gaguritan-candi-kusuma

Original on Archive.org

Front and Back Covers

Image on Archive.org

[Judul : GAGURITAN CANDI KUSUMA. Pnj. 35 cm. Lb.3,5 cm. Jl.37lb. Asal : Abang, Karangasem. PERPUSTAKAAN KTR. DOKBUD BALI PROP. BALI G/IV/5/DOKBUD] [᭑ 1A] [G/IV/5 Judul : GAGURITAN CANDI KUSUMA. Panj. 35 cm.Lb.3,5 cm.Jl. 37 lb. Asal : Abang Karangasem]

Auto-transliteration

[Judul : GAGURITAN CANDI KUSUMA. Pnj. 35 cm. Lb.3,5 cm. Jl.37lb. Asal : Abang, Karangasem. PERPUSTAKAAN KTR. DOKBUD BALI PROP. BALI G/IV/5/DOKBUD] [1 1A] [G/IV/5 Judul : GAGURITAN CANDI KUSUMA. Panj. 35 cm.Lb.3,5 cm.Jl. 37 lb. Asal : Abang Karangasem]

Leaf 1

Image on Archive.org

[᭑ 1B] ᭑ ᭛ᬅᬯᬶᬖ᭄ᬦᬫᬵᬲ᭄ᬢᬸᬦᬫᬰ᭄ᬯᬳ᭛ᬲᬶᬦᭀᬫ᭄᭛ᬳᬶᬲᭂᬂᬢᬶᬢ᭄ᬬᬂᬗᬸᬭᬶᬢ᭄ᬕᬶᬢᬵᬢᭂᬫ᭄ᬩᬂᬲᬶᬦᭀᬫ᭄ᬫᬸᬜᬶᬩᬮᬶ᭞ᬧᬤᬶᬤᬶᬬᬦ᭄ᬦᭂᬕᬓ᭄ᬚᬸᬫᬄ᭞ᬲ᭄ᬤᭂᬓ᭄ᬫᭂᬦᬦ᭄ᬤᬗᬶᬦ᭄ᬲᬓᬶᬢ᭄᭞ᬗᬶᬮᬸᬢ᭄ᬩᬲ ᬗᬾᬧᭂᬤᬶᬄ᭞ᬤᬳᬄᬤᬸᬳᬸᬄᬧᬢᬶᬚ᭄ᬮᬫᬸᬢ᭄᭞ᬲᬭᬸᬯᬂᬫᬦᭂᬫᬓ᭄ᬳᭂᬦ᭄ᬢᬮ᭄᭞ᬘᬥ᭄ᬥᬵᬓᬸᬲᬸᬫᬦᬾᬧᬭᬶᬢ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄᭞ᬜᬮᬶᬫᬸᬭᬂᬲᬓᬶᬢ᭄ᬫᬦᬄ᭟ᬦᬸᬚᬸᬤᬶᬦᬲᭀᬫ ᬓ᭄ᬮᬶᬯᭀᬦ᭄᭞ᬳᬸᬓᬸᬓᬸᬦᬶᬗᬦ᭄ᬦᭂᬫᭀᬦᬶᬦ᭄᭞ᬢᬗ᭄ᬕᬮ᭄ᬧᬶᬂᬭᬄᬮᬶᬫᬢᬸᬗ᭄ᬮᬾᬄ᭞ᬲᬤ᭄ᬯᬭᬦ᭄ᬜᬋᬗᬶᬦ᭄᭞ᬰᬰᬶᬄᬓᭂᬤᬱᬦᭂᬫᭀᬦᬶᬦ᭄᭞ᬢᭂᬗ᭄ᬕᭂᬓ᭄ᬤᬶᬰᬓᬓᬯᬸᬯᬸᬲ᭄᭞ᬢᭂᬗ᭄ᬕᭂᬓ᭄ᬢᬶᬕᬲ᭠ ᬓᬚ᭄ᬬᬾᬲ᭄ᬝ᭞ᬲ᭄ᬬᬸᬲᬫᬲ᭄ᬧᬶᬢᬸᬂᬩᬗ᭄ᬲᬶᬢ᭄᭞ᬦᬶᬓᬳᬗ᭄ᬕᭀᬦ᭄᭞ᬧᬯᬶᬮᬗᬦ᭄ᬢᬸᬯᬸᬄᬚᬕᬢ᭄᭟ᬚᬸᬫᭂᬦᭂᬂᬭᬶᬂᬗᬬᭀᬤ᭄ᬬᬧᬸᬃᬭ᭞ᬕᭂᬫᬸᬄᬮᬦ᭄ᬤᬸᬄᬓᬂᬦᭂᬕᬭᬶ᭞ᬢᬦᬦᬯᭀᬂᬳᬶᬃᬱ᭄ᬬᬦᬶᬂᬭᬢ᭄᭞ [᭒ 2A] ᬢᬧᬩ᭄ᬭᬢᬦᬾᬓᬳᬾᬲ᭄ᬢᬶ᭞ᬲᬂᬦᬵᬣᬦᬗᬸᬦ᭄ᬓᬶᬃᬢ᭄ᬢᬶ᭞ᬧᬡ᭄ᬥᬶᬢᬯᬶᬓᬸᬦᬾᬯᬶᬩᬸᬄ᭞ᬪᬕᬯᬦ᭄ᬦᬶᬮᭀᬘᬦ᭞ᬫ᭄ᬯᬂᬪᬕᬯᬦ᭄ᬯᬺᬳᬲ᭄ᬧᬢᬶ᭞ᬳᬧᬦ᭄ᬤᬶᬦ᭞ᬫᬗᬢᬶᬲᬶᬦ᭄ᬲᬂᬳ᭄ᬬᬂᬯᬾᬥ᭟ᬯᬢᭂᬓ᭄ᬋ᭠ ᬱᬶᬭᬶᬂᬧᬢᬧᬦ᭄᭞ᬲᬫᬶᬬᬦ᭄ᬭᬯᬸᬄᬫᭂᬦᬗ᭄ᬓᬶᬮ᭄᭞ᬲᬂᬧ᭄ᬭᬪᬸᬘᬡ᭄ᬥᬶᬓᬸᬲᬸᬫ᭞ᬭᬳᬶᬦᬯᭂ᭠ᬗᬶᬓᬢᬗ᭄ᬓᬶᬮ᭄᭞ᬫᭂᬗ᭄ᬕᬮᬲ᭄ᬦᬶᬭᬧᬢᬶᬄ᭞ᬰᬹᬭᬚᬬᬓᬂᬚᬸᬚᬸᬮᬸᬓ᭄᭞ᬫᬶᬯᬄᬲᬂᬧᬭᬩᬸᬥᬓ᭄ᬥ᭞ ᬲᬫᬗᬋᬧᬓᭂᬦ᭄ᬮᬶᬗ᭄ᬕᬄ᭞ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬗᬦ᭄ᬤᬶᬓᬭᬶᬂᬫᬳᬤ᭄ᬯᬶᬚ᭟ᬳᬶᬗ᭄ᬕᬶᬄᬧ᭄ᬭᬡ᭄ᬥᬲᬶᬦ᭠ᬫ᭄ᬬᬦ᭄᭞ᬢᬶᬢ᭄ᬬᬂᬚᬕᬫᬗᬸᬦ᭄ᬓᬶᬃᬢ᭄ᬢᬶ᭞ᬗᬲ᭄ᬢᬯᬬᬚ᭄ᬜᬧᬸᬦᬶᬓ᭞ᬋᬱᬶᬬᬚ᭄ᬜᬦᬾᬗᬯᬶᬢᬶᬦ᭄᭞ᬫᬦᬸ ᬋᬬᬚ᭄ᬜᬫᭂᬓᬤᬶ᭞ᬩᬸᬢ᭄ᬣᬬᬚ᭄ᬜᬧᬶᬦᬶᬄᬧᬸᬗ᭄ᬓᬸᬃ᭞ᬧᬢᬸᬄᬢᬲᬧᬸᬦᬶᬓ᭞ᬲᬂᬋᬱᬶᬫᬲᬯᬸᬃᬲᬫᬶ᭞ᬧᬢᬸᬢ᭄ᬧᬶᬲᬦ᭄᭞ᬧᬓᬬᬸᬦ᭄ᬘᭀᬓᭀᬃᬳᬶᬤᬾᬯ᭟ᬲᬂᬦᬵᬣᬫᬮᬶᬄᬗᬦ᭄ᬤᬶᬓ᭞ᬭᬶᬂᬳᬶᬧᬢᬶᬄ᭠

Auto-transliteration

[1 1B] 1 /// awighnamāstunamaśwaha /// sinom /// hisĕngtityangnguritgitātĕmbangsinommuñibali, padidiyannĕgakjumaḥ, sdĕkmĕnandanginsakit, ngilutbasa ngepĕdiḥ, dahaḥduhuḥpatijlamut, saruwangmanĕmak'hĕntal, cadhdhākusumaneparit, hĕntohanggon, ñalimurangsakitmanaḥ. nujudinasoma kliwon, hukukuningannĕmonin, tanggalpingraḥlimatungleḥ, sadwaranñar̥ĕngin, śaśiḥkĕdaṣanĕmonin, tĕnggĕkdiśakakawuwus, tĕnggĕktigasa‐ kajyesṭa, syusamaspitungbangsit, nikahanggon, pawilangantuwuḥjagat. jumĕnĕngringngayodyapur̀ra, gĕmuḥlanduḥkangnĕgari, tananawonghir̀ṣyaningrat, [2 2A] tapabratanekahesti, sangnāthanangunkir̀tti, paṇdhitawikunewibuḥ, bhagawannilocana, mwangbhagawanwr̥ĕhaspati, hapandina, mangatisinsanghyangwedha. watĕkr̥ĕ‐ syiringpatapan, samiyanrawuḥmĕnangkil, sangprabhucaṇdhikusuma, rahinawĕ‐ngikatangkil, mĕnggalasnirapatiḥ, śūrajayakangjujuluk, miwaḥsangparabudhakdha, samangar̥ĕpakĕnlinggaḥ, śrīnarendra, ngandikaringmahadwija. hinggiḥpraṇdhasina‐myan, tityangjagamangunkir̀tti, ngastawayajñapunika, r̥ĕsyiyajñanengawitin, manu r̥ĕyajñamĕkadi, butthayajñapiniḥpungkur̀, patuḥtasapunika, sangr̥ĕsyimasawur̀sami, patutpisan, pakayuncokor̀hidewa. sangnāthamaliḥngandika, ringhipatiḥ‐

Leaf 2

Image on Archive.org

[᭒ 2B] ᭒ ᬫᬗ᭄ᬓᬸᬦᬸᬫᬶ᭞ᬫᬗ᭄ᬤᬫᬗ᭄ᬯᬗᬸᬦ᭄ᬧ᭄ᬬᬚ᭄ᬜᬦ᭄᭞ᬲᬶᬭᬧᬢᬶᬄᬫᬢᬸᬃᬩᬓ᭄ᬢᬶ᭞ᬢᬶᬢ᭄ᬬᬂᬮᬶᬦ᭄ᬢᬂᬲᬳᬶᬭᬶᬂ᭠ᬓᬤᬶᬓᬬᬸᬦ᭄ᬘᭀᬓᭀᬃᬳᬶᬭᬢᬸ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬯᬗᬸᬦᬂ᭞ᬤᬕᬶᬂᬯᭂᬘᬦᬦᬺᬧᬢᬶ᭞ᬲᬫᬶᬩᬸᬩᬃ ᭞ᬲᬂᬧ᭄ᬭᬪᬹᬭᬭᬶᬲ᭄ᬓᬧᬸᬭ᭟ᬢᬦ᭄ᬤ᭄ᬯᬓᭀᬘᬧ᭄ᬓᬂᬓᬯᬃᬡ᭄ᬦ᭞ᬧᬸᬧᬸᬢ᭄ᬧᬬᬚ᭄ᬜᬦᬾᬲᬫᬶ᭞ᬧᬗᬗ᭄ᬕᬾᬦᬾᬲᬃᬯ᭄ᬯᬧ᭄ᬢᬓ᭄᭞ᬲᬂᬦᬵᬣᬫᬶᬚᬶᬮ᭄ᬓᭂᬢᬗ᭄ᬓᬶᬮ᭄᭞ᬤᬶᬧ᭄ᬬᬚ᭄ᬜᬦ᭄ᬫᬮᬶᬗ᭄ᬕᬶᬄ᭞ᬯᬢᭂᬓ᭄ᬋᬱᬶᬲᬫᬶᬭ ᬯᬸᬄ᭞ᬳᬦᬾᬩᬰ᭄ᬭᬷᬦᬭᬾᬦ᭄ᬤ᭄ᬭ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬲᬶᬗ᭄ᬕᬶᬄᬧ᭄ᬭᬡ᭄ᬥᬧᬶᬦᬲ᭄ᬫᬮᬶᬄᬢᬶᬕᬂᬤᬶᬦ᭟ᬯᬢᭂᬓ᭄ᬋᬱᬶᬭᬶᬂᬧᬢᬧᬦ᭄᭞ᬤᬸᬭᬸᬂᬯᬾᬦ᭄ᬢᭂᬦ᭄ᬭᬯᬸᬄᬫᬭᬶᬓᬶ᭞ᬪᬕᬯᬦ᭄ᬯ᭄ᬭᬳ ᬲ᭄ᬧᬢᬶᬗᬸᬘᬧ᭄᭞ᬳᬶᬗ᭄ᬕᬶᬄᬭᬢᬸᬰ᭄ᬭᬶᬪᬸᬧᬢᬶ᭞ᬫᬮᬶᬄᬭᬳᬶᬦᬫᬗ᭄ᬓᬶᬦ᭄᭞ᬳᬶᬤᬲᬫᬶᬧᬘᬂᬭᬯᬸᬄ᭞ᬗᬶᬭᬶᬂᬰ᭄ᬭᬷᬦᬭᬦᬵᬣ᭞ᬧᬸᬧᬸᬢ᭄ᬩᭂᬩᬯᭀᬲᬾᬫᬗ᭄ᬓᬶᬦ᭄᭞ᬲᬫᬶᬩᬸᬤᬮ᭄ [᭓ 3A] ᭞ᬧᬡ᭄ᬥᬶᬢᬓᬮᬶᬄᬲᬂᬦᬵᬣ᭟ᬭᬯᬸᬄᬭᬶᬂᬭᬳᬶᬦᬓᬃᬬ᭄ᬬ᭞ᬯᬢᭂᬓ᭄ᬋᬱᬶᬭᬯᬸᬄᬲᬫᬶ᭞ᬧ᭄ᬭᬬ᭠ᬫᬗᬲ᭄ᬢᬯᬬᬚ᭄ᬜ᭞ᬓᬧ᭄ᬬᬚ᭄ᬜᬦ᭄ᬫᬗᭀᬚᭀᬕ᭄ᬲᬫᬶ᭞ᬲᬂᬦᬵᬣᬦᬸᬮᬶᬫᬶᬚᬶᬮ᭄᭞ᬭᬶᬂᬧ᭄ᬬᬚ᭄ᬜᬦ᭄ᬤᬶᬤᬫ ᬮᬸᬗ᭄ᬕᬸᬄ᭞ᬓᬢᬗ᭄ᬓᬶᬮ᭄ᬳᬦ᭄ᬢᬸᬓ᭄ᬧᬡ᭄ᬥᬶᬢ᭞ᬲᬂᬋᬱᬶᬗᬲ᭄ᬢᬯᬲᬫᬶ᭞ᬜᬬᬚᬬ᭞ᬲᬂᬧ᭄ᬭᬪᬹᬘᬡ᭄ᬥᬶᬓᬸᬲᬸᬫ᭟ᬕ᭄ᬭᬶᬬᭂᬗᬦ᭄ᬯᬾᬥᬦ᭄ᬧᬤᬡ᭄ᬥ᭞ᬮ᭄ᬯᬶᬃᬪ᭄ᬭᬫᬭᬗᬶᬲᭂᬧ᭄ᬰᬭᬷ᭞ᬮᬾᬤᬂᬲᬂᬦᬵᬣᬓᬸᬲᬸᬫ᭞ᬓᭂᬳᬲ᭄ᬢᬸ ᬲ᭄ᬣᬯᬤᬾᬲᬂᬋᬱᬶ᭞ᬧᬸᬦ᭄ᬬᬩᬯᬓᬳᬢᬸᬃᬲᬫᬶ᭞ᬲᬫᬵᬩᬯᬲᬗᬯᬶᬓᬸ᭞ᬳᬗᬸᬜ᭄ᬘᬭ᭠ᬓᭂᬦ᭄ᬯᬾᬥ᭞ᬧᬜ᭄ᬘᬬᬦ᭄ᬧᬸᬦ᭄ᬬᬦᬾᬲᬫᬶ᭞ᬗᬲ᭄ᬢᬯᬬᬂ᭞ᬲᬂᬧ᭄ᬭᬪᬹᬘᬡ᭄ᬥᬶᬓᬸᬲᬸᬫ᭟ᬲᬂᬧ᭄ᬭᬪᬹᬫᬮᬶᬄ ᬗᬦ᭄ᬤᬶᬓ᭞ᬧᬸᬧᬸᬢᬶᬓᬂᬬᬚ᭄ᬜᬧᬸᬦᬶᬓᬶ᭞ᬢᬶᬢ᭄ᬬᬫᬮᬶᬄᬦᬗᬸᬦ᭄‌ᬬᬚ᭄ᬜ᭞ᬲᬦ᭄ᬢᬶᬓᬫᭀᬲ᭄ᬢᬶ᭠ᬓᬫᬓᬤᬶ᭞ᬲᬂᬋᬱᬶᬫᬜᬯᬸᬭᬶᬦ᭄᭞ᬧᬢᬸᬢ᭄ᬧᬶᬲᬦ᭄ᬭᬢᬸᬳᬕᬸᬂ᭞ᬫᬗ᭄ᬮᬦ᭄ᬤᬸᬳᬂᬦᬵᬕᬭ᭞ᬧᬜᬶ᭠

