paparikan-arjuna-wiwaha-02

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭛᭜᭛ᬅᬯᬶᬖ᭄ᬦᬫᬵᬲ᭄ᬢᬸᬦᬫᬲ᭄ᬯᬳ᭛᭜᭛ᬤᬸᬃᬫ᭄ᬫᬗ᭄ᬕᬮᬵᬩ᭄ᬮᭀᬕᬾᬳᬗ᭄ᬕᭀᬦ᭄ᬩᬩᬗ᭄ᬕᬦ᭄᭞ᬦᬃᬓ᭄ᬓᬓᬳ᭄ᬬᬸᬦ᭄ᬲᬗ᭄ᬓᬯᬷ᭞ᬢ᭄ᬯᬭᬦᬯᬂᬳᬸᬮᬄ᭞ᬳᬸᬘᬧ᭄ᬰᬢᭀᬤᬶᬰ᭄ᬯᬃᬕ᭄ᬕᬦ᭄᭞ᬤᬸ ᬓ᭄ᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭᬦᬾᬗᬹᬦᬶ᭞ᬓᬢᬶᬩᬾᬂᬤᬸᬄᬓ᭞ᬳᬦ᭄ᬢᬸᬓ᭄ᬳᬶᬭᬓ᭄ᬱᬵᬲᬚᬸᬢᬶ᭟ᬳᬩᬜᬕᬸᬂᬧᬶᬲᬦ᭄ᬫᬳᬤᬦ᭄‌‌ᬯᬝᬵᬓᬯᬘ᭞ᬤᬶᬫᬡ᭄ᬝᬓᬦᬵᬕᬭᬶ᭞ᬲᬸᬕᬶᬄᬩᬮᬯᬷᬭ᭄ᬬ᭞ᬲᬵᬫ᭄ᬧᬸᬦ᭄ᬫᬜ᭄ᬚᬬ ᬪ᭄ᬯᬦ᭞ᬢ᭄ᬯᬭᬳᬤᬫᬦᬡ᭄ᬥᬶᬗᬶᬦ᭄᭞ᬭᬶᬂᬓᬯᬶᬰᬾᬱᬦ᭄᭞ᬤᬾᬯᬣᬧᬥᬵᬳ᭄ᬭᬶ᭟ᬤ᭄ᬮᭀᬤ᭄ᬕᬸᬦᬸᬂᬫᬳᬵᬫᬾᬭᬸᬤᬾᬰᬦ᭄ᬜᬓᭀᬘᬧ᭄᭞ᬢᬹᬃᬧᬗ᭄ᬭᬱᬜᬕ᭄ᬮᬶᬲ᭄᭞ᬧᬘᬂᬗ᭄ᬭᬸᬲᬓ᭄ᬓᬾᬦ᭄ᬤ᭄ᬭ ᬦ᭄᭞ᬤᬾᬦᬶᬂᬬᬲᬸᬩᬫ᭄ᬩᬳᬦ᭄᭞ᬧᬵᬦᬸᬕ᭄ᬭᬳᬵᬤᬳᬢ᭄‌‌ᬧᬶᬗᬶᬢ᭄᭞ᬢᭀᬂᬤᬤᬶᬭᬸᬲᬓ᭄᭞ᬩᬳᬦ᭄ᬤᬾᬯᬣᬋᬱᬶ᭟ᬢ᭄ᬯᬶᬭᬓ᭄ᬱᬵᬲᬤᬾᬢ᭄ᬬᬤᬵᬦᬯᬵᬲᬸᬭ᭞ᬓᬾᬯᬮ [᭒ 2A] ᭒ ᬦᬾᬳᬩ᭄ᬲᬶᬓ᭄᭞ᬚᬦ᭄ᬫᬵᬫᬯᬶᬰᬾᬱ᭞ᬳᭂᬦ᭄ᬢᭀᬢᬗᬭᬶᬦ᭄ᬳᬶᬩ᭞ᬓᬾᬢᭀᬧᬗᬡ᭄ᬥᬶᬓᬦ᭄‌‌ᬯᬶᬥᬶ᭞ᬢᭀᬦᬾᬓ᭄ᬭᬯᭀᬲᬂ᭞ᬳᬦ᭄ᬢᬸᬓ᭄ᬤᬾᬯᬣᬦᬾᬲᬫᬶ᭟ᬢᭀᬤᬶᬰ᭄ᬯᬃᬕ᭄ᬕᬦ᭄ᬭᬯᭀᬲᬾᬫᬩ᭄ᬬ ᬬᬸᬯᬦ᭄᭞ᬭᬶᬂᬳᬶᬤᬲᬂᬲᬘᬶᬧᬢᬶ᭞ᬜᬸᬜ᭄ᬚᬸᬂᬭᬶᬂᬳᬚ᭄ᬜᬳ᭞ᬗ᭄ᬭᬯᭀᬲ᭄ᬤᬶᬧᬓᬳ᭄ᬬᬸᬦᬦ᭄᭞ᬤᬶᬚᬵᬳᬤᬚᬦ᭄ᬫᬵᬰᬓ᭄ᬢᬶ᭞ᬦ᭄ᬢᭀᬧᬘᬂᬧᬶᬦᬂ᭞ᬳᬧᬗᬭᬯᬸᬄᬫᬳᬶ᭟ᬲᬂᬆᬃᬚ᭄ᬚᬸᬦᬢᭂᬫ᭄ᬩᬾᬓᬳᭀᬃ ᬣᬫᬢᬧ᭞ᬓᬾᬦ᭄ᬓᬾᬦ᭄ᬲᬤ᭄ᬥ᭄ᬬᬦ᭄ᬜᬗᬾᬱ᭄ᬝᬶ᭞ᬫᭂᬦᬂᬤᬶᬧᬲᬶᬬᬢᬦ᭄᭞ᬬᬦ᭄ᬲᬸᬩᬓᬮᬸᬕ᭄ᬭᬳ᭞ᬧᬬᬸᬗᬮᬶᬄᬧᬘᬂᬓᬦ᭄ᬢᬶ᭞ᬬᬾᬦ᭄ᬜᬓᬢᬸᬦᬦ᭄᭞ᬚᬩᬦᬶᬂᬳᬶᬬᬳᬮᬶᬄ᭟ᬤᬾᬦᬶᬂᬲᭂᬗ᭄ᬓ ᬢᬶᬗ᭄ᬓᬳᬾᬗᬮᬶᬄᬦᬸᬕ᭄ᬭᬳ᭞ᬦᬸᬫᬥᬲᬃᬲᬓᬶᬢ᭄᭞ᬢᬹᬃᬫᬗᭂᬦ᭄ᬢᬵᬳᬯᬓ᭄᭞ᬫᬵᬢᬓ᭄ᬬᬧ᭄ᬢᬳᭂᬦᬂ᭞ᬧᬗᬾᬱ᭄ᬝᬶᬦᬾᬢ᭄ᬯᬄᬫᬫ᭄ᬩᭂᬲᬶᬓ᭄᭞ᬤᬵᬫ᭄ᬩᬳᬂᬳᭀᬩᬄ᭞ᬕᬶᬦᭂᬗᬂᬳᬧᬂᬢᬶ

Auto-transliteration

[1 1B] 1 /// • /// awighnamāstunamaswaha /// • /// dur̀mmanggalāblogehanggonbabanggan, nar̀kkakahyunsangkawī, twaranawanghulaḥ, hucapśatodiśwar̀ggan, du ksanghyanghindranengūni, katibengduḥka, hantuk'hiraksyāsajuti. habañagungpisanmahadanwaṭākawaca, dimaṇṭakanāgari, sugiḥbalawīrya, sāmpunmañjaya bhwana, twarahadamanaṇdhingin, ringkawiśeṣan, dewathapadhāhri. dlodgunungmahāmerudeśanñakocap, tūr̀pangraṣañaglis, pacangngrusakkendra n, deningyasubambahan, pānugrahādahatpingit, tongdadirusak, bahandewathar̥ĕsyi. twiraksyāsadetyadānawāsura, kewala [2 2A] 2 nehabsik, janmāmawiśeṣa, hĕntotangarinhiba, ketopangaṇdhikanwidhi, tonekrawosang, hantukdewathanesami. todiśwar̀gganrawosemabya yuwan, ringhidasangsacipati, ñuñjungringhajñaha, ngrawosdipakahyunan, dijāhadajanmāśakti, ntopacangpinang, hapangarawuḥmahi. sangār̀jjunatĕmbekahor̀ thamatapa, kenkensaddhyanñangeṣṭi, mĕnangdipasiyatan, yansubakalugraha, payungaliḥpacangkanti, yenñakatunan, jabaninghiyahaliḥ. deningsĕngka tingkahengaliḥnugraha, numadhasar̀sakit, tūr̀mangĕntāhawak, mātakyaptahĕnang, pangeṣṭinetwaḥmambĕsik, dāmbahanghobaḥ, ginĕnganghapangti

Leaf 2

Image on Archive.org

[᭒ 2B] ᭒ ᬮᬶᬂ᭟ᬤᬤᬶᬧᬸᬦᬄᬚᬧᬵᬦᬾᬶᬸᬫᬦ᭄ᬢ᭄ᬭᬦᬾᬓᭂᬡ᭄ᬥᭂᬮᬂ᭞ᬬᬾᬦ᭄ᬮᭀᬪᬦᬾᬳᬸᬮᬸᬭᬶᬦ᭄᭞ᬗᬾᬱ᭄ᬝᬷᬭᬵᬚᬢᬧᬵ᭞ᬳᬾᬱ᭄ᬝᬶᬬᬂᬤᬵᬫ᭄ᬩᬳᬂᬧ᭄ᬮᬶᬄ᭞ᬬᬾᬦ᭄ᬮᬗ᭄ᬕᭂᬂᬫᬢᬧᬵ᭞ᬳᬶᬤᬪᬝᬵᬭ᭞ᬢᬢᬲ᭄ᬳᬶᬤᬗᬮᬸᬕ᭄ᬭ ᬳᬶᬦ᭄᭟ᬓᬾᬢᭀᬧᬜᬾᬯᬢᬄᬳᬶᬤᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬲᬂᬨᬮ᭄ᬕᬸᬡᬯᭀᬂᬢ᭄ᬯᬶ᭞ᬧᬵᬕᭂᬄᬗ᭄ᬕᬶᬲᬶᬸᬱᬶᬩ᭄ᬭᬣ᭞ᬤᬾᬦᬶᬂᬳᬶᬤᬗ᭄ᬭᬯᭀᬲᬂ᭞ᬚᬤᬶᬧᬥᬫᬫ᭄ᬪᬾᬥᬦᬶᬦ᭄᭞ᬳᬗ᭄ᬕᬾᬦ᭄ᬗᬦ᭄ᬢᭂᬦᬂ᭞ᬫᬦᬳᬾᬲᬂ ᬓᬶᬭᬶᬝᬶ᭟ᬤᬾᬦᬶᬂᬳᬤᬯᬶᬤ᭄ᬬᬥᬭᬷᬲᬸᬩᬢᬫ᭄ᬫᬵ᭞ᬧᬶᬮᬶᬄᬗ᭄ᬭᬸᬲᬓᬂᬓᬾᬃᬢ᭄ᬢᬶ᭞ᬲᬶᬂᬧᬕᭂᬄᬫᬢᬧᬵ᭞ᬲᬸᬩᬧᬥᬓ᭄ᬭᬸᬲᬓᬂ᭞ᬬᬾᬦ᭄ᬮ᭄ᬬᬸᬦ᭄ᬜᬧᬢᬂᬤᬶᬭᬶ᭞ᬦ᭄ᬢᭀᬩ᭄ᬯᬓᬦ᭄ᬜ᭞ᬫᬦᬶᬧᬘᬂᬓᬳᬸᬓᬶᬃ ᭟ᬭᬭᬶᬲ᭄ᬓᬚ᭄ᬦᭂᬗᬂᬢᭀᬕᭀᬕ᭄‌‌ᬢ᭄ᬯᬶᬫ᭄ᬮᬄ᭞ᬳᬫᭀᬗᬦ᭄ᬤᬾᬯᬣᬋᬱᬶ᭞ᬫ᭄ᬯᬄᬯᬢᭂᬓ᭄ᬤᬾᬯᬣ᭞ᬭᬭᬶᬲ᭄ᬫᬧ᭄ᬭᬥᬓ᭄ᬱᬶᬡ᭞ᬤᬶᬢᬸᬮᬯᬸᬢ᭄ᬓᬬᭀᬕᬳᬶᬦ᭄᭞ᬢᬸᬃᬓᬢ᭄ᬮᭂᬩᬂ᭞ᬧᬶᬂᬢ᭄ᬮᬸᬓᬧ᭄ᬭᬶᬓ᭄ᬱ [᭓ 3A] ᭓ ᬳᬶᬦ᭄᭟ᬲᬗ᭄ᬳ᭄ᬬᬂᬧ᭄ᬭᬚᬧᬢᬶᬤᬶᬢᬸᬗ᭄ᬯᬗᬸᬦ᭄ᬢᬶᬗ᭄ᬓᬄ᭞ᬫᬧ᭄ᬭᬪᬹᬧ᭄ᬢᬂᬲᬶᬓᬶ᭞ᬧᬥᬓᬪᬶᬦᬯᬵ᭞ᬫᬓᬵᬤᬶᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬧᬮ᭄ᬬᬸᬦᬶᬦ᭄ᬩᬵᬦ᭄ᬧᬗᬓ᭄ᬱᬶ᭞ᬳᬧᬂᬤᬵᬮᬶᬓᬤ᭄᭞ᬚᬮᬦ᭄ᬜᬦᬾᬤᬶᬤᬸᬭᬶ᭟ᬦ᭄ᬢᭀ᭠ ᬦᬾᬤᬤ᭄ᬯᬩ᭄ᬯᬓᬦ᭄ᬜᬦᬾᬳᬋᬧᬂ᭞ᬢ᭄ᬯᬭᬳᬤᬦᬡ᭄ᬥᬶᬗᬶᬦ᭄᭞ᬫᬵᬤᬦ᭄ᬳᬶᬮᭀᬢ᭄ᬢᬫ᭞ᬢ᭄ᬓᬾᬦᬶᬂ᭠ᬳᬶᬲᬸᬧ᭄ᬭᬪ᭞ᬦ᭄ᬢᭀᬭᬭᬶᬲ᭄ᬓᬥᬯᬸᬳᬶᬦ᭄᭞ᬧᬘᬂᬫᬗ᭄ᬭᬸᬲᬓ᭄᭞ᬢᬧᬵᬦᬾᬲᬂᬓᬶᬭᬶᬣᬶ᭟ᬳ᭄ᬦᬾᬜ ᬳᬶᬦᬾᬧᬧᬶᬢᬸᬧ᭄ᬬᬦᬓ᭄ᬩᬧ᭞ᬤᬵᬜᬳᬶᬲᬮᬄᬢᬫ᭄ᬧᬶ᭞ᬩᬧᬦᬸᬦᬲ᭄ᬳᬶᬘ᭄ᬙ᭞ᬓᭂᬦᬵᬜᬳᬶᬜᬭᬢᬂ᭞ᬫᬸᬜᬶᬦ᭄ᬩᬧᬦᬾᬤᬕᬶᬗᬶᬦ᭄᭞ᬩᬧᬫᬜᭂᬮᬂ᭞ᬓᬳ᭄ᬬᬸᬦ᭄ᬜᬳᬶᬦᬾᬚᬦᬶ᭟ᬦᬄᬚᬮ ᬦᬶᬦ᭄‌‌ᬦ᭄ᬢᭀᬓᬕᬸᬦᬸᬂᬳᬶᬦ᭄ᬤ᭄ᬭᬓᬶᬮ᭞ᬳᬤᬢᬧᬵᬯ᭄ᬓᬲ᭄ᬗᬶᬱ᭄ᬝᬶ᭞ᬧᬕᭂᬄᬗ᭄ᬕᬶᬲᬶᬸᬱᬶᬩ᭄ᬭᬣ᭞ᬫᬳᬤᬦ᭄ᬲᬂᬨᬮ᭄ᬕᬸᬡ᭞ᬲᬤ᭄ᬥ᭄ᬬᬵᬬᬂᬤᬵᬜᬳᬶᬩᬶᬳᬶᬤ᭄᭞ᬯᬶᬮᬗᬂᬩᬧ᭞ᬭᬸᬲᬓ᭄‌‌ᬬᬩᬳᬦ᭄ᬜ

Auto-transliteration

[2 2B] 2 ling. dadipunaḥjapāne̶mantranekĕṇdhĕlang, yenlobhanehulurin, ngeṣṭīrājatapā, heṣṭiyangdāmbahangpliḥ, yenlanggĕngmatapā, hidabhaṭāra, tatashidangalugra hin. ketopañewataḥhidasanghyanghindra, sangphalguṇawongtwi, pāgĕḥnggis̶syibratha, deninghidangrawosang, jadipadhamambhedhanin, hanggenngantĕnang, manahesang kiriṭi. deninghadawidyadharīsubatammā, piliḥngrusakangker̀tti, singpagĕḥmatapā, subapadhakrusakang, yenlyunñapatangdiri, ntobwakanña, manipacangkahukir̀ . rariskajnĕngangtogogtwimlaḥ, hamongandewathar̥ĕsyi, mwaḥwatĕkdewatha, rarismapradhaksyiṇa, ditulawutkayogahin, tur̀katlĕbang, pingtlukaprikṣa [3 3A] 3 hin. sanghyangprajapatiditungwanguntingkaḥ, maprabhūptangsiki, padhakabhinawā, makādisanghyanghindra, palyuninbānpangaksyi, hapangdālikad, jalanñanediduri. nto‐ nedadwabwakanñanehar̥ĕpang, twarahadanaṇdhingin, mādanhilottama, tkening‐hisuprabha, ntorariskadhawuhin, pacangmangrusak, tapānesangkirithi. hneña hinepapitupyanakbapa, dāñahisalaḥtampi, bapanunashiccha, kĕnāñahiñaratang, muñinbapanedagingin, bapamañĕlang, kahyunñahinejani. naḥjala ninntokagununghindrakila, hadatapāwkasngiṣṭi, pagĕḥnggis̶syibratha, mahadansangphalguṇa, saddhyāyangdāñahibihid, wilangangbapa, rusakyabahanña

