Difference between revisions of "agastya-parwa"
This page has been accessed 18,393 times.
(→Leaf 11) |
(→Leaf 12) |
||
| Line 392: | Line 392: | ||
<transcription> | <transcription> | ||
| + | ᭑᭒᭞ | ||
| + | ᬢᬮᬯᬲ᭄ᬦᬶᬓᬵ᭞ᬫᬓᬓᬮᬓᬵᬃᬯ᭄ᬯᬶᬮᬂᬦᬶᬂᬭᬫ᭄ᬩᬸᬢ᭄ᬦ᭄ᬬ᭞ᬢ᭄ᬮᬲ᭄ᬦᬶᬂᬲᬫᬗ᭄ᬓᬦᬵ᭞ᬯᬶᬦᬾᬄᬢᬬᬫᬂᬚᬦ᭄ᬫᬵ᭞ᬢ᭄ᬓᬧ᭄ᬩᬝᬭᬤᬃᬫ᭄ᬫᬵ᭞ᬗᬭᬦᬶᬭᬵ᭞ᬦᬪᬝᬭᬬᬫ᭄ᬫᬵ᭞ᬲᬂᬓᬸᬫᬬᬢ᭄ᬦᬓᭂᬦ᭄ᬲᬸᬪᬲᬸᬪᬧ᭄ᬭᬯᬺᬢ᭄ᬢᬶᬦᬶᬓᬂᬲᬂᬓᬵᬮᬵᬚᬦᬓ᭄ᬭᬫᬜ᭞ᬇᬮᬵᬢᬢᬦ᭄ᬲᬧᬶᬭᬵᬧᬧ | ||
| + | ᬦ᭄ᬬ᭞ᬬᬫᬢ᭄ᬫᬳᬦ᭄ᬧᬶᬯᬶᬮᬶᬓᬵ᭞ᬲᬮ᭄ᬯᬶᬃᬦᬶᬂᬲᬢ᭄ᬯᬵᬓᬶᬦᬾᬮᬶᬓᬦ᭄ᬤᬾᬦᬶᬂᬭᬢ᭄᭞ᬓᬸᬦᬂᬦᬶᬓᬂᬫᬭᬶᬂᬰ᭄ᬯᬃᬕ᭄ᬕᬵ᭞ᬫᬂᬚᬦ᭄ᬫᬵᬫᬦᬸᬱᬯᬶᬲᬾᬰᬵ᭞ᬫᬗ᭄ᬓᬾᬲᬶᬮᬦᬶᬓᬵᬗᬸᬦᬶ᭛ᬢᬧᭀᬬᬚ᭄ᬜᬵᬰᬸᬭᬵᬫ᭄ᬓᬬ᭄ᬬᬫ᭄᭞ᬅᬓᬭᭀᬢ᭄ᬲᬸᬯᬚᬤ᭄ᬫᬵᬦᬶ᭞ᬅᬳᭀᬢ᭄ᬲ᭄ᬯᬃᬕ᭄ᬕᬳ᭠ | ||
| + | ᬯᬧ᭄ᬦᭀᬢᬶ᭞ᬬᭀᬕᬾᬫᭀᬢ᭄ᬲᬫᬯᬧ᭄ᬦᬸᬬᬧ᭄᭛ᬓᬮᬶᬗᬦ᭄ᬬ᭞ᬢᬶᬗ᭄ᬕᬵᬳᬶᬓᬂᬓᬃᬬ᭄ᬬᬫᬸᬳᬭᬵᬰ᭄ᬯᬃᬖ᭄ᬕᬵ᭞ᬢᬯᬵ᭞ᬬᬚ᭄ᬜ᭞ᬓᬶᬃᬢ᭄ᬢᬶ᭞ᬧᬗᬯ᭄ᬭᬸᬄᬓᬬᬳᬶᬦ᭄ᬤ᭄ᬭᬶᬬᬵᬦᬶᬕ᭄ᬭᬳᬵ᭞ᬓᬯᬶᬲᬓᬶᬢᬦᬶᬂᬲᬶᬭᬶᬭᬵ᭞ᬫ᭄ᬯᬂᬓᬳᬺᬢᬦᬶᬂᬤᬲᬾᬂᬤ᭄ᬭᬶᬬᬵ᭞ᬬᬢᬧᬗᬭᬦ᭄ᬬ᭞ᬬᬚ᭄ᬜᬵ | ||
| + | ᬤᬭᬦ᭄ᬬ᭞ᬅᬕ᭄ᬦᬶᬳᭀᬢ᭄ᬭᬤ᭄ᬤᬶ᭞ᬓᬧᬸᬚᬦ᭄ᬲᬂᬗ᭄ᬳ᭄ᬬᬂᬲᬶᬯᬵᬕ᭄ᬦᬶᬧᬶᬦᬓᬤᬶᬦ᭄ᬬ᭞ᬯᬶᬦᬾᬄᬫᬢ᭄ᬫᬳᬦ᭄ᬭᬸᬲᬳᬵ᭞ᬯᬶᬳᬭᬵ᭞ᬧᬃᬳ᭄ᬬᬗᬦ᭄᭞ᬧᬢᬦᬶ᭞ᬧᬜ᭄ᬘᬸᬭᬦ᭄᭞ᬢ᭄ᬩᬕᬵ᭞ᬇᬢ᭄ᬬᭀᬯᬫᬤᬶ᭞ᬬᬢᬶᬓᬵᬓᬶᬃᬢ᭄ᬯᬶᬗᬭᬦ᭄ᬬ᭞ᬇᬓᬂᬢᬶᬕᬂᬲᬶᬓᬶ᭞ᬬᬾᬓᬵᬫᬧᬮᬵ | ||
| + | </transcription><transliteration></transliteration> | ||
| − | |||
==== Leaf 13 ==== | ==== Leaf 13 ==== | ||
{{EntryImage | {{EntryImage | ||
Revision as of 00:24, 28 October 2019
Description
Bahasa Indonesia
English
Front and Back Covers
Leaf 1
[᭑ 1B]
᭑᭞
᭛᭜᭛ᬒᬁᬅᬯᬶᬖ᭄ᬦᬵᬫᬲ᭄ᬢᬸᬦᬫᬲᬶᬤᬀ᭚᭜᭚ᬚᬕᬢ᭄ᬕᬸᬭᬸᬰᬪᬀᬭᬪᬹᬭᬀᬪᬯᬪᬸᬢᬀᬪᬸᬳᬫ᭄ᬧᬥᬫ᭄᭞ᬪᬯᬫ᭄ᬩᬬᬤᬪᬾᬭᬯᬡᬭᬂ᭞ᬢᬤᬭᬳᬫ᭄ᬩᬭᬯᬀ᭞ᬲᬸᬖᭀᬭᬢᬭᬯᬶᬖ᭄ᬦᬫᬤᬀᬦᬵᬫᬓᬦ᭄ᬤᬦ᭄ᬢᬭᬫ᭄᭞ᬳᬸᬭᬸᬗ᭄ᬕᬸᬭᬸᬢᬭᬇᬦ᭄ᬬᬭᬕ
ᬦᬀᬢᬦ᭄ᬦᬫᬵᬫᬶᬧ᭄ᬭᬪ᭄ᬳᭀ᭛ᬅᬲᬶᬤ᭄ᬥᬢᬲ᭄ᬢ᭄ᬬᬧᬸᬢ᭄ᬭᬲ᭄ᬢᬸ᭞ᬮᭀᬧᬫᬸᬦ᭄ᬭᬵᬲᬫᬸᬤ᭄ᬡᬯᬄ᭞ᬤᬺᬤ᭄ᬤᬲ᭄ᬬᬸᬤᬵᬫᬾᬤᬫᬢ᭄ᬫᬵ᭞ᬲᬦ᭄ᬢᬦᬾᬢᬸᬭᬦᬶᬦ᭄ᬤᬶᬢᬄ᭛ᬅᬦᬲᬶᬭᬲᬶᬤ᭄ᬤᬧᬡ᭄ᬟᬶᬢ᭄ᬣᬢᬭᬸᬡᬵ᭞ᬲᬂᬤᬺᬤ᭄ᬤᬲ᭄ᬬᬸᬗᬭᬦᬶᬭᬵ᭞ᬅᬦᬓ᭄ᬪᬕᬯᬦ᭄ᬦᬕᬲ᭄ᬢ᭄ᬬ᭞ᬗ
ᬭᬦᬶᬭᬵ᭞ᬯᬶᬦ᭄ᬥ᭄ᬬᬯᬮᬓᬸᬝᬵᬪᬕᬗ᭄ᬕᬸᬧ᭄ᬭᬩᬯ᭞ᬲᬂᬢᬸᬫᬳᬧ᭄ᬅᬕ᭄ᬭᬦᬶᬂᬯᬶᬦ᭄ᬥ᭄ᬬᬵᬯᬃᬯ᭄ᬯᬢ᭞ᬲᬫ᭄ᬓᬤᬭᬶᬤᬾᬦ᭄ᬬᬦᬳ᭄ᬬᬸᬦ᭄ᬢᬸᬫᬸᬦ᭄ᬢᭀᬤᬮᬦ᭄ᬲᬂᬳ᭄ᬬᬂᬳᬤᬶᬢ᭄ᬬᬵ᭞ᬬᬯᬤᬶᬧᬾᬓᬬᭀᬕᬶᬰ᭄ᬯᬭᬵ᭞ᬲᬂᬧᬶᬦᬓᬤᬶᬤᬾᬯ᭞ᬫᬓᬓ᭄ᬱ᭄ᬬᬾᬢ᭄ᬭᬬᬯᬤ᭄ᬯᬶᬧᬵᬫ
ᬦ᭄ᬤᬮ᭞ᬲᬶᬭᬢᬫᬓᬢ᭄ᬯᬵᬦᬓ᭄ᬦᬶᬭᬫᬓᬾᬩᬸᬪᬕᬯᬢᬶᬮᭀᬧᬫᬸᬤ᭄ᬭᬵ᭞ᬲᬶᬭᬢᬫᬢᬓ᭄ᬯᬦᬶᬂᬲᬶᬭᬬᬬᬄ᭞ᬪᬕᬯᬦᬕᬱ᭄ᬢ᭄ᬬᬵᬭᬶᬫᬸᬮᬦᬶᬪᬹᬃᬩ᭄ᬯᬄᬰ᭄ᬯᬄᬫᭂᬳᬂᬳᬦ᭄ᬢᬦᬶᬂᬩ᭄ᬭᬳ᭄ᬫᬡ᭄ᬟᬢ᭄ᬓᭂᬂᬤᬾᬯᬢᬦ᭄ᬬ᭞ᬮᬶᬂᬦᬶᬭ᭛ᬯᬸᬪᬸᬃᬯ᭄ᬯᬄᬰ᭄ᬯᬄᬓᬢᬫᬸᬮᬫ᭄᭞
[᭒ 2A]
ᬩ᭄ᬭᬳ᭄ᬫᬡ᭄ᬟᬰ᭄ᬬᬯᬤᬓᬭᬦᬀ᭞ᬲᬗ᭄ᬱᬬᬜ᭄ᬘᬾᬯᬦᬵᬢᬫᬾ᭞ᬧ᭄ᬭᬲᬶᬤᬵᬪᬯ᭄ᬯᬦ᭄ᬯᬤ᭛ᬲᬚ᭄ᬜᬵᬳ᭄ᬬᬂᬫᬫᬶ᭞ᬓᬲᬶᬳᬦᬵᬭᬦᬓ᭄ᬳ᭄ᬬᬂᬫᬫᬶ᭞ᬯᬭᬢᭂᬦ᭄ᬭᬶᬂᬫᬸᬮᬦᬶᬂᬪᬹᬯᬡᬵ᭞ᬫ᭄ᬯᬂᬢᬶᬗ᭄ᬓᬳ᭄ᬦᬶᬂᬩ᭄ᬭᬳ᭄ᬫᬡ᭄ᬟᬵ᭞ᬗᬸᬦᬶᬯᬾᬄᬲᬗ᭄ᬓᬦ᭄ᬬ᭞ᬬᬫᬢᬦ᭄ᬬᬇᬮᬗᬇᬓᬂᬲᬂᬗ᭄ᬲᬭᬵᬬ
ᬭᬦᬓ᭄ᬩᬝᬭᬵᬫᬉᬯᬘ᭞ᬒᬚᬃᬪᬕᬯᬦ᭄ᬳᬕᬲ᭄ᬢ᭄ᬬ᭞ᬮᬶᬂᬦᬶᬭ᭛ᬘᬢᬸᬃᬪᬸᬢᬾᬫᬦᬰᬾᬱᬵ᭞ᬓᬕ᭄ᬦᬶᬤᬳᬦᬢ᭄ᬧᬸᬭᬵ᭞ᬓᬭᬢ᭄ᬭᬶᬪᭀᬤᬶᬯᬲᬸᬃᬬ᭄ᬬ᭞ᬦᬘᬦ᭄ᬤ᭄ᬭᬵᬦᬯᬢᬭᬢᬄ᭛ᬭᬶᬲ᭄ᬤᬂᬦ᭄ᬬᬦ᭄ᬢ᭄ᬓᬂᬫᬳᬧ᭄ᬭᬮᬬᬵ᭞ᬇᬮᬂᬮᬶᬓᬂᬘᬢᬸᬃᬪᬹᬝ᭞ᬢ᭄ᬓᬾᬂᬪᬹᬃᬩ᭄ᬯᬄ
ᬰ᭄ᬯᬄ᭞ᬗᬸᬦᬶᬯᬾᬄᬢᬂᬲᬧ᭄ᬢᬵᬧᬢᬮᬵ᭞ᬪᬲ᭄ᬫᬶᬪᬹᬝᬢ᭄ᬓᬾᬂᬤᬾᬯᬢᬦ᭄ᬬ᭞ᬤᬾᬯᬓᬂᬓᬮᬵᬕ᭄ᬦᬶᬭᬸᬤᬻ᭞ᬩ᭄ᬭᬳ᭄ᬫᬵ᭞ᬯᬶᬱ᭄ᬡᬸᬵ᭞ᬲᬸᬃᬬ᭄ᬬᬘᬡ᭄ᬤ᭄ᬭᬵᬦᬓ᭄ᬱᬢ᭄ᬭᬕᬡᬵ᭞ᬓᬧ᭄ᬯᬮᬶᬡᬲᬶᬭᬓᬩᬾᬄ᭞ᬰᬸᬦ᭄ᬬᬓᬂᬓᬮᬵ᭞ᬗᬸᬮᬸᬯᬸᬂᬇᬓᬂᬭᬢ᭄᭞ᬅᬗᬶᬂᬪᬝᬭᬲᬤᬲᬶᬯ᭄ᬯᬵ
ᬲᬶᬭᬳᬦᬵ᭞ᬲᬂᬦᬶᬭᬢ᭄ᬫᬓᬵᬰ᭄ᬯᬪᬯᬵ᭞ᬲᬂᬮᬸᬯᬸᬢ᭄ᬭᬶᬂᬲᬓᬮᬵᬦᬶᬲ᭄ᬓᬮᬵᬲᬶᬭᬪᬝᬭᬲᬃᬯ᭄ᬯᬗᬭᬦᬶᬭᬵ᭞ᬫᬳ᭄ᬬᬸᬦ᭄ᬧ᭄ᬯᬲᬶᬭᬵᬫᬕᬯᬬᬰ᭄ᬭᬱ᭄ᬝᬶ᭞ᬋᬧ᭄ᬫᬶᬚᬶᬮ᭄ᬢᬂᬘᬢᬸᬃᬪᬹᬝ᭞ᬓ᭄ᬭᬫᬦ᭄ᬬ᭛ᬅᬓᬰᬵᬩᬱᬫᬸᬢ᭄ᬧ᭄ᬦᬄ᭞ᬅᬧ᭄ᬬᬧᬰ᭄ᬭᬸᬢᬸᬢᬶᬬᬢᬾ᭞ᬘᬢᬸᬃ
Auto-transliteration
[1 1B]
1
/// • /// oṁawighnāmastunamasidaṃ // • // jagatguruśabhaṃrabhūraṃbhawabhutaṃbhuhampadham, bhawambayadabherawaṇarang, tadarahambarawaṃ, sughoratarawighnamadaṃnāmakandantaram, hurunggurutara'inyaraga
naṃtannamāmiprabhho /// asiddhatastyaputrastu, lopamunrāsamudṇawaḥ, dr̥ĕddasyudāmedamatmā, santaneturaninditaḥ /// anasirasiddapaṇḍitthataruṇā, sangdr̥ĕddasyungaranirā, anakbhagawannagastya, nga
ranirā, windhyawalakuṭābhagangguprabawa, sangtumahapagraningwindhyāwar̀wwata, samkadaridenyanahyuntumuntodalansanghyanghadityā, yawadipekayogiśwarā, sangpinakadidewa, makakṣyetrayawadwipāma
ndala, siratamakatwānakniramakebubhagawatilopamudrā, siratamatakwaningsirayayaḥ, bhagawanagaṣtyārimulanibhūr̀bwaḥśwaḥmĕhanghantaningbrahmaṇḍatkĕngdewatanya, lingnira /// wubhur̀wwaḥśwaḥkatamulam,
[2 2A]
brahmaṇḍaśyawadakaranaṃ, sangṣayañcewanātame, prasidābhawwanwada /// sajñāhyangmami, kasihanāranak'hyangmami, waratĕnringmulaningbhūwaṇā, mwangtingkahningbrahmaṇḍā, nguniweḥsangkanya, yamatanya'ilanga'ikangsangngsarāya
ranakbaṭarāma'uwaca, aujar̀bhagawanhagastya, lingnira /// catur̀bhutemanaśesyā, kagnidahanatpurā, karatribhodiwasur̀yya, nacandrānawatarataḥ /// risdangnyantkangmahapralayā, ilanglikangcatur̀bhūṭa, tkengbhūr̀bwaḥ
śwaḥ, nguniweḥtangsaptāpatalā, bhasmibhūṭatkengdewatanya, dewakangkalāgnirudr̥ö, brahmā, wiṣṇuā, sur̀yyacaṇdrānakṣatragaṇā, kapwaliṇasirakabeḥ, śunyakangkalā, nguluwungikangrat, angingbhaṭarasadasiwwā
sirahanā, sangniratmakāśwabhawā, sangluwutringsakalāniskalāsirabhaṭarasar̀wwangaranirā, mahyunpwasirāmagawayaśraṣṭi, r̥ĕpmijiltangcatur̀bhūṭa, kramanya /// akaśābaṣamutpnaḥ, apyapaśrututiyate, catur̀Leaf 2
[᭒ 2B]
᭒᭞
ᬢᬾᬧ᭄ᬯᬢᬶᬯᬶᬚᬢᬵ᭞ᬪᬹᬢᬢᬾᬚᬰ᭄ᬭᬸᬧᬜ᭄ᬘᬫ᭛ᬳᬓᬰᬵᬢᬫ᭄ᬩᬾᬦᬶᬂᬫ᭄ᬢᬸᬮᬯᬦ᭄ᬩᬬᬸ᭞ᬢᬸᬫᬸᬢᬂᬧ᭄ᬭᬢᬶᬯᬶ᭞ᬮᬯᬦ᭄ᬢᬾᬚᬵ᭞ᬭᬶᬢᬯᬸᬘ᭄ᬦᬶᬓᬵ᭞ᬅᬡ᭄ᬟ᭄ᬭᬓᬭᭀᬢᬶ᭞ᬅᬕᬯᬾᬢᬲᬶᬭᬳᬡ᭄ᬟ᭄᭞ᬫᬶᬚᬶᬮ᭄ᬢᬲᬶᬭᬵᬪᬝᬭᬩ᭄ᬭᬳ᭄ᬫᬵᬯᬶᬱ᭄ᬡᬸᬵ᭞ᬢ᭄ᬓᬲ
ᬦ᭄᭞ᬤᬾᬦᬶᬂᬬᭀᬖ᭄ᬕᬦᬶᬭᬵ᭞ᬫᬬᭀᬖ᭄ᬕᬵᬪᬝᬭᬩ᭄ᬭᬳ᭄ᬫᬵ᭞ᬫᬶᬚᬶᬮ᭄ᬢᬂᬧ᭄ᬭᬚᬵᬧᬢᬶ᭞ᬫ᭄ᬯᬂᬲᬂᬲᬦᬓᬵ᭞ᬲᬂᬦᬦ᭄ᬤᬦ᭞ᬲᬂᬦᬓᬸᬫᬭᬩ᭄ᬬᬱᬵ᭞ᬢᬸᬫᬸᬢᬲᬂᬩ᭄ᬭᬳ᭄ᬫᬱᬶ᭞ᬲᬂᬫᬦᬸᬧᬶᬢᬺᬕᬡ᭞ᬫᬗ᭄ᬓᬦᬵᬓ᭄ᬯᬾᬕ᭄ᬦᬶᬂᬰ᭄ᬭᬱ᭄ᬝᬶᬪᬝᬭᬩ᭄ᬭᬳ᭄ᬫᬵ᭛ᬉᬯᬯᬘᬵ᭞ᬫᬢ᭠
