gaguritan-bagus-diarsa

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭚᭜᭚ ᬧᬸᬄᬲᬶᬦᭀᬫ᭄ ᭚᭜᭚ ᬳᬶᬗ᭄ᬕᬶᬄᬳᬫ᭄ᬧᬸᬭᬬᬂᬧᬶᬲᬦ᭄᭞ᬓᬶᬫᬥ᭄ᬬᬉᬢ᭄ᬢᬭᬫᬭᬶᬓ᭄᭞ᬗ᭄ᬭᬶᬜ᭄ᬘᬶᬗᬧᬸᬲ᭄ᬩᬕᬸᬲ᭄ᬤ᭄ᬬᬃᬱ᭞ᬲᬶᬦᭀᬫ᭄ᬳᬗ᭄ᬕᭀᬦ᭄ᬫᬜ᭠ ᬮᬶᬦᬶᬦ᭄᭞ᬧ᭄ᬘᬓ᭄ᬢᭂᬫ᭄ᬩᬗᬾᬓᬯᬶᬢ᭄᭞ᬓᬯᬵᬱ᭄ᬝᬦᬶᬦ᭄ᬳᬶᬲ᭄ᬢ᭄ᬭᬶᬢᬜ᭄ᬚᬸᬂ᭞ᬘᭂᬦ᭄ᬤᭂᬓ᭄ᬧᬸᬧᬸᬳᬾᬫᬓᬭᬢ᭄᭞ᬧᬬᬄᬲᭂᬗ᭄ᬓᬩᬵᬦᬫ᭄ᬧᬶ᭞ᬳᬗ᭄ᬕᭀᬦ᭄ᬗᬸᬭᬸᬓ᭄᭞ᬗᬚ ᬳᬶᬦ᭄ᬧ᭄ᬭᬢᬶᬲᬦ᭄ᬢᬦ᭟ᬳᬦᬢᬸᬢᬸᬃᬘ᭄ᬭᬶᬢᬮᬯᬲ᭄᭞ᬓᬯᬶᬢ᭄ᬲᬢ᭄ᬯᬦ᭄ᬳᬦᬓ᭄ᬗ᭠ᬦ᭄ᬢᬶᬄ᭞ᬳᬶᬓᭂᬢ᭄ᬳᬸᬗ᭄ᬕᬸᬳᬂᬤᬶᬲᬸᬭᬵᬢ᭄᭞ᬢᬸᬯᬶᬳᬤᬚᬦᬶᬯᬶᬡᬃᬡ᭄ᬦᬶ᭞ᬩᬩᭀᬢᭀᬄ ᬫᬵᬫ᭄ᬩᭂᬓ᭄ᬕᭂᬦᬶᬂ᭞ᬩᬕᬸᬲ᭄ᬤ᭄ᬬᬃᬱᬧᬭᬩ᭄ᬮᬸᬳᬸᬂ᭞ᬳᬸᬮᬶᬂᬘ᭄ᬦᬶᬓᬬᬂᬢ᭄ᬯ᭞ᬢ᭄ᬯᬭᬲᬸ᭠ᬭᬸᬤ᭄ᬭᬶᬂᬧᬚᬤᬶ᭞ᬜᬩ᭄ᬭᬦᬸᬳᬸᬓ᭄᭞ᬫᬓᬲᬸᬓᬦ᭄ᬤᬶᬧᬮᬮ᭄ᬬᬦ᭄᭟ᬘᬭᬶᬓ᭄ᬳ᭠ [᭒ 2A] ᬩ᭄ᬬᬦ᭄ᬳᬶᬲᬶᬦ᭄ᬳᬸᬫᬄ᭞ᬢᬸᬯᬶᬯᬸᬲ᭄ᬫᬕᬦ᭄ᬢᬸᬂᬧᬶᬧᬶᬲ᭄᭞ᬫᬓ᭄ᬚᬂᬲᬸᬩᬫᬓᬦ᭄ᬢᬄ᭞ᬩᬩᭀᬢᭀᬄᬮ᭄ᬬᬸᬘᬸᬬᬸᬲᬫᬶ᭞ᬗᬕᬸᬫᬂᬤᬬᬦᬾᬍᬗᬶᬢ᭄᭞ᬗᬩᬲᭀᬭᭀᬄᬢᬚᬶ ᬳ᭄ᬮᬸᬂ᭞ᬮᬾᬦ᭄ᬩᭂᬕᬶᬕ᭄ᬩᬩᬸᬮᬗᬦ᭄᭞ᬲ᭄ᬬᬧ᭄ᬩᬮᭀᬮᭀᬫᬕᬦ᭄ᬢᬸᬗᬶᬦ᭄᭞ᬦᬸᬮᬸᬂᬲᬸᬯᬸᬂ᭞ᬫ᭄ᬩᬍᬓ᭄ᬩᭂᬓ᭄ᬦᬸᬢᬸᬄᬩᬦ᭄ᬢᬸᬩ᭟ᬩᬕᬸᬲ᭄ᬤ᭄ᬬᬃᬱᬢ᭄ᬯᬭᬕᬶᬗ᭄ᬕᬂ᭞ᬓᬲᬦ᭄ᬢᬦ᭄ᬦᬶᬃᬫ᭄ᬫᬮᬮ ᬳᬶ᭞ᬢᬸᬯᬶᬮᬶᬮᬦᬾᬓᬫᭀᬫᭀᬢᬂ᭞ᬦᬵᬗ᭄ᬳᬶᬂᬤᬾᬯᬾᬓᬗ᭄ᬕᬸᬮᬶᬤᬶᬕ᭄᭞ᬢ᭄ᬯᬭᬗ᭄ᬮᬄᬓ᭄ᬭᬶᬓᬶᬲ᭄ᬤᭂᬓᬶᬮ᭄᭞ᬓᬮᬸᬤᬶᬜ᭄ᬚᬦᬶᬗ᭄ᬕᬮᬸᬦ᭄ᬢᬸᬓ᭄᭞ᬢᬦᬶᬗ᭄ᬮᬄᬧᬭᬦ᭄ᬲᬶ᭠ ᬭ᭞ᬦᬶᬰᬸᬤ᭄ᬥᬵᬚ᭄ᬜᬦᬯᬶᬦᬃᬡ᭄ᬦᬶ᭞ᬰ᭄ᬭᬸᬲᬾᬂᬓᬓᬸᬂ᭞ᬢ᭄ᬯᬭᬩᬶᬲᬲ᭄ᬓᭂᬮ᭄ᬫᬦᬄ᭟ᬧᬕᭂᬄᬫᬗ᭄ᬕᬶᬲᬶᬓᬥᬃᬫ᭄ᬫᬦ᭄᭞ᬩᬦᬾᬗ᭄ᬢᬸᬄᬮᬶᬯᬢ᭄ᬮᬶᬲ᭄ᬢᬶᬂ᭞ᬚᬦᬶᬫᬸᬭᬸᬓ᭄ᬫᬳᬗ᭄ᬓᬸᬳ᭠

Auto-transliteration

[1 1B] 1 // • // puḥsinom // • // hinggiḥhampurayangpisan, kimadhya'uttaramarik, ngriñcingapusbagusdyar̀ṣa, sinomhanggonmaña‐ linin, pcaktĕmbangekawit, kawāṣṭaninhistritañjung, cĕndĕkpupuhemakarat, payaḥsĕngkabānampi, hanggonnguruk, ngaja hinpratisantana. hanatutur̀critalawas, kawitsatwanhanaknga‐ntiḥ, hikĕt'hungguhangdisurāt, tuwihadajaniwiṇar̀ṇni, babotoḥ māmbĕkgĕning, bagusdyar̀ṣaparabluhung, hulingcnikayangtwa, twarasu‐rudringpajadi, ñabranuhuk, makasukandipalalyan. carik'ha‐ [2 2A] byanhisinhumaḥ, tuwiwusmagantungpipis, makjangsubamakantaḥ, babotoḥlyucuyusami, ngagumangdayanel̥ĕngit, ngabasoroḥtaji hlung, lenbĕgigbabulangan, syapbalolomagantungin, nulungsuwung, mbal̥ĕkbĕknutuḥbantuba. bagusdyar̀ṣatwaraginggang, kasantannir̀mmalala hi, tuwililanekamomotang, nānghingdewekanggulidig, twaranglaḥkrikisdĕkil, kaludiñjaninggaluntuk, taninglaḥparansi‐ ra, niśuddhājñanawinar̀ṇni, śrusengkakung, twarabisaskĕlmanaḥ. pagĕḥmanggisikadhar̀mman, banengtuḥliwatlisting, janimurukmahangkuha‐

Leaf 2

Image on Archive.org

[᭒ 2B] ᭒ ᬦ᭄᭞ᬓ᭄ᬦᭂᬂᬓ᭄ᬦᭂᬂᬗᬸᬢᬶᬓᬸᬢᬶᬓ᭄᭞ᬫᬗᬸᬧᬄᬦᬸᬦᬸᬦ᭄ᬗᬦ᭄ᬢᬶᬄ᭞ᬲᬓᬕᬸᬡᬦ᭄ᬳᬦᬓ᭄ᬳᭂᬮᬸᬄ᭞ᬗᬸᬮᬳᬂᬳᬲᬫ᭄ᬩᭂᬓᬦ᭄᭞ᬫᬗ᭄ᬕᬶᬄᬉᬮᬫ᭄ᬚᬸᬓᬸᬢ᭄ᬦᬲᬶ᭞ᬳᬗ᭄ᬕᭀᬦ᭄ᬗᬸᬳᬸᬧ᭄ ᭞ᬗᬸᬧᬚᬶᬯᬧᬦᬓ᭄ᬲᭀᬫᬄ᭟ᬳᬧᬂᬧᬬᬸᬫᬓᬶᬜᬸᬓᬦ᭄᭞ᬓᬲ᭄ᬯᬾᬜ᭄ᬚᬦᬶᬯᬶᬦᬃᬡ᭄ᬦᬶ᭞ᬳᬢᬚᬾᬦ᭄ᬭ+(ᬫᬾ)ᬤᬶᬧᬲᬃ᭞ᬮᬮᬓᭀᬦ᭄ᬫᬳᬘᬶᬳᬘᬶ᭞ᬢᬢᬭᬸᬩ᭄ᬫᬢᬸ ᬫ᭄ᬧᬂᬢᬶᬗ᭄ᬕᬶ᭞ᬯᬶᬢ᭄ᬯᬯᬶᬦ᭄ᬥᬾᬦ᭄ᬳᬦᬓ᭄ᬳᬕᬸᬂ᭞ᬳᬬᬫ᭄ᬫᬢᭀᬄᬬᬸᬢᬬᬦ᭄᭞ᬳᬶᬩᬕᬸᬲ᭄ᬤ᭄ᬬᬃᬱᬯᬶᬦᬃᬡ᭄ᬦᬶ᭞ᬫᬺᬫ᭄ᬫᬮᬶᬗ᭄ᬓᬸᬄ᭞ᬩᬦᬾᬢ᭄ᬯᬭᬗ᭄ᬮᬄᬕ᭄ᬮᬃ᭟ᬫᬓᬩᬸᬦ᭄ᬫᬫᬭᬶ᭠ ᬳᬯᬓ᭄᭞ᬲᬦᬾᬳᬶᬲ᭄ᬢ᭄ᬭᬶᬯ᭄ᬭᬸᬄᬭᬶᬂᬩᬸᬤ᭄ᬥᬶ᭞ᬢᬢ᭄ᬯᬢ᭄ᬓᬧᬢᬮᬦᬦ᭄᭞ᬫᬫᬸᬜᬶᬳᬮᬸᬲ᭄ᬦᬗ᭄ᬳᬶᬦᬶᬦ᭄᭞ᬕᬸᬲ᭄ᬢᬶᬗᬸᬤᬫᬺᬫ᭄ᬫᬗ᭄ᬮᬶᬂ᭞ᬗ᭄ᬕᬶᬄᬫᬢᬗᬶᬕᬸᬲ᭄ᬢᬶᬩᬕᬸᬲ᭄᭞ᬢᬢ [᭓ 3A] ᬚᬾᬦ᭄ᬭᬫᬾᬧᬶᬲᬦ᭄᭞ᬫᬗᬸᬤᬳᬶᬕᬸᬲ᭄ᬢᬶᬲ᭄ᬤᬶᬄ᭞ᬲ᭄ᬩᭂᬢ᭄ᬲᬸᬗ᭄ᬲᬸᬢ᭄᭞ᬬᬤᬶᬦ᭄ᬩ᭄ᬬᬲᬯᬾᬦ᭄ᬢᭂᬦ᭄ᬕᭂᬮᬃ᭟ᬤᭀᬂᬗᬦ᭄ᬤᬶᬓᬢ᭄ᬓᬾᬦ᭄ᬢᬶᬢ᭄ᬬᬂ᭞ᬗᬸᬤᬩᬍᬫ᭄‌ᬧ᭄ᬲᬸᬫᬸᬜᬶ᭞ᬕᬸᬲ᭄ᬢᬶ ᬫᬗᬃᬱᬬᬂᬕ᭄ᬮᬃ᭞ᬩᬦ᭄ᬢᬲ᭄ᬳᬭᬶᬗ᭄ᬕᬶᬢ᭄ᬤᬸᬯᬂᬭᬶᬗ᭄ᬕᬶᬢ᭄᭞ᬧᭀᬮᬶᬄᬢᬶᬢ᭄ᬬᬂᬗᬸᬢᬶᬓᬸᬢᬶ᭠ᬓ᭄᭞ᬫᬤᬕᬂᬫᬢᭂᬦ᭄ᬤᬓ᭄ᬗᬮᬸ᭞ᬧᬸᬦᬶᬓᬤᬕᬶᬂᬓᭀᬢᬓ᭄᭞ᬯᬵᬲ᭄ᬢ᭄ᬭᬲᭂᬗ᭄ᬓᬸᬃᬪ᭄ᬮᬶ ᬳᬮᬶ᭞ᬕᬤ᭄ᬬᬂᬤᬸᬫᬸᬦ᭄᭞ᬤᬢᬓᬾᬲᬬᬗᬂᬢᬶᬢ᭄ᬬᬂ᭟ᬲᭀᬓ᭄ᬮ᭄ᬬᬂᬏᬦᬓ᭄ᬧ᭠ᬓᬳ᭄ᬬᬸᬦᬦ᭄᭞ᬩᬕᬸᬲ᭄ᬤ᭄ᬬᬃᬱᬫᬜᬯᬸᬭᬶᬦ᭄᭞ᬮᬫᬸᬦ᭄ᬢ᭄ᬯᬭᬳᬤᬕ᭄ᬮᬃ᭞ᬧᬵᬢᬹ᭠ ᬢ᭄ᬓᬾᬳᬶᬭᬫᬫᬮᬶᬂ᭞ᬫᬫᬾᬕᬮ᭄ᬗ᭄ᬭᬜ᭄ᬚᬄᬗᬫ᭄ᬩᬶᬃ᭞ᬗᬸᬮᬸᬭᬶᬦ᭄ᬳᬶᬥᭂᬧᬾᬤᬸᬤᬸ᭞ᬬᬾᬦ᭄ᬲᬸᬩᬳᬤᬚᬸᬫᬄ᭞ᬢ᭄ᬯᬭᬳᬶᬭᬗᬶᬕᬸᬂᬜᬳᬶ᭞ᬮᬯᬸᬢ᭄ᬫᬲᬳᬸᬢ᭄᭞ᬦᬶ

Auto-transliteration

[2 2B] 2 n, knĕngknĕngngutikutik, mangupaḥnununngantiḥ, sakaguṇanhanak'hĕluḥ, ngulahanghasambĕkan, manggiḥulamjukutnasi, hanggonnguhup , ngupajiwapanaksomaḥ. hapangpayumakiñukan, kasweñjaniwinar̀ṇni, hatajenra+(me)dipasar̀, lalakonmahacihaci, tatarubmatu mpangtinggi, witwawindhenhanak'hagung, hayammatoḥyutayan, hibagusdyar̀ṣawinar̀ṇni, mr̥ĕmmalingkuḥ, banetwaranglaḥglar̀. makabunmamari‐ hawak, sanehistriwruḥringbuddhi, tatwatkapatalanan, mamuñihalusnanghinin, gustingudamr̥ĕmmangling, nggiḥmatangigustibagus, tata [3 3A] jenramepisan, mangudahigustisdiḥ, sbĕtsungsut, yadinbyasawentĕn'gĕlar̀. dongngandikatkentityang, ngudabal̥ĕmpsumuñi, gusti mangar̀ṣayangglar̀, bantasharinggitduwangringgit, poliḥtityangngutikuti‐k, madagangmatĕndakngalu, punikadagingkotak, wāstrasĕngkur̀bhli hali, gadyangdumun, datakesayangangtityang. soklyangenakpa‐kahyunan, bagusdyar̀ṣamañawurin, lamuntwarahadaglar̀, pātū‐ tkehiramamaling, mamegalngrañjaḥngambir̀, ngulurinhidhĕpedudu, yensubahadajumaḥ, twarahirangigungñahi, lawutmasahut, ni

