gaguritan-rusak-gianyar-02

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭚ᬑᬁᬲ᭄ᬯᬲ᭄ᬢᬶᬳᬲ᭄ᬢᬸ᭟᭜᭟ᬧᬫᬶᬤᬃᬣ᭟᭜᭟ᬳᬢᬸᬃᬢᬶᬢ᭄ᬬᬂᬭᬶᬂᬳᬶᬤᬦᬶᬲᬂᬱᬫᬫᬯᭀ᭠ᬲᬶᬦ᭄ᬕᬕᬸᬭᬶᬢᬦ᭄ᬧᬸᬦᬶᬓᬶ᭞ᬧᬶᬤᬕᬶᬗᬦ᭄ᬫᬗ᭄ᬤᬢᬍᬃᬧᬢᬶᬓᬦ᭄ᬭᬶᬂᬓᬯᬾᬦ᭄ᬢᭂᬦᬦᬾᬧ᭄ᬢᬓ᭄᭞ᬕᬕᬸᬭᬶᬢᬦ᭄ᬧᬸᬦᬶ ᬓᬶᬕᬸᬫᬦ᭄ᬢᬶᬧᬓᬵᬃᬬ᭄ᬬᬦ᭄ᬲᬂᬲᬵᬫ᭄ᬧᬸᬦ᭄ᬲᬾᬤᬫᬧᬲᬾᬗᬦ᭄ᬯᬬᬦ᭄ᬧᬲᭂᬓ᭄ᬲᬸᬩ᭄ᬭᬢᬲᬓᬾᬂᬩᬜ᭄ᬚᬃᬲᬗ᭄ᬕᬶᬂᬕᬶᬳᬜᬭ᭄᭟ᬕᬕᬸᬭᬶᬢᬦ᭄ᬧᬸᬦᬶᬓᬶᬧ᭄ᬘᬓ᭄ᬓᬲᬸᬭᬢ᭄ᬳᬦ᭄ᬢᬸᬓ᭄ᬳᬓ᭄ᬱᬭᬩᬶᬮᬶᬫᬸᬗ᭄ᬕ᭄ᬯᬶᬂᬮᭀᬦ᭄ᬢᬃᬫᬭᬹᬫᬘ᭠ ᬓᭂᬧᬦ᭄ᬲᬦᬾᬢᬫᬶᬦ᭄ᬢᬶᬢ᭄ᬬ᭞ᬓᬾᬗᬶᬦᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬲ᭄ᬢᬓᬢᬸᬃᬗᬫ᭄ᬤᬮᬂᬗᬗ᭄ᬕᬾᬦ᭄ᬳᬓ᭄ᬱᬭᬮᬢᬶᬦ᭄᭞ᬫᬭᬹᬧᬩᬸᬓᬸ᭞ᬫᬗ᭄ᬤᬓᬢᬳᬦᬮᬶᬢᬮᬶᬢᬾᬳᬸᬦᬶᬂᬫᬫᬯᭀᬲᬶᬦ᭄‌ᬲᬤᬕᬶᬂᬧᬗᬯᬶ᭟ᬳᬶ᭠ ᬗ᭄ᬕᬶᬄᬕᬕᬸᬭᬶᬢᬦ᭄ᬧᬸᬦᬶᬓᬶᬕᬸᬫᬦ᭄ᬢᬶᬩᬩᬤ᭄ᬚᬕᬢᬾᬭᬶᬂᬩᬮᬶ᭞ᬲᬧᬫᬤ᭄ᬕᬸᬦ᭄ᬢᬶᬤᬲᬂᬧᬶᬦᬓᬲᬸ᭠ᬲᬸᬕᬸᬦ᭄ᬭᬶᬂᬩᬮᬶᬲᬦᬾᬫᬧᬭᬩ᭄‌ᬦᬾᬫᬕᬸᬂᬫᬸᬢ᭄ᬯᬓᬧᬶᬂ᭞᭓᭞ᬫᬮᬶᬗ᭄ᬕᬶᬄᬭᬶᬂᬓᬗ᭄ᬓᬂ᭞ᬲᬚ᭄ᬭᭀᬦᬶᬂᬇ [᭒ 2A] ᬰᬓ᭞᭑᭑᭗᭓᭞᭑᭘᭒᭕᭞᭑᭘᭕᭑᭞᭑᭙᭐᭓᭞ᬢ᭞ᬫ᭞ᬤᬯᭂᬕ᭄ᬧᬸᬦᬶᬓᬚᬕᬓᬾᬭᬶᬂᬩᬮᬶᬩ᭄ᬬᬸᬃᬢᬦ᭄ᬧ᭄ᬕᬢ᭄ᬧ᭄ᬕᬢ᭄ᬬᬸᬥ᭞ᬲ᭄ᬓᬤᬶᬫᬸᬗ᭄ᬕᬸᬄᬭᬶᬂᬕᬕᬸᬭᬶᬢᬦ᭄ᬧᬸᬦᬶᬓᬶ᭟ᬤᬾᬦᬶᬂᬧᬗᬯᬶᬦᬾᬫᬹᬧᬧᬜ᭄ᬚᬂ ᭞ᬧᬸᬦᬶᬓᬤ᭄ᬯᬦᬶᬂᬤᬤᭀᬲᬂᬢᬶᬢ᭄ᬬᬂᬓᬮᬶᬄᬩᬸᬓᬸ᭞ᬫᬗ᭄ᬤᬓᬤᬶᬤᬗᬦᬶᬤᬤᬦᬾᬫᬶᬓᬬᬸᬦᬶᬦ᭄᭞ᬓᬮᬶ᭠ᬳᬶᬦ᭄ᬤᬶᬓ᭄ᬢᬶᬢ᭄ᬬᬂᬗᬃᬭ᭄ᬬᬦᬶᬦ᭄ᬩᬸᬓᬸᬧᬸᬦᬶᬓᬶ᭟ᬧᬶᬤᬕᬶᬂᬲᬸᬫᬤ᭄ᬬᬦ᭄ᬫᬦᬄᬢᬶᬢ᭄ᬬᬂᬗᬫ᭄ᬤᬮᬂᬩᬸᬓᬸᬧᬸᬦᬶᬓᬶ᭞ᬭᬸᬫᬲ ᬢ᭄ᬢᬶᬢ᭄ᬬᬂᬗᬢᬸᬭᬂᬧᬧᬸᬗᬸ᭞ᬫᬗ᭄ᬤᬳᬶᬤᬤᬦᬾᬲᬾᬗᭂᬄᬭᬶᬂᬧᬢᬸᬗ᭄ᬓᬲ᭄ᬧᬭᬳᬕᬸᬗᬾᬧ᭄ᬘᬓ᭄ᬭᬶᬂᬩᬮᬶ᭞ᬤᬸ᭠ᬓ᭄ᬧᬸᬦᬶᬓ᭞ᬢᬦ᭄ᬲᬯᭀᬲ᭄ᬫᬓᬚᬮᬭᬦᬶᬤᬤᬦᬾᬲᬋᬂᬲᬫᬶᬫᬗ᭄ᬕᬸᬳᬂᬧᬓᬾᬯᬸᬄ᭞ᬫᬓᬧᬜᬦ᭄ᬢᭀ ᬓᬦ᭄ᬚᬕᬢᬾᬭᬶᬂᬩᬮᬶᬧᬘᬂᬓᬢᬶᬢᬄᬳᬦ᭄ᬢᬸᬓ᭄ᬯᭀᬗᬲᬶᬂ᭟ᬤᬾᬦᬶᬂᬤᬸᬓ᭄ᬧᬸᬦᬶᬓᬚᬕᬢᬾᬭᬶᬂᬩᬮᬶ᭠ᬩᬸᬮᬾᬮᬾᬂᬓᬮᬶᬄᬭᬶᬂᬚᭂᬫ᭄ᬩ᭄ᬭᬡᬲᬵᬫ᭄ᬧᬸᬦ᭄ᬓᬕᬫᭂᬮ᭄ᬳᬦ᭄ᬢᬸᬓ᭄ᬓᬗ᭄ᬲᬳᭀᬮᬦ᭄ᬤ᭞ᬓᬯᬶᬢ᭄ᬲᬓᬾᬂᬇᬰᬓ᭞

Auto-transliteration

[1 1B] 1 // oṅġswastihastu \\•\\ pamidar̀tha \\•\\ hatur̀tityangringhidanisangṣamamawo‐sin'gaguritanpuniki, pidaginganmangdatal̥ĕr̀patikanringkawentĕnaneptak, gaguritanpuni kigumantipakār̀yyansangsāmpunsedamapasenganwayanpasĕksubratasakengbañjar̀sangginggihañar. gaguritanpunikipcakkasurat'hantuk'hakṣarabilimunggwinglontar̀marūmaca‐ kĕpansanetamintitya, kenginantityangmangkinmastakatur̀ngamdalangnganggenhakṣaralatin, marūpabuku, mangdakatahanalitalitehuningmamawosinsadagingpangawi. hi‐ nggiḥgaguritanpunikigumantibabadjagateringbali, sapamadguntidasangpinakasu‐sugunringbalisanemaparabnemagungmutwakaping 3 malinggiḥringkangkang, sajroningi [2 2A] śaka 1173 1825 1851 1903 ta, ma, dawĕgpunikajagakeringbalibyur̀tanpgatpgatyudha, skadimungguḥringgaguritanpuniki. deningpangawinemūpapañjang , punikadwaningdadosangtityangkaliḥbuku, mangdakadidanganidadanemikayunin, kali‐hindiktityangngar̀ryaninbukupuniki. pidagingsumadyanmanaḥtityangngamdalangbukupuniki, rumasa ttityangngaturangpapungu, mangdahidadanesengĕḥringpatungkasparahagungepcakringbali, du‐kpunika, tansawosmakajalaranidadanesar̥ĕngsamimangguhangpakewuḥ, makapañanto kanjagateringbalipacangkatitaḥhantukwongasing. deningdukpunikajagateringbali‐bulelengkaliḥringjĕmbraṇasāmpunkagamĕlhantukkangsaholanda, kawitsakengiśaka,

Leaf 2

Image on Archive.org

[᭒ 2B] ᭑᭗᭗᭑᭞᭑᭘᭔᭙᭞ᬢ᭞ᬫ᭞ᬢᬭᬶᬘ᭞ᬫᬲᬾᬳᬶ᭞ᬘᬸᬢᭂᬢᬢᬸᬃᬢᬶᬢ᭄ᬬᬂ᭞ᬤᬸᬫᬤᬓ᭄ᬕᬕᬸᬭᬶᬢᬦ᭄ᬧᬸᬦᬶᬓᬶᬫᬦ᭄ᬢᬸᬓ᭄ᬭᬶᬂᬬᬸᬦᬶᬤᬤᬦᬾᬳᬗ᭄ᬕᬾᬦ᭄ᬧᬗ᭄ᬭᬋᬡ᭟ᬢᬸᬃᬫᬧᬶᬓᭀᬮᬶᬄᬳᬗ᭄ᬕᬾᬦ᭄ᬧᬗᬾᬮᬶᬗᬾᬮᬶᬂᬗᬯᭂ᭠ᬯᭂᬳᬶᬦ᭄ᬧᬳᬸᬦᬾᬗᬦᬶᬦ᭄ᬤᬶᬓ᭄ᬚᬕᬢᬾᬭᬶᬂᬩᬮᬶᬤᬯᭂᬕ᭄ᬧᬸᬦᬶᬓ᭟ᬧᬸᬧᬸᬢ᭄᭟᭜᭟ᬑᬁᬅᬯᬶᬖ᭄ᬦᬫᬵᬲ᭄ᬢᬸᬦᬫᬲᬶᬤᬀ᭟᭜᭟ᬧᬸᬧᬸᬄᬤᬸᬃᬫ᭄ᬫ᭟᭜᭟ᬤᬸᬃᬦᬶᬫᬶᬢᬧᬗᬢᬕᬶᬂᬓᬵᬮᬶᬬᬸᬕ᭞ᬧᬳᬶᬤᭂᬃᬲᬳ᭄ᬬᬂᬭᬱᬶ᭞ ᬳᬦᬹᬢᬶᬂᬰᬰᬶᬳᬦ᭄᭞ᬤᬸᬓᬶᬂᬇᬓᬯᬃᬱ᭞ᬲᬳ᭄ᬬᬂᬢᬸᬗ᭄ᬕᬮ᭄ᬢᬸᬲ᭄ᬦᬶᬂᬮᬗᬶᬢ᭄᭞ᬦ᭄ᬫᬸᬫᬬᭀᬕ᭞ᬮᬶᬩ᭄ᬥᬸᬫᬳᬸᬚᬦᬗᬶᬦ᭄᭟ᬯᬲ᭄ᬢᬸᬋᬋᬢ᭄ᬧᬦᬵᬕᬭᬦᬾᬭᬶᬂᬕ᭄ᬬᬜᬭᬦ᭄᭞ᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭞ᬳᬾᬯᭂᬄᬫᬩ᭠ ᬯᭀᬲᬦ᭄᭞ᬭᬲᬢᬦ᭄ᬓᬢᬫ᭄ᬩᬦᬦ᭄᭞ᬧᬜ᭄ᬘᬲᬸᬗ᭄ᬕᬯᬫᬩᬮᬶᬓ᭄᭞ᬦᬦ᭄ᬤᭂᬲᬂᬭᬕ᭞ᬭᬶᬂᬤᬍᬫ᭄ᬲᬋᬂᬲᬫᬶ᭟ᬫᬶᬦᬓᬤᬷᬕᬭᬘᭀᬓᭀᬃᬤᬳᭀᬓ᭞ᬬᬸᬲᬦᬾᬓᬭᬶᬳᬮᬶᬢ᭄᭞ᬧᬗᬤ᭄ᬕᬾᬧᬜ᭄ᬚᬂ᭞ᬜᭂᬧᭂᬓ᭄ᬢᬸᬃᬲᬤ [᭓ 3A] ᭠ᬧᬫ᭄ᬧ᭄ᬬᬲ᭄᭞ᬫᬸᬮᬯᬗ᭄ᬰᬤᬍᬫ᭄ᬚᬢᬶ᭞ᬲᭂᬦ᭄ᬢᬦᬦᬶᬤ᭞ᬤᬾᬯᬕᬸᬗᬦᭀᬫ᭄ᬭᬶᬳᬶᬦ᭄᭟ᬓᬳᬾᬭᬗᬦ᭄ᬭᬾᬄᬓᬢᭂᬢᭂᬳᬦ᭄ᬓᬯᬗ᭄ᬰᬦ᭄᭞ᬬᬾᬦᬶᬂᬢᬦ᭄ᬲᬶᬤᬫᬮᬶᬄ᭞ᬤᬍᬫ᭄ᬗᬯᬶᬰᬾᬱ᭞ᬍᬳᭂᬂᬳᬗᬜᬸᬢ᭄ᬚᬶᬯ᭞ᬓ᭄ᬭᬡ ᬯᬾᬦ᭄ᬢᭂᬦ᭄ᬓᬤᬶᬫᬗ᭄ᬓᬶᬦ᭄᭞ᬫᭂᬢᭀᬄᬲᬧᬶᬲᬦ᭄᭞ᬫᬶᬲᬤ᭄ᬬᬦᬗᬸᬦ᭄ᬓᬶᬃᬢ᭄ᬢᬶ᭟ᬢᬸᬃᬓᬲᬾᬗᬶᬦ᭄ᬲᬫᬶᬧᬭᬲᬫ᭄ᬢᭀᬦᬦ᭄᭞ᬲᬦᬾᬧᬘᬂᬫᬦᬶᬹᬢᬶᬦ᭄ᬤᬶᬄ᭞ᬓ᭄ᬱᬢ᭄ᬭᬶᬬᬩ᭄ᬭᬵᬳ᭄ᬫᬡ᭞ᬳᬶᬤᬾᬯᬓ᭄ᬢᬸᬢ᭄ᬲᬦ᭄ᬤᬢ᭄᭞ᬫᬸᬓ᭄ᬬᬳᬶᬦᬓᬧ᭠ ᬧᬢᬶᬄ᭞ᬢᬢᬲᬶᬂᬲᬲ᭄ᬢ᭄ᬭ᭞ᬧᬸᬭᬸᬱᬩᬸᬤ᭄ᬟᬶᬭᬶᬭᬶᬄ᭟ᬲᬫᬶᬲᬵᬫ᭄ᬧᬸᬦ᭄ᬓᬳᬶᬘ᭄ᬙᬦᬶᬦ᭄ᬧᬗᬦ᭄ᬤᬶᬓ᭞ᬤᬕᬶᬗᬶᬧᬸᬦᬾᬫᬗ᭄ᬓᬶᬦ᭄᭞ᬦᬗᬸᬦ᭄ᬭᬩᬬᬚ᭄ᬜ᭞ᬲᭀᬢᬦᬶᬂᬲᬂᬓ᭄ᬱᬢ᭄ᬭᬶᬬ᭞ᬢᬬᭀᬕ᭄ᬬᬫᬋᬦᬂᬓᬶᬃᬢ᭄ᬢᬶ᭞ᬫᬓᬲᬤ ᬦ᭞ᬲᬜ᭄ᬚᬢᬦᬾᬫᬮᬸᬗᬶᬤ᭄᭟ᬲᬫᬶᬗ᭄ᬢᭀᬃᬫᬸᬮᬶᬭᬓ᭄ᬫᬫᬓ᭄ᬧᬓ᭄ᬮᬶᬫ᭞ᬳᬢᬸᬭᬾᬲᬫᬶᬗᬶᬭᬶᬂ᭞ᬫᬶ᭠ᬲᬤ᭄ᬬᬢᬯᬸᬭᬂ᭞ᬳᬶᬤᬾᬯᬓ᭄ᬢᬸᬢ᭄ᬲᬦ᭄ᬤᬢ᭄᭞ᬳᬍᬧᬢᬸᬭᬾᬫᬶᬲᬶᬗ᭄ᬕᬶᬄ᭞ᬭᬢᬸᬘᭀᬓᭀᬃᬤ᭞ᬤᬸᬭᬸᬲᬂᬦᬗᬸ

