬕᬸᬭᬸᬋᬓᭀ ᭞ᬤᬤᭀᬱᬦᬾᬲᬫᬶᬧᬢᬸᬢ᭄᭞ᬚᬦᬶᬧᬋᬓ᭄ᬭᬶᬂᬪᬝᬵᬵᬭ᭞ᬫᬵᬢᬸᬃᬲᬶᬲᬶᬧ᭄᭞ᬫᬦᭂᬕᬓ᭄ᬗᭂᬦᬢᬸᬭᬂᬲᬸᬫ᭄ᬩᬄ᭟ᬪᬝᬵᬵᬭᬭᬭᬶᬲ᭄ᬗᬦ᭄ᬤᬶᬓ᭞ᬳᬶᬫᬶᬱᬯᬤᬦᬫᬳᬶ᭞ᬳᬶᬗ᭄ᬕᬶᬶᬢᬶᬢ᭄ᬬᬂᬫᬢᬸᬃᬋᬓᭀ᭞ᬧᬶᬦᬸᬦᬲ᭄ᬢᬶᬢ᭄ᬬᬗᬾᬭᬢᬸ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬦᬯᭂ ᬕᬂ᭞ᬭᬶᬂᬪᬝᬵᬵᬭᬶ᭞ᬢᬶᬢ᭄ᬬᬂᬦᬸᬦᬲ᭄ᬲᬮᬄᬭᬹᬧ᭟ᬳ᭄ᬬᬂᬳᬶᬲ᭄ᬯᬭᬫᬗ᭄ᬓᬶᬦ᭄ᬗᬸᬘᬧ᭄᭞ᬩᬧᬗᭂᬮᬄᬦᬾᬦᬾᬚᬦᬶ᭞ᬫᬳᬤᬦ᭄ᬓᬧᬶᬮᬋᬓᭀ᭞ᬢᬦ᭄ᬤᬸᬓᬾᬭᬾᬗ᭄ᬕᬄᬫᬚᬸᬚᬸᬓ᭄᭞ᬮᬬᬳᬾᬩᭂᬮᬂᬤᬯᬸ᭞ᬧᭂᬲᬸᬳᬧᬶ᭞ᬫᬳᬶᬭᬶᬩ᭄ᬫᬦ᭄ᬤᬭᬸᬂᬚᬤ᭄ᬫ᭟ᬧ [᭑᭔ 14A] ᬗᬗ᭄ᬕᬾᬦᬾᬲᬃᬯ᭄ᬯᬧᭂᬢᬓ᭄᭞ᬫᬭᬸᬫ᭄ᬩᬶᬂᬬᬲᭂᬓᬃᬢᬚᬶ᭞ᬫᬩᬧ?ᬧᬂᬮᬯᬦ᭄ᬫᬭᭀᬦ᭄ᬭᭀᬦ᭄᭞ᬫᬓᬸᬮᬫ᭄ᬩᬶᬧᭂᬢᬓ᭄ᬳᬮᬸᬲ᭄‌᭞ᬫᬲᬲᭀᬘᬦ᭄ᬫᬶᬭᬄᬭᬵᬢ᭄ᬦ᭞ᬗᭂᬦ᭄ᬤᬶᬄᬧᬸᬢᬶᬄ᭞ᬢᬦ᭄ᬩᬶᬦᬳᬫ᭄ᬩᬸᬧᭂᬢᬓ᭄᭟ᬇᬍᬦ᭄ᬤᬶᬫᬗ᭄ᬓᬶᬦ᭄ᬓᭀᬘᬧ᭞ᬫᬫᭂᬤᭂᬓ᭄‌ᬬᬫᬤᬶ ᬳᬢᬶ᭞ᬪᬝᬵᬵᬭᬗᬦ᭄ᬤᬸᬓᬋᬓᭀ᭞ᬳᬧᬲᬤ᭄ᬬᬦ᭄ᬜᬳᬶᬭᬯᬸᬄ᭞ᬳᬶᬍᬦ᭄ᬤᬶᬫᬵᬢᬸᬃᬳᬦᭂᬫ᭄ᬩᬄ᭞ᬭᬶᬪᬝᬵᬵᬭᬶ᭞ᬢᬶᬢ᭄ᬬᬂᬮᬸᬗ᭄ᬲᬸᬃᬧᬦᬸᬕ᭄ᬭᬳᬦ᭄᭟ᬪᬝᬵᬵᬭᬭᬭᬶᬲ᭄ᬗᬦ᭄ᬤᬶᬓ᭞ᬳᭂᬦᬾᬓᭂᬫᬶᬢᬦ᭄ᬳᬩᭂᬲᬶᬓ᭄᭞ᬫᬭᬹᬧᬬᬲᬶᬗ᭄ᬳᬵᬩᬭᭀᬂ᭞ᬫᬓᬫ᭄ᬧᬶᬤ᭄ ᬬᬕ᭄ᬭᬶᬂᬲᬶᬂᬳᬮᬸᬲ᭄᭞ᬫᬓᬸᬮᬫ᭄ᬩᬶᬩ᭄ᬭᬸᬤ᭄ᬭᬸᬗᭂᬦ᭄ᬤᬶᬄ᭞ᬫᬗᬾᬮᬾᬮ᭄ᬫᭂᬲ᭄ᬯᬂᬮᬬᬄ᭞ᬜᬮᬂᬮᬭᬶᬓ᭄᭞ᬫᬗᭂᬦᬶᬄᬮ᭄ᬯᬶᬃᬲᬹᬃ᭠ᬬ᭄ᬬᬍᬫ᭄ᬩᬃ᭟ᬫᬚᬮᬾᬃᬬᬕ᭄ᬭᬶᬂᬲᬶᬂᬯᬬᬂ᭞ᬫᬓᬸᬮᬫ᭄ᬩᬶᬩ᭄ᬮᬸᬤ᭄ᬭᬸᬗᭂᬦ᭄ᬤᬶᬄ᭞ᬫᬲᬲᭀᬘᬫᬶᬯᬄᬳᬶᬚᬾ᭞ᬫᬩᬧᬂᬮᬯᬦ᭄ᬫᬕᭂᬮᬸᬂ᭞ᬭ ᬫ᭄ᬩᬸᬢ᭄ᬕᬾᬫ᭄ᬩᬾᬮ᭄ᬩᬸᬯᬶᬦ᭄ᬲᬫᬄ᭞ᬗᬺᬱᬂᬳᬢᬶ᭞ᬫᬳᬶᬭᬶᬩ᭄ᬫᬦ᭄ᬤᬭᬸᬂᬩᬸᬮᬦ᭄᭟ᬇᬮᬭᬸᬂᬫᬗ᭄ᬓᬶᬦ᭄ᬓᭀᬘᬧ᭞ᬫᬧᬕᬸᬭ᭄ᬯᬦ᭄‌ᬩ᭄ᬭᬳ᭄ᬫᬵᬫᬹᬃᬢ᭄ᬢᬶ᭞ᬪᬝᬵᬵᬭᬗᬦ᭄ᬤᬶᬓᬋᬓᭀ᭞ᬳᬧᬲᬤ᭄ᬬᬦ᭄ᬜᬳᬶᬭᬯᬸᬄ᭞ᬇᬮᬭᬸᬂᬫᬵᬢᬸᬃᬳᬦᭂᬫ᭄ᬩᬄ᭞ᬭᬶᬂᬪᬝᬵᬵᬭᬶ᭞ᬢᬶᬢ᭄ᬬᬂᬗ᭄ᬮᬸᬂᬲᬸᬃ

Auto-transliteration