Leaf 3

Image on Archive.org

[᭓ 3B] ᭓ ᬳᬶ᭟ᬓᬾᬢᭀᬧᬗᬡ᭄ᬥᬶᬓᬦ᭄ᬳᬶᬤᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬭᬶᬂᬥᬥᬭᬶᬦᬾᬲᬫᬶ᭞ᬮᬯᬸᬢ᭄ᬧᬥᬜᬸᬫ᭄ᬩᬄ᭞ᬗᬶᬭᬶᬗᬂᬧᬓᬳ᭄ᬬᬸᬦᬦ᭄᭞ᬳᬶᬤᬲᬗ᭄ᬳ᭄ᬬᬂᬲᬘᬶᬧᬢᬶ᭞ᬮᬯᬸᬢ᭄ᬫᬚᬮᬦ᭄᭞ᬳᬫ᭄ᬩᬭᬦᬾᬓᬫᬃᬕ᭄ᬕᬶ ᬦᬶᬦ᭄᭟ᬧᬓ᭄ᬩᬸᬭᬾᬳᬮᬸᬲ᭄ᬓᬤᬶᬳᬗᬶᬦ᭄ᬩᬦ᭄ᬩᬦ᭄᭞ᬫᬓ᭄ᬚᬂᬓᬳᬸᬗ᭄ᬓᬸᬮᬶᬦ᭄᭞ᬢ᭄ᬮᬶᬸᬢ᭄ᬕᬮ᭄ᬕᬸᬦᬸᬂᬳᬮᬲ᭄᭞ᬭᬭᬶᬲ᭄ᬤᬶᬢᬸᬦᬸᬳᬸᬦᬂ᭞ᬫᬩ᭄ᬭᬶᬬᬸᬓ᭄‌‌ᬦᬫ᭄ᬧᬓ᭄‌‌ᬓ᭄ᬱᬶᬣᬶᬸᬝᬶ᭞ᬤᬶᬢᬸᬫᬭᬵᬃᬭ᭄ᬬᬦ᭄᭞ᬤᬶᬳᬮ᭠ ᬲᬾᬫᬗᭂᬢᬶᬢ᭄᭟ᬧᬲ᭄ᬫᭂᬗᬦ᭄‌‌ᬢ᭄ᬓᭂᬤᬾᬤᬶᬕᬸᬦᬸᬂᬳᬮᬲ᭄᭞ᬤᬶᬢᬸᬫᬦᬫ᭄ᬧᬓ᭄‌‌ᬓ᭄ᬱᬶᬝᬶ᭞ᬫᬮᬮᬶᬲ᭄ᬫᬵᬭ᭞ᬫᬧᬸᬮᬶᬲᬳᬦ᭄ᬤᬶᬳᬮᬲ᭄᭞ᬢᬸᬫ᭄ᬩᬾᬦ᭄ᬗᭂᬦᭀᬢ᭄ᬯᬶᬥ᭄ᬬᬥᬭᬷ᭞ᬮᬾᬦ᭄ᬳᬤᬗᭂᬦᬄ ᭞ᬧᬥᬧᬦ᭄ᬓᬬᬸᬫᬦᬶᬲ᭄᭟᭜᭟ᬧᬸᬄᬲᬶᬦᭀᬫ᭄᭟᭜᭟ᬩᬸᬓᬭᬱᬦ᭄ᬜᬗᬲᭀᬭᬂ᭞ᬩᬳᬦ᭄ᬜᬦᬾᬮᬶᬯᬢ᭄ᬩᭂᬘᬶᬓ᭄᭞ᬢᬸᬓ᭄ᬢᬸᬓ᭄ᬜᭀᬜᭀᬦᬾᬓᬸᬘᬶᬯ᭞ᬫ᭄ᬮᬳᬾᬢ᭄ᬓᭂᬤ᭄ᬓᬩᬶᬩᬶᬄ᭞ [᭔ 4A] ᭔ ᬧᬥᬲᬮᬾᬂᬢᬶᬫ᭄ᬧᬳᬶᬦ᭄᭞ᬮᬾᬦ᭄ᬧᬸᬜᬦ᭄ᬓᬬᬸᬦᬾᬮᬶᬬᬸ᭞ᬭᬱᬦ᭄ᬜᬓᬧᬶᬗᬶᬢᬂ᭞ᬩᬳᬦ᭄ᬳᬫ᭄ᬩᬸᬩᬸᬗᬶᬍᬳᬶᬦ᭄᭞ᬤᬤᬶᬲᬭᬸ᭞ᬬᬾᬦ᭄ᬧᬳᭂᬓᬶᬦ᭄‌‌ᬧ᭄ᬥᬲ᭄ᬗᭂᬦᬄ᭟ᬬᬾᬦ᭄ᬳᭂᬚᭀᬳᬶᬦ᭄ᬩᬸᬯᬶᬦ᭄ᬲᬫᬃ᭞ᬮᬾ᭠ ᬦ᭄ᬳᬶᬩᬸᬗᬦ᭄ᬓᭂᬫ᭄ᬩᬂᬓᬸᬦᬶᬂ᭞ᬢᬫ᭄ᬩᬸᬮᬶᬮᬶᬗᬦᬾᬗᬸᬭᬄ᭞ᬧᬕ᭄ᬭᬶᬬᭂᬂᬫᬗᬺᬩᬸᬢ᭄ᬲᬭᬶ᭞ᬢ᭄ᬯᬭᬗᭂᬦᬄ᭠ᬮᬶᬬᬢᬶᬦ᭄᭞ᬓᬾᬯᬮᬫᬸᬜᬶᬦ᭄ᬜᬵᬫᬸᬳᬸᬕ᭄᭞ᬗᭂᬦᬄᬫ᭄ᬭᬓᬾᬤᬤ᭄ᬯ᭞ᬧᬥᬫᬗ᭄ᬩᭂᬭᬂᬓᬫ᭄ᬧᬶᬤ᭄᭞ ᬳᭂᬗ᭄ᬲᬸᬢ᭄ᬩᬸᬮᬸᬦ᭄ᬜᬦᬾᬤᬶᬘᬭᬂᬘᬡ᭄ᬥᬦ᭟ᬢᭀᬗᭀᬲ᭄ᬧᬢᬧᬦᬾᬗᭂᬦᬄ᭞ᬤᬶᬕᭀᬯᭀᬓ᭄ᬩᬢᬸᬦᬾᬧᬸᬢᬶᬄ᭞ᬩᬸᬦ᭄ᬓᬮ᭄ᬬᬲᭂᬫᬾᬲᬫᬄ᭞ᬧᬥᬵᬕᬶᬭᬂᬦᬸᬳᬸᬢ᭄ᬲᬶᬲᬶ᭞ᬕᬯᭀᬓ᭄ᬲᬂᬯᬶᬥ᭄ᬬ ᬥᬭᬷ᭞ᬤᬾᬦᬶᬂᬳᬶᬥᬧᬾᬩᬵᬲ᭄ᬘᬸᬮᬸᬓ᭄᭞ᬦ᭄ᬢᭀᬓᬭᬡᬫᬦᭂᬮᭀᬓ᭄᭞ᬤᬤᬶᬫᬩ᭄ᬭᬶᬬᬸᬓ᭄‌‌ᬗᬶᬯᬲᬶᬦ᭄᭞ᬤᬶᬮᬗᬶᬢᬾ᭞ᬓᬮ᭄ᬬᬮᬄᬳᬸᬚᬦ᭄ᬭᬵᬚ᭟ᬓᬲᬸᬮᬸᬳᬶᬦ᭄ᬩᬳᬦ᭄ᬲᬶᬸᬦ᭄᭠

Auto-transliteration

[3 3B] 3 hi. ketopangaṇdhikanhidasanghyanghindra, ringdhadharinesami, lawutpadhañumbaḥ, ngiringangpakahyunan, hidasanghyangsacipati, lawutmajalan, hambaranekamar̀ggi nin. pakburehaluskadihanginbanban, makjangkahungkulin, tl̶tgalgununghalas, rarisditunuhunang, mabriyuknampakksyit̶h̶ṭi, ditumarār̀ryan, dihala‐ semangĕtit. pasmĕngantkĕdedigununghalas, ditumanampakksyiṭi, malalismāra, mapulisahandihalas, tumbenngĕnotwidhyadharī, lenhadangĕnaḥ , padhapankayumanis \\•\\ puḥsinom \\•\\ bukaraṣanñangasorang, bahanñaneliwatbĕcik, tuktukñoñonekuciwa, mlahetkĕdkabibiḥ, [4 4A] 4 padhasalengtimpahin, lenpuñankayuneliyu, raṣanñakapingitang, bahanhambubungil̥ĕhin, dadisaru, yenpahĕkinpdhasngĕnaḥ. yenhĕjohinbuwinsamar̀, le‐ nhibungankĕmbangkuning, tambulilinganenguraḥ, pagriyĕngmangr̥ĕbutsari, twarangĕnaḥ‐liyatin, kewalamuñinñāmuhug, ngĕnaḥmrakedadwa, padhamangbĕrangkampid, hĕngsutbulunñanedicarangcaṇdhana. tongospatapanengĕnaḥ, digowokbatuneputiḥ, bunkalyasĕmesamaḥ, padhāgirangnuhutsisi, gawoksangwidhya dharī, deninghidhapebāsculuk, ntokaraṇamanĕlok, dadimabriyukngiwasin, dilangite, kalyalaḥhujanrāja. kasuluhinbahans̶n‐

Leaf 4

Image on Archive.org

[᭔ 4B] ᭔ ᬲᬹᬃᬬ᭄ᬬ᭞ᬢ᭄ᬧᬶᬭᬾᬚᬾᬂᬤᬳᬢ᭄ᬧ᭄ᬭᬶᬧᬶᬢ᭄᭞ᬗᬸᬗ᭄ᬓᬸᬮᬶᬦ᭄ᬧᬗ᭄ᬓᬸᬗᬾᬲᬯᬢ᭄᭞ᬤᬍᬫᬾᬫᬤᬲᬃᬕᬸᬫᬶ᭞ᬬᬾᬄᬤᬶᬢᬸᬜ᭄ᬩᬸᬭᬶᬦ᭄᭞ᬫᬲ᭄ᬭᬶᬬᭀᬓ᭄ᬫᬦ᭄ᬧᬾᬦ᭄ᬩᬢᬸ᭞ᬢᬥᬄᬳᬲᬶᬄᬤᬶᬳᬫ᭄ᬩᬭ᭞ᬩᬋᬂ᭠ ᬢ᭄ᬓᬾᬦ᭄ᬓᭂᬮᬶᬓ᭄ᬓᭂᬮᬶᬓ᭄᭞ᬧᬥᬳᬸᬫᬸᬂ᭞ᬭᬫᬾᬬᬧᬲᬮᬾᬂᬢᬶᬫ᭄ᬩᬮ᭄᭟ᬦ᭄ᬤᭂᬮᭀᬓ᭄ᬧᬥᬫᬳᬯᬲᬦ᭄᭞ᬫᬗᭂᬦᬄᬩᬸᬦ᭄ᬯᬶᬍᬰᬰᬶᬄ᭞ᬳᭂᬫ᭄ᬩᬸᬢᬦᬾᬧᬘᬸᬭᬗᬄ᭞ᬩᬸᬓᬭᬱᬦ᭄ᬜᬵᬗᬸᬮᬧᬶᬦ᭄᭞ ᬕᬸᬦᬸᬗᬾᬓᬦ᭄ᬢᭂᬦ᭄ᬫᬮᬶᬄ᭞ᬲᬯᬂᬢᬧᬵᬫᬲᬶᬤᭂᬓᬸ᭞ᬢᭀᬬᬫᬮᬫᬤ᭄ᬮᬫᬤ᭄᭞ᬢᭂᬳᭂᬧ᭄ᬤᬶᬧᬸᬜ᭄ᬘᬓ᭄‌‌ᬦᬸᬫ᭄ᬩᬸᬳᬶᬦ᭄᭞ᬲᬯᬂᬓᭂᬜᬸᬂ᭞ᬧ᭄ᬢᬸᬗᬾᬗᬸᬗ᭄ᬓᬸᬮᬶᬦ᭄ᬢᬸᬓᬤ᭄᭟ᬫᬲᬯᬂᬗ᭄ᬢᬶᬲᬂᬢᭀᬬ᭞ᬧ ᬩ᭄ᬭᬲᬶᬳᬦ᭄ᬲᬸᬘᬶᬳ᭄ᬦᬶᬂ᭞ᬧᬸᬜᬦ᭄ᬓᬬᬸᬧᬥᬲᬸᬓ᭞ᬫᬶᬭᬶᬩ᭄‌‌ᬗᬢᬸᬭᬂᬧᬲᬚᬶ᭞ᬩ᭄ᬯᬄᬓᬬᬸᬦᬾᬫᬦᬶᬲ᭄᭞ᬳᭂᬦ᭄ᬢᭀᬳᬢᬸᬭᬗᬤᬶᬢᬸ᭞ᬢ᭄ᬓᬾᬦᬾᬫᬘᬗ᭄ᬓ᭄ᬭᬫ᭞ᬩᬸᬦ᭄ᬳᬢᬦᬾᬳᬶᬗ᭄ᬓᭂᬮ᭄ [᭕ 5A] ᭕ ᬭᬯᬶᬢ᭄᭞ᬓᬘᬸᬧᬶᬢᬦ᭄‌‌ᬜᬦᬾᬫᬓᬧᬩᬓ᭄ᬢ᭄ᬬᬦ᭄᭟ᬤᬶᬳᬮᬲᬾᬫᬶᬸᬓᬶᬸᬢᬸᬯᬶᬫ᭄ᬮᬄ᭞ᬓᬳᭀᬚᭀᬕ᭄‌‌ᬩᬵᬦ᭄ᬯᬶᬥ᭄ᬬᬥᬭᬶ᭞ᬫᬳᬶᬭᬶᬩ᭄ᬫᬦᬸᬦᬲ᭄ᬳᬸᬚᬦ᭄᭞ᬤᬶᬰᬰᬶᬄᬓᬧᬢᬾᬫᭂᬦ᭄ᬢᬶᬓ᭄᭞ᬚᬓᬵᬫᬤᬶ᭠ ᬗ᭄ᬥᬶᬂᬳᬳᬶ᭞ᬦ᭄ᬢᭀᬧᬲᬗ᭄ᬕ᭄ᬭᬳᬦ᭄‌‌ᬲᬂᬳᬬᬸ᭞ᬳᬤᬦ᭄ᬜᬧᬶᬲᬂᬩᬸᬗ᭞ᬓᬬᬸᬢᬾᬚᬦᬾᬢᬦ᭄ᬫᬭᬶ᭞ᬫᬜᭂᬭᬳᬂ᭞ᬤᬾᬯᬾᬓ᭄ᬜᬦᬾᬓᬩᬸᬗᬬᬂ᭟ᬧᬸᬜᬦ᭄ᬳᬸᬗᬸᬮᬦ᭄ᬳᬗ᭄ᬰᬡ᭞ᬧᬥᬵᬬᬵᬲᬮᬾᬂᬮᬗ᭄ᬓᬸᬗᬶ ᬦ᭄᭞ᬫᬶᬭᬶᬩ᭄ᬫᬦᬕᬶᬄᬩᬸᬗᬬᬂ᭞ᬫᬗ᭄ᬕᬯᬾᬲᬦ᭄ᬮᭂᬕᬦ᭄ᬳᬢᬶ᭞ᬢ᭄ᬯᬭᬲ᭄ᬥᭂᬂᬓᬮᬳᬶᬦ᭄᭞ᬓᬮᬸᬤ᭄ᬤᬄᬥᬭᬶᬦᬶᬸᬦᬾᬢᬸᬬᬸᬄ᭞ᬩᬳᬦ᭄ᬢᭂᬫ᭄ᬩᬾᬫᬚᬮᬦ᭄᭞ᬧᬢᬧᬦ᭄‌‌ᬗᭂᬦᬄᬗᬶᬫ᭄ᬩᬸᬳᬶᬦ᭄᭞ᬢᬦ᭄ᬮ᭄ᬬᬦᬾ᭞᭠ ᬳᬾᬱ᭄ᬝᬶᬳᬶᬤᬲᬂᬅᬃᬚ᭄ᬚᬸᬦ᭟ᬳᬤᬘᬶᬭᬶᬦ᭄ᬓᬲᬓᬶᬢᬦ᭄᭞ᬳᭂᬦ᭄ᬢᭀᬤᬶᬳᬮᬲᬾᬩᭂᬘᬶᬓ᭄᭞ᬩᬥᬸᬗᬾᬫᬩᬸᬗᬵᬲᬫᬄ᭞ᬥᬥᬭᬶᬦᬾᬓᬗᭂᬦ᭄ᬧᬮᬶᬂ᭞ᬧᬗ᭄ᬭᬱᬦ᭄ᬜᬤᬶᬳᬢᬶ᭞ᬲᬗ᭄ᬳ᭄ᬬᬂᬲ᭄ᬫᬵ᭠

