gaguritan-mituturin-pyanak

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑᭞ ᭛᭜᭛ᬒᬁᬅᬯᬶᬖ᭄ᬦᬫᬲ᭄ᬢᬸ᭛᭜᭛ᬥᬸᬄᬫᬵᬲ᭄ᬫᬶᬭᬄᬘᬳᬶᬳᬵᬢ᭄ᬫᬚᬶᬯᬦ᭄ᬩᬧ᭞ᬤᬸᬫᬤᬓ᭄ᬫᬗ᭄ᬤᬾᬘᬳᬶ᭞ᬬᬦ᭄ᬬᬤᬶᬃᬕ᭄ᬖᬬᬸᬱᬵ᭞ᬫᬫᬗ᭄ᬕᬶᬄᬓᬳᬾᬰ᭄ᬯᬃᬬ᭄ᬬᬦ᭄᭞ᬤᬶᬩ᭄ᬬᬕᬸᬡᬲᬥᬸ ᬩᬸᬤ᭄ᬥᬶ᭞ᬫᬩᬬᬦ᭄ᬧᬗ᭄ᬓᬢ᭄᭞ᬤᬤᬶᬓᬵᬧᬮᬦᬕ᭄ᬭᬶ᭟ᬦᬾᬧᬫ᭄ᬓᬲ᭄ᬧᬶᬲᬭᬵᬢ᭄ᬧᬗᬶᬤᬶᬄᬩᬧᬵ᭞ᬫᬢᬸᬳᬂᬧᬶᬲᬦ᭄ᬘᬳᬶ᭞ᬳᬶᬥᭂᬧᬾᬫᬜᬫ᭞ᬫᬳᬮᬵᬳᬬᬸᬢᬸᬗ᭄ᬕᬮ᭄᭞ᬫᬗ᭄ᬤᬾ ᬲᬶᬤᬩᬧᬵᬫᭀᬮᬶᬄ᭞ᬯᬳ᭄ᬬᬵᬥ᭄ᬬᬢ᭄ᬫᬶᬓᬵ᭞ᬫᬗ᭄ᬭᬸᬄᬧᬓᬘᬳᬶ᭟ᬫᬓᬤᬶᬜᬧᬶᬢᭂᬓᭂᬢ᭄ᬩᬧᬳᬶᬗᭂᬢᬂ᭞ᬢᬺᬦᬂᬧᬶᬲᬦ᭄ᬘᬳᬶ᭞ᬫᬮᬚᬄᬫᬫᬘᬵ᭞ᬫᬗᬸᬮᬄᬓᬭᬵᬳᬬᬸᬦ᭄᭞ᬢ ᬢ᭄ᬯᬳᬕᬫᬦᬾᬕᬸᬮᬶᬓ᭄᭞ᬳᬗ᭄ᬕᬾᬦ᭄ᬳᬸᬗ᭄ᬕᬸᬦ᭄᭞ᬲᭀᬮᬳᬾᬗ᭄ᬕᬶᬲᬶᬕᬸᬫᬶ᭟ᬳᬸᬧᬫᬜᬳᭂᬦ᭄ᬢᬾᬳᬗ᭄ᬕᭀᬦ᭄ᬘᬳᬶᬥᬃᬫ᭄ᬫ᭞ᬜᬸᬦ᭄ᬤᬭᬶᬦ᭄ᬧᭂᬢᭂᬂᬳᬢᬶ᭞ᬳᬢᬶᬦᬾᬧ᭄ᬭᬵ [᭒ 2A] ᬧᬜ᭄ᬘ᭞ᬓᬮᬶᬧᬸᬢ᭄ᬭᬚᬄᬢᬫᬄ᭞ᬳᬶᬗᭂᬃᬧᬶᬲᬦ᭄ᬳᬧᬂᬧᬶᬱ᭄ᬝ᭞ᬦᬫ᭄ᬩᬳᬂᬕᬶᬯᬄ᭞ᬰᬰᬡᬦᬾᬚᬢᬶᬍᬯᬶᬄ᭟ᬤᬾᬦᬶᬂᬫᬸᬮᬓᬾᬢᭀᬢᭀᬲ᭄ᬦᬶᬂᬳᬯᬶᬃᬤᬸᬚᬵ᭞ᬢᬦ᭄ᬓᬢᬸᬦᬦ᭄ᬢᬢ᭄ᬯᬵ ᬚᬶ᭞ᬯ᭄ᬭᬸᬳᬶᬂᬚᬶᬢᬵᬓ᭄ᬱᬭᬵ᭞ᬲᬸᬰᬶᬮᬤᬶᬩ᭄ᬬᬕᬸᬡ᭞ᬥᬃᬬ᭄ᬬᬵᬯᬦ᭄ᬢᬦ᭄ᬓᭂᬦᬾᬂᬓᬶᬂᬓᬶᬂ᭞ᬢᭂᬕᬸᬄᬭᬶᬂᬩ᭄ᬭᬢ᭞ᬤᬺᬤ᭄ᬟᬵᬪᬓ᭄ᬢᬶᬦᬶᬯ᭄ᬬᬵᬚᬶ᭟ᬦ᭄ᬮᬢᬦ᭄ᬧᬲᬄᬭᬶᬂᬧᬡ᭄ᬥᬶᬢᬫᬳᬵᬃᬤ᭄ᬥᬶᬓᬵ᭞ᬫ ᬓᬵᬕ᭄ᬭᬘᬸᬤ᭄ᬥᬫᬡᬶ᭞ᬫ᭄ᬯᬂᬯ᭄ᬯᬂᬍᬯᬶᬳᬶᬂᬕᬸᬡ᭞ᬲᭂᬥᭂᬂᬫᬓᬰᬳᬬ᭞ᬢᬡ᭄ᬥᬵᬫᬦ᭄ᬢ᭄ᬬᬵᬳᬤᬶᬧᬢᬶᬄ᭞ᬫᬓᬵᬢ᭄ᬫᬭᬵᬓ᭄ᬱᬶ᭞ᬯᬶᬤᬕ᭄ᬥᬗᭂᬮᬸᬲ᭄ᬦᬵᬕᬭᬶ᭟ᬓᬧᬶᬂᬳᬋᬧᬧᬮᬚᬳᬶᬦ᭄ᬳᬧᬂᬢᬢ ᬲ᭄᭞ᬢᬶᬗ᭄ᬓᬳᬾᬫᬦᬸᬫᬤᬶ᭞ᬢᬸᬫᬸᬭᬸᬦ᭄ᬳᬜ᭄ᬚᬦ᭄ᬫ᭞ᬫᬵᬯᬓ᭄ᬲᬢ᭄ᬭ᭄ᬬᬵᬓᬸᬮᬵ᭞ᬮᬓ᭄ᬱ᭞ᬡᬦᬾᬚ᭄ᬯᬳᬧᬶᬓᬶᬦ᭄᭞ᬫᬭᬬᭀᬕᬬᬂ᭞ᬫᬓᬘᬺᬫᬶᬦᬶᬂᬪᬹᬫᬶ᭟ᬧᬹᬃᬯ᭄ᬯᬓᬜᬢ᭄ᬭᬶᬓᬬᬶᬓ