Auto-transliteration

[2 2B] 2 mangkunumi, mangdamangwangunpyajñan, sirapatiḥmatur̀bakti, tityanglintangsahiring‐kadikayuncokor̀hiratu, mangkintityangngawangunang, dagingwĕcananr̥ĕpati, samibubar̀ , sangprabhūrariskapura. tandwakocapkangkawar̀ṇna, puputpayajñanesami, panganggenesar̀wwaptak, sangnāthamijilkĕtangkil, dipyajñanmalinggiḥ, watĕkr̥ĕsyisamira wuḥ, hanebaśrīnarendra, sangnāthangandikaharis, singgiḥpraṇdhapinasmaliḥtigangdina. watĕkr̥ĕsyiringpatapan, durungwentĕnrawuḥmariki, bhagawanwraha spatingucap, hinggiḥratuśribhupati, maliḥrahinamangkin, hidasamipacangrawuḥ, ngiringśrīnaranātha, puputbĕbawosemangkin, samibudal [3 3A] , paṇdhitakaliḥsangnātha. rawuḥringrahinakar̀yya, watĕkr̥ĕsyirawuḥsami, praya‐mangastawayajña, kapyajñanmangojogsami, sangnāthanulimijil, ringpyajñandidama lungguḥ, katangkilhantukpaṇdhita, sangr̥ĕsyingastawasami, ñayajaya, sangprabhūcaṇdhikusuma. griyĕnganwedhanpadaṇdha, lwir̀bhramarangisĕpśarī, ledangsangnāthakusuma, kĕhastu sthawadesangr̥ĕsyi, punyabawakahatur̀sami, samābawasangawiku, hanguñcara‐kĕnwedha, pañcayanpunyanesami, ngastawayang, sangprabhūcaṇdhikusuma. sangprabhūmaliḥ ngandika, puputikangyajñapuniki, tityamaliḥnangunyajña, santikamosti‐kamakadi, sangr̥ĕsyimañawurin, patutpisanratuhagung, manglanduhangnāgara, pañi‐

Leaf 3

Image on Archive.org

[᭓ 3B] ᭓ ᬫᬦ᭄ᬚᬕᬢᬾᬲᬫᬶ᭞ᬳᭀᬬᬚ᭄ᬜ᭞ᬫᬓᬧ᭄ᬭᬫᬦᬦᬶᬂᬚᬕᬢ᭄᭟ᬲᬂᬋᬱᬶᬓᬢᬸᬭᬦ᭄ᬪᭀᬚᬦ᭞ᬫᬪᭀᬚᬦᬳᬶᬤᬲᬫᬶ᭞ᬕᬬᬸᬂᬧᬾᬦ᭄ᬤᬾᬢ᭄ᬫᬲ᭄ᬮᬶᬬᬸᬭᬦ᭄᭞ᬓᬾᬦᬓ᭄ᬲᬂᬦᬵᬣᬜᬶᬗᬓᬶᬦ᭄᭞ᬦᬾ ᬜᭀᬦ᭄ᬤᭀᬂᬍᬫᬸᬄᬧᬗ᭄ᬳᬶᬤ᭄᭞ᬧ᭄ᬭᬕᬶᬦᬦᬾᬧᬤᬳᬬᬸ᭞ᬢᬬᬸᬗᬦᬾᬫᬕᭀᬮᬾᬭ᭠ᬦ᭄᭞ᬦᬜ᭄ᬚᭂᬓᬶᬦ᭄ᬕᭀᬗᬾᬫᬫᬸᬜᬶ᭞ᬢᬦ᭄ᬘᬭᬶᬢ᭞ᬲᬵᬫ᭄ᬧᬸᬦ᭄ᬧᬸᬧᬸᬢᬶᬓᬂᬓᬵᬃᬬ᭄ᬬ᭟ᬭᬳᬶᬦᬢᬢ ᬲ᭄ᬓᬫᬦ᭄ᬢ᭄ᬬ᭞ᬲᬂᬧ᭄ᬭᬪᬹᬫ᭄ᬤᬮ᭄ᬓᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬧᬸᬦᬂᬧᬦᬗ᭄ᬓᬶᬮᬦ᭄᭞ᬫᬶᬯᬄᬪᬸᬚᬗ᭄ᬕᬲᬂᬳ᭠ᬚᬶ᭞ᬫᬗ᭄ᬕᬮᬲᬶᬭᬵᬧᬢᬶᬄ᭞ᬲᬂᬦᬵᬣᬗᬦ᭄ᬤᬶᬓᬳᬮᬸᬲ᭄᭞ᬲᬶᬗ᭄ᬕᬶᬄᬪᬕᬯᬦᬶᬮᭀᬘᬡ᭞ᬲᬧᬸ ᬦᬧᬶᬓᬤᬶᬫᬗ᭄ᬓᬶᬦ᭄᭞ᬧ᭄ᬭᬯᬾᬱᬦᬾ᭞ᬓᭂᬤᬲ᭄ᬕᬮᬂᬢᬦ᭄ᬫᬫᭂᬗᬦ᭄᭟ᬲᬹᬃᬬ᭄ᬬᬫᭂᬓᬮᬗᬦ᭄ᬢᬾᬚ᭞ᬩᬶᬦ᭄ᬢᬗᬾᬳᬶᬦᬩ᭄ᬜᬋᬗᬶᬦ᭄᭞ᬲᬂᬧᬡ᭄ᬥᬶᬢᬫᬢᬸᬃᬳᬮᭀᬦ᭄᭞ᬳᬶᬗ᭄ᬕᬶᬄᬰᬢ᭄ᬬᬸᬫᬗ᭄ᬭᬯᬸ [᭔ 4A] ᬳᬶᬦ᭄᭞ᬓ᭄ᬦᬶᬲᬗ᭄ᬕ᭄ᬭᬲᬦᬾᬫᬗ᭄ᬓᬶᬦ᭄᭞ᬰᬢ᭄ᬭᬸᬦᬯᬸᬱᬦᬾᬯᬗᬸᬦ᭄᭞ᬫᬸᬂᬧᬸᬂᬤᬸᬭᬸᬂᬓᬭᬯᬸᬳᬦ᭄᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬘᬳᬶᬧᬢᬶᬄ᭞ᬫᬘᬭᬸᬩᬦ᭄ᬩᬜᬓ᭄ᬮᬦᬂ᭟ᬳᬶᬧᬢᬶᬄᬫᬳᬢᬸᬃᬲᭂᬫ᭄ᬩᬄ ᭞ᬲᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬲᬗ᭄ᬳᬚᬶ᭞ᬭᬭᬶᬲᬫᬶᬫᬮ᭄ᬯᬭᬦ᭄᭞ᬲᬯᭂᬗ᭄ᬓᭀᬦ᭄ᬤᬾᬰᬦᬾᬲᬫᬶ᭞ᬕᭂᬮᬶᬲᬶᬂᬘᬭᬶᬢᬫᬗ᭄ᬓᬶᬦ᭄᭞ᬩᬶᬮᬂᬩᬜ᭄ᬚᬃᬫᬗᬸᬦ᭄ᬘᬭᬸ᭞ᬫᬓᬓᭀᬩᭀᬓ᭄ᬳᬦ᭄ᬢᬸᬓ᭄ᬭᬄ᭞ᬲᬜ᭄ᬚᬢᬦᬾ ᬢᬢᬳᬶᬦ᭄᭞ᬲᬦ᭄ᬤᬾᬓᬵᬮ᭞ᬧᬸᬧᬸᬢ᭄ᬘᬭᬸᬫᬮ᭄ᬯᬭᬦ᭄᭟᭐᭟ᬤᬸᬃᬫ᭄ᬫ᭟᭐᭟ᬓᬯᬃᬡᬳᬲᬶᬭᬲᬂᬭᬵᬚᬦᬯᬸᬱ᭞ᬳᬕᬸᬗᬾᬭᬶᬂᬤᬺᬱ᭄ᬝᬚᬸᬢᬶ᭞ᬫᭀᬫᭀᬦᬾᬓᬮᬶᬦ᭄ᬢᬂ᭞ᬢ᭄ᬯᬭᬫᬵᬫ᭄ᬩᭂᬓᬤᬃᬫ᭄ᬫ ᬦ᭄᭞ᬢ᭄ᬯᬭᬤᬾᬯ᭄ᬯᬢ᭄ᬯᬭᬋᬱᬶ᭞ᬢ᭄ᬯᬭᬲᬦ᭄ᬢᭀᬱ᭞ᬳᬯᬓᬾᬧᬮᬶᬂᬰᬓ᭄ᬢᬶ᭟ᬧᬲᭂᬫᭂᬗ᭠ᬦ᭄ᬩᬳᬸᬫᬭᬤᬯᬸᬄᬧᬶᬲᬦ᭄᭞ᬫᬶᬚᬶᬮ᭄ᬤᬦᬾᬓᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬩᬮᬯᬦ᭄ᬯ᭞ᬳᬶᬧᬢᬶᬄᬓᬵᬮᬫᬹᬃ

Auto-transliteration

[3 3B] 3 manjagatesami, hoyajña, makapramananingjagat. sangr̥ĕsyikaturanbhojana, mabhojanahidasami, gayungpendetmasliyuran, kenaksangnāthañingakin, ne ñondongl̥ĕmuḥpanghid, praginanepadahayu, tayunganemagolera‐n, nañjĕkin'gongemamuñi, tancarita, sāmpunpuputikangkār̀yya. rahinatata skamantya, sangprabhūmdalkatangkil, pĕpĕkpunangpanangkilan, miwaḥbhujanggasangha‐ji, manggalasirāpatiḥ, sangnāthangandikahalus, singgiḥbhagawanilocaṇa, sapu napikadimangkin, praweṣane, kĕdasgalangtanmamĕngan. sūr̀yyamĕkalanganteja, bintangehinabñar̥ĕngin, sangpaṇdhitamatur̀halon, hinggiḥśatyumangrawu [4 4A] hin, knisanggrasanemangkin, śatrunawuṣanewangun, mungpungdurungkarawuhan, sangnāthangandikaharis, cahipatiḥ, macarubanbañaklanang. hipatiḥmahatur̀sĕmbaḥ , singgiḥsandikansanghaji, rarisamimalwaran, sawĕngkondeśanesami, gĕlisingcaritamangkin, bilangbañjar̀manguncaru, makakobok'hantukraḥ, sañjatane tatahin, sandekāla, puputcarumalwaran. 0. dur̀mma. 0. kawar̀ṇahasirasangrājanawuṣa, hagungeringdr̥ĕṣṭajuti, momonekalintang, twaramāmbĕkadar̀mma n, twaradewwatwarar̥ĕsyi, twarasantoṣa, hawakepalingśakti. pasĕmĕnga‐nbahumaradawuḥpisan, mijildanekatangkil, pĕpĕkbalawanwa, hipatiḥkālamūr̀

Leaf 4

Image on Archive.org

[᭔ 4B] ᭔ ᬓ᭄ᬗ᭞ᬫᬜ᭄ᬘᬧᬸᬗ᭄ᬕᬯᬦᬾᬲᬫᬶ᭞ᬭᬵᬚᬦᬯᬸᬱ᭞ᬗᬦ᭄ᬤᬶᬓᬭᬶᬗᬶᬧᬢᬶᬄ᭟ᬤᭀᬳᬶᬧᬢᬶᬄ᭠ᬩ᭄ᬮᬶᬩᬳᬸᬦᬶᬗᭂᬳᭀᬃᬢ᭄ᬣ᭞ᬤᬶᬳᬬᭀᬤ᭄ᬬᬵᬭᬢᬸᬍᬯᬶᬄ᭞ᬰᬓ᭄ᬢᬶᬩᬮᬯᬷᬃᬬ᭄ᬬ᭞ᬯᬶᬱᬬᬥᬃᬫ᭄ᬫᬦᬶᬭᬵ ᬢ᭄᭞ᬓᭂᬦᭂᬄᬩ᭄ᬮᬶᬫᬗ᭄ᬓᬢᬶᬦ᭄᭞ᬘᬳᬶᬦᬩ᭄ᬥᬩᬂ᭞ᬤᬯᬸᬳᬶᬦ᭄ᬧᬜ᭄ᬚᬓᬾᬲᬫᬶ᭟ᬧᬘᬂᬗ᭄ᬭᬶᬲ᭄ᬢᬳᬦᬾᬫᬦᬶᬧᬲᭂᬫᭂᬗᬦ᭄᭞ᬳᬢᬕᬂᬓᬤᬾᬰᬚᬶᬫ᭄᭞ᬢᬸᬫᬸᬮᬶᬫᬗᬭᬄ᭞ᬦᬾᬚᬦᬶᬘᬳᬶᬫ ᬚᬮᬦ᭄᭞ᬫᬦᬶᬲ᭄ᬫᭂᬂᬦᬧᬓ᭄ᬤᬶᬦᬶ᭞ᬫᬶᬭᬶᬗᬦ᭄ᬭᭀᬯᬂ᭞ᬳᬶᬧᬢᬶᬄᬫᬫᬸᬘᬸᬓᬶᬦ᭄᭟ᬲᬯᬸᬃᬲᭂᬫ᭄ᬩᬄᬧᬋᬓᬦᬾᬲᬫᬶᬕᬶᬭᬂ᭞ᬢᬶᬢ᭄ᬬᬂᬮᬶᬦ᭄ᬢᬂᬲᬳᬶᬭᬶᬂ᭞ᬜᬤ᭄ᬬᬫᭂᬢᭀᬄᬚᬶᬯ᭞ᬗᭂᬦ᭄ᬤᭀᬦ᭄ᬓᬬᭀᬤ᭄ᬬᬵ ᬦᭂᬕᬭ᭞ᬢᬶᬢ᭄ᬬᬂᬳᬬᬢ᭄ᬫᭂᬜᬭᬳᬶᬦ᭄᭞ᬧ᭄ᬭᬪᬹᬳᬬᭀᬤ᭄ᬬᬵ᭞ᬲᬂᬓ᭄ᬮᬶᬂᬢᬶᬢ᭄ᬬᬂᬧᬭᬫᬗ᭄ᬓᬶᬦ᭄᭟ᬧᬤᬳᬾᬕᬃᬧᬸᬗ᭄ᬕᬯᬦᬾᬫᬫᬶᬋᬗᬂ᭞ᬧ᭄ᬭᬚᬸᬭᬶᬢᬾᬫᬗᬸᬮᬧᬶᬦ᭄᭞ᬮᬯᬸᬢ᭄‌ᬦᭂᬗ᭄ᬓᬶᬓ᭄ᬫᬗᬸᬫ᭄ᬩᬂ᭞᭠ [᭕ 5A] ᬧᬤᬫᬗᬲ᭄ᬕᬲ᭄ᬢᬗ᭄ᬓᬄ᭞ᬘᬭ᭄ᬯᬂᬢᬶᬢ᭄ᬬᬂᬤᬾᬯᬳᬚᬶ᭞ᬭᬶᬂᬭᬡ᭄ᬦᬬᬚ᭄ᬜ᭞ᬫᬗᬮᬯᬦ᭄‌ᬰᬢ᭄ᬭᬸᬰᬓ᭄ᬢᬶ᭟ᬮᬶᬦ᭄ᬢᬂᬳᬾᬕᬃᬲᬶᬭᬲᬂᬧ᭄ᬭᬪᬹᬦᬵᬯᬸᬱ᭞ᬫᬶᬋᬂᬲᬗ᭄ᬕᬸᬧ᭄ᬧᬜ᭄ᬚᬓᬾᬲᬫᬶ᭞ᬦ᭄ᬤᬢᬦ᭄ᬘᬶᬦᬭᬶᬢ᭞ᬲ᭄ᬥᭂᬓ᭄ᬫ ᬳᬶᬫ᭄ᬬᬦᬶᬫ᭄ᬬᬦᬦ᭄᭞ᬓᬳᬶᬧᬸᬓ᭄ᬧᬜ᭄ᬚᬓᬾᬲᬫᬶ᭞ᬫᬧᬸᬜᬄᬧᬸᬜᬳᬦ᭄᭞ᬓᬦ᭄ᬢᭀᬲᬸᬭᬸᬧ᭄‌ᬲᬂᬳ᭄ᬬᬂᬭᬯᬶ᭟ᬫᬓᬍᬫᬄᬫᬳᬾᬦᬓ᭄ᬫᬍᬮᬕᬭᬦ᭄᭞ᬲ᭄ᬫᭂᬂᬓᭀᬘᬧᬦᬾᬫᬗ᭄ᬓᬶᬦ᭄᭞ᬲᬫᬶᬗ᭄ᬭᬗ᭄ᬲᬸ ᬓ᭄ᬧᬬᬲ᭄᭞ᬫᬩᬸᬲᬦᬲᬫᬶᬩᭂᬘᬶᬓ᭄ᬧᬶᬲᬦ᭄᭞ᬢᭂᬓᬦᬶᬂᬧᬓᬓᬲ᭄ᬚᬸᬭᬶᬢ᭄᭞ᬭᬵᬚᬦᬵ᭠ᬯᬸᬱ᭞ᬭᬶᬂᬩᬜ᭄ᬘᬶᬗᬄᬓᬢᬗ᭄ᬓᬶᬮ᭄᭟ᬗᬫᬃᬕ᭄ᬬᬂᬲᬶᬓᭂᬧᬾᬫᬓᬡ᭄ᬥᬓᬡ᭄ᬥ᭞ᬳᬶᬧᬢᬶᬄᬫᬫᬸᬘᬸᬓᬶᬦ᭄᭞ᬢᬦ᭄ᬓ ᬯᬃᬡ᭄ᬦᬵᬳᬾᬂᬫᬃᬕ᭄ᬕ᭞ᬳᬮᬲᬾᬲᬫᬶᬕᬮᬂ᭞ᬢᬫ᭄ᬧᬓ᭄ᬚᬢ᭄ᬫᬦᬾᬗᭂᬦ᭄ᬢᬲᬶᬦ᭄᭞ᬍᬧᬸᬕᬤᬶᬦ᭞ᬭᬵᬚᬦᬵᬯᬸᬱᬫᬫᬃᬕ᭄ᬕᬶ᭟ᬮᬶᬯᬢ᭄ᬤᬾᬰᬧ᭄ᬢᭂᬂᬤᭂᬤᭂᬢ᭄ᬲᬳᬵᬓᬶᬮᬧ᭄᭞ᬕᬸᬍᬫᬾᬫᬜᬧᬸᬢᬶᬦ᭄᭠

