gaguritan-gunung-agung-meletus-03

Original on Archive.org

Front and Back Covers

Image on Archive.org

Leaf 1

Image on Archive.org

[ ᭑ 1B] ᭑᭞ ᭛᭐᭛ ᬧᬸᬧᬸᬄᬲᬶᬦᭀᬫ᭄‌ᬲᬶᬦᭀᬫ᭄ᬳᬗ᭄ᬕᬾᬦ᭄ᬫᬦᭂᬫ᭄ᬩᬂ᭞ᬗᬧᬶᬧᬺᬂᬫᬦᬯᬸᬦ᭄ᬕᬸᬃᬢ᭄᭞ᬢᬦ᭄‌ᬳᬸᬦᬶᬂᬭᬶᬂᬭᬕᬢᬫ᭄ᬩᭂᬢ᭄᭞ᬭᬗ᭄ᬓᬸᬂᬳᬚᬸᬫᬾᬢᬦ᭄ᬓᬶᬤᬶᬓ᭄᭞ᬗᬶᬤᬗᬂᬤᬾᬯᬾᬓ᭄ᬓᬯᬶ᭞ᬢ᭄ᬯᬭ ᬦᬯᬂᬢᬢᬵᬳᬸᬦ᭄ᬤᬸᬓ᭄᭞ᬓᬮᬶᬂᬓᬾᬫᬶᬲᬮᬳᬂ᭞ᬕᬸᬭᬸᬮᬕᬸᬢ᭄ᬯᬭᬳᬸᬦᬶᬂ᭞ᬩᬲ᭄ᬓᬤᬸᬭᬸᬲ᭄᭞ᬫᬕᬫ᭄ᬕᬫ᭄ᬫᬬᬸᬧᭀᬗᬄ᭟ᬳᬫ᭄ᬧᬸᬭᬬᬂᬢᬶᬢ᭄ᬬᬂᬤᬾᬯ᭄ᬯ᭞ᬜᬫᬩ᭄ᬭᬬᬮᬦᬂᬳᬶᬲ᭄ᬢ᭄ᬭᬶ᭞ᬳᬮᬶᬢ᭄ᬤᬸ ᬳᬸᬃᬫᬗ᭄ᬤᬲ᭄ᬯᬾᬘ᭄ᬙ᭞ᬯᬶᬪᬸᬄᬢᬶᬯᬲ᭄ᬳᬕᬸᬂᬳᬮᬶᬢ᭄᭞ᬢᬶᬢ᭄ᬬᬂᬳᬶᬩ᭄ᬮᭀᬕ᭄ᬤᬸᬢᬶ᭞ᬫᭀᬫᭀᬳᬗ᭄ᬓᬭᬤᬾᬭᬗ᭄ᬓᬸᬂ᭞ᬢ᭄ᬯᬶᬢ᭄ᬯᬭᬫᬢᬶᬍᬲᬂ᭞ᬫᭂᬗ᭄ᬓᭀᬓ᭄‌ᬤᭀᬦ᭄ᬤᭀᬦ᭄ᬢᬶᬤᭀᬂᬕᬶᬕᬶᬲ᭄᭞ᬢᬯ ᬓ᭄ᬮᬘᬹᬃ᭞ᬫᬗᭂᬫ᭄ᬧᬶᬦᭀᬗᭀᬲ᭄ᬤᬶᬚᬮᬦ᭄᭟ᬢ᭄ᬤᬸᬢ᭄ᬭᬶᬂᬲᬶᬂᬦᬵᬃᬫ᭄ᬫᬓᬬᬂ᭞ᬢᬶᬢ᭄ᬬᬂᬳᬶᬓᬢᬸᬦᬦ᭄ᬩᬸᬤ᭄ᬥᬶ᭞ᬧᬮᬶᬂᬚ᭄ᬭᬾᬱ᭄ᬝᬗᬭᬯᭀᬲᬂ᭞ᬲᬸᬧᬢ᭄ᬭᬧᬸᬢ᭄ᬭᬕᬬᬢ᭄ᬭᬶ᭞ᬢᬦ᭄ᬳᬦᬵᬂᬳᬦ᭄ᬢᭂᬦ᭄ᬫᬮᬶᬄ [ ᭒ 2A] ᬲᬵᬚ᭄ᬜᬦ᭄ᬕᬸᬭᬸᬦ᭄ᬢᬶᬢ᭄ᬬᬂᬭᬢᬸ᭞ᬲᬂᬢᬶᬫᬧᬲᬸᬃᬯᬦ᭄᭞ᬳᬶᬩᬸᬦᬾᬲᬂᬤᭂᬳᬾᬂᬳᬭᬶ,ᬧᬮᬶᬂᬚᬶᬱ᭄ᬡᬸ᭞ᬯᬶᬱ᭄ᬧᬶᬱᬦᬾᬓᬭᬶᬧ᭄ᬢᬬ᭟ᬉᬘᬧᬂᬭᬶᬂᬫ᭄ᬮᬵᬧᬸᬭᬵ᭞ᬯᬯᭂᬗ᭄ᬓᭀᬦ᭄ᬧᬸᬮᬶᬡᬵᬩ ᬮᬶ᭞ᬚᬕᬢ᭄‌‌ᬤᭂᬕ᭄ᬤᭂᬕ᭄ᬮᬦ᭄ᬭᬳᬃᬚ᭄ᬚ᭞ᬲᬧᬦ᭄ᬤᬶᬭᬶᬰ᭄ᬭᬷᬪᬸᬧᬢᬶ᭞ᬯ᭄ᬭᬸᬗᬾᬦ᭄ᬢᭂᬭᬂᬦᬵᬕᬭᬶ᭞ᬭᬓ᭄ᬬᬢ᭄ᬋᬲᭂᬧ᭄ᬲᬫᬶᬳᬤᬸᬂ᭞ᬤᬾᬦᬶᬂᬲᬫᬶᬜᬭᬢᬂ᭞ᬳᬲ᭄ᬯᬶᬢᬶᬭᬶᬂᬲᬗ᭄ᬳ᭄ᬬᬂᬯᬶᬥᬶ᭞ᬫᭀᬕᬶᬭᬢᬸ ᬫᬳᬶᬘᬬᬂᬓᬭᬳᬬ᭄ᬯᬦ᭄᭟ᬲᬵᬫ᭄ᬧᬸᬦ᭄‌ᬬᬦ᭄ᬳᬓᬸᬤᬂᬯᬃᬱ᭞ᬧᬫ᭄ᬭᬶᬦ᭄ᬢᬳᬾᬫᬢᬢᬗᬶᬯᬃᬕ᭄ᬕᬶᬲᬫᬶᬓᬩᭂᬘᬶᬓᬂ᭞ᬲᬓᭀᬮᬄᬮᬦ᭄ᬭᬸᬫᬄᬲᬓᬶᬢ᭄᭞ᬭᬶᬂᬧᭂᬃᬢᬤᬶᬬᬦ᭄ᬫᬮᬶᬄ᭞ᬲᬫ᭄ᬧᬸᬦ᭄ᬓ ᬯᬾᬦ᭄ᬢᭂᬦᬂᬲᬸᬮᬸᬄ᭞ᬫᬗ᭄ᬤᬲᬫᬶᬗ᭄ᬮᬶᬫ᭄ᬩᬓᬂ᭞ᬧᬫᬸᬧᭀᬦ᭄ᬲᬦᬾᬉᬢ᭄ᬢᬫᬶ᭞ᬗᬃᬤ᭄ᬤᬶᬮᬦ᭄ᬤᬸᬄ᭞ᬫᬗ᭄ᬤᬯᬾᬦ᭄ᬢᭂᬦ᭄ᬓᬲᬗ᭄ᬰᬭᬦ᭄᭟ᬲᬗ᭄ᬓᬦᬶᬂᬧᬳᬶᬤᭂᬃᬚᬕᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬤᬤᭀᬲ᭄ᬓᭂ

Auto-transliteration

[ 1 1B] 1 /// 0 /// pupuḥsinomsinomhanggenmanĕmbang, ngapipr̥ĕngmanawun'gur̀t, tanhuningringragatambĕt, rangkunghajumetankidik, ngidangangdewekkawi, twara nawangtatāhunduk, kalingkemisalahang, gurulagutwarahuning, baskadurus, magamgammayupongaḥ. hampurayangtityangdewwa, ñamabrayalananghistri, halitdu hur̀mangdasweccha, wibhuḥtiwashagunghalit, tityanghiblogduti, momohangkaraderangkung, twitwaramatil̥ĕsang, mĕngkokdondontidonggigis, tawa klacūr̀, mangĕmpinongosdijalan. tdutringsingnār̀mmakayang, tityanghikatunanbuddhi, palingjreṣṭangarawosang, supatraputragayatri, tanhanānghantĕnmaliḥ [ 2 2A] sājñan'guruntityangratu, sangtimapasur̀wan, hibunesangdĕhenghari,palingjiṣṇu, wiṣpiṣanekariptaya. ucapangringmlāpurā, wawĕngkonpuliṇāba li, jagatdĕgdĕglanrahar̀jja, sapandiriśrībhupati, wrungentĕrangnāgari, rakyatr̥ĕsĕpsamihadung, deningsamiñaratang, haswitiringsanghyangwidhi, mogiratu mahicayangkarahaywan. sāmpunyanhakudangwar̀ṣa, pamrintahematatangiwar̀ggisamikabĕcikang, sakolaḥlanrumaḥsakit, ringpĕr̀tadiyanmaliḥ, sampunka wentĕnangsuluḥ, mangdasaminglimbakang, pamuponsane'uttami, ngar̀ddilanduḥ, mangdawentĕnkasangśaran. sangkaningpahidĕr̀jagat, tanwentĕndadoskĕ

Leaf 2

Image on Archive.org

[ ᭒ 2B] ᭒᭞ ᬮᬶᬤᬶᬦ᭄᭞ᬫᬸᬮᬫᬃᬕ᭄ᬕᬶᬦ᭄ᬲᬗ᭄ᬳ᭄ᬬᬂᬢᬶᬢᬄ᭞ᬧᬦᭂᬲ᭄ᬚᬕᬢᬾᬢᬦ᭄ᬲᬶᬧᬶ᭞ᬢᬢᬦ᭄ᬤᬸᬭᬦᬾᬫᬢᬶ᭞ᬰᬾᬱᬦ᭄ᬫᬢᬶᬲᬫᬶᬮᬬᬸ᭞ᬘᬶᬳ᭄ᬦᬜ᭄ᬚᬕᬢ᭄ᬧᬘᬂᬭᬸᬲᬓ᭄᭞ᬕᬸᬦᬸᬂᬳᬕᬸᬗᬾᬫᬜ᭄ᬭᬶᬢ᭄ ᭞ᬫᬗᬭᬸᬤᬸᬕ᭄᭞ᬚᬕᬢᬾᬓᬤᬹᬃᬫ᭄ᬫᬗᬮᬦ᭄᭟ᬧᬸᬧᬸᬄᬤᬹᬃᬫ᭄ᬫ᭚ᬲᬶᬬᬸᬯᭀᬮᬸᬗᬢᬸᬲ᭄‌ᬯᭀᬮᬸᬂᬤᬰᬧᬢ᭄ᬧᬢ᭄᭞ᬯᬾᬰᬓᬩᬸᬫᬶᬩᬵᬮᬶ᭞ᬢᬢ᭄ᬓᬵᬮᬦᬶᬂᬤᬦᬵ᭞ᬲᭀᬫᬓ᭄ᬮᬶ ᬯᭀᬦ᭄‌ᬯᬭᬶᬕᬵ᭞ᬧᬗ᭄ᬮᭀᬂᬧᬶᬂᬲᬶᬬᬦᭀᬗᭀᬲᬶᬦ᭄᭞ᬰᬰᬶᬄᬨᬮ᭄ᬕᬸᬡ᭞ᬤᬯᬸᬄᬮᬶᬫᬵᬓᬵᬮᬯᭂᬗᬶ᭟ᬬᬦ᭄ᬭᬶᬂᬳᬶᬦ᭄ᬤᭀᬦᬾᬲ᭄ᬬᬢᬗ᭄ᬕᬮ᭄‌ᬤ᭄ᬮᬧᬦ᭄ᬩᭂᬮᬲ᭄᭞ᬩᬸᬮᬦ᭄ᬜᬧᭂᬩ᭄ᬭᭀ ᬳᬭᬶ᭞ᬢᬳᬸᬦ᭄ᬜᬳᬸᬘᬧᬂ᭞ᬧ᭄ᬭᬢᬶᬢᬶᬦᬶᬂᬓᬂᬚᬕᬢ᭄᭞ᬲ᭄ᬭᬶᬩᬸᬲ᭄ᬫᬶᬮᬦ᭄ᬭᬢᬸᬲ᭄‌ᬦᬾᬓᬶ᭞ᬦᬫ᭄ᬧᬸᬮᬸᬄᬢᬶᬕ᭞ᬭᬶᬂᬳᬶᬦ᭄ᬤᭀᬦᭂᬰ᭄ᬬᬩᬸᬫᬶ᭟ᬓᬮᬮᬢ᭄ᬭᬶᬂᬩᬯᬸᬫᬭᬤᬯᬸᬄᬮᬶᬫ [ ᭓ 3A] ᭞ᬚᬫ᭄‌ᬤᬸᬯᬫᬫᬋᬗᬶᬦ᭄‌ᬓᬕᬾᬢ᭄ᬢᬦ᭄ᬧᬦ᭄ᬢᬭ᭞ᬕᬸᬦᬸᬂᬳᬕᬸᬗᬾᬫᭀᬮᬄ᭞ᬫᬗᬺᬄᬕᭂᬄᬯᭂᬢᭀᬃᬢᬦ᭄ᬲᬶᬧᬶ᭞ᬢᬸᬂᬢᬸᬗᬾᬩᭂᬦ᭄ᬢᬃ᭞ᬫᬓᭂᬧ᭄ᬮᬸᬕ᭄‌ᬯᬶᬚᬶᬮ᭄ᬳᬧ᭄ᬯᬶ᭞ᬧᬜ᭄ᬚᬂᬲ᭄ᬫᭂᬂᬲᭂᬫᬸ ᬩᬵᬂᬳ᭄ᬬᬂᬅᬭᬸᬡ᭞ᬳᬶᬤᬤᬦᬾᬫᬢᬗᬶ᭞ᬢᬗ᭄ᬓᭂᬚᬸᬢ᭄ᬫᬜᬶᬗᬓ᭄᭞ᬲᬫᬶᬓᬧᬾᬗᭂᬦ᭄ᬳᬸᬮᬢ᭄‌᭞ᬓᬸᬓᬸᬲᬾᬧᬸᬘᬓᬂᬳᬤ᭄ᬭᬶ᭞ᬦᬼᬩᬸᬢ᭄ᬫᬮ᭄ᬯᬩ᭄᭞ᬜᬼᬕ᭄‌ᬳᬾᬩᭂᬓ᭄ᬭᬶᬂᬮᬗᬶᬢ᭄᭟ᬲᬫᬶ ᬳᬾᬯᭂᬄᬳᬶᬤᬤᬦᬾᬫᬯ᭄ᬭᬢᭀᬲᬂ᭞ᬳᬦ᭄ᬢᭀᬲᬂᬫᬦᬢ᭄ᬢᬶ᭞ᬲᬲᬦ᭄ᬫᬗᬕᬸᬗᬂᬓᬸᬓᬸᬲᬾᬢᬦ᭄ᬓᬩᬶᬦᬵ᭞ᬫᬯᬮᬸᬯᬮᬸᬫᬢᬶᬦ᭄ᬤᬶᬄ᭞ᬗᬯᭂᬢ᭄ᬯᬂᬲ᭄ᬯᬭ᭞ᬫᬯ᭄ᬭᬸᬤᬕ᭄ᬫᬗᬺᬲ᭄ᬋᬲᬶᬦ᭄᭟ ᬢᬦᬸᬘᬧᭂᬦ᭄‌ᬳᭂᬜ᭄ᬚᬂᬲ᭄ᬫᭂᬂᬤᬯᬸᬄᬧᬶᬲᬦ᭄᭞ᬭᬳᬶᬦᬦ᭄ᬩᬸᬤᬧᬳᬶᬂ᭞ᬉᬓᬸᬜᬯᬭᬶᬕᬵᬓᬕᬾᬕ᭄ᬲ᭄ᬯᬭᬫᬘ᭄ᬤᬃ᭞ᬫᬗᬺᬤᭂᬕ᭄‌ᬕᬸᬫᬸᬭᬸᬄᬢᬶᬢᬶᬃᬫᭂᬢᬸᬓᬂᬦᬵᬮ᭞ᬗᭂᬢᭀᬃᬢᭂᬓᬾᬂᬧ᭄ᬭ