Auto-transliteration

[1 1B] 1 /// • /// oṁawighnamastu /// • /// dhuḥmāsmiraḥcahihātmajiwanbapa, dumadakmangdecahi, yanyadir̀gghayusyā, mamanggiḥkaheśwar̀yyan, dibyaguṇasadhu buddhi, mabayanpangkat, dadikāpalanagri. nepamkaspisarātpangidiḥbapā, matuhangpisancahi, hidhĕpemañama, mahalāhayutunggal, mangde sidabapāmoliḥ, wahyādhyatmikā, mangruḥpakacahi. makadiñapitĕkĕtbapahingĕtang, tr̥ĕnangpisancahi, malajaḥmamacā, mangulaḥkarāhayun, ta twahagamanegulik, hanggenhunggun, solahenggisigumi. hupamañahĕntehanggoncahidhar̀mma, ñundarinpĕtĕnghati, hatineprā [2 2A] pañca, kaliputrajaḥtamaḥ, hingĕr̀pisanhapangpiṣṭa, nambahanggiwaḥ, śaśaṇanejatil̥ĕwiḥ. deningmulaketotosninghawir̀dujā, tankatunantatwā ji, wruhingjitākṣarā, suśiladibyaguṇa, dhar̀yyāwantankĕnengkingking, tĕguḥringbrata, dr̥ĕdḍābhaktiniwyāji. nlatanpasaḥringpaṇdhitamahār̀ddhikā, ma kāgracuddhamaṇi, mwangwwangl̥ĕwihingguṇa, sĕdhĕngmakaśahaya, taṇdhāmantyāhadipatiḥ, makātmarāksyi, widagdhangĕlusnāgari. kapinghar̥ĕpapalajahinhapangtata s, tingkahemanumadi, tumurunhañjanma, māwaksatryākulā, lakṣa, ṇanejwahapikin, marayogayang, makacr̥ĕminingbhūmi. pūr̀wwakañatrikayika

