gaguritan-cacangkriman-02

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᬑᬁᬅᬯᬶᬖ᭄ᬦᬫᬲ᭄ᬢᬸ᭟᭜᭟ᬧᬸᬄᬧᬸᬘᬸᬂ᭟᭜᭟ᬤᬾᬭᬫᭂᬢᬸ᭞ᬤᬸᬓ᭄ᬓᬭᬶᬤᬶᬕᭂᬤᭀᬂᬩᬢᬸ᭞ᬳᬦᬓᬯᬸᬯᬸᬲᬦ᭄᭞ᬲᬂᬓᬫᬧᭂᬝᬓ᭄ᬧᬸᬦᬶᬓᬶ᭞ᬓᬫᬤᬤᬸ᭞ᬓᬫᬩᬵᬂ ᬮᬭᬵᬕᬤᬾᬯ᭟᭜᭟ᬗᬾᬓᬩᬬᬸ᭞ᬭᬶᬂᬚ᭄ᬭᭀᬦᬶᬂᬯᭂᬢᭂᬂᬧᬸᬦᬶᬓᬸ᭞ᬲᬂᬳ᭄ᬬᬂᬫᬺᬢᬪᬸᬯᬦ᭞ᬳᬲᬸᬂᬢᬥᬄᬲᬳᬶᬲᬳᬶ᭞ᬭᭀᬂᬲᬶᬢᬗ᭄ᬲᬸ᭞ᬲᬸᬩᬫᬭᬾᬓ᭠ ᬫᬵᬦᬸᬱ᭟᭜᭟ᬦᬾᬫᬦᬸᬗ᭄ᬕᬸ᭞ᬤᬸᬓ᭄ᬓᬭᬶᬤᬶᬕᭂᬤᭀᬂᬩᬢᬸ᭞ᬲᬂᬳ᭄ᬬᬂᬘᬢᬸᬃᬪᬸᬯᬦ᭞ᬲᬵᬦᬓᬶᬭᬧᭂᬢᬂᬤᬶᬭᬶ᭞ᬤᬶᬢᬸᬦᬸᬗ᭄ᬕᬸ᭞ᬲᬂᬳ᭄ᬬᬂᬭᬭᬾᬭᬶᬂᬯᬮᬓᬂ᭟ ᭐᭟ᬜᬫᬘᬢᬸᬃ᭞ᬲᬫᬶᬫᬦᬸᬗ᭄ᬕᬸᬬᬤᬶᬢᬸ᭞ᬲᬫᬶᬧᬥᬬᬢ᭄ᬦ᭞ᬫᬲᬶᬓᭂᬧ᭄ᬩᬚ᭄ᬭᬫᬗᭂᬦ᭄ᬤᬶᬄ᭞ᬤᬦᬾᬘᬸᬘᬸ᭞ᬫᬲᬶᬓᭂᬧ᭄ᬲᬤᬸᬗᬭᬜᬩ᭄᭟᭜᭟ [᭒ 2A] ᬦᬾᬳᬩᭂᬲᬶᬓ᭄᭞ᬫᭂᬦ᭄ᬢᬂᬦᬵᬕᬧᬵᬰᬳᬶᬓᬸ᭞ᬳᬤᬗᬕᭂᬫ᭄ᬘᬓ᭄ᬭ᭞ᬗᬗ᭄ᬕᬃᬧᭂᬤᬂᬗᬸᬦᬸᬲ᭄ᬓ᭄ᬭᬶᬲ᭄᭞ᬤᬦᬾᬘᬸᬘᬸ᭞ᬫᬲᬶᬓᭂᬧ᭄ᬲᬤᬸᬫᬗᬩᬃ᭟᭜᭟ᬧᬥᬯ᭄ᬭᬸᬄ᭞ᬫ ᬗᭂᬫᬶᬢ᭄ᬳᬶᬩᬭᬓ᭄ᬤᬶᬢᬸ᭞ᬤᬶᬕᭂᬤᭀᬂᬧᬢᬮ᭞ᬧᬤᬬᬢ᭄ᬦᬧᬥᬬᬬᬶ᭞ᬤᬶᬢᬸᬦᬸᬗ᭄ᬕᬸ᭞ᬲᬵᬫ᭄ᬧᬸᬦ᭄ᬦᭂᬫ᭄ᬩᬸᬮᬦ᭄ᬳᬶᬭᬶᬓ᭟᭜᭟ᬧᬥᬳᬲᬸᬂ᭞ᬧᬤᬾᬯᬰᬲᬂᬫᬦᬸ ᬗ᭄ᬕᬸ᭞ᬫᬤᬸᬮᬸᬭᬦ᭄ᬲᬥ᭄ᬬ᭞ᬤᬤᬶᬧᬥᬮᬸᬮᬸᬢ᭄ᬳᬲᬶᬄ᭞ᬲᬦᬾᬘᬢᬸᬃ᭞ᬫᬓᬳᭂᬗᬦ᭄ᬗᬚᬓ᭄ᬫᬤᬮ᭄᭟᭜᭟ᬩᬭᬓ᭄ᬩᬕᬸᬲ᭄᭞ᬚᬮᬦ᭄ᬫᬤᬮ᭄ᬓᬫᬥ᭄ᬬᬳᬶᬓᬸ᭞ᬢᬶ ᬢ᭄ᬬᬂᬗᭂᬫ᭄ᬩᬦᬶᬤᬾᬯ᭞ᬭᬶᬂᬫᬥ᭄ᬬᬧᬤᬮᬸᬫᬭᬶᬲ᭄᭞ᬩᬭᬓ᭄ᬩᬕᬸᬲ᭄᭞ᬧᬲᬯᬸᬭᬾᬢᬦ᭄ᬳᬧᬜ᭄ᬚᬂ᭟᭜᭟ᬳᭂᬗ᭄ᬓᬾᬦ᭄ᬤᬸᬫᬸᬦ᭄᭞ᬦᬢᬲᬂᬭᬸᬭᬸᬗᬾᬲᬵᬫ᭄ᬧᬸ

Auto-transliteration

[1 1B] oṅġawighnamastu \\•\\ puḥpucung \\•\\ deramĕtu, dukkaridigĕdongbatu, hanakawuwusan, sangkamapĕṭakpuniki, kamadadu, kamabāng larāgadewa \\•\\ ngekabayu, ringjroningwĕtĕngpuniku, sanghyangmr̥ĕtabhuwana, hasungtadhaḥsahisahi, rongsitangsu, subamareka‐ mānuṣa \\•\\ nemanunggu, dukkaridigĕdongbatu, sanghyangcatur̀bhuwana, sānakirapĕtangdiri, ditununggu, sanghyangrareringwalakang. 0. ñamacatur̀, samimanungguyaditu, samipadhayatna, masikĕpbajramangĕndiḥ, danecucu, masikĕpsadungarañab \\•\\ [2 2A] nehabĕsik, mĕntangnāgapāśahiku, hadangagĕmcakra, nganggar̀pĕdangngunuskris, danecucu, masikĕpsadumangabar̀ \\•\\ padhawruḥ, ma ngĕmit'hibarakditu, digĕdongpatala, padayatnapadhayayi, ditununggu, sāmpunnĕmbulanhirika \\•\\ padhahasung, padewaśasangmanu nggu, maduluransadhya, dadipadhalulut'hasiḥ, sanecatur̀, makahĕnganngajakmadal \\•\\ barakbagus, jalanmadalkamadhyahiku, ti tyangngĕmbanidewa, ringmadhyapadalumaris, barakbagus, pasawuretanhapañjang \\•\\ hĕngkendumun, natasangrurungesāmpu

