gaguritan-rusak-gianyar-03

Original on Archive.org

Front and Back Covers

Image on Archive.org

[᭑1A] judul : GAGURITAN RUSAK GIANYAR Pnj. 35 cm, Lb 3,5 cm. Jl 45 lb Asal: Puri Gobraja, Singaraja

Auto-transliteration

[11A] judul : GAGURITAN RUSAK GIANYAR Pnj. 35 cm, Lb 3,5 cm. Jl 45 lb Asal: Puri Gobraja, Singaraja

Leaf 1

Image on Archive.org

[᭑1B] ᭚᭜᭚ᬧᬸᬧᬸᬄᬤᬸᬃᬫ᭄ᬫ᭚᭜᭚ᬳᬤᬓᬶᬤᬸᬂᬕᬕᬸᬭᬶᬢᬦ᭄ᬢᭂᬫ᭄ᬩᬂᬤᬸᬃᬫ᭄ᬫ᭞ᬫᬸᬜᬶᬜᬳᬜᬯᬩᬵᬮᬶ᭞ᬢ᭄ᬯᬭᬫᬵᬦᬹᬢ᭄ᬢᭂᬫ᭄ᬩᬂ᭞ᬧᬸᬧᬸᬄᬲᬫᬶᬫᬗᬚᬕ᭄᭞ᬤᬾᬯᬾᬓ᭄ᬩᭂ᭠ ᬮᭀᬕ᭄ᬫᬳᬩᭂᬢ᭄ᬭᬶᬭᬶᬄ᭞ᬲᭀᬓ᭄ᬳᬧᬂᬳᬤ᭞ᬳᬗ᭄ᬕᭀᬦ᭄ᬧᬜᬮᬶᬫᬸᬃᬳᬢᬶ᭟ᬲᬶᬂᬫᬧᬯᬸᬄᬲᬵᬫ᭄ᬧᬸᬦ᭄ᬧᬢᬶᬗ᭄ᬕᭃᬧᬶᬲᬦ᭄᭞ᬤᬾᬦᬶᬂᬰᬵᬲ᭄ᬢ᭄ᬭᬜᬭᬶᬫ᭄ᬩᬶᬢ᭄᭞ᬲᬓᬶᬂᬦᬸᬧ᭄ᬢᬸᬧ᭄ᬯ᭄ᬭ ᬢ᭄ᬢ᭞ᬜᬓ᭄ᬬᬩᬓᬢ᭄ᬢ᭄ᬯᬭ᭞ᬧ᭄ᬦᬾᬓᬂᬤᬤᬶᬧᬗᬯᬶ᭞ᬫᬗ᭄ᬤᬾᬜᬳᬤ᭞ᬳᬗ᭄ᬕᭀᬦ᭄ᬧᬗᬾᬮᬶᬂᬳᬾᬮᬶᬂ᭟ᬢᬶᬗ᭄ᬓᬄᬉᬯᬸᬕ᭄ᬕ᭄ᬬᬜᬭᬾᬚᬦᬶᬉᬘᬧᬂ᭞ᬤᬶᬦᬦ᭄ᬜᬦᬾᬯᬺ᭠ ᬲ᭄ᬧᬢᬶ᭞ᬯᬕᬾᬧᬸᬚᬸᬢ᭄ᬯᬭ᭞ᬰᬰᬶᬳᬶᬧᬸᬦ᭄ᬓᬲᬗ᭄ᬳ᭞ᬭᬄᬉᬮᬸᬢᭂᬗ᭄ᬕᭂᬓ᭄ᬢᬦ᭄ᬫᬶᬲᬶ᭞ᬇᬰᬓᬲ᭄ᬬᬸ᭞ᬉᬮᬸᬗᬢᬸᬲ᭄ᬦᬫᭀᬦᬶᬦ᭄᭟ᬦᬵᬗ᭄ᬳᬶᬂᬢᬶᬢᬄᬓᭀᬕᬸᬗᬦᬾᬭᬶᬂᬕ᭄ᬬ [᭒2A] ᬜᬃ᭞ᬳᬦᬓᬾᬳᬕᬸᬫᬗ᭄ᬕᬶᬲ᭄᭞ᬭᬢᬸᬫᬉᬢ᭄ᬢᬫ᭞ᬜᬓᬺᬯᬃᬢ᭄ᬢᬶᬂᬚᬕᬢ᭄᭞ᬭᬢᬸᬫᬩᬮᬪᬹᬧᬢᬶ᭞ᬓᬚᬦᬧ᭄ᬭᬶᬬ᭞ᬯᬶᬤᬕ᭄ᬤᬦᬾᬢᬦ᭄ᬲᬶᬧᬶ᭟ᬲᬫᬶᬳᬢ᭄ᬯᬂᬲᬧ᭄ᬭᬫ᭠ ᬜ᭄ᬘᬜᬸᬗ᭄ᬲᬸᬂᬳᬶᬤ᭞ᬩᬩᬢᬸᬄᬲᬸᬓᬯᬢᬶ᭞ᬦᬵᬕᬭᬧᬮ᭄ᬬᬢᬦ᭄᭞ᬉᬩᬸᬤ᭄‌ᬫ᭄ᬯᬂᬩᬢᬸᬩᬸᬮᬦ᭄᭞ᬩᬜ᭄ᬚᬭᬗ᭄ᬓᬦ᭄‌ᬢᬫ᭄ᬧᬓ᭄ᬲᬶᬭᬶᬂ᭞ᬫᬶᬯᬄᬧᬬᬗᬦ᭄᭞ᬲ᭄ᬭᭀᬗ᭄ᬕ᭠ ᬧᬾᬚᬾᬂᬫᬓᬤᬶ᭟ᬳᬩ᭄ᬬᬦ᭄ᬩᬸᬲᬾᬫᬶᬯᬄᬩᬩᬶᬢᬺᬜᬮ᭄ᬬᬦ᭄᭞ᬲ᭄ᬬᬗᬦ᭄ᬲᬫᬸᬪ᭠ᬓ᭄ᬢᬶ᭞ᬲᬸᬫᬾᬘᬲᬂᬦᬵᬣ᭞ᬤᬾᬦᬶᬂᬳᬶᬤᬓᬉᬘᬧ᭄᭞ᬧᬸᬧᬸᬢᬶᬂᬫ᭄ᬯᬂᬦᬬᬳᬚᬶ᭞ᬩᬢᬹᬃᬢᬫ ᬦ᭄ᬢ᭄ᬭ᭞ᬧᬥᬓᬕᬫᭂᬮ᭄ᬲᬫᬶ᭟ᬓᬮᬶᬄᬯᬾᬦ᭄ᬢᭂᬦ᭄ᬧ᭄ᬭᬓᬗ᭄ᬕᬾᬳᬶᬤᬲᬂᬦᬵᬣ᭞ᬫᬥᬾᬧᬲᭂᬓ᭄ᬳᬦᬵᬫᬶ᭞ᬫᬶᬯᬄᬦᬾᬳᬮᬶᬢᬦ᭄᭞ᬓ᭄ᬢᬸᬢ᭄ᬧᬲᭂᬓ᭄ᬳᬦᬫ᭞ᬧᬥᬕᬧᬓᬬᬾᬂᬕᬸᬲ᭄ᬢᬶ᭞᭠

Auto-transliteration

[11B] // • // pupuḥdur̀mma // • // hadakidunggaguritantĕmbangdur̀mma, muñiñahañawabāli, twaramānūttĕmbang, pupuḥsamimangajag, dewekbĕ‐ logmahabĕtririḥ, sok'hapanghada, hanggonpañalimur̀hati. singmapawuḥsāmpunpatinggöpisan, deningśāstrañarimbit, sakingnuptupwra tta, ñakyabakattwara, pnekangdadipangawi, mangdeñahada, hanggonpangelingheling. tingkaḥuwuggyañarejani'ucapang, dinanñanewr̥ĕ‐ spati, wagepujutwara, śaśihipunkasangha, raḥulutĕnggĕktanmisi, iśakasyu, ulungatusnamonin. nānghingtitaḥkogunganeringgya [22A] ñar̀, hanakehagumanggis, ratuma'uttama, ñakr̥ĕwar̀ttingjagat, ratumabalabhūpati, kajanapriya, widagdanetansipi. samihatwangsaprama‐ ñcañungsunghida, babatuḥsukawati, nāgarapalyatan, ubudmwangbatubulan, bañjarangkantampaksiring, miwaḥpayangan, srongga‐ pejengmakadi. habyanbusemiwaḥbabitr̥ĕñalyan, syangansamubha‐kti, sumecasangnātha, deninghidaka'ucap, puputingmwangnayahaji, batūr̀tama ntra, padhakagamĕlsami. kaliḥwentĕnprakanggehidasangnātha, madhepasĕk'hanāmi, miwaḥnehalitan, ktutpasĕk'hanama, padhagapakayenggusti, ‐

Leaf 2

Image on Archive.org

[᭒2B] ᬧᬸᬧᬸᬢᬶᬂᬕᬸᬡ᭞ᬯᬶᬘᬓ᭄ᬱᬡᬗ᭄ᬮᬸᬲ᭄ᬩᬸᬫᬶ᭟ᬮᬶᬦ᭄ᬢᬂᬭᬵᬫ᭄ᬬᬦᬵᬕᬭᬦᬾᬭᬶᬂᬕ᭄ᬬᬜᬃ᭟ᬢᬦ᭄ᬤᬂᬤᬸᬓᬳᬧ᭄ᬢᬶ᭞ᬧᬥᬇᬥᭂᬧ᭄ᬯᬶᬃᬬ᭄ᬬ᭞ᬳᬗᬸᬮᬸᬭᬶᬦ᭄ᬳᬶᬦ᭄ᬤ᭄ᬭᬶᬬ᭞ᬳᬶᬤᬤᬦᬾᬯ᭠ ᬕᬸᬲ᭄ᬢᬶ᭞ᬢᬦ᭄ᬓᭂᬦᬾᬂᬉᬘᬧ᭄᭞ᬧᬜ᭄ᬦᭂᬂᬰ᭄ᬭᬶᬪᬹᬧᬢᬶ᭟ᬮᬶᬦ᭄ᬢᬂᬮᬫᬶᬓᬭᬳᬬ᭄ᬯᬦᬶᬂᬦᬵᬕᬭ᭞ᬫᬗ᭄ᬓᬶᬦ᭄ᬕᬦ᭄ᬢ᭄ᬬᬦᬶᬗ᭄ᬓᬵᬮᬶ᭞ᬤᬸᬫ᭄ᬫᬗ᭄ᬕᬮᬦᬶᬂᬭᬵᬢ᭄᭞ᬦᬤᬶᬳᬶᬤᬲᬂᬦᬵᬣ᭞ ᬮᬮᬶᬮᬓᬸᬓ᭄ᬭᬬᬸᬓ᭄ᬢᬶ᭞ᬫᬭᬶᬂᬰᬰᬡ᭞ᬢ᭄ᬯᬭᬫᬵᬦᬹᬢᬶᬗ᭄ᬳᬚᬶ᭟ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬧ᭄ᬭᬓ᭄ᬱᬢ᭄ᬭᬶᬯᬯᬸᬓᬯᬺᬢ᭄ᬢ᭞ᬧ᭄ᬘᬓ᭄ᬲᬓᬶᬂᬢᬫ᭄ᬧᬓ᭄ᬲᬶᬭᬶᬂ᭞ᬮᬸᬗ᭄ᬳᬦᬶᬗ᭄ᬕᬮ᭄ᬤᬾᬰ᭞ᬦᬵ ᬗ᭄ᬳᬶᬂᬢᬾᬢᬦᬶᬦᬕ᭄ᬬ᭞ᬫᬉᬫᬄᬤᬶᬲᬸᬓᬯᬢᬶ᭞ᬯᬯᬸᬫᬓᬵᬫ᭄ᬫ᭞ᬳᬯᬦ᭠ᬦ᭄ᬓᬵᬲ᭄ᬬᬲᬶᬄ᭟ᬳᬶᬤᬾᬯᬳᬦᭀᬧ᭄ᬓᭀᬘᬧ᭄‌ᬧᬲᬾᬗᬦ᭄ᬳᬶᬤ᭞ᬦᬾᬲᬓᬶᬂᬢᬫ᭄ᬧ᭠ [᭓3A] ᬓ᭄ᬲᬶᬭᬶᬂ᭞ᬯᬳᬸᬧᬗᬦ᭄ᬢᬾᬦᬦ᭄᭞ᬭᬩᬶᬦ᭄ᬳᬶᬤᬓᬯᬸᬮ᭞ᬦᬵᬗ᭄ᬳᬶᬂᬭᬹᬧᬦ᭄ᬳᬶᬧᬸᬦ᭄ᬩᭂᬘᬶᬓ᭄᭞ᬮ᭄ᬬᬸᬗᬲᬸᬩᬂ᭞ᬚ᭄ᬕᬾᬕᬾᬢᬦ᭄ᬲᬶᬧᬶ᭟ᬤᬤᬶᬮᬸᬫ᭄ᬩ᭄ᬭᬄᬳᭀᬃᬢ᭄ᬣᬦᬾᬓᬚ᭠ ᬕᬢ᭄ᬕ᭄ᬬᬜᬃ᭞ᬫᬲᬫ᭄ᬩᬸᬂᬲᬫ᭄ᬩᬸᬂᬲᬳᬶ᭞ᬭᬯᬸᬄᬓᬦᬵᬕᬭ᭞ᬳᬶᬤᬾᬯᬳᬦᭀ᭠ᬫᬗ᭄ᬮᬄ᭞ᬭᬩᬶᬚ᭄ᬕᬾᬕᬾᬢᬦ᭄ᬲᬶᬧᬶ᭞ᬳᬤᬗᬵᬢᬹᬭᬂ᭞ᬭᬶᬂᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭟ ᬳᬦᬓᬾᬳᬕᬸᬂᬫᬗ᭄ᬕᬶᬲ᭄ᬗᬯᬸᬫ᭄ᬬᬃᬱᬬᬂ᭞ᬦᬳᬬᬸᬲᬸᬓᬯᬢᬶ᭞ᬳᬤᬓᬳ᭄ᬬᬸ᭠ᬦ᭄ᬳᬶᬤ᭞ᬫᬗ᭄ᬲᬾᬗᬶᬦ᭄ᬓᬦᬵᬕᬭ᭞ᬫᬗ᭄ᬤᬾᬦ᭄ᬳᬶᬤᬚᬦᬶᬉᬦᬶᬂ᭞ᬬᬾᬦ᭄ᬩᬸᬓᬳᬧ᭞ᬩᬵᬲ᭄ᬓ᭄ᬯ ᬲᬸᬩᬾᬢᬦ᭄ᬲᬶᬧᬶ᭟ᬭᬭᬶᬲ᭄ᬧ᭄ᬭᬫᬗ᭄ᬓᬶᬦ᭄ᬳᬶᬤᬮᬸᬗ᭄ᬳᬫᬧᬸᬢᬸᬲᬦ᭄᭞ᬮᬸᬗ᭄ᬳᬓᬲᬸᬓᬯᬢᬶ᭞ᬫᬲᬥ᭄ᬬᬫᬜ᭄ᬮᬂ᭞ᬭᬩᬶᬦ᭄ᬳᬶᬤᬧᬸᬦᬶᬓ᭞ᬳᬶᬤᬾᬳᬦᭀᬫ᭄ᬢᬦ᭄ᬲᬯᬸᬃᬓᬮᬄ

Auto-transliteration

[22B] puputingguṇa, wicakṣaṇanglusbumi. lintangrāmyanāgaraneringgyañar̀. tandangdukahapti, padha'idhĕpwir̀yya, hangulurinhindriya, hidadanewa‐ gusti, tankĕnengucap, pañnĕngśribhūpati. lintanglamikarahaywaningnāgara, mangkin'gantyaningkāli, dummanggalaningrāt, nadihidasangnātha, lalilakukrayukti, maringśaśaṇa, twaramānūtinghaji. mangkinwentĕnprakṣatriwawukawr̥ĕtta, pcaksakingtampaksiring, lunghaninggaldeśa, nā nghingtetaninagya, ma'umaḥdisukawati, wawumakāmma, hawana‐nkāsyasiḥ. hidewahanopkocappasenganhida, nesakingtampa‐ [33A] ksiring, wahupangantenan, rabinhidakawula, nānghingrūpanhipunbĕcik, lyungasubang, jgegetansipi. dadilumbraḥhor̀tthanekaja‐ gatgyañar̀, masambungsambungsahi, rawuḥkanāgara, hidewahano‐manglaḥ, rabijgegetansipi, hadangātūrang, ringhanakehagungmanggis. hanakehagungmanggisngawumyar̀ṣayang, nahayusukawati, hadakahyu‐nhida, mangsenginkanāgara, mangdenhidajani'uning, yenbukahapa, bāskwa subetansipi. rarispramangkinhidalunghamaputusan, lunghakasukawati, masadhyamañlang, rabinhidapunika, hidehanomtansawur̀kalaḥ

