parwwa-tantri-kamandaka

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭛ ᭜ ᭛ᬒᬁᬅᬯᬶᬖ᭄ᬦᬫᬲ᭄ᬢᬸ᭛ ᭜ ᭛ᬫᬰᬩ᭄ᬥᬰᬵᬲ᭄ᬢ᭄ᬭᬫᬓᬦᬶᬢ᭄ᬬᬬᬧ᭄ᬭᬫᬥ᭞ᬯᬱ᭄ᬝᬸᬫᬘ᭄ᬙᬢᬶᬯ᭠ᬘᬲ᭄‌ᬧᬦ᭄ᬢᬭᬾ᭞ᬯᬡ᭄ᬥᬸᬂᬫᬶᬩ᭄ᬘᬦ᭄ᬢᬶᬯᬦᬫᬢ᭄‌ᬓᬢ᭄ᬣᬵ᭞ᬅᬱ᭄ᬝᬶᬦᬓᬫᬮᬦ᭄ᬢᬦᬵ᭟ᬇᬓᬂᬯ᭄ᬯᬂᬬᬦ᭄ᬢᬦ᭄ᬯ᭄ᬭᬸᬳᬶᬂᬰᬵᬲ᭄ᬢ᭄ᬭ᭞ᬢᬦ᭄ᬯ᭄ᬭᬸᬳᬶᬂ ᬰᬩ᭄ᬥᬧᬭᬸᬂᬗ᭄ᬕᬸᬦᬶᬂᬰᬲ᭄ᬢ᭄ᬭ᭞ᬫ᭄ᬯᬂᬰᬩ᭄ᬥᬫᬰᬩ᭄ᬥ᭟ᬫᬭᬢᬭᬶᬫᬥ᭄ᬬᬦᬶᬂᬰᬩ᭄ᬥᬫᬳ᭄ᬬᬸᬦᬗᬸᬘᬧᬸᬘᬧ᭄᭞ᬮᬯᬦ᭄ᬲᬂᬫᬳᬵᬧᬸᬭᬸᬱᬵ᭞ᬫᬗ᭄ᬓᬦᬯ᭄ᬯᬂᬫᬭᬾᬂᬳᬮᬲ᭄᭞ᬫᬳ᭄ᬬᬸᬦ᭄ᬫᬦᬶᬓᭂᬧᬵᬕᬚᬄ᭞ᬲ᭄ᬥᬂᬳᬫᬢ᭄ᬢ᭞ᬫᬫᬯᬰᬩ᭄ᬲᬸᬭᬶᬂᬢᬸᬜ᭄ᬚᬸᬂᬲᬮᬫ᭄ᬩ᭞ ᬓᬗ᭄ᬓᭂᬦ᭄ᬤᬾᬦ᭄ᬬᬧᬦᬶᬓᭂᬢᬦ᭄ᬬᬕᬚᬄᬲᬾᬳᬾᬯᬲᬥᬯᬶᬦᬶᬬᬰ᭞ᬲᬾᬢᬾᬬᬾᬯᬢ᭄ᬧᬃᬲᬸᬕᬸᬄ᭞ᬲᬸᬗ᭄ᬕᬶᬲᬸᬗ᭄ᬕᬶᬯᬶᬰᬾᬱᬘᬵ᭞ᬓᬲᬶᬓᬲᬶᬰᬭᬲ᭄ᬯᬢᬶ᭟ᬇᬯᬫᬗ᭄ᬓᬦᬓᬂᬢᬦ᭄ᬯ᭄ᬭᬸᬄᬭᬶᬂᬢᬶᬗ᭄ᬓᬄᬦᬶᬂᬅᬓ᭄ᬱᬭ᭞ᬫ᭄ᬯᬂᬭᬶᬂᬲᬧ᭄ᬢᬯᬶ ᬩᬓ᭄ᬢᬶ᭞ᬫ᭄ᬯᬂᬭᬶᬂᬯ᭄ᬯᬂᬧᬦ᭄ᬢᭂᬲ᭄ᬦᬶᬂᬅᬓ᭄ᬱᬭ᭞ᬧᬲ᭄ᬯᬵᬥᬃᬕ᭄ᬖᬦᬶᬂᬅᬓ᭄ᬱᬭ᭞ᬫ᭄ᬯᬂᬓᬯ᭄ᬭᬸᬳᬦᬦᬧᬸᬗᬮᬶᬗ᭄ᬕᬵ᭞ᬬᬦ᭄ᬦᬧᬸᬂsᬳᬓᬵ᭞ᬳᬧᬦ᭄‌ᬇᬓᬵᬲᬥᬦᬯ᭄ᬭᬸᬄᬫ᭄ᬯᬂᬰᬲ᭄ᬢ᭄ᬭᬯᬶᬪᬓ᭄ᬢᬶᬧᬥ᭟ᬬᬢᬓᬭᬡᬦᬶᬂᬯ᭄ᬭᬸᬳᬦᬶᬂᬲᬃᬯ᭄ᬯᬦᬸᬢᬢ᭄ᬣᬵ᭞ᬧᬥᬫ [᭒ 2A] ᬳᬵᬋᬓᬭᬶᬂᬲᬂᬫᬳᬵᬧᬸᬭᬸᬱᬵᬯᬾᬭᬲ᭄ᬢᬱ᭄ᬓᬭᬲᬫ᭄ᬩᬤ᭄ᬥᬄ᭞ᬲᬥᬦᬶᬬᬲᬂᬅᬫᬢ᭄ᬬ᭞ᬢᬱ᭄ᬓᬭᬂᬭᬳᬶᬭᬢ᭄ᬬᬤᬶ᭞ᬳᬺᬤ᭄ᬥᬬᬦ᭄‌ᬢᬲ᭄ᬬᬲᬗ᭄ᬕᬫᬄ᭟ᬇᬓᬂᬧᬲᬫ᭄ᬩᬥᬮᬯᬦ᭄ᬫᬮᬶᬂᬍᬳᭂᬂᬲᬫ᭄ᬩᬤᬮᬯᬦ᭄ᬲᬂᬲᬥᬸ᭟ᬅᬧᬦᬶᬓᬂᬫᬮᬶᬂᬅᬣ ᬳᬶᬬᬮᬧ᭄ᬦ᭄ᬬ᭟ᬓᬸᬦᬂᬲᬂᬲᬥᬸᬯᬢᬶᬬᬶᬦᬮᬧᬶᬓᬵ᭞ᬇᬓᬵᬢᬓᬢᬶᬰᬬᬦ᭄ᬬᬲᬂᬲᬥᬸᬧᬶᬦᬓᬵᬲᬂᬲᬃᬕ᭄ᬕ᭟ᬬᬢᬫᬢᬂᬦ᭄ᬬᬦ᭄‌ᬳᬬᭀᬢᬦ᭄ᬧ᭄ᬭᬬᬢ᭄ᬦᬚᬸᬕᬵᬲᬂᬫᬳᬸᬦ᭄‌ᬯ᭄ᬭᬸᬄᬳᬸᬢᬸᬲᬶᬂᬲᬃᬯᬰᬲ᭄ᬢ᭄ᬭ᭞ᬬᬦ᭄ᬬᭀᬕ᭄ᬬᬧᬲᬂᬲᬃᬕ᭄ᬕᬵ᭞᭚ ᬇᬦ᭄ᬥᬫ᭄ᬧ᭄ᬭᬶᬢᬶᬫ᭄‌ᬲᭀᬄᬋᬥᬦᬯᬩᬸᬤ᭄ᬥᬫ᭄᭞ᬢᬢ᭄ᬯᬾᬤᬺᬧ᭄ᬰ᭄ᬯᬦᬶᬤ᭄ᬬᬫᬦ᭄ᬢᬦ᭄᭞ᬧ᭄ᬭᬚ᭄ᬜᬵᬮᬾᬓᬾᬢᬦ᭄ᬢ᭄ᬭᬓᬹᬧᬭᬶ᭞ᬰ᭄ᬮᭀᬓᬓᬩᬡ᭄ᬥᬦᬲᬸᬪᬕᬵᬓ᭄ᬱᬭ᭟ᬳᬦᬲᬶᬭᬩ᭄ᬭᬵᬳ᭄ᬫᬡᬳᬢ᭄ᬬᬦ᭄ᬢᬧᬵᬡ᭄ᬥᬶᬢᬲᬶᬭ᭞ᬇᬓᬾᬂᬮᭀᬓᬵᬢ ᬦ᭄ᬢ᭄ᬭᬧᬶᬯᬰ᭄ᬮᭀᬓᬵᬫᬓᬨᬮᬦᬾᬬᬦᬶᬂᬭᬵᬢ᭄᭟ᬢᬦ᭄ᬧᬲᬂᬲᬃᬕ᭄ᬕᬮᬯᬦ᭄ᬦᬶᬲ᭄ᬮᬵᬓᬵᬮ᭟ᬅᬧᬾᬜᬓᬭᬹᬕ᭄‌ᬧᬫᬶᬢ᭄ᬭᬦ᭄᭞ᬢ᭄ᬮᬲ᭄ᬲᬸᬩᬥᬵ᭟ᬫᬢᬂᬦ᭄ᬬᬦ᭄ᬫᬗ᭄ᬓᬦᬵ᭞᭚ᬦᬦᬶᬘ᭄ᬮᬫᬦᬲᬂᬲᬃᬕ᭄ᬕ᭞ᬭᬭᬪᬤ᭄ᬭᬳᬶᬂᬧ

Auto-transliteration

[1 1B] 1 /// • /// oṁawighnamastu /// • /// maśabdhaśāstramakanityayapramadha, waṣṭumacchatiwa‐caspantare, waṇdhungmibcantiwanamatkatthā, aṣṭinakamalantanā. ikangwwangyantanwruhingśāstra, tanwruhing śabdhaparungngguningśastra, mwangśabdhamaśabdha. maratarimadhyaningśabdhamahyunangucapucap, lawansangmahāpurusyā, mangkanawwangmarenghalas, mahyunmanikĕpāgajaḥ, sdhanghamatta, mamawaśabsuringtuñjungsalamba, kangkĕndenyapanikĕtanyagajaḥsehewasadhawiniyaśa, seteyewatpar̀suguḥ, sunggisunggiwiśeṣacā, kasikasiśaraswati. iwamangkanakangtanwruḥringtingkaḥningakṣara, mwangringsaptawi bakti, mwangringwwangpantĕsningakṣara, paswādhar̀gghaningakṣara, mwangkawruhananapungalinggā, yannapungshakā, hapanikāsadhanawruḥmwangśastrawibhaktipadha. yatakaraṇaningwruhaningsar̀wwanutatthā, padhama [2 2A] hār̥ĕkaringsangmahāpurusyāwerastaṣkarasambaddhaḥ, sadhaniyasangamatya, taṣkarangrahiratyadi, hr̥ĕddhayantasyasanggamaḥ. ikangpasambadhalawanmalingl̥ĕhĕngsambadalawansangsadhu. apanikangmalingatha hiyalapnya. kunangsangsadhuwatiyinalapikā, ikātakatiśayanyasangsadhupinakāsangsar̀gga. yatamatangnyanhayotanprayatnajugāsangmahunwruḥhutusingsar̀waśastra, yanyogyapasangsar̀ggā, // indhampritimsoḥr̥ĕdhanawabuddham, tatwedr̥ĕpśwanidyamantan, prajñāleketantrakūpari, ślokakabaṇdhanasubhagākṣara. hanasirabrāhmaṇahatyantapāṇdhitasira, ikenglokāta ntrapiwaślokāmakaphalaneyaningrāt. tanpasangsar̀ggalawannislākāla. apeñakarūgpamitran, tlassubadhā. matangnyanmangkanā, // naniclamanasangsar̀gga, rarabhadrahingpa

Leaf 2

Image on Archive.org

[᭒ 2B] ᭒ ᬲ᭄ᬬᬢᬾ᭞ᬮᬶᬗ᭄ᬕᬃᬯᬺᬱᭀᬯᬳᬵᬜᭀᬭᭀ᭞ᬰ᭄ᬭᬕ᭄ᬕᬮᬾᬦᬦᬶᬧᬢᭀᬢᭀ᭟ᬓᬮᬶᬗᬦ᭄ᬬᬢᬦ᭄ᬲᬂᬲᬃᬕ᭄ᬕᬦᬶᬓᬂᬦᬶᬘᬤᬾᬦᬶᬓᬂᬫᬳᬋᬧ᭄ᬲᬸᬓᬵ᭟ᬅᬦᬾᬓᬶᬬᭀᬦᭂᬦ᭄᭞ᬲᬶᬗ᭄ᬳᬵᬮᬯᬦ᭄‌ᬯᬺᬱᬪᬵ᭞ᬧᬬᬢᬶᬰᬖᭀᬭᬦᬶᬓᬵ᭞ ᬢ᭄ᬮᬲᬾᬦᬓ᭄‌ᬤᬾᬦᬶᬭᬲᬫᬶᬢ᭄ᬭᬵ᭞ᬫᬓᬵᬯ᭄ᬓᬲᬦ᭄ᬳᬶᬮᬂᬳᬶᬓᬵ᭞ᬤᬾᬦᬶᬂᬦᬶᬘ᭄ᬘᬰ᭄ᬭᬕ᭄ᬕᬮᬵ᭞ᬧᬶᬦᬓᬵᬧᬢᬶᬄᬦᬶᬓᬂᬲᬶᬗ᭄ᬳᬵ᭟᭚ᬬᬾᬓᬺᬢᬰ᭄ᬘᬾᬦᬮᭀᬓᬾᬦ᭞ᬫᭀᬳᬵᬅᬗ᭄ᬕᬭᬦᬚᬦᬄ᭞ᬢ᭄ᬭᬾᬮᭀᬓᬵᬘᬭᬯᬶᬦᬬᬵ᭞ ᬧ᭄ᬭᬬᬢ᭄ᬦᬵᬚ᭄ᬜᬦᬓᬭᬦᬄ᭟ᬇᬓᬂᬰ᭄ᬮᭀᬓᬵᬓᬩᬾᬄ᭞ᬕᬶᬦᬯᬾᬤᬾᬦᬶᬭᬲᬗ᭄ᬳ᭄ᬬᬂᬪᬲᬸᬩᬕ᭞ᬬᬾᬓᬵᬓᬳᬶᬮᬗᬦᬶᬂᬧᬸᬗ᭄ᬕᬸᬂ᭞ᬫ᭄ᬯᬂᬅᬳᬗ᭄ᬓᬵᬭᬦᬶᬂᬮᭀᬓᬵ᭞ᬫᬹᬮᬳᬓ᭄ᬦᬂᬳᬘᬭᬵᬬᬸᬓ᭄ᬢᬶ᭞ᬫ᭄ᬯᬂᬫᬢ᭄ᬯᬗᬭᬶᬬᭀᬓᬵᬢ᭄ᬯ ᬗᬦ᭟ᬫ᭄ᬯᬂᬓᬧ᭄ᬭᬬᬢ᭄ᬦᬦ᭄ᬭᬶᬂᬲᭀᬮᬳᬵ᭞ᬯ᭄ᬭᬸᬳᬭᬶᬂᬬᬾᬕ᭄ᬬᬵᬫ᭄ᬯᬂᬢᬦ᭄ᬬᭀᬕ᭄ᬬ᭟ᬫᬢᬸᬢᬹᬭᬾᬂᬲ᭄ᬯᬥᬃᬫ᭄ᬫᬵ᭞ᬤᬫᬤ᭄ᬬᬓᭂᬦᬶᬂᬉᬪᬵᬬᬳᬶᬢᬵ᭟ᬦ᭄ᬥ᭄ᬬᬢ᭞ᬇᬓᬂᬳᬬ᭄ᬯᬦᬶᬰᬭᬶᬭᬵ᭞ᬫ᭄ᬯᬂᬳᬬ᭄ᬯᬦᬶᬂᬭᬵᬢ᭄᭞ᬫᬓᬤᬶᬳᬬ᭄ᬯᬦᬶᬂᬲᬂ [᭓ 3A] ᬧ᭄ᬭᬪᬹ᭟᭚ᬢᬰ᭄ᬫᬶᬦ᭄ᬦᬶᬘ᭄ᬘᬾᬦᬵᬲᬂᬲᬃᬕ᭄ᬕᬄ᭞ᬧᬸᬕᬸᬱᬢᬾᬯᬯᬃᬚ᭄ᬚᬶᬢᬄ᭞ᬰ᭄ᬭᬾᬬᬲ᭄‌ᬓᬫᭂᬦᬾᬦᬲᬃᬯ᭄ᬯᬾᬲᬸ᭞ᬬᬾᬲᬰᬸᬰ᭄ᬭᬸᬬᬲᬾᬓᬢᬫ᭄᭟ᬬᬢᬵᬦᬶᬫᬶᬢ᭄ᬢᬦ᭄ᬬᬦ᭄ᬢᬶᬦᬶᬗ᭄ᬳᬮᬓ᭄ᬦᬵᬚᬸᬕᬇᬓᬂᬯᬲᬂᬲᬃᬕ᭄ᬕᬮᬯᬦ᭄ᬦᬶᬘ᭄ᬘᬵ᭞ᬤᬾᬦᬶᬓᬂᬯ᭄ᬯᬂᬫᬳ ᬋᬧ᭄ᬲᬓᬵ᭞ᬭᬶᬂᬲᬃᬯ᭄ᬯᬮᭀᬓᬵ᭞ᬅᬧᬦᬶᬓᬵᬓᬶᬜ᭄ᬘᬶᬢ᭄ᬭᬶᬂᬳᬬᬹ᭟ᬫ᭄ᬯᬂᬇᬓᬂᬍᬓᬲᬶᬂᬳᬸᬮᬄᬭᬳᬬᬹ᭞ᬦ᭄ᬬᬧᬢᬦᬶᬮᬂᬇᬓᬵ᭞ᬬᬦ᭄ᬢᬦ᭄ᬧ᭄ᬭᬬᬢ᭄ᬦᬭᬶᬂᬬᭀᬕ᭄ᬬᬲᬂᬲᬃᬕ᭄ᬕᬦ᭄ᬬ᭟ᬦ᭄ᬬᬢᬵᬢᭀᬦ᭄ᬢᭀᬦᭂᬦᬶᬓᬂᬲᬂᬲᬃᬕ᭄ᬕᬵᬮᬯᬦ᭄ᬳᬬᬹᬦ᭄ᬬᬵ ᭞ᬳᬦᬾᬓᬶᬓᬢ᭄ᬣᬵᬯ᭄ᬬᬓ᭄ᬢᬶᬦ᭄ᬬ᭞ᬇᬓᬂᬢᬶᬦᬹᬢᬦ᭄ᬤᬾᬥᬗ᭄ᬳ᭄ᬬᬂᬪᬲᬸᬩᬕᬵ᭟ᬓᬸᬦᬂᬲᬫ᭄ᬪᬥᬦ᭄ᬬᬦᬶᬳᬦ᭄᭚ᬩ᭄ᬭᬳ᭄ᬫᬵᬡᬯᬶᬯᬶᬩᬸᬤ᭄ᬥᬦᬫ᭄᭞ᬦᬺᬧᬢᬶᬚᬬᬾᬓᬭᬦ᭄ᬡᬫ᭄᭞ᬅᬦᬶᬬᬰ᭄ᬫᬶᬦ᭄‌ᬲᬃᬯ᭄ᬯᬲᬶᬤ᭄ᬥᬶᬢᬫ᭄᭞ᬢᬦ᭄ᬢ᭄ᬭᬶᬯᬓ᭄ᬬᬦ᭄‌ᬦᬶᬃᬕ ᬯ᭄ᬬᬢᬾ᭟ᬳᬦᬢᬦ᭄ᬢ᭄ᬭᬶᬯᬓ᭄ᬬᬗᬭᬦ᭄ᬬ᭞ᬧᬶᬦᬶᬋᬗ᭄ᬯᬓᭂᬦ᭄‌ᬓᬤᬶᬩ᭄ᬬᬦᬶᬓᬂᬢᬦ᭄ᬢ᭄ᬭᬶ᭞ᬯ᭄ᬦᬂᬇᬓᬵᬫᬓᬤᭀᬦᬯᬶᬫᬸᬤ᭄ᬥᬶᬦᬩ᭄ᬭᬵᬳ᭄ᬫᬵᬡᬧᬶᬢ᭄ᬯᬶ᭞ᬫ᭄ᬯᬂᬇᬓᬂᬓᬯᬶᬚᬬᬦ᭄‌ᬲᬂᬧ᭄ᬭᬪᬹ᭟ᬓᬸᬦᬂᬧ᭄ᬯᬲᬶᬮᬾᬦ᭄ᬲᬗ᭄ᬓᬾᬭᬶᬓᬵ᭞ᬳᬶ

Auto-transliteration

[2 2B] 2 syate, linggar̀wr̥ĕsyowahāñoro, śraggalenanipatoto. kalinganyatansangsar̀gganikangnicadenikangmahar̥ĕpsukā. anekiyonĕn, singhālawanwr̥ĕṣabhā, payatiśaghoranikā, tlasenakdenirasamitrā, makāwkasanhilanghikā, deningniccaśraggalā, pinakāpatiḥnikangsinghā. // yekr̥ĕtaścenalokena, mohā'anggaranajanaḥ, trelokācarawinayā, prayatnājñanakaranaḥ. ikangślokākabeḥ, ginawedenirasanghyangbhasubaga, yekākahilanganingpunggung, mwangahangkāraninglokā, mūlahaknanghacarāyukti, mwangmatwangariyokātwa ngana. mwangkaprayatnanringsolahā, wruharingyegyāmwangtanyogya. matutūrengswadhar̀mmā, damadyakĕningubhāyahitā. ndhyata, ikanghaywaniśarirā, mwanghaywaningrāt, makadihaywaningsang [3 3A] prabhū. // taśminniccenāsangsar̀ggaḥ, puguṣatewawar̀jjitaḥ, śreyaskamĕnenasar̀wwesu, yesaśuśruyasekatam. yatānimittanyantininghalaknājuga'ikangwasangsar̀ggalawanniccā, denikangwwangmaha r̥ĕpsakā, ringsar̀wwalokā, apanikākiñcitringhayū. mwangikangl̥ĕkasinghulaḥrahayū, nyapatanilangikā, yantanprayatnaringyogyasangsar̀gganya. nyatātontonĕnikangsangsar̀ggālawanhayūnyā , hanekikatthāwyaktinya, ikangtinūtandedhanghyangbhasubagā. kunangsambhadhanyanihan // brahmāṇawiwibuddhanam, nr̥ĕpatijayekaranṇam, aniyaśminsar̀wwasiddhitam, tantriwakyannir̀ga wyate. hanatantriwakyangaranya, pinir̥ĕngwakĕnkadibyanikangtantri, wnangikāmakadonawimuddhinabrāhmāṇapitwi, mwangikangkawijayansangprabhū. kunangpwasilensangkerikā, hi

Leaf 3

Image on Archive.org

[᭓ 3B] ᭓ ᬦᬚᬭᬓᭂᬦ᭄‌ᬲᬃᬯ᭄ᬯᬲᬶᬲᬦ᭄ᬤᬶᬇᬓᬵ᭟ᬫᬗ᭄ᬓᬦᬓᬯᬸᬯᬸᬲᬦᬶᬂᬢᬦ᭄ᬢ᭄ᬭᬶᬯᬓ᭄ᬬᬵ᭟ᬫᬗ᭄ᬓᬾᬧ᭄ᬯᬾᬓᬶᬋᬗᭃᬦ᭄ᬧᬸᬃᬯ᭄ᬯᬧ᭄ᬭ᭬ᬱ᭄ᬝᬯᬦᬶᬓᬂᬘᬭᬶᬢᬵ᭚᭜᭚ᬳᬦᬲᬶᬭᬧ᭄ᬭᬪᬹᬗᬹᬦᬶᬇᬰ᭄ᬯᬓᬸᬯᬗ᭄ᬰᬦᬶᬭᬵ᭟ᬲᬫᬸᬤ᭄ᬭᬵᬕᬸᬧ᭄ᬝᬵᬧᬭᬫᬵᬭᬢ᭄ᬓᬵᬫᬦᬸᬗ᭄ᬓᬸ ᬮᬭᬶᬲᬶᬭ᭞ᬢᬶᬓᬂᬲᬳᬦᬦᬶᬂᬧᬭᬭᬢᬸᬲᬓᬯᭂᬗ᭄ᬓᬤᬾᬦᬶᬂᬲᬫᬸᬤ᭄ᬭᬵ᭟ᬲᬶᬭᬢᬳᬦᬭᬶᬫᬤ᭄ᬥᬵ᭞ᬫᬸᬗ᭄ᬕ᭄ᬯᬶᬂᬭᬵᬚ᭄ᬬᬵᬥᬶᬢᬸᬳᬢᬸᬳᬦᬶᬭ᭟ᬢᬦᬸᬘᬧᬓ᭄ᬦᬵᬢᬲᬶᬭᬓᬩᬾᬄᬤᬾᬦᬶᬂᬧᬶᬦᬓᬗ᭄ᬳᬸᬮᬸᬦ᭄᭞ᬯᬶᬃᬬ᭄ᬬᬦᬶᬭᬧᬶᬦᬓᬭᬢᬸᬦᬶᬪᬹ ᬫᬶ᭟ᬓᬸᬦᬂᬲᬶᬭᬯᬃᬡ᭄ᬦᬦᭂᬦ᭄‌ᬲᬂᬧ᭄ᬭᬪᬹᬯ᭄ᬓᬯ᭄ᬓᬦᬶᬭᬵ᭞ᬲᬶᬭᬵᬯ᭄ᬓᬲ᭄ᬦᬶᬂᬅᬚ᭄ᬜᬵᬲᬶᬤ᭄ᬥᬶ᭞ᬰ᭄ᬭᬷᬫᬳᬵᬭᬚᬐᬰ᭄ᬯᬃᬬ᭄ᬬᬨᬮ᭞ᬗᬭᬦᬶᬭ᭟ᬲᬶᬭᬢᬫᬓᬥᬢ᭄ᬯᬦ᭄ᬭᬶᬂᬧᬣᬮᬶᬧᬸᬢ᭄ᬭᬦᬵᬕᬭ᭞ᬭᬶᬂᬪᬹᬫᬶᬚᬫ᭄ᬪᬸᬤᬶᬧᬭᬶᬂᬢ᭄ᬭᬶᬪᬭᬢᬓᬡ᭄ᬥ᭟ ᬇᬓᬂᬤᬾᬰᬧᭂᬃᬡ᭄ᬦᬄᬓᬶᬤᬸᬮ᭄ᬲᬓᬾᬂᬇᬫᬯᬦ᭄᭞ᬳᬦᬢᬮ᭄ᬯᬄᬕᬗ᭄ᬕᬵᬫ᭄ᬯᬂᬬᬫᬸᬦ᭟ᬭᬶᬧᬦ᭄ᬢᬭᬦᬶᬓᬵᬓᬮᬶᬄᬬᬢᬫᬥ᭄ᬬᬤᬾᬰ᭞ᬬᬢᬭᬶᬧᬣᬮᬶᬧᬸᬢ᭄ᬭᬦᬵᬕᬭ᭞ᬗᬭᬦᬶᬂᬭᬵᬚ᭄ᬬᬵ᭟ᬢᬸᬘᬧᬢᬓᬶᬃᬢ᭄ᬣᬶᬦᬶᬭᬵ [᭔ 4A] ᬫᬳᬵᬭᬵᬚᬐᬰ᭄ᬯᬃᬬ᭄ᬬᬨᬮ᭞ᬘᬤᬸᬓᬵᬘᬡ᭄ᬥᬶᬲᬓᬮᬵᬯᬶᬥ᭄ᬬ᭞ᬧᬭᬚᬄ᭞ᬯ᭄ᬭᬸᬄᬢᬲᬶᬭᬇᬭᬶᬓᬂᬕᬸᬡᬤᭂᬫᬂᬧᬸᬮᬸᬄ᭞ᬧᬢ᭄‌ᬦᬶᬧᬸᬦ᭄᭞ᬧ᭄ᬭᬚ᭄ᬜᬵᬢᬲᬶᬭᬵ᭞ᬲᬃᬯ᭄ᬯᬰᬲ᭄ᬢ᭄ᬭᬧᬭᬶᬅᬚ᭄ᬜᬵ᭞ᬢᬦ᭄ᬳᬦᬓᬧᬶᬗ᭄ᬕᬶᬗᬦᬶᬭᬵ᭞ ᬭᬶᬲᬃᬯ᭄ᬯᬚᬭᬶᬂᬲᬃᬯ᭄ᬯᬰᬲ᭄ᬢ᭄ᬭ᭟ᬪᬹᬚᬘᬮᬄ᭟ᬰᬓ᭄ᬢ᭄ᬬᬵᬗᭃᬦᬗᭃᬦ᭄᭞ᬘᬢᬹᬃᬲᬕᬭ᭞ᬧᬭᬅᬢᬄ᭞ᬧᬳᬶᬗᬦᬦᬶᬓᬂᬘᬢᬹᬃᬲᬕᬭᬓᬧᬸᬦ᭄ᬧᬸᬦ᭄ᬤᬾᬦᬶᬭᬵ᭞ᬳᬤᬦ᭄ᬬᬪᬹᬫᬶᬲ᭄ᬯᬫ᭟ᬢᬦ᭄ᬳᬦᬮ᭄ᬬᬦ᭄ᬲᬗ᭄ᬓᬾᬭᬶᬓᬵᬧᬶᬦᬓᬵᬲ᭄ᬯᬫᬶ ᬦᬶᬪᬹᬫᬶ᭞ᬧᬶᬂᬪᬹᬫᬶ᭞ᬧᬗᬱ᭄ᬝ᭄ᬭᬦ᭄‌ᬉᬓᬮᬵᬭᬤ᭄ᬬ᭞ᬮᬶᬦᬶᬧᬸᬢ᭄ᬤᬾᬦᬶᬂᬓᬥᬢ᭄ᬯᬦ᭄‌ᬓᬂᬭᬢᬸᬫ᭄ᬯᬂᬚᬭᬹ᭞ᬢᬦ᭄ᬳᬦᬢᬸᬫᬶᬫ᭄ᬩᬂᬳᬦᬳᬍᬧᬶᬂᬭᬵᬚ᭄ᬬᬦᬶᬭᬵ᭟ᬅᬪᬶᬰᬢᬶᬢᬲᬃᬯ᭄ᬯᬥᬭᬡᬦᬸᬲᬶᬢᬄ᭟ᬫᬗ᭄ᬓᬦᬲᬶᬭᬧᬶᬦᬸᬚ᭞ ᬲᬶᬗ᭄ᬳᬵ᭞ᬲᬶᬗ᭄ᬳᬵᬰᬡᬲ᭄ᬣᬄ᭞ᬫᬸᬗ᭄ᬕ᭄ᬯᬶᬂᬭᬵᬢ᭄ᬦᬲᬶᬗ᭄ᬳᬵᬰᬡᬫᬡᬶ᭞ᬯᬶᬢ᭄ᬣᬶᬢᬶᬮᭀᬢ᭄ᬢᬫᬲᬸᬧ᭄ᬭᬪᬄ᭞ᬫᬸᬗ᭄ᬕ᭄ᬯᬶᬂᬭᬢ᭄ᬦᬲᬶᬗ᭄ᬳᬵᬰᬡᬫᬡᬶ᭟ᬤᬾᬯᬶᬲ᭄ᬢ᭄ᬭᬶᬦᬶᬭᬭᬶᬤᬍᬫ᭄‌ᬫ᭄ᬯᬂᬧᬭᬶᬯᬭᬦᬶᬭ᭟ᬓᬤᬶᬢᬤᬾᬯᬓᬦ᭄ᬬᬓ