Leaf 3

Image on Archive.org

[᭓ 3B] ᭓ ᬰᬸᬤ᭄ᬥᬵᬚ᭄ᬜᬦᬧ᭄ᬭᬦᬵᬫ᭄ᬬ᭟ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬢᬶᬢ᭄ᬬᬂᬮᬸᬗ᭄ᬳ᭞ᬫᬗᬦ᭄ᬢᬳᬂᬳᬮᬶᬳᬮᬶ᭞ᬦᬾᬓᬓᬸᬂᬫᬮᬶᬄᬳᬗᬸᬘᬧ᭄᭞ᬲᭀᬓ᭄ᬧᬩ᭄ᬲᭂᬦ᭄ᬳᬶᬭᬜᬳᬶ᭞ᬤᬺᬤ᭄ᬥᬦ᭄ᬮ᭠ ᬫ᭄ᬧᬳᬾᬕᬶᬲᬶ᭞ᬳᭂᬤᬮᬶᬜᭀᬓ᭄ᬳᬤᬚᬸᬫ᭄ᬩᬸᬄ᭞ᬦᬾᬳᬶᬲ᭄ᬢ᭄ᬭᬶᬯᬸᬲ᭄ᬫᬚᬮᬦ᭄᭞ᬫᬗᬤᬾᬬᬂᬳᬮᬶᬳᬮᬶ᭞ᬲᭀᬘ᭄ᬙᬢ᭄ᬮᬸ᭞ᬫᬩᬳᬦ᭄ᬫᬲᬦ᭄ᬤᬤᭀᬫᬲ᭄᭟ᬩ᭠ ᬕᬸᬲ᭄ᬤ᭄ᬬᬃᬱᬯᬸᬲ᭄ᬫᬲᬶᬭᬫ᭄᭞ᬫᬦ᭄ᬤᬩ᭄ᬤᬩ᭄ᬭᬫ᭄ᬩᬸᬢ᭄ᬫᬲᬸᬭᬶ᭞ᬳᬧᬶᬓ᭄ᬗᭀᬮᬄᬲ᭠ᬲᬸᬯᬳᬦ᭄᭞ᬚᬫ᭄ᬩᬸᬮᬦ᭄ᬩᬾᬩᬾᬓ᭄ᬗᬮᬗᬶ᭞ᬫᬲᬧᬸᬢ᭄ᬩᭀᬭᬾᬓᬾᬤ᭄ᬓᬶᬮ᭄᭞᭠ ᬚᬦᬳᬾᬲᬵᬫ᭄ᬧᬸᬦ᭄ᬫᬓᬤᬸᬢ᭄᭞ᬓ᭄ᬭᬶᬲ᭄ᬮᬦ᭄ᬤᬾᬬᬦᬾᬤᬧ᭄ᬤᬧ᭄᭞ᬗᭀ᭠ᬚᭀᬕ᭄ᬓᬮᬗᬦ᭄ᬳᬩ᭄ᬘᬶᬓ᭄᭞ᬗᬶᬲᬶᬢᬗ᭄ᬮᬸᬓ᭄᭞ᬤᬾᬦᬶᬂᬓᬶᬤᬶᬓ᭄ᬗᬩᬕ᭄ᬮᬃ᭟ᬫᬚᬸᬚᬸ [᭔ 4A] ᬓ᭄ᬫᭂᬢᭀᬄᬫᬗᬸᬚᬂ᭞ᬳᬧᬶᬲᬦ᭄ᬢᭀᬂᬢᬳᬾᬦ᭄ᬲᬧᬶᬄ᭞ᬓᬮᬶᬂᬩᬓᬮ᭄ᬩᬶᬲ᭠ᬫ᭄ᬦᬂ᭞ᬧᬶᬧᬶᬲᬾᬤᬲ᭄ᬤᬲᬦ᭄ᬩᭂᬃᬲᬶᬄ᭞ᬧᬶᬢᬸᬗᬢᬸᬲ᭄ᬲᬸᬩᬲ᭄ᬮᬶᬂ᭞ᬳ᭄ᬦᬸᬫᬮᬫ᭄ᬧᬸᬤᬦ᭄ᬲᬢᬸ ᬲ᭄᭞ᬭᬾᬄᬲᬜ᭄ᬚᬗᬧᬶᬗ᭄ᬕᬶᬭᬂ᭞ᬓ᭄ᬮᬶᬗᬲ᭄ᬓᭂᬮᬶᬗᬸᬲ᭄ᬫᭂᬮᬶᬦᬲᬶ᭞ᬤᬕᬂᬲ᭄ᬓᬸᬮ᭄᭞ᬮᬦ᭄ᬢᬲ᭄ᬳᭂᬜ᭄ᬘᭀᬂᬫᬜᬕ᭄ᬬᬂ᭟ᬮᬯᬸᬢ᭄ᬫᬭᬫᬤᬭᬦ᭄᭞ᬩᬳᬸᬫᬭᬗᭂ ᬲᭀᬧᬶᬂᬢ᭄ᬭᬶ᭞ᬦ᭄ᬤᬤᬓᬕᬾᬣᬤᬢ᭄ᬓ᭞ᬗ᭄ᬕᬕᬾᬦ᭄ᬤᭀᬂᬫᬗᬶᬤᬶᬳᬶᬤᬶᬄ᭞ᬫᬢᬸᬗ᭄ᬓᭂᬤ᭄ᬓᬸᬱ᭄ᬬᬵᬗ᭄ᬕᬶᬕᬶᬮ᭄᭞ᬫᬗᬸᬦ᭄ᬤᬶᬢ᭄ᬓ᭄ᬭᭀᬲᭀᬇᬩᬸᬲ᭄᭞ᬳᬯᬓ᭄ᬩᬸᬗ᭄ᬓᬸᬢ᭄ᬲᬸᬩ᭠ ᬢ᭄ᬯ᭞ᬩᬢᬶᬲ᭄ᬫᬓᬤᬤ᭄ᬯᬲᬓᬶᬢ᭄᭞ᬩᭂᬗ᭄ᬓᬂᬩ᭄ᬭᬸᬂ᭞ᬫ᭄ᬘᬢ᭄ᬩᬜᭂᬳᬾᬫᬘᬧ᭄ᬘᬧ᭄᭟ᬳ᭄ᬩᭀᬦᬾᬩᬗᭂᬲ᭄ᬫᬍᬓᬕ᭄᭞ᬳᬸᬍᬮ᭄ᬜᬦᬾᬧᬼᬗ᭄ᬓᭂᬢᬶᬓ᭄᭞ᬩᬸᬬᬸᬂᬮ᭄ᬬᬸᬫ᭠

Auto-transliteration

[3 3B] 3 śuddhājñanapranāmya. hinggiḥmangkintityanglungha, mangantahanghalihali, nekakungmaliḥhangucap, sokpabsĕnhirañahi, dr̥ĕddhanla‐ mpahegisi, hĕdaliñok'hadajumbuḥ, nehistriwusmajalan, mangadeyanghalihali, socchatlu, mabahanmasandadomas. ba‐ gusdyar̀ṣawusmasiram, mandabdabrambutmasuri, hapikngolaḥsa‐suwahan, jambulanbebekngalangi, masaputborekedkil, ‐ janahesāmpunmakadut, krislandeyanedapdap, ngo‐jogkalanganhabcik, ngisitangluk, deningkidikngabaglar̀. majuju [4 4A] kmĕtoḥmangujang, hapisantongtahensapiḥ, kalingbakalbisa‐mnang, pipisedasdasanbĕr̀siḥ, pitungatussubasling, hnumalampudansatu s, reḥsañjangapinggirang, klingaskĕlingusmĕlinasi, dagangskul, lantashĕñcongmañagyang. lawutmaramadaran, bahumarangĕ sopingtri, ndadakagethadatka, nggagendongmangidihidiḥ, matungkĕdkuṣyānggigil, mangunditkroso'ibus, hawakbungkutsuba‐ twa, batismakadadwasakit, bĕngkangbrung, mcatbañĕhemacapcap. hbonebangĕsmal̥ĕkag, hul̥ĕlñanepl̥ĕngkĕtik, buyunglyuma‐

Leaf 4

Image on Archive.org

[᭔ 4B] ᭔ ᬲᬾᬯᬸᬭᬦ᭄᭞ᬩᬸᬓᬜᬯᬦᬾᬗᬩᬩᬶᬦ᭄᭞ᬧ᭄ᬮᬶᬲ᭄ᬫᬢᬦᬾᬧᬺᬓᬶᬢ᭄᭞ᬫᬘᬾᬘᬾᬄᬫᬭᬳᬸᬭᬳᬸ᭞ᬜᭀᬗ᭄ᬓᭀᬓ᭄ᬭᬭᬶᬲ᭄ᬳᬗᬸᬘᬧ᭄᭞ᬳᬶᬗ᭄ᬕᬶᬄᬭᬢᬸᬤᬾᬯᬕᬸᬲ᭄ᬢᬶ᭞᭠ ᬢᬶᬢ᭄ᬬᬂᬗ᭄ᬮᬸᬗ᭄ᬲᬸᬃ᭞ᬩᬲᬂᬢᬶᬢ᭄ᬬᬗᬾᬩᬵᬲ᭄ᬮᬬᬄ᭟ᬳᬶᬩᬕᬸᬲ᭄ᬤ᭄ᬬᬃᬱᬳᬗᬸᬘᬧ᭄᭞ᬫᬳᬶᬓᬾᬫ᭄ᬦᬾᬓᬦ᭄ᬓᬓᬶ᭞ᬩᬋᬂᬩᬋᬂᬳᬚᬓ᭄ᬢᬶᬢ᭄ᬬᬂ᭞ᬳᬶᬢ᭄ᬯᬫᬲᬯᬸᬃᬳᬭᬶᬲ᭄᭞ᬢᬶᬢ᭄ᬬᬂ᭠ ᬫᬸᬦ᭄ᬤᬄᬤᬾᬯᬕᬸᬲ᭄ᬢᬶ᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬦᬸᬦᬲ᭄ᬗᭂᬮᬸᬗ᭄ᬲᬸᬃ᭞ᬳᬶᬩᬕᬸᬲ᭄ᬤ᭄ᬬᬃᬱᬫᬗ᭄ᬯᬭ᭞᭠ᬦᬄᬤᬧᭂᬗ᭄ᬓᬸᬂᬫ᭄ᬦᬾᬓᬓᬶ᭞ᬩᬋᬂᬳᬓᬸᬃ᭞ᬢ᭄ᬓᬾᬦ᭄ᬢᬶᬢ᭄ᬬᬂᬫᬓᭂᬫ᭄ᬩᬸᬮᬦ᭄᭟ᬯᬶᬭᬾᬄᬢᬶ᭠ ᬢ᭄ᬬᬂᬓᬢᬯᬗᬦ᭄᭞ᬢᭀᬦ᭄ᬤᬾᬦᬯᬂᬯᬗ᭄ᬰᬦ᭄ᬓᬓᬶ᭞ᬢᬦ᭄ᬯ᭄ᬭᬸᬳᬶᬂᬲᭀᬃᬓᬲᬸᬰᬵ᭠ᬲ᭄ᬢ᭄ᬭᬦ᭄᭞ᬮᬕᬸᬢ᭄ᬓᬓᬶᬦᬾᬫᬗᬶᬮ᭄ᬕᬶᬮ᭄᭞ᬢ᭄ᬯᬩᬸᬗ᭄ᬓᬸᬢ᭄ᬩᬢᬶᬲᬓᬶᬢ᭄᭞ᬓᬾᬫᬤ᭄ᬢᬶ᭠ [᭕ 5B] ᬢ᭄ᬬᬂᬫᬩᬳᬂᬗ᭄ᬮᬸᬗ᭄ᬲᬸᬃ᭞ᬓᬓᬶᬫ᭄ᬩᬸᬓ᭄ᬢᬶᬘᬭᬶᬓᬦ᭄᭞ᬢᬸᬫᬸᬮᬶᬓᬚ᭄ᬫᬓ᭄ᬭᬭᬶᬲ᭄᭞ᬗᬸ᭠ᬦ᭄ᬢᭂᬂᬓᬳ᭄ᬬᬸᬦ᭄᭞ᬓ᭄ᬤᭂᬄᬗᬚᬓ᭄ᬫᬕᬶᬩᬸᬗᬦ᭄᭟ᬓᬓᬶᬳᭀᬤᬄᬫᬵᬢᬹᬃᬩᬦ᭄ᬩᬦ᭄᭞᭠ ᬢᬩᬾᬢᬶᬢ᭄ᬬᬂᬤᬾᬯᬕᬸᬲ᭄ᬢᬶ᭞ᬢᬶᬢ᭄ᬬᬂᬚᬦ᭄ᬫᬦᬶᬱ᭄ᬝᬓᬯᭀᬦ᭄᭞ᬩᬕᬸᬲ᭄ᬤ᭄ᬬᬃᬱᬫᬜᬯᬸᬭᬶᬦ᭄᭞ᬦᬄᬗᬓ᭄ᬲᬸᬩᬓᬓᬶ᭞ᬢᬸᬫᬸᬮᬶᬲᬋᬂᬫᬜ᭄ᬓᬸᬮ᭄᭞ᬤᬕᬗᬾ ᬗᬤᬾᬲ᭄ᬫᬂ᭞ᬗ᭄ᬮᬾᬦ᭄ᬫᬢᬗᭂᬜ᭄ᬚᬸᬳᬸᬭᬶ᭞ᬫ᭄ᬘᬶᬓ᭄ᬘᬸᬗᬸᬄ᭞ᬓᬮᬶᬄᬏᬦᬓ᭄ᬫᬗᬚ᭄ᬗᬂ᭟᭠ᬦᬳᬃᬉᬮᬫ᭄ᬢ᭄ᬯᬭᬓᬶᬭᬂ᭞ᬓᬮᬶᬄᬲᬵᬫ᭄ᬧᬸᬦ᭄ᬳᬸᬲᬦ᭄ᬫᬸᬓ᭄ᬢᬶ᭞ᬢᬸᬫᬸᬮᬶᬫᬤᬳᬃᬲ᭄ᬥᬄ᭞᭠ ᬳᬶᬢ᭄ᬯᬫᬫᬸᬜᬶᬳᬭᬶᬲ᭄᭞ᬫᬮᬶᬄᬢᬶᬢ᭄ᬬᬂᬫᬵᬢᬹᬃᬕᬸᬲ᭄ᬢᬶ᭞ᬦᬾᬫᬗ᭄ᬓᬶᬦ᭄ᬲᬵ᭠ᬫ᭄ᬧᬸᬦ᭄ᬤᬲ᭄ᬤᬮᬸ᭞ᬤ᭄ᬓᬄᬢᬶᬢ᭄ᬬᬗᬾᬗᭂᬦ᭄ᬢᬄ᭞ᬩᭀᬬᬤᬤᭀᬲ᭄ᬢᬶᬢ᭄ᬬᬂᬫᬸᬮᬶᬄ᭞

Auto-transliteration

[4 4B] 4 sewuran, bukañawanengababin, plismatanepr̥ĕkit, maceceḥmarahurahu, ñongkokrarishangucap, hinggiḥratudewagusti, ‐ tityangnglungsur̀, basangtityangebāslayaḥ. hibagusdyar̀ṣahangucap, mahikemnekankaki, bar̥ĕngbar̥ĕnghajaktityang, hitwamasawur̀haris, tityang‐ mundaḥdewagusti, tityangndawĕgnunasngĕlungsur̀, hibagusdyar̀ṣamangwara, ‐naḥdapĕngkungmnekaki, bar̥ĕnghakur̀, tkentityangmakĕmbulan. wireḥti‐ tyangkatawangan, tondenawangwangśankaki, tanwruhingsor̀kasuśā‐stran, lagutkakinemangilgil, twabungkutbatisakit, kemadti‐ [5 5B] tyangmabahangnglungsur̀, kakimbukticarikan, tumulikajmakraris, ngu‐ntĕngkahyun, kdĕḥngajakmagibungan. kakihodaḥmātūr̀banban, ‐ tabetityangdewagusti, tityangjanmaniṣṭakawon, bagusdyar̀ṣamañawurin, naḥngaksubakaki, tumulisar̥ĕngmañkul, dagange ngadesmang, nglenmatangĕñjuhuri, mcikcunguḥ, kaliḥenakmangajngang. ‐nahar̀ulamtwarakirang, kaliḥsāmpunhusanmukti, tumulimadahar̀sdhaḥ, ‐ hitwamamuñiharis, maliḥtityangmātūr̀gusti, nemangkinsā‐mpundasdalu, dkaḥtityangengĕntaḥ, boyadadostityangmuliḥ,