Leaf 2

Image on Archive.org

[᭒ 2B] ᭒ ᬦᬾᬋᬲᭂᬧᬂ᭞ᬧᬳᬬᬸᬲᬵᬭᬶᬲᬵᬭᬶ᭞ᬲᬵᬭᬶᬦᬶᬂᬳᬸᬢ᭄ᬲᬳᬵ᭞ᬳᬸᬧᬫᬶᬦᬦ᭄ᬤᬸᬃᬯᬶᬚ᭞ᬩᬸᬮᬸᬗᬶᬦ᭄ᬩᬦ᭄ᬲᭀᬮᬄᬍᬯᬶᬄ᭞ᬲᬶᬭᬫᬶᬦ᭄‌ᬫᬺᬢ᭄ᬢᬵ᭞ᬩᬦ᭄ᬫᬸᬜᬶᬭᬸᬫᬫᬦᬲ᭄᭟ᬫᬢᬸᬗ᭄ᬕ᭄ᬯᬵᬦ᭄ ᬧᬦᭂᬡ᭄ᬦᬶᬂᬘᬷᬢ᭄ᬢᬦᬶᬃᬫ᭄ᬫᬮ᭞ᬬᬾᬦ᭄ᬲᬸᬩᬓᬾᬢᭀᬘᬳᬶ᭞ᬢᬢᬲ᭄ᬩᬳᬦ᭄ᬩᬧ᭞ᬯᬺᬤ᭄ᬥᬶᬲᬶᬤ᭄ᬥᬦᬶᬂᬲᬥ᭄ᬬᬵ᭞ᬲᬓᬵᬮᬚᬢᬶᬓᬧᬗ᭄ᬕᬶᬄ᭞ᬯᬳ᭄ᬬᬥ᭄ᬬᬵᬢ᭄ᬫᬶᬓᬵ᭞ᬲᬶᬤ᭄ᬥᬲᬳᬶᬱ᭄ᬝᬶᬦ᭄ᬘ ᬳᬶ᭟ᬦᬾᬳᬶᬦᬸᬘᬧ᭄ᬤᬶᬢᬸᬢᬹᬃᬧᬸᬢ᭄ᬭᬲᬵᬰᬡ᭞ᬲᬓᬯᭀᬗᬜᬯ᭄ᬬᬓ᭄ᬢᬶ᭞ᬬᬦ᭄ᬢ᭄ᬯᬭᬳᬸᬭᬸᬓᬂ᭞ᬭᬶᬂᬲᭀᬮᬄᬫᬉᬢ᭄ᬢᬫ᭞ᬩᬦ᭄ᬩᭂᬮᭀᬕ᭄ᬩᬧᬜᬤᬤᬶ᭞ᬮᬶᬯᬢᬶᬂᬢᬺᬱ᭄ᬡᬵ᭞ᬓ᭄ᬭᬡᬢᬓᬸ ᬢ᭄ᬫᬶᬬᭂᬭᬶᬦ᭄᭟ᬢ᭄ᬯᬭᬢᬳᬾᬦ᭄ᬧᬶᬲᬦ᭄ᬗᬚᬳᬶᬦ᭄ᬲᭂᬦ᭄ᬢᬦ᭞ᬗᬦᬸᬢᬂᬓᭂᬘᬧᬶᬂᬳᬚᬶ᭞ᬳᬶᬫ᭄ᬬᬦᬓ᭄ᬫᬸᬃᬧᬸᬃᬮᬫ᭄ᬧᬄ᭞᭟ᬚᬦᬧᬤᬦᬾᬫᬗᬸᬫᬶᬓ᭄᭞ᬮᬶᬬᬸᬫᬜᬘᬤ᭄᭞ᬳᬶᬩᬧᬢ [᭓ 3A] ᬦ᭄ᬧᬓᬶᬃᬢ᭄ᬢᬶ᭟ᬓᬲᬮᬶᬫᬹᬃᬚ᭄ᬮᬾᬦ᭄ᬧᬦᬓᬾᬫᬵᬫ᭄ᬭᬢ᭄᭞ᬬᬾᬦ᭄ᬩᬧᬦ᭄ᬜᬦᬾᬭᬚᬶᬦ᭄᭞ᬫᬗᬸᬭᬸᬓᬂᬧᬵᬦᬓ᭄᭞ᬦᬸᬢᬸᬭᬶᬦᬬᭀᬧᬬ᭞ᬘᬶᬢ᭄ᬢᬦᬾᬫᬳᬬᬸᬪᬹᬫᬶ᭞ᬬᬾᬦ᭄ᬲᬸᬩᬲᬶ ᬤ᭄ᬥ᭞ᬲᭂᬥᭂᬂᬲᬬᬗᬂᬕᬢᬶ᭟ᬳᬸᬧᬧᬶᬭᬳᬗ᭄ᬕᭀᬦ᭄ᬫᬡᬶᬓᬵᬱ᭄ᬝᬕᬶᬦ᭞ᬳᬶᬩᬧᬫᭀᬮᬶᬄᬓᬶᬃᬢ᭄ᬢᬶ᭞ᬧᬶᬦᬸᬚᬶᬦᬶᬂᬚᬦ᭞ᬫᬧᬸᬢ᭄ᬭᬵᬫᬉᬢ᭄ᬢᬫ᭞ᬲᬸᬰ᭄ᬭᬸᬱᬵᬪᬓ᭄ᬢᬶᬳᬸᬫᬶᬭᬶᬂ᭞ᬲᬵᬚ᭄ᬜᬵ ᬦᬶᬂᬩᬧ᭞ᬓᬮᬓᭀᬦ᭄ᬢᬦ᭄ᬓᬧᬾᬭᬶᬂ᭟ᬫᬸᬮᬓᬾᬢᭀᬗ᭄ᬓᬳᬾᬤᬤᬶᬳᬵᬢ᭄ᬫ᭠᭞ᬲᬕᬯᬾᬦᬶᬂᬩᬶᬩ᭄ᬬᬵᬚᬶ᭞ᬲᬭᬢᬂᬲᬶᬤᬬᬂ᭞ᬲᬲᭀᬮᬄᬩᬦ᭄ᬗᬃᬤ᭄ᬥᬶᬬᬂ᭞ᬳ᭄ᬥᬫᬗᬶᬢᬸᬂ ᬧᬢᬶᬳᬸᬭᬶᬧ᭄᭞ᬓᬢᭀᬓᬥᬃᬫ᭄ᬫᬦ᭄᭞ᬧᬸᬢ᭄ᬭᬦᬾᬚᬢᬶᬍᬯᬶᬄᬢ᭄ᬯᬭᬮᬾᬦᬦ᭄ᬢᬸᬯᬳᬶᬩᬧᬧᬦᬗ᭄ᬓᬜ᭞ᬬᬾᬦ᭄ᬩᬱᬫᬧᬮᭀᬦᬶᬦ᭄᭞ᬓᬩᬶᬱᬦᬾᬢᭂᬫᭂᬲᬂ᭞ᬫ

Auto-transliteration

[2 2B] 2 ner̥ĕsĕpang, pahayusārisāri, sārininghutsahā, hupaminandur̀wija, bulunginbansolaḥl̥ĕwiḥ, siraminmr̥ĕttā, banmuñirumamanas. matunggwān panĕṇningcīttanir̀mmala, yensubaketocahi, tatasbahanbapa, wr̥ĕddhisiddhaningsadhyā, sakālajatikapanggiḥ, wahyadhyātmikā, siddhasahiṣṭinca hi. nehinucapditutūr̀putrasāśaṇa, sakawongañawyakti, yantwarahurukang, ringsolaḥma'uttama, banbĕlogbapañadadi, liwatingtr̥ĕṣṇā, kraṇataku tmiyĕrin. twaratahenpisanngajahinsĕntana, nganutangkĕcapinghaji, himyanakmur̀pur̀lampaḥ, . janapadanemangumik, liyumañacad, hibapata [3 3A] npakir̀tti. kasalimūr̀jlenpanakemāmrat, yenbapanñanerajin, mangurukangpānak, nuturinayopaya, cittanemahayubhūmi, yensubasi ddha, sĕdhĕngsayanganggati. hupapirahanggonmaṇikāṣṭagina, hibapamoliḥkir̀tti, pinujiningjana, maputrāma'uttama, suśrusyābhaktihumiring, sājñā ningbapa, kalakontankapering. mulaketongkahedadihātma‐, sagaweningbibyāji, saratangsidayang, sasolaḥbanngar̀ddhiyang, hdhamangitung patihurip, katokadhar̀mman, putranejatil̥ĕwiḥtwaralenantuwahibapapanangkaña, yenbaṣamapalonin, kabiṣanetĕmĕsang, ma