Auto-transliteration

[4 4B] 4 knga, mañcapunggawanesami, rājanawuṣa, ngandikaringipatiḥ. dohipatiḥ‐blibahuningĕhor̀ttha, dihayodyāratul̥ĕwiḥ, śaktibalawīr̀yya, wiṣayadhar̀mmanirā t, kĕnĕḥblimangkatin, cahinabdhabang, dawuhinpañjakesami. pacangngristahanemanipasĕmĕngan, hatagangkadeśajim, tumulimangaraḥ, nejanicahima jalan, manismĕngnapakdini, miringanrowang, hipatiḥmamucukin. sawur̀sĕmbaḥpar̥ĕkanesamigirang, tityanglintangsahiring, ñadyamĕtoḥjiwa, ngĕndonkayodyā nĕgara, tityanghayatmĕñarahin, prabhūhayodyā, sangklingtityangparamangkin. padahegar̀punggawanemamir̥ĕngang, prajuritemangulapin, lawutnĕngkikmangumbang, ‐ [5 5A] padamangasgastangkaḥ, carwangtityangdewahaji, ringraṇnayajña, mangalawanśatruśakti. lintanghegar̀sirasangprabhūnāwuṣa, mir̥ĕngsangguppañjakesami, ndatancinarita, sdhĕkma himyanimyanan, kahipukpañjakesami, mapuñaḥpuñahan, kantosurupsanghyangrawi. makal̥ĕmaḥmahenakmal̥ĕlagaran, smĕngkocapanemangkin, samingrangsu kpayas, mabusanasamibĕcikpisan, tĕkaningpakakasjurit, rājanā‐wuṣa, ringbañcingaḥkatangkil. ngamar̀gyangsikĕpemakaṇdhakaṇdha, hipatiḥmamucukin, tanka war̀ṇnāhengmar̀gga, halasesamigalang, tampakjatmanengĕntasin, l̥ĕpugadina, rājanāwuṣamamar̀ggi. liwatdeśaptĕngdĕdĕtsahākilap, gul̥ĕmemañaputin‐

Leaf 5

Image on Archive.org

[᭕ 5B] ᭕ ᬳᬗᬶᬦᬾᬗᬸᬢᬭ᭞ᬢᬸᬗ᭄ᬕᬮ᭄‌ᬭᬵᬚᬦᬵᬯᬸᬱ᭞ᬧᬸᬗ᭄ᬕᭂᬮ᭄ᬩᬩᬃᬳᬗᬶᬦ᭄ᬢᬭᬶᬓ᭄᭞ᬧᬥᬸᬗᬾᬕ᭄ᬭᬾᬫᬾᬂ᭞ᬓᬢᬶᬩᬾᬦᬦ᭄ᬳᬸᬚᬦ᭄ᬕᭂᬢᬶᬄ᭟ᬲᬓᬶᬂᬕ᭄ᬮᬶᬲ᭄ᬧᬫᬃᬕᬶᬦ᭄ᬭᬚᬦᬵᬯᬸᬱ᭞ᬭᬯᬸᬄᬭᬶᬂᬢᭂᬧᬶᬲᬶᬭᬶᬂ᭞ᬤᬶᬢᬸᬗ᭄ᬯᬗᬸ ᬦ᭄ᬕᭂᬮᬃ᭞ᬤᬶᬢᭂᬧᬶᬮ᭄ᬯᬄᬤᬾᬰᬫᬸᬤ᭄ᬭ᭞ᬳᬶᬧᬢᬶᬄᬗᬤ᭄ᬯᬂᬕᭂᬮᬶᬲ᭄᭞ᬳᬜᬭᬄᬤᬾᬰ᭞ᬫᬫᬶᬥ᭠ᬡ᭄ᬥᬫᬗ᭄ᬮᬭᬦᬶ᭟ᬧᬥᬭᬭᬸᬤ᭄ᬢᭂᬧᬶᬲᬶᬭᬶᬗᬾᬓᬤᬾᬰ᭞ᬦᬾᬯᬦᬾᬦ᭄ᬫᬢᬗ᭄ᬕᬮ᭄ᬢᬦ᭄ᬤᬶᬂ᭞ᬫᬲ᭄ᬬᬢ᭄ᬫᬳᬸᬩᭂ ᬭᬸᬩᭂᬭᬦ᭄᭞ᬲᬮᬾᬂᬲᭂᬧᭂᬕ᭄ᬲᬮᬾᬂᬚᬫ᭄ᬩᬓ᭄᭞ᬳᬤᬵᬗᬫᬸᬓ᭄ᬩᬦ᭄ᬕᬕᬶᬢᬶᬓ᭄᭞ᬲᬳᬲᬦᬸᬚᬄ᭞ᬩᬦ᭄ᬢᭀᬫᬭᬲᬸᬮᬶᬕᬶ᭟ᬧᭂᬲᬸᬕᭂᬢᬶᬄᬍᬗᬭᬾᬫᬓᭂᬘᬄᬓᭂᬘᬄ᭞ᬮᬾᬦ᭄ᬳᬤᬢᬶᬫ᭄ᬧᬮ᭄ᬜᬕ᭄ᬚᬕ᭄ᬕᬶᬦ᭄᭞ ᬗᬶᬕᭂᬮ᭄ᬫᬗᬋᬧᬂ᭞ᬢᬦ᭄ᬫᭃᬦᬓ᭄ᬮᬸᬄᬗᭂᬧ᭄ᬮᬓ᭄᭞ᬓᬫᭂᬫᭂᬕᬦ᭄ᬫᬜᬸᬗ᭄ᬓᬶᬢ᭄᭞ᬦᬾᬮᬸᬄᬫᬗᬸ᭠ᬫ᭄ᬩᬂ᭞ᬫᬗᬸᬤᬵᬳᬶᬩᬫᭂᬮᬳᬶᬩ᭄᭟ᬫᬮ᭄ᬯᬭᬦ᭄ᬧᬲ᭄ᬬᬢᬾᬲᬸᬭᬸᬧ᭄ᬲᬹᬃᬬ᭄ᬬ᭞ᬢᭂᬧᬶᬲᬶᬭᬶᬗᬾᬫᬗ᭄ᬓᬶᬦ᭄᭞ [᭖ 6A] ᬫᬗ᭄ᬯᬗᬸᬦᬂᬕ᭄ᬮᬃ᭞ᬫᬢᬾᬫ᭄ᬩᭀᬓ᭄ᬩᬦ᭄ᬢᭀᬫᬭ᭞ᬚᭀᬗ᭄ᬓᭀᬓᬲᬸᬫᬦᭀᬗᭀᬲᬶᬦ᭄᭞ᬢᭀᬗᭀᬲ᭄ᬫᬜᬤᬂ᭞ᬫᬸᬲᬸᬳᬾᬦᬾᬫᬫᬭᬦᬶᬦ᭄᭟ᬳᬶᬓᬬᬂᬮᬶᬫᬦ᭄ᬜᬮᬦᬂᬧᬢᬶᬄᬭᬣᬵ᭞ᬧᬋ ᬓᬬᭀᬤ᭄ᬬᬧᬸᬭᬶ᭞ᬫᬢᬸᬃᬧᬯᬸᬦᬶᬗ᭄ᬳ᭞ᬭᬶᬂᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭞ᬳᬦ᭄ᬢᬸᬓ᭄‌ᬰᬢ᭄ᬭᬸᬦᬾᬗ᭄ᬭ᭠ᬯᬸᬳᬶᬦ᭄᭞ᬭᬵᬚᬦᬵᬯᬸᬱ᭞ᬧᭂᬲᬾᬗᬦ᭄ᬳᬶᬤᬲᬗᬵᬚᬶ᭟ᬧᭀᬮᬶᬄᬫ᭄ᬬᬸᬤᬓᬯᬸᬮᬦ᭄ᬘᭀᬓᭀᬭᬶ ᬤᬾᬯ᭞ᬩᬾᬘᬾᬓ᭄ᬓᬢᬄᬦᬦ᭄ᬤᬂᬓᬦᬶᬦ᭄᭞ᬲᬂᬦᬵᬣᬭᬭᬶᬲ᭄ᬫᬗᬦ᭄ᬤᬶᬓ᭞ᬭᬶᬂᬳᬶᬧᬢᬶᬄᬰᬸᬭᬵᬚᬬ᭞ᬮᬯᬸᬢᬂᬚᬦᬶᬢᬦ᭄ᬤᬶᬗᬶᬦ᭄᭞ᬓ᭄ᬬᬬᬶᬧᬢᬶᬄᬫᬗ᭄ᬓᬢ᭄᭞ᬳ᭄ᬥᭂᬲᬶᬗ᭄ᬕᬄᬩᬸᬯᬶᬦ᭄ᬫᬸᬮᬶᬄ᭟ᬫᬭᬦ᭄ᬢᬩᬦ᭄ᬚ ᬢ᭄ᬫᬦᬾᬧᬥᬫᬜᬕ᭄ᬚᬕ᭄᭞ᬓᬸᬮ᭄ᬓᬸᬮ᭄ᬩᬸᬮᬸᬲ᭄ᬫᬫᬸᬜᬶ᭞ᬲᬶᬓᭂᬧ᭄ᬳᬲ᭄ᬮᬶᬬᬸᬭᬦᬦ᭄᭞ᬫᬓᬦ᭄ᬤᬵᬓᬤᬶᬭᬶᬂᬲᬸᬭᬵᬢ᭄᭞ᬧᬫᬃᬕᬶᬦᬾᬰ᭄ᬭᬷᬪᬸᬧᬢᬶ᭞ᬘᬡ᭄ᬥᬶᬓᬸᬲᬸᬫ᭞ᬲᬂᬋᬱᬶᬗᭂᬫᬶᬢ᭄ᬭᬶᬂᬧᬸᬭᬶ᭟ᬲᬓᬶᬂᬕ᭄ᬮᬶ

Auto-transliteration

[5 5B] 5 hanginengutara, tunggalrājanāwuṣa, punggĕlbabar̀hangintarik, padhungegremeng, katibenanhujan'gĕtiḥ. sakingglispamar̀ginrajanāwuṣa, rawuḥringtĕpisiring, ditungwangu n'gĕlar̀, ditĕpilwaḥdeśamudra, hipatiḥngadwanggĕlis, hañaraḥdeśa, mamidha‐ṇdhamanglarani. padhararudtĕpisiringekadeśa, newanenmatanggaltanding, masyatmahubĕ rubĕran, salengsĕpĕgsalengjambak, hadāngamukban'gagitik, sahasanujaḥ, bantomarasuligi. pĕsugĕtiḥl̥ĕngaremakĕcaḥkĕcaḥ, lenhadatimpalñagjaggin, ngigĕlmangar̥ĕpang, tanmönakluḥngĕplak, kamĕmĕganmañungkit, neluḥmangu‐mbang, mangudāhibamĕlahib. malwaranpasyatesurupsūr̀yya, tĕpisiringemangkin, [6 6A] mangwangunangglar̀, matembokbantomara, jongkokasumanongosin, tongosmañadang, musuhenemamaranin. hikayanglimanñalanangpatiḥrathā, par̥ĕ kayodyapuri, matur̀pawuningha, ringhidaśrīnarendra, hantukśatrunengra‐wuhin, rājanāwuṣa, pĕsenganhidasangāji. poliḥmyudakawulancokori dewa, becekkataḥnandangkanin, sangnāthararismangandika, ringhipatiḥśurājaya, lawutangjanitandingin, kyayipatiḥmangkat, hdhĕsinggaḥbuwinmuliḥ. marantabanja tmanepadhamañagjag, kulkulbulusmamuñi, sikĕp'hasliyuranan, makandākadiringsurāt, pamar̀gineśrībhupati, caṇdhikusuma, sangr̥ĕsyingĕmitringpuri. sakinggli

Leaf 6

Image on Archive.org

[᭖ 6B] ᭖ ᬲ᭄‌ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬧᬬᬸᬤ᭄ᬥᬦ᭄᭞ᬢᬸᬫᬸᬮᬶᬫᬢᬗ᭄ᬓᭂᬧ᭄ᬢᬸᬭᬶᬢ᭄᭞ᬳᬶᬧᬢᬶᬄᬓᬵᬮᬫᬹᬃᬓ᭄ᬓ᭞ᬫᬗ᭄ᬮᬯᬦ᭄ᬧᬢᬶᬄᬰᬹᬭᬵᬚᬬ᭞ᬫᬲ᭄ᬬᬢ᭄ᬧᬲ᭄ᬮᬾᬂᬧᬦ᭄ᬢᬶᬂ᭞ᬫᬕᬸᬦᬸᬂᬓᬸᬦᬧ᭞ᬫᬲᭂᬕᬭᬩᬳᬦ᭄ᬕᭂᬢᬶᬄ᭟ ᬓᬤᬮᬸᬭᬸᬂᬧᬫᬸᬓ᭄ᬧᬢᬶᬄᬓᬵᬮᬫᬹᬃᬓ᭄ᬓ᭞ᬧ᭄ᬚᬄᬢᬦ᭄ᬧᬗᬸᬦ᭄ᬤᬶᬮᬶ᭞ᬳᬸᬫᬸᬂᬢᬢᬩᬸᬳᬦ᭄᭞᭠ᬕᭀᬂᬪᬾᬭᬶᬫ᭄ᬯᬃᬲᬸᬭᬓ᭄᭞ᬭᬵᬚᬦᬵᬯᬸᬱᬦᬸᬮ᭄ᬬᬵᬗ᭄ᬮᬶᬂ᭞ᬦᬸᬤᬸᬳᬂᬩᬮ᭞ᬳᬗᬋᬧᬓᭂᬦ᭄ᬚᬸᬯᭂᬳᬶᬢ᭄᭟ ᬧ᭄ᬢᭂᬂᬍᬫᬄᬲ᭄ᬬᬢᬾᬫᬤᬸᬓᬤᬸᬓᬦ᭄᭞ᬢ᭄ᬯᬭᬗᬶᬢᬸᬂᬫᬢᬵᬢᬸ᭞ᬫᬢᬶᬰ᭄ᬭᬷᬘᬡ᭄ᬥᬶᬓᬸᬲᬸᬫ᭞ᬓᬳᬋᬧ᭄ᬲᬳᬵᬲᬜ᭄ᬚᬢ᭞ᬭᬵᬚᬦᬵᬯᬸᬱᬜᬕ᭄ᬚᬕᬶᬦ᭄᭞ᬫᭂᬢᬓᭀᬦ᭄ᬩᬗ᭄ᬭᬲ᭄᭞ᬳ᭄ᬜᬾᬦ᭄ᬤᬶᬩᬢᭂᬓ ᬫᬢᬶ᭟ᬮᬶᬦ᭄ᬢᬂᬧᬗ᭄ᬓᬄᬫᬜᭂᬩᬸᬭᬶᬦ᭄ᬳᬧᬶᬫᬗ᭄ᬳᬧ᭄᭞ᬲᬂᬧ᭄ᬭᬪᬸᬜᬯᬸᬭᬶᬦ᭄᭞ᬳᬧᬦ᭄ᬫᬸᬮᬓᬾᬢᭀ᭞ᬢᬶᬗ᭄ᬓᬄᬳᬦᬓᬾᬧᬸᬭᬸᬱ᭞ᬢᬦᬵᬗᬶᬢᬸᬂᬩᬬᬧᬢᬶ᭞ᬗᬥᬸᬓᬯᬶᬃᬩᬸᬚᬦ᭄᭞ᬫᬮᬫᬸᬭᬸᬤ᭄ᬩ [᭗ 7A] ᬳᬦ᭄ᬫᬶᬫᬶᬲ᭄᭟ᬫᬓᬓᭀᬲᭀᬓ᭄ᬬᬯᬢ᭄ᬫᬦ᭄ᬤᬸᬲ᭄ᬩᬜ᭄ᬘᬸᬭᬶᬕ᭄ᬕ᭞ᬫᬫ᭄ᬩᬸᬄᬩᬦ᭄ᬳᬦ᭄ᬤᬸᬲ᭄ᬩᭂᬤᬶᬮ᭄᭞ᬰᬺ᭠ᬗᭂᬦ᭄ᬲᬂᬦᬵᬯᬸᬱ᭞ᬮᬯᬸᬢ᭄ᬫᬦᭂᬫᬓ᭄ᬢᬸᬫ᭄ᬩᬓ᭄᭞ᬓᬢᬸᬫ᭄ᬩᬓ᭄‌ᬰ᭄ᬭᬷᬦᬵᬭᬧᬢᬶ᭞ᬢ᭄ᬯᬭᬤᬓ᭄ᬮᬲ᭄᭞ᬲᬂᬦᬵᬯ᭠ ᬦᬸᬮ᭄ᬯᬵᬗ᭄ᬮᬶᬂ᭟ᬳ᭄ᬦᬾᬓᬳᬶᬳᬧᬂᬳᬶᬩᬢᬢᬲ᭄ᬦᬯᬂ᭞ᬓᬳᬶᬰ᭄ᬭᬷᬦᬵᬭᬧᬢᬶ᭞ᬲᬂᬘᬡ᭄ᬥᬶᬓᬸᬲᬸᬫ᭞᭠ᬳᬫᭂᬗ᭄ᬓᬸᬳᬬᭀᬥ᭄ᬬᬵᬧᬸᬭ᭞ᬭᬵᬚᬦᬵᬯᬸᬱᬜᬯᬸᬭᬶᬦ᭄᭞ᬘᬡ᭄ᬥᬶᬓᬸᬲᬸᬫ᭞ᬳᬶᬩᬓᭀᬦᬾᬓᬲᬸᬩ᭄ ᬰᬓ᭄ᬢᬶ᭟ᬲᬮᬾᬂᬢᬸᬫ᭄ᬩᬓ᭄ᬲᬂᬧ᭄ᬭᬪᬸᬘᬡ᭄ᬥᬶᬓᬸᬲᬸᬫ᭞ᬢᬸᬳᬸᬢᭂᬕᬸᬄᬲᬗ᭄ᬳᬚᬶ᭞ᬓᬲᬸᬭᬸᬧᬦ᭄ᬲᬹᬃᬬ᭄ᬬ᭠ᬧᬬᬸᬤ᭄ᬥᬦᬾᬫᬮ᭄ᬯᬭᬦ᭄᭞ᬧᬥᬗᬸᬗ᭄ᬲᬶᬓᬸᬢ᭄ᬣᬦᬾᬓᬶ᭞ᬯᭂᬗᬶᬦᬾᬓᭀᬘᬧ᭄᭞ᬭᬵᬚᬦᬵᬯᬸᬱᬧ᭄ᬭᬶᬳ ᬢᬶᬦ᭄᭟ᬧᬋᬬᭀᬤ᭄ᬥᬦᬾᬫᬩ᭄ᬭᬶᬬᬸᬓ᭄ᬲᬫᬶᬫᬜᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬤᬾᬯᬕᬸᬂᬳᬚᬶ᭞ᬲᬵᬫ᭄ᬧᬸᬦ᭄ᬚᬵᬗᬾᬯᭂᬳᬂ᭞ᬢᬶᬢ᭄ᬬᬂᬗᬗ᭄ᬓᬢᬶᬦᬾᬩᬾᬜ᭄ᬚᬂ᭞ᬢᬦᬸᬭᬸᬂᬳᬶᬧᬸᬦ᭄ᬫᬘᬂᬓ᭄ᬮᬶᬂ᭞ᬘᬡ᭄ᬥᬶᬓᬸᬲᬸᬦ᭞ᬳᬦ᭄ᬢᬸ