Leaf 5

Image on Archive.org

[᭕ 5B] ᭕ ᬢᬶᬢ᭄ᬬᬂᬭᬢᬸ᭞ᬤᬯᭂᬕ᭄ᬦᬸᬦᬲ᭄ᬫᬤᬸᬦᬸᬗᬦ᭄᭟ᬩᬾᬜ᭄ᬚᬂᬲ᭄ᬫᭂᬂᬢᬶᬢ᭄ᬬᬂᬩᬸᬤᬮ᭄᭞ᬫᬧᬫᬶᬢ᭄ᬭᬶᬂᬮᬶᬗ᭄ᬕᬶᬄᬕᬸᬲ᭄ᬢᬶ᭞ᬩᬕᬸᬲ᭄ᬤ᭄ᬬᬃᬱᬫᬜᬶᬫ᭄ᬧᬗᬂ᭞ᬓᬓᬶᬢ᭄ᬯᬓᬵᬚᬓ᭄ᬫᬸ ᬮᬶᬄ᭞ᬢ᭄ᬓᭂᬤ᭄ᬚᬸᬫᬄᬗᭂᬜᬶᬢ᭄ᬲᬸᬦ᭄ᬤᬶᬄ᭞ᬳᬶᬩᬕᬸᬲ᭄ᬤ᭄ᬬᬃᬱᬳᬫᬸᬯᬸᬲ᭄᭞ᬦᬾᬜ᭠ᬳᬶᬰᬸᬤ᭄ᬥᬵᬚ᭄ᬜᬦ᭞ᬢᬫ᭄ᬬᬸᬤᬩ᭄ᬤᬩᬂᬳᬶᬓᬓᬶ᭞ᬦᬾᬦᬾᬳ᭄ᬮᬸᬄ᭞ᬓᬧᬯᭀᬦ᭄ᬳᬾ ᬜ᭄ᬘᭀᬂᬫᬜᬓᬦ᭄᭟ᬩᬕᬸᬲ᭄ᬤ᭄ᬬᬃᬱᬫᬳ᭄ᬦᭂᬫᬦ᭄᭞ᬲᬢ᭄ᬯᬢᬦᬶᬓᬯᬸᬄᬓᬗᬶᬦ᭄᭞ᬓ᭄ᬭᬸᬡᬫᬳᬶᬤᭂᬳᬶᬤᭂᬳᬦ᭄᭞ᬲᬕᬾᬢ᭄ᬳᬶᬤᬸᬧ᭄ᬲᬕᬾᬢ᭄ᬫᬢᬶ᭞ᬓᬓᬶᬢ᭄ᬯ ᬫᬫᬸᬜᬶᬳᬭᬶᬲ᭄᭞ᬕᬸᬲ᭄ᬢᬶᬢᬶᬢ᭄ᬬᬂᬮᬶᬦ᭄ᬢᬂᬮᬸᬘᬸ᭞ᬳᬕᭂᬂᬵᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬩ᭄ᬯᬢ᭄ᬲ᭄ᬯᬾᬘ᭄ᬙᬦ᭄ᬕᬸᬲ᭄ᬢᬶᬦᬾᬫᬗ᭄ᬓᬶᬦ᭄᭞ᬳᬦᬓ᭄ᬭᬢᬸ᭞ᬢᬶᬢ᭄ᬬᬂᬦ᭄ᬤᬯᭂᬕᬂ᭞ᬫᬦᬸᬦᬲ᭄᭟ [᭖ 6A] ᬳᬚᬓ᭄ᬢᬶᬢ᭄ᬬᬂᬫᬦ᭄ᬢᬸᬓ᭄ᬩᬜ᭄ᬚᬂ᭞ᬧᬸᬗ᭄ᬓᬸᬃᬯᬦ᭄ᬢᬄᬤᬵᬦᬾᬓ᭄ᬮᬶᬄ᭞ᬢᬶᬢ᭄ᬬᬂᬫᬮᬶᬄᬫᬗᬦ᭄ᬢᬸᬓᬂ᭞ᬗᬵᬢᬹᬭᬂᬭᬶᬂᬮᬶᬗ᭄ᬕᬶᬄᬕᬸᬲ᭄ᬢᬶ᭞ᬫᬗ᭄ᬤᬾᬯᬾᬦ᭄ᬢᭂᬦ᭄ᬫᬗ᭄ᬕᭂᬦᬳᬶᬦ᭄᭞ᬓᬸᬩᬸᬦ᭄ᬢᬶ ᬢ᭄ᬬᬗᬾᬤᬶᬕᬸᬦᬸᬂ᭞ᬓᬵᬮᬢᬶᬢ᭄ᬬᬂᬦᬾᬦ᭄ᬢᭂᬜ᭄ᬚᬸᬫᬄ᭞ᬓᬯᭀᬦᬶᬦ᭄ᬢᬶᬢ᭄ᬬᬂᬫᬮᬮᬶ᭞ᬮᬸᬯᬲ᭄ᬗᬗ᭄ᬕᬸᬃ᭞ᬓᬲᬶᬲᬶᬦ᭄ᬢᬸᬓᬤᬾᬓᬚ᭟ᬗᬮᬶᬄᬳᭂᬯᭀᬂᬧᬘᬂᬚᬗ ᬦ᭄᭞ᬉᬫᬄᬢᬶᬢ᭄ᬬᬂᬤᬶᬤᬸᬃᬉᬓᬶᬃ᭞ᬧᬸᬧᬸᬢ᭄ᬤᬶᬗᬶᬦᬾᬫᬦᬸᬮᬂ᭞ᬭᬶᬂᬲᬹᬃᬬ᭄ᬬᬘᬡ᭄ᬤ᭄ᬭᬦᬾᬫᬶᬚᬶᬮ᭄᭞ᬢ᭄ᬭᬂᬳᬶᬭᬶᬓᬲᬸᬭᬸᬧ᭄ᬲᬶᬗᬶᬢ᭄᭞ᬓᬸᬩᬸᬦ᭄ᬢᬶᬢ᭄ᬬᬂᬯᬦ᭄ᬢᬄᬳᬩᬸ ᬗ᭄ᬓᬸᬮ᭄᭞ᬫᬓᬓᬬᭀᬦ᭄ᬩᬜ᭄ᬚᬭᬓ᭄᭞ᬫᬸᬮᬸᬓᬗᬶᬦ᭄ᬲᬤᬫᭂᬦ᭄ᬢᬶᬕ᭄᭞᭠ᬫᬕᬕᬸᬫᬸᬓ᭄᭞ᬕ᭄ᬦᬄᬩᬤᬦ᭄ᬓᬫ᭄ᬩᬶᬂᬢᬶᬢ᭄ᬬᬂ᭟ᬧᬶᬧᬶᬢᬸᬭᬯᬸᬳᬶᬂᬧᬦᬓ᭄᭞ᬢᬶ

Auto-transliteration

[5 5B] 5 tityangratu, dawĕgnunasmadunungan. beñjangsmĕngtityangbudal, mapamitringlinggiḥgusti, bagusdyar̀ṣamañimpangang, kakitwakājakmu liḥ, tkĕdjumaḥngĕñitsundiḥ, hibagusdyar̀ṣahamuwus, neña‐hiśuddhājñana, tamyudabdabanghikaki, nenehluḥ, kapawonhe ñcongmañakan. bagusdyar̀ṣamahnĕman, satwatanikawuḥkangin, kruṇamahidĕhidĕhan, saget'hidupsagetmati, kakitwa mamuñiharis, gustitityanglintanglucu, hagĕngāpinunastityang, bwatswecchan'gustinemangkin, hanakratu, tityangndawĕgang, manunas. [6 6A] hajaktityangmantukbañjang, pungkur̀wantaḥdānekliḥ, tityangmaliḥmangantukang, ngātūrangringlinggiḥgusti, mangdewentĕnmanggĕnahin, kubunti tyangedigunung, kālatityangnentĕñjumaḥ, kawonintityangmalali, luwasnganggur̀, kasisintukadekaja. ngaliḥhĕwongpacangjanga n, umaḥtityangdidur̀ukir̀, puputdinginemanulang, ringsūr̀yyacaṇdranemijil, tranghirikasurupsingit, kubuntityangwantaḥhabu ngkul, makakayonbañjarak, mulukanginsadamĕntig, ‐magagumuk, gnaḥbadankambingtityang. pipiturawuhingpanak, ti

Leaf 6

Image on Archive.org

[᭖ 6B] ᭖ ᬢ᭄ᬬᬂᬗᬸᬭᬸᬂᬢᬶᬕᬂᬲᬶᬓᬶ᭞ᬦᬵᬗ᭄ᬳᬶᬂᬓᬭᬶᬩᬚᬂᬩᬚᬂ᭞ᬳᬸᬍᬲ᭄ᬳᬶᬧᬸᬦ᭄ᬩᭂᬘᬶᬓ᭄ᬩᭂᬘᬶᬓ᭄᭞ᬚᬫ᭄ᬩᬸᬮ᭄ᬲᬦ᭄ᬤᭂᬄᬓ᭄ᬤᬲ᭄ᬧᬸᬢᬶᬄ᭞ᬫᬢᬮᬶᬗ᭄ᬮᬂᬕᭀᬤᬾᬕ᭄ᬲᬗ᭄ᬓᬸᬃ᭞ᬫᬢ᭄ᬕᬶᬮᬶᬗ᭄ᬓᭂᬃᬩᬂ ᬓᬃᬡ᭄ᬦ᭞ᬮ᭄ᬬᬦ᭄ᬳᬸᬍᬲᬶᬧᬸᬦ᭄ᬳᬲᬶᬓᬶ᭞ᬲ᭄ᬬᬧ᭄ᬓᭂᬮᬯᬸ᭞ᬩᬭᬓ᭄ᬲᬦ᭄ᬤᭂᬄᬲᬸᬓᬸᬥ᭠ᬭ᭟ᬭᬯᬸᬳᬶᬂᬓᬸᬧᬶᬂᬳᬶᬧᬸᬦ᭄ᬩᬭᬓ᭄᭞ᬲᬸᬓ᭄ᬱᬸᬓ᭄ᬧᬸᬢᬶᬄᬓᬤᬶᬫᬡ᭄ᬦᬶᬓ᭄᭞ᬫᬮᬶᬄ ᬲᬦᬾᬲᬶᬓ᭄ᬬᬦ᭄᭞ᬩᬶᬬᬶᬂᬲᬼᬫ᭄ᬓᬸᬧᬶᬂᬓᬸᬦᬶᬂ᭞ᬩ᭄ᬘᬶᬓ᭄ᬫᬭᬚᬄᬫᬸᬗ᭄ᬯᬶᬂᬲᬶᬓ᭄ᬱᬶᬓ᭄᭞᭠ᬲᬸᬓ᭄ᬱᬸᬓᬸᬦᬶᬂᬓᬤᬶᬢᬢᬹᬃ᭞ᬚᬫ᭄ᬩᬸᬮ᭄ᬩᬭᭀᬂᬕᭀᬤᬾᬕ᭄ᬫᬬ᭞ᬩᬕᬸᬲ᭄ᬤ᭄ᬬᬃᬱᬫᬜ᭠ ᬯᬸᬭᬶᬦ᭄᭞ᬯᬶᬭᬾᬄᬲᬸᬯᬸᬂ᭞ᬢᬾᬓᬮᬳᬶᬦ᭄ᬓᬓᬶᬮᬸᬯᬲ᭄᭟ᬤᬾᬦᬶᬂᬬᬲ᭄ᬧᬶᬤᬶᬚᬸᬫᬄ᭞ᬲᬶᬂᬓᬾᬳᬤᬓ᭄ᬫᬫᬮᬶᬂ᭞ᬫᬗ᭄ᬭᬸᬲᬸᬄᬜᬸᬯᬂᬫᬗ᭄ᬭᬦ᭄ᬤᬄ᭞ᬢᬶᬤᭀ [᭗ 7A] ᬗ᭄ᬓᬾᬫᬓ᭄ᬚᬂᬩᬺᬲᬶᬄ᭞ᬓᬓᬶᬳᭀᬤᬄᬫᬫᬸᬜᬶ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬢᬳᬸ᭞ᬲᬵᬫ᭄ᬧᬸᬦ᭄ᬫᬳᬶᬲᬶᬢᬸᬫ᭄ᬩᬮ᭄᭞ᬮᬫᬸᬦ᭄ᬯᬾᬦ᭄ᬢᭂᬦ᭄ᬭᬯᬸᬄᬫᬮᬶᬂ᭞ᬧᬘᬂᬗ᭄ᬭᬸᬦᬸᬄ᭞᭠ ᬫᬜ᭄ᬫᬓ᭄ᬳᬸᬩᬸᬳᬦ᭄ᬢᬶᬢ᭄ᬬᬂ᭟ᬳᬶᬧᬸᬦ᭄ᬲᬾᬗ᭄ᬓᭀᬓ᭄ᬫᬢᬓ᭄ᬬᬧ᭄᭞ᬚ᭄ᬭᬶᬚᬶᬦ᭄ᬳᬶᬧᬸᬦ᭄ᬓᬶᬢᬶᬂᬘᬓᬶᬃ᭞ᬳᬶᬩᬕᬸᬲ᭄ᬤ᭄ᬬᬃᬱᬳᬗᬸᬘᬧ᭄᭞ᬓ᭄ᬤᬾᬓ᭄ᬢᬃᬫᬫᬸᬜᬶᬳᬭᬶᬲ᭄ ᬓᬾᬦ᭄ᬓᬾᬦ᭄ᬧᬫ᭄ᬭᬕᬢ᭄ᬜᬳᬶ᭞ᬢᭀᬳᬤᬲ᭄ᬬᬧ᭄ᬳᬳᬸᬓᬸᬤ᭄᭞ᬓ᭄ᬫᬕᭀᬭᭀᬓ᭄ᬮᬸᬢ᭄ᬮᬩ᭄ᬮᬩ᭄᭞ᬦᬾᬳᬶᬲ᭄ᬢ᭄ᬭᬶᬫᬗᭀᬭᭀᬓ᭄ᬕᬶᬧᬶᬄ᭞ᬫᬮᬶᬄᬫᬵᬢᬹᬃ ᭞ᬓᬓᬶᬳᭀᬤᬄᬗᬸᬧᬓ᭄ᬱᬫ᭟ᬗ᭄ᬕᬶᬄᬕᬸᬲ᭄ᬢᬷᬤᬸᬤᬸᬓᬂᬢᬶᬢ᭄ᬬᬂ᭞ᬩᬸ᭠ᬮᬸᬦ᭄ᬲ᭄ᬬᬧᬾᬦᬶᬓᬳᬫ᭄ᬩᬶᬮ᭄᭞ᬚᬸᬯᬂᬕ᭄ᬮᬶᬓ᭄ᬢᬶᬕᬂᬍᬫ᭄ᬩᬃ᭞ᬩᬓ᭄ᬢᬬᬂᬢᬶᬢ᭄ᬬᬂ

Auto-transliteration

[6 6B] 6 tyangngurungtigangsiki, nānghingkaribajangbajang, hul̥ĕshipunbĕcikbĕcik, jambulsandĕḥkdasputiḥ, matalinglanggodegsangkur̀, matgilingkĕr̀bang kar̀ṇna, lyanhul̥ĕsipunhasiki, syapkĕlawu, baraksandĕḥsukudha‐ra. rawuhingkupinghipunbarak, suksyukputiḥkadimaṇnik, maliḥ sanesikyan, biyingsl̥ĕmkupingkuning, bcikmarajaḥmungwingsiksyik, ‐suksyukuningkaditatūr̀, jambulbaronggodegmaya, bagusdyar̀ṣamaña‐ wurin, wireḥsuwung, tekalahinkakiluwas. deningyaspidijumaḥ, singkehadakmamaling, mangrusuḥñuwangmangrandaḥ, tido [7 7A] ngkemakjangbr̥ĕsiḥ, kakihodaḥmamuñi, hinggiḥtityangsāmpuntahu, sāmpunmahisitumbal, lamunwentĕnrawuḥmaling, pacangngrunuḥ, ‐ mañmak'hubuhantityang. hipunsengkokmatakyap, jrijinhipunkitingcakir̀, hibagusdyar̀ṣahangucap, kdektar̀mamuñiharis kenkenpamragatñahi, tohadasyap'hahukud, kmagoroklutlablab, nehistrimangorokgipiḥ, maliḥmātūr̀ , kakihodaḥngupakṣama. nggiḥgustīdudukangtityang, bu‐lunsyapenikahambil, juwanggliktigangl̥ĕmbar̀, baktayangtityang