Auto-transliteration

[ 2 2B] 2 lidin, mulamar̀gginsanghyangtitaḥ, panĕsjagatetansipi, tatanduranemati, śeṣanmatisamilayu, cihnañjagatpacangrusak, gununghagungemañrit , mangarudug, jagatekadūr̀mmangalan. pupuḥdūr̀mma // siyuwolungatuswolungdaśapatpat, weśakabumibāli, tatkālaningdanā, somakli wonwarigā, panglongpingsiyanongosin, śaśiḥphalguṇa, dawuḥlimākālawĕngi. yanringhindonesyatanggaldlapanbĕlas, bulanñapĕbro hari, tahunñahucapang, pratitiningkangjagat, sribusmilanratusneki, nampuluḥtiga, ringhindonĕśyabumi. kalalatringbawumaradawuḥlima [ 3 3A] , jamduwamamar̥ĕnginkagettanpantara, gununghagungemolaḥ, mangr̥ĕḥgĕḥwĕtor̀tansipi, tungtungebĕntar̀, makĕplugwijilhapwi, pañjangsmĕngsĕmu bānghyangaruṇa, hidadanematangi, tangkĕjutmañingak, samikapengĕnhulat, kukusepucakanghadri, nl̥ĕbutmalwab, ñl̥ĕg'hebĕkringlangit. sami hewĕḥhidadanemawratosang, hantosangmanatti, sasanmangagungangkukusetankabinā, mawaluwalumatindiḥ, ngawĕtwangswara, mawrudagmangr̥ĕsr̥ĕsin. tanucapĕnhĕñjangsmĕngdawuḥpisan, rahinanbudapahing, ukuñawarigākagegswaramacdar̀, mangr̥ĕdĕggumuruḥtitir̀mĕtukangnāla, ngĕtor̀tĕkengpra

Leaf 3

Image on Archive.org

[ ᭓ 3B] ᬣᬶᬯᬶ᭟ᬫᬩ᭄ᬬᬬᬸᬯᬦ᭄‌ᬳᬾᬯᭂᬭᬾᬦ᭄ᬬᬢᬾᬫᬢᬶᬗ᭄ᬓᬄ᭞ᬫᬲ᭄ᬮᬶᬯᭂᬭᬦ᭄ᬫᬫᬃᬕ᭄ᬕᬶ᭞ᬧᬮᬶᬂᬧᬢᬶᬢ᭄ᬭᬚᬂ᭞ᬳᬶᬚᬸᬗᬯᭀᬦᬶᬦ᭄ᬳᬸᬫᬄ᭞ᬯᬾᬦ᭄ᬢᭂᬦ᭄ᬜᬗ᭄ᬓᬶᬮ᭄ᬘᬸᬘᬸᬘᭂᬦᬶᬓ᭄᭞ᬮᬦ᭄ᬜᬶᬗᬮ᭄ᬧ᭄ᬬᬦᬓ᭄ ᬦᬾᬮᬶᬗ᭄ᬲᬶᬃᬓᬤᬦ᭄ᬤᬦᬶᬦ᭄᭟ᬫᬕ᭄ᬭᬶᬬᬸᬤᬦ᭄ᬧᬫᬃᬕ᭄ᬕᬶᬦᬾᬫᬕᬸᬮ᭄ᬕᬸᬮᬦ᭄᭞ᬦᬾᬩᬚᬂᬕᬗ᭄ᬲᬃᬫ᭄ᬮᬳᬶᬩ᭄᭞ᬍᬓᬶᬂᬘᬶᬂᬘᬶᬗᬦ᭄᭞ᬫᬚᬮᬦ᭄ᬲᬮᬶᬂᬧ᭄ᬮᬶᬢᬕ᭄᭞ᬫᬦᭀᬮᬶᬄᬦᭀᬮᬶᬄᬓᬯᬸᬭᬶ ᬮᬾᬦ᭄ᬳᬤᬢᭂᬓᬵ᭞ᬫᬕᬫ᭄ᬩᬳᬦ᭄ᬫᬗ᭄ᬮᬶᬂ᭟ᬢᬦ᭄ᬧᬲᬩᬸᬓ᭄ᬓᬮᬸᬗᬾᬳᬸᬮᬸᬂᬤᬶᬚᬮᬦ᭄᭞ᬫᬓᭀᬭᭀᬯᬦ᭄ᬫᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬦᬫ᭄ᬧᭂᬓ᭄ᬤᬾᬰ᭞ᬯᬲ᭄ᬢ᭄ᬭᬦᬾᬓᬩᭂᬘᬶᬓᬂ᭞ᬧᬸᬲᬸᬗᬾᬮ ᬦ᭄ᬢᬲ᭄‌‌ᬩᭂᬤᬗᬶᬦ᭄᭞ᬫᬦᬤ᭄ᬢᬤ᭄‌ᬳᭂᬢᬲ᭄᭞ᬲᬫ᭄ᬩᬶᬮ᭄ᬫᬜᬸᬳᬸᬦ᭄ᬧᬤᬶ᭟ᬲᬵᬫ᭄ᬧᬸᬦ᭄ᬩᬸᬤᬮ᭄‌ᬭᬓ᭄ᬬᬢᬾᬭᬶᬂᬧᬕᬸᬦᬸᬗᬦ᭄᭞ᬫᬧᭂᬮ᭄ᬧᭂᬮᬦ᭄ᬤᬶᬫᬵᬃᬕ᭄ᬕᬶ᭞ᬯᬾᬦ᭄ᬢᭂᬦ᭄ᬜᬗ᭄ᬓᬶᬮ᭄ᬧ [ ᭔ 4A] ᬩ᭄ᬯᬦ᭄᭞ᬜᬫ᭄ᬩᬶᬮᬂᬤᬦ᭄ᬤᬦ᭄ᬧ᭄ᬬᬦᬓ᭄᭞ᬫᬜᬸᬳᬸᬦ᭄‌ᬝᭀᬓᬲᬶᬩᭂᬗᬶᬮ᭄᭞ᬭᬭᬶᬲ᭄ᬫᬦᭂᬕᬓ᭄᭞ᬢᬫ᭄ᬧᬶᬦᬾᬩᬮᬶᬳᬶᬦ᭄᭟ᬳᭂᬫ᭄ᬧᭂᬢ᭄‌ᬚᭂᬚᭂᬮ᭄‌ᬘ᭄ᬭᬶᬓ᭄ᬓᭂᬮᬶᬄᬫᬲ᭄ᬮᬸᬭᬦ᭄ ᭞ᬫᬗᬮᬶᬄᬢᭀᬗᭀᬲ᭄ᬩᭂᬘᬶᬓ᭄᭞ᬫᬗᬶᬤᬮ᭄ᬮᬸᬫᬫ᭄ᬧᬄ᭞ᬫ᭄ᬯᬂᬲᬫ᭄ᬧᬶᬫᬕᬭᭀᬫ᭄ᬩ᭄ᬬᭀᬂ᭞ᬓᬸᬘᬶᬢ᭄ᬘᬾᬮᬾᬗᬾᬧᬚ᭄ᬭᬶᬢ᭄᭞ᬮᬾᬦ᭄ᬫᬸᬜᬶᬦ᭄‌ᬲᬶᬬᬧ᭄᭞ᬓ᭄ᬭ᭄ᬬᬵᬓ᭄‌ᬓ᭄ᬭᬶᬬᭀ ᬓ᭄ᬓᬲᬗ᭄ᬓᬶᬮ᭄᭟ᬲᬵᬫ᭄ᬧᬸᬦ᭄ᬳᬢᭂᬧ᭄ᬭᬓ᭄ᬬᬢᬾᬫᬭᬾᬂᬲᬶᬩᭂᬢᬦ᭄᭞ᬩᬧᬓ᭄ᬧᬺᬩᭂᬓᭂᬮ᭄ᬜᬕ᭄ᬚᬕᬶᬦ᭄᭞ᬫ᭄ᬯᬂᬩᬧᬓ᭄ᬧᬸᬗ᭄ᬕᬯ᭞ᬫᬓᬵᬤᬶᬧᬭᬦ᭄ᬮᬶᬬᬂ᭞ᬧᬕᭂᬃᬩᬬᬫ᭄ᬯᬂᬧᭀᬮᬶᬲᬶ᭞ᬧᬥᬧ᭄ᬭᬬ ᬢ᭄ᬦ᭞ᬦᬸᬮᬸᬂᬭᬓ᭄ᬬᬢᬾᬲᬫᬶ᭟ᬤᬶᬢᬸᬤᬦᬾᬩᬧᬓ᭄ᬧᬸᬗ᭄ᬕᬯᬫᬰᬩ᭄ᬤ᭞ᬲᬓᬶᬂᬧᬶᬢᬺᬱ᭄ᬡᬳᬰᬶᬄ᭞ᬭᬭᬶᬲ᭄ᬗᬦ᭄ᬤᬶᬓᬬᬂ᭞ᬫᬗ᭄ᬤᬭᬶᬂᬩᬜ᭄ᬚᬃᬩᬜ᭄ᬚᬃ᭞ᬳᬤᬫᬭᬶᬂᬩᬜ᭄ᬚᬂᬫᬦ᭄ᬢ᭄ᬭᬶ᭞ᬯᬾ

Auto-transliteration

[ 3 3B] thiwi. mabyayuwanhewĕrenyatematingkaḥ, masliwĕranmamar̀ggi, palingpatitrajang, hijungawoninhumaḥ, wentĕnñangkilcucucĕnik, lanñingalpyanak nelingsir̀kadandanin. magriyudanpamar̀gginemagulgulan, nebajanggangsar̀mlahib, l̥ĕkingcingcingan, majalansalingplitag, manoliḥnoliḥkawuri lenhadatĕkā, magambahanmangling. tanpasabukkalungehulungdijalan, makorowanmamar̀ggi, sāmpunnampĕkdeśa, wastranekabĕcikang, pusungela ntasbĕdangin, manadtad'hĕtas, sambilmañuhunpadi. sāmpunbudalrakyateringpagunungan, mapĕlpĕlandimār̀ggi, wentĕnñangkilpa [ 4 4A] bwan, ñambilangdandanpyanak, mañuhunṭokasibĕngil, rarismanĕgak, tampinebalihin. hĕmpĕtjĕjĕlcrikkĕliḥmasluran , mangaliḥtongosbĕcik, mangidallumampaḥ, mwangsampimagarombyong, kucitcelengepajrit, lenmuñinsiyap, kryākkriyo kkasangkil. sāmpunhatĕprakyatemarengsibĕtan, bapakpr̥ĕbĕkĕlñagjagin, mwangbapakpunggawa, makādiparanliyang, pagĕr̀bayamwangpolisi, padhapraya tna, nulungrakyatesami. ditudanebapakpunggawamaśabda, sakingpitr̥ĕṣṇahaśiḥ, rarisngandikayang, mangdaringbañjar̀bañjar̀, hadamaringbañjangmantri, we