Auto-transliteration

[2 2B] 1771 1849 ta, ma, tarica, masehi, cutĕtatur̀tityang, dumadakgaguritanpunikimantukringyunidadanehanggenpangrar̥ĕṇa. tur̀mapikoliḥhanggenpangelingelingngawĕ‐wĕhinpahunenganindikjagateringbalidawĕgpunika. puput \\•\\ oṅġawighnamāstunamasidaṃ \\•\\ pupuḥdur̀mma \\•\\ dur̀nimitapangatagingkāliyuga, pahidĕr̀sahyangrasyi, hanūtingśaśihan, dukingikawar̀ṣa, sahyangtunggaltusninglangit, nmumayoga, libdhumahujanangin. wastur̥ĕr̥ĕtpanāgaraneringgyañaran, hanakehagungmanggis, hewĕḥmaba‐ wosan, rasatankatambanan, pañcasunggawamabalik, nandĕsangraga, ringdal̥ĕmsar̥ĕngsami. minakadīgaracokor̀dahoka, yusanekarihalit, pangadgepañjang, ñĕpĕktur̀sada [3 3A] ‐pampyas, mulawangśadal̥ĕmjati, sĕntananida, dewagunganomrihin. kaheranganreḥkatĕtĕhankawangśan, yeningtansidamaliḥ, dal̥ĕmngawiśeṣa, l̥ĕhĕnghangañutjiwa, kraṇa wentĕnkadimangkin, mĕtoḥsapisan, misadyanangunkir̀tti. tur̀kasenginsamiparasamtonan, sanepacangmaniūtindiḥ, kṣatriyabrāhmaṇa, hidewaktutsandat, mukyahinakapa‐ patiḥ, tatasingsastra, puruṣabudḍiririḥ. samisāmpunkahicchaninpangandika, dagingipunemangkin, nangunrabayajña, sotaningsangkṣatriya, tayogyamar̥ĕnangkir̀tti, makasada na, sañjatanemalungid. samingtor̀mulirakmamakpaklima, haturesamingiring, mi‐sadyatawurang, hidewaktutsandat, hal̥ĕpaturemisinggiḥ, ratucokor̀da, durusangnangu

Leaf 3

Image on Archive.org

[᭓ 3B] ᬦ᭄ᬓᬶᬃᬢ᭄ᬢᬶ᭟ᬧᬢᬹᬢ᭄ᬫᬮᬶᬄᬓᬓ᭄ᬮᬸᬗ᭄ᬓᬸᬂᬗᬢᬸᬭᬂᬭᬕ᭟ᬭᬶᬂᬲᬲᬂᬳᬶᬂᬫᬸᬢᭂᬩᬮᬶ᭞ᬫᬕᭂᬳᬂᬰᬰᬡ᭞ᬫᬸᬮᬓ᭄ᬱᬢ᭄ᬭᬶᬬᬯᬗ᭄ᬰ᭞ᬓ᭄ᬦᬶᬲᬵᬫ᭄ᬧᬸᬦ᭄ᬓᬤᬶᬫᬗ᭄ᬓᬶᬦ᭄᭞ᬧᬫᬦ᭄ᬤᬩᬕ᭄ᬬ᭞ᬮᬩᬸᬃᬬᬸᬱᬦᬾᬭᬶᬳᬶᬦ᭄᭟ᬲᬫᬶᬮᬘᬸᬃᬦᬗᬶᬲ᭄ᬗᬤᬸ᭠ ᬳᬗᬂᬭᬕ᭞ᬳᬦ᭄ᬢᬸᬓᬾᬤᬶᬫᬗ᭄ᬓᬶᬦ᭄᭞ᬲᬸᬗ᭄ᬲᬸᬢ᭄ᬧᬶᬢ᭄ᬭᬲᬲᬭ᭄᭞ᬭᬶᬂᬢ᭄ᬕᬮ᭄ᬧᬦᬗ᭄ᬲᬭᬦ᭄᭞ᬓᬲᬸᬮᬸᬳᬦ᭄ᬲᬹᬃᬬ᭄ᬬᬓᭀᬝᬶ᭞ᬲᬓᬤᬶᬜᬜᬄ᭞ᬕ᭄ᬮᬶᬲᬗᬸᬕᬶᬓᬵᬃᬬ᭄ᬬᬦᬶᬦ᭄᭟ᬫᬗ᭄ᬤᬓᬲ᭄ᬢᬄᬫᬭᬶᬂᬓᬯᬄᬫᬭᭀ᭠ ᬭᬯ᭞ᬳᬶᬤᬲᬂᬫᬸᬢᭂᬃᬩᬮᬶ᭞ᬳᬶᬘ᭄ᬙᬧᬦᬸᬕ᭄ᬭᬳᬦ᭄᭞ᬲᬓ᭄ᬱᬢ᭄ᬭᬶᬂᬣᬧᬗᭂᬦ᭄ᬢᬲ᭄᭞ᬯᬶᬚᬶᬮᬶᬗᬵᬚ᭄ᬜᬦᬲᬦ᭄ᬤᬶ᭞ᬧᬸᬦᬶᬓᬧᬶᬲᬦ᭄᭞ᬲᬸᬂᬲᬸᬂᬳ᭄ᬢᭀᬳᬶᬦᬸᬭᬶᬧ᭄᭟ᬧᬢᬹᬢ᭄ᬧᬶᬲᬦ᭄ᬓᬬᬸᬦᬾᬫᬓᬵᬃᬬ᭄ᬬᬫᭂᬃᬣ᭞ᬗᭂᬢᬶᬲᬶᬦᬲᬶᬬ᭠ ᬲᬶᬢ᭄᭞ᬤᬸᬭᬸᬲᬂᬧᬸᬢᭂᬭᬂ᭞ᬲᬓ᭄ᬱᬢ᭄ᬕᬸᬦᬸᬂᬫᬦ᭄ᬤᬭ᭞ᬮᬶᬗ᭄ᬕᬶᬄᬳᬦᬓᬕᬸᬂᬫᬗ᭄ᬕᬶᬲ᭄᭞ᬫᬗ᭄ᬓᬶᬦ᭄ᬩᬯᭀᬲᬂ᭞᭠ᬫᬗ᭄ᬤᬫᭂᬃᬣᬦᬾᬫᬶᬚᬶᬮ᭄᭟ᬓᬯᬸᬮᬦᬾᬲᬓ᭄ᬲᬕᬦᬓᬧᬲᬧᬶᬹᬭ᭞ᬘᭀᬓᭀᬃᬤᬭᬶᬂᬫᬗᬸᬯᬶ᭞ᬧᬸᬢᭂᬭᬂ᭠ [᭔ 4A] ᬭᬶᬂᬧᬸᬘᬓ᭄᭞ᬲᬸᬂᬫᬸᬢᭂᬂᬩᬮᬶᬇᬦ᭄ᬤ᭄ᬭ᭞ᬫᬓᬢᬮᬶᬢᬫ᭄ᬧᬓ᭄ᬲᬶᬭᬶᬂ᭞ᬲᬋᬂᬧᬬᬗᬦ᭄᭞ᬲᬓ᭄ᬱᬢ᭄ᬦᬵᬕᬪ᭠ᬲᬸᬓᬶᬄ᭟ᬘᭀᬓᭀᬭᬶᬤᬾᬯᬲᬓᬓ᭄ᬱᬢ᭄ᬯᬢᭂᬓ᭄ᬤᬾᬯᬢ᭞ᬧᬮᬶᬳᬢᬦ᭄ᬫᬗᬶᬭᬶᬂ᭞ᬫᬓᬤᬿᬢ᭄ᬬᬭᬵᬚ᭞ᬧᬸ᭠ ᬭᬸᬱᬢᬦ᭄ᬧᬶᬮᬶᬳᬦ᭄᭞ᬩ᭄ᬮᬄᬩᬢᬸᬄᬲᬂᬢᬶᬕᬂᬲᬶᬓᬶ᭞ᬲᬋᬂᬫᬗᬸᬫᬤ᭄᭞ᬧᬶᬜ᭄ᬘᭂᬭᬂᬓᬤᬶᬗᬸᬗ᭄ᬲᬶ᭟ᬭ᭠ᬭᬶᬲ᭄ᬩᬢᭂᬓ᭄ᬯᬗᬸᬦ᭄ᬲᬵᬕᬭᬲᬧᬶᬲᬦ᭄᭞ᬦ᭄ᬤᬶᬓᬧᬦ᭄ᬤᬢᬦ᭄ᬫᬶᬚᬶᬮ᭄᭞ᬳᬫᬺᬫᬯᬶᬢ᭄ᬭ᭞ᬳᭂᬗ᭄ᬓᬾᬦ᭄ᬲᬓ᭄ᬱᬢᬵ ᬫᬺᬢ᭄ᬢ᭞ᬬᬸᬲᬦᬦᬓᬕᬸᬂᬫᬗ᭄ᬕᬶᬲ᭄᭞ᬲᬧᬭᬭᬗ᭄ᬮ᭞ᬧᬸᬦᬶᬓᬤᬦ᭄ᬢᬯᬭᬶ᭟ᬮ᭄ᬯᬶᬭᬶᬂᬭᬵᬚᬩ᭄ᬭᬡᬲᬓ᭄ᬱ᭠ᬢ᭄ᬓᭀᬲ᭄ᬢᬸᬩ᭞ᬫᬮᬶᬄᬯᬦ᭄ᬢᭂᬦ᭄ᬓᬮᬶᬗ᭄ᬓᬶᬂ᭞ᬕ᭄ᬦᬄᬲᬃᬯ᭄ᬯᬯᬶᬚ᭞ᬧᬸᬦᬶᬓᬫᬓᬘᬢ᭄ᬭ᭞ᬧᬳᬾᬫ᭄ᬩᭀᬦᬦ᭄ᬲᬂᬳ᭄ᬬᬂ ᬳᬸᬭᬶᬧ᭄᭞ᬧᬗᬸᬚᬶᬯ᭞ᬢᬦ᭄ᬢᬸᬭᬂᬢᬤᬄᬪᬹᬓ᭄ᬢᬶ᭟ᬳᬸᬭᬶᬧ᭄ᬲᭀᬭᭀᬄᬤᬰᬯᬶᬱ᭄ᬬᬓᬵᬮᬓᬸᬫᬵ᭞ᬲᬯᬢᭂᬓ᭄ᬓᭀᬫ᭄ᬧ᭄ᬬᬂᬩᬚᬶᬂ᭞ᬫᬓᬤᬶᬳᬶᬰᬹᬭ᭞ᬧᬸᬦᬶᬓᬧᬦᬲ᭄ᬪᬭ᭞ᬓᬤᬶᬓᬰᬓ᭄ᬢᬶᬦᬶᬂᬤᬾᬱ᭄ᬝᬶ᭞ᬖᬵᬦ᭄ᬤᬂᬢ᭄ᬮᬲᬂ

Auto-transliteration

[3 3B] nkir̀tti. patūtmaliḥkaklungkungngaturangraga. ringsasanghingmutĕbali, magĕhangśaśaṇa, mulakṣatriyawangśa, knisāmpunkadimangkin, pamandabagya, labur̀yuṣanerihin. samilacur̀nangisngadu‐ hangangraga, hantukedimangkin, sungsutpitrasasar, ringtgalpanangsaran, kasuluhansūr̀yyakoṭi, sakadiñañaḥ, glisangugikār̀yyanin. mangdakastaḥmaringkawaḥmaro‐ rawa, hidasangmutĕr̀bali, hicchapanugrahan, sakṣatringthapangĕntas, wijilingājñanasandi, punikapisan, sungsunghtohinurip. patūtpisankayunemakār̀yyamĕr̀tha, ngĕtisinasiya‐ sit, durusangputĕrang, sakṣatgunungmandara, linggiḥhanakagungmanggis, mangkinbawosang, ‐mangdamĕr̀thanemijil. kawulanesaksaganakapasapiūra, cokor̀daringmanguwi, putĕrang‐ [4 4A] ringpucak, sungmutĕngbali'indra, makatalitampaksiring, sar̥ĕngpayangan, sakṣatnāgabha‐sukiḥ. cokoridewasakakṣatwatĕkdewata, palihatanmangiring, makadaityarāja, pu‐ ruṣatanpilihan, blaḥbatuḥsangtigangsiki, sar̥ĕngmangumad, piñcĕrangkadingungsi. ra‐risbatĕkwangunsāgarasapisan, ndikapandatanmijil, hamr̥ĕmawitra, hĕngkensakṣatā mr̥ĕtta, yusananakagungmanggis, sapararangla, punikadantawari. lwiringrājabraṇasakṣa‐tkostuba, maliḥwantĕnkalingking, gnaḥsar̀wwawija, punikamakacatra, pahembonansanghyang hurip, pangujiwa, tanturangtadaḥbhūkti. huripsoroḥdaśawiṣyakālakumā, sawatĕkkompyangbajing, makadihiśūra, punikapanasbhara, kadikaśaktiningdeṣṭi, ghāndangtlasang

Leaf 4

Image on Archive.org

[᭔ 4B] ᭔ ᭞ᬳᬸᬭᬶᬧᬶᬧᬸᬦᬾᬲᬫᬶ᭟ᬫᬮᬶᬄᬬᬸᬲᬦᬶᬂᬲᬧᬭᬭᬵᬚᬭᬵᬚᬧᬸᬢ᭄ᬭ᭞ᬢᬭᬸᬡᬩᬚᬗᬮᬶᬢ᭄᭞ᬲᬓ᭄ᬱᬢ᭄ᬳᭀᬜ᭄ᬚᬾᬃᬲ᭄ᬭᬯ᭞ᬳᬯᬦᬦ᭄ᬗᬮᬦ᭄ᬢᬸᬭᬂ᭞ᬲᬲᬫ᭄ᬢᭀᬦᬦᬾᬲᬫᬶ᭞ᬓᬮᬸᬗ᭄ᬓᬸᬂᬕᬶᬳᬜᬭ᭄᭞ᬫ ᬮᬶᬄᬤᬤᭀᬲᬲᬶᬓᬶ᭟ᬲᬦᬾᬫᬗ᭄ᬓᬶᬦ᭄‌ᬧᬶᬗᬦᬦ᭄ᬯᬾᬦ᭄ᬢᭂᬦ᭄ᬤᬮᬶᬳᬦ᭄᭞ᬳᬦᬓᬾᬳᬕᬸᬂᬫᬗ᭄ᬕᬶ᭠ᬲ᭄᭞ᬮᬸᬗ᭄ᬲᬸᬃᬓᬳᬕᬸᬗᬦ᭄᭞ᬲᬵᬫ᭄ᬧᬸᬦᬓᬾᬄᬧ᭄ᬭᬪᬯ᭞ᬭᬶᬂᬢᬸᬕᬸᬓᭀᬘᬧ᭄ᬦᬾᬫᬗ᭄ᬓᬶᬦ᭄᭞ᬘᬡ᭄ᬟᬶᬦᬾ ᬋᬗᬦᬶᬸᬢ᭄᭞ᬲ᭄ᬯᬭᬦ᭄ᬲᬸᬗᬸᬭᬶᬂᬮᬗᬶᬢ᭄᭟ᬫᬮᬶᬄᬭᬶᬂᬚᬕᬢ᭄ᬜᬮ᭄ᬬᬦ᭄ᬢᭀᬬᬫᬬᬸᬥ᭞ᬫᬍᬧᬸ᭠ᬓ᭄ᬫᬶᬚᬶᬮ᭄ᬕᭂᬦᬶ᭞ᬲᬓᬤᬶᬕᬸᬭᬶᬦ᭄ᬤ᭞ᬓᬸᬘᬶᬢ᭄ᬫᬓᬸᬧᬶᬂᬧᬢ᭄ᬧᬢ᭄᭞ᬫᬩᬢᬶᬲᬓᬸᬢᬸᬲ᭄ᬲᬶᬓᬶ᭞ᬳᬶᬓᬸᬄᬫᬘ ᬗ᭄ᬕᬄ᭞ᬓᭀᬘᬧ᭄ᬭᬶᬂᬲᬸᬓᬯᬢᬶ᭟ᬓᬸᬮ᭄ᬓᬸᬮᬕᬸᬂᬫᬲ᭄ᬯᬭᬢᬦ᭄ᬯᬾᬦ᭄ᬢᬾᬦ᭄ᬦᭂᬧᬓ᭄᭞ᬓᬢᬓᬓ᭄ᬢᬶᬓ᭄ᬢᬶ᭞ᬫᬦ᭠ᬗ᭄ᬓᭂᬧᬂᬬᬸᬥ᭞ᬧᬸᬦᬶᬓᬘᬶᬭᬶᬓ᭄ᬮᬲ᭄᭞ᬧᬦᬸᬕ᭄ᬭᬳᬦ᭄ᬲᬦᬾᬍᬦᬶ᭞ᬫᬗ᭄ᬓᬶᬦ᭄ᬭᬭᬶᬲᬂ᭞ᬧ᭄ᬭᬤᬯᬦᬾᬲᬋ᭠ [᭕ 5A] ᬗᬶᬦ᭄᭟ᬫᬗ᭄ᬓᬶᬦᬵᬃᬱᬦᬶᬤᬘᭀᬓᭀᬃᬤᬦᬵᬕᬭ᭞ᬭᬭᬶᬲ᭄ᬗᭂᬤᬸᬫ᭄ᬧᬫᬃᬕ᭄ᬕᬶ᭞ᬢᬸᬮ᭄ᬬᬤᬷᬫᬲᬾᬦ᭞ᬳᬕᬸᬮᬕᬸᬮᬲᬶᬕ᭞ᬧ᭄ᬭᬯᬷᬭᬢᬦ᭄ᬤᬡᬚ᭄ᬭᬶᬳᬶ᭞ᬲᬵᬫ᭄ᬧᬸᬦ᭄ᬭᬬᬢ᭄ᬦ᭞ᬫᬳᬶᬭᬶᬗᬦ᭄ᬩᬩ᭄ᬘᬶᬓ᭄᭟ᬭᬭᬶᬲ᭄ᬮᬸᬗ᭄ᬳᬵᬧ᭄ᬭ ᬫᬗ᭄ᬓᬶᬦ᭄ᬦᭂᬢᭂᬕ᭄ᬓᬩᬸᬢ᭄ᬯᬦ᭄᭞ᬭᬶᬂᬫᬃᬕ᭄ᬕᬶᬦᬾᬫᬓᭀᬃᬲᬶ᭞ᬯᬲ᭄ᬢ᭄ᬭᬩᬩᭀᬳᭀᬭᬦ᭄᭞ᬭᭀᬫᬧᬜ᭄ᬚᬂᬳᬕᬶᬫ᭄ᬩᬮ᭄᭞ᬫᬲᬸᬫ᭄ᬧᬂᬧᬸᬘᬸᬓᬓᬢᬶᬄ᭞ᬢᬸᬮ᭄ᬬᬩᬾᬮᬯ᭞ᬧᬘᬂᬫᬧ᭄ᬭᬂᬢᬦ᭄ᬤᬶᬂ᭟ᬫᬗᭂᬲᬾᬗᬶᬦ᭄‌ᬳᬶᬤᬤᬾ ᬯᬕ᭄ᬟᬾᬲᬫ᭄ᬪ᭞ᬗᬚᬓᬶᬦ᭄ᬲᬋᬂᬪᬓ᭄ᬢᬶ᭞ᬭᬶᬂᬮᬶᬗ᭄ᬕᬦ᭄ᬪᬝᬭ᭞ᬲᬂᬫᬸᬢᭂᬩᬮᬶᬭᬵᬚ᭄ᬬ᭞ᬬᬦ᭄ᬢᬸᬮᬓ᭄ᬧᬘᬂᬫᬢᬦ᭄ᬤᬶᬂ᭞ᬲᬫ᭄ᬩᬸᬂᬮᬜ᭄ᬘᬶᬗᬦ᭄᭞ᬲᬶᬮᬶᬄᬳᬓᭂᬭᬂᬕ᭄ᬢᬶᬄ᭟ᬢᬸᬫᬸᬮᬶᬭᬯᬸᬄᬳᬶᬤᬾᬯᬕ᭄ᬟᬾᬲᬫ᭄ᬪ᭞ᬗᬚᬓᬶ ᬦ᭄ᬲᬋᬂᬪᬓ᭄ᬢᬶ᭞ᬫᬶᬭᬶᬗᬦ᭄ᬧᭂᬢᬂᬲᬶᬓᬶ᭞ᬘᭀᬓᭀᬃᬤᬗᬦ᭄ᬤᬶᬓ᭞ᬲ᭄ᬯᬪᬯᬓᬤᬶᬓ᭄ᬭᭀᬥ᭞ᬭᬲᬦ᭄ᬜᬧᬘᬂ᭠ᬫᬫᬦ᭄ᬚᬶᬂ᭞ᬫᬫᬦ᭄ᬚᭂᬦ᭄ᬧᬶᬲᬦ᭄᭞ᬳᬶᬤᬾᬯᬲᬫ᭄ᬪᬗᬶᬭᬶᬂ᭟ᬲᬧᬦᬶᬢᬄᬓᬤᬶᬧᬶᬢᬶᬓ᭄ᬓᬲᭂᬓᭂᬧᬦ᭄᭞ᬓᭂᬮ᭄ᬓᭂ᭠