Leaf 7

Image on Archive.org

[᭗ 7B] ᭗ ᬫᬭᬶᬓᬶ᭞ᬩᬕᬸᬲ᭄ᬤ᭄ᬬᬃᬱᬢᬸᬫᬸᬮᬶ᭞ᬢᬸᬢᬸᬢ᭄ᬲᬳᬗᬩᬩᬸᬮᬸ᭞ᬓᬓᬶᬳᭀᬤᬄᬫᬲ᭄ᬯᬭ᭞ᬤᭀᬂᬭᬭᬶᬲᬂᬩᬓ᭄ᬢᬕᬸᬲ᭄ᬢᬶ᭞ᬫᬓᬢᬢ᭄ᬮᬸ᭞ᬲᬼᬢᬂ ᬤᬶᬭᬳᬗ᭄ᬲᬗ᭄ᬕᬄ᭟ᬓᬫ᭄ᬩᬸᬮᬦᬾᬫᬸᬮᬸᬓᬚ᭞ᬩᬾᬲᬸᬓ᭄ᬬᬦ᭄ᬓᬳ᭄ᬬᬸᬦ᭄ᬓᬧᬗ᭄ᬕᬶᬄ᭞ᬕᬸᬲ᭄ᬢᬶᬓᬧᬗ᭄ᬕᬸᬄᬭᬶᬂᬢᬶᬢ᭄ᬬᬂ᭞ᬦᬶᬓᬩᬸᬮᬦᬾᬢᬸᬢᬸᬢᬶᬦ᭄᭞ᬢ᭄ᬕᭂ ᬧ᭄ᬮᬾᬩᬂᬭᬶᬂᬫᬃᬕ᭄ᬕᬶ᭞ᬲᬋᬗᬶᬦ᭄ᬲᬧᬭᬦ᭄ᬳᬶᬧᬸᬦ᭄᭞ᬬᬢ᭄ᬓᭂᬤ᭄ᬚᬸᬫᬄᬢᬶᬢ᭄ᬬᬂ᭞ᬳᬶᬩᬕᬸᬲ᭄ᬤ᭄ᬬᬃᬱᬢᬸᬫᬸᬮᬶ᭞ᬗᬩᬩᬸᬮᬸ᭞ᬓᬲᬗ᭄ᬕᬄᬳᬧᬶᬢ᭄‌ᬜᬼᬢᬂ᭟ ᬢᬓᬸᬢᬶᬦ᭄ᬳᬧᬂᬤᬳᬶᬮᬂ᭞ᬲᬕᬶᬦᬾᬲᬕᬾᬢᬦ᭄ᬧ᭄ᬭᬧ᭄ᬢᬶ᭞ᬳᬶᬩᬕᬸᬲ᭄ᬤ᭄ᬬᬃᬱᬵᬗᬸᬘᬧ᭄᭞ᬦᬄᬓᬾᬫᬤᬳᬭᬦ᭄ᬓᬓᬶ᭞ᬓᬓᬶᬢ᭄ᬯᬫᬵᬢᬹᬃᬳᬭᬶᬲ᭄᭞ [᭘ 8A] ᬢᬶᬢ᭄ᬬᬂᬦᬸᬦᬲ᭄ᬕᬸᬲ᭄ᬢᬶᬩᬕᬸᬲ᭄᭞ᬭᬭᬶᬲᬋᬂᬫᬳᬚᭂᬗᬦ᭄᭞ᬦᬶᬰᬸᬦ᭄ᬥᬵᬚ᭄ᬜᬦᬗᬬᬳᬶᬦ᭄᭞ᬲᬤ᭄ᬥᬕᬸᬧᬸᬄ᭞ᬲᬸᬩᬫᬜᬯᬶᬲᬂᬲ᭄ᬥᬄ᭟ᬳᬶᬩᬕᬸᬲ᭄ᬤ᭄ᬬᬃᬱᬵ ᬗᬸᬘᬧ᭄᭞ᬉᬥᬹᬄᬢᬾᬫᬾᬫᬾᬦ᭄ᬳᬶᬘ᭄ᬦᬶᬂ᭞ᬧᬦᬓ᭄ᬜᬳᬶᬦᬾᬲᬾᬯᬓᬗ᭞᭠ᬳᬶᬓᬓᬶᬢᬫ᭄ᬬᬸᬫᬗᬶᬤᬶᬄ᭞ᬓᬧᬸᬗ᭄ᬓᬸᬬᬾᬦ᭄ᬜᬓ᭄ᬮᬶᬄ᭞ᬬᬯᬭᬲ᭄ᬲᭂᬕᭂᬃᬦᬸᬇᬥᬸ᭠ ᬧ᭄᭞ᬳᬶᬓᬓᬶᬩ᭄ᬯᬶᬦ᭄ᬗᬸᬮᬶᬳᬂ᭞ᬦᬶᬰᬸᬤ᭄ᬥᬵᬚ᭄ᬜᬦᬜᬯᬸᬭᬶᬦ᭄᭞ᬢᬶᬢ᭄ᬬᬂᬢᬶᬦᬹᬢ᭄᭞ᬯᬦ᭄ᬢᬄᬗᬶᬭᬶᬂᬧᬓᬳ᭄ᬬᬸᬦᬦ᭄᭟ᬩ᭄ᬬᬦᬪᬧᬜ᭄ᬚᬂᬭᬭᬲᬦ᭄᭞ᬩᬕᬸ ᬲ᭄ᬤ᭄ᬬᬃᬱᬧᬜᬯᬸᬭᬶᬦ᭄᭞ᬇᬥᭂᬧ᭄ᬳᬶᬭᬫᬗᬶᬗ᭄ᬲᬦᬶᬂ᭞ᬧᬂᬫᬮᬚᬄᬭᬶᬂᬳᬶᬓᬓᬶ᭞ᬓᬧᬵᬢᬹᬢᬦ᭄ᬫᬫᬃᬕ᭄ᬕᬶ᭞ᬦᬯᬂᬢ᭄ᬓᬾᬂᬦ᭄ᬓᬗᬶᬦ᭄ᬓᬯᬸᬄ᭞ᬫᬵᬢᬹᬃᬦᬶᬰᬸᬤ᭄ᬥᬵ᭠

Auto-transliteration

[7 7B] 7 mariki, bagusdyar̀ṣatumuli, tututsahangababulu, kakihodaḥmaswara, dongrarisangbaktagusti, makatatlu, sl̥ĕtang dirahangsanggaḥ. kambulanemulukaja, besukyankahyunkapanggiḥ, gustikapangguḥringtityang, nikabulanetututin, tgĕ plebangringmar̀ggi, sar̥ĕnginsaparanhipun, yatkĕdjumaḥtityang, hibagusdyar̀ṣatumuli, ngababulu, kasanggaḥhapitñl̥ĕtang. takutinhapangdahilang, saginesagetanprapti, hibagusdyar̀syāngucap, naḥkemadaharankaki, kakitwamātūr̀haris, [8 8A] tityangnunasgustibagus, rarisar̥ĕngmahajĕngan, niśundhājñanangayahin, saddhagupuḥ, subamañawisangsdhaḥ. hibagusdyar̀syā ngucap, udhūḥtememenhicning, panakñahinesewakanga, ‐hikakitamyumangidiḥ, kapungkuyenñakliḥ, yawarassĕgĕr̀nu'idhu‐ p, hikakibwinngulihang, niśuddhājñanañawurin, tityangtinūt, wantaḥngiringpakahyunan. byanabhapañjangrarasan, bagu sdyar̀ṣapañawurin, idhĕp'hiramangingsaning, pangmalajaḥringhikaki, kapātūtanmamar̀ggi, nawangtkengnkanginkawuḥ, mātūr̀niśuddhā‐

Leaf 8

Image on Archive.org

[᭘ 8B] ᭘ ᬚ᭄ᬜᬦ᭞ᬮᬾᬦᬧᬶᬬᬓᬳ᭄ᬬᬸᬦ᭄ᬕᬸᬲ᭄ᬢᬶ᭞ᬯᬦ᭄ᬢᬄᬧᬢᬸᬄ᭞ᬢ᭄ᬓᬾᬦᬶᬂᬧᬫᬦᬄᬢᬶᬢ᭄ᬬᬂ᭟ᬢ᭄ᬯᬄᬧᬥᬢᬺᬱ᭄ᬡᬫᬧ᭄ᬬᬦᬓ᭄᭞ᬲᬫᬶᬗᬺᬋᬄᬮᬫ᭄ᬧᬄᬍᬯᬶᬄ᭞ᬳ᭄ᬦᬾᬘ᭠ ᬳᬶᬧ᭄ᬬᬦᬓ᭄ᬩᬧ᭞ᬳᬶᬭᬶᬗᬂᬓᬳ᭄ᬬᬸᬦ᭄ᬳᬶᬓᬓᬶ᭞ᬇᬭᬶᬂᬳᬶᬓᬓᬶᬫᬸᬮᬶᬄ᭞ᬳᬶᬯᬷᬭᬘᬷᬢ᭄ᬢᬫᬲᬳᬸᬢ᭄᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬩᬧ᭞ᬢᬸᬫᬸᬮᬶᬳᬸᬲᬦ᭄ᬳᬫ᭄ᬩᬸᬓ᭄ᬢᬶ᭞ᬲᬵ ᬫ᭄ᬧᬸᬦ᭄ᬧᬸᬧᬸᬢ᭄᭞ᬓᬮᬶᬄᬫᬦᬳᬭᬦ᭄ᬲ᭄ᬥᬄ᭟ᬢᭂᬓᭂᬄᬕᬍᬂᬯᬸᬲ᭄ᬫᬓ᭄ᬩᬢ᭄᭞ᬳᬶᬩᬕᬸᬲ᭄ᬤ᭄ᬬᬃᬱᬫᬫᬸᬜᬶ᭞ᬓ᭄ᬫᬓᬓᬶᬓᬤᬸᬮᬸᬯᬦ᭄᭞ᬫᬳᬸᬯ᭄ᬯᬤᬦ᭄ᬲᬸᬩᬯ᭄ᬗᬶ᭞ ᬦᬾᬘᬳᬶᬯᬶᬭᬩᬸᬤ᭄ᬥᬶ᭞ᬦᬾᬤᬦᬶᬩᬋᬂᬫᬢᬸᬭᬸ᭞ᬓ᭄ᬫᬶᬢ᭄ᬳᬦᬓᬾᬳᭀᬤᬄ᭞ᬩᬕᬸᬲ᭄ᬤ᭄ᬬᬃᬱᬫᬺᬫ᭄ᬭᬭᬶᬲ᭄᭞ᬢᬸᬯᬶᬲᬤᬸᬮᬸᬃ᭞ᬲᬋᬂᬜᬦᬶᬰᬸᬤ᭄ᬥᬵᬚ᭄ᬜᬦ᭟ᬳ [᭙ 9A] ᬦᬓᬾᬳᭀᬤᬄᬳᬗᬸᬘᬧ᭄᭞ᬜᬦᬦ᭄ᬩᬳᬸᬕᬮᬂᬓᬗᬶᬦ᭄᭞ᬤᬶᬢᬸᬘᬳᬶᬫᬚᬮᬦ᭄᭞ᬩᬋᬂᬩᬋᬂᬳᬚᬓ᭄ᬓᬓᬶ᭞ᬫᬸᬂᬧᬸᬂᬤᬬᬸᬄᬤᬶᬫᬃᬕ᭄ᬕᬶ᭞ᬳᬧᬦ᭄ᬳᭂ ᬚᭀᬄᬲ᭄ᬮᬢ᭄ᬕᬸᬦᬸᬂ᭞ᬤᬶᬚᬮᬦ᭄ᬧᬦᬲ᭄ᬧᬶᬲᬦ᭄᭞ᬢᬸᬫᬸᬮᬶᬳᬢᬸᬭᬸᬓᬮᬶᬄ᭞ᬤᬯᬸᬄᬧᬶᬢᬸ᭞ᬳᬶᬗᬦᬦ᭄ᬩᬳᬸᬤᬲ᭄‌ᬍᬫᬄ᭟ᬕᬮᬂᬩᬸᬮᬦ᭄ᬗᬍᬫᬳᬂ᭞ᬳᬦ ᬓᬾᬳᭀᬤᬄᬗᭂᬦ᭄ᬢᭂᬦᬶᬦ᭄᭞ᬩᬗᬸᬦ᭄ᬘᬳᬶᬯᬶᬭᬘᬶᬢ᭄ᬢ᭞ᬚᬮᬦ᭄ᬓᬾᬫᬚᬮᬦ᭄ᬚᬦᬶ᭞ᬳᬶᬯᬶᬭᬘᬶᬢ᭄ᬢᬤᬶᬕ᭄ᬮᬶᬲ᭄᭞ᬗᭀᬚᭀᬕ᭄ᬓᬦᬢᬳᬾᬢᬸᬳᬸᬦ᭄᭞᭠ ᬦ᭄ᬕᬓ᭄ᬫᬳᬋᬧ᭄ᬓᬚ᭞ᬫᬜᭂᬫ᭄ᬩᬄᬭᬶᬂᬩᬧᬩᬶᬩᬶ᭞ᬲᬸᬰ᭄ᬭᬸᬱᬢᬸᬳᬸ᭞ᬢᬸᬫᬸᬮᬶᬓᬮᬶᬄᬫᬚᬮᬦ᭄᭟ᬫᬭᬾᬭᭀᬤ᭄ᬩᬋᬗᬗᬶᬦᬂ᭞ᬤᬶᬫᬃᬕ᭄ᬕᬦᬾᬲ᭄ᬧᬶᬫᬶᬫᬶ

Auto-transliteration

[8 8B] 8 jñana, lenapiyakahyun'gusti, wantaḥpatuḥ, tkeningpamanaḥtityang. twaḥpadhatr̥ĕṣṇamapyanak, samingr̥ĕr̥ĕḥlampaḥl̥ĕwiḥ, hneca‐ hipyanakbapa, hiringangkahyunhikaki, iringhikakimuliḥ, hiwīracīttamasahut, hinggiḥsandikanbapa, tumulihusanhambukti, sā mpunpuput, kaliḥmanaharansdhaḥ. tĕkĕḥgal̥ĕngwusmakbat, hibagusdyar̀ṣamamuñi, kmakakikaduluwan, mahuwwadansubawngi, necahiwirabuddhi, nedanibar̥ĕngmaturu, kmit'hanakehodaḥ, bagusdyar̀ṣamr̥ĕmraris, tuwisadulur̀, sar̥ĕngñaniśuddhājñana. ha [9 9A] nakehodaḥhangucap, ñananbahugalangkangin, ditucahimajalan, bar̥ĕngbar̥ĕnghajakkaki, mungpungdayuḥdimar̀ggi, hapanhĕ joḥslatgunung, dijalanpanaspisan, tumulihaturukaliḥ, dawuḥpitu, hingananbahudasl̥ĕmaḥ. galangbulanngal̥ĕmahang, hana kehodaḥngĕntĕnin, banguncahiwiracitta, jalankemajalanjani, hiwiracittadiglis, ngojogkanatahetuhun, ‐ n'gakmahar̥ĕpkaja, mañĕmbaḥringbapabibi, suśruṣatuhu, tumulikaliḥmajalan. marerodbar̥ĕnganginang, dimar̀gganespimimi

Leaf 9

Image on Archive.org

[᭙ 9B] ᭙ ᬢ᭄᭞ᬲᬯᬢ᭄ᬲᬸᬩᬮᬶᬯᬢ᭄ᬤᬾᬰ᭞ᬧᬚᬮᬦᬾᬩ᭄ᬦᭂᬂᬓᬗᬶᬦ᭄᭞ᬘᬭᬶᬓ᭄ᬳᬩ᭄ᬬᬦ᭄ᬓᬮᬗ᭄ᬓᬸᬗᬶᬦ᭄᭞ᬓ᭄ᬫᬯᬦ᭄ᬢᬄᬦᬾᬓᬚᬸᬚᬸᬃ᭞ᬲᬕᬾᬢ᭄ᬯᬸᬲ᭄ᬕᬮᬂᬢᬦᬄ᭞ᬓ᭄ᬤᬶᬲᬾ᭠ ᬳᬸᬫᬸᬂᬫᬧᬸᬜᬶ᭞ᬘᭂᬩ᭄ᬘᭂᬩ᭄ᬫᬸᬳᬸᬕ᭄᭞ᬢᬥᬳᬲᬶᬄᬳᬗ᭄ᬕᬕᬡ᭟ᬓᬾᬓᬾᬭᬾᬗᬢ᭄ᬕ᭄ᬭᬳᬶᬦ᭞ᬢᬸᬳᬸᬢᬸᬳᬸᬲ᭄ᬯᬭᬚᬗᬶᬄ᭞ᬧᬋᬂᬢ᭄ᬓᬾᬦ᭄ᬫᬸᬜᬶᬦ᭄ᬯᬮᬂ᭞ᬘᬭᬸ ᬓ᭄ᬘᬸᬓᬾᬫᬫᬸᬜᬶᬗᬸᬘᬶ᭞ᬗ᭄ᬭᬭᬶᬲ᭄ᬫᬸᬗ᭄ᬕᬄᬓᬕᬶᬭᬶ᭞ᬕᬸᬦᬸᬂᬓᬾᬮᬰᬵᬭᬦᬶᬧᬸᬦ᭄᭞ᬫᬃᬕ᭄ᬕᬶᬲ᭄ᬭᬶᬧᬶᬢ᭄ᬫᬸᬗ᭄ᬕᬳᬦ᭄᭞ᬳᬦᬓᬾᬳᭀᬤᬄᬦ᭄ᬤ᭄ᬭᬶᬲ᭄ᬤᬶᬲ᭄᭞ᬫᬜᬭᬸᬢ᭄ᬘᬸ ᬢ᭄᭞ᬫᬚᬮᬦ᭄ᬢ᭄ᬯᬭᬲᬦ᭄ᬢᬸᬮᬦ᭄᭟ᬗᬫ᭄ᬦᬾᬓᬶᬦ᭄ᬭᬾᬚᬾᬂᬧᬶᬮᬄ᭞ᬕᬜ᭄ᬘᬂᬗ᭄ᬲᭂᬃᬩᬸᬓᬳᬗᬶᬦ᭄᭞ᬳᬶᬯᬶᬭᬘᬶᬢ᭄ᬢᬜᬮᬾᬲᭀᬄ᭞ᬍᬍᬄᬫᬗᬭᬤ᭄ᬤᬶᬳᬸ [᭑᭐ 10A] ᬭᬶ᭞ᬲᬫ᭄ᬩᬶᬮ᭄ᬗᬭᬸᬫᬸᬦ᭄ᬤᬶᬳᬢᬶ᭞ᬳᬦᬓᬾᬳᭀᬤᬄᬜ᭄ᬭᬸᬢ᭄ᬘᬸᬢ᭄᭞ᬳᬫ᭄ᬩᬸ᭠ᬮᬦ᭄ᬢ᭄ᬯᬭᬩᭀᬗ᭄ᬓᬂ᭞ᬩᬢᬶᬲ᭄ᬩ᭄ᬭᬸᬂᬫᬓᬓᬮᬶᬄ᭞ᬢ᭄ᬯᬭᬲᬦ᭄ᬢᬸᬮ᭄᭞ᬤᬾᬯᬾ᭠ ᬓᬾᬢᬸᬬᬸᬄᬫᬗᬭᬤ᭄᭟ᬧ᭄ᬮᬸᬄᬳᬗ᭄ᬓᬶᬳᬦᬾᬦᬸᬗ᭄ᬕᬄ᭞ᬫᬗᬗ᭄ᬲᬸᬃᬗᬫ᭄ᬩᬄᬓᬓᬸᬧᬶᬂ᭞ᬗᬫ᭄ᬦᬾᬓᬶᬦ᭄ᬩᬢᬸᬧᬶᬮᬄ᭞ᬢᬚᭂᬧ᭄ᬜᬜᬧ᭄ᬕᬶᬢ᭄ᬕᬶᬢ᭄ᬫᬶᬗᬶᬦ᭄᭞ᬕᬸᬦᬸ ᬗᬾᬢ᭄ᬕᭂᬄᬫᬗ᭄ᬮᬗᬶᬢ᭄᭞ᬲᬯᬢ᭄ᬤᬸᬳᬸᬭᬦ᭄ᬳᬫ᭄ᬩᬸᬩᬸ᭞ᬭᬱᬚ᭄ᬭᭀᬦᬶᬂᬲ᭄ᬯᬧ᭄ᬦ᭞᭠ᬢᬦ᭄ᬢᬭᬦᬶᬂᬧᬢᬶᬉᬭᬶᬧ᭄᭞ᬲᬕᬾᬢ᭄ᬭᬯᬸᬄ᭞ᬲᬵᬫ᭄ᬧᬸᬦ᭄ᬤᬶᬢᬸᬂᬢᬸᬂᬧᬃᬯ᭄ᬯᬢ᭟ ᬳᬮᬸᬲ᭄ᬫᭂᬮᬄᬳᬲᬄᬚᬶᬫ᭄ᬩᬃ᭞ᬫᬓ᭄ᬚᬂᬗᬸᬗᬂᬳᬶᬯᬲᬶᬦ᭄᭞ᬲᬹᬃᬬ᭄ᬬᬦᬾᬩᬸᬫᬭᬳᭂᬦ᭄ᬤᬕ᭄᭞ᬲᬭᬸᬮᬶᬫᬸᬢ᭄ᬫᬜᬧᬸᬢᬶᬦ᭄᭞ᬲᬯᬢ᭄ᬗᭂᬦᬄᬧᬩᬮᬶᬄ᭞ᬢᬦ᭄ᬫᬭᬶᬗ᭄ᬕ