Leaf 2

Image on Archive.org

[᭒ 2B] ᭒᭟ ᬦ᭄᭞ᬫᬃᬕ᭄ᬕᬦᬾᬩᭂᬲ᭄ᬲᭂᬗ᭄ᬓ᭞ᬮᬶᬬᬸᬤᬸᬯᬶᬲᬸᬗ᭄ᬕᬧᬸᬮᬶᬂ᭞ᬬᬦ᭄ᬢᬦ᭄ᬯᭂᬭᬸᬄ᭞ᬢᭀᬂᬫ᭠ᬳᬦ᭄ᬗᬮᬶᬄᬫᬫ᭄ᬩᬳᬦ᭄᭟᭜᭟ᬬᬦ᭄ᬢᬦ᭄ᬳᬶᬧᬸᬦ᭄᭞ᬳᬶᬫᭀᬓᬳᬶᬃᬫᭂᬢᬸᬤᬸᬫᬸᬦ᭄᭞ ᬳᬧᬦ᭄ᬫᬭᬵᬕᬬᬾᬄᬜᭀᬫ᭄᭞ᬳᭂᬦ᭄ᬢᭀᬢᬸᬢᬸᬕ᭄ᬳᬚᬓ᭄ᬲᬫᬶ᭞ᬳᬶᬫᭀᬓᬳᬶᬃ᭞ᬩᬋᬂᬳᬚᬓᬳᬶᬩᬭᬓ᭄᭟᭜᭟ᬳᬶᬚᭂᬮᬳᬶᬃ᭞ᬭᬭᬶᬲ᭄ᬲᬋᬂᬫᭂᬤᬮ᭄ᬦᬸ ᬢᬸᬕ᭄᭞ᬳᬶᬲᬮᬩᬶᬃᬳᬶᬓ᭞ᬧᬦᭂᬮᬲ᭄ᬮᬸᬳᬸᬦᬾᬲᬫᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬶᬩᬭᬓ᭄‌ᬬᬓᬧ᭄ᬭᬾᬢᬾᬓ᭟᭜᭟ᬜᬫᬦ᭄ᬳᬶᬧᬸᬦ᭄᭞ᬧᬸᬦ᭄ᬤᬸᬳᬂᬬᬫᬓᬘ ᬢᬸᬃ᭞ᬯᬤᬳᬶᬦ᭄ᬓᬮᬧ᭞ᬩᬩᬢᭂᬓ᭄ᬯᬾᬦ᭄ᬢᭂᬦ᭄ᬫᬗᭂᬫᬶᬢ᭄᭞ᬲᬗ᭄ᬕᬄᬳᬶᬧᬸᬦ᭄᭞ᬲᬳᬶᬫᬦᭂᬓᬬᬂᬚᭀᬢᬦ᭄᭟᭜᭟ᬫᬾᬫᬾᬕᬸᬭᬸ᭞ᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄ᬫ [᭓ 3A] ᬢᬸᬃ᭞ᬲᬵᬫ᭄ᬧᬸᬦ᭄ᬗᬮᬮᬶᬬᬂ᭞ᬜᬫᬦ᭄ᬢᬶᬢ᭄ᬬᬗᬾᬬᬤᬶᬦᬶ᭞ᬫᬲᬦᬶᬧᬸᬦ᭄᭞ᬫᬲᬶᬄᬢᬜ᭄ᬚᬾᬦᬶᬦ᭄ᬫᬤᬳᬃ᭟᭜᭟ᬯᬯᬸᬫᭂᬢᬸ᭞ᬜᬮᬦ᭄ᬢᬭᬦᬸᬚᬸᬧᬶᬢᬸᬂ᭞ᬳᬶ ᬤᭂᬧᬾᬯᬶᬰᬾᬱ᭞ᬰᬓ᭄ᬢᬶᬦᬾᬢᬦ᭄ᬲᬶᬧᬶᬲᬶᬧᬶ᭞ᬬᬦᬶᬂᬢᬦ᭄ᬯᭂᬭᬸᬄ᭞ᬢᬶᬢ᭄ᬬᬂ᭠ᬓᬶᬦᬮ᭄ᬓᬭᬫᬸᬳᬦ᭄᭟᭜᭟ᬧᬮᬶᬂᬩᬸᬤᬸᬄ᭞ᬧᬢᬶᬕ᭄ᬭᬧᬾᬧᬢᬳᬸᬲᬸᬤ᭄᭞ᬳᭂᬗ᭄ᬲ ᬧ᭄ᬢᭂᬓᬾᬦ᭄ᬜᬫ᭞ᬫᭀᬫᭀᬩᬸᬤ᭄ᬟᬶᬦᬾᬢᬸᬳᬸᬓᬶᬦ᭄᭞ᬫᬧᬶᬯᭂᬭᬸᬄ᭞ᬢᭂᬓᬾᬦ᭄ᬧᬗᬶᬲᬶᬦᬶᬂᬳᬯᬓ᭄᭟᭜᭟ᬦᬯᬂᬮᬶᬬᬸ᭞ᬯᬭᬶᬕᬉᬋᬥᬳᬶᬓᬸ᭞ᬤᬸᬯᭂᬕ᭄ᬫᬩ ᬪᬲᬦ᭄᭞ᬲᬸᬩᬗᬤᬾᬦ᭄ᬳᬯᬓ᭄ᬭᬶᬭᬶᬄ᭞ᬦᬾᬦᬾᬘᬢᬸᬃ᭞ᬫᬲᬶᬄᬢᬦ᭄ᬓᬘᬭᬶᬢ᭟᭜᭟ᬦᬾᬫ᭄ᬧ᭄ᬮᭀᬓ᭄ᬤᬶᬢᬸ᭞ᬲᬶᬂᬚᬮᬦ᭄ᬚᬮᬦ᭄ᬫᬮᬸᬗ᭄ᬕᬸᬄ᭞ᬢ᭄ᬯᬭᬳᬶᬗᭂ

Auto-transliteration

[2 2B] 2. n, mar̀gganebĕssĕngka, liyuduwisunggapuling, yantanwĕruḥ, tongma‐hanngaliḥmambahan \\•\\ yantanhipun, himokahir̀mĕtudumun, hapanmarāgayeḥñom, hĕntotutug'hajaksami, himokahir̀, bar̥ĕnghajakahibarak \\•\\ hijĕlahir̀, rarissar̥ĕngmĕdalnu tug, hisalabir̀hika, panĕlasluhunesami, sāmpunpuput, hibarakyakapreteka \\•\\ ñamanhipun, punduhangyamakaca tur̀, wadahinkalapa, babatĕkwentĕnmangĕmit, sanggaḥhipun, sahimanĕkayangjotan \\•\\ memeguru, tityangsanemangkinma [3 3A] tur̀, sāmpunngalaliyang, ñamantityangeyadini, masanipun, masiḥtañjeninmadahar̀ \\•\\ wawumĕtu, ñalantaranujupitung, hi dĕpewiśeṣa, śaktinetansipisipi, yaningtanwĕruḥ, tityang‐kinalkaramuhan \\•\\ palingbuduḥ, patigrapepatahusud, hĕngsa ptĕkenñama, momobudḍinetuhukin, mapiwĕruḥ, tĕkenpangisininghawak \\•\\ nawangliyu, wariga'ur̥ĕdhahiku, duwĕgmaba bhasan, subangadenhawakririḥ, nenecatur̀, masiḥtankacarita \\•\\ nemplokditu, singjalanjalanmalungguḥ, twarahingĕ