Leaf 3

Image on Archive.org

[᭓ 3B] ᭓ ᬢᬫᬬᬂᬳᬧᬂᬫᭂᬦ᭄ᬢᬶᬓ᭄᭞ᬢᭀᬂᬩᬶᬱᬳᬶᬮᬂ᭞ᬓᬚ᭄ᬯᬂᬩᬳᬦ᭄ᬫᬮᬶᬂᬬᬾᬦ᭄ᬢᬸᬯᬄᬳᬦᬓ᭄ᬢᬸᬭᬩᬶᬱᬗᬋᬲᭂᬧᬂ᭞ᬦᭂᬢᭂᬧᬂᬮᬶᬂᬦᬶᬗᬚᬶ᭞ᬢ᭄ᬯᬭᬗ᭄ᬮᬓ᭄ᬱᬡᬵᬬᬂᬲᬧᬢᬸᬤᬸᬄ ᬳᬶᬩᬧ᭞ᬲᬶᬂᬤᬤᬧᬦᬓᬳᬤᬦᬶᬦ᭄᭞ᬯᬮᬸᬬᬧᬤᬂ᭞ᬲᬶᬂᬚᬮᬦ᭄ᬚᬮᬦ᭄ᬫᭂᬦ᭄ᬢᬶᬓ᭄᭟ᬬᬦ᭄ᬭᬱᬬᬂᬳᬫ᭄ᬩᬸᬮ᭄ᬢ᭄ᬯᬭᬗᭂᬮᬄᬧᬦᬓ᭄᭞ᬭᬾᬄᬢ᭄ᬯᬭᬫᬵᬦᬹᬢ᭄ᬳᬶᬡ᭄ᬥᬶᬓ᭄᭞ᬍᬯᬶᬲ᭄ᬢᬦ᭄ᬧᬕᬸᬡ᭞ ᬢᬶᬗ᭄ᬓᬳᬾᬤᬤᬶᬧᬦᬓ᭄‌᭞ᬢ᭄ᬯᬭᬫᬗᬶᬥᭂᬧᬂᬫᬸᬜᬶ᭞ᬲᬧᬲᬶᬭᬓ᭄ᬭᬫᬦ᭄᭞ᬳᬶᬩᬧᬦᬾᬢᬸᬗ᭄ᬓᬲᬶᬦ᭄᭟ᬳᬧᬦ᭄ᬫᬸᬮᬤᬶᬚᬕᬢᬾᬫᬓᬪ᭄ᬯᬡᬵ᭞ᬫᬗ᭄ᬕᬮᬵᬫᬗ᭄ᬮᭂᬕᬦᬶᬦ᭄᭞ᬫᬳᬯᬵ ᬓᬲᬸᬓᬦ᭄᭞ᬬᬦ᭄ᬲᬶᬤ᭄ᬥᬗᭂᬮᬄᬧᬦᬓ᭄᭞ᬥᬃᬫ᭄ᬫᬵᬢᬹᬃᬗᬶᬥᭂᬧᬂᬫᬸᬜᬶ᭞ᬢ᭄ᬯᬭᬓᬢᬫᬦ᭄᭞ᬤᬹᬃᬰᬶᬮᬵᬫᭀᬫᭀᬚᬸᬢ᭄ᬢᬶ᭟ᬫᬲᬶᬄᬓᬾᬢᭀᬳᬦᬓᬾᬫᬗᭂᬮᬄᬧᬦᬓ᭄᭞ᬲ [᭔ 4A] ᬢᬢᬓᬵᬲᬶᬳᬲᬶᬄ᭞ᬤᬸᬄᬓᬧᬦᬵᬱ᭄ᬪᬭ᭞ᬫᬜᬄᬜᬄᬩᬳᬦ᭄ᬜᬄ᭞ᬚ᭄ᬮᬾᬦ᭄ᬳᭂᬜᬳᬾᬗᬩᬦᬶᬦ᭄᭞ᬫᬓᬳᬯᬦᬦ᭄᭞ᬢᬶᬩᬫᬭᬶᬗᬯᬾᬘᬶ᭚᭜᭚ᬮ᭄ᬬᬸᬲᬮᬳᬾ ᬢᬫᬵᬜ᭞ᬩᬦ᭄ᬧ᭄ᬬᬵᬦᬓᬾᬬᬦ᭄ᬳᬸᬮᬸᬭᬶᬦ᭄᭞ᬲᬓᭂᬦᭂᬳᬫᬧᬮᬮ᭄ᬬᬦ᭄᭞ᬧᬢᬹᬢ᭄ᬜᬦᬾᬳᬸᬮᬶᬂᬘᭂᬦᬶᬓ᭄᭞ᬧᬦᬓᬾᬧᬕᭂᬫᭂᬲᬶᬦ᭄᭞ᬫᬳᬸᬭᬸᬓ᭄ᬫᬫᬘᬢᬸᬢᬹᬃ᭞ᬫᬗ᭄ᬤᬾᬜ ᬤᬤᬶᬩ᭄ᬬᬱ᭞ᬦᬯᬂᬢᭂᬓᬾᬦ᭄ᬗᭂᬦᭂᬄᬧᭂᬮᬶᬄ᭞ᬢ᭄ᬯᬭᬩᬸᬳᬸᬂᬓᬩᬶᬱᬦ᭄ᬩᬓᬢᬫᬵᬜ᭟ᬧᬂᬳ᭄ᬥᬧᭂᬮᬶᬄᬩᬩᬓᬮᬦ᭄᭞ᬤᬾᬦᬶᬂᬓᬲᬾᬧ᭄ᬫᬭᬾᬓ᭄ᬱᬳᬶᬦ᭄᭞ᬫᬓ᭄ᬭᬜᬜᬤᬹᬮ ᬓ᭄ᬱᬡ᭞ᬢ᭄ᬯᬭᬩᬶᬱᬵᬧᬓᬾᬭᬶᬂ᭞ᬦᬾᬧᬢᬹᬢ᭄‌ᬳᬾᬤᬍᬫᬶᬦ᭄᭞ᬲᬶᬂᬧᬶᬲᬦ᭄ᬳ᭄ᬬᬗᬮᬶᬗᬸ᭞ᬲᬶᬂᬩᬶᬱᬵᬫᬧᬳᬶᬗᬦ᭄᭞ᬢᬺᬱ᭄ᬡᬦᬾᬫᬓᬤᬵᬧᭂᬮᬶᬄ᭞ᬢ᭄ᬯᬭᬢᬸᬮᬸᬲ᭄‌ᬧᬦ