Leaf 3

Image on Archive.org

[᭓3B] ᭓ ᭞ᬳᬶᬤᬗᬵᬢᬹᬭᬂ᭞ᬲᬵᬫ᭄ᬧᬸᬦ᭄ᬭᬯᬸᬄᬤᬶᬧᬸᬭᬶ᭟ᬲᬭᬯᬸᬳᬾᬤᬶᬧᬸᬭᬶᬭᬭᬶᬲ᭄ᬫᬦ᭄ᬕᬓ᭄᭞ᬦᬶᬳᬬᬸᬲᬸᬓᬯᬢᬶ᭞ᬫᬦᬗ᭄ᬓᬶᬮᬶᬦ᭄ᬳᬶᬤ᭞ᬤᬶᬧᬸᬭᬶᬲ᭄ᬫᬵᬭᬦᬯ᭞ᬳᬶᬤᬾᬫᬗ᭄ᬕᬶ ᬲ᭄ᬜᬶᬗᬓᬶᬦ᭄᭞ᬩᬯᬸᬓᬘᬶᬗᬓ᭄᭞ᬲ᭄ᬦᭂᬗᬾᬢᬦ᭄ᬲᬶᬦᬶᬧᬶ᭟ᬮᬯᬸᬢ᭄ᬫᬘ᭄ᬩᬸᬃᬧᬺᬫᬗ᭄ᬓᬶ᭠ᬦ᭄ᬭᬶᬭᬶᬲ᭄ᬫᬜ᭄ᬫᬓ᭄᭞ᬦᬶᬳᬬᬸᬲᬸᬓᬯᬢᬶ᭞ᬫᬳᬶᬳᬢᬸᬲᬬᬂ᭞ᬤᬶᬦᬶᬧᬳᭂᬓᬂᬫᬦ᭄ᬕᬓ᭄᭞ᬤᬶ ᬚᬢᬓᬸᬢ᭄ᬳᬬᬸᬤᬶᬦᬶ᭞ᬳᬧᬓᬸᬯᬗᬦ᭄᭞ᬬᬂᬳᬢᬸᬢᬕᬶᬳᬶᬦ᭄᭟ᬲᬳᬤᬦᬾᬤᬶᬤᬶᬤᬶᬯᬯᭂᬗ᭄ᬓᬦ᭄ᬕ᭄ᬬᬜᬃ᭞ᬬᬂᬳᬢᬸᬭᬕᬶᬳᬶᬦ᭄᭞ᬲᭀᬓ᭄ᬳᬶᬘ᭄ᬮᬦᬶᬦ᭄ᬳ᭄ᬬᬂ᭞ᬉᬩᬤ᭄ᬧᬗ᭄ᬮᬶᬧᬸᬃᬮᬭ ᭞ᬦᬾᬦᬾᬫᬶᬚᬶᬮ᭄ᬲᬓᬶᬂᬉᬢᬶ᭞ᬫᬳᬯᬓ᭄ᬫᬺᬢ᭄ᬢ᭞ᬜᬭᬫ᭄ᬳ᭄ᬬᬂᬳᬶᬧᬮᬶᬂ᭟ᬢᬜ᭄ᬘᬭᬶᬢᬲᬵᬫ᭄ᬧᬸᬦ᭄ᬫᬳᬯᭀᬃᬲᬳᬭᬲ᭄᭞ᬲᬬᬸᬗᬾᬢᬦ᭄ᬲᬶᬦᬶᬧᬶ᭞ᬳᬶᬚ᭄ᬕᬾᬕᬾᬓᭀᬘ᭠ [᭔4A] ᬧ᭄᭞ᬯᬾᬦ᭄ᬢᭂᬦ᭄ᬯᬯᬸᬮᬶᬫᬂᬤᬶᬦ᭞ᬳᬶᬧᬸᬦ᭄ᬫᬕ᭄ᬦᬄᬤᬶᬧᬸᬭᬶ᭞ᬳᬶᬤᬾᬯᬳᬦᭀᬫ᭄᭞ᬕ᭄ᬤᭂᬕᬾᬢᬦ᭄ᬲᬶᬦᬶᬧᬶ᭟ᬭᬭᬶᬲ᭄ᬳᬶᬤᬗᬺᬋᬄᬮᬸᬗ᭄ᬳᬓᬕ᭄ᬬᬜᬃ᭞ᬤᬶᬩᬜ᭄ᬘᬶᬗᬄᬫᬮᬶᬗ᭄ᬕᬶᬄ᭞ᬦᬸᬗ ᬮᬶᬄᬚᬮᬭᬦ᭄᭞ᬲᬕᬾᬢ᭄ᬳᬤᬗᬵᬢᬹᬭᬂ᭞ᬭᬶᬂᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭞ᬳᬶᬤᬾᬯᬳᬦᭀᬫ᭄᭞ᬤᬶᬩᬜ᭄ᬘᬶᬗᬄ᭟ᬳᬶᬤᬾᬯᬫᬗ᭄ᬕᬶᬲ᭄ᬩᬯᬸᬳᬶᬤᬫᬫᬶᬋᬗᬂ᭞ᬭᬭᬶᬲ᭄ᬳᬶᬤᬗ᭄ᬲᬾ ᬗᬶᬦ᭄᭞ᬧᬋᬓᬦ᭄ᬢᬭᬸᬡ᭞ᬯᬵᬢᬭᬓᬮᬶᬄᬤᬰ᭞ᬧᬗᬦ᭄ᬤᬶᬓᬬᬂᬦᬮᬶᬦᬶᬦ᭄᭞ᬳᬶᬤᬾᬯᬳᬦᭀᬫ᭄᭞ᬩᬵᬦ᭄ᬳᬶᬤᬦᬾᬫᬗᬮᬶᬄ᭟ᬭᬩᬶᬦ᭄ᬳᬶᬤᬧᬺᬫᬗ᭄ᬓᬶᬦ᭄ᬭᬭᬶᬲ᭄ᬫᬚᬮᬦ᭄᭞ᬧᬸᬢᬸ ᬲᬦᬾᬯᬸᬲ᭄ᬫᬶᬚᬶᬮ᭄᭞ᬗᭀᬚᭀᬕ᭄ᬓᬩᬜ᭄ᬘᬶᬗᬄ᭞ᬤᬧᭂᬢᬗᬦᬸᬦ᭄ᬕᬓ᭄᭞ᬤᬾᬯᬳᬦᭀᬫ᭄ᬧᬤᬶᬤᬶᬳᬶ᭞ᬮᬯᬸᬢ᭄ᬤᭂᬲᭂᬓ᭞ᬲᬭᬸᬯᬗᬂᬫᬦᬓᭀᬦᬶᬦ᭄᭟ᬳᬶᬤᬾᬯᬳᬦᭀᬫ᭄ᬢ᭠

Auto-transliteration

[33B] 3 , hidangātūrang, sāmpunrawuḥdipuri. sarawuhedipurirarisman'gak, nihayusukawati, manangkilinhida, dipurismāranawa, hidemanggi sñingakin, bawukacingak, snĕngetansinipi. lawutmacbur̀pr̥ĕmangki‐nrirismañmak, nihayusukawati, mahihatusayang, dinipahĕkangman'gak, di jatakut'hayudini, hapakuwangan, yanghatutagihin. sahadanedididiwawĕngkan'gyañar̀, yanghaturagihin, sok'hiclaninhyang, ubadpanglipur̀lara , nenemijilsakinguti, mahawakmr̥ĕtta, ñaramhyanghipaling. tañcaritasāmpunmahawor̀saharas, sayungetansinipi, hijgegekoca‐ [44A] p, wentĕnwawulimangdina, hipunmagnaḥdipuri, hidewahanom, gdĕgetansinipi. rarishidangr̥ĕr̥ĕḥlunghakagyañar̀, dibañcingaḥmalinggiḥ, nunga liḥjalaran, saget'hadangātūrang, ringhanakehagungmanggis, hidewahanom, dibañcingaḥ. hidewamanggisbawuhidamamir̥ĕngang, rarishidangse ngin, par̥ĕkantaruṇa, wātarakaliḥdaśa, pangandikayangnalinin, hidewahanom, bānhidanemangaliḥ. rabinhidapr̥ĕmangkinrarismajalan, putu sanewusmijil, ngojogkabañcingaḥ, dapĕtanganun'gak, dewahanompadidihi, lawutdĕsĕka, saruwangangmanakonin. hidewahanomta‐

Leaf 4

Image on Archive.org

[᭔4B] ᭔ ᬦ᭄ᬲᬾᬗᭂᬄᬧᬘᬂᬫᬩᬱ᭄ᬝ᭞ᬫᬗ᭄ᬭᬯᭀᬲ᭄‌ᬩ᭄ᬘᬶᬓ᭄ᬩᭂᬘᬶᬓ᭄᭞ᬩᬯᬸᬫᬭᬲᬾᬗᭂᬄᬳᬓ᭄ᬤᬧ᭄᭞ᬭᬭᬶᬲ᭄ᬳᬶᬤᬓᬳᬦ᭄ᬢᬶᬦᬶᬦ᭄᭞ᬳᬤᬫᬜ᭄ᬫᬓ᭄᭞ᬮᬶᬫᬩᬢᬶᬲ᭄ᬦᬮᬶᬦᬶᬦ᭄᭟ᬲᬵᬫ᭄ᬧᬸᬦ᭄ᬳᬶᬤᬫ ᬩᬱ᭄ᬝᬢ᭄ᬓᭂᬤ᭄ᬓᬓᬃᬡ᭄ᬦ᭞ᬳᬶᬧᬸᬢᬸᬲᬦ᭄ᬫᬗ᭄ᬭᬭᬶᬲ᭄᭞ᬓᬧᬸᬭᬶᬗᬵᬢᬹᬭᬂ᭞ᬳᬶᬤᬾᬯᬫᬗ᭄ᬕᬶᬲ᭄ᬓᬾᬦᬓ᭄᭞ᬫᬮᬶᬄᬳᬶᬤᬫᬦ᭄ᬤᬯᬸᬳᬶᬦ᭄᭞ᬳᬗᬦ᭄ᬩᬶᬧ᭄ᬯᬦ᭄᭞ᬳᬶᬳᬦᭀᬫ᭄ᬳᬶᬬᬳ᭄ᬮᬸᬲᬶᬦ᭄᭟᭠ ᬓᬮᬶᬄᬳᬶᬩᬩ᭄ᬯᬶᬦ᭄ᬢᬸᬦ᭄ᬤᬾᬦ᭄ᬓᬳᬶᬮ᭄ᬯᬲ᭄᭞ᬓᬚᬸᬫᬄᬫᬜ᭄ᬘᬚᬦᬶ᭞ᬫᬗ᭄ᬤᬾᬦ᭄ᬜᬫᬦᬯᬂ᭞ᬓᬳᬶᬦ᭄ᬕᬓᬂᬲᭀᬫᬄ᭞ᬚᬦ᭄ᬫᬉᬮᬶᬲᬸᬓᬯᬢᬶ᭞ᬳᬶᬓ᭄ᬧᭂᬢ᭄ᬘᬶᬦ᭞ᬚᬦᬶᬳᬤᬦᬶᬦ᭄ᬓᬳᬶ᭞ᬳᬶ ᬧᬸᬢᬸᬲᬦ᭄ᬫᬗᬶᬭᬶᬂᬮᬯᬸᬢ᭄ᬫᬚᬮᬦ᭄᭞ᬢᬜ᭄ᬘᬭᬶᬢᬤᬶᬫᬃᬕ᭄ᬕᬶ᭞ᬓᭀᬘᬧᬭᬶᬂᬕ᭄ᬬ᭠ᬜᬃ᭞ᬳᬶᬤᬾᬯᬫᬗ᭄ᬕᬶᬲ᭄ᬓᬾᬦᬓ᭄᭞ᬳᬦ᭄ᬢᬸᬓ᭄ᬳᬶᬧᭀᬮᬶᬄᬭᬩᬶ᭞ᬚ᭄ᬕᬾᬕᬾᬮᬶᬦ᭄ᬢᬂ᭞ᬢ᭄ᬯᬭ [᭕5A] ᬚᬫᬦᭀᬮᬶᬄᬭᬩᬶ᭟ᬦᬾᬲᬾᬚᬾᬬᬦ᭄ᬢᬦ᭄ᬯᬾᬦ᭄ᬢᭂᬦ᭄ᬳᬶᬤᬗ᭄ᬮᬶᬗᬸᬯᬂ᭞ᬲᭀᬓ᭄ᬲᬂᬫᬹᬱ᭄ᬝᬶ᭠ᬦᬶᬗ᭄ᬳᬢᬶ᭞ᬚ᭄ᬭᭀᬓ᭄ᬧᭂᬢ᭄ᬘᬶᬦ᭞ᬩᬸᬲᬦ᭄ᬩᬸᬲᬦ᭄ᬓᬲᬫ᭄ᬩᬢ᭄᭞ᬢᭀᬂᬤᬤᬶᬧᬲᬄᬳᬲ᭄ᬮᬶᬤ᭄᭞ᬫᬗ᭄ᬓᬶ ᬦ᭄ᬓᬲ᭄ᬭᬄ᭞ᬲᬤ᭄ᬭᬡᬦᬾᬤᬶᬧᬸᬭᬶ᭞ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬧᬳᬶᬗᬦᬦ᭄ᬓᬮᬶᬄᬤᬶᬦ᭞ᬳᬶᬤᬾᬯᬳᬦᭀᬫ᭄ᬓᬮᬸᬲᬶᬦ᭄᭞ᬳᬦ᭄ᬢᬸᬓ᭄ᬳᬶᬧᬋᬓᬦ᭄᭞ᬭᬭᬶᬲ᭄ᬳᬶᬤᬫᬢᬸᬮᬓ᭄᭞ᬓᬲᬸᬓᬯᬢᬶᬫ᭠ ᬗ᭄ᬭᬭᬶᬲ᭄᭞ᬢ᭄ᬓᭂᬤ᭄ᬤᬶᬚᬸᬫᬄ᭞ᬮ᭄ᬬᬸᬧᬥᬦᬓᭀᬦᬶᬦ᭄᭟ᬳᬶᬤᬾᬯᬳᬦᭀᬫ᭄ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬗᬸᬩ᭄ᬤᬬᬂ᭞ᬧᬥᬫᬤᬍᬫ᭄ᬲᬫᬶ᭞ᬳᬲᬶᬂᬫᬫ᭄ᬬᬃᬱ᭞ᬫᬗ᭄ᬓᬶᬦ᭄ᬢᬦ᭄ᬓᬘᬭᬶᬢ᭞ᬓᭀᬘ᭠ ᬧ᭄ᬚ᭄ᬭᭀᬓ᭄ᬧᭂᬢ᭄ᬫᬮᬶᬄ᭞ᬚ᭄ᬕᬾᬕᬾᬮᬶᬦ᭄ᬢᬂ᭞ᬲᬬᬗᬾᬢᬦ᭄ᬲᬶᬦᬶᬧᬶ᭟ᬲᬫᬸᬗ᭄ᬕᬳᬾᬤᬦᬾᬚ᭄ᬭᭀᬓ᭄ᬧᭂᬢ᭄ᬘᬶᬦ᭞ᬮᬶᬦ᭄ᬢᬂᬤᬺᬫᬦ᭄ᬫᬓ᭄ᬢᬶᬕ᭄᭞ᬤᬦᬾᬫᬤᬺᬩᬾᬜᬫ᭞ᬫᬳᬤᬦ᭄ᬳᬶᬓ᭄ᬢᬸᬢ᭄ᬲᬭ