Auto-transliteration

[3 3B] 3 najarakĕnsar̀wwasisandi'ikā. mangkanakawuwusaningtantriwakyā. mangkepwekir̥ĕngönpur̀wwapra᭬ṣṭawanikangcaritā // • // hanasiraprabhūngūni'iśwakuwangśanirā. samudrāgupṭāparamāratkāmanungku larisira, tikangsahananingpararatusakawĕngkadeningsamudrā. siratahanarimaddhā, munggwingrājyādhituhatuhanira. tanucapaknātasirakabeḥdeningpinakanghulun, wir̀yyanirapinakaratunibhū mi. kunangsirawar̀ṇnanĕnsangprabhūwkawkanirā, sirāwkasningajñāsiddhi, śrīmahāraja'aiśwar̀yyaphala, ngaranira. siratamakadhatwanringpathaliputranāgara, ringbhūmijambhudiparingtribharatakaṇdha. ikangdeśapĕr̀ṇnaḥkidulsakengimawan, hanatalwaḥganggāmwangyamuna. ripantaranikākaliḥyatamadhyadeśa, yataripathaliputranāgara, ngaraningrājyā. tucapatakir̀tthinirā [4 4A] mahārāja'aiśwar̀yyaphala, cadukācaṇdhisakalāwidhya, parajaḥ, wruḥtasira'irikangguṇadĕmangpuluḥ, patnipun, prajñātasirā, sar̀wwaśastrapari'ajñā, tanhanakapingginganirā, risar̀wwajaringsar̀wwaśastra. bhūjacalaḥ. śaktyāngönangön, catūr̀sagara, para'ataḥ, pahingananikangcatūr̀sagarakapunpundenirā, hadanyabhūmiswama. tanhanalyansangkerikāpinakāswami nibhūmi, pingbhūmi, pangaṣṭranukalāradya, liniputdeningkadhatwankangratumwangjarū, tanhanatumimbanghanahal̥ĕpingrājyanirā. abhiśatitasar̀wwadharaṇanusitaḥ. mangkanasirapinuja, singhā, singhāśaṇasthaḥ, munggwingrātnasinghāśaṇamaṇi, witthitilottamasuprabhaḥ, munggwingratnasinghāśaṇamaṇi. dewistriniraridal̥ĕmmwangpariwaranira. kaditadewakanyaka

Leaf 4

Image on Archive.org

[᭔ 4B] ᭔ ᬮ᭄ᬯᬶᬃᬧᬗᬸᬧ᭄ᬢᬶᬢᬶᬮᭀᬢ᭄ᬢᬫᬵᬲᬸᬧ᭄ᬭᬪᬵᬲᬸᬫᬭᬫ᭄ᬩᬄ᭟ᬫᬗ᭄ᬓᬦᬭᬹᬧᬦᬶᬂᬲ᭄ᬢ᭄ᬭᬶᬓᬧᬲᬸᬓ᭄‌ᬫᬸᬗ᭄ᬕ᭄ᬯᬶᬂᬚ᭄ᬭᭀᬭᬵᬚ᭄ᬬᬦᬶᬭ᭟ᬫᬗ᭄ᬓᬦᬂᬳᬦᬕ᭄ᬭᬵᬳᬵ᭞ᬮᬸᬫ᭄ᬭᬄᬮ᭄ᬯᬶᬃᬯᬃᬱᬵᬰ᭄ᬯᬾᬣᬵᬘᬢ᭄ᬭᬘᬫᬭᬵᬕ᭄ᬭ᭟ᬧᬬᬸᬂᬧᬸᬢᬶᬄ᭞ᬧᬸᬭᭀᬳᬶᬢ ᬭᬵᬚ᭄ᬬ᭞ᬫᬦ᭄ᬢ᭄ᬭᬶᬰᬾᬦᬧᬢᬶᬦᬶᬭᬲᬬᬸᬢᬫ᭄ᬯᬂᬭᬢᬸᬫ᭄ᬯᬂᬚᬸᬭᬹᬫ᭄ᬯᬂᬫᬦ᭄ᬢ᭄ᬭᬶ᭟ᬢ᭄ᬓᬵᬕ᭄ᬭᬓᬭᬳᬸᬦ᭄‌ᬲᬂᬭᬵᬚᬧᬹᬭᭀᬳᬶᬢᬦ᭄ᬦᬶᬭ᭞ᬧᬭᬚᬦᬲᬫᬸᬳᬵ᭚ᬧᬭᬶᬘᬾᬝᬶᬢᬄ᭟ᬅᬓ᭄ᬯᬾᬄᬇᬓᬂᬧᬭᬚᬦᬗ᭄ᬓᬦ᭞ᬐ᭠ ᬰ᭄ᬯᬃᬬ᭄ᬬᬨᬮᬯᬶᬱ᭄ᬫᬬᬵ᭟ᬓᬧᬸᬳᬦ᭄‌ᬢᬸᬫᬶᬗ᭄ᬳᬮ᭄‌ᬲᬂᬧ᭄ᬭᬪᬹᬯᬶᬃᬬ᭄ᬬ᭞ᬆᬦ᭄ᬲᬓᬵᬮᬪᬵᬯᬦᬘᬓ᭄ᬭᬯᬃᬢ᭄ᬬᬪᬶᬰᬾᬓᬵ᭟ᬦᬶᬢ᭄ᬬᬧᬶᬦᬹᬚᬤᬾᬲᬂᬓᬵᬮᬚᬦᬫᭂᬭᬶᬂᬪᬯᬦ᭟ᬅᬚ᭄ᬜᬲᬸᬓᬨᬮ᭞ᬅᬚ᭄ᬜᬵ ᬲᬶᬤ᭄ᬥᬶᬲᬶᬭᬵ᭞ᬅᬲᬶᬂᬓᬶᬦᭀᬦᬶᬭᬲᬶᬤ᭄ᬥᬶ᭟ᬫᬭᬩ᭄ᬬᬓᬦ᭄ᬬᬲᬸᬭᬹ᭞ᬦᬶᬢ᭄ᬬᬧᬯᬶᬯᬳᬵ᭟ᬢᬦ᭄ᬢ᭄ᬭᬓᬣᬦᬲᬂᬢᬦ᭄ᬢ᭄ᬭᬶ᭟ᬫᬶᬚᬶᬮ᭄‌ᬦᬶᬣᬶᬰᬲ᭄ᬢ᭄ᬭᬯ᭄ᬦᬂᬫᬸᬥᬦ᭄ᬬᬫᬦᬄᬮᬮᬫ᭄᭞ᬢᬸᬫᬢᬲᬓᭂᬦ᭄‌ᬫᬦᬄᬩᬸ [᭕ 5A] ᬤ᭄ᬥ᭄ᬬᬧᬸᬗ᭄ᬕᬸᬂ᭟ᬓᬤᬶᬥᬶᬧᬵᬦᬶᬢ᭄ᬬᬲᬸᬫᬸᬮᬸᬳᬶᬂᬪᬹᬫᬶᬓᬂᬦᬶᬣᬶᬰᬲ᭄ᬢ᭄ᬭ᭟᭚ᬅᬤᬶᬢ᭄ᬬᬓᬫᬶᬥᬫ᭄‌ᬰᬲ᭄ᬢ᭄ᬭ᭞ᬦᬭᭀᬚ᭄ᬜᬾᬲᬃᬯ᭄ᬯᬢᬢ᭄ᬯᬵᬢᬄ᭟ᬥᬃᬫ᭄ᬫᭀᬧᬤᬾᬰᬯᬶᬦᬬᬾᬄ᭞ᬓᬃᬬ᭄ᬬᬓᬃᬬ᭄ᬬᬰᬸᬪᬫ᭄‌ᬰᬸᬪᬫ᭄᭟ᬇᬢᬶᬰ ᬲ᭄ᬢ᭄ᬭᬢᬸᬗ᭄ᬕᬮ᭄᭞ᬦᬶᬣᬶᬰᬲ᭄ᬢ᭄ᬭᬢᬸᬗ᭄ᬕᬮ᭄᭞ᬦᬶᬢᬶᬦᬬᬵᬓ᭄ᬬᬢᬦ᭄ᬢ᭄ᬭᬯᬓ᭄ᬬ᭞ᬅᬚᬶᬦᬓᬂᬯ᭄ᬯᬂᬯ᭄ᬭᬸᬄᬓᬭᬶᬂᬢᬢ᭄ᬯ᭟ᬦᬶᬃᬬ᭄ᬬᬫᬦᬶᬂᬳᬚᬶ᭞ᬫᬦᬢᬗ᭄ᬕ᭄ᬯᬦᬂᬢ᭄ᬯᬂᬭᬶᬂᬥᬃᬫ᭄ᬫᭀᬧᬤᬾᬰ᭟ᬓᬢᭀᬦᬶᬓᬂᬳᬮᬳᬬᬸ᭞ᬇᬓᬂ ᬕᬯᬬᬓ᭄ᬦᬫ᭄ᬯᬂᬢᬦ᭄ᬕᬯᬬᬓ᭄ᬦᬵ᭟ᬓᬸᬦᬂᬧᬹᬃᬯ᭄ᬯᬓᬰ᭄ᬭᬷᬐᬰ᭄ᬯᬃᬬ᭄ᬬᬨᬮ᭞ᬫᬳ᭄ᬬᬸᬦᬶᬯᬶᬯᬳᬓᬃᬬ᭄ᬬᬳᬦᬾᬓᬫᬦ᭄ᬢ᭄ᬭᬶᬧᬹᬚᬧᬃᬬ᭄ᬬᬗ᭄ᬓᬾ᭞ᬭᬶᬳᬸᬯᬸᬲᬶᬭᬧᬶᬦᬹᬚᬵᬤᬾᬦᬶᬂᬅᬦᬾᬓᬵᬫᬦ᭄ᬢ᭄ᬭᬶ᭞ᬫᬦ᭄ᬢᬸᬓ᭄ᬢᬲᬶᬭᬭᬶᬂ ᬳᬦ᭄ᬢᬄᬧᬹᬭᬶ᭞ᬭᬶᬂᬏᬓᬲ᭄ᬣᬦ᭟ᬫᬸᬗ᭄ᬕᬄᬭᬶᬂᬰᬹᬦ᭄ᬬᬳᬸᬗ᭄ᬕ᭄ᬯᬦ᭄ᬬᬫᬭᬸᬳᬹᬃ᭟ᬓᬢᬶᬗ᭄ᬳᬮᬦ᭄ᬢᬂᬲᬪᬵᬭᬶᬂᬭᬵᬚ᭄ᬬᬤᬾᬦᬶᬭ᭞ᬫᭀᬖᬢᬳᬦᬲᬸᬤ᭄ᬭᬵᬯᬶᬯᬳᬵ᭟ᬬᬢᬓᬃᬬ᭄ᬬᬬᬭᬫ᭄ᬬᬲᭀᬧᬘᬭᬦ᭄ᬬᬳ

Auto-transliteration

[4 4B] 4 lwir̀panguptitilottamāsuprabhāsumarambaḥ. mangkanarūpaningstrikapasukmunggwingjrorājyanira. mangkananghanagrāhā, lumraḥlwir̀war̀syāśwethācatracamarāgra. payungputiḥ, purohita rājya, mantriśenapatinirasayutamwangratumwangjurūmwangmantri. tkāgrakarahunsangrājapūrohitannira, parajanasamuhā // pariceṭitaḥ. akweḥikangparajanangkana, ai‐ śwar̀yyaphalawiṣmayā. kapuhantuminghalsangprabhūwir̀yya, ānsakālabhāwanacakrawar̀tyabhiśekā. nityapinūjadesangkālajanamĕringbhawana. ajñasukaphala, ajñā siddhisirā, asingkinonirasiddhi. marabyakanyasurū, nityapawiwahā. tantrakathanasangtantri. mijilnithiśastrawnangmudhanyamanaḥlalam, tumatasakĕnmanaḥbu [5 5A] ddhyapunggung. kadidhipānityasumuluhingbhūmikangnithiśastra. // adityakamidhamśastra, narojñesar̀wwatatwātaḥ. dhar̀mmopadeśawinayeḥ, kar̀yyakar̀yyaśubhamśubham. itiśa stratunggal, nithiśastratunggal, nitinayākyatantrawakya, ajinakangwwangwruḥkaringtatwa. nir̀yyamaninghaji, manatanggwanangtwangringdhar̀mmopadeśa. katonikanghalahayu, ikang gawayaknamwangtan'gawayaknā. kunangpūr̀wwakaśrī'aiśwar̀yyaphala, mahyuniwiwahakar̀yyahanekamantripūjapar̀yyangke, rihuwusirapinūjādeninganekāmantri, mantuktasiraring hantaḥpūri, ringekasthana. munggaḥringśūnyahunggwanyamaruhūr̀. katinghalantangsabhāringrājyadenira, moghatahanasudrāwiwahā. yatakar̀yyayaramyasopacaranyaha

Leaf 5

Image on Archive.org

[᭕ 5B] ᭕ ᬍᬧ᭄᭞ᬇᬦᬶᬭᬶᬤᬾᬦᬶᬂᬲᬓᬸᬮᬯᬃᬕ᭄ᬕᬦ᭄ᬬ᭟ᬲᭂᬓᬶᬓᬂᬢᬸᬫᬶᬗᬮ᭄᭟ᬧᬥᬕᬃᬚ᭄ᬚᬶᬢᬵᬕᬶᬭᬂᬕᬶᬭᬳ᭄ᬬᬲᭂᬦ᭄᭞ᬭᬕᬭᬕᬦᬶᬓᬶᬢ᭄ᬯᬂᬚᬮ᭄ᬯᬷᬲ᭄ᬢ᭄ᬭᬶ᭞ᬢᬸᬫ᭄ᬯᬦᬶᬂᬧᬯᬶᬯᬳᬦ᭄ᬬ᭟ᬢᬂᬯ᭄ᬯᬂᬭᬶᬂᬚ᭄ᬭᭀᬭᬶᬂᬫᬗᬺᬗ᭄ᬳᭃᬯᬺᬢ᭄ᬢᬦ᭄ᬬ᭟ ᬳᬃᬱᬫᬗᬸᬘᬧ᭄‌ᬳᬸᬘᬧ᭄‌ᬲᬺᬗ᭄ᬕᬭᬵ᭞ᬫᬢᬓ᭄ᬯᬦ᭄ᬢᬓ᭄ᬯᬦ᭄᭞ᬓᬋᬗᭃᬤᬾᬰ᭄ᬭᬷᬐᬰ᭄ᬯᬃᬬ᭄ᬬᬨᬮ᭞ᬯ᭄ᬭᬸᬄᬢᬲᬶᬭᬬᬦ᭄ᬢᬦ᭄ᬳᬦᬮ᭄ᬯᬶᬄᬲᬓᬦᬶᬭᬵᬢ᭄᭞ᬮ᭄ᬬᬦ᭄‌ᬲᬓᬾᬂᬯᬶᬯᬳᬵᬓᬃᬬ᭄ᬬ᭟ᬭᬶᬂᬳᬾᬜ᭄ᬚᬶᬂᬫᬭᬢᬬᬵ᭞ᬳᬶᬦᬸᬦ᭄ᬤᬂ᭠ ᬦᬶᬭᬢᬭᬵᬦ᭄ᬭ᭄ᬬᬦᬵᬧᬢᬶᬄᬩᬡ᭄ᬥᬾᬰ᭄ᬯᬃᬬ᭄ᬬ᭟ᬥᬢᬂᬫᬦᭂᬫ᭄ᬩᬄᬭᬶᬧᬤᬸᬓᬵᬰ᭄ᬭᬶᬐᬰ᭄ᬯᬃᬬ᭄ᬬᬨᬮᬵᬮᬶᬂᬦᬶᬭ᭞ᬏᬓᬶᬢᬧᬭᬢᬡ᭄ᬥᬵ᭞ᬧᬭᬵᬫᬦ᭄ᬢ᭄ᬭᬶ᭞ᬫᬓᬵᬥᬶᬭᬓ᭄ᬭ᭄ᬬᬧᬢᬶᬄᬩᬡ᭄ᬥᬾᬰ᭄ᬯᬃᬬ᭄ᬬ᭞ᬦᬶᬫᬶᬢᬦᬶᬂᬗ᭄ᬳᬸᬮᬸᬦ᭄‌ᬦᬸᬫᬸᬦ᭄ᬥᬸᬗᬶᬭᬶ ᬓᬶᬢᬵ᭞ᬳᬫᬸᬗ᭄ᬲ᭄ᬬᬗ᭄ᬳᬸᬮᬸᬦ᭄‌ᬓᬧᬭᬶᬲᬸᬓᬵᬭᬶᬂᬲᬃᬯ᭄ᬯᬪᭀᬕᬵ᭟ᬤᬾᬦ᭄ᬢᬓᬩᬾᬄᬦ᭄ᬤᬦ᭄ᬧᬥᬮᬯᬦ᭄ᬲᬫᬦ᭄ᬬᬂᬚᬦ᭄ᬫᬵ᭞ᬫᬵᬫᬗᬦ᭄‌ᬲᭂᬓᬸᬮ᭄‌ᬫ᭄ᬯᬂᬫᬢ᭄ᬱ᭄ᬬ᭟ᬫᬧᬵᬳᬸᬮᬳᬦᬶᬂᬳᬸᬮᬸᬦ᭄‌ᬫ᭄ᬯᬂᬲᬸᬓᬵᬧᬭᬶᬫᬶᬢᬵ᭟ᬫᬗ᭄ᬓ [᭖ 6A] ᬗ᭄ᬓᬦᬲᬸᬓᬦᬶᬂᬳᬶᬦ᭄ᬤ᭄ᬭᬶᬬ᭞ᬳᬃᬱᬦᬶᬂᬯ᭄ᬯᬂᬢᬸᬫᭀᬦ᭄ᬧᬸᬓᬦᬶᬂᬳᬸᬮᬸᬦ᭄‌ᬮ᭄ᬯᬶᬳᬲᬗ᭄ᬓᬾᬲᬫᬦ᭄ᬬᬚᬦ᭄ᬫᬵ᭟ᬇᬓᬢᬢᬦ᭄ᬳᬦᬗᬶᬧᬶᬓᬶᬧᬶᬓ᭄‌ᬳᬶᬗ᭄ᬳᬸᬮᬸᬦ᭄᭞ᬫᬦᬸᬯᬸᬓᬦᬲᬸᬓᬦᬶᬂᬇᬦ᭄ᬤ᭄ᬭᬶᬬᬵ᭟ᬫᬓᬵᬥᬶᬲᬸᬓᬦᬶᬂᬯᬶᬯᬳᬵᬓᬃᬬ᭄ᬬᬵ᭟ ᬯ᭄ᬬᬓ᭄ᬢᬶᬦ᭄ᬬᬢᬦ᭄ᬬᬢᬦ᭄ᬳᬦᬮ᭄ᬯᬶᬄᬓᬤᬶᬯᬶᬯᬳᬓᬃᬬ᭄ᬬ᭞ᬯᬶᬗᬶᬫᬭᬬᬢᬵ᭟ᬳᬦᬲᬸᬓᬦᬶᬂᬲᬸᬤ᭄ᬭᬵᬯᬶᬯᬳᬵ᭞ᬅ᭠ᬢ᭄ᬬᬦ᭄ᬢᬲᬸᬓᬦᬶᬂᬭᬶᬬᬵ᭟ᬮᬾᬦᬲᬓᬾᬗᬹᬦᬶᬗᬹᬦᬶᬫᬦ᭄ᬢ᭄ᬭᬶ᭞ᬫᬓᬤᬶᬧ᭄ᬭᬪᬹᬢᬶᬓᬂᬫᬓᬃᬬ᭄ᬬᬯᬶᬯᬳᬵ᭞ᬦᬶᬬᬢᬵᬕᭃᬂ᭠ ᬲᬸᬓᬦᬶᬂᬧᬭ᭞ᬅᬧᬦ᭄ᬭᬓ᭄ᬯᬥᬃᬫ᭄ᬫᬗᬲᬸᬂᬧᬭᬳᬶᬢᬵ᭟ᬓᬮᬶᬗᬦ᭄ᬬ᭞ᬫᬫᬶᬫᬳ᭄ᬬᬸᬦ᭄‌ᬭᬶᬂᬯᬶᬯᬳᬓᬃᬬ᭄ᬬᬫᬫᬸᬓ᭄ᬢ᭄ᬬᬲᬸᬓᬦ᭄ᬬᬲᬸᬭᬹᬧᬬᭀᬯᬦᬵᬦᬗ᭄ᬓᭂᬦ᭄ᬦᬶᬢ᭄ᬬᬓᬵᬮ᭟ᬫᬓᬃᬬ᭄ᬬᬲᬓᬦᬶᬂᬧᬭᬵ᭞ᬫ᭄ᬯᬂᬲᬸᬓᬦᬶᬂᬲ᭄ᬯᬰᬭᬶᬭ ᬦᬶᬗ᭄ᬳᬸᬮᬸᬦ᭄᭞ᬫᬦᬯᬸᬓᬓ᭄ᬦᬂᬧᬜ᭄ᬘᬾᬦ᭄ᬤ᭄ᬭᬶᬬᬵ᭟ᬳᬶᬭᬾᬄᬳᬶᬗ᭄ᬳᬸᬮᬸᬦ᭄‌ᬲ᭄ᬥᭂᬂᬬᭀᬯᬦ᭟ᬲᬶᬤ᭄ᬟᬵᬓ᭄ᬦᬤᬾᬦ᭄ᬢᬓᬩᬾᬄ᭟ᬬᬾᬓᬶᬯ᭄ᬬᬓ᭄ᬢᬶᬦᬶᬂᬅᬚ᭄ᬜᬲᬶᬤ᭄ᬥᬶ᭞ᬇᬓᬵᬢᬓᬤᬶᬦ᭄ᬬᬦᬶᬗ᭄ᬳᬸᬮᬸᬦ᭄‌ᬲᬓᬶᬂᬲᬫᬦ᭄ᬬᬵᬚᬦ᭄ᬫᬵ᭟ᬫᬦᭂ

Auto-transliteration

[5 5B] 5 l̥ĕp, inirideningsakulawar̀gganya. sĕkikangtumingal. padhagar̀jjitāgiranggirahyasĕn, ragaraganikitwangjalwīstri, tumwaningpawiwahanya. tangwwangringjroringmangr̥ĕnghöwr̥ĕttanya. har̀ṣamangucap'hucapsr̥ĕnggarā, matakwantakwan, kar̥ĕngödeśrī'aiśwar̀yyaphala, wruḥtasirayantanhanalwiḥsakanirāt, lyansakengwiwahākar̀yya. ringheñjingmaratayā, hinundang‐ niratarānryanāpatiḥbaṇdheśwar̀yya. dhatangmanĕmbaḥripadukāśri'aiśwar̀yyaphalālingnira, ekitaparataṇdhā, parāmantri, makādhirakryapatiḥbaṇdheśwar̀yya, nimitaningnghulunnumundhungiri kitā, hamungsyanghulunkaparisukāringsar̀wwabhogā. dentakabeḥndanpadhalawansamanyangjanmā, māmangansĕkulmwangmatṣya. mapāhulahaninghulunmwangsukāparimitā. mangka [6 6A] ngkanasukaninghindriya, har̀ṣaningwwangtumonpukaninghulunlwihasangkesamanyajanmā. ikatatanhanangipikipik'hinghulun, manuwukanasukaningindriyā. makādhisukaningwiwahākar̀yyā. wyaktinyatanyatanhanalwiḥkadiwiwahakar̀yya, wingimarayatā. hanasukaningsudrāwiwahā, a‐tyantasukaningriyā. lenasakengūningūnimantri, makadiprabhūtikangmakar̀yyawiwahā, niyatāgöng‐ sukaningpara, apanrakwadhar̀mmangasungparahitā. kalinganya, mamimahyunringwiwahakar̀yyamamuktyasukanyasurūpayowanānangkĕnnityakāla. makar̀yyasakaningparā, mwangsukaningswaśarira ninghulun, manawukaknangpañcendriyā. hireḥhinghulunsdhĕngyowana. sidḍāknadentakabeḥ. yekiwyaktiningajñasiddhi, ikātakadinyaninghulunsakingsamanyājanmā. manĕ