Leaf 4

Image on Archive.org

[ ᭔ 4B] ᭔᭞ ᬦ᭄ᬢᭂᬦ᭄ᬭᬶᬂᬧᬲᬃ᭞ᬮᬾᬦ᭄ᬓᬧᬸᬲᭂᬫᬾᬗ᭄ᬭᬭᬶᬲ᭄᭟ᬲᬶᬬᭀᬲ᭄ᬫᬮᬶᬄᬫᬗᭀᬚᭀᬕ᭄ᬓᬩᬜ᭄ᬚᬃᬢᭂᬗᬄ᭞ᬭᬶᬂᬩᬜ᭄ᬚᬃᬓᬺᬢᭂᬕ᭄ᬫᬓᬵᬤᬶ᭞ᬭᬶᬂᬩᬜ᭄ᬚᬃᬢ᭄ᬭᬶᬯᬗ᭄ᬰ᭞ᬫᬮᬶᬄᬭᬶᬂᬲᬓᭀᬮᬳᬦ᭄᭞ ᬭᬶᬂᬩᬜ᭄ᬚᬃᬢ᭄ᬮᬸᬢᬸᬕ᭄ᬓᬳᬮᬶᬄ᭞ᬭᬯᬸᬄᬓᬢ᭄ᬮᬕ᭞ᬓᬮᬗᬜᬃᬓᬳᬸᬗ᭄ᬲᬶ᭟ᬲᬵᬫ᭄ᬧᬸᬦ᭄ᬩᭂᬘᬶᬓ᭄ᬕᭂᬦᬄᬧᬭᬗᬸᬗ᭄ᬲ᭄ᬬᬦ᭄᭞ᬤᬦᬾᬧᬸᬗ᭄ᬕᬯᬜᬶᬗᬓᬶᬦ᭄᭞ᬫᬶᬯᬄᬧᬓᬧᬺᬩᭂᬓᭂᬮ᭄᭞ ᬳᬸᬚᬸᬫᬗᬮ᭄ᬬᬂᬲᬸᬫ᭄ᬩᬗᬦ᭄᭞ᬢᭂᬭᬲ᭄ᬚᬶᬦᬄᬓᬳ᭄ᬤᬸᬫᬶᬦ᭄᭞ᬭᬓ᭄ᬬᬢᬾᬲᬫ᭄ᬬᬦ᭄᭞ᬮ᭄ᬕᬵᬮᬾᬤᬂᬢᬦ᭄ᬲᬶᬧᬶ᭟ᬓᬭᬯᭀᬲᬂᬲ᭄ᬯᬾᬘᬦᬾᬲᬓᬾᬂᬧᬫ᭄ᬭᬶᬦ᭄ᬢᬄ᭞ᬧ᭄ᬭᬫᬸᬓᬫ᭄ᬯᬂᬧᭀ ᬮᬶᬲᬶ᭞ᬕᬶᬦ᭄ᬢᬶᬂᬫᬦᬩ᭄ᬤᬩᬂ᭞ᬫᬗᬺᬋᬳᬂᬲᬸᬫ᭄ᬩᬗᬦ᭄᭞ᬲᬳᬂᬫᬮᬶᬄᬓᬘᬘᬭᬶᬦ᭄᭞ᬤᭀᬦᬶᬂᬓᬸᬘᬧᬂ᭞ᬩᬜ᭄ᬚᬦᬦᬶᬂᬢᭀᬦ᭄ᬮᬗ᭄ᬓᬶᬃ᭟ᬘᬾᬱ᭄ᬝᬓᬵᬭᬧᬦᬸᬮᬸᬂᬲᬓᬾᬂᬧᬫ᭄ᬭᬶᬦ᭄ᬢᬄ᭞ᬢ᭄ᬯ [ ᭕ 5A] ᬦ᭄ᬤᭀᬓ᭄ᬢᭂᬃᬧᭀᬮᬶᬓ᭄ᬮᬶᬦᬶᬓ᭄᭞ᬜᬸᬫ᭄ᬩᬂᬩᬳᬦ᭄‌ᬳᭀᬩᬢ᭄᭞ᬦᬾᬯᬾᬦ᭄ᬢᭂᬦ᭄ᬓᬲᬗ᭄ᬓᬮ᭞ᬧᬸᬳᬸᬦ᭄ᬓᬳᬗ᭄ᬲᭂᬗᬦ᭄ᬳᬧ᭄ᬯᬶ᭞ᬮᬾᬦ᭄ᬓᬩᬜ᭄ᬘᬡ᭞ᬢ᭄ᬮᬸᬂᬮᬩᬸᬄᬤᬶᬫᬵᬃᬕ᭄ᬕᬶ᭟ᬦᬾᬦᬾᬩ᭄ᬮᬶᬂᬮᬓ᭄ᬤ᭄ᬧ᭄ᬬ ᬦᬓ᭄ᬜᬤᬶᬚᬮᬦ᭄᭞ᬧᬸᬮᬶᬓ᭄ᬮᬶᬦᬶᬓ᭄ᬦᬸᬮᬸᬗᬶᬦ᭄᭞ᬜᬸᬫ᭄ᬩᬂᬩᬓᬤ᭄ᬯᬢᬦ᭄᭞ᬓᬳᬚᬦ᭄ᬤᬶᬳᬰ᭄ᬭᬫ᭞ᬧᬸᬧᬸᬢᬶᬂᬲᬧᬸᬮᬧᬮᬶ᭞ᬲᬓᬭᬶᬂᬲᬢ᭄ᬯᬵ᭞ᬲᬶᬦᭀᬫ᭄ᬳᬗ᭄ᬕᬾᬦ᭄ᬫᬦᭂᬫ᭄ᬩᬗᬶᬦ᭄᭟᭐᭟ᬧᬸ ᬧᬸᬄᬲᬶᬦᭀᬫ᭄᭚ᬲᬶᬦᭀᬫ᭄ᬭᬭᬶᬲ᭄ᬜᬭᬶᬢ᭄ᬣᬬᬂ᭞ᬦᭂᬧ᭄ᬮᬸᬕᬦ᭄‌ᬕᬸᬦᬸᬗᬾᬢᬭᬶᬓ᭄᭞ᬳᬯ᭄ᬯᬶᬦᬾᬫᬶᬚᬶᬮ᭄ᬤᬸᬫᬶᬮᬄ᭞ᬲᬓᬶᬂᬕᭀᬫ᭄ᬩᬗᬶᬂᬢᭀᬓ᭄ᬮᬗ᭄ᬓᬶᬃ᭞ᬗ᭄ᬭᭀᬤᭀᬓ᭄ᬫᬮ᭄ᬯᬩ᭄ᬓᬧᬶᬗ᭄ᬕᬶᬃ᭞ᬫᬲ᭄ᬭᬾ ᬬᭀᬓ᭄‌ᬜᭂᬧᭀᬮᬶᬦ᭄ᬧᬗ᭄ᬓᬸᬂ᭞ᬫ᭄ᬮᬶᬬᬩ᭄ᬫᬸᬳᬸᬦᬂᬤᬾᬰ᭞ᬭᬱᬩᬸᬩᬸᬃᬓᬂᬧ᭄ᬭᬣᬶᬯᬶ᭞ᬳᬲᬶᬂᬦ᭄ᬤᬸᬮᬸ᭞ᬯᭂᬤᬶᬭᬓ᭄ᬬᬢᬾᬗᬦ᭄ᬢᭂᬦᬂ᭟ᬯᬾᬦ᭄ᬢᭂᬦ᭄ᬦᬾᬫᬳᬶᬥᭂᬧ᭄ᬭᬸᬦ᭄ᬢᬕ᭄᭞ᬓᭂᬢᬸᬕ᭄ᬓᬬᬸᬦᬾᬜ

Auto-transliteration

[ 4 4B] 4 ntĕnringpasar̀, lenkapusĕmengraris. siyosmaliḥmangojogkabañjar̀tĕngaḥ, ringbañjar̀kr̥ĕtĕgmakādi, ringbañjar̀triwangśa, maliḥringsakolahan, ringbañjar̀tlutugkahaliḥ, rawuḥkatlaga, kalangañar̀kahungsi. sāmpunbĕcikgĕnaḥparangungsyan, danepunggawañingakin, miwaḥpakapr̥ĕbĕkĕl, hujumangalyangsumbangan, tĕrasjinaḥkahdumin, rakyatesamyan, lgāledangtansipi. karawosangswecanesakengpamrintaḥ, pramukamwangpo lisi, gintingmanabdabang, mangr̥ĕr̥ĕhangsumbangan, sahangmaliḥkacacarin, doningkucapang, bañjananingtonlangkir̀. ceṣṭakārapanulungsakengpamrintaḥ, twa [ 5 5A] ndoktĕr̀poliklinik, ñumbangbahanhobat, newentĕnkasangkala, puhunkahangsĕnganhapwi, lenkabañcaṇa, tlunglabuḥdimār̀ggi. neneblinglakdpya nakñadijalan, pulikliniknulungin, ñumbangbakadwatan, kahajandihaśrama, puputingsapulapali, sakaringsatwā, sinomhanggenmanĕmbangin. 0. pu puḥsinom // sinomrarisñaritthayang, nĕplugan'gunungetarik, hawwinemijildumilaḥ, sakinggombangingtoklangkir̀, ngrodokmalwabkapinggir̀, masre yokñĕpolinpangkung, mliyabmuhunangdeśa, raṣabubur̀kangprathiwi, hasingndulu, wĕdirakyatengantĕnang. wentĕnnemahidhĕpruntag, kĕtugkayuneña

Leaf 5

Image on Archive.org

[ ᭕ 5B] ᬋᬗᬶᬦ᭄᭞ᬢᬓᬸᬢ᭄‌ᬭᬶᬫ᭄ᬭᬶᬫ᭄‌ᬯᭂᬢ᭄ᬯᬗ᭞ᬳᬯᬦᬦᬾᬤᬤᬶᬧᬮᬶᬂ᭞ᬫᬮᬳᬶᬩ᭄ᬓᬦ᭄ᬢᬶᬗᬸᬤᬶᬤᬶᬂ᭞ᬫᬗᬮᬳᬶᬦ᭄ᬧᭀᬦ᭄ᬤᭀᬓ᭄ᬓᬸᬩᬸ᭞ᬳᬸᬫᬄᬓᬮᬯᬦ᭄ᬳᬸᬩ᭄ᬯᬦ᭄᭞ᬧᬦᬓ᭄ᬘᭂᬦᬶᬓ᭄ᬩᬓᬬ᭄ᬲ ᬗ᭄ᬓᬶᬮ᭄᭞ᬮᬯᬸᬢ᭄ᬧᭂᬲᬸ᭞ᬘᬸᬘᬸᬗ᭄ᬮᬶᬂᬕᬦ᭄ᬤᭀᬂᬤᬦ᭄ᬤᬦ᭄᭟ᬲᬭᬯᬸᬳᬾᬤᬶᬧᬗᬸᬗ᭄ᬲ᭄ᬬᬦ᭄᭞ᬳᬶᬗᭂᬢ᭄ᬢᭂᬓᬾᬦ᭄ᬗᭂᬮᬄᬧᬶᬧᬶᬲ᭄᭞ᬚᬕᬸᬂᬘᬄᬘᬄᬓ᭄ᬮᬯᬵᬦ᭄‌ᬩ᭄ᬭᬲ᭄᭞ᬲᬵᬫ᭄ᬩᭂᬮ᭄‌ᬚᬸᬓᬸᬢ᭄ᬳᬸᬭ ᬩ᭄ᬧᬸᬢᬶᬄ᭞ᬢᬶᬫ᭄ᬩᬸᬗᬦ᭄ᬮᬯᬃᬕ᭄ᬢᬶᬄ᭞ᬦᬲᬶᬦᬾᬓᬭᬶᬫᬓᭂᬤᬸᬲ᭄᭞ᬮᬸᬧᬢᬦ᭄ᬓᭂᬦᬶᬩᬦ᭄ᬢ᭞ᬧᭂᬤᬶᬳᬾᬫᬯᬦ᭄ᬢᬶᬯᬦ᭄ᬢᬶ᭞ᬳᭀᬢᭂᬂᬲ᭄ᬤᬸᬓ᭄᭞ᬦᬲᬶᬦᬾᬓᭂᬚᬶᬸᬘᬕᬂᬚᬸᬫᬄ᭟ᬯᬾᬦ᭄ᬢᭂᬦ᭄‌‌ᬦᬾᬕᭂ ᬢᬧ᭄‌ᬜᬃᬯᬂ᭞ᬯ᭄ᬤᬶᬢᬦ᭄ᬓᬘᬶᬃᬬ᭄ᬬᬦ᭄ᬯᭂᬤᬶ᭞ᬢᬳᬦ᭄ᬓᬸᬳᬸᬓ᭄‌ᬓ᭄ᬤᬾᬓ᭄ᬗᬓᬓ᭄᭞ᬳᬶᬦᬦ᭄ᬚᬳᬶᬮ᭄ᬭᬶᬂᬲᬂᬗᬸᬗ᭄ᬲᬶ᭞ᬚᭂᬚᭂᬄᬳᬶᬤᭂᬧᬾᬳᬶᬲᬶᬲ᭄᭞ᬳᬸᬮᬸᬦ᭄ᬳᬢᬶᬕᬼᬤᬄᬕᬼᬤᬸᬄ᭞ᬩᬋᬂᬩᬢᬶ [ ᭖ 6A] ᬲᬾᬫᬗᭂᬢᭀᬃ᭞ᬲᬃᬯᬂᬫᬫ᭄ᬮᬶᬦᬲᬶ᭞ᬢ᭄ᬯᬔᬯᬮᬸᬄ᭞ᬢᬓᬸᬢᬾᬢᬦ᭄ᬓᬘᬶᬃᬭ᭄ᬬᬦ᭄᭟ᬯᬾᬦ᭄ᬢᭂᬦ᭄ᬫᬦᬸᬚᬸᬓᬳ᭄ᬬᬗᬦ᭄᭞ᬳᬸᬫᬵᬢᬸᬃᬭᬓ᭄ᬬᬢᬾᬲᬫᬶ᭞ᬫᬦᬸᬮᬫᬾᬗᬚᬧ᭄ᬢᬯᬂ᭞ᬲᬫᬶ ᬗ᭄ᬯᭂᬢᬸᬯᬂᬲᬲᬗᬶ᭞ᬫᬸᬜ᭄ᬚᬸᬓ᭄ᬮᬸᬗ᭄ᬲᬸᬃᬳᬕᬸᬂᬳᬮᬶᬢ᭄᭞ᬫᬓᬵᬤᬶᬲᬂᬧᬭᬩᬶᬓ᭄ᬱᬸ᭞ᬲᬢ᭄ᬭ᭄ᬬᬵᬫ᭄ᬯᬂᬧᬭᬳᬵᬃᬬ᭄ᬬ᭞ᬭᬢᬸᬳᬶᬂᬲᭀᬨᬭᬲᬫᬶ᭞ᬫᬗ᭄ᬤᬢᬸᬮᬸᬲ᭄᭞ᬪᬝᬵᬭᬗ᭄ᬭᬳᬬ᭄ᬯᬂᬚᬕᬢ᭄᭟ᬲ ᬓᬶᬂᬘᬶᬭᬶᬓᬧᬶᬦᭂᬳᬂ᭞ᬫᬲᭂᬧᬸᬓ᭄ᬳᬯᭀᬦ᭄ᬗᬸᬚᬦᬶᬦ᭄᭞ᬳᬶᬤᬤᬦᬾᬲᬦᬾᬯᬶᬓᬦ᭄᭞ᬯ᭄ᬭᬸᬄᬭᬶᬂᬓᬓ᭄ᬘᬧ᭄ᬳᬚᬶ᭞ᬓᬢᬓᭂᬄᬕᬸᬦᬸᬂᬍᬯᬶᬄ᭞ᬫᬯᬲ᭄ᬢᬸᬩᬮᬩᬸᬃᬳᬕᬸᬂ᭞ᬗᬜᬸᬤᬂᬤᬾᬰᬤᬾᬰ᭞ ᬓᭂᬢᬸᬕ᭄ᬮᬶᬡ᭄ᬥᬸᬢᬂᬧ᭄ᬭᬣᬶᬯᬶ᭞ᬧᬘᬂᬫᭂᬢᬸ᭞ᬯᬾᬦ᭄ᬢᭂᬦ᭄ᬮᬳᬃᬓᬳᬸᬘᬧᬂ᭟ᬭᬯᬸᬳᬂᬓᬤᬶᬲ᭄ᬢ᭄ᬭᬶᬓ᭄‌ᬲᭂᬮᬢ᭄᭞ᬮᬶᬬᬸᬭᬓ᭄ᬬᬢ᭄ᬦᬾᬫᬮᬳᬶᬩ᭄᭞ᬳᬶᬤᬤᬦᬾᬳᬓᬾᬄᬩᬸᬤᬮ᭄᭞ᬧᬸᬭᬶᬦᬾᬳᬶᬚᬸᬓ