Auto-transliteration

[4 4B] 4 sūr̀yya, tpirejengdahatpripit, ngungkulinpangkungesawat, dal̥ĕmemadasar̀gumi, yeḥdituñburin, masriyokmanpenbatu, tadhaḥhasiḥdihambara, bar̥ĕng‐ tkenkĕlikkĕlik, padhahumung, rameyapasalengtimbal. ndĕlokpadhamahawasan, mangĕnaḥbunwil̥ĕśaśiḥ, hĕmbutanepacurangaḥ, bukaraṣanñāngulapin, gunungekantĕnmaliḥ, sawangtapāmasidĕku, toyamalamadlamad, tĕhĕpdipuñcaknumbuhin, sawangkĕñung, ptungengungkulintukad. masawangngtisangtoya, pa brasihansucihning, puñankayupadhasuka, miribngaturangpasaji, bwaḥkayunemanis, hĕntohaturangaditu, tkenemacangkrama, bunhatanehingkĕl [5 5A] 5 rawit, kacupitanñanemakapabaktyan. dihalasem̶k̶tuwimlaḥ, kahojogbānwidhyadhari, mahiribmanunashujan, diśaśiḥkapatemĕntik, jakāmadi‐ ngdhinghahi, ntopasanggrahansanghayu, hadanñapisangbunga, kayutejanetanmari, mañĕrahang, dewekñanekabungayang. puñanhungulanhangśaṇa, padhāyāsalenglangkungi n, miribmanagiḥbungayang, manggawesanlĕganhati, twarasdhĕngkalahin, kaluddaḥdharin̶netuyuḥ, bahantĕmbemajalan, patapanngĕnaḥngimbuhin, tanlyane, ‐ heṣṭihidasangar̀jjuna. hadacirinkasakitan, hĕntodihalasebĕcik, badhungemabungāsamaḥ, dhadharinekangĕnpaling, pangraṣanñadihati, sanghyangsmā‐

Leaf 5

Image on Archive.org

[᭕ 5B] ᭕ ᬭᬲᬸᬩᬜᬸᬲᬸᬧ᭄᭞ᬩᬸᬦ᭄ᬩᭂᬗ᭄ᬓᭂᬲᬾᬶᬸᬮᬲᬫᬄ᭞ᬗᬸᬗ᭄ᬓᬸᬮᬶᬦ᭄ᬩᬢᬸᬫᬲᬡ᭄ᬥᬶᬂ᭞ᬬᬦ᭄ᬲᬯᬗᬂ᭞ᬗᬦ᭄ᬢᬾᬦ᭄ᬫᬳᬩᬶᬦ᭄ᬳᬩᬶᬦᬦ᭄᭟ᬫᬓᬓᬸᬥᬸᬂᬩᬵᬦ᭄ᬧᬥᬧ᭞ᬮᬸᬫᬸᬢᬾᬢᬸᬫ᭄ᬩᬸᬄᬗᬶᬍᬳᬶᬦ᭄᭞ᬫᬲᬯᬂ ᬩᬩᭀᬭᬾᬄᬕᬥᬂ᭞ᬩ᭄ᬯᬄᬧᭀᬳᬾᬧᬕᬸᬮᬦ᭄ᬢᬶᬂ᭞ᬫᬳᬶᬭᬶᬩ᭄ᬫᬢᬸᬚᬸᬳᬶᬦ᭄᭞ᬳᬦᬓᬾᬢᬸᬬᬸᬄᬫᬓ᭄ᬩᬸᬲ᭄᭞ᬢᬸᬓᬤ᭄ᬫᬘᬤᬂᬢᭀᬬ᭞ᬧᬘᬂᬳᬗ᭄ᬕᭀᬦ᭄ᬜᬬᬾᬄᬯᬚᬶᬓ᭄᭞ᬲᬗ᭄ᬓᬦ᭄ᬕ᭠ ᬯᭀᬓ᭄᭞ᬥᬥᬭᬶᬦᬾᬫᬗᬯᬲᬂ᭟ᬫᬭᬾᬭᬾᬦ᭄ᬬᬧᬥᬲᬸᬓ᭞ᬤᬶᬲᬶᬲᬶᬦ᭄ᬢᬸᬓᬤᬾᬳᭂᬦᬶᬂ᭞ᬧᬚᬮᬾᬫ᭄ᬧᭀᬄᬩᬵᬦ᭄ᬓᬍᬲᭀᬦ᭄᭞ᬳᬤᬵᬫ᭄ᬘᬶᬓ᭄ᬫᭂᬘᬶᬓ᭄ᬩᬢᬶᬲ᭄᭞ᬳᬤᬵᬢᬸᬯᬸᬦ᭄ᬫ‌᭠ ᬲᬸᬕᬶ᭞ᬫᬕ᭄ᬭᬬᬧᬦ᭄‌‌ᬜᬾᬡ᭄ᬥᭀᬓ᭄ᬩᬜᬸ᭞ᬮᬾᬦ᭄ᬳᬗ᭄ᬕᭀᬦ᭄ᬜᬫᭂᬦᭂᬳᬂ᭞ᬧᬸᬲᬸᬂᬜᬦᬾᬧᬕᬸᬮᬦ᭄ᬢᬶᬂ᭞ᬦᬮᭂᬓ᭄ᬢᭂᬓᬂ᭞ᬳᬶᬬᬾᬳᬾᬳᬗ᭄ᬕᭀᬦ᭄ᬜᬫ᭄ᬓᬵ᭟ᬤᬶᬢᬸᬲᬫ᭄ᬩᬶᬮ᭄ᬫᬗᭂᬦᭂᬳᬂ᭞ [᭖ 6A] ᭖ ᬢᬶᬗ᭄ᬓᬳᬾᬧᬘᬂᬫ᭄ᬩᬾᬥᬦᬶᬦ᭄᭞ᬫᬦᭂᬕᬓ᭄ᬫᬭᬭᬯᭀᬲᬦ᭄᭞ᬧᬥᬬᬧᬲᬮᬾᬂᬢᬸᬡ᭄ᬥᬶᬓ᭄᭞ᬧᬗ᭄ᬭᬯᭀᬲᬾᬢ᭄ᬯᬭᬫᬭᬶ᭞ᬯᬦ᭄ᬢᬄᬗᬭᬸᬲᬓ᭄ᬦᬾᬩᬕᬸᬲ᭄᭞ᬓᬮᬶᬓᬾᬦ᭄ᬓᬾᬦ᭄ᬫᬚᬮᬦ᭄᭞ ᬳᬤᬦᬾᬮᬾᬤᬧ᭄ᬜᬯᬸᬭᬶᬦ᭄᭞ᬜᬦᬦ᭄ᬫᭂᬮᬄ᭞ᬩᬯᬸᬫᬭᬵᬳᭂᬗ᭄ᬲᭂᬩ᭄‌‌ᬲᬹᬃᬬ᭄ᬬ᭟ᬳᬦ᭄ᬢᬶᬩᬯᬸᬳᭂᬦᬶᬸᬡ᭄ᬥᬕ᭄ᬩᬸᬮᬦ᭄᭞ᬤᬶᬢᬸᬮᬯᬸᬢ᭄ᬮᬓ᭄ᬱᬡᬳᬶᬦ᭄᭞ᬤᬶᬦᬶᬫᬮᬸᬫᬧᬮᬮ᭄ᬬᬦᬦ᭄᭞ᬕᬯᬾᬦᬂ ᬳᬧᬗᬧᬮᬶᬂ᭞ᬳᭂᬦ᭄ᬢᭀᬦᬾᬳᬬᬸᬩᬗ᭄ᬓᬶᬢ᭄᭞ᬧᭂᬲᬸᬫᬸᬜᬶᬦ᭄ᬜᬦᬾᬳᬮᬸᬲ᭄᭞ᬫ᭄ᬮᬄᬲ᭄ᬥᬓ᭄‌‌ᬗᬮᬶᬗ᭄ᬲᬶᬭᬂ᭞ᬭᬸᬲᬓ᭄ᬤᬦᬾᬲᬂᬓᬶᬭᬶᬣᬶ᭞ᬲᬫ᭄ᬩᬶᬮ᭄‌‌ᬓ᭄ᬜᬸᬂ᭞ᬫᬫᬸᬜᬶᬗᬮᬾᬦᬂᬮᬶᬬᬢ᭄᭟ᬩᬵᬲ᭄‌‌ ᬮ᭄ᬬᬸᬦᬾᬘᬭᬶᬢᬬᬂ᭞ᬢᬶᬗ᭄ᬓᬄᬤᬶᬸᬤᬶᬸᬭᬶᬸᬥᬥᬭᬶᬦᬾᬲᬫᬶ᭞ᬩᬶᬓᬲᬾᬧᬘᬂᬫᬗ᭄ᬕᭀᬥ᭞ᬲᬗ᭄ᬳ᭄ᬬᬂᬲᬹᬃᬬ᭄ᬬᬩᬳᬸᬮᬶᬗ᭄ᬲᬶᬃ᭞ᬫᬤᬩ᭄ᬥᬩ᭄ᬧᬥᬵᬕ᭄ᬮᬶᬲ᭄᭞ᬢ᭄ᬓᬧᬋᬓᬦᬾᬮᬯᬸᬢ᭄᭞

Auto-transliteration

[5 5B] 5 rasubañusup, bunbĕngkĕse̶lasamaḥ, ngungkulinbatumasaṇdhing, yansawangang, ngantenmahabinhabinan. makakudhungbānpadhapa, lumutetumbuḥngil̥ĕhin, masawang baboreḥgadhang, bwaḥpohepagulanting, mahiribmatujuhin, hanaketuyuḥmakbus, tukadmacadangtoya, pacanghanggonñayeḥwajik, sangkan'ga‐ wok, dhadharinemangawasang. marerenyapadhasuka, disisintukadehĕning, pajalempoḥbānkal̥ĕson, hadāmcikmĕcikbatis, hadātuwunma‐ sugi, magrayapanñeṇdhokbañu, lenhanggonñamĕnĕhang, pusungñanepagulanting, nalĕktĕkang, hiyehehanggonñamkā. ditusambilmangĕnĕhang, [6 6A] 6 tingkahepacangmbedhanin, manĕgakmararawosan, padhayapasalengtuṇdhik, pangrawosetwaramari, wantaḥngarusaknebagus, kalikenkenmajalan, hadaneledapñawurin, ñananmĕlaḥ, bawumarāhĕngsĕbsūr̀yya. hantibawuhĕn̶ṇdhagbulan, ditulawutlakṣaṇahin, dinimalumapalalyanan, gawenang hapangapaling, hĕntonehayubangkit, pĕsumuñinñanehalus, mlaḥsdhakngalingsirang, rusakdanesangkirithi, sambilkñung, mamuñingalenangliyat. bās lyunecaritayang, tingkaḥd̶d̶r̶dhadharinesami, bikasepacangmanggodha, sanghyangsūr̀yyabahulingsir̀, madabdhabpadhāglis, tkapar̥ĕkanelawut,

Leaf 6

Image on Archive.org

[᭖ 6B] ᭖ ᬜᬕ᭄ᬚᬕ᭄ᬭᬭᬶᬲ᭄‌‌ᬦᬫ᭄ᬧᭂᬓᬂ᭞ᬳᬶᬚᬸᬮᬯᬸᬢ᭄ᬫᬫᬬᬲᬶᬦ᭄᭞ᬢᬶᬗ᭄ᬓᬄᬧᬳ᭄ᬬᬲ᭄᭞ᬧᬥᬵᬫᬳ᭄ᬮᬾᬦ᭄ᬳᭂᬮᬾᬦᬦ᭄᭟ᬚᭂᬕᬾᬕᬾᬫᬗᭀᬜᬂᬳᭀᬜᬂ᭞ᬫᬹᬮᬢ᭄ᬯᬄᬲᬭᬶᬦ᭄ᬥᬥᬭᬶ᭞ᬧᬫᬸᬮᬸᬦᬾ᭠ ᬕᬥᬶᬂᬜᬮᬂ᭞ᬜᬶᬕᭂᬫ᭄ᬓᭂᬥᬾᬓ᭄ᬳᬗ᭄ᬕᭀᬦ᭄ᬩᬗ᭄ᬓᬶᬢ᭄᭞ᬲᬗ᭄ᬓᬦ᭄ᬢ᭄ᬯᬭᬫᬫᬸᬜᬶ᭞ᬳᬶᬲᬶᬢᬾᬓᬭᬶᬓᬲᭂᬓᬸᬂ᭞ᬤᬾᬦᬶᬂᬳᭂᬦ᭄ᬢᭀᬓᬲᬬᬗᬂ᭞ᬧᬘᬂᬳᬗ᭄ᬕᭀᬦ᭄ᬲᬶᬓᭂᬧ᭄ᬳᬸᬭᬶᬧ᭄᭞ᬬᬾᬦ᭄ᬜᬗᭂᬦᬄ᭞ᬲᬶᬂ ᬗᭂᬦᭀᬢ᭄ᬢᬦ᭄ᬳᬸᬭᬸᬂᬭᬸᬲᬓ᭄᭟ᬩᬶᬩᬶᬳᬾᬫᬗᬫ᭄ᬧᬶᬤ᭄ᬩᬮᬂ᭞ᬕᬶᬕᬶᬩᬯᬸᬲᬸᬳᬸᬤ᭄‌‌ᬲᬗ᭄ᬮᬶᬂ᭞ᬦᬾᬳᬤᬵᬫᬲᬯᬂᬳᭂᬫᬵᬲ᭄᭞ᬓᭂᬜᬶᬗᬾᬮ᭄ᬯᬶᬃᬫᬥᬹᬕᭂᬡ᭄ᬥᬶᬲ᭄᭞ᬫᬢᬕᬮᬓ᭄ᬳᬫᬦᬶᬲ᭄᭞᭠ ᬬᬦ᭄ᬲᬯᬗᬂᬗᬫ᭄ᬩᬶᬂᬕᬦ᭄ᬢᬸᬂ᭞ᬢ᭄ᬯᬭᬳᬤᬗᬲᭀᬭᬂ᭞ᬳᬤᬮᬾᬦ᭄ᬫᬫᬘᬢᬸᬮᬶᬲ᭄᭞ᬫᬩᬩᬱᬵᬦ᭄᭞ᬦ᭄ᬢᭀᬦᬾᬧᬘᬂᬧᬤᬶᬗᭂᬳᬂ᭟ᬫᬗᬋᬧᬶᬦ᭄‌‌ᬚᬸᬭᬂᬲᭂᬗ᭄ᬓ᭞ᬢᬫ᭄ᬧ᭄ᬮᬓ᭄ᬩᬾᬮᬦᬾ [᭗ 7A] ᭗ ᬗᬸᬮᬧᬶᬦ᭄᭞ᬭᬱᬦ᭄ᬜᬵᬦᬸᬡ᭄ᬥᬾᬦ᭄ᬫᬸᬮᬶᬳᬦ᭄᭞ᬭᬭᬶᬲᬂᬤᬦᬾᬳᬶᬭᬶᬓᬶ᭞ᬧᬸᬦᬶᬓᬵᬲᬂᬓᬶᬭᬶᬝᬶ᭞ᬫᬗ᭄ᬓᬶᬦ᭄ᬜᬡ᭄ᬥᬂᬲᬵᬫ᭄ᬧᬸᬦ᭄ᬳᬯᬸᬕ᭄᭞ᬫᬸᬂᬗ᭄ᬲᬶᬸᬧᬸᬂᬤᬦᬾᬗᬸᬫᬂᬬᬂ᭞ᬓᬾᬢᭀᬫᬶᬭᬶᬩ᭄ᬫᬗ᭄ᬯᬂᬲᬶᬢᬶ ᬦ᭄᭞ᬤᬶᬕᬸᬯᬦᬾ᭞ᬩᬸᬓᬢ᭄ᬯᬭᬳᬤᬵᬚᬦ᭄ᬫᬵ᭟ᬓᬾᬯᬮᬦᬾᬧ᭄ᬥᬲ᭄‌‌ᬗᭂᬦᬄ᭞ᬮᬳᬤ᭄ᬩᬸᬗᬦ᭄ᬲᬂᬳᬵᬩᬓ᭄ᬢᬶ᭞ᬢ᭄ᬓᬾᬦᬶᬂᬮᬳᬤ᭄ᬧᬵᬲ᭄ᬧᬦ᭄᭞ᬳᭂᬦ᭄ᬢᭀᬲᬸᬩᬧᬥᬲ᭄ᬧᬶ᭞ᬲᬫᬸᬦᬾᬢᬦ᭄ᬲᬶᬦᬶ ᬧᬶ᭞ᬬᬓᬮᬶᬦ᭄ᬢᬂᬮᬶᬦ᭄ᬢᬂᬲᭂᬗᬸᬃ᭞ᬢ᭄ᬯᬭᬮᬶᬸᬳᬤᬵᬮᬳᬤ᭄ᬲᬫ᭄ᬧᬢ᭄᭞ᬧᬥᬂᬜᬦᬾᬩᬯᬸᬫᭂᬦ᭄ᬢᬶᬓ᭄᭞ᬥᬥᬭᬶᬦᬾᬤᬶᬢᬸᬬᬧᬥᬓᬲ᭄ᬫᬵᬭᬦ᭄᭟ᬮᬯᬸᬢ᭄ᬬᬧᬥᬵᬗᬯᬲᬂ᭞ᬗᭂᬦᬄᬲᬂ᭠ ᬫᬢᬧᬵᬫᬵᬢᬶ᭞ᬓᬤᬶᬢᭀᬕᭀᬕ᭄ᬫᬵᬲᬾᬓᬢᭀᬦ᭄᭞ᬩᬸᬓᬩᬸᬮᬦ᭄ᬮᬸᬫ᭄ᬮᬸᬫ᭄ᬓᬸᬦᬶᬂ᭞ᬤᬾᬦᬶᬂᬲᬸᬩᬫᬓᬦ᭄ᬢᬶ᭞ᬢ᭄ᬓᬾᬦ᭄ᬩ᭄ᬭᬢᬦᬾᬫᬢ᭄ᬫᬸ᭞ᬫᬗᬵᬃᬘ᭄ᬙᬡᬳᬶᬂᬯᬸᬮᬦ᭄᭞ᬲᬗ᭄ᬓᬦ᭄ᬢᬾᬚ᭠