Auto-transliteration

[3 3B] 3 tamayanghapangmĕntik, tongbiṣahilang, kajwangbahanmalingyentuwaḥhanakturabiṣangar̥ĕsĕpang, nĕtĕpanglingningaji, twaranglakṣaṇāyangsapatuduḥ hibapa, singdadapanakahadanin, waluyapadang, singjalanjalanmĕntik. yanraṣayanghambultwarangĕlaḥpanak, reḥtwaramānūt'hiṇdhik, l̥ĕwistanpaguṇa, tingkahedadipanak, twaramangidhĕpangmuñi, sapasirakraman, hibapanetungkasin. hapanmuladijagatemakabhwaṇā, manggalāmanglĕganin, mahawā kasukan, yansiddhangĕlaḥpanak, dhar̀mmātūr̀ngidhĕpangmuñi, twarakataman, dūr̀śilāmomojutti. masiḥketohanakemangĕlaḥpanak, sa [4 4A] tatakāsihasiḥ, duḥkapanāṣbhara, mañaḥñaḥbahanñaḥ, jlenhĕñahengabanin, makahawanan, tibamaringaweci // • // lyusalahe tamāña, banpyānakeyanhulurin, sakĕnĕhamapalalyan, patūtñanehulingcĕnik, panakepagĕmĕsin, mahurukmamacatutūr̀, mangdeña dadibyaṣa, nawangtĕkenngĕnĕḥpĕliḥ, twarabuhungkabiṣanbakatamāña. panghdhapĕliḥbabakalan, deningkasepmarekṣahin, makrañañadūla kṣaṇa, twarabisyāpakering, nepatūt'hedal̥ĕmin, singpisanhyangalingu, singbisyāmapahingan, tr̥ĕṣṇanemakadāpĕliḥ, twaratuluspana

Leaf 4

Image on Archive.org

[᭔ 4B] ᭔ ᬓᬾᬫᬦᭂᬫᬸᬲᬸᬓ᭟ᬩᬶᬓᬲ᭄ᬧᬦᬓᬾᬲᬾᬩᭂᬳᬂ᭞ᬳᬶᬗᭂᬃᬳᬶᬗᭂᬃᬳᬧᬂᬧᬱ᭄ᬝᬶ᭞ᬳᬮᬳᬬᬸᬦ᭄ᬜᬦᬾᬳᭂᬦ᭄ᬢᭀ᭞ᬲᬢᬢᬫᬲᬶᬳᬶᬢᬸᬗᬶᬦ᭄᭞ᬳᬭᬶᬫ᭄ᬪᬯᬬᬂᬳᬸᬕᬶ᭞ᬫᬗ᭄ᬤᬾ ᬳᭂᬥᬵᬜᬮᬳᬸᬦ᭄ᬤᬸᬓ᭄᭞ᬬᬤ᭄ᬬᬦ᭄ᬲᬸᬩᬬᬩᬶᬱᬵ᭞ᬳᭂᬥᬳᭂᬗ᭄ᬲᬧ᭄ᬫᬭᬶᬓ᭄ᬱᬳᬶᬦ᭄᭞ᬳᬧᬦ᭄ᬳᬯᬸᬄᬲᭀᬮᬄᬫᬫᬱ᭄ᬝ᭄ᬬᬂᬧᬗᬚᬄ᭟ᬬᬤ᭄ᬬᬧᬶᬦ᭄ᬫᬗᭂᬮᬄᬲᬮᬄ᭞ᬳᬸᬧ ᬫᬶᬜᬳᬚᬶᬓᭂᬢᬶ᭞ᬤᬤᬶᬧᬸᬃᬡ᭄ᬦᬩᬦ᭄ᬓᬩᬶᬱᬦ᭄᭞ᬦᬾᬮ᭄ᬯᬶᬫᬚᬶᬧᬶᬢᬸᬂᬓᭂᬢᬶ᭞ᬬᬦ᭄ᬲᬮᬳᬚᬶᬓᭂᬢᬶ᭞ᬗᭂᬮᬄᬕᬸᬡᬳᬚᬶᬲ᭄ᬬᬸ᭞ᬤᬶᬓᬧᬦ᭄ᬫᬜᬶᬤᬬᬂ᭞ᬳᬯᬶᬦᬦ᭄ᬲᬂᬘᭂ ᬣᬾᬂᬦᬶᬣ᭞ᬲᬓᬶᬂᬭᬭᬾᬧᬸᬢ᭄ᬭᬦᬾᬲᬫ᭄ᬧᬸᬦ᭄ᬓᬧ᭄ᬭᬶᬓ᭄ᬱ᭟ᬬᬦ᭄ᬲᬸᬩᬬᬢᬲᬶᬂᬰᬲ᭄ᬢ᭄ᬭ᭞ᬫᬭᬬᬲᬗᬂᬕᬢᬶ᭞ᬩᬦ᭄ᬢᬶᬗ᭄ᬓᬄᬜᬦᬾᬲᬸᬰ᭄ᬭᬸᬱᬵ᭞ᬦᬸᬢ᭄ᬧᬶᬢᬸᬢᬹᬃᬩᬩᬶᬳᬚᬶ᭞ [᭕ 5A] ᬬᬾᬦ᭄ᬢᬸᬯᬄᬬᬲᬸᬩᬓᭂᬮᬶᬄ᭞ᬩᬸᬫᬭᬢᬸᬦ᭄ᬤᬾᬦ᭄ᬫᬳᬸᬭᬸᬓ᭄᭞ᬧᭂᬥᬲ᭄ᬳ᭄ᬬᬵᬫ᭄ᬩ᭄ᬬᬧᬭ᭞ᬳᬩᬾᬢ᭄ᬧᬶᬲᬦ᭄ᬫᬫᬶᬬᭂᬭᬶᬦ᭄᭞ᬳᬧᬦ᭄ᬓᬤᬸᬂᬲᬸᬩᬧᬶᬮᬶᬄᬩᬩᬓᬮᬦ᭄᭟ᬳᬯᬶᬦ ᬦ᭄ᬲᬂᬯᬶᬤᬕ᭄ᬥ᭞ᬚᭂᬫᭂᬢ᭄ᬲᬢᬢᬦᬸᬢᬸᬭᬶᬦ᭄᭞ᬢᬶᬓᬵᬭᬶᬂᬦᬶᬣᬶᬉᬢ᭄ᬢᬫ᭞ᬬᬦ᭄ᬢᬸᬳᬸᬳᬢ᭄ᬫᬚᬍᬯᬶᬄ᭞ᬫᬗ᭄ᬤᬾᬗᬋᬲᭂᬧ᭄ᬕᬢᬶ᭞ᬓᬾᬦ᭄ᬧᬯᬭᬄᬬᬬᬳᬶᬦ᭄ᬤᬸᬂ᭞ᬫᬸᬗ᭄ᬕ᭄ᬯᬶᬂᬩᬢᬸᬘᬧᬮᬵ᭞ ᬓᬶᬦᭂᬓᭂᬲ᭄ᬭᬶᬂᬚ᭄ᬭᭀᬦᬶᬂᬳᬢᬶ᭞ᬓᬧᬶᬗᬶᬢᬂᬲᬢᬢᬬᬓᬕ᭄ᬮᬭᬂ᭟ᬬᬦ᭄ᬲᬸᬩᬓᬋᬲᭂᬧ᭄ᬩᬜ᭞ᬲᬧᬶᬢᬸᬢᬸᬭᬾᬓᬳᬚᬶ᭞ᬦᬗ᭄ᬳᬶᬂᬥᬮᬮᬫᬾᬦᬄ᭞ᬮᬯᬸᬢ᭄ᬳᬾᬗ᭄ᬕᬮ᭄ᬧᬕᬶᬲᬶᬦ᭠ ᬦ᭄᭞ᬕᬕᬳᬾᬦᬾᬫᬤᬦ᭄ᬮᬸᬯᬶᬄ᭞ᬚᬦ᭄ᬢᭂᬦ᭄ᬫᬯᬰᬜᬳᬬᬸ᭞ᬬᬢ᭄ᬯᬭᬤᬤᬶᬳᭂᬗ᭄ᬲᬧ᭄᭞ᬢᭂᬓᬾᬦᬾᬬᭀᬕ᭄ᬬᬵᬕᬸᬕᬸᬦᬶᬦ᭄᭞ᬫᬸᬮᬓᬾᬢᭀᬲᭀᬮᬳᬾᬳᬗᬮᬶᬄᬓᬕᬸ

