gaguritan-putra-sasana-03

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭚ᬑᬁᬅᬯᬶᬖ᭄ᬦᬫᬵᬲ᭄ᬢᬸ᭚ᬕᬕᬸᬭᬶᬢᬦ᭄ᬧᬸᬢ᭄ᬭᬲᬰᬡ᭞ᬳᭀᬮᬶᬄᬳᬶᬓ᭄ᬢᬸᬢ᭄ᬭᬸᬫ᭚ᬧᬸᬧᬸᬄᬲᬶᬦᭀᬫ᭄᭞᭚ᬲᬶᬦᬾᬫ᭄ᬧᬦᭂᬫ᭄ᬩᬾᬦᬶᬂᬢᭂᬫ᭄ᬩᬂ᭞ᬧᬸᬢ᭄ᬭᬲᬰᬡᬓᬕᬸᬭᬶᬢ᭄᭞ᬧᬓᬃᬤ᭄ᬤᬶᬦ᭄ᬲᬂᬓᬯᬶᬋᬓᭀ᭞ᬳᭂᬫ᭄ᬧᬸᬢᬦᬓᬸᬂᬲᬦᬾᬭᬶᬬᬶᬦ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬓᬾᬮᬶᬂ᭞ᬜᬮᬶᬫᬸᬭᬂᬫᬦᬄᬳᬶᬩᬸᬓ᭄᭞ᬳᬶᬗᭂᬢ᭄‌ᬗᭂᬮᬄᬧᬶᬬᬦᬓ‌ᬢᭀᬂᬲᬶᬤᬩᬳᬦ᭄ᬫᭂᬓᭂᬮᬶᬦ᭄᭞ᬧᬗ᭄ᬤᬗᬫ᭄ᬩᬸᬮ᭄᭞ᬢᬸᬗ᭄ᬓᬸᬮᬂᬩᬦ᭄ᬓᬓᬶᬤᬸᬗᬦ᭄᭟ᬩᬶᬮᬶᬄ ᬲᬶᬤᬗᬋᬲᭂᬧᬂ᭞ᬤᬕᬶᬂᬢᬸᬢᬸᬭᬾᬉᬢᬫᬶ᭞ᬜᬮᬶᬦᬶᬦ᭄‌ᬲᭀᬮᬳᬾᬓᬯᭀᬦ᭄᭞ᬗᬦᬸᬢᬶᬦ᭄ᬧᭀᬮᬳᬾᬩᭂᬘᬶᬓ᭄᭞ᬓᬤᬶᬳᬸᬘᬧᬶᬂᬳᬚᬶ᭞ᬲᭀᬳᬲᬦᬾᬭᬳᬬᬸ᭞ᬫᬫᬗ᭄ᬕᬸᬳᬂ ᬓᬲᬸᬜᬕ᭄ᬬᬦ᭄᭞ᬚᬕᬢ᭄ᬲ᭄ᬯᬃᬕ᭄ᬕᬓᬧᬸᬧᭀᬦᬶᬦ᭄᭞ᬲᭀᬮᬄᬍᬢᬸᬄ᭞ᬗᬯᬶᬦᬂᬫ᭄ᬕᬸᬄᬦᬭᬓ᭟ᬲᬗ᭄ᬓᬦᬶᬂᬤᭂᬫᭂᬦ᭄ᬫᬮᬚᬄ᭞ᬫᬶᬮᬸᬫᬶᬮᬸᬢᬸᬳᬸᬢᬶᬦ᭄‌ᬗᬸᬭᬶᬢ᭄᭞ᬫᬦᬯᬶ [᭒ 2A] ᬢᬫᬧᬶᬓ᭄ᬦᭀᬄ᭞ᬫᬦ᭄ᬢᬸᬓᬾᬭᬶᬂᬳᬮᬶᬢ᭄ᬳᬮᬶᬢ᭄᭞ᬗᬯᬶᬦᬂᬤᬗᬦ᭄‌ᬦᬫ᭄ᬧᬾᬦᬶᬦ᭄᭞ᬦᬾᬫᬸᬗ᭄ᬕᬄᬭᬶᬂᬤᬕᬶᬂᬢᬸᬢᬸᬃ᭞ᬢᬸᬢᬸᬃᬧᬸᬢ᭄ᬭᬲᬰᬡ᭞ᬲᬱᬡᬦ᭄ᬲᬂᬩ᭄ᬭᬳ᭄ᬫᬘᬭᬶ᭞ᬦᬾᬓᬢᬸᬚᬸ᭞ᬲᬶᬤᬫᬗ᭄ᬕᬶᬄᬓ ᬭᬳᬬ᭄ᬯᬦ᭄᭟ᬧᬸᬦᬶᬓᬳᬯᬶᬦᬦ᭄ᬢᬶᬢ᭄ᬬᬂ᭞ᬦᬸᬦᬲ᭄ᬕᬸᬂᬋᬡᬳᬫ᭄ᬧᬸᬭᬶ᭞ᬫᬗ᭄ᬤᬲ᭄ᬯᬾᬘᬗᬗ᭄ᬕᬾᬦ᭄‌ᬮᬾᬤᬂ᭞ᬭᬶᬂᬓᬬᬸᬦᬾᬲᬋᬂᬲᬫᬶ᭞ᬭᬳᬶᬦᬗᬯᬶᬢ᭄ᬫᬭᬶᬓ᭄᭞ᬲᭀᬫᬫᬦᬶᬲ᭄‌ᬯᬢᬸᬕᬸᬦᬸᬂ᭞ᬦᭂᬫᭀ᭠ ᬦᬶᬦ᭄ᬲᬰᬶᬄᬓᬰᬗ᭞ᬇᬰᬓᬲ᭄ᬬᬸᬰᬗᬍᬩᬶᬄ᭞ᬢᬗ᭄ᬕᬸᬦᬶᬧᬸᬦ᭄᭞ᬧᬶᬢᬸᬮᬲ᭄‌ᬤᬸᬓ᭄ᬗᬯᬶᬢ᭄‌ᬜᬸᬭᬢ᭄᭟ᬓᬸᬫᬫ᭄ᬩᬂ᭟᭚ᬫᬲ᭄ᬓᬸᬫᬫ᭄ᬩᬂ᭞ᬓᬸᬫᬫ᭄ᬩᬂᬳᬗ᭄ᬕᭀᬦ᭄ᬗᬲ᭄ᬢᬸᬢᬶ᭞ᬭᬶᬂᬩᬸᬓ᭄ᬧᬤ᭄ᬳᬶᬤ᭞ᬳᬶᬤᬲᬂᬳ᭄ᬬᬂ ᬯᬕᬶᬲ᭄ᬯᬭᬶ᭞ᬫᬧᬶᬦᬸᬦᬲ᭄‌ᬓᬭᬳᬬ᭄ᬯᬦ᭄᭟ᬭᬾᬄᬫᬦᬶᬭᬫ᭄ᬮᭂᬤ᭄ᬫᬗᬶᬓᭂᬢᬂᬕᬸᬭᬶᬢ᭄᭞ᬢᬶᬗ᭄ᬓᬄᬤᬤᬶᬧ᭄ᬬᬦᬓ᭄᭞ᬫᬦᬸᬢ᭄‌ᬭᬶᬂᬓ᭄ᬘᬧᬶᬂᬳᬚᬶ᭞ᬫᬸᬗ᭄ᬕᬸᬄᬭᬶᬂᬧᬸᬢ᭄ᬭᬲᬰᬡ᭟ᬯᬾᬦ᭄ᬢᭂᬦ᭄‌ᬰᬲ᭄ᬢ᭄ᬭ᭞ᬧᬯᬗᬸᬦ᭄‌ᬰ᭄ᬭᬶ