Auto-transliteration

[44B] 4 nsengĕḥpacangmabaṣṭa, mangrawosbcikbĕcik, bawumarasengĕḥhakdap, rarishidakahantinin, hadamañmak, limabatisnalinin. sāmpunhidama baṣṭatkĕdkakar̀ṇna, hiputusanmangraris, kapuringātūrang, hidewamanggiskenak, maliḥhidamandawuhin, hanganbipwan, hihanomhiyahlusin. ‐ kaliḥhibabwintundenkahilwas, kajumaḥmañcajani, mangdenñamanawang, kahin'gakangsomaḥ, janma'ulisukawati, hikpĕtcina, janihadaninkahi, hi putusanmangiringlawutmajalan, tañcaritadimar̀ggi, kocaparinggya‐ñar̀, hidewamanggiskenak, hantuk'hipoliḥrabi, jgegelintang, twara [55A] jamanoliḥrabi. nesejeyantanwentĕnhidanglinguwang, soksangmūṣṭi‐ninghati, jrokpĕtcina, busanbusankasambat, tongdadipasaḥhaslid, mangki nkasraḥ, sadraṇanedipuri, mangkinwentĕnpahinganankaliḥdina, hidewahanomkalusin, hantuk'hipar̥ĕkan, rarishidamatulak, kasukawatima‐ ngraris, tkĕddijumaḥ, lyupadhanakonin. hidewahanomtanwentĕnmaliḥngubdayang, padhamadal̥ĕmsami, hasingmamyar̀ṣa, mangkintankacarita, koca‐ pjrokpĕtmaliḥ, jgegelintang, sayangetansinipi. samunggahedanejrokpĕtcina, lintangdr̥ĕmanmaktig, danemadr̥ĕbeñama, mahadanhiktutsara

Leaf 5

Image on Archive.org

[᭕5B] ᬧᬸᬦᬶᬓᬫᬧᬓᬦ᭄ᬭᬭᬶᬲ᭄᭞ᬓᬧᬸᬭᬶᬕ᭄ᬬᬜᬃ᭞ᬢᬍᬃᬲᬬᬗᬾᬢᬦ᭄ᬲᬶᬧᬶ᭟ᬧ᭄ᬢᭂᬂᬍᬫᬄᬫᬗ᭄ᬤᬧᭀᬮᬶᬄᬓᬘᬶᬗᬓᬦ᭄᭞ᬲᬵᬫ᭄ᬧᬸᬦ᭄ᬓᬲ᭄ᬯᬾᬦ᭄ᬫᬗ᭄ᬓᬶᬦ᭄᭞ᬓᬶᬦᬸᬮᬯᬶᬰᬸᬤ᭄ᬥ᭞ᬓᬳᬶᬘ᭄ᬮᬾᬦ᭄ᬓ᭠ ᬯᬶᬪᬯᬦ᭄᭞ᬗ᭄ᬭᬯᭀᬲᬶᬜ᭄ᬚᬕᬢᬾᬲᬫᬶ᭞ᬲᬭᬳᬶᬲᬭ᭞ᬳᬦᬓ᭄ᬳᬕᬸᬂᬫᬶᬲᬶᬗ᭄ᬕᬶᬄ᭟ᬫᬥᬾᬲᭂᬓ᭄ᬓᭂᬢᬸᬢ᭄ᬧᬲᭂᬓ᭄ᬓᬭᬵᬬ᭄ᬬᬦᬂ᭞ᬗ᭄ᬕᬫᭂᬮ᭄ᬭᬯᭀᬲᬾᬲᬫᬶ᭞ᬓᬵᬯᬸᬕ᭄ᬭᬶᬂᬳᬶᬲᬭ᭞ᬭᬭᬶ ᬲ᭄ᬫᬕᭂᬦ᭄ᬢᭀᬲ᭄ᬯᬵᬱ᭄ᬝ᭞ᬳᬦᬓ᭄ᬳᬕᬸᬂᬗᬯᬵᬱ᭄ᬢᬦᬶᬦ᭄᭞ᬩᬵᬲ᭄ᬮᬶᬦ᭄ᬢᬂᬲᬬᬂ᭞ᬳᬓ᭄ᬢᬸᬢ᭄ᬲᬸᬓᬯᬢᬶ᭟ᬢᬜ᭄ᬘᬭᬶᬢᬲᬸᬓᬦ᭄ᬜᬦᬾᬗᬶᬲᬶᬧᬜ᭄ᬚᬓ᭄᭞ᬳᬶᬓ᭄ᬢᬸᬢ᭄ᬲᬸᬓᬯᬢᬶ᭞ᬓᬲ᭄ᬯᬾᬦ᭄ᬓᭀᬘᬧᬦ᭄᭞ ᬫᬗ᭄ᬕᬯᬾᬩᬯᬸᬃᬚᬕᬕ᭄᭞ᬲᬢᬢᬫᬗ᭄ᬕᬯᬾᬭᬸᬦ᭄ᬢᬶᬓ᭄᭞ᬩᬶᬓᬲᬾᬫᬗ᭄ᬓᬲ᭄᭞ᬲᬳᬶᬫᬧ᭄ᬭᬶᬄᬧᬓᭀᬮᬶᬄ᭟ᬮᬦ᭄ᬢᬂᬲᬓᬶᬢ᭄ᬚᬕᬢᬾᬍᬳᬗ᭄ᬳᬯᬓ᭄᭞ᬕ᭄ᬤᭂᬕ᭄ᬜᬦᬾᬢᬦ᭄ᬲᬶᬧᬶ᭞ᬫᬓ᭠ [᭖6A] ᬤᬶᬧᬺᬫᬜ᭄ᬘᬵ᭞ᬓᬮᬶᬦ᭄ᬢᬗᬶᬂᬤᬸᬓᬧᬶᬲᬦ᭄᭞ᬳᬦ᭄ᬢᬸᬓ᭄ᬳᬶᬲᬭᬩᬵᬲ᭄ᬳᬾᬗ᭄ᬕᬶᬂ᭞ᬩᬸᬫᬭᬲᬬᬂ᭞ᬢ᭄ᬯᬭᬫᬦᭀᬮᬶᬄᬓᬲᬫ᭄ᬧᬶᬂ᭟ᬓᬮᬶᬄᬳᬦᬓᬾᬳᬕᬸᬂᬲᬋᬂᬓᬮᬶᬧ᭄ᬬᬬᬦ᭄᭞ᬕᬦ᭄ᬢᭀ ᬲ᭄ᬫᬾᬭᬂᬓᬧᬗ᭄ᬕᬶᬄ᭞ᬤᬤᬶᬢ᭄ᬯᬭᬧ᭄ᬭᬄ᭞ᬧᬗ᭄ᬭᬯᭀᬲᬾᬭᬶᬂᬚᬕᬢ᭄᭞ᬧᬺᬫᬗ᭄ᬓᬶᬦ᭄ᬫᬓᬳ᭄ᬬᬸᬦ᭄ᬋᬱᬶᬓ᭄᭞ᬩᬵᬲ᭄ᬓᬮᬶᬦ᭄ᬢᬂ᭞ᬋᬲᬶᬓᬾᬢᬦ᭄ᬲᬶᬦᬶᬧᬶ᭟ᬦᬸᬚᬸᬯᬾᬦ᭄ᬢᭂᬜ᭄ᬚᬤ᭄ᬫᬵᬫᬦᬗ᭄ᬓᬶᬮᬶᬦ᭄ᬳᬶᬤ᭞᭠ ᬓᬫ᭄ᬩᭂᬦ᭄ᬳᬶᬲᬸᬦᬾᬤ᭄ᬓᬶᬮ᭄᭞ᬢᬦ᭄ᬯᬾᬦ᭄ᬢᭂᬦ᭄ᬓᬦᭂᬫᬦ᭄᭞ᬧᬺᬫᬗ᭄ᬓᬶᬦ᭄‌ᬓᬩᬸᬤᬮᬂ᭞ᬮ᭄ᬬᬸᬧᬋᬓᬦ᭄ᬦᭂᬍᬳᬶᬦ᭄᭞ᬫᬮᬸᬓᬢ᭄ᬧᬺᬫᬗ᭄ᬓᬶᬦ᭄᭟ᬳᬦᬓ᭄ᬳᬕᬸᬂᬲᬳᬶᬫᬕ᭄ᬮᬂᬳᬫ᭄ᬩᭂᬗᬦ᭄᭞ ᬬᬦ᭄ᬯᬾᬦ᭄ᬢᭂᬜ᭄ᬚᬤ᭄ᬫᬫᬢᬶ᭞ᬦᬸᬚᬸᬫᬧ᭄ᬭᬢᬾᬓ᭞ᬲᭀᬭᭀᬄᬦᬾᬦᬾᬓᬲ᭄ᬫᭂ᭞ᬳᬢᭂ᭠ᬫ᭄ᬯᬂᬢᬦ᭄ᬯᬾᬦ᭄ᬢᭂᬦ᭄ᬓᬾᬗᬶᬦ᭄᭞ᬦᬫ᭄ᬧᬓ᭄ᬩᬜ᭄ᬘᬶᬗᬄ᭞ᬫᬂᬯᬄᬧ᭄ᬭᬡ᭄ᬥᬗᬚᭂᬗᬶᬦ᭄᭟ᬪᬵᬕᬯᬦ᭄ᬳᬢ᭠

Auto-transliteration

[55B] punikamapakanraris, kapurigyañar̀, tal̥ĕr̀sayangetansipi. ptĕngl̥ĕmaḥmangdapoliḥkacingakan, sāmpunkaswenmangkin, kinulawiśuddha, kahiclenka‐ wibhawan, ngrawosiñjagatesami, sarahisara, hanak'hagungmisinggiḥ. madhesĕkkĕtutpasĕkkarāyyanang, nggamĕlrawosesami, kāwugringhisara, rari smagĕntoswāṣṭa, hanak'hagungngawāṣtanin, bāslintangsayang, haktutsukawati. tañcaritasukanñanengisipañjak, hiktutsukawati, kaswenkocapan, manggawebawur̀jagag, satatamanggaweruntik, bikasemangkas, sahimapriḥpakoliḥ. lantangsakitjagatel̥ĕhanghawak, gdĕgñanetansipi, maka‐ [66A] dipr̥ĕmañcā, kalintangingdukapisan, hantuk'hisarabāshengging, bumarasayang, twaramanoliḥkasamping. kaliḥhanakehagungsar̥ĕngkalipyayan, ganto smerangkapanggiḥ, daditwarapraḥ, pangrawoseringjagat, pr̥ĕmangkinmakahyunr̥ĕsyik, bāskalintang, r̥ĕsiketansinipi. nujuwentĕñjadmāmanangkilinhida, ‐ kambĕnhisunedkil, tanwentĕnkanĕman, pr̥ĕmangkinkabudalang, lyupar̥ĕkannĕl̥ĕhin, malukatpr̥ĕmangkin. hanak'hagungsahimaglanghambĕngan, yanwentĕñjadmamati, nujumaprateka, soroḥnenekasmĕ, hatĕ‐mwangtanwentĕnkengin, nampakbañcingaḥ, mangwaḥpraṇdhangajĕngin. bhāgawanhata‐

Leaf 6

Image on Archive.org

[᭖6B] ᭖ ᬦ᭄ᬯᬾᬦ᭄ᬢᭂᬦ᭄ᬓᬾᬗᬶᬦ᭄ᬫᬓᬵᬃᬬ᭄ᬬ᭞ᬢᬶᬃᬣᬧᬗᭂᬦ᭄ᬢᬲ᭄ᬫᬢᬶ᭞ᬫᬶᬯᬄᬧᬩᬺᬲᬶᬳᬦ᭄᭞ᬬᬦ᭄ᬦᬸ᭠ᬚᬸᬧᬭᬧᬡ᭄ᬥᬶᬢ᭞ᬢᬦ᭄ᬗᭂᬦᬄᬓᬧᬸᬭᬶ᭞ᬦᬾᬦᬾᬚᬸᬳᬸᬕᬦ᭄᭞ᬩ᭄ᬢᬾᬦ᭄ᬳᬶᬤᬫᬮᬶᬗ᭄ᬕᬶᬄ᭟ᬳᬦ ᬓ᭄ᬳᬕᬸᬂᬢᬦ᭄ᬯᬾᬦ᭄ᬢᭂᬦ᭄ᬗᬮᬸᬕ᭄ᬭᬳᬶᬦ᭄ᬫᬸᬗ᭄ᬕᬄ᭞ᬳᬶᬤᬤᬶᬤᬸᬳᬸᬃᬫᬮᬶᬗ᭄ᬕᬶᬄ᭞ᬲᬋᬂᬭᬶᬂᬧᬋᬓᬦ᭄᭞ᬦᬾᬫ᭄ᬩᬓ᭄ᬢᬧᬘᬦᬗᬦ᭄᭞ᬫᬶᬯᬄᬉᬧᬘᬭᬲᬫᬶ᭞ᬲᭀᬭᭀᬯᬦᬶᬢ᭞ᬦᬾᬚ᭄ᬕᬾᬕ᭄ ᬚ᭄ᬕᬾᬕ᭄ᬕᬢᬶ᭟ᬮᬗ᭄ᬲᬶᬂᬮᬜ᭄ᬚᬃᬲᭀᬭᭀᬄᬦᬾᬗ᭄ᬜᬸᬤᬂᬘᬶᬢ᭞ᬧᬫᬸᬮᬸᬍᬫ᭄ᬧᬸᬂᬕᬥᬶᬂ᭞ᬳᬯᬓᬾᬗᬸᬭᬗ᭄ᬓ᭞ᬫ᭄ᬯᬦᬾᬫᬸᬮᬦ᭄ᬧᬹᬃᬡᬫ᭞ᬜᭀᬜᭀᬜᬗ᭄ᬓᬶᬄᬗᭂᬜᬸᬄᬕᬥᬶᬂ᭞᭠ ᬳᬮᬶᬲ᭄ᬫᬩᭂᬗᬤ᭄᭞ᬧᬧᬭᬲᬦ᭄ᬫᬳᬶᬗᬶᬤ᭄᭟ᬳ᭄ᬩᭀᬓ᭄ᬲᬫᬄᬤᭂᬫ᭄ᬤᭂᬫ᭄ᬮᬶᬫᬦᬾᬥᬧ᭞ᬚᬭᬶᬚᬶᬭᬸᬭᬸᬲ᭄ᬧᬲ᭄ᬢᬶ᭞ᬚᬭᬶᬚᬶᬭᬸᬭᬸᬲ᭄ᬧᬲ᭄ᬢᬶ᭞ᬓᬸᬓᬸᬦ᭄ᬜᬦᬾᬮᬦ᭄ᬢᬂ᭞ᬢᬳᬾᬦ᭄ᬧ᭄ᬤᬄᬫᬡᬶᬓ᭄ᬢᭀᬬ᭞ᬩᬜ᭄ᬘ [᭗7A] ᬗᬾᬫ᭄ᬭᭀᬲ᭄ᬢᬹᬃᬭᬫ᭄ᬧᬶᬂ᭞ᬳᬘ᭄ᬓᭂᬮ᭄ᬕᭀᬦ᭄ᬤ᭞ᬫᬫᬢᬸᬄᬧᬳ᭄ᬬᬲ᭄ᬭᬶᬭᬶᬄ᭟ᬓ᭄ᬜᭂᬫ᭄ᬫᬦᬶᬲ᭄‌ᬓ᭄ᬫᬶᬓᬦᬾᬳᬚᬶᬦᬭ᭞ᬜᭂᬜᭂᬃᬮᬶᬬᬢᬾᬫᬦᬶᬲ᭄᭞ᬬᬾᬦ᭄ᬦᬸᬯᬫᬓ᭄ᬭᬸᬡ᭞ᬫᬶᬭᬶᬩ᭄ᬫᬳᭂᬫ᭄ᬩᬄᬓᬶᬮᬂ᭞ ᬲᭀᬭᭀᬄᬮᬾᬕᭀᬂᬓᭀᬘᬧ᭄ᬲᬫᬶ᭞ᬬᬾᬦ᭄‌ᬜᬫᬲᭀᬮᬄ᭞ᬕᬯᭀᬓ᭄ᬲᬦᬾᬫᬩᬮᬶᬄ᭟ᬯᬾᬦ᭄ᬢᭂᬦ᭄ᬭᭀᬭᬲ᭄ᬲᬦᬾᬫᬗᬺᬩᭂᬕᬶᬦ᭄ᬳᬶᬤ᭞ᬦᬸᬩᬚᬂᬩᬚᬂᬘ᭄ᬦᬶᬓ᭄᭞ᬲᬾᬍ ᬩ᭄ᬗᬩᬩᬶᬓᬲ᭄᭞ᬢ᭄ᬯᬄᬜᬦ᭄ᬤᬂᬕᬸᬦ᭄ᬤᬂᬓ᭄ᬕ᭄ᬬᬜᬃ᭞ᬓᬕᬯᭀᬓᬦ᭄ᬲᬦᬾᬦᬗ᭄ᬓᬶᬮ᭄᭞ᬫᬫᬗ᭄ᬕᬶᬄᬢᬶᬗ᭄ᬓᬄ᭞ᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭟ᬤᬤᬶᬮᬸᬫ᭄ᬩ᭄ᬭᬄᬳᭀᬃᬢ᭄ᬣᬦᬾᬓᬚᬩᬓᬹᬣ᭞ ᬢᬶᬗ᭄ᬓᬄᬳᬶᬤᬾᬯᬫᬗ᭄ᬕᬶᬲ᭄᭞ᬢ᭄ᬯᬭᬫᬵᬦᬹᬢ᭄ᬧ᭄ᬭᬄ᭞ᬲᬫᬶᬧᬺᬪᬸᬧᬢ᭄ᬬ᭞ᬗᬶᬲᭂᬧᬂᬳ᭠ᬲᬶᬂᬗᬗᬧᬶᬦ᭄᭞ᬦᬓᭂᬄᬢ᭄ᬯᬄᬭᬸᬲᬓ᭄᭞ᬚᬕᬢ᭄ᬳᬶᬤᬾᬯᬫᬗ᭄ᬕᬶᬲ᭄᭟ᬓᬮᬶᬄᬧ᭄ᬭᬫᬜ᭄ᬘᬲᬵ᭠