Auto-transliteration

[4 4B] 4 kemanĕmusuka. bikaspanakesebĕhang, hingĕr̀hingĕr̀hapangpaṣṭi, halahayunñanehĕnto, satatamasihitungin, harimbhawayanghugi, mangde hĕdhāñalahunduk, yadyansubayabisyā, hĕdhahĕngsapmarikṣahin, hapanhawuḥsolaḥmamaṣṭyangpangajaḥ. yadyapinmangĕlaḥsalaḥ, hupa miñahajikĕti, dadipur̀ṇnabankabiṣan, nelwimajipitungkĕti, yansalahajikĕti, ngĕlaḥguṇahajisyu, dikapanmañidayang, hawinansangcĕ thengnitha, sakingrareputranesampunkaprikṣa. yansubayatasingśastra, marayasanganggati, bantingkaḥñanesuśrusyā, nutpitutūr̀babihaji, [5 5A] yentuwaḥyasubakĕliḥ, bumaratundenmahuruk, pĕdhashyāmbyapara, habetpisanmamiyĕrin, hapankadungsubapiliḥbabakalan. hawina nsangwidagdha, jĕmĕtsatatanuturin, tikāringnithi'uttama, yantuhuhatmajal̥ĕwiḥ, mangdengar̥ĕsĕpgati, kenpawaraḥyayahindung, munggwingbatucapalā, kinĕkĕsringjroninghati, kapingitangsatatayakaglarang. yansubakar̥ĕsĕpbaña, sapituturekahaji, nanghingdhalalamenaḥ, lawut'henggalpagisina‐ n, gagahenemadanluwiḥ, jantĕnmawaśañahayu, yatwaradadihĕngsap, tĕkeneyogyāgugunin, mulaketosolahehangaliḥkagu