Auto-transliteration

[1 1B] 1 // oṅġawighnamāstu // gaguritanputrasaśaṇa, holiḥhiktutruma // pupuḥsinom, // sinempanĕmbeningtĕmbang, putrasaśaṇakagurit, pakar̀ddinsangkawir̥ĕko, hĕmputanakungsaneriyin, hanggentityangpakeling, ñalimurangmanaḥhibuk, hingĕtngĕlaḥpiyanakatongsidabahanmĕkĕlin, pangdangambul, tungkulangbankakidungan. biliḥ sidangar̥ĕsĕpang, dagingtuture'utami, ñalininsolahekawon, nganutinpolahebĕcik, kadihucapinghaji, sohasanerahayu, mamangguhang kasuñagyan, jagatswar̀ggakapuponin, solaḥl̥ĕtuḥ, ngawinangmguḥnaraka. sangkaningdĕmĕnmalajaḥ, milumilutuhutinngurit, manawi [2 2A] tamapiknoḥ, mantukeringhalit'halit, ngawinangdangannampenin, nemunggaḥringdagingtutur̀, tutur̀putrasaśaṇa, saṣaṇansangbrahmacari, nekatuju, sidamanggiḥka rahaywan. punikahawinantityang, nunasgungr̥ĕṇahampuri, mangdaswecanganggenledang, ringkayunesar̥ĕngsami, rahinangawitmarik, somamaniswatugunung, nĕmo‐ ninsaśiḥkaśanga, iśakasyuśangal̥ĕbiḥ, tanggunipun, pitulasdukngawitñurat. kumambang. // maskumambang, kumambanghanggonngastuti, ringbukpad'hida, hidasanghyang wagiswari, mapinunaskarahaywan. reḥmaniramlĕdmangikĕtanggurit, tingkaḥdadipyanak, manutringkcapinghaji, mungguḥringputrasaśaṇa. wentĕnśastra, pawangunśri

Leaf 2

Image on Archive.org

[᭒ 2B] ᭒ ᬯᬭᬭᬸᬘᬶ᭞ᬲᬂᬮ᭄ᬯᬶᬄᬓᬧᬡ᭄ᬥᬶᬢᬦ᭄᭞ᬢᬶᬭᬸᬦ᭄ᬫᬦᬶᬭᬦᬾᬚᬦᬶ᭞ᬓᬕᬸᬭᬶᬢ᭄‌ᬚ᭄ᬭᭀᬦᬶᬂᬍᬧᬶᬳᬦ᭄᭟ᬢᬢᬸᬚᭀᬦᬾᬳᬶᬧ᭄ᬬᬦᬓ᭄‌ᬜᬓ᭄ᬗᬦᬸᬢᬶᬦ᭄᭞ᬲ᭄ᬯᬥᬃᬫ᭄ᬫᬦᬶᬂᬧ᭄ᬬᬦᬓ᭄᭞ᬫᬶᬯᬄᬪᬓ᭄ᬢᬶᬢᬸᬢᬸᬢ᭄ᬳ ᬲᬶᬄ᭞ᬫᬋᬧ᭄‌ᬭᬶᬂᬲᬂᬜᭂᬦ᭄ᬢᬦᬬᬂ᭟ᬬᬦ᭄ᬳᬶᬧ᭄ᬬᬦᬓ᭄‌ᬢᬦᬸᬭᬸᬓᬂᬳᬸᬮᬶᬂᬘ᭄ᬦᬶᬓ᭄᭞ᬳᬶᬦ᭄ᬤᬶᬓᬭᬳᬬᭀᬦ᭄᭞ᬩᬦ᭄ᬲᬬᬗᬾᬢᬶᬤᭀᬂᬕᬶᬕᬶᬲ᭄᭞ᬢᭀᬂᬢᬳᬾᬦ᭄‌ᬗ᭄ᬮᬾᬫᬾᬓᬶᬦ᭄ᬧ᭄ᬬᬦᬓ᭄᭟ᬫᬧᬸᬯᬭᬳᬶ᭠ ᬧ᭄ᬬᬦᬓ᭄ᬢᬦ᭄ᬫᬦᬸᬢ᭄ᬳᬶᬦ᭄ᬤᬶᬓ᭄᭞ᬫᬮᬓ᭄ᬱᬡᬘᭀᬭᬄ᭞ᬲᬶᬦᬄᬩᬧᬦ᭄ᬜᬓᬤᬮᬶᬄ᭞ᬩ᭄ᬮᭀᬕ᭄‌ᬢᬦ᭄ᬗᬾᬃᬢᬶᬬᬂᬧ᭄ᬬᬦᬓ᭄᭟ᬳᬯᬶᬦᬦ᭄ᬜᬧ᭄ᬬᬦᬓᬾᬧᬢᬸᬢ᭄ᬢᬸᬢᬸᬭᬶᬦ᭄᭞ᬳᬶᬦ᭄ᬤᬶᬓ᭄ᬓᬲᬸᬰᬶᬮᬦ᭄᭞ᬲᬓᬜ᭄ᬘᬦ᭄ᬮᬓ᭄ᬱ ᬡᬩ᭄ᬘᬶᬓ᭄᭞ᬫᬦᬸᬢ᭄ᬓᬬᬯᬓ᭄ᬮᬦ᭄ᬫᬦᬄ᭟ᬬᬦ᭄ᬳᬶᬧ᭄ᬬᬦᬓ᭄ᬳᭂᬜᬓ᭄ᬚᭂᬫᭂᬢ᭄ᬫᬮᬚᬳᬶᬦ᭄᭞ᬓᬓ᭄ᬘ᭠ᬧ᭄‌ᬳᬕᬫ᭞ᬥᬃᬫ᭄ᬫᬲᬤᬦᬓᬦᬸᬢᬶᬦ᭄᭞ᬚᬕᬢᬾᬗᬍᬫ᭄ᬜᬸᬗ᭄ᬚᬸᬗᬂ᭟ᬬᬦᬓᬾᬢᭀᬢᬶᬗ᭄ᬓᬄᬧ᭄ᬬᬦᬓᬾ [᭓ 3A] ᬘ᭄ᬦᬶᬓ᭄᭞ᬲᬶᬦᬄᬗᬯᬾᬮᬾᬤᬂ᭞ᬧᬓᬬᬸᬦᬦ᭄‌ᬩ᭄ᬬᬂᬳᬚᬶ᭞ᬫᬯᬸᬯᬸᬄᬢᬺᬱ᭄ᬡᬭᬶᬂᬯᭂᬓ᭟ᬓᬩᬯᭀᬲᬂᬳᬶᬩᬧᬍᬯᬶᬳᬶᬂᬓᬶᬃᬢ᭄ᬢᬶ᭞ᬳᬸᬮᬶᬳᬦ᭄ᬳᬶᬧ᭄ᬬᬦᬓ᭄᭞ᬲᬤᬸᬕᬡᬯᬦ᭄‌ᬳᬸᬢᬫᬶ᭞ᬗᬦᬸᬢᬶᬦ᭄ᬧᬸᬢ᭄ᬭᬲᬰᬡ‌ᬓᬧ ᬢᬸᬢᬦ᭄ᬳᬶᬧ᭄ᬬᬦᬓ᭄ᬫᬗᭂᬦ᭄ᬢᬶᬦᬶᬦ᭄᭞ᬕᬕᬶᬦᬦ᭄ᬳᬶᬩᬧ᭞ᬦᬾᬲᬸᬩᬓᬩᬯᭀᬲ᭄ᬩᭂᬘᬶᬓ᭄᭞ᬧᬘᬂᬜᬸᬫᭂᬦ᭄ᬤᬶᬧᬸᬗ᭄ᬓᬸᬭᬦ᭄᭟ᬫ᭄ᬯᬄᬳᬶᬧ᭄ᬬᬦᬓ᭄‌ᬢᬦ᭄ᬧᬶᬲᬦ᭄ᬦᬳᭂᬦ᭄ᬫᬘᬓ᭄ᬮᬶ᭞ᬲᬢᬢᬗᬶᬭᬶᬗᬂ᭞ᬲᬧᬶᬢᬸᬤᬸᬄᬩ᭄ᬬᬂ ᬳᬚᬶ᭞ᬢ᭄ᬫᬭᬶᬫᬗᬯᬾᬮᬾᬤᬂ᭟᭜᭟ᬧᬸᬄᬧᬸᬗ᭄ᬓᬸᬃ᭟᭚ᬬᬦ᭄ᬧᬤᬾᬳᬤᬳᬶᬬᬦᬓ᭄᭞᭠ᬢᬲᬳᬶᬧᬶᬯᬮ᭄᭞ᬲᬧᬶᬢᬸᬤᬸᬄᬩ᭄ᬬᬂᬳᬚᬶ᭞ᬗᬯᬶᬦᬂᬩ᭄ᬬᬂᬳᬚᬶᬲᬸᬗ᭄ᬲᬸᬢ᭄᭞ᬧᬶᬬᬦᬓᬾᬩᬸᬓᬦᬾ᭠ ᬢᭀ᭞ᬢ᭄ᬯᬭᬧ᭄ᬬᬦᬓ᭄᭞ᬓᬩᬯᭀᬲ᭄ᬳᬦ᭄ᬢᬸᬓ᭄ᬲᬂᬲᬤᬸ᭞ᬢ᭄ᬯᬄᬧᬤᬂᬓᬩᬯᭀᬲᬂ᭞ᬭᬾᬄᬫᬲᭀᬮᬄᬢ᭄ᬯᬭᬩ᭄ᬘᬶᬓ᭄᭟ᬩ᭄ᬯᬶᬦᬲᬂᬜᭂᬦ᭄ᬢᬦᬬᬂ᭞ᬢᬦ᭄ᬫ᭄ᬭᬲᬫᬧ᭄ᬬᬦᬓ᭄‌ᬓᬢᬫ᭄ᬧᬾᬦᬶᬦ᭄᭞