Auto-transliteration

[ 5 5B] r̥ĕngin, takutrimrimwĕtwanga, hawananedadipaling, malahibkantingudiding, mangalahinpondokkubu, humaḥkalawanhubwan, panakcĕnikbakaysa ngkil, lawutpĕsu, cucunglinggandongdandan. sarawuhedipangungsyan, hingĕttĕkenngĕlaḥpipis, jagungcaḥcaḥklawānbras, sāmbĕljukut'hura bputiḥ, timbunganlawar̀gtiḥ, nasinekarimakĕdus, lupatankĕnibanta, pĕdihemawantiwanti, hotĕngsduk, nasinekĕj̶cagangjumaḥ. wentĕnnegĕ tapñar̀wang, wditankacir̀yyanwĕdi, tahankuhukkdekngakak, hinanjahilringsangngungsi, jĕjĕḥhidĕpehisis, hulunhatigl̥ĕdaḥgl̥ĕduḥ, bar̥ĕngbati [ 6 6A] semangĕtor̀, sar̀wangmamlinasi, twakhawaluḥ, takutetankacir̀ryan. wentĕnmanujukahyangan, humātur̀rakyatesami, manulamengajaptawang, sami ngwĕtuwangsasangi, muñjuklungsur̀hagunghalit, makādisangparabiksyu, satryāmwangparahār̀yya, ratuhingsopharasami, mangdatulus, bhaṭārangrahaywangjagat. sa kingcirikapinĕhang, masĕpuk'hawonngujanin, hidadanesanewikan, wruḥringkakcap'haji, katakĕḥgunungl̥ĕwiḥ, mawastubalabur̀hagung, ngañudangdeśadeśa, kĕtugliṇdhutangprathiwi, pacangmĕtu, wentĕnlahar̀kahucapang. rawuhangkadistriksĕlat, liyurakyatnemalahib, hidadanehakeḥbudal, purinehijuka

Leaf 6

Image on Archive.org

[ ᭖ 6B] ᭖᭞ ᬮᬳᬶᬦ᭄᭞ᬫᭀᬦ᭄ᬢᭀᬃᬫᭀᬦ᭄ᬢᭀᬃᬗᬚᬗᬶᬦ᭄᭞ᬫᬦᬸᬚᬸᬓᬓᭀᬢᬩᬤᬸᬂ᭞ᬯᬾᬦ᭄ᬢᭂᬦ᭄ᬫᬭᬶᬂᬢᬩᬦ᭄᭞ᬭᬯᬸᬄᬓᬦᬵᬕᬭᬩᬗ᭄ᬮᬶ᭞ᬭᬫᬾᬫᬸᬳᬸᬕ᭄᭞ᬧᬗᬸᬗ᭄ᬲᬶᬦᬾᬫᬩ᭄ᬬᬬᬸᬯ ᬦ᭄᭟ᬓ᭄ᬭᬡᬮᬶᬬᬸᬧᬥᬩᬸᬤᬮ᭄᭞ᬳᬚ᭄ᬭᬶᬄᬓᬳᭂᬫ᭄ᬩᬳᬶᬦ᭄ᬳᬧ᭄ᬯᬶ᭞ᬗᭂᬤᭀᬳᬂᬫᬗᬺᬋᬄᬕᭂᬦᬄ᭞ᬯᬾᬦ᭄ᬢᭂᬦ᭄ᬫᬗᬮᬶᬄᬓᬫᬗ᭄ᬕᬶᬲ᭄᭞ᬭᬶᬂᬳᬸᬮᬓᬦ᭄ᬫᬓᬵᬤᬶ᭞ᬧᬗᬸᬗᬸᬧᬶᬦᬾᬧᬮᬶᬂᬮᬶᬬᬸ ᬭᬯᬸᬄᬓᬤᬾᬰᬧᬥᬂ᭞ᬕᬕ᭄ᬮᬂᬩ᭄ᬮᬸᬂᬩᬂᬢᬦ᭄ᬫᬭᬶ᭞ᬭᬶᬂᬗ᭄ᬕᬦ᭄ᬢᭂᬮᬸ᭞ᬧᭂᬦᬸᬳᬶᬂᬧᬭᬧᬗᬸᬗ᭄ᬲ᭄ᬬᬦ᭄᭟ᬳᬤᬗᬮᬶᬄᬩᬸᬓᬶᬢ᭄ᬓᬸᬮᬓ᭄᭞ᬭᬶᬂᬤᬾᬰᬲ᭄ᬮᬸᬫ᭄ᬩᬸᬂᬓ᭄ᬭᬯᬸᬳᬶᬦ᭄᭞ᬭᬶᬂᬳᬧᬶᬢ᭄ᬢᭀᬬᬮ ᬦ᭄‌ᬩ᭄ᬯᬶᬢᬦ᭄᭞ᬳᬓ᭄ᬯᬾᬄᬧᬗᬸᬗ᭄ᬲᬶᬦᬾᬢᬶᬢᬶᬩ᭄᭞ᬫᬗ᭄ᬭᬸᬤᬸᬕ᭄ᬲᬮᬶᬂᬮᬶᬫ᭄ᬧᬤᬶᬦ᭄‌ᬫᬋᬩᬸᬢ᭄‌ᬢᭀᬗᭀᬲ᭄ᬫᬳᭂᬗ᭄ᬲᬸᬩ᭄᭞ᬯᬾᬦ᭄ᬢᭂᬦ᭄ᬦᬾᬢᬦ᭄ᬧᭀᬮᬶᬄᬕ᭄ᬦᬄ᭞ᬗᬫᬸᬭᬂᬫ [ ᭗ 7A] ᬫᬃᬕ᭄ᬕᬶᬫᬮᬶᬄ᭞ᬓᬦ᭄ᬢᬾᬲ᭄ᬭᬯᬸᬄ᭞ᬓᬢᭀᬬᬧᭀᬄᬓᬳᬸᬗ᭄ᬰ᭄ᬬᬦ᭄᭟ᬯᬾᬦ᭄ᬢᭂᬦ᭄ᬦᬸᬚᬸᬓ᭄ᬮᬧᬢ᭄ᬩᭂᬮ᭄᭞ᬢᬗᬦᬦ᭄‌ᬓᬮᬯᬦ᭄ᬳᭂᬗᬶᬲ᭄᭞ᬧᬓᬭᬗᬦ᭄ᬧᬲ᭄ᬤᬳᬦ᭄᭞ᬩᬸᬕ᭄ᬩᬸᬕ᭄ᬳᬲᬓ᭄ᬮᬯ ᬦ᭄ᬧ᭄ᬭᬲᬶ᭞ᬢᬶᬫ᭄ᬩ᭄ᬭᬄᬢᬍᬃᬓᬭᬯᬸᬳᬶᬦ᭄᭞ᬤᬾᬰᬲᬫᬸᬄᬫ᭄ᬯᬂᬲᭂᬗ᭄ᬓᬶᬤᬸ᭞ᬭᬯᬸᬄᬓᬘᬦ᭄ᬤᬶᬤᬰ᭞ᬳᬾᬩᭂᬓ᭄ᬭᬫᬾᬦᬶᬂᬧᬗᬸᬗ᭄ᬲᬶ᭞ᬤᬤᬶᬕᬸᬦ᭄ᬢᬸᬃ᭞ᬭᬓ᭄ᬬᬢᬾᬦ᭄ᬤᭂᬄᬫᬕ᭄ᬭᬸᬤᬸᬕᬦ᭄᭟ᬭᬶᬂᬫᬗ᭄ᬕᬶᬲ᭄‌ᬲ᭄ᬤᭂᬂᬳᬸ ᬘᬧᬂ᭞ᬮᬶᬦ᭄ᬢᬂᬭᬫᬾᬦᬶᬂᬦᬵᬕᬭᬶ᭞ᬫᭀᬦ᭄ᬢᭀᬃᬤᭀᬓᬃᬫᬳᬸᬍᬗᬦ᭄᭞ᬧᬲᬭᬾᬲᬬᬦ᭄ᬓᬧᬸᬚᬶ᭞ᬩᬭᬂᬩᬭᬗᬾᬕᬳᬶ᭞ᬧᬗᬸᬗ᭄ᬰᬶᬦᬾᬧᬘᬵᬦᬸᬓᬸ᭞ᬫᬳᭂᬮ᭄ᬫᬳᭂᬮ᭄‌ᬩᭂᬮᬶᬜ᭞ᬫᬗ᭄ᬤᬲᬶᬤ᭄ᬥ ᬢᬸᬮᬸᬰᬸᬭᬶᬧ᭄᭞ᬳᬧᬂᬲᬵᬫ᭄ᬧᬸᬦ᭄᭞ᬳᬾᬗ᭄ᬕᬮ᭄ᬓᬧᭂᬕᬢᬦ᭄ᬚᬶᬯ᭄ᬯ᭟ᬭᬓ᭄ᬬᬢ᭄ᬫᬗ᭄ᬕᬶᬲᬾᬳᬸᬘᬧᬂ᭞ᬲᬦᬾᬓᬢᭂᬓᬦ᭄ᬧᬗᬸᬗ᭄ᬰᬶ᭞ᬲᬵᬃᬚ᭄ᬚᬯᬜᬧᬜᬫ᭄ᬩ᭄ᬭᬫ᭞ᬦᬫ᭄ᬧᬶᬧᬗᬸᬗ᭄ᬰᬶᬦᬾᬲᬫᬶ

Auto-transliteration

[ 6 6B] 6 lahin, montor̀montor̀ngajangin, manujukakotabadung, wentĕnmaringtaban, rawuḥkanāgarabangli, ramemuhug, pangungsinemabyayuwa n. kraṇaliyupadhabudal, hajriḥkahĕmbahinhapwi, ngĕdohangmangr̥ĕr̥ĕḥgĕnaḥ, wentĕnmangaliḥkamanggis, ringhulakanmakādi, pangungupinepalingliyu rawuḥkadeśapadhang, gaglangblungbangtanmari, ringnggantĕlu, pĕnuhingparapangungsyan. hadangaliḥbukitkulak, ringdeśaslumbungkrawuhin, ringhapittoyala nbwitan, hakweḥpangungsinetitib, mangrudugsalinglimpadinmar̥ĕbuttongosmahĕngsub, wentĕnnetanpoliḥgnaḥ, ngamurangma [ 7 7A] mar̀ggimaliḥ, kantesrawuḥ, katoyapoḥkahungśyan. wentĕnnujuklapatbĕl, tanganankalawanhĕngis, pakaranganpasdahan, bugbug'hasaklawa nprasi, timbraḥtal̥ĕr̀karawuhin, deśasamuḥmwangsĕngkidu, rawuḥkacandidaśa, hebĕkrameningpangungsi, dadiguntur̀, rakyatendĕḥmagrudugan. ringmanggissdĕnghu capang, lintangrameningnāgari, montor̀dokar̀mahul̥ĕngan, pasaresayankapuji, barangbarangegahi, pangungśinepacānuku, mahĕlmahĕlbĕliña, mangdasiddha tuluśurip, hapangsāmpun, henggalkapĕgatanjiwwa. rakyatmanggisehucapang, sanekatĕkanpangungśi, sār̀jjawañapañambrama, nampipangungśinesami

Leaf 7

Image on Archive.org

[ ᭗ 7B] ᬳᬶᬩᬸᬓ᭄ᬓᬗᭂᬦ᭄ᬫᬋᬗᬶᬦ᭄᭞ᬳᭀᬃᬢ᭄ᬣᬦᬾᬫᬲᬸᬮᬸᬂᬲᬸᬮᬸᬂ᭞ᬩᬜ᭄ᬘᬡᬦᬶᬂᬳᬘᬵᬮ᭞ᬢᬦ᭄ᬧᬲᬗ᭄ᬓᬦ᭄ᬲᬗ᭄ᬓᬦ᭄ᬤᬤᬶ᭞ᬪᬬᬦᬾᬯᬸᬄ᭞ᬚᬕᬢᬾᬓᬤᬹᬃᬫ᭄ᬫᬗ᭄ᬕᬮᬦ᭄᭟᭐᭟ᬧᬸᬧᬸᬄ ᬤᬹᬃᬫ᭄ᬫ᭚ᬘᬭᬶᬢ᭄ᬣᬬᬂᬭᬶᬂᬳᬫ᭄ᬮᬧᬹᬭᬦᬵᬕᬭ᭞ᬲᭂᬤᭂᬂᬭᬫᬾᬦᬶᬂᬦᬵᬕᬭᬶ᭞ᬫᭀᬦ᭄ᬢᭀᬃᬫᬲ᭄ᬮᬶᬯᭂᬭᬦ᭄᭞ᬤᬶᬦᬦᬾᬓᬳᬸᬗ᭄ᬕᬳᬂ᭞ᬯ᭄ᬭᬲ᭄ᬨᬢᬶᬯᬕᬾᬦᬶᬩᬦᬶᬦ᭄᭞ᬭᬶᬂᬉᬓᬸᬲᬸᬂᬲᬂ᭞ᬧ ᬢ᭄ᬫᬾᬦᭀᬗᭀᬲᬶᬦ᭄᭞ᬯᬢᬭᬯᬾᬦ᭄ᬢᭂᬦ᭄᭞ᬚᬫ᭄‌ᬤᬸᬯᬵᬫᬫᬹᬃᬯ᭄ᬯᬦᬶᬦ᭄᭟ᬫᬮᬶᬗ᭄ᬓᬸᬩᬦ᭄ᬓᬸᬓᬸᬲᬾᬜᬼᬕ᭄ᬭᬶᬂᬧᬸᬘᬓ᭄᭞ᬧ᭄ᬢᭂᬂᬤᭂᬤᭂᬢ᭄ᬭᬶᬂᬮᬗᬶᬢ᭄᭞ᬓᭂᬭᬸᬕ᭄ᬫᬕᬺᬤᭂᬕᬦ᭄᭞ᬕᬸᬫᬸᬭᬸᬳᬶᬂᬳ [ ᭘ 8A] ᬓᬰ᭞ᬫᬮᬶᬄᬫᬍᬤᬓ᭄ᬭᬶᬂᬳᬤ᭄ᬭᬶ᭞ᬳᬗᬺᬲ᭄ᬋᬲᬳᬂᬚᬕᬢ᭄᭞ᬭᬶᬫ᭄ᬭᬶᬫ᭄‌ᬭᬓ᭄ᬬᬢᬾᬲᬫᬶ᭟ᬢᬦ᭄ᬤ᭄ᬯᬕᬸᬭᬸᬄᬫᬸᬫ᭄ᬩᬸᬮ᭄ᬫᬜ᭄ᬘ᭄ᬭᬢ᭄ᬫᬕᬾᬜ᭄ᬚᭀᬗᬦ᭄᭞ᬇᬋᬂᬮᬳᬭᬾᬮ᭄ᬯᬶᬃᬢᬲᬶᬓ᭄᭞ᬫᬮᬶᬄᬫᬤᭂ ᬤᭂᬢᬦ᭄᭞ᬢᬝᬶᬢᬾᬧᬮᬶᬤᬾᬢ᭄ᬤᬢ᭄᭞ᬫᬤᬸᬮᬸᬭᬦ᭄ᬳᬸᬚᬦ᭄ᬚᬭᬶᬓ᭄᭞ᬩ᭄ᬬᬲ᭄ᬫᬗᬸᬭᬾᬩ᭄ᬭᬓ᭄᭞ᬓᭂᬭᬸᬕ᭄ᬮᬶᬦ᭄ᬤᬸᬜᬋᬗᬶᬦ᭄᭟ᬢᬦ᭄ᬤᬸᬫᬤᬾᬗᬮᬾᬂᬩᭀᬗᬾᬫᬕᭂᬚᭂᬭᬦ᭄᭞ᬢᬦ᭄ᬧᬾᬦ᭄ᬤᬄ ᬮ᭄ᬯᬶᬃᬚᬮᬥᬶ᭞ᬫᬕᬸᬮᬸᬂᬕᬸᬮᬸᬗᬦ᭄᭞ᬫᬗᬸᬳᬸᬕᬂᬦᬵᬕᬭ᭞ᬕᭂᬤᭀᬂᬓᬦ᭄ᬢᭀᬃᬓᬢᬫ᭄ᬧ᭄ᬬᬲᬶᬦ᭄᭞ᬮᬸᬳᬸᬭᬶᬂᬳᬯᬦ᭄᭞ᬚᬫ᭄ᬩᬢᬦᬾᬢᬦ᭄ᬓᬭᬶ᭟ᬫᬩ᭄ᬬᬬᬸᬯᬦ᭄ᬲᬤᬕᬶᬂᬓᭀᬢᬦᬾᬕᬾᬯᬂ᭞ ᬳᭂᬜ᭄ᬚᭀᬂᬲᬫᬶᬫᬮᬳᬶᬩ᭄᭞ᬫᬗᬺᬋᬂᬧᬗᬸᬗ᭄ᬰ᭄ᬬᬦ᭄᭞ᬫᭀᬢᭀᬭᬾᬫᬕᬺᬤᭂᬕᬦ᭄᭞ᬤᭀᬓᬃᬚᬭᬦ᭄ᬧᬥᬧᬮᬶᬂ᭞ᬯᬦᬾᬄᬓᬲᬸᬕ᭄ᬬᬦ᭄᭞ᬫᭀᬢᭀᬃᬧ᭄ᬭᬳᬸᬗᬚᬗᬶᬦ᭄᭟ᬲᬵ