Auto-transliteration

[6 6B] 6 ssāmpunrawuḥringpayuddhan, tumulimatangkĕpturit, hipatiḥkālamūr̀kka, manglawanpatiḥśūrājaya, masyatpaslengpanting, magunungkunapa, masĕgarabahan'gĕtiḥ. kadalurungpamukpatiḥkālamūr̀kka, pjaḥtanpangundili, humungtatabuhan, ‐gongbherimwar̀surak, rājanāwuṣanulyāngling, nuduhangbala, hangar̥ĕpakĕnjuwĕhit. ptĕngl̥ĕmaḥsyatemadukadukan, twarangitungmatātu, matiśrīcaṇdhikusuma, kahar̥ĕpsahāsañjata, rājanāwuṣañagjagin, mĕtakonbangras, hñendibatĕka mati. lintangpangkaḥmañĕburinhapimanghap, sangprabhuñawurin, hapanmulaketo, tingkaḥhanakepuruṣa, tanāngitungbayapati, ngadhukawir̀bujan, malamurudba [7 7A] hanmimis. makakosokyawatmandusbañcurigga, mambuḥbanhandusbĕdil, śr̥ĕ‐ngĕnsangnāwuṣa, lawutmanĕmaktumbak, katumbakśrīnārapati, twaradaklas, sangnāwa‐ nulwāngling. hnekahihapanghibatatasnawang, kahiśrīnārapati, sangcaṇdhikusuma, ‐hamĕngkuhayodhyāpura, rājanāwuṣañawurin, caṇdhikusuma, hibakonekasub śakti. salengtumbaksangprabhucaṇdhikusuma, tuhutĕguḥsanghaji, kasurupansūr̀yya‐payuddhanemalwaran, padhangungsikutthaneki, wĕnginekocap, rājanāwuṣapriha tin. par̥ĕyoddhanemabriyuksamimañĕmbaḥ, hinggiḥratudewagunghaji, sāmpunjāngewĕhang, tityangngangkatinebeñjang, tanurunghipunmacangkling, caṇdhikusuna, hantu

Leaf 7

Image on Archive.org

[᭗ 7B] ᭗ ᬓ᭄ᬢᬶᬢ᭄ᬬᬂᬫᬦᬦ᭄ᬤᬶᬗᬶᬦ᭄᭟ᬭᬵᬚᬦᬵᬯᬸᬱᬫᬗᭂᬲᬾᬗᬶᬦ᭄‌ᬯᬢᭂᬓ᭄ᬯᬶᬭ᭞ᬫᬤᬸᬫ᭄ᬧᬶᬮᬶᬄᬫᬦᬶ᭠ᬫ᭄ᬩᬗᬶᬦ᭄᭞ᬧᬺᬧᬸᬗ᭄ᬕᬯᬲᬫ᭄ᬬᬦ᭄᭞ᬫᬶᬯᬄᬩ᭄ᬭᬬᬦᬾᬫᬓᭂᬚᬂ᭞ᬓᬾᬦ᭄ᬓᬾᬦ᭄ᬩᬬᬦᬂᬚᬦᬶ᭞ᬧᭀᬳᭀ ᬲ᭄ᬧᭀᬳᭀᬲᬂ᭞ᬤᭀᬦᬶᬂᬦᬸᬳᬚᬓ᭄ᬳᬓᬶᬓᬶᬢ᭄᭟ᬧᬲ᭄ᬫᭂᬗᬦ᭄ᬩᬳᬸᬫᬭᬕᬮᬂᬢᬦᬄ᭞ᬲᬂ᭠ᬧ᭄ᬭᬪᬸᬦᬸᬮᬶᬫᬶᬚᬶᬮ᭄᭞ᬗᬫ᭄ᬩ᭄ᬬᬃᬓᬂᬓᬯᬸᬮ᭞ᬲᬸᬭᬓ᭄ᬕᬸᬫᬸᬂᬳᬲᬯᬸᬭᬦ᭄᭞ᬢᬫ᭄ᬩᬸᬃᬕᭀᬂᬪᬾᬭᬶᬦᬫ᭄ᬩᬸᬗᬶᬦ᭄᭞ ᬯᬢᭂᬓ᭄ᬳᬬᭀᬥ᭄ᬬᬵ᭞ᬫᬩ᭄ᬭᬶᬬᬸᬓ᭄ᬢᭂᬓᬗᬗ᭄ᬓᬢᬶᬦ᭄᭟ᬮᬦ᭄ᬫᬘᬸᬦ᭄ᬤᬸᬓ᭄ᬯᬢ᭄ᬩᬮᬭᬵᬚᬦᬵᬯᬸᬱ᭞ᬮᬯᬦ᭄ᬯᭀᬂᬳᬬᭀᬥ᭄ᬬᬵᬦᬵᬕᬭᬶ᭞ᬧᬥᬢ᭄ᬬᬦ᭄ᬢᬾᬂᬮᬕ᭞ᬢᬸᬳᬸᬓᬧ᭄ᬭᬓᭀᬲᬾᬂᬭᬡ᭞ᬯᭀᬂ ᬤᬺᬱ᭄ᬝᬵᬚᬸᬢᬶᬓᬮᬶᬄ᭞ᬫᬦᬦ᭄ᬤᬦ᭄ᬮᬭ᭞ᬓᬩᬦ᭄ᬤᬓᬢᬶᬕ᭄ᬢᬶᬕᬶᬦ᭄᭟ᬮᬾᬦ᭄ᬓᬚᭂᬓ᭄ᬚᭂᬓ᭄ᬓᬧᬳᬶᬦ᭄‌ᬓᬚᬓ᭄ᬓᬧᭀᬦ᭄ᬤᭀᬓ᭄᭞ᬓᬢᭂᬕᬸᬮ᭄ᬢᬸᬃᬓᬢᬫ᭄ᬩᬶ᭞ᬲᬂᬭᬵᬚᬯᬸᬱ᭞ᬤᬳᬢ᭄ᬓ᭄ᬭᬾᬤ᭄ᬥ [᭘ 8A] ᬦᬾᬮᬶᬦ᭄ᬢᬂ᭞ᬫᬜᭂᬭᬶᬢ᭄‌ᬦᬕᬶᬄᬧᭂᬲᬸᬯᬶᬦ᭄᭞ᬰ᭄ᬭᬷᬦᬭᬦᬵᬣ᭞ᬕ᭄ᬮᬶᬲ᭄ᬳᬶᬤᬗᬫᭂᬤᬮᬶᬦ᭄᭟ᬦ᭄ᬤᬦ᭄ᬫᬘᬸᬦ᭄ᬤᬸᬓ᭄ᬭᬶᬂᬲᬂᬭᬵᬚᬦᬵᬯᬸᬱ᭞ᬲᬂᬦᬵᬣᬗ᭄ᬮᬶᬗᬭᬶᬲ᭄᭞ᬳᬄᬭᬵᬚᬦᬵᬯᬸᬱ᭞ᬢᬸᬳᬸᬓᭀᬲᭂᬫᬬ ᬦ᭄ᬢ᭞ᬫᬢᭂᬫᬸᬧᬤᬧ᭄ᬭᬚᬸᬭᬶᬢ᭄᭞ᬫᬕᭀᬜ᭄ᬚᬓᬦ᭄᭞ᬫᬲᬶᬮᬸᬃᬲᬶᬓᭂᬧ᭄ᬢᬦ᭄ᬚ᭄ᬭᬶᬄ᭟ᬲᬂᬦᬯᬸᬱᬲᭂᬩᭂᬗᬾᬫᬲ᭄ᬢᬸᬫᬾᬭᬂ᭞ᬳᬕ᭄ᬮᬶᬲ᭄ᬦᬫ᭄ᬩᬸᬢᭀᬫᬭᬗᭂᬦᬄ᭞ᬰ᭄ᬭᬷᬘᬡ᭄ᬥᬶᬓᬸᬲᬸᬫ᭞ᬢᬦ᭄ᬲᬄᬫᬦᬫ᭄ᬩᬸ ᬢ᭄ᬧᬦᬄ᭞ᬩᬚ᭄ᬭᬵᬖ᭄ᬦᬶᬓᬋᬧᬂᬫᬗ᭄ᬓᬶᬦ᭄᭞ᬰ᭄ᬭᬶᬘᬡ᭄ᬥᬶᬓᬸᬲᬸᬫ᭞ᬢᬸᬳᬸᬢᬦ᭄ᬢᭂᬓᬲᬶᬂᬓᬦᬶᬦ᭄᭟ᬲᬂᬦᬵᬯᬸᬱᬓᭂᬦᬶᬸᬧᬦᬄᬓ᭄ᬦᬢᬗ᭄ᬓᬄ᭞ᬭᬳᬾᬫᭂᬫ᭄ᬩᬄᬫᬶᬚᬶᬮ᭄᭞ᬩᬄᬫᬜᬸᬮᬾᬫ᭄ᬧᬂ᭞ᬢᬸᬫᬸᬮᬶᬭᬭᬶᬲ᭄ᬓ ᬧᬸᬗ᭄ᬕᬮ᭄᭞ᬲᬸᬭᬓ᭄ᬢᬢᬩᬸᬳᬦ᭄ᬢᬭᬶᬓ᭄᭞ᬲᬾᬲᬦᬶᬂᬧᭂᬚᬄ᭞ᬧᬥᬫᬦᬸᬦᬲᬸᬭᬶᬧ᭄᭟ᬩ᭄ᬭᬵ᭠ᬳ᭄ᬫᬦ᭄ᬢ᭄ᬬᬦ᭄ᬳᬦᬾᬧᬢᬶᬄᬰᬹᬭᬵᬚᬬ᭞ᬢᬦ᭄ᬤ᭄ᬯᬫᬢᬸᬮᬓ᭄ᬫᬸᬮᬶᬄ᭞ᬳᬬᬢ᭄ᬓᬤᬺᬱ᭄ᬝᬤᬾᬰ᭞ᬓᬂᬓᬦᬶᬦ᭄ᬦᬸᬮᬶ

Auto-transliteration

[7 7B] 7 ktityangmanandingin. rājanāwuṣamangĕsenginwatĕkwira, madumpiliḥmani‐mbangin, pr̥ĕpunggawasamyan, miwaḥbrayanemakĕjang, kenkenbayanangjani, poho spohosang, doningnuhajak'hakikit. pasmĕnganbahumaragalangtanaḥ, sang‐prabhunulimijil, ngambyar̀kangkawula, surakgumunghasawuran, tambur̀gongbherinambungin, watĕk'hayodhyā, mabriyuktĕkangangkatin. lanmacundukwatbalarājanāwuṣa, lawanwonghayodhyānāgari, padhatyantenglaga, tuhukaprakosengraṇa, wong dr̥ĕṣṭājutikaliḥ, manandanlara, kabandakatigtigin. lenkajĕkjĕkkapahinkajakkapondok, katĕgultur̀katambi, sangrājawuṣa, dahatkreddha [8 8A] nelintang, mañĕritnagiḥpĕsuwin, śrīnaranātha, glishidangamĕdalin. ndanmacundukringsangrājanāwuṣa, sangnāthanglingaris, haḥrājanāwuṣa, tuhukosĕmaya nta, matĕmupadaprajurit, magoñjakan, masilur̀sikĕptanjriḥ. sangnawuṣasĕbĕngemastumerang, haglisnambutomarangĕnaḥ, śrīcaṇdhikusuma, tansaḥmanambu tpanaḥ, bajrāghnikar̥ĕpangmangkin, śricaṇdhikusuma, tuhutantĕkasingkanin. sangnāwuṣakĕn̶panaḥknatangkaḥ, rahemĕmbaḥmijil, baḥmañulempang, tumulirariska punggal, suraktatabuhantarik, sesaningpĕjaḥ, padhamanunasurip. brā‐hmantyanhanepatiḥśūrājaya, tandwamatulakmuliḥ, hayatkadr̥ĕṣṭadeśa, kangkaninnuli

Leaf 8

Image on Archive.org

[᭘ 8B] ᭘ ᬢᬶᬦᬫ᭄ᬩᬦ᭄᭞ᬓᬂᬧᭂᬚᬄᬧᬶᬦᭂᬦ᭄ᬤᭂᬫ᭄ᬲᬫᬶ᭞ᬢᭂᬮᬸᬂᬧ᭄ᬭᬕᬭ᭞ᬤᬦᬾᬲᬋᬂᬳᬶᬧᬢᬶᬄ᭟᭐᭟ᬲᬶᬦᭀᬫ᭄᭟᭐᭟ᬲᬂᬧ᭄ᬭᬪᬸᬘᬡ᭄ᬥᬶᬓᬸᬲᬸᬫ᭞ᬩᬸᬤᬮ᭄ᬓᬧᬸᬭᬶᬫᬗ᭄ᬓᬶᬦ᭄᭞ᬤᬺᬱ᭄ᬝᬵᬚᬸᬢᬶᬓ᭄ᬯᬾᬄᬗᬶᬭᬶᬗᬂ᭞ᬓᬢᬸᬃᬭᬶᬂᬰ᭄ᬭᬷ ᬓᬭᬧᬢᬶ᭞ᬲᬂᬦᬵᬣᬗ᭄ᬮᬶᬂᬳᬭᬶᬲ᭄᭞ᬤᭀᬧᬢᬶᬄᬢᬓᭀᬦᬶᬦ᭄ᬫᬮᬸ᭞ᬓᬾᬦ᭄ᬓᬾᬦ᭄ᬫᬩᬸᬤ᭄ᬥᬶᬧᭂᬚᬄ᭞ᬳᬤᬓᭂᬮᬯᬦ᭄ᬫᬳᬸᬭᬶᬧ᭄᭞ᬯᭀᬂᬦᬵᬯᬸᬱ᭞ᬤᬯᭂᬕ᭄ᬦᬸᬤᬲ᭄ᬮᬮᬸᬧᬸᬢᬦ᭄᭟ᬢᬸᬫᬸᬮᬶᬭᬭᬶᬲ᭄ᬓᬕᬕᬄ᭞ ᬲᬓ᭄ᬭᬄᬚᬢ᭄ᬫᬦᬾᬫᬢᬮᬶ᭞ᬭᬢᬸᬤᬾᬯᬲᬲᬸᬳᬸᬦᬦ᭄᭞ᬧᬸᬦᬶᬓᬶᬯᬾᬦ᭄ᬢᭂᬦ᭄ᬳᬲᬶᬓᬶ᭞ᬧᬸᬢ᭄ᬭᬦ᭄ᬳᬶᬤᬲᬗ᭄ᬳᬚᬶ᭞ᬥᬃᬫ᭄ᬫᬬᬸᬤ᭄ᬥᬓᬂᬚᬸᬚᬸᬮᬸᬓ᭄᭞ᬳᬶᬤᬫᬦᬸᬗ᭄ᬕᬸᬤᬾᬰ᭞ᬩᬯᬸᬫᬭᬦᬵᬫ᭄ᬩᬸᬢ᭄ᬓᭂᬭᬶᬲ᭄᭞ᬰ᭄ᬭᬷᬦ ᬭᬾᬦ᭄ᬤ᭄ᬭ᭞ᬫᬸᬚᬭᬶᬧᬢᬶᬄᬲᬸᬭᬵᬚᬬ᭟ᬳᬶᬧᬢᬶᬄᬮᬯᬸᬢ᭄ᬗᬾᬦ᭄ᬢᭂᬭᬂ᭞ᬦᬾᬮ᭄ᬯᬲ᭄ᬓᬤᬺᬱ᭄ᬝᬵᬚᬸᬢᬶ᭞ᬫᬶᬯᬄᬦᬾᬩ᭄ᬭᬬᬫᬓᭂᬚᬂ᭞ᬲᬋᬂᬮᬦ᭄ᬯᭀᬂᬤᬺᬱ᭄ᬝᬵᬚᬸᬢᬶ᭞ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬗᬦ᭄ᬤᬶᬓᬵᬩᭂᬦᭂᬄᬫ᭠ [᭙ 9A] ᬚᬮᬦ᭄᭟ᬳᬶᬧᬢᬶᬄᬫᬩ᭄ᬭᬶᬬᬸᬓ᭄ᬜᭂᬫ᭄ᬩᬄ᭞ᬫᬦ᭄ᬢᬸᬓᬤᬺᬱ᭄ᬝᬵᬚᬸᬢᬶ᭞ᬫᬗᬶᬭᬶᬂᬗᬃᬬ᭄ᬬᬳᬬᭀᬥ᭄ᬬᬵ᭞ᬢᬦᬵᬲ᭄ᬯᬾᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶᬄᬭᬶᬂᬤᬾᬰᬤᬺᬱ᭄ᬝᬵᬦᬕᬭᬷ᭞ᬥᬃᬫ᭄ᬫᬬᬸᬤ᭄ᬥᬲ᭄ᬤᭂᬓ᭄ᬫᬮᬸᬗ᭄ᬕᬸᬄ᭞ᬗ᭄ᬮᬶᬂᬫᬜᭂᬮ᭄ᬲᭂᬮ᭄ᬳ ᬯᬓ᭄᭞ᬓᬢᬸᬗ᭄ᬕ᭄ᬯᬕᬾᬩᬸᬓᬚᬦᬶ᭞ᬢᬦᬶᬩᬕ᭄ᬬ᭞ᬳᬶᬧᬢᬶᬄᬦᬸᬮᬶᬳᬗᬸᬘᬧ᭄᭟ᬳᬬ᭄ᬯᬢᬦ᭄ᬤ᭄ᬭᬸᬄᬤᬾᬦ᭄ᬢᬲᬶᬭ᭞ᬧᬦᬶᬢᬳᬶᬂᬧ᭄ᬭᬦᬓᬯᬶ᭞ᬲᬸᬓᬤᬸᬓᬢᬦᬓᬲᬄ᭞ᬦᬾᬚᬦᬶᬩᬸᬯᬶᬦ᭄ᬳᬯᬶᬢᬶᬦ᭄᭞ ᬓᬲ᭄ᬢᬧᬬᬂᬦᬾᬚᬦᬶ᭞ᬭᬶᬂᬮᬶᬗ᭄ᬕᬶᬄᬳᬶᬤᬲᬂᬧ᭄ᬭᬪᬸ᭞ᬳᬶᬭᬶᬂᬧᬓᬬᬸᬦᬦ᭄ᬳᬶᬤ᭞ᬳ᭄ᬤᬵᬘᬳᬶᬫᬫᬶᬯᬮᬶᬦ᭄᭞ᬫᬸᬮᬓᬾᬢᭀ᭞ᬢᬶᬗ᭄ᬓᬳᬾᬦᬸᬫᬤᬶᬚᬢ᭄ᬫ᭟ᬘ᭄ᬦᬶᬓ᭄ᬢᬸᬯᬳᬶᬤᬸᬧ᭄ᬫᬢᬧ᭞ᬧᬗᬦ᭄ᬤᬶᬓᬦ᭄ᬳᬶᬤᬲᬂ ᬋᬱᬶ᭞ᬲᬹᬃᬬ᭄ᬬᬘᬦ᭄ᬤ᭄ᬭᬧ᭄ᬢᭂᬂᬍᬫᬄ᭞ᬓᬶᬢ᭄ᬢᬶᬬᬂᬳᬯᬓᬾᬚᬦᬶ᭞ᬳᬸᬭᬶᬧᬾᬫᬗᬦ᭄ᬢᬶᬳᬦ᭄ᬢᬶ᭞ᬲᬫ᭄ᬩᬶᬮᬂᬗᬯᬗᬸᬦᬬᬸ᭞ᬳᬶᬥᬃᬫ᭄ᬫᬬᬸᬤ᭄ᬥᬳᬗᬸᬘᬧ᭄᭞ᬢᬶᬢ᭄ᬬᬂᬗᬶᬭᬶᬂᬕᬸᬲ᭄ᬢᬶᬧᬢᬶᬄ᭞ᬢᬸᬫᬸᬲ᭄ᬮᬦᬸᬲ᭄᭞ᬫᬗ᭄ᬤᬫᭀ