Auto-transliteration

[2 2B] 2 wararuci, sanglwiḥkapaṇdhitan, tirunmaniranejani, kaguritjroningl̥ĕpihan. tatujonehipyanakñaknganutin, swadhar̀mmaningpyanak, miwaḥbhaktitutut'ha siḥ, mar̥ĕpringsangñĕntanayang. yanhipyanaktanurukanghulingcnik, hindikarahayon, bansayangetidonggigis, tongtahennglemekinpyanak. mapuwarahi‐ pyanaktanmanut'hindik, malakṣaṇacoraḥ, sinaḥbapanñakadaliḥ, blogtannger̀tiyangpyanak. hawinanñapyanakepatuttuturin, hindikkasuśilan, sakañcanlakṣa ṇabcik, manutkayawaklanmanaḥ. yanhipyanak'hĕñakjĕmĕtmalajahin, kakca‐p'hagama, dhar̀mmasadanakanutin, jagatengal̥ĕmñungjungang. yanaketotingkaḥpyanake [3 3A] cnik, sinaḥngaweledang, pakayunanbyanghaji, mawuwuḥtr̥ĕṣṇaringwĕka. kabawosanghibapal̥ĕwihingkir̀tti, hulihanhipyanak, sadugaṇawanhutami, nganutinputrasaśaṇakapa tutanhipyanakmangĕntinin, gaginanhibapa, nesubakabawosbĕcik, pacangñumĕndipungkuran. mwaḥhipyanaktanpisannahĕnmacakli, satatangiringang, sapituduḥbyang haji, tmarimangaweledang \\•\\ puḥpungkur̀. // yanpadehadahiyanak, ‐tasahipiwal, sapituduḥbyanghaji, ngawinangbyanghajisungsut, piyanakebukane‐ to, twarapyanak, kabawoshantuksangsadu, twaḥpadangkabawosang, reḥmasolaḥtwarabcik. bwinasangñĕntanayang, tanmrasamapyanakkatampenin,