Auto-transliteration

[ 7 7B] hibukkangĕnmar̥ĕngin, hor̀tthanemasulungsulung, bañcaṇaninghacāla, tanpasangkansangkandadi, bhayanewuḥ, jagatekadūr̀mmanggalan. 0. pupuḥ dūr̀mma // caritthayangringhamlapūranāgara, sĕdĕngrameningnāgari, montor̀masliwĕran, dinanekahunggahang, wrasphatiwagenibanin, ringukusungsang, pa tmenongosin, watarawentĕn, jamduwāmamūr̀wwanin. malingkubankukuseñl̥ĕgringpucak, ptĕngdĕdĕtringlangit, kĕrugmagr̥ĕdĕgan, gumuruhingha [ 8 8A] kaśa, maliḥmal̥ĕdakringhadri, hangr̥ĕsr̥ĕsahangjagat, rimrimrakyatesami. tandwaguruḥmumbulmañcratmageñjongan, ir̥ĕnglaharelwir̀tasik, maliḥmadĕ dĕtan, taṭitepalidetdat, maduluranhujanjarik, byasmangurebrak, kĕruglinduñar̥ĕngin. tandumadengalengbongemagĕjĕran, tanpendaḥ lwir̀jaladhi, magulunggulungan, manguhugangnāgara, gĕdongkantor̀katampyasin, luhuringhawan, jambatanetankari. mabyayuwansadagingkotanegewang, hĕñjongsamimalahib, mangr̥ĕr̥ĕngpangungśyan, motoremagr̥ĕdĕgan, dokar̀jaranpadhapaling, waneḥkasugyan, motor̀prahungajangin. sā

Leaf 8

Image on Archive.org

[ ᭘ 8B] ᭘᭞ ᬫ᭄ᬧᬸᬦ᭄‌ᬳᬾᬩᭂᬓ᭄ᬭᬶᬂᬤᬶᬲ᭄ᬢ᭄ᬭᬶᬓ᭄ᬫᬗ᭄ᬕᬶᬲ᭄ᬓᬳᬸᬗ᭄ᬰ᭄ᬬᬂ᭞ᬭᬓ᭄ᬬᬢ᭄ᬓᭀᬢᬦᬾᬢᬶᬢᬶᬩ᭄᭞ᬳᬓ᭄ᬯᬾᬄᬦᬾᬧᬩᬼᬲᬢ᭄᭞ᬫᬗᬮᬶᬄᬰᬾᬮᬧᬭᬂ᭞ᬯᬾᬦ᭄ᬢᭂᬦ᭄ᬗᬸᬗ᭄ᬰᬶᬓᬫᬗ᭄ᬯᬶ᭞ᬓᬲᬶᬗ᭄ᬳᬭᬵᬚ᭞ᬉᬩᬸᬤ᭄ᬢᬍᬃ ᬓᬳᬸᬗ᭄ᬲᬶ᭟ᬳᬓ᭄ᬯᬾᬄᬭᬓ᭄ᬬᬢ᭄‌ᬲᬦᬾᬗᬮᬶᬦ᭄ᬢᬂᬲᬵᬕᬭ᭞ᬚᬯᬢᬶᬫᬸᬃᬓᬳᬸᬗ᭄ᬰᬶ᭞ᬫᬸᬯᬂᬚᬯᬢᭂᬗᬄ᭞ᬭᬯᬸᬄᬓᬚᬯᬩᬭᬢ᭄᭞ᬲᬮ᭄ᬯᬶᬭᬶᬂᬧ᭄ᬭᬓᬵᬃᬬ᭄ᬬᬲᬫᬶ᭞ᬲᬵᬫ᭄ᬧᬸᬦ᭄ᬚᭂᬮᬲᬦ᭄᭞ᬗᬸᬗ᭄ᬰᬶ ᬓᬤᬶᬲ᭄ᬢ᭄ᬭᬶᬓ᭄ᬫᬗ᭄ᬕᬶᬲ᭄᭟ᬤᬤᭀᬲ᭄‌ᬓᭀᬢᬤᬶᬲ᭄ᬢ᭄ᬭᬶᬓ᭄ᬫᬗ᭄ᬕᬶᬲᬾᬓᬳᬸᬘᬧ᭄᭞ᬩᬧᬓ᭄ᬩᬸᬧᬢᬶᬫᬓᬵᬤᬶ᭞ᬧᬓᬵᬃᬬ᭄ᬬᬦᬾᬲᬫ᭄ᬬᬦ᭄᭞ᬩᬶᬜ᭄ᬘᬸᬄᬢᬸᬃᬓᬧᬺᬧᭂᬓᬦ᭄᭞ᬭᬶᬂᬲᭂᬮᬢ᭄ᬫᬮᬶᬄᬢᬮᬶᬦᬶᬦ᭄᭞ᬳ ᬤᬧᬥᬸᬓ᭄ᬯᬦ᭄᭞ᬲᬶᬦᭀᬫᬦᬾᬢᬦ᭄ᬕᬶᬗ᭄ᬰᬶᬃ᭟᭐᭟ᬧᬸᬧᬸᬄᬲᬶᬦᭀᬫ᭄᭚ᬭᬯᬸᬳᬶᬂᬉᬓᬸᬤᬸᬗ᭄ᬕᬸᬮᬦ᭄᭞ᬤᬶᬦᬵᬦᬾᬭᬤᬶᬢᬾᬧᬳᬶᬂ᭞ᬧᬗ᭄ᬮᭀᬂᬧᬶᬂᬲᬵᬧ᭄ᬢᬧᬸᬦᬶᬓ᭞ᬰᬰᬶᬄᬓᬲ [ ᭙ 9A] ᬗᬦᭀᬗᭀᬲᬶᬦ᭄᭞ᬳᬶᬦ᭄ᬤᭀᬦᬾᬰ᭄ᬬᬜᬋᬗᬶᬦ᭄᭞ᬢᬗ᭄ᬕᬮ᭄ᬢᬸᬚᬸᬄᬩ᭄ᬮᬲ᭄ᬓᬯᬸᬯᬸᬲ᭄᭞ᬩᬸᬮᬦ᭄ᬫᬋᬢ᭄ᬓᬳᬸᬘᬧᬂ᭞ᬤᬯᬸᬄᬧᬶᬲᬦ᭄ᬫᬫᬹᬃᬯ᭄ᬯᬦᬶᬦ᭄᭞ᬧᬸᬓᬸᬮ᭄ᬢᬸᬚᬸᬄ᭞ᬗᭂᬲ᭄ᬗᭂᬃᬘᬬᬦᬶᬓᬂᬚᬕ ᬢ᭄᭟ᬋᬫ᭄ᬋᬫ᭄ᬥᬬᬦᬶᬗᬤᬶᬢ᭄ᬬ᭞ᬓᭂᬢᬸᬕ᭄ᬮᬶᬦ᭄ᬤᬸᬲᬬᬦ᭄ᬢᬶᬢᬶᬃ᭞ᬲ᭄ᬯᬭᬦ᭄ᬓ᭄ᬭᬸᬕᬾᬢᬦ᭄ᬧᭂᬕᬢ᭄᭞ᬢᬶᬮᬧ᭄ᬢᬢᬶᬢᬾᬜᬦ᭄ᬤᭂᬭᬶᬦ᭄᭞ᬩᬮᬾᬂᬩᭀᬂᬤᬤᬶᬢᬲᬶᬓ᭄᭞ᬲ᭄ᬯᬭᬦᬾᬗᬺᬤᭂᬕ᭄ᬗᬭᬸᬤᬸᬕ᭄᭞ ᬫᬗᭂᬢᭀᬃᬳᬶᬓᬤᬂᬭᭀᬢ᭄᭞ᬕᬸᬦᬸᬂᬳᬕᬸᬗᬾᬫᬜ᭄ᬭᬶᬢ᭄᭞ᬫᬗᬭᬸᬤᬸᬕ᭄᭞ᬫᬘᭂᬤᬸᬃᬮᬦ᭄ᬢᬲ᭄ᬫᬍᬤᬓ᭄᭟ᬫᬓᭀᬳᭀᬲ᭄ᬮᬳᬸᬢ᭄ᬫᬮ᭄ᬯᬩ᭄᭞ᬯᭂᬢᬸᬮᬳᬭᬾᬗᬗᭀᬩᬶᬦ᭄᭞ᬫᬳᭀᬫ᭄ᬩ ᬓᬦ᭄ᬫᬕᬸᬮᬸᬗᬦ᭄᭞ᬳᬕᬸᬂᬓᬸᬓᬸᬲᬾᬗ᭄ᬮᬶᬫᬸᬢᬶᬦ᭄᭞ᬯᭂᬢᬸᬩ᭄ᬬᬲ᭄ᬗᬸᬚᬦᬶᬦ᭄᭞ᬳᬯᭀᬦᬾᬲᬫ᭄ᬩᭂᬄᬲᭂᬧᬸᬓ᭄᭞ᬧᭂᬢᭂᬂᬤᭂᬤᭂᬓ᭄ᬢᬦ᭄ᬳᬦᭀᬦ᭄‌ᬭᬵᬢ᭄᭞ᬕᬸᬍᬫᬾᬗᬯᭂᬢ᭄ᬯᬂᬭᬶᬭᬶᬲ᭄᭞ᬓ

Auto-transliteration

[ 8 8B] 8 mpunhebĕkringdistrikmanggiskahungśyang, rakyatkotanetitib, hakweḥnepabl̥ĕsat, mangaliḥśelaparang, wentĕnngungśikamangwi, kasingharāja, ubudtal̥ĕr̀ kahungsi. hakweḥrakyatsanengalintangsāgara, jawatimur̀kahungśi, muwangjawatĕngaḥ, rawuḥkajawabarat, salwiringprakār̀yyasami, sāmpunjĕlasan, ngungśi kadistrikmanggis. dadoskotadistrikmanggisekahucap, bapakbupatimakādi, pakār̀yyanesamyan, biñcuḥtur̀kapr̥ĕpĕkan, ringsĕlatmaliḥtalinin, ha dapadhukwan, sinomanetan'gingśir̀. 0. pupuḥsinom // rawuhingukudunggulan, dināneraditepahing, panglongpingsāptapunika, śaśiḥkasa [ 9 9A] nganongosin, hindoneśyañar̥ĕngin, tanggaltujuḥblaskawuwus, bulanmar̥ĕtkahucapang, dawuḥpisanmamūr̀wwanin, pukultujuḥ, ngĕsngĕr̀cayanikangjaga t. r̥ĕmr̥ĕmdhayaningaditya, kĕtuglindusayantitir̀, swarankrugetanpĕgat, tilaptatiteñandĕrin, balengbongdaditasik, swaranengr̥ĕdĕgngarudug, mangĕtor̀hikadangrot, gununghagungemañrit, mangarudug, macĕdur̀lantasmal̥ĕdak. makohoslahutmalwab, wĕtulaharengangobin, mahomba kanmagulungan, hagungkukusenglimutin, wĕtubyasngujanin, hawonesambĕḥsĕpuk, pĕtĕngdĕdĕktanhanonrāt, gul̥ĕmengawĕtwangriris, ka