Leaf 6

Image on Archive.org

[᭖ 6B] ᭖ ᬫ᭄ᬯᬨᬮᬦᬶᬂᬯᬶᬰᬾᬱᬦᬵᬣ᭞ᬫ᭄ᬯᬂᬓᬢᭀᬦᬦᬶᬂᬓᬰᬓ᭄ᬢᬶᬦᬶᬂᬫᬦ᭄ᬢ᭄ᬭᬶᬲᬸᬫᬶᬤ᭄ᬥᬵᬓ᭄ᬦᬓᬃᬬ᭄ᬬᬦᬶᬗ᭄ᬳᬸᬮᬸᬦ᭄᭟ᬫᬗ᭄ᬓᬦᬳᬚ᭄ᬜᬵᬰ᭄ᬭᬶᬐᬰ᭄ᬯᬃᬬ᭄ᬬᬨᬮ᭟ᬲᬸᬫᬳᬸᬃᬭᬓ᭄ᬭ᭄ᬬᬦᬧᬢᬶᬄᬦᬶᬢᬶᬩᬡ᭄ᬥᬾᬰ᭄ᬯᬃᬬ᭄ᬬ᭟ᬲᬚ᭄ᬜᬵᬰ᭄ᬭᬶᬫᬳᬵᬭᬵᬚ᭞ᬢᬦᬸᬧ᭠ ᬗ᭄ᬲᬬᬵᬰ᭄ᬭᬷᬧᬤᬸᬓᬵᬫᬳᬵᬭᬵᬚ᭞ᬭᬶᬕᬢᬶᬦᬶᬂᬧᬵᬝᬶᬓ᭄ᬧᬭᬫᬾᬰ᭄ᬯᬭᬵ᭞ᬳᬸᬫᬢᬹᬭᬓ᭄ᬦᬂᬲᬬᭀᬕ᭄ᬬᬦᬶᬓᬂᬲ᭄ᬢ᭄ᬭᬷᬓᬦ᭄ᬬᬵᬓᬳᬢᬹᬭᬭᬶᬧᬤᬸᬓᬵᬰ᭄ᬭᬶᬫᬳᬵᬭᬵᬚ᭟ᬫᬫᬶᬮᬶᬳᬵᬇᬭᬶᬓᬵᬓᬮᬶᬄ᭞ᬦ᭄ᬤᬦ᭄ᬧᬗᬺᬗᭃᬧᬝᬶᬓ᭄ᬳᬚᬶ ᬭᬶᬇᬢᬶᬳᬲᬵᬧᬹᬭᬡᬵᬭᬹᬧᬵᬲᬸᬤ᭄ᬭᬵᬦᬲ᭄ᬢ᭄ᬬᬦ᭄ᬢ᭄ᬬ᭞ᬯᬯᬳᬾᬓᭀᬧᬮᬶᬧ᭄ᬬᬵ᭞ᬢᭀᬭᬡᬵᬭᬢ᭄ᬯᬫᬾᬥᬶ᭞ᬦᬶᬧᬭᬶᬭᬵᬓ᭄ᬱᬡ᭟ᬲᬂᬧ᭄ᬭᬪᬹᬬᬦ᭄ᬲᬶᬭᬲᬸᬫᬶᬗᬶᬢ᭄ᬭᬶᬯᬶᬱᬬᬵ᭞ᬢᬦ᭄ᬬᭀᬕ᭄ᬬ᭞ᬫ᭄ᬯᬂᬭᬶᬂᬳᬶᬲ᭄ᬢ᭄ᬭᬶᬯᬶᬱᬬᬵ᭟ᬦᬶᬬᬢ ᬓᬵᬓᬧᬺᬫ᭄‌ᬲᬶᬭᬬᬦ᭄ᬫᬗ᭄ᬓᬦ᭟ᬓᬸᬦᬂᬇᬓᬂᬳᬸᬮᬳᬓ᭄ᬦᬦᬶᬭᬵ᭞ᬓᬸᬫᬶᬗ᭄ᬓᬶᬦᬲᬶᬭᬓᬧᬢ᭄ᬬᬦᬶᬂᬫᬸᬲᬸᬄᬦᬶᬭᬵᬧᬭᬧ᭄ᬭᬪᬹᬭᬶᬂᬢ᭄ᬗᬄᬦᬶᬂᬧᬮᬕᬦ᭄᭟ᬇᬭᬶᬓᬵᬢᬲᬶᬭᬧᬕᭂᬄᬓᬭᬢᬸᬦᬶᬭᬭᬶᬂᬭᬵᬚ᭄ᬬ᭟᭚ᬓᬵᬮᬢ᭄ᬭᬯᬦ᭄ᬢ [᭗ 7A] ᬫᬵᬢ᭄ᬫᬦ᭞ᬧᬥᬦᬾᬤᬾᬫᬳᬵᬢ᭄ᬬᬧᬶ᭞ᬢᬬᬫ᭄ᬦᬾᬫᬦᬲ᭄ᬯᬶᬦᬶᬬᬵ᭞ᬮᬓ᭄ᬱ᭄ᬬᬯᬯᬲᬸᬤ᭄ᬥᬥᬶᬧᬄ᭟ᬗᬹᬦᬶᬭᬶᬂᬳᬢᬶᬢᬵᬓᬵᬮ᭞ᬲᬶᬭᬢᬸᬳᬢᬸᬰ᭄ᬭᬶᬧᬭᬫᬾᬰ᭄ᬯᬭᬇᬓ᭄ᬱ᭄ᬯᬓᬸᬯᬗ᭄ᬰᬵ᭞ᬢᬸᬗ᭄ᬕᬮ᭄ᬢᬸᬗ᭄ᬕᬮ᭄ᬚᬸᬕᬵᬲᬶᬭᬧ᭄ᬭᬪᬹ᭞ᬢ ᬧᬶᬢ᭄ᬯᬶᬫᬓ᭄ᬯᬾᬄᬚᬸᬕᬵᬧᬲ᭄ᬢ᭄ᬭᬶᬦᬶᬭᬰ᭄ᬭᬷᬦ᭄ᬤᬾᬯᬶᬫ᭄ᬯᬂᬲᬸᬤᬾᬯᬶᬭᬶᬦᬓ᭄ᬱᬦᬶᬭᬵ᭞ᬓᬭᬓ᭄ᬱᬲᬶᬭᬓᬩᬾᬄ᭟ᬫᬗ᭄ᬓᬦᬮᬶᬂᬦᬶᬂᬭᬓ᭄ᬭᬶᬬᬦᬧᬢᬶᬄ᭟ᬫᬯᬸᬯᬸᬲ᭄‌ᬢᬰ᭄ᬭᬶᬫᬳᬵᬭᬵᬚ᭟ᬅᬉᬫ᭄‌ᬅᬉᬫ᭄‌ᬭᬓ᭄ᬭ᭄ᬬᬦ᭄ᬧᬢᬶᬄ᭞ᬯ᭄ᬭᬸᬄᬗ᭄ᬳᬸᬮᬸᬦ᭄ ᬲᬗ᭄ᬰᬬᬦ᭄ᬢᬓᬩᬾᬄ᭞ᬫ᭄ᬯᬂᬭᬱᬗ᭄ᬳ᭄ᬬᬂᬅᬕᬫᬵ᭞ᬳᬦᬢᬫ᭄ᬯᬄᬓᬋᬗᭃᬭᬶᬰᬲ᭄ᬢ᭄ᬭᬇᬢᬶᬅᬲᬵ᭟᭚ᬯᬶᬯᬳᬫ᭄ᬧᬃᬯ᭄ᬯᬣᬶᬰᬰ᭄ᬘᬵ᭞ᬰᬬᬦᬾᬰ᭄ᬭᬷᬥᬭᭀᬤᬯᬾᬢ᭄᭟ᬪᬝᬭᬧᬭᬫᬾᬰ᭄ᬯᬭᬫ᭄ᬯᬂᬪᬝᬭᬶᬉᬫᬵ᭞ᬲᬶᬭᬢᬫᬸᬗ᭄ᬕᬸᬄ ᬗ᭄ᬓᬵᬭᬶᬓᬵᬮᬦᬶᬯᬶᬯᬳᬵ᭟ᬪᬝᬭᬯᬶᬱ᭄ᬡᬸᬫ᭄ᬯᬂᬪᬝᬭᬶᬰ᭄ᬭᬷ᭞ᬲᬶᬭᬫᬸᬗ᭄ᬕ᭄ᬯᬶᬂᬧᬫᬺᬫᬦ᭄᭞ᬭᬶᬫᬯᬶᬯᬳᬵ᭟ᬫᬗ᭄ᬓᬦᬨᬮᬦᬶᬓᬃᬬ᭄ᬬᬯᬶᬯᬳᬵᬫᬫᬹᬚᬭᬶᬂᬪᬝᬭᬫ᭄ᬯᬂᬪᬝᬭᬶ᭟ᬇᬓᬵᬢᬓᬭᬡᬦᬶᬯᬺᬤ᭄ᬥ᭄ᬬᬲᬃᬯ᭄ᬯᬢᬸᬫᬸᬯᬸᬄ

Auto-transliteration

[6 6B] 6 mwaphalaningwiśeṣanātha, mwangkatonaningkaśaktiningmantrisumiddhāknakar̀yyaninghulun. mangkanahajñāśri'aiśwar̀yyaphala. sumahur̀rakryanapatiḥnitibaṇdheśwar̀yya. sajñāśrimahārāja, tanupa‐ ngsayāśrīpadukāmahārāja, rigatiningpāṭikparameśwarā, humatūraknangsayogyanikangstrīkanyākahatūraripadukāśrimahārāja. mamilihā'irikākaliḥ, ndanpangr̥ĕngöpaṭik'haji ri'itihasāpūraṇārūpāsudrānastyantya, wawahekopalipyā, toraṇāratwamedhi, niparirākṣaṇa. sangprabhūyansirasumingitriwiṣayā, tanyogya, mwangringhistriwiṣayā. niyata kākapr̥ĕmsirayanmangkana. kunangikanghulahaknanirā, kumingkinasirakapatyaningmusuḥnirāparaprabhūringtngaḥningpalagan. irikātasirapagĕḥkaratuniraringrājya. // kālatrawanta [7 7A] mātmana, padhanedemahātyapi, tayamnemanaswiniyā, lakṣyawawasuddhadhipaḥ. ngūniringhatitākāla, siratuhatuśriparameśwara'ikṣwakuwangśā, tunggaltunggaljugāsiraprabhū, ta pitwimakweḥjugāpastriniraśrīndewimwangsudewirinakṣanirā, karakṣasirakabeḥ. mangkanalingningrakriyanapatiḥ. mawuwustaśrimahārāja. a'uma'umrakryanpatiḥ, wruḥnghulun sangśayantakabeḥ, mwangraṣanghyangagamā, hanatamwaḥkar̥ĕngöriśastra'iti'asā. // wiwahampar̀wwathiśaścā, śayaneśrīdharodawet. bhaṭaraparameśwaramwangbhaṭari'umā, siratamungguḥ ngkārikālaniwiwahā. bhaṭarawiṣṇumwangbhaṭariśrī, siramunggwingpamr̥ĕman, rimawiwahā. mangkanaphalanikar̀yyawiwahāmamūjaringbhaṭaramwangbhaṭari. ikātakaraṇaniwr̥ĕddhyasar̀wwatumuwuḥ

Leaf 7

Image on Archive.org

[᭗ 7B] ᭗ ᬭᬶᬪᬯᬦᬵ᭞ᬫᬕᬯᬾᬓᬮᭀᬓᬨᬮᬦ᭄‌ᬦᬶᬂᬚᬕᬢ᭄᭟ᬇᬓᬢᬦᬶᬫᬶᬢᬦᬶᬗ᭄ᬳᬸᬮᬸᬦ᭄‌ᬫᬳ᭄ᬬᬸᬦᬶᬓᬃᬬ᭄ᬬᬵᬯᬶᬯᬳᬵᬦᬶᬢ᭄ᬬᬓᬵᬮ᭟ᬋᬗ᭄ᬯᬤᬾᬦ᭄ᬢᬓᬩᬾᬄ᭞ᬧᬭᬢᬡ᭄ᬥᬧᬭᬫᬦ᭄ᬢ᭄ᬭᬶ᭟ᬲᬓ᭄ᬯᬾᬄᬢᬵᬯ᭄ᬦᬂᬲᬸᬫᬶᬤ᭄ᬥᬓ᭄ᬦᬬᬚ᭄ᬜᬦᬶᬗ᭄ᬳᬸᬮᬸᬦ᭄᭞ ᬯᬭᬗᭃᬦ᭄‌ᬳᬶᬲ᭄ᬢ᭄ᬭᬶᬭᬵᬢ᭄ᬦᬵ᭞ᬫᬯᬶᬯᬳᬵᬦᬗ᭄ᬓᭂᬦ᭄ᬤᬶᬦᬵ᭟ᬫᬗ᭄ᬓᬦᬮᬶᬂᬰ᭄ᬭᬷᬐᬰ᭄ᬯᬃᬬ᭄ᬬᬨᬮᬵ᭞ᬭᬶᬂᬢᬡ᭄ᬥᬫᬦ᭄ᬢ᭄ᬭᬶᬫᬓᬵᬥᬶᬭᬓ᭄ᬭ᭄ᬬᬦᬧᬢᬶᬄᬦᬶᬢᬶᬩᬡ᭄ᬥᬾᬰ᭄ᬯᬃᬬ᭄ᬬ᭟ᬅᬢᭂᬳᭂᬃᬲᬶᬦᬸᬗᬦ᭄‌ᬳᬦᬸᬕ᭄ᬭᬳᬵᬯᬲ᭄ᬢ᭄ᬭᬓᬜ᭄ᬘᬡᬵᬥᬶᬭᬢ᭄ᬦᬵ᭟ᬅᬢᭂ ᬳᭂᬃᬧᬶᬦᬲᬭᬲᬭᬓᭂᬦ᭄ᬭᬶᬂᬓᬃᬬ᭄ᬬᬯᬶᬯᬳᬵ᭟ᬢᬦ᭄ᬧᭀᬯᬳᬦ᭄‌ᬳᬗ᭄ᬓᭂᬦ᭄ᬤᬶᬦᬓᬵᬮᬳᬸᬫᬢᬹᬭᬓ᭄ᬦᬂᬓᬃᬦ᭄ᬬᬲᬸᬭᬹᬧᬵᬭᬶᬂᬰ᭄ᬭᬶᬫᬳᬵᬭᬵᬚ᭟ᬲᬫᬗ᭄ᬓᬦᬢᭂᬯᭂᬓ᭄‌ᬭᬵᬓ᭄ᬭ᭄ᬬᬦᬵᬧᬢᬶᬄᬦᬶᬢᬶᬩᬡ᭄ᬥᬾᬰ᭄ᬯᬃᬬ᭄ᬬ᭞ᬫᬲᭂᬋᬳᬦ᭄‌ᬳᬸᬫᬵᬢᬹᬭ ᬓᭂᬦᬓᬦ᭄ᬬᬲᬸᬭᬹᬧᬬᭀᬯᬦᬭᬶᬂᬰ᭄ᬭᬶᬫᬳᬵᬭᬵᬚ᭟ᬫ᭄ᬯᬂᬇᬓᬂᬳᬸᬧᬘᬭᬫᬳᬍᬧ᭄᭞ᬲᬚ᭄ᬜᬵᬰ᭄ᬭᬶᬫᬳᬵᬭᬵᬚ᭞ᬲᬳᬗ᭄ᬓᬭᬓᬦᬓᬭᬵᬢ᭄ᬦᬵᬤ᭄ᬥᬶᬫ᭄ᬯᬂᬳᬫ᭄ᬩᬭᬵᬉᬢ᭄ᬢᬫᬵᬲᬗ᭄ᬕ᭄ᬭᬳᬦᬶᬂᬯᬶᬯᬳᬵ᭟ᬓᬃᬬ᭄ᬬᬧᬃᬬ᭄ᬬᬗ᭄ᬓᬰ [᭘ 8A] ᬡᬰ᭄ᬭᬷᬫᬳᬵᬭᬵᬚᬐᬰ᭄ᬯᬃᬬ᭄ᬬᬨᬮ᭟ᬅᬢ᭄ᬬᬦ᭄ᬢᬲᬸᬓᬰ᭄ᬭᬶᬫᬳᬵᬭᬵᬚᬢᬶᬦ᭄ᬓᬦ᭄‌ᬲᬓᬧ᭄ᬢᬶᬦᬶᬭᬵ᭞ᬤᬾᬦᬶᬂᬧ᭄ᬭᬚᬫᬦ᭄ᬢ᭄ᬭᬶ᭞ᬓᬸᬦᬂᬫᬮᬯᬲᬶᬓᬂᬓᬵᬮ᭞ᬢ᭄ᬮᬲᬶᬓᬂᬓᬦ᭄ᬬᬲᬸᬭᬹᬧᬭᬶᬂᬲᬫᬶᬧᬦᬶᬦᬵᬕᬭ᭞ᬇᬓᬂᬓᬳᬢᬹᬃᬭᬶᬂᬰ᭄ᬭᬶᬫᬳᬵ ᬭᬵᬚᬇᬭᬶᬓᬭᬶᬲᬓᬢᭂᬫ᭄ᬩᬾᬦ᭄ᬬᬵ᭞ᬭᬶᬳᬸᬯᬸᬲᬶᬭᬳᬸᬫᬢᬹᬭᬓᭂᬦ᭄ᬯᬶᬯᬳᬵᬭᬶᬲᬂᬦᬵᬣ᭞ᬲᬶᬭᬲᬵᬫ᭄ᬧᬸᬦ᭄ᬫᬦ᭄ᬢᬸᬓᬶᬂᬅᬦ᭄ᬢᬄᬧᬹᬭᬶ᭟ᬫ᭄ᬯᬄᬢᬡ᭄ᬚᬭᬓ᭄ᬭ᭄ᬬᬦ᭄‌ᬫᬦ᭄ᬢ᭄ᬭᬶᬫᬓᬩᬾᬳᬦ᭄᭞ᬫᬓᬵᬥᬶᬲᬂᬦᬶᬢᬶᬩᬡ᭄ᬥᬾᬰ᭄ᬯᬃᬬ᭄ᬬ᭞ᬲᬶᬭᬢᬫ ᬦ᭄ᬢᬸᬦ᭄ᬢᬭᬶᬯᬾᬱ᭄ᬫᬦᬶᬭᬵ᭞ᬢᬦ᭄ᬤᬸᬫᬸᬦᬸᬂᬭᬶᬤᬍᬫ᭄᭞ᬢᬸᬫᬫᬵᬭᬶᬂᬧᬳ᭄ᬬᬰᬦ᭄᭟ᬢᬦ᭄ᬳᬦᬯᬶᬦᬾᬄᬫᬋᬓ᭞ᬇᬓᬂᬓᬧᬋᬓᬾᬂᬥᬗᬹ᭟ᬬᬢᬧᬥᬓᬶᬦᭀᬦᬶᬭᬫᬶᬫ᭄ᬩᬵ᭞ᬓᬭᬶᬢᬲᬶᬭᬧ᭄ᬭᬶᬳᬯᬓ᭄‌ᬫᬫᬺᬫᬶᬂᬫᬳᬭᬶᬲ᭠ ᬓᬧᬢ᭄᭟ᬩᬶᬦ᭄ᬯᬢ᭄ᬭᬯᬶ᭞ᬫᬫ᭄ᬩ᭄ᬬᬦ᭄ᬫᬶᬤᭂᬃᬭᬶᬂᬦᬸᬱᬦᬶᬓᬩ᭄ᬯᬲ᭄ᬭᬯ᭄ᬬᬵ᭞ᬧᬶᬦᬶᬢᬶᬕᬭᬶᬂᬢᬸᬯᬸᬄᬦ᭄ᬬᬲᬸᬕᬡ᭄ᬥᬵ᭞ᬫᬦᭀᬗᬶᬢᬮᬕᬵᬧᬶᬦᬜ᭄ᬘᬸᬭᬦ᭄᭟ᬅᬦᬾᬓᬵᬫᬓᬭᬘᬭᬶᬣᬲ᭄ᬯᬪᬯᬦ᭄ᬬᬤ᭄ᬬᬍᬗ᭄ᬓᬭ᭟ᬉᬓᬶᬭᬦᬦᬶᬪ

Auto-transliteration

[7 7B] 7 ribhawanā, magawekalokaphalanningjagat. ikatanimitaninghulunmahyunikar̀yyāwiwahānityakāla. r̥ĕngwadentakabeḥ, parataṇdhaparamantri. sakweḥtāwnangsumiddhaknayajñaninghulun, warangönhistrirātnā, mawiwahānangkĕndinā. mangkanalingśrī'aiśwar̀yyaphalā, ringtaṇdhamantrimakādhirakryanapatiḥnitibaṇdheśwar̀yya. atĕhĕr̀sinunganhanugrahāwastrakañcaṇādhiratnā. atĕ hĕr̀pinasarasarakĕnringkar̀yyawiwahā. tanpowahanhangkĕndinakālahumatūraknangkar̀nyasurūpāringśrimahārāja. samangkanatĕwĕkrākryanāpatiḥnitibaṇdheśwar̀yya, masĕr̥ĕhanhumātūra kĕnakanyasurūpayowanaringśrimahārāja. mwangikanghupacaramahal̥ĕp, sajñāśrimahārāja, sahangkarakanakarātnāddhimwanghambarā'uttamāsanggrahaningwiwahā. kar̀yyapar̀yyangkaśa [8 8A] ṇaśrīmahārāja'aiśwar̀yyaphala. atyantasukaśrimahārājatinkansakaptinirā, deningprajamantri, kunangmalawasikangkāla, tlasikangkanyasurūparingsamipanināgara, ikangkahatūr̀ringśrimahā rāja'irikarisakatĕmbenyā, rihuwusirahumatūrakĕnwiwahārisangnātha, sirasāmpunmantukingantaḥpūri. mwaḥtaṇjarakryanmantrimakabehan, makādhisangnitibaṇdheśwar̀yya, siratama ntuntariweṣmanirā, tandumunungridal̥ĕm, tumamāringpahyaśan. tanhanawineḥmar̥ĕka, ikangkapar̥ĕkengdhangū. yatapadhakinoniramimbā, karitasiraprihawakmamr̥ĕmingmaharisa‐ kapat. binwatrawi, mambyanmidĕr̀ringnuṣanikabwasrawyā, pinitigaringtuwuḥnyasugaṇdhā, manongitalagāpinañcuran. anekāmakaracarithaswabhawanyadyal̥ĕngkara. ukirananibha

Leaf 8

Image on Archive.org

[᭘ 8B] ᭘ ᬧ᭄ᬭᬵ᭞ᬮᬮᬦᬦᬶᬂᬧᬕᭂᬃᬢᬸᬜ᭄ᬚᬸᬂᬦ᭄ᬬ᭟ᬫ᭄ᬯᬂᬇᬓᬂᬘᬭᬶᬢᬵᬦᬶᬂᬕᬺᬳᬵᬧᬫᬺᬫᬦ᭄ᬭᬓ᭄ᬭ᭄ᬬᬦᬧᬢᬶᬄ᭟ᬫᬮᬸᬧᬵᬢᬲᬶᬭᬫᬫᬺᬫᬶᬭᬶᬓᬵᬮᬸᬫᬶᬧᬹᬭᬓᭂᬦ᭄‌ᬭᬶᬰᭀᬓᬦᬶᬭᬵ᭞ᬓᬢᬸᬃᬯ᭄ᬯᬶᬦ᭄‌ᬓᬢᬸᬦᬦ᭄‌ᬧᬗᬤ᭄ᬯᬵ᭟ᬓᬢᬶᬗ᭄ᬳᬮᬦ᭄ᬧ᭄ᬯᬲᬶᬭᬫᬗ᭄ᬓᬦᬵ᭞ ᬤᬾᬦᬶᬂᬕᬸᬡ᭄ᬥᬶᬓ᭄᭞ᬳᬸᬫᬢᬹᬃᬇᬓᬂᬕᬸᬡ᭄ᬥᬶᬓ᭄‌ᬭᬶᬭᬓ᭄ᬭ᭄ᬬᬦ᭄ᬧᬶᬦᬢᬶᬄᬤ᭄ᬬᬄᬳᬭᬶᬭᬹᬧᬶᬡᬶ᭞ᬭᬶᬳᬸᬮᬢᬶᬂᬭᬓᬦᬶᬭᬵ᭞ᬯ᭄ᬭᬸᬄᬦᬶᬭᬦ᭄‌ᬯᬶᬬᭀᬕᬵᬳᬾᬢᬸ᭞ᬭᬶᬓᬵᬳᬶᬦᬸᬡ᭄ᬥᬂᬦᬶᬭᬢᬶᬓᬵᬦᬓ᭄ᬦᬶᬭᬤ᭄ᬬᬄᬢᬦ᭄ᬢ᭄ᬭᬶ᭞ᬲᬂᬧᬶᬦᬓᬥᬶᬦᬶᬂᬭᬹᬧᬵ᭞ᬗᬹᬦᬶᬯᬾᬄᬭᬶᬂ ᬓᬧ᭄ᬭᬚ᭄ᬜᬦᬦ᭄᭞ᬯ᭄ᬭᬸᬄᬭᬶᬲᬃᬯ᭄ᬯᬰᬲ᭄ᬢ᭄ᬭᬵᬕᬫᬵᬲᬳᬢᬦ᭄ᬢ᭄ᬭ᭞ᬫᬢᬗ᭄ᬬᬦ᭄‌ᬤ᭄ᬬᬄᬢᬦ᭄ᬢ᭄ᬭᬶᬧ᭄ᬭᬓᬰᬶᬢᬭᬶᬂᬮᭀᬓ᭟ᬥᬢᬂᬢᬲᬶᬭᬵᬦᭂᬫ᭄ᬩᬄᬭᬶᬂᬲᬶᬭᬾᬪᬹᬦᬶᬭ᭞ᬅᬉᬫ᭄‌ᬅᬉᬫ᭄‌ᬇᬪᬹᬲᬂᬳ᭄ᬬᬂᬲᬶᬦᭂᬫ᭄ᬩᬄᬢᬂᬅᬚ᭄ᬜᬦᬪᬝᬭᬲᬂᬓᬶᬦᬪᬓ᭄ᬢ᭄ᬬ ᬦᬶᬓᬵᬢᬦᬬᬦ᭄ᬓᬸ᭞ᬉᬤᬸᬄᬦ᭄ᬤᬄᬫᬮᬶᬗ᭄ᬕᬶᬳᬭᬶᬗ᭄ᬓᬾ᭟ᬉᬫ᭄ᬧᬋᬓ᭄ᬳᬶᬪᬹ᭞ᬦ᭄ᬤᬦᬶᬫᬶᬢ᭄ᬢᬦᬶᬂᬗ᭄ᬳᬸᬮᬸᬦ᭄‌ᬲᬸᬫ᭄ᬬᬗᬶᬓᬶᬢᬇᬪᬹ᭞ᬭᬵᬫᬭᬓ᭄ᬭ᭄ᬬᬦ᭄ᬲᬶᬭᬥᬢᬂᬲᬓᬾᬶᬧᬹᬭᬶ᭞ᬤᬸᬫᬸᬦᬸᬂᬢᬲᬶᬭᬭᬶᬂᬏᬓᬲ᭄ᬣᬦ᭞ᬢᬦ᭄ᬳᬦᬫᬋᬓᬲᬶᬭᬵ᭞ᬢᬸ [᭙ 9A] ᬫ᭄ᬯᬗᬶᬯᬶᬗᬶᬢ᭄ᬦᬶᬭᬵ᭞ᬦᬗ᭄ᬓᭂᬦ᭄ᬫᬗ᭄ᬓᬾᬲᬶᬭᬦᬓᬸ᭞ᬳᬫᬺᬫ᭄‌ᬢᬦ᭄ᬧᬮᬸᬧᬸᬢ᭄ᬧᬗᬤ᭄ᬯᬵ᭟ᬯᬾᬢ᭄ᬦᬶᬕᭃᬂᬦᬶᬂᬯᬸᬬᬸᬂᬦᬶᬭᬯᬮᬶᬂᬦᬶᬂᬇᬪᬹᬓ᭄ᬢᬶᬓᬶ᭞ᬫᬳ᭄ᬬᬸᬦ᭄ᬧ᭄ᬯᬓᬧᬋᬓᬵᬲᬶᬭ᭞ᬲᬸᬧ᭄ᬯᬦ᭄ᬢᬦ᭄ᬳᬦᬓᬵᬮᬤᬾᬰᬵ᭟ᬯ᭄ᬥᬶᬦᬶᬂᬗ᭄ᬳᬸᬮᬸᬦ᭄‌ᬲᬸᬕ᭄ᬬᬦ᭄ᬢᬶᬩᬦᬶᬯᬶᬗᬶᬢ᭄ᬦᬶ ᬭᬵ᭞ᬫᬧᬦ᭄ᬫᬄᬓᬲᬶᬄᬢᬵᬢᬾᬡ᭄ᬥᬸᬂᬭᬫᬦ᭄ᬢᬵ᭞ᬓᬢᭀᬦ᭄ᬤᬾᬦᬶᬗ᭄ᬳᬸᬮᬸᬦ᭄᭟᭚ᬅᬓᬭᬾᬗ᭄ᬳᬶᬢᬾᬕᬃᬢ᭄ᬢ᭄ᬬ᭞ᬘᬾᬱ᭄ᬝᬗ᭄ᬕᬵᬪᬱᬦᬾᬦᬘ᭄ᬘᬵ᭞ᬦᬾᬢ᭄ᬭᬯᬓ᭄ᬓ᭄ᬭᬯᬶᬓᬭᬾᬡᬹ᭞ᬕᬺᬳ᭄ᬬᬦ᭄ᬢᬾᬢᬪᬕᬫ᭄‌ᬫᬦᬄ᭟ᬅᬧᬦ᭄ᬭᬓ᭄ᬯᬧᬗᬵᬯ᭄ᬭᬸᬳᬦ᭄ᬢᬵᬩᬸᬤ᭄ᬥᬶᬦᬶᬂ ᬲᬸᬓᬵᬢᬦ᭄ᬲᬸᬓᬵ᭞ᬭᬶᬂᬚ᭄ᬭᭀᬳᬢᬶ᭟ᬧᬶᬦᬓᬵᬯᬶᬓᬭᬦᬶᬂᬳᬯᬬᬯ᭞ᬳᬶᬗ᭄ᬕᬶᬢᬵ᭞ᬘᬾᬱ᭄ᬝ᭞ᬫᬣ᭞ᬫᬸᬓᬵ᭞ᬓᬢᭀᬦ᭄‌ᬢᬗ᭄ᬓᬵᬦᬤᬾᬲᬂᬯ᭄ᬭᬸᬳᬶᬂᬘᬾᬱ᭄ᬝᬓᬭᬵ᭟ᬭᬵᬫᬦ᭄ᬢᬧ᭄ᬯᬫᬗ᭄ᬓᬦ᭟ᬬᬤᬦᬶᬫᬶᬢ᭄ᬢᬦᬶᬂᬗ᭄ᬳᬸᬮᬸᬦᬵᬯ᭄ᬥᬶᬳᬸᬫᬸᬭᬸᬕᬾᬭ᭄ᬬᬵ᭞ ᬅᬧᬦ᭄ᬭᬓ᭄ᬯᬲᬶᬦᬗ᭄ᬕᭂᬄᬳᬦᬓ᭄ᬩᬶᬗᬭᬦ᭄ᬬ᭟᭚ᬅᬪᬃᬬ᭄ᬬᬕ᭄ᬭᬳᬵᬤᬓ᭄ᬱᬵ᭞ᬲᬪᬬ᭄ᬬᬬᬧ᭄ᬭᬶᬬᬫ᭄ᬪᬤᬵ᭞ᬲᬪᬃᬬ᭄ᬬᬧᬢᬶᬩ᭄ᬭᬢ᭄ᬣᬵ᭞ᬲᬪᬂᬬ᭄ᬬᬬᬧᬢᬶᬧ᭄ᬭᬡᬵ᭟ᬩᬶᬲᬫᭀᬫᬄᬳᭀᬫᬄ᭞ᬯ᭄ᬭᬸᬄᬫᭀᬚᬃᬫᬦᬸᬓᬦᬂᬲ᭄ᬯᬫᬶ᭞ᬯ᭄ᬭᬸᬄᬫᬗ᭄ᬭ