Leaf 3

Image on Archive.org

[᭓ 3B] ᭓᭟ ᬢ᭄ᬫᬢ᭄ᬭ᭞ᬳᬶᬩᬭᬓ᭄‌ᬬᬚᬸᬂᬚᬸᬂᬲᬳᬶ᭞ᬧᬮᬶᬂᬳᬚᬸᬃ᭞ᬳᬯᬓ᭄ᬧᬥᬍᬓᬤᬗ᭟᭜᭟ᬢᬦ᭄ᬯᭂᬭᬸᬄᬕᬸᬭᬸ᭞ᬢᭂᬓᬾᬦ᭄ᬧ᭄ᬬᬦᬓᬾᬦᬾᬘᬢᬸᬃ᭞ᬧᬥᬮᬾᬦᬕᭀᬩ᭠ ᬜ᭞ᬤᬤᬶᬩᬧᬢ᭄ᬯᬭᬳᬸᬦᬶᬂ᭞ᬓᬮᬶᬄᬳᬶᬧᬸᬦ᭄᭞ᬳᬶᬍᬕᬧ᭄ᬭᬡᬫᬦᬯᬂ᭟᭜᭟ᬓᬸᬤ᭄ᬬᬂᬢᬳᬸ᭞ᬳᬯᬓᬾᬘᭀᬦᭀᬮ᭄ᬫᬫᭂᬭᬸᬤ᭄᭞ᬫᬸᬮᬢ᭄ᬯᬸᬮᬢ᭄ᬦᬯᬂ᭞ ᬧᬗᬶᬲᬶᬦ᭄ᬳᬯᬓᬾᬍᬯᬶᬄ᭞ᬫᬗᬭᬸᬲᬸᬓ᭄᭞ᬢ᭄ᬯᬭᬦᬯᬂᬧᬚᬕᬢᬦ᭄᭟᭜᭟ᬢᬸᬳᬸᬢᬦ᭄ᬯᭂᬭᬸᬄ᭞ᬢᭂᬓᬾᬦ᭄ᬧ᭄ᬬᬦᬓ᭄ᬮᭂᬓᬤ᭄ᬫᬮᬸ᭞ᬦᬾᬤᬤᬶᬳᬦ᭄ᬤᭂᬮᬂ᭞ᬦᬾᬦᬾ ᬢᬸᬦ᭄ᬤᬾᬦ᭄ᬲᬳᬶᬲᬳᬶ᭞ᬢᭀᬂᬓᬢᭂᬧᬸᬓ᭄᭞ᬜᬫᬦ᭄ᬜᬦᬾᬢ᭄ᬯᬭᬢᬯᬂ᭟᭜᭟ᬩᭂᬮᬶᬩᬕᬸᬲ᭄᭞ᬚᬮᬦ᭄ᬧ᭄ᬭᬪᬾᬤᬳᬶᬕᬸᬭᬸ᭞ᬫ᭄ᬯᬂᬫᬋᬂᬳᬶᬩᬭᬓ᭄᭞ᬳᬶ [᭔ 4A] ᬅᬗ᭄ᬕᬧᬢᬶᬳᬲᬶᬓᬶ᭞ᬧ᭄ᬭᬚᬧᬢᬶ᭞ᬬᬾᬄᬜᭀᬫᬭᬵᬕᬮᬫᬲ᭄᭟᭜᭟ᬩᬦᬲ᭄ᬧᬢᬶ᭞ᬳᬭᬶᬳᬭᬶᬦᬾᬧᬸᬦᬶᬓᬸ᭞ᬩᬦᬲ᭄ᬧᬢᬶᬭᬵᬚ᭞ᬕᭂᬢᬶᬳᬾ ᬭᬶᬂᬚ᭄ᬭᭀᬫᬶᬚᬶᬮ᭄᭞ᬮᬫᬸᬦ᭄ᬯᭂᬭᬸᬄ᭞ᬉᬗ᭄ᬕᬸᬳᬂᬧᭂᬚᬂᬤᬶᬭᬵᬕ᭟᭜᭟ᬧᬳᭂᬓ᭄ᬤᬶᬢᬸ᭞ᬉᬮᬬᬢᬾᬫᬢᬗ᭄ᬕᬸᬄ᭞ᬢᭀᬂᬢᬯᬂᬕᭂᬦᬄᬜ᭞ᬤᬤᬶᬧᬮᬶᬂᬓᬸ᭠ ᬫᬭᬶᬢᬶᬧ᭄᭞ᬉᬮᬢ᭄ᬢᬳᬸ᭞ᬫᬲᬶᬄᬳᬬᬸᬓᬧ᭄ᬭᬪᬾᬤ᭟᭜᭟ᬲᬗ᭄ᬓᬦ᭄ᬩᬶᬗᬸᬂ᭞ᬫᬕ᭄ᬭᬶᬬᬸᬂᬳᬢᬶᬦᬾᬳᬶᬩᬸᬓ᭄᭞ᬫᬓᭂᬚᬂᬗ᭄ᬭᬸᬪᬾᬤ᭞ᬗ᭄ᬕᬯᬾᬉᬮᬄᬲᬮᬄ ᬢᬦ᭄ᬤᬶᬂ᭞ᬗᬶᬫᬸᬭᬶᬫᬸᬃ᭞ᬲᬮᬄᬢᭀᬦ᭄ᬫᬗ᭄ᬭᬫ᭄ᬩᬂᬲᬯᬂ᭟᭜᭟ᬚᬸᬫᬄᬢᬸᬬᬸᬄ᭞ᬉᬮᬶᬂᬗᬾᬓᬩᬦ᭄ᬫᬗᭂᬫ᭄ᬧᬸ᭞ᬚᬦᬶᬓ᭄ᬮᬾᬲᬶᬜ᭞ᬢᭀᬂᬳᬶᬗᭂᬢ᭄ᬳᬗ

Auto-transliteration

[3 3B] 3. tmatra, hibarakyajungjungsahi, palinghajur̀, hawakpadhal̥ĕkadanga \\•\\ tanwĕruḥguru, tĕkenpyanakenecatur̀, padhalenagoba‐ ña, dadibapatwarahuning, kaliḥhipun, hil̥ĕgapraṇamanawang \\•\\ kudyangtahu, hawakeconolmamĕrud, mulatwulatnawang, pangisinhawakel̥ĕwiḥ, mangarusuk, twaranawangpajagatan \\•\\ tuhutanwĕruḥ, tĕkenpyanaklĕkadmalu, nedadihandĕlang, nene tundensahisahi, tongkatĕpuk, ñamanñanetwaratawang \\•\\ bĕlibagus, jalanprabhedahiguru, mwangmar̥ĕnghibarak, hi [4 4A] anggapatihasiki, prajapati, yeḥñomarāgalamas \\•\\ banaspati, hariharinepuniku, banaspatirāja, gĕtihe ringjromijil, lamunwĕruḥ, ungguhangpĕjangdirāga \\•\\ pahĕkditu, ulayatematangguḥ, tongtawanggĕnaḥña, dadipalingku‐ maritip, ulattahu, masiḥhayukaprabheda \\•\\ sangkanbingung, magriyunghatinehibuk, makĕjangngrubheda, nggawe'ulaḥsalaḥ tanding, ngimurimur̀, salaḥtonmangrambangsawang \\•\\ jumaḥtuyuḥ, ulingngekabanmangĕmpu, janiklesiña, tonghingĕt'hanga