Auto-transliteration

[9 9B] 9 t, sawatsubaliwatdeśa, pajalanebnĕngkangin, carik'habyankalangkungin, kmawantaḥnekajujur̀, sagetwusgalangtanaḥ, kdise‐ humungmapuñi, cĕbcĕbmuhug, tadhahasiḥhanggagaṇa. kekerengatgrahina, tuhutuhuswarajangiḥ, par̥ĕngtkenmuñinwalang, caru kcukemamuñinguci, ngrarismunggaḥkagiri, gunungkelaśāranipun, mar̀ggisripitmunggahan, hanakehodaḥndrisdis, mañarutcu t, majalantwarasantulan. ngamnekinrejengpilaḥ, gañcangngsĕr̀bukahangin, hiwiracittañalesoḥ, l̥ĕl̥ĕḥmangaraddihu [10 10A] ri, sambilngarumundihati, hanakehodaḥñrutcut, hambu‐lantwarabongkang, batisbrungmakakaliḥ, twarasantul, dewe‐ ketuyuḥmangarad. pluḥhangkihanenunggaḥ, mangangsur̀ngambaḥkakuping, ngamnekinbatupilaḥ, tajĕpñañapgitgitmingin, gunu ngetgĕḥmanglangit, sawatduhuranhambubu, raṣajroningswapna, ‐tantaraningpati'urip, sagetrawuḥ, sāmpunditungtungpar̀wwata. halusmĕlaḥhasaḥjimbar̀, makjangngunganghiwasin, sūr̀yyanebumarahĕndag, sarulimutmañaputin, sawatngĕnaḥpabaliḥ, tanmaringga

Leaf 10

Image on Archive.org

[᭑᭐ 10B] ᭑᭐ ᬯᬾᬓᬳ᭄ᬬᬸᬦ᭄ᬳ᭄ᬬᬸᬦ᭄᭞ᬲᬯᬂᬩᬸᬓᬜᬓᬺᬪᬵᬯ᭞ᬲᬂᬳ᭄ᬬᬂᬓᬶᬭᬡᬦ᭄ᬤᬤᬭᬶᬦ᭄᭞ᬳᬪᬺᬫᬸᬭᬸᬩ᭄᭞ᬘᬬᬦᬾᬕᬮᬂᬤᬸᬫᬶᬮᬄ᭟ᬗᭂᬦ᭄ᬤᬶᬄᬫᬜᬸᬮᬸᬳᬶᬜ᭄ᬚᬕ᭠ ᬢ᭄᭞ᬫ᭄ᬭᬾᬭᬾᬦ᭄ᬦᭂᬕᬓ᭄ᬤᬳᬲ᭄ᬤᬶᬳᬶᬲ᭄᭞ᬤᬸᬯᬸᬃᬩᬢᬸᬦᬾᬫᬲᬶᬮ᭞ᬳᬦᬓᬾᬳᭀᬤᬄᬫᬫᬸᬜᬶ᭞ᬦᬾᬘ᭄ᬦᬶᬂᬳᬧᬂᬳᬸᬦᬶᬂ᭞ᬤᭀᬂᬓᬓᬶᬫᬦᬸᬱᬢᬸᬳᬸ᭞ᬓᬓᬶᬲᬂ ᬳ᭄ᬬᬂᬕᬸᬭᬸᬤᬾᬯ᭞ᬫᬧᬶᬦ᭄ᬤᬚᬮ᭄ᬫᬩ᭄ᬗᬶᬮ᭄᭞ᬫᬮᬶᬄᬗ᭄ᬭᬗ᭄ᬲᬸᬓ᭄᭞ᬢᬸᬫᬸᬮᬶᬫᬲᬮᬶᬦ᭄ᬯᬃᬡ᭄ᬦ᭟ᬢ᭄ᬭᬷᬬᬡᬘᬢᬹᬃᬪᬹᬚ᭞ᬫᬢ᭄ᬭᬶᬰᬶᬭᬄᬢᬶᬕᬅᬓ᭄ᬱᬶ᭞ᬳᬶᬯᬶᬭᬘᬷ ᬢ᭄ᬢᬫᬜᬸᬫ᭄ᬩᬄ᭞ᬦᬶᬓᭂᬮ᭄ᬧᬶᬂᬢᬶᬕᬫᬪᬓ᭄ᬢᬶ᭞ᬫᬉᬜ᭄ᬘᬃᬰ᭄ᬮᭀᬓᬰ᭄ᬭᬸᬢᬶ᭞᭠ᬗᬵᬱ᭄ᬝ[strike/]ᬭ[/strike]ᬯᬪᬝᬵᬭᬕᬸᬭᬸ᭞ᬦᬸᬕ᭄ᬭᬦᬶᬳᬶᬢ᭄ᬯᬮᬫ᭄ᬧᬄ᭞ᬢᬸᬦᬕᬸᬡᬢᬸᬦᬩᬸ᭠ [᭑᭑ 11A] ᬤ᭄ᬥᬶ᭞ᬯ᭄ᬬᬓ᭄ᬢᬶᬓᭀᬮᬸᬕ᭄᭞ᬢᬶᬂᬢᬸᬂᬢᬂ[strike]ᬳᬦ᭄ᬢᬭᬩᬸᬗ᭄ᬓᬄ᭟ᬢᬧᬜ᭄ᬚᬢᬶᬦᬶᬂᬫᬦᬸᬱ᭞ᬲᬂᬳ᭄ᬬᬂᬕᬸᬭᬸᬗ᭄ᬮᬶᬗᬭᬶᬲ᭄᭟ᬓᬭᬦ᭄ᬳᬶᬗ᭄ᬲᬸᬦ᭄ᬧᬶᬦ᭄ᬤᬚᬦ᭄ᬫ᭞ᬢ᭄ᬤᬸᬦᬶᬂᬮᭀ ᬓᬳᬗᬓ᭄ᬱᬶ᭞ᬳᬋᬧ᭄ᬯᬲ᭄ᬧᬥᬳᬸᬦᬶᬂ᭞ᬧᬸᬦᬂᬮᬫ᭄ᬧᬄᬳᬮᬳᬬᬸ᭞ᬫ᭠ᬗ᭄ᬓᬾᬧ᭄ᬯᬬᬳᬚ᭄ᬦᬃ᭞ᬫᬗ᭄ᬓᬶᬦ᭄ᬓᬶᬢᬲᬫᬫᬸᬮᬶᬄ᭞ᬧᬋᬂᬳᬶᬗ᭄ᬲᬸᬦ᭄᭞ᬫᬦ᭄ᬢᬸᬓ᭠ ᬫᬭᬶᬂᬰ᭄ᬯᬃᬕ᭄ᬕ᭟ᬳᬤᬮᬦ᭄ᬖᬕᬡᬫᬃᬕ᭄ᬕ᭞ᬳᬶᬯᬶᬭᬘᬶᬢ᭄ᬢᬵᬯᭀᬢ᭄ᬲᬭᬶ᭞ᬢ᭠ᬦ᭄ᬩᬶᬱᬧᬢᬶᬓ᭄ᬪᬝᬵᬭ᭞ᬮᬸᬫᬓᬸᬳᬤᬮᬦ᭄ᬮᬗᬶᬢ᭄᭞ᬪᬝᬵᬭᬳᬗ᭄ᬮᬶᬗᬭᬶᬲ᭄᭞᭠ ᬢᬸᬗ᭄ᬕᬗᬦ᭄ᬲᬸᬦ᭄ᬳᬶᬓᬶᬤᬸᬮᬸ᭞ᬧᬭᬦ᭄ᬓᬢᬜᬾᬳᬶᬓ᭞ᬳᬶᬯᬶᬭᬘᬶᬢ᭄ᬢᬳᬓ᭄ᬱᬶ᭞ᬲ᭄ᬓᬃᬢᬸᬜ᭄ᬚᬸᬂ᭞ᬳ᭄ᬫᬲᬶᬬᬧᬸᬦᬂᬮᬯ᭟ᬮᬄᬳᬶᬓᬶᬬᬕᬫᭂᬮᬦ᭞ᬳᬶᬯᬶᬭᬘᬶᬢ᭄ᬢᬵ

Auto-transliteration

[10 10B] 10 wekahyunhyun, sawangbukañakr̥ĕbhāwa, sanghyangkiraṇandadarin, habhr̥ĕmurub, cayanegalangdumilaḥ. ngĕndiḥmañuluhiñjaga‐ t, mrerennĕgakdahasdihis, duwur̀batunemasila, hanakehodaḥmamuñi, necninghapanghuning, dongkakimanuṣatuhu, kakisang hyanggurudewa, mapindajalmabngil, maliḥngrangsuk, tumulimasalinwar̀ṇna. trīyaṇacatūr̀bhūja, matriśiraḥtiga'aksyi, hiwiracī ttamañumbaḥ, nikĕlpingtigamabhakti, ma'uñcar̀ślokaśruti, ‐ngāṣṭa[strike/]ra[/strike]wabhaṭāraguru, nugranihitwalampaḥ, tunaguṇatunabu‐ [11 11A] ddhi, wyaktikolug, tingtungtang[strike]hantarabungkaḥ. tapañjatiningmanuṣa, sanghyanggurunglingaris. karanhingsunpindajanma, tduninglo kahangaksyi, har̥ĕpwaspadhahuning, punanglampaḥhalahayu, ma‐ngkepwayahajnar̀, mangkinkitasamamuliḥ, par̥ĕnghingsun, mantuka‐ maringśwar̀gga. hadalanghagaṇamar̀gga, hiwiracittāwotsari, ta‐nbiṣapatikbhaṭāra, lumakuhadalanlangit, bhaṭārahanglingaris, ‐ tunggangansunhikidulu, parankatañehika, hiwiracittahaksyi, skar̀tuñjung, hmasiyapunanglawa. laḥhikiyagamĕlana, hiwiracittā

Leaf 11

Image on Archive.org

[᭑᭑ 11B] ᭑᭑ ᬯᭀᬢ᭄ᬲᬭᬶ᭞ᬢᬦ᭄ᬩᬶᬱᬳᭀᬯᬢᬶᬓ᭄ᬪᬝᬵᬭ᭞ᬩ᭄ᬬᬓ᭄ᬢᬰᬭᬷᬭᬳᬲᬮᬶᬦ᭄᭞ᬦ᭄ᬳᭂᬃᬮᬸᬫᬫ᭄ᬧᬄᬳ᭄ᬬᬂᬳᬤᬶ᭞ᬳᬤᬮᬦ᭄ᬩ᭄ᬬᭀᬫᬵᬯᬸᬄᬓᬸᬓᬸᬲ᭄᭞ᬳᬶᬯᬷᬭᬘᬶᬢ᭄ᬢᬳᬗ ᬭᬦ᭄᭞ᬫ᭄ᬲᬢᬯᭀᬃᬓᬸᬓᬸᬲ᭄ᬧᬸᬢᬶᬄ᭞ᬇᬮᬂᬲᬵᬫ᭄ᬧᬸᬦ᭄᭞ᬓᬢᭀᬦ᭄ᬮᬸ᭠ᬭᬶᬂᬲᬹᬃᬬ᭄ᬬᬘᬡ᭄ᬤ᭄ᬭ᭟ᬮᬸᬳᬸᬃᬳᬦᬓᬢᭀᬦ᭄ᬩᬸᬗᬂ᭞ᬭᬶᬂᬧᬹᬃᬯ᭄ᬯᬲᬸᬫᬾᬭᬸᬗᭂᬦ᭄ᬤᬶᬄ᭞᭠ ᬓᬂᬰ᭄ᬯᬃᬕ᭄ᬕᬭᬶᬂᬰᬷᬯᬧᬥ᭞ᬳᬾᬚᬳᬪᬺᬕᬮᬂᬳ᭄ᬦᬶᬂ᭞ᬲᬵᬧ᭄ᬢᬋᬱᬶᬫᭂᬦ᭄ᬤᬓᬶᬦ᭄᭞ᬳᬫ᭄ᬧᬕ᭄ᬪᬝᬵᬭᬭᬯᬸᬄ᭞ᬯᬶᬥ᭄ᬬᬥᬭᬶᬯᬶᬥ᭄ᬬᬥᬭ᭞ᬲᬵᬧ᭄ᬢᬲ᭄ᬯᬭᬳᬸᬫᬸᬂᬫᬸ᭠ ᬦᬶ᭞ᬲᬳᬕ᭄ᬭᬦ᭄ᬢᬸᬂ᭞ᬕᬸᬫᬸᬭᬸᬄᬲᬮ᭄ᬯᬶᬃᬕᬫᭂᬮᬦ᭄᭟ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬳᬮᬸᬗ᭄ᬕᬸᬄᬳ᭄ᬬᬂᬤᬾᬯᬳᬤᬶ᭞ᬭᬶᬂᬧᬤ᭄ᬫᬫᬡ᭄ᬦᬶᬓ᭄ᬲᬸᬢᬾᬚ᭞ᬯᬢᭂ᭠ [᭑᭒ 12A] ᬓ᭄ᬦᬵᬯᬲᬗ᭄ᬳᬦᬗ᭄ᬓᬶᬮ᭄᭞ᬰᬾᬯᬲᭀᬕᬢ᭄ᬣᬋᬱᬶ᭞ᬕᬸᬫ᭄ᬮᬃᬳᬯᬾᬤ᭄ᬥᬳᬸᬫᬸᬂ᭞ᬫᬗᬸᬜ᭄ᬘᬃᬰ᭄ᬭᬸᬢᬶᬰ᭄ᬮᭀᬓ᭞ᬗᬵᬲ᭄ᬢᬸᬗ᭄ᬓᬵᬭᬲᬂᬳ᭄ᬬᬂᬍᬯᬶᬄ᭞ᬲᬫᬶᬗᬵᬢᬹᬃ᭞ᬯᬚᬶᬓ᭄ᬲᬸ ᬓᬸᬯᬚᬶᬓ᭄ᬢᬗᬦ᭄᭟ᬕᬦ᭄ᬤᬦᬶᬂᬥᬹᬧᬫ᭄ᬭᬶᬓ᭄ᬲᬸᬫᬃ᭞ᬳᬧᬦ᭄ᬫᬗ᭄ᬓᬦᬧᬸᬭᬶᬳᬶᬂ᭞ᬧᬭᬶᬓ᭄ᬭᬫᬾᬂᬓᬤᬾᬯᬢᬦ᭄᭞ᬳᬶᬯᬷᬭᬘᬶᬢ᭄ᬢᬯᬶᬦᬃᬡ᭄ᬦᬶ᭞ᬍᬂᬍᬂᬩ᭄ᬗᭀᬗᬾᬢᬦ᭄ᬲᬶᬧᬶ ᭞ᬳᬧᬦᬶᬂᬢᭂᬫ᭄ᬩᬾᬳᬦ᭄ᬤᬸᬮᬸ᭞ᬦᬶᬃᬩ᭄ᬪᬦᬥᬶᬦ᭄ᬢ᭄ᬬᬲᬦ᭄ᬢ᭞ᬰ᭄ᬭᬾᬬᬰᬦᬶᬲ᭄ᬧ᭄ᬭᬳᬉᬭᬶᬧ᭄᭞ᬲᬶᬂᬯᬶᬦᬸᬯᬸᬲ᭄᭞ᬲᬓ᭄ᬘᬧᬦ᭄ᬯᬸᬲ᭄ᬓᬲᬶᬤ᭄ᬥ᭟ᬢᬸᬫᬸᬮᬶᬳ᭄ᬬᬂᬕᬸᬭᬸᬰᬩ᭄ᬤ᭞ᬭᬶᬂ᭠ ᬯᬢᭂᬓ᭄ᬋᬱᬶᬦᬾᬲᬫᬶ᭞ᬮᬄᬯᭀᬗᬶᬓᬶᬤᬸᬤᬸᬲ᭄ᬮᬸᬓᬢ᭄᭞ᬤᬶᬤᬶᬦᬾᬫᬭᬶ᭠ᬳᬋᬫᬶᬲ᭄᭞ᬮᬫᬓᬦᬾᬯ᭄ᬦᬂᬮᬶᬗ᭄ᬕᬶᬄ᭞ᬮᬯᬦ᭄ᬯᬶᬥ᭄ᬬᬥᬭᬓᬸᬫ᭄ᬧᬸᬮ᭄᭞ᬦᬸ᭠