ᬓ᭄ᬯᬦ᭄ᬢᬲᬂᬤᬺᬤᬰ᭄ᬬᬸᬫ᭄ᬯᬄᬮᬶᬂᬦᬶᬭᬵ᭛ᬩ᭄ᬯᬳ᭄ᬫᬃᬱᬶᬦᬫ᭄ᬓᬫᬃᬕ᭄ᬕᬫ᭄᭞ᬉᬤ᭄ᬩᬢᬦᬜ᭄ᬘᬢᬸᬃᬫᬸᬓ᭛ᬦ᭄ᬤᬶᬓᬭᬶᬳᬯᬦᬶᬓᬵᬲᬂᬩ᭄ᬭᬳ᭄ᬫᬃᬱᬶᬦ᭄᭞ᬫᬶᬚᬶᬮ᭄ᬲᬓᬾᬂᬪᬝᬭᬵᬩ᭄ᬭᬳ᭄ᬫᬵ᭞᭛ᬉᬯᬘ᭞ᬲᬸᬫᬯᬸᬃᬪᬝᬭᬳᬕᬲ᭄ᬢ᭄ᬬ᭞ᬮᬶᬂᬦᬶᬭᬵ᭛ᬢᬢᬄᬧᬶᬢᬵᬫᬳᬵ
ᬧ᭄ᬭᬱ᭄ᬝᬶ᭞ᬩ᭄ᬭᬳ᭄ᬫᬃᬲᬶᬦ᭄ᬮᭀᬓᭀᬧᬡ᭄ᬟᬶᬢᬄ᭞ᬧ᭄ᬭᬦᬢ᭄ᬤᬓ᭄ᬱ᭄ᬬᬫ᭄ᬧᬸᬫᬸᬢ᭄ᬬᬤ᭄ᬬ᭞ᬓ᭄ᬱᬸᬪ᭄ᬯᬀᬫᬭᬶᬘᬶᬭᬸᬘᬶᬫ᭛ᬓᬮᬶᬗᬜᬦᬓᬸ᭞ᬫᬗ᭄ᬓᬢᬶᬗ᭄ᬓᬄᬦ᭄ᬬ᭞ᬪᬕᬯᬦ᭄ᬤᬓ᭄ᬱ᭄ᬬᬫᬳᬯᬦ᭄ᬧ᭄ᬭᬡᬪᬬᬸ᭞ᬪᬕᬯᬦ᭄ᬫᬭᬶᬘᬶᬫ᭄ᬯᬂᬪᬕᬯᬦ᭄ᬭᬸᬘᬶᬫᬶᬚᬶᬮ᭄ᬲᬓᬾᬂᬫᬝ
[᭓ 3A]
ᬪᬝᬭᬵᬩ᭄ᬭᬳ᭄ᬫᬵ᭛ᬅᬳᭂᬗ᭄ᬓᬭᬲᬫᬸᬤ᭄ᬩᬸᬢᬄ᭞ᬦᬶᬮᬳᭀᬳᬶᬢᬢᬵᬤ᭄ᬯᬶᬢᬄ᭞᭛ᬓᬸᬦᬂᬰ᭄ᬭᬶᬪᬉᬦᬶᬮᬮᭀᬳᬶᬢᬵ᭞ᬫᬶᬚᬶᬮ᭄ᬲᬓᬾᬂᬳᬳᭂᬗ᭄ᬓᬭ᭛ᬳᬺᬤᬬᬜᬸᬪᬺᬕᬸᬢᬢᬄ᭛ᬓᬸᬦᬂᬪᬕᬯᬦ᭄ᬩ᭄ᬭᭂᬕᬸ᭞ᬫᬶᬚᬶᬮ᭄ᬲᬓᬾᬂᬕᬢᬶ᭛ᬰ᭄ᬭᭀᬢᬦᬵ
ᬢ᭄ᬭᬶᬫᬸᬃᬯ᭄ᬯᬵᬢᬢᬾ᭞ᬪᬕᬯᬦᬢ᭄ᬭᬶ᭞ᬫᬶᬚᬶᬮ᭄ᬲᬓᬾᬂᬢᬮᬶᬗᬘᬶᬭᬵ᭛ᬉᬢᬫᬗ᭄ᬕᬵᬲᬫᬸᬤ᭄ᬩᬸᬢᬄ᭞ᬪᬕᬯᬦᬕᬶᬭ᭞ᬫᬶᬚᬶᬮ᭄ᬲᬓᬾᬂᬢᬡ᭄ᬟᬲ᭄ᬦᬶᬭᬵ᭞ᬪᬕᬯᬦ᭄ᬧᬸᬮᬳᬵ᭞ᬫᬶᬚᬶᬮ᭄ᬲᬓᬾᬂᬧ᭄ᬭᬡ᭄ᬦᬦᬬᬸ᭞ᬪᬕᬯᬦ᭄ᬓ᭄ᬭᬢᬸ᭞ᬫᬶᬳᬶᬮ᭄ᬲᬓᬾᬂᬳᬧᬦᬩᬬᬸ
᭞ᬲᬶᬭᬪᬕᬯᬦ᭄ᬯᬲᬶᬱ᭄ᬝᬵ᭞ᬫᬶᬳᬶᬮ᭄ᬲᬓᬾᬂᬱᬫᬦᬩᬬᬸᬲᬶᬭᬵ᭛ᬦᬳᬦ᭄ᬢᬓ᭄ᬭᬫᬦᬶᬭᬲᬂᬩ᭄ᬭᬳ᭄ᬫᬃᬱᬶ᭞ᬫᬶᬚᬶᬮ᭄ᬲᬓᬾᬂᬧᬜ᭄ᬘᬧ᭄ᬭᬦᬪᬝᬭᬩ᭄ᬭᬳ᭄ᬫᬵᬲᬶᬭᬵ᭛ᬲᬂᬩ᭄ᬭᬳ᭄ᬫᬵᬃᬱᬶᬲᬶᬭᬢᬲᬗ᭄ᬓᬦ᭄ᬲᬂᬘᬢᬸᬃᬤᬰᬫᬦᬸ᭞ᬧᬶᬭᬢᬧ᭄ᬭᬢ᭄ᬬᬾᬓᬦᬶᬗᬭᬦ᭄ᬲᬂᬘᬢᬸᬃ
ᬤᬰᬵᬫᬤᬸᬦᬶᬳᬦ᭄᭞᭛ᬲᬂᬰ᭄ᬯᬬᬫ᭄ᬩᬸᬯ᭞ᬲᬂᬲ᭄ᬯᬭᭀᬘᬶᬫᬵ᭞ᬉᬢᬫᬵ᭞ᬢᬯᬰᬵ᭞ᬭᬾᬘᬓᬵ᭞ᬤᬓ᭄ᬧᬸᬫᬵ᭞ᬤᬾᬯᬰ᭄ᬯᬢᬵ᭞ᬲᬯᬃᬡ᭄ᬦ᭞ᬭᭀᬳᬶᬢᬵ᭞ᬯᬶᬲᬗ᭄ᬕᬸᬄ᭞ᬭᭀᬘ᭄ᬬ᭞ᬓᭀᬢ᭄ᬬ᭞ᬲᬫᬗ᭄ᬓᬦᬵᬧ᭄ᬭᬢ᭄ᬬᬾᬓ᭄ᬱᬦᬶᬗᬭᬦ᭄ᬲᬂᬘᬢᬸᬃᬤᬰᬵᬫ᭠
Auto-transliteration
[2 2B]
2
tepwatiwijatā, bhūtatejaśrupañcama /// hakaśātambeningmtulawanbayu, tumutangpratiwi, lawantejā, ritawucnikā, aṇḍrakaroti, agawetasirahaṇḍ, mijiltasirābhaṭarabrahmāwiṣṇuā, tkasa
n, deningyoghganirā, mayoghgābhaṭarabrahmā, mijiltangprajāpati, mwangsangsanakā, sangnandana, sangnakumarabyasyā, tumutasangbrahmasyi, sangmanupitr̥ĕgaṇa, mangkanākwegningśraṣṭibhaṭarabrahmā /// uwawacā, mata‐
kwantasangdr̥ĕdaśyumwaḥlingnirā /// bwahmar̀syinamkamar̀ggam, udbatanañcatur̀muka /// ndikarihawanikāsangbrahmar̀syin, mijilsakengbhaṭarābrahmā, /// uwaca, sumawur̀bhaṭarahagastya, lingnirā /// tataḥpitāmahā
praṣṭi, brahmar̀sinlokopaṇḍitaḥ, pranatdakṣyampumutyadya, ksyubhwaṃmaricirucima /// kalingañanaku, mangkatingkaḥnya, bhagawandakṣyamahawanpraṇabhayu, bhagawanmaricimwangbhagawanrucimijilsakengmaṭa
[3 3A]
bhaṭarābrahmā /// ahĕngkarasamudbutaḥ, nilahohitatādwitaḥ, /// kunangśribha'unilalohitā, mijilsakenghahĕngkara /// hr̥ĕdayañubhr̥ĕgutataḥ /// kunangbhagawanbrĕgu, mijilsakenggati /// śrotanā
trimur̀wwātate, bhagawanatri, mijilsakengtalingacirā /// utamanggāsamudbutaḥ, bhagawanagira, mijilsakengtaṇḍasnirā, bhagawanpulahā, mijilsakengpraṇnanayu, bhagawankratu, mihilsakenghapanabayu
, sirabhagawanwasiṣṭā, mihilsakengṣamanabayusirā /// nahantakramanirasangbrahmar̀syi, mijilsakengpañcapranabhaṭarabrahmāsirā /// sangbrahmār̀syisiratasangkansangcatur̀daśamanu, piratapratyekaningaransangcatur̀
daśāmadunihan, /// sangśwayambuwa, sangswarocimā, utamā, tawaśā, recakā, dakpumā, dewaśwatā, sawar̀ṇna, rohitā, wisangguḥ, rocya, kotya, samangkanāpratyekṣaningaransangcatur̀daśāma‐Leaf 3
[᭓ 3B]
᭓᭞
ᬦᬸᬗ᭄ᬓᬾᬭᬶᬂᬩ᭄ᬭᬳ᭄ᬫᬡ᭄ᬟᭂ᭞ᬓᬸᬦᬂᬫᬦᬸᬫᬗ᭄ᬓᬾ᭞ᬲᬂᬤᬾᬯᬰ᭄ᬯᬢᬵ᭛ᬉᬯᬘ᭞ᬫᬢᬓ᭄ᬯᬦ᭄ᬲᬂᬤᬺᬤᬲ᭄ᬬᬸᬫ᭄ᬯᬄ᭞ᬮᬶᬂᬦᬶᬭᬵ᭛ᬓᬮᬄᬓᬢᬶᬧᬬᬰ᭄ᬘᬾᬯᬄ᭞ᬫᬦᬸᬦᬧᬦᬭᬫ᭄ᬧ᭄ᬭᬢᬶ᭛ᬧᬶᬭᬢᬮᬯᬲᬂᬫᬦᬸᬦ᭄ᬧᬗᬤᭂᬕ᭄᭞ᬲᭀᬯᬂᬲᭀᬯᬂ᭞ᬉᬯᬘ᭞᭠
ᬲᬸᬫᬯᬸᬃᬪᬕᬯᬦᬕᬲ᭄ᬢ᭄ᬬᬵ᭞ᬮᬶᬂᬦᬶᬭᬵ᭛ᬘᬢᬸᬃᬢᬸᬕᬾᬦᬶᬯᬱᬦᬶ᭞ᬫᬦᬸᬦᬵᬫᬾᬓᬲᬧ᭄ᬢᬶᬓᬵ᭞ᬫᬦᬸᬯᬦ᭄ᬢᬵᬭᬫᬶᬢᬶᬦ᭄ᬬᬢᬾ᭞ᬳᬲ᭄ᬬᬬᬾᬦᬲᬤᬲ᭄ᬯᬢᬄ᭛ᬧᬶᬢᬸᬂᬧᬸᬮᬸᬄᬬᬸᬖ᭄ᬕᬵᬍᬯᬶᬄᬢᬸᬗ᭄ᬕᬮ᭄᭞ᬲᬫᬗ᭄ᬓᬦᬵᬮᬯᬲ᭄ᬦᬶᬂᬫᬦᬸᬦ᭄ᬬᬗᬤᭂᬕ᭄ᬲᭀ
ᬯᬂᬲᭀᬯᬂ᭞ᬬᬢᬶᬓᬵᬲᬫᬦ᭄ᬢᬵᬭᬗᬭᬦ᭄ᬬ᭛ᬉᬯᬘᬵ᭞ᬫᬢᬓ᭄ᬯᬦ᭄ᬲᬂᬤᬺᬤᬲ᭄ᬬᬸᬫ᭄ᬯᬄ᭞ᬮᬶᬂᬤᬶᬭᬵ᭛ᬤᬓ᭄ᬧ᭄ᬬᬲ᭄ᬬᬓᬄᬲᬸᬢᬄᬓᬲ᭄ᬢ᭄ᬭᬶ᭛ᬯᬶᬭᬓᬭᬶᬳᬦᬓ᭄ᬩᬕᬯᬦ᭄ᬤᬓ᭄ᬱ᭄ᬬᬵ᭞ᬓᬪᬃᬬ᭄ᬬᬲ᭄ᬬᬧᬢᬲ᭄ᬢ᭄ᬭᬶᬦᬶᬭᬵ᭞ᬉᬯᬘᬵ᭞ᬲᬸᬫᬯᬸᬃᬪᬕᬯᬦᬕᬲ᭄ᬬᬸᬳᬵ᭞ᬮᬶᬂᬦᬶᬭᬵ
᭛ᬧ᭄ᬭᬲᬸᬢ᭄ᬬ᭞ᬏᬧᬜ᭄ᬘᬲᬓᬄ᭞ᬓᬦ᭄ᬬᬓᬄᬤᬓ᭄ᬱ᭄ᬬᬵᬲᬫ᭄ᬩᬯᬄ᭞ᬤᬾᬬᬧ᭄ᬭᬚᬵᬧᬢᬶᬪ᭄ᬬᬲ᭄ᬢᬸ᭞ᬲᬃᬯ᭄ᬯᬤᬾᬯᬲᬸᬫᬚᬶᬢᬄ᭠᭛ᬮᬶᬫᬄᬧᬸᬮᬸᬄᬢᬸᬗ᭄ᬕᬮ᭄᭞ᬓ᭄ᬯᬾᬳ᭄ᬦᬶᬂᬗᬦᬓ᭄ᬩᬕᬯᬦ᭄ᬤᬓ᭄ᬱ᭄ᬬᬓᬦ᭄ᬬᬲ᭄ᬤᬂᬗ᭄ᬳᬬᬸ᭞ᬫᬓᬾᬪᬹᬲᬂᬧ᭄ᬭᬲᬸᬢᬶ᭞ᬇᬓᬂᬢ᭄ᬮᬸᬯ᭄ᬮᬲ᭄᭞ᬯᬶᬦᬾ
[᭔ 4A]
ᬳᬓᭂᬦ᭄ᬭᬶᬂᬲᬂᬧ᭄ᬭᬚᬵᬧᬢᬶ᭞ᬧ᭄ᬭᬢ᭄ᬬᬾᬓ᭄ᬱ᭄ᬬᬓᬧᬶᬦᬓᬵᬲ᭄ᬢ᭄ᬭᬶᬲᬂᬭᬚᬯᬢᬶ᭞ᬲᬂᬰ᭄ᬭᬤ᭄ᬤ᭞ᬲᬂᬮᬓ᭄ᬱ᭄ᬫᬶ᭞ᬲᬂᬤ᭄ᬭᬢᬶ᭞ᬲᬂᬢᬸᬱ᭄ᬝᬶ᭞ᬲᬂᬫᬤᬵ᭞ᬲᬂᬓ᭄ᬭᬶᬬᬵ᭞ᬲᬂᬪᬹᬤ᭄ᬥᬶ᭞ᬲᬂᬮᬚ᭄ᬢᬵ᭞ᬲᬂᬪᬧᬸᬄ᭞ᬲᬂᬲᬦ᭄ᬢᬶ᭞ᬲᬂᬲᬶᬤ᭄ᬥᬶ᭞ᬲᬂᬓᬶᬢᬶ᭞ᬦᬳᬦ᭄ᬢᬦᬓ᭄ᬩᬕᬯᬦ᭄ᬤᬓ᭄ᬱ᭄ᬬᬵ᭞ᬯᬶᬦᬾᬳᬓᭂᬦ᭄ᬭᬶᬂᬲᬂᬧ᭄ᬭᬚᬵᬧ᭠
ᬢᬶ᭛ᬓᬸᬦᬂᬳᬦᬓ᭄ᬱᬂᬧ᭄ᬭᬚᬧᬢᬶᬇᬲᬂᬰ᭄ᬭᬤ᭄ᬥᬵ᭞ᬲᬂᬓᬫᬵ᭟ᬳᬦᬓ᭄ᬦᬶᬭᬳᬶᬲᬂᬮᬓ᭄ᬱ᭄ᬫᬶ᭞ᬲᬂᬤᬃᬧ᭄ᬧᬵ᭞ᬳᬓ᭄ᬦᬶᬭᬇᬲᬂᬥ᭄ᬭᬢᬶ᭞ᬲᬂᬯᬾᬤ᭄ᬭᬢᬶ᭞ᬳᬦᬓ᭄ᬦᬶᬭᬳᬶᬲᬂᬢᬸᬱ᭄ᬝᬶ᭞ᬲᬂᬲᬦ᭄ᬢᭀᬱᬵ᭞ᬳᬦᬓ᭄ᬦᬶᬭᬳᬶᬲᬂᬫᬸᬱ᭄ᬢᬶ᭞ᬲᬂᬓᬸᬦ᭄ᬢᬶᬫᬦ᭄᭞ᬳᬦᬓ᭄ᬦᬶᬭᬇᬲᬂᬫᬾᬤᬵ᭞ᬲᬂᬲ᭄ᬭᬸᬢᬵ᭞
ᬳᬦᬓ᭄ᬦᬶᬭᬳᬶᬲᬂᬓ᭄ᬭᬶᬬᬵ᭞ᬲᬂᬦᬬᬵ᭞ᬲᬂᬤᬡ᭄ᬟ᭞ᬲᬂᬲᬫᬬᬵ᭞ᬢᬶᬕᬳᬓ᭄ᬦᬶᬭᬳᬶᬲᬂᬓ᭄ᬭᬶᬬᬵ᭞ᬅᬦᬓ᭄ᬦᬶᬭᬳᬶᬲᬂᬪᬹᬤᬶ᭞ᬲᬂᬩᭀᬤ᭄ᬤᬵ᭞ᬲᬂᬧ᭄ᬭᬫᬶᬢᬶ᭞ᬭ᭄ᬯᬳᬦᬓ᭄ᬦᬶᬭᬵᬇᬲᬂᬪᬹᬤ᭄ᬥᬶ᭞ᬳᬦᬓ᭄ᬦᬶᬭᬲᬂᬪᬧᬸᬄ᭞ᬲᬂᬯᬾᬲᬬᬵ᭞ᬳᬦᬓ᭄ᬦᬶᬭᬇᬲᬂᬲᬦ᭄ᬢᬶ᭞ᬲᬂᬲᭀᬫ᭄ᬫᬵ᭞ᬳᬦᬓ᭄ᬦᬶᬭ
ᬲᬂᬲᬶᬤ᭄ᬥᬶ᭞ᬲᬂᬲᬸᬢ᭄ᬣᬵ᭞ᬲᬂᬬᬲᬵ᭞ᬭ᭄ᬯᬵᬳᬦᬓ᭄ᬦᬶᬭᬵᬲᬂᬲᬶᬤ᭄ᬤᬶ᭞ᬅᬦᬓ᭄ᬦᬶᬭᬇᬲᬂᬓᬶᬢᬶ᭞ᬲᬂᬤᬃᬫ᭄ᬫᬵ᭞ᬲᬂᬳᬶᬗ᭄ᬦ᭄ᬬ᭞ᬭ᭄ᬯᬵᬢᬶᬓᬵᬲᬦᬓ᭄᭞ᬧᬸᬢᬸᬪᬕᬯᬦ᭄ᬤᬓ᭄ᬱ᭄ᬬ᭞ᬇᬭᬶᬓᬂᬳᬦᬓ᭄ᬦᬶᬭᬢ᭄ᬮᬸᬯ᭄ᬮᬲ᭄᭛ᬦᬶᬳᬦ᭄ᬢᬵᬳᬦᬓ᭄ᬩᬕᬯᬦ᭄ᬤᬓ᭄ᬧ᭄ᬬᬯᬦᬾᬄ᭛ᬲᬢᬶᬓ᭄ᬧᬢᬶᬯᬲ
Auto-transliteration
[3 3B]
3
nungkeringbrahmaṇḍĕ, kunangmanumangke, sangdewaśwatā /// uwaca, matakwansangdr̥ĕdasyumwaḥ, lingnirā /// kalaḥkatipayaścewaḥ, manunapanaramprati /// piratalawasangmanunpangadĕg, sowangsowang, uwaca, ‐
sumawur̀bhagawanagastyā, lingnirā /// catur̀tugeniwaṣani, manunāmekasaptikā, manuwantāramitinyate, hasyayenasadaswataḥ /// pitungpuluḥyughgāl̥ĕwiḥtunggal, samangkanālawasningmanunyangadĕgso
wangsowang, yatikāsamantārangaranya /// uwacā, matakwansangdr̥ĕdasyumwaḥ, lingdirā /// dakpyasyakaḥsutaḥkastri /// wirakarihanakbagawandakṣyā, kabhar̀yyasyapatastrinirā, uwacā, sumawur̀bhagawanagasyuhā, lingnirā