Leaf 5

Image on Archive.org

[᭕ 5B] ᭕ ᬡᬦ᭄᭟ᬚᬦ᭄ᬢᭂᬦ᭄ᬫᬗ᭄ᬕᬶᬄᬯᬶᬃᬬ᭄ᬬᬮᬪ᭞ᬯᬺᬤ᭄ᬥᬶᬲᬸᬓᬦᬾᬢᬫ᭄ᬢᬫᬶ᭞ᬭᬾᬳᬸᬮᬶᬂᬳ᭄ᬬᬦᬸᬭᬬ᭄ᬬᬵᬦ᭄ᬯᬫ᭄᭞ᬲᬸᬩᬲᭂᬍᬕ᭄ᬫᬯᬸᬭᬸᬓᬶᬦ᭄᭞ᬰᬰᬡᬦᬶᬂᬳᬤᬶᬍᬯᬶ᭞ᬢ᭄ᬯᬭᬢᬳᬾᬦ᭄ᬫᬸᬂᬧᬸᬂᬮ᭠ ᬓᬸ᭞ᬓᬮᬶᬧᬸᬢ᭄ᬩᬦ᭄ᬳᬶᬦ᭄ᬤ᭄ᬭᬶᬬᬵ᭞ᬫᬢᬢᭂᬓᭂᬦ᭄ᬲᬂᬳ᭄ᬬᬂᬳᬚᬶ᭞ᬢ᭄ᬯᬭᬳᭀᬩᬄᬮ᭄ᬯᬶᬃᬢᬶᬃᬣᬭᬶᬂᬓᬸᬫ᭄ᬩᬵᬭᬢ᭄ᬦ᭟ᬩᬸᬯᬶᬦ᭄ᬳᬤᬧᬶᬢᭂᬓᭂᬢ᭄ᬩᬧᬵ᭞ᬓᭂᬓᭂᬲᭂᬦ᭄ᬤᬶᬚ᭄ᬭᭀᬦᬶᬗᬢᬶ᭞ᬳ᭄ᬥᬧᭂᬲᬦ᭄ᬥᭂ ᬫᭂᬦ᭄ᬫᬶᬬᭂᬕᬦ᭄᭞ᬢᭂᬓᬾᬦ᭄ᬜᬫᬩ᭄ᬭᬬᬯᬃᬕ᭄ᬕᬶ᭞ᬍᬯᬶᬄᬭᬶᬂᬚᬦ᭄ᬫᬢᬦᬶ᭞ᬧᭂᬥᬲ᭄ᬫᬧ᭄ᬯᬭᬲᬸᬗ᭄ᬲᬸᬢ᭄᭞ᬳᭂᬥᬵᬩᬲ᭄ᬫᬘᬦ᭄ᬤᬘᬦ᭄ᬤ᭞ᬓᬤᬸᬭᬸᬲᬮᬶᬂᬕᭀᬜ᭄ᬚᬓᬶᬦ᭄᭞ᬭᬶᬂᬯ᭄ᬯᬂᬤᬸᬲᬸᬦ᭄‌ᬢ᭄ᬯᬭᬵ ᬦᬯᬂᬧᬚᬕᬢᬦ᭄᭟ᬳᬸᬧᬫᬶᬜᬯᬶᬢ᭄ᬯᬦ᭄ᬤᬶᬭ᭞ᬚᬸᬫᭂᬍᬕ᭄ᬧᬶᬗ᭄ᬕᬶᬭᬶᬂᬫᬃᬕ᭄ᬕᬶ᭞ᬫᬸᬮᬓᬗ᭄ᬕᭀᬦ᭄ᬧᬲᬬᬸᬩᬦ᭄᭞ᬗᭂᬢᬶᬲᬶᬦ᭄ᬚᬕᬢᬾᬲᬫᬶ᭞ᬬᬦ᭄ᬲᬾᬦ᭄ᬤᬾᬄᬢᬶᬩᬾᬂᬓ᭄ᬱᬶᬣᬶ᭞ᬢᬵ [᭖ 6A] ᬓᬭᬶᬯᬗ᭄ᬤᬾᬓᬋᬩᬸᬢ᭄᭞ᬓᬚᬭᬕ᭄ᬧ᭄ᬭᬧ᭄ᬭᬢᬓᬦ᭞ᬓᬢᭂᬓ᭄ᬢᭂᬓ᭄ᬳᬤᬫᬦᬾᬓᬶᬦ᭄᭞ᬢ᭄ᬯᬭᬩᬸᬳᬸᬂᬓᬧᬸᬗ᭄ᬓᬸᬃᬯᬶᬢ᭄ᬜᬦᬾᬭᬸᬲᬓ᭄᭚᭜᭚ᬲᭂᬫᭂᬂᬫᬭᬪᬂᬫ᭄ᬩᬂᬯᬾᬢᬦ᭄᭞ᬯᬸᬲ᭄ᬫᬲ᭄ᬦᬦᬵᬮᬸ ᬫᭂᬓᬲ᭄ᬫᬗᬪᬓ᭄ᬢᬿ᭞ᬭᬶᬂᬳᬶᬤᬲᬂᬳ᭄ᬬᬂᬫᬳᬸᬮᬸᬦ᭄᭞ᬫᬦᬸᬦᬲ᭄ᬓᬭᬳᬬ᭄ᬯᬦ᭄᭞ᬢᬦ᭄ᬮ᭄ᬬᬦ᭄ᬳᬶᬤᬲᬂᬳ᭄ᬬᬂᬲᬭᬲ᭄ᬯᬢᬶᬫᬸᬗ᭄ᬕᬸᬄ᭞ᬭᬶᬂᬢᭂᬍᬗᬶᬂᬧᬤ᭄ᬫᬳᬺᬤ᭄ᬥᬬ᭞ᬲᬶᬤ᭄ᬥᬫᬗᬮᬗᬶᬦ᭄ᬳᬢᬶ᭟ᬬᬦ᭄ᬲᬸ ᬩᬓᬾᬢᭀᬮᬯᬸᬢᬂ᭞ᬲᬤ᭄ᬥᬓᬵᬮᬫᬫᬘᬢᬢ᭄ᬯᬳᬚᬶ᭞ᬢᭂᬋᬦᬂᬧᬶᬲᬦ᭄ᬫᬳᬸᬭᬸᬓ᭄᭞ᬫᬦᬹᬢ᭄ᬳᬸᬚᬭᬶᬂᬰᬲ᭄ᬢ᭄ᬭ᭞ᬳᬲᬶᬂᬢᭀᬦ᭄ᬤᬾᬦ᭄ᬓᬾᬫ᭄ᬧᭂᬦ᭄‌ᬭᬸᬫᭂᬲᭂᬧᬶᬂᬓᬳ᭄ᬬᬸᬦ᭄᭞ᬦ᭄ᬢᭀᬢ ᬢᬲᬂᬕᬸᬡᬶᬢ᭄ᬢᬬᬂ᭞ᬫᬶᬫᬶᬢᬦ᭄ᬲᬢ᭄ᬯᬦᬾᬚᬢᬶ᭟ᬚᬢᬶᬫᬨᬮᬫᬗ᭄ᬭᬸᬯᬢ᭄᭞ᬧᬳᬓ᭄ᬮᬾᬱᬦ᭄ᬮᬓ᭄ᬱᬡᬦ᭄ᬳᬯᬓ᭄ᬘᬳᬶᬩᬸᬯᬢᬂᬢᬸᬦᬲᬂᬭᬸᬭᬸᬄ᭞ᬭᬶᬂᬳᬶᬤᬲᬂᬧᬡ᭄ᬥᬶᬢ᭞