[13 13B] 13 ndayang, hidabagusmangkinprāpta. mamr̥ĕjayatityangmangkin, kocapmangkintityangr̥ĕko, mamr̥ĕjayatityangsinuhun, sapunapipakayunan, nenemangkin, tityangnglungsur̀pangandika. danerangdamangkinngucap, naḥhĕndĕ pangnenejani, kĕmañahi'enggalr̥ĕko, mangaliḥdhapacangguru, danerangdararisbudal, kajĕropuri, kocapdanel̥ĕsupisan. sisyanemangkinkocapa, mamĕdĕkbhayāsami, samingungsigurur̥ĕko , dadoṣanesamipatut, janipar̥ĕkringbhaṭāāra, mātur̀sisip, manĕgakngĕnaturangsumbaḥ. bhaṭāārararisngandika, himiṣawadanamahi, hinggiitityangmatur̀r̥ĕko, pinunastityangeratu, tityangmangkinmanawĕ gang, ringbhaṭāāri, tityangnunassalaḥrūpa. hyanghiswaramangkinngucap, bapangĕlaḥnenejani, mahadankapilar̥ĕko, tandukerenggaḥmajujuk, layahebĕlangdawu, pĕsuhapi, mahiribmandarungjadma. pa [14 14A] nganggenesar̀wwapĕtak, marumbingyasĕkar̀taji, mabapa?panglawanmaronron, makulambipĕtak'halus, masasocanmiraḥrātna, ngĕndiḥputiḥ, tanbinahambupĕtak. il̥ĕndimangkinkocapa, mamĕdĕkyamadi hati, bhaṭāārangandukar̥ĕko, hapasadyanñahirawuḥ, hil̥ĕndimātur̀hanĕmbaḥ, ribhaṭāāri, tityanglungsur̀panugrahan. bhaṭāārararisngandika, hĕnekĕmitanhabĕsik, marūpayasinghābarong, makampid