Auto-transliteration

[8 8B] 8 prā, lalananingpagĕr̀tuñjungnya. mwangikangcaritāninggr̥ĕhāpamr̥ĕmanrakryanapatiḥ. malupātasiramamr̥ĕmirikālumipūrakĕnriśokanirā, katur̀wwinkatunanpangadwā. katinghalanpwasiramangkanā, deningguṇdhik, humatūr̀ikangguṇdhikrirakryanpinatiḥdyaḥharirūpiṇi, rihulatingrakanirā, wruḥniranwiyogāhetu, rikāhinuṇdhangniratikānakniradyaḥtantri, sangpinakadhiningrūpā, ngūniweḥring kaprajñanan, wruḥrisar̀wwaśastrāgamāsahatantra, matangyandyaḥtantriprakaśitaringloka. dhatangtasirānĕmbaḥringsirebhūnira, a'uma'umibhūsanghyangsinĕmbaḥtangajñanabhaṭarasangkinabhaktya nikātanayanku, uduḥndaḥmalinggiharingke. umpar̥ĕk'hibhū, ndanimittaningnghulunsumyangikita'ibhū, rāmarakryansiradhatangsakeipūri, dumunungtasiraringekasthana, tanhanamar̥ĕkasirā, tu [9 9A] mwangiwingitnirā, nangkĕnmangkesiranaku, hamr̥ĕmtanpaluputpangadwā. wetnigöngningwuyungnirawalingningibhūktiki, mahyunpwakapar̥ĕkāsira, supwantanhanakāladeśā. wdhiningnghulunsugyantibaniwingitni rā, mapanmaḥkasiḥtāteṇdhungramantā, katondeninghulun. // akarenghitegar̀ttya, ceṣṭanggābhaṣanenaccā, netrawakkrawikareṇū, gr̥ĕhyantetabhagammanaḥ. apanrakwapangāwruhantābuddhining sukātansukā, ringjrohati. pinakāwikaraninghawayawa, hinggitā, ceṣṭa, matha, mukā, katontangkānadesangwruhingceṣṭakarā. rāmantapwamangkana. yadanimittaningnghulunāwdhihumurugeryā, apanrakwasinanggĕḥhanakbingaranya. // abhar̀yyagrahādaksyā, sabhayyayapriyambhadā, sabhar̀yyapatibratthā, sabhangyyayapatipraṇā. bisamomaḥhomaḥ, wruḥmojar̀manukanangswami, wruḥmangra

Leaf 9

Image on Archive.org

[᭙ 9B] ᭙ ᬓ᭄ᬱᬧ᭄ᬭᬡᬦᬶᬂᬲ᭄ᬯᬫᬶ᭞ᬫᬓᬵᬥᬶᬓᬲᬢ᭄ᬬᬦᬶᬂᬫᬮᬓᬶ᭞ᬲᬶᬭᬢᬲᭂᬗ᭄ᬕᬳᭂᬦ᭄‌ᬪᬃᬬ᭄ᬬᬯᬶᬰᬾᬱᬦᬶᬂᬫᬦᬶᬯᬶ᭟ᬬᬢᬶᬓᬦᬶᬫᬶᬢ᭄ᬢᬦᬶᬂᬲ᭄ᬢ᭄ᬭᬷᬓᬶᬦᬬᬢ᭄ᬦᬓ᭄ᬦᬶᬂᬧ᭄ᬭᬶᬬᬵ᭟ᬳᬦᬯ᭄ᬯᬯᬤ᭄ᬯᬦ᭄ᬫᬗ᭄ᬓᬦᬵ᭞ᬢᬦ᭄ᬫᬮᬳᭂᬓ᭄ᬦᬶᬂᬮᬄᬲᬶᬓᬶᬢᬦ᭄ᬳᬶᬦᬸᬮᬳᬓᭂᬦ᭄ᬬᬵ᭞ᬗᬹᬦᬶ ᬗᬹᬦᬶᬫᬲ᭄ᬯᬪᬵᬯᬱᬣᬵ᭟᭚ᬬᬲ᭄ᬬᬪᬃᬬ᭄ᬬᬯᬶᬭᬹᬧᬓ᭄ᬱᬶ᭞ᬓᬱ᭄ᬫᬮᬶᬓᬵᬮᬳᬵᬧ᭄ᬭᬶᬬᬵ᭞ᬉᬢ᭄ᬢᬭᬢᬭᭀᬯᬥᬦᬫ᭄᭞ᬲᬚᬭᬤ᭄ᬯᬾᬱᬢᬂᬮᬦ᭟ᬯᬤ᭄ᬯᬯᬤ᭄ᬯᬦ᭄‌ᬳᬳᬮᬵᬭᬹᬧᬦ᭄ᬬᬯᬶᬦᬹᬮᬢᬦ᭄᭞ᬢᬦ᭄ᬩᬺᬲᬶᬳᬦ᭄᭞ᬦᬶᬢ᭄ᬬᬧᬋᬩᬸᬢᬸᬚᬃᬫ ᬯᬶᬥᬶᬂᬯᬶᬥᬶᬗᬦ᭄‌ᬓᬶᬦᬾᬮᬶᬓᬦ᭄‌ᬤᬾᬦᬶᬂᬲ᭄ᬯᬫᬶᬭᬾᬄᬦ᭄ᬬᬓᬢᬶᬩᬦᬦ᭄‌ᬚᬭᬵ᭞ᬬᬢᬂᬭᬓ᭄ᬯᬲᬥᬦᬦᬶᬂᬫᬢᬶᬮᬭᬶᬭᬶᬬᬵ᭟ᬕᬢᬶᬦᬶᬂᬲ᭄ᬢ᭄ᬭᬶᬤᬾᬦᬶᬂᬚᬮᬸ᭞ᬯ᭄ᬦᬂᬮᬸᬗ᭄ᬳᬵᬯ᭄ᬦᬂᬚ᭄ᬦᭂᬓ᭄᭞ᬤᬾᬦ᭄ᬤᭀᬳᬵᬫ᭄ᬯᬂᬢ᭄ᬯᬵ᭞ᬫᬓᬢᭀᬳᬕᬸᬡ᭞ ᬧᬾᬦ᭄ᬤᬄᬦ᭄ᬬᬲᬓᬶᬂᬧᬸᬢ᭄ᬭᬵ᭟ᬦᬱ᭄ᬝᬶᬯᬶᬥ᭄ᬬᬲᬫᬫᬶᬢ᭄ᬭᬵ᭞ᬦᬲᬓᭀᬧᬲᬫᬵᬭᬶᬧᬹ᭞ᬦᬱ᭄ᬝ᭄ᬬᬧᬢ᭄ᬬᬲᬫᬲ᭄ᬦᬾᬬᬵ᭞ᬦᬦᬱ᭄ᬝᬶᬤᬾᬯᬜ᭄ᬘᬭᬫ᭄‌ᬪᬮᬫ᭄᭟ᬦᭀᬭᬫᬶᬢ᭄ᬭᬓᬤᬶᬳᬚᬶ᭞ᬦᭀᬭᬫᬸᬲᬸᬄᬓᬤᬶᬕ᭄ᬭᬶᬂ᭞ᬦᭀᬭᬵᬲᬶᬄᬓᬤᬶ [᭑᭐ 10A] ᬳᬦᬓ᭄᭞ᬦᭀᬭᬰᬓ᭄ᬢᬶᬓᬤᬶᬤᬾᬯ᭄ᬯᬵ᭟ᬓᬮᬶᬗᬦ᭄ᬬᬦᬓᬸ᭞ᬦᬶᬫᬶᬢ᭄ᬢᬦᬶᬗ᭄ᬳᬸᬮᬸᬦ᭄‌ᬳᬸᬢᬸᬲ᭄ᬭᬶᬓᬶᬢ᭞ᬥᬢᬗᬭᬶᬬᬬᬄᬢᬵ᭞ᬢᬸᬫᬓ᭄ᬯᬦᬯᬶᬬᭀᬕᬦᬶᬭᬵ᭞ᬢᬦ᭄ᬳᬦᬯ᭄ᬯᬂᬫᬢ᭄ᬭᬦᬶᬂᬯᬸᬬᬸᬂᬯ᭄ᬯᬂᬓᬶᬢᬵ᭞ᬬᬬᬵᬲᬗ᭄ᬓᬦᬶᬂᬮᬶᬧᬹᬭᬤᬸᬄᬓᬶ ᬢᬦᬶᬭᬬᬦ᭄ᬫᬸᬮᬢᬾᬢᬦᬬᬗ᭄ᬓᬸ᭟ᬅᬧᬦ᭄ᬢᬦ᭄ᬳᬦᬲ᭄ᬦᬾᬳᬵᬓᬤᬶᬧᬸᬢ᭄ᬭ᭞ᬭᬱᬭᬱᬦ᭄ᬢᬢ᭄ᬯᬦ᭄᭞ᬅᬬ᭄ᬯᬫᬓᬤᬢ᭄᭞ᬫᬦᬯᬢ᭄ᬮᭂᬩ᭄ᬕᭃᬂᬦᬶᬂᬯᬶᬬᭀᬖᬦᬶᬭ᭞ᬫᬓᬧᬸᬧᬸᬢᬦ᭄ᬭᬶᬂᬦᬶᬭᬵᬓᬵᬦ᭄ᬬᬥᬦᬥᬦᬥᬃᬫ᭄ᬫᬵ᭞ᬥᬃᬫ᭄ᬫᬾᬥ ᬦᬦᬬᬦ᭄ᬰᬶᬯᬾ᭞ᬰᬢ᭄ᬭᬸᬯᬶᬱᬵᬖ᭄ᬦᬶᬭᭀᬕᬾᬲᬸ᭞ᬓᬵᬮᬓ᭄ᬱᬾᬧᬦᬓᬭᬬᬾᬢ᭄᭟ᬇᬓᬂᬭᬭᬲ᭄ᬥᭂᬂᬬᭀᬯᬦ᭞ᬳᬦ᭄ᬦᬾᬓᬬᭀᬕ᭄ᬬᬲᬸᬗᬦ᭄ᬬ᭟ᬫᬗ᭄ᬓᬦᬓᬕᬯᬬᬦᬶᬂᬥᬃᬫ᭄ᬫᬵ᭞ᬫ᭄ᬯᬂᬓᬲᬳᬸᬭᬦᬶᬂᬳᬸᬢᬂ᭟ᬗᬹᬦᬶᬗᬹᬦᬶᬰ ᬢ᭄ᬭᬸᬯᬳᬸᬥᬢᭂᬂᬭᬶᬓᬪ᭄ᬬᬱᬦᬶᬂᬯᬶᬥ᭄ᬬ᭞ᬭᬶᬓᬧᬢ᭄ᬬᬦᬶᬳᬧᬸᬬ᭄᭞ᬫ᭄ᬯᬂᬭᬶᬂᬕ᭄ᬭᬶᬂᬯᬳᬸᬓᬭᬱᬵ᭞ᬢᬦ᭄ᬕᬯᬬᬓ᭄ᬦᬂᬓᬵᬮ᭟ᬇᬓᬢᬓᬩᬾᬄᬢᬦ᭄ᬬᭀᬕ᭄ᬬᬳ᭄ᬮᭂᬫ᭄‌ᬳ᭄ᬮᭂᬫᭂᬦ᭄᭟ᬫᬗ᭄ᬓᬦᬢᬧ᭄ᬭᬶᬳᬢᬶᬦᬶᬂᬬᬬᬄᬢ᭞ᬦᬶᬳᬦᬵᬕ᭄ᬭᬶᬂᬢ᭄ᬫ

Auto-transliteration

[9 9B] 9 kṣapraṇaningswami, makādhikasatyaningmalaki, siratasĕnggahĕnbhar̀yyawiśeṣaningmaniwi. yatikanimittaningstrīkinayatnakningpriyā. hanawwawadwanmangkanā, tanmalahĕkninglaḥsikitanhinulahakĕnyā, ngūni ngūnimaswabhāwaṣathā. // yasyabhar̀yyawirūpaksyi, kaṣmalikālahāpriyā, uttaratarowadhanam, sajaradweṣatanglana. wadwawadwanhahalārūpanyawinūlatan, tanbr̥ĕsihan, nityapar̥ĕbutujar̀ma widhingwidhingankinelikandeningswamireḥnyakatibananjarā, yatangrakwasadhananingmatilaririyā. gatiningstrideningjalu, wnanglunghāwnangjnĕk, dendohāmwangtwā, makatohaguṇa, pendaḥnyasakingputrā. naṣṭiwidhyasamamitrā, nasakopasamāripū, naṣṭyapatyasamasneyā, nanaṣṭidewañcarambhalam. noramitrakadihaji, noramusuḥkadigring, norāsiḥkadi [10 10A] hanak, noraśaktikadidewwā. kalinganyanaku, nimittaninghulunhutusrikita, dhatangariyayaḥtā, tumakwanawiyoganirā, tanhanawwangmatraningwuyungwwangkitā, yayāsangkaninglipūraduḥki tanirayanmulatetanayangku. apantanhanasnehākadiputra, raṣaraṣantatwan, aywamakadat, manawatlĕbgöngningwiyoghanira, makapuputanringnirākānyadhanadhanadhar̀mmā, dhar̀mmedha nanayanśiwe, śatruwisyāghnirogesu, kālaksyepanakarayet. ikangrarasdhĕngyowana, hannekayogyasunganya. mangkanakagawayaningdhar̀mmā, mwangkasahuraninghutang. ngūningūniśa truwahudhatĕngrikabhyaṣaningwidhya, rikapatyanihapuy, mwangringgringwahukarasyā, tan'gawayaknangkāla. ikatakabeḥtanyogyahlĕmhlĕmĕn. mangkanataprihatiningyayaḥta, nihanāgringtma

Leaf 10

Image on Archive.org

[᭑᭐ 10B] ᭑᭐ ᬦ᭄ᬬᬵ᭟ᬬᬢᬦ᭄ᬬᬦ᭄ᬢᬜᬓ᭄ᬦᬫᬸᬮᬦ᭄ᬬᬫ᭄ᬯᬂᬉᬱᬥᬦᬶᬂᬤᬸᬄᬓᬦᬶᬭ᭞᭞ᬫᬗ᭄ᬓᬦᬮᬶᬂᬤ᭄ᬬᬄᬳᬭᬶᬭᬹᬧᬶᬡᬶ᭟ᬲᬸᬫᬳᬹᬃᬤ᭄ᬬᬄᬢᬦ᭄ᬢ᭄ᬭᬶ᭞ᬮᬶᬦᬶᬭ᭟ᬲᬚ᭄ᬜᬵᬲᬗ᭄ᬳᬸᬮᬸᬦ᭄ᬳᬶᬪᬹ᭞ᬢᬦ᭄ᬲᬗ᭄ᬰᬬᬭᬳᬤ᭄ᬬᬦ᭄‌ᬲᬗ᭄ᬳᬸᬮᬸᬦ᭄᭟ᬦ᭄ᬤᬄᬢᬗ᭄ᬳᬵᬢ ᬗ᭄ᬳᬵᬧᬦᭂᬫ᭄ᬩᬄᬭᬦᬓ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬮᬸᬫᬭᬶᬲᬫᬦᭂᬫ᭄ᬩᬳᬇᬭᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬅᬉᬫ᭄‌ᬇᬪᬹ᭟ᬍᬲ᭄ᬮᬸᬗ᭄ᬳᬵᬤ᭄ᬬᬄᬢᬦ᭄ᬢ᭄ᬭᬶ᭟ᬓᬧᬗ᭄ᬕᬶᬄᬲ᭄ᬥᬂᬦ᭄ᬬᬦᬶᬤ᭄ᬭᬦᬶᬤ᭄ᬭᬵᬬᬬᬄᬦᬶᬭᬭᬓ᭄ᬭ᭄ᬬᬦᬵᬧᬢᬶᬄ᭞ᬫᬾᬋ ᬧᬓᭂᬦ᭄ᬤᬸᬳᬸᬦᬶᬂᬢᬭᬶᬧ᭄᭞ᬳᬸᬫᬸᬗ᭄ᬓᬸᬭᬓᭂᬦᬵᬧᬥᬂᬥᬢᬂᬤ᭄ᬬᬄᬢᬦ᭄ᬢ᭄ᬭᬶ᭞ᬫᬗᬥᭂᬕᬶᬂᬤᬕᬦ᭄‌ᬲᬸᬫᬫ᭄ᬩ᭄ᬬᬗᭂᬧᭂᬢᬶᬭᬶᬂᬳᬸᬬᬂᬦᬶᬭᬵ᭟ᬫ᭄ᬮᭂᬲ᭄‌ᬯᬶᬚᬶᬮ᭄ᬦᬶᬂᬲ᭄ᬯᬾᬥᬭᬶᬂᬚᬚᬦᬶᬭᬵ᭞ᬫᬚᬭᬓᭂᬦ᭄‌ᬧᬦᬲ᭄ᬦᬶᬂᬲᬹᬓ᭄ᬱ᭄ᬫᬦᬶᬭᬭᬶᬂ ᬢ᭄ᬯᬲ᭄᭞ᬫᬗ᭄ᬭᬱᬧ᭄ᬯᬢᬶᬲ᭄‌ᬫᬢ᭄ᬭᬵ᭟ᬫᬩᬮᬶᬓ᭄ᬧ᭄ᬯᬲᬶᬭᬵ᭞ᬫᬺᬫᬍᬡ᭄ᬥᬶᬂᬭᬶᬂᬲᬫᬶᬧᬦᬶᬂᬧᬰᬶᬮᬦ᭄‌ᬤ᭄ᬬᬄᬢᬦ᭄ᬢ᭄ᬭᬶ᭟ᬯᬶᬦ᭄ᬥᭂᬮᬦᬶᬭᬢᬵᬚᭃᬂᬦᬶᬭᬵᬫᬦᬶᬭ᭞ᬫᬢᬗᬶᬤᬸᬫ᭄ᬮᬶᬂᬲᬶᬭᬵ᭟ᬢᬸᬫᬶᬗ᭄ᬳᬮ᭄ᬭᬶᬂᬯ᭄ᬓᬦᬶᬭ᭞ᬯᬶᬦᬲ᭄ᬧ [᭑᭑ 11A] ᬥᬓᭂᬦᬶᬭᬵ᭟ᬫᬢᬗ᭄ᬳᬶᬳᬲ᭄ᬫᬸᬕᬤ᭄ᬕᬤᬵ᭞ᬫᬢᬓ᭄ᬯᬦ᭄ᬤᭀᬦᬶᬭᬥᬢᬂ᭞ᬮᬶᬂᬦᬶᬭᬵ᭞ᬉᬥᬹᬄᬇᬩᬸᬫᬲᭀᬯᬾᬓᬶᬢᬵᬥᬢᬂ᭟ᬫᬧᬵᬤᭀᬦ᭄ᬢᬢ᭄ᬯᬦ᭄᭞ᬤᬶᬗᬃᬬ᭄ᬬᬦ᭄ᬢᬦᬬᬦ᭄ᬓᬸᬫᬭᬗ᭄ᬓᬾ᭞ᬫᬗ᭄ᬓᬦᬮᬶᬂᬦᬶᬭ᭞ᬳᬢᭂ ᬳᭂᬃᬫᬸᬲᬧᬲᬹᬃᬬ᭄ᬬᬦᬶᬂᬯ᭄ᬓᬦᬶᬭᬳᬶᬦᬫ᭄ᬩᬸᬂᬯᬸᬦ᭄ᬯᬹᬦᬦᬶᬭᬵ᭟ᬲᬳᬵᬮᬸᬄᬦᬶᬭᬤ᭄ᬭᬯᬬᬦ᭄ᬢᬸᬫᬶᬢᬶᬲ᭄‌ᬳᬶᬂᬧᬮᬶᬫᬶᬲᬦ᭄‌ᬤ᭄ᬬᬄᬢᬦ᭄ᬢ᭄ᬭᬶ᭟ᬦ᭄ᬤᬄᬢᭂᬗᭃᬦ᭄ᬢᬧᬦᭂᬫ᭄ᬩᬄᬭᬦᬓ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬳᬲᬾᬯᬾᬭᬦᬓ᭄ᬭ ᬓ᭄ᬭ᭄ᬬᬦ᭄ᬥᬢᬂ᭞ᬫᬸᬗ᭄ᬕ᭄ᬯᬶᬂᬤᬕᬦ᭄ᬲᬬᬬᬄ᭞ᬓᬸᬦᬂᬤᭀᬦᬶᬂᬫᬋᬓᬶᬂᬚᭃᬂᬬᬬᬄᬲᬗ᭄ᬳᬸᬮᬸᬦ᭄᭞ᬇᬦᬸᬢᬸᬲᬶᬩᬶᬩᬶᬳᬦ᭄ᬢᭂᬦ᭄ᬭᬓ᭄ᬭ᭄ᬬᬦ᭄᭟ᬢᬸᬫᬜᬓᬯᬶᬬᭀᬕᬦᬶᬂᬬᬬᬄᬦᬶᬗ᭄ᬳᬸᬮᬸᬦ᭄᭟ᬇᬪᬹᬫᬳ᭄ᬬᬸᬦ᭄ᬥᬢᭂᬗ᭟ ᬓᬸᬦᬂᬭᬶᬯ᭄ᬥᬶᬦᬶᬭᬫᬸᬭᬸᬕᬵᬯᬸᬬᬸᬂᬲᬂᬬᬬᬄᬦᬶᬗ᭄ᬳᬸᬮᬸᬦ᭄᭞ᬲᬸᬕ᭄ᬬᬦ᭄ᬢᬶᬩᬦᬶᬂᬯᬸᬬᬸᬂᬬᬬᬄᬦᬶᬗ᭄ᬳᬸᬮᬸᬦ᭄᭟ᬦᬶᬫᬶᬢ᭄ᬢᬦᬶᬂᬭᬦᬓ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬢᬸᬫᬓ᭄ᬯᬦᬓᬭᬡᬦᬶᬂᬯᬶᬬᭀᬕᬵ᭟ᬫᬗ᭄ᬓᬦᬮᬶᬂᬤ᭄ᬬᬄᬢᬦ᭄ᬢ᭄ᬭᬶ᭞

Auto-transliteration

[10 10B] 10 nyā. yatanyantañaknamulanyamwanguṣadhaningduḥkanira, , mangkanalingdyaḥharirūpiṇi. sumahūr̀dyaḥtantri, linira. sajñāsanghulunhibhū, tansangśayarahadyansanghulun. ndaḥtanghāta nghāpanĕmbaḥranakrahadyansanghulun, lumarisamanĕmbaha'irarahadyansanghulun, a'umibhū. l̥ĕslunghādyaḥtantri. kapanggiḥsdhangnyanidranidrāyayaḥnirarakryanāpatiḥ, mer̥ĕ pakĕnduhuningtarip, humungkurakĕnāpadhangdhatangdyaḥtantri, mangadhĕgingdagansumambyangĕpĕtiringhuyangnirā. mlĕswijilningswedharingjajanirā, majarakĕnpanasningsūkṣmaniraring twas, mangraṣapwatismatrā. mabalikpwasirā, mr̥ĕmal̥ĕṇdhingringsamipaningpaśilandyaḥtantri. windhĕlaniratājöngnirāmanira, matangidumlingsirā. tuminghalringwkanira, winaspa [11 11A] dhakĕnirā. matanghihasmugadgadā, matakwandoniradhatang, lingnirā, udhūḥibumasowekitādhatang. mapādontatwan, dingar̀yyantanayankumarangke, mangkanalingnira, hatĕ hĕr̀musapasūr̀yyaningwkanirahinambungwunwūnanirā. sahāluḥniradrawayantumitishingpalimisandyaḥtantri. ndaḥtĕngöntapanĕmbaḥranakrahadyansanghulun. haseweranakra kryandhatang, munggwingdagansayayaḥ, kunangdoningmar̥ĕkingjöngyayaḥsanghulun, inutusibibihantĕnrakryan. tumañakawiyoganingyayaḥninghulun. ibhūmahyundhatĕnga. kunangriwdhiniramurugāwuyungsangyayaḥninghulun, sugyantibaningwuyungyayaḥninghulun. nimittaningranakrahadyansanghulun, tumakwanakaraṇaningwiyogā. mangkanalingdyaḥtantri,