Leaf 4

Image on Archive.org

[᭔ 4B] ᭔᭟ ᬳ᭄ᬳᬓᬶᬤᬶᬓ᭄᭞ᬲᬳᬶᬢᬦ᭄ᬤ᭄ᬭᬸᬄ᭞ᬫᬓᭂᬚᬂᬢᭂᬓᬾᬦᬶᬂᬜᬫ᭟᭜᭟ᬩᭂᬮᬶᬩᬕᬸᬲ᭄᭞ᬚᬮᬦ᭄ᬧᬾᬢ᭄ᬓᬮᬳᬶᬦ᭄ᬗᬗ᭄ᬕᬸᬃ᭞ᬮᬸᬯᬲ᭄ᬢᬶᬩᬧᬭ᭞ᬓᬸᬢᬂᬬᬳᬶᬩ ᬭᬓ᭄ᬤᬶᬦᬶ᭞ᬤ᭄ᬬᬧᬶᬦ᭄ᬳᭂᬫ᭄ᬧᬸ᭞ᬢ᭄ᬯᬭᬳᬤᬗᬋᬲᭂᬧᬂ᭟᭜᭟ᬳᬤᬶᬩᬕᬲ᭄᭞ᬓᬮᬳᬶᬦ᭄ᬚᬦᬶᬳᬶᬢᬸᬢᬸᬃ᭞ᬤᬤᬶᬢᬦ᭄ᬧᬧ᭄ᬯᬭ᭞ᬢᬸᬬᬸᬄᬗᭂᬫ᭄ᬧᬸᬉᬮᬶᬂᬘᭂ ᬦᬶᬓ᭄᭞ᬳᬶᬮᬳᬶᬮᬸ᭞ᬤᬸᬓ᭄ᬗᬾᬓᬭᬶᬂᬓᬫᬧᭂᬝᬓ᭄᭟᭜᭟ᬚᬦᬶᬮᬫ᭄ᬧᬸᬲ᭄᭞ᬓᬮᬳᬶᬦᬶᬬᬳᬶᬢᬸᬢᬸᬃ᭞ᬳᭂᬗ᭄ᬲᬧᬂᬫᬜᬫ᭞ᬩᬦ᭄ᬘᭀᬦᭀᬮᬾ ᬢᬶᬤᭀᬂᬕᬶᬕᬶᬲ᭄᭞ᬩᭂᬮᭀᬕ᭄ᬧᬸᬗ᭄ᬕᬸᬂ᭞ᬢ᭄ᬯᬭᬦᬯᬂᬧᬚᬕᬢᬦ᭄᭟᭜᭟ᬤᬤᬶᬮᬫ᭄ᬧᬸᬲ᭄᭞ᬜᬫᬦᬾᬧ᭄ᬧᬢ᭄‌ᬬᬫᬸᬦ᭄ᬤᬸᬃ᭞ᬮᬸᬯᬲ᭄ᬢᬶᬩᬧᬭ᭞ᬫᬗᬾ [᭕ 5A] ᬢᬦ᭄ᬫᬗᬸᬮᭀᬦᬕ᭄ᬮᬶᬲ᭄᭞ᬗᬮᭀᬃᬗᬶᬤᬸᬮ᭄᭞ᬧᬋᬓ᭄ᬭᬶᬂᬳᬶᬤᬪᬝᬭ᭟᭜᭟ᬲᬵᬫ᭄ᬧᬸᬦ᭄ᬭᬯᬸᬄ᭞ᬧᬋᬓ᭄ᬭᬶᬂᬪᬝᬭᬳᬶᬓᬸ᭞ᬭᬭᬶᬲ᭄ᬓᬯᬘᬦᬦ᭄᭞ᬳ ᬧᬳᬮᬶᬄᬘᬳᬶᬫᬳᬶ᭞ᬤᬾᬯᬭᬢᬸ᭞ᬢᬢ᭄ᬬᬂᬦᬸᬦ᭄ᬧᬦᬸᬕ᭄ᬭᬳᬦ᭄᭟᭜᭟ᬘᬳᬶᬗ᭄ᬮᬫ᭄ᬧᬸᬲ᭄᭞ᬗᬸᬤᬓᬮᬳᬶᬦᬶᬢᬸᬢᬸᬃ᭞ᬤᭀᬂᬓᬤᭀᬂᬢᬸᬬᬸᬳᬂ ᭞ᬳᬚᬳᬶᬦ᭄ᬫᬗ᭄ᬭᬯᭀᬲ᭄ᬧᬶᬗᬶᬢ᭄᭞ᬓᭂᬫᬫᬦ᭄ᬢᬸᬓ᭄᭞ᬚᬕ᭄ᬚᬕᬶᬦᬶᬍᬕᬧ᭄ᬭᬡ᭟᭜᭟ᬳᬚᬄᬳᬶᬧᬸᬦ᭄᭞ᬫᬗ᭄ᬭᬯᭀᬲ᭄ᬧᬶᬗᬶᬢᬶᬢᬸᬢᬸᬃ᭞ᬩᬳᬂᬳᬦᬸ ᬕ᭄ᬭᬳᬦ᭄᭞ᬢᬸᬢᬸᬃᬯᬾᬥᬦᬾᬦᬾᬍᬯᬶᬄ᭞ᬳᬧᬂᬢᬳᬸ᭞ᬳᬶᬗᭂᬢ᭄ᬢᭂᬓᬾᬦᬶᬂᬫᬜᬫ᭟᭜᭟ᬤᬸᬄᬧᬸᬓᬸᬮᬸᬦ᭄᭞ᬧᬦᬸᬕ᭄ᬭᬳᬦᬶᬘᬾᬦ᭄ᬤᬸᬫᬸᬦ᭄᭞

Auto-transliteration

[4 4B] 4. hhakidik, sahitandruḥ, makĕjangtĕkeningñama \\•\\ bĕlibagus, jalanpetkalahinnganggur̀, luwastibapara, kutangyahiba rakdini, dyapinhĕmpu, twarahadangar̥ĕsĕpang \\•\\ hadibagas, kalahinjanihitutur̀, daditanpapwara, tuyuḥngĕmpu'ulingcĕ nik, hilahilu, dukngekaringkamapĕṭak \\•\\ janilampus, kalahiniyahitutur̀, hĕngsapangmañama, banconole tidonggigis, bĕlogpunggung, twaranawangpajagatan \\•\\ dadilampus, ñamaneppatyamundur̀, luwastibapara, mange [5 5A] tanmangulonaglis, ngalor̀ngidul, par̥ĕkringhidabhaṭara \\•\\ sāmpunrawuḥ, par̥ĕkringbhaṭarahiku, rariskawacanan, ha pahaliḥcahimahi, dewaratu, tatyangnunpanugrahan \\•\\ cahinglampus, ngudakalahinitutur̀, dongkadongtuyuhang , hajahinmangrawospingit, kĕmamantuk, jagjaginil̥ĕgapraṇa \\•\\ hajaḥhipun, mangrawospingititutur̀, bahanghanu grahan, tutur̀wedhanenel̥ĕwiḥ, hapangtahu, hingĕttĕkeningmañama \\•\\ duḥpukulun, panugrahanicendumun,