Leaf 9

Image on Archive.org

[ ᭙ 9B] ᬤᬶᬕᬸᬦᬸᬂ᭞ᬮᬳᬭᬾᬫᬦᬸᬳᬸᬢ᭄ᬲᬾᬮ᭄ᬯᬦ᭄᭟ᬫᬩᭂᬭᭀᬲ᭄‌ᬢᬹᬃᬫᬕᬼᬤᬸᬕᬦ᭄᭞ᬓᬤᬶᬳᬮᬶᬸᬮᬸᬦᬶᬂᬚᬮᬥᬶ᭞ᬓᬢᭂᬕᬮ᭄‌ᬮᬸᬯᬄᬓᬳᭂᬫ᭄ᬩᬳᬦ᭄᭞ᬢᭂᬕᭂᬳᬾᬮ᭄ᬯᬶᬃᬓᬤᬶᬉᬓᬶᬃ᭞ᬯ ᬦᬵᬢᬦᬵᬓᬸᬗ᭄ᬓᬸᬮᬶᬦ᭄᭞ᬤᬾᬰᬩᬤᬾᬕᬾᬓᬯᬸᬯᬸᬲ᭄᭞ᬲᬩᬸᬤᬶᬮᬯᬦ᭄‌ᬲᭀᬃᬕ᭄ᬕ᭞ᬳᬸᬘᬧᬂᬲᬦᬾᬗ᭄ᬮᬶᬗ᭄ᬰᬶᬭᬦ᭄᭞ᬚᭂᬭᭀᬤᬸᬓᬸᬄ᭞ᬤᬩ᭄ᬤᬩᬂᬧᬘᬂᬧᬫᭂᬦ᭄ᬤᬓ᭄᭟ᬧ᭄ᬭᬡᬫ᭄ᬬᬧᬸ ᬧᬸᬢ᭄ᬫᬢᬶᬗ᭄ᬓᬄ᭞ᬳᬢᬸᬭᬦᬾᬘᬦᬂᬲᬭᬷ᭞ᬭᬶᬂᬳᬶᬤᬪᬝᬵᬭᬮᬳᬃ᭞ᬳᭂᬕᭀᬂᬦᬾᬭᬶᬫᬗᬺᬫ᭄ᬧᭂᬕᬶᬦ᭄᭞ᬢᬩᬸᬄᬲ᭄ᬯᬭᬦᬾᬚᬗᬶᬄ᭞ᬚ᭄ᬭᭀᬤᬸᬓᬸᬄᬮᬶᬗ᭄ᬲᬶᬃᬕᬸᬧᬸᬄ᭞ᬫᭂ ᬦᬾᬓ᭄ᬤᬦᬾᬫᬬᭀᬕ᭄ᬕ᭞ᬤᭂᬍᬕ᭄‌ᬖᭂᬡ᭄ᬝᬦᬾᬫᬗ᭄ᬭᬶᬦᬶᬂ᭞ᬫᬗᬭᬾᬬᭀᬂ᭞ᬮᬶᬬᬸᬧᬹᬚᬦᬾᬓᬯᭂᬥᬃ᭟ᬧᬗᬶᬭᬶᬗᬾᬘᬭᬶᬣᬬᬂ᭞ᬦᬾᬲᭂᬮᬾᬄᬚᭂᬕᬾᬕ᭄‌ᬗᬾᬤᬦᬶᬦ᭄᭞ [ ᭑᭐ 10A] ᬳᬦᬹᬢ᭄ᬧᬥᬲᬾᬲᬫ᭄ᬩ᭄ᬭᬫ᭞ᬫᬲᭂᬓᬃᬫᬍᬗᬶᬲ᭄ᬫᬶᬳᬶᬓ᭄᭞ᬮᬸᬄᬫ᭄ᬯᬦᬶᬘ᭄ᬭᬶᬓ᭄ᬓᭂᬮᬶᬄ᭞ᬧᬬᬲᬾᬧᬥᬫᬗᬦᬹᬢ᭄᭞ᬧᬥᬦᭂᬲᭂᬓ᭄ᬫᬦᭂᬕᬓ᭄᭞ᬭᬫᬾᬦᬸᬢᬸᬃᬦᬸᬢᬸᬃᬳᬲᬶᬄ᭞ᬧᬥᬕᬸᬬᬸ᭞ᬭᬯᭀ ᬲᬾᬧᬲᬮᬾᬂᬢᬶᬫ᭄ᬩᬮ᭄᭟ᬭᬭᬶᬲ᭄ᬧ᭄ᬭᬡᬫ᭄ᬬᬫᬦᭂᬕᬓ᭄᭞ᬩᬹᬫᬭᬳᬬᬢ᭄ᬗᬪᬓ᭄ᬢᬶ᭞ᬲᬵᬫ᭄ᬧᬸᬦ᭄ᬲᬫᬶᬗᬕᭂᬫ᭄ᬲᭂᬓᬃ᭞ᬮᬸᬄᬫᬸᬯᬦᬶᬘ᭄ᬭᬶᬓ᭄ᬓᭂᬮᬶᬄ᭞ᬭᬫᬾᬲ᭄ᬯᬭᬦᬶᬂᬪᬾᬭᬶ᭞ᬓᬕᬾᬢᬦ᭄ᬕᭂᬮᬸᬫ ᬦ᭄ᬤᬸᬮᬸ᭞ᬮᬳᬭᬾᬫᬳᬾᬮᭀᬕᬦ᭄᭞ᬧᭂᬢᭂᬂᬓᬸᬓᬸᬲᬾᬗ᭄ᬮᬶᬫᬸᬢᬶᬦ᭄᭞ᬲᬾᬧᬦ᭄ᬩᬗᬸᬦ᭄᭞ᬫᬭᬶᬂᬫ᭄ᬮᬄᬫᬕᬸᬮᬶᬗᬦ᭄᭟ᬚᭂᬭᭀᬤᬸᬓᬸᬄᬲᬾᬧᬦ᭄ᬫᭂᬚᬂ᭞ᬖᭂᬡ᭄ᬝᬦᬾᬓᬦ᭄ᬢᬸᬦ᭄ᬫᬗ᭄ᬭᬶᬦᬶᬂ᭞ᬓ ᬕᬾᬢ᭄ᬢᭂᬩᬄᬫᬜᬸᬮᬾᬫ᭄ᬧᬂ᭞ᬓᭂᬩᬸᬲ᭄ᬓᬳᬗ᭄ᬰᭂᬗᬦ᭄ᬳᬧ᭄ᬯᬶ᭞ᬮᬶᬬᬸᬧᬤᬫᬮᬳᬶᬩ᭄᭞ᬭᬫᬾᬳᬾᬮᬶᬗᬾᬕᬸᬫᬸᬭᬸᬄ᭞ᬲ᭄ᬯᬭᬦᬶᬂᬢᬢᬩᬸᬳᬦ᭄᭞ᬓᬤᬶᬩᬮᬗᬾᬓᭂᬢᭂᬩᬶᬦ᭄᭞ᬲᭂᬧᬶ

Auto-transliteration

[ 9 9B] digunung, laharemanuhutselwan. mabĕrostūr̀magl̥ĕdugan, kadihal̶luningjaladhi, katĕgalluwaḥkahĕmbahan, tĕgĕhelwir̀kadi'ukir̀, wa nātanākungkulin, deśabadegekawuwus, sabudilawansor̀gga, hucapangsanenglingśiran, jĕrodukuḥ, dabdabangpacangpamĕndak. praṇamyapu putmatingkaḥ, haturanecanangsarī, ringhidabhaṭāralahar̀, hĕgongnerimangr̥ĕmpĕgin, tabuḥswaranejangiḥ, jrodukuḥlingsir̀gupuḥ, mĕ nekdanemayogga, dĕl̥ĕgghĕṇṭanemangrining, mangareyong, liyupūjanekawĕdhar̀. pangiringecarithayang, nesĕleḥjĕgegngedanin, [ 10 10A] hanūtpadhasesambrama, masĕkar̀mal̥ĕngismihik, luḥmwanicrikkĕliḥ, payasepadhamanganūt, padhanĕsĕkmanĕgak, ramenutur̀nutur̀hasiḥ, padhaguyu, rawo sepasalengtimbal. rarispraṇamyamanĕgak, būmarahayatngabhakti, sāmpunsamingagĕmsĕkar̀, luḥmuwanicrikkĕliḥ, rameswaraningbheri, kagetan'gĕluma ndulu, laharemahelogan, pĕtĕngkukusenglimutin, sepanbangun, maringmlaḥmagulingan. jĕrodukuḥsepanmĕjang, ghĕṇṭanekantunmangrining, ka gettĕbaḥmañulempang, kĕbuskahangśĕnganhapwi, liyupadamalahib, ramehelingegumuruḥ, swaraningtatabuhan, kadibalangekĕtĕbin, sĕpi

Leaf 10

Image on Archive.org

[ ᭑᭐ 10B] ᭑᭐᭞ ᬗᬸᬦ᭄ᬗᬸᬦ᭄᭞ᬳᬤᬵᬦᬾᬗᭂᬮᬶᬂᬫᬫᭂᬕᬢ᭄᭟ᬯᬾᬦ᭄ᬢᭂᬦ᭄ᬗᭂᬢᬶᬃᬫᬓᬲᬳᬦ᭄᭞ᬤᬶᬦᬢᬳᬾᬧᬕᬸᬮᬶᬦ᭄ᬢᬶᬓ᭄᭞ᬧᬚᭂᬭᬶᬢ᭄ᬦᬕᬶᬄᬢᬸᬮᬸᬗᬦ᭄᭞ᬘ᭄ᬭᬶᬓ᭄ᬓᭂᬮᬶᬄᬫᬗ᭄ᬫᬲᬶᬦ᭄᭞ᬦᬾᬓ᭄ᬦᬵᬳᬯᬵ ᬕᬶᬕᬶᬲ᭄᭞ᬤᬶᬦᬢᬳᬾᬤᬳᬄᬤᬸᬳᬸᬄ᭞ᬲᭂᬓᬵᬕᭀᬗᬾᬫᬸᬮᬶᬲᬄ᭞ᬲᬦᬾᬫᬦᭀᬗᭀᬲ᭄ᬤᬶᬘᬸᬭᬶᬂ᭞ᬗᬶᬲᬶᬧᬗ᭄ᬕᬸᬮ᭄᭞ᬓᬕᬾᬢ᭄ᬓᬓᬸᬫᬲᬶᬬᭂᬧᬦ᭄᭟ᬳᬓᬾᬄᬓᬸᬦᬧᬫᬕ᭄ᬮᬃ ᬫᬧᬸᬦ᭄ᬤᬸᬄᬧᬸᬦ᭄ᬤᬸᬄᬫᬧᬶᬮ᭄ᬧᬶᬮ᭄᭞ᬯᬾᬦ᭄ᬢᭂᬦ᭄ᬓᬭᬶᬲᬦᬾᬜᬶᬗᬮ᭄᭞ᬕ᭄ᬮᬸᬢ᭄ᬧ᭄ᬬᬦᬓᬾᬓᬓᭂᬩᬶᬦ᭄᭞ᬯᬾᬦ᭄ᬢᭂᬦ᭄ᬫᬢᬶᬫᬜᬸᬫ᭄ᬧ᭄ᬭᬶᬢ᭄᭞ᬗᬚᬓ᭄ᬢᬶᬫ᭄ᬧᬮᬾᬫᬧ᭄ᬮᬸᬢ᭄᭞ᬯᬾᬦ᭄ᬢᭂᬦ᭄ᬫᬳᬥᬸ ᬫᬸᬓᬵ᭞ᬳᭂᬮᬸᬄᬫ᭄ᬯᬦᬶᬘ᭄ᬭᬶᬓ᭄ᬓᭂᬮᬶᬄ᭞ᬲᬮᬾᬂᬲᬸᬲᬸᬦ᭄᭞ᬩᬗ᭄ᬓᬾᬦᬾᬓᬲ᭄ᬫᬭᬦ᭄ᬤᬦ᭟᭐᭟ᬧᬸᬧᬸᬄᬲ᭄ᬫᬭᬦ᭄ᬤᬦᬵ᭚ᬲᬾᬱᬦᬶᬂᬧᬕᬶᬫᬗᬶᬭᬶᬂ᭞ᬲᬫᬶᬲ᭄ᬤᬶᬄᬫᬲᬫ᭄ᬩᬢᬦ᭄᭞ᬲᬲᬫ᭄ᬩᬢᬾᬳᬫ᭄ᬮ [ ᭑᭑ 11A] ᬲᬃᬱ᭞ᬦ᭄ᬤᬸᬮᬫᬾᬭᬶᬂᬲᬂᬧᬭᬵᬢ᭄ᬭ᭞ᬮᬘᬸᬃᬘᭂᬦᬶᬂᬫᬜ᭄ᬚᬤ᭄ᬫᬵ᭞ᬤᬸᬄᬓᬸᬤ᭄ᬬᬂᬚᬦᬶᬫᬦᬸᬮᬸᬂ᭞ᬩᬬᬲᬸᬩᬢᬶᬢᬳᬶᬂᬳ᭄ᬬᬂ᭟ᬘ᭄ᬦᬶᬂᬫᬗᬮᬳᬶᬦ᭄ᬫᬢᬶ᭞ᬳᬧᬂᬫ᭄ᬮᬄᬤᬶᬓᭂᬤᬶᬢ᭄ᬯᬦ᭄᭞ᬩᬧᬓᬾᬦᬾᬲ ᬗ᭄ᬰᬭᬦᬾ᭞ᬓᬸᬤᬸᬳᬶᬤᬸᬧ᭄ᬓᬲᬓᬶᬢᬦ᭄᭞ᬧ᭄ᬬᬦᬓ᭄ᬘᬸᬘᬸᬦᬾᬫᬺᬕᬄ᭞ᬩᬧᬤᬶᬦᬶᬦᬦ᭄ᬤᬂᬲᬸᬂᬲᬸᬢ᭄᭞ᬢ᭄ᬯᬭᬓᬭ᭄ᬯᬦ᭄ᬧᬕᭂᬦᬳᬦ᭄᭟ᬩᬧᬚᬦᬶᬫᬗᬮᬳᬶᬦ᭄᭞ᬫᬮᬶᬄᬢᭀᬗᭀᬲ᭄ᬫ ᬧᬬᬸᬩᬦ᭄᭞ᬗᬚᬓ᭄ᬩᬶᬩᬶᬜᬫᬋᬓᭀ᭞ᬢᬦ᭄ᬤᬸᬫᬗᬶᬤᬸᬮ᭄ᬮᬸᬫᬫ᭄ᬧᬄ᭞ᬦᬾᬕᬶᬕᬶᬲ᭄‌ᬓ᭄ᬦᬶᬬᬂᬳᬯᬵᬯᬶᬫᬃᬕ᭄ᬕᬶᬦᬾᬗᬦ᭄ᬢᬸᬦ᭄ᬳᬦ᭄ᬢᬸᬦ᭄᭞ᬲᬫ᭄ᬩᬶᬮᬂᬗᭂᬮᬶᬂᬫᬕᬶᬸᬬᬸᬂᬚᬮᬦ᭄᭟ᬧᬫ᭄ᬭᬶᬦ᭄ᬢᬄᬭᬯᬸᬄ ᬦᬸᬮᬸᬗᬶᬦ᭄᭞ᬩᬧᬓ᭄ᬧᬸᬗ᭄ᬕᬯᬫᬜᬶᬗᬓ᭄᭞ᬧᭀᬮᬶᬲᬶᬫ᭄ᬯᬂᬧᬕᭂᬃᬪᬬ᭞ᬢᬸᬦᬸᬮᬸᬂᬫᬚᬓ᭄ᬓᬵᬰ᭄ᬭᬫ᭞ᬮ᭄ᬯᬶᬃᬲᬦᬾᬓᬩᬜ᭄ᬚᬡ᭞ᬤᭀᬓ᭄ᬢᭂᬃᬫᬶᬯᬄᬚᬸᬭᬸᬚᬸᬭᬸ᭞ᬢᬍᬃᬧᬶᬲᬭᬵᬢ᭄ᬫᬜᬸᬫ᭄ᬩᬂ