/// prasutya, epañcasakaḥ, kanyakaḥdakṣyāsambawaḥ, deyaprajāpatibhyastu, sar̀wwadewasumajitaḥ‐ /// limaḥpuluḥtunggal, kwehningnganakbagawandakṣyakanyasdangnghayu, makebhūsangprasuti, ikangtluwlas, wine
[4 4A]
hakĕnringsangprajāpati, pratyekṣyakapinakāstrisangrajawati, sangśradda, sanglakṣmi, sangdrati, sangtuṣṭi, sangmadā, sangkriyā, sangbhūddhi, sanglajtā, sangbhapuḥ, sangsanti, sangsiddhi, sangkiti, nahantanakbagawandakṣyā, winehakĕnringsangprajāpa‐
ti /// kunanghanakṣangprajapati'isangśraddhā, sangkamā. hanaknirahisanglakṣmi, sangdar̀ppā, haknira'isangdhrati, sangwedrati, hanaknirahisangtuṣṭi, sangsantosyā, hanaknirahisangmuṣti, sangkuntiman, hanaknira'isangmedā, sangsrutā,
hanaknirahisangkriyā, sangnayā, sangdaṇḍa, sangsamayā, tigahaknirahisangkriyā, anaknirahisangbhūdi, sangboddā, sangpramiti, rwahanaknirā'isangbhūddhi, hanaknirasangbhapuḥ, sangwesayā, hanaknira'isangsanti, sangsommā, hanaknira
sangsiddhi, sangsutthā, sangyasā, rwāhanaknirāsangsiddi, anaknira'isangkiti, sangdar̀mmā, sanghingnya, rwātikāsanak, putubhagawandakṣya, irikanghanakniratluwlas /// nihantāhanakbagawandakpyawaneḥ /// satikpatiwasaLeaf 4
[᭔ 4B]
᭔᭞
ᬫ᭄ᬩᬢᬶᬄ᭞ᬲ᭄ᬫᬸᬢᬶᬄᬧ᭄ᬭᬶᬢᬶᬄᬓ᭄ᬱ᭄ᬬᬫᬧᬭᬵ᭞ᬲᬦᬢᬶᬰ᭄ᬭᬸᬦᬲᬸᬬᬘᬵ᭞ᬉᬚᬃᬲ᭄ᬯᬳᬵᬰ᭄ᬯᬩᬵᬧᬸᬦᬄ᭛ᬓᬮᬶᬗᬦ᭄ᬬ᭞ᬲᬂᬲᬢᬶ᭞ᬲᬂᬓ᭄ᬬᬢᬶ᭞ᬲᬂᬲᬫ᭄ᬩᬸᬢᬶ᭞ᬲᬂᬲ᭄ᬫᬸᬢᬶ᭞ᬲᬂᬧ᭄ᬭᬢᬶ᭞ᬲᬂᬓ᭄ᬱ᭄ᬬᬫᬵ᭞ᬲᬂᬧᬭᬵ᭞ᬲᬂᬲᬦ᭄ᬯᬢᬶ᭞ᬲᬂᬳᬦᬲᬸᬬᬵ᭞ᬲᬂᬗᬸᬃᬚᬵ᭞ᬲᬂᬲ᭄ᬯᬤ᭄ᬤᬵ᭞ᬲᬂᬲ᭄ᬯᬬᬵ᭞ᬦᬳᬦ᭄ᬢᬵ
ᬦᬓ᭄ᬦᬶᬭᬪᬕᬯᬦ᭄ᬤᬓ᭄ᬱ᭄ᬬᬵ᭞ᬓᬦ᭄ᬬᬯᬦᬾᬄ᭞ᬬᬢᬢᬶᬦᬭᬶᬫᬓᭂᬦᬶᬭᬭᬶᬂᬯᬂᬲᬦᬓ᭄ᬦᬶᬭᬵ᭞ᬲᬓ᭄ᬯᬾᬳ᭄ᬦᬶᬂᬯᬂᬲᬤᬓ᭄ᬦᬶᬭᬵᬩ᭄ᬭᬳ᭄ᬫᬃᬱᬶ᭞ᬲᬶᬭᬵᬢᬢᭂᬯᭂᬓ᭄ᬦᬶᬂᬓᬸᬫᭂᬫᬶᬳᬦ᭄ᬢᬶᬕᬦ᭄ᬬ᭞ᬫᬓᬲ᭄ᬢ᭄ᬭᬶᬓᬧ᭄ᬯᬵᬦᬓᬦ᭄ᬬ᭛ᬤᬓ᭄ᬱ᭄ᬬᬦᬯᬲ᭄ᬬᬢᬶᬤᬾᬬᬵ᭞ᬦᬶᬮᬮᭀᬳᬶᬢᬧᬡ᭄ᬤᬶᬢᬄ
᭛ᬲᬂᬲᬢᬶᬢᬶᬦᬭᬶᬫᬓᭂᬦ᭄ᬭᬶᬂᬪᬕᬯᬦᬶᬮᬮᭀᬳᬶᬢᬵ᭞ᬧᬶᬦᬓᬦᬓ᭄ᬦᬶᬭᬵᬢᬲᬂᬲᬳᬲ᭄ᬭᬭᬸᬤ᭄ᬭᬵ᭞ᬲᬂᬲᬓ᭄ᬬᬢᬶᬢᬶᬤᬭᬶᬫᬓ᭄ᬦᬶᬂᬪᬕᬯᬦ᭄ᬩᬺᬕᬸ᭞ᬧᬶᬦᬓᬵᬦᬓ᭄ᬦᬶᬭᬲᬂᬤᬝ᭞ᬫ᭄ᬯᬂᬲᬂᬦ᭄ᬳ᭄ᬬᬂᬰ᭄ᬭᬶ᭞ᬲᬶᬭᬚ᭄ᬬᬾᬱ᭄ᬝᬵᬧᬸᬢ᭄ᬭᬶ᭞ᬲᬂᬳ᭄ᬬᬂᬰ᭄ᬭᬶ᭞ᬲᬶᬭᬢᬢᬶᬦᬭᬶᬫᬵᬓ᭄ᬦᬶᬂᬪᬝᬭᬵ
ᬯᬶᬱ᭄ᬡᬸᬵ᭞ᬧᬶᬦᬓᬵᬦᬓ᭄ᬦᬶᬭᬵᬢᬲᬂᬪᬮᬵᬫ᭄ᬯᬂᬲᬗᬰ᭄ᬯ᭛ᬲᬂᬤᬢ᭞ᬫᬓᬵᬲ᭄ᬢ᭄ᬭᬶᬲᬗᬢᬶ᭞ᬅᬦᬓ᭄ᬱᬂᬗ᭄ᬳ᭄ᬬᬂᬫᬳᬫᬾᬭᬸ᭞ᬅᬃᬧ᭄ᬧᬓᬵᬦᬓ᭄ᬲᬂᬧ᭄ᬭᬡᬵ᭞ᬲᬂᬧ᭄ᬭᬡᬵ᭞ᬫᬓᬲ᭄ᬢ᭄ᬭᬶᬲᬂᬧᬸᬡ᭄ᬤᬭᬶᬓᬵ᭞ᬅᬃᬧ᭄ᬧᬓᬵᬦᬓ᭄ᬱᬂᬲᬫ᭄ᬩᬵ᭞ᬲᬂᬓᬱ᭄ᬬᬵᬧᬵᬦ᭄ᬤᬢᬦ᭄ᬓᬧ᭄ᬬᬧᬵᬫᬦ᭄ᬢᬸᬪᬕᬯ
[᭕ 5A]
ᬦ᭄ᬤᬓ᭄ᬱ᭄ᬬᬵ᭞ᬲᬲᬶᬓᬶᬲ᭞ᬲᬂᬲ᭄ᬫᬸᬢᬶ᭞ᬢᬶᬦᬭᬶᬫᬓ᭄ᬦᬶᬂᬪᬕᬯᬦ᭄ᬦᬗ᭄ᬕᬶᬭᬵ᭞ᬅᬃᬧᬵᬓᬵᬦᬓᬦ᭄ᬬᬭ᭄ᬯᬂᬲᬶᬓᬶ᭞ᬲᬂᬲᬶᬦᬶᬩᬮᬶ᭞ᬲᬂᬓᬸᬳᬸᬄᬓᬸᬳᬸᬄ᭞ᬗᬭᬦ᭄ᬬ᭞ᬇᬓᬂᬓᬮᬵᬢᬫ᭄ᬩᬾᬳ᭄ᬦᬶᬲᬦ᭄ᬤ᭄ᬭᬤᬶᬢ᭄ᬬᬵ᭞ᬫᬧᬲᬄᬭᬶᬂᬧ᭄ᬭᬢᬶᬧᬥᬲᬸᬓ᭄ᬮᬵ᭞ᬲᬶᬦᬶᬩᬮᬶ᭞ᬗᬭᬦ᭄ᬬ᭞ᬇᬓᬂᬓᬍᬢᬫ᭄ᬩᬾᬦᬶᬘᬦ᭄ᬤ᭄ᬭᬦᬶ
ᬧᬢ᭄ᬫᬸᬭᬶᬂᬧᬜ᭄ᬘᭂᬤᬰᬶᬓᬺᬱ᭄ᬡᬵ᭞ᬬᬾᬓᬵᬧᬯᬶᬢᬺᬧᬯᬾᬳᬦ᭄ᬧᬶᬢᬺᬧᬶᬡ᭄ᬟ᭛ᬲᬂᬧ᭄ᬭᬶᬢᬶ᭞ᬢᬶᬤᬭᬶᬫᬓ᭄ᬦᬶᬂᬪᬕᬯᬦ᭄ᬧᬸᬮᬱ᭄ᬢ᭄ᬬᬵ᭞ᬅᬃᬧ᭄ᬧ᭠ᬓᬵᬦᬓ᭄ᬱᬂᬤᬢᬾᬦᬶ᭞ᬫ᭄ᬯᬂᬓᬦ᭄ᬬᬢᬶᬕᬂᬲᬶᬓᬶ᭞ᬫᬓᬗᬭᬦᬦ᭄ᬤᬾᬯᬳ᭄ᬯᬵ᭞ᬅᬢᬶᬦᬫᬦᬵ᭞ᬲᬂᬲᬡ᭄ᬟᬢᬶ᭞ᬦᬳᬦ᭄ᬢᬂᬓᬦ᭄ᬬᬢᬶᬕᬂᬲᬶᬓᬶ᭞ᬲᬂ
ᬤᬃᬢᭀᬦᬶ᭞ᬫᬓᬲ᭄ᬢ᭄ᬭᬶᬲᬂᬲᬸᬭᬚᬗ᭄ᬕᬵ᭞ᬅᬃᬧ᭄ᬧᬓᬵᬦ᭄ᬓ᭄ᬱᬂᬲᬸᬩᬵᬳᬸ᭞ᬲᬂᬲᬸᬩᬳᬸᬗᬭᬓ᭄ᬯ᭞ᬳᬶᬓᬂᬧᬶᬦᬢ᭄ᬬᬦ᭄ᬤᬾᬪᬝᬭᬵᬭᬫᬗᬸᬦᬶ᭞ᬲ᭄ᬤᬂᬦᬶᬭᬵᬗ᭄ᬭᬓ᭄ᬱᬵᬬᬵᬚ᭄ᬜᬵᬪᬕᬯᬦ᭄ᬯᬶᬰ᭄ᬯᬫᬶᬢ᭄ᬭ᭛ᬲᬂᬓ᭄ᬧ᭄ᬬᬾᬫᬵ᭞ᬢᬶᬦᬭᬶᬫᬓ᭄ᬦᬷᬪᬕᬯᬦ᭄ᬧᬸᬮᬳᬵ᭞ᬅᬃᬧ᭄ᬧᬵᬓᬵᬦᬓ᭄ᬱᬂᬓᬤᬃᬫᭂ᭞ᬅ
ᬫ᭄ᬩᬭᬶᬯᬦ᭄ᬲᬂᬯᬶᬱ᭄ᬡᬸᬵ᭞ᬲᬂᬲᬦᬢᬶᬢᬶᬦᬭᬶᬫᬵᬓ᭄ᬦᬶᬭᬵᬪᬕᬯᬦ᭄ᬓ᭄ᬭᬢᬸ᭞ᬅᬃᬳᭀᬯᭀᬯᬓᬦᬓ᭄ᬱᬂᬱᬱ᭄ᬝᬶᬲᬳᬰ᭄ᬭᬯᬮᬶᬓᬶᬮ᭄ᬬ᭞ᬪᬕᬯᬦ᭄ᬲᬱ᭄ᬝᬶᬲᬳᬰ᭄ᬭᬵᬩᬮᬶᬓᬶᬮ᭄ᬬᬗᬭᬦᬶᬭᬵ᭞ᬲᬂᬋᬱᬶᬳᬸᬫᬶᬭᬷᬪᬝᬭᬵᬲᬶᬯᬵᬤᬶᬢ᭄ᬬᬵ᭞ᬅᬃᬫ᭄ᬫᬵᬧ᭄ᬭᬤᬓ᭄ᬱᬶᬡᬵᬭᬶᬂᬫᬳᬫᬾᬭᬸ᭞
Auto-transliteration
[4 4B]
4
mbatiḥ, smutiḥpritiḥkṣyamaparā, sanatiśrunasuyacā, ujar̀swahāśwabāpunaḥ /// kalinganya, sangsati, sangkyati, sangsambuti, sangsmuti, sangprati, sangkṣyamā, sangparā, sangsanwati, sanghanasuyā, sangngur̀jā, sangswaddā, sangswayā, nahantā
naknirabhagawandakṣyā, kanyawaneḥ, yatatinarimakĕniraringwangsanaknirā, sakwehningwangsadaknirābrahmar̀syi, sirātatĕwĕkningkumĕmihantiganya, makastrikapwānakanya /// dakṣyanawasyatideyā, nilalohitapaṇditaḥ
/// sangsatitinarimakĕnringbhagawanilalohitā, pinakanaknirātasangsahasrarudrā, sangsakyatitidarimakningbhagawanbr̥ĕgu, pinakānaknirasangdaṭa, mwangsangnhyangśri, sirajyeṣṭāputri, sanghyangśri, siratatinarimākningbhaṭarā
wiṣṇuā, pinakānaknirātasangbhalāmwangsangaśwa /// sangdata, makāstrisangati, anakṣangnghyangmahameru, ar̀ppakānaksangpraṇā, sangpraṇā, makastrisangpuṇdarikā, ar̀ppakānakṣangsambā, sangkaṣyāpāndatankapyapāmantubhagawa
[5 5A]
ndakṣyā, sasikisa, sangsmuti, tinarimakningbhagawannanggirā, ar̀pākānakanyarwangsiki, sangsinibali, sangkuhuḥkuhuḥ, ngaranya, ikangkalātambehnisandradityā, mapasaḥringpratipadhasuklā, sinibali, ngaranya, ikangkal̥ĕtambenicandrani
patmuringpañcĕdaśikr̥ĕṣṇā, yekāpawitr̥ĕpawehanpitr̥ĕpiṇḍa /// sangpriti, tidarimakningbhagawanpulaṣtyā, ar̀ppa‐kānakṣangdateni, mwangkanyatigangsiki, makangaranandewahwā, atinamanā, sangsaṇḍati, nahantangkanyatigangsiki, sang
dar̀toni, makastrisangsurajanggā, ar̀ppakānkṣangsubāhu, sangsubahungarakwa, hikangpinatyandebhaṭarāramanguni, sdangnirāngraksyāyājñābhagawanwiśwamitra /// sangkpyemā, tinarimaknībhagawanpulahā, ar̀ppākānakṣangkadar̀mĕ, a
mbariwansangwiṣṇuā, sangsanatitinarimāknirābhagawankratu, ar̀howowakanakṣangṣaṣṭisahaśrawalikilya, bhagawansaṣṭisahaśrābalikilyangaranirā, sangr̥ĕsyihumirībhaṭarāsiwādityā, ar̀mmāpradaksyiṇāringmahameru,Leaf 5