Auto-transliteration

[66B] 6 nwentĕnkenginmakār̀yya, tir̀thapangĕntasmati, miwaḥpabr̥ĕsihan, yannu‐juparapaṇdhita, tanngĕnaḥkapuri, nenejuhugan, btenhidamalinggiḥ. hana k'hagungtanwentĕnngalugrahinmunggaḥ, hidadiduhur̀malinggiḥ, sar̥ĕngringpar̥ĕkan, nembaktapacanangan, miwaḥupacarasami, sorowanita, nejgeg jgeggati. langsinglañjar̀soroḥnengñudangcita, pamulul̥ĕmpunggadhing, hawakengurangka, mwanemulanpūr̀ṇama, ñoñoñangkiḥngĕñuḥgadhing, ‐ halismabĕngad, paparasanmahingid. hboksamaḥdĕmdĕmlimanedhapa, jarijiruruspasti, jarijiruruspasti, kukunñanelantang, tahenpdaḥmaṇiktoya, bañca [77A] ngemrostūr̀ramping, hackĕlgonda, mamatuḥpahyasririḥ. kñĕmmaniskmikanehajinara, ñĕñĕr̀liyatemanis, yennuwamakruṇa, miribmahĕmbaḥkilang, soroḥlegongkocapsami, yenñamasolaḥ, gawoksanemabaliḥ. wentĕnrorassanemangr̥ĕbĕginhida, nubajangbajangcnik, sel̥ĕ bngababikas, twaḥñandanggundangkgyañar̀, kagawokansanenangkil, mamanggiḥtingkaḥ, hanakehagungmanggis. dadilumbraḥhor̀tthanekajabakūtha, tingkaḥhidewamanggis, twaramānūtpraḥ, samipr̥ĕbhupatya, ngisĕpangha‐singngangapin, nakĕḥtwaḥrusak, jagat'hidewamanggis. kaliḥpramañcasā‐

Leaf 7

Image on Archive.org

[᭗7B] ᭗ ᬫᬶᬗᬤᬸᬯᬸᬗᬂ᭞ᬓᬳ᭄ᬬᬸᬦ᭄ᬧᬥᬫᬮᬶᬓᬶᬦ᭄᭞ᬓᬭᬶᬗᬮᬶᬄᬳᬫ᭄ᬩᬄ᭞ᬫᬗᬢᭂᬧᬂᬯᬶᬮᬗᬦ᭄᭞ᬦᬵᬗ᭄ᬳᬶᬂᬤᬸᬭᬸᬂᬧᬢᬶᬗᬶᬮᬶᬲ᭄᭞ᬳᬯᬦᬦ᭄ᬲ᭄ᬭᬦ᭄ᬢ᭞ᬤᬾᬭᬾᬂᬓ᭄ᬦᬗᬶᬲᬶ᭟ᬤᬾᬦᬶᬂ᭠ ᬫᬸᬮᬉᬧᬬᬦᬾᬭᬶᬂᬕ᭄ᬬᬜᬃ᭞ᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭞ᬩᬵᬲ᭄ᬓᬮᬶᬦ᭄ᬢᬂᬯᬶᬓᬦ᭄᭞ᬧᬸᬦᬶᬓᬓᭀᬩᭂᬢᬂ᭞ᬳᬦ᭄ᬢᬸᬓ᭄ᬧ᭄ᬭᬫᬜ᭄ᬘᬦᬾᬲᬫᬶ᭞ᬫᬗ᭄ᬓᬶᬦ᭄ᬓᬓᬸᬩ᭄ᬤᬬᬂ᭞ᬕ᭄ᬤᭂᬕᬾᬚ᭄ᬭᭀᬦᬶ ᬗ᭄ᬳᬢᬶ᭟ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬤᬬᬤᬳᬢᬶᬂᬲᬹᬓ᭄ᬱ᭄ᬫ᭞ᬳᬧᬦ᭄ᬫᬸᬮᬳᬦᬓ᭄ᬭᬶᬭᬶᬄ᭞ᬢ᭄ᬯᬭᬢᬳᬾᬦ᭄ᬓᬦ᭄ᬤᬧ᭄᭞ᬩᬳᬦ᭄ᬫᬲᬗᬂᬤᬬ᭞ᬫᬗᬫ᭄ᬩᬄᬓᬩᬢᬦ᭄ᬕᬸᬫᬶ᭞ᬢ᭄ᬯᬄᬭᬶᬤᬾᬦ᭄ᬧᬲᬃ᭞ᬤᬶ ᬩᬥᬸᬂᬦᬾᬓᬧᬸᬚᬶ᭟ᬢ᭄ᬯᬭᬮᬾᬦᬦ᭄ᬕᬸᬲ᭄ᬢᬶᬗᬸᬭᬄᬧᬫ᭄ᬘᬸᬢᬦ᭄᭞ᬧᬸᬦᬶᬓᬗᬫᬕ᭄ᬕᬶᬦᬶᬦ᭄᭞ᬳᬋᬧᬾᬓᬕ᭄ᬬᬜᬃ᭞ᬭᬭᬶᬲ᭄ᬗᬯᬗᬸᬦ᭄ᬲᬸᬭᬵᬢ᭄᭞ᬤᬕᬶᬂᬲᬸᬭᬵᬢᬾᬗᬚᬳᬶᬦ᭄᭞ [᭘8A] ᬧᬘᬜᬶᬓᬶᬬᬂ᭞ᬓᬓ᭄ᬮᬸᬂᬓᬸᬂᬲᬸᬪᬓ᭄ᬢᬶ᭟ᬓᬮᬶᬄᬫᬗ᭄ᬤᬾᬲᬶᬤ᭄ᬥᬤᬤᭀᬲ᭄ᬫᬳᬲᬶᬳᬦ᭄᭞ᬲᬋᬂᬗᬵᬢᬹᬭᬂᬪᬓ᭄ᬢᬶ᭞ᬭᬶᬂᬳᬶᬤᬘᭀᬓᭀᬃᬤ᭄ᬥ᭞ᬳᬶᬤᬾᬯᬫᬗ᭄ᬕᬶᬲ᭄ᬓᬾᬦᬓ᭄᭞ᬭᬭᬶᬲ᭄ᬫᬕᬸᬦᬶ᭠ ᬢᬫᬗ᭄ᬓᬶᬦ᭄᭞ᬲᬋᬂᬧᬺᬫᬜ᭄ᬘ᭞ᬪᬵᬕᬯᬦ᭄ᬢᬫᬓᬤᬶ᭟ᬫᬥᬾᬧᬲᭂᬓ᭄‌ᬓ᭄ᬢᬸᬢ᭄ᬧᬲᭂ᭠ᬓ᭄ᬫᬲᬋᬗᬦ᭄᭞ᬳᬶᬓ᭄ᬢᬸᬢ᭄ᬲᬸᬓᬯᬢᬶ᭞ᬫᬦᬗ᭄ᬓᬶᬮᬶᬦ᭄ᬳᬶᬤ᭞ᬤᬶᬧᬸᬭᬶᬲ᭄ᬫᬵᬭᬦᬵᬯ᭞ᬳᬶᬤᬾᬯ᭠ ᬫᬗ᭄ᬕᬶᬲ᭄‌ᬗ᭄ᬭᬶᬳᬶᬦᬶᬦ᭄᭞ᬫᬤᬤᬯᬸᬳᬦ᭄᭞ᬭᬶᬂᬧᬸᬗ᭄ᬕᬯᬦᬾᬲᬫᬶ᭟ᬦᬾᬧᬥᬜ᭠ᬫᬫᬜ᭄ᬘᬦᬾᬫᬓ᭄ᬚᬂ᭞ᬇᬥᭂᬧ᭄ᬳᬯᬓᬾᬚᬦᬶ᭞ᬧᬘᬫᬗ᭄ᬕᬯᬾᬦᬂ᭞ᬦᬸᬮ᭄ᬢᬸᬮ᭄ᬦᬾᬓᬸᬦᬓᬸᬦ᭞ ᬫᬗ᭄ᬤᬾᬲᬸᬳᬸᬤ᭄ᬩᬸᬓᬚᬦᬶ᭞ᬗᬶᬭᬶᬂᬘᭀᬓᭀᬃᬤ᭄ᬥ᭞ᬧᬶᬲᬦ᭄ᬗᬵᬢᬹᬭᬂᬪᬓ᭄ᬢᬶ᭟ᬤᬾᬦᬶᬂᬳᬤᬚᬦᬶᬭᬭᬧᬦ᭄ᬭᬭᬱᬦ᭄᭞ᬩᬥᬸᬗᬾᬢ᭄ᬓᬫᬳᬶ᭞ᬗᬚᬓᬶᬦ᭄ᬫᭂᬲᬶᬓᬂ᭞ᬪᬓ᭄ᬢᬶᬦᬾᬭᬶᬂ᭠

Auto-transliteration

[77B] 7 mingaduwungang, kahyunpadhamalikin, karingaliḥhambaḥ, mangatĕpangwilangan, nānghingdurungpatingilis, hawanansranta, derengknangisi. dening‐ mula'upayaneringgyañar̀, hanakehagungmanggis, bāskalintangwikan, punikakobĕtang, hantukpramañcanesami, mangkinkakubdayang, gdĕgejroni nghati. mangkinwentĕndayadahatingsūkṣma, hapanmulahanakririḥ, twaratahenkandap, bahanmasangangdaya, mangambaḥkabatan'gumi, twaḥridenpasar̀, di badhungnekapuji. twaralenan'gustinguraḥpamcutan, punikangamagginin, har̥ĕpekagyañar̀, rarisngawangunsurāt, dagingsurātengajahin, [88A] pacañikiyang, kaklungkungsubhakti. kaliḥmangdesiddhadadosmahasihan, sar̥ĕngngātūrangbhakti, ringhidacokor̀ddha, hidewamanggiskenak, rarismaguni‐ tamangkin, sar̥ĕngpr̥ĕmañca, bhāgawantamakadi. madhepasĕkktutpasĕ‐kmasar̥ĕngan, hiktutsukawati, manangkilinhida, dipurismāranāwa, hidewa‐ manggisngrihinin, madadawuhan, ringpunggawanesami. nepadhaña‐mamañcanemakjang, idhĕp'hawakejani, pacamanggawenang, nultulnekunakuna, mangdesuhudbukajani, ngiringcokor̀ddha, pisanngātūrangbhakti. deninghadajanirarapanraraṣan, badhungetkamahi, ngajakinmĕsikang, bhaktinering‐

Leaf 8

Image on Archive.org

[᭘8B] ᭘ ᬘᭀᬓᭀᬃᬤ᭄ᬥ᭞ᬇᬥᭂᬧ᭄ᬳᬯᬓᬾᬗᬶᬲᬶᬦᬶᬦ᭄᭞ᬓᬮᬶᬄᬢ᭄ᬭᬶᬜ᭞ᬇᬥᭂᬧ᭄ᬳᬯᬓᬾᬪᬓ᭄ᬢᬶ᭟ᬓ᭄ᬭᬡᬳᬤᬓᬾᬦᬾᬫᬮᬶᬓᬮᬶᬬᬦ᭄᭞ᬘᭀᬮᭀᬃᬤ᭄ᬥᬲᬮᬶᬢ᭄ᬢᬫ᭄ᬧᬶᬂ᭞ᬫᬫ᭠ ᬜ᭄ᬕᬓᬂᬳᬶᬭ᭞ᬢᬦ᭄ᬪᬓ᭄ᬢᬶᬫᬫᬋᬓᬦ᭄᭞ᬓ᭄ᬭᬡᬳᬤᬜᬸᬓᬚᬦᬶ᭞ᬘᭀᬓᭀᬃᬤ᭄ᬥᬤᬸᬓ᭞ᬧᬜ᭄ᬚᬓ᭄ᬢ᭄ᬯᬩᭂᬦ᭄ᬤᬸᬯᬶᬦ᭄᭟ᬦᬄᬦ᭄ᬢᭀᬓᬾᬦ᭄ᬓᬾᬦ᭄ᬜᬫᬫᬜ᭄ᬘᬦᬾᬫᬂᬓ᭄ᬚᬂ᭞ᬤᬗᬸᬩ᭄ᬤ ᬬᬂᬤᬶᬳᬢᬶ᭞ᬧᬭᬫᬜ᭄ᬘᬲᬫ᭄ᬬᬦ᭄᭞ᬧᬥᬫᬳᬢᬹᬃᬦᬶᬫ᭄ᬩᬮ᭄᭞ᬧᬵᬢᬹᬢ᭄ᬭᬢᬸᬢᬶᬢ᭄ᬬᬂᬗᬶᬭᬶᬂ᭞ᬳᬶᬓ᭄ᬢᬸᬢ᭄ᬲᬭ᭞ᬫᬩ᭄ᬭᬶᬬᬸᬓ᭄ᬲᬫᬶᬗᬶᬭᬶᬂ᭟ᬫᬥᬾᬧᬲᭂᬓ᭄‌ᬓ᭄ᬢᬸᬢ᭄ᬧᬲᭂᬓ᭄ᬓᬫᬫ᭄ᬕᬦ᭄᭞ ᬫ᭄ᬦᭂᬂᬢ᭄ᬯᬭᬜᬯᬸᬭᬶᬦ᭄᭞ᬦᬸᬗᬮᬶᬳᬂᬤᬬ᭞ᬳᬧᬂᬤᬤ᭄ᬬᬜᬤᬸᬭᬶᬬᬦ᭄᭞ᬳᬩᭀᬢ᭄ᬦᬸᬮ᭄ᬬᬸᬭᬱᬦᬶᬦ᭄᭞ᬮᬯᬸᬢ᭄ᬫᬦᬶᬫ᭄ᬩᬮ᭄᭞ᬳᬢᬹᬭᬾᬲᬤᬫᬦᬶᬲ᭄᭟ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂ [᭙9A] ᬫᬵᬢᬹᬃᬲᬶᬲᬶᬧ᭄ᬧᬶᬲᬦ᭄᭞ᬬᬦ᭄ᬢᬦ᭄ᬓᬩᬯᭀᬲ᭄ᬲᬶᬲᬶᬧ᭄᭞ᬧᬫᬸᬗᬸᬦ᭄ᬳᬢᬹᬃᬢᬶᬢ᭄ᬬᬂ᭞ᬧᬶᬦᭂᬄᬭᬶᬂᬧᬓᬳᬸᬦᬦ᭄᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬭᬢᬸᬫᬗ᭄ᬓᬶᬦ᭄᭞ᬗᭂᬫ᭄ᬩᬓ᭄ᬦᬵᬕᬭ᭞ᬓᬓ᭄ᬮᬸᬓᬸᬂᬲᬸᬪᬓ᭄ᬢᬶ᭟ ᬓᬮᬶᬄᬢᬶᬢ᭄ᬬᬂᬢᬍᬃᬫᬦ᭄ᬤᬯᭂᬕᬂ᭞ᬳᭂᬗ᭄ᬓᬾᬦ᭄ᬗᬯᬦᬦ᭄ᬗᬶᬮᬶᬲ᭄᭞ᬳ᭄ᬬᬸᬜ᭄ᬘᭀᬓᭀᬃ᭠ᬳᬶᬤᬾᬯ᭞ᬚᬕᬗᭂᬫ᭄ᬩᬓ᭄ᬦᬵᬕᬭ᭞ᬓᬓ᭄ᬮᬸᬂᬓᬸᬂᬚᬕᬪᬓ᭄ᬢᬶ᭞ᬧᬶᬦᭂᬳᬂᬧᬶᬲᬦ᭄᭞ᬳᬢᬹᬃᬢᬶ ᬢ᭄ᬬᬂᬲᬸᬪᬓ᭄ᬢᬶ᭟ᬳᬦ᭄ᬢᬸᬓ᭄ᬳᭂᬗ᭄ᬓᬾᬦ᭄ᬳᬯᬦᬦ᭄ᬫᬓᬳ᭄ᬬᬸᬦ᭄ᬳᭂᬫ᭄ᬩᬓ᭄᭞ᬘᭀᬓᭀᬃᬳᬶᬤᬾ᭠ᬲᬸᬕᬶᬄ᭞ᬦᬾᬦ᭄ᬢᭂᬦ᭄ᬓᬶᬭᬂᬓ᭄ᬭᬶᬡ᭞ᬬᬾᬦ᭄ᬧᬤᬾᬤᬸᬭᬸᬲ᭄ᬳᭂᬫ᭄ᬩᬓ᭄᭞ᬓᬤ᭄ᬯᬗ᭄ᬤᬾᬳᬶᬭᬢᬸᬳᬶᬲᬶᬲ᭄᭞ ᬓᬤᬶᬳᬶᬕᬚᬄ᭞ᬢᬍᬃᬭᬶᬂᬉᬘᬧᬦ᭄ᬢᬦ᭄ᬢ᭄ᬭᬶ᭟ᬧᬶᬮᬶᬄᬳᬩᭀᬢ᭄ᬭᬸᬲᬓ᭄ᬭᬶᬂᬚ᭄ᬭᭀᬦᬶᬗ᭄ᬓᬸᬣ᭞ᬤᬬᬦ᭄ᬓᭂᬮᬸᬂᬓᬸᬂᬫᬗ᭄ᬓᬶᬦ᭄᭞ᬯᬦ᭄ᬢᬄᬫᬗᬃᬬ᭄ᬬᬦᬂ᭞ᬫᭀᬭᬂᬘᭀᬓᭀᬃᬳᬶᬤᬾᬯ᭞ᬳᬶᬲ