Auto-transliteration

[4 4B] 4 , huripipunesami. maliḥyusaningsapararājarājaputra, taruṇabajangalit, sakṣat'hoñjer̀srawa, hawananngalanturang, sasamtonanesami, kalungkunggihañar, ma liḥdadosasiki. sanemangkinpingananwentĕndalihan, hanakehagungmanggi‐s, lungsur̀kahagungan, sāmpunakeḥprabhawa, ringtugukocapnemangkin, caṇḍine r̥ĕngan̶t, swaransunguringlangit. maliḥringjagatñalyantoyamayudha, mal̥ĕpu‐kmijilgĕni, sakadigurinda, kucitmakupingpatpat, mabatisakutussiki, hikuḥmaca nggaḥ, kocapringsukawati. kulkulagungmaswaratanwentennĕpak, katakaktikti, mana‐ngkĕpangyudha, punikaciriklas, panugrahansanel̥ĕni, mangkinrarisang, pradawanesar̥ĕ‐ [5 5A] ngin. mangkinār̀ṣanidacokor̀danāgara, rarisngĕdumpamar̀ggi, tulyadīmasena, hagulagulasiga, prawīratandaṇajrihi, sāmpunrayatna, mahiringanbabcik. rarislunghāpra mangkinnĕtĕgkabutwan, ringmar̀gginemakor̀si, wastrababohoran, romapañjanghagimbal, masumpangpucukakatiḥ, tulyabelawa, pacangmaprangtanding. mangĕsenginhidade wagḍesambha, ngajakinsar̥ĕngbhakti, ringlingganbhaṭara, sangmutĕbalirājya, yantulakpacangmatanding, sambunglañcingan, siliḥhakĕranggtiḥ. tumulirawuḥhidewagḍesambha, ngajaki nsar̥ĕngbhakti, miringanpĕtangsiki, cokor̀dangandika, swabhawakadikrodha, rasanñapacang‐mamanjing, mamanjĕnpisan, hidewasambhangiring. sapanitaḥkadipitikkasĕkĕpan, kĕlkĕ‐

Leaf 5

Image on Archive.org

[᭕ 5B] ᭕ ᬲ᭄ᬗᬾᬗ᭄ᬕᬮᬂᬗ᭄ᬧᬶᬮ᭄᭞ᬧᬸᬧᬸᬢ᭄ᬩᬩᬯᭀᬲᬦ᭄᭞ᬓᭀᬘᬧᬂᬧᬥᬩᬸᬤᬮ᭄᭞ᬲᭀᬓ᭄ᬫᬗᬦ᭄ᬢᬶᬘᬸᬤᬫᬡᬶ᭞ᬧᬸᬢᬸᬲᬦᬶᬤ᭞ᬲᬂᬓᬲᬸᬂᬲᬸᬗᬾᬂᬩᬮᬶ᭟ᬚᬕ᭄ᬭᬯᬸᬄᬘᭀᬓᭀᬃᬤᬕ᭄ᬟᬾᬲᬢ᭄ᬭ᭄ᬬ᭞ᬲᬂᬫᬓᬲᬾᬦᬧᬢᬶ᭞ᬲᬋᬂ ᬭᬶᬂᬧᬤᬡ᭄ᬟ᭞ᬕ᭄ᬟᬾᬓ᭄ᬢᬸᬢ᭄ᬧᬶᬤᬤ᭞ᬧᬢᬶᬃᬣᬦ᭄ᬲᬂᬫᬸᬢᭂᬃᬩᬮᬶ᭞ᬧ᭄ᬭᬬᬫᬶᬢᬧᬲ᭄᭞ᬲᬓ᭄ᬱ᭄ᬬᬦᬶᬂᬲᬂᬲᬸᬤᬓ᭄ᬢᬶ᭟ᬓᬤᬶᬫᬗ᭄ᬓᬶᬦ᭄‌ᬘᭀᬓᭀᬃᬤᬳᭀᬓᬦᬵᬕᬭ᭞ᬫᬮᬶᬄᬓᬤᬶᬯᭂᬯᭂᬳᬶᬦ᭄᭞ᬓᬲᬶᬗ᭄ᬳᬵᬯᬶᬓ᭄ᬭᬫᬦ᭄᭞᭠ ᬢᬸᬮ᭄ᬬᬕ᭄ᬦᬶᬧ᭄ᬭᬮᬬ᭞ᬳᬶᬤᬲᬂᬳᬸᬢᬸᬲᬦ᭄ᬓᬮᬶᬄ᭞ᬩᬋᬢ᭄ᬓᬢᬶᬕ᭞ᬮᬶᬦᬸᬲ᭄ᬓᬤᬶᬫᬸᬭᬸᬗᬶᬦ᭄᭟ᬭᬶᬂ᭠ᬩ᭄ᬮᬄᬩᬢᬸᬄᬓᭀᬘᬧᬦ᭄ᬲᬂᬢᬶᬕᬲᬦᬓ᭄᭞ᬯᬗ᭄ᬰᬐᬃᬮᬗ᭄ᬕ᭄ᬬᬇᬦᬶ᭞ᬭᬓ᭄ᬭ᭄ᬬᬦ᭄ᬧᬗᬸᬮᬲᬦ᭄᭞ᬳᬶᬕᬸ᭠ ᬲ᭄ᬢᬶᬳᬮᬶᬢ᭄ᬳᭀᬓ᭞ᬲᬋᬂᬲᬫ᭄ᬢᭀᬦᬾᬓᬮᬶᬄ᭞ᬕᬸᬲ᭄ᬢ᭄ᬬᬵᬮᬶᬢ᭄ᬗᬸᬭᬄ᭞ᬫᬥᬾᬳᬍᬧ᭄ᬢᬸᬃᬭᬶᬭᬶᬄ᭟ᬰᬾᬓᬧ᭄ᬭᬚᬢᬸᬮ᭄ᬬᬓᬤᬶᬦᬵᬕᬢᬶᬕ᭞ᬫᬸᬮᬢᭀᬲᬶᬂᬧ᭄ᬭᬚᬸᬭᬶᬢ᭄᭞ᬫᬦ᭄ᬢ᭄ᬭᬶᬯᬶᬮ᭄ᬯᬢᬶᬓ᭄ᬢ᭞ᬫᬓᬧᬭᬦᬶᬂᬯ᭄ᬓᬲ᭄᭞ᬓ᭠ [᭖ 6A] ᬲᬂᬧᬚᭂᬦ᭄ᬗᬦ᭄ᬓᭂᬭᬶᬲ᭄᭞ᬧ᭄ᬤᬂᬧᬧᬗᬦ᭄᭞ᬳᬶᬩᬳᬦ᭄ᬓᬯᬸᬍᬯᬶᬄ᭟ᬧᭀᬮᬶᬄᬗᬚᬄᬭᬶᬂᬤᬍᬫ᭄ᬤᬸᬓᬶᬂᬩ᭄ᬭᬫ᭄ᬩᬗᬦ᭄᭞ᬫᬕᬸᬭᬸᬜᬕᬳᬸᬭᬶᬧ᭄᭞ᬫᬮᬶᬄᬓᬕᭀᬘᬾᬓᬂ᭞ᬫᬗ᭄ᬭᬸᬲᬓ᭄ᬤᬍᬫ᭄ᬦᬸᬱ᭞ᬯᬶᬚᬬᬓᬳᬶᬘ᭄ᬙᬾᬦ᭄ᬘᬶᬭᬶ᭠ ᭞ᬳᬶᬫᬺᬢ᭄ᬬᬸᬚᬷᬯ᭞ᬮᬦ᭄ᬤᬾᬬᬦ᭄ᬫᬲ᭄ᬫᬳᬸᬓᬶᬭ᭄᭟ᬫᬧᬶᬦ᭄ᬤᬓᬵᬮᬍᬯᬶᬄᬗᬗ᭄ᬕᬾᬦ᭄ᬲᬲᭀᬘᬦ᭄᭞ᬯᬮᬕ᭄ᬭᬶᬫᬶᬭᬳᬤᬶ᭞ᬲᭀᬘᬦᬾᬭᬶᬂᬧᬸᬘᬓ᭄᭞ᬤᬸᬫᬶᬮᬄᬲᬹᬃᬬ᭄ᬬᬲᬗ᭄ᬳᬵ᭞ᬢᬸᬃᬓᬲᬸᬂᬲᬸᬂᬭᬯᬸᬄᬫᬗ᭄ᬓᬶᬦ᭄᭞ᬲᬳ᭠ ᬧᬢᬸᬦᬂ᭞ᬘᬶᬳ᭄ᬦᬦᬶᬂᬫᬦ᭄ᬢ᭄ᬭᬶᬳᬮᬶ᭟ᬲᬵᬫ᭄ᬧᬸᬦ᭄ᬧᭂᬧᭂᬓ᭄‌ᬧᬥᬗᬶᬢᭂᬧᬂᬓᬯᬸᬮ᭞ᬲᭀᬭᭀᬄᬯᬃᬕ᭄ᬕᬶᬩᬩ᭄ᬘᬶᬓ᭄᭞ᬲᬕᬸᬲ᭄ᬢᬶᬓᬸᬭᬫᬲ᭄᭞ᬧᬶᬦᬓᬤᬶᬂᬤᬤ᭞ᬓᬾᬯᬦ᭄ᬢᭂᬦ᭄ᬫᬜᬦ᭄ᬢᭀᬲ᭄ᬯᬗ᭄ᬲᬶᬢ᭄᭞ᬲᬓᬾᬂᬦᬵᬕᬭ᭞ᬧ᭄ᬭ᭠ ᬚᬫᬗᬸᬩᬢᬩᬶᬢ᭄᭟ᬓ᭄ᬭᬡᬭᬳ᭄ᬯᬶᬂᬓᬸᬭᬫᬲ᭄ᬢᭂᬮᬲ᭄ᬓᬶᬢᭂᬧᬂ᭞ᬕᬸᬲ᭄ᬢ᭄ᬬᬵᬕᬸᬂᬦᭀᬭᬓᬭᬶ᭞ᬤᬦᬾᬫᬭᬶᬗᬸᬫᬄ᭞ᬭᬾᬄᬓᬢᬸᬦ᭄ᬚᬂᬓᬦᬸᬱ᭞ᬧ᭄ᬭᬩ᭄ᬓᭂᬮ᭄ᬕᬸᬲ᭄ᬢᬶᬩᬶᬲᬶᬓᬶᬦ᭄᭞ᬧᬥᬜᬗ᭄ᬕᬸᬧᬂ᭞ᬯᬦ᭄ᬢᬄᬫᬶᬲᬤ᭄ᬬᬗᬶᬭᬶᬂ᭟ᬫᬮᬶᬄ

Auto-transliteration

[5 5B] 5 sngenggalangngpil, puputbabawosan, kocapangpadhabudal, sokmanganticudamaṇi, putusanida, sangkasungsungengbali. jagrawuḥcokor̀dagḍesatrya, sangmakasenapati, sar̥ĕng ringpadaṇḍa, gḍektutpidada, patir̀thansangmutĕr̀bali, prayamitapas, sakṣyaningsangsudakti. kadimangkincokor̀dahokanāgara, maliḥkadiwĕwĕhin, kasinghāwikraman, ‐ tulyagnipralaya, hidasanghutusankaliḥ, bar̥ĕtkatiga, linuskadimurungin. ring‐blaḥbatuḥkocapansangtigasanak, wangśa'air̀langgya'ini, rakryanpangulasan, higu‐ stihalit'hoka, sar̥ĕngsamtonekaliḥ, gustyālitnguraḥ, madhehal̥ĕptur̀ririḥ. śekaprajatulyakadināgatiga, mulatosingprajurit, mantriwilwatikta, makaparaningwkas, ka‐ [6 6A] sangpajĕnngankĕris, pdangpapangan, hibahankawul̥ĕwiḥ. poliḥngajaḥringdal̥ĕmdukingbrambangan, maguruñagahurip, maliḥkagocekang, mangrusakdal̥ĕmnuṣa, wijayakahicchenciri‐ , himr̥ĕtyujīwa, landeyanmasmahukir. mapindakālal̥ĕwiḥnganggensasocan, walagrimirahadi, socaneringpucak, dumilaḥsūr̀yyasanghā, tur̀kasungsungrawuḥmangkin, saha‐ patunang, cihnaningmantrihali. sāmpunpĕpĕkpadhangitĕpangkawula, soroḥwar̀ggibabcik, sagustikuramas, pinakadingdada, kewantĕnmañantoswangsit, sakengnāgara, pra‐ jamangubatabit. kraṇarahwingkuramastĕlaskitĕpang, gustyāgungnorakari, danemaringumaḥ, reḥkatunjangkanuṣa, prabkĕlgustibisikin, padhañanggupang, wantaḥmisadyangiring. maliḥ