[᭕ 5B]
᭕᭞
ᬳᬦᬢᬭᬶᬪᬕᬯᬦ᭄ᬲᬱ᭄ᬝᬶᬲᬓ᭄ᬱ᭄ᬳ᭄ᬭᬩᬮᬶᬓᬶᬮ᭄ᬬ᭞ᬓᬦ᭄ᬬᬭ᭄ᬯᬂᬲᬶᬓᬶ᭞ᬲᬂᬲᬢ᭄ᬬᬯᬢᬶ᭞ᬫ᭄ᬯᬂᬲᬂᬰ᭄ᬯᬧᬢᬵ᭛ᬲᬂᬳᬦᬲᬸᬬᬵ᭞ᬢᬶᬦᬭᬶᬫᬓ᭄ᬦᬶᬂᬪᬕᬯᬦ᭄ᬳᬢ᭄ᬭᬶ᭞ᬅᬃᬧ᭄ᬧᬓᬵᬦᬓ᭄ᬱᬂᬧᬜ᭄ᬘᬓᬮ᭄ᬫᬱ᭛ᬢᬦᬶᬕᬦ᭄᭞ᬲᬂᬲᬢ᭄ᬬᬤᬾᬯᬲᬂᬲᬓ᭄ᬬ᭞ᬲᬂᬗᬧᭀᬫᬸᬃᬢ᭄ᬢᬶ᭞ᬲᬂᬲ
ᬦᬾᬲ᭄ᬘᬭᬵ᭞ᬦ᭄ᬤᬵᬢᬦ᭄ᬭᬯᬶᬲᬸᬢᬦ᭄᭞ᬦ᭄ᬤᬵᬢᬦ᭄ᬡᬸᬦ᭄ᬤᬵᬫᬯᬵ᭞ᬦᬳᬦ᭄ᬢᬧᬜ᭄ᬘᬓᬮ᭄ᬫᬱ᭞ᬅᬦᬓ᭄ᬩᬕᬯᬦᬢ᭄ᬭᬶ᭞ᬅᬦᬢᬦᬓ᭄ᬦᬶᬭᬵᬓᬦ᭄ᬬ᭞ᬲᬂᬰ᭄ᬭᬸᬢᬶ᭞ᬲᬂᬗᬸᬃᬚ᭄ᬢᬵ᭞ᬢᬶᬦᬭᬶᬫᬓ᭄ᬦᬶᬂᬪᬕᬯᬦ᭄ᬯᬱᬶᬱ᭄ᬝᬵ᭞ᬅᬃᬧ᭄ᬧᬓᬵᬦᬓ᭄ᬲᬂᬲᬧ᭄ᬢᬵᬧᬸᬢ᭄ᬭ᭞ᬲᬂᬭᬚᬵ᭞ᬲᬗᬸᬤ᭄ᬬᬪᬭᬸ᭞ᬲᬂᬕᬯ
ᬡ᭄ᬦᬵ᭞ᬲᬂᬧᬢ᭄ᬭ᭞ᬲᬂᬲᬸᬢᬧᬵ᭞ᬲᬂᬲᬸᬓᬺ᭞ᬅᬦᬓ᭄ᬩᬕᬯᬦ᭄ᬩ᭄ᬭᬕᬸᬧᬶᬄ᭞ᬦᬳᬦ᭄ᬢᬂᬲᬧ᭄ᬢᬵᬧᬸᬢ᭄ᬭ᭞᭛ᬅᬦᬢᬲ᭄ᬢ᭄ᬭᬶ᭞ᬅᬦᬓ᭄ᬩᬕᬯᬦ᭄ᬯᬱᬶᬱ᭄ᬝᬵ᭞ᬅᬢᬸᬯᬲᬓᬭᬶᬂᬧᬶᬢᬸ᭞ᬅᬱ᭄ᬝᬫᬶᬗᬭᬦ᭄ᬬ᭞ᬬᬢᬶᬓᬵᬧᬶᬦᬓᬵᬲ᭄ᬢ᭄ᬭᬶᬲᬂᬧ᭄ᬭᬡᬵ᭛ᬲᬂᬰ᭄ᬯᬳᬵ᭞ᬢᬶᬦᬭᬶᬫᬓᭂᬦᬶᬲᬗ᭄ᬳ᭄ᬬᬂ
ᬗᬕ᭄ᬦᬶ᭞ᬳᬢᬗ᭄ᬬᬦ᭄ᬲ᭄ᬯᬳᬫᬦ᭄ᬢ᭄ᬭᬫᬧᬓ᭄ᬦᬭᬶᬂᬲᬗ᭄ᬳ᭄ᬬᬂᬳᬖ᭄ᬦᬶ᭞ᬅᬃᬧᬶᬦᬓᬵᬦᬓ᭄ᬲᬂᬧᬯᬓᬵ᭞ᬲᬂᬧᬯᬫᬦ᭞ᬲᬂᬲᬸᬘᬶ᭞ᬦ᭄ᬳ᭄ᬬᬳᬶ᭠ᬗᬦᬶᬓᬵᬢᬶᬕᬵ᭞ᬦᬶᬳᬦᬶᬓᬂᬢᬾᬚᬵᬫᬸᬗ᭄ᬕᬸᬄᬭᬶᬂᬧ᭄ᬭᬢᬶᬯᬶ᭞ᬬᬧᬯᬓᬵᬗ[strike/]ᬭᬦ᭄ᬬ᭞ᬇᬓᬂ[/strike]ᬢᬾᬚᬵᬫᬸᬗ᭄ᬕ᭄ᬯᬶᬂᬳᬧᬄ᭞ᬬᬧᬯᬫᬦ
[᭔ 4A]
ᬗᬭᬦ᭄ᬬ᭞ᬇᬓᬂᬢᬾᬚᬵᬧᬶᬦᬓᬵᬢᬾᬚ᭞ᬲᬗ᭄ᬳ᭄ᬬᬂᬳᬦᬶᬢ᭄ᬬᬵ᭞ᬬᬲᬸᬘᬶᬗᬭᬦ᭄ᬬ᭛ᬇᬓᬂᬧᬯᬫᬦᬵᬕ᭄ᬦᬶ᭞ᬬᬢᬫᬓᬦᬓ᭄ᬢᬯ᭄ᬬᬯᬳᬦᬵ᭞ᬇᬳᬯ᭄ᬬᬯᬳᬦᬵ᭞ᬇᬓᬵᬢᬧᬶᬦᬓᬵᬧᬸᬬ᭄ᬦᬶᬂᬯᬢᭂᬓ᭄ᬤᬾᬯᬢ᭄ᬣᬵ᭞ᬇᬓᬂᬲᬸᬘᬶᬬᬢᬫᬓᬵᬦᬓ᭄ᬳᬯ᭄ᬬᬯᬳᬦᬵ᭞
ᬬᬢᬧᬶᬦᬓᬵᬧᬸᬬ᭄ᬦᬶᬂᬧᬶᬢᬺᬮᭀᬓᬵ᭞ᬇᬓᬂᬧᬯᬓᬵ᭞ᬫᬓᬦᬓ᭄ᬲᬂᬳᬭᬓ᭄ᬱ᭄ᬬ᭞ᬇᬳᬭᬓ᭄ᬱ᭄ᬬᬕ᭄ᬦᬶ᭞ᬬᬢᬧᬶᬦᬓᬵᬧᬸᬬ᭄ᬦᬶᬂᬤᬾᬢ᭄ᬬᬵᬤᬦᬯᬵ᭞ᬦᬳᬦ᭄ᬢᬫᬢᬂᬦ᭄ᬬᬢᬶᬕᬧ᭄ᬭᬢ᭄ᬬᬾᬓᬦᬶᬓᬵᬗᬕ᭄ᬦᬶ᭛ᬲᬂᬰ᭄ᬯᬤᬵ᭞ᬢᬶᬦᬶᬭᬶᬓ᭄ᬦᬶᬂᬲᬂᬧᬶᬢ᭄ᬭ᭞ᬫᬢᬦ᭄ᬬᬲ᭄ᬯᬳᬵ
ᬲ᭄ᬯᬤᬵᬫᬦ᭄ᬢ᭄ᬭᬓ᭄ᬦᬵᬭᬶᬂᬧᬶᬢᬺᬧᬸᬚᬵ᭞ᬅᬃᬧ᭄ᬧᬓᬦᬓ᭄ᬲᬂᬋᬢᬸ᭞ᬦᬳᬓ᭄ᬫ᭄ᬧᬸᬪᬕᬯᬦ᭄ᬤᬓ᭄ᬱᬇᬲᬂᬩ᭄ᬭᬳ᭄ᬫᬲᬶᬦ᭄᭛ᬫᬦ᭄ᬢ᭄ᬭᬶᬢ᭠ᬪᬕᬯᬦ᭄ᬤᬓ᭄ᬱᬵ᭞ᬇᬲᬗ᭄ᬕᬰᬶᬓ᭄ᬢᬶᬓᬶᬲᬭᬶᬓᬢᬓᬩᬾᬄ᭞ᬢᬶᬦᬭᬶᬫᬓ᭄ᬦᬶᬂᬪᬝᬭᬵᬤᬃᬫ᭄ᬫᬵ᭞᭛ᬦ᭄ᬤ᭄ᬬᬢᬳᬦᬓ᭄ᬲᬭᬶᬂᬓᬵᬲᭀᬯᬂᬲᭀ
ᬯᬂ᭞ᬲᬂᬚᬫᬶᬮᬶ᭞ᬫᬓᬦᬓ᭄ᬲᬂᬦᬯᬯᬶᬢᬶ᭞ᬇᬓᬂᬲᬶᬦᬗ᭄ᬕᬸᬄᬯᬶᬦ᭄ᬢᬂᬯᬸᬯᬸᬭ᭄᭞ᬮᬶᬂᬦᬶᬂᬮᭀᬓᬵ᭞ᬲᬂᬭᬹᬦ᭄ᬤᬢᬶ᭞ᬫᬓᬦᬓ᭄ᬧᬂᬭᬸᬤ᭄ᬯᬶᬦ᭄᭞ᬲᬂᬯᬶᬲ᭄ᬯᬵ᭞ᬫᬓᬦᬓ᭄ᬱᬂᬓᬺᬢᬸ᭞ᬲᬤᬶᬓ᭄ᬱ᭄ᬬᬵ᭞ᬲᬂᬲᬸᬢ᭞ᬲᬂᬲᬢ᭄ᬬ᭞ᬲᬂᬓᬮᬵ᭞ᬲᬂᬤᬸᬦᬶ᭞ᬲᬂᬓᬸᬭᬸᬯᬦ᭄᭞ᬲᬂᬭᭀᬤᬫᬵ᭞ᬦᬳᬦ᭄ᬢᬵᬦ᭠
Auto-transliteration
[5 5B]
5
hanataribhagawansaṣṭisakṣhrabalikilya, kanyarwangsiki, sangsatyawati, mwangsangśwapatā /// sanghanasuyā, tinarimakningbhagawanhatri, ar̀ppakānakṣangpañcakalmaṣa /// tanigan, sangsatyadewasangsakya, sangngapomur̀tti, sangsa
nescarā, ndātanrawisutan, ndātanṇundāmawā, nahantapañcakalmaṣa, anakbagawanatri, anatanaknirākanya, sangśruti, sangngur̀jtā, tinarimakningbhagawanwasyiṣṭā, ar̀ppakānaksangsaptāputra, sangrajā, sangudyabharu, sanggawa
ṇnā, sangpatra, sangsutapā, sangsukr̥ĕ, anakbagawanbragupiḥ, nahantangsaptāputra, /// anatastri, anakbagawanwasyiṣṭā, atuwasakaringpitu, aṣṭamingaranya, yatikāpinakāstrisangpraṇā /// sangśwahā, tinarimakĕnisanghyang
ngagni, hatangyanswahamantramapaknaringsanghyanghaghni, ar̀pinakānaksangpawakā, sangpawamana, sangsuci, nhyahi‐nganikātigā, nihanikangtejāmungguḥringpratiwi, yapawakānga[strike/]ranya, ikang[/strike]tejāmunggwinghapaḥ, yapawamana
[4 4A]
ngaranya, ikangtejāpinakāteja, sanghyanghanityā, yasucingaranya /// ikangpawamanāgni, yatamakanaktawyawahanā, ihawyawahanā, ikātapinakāpuyningwatĕkdewatthā, ikangsuciyatamakānak'hawyawahanā,
yatapinakāpuyningpitr̥ĕlokā, ikangpawakā, makanaksangharakṣya, iharakṣyagni, yatapinakāpuyningdetyādanawā, nahantamatangnyatigapratyekanikāngagni /// sangśwadā, tinirikningsangpitra, matanyaswahā
swadāmantraknāringpitr̥ĕpujā, ar̀ppakanaksangr̥ĕtu, nahakmpubhagawandakṣa'isangbrahmasin /// mantrita‐bhagawandaksyā, isanggaśiktikisarikatakabeḥ, tinarimakningbhaṭarādar̀mmā, /// ndyatahanaksaringkāsowangso
wang, sangjamili, makanaksangnawawiti, ikangsinangguḥwintangwuwur, lingninglokā, sangrūndati, makanakpangrudwin, sangwiswā, makanakṣangkr̥ĕtu, sadikṣyā, sangsuta, sangsatya, sangkalā, sangduni, sangkuruwan, sangrodamā, nahantāna‐Leaf 6
[᭖ 6B]
᭖᭞
ᬓ᭄ᬱᬂᬯᬶᬰ᭄ᬯᬵ᭞ᬬᬲᬶᬦᬗ᭄ᬕᬸᬄᬤᬰᬵᬯᬶᬰ᭄ᬯᬗᬭᬦ᭄ᬬ᭞ᬲᬂᬯᬰᬸ᭞ᬫᬓᬦᬓ᭄ᬱᬂᬤᬭᬵ᭞ᬲᬂᬤ᭄ᬭᬸᬯ᭞ᬲᬂᬲᭀᬫ᭄ᬫᬵ᭞ᬲᬂᬗᬧᬄ᭞ᬲᬗᬦᬶᬮᬵ᭞ᬲᬂᬧ᭄ᬭᬢ᭄ᬭᬸᬱᬵ᭞ᬲᬂᬧ᭄ᬭᬪᬝ᭞ᬦᬳᬦ᭄ᬢᬦᬓ᭄ᬱᬂᬯᬰᬸ᭞ᬬᬢᬲᬶᬦᬗ᭄ᬕᬸᬄᬳᬱ᭄ᬝᬵᬪᬲᬸnᬕᬭᬦ᭄ᬬ᭞ᬲᬂᬤᬵᬭᬵ᭞ᬲᬶᬭᬫᬓᬦᬓ᭄ᬱᬂᬤᬺᬯᬶᬦᬵ᭞ᬲᬂᬳᬸᬃᬢ᭄ᬢ
ᬳᬯ᭄ᬬ᭞ᬲᬂᬭᬚᬄ᭛ᬲᬂᬤ᭄ᬭᬸᬯᬲᬶᬭᬫᬓᬦᬓ᭄ᬲᬂᬓᬮᬵ᭞ᬲᬂᬱᭀᬫᬵᬫᬦᬓ᭄ᬱᬂᬪᬹᬦᬵ᭞ᬲᬂᬯᬃᬢ᭄ᬣᬵ᭞ᬲᬂᬤᬢᭀᬫᬶᬓᬵ᭞ᬲᬂᬓᬲᬶᬮᬵ᭞ᬧᬢ᭄ᬳᬦᬓ᭄ᬧᬂᬲᭀᬫᬵ᭞ᬲᬂᬳᬧᬄ᭞ᬫᬓᬦᬓ᭄ᬱᬂᬯᬾᬓᬵᬡ᭄ᬟ᭄ᬬ᭞ᬲᬂᬕᬺᬯᬵ᭞ᬲᬂᬫᬦᬶ᭞ᬧᬢ᭄ᬳᬦᬓ᭄ᬱᬂᬕᬧᬄ᭞ᬲᬂᬗᬦ᭄ᬤᬮᬵ᭞ᬫᬓᬦᬓ᭄ᬱᬂᬧ᭄ᬭᬶ
ᬬᬩ᭄ᬭᬢ᭄ᬣᬵ᭞ᬲᬂᬓᬸᬫᬭᬵ᭞ᬲᬂᬗᬦᬶᬮᬵ᭞ᬫᬓᬲ᭄ᬢ᭄ᬭᬶᬲᬗᬲᬶᬯᬵ᭞ᬅᬃᬧ᭄ᬧᬓᬵᬦᬓ᭄ᬱᬂᬧᬸᬭᭀᬚᬯᬵ᭞ᬲᬂᬗᬯᬶᬚ᭄ᬜᬕᬢᬶ᭞ᬲᬂᬧ᭄ᬭᬯ᭄ᬬᬲᬵᬫᬓᬦᬓ᭄ᬱᬂᬤᬮᬵ᭞ᬲᬂ᭠ᬭᬪᬝ᭞ᬫᬓᬦᬓ᭄ᬱᬂᬯᬶᬰ᭄ᬯᬓᬃᬫ᭄ᬫᬵ᭞ᬦᬳᬦ᭄ᬢᬧᬸᬬᬸᬢ᭄᭞ᬪᬕᬯᬦ᭄ᬤᬓ᭄ᬱᬵᬇᬲᬗᬱ᭄ᬝᬵᬩᬤᬸ᭛ᬲᬂᬲᬤ᭄ᬬᬲᬶᬭᬵ
ᬢᬫᬓᬦᬓ᭄ᬱᬂᬘᬶᬦ᭄ᬢᬶ᭞ᬳᬬᬳᬗ᭄ᬲᬵ᭞ᬦᬭᬬᬦᬵ᭞ᬯᬶᬪᬹ᭞ᬧ᭄ᬭᬪ᭞ᬦᬳᬦ᭄ᬢᬵᬦᬓ᭄ᬱᬂᬲᬤ᭄ᬬ᭞ᬲᬂᬫᬭᬸᬤ᭄ᬯᬢᬶ᭞ᬫᬓᬦᬓ᭄ᬱᬂᬯ᭄ᬭᬱᬯᬶᬱᬫᬵ᭞ᬲᬂᬲᬗ᭄ᬓᬮ᭄ᬯᬵ᭞ᬲᬂᬫᬸᬳᬸᬃᬢ᭄ᬣᬵ᭞ᬫᬓᬦᬓ᭄ᬱᬂᬪᬦᬯᬵ᭞ᬲᬂᬮᬫ᭄ᬩᬵᬫᬓᬦᬓ᭄ᬲᬂᬕᭀᬱᬵ᭞ᬦᬳᬦ᭄ᬢᬧᬸᬢᬸᬪᬕᬯᬦ᭄ᬤᬓ᭄ᬱᬵᬇ
[᭗ 7A]
ᬪᬝᬭᬤᬃᬫ᭄ᬫᬵ᭛ᬅᬦᬢᬦᬓ᭄ᬩᬕᬯᬦ᭄ᬤᬓ᭄ᬱᬵ᭞ᬇᬲᬂᬗᬲᬶᬓ᭄ᬢᬶᬓᬶ᭞ᬫᬸᬯᬄ᭞ᬓᬦ᭄ᬬᬲ᭄ᬤᭂᬂᬗᬬᬸ᭞ᬬᬾᬓᬦᬓ᭄ᬱᬂᬢ᭄ᬭᬧᬶᬢᬸᬮᬶᬓᬸᬃᬓ᭄ᬯᬾᬄᬦ᭄ᬬ᭞ᬬᬢᬢᬶᬦᬭᬶᬫᬵᬓ᭄ᬦᬶᬂᬲᬗ᭄ᬳ᭄ᬬᬂᬯᬸᬮᬦ᭄᭞ᬧᬢᬸᬗ᭄ᬓᬮ᭄ᬢᬸᬗ᭄ᬕᬮᬦᬶᬂᬳᬭᬦᬶᬓᬵ᭞ᬳᬲ᭄ᬯᬶᬦᬶ᭞ᬪᬭᬦᬶ᭞ᬓ᭄ᬭᬢᬶᬓᬵ᭞ᬭᭀ᭠
ᬳᬶᬦᬶ᭞ᬫ᭄ᬭᬕᬲᬶᬭᬵ᭞ᬅᬤ᭄ᬭ᭞ᬳᭀᬯᬸᬃᬡ᭄ᬦᬯᬲᬸ᭞ᬳᭀᬧᬸᬱ᭄ᬬ᭞ᬅᬓ᭄ᬮᬾᬰᬵᬫᬖᬵ᭞ᬧᬸᬃᬯ᭄ᬯᬧᬮ᭄ᬕᬸᬡᬶ᭞ᬉᬢᬭᬨᬮ᭄ᬕᬸᬡᬶ᭞ᬳᬱ᭄ᬝᬵ᭞ᬘᬶᬢᬺ᭞ᬲ᭄ᬯᬢᬶ᭞ᬯᬶᬲᬓᬵ᭞ᬅᬦᬸᬭᬤᬵ᭞ᬤ᭄ᬬᬾᬰᬵᬫᬸᬮᬵ᭞ᬧᬸᬃᬯ᭄ᬯᬲᬤ᭄ᬤᬵ᭞ᬰ᭄ᬭᬯᬡ᭞ᬧᬸᬃᬯ᭄ᬯᬩᬤᬺᬯᬤᬵ᭞ᬭᬾᬣᬢᬶ᭞ᬉᬢᬭᬩᬤᬺᬯᬤᬵ
᭞ᬦᬳᬦ᭄ᬢᬂᬗᬦᬓ᭄ᬦᬶᬓᬓᬦ᭄ᬬᬧᬶᬢᬸᬮᬶᬓᬸᬃ᭞ᬧᬶᬦᬓᬲ᭄ᬢ᭄ᬭᬶᬲᬗ᭄ᬳ᭄ᬬᬂᬳᬸᬮᬦ᭄᭞ᬧᬢ᭄ᬗᭂᬭᬦ᭄ᬬᬦᬶᬳᬦ᭄᭞ᬬᬦ᭄ᬳᬦᬵᬯᬶᬦ᭄ᬢᬂᬓᬤᬶᬭᬱᬭᬧᬦ᭄ᬬ᭞ᬬᬾᬓᬵᬭᭀᬳᬶᬦᬶᬗᬭᬦ᭄ᬬ᭞ᬮᬶᬫᬯᬶᬦ᭄ᬢᬂᬦᬶᬓᬵ᭞ᬬᬾᬦ᭄ᬳᬦᬵᬯᬶᬦ᭄ᬢᬂᬓᬤᬶᬧᬭᬲ᭄ᬧᬭᬲ᭄ᬭᬸᬧᬦ᭄ᬬ᭞ᬬᬾᬓᬵᬓᬺᬢᬶ
ᬓᬵᬦᬭᬦ᭄ᬬ᭞ᬦᭂᬫ᭄ᬯᬶᬚᬶᬯᬶᬦ᭄ᬢᬂᬦᬶᬓᬵ᭞ᬬᬾᬦ᭄ᬳᬦᬯᬶᬦ᭄ᬢᬂᬓᬤᬶᬢᭂᬦ᭄ᬤᬲ᭄ᬦᬶᬂᬫ᭄ᬭᬕᬵᬭᬸᬧᬦ᭄ᬬ᭞ᬬᬾᬓᬵᬫ᭄ᬭᬕᬲᬶᬭᬵᬗᬭ᭠ᬦ᭄ᬬ᭞ᬢᬶᬕᬯᬶᬦ᭄ᬢᬂᬦᬶᬓᬵ᭞ᬓᬸᬦᬂᬗᬶᬦᬂᬯᬶᬦ᭄ᬢᬂᬲᬶᬦᬗ᭄ᬕᬸᬄᬢᭂᬦ᭄ᬤᬲ᭄ᬦᬶᬂᬯᬸᬓ᭄ᬤᬫᬮᬸᬂ᭞ᬮᬶᬦᬶᬂᬮᭀᬓᭀᬬᬾᬓᬵᬧᬸᬱ᭄ᬬᬵᬗᬭᬦ᭄ᬬ᭞ᬳᬦᬵ