Auto-transliteration

[8 8B] 8 tinamban, kangpĕjaḥpinĕndĕmsami, tĕlungpragara, danesar̥ĕnghipatiḥ. 0. sinom. 0. sangprabhucaṇdhikusuma, budalkapurimangkin, dr̥ĕṣṭājutikweḥngiringang, katur̀ringśrī karapati, sangnāthanglingharis, dopatiḥtakoninmalu, kenkenmabuddhipĕjaḥ, hadakĕlawanmahurip, wongnāwuṣa, dawĕgnudaslaluputan. tumulirariskagagaḥ, sakraḥjatmanematali, ratudewasasuhunan, punikiwentĕnhasiki, putranhidasanghaji, dhar̀mmayuddhakangjujuluk, hidamanunggudeśa, bawumaranāmbutkĕris, śrīna rendra, mujaripatiḥsurājaya. hipatiḥlawutngentĕrang, nelwaskadr̥ĕṣṭājuti, miwaḥnebrayamakĕjang, sar̥ĕnglanwongdr̥ĕṣṭājuti, śrīnarendra, ngandikābĕnĕḥma‐ [9 9A] jalan. hipatiḥmabriyukñĕmbaḥ, mantukadr̥ĕṣṭājuti, mangiringngar̀yyahayodhyā, tanāswesāmpunpraptiḥringdeśadr̥ĕṣṭānagarī, dhar̀mmayuddhasdĕkmalungguḥ, nglingmañĕlsĕlha wak, katunggwagebukajani, tanibagya, hipatiḥnulihangucap. haywatandruḥdentasira, panitahingpranakawi, sukadukatanakasaḥ, nejanibuwinhawitin, kastapayangnejani, ringlinggiḥhidasangprabhu, hiringpakayunanhida, hdācahimamiwalin, mulaketo, tingkahenumadijatma. cniktuwahidupmatapa, pangandikanhidasang r̥ĕsyi, sūr̀yyacandraptĕngl̥ĕmaḥ, kittiyanghawakejani, huripemangantihanti, sambilangngawangunayu, hidhar̀mmayuddhahangucap, tityangngiringgustipatiḥ, tumuslanus, mangdamo

Leaf 9

Image on Archive.org

[᭙ 9B] ᭙ ᬮᬶᬄᬓᬲᬸᬡ᭄ᬬᬢᬦ᭄᭟ᬲᬳᬦᬦᬶᬂᬭᬵᬚᬩ᭄ᬭᬡ᭄ᬦ᭞ᬓᬸᬩᭀᬦ᭄ᬘᬭᬶᬓ᭄ᬲ᭄ᬬᬸᬢᬮᬶ᭞ᬢᬶᬢ᭄ᬬᬜᬤ᭄ᬬᬫᬗᬢᬸᬭᬂ᭞ᬭᬶᬂᬳᬶᬤᬰ᭄ᬭᬷᬦᬭᬧᬢᬶ᭞ᬳᬶᬤᬗᭀᬤᬕᬂᬲᬫᬶ᭞ᬳᬸᬤᬸᬄᬳᬤᬶᬮᬶᬦ᭄ᬢᬂᬧᬢᬸᬢ᭄᭞ᬦᬾᬚᬦᬶᬳᬤᬶ ᬫᬚᬮᬦ᭄᭞ᬓᬬᭀᬥ᭄ᬬᬵᬧᬸᬭᬫᬦᬗ᭄ᬓᬶᬮ᭄᭞ᬭᬢᬸᬳᬕᬸᬂ᭞ᬢᬶᬢ᭄ᬬᬂᬯᬦ᭄ᬢᬄᬫᬗᬶᬭᬶᬗᬂ᭟ᬢᬦᬓᬘᬭᬶᬢᬾᬂᬫᬃᬕ᭄ᬕ᭞ᬭᬯᬸᬄᬭᬶᬂᬗᬬᭀᬥ᭄ᬬᬵᬧᬸᬭᬶ᭞ᬤᬸᬫᬸᬦᬸᬂᬳᬦᬾᬂᬩᬜ᭄ᬘᬶᬗᬄ᭞ᬲᬂᬦᬵᬣᬲ᭄ᬥᭂᬓᬢᬗ᭄ᬓᬶ ᬮ᭄᭞ᬧᬢᬶᬄᬰᬹᬭᬵᬚᬬᬦᬗ᭄ᬓᬶᬮ᭄᭞ᬰ᭄ᬭᬷᬦᬵᬣᬗᬦ᭄ᬤᬶᬓᬳᬮᬸᬲ᭄᭞ᬓᬾᬦ᭄ᬤᬶᬥᬃᬫ᭄ᬫᬬᬸᬤ᭄ᬥ᭞ᬳᬶ᭠ᬧᬢᬶᬄᬗᭂᬲᬾᬗᬶᬦ᭄ᬳᬭᬶᬲ᭄᭞ᬤᬾᬦᬵᬕ᭄ᬮᬶᬲ᭄᭞ᬳᬶᬥᬃᬫ᭄ᬫᬬᬸᬤ᭄ᬥᬫᭂᬦᬾᬓᬦ᭄᭟ᬲᬂᬲᬶᬦᬾᬗᬦᬸᬮ᭄ᬬᬵᬦᭂ ᬫ᭄ᬩᬄ᭞ᬲᬂᬦᬵᬣᬫᭂᬦ᭄ᬤᬓᬶᬂᬮᬶᬭᬶᬂ᭞ᬮᬳᬫᬸᬗ᭄ᬕᬸᬄᬲᬶᬭᬓᬓ᭄ᬬ᭞ᬥᬃᬫ᭄ᬫᬬᬸᬤ᭄ᬥᬫᬢᬸᬃᬩᬓ᭄ᬢᬶ᭞ᬢᬸᬫᬸᬮᬶ᭠ᬲᬶᬭᬳᬮᬶᬗ᭄ᬕᬶᬄ᭞ᬭᬶᬗᬬᬸᬦ᭄ᬳᬶᬤᬲᬂᬧ᭄ᬭᬪᬸ᭞ᬲᬸᬫᬦ᭄ᬤᬶᬂᬮᬦᬶᬧᬢ᭄ᬬ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬮᬄ [᭑᭐ 10A] ᬢᬓᬓ᭄ᬬ᭞ᬫᬗ᭄ᬓᬶᬦ᭄ᬲᬶᬭᬗᬤᭂᬕ᭄ᬦᬢ᭄ᬬ᭟ᬢᬸᬫᬸᬮᬶᬭᬯᬸᬄᬢᬤᬳᬦ᭄᭞ᬳᬦᬤᬄᬲᬶᬭᬲᬗ᭄ᬳᬚᬶ᭞ᬳᬶᬥᬃᬫ᭄ᬫᬬᬸᬤ᭄ᬥᬳᬦᬤᬄ᭞ᬲᬋᬂᬮᬦ᭄ᬭᬓ᭄ᬫ᭄ᬬᬦᬧᬢᬶᬄ᭞ᬧᬭᬓᬯᬸᬮᬜᬋᬗᬶᬦ᭄᭞ᬳᬾᬦᬓ᭄ᬢᬲᬶᬭ ᬳᬦᬬᬸᬩ᭄᭞ᬲᬮ᭄ᬯᬶᬭᬶᬂᬭᬱᬳᬸᬢᬫ᭞ᬲᬵᬫ᭄ᬧᬸᬦ᭄ᬳᬶᬦᬚᭂᬗᬦ᭄ᬲᬫᬶ᭞ᬭᬶᬦᬲᬬᬂ᭞ᬢᬦᬓᬸᬭᬂᬲ᭄ᬓᬸᬮ᭄ᬳᬸᬮᬫ᭄᭟ᬲᭀᬮᬳᬶᬂᬭᬢᬸᬳᬸᬢ᭄ᬢᬫ᭞ᬩᭂᬘᬶᬓ᭄ᬳᬬᬸᬳᬍᬧ᭄ᬲᬫᬶ᭞ᬢᬢᬩᬸᬳᬦ᭄ᬳᬮᬸᬲ᭄ᬳᬮᭀᬦ᭄᭞ᬕᬬᬸᬂ ᬧᬾᬦ᭄ᬤᬾᬢᬾᬦᬸᬮᬸᬭᬶᬦ᭄᭞ᬯᭀᬂᬚ᭄ᬭᭀᬦᭀᬦ᭄ᬢᭀᬦ᭄ᬲᬫᬶ᭞ᬳᬾᬩᭂᬓ᭄ᬭᬶᬂᬩᬜ᭄ᬘᬶᬗᬄᬫᬸᬳᬸᬕ᭄᭞ᬳᬦᬶᬜ᭄ᬚᭀᬳᬶᬂᬮᬮᬾᬬᬦ᭄᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬮᬄᬢᬓᬓᬶ᭞ᬤᬾᬦᬶᬭᬲᬫᬳ᭠ ᬭᬭ᭄ᬬᬦ᭄᭟ᬢᬸᬫᬸᬮᬶᬳᬸᬲᬦ᭄ᬳᬦᬤᬄ᭞ᬦᬾᬜᭀᬓᭀᬃᬫᬜᬕ᭄ᬚᬕ᭄ᬕᬶᬮᬶᬲ᭄᭞ᬦᬸᬮᬾᬗᬾᬓ᭄ᬫᬢᬦᬾᬲᬾᬗᬢ᭄᭞ᬦᬜ᭄ᬚᭂᬓᬶᬦ᭄ᬕᭀᬗᬾᬫᬫᬸᬜᬶ᭞ᬫᬮ᭄ᬯᬭᬦ᭄ᬦᬾᬫᬩᬮᬶᬄ᭞ᬳᭀᬯᬥᬗᬸᬗ᭄ᬲᬶ

Auto-transliteration

[9 9B] 9 liḥkasuṇyatan. sahananingrājabraṇna, kuboncariksyutali, tityañadyamangaturang, ringhidaśrīnarapati, hidangodagangsami, huduḥhadilintangpatut, nejanihadi majalan, kayodhyāpuramanangkil, ratuhagung, tityangwantaḥmangiringang. tanakacaritengmar̀gga, rawuḥringngayodhyāpuri, dumununghanengbañcingaḥ, sangnāthasdhĕkatangki l, patiḥśūrājayanangkil, śrīnāthangandikahalus, kendidhar̀mmayuddha, hi‐patiḥngĕsenginharis, denāglis, hidhar̀mmayuddhamĕnekan. sangsinenganulyānĕ mbaḥ, sangnāthamĕndakingliring, lahamungguḥsirakakya, dhar̀mmayuddhamatur̀bakti, tumuli‐sirahalinggiḥ, ringayunhidasangprabhu, sumandinglanipatya, sangnāthangandikaharis, laḥ [10 10A] takakya, mangkinsirangadĕgnatya. tumulirawuḥtadahan, hanadaḥsirasanghaji, hidhar̀mmayuddhahanadaḥ, sar̥ĕnglanrakmyanapatiḥ, parakawulañar̥ĕngin, henaktasira hanayub, salwiringraṣahutama, sāmpunhinajĕngansami, rinasayang, tanakurangskulhulam. solahingratuhuttama, bĕcik'hayuhal̥ĕpsami, tatabuhanhalushalon, gayung pendetenulurin, wongjronontonsami, hebĕkringbañcingaḥmuhug, haniñjohinglaleyan, sangnāthangandikaharis, laḥtakaki, denirasamaha‐ raryan. tumulihusanhanadaḥ, neñokor̀mañagjaggilis, nulengekmatanesengat, nañjĕkin'gongemamuñi, malwarannemabaliḥ, howadhangungsi

Leaf 10

Image on Archive.org

[᭑᭐ 10B] ᭑᭐ ᬳᬸᬫᬳᬶᬧᬸᬦ᭄᭞ᬲᬂᬦᬵᬣᬫᬗᬦ᭄ᬤᬶᬓ᭞ᬓᬤᬸᬦᬸᬗᬦ᭄ᬓᭂᬫᬘᬳᬶ᭞ᬓᬾᬦᬶᬧᬢᬶᬄ᭞ᬰᬹᬭᬵᬚᬬᬫᬤᬸᬦᬸᬗᬦ᭄᭟ᬲᬂᬧ᭄ᬭᬪᬸᬭᬭᬶᬲ᭄ᬓᬧᬸᬭ᭞ᬯᭂᬗᬶᬓᭀᬘᬧᬦᬫᬗ᭄ᬓᬶᬦ᭄᭞ᬢᬸᬫᬸᬮᬶᬢᬢᬲ᭄ᬭᬳᬶᬦ᭞ᬲᬂᬥᬃ ᬫ᭄ᬫᬬᬸᬤ᭄ᬥᬫᭂᬦᬗ᭄ᬓᬶᬮ᭄᭞ᬲᬂᬦᬵᬣᬦᬸᬮᬶᬫᬶᬚᬶᬮ᭄᭞ᬧ᭄ᬭᬪᬸᬚᬗ᭄ᬕᬲᬫᬶᬭᬯᬸᬄ᭞ᬦᬗ᭄ᬓᬶᬮ᭄ᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬤᬸᬄᬧᬤᬡ᭄ᬥ᭞ᬤᬸᬭᬸᬲ᭄ᬢᬶᬢ᭄ᬬᬂᬦᬗᬸᬦ᭄ᬳᭀᬫ᭟ᬳᬶᬥᬃᬫ᭄ᬫᬬᬸᬤ᭄ᬥᬫᬜᬸᬫ᭄ᬩᬄ ᭞ᬳᬸᬤᬸᬄᬭᬢᬸᬤᬾᬯᬳᬚᬶ᭞ᬲᬧᬸᬦᬧᬶᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬘᬳᬶᬓᬾᬚᬦᬶᬗᬮᬶᬄ᭞ᬫᬥᬸᬭᬶᬳᬸᬧᬘᬭᬫᬸᬗ᭄ᬕᬸᬄ᭞ᬫᬓᬫᬶᬯᬄᬓᬬᬸᬘᬦᬡ᭞ᬩᬶᬮᬦᬵᬕᬲᬭᬷᬲᬫᬶ᭞ ᬯᬶᬮᬗᬦ᭄ᬜ᭞ᬓᬓᬄᬧᬥᬜᬢᬸᬲ᭄ᬲᭀᬮᬲ᭄᭟ᬳᬢᬸᬃᬲᭂᬫ᭄ᬩᬄᬳᬶᬧᬢ᭄ᬬ᭞ᬲᬶᬗ᭄ᬕᬶᬄᬭᬢᬸᬰ᭄ᬭᬷᬪᬸᬧᬢᬶ᭞ᬧᬸᬦᬧᬶᬭᬢᬸᬓᬃᬱᬬᬂ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬳᭂᬦ᭄ᬢᭀᬧ᭄ᬬᬚ᭄ᬜᬦᬾᬘᬳᬶ᭞ᬲᬳᬢᬂ [᭑᭑ 11A] ᬫᬮ᭄ᬯᬂᬲᬫ᭄ᬩᬸᬢ᭄᭞ᬳᬧᬂᬤᭂᬓᬧᬺᬧᭂᬓᬦ᭄᭞ᬯᬶᬭᬾᬄᬕᬳᬾᬧᬘᬂᬕ᭄ᬮᬶᬲ᭄᭞ᬲᬫᬶᬸᬧᬶᬲᬦᬦ᭄᭞ᬘᬳᬶᬫᬗ᭄ᬯᬗᬸᬦᬂᬓᬸᬡ᭄ᬥ᭟ᬳᬶᬥᬃᬫ᭄ᬫᬬᬸᬤ᭄ᬥᬓᭀᬘᬧ᭞ᬚᬸᬫ᭄ᬦ᭄ᬦᭂᬂᬭᬶᬂᬤᬺᬱ᭄ᬝᬵᬚᬸᬢᬶ᭞ᬲᬂᬧ᭄ᬭᬪᬸᬘᬡ᭄ᬥᬶᬓᬸᬲᬸᬫ᭞ ᬗᬦ᭄ᬤᬶᬓᬬᬂᬫᭂᬗᬕᬸᬗᬶᬦ᭄᭞ᬓᬳᬯᬸᬕ᭄ᬲᬦᬾᬫᬗ᭄ᬓᬶᬦ᭄᭞ᬪᬕᬯᬵᬦ᭄ᬯᬺᬳᬲ᭄ᬧᬢᬶᬲᬵᬫ᭄ᬧᬸ᭠ᬦ᭄᭞ᬜᬬᬚᬬᬳᬶᬥᬃᬫ᭄ᬫᬬᬸᬤ᭄ᬥ᭞ᬲᬵᬫ᭄ᬧᬸᬦ᭄ᬓᬳᬤᭂᬕ᭄‌ᬪᬸᬧᬢᬶ᭞ᬢᬦ᭄ᬘᬭᬶᬢ᭞ᬥᬃᬫ᭄ᬫᬬᬸᬤ᭄ᬥᬓᬂᬩᬶᬱᬾ ᬓ᭟ᬲᬂᬧ᭄ᬭᬪᬸᬫᬗ᭄ᬓᬶᬦ᭄ᬓᬧᬸᬭ᭞ᬩᬸᬩᬃᬢᬗ᭄ᬓᬶᬮᬦᬾᬲᬫᬶ᭞ᬲᬸᬭᬸᬧ᭄ᬫᬗ᭄ᬓᬶᬦ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬯᭀᬂᬤ᭄ᬭᬱ᭄ᬝᬵᬚᬸᬢᬶᬦᬾᬲᬫᬶ᭞ᬫᬢᬸᬮᬓ᭄ᬲᬫᬶᬫᬸᬮᬶᬄ᭞ᬢᬢᬲᬼᬫᬄᬲᬵᬫ᭄ᬧᬸᬦ᭄ᬭᬯᬸᬄ᭞ᬧᬜᬬᬚᬬᬳᬾᬗ᭄ᬕᬮᬂ᭞ ᬲᬳᬸᬧᬓᬭᬦᬾᬲᬫᬶ᭞ᬲᬕᬾᬢ᭄ᬭᬯᬸᬄ᭞ᬲᬫᬶᬫᬓ᭄ᬢᬩᬩᬦ᭄ᬢᭂᬦᬦ᭄᭟ᬳᬶᬥᬃᬫ᭄ᬫᬬᬸᬤ᭄ᬥᬮᬸᬫᬫ᭄ᬧᬄ᭞ᬢᬸᬮᬓᬬᭀᬥ᭄ᬬᬵᬧᬸᬭᬶ᭞ᬗᬢᬸᬭᬂᬓᬬᬸᬘᬦᬡ᭞ᬭᬶᬂᬳᬶᬤᬰ᭄ᬭᬷᬦᬭᬧᬢᬶ᭞ᬲᬓᬶᬂᬕ᭄ᬮᬶᬲᬶᬂᬫᬃ

Auto-transliteration

[10 10B] 10 humahipun, sangnāthamangandika, kadunungankĕmacahi, kenipatiḥ, śūrājayamadunungan. sangprabhurariskapura, wĕngikocapanamangkin, tumulitatasrahina, sangdhar̀ mmayuddhamĕnangkil, sangnāthanulimijil, prabhujanggasamirawuḥ, nangkilhidaśrīnarendra, sangnāthangandikaharis, duḥpadaṇdha, durustityangnangunhoma. hidhar̀mmayuddhamañumbaḥ , huduḥratudewahaji, sapunapihantuktityang, sangnāthangandikaharis, cahikejaningaliḥ, madhurihupacaramungguḥ, makamiwaḥkayucanaṇa, bilanāgasarīsami, wilanganña, kakaḥpadhañatussolas. hatur̀sĕmbaḥhipatya, singgiḥratuśrībhupati, punapiratukar̀ṣayang, sangnāthangandikaharis, hĕntopyajñanecahi, sahatang [11 11A] malwangsambut, hapangdĕkapr̥ĕpĕkan, wireḥgahepacangglis, sam̶pisanan, cahimangwangunangkuṇdha. hidhar̀mmayuddhakocapa, jumnnĕngringdr̥ĕṣṭājuti, sangprabhucaṇdhikusuma, ngandikayangmĕngagungin, kahawugsanemangkin, bhagawānwr̥ĕhaspatisāmpu‐n, ñayajayahidhar̀mmayuddha, sāmpunkahadĕgbhupati, tancarita, dhar̀mmayuddhakangbisye ka. sangprabhumangkinkapura, bubar̀tangkilanesami, surupmangkinsanghyangsūr̀yya, wongdraṣṭājutinesami, matulaksamimuliḥ, tatasl̥ĕmaḥsāmpunrawuḥ, pañayajayahenggalang, sahupakaranesami, sagetrawuḥ, samimaktababantĕnan. hidhar̀mmayuddhalumampaḥ, tulakayodhyāpuri, ngaturangkayucanaṇa, ringhidaśrīnarapati, sakingglisingmar̀

Leaf 11

Image on Archive.org

[᭑᭑ 11B] ᭑᭑ ᬕ᭄ᬕᬶ᭞ᬳᬶᬥᬃᬫ᭄ᬫᬬᬸᬤ᭄ᬥᬯᬸᬲ᭄ᬭᬯᬸᬄ᭞ᬚᬸᬫᬸᬚᬸᬕ᭄ᬳᬦᬾᬂᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬸᬦᬸᬚᬸᬓᭂᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬧᬸᬦᬂ᭞ᬪᬸᬚᬗ᭄ᬕᬫ᭄ᬯᬂᬓᬲᬢ᭄ᬭ᭄ᬬ᭟ᬳᬶᬧᬢᬶᬄᬫᬳᬢᬸᬃᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬤᬾᬯᬳᬚᬶ᭞ᬳᬶᬥᬃᬫ᭄ᬫᬬᬸᬤ᭄ᬥᬧᬸᬦᬶ ᬓ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬮᬯᬸᬢᬂᬢᬸᬦ᭄ᬤᬾᬦ᭄ᬫᬳᬶ᭞ᬲᬶᬭᬧᬢᬶᬄᬦᭂᬫ᭄ᬩᬄᬫᬢᬸᬃ᭞ᬳᬶᬥᬃᬫ᭄ᬫᬬᬸᬤ᭄ᬥᬓᭂᬲᬾᬗᬦ᭄᭞ᬢᬸᬫᬸᬮᬶᬤᬾᬦᬶᬭᬫᬗ᭄ᬓᬶᬦ᭄᭞ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬗᬦ᭄ᬤᬶᬓᬲᬫᬲ᭄ᬫᬶᬢ᭟ᬳᬾᬗ᭄ᬕᬮ᭄ᬓᬸ᭠ ᬤᬘᬳᬶᬢᭂᬓ᭞ᬲᬂᬮᬶᬦᬶᬗᬦ᭄ᬫᬢᬸᬃᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬫᬜᬭᬢᬂᬧᬶᬲᬦ᭄᭞ᬓᭂᬦᬶᬫᬜᬶᬤ᭠ᬬᬂᬳᬸᬕᬶ᭟ᬲᬂᬦᬵᬣᬜᬯᬸᬭᬶᬦ᭄᭞ᬩ᭄ᬦᭂᬄᬲᬚᬓᬾᬢᭀᬩᬕᬸᬲ᭄᭞ᬯᬶᬭᬾᬄᬧᬘᬂᬳᬗ᭄ᬕᭀᬦ᭄ᬩᬸᬯᬢ᭄᭞ ᬦᬄᬳᬓᬾᬢᭀᬲᬸᬩᬘᬳᬶ᭞ᬩ᭄ᬯᬶᬦᬩᬸᬮᬦ᭄᭞ᬘᬳᬶᬢᭂᬓᬲᬕᬺᬳᬦ᭄᭟ᬳᬶᬥᬃᬫ᭄ᬫᬬᬸᬤ᭄ᬥᬫᬜᬸᬫ᭄ᬩᬄ᭞ᬲᬶᬗ᭄ᬕᬶᬄᬲᬦᬶᬦᬶᬓᬦ᭄ᬤ᭄ᬭᬧᬢᬶ᭞ᬬᬦ᭄ᬢᬦ᭄ᬢᬶᬢ᭄ᬬᬂᬲᬶᬦᬗ᭄ᬓᬯᭀᬦ᭄᭞ᬢᬶᬢ᭄ᬬᬂᬫᬜᬭᬢᬂᬳᬸᬕᬶ᭠ [᭑᭒ 12A] ᬓᭂᬦᬶᬢᬶᬢ᭄ᬬᬂᬧᭀᬮᬶᬄᬗᬶᬭᬶᬂ᭞ᬧᬮᬶᬗ᭄ᬕᬶᬄᬘᭀᬓᭀᬃᬳᬶᬭᬢᬸ᭞ᬜᬤ᭄ᬬᬢᬶᬢ᭄ᬬᬂᬫᬗᬦ᭄ᬢᭂᬦᬂ᭞᭠ᬳᭀᬫᬤ᭄ᬭᬸᬯᬾᬓᬤᬶᬫᬗ᭄ᬓᬶᬦ᭄᭞ᬲᬧᬸᬦᬧᬶ᭞ᬢᬢᬶᬗ᭄ᬓᬳᬦᬗᬸᬦ᭄ᬳᭀᬫ᭟ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓ᭞ ᬓᬾᬦᬾᬓᬢᬢ᭄ᬯᬦ᭄ᬜᬘᬳᬶ᭟ᬢᬶᬗ᭄ᬓᬄᬳᬕᬸᬂᬫᬸᬢᭂᬃᬚᬕᬢ᭄᭞ᬫᬬᬚ᭄ᬜᬦᬾᬳᬧᬂᬢᬶᬮᬶᬂ᭞ᬳᭂᬦ᭄ᬢᭂᬕ᭄ᬓᬕᬸᬗᬦᬾᬘ᭄ᬦᬶᬂ᭞ᬩ᭄ᬯᬶᬦᬵᬯ᭄ᬓᬲ᭄ᬧᬘᬂᬢ᭄ᬫᬸ᭞ᬭᬾᬄᬢ᭄ᬯᬭᬲᬸᬳᬸᬤ᭄ᬫᬜ᭄ᬚ᭄ᬚᬢ᭄ᬫ᭞ᬓ᭄ᬭᬫᬦᬶᬂᬫᬫᬸᬮᬧᬤᬶ᭞ᬢ᭄ᬯᬄᬯᭀᬂ ᬦᬸᬕ᭞ᬧᬘᬂᬫᬸᬧᬸᬩ᭄ᬯᬄᬚᬭᬓ᭄᭞ᬤᬸᬮᬸᬭᬶᬦ᭄ᬩᬦᬗᬸᬦ᭄ᬩ᭄ᬭᬢ᭄ᬣᬵ᭞ᬬᬰᬓᬶᬃᬢ᭄ᬢᬶᬦᬾᬫᭂᬓᬤᬶ᭞ᬫ᭠ᬗᬗ᭄ᬯᬗᬸᬦᬂᬩᬮᬾᬥᬡ᭄ᬦ᭞ᬧᬜ᭄ᬘᭀᬭᬦ᭄ᬫᬃᬕ᭄ᬕᬩᭂᬦᬗᬶᬦ᭄᭞ᬧᭂᬗ᭄ᬕᬓ᭄ᬧᭂᬓᭂᬦ᭄ᬫᭂᬓᬤᬶ᭞ᬤᭂᬩᭂᬮᬲ᭄ᬢᭂ᭠ ᬓᬾᬦ᭄ᬲᬂᬯᬶᬓᬸ᭞ᬳᬶᬤᬧᬦ᭄ᬤᬃᬧᬡ᭞ᬓᬾᬢᭀᬓᬢᬢ᭄ᬯᬜᬘᭂᬦᬶᬂ᭞ᬳᭂᬦᬸᬳᬸᬢᬂ᭞ᬧᬚᬮᬦ᭄ᬜᬦᬾᬳᬶᬩᬧ᭟ᬳᬶᬥᬃᬫ᭄ᬫᬬᬸᬤ᭄ᬥᬫᬜᬸᬫ᭄ᬩᬄ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬲᬂᬳᬚᬶ᭞ᬢᬶᬢ᭄ᬬᬂᬗᬶᬭᬶᬂᬧᬓᬬᬸ

Auto-transliteration

[11 11B] 11 ggi, hidhar̀mmayuddhawusrawuḥ, jumujug'hanengbañcingaḥ, sangprabhunujukĕtangkil, pĕpĕkpunang, bhujanggamwangkasatrya. hipatiḥmahatur̀nĕmbaḥ, hinggiḥratudewahaji, hidhar̀mmayuddhapuni ka, sangnāthangandikaharis, lawutangtundenmahi, sirapatiḥnĕmbaḥmatur̀, hidhar̀mmayuddhakĕsengan, tumulideniramangkin, śrīnarendra, ngandikasamasmita. henggalku‐ dacahitĕka, sanglininganmatur̀singgiḥ, tityangmañaratangpisan, kĕnimañida‐yanghugi. sangnāthañawurin, bnĕḥsajaketobagus, wireḥpacanghanggonbuwat, naḥhaketosubacahi, bwinabulan, cahitĕkasagr̥ĕhan. hidhar̀mmayuddhamañumbaḥ, singgiḥsaninikandrapati, yantantityangsinangkawon, tityangmañaratanghugi‐ [12 12A] kĕnitityangpoliḥngiring, palinggiḥcokor̀hiratu, ñadyatityangmangantĕnang, ‐homadruwekadimangkin, sapunapi, tatingkahanangunhoma. sangnāthararisngandika, kenekatatwanñacahi. tingkaḥhagungmutĕr̀jagat, mayajñanehapangtiling, hĕntĕgkagunganecning, bwināwkaspacangtmu, reḥtwarasuhudmañjjatma, kramaningmamulapadi, twaḥwong nuga, pacangmupubwaḥjarak, dulurinbanangunbratthā, yaśakir̀ttinemĕkadi, ma‐ngangwangunangbaledhaṇna, pañcoranmar̀ggabĕnangin, pĕnggakpĕkĕnmĕkadi, dĕbĕlastĕ‐ kensangwiku, hidapandar̀paṇa, ketokatatwañacĕning, hĕnuhutang, pajalanñanehibapa. hidhar̀mmayuddhamañumbaḥ, tityangsandikansanghaji, tityangngiringpakayu