Leaf 5

Image on Archive.org

[᭕ 5B] ᬦᬾᬲᬸᬓ᭄ᬱ᭄ᬫᬭᬶᬂᬫᬦᬄ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬗᬸᬭᬸᬓ᭄ᬫᬗ᭄ᬓᬶᬦ᭄᭞ᬫᬗ᭄ᬤᬾᬢᬳᬸ᭞ᬳᬶᬧᬸᬦ᭄ᬫᬜᬫᬭᬶᬂᬢᬶᬢ᭄ᬬᬂ᭟᭜᭟ᬭᬭᬲ᭄ᬫᬦ᭄ᬢᬸᬓ᭄᭞ᬓᬶᬘᬾᬦ᭄ᬯᬭᬦᬸᬕ᭄ᬭᬳᬬᬸ᭞ ᬰᬩ᭄ᬤᬦᬶᬂᬒᬁᬓᬵᬭ᭞ᬲᬦᬾᬲᬸᬓ᭄ᬱ᭄ᬫᬢᬦ᭄ᬲᬶᬦᬶᬧᬶ᭞ᬭᬹᬧᬦᬶᬧᬸᬦ᭄᭞ᬲ᭄ᬯᬾᬢᬩᬵᬂᬳᬶᬋᬂᬫ᭄ᬯᬂᬚᭂᬦᬃ᭟᭜᭟ᬭᬭᬶᬲ᭄ᬫᬵᬢᬸᬃ᭞ᬳᬶᬅᬗ᭄ᬕᬧᬢᬶᬲᬥᬭᬮᬸᬲ᭄᭞ᬩᬦ ᬲ᭄ᬧᬢᬶᬲᬶᬭ᭞ᬧ᭄ᬭᬚᬧᬢᬶᬧᬥᬫᬸᬮᬶᬄ᭞ᬲᬫᬳᬦᬹᬢ᭄᭞ᬲᬋᬂᬭᬂᬳᬶᬍᬕᬧ᭄ᬭᬡ᭟᭜᭟ᬲᬫᬶᬫᬦ᭄ᬢᬸᬓ᭄᭞ᬧᬧᬢᬸᬳᬦ᭄ᬫᬓᬘᬢᬸᬃ᭞ᬲᬵᬫ᭄ᬧᬸᬦᬾᬭᬶᬂᬳᬯ ᬦ᭄᭞ᬳᬧᬦ᭄ᬢᬦ᭄ᬓᬯᬃᬡ᭄ᬦᬫᬮᬶᬄ᭞ᬦᬾᬓᬯᬸᬯᬸᬲ᭄᭞ᬳᬶᬍᬕᬧ᭄ᬭᬡᬭᬶᬂᬫᬥ᭄ᬬ᭟᭜᭟ᬲᬸᬗ᭄ᬓᬦ᭄ᬓᬸᬭᬸ᭞ᬳᬶᬩᬧᬬᬫ᭄ᬭᬄᬫ᭄ᬭᬸᬄ᭞ᬦᬳᭂᬦ᭄ᬧᬘᬂᬭᬸᬲᬓ᭄᭞ [᭖ 6A] ᬢᬦᬸᬭᬸᬗᬦ᭄ᬧᬘᬂᬫᬢᬶ᭞ᬤᬳᬄᬤᬸᬳᬸᬄ᭞ᬳᬶᬫᬾᬫᬾᬬᬫᬫᬸᬮᬶᬲᬄ᭟᭜᭟ᬧᬢᬓᬘᬸᬄ᭞ᬫᬸᬜᬶᬦᬾᬧᬢᬶᬚ᭄ᬮᬫᬸᬢ᭄᭞ᬫᬦᬸᬗᬤᬄᬩᭀᬬ᭞ ᬓᭂᬦᭂᬳᬾᬫᬦᬳᭂᬦ᭄ᬫᬢᬶ᭞ᬩᬭᬓ᭄ᬩᬕᬸᬲ᭄᭞ᬮᬮᬶᬲ᭄ᬲᬦᬶᬤᬾᬯᬲᬾ᭠ᬤ᭟᭜᭟ᬕᬥᬂᬮᬬᬸ᭞ᬳᬶᬩᬭᬓ᭄‌ᬬᬮᬾᬫ᭄ᬮᬾᬫ᭄ᬓᭂᬘᬸᬤ᭄᭞ᬤᬸᬃᬕ᭄ᬕᬦᬩᬲ᭄ᬕ ᬮᬓ᭄᭞ᬗᬋᬩᬸᬢᬶᬩᬭᬓ᭄ᬫᬳᬶ᭞ᬧᬕᬭᬶᬬᬸᬢ᭄᭞ᬤᬸᬃᬕ᭄ᬕᬦᬾᬢᭂᬓᬫᬗᬭᬂ᭟᭜᭟ᬕ᭄ᬮᬃᬕ᭄ᬮᬸᬃ᭞ᬫᬢᬶᬢᬶᬢ᭄ᬬᬂᬤᬾᬯᬭᬢᬸ᭞ᬧᬶᬲᬕᬦᬾᬫᬭᬲ᭄᭞ᬜ ᬕ᭄ᬚᬕᬶᬦ᭄ᬓᭂᬫᬫᬳᬓᬶᬦ᭄᭞ᬧᬥᬢᬓᬸᬢ᭄᭞ᬗᭂᬢᭀᬃᬢᭀᬂᬤᬤᬶᬫᬚᬮᬦ᭄᭟᭜᭟ᬢᬸᬫ᭄ᬧᬂᬢᭂᬮᬸᬢᬸᬫ᭄ᬧᬂᬮᬶᬫᬢᬸᬫ᭄ᬧᬂᬧᬶᬢᬸ᭞ᬫᬮᬶᬄᬢᬸᬫ᭄ᬧᬂ᭠

Auto-transliteration

[5 5B] nesukṣmaringmanaḥ, hanggentityangngurukmangkin, mangdetahu, hipunmañamaringtityang \\•\\ rarasmantuk, kicenwaranugrahayu, śabdaningoṁkāra, sanesukṣmatansinipi, rūpanipun, swetabānghir̥ĕngmwangjĕnar̀ \\•\\ rarismātur̀, hi'anggapatisadharalus, bana spatisira, prajapatipadhamuliḥ, samahanūt, sar̥ĕngranghil̥ĕgapraṇa \\•\\ samimantuk, papatuhanmakacatur̀, sāmpuneringhawa n, hapantankawar̀ṇnamaliḥ, nekawuwus, hil̥ĕgapraṇaringmadhya \\•\\ sungkankuru, hibapayamraḥmruḥ, nahĕnpacangrusak, [6 6A] tanurunganpacangmati, dahaḥduhuḥ, himemeyamamulisaḥ \\•\\ patakacuḥ, muñinepatijlamut, manungadaḥboya, kĕnĕhemanahĕnmati, barakbagus, lalissanidewase‐da \\•\\ gadhanglayu, hibarakyalemlemkĕcud, dur̀gganabasga lak, ngar̥ĕbutibarakmahi, pagariyut, dur̀gganetĕkamangarang \\•\\ glar̀glur̀, matitityangdewaratu, pisaganemaras, ña gjaginkĕmamahakin, padhatakut, ngĕtor̀tongdadimajalan \\•\\ tumpangtĕlutumpanglimatumpangpitu, maliḥtumpang‐