Auto-transliteration

[88B] 8 cokor̀ddha, idhĕp'hawakengisinin, kaliḥtriña, idhĕp'hawakebhakti. kraṇahadakenemalikaliyan, color̀ddhasalittamping, mama‐ ñgakanghira, tanbhaktimamar̥ĕkan, kraṇahadañukajani, cokor̀ddhaduka, pañjaktwabĕnduwin. naḥntokenkenñamamañcanemangkjang, dangubda yangdihati, paramañcasamyan, padhamahatūr̀nimbal, pātūtratutityangngiring, hiktutsara, mabriyuksamingiring. madhepasĕkktutpasĕkkamamgan, mnĕngtwarañawurin, nungalihangdaya, hapangdadyañaduriyan, habotnulyuraṣanin, lawutmanimbal, hatūresadamanis. hinggiḥratutityang [99A] mātūr̀sisippisan, yantankabawossisip, pamungunhatūr̀tityang, pinĕḥringpakahunan, sāmpunpisanratumangkin, ngĕmbaknāgara, kaklukungsubhakti. kaliḥtityangtal̥ĕr̀mandawĕgang, hĕngkenngawananngilis, hyuñcokor̀‐hidewa, jagangĕmbaknāgara, kaklungkungjagabhakti, pinĕhangpisan, hatūr̀ti tyangsubhakti. hantuk'hĕngkenhawananmakahyunhĕmbak, cokor̀hide‐sugiḥ, nentĕnkirangkriṇa, yenpadedurushĕmbak, kadwangdehiratuhisis, kadihigajaḥ, tal̥ĕr̀ringucapantantri. piliḥhabotrusakringjroningkutha, dayankĕlungkungmangkin, wantaḥmangar̀yyanang, morangcokor̀hidewa, hisa

Leaf 9

Image on Archive.org

[᭙9B] ᭙ ᬭᬳᬬᬸᬫᬵᬢᬹᬃᬭᬭᬶᬲ᭄᭞ᬭᬢᬸᬤᬸᬭᬸᬲᬂ᭞ᬓᬓ᭄ᬮᬸᬂᬓᬸᬂᬲᬸᬪᬓ᭄ᬢᬶ᭟ᬳ᭄ᬤᭀᬄᬧᬶᬲᬜ᭄ᬚᬕᬤᭀᬲ᭄ᬲᬧᬸᬦᬶᬓ᭞ᬳᭂᬗ᭄ᬓᬾᬦ᭄ᬳᬯᬦᬦ᭄ᬓᬵᬮᬶ᭞ᬤᬶᬚ᭄ᬭᭀᬦᬶᬂᬦᬵᬕᬭ᭞ᬓᬮᬶᬄᬳᬯᬦᬦ᭄ᬫᬾᬭᬂ᭞ ᬳᬶᬤᬾᬯᬫᬗ᭄ᬕᬶᬲᬶᬗ᭄ᬕᬶᬄ᭞ᬳᬢᬹᬃᬳᬶᬲᬭ᭞ᬳᬶᬘᬾᬤᭀᬓᬜᬯᬸᬭᬶᬦ᭄᭟ᬳᬶᬗ᭄ᬕᬶᬄᬭᬢᬸᬬᬦ᭄ᬓᬤᬸᬭᬸᬲ᭄ᬲᬧᬸᬦᬶᬓ᭞ᬢᬦ᭄ᬯᬗ᭄ᬤᬾᬧᬘᬗ᭄ᬓᬵᬮᬶ᭞ᬤᬶᬚ᭄ᬭᭀᬦᬶᬂᬦᬵᬕᬭ᭞ᬳᬶᬭᬢᬸᬦᬦ᭄ᬤᬂ᭠ ᬫᬾᬭᬂ᭞ᬩᭀᬬᬭᬹᬧᬧᭀᬮᬶᬄᬮᬶᬗ᭄ᬕᬶᬄ᭞ᬢᬶᬢ᭄ᬬᬂᬗ᭄ᬭᬶᬳᬶᬦᬂ᭞ᬧᬥᭂᬫ᭄ᬫᬢᬶᬗ᭄ᬕᬮ᭄ᬪᬓ᭄ᬢᬶ᭟ᬫᬗ᭄ᬤᬾᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬫᬫᬗ᭄ᬕᬶᬳᬶᬦ᭄ᬫᬾᬭᬂ᭞ᬜᬲ᭄ᬚᬦ᭄ᬢᭂᬦ᭄ᬧᬶᬲᬦ᭄ᬳᬸᬕᬶ᭞ᬭᬢᬸᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬳᬶᬲᬭ ᬫᬗᬫ᭄ᬩ᭄ᬭᬾᬲ᭄ᬦᬶᬫ᭄ᬩᬮ᭄᭞ᬫ᭄ᬦᭂᬂᬩ᭄ᬮᬶᬲᬵᬫ᭄ᬧᬸᬦ᭄ᬫᬵᬮᬶᬄ᭞ᬩᬗ᭄ᬕᬬᬂᬢᬶᬢ᭄ᬬᬂ᭞ᬲᬧᬓᬾᬯᭂᬳᬾᬲᬫᬶ᭟ᬲᬫᬶᬫ᭄ᬦᭂᬂᬲᬧ᭄ᬭᬫᬜ᭄ᬘᬫᬫᬶᬋᬗᬂ᭞ᬫᬗ᭄ᬓᬶᬦ᭄ᬤᬸᬭᬸᬲᬂᬫᬫᬃᬕ᭄ᬕᬶ᭞ᬭᬯᭀᬲ᭄ᬘᬳᬶᬲᬭ᭞ᬭᬭᬶᬲ᭄ᬗ᭄ᬯ [᭑᭐10A] ᬗᬸᬦ᭄ᬲᬸᬭᬵᬢ᭄᭞ᬓᬓ᭄ᬮᬸᬂᬓᬸᬂᬓᬵᬢᬹᬃᬕ᭄ᬮᬶᬲ᭄᭞ᬩᬥᬸᬗᬾᬫᬸᬯᬢ᭄᭞ᬲᬵᬫ᭄ᬧᬸᬦ᭄ᬓᬵᬢᬹᬃᬓᬧᬸ᭠ᬭᬶ᭟ᬳᬶᬤᬾᬯᬵᬕᬸᬂᬓᬢᬗ᭄ᬓᬶᬮ᭄ᬭᬶᬂᬧᬲᬭᬾᬦ᭄ᬯᬾᬢᬦ᭄᭞ᬤᬶᬩᬮᬾᬭᬹᬫ᭄ᬓᬢᬗ᭄ᬓᬶᬮ᭄᭞ᬳᬦ᭄ᬢᬸᬓ᭄ᬧ᭠ ᬭᬫᬜ᭄ᬘ᭞ᬫᬓᬫ᭄ᬯᬄᬦᬵᬕᬯᬦ᭄ᬢ᭞ᬲᬸᬭᬵᬢᬾᬓᬳᬢᬹᬃᬭᬭᬶᬲ᭄᭞ᬳᬶᬤᬘᭀᬓᭀᬃᬤ᭄ᬥᬲᬵᬫ᭄ᬧᬸᬦ᭄ᬳᬶᬤᬗᬫ᭄ᬩᬶᬮᬶᬦ᭄᭟ᬭᬭᬶᬲ᭄ᬓᬧᬯᭀᬲ᭄ᬳᬯᬶᬭᬱᬦᬶᬂᬲᬸᬭᬵᬢ᭄᭞ᬤᬕᬶᬂᬢᬸᬮᬶᬲᬾ ᬫᬦᬶᬲ᭄᭞ᬤᬾᬯᬳᬕᬸᬂᬧᬸᬢᬺ᭞ᬲ᭄ᬯᬾᬦ᭄ᬮᬘᭀᬓᭀᬃᬳᬶᬤᬾᬯ᭞ᬳᬕᬸᬂᬧᬗᬵᬫ᭄ᬧᬸᬭᬉᬕᬶ᭞ᬫᬜ᭄ᬚᬓᬂᬢᬶᬢ᭄ᬬᬂ᭞ᬳᬶᬫᬗ᭄ᬕᬶᬲ᭄ᬦᬳᭂᬦ᭄ᬲᬶᬲᬶᬧ᭄᭟ᬓᬤᬶᬫᬗ᭄ᬓᬶᬦ᭄ᬲᬭᬳ᭄ᬬᬸᬜ᭄ᬘᭀᬓᭀᬃᬳᬶᬤᬾᬯ᭞ ᬦᬶᬓᬄᬕ᭄ᬬᬜᬭᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬗᬵᬢᬹᬭᬂ᭞ᬓᬾᬯᬦ᭄ᬢᭂᬦ᭄ᬳᬢᬹᬃᬢᬶᬢ᭄ᬬᬂ᭞ᬫᬧᬶᬦᬸᬦᬲᬦ᭄ᬳᬓᬶᬤᬶᬓ᭄᭞ᬲᬵᬫ᭄ᬧᬸᬦ᭄ᬦᬶᬯᬓᬶᬦ᭄ᬢᬶᬢ᭄ᬬᬂ᭞ᬫᬳᬸᬫ᭄ᬫᬉᬧᬲᬓ᭄ᬱᬶ᭟ᬤᬾᬦᬶᬂᬲᭀᬭᭀᬄᬢᬶᬢ᭄ᬬᬂ

Auto-transliteration

[99B] 9 rahayumātūr̀raris, ratudurusang, kaklungkungsubhakti. hdoḥpisañjagadossapunika, hĕngkenhawanankāli, dijroningnāgara, kaliḥhawananmerang, hidewamanggisinggiḥ, hatūr̀hisara, hicedokañawurin. hinggiḥratuyankadurussapunika, tanwangdepacangkāli, dijroningnāgara, hiratunandang‐ merang, boyarūpapoliḥlinggiḥ, tityangngrihinang, padhĕmmatinggalbhakti. mangdesāmpuntityangmamanggihinmerang, ñasjantĕnpisanhugi, ratuhantuktityang, hisara mangambresnimbal, mnĕngblisāmpunmāliḥ, banggayangtityang, sapakewĕhesami. samimnĕngsapramañcamamir̥ĕngang, mangkindurusangmamar̀ggi, rawoscahisara, rarisngwa [1010A] ngunsurāt, kaklungkungkātūr̀glis, badhungemuwat, sāmpunkātūr̀kapu‐ri. hidewāgungkatangkilringpasarenwetan, dibalerūmkatangkil, hantukpa‐ ramañca, makamwaḥnāgawanta, surātekahatūr̀raris, hidacokor̀ddhasāmpunhidangambilin. rariskapawoshawiraṣaningsurāt, dagingtulise manis, dewahagungputr̥ĕ, swenlacokor̀hidewa, hagungpangāmpura'ugi, mañjakangtityang, himanggisnahĕnsisip. kadimangkinsarahyuñcokor̀hidewa, nikaḥgyañaremangkin, tityangmangātūrang, kewantĕnhatūr̀tityang, mapinunasanhakidik, sāmpunniwakintityang, mahumma'upasaksyi. deningsoroḥtityang

Leaf 10

Image on Archive.org

[᭑᭐10B] ᬫᬸᬮᬲᬧᬸᬦᬶᬓ᭞ᬢᬦ᭄ᬓᭂᬦᬉᬧᬲᬓ᭄ᬱᬶ᭞ᬬᬦ᭄ᬳᬯᬦᬶᬦᬶᬂᬢᬶᬢ᭄ᬬᬂ᭞ᬲᬭᬮᬾᬤᬂᬧᬓᬳ᭄ᬬᬸᬦᬦ᭄᭞ᬦᬶᬯᬓᬶᬦ᭄ᬧᬜ᭄ᬚᬓᬾᬲᬫᬶ᭞ᬲᬧ᭄ᬬᬦᬓ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬗᬵᬢᬹᬭᬂᬲᬫᬶ᭟ᬲᬵᬫ᭄ᬧᬸᬦ᭄ ᬧᬶᬲᬦ᭄ᬫᬫ᭄ᬩᬯᭀᬲᬶᬜ᭄ᬚᬕᬢ᭄ᬜᬮ᭄ᬬᬦ᭄᭞ᬭᬹᬧᬢᬶᬢ᭄ᬬᬂᬢᬦ᭄ᬪᬓ᭄ᬢᬶ᭞ᬭᬶᬂᬘᭀᬓᭀᬃᬳᬶᬤᬾᬯ᭞ᬓᬮᬶᬄᬲᬸᬪᬓ᭄ᬢᬶᬦ᭄ᬢᬶᬢ᭄ᬬᬂ᭞ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬓᬓᬮᬶᬄ᭞ᬦᬾᬲᬵᬫ᭄ᬧᬸᬦ᭄ᬮᬶᬦ᭄ᬢᬂ᭞ᬲᬵᬫ᭄ᬧᬸᬦ᭄ᬭᬢᬸ ᬫ᭄ᬩᬯᭀᬲᬶᬦ᭄᭟ᬳᬲᬶᬂᬭᬸᬲᬓ᭄ᬭᬶᬂᬧᬸᬭᬶᬢᬶᬢ᭄ᬬᬂᬫ᭄ᬘᬶᬓᬂ᭞ᬲᬧᬧᬬᭀᬦᬾᬲᬫᬶ᭞ᬓᬤᬶᬓᬸᬤᬓᬸᬦ᭞ᬫᬗ᭄ᬓᬶᬦ᭄ᬳᬸᬲᬦᬂᬧᬸᬲᬦ᭄᭞ᬦᬸᬓᬳᬶᬦ᭄ᬢᬶᬢ᭄ᬬᬂᬳᬶᬫᬗ᭄ᬕᬶᬲ᭄᭞ᬩᬵᬲ᭄ᬫᬸᬮᬫᬸᬮ᭞ᬲᭂᬦ᭄ᬤᬶᬦ᭄ᬧ᭄ᬯᬋ ᬕᬦᬾᬗᬹᬦᬶ᭟ᬳᬶᬤᬾᬯᬵᬕᬸᬂᬓᬭᬶᬳᬶᬤᬫᬫᬶᬦᭂᬳᬂ᭞ᬳᬢᬹᬃᬳᬶᬤᬾᬯᬫᬗ᭄ᬕᬶᬲ᭄᭞ᬭᬭᬶᬲ᭄ᬫᬦ᭄ᬤᬶᬓ᭞ᬭᬶᬳᬶᬤᬪᬵᬕᬯᬦ᭄ᬢ᭞ᬫᬓᬫᬶᬯᬄᬫᬜ᭄ᬘᬲᬫᬶ᭞ᬲᬤᬕᬶᬂᬲᬸᬭᬵᬢ᭄᭞ᬲᬵᬫ᭄ᬧᬸ᭠ [᭑᭑11A] ᬦ᭄ᬓᬧᬶᬤᬃᬢ᭄ᬢᬲᬫᬶ᭟ᬪᬵᬕᬯᬦ᭄ᬢᬫᬓᬫᬶᬯᬄᬫᬜ᭄ᬘᬲᬫ᭄ᬬᬦ᭄᭞ᬧᬥᬜᬸᬂᬜ᭄ᬚᬸᬗᬂᬉᬕᬶ᭞ᬚᬕᬫᬗᭂᬫ᭄ᬩᬓᬂ᭞ᬦᬵᬕᬭᬦᬾᬓᬕ᭄ᬬᬜᬃ᭞ᬓᬩᬯᭀᬲ᭄ᬯᬾᬦ᭄ᬢᭂᬦ᭄ᬳᬸᬕᬶ᭞ᬧᬘᬂᬗᬵᬃᬬ᭄ᬬᬦᬂ᭞ ᬕᬶᬗ᭄ᬕᬂᬳᬶᬤᬾᬯᬫᬗ᭄ᬕᬶᬲ᭄᭟᭚᭜᭚ᬧᬸᬧᬸᬄᬲᬶᬦᭀᬫ᭄᭚᭜᭚ᬚᬦᬶᬩ᭄ᬯᬶᬜ᭄ᬘᬭᬶᬢ᭠ᬬᬂ᭞ᬳᬶᬤᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄᭞ᬢᬦ᭄ᬢᬸᬦᬫᬧᬶᬦᭂᬄᬤᬬ᭞ᬩᬳᬦ᭄ᬕᬸᬧ᭄ᬯᬦᬾᬗ᭄ᬮᭀᬂᬚᬜ᭄ᬚᬶ᭞ᬧᬶᬦᬄ ᬧᬶᬦ᭄ᬤᭀᬳᬗ᭄ᬓᬢᬶᬦ᭄᭞ᬫᬲᬶᬄᬢ᭄ᬯᬭᬲᬶᬤ᭄ᬥᬫᬵᬦ᭄ᬢᬸᬓ᭄᭞ᬩᬾᬘᬾᬓ᭄ᬧᬜ᭄ᬚᬓᬾᬳᭀ᭠ᬜ᭞ᬫᬢᬸᬢᬸᬯᬾᬦ᭄ᬢᭂᬦ᭄ᬦᭂᬫ᭄ᬩᬗ᭄ᬲᬶᬢ᭄᭞ᬦᬾᬦᬾᬧᬥᭂᬫ᭄‌ᬲᬫᬲ᭄ᬢᬹᬃᬲᬵᬫ᭄ᬧᬸᬦ᭄ᬫᬘᬘᬓ᭄᭟ᬫᬗ᭄ᬓᬶᬦ᭄ᬯᬾ ᬦ᭄ᬢᭂᬦ᭄ᬧᬓᬳ᭄ᬬᬸᬦᬦ᭄᭞ᬓᬭᬯᭀᬲ᭄ᬫᬜ᭄ᬘᬦᬾᬲᬫᬶ᭞ᬲᬵᬫ᭄ᬧᬸᬦᬾᬲᬄᬪᬓ᭄ᬢᬶᬭᬶᬂᬳᬶᬤ᭞ᬳᬦ᭄ᬢᬸᬓᬾᬦᬾᬭᬶᬳᬶᬦ᭄ᬭᬶᬳᬶᬦ᭄᭞ᬓᬭᬶᬫᬗ᭄ᬕᭂᬄᬲᬸᬪᬓ᭄ᬢᬶ᭞ᬧᬭᬫᬜ᭄ᬘᬦᬾᬫᬜᬸᬗ᭄ᬲᬸᬂ᭞ᬢᬦ᭄ᬯᬾ᭠

Auto-transliteration

[1010B] mulasapunika, tankĕna'upasaksyi, yanhawaniningtityang, saraledangpakahyunan, niwakinpañjakesami, sapyanaktityang, tityangngātūrangsami. sāmpun pisanmambawosiñjagatñalyan, rūpatityangtanbhakti, ringcokor̀hidewa, kaliḥsubhaktintityang, tanwentĕnmaliḥkakaliḥ, nesāmpunlintang, sāmpunratu mbawosin. hasingrusakringpuritityangmcikang, sapapayonesami, kadikudakuna, mangkinhusanangpusan, nukahintityanghimanggis, bāsmulamula, sĕndinpwar̥ĕ ganengūni. hidewāgungkarihidamaminĕhang, hatūr̀hidewamanggis, rarismandika, rihidabhāgawanta, makamiwaḥmañcasami, sadagingsurāt, sāmpu‐ [1111A] nkapidar̀ttasami. bhāgawantamakamiwaḥmañcasamyan, padhañungñjungangugi, jagamangĕmbakang, nāgaranekagyañar̀, kabawoswentĕnhugi, pacangngār̀yyanang, gingganghidewamanggis. // • // pupuḥsinom // • // janibwiñcarita‐yang, hidahanak'hagungmanggis, tantunamapinĕḥdaya, bahan'gupwanenglongjañji, pinaḥ pindohangkatin, masiḥtwarasiddhamāntuk, becekpañjakeho‐ña, matutuwentĕnnĕmbangsit, nenepadhĕmsamastūr̀sāmpunmacacak. mangkinwe ntĕnpakahyunan, karawosmañcanesami, sāmpunesaḥbhaktiringhida, hantukenerihinrihin, karimanggĕḥsubhakti, paramañcanemañungsung, tanwe‐

Leaf 11

Image on Archive.org

[᭑᭑11B] ᭑᭑ ᬦ᭄ᬢᭂᬦ᭄ᬦᬳᭂᬦ᭄ᬓᭂᬘᬕ᭄᭞ᬕᬸᬫᬶᬦᬾᬳᬗᬦ᭄ᬳᬓᬶᬤᬶᬓ᭄᭞ᬦᬤ᭄ᬬᬦ᭄ᬓᬕᭂᬩᬸᬕ᭄᭞ᬢᬦ᭄ᬯᬾᬦ᭄ᬢᭂᬦ᭄ᬳᬶᬤᬗᭀᬩᭂᬕᬂ᭟ᬤᬤᭀᬲ᭄ᬯᬾᬦ᭄ᬢᭂᬦ᭄ᬭᬯᭀᬲ᭄ᬳᬶᬤ᭞ᬗᬺᬋᬳᬶᬦ᭄ᬫᬜ᭄ᬘᬦᬾᬲᬫᬶ᭞ᬫᬗ᭄ᬕᭂᬄᬪᬓ᭄ᬢᬶᬦᬾᬭᬶᬂ᭠ ᬳᬶᬤ᭞ᬓᬓᬼᬘᬦᬾᬯᬾᬦ᭄ᬢᭂᬦ᭄ᬫᬗ᭄ᬓᬶᬦ᭄᭞ᬭᬭᬶᬲ᭄ᬳᬶᬤᬦ᭄ᬤᬯᬸᬳᬶᬦ᭄᭞ᬧᬭᬫᬜ᭄ᬘᬲᬫᬶᬗᬥᬸ᭞ᬓᬤᬶᬦᬾᬲᬵᬫ᭄ᬧᬸᬦ᭄ᬮᬶᬦ᭄ᬢᬂ᭞ᬭᬭᬸᬄᬧ᭄ᬭᬫᬜ᭄ᬘᬵᬫᬕᬶᬮᬶᬃ᭞ᬦᬾᬲᬶᬧᬸᬗ᭄ᬓᬸᬃ᭞ᬭᬯᬸᬄᬩᬩᬢᬸᬄᬦᬵ᭠ ᬕᬭ᭟ᬪᬸᬶᬕᬸᬶᬯᬶᬸᬦ᭄ᬢᬸᬶᬩᬸᬤᬮᬾᬲᬓᬶᬂᬦᬵᬕᬭ᭞ᬩᬩᬢᬸᬄᬓᬭᬶᬫᬗᬶᬭᬶᬂ᭞ᬧ᭄ᬲᬾᬗᬦ᭄ᬳᬶᬕᬸᬲ᭄ᬢᬶᬗᬸᬭᬄ᭞ᬓ᭄ᬢᬸᬢ᭄ᬫᬸᬮᬳᬦᬓ᭄ᬭᬶᬭᬶᬄ᭞ᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭞ᬦᬾᬫᬗ᭄ᬓᬶᬦ᭄ᬓᬾᬦᬓ᭄ᬭᬶᬂᬚᬳ᭄ᬬᬸᬦ᭄ ᭞ᬓᬭᬯᭀᬲ᭄ᬢ᭄ᬯᬭᬉᬯᬄ᭞ᬪᬓ᭄ᬢᬶᬦ᭄ᬧ᭄ᬭᬫᬜ᭄ᬘᬦᬾᬲᬫᬶ᭞ᬳᬶᬯᬂᬲᭂᬗ᭄ᬕᬶᬄ᭞ᬳᬯᬦᬦ᭄ᬫ᭠ᬦ᭄ᬢᬸᬓ᭄ᬓᬮᬄ᭟ᬳᬾᬗ᭄ᬕᬮᬦ᭄ᬤᬤᬶᬫᬕᭀᬩ᭞ᬤᬶᬚᬕᬢᬾᬧ᭄ᬭᬚᬦᬶ᭞ᬤᬸᬃᬫ᭄ᬫᬶᬢᬦᬾᬧᬥᬓᬢᭀ [᭑᭒12A] ᬦ᭄᭞ᬦ᭄ᬤᬢᬦ᭄ᬧᬓᭀᬚᬭᬶᬗ᭄ᬳᬚᬶ᭞ᬓᬢᬓᬾᬫᬚᬸᬮᬸᬓ᭄ᬲᬳᬶ᭞ᬢ᭄ᬓᬾᬦ᭄ᬧᬲᬶᬳᬾᬫᬢᬸᬭᬸᬢ᭄᭞ᬲᬦᬾᬯᬯᭂᬗ᭄ᬓᬦ᭄ᬕ᭄ᬬᬜᬃ᭞ᬬᬾᬳᬾᬫᬫᬮᬸᬲᬳᬶ᭞ᬮᬾᬦ᭄ᬤᬶᬢᬸᬕᬸ᭞ᬥᬡ᭄ᬥᬶᬦᬾ᭠ ᬲ᭄ᬬᬕ᭄ᬳᬲᬶᬩᬓ᭄᭟ᬫᬮᬶᬄᬯᬾᬦ᭄ᬢᭂᬦ᭄ᬢᬯᬄᬧᬶᬲᬦ᭄᭞ᬩᬗ᭄ᬓᬸᬗᬾᬤᬶᬲᬸᬓᬯᬢᬶ᭞ᬯᬾ᭠ᬦ᭄ᬢᭂᬦ᭄ᬫᬤᬺᬩᬾᬧ᭄ᬬᬦᬓ᭄᭞ᬳᬓᬸᬢᬸᬲ᭄ᬳᬶᬧᬸᬦ᭄ᬫᬩᬢᬶᬲ᭄᭞ᬧᬢ᭄ᬧᬢ᭄ᬳᬶᬧᬸᬦ᭄ᬫᬓᭀᬧᬶᬂ᭞ᬳᬶᬓᬸᬄᬫ ᬘᬗ᭄ᬕᬄᬫᬜᬸᬮᬸ᭞ᬫᬮᬶᬄᬧᬮᬶᬂᬓᬭᬸᬭᬜ᭞ᬓᬦ᭄ᬢᭂᬦ᭄ᬲᬓᬶᬂᬚᬕᬢ᭄ᬩᬵᬮᬶ᭞ᬤᬸᬫᬦᬾᬢᬸᬃᬜᬼᬕ᭄ᬤᬶᬮᬗᬶᬢᬾᬗᭂᬦᬄ᭟ᬩᬤᬗᬶᬦ᭄ᬢᬸᬗ᭄ᬕᬮ᭄ᬤᬲ᭄‌ᬍᬫᬄ᭞ᬓᭀᬘᬧ᭄ᬓᬢᬢ᭄ᬯᬦ᭄ᬜᬗᬹᬦᬶ᭞ ᬲᬶᬭᬶᬦ᭄ᬭᬢᬸᬓᬢᬶᬮᬭᬦ᭄᭞ᬳᬦ᭄ᬢᬸᬓ᭄ᬧᬭᬫᬜ᭄ᬘᬲᬫᬶ᭞ᬘᭀᬗᬄᬤᬤ᭄ᬬᬦ᭄ᬫᬩᬮᬶᬓ᭄᭞ᬧᬘᬂᬭᬸᬲᬓ᭄ᬳᬦᬓ᭄ᬳᬕᬸᬂ᭞ᬤᬸᬫᬦᬾᬫᬗᭀᬃᬢ᭄ᬣᬬᬂ᭞ᬗᬵᬢᬹᬭᬶᬦ᭄ᬫᬗ᭄ᬤᬾᬫᬯᬲᬶ᭞ᬫᬮᬶᬄ

Auto-transliteration

[1111B] 11 ntĕnnahĕnkĕcag, guminehanganhakidik, nadyankagĕbug, tanwentĕnhidangobĕgang. dadoswentĕnrawoshida, ngr̥ĕr̥ĕhinmañcanesami, manggĕḥbhaktinering‐ hida, kakl̥ĕcanewentĕnmangkin, rarishidandawuhin, paramañcasamingadhu, kadinesāmpunlintang, raruḥpramañcāmagilir̀, nesipungkur̀, rawuḥbabatuḥnā‐ gara. bhuiguiw̶ntuibudalesakingnāgara, babatuḥkarimangiring, psenganhigustinguraḥ, ktutmulahanakririḥ, hanakehagungmanggis, nemangkinkenakringjahyun , karawostwara'uwaḥ, bhaktinpramañcanesami, hiwangsĕnggiḥ, hawananma‐ntukkalaḥ. henggalandadimagoba, dijagateprajani, dur̀mmitanepadhakato [1212A] n, ndatanpakojaringhaji, katakemajuluksahi, tkenpasihematurut, sanewawĕngkan'gyañar̀, yehemamalusahi, lenditugu, dhaṇdhine‐ syag'hasibak. maliḥwentĕntawaḥpisan, bangkungedisukawati, we‐ntĕnmadr̥ĕbepyanak, hakutushipunmabatis, patpat'hipunmakoping, hikuḥma canggaḥmañulu, maliḥpalingkaruraña, kantĕnsakingjagatbāli, dumanetur̀ñl̥ĕgdilangitengĕnaḥ. badangintunggaldasl̥ĕmaḥ, kocapkatatwanñangūni, sirinratukatilaran, hantukparamañcasami, congaḥdadyanmabalik, pacangrusak'hanak'hagung, dumanemangor̀tthayang, ngātūrinmangdemawasi, maliḥ