Leaf 3

Image on Archive.org

[᭓ 3B] ᭓ ᬭᬾᬄᬧ᭄ᬬᬦᬓᬾᬫᬸᬗ᭄ᬧᬂᬮᬓᬸ᭞ᬢᬦ᭄ᬧᬶᬲᬦ᭄‌ᬗᬮᬓ᭄ᬱᬡᬬᬂ᭞ᬲᬓᬜ᭄ᬘᬦᬶᬂ᭞ᬲ᭠ᬧᬶᬢᬸᬤᬸᬄᬬᬬᬄᬳᬶᬩᬸ᭞ᬓᬮᬶᬦ᭄ᬢᬂᬦᬶᬃᬤᭀᬦ᭄ᬧᬶᬲᬦ᭄᭞ᬳᬶᬧ᭄ᬬᬦᬓ᭄ᬢᬦ᭄ᬫᬦᬸᬢ᭄ᬳᬶᬦ᭄ᬤᬶᬓ᭄᭟ᬲᬓᭂᬭᬄᬲᬤᬕᬶᬂ ᬚᬕᬢ᭄᭞ᬫᬗᬘᭂᬧᬂ᭞ᬓᬲᬸᬩᬕ᭄ᬬᬦᬾᬫᬳᬸᬭᬶᬧ᭄᭞ᬮᬫᬓᬦᬾᬲᬶᬤᬧᬗ᭄ᬕᬸᬄ᭞ᬫᬚᬮᬭᬦ᭄ᬲᬓᬶᬂᬧ᭄ᬬᬦᬓ᭄᭞ᬳᬦᬾᬪᬓ᭄ᬢᬶᬩᬳᬦ᭄‌ᬲᭀᬮᬄᬦᬾᬭᬳᬬᬸ᭞ᬲᬢᬢᬗᬯᬶᬦᬂᬮᬾᬤᬂ ᭞ᬢᬦ᭄ᬧᬶᬲᬦ᭄ᬫᬲᭀᬮᬄᬭᬸᬲᬶᬢ᭄᭟ᬢᬦ᭄ᬓᬧᬢᬸᬢ᭄‌ᬢᭀᬳᬶᬧ᭄ᬬᬦᬓ᭄᭞ᬬᬦ᭄ᬮᬸᬫ᭄ᬩᬭᬶᬦ᭄᭞ᬢ᭄ᬯᬭᬧᬘᬂᬧᬶᬢᬸᬢᬸᬭᬶᬦ᭄᭞ᬫᬯᬲ᭄ᬢᬸᬬᬜᬮᬄᬳᬸᬢᬸ᭞ᬗᬯᬾᬤᬸᬄᬓᬶᬢᬳᬶᬩᬧ᭞ᬲᬓᬾ ᬯᬮ᭞ᬬᬦᬶᬂᬳᬸᬮᬶᬂᬘ᭄ᬦᬶᬓ᭄ᬳᬸᬭᬸᬓ᭄᭞ᬳᬸᬭᬸᬓᬂᬓᬲᬸᬰᬶᬮᬦ᭄᭞ᬗᬯᬾᬲᬸᬓᬩ᭄ᬬᬗᬚᬶ᭟ᬲᬸᬢᭂᬢ᭄ᬜᬦᬾᬢᭀᬳᬶᬧ᭄ᬬᬦᬓ᭄᭞ᬢᬦ᭄ᬓᬧᬢᬸᬢ᭄᭞ᬳᬸᬮᬶᬂᬘ᭄ᬦᬶᬓ᭄ᬳᬸᬮᬸᬭᬶᬦ᭄᭞ᬲᬭᬢᬂᬬ [᭔ 4A] ᬋᬫ᭄ᬩᬢᬸᬦ᭄ᬢᬸᬦ᭄᭞ᬳᬸᬮᬶᬂᬘ᭄ᬦᬶᬂᬤᬩ᭄ᬤᬩᬂ᭞ᬳᬧᬂᬩ᭄ᬬᬲ᭞ᬫᬲᭀᬮᬄᬳᬦᬾᬭᬳᬬᬸ᭞ᬬᬦ᭄ᬓᬲᬾᬲᬾᬧ᭄ᬧᬘᬂᬗᬸᬭᬸᬓᬂ᭞ᬲᬶᬦᬄᬧᬘᬂᬫᬓᬾᬯᭂᬳᬶᬦ᭄᭟ᬳᬦ᭄ᬢᬸᬓ᭄ᬳᬶᬤᬲᬂᬯᬶᬤᬕ᭄ᬤ᭞ᬓᬯᭀᬦ᭄ᬩᭂᬘᬶᬓ᭄᭞ᬲᭀᬮᬄᬧ᭄ᬬᬦᬓ᭄ ᬓᬢᬶᬢᬾᬦᬶᬦ᭄᭞ᬬᬤ᭄ᬬᬦ᭄ᬫᬲᭀᬮᬄᬭᬳᬬᬸ᭞ᬳᬧᬩ᭄ᬯᬶᬦ᭄‌ᬬᬦ᭄ᬤᬸᬃᬰᬶᬮ᭞ᬧᬢᬸᬢ᭄ᬧᬶᬲᬦ᭄‌ᬓᬳᬸᬦᬶᬗᬶᬦ᭄‌ᬬᬬᬄᬳᬶᬩᬸ᭞ᬢᬦ᭄ᬧᬶᬲᬦ᭄ᬤᬤᭀᬲ᭄ᬢᭂᬮᬾᬫᬦ᭄᭞ᬳᬶᬦ᭄ᬤᬶᬓᬾᬗᭂᬫ᭄ᬩᬦ᭄‌ᬦᬸᬢᬸᬭᬶᬦ᭄᭟ᬬᬦ᭄ ᬧᬤᬾᬳᭂᬦ᭄ᬢᭀᬳᬶᬧ᭄ᬬᬦᬓ᭄᭞ᬳᬦᬾᬧ᭄ᬭᬤ᭄ᬜᬦ᭄᭞ᬬᬤᬶᬦ᭄ᬗᭂᬮᬄᬤᭀᬱᬓᬶᬜ᭄ᬘᬶᬢ᭄᭞ᬲᬶᬦᬄᬧᬘᬂᬭᬯᬢ᭄ᬮᭂᬩᬸᬃ᭞ᬳᭀᬮᬶᬄᬕᬸᬡᬦᬶᬂᬧ᭄ᬬᬦᬓ᭄᭞ᬬᬦᬶᬂᬧᬤᬾ᭞ᬤᭀᬱᬦ᭄ᬧ᭄ᬬᬦᬓᬾᬳᬕᬸᬂ᭞ᬓᬩᬶᬲ ᬬᬦᬾᬓᬶᬓᬶᬢᬦ᭄᭞ᬦᬶᬃᬤᭀᬦ᭄ᬓᬧ᭄ᬭᬚ᭄ᬜᬦ᭄ᬲᬫᬶ᭟ᬯᬶᬯᬾᬓᬦ᭄ᬳᬶᬤᬲᬂᬧ᭄ᬭᬚ᭄ᬜᬦ᭄᭞ᬲ᭠ᬓᬶᬂᬳᬮᬶᬢ᭄᭞ᬲᬓᬶᬂᬳᬮᬶᬢ᭄᭞ᬳᭀᬓᬦᬾᬓᬢᬸᬢᬸᬭᬶᬦ᭄᭞ᬫᬗ᭄ᬤᬾᬦᬾᬢᭂᬍᬩ᭄ᬫᬳᬸᬭᬸᬓ᭄᭞ᬤᬕᬶᬂᬓ᭠

Auto-transliteration

[3 3B] 3 reḥpyanakemungpanglaku, tanpisanngalakṣaṇayang, sakañcaning, sa‐pituduḥyayaḥhibu, kalintangnir̀donpisan, hipyanaktanmanut'hindik. sakĕraḥsadaging jagat, mangacĕpang, kasubagyanemahurip, lamakanesidapangguḥ, majalaransakingpyanak, hanebhaktibahansolaḥnerahayu, satatangawinangledang , tanpisanmasolaḥrusit. tankapatuttohipyanak, yanlumbarin, twarapacangpituturin, mawastuyañalaḥhutu, ngaweduḥkitahibapa, sake wala, yaninghulingcnik'huruk, hurukangkasuśilan, ngawesukabyangaji. sutĕtñanetohipyanak, tankapatut, hulingcnik'hulurin, saratangya [4 4A] r̥ĕmbatuntun, hulingcningdabdabang, hapangbyasa, masolaḥhanerahayu, yankaseseppacangngurukang, sinaḥpacangmakewĕhin. hantuk'hidasangwidagda, kawonbĕcik, solaḥpyanak katitenin, yadyanmasolaḥrahayu, hapabwinyandur̀śila, patutpisankahuninginyayaḥhibu, tanpisandadostĕleman, hindikengĕmbannuturin. yan padehĕntohipyanak, hanepradñan, yadinngĕlaḥdoṣakiñcit, sinaḥpacangrawatlĕbur̀, holiḥguṇaningpyanak, yaningpade, doṣanpyanakehagung, kabisa yanekikitan, nir̀donkaprajñansami. wiwekanhidasangprajñan, sa‐kinghalit, sakinghalit, hokanekatuturin, mangdenetĕl̥ĕbmahuruk, dagingka‐