Leaf 11

Image on Archive.org

[᭑᭑ 11B] ᭑᭑ ᬲᬸᬫᬳᬹᬃᬭᬓ᭄ᬭ᭄ᬬᬦ᭄ᬧᬢᬶᬄ᭟ᬮᬶᬂᬦᬶᬭᬵ᭞ᬅᬉᬫ᭄‌ᬇᬪᬹ᭞ᬲᬗ᭄ᬳ᭄ᬬᬂᬲᬶᬦᭂᬫ᭄ᬩᬄᬢᬚ᭄ᬜᬦᬪᬝᬭᬓᬶᬦᬪᬓ᭄ᬢ᭄ᬬᬦᬦ᭄ᬢᬵ᭟ᬗ᭄ᬓᬾᬢᬇᬪᬹᬳᬮᬸᬗ᭄ᬕᬸᬄ᭟ᬦ᭄ᬤᬓ᭄ᬢᬚᬃᬭᬶᬂᬯᬶᬬᭀᬕᬦᬶᬗ᭄ᬳᬸᬮᬸᬦ᭄᭟ᬓᬸᬦᬂᬓᬭᬡᬦᬶᬓᬵ᭞ᬳ ᬚ᭄ᬜᬵᬰ᭄ᬭᬶᬫᬳᬵᬭᬵᬚᬫᬶᬦ᭄ᬢᬯᬶᬯᬳᬵᬓᬃᬬ᭄ᬬ᭞ᬇᬓᬂᬓᬦ᭄ᬬᬵᬲᬸᬭᬹᬧᬵᬬᭀᬯᬦᬵᬗ᭄ᬓᭂᬦ᭄‌ᬯ᭄ᬬᬱᬵ᭞ᬳᬸᬯᬸᬲ᭄ᬓᬲᬶᬤ᭄ᬥᬵᬦ᭄ᬤᬾᬦᬶᬗ᭄ᬳᬸᬮᬸᬦ᭄᭟ᬅᬮᬯᬲ᭄ᬧ᭄ᬯᬾᬓᬂᬓᬵᬮ᭞ᬫᬗ᭄ᬓᬾᬢᬳᭂᬦ᭄ᬢᬶᬓᬂᬓᬦ᭄ᬬᬵᬲᬸᬭᬹᬧᬬᭀᬯᬦ᭞ ᬫᬓᬵᬤᭀᬦ᭄‌ᬓᬳᬢᬹᬭᬦᬵᬫ᭄ᬯᬄᬮᬾᬦ᭄ᬓᬳᬢᬹᬭᬲᬓᬢᭂᬫ᭄ᬩᬾᬜ᭄ᬚᬂᬭᬶᬲᬶᬭᬵ᭟ᬇᬓᬵᬢᬓᬲᬗ᭄ᬰᬬᬦᬶᬂᬗ᭄ᬳᬸᬮᬸᬦ᭄᭞ᬓ᭄ᬭᭀᬥᬦᬶᬭᬵᬭᬶᬢᬦ᭄ᬳᬦᬦᬶᬂᬯᬶᬯᬳᬵᬓᬳᬢᬹᬭᬾᬂᬲᬶᬭᬵ᭟᭚ᬦᬦ᭄ᬢᬶᬦᬜ᭄ᬘᬡᬵᬥᬶᬦ ᬜ᭄ᬘ᭞ᬰᬺᬗ᭄ᬕᬶᬦᬵᬫᬱ᭄ᬝ᭄ᬭᬓᬶᬦᬜ᭄ᬘ᭞ᬧᬤᬃᬧ᭄ᬧᬵᬰᭀᬓᭀᬧᬓᬢ᭄ᬣᬯ᭄ᬬᬄ᭞ᬲ᭄ᬢ᭄ᬭᬷᬲᬸᬭᬚᭂᬢᬸᬦ᭄‌ᬫᬾᬢᬸᬪᬵᬫ᭄᭟ᬓᬮᬶᬗ᭄ᬳᬦ᭄ᬬ᭟ᬲᬢ᭄ᬯᬫᬮᬡ᭄ᬥᭂᬧ᭄‌ᬲᬸᬗ᭄ᬳᬸᬦ᭄ᬬ᭞ᬫ᭄ᬯᬂᬓᬸᬓᬸᬦ᭄ᬬ᭞ᬮ᭄ᬯᬄᬫᬤᬺᬲᬵᬤᬍᬫ᭄᭞ᬯ᭄ᬯᬂᬫᬗ᭄ᬕᭂᬕ [᭑᭒ 12A] ᬲᬜ᭄ᬚᬢᬵ᭞ᬯᬯᬤᭀᬦ᭄᭞ᬗᬹᬦᬶᬗᬹᬦᬶᬓᬤᬶᬢᬶᬗ᭄ᬓᬄᬦᬶᬭᬧ᭄ᬭᬪᬹ᭟ᬢᬦ᭄ᬓᬢ᭄ᬦᬂᬯᬶᬲ᭄ᬯᬲᬦ᭄᭟ᬫᬗ᭄ᬓᬦᬓᬵᬗ᭄ᬓᭂᬦ᭄ᬤᬾᬦᬶᬗ᭄ᬳᬸᬮᬸᬦ᭄᭟ᬲᬗ᭄ᬓᬦᬶᬂᬯᬶᬕ᭄ᬭᬳᬦᬶᬭᬥᬢᬂᬦ᭄ᬬᬢᬦᬶᬓᬵ᭞ᬳᬦᬓ᭄‌ᬳᬦᭂᬮᬵᬦᬳᬦᬶᬓᬂᬯᬶᬯᬳᬵ᭟ᬫᬢᬂ ᬦ᭄ᬬᬦ᭄ᬳᬦᬓᬸ᭞ᬧᬳᬮᬯᭂᬦ᭄‌ᬫᬦᬄᬢᭀᬦᬓᬸ᭟ᬯ᭄ᬓᬲᬦ᭄ᬢᬫᬸᬮᬢ᭄ᬳᬶᬗᬸᬮᬸᬦᬶᬪᬹ᭟ᬭᬶᬲᬓᬢᭂᬫ᭄ᬩᬾᬳᬶᬗᬦᬶᬉᬭᬶᬧ᭄ᬓᬸᬇᬪᬹ᭟ᬫᬗ᭄ᬓᬦᬮᬶᬂᬭᬓ᭄ᬭ᭄ᬬᬦᬧᬢᬶᬄ᭟ᬲᬸᬫᬳᬹᬃᬤ᭄ᬬᬄᬢᬦ᭄ᬢ᭄ᬭᬶ᭟ᬲᬚ᭄ᬜᬵᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬓᬧ᭄ᬯ ᬓᬲᬗ᭄ᬰᬬᬵᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬯᬶᬦᬮᬶᬂᬦᬶᬗ᭄ᬳᬸᬮᬸᬦ᭄᭞ᬢᬦ᭄ᬫᬳᬵᬪᬵᬭᬇᬓᬂᬲᬗ᭄ᬰᬬᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬲᬫᬵᬓᭂᬣᬳᬢᬹᬃᬬᬦᬓ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬬᬦ᭄ᬬᭀᬕ᭄ᬬᬋᬗᭃᬦ᭄ᬤᬾᬩᬧᬦᬶᬗ᭄ᬳᬸᬮᬸ ᬦ᭞ᬗᬹᬦᬶᬬᬦ᭄ᬢᬦ᭄ᬬᭀᬕ᭄ᬬᬋᬗ᭄ᬯᬓᭂᬦ᭄᭟ᬦ᭄ᬤᬶᬢᬦᬶᬫᬶᬢ᭄ᬢᬦᬶᬭᬦᬓ‌ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬫᬢᬹᬃᬫᬗ᭄ᬓᬦ᭟ᬫᬓᬵᬳᬾᬢᬸᬫᭀᬳᬶᬢᬦᬶᬗ᭄ᬳᬸᬮᬸᬦ᭄‌ᬢᬸᬫᭀᬦᬶᬂᬤᬸᬄᬓᬵᬧᬥ᭄ᬫᬢᬭᬳᬤ᭄ᬬᬦ᭄‌ᬲᬗ᭄ᬳᬸᬮᬸᬦ᭄᭞ᬦᬶ

Auto-transliteration

[11 11B] 11 sumahūr̀rakryanpatiḥ. lingnirā, a'umibhū, sanghyangsinĕmbaḥtajñanabhaṭarakinabhaktyanantā. ngketa'ibhūhalungguḥ. ndaktajar̀ringwiyoganinghulun. kunangkaraṇanikā, ha jñāśrimahārājamintawiwahākar̀yya, ikangkanyāsurūpāyowanāngkĕnwyasyā, huwuskasiddhāndeninghulun. alawaspwekangkāla, mangketahĕntikangkanyāsurūpayowana, makādonkahatūranāmwaḥlenkahatūrasakatĕmbeñjangrisirā. ikātakasangśayaningnghulun, krodhanirāritanhananingwiwahākahatūrengsirā. // nantinañcaṇādhina ñca, śr̥ĕnggināmaṣṭrakinañca, padar̀ppāśokopakatthawyaḥ, strīsurajĕtunmetubhām. kalinghanya. satwamalaṇdhĕpsunghunya, mwangkukunya, lwaḥmadr̥ĕsādal̥ĕm, wwangmanggĕga [12 12A] sañjatā, wawadon, ngūningūnikaditingkaḥniraprabhū. tankatnangwiswasan. mangkanakāngkĕndeninghulun. sangkaningwigrahaniradhatangnyatanikā, hanak'hanĕlānahanikangwiwahā. matang nyanhanaku, pahalawĕnmanaḥtonaku. wkasantamulat'hingulunibhū. risakatĕmbehingani'uripku'ibhū. mangkanalingrakryanapatiḥ. sumahūr̀dyaḥtantri. sajñārahadyansanghulunkapwa kasangśayārahadyansanghulun. winalingninghulun, tanmahābhāra'ikangsangśayarahadyansanghulun. samākĕthahatūr̀yanakrahadyansanghulun, yanyogyar̥ĕngöndebapaninghulu na, ngūniyantanyogyar̥ĕngwakĕn. nditanimittaniranakarahadyansanghulunmatūr̀mangkana. makāhetumohitaninghuluntumoningduḥkāpadhmatarahadyansanghulun, ni

Leaf 12

Image on Archive.org

[᭑᭒ 12B] ᭑᭒ ᬫᬶᬢ᭄ᬢᬦᬶᬂᬭᬦᬓ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬳᬫᬭᬕᭃᬂᬢᬦ᭄ᬬᭀᬕ᭄ᬬᬋᬗᭃᬦ᭄ᬤᬾᬦᬶᬂᬬᬬᬄᬦᬶᬗ᭄ᬳᬸᬮᬸᬦ᭄᭟ᬬᬦ᭄ᬬᭀᬕ᭄ᬬᬭᬦᬓ᭄‌ᬭᬳᬤ᭄ᬬᬦ᭄‌ᬲᬗ᭄ᬳᬸᬮᬸᬦᬵᬢᬹᬭᬓ᭄ᬦᬭᬶᬲᬓᬢᭂᬫ᭄ᬩᬾ᭟ᬧᬮᬋᬦ᭄ᬭᬶᬥᬢᭂᬗᬦᬶᬂᬓᬥ᭄ᬬᬄᬕᬸᬫᬦᬢᬶᬳᬪᬕ᭄ᬬᬦ᭄ ᬲᬗ᭄ᬓᬦᬶᬂᬫᬦ᭄ᬤᭂᬕᬵᬓᬳ᭄ᬬᬸᬦ᭄‌ᬲᬂᬧ᭄ᬭᬪᬹᬭᬶᬂᬯᬶᬯᬳᬵ᭟ᬮᬮᬦᬦ᭄ᬭᬶᬂᬰᬲ᭄ᬢ᭄ᬭᬯᬓ᭄ᬬ᭞ᬢᬦ᭄ᬢ᭄ᬭᬘᬭᬶᬢᬲᬗ᭄ᬓᬾᬂᬦᬶᬢᬶᬰᬲ᭄ᬢ᭄ᬭᬵ᭟ᬦ᭄ᬤᬄᬨᬮᬋᬦ᭄ᬢᬤᬾᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄‌ᬬᬬᬄ᭟ᬫᬗ᭄ᬓᬦᬮᬶᬂᬤ᭄ᬬᬄᬢᬦ᭄ᬢ᭄ᬭᬶ᭟ᬲᬸᬫᬳᬸᬃᬭᬓ᭄ᬭ᭄ᬬᬦᬵᬧᬢᬶᬄ᭞ ᬅᬉᬫ᭄‌ᬇᬪᬹ᭞ᬪᬕ᭄ᬬᬢ᭄ᬯᬦ᭄‌ᬭᬶᬲᬸᬓᬦᬶᬢᬦᬬᬗ᭄ᬓᬸ᭞ᬫ᭄ᬯᬂᬓᬶᬦ᭄ᬓᬶᬦᭂᬦ᭄ᬢᬫᬾᬢ᭄‌ᬭᬶᬬᬦ᭄ᬤᭂᬳᬦᬶᬂᬩᬸᬤ᭄ᬥᬶᬰ᭄ᬭᬶᬰ᭄ᬭᬶᬫᬳᬵᬭᬵᬚ᭞ᬳᬅᬲ᭄‌ᬲᬗ᭄ᬓᬾᬂᬰᬲ᭄ᬢ᭄ᬭᬕᬫ᭟ᬬᬾᬓᬶᬲᬓ᭄ᬱᬢ᭄‌ᬫᬓᬵᬢ᭄ᬫᬨᬮᬦᬶᬂᬉᬭᬶᬧ᭄ᬦᬶᬂᬗ᭄ᬳᬸᬮᬸᬦ᭄᭟᭚ᬳ ᬖ᭄ᬦᬶᬳᭀᬢ᭄ᬭᬨᬮᬯᬾᬥᬄ᭞ᬤᬦᬢᬸᬦ᭄ᬢᬶᬨᬮᬡ᭄ᬥᬦᬫ᭄᭞ᬭᬢ᭄ᬭᬶᬧᬸᬢ᭄ᬭᬨᬮᬥᬭᬶ᭞ᬰᬶᬮᬯ᭄ᬭᬢ᭄ᬢᬶᬨᬮᬘᬭᬾᬢ᭄᭟ᬨᬮᬦᬶᬭᬲᬂᬩ᭄ᬭᬵᬳ᭄ᬫᬡᬓᬂᬯ᭄ᬭᬸᬄᬫᬯᬾᬥ᭞ᬫᬓᬤᭀᬦ᭄ᬲᬶᬤ᭄ᬥᬦᬶᬂᬳᬖ᭄ᬦᬶᬳᭀᬢ᭄ᬭ᭞ᬨᬮᬦᬶᬂᬫ [᭑᭓ 13A] ᬯᬾᬥ᭄ᬬ᭞ᬲᬸᬓᬦᬶᬂᬪᬹᬓ᭄ᬢᬶ᭞ᬫ᭄ᬯᬂᬯᬾᬯᬾᬄ᭟ᬨᬮᬦᬶᬫᬭᬩᬶ᭞ᬫᬧᬸᬢ᭄ᬭᬵ᭟ᬨᬮᬦᬶᬂᬫᬗᬚᬶ᭞ᬯ᭄ᬭᬸᬳᬭᬶᬂᬬᭀᬕ᭄ᬬᬵᬬᭀᬕ᭄ᬬ᭞ᬫᬗ᭄ᬭᬓ᭄ᬱᬰᬶᬮᬯᬺᬢ᭄ᬢᬶ᭟ᬫᬗ᭄ᬓᬾᬧ᭄ᬯᬓᬢ᭄ᬫᬸᬨᬮᬦᬶᬗ᭄ᬳᬸᬮᬸᬦ᭄‌ᬫᬢ᭄ᬓᬵ᭟᭚ᬉᬢᬾᬦᬲᬲᬸᬧᬸᬢᬺᬦ᭞ᬯᬶᬥ᭄ᬬ ᬬᬸᬓ᭄ᬢᬾᬦᬭᬸᬫᬾᬦ᭞ᬓᬸᬮᬲᬸᬧᬸᬢ᭄ᬭᬲᬶᬗ᭄ᬳᬾᬦ᭞ᬘᬡ᭄ᬥ᭄ᬭᬤᬾᬯᬧ᭄ᬭᬡᬕᬢᬾ᭟ᬫᬧᬵᬢᬨᬮᬦᬶᬂᬯ᭄ᬓᬵ᭞ᬬᬤ᭄ᬬᬧᬶᬦ᭄ᬫᬯ᭄ᬓᬵᬢᬸᬗ᭄ᬕᬮᬶᬓᬂᬯ᭄ᬯᬂ᭞ᬦ᭄ᬤᬢᬦ᭄ᬲᬶᬦᬗ᭄ᬕᬸᬄᬧᬸᬧᬸᬢ᭄ᬭ᭟ᬯ᭄ᬭᬸᬄᬢᬭᬶᬂᬲᬃᬯ᭄ᬯᬯᬶᬥ᭄ᬬ᭞ᬲᬹᬭᬹᬧᬫᬫᬤᬲᬚ᭄ᬜᬦ᭞ᬲᬸᬫᭀᬓᭂᬦ᭄ᬲᬫ ᬲᬫᬦ᭄ᬬᬚᬦ᭄ᬫᬵ᭟ᬬᬾᬓᬵᬫᬫᬤᬗᬶᬓᬸᬮᬵ᭞ᬓᬤᬶᬯᬸᬮᬦ᭄ᬢᬸᬫᬗ᭄ᬕᬮ᭄‌ᬢᬮ᭄ᬯᬶᬃᬦ᭄ᬬ᭟᭚ᬲᬃᬯ᭄ᬯᬭᬶᬥᬶᬧᬓᬘᬡ᭄ᬥ᭄ᬭ᭞ᬧ᭄ᬭᬪᬵᬓᬤᬶᬫᬓᭀᬭᬢᬶᬄ᭞ᬢ᭄ᬭᬶᬮᭀᬓᬵᬥᬶᬧᬓᭀᬥᬃᬫ᭄ᬫᬄ᭞ᬲᬸᬧᬸᬢ᭄ᬭᬄᬓᬸᬮᬥᬶᬧᬓᬄ᭟ᬭᬶᬂᬯ᭄ᬗᬶᬲᬗ᭄ᬳ᭄ᬬᬂᬯᬸᬮᬦ᭄ᬲᬶ ᬭᬧᬶᬦᬓᬲᬸᬮᬸᬄᬦᬶᬓᬂᬭᬢ᭄᭟ᬬᬦᬶᬂᬤᬶᬦᬓᬵᬮ᭞ᬲᬶᬭᬲᬗ᭄ᬳ᭄ᬬᬂᬅᬤᬶᬢ᭄ᬬᬧᬶᬦᬓᬵᬲᬸᬮᬸᬳᬶᬂᬮᭀᬓ᭟ᬬᬦ᭄ᬭᬶᬂᬢ᭄ᬭᬶᬮᭀᬓᬫᬡ᭄ᬥᬮ᭞ᬥᬃᬫ᭄ᬫᬧᬶᬦᬓᬵᬲᬸᬮᬸᬄ᭟ᬬᬦᬶᬂᬓᬸᬮᬲᬦ᭄ᬢᬦᬧᬸᬢ᭄ᬭᬯᬶᬰᬾᬱᬧᬶᬦᬓᬲᬸᬮᬸᬄ᭟᭚᭠

Auto-transliteration

[12 12B] 12 mittaningranakrahadyansanghulunhamaragöngtanyogyar̥ĕngöndeningyayaḥninghulun. yanyogyaranakrahadyansanghulunātūraknarisakatĕmbe. palar̥ĕnridhatĕnganingkadhyaḥgumanatihabhagyan sangkaningmandĕgākahyunsangprabhūringwiwahā. lalananringśastrawakya, tantracaritasangkengnitiśastrā. ndaḥphalar̥ĕntaderahadyansanghulunyayaḥ. mangkanalingdyaḥtantri. sumahur̀rakryanāpatiḥ, a'umibhū, bhagyatwanrisukanitanayangku, mwangkinkinĕntametriyandĕhaningbuddhiśriśrimahārāja, ha'assangkengśastragama. yekisakṣatmakātmaphalaninguripningnghulun. // ha ghnihotraphalawedhaḥ, danatuntiphalaṇdhanam, ratriputraphaladhari, śilawrattiphalacaret. phalanirasangbrāhmaṇakangwruḥmawedha, makadonsiddhaninghaghnihotra, phalaningma [13 13A] wedhya, sukaningbhūkti, mwangweweḥ. phalanimarabi, maputrā. phalaningmangaji, wruharingyogyāyogya, mangrakṣaśilawr̥ĕtti. mangkepwakatmuphalaninghulunmatkā. // utenasasuputr̥ĕna, widhya yuktenarumena, kulasuputrasinghena, caṇdhradewapraṇagate. mapātaphalaningwkā, yadyapinmawkātunggalikangwwang, ndatansinangguḥpuputra. wruḥtaringsar̀wwawidhya, sūrūpamamadasajñana, sumokĕnsama samanyajanmā. yekāmamadangikulā, kadiwulantumanggaltalwir̀nya. // sar̀wwaridhipakacaṇdhra, prabhākadimakoratiḥ, trilokādhipakodhar̀mmaḥ, suputraḥkuladhipakaḥ. ringwngisanghyangwulansi rapinakasuluḥnikangrat. yaningdinakāla, sirasanghyangadityapinakāsuluhingloka. yanringtrilokamaṇdhala, dhar̀mmapinakāsuluḥ. yaningkulasantanaputrawiśeṣapinakasuluḥ. // ‐

Leaf 13

Image on Archive.org

[᭑᭓ 13B] ᭑᭓ ᬏᬢᬾᬦᬵᬯᬦᬯᬺᬓ᭄ᬱᬦ᭞ᬫᬸᬘᬶᬬᬢᬾᬦᬲᬸᬕᬡ᭄ᬥᬶᬦᬵ᭞ᬯᬘᬶᬢᬦ᭄ᬢᬤᬰᬧᬃᬯ᭄ᬯᬵ᭞ᬲᬸᬧᬸᬢ᭄ᬭᬦᬓᬸᬮᬰ᭄ᬯᬢᬄ᭟ᬳᬦᬳᬮᬲ᭄ᬕᭃᬂ᭞ᬓᬶᬦᬳᬦᬦᬶᬂᬓᬬᬸᬢᬸᬗ᭄ᬕᬮ᭄᭞ᬦ᭄ᬤᬦ᭄ᬲᬸᬕᬡ᭄ᬥᬢᬲ᭄ᬓᬃᬦ᭄ᬬᬵ᭞ᬳᬶᬦᬭᬦᬦᬶᬓᬂᬳᬮᬲ᭄‌ᬓᬶᬦᬳᬦᬦᬶᬂᬲ᭄ᬓᬃᬲᬸᬕ ᬡ᭄ᬥ᭟ᬇᬯᬫᬗ᭄ᬓᬦᬢᬭᬶᬂᬓᬸᬮᬵ᭞ᬭᬶᬳᬦᬦᬶᬂᬲᬸᬧᬸᬢ᭄ᬭᬵ᭟᭚ᬉᬢᬾᬦᬲᬸᬓᬯᬺᬓ᭄ᬱᬾᬦ᭞ᬤᬾᬳ᭄ᬬᬫᬦᬾᬢᬄᬪᬶᬦ᭞ᬤᬬᬓᬾᬢᬤ᭄ᬯᬦᬲᬃᬯ᭄ᬯᬵ᭞ᬓᬸᬤᬸᬢ᭄ᬭᬾᬦᬓᬸᬮᬲ᭄ᬯᬢᬄ᭟ᬳᬮᬲᬵᬕᭃᬂᬓᬶᬦᬳᬦᬦᬶᬂᬓᬬ᭄ᬯᬓᬶᬂᬢᬸᬗ᭄ᬕᬮ᭄᭞ᬢᬶᬦᬸᬦ᭄ᬯᬦ᭄ᬢ ᬬᬕ᭄ᬲᭂᬂᬬᬳᬶᬮᬂᬓᬂᬳᬮᬲ᭄‌ᬓᬩᬾᬄ᭟ᬳᬶᬯᬫᬗ᭄ᬓᬦᬢᬂᬧᬸᬢ᭄ᬭᬵᬲᬶᬦᬗ᭄ᬕᬄᬓᬸᬧᬸᬢ᭄ᬭᬵ᭞ᬭᬸᬲᬓᬶᬓᬂᬓᬸᬮᬤᬾᬦ᭄ᬬᬵ᭟ᬓᬶᬢᬧ᭄ᬯᬬᬳᬸᬫᬸᬮᬳᬓ᭄ᬦᬶᬓᬂᬓᬸᬲᬸᬧᬸᬢ᭄ᬭᬶᬓᬦ᭄᭞ᬢᬸᬮᬸᬲᬳᬫᬓᬯᬶᬢᬦ᭄᭟ᬳᬬᭀᬢᬢᬦ᭄ᬯ᭄ᬭᬸᬄᬫ ᬗᬶᬭᬶᬂᬘᬾᬱ᭄ᬝᬓᬭᬲᬂᬧ᭄ᬭᬪᬹ᭞ᬤᬾᬦ᭄ᬳᬦᬧᬾᬡ᭄ᬥᬄᬢᬲᬓᬭᬶᬓᬂᬤ᭄ᬬᬄᬓᬭᬸᬳᬸᬦ᭄᭟ᬦ᭄ᬤ᭄ᬬᬢᬂᬳᬸᬮᬳᬵ᭟ᬦ᭄ᬬᬵᬧᬦ᭄ᬢᬳᬦ᭄ᬦ᭄ᬯᬵᬮᬶᬗ᭄ᬳᬦ᭄ᬢᬵ᭟ᬲᬓᬳ᭄ᬬᬸᬦᬦᬶᬭᬳᬬ᭄ᬯᬦᬮᬶᬦᬸᬧᬸᬢᬦ᭄‌‌᭟ᬅᬧᬦᬶᬓᬂᬲᬃᬯ᭄ᬯᬚᬕᬢ᭄‌ᬭᬓ᭄ᬯᬫᬢᬸ [᭑᭔ 14A] ᬗ᭄ᬕᬮᬦ᭄ᬧ᭄ᬭᬬᬵ᭟᭚ᬯᬦᬢᬺᬡᬫᬸᬤᬶᬣᬦᬂᬓᬲ᭄ᬘᬄᬭᬦᬢᬶᬫᬺᬕ᭄ᬖᬦ᭞ᬨᬮᬢᬭᬸᬫᬸᬤᬶᬢᬦᬭᬢ᭄ᬦᬵᬓᭀᬦᬶᬂᬓ᭠ᬫᬶᬥᬫ᭄᭞ᬅᬲᬸᬭᬪᬶᬫᬸᬤᬶᬢᬦᬗ᭄ᬓ᭄ᬬᬕᬡ᭄ᬥᬓᬾᬄᬓᬸᬓᬸᬭᬦ᭄᭞ᬅᬤᬶᬗᬦᬢᬶᬦᬭᬦᬬ᭄ᬬᬓ᭄‌ᬰ᭄ᬭᬶᬬᬦ᭄ᬢᬤ᭄‌ᬯᬶᬰᬾᬱᬦ᭄᭟ᬇ ᬓᬂᬫᬺᬕ᭄ᬖᬫᬜ᭄ᬚᬗᬦ᭄᭞ᬓᬶᬥᬂ᭞ᬯᬾᬳᬦᬬᬫᬵᬲ᭄‌ᬫᬡᬶ᭞ᬢᬦ᭄ᬫᬓᬤᭀᬦ᭄ᬬ᭟ᬉᬯᬓᬓ᭄ᬦᬭᬶᬂᬳᬮᬲ᭄᭞ᬯᬾᬳᬦᬤᬸᬓᬸᬢ᭄᭞ᬅᬢ᭄ᬬᬦ᭄ᬢᬲᬸᬓᬦ᭄ᬬ᭟ᬫᬗ᭄ᬓᬦᬯᬦᬭᬵᬲᬸᬗᬦᬢᬬᬵᬭᬵᬢ᭄ᬦᬪᬹᬱᬡᬵ᭞ᬢᬦ᭄ᬲᬸᬓᬇᬓᬵ᭟ᬢ᭄ᬯᬶᬓᬳ᭄ᬬᬸᬦᬶᬓᬵ ᬢᬸᬫᬶᬗ᭄ᬳᬮᬯ᭄ᬯᬄᬳᬦ᭄᭞ᬫ᭄ᬯᬂᬓᬬ᭄ᬯᬓᬬ᭄ᬯᬦ᭄᭞ᬢᬸᬱ᭄ᬝᬵᬫ᭄ᬩᭂᬓ᭄ᬦ᭄ᬬ᭟ᬫᬗ᭄ᬓᬦᬯᭂᬓ᭄᭞ᬯᬾᬳᬦᬢᬬᬲᬸᬕᬡ᭄ᬥᬵ᭞ᬍᬧᬦ᭞ᬢᬦ᭄ᬲᬸᬓᬇᬓᬵ᭟ᬓᬸᬦᬂᬍᬯᬶᬄᬲᬸᬓᬦ᭄ᬬᬬᬦ᭄ᬫᬸᬗ᭄ᬕ᭄ᬯᬶᬂᬧᬘᬃᬬ᭄ᬬᬦ᭄᭞ᬭᬶᬂᬗ᭄ᬓᬧᬸᬭᬶᬱᬵ᭞ᬓᬲ᭄ᬦᭂᬗᬶᬳᬢᬶᬦ᭄ᬬ᭟ᬬᬤ᭄ᬬᬧᬶ ᬫᬵᬦᬹᬱᬢ᭄ᬯᬶ᭞ᬲᬓᬳᬋᬧ᭄ᬦ᭄ᬬᬚᬸᬕᬯᬶᬰᬾᬱ᭟ᬫᬗ᭄ᬓᬦᬵᬓᬸ᭞ᬢᬫᭀᬮᬳᬭᬶᬂᬚᬂᬲᬂᬦᬵᬣ᭞ᬲᬧ᭄ᬭᬬᬦᬶᬭᬚᬸᬕᬓᬾᬗᭂᬢᬓ᭄ᬦᬦ᭄ᬢᬵ᭟ᬨᬮᬦ᭄ᬢᬯ᭄ᬭᬸᬄᬭᬶᬂᬦᬶᬢ᭄ᬢᬶᬲᬭᬲᬦᬶᬂᬰᬲ᭄ᬢ᭄ᬭᬵ᭟ᬫᬢᬂᬦ᭄ᬬᬦ᭄ᬢᬦ᭄ᬢ᭄ᬭᬶᬧᬦᬗ᭄ᬕᬸᬄᬲᬂᬧᬡ᭄ᬥᬶᬢᬵᬭᬶᬓᬶᬢ