Auto-transliteration

[ 10 10B] 10 ngunngun, hadānengĕlingmamĕgat. wentĕnngĕtir̀makasahan, dinatahepagulintik, pajĕritnagiḥtulungan, crikkĕliḥmangmasin, neknāhawā gigis, dinatahedahaḥduhuḥ, sĕkāgongemulisaḥ, sanemanongosdicuring, ngisipanggul, kagetkakumasiyĕpan. hakeḥkunapamaglar̀ mapunduḥpunduḥmapilpil, wentĕnkarisaneñingal, glutpyanakekakĕbin, wentĕnmatimañumprit, ngajaktimpalemaplut, wentĕnmahadhu mukā, hĕluḥmwanicrikkĕliḥ, salengsusun, bangkenekasmarandana. 0. pupuḥsmarandanā // seṣaningpagimangiring, samisdiḥmasambatan, sasambatehamla [ 11 11A] sar̀ṣa, ndulameringsangparātra, lacur̀cĕningmañjadmā, duḥkudyangjanimanulung, bayasubatitahinghyang. cningmangalahinmati, hapangmlaḥdikĕditwan, bapakenesa ngśarane, kuduhidupkasakitan, pyanakcucunemr̥ĕgaḥ, bapadininandangsungsut, twarakarwanpagĕnahan. bapajanimangalahin, maliḥtongosma payuban, ngajakbibiñamar̥ĕko, tandumangidullumampaḥ, negigiskniyanghawāwimar̀gginengantunhantun, sambilangngĕlingmag̶yungjalan. pamrintaḥrawuḥ nulungin, bapakpunggawamañingak, polisimwangpagĕr̀bhaya, tunulungmajakkāśrama, lwir̀sanekabañjaṇa, doktĕr̀miwaḥjurujuru, tal̥ĕr̀pisarātmañumbang

Leaf 11

Image on Archive.org

[ ᭑᭑ 11B] ᭑᭑᭞ ᭟ᬯᬾᬦ᭄ᬢᭂᬦᬓᬲᬶᬤ᭄ᬫᭂᬦ᭄‌ᬗ᭄ᬭᬭᬶᬲ᭄᭞ᬚ᭄ᬜᭂᬓ᭄ᬤᬶᬢᬸᬓᬳᬸᬩᬤᬂ᭞ᬦᬾᬤᬳᬢ᭄ᬲᬗ᭄ᬓᬵᬮᬋᬓᭀ᭞ᬯᬾᬦ᭄ᬢᭂᬦ᭄ᬓᬦᬶᬦ᭄‌ᬩᭀᬗ᭄ᬮᭀᬃᬓᭀᬧ᭄ᬮᬃ᭞ᬫᬗ᭄ᬭᬭᬶᬲ᭄ᬓᬤᬾᬦ᭄ᬧᬲᬃ᭞ᬲᬚᬯᬶᬦ᭄ᬩᬜ᭄ᬘᬦ ᬇᬓᬸ᭞ᬲᬫᬶᬗᬺᬋᬧᬾᬗᬸᬗ᭄ᬰ᭄ᬬᬦ᭄᭟ᬓᬮᬸᬦ᭄ᬢᬮᬸᬦ᭄ᬢᬮᬸᬫᬭᬶᬲ᭄᭞ᬳᬮᬶᬢ᭄ᬘᭂᬭᬶᬓ᭄ᬫᬗ᭄ᬭᬾᬦ᭄ᬢᬾᬗᬦ᭄᭞ᬜᬫ᭄ᬩᬶᬮᬂᬤᬦ᭄ᬤᬦ᭄ᬫᬗᬦ᭄ᬤᭀᬂ᭞ᬯᬾᬦ᭄ᬢᭂᬦ᭄‌ᬫ᭄ᬭᬾᬧᬾᬂᬮᬾᬦ᭄ᬫᬜᬶᬗᬮ᭄᭞ᬳᬤᬘ᭄ᬭᬶᬓ᭄ᬓᬲ ᬗ᭄ᬰᬭ᭞ᬲᭂᬤᬶᬄᬳᬾᬮᬶᬂᬤᬾᬯᬾᬓ᭄ᬳᬸᬩᬸᬄ᭞ᬩᬧᬾᬩᬸᬗᬮᬳᬶᬦ᭄ᬧᭂᬚᬄ᭟ᬩᭂᬗᭀᬂᬧᬘᬂᬳᬢᬶᬓᬶᬗ᭄ᬓᬶᬂ᭞ᬲᬫ᭄ᬩᬶᬮ᭄ᬫᬗᬸᬲᬧ᭄ᬬᬾᬄᬢᬶᬗ᭄ᬳᬮ᭄᭞ᬧᬢᬶᬲᬫ᭄ᬩᬸᬭᬢ᭄ᬮᬫ᭄ᬧᬳᬾ᭞ᬗᬸᬢᬸᬗᬶᬦ᭄ᬢᭀ ᬢᭀᬲ᭄ᬧᬗᬸᬗ᭄ᬱ᭄ᬬᬦ᭄᭞ᬯᬾᬦ᭄ᬢᭂᬦ᭄ᬫᬗᬮᬶᬄᬩᬮᬸᬂᬩᬂ᭞ᬳᬤᬫᬜᬸᬚᬃᬓᬓ᭄ᬮᬸᬂᬓᬸᬂ᭞ᬯᬦᬾᬄᬫᬗᬮᬶᬄᬢᬩᬦᬦ᭄᭟ᬢ᭄ᬮᬲᬶᬩᬬᬾᬕ᭄ᬫᬗᬸᬗ᭄ᬲᬶ᭞ᬮ᭄ᬯᬄᬢᬸᬓᬤ᭄ᬘᬭᬶᬢ᭄ᬣᬬᬂ᭞ᬚᬫ᭄ᬩᬢ᭄ᬚᬫ᭄ᬩᬢᬦᬾ [ ᭑᭒ 12A] ᬋᬓᭀ᭞ᬢ᭄ᬮᬲ᭄ᬲᬵᬫ᭄ᬧᬸᬦ᭄ᬓᬳᬜᬸᬤᬂ᭞ᬘᬭᬶᬓ᭄ᬘᬭᬶᬓ᭄‌ᬫ᭄ᬯᬂᬢᭂᬕᬮ᭄᭞ᬳᬲᬶᬂᬢᬫ᭄ᬧᭂᬓ᭄ᬫᬭᬶᬂᬧᬮᬸᬄ᭞ᬳᬸᬯᬸᬕ᭄ᬕᬸᬩᬃᬓᬳᬸᬭᬸᬕᬦ᭄᭟ᬩᭂᬦ᭄ᬤᬸᬂᬩᭂᬦ᭄ᬤᬸᬗᬦᬾᬲᬫᬶ᭞ᬲᬵᬫ᭄ᬧᬸᬦ᭄ᬓᬢᬩᬸᬕᬦ᭄ᬮᬳᬃ ᬢᬦ᭄ᬧᬭ᭄ᬯᬤ᭄ᬢᬶᬓᬦᬂᬯᬺᬓ᭄ᬱ᭞ᬯᬶᬯᬶᬂᬓ᭄ᬮᬧᬢᬦ᭄ᬧᬳᭂᬯ᭄ᬯᬄ᭞ᬯᭀᬄᬯᭀᬳᬦ᭄ᬓᬧᬤᬲᬦ᭄᭞ᬢ᭄ᬯᬭᬳᬤᬗᭂᬦᬄᬓᬢᬸᬢ᭄᭞ᬓᬧᬸᬘᬶᬮᬦ᭄ᬜᬦᬾᬳᬳᬲ᭄᭟ᬓᬮᬶᬲᬗ᭄ᬳᬭᬦᭂᬓᬳᬶ ᬦ᭄᭞ᬦᬵᬕᬭᬭᬹᬕ᭄ᬫᬕ᭄ᬮᬶᬬᬸᬭᬦ᭄᭞ᬫᬸᬦᬶᬕᬂᬦᬶᬮᬵᬗ᭄ᬕᬮᭀᬦ᭄᭞ᬢᬶᬓᬸᬲᬾᬬᬸᬢᬬᬸᬢᬬᬦ᭄᭞ᬭᬾᬭᬤ᭄‌ᬭᬾᬭᭀᬤ᭄‌ᬭᬶᬂᬳᬯᬦ᭄᭞ᬳᬸᬫ᭄ᬬᬂᬲᬺᬕᬮᬫᬗᬮᬸᬧ᭄᭞ᬘᬶᬗ᭄ᬕ᭄ᬭᬕ ᬢᬾᬫᬗᬸᬫ᭄ᬩᬂ᭟᭐᭟ᬧᬸᬧᬸᬄᬓᬸᬫᬫ᭄ᬩᬂ᭚ᬫᬵᬲ᭄ᬓᬸᬫᬫ᭄ᬩᬂᬲᭂᬤᬶᬄᬓᬗᭂᬦ᭄ᬲᬂᬗᬦ᭄ᬢᭂᬦᬶᬦ᭄᭞ᬧᬗ᭄ᬓᬄᬜᬭᬶᬢ᭄ᬣᬬᬂ᭞ᬳᬗ᭄ᬕᬾᬦ᭄ᬢᬸᬢᬸᬭᬦ᭄ᬓᬳᬸᬭᬶ᭞ᬭᬸᬲᬓᬾᬭᬶᬂᬧᬦᬵᬕᬭᬦ᭄᭟ᬓᬵᬮᬦᬸᬚᬸ

Auto-transliteration

[ 11 11B] 11 . wentĕnakasidmĕnngraris, jñĕkditukahubadang, nedahatsangkālar̥ĕko, wentĕnkaninbonglor̀koplar̀, mangrariskadenpasar̀, sajawinbañcana iku, samingr̥ĕr̥ĕpengungśyan. kaluntaluntalumaris, halitcĕrikmangrentengan, ñambilangdandanmangandong, wentĕnmrepenglenmañingal, hadacrikkasa ngśara, sĕdiḥhelingdewek'hubuḥ, bapebungalahinpĕjaḥ. bĕngongpacanghatikingking, sambilmangusapyeḥtinghal, patisamburatlampahe, ngutunginto tospangungṣyan, wentĕnmangaliḥbalungbang, hadamañujar̀kaklungkung, waneḥmangaliḥtabanan. tlasibayegmangungsi, lwaḥtukadcaritthayang, jambatjambatane [ 12 12A] r̥ĕko, tlassāmpunkahañudang, carikcarikmwangtĕgal, hasingtampĕkmaringpaluḥ, huwuggubar̀kahurugan. bĕndungbĕndunganesami, sāmpunkatabuganlahar̀ tanparwadtikanangwr̥ĕkṣa, wiwingklapatanpahĕwwaḥ, woḥwohankapadasan, twarahadangĕnaḥkatut, kapucilanñanehahas. kalisangharanĕkahi n, nāgararūgmagliyuran, munigangnilānggalon, tikuseyutayutayan, reradrerodringhawan, humyangsr̥ĕgalamangalup, cinggraga temangumbang. 0. pupuḥkumambang // māskumambangsĕdiḥkangĕnsangngantĕnin, pangkaḥñaritthayang, hanggentuturankahuri, rusakeringpanāgaran. kālanuju