Auto-transliteration

[11 11B] 11 wotsari, tanbiṣahowatikbhaṭāra, byaktaśarīrahasalin, nhĕr̀lumampaḥhyanghadi, hadalanbyomāwuḥkukus, hiwīracittahanga ran, msatawor̀kukusputiḥ, ilangsāmpun, katonlu‐ringsūr̀yyacaṇdra. luhur̀hanakatonbungang, ringpūr̀wwasumerungĕndiḥ, ‐ kangśwar̀ggaringśīwapadha, hejahabhr̥ĕgalanghning, sāptar̥ĕsyimĕndakin, hampagbhaṭārarawuḥ, widhyadhariwidhyadhara, sāptaswarahumungmu‐ ni, sahagrantung, gumuruḥsalwir̀gamĕlan. sāmpunrawuḥringbañcingaḥ, halungguḥhyangdewahadi, ringpadmamaṇniksuteja, watĕ‐ [12 12A] knāwasanghanangkil, śewasogatthar̥ĕsyi, gumlar̀haweddhahumung, manguñcar̀śrutiśloka, ngāstungkārasanghyangl̥ĕwiḥ, samingātūr̀, wajiksu kuwajiktangan. gandaningdhūpamriksumar̀, hapanmangkanapurihing, parikramengkadewatan, hiwīracittawinar̀ṇni, l̥ĕngl̥ĕngbngongetansipi , hapaningtĕmbehandulu, nir̀bbhanadhintyasanta, śreyaśanispraha'urip, singwinuwus, sakcapanwuskasiddha. tumulihyangguruśabda, ring‐ watĕkr̥ĕsyinesami, laḥwongikiduduslukat, didinemari‐har̥ĕmis, lamakanewnanglinggiḥ, lawanwidhyadharakumpul, nu‐

Leaf 12

Image on Archive.org

[᭑᭒ 12B] ᭑᭒ ᬳᬸᬦ᭄ᬲᬂᬲᬵᬧ᭄ᬢᬤᬶᬯᬶᬓ᭄ᬯ᭞ᬕᬶᬦᬯᬭᬶᬂᬮ᭄ᬯᬄᬳᬰᬹᬘᬶ᭞ᬯᬵᬱ᭄ᬝᬦ᭄ᬳᬶᬧᬸᬦ᭄᭞ᬰᬹ᭠ᬭᬦᬵᬩᬶᬓᬉᬢ᭄ᬢᬫ᭟ᬯᬸᬲ᭄ᬳᬲᭀᬘᬧ᭄ᬩᬺᬲᬶᬳᬦ᭄᭞ᬇᬗᬚᬓ᭄ᬫᬦ᭄ᬢᬸᬓ᭄ᬢᬸᬫᬸ᭠ ᬮᬶ᭞ᬯᬸᬲ᭄ᬧᬦ᭄ᬬᭀᬲ᭄ᬚᬶᬦᬬᬚᬬ᭞ᬲᬧᬭᬶᬓ᭄ᬭᬫᬦᬶᬂᬳᬶᬦ᭄ᬤᬶᬓ᭄᭞ᬯᬸᬲ᭄ᬗᬶᬦᬸᬫ᭄ᬳᬫᬺᬢ᭄ᬢᬍᬯᬶᬄ᭞ᬪᬶᬦᬵᬱ᭄ᬫᬤᬾᬦᬶᬭᬧᬸᬧᬸᬢ᭄᭞ᬅᬧᬦᬶᬂᬳᬲᬮᬶᬦ᭄ᬯᬃᬡ᭄ᬦ᭞ᬦᬶ᭠ ᬢ᭄ᬬᬲᬳᬦᭀᬫ᭄ᬳᬧ᭄ᬓᬶᬓ᭄᭞ᬲᬺᬗ᭄ᬕᬭᬾᬂᬭᬹᬫ᭄᭞ᬳᬦᬹᬢ᭄ᬮ᭄ᬯᬶᬃᬩᬕᬸᬲ᭄ᬲᬶᬂᬭᬾᬓ᭟ᬲ᭄ᬬᬂᬤᬮᬸᬫᬧᬕᬸᬦᭂᬫᬦ᭄᭞ᬲᬋᬂᬮᬯᬦ᭄ᬯᬶᬥ᭄ᬬᬥᬭᬷ᭞ᬫᬳᬲ᭄ᬫᬫᬾᬢᬶᬂᬮᬮ ᬗᭀᬦ᭄᭞ᬳᬦᬸᬓᬦᬶᬏᬦᬓ᭄ᬩᬸᬤ᭄ᬥᬶ᭞ᬮᬸᬗ᭄ᬳᬭᬶᬂᬧᬲᬶᬃᬉᬓᬶᬃ᭞ᬳᬲᬸᬮᬸᬄ᭠ᬢ᭄ᬭᬗᬶᬂᬲᬶᬢᬗ᭄ᬰᬸ᭞ᬳᬧᬦ᭄ᬭᬳᬶᬦᬲᬤ᭄ᬥ᭞ᬭᬶᬂᬰ᭄ᬯᬃᬕ᭄ᬕᬢᬦ᭄ᬩᬶᬱᬯ᭄ᬗᬶ᭞ᬜᬩ᭄ᬭᬦ᭄ᬫᬸᬭᬸᬩ᭄ [᭑᭓ 13A] ᭞ᬘᬬᬦ᭄ᬫᬡ᭄ᬦᬶᬓ᭄ᬲᬹᬃᬬ᭄ᬬᬓᬡ᭄ᬝ᭟ᬤᬶᬲ᭄ᬓᬵᬮᬩ᭄ᬯᬶᬜ᭄ᬘᬭᬶᬢᬬᬂ᭞ᬳᬶᬩᬕᬸᬲ᭄ᬤ᭄ᬬᬃᬱᬯᬶᬦᬃᬡ᭄ᬦᬶ᭞ᬫᬓᬫᬸᬯᬄᬦᬶᬰᬸᬤ᭄ᬥᬵᬚ᭄ᬜᬦ᭞ᬩᬳᬦ᭄ᬧᬦᬓᬾᬗᬮᬳᬶᬦ᭄ ᭞ᬍᬕᬢᭀᬂᬩᬶᬱᬲ᭄ᬤᬶᬄ᭞ᬯᬶᬢ᭄ᬧᬕᭂᬄᬥᬃᬫ᭄ᬫᬲᬢᬸᬯᬸᬓ᭄᭞ᬫᬲᬶᬄᬳ᭄ᬦᬸᬩᬸ᭠ᬓᬵᬦᬾᬲᬸᬩ᭞ᬤᬶᬚᬸᬫᬄᬓ᭄ᬤᬾᬓ᭄ᬧᬓ᭄ᬜᬶᬂ᭞ᬩᭀᬬᬲᭂᬦ᭄ᬤᬸ᭞ᬳᬤᬕᬯᬾᬫᬕ᭠ ᬭᬧᬦ᭄᭟ᬳᬶᬗ᭄ᬳᬶᬂᬢᬺᬱ᭄ᬡᬦᬾᬓᬮᬶᬯᬢ᭄᭞ᬓᬲ᭄ᬯᬾᬦ᭄ᬲ᭄ᬯᬾᬦ᭄ᬚᬦᬶᬯᬶᬦᬃᬡ᭄ᬦᬶ᭞ᬲ᭄ᬤᭂᬓ᭄ᬧᬗᬭᬄᬯᭀᬂᬤᬾᬰ᭞ᬩᬳᬸᬲᬸᬯᬸᬤ᭄ᬫᬳᬘᬶᬳᬘᬶ᭞ᬦᬵᬗᬸᬦ᭄ᬢᬢᬭᬸᬩ᭄ᬢᬶ᭠ ᬗ᭄ᬕᬶ᭞ᬯᬶᬢ᭄ᬯᬯᬶᬦ᭄ᬥᬾᬦ᭄ᬕᬸᬲ᭄ᬢᬶᬳᬕᬸᬂ᭞ᬉᬭᬦ᭄ᬫᭂᬢᭀᬄᬮᬓ᭄ᬱᬬᬦ᭄᭞ᬩᬕᬸᬲ᭄ᬤ᭄ᬬᬃᬱᬓᬧᬲᬓᬶᬢ᭄᭞ᬳᬧᬂᬗᬤᬸ᭞ᬉᬭᬦ᭄ᬫᭂᬢᭀᬄᬲᬢᬸᬲ᭄ᬮᬾᬬᬃ᭟ᬩᬕᬸᬲ᭄ᬤ᭄ᬬᬃ

Auto-transliteration

[12 12B] 12 hunsangsāptadiwikwa, ginawaringlwaḥhaśūci, wāṣṭanhipun, śū‐ranābika'uttama. wushasocapbr̥ĕsihan, ingajakmantuktumu‐ li, wuspanyosjinayajaya, saparikramaninghindik, wusnginumhamr̥ĕttal̥ĕwiḥ, bhināṣmadenirapuput, apaninghasalinwar̀ṇna, ni‐ tyasahanomhapkik, sr̥ĕnggarengrūm, hanūtlwir̀bagussingreka. syangdalumapagunĕman, sar̥ĕnglawanwidhyadharī, mahasmametinglala ngon, hanukani'enakbuddhi, lungharingpasir̀ukir̀, hasuluḥ‐trangingsitangśu, hapanrahinasaddha, ringśwar̀ggatanbiṣawngi, ñabranmurub [13 13A] , cayanmaṇniksūr̀yyakaṇṭa. diskālabwiñcaritayang, hibagusdyar̀ṣawinar̀ṇni, makamuwaḥniśuddhājñana, bahanpanakengalahin , l̥ĕgatongbiṣasdiḥ, witpagĕḥdhar̀mmasatuwuk, masiḥhnubu‐kānesuba, dijumaḥkdekpakñing, boyasĕndu, hadagawemaga‐ rapan. hinghingtr̥ĕṣṇanekaliwat, kaswenswenjaniwinar̀ṇni, sdĕkpangaraḥwongdeśa, bahusuwudmahacihaci, nānguntatarubti‐ nggi, witwawindhen'gustihagung, uranmĕtoḥlakṣayan, bagusdyar̀ṣakapasakit, hapangngadu, uranmĕtoḥsatusleyar̀. bagusdyar̀

Leaf 13

Image on Archive.org

[᭑᭓ 13B] ᭑᭓ ᬱᬩᬦᬾᬦᬶᬱ᭄ᬝ᭞ᬗ᭄ᬭᬱᬤᭀᬱᬲᬮᬄᬧᬗ᭄ᬕᬶᬄ᭞ᬯᬶᬭᬾᬄᬳᬯᬓ᭄ᬤᬳᬓ᭄ᬤᭀᬗ᭄ᬓᬂ᭞ᬳᬶᬗᭂᬢ᭄ᬢᭂᬓᬾᬦ᭄ᬦᬾᬦᬾᬭᬶᬬᬶᬦ᭄᭞ᬤᬸᬓ᭄ᬦᬫ᭄ᬬᬸᬦᬾᬦᬾᬮᬶᬗ᭄ᬲᬶᬃ᭞ᬩᬢᬶ᭠ ᬲ᭄ᬫᬓᬤᬤ᭄ᬯᬩ᭄ᬭᬸᬂ᭞ᬮᬸᬢ᭄ᬫᬫᬸᬜᬶᬓᬾᬦ᭄ᬲᭀᬫᬄ᭞ᬦᬶᬭᬮ᭄ᬯᬲ᭄ᬫᬦᬶᬜᬳᬶ᭞ᬗᬮᬶᬄᬲᬯᬸᬂ᭞ᬧᬘᬂᬳᬗ᭄ᬕᭀᬦᬶᬭᬉᬭᬦ᭄᭟ᬜᬳᬶᬚᬸᬫᬄᬳᬧᬂᬫ᭄ᬮᬄ᭞ᬳ᭄ᬦᭂᬂ ᬯ᭄ᬗᬶᬕᬮᬂᬓᬗᬶᬦ᭄᭞ᬩᬕᬸᬲ᭄ᬤ᭄ᬬᬃᬱᬳᬸᬯᬸᬲ᭄ᬚᬕᬺ᭞ᬫᬤᬩ᭄ᬤᬩ᭄ᬳᬬᬢ᭄ᬫᬫᬃᬕ᭄ᬕᬶ᭞ᬮᬦ᭄ᬢᬲ᭄ᬓᬲᬗ᭄ᬕᬄ᭞ᬩᬸᬮᬸᬦ᭄ᬲ᭄ᬬᬧᬾᬢᬢ᭄ᬮᬸ᭞ᬢ᭄ᬓᭂᬤ᭄ᬤᬶᬫᬃᬕ᭄ᬕᬦᬾ᭠ ᬯᬕ᭄ᬥᬾ᭞ᬮᬾᬩᬂᬫᬓᬢ᭄ᬮᬸᬗ᭄ᬓᬢᬶᬄ᭞ᬩᬸᬓᬳᬯᬸᬲ᭄᭞ᬜᬼᬫᬚᬮᬦ᭄ᬗᬗᬶ᭠ᬦᬂ᭟ᬩᬕᬸᬲ᭄ᬤ᭄ᬬᬃᬱᬫᬦᬸᬳᬸᬢᬂ᭞ᬲᬬᬦ᭄ᬤᭀᬄᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬗᬮᬶᬯ [᭑᭔ 14A] ᬢᬶᬜ᭄ᬘᬭᬶᬓ᭄ᬳᬩ᭄ᬬᬦ᭄᭞ᬫᬮᬶᬄᬳ᭄ᬦᬸᬩ᭄ᬦᭂᬂᬓᬗᬶᬦ᭄᭞ᬢ᭄ᬕᬮ᭄ᬳᬮᬲ᭄ᬓᬧᬗ᭄ᬕᬶᬄ᭞ᬢᬸᬯᬸᬜ᭄ᬚᬸᬭᬂᬫ᭄ᬦᬾᬓ᭄ᬕᬸᬦᬸᬂ᭞ᬩᭂᬢ᭄ᬢᬺᬩᬶᬲ᭄ᬧ᭄ᬭᬶᬗ᭄ᬕᬭᬾᬚᬾᬂ᭞ᬲᬬᬜ᭄ᬚᭀᬳᬸᬮᬶᬄᬫᬫᬃ ᬕ᭄ᬕᬶ᭞ᬫᬦ᭄ᬤᬭᬸᬭᬸᬂ᭞ᬧ᭄ᬭᬕᬸᬫ᭄ᬬᬦ᭄ᬲᬬᬦ᭄ᬢᬯᬄ᭟ᬫᬶᬭᬶᬩ᭄ᬢ᭄ᬯᬭᬲᬩᬾᬂᬚᬦ᭄ᬫᬲᬸᬩᬮᬶᬯᬢ᭄ᬲᬧ᭄ᬢᬕᬶᬭᬶ᭞ᬫᬗ᭄ᬕᬶᬄᬋᬦ᭄ᬤᬂᬚᬶᬫ᭄ᬩᬃᬚᬶᬫ᭄ᬩᬃ᭞ᬢ᭄ᬓᭂᬤ᭄ᬓᬯᬸᬄᬢ᭄ᬓᭂᬤ᭄ᬓᬗᬶᬦ᭄᭞ ᬚᬓᬓ᭄ᬮᭀᬤ᭄‌ᬫ᭄ᬜᬄᬲᬫᬶ᭞ᬢ᭄ᬯᬭᬧᬢᬶᬳᬤᬓᬬᬸ᭞ᬲᭀᬮ᭄ᬧᬤᬂᬓᬾᬦ᭄ᬳᬫ᭄ᬩᭂᬗᬦ᭄᭞ᬢ᭄ᬯᬭᬳᬤᬗᭂᬦᬄᬉᬓᬶᬃ᭞ᬦ᭄ᬭᬯᬂᬦ᭄ᬭᬸᬯᬸᬂ᭞ᬲᭀᬓ᭄ᬮᬗᬶᬢ᭄ ᬢ᭄ᬓᬾᬦᬶᬂᬢᬦᬄ᭟ᬮᬶᬗ᭄ᬕᬄᬜᬦᬾᬳᬧᬮ᭄ᬬᬢ᭄᭞ᬳᬢ᭄ᬫᬮ᭄ᬬᬸᬤᬶᬢᬸᬓᬧᬗ᭄ᬕᬶᬄ᭞ᬦᬵᬗ᭄ᬳᬶᬂᬲᭀᬭᭀᬄᬯᬢᭂᬓ᭄ᬧᬧ᭞ᬓᬧᬦᬲᬦ᭄ᬦᬦ᭄ᬤᬂᬲᬓᬶᬢ᭄᭞᭠