yagringsinghalus, makulambibrudrungĕndiḥ, mangelelmĕswanglayaḥ, ñalanglarik, mangĕniḥlwir̀sūr̀‐yyal̥ĕmbar̀. majaler̀yagringsingwayang, makulambibludrungĕndiḥ, masasocamiwaḥhije, mabapanglawanmagĕlung, ra mbutgembelbuwinsamaḥ, ngr̥ĕṣanghati, mahiribmandarungbulan. ilarungmangkinkocapa, mapagurwanbrahmāmūr̀tti, bhaṭāārangandikar̥ĕko, hapasadyanñahirawuḥ, ilarungmātur̀hanĕmbaḥ, ringbhaṭāāri, tityangnglungsur̀

Leaf 14

Image on Archive.org

[᭑᭔ 14B] ᭑᭔ ᬦᬾᬚᬢ᭄ᬫᬶᬓ᭟ᬪᬝᬵᬵᬭᬭᬭᬶᬲ᭄ᬗᬦ᭄ᬤᬶᬓ᭞ᬳᭂᬦᬾᬓᬧᬸᬢᬸᬲᬦ᭄ᬮᭂᬯᬶᬄ᭞ᬫᬭᬸᬧᬬᬫᬘᬦ᭄ᬋᬓᭀ᭞ᬲᬮᬶᬂᬫᬗᬦ᭄ᬳᬕᬸᬂᬮᬸᬳᬸᬃ᭞ᬩᬸᬮᬸᬮᬭᬶᬓ᭄ᬩᬭᬵᬓ᭄ᬜᬮᬂ᭞ᬢᬸᬃᬫᬗᭂᬦ᭄ᬤᬶᬄ᭞ᬮᬬᬄᬧᬜ᭄ᬚᬂᬗᭀᬭᬾᬓ᭄ᬢᬦᬄ᭟ᬫᬚᬮᬾᬃᬬᬩᬭᬓ᭄ᬜᬮᬂ᭞ᬢᬸᬃᬫᬗᭂᬦ᭄ᬤᬶᬄ ᬧᬜ᭄ᬚᬂᬗᭀᬭᬾᬓ᭄ᬢᬦᬄ᭟ᬫᬚᬮᬾᬃᬬᬩᬭᬓ᭄ᬜᬮᬂ᭞ᬫᬓᬸᬮᬫ᭄ᬩᬶᬩ᭄ᬭᬳ᭄ᬫᬵᬗᭂᬦ᭄ᬤᬶᬄ᭞ᬫᬲᬲᭀᬘᬦ᭄‌ᬬᬩᬩ᭄ᬭᬾᬜ᭄ᬚᭀᬢ᭄᭞ᬧᬗᬗ᭄ᬕᭀᬦᬾᬲᬫᬶᬫᬸᬭᬸᬩ᭄᭞ᬫᬳᬶᬭᬶᬩ᭄ᬫᬗᭂᬲᭂᬂᬚᬕᬢ᭄᭞ᬧᬸᬯᬸᬦ᭄ᬲᬫᬶ᭞ᬳᬲᬶᬦ᭄ᬧᬦ᭄ᬢᭂᬲ᭄ᬢᭀᬜᬦ᭄ᬳᬮᬲ᭄᭟ ᬳᬶᬕᬸᬬᬂᬫᬗ᭄ᬓᬶᬦ᭄ᬓᭀᬘᬧ᭞ᬫᬫᭂᬤᭂᬓ᭄ᬳ᭄ᬬᬂᬮᬸᬤ᭄ᬭᬫᬹᬃᬢ᭄ᬢᬶ᭞ᬪᬝᬵᬵᬭᬗᬦ᭄ᬤᬶᬓᬳᬮᭀᬦ᭄᭞ᬳᬧᬲᬤ᭄ᬬᬦ᭄ᬜᬳᬶᬭᬯᬸᬄ᭞ᬳᬶᬕᬸᬬᬂᬫᬵᬢᬸᬃᬳᬦᭂᬫ᭄ᬩᬄ᭞ᬭᬶᬂᬪᬝᬵᬵᬭᬶ᭞ᬢᬶᬢ᭄ᬬᬂᬗ᭄ᬮᬸᬗ᭄ᬲᬸᬃᬯᬭᬄ᭟ᬪᬝᬵᬵᬭᬭᬭᬶᬲ᭄ᬗᬦ᭄ᬤᬶᬓ᭞ᬩᬧᬢ᭄ᬯᬄᬳᬲᬶᬓᬶ᭞ᬫᬭᬹ ᬧᬬᬚᬭᬦ᭄ᬚᬕᭀ᭞ᬭᬹᬧᬦᬾᬬᬚᬶᬗ᭄ᬕᬵᬳᬮᬸᬲ᭄᭞ᬮᬬᬄᬧᬜ᭄ᬚᬂᬜᬧᬸᬚᬕᬢ᭄᭞ᬳᬶᬓᬸᬄᬓᭂᬜ᭄ᬚᬶᬃ᭞ᬳᬲᬶᬦ᭄ᬤᬮᬓ᭄ᬭᬶᬂᬫᬵᬦᬸᬱ᭟ᬫᬚᬮᬾᬃᬬᬩᭀᬭᬾᬓ᭄ᬚᬶᬗ᭄ᬕᬵ᭞ᬫᬓᬸᬮᬫ᭄ᬩᬶᬲᬫᬃᬍᬯᬶᬄ᭞ᬫᬲᬲᭀᬘᬦ᭄‌ᬓᬺᬱ᭄ᬡᬋᬓᭀ᭞ᬫᬲᭂᬓᬃᬬᬫᬡᬶ [᭑᭕ 15A] ᬓ᭄ᬤᬤᬸ᭞ᬫᬭᬸᬫ᭄ᬩᬶᬂᬫᬵᬲ᭄ᬫᬲᬲᭀᬘᬦ᭄᭞ᬫᬶᬭᬄᬗᭂᬦ᭄ᬤᬶᬄ᭞ᬫᬳᬶᬭᬶᬩ᭄ᬫᬧᬲᬂᬕᬸᬡ᭟ᬇᬍᬦ᭄ᬤᬫᬗ᭄ᬓᬶᬦ᭄ᬓᭀᬘᬧ᭞ᬫᬫᬋᬓ᭄ᬤᬾᬯᬫᬗ᭄ᬓᬶᬦ᭄᭞ᬪᬬᬵᬭᬗᬦ᭄ᬤᬶᬓᬋᬓᭀ᭞ᬳᬧᬲᬤ᭄ᬬᬦ᭄ᬜᬭᬯᬸᬄ᭞ᬇᬍᬦ᭄ᬤᬫᬵᬢᬸᬃᬳᬜᬸᬫ᭄ᬩᬄ᭞ᬭᬶᬂᬳ᭄ᬬᬂᬯᬶᬥᬶ᭞ᬢᬶᬢ᭄ᬬᬂ᭠ ᬦᬸᬦᬲ᭄ᬩᬶᬘᬭᬶᬬᬦ᭄᭟ᬪᬝᬵᬵᬭᬭᬭᬶᬲ᭄ᬳᬗᬸᬘᬧ᭄᭞ᬩᬧᬗᭂᬮᬄᬢ᭄ᬯᬄᬬᬧᬶᬗᬶᬢ᭄᭞ᬫᬭᬸᬧᬬᬦᬖᬋᬓᭀ᭞ᬯᬃᬡ᭄ᬦᬧᬶᬢᬳᬫ᭄ᬩᭂᬓ᭄ᬳᬕᬸᬂ᭞ᬫᬢᭂᬩᬓᬦ᭄ᬫ᭄ᬭᬘᬸᬓᬸᬦ᭄ᬥ᭞ᬮᬬᬄᬗᭂᬦ᭄ᬤᬶᬄ᭞ᬫᬓᭂᬩᬸᬃᬬᬫᬕᭂᬳᬦ᭟ᬫᬚᬮᬾᬃᬬᬓᬸᬦᬶᬂᬲᬫᬃ᭞ᬫᬓᬮ ᬫ᭄ᬩᬶᬂᬲᬸᬢ᭄ᬭᬕᬥᬶᬂ᭞ᬫᬲᬲᭀᬘᬦ᭄ᬭᬢ᭄ᬦᬓᬯᭀᬢ᭄᭞ᬫᬕᭂᬮᬸᬂᬬᬕᭂᬮᬸᬂᬓᬸᬭᬸᬂ᭞ᬫᬦ᭄ᬢᬶᬗᬦ᭄ᬢᬶᬂᬓᬺᬱ᭄ᬡ᭞ᬫᬓᬲᬫᬶᬗᭂᬦ᭄ᬤᬶᬄ᭞ᬫᬓᭂᬩᬸᬃᬗ᭄ᬮᬂᬮᬗᬶᬦ᭄ᬚᬕᬢ᭄᭟ᬦᬶᬧᭂᬓ᭄ᬫᬗ᭄ᬓᬶᬦ᭄ᬓᭀᬘᬧ᭞ᬫᬫᭂᬤᭂᬓ᭄‌ᬳ᭄ᬬᬂᬯᬶᬱ᭄ᬡᬸᬰᬓ᭄ᬢᬶ᭞ᬪᬝᬵᬵᬭᬗᬦ᭄ᬤᬶᬓᬋᬓᭀ᭞ᬳᬧᬲ ᬤ᭄ᬬᬦ᭄ᬜᬳᬶᬭᬯᬸᬄ᭞ᬳᬶᬧᭂᬓ᭄ᬫᬢᬸᬃᬭᬭᬶᬲ᭄ᬜᬫ᭄ᬩᬄ᭞ᬭᬶᬂᬪᬝᬵᬵᬭᬶ᭞ᬢᬶᬢ᭄ᬬᬂᬦᬸᬦᬲ᭄ᬤᬸᬃᬖᬲᬸᬮᬄ᭟ᬪᬝᬵᬵᬭᬭᬭᬶᬲ᭄ᬗᬦ᭄ᬤᬶᬓ᭞ᬩᬧᬗᭂᬮᬄᬫᬦ᭄ᬢ᭄ᬭᬮᬸᬯᬶᬄ᭞ᬫᬭᬹᬧᬩᬭᭀᬂᬋᬓᭀ᭞ᬲᬮᬶᬂᬭᬾᬗ᭄ᬕᬄᬮᬫ᭄ᬩᬶᬄᬳᬕᬸᬂ᭞ᬩᬸᬮᬸᬕᬾᬫ᭄ᬩ᭄ᬭᭀᬂᬮᬬᬄᬧᬜ᭄ᬚᬂ

Auto-transliteration

[14 14B] 14 nejatmika. bhaṭāārararisngandika, hĕnekaputusanlĕwiḥ, marupayamacanr̥ĕko, salingmanganhagungluhur̀, bulularikbarākñalang, tur̀mangĕndiḥ, layaḥpañjangngorektanaḥ. majaler̀yabarakñalang, tur̀mangĕndiḥ pañjangngorektanaḥ. majaler̀yabarakñalang, makulambibrahmāngĕndiḥ, masasocanyababreñjot, panganggonesamimurub, mahiribmangĕsĕngjagat, puwunsami, hasinpantĕstoñanhalas. higuyangmangkinkocapa, mamĕdĕk'hyangludramūr̀tti, bhaṭāārangandikahalon, hapasadyanñahirawuḥ, higuyangmātur̀hanĕmbaḥ, ringbhaṭāāri, tityangnglungsur̀waraḥ. bhaṭāārararisngandika, bapatwaḥhasiki, marū payajaranjago, rūpaneyajinggāhalus, layaḥpañjangñapujagat, hikuḥkĕñjir̀, hasindalakringmānuṣa. majaler̀yaborekjinggā, makulambisamar̀l̥ĕwiḥ, masasocankr̥ĕṣṇar̥ĕko, masĕkar̀yamaṇi [15 15A] kdadu, marumbingmāsmasasocan, miraḥngĕndiḥ, mahiribmapasangguṇa. il̥ĕndamangkinkocapa, mamar̥ĕkdewamangkin, bhayārangandikar̥ĕko, hapasadyanñarawuḥ, il̥ĕndamātur̀hañumbaḥ, ringhyangwidhi, tityang‐ nunasbicariyan. bhaṭāārararishangucap, bapangĕlaḥtwaḥyapingit, marupayanaghar̥ĕko, war̀ṇnapitahambĕk'hagung, matĕbakanmracukundha, layaḥngĕndiḥ, makĕbur̀yamagĕhana. majaler̀yakuningsamar̀, makala mbingsutragadhing, masasocanratnakawot, magĕlungyagĕlungkurung, mantingantingkr̥ĕṣṇa, makasamingĕndiḥ, makĕbur̀nglanglanginjagat. nipĕkmangkinkocapa, mamĕdĕk'hyangwiṣṇuśakti, bhaṭāārangandikar̥ĕko, hapasa dyanñahirawuḥ, hipĕkmatur̀rarisñambaḥ, ringbhaṭāāri, tityangnunasdur̀ghasulaḥ. bhaṭāārararisngandika, bapangĕlaḥmantraluwiḥ, marūpabarongr̥ĕko, salingrenggaḥlambiḥhagung, bulugembronglayaḥpañjang