Leaf 12

Image on Archive.org

[᭑᭒12B] ᭑᭒ ᬫᬦ᭄ᬢᬸᬓ᭄᭞ᬫᬗᬸᬗ᭄ᬲᬶᬓᬯᬶᬱ᭄ᬡᬸᬮᭀᬓ᭟ᬓᬮᬶᬄᬦᬾᬳᬯᬦ᭄‌ᬬᬸᬤ᭄ᬥ᭞ᬧᬸᬭᬸᬱᬥᬷᬭᬭᬶᬂᬚᬸᬭᬶᬢ᭄᭞ᬓᬮᬶᬄᬧᬕᭂᬄᬤᬶᬦᬵᬕᬭ᭞ᬓᬧᬵᬢᬹᬢᬦᬾᬓᬕᬶᬲᬶ᭞ᬬᬾᬦ᭄ᬲᬵᬫ᭄ᬧᬸᬦ᭄ᬓᬢ᭄ᬓᬳᬶ ᬦ᭄᭞ᬳᬦ᭄ᬢᬸᬓ᭄ᬳᬶᬰᬢ᭄ᬭᬸᬫᬗ᭄ᬩᬸᬕ᭄᭞ᬳᬶᬭᬶᬓᬭᬶᬂᬩᬜ᭄ᬘᬶᬗᬄ᭞ᬘᬶᬭᬶᬬᬂᬓ᭄ᬱᬢ᭄ᬭᬶᬬᬍᬯᬶᬄ᭞ᬢ᭄ᬓᬳᬫᬹᬓ᭄᭞ᬤᬋᬋᬤ᭄ᬳᬗᬦ᭄ᬳᬢᬫ᭄ᬧᬓ᭄᭟ᬮᬯᬸᬢ᭄ᬓᬋᬩᬸᬢ᭄ᬓᬢᬸᬫ᭄ᬩᬓ᭄᭞ᬕᬭᬾᬫᬾᬂ ᬫᬦᬦ᭄ᬤᬂᬓᬦᬶᬦ᭄᭞ᬍᬕᬬᬂᬗᬾᬓᬬᬂᬫᬦᬄ᭞ᬯᬸᬲ᭄ᬫᬢᬶᬗ᭄ᬕᬮ᭄ᬲᬂᬳ᭄ᬬᬂᬉᬭᬶᬧ᭄᭞ᬳᭂᬦ᭄ᬢᭀᬢ᭄ᬯᬭᬵᬤᬧ᭄ᬮᬶᬄ᭞ᬲ᭄ᬯᬕ᭄ᬕᬮᭀᬓᬦᬾᬓᬢ᭄ᬧᬸᬓ᭄᭞ᬬᬦ᭄ᬩ᭄ᬯᬶᬦ᭄ᬓᬢᬸᬮᬓᬂ᭞ᬓᬘᬢ᭄ᬭᬶᬩ᭄ᬯᬶ ᬦ᭄ᬦᬸᬫᬤ᭄ᬥᬶ᭞ᬢ᭄ᬯᬶᬬᬦ᭄ᬳᬸᬭᬸᬂ᭞ᬤᬤᬶᬭᬢᬸᬘᬕ᭄ᬭᬾᬂᬚᬕᬢ᭄᭟ᬲᬵᬫ᭄ᬧᬸᬦ᭄ᬓᬦ᭄ᬢᭂᬦ᭄ᬲᬧᬸᬦᬶᬓ᭞ᬓᬵᬢᬹᬭᬂᬳᬶᬤᬾᬯᬫᬗ᭄ᬕᬶᬲ᭄᭞ᬓᬾᬯᭂᬄᬳᬶᬤᬗ᭄ᬭᬯᭀᬲᬂ᭞ᬭᬱᬢᭀᬂᬤᬤᬶᬉᬩ᭠ [᭑᭓13A] ᬤᬶᬦ᭄᭞ᬧᬘᬂᬗᬮᬧᬂᬉᬕᬶ᭞ᬮᬮᬶᬧᬸᬭᬦᬾᬭᬶᬂᬓᬳ᭄ᬬᬸᬦ᭄᭞ᬫᬗ᭄ᬤᬾᬲᬵᬫ᭄ᬧᬸᬦ᭄ᬓᬘᬶᬃᬬ᭄ᬬᬦ᭄᭞ᬲ᭄ᬩᭂᬢ᭄ᬓᬳ᭄ᬬᬸᬦᬾᬗ᭄ᬭᬯᭀᬲᬶᬦ᭄᭞ᬜᬩ᭄ᬭᬦ᭄ᬤᬶᬦ᭞ᬳᬶᬤᬫᬶᬚᬶᬮ᭄ᬓᬓᭂᬍᬘᬦ᭄᭟ ᬤᬶᬓ᭄ᬮᬸᬂᬓᬸᬂᬘᬭᬶᬢᬬᬂ᭞ᬤᬾᬯᬵᬕᬸᬂᬲᬸᬢᬺᬦᬾᬚᬦᬶ᭞ᬲᬵᬫ᭄ᬧᬸᬦ᭄ᬳᬶᬤᬗ᭄ᬭᬯᭀᬲᬂ᭞ᬲᬲᭂᬫ᭄ᬢᭀᬦᬦ᭄ᬫᬫᬃᬕ᭄ᬕᬶ᭞ᬩ᭄ᬭᬵᬳ᭄ᬫᬡᬜᬋᬗᬶᬦ᭄᭞ᬘᭀᬓᭀᬃᬤ᭄ᬥᬳᭀᬓᬳᬸᬢᬸ᭠ ᬲ᭄᭞ᬲᬋᬂᬮᬦ᭄ᬪᬵᬕᬯᬵᬦ᭄ᬢ᭞ᬢᬦ᭄ᬲᬄᬳᬶᬤᬩᬕᬸᬲ᭄ᬭᬳᬶ᭞ᬩᬕᬸᬲ᭄‌ᬕ᭄ᬥᬾᬲᬫ᭄ᬬᬦ᭄ᬗᬶᬭᬶᬂᬘᭀᬓᭀᬃᬤ᭄ᬥ᭟ᬧᬯᬶᬮᬗᬦ᭄ᬲᬋᬂᬧᬢ᭄ᬧᬢ᭄᭞ᬯᬮᬓᬦᬾᬦᬾᬫᬗᬶᬭᬶᬂ᭞ᬜᬶ ᬮᬶᬩ᭄ᬧᬫᬃᬕ᭄ᬕᬶᬦᬾᬮᬸᬗ᭄ᬳ᭞ᬤᬲᬼᬫᬄᬕ᭄ᬥᬾᬫᬫᬃᬕ᭄ᬕᬶ᭞ᬗᬫ᭄ᬩᬳᬶᬦ᭄ᬓᬧᬲᬶᬲᬶ᭞ᬫᬳᬶᬭᬶᬗᬦ᭄ᬧᬶᬢᬸᬗᬢᬸᬲ᭄᭞ᬦᬵᬗ᭄ᬳᬶᬂᬲᬫᬶᬫᬫᭀᬕᭀᬮ᭄᭞ᬲᬓᬾᬫᬯᭀᬦ᭄ᬓᬭᭀ᭠

Auto-transliteration

[1212B] 12 mantuk, mangungsikawiṣṇuloka. kaliḥnehawanyuddha, puruṣadhīraringjurit, kaliḥpagĕḥdināgara, kapātūtanekagisi, yensāmpunkatkahi n, hantuk'hiśatrumangbug, hirikaringbañcingaḥ, ciriyangkṣatriyal̥ĕwiḥ, tkahamūk, dar̥ĕr̥ĕd'hanganhatampak. lawutkar̥ĕbutkatumbak, garemeng manandangkanin, l̥ĕgayangngekayangmanaḥ, wusmatinggalsanghyangurip, hĕntotwarādapliḥ, swaggalokanekatpuk, yanbwinkatulakang, kacatribwi nnumaddhi, twiyanhurung, dadiratucagrengjagat. sāmpunkantĕnsapunika, kātūranghidewamanggis, kewĕḥhidangrawosang, raṣatongdadi'uba‐ [1313A] din, pacangngalapangugi, lalipuraneringkahyun, mangdesāmpunkacir̀yyan, sbĕtkahyunengrawosin, ñabrandina, hidamijilkakĕl̥ĕcan. diklungkungcaritayang, dewāgungsutr̥ĕnejani, sāmpunhidangrawosang, sasĕmtonanmamar̀ggi, brāhmaṇañar̥ĕngin, cokor̀ddhahokahutu‐ s, sar̥ĕnglanbhāgawānta, tansaḥhidabagusrahi, bagusgdhesamyanngiringcokor̀ddha. pawilangansar̥ĕngpatpat, walakanenemangiring, ñi libpamar̀gginelungha, dasl̥ĕmaḥgdhemamar̀ggi, ngambahinkapasisi, mahiringanpitungatus, nānghingsamimamogol, sakemawonkaro‐

Leaf 13

Image on Archive.org

[᭑᭓13B] ᭑᭓ ᬓ᭄ᬭᬶᬲ᭄᭞ᬮᬶᬦ᭄ᬢᬂᬤᬬᬸᬄ᭞ᬧᬫᬃᬕ᭄ᬕᬶᬦᬾᬕᬕᬜ᭄ᬘᬗᬦ᭄᭟ᬫᬲ᭄ᬬᭀᬓ᭄ᬳᬸᬚᬦᬾᬢ᭄ᬓ᭞ᬕ᭄ᬮᬶᬲ᭄ᬋᬓᬾᬫᬗᬋᬧᬶᬦ᭄᭞ᬧᬫᬃᬕ᭄ᬕᬦ᭄ᬳᬶᬤᬘᭀᬓᭀᬃᬤ᭄ᬥ᭞ᬘᬶᬭᬶᬦ᭄ᬭᬳᬬᬸᬓᬧᬗ᭄ᬕᬶᬄ᭞ ᬧᬥᬳᬕᬾᬫᬫᬃᬕ᭄ᬕᬶ᭞ᬦᬗᬭᬶᬦ᭄ᬫᬗ᭄ᬤᬾᬤᬢᬳᬸ᭞ᬚᬕᬢᬾᬓᬮᬶᬦ᭄ᬢᬗᬦ᭄᭞ᬲᬶᬤ᭄ᬥᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬳᬸᬦᬶᬂ᭞ᬲᬕᬾᬢ᭄ᬭᬯᬸᬄ᭞ᬚᬶᬤᬭᬶᬂᬚᬕᬢ᭄ᬦᬵᬕᬭ᭟ᬘᭀᬓᭀᬃᬤ᭄ᬥᬪᬶ᭠ ᬫᬫᬜᬧ᭞ᬫᬗ᭄ᬭᬭᬶᬲ᭄ᬓᬚ᭄ᬭᭀᬧᬸᬭᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬩᬩᬯᭀᬲ᭄᭞ᬩᬾᬜ᭄ᬚᬂᬲ᭄ᬫᭂᬗᬾᬫᬫᬃᬕᬶ᭞ᬦ᭄ᬓᭂᬧ᭄ᬕᬸᬫᬶᬦᬾᬲᬫᬶ᭞ᬘᭀᬓᭀᬃᬤ᭄ᬥᬫᬮᬶᬄᬫᬓᬳ᭄ᬬᬸᬦ᭄᭞ᬭ᭠ ᬭᬶᬲ᭄ᬳᬶᬤᬗᬦ᭄ᬤᬶᬓ᭞ᬕᬮᭀᬮᭀᬓ᭄ᬫᬗ᭄ᬕᬯᬾᬢᬸᬮᬶᬲ᭄᭞ᬢᬹᬃᬗᬮᬦ᭄ᬢᬸᬃ᭞ᬚᬦᬶᬢᬸᬢᬸᬦ᭄ᬤᬾᬦᬂᬜᬮᬦᬂ᭟ᬓᬩᬥᬸᬂᬳᬾᬗ᭄ᬕᬮᬂᬧᬶᬲᬦ᭄᭞ᬓᬫᬗ᭄ᬯᬶᬧᬕᬜ᭄ᬘᬗᬶᬦ᭄᭞ᬓᬩ [᭑᭔14A] ᬗ᭄ᬮᬶᬚᬦᬶᬚᬮᬦᬂ᭞ᬳᬧᬂᬧ᭄ᬭᬬᬳᬶᬜ᭄ᬚᬦᬶ᭞ᬤᬾᬦᬶᬂᬓᬓᭂᬜ᭄ᬘᬦ᭄ᬲᬶᬗᬶᬦ᭄᭞ᬫᬮᬶᬄᬳᬧᬗᬫᬜᬸᬚᬸᬃ᭞ᬤᬶᬲ᭄ᬩᭂᬄᬢᭀᬗᭀᬲᬶᬜ᭞ᬦᬵᬗ᭄ᬳᬶᬂᬳᬧᬂᬳᬤᬯᬗ᭄ᬲᬶᬢ᭄᭞ᬳᬧᬂᬳᬶᬤᬮ᭠ ᬚᬸᬫᬦᬶᬜ᭄ᬘᬧᬂᬭᭀᬯᬂ᭟ᬳᬶᬤᬩᬕᬸᬲ᭄ᬭᬳᬶᬦᬶᬫ᭄ᬩᬮ᭄᭞ᬭᬢᬸᬢ᭄ᬬᬂᬮᬶᬦ᭄ᬢᬂᬗᬶᬭᬶᬂ᭠ᬲᬵᬫᭀᬯᬸᬦ᭄ᬳᬶᬤᬗ᭄ᬯᬗᬸᬦ᭄ᬲᬸᬭᬵᬢ᭄᭞ᬫᬫᬃᬕ᭄ᬕᬶᬲᬶᬤ᭄ᬥᬧ᭄ᬭᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬓᬳᬢᬹᬃᬲᬫᬶ᭞ᬲᬸ᭠ ᬭᬵᬢᬾᬭᬶᬂᬧᬭᬭᬢᬸ᭞ᬲᬫᬶᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄᭞ᬩᬾᬜ᭄ᬚᬂᬲ᭄ᬫᭂᬗᬾᬫᬫᬃᬕ᭄ᬕᬶ᭞᭠ᬳ᭄ᬦᭂᬗᬓ᭄ᬦ᭞ᬤᬶᬓ᭄ᬮᬸᬂᬓᬸᬂᬓᬘᬭᬶᬢ᭟ᬤᬾᬯᬵᬕᬸᬂᬳᬶᬤᬦ᭄ᬤᬯᬸᬳᬂ᭞ᬭᬶᬂᬧᬭᬫᬜ᭄ᬘᬵᬕᬸᬂᬲᬫᬶ᭞᭠ ᬫᬗ᭄ᬤᬾᬫᬦ᭄ᬥᬸᬦᬂᬧᬜ᭄ᬚᬓ᭄᭞ᬓᬩᬜ᭄ᬘᬶᬗᬄᬫᬦ᭄ᬩᭂᬗᬶᬦ᭄᭞ᬫᬗ᭄ᬤᬾᬲᬳᬲᬶᬓᭂᬧ᭄ᬲᬫᬶ᭞ᬩᬾᬜ᭄ᬚᬂᬲ᭄ᬫᭂᬂᬫᬗ᭄ᬤᬾᬢ᭄ᬖᬸᬦ᭄᭞ᬢᬍᬃᬫᬗ᭄ᬤᬾᬧ᭄ᬭᬬᬢ᭄ᬦ᭞ᬳᬦ᭄ᬢᬸᬓ᭄ᬤᬶᬕ᭄ᬬᬜᬃᬓᬵᬮᬶ᭞ᬧ᭠

Auto-transliteration

[1313B] 13 kris, lintangdayuḥ, pamar̀gginegagañcangan. masyok'hujanetka, glisr̥ĕkemangar̥ĕpin, pamar̀gganhidacokor̀ddha, cirinrahayukapanggiḥ, padhahagemamar̀ggi, nangarinmangdedatahu, jagatekalintangan, siddhanentĕnwentĕnhuning, sagetrawuḥ, jidaringjagatnāgara. cokor̀ddhabhi‐ mamañapa, mangrariskajropuri, sāmpunpuputbabawos, beñjangsmĕngemamar̀gi, nkĕpguminesami, cokor̀ddhamaliḥmakahyun, ra‐ rishidangandika, galolokmanggawetulis, tūr̀ngalantur̀, janitutundenangñalanang. kabadhunghenggalangpisan, kamangwipagañcangin, kaba [1414A] nglijanijalanang, hapangprayahiñjani, deningkakĕñcansingin, maliḥhapangamañujur̀, disbĕḥtongosiña, nānghinghapanghadawangsit, hapanghidala‐ jumaniñcapangrowang. hidabagusrahinimbal, ratutyanglintangngiring‐sāmowunhidangwangunsurāt, mamar̀ggisiddhapramangkin, sāmpunkahatūr̀sami, su‐ rāteringpararatu, samisāmpunmadabdab, beñjangsmĕngemamar̀ggi, ‐hnĕngakna, diklungkungkacarita. dewāgunghidandawuhang, ringparamañcāgungsami, ‐ mangdemandhunangpañjak, kabañcingaḥmanbĕngin, mangdesahasikĕpsami, beñjangsmĕngmangdetghun, tal̥ĕr̀mangdeprayatna, hantukdigyañar̀kāli, pa‐