Leaf 6

Image on Archive.org

[᭖ 6B] ᭖᭟ ᬲᬶᬬ᭞ᬢᬸᬫ᭄ᬧᬂᬲᭀᬮᬲ᭄ᬲᬸᬩᬤᬤᬶ᭞ᬕᭂᬥᬾᬦᬶᬧᬸᬦ᭄᭞ᬪᬵᬃᬕ᭄ᬕᬯᬮᬦ᭄ᬲᬶᬗ᭄ᬳᬩᬭ᭄ᬯᬂ᭟᭜᭟ᬫᬜ᭄ᬘᬯᬃᬡ᭄ᬦ᭞ᬭᬸᬧᬦ᭄ᬤᬾᬲ᭄ᬢᬶᬦᬾᬗᬋᬩᬸᬢ᭄᭞ᬲᬫᬶᬫᬯᬶᬰᬾ ᬱ᭞ᬩᬦ᭄ᬘᭂᬦᬶᬂᬬᬫᬸᬗ᭄ᬓ᭄ᬭᬂᬫᬗ᭄ᬓ᭄ᬭᬶᬂ᭞ᬤᬾᬯᬩᬕᬸᬲ᭄᭞ᬢᬸᬮᬸᬂᬚᬜᬫᬦᬶᬤᬾᬯ᭟᭜᭟ᬲᬕᬾᬢ᭄ᬭᬯᬸᬄ᭞ᬜᬫᬦᬾᬫᬵᬧᬶᬢᬦ᭄ᬯᭂᬭᬸᬄ᭞ᬫᬜᬧᬜᬭ᭄ᬯᬂ᭞ᬕᬸᬭᬸ ᬗᬸᬤᬫᬸᬗ᭄ᬓ᭄ᬭᬂᬫᬗ᭄ᬓ᭄ᬭᬶᬂ᭞ᬬᬢᬗ᭄ᬓᭂᬚᬸᬢ᭄᭞ᬓᬤᬾᬦ᭄ᬤᬸᬃᬕ᭄ᬕᬫᬮᬶᬄᬧ᭄ᬭᬧ᭄ᬢ᭟᭜᭟ᬜᬾᬦ᭄ᬫᬲᬯᬸᬢ᭄᭞ᬫᬗᬸᬤᬬᬜᬭᬸᬜᬭᬸ᭞ᬳᬶᬩᬕᬸᬲᬗᬸᬘᬧ᭄᭞ᬓᭂᬜᬸᬂᬓᭂ ᬜᬸᬂᬫᬜᬯᬸᬭᬶᬦ᭄᭞ᬫᬾᬫᬾᬕᬸᬭᬸ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬲᬸᬩᬢᭂᬓ᭟᭜᭟ᬤᬾᬯᬭᬢᬸ᭞ᬢᭂᬓᬲᬚᬤᬾᬯᬩᬕᬸᬲ᭄᭞ᬮᬮᬶᬲᬦᬶᬤᬾᬯ᭞ᬗᬮ [᭗ 7A] ᬳᬶᬦ᭄ᬳᬤᬶᬦᬾᬤᬶᬦᬶ᭞ᬲᬸᬩᬩᬸᬯᬸᬢ᭄᭞ᬕᬭᬂᬤᬸᬃᬕ᭄ᬕᬲᬜ᭄ᬚᬲᬜ᭄ᬚ᭟᭜᭟ᬫᬾᬫᬾᬕᬸᬭᬸ᭞ᬳᭂᬤᬓᬸᬤᬧᬢᬶᬓᬘᬸᬄ᭞ᬢᭀᬂᬫᬗᭂᬮᬄᬲᬢ᭄ᬯ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫ ᬗᭂᬦᭂᬫᬶᬦ᭄᭞ᬫᬾᬫᬾᬕᬸᬭᬸ᭞ᬭᬵᬕᬦᬾᬚ᭄ᬯᬧᬢᬶᬍᬲᬂ᭟᭜᭟ᬦᭀᬭᬓᬾᬗ᭄ᬕᬸᬄ᭞ᬳᬦ᭄ᬢᬸᬓ᭄ᬤᬸᬃᬕ᭄ᬕᬦᬾᬫᬗᬺᬩᬸᬢ᭄᭞ᬳᬓᬸᬤᬳᬚᬓ᭄ᬜ᭞ᬬᬤᬶᬦ᭄ᬮᬶᬫᬂᬳᬢᬸ ᬲ᭄ᬧ᭄ᬭᬧ᭄ᬢᬶ᭞ᬦᭀᬭᬓᬾᬗ᭄ᬕᬸᬄ᭞ᬕᬭᬂᬤᬸᬃᬕ᭄ᬕᬫᬯᬶᬰᬾᬱ᭟᭜᭟ᬦᬾᬳᬳᬸᬓᬸᬤ᭄᭞ᬗᬕᬫ᭄ᬘᬓ᭄ᬭᬳᭂᬦ᭄ᬤᬶᬄᬫᬸᬭᬸᬩ᭄᭞ᬫᬢᬦ᭄ᬤᬶᬗᬦ᭄‌ᬬᬰ᭞ᬢ᭄ᬯᬭᬤᬦᬾᬩᬶ ᬲᬕᬶᬗ᭄ᬲᬶᬃ᭞ᬧᬥᬭᬯᬸᬄ᭞ᬤᬸᬃᬕ᭄ᬕᬦᬾᬦᬾᬕᬮᬓ᭄ᬕᬮᬓ᭄᭟᭜᭟ᬧᬥᬦᭂᬫᬸ᭞ᬤᬸᬃᬕᬦᬾᬭᬶᬂᬤᬾᬯᬩᬕᬸᬲ᭄᭞ᬧᬥᬫᬯᬶᬰᬾᬱ᭞ᬭᬫᬾᬳᬧ᭄ᬭᬂᬲᬶ

Auto-transliteration

[6 6B] 6. siya, tumpangsolassubadadi, gĕdhenipun, bhār̀ggawalansinghabarwang \\•\\ mañcawar̀ṇna, rupandestinengar̥ĕbut, samimawiśe ṣa, bancĕningyamungkrangmangkring, dewabagus, tulungjañamanidewa \\•\\ sagetrawuḥ, ñamanemāpitanwĕruḥ, mañapañarwang, guru ngudamungkrangmangkring, yatangkĕjut, kadendur̀ggamaliḥprapta \\•\\ ñenmasawut, mangudayañaruñaru, hibagusangucap, kĕñungkĕ ñungmañawurin, memeguru, mangkintityangsubatĕka \\•\\ dewaratu, tĕkasajadewabagus, lalisanidewa, ngala [7 7A] hinhadinedini, subabuwut, garangdur̀ggasañjasañja \\•\\ memeguru, hĕdakudapatikacuḥ, tongmangĕlaḥsatwa, mangkintityangma ngĕnĕmin, memeguru, rāganejwapatil̥ĕsang \\•\\ norakengguḥ, hantukdur̀gganemangr̥ĕbut, hakudahajakña, yadinlimanghatu sprapti, norakengguḥ, garangdur̀ggamawiśeṣa \\•\\ nehahukud, ngagamcakrahĕndiḥmurub, matandinganyaśa, twaradanebi sagingsir̀, padharawuḥ, dur̀gganenegalakgalak \\•\\ padhanĕmu, dur̀ganeringdewabagus, padhamawiśeṣa, ramehaprangsi