Leaf 4

Image on Archive.org

[᭔ 4B] ᭔ ᬓ᭄ᬘᬧ᭄ᬳᬕᬫ᭞ᬬᬦ᭄‌ᬢᬸᬲᬺᬲᭂᬧ᭄᭞ᬩᬓ᭄ᬢᬶᬭᬶᬂᬲᬂᬬᬬᬄᬳᬶᬩᬸ᭞ᬲᬶᬦᬄᬧᬘᬂᬢᬺᬱ᭄ᬡᬲᬬᬂ᭞᭠ᬭᬾᬄᬳᭀᬓᬦᬾᬢᬸᬢᬸᬢ᭄‌ᬪᬓ᭄ᬢᬶ᭟ᬬᬦ᭄ᬧ᭄ᬬᬦᬓᬾᬲᬸᬩᬩᬚᬂᬲᬶᬦᬄᬓᬾᬯᭂᬄ᭞ᬧᬘᬂᬫᬫᬭᬶᬓ᭄ᬱᬗ᭄ᬫᬶ ᬢ᭄᭞ᬫᬾᬦ᭄ᬤ᭄ᬭᬓ᭄ᬦᭂᬄᬜᬦᬾᬫᭂᬢᬸ᭞ᬫᬗ᭄ᬤᬓᬾᬲᬸᬩᬫᬓᬸᬋᬦ᭄᭞ᬓᬾᬦ᭄ᬓᬾᬦ᭄ᬩᬳᬦ᭄᭞ᬗᬚᬳᬶᬦ᭄ᬲᬸᬫᬶᬗ᭄ᬓᬶᬦ᭄‌ᬓᬾᬯᬸᬄ᭞ᬢᭀᬳᬯᬦᬦᬲᬭᬢᬂ᭞ᬧᭂᬤᭂᬲ᭄ᬳᬸᬭᬸᬓᬂᬢᬸᬢᬸᬭᬶᬦ᭄᭟ᬳᬯᬶᬦᬦ᭄ᬳᬶ᭠ ᬤᬲᬂᬧ᭄ᬭᬤ᭄ᬜᬦ᭄᭞ᬫᭂᬮᬶᬤ᭄ᬧᬶᬲᬦ᭄᭞ᬫᬶᬢᬸᬢᬸᬭᬶᬦ᭄‌ᬳᭀᬓᬳᬮᬶᬢ᭄᭞ᬗᬶᬘᬦᬶᬦ᭄‌ᬘᭀᬦ᭄ᬤᭀᬭᬳᬬᬸ᭞ᬋᬲᭂᬧ᭄‌ᬭᬶᬂᬧᬗᬚᬄᬩᬧ᭞ᬢᬹᬃᬗᬶᬭᬶᬗᬂ᭞ᬗᬫᬃᬕ᭄ᬕᬶᬦᬶᬦ᭄ᬲᬧᬶᬢᬸᬤᬸᬄ᭞ᬳᬶᬧ᭄ᬬᬦᬓ᭄ ᬦᬾᬩᬸᬓᬓᬾᬢᭀ᭞ᬫᬗ᭄ᬕᬶᬄᬲᬸᬓᬕᬸᬡᬍᬯᬶᬄ᭟᭜᭟ᬧᬸᬄᬤᬹᬃᬫ᭄ᬫ᭟᭚ᬬᬦᬶᬂ᭠ᬲᬸᬩᬳᬦ᭄ᬢᭂᬲ᭄ᬳᬸᬭᬸᬓᬂᬫᬲᬰ᭄ᬢ᭄ᬭ᭞ᬢ᭄ᬫᭂᬲᬂᬧᭂᬤᭂᬲ᭄ᬗᬚᬳᬶᬦ᭄᭞ᬭᬾᬄᬢᭀᬦ᭄ᬤᬾᬦ᭄‌ᬩ᭄ᬬᬧᬭ᭞ᬲᬶᬦᬄᬢ᭄ᬮᭂᬩ᭄ᬫᬮ [᭕ 5A] ᬚᬄ᭞ᬫᬮᬚᬳᬶᬦ᭄‌ᬲᬂᬳ᭄ᬬᬂᬳᬚᬶ᭞ᬬᬦ᭄ᬲᬸᬩᬩᬚᬂ᭞ᬳᬶᬦ᭄ᬤ᭄ᬭ᭄ᬬᬦᬾᬫᬓᬾᬯᭂᬳᬶᬦ᭄᭟ᬩᬸᬯᬶᬦ᭄‌ᬳᬤᬳᭂᬦᬾᬧᬢᬸᬢ᭄ᬧᬤᬶᬗᭂᬳᬂ᭟ᬧᬶᬢᬸᬢᬸᬃᬩᬧᬦᬾᬚᬦᬶ᭞ᬲᬶᬫ᭄ᬧᭂᬦ᭄‌ᬚ᭄ᬭᭀᬦᬶᬂᬳᬶᬤᭂᬧ᭄᭞ᬳ᭄ᬤᬫᬳᬶᬬᭂᬕᬦ᭄ ᭞ᬗᬚᬓ᭄ᬜᬫᬓᬸᬮᬯᬃᬕ᭄ᬕᬶ᭞ᬧᬘᬂᬗᭂᬦ᭄ᬢᬶᬓᬂ᭞ᬤᬸᬄᬓᬶᬢᬲ᭄ᬤᬶᬄᬓᬶᬗ᭄ᬓᬶᬂ᭟ᬤᬤ᭄ᬫᭂᬦ᭄ᬫᬕᬸᬯᬸᬦᬶᬦ᭄ᬫ᭠ᬘᬦ᭄ᬤᬘᬦ᭄ᬤ᭞ᬫᬕᭂᬕᬸᬬᭀᬦ᭄ᬳᬶᬫ᭄ᬧᬲᬶᬦ᭄᭞ᬭᬶᬂᬧᬭᬚᬦ᭞ᬤᬾᬧᬢᬸᬢ᭄ᬜᬦ᭄ᬤᬂᬤᬩ᭄ᬤᬩᬂ᭞ᬦᬾᬗᬃᬤ᭄ᬤᬶᬭᬳ᭠ ᬬᭀᬦ᭄ᬕᬸᬫᬶ᭞ᬲᬮ᭄ᬯᬶᬃᬮᬓ᭄ᬱᬡ᭞ᬗ᭄ᬮᬾᬤᬗᬶᬦ᭄ᬲᬂᬫ᭄ᬭᬕᬍᬯᬶᬄ᭟ᬬᬦᬶᬂᬩᬳᬸᬩᬳᬕ᭄ᬓᬗᬶᬦ᭄ᬳᭂᬦ᭄ᬤᬕ᭄ᬲᬸᬃᬬ᭄ᬬ᭞ᬮᬯᬸᬢᬂᬘ᭄ᬦᬶᬂᬗᬪᬓ᭄ᬢᬶ᭞ᬭᬶᬂᬳ᭄ᬬᬂᬯᬕᬶᬲ᭄ᬯᬭ᭞ᬫᬦᬸᬦᬲ᭄ᬧᬦᬸᬕ᭄ᬭᬳᬦ᭄᭞ᬗᬶᬜ᭄ᬘᭂᬧᬂᬲᬤᬕᬶᬂᬳ᭠ ᬚᬶ᭞ᬦᬾᬢᭀᬦ᭄ᬤᬾᬦ᭄ᬧ᭄ᬤᬲ᭄᭞ᬢ᭄ᬫᭂᬲᬂᬫᬮᬚᬳᬶᬦ᭄᭟ᬤ᭄ᬯᬦᬶᬂᬲᬶᬦᬄᬓᬧ᭄ᬭᬚ᭄ᬜᬦᬦᬾᬢᭀᬢᭀᬦᬦ᭄᭞ᬗᬶᬘᬮᬂᬢᬫ᭄ᬩᭂᬢᬾᬲᬫᬶ᭞ᬫᬸᬘᭂᬄᬧᭀᬫᭀᬦ᭄ᬫᬦᬄ᭞ᬲᬶᬤᬫᬗ᭄ᬭᬸᬯᬢᬂ᭞ᬲᬓᬶᬂᬳ