Leaf 6

Image on Archive.org

[᭖ 6B] ᭖ ᬭᬶᬂᬢᬫ᭄ᬧᬓ᭄ᬲᬶᬭᬶᬂᬘᭀᬓᭀᬃᬤᬳᭀᬓ᭞ᬲᬵᬫ᭄ᬧᬸᬦ᭄ᬫᬧᬶᬗᬸᬫ᭄ᬲᬫᬶ᭞ᬭᬯᬸᬄᬓᬧᬬᬗᬦ᭄᭞ᬧᬥᬗᬸᬕᬯᬾᬗ᭄ᬰᬚ᭞ᬢᬍᬃᬫᬶᬲᬤ᭄ᬬᬫᬓᬶᬃᬣᬶ᭞ᬲᬤᬦᬦᬶᬤ᭞ᬤᬾᬯᬵᬕᬸᬂᬫᬬᬸᬦ᭄ᬭᬶᬳᬶᬦ᭄᭟ᬧᬢᭂᬄᬫᬗ᭄ᬓᬶᬦ᭄‌ᬧᬥᬗᬶ ᬗ᭄ᬢᬂᬓᬯᬸᬮ᭞ᬧᬗᭂᬭᭀᬩᬦ᭄ᬲᬶᬦ᭄ᬮᬶᬭ᭄᭞ᬧᬢ᭄ᬓᬾᬂᬧᬘᬗᬂᬦᬶᬹ᭞ᬫᬯᬶᬮᬄᬲᬩᭂᬓ᭄ᬮᬦ᭄᭞ᬲᬤᬶᬭᬶᬤᬶᬭᬶᬓᬢ᭠ᬭᬶ᭞ᬧᬥᬫᬸᬮᬶᬭᬓ᭄᭞ᬗᬢᬸᬭᬂᬧᬢᬶᬳᬸᬭᬶᬧ᭄᭟ᬭᬶᬂᬧᬮᬶᬳᬢᬦ᭄ᬘᭀᬓᭀᬃᬤᬫᬥᬾᬭᬓ᭞ᬯᬗ᭄ᬰᬚᬲᬸᬓ ᬯᬢᬶ᭞ᬢᬍᬃᬫᬦ᭄ᬤᬩᬂ᭞ᬲᬵᬫ᭄ᬧᬸᬦ᭄ᬧᬸᬧᬸᬢᬸᬩᬮ᭞ᬯᬢ᭄ᬭᬭᬯᬸᬳᬶᬂᬧᬦᭂᬧᬶ᭞ᬲᬳᬢᭂᬩᭂᬗᬦ᭄᭞ᬲ᭠ᬜ᭄ᬚᬢᬲᬵᬫ᭄ᬧᬸᬦ᭄ᬫᬶᬚᬶᬮ᭄᭟ᬦᬸᬚᬸᬤᬶᬦᬳᬗ᭄ᬕᬭᬧᬳᬶᬂᬧᬸᬦᬶᬓ᭞ᬯᬭᬧᬸᬚᬸᬢᬶᬗᬸᬦᬶ᭞ᬫᬢ᭄ᬭᬓᬮᬶᬳᬮᬂ᭠ ᬤᭂᬤᭂᬄᬫᬲᬯᬂᬭᬫ᭄ᬭᬫ᭄᭞ᬚᬕᬢᬾᬫᬲ᭄ᬩᭂᬂᬲ᭄ᬤᬶᬄ᭞ᬕᬸᬍᬫ᭄ᬗᬸᬭᬫ᭄ᬩᬢ᭄᭞ᬫᬢ᭄ᬭᬳᬸᬚᬦ᭄ᬗᬭᬶᬩᬶᬲ᭄᭟ᬓᬩᬶ᭠ᬦᬯᬓᬢᭀᬦ᭄ᬓᬤᬶᬕᬸᬦᬸᬂᬩᬸᬗ᭞ᬧᬥᬫᬗᬢᬶᬳᬢᬶ᭞ᬫᬦᬗ᭄ᬓᭂᬦᬂᬬᬸᬥ᭞ᬩ᭄ᬤᬶᬮ᭄ᬫᬓᬦ᭄ᬤᬓᬦ᭄ᬤ᭞ᬳᬳᬢᬸ [᭗ 7A] ᬗ᭄ᬕᬸᬮ᭄ᬫᬫᬋᬢᬶᬦ᭄᭞ᬫᬮᬶᬄᬫᬘᬮᬂ᭞ᬜᭀᬭᭀᬄᬗ᭄ᬤᬸᬫ᭄ᬧᬫᬃᬕ᭄ᬕᬶ᭟ᬤᬾᬯᬕ᭄ᬟᬾᬲᬸᬓᬯᬢᬶᬳᬶᬤᬳᭀᬲᬄ᭞ᬓᬯᭂᬯᭂᬕᬦᬾᬫᬗ᭄ᬓᬶᬦ᭄᭞ᬫᬗ᭄ᬭᬯᭀᬲᬶᬭᬕ᭞ᬢ᭄ᬯᬭᬫᬳᬦ᭄ᬫᬧᭀᬮᬄ᭞ᬲᬤᬶᬳᬸᬮᬫᬾᬤᬸᬗ᭄ᬓᬶ᭞ᬜᭂ ᬭᬳᬂᬭᬕ᭞ᬘᭂᬦ᭄ᬤᭂᬢ᭄ᬫᬲᬳᬸᬃᬗᬶᬭᬶᬂ᭟ᬮᬘᬸᬭᬾᬫ᭄ᬭᬕᬩᬯᬓᬶᬘᬾᬦ᭄ᬓᬕᬸᬗᬦ᭄᭞ᬯᬲ᭄ᬢᬸᬲᬓᬤᬶᬫᬗ᭄ᬓᬶᬦ᭄᭞᭠ᬧᬶᬢᬸᬯᬶᬫᬤᬸᬓᬦ᭄᭞ᬩᬶᬮᬶᬄᬬᬰᬦᬾᬢ᭄ᬮᬄ᭞ᬢᬍᬃᬓᬭᬶᬗᬾᬫᬦᬸᬭᬶᬧ᭄᭞ᬩᬲ᭄ᬓᬳᬮᬶᬢᬦ᭄᭞ᬓᬤᬶᬓᬢᬗ᭄ᬓᭂ ᬩ᭄ᬮᬗᬶᬢ᭄᭟ᬢᬸᬗ᭄ᬕᬳᬾᬮᬶᬂᬫᬓ᭄ᬘᭂᬄᬓᬗᭂᬦ᭄ᬭᬶᬂᬭᬕ᭞ᬫᬓᬤᬶᬭᬶᬗᬶᬳᬚᬶ᭞ᬤᬸᬭᬸᬂᬫᬦᬸᬓᬸᬬ᭞ᬦᬶᬃᬤᭀᬦ᭄ᬓᬶᬘ᭄ᬙᬾᬦ᭄ᬯᬶᬪᬯ᭞ᬦᭀᬭᬲᬶᬤᬦᬳᬸᬭᬸᬭᬶᬧ᭄᭞ᬓᬦ᭄ᬢᬶᬓᬳᬸᬘᬧ᭄᭞ᬓᬧᭀᬧᬗᭂᬦ᭄ᬯᬷᬥᬶ᭟ᬓᭀᬘᬧ᭄ᬫᬗ᭄ᬓᬶᬦ᭄᭠ ᬧ᭄ᬭᬲᬶᬤᬓᬳᬺᬢᬦ᭄ᬤ᭄ᬯᬚ᭞ᬲᬵᬫ᭄ᬧᬸᬦ᭄ᬤᬶᬦᬾᬯᬰᬓᬓ᭄ᬪ᭄ᬱᬶ᭞ᬭᬯᬸᬳᬶᬂᬓᬯᬸᬮ᭞ᬯᬢ᭄ᬭᬲᬵᬫ᭄ᬧᬸᬦ᭄ᬓᬘᭀᬭᬦ᭄᭞ᬲᬶᬓᭂᬧ᭄ᬦᬸᬭᬕᬦᬾᬫᬗ᭄ᬓᬶᬦ᭄᭞ᬫᬦᬓᭂᬧ᭄ᬤᬾᬰ᭞ᬮ᭄ᬯᬶᬃᬪᬸᬢᬵᬋᬩᬸᬢ᭄ᬤᬕᬶᬂ᭟ᬳᬓᬾᬄᬭᬭᬸᬤ᭄ᬜᬗ᭄ᬕᬸᬄᬧᬘᬂᬓᬭᬦ᭄ᬤᬸᬳᬦ᭄᭞ᬫ

Auto-transliteration

[6 6B] 6 ringtampaksiringcokor̀dahoka, sāmpunmapingumsami, rawuḥkapayangan, padhangugawengśaja, tal̥ĕr̀misadyamakir̀thi, sadananida, dewāgungmayunrihin. patĕḥmangkinpadhangi ngtangkawula, pangĕrobansinlir, patkengpacangangniū, mawilaḥsabĕklan, sadiridirikata‐ri, padhamulirak, ngaturangpatihurip. ringpalihatancokor̀damadheraka, wangśajasuka wati, tal̥ĕr̀mandabang, sāmpunpuputubala, watrarawuhingpanĕpi, sahatĕbĕngan, sa‐ñjatasāmpunmijil. nujudinahanggarapahingpunika, warapujutinguni, matrakalihalang‐ dĕdĕḥmasawangramram, jagatemasbĕngsdiḥ, gul̥ĕmngurambat, matrahujanngaribis. kabi‐nawakatonkadigunungbunga, padhamangatihati, manangkĕnangyudha, bdilmakandakanda, hahatu [7 7A] nggulmamar̥ĕtin, maliḥmacalang, ñoroḥngdumpamar̀ggi. dewagḍesukawatihidahosaḥ, kawĕwĕganemangkin, mangrawosiraga, twaramahanmapolaḥ, sadihulamedungki, ñĕ rahangraga, cĕndĕtmasahur̀ngiring. lacuremragabawakicenkagungan, wastusakadimangkin, ‐pituwimadukan, biliḥyaśanetlaḥ, tal̥ĕr̀karingemanurip, baskahalitan, kadikatangkĕ blangit. tunggahelingmakcĕḥkangĕnringraga, makadiringihaji, durungmanukuya, nir̀donkicchenwibhawa, norasidanahururip, kantikahucap, kapopangĕnwīdhi. kocapmangkin‐ prasidakahr̥ĕtandwaja, sāmpundinewaśakakbhsyi, rawuhingkawula, watrasāmpunkacoran, sikĕpnuraganemangkin, manakĕpdeśa, lwir̀bhutār̥ĕbutdaging. hakeḥrarudñangguḥpacangkaranduhan, ma

Leaf 7

Image on Archive.org

[᭗ 7B] ᭗ ᬜᬗᬮ᭄ᬧ᭄ᬬᬦᬓ᭄ᬘᭂᬦᬶᬓ᭄᭞ᬗᬸᬗ᭄ᬲᬶᬧᬓᬤᬗᬦ᭄᭞ᬜᬸᬲᬸᬧ᭄ᬭᬶᬂᬤᬾᬰᬤᬾᬰ᭞ᬥᬦᬸᬕᬶᬄᬦᬦᭂᬫ᭄ᬫᬵᬲ᭄ᬧᬶᬧᬶᬲ᭄᭞ᬲᬸᬩᬜᬗᬶᬤᬂ᭞ᬮᬘᬸᬭᬦᬤᬫᬮᬶᬂ᭟ᬮᬾᬦᬤᬦᬦ᭄ᬤᬦ᭄ᬢᬸᬯᬫᬾᬫᬾᬤᬾᬫᬤᬦ᭄᭞ᬮᬾᬦ᭄ᬯᬾᬦ᭄ᬢᭂ ᬦ᭄ᬗᬦ᭄ᬤᭀᬂᬲᬓᬶᬢ᭄᭞ᬦᬶᬯᬂᬲᬶᬂᬲᬶᬂᬚᬮᬦ᭄᭞ᬚᬦ᭄ᬫᬮᬸᬄᬫᬗᬸᬤᬾᬦ᭄ᬱ᭄ᬮᬂ᭞ᬫᬸᬜ᭄ᬘᬸᬓ᭄ᬜᭀᬕᭀᬦᬾᬗᬸᬢᬮ᭄ᬢ᭠ᬢᬶᬮ᭄᭞ᬮᬾᬦ᭄ᬫᬕᬾᬤᬾᬳᬦ᭄᭞ᬲᬶᬲᬸᬫᬜᬗ᭄ᬓᭀᬮ᭄ᬕᭂᬮᬶᬲ᭄᭟ᬫᬲ᭄ᬮᬶᬯᭂᬭᬦ᭄‌ᬳᬤᬗᬸᬗ᭄ᬲᬶᬚ᭄ᬭᭀᬦᬕᬭ ᭞ᬢᬦᬸᬘᬧ᭄ᬜᭂᬮᬸᬄᬫ᭄ᬯᬦᬶ᭞ᬫᬲᬸᬮᬸᬂᬲᬸᬮᬸᬗᬦ᭄᭞ᬢᬦ᭄ᬧ᭄ᬕᬢ᭄ᬧᭂᬢᭂᬂᬮ᭄ᬫᬄ᭞ᬩᬚᬂᬢᬸᬯᬘ᭄ᬭᬶᬓ᭄ᬓᭂᬮᬶᬄ᭞ᬦᬸᬦᬲ᭄ᬢ᭠ᬭᬶᬧᬂ᭞ᬲᬫᬶᬓᬳᬶᬘᬾᬦ᭄ᬚᬜ᭄ᬚᬶ᭟ᬲᬦᬾᬓᬢ᭄ᬓᭂᬧᬦ᭄ᬢᬸᬓ᭄ᬱᬶᬓᭂᬧ᭄ᬦᬵᬕᬭ᭞ᬩᬢᬸᬯᬦ᭄ᬩᬢᬸᬳᬚᬶ᭞ᬚᬯᬧᬦᬶ᭠ ᬜ᭄ᬚᭀᬯᬦ᭄᭞ᬲᬲᬵᬫ᭄ᬧᬸᬦᬩ᭄ᬬᬦ᭄ᬧᬦ᭄ᬟᬦ᭄᭞ᬘᬫᬗ᭄ᬕᬸᬯᭀᬦᬲᬓᬲᬫᬶ᭞ᬫᬮᬶᬄᬓᬾᬗᭂᬢᬦ᭄᭞ᬭ᭠ᬯᬸᬄᬢᬾᬯᬾᬮᬸᬫᬶᬘᬶᬓ᭄᭟ᬲᬶᬗ᭄ᬳᬧᬥᬸᬲᬶᬗ᭄ᬳᬓᬺᬢᬲᬶᬦ᭄ᬟᬸᬚᬶᬯ᭞ᬢᬩᭀᬗ᭄ᬓᬗᬾᬫᬓᬤᬶ᭞ᬓᬮᬸᬱᬢ᭠ [᭘ 8A] ᬗ᭄ᬓᬸᬮᬓ᭄᭞ᬲᬫᬦᬩᬜ᭄ᬚᬭᬫ᭄ᬩᭂᬗᬦ᭄᭞ᬢᬢᬕ᭄ᬭᬯᬸᬄᬧᬾᬚᬾᬗᬚᬶ᭞ᬫᬮᬶᬄᬬᬾᬦ᭄ᬢᭂᬗᬄ᭞ᬤᬫᬬᬸᬤᬾᬰᬳᬮᬶᬢ᭄᭟ᬲᬓᬾᬓᬯᬸᬄᬓᬤᬶᬩᬮᬾᬫ᭄ᬩᭀᬂᬓᬢᬶᬕ᭞ᬩᬢᬶᬲ᭄ᬫᬧᬶᬧᬶᬢ᭄ᬧᬶᬧᬶᬢ᭄᭞ᬚᭂᬚᭂᬮ᭄ᬫᬵᬤᬸᬧ᭠ ᬮ᭞ᬧᬗᬗ᭄ᬕᭀᬦᬶᬗᬬᬸᬥ᭞ᬲᬶᬓᭂᬧ᭄‌ᬩ᭄ᬮᬄᬩᬢᬸᬄᬮᬸᬫᬶᬦ᭄ᬤᬶᬄ᭞ᬫᬦᬓᭂᬧ᭄ᬤᬾᬰ᭞ᬓᬤᬶᬕᬚᬄᬗᬸᬮᬶᬂ᭟ᬋᬧ᭄ᬫᬗ᭄ᬭᬶᬗ᭄ᬓᬸᬮ᭄‌ᬢᭀᬗᬤᬩᬦᬶᬫᬗᬄ᭞ᬢᬦ᭄ᬩᬶᬦᬕᬸᬗᭂᬫ᭄ᬩᬶᬤ᭄᭞ᬧᬗᬺᬤᭂᬕ᭄ᬦᬶᬂᬮᬚᬂ᭞ᬧᬫᭀᬭᭀᬤᬲᬶᬂᬤᬾᬰ ᭞ᬧᬓᭀᬭᬾᬬᬓ᭄ᬦᬸᬦᬲ᭄ᬳᬸᬭᬶᬧ᭄᭞ᬗᬢᬸᬭᬂᬓᬦ᭄ᬢᬄ᭞ᬬᬵᬫ᭄ᬧᬸᬦ᭄ᬓᭂᬘᭀᬭᬦ᭄ᬲᬫᬶ᭟ᬲᬓᬶᬂᬓ᭄ᬮᭀᬤ᭄‌ᬲᬶᬓᭂᬧ᭄ᬩᬤᬸᬗᬾᬫᬗᬭᬩ᭄᭞ᬢᬸᬮ᭄ᬬᬓᬤᬶᬕᬸᬦᬸᬂᬕ᭄ᬦᬶ᭞ᬚᭂᬮ᭄ᬚᭂᬮ᭄ᬫᬵᬤᬸᬧᬮ᭞ᬫᬦᬓᭂᬧ᭄ᬤᬾᬰᬤᬾᬰ᭞ᬲᬓᬾᬂᬧᬲᬶ᭠ ᬲᬶᬤ᭄ᬕᬸᬫᬶᬘᬶᬓ᭄᭞ᬓᬧᬮ᭄ᬧᬕᬸᬢᬦ᭄᭞ᬫᬗᬸᬦ᭄ᬢᬃᬤᬾᬰᬲᬲᬶᬄ᭟ᬢ᭄ᬕᬮ᭄ᬢᬫᬸᬭᬯᬸᬳᬶᬂᬢᬩᬜ᭄ᬚᬃᬩᬜ᭄ᬚᬭ᭄᭞ᬲᬫᬶᬯᬾᬦ᭄ᬢᭂᬦ᭄ᬗᬫᭀᬗᬶᬦ᭄᭞ᬢᬦ᭄ᬧᬳᬯᬦ᭄ᬬᬸᬥ᭞ᬫᬓᬤᬶᬩᬢᬸᬩᬸᬮᬦ᭄᭞ᬳᬶᬤᬾᬯᬬᬲ᭠

Auto-transliteration

[7 7B] 7 ñangalpyanakcĕnik, ngungsipakadangan, ñusupringdeśadeśa, dhanugiḥnanĕmmāspipis, subañangidang, lacuranadamaling. lenadanandantuwamemedemadan, lenwentĕ nngandongsakit, niwangsingsingjalan, janmaluḥmangudenṣlang, muñcukñogonengutalta‐til, lenmagedehan, sisumañangkolgĕlis. masliwĕranhadangungsijronagara , tanucapñĕluḥmwani, masulungsulungan, tanpgatpĕtĕnglmaḥ, bajangtuwacrikkĕliḥ, nunasta‐ripang, samikahicenjañji. sanekatkĕpantuksyikĕpnāgara, batuwanbatuhaji, jawapani‐ ñjowan, sasāmpunabyanpanḍan, camangguwonasakasami, maliḥkengĕtan, ra‐wuḥtewelumicik. singhapadhusinghakr̥ĕtasinḍujiwa, tabongkangemakadi, kaluṣata‐ [8 8A] ngkulak, samanabañjarambĕngan, tatagrawuḥpejengaji, maliḥyentĕngaḥ, damayudeśahalit. sakekawuḥkadibalembongkatiga, batismapipitpipit, jĕjĕlmādupa‐ la, panganggoningayudha, sikĕpblaḥbatuḥlumindiḥ, manakĕpdeśa, kadigajaḥnguling. r̥ĕpmangringkultongadabanimangaḥ, tanbinagungĕmbid, pangr̥ĕdĕgninglajang, pamorodasingdeśa , pakoreyaknunashurip, ngaturangkantaḥ, yāmpunkĕcoransami. sakingklodsikĕpbadungemangarab, tulyakadigununggni, jĕljĕlmādupala, manakĕpdeśadeśa, sakengpasi‐ sidgumicik, kapalpagutan, manguntar̀deśasasiḥ. tgaltamurawuhingtabañjar̀bañjar, samiwentĕnngamongin, tanpahawanyudha, makadibatubulan, hidewayasa‐