Auto-transliteration

[13 13B] 13 etenāwanawr̥ĕkṣana, muciyatenasugaṇdhinā, wacitantadaśapar̀wwā, suputranakulaśwataḥ. hanahalasgöng, kinahananingkayutunggal, ndansugaṇdhataskar̀nyā, hinarananikanghalaskinahananingskar̀suga ṇdha. iwamangkanataringkulā, rihananingsuputrā. // utenasukawr̥ĕksyena, dehyamanetaḥbhina, dayaketadwanasar̀wwā, kudutrenakulaswataḥ. halasāgöngkinahananingkaywakingtunggal, tinunwanta yagsĕngyahilangkanghalaskabeḥ. hiwamangkanatangputrāsinanggaḥkuputrā, rusakikangkuladenyā. kitapwayahumulahaknikangkusuputrikan, tulusahamakawitan. hayotatanwruḥma ngiringceṣṭakarasangprabhū, denhanapeṇdhaḥtasakarikangdyaḥkaruhun. ndyatanghulahā. nyāpantahannwālinghantā. sakahyunanirahaywanalinuputan. apanikangsar̀wwajagatrakwamatu [14 14A] nggalanprayā. // wanatr̥ĕṇamudithanangkascaḥranatimr̥ĕgghana, phalatarumuditanaratnākoningka‐midham, asurabhimuditanangkyagaṇdhakeḥkukuran, adinganatinaranayyakśriyantadwiśeṣan. i kangmr̥ĕgghamañjangan, kidhang, wehanayamāsmaṇi, tanmakadonya. uwakaknaringhalas, wehanadukut, atyantasukanya. mangkanawanarāsunganatayārātnabhūṣaṇā, tansuka'ikā. twikahyunikā tuminghalawwaḥhan, mwangkaywakaywan, tuṣṭāmbĕknya. mangkanawĕk, wehanatayasugaṇdhā, l̥ĕpana, tansuka'ikā. kunangl̥ĕwiḥsukanyayanmunggwingpacar̀yyan, ringngkapurisyā, kasnĕngihatinya. yadyapi mānūṣatwi, sakahar̥ĕpnyajugawiśeṣa. mangkanāku, tamolaharingjangsangnātha, saprayanirajugakengĕtaknantā. phalantawruḥringnittisarasaningśastrā. matangnyantantripanangguḥsangpaṇdhitārikita

Leaf 14

Image on Archive.org

[᭑᭔ 14B] ᭑᭔ ᬇᬪᬹ‌᭟ᬭᬶᬕᬢᬶᬦ᭄ᬢᬯ᭄ᬭᬸᬄᬭᬶᬂᬦᬶᬢᬶᬢᬦ᭄ᬢ᭄ᬭᬰᬲ᭄ᬢ᭄ᬭ᭟ᬫᬗ᭄ᬓᬦᬮᬶᬂᬲᬶᬭᬭᬵᬓ᭄ᬭ᭄ᬬᬦᬵᬧᬢᬶᬄᬳᬫᬶᬢ᭄ᬓᭂᬢᬶᬲᬸᬢᬦᬶᬭᬵ᭟ᬲᬸᬫᬳᬸᬃᬥ᭄ᬬᬄᬢᬦ᭄ᬢ᭄ᬭᬶ᭟ᬲᬚ᭄ᬜᬵᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬢᬦ᭄ᬲᬗ᭄ᬰᬬᬭᬵᬦᬓ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬲᬵᬫ᭄ᬧᬸᬦ᭄ᬢᬵᬋᬰᭂᬧ᭄‌ᬲᬧᬶ ᬢᬸᬢᬹᬃᬲᬂᬬᬬᬄ᭟ᬫ᭄ᬯᬂᬓᭀᬧᬤᬾᬰᬲᬂᬧᬵᬡ᭄ᬥᬶᬢᬵ᭞ᬲᬭᬱᬲᬗ᭄ᬳ᭄ᬬᬂᬅᬰᬧᬹᬭᬡᬵ᭞ᬲᬳᬵᬫᬦ᭄ᬢ᭄ᬭᬦ᭄ᬬᬵ᭟ᬅᬧᬵᬧ᭄ᬯᬨᬮᬦ᭄ᬬᬬᬦ᭄ᬢᬦ᭄ᬧ᭄ᬭᬬᭀᬕ᭄ᬕᬓ᭄ᬦᬵ᭞ᬭᬶᬂᬧᬤ᭄ᬕᬢᬵᬓᬮ᭞ᬭᬶᬇᬥᭂᬧ᭄ᬭᬦᬓ᭄ᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟᭚ᬦᬓᬭᭀᬢᬶᬄᬕᬸᬡᬤᬧ᭄ᬢ ᬫ᭄᭞ᬲᬭᬤᬯᬧᬸᬤᬬᬶᬯᬢ᭄᭞ᬯᬰᬸᬘᬶᬬᬃᬫ᭄ᬩᬭᬧ᭄ᬭᬃᬬ᭄ᬬᬦ᭄ᬢᬵ᭞ᬦᬶᬦᬶᬯᬭᬶᬢᬢᭀᬘᬭᬄ᭟ᬫᬧᬵᬢᬨᬮᬦᬶᬂᬕᬸᬡ᭟ᬬᬦᬗᬦ᭄ᬢᬶᬳᬢᭂᬳᭂᬃᬳᬸᬗ᭄ᬕ᭄ᬯᬦ᭄ᬬᬵ᭟ᬯᬾᬳᬓ᭄ᬦ᭟ᬉᬧᬫᬦ᭄ᬬᬓᬤᬶᬤᬫᬃᬫᬸᬗ᭄ᬕ᭄ᬯᬶᬂᬚ᭄ᬭᭀᬚ᭄ᬬᬸᬦ᭄᭞ᬢᬦ᭄ᬯᭂᬦᬂᬢᬦ᭄ᬲᬸ ᬫ᭄ᬦᬵᬧ᭄ᬭᬓᬰᬭᬶᬂᬧ᭄ᬭᬢᬶᬯᬶ᭞ᬢᬦ᭄ᬮᬸᬫ᭄ᬩ᭄ᬭᬭᬶᬂᬅᬫ᭄ᬩᬭᬵ᭟ᬫᬗ᭄ᬓᬦᬓᬧ᭄ᬭᬚ᭄ᬜᬦ᭄᭞ᬬᬦ᭄ᬢᬦ᭄ᬮᬓ᭄ᬯᬓ᭄ᬦᬵᬭᬶᬲ᭄ᬥᭂᬂᬧ᭄ᬭᬬᭀᬕ᭄ᬕᬓ᭄ᬦᬵ᭟ᬫᬗ᭄ᬓᬦᬵᬮᬶᬂᬥ᭄ᬬᬄᬢᬦ᭄ᬢ᭄ᬭᬶ᭟ᬅᬦ᭄ᬢ᭄ᬬᬦ᭄ᬢᬵᬅᬃᬱᬭᬓ᭄ᬭ᭄ᬬᬦᬧᬢᬶᬄᬭᬸᬫ᭄ᬗᭃᬯᬸᬯᬸᬲ᭄ᬦ᭄ᬬᬦᬓ᭄‌ᬦᬶᬭᬵ᭟ᬇᬭᬶᬓᬵᬢ [᭑᭕ 15A] ᬢᬥ᭄ᬬᬄᬢᬦ᭄ᬢ᭄ᬭᬶᬫᬗ᭄ᬓᭂᬦᬸᬫᬦ᭄ᬢᬸᬓ᭄‌ᬫᬦᬥᬳᬵ᭟ᬮᬶᬂᬦᬶᬭᬵ᭟ᬧᬳᬾᬦᬓ᭄ᬫᬦᬄᬢᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄ᬬᬬᬄ᭞ᬲ᭄ᬣᬦᬲᬵᬫ᭄ᬧᬸᬦ᭄ᬲᬸᬫᬗ᭄ᬕ᭄ᬭᬳᬵ᭞ᬫ᭄ᬯᬂᬮᬶᬫᭀᬓᬚᬫᬵᬫ᭄᭞ᬲᬳᬫ᭄ᬩᬭᬲᬳᬦᬧᬶᬮᬶᬳᬦᬲᬓᬃᬱᬦᬶᬭ᭟ᬧᬳᭀᬫᬦ᭄ ᬲᬫ᭄ᬧᬸᬦ᭄ᬳᬶᬦ᭄ᬬᬱᬦ᭄᭞ᬫ᭄ᬯᬂᬤᬾᬯᬧᬘᬭᬡ᭞ᬲᬳᬧᬜ᭄ᬘᭀᬧᬘᬭᬡᬲᬫ᭄ᬧᬸᬦ᭄‌ᬲ᭄ᬦᬳᬵ᭟ᬫ᭄ᬯᬂᬯᬸᬲᬭᬶᬓᬵᬫᭀᬮᬳᬓᭂᬦ᭄‌ᬓᬮᬶᬄᬫ᭄ᬯᬄᬢᬥᬄᬭᬳᬤ᭄ᬬᬦ᭄ᬲᬗ᭄ᬳ᭄ᬬᬮᬸᬦ᭄‌ᬬᬬᬄ᭟ᬲᬵᬫ᭄ᬧᬸᬦ᭄ᬧ᭄ᬯᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄ᬫᬦᬥᬄ᭞ᬲᬫᬦ᭄ᬢᬭᬭᬶ ᬳᬸᬯᬸᬲ᭄‌ᬰ᭄ᬭᬷᬫᬳᬵᬭᬵᬚᬫᬺᬫ᭄᭟ᬅᬲᬾᬯᬓᬵᬢᬭᬳᬤ᭄ᬬᬦ᭄‌ᬲᬗ᭄ᬳᬸᬮᬸᬦ᭄‌ᬭᬶᬳᬦᬦᬶᬂᬓᬵᬮᬤᬾᬰ᭞ᬫ᭄ᬯᬂᬭᬶᬢᬦ᭄ᬓᬧᭂᬗᬵᬧᭂᬗᬵᬲᬂᬦᬵᬣᬫᬗᬧᬦᬓ᭄ᬦᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭟ᬲᬸᬫᬳᬸᬃᬢᬭᬓ᭄ᬭ᭄ᬬᬦᬵᬧᬢᬶᬄ᭟ᬅᬉᬫ᭄‌ᬇᬪᬹ᭞ ᬲᬮᬶᬗᬭᬓ᭄ᬭ᭄ᬬᬦ᭄᭞ᬫᬦᬸᬭᬹᬢ᭄ᬗᬸᬮᬸᬦ᭄᭞ᬇᬪᬹ᭟ᬫᬦ᭄ᬢᬸᬓ᭄‌ᬢᬥ᭄ᬬᬄᬢᬦ᭄ᬢ᭄ᬭᬶ᭞ᬫᬚᬭᬾᬂᬇᬪᬹᬦᬶᬭᬵ᭟ᬲᬸᬓᬵᬢᬲᬶᬭ᭟ᬢ᭄ᬳᭂᬃᬫᬭᬓᭂᬦ᭄ᬲᬫᬲᬚᬶᬦᬶᬂᬫᬤ᭄ᬬᬸᬲ᭄᭞ᬓᬢᭀᬦ᭄ᬧ᭄ᬯᬲᬶᬭᬤᬾᬭᬓ᭄ᬭ᭄ᬬᬦᬧᬢᬶᬄ᭞ᬦ᭄ᬤᬄᬲᬶᬦ᭄ᬬᬂᬢᬲᬶᬭᬗᬸᬭᬫ

Auto-transliteration

[14 14B] 14 ibhū. rigatintawruḥringnititantraśastra. mangkanalingsirarākryanāpatiḥhamitkĕtisutanirā. sumahur̀dhyaḥtantri. sajñārahadyansanghulun, tansangśayarānakrahadyansanghulun, sāmpuntār̥ĕśĕpsapi tutūr̀sangyayaḥ. mwangkopadeśasangpāṇdhitā, saraṣasanghyangaśapūraṇā, sahāmantranyā. apāpwaphalanyayantanprayoggaknā, ringpadgatākala, ri'idhĕpranakrahadyansanghulun. // nakarotiḥguṇadapta m, saradawapudayiwat, waśuciyar̀mbaraprar̀yyantā, niniwaritatocaraḥ. mapātaphalaningguṇa. yanangantihatĕhĕr̀hunggwanyā. wehakna. upamanyakadidamar̀munggwingjrojyun, tanwĕnangtansu mnāprakaśaringpratiwi, tanlumbraringambarā. mangkanakaprajñan, yantanlakwaknārisdhĕngprayoggaknā. mangkanālingdhyaḥtantri. antyantā'ar̀ṣarakryanapatiḥrumngöwuwusnyanaknirā. irikāta [15 15A] tadhyaḥtantrimangkĕnumantukmanadhahā. lingnirā. pahenakmanaḥtarahadyansanghulunyayaḥ, sthanasāmpunsumanggrahā, mwanglimokajamām, sahambarasahanapilihanasakar̀ṣanira. pahoman sampunhinyaṣan, mwangdewapacaraṇa, sahapañcopacaraṇasampunsnahā. mwangwusarikāmolahakĕnkaliḥmwaḥtadhaḥrahadyansanghyalunyayaḥ. sāmpunpwarahadyansanghulunmanadhaḥ, samantarari huwusśrīmahārājamr̥ĕm. asewakātarahadyansanghulunrihananingkāladeśa, mwangritankapĕngāpĕngāsangnāthamangapanaknarahadyansanghulun. sumahur̀tarakryanāpatiḥ. a'umibhū, salingarakryan, manurūtngulun, ibhū. mantuktadhyaḥtantri, majarengibhūnirā. sukātasira. t'hĕr̀marakĕnsamasajiningmadyus, katonpwasiraderakryanapatiḥ, ndaḥsinyangtasirangurama

Leaf 15

Image on Archive.org

[᭑᭕ 15B] ᭑᭕ ᬲᬦᬾᬲᬶᬭᬵ᭞ᬇᬓᬂᬕᬸᬡ᭄ᬥᬶᬓ᭄ᬫᬲᬸᬳᬶᬚᭂᬂᬦᬶᬭᬵ᭞ᬢ᭄ᬓᬾᬂᬲ᭄ᬯᬰᬭᬶᬭᬦᬶᬭᬵ᭟ᬭᬶᬳᬸᬯᬸᬲ᭄‌ᬲᬶᬭᬵᬤ᭄ᬬᬸᬲ᭄᭞ᬢᬸᬫᬸᬮ᭄ᬯᬶᬳᬶᬸᬢᬲᬶᬭᬵᬤᬾᬳᬵᬲᬸᬤ᭄ᬥᬶ᭞ᬫᬚᬮᭀᬥᬓᬵ᭞ᬫᬗ᭄ᬳᬦᬓᭂᬦᬸᬥᬓᬜ᭄ᬚᬮᬶᬪᬝᬭ᭞ᬳᬸᬯᬸᬲ᭄ᬧ᭄ᬯᬬᬕ᭄ᬦᭂᬧ᭄‌ᬲᬳᬫᬦ᭄ᬢ᭄ᬭᬓ᭄ᬭ ᬫᬦᬶᬲᬹᬃᬬ᭄ᬬᬰᬾᬯᬦ᭞ᬫᬸᬗ᭄ᬕᬄᬢᬲᬶᬭᬲᬮᬶᬦ᭄ᬓᬫ᭄ᬧᬸᬄ᭞ᬢᬸᬫᬵᬫᬢᬲᬶᬭᬭᬶᬂᬧᬳᭀᬫᬦ᭄‌ᬧ᭄ᬭᬢᬫᬂᬪᬸᬢᬯᬶᬱᬚ᭄ᬜᬡ᭞ᬫᬗᭂᬦᬓᭂᬦ᭄ᬢᬲᬶᬭᬭᬶᬓᬂᬲᬚᬶᬉᬢ᭄ᬢᬫᬵ᭞ᬕᬡ᭄ᬥᬓ᭄ᬱᬢᬧᬸᬱ᭄ᬧᬕᬡ᭄ᬥ᭞ᬫ᭄ᬯᬂᬤᬸᬧᬵᬥᬶᬧᬵ᭞ᬫᬗᭂᬦᬓᭂᬦ᭄ᬢᬲᬶᬭᬲᭀ ᬤᬰᬫᬦ᭄ᬢ᭄ᬭ᭞ᬧᬶᬦᬹᬚᬦᬶᬭᬧᬜ᭄ᬘᬧᬘᬭᬵ᭞ᬫ᭄ᬯᬂᬦᬶᬯᬾᬥ᭄ᬬᬳᬍᬧ᭄᭟ᬳᬸᬯᬸᬲ᭄‌ᬲᬧᬸᬃᬡ᭄ᬦᬚᬧᬵ᭞ᬫᬸᬦ᭄ᬤᬸᬃᬢᬲᬶᬭᬳᭀᬫᬵ᭞ᬳᬸᬫᬋᬧᬶᬂᬓᬸᬡ᭄ᬥᬵ᭟ᬫᬂᬍᬓᬲᬦᬯᬶᬱᬃᬚ᭄ᬚᬦ᭞ᬲᬳᬫᬦ᭄ᬢ᭄ᬭ᭞ᬫ᭄ᬯᬂᬧ᭄ᬭᬢᬶᬱ᭄ᬝᬵᬫᬦ᭄ᬢ᭄ᬭ᭟ᬲ᭄ᬥᬂᬲᬗ᭄ᬳ᭄ᬬᬗᬖ᭄ᬦᬶᬚ᭄ᬯᬮ᭞ᬫᬦ᭄ᬢ᭄ᬭ ᬲᬳᬸᬢᬶᬢᬸᬫᬶᬩᬵ᭟ᬏᬦᬓ᭄ᬤᬶᬮᬄᬲᬗ᭄ᬳ᭄ᬬᬗᬖ᭄ᬦᬶ᭟ᬢ᭄ᬮᬲ᭄ᬧᬸᬚᬉᬢᬶ᭞ᬲᬗ᭄ᬳ᭄ᬬᬂᬅᬖ᭄ᬦᬶᬧᬶᬦᬭᬶᬢᬸᬱ᭄ᬝᬲᬶᬭᬵ᭟ᬇᬭᬶᬓᬢᬲᬶᬭᬫᬗᬸᬦ᭄ᬬᬓᭂᬦ᭄ᬧ᭄ᬭᬡᬍᬱ᭄ᬝᬵ᭞ᬲᬤ᭄ᬥ᭄ᬬᬦᬶᬭᬢᬶᬦᬪᬶᬬᭀᬖ᭄ᬦᬦ᭄‌ᬦᬶᬭᬵ᭞ᬫᬸᬮᬢ᭄ᬧ᭄ᬯᬲᬶᬭᬤᬶ [᭑᭖ 16A] ᬮᬄᬦᬶᬂᬧᬹᬃᬡ᭄ᬦᬳᬸᬢᬶ᭞ᬰᬸᬪᬵᬫᬫᬗ᭄ᬕᬮᬵ᭞ᬳ᭄ᬦᬶᬂᬲᬶᬤ᭄ᬥᬵᬦᬶᬓᬵ᭞ᬳᬃᬱᬧ᭄ᬯᬲᬶᬭᬧᬭᬶᬢᬸᬱ᭄ᬝᬵ᭞ᬳᬶᬮᬂᬢᬵᬗ᭄ᬳᬾᬮ᭄‌ᬮᬧᬵᬧ᭄ᬭᬶᬳᬢᬶᬓᬡ᭄ᬥᭂᬄᬤᬾᬦᬶᬂᬘᬶᬢ᭄ᬢᬧᬭᬶᬰᬸᬤ᭄ᬥᬵ᭟ᬓᬸᬦᬂᬬᬦ᭄ᬢᬦ᭄ᬭᬵᬚᬓᬃᬬ᭄ᬬᬓᬵᬗᭂᬦᬵᬗᭂᬦ᭄ᬤᬾᬦᬶᬭᬵ᭞ᬬᬬᬵᬢᬦᬶᬫ᭄ᬪᬲᬶᬭᬵ ᬲᬗ᭄ᬓᬾᬤᬾᬯᬮᬬᬵ᭞ᬓᬗᭂᬦ᭄ᬬᬫ᭄ᬯᬂᬲ᭄ᬯᬫᬶᬓᬃᬬ᭄ᬬ᭞ᬬᬢᬦᬶᬫᬶᬢ᭄ᬢᬦᬶᬭᬫᬶᬚᬶᬮ᭄‌ᬲᬳᬵᬳ᭄ᬦᬶᬭᬶᬘᬶᬢ᭄ᬢᬦᬶᬭᬵᬓᬤᬶᬢᬸᬭᬄᬦᬶᬕᬡ᭄ᬥᬪᬓ᭄ᬱᬵ᭟ᬢᬸᬳᬸᬦ᭄ᬢᬦ᭄ᬓᬢᭀᬦ᭄ᬓᬳᬗᭂᬦᬕᬡ᭄ᬥᬦᬶᬓᬵᬓᬭᬱᬤᬸᬫᬸᬦᬸᬂᬭᬶᬤᬍᬫᬶᬓᬵ᭟ᬫᬫ᭄ᬯᬶᬢᬥ᭄ᬬᬄ ᬢᬦ᭄ᬢ᭄ᬭᬶᬭᬶᬓᬯᬶᬢᬦᬶᬭᬵ᭞ᬲᬶᬦᬦ᭄ᬤᬢᬲᬳᬵᬰᬦ᭄ᬢᬶᬲᬶᬭᬓᬮᬶᬄ᭞ᬫᬺᬢ᭄ᬣᬓᬓᭂᬦ᭄‌ᬲᬶᬤ᭄ᬥᬵᬲᬤ᭄ᬬᬦᬶᬭᬵ᭞ᬫᬦ᭄ᬢᬸᬓ᭄‌ᬢᬤ᭄ᬬᬄᬢᬦ᭄ᬢ᭄ᬭᬶᬭᬶᬂᬕ᭄ᬭᬳᬦᬶᬭ᭟ᬭᬓ᭄ᬭ᭄ᬬᬦᬵᬧᬢᬶᬄᬭᬓᬮᬶᬄ᭞ᬓᬲᬸᬓᬦ᭄ᬲᬥᬫ᭄ᬧᬢᬶ᭞ᬲᬸᬫᬸᬓᭂᬦ᭄ᬫᬦᬄ ᬦᬶᬭᬧᬸᬧᬸᬢ᭄‌ᬦᬶᬤ᭄ᬭᬵ᭞ᬕᬢᬶᬦᬶᬂᬲᬂᬲᬃᬕ᭄ᬕᬲ᭄ᬯᬫᬶᬓᬃᬬ᭄ᬬᬮ᭄ᬯᬶᬓ᭄ᬓᬢᬶ᭞ᬢᬦ᭄ᬢᬭᬂᬲᬸᬫ᭄ᬮᬧᬶᬂᬘᬶᬢ᭄ᬢᬬᬦ᭄ᬓᬗᭂᬦ᭄‌ᬢᬂᬓᬃᬬ᭄ᬬᬩ᭄ᬬᬓ᭄ᬢᬦᬧᬶᬄᬳᬶᬲᬸᬓ᭟ᬫᬗ᭄ᬓᬦᬢᬭᬓ᭄ᬭ᭄ᬬᬦᬧᬢᬶᬄ᭞ᬫᬢᬗ᭄ᬳᬶᬫᬰᭀᬘ᭄ᬘᬵᬫᬤᬦ᭄‌ᬳᬸᬫᬜ᭄ᬚᬶᬗ᭟ᬫᬲᭀ

Auto-transliteration

[15 15B] 15 sanesirā, ikangguṇdhikmasuhijĕngnirā, tkengswaśariranirā. rihuwussirādyus, tumulwih̶tasirādehāsuddhi, majalodhakā, manghanakĕnudhakañjalibhaṭara, huwuspwayagnĕpsahamantrakra manisūr̀yyaśewana, munggaḥtasirasalinkampuḥ, tumāmatasiraringpahomanpratamangbhutawiṣajñaṇa, mangĕnakĕntasirarikangsaji'uttamā, gaṇdhakṣatapuṣpagaṇdha, mwangdupādhipā, mangĕnakĕntasiraso daśamantra, pinūjanirapañcapacarā, mwangniwedhyahal̥ĕp. huwussapur̀ṇnajapā, mundur̀tasirahomā, humar̥ĕpingkuṇdhā. mangl̥ĕkasanawiṣar̀jjana, sahamantra, mwangpratiṣṭāmantra. sdhangsanghyangaghnijwala, mantra sahutitumibā. enakdilaḥsanghyangaghni. tlaspuja'uti, sanghyangaghnipinarituṣṭasirā. irikatasiramangunyakĕnpraṇal̥ĕṣṭā, saddhyaniratinabhiyoghnannirā, mulatpwasiradi [16 16A] laḥningpūr̀ṇnahuti, śubhāmamanggalā, hningsiddhānikā, har̀ṣapwasiraparituṣṭā, hilangtānghellapāprihatikaṇdhĕḥdeningcittapariśuddhā. kunangyantanrājakar̀yyakāngĕnāngĕndenirā, yayātanimbhasirā sangkedewalayā, kangĕnyamwangswamikar̀yya, yatanimittaniramijilsahāhniricittanirākadituraḥnigaṇdhabhaksyā. tuhuntankatonkahangĕnagaṇdhanikākaraṣadumunungridal̥ĕmikā. mamwitadhyaḥ tantririkawitanirā, sinandatasahāśantisirakaliḥ, mr̥ĕtthakakĕnsiddhāsadyanirā, mantuktadyaḥtantriringgrahanira. rakryanāpatiḥrakaliḥ, kasukansadhampati, sumukĕnmanaḥ nirapuputnidrā, gatiningsangsar̀ggaswamikar̀yyalwikkati, tantarangsumlapingcittayankangĕntangkar̀yyabyaktanapiḥhisuka. mangkanatarakryanapatiḥ, matanghimaśoccāmadanhumañjinga. maso