Auto-transliteration
[6 6B]
6
kṣangwiśwā, yasinangguḥdaśāwiśwangaranya, sangwaśu, makanakṣangdarā, sangdruwa, sangsommā, sangngapaḥ, sanganilā, sangpratrusyā, sangprabhaṭa, nahantanakṣangwaśu, yatasinangguḥhaṣṭābhasungaranya, sangdārā, siramakanakṣangdr̥ĕwinā, sanghur̀tta
hawya, sangrajaḥ /// sangdruwasiramakanaksangkalā, sangsyomāmanakṣangbhūnā, sangwar̀tthā, sangdatomikā, sangkasilā, pat'hanakpangsomā, sanghapaḥ, makanakṣangwekāṇḍya, sanggr̥ĕwā, sangmani, pat'hanakṣanggapaḥ, sangngandalā, makanakṣangpri
yabratthā, sangkumarā, sangnganilā, makastrisangasiwā, ar̀ppakānakṣangpurojawā, sangngawijñagati, sangprawyasāmakanakṣangdalā, sang‐rabhaṭa, makanakṣangwiśwakar̀mmā, nahantapuyut, bhagawandaksyā'isangaṣṭābadu /// sangsadyasirā
tamakanakṣangcinti, hayahangsā, narayanā, wibhū, prabha, nahantānakṣangsadya, sangmarudwati, makanakṣangwraṣawiṣamā, sangsangkalwā, sangmuhur̀tthā, makanakṣangbhanawā, sanglambāmakanaksanggosyā, nahantaputubhagawandaksyā'i
[7 7A]
bhaṭaradar̀mmā /// anatanakbagawandaksyā, isangngasiktiki, muwaḥ, kanyasdĕngngayu, yekanakṣangtrapitulikur̀kweḥnya, yatatinarimākningsanghyangwulan, patungkaltunggalaningharanikā, haswini, bharani, kratikā, ro‐
hini, mragasirā, adra, howur̀ṇnawasu, hopuṣya, akleśāmaghā, pur̀wwapalguṇi, utaraphalguṇi, haṣṭā, citr̥ĕ, swati, wisakā, anuradā, dyeśāmulā, pur̀wwasaddā, śrawaṇa, pur̀wwabadr̥ĕwadā, rethati, utarabadr̥ĕwadā
, nahantangnganaknikakanyapitulikur̀, pinakastrisanghyanghulan, patngĕranyanihan, yanhanāwintangkadiraṣarapanya, yekārohiningaranya, limawintangnikā, yenhanāwintangkadiparasparasrupanya, yekākr̥ĕti
kānaranya, nĕmwijiwintangnikā, yenhanawintangkaditĕndasningmragārupanya, yekāmragasirāngara‐nya, tigawintangnikā, kunangnginangwintangsinangguḥtĕndasningwukdamalung, lininglokoyekāpuṣyāngaranya, hanāLeaf 7
[᭗ 7B]
᭗᭞
ᬢᬯᬶᬦ᭄ᬢᬂᬓᬤᬶᬮᬶᬬᬦ᭄᭞ᬭᬸᬧᬦ᭄ᬬ᭞ᬅᬦᬵᬢᬯᬶᬦ᭄ᬢᬂᬳᬶᬢ᭄ᬗᬄᬦ᭄ᬬ᭞ᬬᬾᬓᬵᬳᬤᬺᬗᬭᬦ᭄ᬬ᭞ᬬᬾᬦ᭄ᬳᬦᬵᬯᬶᬦ᭄ᬢᬂᬓᬤᬶᬳᬓ᭄ᬱᬭᬭᬸᬧᬦ᭄ᬬ᭞ᬬᬾᬓᬵᬪᬭᬦᬶᬂᬗᬭᬦ᭄ᬬ᭞ᬬᬾᬦ᭄ᬳᬦᬵᬯᬶᬦ᭄ᬢᬂᬓᬤᬶᬘᬢᬸᬭᬰ᭄ᬭᬭᬸᬧᬦ᭄ᬬ᭞ᬬᬾᬓᬵᬳᬲ᭄ᬯᬶᬡᬶᬗᬭᬦ᭄ᬬ᭞ᬬᬾᬦ᭄ᬳᬦᬵᬯᬶᬦ᭄ᬢᬂᬓᬤᬶᬧᬭ
ᬯᬸᬭᬸᬧᬦ᭄ᬬ᭞ᬳᬶᬓᬵᬲᬶᬦᬗ᭄ᬕᬸᬄᬮᬜ᭄ᬘᬂᬲᬶᬯᬤ᭄ᬯᬦ᭄᭞ᬗᬭᬦ᭄ᬬ᭞ᬬᬾᬓᬵᬧᬸᬃᬡ᭄ᬦᬵᬯᬰᬸ᭞ᬗᬭᬦ᭄ᬬ᭞ᬦᭂᬫ᭄ᬯᬶᬚᬶᬯᬶᬦ᭄ᬢᬂᬦᬶᬓᬵ᭞ᬓ᭄ᬗ᭄ᬯᬦ᭄ᬘᬡ᭄ᬤᬂᬮᬶᬂᬦᬶᬂᬮᭀᬓᬵ᭞ᬫᬕᬵᬳᬭᬦ᭄ᬬ᭞ᬮᬶᬫᬂᬯᬶᬚᬶᬯᬶᬦ᭄ᬢᬂᬳᬶᬓᬵ᭞ᬬᬾᬦ᭄ᬳᬦᬵᬯᬶᬦ᭄ᬢᬂᬓᬤᬶᬳᬱ᭄ᬝᬵ᭞ᬭᬸᬧᬦ᭄ᬬ᭞ᬬᬾᬓᬵᬱᬢᬗᬭᬦ᭄ᬬ᭠
᭞ᬦ᭄ᬫᬂᬯᬶᬚᬶᬯᬶᬦ᭄ᬢᬂᬳᬶᬓᬵ᭞ᬓᬸᬦᬂᬲᬶᬦᬗ᭄ᬕᬸᬄᬯᬗᬸᬦ᭄ᬯᬗᬸᬦᬦ᭄ᬲᬮᬳᬸᬓᬸᬃ᭞ᬮᬶᬂᬦᬶᬂᬳᭀᬓᬵ᭞ᬬᬾᬓᬵᬯᬶᬲᬓᬵ᭞ᬗᬭᬦ᭄ᬬ᭞ᬧᬢ᭄ᬯᬶᬦ᭄ᬢᬂᬦᬶᬓᬵ᭞ᬓᬸᬦᬂᬳᬶᬓᬂᬯᬶᬦ᭄ᬢᬂᬘᬶᬢ᭄ᬭᬗᬭᬦ᭄ᬬ᭞ᬮᬯᬦᬶᬓᬂᬲ᭄ᬯᬢᬶ᭞ᬢᬸᬗ᭄ᬕᬮ᭄ᬯᬶᬦ᭄ᬢᬂᬦᬶᬓᬵ᭞ᬓᬸᬦᬂᬗᬶᬓᬂᬯᬶᬦ᭄ᬢᬂᬢᬗ᭄ᬕᬸᬗᬦ᭄ᬢ᭄ᬭᬸᬮᬶᬦᬶᬂᬮᭀ᭠
ᬓᬵ᭞ᬬᬾᬓᬵᬳᬸᬢᬭᬨᬮ᭄ᬕᬸᬡᬶᬦᬭᬦ᭄ᬬ᭞ᬢᬶᬕᬵᬯᬶᬦ᭄ᬢᬂᬦᬶᬓᬵ᭞ᬓᬸᬦᬂᬳᬶᬓᬂᬯᬶᬦ᭄ᬢᬂᬓᬤᬶᬳ᭄ᬥᬸᬓ᭄ᬢᬶᬦᬫ᭄ᬗᬸᬦ᭄ᬮᬶᬦᬶᬂᬮᭀᬓᬵ᭞᭠ᬬᬾᬓᬵᬧᬸᬃᬯ᭄ᬯᬨᬮ᭄ᬕᬸᬡᬶᬗᬭᬦ᭄ᬬ᭞ᬦ᭄ᬫᬂᬯᬶᬚᬶᬯᬶᬦ᭄ᬢᬂᬦᬶᬓᬵ᭞ᬓᬸᬦᬂᬇᬓᬂᬳᬦᬸᬭᬤᬵ᭞ᬧᬢ᭄ᬯᬶᬦ᭄ᬢᬂᬦᬶᬓᬵ᭞ᬓᬤᬶᬘᬢᬸᬭᬰ᭄ᬭᬭᬸᬧᬦ᭄ᬬ᭞ᬇ
[᭘ 8A]
ᬓᬂᬳᬶᬂᬢ᭄ᬗᬄᬯᬶᬦ᭄ᬢᬂᬢ᭄ᬮᬸᬂᬯᬶᬚᬶ᭞ᬬᬧᬩᬾᬤᬦ᭄ᬬᬲᬓᬾᬭᬶᬓᬂᬧᬸᬃᬯ᭄ᬯᬓᬵ᭞ᬬᬾᬓᬵᬚ᭄ᬬᭀᬱ᭄ᬝᬗᬭᬦ᭄ᬬ᭞ᬓᬸᬦᬂᬳᬶᬓᬂᬲᬶᬦᭂᬗ᭄ᬕᬸᬄᬲᬗ᭄ᬓᬮ᭄᭞ᬢᬶᬓᭂᬮᬶᬂᬦᬶᬂᬮᭀᬓᬵ᭞ᬬᬾᬓᬵᬫᬸᬮᬗᬭᬦ᭄ᬬ᭞ᬮᬶᬫᬯᬶᬦ᭄ᬢᬂᬦᬶᬓᬵ᭞ᬓᬸᬦᬂᬗᬶᬓᬂᬯᬶᬦ᭄ᬢᬂᬧᬲᬳᬶᬳᬓᬸᬲᬸ᭞ᬬᬾᬮᬵᬧᬸᬃᬯ᭄ᬯᬲᬤ᭄ᬤᬵᬗᬭᬦ᭄ᬬ
᭞ᬓᬸᬦᬂᬗᬶᬓᬂᬓᬤᬶᬢᬸᬗ᭄ᬕ᭄ᬬᬂᬭᬸᬧᬦ᭄ᬬ᭞ᬬᬾᬓᬵᬲᬢᬪᬶᬱᬗᬭᬦ᭄ᬬ᭞ᬓᬸᬦᬂᬗᬶᬓᬂᬯᬶᬦ᭄ᬢᬂᬧᬸᬃᬯ᭄ᬯᬩᬤᬺᬯᬤ᭄ᬤᬵ᭞ᬉᬢᬭᬵᬩᬤᬺᬯᬤ᭄ᬤ᭞ᬧᬤᬧᬢ᭄ᬯᬶᬦ᭄ᬢᬂᬦᬶᬓᬵ᭞ᬲᬧᬶᬦᬓᬤᬶᬘᬢᬸᬭᬵᬰ᭄ᬭᬭᬸᬧᬦ᭄ᬬ᭞ᬓᬸᬦᬂᬗᬶᬓᬂᬯᬶᬦ᭄ᬢᬂᬧᬸᬬᬸᬳᬢᬭᬸᬂᬮᬶᬂᬦᬶᬂᬮᭀᬓᬵ᭞ᬬᬾᬓᬵᬭᬾᬯᬢᬶᬗᬭᬦ᭄ᬬ᭞
ᬮᬶᬫᬵᬯᬶᬦ᭄ᬢᬂᬦᬶᬓᬵ᭞ᬓᬸᬦᬂᬦᬶᬓᬂᬓᬦᬶᬢ᭄ᬭᬶᬰᬸᬮᬵᬭᬸᬧᬦ᭄ᬬ᭞ᬬᬾᬓᬵᬰ᭄ᬭᬯᬡ᭄ᬦᬗᬭᬦ᭄ᬬ᭞ᬓᬸᬦᬂᬗᬶᬓᬂᬯᬶᬦ᭄ᬢᬂᬓᬤᬶᬫᬶᬦᬵᬭᬸᬧᬦ᭄ᬬ᭞ᬬᬾ᭠ᬓᬵᬯᬦᬶᬱ᭄ᬝᬗᬭᬦ᭄ᬬ᭞ᬦᬳᬦ᭄ᬢᬧᬢ᭄ᬗᭂᬭᬦ᭄ᬬᬦᬓ᭄ᬱᬢᬺᬧᬶᬢᬸᬮᬶᬓᬸᬃᬓ᭄ᬯᬾᬄᬦ᭄ᬬ᭞ᬓᬸᬦᬂᬳᬶᬓᬂᬯᬶᬦ᭄ᬢᬂᬯᬸᬯᬸᬃ᭞ᬮᬶᬂᬦᬶᬂᬮᭀᬓᬵ᭞ᬬᬾᬓᬵᬳᬵᬲᬸᬭᬵ
ᬦᬦᬶᬗᬭᬦ᭄ᬬ᭞ᬮ᭄ᬯᬄᬭᬶᬂᬓᬤᬾᬯᬢᬦ᭄᭞ᬧᬢᬶᬃᬢ᭄ᬣᬦ᭄ᬲᬂᬲᬧ᭄ᬢᬋᬱᬶ᭞ᬅᬓ᭄ᬯᬾᬄᬯᬶᬦ᭄ᬢᬂᬮᬾᬦ᭄ᬲᬓᬾᬭᬶᬓᬵ᭞ᬫᬓᬤᬶᬯᬶᬦ᭄ᬢᬂᬲᬂᬲᬧ᭄ᬢᬵᬋᬱᬶ᭞ᬫ᭄ᬯᬂᬲᬓ᭄ᬯᬾᬄᬦᬶᬭᬵᬲᬂᬲᬶᬤᬬᭀᬕᬶᬰ᭄ᬯᬭᬵ᭞ᬗᬸᬦᬶᬯᬾᬄᬲᬂᬲᬧ᭄ᬢᬕ᭄ᬭᬳᬵ᭞ᬲᬓ᭄ᬭᬧ᭄ᬭᬪ᭄ᬭᬢᬶ᭞ᬫ᭄ᬯᬂᬰ᭄ᬯᬃᬖ᭄ᬕᬵᬦᬶᬓᬵᬲᬂᬫᬤᬃᬫ᭄ᬫᬵ
Auto-transliteration
[7 7B]
7
tawintangkadiliyan, rupanya, anātawintanghitngaḥnya, yekāhadr̥ĕngaranya, yenhanāwintangkadihakṣararupanya, yekābharaningngaranya, yenhanāwintangkadicaturaśrarupanya, yekāhaswiṇingaranya, yenhanāwintangkadipara
wurupanya, hikāsinangguḥlañcangsiwadwan, ngaranya, yekāpur̀ṇnāwaśu, ngaranya, nĕmwijiwintangnikā, kngwancaṇdanglingninglokā, magāharanya, limangwijiwintanghikā, yenhanāwintangkadihaṣṭā, rupanya, yekāṣatangaranya‐
, nmangwijiwintanghikā, kunangsinangguḥwangunwangunansalahukur̀, lingninghokā, yekāwisakā, ngaranya, patwintangnikā, kunanghikangwintangcitrangaranya, lawanikangswati, tunggalwintangnikā, kunangngikangwintangtanggungantrulininglo‐
kā, yekāhutaraphalguṇinaranya, tigāwintangnikā, kunanghikangwintangkadihdhuktinamngunlininglokā, ‐yekāpur̀wwaphalguṇingaranya, nmangwijiwintangnikā, kunangikanghanuradā, patwintangnikā, kadicaturaśrarupanya, i
[8 8A]
kanghingtngaḥwintangtlungwiji, yapabedanyasakerikangpur̀wwakā, yekājyoṣṭangaranya, kunanghikangsinĕngguḥsangkal, tikĕlingninglokā, yekāmulangaranya, limawintangnikā, kunangngikangwintangpasahihakusu, yelāpur̀wwasaddāngaranya