Leaf 7

Image on Archive.org

[᭗ 7B] ᭗᭟ ᬮᬶᬄᬕᬶᬢᬶᬓ᭄᭞ᬲᬶᬮᬶᬄᬳᬭᬸᬕ᭄᭞ᬓᬲᭀᬃᬤᬸᬃᬕ᭄ᬕᬦᬾᬫᬓᭂᬚᬂ᭟᭜᭟ᬤᬤᬶᬫᬸᬦ᭄ᬤᬸᬃ᭞ᬤᬸᬃᬕ᭄ᬕᬦᬾᬬᬓᬸᬫᬭᬸᬤᬸᬓ᭄᭞ᬓᬢᬶᬕ᭄ᬢᬶᬕ᭄ᬩᬦ᭄ᬩᬚ᭄ᬭ᭞ᬓᬘᬓ᭄ᬭᬓᬧᬦᬄ ᬲᬫᬶ᭞ᬧᬥᬫᬲᬸᬓ᭄᭞ᬭᬶᬂᬕᬕᬡᬗᬯᬂᬗᬯᬂ᭟᭜᭟ᬓᬢᬹᬢ᭄ᬩᬸᬭᬶ᭞ᬭᬶᬂᬕᬕᬡᬓᬧᬮᬬᬸ᭞ᬧᬥᬫᬗ᭄ᬮᬮᬬᬂ᭞ᬭᬶᬂᬕᬕᬡᬫᬫᭂᬦ᭄ᬤᬓᬶᬦ᭄᭞ᬧᬥᬦᭂ ᬫᬸ᭞ᬓᬢᬶᬕ᭄ᬢᬶᬕ᭄ᬓᬚᭂᬗ᭄ᬓᬚᭂᬗ᭄ᬓ᭟᭜᭟ᬧᬥᬓᭀᬦ᭄ᬤᬸᬃ᭞ᬮᬾᬬᬓ᭄ᬫᬜ᭄ᬘᬯᬃᬡᬓᭀᬦ᭄ᬤᬸᬃ᭞ᬓᬲᭀᬭᬦ᭄ᬩᬦ᭄‌ᬬᬸᬤ᭄ᬟ᭞ᬧᬘᬾᬕ᭄ᬘᬾᬕ᭄‌ᬬᬓᬢᬄᬫᬢᬶ᭞ᬕᬸᬫᬭᬸ ᬤᬸᬕ᭄᭞ᬩᬩᬳᬶᬦᬾᬓᬸᬫᬋᬲ᭄ᬯᬓ᭄᭟᭜᭟ᬲᬸᬩᬲᬸᬯᬸᬂ᭞ᬤᬸᬃᬕ᭄ᬕᬦᬾᬲᬫᬶᬫᬮᬶᬂᬮᬬᬸ᭞ᬳᬤᭀᬄᬫᬭᬄᬤᬾᬰ᭞ᬢ᭄ᬯᬭᬦᬸᬦᬂᬳᬤᬶᬭᬶ᭞ᬧᬥᬭᬯᬸᬄ᭞ [᭘ 8A] ᬳᬶᬩᬕᬸᬲ᭄‌ᬬᬫᬓᬧᬢ᭄ᬧᬢ᭄᭟᭜᭟ᬤᭂᬮᭀᬓᬶᬦ᭄ᬤᬶᬢᬸ᭞ᬜᬫᬦᬾᬦᬸᬫᬲᬶᬄᬓᬸᬭᬸ᭞ᬚᭂᬫᬓ᭄ᬩᬩᬬᭀᬦ᭄ᬬ᭞ᬳᬚᬓ᭄ᬧᬢ᭄ᬧᬢ᭄ᬲᭂᬮᬕᭂᬦ᭄ᬢᬶ᭞ᬫᬡᬂ ᬩᬬᬸ᭞ᬤᬤᬶᬩᬗᬸᬦ᭄ᬫᬗᬸᬭᬫᬂ᭟᭜᭟ᬳᬸᬲᬸᬤᬸᬲᬸᬤ᭄᭞ᬳᬭᬤ᭄ᬩᬬᬸᬦᬾᬫᬧᬸᬦ᭄ᬤᬸᬄ᭞ᬤᬸᬫᬭᬳᬶᬢᭂᬢᬦ᭄᭞ᬫᬢᬸᬧ᭄ᬢᬸᬧ᭄ᬫᬦᬳᬾᬚᬦᬶ᭞ᬩᬧᬕᬸᬭᬸ᭞ᬳᬶᬩᭂ ᬮᬶᬤᬦᬾᬤᬶᬚ᭟᭜᭟ᬲᬯᬸᬃᬓᭂᬜᬸᬂ᭞ᬳᬶᬅᬗ᭄ᬕᬧᬢᬶᬧᬸᬦᬶᬓᬸ᭞ᬳᬧᬓᬢᬓᭀᬦᬂ᭞ᬩᭂᬮᬶᬚᬸᬫᬄᬦᬸᬗ᭄ᬕᬸᬘᬳᬶ᭞ᬳᭂᬜᬾᬦ᭄ᬧᬸᬭᬸᬦ᭄᭞ᬤᬸᬃᬕ᭄ᬕᬦᬾᬬ ᬧᬩᬍᬲᬢ᭄᭟᭜᭟ᬲᬬᬦ᭄ᬗ᭄ᬭᬸᬗᬸ᭞ᬉᬚᬃᬜᬫᬦᬾᬳᬮᬸᬲ᭄᭞ᬬᬦ᭄ᬓᭂᬦᭂᬄᬓᭂᬦᭂᬳᬂ᭞ᬧᬦ᭄ᬢᭂᬲ᭄ᬢ᭄ᬯᬄᬧᬶᬢᬸᬢᬸᬃᬧᬶᬗᬶᬢ᭄᭞ᬩᭂᬮᬶᬩᬕᬸᬲ᭄᭞ᬳᬚᬳᬶᬦ᭄ᬚᬓᬸᬤ

Auto-transliteration

[7 7B] 7. liḥgitik, siliḥharug, kasor̀dur̀gganemakĕjang \\•\\ dadimundur̀, dur̀gganeyakumaruduk, katigtigbanbajra, kacakrakapanaḥ sami, padhamasuk, ringgagaṇangawangngawang \\•\\ katūtburi, ringgagaṇakapalayu, padhamanglalayang, ringgagaṇamamĕndakin, padhanĕ mu, katigtigkajĕngkajĕngka \\•\\ padhakondur̀, leyakmañcawar̀ṇakondur̀, kasoranbanyudḍa, pacegcegyakataḥmati, gumaru dug, babahinekumar̥ĕswak \\•\\ subasuwung, dur̀gganesamimalinglayu, hadoḥmaraḥdeśa, twaranunanghadiri, padharawuḥ, [8 8A] hibagusyamakapatpat \\•\\ dĕlokinditu, ñamanenumasiḥkuru, jĕmakbabayonya, hajakpatpatsĕlagĕnti, maṇang bayu, dadibangunmanguramang \\•\\ husudusud, haradbayunemapunduḥ, dumarahitĕtan, matuptupmanahejani, bapaguru, hibĕ lidanedija \\•\\ sawur̀kĕñung, hi'anggapatipuniku, hapakatakonang, bĕlijumaḥnunggucahi, hĕñenpurun, dur̀gganeya pabal̥ĕsat \\•\\ sayanngrungu, ujar̀ñamanehalus, yankĕnĕḥkĕnĕhang, pantĕstwaḥpitutur̀pingit, bĕlibagus, hajahinjakuda