Leaf 16

Image on Archive.org

[᭑᭖ 16B] ᭑᭖ ᬯᬾᬓᬮᬤᬾᬰᬵ᭞ᬳᬦᬵᬧ᭄ᬯᬯᬺᬢ᭄ᬢᬰ᭄ᬭᬷᬫᬳᬵᬭᬵᬚᬲᬳᬵᬓᬮᬤᬾᬰ᭞ᬢᬸᬫᬫᬵᬲᬶᬭᬫᬦᭂᬫ᭄ᬩᬄᬳᬶᬂᬧᬭᬫᬿᬰ᭄ᬯᬭᬵ᭟ᬲᬶᬦᬸᬗ᭄ᬲᬸᬂᬤᬾᬦᬶᬂᬕᬸᬬᬸᬲᬳᬵᬯᬸᬮᬢ᭄ᬫᬦᭀᬳᬭ᭞ᬲᬳᬵᬰᬩ᭄ᬥᬲᬕᭀᬭᬯ᭞ᬮᬶᬂᬦᬶᬭᬵ᭟ᬏᬭᬓ᭄ᬭ᭄ᬬᬦᬵᬧᬢᬶᬄ᭞ᬲ᭄ᬬᬧᬵ ᬢᬶᬓᬵᬕᬸᬫᬦ᭄ᬢᬶᬲᬓᬢᭂᬫ᭄ᬩᬾᬜ᭄ᬚᬶᬂ᭞ᬦ᭄ᬤᬶᬤᬾᬰᬦ᭄ᬬᬫ᭄ᬯᬂᬦᬵᬫᬦ᭄ᬬᬵ᭟ᬯᬺᬢ᭄ᬢᬵᬓ᭄ᬦ᭟ᬲᬸᬫᬳᬹᬃᬭᬓ᭄ᬭ᭄ᬬᬦᬧᬢᬶᬄ᭟ᬲᬚ᭄ᬜᬵᬳᬚᬶ᭞ᬢᬦ᭄ᬮᬦᬵᬇᬓᬂᬯᬶᬯᬳᬵᬤᬾᬰ᭄ᬭᬷᬳᬚᬶ᭞ᬓᬳᭂᬦ᭄ᬢᬶᬢᬂᬲ᭄ᬢ᭄ᬭᬷᬲᬓᬾᬂᬤᬾᬰᬵᬦ᭄ᬢᬭᬵ᭞ᬇᬓᬂᬓᬳᬢᬹᬭᬾᬂᬰ᭄ᬭᬶᬫᬳᬵᬭᬵᬚ᭞ᬓᬸ ᬦᬂᬬᬦ᭄ᬯᬦ᭄ᬢᭂᬦᬓᬲᬸᬓᬦ᭄‌ᬧᬭᬫᬾᬰ᭄ᬯᬭᬵ᭞ᬯ᭄ᬓᬵᬧᬝᬶᬓᬯᬶᬚᬶᬇᬓᬂᬫᬗᬭᬦ᭄‌ᬢᬦ᭄ᬢ᭄ᬭᬶ᭟ᬓ᭄ᬱᬫᬵᬓ᭄ᬦᬳᬢᬹᬭᬶᬂᬧᬝᬶᬓ᭄ᬳᬚᬶ᭞ᬭᬶᬧᬤᬸᬓᬵᬰ᭄ᬭᬷᬫᬳᬵᬭᬵᬚ᭟ᬮᬶᬂᬦᬶᬰᬲ᭄ᬢ᭄ᬭᬵ᭞ᬇᬓᬂᬉᬫᬭᬲᬶᬂᬯ᭄ᬯᬂᬢᬸᬯᬸᬳᬶᬂᬧ᭄ᬯᬗ᭄ᬓᬸᬮᬸᬦ᭄᭞ᬢᬦ᭄ᬢ᭄ᬭᬷᬭᬓ᭄ᬯᬥᬶᬃᬕ᭄ᬖᬵ ᬬᬸᬱᬵ᭞ᬯᬶᬃᬬ᭄ᬬᬯᬦ᭄᭟ᬓᬸᬦᬂᬧ᭄ᬯᬫᬸᬥᬦᬶᬂᬧ᭄ᬯᬂᬓᬸᬮᬸᬦ᭄᭞ᬤᬦ᭄ᬪᬾᬥᬵᬓᬮᬯᬦ᭄‌ᬓᬫᬸᬥᬧᬝᬶᬓ᭄ᬳᬚᬶ᭞ᬦ᭄ᬤᬄᬓᬲᬳᬹᬃᬦᬶᬂᬧᬝᬶᬓᬚᬶ᭞ᬓᬢ᭄ᬫᬸᬦᬶᬓᬵ᭟ᬫᬗ᭄ᬓᬦᬳᬢᬹᬃᬭᬓ᭄ᬭ᭄ᬬᬦᬵᬧᬢᬶᬄ᭟ᬲᬫᬳᬹᬃᬫᬳᬵᬭᬵᬚ᭟ᬅᬉᬫ᭄ [᭑᭗ 17A] ᬭᬓ᭄ᬭ᭄ᬬᬦᬧᬢᬶᬄ᭞ᬪᬕ᭄ᬬᬦᬶᬗ᭄ᬳᬸᬮᬸᬦ᭄‌ᬬᬦ᭄ᬯᭂᬓᬦ᭄ᬢᬵ᭟ᬫᬮᬯᬲ᭄‌ᬗ᭄ᬳᬸᬮᬸᬦ᭄‌ᬫᬗᬺᬗᭃᬓᭀᬢ᭄ᬢᬫᬦ᭄ᬬ᭞ᬢᬦ᭄ᬪᬾᬥᬲᬗ᭄ᬓᬾᬧᬚᬃᬢᬵ᭟ᬫ᭄ᬯᬂᬭᬶᬂᬓᬲᬸᬭᬹᬧᬦ᭄ᬬ᭞ᬓᬧ᭄ᬭᬚ᭄ᬜᬦ᭄‌ᬯ᭄ᬭᬸᬄᬭᬶᬂᬦᬶᬢᬶᬰᬲ᭄ᬢ᭄ᬭᬵ᭞ᬫᬢᬗ᭄ᬬᬦ᭄‌ᬢᬦ᭄ᬢ᭄ᬭᬶᬧ᭄ᬭᬓᬰᬶᬢᬵᬲᬂᬧᬦᬗ᭄ᬕᬄ ᬲᬂᬧᬡ᭄ᬥᬶᬢᬵ᭟ᬧ᭄ᬭᬓᬰᬮᬸᬫ᭄ᬭᬭᬶᬂᬭᬵᬢ᭄‌ᬓᬲᬸᬪᬕᬦᬶᬓᬵ᭟ᬓᬸᬦᬂᬫᬃᬫ᭄ᬫᬦᬶᬗ᭄ᬳᬸᬮᬸᬦ᭄ᬢᬦ᭄ᬧᬦᭀᬫᬄ᭞ᬯ᭄ᬥᬶᬦᬶᬗ᭄ᬳᬸᬮᬸᬦ᭄‌ᬢᬦ᭄ᬲᬸᬓᬦ᭄ᬢ᭞ᬢᬸᬫᬶᬗ᭄ᬳᬮᬭᬶᬓᬤᬸᬭᬘᬭᬦᬶᬗ᭄ᬳᬸᬮᬸᬦ᭄ᬩᬳᬸᬪᬃᬬ᭄ᬬ᭟ᬓᬤᬶᬓᬸᬫ᭄ᬩᬂᬗᬶᬂᬲ᭄ᬓᬃᬓᬳᬸᬮᬄᬦᬶᬗ᭄ᬳᬸᬮᬸᬦ᭄᭟ᬯ᭄ᬭᬸᬄᬗ᭄ᬳᬸ ᬮᬸᬦ᭄‌ᬬᬦ᭄ᬓᬾᬮᬶᬓᬦᬂᬢᬭᬸᬡᬶ᭞ᬅᬧᬦᬶᬓᬲᬶᬦᬗ᭄ᬕᬸᬄᬉᬢ᭄ᬢᬫᬦᬶᬂᬚᬦ᭄ᬫᬵ᭞ᬇᬓᬂᬫᬦᬸᬓᬦᬦᬰᬭᬶᬭᬵ᭞ᬢ᭄ᬳᭂᬃᬫᬕᬯᬬᬲᬸᬓᬦᬶᬂᬧᬭ᭞ᬢᬦ᭄ᬧᬕᬳᭂᬢ᭄ᬭᬱ᭞ᬢᬦ᭄ᬧᬢᬫᬗᬸᬮᬳᬓ᭄ᬦᬥᬦ᭞ᬧᬶᬲᬦᬶᬗᬸᬦ᭄ᬭᬶᬂᬧᬫᬮᬓᬸ᭞ᬫᬯ᭄ᬮᬲ᭄ ᬳᬾᬂᬓᬲ᭄ᬬᬲᬶᬄᬓᬰᬶᬮᬵ᭞ᬇᬓᬲᬓ᭄ᬱᬢ᭄‌ᬫᬫᬸᬓ᭄ᬢᬶᬲ᭄ᬯᬃᬕ᭄ᬕᬫᬗ᭄ᬓᬾᬗᬭᬦ᭄ᬬ᭞ᬳᬦᬕᬫᬵᬓᬸᬫ᭄ᬯᬵ᭟᭚ᬅᬕᬫᭀᬢ᭄ᬲ᭄ᬯᬃᬕ᭄ᬕᬦᬭᬓᭀ᭞ᬰ᭄ᬭᬸᬬᬢᬾᬭᭀᬭᬯᬯ᭄ᬯᬬᬫ᭄᭞ᬲᬓ᭄ᬱᬬᬾᬓᬦ᭄‌ᬭᬶᬤ᭄ᬭᬡ᭞ᬧ᭄ᬭᬢ᭄ᬬᬓ᭄ᬱᬦ

Auto-transliteration

[16 16B] 16 wekaladeśā, hanāpwawr̥ĕttaśrīmahārājasahākaladeśa, tumamāsiramanĕmbaḥhingparamaiśwarā. sinungsungdeningguyusahāwulatmanohara, sahāśabdhasagorawa, lingnirā. erakryanāpatiḥ, syapā tikāgumantisakatĕmbeñjing, ndideśanyamwangnāmanyā. wr̥ĕttākna. sumahūr̀rakryanapatiḥ. sajñāhaji, tanlanā'ikangwiwahādeśrīhaji, kahĕntitangstrīsakengdeśāntarā, ikangkahatūrengśrimahārāja, ku nangyanwantĕnakasukanparameśwarā, wkāpaṭikawiji'ikangmangarantantri. kṣamāknahatūringpaṭik'haji, ripadukāśrīmahārāja. lingniśastrā, ikangumarasingwwangtuwuhingpwangkulun, tantrīrakwadhir̀gghā yusyā, wir̀yyawan. kunangpwamudhaningpwangkulun, danbhedhākalawankamudhapaṭik'haji, ndaḥkasahūr̀ningpaṭikaji, katmunikā. mangkanahatūr̀rakryanāpatiḥ. samahūr̀mahārāja. a'um [17 17A] rakryanapatiḥ, bhagyaninghulunyanwĕkantā. malawasnghulunmangr̥ĕngökottamanya, tanbhedhasangkepajar̀tā. mwangringkasurūpanya, kaprajñanwruḥringnitiśastrā, matangyantantriprakaśitāsangpananggaḥ sangpaṇdhitā. prakaśalumraringrātkasubhaganikā. kunangmar̀mmaninghuluntanpanomaḥ, wdhininghuluntansukanta, tuminghalarikaduracaraninghulunbahubhar̀yya. kadikumbangngingskar̀kahulaḥninghulun. wruḥnghu lunyankelikanangtaruṇi, apanikasinangguḥuttamaningjanmā, ikangmanukananaśarirā, t'hĕr̀magawayasukaningpara, tanpagahĕtraṣa, tanpatamangulahaknadhana, pisaningunringpamalaku, mawlas hengkasyasiḥkaśilā, ikasakṣatmamuktiswar̀ggamangkengaranya, hanagamākumwā. // agamotswar̀gganarako, śruyaterorawawwayam, sakṣayekanridraṇa, pratyakṣana

Leaf 17

Image on Archive.org

[᭑᭗ 17B] ᭑᭗ ᬭᬓᬯᬶᬤᬸᬄ᭟ᬫᬧᬵᬢᬧᬦᭀᬦᬶᬂᬭᬵᬢ᭄᭞ᬭᬶᬂᬲ᭄ᬯᬕ᭄ᬕᬦᬭᬓᬵ᭟ᬓᬸᬦᬂᬭᬶᬓᬳᬶᬥᭂᬧᬦᬶᬓᬵᬧᬶᬦᭂᬋᬗ᭄ᬯᬓᭂᬦ᭄‌ᬲᬗ᭄ᬓᬾᬂᬅᬕᬫᬵᬇᬓᬵ᭟ᬅᬦ᭄ᬲᬶᬦᬗ᭄ᬕᬸᬄᬭᭀᬭᬯᬤ᭄ᬯᬬᬵᬗᬭᬦᬶᬓᬵ᭟ᬅᬦᬾᬓᬵᬦᬶᬢ᭄ᬬᬤᬭᬶᬤ᭄ᬭᬵ᭞ᬬᬾᬓᬵᬲᬶ ᬦᬗ᭄ᬕᬸᬄᬧ᭄ᬭᬢ᭄ᬬᬓ᭄ᬱᬦᬭᬓᬵ᭟ᬲᬓ᭄ᬱᬢ᭄ᬓᬢᭀᬦ᭄ᬧᬧᬦᬶᬂᬭᬵᬢ᭄᭟ᬳᬦᬧ᭄ᬯᬗ᭄ᬳᬸᬮᬸᬦ᭄ᬧ᭄ᬭᬪᬹᬇᬗᬸᬫᬳᬦ᭄ᬭᬶᬂᬯᬶᬱᬬ᭞ᬬᬢᬗᬋᬧᬓᭂᬦ᭄‌ᬧᬫᬵ᭞ᬦᬶᬢ᭄ᬬᬫ᭄ᬭᬢ᭄‌ᬫ᭄ᬭᬢᬶᬢᬶᬓᬂᬫᬦ᭄ᬢ᭄ᬭᬶ᭞ᬢᬦ᭄‌ᬲᬦ᭄ᬢᭀᬱᬭᬶᬂᬯᬶᬤᬬᬵ᭞ᬦ᭄ᬬᬦᭂᬫᬳᬦᬧᬗᬸᬫ᭄ᬧᭂᬢ ᬦᬶᬂᬧᬭᬵ᭟ᬫᬗ᭄ᬓᬾᬗ᭄ᬳᬸᬮᬸᬦ᭄‌ᬫᬦᭀᬫᬳᬯ᭄ᬓᬦ᭄ᬢᬵ᭞ᬫᬦᬳᬳᬸᬦᬶᬗ᭄ᬳᬸᬮᬸᬦ᭄‌ᬩᬸᬤ᭄ᬥ᭄ᬬᬦ᭄ᬢᬦ᭄ᬢᬯ᭄ᬓᬵ᭞ᬉᬫᭂᬫᬵᬦᬬᬦ᭄ᬢᬵᬓᬸᬦᭂᬂᬢᬸᬫᬶᬩᬾᬂᬳᬸᬮᬸᬦ᭄᭟ᬫᬗ᭄ᬓᬦᬮᬶᬂᬰ᭄ᬭᬶᬫᬳᬵᬭᬵᬚ᭟ᬳᬢᬹᬃᬲᭂᬫ᭄ᬩᬄᬭᬓ᭄ᬭ᭄ᬬᬦᬵᬧᬢᬶᬄ᭟ᬲᬚ᭄ᬜᬳᬚᬶ᭞ᬅᬢ᭄ᬬᬦ᭄ᬢ ᬧᬭᬫᬯᬶᬰᬾᬱᬳᬚ᭄ᬜᬵᬧᬭᬫᬾᬰ᭄ᬯᬭ᭞ᬭᬶᬦ᭄ᬗᭂᬧᬝᬶᬓᬚᬶ᭟ᬲᬓ᭄ᬱᬢ᭄‌ᬓᬢᬸᬭᬸᬦᬦ᭄ᬧᬭᬫᬵᬣᬧᬝᬶᬓᬚᬶ᭟ᬓᬸᬦᬂᬧ᭄ᬯᬮᬶᬂᬰ᭄ᬭᬷᬫᬳᬵᬭᬚ᭞ᬢᬸᬫᬳᬩᬸᬤ᭄ᬥᬶᬧᬝᬶᬓᬚᬶᬫᬯ᭄ᬓ᭞ᬢᬸᬳᬰ᭄ᬭᬶᬫᬳᬵᬭᬵᬚᬮᬯᬦ᭄ᬢᬫ᭄ᬯᬄᬮᬶᬧᬭᬫᬾᬰ᭄ᬯ [᭑᭘ 18A] ᬭᬫᬗᬤ᭄ᬬᬦᬶᬓᬲᬦ᭄ᬢᭀᬲᬦ᭄᭟ᬲᬶᬗ᭄ᬕᬶᬄᬮᬶᬂᬰ᭄ᬭᬶᬫᬳᬵᬭᬚ᭞ᬓᬶᬦᭀᬦ᭄ᬢᬫᬓ᭄ᬦᬶᬬᬦ᭄ᬭᬶᬂᬫᬹᬦᬶᬰ᭄ᬯᬭ᭞ᬯ᭄ᬯᬂᬢᬧᬲ᭄ᬯᬶ᭞ᬇᬓᬂᬩᬸᬤ᭄ᬥᬶᬓᬲᬦ᭄ᬢᭀᬰᬦ᭄‌ᬓ᭄ᬱᬫᬵ᭟᭚ᬅᬰᬦ᭄ᬢᭀᬰᭀᬫᬸᬦᬶᬦᬱ᭄ᬝᬵ᭞ᬲᬦ᭄ᬢᭀᬰᬾᬦᬱ᭄ᬝᬄᬪᬹᬧᬢᬶᬄ᭞ᬰᬮᬱ᭄ᬝᭀᬕᬢᬶᬢᭀ ᬦᬱ᭄ᬝᬄ᭞ᬦᬶᬃᬮᬚᬲᬮᬢᬸᬓᬸᬮᬗ᭄ᬕᬦᬫ᭄᭟ᬬᬦ᭄ᬤ᭄ᬯᬶᬚᬵ᭞ᬬᬦ᭄ᬧᬡ᭄ᬥᬶᬢ᭞ᬲᬮ᭄ᬯᬶᬭᬦᬶᬂᬲᬶᬦᬗ᭄ᬕᬸᬄᬫᬹᬦᬶ᭞ᬫᬳᬮᬵᬬᬦ᭄ᬢᬦ᭄ᬰᬦ᭄ᬢᭀᬰ᭞ᬭᬶᬂᬯᬳ᭄ᬬᬲᬸᬓᬵ᭟ᬓᬸᬦᬂᬓᬤᬶᬧᬭᬫᬾᬰ᭄ᬯᬭᬯᬶᬦᬓᬵᬘᬢ᭄ᬭᬦᬶᬂᬪᬹᬫᬶ᭞ᬤᬤ᭄ᬬᬢᬬᬦ᭄ᬰᬦ᭄ᬢᭀᬰᬾᬰᬂᬲᬸᬓᬵᬫ᭄ᬯᬂᬪᬹᬫᬶ᭞ᬫᬗ᭄ᬳᬵ ᬳᬮᬇᬓᬵᬲᬚ᭄ᬜᬳᬚᬶ᭞ᬓᬳᭂᬦ᭄ᬢᬶᬪᬹᬫᬶᬲᬂᬦᬵᬣᬲᬓᬭᬶᬂᬧᬗ᭄ᬯᬫᬦᬦᬶᬂᬰᬢ᭄ᬭᬸᬇᬓᬵ᭟ᬫ᭄ᬯᬂᬲᬸᬤ᭄ᬥᬵᬦᬶᬂᬪᬹᬫᬶ᭞ᬗᬹᬦᬶᬳᬶᬂᬪᬺᬢ᭄ᬢ᭄ᬬ᭞ᬅᬦᬓ᭄ᬲ᭄ᬢ᭄ᬭᬷᬢ᭄ᬯᬶᬳᬯᬮᬾᬧᬵ᭞ᬫᬸᬮᬦᬶᬂᬳᬶᬦᬯᬶᬃᬬ᭄ᬬ᭟ᬓᬸᬦᬂᬇᬓᬂᬕᭃᬂᬯᬶᬭᬵ᭞ᬢᬦ᭄ᬢ᭄ᬭᬫᬦᬶᬂᬳᬩᬡ᭄ᬥᬕᬶᬡᬵ᭞ ᬢᬦ᭄ᬤᬤ᭄ᬬᬵᬕᭃᬂᬳᬯᬶᬭᬂ᭞ᬭᬶᬂᬲ᭄ᬢ᭄ᬭᬶᬓᬸᬮᬚ᭞ᬭᬶᬲᬸᬓ᭄ᬮᬫᬗ᭄ᬕᭂᬕᬵᬓᬧᬢᬶᬩ᭄ᬭᬢᬦ᭄᭞ᬢᬶᬯᬲᬶᬓᬵᬬᬦ᭄ᬢᬦ᭄ᬯ᭄ᬭᬸᬄᬭᬶᬗᬶᬭᬂ᭟ᬓᬸᬦᬂᬳᬸᬮᬳᬲᬂᬧ᭄ᬭᬪᬹ᭞ᬢᬦ᭄ᬯᭂᬦᬂᬲᬶᬭᬬᬦ᭄ᬢᬦ᭄ᬢᬸᬫᭂᬕᬸᬳᬓ᭄ᬦᬵᬲᬧ᭄ᬢᬯᬶᬥ᭄ᬬᬯᬺᬢ᭄ᬢᬶ᭞ᬇᬓᬵᬢᬸᬫᬸᬮᬤᬦᬕᬸ

Auto-transliteration

[17 17B] 17 rakawiduḥ. mapātapanoningrāt, ringswagganarakā. kunangrikahidhĕpanikāpinĕr̥ĕngwakĕnsangkengagamā'ikā. ansinangguḥrorawadwayāngaranikā. anekānityadaridrā, yekāsi nangguḥpratyakṣanarakā. sakṣatkatonpapaningrāt. hanapwanghulunprabhū'ingumahanringwiṣaya, yatangar̥ĕpakĕnpamā, nityamratmratitikangmantri, tansantoṣaringwidayā, nyanĕmahanapangumpĕta ningparā. mangkenghulunmanomahawkantā, manahahuninghulunbuddhyantantawkā, umĕmānayantākunĕngtumibenghulun. mangkanalingśrimahārāja. hatūr̀sĕmbaḥrakryanāpatiḥ. sajñahaji, atyanta paramawiśeṣahajñāparameśwara, rinngĕpaṭikaji. sakṣatkaturunanparamāthapaṭikaji. kunangpwalingśrīmahāraja, tumahabuddhipaṭikajimawka, tuhaśrimahārājalawantamwaḥliparameśwa [18 18A] ramangadyanikasantosan. singgiḥlingśrimahāraja, kinontamakniyanringmūniśwara, wwangtapaswi, ikangbuddhikasantośankṣamā. // aśantośomuninaṣṭā, santośenaṣṭaḥbhūpatiḥ, śalaṣṭogatito naṣṭaḥ, nir̀lajasalatukulangganam. yandwijā, yanpaṇdhita, salwiraningsinangguḥmūni, mahalāyantanśantośa, ringwahyasukā. kunangkadiparameśwarawinakācatraningbhūmi, dadyatayanśantośeśangsukāmwangbhūmi, manghā hala'ikāsajñahaji, kahĕntibhūmisangnāthasakaringpangwamananingśatru'ikā. mwangsuddhāningbhūmi, ngūnihingbhr̥ĕttya, anakstrītwihawalepā, mulaninghinawir̀yya. kunangikanggöngwirā, tantramaninghabaṇdhagiṇā, tandadyāgönghawirang, ringstrikulaja, risuklamanggĕgākapatibratan, tiwasikāyantanwruḥringirang. kunanghulahasangprabhū, tanwĕnangsirayantantumĕguhaknāsaptawidhyawr̥ĕtti, ikātumuladanagu

Leaf 18

Image on Archive.org

[᭑᭘ 10B] ᭑᭘ ᬡᬲᬂᬲᬧ᭄ᬢᬤᬾᬯᬢᬵ᭟ᬲ᭄ᬬᬧᬵᬭᬓ᭄ᬯᬮᬶᬂᬦᬶᬂᬰᬲ᭄ᬢ᭄᭞ᬲᬂᬤᬾᬯᬢᬮᬧᭂᬦ᭄ᬕᬸᬡᬦᬶᬭᬵ᭟᭚ᬕᬸᬡᬰᬸᬓ᭄ᬭᬵᬲ᭄ᬬᬯᬦᬶᬱ᭄ᬝᬄ᭞ᬇᬦ᭄ᬤ᭄ᬭᬲᬶᬬᬦ᭄ᬥᭀᬧ᭄ᬭᬢᬶᬤ᭄ᬬᬰ᭄ᬘᬵ᭞ᬦᬺᬧᭀᬲᬶᬬᬱ᭄ᬝᬕᬸᬡᭀᬪᬯᬾᬢ᭄᭟ᬲᬗ᭄ᬳ᭄ᬬᬂᬰᬸᬓ᭄ᬭᬵ᭞ᬲᬗ᭄ᬳ᭄ᬬᬂᬪᬬᬸ᭞ᬲᬗ᭄ᬳ᭄ᬬᬂᬬᬫᬵ᭞ ᬲᬗ᭄ᬳ᭄ᬬᬂᬇᬦ᭄ᬤ᭄ᬭᬵ᭞ᬲᬗ᭄ᬳ᭄ᬬᬵᬂᬯᬸᬯᬦ᭄᭞ᬪᬝᬭᬶᬧ᭄ᬭᬢᬶᬯᬶ᭞ᬲᬶᬭᬤᬮᬧᭂᬦ᭄ᬓᬧᬶᬢᬸᬕᬸᬡᬦᬶᬭᬵ᭞ᬇᬓᬵᬢᬓᬩᬾᬄᬕᬸᬡᬳᬸᬮᬳᬓ᭄ᬦᬤᬾᬧᬭᬫᬾᬰ᭄ᬯᬭ᭞ᬳᬾᬢᬸᬧᬭᬫᬾᬰ᭄ᬯᬭᬢᬸᬫᭂᬫᬸᬓᬓᬾᬰ᭄ᬯᬃᬬᬦ᭄ᬧᬭᬶᬫᬶᬢᬵ᭟ᬧᬝᬶᬓᬚᬶᬫᬢᬹᬃ᭞ᬫ ᬓᬤᭀᬦ᭄‌ᬢᬦ᭄ᬢᬸᬢᬵᬧᬭᬫᬾᬰ᭄ᬯᬭᬭᬶᬂᬬᬢᬶᬓ᭄ᬭᬶᬬᬵ᭞ᬫᬾᬗᭂᬢᬭᬶᬭᬵᬚᬓᬺᬢ᭄ᬢᬶ᭟ᬫᬧᬵᬧ᭄ᬯᬳᬚ᭄ᬜᬵᬧᬭᬫᬾᬰ᭄ᬯᬭ᭞ᬢᬶᬢᬦ᭄ᬲᬦ᭄ᬢᭀᬰᬵᬰ᭄ᬭᬷᬫᬳᬵᬭᬵᬚ᭞ᬫ᭄ᬯᬂᬲᬗ᭄ᬰᬬᬵᬭᬶᬧᬗᬸᬘᬧᬶᬭᬶᬓᬂᬯ᭄ᬯᬂ᭟ᬓᬭᬡᬦᬶᬧᬝᬶᬓᬚᬶᬳᬸᬫᬢᬹ ᬭᬵᬭᬶᬧᬭᬫᬾᬰ᭄ᬯᬭ᭞ᬭᬶᬢᬦ᭄ᬲᬓᬧᬤᬸᬓᬧᬭᬫᬾᬰ᭄ᬯᬭᬭᬶᬂᬧᬝᬶᬓᬚᬶ᭟ᬧᬸᬦ᭄ᬢᬦ᭄ᬢ᭄ᬭᬶᬫᬗ᭄ᬓᬾᬧ᭄ᬯᬭᬶᬲᬦ᭄ᬫᬢᬵᬧᬭᬫᬾᬰ᭄ᬲᬭ᭟ᬲᬓ᭄ᬱᬢ᭄ᬪᬕ᭄ᬬᬧᬝᬶᬓᬚᬶ᭞ᬫᬢᬗ᭄ᬬᬦ᭄‌ᬧᬭᬫᬾᬰ᭄ᬯᬭᬢᬦ᭄ᬧᬦ᭄ᬕᬸᬳᬓᭂᬦ᭄ᬭᬱᬦᬶᬂᬰᬲ᭄ᬢ᭄ᬭ᭟ᬓᬸ [᭑᭑ 11A] ᬦᬂᬧ᭄ᬯᬫᬗ᭄ᬓᬾᬇᬥᭂᬧ᭄ᬧᬝᬶᬓᬚᬶ᭞ᬇᬓᬂᬢᬶᬦᬹᬢ᭄ᬧᬭᬫᬾᬰ᭄ᬯᬭ᭞᭚ᬧᬮᬬᬾᬢ᭄ᬓᬸᬮᬚᬵᬧ᭄ᬭᬚ᭄ᬜᬾ᭞ᬯᬶᬭᬹᬧᬫᬧᬶᬓᬦ᭄ᬬᬦᬫ᭄᭞ᬭᬹᬧᬦ᭄ᬯᬶᬢᬦ᭄‌ᬢᬸᬦᬶᬲᬜ᭄ᬘ᭞ᬕᬸᬡᬦ᭄᭟ᬯᬶᬢᬯᬶᬯᬳᬩᬺᬢ᭄᭟ᬳᬦᬲ᭄ᬢ᭄ᬭᬷᬓᬸᬮᬚ ᭞ᬫ᭄ᬯᬂᬬᬦ᭄ᬢᬦ᭄ᬲᬸᬭᬹᬧᬵ᭞ᬭᬭᬵᬢᬬ᭟ᬅᬦᬾᬓᬵᬫᬸᬯᬄ᭞ᬲᭀᬃᬓᬸᬮᬦ᭄ᬬ᭞ᬦ᭄ᬤᬦ᭄ᬲᬸᬭᬹᬧᬵ᭞ᬦᬶᬳᬦ᭄ᬫᬗ᭄ᬓᬦᬯ᭄ᬢ᭄ᬭᬶ᭟ᬤᬾᬲᬂᬯ᭄ᬭᬸᬄᬫᬗᬮᬧᬶᬲ᭄ᬢ᭄ᬭᬶ᭞ᬉᬢ᭄ᬢᬫᬾᬲᬢᬢᬵᬭᬶᬂᬓᬸᬮᬭᬹᬧᬵ᭟ᬇᬓᬂᬲ᭄ᬢ᭄ᬭᬶᬳᬦᬘᬮᬦ᭄ᬬ᭞ᬦ᭄ᬤᬦ᭄ᬓᬶᬦᬳ ᬦᬦ᭄ᬲᬮᬄᬲᬶᬓᬶᬲᬶᬦᬗ᭄ᬕᬸᬄᬕᬸᬡᬧᬢ᭄᭞ᬯ᭄ᬦᬂᬬᬮᬧᭂᬦ᭄᭟ᬦ᭄ᬤ᭄ᬬᬢᬮ᭄ᬯᬶᬃᬦ᭄ᬬ᭟ᬳᬦ᭄ᬯᬫ᭄᭞ᬲᬸᬕᬶᬄᬓᬸᬦᬂ᭞ᬯᬶᬰᬾᬱᬓᬸᬦᬂ᭞ᬓᬶᬦᬳᬦᬦᬶᬂᬯᬶᬯᬾᬓᬓᬸᬦᬂ᭟ᬗᬹᬦᬶᬗᬹᬦᬶᬓᬳᭂᬦ᭄ᬢ᭄ᬬᬓᬧᬢ᭄᭞ᬧᬶᬦᬓᬲ᭄ᬯᬪᬯᬦᬶᬓᬂ ᬲ᭄ᬢ᭄ᬭᬶ᭟ᬪᬕ᭄ᬬᬯᬶᬃᬬ᭄ᬬᬯᬦ᭄‌ᬲᬂᬫᬗᬮᬧ᭄᭟ᬮᬯᬦ᭄ᬢᬫ᭄ᬯᬄ᭞ᬓᬯᬸᬯᬸᬲᬦᬶᬂᬲ᭄ᬢ᭄ᬭᬶᬲᬶᬦᬗ᭄ᬕᬸᬄᬧᬢᬶᬩ᭄ᬭᬢ᭟᭚ᬅᬚᬲ᭄ᬘᬫᬸᬓᬢᭀᬄᬫᬾᬤ᭄ᬬᬘᬧ᭄ᬭᬱ᭄ᬝᬢᬄ᭞ᬩ᭄ᬭᬳ᭄ᬫᬵᬡᬾᬧᬥᬬᬫᬾᬤ᭄ᬬᬄ᭞ᬲ᭄ᬢ᭄ᬭᬷᬬᭀᬄᬫᬤ᭄ᬬᬰ᭄ᬘᬲᬃᬯ᭄ᬯᬢᬄ᭟