Auto-transliteration

[4 4B] 4 kcap'hagama, yantusr̥ĕsĕp, baktiringsangyayaḥhibu, sinaḥpacangtr̥ĕṣṇasayang, ‐reḥhokanetututbhakti. yanpyanakesubabajangsinaḥkewĕḥ, pacangmamarikṣangmi t, mendraknĕḥñanemĕtu, mangdakesubamakur̥ĕn, kenkenbahan, ngajahinsumingkinkewuḥ, tohawananasaratang, pĕdĕshurukangtuturin. hawinanhi‐ dasangpradñan, mĕlidpisan, mituturinhokahalit, ngicanincondorahayu, r̥ĕsĕpringpangajaḥbapa, tūr̀ngiringang, ngamar̀ggininsapituduḥ, hipyanak nebukaketo, manggiḥsukaguṇal̥ĕwiḥ \\•\\ puḥdūr̀mma. // yaning‐subahantĕshurukangmasaśtra, tmĕsangpĕdĕsngajahin, reḥtondenbyapara, sinaḥtlĕbmala [5 5A] jaḥ, malajahinsanghyanghaji, yansubabajang, hindryanemakewĕhin. buwinhadahĕnepatutpadingĕhang. pitutur̀bapanejani, simpĕnjroninghidĕp, hdamahiyĕgan , ngajakñamakulawar̀ggi, pacangngĕntikang, duḥkitasdiḥkingking. dadmĕnmaguwuninma‐candacanda, magĕguyonhimpasin, ringparajana, depatutñandangdabdabang, nengar̀ddiraha‐ yon'gumi, salwir̀lakṣaṇa, ngledanginsangmragal̥ĕwiḥ. yaningbahubahagkanginhĕndagsur̀yya, lawutangcningngabhakti, ringhyangwagiswara, manunaspanugrahan, ngiñcĕpangsadagingha‐ ji, netondenpdas, tmĕsangmalajahin. dwaningsinaḥkaprajñananetotonan, ngicalangtambĕtesami, mucĕḥpomonmanaḥ, sidamangruwatang, sakingha

Leaf 5

Image on Archive.org

[᭕ 5B] ᭕ ᬮᬲᭂᬤᬶᬂᬓᬶᬗ᭄ᬓᬶᬂ᭞ᬧᬘᬂᬗᬯᬶᬦᬂ᭞ᬓᬲᬸᬩᬕ᭄ᬬᬦᬾᬫᬳᬸᬭᬶᬧ᭄᭟ᬓᬾᬦᬾᬩᬸᬯᬶᬦ᭄ᬧᬢᬸᬢᬾᬭᬶᬂᬧᬦᬩᬾᬬᬦ᭄᭞ᬜᬾᬯᬓᬢᬸᬢᬸᬢ᭄‌ᬪᬓ᭄ᬢᬶ᭞ᬢ᭄ᬯᬭᬤᬤᬶᬮᬗ᭄ᬕ᭄ᬬ᭞ᬯᬮᬸᬬᬤᬾᬯᬲᬓᬮ᭞ᬳᬶᬦ᭄ᬤᬶᬓ᭄‌ᬘ᭄ᬦᬶ ᬗᬾᬫᬓ᭄ᬢᬶᬦᬶᬦ᭄᭞ᬫᬗᬯᬾᬮᬾᬤᬂ᭞ᬳᬶᬤᬲᬂᬦᬩᬾᬍᬯᬶᬄ᭟ᬲᬳᬶᬳᬦ᭄ᬢᭂᬂᬗᬢᬸᬭᬂᬲ᭄ᬓᬃᬲᬫᬶᬤ᭞ᬫᬶᬯᬄᬯᬶᬚᬢᬦ᭄ᬫᬭᬶ᭞ᬢᭀᬬᬭᬳᬸᬧ᭄ᬫᬸᬯᬄ᭞ᬯᬲᭂᬄᬘᭀᬓᭀᬃᬘᬸᬫᬤᬂ᭞ᬳᭂᬦ᭄ᬢᭀᬳᬢᬸᬭᬂᬲᬲᬳᬶ᭞ᬭᬶᬂᬧ᭠ ᬗᬚ᭄ᬬᬦ᭄᭞ᬢᬸᬳᬸᬪᬓ᭄ᬢᬶᬫᬗᬬᬳᬶᬦ᭄᭟ᬬᬦᬶᬂᬳᬤᬧᬶᬢᬸᬤᬸᬄᬲᬂᬧᬗᬚ᭄ᬬᬦ᭄᭞ᬤᬶᬕ᭄ᬮᬶᬲ᭄‌ᬢᭀᬢᬫ᭄ᬧᬾᬦᬶᬦ᭄᭞ᬢᬸᬃᬮᬓ᭄ᬱᬡᬬᬂ᭞ᬲᬤᬕᬶᬂᬧᬶᬢᬸᬤᬸᬄᬳᬶᬤ᭞ᬳ᭄ᬤᬧᬶᬯᬮ᭄ᬫᬦᬸᬗ᭄ᬓᬲᬶᬦ᭄᭞ᬳᬓᬾᬢᭀ᭠ ᬯᬦ᭄ᬢᬄ᭞ᬢᬶᬗ᭄ᬓᬳᬾᬫᬕᬸᬭᬸᬪᬓ᭄ᬢᬶ᭟ᬓᬩᬯᭀᬲᬂᬧ᭄ᬬᬦᬓᬾᬦᬾᬩᬸᬓᬓᬾᬢᭀ᭞ᬉᬧᬪᭀᬖᬳᭂᬫᬲ᭄ᬧᬶᬧᬶᬲ᭄᭞ᬢᬦ᭄ᬧᬘᬂᬓᬸᬭᬂ᭞ᬲᬶᬤᬫᬶᬓᭀᬮᬶᬳᬂ᭞ᬓᬲᬸᬩᬕ᭄ᬬᬦᬾᬳᬸᬢᬫᬶ᭞ᬢᬦ᭄ᬧ [᭖ 6A] ᬢᬦ᭄ᬤᬶᬗᬦ᭄᭞ᬦᬾᬓᬾᬢᭀᬧᬘᬂᬓᬧᬗ᭄ᬕᬶᬄ᭟ᬬᬦ᭄ᬳᬓᬾᬢᭀᬧᬶᬤᬩ᭄ᬤᬩ᭄ᬜᬳᬶᬧ᭄ᬬᬦᬓ᭄᭞ᬦᬾᬘᬸᬘᬸᬤ᭄ᬫᬕᬸᬭᬸᬪᬓ᭄ᬢᬶ᭞ᬧᬘᬂᬫᬶᬓᭀᬮᬶᬳᬂ᭞ᬲᬤᬕᬶᬂᬳᬚᬶᬲᬰ᭄ᬢ᭄ᬭ᭞ᬓᬧ᭄ᬭᬚ᭄ᬜᬦᬦᬾᬳᬸᬢᬫᬶ᭞ᬧᬘᬂᬓᬧᬶᬘ᭞ᬲᬂᬦᬩᬾ ᬫᬜ᭄ᬯᬾᬘᬦᬶᬦ᭄᭟ᬫᬮᬭᬧᬦ᭄ᬲᬗ᭄ᬓᬦᬶᬂᬧᬲ᭄ᬯᬾᬘᬦ᭄ᬳᬶᬤ᭞ᬳᬶᬤᬲᬂᬦᬩᬾᬍᬯᬶᬄ᭞ᬲᬗ᭄ᬓᬦ᭄ᬲᬶᬤ᭠ᬩᬓᬢ᭄᭞ᬗ᭄ᬮᬄᬩᭂᬓᭂᬮ᭄ᬓᬧ᭄ᬭᬚ᭄ᬜᬦᬦ᭄᭞ᬓᬾᬢᭀᬧ᭄ᬬᬦᬓᬾᬦᬾᬪᬓ᭄ᬢᬶ᭞ᬗᬯᬶᬦᬂᬮᬾᬤᬂ᭞ᬬᬬᬄᬭᬾᬡ᭠ ᬦᬾᬕᬸᬫᬦ᭄ᬢᬶ᭟ᬳ᭄ᬤᬧᬶᬲᬦ᭄ᬫᬮᬓ᭄ᬱᬡᬦᬾᬤᬹᬃᬰᬶᬮ᭞ᬭᬾᬄᬫᬨᬮᬢᬦ᭄ᬩᭂᬘᬶᬓ᭄᭞ᬗᬯᬶᬦᬂᬦᬭᬓ᭞ᬳᬯᬶᬦᬦ᭄‌ᬥᬃᬫ᭄ᬫᬲᬸᬰᬶᬮ᭞ᬦᬾᬧᬢᬸᬢ᭄ᬫᬃᬕ᭄ᬬᬂᬲᬳᬶ᭞ᬫᬗ᭄ᬕᬸᬳᬂᬲᬤ᭄ᬬ᭞ᬫᬨᬮᬲ᭄ᬯᬃᬕ᭄ᬕᬍᬯᬶᬄ᭟ᬤᬦ᭄ᬤᬾᬦ᭄ᬫᬮᬸ ᬢ᭄ᬫᭂᬩ᭄ᬫᬗᭂᬦᭂᬄᬗᭂᬦᬳᬂ᭞ᬓᬲᬸᬕ᭄ᬬᬦ᭄ᬫᬲ᭄ᬧᬶᬧᬶᬲ᭄᭞ᬤᬾᬦᬶᬂᬳᬶᬲᬸᬕ᭄ᬬᬦ᭄᭞ᬫᬲ᭄‌ᬧᬾᬭᬓ᭄ᬲᬲᭀᬘᬦ᭄᭞ᬫᬗᬯᬶᬦᬂᬢᬸᬬᬸᬄᬗᬮᬶᬄ᭞ᬬᬾᬦ᭄ᬲᬸᬩᬩᬓᬢ᭄᭞ᬧᬫᬸᬧᬸᬢ᭄‌ᬢ᭄ᬮᬄᬮᬶᬲᬶᬓ᭄᭟ᬦᬾᬧᬫ᭄ᬢᬲ᭄‌ᬓᬸ