Leaf 15

Image on Archive.org

[᭑᭕ 15B] ᭞ᬢᬸᬃ᭞ᬳᬫ᭄ᬕᭂᬦ᭄ᬤᬶᬄ᭞ᬫᬳᬶᬭᬶᬩ᭄ᬫᬗ᭄ᬮᬸᬫ᭄ᬩᬶᬄᬚᬕᬢ᭄᭟ᬫᬚᬮᬾᬃᬬᬓᬺᬱ᭄ᬡᬤᬦ᭞ᬫᬓᬸᬮᬫ᭄ᬩᬶᬩᭂᬮᬂᬓᬫ᭄ᬩᬶᬂ᭞ᬫᬲᬲᭀᬘᬦ᭄‌ᬓᬺᬱ᭄ᬡᬋᬓᭀ᭞ᬫᬩᬧᬂᬮᬯᬦ᭄ᬫᬕᭂᬮᬸᬂ᭞ᬫᬭᬫ᭄ᬩᬸᬢ᭄‌ᬬᬫᬶᬭᬄᬭᬵᬢ᭄ᬦ᭞ᬲᬫᬶᬗᭂᬦ᭄ᬤᬶᬄ᭞ᬫᬳᬶᬭᬶᬩ᭄ᬕᭂᬮᬧ᭄ᬫᭂᬗᬧᬃ᭟ᬦᬶᬕᬤᬶᬂᬫᬗ᭄ᬓᬶᬦ᭄ᬓᭀ ᬘᬧ᭞ᬫᬫᭂᬤᭂᬓ᭄ᬳ᭄ᬬᬂ᭞ᬰᬫ᭄ᬩᬸᬦᬾᬓᬶ᭞ᬪᬝᬵᬵᬭᬗᬦ᭄ᬤᬶᬓᬳᬮᭀᬦ᭄᭞ᬳᬧᬲᬤ᭄ᬬᬜᬳᬶᬭᬯᬸᬄ᭞ᬳᬶᬕᬤᬶᬂᬫᬵᬢᬸᬃ᭠ᬳᬜᬸᬫ᭄ᬩᬄ᭞ᬭᬶᬂᬪᬝᬵᬵᬭᬶ᭞ᬢᬶᬢ᭄ᬬᬂᬗ᭄ᬮᬸᬂᬲᬸᬃᬓᬯᬶᬰᬾᬱᬦ᭄᭟ᬪᬝᬵᬵᬭᬭᬭᬶᬲ᭄ᬳᬗ᭄ᬕᬸᬘᬧ᭄᭞ᬩᬧᬗᭂᬮᬄᬰᬵᬲ᭄ᬢ᭄ᬭᬧᬶᬗᬶᬢ᭄᭞ᬫᬭᬹᬧ ᬬᬦᬶᬮᬋᬓᭀ᭞ᬘᬮᬶᬂᬭᬾᬗ᭄ᬕᬄᬧᬜ᭄ᬚᬂᬳᬕᬸᬂ᭞ᬢᬦ᭄ᬤᬦ᭄ᬭᬾᬗ᭄ᬕᬄᬩᬸᬓᬕᬶᬮᬧ᭄᭞ᬫᬸᬯᬂᬫᬶᬗᬶᬤ᭄᭞ᬫᬮᬾᬤ᭄ᬮᬾᬤ᭄ᬮᬬᬳᬾᬩᭂᬮᬂ᭟ᬫᬚᬮᬾᬃᬬᬩᬶᬭᬸᬲᬫᬃ᭞ᬫᬓᬸᬮᬫ᭄ᬩᬶᬦᬶᬮᬵᬗᭂᬦ᭄ᬤᬶᬄ᭞ᬲᬲᭀᬘᬦᬾᬫᬶᬭᬄᬋᬓᭀ᭞ᬫᬲᬲᬶᬫ᭄ᬧᬶᬂᬳᭂᬫᬵᬲ᭄ᬫᬸᬭᬸ ᬩ᭄᭞ᬫᬗᭂᬦ᭄ᬤᬶᬄᬬᬩᬶᬭᬸᬗᬸᬤ᭞ᬫᬭᬶᬂᬮᬗᬶᬢ᭄᭞ᬰᬓ᭄ᬢᬶᬦᬾᬢ᭄ᬯᬭᬵᬤᬧᬥ᭟ᬦᬶᬯᭂᬓ᭄ᬫᬗ᭄ᬓᬶᬦ᭄ᬓᭀᬘᬧ᭞ᬫᬫᭂᬤᭂᬓ᭄‌ᬳ᭄ᬬᬂᬯᬶᬱ᭄ᬡᬸᬫᬹᬃᬢ᭄ᬢᬶ᭞ᬪᬝᬵᬵᬭᬗᬦ᭄ᬤᬶᬓᬳᬮᭀᬦ᭄᭞ᬳᬧᬲᬤ᭄ᬬᬦ᭄ᬜᬳᬶᬭᬯᬸᬄ᭞ᬦᬶᬯᭂᬓ᭄ᬫᬢᬸᬃᬳᬜᬸᬫ᭄ᬩᬄ᭞ᬭᬶᬂᬪᬝᬵᬵᬭ᭞ᬢᬶ [᭑᭖ 16A] ᬢ᭄ᬬᬂᬦᬸᬦᬲ᭄ᬓᬰᬓ᭄ᬢᬶᬬᬦ᭄᭞ᬪᬝᬵᬵᬭᬭᬭᬶᬲ᭄ᬗᬦ᭄ᬤᬶᬓ᭞ᬩᬧᬗᭂᬮᬄᬬᬲᬸᬗ᭄ᬓᭂᬫᬶᬦ᭄᭞ᬫᬭᬸᬧᬬᬩᬕᭀᬃᬋᬓᭀ᭞᭠ᬘᬮᬶᬂᬭᬾᬗ᭄ᬕᬄᬳᬕᬸᬂᬮᬶᬳᬸᬃ᭟ᬮᬬᬄᬧᬜ᭄ᬚᬂᬗᭀᬭᬾᬓ᭄ᬢᬦᬄ᭞ᬢᬸᬃᬫᬗᭂᬦ᭄ᬤᬶᬄ᭞ᬫᬳᬶᬭᬶᬩ᭄ᬫᬗ᭄ᬮᬸᬫ᭄ᬩᬶᬄᬚᬕᬢ᭄᭟ᬫᬚᬮᬾᬃᬬᬲᬸᬢ᭄ᬭᬓᬺ᭠ ᬱ᭄ᬡ᭞ᬫᬓᭂᬮᬫ᭄ᬩᬶᬫ᭄ᬯᬂᬲᬲᬶᬫ᭄ᬧᬶᬂ᭞ᬫᬲᬲᭀᬘᬦ᭄‌ᬓᬺᬱ᭄ᬡᬋᬓᭀ᭞ᬘᬬᬦᬾᬤᬸᬫᬶᬮᬄᬫᬸᬭᬸᬩ᭄᭞ᬤᬤᬶᬋᬲ᭄ᬋᬱ᭄ᬫᬗᬦ᭄ᬢᭂᬦᬂ᭞ᬲᬫᬶᬍᬯᬶᬄ᭞ᬯᬮᬸᬬᬫᬗ᭄ᬮᬸᬫ᭄ᬩᬶᬄᬕᬮᬓ᭄᭟ᬲᬵᬫ᭄ᬧᬸᬦ᭄ᬳᬸᬲᬦ᭄ᬧᬦᬸᬕ᭄ᬭᬳᬦ᭄᭞ᬢᬸᬫᬸᬮᬶᬫᬧᬫᬶᬢ᭄ᬲᬫᬶ᭞ᬢᬦ᭄ᬓᭀᬘᬧᬤᬮᬦ᭄ᬋ ᬓᭀ᭞ᬲᬕᬾᬢ᭄ᬭᬯᬸᬄᬓᬸᬯᬸᬂᬳᬶᬧᬸᬦ᭄᭞ᬤᬦᬾᬭᬗ᭄ᬤᬫᬗ᭄ᬓᬶᬦ᭄ᬓᭀᬘᬧ᭄᭞ᬬᬫᬢᬗᬶ᭞ᬭᬭᬶᬲ᭄ᬤᬦᬾᬗᬚᬩᬬᬂ᭟ᬤᬦᬾᬭᬗ᭄ᬤᬫᬗᬦ᭄ᬢᭂᬦᬂ᭞ᬲᬶᬲ᭄ᬬᬦᬾᬬᬭᬯᬸᬄᬫᬗ᭄ᬓᬶᬦ᭄᭞ᬤᬦᬾᬭᬗ᭄ᬤᬗᬸᬘᬧ᭄ᬋᬓᭀ᭞ᬳᭂᬦᬾᬘᬳᬶᬯᬯᬸᬭᬯᬸᬄ᭞ᬲᬶᬲ᭄ᬬᬦᬾ ᬫᬵᬢᬸᬃᬲᭂᬫ᭄ᬩᬄ᭞ᬲᬋᬂᬲᬫᬶ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬯᬯᬸᬧ᭄ᬭᬵᬧ᭄ᬢᬶ᭟ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬗᬢᬸᬭᬂ᭞ᬲᬢᬶᬗ᭄ᬓᬄᬢᬶᬢ᭄ᬬᬗᬾᬫᬗ᭄ᬓᬶᬦ᭄᭞ᬢᬶᬢᬶᬬᬂᬧᬋᬓ᭄ᬲᬵᬫ᭄ᬧᬸᬦ᭄ᬋᬓᭀ᭞ᬭᬶᬂᬪᬝᬵᬵᬭᬲᬂᬲᬶᬦᬸᬳᬸᬦ᭄᭞ᬪᬝᬵᬵᬭᬦᬾᬮᬸᬕ᭄ᬭᬧᬶᬲᬦ᭄᭞ᬦᬾᬦᬾᬫᬗ᭄ᬓᬶᬦ᭄᭞ᬳᬶᬤ

Auto-transliteration

[15 15B] , tur̀, hamgĕndiḥ, mahiribmanglumbiḥjagat. majaler̀yakr̥ĕṣṇadana, makulambibĕlangkambing, masasocankr̥ĕṣṇar̥ĕko, mabapanglawanmagĕlung, marambutyamiraḥrātna, samingĕndiḥ, mahiribgĕlapmĕngapar̀. nigadingmangkinko capa, mamĕdĕk'hyang, śambuneki, bhaṭāārangandikahalon, hapasadyañahirawuḥ, higadingmātur̀‐hañumbaḥ, ringbhaṭāāri, tityangnglungsur̀kawiśeṣan. bhaṭāārararishanggucap, bapangĕlaḥśāstrapingit, marūpa yanilar̥ĕko, calingrenggaḥpañjanghagung, tandanrenggaḥbukagilap, muwangmingid, maledledlayahebĕlang. majaler̀yabirusamar̀, makulambinilāngĕndiḥ, sasocanemiraḥr̥ĕko, masasimpinghĕmāsmuru