Leaf 12

Image on Archive.org

[᭑᭒ 12B] ᭑᭒ ᬦᬦ᭄᭞ᬓᬃᬤ᭄ᬬᬂᬢᬶᬢ᭄ᬬᬂᬲᬓᬶᬂᬫᬗ᭄ᬓᬶᬦ᭄᭞ᬪᬕᬯᬵᬦ᭄ᬯᬺᬳᬲ᭄ᬧᬢᬶᬜᬯᬸᬭᬶᬦ᭄᭞ᬧᬢᬸᬢ᭄ᬧᬶᬲᬦ᭄ᬭᬢᬸᬩᬕᬸᬲ᭄᭞ᬫᬸᬂᬧᬸᬂᬭᬕᬦᬸᬩᬚᬂ᭞ᬳᬾᬲ᭄ᬢ᭄ᬬᬂᬫᬦᬗᬸᬦ᭄ᬓᬶᬃᬢ᭄ᬢᬶ᭞ᬢᬦ᭄ᬧᬕᬸᬡ᭞ᬭᬢᬸᬳᬕᬸᬂᬓᬸᬭᬂᬬᬰ ᭟ᬮᬫᬸᬢ᭄ᬯᬭᬩ᭄ᬬᬲᬬᬂ᭞ᬓᬲᬸᬕ᭄ᬬᬦ᭄ᬢ᭄ᬯᬄᬬᬓᬮᬶᬲ᭄᭞ᬯᭀᬂᬢᭂᬓᭂᬓ᭄ᬩᬳᬦ᭄ᬫᬗᬩᬵ᭞ᬩᬸᬓᬬᬾᬳᬾᬤᬶᬤᭀᬦ᭄ᬓᬮᬤᬶ᭞ᬫᬭᭀᬗ᭄ᬕᬾᬗᬦ᭄ᬳᬕᬶᬕᬶᬲ᭄᭞ᬢ᭄ᬯᬭᬓᬵᬫᬢᬫ᭄ᬧᬓ᭄ᬤᬶᬢᬸ᭞ᬳᬓᬾᬢᭀᬳᬸ ᬧᬫᬶᬦ᭄ᬜ᭞ᬫᬸᬜᬶᬦ᭄ᬩᬧᬦᬾᬓᬾᬦ᭄ᬕᬸᬲ᭄ᬢᬶ᭞ᬳᬢᬸᬃᬓᭂᬜᬸᬂ᭞ᬳᬶᬥᬃᬫ᭄ᬫᬬᬸᬤ᭄ᬥᬫᬜᬸᬫ᭄ᬩᬄ᭟ᬧ᭄ᬬᬓ᭄ᬢᬶᬧᬶ᭠ᬲᬦ᭄ᬭᬭᬲᬦ᭄ᬧ᭄ᬭᬡ᭄ᬥ᭞ᬤ᭄ᬭᬸᬯᬾᬦᬾᬫᬤᬾᬯᬾᬓ᭄ᬳᬗᬶᬦ᭄᭞ᬢᬦ᭄ᬧᬲᬗ᭄ᬓᬦ᭄ᬭᬯᬸᬄᬳᬶᬘᬮ᭄᭞ᬯᬦ᭄ᬢᬄᬢᭂ ᬓᭂᬓ᭄ᬳᬦ᭄ᬢᬸᬓ᭄ᬓᬶᬃᬢ᭄ᬢᬶ᭞ᬬᬦ᭄ᬢᬦ᭄ᬯᬾᬦ᭄ᬢᭂᬦ᭄ᬲᬫ᭄ᬩᬸᬗᬶᬦ᭄᭞ᬓᬶᬃᬢ᭄ᬢᬶᬦ᭄ᬳᬶᬤᬲᬗ᭄ᬳᬳᬸᬮᬸᬦ᭄᭞ᬚᬦ᭄ᬢᭂᬦ᭄ᬧᬶᬲᬦ᭄ᬫᭂᬮᬭᬤᬦ᭄᭞ᬢᬦ᭄ᬩᬶᬦᬓᬤᬶᬜᬺᬯᬤ᭄ᬥᬶ᭞ᬲᬮᬄᬲᬸᬭᬸᬧ᭄᭞ᬢᬦ᭄ᬫᬓᬦ᭄ᬢᭂᬦ᭄ᬲᬫ᭄ᬧᬸᬦ᭄ᬢᭂᬮᬲ᭄ [᭑᭓ 13A] ᭟ᬦᬭᬦᬵᬣᬫᬯᬘᬡ᭞ᬦᬾᬩᬶᬦ᭄ᬧ᭄ᬯᬦ᭄ᬘᬳᬶᬫᬳᬶ᭞ᬳᬶᬥᬃᬫ᭄ᬫᬬᬸᬤ᭄ᬥᬫᬦᭂᬫ᭄ᬩᬄ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬲᬗ᭄ᬳᬚᬶ᭞ᬲᬶᬓᬸᬢ᭄ᬧᬬᬚ᭄ᬜᬦᬾᬘ᭄ᬦᬶᬂ᭞ᬫᬗᬶᬭᬶᬂᬳᬶᬤᬲᬂᬯᬶᬓᬸ᭞ᬳᬧᬂᬳᬾᬗ᭄ᬕᬮ᭄ᬯᬗᬸᬦ᭄ᬓᬸᬡ᭄ᬥ᭞ᬗᬯᬶᬢ᭄ᬜᬫ᭄ᬩᬸᬢ᭄ᬓᬃ ᬲ᭄ᬬᬲᬫᬶ᭞ᬓᭂᬦᭂᬄᬩᬧ᭞ᬳᬾᬗ᭄ᬕᬮ᭄ᬧᬘᬂᬫᬫᭂᬮᬲ᭄ᬧᬲ᭄᭟ᬲᬂᬦᬵᬣᬭᬭᬶᬲ᭄ᬓᬧᬸᬭ᭞ᬯᭀᬂᬳᬦᬗ᭄ᬓᬶᬮ᭄ᬩᬸᬩᬃᬲᬫᬶ᭞ᬳᬶᬥᬃᬫ᭄ᬫᬬᬸᬤ᭄ᬥᬓᬧᭀᬦ᭄ᬤᭀᬓ᭄᭞ᬭᬶᬂᬳᬶᬧᬢᬶᬄᬫᬗ᭄ᬓᬸᬩᬸᬫᬶ᭞ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬯᭂ ᬗᬶ᭞ᬩᬾᬜ᭄ᬚᬂᬧᬲᭂᬫᭂᬗᬦ᭄ᬩᬗᬸᬦ᭄᭞ᬭᬭᬶᬲ᭄ᬫᬜᬸᬓᬢ᭄ᬧ᭄ᬬᬚ᭄ᬜᬦ᭄᭞ᬫᬗᬶᬭᬶᬂᬳᬶᬤᬲᬂᬋᬱᬶ᭞ᬫᬦᬯᬲᬾᬦ᭄᭞ᬧᬘᬂᬫᬗ᭄ᬯᬗᬸᬦᬂᬓᬸᬡ᭄ᬥ᭟ᬢᭂᬗᬳᬶᬫᬗ᭄ᬭᬭᬶᬲ᭄ᬩᬸᬤᬮ᭄᭞ᬲᬋᬂᬧᬢᬶᬄᬫᬗ᭄ᬓᬸᬪᬸᬫᬶ᭞ᬭᬭᬶᬲ᭄ᬓᬧᭀ ᬦ᭄ᬤᭀᬓ᭄ᬗᬚᭂᬗᬂ᭞ᬧᬢᬫ᭄ᬬᬸᬦᬾᬳᬍᬧ᭄ᬳᬰ᭄ᬭᬷ᭞ᬳᬭᬓ᭄ᬩᬺᬫᬾᬢᬸᬫᬶᬦ᭄ᬤᬶᬄ᭞ᬳᬾᬦᬓ᭄ᬤᬾᬦᬶᬭᬵᬦᬬᬸᬩ᭄᭞ᬓᬸᬧᬶᬮᬦ᭄ᬲᬲᬗᬦᬦ᭄᭞ᬯ᭄ᬯᬂᬚ᭄ᬭᭀᬲᬫᬶᬗᬬᬳᬶᬦ᭄᭞ᬳᬰ᭄ᬭᬷᬳᬮᬸᬲ᭄᭞ᬧᬘᬭᬳᬬᭀ

Auto-transliteration

[12 12B] 12 nan, kar̀dyangtityangsakingmangkin, bhagawānwr̥ĕhaspatiñawurin, patutpisanratubagus, mungpungraganubajang, hestyangmanangunkir̀tti, tanpaguṇa, ratuhagungkurangyaśa . lamutwarabyasayang, kasugyantwaḥyakalis, wongtĕkĕkbahanmangabā, bukayehedidonkaladi, maronggenganhagigis, twarakāmatampakditu, haketohu paminña, muñinbapaneken'gusti, hatur̀kĕñung, hidhar̀mmayuddhamañumbaḥ. pyaktipi‐sanrarasanpraṇdha, druwenemadewek'hangin, tanpasangkanrawuḥhical, wantaḥtĕ kĕk'hantukkir̀tti, yantanwentĕnsambungin, kir̀ttinhidasanghahulun, jantĕnpisanmĕlaradan, tanbinakadiñr̥ĕwaddhi, salaḥsurup, tanmakantĕnsampuntĕlas [13 13A] . naranāthamawacaṇa, nebinpwancahimahi, hidhar̀mmayuddhamanĕmbaḥ, tityangsandikansanghaji, sikutpayajñanecning, mangiringhidasangwiku, hapanghenggalwangunkuṇdha, ngawitñambutkar̀ syasami, kĕnĕḥbapa, henggalpacangmamĕlaspas. sangnātharariskapura, wonghanangkilbubar̀sami, hidhar̀mmayuddhakapondok, ringhipatiḥmangkubumi, nemangkinsampunwĕ ngi, beñjangpasĕmĕnganbangun, rarismañukatpyajñan, mangiringhidasangr̥ĕsyi, manawasen, pacangmangwangunangkuṇdha. tĕngahimangrarisbudal, sar̥ĕngpatiḥmangkubhumi, rariskapo ndokngajĕngang, patamyunehal̥ĕp'haśrī, harakbr̥ĕmetumindiḥ, henakdenirānayub, kupilansasanganan, wwangjrosamingayahin, haśrīhalus, pacarahayo

Leaf 13

Image on Archive.org

[᭑᭓ 13B] ᭑᭓ ᬥ᭄ᬬᬵᬧᬸᬭ᭟ᬯᬸᬲ᭄ᬧᬘᬭᬤᬯᬸᬄᬮᬶᬫ᭞ᬳᬶᬥᬃᬫ᭄ᬫᬬᬸᬤ᭄ᬥᬫᬦᬗ᭄ᬓᬶᬮ᭄᭞ᬲᬋᬂᬧᬢᬶᬄᬰᬹᬭᬵᬚᬬ᭞ᬰ᭄ᬭᬷᬦᬭᬾᬦ᭄ᬤ᭄ᬭᬦᬸᬮᬶᬫᬶᬚᬶᬮ᭄᭞ᬧᭂᬧᭂᬓ᭄‌ᬪᬸᬚᬗ᭄ᬕᬵᬋᬱᬶ᭞ᬲᬂᬦᬵᬣᬗᬦ᭄ᬤᬶᬓᬳᬮᬸᬲ᭄᭞ᬘᬳᬶᬧᬢᬶᬄ ᬗᬯᬶᬮᬗᬂ᭞ᬩᭂᬮᬶᬧᬘᬂᬗ᭄ᬯᬗᬸᬦ᭄ᬋᬱᬶ᭞ᬫᬪᭀᬚᬡ᭞ᬫᬦᬸᬳᬸᬃᬧᬤᬡ᭄ᬥᬧᬵᬢ᭄ᬧᬢ᭄᭟ᬳ᭄ᬦᬾᬘᬳᬶᬥᬃᬫ᭄ᬫᬬᬸᬤ᭄ᬥ᭞ᬜᬮᬄᬘᬳᬶᬧᬘᬂᬫᬸᬮᬶᬄ᭞ᬤᬶᬲᬸᬳᬸᬤ᭄ᬩᬧᬫᬩᬺᬲᬶᬳ᭞ᬤᬶᬢᬸᬘᬳᬶᬮᬯᬸᬢ᭄ᬫᬸᬮᬶᬄ ᭞ᬥᬃᬫ᭄ᬫᬬᬸᬤ᭄ᬥᬫᬳᬢᬸᬃᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬗᬶᬭᬶᬂᬬᬸᬦ᭄ᬲᬂᬧ᭄ᬭᬪᬸ᭞ᬢᬶᬢ᭄ᬬᬂᬫᬫᬦᬄᬗᬦ᭄ᬢᭀᬲᬂᬲᬓᬵᬃᬬ᭄ᬬᬦ᭄ᬳᬶᬤᬲᬗ᭄ᬳᬚᬶ᭞ᬲᬧᬸᬦᬧᬶ᭞ᬫᬯᬲ᭄ᬢᬋᬱᬶᬪᭀᬚᬦ᭟ᬓᭂᬜᬶᬂᬧᬢᬶᬄᬰᬹᬭᬵᬚᬬ᭞ᬩᭀ ᬬᬤᬸᬭᬸᬂᬳᬤᬶᬫᬗ᭄ᬕᬶᬄ᭞ᬓᬵᬃᬬ᭄ᬬᬧᬗᬺᬱᬶᬪᭀᬚᬦ᭞ᬳᬶᬥᬃᬫ᭄ᬫᬬᬸᬤ᭄ᬥᬜᬯᬸᬭᬶᬦ᭄᭞ᬤᬸᬭᬸᬂ᭠ᬧᬶᬲᬦ᭄ᬢᬶᬢ᭄ᬬᬂᬫᬗ᭄ᬕᬶᬄ᭞ᬓᬵᬃᬬ᭄ᬬᬋᬱᬶᬪᭀᬚᬦᬭᬢᬸ᭞ᬬᬯᬢᬫᬗ᭄ᬕᬸᬄᬢᬸᬢᬸᬭᬦ᭄᭞ᬬᬦ᭄ᬳᬶᬤᬰ᭄ᬭᬷ [᭑᭔ 14A] ᬪᬸᬧᬢᬶ᭞ᬗᬦ᭄ᬤᬶᬓᬬᬂ᭞ᬯᬢᭂᬓ᭄ᬳᬕᬸᬂᬦᬗᬸᬦ᭄ᬬᬚ᭄ᬜ᭟ᬩᭀᬬᬳᬸᬦᬶᬂᬢᬶᬢ᭄ᬬᬂᬭᬶᬂᬓᬵᬃᬬ᭄ᬬ᭞ᬲᬳᬢ᭄ᬫᬵᬦᬄᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬗᬯᬸᬮᬭᬶᬂᬘᭀᬓᭀᬃᬳᬶᬤᬾᬯ᭞ᬭᬶᬂᬧᬗ᭄ᬮᬶᬗ᭄ᬕᬦ᭄‌ᬰ᭄ᬭᬷᬪᬸᬧᬢᬶ᭞ᬓ᭠ ᬮᬶᬄᬲ᭄ᬯᬾᬘ᭄ᬙᬦᬾᬢᬦ᭄ᬫᬭᬶ᭞ᬗᬯᬸᬮᬬᬂᬚᬢ᭄ᬫᬤᬸᬲᬸᬦ᭄᭞ᬢᬫ᭄ᬩᭂᬢ᭄ᬓᬢᬸᬦᬦ᭄ᬫᬦᬄ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬯᬶᬢᬶᬦ᭄᭞ᬦᬯᬶᬲᬶᬤ᭄ᬥ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬗᬶᬭᬶᬗᬂ᭟ᬤ᭄ᬯᬦᬶᬂᬯ᭄ᬗᬶᬓᬵᬮᬢᭂᬓ᭞ᬲᬂᬦᬵᬣᬦᬸ ᬮᬶᬓᬧᬸᬭᬶ᭞ᬳᬶᬥᬃᬫ᭄ᬫᬬᬸᬤ᭄ᬥᬓᭂᬚᬩ᭞ᬲᬋᬂᬮᬵᬯᬦ᭄ᬲᬶᬭᬧᬢᬶᬄ᭞ᬓᬧᬲᬗ᭄ᬕ᭄ᬭᬳᬦ᭄ᬫᬗ᭄ᬭᬭᬶᬲ᭄᭞ᬳᬾᬦᬓ᭄ᬤᬾᬦᬶᬭᬢᬸᬫᭂᬓᬸᬮ᭄᭞ᬲᬫ᭄ᬩᬶᬤᬾᬦᬶᬭᬭᬭᬲᬦ᭄᭞ᬳᬶᬥᬃᬫ᭄ᬫᬬᬸᬤ᭄ᬥᬫᬚᬶᬜ᭄ᬚᬶᬦ᭄᭞ ᬫᭂᬦᬓᭀᬦᬂ᭞ᬫᬤᬦ᭄ᬓᬵᬃᬬ᭄ᬬᬋᬱᬶᬬᬚ᭄ᬜ᭟ᬧᬢᬶᬄᬰᬹᬭᬵᬚᬬᬗᬸᬘᬧ᭄᭞ᬲᬗ᭄ᬕᬃᬢᬯᬂᬯᬗᬸᬦᬂᬳᬤᬶ᭞ᬫᬦᬸᬳᬸᬳᬶᬤᬲᬂᬤ᭄ᬯᬶᬚᬵ᭞ᬫᬗ᭄ᬤᬲᬫᬶᬫᬗ᭄ᬭᬯᬸᬳᬶᬦ᭄᭞ᬳᬢᬸᬭᬶᬦ᭄ᬪᭀᬚᬦᬲᬫᬶ᭞ᬫᬶ

Auto-transliteration

[13 13B] 13 dhyāpura. wuspacaradawuḥlima, hidhar̀mmayuddhamanangkil, sar̥ĕngpatiḥśūrājaya, śrīnarendranulimijil, pĕpĕkbhujanggār̥ĕsyi, sangnāthangandikahalus, cahipatiḥ ngawilangang, bĕlipacangngwangunr̥ĕsyi, mabhojaṇa, manuhur̀padaṇdhapātpat. hnecahidhar̀mmayuddha, ñalaḥcahipacangmuliḥ, disuhudbapamabr̥ĕsiha, ditucahilawutmuliḥ , dhar̀mmayuddhamahatur̀singgiḥ, tityangngiringyunsangprabhu, tityangmamanaḥngantosangsakār̀yyanhidasanghaji, sapunapi, mawastar̥ĕsyibhojana. kĕñingpatiḥśūrājaya, bo yadurunghadimanggiḥ, kār̀yyapangr̥ĕsyibhojana, hidhar̀mmayuddhañawurin, durung‐pisantityangmanggiḥ, kār̀yyar̥ĕsyibhojanaratu, yawatamangguḥtuturan, yanhidaśrī [14 14A] bhupati, ngandikayang, watĕk'hagungnangunyajña. boyahuningtityangringkār̀yya, sahatmānaḥtityangmangkin, ngawularingcokor̀hidewa, ringpanglingganśrībhupati, ka‐ liḥswecchanetanmari, ngawulayangjatmadusun, tambĕtkatunanmanaḥ, nemangkintityangngawitin, nawisiddha, hantuktityangmangiringang. dwaningwngikālatĕka, sangnāthanu likapuri, hidhar̀mmayuddhakĕjaba, sar̥ĕnglāwansirapatiḥ, kapasanggrahanmangraris, henakdeniratumĕkul, sambidenirararasan, hidhar̀mmayuddhamajiñjin, mĕnakonang, madankār̀yyar̥ĕsyiyajña. patiḥśūrājayangucap, sanggar̀tawangwangunanghadi, manuhuhidasangdwijā, mangdasamimangrawuhin, haturinbhojanasami, mi