Auto-transliteration

[6 6B] 6 ñagjagrarisnampĕkang, hijulawutmamayasin, tingkaḥpahyas, padhāmahlenhĕlenan. jĕgegemangoñanghoñang, mūlatwaḥsarindhadhari, pamulune‐ gadhingñalang, ñigĕmkĕdhek'hanggonbangkit, sangkantwaramamuñi, hisitekarikasĕkung, deninghĕntokasayangang, pacanghanggonsikĕp'hurip, yenñangĕnaḥ, sing ngĕnottanhurungrusak. bibihemangampidbalang, gigibawusuhudsangling, nehadāmasawanghĕmās, kĕñingelwir̀madhūgĕṇdhis, matagalak'hamanis, ‐ yansawangangngambinggantung, twarahadangasorang, hadalenmamacatulis, mababasyān, ntonepacangpadingĕhang. mangar̥ĕpinjurangsĕngka, tamplakbelane [7 7A] 7 ngulapin, raṣanñānuṇdhenmulihan, rarisangdanehiriki, punikāsangkiriṭi, mangkinñaṇdhangsāmpunhawug, mungngs̶pungdanengumangyang, ketomiribmangwangsiti n, diguwane, bukatwarahadājanmā. kewalanepdhasngĕnaḥ, lahadbungansanghābakti, tkeninglahadpāspan, hĕntosubapadhaspi, samunetansini pi, yakalintanglintangsĕngur̀, twaral̶hadālahadsampat, padhangñanebawumĕntik, dhadharinedituyapadhakasmāran. lawutyapadhāngawasang, ngĕnaḥsang‐ matapāmāti, kaditogogmāsekaton, bukabulanlumlumkuning, deningsubamakanti, tkenbratanematmu, mangār̀cchaṇahingwulan, sangkanteja‐

Leaf 7

Image on Archive.org

[᭗ 7B] ᭗ ᬦᬾᬫᬗᭂᬡ᭄ᬥᬶᬄ᭞ᬫᬸᬜ᭄ᬘᬃᬫᬸᬭᬸᬩ᭄᭞ᬜᭂᬮᭂᬕ᭄ᬢᭂᬓᭂᬤ᭄ᬓᬳᬫ᭄ᬩᬭᬵ᭟ᬲᬶᬮᬦᬾᬓᬢᭀᬦ᭄ᬫᬦᬧᬓ᭄᭞ᬢ᭄ᬯᬶᬧᬘᬂᬢ᭄ᬯᬭᬕᬸᬗ᭄ᬕᬶᬄ᭞ᬫᬫᬹᬱ᭄ᬝᬶᬜᬗ᭄ᬓᬳᬗ᭄ᬓᬶᬳᬦ᭄᭞ᬢᬸᬓ᭄ᬢᬸᬓ᭄ᬕ᭄ᬭᬡᬦᬾᬧᬢᬶᬢᬶᬲ᭄᭞ ᬳᬸᬭᬶᬧ᭄ᬩᬸᬓᬗᬮᬳᬶᬦ᭄᭞ᬫᬘ᭄ᬮᬸᬧ᭄‌‌ᬓᬚ᭄ᬭᭀᬦᬶᬂᬯᬶᬡ᭄ᬥᬸ᭞ᬲᬗ᭄ᬓᬦ᭄ᬤᬤᬶᬫᬫᭀᬦᬵ᭞ᬧᬳᬶᬥᬧᬾᬲᬸᬩᬫᬭᬶ᭞ᬲᬗ᭄ᬓᬦ᭄ᬲᬸᬯᬸᬂ᭞ᬓᬳ᭄ᬬᬸᬦ᭄ᬤᬦᬾᬓᬦᬶᬱ᭄ᬓᬵᬮᬦ᭄᭟ᬤᬾᬦᬶᬂᬲᬸᬩᬓᬦ᭄ᬢᭂᬦ᭄ᬩᬵᬦ᭄ᬜ᭞ ᬳᬤᬫᬫᬸᬜᬶᬤᬶᬳᬢᬶ᭞ᬚᬯᬢ᭄‌‌ᬦ᭄ᬢᭀᬬᬲᬚᬬᬂ᭞ᬢᬦ᭄ᬳᬸᬭᬸᬂ᭞ᬢᬦ᭄ᬳᬶᬬᬵᬧᬮᬶᬂ᭞ᬓᬮᬶᬂᬓᬾᬲᬂᬓᬶᬭᬶᬝᬶ᭞ᬓᬾᬢᭀᬫᬸᬜᬶᬦ᭄ᬜᬤᬶᬓᬳ᭄ᬬᬸᬦ᭄᭞ᬗᭂᬡ᭄ᬥᭂᬮᬂᬓᬚᭂᬕᬾᬕᬦ᭄᭞ᬳᬡ᭄ᬥᬾᬩᬸ ᬓᬳᬶᬲᬲᬧᬶ᭞ᬦᬕᬶᬄᬫᬥᬾᬦ᭄ᬳᬶᬕᬸᬦᬸᬂᬧᬶᬤᬦ᭄ᬓᬢ᭄ᬓᬦ᭄᭟ᬳᬤᬵᬜᬶᬮᬶᬩ᭄ᬢᬢᬶᬗ᭄ᬓᬳᬦ᭄᭞ᬗᭂᬲᭀᬭᬂᬫᬸᬜᬶᬗᬫᬜᬶᬂ᭞ᬲᬶᬕ᭄ᬲᬶᬕᬦ᭄‌‌ᬮᬦ᭄ᬢᬲ᭄ᬫᬢ᭄ᬮᬾᬤᭀᬄ᭞ᬢᬶᬢ᭄ᬬᬂᬧᬸᬦᬶᬓᬶᬤ᭄ᬭᬸᬧᬤ᭄ᬥᬶ᭞ [᭘ 8A] ᭘ ᬢᭂᬓᬵᬫᬫᬋᬓ᭄ᬩᭂᬮᬶ᭞ᬢᬶᬢ᭄ᬬᬂᬫᬳᬶᬲ᭄ᬥᬶᬄᬳᬶᬮᬸ᭞ᬭᬯᬸᬄᬢᬶᬢ᭄ᬬᬂᬓᬰ᭄ᬯᬃᬕ᭄ᬕᬦ᭄᭞ᬫᬗᬮᬶᬄᬢ᭄ᬯᬭᬓᬧᬗ᭄ᬕᬶᬄ᭞ᬫᬾᬮᬶᬂᬢᬶᬢ᭄ᬬᬂ᭞ᬧᬶᬘᬦ᭄ᬩᭂᬮᬶᬓᬧᬸᬗ᭄ᬓᬸᬭᬦ᭄᭟᭜᭟ᬧᬸᬄᬧᬗ᭄ᬓᬸᬃ᭟᭜᭟ᬤᬤᬶᬩᬸᬯᬶᬦ᭄ᬫ᭠ ᬜᬸᬚᬸᬢᬂ᭞ᬲᬧᬲᬶᬭᬫᬮᬶᬄᬓᬾᬃᬢ᭄ᬢ᭄ᬬᬂᬩᭂᬮᬶ᭞ᬭᬓᬵᬭᬳᬶᬦ᭄ᬩᭂᬮᬶᬲᬵᬫ᭄ᬧᬸᬦ᭄᭞ᬢ᭄ᬮᬲ᭄ᬢᬦ᭄ᬧᬕᬦ᭄ᬢᬸ᭠ᬮᬦ᭄᭞ᬳᬦ᭄ᬢᬸᬓ᭄ᬤᬦᬾᬲᬂᬤᬹᬃᬬ᭄ᬬᬥᬦᬫᬗ᭄ᬩᬸᬕ᭄᭞ᬓᬾᬢᭀᬫᬸᬜᬶᬦ᭄ᬜᬵᬦᬸᬢᬸᬭᬂ᭞ᬲᬫ᭄ᬩᬶᬮ᭄ᬫᬤᬸᬮᬸᬭᬦ᭄ᬳᭂ ᬮᬶᬂ᭟ᬬᬾᬄᬫᬢᬦᬾᬧᬢᬫ᭄ᬩᬸᬯᬲ᭄᭞ᬳᬸᬮᬶᬧᬶᬧᬶᬗ᭄ᬮᬯᬸᬢ᭄ᬢᭂᬓᭂᬤ᭄ᬓᬘᬤᬶᬓ᭄᭞ᬫᬗ᭄ᬮᬯᬸᬢ᭄ᬢᭂᬓᭂ᭠ᬤ᭄ᬓᬲᬸᬲᬸ᭞ᬓᭂᬢᬾᬮᬦ᭄ᬜᬦᬾᬲᬫᬄ᭞ᬢᬓᬵᬳᬤᬫᬩᭀᬭᬾᬄᬫᬶᬳᬶᬓ᭄ᬫᬗᬮᬸᬤ᭄᭞ᬢᭀᬫᬢᬶ᭠ ᬗ᭄ᬓᬄᬧᬩᬧᬗᬦ᭄᭞ᬫᬭᬯᬵᬢᬶᬗ᭄ᬓᬳᬾᬭᬯᬶᬢ᭄᭟ᬢᬧᬶᬳᬾᬳᬮᬸᬲ᭄ᬫᬗ᭄ᬭᬦᬂ᭞ᬩᬸᬓᬧ᭄ᬥᬲ᭄‌‌ᬦ᭄ᬢᭀᬦᬾᬦᬾᬍᬯᬶᬄᬧᬶᬗᬶᬢ᭄᭞ᬫᬚᬸᬚᬸᬓ᭄ᬗᭂᬦᬳᬂᬲᬸᬲᬸ᭞ᬫᬘᬘᬸᬡ᭄ᬥᬸᬓ᭄ᬧᬶᬤᬸᬄᬳᭂᬫᬵᬲ᭄᭞

Auto-transliteration

[7 7B] 7 nemangĕṇdhiḥ, muñcar̀murub, ñĕlĕgtĕkĕdkahambarā. silanekatonmanapak, twipacangtwaragunggiḥ, mamūṣṭiñangkahangkihan, tuktukgraṇanepatitis, huripbukangalahin, maclupkajroningwiṇdhu, sangkandadimamonā, pahidhapesubamari, sangkansuwung, kahyundanekaniṣkālan. deningsubakantĕnbānña, hadamamuñidihati, jawatntoyasajayang, tanhurung, tanhiyāpaling, kalingkesangkiriṭi, ketomuñinñadikahyun, ngĕṇdhĕlangkajĕgegan, haṇdhebu kahisasapi, nagiḥmadhenhigunungpidankatkan. hadāñilibtatingkahan, ngĕsorangmuñingamañing, sigsiganlantasmatledoḥ, tityangpunikidrupaddhi, [8 8A] 8 tĕkāmamar̥ĕkbĕli, tityangmahisdhiḥhilu, rawuḥtityangkaśwar̀ggan, mangaliḥtwarakapanggiḥ, melingtityang, picanbĕlikapungkuran \\•\\ puḥpangkur̀ \\•\\ dadibuwinma‐ ñujutang, sapasiramaliḥker̀ttyangbĕli, rakārahinbĕlisāmpun, tlastanpagantu‐lan, hantukdanesangdūr̀yyadhanamangbug, ketomuñinñānuturang, sambilmaduluranhĕ ling. yeḥmatanepatambuwas, hulipipinglawuttĕkĕdkacadik, manglawuttĕkĕ‐dkasusu, kĕtelanñanesamaḥ, takāhadamaboreḥmihikmangalud, tomati‐ ngkaḥpabapangan, marawātingkaherawit. tapihehalusmangranang, bukapdhasntonenel̥ĕwiḥpingit, majujukngĕnahangsusu, macacuṇdhukpiduḥhĕmās,

Leaf 8

Image on Archive.org

[᭘ 8B] ᭘ ᬫᬗᬸᬮᬾᬮᬫ᭄᭞ᬳᭂᬦ᭄ᬢᭀᬦᬾᬜᬸᬮᬸᬳᬶᬦ᭄ᬧᬸᬲᬸᬂ᭞ᬓ᭄ᬤᬾᬓ᭄ᬫᬤᬸᬮᬸᬭᬦ᭄ᬮ᭄ᬬᬢ᭄᭞ᬩᬶᬓᬲᬾᬢ᭄ᬯᬭᬓᬩᬶᬮ᭄ᬩᬶᬮ᭄᭟ᬳᬤᬮᬾᬦ᭄ᬢᭂᬓᬵᬩᬚᬗᬦ᭄᭞ᬢᭀᬦ᭄ᬤᬾᬦ᭄ᬢᬫᬵᬢ᭄ᬓᬾᬦ᭄ᬢᬶᬗ᭄ᬓᬄᬓᬭᬲᬶᬸᬱ᭄ᬫᬶᬦ᭄᭞ᬲᭀ ᬓ᭄ᬫᬗᬤᬸᬲᭀᬘᬦ᭄ᬩᬸᬗ᭄ᬓᬸᬂ᭞ᬫᬶᬭᬄᬳᬥᬶᬤᬸᬫᬶᬮᬄ᭞ᬢ᭄ᬭᬂᬗ᭄ᬕᬡᬦᬾᬲᬃᬯ᭄ᬯᬩᬸᬗᬦᬾᬦᬾᬳᬮᬸᬲ᭄᭞ᬲᬫᬵᬗᬭᬲ᭄‌‌ᬲᬶᬭᬢ᭄ᬫᬬᬵ᭞ᬫᬗ᭄ᬮᬯᬸᬢ᭄ᬢᭂᬓᭂᬤ᭄ᬓᬓᭀᬧᬶᬂ᭟ᬳᬦ᭄ᬢᭂᬗᬾᬳᬮᬸᬲ᭄ᬫᬗ᭄ᬭᬦᬂ᭞ᬩᬸᬓ᭠ ᬢᬸᬜ᭄ᬚᬸᬂᬩᬳᬦ᭄ᬜᭀᬜᭀᬦᬾᬜᬗ᭄ᬓᬶᬄ᭞ᬩᭀᬓ᭄ᬢᬶᬗ᭄ᬓᬳᬾᬫᬗ᭄ᬭᬗ᭄ᬲᬸᬓ᭄᭞ᬢ᭄ᬯᬄᬲᬤ᭄ᬥ᭄ᬬᬫᬗᬫ᭄ᬧᬳᬂ᭞ᬮᬾᬦ᭄ᬢᭀᬳᬤᬢ᭄ᬓᬦᬾᬫᬕ᭄ᬮᬸᬂᬳᬕᬸᬂ᭞ᬫᬗᬸᬮᬾᬮᬫ᭄ᬧᬓᬜᬩ᭄ᬜᬩ᭄᭞ᬧᬶᬦᬓᬧᬸᬲᬸ ᬗᬾᬩᭂᬘᬶᬓ᭄᭟ᬩᬸᬓᬯᬶᬦ᭄ᬢᭂᬦᬾᬤᬸᬫᬶᬮᬄ᭞ᬫᬸᬭᬸᬩ᭄ᬜᬮᬂᬦ᭄ᬢᭀᬦᬾᬫᬜᬸᬮᬸᬳᬶᬦ᭄᭞ᬤᬶᬫ᭄ᬯᬦᬾᬧᬸᬢᬶᬄᬮᬸᬫ᭄ᬮᬸᬫ᭄᭞ᬗᬮᬾᬜ᭄ᬘᭀᬓ᭄ᬓᬤᬶᬫ᭄ᬓᬵ᭞ᬤᬶᬢᬗ᭄ᬓᬳᬾᬗᬮᬸᬩ᭄ᬫᬤᬾᬤᬾᬲ᭄ᬢᬶᬗ᭄ᬕ [᭙ 9A] ᭙ ᬮᬸᬦ᭄᭞ᬳᬤᬢ᭄ᬓᬩᬸᬓᬩᬸᬮᬦ᭄᭞ᬢᬾᬚᬦᬾᬕᬮᬂᬗᬾᬤᬦᬶᬦ᭄᭟ᬤᬾᬦᬶᬂᬬᬲᬸᬯᬸᬤ᭄ᬫᬲᬶᬭ᭠ᬫ᭄᭞ᬲᬗ᭄ᬓᬸᬳᬸᬩᬾᬧᬸᬢᬶᬄᬳᬮᬸᬲ᭄ᬢᬸᬃᬭᬯᬶᬢ᭄᭞ᬓᬢᬶᬡ᭄ᬥᬶᬳᬦ᭄ᬩᬳᬦ᭄‌‌ᬲᬸᬲᬸ᭞ᬦᬾᬦᬾᬩᬯᬸᬫᬭᬓ᭄ᬩᬄ᭞ ᬩᬶᬩᬶᬄᬜᬦᬾᬩᬹᬫᬭᬵᬜᭂᬧᬄᬧᬶᬂᬢ᭄ᬮᬸ᭞ᬳᬶᬲᬶᬢᬾᬩᬸᬫᬭᬵᬩᭂᬗᬄ᭞ᬓᬤᬶᬫᬶᬭᬄᬲᬯᬂ᭠ᬭᬤᬶᬦ᭄᭟ᬭᬢᬸᬲ᭄ᬧᬶᬢᬸᬦᬾᬓᭂᬡ᭄ᬥᭂᬮᬂ᭞ᬫᬳᬯᭀᬭᬦ᭄‌‌ᬢ᭄ᬓᬾᬦᬶᬂᬍᬗᬶᬲ᭄ᬫᬶᬳᬶᬓ᭄᭞ᬩᭂᬩᭂᬓᬾᬬᬫᬸᬮ ᬓᬲᬸᬩ᭄᭞ᬧᬸᬦᬶᬓᬵᬫᬓ᭄ᬭᬡᬤ᭄ᬭᬫᬦ᭄᭞ᬓᬯᬶᬲ᭄ᬢ᭄ᬭᬾᬦᬾᬳᬶᬭᬶᬲᬦᬾᬓᬧᬶᬢᬸᬤᬸᬄ᭞ᬓᬧᬸᬃᬢ᭄ᬓᬾᬮᬶᬸᬓᬶᬸᬦ᭄ᬮᭂᬗᬶᬲ᭄ᬫᭂᬜᬦ᭄᭞ᬢᭀᬳᬋᬧᬗᬵᬤᬶᬢᬧᬶᬄ᭟ᬳᬤᬮᬾᬦ᭄ᬜᬭᬸᬦᭂᬲᭂᬓᬂ᭞ᬫᬦ᭄ᬥᬮᭂᬧ᭄ᬥᭂ ᬧ᭄ᬢᭂᬓᬦᬾᬳᬸᬮᬶᬤᬸᬭᬶ᭞ᬲᬳᬵᬱᬢ᭄ᬓᬫᬗ᭄ᬕᭂᬮᬸᬢ᭄᭞ᬤᬾᬦᬶᬂᬓ᭄ᬦᭂᬄᬜᬦᬾᬫᬾᬦ᭄ᬤ᭄ᬭ᭞ᬳᬗ᭄ᬓᬶᬳᬦ᭄ᬦᬾᬤᬶᬳᬶᬲ᭄ᬤᬶᬳᬶᬲ᭄‌‌ᬲᬯᬂᬢᬸᬬᬸᬄ᭞ᬲᬸᬲᬸᬦᬾᬮᬦ᭄ᬢᬲ᭄ᬳᬸᬬᬓᬂ᭞ᬤᬶᬭᬕᬦᬾᬲᬂᬓᬶᬭᬶᬝᬶ