Auto-transliteration

[5 5B] 5 lasĕdingkingking, pacangngawinang, kasubagyanemahurip. kenebuwinpatuteringpanabeyan, ñewakatututbhakti, twaradadilanggya, waluyadewasakala, hindikcni ngemaktinin, mangaweledang, hidasangnabel̥ĕwiḥ. sahihantĕngngaturangskar̀samida, miwaḥwijatanmari, toyarahupmuwaḥ, wasĕḥcokor̀cumadang, hĕntohaturangsasahi, ringpa‐ ngajyan, tuhubhaktimangayahin. yaninghadapituduḥsangpangajyan, diglistotampenin, tur̀lakṣaṇayang, sadagingpituduḥhida, hdapiwalmanungkasin, haketo‐ wantaḥ, tingkahemagurubhakti. kabawosangpyanakenebukaketo, upabhoghahĕmaspipis, tanpacangkurang, sidamikolihang, kasubagyanehutami, tanpa [6 6A] tandingan, neketopacangkapanggiḥ. yanhaketopidabdabñahipyanak, necucudmagurubhakti, pacangmikolihang, sadaginghajisaśtra, kaprajñananehutami, pacangkapica, sangnabe mañwecanin. malarapansangkaningpaswecanhida, hidasangnabel̥ĕwiḥ, sangkansida‐bakat, nglaḥbĕkĕlkaprajñanan, ketopyanakenebhakti, ngawinangledang, yayaḥreṇa‐ negumanti. hdapisanmalakṣaṇanedūr̀śila, reḥmaphalatanbĕcik, ngawinangnaraka, hawinandhar̀mmasuśila, nepatutmar̀gyangsahi, mangguhangsadya, maphalaswar̀ggal̥ĕwiḥ. dandenmalu tmĕbmangĕnĕḥngĕnahang, kasugyanmaspipis, deninghisugyan, masperaksasocan, mangawinangtuyuḥngaliḥ, yensubabakat, pamuputtlaḥlisik. nepamtasku