Leaf 8

Image on Archive.org

[᭘ 8B] ᭘ ᬲᬫᬗ᭄ᬓᬶᬦ᭄᭞ᬜᭂᬭᬳᬂᬭᬕ᭞ᬫᬶᬲᬤ᭄ᬬᬲᬋᬂᬪᬓ᭄ᬢᬶ᭟ᬘᭀᬓᭀᬃᬤᬵᬕᬸᬂᬕᬸᬫᬦ᭄ᬢᬶᬲᬓᬾᬂᬩᬢᬸᬬᬂ᭞᭠ᬫᬸᬮᬧ᭄ᬭᬕᬬᬦ᭄ᬓᬾᬭᬶᬲ᭄᭞ᬲᬸᬲᬸᬧᬶᬦ᭄ᬓᬶᬮᬶᬢᬦ᭄᭞ᬫᬮᬶᬄᬗᬭᬓ᭄ᬱᬤ᭄ᬓᬄ᭞ᬫᬗᬗ᭄ᬓᭂᬳᬗ᭄ᬓᭂᬄᬫᬫᬃᬕ᭄ᬕᬶ᭞ᬲ ᬳᬶᬂᬕᬶᬬᬜᬭ᭄᭞ᬧᬦ᭄ᬲᭂᬗ᭄ᬕᬸᬬᬫᬗᬶᬭᬶᬂ᭟ᬲᬕᬾᬢ᭄ᬩ᭄ᬬᬸᬃᬫᬢᬸᬮ᭄ᬯᬦ᭄ᬭᬶᬂᬓᭀᬢᬕ᭄ᬬᬜᬭ᭄᭞ᬦᬵᬕᬭᬦᬾᬫᬩᬮᬶᬓ᭄᭞ᬘᭀᬓᭀᬃᬤᬩᬢᬸᬬᬂ᭞ᬓᬫᭂᬕᬦ᭄ᬧᬓᬬᬸᬦᬦ᭄᭞ᬦᬄᬓᬶᬚᬮᬓᬸᬫᬮᬳᬶᬩ᭄᭞ᬬᬾᬦᬶᬂ᭠ ᬓᬲᬾᬧᬦ᭄᭞ᬓᬧᭂᬡ᭄ᬟᭂᬢ᭄ᬮᬜᬤᬶᬦᬶ᭟ᬗᬸᬢᬂᬧᬫ᭄ᬦᬂᬳᬶᬗᬦᬦ᭄ᬧᭂᬢᬂᬮᬓ᭄ᬱ᭞ᬢ᭄ᬓᬩᬦ᭄ᬢᭂᬫᬸᬤᬶᬤᬶᬂ᭞ᬮᬩᬸᬄᬲᬶᬂᬲᬶᬂᬚᬮᬦ᭄᭞ᬮᬜ᭄ᬘᬶᬗᬦ᭄ᬯᬾᬓᬭᬶᬭᬶ᭞ᬭᬕᬩᭂᬭᬸᬤ᭄ᬢᬸᬲᬸᬓ᭄ᬤᬸᬯᬶ᭞ᬫᬮᬶᬄᬩᭂᬮᬸᬲᬦ᭄᭞ᬗᬭᬸ ᬭᬂᬫ᭄ᬕᬢ᭄ᬫᬃᬕ᭄ᬕᬶ᭟ᬤᬲ᭄ᬢᬃᬓᬫ᭄ᬧᬸᬄᬢᬚᬶᬓ᭄ᬚᬕ᭄ᬲᬶᬂᬲᬶᬂᬚᬮᬦ᭄᭞ᬩᬯᬸᬭᬯᬸᬄᬗᬸᬍᬲᬶᬭ᭄᭞ᬳᬗ᭄ᬲᭂᬗᬦᬾᬢᬗ᭄ᬕᬄ᭞ᬭᬲᬦ᭄ᬜᬫ᭄ᬕᬢ᭄ᬫᭂᬕᬢ᭄᭞ᬳᬗ᭄ᬕᬸᬢᬗ᭄ᬕᬸᬢ᭄ᬤᬳᬲ᭄ᬤᬶᬳᬶᬲ᭄᭞ᬓᬸᬤ᭄ᬬᬂᬗᬦ᭄ᬤᬶᬓ᭞ᬧᬶᬢᬸᬤᬸᬄᬢ᭠ [᭙ 9A] ᬦ᭄ᬢᬸᬓ᭄ᬯᬗ᭄ᬲᬶᬢ᭄᭟ᬓᬧᬶᬳᬸᬦᬶᬂᬭᬶᬗᬦᬓᬕᬸᬂᬕ᭄ᬬᬜᬭ᭄᭞ᬓᭀᬘᬧ᭄ᬦᬵᬕᬭᬫᬩᬮᬶᬓ᭄᭞ᬲᬵᬫ᭄ᬧᬸᬦ᭄ᬦᬓᭂᬧ᭄ᬤᬾᬰ᭞ᬲᬶᬂᬢᬸᬗ᭄ᬓᬲ᭄ᬓᬧᬤ᭄ᬫᬂ᭞ᬩᬤᬸᬂᬫᬗᭀᬯᬶᬫᭀᬗ᭄ᬓᭀᬮᬶᬦ᭄᭞ᬳᬸᬢᬸᬲᬦᬶᬤ᭞ᬤᬍᬫ᭄ᬜᭂᬦᭂᬂᬭᬶᬂᬩᬮᬶ᭟ ᬧᬗᬦ᭄ᬤᬶᬓᬦᬶᬤᬗᬸᬭᬕᬸᬤᬸᬄᬍᬧᬂ᭞ᬢ᭄ᬯᬭᬓᭀᬢᬤᬧ᭄ᬮᬶᬄ᭞ᬩᬳᬦ᭄ᬫᬗᬾᬃᬢᬶᬬᬂ᭞ᬬᬳᬶᬩᬢᬸᬄᬦᬵᬕᬭ᭞ᬬᬤᬶᬦ᭄ᬭᬶᬂᬲᬂᬫᬸᬢᭂᬃᬩᬮᬶ᭞ᬤᭂᬧᬂᬢᬸᬦᬬᬂ᭞ᬯ᭄ᬓᬲ᭄ᬦᬕᬶᬄᬧᬲᬶᬮᬶᬄ᭟ᬲᬂᬰᬹᬭᬯᬸᬃᬫᬢ᭄ᬕᬸᬳᬶᬂᬓᬶᬃᬣᬶᬬᬰ᭞ᬰᬹᬦ᭄ᬬᬵᬫᬺ ᬢᬳᬶᬦᬸᬂᬲᬶ᭞ᬲᬂᬮ᭄ᬯᬶᬃᬚᬶᬦᬦᬵᬣ᭞ᬫᬓᬦᬶᬲ᭄ᬢ᭄ᬬᬾᬂᬳᬚ᭄ᬜᬦ᭞ᬳᬓᬾᬄᬬᬦᬸᬘᬧᬂᬫᬮᬶᬄ᭞ᬫᬗ᭄ᬓᬶᬦ᭄ᬘᬭᬶᬢ᭞ᬩᬶᬬᬸᬃᬭᬶᬂᬚᬩᬦᬸᬮᬶ᭟ᬫᬜ᭄ᬘᬧᬸᬗ᭄ᬕᬯᬲᬂᬓᬭᬶᬳᬦᬾᬂᬕ᭄ᬬᬜᬭ᭄᭞ᬕᬶᬧᬶᬄᬦᬗ᭄ᬓᬶᬮ᭄ᬓᬧᬸᬭᬷ᭞ᬯᬸᬲᬦ᭄ᬫᬓᬓ᭄ᬮᭂ᭠ ᬘᬦ᭄᭞ᬧᬭᬵᬕᬸᬂᬧ᭄ᬭᬚᬧᬸᬢ᭄ᬭ᭞ᬦᬓᬕᬸᬂᬗᬸᬭᬄᬫᬓᬤᬶ᭞ᬕᬸᬂᬕ᭄ᬟᬾᬭᬓ᭞ᬮᬦ᭄ᬕᬸᬂᬕ᭄ᬟᬾᬢᬗ᭄ᬕᬸᬮᬶ᭟ᬲᬶᬦᬋᬗᬦᬵᬕᬸᬂᬕ᭄ᬟᬾᬭᬢ᭄ᬦᬦᬓᬦ᭄ᬬ᭞ᬩᬢᬸᬄᬮᬸᬭᬄᬓ᭄ᬢᬢ᭄ᬗᬶᬭᬶᬂ᭞ᬮᬸᬭᬄᬫᬥᬾᬫᬶᬯᬄ᭞ᬧᬸᬗ᭄ᬕᬯᬩᬜ᭄ᬚᬭᬗ᭄ᬓᬦ᭄᭞

Auto-transliteration

[8 8B] 8 samangkin, ñĕrahangraga, misadyasar̥ĕngbhakti. cokor̀dāgunggumantisakengbatuyang, ‐mulapragayankeris, susupinkilitan, maliḥngarakṣadkaḥ, mangangkĕhangkĕḥmamar̀ggi, sa hinggiyañar, pansĕngguyamangiring. sagetbyur̀matulwanringkotagyañar, nāgaranemabalik, cokor̀dabatuyang, kamĕganpakayunan, naḥkijalakumalahib, yening‐ kasepan, kapĕṇḍĕtlañadini. ngutangpamnanghingananpĕtanglakṣa, tkabantĕmudiding, labuḥsingsingjalan, lañcinganwekariri, ragabĕrudtusukduwi, maliḥbĕlusan, ngaru rangmgatmar̀ggi. dastar̀kampuḥtajikjagsingsingjalan, bawurawuḥngul̥ĕsir, hangsĕnganetanggaḥ, rasanñamgatmĕgat, hanggutanggutdahasdihis, kudyangngandika, pituduḥta‐ [9 9A] ntukwangsit. kapihuningringanakagunggyañar, kocapnāgaramabalik, sāmpunnakĕpdeśa, singtungkaskapadmang, badungmangowimongkolin, hutusanida, dal̥ĕmñĕnĕngringbali. pangandikanidanguraguduḥl̥ĕpang, twarakotadapliḥ, bahanmanger̀tiyang, yahibatuḥnāgara, yadinringsangmutĕr̀bali, dĕpangtunayang, wkasnagiḥpasiliḥ. sangśūrawur̀matguhingkir̀thiyaśa, śūnyāmr̥ĕ tahinungsi, sanglwir̀jinanātha, makanistyenghajñana, hakeḥyanucapangmaliḥ, mangkincarita, biyur̀ringjabanuli. mañcapunggawasangkarihanenggyañar, gipiḥnangkilkapurī, wusanmakaklĕ‐ can, parāgungprajaputra, nakagungnguraḥmakadi, gunggḍeraka, lan'gunggḍetangguli. sinar̥ĕnganāgunggḍeratnanakanya, batuḥluraḥktatngiring, luraḥmadhemiwaḥ, punggawabañjarangkan,

Leaf 9

Image on Archive.org

[᭙ 9B] ᭙ ᬳᬩ᭄ᬬᬦ᭄ᬩᬲᬾᬫᬜᬋᬗᬶᬦ᭄᭞ᬲᭂᬗ᭄ᬕ᭄ᬯᬦ᭄ᬩᬩᬶᬢ᭄ᬭ᭞ᬢᬩᬶᬓᬸᬧ᭄ᬜᬮ᭄ᬬᬦ᭄ᬫᬮᬶᬄ᭟ᬦ᭄ᬤᬢᬦᭀᬧᭂᬦ᭄‌ᬫᬜ᭄ᬘᬦᬾᬲ᭄ᬟᭂᬓ᭄ᬭᬶᬂᬕ᭄ᬬᬜᬭ᭄᭞ᬫᬶᬮᬸᬧᬥᬫᬦᬗ᭄ᬓᬶᬮ᭄᭞ᬫᬓᬤᬶᬳᬰᬭ᭞ᬲ᭄ᬧᬾᬭᭀᬤᬾᬰᬰᬗᬶᬭᬶ᭠ ᬗᬂ᭞ᬤᬾᬯᬫᬶᬘᬓᭀᬫ᭄ᬧ᭄ᬬᬂᬭᬚᬶᬂ᭞ᬓᬺᬢᬳᬶᬕᭀᬬ᭞ᬓ᭄ᬢᬸᬢ᭄ᬧᬸᬲᭂᬄᬫᬸᬗ᭄ᬓᬸᬭᬶᬦ᭄᭟ᬢᬦ᭄ᬯᬶᬦᬶᬮᬂᬫᬾᬦ᭠ᬓ᭄ᬧᬺᬩ᭄ᬓᭂᬮ᭄ᬧᬋᬓᬦ᭄᭞ᬚᭂᬚᭂᬮ᭄ᬧᬥᬫᬦᬗ᭄ᬓᬶᬮ᭄᭞ᬭᬶᬂᬚᬩᬫᬬᬸᬭᬦ᭄᭞ᬧᬥᬦᬶᬗᭂᬳᬂᬯᭀᬣ᭞ᬓᭀᬘᬧ᭠ ᬦᬓᬕᬸᬂᬫᬗ᭄ᬕᬶᬲ᭄᭞ᬓᬤᬶᬧ᭄ᬭᬢᬶᬫ᭞ᬧᬦ᭄ᬓᬭᬶᬫᬫᬶᬦᭂᬳᬶᬦ᭄᭟ᬭᬶᬂᬯ᭄ᬓᬲᬦ᭄‌ᬗᬦ᭄ᬤᬶᬓᬫᬫᬦ᭄ᬢᭂᬲ᭄ᬧᬶᬲᬦ᭄᭞᭠ᬓᬾᬦ᭄ᬓᬾᬦᬂᬜᬫᬘ᭄ᬦᬶᬂ᭞ᬦᬸᬢᬺᬱ᭄ᬡᬭᬶᬂᬩᬧ᭞ᬤᬧᬥᬫᬗᬸᬤᬬᬂ᭞ᬳᬶᬕ᭄ᬟᬾᬳᭀᬓᬫᬩᬮᬶᬓ᭄᭞ᬲᬓᬾᬗᬵ ᬚ᭄ᬜᬦ᭞ᬳᬶᬤᬲᬂᬫᬸᬢᭂᬃᬩᬮᬶ᭟ᬲᬯᬸᬃᬫᬦᬸᬓ᭄᭞ᬫᬢᬸᬃᬲᬫᬶᬧᬢᭂᬢᬦ᭄᭞ᬳᬶᬗ᭄ᬕᬶᬄᬳᬦ᭄ᬢᬸᬓ᭄ᬲᬸᬪᬓ᭄ᬢᬶ᭞ᬧᬸᬦᬶᬓᬳᬃᬲᬬᬂ᭞ᬘᭀᬓᭀᬃᬤᬾᬯᬭᬶᬂᬢᬶᬢ᭄ᬬᬂ᭞ᬢᬶᬢ᭄ᬬᬂᬫᬶᬲᬤ᭄ᬬᬦᬢᬓᬶᬦ᭄᭞ᬫᬩ᭄ᬯᬢ᭄ᬲᬧᬶᬲᬦᬸ᭞ᬪᬓ᭄ᬢᬶ [᭑᭐ 10A] ᬗᬬᬄᬭᬶᬂᬕᬸᬲ᭄ᬢᬶ᭟ᬕᬸᬲ᭄ᬢᬶᬗᬸᬭᬄᬫᬥᬾᬲᬾᬕᭂᬢ᭄ᬘᬲ᭄ᬳᬓᬭ᭞ᬫᬢᬸᬃᬤᬸᬫᬤᬓ᭄ᬯ᭄ᬬᬓ᭄ᬢᬶ᭞ᬘᭀᬓᭀᬃᬤ᭠ᬦᬵᬕᬭ᭞ᬢᬸᬗ᭄ᬓᬲ᭄ᬭᬶᬂᬘᭀᬓᭀᬃᬤᬾᬯ᭞ᬳᬶᬩᬺᬩᭂᬄᬜᬤ᭄ᬬᬦᬦ᭄ᬤᬶᬗᬶᬦ᭄᭞ᬲᬫ᭄ᬩᬸᬂᬮᬜ᭄ᬘᬶᬗᬦ᭄᭞ᬢᬲᬶᬭ᭠ ᬢ᭄ᬩᬜᬸᬗᬶᬭᬶᬂ᭟ᬲᬵᬫ᭄ᬧᬸᬦ᭄ᬘᭀᬓᭀᬃᬳᬶᬤᬾᬯᬬᬸᬕᬶᬗᭀᬩᭂᬢᬂ᭞ᬳᬦᬓᬕᬸᬂᬜᬳᬸᬭᬶᬦ᭄᭞ᬬᬦᬶᬂᬓᬢᭀᬲᬚ᭞ᬧᬶᬲᬦ᭄ᬚᬦᬶᬭᬶᬬᬂ᭞ᬤᬶᬢᬸᬕᬸᬫᬤᬾᬯᬲᬓ᭄ᬱᬶ᭞ᬫ᭄ᬯᬂᬭᬶᬂᬓᬯᬶᬢᬦ᭄᭞ᬳᬢᬸᬭᬾᬳᬶᬹᬧᬥᬗᬶᬭᬶᬂ ᭟ᬢᬦᬶᬦᬸᬘᬧ᭄ᬲᬵᬫ᭄ᬧᬸᬦ᭄ᬧᬸᬧᬸᬢᬶᬂᬧᬢᬮ᭄ᬬ᭞ᬭᬶᬂᬧᬸᬭᬷᬕ᭄ᬭ᭄ᬬᬬᬰᬹᬘᬶ᭞ᬭᬶᬂᬤᬾᬯᬓᬯᬶᬢᬦ᭄᭞ᬲᬵᬫ᭄ᬧᬸᬦᬩᬬᬦ᭄ᬢᬓ᭞ᬧᬜ᭄ᬚᬂᬬᬦ᭄ᬘᬭᬶᬢᬫᬮᬶᬄ᭞ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭞ᬩᬯᭀᬲᬾᬓᬯᬶᬫ᭄ᬓᬶᬦ᭄᭟ᬦᬸᬮᬶᬫ᭄ᬤᬮᬶᬤ᭠ ᬳᬦᬓᬕᬸᬂᬗᬸᬭᬄ᭞ᬓᬳᬶᬭᬶᬂᬭᬓᬭᬳᬶ᭞ᬮᬦ᭄ᬫᬜ᭄ᬘᬧᬸᬗ᭄ᬕᬯ᭞ᬳᬦᬓᬕᬸᬂᬭᬶᬂᬧᬸᬭ᭞ᬗᬸᬭᬄᬫᬥᬾᬫᬶᬦᬓᬤᬶ᭞ᬚ᭄ᬭᭀᬦᬶᬂᬘᬭᬜ᭄ᬘᬂ᭞ᬳᬶᬓ᭄ᬢᬸᬢ᭄ᬧᬲᭂᬓ᭄ᬗᬶᬭᬶᬂ᭟ᬢᬸᬃᬗᭂᬲᬾᬗᬶᬦ᭄ᬫᬥᬾᬧᬲᬓ᭄ᬓᬩᬜ᭄ᬘᬶᬗᬄ᭞ᬗᭂᬭ᭠