, kunangngikangkaditunggyangrupanya, yekāsatabhiṣangaranya, kunangngikangwintangpur̀wwabadr̥ĕwaddā, utarābadr̥ĕwadda, padapatwintangnikā, sapinakadicaturāśrarupanya, kunangngikangwintangpuyuhatarunglingninglokā, yekārewatingaranya,
limāwintangnikā, kunangnikangkanitriśulārupanya, yekāśrawaṇnangaranya, kunangngikangwintangkadiminārupanya, ye‐kāwaniṣṭangaranya, nahantapatngĕranyanakṣatr̥ĕpitulikur̀kweḥnya, kunanghikangwintangwuwur̀, lingninglokā, yekāhāsurā
naningaranya, lwaḥringkadewatan, patir̀tthansangsaptar̥ĕsyi, akweḥwintanglensakerikā, makadiwintangsangsaptār̥ĕsyi, mwangsakweḥnirāsangsidayogiśwarā, nguniweḥsangsaptagrahā, sakraprabhrati, mwangśwar̀ghgānikāsangmadar̀mmāLeaf 8
[᭘ 8B]
᭘᭞
ᬲᬂᬫᬧᬸᬦ᭄ᬬᬭᬶᬂᬫᬤ᭄ᬬᬧᬤᬵ᭞ᬓᬸᬦᬂᬗᬶᬓᬂᬯᬶᬦ᭄ᬢᬂᬳᬦᬸᬮᬭ᭄᭞ᬮᬶᬦᬶᬂᬮᭀᬓᬵ᭞ᬯᬶᬦ᭄ᬢᬂᬢᬸᬫᬸᬭᬸᬦ᭄ᬫᬂᬚᬦ᭄ᬫᬵᬓᬮᬶᬂᬗᬦᬶᬓᬵ᭞ᬳᭂᬦ᭄ᬢᬶᬧᬮᬦᬶᬂᬕᬯᬾᬦ᭄ᬬᬳᬬᬸ᭞᭛ᬤᬺᬤᬵᬯᬘ᭞ᬫᬢᬓ᭄ᬯᬦ᭄ᬲᬂᬤᬺᬤᬵᬲ᭄ᬬᬸᬫ᭄ᬯᬄᬮᬶᬂᬦᬶᬭᬵ᭛ᬓᬾᬦᬦᬶᬭᬬᬮᭀᬓᬾᬯ᭞ᬯᬲᬄᬲ᭄ᬯᬮᭀ
ᬓᬫᬕᬢᬄ᭞ᬲᬓ᭄ᬱ᭄ᬬᬾᬧᬾᬦᬬᬢᬧ᭄ᬭᭀᬓ᭄ᬢᬫ᭄᭞ᬢᬢ᭄ᬯᬢᬄᬢᬢ᭄ᬯᬫᬾᬯᬘ᭛ᬲᬚ᭄ᬜᬳ᭄ᬬᬂᬫᬫᬶ᭞ᬦ᭄ᬤ᭄ᬬᬓᬭᬶᬦᬶᬫᬶᬢᬦᬶᬗ᭄ᬯᬂᬳᬸᬫᬗ᭄ᬕᬶᬄᬳᬓ᭄ᬦᬵᬦᬭᬓᬵ᭞ᬮᬯᬦ᭄ᬱ᭄ᬯᬃᬖ᭄ᬕᬵ᭞ᬓᬰᬶᬳᬦᬵᬭᬓᬓ᭄ᬳ᭄ᬬᬂᬫᬫᬶ᭞ᬯᬭᬳᭂᬦ᭄ᬭᬶᬂᬫᬃᬕ᭄ᬕᬵᬦᬶᬧ᭄ᬯᬗ᭄ᬳᬸᬮᬸᬦ᭄᭞ᬉᬯᬘ᭞ᬲᬸᬫᬯᬸᬃᬪᬝᬭᬕ
ᬲ᭄ᬢ᭄ᬬ᭞ᬮᬶᬂᬦᬶᬭᬵ᭛ᬓᬬᬶᬓᬄᬯᬘᬶᬓᬰ᭄ᬘᬾᬯᬵ᭞ᬚ᭄ᬜᬡᬫᬾᬯᬢᬢᬾᬯᬲ᭞ᬦᬵᬭᬓᬦᬫ᭄ᬦᬫᬶᬢᬢ᭄ᬯᬶᬫ᭄᭞ᬲ᭄ᬯᬃᬕ᭄ᬕᬵᬲᭀᬧᬦᬵᬫᬾᬯᬘ᭛ᬓᬮᬶᬗᬦ᭄ᬬ᭞ᬢᬶᬕᬵᬧ᭄ᬭᬢ᭄ᬬᬾᬓᬦᬶᬓᬵᬫᬦᬸᬳᬸᬳᬓᭂᬦ᭄ᬰ᭄ᬯᬃᬖ᭄ᬕᬵᬫ᭄ᬯᬂᬦᬭᬓᬵ᭞ᬉᬮᬄ᭞ᬲᬩ᭄ᬤᬵ᭞ᬅᬫ᭄ᬩᭂᬓ᭄᭞ᬇᬓᬢᬫᬓ
ᬦᬶᬱ᭄ᬝᬵᬫᬤ᭄ᬬᬫᭀᬢᬫ᭄ᬫᬵ᭞ᬍᬯᬶᬄᬨᬮᬵᬦᬶᬓᬂᬰᬩ᭄ᬤᬵ᭞ᬲᬓᬾᬂᬗᬸᬮᬄ᭞ᬍᬯᬶᬄᬧᬳᬦᬶᬓᬵᬗᬫ᭄ᬩᭂᬓ᭄ᬲᬓᬾᬂᬲᬩ᭄ᬥᭂ᭞ᬳᬦᬧ᭄ᬯᬯ᭄ᬯᬂᬫᬲᬫᬕ᭄ᬭᬶᬤᬾᬦ᭄ᬬᬕᬸᬫᬯᬬᬓᭂᬦ᭄ᬇᬓᬂᬓᬤᬸᬱ᭄ᬝᬵᬓᬃᬫ᭄ᬫᬦ᭄᭞ᬢ᭄ᬓᬾᬂᬲᬶᬮᬦ᭄ᬬᬢᬦ᭄ᬭᬳᬬᬸ᭞ᬢ᭄ᬓᬾᬂᬯᬸᬯᬸᬲ᭄ᬦ᭄ᬬᬢᬦ᭄ᬭᬳᬬᬸ᭞ᬗᬸᬦᬶ᭠
[᭙ 9A]
ᬯᬾᬄᬳᬫ᭄ᬩᭂᬓ᭄ᬦ᭄ᬬᬢᬦ᭄ᬭᬳᬬᬸ᭞ᬳᬕᭂᬂᬳᬶᬓᬂᬓᬧᬧᬦ᭄ᬢᬶᬦ᭄ᬫᬸᬦ᭄ᬬ᭞ᬩ᭄ᬭᬳ᭄ᬫᬡ᭄ᬥᭂᬦᬭᬱ᭄ᬝᬶᬡᬲᬤ᭄ᬭᬱᬵ᭞ᬓᬤᬶᬩ᭄ᬬᬢ᭄ᬦᬶᬂᬩ᭄ᬭᬳ᭄ᬫᬵᬦ᭄ᬤᭂᬧ᭄ᬯᬮᭀᬦ᭄ᬬ᭞ᬲᬫᬗ᭄ᬓᬦᬵᬩ᭄ᬬᬢ᭄ᬦᬶᬂᬧᬧᬦ᭄ᬬ᭞ᬳᬸᬧᬧᬓ᭄ᬱᬡᬵᬢᬶᬓᬵᬢ᭄ᬓᬭᬶᬂᬗ᭄ᬯᬗᬕᬯᬾᬳᬬᬸ᭞ᬓ᭄ᬭᬫᬦ᭄ᬬᬦ᭄ᬧᬢᬭᬢᬫ᭄ᬦ᭄ᬬᬦᬶᬳᬦ᭄᭛ᬲᬭᬶᬭ
ᬚᬄᬓᬃᬫ᭄ᬫᬵᬤᭀᬰᬵ᭞ᬬᬢᬶᬢᬲ᭄ᬯᬯᬭᬢᬫ᭄ᬦᬭᬄ᭞ᬯᬘᬶᬓᬾᬄᬧᬓ᭄ᬱᬶᬫᬺᬕᬢᬫ᭄᭞ᬫᬦᬲᬾᬭᬦ᭄ᬢ᭄ᬬᬚᬢ᭄ᬬᬢᬶ᭛ᬓᬮᬶᬗᬦ᭄ᬬ᭞ᬬᬦ᭄ᬳᬦᬵᬯ᭄ᬯᬂᬲᬧ᭄ᬯᬮᬄᬦ᭄ᬬᬚᬸᬕᬵᬦᬳᬮᬵ᭞ᬫᬗ᭄ᬤᬾᬮᬭᬦᬶᬂᬯ᭄ᬯᬂᬫᬸᬮᬢ᭄᭞ᬦ᭄ᬤᬢᬦ᭄ᬬᬓᬧᬸᬃᬯ᭄ᬯᬓᬵᬤᬸᬱ᭄ᬝᬵᬯᬲᬶᬓᬵ᭞ᬫ᭄ᬯᬗᬶᬓᬂᬓᬤᬸᬱ᭄ᬝᬵ
ᬫᬓᬲᬶᬓᬵ᭞ᬢᬸᬳᬸᬦ᭄ᬢᬦ᭄ᬯ᭄ᬭᬸᬳᬶᬂᬲᬶᬮᬵᬚᬸᬕᬬᬵ᭞ᬫᬢᬶᬧ᭄ᬯᬬᬦ᭄ᬮᬳᬵ᭞ᬫᬢ᭄ᬫᬳᬦ᭄ᬢᬬᬲ᭄ᬣᬯᬭᬵ᭞ᬓᬬᬸᬓᬬᬸ᭞ᬓᬸᬦᬂᬗᬶᬓᬂᬯ᭄ᬯᬂᬦᬶᬱ᭄ᬢᬸᬭᬵᬪᬶᬲᬢᬵ᭞ᬢᬦ᭄ᬯ᭄ᬭᬸᬄᬭᬶᬂᬧᬭᬶᬩᬱᬵ᭞ᬦ᭄ᬤᬢᬦ᭄ᬯ᭄ᬭᬸᬄᬭᬶᬂᬲᬶᬮᬵ᭞ᬦ᭄ᬤᬢᬦ᭄ᬧᬓᬧᬸᬃᬯᬓᬵᬤᬸᬱ᭄ᬝᬵᬚ᭄ᬜᬦᬦ᭄᭞ᬲᬩᬭᬶᬦ᭄ᬬᬦ᭄ᬧᭀᬚᬃᬚᬸᬕᬾᬓᬶ
ᬦ᭄ᬧᬫᬸᬳᬭᬓᬃᬡ᭄ᬦᬰᬸᬮᬵᬭᬶᬂᬯ᭄ᬯᬂᬳᬋᬗᬵ᭞ᬫᬢᬶᬧ᭄ᬯᬤ᭄ᬮᬳᬵ᭞ᬬᬢᬶᬓᬵᬢ᭄ᬫᬳᬦ᭄ᬫ᭄ᬭᬕᬵᬧᬓ᭄ᬱᬶᬚᬦ᭄ᬫᬵᬦ᭄ᬬ᭞ᬓᬸᬦᬂᬗᬶᬓᬂᬯ᭄ᬯᬂᬢᬦ᭄ᬧᬘᬶᬢ᭄ᬣᬵᬭᬳᬬᬸ᭞ᬓᬾᬯᬮᬇᬃᬱ᭄ᬬ᭞ᬓ᭄ᬭᭀᬤ᭄ᬤᬵ᭞ᬮᭀᬪᬵ᭞ᬧᬶᬦᬓᬵᬚ᭄ᬜᬦᬦ᭄᭞ᬲᬭᬶᬲᬭᬶ᭞ᬧᬸᬢᭂᬓ᭄ᬤᬍᬫ᭄ᬧᬸᬂᬓ᭄ᬮᬶᬢᬶᬳᬢᬶᬦ᭄ᬬ᭞ᬫ
Auto-transliteration
[8 8B]
8
sangmapunyaringmadyapadā, kunangngikangwintanghanular, lininglokā, wintangtumurunmangjanmākalingnganikā, hĕntipalaninggawenyahayu, /// dr̥ĕdāwaca, matakwansangdr̥ĕdāsyumwaḥlingnirā /// kenanirayalokewa, wasaḥswalo
kamagataḥ, sakṣyepenayataproktam, tatwataḥtatwamewaca /// sajñahyangmami, ndyakarinimitaningwanghumanggiḥhaknānarakā, lawanṣwar̀ghgā, kaśihanārakak'hyangmami, warahĕnringmar̀ggānipwanghulun, uwaca, sumawur̀bhaṭaraga
stya, lingnirā /// kayikaḥwacikaścewā, jñaṇamewatatewasa, nārakanamnamitatwim, swar̀ggāsopanāmewaca /// kalinganya, tigāpratyekanikāmanuhuhakĕnśwar̀ghgāmwangnarakā, ulaḥ, sabdā, ambĕk, ikatamaka
niṣṭāmadyamotammā, l̥ĕwiḥphalānikangśabdā, sakengngulaḥ, l̥ĕwiḥpahanikāngambĕksakengsabdhĕ, hanapwawwangmasamagridenyagumawayakĕnikangkaduṣṭākar̀mman, tkengsilanyatanrahayu, tkengwuwusnyatanrahayu, nguni‐
[9 9A]
weḥhambĕknyatanrahayu, hagĕnghikangkapapantinmunya, brahmaṇdhĕnaraṣṭiṇasadrasyā, kadibyatningbrahmāndĕpwalonya, samangkanābyatningpapanya, hupapakṣaṇātikātkaringngwangagawehayu, kramanyanpataratamnyanihan /// sarira
jaḥkar̀mmādośā, yatitaswawaratamnaraḥ, wacikeḥpaksyimr̥ĕgatam, manaserantyajatyati /// kalinganya, yanhanāwwangsapwalaḥnyajugānahalā, mangdelaraningwwangmulat, ndatanyakapur̀wwakāduṣṭāwasikā, mwangikangkaduṣṭā
makasikā, tuhuntanwruhingsilājugayā, matipwayanlahā, matmahantayasthawarā, kayukayu, kunangngikangwwangniṣturābhisatā, tanwruḥringparibasyā, ndatanwruḥringsilā, ndatanpakapur̀wakāduṣṭājñanan, sabarinyanpojar̀jugeki
npamuharakar̀ṇnaśulāringwwanghar̥ĕngā, matipwadlahā, yatikātmahanmragāpaksyijanmānya, kunangngikangwwangtanpacitthārahayu, kewala'ir̀ṣya, kroddā, lobhā, pinakājñanan, sarisari, putĕkdal̥ĕmpungklitihatinya, maLeaf 9
[᭙ 9B]
᭙᭞
ᬢᬶᬧ᭄ᬯᬬᬤ᭄ᬮᬳᬵ᭞ᬬᬢᬓᬦᬶᬫ᭄ᬮᬾᬘᬵ᭞ᬍᬯᬶᬄᬧᬧᬦ᭄ᬬ᭞ᬲᬓᬭᬶᬓᬂᬫᬢ᭄ᬫᬳᬦ᭄ᬓᬬᬸᬓᬬᬸ᭞ᬅᬧᬦᬾᬯᭂᬄᬮᬶᬦ᭄ᬧᬧᬓᭂᬦ᭄ᬇᬓᬂᬫ᭄ᬮᬾᬘᬵ᭞ᬗᬭᬦ᭄ᬬ᭞ᬓᬸᬦᬂᬳᬶᬓᬂᬓᬬᬸᬓᬬᬸ᭞ᬫ᭄ᬯᬂᬲᬢ᭄ᬯᬵ᭞ᬏᬫᬦ᭄ᬳᬶᬓᬵᬮᬶᬦ᭄ᬧᬲᬓᭂᬦ᭄᭞ᬦᬳᬦ᭄ᬢᬓ᭄ᬭᬫᬦ᭄ᬬᬦ᭄ᬧᬓᬦᬶᬱ᭄ᬝᬵᬫᬤ᭄ᬬ
ᬫᭀᬢᬫ᭄ᬫᭀ᭞ᬇᬓᬂᬓᬬᬶᬓᬵ᭞ᬯᬘᬶᬓᬵ᭞ᬫᬦᬘᬶᬓᬵ᭛ᬦᬶᬳᬦ᭄ᬢᬧᬚᬃᬭᬗ᭄ᬓ᭄ᬯᬯᬦᬾᬄ᭞ᬇᬓᬂᬯ᭄ᬯᬂᬳᬸᬢᬵ᭞ᬫᬗ᭄ᬓᬾᬲᬶᬳᬜᬗᬸᬦᬶ᭞ᬭᬶᬂᬧᬸᬃᬯ᭄ᬯᬚᬦ᭄ᬫᬵᬦ᭄ᬬ᭛ᬤᬃᬫ᭄ᬫᬵᬲᬶᬮᬵᬫ᭄ᬦᬭᬮᭀᬓᬤᬺᬱ᭄ᬝᬦᬾᬘ᭄ᬘᬦ᭄ᬢᬶᬓᬢᬭᬄ᭞ᬫ᭄ᬭᬾᬢ᭄ᬬᬾᬪᬹᬢ᭄ᬬᬯᬘᬓ᭄ᬱ᭄ᬬᬘ᭄ᬬᬢ᭄᭞ᬫᬳ
ᬭᭀᬭᬯᬲᬫ᭄ᬩᬸᬯ᭛ᬓᬮᬶᬗᬦ᭄ᬬ᭞ᬬᬦ᭄ᬧᬦᭀᬦ᭄᭞ᬬᬯ᭄ᬯᬂᬲᬸᬩ᭄ᬭᬢ᭄ᬣᬵ᭞ᬲᬸᬲᬶᬮᬵ᭞ᬯ᭄ᬯᬂᬤᬢ᭄ᬣᬵ᭞ᬧ᭄ᬭᬶᬳᬢᬶᬦ᭄ᬫᬦᬄᬦ᭄ᬬᬦ᭄ᬯᬸᬮᬢᬶᬭᬶᬓᬵ᭞ᬓᬸᬦᬂᬬᬦ᭄ᬧᬦᭀᬦ᭄ᬯ᭄ᬯᬂᬗᬧ᭄ᬭᬧ᭄ᬫᬂᬤᭂᬤᭂᬮ᭄ᬫᬤᬦ᭄ᬤᭂᬯᬾᬄᬮᬭᬫ᭄ᬩᭂᬓ᭄᭞ᬲᬸᬓᬵᬫᬦᬄᬦ᭄ᬬᬦ᭄ᬯᬸᬮᬢᬶᬭᬶᬓᬵ᭞ᬇᬓᬵᬢᬲᬶ
ᬮᬦ᭄ᬬᬯ᭄ᬯᬂᬫᬗ᭄ᬓᬦᬵ᭞ᬬᬳᬾᬢᬸᬦ᭄ᬬᬦ᭄ᬧᬂᬚᬦ᭄ᬫᬵᬯᬸᬯᬵ᭞ᬳᬧᬦ᭄ᬤᭀᬦᬶᬂᬫᬢᬵᬳᬶᬦᬦᬓᬶᬦ᭄ᬤᬾᬪᬝᬭᬵ᭞ᬫᬦᭀᬦᬲᬶᬮᬵᬭᬳᬬᬸ᭞ᬢᬸᬫᬶᬗ᭄ᬳᬮᬶᬂᬲᬲ᭄ᬢ᭄ᬭᬵ᭞ᬕᬸᬡ᭄ᬦ᭄ᬦ᭛ᬓᬸᬦᬂᬳᬶᬓᬂᬩᬶᬲᬸ᭞ᬫᬗ᭄ᬓᬾᬲᬶᬮᬦᬶᬓᬵᬗᬸᬦᬶ᭛ᬦᬯᬘᬢᬶᬯᬵᬮ᭄ᬬᬢᬸᬬᬢ᭄᭞ᬤᬸᬃᬯ᭄ᬯ