Auto-transliteration

[18 10B] 18 ṇasangsaptadewatā. syapārakwalingningśast, sangdewatalapĕn'guṇanirā. // guṇaśukrāsyawaniṣṭaḥ, indrasiyandhopratidyaścā, nr̥ĕposiyaṣṭaguṇobhawet. sanghyangśukrā, sanghyangbhayu, sanghyangyamā, sanghyangindrā, sanghyāngwuwan, bhaṭaripratiwi, siradalapĕnkapituguṇanirā, ikātakabeḥguṇahulahaknadeparameśwara, hetuparameśwaratumĕmukakeśwar̀yanparimitā. paṭikajimatūr̀, ma kadontantutāparameśwararingyatikriyā, mengĕtarirājakr̥ĕtti. mapāpwahajñāparameśwara, titansantośāśrīmahārāja, mwangsangśayāripangucapirikangwwang. karaṇanipaṭikajihumatū rāriparameśwara, ritansakapadukaparameśwararingpaṭikaji. puntantrimangkepwarisanmatāparameśsara. sakṣatbhagyapaṭikaji, matangyanparameśwaratanpan'guhakĕnraṣaningśastra. ku [11 11A] nangpwamangke'idhĕppaṭikaji, ikangtinūtparameśwara, // palayetkulajāprajñe, wirūpamapikanyanam, rūpanwitantunisañca, guṇan. witawiwahabr̥ĕt. hanastrīkulaja , mwangyantansurūpā, rarātaya. anekāmuwaḥ, sor̀kulanya, ndansurūpā, nihanmangkanawtri. desangwruḥmangalapistri, uttamesatatāringkularūpā. ikangstrihanacalanya, ndankinaha nansalaḥsikisinangguḥguṇapat, wnangyalapĕn. ndyatalwir̀nya. hanwam, sugiḥkunang, wiśeṣakunang, kinahananingwiwekakunang. ngūningūnikahĕntyakapat, pinakaswabhawanikang stri. bhagyawir̀yyawansangmangalap. lawantamwaḥ, kawuwusaningstrisinangguḥpatibrata. // ajascamukatoḥmedyacapraṣṭataḥ, brahmāṇepadhayamedyaḥ, strīyoḥmadyaścasar̀wwataḥ.

Leaf 19

Image on Archive.org

[᭑᭙ 19B] ᭑᭙ ᬇᬓᬂᬯ᭄ᬥᬸᬲ᭄᭞ᬫᬶᬡ᭄ᬥᬵ᭞ᬫᬸᬓᬦ᭄ᬬᬲᬸᬘᬶ᭟ᬇᬓᬂᬓᬸᬫ᭄ᬩᬂᬭᬶᬯᬸᬭᬶᬦ᭄ᬬᬲᬸᬘᬶ᭟ᬲᬂᬩ᭄ᬭᬳ᭄ᬫᬵᬡᬭᬶᬲᬸᬓᬸᬦᬶᬭᬵᬲᬸᬘᬶ᭟ᬓᬸᬦᬂᬇᬓᬂᬲ᭄ᬢ᭄ᬭᬶ᭞ᬇᬬᬵᬯᬬᬦ᭄ᬬᬓᬩᬾᬄᬲᬸᬘᬶ᭞ᬦ᭄ᬤᬦ᭄ᬦᬶᬳᬦ᭄‌ᬓᬦ᭄ᬬᬓᬵ᭚ᬩᬮᬸᬘ᭄ᬢ᭄ᬭᬶ ᬧᬢ᭄‌ᬲᬶᬓᬵᬢᬸᬘ᭄ᬘ᭞ᬫᬺᬤᬶᬦᬜ᭄ᬘᬓᬲᬡ᭄ᬥᬮᬸ᭞ᬖᭀᬳᬪᬸᬨᬮᬢᬫ᭄ᬩᬸᬮᬵ᭞ᬲᭀᬘᬶᬢ᭄ᬢᬫᬸᬧᬚᬬᬢᬾ᭟ᬲ᭄ᬢ᭄ᬭᬶᬅᬦ᭄ᬯᬫ᭄᭞ᬫᬸᬓᬦᬶᬂᬮᬦᬓᬮᬶᬗᬦ᭄ᬬ᭟ᬓᬫᬡ᭄ᬥᬮᬸᬲᬂᬋᬱᬶ᭞ᬯ᭄ᬯᬾᬳᬸᬫᬶᬮ᭄ᬬ᭞ᬯᬯᬳᬦ᭄᭞ᬲ᭄ᬥᬄ ᬯ᭄ᬯᬄ᭞ᬇᬓᬢᬓᬩᬾᬄᬲᬸᬘᬶ᭟ᬢᬦ᭄ᬳᬦᬲᬶᬦᬗ᭄ᬕᬄᬢ᭄ᬥᬵ᭟ᬅᬧᬦᬶᬓᬵᬬᬦ᭄ᬲᭂᬗ᭄ᬕᬳᭂᬦ᭄ᬢᭂᬥ᭞ᬳᬦᬫ᭄ᬯᬄᬇᬓᬵᬲᬶᬦᬸᬘ᭄ᬬᬓ᭄ᬦᬢᬫ᭞ᬧ᭄ᬭᬲᭂᬗ᭄ᬕᬳᭂᬦᬶᬓᬵᬢ᭄ᬥᬓᬩᬾᬄ᭟᭚ᬚᬮᬜ᭄ᬘᬮᬬᬢᭀᬘᬶᬱ᭄ᬝᬦ᭄᭞ᬫᬢ᭄ ᬲᬾᬘᬶᬱ᭄ᬝᬗ᭄ᬕᬫᬫ᭄ᬧᬬᬄ᭞ᬧᬸᬱ᭄ᬝᬫ᭄ᬩ᭄ᬭᬧᬭᬲᭀᬘᬶᬱ᭄ᬝ᭞ᬫᬺᬕ᭄ᬥᭀᬲᭀᬦ᭄ᬤᬶᬘᬦ᭄ᬤ᭄ᬭᬫᬄ᭟ᬇᬓᬗ᭄ᬥᬾᬲᬸᬘᬶ᭞ᬧ᭄ᬭᬲᬗ᭄ᬕᬢᬦ᭄ᬲᬸᬘᬶᬇᬓᬤᬾᬦᬶᬂᬳᬶᬫᬵ᭟ᬇᬓᬂᬧᭂᬳᬦ᭄‌ᬲᬶᬦᬗ᭄ᬕᭂᬲᬸᬘᬶ᭞ᬤᬾᬦᬶᬂᬧᬸᬭᬸᬓ᭄ᬦ᭄ᬬ᭟ [᭒᭐ 20A] ᬫᬗ᭄ᬓᬦᬲᭂᬓᬃᬲᬶᬦᬗ᭄ᬕᬄᬲᬸᬘᬶ᭞ᬢᬦ᭄ᬲᬸᬘᬶᬇᬓᬵᬤᬾᬦᬶᬂᬪ᭄ᬭᬫᬭᬵ᭞ᬫᬗ᭄ᬓᬦᬲᬗ᭄ᬳ᭄ᬬᬂᬯᬸᬮᬦ᭄‌ᬲᬸᬘᬶᬲᬶᬭᬵ᭞ᬢᬦ᭄ᬲᬸᬘᬶᬇᬓᬵᬤᬾᬦᬶᬂᬫᬺᬖᬵᬳᬦᬾᬂᬚ᭄ᬭᭀᬦᬶᬓᬵ᭟ᬓᬮᬶᬗᬦ᭄ᬬ᭞ᬯ᭄ᬯᬂᬚᬸᬕᬫᬕᬯᬾᬲᬸᬘᬶ ᬢᬦ᭄ᬲᬸᬘᬶ᭟ᬮᬯᬦ᭄ᬢᬫ᭄ᬯᬄ᭞ᬅᬚ᭄ᬜᬳᬚᬶ᭟᭚ᬅᬫ᭄ᬩᬦᬲᬡ᭄ᬥᬢᬾᬩ᭄ᬭᬢᬫ᭄᭞ᬫᬦᭀᬥ᭄ᬬᬦᬶᬓᬕᬸ᭠ᬤ᭄ᬬᬢᬾ᭞ᬯᬶᬤ᭄ᬬᬢᬧᬵᬩ᭄ᬭᬢᬤ᭄ᬬᬢ᭄ᬫᬵ᭞ᬲᬸᬘᬶᬚ᭄ᬜᬦᬾᬦᬲᬸᬤ᭄ᬬᬢᬾ᭟ᬇᬓᬂᬯ᭄ᬯᬾᬧᬶᬦᬓᬧᬫᬭᬶᬲᬸᬤ᭄ᬥᬵᬰᬭᬶᬭᬵ᭞ ᬥ᭄ᬬᬦᬧᬶᬦᬓᬵᬧᬶᬦᬓᬵᬧᬫᬭᬶᬲᬸᬤ᭄ᬥᬵᬫᬦᬄ᭟ᬇᬓᬂᬓᬶᬦᬳᬦᬦᬶᬂᬯᬶᬥ᭄᭞ᬢᬧᬵᬩ᭄ᬭᬢᬍᬯᬶᬄ᭞ᬲᬸᬤ᭄ᬥᬵᬇᬓᬵᬤᬾᬦᬶᬲᬸᬚ᭄ᬜᬦ᭟ᬓᬮᬶᬗ᭄ᬳᬦ᭄ᬬ᭞ᬩᬸᬤ᭄ᬥᬶᬕᬸᬕᬲᬗ᭄ᬓᬦᬶᬂᬲᬸᬤ᭄ᬥᬵᬲᬸᬤ᭄ᬥᬶ᭟ᬫᬗ᭄ᬓᬦᬢᬧᬭᬫᬾᬰ᭄ᬯ ᬭ᭟ᬩᬸᬤ᭄ᬥᬶᬧᬭᬫᬾᬰ᭄ᬯᬭᬲᬸᬤ᭄ᬥᬶ᭞ᬫᬗ᭄ᬓᬦᬢᬦᬶᬫᬶᬢ᭄ᬢᬦ᭄ᬬᬲᬸᬤ᭄ᬥᬭᬶᬯ᭄ᬓᬧᬝᬶᬓ᭄ᬳᬚᬶ᭞ᬧᬭᬶᬲᬸᬤ᭄ᬥᬵᬓᬮᬯᬜ᭄ᬘᬶᬢ᭄ᬢᬵ᭟ᬅᬦ᭄‌ᬧᬝᬶᬓᬚᬶᬳᬸᬫᬢᬹᬭᬓ᭄ᬦᬾᬂᬧᬭᬫᬾᬰ᭄ᬯᬭ᭞ᬓᬧᬢ᭄ᬬᬦ᭄‌ᬦᬶᬂᬧᬝᬶᬓᬚᬶᬢᬓᭀᬱ᭄ᬝᬳᬧᬃᬬ᭄ᬬ

Auto-transliteration

[19 19B] 19 ikangwdhus, miṇdhā, mukanyasuci. ikangkumbangriwurinyasuci. sangbrahmāṇarisukunirāsuci. kunangikangstri, iyāwayanyakabeḥsuci, ndannihankanyakā // baluctri patsikātucca, mr̥ĕdinañcakasaṇdhalu, ghohabhuphalatambulā, socittamupajayate. stri'anwam, mukaninglanakalinganya. kamaṇdhalusangr̥ĕsyi, wwehumilya, wawahan, sdhaḥ wwaḥ, ikatakabeḥsuci. tanhanasinanggaḥtdhā. apanikāyansĕnggahĕntĕdha, hanamwaḥikāsinucyaknatama, prasĕnggahĕnikātdhakabeḥ. // jalañcalayatociṣṭan, mat seciṣṭanggamampayaḥ, puṣṭambraparasociṣṭa, mr̥ĕgdhosondicandramaḥ. ikangdhesuci, prasanggatansuci'ikadeninghimā. ikangpĕhansinanggĕsuci, deningpuruknya. [20 20A] mangkanasĕkar̀sinanggaḥsuci, tansuci'ikādeningbhramarā, mangkanasanghyangwulansucisirā, tansuci'ikādeningmr̥ĕghāhanengjronikā. kalinganya, wwangjugamagawesuci tansuci. lawantamwaḥ, ajñahaji. // ambanasaṇdhatebratam, manodhyanikagu‐dyate, widyatapābratadyatmā, sucijñanenasudyate. ikangwwepinakapamarisuddhāśarirā, dhyanapinakāpinakāpamarisuddhāmanaḥ. ikangkinahananingwidh, tapābratal̥ĕwiḥ, suddhā'ikādenisujñana. kalinghanya, buddhigugasangkaningsuddhāsuddhi. mangkanataparameśwa ra. buddhiparameśwarasuddhi, mangkanatanimittanyasuddhariwkapaṭik'haji, parisuddhākalawañcittā. anpaṭikajihumatūraknengparameśwara, kapatyanningpaṭikajitakoṣṭahapar̀yya

Leaf 20

Image on Archive.org

[᭒᭐ 20B] ᭒᭐ ᬦ᭄ᬢ᭟ᬫᬗ᭄ᬓᬦᬮᬶᬂᬭᬓ᭄ᬭ᭄ᬬᬦᬵᬧᬢᬶᬄ᭟ᬲᬸᬓᬰ᭄ᬭᬶᬫᬳᬵᬭᬵᬚ᭞ᬫᬗᬺᬗᭃᬲᬳᬢᬹᬃᬭᬓ᭄ᬭ᭄ᬬᬦᬵᬧᬢᬶᬄ᭟ᬲᬶᬦᬸᬗᬦ᭄ᬲᬶᬭᬲ᭄ᬥᬄᬲᬓᬾᬂᬫᬦᬥᬳᬦᬶᬭ᭟ᬢᬶᬦᬗ᭄ᬕᬧ᭄‌ᬲᬶᬦᭂᬫ᭄ᬩᬳᬓᭂᬦ᭄‌ᬤᬾᬭᬓ᭄ᬭ᭄ᬬᬦᬧᬢᬶᬄ᭟᭚ᬲᬅᬱ᭄ᬝ ᬗ᭄ᬕᬦ᭄ᬧ᭄ᬭᬡᬲ᭄ᬬ᭟ᬯᬶᬦᬶᬚᬶᬮᬓᭂᬦ᭄ᬢᬂᬭᬵᬚᬧᬾᬦᬶ᭞ᬲᬓᬃᬬ᭄ᬬᬦᬶᬂᬯᬶᬯᬳᬵ᭟ᬘᬢ᭄ᬭ᭞ᬥ᭄ᬯᬚᬵ᭞ᬘᬫᬭᬵ᭞ᬲᬗ᭄ᬓ᭞ᬓᬮᬳᬵ᭞ᬤᬫ᭄ᬧᬵ᭞ᬤᬸᬤ᭄ᬯᬂᬫᬧᬓ᭄ᬦᬦᬸᬕ᭄ᬭᬳᬦᬶᬭᬭᬓ᭄ᬭ᭄ᬬᬦᬵᬧᬢᬶᬄ᭟ᬫᬯᭂᬯᭂᬄᬧᬗᬦᬸᬕ᭄ᬭᬳ᭟ᬘᬫ᭠ ᬭᬢᬶᬕᬵᬯᬃᬡ᭄ᬦᬵ᭟ᬲ᭄ᬯᬾᬢᬵ᭞ᬭᬓ᭄ᬢ᭞ᬓᬺᬱ᭄ᬡᬵ᭟ᬲᬳᬤᬫ᭄ᬧᬵ᭞ᬧᬫᬸᬘᬗᬦ᭄ᬫᬵᬲ᭄᭞ᬲᬳᬵᬤ᭄ᬬᬲᬍᬯᬶᬄ᭟ᬳᬍᬧ᭄ᬦᬶᬓᬂᬯᬶᬯᬳᬵ᭞ᬲᬗ᭄ᬓᬭᬶᬓᬂᬓᬭᬸᬳᬸᬦ᭄᭞ᬫᬫᬋᬗᬶᬧᬹᬚᬵᬫᬳᭀᬢ᭄ᬲᬯᬵ᭟ᬭᬶᬳᬸᬯᬸᬲ᭄‌ᬰ᭄ᬭᬶᬫᬳᬵᬭ ᬚᬳᬲᬸᬂᬦᬸᬕ᭄ᬭᬳᬵᬮᬗ᭄ᬓᬭᬦᬶᬂᬯᬶᬯᬳᬵ᭞ᬫᬦ᭄ᬢᬸᬓ᭄‌ᬤᬭᬓ᭄ᬭ᭄ᬬᬦᬧᬢᬶᬄᬫᬭᬶᬂᬓᬸᬯᬸᬦᬶᬭ᭞ᬫᬶᬯᬵᬲᬓ᭄ᬭᬫᬦᬶᬂᬯᬶᬯᬳᬵ᭟ᬫᬶᬚᬶᬮᬲᬓᬢᭂᬫ᭄ᬩᬾ᭟ᬉᬫᬸᬮᬳᬓ᭄ᬦᬲᬧ᭄ᬢᬯᬶᬥ᭄ᬬᬓᬃᬬ᭄ᬬ᭞ᬢᬶᬧ᭄ᬭᬢᬶᬧᬢ᭄ᬢᬶᬭᬶᬭᬵᬚᬵ [᭒᭑ 21A] ᬯᬶᬯᬳᬵᬓᬃᬬ᭄ᬬ᭟ᬳᬸᬯᬸᬲ᭄ᬧ᭄ᬯᬲᬯ᭄ᬗᬶ᭞ᬲᬓᬧᬧᬢ᭄‌ᬲᬗ᭄ᬕ᭄ᬭᬲᬚᬶ᭞ᬳᬲᬦᬶᬢ᭄ᬬᬲᬓᬃᬬ᭄ᬬ᭞ᬢᬸᬳᬸᬦ᭄ᬫᬗ᭄ᬮᭂᬯᬶᬄᬇᬓᬵ᭟ᬭᬶᬤᬾᬦᬶᬂᬯ᭄ᬓᬦᬶᬭᬵ᭞ᬦ᭄ᬬᬢᬍᬯᬶᬳᬵᬳᬍᬧᬶᬂᬓᬃᬬ᭄ᬬᬵᬲᬗ᭄ᬓᬾᬤᬗᬸᬦᬶᬢ᭄ᬬ᭟ᬇᬦ᭄ᬬᬱᬦ᭄‌ᬢᬂᬲ ᬪᬫ᭄ᬯᬂᬧᬯᬭᬗᬦ᭄᭞ᬢᬭᬢᬕ᭄ᬭᬫ᭄ᬩᬢ᭄ᬓᬫᬮᬵ᭞ᬓᬸᬫᬸᬮᬶᬮᬶᬂᬲᬶᬗ᭄ᬳᬲᬦᬭᬶᬫᬥ᭄ᬬᬦᬶᬓᬵ᭞ᬫᬗᬋᬧᬓᭂᬦ᭄‌ᬭᬢ᭄ᬦᬯᬶᬢᬦᬵ᭞ᬧᬥᬭᬶᬦᬘᬦᬾᬶᬧ᭄ᬭᬮᬫ᭄ᬩᬂ᭞ᬫᬚᬫᬂᬫᬡᬶᬧᬸᬢᬶᬄ᭞ᬫ᭄ᬯᬂᬲᬃᬯ᭄ᬯᬓᬸᬱᬸᬫᬨᬮᬳᬦᬾᬓᬯᬃ ᬡ᭄ᬦ᭞ᬯᬶᬦᬗᬸᬦ᭄‌ᬘᬮᬦ᭄‌ᬓᬦᬓᬦᬯᬭᬵᬢ᭄ᬦᬵᬕᭃᬂᬲᬦ᭄ᬢᬶᬗᬦᬶᬂᬳᬗ᭄ᬲᬲᬢᬾᬚᬓᬲᭂᬦ᭄ᬯᬦᬵᬭᬸᬡ᭟ᬧᬥᬫᬸᬮ᭄ᬬᬦᬾᬓᬯᬃᬡ᭄ᬦᬧᬶᬦᬓᬵᬧᬗ᭄ᬕᬸᬩᬄᬦᬶᬲᬶᬗ᭄ᬳᬰᬡ᭞ᬅᬢᭂᬧ᭄ᬦ᭄ᬬᬤᬾᬯᬗ᭄ᬕᬰ᭄ᬯᬾᬣᬯᬮᬶ᭞ᬧᬶᬢ ᬯᬮᬶ᭞ᬓᬺᬱ᭄ᬡᬯᬮᬶ᭞ᬕᬶᬦᬡ᭄ᬥᬧᬢ᭄ᬭᬦᬶᬂᬓᬦᬓᬵᬤ᭄ᬭᬯᬵ᭞ᬳᬦᬾᬓᬘᬭᬶᬓᬵ᭞ᬤᬾᬯᬗ᭄ᬕᬵ᭞ᬦᬭᬗ᭄ᬕᬵ᭞ᬲᬳᬚᬭᬹᬧᬓᬵ᭟ᬮᬾᬦ᭄ᬢᬂᬯᬲ᭄ᬢ᭄ᬭᬲᬸᬢ᭄ᬭ᭟ᬧᬦᬢᬮᬶ᭞ᬭᬗ᭄ᬕᬭᬗ᭄ᬕ᭞ᬯᬲ᭄ᬢ᭄ᬭᬦᬾᬓᬭᬹᬧᬵ᭞ᬰ᭄ᬯᬾᬣᬧᬶ

Auto-transliteration

[20 20B] 20 nta. mangkanalingrakryanāpatiḥ. sukaśrimahārāja, mangr̥ĕngösahatūr̀rakryanāpatiḥ. sinungansirasdhaḥsakengmanadhahanira. tinanggapsinĕmbahakĕnderakryanapatiḥ. // sa'aṣṭa ngganpraṇasya. winijilakĕntangrājapeni, sakar̀yyaningwiwahā. catra, dhwajā, camarā, sangka, kalahā, dampā, dudwangmapaknanugrahanirarakryanāpatiḥ. mawĕwĕḥpanganugraha. cama‐ ratigāwar̀ṇnā. swetā, rakta, kr̥ĕṣṇā. sahadampā, pamucanganmās, sahādyasal̥ĕwiḥ. hal̥ĕpnikangwiwahā, sangkarikangkaruhun, mamar̥ĕngipūjāmahotsawā. rihuwusśrimahāra jahasungnugrahālangkaraningwiwahā, mantukdarakryanapatiḥmaringkuwunira, miwāsakramaningwiwahā. mijilasakatĕmbe. umulahaknasaptawidhyakar̀yya, tipratipattirirājā [21 21A] wiwahākar̀yya. huwuspwasawngi, sakapapatsanggrasaji, hasanityasakar̀yya, tuhunmanglĕwiḥikā. rideningwkanirā, nyatal̥ĕwihāhal̥ĕpingkar̀yyāsangkedangunitya. inyaṣantangsa bhamwangpawarangan, taratagrambatkamalā, kumulilingsinghasanarimadhyanikā, mangar̥ĕpakĕnratnawitanā, padharinacaneipralambang, majamangmaṇiputiḥ, mwangsar̀wwakusyumaphalahanekawar̀ ṇna, winanguncalankanakanawarātnāgöngsantinganinghangsasatejakasĕnwanāruṇa. padhamulyanekawar̀ṇnapinakāpanggubaḥnisinghaśaṇa, atĕpnyadewanggaśwethawali, pita wali, kr̥ĕṣṇawali, ginaṇdhapatraningkanakādrawā, hanekacarikā, dewanggā, naranggā, sahajarūpakā. lentangwastrasutra. panatali, ranggarangga, wastranekarūpā, śwethapi

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org

Leaf 67

Image on Archive.org

Leaf 68

Image on Archive.org

Leaf 69

Image on Archive.org

Leaf 70

Image on Archive.org

Leaf 71

Image on Archive.org

Leaf 72

Image on Archive.org

Leaf 73

Image on Archive.org

Leaf 74

Image on Archive.org

Leaf 75

Image on Archive.org

Leaf 76

Image on Archive.org

Leaf 77

Image on Archive.org

Leaf 78

Image on Archive.org

Leaf 79

Image on Archive.org

Leaf 80

Image on Archive.org

Leaf 81

Image on Archive.org

Leaf 82

Image on Archive.org

Leaf 83

Image on Archive.org

Leaf 84

Image on Archive.org

Leaf 85

Image on Archive.org

Leaf 86

Image on Archive.org

Leaf 87

Image on Archive.org

Leaf 88

Image on Archive.org

Leaf 89

Image on Archive.org

Leaf 90

Image on Archive.org

Leaf 91

Image on Archive.org

Leaf 92

Image on Archive.org

Leaf 93

Image on Archive.org

Leaf 94

Image on Archive.org

Leaf 95

Image on Archive.org

Leaf 96

Image on Archive.org

Leaf 97

Image on Archive.org

Leaf 98

Image on Archive.org

Leaf 99

Image on Archive.org

Leaf 100

Image on Archive.org

Leaf 101

Image on Archive.org

Leaf 102

Image on Archive.org

Leaf 103

Image on Archive.org

Leaf 104

Image on Archive.org

Leaf 105

Image on Archive.org

Leaf 106

Image on Archive.org

Leaf 107

Image on Archive.org