Auto-transliteration

[8 8B] 8 mangulelam, hĕntoneñuluhinpusung, kdekmaduluranlyat, bikasetwarakabilbil. hadalentĕkābajangan, tondentamātkentingkaḥkaras̶ṣmin, so kmangadusocanbungkung, miraḥhadhidumilaḥ, trangnggaṇanesar̀wwabunganenehalus, samāngarassiratmayā, manglawuttĕkĕdkakoping. hantĕngehalusmangranang, buka‐ tuñjungbahanñoñoneñangkiḥ, boktingkahemangrangsuk, twaḥsaddhyamangampahang, lentohadatkanemaglunghagung, mangulelampakañabñab, pinakapusu ngebĕcik. bukawintĕnedumilaḥ, murubñalangntonemañuluhin, dimwaneputiḥlumlum, ngaleñcokkadimkā, ditangkahengalubmadedestingga [9 9A] 9 lun, hadatkabukabulan, tejanegalangngedanin. deningyasuwudmasira‐m, sangkuhubeputiḥhalustur̀rawit, katiṇdhihanbahansusu, nenebawumarakbaḥ, bibiḥñanebūmarāñĕpaḥpingtlu, hisitebumarābĕngaḥ, kadimiraḥsawang‐radin. ratuspitunekĕṇdhĕlang, mahaworantkeningl̥ĕngismihik, bĕbĕkeyamula kasub, punikāmakraṇadraman, kawistrenehirisanekapituduḥ, kapur̀tkel̶k̶nlĕngismĕñan, tohar̥ĕpangāditapiḥ. hadalenñarunĕsĕkang, mandhalĕpdhĕ ptĕkanehuliduri, sahāṣatkamanggĕlut, deningknĕḥñanemendra, hangkihannedihisdihissawangtuyuḥ, susunelantashuyakang, diraganesangkiriṭi

Leaf 9

Image on Archive.org

[᭙ 9B] ᭙ ᭟ᬫ᭄ᬮᭂᬤ᭄ᬓᭂᬦᭂᬄᬜᬦᬾᬮᬶᬯᬢ᭄᭞ᬓᬕ᭄ᬮᬸᬢᬂᬢᬗᬦ᭄ᬦᬾᬲᬂᬓᬶᬭᬶᬝᬶ᭞ᬢᬧᬶᬳᬾᬫᬗ᭄ᬭᬦᬂᬳᬮᬸᬲ᭄᭞ᬤᬾᬦᬶᬂᬫᬸᬮᬜᬤ᭄ᬬᬬᬂ᭞ᬬᬦ᭄ᬲᬯᬗᬂᬩᬸᬓᬳᬫ᭄ᬩᬸᬩᬸᬫᬗ᭄ᬮᬶᬧᬸᬢ᭄᭞ᬩᬸᬮᬦᬾᬲ᭄ᬥᭂᬓ᭄ᬧᬹᬃᬡ᭄ᬦᬫ᭞ ᬗᭂᬦᬄᬬᬫᬲᬯᬂᬓᬸᬦᬶᬂ᭟ᬳᬤᬫᬢ᭄ᬮᬾᬤᭀᬄᬤᬶᬧᭂᬳᬵ᭞ᬜᭂᬮ᭄ᬲᭂᬮ᭄ᬳᬯᬓ᭄‌‌ᬗ᭄ᬮᬶᬂᬦᬢᬓᬶ᭠ᬦ᭄ᬘᬤᬶᬓ᭄᭞ᬧᬮ᭄ᬬᬢᬾᬲᬤᬩᬮᬸᬦ᭄᭞ᬢᬦ᭄ᬧ᭄ᬕᬢ᭄ᬦᬍᬓ᭄ᬢᭂᬓᬂ᭞ᬤᬾᬦᬶᬂᬘᬸᬮᬸᬓ᭄ᬳᬶᬥᬧᬾᬧᬘᬂᬫᬢ᭄ᬫᬸ᭞ ᬢᭀᬧᬕᬸᬢᬂᬤᬶᬫᬵᬢ᭞ᬳᬶᬥᬧᬾᬲᬶᬦᭀᬫ᭄ᬫᬩᬸᬜ᭄ᬘᬶᬂ᭚᭜᭚ᬧᬸᬄᬲᬶᬦᭀᬫ᭄᭚᭜᭚ᬮᬶᬬᬸᬢᬶᬗ᭄ᬓᬄᬜᬫᬗ᭄ᬕᭀᬤ᭞ᬲᬂᬨᬮ᭄ᬕᬸᬡᬢ᭄ᬯᬭᬳᬶᬲᬶᬦ᭄᭞ᬤᬤᬶᬳᭂᬗ᭄ᬲᭂᬩ᭄‌‌ᬲᬗᬓᬳ᭄ᬬᬂᬲᬹᬃᬬ᭄ᬬ᭞ᬩᬸ ᬮᬦᬾᬧᭂᬲᬸᬗᬮᬗᬶᬦ᭄᭞ᬲᬹᬃᬬ᭄ᬬᬦᬾᬲᬗ᭄ᬓᬦ᭄ᬕᭂᬮᬶᬲ᭄᭞ᬳᭂᬗ᭄ᬲᭂᬩ᭄ᬜᬭᬸᬤᬶᬳᬫ᭄ᬩᬸᬩᬸ᭞ᬕ᭄ᬥᭂ᭠ᬕ᭄ᬳᬶᬤᬫᬜᬶᬗᬓ᭄᭞ᬢᬶᬗ᭄ᬓᬄᬥᬥᬭᬶᬦᬾᬲᬫᬶ᭞ᬩᬵᬲ᭄ᬓᬤᬸᬭᬸᬲ᭄᭞ᬢ᭄ᬯᬭᬩᬶᬱᬗᬸᬩ᭄ᬥᬵᬲ᭄ᬫᬵᬭ᭟ [᭑᭐ 10A] ᭑᭐ ᬳᬤᬵᬓ᭄ᬥᭂᬄᬫᬫ᭄ᬥᬲᬂ᭞ᬭᬶᬂᬯᬃᬡ᭄ᬦᬦᬾᬲᬂᬓᬶᬭᬶᬝᬶ᭞ᬩᬸᬲᬦ᭄ᬩᬸᬲᬦ᭄ᬬᬫᬗ᭄ᬕᭀᬤ᭞ᬲᬂᬨᬮ᭄ᬕᬸᬡᬢ᭄ᬯᬭᬕᬸᬗ᭄ᬕᬶᬄ᭞ᬤᬤᬶᬳᬯᬓᬾᬧᬮᬶᬂ᭞ᬓᬕᭀᬤᬩᬳᬦ᭄ᬳᬸᬮᬗᬸᬦ᭄᭞ᬮᬯᬸᬢ᭄ᬬᬤᬶᬢᬸᬗᭂᬗ᭄ᬓᬮ᭄᭞ᬜᬭᬸ ᬯᬂᬳᬶᬥᬧᬾᬧᬮᬶᬂ᭞ᬫᬲᬫ᭄ᬩᬶᬮᬦ᭄᭞ᬫᭂᬘᬶᬓ᭄ᬩᬢᬶᬲ᭄ᬫᬤᭂᬓᭂᬲᬦ᭄᭟ᬳᬤᬜᬶᬗᬮ᭄ᬩᬸᬗᬦ᭄ᬧᬸᬥᬓ᭄᭞ᬳᬶᬬᬕ᭄ᬮᬸᬢ᭄ᬧᬜᭀᬜᭀᬯᬶᬦ᭄᭞ᬩᬸᬓᬢᬶᬗ᭄ᬓᬄᬢ᭄ᬓᬾᬦ᭄ᬧ᭄ᬬᬦᬓ᭄᭞ᬧᬸᬥᬓᬾᬮᬦ᭄ᬢᬲ᭄ᬫᬸᬜᬶᬦᬶᬦ᭄᭞ ᬤᬾᬯᬚᬦᬶᬓᬧᬗ᭄ᬕᬶᬄ᭞ᬳᬚᬶᬦ᭄ᬳᬶᬤᬾᬯᬦᬾᬭᬢᬸ᭞ᬳᬶᬤᬾᬯᬢᬦᬶᬪᬕ᭄ᬬ᭞ᬚᬦᬶᬢᬸᬯᬸᬦ᭄ᬫᬦᬸᬫᬤᬶ᭞ᬲᬗ᭄ᬓᬦ᭄‌‌ᬓ᭄ᬫ᭞ᬦᭂᬗᬶᬦ᭄ᬩᬦ᭄ᬳᬚᬶᬦ᭄ᬳᬶᬤᬾᬯ᭟ᬳᬤᬦ᭄ᬢᭀᬦᬾᬓ᭄ᬥᭂᬄᬳᬳ᭄ᬬᬸᬦ᭞ᬩᬶᬱᬗᬯᬾᬫ ᬦᬄᬧᬮᬶᬂ᭞ᬫᬗᬶᬍᬳᬶᬦ᭄ᬮᬦ᭄ᬢᬲ᭄‌‌ᬜᭂᬫᬓ᭄᭞ᬢᬗᬦ᭄ᬢᬧᬵᬦᬾᬲᬮᭂᬧᬶᬢ᭄᭞ᬩᬵᬲ᭄ᬳᬸᬮᬗᬸᬦ᭄‌‌ᬜᬸᬲᬸᬧᬶᬦ᭄᭞ᬜᭀᬜᭀᬦᬾᬤ᭄ᬓᭂᬢᬂᬮᬯᬸᬢ᭄᭞ᬤᬶᬭᬕᬦᬾᬲᬂᬧᬵᬃᬣ᭞ᬗᭂᬋᬲ᭄

Auto-transliteration

[9 9B] 9 . mlĕdkĕnĕḥñaneliwat, kaglutangtangannesangkiriṭi, tapihemangrananghalus, deningmulañadyayang, yansawangangbukahambubumangliput, bulanesdhĕkpūr̀ṇnama, ngĕnaḥyamasawangkuning. hadamatledoḥdipĕhā, ñĕlsĕlhawaknglingnataki‐ncadik, palyatesadabalun, tanpgatnal̥ĕktĕkang, deningculuk'hidhapepacangmatmu, topagutangdimāta, hidhapesinommabuñcing // • // puḥsinom // • // liyutingkaḥñamanggoda, sangphalguṇatwarahisin, dadihĕngsĕbsangakahyangsūr̀yya, bu lanepĕsungalangin, sūr̀yyanesangkan'gĕlis, hĕngsĕbñarudihambubu, gdhĕ‐g'hidamañingak, tingkaḥdhadharinesami, bāskadurus, twarabiṣangubdhāsmāra. [10 10A] 10 hadākdhĕḥmamdhasang, ringwar̀ṇnanesangkiriṭi, busanbusanyamanggoda, sangphalguṇatwaragunggiḥ, dadihawakepaling, kagodabahanhulangun, lawutyaditungĕngkal, ñaru wanghidhapepaling, masambilan, mĕcikbatismadĕkĕsan. hadañingalbunganpudhak, hiyaglutpañoñowin, bukatingkaḥtkenpyanak, pudhakelantasmuñinin, dewajanikapanggiḥ, hajinhidewaneratu, hidewatanibhagya, janituwunmanumadi, sangkankma, nĕnginbanhajinhidewa. hadantonekdhĕḥhahyuna, biṣangawema naḥpaling, mangil̥ĕhinlantasñĕmak, tangantapānesalĕpit, bāshulangunñusupin, ñoñonedkĕtanglawut, diraganesangpār̀tha, ngĕr̥ĕs