Auto-transliteration

[9 9B] 9 habyanbasemañar̥ĕngin, sĕnggwanbabitra, tabikupñalyanmaliḥ. ndatanopĕnmañcanesḍĕkringgyañar, milupadhamanangkil, makadihaśara, sperodeśaśangiri‐ ngang, dewamicakompyangrajing, kr̥ĕtahigoya, ktutpusĕḥmungkurin. tanwinilangmena‐kpr̥ĕbkĕlpar̥ĕkan, jĕjĕlpadhamanangkil, ringjabamayuran, padhaningĕhangwotha, kocapa‐ nakagungmanggis, kadipratima, pankarimaminĕhin. ringwkasanngandikamamantĕspisan, ‐kenkenangñamacning, nutr̥ĕṣṇaringbapa, dapadhamangudayang, higḍ'̔ehokamabalik, sakengā jñana, hidasangmutĕr̀bali. sawur̀manuk, matur̀samipatĕtan, hinggiḥhantuksubhakti, punikahar̀sayang, cokor̀dewaringtityang, tityangmisadyanatakin, mabwatsapisanu, bhakti [10 10A] ngayaḥringgusti. gustinguraḥmadhesegĕtcashakara, matur̀dumadakwyakti, cokor̀da‐nāgara, tungkasringcokor̀dewa, hibr̥ĕbĕḥñadyanandingin, sambunglañcingan, tasira‐ tbañungiring. sāmpuncokor̀hidewayugingobĕtang, hanakagungñahurin, yaningkatosaja, pisanjaniriyang, ditugumadewasaksyi, mwangringkawitan, haturehiūpadhangiring . taninucapsāmpunpuputingpatalya, ringpurīgryayaśūci, ringdewakawitan, sāmpunabayantaka, pañjangyancaritamaliḥ, sāmpunprasida, bawosekawimkin. nulimdalida‐ hanakagungnguraḥ, kahiringrakarahi, lanmañcapunggawa, hanakagungringpura, nguraḥmadheminakadi, jroningcarañcang, hiktutpasĕkngiring. tur̀ngĕsenginmadhepasakkabañcingaḥ, ngĕra‐

Leaf 10

Image on Archive.org

[᭑᭐ 10B] ᭑᭐ ᬯᭀᬲ᭄ᬗᭂᬤᬸᬫ᭄ᬧᬶᬮᬶᬄ᭞ᬫᬮᬶᬄᬫᬧᬸᬢᬸᬲᬦ᭄᭞ᬤᬶᬕᬢᬶᬫᬚᬭᬦᬦ᭄᭞ᬫᬶᬢᬢᬲ᭄ᬗᬸᬗ᭄ᬲᬶᬧᬦᭂᬧᬶ᭞ᬲᬵᬫ᭄ᬧᬸᬦ᭄ᬫᬢᬸᬮᬓ᭄᭞ᬓᬢᬸᬭᬓᬾᬄᬲᬩᬮᬶᬓ᭄᭟ᬓᬦ᭄ᬤᬶᬓᬬᬂᬫᬗ᭄ᬤᬕ᭄ᬮᬶᬲ᭄ᬫᬓᬸᬮᬦ᭄᭞ᬫᬗ᭄ᬤᬓ᭄ᬦᬶᬳᬾ᭞ᬮᬶᬗᬶ ᬦ᭄᭞ᬳᬲᬶᬂᬪᬓ᭄ᬢᬶᬢᬺᬱ᭄ᬡ᭞ᬲᬋᬗᬚᬓ᭄ᬫᬢᬸᬗ᭄ᬓᬲ᭄᭞ᬦᬓᬕᬸᬂᬗᬸᬭᬄᬦᬾᬫᬗ᭄ᬓᬶᬦ᭄᭞ᬰᬭᬷᬭᬭᬓ᭄ᬢ᭞ᬫ᭄ᬦᭂᬂᬢ᭄ᬓᬫᬮᬶᬗ᭄ᬕᬶᬄ᭟ᬯᬾᬦ᭄ᬢᭂᬦ᭄ᬭᬯᬸᬄᬫᬶᬦᬩ᭄ᬲᬵᬫ᭄ᬧᬸᬦ᭄ᬓᬢᬓᬾᬦᬂ᭞ᬳᬶᬫᬤᬾᬧᬲᭂᬓ᭄ᬲᬓᬶᬢ᭄᭞ᬭᬯᬸᬄᬫᬕ ᬭᬫ᭄ᬧ᭞ᬗᬭᬭᬶᬲ᭄ᬓᬩᬜ᭄ᬘᬶᬗᬄ᭞ᬓᬭᬶᬗᬗ᭄ᬲᬸᬃᬤᬳᬲ᭄ᬤᬶᬳᬶᬲ᭄᭞ᬜᬮᬾᬫ᭄ᬧᭀᬄᬦ᭄ᬕᬓ᭄᭞ᬫᬢᬸᬃᬲ᭠ᬫ᭄ᬮᬶᬮᬂᬗ᭄ᬮᬶᬂ᭟ᬗ᭄ᬮᬸᬢ᭄ᬘᭀᬓᭀᬃᬭᬢᬸᬳᬦᬓᬕᬸᬂᬦᬵᬕᬭ᭞ᬮᬘᬸᬭᬾᬓᬤᬶᬫᬗ᭄ᬓᬶᬦ᭄᭞ᬧᬸᬦᬧᬶᬫᬓᬤ ᭞ᬢ᭄ᬓᬋᬩᬄᬲᬧᬶᬲᬦ᭄᭞ᬧᬸᬗ᭄ᬕᬯᬧᬶᬦ᭄ᬢᭂᬮ᭄ᬲᬸᬪᬓ᭄ᬢᬶ᭞ᬫᬶᬲᬤ᭄ᬬᬫᬸᬘᬄ᭞ᬓᬯᬶᬤᬯᬦᬾᬫᬗ᭄ᬓᬶᬦ᭄᭟ᬳᬶᬗ᭄ᬕᬶᬄᬲᬵᬫ᭄ᬧᬸᬦ᭄‌ᬓᬫᬦᬄᬲᬦᬦ᭄ᬢᬸᬦ᭄ᬢᬶᬳ᭄ᬬᬂ᭞ᬯᬶᬱ᭄ᬬᬦᬾᬓᬤᬶᬫᬗ᭄ᬓᬶᬦ᭄᭞ᬯᬦ᭄ᬢᬄᬧᬳᬶᬗᬦᬦ᭄᭞ [᭑᭑ 11A] ᬲᬵᬫ᭄ᬧᬸᬦᬂᬫᬓᬸᬮ᭄ᬓᬸᬮᬦ᭄᭞ᬬᬸᬱᬦᬾᬤᬸᬫᬸᬦ᭄ᬩᬯᭀᬲᬶᬦ᭄᭞ᬬᬦ᭄ᬫᬓᬸᬮ᭄ᬓᬸᬮᬦ᭄᭞ᬩᭀᬬᬚᬦ᭄ᬢᭀ᭠ᬲᬯ᭄ᬗᬶ᭟ᬗᬶᬮᬶᬳᬲᬹᬓ᭄ᬱ᭄ᬫᬭᬳᬸᬄᬓᬧ᭄ᬭᬮᬷᬡ᭞ᬧᬢᬶᬢᬤᬾᬦᬶᬂᬭᬸᬦ᭄ᬢᬶᬓ᭄᭞ᬲᬓᬤᬶᬪᬤᬯᬂ᭞ᬜ᭄ᬗᬳᬂᬓᬧᬸᬭᬸᬱ᭠ ᬦ᭄᭞ᬤᬃᬫ᭄ᬫᬦᬾᬕᬫ᭄ᬩᭂᬮᬂᬫᬗ᭄ᬓᬶᬦ᭄᭞ᬧᬶᬮᬶᬄᬢᬲᬶᬤ᭞ᬯᬾᬦ᭄ᬢᭂᬦ᭄ᬧᬲ᭄ᬯᬾᬘ᭄ᬙᬦ᭄ᬯᬷᬥᬶ᭟ᬲᬦᬾᬫᬗ᭄ᬓᬶᬦ᭄ᬓᬵᬮᬫᬺᬢ᭄ᬬᬦᬾᬫᬜᭀᬩᬓ᭄᭞ᬲᬵᬫ᭄ᬧᬸᬦᬂᬫᬜᭂᬮᬸᬧᬶᬦ᭄᭞ᬕ᭄ᬦᬶᬲ᭄ᬟᭂᬂᬗᬭᬩ᭄᭞ᬓᬭᬶᬹᬤᬶᬭᬶᬂᬦᬦ᭄ᬤᬯᬓ᭞ᬧᬗ᭄ᬕᭂᬲᭃᬂᬲᬂ᭠ ᬳ᭄ᬬᬗᬕ᭄ᬦᬶ᭞ᬧᬘᬂᬦᭂᬮᬲᬂ᭞ᬲᬤᬕᬶᬗᬮᬲᬫᬶ᭟ᬕ᭄ᬮᬶᬲᬂᬧᬶᬲᬦ᭄᭞ᬫᬗᬸᬜ᭄ᬘᬭᬂᬧᬗᬲ᭄ᬢᬯ᭞ᬧᬗᬫᭂᬃᬲᬂᬳ᭄ᬬᬂᬗᬸᬭᬶᬧ᭄᭞ᬓᬤᬶᬲᬂᬚᬭᬶᬓ᭞ᬮᬧᬶᬢᬚᬭᬶᬓᬾᬬ᭞ᬩ᭄ᬘᬶᬓᬦ᭄ᬓᬓ᭄ᬮᬸᬗ᭄ᬓᬸᬂᬫᬗ᭄ᬓᬶᬦ᭄᭞ᬫᬦᬸᬦᬲ᭄ᬚᬷᬯᬵᬬᬤᬶ ᬦ᭄ᬢᬦ᭄ᬧᬲᬓ᭄ᬱᬶ᭟ᬳᬶᬤᬳᬶᬳᬚᬶᬮᬶᬗ᭄ᬕ᭄ᬬᬂᬭᬶᬂᬩᬜ᭄ᬘᬭᬗ᭄ᬓᬦ᭄᭞ᬳᬗ᭄ᬕᬾᬦ᭄ᬧᬜᬸᬦ᭄ᬤᬸᬮ᭄ᬫᬮᬶᬄ᭞ᬩᬶᬮᬶᬄᬢᬓᬲᬤ᭄ᬬᬦ᭄᭞ᬓᬦᬸᬕ᭄ᬭᬳᬦ᭄ᬲ᭄ᬯᬚᬷᬯ᭞ᬓᬧᬸᬗ᭄ᬓᬸᬃᬫᬮᬶᬄᬧᬶᬦᭂᬳᬶᬦ᭄᭞ᬕᭂᬦ᭄ᬢᭀᬲᬶᬦ᭄ᬓᬤᬄ᭞ᬳᬶᬳᬚᬶᬲᬵᬫ᭄ᬧᬸᬦᬶᬗ᭄ᬲᬶᬃ

Auto-transliteration

[10 10B] 10 wosngĕdumpiliḥ, maliḥmaputusan, digatimajaranan, mitatasngungsipanĕpi, sāmpunmatulak, katurakeḥsabalik. kandikayangmangdaglismakulan, mangdaknihe, lingi n, hasingbhaktitr̥ĕṣṇa, sar̥ĕngajakmatungkas, nakagungnguraḥnemangkin, śarīrarakta, mnĕngtkamalinggiḥ. wentĕnrawuḥminabsāmpunkatakenang, himadepasĕksakit, rawuḥmaga rampa, ngarariskabañcingaḥ, karingangsur̀dahasdihis, ñalempoḥn'gak, matur̀sa‐mlilangngling. nglutcokor̀ratuhanakagungnāgara, lacurekadimangkin, punapimakada , tkar̥ĕbaḥsapisan, punggawapintĕlsubhakti, misadyamucaḥ, kawidawanemangkin. hinggiḥsāmpunkamanaḥsanantuntihyang, wiṣyanekadimangkin, wantaḥpahinganan, [11 11A] sāmpunangmakulkulan, yuṣanedumunbawosin, yanmakulkulan, boyajanto‐sawngi. ngilihasūkṣmarahuḥkapralīṇa, patitadeningruntik, sakadibhadawang, ñngahangkapuruṣa‐ n, dar̀mmanegambĕlangmangkin, piliḥtasida, wentĕnpaswecchanwīdhi. sanemangkinkālamr̥ĕtyanemañobak, sāmpunangmañĕlupin, gnisḍĕngngarab, kariūdiringnandawaka, panggĕsöngsang‐ hyangagni, pacangnĕlasang, sadagingalasami. glisangpisan, manguñcarangpangastawa, pangamĕr̀sanghyangngurip, kadisangjarika, lapitajarikeya, bcikankaklungkungmangkin, manunasjīwāyadi ntanpasaksyi. hidahihajilinggyangringbañcarangkan, hanggenpañundulmaliḥ, biliḥtakasadyan, kanugrahanswajīwa, kapungkur̀maliḥpinĕhin, gĕntosinkadaḥ, hihajisāmpuningsir̀

Leaf 11

Image on Archive.org

[᭑᭑ 11B] ᭑᭑ ᭟ᬫᬗ᭄ᬓᬶᬦ᭄ᬢᬦᬶᬯᬂᬳᬢᬸᬃᬧᬫᬸᬗᬸᬦ᭄ᬢᬶᬢ᭄ᬬᬂ᭞ᬭᬶᬂᬤᬵᬭᬳᬶᬳᬚᬶ᭞ᬬᬾᬦᬶᬂᬤᬸᬭᬸᬲᭂᬫ᭄ᬩᬓ᭄᭞ᬢᬦ᭄ᬧᬭᬶᬯᬗ᭄ᬤᬾᬭᬸᬲᬓ᭄᭞ᬧᬭᬳᬕᬸᬗᬾᬳᬶᬭᬶᬓᬶ᭞ᬳᬦᬓ᭄ᬫᬭᬕ᭞ᬧᬸᬦᬶᬓᬗᬯᬶᬱ᭄ᬬᬦᬶᬦ᭄᭟ᬫᬗ᭄ᬓᬶᬦ᭄ᬭᬳᬸᬄᬨᬮᬦᬾᬫᬓᬃᬤᬶ ᬳᭂᬫ᭄ᬩᬓ᭞ᬧ᭄ᬭᬮᬷᬡᬓᬤᬤᬶᬦ᭄᭞ᬫᬦ᭄ᬢᬸᬓ᭄ᬓᬧ᭄ᬭᬤᬦ᭞ᬦᬗ᭄ᬳᬶᬂᬢᬶᬢ᭄ᬬᬂᬫᬫᬶᬦ᭄ᬤᬄ᭞ᬧᬤᭂᬫ᭄ᬗᭂᬫᬲᬶᬦ᭄ᬧᬸᬦᬶᬓᬶ᭞ᬫᬜ᭄ᬢᬶᬓ᭄ᬭᬭ᭞ᬫᬯᭀᬲᬶᬤᬳᬶᬳᬚᬶ᭟ᬳᬫ᭄ᬧᬸᬭᬬᬂᬢᬶᬢ᭄ᬬᬂᬫᬧᬫᬶᬢ᭄ᬲᬧᬶᬲᬦ᭄᭞ᬭᬶᬳᬶᬦᬦ᭄ᬧᬤᭂᬫ᭄ᬲᬸᬓᬶ ᬢ᭄᭞ᬚ᭄ᬗᬄᬫᬗᬦ᭄ᬢᭀᬲᬂ᭞ᬮᬶᬗ᭄ᬕᬶᬄᬘᭀᬓᭀᬃᬳᬶᬤᬾᬯ᭞ᬤᬸᬄᬓᬶᬢᬦᬾᬓᬤᬶᬫᬗ᭄ᬓᬶᬦ᭄᭞ᬲᬓ᭄ᬱᬢ᭄ᬲᬵᬕᬭ᭞ᬧᬲᬗᬶᬩ᭄ᬓᬶᬦ᭄ᬮᬵᬗᬶᬢ᭄᭟ᬧᬸᬦᬶᬓᬶᬳᬶᬩᬦ᭄ᬢᬶᬂᬲᬋᬂᬳᬶᬲ᭄ᬓᬭ᭄᭞ᬢᬦ᭄ᬯᬸᬭᬸᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬦ᭄ᬫᭀᬓᬂᬤᬸᬄᬓᬶ ᬯᬄ᭞ᬓᬮᬶᬄᬲᬜᬫᬦ᭄ᬢᬶᬢ᭄ᬬᬂ᭞ᬮᬷᬮᬬᬂᬓᬬᬸᬦᬾᬫᬗ᭄ᬓᬶᬦ᭄᭞ᬳᬶᬗᬦᬦ᭄ᬢᭂᬮᬲ᭄᭞ᬓᬯᬶᬪᬯᬦᬾᬭᬶᬳᬶᬦ᭄᭟ᬧᬶᬤᬕᬶᬗᬦ᭄‌ᬳᬶᬳᬚᬶᬳᬶᬤᬗᬃᬤᬶᬬᬂ᭞ᬯ᭄ᬓᬲ᭄ᬫᬯᬦ᭄ᬢᬦ᭄ᬫᬮᬶᬄ᭞ᬦᭂᬫ᭄ᬯᬂᬓᬯᬶᬤᬯᬦ᭄᭞ᬯᬮᬸᬬᬓᬤᬶ [᭑᭒ 12A] ᬦᬸᬤ᭞ᬨᬮᬦᬦᬓᬾᬫᬶᬲᬶᬗ᭄ᬕᬶᬄ᭞ᬚᬦ᭄ᬫᬦᬾᬩᬸᬢ᭞ᬧᬢᬶᬧᬸᬭᬸᬕ᭄ᬧᬸᬭᬸᬕᬶᬦ᭄᭟ᬓᬧᬢᬹᬢᬂᬳᬦ᭄ᬢᬸᬓ᭄ᬧᬭᬭᬚᬧᬸᬢ᭄ᬭ᭞ᬫ᭄ᬯᬂᬧᬸᬗ᭄ᬕᬯᬫᬶᬲᬶᬗ᭄ᬕᬶᬄ᭞ᬳᬦᬓᬕᬸᬂᬗᬸᬭᬄ᭞ᬫᬢ᭄ᬭᬩᬶᬗᬃᬫᬶᬬᬃᬱ᭞ᬗᬸᬭᬄᬓᬥᬾᬫᬜ ᬳᬸᬭᬶᬦ᭄᭞ᬭᬢᬸᬕ᭄ᬮᬶᬲᬂ᭞ᬦᬢᬲ᭄ᬧᬜ᭄ᬚᬓᬾᬫᬮᬶᬄ᭟ᬫᬗ᭄ᬤᬓᬦ᭄ᬢᭂᬦ᭄‌ᬲᬂᬲᬶᬤᬓᬭᬶᬦᬓ᭄ᬢ᭄ᬬ᭞ᬭᬶᬂᬩᬢᬸᬄᬲᬵᬫ᭄ᬧᬸᬦ᭄ᬫᬮᬶᬄ᭞ᬢᬢ᭄ᬬᬂᬲᬸᬫᬓᬸᬢ᭞ᬗᬫ᭄ᬮᬂᬳᬶᬢᭀᬓᭀᬮᬦ᭄᭞ᬩᬜ᭄ᬚᬭᬗ᭄ᬓᬦᬾᬫᬶᬲᬶᬲᬶᬗ᭄ᬕᬶᬄ᭞ᬫ᭄ᬯᬗᬩ᭄ᬬᬦ᭄ᬲ᭄ᬕᬄ᭞ ᬢᬮᬶᬓᬸᬧ᭄ᬜᬮ᭄ᬬᬦ᭄ᬫᬮᬶᬄ᭟ᬯᬸᬲ᭄ᬓᬧᬢᬹᬢ᭄‌ᬭᬭᬶᬲᬶᬤᬫᬧᬸᬢᬸᬲᬦ᭄᭞ᬓ᭄ᬱᬢ᭄ᬭᬶᬬᬓᬮᬶᬄᬲᬶᬓᬶ᭞ᬗᬶᬭᬶᬗᬂᬧᬤᬡ᭄ᬟ᭞ᬦ᭄ᬢᭂᬕ᭄ᬦᬢᬲ᭄ᬧ᭄ᬮᬶᬬᬢᬦ᭄᭞ᬤᬾᬯᬩᭀᬓᭀᬃᬫᬶᬦᬓᬤᬶ᭞ᬧᬤᬩ᭄ᬟᬩᬸᬭ᭄ᬯᬦ᭄᭞ᬳᬶᬤᬾ᭠ ᬯᬚᬫᬹᬃᬗᬶᬭᬶᬂ᭟ᬧᬗ᭄ᬭᬯᬾᬲᬶᬤᬫᬦᬩ᭄ᬟᬢ᭄ᬓᬗᬫ᭄ᬧᬓ᭄᭞ᬫ᭄ᬤᭂᬮ᭄ᬢᭂᬓᬾᬦ᭄ᬓᬸᬮᬫ᭄ᬩᬶ᭞ᬫᬧ᭄ᬢᭂᬢ᭄ᬫᬭᬚᬄ᭞ᬰᬸᬤ᭄ᬬᬗᬶᬦᬘᭀᬓᭀᬃᬤ᭞ᬩᬓᬸᬮ᭄ᬫᬢᬗ᭄ᬓᭂᬧ᭄ᬫᬩᬮᬶᬓ᭄᭞ᬩᬧᬓᬸᬯᬗᬦ᭄᭞ᬬᬦᬯᬦᬂᬫᬢᬦ᭄ᬤᬶᬂ᭟ᬫᬶᬗ᭄ᬓᬶᬦ᭄ᬤ