Leaf 12

Image on Archive.org

[ ᭑᭒ 12B] ᭑᭒᭞ ᬤᬶᬦᬦᬾᬯ᭄ᬭᬲ᭄ᬧᬢᬶᬫᬦᬶᬲ᭄᭞ᬉᬓᬸᬦᬶᬂᬤᬸᬗ᭄ᬕᬸᬮᬦ᭄᭞ᬧᬗ᭄ᬮᭀᬂᬧᬶᬂᬲᭀᬮᬲ᭄ᬦᭂᬫᭀᬦᬶᬦ᭄᭞ᬲᬚ᭄ᬭᭀᬦᬶᬂᬰᬰᬶᬄᬓᬲᬗ᭄ᬳ᭞ᬇᬦ᭄ᬤᭀᬦᬾᬲ᭄ᬬᬓᬳᬸᬗ᭄ᬕ᭄ᬯᬂᬫᬓᬧᬗᬾᬮᬶᬂ᭞ᬬᬦᬶᬂᬢᬢ ᬗ᭄ᬕᬮᬦ᭄᭞ᬤ᭄ᬯᬧᬸᬮᬸᬄᬲᬢᬸᬗᭂᬦᬳᬶᬦ᭄᭞ᬩᬸᬮᬦ᭄ᬫᬋᬢ᭄ᬩᬸᬚᬫ᭄ᬢᬶᬕ᭟ᬤᬯᬸᬄᬳ᭄ᬦᭂᬫ᭄ᬓᬤᬶᬭᬶᬂᬧᬸᬮᬶᬦᬵᬩᬮᬶ᭞ᬢᬢ᭄ᬓᬵᬮᬭᬢᬶᬦᬵ᭞ᬕᬸᬦ᭄ᬢᬸᬭᬾᬫᬮᬶᬄᬯ᭄ᬭᬯᬸᬳᬶᬦ᭄᭞ᬮᬩᬸᬄᬭᬶᬂᬤᬾᬰᬲᬸᬩ ᬕᬦ᭄᭟ᬓᬭᬂᬲᭀᬓᭀᬂᬧᬸᬦᬶᬓᬵᬕᬫᬫᬸᬲ᭄ᬮᬶᬫᬶᬦ᭄᭞ᬲ᭄ᬤᭂᬓ᭄ᬫᬭᬶᬂᬮᬗ᭄ᬢᬃ᭞ᬳ᭄ᬮᬸᬄᬫ᭄ᬯᬦᬶᬘ᭄ᬭᬶᬓ᭄ᬓᭂᬮᬶᬄ᭞ᬳᬾᬩᭂᬓ᭄ᬲᭂᬲᭂᬓ᭄ᬫᬤᬸᬕ᭄ᬤᬸᬕᬦ᭄᭟ᬯᬾᬦ᭄ᬢᭂᬦ᭄ᬫᭂᬦᬾᬓ᭄ᬓᬮᭀᬢᬾᬂᬮᬗ᭄ᬕᬭᬾᬗᬶᬗ᭄ᬕᬶᬮ᭄ ᭞ᬢ᭄ᬯᬦ᭄ᬳᬚᬶᬧᬫᭂᬓᬲ᭄᭞ᬩᬳᬸᬫᬭᬫᬗᬲ᭄ᬢᬶᬢᬶ᭞ᬮᬳᬭᬾᬭᬯᬸᬄᬗᬸᬩᬸᬭᬂ᭟ᬫᬳᬸᬭᬳᬦ᭄ᬢᬗᬶᬲ᭄ᬳᭂᬮᬶᬗᬾᬧᬚ᭄ᬭᬶᬢ᭄᭞ᬦᬸᬤᬶᬚ᭄ᬭᭀᬦᬶᬂᬮᬗ᭄ᬕᬃ᭞ᬧᬤᬫᬢᬶᬫᬗ᭄ᬫᬲᬶᬦ᭄᭞ᬫᬗᬶᬭᬶᬂᬩ [ ᭑᭓ 13A] ᬮᬩᬸᬃᬮᬳᬃ᭟ᬓᬭᬂᬲᭀᬓᭀᬂᬳᬸᬫᬄᬳᬸᬫᬄᬤᬳᬸᬭᬸᬕᬶᬦ᭄᭞ᬮᬶᬬᬸᬓᬳᬜᬸᬤᬂ᭞ᬩᬭᬂᬩᬭᬂᬲᬦᬾᬩ᭄ᬘᬶᬓ᭄᭞ᬲᬫ᭄ᬩᭂᬄᬩᬸᬬᬃᬫᬦᬾᬘᬾᬕᬦ᭄᭟ᬭᬶᬂᬲᬸᬩᬕᬦ᭄ᬕᭂᬤᭀᬂᬕᭂᬤᭀᬂᬓ ᬳᭂᬫ᭄ᬩᬳᬶᬦ᭄᭞ᬲᬓᬜ᭄ᬘᬦᬶᬂᬳᬸᬩ᭄ᬯᬦ᭄᭞ᬮᬶᬬᬸᬫᬢᬶᬧᬳᬶᬸᬕᬸᬮᬶᬮᬶᬂ᭞ᬢᬓᬾᬄᬰᬯᬦᬾᬓᬵᬜᬸᬤᬂ᭟ᬳᬗ᭄ᬳᬶᬂᬮᬸᬧᬸᬢ᭄ᬕᬫᬢᬶᬃᬢ᭄ᬣᬦᬾᬢᬦ᭄ᬓᭂᬦᬶ᭞ᬫᬫᬦᬾᬦᬶᬦ᭄ᬩᬸᬤᬮ᭄᭞ᬗᬮᬶᬄᬢᭀ ᬗᭀᬲ᭄ᬧᬢᬸᬢ᭄ᬳᬸᬗ᭄ᬰᬶ᭞ᬤᬾᬦᬶᬂᬳᬚ᭄ᬭᬶᬄᬓᬳᬦ᭄ᬢᬵᬓ᭟ᬋᬤ᭄ᬤᬂᬓᬾᬮᭀᬃᬧᬰ᭄ᬭᬫᬦᬾᬢ᭄ᬯᬭᬓᬭᬶ᭞ᬢᭀᬓᭀᬫᬩ᭄ᬮᬕᬸᬭᬦ᭄᭞ᬫᬶᬸᬩᬢᬸᬮᬳᬃᬫᬜᬶᬮᬸᬭᬶᬦ᭄᭞ᬓᬤᬶᬫᬗᬺᬋᬱᬂᬘᬶᬢ᭄ᬣ᭟ᬳᬶ ᬩᬸᬓ᭄‌ᬲᭂᬤᬶᬄ᭞ᬧᬫ᭄ᬭᬶᬦ᭄ᬢᬳᬾᬫᬗ᭄ᬭᬯᭀᬲᬶᬦ᭄᭞ᬧᭀᬮᬶᬲᬶᬫ᭄ᬯᬂᬢᭂᬦ᭄ᬢ᭄ᬭ᭞ᬗᬸᬩᬸᬭᬂᬫᬬᬶᬢᬾᬲᬫᬶ᭞ᬲᬦᬾᬓᬓ᭄ᬦᬶᬬᬂᬚᬯᭂ᭟ᬢᬍᬃᬳᬓᬾᬄᬫᬬᬶᬢᬾᬲᬦᬾᬫᬗ᭄ᬭᬭᬶᬲ᭄᭞ᬳ

Auto-transliteration

[ 12 12B] 12 dinanewraspatimanis, ukuningdunggulan, panglongpingsolasnĕmonin, sajroningśaśiḥkasangha, indonesyakahunggwangmakapangeling, yaningtata nggalan, dwapuluḥsatungĕnahin, bulanmar̥ĕtbujamtiga. dawuḥhnĕmkadiringpulinābali, tatkālaratinā, gunturemaliḥwrawuhin, labuḥringdeśasuba gan. karangsokongpunikāgamamuslimin, sdĕkmaringlangtar̀, hluḥmwanicrikkĕliḥ, hebĕksĕsĕkmadugdugan. wentĕnmĕnekkalotenglanggarenginggil , twanhajipamĕkas, bahumaramangastiti, laharerawuḥnguburang. mahurahantangishĕlingepajrit, nudijroninglanggar̀, padamatimangmasin, mangiringba [ 13 13A] labur̀lahar̀. karangsokonghumaḥhumaḥdahurugin, liyukahañudang, barangbarangsanebcik, sambĕḥbuyar̀manecegan. ringsubagan'gĕdonggĕdongka hĕmbahin, sakañcaninghubwan, liyumatipah̶guliling, takeḥśawanekāñudang. hanghingluputgamatir̀tthanetankĕni, mamaneninbudal, ngaliḥto ngospatut'hungśi, deninghajriḥkahantāka. r̥ĕddangkelor̀paśramanetwarakari, tokomablaguran, m̶batulahar̀mañilurin, kadimangr̥ĕr̥ĕṣangcittha. hi buksĕdiḥ, pamrintahemangrawosin, polisimwangtĕntra, nguburangmayitesami, sanekakniyangjawĕ. tal̥ĕr̀hakeḥmayitesanemangraris, ha

Leaf 13

Image on Archive.org

[ ᭑᭓ 13B] ᭑᭓᭞ ᬜᬸᬤ᭄ᬓᬲᬫᬸᬤ᭄ᬭ᭞ᬧᬕᬸᬮᬶᬦ᭄ᬢᬶᬓ᭄ᬤᬶᬧᬲᬶᬲᬶ᭞ᬳᬗ᭄ᬕᬾᬦ᭄ᬲᬢ᭄ᬯᬓᬳᬸᬗ᭄ᬓᬸᬭᬦ᭄᭟ᬧᬗ᭄ᬓᬸᬃᬭᬢᬸᬳᬗ᭄ᬕᬾᬦ᭄ᬢᬶᬢ᭄ᬬᬂ᭞ᬜᬮᬶᬫᬸᬭᬂᬳᬶᬥᭂᬧᬾᬳᬶᬗᬸᬄᬲᬳᬶ᭞ᬳᬶᬗᭂᬢ᭄ᬢᭂᬓᬾᬦ᭄ᬳᬵᬯᬓ᭄ᬮᬘᬸᬃ᭞ᬫ ᬦᭀᬗᭀᬲ᭄ᬤᬶᬧᬗ᭄ᬰ᭄ᬬᬤ᭄᭞ᬫᬗᭂᬦᭂᬳᬶᬦ᭄ᬧᬘᬂᬓᬧᭂᬕᬢᬦ᭄ᬲᬗᬹ᭞ᬢᭀᬓ᭄ᬭᬡᬫᬗᬸᬋᬤ᭄ᬚᬶᬯ᭄ᬯ᭞ᬲᬗ᭄ᬰᬭᬓᬢ᭄ᬓᬦ᭄ᬓᬮᬶ᭟ᬢᬦ᭄ᬧᬾᬦ᭄ᬤᬄᬳᬶᬓᬬᬸᬭᬕᬲ᭄᭞ᬗᬕᭂᬫ᭄ᬧᬸᬗ᭄ᬓᬢ᭄‌ᬦᭂ ᬥᭂᬂᬫᬲᭂᬓᬃᬫᬶᬬᬶᬓ᭄᭞ᬳᬶᬩᬸᬦ᭄ᬢᬺᬡᬲᬫᬶᬮᬬᬸ᭞ᬲᭂᬤᬶᬄᬬᬓᬧᬤᬲᬦ᭄᭞ᬗᬢᬶᬳᬳᬯᬸᬄᬭᬶᬂᬫᬰᬾᬂᬓᬘᬢᬸᬃ᭞ᬲᬫᬗ᭄ᬤᬢᬸᬦ᭄ᬢᬸᬮᬲ᭄ᬳᬳᬲ᭄᭞ᬫᬫᬗ᭄ᬕᬸᬄᬚᬕᬢᬾᬩᭂᬘᬶᬓ᭄᭟ ᬘᭂᬢ᭄ᬢᬾᬂᬦᬶᬢᬶᬦᬶᬂᬧᬫ᭄ᬭᬶᬦ᭄ᬢᬄ᭞ᬧᬓ᭄ᬧ᭄ᬭᬲᬶᬤᬾᬦ᭄‌ᬯᬶᬤᬕ᭄ᬤᬵᬫᬗ᭄ᬮᬸᬲ᭄‌ᬩᬸᬫᬶ᭞ᬮ᭄ᬯᬶᬃᬫᬾᬖᬫᬗᭂᬫᬚᬯᬸᬄ᭞ᬗᬯᭂᬢ᭄ᬯ᭄ᬗ᭄ᬳᬸᬤᬦ᭄ᬭᬳᬢ᭄‌᭞ᬫᬦᬶᬩᬾᬦᬶᬦ᭄ᬧᬦᭂᬥᭂᬂᬫᬰᬾᬂᬓᬘᬢᬸᬃ᭞ [ ᭑᭔ 14A] ᬢᬦ᭄ᬤᬸᬫᬤᬾᬓᬩ᭄ᬮᬩᬸᬭᬦ᭄᭞ᬚᬕᬸᬂᬩ᭄ᬭᬲ᭄ᬓᬳᭂᬫ᭄ᬩᬳᬶᬦ᭄᭟ᬬᬦ᭄ᬳᬓᬸᬤᬂᬓᬸᬤᬂᬓᬨᬮ᭞ᬩ᭄ᬭᬲ᭄ᬚᬕᬸᬂᬓᬮᬯᬵᬦ᭄ᬓᬳᬶᬦ᭄ᬓᬳᬶᬦ᭄᭞ᬲᬸᬫ᭄ᬩᬗᬦ᭄ᬮᬶᬦ᭄ᬢᬂᬦᬵᬕᬦ᭄ᬢᬸᬦ᭄᭞ᬓᬯᬱ᭄ᬝᬦᬶᬦ᭄ᬚᬫᬶᬦᬦ᭄᭞ᬕ᭄ᬭᬂ ᬢᬲᬶᬓ᭄‌ᬩᬲᬩᬲᬫᬶᬯᬄᬲᬩᬸᬦ᭄᭞ᬫ᭄ᬯᬂᬲᬸᬲᬸᬩ᭄ᬮᬾᬓ᭄‌ᬩ᭄ᬮᬾᬓᬦ᭄᭞ᬍᬗᬶᬲ᭄‌ᬜᬸᬄᬓᬮᬯᬦ᭄ᬧᬶᬧᬶᬲ᭄᭟ᬗᬢᬶᬓ᭄‌‌ᬯᬢᬭᬳᬓᬨᬮ᭄᭞ᬓᬢᬶᬯᬓᬂᬭᬶᬂᬲᬂᬧᬭᬧᬗᬸᬗ᭄ᬰᬶ᭞ᬳ ᬗᬶᬂᬧᬗᬸᬗ᭄ᬲᬶᬦᬾᬤᬸᬫᬸᬦ᭄᭞ᬳᭀᬮᬶᬄᬲᬫᬶᬳᬍᬫ᭄ᬩᬃ᭞ᬯᬶᬦᬾᬄᬫᬮᬶᬄᬩᭂᬭᬲ᭄ᬚᬕᬸᬂᬫᬶᬯᬄᬲᬸᬲᬸ᭞ᬲᬭᬯᬸᬳᬶᬂᬩᬲᬩᬲᬵ᭞ᬜᬗ᭄ᬭᬦ᭄ᬤᬶᬦᬵᬓᬳᭂᬤᬸᬫᬶᬦ᭄᭟ᬓᬕᬾᬢ᭄ᬓᬘᬘᬭᬶᬦ᭄ᬕ᭄ᬭᬂ᭞ ᬍᬗᬶᬲ᭄‌ᬳᭂᬩᬸᬄᬲᬩᬸᬦ᭄ᬓᬮᬯᬦ᭄ᬧᬶᬧᬶᬲ᭄᭞ᬮ᭄ᬕᬵᬮᬾᬤᬂᬇᬥᭂᬧ᭄ᬓᬬᬸᬦ᭄᭞ᬭᬓ᭄ᬬᬢᬾᬭᬶᬂᬧᬗᬸᬗ᭄ᬰ᭄ᬬᬦ᭄᭞ᬓᬳᬸᬤᬦᬶᬦ᭄ᬳᬦ᭄ᬢᬸᬓ᭄‌ᬢᬶᬃᬢ᭄ᬣᬓᬫᬦ᭄ᬤᬮᬸ᭞ᬧᬳᬶᬘᬦᬾᬮ᭄ᬯᬶᬄᬉᬢ᭄ᬢ

Auto-transliteration

[ 13 13B] 13 ñudkasamudra, pagulintikdipasisi, hanggensatwakahungkuran. pangkur̀ratuhanggentityang, ñalimuranghidhĕpehinguḥsahi, hingĕttĕkenhāwaklacur̀, ma nongosdipangśyad, mangĕnĕhinpacangkapĕgatansangū, tokraṇamangur̥ĕdjiwwa, sangśarakatkankali. tanpendaḥhikayuragas, ngagĕmpungkatnĕ dhĕngmasĕkar̀miyik, hibuntr̥ĕṇasamilayu, sĕdiḥyakapadasan, ngatihahawuḥringmaśengkacatur̀, samangdatuntulashahas, mamangguḥjagatebĕcik. cĕttengnitiningpamrintaḥ, pakprasidenwidagdāmanglusbumi, lwir̀meghamangĕmajawuḥ, ngawĕtwnghudanrahat, manibeninpanĕdhĕngmaśengkacatur̀, [ 14 14A] tandumadekablaburan, jagungbraskahĕmbahin. yanhakudangkudangkaphala, brasjagungkalawānkahinkahin, sumbanganlintangnāgantun, kawaṣṭaninjaminan, grang tasikbasabasamiwaḥsabun, mwangsusublekblekan, l̥ĕngisñuḥkalawanpipis. ngatikwatarahakaphal, katiwakangringsangparapangungśi, ha ngingpangungsinedumun, holiḥsamihal̥ĕmbar̀, wineḥmaliḥbĕrasjagungmiwaḥsusu, sarawuhingbasabasā, ñangrandinākahĕdumin. kagetkacacarin'grang, l̥ĕngishĕbuḥsabunkalawanpipis, lgāledangidhĕpkayun, rakyateringpangungśyan, kahudaninhantuktir̀tthakamandalu, pahicanelwiḥutta

Leaf 14

Image on Archive.org

Leaf 15

Image on Archive.org

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org