Leaf 10

Image on Archive.org

[᭑᭐ 10B] ᭑᭐ ᬳᬶᬥᭂᬧ᭄ᬜᬗ᭄ᬭᬱᬦᬶᬦ᭄᭞ᬲᬯᬂᬩᬸᬮᬸᬄ᭞ᬫᬓᭀᬲᭀᬤ᭄ᬮᬯᬦ᭄ᬢᬶᬫ᭄ᬧᬮ᭟ᬳᬤᬵᬗᬫ᭄ᬩᬸᬮ᭄ᬫᬫᭂᬲ᭄ᬯᬂ᭞ᬗ᭄ᬚᭀᬳᬂᬫᬓᬶᬱᬶᬓᬶᬱᬶ᭞ᬲᬮᬾᬂᬢᬸᬡ᭄ᬥᬶᬓᬾᬦ᭄ᬭᭀᬯᬗ᭞ᬫᬯᬗ᭄ᬲᬶᬢ᭄ᬤᬸᬮᬸᬭᬶᬦ᭄‌‌ᬓ᭄ᬜᬶᬂ᭞ᬤ ᬤᬶᬩ᭄ᬯᬶᬦ᭄ᬫᬩᬮᬶᬓ᭄᭞ᬤᬾᬦᬶᬂᬫᬗᭂᬘᬕᬂᬩᬸᬗ᭄ᬓᬸᬂ᭞ᬦ᭄ᬢᭀᬳᬗ᭄ᬕᭀᬦ᭄ᬜᬤᬮᬶᬳᬦ᭄᭞ᬳᬧᬂᬫᬩᬳᬦ᭄ᬫᬩᬮᬶᬓ᭄᭞ᬤᬶᬧᬩᬶᬦᬦ᭄᭞ᬲᬂᬅᬃᬚ᭄ᬚᬸᬦᬘᭀᬓᭀᬮᬗᬵ᭟ᬳᬤᬵᬦᬾᬫᬩᬶᬓ᭠ ᬲ᭄ᬧᬜ᭄ᬚᬓ᭄᭞ᬩᭂᬗᭀᬂᬩᭂᬗᭀᬂᬧᬤᬶᬤᬶᬳᬶ᭞ᬢᬧᬶᬳᬾᬮᬦ᭄ᬢᬲ᭄ᬩᭂᬦᭂᬳᬂ᭞ᬩᬵᬦ᭄ᬳᬶᬥᬧᬾᬩᬸᬓᬕᬶᬭᬶᬓ᭄᭞ᬩᬵᬲ᭄ᬢ᭄ᬯᬭᬦᬯᬂᬩᬶᬫ᭄ᬩᬶᬄ᭞ᬦᬾᬧᬶᬗᬶᬢᬂᬢ᭄ᬯᬭᬭᬸᬗᬸ᭞ᬦ᭄ᬢᭀᬯᬮᬸᬬᬗᭂᬦᬄ᭞ᬲᬯᬂᬓ ᬬᬸᬬᬸᬫᬗᭂᬲᬶᬮ᭄᭞ᬓᬳᬸᬗ᭄ᬓᬸᬮᬦ᭄᭞ᬩᬵᬦ᭄ᬧᬥᬂᬤᬶᬲᬶᬲᬶᬦ᭄ᬢᬸᬓᬤ᭄᭟ᬮᬾᬦ᭄ᬢᭀᬳᬤᬧᬮᬶᬂᬧᬶᬲᬦ᭄᭞ᬫᬜ᭄ᬚᭂᬭᬶᬢ᭄ᬳᬸᬮᬶᬤᬶᬲᬫ᭄ᬧᬶᬂ᭞ᬧᬸᬲᬸᬗᬾᬮᬦ᭄ᬢᬲ᭄ᬩᭂᬦᭂᬳᬂ᭞ᬩᬸᬮᬦᬾᬤᬶᬢᬸᬫᬸᬜᬶᬦᬶᬦ᭄᭠ [᭑᭑ 11A] ᭑᭑ ᬳᬶᬗ᭄ᬕᬶᬄᬥᬥᬭᬶᬭᬢᬶᬄ᭞ᬓᬦ᭄ᬢᬶᬦᬶᬦ᭄ᬚᬢᬶᬢ᭄ᬬᬂᬭᬢᬸ᭞ᬳᬶᬘ᭄ᬙᬾᬦ᭄ᬢᬶᬢ᭄ᬬᬂᬓᬭᬳᬬᭀᬦ᭄᭞ᬢ᭄ᬓᬾᬦᬶᬂᬧᬶᬯ᭄ᬮᬲ᭄‌‌ᬩᭂᬘᬶᬓ᭄᭞ᬫᬗ᭄ᬥᬾᬦ᭄ᬭᬸᬲᬓ᭄‌‌ᬩ᭄ᬭᬢᬦ᭄ᬤᬦᬾᬲᬂᬆᬃᬚ᭄ᬚᬸᬦ᭟ᬓᬾᬢᭀᬫᬸᬜᬶᬦ᭄ᬜᬗᬫ᭄ᬩᬭ ᭞ᬲᬂᬨᬮ᭄ᬕᬸᬡᬢ᭄ᬯᬭᬕᬸᬗ᭄ᬕᬶᬄ᭞ᬤᬾᬦᬶᬂᬲᬸᬩᬧᬥᬓᬮᬄ᭞ᬧᬜ᭄ᬘᬯᬶᬱᬬᬦᬾᬗᬹᬦᬶ᭞ᬱᬤ᭄ᬭᬶᬧᬸᬦᬾᬫᬮᬳᬶᬩ᭄᭞ᬲᬗ᭄ᬓᬦ᭄ᬢ᭄ᬯᬭᬤᬤᬶᬗ᭄ᬭᬸᬗᬸ᭞ᬢ᭄ᬯᬭᬓᬳ᭄ᬬᬸᬦ᭄ᬫᬮᬶᬬᬢ᭄᭞ᬩᬦᬾᬳ᭄ᬦᬶᬂᬫᬓᬮᭂᬦᬶᬂ ᭞ᬩᬸᬓᬮᬗᬶᬢ᭄‌‌ᬕᬮᬂᬢ᭄ᬯᬭᬓᬢᬯᭂᬗᬦ᭄᭟ᬚᬦᬶᬥᬥᬭᬶᬦᬾᬧᬥ᭞ᬫᬗ᭄ᬭᬱᬢᬸᬬᬸᬄᬤᬶᬳᬢᬶ᭞ᬧᬶᬦᬄᬢ᭄ᬮᬸᬂᬧ᭄ᬢᭂᬂᬗ᭄ᬕᭀᬤ᭞ᬦᬾᬧᬧᬶᬢᬸᬧᬍᬕᭂᬦ᭄ᬢᬶ᭞ᬲᬂᬨᬮ᭄ᬕᬸᬡᬢᭀᬂᬕᬸᬗ᭄ᬕᬶᬄ᭞ᬮ ᬗ᭄ᬕᭂᬂᬧᬕᭂᬄᬢ᭄ᬯᬭᬓᬾᬗ᭄ᬕᬸᬄ᭞ᬧᬸᬦᬶᬓᬵᬫᬓ᭄ᬭᬡᬩᬸᬤᬮ᭄᭞ᬢ᭄ᬯᬭᬫᬦᭀᬮᬶᬄᬓᬳᬸᬭᬶ᭞ᬓᬾᬯᬮᬤᬶᬫᬦᬄᬓᬵᬢᬹᬢ᭄‌‌ᬲᬂᬨᬮ᭄ᬕᬸᬡ᭟ᬲᬵᬫ᭄ᬧᬸᬦ᭄ᬭᬯᬸᬄᬤᬶᬰ᭄ᬯᬃᬕ᭄ᬕᬦ᭄᭞ᬫᬩ᭄ᬭᬶᬬᬸᬓ᭄‌‌ᬧ

Auto-transliteration

[10 10B] 10 hidhĕpñangraṣanin, sawangbuluḥ, makosodlawantimpala. hadāngambulmamĕswang, ngjohangmakisyikisyi, salengtuṇdhikenrowanga, mawangsitdulurinkñing, da dibwinmabalik, deningmangĕcagangbungkung, ntohanggonñadalihan, hapangmabahanmabalik, dipabinan, sangar̀jjunacokolangā. hadānemabika‐ spañjak, bĕngongbĕngongpadidihi, tapihelantasbĕnĕhang, bānhidhapebukagirik, bāstwaranawangbimbiḥ, nepingitangtwararungu, ntowaluyangĕnaḥ, sawangka yuyumangĕsil, kahungkulan, bānpadhangdisisintukad. lentohadapalingpisan, mañjĕrit'hulidisamping, pusungelantasbĕnĕhang, bulaneditumuñinin‐ [11 11A] 11 hinggiḥdhadhariratiḥ, kantininjatityangratu, hicchentityangkarahayon, tkeningpiwlasbĕcik, mangdhenrusakbratandanesangār̀jjuna. ketomuñinñangambara , sangphalguṇatwaragunggiḥ, deningsubapadhakalaḥ, pañcawiṣayanengūni, ṣadripunemalahib, sangkantwaradadingrungu, twarakahyunmaliyat, banehningmakalĕning , bukalangitgalangtwarakatawĕngan. janidhadharinepadha, mangraṣatuyuḥdihati, pinaḥtlungptĕngnggoda, nepapitupal̥ĕgĕnti, sangphalguṇatonggunggiḥ, la nggĕngpagĕḥtwarakengguḥ, punikāmakraṇabudal, twaramanoliḥkahuri, kewaladimanaḥkātūtsangphalguṇa. sāmpunrawuḥdiśwar̀ggan, mabriyukpa

Leaf 11

Image on Archive.org

[᭑᭑ 11B] ᭑᭑ ᬥᬗᬩᬓ᭄ᬢᬶ᭞ᬭᬶᬂᬳᬶᬤᬪᬝᬵᬭᬳᬶᬦ᭄ᬤ᭄ᬭ᭞ᬲᬢᬶᬗ᭄ᬓᬳᬾᬓᬵᬢᬸᬃᬲᬫᬶ᭞ᬲᬦᬾᬤᬶᬰ᭄ᬯᬃᬕ᭄ᬕᬦ᭄ᬤᬤᬶᬧᬥᬵᬕᬶᬭᬂᬤᬶᬢᬸᬗ᭄ᬭᬸᬗᬸ᭞ᬢ᭄ᬯᬭᬗᭂᬮᬄᬲᬗ᭄ᬰᬬ᭞ᬫᬓ᭄ᬚᬂᬧᬥᬵᬫᬫᬸᬚᬶ᭞ᬲᬂᬨᬮ᭄ᬕᬸᬡᬓ᭄ᬭ ᬡᬫᬸᬡ᭄ᬥᬸᬃᬫᬜᬶᬤ᭄ᬥᬬᬂ᭟᭜᭟ᬧᬸᬄᬤᬸᬃᬫ᭄ᬫ᭟᭜᭟ᬓ᭄ᬭᬡᬧᬕᭂᬄᬓᬳ᭄ᬬᬸᬦ᭄ᬳᬶᬤᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬫ᭄ᬯᬄᬤᬾᬯᬣᬦᬾᬲᬫᬶ᭞ᬫᬶᬋᬗᬂᬲᬂᬆᬃᬚ᭄ᬚᬸᬦ᭞ᬩᬵᬦᬾᬧᬕᭂᬄᬫᬩ᭄ᬭᬣ᭞ᬓᬭᬯᭀ ᬲ᭄‌‌ᬩᬵᬦ᭄ᬳᬶᬤᬚᬦᬶ᭞ᬢᬦ᭄ᬳᬸᬭᬸᬂᬭᬸᬲᬓ᭄᭞ᬳᬶᬬᬳᬶᬭᬓ᭄ᬱᬵᬲᬧᬢᬶ᭟ᬓᬾᬯᬮ᭠ᬳᬤᬵᬗ᭄ᬮᬫᬤᬶᬦ᭄ᬓᬳ᭄ᬬᬸᬦ᭄ᬳᬶᬤ᭞ᬲᬭᬸᬩᬵᬦ᭄ᬳᬶᬤᬦᬫ᭄ᬧᬶ᭞ᬳᬶᬥᬧᬾᬲᬂᬧᬵᬃᬣ᭞ᬩᬵᬦ᭄ᬧᬕᭂ ᬳᬾᬫᬢᬧᬵ᭞ᬬᬾᬦ᭄ᬜᬗᬮᬶᬄᬓᬲᬸᬕᬢᬶ᭞ᬓᬸᬤ᭄ᬬᬂᬗᭂᬡ᭄ᬥᭂᬮᬂ᭞ᬧ᭄ᬮᬶᬄᬤᬬᬦᬾᬚᬦᬶ᭟ᬚᬦᬶᬓᬳ᭄ᬬᬸᬦ᭄ᬳᬶᬤᬧᬘᬂᬫᬫ᭄ᬥᬲᬂ᭞ᬭᬭᬶᬲ᭄‌‌ᬕ᭄ᬮᬶᬲ᭄ᬫᬫᬃᬕ᭄ᬕᬶ᭞ᬲᬓᬶᬂᬧᬮᬶᬗ᭄ᬕᬶᬳᬦ᭄᭞᭠ [᭑᭒ 12A] ᭑᭒ ᬤᬾᬦᬶᬂᬫᬭᬕᬰᬹᬦ᭄ᬬ᭞ᬲᬓᬵᬳ᭄ᬬᬸᬦ᭄ᬳᬶᬤᬢ᭄ᬯᬄᬤᬤᬶ᭞ᬭᬭᬶᬲ᭄ᬫᬯᬾᬰᬵ᭞ᬧᬵᬡ᭄ᬥᬶᬢᬲᬸᬩᬮᬶᬗ᭄ᬲᬶᬃ᭟ᬕᬸᬬᬸᬮ᭄ᬧᬶᬲᬦ᭄ᬧᬫᬃᬕ᭄ᬕᬶᬦᬾᬫᬢ᭄ᬭᬶᬬᬸᬤᬦ᭄᭞ᬫᭀᬕᭀᬮ᭄ᬲᬸᬩᬫᬫᬸᬢᬶᬄ᭞ᬤᬶᬢᬸᬮᬯᬸ ᬢ᭄‌‌ᬗᭂᬦᬄ᭞ᬧᬢᬧᬵᬦ᭄ᬜᬦᬾᬢᬶᬗ᭄ᬕᬃ᭞ᬳᬫ᭄ᬩᬸᬩᬸᬤᬶᬢᬸᬗᬸᬗ᭄ᬓᬸᬮᬶᬦ᭄᭞ᬤᬸᬮᬸᬭᬶᬦ᭄ᬳᬸᬚᬦ᭄᭞᭠ᬫᬢᬸᬗ᭄ᬓᭂᬤ᭄ᬳᬶᬤᬗᬶᬮ᭄ᬕᬶᬮ᭄᭟ᬮᬯᬸᬢ᭄ᬳᬶᬤᬫᬗᭀᬚᭀᬕ᭄ᬤᬶᬩᬸᬗᬲ᭄ᬕᬸᬯᬵ᭞ᬫᬧᬶᬫᬧᬶᬢᬦ᭄ᬳᬸᬦᬶᬂ᭞ᬫᬯ᭄ᬢᬸᬫ ᬳᬸᬯᬡ᭄᭞ᬳᬸᬘᬧᬂᬲᬂᬫᬢᬧᬵ᭞ᬕ᭄ᬮᬶᬲ᭄ᬳᬸᬲᬦ᭄ᬫᬲᬫᬵᬥᬶ᭞ᬗᬍᬲᬸᬬᬶᬸᬯᬂᬬᭀᬕᬲᬳᬶᬡ᭄ᬥᬶᬓᬦ᭄ᬜᬲᬫᬶ᭟ᬤᬤᬶᬗᭂᬦᬄᬦ᭄ᬢᭀᬦᬾᬫᬬᬾᬶᬸᬯᬰᬵᬧᬵᬡ᭄ᬥᬶᬢ᭞ᬲᬂᬧᬵᬃᬣᬤᬶᬢᬸᬕ᭄ᬮᬶᬲ᭄᭞ᬫᬜ᭄ᬚ ᬕ᭄ᬚᬕ᭄‌‌ᬧ᭄ᬭᬡᬫ᭄ᬬᬵ᭞ᬳᬢᬸᬭᬾᬲᭀᬚᬃᬩᬦ᭄ᬩᬦ᭄᭞ᬲᬧᬲᬶᬭᬚ᭄ᬯᬧᬸᬦᬶᬓᬶ᭞ᬧᬸᬦᬧᬶᬓᬃ᭠ᬬ᭄ᬬ᭞ᬳᬶᬤᬭᬯᬸᬄᬫᬭᬶᬓᬶ᭟ᬤᬤᬶᬗᬡ᭄ᬥᬶᬓᬲᬂᬫᬯᬃᬡ᭄ᬦᬧᬵᬡ᭄ᬥᬶᬢ᭞ᬲᬤ᭄ᬥ᭄ᬬᬦ᭄ᬩᬧᬦᬾᬢᬸᬯᬶ᭞

Auto-transliteration

[11 11B] 11 dhangabakti, ringhidabhaṭārahindra, satingkahekātur̀sami, sanediśwar̀ggandadipadhāgirangditungrungu, twarangĕlaḥsangśaya, makjangpadhāmamuji, sangphalguṇakra ṇamuṇdhur̀mañiddhayang \\•\\ puḥdur̀mma \\•\\ kraṇapagĕḥkahyunhidasanghyanghindra, mwaḥdewathanesami, mir̥ĕngangsangār̀jjuna, bānepagĕḥmabratha, karawo sbānhidajani, tanhurungrusak, hiyahiraksyāsapati. kewala‐hadānglamadinkahyunhida, sarubānhidanampi, hidhapesangpār̀tha, bānpagĕ hematapā, yenñangaliḥkasugati, kudyangngĕṇdhĕlang, pliḥdayanejani. janikahyunhidapacangmamdhasang, rarisglismamar̀ggi, sakingpalinggihan, ‐ [12 12A] 12 deningmaragaśūnya, sakāhyunhidatwaḥdadi, rarismaweśā, pāṇdhitasubalingsir̀. guyulpisanpamar̀gginematriyudan, mogolsubamamutiḥ, ditulawu tngĕnaḥ, patapānñanetinggar̀, hambubuditungungkulin, dulurinhujan, ‐matungkĕd'hidangilgil. lawut'hidamangojogdibungasguwā, mapimapitanhuning, mawtuma huwaṇ, hucapangsangmatapā, glishusanmasamādhi, ngal̥ĕsuy̶wangyogasahiṇdhikanñasami. dadingĕnaḥntonemaye̶waśāpāṇdhita, sangpār̀thadituglis, mañja gjagpraṇamyā, haturesojar̀banban, sapasirajwapuniki, punapikar̀‐yya, hidarawuḥmariki. dadingaṇdhikasangmawar̀ṇnapāṇdhita, saddhyanbapanetuwi,