Auto-transliteration

[11 11B] 11 . mangkintaniwanghatur̀pamunguntityang, ringdārahihaji, yeningdurusĕmbak, tanpariwangderusak, parahagungehiriki, hanakmaraga, punikangawiṣyanin. mangkinrahuḥphalanemakar̀di hĕmbaka, pralīṇakadadin, mantukkapradana, nanghingtityangmamindaḥ, padĕmngĕmasinpuniki, mañtikrara, mawosidahihaji. hampurayangtityangmapamitsapisan, rihinanpadĕmsuki t, jngaḥmangantosang, linggiḥcokor̀hidewa, duḥkitanekadimangkin, sakṣatsāgara, pasangibkinlāngit. punikihibantingsar̥ĕnghiskar, tanwurungtityangmangkin, nmokangduḥki waḥ, kaliḥsañamantityang, līlayangkayunemangkin, hinganantĕlas, kawibhawanerihin. pidaginganhihajihidangar̀diyang, wkasmawantanmaliḥ, nĕmwangkawidawan, waluyakadi [12 12A] nuda, phalananakemisinggiḥ, janmanebuta, patipurugpurugin. kapatūtanghantukpararajaputra, mwangpunggawamisinggiḥ, hanakagungnguraḥ, matrabingar̀miyar̀ṣa, nguraḥkadhemaña hurin, ratuglisang, nataspañjakemaliḥ. mangdakantĕnsangsidakarinaktya, ringbatuḥsāmpunmaliḥ, tatyangsumakuta, ngamlanghitokolan, bañjarangkanemisisinggiḥ, mwangabyansgaḥ, talikupñalyanmaliḥ. wuskapatūtrarisidamaputusan, kṣatriyakaliḥsiki, ngiringangpadaṇḍa, ntĕgnataspliyatan, dewabokor̀minakadi, padabḍaburwan, hide‐ wajamūr̀ngiring. pangrawesidamanabḍatkangampak, mdĕltĕkenkulambi, maptĕtmarajaḥ, śudyanginacokor̀da, bakulmatangkĕpmabalik, bapakuwangan, yanawanangmatanding. mingkinda

Leaf 12

Image on Archive.org

[᭑᭒ 12B] ᭑᭒ ᬦᬶᬲᬶᬓᭂᬧ᭄ᬩᬤᬸᬗᬾᬳᬚᬓ᭄᭞ᬘᭀᬓᭀᬃᬤᬮᬯᬸᬢ᭄ᬕᬶᬲᬶᬤᬾᬳᬢᬸᬭᬶᬦ᭄ᬮᬮᬲ᭄᭞ᬬᬦᬶᬤᬧᬘᬂᬘᭀ᭠ᬗᬄ᭞ᬮᬯᬸᬢᬂᬲᬚᬬᬂᬲᬧᬶᬄ᭞ᬩᬧᬳᬦ᭄ᬤᭂᬮᬂ᭞ᬢ᭄ᬯᬭᬗᬾᬯᭂᬳᬶᬦ᭄ᬫᬶᬫᬶᬲ᭄᭟ᬚᬮᬦ᭄ᬕᬢ᭄ᬬᬂᬳᬲᬶᬤᬫᬳᬦ᭄ᬫᬸ ᬢᬶᬗ᭄ᬓᬄ᭞ᬤᬾᬯᬩᭀᬓᭀᬭᬦ᭄ᬗᬶᬭᬶᬂ᭞ᬲ᭄ᬩᭂᬂᬜᬦᬾᬩᬶᬗᬭ᭄᭞ᬳᬶᬤᬾᬯᬚᬫᬹᬃᬗᬫ᭄ᬧᬓ᭄᭞ᬭᬲᬢᭀᬩᬤᬜᬦ᭄ᬢᬮᬶᬦ᭄᭞ᬭᬯᬸᬄᬕᬕ᭄ᬮᬶᬲᬦ᭄᭞ᬭᬶᬂᬧᬮᬶᬬᬢᬦ᭄ᬦᬸᬮᬶ᭟ᬚᬕ᭄ᬭᬯᬸᬄᬤᬾᬯᬓᬮᬾᬃᬫᬰᬶᬮ᭞ᬫᭂᬫᭂᬲ᭄ᬫ ᬲ᭄ᬩᭂᬂᬕᬢᬶ᭞ᬳᬸᬢᬸᬲᬦ᭄ᬘᭀᬓᭀᬃᬤ᭞ᬗᬢᬸᬭᬶᬦ᭄ᬫᬗ᭄ᬤᬩᬸᬤᬮ᭄᭞ᬧᬤᬩ᭄ᬟᬢᬘᬺᬂᬢᬸᬃᬦᭂᬗ᭄ᬓᬶᬓ᭄᭞ᬭᬢᬸᬩᬗ᭄ᬕᬬᬂ᭞ᬢᬶᬢ᭄ᬬᬂᬫᬲ᭄ᬫᬳᬶᬭᬶᬓᬶ᭟ᬲᬓᬾᬂᬫᬶᬲᬤ᭄ᬬᬧᬶᬲᬦᬗᬢᬸᬭᬂᬚᬷᬯ᭞ᬫᬓᬘᬶᬭᬶᬦ᭄ᬲᬸᬪᬓ᭄ᬢᬶ᭞ᬗᬾᬤ᭠ ᬍᬫ᭄ᬫᬢᬸᬮᬓ᭄᭞ᬩᬓᬮᬧᬫᬧᬹᬚ᭞ᬗᬲ᭄ᬢᬸᬯᬪᬝᬵᬭᬲᬳᬶ᭞ᬓ᭄ᬭᬡᬤᬶᬫ᭄ᬭᬚᬦ᭄᭞ᬜᭀᬤᭀᬕ᭄ᬫᬳ᭠ᬋᬧ᭄ᬓᬗᬶᬦ᭄᭟ᬭᬭᬶᬲ᭄ᬤᬾᬯᬕ᭄ᬟᬾᬓᬮᬾᬃᬧᬫᬶᬕ᭄ᬩᬸᬤᬮ᭄᭞ᬢᬶᬦ᭄ᬤᬓᬾᬲᬤᬕᬢᬶ᭞ᬗ᭄ᬤᭂᬗᬂᬢ᭄ᬩᭂᬗᬦ᭄᭞ᬲᬵᬫ᭄ᬧᬸ [᭑᭓ 13A] ᬦ᭄ᬧᬥᬧ᭄ᬭᬬᬢ᭄ᬦ᭞ᬫᬚᬕᬩᬶᬮᬗᬦᭀᬭᬶ᭞ᬭᬯᬸᬄᬓᬫ᭄ᬭᬚᬦ᭄᭞ᬢ᭄ᬓᬾᬂᬩᬾᬢᬾᬮᬦ᭄ᬲᬫᬶ᭟ᬫᬮᬶᬄᬗᬯᬗᬸᬦ᭄ᬲᬶᬓᭂᬧ᭄ᬓᬧᬲᬭᬾᬦᬦ᭄᭞ᬤᭂᬤᭂᬢ᭄ᬲᬶᬓᭂᬧ᭄ᬫᬗᬸᬯᬶ᭞ᬗᭂᬩ᭄ᬓᬶᬦ᭄ᬩᬜ᭄ᬘᬶᬗᬄ᭞ᬧᬤᬩ᭄ᬟᬫᬤᬩ᭄ᬤᬩᬦ᭄᭞ᬦᭂ᭞ᬦᭀᬂ᭠ ᬓ᭄ᬮᬂᬗᭂᬘᬕᬂᬓᬸᬮᬫ᭄ᬩᬶ᭞ ᬤᬾᬯᬚᬫᬹᬃᬲᬋᬳᬶᬤᬾᬯᬩᭀᬓᭀᬭᬦ᭄᭞ᬓᬤᬶᬓᬭᬾᬢᬳᬧᬶ᭞ᬫᬳᬭᭀᬗᬭᭀᬗᬦ᭄᭞ᬲᬋᬂᬗᬶᬭᬶᬂᬧᬤᬩ᭄ᬟ᭞ᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬢᬶᬢᬶᬩ᭄ᬲᬶ ᭞ᬓᬭᬶᬫᬦᭀᬂᬓ᭄ᬮᬂ᭞ᬯᬾᬦ᭄ᬢᭂᬦ᭄ᬫᬶᬜ᭄ᬘᬢᬶᬦ᭄ᬢᬶᬢᬶ᭟ᬓᬤᬶᬳᬯᬸᬲ᭄‌ᬫᬓᬳᬶᬩ᭄ᬭᬯᬸᬄᬓᬕ᭄ᬬᬜᬭ᭄᭞ᬲᬸᬫᬶᬗ᭄ᬓᬶᬦ᭄ᬗᬯᬾᬭᬶᬫ᭄ᬭᬶᬫ᭄᭞ᬧᬜ᭄ᬚᬓᬾᬕᬸᬫᬸᬭ᭞ᬲ᭄ᬗᬧ᭄ᬗᬮᬶᬄᬲᭀᬭᭀᬳᬦ᭄᭞ᬯᬾᬦ᭄ᬢᭂᬦ᭄ᬲᭂᬗᬧ᭄ᬗᬮᬶᬄᬕᬸᬲ᭄ᬢᬶ᭞ᬫᬲᬮᬶᬯᭂ ᬭᬦ᭄᭞ᬲᬥᬲᬮᬶᬂᬢᬓᭀᬦᬶᬦ᭄᭟ᬭᬶᬂᬚ᭄ᬭᭀᬓᬸᬢᬦᬶᬓᬃᬯ᭄ᬯᬦ᭄ᬚᬚᬮᬗᬦ᭄᭞ᬓᬤᬶᬜᬯᬦᬸᬩᬤᬶᬦ᭄᭞ᬫᬗᭂᬭᭀᬩ᭄ᬧᬧᬹᬓᬦ᭄᭞ᬕᬾᬲᭀᬦ᭄ᬗᬸᬗ᭄ᬲᬶᬩᬜ᭄ᬘᬶᬗᬄ᭞ᬚᬸᬭᬸᬕᬬᭀᬢ᭄ᬚᬸᬭᬸᬩ᭄ᬤᬶᬮ᭄᭞ᬢᬭᬸᬡᬫᬯᬲ᭄

Auto-transliteration

[12 12B] 12 nisikĕpbadungehajak, cokor̀dalawutgisidehaturinlalas, yanidapacangco‐ngaḥ, lawutangsajayangsapiḥ, bapahandĕlang, twarangewĕhinmimis. jalan'gatyanghasidamahanmu tingkaḥ, dewabokoranngiring, sbĕngñanebingar, hidewajamūr̀ngampak, rasatobadañantalin, rawuḥgaglisan, ringpaliyatannuli. jagrawuḥdewakaler̀maśila, mĕmĕsma sbĕnggati, hutusancokor̀da, ngaturinmangdabudal, padabḍatacr̥ĕngtur̀nĕngkik, ratubanggayang, tityangmasmahiriki. sakengmisadyapisanangaturangjīwa, makacirinsubhakti, ngeda‐ l̥ĕmmatulak, bakalapamapūja, ngastuwabhaṭārasahi, kraṇadimrajan, ñodogmaha‐r̥ĕpkangin. rarisdewagḍekaler̀pamigbudal, tindakesadagati, ngdĕngangtbĕngan, sāmpu [13 13A] npadhaprayatna, majagabilanganori, rawuḥkamrajan, tkengbetelansami. maliḥngawangunsikĕpkapasarenan, dĕdĕtsikĕpmanguwi, ngĕbkinbañcingaḥ, padabḍamadabdaban, nĕ, nong‐ klangngĕcagangkulambi, dewajamūr̀sar̥ĕhidewabokoran, kadikaretahapi, maharongarongan, sar̥ĕngngiringpadabḍa, sāmpunlintangtitibsi , karimanongklang, wentĕnmiñcatintiti. kadihawusmakahibrawuḥkagyañar, sumingkinngawerimrim, pañjakegumura, sngapngaliḥsorohan, wentĕnsĕngapngaliḥgusti, masaliwĕ ran, sadhasalingtakonin. ringjrokutanikar̀wwanjajalangan, kadiñawanubadin, mangĕrobpapūkan, gesonngungsibañcingaḥ, jurugayotjurubdil, taruṇamawas