[᭑᭐ 10A]
ᬘ᭄ᬬᬧ᭄ᬯᬤᬬᬾᬦᬭᬄ᭞ᬫ᭄ᬭᬱ᭄ᬢᬧ᭄ᬭᬧ᭄ᬦᬸᬬᬢ᭄ᬫᬓ᭄ᬧ᭄ᬬᬢ᭄᭞ᬢᬲ᭄ᬫᬢ᭄ᬧᬧᭀᬫᬳᬶᬢᬮᬾ᭞᭛ᬓᬮᬶᬗᬦ᭄ᬬᬳᬦᬳᬸᬚᬃᬬᭀᬕ᭄ᬬᬋᬗᭂᬦ᭄ᬤᬾᬦᬶᬂᬮᭀᬓᬵᬫ᭄ᬧᬋᬫ᭄ᬧᬭᬵ᭞ᬦ᭄ᬤᬵᬢᬦᬗ᭄ᬰᬬᬵᬫᬸᬚᬃᬭᬓ᭄ᬦᬵᬇᬓᬵ᭞ᬫᭀᬕᬵᬢᬸᬦᬳᬶᬢ᭄ᬦ᭄ᬬᬵᬧᬗᬸᬚᬭᬓᭂᬦᬶᬓᬂᬳᬸ᭠
ᬚᬃᬬᬸᬓ᭄ᬢᬶ᭞ᬓᬸᬦᬂᬬᬦ᭄ᬧᬗᬸᬚᬭᬓᭂᬦ᭄ᬢᬦ᭄ᬬᭀᬕ᭄ᬬᬋᬗᬵᬦᬾᬦᬶᬂᬭᬢ᭄᭞ᬯᬶᬤᬕ᭄ᬤᬬᬗᬸᬚᬭᬓ᭄ᬦᬶᬓᬵ᭞ᬇᬓᬵᬢᬲᬶᬮᬦᬶᬓᬂᬯᬂᬫᬗ᭄ᬓᬦᬵ᭞ᬏᬢᬸᬦ᭄ᬬᬦ᭄ᬲᬂᬚᬦ᭄ᬫᬵᬩᬶᬲᬸ᭞ᬳᬧᬦ᭄ᬲᬤᬦᬦᬶᬂᬫᬸᬚᬃᬭᬓᭂᬦ᭄᭞ᬥᬃᬫ᭄ᬫᬵᬇᬓᬂᬭᬱᬾᬦ᭄ᬤ᭄ᬭᬶᬬᬵ᭞ᬤᭀᬦᬶᬢᬸᬢᬸᬓ᭄ᬳᬶᬦ᭠
ᬦᬓᭂᬦ᭄ᬤᬾᬪᬝᬭ᭛ᬓᬸᬦᬂᬳᬶᬓᬂᬢᬸᬮᬶ᭞ᬫᬗ᭄ᬓᬾᬲᬶᬮᬦᬶᬓᬵᬗᬸᬦᬶ᭛ᬰ᭄ᬭᬯᬦ᭄ᬬᬫ᭄ᬬᬤᬯᬓ᭄ᬬᬫ᭄᭞ᬰ᭄ᬭᭀᬢᬸᬦ᭄ᬢᬾᬘ᭄ᬘᬢᬶᬧᭀᬦᬭᬄ᭞ᬫᬺᬢᬲ᭄ᬢᬸᬧᬵᬧ᭄ᬦᬸᬬᬢ᭄ᬓᬰ᭄ᬘᬶᬢ᭄᭞ᬯᬤᬃᬫ᭄ᬫᬬ᭄ᬬᬫ᭄ᬮᭀᬦᬶᬦ᭄ᬤᬶᬢᬄ᭛ᬓᬮᬶᬗᬦ᭄ᬬ᭞ᬳᬦᬵᬳᬸᬚᬃᬬᭀᬕ᭄ᬯᬵ
ᬳᬶᬤᭂᬧᭂᬦ᭄᭞ᬳᬶᬢᬯᬲᬡᬫ᭄ᬯᬂᬧᬶᬢᬸᬢᬸᬃᬲᬂᬧᬡ᭄ᬟᬶᬢ᭄ᬣᬵ᭞ᬢᬶᬦᬸᬓᬸᬧ᭄ᬦ᭄ᬬᬬᬮᬶᬂᬗᬦ᭄ᬬᬦ᭄ᬲᬂᬗᬺᬗᭂᬳᬶᬓᬵ᭞ᬓᬤᬶᬲᬶᬦᬸᬮᬳᬶᬤᭂᬧ᭄ᬦ᭄ᬬᬧᬂᬋᬗᭂᬫᬗ᭄ᬓᬦᬵ᭞ᬓᬸᬦᬂᬬᬦᬸᬚᬃᬭᬳᬮᬵ᭞ᬫ᭄ᬯᬂᬓᭀᬘᬧᬦᬶᬂᬮᬾᬦ᭄᭞ᬉᬫ᭄ᬧᭂᬢ᭄ᬮᬯᬦ᭄ᬯᬤᬸᬮ᭄ᬯᬤᬸᬮ᭄᭞ᬢᬮᬶᬗ
Auto-transliteration
[9 9B]
9
tipwayadlahā, yatakanimlecā, l̥ĕwiḥpapanya, sakarikangmatmahankayukayu, apanewĕḥlinpapakĕnikangmlecā, ngaranya, kunanghikangkayukayu, mwangsatwā, emanhikālinpasakĕn, nahantakramanyanpakaniṣṭāmadya
motammo, ikangkayikā, wacikā, manacikā /// nihantapajar̀rangkwawaneḥ, ikangwwanghutā, mangkesihañanguni, ringpur̀wwajanmānya /// dar̀mmāsilāmnaralokadr̥ĕṣṭaneccantikataraḥ, mretyebhūtyawacakṣyacyat, maha
rorawasambuwa /// kalinganya, yanpanon, yawwangsubratthā, susilā, wwangdatthā, prihatinmanaḥnyanwulatirikā, kunangyanpanonwwangngaprapmangdĕdĕlmadandĕweḥlarambĕk, sukāmanaḥnyanwulatirikā, ikātasi
lanyawwangmangkanā, yahetunyanpangjanmāwuwā, hapandoningmatāhinanakindebhaṭarā, manonasilārahayu, tuminghalingsastrā, guṇnna /// kunanghikangbisu, mangkesilanikānguni /// nawacatiwālyatuyat, dur̀wwa
[10 10A]
cyapwadayenaraḥ, mraṣtaprapnuyatmakpyat, tasmatpapomahitale, /// kalinganyahanahujar̀yogyar̥ĕngĕndeninglokāmpar̥ĕmparā, ndātanangśayāmujar̀raknā'ikā, mogātunahitnyāpangujarakĕnikanghu‐
jar̀yukti, kunangyanpangujarakĕntanyogyar̥ĕngāneningrat, widagdayangujaraknikā, ikātasilanikangwangmangkanā, etunyansangjanmābisu, hapansadananingmujar̀rakĕn, dhar̀mmā'ikangrasyendriyā, donitutuk'hina‐
nakĕndebhaṭara /// kunanghikangtuli, mangkesilanikānguni /// śrawanyamyadawakyam, śrotunteccatiponaraḥ, mr̥ĕtastupāpnuyatkaścit, wadar̀mmayyamloninditaḥ /// kalinganya, hanāhujar̀yogwā
hidĕpĕn, hitawasaṇamwangpitutur̀sangpaṇḍitthā, tinukupnyayalingnganyansangngr̥ĕngĕhikā, kadisinulahidĕpnyapangr̥ĕngĕmangkanā, kunangyanujar̀rahalā, mwangkocapaninglen, umpĕtlawanwadulwadul, talingaLeaf 10
[᭑᭐ 10B]
᭑᭐᭞
ᬓᬶᬦ᭄ᬢᬄ᭞ᬬᬾᬭᬶᬓᬵ᭞ᬫᬾᬖ᭄ᬕᬵᬫᬾᬤᬵ᭞ᬏᬓᬵᬰ᭄ᬭᬯ᭄ᬬᬬᬦ᭄ᬫᬗ᭄ᬓᬦᬵ᭞ᬏᬢᬸᬦ᭄ᬬᬦ᭄ᬧᬂᬚᬦ᭄ᬫᬵᬢᬸᬮᬶ᭞ᬅᬧᬦ᭄ᬲᬤᬦᬶᬂᬲᬸᬫ᭄ᬗᬵᬯᬭᬄᬯᬭᬄ᭞ᬲᬂᬧᬡ᭄ᬤᬶᬢ᭄ᬣᬵ᭞ᬤᭀᬦᬶᬂᬢᬮᬶᬗᬳᬶᬦᬦᬓᭂᬦ᭄ᬤᬾᬪᬝᬭ᭛ᬓᬸᬦᬂᬳᬶᬓᬂᬮᬸᬫ᭄ᬲᬸᬄ᭞ᬫᬗ᭄ᬓᬾᬲᬶᬮᬦᬶᬓᬵᬗᬸ᭠
ᬦᬶ᭛ᬬᬤᬃᬫ᭄ᬫᬵᬦᬶᬫ᭄ᬤᬸᬱ᭄ᬝᬬᬾᬢ᭄ᬮᭀᬓᬾ᭞ᬯᬾᬕᬾᬦᬵᬢᬺᬢ᭄ᬢᬵᬓᬃᬫ᭄ᬫᬤᬵ᭞ᬫ᭄ᬭᬢᬲ᭄ᬢᬸᬧ᭄ᬭᬵᬧ᭄ᬦ᭄ᬬᬬᬢ᭄ᬓᬰ᭄ᬘᬶᬢ᭄᭞ᬧᬗ᭄ᬕᬸᬢ᭄ᬯᬫᬳᬶᬦᬤᬸᬓᬶᬢ᭛ᬓᬮᬶᬂᬗᬦ᭄ᬬ᭞ᬅᬕᬼᬫᬦᬬᬓᭂᬦ᭄ᬤᬃᬫ᭄ᬫᬵᬇᬓᬵᬗᬸᬦᬶ᭞ᬮᬶᬦ᭄ᬧᬢᬦ᭄ᬧᬤᭀᬦ᭄ᬢ᭄ᬓᬗᬧᬸᬦ᭄ᬬ᭞ᬲᬧᬵ
ᬢ᭄ᬭᬸᬄᬭᬶᬂᬤᬮᬦᬶᬓᬵ᭞ᬦᬶᬳᬦ᭄ᬢᬂᬕᬯᬾᬯᬲ᭄ᬧᬤᬵ᭞ᬇᬮᬸᬗᬢᬗᬮᬧ᭄ᬤᬺᬯ᭄ᬬᬦ᭄ᬬᬲᬶᬬᬦᬸ᭞ᬢᬸᬫᬸᬮᬸᬬ᭄ᬩ᭄ᬬᬓ᭄ᬢᬨᬮᬵᬦᬶᬓᬵ᭞ᬧᬢᬶᬧᬢ᭄ᬬᬲᬶᬢᬶᬯᬲ᭄᭞ᬇᬓᬵᬢᬯ᭄ᬯᬂᬫᬗ᭄ᬓᬦᬵᬲᬶᬮᬦ᭄ᬬ᭞ᬳᬾᬢᬸᬦ᭄ᬬᬦ᭄ᬧᬂᬚᬦ᭄ᬓᬵᬮᬸᬫ᭄ᬧᬸᬄ᭞ᬅᬧᬦ᭄ᬤᭀᬦᬶᬂᬓᬲᬶᬓ᭄ᬢᬶᬦ᭄᭞
ᬲᬤᬦᬵᬭᬶᬂᬓᬵᬕᬯᬬᬦᬶᬂᬤᬃᬫ᭄ᬫᬵᬧᬓ᭄ᬦᬦ᭄ᬬᬤᬾᬪᬝᬭᬵ᭞᭛ᬦᬶᬳᬦ᭄ᬢᬮᬶᬗᬦᬸᬶᬦ᭄ᬤ᭄ᬯᬯᬦᬾᬄ᭞ᬇᬓᬂᬯᬸᬤᬸᬕ᭄᭞ᬭᬶᬂᬫᬃᬯ᭄ᬧᬮᭀᬓᬵ᭞ᬫᬗ᭄ᬓᬾᬲᬶᬮᬦᬶᬓᬵᬗᬸᬦᬶ᭛ᬤᬸᬰ᭄ᬘᬬ᭄ᬬᬫ᭄ᬕᬸᬭᬸᬢᬫ᭄ᬧᬓᬾ᭞ᬕᬸᬭᬸᬢᬫ᭄ᬧᬓᬾᬳᬶᬓᬵᬗᬸᬦᬶᬭᬶᬂᬧᬸᬃᬯ᭄ᬯᬚᬦ᭄ᬫᬵ᭞ᬕᬸ
[᭑᭑ 11A]
ᬭᬸᬢᬫ᭄ᬧᬓᬵᬗᬭᬦ᭄ᬬ᭞ᬫᬓᬲ᭄ᬢ᭄ᬭᬶᬭᬩᬶᬦᬶᬂᬕᬸᬭᬸ᭞ᬢᬦ᭄ᬧᬲᬗ᭄ᬓᬦ᭄ᬧᭀᬩᬬᬦ᭄᭞ᬮᬯᬦ᭄ᬲᬂᬕᬸᬭᬸᬗᬭᬦ᭄ᬬ᭞ᬲᬶᬭᬵᬲᬂᬧᬦᬫ᭄ᬩᬳᬦ᭄᭞ᬲᬗᬲ᭄ᬓ᭄ᬭᬢ᭄ᬢᬵ᭞ᬧᬗᬚ᭄ᬬᬦ᭄᭞ᬓᬸᬦᬂᬲᬶᬭᬵ᭞ᬲᬶᬭᬕᬸᬭᬸᬗᬭᬦᬶᬭᬵ᭛ᬓᬸᬦᬂᬳᬶᬓᬂᬯ᭄ᬯᬂᬳᬼᬕᭂᬦ᭄᭞ᬕᬶᬫ᭄ᬩᬍᬦ᭄᭞ᬯᬕᭂᬦ᭄᭞ᬅᬕ
ᬫᬵᬕᬫ᭄ᬬᬦᭂᬦ᭄᭞ᬗᬭᬦᬶᬓᬵ᭞ᬤᬤᬶᬫᬮᬸᬗ᭄ᬕᬸᬄᬳᬶᬓᬂᬧ᭄ᬭᬲᬶᬤ᭄ᬤᬵᬮᬶᬦᬭ᭞ᬗᬦ᭄ᬤᬂᬧᬡ᭄ᬟᬶᬢ᭄ᬣᬵ᭞ᬫᬓᬧᬗᬤᬓᬰᬦ᭄ᬢᬶᬦ᭄᭞᭠ᬯᬶᬬ᭄ᬬᬦ᭄ᬬ᭞ᬫᬲ᭄ᬦ᭄ᬬ᭞ᬇᬓᬵᬢᬯ᭄ᬯᬂᬫᬗ᭄ᬓᬦᬵ᭞ᬢᬦ᭄ᬯ᭄ᬭᬸᬄᬧᬦ᭄ᬢᬶᬓ᭄ᬭᬫᬵ᭞ᬬᬾᬓᬵᬫᬗ᭄ᬓᬦᬵᬚᬦ᭄ᬫᬵᬦ᭄ᬬ᭛ᬓᬸᬦᬂᬇᬓᬂᬯ᭄ᬯᬂᬲ᭄ᬮᬾᬱ᭄ᬝᬢ᭄᭞ᬯᬸᬦ᭄ᬢᬸᬳᬶ
ᬭᬸᬓ᭄ᬬ᭞ᬧᬶᬲᬸᬦᬄᬧᬸᬲᬶᬦᬵ᭞ᬰᬢ᭄ᬯᬫ᭄᭞ᬅᬕᬼᬫᬫᬶᬲᬸᬦᬵᬭᬶᬂᬧᬤᬦ᭄ᬬᬚᬦ᭄ᬫᬵᬗᬸᬦᬶ᭛ᬓᬸᬦᬂᬳᬶᬓᬂᬯᬂᬗ᭄ᬳᬗ᭄ᬕᬶᬭᬶᬄ᭞ᬉᬋᬫᬵᬲᬤᬵᬓᬮᬵ᭞ᬧᬶᬢᬺᬓᭀᬧᬢ᭄ᬚ᭄ᬯᬭᬧ᭄ᬭᬧ᭄ᬢᬶᬄ᭞ᬅᬯᬫᬦᬵᬫᬾᬪᬹᬫᬩᬧᬵᬇᬓᬵᬗᬸᬦᬶ᭛ᬓᬸᬦᬂᬇᬓᬂᬯ᭄ᬯᬂᬗᬾᬤᬦ᭄᭞ᬳᬬᬦ᭄
᭞ᬉᬦ᭄ᬫᬢᭀᬧᬭᬦᬭᬢ᭄ᬯᬾ᭞ᬅᬕᬼᬫᭂᬲ᭄ᬢ᭄ᬭᬶᬮᬭᬗᬦ᭄᭞ᬇᬓᬗᬸᬦᬶᬢᬦ᭄ᬬᬢ᭄ᬦᬭᬶᬲᭂᬓᭂᬭᬶᬂᬪᬝᬭᬵᬫᬦᬸᬤᬸᬄ᭞ᬤᭀᬫᬾᬄᬬᬳᬸᬮᬗᬸᬦ᭄᭞ᬚᬦ᭄ᬫᬦ᭄ᬬᬭᬶᬯ᭄ᬓᬲᬦ᭄᭞ᬯ᭄ᬓᬲᬶᬂᬧᬧᬢ᭄ᬫᭂᬦᬶᬓᬵ᭛ᬓᬸᬦᬂᬗᬶᬓᬂᬯ᭄ᬯᬂᬗᬯ᭄ᬦᭂᬲ᭄ᬢᬦ᭄ᬧᬩ᭄ᬭᬢᬵ᭞ᬲᬧᭀ᭠
Auto-transliteration
[10 10B]
10
kintaḥ, yerikā, meghgāmedā, ekāśrawyayanmangkanā, etunyanpangjanmātuli, apansadaningsumngāwaraḥwaraḥ, sangpaṇditthā, doningtalingahinanakĕndebhaṭara /// kunanghikanglumsuḥ, mangkesilanikāngu‐
ni /// yadar̀mmānimduṣṭayetloke, wegenātr̥ĕttākar̀mmadā, mratastuprāpnyayatkaścit, panggutwamahinadukita /// kalingnganya, agl̥ĕmanayakĕndar̀mmā'ikānguni, linpatanpadontkangapunya, sapā
truḥringdalanikā, nihantanggawewaspadā, ilungatangalapdr̥ĕwyanyasiyanu, tumuluybyaktaphalānikā, patipatyasitiwas, ikātawwangmangkanāsilanya, hetunyanpangjankālumpuḥ, apandoningkasiktin,
sadanāringkāgawayaningdar̀mmāpaknanyadebhaṭarā, /// nihantalinganuindwawaneḥ, ikangwudug, ringmar̀wpalokā, mangkesilanikānguni /// duścayyamgurutampake, gurutampakehikānguniringpur̀wwajanmā, gu