Leaf 12

Image on Archive.org

[᭑᭒ 12B] ᭑᭒ ᬢ᭄ᬯᬄᬫᬢᬶᬃᬣᬬᬣ᭞ᬜᬸᬲᬸᬧ᭄ᬤᬶᬕᬸᬦᬸᬂᬳᬮᬲ᭄᭞ᬤᬤᬶᬗᭂᬦᬄᬢᬾᬚᬓᬸᬦᬶᬂ᭞ᬲᭂᬗ᭄ᬕᬸᬲ᭄ᬕᬶᬸᬳᬂᬩᬧ᭞ᬓᬍᬩᬸᬢᬦ᭄ᬲᬸᬘᬶᬳᭂᬦᬶᬂ᭟ᬓᬾᬢᭀᬘᬳᬶᬲᬕᬾᬢ᭄ᬧᬡ᭄ᬥᬶᬢᬫᬢᬧᬵ᭞ᬢᬸᬢᬸᬕᬂᬲᬸᬓᬵᬦ᭄ᬘᬳᬶ ᭞ᬲᬵᬫ᭄ᬧᬸᬭᬚ᭄ᬯᬵᬩᬧ᭞ᬩᬵᬦᬾᬢᬦ᭄ᬲᬯᬂᬫᬵᬢ᭄ᬭ᭞ᬢᬦ᭄ᬲᬓᬭᬾᬂᬗᬍᬢᬸᬳᬶᬦ᭄᭞ᬘ᭠ᬳᬶᬫᬢᬧᬵ᭞ᬤᭃᬜᭂᬗ᭄ᬓᭂᬮᬂᬤᬶᬳᬢᬶ᭟ᬚᬦᬶᬩ᭄ᬭᬢᬦ᭄ᬘᬳᬶᬦᬾᬢᬓᭀᬦᬂᬩᬧᬵ᭞ᬕᬯᭀᬓ᭄ᬩᬧᬵ ᬗᬶᬯᬲᬶᬦ᭄᭞ᬩᬵᬦᬾᬓᬪᬶᬦᬯᬵ᭞ᬦᬫ᭄ᬧᬶᬂᬓᬸᬮᬫ᭄ᬩᬶᬧᬦᬄ᭞ᬓᬤᬸᬢᬦ᭄ᬩᬋᬂᬘᬸᬫᬯᬶᬲ᭄᭞ᬓᬦ᭄ᬢᭂᬦᬂᬩᬧᬵ᭞ᬢᬶᬗ᭄ᬓᬄᬗᬮᬶᬄᬓᬲᬸᬕᬢᬶ᭟ᬫ᭄ᬮᬄᬜᬦᬾᬮᬯᬸᬢᬂᬗᬮᬶᬄᬰᬹᬓ᭄ᬬᬢ᭞ᬳᬦ ᬓᬾᬩᬸᬓᬘᬳᬶ᭞ᬢ᭄ᬮᭂᬩᬂᬤᬶᬫᬦᬄ᭞ᬩᭂᬲᬶᬓᬂᬤᬵᬫ᭄ᬩᬳᬂᬩᭂᬮᬲ᭄᭞ᬤᬲᬭᬶᬦ᭄ᬩᬳᬦ᭄ᬲᬫᬵᬥᬶ᭞ᬦ᭄ᬢᭀᬩ᭄ᬯᬓᬦ᭄ᬜ᭞ᬳᬾᬱ᭄ᬝᬶᬬᬂᬳᬧᬂᬢᬶᬮᬶᬂ᭟ᬫᬗᬾᬱ᭄ᬝᬶᬬᬂᬲᬓᬵᬮᬚ᭄ᬮᬾᬨᬮᬦ᭄ᬜ᭞ᬭ᭠ [᭑᭓ 13A] ᭑᭓ ᬭᬧᬦᬾᬓᬧᬗ᭄ᬕᬶᬄ᭞ᬲᬳᬶᬓᬲᬓᬶᬢᬦ᭄᭞ᬓ᭄ᬭᬡᬳᬶᬤᬲᬂᬯᬶᬓᬦ᭄᭞ᬗᬸᬢᬂᬓᬯᬶᬪᬯᬵᬢ᭄ᬯᬶ᭞ᬗᬮᬶᬄᬰᬹᬡ᭄ᬬᬣ᭞ᬫᬥᬭᬦ᭄ᬩᬳᬦ᭄ᬲᬓᬶᬢ᭄᭟ᬳᭂᬤᬫᬗᬯᬶᬳᬶᬃᬱ᭄ᬬᬲᬸᬯᬸᬤ᭄ᬫᬜᬘᬤ᭄᭞ᬕᭂ᭠ ᬥᬕ᭄ᬬᬫᬗᬶᬯᬲᬶᬦ᭄᭞ᬬᬾᬦ᭄ᬗᬮᬶᬄᬓᬲᬸᬓᬦ᭄᭞ᬲᬓᬶᬢ᭄ᬢ᭄ᬯᬭᬩᬸᬯᬸᬗᬦ᭄᭞ᬧᬜ᭄ᬘᬳᬶᬦ᭄ᬤ᭄ᬭᬶᬬᬦᬾᬦᭂᬢᭂᬳᬶᬦ᭄᭞ᬦ᭄ᬢᭀᬓ᭄ᬭᬭᬶᬸᬡᬧᬸᬜᬄ᭞ᬢ᭄ᬯᬄᬳᬶᬗᬸᬄᬩᬳᬦ᭄ᬧᬮᬶᬂ᭟ᬢᬦ᭄ᬮ᭄ᬬᬦ᭄ᬩᬸᬓᬚᬦ᭄ᬫᬦᬾ ᬫᬩᬮᬶᬄᬯᬬᬂ᭞ᬓᬵᬗᭂᬦ᭄ᬲᬶᬕ᭄ᬲᬶᬕᬦ᭄ᬗᭂᬮᬶᬂ᭞ᬬᬢ᭄ᬯᬄᬲᬸᬩᬢᬯᬂ᭞ᬩᬮᬸᬮᬂᬦ᭄ᬢᭀᬫ᭠ᬢᬢᬄ᭞ᬲᭀᬮᬳᬗᬤᬗ᭄ᬓ᭄ᬭᬓ᭄ᬤᬶᬗ᭄ᬓ᭄ᬭᬶᬓ᭄᭞ᬢᬹᬃᬳᬸᬘᬧᬗᬵ᭞ᬚᬦ᭄ᬫᬵᬫᬲᬶᬄᬫᬫᬸᬜᬶ᭟ᬓᬾ ᬢᭀᬚᬦ᭄ᬫᬵᬦᬾᬓᬾᬧᬸᬢᬦ᭄‌‌ᬢ᭄ᬓᬾᬦ᭄ᬓᬲᬸᬓᬦ᭄᭞ᬚᭂᬮᬾᬢ᭄ᬯᬭᬭᬱᬦᬶᬦ᭄᭞ᬫᬳᬤᬦ᭄ᬓᬲᬸᬓᬦ᭄᭞ᬩᬸᬓᬢᬝᬶᬢ᭄ᬲᬫᬵᬗᬶᬸᬦ᭄ᬜ᭞ᬳᬲ᭄ᬮᭂᬤᬾᬢᬦ᭄ᬫᬗᬮᬗᬶᬦ᭄᭞ᬚᬦᬶᬲᬤ᭄ᬬᬬᬂ᭞ᬦᬶᬱ᭄ᬓᬵ

Auto-transliteration

[12 12B] 12 twaḥmatir̀thayatha, ñusupdigununghalas, dadingĕnaḥtejakuning, sĕnggusg̶hangbapa, kal̥ĕbutansucihĕning. ketocahisagetpaṇdhitamatapā, tutugangsukāncahi , sāmpurajwābapa, bānetansawangmātra, tansakarengngal̥ĕtuhin, ca‐himatapā, döñĕngkĕlangdihati. janibratancahinetakonangbapā, gawokbapā ngiwasin, bānekabhinawā, nampingkulambipanaḥ, kadutanbar̥ĕngcumawis, kantĕnangbapā, tingkaḥngaliḥkasugati. mlaḥñanelawutangngaliḥśūkyata, hana kebukacahi, tlĕbangdimanaḥ, bĕsikangdāmbahangbĕlas, dasarinbahansamādhi, ntobwakanña, heṣṭiyanghapangtiling. mangeṣṭiyangsakālajlephalanña, ra‐ [13 13A] 13 rapanekapanggiḥ, sahikasakitan, kraṇahidasangwikan, ngutangkawibhawātwi, ngaliḥśūṇyatha, madharanbahansakit. hĕdamangawihir̀ṣyasuwudmañacad, gĕ‐ dhagyamangiwasin, yenngaliḥkasukan, sakittwarabuwungan, pañcahindriyanenĕtĕhin, ntokrar̶ṇapuñaḥ, twaḥhinguḥbahanpaling. tanlyanbukajanmane mabaliḥwayang, kāngĕnsigsiganngĕling, yatwaḥsubatawang, balulangntoma‐tataḥ, solahangadangkrakdingkrik, tūr̀hucapangā, janmāmasiḥmamuñi. ke tojanmānekeputantkenkasukan, jĕletwararaṣanin, mahadankasukan, bukataṭitsamān̶g̶nña, haslĕdetanmangalangin, janisadyayang, niṣkā

Leaf 13

Image on Archive.org

[᭑᭓ 13B] ᭑᭓ ᬮᬦᬾᬦ᭄ᬢᭀᬳᬸᬂᬰᬶ᭟ᬓᬾᬢᭀᬧᬗᬦᬶᬸᬡ᭄ᬥᬶᬓᬦ᭄ᬳᬶᬤᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬲᬂᬨᬮ᭄ᬕᬸᬡᬜᬯᬸᬭᬶᬦ᭄᭞ᬯ᭄ᬬᬓ᭄ᬢᬶᬧᬵᬢᬹᬢ᭄ᬧᬶᬲᬦ᭄᭞ᬓᬤᬶᬧᬡ᭄ᬥᬶᬓᬦ᭄ᬳᬶᬤ᭞ᬲᬂᬰ᭄ᬬᬦᬾᬦᬾᬦᬾᬍᬯᬶᬄ᭞ᬯᬦ᭄ᬢᬄ ᬓᬲᬸᬓᬦ᭄᭞ᬓᬵᬕᬸᬗᬦᬾᬳᬸᬮᬢᬶᬦ᭄᭟ᬧᬸᬦᬶᬓᬳᬗ᭄ᬕᬾᬦ᭄ᬢᬶᬢᬶᬢᬹᬃᬫᬧᬗᬜ᭄ᬘᬦ᭄᭞ᬫᬗᬮᬶᬄᬓᬲᬸᬕᬢᬶ᭞ᬫ᭄ᬯᬄᬓᬰᬹᬦ᭄ᬬᬶᬸᬡ᭄ᬬᬧᬵᬤ᭞ᬯ᭄ᬬᬓ᭄ᬢᬶᬢᬦ᭄ᬯᬾᬦ᭄ᬢᭂᬦ᭄ᬚᬦ᭄ᬫ᭞ᬧᬕᭂᬄᬭᬶᬂᬭᬶᬂᬮᬓ᭄ᬱ ᬡᬫᬸᬜᬶ᭞ᬬᬤᬶᬦ᭄ᬧᬗ᭄ᬭᬱ᭞ᬓᬾᬯᬮᬓᬭᬶᬳᬸᬭᬶᬧ᭄᭟ᬢᬦ᭄ᬮ᭄ᬬᬦ᭄ᬦᬾᬳᬯᬦᬦ᭄ᬫᬵᬢᬶᬳᬸᬢ᭄ᬢᬫ᭞ᬓᬳᬾᬱ᭄ᬝᬶᬳᬚᬓ᭄ᬲᬫᬶ᭞ᬯᬦ᭄ᬢᬄᬓᬵᬗ᭄ᬕᬾᬦ᭄ᬧ᭄ᬮᬮ᭄ᬬᬦ᭄᭞ᬦᬾᬫᬯᬵᬱ᭄ᬝᬓᬲᬸᬓᬦ᭄ ᭞ᬫᬸᬂᬗᬶᬸᬧᬸᬂᬲᬓᬵᬮᬦᬸᬳᬸᬭᬶᬧ᭄᭞ᬳᬲᬧᬸᬦᬶᬓ᭞ᬳᬢᬸᬭᬾᬲᬂᬓᬶᬭᬶᬣᬶ᭚᭜᭚ᬧᬸᬄᬲᬶᬦᭀᬫ᭄᭚᭜᭚ᬲᬶᬦᭀᬫ᭄ᬫᬮᬶᬄᬫᬗᬡ᭄ᬥᬶᬓ᭞ᬳᬶᬤᬲᬂᬧᬡ᭄ᬥᬶᬢᬮᬶᬗ᭄ᬲᬶᬃ᭞ᬓᬾ [᭑᭔ 14A] ᭑᭔ ᬢᭀᬘᬳᬶᬢ᭄ᬯᬄᬜᬲᭂᬗ᭄ᬓᬵ᭞ᬳᬶᬥᬧᬾᬫᭀᬫᭀᬳᬸᬮᬸᬭᬶᬦ᭄᭞ᬢᬸᬯᬶᬗᬮ᭄ᬢᬸᬳᬶᬦ᭄ᬕᬸᬫᬶ᭞ᬬᬾᬦ᭄ᬢᭂᬍᬩᬂᬘᬳᬶᬮᬯᬸᬢ᭄᭞ᬓᬯᬶᬰᬾᬱᬦᬾᬧᬸᬦᬄ᭞ᬧᬜ᭄ᬘᬳᬶᬦ᭄ᬤ᭄ᬭᬶᬬᬦᭂᬢᭂᬳᬶᬦ᭄᭞ᬓᬲᬓᬶᬢ ᬦ᭄᭞ᬲᬳᬶᬲᬳᬶᬳᭂᬗ᭄ᬓᬓ᭄ᬳᭂᬗ᭄ᬓᬓ᭄᭟ᬬᬾᬦ᭄ᬩᭂᬦᭂᬄᬚᬦᬶᬓᬳᬤᬂ᭞ᬓ᭄ᬧᬸᬂᬩᬵᬦ᭄ᬢᬸᬢᬸᬭᬾᬍᬯᬶᬄ᭞ᬤᬵᬫ᭄ᬩᬳᬂᬦᭂᬓᭂᬢ᭄ᬤᬶᬳᬯᬓ᭄᭞ᬳᬸᬘᬧᬗᬵᬗ᭄ᬮᬯᬸᬢ᭄ᬫᬵᬢᬶ᭞ᬧᬢᬶᬢᬶᬲ᭄ᬳᭂᬦ᭄ᬢᭀᬦᬾᬍᬯᬶᬄ᭞ᬓᬢ᭄ᬧᬸ ᬓ᭄ᬬᬦᬾᬦᬾᬢᬸᬳᬸ᭞ᬬᬦ᭄ᬗᬶᬱ᭄ᬝᬶᬓᬫᬵᬦᬸᬱᬦ᭄᭞ᬤᬢᬵᬦᬸᬳᬶᬗᭂᬢᬂᬘᬳᬶ᭞ᬧ᭄ᬥᬲ᭄‌‌ᬦ᭄ᬢᭀ᭞ᬳᬯᬦᬦ᭄ᬘᬳᬶᬲᬗ᭄ᬰᬭ᭟ᬓᬾᬢᭀᬧᬗᬦᬶᬸᬡ᭄ᬥᬶᬓᬦ᭄ᬳᬶᬤ᭞ᬫᬶᬢᬸᬢᬸᬭᬶᬦ᭄ᬲᬂᬓᬶᬭᬶᬝᬶ᭞ᬳᬮᬸ ᬲ᭄‌‌ᬩᬦ᭄ᬩᬦ᭄‌‌ᬢᬢ᭄ᬯᬶᬬᬦ᭄᭞ᬭᬱᬦ᭄ᬜᬢ᭄ᬯᬭᬵᬗ᭄ᬮᬫᬤᬶᬦ᭄᭞ᬲᬂᬨᬮ᭄ᬕᬸᬡᬫᬶᬭᬕᬶ᭞ᬓᬵᬳ᭄ᬬᬸᬦ᭄ᬤᬦᬾᬩᬸᬓᬓ᭄ᬢᬸᬲ᭄᭞ᬩᬸᬓᬵᬫᬗ᭄ᬕᬶᬄᬰᬹᬡ᭄ᬬᬢ᭞ᬕᬮᬂᬓᬵᬳ᭄ᬬᬸᬦ᭄ᬤᬦᬾᬦᬫ᭄ᬧᬶ᭞ᬓᬳᬶ᭠

Auto-transliteration

[13 13B] 13 lanentohungśi. ketopangan̶ṇdhikanhidasanghyanghindra, sangphalguṇañawurin, wyaktipātūtpisan, kadipaṇdhikanhida, sangśyanenenel̥ĕwiḥ, wantaḥ kasukan, kāgunganehulatin. punikahanggentititūr̀mapangañcan, mangaliḥkasugati, mwaḥkaśūny̶ṇyapāda, wyaktitanwentĕnjanma, pagĕḥringringlakṣa ṇamuñi, yadinpangraṣa, kewalakarihurip. tanlyannehawananmātihuttama, kaheṣṭihajaksami, wantaḥkānggenplalyan, nemawāṣṭakasukan , mungn̶g̶pungsakālanuhurip, hasapunika, haturesangkirithi // • // puḥsinom // • // sinommaliḥmangaṇdhika, hidasangpaṇdhitalingsir̀, ke [14 14A] 14 tocahitwaḥñasĕngkā, hidhapemomohulurin, tuwingaltuhin'gumi, yentĕl̥ĕbangcahilawut, kawiśeṣanepunaḥ, pañcahindriyanĕtĕhin, kasakita n, sahisahihĕngkak'hĕngkak. yenbĕnĕḥjanikahadang, kpungbāntuturel̥ĕwiḥ, dāmbahangnĕkĕtdihawak, hucapangānglawutmāti, patitishĕntonel̥ĕwiḥ, katpu kyanenetuhu, yanngiṣṭikamānuṣan, datānuhingĕtangcahi, pdhasnto, hawanancahisangśara. ketopangan̶ṇdhikanhida, mituturinsangkiriṭi, halu sbanbantatwiyan, raṣanñatwarānglamadin, sangphalguṇamiragi, kāhyundanebukaktus, bukāmanggiḥśūṇyata, galangkāhyundanenampi, kahi‐