Leaf 13

Image on Archive.org

[᭑᭓ 13B] ᭑᭓ ᭞ᬩᭂᬩᭂᬓᬶᬦᬜ᭄ᬘᬓ᭄ᬱᬚᬶ᭟ᬫᬗ᭄ᬓᬶᬦ᭄ᬓᭀᬢᬸᬲ᭄‌ᬧᬤᬩ᭄ᬟᬮᬶᬗ᭄ᬲᬶᬃᬩᬩᬶᬢ᭄ᬭ᭞ᬓᬦᬵᬕᬭᬦᭂᬤᬸᬦᬶᬦ᭄᭞ᬗᬺ᭠ᬋᬄᬓᬲᬶᬦᬳᬦ᭄᭞ᬧᬦ᭄ᬲᬢ᭄ᬲᬢ᭄ᬕᬸᬭᬸᬬᬩ᭞ᬬᬦ᭄ᬢᬦᬶᬤᬩᭀᬬᬧᭀᬮᬶᬄ᭞ᬬᬦᬸᬫᬋᬓ᭞ᬳᬾᬮᬶᬂᬰᬶ ᬢᬶᬯᬳᬸᬦᬶ᭟ᬫᬦᬄᬦᬵᬕᬩᬦ᭄ᬤᬤᬸᬓ᭄ᬧᬮ᭄ᬩᭀᬦ᭄ᬓᬸᬦ᭞ᬧᬸᬦᬶᬓᬓ᭄ᬭᬡᬧᭀᬮᬶᬄ᭞ᬧᬲᬯᬸᬃᬘᭀᬓᭀᬃᬤ᭞ᬩᬸᬤᬮ᭄ᬭᬢᬸᬧᬤᬩ᭄ᬟ᭞ᬘᬸᬢᭂᬢᬢᬸᬃᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬭᬾᬄᬓᬲᬾᬫ᭄ᬤᬳᬢ᭄᭞ᬭᬯᬸᬄᬧᬤᬸᬓᬫᬗ᭄ᬓᬶᬦ᭄᭟ᬓ ᬤᬸᬗᬾᬭᬂᬳᬶᬰᬭᬳᬶᬧᬸᬦ᭄ᬗᬃᬬ᭄ᬬᬦᬂ᭞ᬩᭀᬬᬤᬤᭀᬲ᭄ᬯᬦ᭄ᬢᬸᬦᬶᬦ᭄᭞ᬧᬦ᭄ᬲᬵᬫ᭄ᬧᬸᬦ᭄ᬫᬘᬶᬳ᭄ᬦ᭞ᬕᬸᬢᬸᬲᬦ᭄ᬲᬂᬫᬸᬢᭂᬃᬭᬵᬢ᭄᭞ᬧᬤᬩ᭄ᬟᬳᬕᬾᬜᬳᬸᬭᬶᬦ᭄᭞ᬬᬦ᭄ᬲᬧᬸᬦᬶᬓ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄‌ᬗ᭄ᬕᬶᬄᬭᬭᬶᬲᬂᬧᬤ ᬩ᭄ᬟᬦᬸᬮᬶᬫᬫᬃᬕ᭄ᬕ᭞ᬓᬦ᭄ᬢᬶᬦᬭᬶᬢᬭᬶᬂᬫᬃᬕ᭄ᬕᬶ᭞ᬭᬯᬸᬄᬭᬶᬕᬶᬬᬜᬭ᭄᭞ᬓᬢᬸᬃᬲᬧᬲᬭᬶᬧᭀᬮᬄ᭞ᬫ᭄ᬦᭂᬗᬦ᭠ᬓᬕᬸᬂᬫᬗ᭄ᬕᬶᬲ᭄᭞ᬗ᭄ᬭᬲᬾᬗᬵᬚ᭄ᬜᬦ᭞ᬳᬫ᭄ᬓᬸᬮ᭄ᬢᭀᬩᬦ᭄ᬢᬶᬘᬶᬦᬶᬦ᭄᭞ᬳᬕᬸᬂᬩᬋᬂᬯ᭄ᬓᬲᬦ᭄ᬭᬭᬶᬲ᭄ᬗᬦ᭄ᬤᬶᬓ᭞ᬥᬸᬄᬘ᭄ᬦᬶᬂ [᭑᭔ 14A] ᬜᬫᬲᬫᬶ᭞ᬧᬢᬹᬢᬾᬚᬓᬦᬂ᭞ᬤᬲᬭᬶᬦ᭄ᬩᬸᬤᬶᬰᬦ᭄ᬢᭀᬲ᭞ᬦᬄᬓᬓ᭄ᬮᬸᬗ᭄ᬓᬸᬂᬚᬦᬶᬢᬗ᭄ᬓᬶᬮ᭄᭞ᬤᬶᬳᬸᬢᬸᬦᬲᬂ᭞ᬲᬳᬸᬃᬫᬦᬸᬓ᭄ᬲᬂᬦᬗ᭄ᬓᬶᬮ᭄᭟ᬢᬸᬃᬓᬧᬢᬹᬢ᭄ᬬᭀᬕ᭄ᬬᬳᬦᬓᬕᬸᬂᬗᬸᬭᬄ᭞ᬓᬲᬋᬗᬶᬦ᭄ᬳᬶᬭᬳᬶ᭞ᬦᬓ᭠ ᬕᬸᬂᬕ᭄ᬟᬾᬭᬓ᭞ᬮᬦ᭄ᬫᬜ᭄ᬘᬲᬫ᭄ᬢᭀᬦᬦ᭄᭞ᬗᬸᬭᬄᬫᬥᬾᬫᬶᬦᬓᬤᬶ᭞ᬤᬾᬯᬩᬩᬶᬢ᭄ᬭ᭞ᬤᬾᬯᬢᬸᬮᬶᬓᬸᬧ᭄ᬫᬮᬶᬄ᭟ᬫᬓᬲᬗᬶᬸᬗ᭄ᬲᬶᬃᬳᬶᬤᬾᬯᬗᬸᬭᬄᬲ᭄ᬬᬗᬦ᭄᭞ᬮᬾᬦ᭄ᬓᬭᬶᬗ᭄ᬫᬶᬢ᭄ᬧᬸᬭᬷ᭞ᬓᬓ᭄ᬮᬸᬗ᭄ᬓᬸᬂᬦᬸᬦᬲᬂ᭞ᬭᬶᬗᬶᬤᬲᬂᬫᬸ᭠ ᬢᭂᬃᬭᬵᬢ᭄᭞ᬤ᭄ᬯᬦᬶᬂᬦᬵᬕᬭᬫᬩᬮᬶᬓ᭄᭞ᬲᬓᬾᬂᬳᬓᬃᬱ᭞ᬭᬾᬄᬯᬦ᭄ᬢᭂᬦ᭄ᬫᬜᬶᬦᬳᬶᬦ᭄᭟ᬯᬸᬲ᭄ᬓᬧᬢᬹ᭠ᬢ᭄ᬦᬾᬫᬗ᭄ᬓᬶᬦ᭄ᬭᬭᬶᬲ᭄ᬫᬤᬩ᭄ᬤᬩ᭄᭞ᬧᬥᬗ᭄ᬮᬸᬯᬭᬶᬦ᭄ᬢᬗ᭄ᬓᬶᬮ᭄᭞ᬳᬦᬓᬕᬸᬂᬗᬸᬭᬄ᭞ᬓᭀᬘᬧ᭄ᬭᬶᬂᬲᬲᬭᬾᬦᬦ᭄᭞ᬧᬭ ᬭᬩᬶᬧᬥᬦᬗᬶᬲ᭄᭞ᬫᬦᬶᬕ᭄ᬳᬶᬕ᭄ᬭᬕ᭞ᬮᬾᬦ᭄ᬯᬾᬦ᭄ᬢᭂᬦ᭄ᬫᬗᬸᬮᬶᬮᬶᬂ᭟ᬲ᭄ᬭ᭄ᬬᭀᬓ᭄ᬭ᭄ᬬᭀᬓ᭄ᬢᬗᬶᬲᬾᬲᬯᬗᬵᬫ᭄ᬧᬸᬩᬦ᭄᭞ᬧᬯ᭄ᬯᭀᬗᬦ᭄ᬧᬥᬲ᭄ᬤᬶᬄ᭞ᬭᬭᬶᬲ᭄ᬲᬫᬶᬫ᭄ᬤᬮ᭄᭞ᬳᬦᬓᬾᬳᬕᬸᬂᬗᬸᬭᬄ᭞ᬬᬂᬮᬶᬫᬂᬤᬶᬭᬶᬫᬗᬶᬭᬶᬂ᭞ᬦᬸᬮᬶᬫ᭠

Auto-transliteration

[13 13B] 13 , bĕbĕkinañcakṣaji. mangkinkotuspadabḍalingsir̀babitra, kanāgaranĕdunin, ngr̥ĕ‐r̥ĕḥkasinahan, pansatsatguruyaba, yantanidaboyapoliḥ, yanumar̥ĕka, helingśi tiwahuni. manaḥnāgabandadukpalbonkuna, punikakraṇapoliḥ, pasawur̀cokor̀da, budalratupadabḍa, cutĕtatur̀tityangmangkin, reḥkasemdahat, rawuḥpadukamangkin. ka dungeranghiśarahipunngar̀yyanang, boyadadoswantunin, pansāmpunmacihna, gutusansangmutĕr̀rāt, padabḍahageñahurin, yansapunika, mangkintityangmapamitnggiḥrarisangpada bḍanulimamar̀gga, kantinaritaringmar̀ggi, rawuḥrigiyañar, katur̀sapasaripolaḥ, mnĕngana‐kagungmanggis, ngrasengājñana, hamkultobanticinin, hagungbar̥ĕngwkasanrarisngandika, dhuḥcning [14 14A] ñamasami, patūtejakanang, dasarinbudiśantosa, naḥkaklungkungjanitangkil, dihutunasang, sahur̀manuksangnangkil. tur̀kapatūtyogyahanakagungnguraḥ, kasar̥ĕnginhirahi, naka‐ gunggḍeraka, lanmañcasamtonan, nguraḥmadheminakadi, dewababitra, dewatulikupmaliḥ. makasan̶g̶ngsir̀hidewanguraḥsyangan, lenkaringmitpurī, kaklungkungnunasang, ringidasangmu‐ tĕr̀rāt, dwaningnāgaramabalik, sakenghakar̀ṣa, reḥwantĕnmañinahin. wuskapatū‐tnemangkinrarismadabdab, padhangluwarintangkil, hanakagungnguraḥ, kocapringsasarenan, para rabipadhanangis, manig'higraga, lenwentĕnmanguliling. sryokryoktangisesawangāmpuban, pawwonganpadhasdiḥ, rarissamimdal, hanakehagungnguraḥ, yanglimangdirimangiring, nulima‐

Leaf 14

Image on Archive.org

[᭑᭔ 14B] ᭑᭔ ᬫᬃᬕ᭄ᬕ᭞ᬯ᭄ᬬᬓ᭄ᬢᬶᬳᬗᬸᬕᬸᬧ᭄ᬯᬾᬱ᭄ᬝᬶ᭟ᬧᬋᬓᬦᬾᬯᬾᬦ᭄ᬢᭂᬦ᭄ᬗᬶᬭᬶᬂᬧ᭄ᬢᬂᬤᬰ᭞ᬯᬳᬭᬲᬢᬓ᭄ᬲᬫᬶ᭞ᬭᬯᬸᬳᬶᬂᬓᬯᬸᬮ᭞ᬫᬶᬦᬓᬤᬶᬦᬾᬤᬤ᭄ᬯ᭞ᬓ᭄ᬢᬸᬢ᭄ᬧᬲᭂᬓ᭄ᬓᭀᬫ᭄ᬧ᭄ᬬᬂᬩᬚᬶᬂ᭞ᬳᬶᬦ᭄ᬤᬓᬾᬓᬫ᭄ᬩᬂ᭞ᬢ᭄ᬯᬭᬫᬭᬲᬕᬸᬫᬶ᭟ᬧᭂᬧᭂᬓ᭄ᬧᬗ ᬥᬭᬦᬶᬂᬭᬓᬸᬳᬸᬢ᭄ᬢᬫ᭞ᬫᬳ᭄ᬤᬸᬂᬫᬧᬗᬯᬶᬦ᭄᭞ᬫᬓᬤᬶᬩᬦ᭄ᬤ᭄ᬭᬗᬸᬦ᭄᭞ᬧᬥᬗ᭄ᬮᬶᬗ᭄ᬕᬶᬳᬶᬦ᭄ᬓᬸᬤ᭞ᬓᬩᭂᬦᬦᬓᬾᬭᬶᬫᬃᬕ᭄ᬕᬶ᭞ᬓᬾᬄᬬᬦ᭄ᬢᬸᬢᬸᬭᬂ᭞ᬢᬶᬗ᭄ᬓᬳᬦᬓ᭄ᬧᬓᭂᬫᬶᬢ᭄᭟ᬲᬵᬫ᭄ᬧᬸᬦᬤᭀᬄᬮᬶᬦ᭄ᬢᬂᬭᬶᬂᬧ᭄ᬭᬤᬾᬰᬕ᭄ᬬᬜᬭ᭄ ᭞ᬭᬯᬸᬄᬭᬶᬂᬓᬮᬸᬧᬸᬢᬶᬄ᭞ᬳᬶᬭᬶᬓᬫᬭᬵᬃᬬ᭄ᬬᬦ᭄᭞ᬦᬸᬧ᭄ᬢᬸᬧᬂᬧᬓᬬᬸᬦᬦ᭄᭞ᬭᬶᬂᬧᬸᬭᬲᬫᬶᬫᬮᬶᬗ᭄ᬕᬶᬄ᭞ᬫᬩᬩᬯᭀᬲᬦ᭄᭞ᬭᬶᬧᬭᬵᬕᬸᬗᬾᬗᬶᬭᬶᬂ᭟ᬓᭀᬘᬧ᭄ᬫᬗ᭄ᬓᬶᬦ᭄‌ᬳᬶᬤᬳᬦᬓᬕᬸᬂᬗᬸᬭᬄ᭞ᬭᬭᬶᬲ᭄ᬗᬸᬮᬄᬧᬫᬃᬕ᭄ᬕᬶ᭞ᬫ ᬭᬵᬃᬬ᭄ᬬᬦ᭄ᬭᬶᬗᬦ᭄ᬢᬧ᭄᭞ᬢᬸᬃᬗᬫᬃᬕ᭄ᬬᬂᬩ᭄ᬭᬳ᭄ᬫᬡ᭞ᬢᬦ᭄ᬮᬾᬦᬶᬤᬓᭀᬫ᭄ᬧ᭄ᬬᬂᬩᬚᬶᬂ᭞ᬧᬭᬦᬶᬂᬯ᭄ᬓᬲ᭄᭞ᬧᬸᬭᬸᬦ᭄ᬗᭀᬚᭀᬕ᭄ᬓᬧᬸᬭᬷ᭟ᬢᬦ᭄ᬧᬓᬫ᭄ᬧᬾᬓ᭄‌ᬳᬾᬜ᭄ᬘᭀᬮ᭄ᬢᬶᬦ᭄ᬤᬓᬦ᭄ᬗᬚᬶᬜ᭄ᬚᬂ᭞ᬲᭂᬩᭂᬗᬾᬓ᭄ᬢᬸᬤ᭄ᬓᬸᬦᬶᬂ᭞ᬜᬾᬦ᭄ᬫ᭠ [᭑᭕ 15A] ᬦᬶᬫᬫᬦᬂ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬧᬭᬶᬸᬲᬭ᭄᭞ᬳᬲᬶᬂᬤᭂᬲᭂᬓ᭄ᬫᬗᬯᭀᬦᬶᬦ᭄᭞ᬯᬳᬸᬫ᭄ᬦᬾᬓᬦ᭄᭞ᬤᬧ᭄ᬢᬂᬲᬵᬫ᭄ᬧᬸᬦ᭄ᬢᬶᬢᬶᬩ᭄᭟ᬧ᭄ᬭᬫᬾᬓ᭄ᬩ᭄ᬭᬳ᭄ᬫᬵᬩᬦ᭄ᬕᬓ᭄ᬭᬶᬂᬩᬜ᭄ᬘᬶᬗᬄ᭞ᬧᬺᬩ᭄ᬓᭂᬮᬓᬾᬄᬫᬗ᭄ᬓᬶᬦ᭄᭞ᬗᬶᬭᬶᬂᬲᬭᬫᬜ᭄ᬘ᭞ᬚᭂ᭠ ᬚᭂᬮ᭄ᬫᬓᬦ᭄ᬤᬓᬦ᭄ᬤ᭞ᬓᭀᬘᬧᬶᬤᬓᭀᬫ᭄ᬧ᭄ᬬᬂᬩᬚᬶᬂ᭞ᬓᬾᬯᭂᬄᬗᬯᬲᬶ᭞ᬦᬾᬜ᭄ᬘᬾᬦ᭄ᬚᬦᬯ᭄ᬢᬲᬶᬦ᭄᭟ᬩᬕ᭄ᬩᬕ᭄ᬩᬶᬕ᭄ᬩᬶᬕ᭄‌ᬓᬤᬶᬚᬭᬦ᭄ᬩᬮᬾᬲᬾᬗᬦ᭄᭞ᬳᬲᬶᬂᬢᭂᬧᬸᬓ᭄ᬓᭂᬜᬸᬲᬶᬦ᭄᭞ᬗᬶᬲᬾᬦ᭄ᬫᬗᭂᬤᬾᬓᬂ᭞ᬲᭂᬩᭂ᭠ ᬗᬾᬓ᭄ᬘᬸᬤ᭄ᬚᭂᬗᬄ᭞ᬢᭀᬗᬤᬳᬦᬓ᭄ᬗᭂᬦᭂᬫᬶᬦ᭄᭞ᬫᬮᬶᬄᬫᬢᬸᬮᬓ᭄᭞ᬮ᭄ᬯᬶᬃᬲᬶᬦᭀᬫ᭄ᬓᬲᭂᬂᬦ᭄ᬯᬾᬂᬭᬯᬶ᭟᭟᭜᭟ᬧᬸᬧᬸᬄᬲᬶᬦᭀ᭟᭜᭟ᬓᬲᬸᬯᬾᬦ᭄ᬧᭀᬮᬶᬯ᭄ᬓᬲᬦ᭄᭞ᬧᬳᬶᬗᬦᬦ᭄ᬯᬕᬸᬲᬶᬗᬶᬢ᭄᭞ᬩᬯᬸ ᬫᬭᬓᬮᬸᬕ᭄ᬭᬕᬦ᭄᭞ᬳᬸᬢᬸᬲᬦ᭄ᬢᭂᬓᬗᬢᬸᬭᬶᬦ᭄᭞ᬢ᭄ᬤᬸᬦ᭄ᬭᬭᬶᬲ᭄ᬫᬫᬃᬕ᭄ᬕᬶ᭞ᬦᬶᬜ᭄ᬘᬧ᭄ᬚ᭄ᬭᬾᬓᬸᬢᬓᬥᬢᬸᬦ᭄᭞ᬗᭀᬚᭀᬕ᭄ᬧᬸᬭᬷᬓᬮᬾᬭᬦ᭄᭞ᬢᬗ᭄ᬓᬶᬮ᭄ᬭᬶᬂᬤᬾᬯᬕᬸᬂᬭᬳᬶ᭞ᬢ᭄ᬓᬫ᭄ᬓᬸᬮ᭄᭞ᬧ᭄ᬭᬲᬗ᭄ᬖᬦᬸᬦᬲ᭄ᬳᭀᬓᬓᬲᬦ᭄᭟ᬢ᭄ᬮᬲ᭄ᬫ

Auto-transliteration

[14 14B] 14 mar̀gga, wyaktihangugupweṣṭi. par̥ĕkanewentĕnngiringptangdaśa, waharasataksami, rawuhingkawula, minakadinedadwa, ktutpasĕkkompyangbajing, hindakekambang, twaramarasagumi. pĕpĕkpanga dharaningrakuhuttama, mahdungmapangawin, makadibandrangun, padhanglinggihinkuda, kabĕnanakerimar̀ggi, keḥyantuturang, tingkahanakpakĕmit. sāmpunadoḥlintangringpradeśagyañar , rawuḥringkaluputiḥ, hirikamarār̀yyan, nuptupangpakayunan, ringpurasamimalinggiḥ, mababawosan, riparāgungengiring. kocapmangkinhidahanakagungnguraḥ, rarisngulaḥpamar̀ggi, ma rār̀yyanringantap, tur̀ngamar̀gyangbrahmaṇa, tanlenidakompyangbajing, paraningwkas, purunngojogkapurī. tanpakampek'heñcoltindakanngajiñjang, sĕbĕngektudkuning, ñenma‐ [15 15A] nimamanang, sāmpunrawuḥringpar̶sar, hasingdĕsĕkmangawonin, wahumnekan, daptangsāmpuntitib. pramekbrahmāban'gakringbañcingaḥ, pr̥ĕbkĕlakeḥmangkin, ngiringsaramañca, jĕ‐ jĕlmakandakanda, kocapidakompyangbajing, kewĕḥngawasi, neñcenjanawtasin. bagbagbigbigkadijaranbalesengan, hasingtĕpukkĕñusin, ngisenmangĕdekang, sĕbĕ‐ ngekcudjĕngaḥ, tongadahanakngĕnĕmin, maliḥmatulak, lwir̀sinomkasĕngnwengrawi. \\•\\ pupuḥsino \\•\\ kasuwenpoliwkasan, pahingananwagusingit, bawu marakalugragan, hutusantĕkangaturin, tdunrarismamar̀ggi, niñcapjrekutakadhatun, ngojogpurīkaleran, tangkilringdewagungrahi, tkamkul, prasangghanunashokakasan. tlasma

Leaf 15

Image on Archive.org

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org

Leaf 67

Image on Archive.org

Leaf 68

Image on Archive.org

Leaf 69

Image on Archive.org

Leaf 70

Image on Archive.org

Leaf 71

Image on Archive.org

Leaf 72

Image on Archive.org

Leaf 73

Image on Archive.org

Leaf 74

Image on Archive.org

Leaf 75

Image on Archive.org

Leaf 76

Image on Archive.org

Leaf 77

Image on Archive.org

Leaf 78

Image on Archive.org

Leaf 79

Image on Archive.org

Leaf 80

Image on Archive.org

Leaf 81

Image on Archive.org

Leaf 82

Image on Archive.org

Leaf 83

Image on Archive.org

Leaf 84

Image on Archive.org

Leaf 85

Image on Archive.org

Leaf 86

Image on Archive.org

Leaf 87

Image on Archive.org