[11 11A]
rutampakāngaranya, makastrirabiningguru, tanpasangkanpobayan, lawansanggurungaranya, sirāsangpanambahan, sangaskrattā, pangajyan, kunangsirā, siragurungaranirā /// kunanghikangwwanghl̥ĕgĕn, gimbal̥ĕn, wagĕn, aga
māgamyanĕn, ngaranikā, dadimalungguḥhikangprasiddālinara, ngandangpaṇḍitthā, makapangadakaśantin, ‐wiyyanya, masnya, ikātawwangmangkanā, tanwruḥpantikramā, yekāmangkanājanmānya /// kunangikangwwangsleṣṭat, wuntuhi
rukya, pisunaḥpusinā, śatwam, agl̥ĕmamisunāringpadanyajanmānguni /// kunanghikangwangnghanggiriḥ, ur̥ĕmāsadākalā, pitr̥ĕkopatjwarapraptiḥ, awamanāmebhūmabapā'ikānguni /// kunangikangwwangngedan, hayan
, unmatoparanaratwe, agl̥ĕmĕstrilarangan, ikangunitanyatnarisĕkĕringbhaṭarāmanuduḥ, domeḥyahulangun, janmanyariwkasan, wkasingpapatmĕnikā /// kunangngikangwwangngawnĕstanpabratā, sapo‐Leaf 11
[᭑᭑ 11B]
᭑᭑᭞
ᬮᬄᬦ᭄ᬬᬧᬤᬾᬢᬶᬫᭂᬲ᭄᭞ᬬᬤ᭄ᬬᬧᬶᬬᬸᬓ᭄ᬢᬶᬳᬸᬚᬃᬦ᭄ᬬ᭞ᬓᬤ᭄ᬬᬋᬗᭂᬱᬧᬢᬇᬤᭂᬧ᭄ᬦᬶᬂᬯ᭄ᬯᬂᬭᬸᬫᭂᬗᭂᬲᬯᬸᬯᬸᬲ᭄ᬦ᭄ᬭ᭞ᬲᬧ᭄ᬭᬬᭀᬚ᭄ᬜᬦᬦ᭄ᬬᬫᭀᬕᬵᬢᬦ᭄ᬲᬶᬤᬵ᭞ᬧᬡ᭄ᬟᬸᬢᬦ᭄ᬭᬢ᭄ᬢᬯᬘ᭄ᬘᬄ᭞ᬅᬕᬼᬫ᭄ᬍᬜᬾᬓ᭄ᬇᬓᬵᬗᬸᬦᬶ᭛ᬓᬸᬦᬂᬯ᭄ᬯᬂᬤᬶᬫ᭄ᬧᬶᬮ᭄ᬚᬭᬶᬚᬶᬦ᭄ᬬ᭞ᬧ᭠
ᬳᬶᬭᬶᬦ᭄ᬬᬫ᭄ᬓᬸᬫᬶᬰ᭄ᬭᬓᬾ᭞ᬳᬕᬼᬫᬫᭀᬭᬓᭂᬦ᭄ᬘᬘᬫ᭄ᬧᬸᬭᬶᬂᬲᬸᬘᬶᬤᬾᬦᬶᬂᬢᬭᬦᬵᬫᬸᬮᬢ᭄ᬭᬶᬳᬶᬤᭂᬧ᭄ᬦ᭄ᬬ᭛ᬓᬸᬦᬂᬳᬶᬓᬂᬳᬢᭂᬡ᭄ᬟᭂᬓ᭄ᬳᬤᬶᬯᭂᬮ᭄ᬭᬸᬧᬦ᭄ᬬ᭞ᬤᬦᬾᬘᭀᬭᬾᬓᬓᬯ᭄ᬯᬢ᭄ᬯᬦ᭄᭞ᬳᬕᬼᬫᬮᬶᬂᬲᬶᬮᬭᬶᬤᬦ᭄ᬬ᭞ᬇᬓᬵᬗᬸᬦᬶᬤᬦᬵᬗᬭᬦ᭄ᬬ᭞ᬚᬯᬵ
᭞ᬚᬳ᭄ᬮᬶ᭞ᬍᬗᬵ᭞ᬳᬢᬓ᭄᭞ᬧᬭᬶᬧᬶᬦᬓᬵᬤᬶᬦ᭄ᬬ᭞ᬬᬢᬶᬓᬵᬫᬮᬶᬂᬲᬶᬮᬗᬭᬦ᭄ᬬ᭛ᬓᬸᬦᬂᬗᬶᬦᬂ᭞ᬗᬤᬯᬵᬯ᭄ᬯᬂᬤᬳᬢ᭄ᬲᬮᬳᬸᬓᬸᬭ᭄᭞ᬅᬕᬼᬫ᭄ᬳᬚᬸᬢᬶᬯᬲ᭄ᬢᬸᬳᬶᬓᬵᬗᬸᬦᬶ᭞ᬓᬤ᭄ᬬᬗ᭄ᬕᬦᬶᬂᬢ᭄ᬯᬓ᭄᭞ᬲᬶᬡ᭄ᬟᬸ᭞ᬧᬲ᭄ᬢᬶᬓᬵ᭞ᬮ᭄ᬗᬵ᭞ᬫᬓᬭᬧᬱ᭄ᬝᬵ᭞ᬬᬢᬯᬶᬦᭀᬭᬓᭂᬦ᭄ᬬ᭞᭠
ᬲᬫᬃᬕ᭄ᬕᬵᬦ᭄ᬬᬦᬓ᭄ᬯᬾᬄᬳᬓᬢᬶᬗ᭄ᬳᬮᬦ᭄᭞ᬇᬤᭂᬧ᭄ᬦ᭄ᬬ᭛ᬤᬺᬤᬵᬲ᭄ᬬᬸᬯᬘᬵ᭞ᬫᬢᬓ᭄ᬯᬦ᭄ᬢᬲᬂᬤᬺᬤᬵᬲ᭄ᬬᬸᬫᬸᬯᬄᬮᬶᬂᬦᬶᬭᬵ᭛ᬓᬾᬯᬮᬓ᭄ᬮᬾᬱᬵᬫᬧ᭄ᬦᭀᬢᬶ᭞ᬦᬶᬯᭀᬓ᭄ᬮᬾᬰᬵᬦ᭄ᬢᬭᬗ᭄ᬕᬸᬢᬄ᭛ᬲᬚ᭄ᬜᬵᬳ᭄ᬬᬂᬫᬫᬶ᭞ᬅᬗᬶᬂᬓ᭄ᬮᬾᬱᬵᬲᬫᬗ᭄ᬓᬵᬯᬶᬦᬗ᭄ᬕᬸᬄᬦᬶ
[᭑᭒ 12A]
ᬓᬵᬓᬩᬾᬄ᭞ᬉᬯᬘᬵ᭞ᬲᬸᬫᬯᬸᬃᬪᬝᬭᬕᬱ᭄ᬢ᭄ᬬ᭞ᬮᬶᬂᬦᬶᬭᬵ᭞ᬦᬾᬢ᭄ᬣᬸᬘᬾᬢᬾ᭞ᬢᬳᬦᬓᬸ᭞ᬤᬸᬫᬸᬦᬸᬂᬭᬶᬫᬳᬦᬶᬭᬬᬵ᭞ᬅᬢ᭄ᬫᬦ᭄ᬬᬭᬸᬫᬸᬳᬸᬦ᭄᭞ᬯᬶᬦᬯᬭᬶᬳᬢᬶᬯᬳᬶᬢᬲᬭᬶᬭᬗᬭᬦ᭄ᬬ᭞ᬇᬓᬂᬲᬭᬶᬭᬵᬦᬶᬳᬢ᭄ᬫᬵ᭞ᬅᬦ᭄ᬧᬭᬭᬶᬂᬰ᭄ᬯᬃᬖ᭄ᬕᬵᬭᬶᬂᬦᬭᬓᭀ
ᬮᬵᬓᬵᬓᬸᬦᬂ᭞ᬭᬶᬯᬸᬳᬸᬦ᭄ᬦᬶᬓᬵ᭞ᬳᬸᬫᬃᬬ᭄ᬬᬓᭂᬦ᭄᭞ᬲᬭᬶᬭᬦ᭄ᬬᬭᬶᬂᬫᬤ᭄ᬬᬮᭀᬓᬵ᭞ᬳᬸᬯᬸᬲ᭄ᬓᬧ᭄ᬯᬬᬓᬗᬢ᭄ᬫᬵᬭᬶᬂᬰ᭄ᬯᬃᬖ᭄ᬕᬵ᭞ᬭᬶᬂᬦᬭᬓᬵᬮᭀᬓᬵᬓᬸᬦᬂ᭞ᬇᬮᬂᬳᬶᬓᬂᬗᬢᬶᬯᬳᬲ᭄ᬭᬶᬭᬵ᭞ᬲᬭᬸᬧᬦᬶᬓᬵᬧᬶᬦᬭᬦ᭄ᬬ᭞ᬬᬢᬧᬶᬦᬓᬵᬲᬭᬶᬭᬵᬦᬶᬓᬂᬳᬢ᭄ᬫᬵ᭞ᬬᬦ᭄ᬫ
ᬭᬾᬰ᭄ᬯᬃᬕ᭄ᬕᬵ᭞ᬤᬶᬯ᭄ᬬᬲᬭᬶᬭᬵᬲᬸᬮᬓ᭄ᬱᬡ᭄ᬦᬵ᭞ᬓᬤᬶᬤᬾᬯᬢ᭄ᬣᬵᬰᬭᬶᬭᬦ᭄ᬬ᭞ᬬᬦ᭄ᬧᬭᬾᬂᬦᬭᬓᬬᬵ᭞ᬢᬸᬘᬶᬢ᭄ᬢᬫᬲᬮᬶᬦᬰᬭᬶᬭ᭞ᬇᬓᬂᬧᬶᬦᬓᬵᬯᬓ᭄ᬦ᭄ᬬ᭞ᬇᬓᬂᬲᬭᬶᬭᬯ᭄ᬓᬲ᭄ᬦᬶᬓᬵᬭᬶᬭᬶᬲ᭄ᬭᬶᬭᬶᬲ᭄ᬢ᭄ᬓᬧ᭄ᬯᬬᬵᬭᬶᬂᬦᬭᬓᬵᬮᭀᬓᬵ᭞ᬅᬲᬸᬪᬭᬓ᭄ᬱᬵᬱᬢ᭠
ᬓᬵᬮᬦᬶᬓᬵᬤᬶᬢᬄ᭞ᬇᬓᬂᬯᬾᬦ᭄ᬬᬫᬳᬮᬵᬗᬸᬦᬶᬭᬶᬂᬫᬤ᭄ᬬᬵᬮᭀᬓᬵ᭞ᬬᬢᬢ᭄ᬫᬳᬦᬺᬓ᭄ᬱᬰᬵ᭞ᬤᬸᬫᭂᬡ᭄ᬟᭂᬬᬰᬭᬶᬱᬭᬶ᭞ᬅᬦᬾᬓᬵᬤᬾᬦᬶᬂᬳᬸᬫᬶᬕ᭄ᬭᬬᬵ᭞ᬦ᭄ᬤᬢᬦ᭄ᬫᬢᬶᬢᬦᬳᬸᬭᬶᬧ᭄᭞ᬲᬗ᭄ᬱᬭᬵᬗ᭄ᬭᬾᬗᬦ᭄᭞ᬚᬸᬕᬬᬲᬵᬤᬓᬮᬵ᭞ᬧᬶᬭ
Auto-transliteration
[11 11B]
11
laḥnyapadetimĕs, yadyapiyuktihujar̀nya, kadyar̥ĕngĕṣapata'idĕpningwwangrumĕngĕsawuwusnra, saprayojñananyamogātansidā, paṇḍutanrattawaccaḥ, agl̥ĕml̥ĕñekikānguni /// kunangwwangdimpiljarijinya, pa‐
hirinyamkumiśrake, hagl̥ĕmamorakĕncacampuringsucideningtaranāmulatrihidĕpnya /// kunanghikanghatĕṇḍĕk'hadiwĕlrupanya, danecorekakawwatwan, hagl̥ĕmalingsilaridanya, ikāngunidanāngaranya, jawā
, jahli, l̥ĕngā, hatak, paripinakādinya, yatikāmalingsilangaranya /// kunangnginang, ngadawāwwangdahatsalahukur, agl̥ĕmhajutiwastuhikānguni, kadyangganingtwak, siṇḍu, pastikā, lngā, makarapaṣṭā, yatawinorakĕnya, ‐
samar̀ggānyanakweḥhakatinghalan, idĕpnya /// dr̥ĕdāsyuwacā, matakwantasangdr̥ĕdāsyumuwaḥlingnirā /// kewalaklesyāmapnoti, niwokleśāntaranggutaḥ /// sajñāhyangmami, angingklesyāsamangkāwinangguḥni
[12 12A]
kākabeḥ, uwacā, sumawur̀bhaṭaragaṣtya, lingnirā, netthucete, tahanaku, dumunungrimahanirayā, atmanyarumuhun, winawarihatiwahitasarirangaranya, ikangsarirānihatmā, anpararingśwar̀ghgāringnarako
lākākunang, riwuhunnikā, humar̀yyakĕn, sariranyaringmadyalokā, huwuskapwayakangatmāringśwar̀ghgā, ringnarakālokākunang, ilanghikangngatiwahasrirā, sarupanikāpinaranya, yatapinakāsarirānikanghatmā, yanma
reśwar̀ggā, diwyasarirāsulakṣaṇnā, kadidewatthāśariranya, yanparengnarakayā, tucittamasalinaśarira, ikangpinakāwaknya, ikangsarirawkasnikāririsriristkapwayāringnarakālokā, asubharaksyāṣata‐
kālanikāditaḥ, ikangwenyamahalānguniringmadyālokā, yatatmahanr̥ĕkṣaśā, dumĕṇḍĕyaśariṣari, anekādeninghumigrayā, ndatanmatitanahurip, sangṣarāngrengan, jugayasādakalā, piraLeaf 12
᭑᭒᭞
ᬢᬮᬯᬲ᭄ᬦᬶᬓᬵ᭞ᬫᬓᬓᬮᬓᬵᬃᬯ᭄ᬯᬶᬮᬂᬦᬶᬂᬭᬫ᭄ᬩᬸᬢ᭄ᬦ᭄ᬬ᭞ᬢ᭄ᬮᬲ᭄ᬦᬶᬂᬲᬫᬗ᭄ᬓᬦᬵ᭞ᬯᬶᬦᬾᬄᬢᬬᬫᬂᬚᬦ᭄ᬫᬵ᭞ᬢ᭄ᬓᬧ᭄ᬩᬝᬭᬤᬃᬫ᭄ᬫᬵ᭞ᬗᬭᬦᬶᬭᬵ᭞ᬦᬪᬝᬭᬬᬫ᭄ᬫᬵ᭞ᬲᬂᬓᬸᬫᬬᬢ᭄ᬦᬓᭂᬦ᭄ᬲᬸᬪᬲᬸᬪᬧ᭄ᬭᬯᬺᬢ᭄ᬢᬶᬦᬶᬓᬂᬲᬂᬓᬵᬮᬵᬚᬦᬓ᭄ᬭᬫᬜ᭞ᬇᬮᬵᬢᬢᬦ᭄ᬲᬧᬶᬭᬵᬧᬧ
ᬦ᭄ᬬ᭞ᬬᬫᬢ᭄ᬫᬳᬦ᭄ᬧᬶᬯᬶᬮᬶᬓᬵ᭞ᬲᬮ᭄ᬯᬶᬃᬦᬶᬂᬲᬢ᭄ᬯᬵᬓᬶᬦᬾᬮᬶᬓᬦ᭄ᬤᬾᬦᬶᬂᬭᬢ᭄᭞ᬓᬸᬦᬂᬦᬶᬓᬂᬫᬭᬶᬂᬰ᭄ᬯᬃᬕ᭄ᬕᬵ᭞ᬫᬂᬚᬦ᭄ᬫᬵᬫᬦᬸᬱᬯᬶᬲᬾᬰᬵ᭞ᬫᬗ᭄ᬓᬾᬲᬶᬮᬦᬶᬓᬵᬗᬸᬦᬶ᭛ᬢᬧᭀᬬᬚ᭄ᬜᬵᬰᬸᬭᬵᬫ᭄ᬓᬬ᭄ᬬᬫ᭄᭞ᬅᬓᬭᭀᬢ᭄ᬲᬸᬯᬚᬤ᭄ᬫᬵᬦᬶ᭞ᬅᬳᭀᬢ᭄ᬲ᭄ᬯᬃᬕ᭄ᬕᬳ᭠
ᬯᬧ᭄ᬦᭀᬢᬶ᭞ᬬᭀᬕᬾᬫᭀᬢ᭄ᬲᬫᬯᬧ᭄ᬦᬸᬬᬧ᭄᭛ᬓᬮᬶᬗᬦ᭄ᬬ᭞ᬢᬶᬗ᭄ᬕᬵᬳᬶᬓᬂᬓᬃᬬ᭄ᬬᬫᬸᬳᬭᬵᬰ᭄ᬯᬃᬖ᭄ᬕᬵ᭞ᬢᬯᬵ᭞ᬬᬚ᭄ᬜ᭞ᬓᬶᬃᬢ᭄ᬢᬶ᭞ᬧᬗᬯ᭄ᬭᬸᬄᬓᬬᬳᬶᬦ᭄ᬤ᭄ᬭᬶᬬᬵᬦᬶᬕ᭄ᬭᬳᬵ᭞ᬓᬯᬶᬲᬓᬶᬢᬦᬶᬂᬲᬶᬭᬶᬭᬵ᭞ᬫ᭄ᬯᬂᬓᬳᬺᬢᬦᬶᬂᬤᬲᬾᬂᬤ᭄ᬭᬶᬬᬵ᭞ᬬᬢᬧᬗᬭᬦ᭄ᬬ᭞ᬬᬚ᭄ᬜᬵ
ᬤᬭᬦ᭄ᬬ᭞ᬅᬕ᭄ᬦᬶᬳᭀᬢ᭄ᬭᬤ᭄ᬤᬶ᭞ᬓᬧᬸᬚᬦ᭄ᬲᬂᬗ᭄ᬳ᭄ᬬᬂᬲᬶᬯᬵᬕ᭄ᬦᬶᬧᬶᬦᬓᬤᬶᬦ᭄ᬬ᭞ᬯᬶᬦᬾᬄᬫᬢ᭄ᬫᬳᬦ᭄ᬭᬸᬲᬳᬵ᭞ᬯᬶᬳᬭᬵ᭞ᬧᬃᬳ᭄ᬬᬗᬦ᭄᭞ᬧᬢᬦᬶ᭞ᬧᬜ᭄ᬘᬸᬭᬦ᭄᭞ᬢ᭄ᬩᬕᬵ᭞ᬇᬢ᭄ᬬᭀᬯᬫᬤᬶ᭞ᬬᬢᬶᬓᬵᬓᬶᬃᬢ᭄ᬯᬶᬗᬭᬦ᭄ᬬ᭞ᬇᬓᬂᬢᬶᬕᬂᬲᬶᬓᬶ᭞ᬬᬾᬓᬵᬫᬧᬮᬵ
Auto-transliteration