Leaf 14

Image on Archive.org

[᭑᭔ 14B] ᭑᭔ ᬮᬗᬂ᭞ᬧᬶᬢᬸᬢᬸᬃᬪᬕᬯᬵᬦ᭄ᬪ᭄ᬬᬱ᭟ᬳᬢᬸᬃᬤᬦᬾᬢ᭄ᬯᬭᬧᬜ᭄ᬚᬂ᭞ᬧᬵᬢᬹᬢ᭄ᬯᬘᬡᬦ᭄ᬲᬂᬋᬱᬶ᭞ᬢᬶᬢ᭄ᬬᬂᬧᬸᬦᬶᬓᬶᬫᬩ᭄ᬮᬕ᭄ᬩᬕ᭄᭞ᬳᬦ᭄ᬢᬸᬓ᭄ᬧᬶᬢ᭄ᬭᬱ᭄ᬡᬲᬸᬩᬓ᭄ᬢᬶ᭞ᬯᬾᬦ᭄ᬢᭂᬦ᭄ᬤᬦᬾᬳᬶᬩᭂᬮᬶ᭞ᬫᬯᬵᬱ᭄ᬝᬲᬂᬥᬃ ᬫ᭄ᬫᬲᬸᬦᬸ᭞ᬤᬦᬾᬳᬾᬱ᭄ᬝᬶᬬᬂᬢᬶᬢ᭄ᬬᬂ᭞ᬤᬸᬫᬥᬓ᭄ᬤᬸᬮᬸᬭᬶᬦ᭄‌‌ᬯᬶᬥᬶ᭞ᬧᬘᬂᬤᬦᬾ᭞ᬓᬵᬳ᭄ᬬᬸᬦ᭄ᬚᬬᬤᬶᬧᬬᬸᬤ᭄ᬥᬦ᭄᭟ᬦᬵᬤ᭄ᬬᬦ᭄ᬤᬦᬾᬫᬜᬭᬢᬂ᭞ᬗᬃᬬ᭄ᬬᬦᬂᬚᬕᬢᬾᬲᬫᬶ᭞ᬓᭂᬦᬶᬭᬳᬬᬸ ᬓᬥᬃᬫ᭄ᬫᬦ᭄᭞ᬤᬾᬦᬶᬂᬢᬶᬢ᭄ᬬᬂᬲᬧᬸᬦᬶᬓ᭞ᬬᬦ᭄ᬢᬦ᭄‌‌ᬲ᭄ᬯᬾᬘ᭄ᬙᬳ᭄ᬬᬂᬯᬶᬥᬶ᭞ᬬᬤᬶᬦ᭄ᬧ᭠ᬥᬫ᭄ᬩᭀᬬᬫᬦ᭄ᬢᬸᬓ᭄᭞ᬲᬧᬸᬦᬶᬓᬧᬭᬡ᭄ᬥ᭞ᬧᬫᬃᬕ᭄ᬕᬶᬦ᭄ᬢᬶᬢ᭄ᬬᬗᬾᬫᬗ᭄ᬓᬶᬦ᭄᭞ᬤᬤᬶᬳᬶᬘᬮ᭄᭞ ᬦ᭄ᬢᭀᬦᬾᬫᬭᬹᬧᬵᬧᬵᬡ᭄ᬥᬶᬢ᭟ᬤᬤᬶᬓᬦ᭄ᬢᭂᬦ᭄ᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬲᬂᬆᬃᬚ᭄ᬚᬸᬦᬫᬗᬩᬓ᭄ᬢᬶ᭞ᬮᬶᬫᬦᬾᬮᬦ᭄ᬢᬲ᭄ᬓᬚ᭄ᬫᬓ᭄᭞ᬳᬦ᭄ᬢᬸᬓ᭄ᬲᬗ᭄ᬳ᭄ᬬᬂᬲᬘᬶᬧᬢᬶ᭞ᬘᬳᬶᬮ᭄ᬬᬗᬂᬚᬦᬶ᭞ᬤᬚᬵᬳ᭄ᬦᬸᬯ᭄ᬮᬂ᭠ [᭑᭕ 15A] ᭑᭕ ᬓᬳ᭄ᬬᬸᬦ᭄᭞ᬦᬾᬩᬧᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬤᬶᬦᬶᬚᬘᬳᬶᬫᬗᬦ᭄ᬢᬶ᭞ᬲᬗ᭄ᬳ᭄ᬬᬂᬰᬶᬯ᭄ᬯᬵᬧᬘᬂᬢᭂ᭠ᬓᬵᬫᬵᬦᬸᬕ᭄ᬭᬳᬵ᭟ᬦ᭄ᬢᭀᬩᬧᬫᬦᬸᬡ᭄ᬥᬾᬦᬂ᭞ᬥᬥᬭᬶᬦᬾᬗᭀᬤᬘᬳᬶ᭞ᬫᬵᬫ᭄ᬧᬸᬄᬲᬦ᭄ᬘᬳᬶ ᬦᬳᭂᬦᬂ᭞ᬓᬮᬶᬦ᭄ᬢᬂᬧᬕᭂᬄᬫᬓᬾᬃᬢ᭄ᬢᬶ᭞ᬳᬤᬦ᭄ᬢᭀᬦᬾᬳᬩᭂᬲᬶᬓ᭄᭞ᬲ᭄ᬓᭂᬮᬂᬩᬧᬵᬤᬶᬓᬵᬳ᭄ᬬᬸᬦ᭄᭞ᬲᬶᬜᬵᬘᬳᬶᬫ᭄ᬭᬕᬢᬂ᭞ᬓᬧᬵᬡ᭄ᬥᬶᬢᬦ᭄ᬳᬶᬱ᭄ᬝᬶᬦ᭄ᬘᬳᬶ᭞ᬓᬤᭀᬩᬧ᭞ᬢᭀᬂᬫᬩᬳᬦ᭄ᬗᬶ ᬤᬶᬄᬳᭀᬮᬲ᭄᭟ᬦᬾᬚᬦᬶᬘᬳᬶᬢ᭄ᬮᭂᬩᬂ᭞ᬧᬗ᭄ᬭᬱᬦᬾᬳᬧᬂᬢᬶᬮᬶᬂ᭞ᬲᬗ᭄ᬳ᭄ᬬᬂᬪᬵᬬᬸᬧᬘᬂᬢ᭄ᬓ᭞ᬳᬶᬤᬫᬗ᭄ᬮᬸᬕ᭄ᬭᬳᬶᬦ᭄ᬘᬳᬶ᭞ᬦᬾᬚᬦᬶᬩᬧᬵᬫᬸᬮᬶᬄ᭞ᬭᬭᬶᬲ᭄ᬳᬶᬘᬮ᭄ᬢᬦ᭄ᬧᬮᬢᬸ᭞ ᬤᬾᬦᬶᬂᬫᬭᬕᬰᬹᬡ᭄ᬬ᭞ᬲᬓᬳ᭄ᬬᬸᬦ᭄ᬓᬳ᭄ᬬᬸᬦᬾᬤᬤᬶ᭞ᬮᬦ᭄ᬢᬲ᭄ᬲᬸᬯᬸᬂ᭞ᬲᬂᬨᬮ᭄ᬕᬸᬡᬧᬤᬶᬤ᭄ᬬᬦ᭄᭟ᬭᬶᬂᬲᬵᬫ᭄ᬧᬸᬦᬾᬳᬶᬤᬳᬶᬘᬮ᭄᭞ᬳᬶᬥᬧ᭄ᬲᬂᬧᬵᬃᬣᬦᬾᬚᬦᬶ᭞ᬫᬳᬶᬫ᭄ᬩᬸᬄᬤᬰᬯᬶᬪ

Auto-transliteration

[14 14B] 14 langang, pitutur̀bhagawānbhyaṣa. hatur̀danetwarapañjang, pātūtwacaṇansangr̥ĕsyi, tityangpunikimablagbag, hantukpitraṣṇasubakti, wentĕndanehibĕli, mawāṣṭasangdhar̀ mmasunu, daneheṣṭiyangtityang, dumadhakdulurinwidhi, pacangdane, kāhyunjayadipayuddhan. nādyandanemañaratang, ngar̀yyanangjagatesami, kĕnirahayu kadhar̀mman, deningtityangsapunika, yantanswecchahyangwidhi, yadinpa‐dhamboyamantuk, sapunikaparaṇdha, pamar̀ggintityangemangkin, dadihical, ntonemarūpāpāṇdhita. dadikantĕnsanghyanghindra, sangār̀jjunamangabakti, limanelantaskajmak, hantuksanghyangsacipati, cahilyangangjani, dajāhnuwlang‐ [15 15A] 15 kahyun, nebapasanghyanghindra, dinijacahimanganti, sanghyangśiwwāpacangtĕ‐kāmānugrahā. ntobapamanuṇdhenang, dhadharinengodacahi, māmpuḥsancahi nahĕnang, kalintangpagĕḥmaker̀tti, hadantonehabĕsik, skĕlangbapādikāhyun, siñācahimragatang, kapāṇdhitanhiṣṭincahi, kadobapa, tongmabahanngi diḥholas. nejanicahitlĕbang, pangraṣanehapangtiling, sanghyangbhāyupacangtka, hidamanglugrahincahi, nejanibapāmuliḥ, rarishicaltanpalatu, deningmaragaśūṇya, sakahyunkahyunedadi, lantassuwung, sangphalguṇapadidyan. ringsāmpunehidahical, hidhapsangpār̀thanejani, mahimbuḥdaśawibha

Leaf 15

Image on Archive.org

[᭑᭕ 15B] ᭑᭕ ᬕ᭞ᬩᬸᬓᬫᬸᬲᬸᬢ᭄ᬗᬯᬾᬳᬧᬶ᭞ᬪᬸᬫᬭᬵᬓᭂᬩᬸᬲ᭄ᬕᬶᬕᬶᬲ᭄᭞ᬮᬯᬸᬢ᭄ᬤᬶᬢᬸᬗᬮᬸᬄᬳᬮᬸᬄ᭞ᬩ᭄ᬯᬶᬦ᭄ᬧᬶᬤᬦ᭄ᬓᬢ᭄ᬓᬦ᭄᭞ᬳᬧᬶᬦᬾᬫᬡ᭄ᬥᬶᬸᬤᬶᬸᬗᬶᬸᬦ᭄ᬤᬤᬶᬗᭂᬡ᭄ᬥᬶᬄ᭞ᬩᬯᬸᬫᬭ᭞ᬓᭂᬩᬸᬲ᭄ᬤᬶᬢᬸᬬᬲᬚᬬᬂᬗᬶᬸ᭟ ᬓᬾᬢᭀᬚᬦᬶᬲᬂᬨᬮ᭄ᬕᬸᬡ᭞ᬮᬗ᭄ᬕᭂᬂᬧᬕᭂᬄᬫᬲᬫᬵᬥᬶ᭞ᬫᬬᭀᬕᬵᬚᬧᬵᬗᬲ᭄ᬣᬯ᭞ᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭᬓᭀᬘᬧ᭄ᬫᬮᬶᬄ᭞ᬰᬢ᭄ᬭᬸᬦ᭄ᬳᬶᬤᬦᬾᬚᬦᬶ᭞ᬰᬓ᭄ᬢᬶᬓᭂᬋᬂᬩᬸᬯᬶᬦ᭄ᬳᬕᬸᬂ᭞ᬲᬺᬕᭂᬧ᭄‌‌ᬲᬳᬵᬲ ᬜ᭄ᬚᬢ᭞ᬢ᭄ᬓᬾᬦᬶᬂᬧᬸᬗ᭄ᬕᬯᬲᬫᬶ᭞ᬫᭀᬫᭀᬮᭀᬪᬵ᭞ᬳᬶᬃᬱ᭄ᬬᬫᬗ᭄ᬭᬸᬲᬓ᭄ᬧᬢᬧᬦ᭄᭟ᬮᬶᬬᬸᬰ᭄ᬯᬃᬕ᭄ᬕᬦ᭄ᬓᬮᬄᬩᬵᬦ᭄ᬜᬵ᭞ᬤᬾᬦᬶᬂᬳᬸᬧᬬᬦ᭄ᬜᬵᬲᬶᬮᬶᬩ᭄᭞ᬳᬸᬩᬸᬗᬶᬦ᭄ᬜᬩᬵᬦ᭄ᬓᬲᬸᬓᬦ᭄᭞ᬫ ᬗ᭄ᬥᬾᬦ᭄ᬜᬦᬾᬍᬓᭂᬢ᭄ᬳᬰᬶᬄ᭞ᬦᬵᬗ᭄ᬳᬶᬂᬢ᭄ᬯᬭᬬᬩᬦᬶ᭞ᬓᬳᬶᬦ᭄ᬤ᭄ᬭᬪ᭄ᬯᬦᬵᬫᬗ᭄ᬮᬯᬸᬢ᭄᭞ᬤᬾᬦᬶᬂᬬᬲᬸᬩᬦᬯᬂ᭞ᬭᬯᭀᬲ᭄‌‌ᬲᬗ᭄ᬳ᭄ᬬᬂᬲᬘᬶᬧᬝᬶ᭞ᬦᬾᬶᬸᬩᬵᬬᬓᬳ᭄ᬬᬸᬦ᭄᭞ᬳᬶᬤᬳᬰᬶᬄᬭᬶᬂᬭ [᭑᭖ 16A] ᭑᭖ ᬓ᭄ᬱᬵᬲ᭟ᬓᬾᬢᭀᬧᬗ᭄ᬭᬯᭀᬲ᭄ᬜᬵᬢᬗᬃ᭞ᬮᬯᬸᬢ᭄ᬳᬶᬤᬚᬦᬶᬕ᭄ᬮᬶᬲ᭄᭞ᬫᬜᬸᬲᬸᬧ᭄ᬤᬶᬚᬕᬢ᭄ᬢᬶᬕ᭞ᬤᬤᬶᬳᬤᬳᭀᬃᬢ᭄ᬣᬫᭂᬦ᭄ᬢᬶᬓ᭄᭞ᬓᬳᬢᬸᬃᬩᬳᬦ᭄ᬢᭂᬮᬶᬓ᭄᭞ᬬᬾᬦ᭄ᬲᬗ᭄ᬳᬵᬃᬚ᭄ᬚᬸᬦᬓᬯᬸ᭠ ᬯᬸᬲ᭄᭞ᬧᬕᭂᬄᬧᬶᬲᬦ᭄ᬫᬢᬧᬵ᭞ᬢᬸᬃᬲᬸᬩᬓᬧᬶᬦᭂᬄᬯ᭄ᬬᬓ᭄ᬢᬶ᭞ᬳᬦ᭄ᬢᬸᬓ᭄ᬳᬶᬤ᭞ᬤᬾᬯᬣᬦᬾᬲᬓᬶᬂᬰ᭄ᬯᬃᬕ᭄ᬕᬦ᭄᭟ᬦ᭄ᬢᭀᬓ᭄ᬭᬡᬦ᭄ᬜᬫᬦᬸᬡ᭄ᬥᬾᬦᬂ᭞ᬭᬓ᭄ᬱᬵᬲᬧᬸᬧᬸᬢᬶᬂᬓᬶᬃᬢ᭄ᬢᬶ᭞ᬫᬳᬤᬦ᭄ᬳᬶᬤᬾᬢ᭄ᬬᬫᬸ ᬓᬵ᭞ᬩᬸᬓᬫᬺᬢ᭄ᬬᬸᬳᬶᬯᬲᬶᬦ᭄᭞ᬢᬸᬯᬶᬓᬲᬸᬩ᭄ᬳᬸᬮᬶᬂᬗᬹᬦᬶ᭞ᬢᭀᬂᬢᬳᬾᬦ᭄‌‌ᬗᬾᬯᭂᬳᬂᬮᬓᬸ᭞ᬳᭂᬦ᭄ᬢᭀᬬᬵᬓᬚᬮᬦᬂ᭞ᬓᬧᬢᬧᬦ᭄ᬧᬭᬚᬦᬶ᭞ᬧᬘᬂᬗ᭄ᬭᬸᬲᬓ᭄᭞ᬢᬧᬵᬦ᭄ᬤᬦᬾᬲᬂ᭠ ᬆᬃᬚ᭄ᬚᬸᬦ᭟ᬢ᭄ᬯᬭᬓᭀᬘᬧᬂᬤᬶᬚᬮᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬲᬦᬾᬫᬗ᭄ᬓᬶᬦ᭄᭞ᬤᬶᬧᬢ᭠ᬧᬵᬦ᭄ᬳᬶᬦ᭄ᬤ᭄ᬭᬵᬓᬶᬮᬵ᭞ᬫᬳᬶᬍᬳᬦ᭄ᬬᬫᬗᬮᬶᬄ᭞ᬲᬂᬢᬧᬢᬦ᭄ᬓᬧᬗ᭄ᬕᬶᬄ᭞ᬕ᭄ᬥᭂᬕ᭄ᬳᬶᬥᬧ᭄ᬜᬦᬾᬮᬯᬸᬢ᭄

Auto-transliteration

[15 15B] 15 ga, bukamusutngawehapi, bhumarākĕbusgigis, lawutditungaluḥhaluḥ, bwinpidankatkan, hapinemaṇd̶h̶d̶n̶g̶ndadingĕṇdhiḥ, bawumara, kĕbusdituyasajayangn̶g̶. ketojanisangphalguṇa, langgĕngpagĕḥmasamādhi, mayogājapāngasthawa, sanghyanghindrakocapmaliḥ, śatrunhidanejani, śaktikĕr̥ĕngbuwinhagung, sr̥ĕgĕpsahāsa ñjata, tkeningpunggawasami, momolobhā, hir̀ṣyamangrusakpatapan. liyuśwar̀ggankalaḥbānñā, deninghupayanñāsilib, hubunginñabānkasukan, ma ngdhenñanel̥ĕkĕt'haśiḥ, nānghingtwarayabani, kahindrabhwanāmanglawut, deningyasubanawang, rawossanghyangsacipaṭi, ne̶bāyakahyun, hidahaśiḥringra [16 16A] 16 ksyāsa. ketopangrawosñātangar̀, lawut'hidajaniglis, mañusupdijagattiga, dadihadahor̀tthamĕntik, kahatur̀bahantĕlik, yensanghār̀jjunakawu‐ wus, pagĕḥpisanmatapā, tur̀subakapinĕḥwyakti, hantuk'hida, dewathanesakingśwar̀ggan. ntokraṇanñamanuṇdhenang, raksyāsapuputingkir̀tti, mahadanhidetyamu kā, bukamr̥ĕtyuhiwasin, tuwikasub'hulingngūni, tongtahenngewĕhanglaku, hĕntoyākajalanang, kapatapanparajani, pacangngrusak, tapāndanesang‐ ār̀jjuna. twarakocapangdijalan, sāmpunrawuḥsanemangkin, dipata‐pānhindrākilā, mahil̥ĕhanyamangaliḥ, sangtapatankapanggiḥ, gdhĕg'hidhapñanelawut

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org