Auto-transliteration

[13 13B] 13 ṣabaneniṣṭa, ngraṣadoṣasalaḥpanggiḥ, wireḥhawakdahakdongkang, hingĕttĕkenneneriyin, duknamyunenelingsir̀, bati‐ smakadadwabrung, lutmamuñikensomaḥ, niralwasmaniñahi, ngaliḥsawung, pacanghanggonira'uran. ñahijumaḥhapangmlaḥ, hnĕng wngigalangkangin, bagusdyar̀ṣahuwusjagr̥ĕ, madabdab'hayatmamar̀ggi, lantaskasanggaḥ, bulunsyapetatlu, tkĕddimar̀ggane‐ wagdhe, lebangmakatlungkatiḥ, bukahawus, ñl̥ĕmajalanngangi‐nang. bagusdyar̀ṣamanuhutang, sayandoḥsāmpunmamar̀ggi, ngaliwa [14 14A] tiñcarik'habyan, maliḥhnubnĕngkangin, tgalhalaskapanggiḥ, tuwuñjurangmnekgunung, bĕttr̥ĕbispringgarejeng, sayañjohuliḥmamar̀ ggi, mandarurung, pragumyansayantawaḥ. miribtwarasabengjanmasubaliwatsaptagiri, manggiḥr̥ĕndangjimbar̀jimbar̀, tkĕdkawuḥtkĕdkangin, jakaklodmñaḥsami, twarapatihadakayu, solpadangkenhambĕngan, twarahadangĕnaḥukir̀, nrawangnruwung, soklangit tkeningtanaḥ. linggaḥñanehapalyat, hatmalyuditukapanggiḥ, nānghingsoroḥwatĕkpapa, kapanasannandangsakit, ‐

Leaf 14

Image on Archive.org

[᭑᭔ 14B] ᭑᭔ ᬤᬶᬢ᭄ᬕᬮᬾᬓᬸᬫ᭄ᬧᬸᬮ᭄ᬲᬫᬶ᭞ᬫᬓ᭄ᬚᬂᬜᬶᬮᬧᬶᬦ᭄ᬤᬫᬸᬄ᭞ᬮᬾᬦ᭄ᬤᬶᬫᬸᬜ᭄ᬘᬸᬓ᭄ᬳ᭠ᬫ᭄ᬩᭂᬗᬦ᭄᭞ᬮᬾᬦ᭄ᬳᬢ᭄ᬫᬭᬭᬾᬓᬧᬗ᭄ᬕᬶᬄ᭞ᬢᬸᬯᬶᬫᬮᬮᬸᬂ᭞ᬧᬘ᭄ᬭᬾᬘᬾᬢ᭄ᬧ ᬥᬫᬦᬫ᭄ᬧ᭟ᬓᬳᬸᬫᬩᬸᬮᬸᬫᬓ᭄ᬚᬂ᭞ᬮᬾᬦ᭄ᬳᬤᬳᬢ᭄ᬫᬓᬧᬗ᭄ᬕᬶᬄ᭞ᬩᬢᬦ᭄ᬫᬤᬸᬭᬶᬦᬾᬦ᭄ᬕᬓ᭄᭞ᬲ᭄ᬤᬶᬄᬫᬲᬫ᭄ᬩᬢᬦ᭄ᬗᭂᬮᬶᬂ᭞ᬳᬯᬓ᭄ᬓ᭄ᬭᬧᬬᬄᬳᬭᬶᬕ᭄᭞᭠ ᬫᬢᬧ᭄ᬭᭀᬓ᭄ᬩᬢᬶᬲ᭄ᬲᬩᬸᬄ᭞ᬫᬫᬸᬜᬶᬧᬢᬶᬳᬫᬾ᭞ᬗᬸᬤᬓᬾᬦᬾ᭠ᬤᬾᬯᬕᬸᬲ᭄ᬢᬶ᭞ᬩ᭄ᬗᬾᬓ᭄ᬕᬳᬸᬂ᭞ᬲ᭄ᬯᬾᬢᬶᬢ᭄ᬬᬂᬓᬲᬓᬶᬢᬦ᭄᭟ᬦᬦ᭄ᬤᬗᬶᬦ᭄ᬧᬜ᭄ᬘ᭠ ᬲᬗ᭄ᬲᬭ᭞ᬳᬶᬗᭂᬢ᭄ᬢᬶᬢ᭄ᬬᬂᬲᬦᬾᬭᬶᬳᬶᬦ᭄᭞ᬤᬸᬓᬾᬦᬸᬤᬶᬫᬺᬘ᭄ᬙᬧᬥ᭞ᬳᬤᬢᭀᬗ᭄ᬮᬄᬳᬓᬶᬓᬶᬢ᭄᭞ᬲᬦ᭄ᬢᬦᬚᬦᬶᬳᬫ᭄ᬩᬸᬓ᭄ᬢᬶ᭞ᬩᬸᬓᬢ᭄ᬯᬭᬗ᭄ᬮᬄᬳᬶᬩᬸᬓ᭄᭞᭠ [᭑᭕ 15A] ᬕᬸᬫᬭᬶᬲᬶᬦ᭄ᬗᬯᬾᬦᬂ᭞ᬫ᭄ᬩᬸᬩᬸᬳᬂᬧᬸᬜ᭄ᬚᬸᬂᬳᬓᬶᬓᬶᬢ᭄᭞ᬩᬲ᭄ᬓᬤᬸᬭᬸᬲ᭄᭞ᬓᬢᬸᬗ᭄ᬓᬸᬮᬦ᭄ᬮᬾᬦ᭄ᬧᬗ᭄ᬭᬱ᭟ᬫᬦᬸᬢᬸᬓᬶᬦ᭄ᬓᬯᬶᬲᬬᬦ᭄᭞ᬳᬤᬮᬾᬦ᭄ᬳᬢ᭄ᬫᬓᬧᬗ᭄ᬕᬶᬄ᭞ ᬫᬩᬺᬤ᭄ᬲᬓᬾᬂᬫᬺᬘ᭄ᬙᬧᬥ᭞ᬮ᭄ᬬᬸᬫᬭᬾᬭᭀᬤ᭄ᬮᬸᬄᬫ᭄ᬯᬦᬶ᭞ᬲᬸᬯᬸᬤ᭄ᬫᬩᬸᬓᬸᬃᬲ᭠ᬫᬶ᭞ᬕᬕᬯᬾᬦᬾᬲᬃᬯ᭄ᬯᬮ᭄ᬬᬸ᭞ᬕᬸᬮᬶᬂᬉᬦ᭄ᬢᭂᬓ᭄ᬮᬾᬜ᭄ᬚᬚ᭞ᬧᬥᬦ᭄ᬕᭂᬦ᭄ᬜᬸᬳᬸᬦ᭄ᬜᬗ᭄ᬓᬶ᭠ ᬮ᭄᭞ᬳᬸᬲᬦ᭄ᬳᬶᬩᬸᬓ᭄᭞ᬇᬥᭂᬧᬾᬓᬮᬶᬦ᭄ᬢᬂᬍᬕ᭟ᬳ᭄ᬢᬶᬲ᭄ᬳᬾᬫ᭄ᬩᭀᬦ᭄ᬗᬸᬗ᭄ᬲᬶᬰ᭄ᬯᬃᬕ᭄ᬕᬦ᭄᭞ᬩ᭄ᬯᬶᬦ᭄ᬳᬫᬦᬾᬦ᭄ᬭᬓᬲᬫᬶ᭞ᬮ᭄ᬬᬸᬘᬋᬫ᭄ᬜᬤᬂᬤᬶᬚᬮᬦ᭄᭞ᬳᬜᬸᬤ᭄ᬳᬢᬶ ᬦᬾᬢᬦ᭄ᬲᬶᬧᬶ᭞ᬗ᭄ᬦᭀᬢ᭄ᬳᬦᬓᬾᬧᬗ᭄ᬕᬶᬄ᭞ᬗᭂᬦ᭄ᬜᬗ᭄ᬓᬶᬮ᭄ᬳᬤᬜᬸᬯᬸᬦ᭄᭞ᬫ᭠ᬯᬤᬄᬢᬫᬲ᭄ᬳᭂᬦ᭄ᬢᬮ᭄᭞ᬫᬫᬸᬜᬶᬳᬮᬸᬲ᭄ᬜᬧᬢᬶᬦ᭄᭞ᬤᬾᬯᬭᬢᬸ᭞ᬢᬶᬢ᭄ᬬᬂ

Auto-transliteration

[14 14B] 14 ditgalekumpulsami, makjangñilapindamuḥ, lendimuñcuk'ha‐mbĕngan, lenhatmararekapanggiḥ, tuwimalalung, pacrecetpa dhamanampa. kahumabulumakjang, lenhadahatmakapanggiḥ, batanmadurinen'gak, sdiḥmasambatanngĕling, hawakkrapayaḥharig, ‐ mataprokbatissabuḥ, mamuñipatihame, ngudakene‐dewagusti, bngekgahung, swetityangkasakitan. nandanginpañca‐ sangsara, hingĕttityangsanerihin, dukenudimr̥ĕcchapadha, hadatonglaḥhakikit, santanajanihambukti, bukatwaranglaḥhibuk, ‐ [15 15A] gumarisinngawenang, mbubuhangpuñjunghakikit, baskadurus, katungkulanlenpangraṣa. manutukinkawisayan, hadalenhatmakapanggiḥ, mabr̥ĕdsakengmr̥ĕcchapadha, lyumarerodluḥmwani, suwudmabukur̀sa‐mi, gagawenesar̀wwalyu, gulinguntĕkleñjaja, padhan'gĕnñuhunñangki‐ l, husanhibuk, idhĕpekalintangl̥ĕga. htishembonngungsiśwar̀ggan, bwinhamanenrakasami, lyucar̥ĕmñadangdijalan, hañud'hati netansipi, ngnot'hanakepanggiḥ, ngĕnñangkilhadañuwun, ma‐wadaḥtamashĕntal, mamuñihalusñapatin, dewaratu, tityang

Leaf 15

Image on Archive.org

[᭑᭕ 15B] ᭑᭕ ᬫᬦᬸᬦᬲ᭄ᬮᬸᬗ᭄ᬲᬸᬭᬦ᭄᭟ᬉᬮᬫ᭄ᬭᬶᬂᬦᬲᬶᬳᬲᭀᬧᬦ᭄᭞ᬦᬾᬳᬶᬤᬶᬳᬶᬦ᭄ᬢᭀᬂᬜᬳᬸᬢᬶᬦ᭄᭞ᬫᭂᬦ᭄ᬤᭂᬧ᭄ᬫᬚᬮᬦ᭄ᬗᬾᬗ᭄ᬕᬮᬂ᭞ᬦᬾᬫᬗᬶᬤᬶᬄᬮᬶᬦ᭄ᬢᬂᬩ᭄ᬭᬦ᭄ᬢᬶ᭞ᬮᬦ᭄ᬢᬲ᭄ᬫᬾᬕ ᬮ᭄ᬗᬺᬩᬸᬢᬶᬦ᭄᭞ᬧᬬᬸᬫᬳᬶᬩᬸᬓᬦ᭄ᬫᬸᬯᬸᬕ᭄᭞ᬫᬦᬶᬕ᭄ᬢᬶᬕ᭄ᬩᬦ᭄ᬢᬶᬫ᭄ᬩᬸᬗᬦ᭄᭞ᬉᬦ᭄ᬢᭂᬓᬾᬳᬗ᭄ᬕᭀᬦᬶᬫ᭄ᬧᬸᬕᬶᬦ᭄᭞ᬚᬗ᭄ᬓᭂᬄᬗᬸᬮᬸᬦ᭄᭞ᬦᬾᬦᬾᬓ᭄ᬦᬫᬗᬸᬭᬭᬓ᭄᭟᭠ ᬫᬗ᭄ᬮᬶᬂᬦᬗᬶᬄᬢᬸᬮᬸᬗᬦ᭄᭞ᬩ᭄ᬬᬸᬃᬧᬥᬲᬮᬶᬂᬢᬶᬕ᭄ᬢᬶᬕ᭄᭞ᬕᬕᬯᬦᬾᬲᬫ᭄ᬩᭂᬄᬩᬸᬬᬃ᭞ᬦᬾᬮᬩᬸᬄᬳᭂᬦ᭄ᬢᭀᬋᬩᬸᬢᬶᬦ᭄᭞ᬫᬗᭂᬲᭀᬧ᭄ᬜᭂᬕ᭄ᬲᭂᬕ᭄ᬩᬶᬩᬶᬄ᭞ᬮᭂᬦᬼᬦ᭠ ᬦ᭄ᬲ᭄ᬮᬓᬢ᭄ᬲ᭄ᬮᬓᬸᬢ᭄᭞ᬤᬦᬾᬳᬶᬩᬕᬸᬲ᭄ᬤ᭄ᬬᬃᬱ᭞ᬓᬗᭂᬦ᭄ᬫᬗᬦ᭄ᬢᭂᬦᬂᬚᬦᬶ᭞ᬯ᭄ᬢᬸᬲᬸᬗ᭄ᬲᬸᬢ᭄᭞ᬤᬤᬶᬳᬶᬗᭂᬢ᭄ᬓᬾᬦ᭄ᬳᬯᬓ᭄᭟ᬬᬾᬄᬫᬢᬦᬾᬧᬢᬫ᭄ᬩ᭄ᬯᬲ᭄᭞ᬩ᭄ᬯᬶ᭠ [᭑᭖ 16A] ᬦ᭄ᬳᬢ᭄ᬫᬫᬕᬦ᭄ᬢᬸᬂᬧᬗ᭄ᬕᬶᬄ᭞ᬤᬶᬓ᭄ᬧᬸᬳᬾᬧᬶᬦᬄᬲ᭄ᬭᬓ᭄᭞ᬩᬢᬦ᭄ᬜᬦᬾᬫᬶᬲᬶᬳᬧᬶ᭞ᬢᭀᬳᬢ᭄ᬫᬮᬶᬦ᭄ᬢᬂᬲᬶᬲᬶᬧ᭄᭞ᬫᬶᬲᬸᬦᬫᬗᬤᬸᬗᬤᬸ᭞ᬳᬤᬩ᭄ᬯᬶᬦ᭄ᬓᬢᭀᬦ᭄ᬳ᭠ ᬢ᭄ᬫ᭞ᬓ᭄ᬧᬸᬂᬘᬾᬮᬾᬂᬳᬲᬸᬲᬫ᭄ᬧᬶ᭞ᬕᬮᬓ᭄ᬗᬸᬢ᭄ᬕᬸᬢ᭄᭞ᬓᬕᬶᬫ᭄ᬩᭂᬮ᭄ᬫᬓᬸᬬᬬᬗᬦ᭄᭟ᬫᬢᬢᬸᬗ᭄ᬮᬶᬂᬫᬗᭂᬗ᭄ᬓᬓ᭄᭞ᬲᬮᬄᬢᭀᬂᬦᬯᬂᬰᬵᬲ᭄ᬢ᭄ᬭᬵᬚᬶ᭞ᬧᬸᬃᬯ᭄ᬯᬢᬶᬗ᭄ᬓᬄᬤᬤᬶ᭠ ᬚᬦ᭄ᬫ᭞ᬢᬦ᭄ᬧᬗᬶᬢᬸᬂᬮᬶᬗᬶᬗ᭄ᬳᬚᬶ᭞ᬲᬳᬶᬫᬸᬂᬧᬂᬧᬫᬃᬕ᭄ᬕᬶ᭞ᬧᬢᬸᬄᬳᬲᬄᬢ᭄ᬓᬾᬦ᭄ᬧᬲᬸ᭞ᬳᬤᬫᬮᬶᬄᬗᭂᬦᬄᬳᬢ᭄ᬫ᭞ᬩᭀᬜᭀᬓ᭄ᬘᭀᬓ᭄ᬧᬓ᭄ᬱᬶ᭞ᬲᬶᬢ᭄ᬲᬶᬢᬺᬜᬸᬄ᭞ ᬫᬸᬜ᭄ᬘ᭄ᬭᬃᬕ᭄ᬢᬶᬳ᭄ᬭᬵᬲᬸᬫᬶᬭᬢ᭄᭟ᬢᬢᬸᬦᬾᬤᭂᬓ᭄ᬤᭂᬓ᭄ᬗ᭄ᬭᬜ᭄ᬚᬂ᭞ᬲᬮᬄᬩ᭄ᬮᭀᬕ᭄ᬧᭂᬗ᭄ᬓᬸᬂᬚᬳᬶᬮ᭄᭞ᬮᭀᬩᬫᬗᬸᬮᬳᬂᬳᬯᬓ᭄᭞ᬳᬧᬂᬲᬸᬓᬧᬤᬶᬤᬶᬳᬶᬦ᭄᭞ᬩ᭄ᬯᬶ᭠