Leaf 8

Image on Archive.org

[᭘ 8B] ᭘᭟ ᬢᬶᬢ᭄ᬬᬂ᭟᭜᭟ᬫᬓᬘᬢᬸᬃ᭞ᬗᬚᬳᬶᬦᬶᬍᬕᬢᬸᬢᬸᬃ᭞ᬧ᭄ᬭᬬᬢ᭄ᬦᬫᬶᬋᬗᬂ᭞ᬫᬸᬜᬶᬦ᭄ᬤᬦᬾᬫᬶᬢᬸᬢᬸᬭᬶᬦ᭄᭟ᬯᬾᬢᬦᬗᬸᬩ᭄᭞ᬓᬸᬮᭀᬦ᭄ᬚᭂᬦᬂᬢᭀᬯᬃ ᬡ᭄ᬦᬦ᭄ᬬ᭟᭜᭟ᬭᬓ᭄ᬢᬓᬶᬤᬸᬮ᭄᭞ᬳᬶᬋᬂᬮᭀᬃᬧᬭᬹᬧᬦᬶᬧᬸᬦ᭄᭞ᬫᬥ᭄ᬬᬫᬜ᭄ᬘᬯᬃᬡ᭄ᬦ᭞ᬳᬶᬤᭂᬃᬧᬜ᭄ᬘᬦᬾᬧᬸᬦᬶᬓᬶ᭞ᬲᬸᬩᬢᭂᬭᬸᬲ᭄᭞ᬩᬳᬦ᭄ᬘᬳᬶᬫ ᬗ᭄ᬭᬸᬗᬸᬯᬂ᭟᭜᭟ᬰᬩ᭄ᬤᬦᬶᬧᬸᬦ᭄᭞ᬯᬾᬢᬦ᭄᭞ᬅ᭞ᬧᬫᬸᬜᬶᬦᬶᬧᬸᬦ᭄᭞ᬇᬄ᭞ᬓᬶᬤᬸᬮ᭄ᬲ᭄ᬯᬭᬦ᭄ᬬ᭞ᬓᬸᬮᭀᬦ᭄᭞ᬉᬄ᭞ᬫᬸᬜᬶᬦ᭄ᬜᬢᬸᬯᬶ᭞ᬳᬄ᭞ᬮᭀᬃᬳᬶᬓᬸ᭞ ᬓᬾᬢᭀᬘᬳᬶᬳᬧᬂᬢᬢᬲ᭄᭟᭜᭟ᬓᭀᬘᬧᬶᬧᬸᬦ᭄᭞ᬦᬾᬫᬭᬶᬂᬫᬥ᭄ᬬᬓᬯᬸᬯᬸᬲ᭄᭞ᬏᬦ᭄ᬤᬄᬧᬫᬸᬜᬶᬦ᭄ᬜ᭞ᬓᬾᬯᭀᬘᬳᬶᬫᬗ᭄ᬤᬾᬗᬶᬮᬶᬲ᭄᭞ [᭙ 9A] ᬇᬥᭂᬧ᭄ᬕᬸᬭᬸ᭞ᬳᭂᬗᭂᬢᬂᬚᬳᬧᬂᬫᭂᬮᬄ᭟᭜᭟ᬳᬶᬥᭂᬧ᭄ᬧᬜ᭄ᬘ᭞ᬤᬾᬯᬲᬗ᭄ᬳᬦᬾᬧᬸᬦᬶᬓᬸ᭞ᬫᬕᭂᬦᬄᬭᬶᬂᬭᬵᬕ᭞ᬭᬲᬭᬲᬬᬂᬧᬂᬧᬲ᭄ᬢᬶ᭞ᬤᬜᬮᬶᬗ᭄ᬲ ᬢ᭄᭞ᬕᭂᬦᬄᬤᬾᬯᬦᬾᬫᬮᬶᬗ᭄ᬕ᭟᭜᭟ᬩᭂᬮᬶᬩᬕᬸᬲ᭄᭞ᬧᭂᬢ᭄ᬧᭂᬢᬂᬮᬶᬗ᭄ᬕᬶᬳᬾᬤᬶᬢᬸ᭞ᬦᬾᬭᬶᬂᬳᬯᬓ᭄ᬢᬶᬢ᭄ᬬᬂ᭞ᬫᬗ᭄ᬤᬾᬲᬵᬫ᭄ᬧᬸᬦ᭄ᬲᬮᬄᬮᬶᬗ᭄ᬕᬶᬄ᭞ᬕᬸᬮᬶ ᬕᬸᬮᬶ᭞ᬩᭂᬮᬶᬢᬶᬢ᭄ᬬᬂᬧᬮᬚᬳᬂ᭟᭜᭟ᬍᬕᬧ᭄ᬭᬡ᭞ᬳᬧᬂᬫᭂᬮᬄᬗᬶᬥᭂᬧ᭄ᬢᬸᬢᬸᬃ᭞ᬢᭀᬂᬚᬵᬢᬚᬵᬢ᭄ᬬ᭞ᬫᬗ᭄ᬤᬾᬤᬲᬮᬄᬮᬶᬗ᭄ᬕᬶᬄ᭞ᬘᬳᬶᬩᬕᬸᬲ᭄᭞ᬳ ᬧᬂᬬᬢ᭄ᬦᬫᬤᬶᬗᭂᬳᬂ᭟᭜᭟ᬳᬮᬶᬢᬕᬸᬂ᭞ᬕᬸᬫᬶᬦᬾᬘᬳᬶᬢᭀᬭᬸᬗᬸ᭞ᬪᬸᬯᬦᬦᬾᬭᬶᬂᬭᬵᬕ᭞ᬬᬢ᭄ᬦᬬᬂᬘᬳᬶᬫᬶᬭᬕᬶ᭞ᬮᬸᬗ᭄ᬕᬸᬄᬳᬶᬓᬸ᭞ᬤᬾᬯᬦᬾ

Auto-transliteration

[8 8B] 8. tityang \\•\\ makacatur̀, ngajahinil̥ĕgatutur̀, prayatnamir̥ĕngang, muñindanemituturin. wetanangub, kulonjĕnangtowar̀ ṇnanya \\•\\ raktakidul, hir̥ĕnglor̀parūpanipun, madhyamañcawar̀ṇna, hidĕr̀pañcanepuniki, subatĕrus, bahancahima ngrunguwang \\•\\ śabdanipun, wetan, a, pamuñinipun, iḥ, kidulswaranya, kulon, uḥ, muñinñatuwi, haḥ, lor̀hiku, ketocahihapangtatas \\•\\ kocapipun, nemaringmadhyakawuwus, endaḥpamuñinña, kewocahimangdengilis, [9 9A] idhĕpguru, hĕngĕtangjahapangmĕlaḥ \\•\\ hidhĕppañca, dewasanghanepuniku, magĕnaḥringrāga, rasarasayangpangpasti, dañalingsa t, gĕnaḥdewanemalingga \\•\\ bĕlibagus, pĕtpĕtanglinggiheditu, neringhawaktityang, mangdesāmpunsalaḥlinggiḥ, guli guli, bĕlitityangpalajahang \\•\\ l̥ĕgapraṇa, hapangmĕlaḥngidhĕptutur̀, tongjātajātya, mangdedasalaḥlinggiḥ, cahibagus, ha pangyatnamadingĕhang \\•\\ halitagung, guminecahitorungu, bhuwananeringrāga, yatnayangcahimiragi, lungguḥhiku, dewane

Leaf 9

Image on Archive.org

Leaf 10

Image on Archive.org

Leaf 11

Image on Archive.org

Leaf 12

Image on Archive.org

Leaf 13

Image on Archive.org

Leaf 14

Image on Archive.org

Leaf 15

Image on Archive.org

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org