Leaf 6

Image on Archive.org

[᭖ 6B] ᭖ ᬢᬫᬦᬶᬂᬳᬚᬶᬲᬰ᭄ᬢ᭄ᬭ᭞ᬦᬾᬧᬢᬸᬢ᭄‌ᬩ᭄ᬯᬢᬂᬘᬳᬶ᭞ᬳᬗ᭄ᬕᭀᬦ᭄ᬓᬲᬸᬕ᭄ᬬᬦ᭄᭞ᬦᬾᬓᬾᬢᭀᬩ᭄ᬯᬢᬂᬩᬧ᭞ᬯᬶᬭᬾᬄᬓᬥᬃᬫ᭄ᬫᬦᬾᬍᬯᬶᬄ᭞ᬬᬤ᭄ᬬᬦ᭄ᬳᬶᬘᭀᬭᬄ᭞ᬢᬦ᭄ᬧᬘᬂᬫᬓᬾᬯᭂᬳᬶᬦ᭄᭟ᬤᬾᬦᬶᬂᬓᬾᬢᭀᬓᭀ ᬢᬫᬦᬶᬂᬳᬚᬶᬲᬰ᭄ᬢ᭄ᬭ᭞ᬧᬂᬲ᭄ᬓᭂᬦ᭄‌ᬩᬓᬢᬂᬘᬳᬶ᭞ᬦᬾᬧᬢᬸᬢ᭄ᬮᭂᬩᬂ᭞ᬲᬶᬤᬧᬶᬓᭀᬮᬶᬳᬂ᭞᭠ᬓᬾᬃᬢ᭄ᬢᬶᬓᬲᬤ᭄ᬬᬦᬾᬗ᭄ᬕᬶᬄ᭞ᬢᭀᬨᬮᬦ᭄ᬜ᭞ᬲᬶᬦᬋᬗᬦ᭄ᬧᬘᬂᬓᭂᬦᬶ᭟ᬲᬓᬾᬯᬮᬬᬦ᭄ᬳᬦᬓᬾᬫᬦ᭄ᬮᭂ ᬩᬂ᭞ᬓᬲᬸᬕ᭄ᬬᬦ᭄ᬫᬲ᭄‌ᬧᬶᬧᬶᬲ᭄᭞ᬢᬦ᭄ᬩᬶᬦᬫᬫ᭄ᬯᬢᬂ᭞ᬦᬾᬫᬤ᭄‌ᬯᬶᬰᬾᬱᬓᬵᬫ᭄ᬢ᭞ᬓᬯᬶᬰᬾᬱᬦ᭄‌ᬘᭀᬭᬄᬭᬸᬦ᭄ᬢᬶᬓ᭄᭞ᬢᭀᬓᬓᬲᭀᬭᬂ᭞ᬳᭀᬮᬶᬄᬓᬥᬃᬫ᭄ᬫᬦᬾᬍᬯᬶᬄ᭟ᬦᬾᬩ᭄ᬯᬶᬦ᭄‌ᬦᬾ ᬲᬦ᭄ᬤᬂᬧᬢᬸᬢ᭄‌ᬩ᭄ᬯᬢᬂ᭞ᬫᬲᭀᬮᬄᬧᬮᬚᬳᬶᬦ᭄‌᭞ᬤᬫᬲᭀᬮᬄᬳᬮ᭞ᬳᬦᬾᬭᬳᬬᬸᬩᬸᬯᬢᬂ᭞ᬭᬳᬬᬸᬧᬘᬂᬓᬧᬗ᭄ᬕᬶᬄ᭞ᬲᭀᬮᬳᬾᬳᬮ᭞ᬳᬮᬦᬾᬧᬘᬂᬧᬸᬧᭀᬦᬶᬦ᭄᭟᭜᭟ᬕᬶ [᭗ 7A] ᬦᬦ᭄ᬢᬶ᭟᭚ᬳᬤᬧ᭄ᬬᬦᬓ᭄ᬩᭂᬮᭀᬕ᭄ᬧᭂᬗ᭄ᬓᬸᬂ᭞ᬩᬧᬦ᭄ᬜᬦᬾᬧ᭄ᬭᬤ᭄ᬜᬦ᭄‌ᬭᬶᬭᬶᬄ᭞ᬳᬤᬧ᭄ᬬᬦᬓ᭄ᬩᬸᬤᬶᬧ᭄ᬭ᭠ᬚ᭄ᬜᬦ᭄᭞ᬩᬧᬦ᭄ᬜᬩ᭄ᬮᭀᬕ᭄ᬢᬦ᭄ᬲᬶᬧᬶ᭞ᬳᬤᬧ᭄ᬬᬦᬓ᭄ᬮᬶᬦ᭄ᬢᬂᬢᬫ᭄ᬩᭂᬢ᭄᭞ᬩᬧᬦ᭄ᬜᬢᬫ᭄ᬩᭂᬢ᭄ᬢᬦ᭄ᬲᬶᬧᬶ᭟ᬳᬤᬧ᭄ᬬᬦᬓ᭄ᬧ᭄ᬭᬚ᭄ᬜ ᬦ᭄ᬓᬲᬸᬩ᭄᭞ᬩᬧᬦ᭄ᬜᬭᬶᬭᬶᬄᬢᬦ᭄ᬲᬶᬧᬶ᭞ᬧᬢ᭄ᬧᬢ᭄ᬧᬶᬤᬩ᭄ᬤᬩ᭄ᬧ᭄ᬬᬦᬓ᭄᭞ᬧᬶᬦᭂᬳᬂᬘ᭄ᬦᬶᬂᬤᬶᬳᬢᬶ᭞ᬦᬾᬓᬧᬶᬂᬤ᭄ᬯᬫ᭄ᬯᬄᬧᬗᬸᬦ᭄ᬢᬢ᭄᭞ᬦᬾᬜᬦ᭄ᬤᬂᬢᬸᬮᬤ᭄‌ᬳᬦᬸᬢᬶᬦ᭄᭟ᬦᬾᬓᬧᬶᬂᬤ᭄ᬯᬲᬫ᭄ᬩᬢ᭄ᬫᬮᬸ᭞ᬬᬤ᭄ᬬᬦ᭄ᬢᬫ᭄ᬩᭂᬢ᭄ᬳᬶᬩ᭄ᬬᬂᬳ ᬚᬶ᭞ᬳᬶᬧ᭄ᬬᬦᬓ᭄ᬧᬢᬸᬢ᭄‌ᬜᬭᬢᬂ᭞ᬫᬗ᭄ᬤᬤᬤᭀᬲ᭄ᬳᬦᬓ᭄‌ᬍᬯᬶᬄ᭞ᬧ᭄ᬭᬚ᭄ᬜᬦ᭄‌ᬢᬸᬃᬲᬤᬸᬕᬸᬡᬯᬦ᭄᭞ᬳᬦ᭄ᬢᭂᬂᬫᬸᬭᬸᬓ᭄‌ᬰᬲ᭄ᬢ᭄ᬭᬳᬚᬶ᭟ᬦᬾᬧᬗᬸᬦ᭄ᬢᬢ᭄‌ᬮᬦ᭄ᬢᬸᬃᬳᬶᬧᬸᬦ᭄᭞ᬳᬶᬩᬧᬧ᭄ᬭᬚ᭄ᬜᬦ᭄‌ᬳᬸᬢᬫᬶ᭞ᬳᬶᬧ᭄ᬬᬦᬓ᭄ᬧᬢᬸᬢ᭄ ᬜᭂᬗᬳᬂ᭞ᬫᬗ᭄ᬤᬤᬤᭀᬲ᭄ᬳᬦᬓ᭄ᬭᬶᬭᬶᬄ᭞ᬗᬯᬶᬦᬂᬳᬾᬭᬂᬳᬶᬩᬧ᭞ᬬᬦ᭄ᬳᬶᬧ᭄ᬬᬦᬓ᭄ᬫᬸᬗ᭄ᬧᬂᬳᬶᬦ᭄ᬤᬶᬓ᭄᭟ᬳᬾᬮᬶᬗᬂᬳᬶᬦ᭄ᬤᬶᬓᬾᬤᬸᬫᬸᬦ᭄᭞ᬓᬲᬓᬶᬢᬦ᭄‌ᬩ᭄ᬬᬂᬘ᭄ᬦᬶᬂ᭞ᬤᬯᭂᬕ᭄‌ᬘ᭄ᬦᬶᬂᬓᬩᭀᬩᭀᬢᬂ᭞ᬲᬢ᭄ᬫᬮᬶᬸ

Auto-transliteration

[6 6B] 6 tamaninghajisaśtra, nepatutbwatangcahi, hanggonkasugyan, neketobwatangbapa, wireḥkadhar̀mmanel̥ĕwiḥ, yadyanhicoraḥ, tanpacangmakewĕhin. deningketoko tamaninghajisaśtra, pangskĕnbakatangcahi, nepatutlĕbang, sidapikolihang, ‐ker̀ttikasadyanenggiḥ, tophalanña, sinar̥ĕnganpacangkĕni. sakewalayanhanakemanlĕ bang, kasugyanmaspipis, tanbinamamwatang, nemadwiśeṣakāmta, kawiśeṣancoraḥruntik, tokakasorang, holiḥkadhar̀mmanel̥ĕwiḥ. nebwinne sandangpatutbwatang, masolaḥpalajahin, damasolaḥhala, hanerahayubuwatang, rahayupacangkapanggiḥ, solahehala, halanepacangpuponin \\•\\ gi [7 7A] nanti. // hadapyanakbĕlogpĕngkung, bapanñanepradñanririḥ, hadapyanakbudipra‐jñan, bapanñablogtansipi, hadapyanaklintangtambĕt, bapanñatambĕttansipi. hadapyanakprajña nkasub, bapanñaririḥtansipi, patpatpidabdabpyanak, pinĕhangcningdihati, nekapingdwamwaḥpanguntat, neñandangtulad'hanutin. nekapingdwasambatmalu, yadyantambĕt'hibyangha ji, hipyanakpatutñaratang, mangdadadoshanakl̥ĕwiḥ, prajñantur̀saduguṇawan, hantĕngmurukśastrahaji. nepanguntatlantur̀hipun, hibapaprajñanhutami, hipyanakpatut ñĕngahang, mangdadadoshanakririḥ, ngawinangheranghibapa, yanhipyanakmungpanghindik. helinganghindikedumun, kasakitanbyangcning, dawĕgcningkabobotang, satmal̶

Leaf 7

Image on Archive.org

Leaf 8

Image on Archive.org

Leaf 9

Image on Archive.org

Leaf 10

Image on Archive.org