Leaf 14

Image on Archive.org

[᭑᭔ 14B] ᭑᭔ ᬯᬄᬧᬸᬡ᭄ᬬᬭᬸᬦ᭄ᬢᬸᬢᬶᬦ᭄ᬳᬶᬧᬸᬦ᭄᭞ᬦᬾᬫᬦᬶᬳᬤᬶᬢᬢᬲᬂ᭞ᬤᬶᬩᬜ᭄ᬘᬶᬗᬄᬢᭀᬗᭀᬲ᭄ᬳᬶᬸᬲ᭄ᬳᬤᬶ᭞ᬳᬚᬓ᭄ᬩᭂᬮᬶ᭞ᬲᬫ᭄ᬩᬶᬮᬂᬗᬢᬸᬭᬂᬧᬸᬡ᭄ᬬ᭟ᬲ᭄ᬫᭂᬳᬶᬧᬢᬶᬄᬦᬩ᭄ᬤᬩᬂ᭞ᬧᬘᬂᬧᬸᬡ᭄ᬬᬦ᭄ᬰ᭄ᬭᬷᬪᬸᬧᬢᬶ᭞ᬫᬶᬯᬄ ᬪᭀᬚᬦᬪᬯᬳᬦ᭄᭞ᬲᬺᬕᭂᬧ᭄ᬲᬫᬶᬘᬸᬫᬯᬶᬲ᭄᭞ᬲᬶᬭᬧᬢᬶᬄᬗᬢᭂᬄᬫᬶᬚᬶᬮ᭄᭞ᬧᬡ᭄ᬥᬶᬢᬦᬾᬲᬦᬾᬭᬯᬸᬄ᭞ᬲᬫᬶᬫᬸᬗ᭄ᬕᬄᬓᬩᬜ᭄ᬘᬶᬗᬄ᭞ᬲᬂᬦᬵᬯᬢᬸᬫᬸᬮᬶᬫᬶᬚᬶᬮ᭄᭞ᬲᬵᬫ᭄ᬧᬸᬦ᭄ᬧᭂᬧᭂᬓ᭄᭞ ᬲᬂᬧᬡ᭄ᬥᬶᬢᬯᬢᭂᬓ᭄ᬢᬧᬵ᭟ᬳᬶᬧᬢᬶᬄᬳᬦᭂᬫ᭄ᬩᬄ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬳᬶᬥᬃᬫ᭄ᬫ᭠ᬬᬸᬤ᭄ᬥᬬᬤᬶᬚ᭞ᬓᬭᬶᬧᬸᬗ᭄ᬓᬸᬭᬦ᭄‌ᬤᬾᬯᬚᬶ᭞ᬗᬢᭂᬄᬧᬸᬡ᭄ᬬᬦᬾᬲᬫᬶ᭞ᬲᬋᬗᬦ᭄ᬧ᭄ᬭᬫᬜ᭄ᬘ᭠ ᬭᬢᬸ᭞ᬫᭂᬓᬤᬶᬢᬶᬃᬣᬦ᭄ᬳᬶᬤᬾᬯ᭞ᬋᬱᬶᬦᬶᬮᭀᬘᬡᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬫᬸᬗ᭄ᬕᬄ᭞ᬫᬫᬸᬢᬸᬲᬂᬋᬱᬶᬬᬚ᭄ᬜ᭟ᬲᬂᬧ᭄ᬭᬪᬸᬦᬸᬮᬶᬢᬶᬦᬶᬃᬢ᭄ᬣᬦ᭄᭞ᬧᬡ᭄ᬥᬶᬢᬢᬧᬗᬺᬦ᭄ᬢᭂᬩᬶᬦ᭄᭞ᬜᬋᬗᬶ [᭑᭕ 15A] ᬦ᭄ᬫᬜ᭄ᬚᬬᬚᬬ᭞ᬗᬲ᭄ᬢᬸᬧᬸᬗ᭄ᬓᬸᬰ᭄ᬭᬷᬪᬸᬧᬢᬶ᭞ᬕ᭄ᬭᬶᬬᭂᬗᬦ᭄ᬯᬾᬥᬦᬾᬲᬫᬶ᭞ᬲᬫᬶᬫᬗᬲ᭄ᬢᬯᬵ᭠ᬲᬫ᭄ᬧᬸᬦ᭄᭞ᬲᬂᬧ᭄ᬭᬪᬸᬳᬸᬲᬦ᭄ᬫᬢᬷᬃᬣ᭞ᬧᬡ᭄ᬥᬶᬢᬦᬾᬲᬫᬶᬫᬮᬶᬗ᭄ᬕᬶᬄ᭞ᬓᭂᬳᬢᬸᬭᬦ᭄᭞ᬪᭀᬚᬦᬧᬸᬓ᭄ᬬ ᬪᬯᬳᬦ᭄᭟ᬲᬂᬋᬱᬶᬗᬬᬸᬦᬶᬦ᭄ᬧᬸᬡ᭄ᬬ᭞ᬫᬪᬵᬯᬳᬦ᭄ᬳᬶᬤᬲᬫᬶ᭞ᬳᬶᬥᬃᬫ᭄ᬫᬬᬸᬤ᭄ᬥᬗᬦ᭄ᬢᭂᬦᬂ᭞ᬕᬯᭀᬓ᭄ᬫᬦᬳᬾᬢᬦ᭄ᬲᬶᬧᬶ᭞ᬳᬦ᭄ᬢᬸᬓ᭄ᬢᭂᬫ᭄ᬩᬾᬦᬾᬫᬫᬗ᭄ᬕᬶᬄ᭞ᬋᬱᬶᬬᬚ᭄ᬜᬦᬾᬲᬂᬧ᭄ᬭᬪᬸ᭞ᬰ᭄ᬭᬷᬦ ᬭᬾᬦ᭄ᬤ᭄ᬭᬗᬦ᭄ᬤᬶᬓ᭞ᬭᬶᬗᬶᬧᬢᬶᬄᬫᬗ᭄ᬓᬸᬪᬸᬫᬶ᭞ᬘᬳᬶᬧᬢᬶᬄ᭞ᬩ᭄ᬯᬶᬦ᭄ᬭᭀᬭᬲ᭄ᬤᬶᬦᬳᭀᬫ᭟ᬳᭂᬦ᭄ᬢᭀᬘᬳᬶᬋᬱᭂᬧᬂ᭞ᬳᬭᬳᬂᬬᬳᬸᬮᬶᬚᬦᬶ᭞ᬳᬧᬗᬬᬧᬤᬦᬯᬂ᭞ᬩ᭄ᬮᬶᬫᬢᬸᬃᬓᬾᬦ᭄ᬲᬂ ᬋᬱᬶ᭞ᬫᬸᬂᬧᬸᬂᬳᬶᬤᬦᬸᬤᬶᬦᬶ᭞ᬧᬡ᭄ᬥᬶᬢᬢᬧᬦᬾᬮ᭄ᬬᬸ᭞ᬲᬵᬫ᭄ᬧᬸᬦᬸᬲᬦ᭄ᬫᬪᬵᬯᬳᬦ᭄᭞ᬲᬂᬋᬱᬶᬭᬭᬶᬲ᭄ᬫᬦᬗ᭄ᬓᬶᬮ᭄᭞ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬗᬦ᭄ᬤᬶᬓᬬᬂᬳᬦ᭄ᬢᬸᬓ᭄ᬓᬵᬃᬬ᭄ᬬ᭟ᬲᬶᬗ᭄ᬕᬶᬄᬲᬂᬋᬱᬶᬲᬫ᭄ᬬᬦ᭄

Auto-transliteration

[14 14B] 14 waḥpuṇyaruntutinhipun, nemanihaditatasang, dibañcingaḥtongosh̶shadi, hajakbĕli, sambilangngaturangpuṇya. smĕhipatiḥnabdabang, pacangpuṇyanśrībhupati, miwaḥ bhojanabhawahan, sr̥ĕgĕpsamicumawis, sirapatiḥngatĕḥmijil, paṇdhitanesanerawuḥ, samimunggaḥkabañcingaḥ, sangnāwatumulimijil, sāmpunpĕpĕk, sangpaṇdhitawatĕktapā. hipatiḥhanĕmbaḥ, sangnāthangandikaharis, hidhar̀mma‐yuddhayadija, karipungkurandewaji, ngatĕḥpuṇyanesami, sar̥ĕnganpramañca‐ ratu, mĕkaditir̀thanhidewa, r̥ĕsyinilocaṇamangkin, sāmpunmunggaḥ, mamutusangr̥ĕsyiyajña. sangprabhunulitinir̀tthan, paṇdhitatapangr̥ĕntĕbin, ñar̥ĕngi [15 15A] nmañjayajaya, ngastupungkuśrībhupati, griyĕnganwedhanesami, samimangastawā‐sampun, sangprabhuhusanmatīr̀tha, paṇdhitanesamimalinggiḥ, kĕhaturan, bhojanapukya bhawahan. sangr̥ĕsyingayuninpuṇya, mabhāwahanhidasami, hidhar̀mmayuddhangantĕnang, gawokmanahetansipi, hantuktĕmbenemamanggiḥ, r̥ĕsyiyajñanesangprabhu, śrīna rendrangandika, ringipatiḥmangkubhumi, cahipatiḥ, bwinrorasdinahoma. hĕntocahir̥ĕsyĕpang, harahangyahulijani, hapangayapadanawang, blimatur̀kensang r̥ĕsyi, mungpunghidanudini, paṇdhitatapanelyu, sāmpunusanmabhāwahan, sangr̥ĕsyirarismanangkil, śrīnarendra, ngandikayanghantukkār̀yya. singgiḥsangr̥ĕsyisamyan

Leaf 15

Image on Archive.org

[᭑᭕ 15B] ᭑᭕ ᭞ᬢᬶᬢ᭄ᬬᬂᬫᬢᬸᬃᬲᬓᬶᬂᬫᬗ᭄ᬓᬶᬦ᭄᭞ᬳᭀᬫᬫᬮᬶᬄᬭᭀᬭᬲ᭄ᬤᬶᬦ᭞ᬳᬶᬭᬶᬓᬳᬶᬤᬗ᭄ᬭᬯᬸᬳᬶᬦ᭄᭞ᬲᬂᬋᬱᬶᬫᬢᬸᬃᬲᬫᬶ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬲᬂᬧ᭄ᬭᬪᬸ᭞ᬢᬶᬢ᭄ᬬᬂᬲᬤ᭄ᬬᬫᬗᬶᬭᬶᬗᬂ᭞ᬳᬶᬥᬃᬫ᭄ᬫᬬᬸᬤ᭄ᬥᬗᭂᬩᬓ᭄ᬢᬶ᭞ ᬢᬶᬢ᭄ᬬᬂᬧᬫᬶᬢ᭄᭞ᬓ᭄ᬦᬶᬢᬶᬢ᭄ᬬᬂᬕ᭄ᬮᬶᬲ᭄ᬢᬸᬮᬓ᭄᭟ᬲ᭄ᬤᭂᬓ᭄ᬭᬶᬂᬘᭀᬓᭀᬃᬳᬶᬤᬾᬯ᭞ᬲᬂᬦᬵᬣᬗᬦ᭄ᬤᬶᬓ᭠ᬳᬭᬶᬲ᭄᭞ᬦᬄᬫᭂᬚᬮᬦ᭄ᬳᬧᬂᬫᭂᬮᬄ᭞ᬓᬮᬶᬄᬲᬂᬧᬡ᭄ᬥᬶᬢᬲᬫᬶ᭞ᬩᬸᬤᬮ᭄ᬳᬶᬤᬲᬋᬂᬲᬫᬶ᭞ᬳᬶᬧᬢᬶᬄ ᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬗᬮᬶᬗ᭄ᬕᬶᬳᬂᬧᬭᬫᬾᬦᬓ᭄᭞ᬭᬶᬂᬩᬜ᭄ᬘᬶᬗᬄᬲᬋᬂᬫᬮᬶᬗ᭄ᬕᬶᬄ᭞ᬫᬳᬾᬦᬓᬦ᭄᭞ᬫᬕᬸᬦᭂᬫ᭄ᬲᬫᬕᬸᬦᬶᬢ᭟ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄‌ᬲᬸᬭᬸᬧ᭄ᬲᬹᬃᬬ᭄ᬬ᭞ᬲᬗᬵᬕᬸᬫᬸᬦᬶᬢᬲᬫᬶ᭞ᬲᬤ᭠ ᬕᬶᬗᬶᬯᬗᬶᬧᬸᬭ᭞ᬲᬫᬮᬶᬮᬫᬚᬂᬰᬰᬶᬄ᭞ᬧᬥᬧᬲ᭄ᬮᬾᬂᬲᬾᬮᬾᬭᬶᬦ᭄᭞ᬫᬧᭀᬫᭀᬗᬦ᭄ᬧᬢᬸᬭᬸᬮᬸᬄ᭞ᬦᬾᬫᬭᬦᬸᬢᬸᬕ᭄ᬩᬚᬂ᭞ᬓᬕᭀᬜ᭄ᬚᬓᬶᬦ᭄ᬬᬲᭂᬗᬶᬢ᭄᭞ᬮᬸᬢ᭄ᬫᬘᬭ᭞ᬫᬗᬫ᭄ᬩᬸᬮ᭄‌ᬦᬕᬶᬄ [᭑᭖ 16A] ᬤᬸᬧ᭄ᬤᬸᬧᬂ᭟ᬮ᭄ᬬᬸᬤᬩ᭄ᬤᬩᬾᬤᬶᬧᬸᬭ᭞ᬯᬢᭂᬓ᭄ᬧᬺᬯᬶᬦᬶᬦᬾᬲᬫᬶ᭞ᬳᬤᬩ᭄ᬯᬶᬦ᭄ᬗᬤᬸᬭᬱ᭞ᬫᭂᬍᬤ᭄ᬫᬩᬸᬤᬶᬫᬓᬾᬃᬢ᭄ᬢᬶ᭞ᬢᭂᬍᬩ᭄ᬫᬦᬳᬾᬫᬩᬸᬤ᭄ᬥᬶ᭞ᬗᬶᬭᬶᬂᬳᬶᬤᬲᬂᬧ᭄ᬭᬪᬸ᭞ᬳᬧᬦ᭄ᬧᬦᬶᬲ᭄ᬢᬶᬲ᭄ᬉᬢ᭄ᬢᬫ᭞ᬧ ᬦᬸᬚᬸᬦᬾᬤᬤᬶᬮᬸᬯᬶᬄ᭞ᬫᬸᬮᬵᬓᬾᬢᭀ᭞ᬳᬲ᭄ᬢᬶᬢᬶᬦᬾᬓᬫᬦᬸᬱᬦ᭄᭟ᬳᭂᬦᭂᬂᬳᬓᭂᬦᬧᬸᬦᬶᬓ᭞ᬢᬢᬶᬗ᭄ᬓᬳᬦᬶᬂᬯᭀᬂᬧᬸᬭᬶ᭞ᬓᭀᬘᬧᬦᬶᬥᬃᬫ᭄ᬫᬬᬸᬤ᭄ᬥ᭞ᬳᬕᬾᬤᬾᬦᬶᬭᬮᬸᬫᬭᬶᬲ᭄᭞ᬭᬯᬸᬄᬭᬶᬂ ᬳᬬᭀᬥ᭄ᬬᬵᬧᬸᬭᬶ᭞ᬫᬗᭀᬚᭀᬕ᭄ᬳᬶᬧᬢᬶᬄᬮᬯᬸᬢ᭄᭞ᬳᬶᬭᬶᬓᬳᬶᬤᬫᬲᬗ᭄ᬕ᭄ᬭᬳᬦ᭄᭞ᬢᬸᬢᬸᬢᬦ᭄ᬮᬸᬄᬮᬸᬳᬾᬲᬫᬶ᭞ᬗᬩᬩ᭄ᬭᬡ᭞ᬜᬤᬗᬂᬲᬤᬕᬶᬂᬧᬸᬦ᭄ᬬ᭟ᬫᬗᬶᬭᬶᬂᬫᬶᬮᬸᬫᬧᬸᬡ᭄ᬬ᭞ᬲᬫᬢ᭄ᬭᬗᬶ ᬭᬶᬂᬲᬗ᭄ᬳᬚᬶ᭞ᬫᬩᬾᬜ᭄ᬚᬗᬂᬓᬵᬃᬬ᭄ᬬᬳᭀᬫ᭞ᬳᬶᬥᬃᬫ᭄ᬫᬬᬸᬤ᭄ᬥᬫᭂᬦᬗ᭄ᬓᬶᬮ᭄᭞ᬭᬶᬂᬧ᭄ᬬᬚ᭄ᬜᬦ᭄ᬰ᭄‌ᬰ᭄ᬭᬷ᭠ᬪᬸᬧᬢᬶ᭞ᬧᭂᬧᭂᬓ᭄ᬪᬸᬚᬗ᭄ᬕᬦᬾᬭᬯᬸᬄ᭞ᬦᬗ᭄ᬓᬶᬮ᭄ᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭞ᬗᬚᭂᬗᬶᬦ᭄ᬲᬸᬧᬘᬭᬲᬫᬶ᭞ᬰ᭄ᬭᬷᬦᬭᬾ

Auto-transliteration

[15 15B] 15 , tityangmatur̀sakingmangkin, homamaliḥrorasdina, hirikahidangrawuhin, sangr̥ĕsyimatur̀sami, tityangsandikansangprabhu, tityangsadyamangiringang, hidhar̀mmayuddhangĕbakti, tityangpamit, knitityangglistulak. sdĕkringcokor̀hidewa, sangnāthangandika‐haris, naḥmĕjalanhapangmĕlaḥ, kaliḥsangpaṇdhitasami, budalhidasar̥ĕngsami, hipatiḥ mangkinkawuwus, ngalinggihangparamenak, ringbañcingaḥsar̥ĕngmalinggiḥ, mahenakan, magunĕmsamagunita. mangkinsāmpunsurupsūr̀yya, sangāgumunitasami, sada‐ gingiwangipura, samalilamajangśaśiḥ, padhapaslengselerin, mapomonganpaturuluḥ, nemaranutugbajang, kagoñjakinyasĕngit, lutmacara, mangambulnagiḥ [16 16A] dupdupang. lyudabdabedipura, watĕkpr̥ĕwininesami, hadabwinngaduraṣa, mĕl̥ĕdmabudimaker̀tti, tĕl̥ĕbmanahemabuddhi, ngiringhidasangprabhu, hapanpanistisuttama, pa nujunedadiluwiḥ, mulāketo, hastitinekamanuṣan. hĕnĕnghakĕnapunika, tatingkahaningwongpuri, kocapanidhar̀mmayuddha, hagedeniralumaris, rawuḥring hayodhyāpuri, mangojog'hipatiḥlawut, hirikahidamasanggrahan, tututanluḥluhesami, ngababraṇa, ñadangangsadagingpunya. mangiringmilumapuṇya, samatrangi ringsanghaji, mabeñjangangkār̀yyahoma, hidhar̀mmayuddhamĕnangkil, ringpyajñanśśrī‐bhupati, pĕpĕkbhujangganerawuḥ, nangkilhidaśrīnarendra, ngajĕnginsupacarasami, śrīnare

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org