Leaf 14

Image on Archive.org

[᭑᭔14B] ᭑᭔ ᬭᬳᬕᬸᬂ᭞ᬲ᭄ᬫᬶᬲᬵᬫ᭄ᬧᬸᬦ᭄ᬫᬦ᭄ᬤᬯᬸᬳᬂ᭟ᬤᬶᬦᬵᬕᬭᬩ᭄ᬯᬶᬦ᭄ᬓᭀᬘᬧᬂ᭞ᬘᭀᬓᭀᬃᬤ᭄ᬥᬪᬶᬫᬦᬾᬫᬗ᭄ᬓᬶᬦ᭄᭞ᬓᬩᬩᬢᬸᬄᬫᬧᬸᬧᬸᬢᬦ᭄᭞ᬓᬮᬶᬄᬦᬾᬲᬋᬂᬩᬮᬶᬓ᭄᭞ᬲᬵᬫ᭄ᬧᬸ ᬦ᭄ᬧᬸᬧᬸᬢ᭄ᬫᬩᬕᬶ᭞ᬧᬗ᭄ᬭᬯᭀᬲᬾᬚᬕᬗᬯᬸᬕ᭄᭞ᬳᬶᬤᬘᭀᬓᭀᬃᬤ᭄ᬥᬳᭀᬓ᭞ᬦ᭄ᬤᬯᬸᬳᬶᬦ᭄ᬓᬯᬸᬮᬲᬫᬶ᭞ᬫᬗ᭄ᬤᬾᬦ᭄ᬳᬶᬧᬸᬦ᭄᭞ᬧᬺᬫᬗ᭄ᬓᬶᬦ᭄ᬗ᭄ᬯᬗᬸᬦ᭄ᬕᬮᬗ᭄ᬕᬂ᭟ᬧᬺᬫᬗ᭄ᬓᬶᬦ᭄ᬳᬶᬧᬸᬦ᭄ᬫᬓᬵᬃ᭠ ᬬ᭄ᬬ᭞ᬕ᭄ᬮᬗ᭄ᬕᬂᬲᬵᬫ᭄ᬧᬸᬜ᭄ᬘᬸᬫᬯᬶᬲ᭄᭞ᬭᬭᬶᬲ᭄ᬜᬭᬬᬂᬮᬾᬮ᭞ᬗᬋᬤᭂᬕ᭄‌ᬗ᭄ᬩᭂᬓᬶᬦ᭄ᬕᬸ᭠ᬫᬶ᭞ᬕᬾᬕᬾᬃᬧᬜ᭄ᬓᬓᬾᬲᬫᬶ᭞ᬚᬮ᭄ᬫᬦᬾᬧᬘᬩ᭄ᬬᬸᬃ᭞ᬲᬕᬾᬢ᭄ᬭᬯᬸᬄᬓᬕ᭄ᬬᬜᬃ᭞ᬓᬵᬢᬹ ᬭᬶᬂᬳᬶᬤᬾᬯᬫᬗ᭄ᬕᬶᬲ᭄᭞ᬳᬶᬤᬲ᭄ᬤᭂᬓ᭄᭞ᬫᬮᬶᬗ᭄ᬕᬶᬄᬭᬶᬂᬓᬓᬼᬘᬦ᭄᭟ᬳᬦ᭄ᬢᬸᬓ᭄ᬧ᭄ᬭᬫᬜ᭄ᬘᬘᭀᬗᬄ᭞ᬫᬗ᭄ᬓᬶᬦ᭄ᬳᬶᬧᬸᬦ᭄ᬦᬾᬫᬩᬮᬶᬓ᭄᭞ᬩᬩᬢᬸᬄᬫᬶᬯᬄᬦᬵᬕᬭ᭞ᬲᬫᬶᬲᬵᬫ᭄ᬧᬸᬦ᭄ᬗᭂ᭠ [᭑᭕15A] ᬫ᭄ᬧᭂᬢ᭄ᬫᬃᬕ᭄ᬕᬶ᭞ᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭞ᬩᬯᬸᬳᬶᬤᬫᬗᬭᬸᬗᬸ᭞ᬧᬺᬫᬗ᭄ᬓᬶᬦ᭄ᬭᬭᬶᬲ᭄ᬩᬸᬤᬮ᭄᭞ᬗᭀᬚᭀᬕ᭄ᬩᬜ᭄ᬘᬶᬗᬄᬫᬮᬶᬗ᭄ᬕᬶᬄ᭞ᬢ᭄ᬓᬲᭂᬦ᭄ᬤᬸ᭞ᬢᬦ᭄ᬳᬸᬦᬶᬭᬶᬂᬧᬗᬭᬱ᭟ᬧᬭᬧᬸᬢ᭄ᬭᬳᬶ᭠ ᬭᬶᬓᬶ᭞ᬢ᭄ᬩᭂᬂᬤᬶᬩᬜ᭄ᬘᬶᬗᬄᬦᬗ᭄ᬓᬶᬮ᭄᭞ᬧᬥᬢᬦ᭄ᬤ᭄ᬭᬸᬄᬭᬶᬂᬧᬗ᭄ᬭᬱ᭞ᬧᬮᬷᬂᬓ᭄ᬦᭂᬳᬾᬢᬦ᭄ᬲᬶᬧᬶ᭞ᬳᬶᬓ᭄ᬢᬸᬢ᭄ᬲᬸᬓᬯᬢᬶ᭞ᬳᬶᬭᬶᬓᬲ᭄ᬩᭂᬗᬾᬓᬯᬸᬲ᭄᭞ᬧᬮᬶᬂᬓ᭄ᬦᭂᬳᬾᬳᭀᬜ᭞ᬳᬾᬗ᭄ᬕᬮ ᬦ᭄ᬫᬩᬸᬤ᭄ᬥᬶᬫᬢᬶ᭞ᬕᬸᬲ᭄ᬢᬶᬗᬸᬭᬄᬓ᭄ᬢᬸᬢ᭄ᬫᬦᬗ᭄ᬓᬶᬮᬶᬦ᭄ᬳᬶᬤ᭟ᬳᬶᬤᬾᬯᬫᬗ᭄ᬕᬶᬲ᭄ᬗᬦ᭄ᬤᬶᬓ᭟ᬳᬶᬘᬾᬤᭀᬓ᭄ᬬᬓ᭄ᬫᬳᬮᬶᬄ᭞ᬢᬸᬦ᭄ᬤᬾᬦᬵᬫᬳᬶᬳᬾᬗ᭄ᬕᬮ᭄ᬳᬾᬗ᭄ᬕᬮ᭄᭞ᬤᬾᬦᬶᬂᬩ᭄ᬯᬢ᭄ᬧᬘᬂᬭᬱᬦᬶᬦ᭄ ᭞ᬦᬾᬓᬳᬸᬢᬸᬲ᭄ᬫᬫᬃᬕ᭄ᬕᬶ᭞ᬳᬩᭀᬲ᭄ᬩᭀᬲ᭄ᬲᬕᬾᬢᬦ᭄ᬭᬯᬸᬄ᭞ᬳᬶᬩᬾᬕ᭄ᬲᬋᬂ᭠ᬳᬶᬘᬾᬤᭀᬓ᭄᭞ᬓᬩᬜ᭄ᬘᬶᬗᬄᬕ᭄ᬮᬶᬲ᭄ᬕᭂᬮᬶᬲ᭄᭞ᬩᬯᬸᬭᬯᬸᬄ᭞ᬲ᭄ᬩᭂᬗᬾᬲᭂᬦ᭄ᬤᬸᬫᬦ᭄ᬕᬓ᭄᭟᭠

Auto-transliteration

[1414B] 14 rahagung, smisāmpunmandawuhang. dināgarabwinkocapang, cokor̀ddhabhimanemangkin, kababatuḥmapuputan, kaliḥnesar̥ĕngbalik, sāmpu npuputmabagi, pangrawosejagangawug, hidacokor̀ddhahoka, ndawuhinkawulasami, mangdenhipun, pr̥ĕmangkinngwangun'galanggang. pr̥ĕmangkinhipunmakār̀‐ yya, glanggangsāmpuñcumawis, rarisñarayanglela, ngar̥ĕdĕgngbĕkin'gu‐mi, geger̀pañkakesami, jalmanepacabyur̀, sagetrawuḥkagyañar̀, kātū ringhidewamanggis, hidasdĕk, malinggiḥringkakl̥ĕcan. hantukpramañcacongaḥ, mangkinhipunnemabalik, babatuḥmiwaḥnāgara, samisāmpunngĕ‐ [1515A] mpĕtmar̀ggi, hanakehagungmanggis, bawuhidamangarungu, pr̥ĕmangkinrarisbudal, ngojogbañcingaḥmalinggiḥ, tkasĕndu, tanhuniringpangaraṣa. paraputrahi‐ riki, tbĕngdibañcingaḥnangkil, padhatandruḥringpangraṣa, palīngknĕhetansipi, hiktutsukawati, hirikasbĕngekawus, palingknĕhehoña, henggala nmabuddhimati, gustinguraḥktutmanangkilinhida. hidewamanggisngandika. hicedokyakmahaliḥ, tundenāmahihenggalhenggal, deningbwatpacangraṣanin , nekahutusmamar̀ggi, habosbossagetanrawuḥ, hibegsar̥ĕng‐hicedok, kabañcingaḥglisgĕlis, bawurawuḥ, sbĕngesĕnduman'gak. ‐

Leaf 15

Image on Archive.org

[᭑᭕15B] ᬳᬦᬓᬾᬳᬕᬸᬂᬗᬦ᭄ᬤᬶᬓ᭞ᬮᬘᬸᬃᬲᬦ᭄ᬓᬳᬶᬚᬦᬶ᭞ᬧᬭᬫᬜ᭄ᬘᬦᬾᬫᬫᬦ᭄ᬤᬮ᭄᭞ᬓᬾᬦ᭄ᬓᬾᬦ᭄ᬫᬤᬬᬚᬦᬶ᭞ᬳᬶᬘᬾᬤᭀᬓ᭄ᬭᬭᬶᬲ᭄ᬗᭂᬮᬶᬂ᭞ᬧ᭄ᬲᬸᬢᬹᬃᬜᬦᬾᬳᬮᬸᬲ᭄᭞ᬗᬺ᭠ ᬕᭂᬧ᭄ᬫᭂᬕᬢ᭄ᬫᭂᬕᬢ᭄᭞ᬭᬳᬢᬸᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄᭞ᬲᬵᬫ᭄ᬧᬸᬦ᭄ᬭᬢᬸ᭞ᬜᭂᬮ᭄ᬲᭂᬮᬂ᭠ᬭᬶᬂᬧᬓᬳ᭄ᬬᬸᬦᬦ᭄᭟ᬤᬾᬦᬶᬂᬧᬗ᭄ᬭᬱ᭄ᬝᬶᬦ᭄ᬪᬝᬵᬭ᭞ᬢᬦ᭄ᬯᬾᬦ᭄ᬢᭂᬦ᭄ᬤᬤᭀᬲ᭄ᬓᭂᬮᬶᬤᬶᬦ᭄᭞ᬭᬶᬳᬶᬦ᭄ᬧᬸ ᬧᬸᬢ᭄ᬳᬢᬹᬃᬢᬶᬢ᭄ᬬᬂ᭞ᬳᬶᬭᬢᬸᬦᬾᬦ᭄ᬢᭂᬦ᭄ᬗᬮᬶᬗ᭄ᬕᬶᬳᬶᬦ᭄᭞ᬲᬵᬫ᭄ᬧᬸᬦ᭄ᬗᭂᬫ᭄ᬩᬓᬂᬕᬸᬫᬶ᭞ᬢᬦ᭄ᬯᬗ᭄ᬤᬾᬳᬶᬭᬢᬸᬳᬸᬯᬸᬲ᭄᭞ᬲᬧᬸᬦᬶᬓᬓᭀᬢᬶᬢ᭄ᬬᬂ᭞ᬳᬶᬲᬭᬥᬕ᭄ᬮᬾᬓ᭄ᬜᬯᬸᬭᬶᬦ᭄᭞ᬲᬧᬓᬾ᭠ ᬯᭂᬄ᭞ᬳᬶᬧᬸᬦ᭄ᬫᬫᬶᬢᬂᬲᬫ᭄ᬬᬦ᭄᭟ᬲᬫᬶᬳᬲᬶᬂᬳᬢᬹᬃᬢᬶᬢ᭄ᬬᬂ᭞ᬳᬓᬶᬤᬶᬓ᭄ᬢᬦ᭄ᬯᬾᬦ᭄ᬢᭂᬦ᭄ᬲᬶᬲᬶᬧ᭄᭞ᬳᬶᬲᬭᬦᬸᬗ᭄ᬓᬲᬶᬦ᭄ᬧᬶᬲᬦ᭄᭞ᬳᬶᬗ᭄ᬕᬶᬄᬭᬢᬸᬓᬤᬶᬫᬗ᭄ᬓᬶᬦ᭄᭞ᬳᬶᬲᬭᬓᬾᬓᬵᬃᬱᬳᬶ [᭑᭖16A] ᬦ᭄᭞ᬭᬯᭀᬲ᭄ᬦᬾᬫᬯᬵᬱ᭄ᬝᬧᬵᬢᬹᬢ᭄᭞ᬦᬄᬘᬳᬶᬳ᭄ᬓᬸᬢ᭄ᬲᬭ᭞ᬤᭀᬗ᭄ᬓᬾᬘᬳᬶᬫᬫᭂᬦ᭄ᬤᬶᬮ᭄᭞ᬓᬾᬦ᭄ᬓᬾᬦ᭄ᬩᬳᬦ᭄᭞ᬕᬸᬲ᭄ᬢᬶᬦᬾᬫᬗ᭄ᬤᬾᬤᬫᬾᬭᬂ᭟ᬳᬶᬲᬭᬫᬲᬯᬂᬚ᭄ᬗᬄ᭞ᬫᭂᬦ᭄ᬤᭂᬧ᭄ᬕ᭄ᬯ᭠ ᬭᬫᬜᬯᬸᬭᬶᬦ᭄‌᭞ᬳᬶᬲᬭᬲᬲᬚᬦ᭄ᬩᭂᬮᭀᬕ᭄᭞ᬳᬶᬘᬾᬤᭀᬲᬲᬚᬦ᭄ᬭᬶᬭᬶᬄ᭞ᬳᬶᬘᭀᬤᭀᬓ᭄ᬕᭂᬤᭂᬕ᭄ᬕᬢᬶ᭞ᬫᬸᬜᬶᬦᬾᬧ᭄ᬲᬸᬫᬮᬸᬲ᭄ᬩᬸᬲ᭄᭞ᬦᬄᬘᬳᬶᬓ᭄ᬢᬸᬢ᭄ᬲᬭ᭞ᬳᬶᬦ᭄ᬤᬬᬂᬧ᭄ᬲᬸᬯᬂ᭠ ᬚᬦᬶ᭞ᬤᬾᬦᬶᬂᬘᬳᬶ᭞ᬫᬮᬸᬓᬲᬸᬩ᭄ᬩᬶᬱᬧᬶᬲᬦ᭄᭟ᬩ᭄ᬮᬶᬚᬩ᭄ᬮᭀᬕ᭄ᬓᬮᬶᬯᬢ᭄᭞ᬫᬮ᭄ᬯ᭠ᬜ᭄ᬚᬩ᭄ᬮᬶᬫᬲᬶᬄ᭞ᬫᬩᬳᬦ᭄ᬫᬕᭀᬩᬓᬗ᭄ᬕᭀ᭞ᬓᬾᬯᭂᬄᬩ᭄ᬮᬶᬦᬾᬢᬦ᭄ᬲᬶᬧᬶ᭞ᬲᬳᬶᬫᬩᬾᬬᬉᬭᬶ ᬧ᭄᭞ᬤᬕᬶᬗᬾᬤᬫᬗᬶᬢᬸᬂ᭞ᬕᬸᬲ᭄ᬢᬶᬦᬾᬩᬳᬢ᭄ᬧᬶᬲᬦ᭄᭞ᬮ᭄ᬬᬸᬩ᭄ᬮᬶᬫ᭄ᬩᬳᬦ᭄ᬕᬸᬫᬶ᭞ᬓ᭄ᬭᬡᬳᬤ᭞ᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄ᬦᬶᬢᬄ᭟ᬓᬮᬶᬄᬲᬯᬯᭂᬗ᭄ᬓᬦ᭄ᬕ᭄ᬬᬜᬃ᭞ᬗ᭄ᬦᬄᬮᬦ᭄ᬤᭂᬄᬩᬸᬓᬳᬫ᭄ᬧ᭄ᬮᬲᬶᬦ᭄᭞

Auto-transliteration

[1515B] hanakehagungngandika, lacur̀sankahijani, paramañcanemamandal, kenkenmadayajani, hicedokrarisngĕling, psutūr̀ñanehalus, ngr̥ĕ‐ gĕpmĕgatmĕgat, rahatuhanak'hagungmanggis, sāmpunratu, ñĕlsĕlang‐ringpakahyunan. deningpangraṣṭinbhaṭāra, tanwentĕndadoskĕlidin, rihinpu put'hatūr̀tityang, hiratunentĕnngalinggihin, sāmpunngĕmbakanggumi, tanwangdehiratuhuwus, sapunikakotityang, hisaradhaglekñawurin, sapake‐ wĕḥ, hipunmamitangsamyan. samihasinghatūr̀tityang, hakidiktanwentĕnsisip, hisaranungkasinpisan, hinggiḥratukadimangkin, hisarakekār̀ṣahi [1616A] n, rawosnemawāṣṭapātūt, naḥcahihkutsara, dongkecahimamĕndil, kenkenbahan, gustinemangdedamerang. hisaramasawangjngaḥ, mĕndĕpgwa‐ ramañawurin, hisarasasajanbĕlog, hicedosasajanririḥ, hicodokgĕdĕggati, muñinepsumalusbus, naḥcahiktutsara, hindayangpsuwang‐ jani, deningcahi, malukasubbiṣapisan. blijablogkaliwat, malwa‐ñjablimasiḥ, mabahanmagobakanggo, kewĕḥblinetansipi, sahimabeya'uri p, dagingedamangitung, gustinebahatpisan, lyublimbahan'gumi, kraṇahada, hanak'hagungmanggisnitaḥ. kaliḥsawawĕngkan'gyañar̀, ngnaḥlandĕḥbukahamplasin,

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org