b, mangĕndiḥyabirunguda, maringlangit, śaktinetwarādapadha. niwĕkmangkinkocapa, mamĕdĕk'hyangwiṣṇumūr̀tti, bhaṭāārangandikahalon, hapasadyanñahirawuḥ, niwĕkmatur̀hañumbaḥ, ringbhaṭāāra, ti [16 16A] tyangnunaskaśaktiyan, bhaṭāārararisngandika, bapangĕlaḥyasungkĕmin, marupayabagor̀r̥ĕko, ‐calingrenggaḥhagunglihur̀. layaḥpañjangngorektanaḥ, tur̀mangĕndiḥ, mahiribmanglumbiḥjagat. majaler̀yasutrakr̥ĕ‐ ṣṇa, makĕlambimwangsasimping, masasocankr̥ĕṣṇar̥ĕko, cayanedumilaḥmurub, dadir̥ĕsr̥ĕṣmangantĕnang, samil̥ĕwiḥ, waluyamanglumbiḥgalak. sāmpunhusanpanugrahan, tumulimapamitsami, tankocapadalanr̥ĕ ko, sagetrawuḥkuwunghipun, danerangdamangkinkocap, yamatangi, rarisdanengajabayang. danerangdamangantĕnang, sisyaneyarawuḥmangkin, danerangdangucapr̥ĕko, hĕnecahiwawurawuḥ, sisyane mātur̀sĕmbaḥ, sar̥ĕngsami, hinggiḥtityangwawuprāpti. tityangmangkinmangaturang, satingkaḥtityangemangkin, titiyangpar̥ĕksāmpunr̥ĕko, ringbhaṭāārasangsinuhun, bhaṭāāranelugrapisan, nenemangkin, hida

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org