Auto-transliteration

[15 15B] 15 manunaslungsuran. ulamringnasihasopan, nehidihintongñahutin, mĕndĕpmajalanngenggalang, nemangidiḥlintangbranti, lantasmega lngr̥ĕbutin, payumahibukanmuwug, manigtigbantimbungan, untĕkehanggonimpugin, jangkĕḥngulun, neneknamangurarak. ‐ manglingnangiḥtulungan, byur̀padhasalingtigtig, gagawanesambĕḥbuyar̀, nelabuḥhĕntor̥ĕbutin, mangĕsopñĕgsĕgbibiḥ, lĕnl̥ĕna‐ nslakatslakut, danehibagusdyar̀ṣa, kangĕnmangantĕnangjani, wtusungsut, dadihingĕtkenhawak. yeḥmatanepatambwas, bwi‐ [16 16A] nhatmamagantungpanggiḥ, dikpuhepinaḥsrak, batanñanemisihapi, tohatmalintangsisip, misunamangadungadu, hadabwinkatonha‐ tma, kpungcelenghasusampi, galakngutgut, kagimbĕlmakuyayangan. matatunglingmangĕngkak, salaḥtongnawangśāstrāji, pur̀wwatingkaḥdadi‐ janma, tanpangitunglinginghaji, sahimungpangpamar̀ggi, patuḥhasaḥtkenpasu, hadamaliḥngĕnaḥhatma, boñokcokpaksyi, sitsitr̥ĕñuḥ, muñcrar̀gtihrāsumirat. tatunedĕkdĕkngrañjang, salaḥblogpĕngkungjahil, lobamangulahanghawak, hapangsukapadidihin, bwi‐

Leaf 16

Image on Archive.org

[᭑᭖ 16B] ᭑᭖ ᬦ᭄ᬮᬾᬦ᭄ᬳᬢ᭄ᬫᬓᬧᬗ᭄ᬕᬶᬄ᭞ᬧᬕᬼᬩᬸᬕ᭄ᬧᬥᬫᬘ᭄ᬮᬸᬧ᭄᭞ᬤᬶᬲᭀᬂᬩᬢᬸᬫᬲ᭄ᬧᬓ᭄᭞ᬓᬢ᭄ᬧᭂᬲ᭄ᬤᬶᬢᬸᬫᬚ᭄ᬧᬶᬢ᭄᭞ᬢᭂᬦ᭄ᬤᬲ᭄ᬋᬫᬸᬓ᭄᭞ᬉᬢᭂᬓ᭄ᬕᭂᬢᬶᬳᬾᬫᬸᬜ᭄ᬘ᭄ᬭᬢ᭄᭟ᬧ᭄ᬲᬸ᭠ ᬫᬢᬦ᭄ᬦᬾᬫᬮᭀᬤ᭄ᬮᭀᬤ᭄᭞ᬲᬮᬄᬧᭂᬗ᭄ᬓᬸᬂᬕᭀᬤᭀᬕ᭄ᬤᬳᬶ᭞ᬩᬾᬜ᭄ᬚᬸᬮ᭄ᬢᬦᬶᬲᭂᬃᬤ᭄ᬥᬄᬫᬦᬄ᭞ᬓᬸᬭᬂᬲᭀᬫ᭄ᬬᬍᬯᬶᬄᬩ᭄ᬭᬗ᭄ᬢᬶ᭞ᬢᬦ᭄ᬗᬶᬭᬶᬂᬰᬵᬲ᭄ᬢ᭄ᬭᬵᬚᬶ᭞ᬧᬢᬶ᭠ ᬓ᭄ᬧᬕ᭄ᬧᬢᬶᬓ᭄ᬧᬸᬕ᭄᭞ᬢᬼᬩ᭄ᬧᬸᬯᬶᬓ᭄ᬕᭂᬤᭂᬕ᭄ᬜᬩ᭄ᬭᬦ᭄᭞ᬓᬾᬦᬾᬨᬮᬜᬢ᭄ᬧᬸᬓᬶᬦ᭄᭞ᬧᬢᬶᬧᬸᬭᬸᬕ᭄᭞ᬫᬮᬶᬄᬳᬤᬗᭂᬦᬄᬳᬢ᭄ᬫ᭟ᬦᬾᬫᬮᬩ᭄ᬮᬩ᭄ᬤᬶᬚᬫ᭄ᬩᬗ᭠ ᬦ᭄᭞ᬫᬮ᭄ᬯᬩ᭄ᬗᬭᭀᬤᭀᬓᬧᬸᬦ᭄ᬧᬸᬦᬶᬦ᭄᭞ᬳᬦ᭄ᬢᬸᬓ᭄ᬯᬢᭂᬓ᭄ᬬᬵᬫᬩᬮ᭞᭠ᬧᬥᬕᬶᬭᬂᬫᬦᬸᬚᬳᬶᬦ᭄᭞ᬜᬦ᭄ᬲᬗ᭄ᬓᬸᬢ᭄ᬢᬸᬮᬸᬤ᭄ᬩᭂᬲᬶ᭞ᬫᬚ᭄ᬧᬶᬢ᭄ᬦᭂᬮᬶᬂᬫᬗᬤᬸᬄ᭞᭠ [᭑᭗ 17A] ᬢᭀᬳᬢ᭄ᬫᬦᬾᬤᬸᬃᬰᬶᬮ᭞ᬳᬫ᭄ᬩᭂᬓ᭄ᬱᬧᬓᬤᬶᬓᬫᬶ᭞ᬲᬳᬶᬩᬶᬜ᭄ᬚᬸᬮ᭄᭞ᬫᬫ᭄ᬭᬶᬄᬓᬧᬢ᭄ᬬᬦᬶᬂᬭᭀᬯᬂ᭟ᬓᬶᬭᬂᬢᬭᭀᬲ᭄‌ᬍᬯᬶᬄᬓ᭄ᬭᭀᬥ᭞ᬩᬕᬸᬲ᭄ᬤ᭄ᬬᬃᬱ ᬓᬶᬜ᭄ᬘᭂᬄᬫᬶᬃᬫᬶᬃ᭞ᬗᬢᭀᬦᬂᬲᭀᬭᭀᬄᬳᬦᬾᬧᬧ᭞ᬲᬫ᭄ᬩᬶᬮ᭄ᬫᬚᬮᬦ᭄‌ᬦ᭄ᬤᬭᬶᬂᬤᬶᬂ᭞ᬗᬗ᭄ᬲᭂᬄᬲᬶᬲᬸᬫᬫᬃᬕ᭄ᬕᬶ᭞ᬓᭂᬦ᭄ᬤᭂᬮ᭄ᬩᬦᬾᬳᬤᬢᬸᬯᬸᬢ᭄᭞ᬧᬦᬸᬕ᭄ᬭᬦ᭄ᬳ ᬦᬓ᭄ᬳᭀᬤᬄ᭞ᬢᬾᬚᬦᬾᬫᬸᬜ᭄ᬘᬃᬭᬶᬂᬮᬗᬶᬢ᭄᭞ᬧᬥᬢᬓᬸᬢ᭄᭞ᬘᬶᬓᬺ᭠ᬩᬮᬦᬾᬫᬫᬧᬲ᭄᭟ᬧᬥᬜᬫ᭄ᬧᬶᬂᬢᬦ᭄ᬯᬶᬓᬭ᭞ᬲᬬᬦ᭄ᬤᭀᬳᬸᬮᬶᬄᬫᬫᬃ ᬕ᭄ᬕᬶ᭞ᬫᬲᬶᬄᬳ᭄ᬦᬸᬫᬗᬗᬶᬦᬂ᭞ᬲᬕᬾᬢᬦ᭄ᬓᬢ᭄ᬧᬸᬓ᭄ᬢᬶᬬᬶᬂ᭞ᬳᬢ᭄ᬕᬮ᭄ᬲᬫᬄ᭠ᬫᭂᬦ᭄ᬢᬶᬓ᭄᭞ᬧᬓᭀᬘᬧᬜᬦᬾᬳᬶᬮᬸ᭞ᬢᬶᬬᬶᬂᬓᬤᬤᬾᬦ᭄ᬯᬤᬄ᭞ᬧᬧ

Auto-transliteration

[16 16B] 16 nlenhatmakapanggiḥ, pagl̥ĕbugpadhamaclup, disongbatumaspak, katpĕsditumajpit, tĕndasr̥ĕmuk, utĕkgĕtihemuñcrat. psu‐ matannemalodlod, salaḥpĕngkunggodogdahi, beñjultanisĕr̀ddhaḥmanaḥ, kurangsomyal̥ĕwiḥbrangti, tanngiringśāstrāji, pati‐ kpagpatikpug, tl̥ĕbpuwikgĕdĕgñabran, kenephalañatpukin, patipurug, maliḥhadangĕnaḥhatma. nemalablabdijambanga‐ n, malwabngarodokapunpunin, hantukwatĕkyāmabala, ‐padhagirangmanujahin, ñansangkuttuludbĕsi, majpitnĕlingmangaduḥ, ‐ [17 17A] tohatmanedur̀śila, hambĕkṣapakadikami, sahibiñjul, mamriḥkapatyaningrowang. kirangtarosl̥ĕwiḥkrodha, bagusdyar̀ṣa kiñcĕḥmir̀mir̀, ngatonangsoroḥhanepapa, sambilmajalanndaringding, ngangsĕḥsisumamar̀ggi, kĕndĕlbanehadatuwut, panugranha nak'hodaḥ, tejanemuñcar̀ringlangit, padhatakut, cikr̥ĕ‐balanemamapas. padhañampingtanwikara, sayandohuliḥmamar̀ ggi, masiḥhnumanganginang, sagetankatpuktiying, hatgalsamaḥ‐mĕntik, pakocapañanehilu, tiyingkadadenwadaḥ, papa

Leaf 17

Image on Archive.org

[᭑᭗ 17B] ᭑᭗ ᬕᬦ᭄ᬳᬦᬓ᭄ᬫᬢᬶ᭞ᬤᬤᬶᬳᬶᬤᬸᬧ᭄᭞ᬲᬫᬄᬢᬹᬃᬮᬶᬗ᭄ᬲᭂᬄᬮᬶᬗ᭄ᬲᭂᬄᬳᬦ᭄᭟᭠ᬳᬤᬫᬮᬶᬄᬗᭂᬦᬄᬧᬦ᭄ᬤᬦ᭄᭞ᬩᭂᬓ᭄ᬳᬢ᭄ᬕᬮ᭄ᬳᬢᬸᬩ᭄ᬯᬶᬮᬶᬲ᭄᭞ᬬᬾᬦ᭄ᬳᭂᬦ᭄ᬢᭀᬋ ᬓᬾᬓᭀᬘᬧᬜ᭞ᬧ᭄ᬘᬓ᭄ᬢᬶᬓᭂᬄᬳᬦᬓ᭄ᬫᬢᬶ᭞ᬤᬶᬦᬸᬩ᭄ᬯᬶᬦ᭄ᬳᬶᬤᬸᬧ᭄ᬫᭂᬦ᭄ᬢᬶᬓ᭄᭞ᬳᭂᬦ᭄ᬤᬸᬢ᭄ᬩᭂᬍᬕᬤᬓᬢ᭄ᬧᬸᬓ᭄᭞ᬤᬍᬫ᭄ᬩᬗᭂᬲ᭄ᬫᬍᬓᬕ᭄᭞ᬓᭀᬘᬧ ᬜᬦᬾᬦᬾᬭᬶᬳᬶᬦ᭄ᬧ᭄ᬘᬓ᭄ᬳᬸᬲᬸᬲ᭄᭞ᬓᬤᬤᬾᬦ᭄ᬩᬺᬓᬦ᭄ᬩᬲᬂ᭟ᬩᬜᭂᬄᬳᬦᬓᬾᬦᬾᬧ᭄ᬚᬄ᭞ᬳᬢ᭄ᬫᬦᬾᬮ᭄ᬬᬸᬫᬓᬺᬫ᭄ᬩᭂᬘᬶᬓ᭄᭞ᬩᬶᬮᬶᬄᬭᬗ᭄ᬓᬸᬂᬧ᭠ ᬮᬓ᭄ᬱᬬᬦ᭄᭞ᬫᬓᬶᬲᭂᬮ᭄ᬢᭀᬂᬤᬤᬶᬫᬵᬗ᭄ᬓᬶᬤ᭄᭞ᬫᬧᬤᬂᬳᬮᬂᬢᬚᬶ᭞ᬢᬚᭂᬧ᭄ᬮᬜᬶᬂᬭᬸᬭᬸᬲ᭄ᬭᬸᬭᬸᬲ᭄᭞ᬧᬘᬺᬗ᭄ᬕᬄᬩᬶᬮᬂᬤᬗ᭄ᬓ᭞ᬓᬢᬸᬢᬸᬭᬦ᭄ᬜ᭠ [᭑᭘ 18A] ᬦᬾᬭᬶᬬᬶᬦ᭄᭞ᬭᬦ᭄ᬢᬄᬢᬸᬳᬸ᭞ᬓᬤᬤᬾᬦ᭄ᬭᬫ᭄ᬩᬸᬢ᭄ᬯᬢᬗᬦ᭄᭟ᬳ᭄ᬩᭀᬓ᭄ᬩᬗ᭄ᬓᬾᬦᬾᬫᬓ᭄ᬚᬂ᭞ᬳᬤᬳᬢ᭄ᬫᬩ᭄ᬯᬶᬦ᭄ᬓᬧᬗ᭄ᬕᬶᬄ᭞ᬉᬮᬶᬓᬯᬸᬄᬜ᭄ᬭᬶᬢ᭄ᬗᬭᬄ᭞ᬫᬳ᭠ ᬦ᭄ᬢᬾᬕ᭄ᬥᬾᬩᬦ᭄ᬩᭂᬲᬶ᭞ᬪᬹᬣᬕᬮᬸᬗᬦ᭄ᬦᬶᬕ᭄ᬢᬶᬕ᭄᭞ᬗ᭄ᬕᬧ᭄ᬮᬸᬓ᭄ᬗᭂᬗ᭄ᬕᭂᬮ᭄ᬩᬳᬦ᭄ᬳᭂᬮᬸ᭞ᬦ᭄ᬢᭀᬋᬓᬾᬳᬢ᭄ᬫᬦ᭄ᬳᬦᬓ᭄᭞ᬢ᭄ᬯᬭᬵᬤᬦᬯᬸᬃᬧᬸᬦᬕᬶ᭞ᬓ᭄ᬭᬡᬗ᭄ᬕᭂᬮᬸᬃ᭞ᬓᬲ ᬓᬶᬢᬦ᭄ᬫᬗ᭄ᬕᬶᬄᬧᬧ᭟ᬧ᭄ᬢᭂᬂᬍᬫᬄᬫᬗᬸᬫᬦ᭄ᬤᬂ᭞ᬮᬶᬜᭀᬓ᭄ᬦᬭᬓᬕ᭄ᬥᬾᬧ᭠ᬗ᭄ᬕᬶᬄ᭞ᬮᬶᬜᭀᬓ᭄ᬭᬶᬂᬲᬲᬫᬲᬢᭀ᭞ᬤᬰᬢᬳᬸᬦ᭄ᬧᬧᬦᬾᬓᬶ᭞ᬮᬶᬜᭀ ᬓ᭄ᬭᬶᬂᬲᬂᬲᬸᬮᬶᬗ᭄ᬕᬶᬄ᭞ᬦᬭᬓᬮ᭄ᬯᬶᬃᬯᬭᬶᬄᬫᬳᭂᬫ᭄ᬩᬄ᭞ᬮᬶᬜᭀᬓ᭄ᬭᬶᬂᬲᬫᬫ᭠ᬦᬸᬱ᭞ᬲᬢᬸᬲ᭄ᬢᬯᬸᬦ᭄ᬧᬧᬦᬾᬓᬶ᭞ᬢ᭄ᬯᬭᬲᬸᬯᬸᬤ᭄᭞ᬩᭀᬬᬮᬸᬓᬢ᭄ᬭᬶᬂᬦᬵᬭ

Auto-transliteration

[17 17B] 17 ganhanakmati, dadihidup, samaḥtūr̀lingsĕḥlingsĕḥhan. ‐hadamaliḥngĕnaḥpandan, bĕk'hatgalhatubwilis, yenhĕntor̥ĕ kekocapaña, pcaktikĕḥhanakmati, dinubwinhidupmĕntik, hĕndutbĕl̥ĕgadakatpuk, dal̥ĕmbangĕsmal̥ĕkag, kocapa ñanenerihinpcak'husus, kadadenbr̥ĕkanbasang. bañĕḥhanakenepjaḥ, hatmanelyumakr̥ĕmbĕcik, biliḥrangkungpa‐ lakṣayan, makisĕltongdadimāngkid, mapadanghalangtaji, tajĕplañingrurusrurus, pacr̥ĕnggaḥbilangdangka, katuturanña‐ [18 18A] neriyin, rantaḥtuhu, kadadenrambutwatangan. hbokbangkenemakjang, hadahatmabwinkapanggiḥ, ulikawuḥñritngaraḥ, maha‐ ntegdhebanbĕsi, bhūthagalungannigtig, nggaplukngĕnggĕlbahanhĕlu, ntor̥ĕkehatmanhanak, twarādanawur̀punagi, kraṇanggĕlur̀, kasa kitanmanggiḥpapa. ptĕngl̥ĕmaḥmangumandang, liñoknarakagdhepa‐nggiḥ, liñokringsasamasato, daśatahunpapaneki, liño kringsangsulinggiḥ, narakalwir̀wariḥmahĕmbaḥ, liñokringsamama‐nuṣa, satustawunpapaneki, twarasuwud, boyalukatringnāra

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org