Auto-transliteration

[5 5B] 5 ṇan. jantĕnmanggiḥwir̀yyalabha, wr̥ĕddhisukanetamtami, rehulinghyanurayyānwam, subasĕl̥ĕgmawurukin, śaśaṇaninghadil̥ĕwi, twaratahenmungpungla‐ ku, kaliputbanhindriyā, matatĕkĕnsanghyanghaji, twarahobaḥlwir̀tir̀tharingkumbāratna. buwinhadapitĕkĕtbapā, kĕkĕsĕndijroningati, hdhapĕsandhĕ mĕnmiyĕgan, tĕkenñamabrayawar̀ggi, l̥ĕwiḥringjanmatani, pĕdhasmapwarasungsut, hĕdhābasmacandacanda, kadurusalinggoñjakin, ringwwangdusuntwarā nawangpajagatan. hupamiñawitwandira, jumĕl̥ĕgpinggiringmar̀ggi, mulakanggonpasayuban, ngĕtisinjagatesami, yansendeḥtibengksyithi, tā [6 6A] kariwangdekar̥ĕbut, kajaragprapratakana, katĕktĕk'hadamanekin, twarabuhungkapungkur̀witñanerusak // • // sĕmĕngmarabhangmbangwetan, wusmasnanālu mĕkasmangabhaktai, ringhidasanghyangmahulun, manunaskarahaywan, tanlyanhidasanghyangsaraswatimungguḥ, ringtĕl̥ĕngingpadmahr̥ĕddhaya, siddhamangalanginhati. yansu baketolawutang, saddhakālamamacatatwahaji, tĕr̥ĕnangpisanmahuruk, manūt'hujaringśastra, hasingtondenkempĕnrumĕsĕpingkahyun, ntota tasangguṇittayang, mimitansatwanejati. jatimaphalamangruwat, pahakleṣanlakṣaṇanhawakcahibuwatangtunasangruruḥ, ringhidasangpaṇdhita,

Leaf 6

Image on Archive.org

[᭖ 6B] ᭖ ᬦᬾᬩ᭄ᬯᬶᬦ᭄ᬳᬤᬧᬢᬹᬢ᭄ᬕᬯᬾᬦᬶᬦ᭄ᬲᬢᬸᬢᬸᬓ᭄᭞ᬲᬢᬶᬗ᭄ᬓᬳᬶᬂᬫᬦᬾᬯᬓᬵ᭞ᬭᬶᬂᬳᬶᬤᬲᬂᬕᬸᬭᬸᬳᬤᬶ᭟ᬫᬗ᭄ᬤᬾᬲᬳᬶᬲᬳᬶᬫᬢᬸᬳᬂ᭞ᬫᬗᬢ᭄ᬧᬤᬮ᭄ᬯᬶᬃᬜᬸᬗ᭄ᬲᬸᬂᬲᬂᬳ᭄ᬬᬂᬯᬶᬤ᭄ᬥᬶ᭞ ᬢᬦ᭄ᬧᬲᬄᬲᬧᬭᬦ᭄ᬮᬓᬸ᭞ᬗᬢᬸᬭᬂᬯᬲᬸᬄᬧᬤ᭞ᬬᬯᬶᬚᬧᬥ᭄ᬬᬵᬃᬕ᭄ᬕᬫᬸᬯᬄᬢᭀᬬᬭᬳᬸᬧ᭄᭞ᬫᬓᬤᬶᬲᬭᬶᬓᬸᬲᬸᬓᬵ᭞ᬤᬸᬮᬸᬭᬶᬦ᭄ᬤᬺᬤ᭄ᬥᬲ᭄ᬭᬪᬓ᭄ᬢᬶ᭟ᬬᬦ᭄ᬳᬤᬧᬦᬸᬤᬸᬳᬶᬤ᭞ ᬳᭂᬥᬵᬧᬶᬲᬦ᭄ᬘᬳᬶᬩᬦᬶᬫᬶᬯᬮᬶᬦ᭄᭞ᬳᬾᬗ᭄ᬕᬮᬂᬫᬚᬮᬦ᭄ᬮᬯᬸᬢ᭄᭞ᬢᬸᬭᬸᬢ᭄ᬧᬗᬸᬢᬸᬲ᭄ᬳᬶᬤ᭞ᬫᬸᬮᬓᬾᬢᭀᬢᬶᬗ᭄ᬓᬳᬾᬦᬶᬯᬶᬢᬾᬂᬕᬸᬭᬸ᭞ᬢᬢᬲ᭄ᬫᬦᬫᬸᬲᭀᬪᬕ᭄ᬬᬵ᭞ᬢᬦ᭄ᬓᭀᬮᬸᬕᬶᬂ ᬢᬢ᭄ᬯᬵᬳᬚᬶ᭟ᬦ᭄ᬢᭀᬫᬳᬯᬶᬦᬦ᭄ᬢᬢᬲ᭄᭞ᬧᬫᬥᬢᬫᬰᬵᬲ᭄ᬢ᭄ᬭᬦᬾᬢᬫᬾᬂᬋᬤ᭄ᬥᬶ᭞ᬫᬮᬭᬧᬦ᭄ᬲᬄᬦᬶᬂᬕᬸᬭᬸ᭞ᬦᬫ᭄ᬩᭂᬳᬶᬦ᭄ᬓᬳᭀᬢ᭄ᬢᬫᬦ᭄᭞ᬫᬳᬯᬶᬦᬦ᭄ᬫᬗ᭄ᬤᬾᬲᬸᬰ᭄ᬭᬸᬱᬵᬦᬶᬯ᭄ᬬᬕᬸᬭᬸ᭞ [᭗ 7A] ᬫᬨᬮᬥᬃᬫ᭄ᬫᬓᬫᭀᬓ᭄ᬱᬦ᭄᭞ᬯᬳ᭄ᬬᬥ᭄ᬬᬢ᭄ᬫᬶᬓᬧᬸᬧᭀᬦᬶᬦ᭄᭟ᬳᬧᬂᬲᬶᬤ᭄ᬥᬦᬯᬸᬃᬳᬸᬢᬂ᭞ᬫᬦᬸᬲ᭄ᬢᬲᬂᬫᬮᬦᬶᬂᬩᬶᬩᬶᬳᬚᬶ᭞ᬢ᭄ᬯᬭᬩᬓᬢ᭄ᬩᬦ᭄ᬫᬗᬶᬢᬸᬂ᭞ᬲᬸᬓᬦᬶᬂᬭᬫᬭᬾᬡ᭞ ᬳᬧᬂᬲᬶᬤ᭄ᬥᬲᬸᬩᬲᬳᬶᬱ᭄ᬝᬶᬦᬶᬂᬓᬬᬸᬦ᭄᭞ᬫᬲ᭄ᬳᬢ᭄ᬫᬚᬤᬶᬩ᭄ᬬᬕᬸᬡ᭞ᬓᬳᬲ᭄ᬢᬯᬵᬤᬾᬦᬶᬂᬪᬸᬫᬶ᭟ᬳ᭄ᬥᬵᬚᬳᬶᬚᬸᬗᬫ᭄ᬮᭂᬤᬂ᭞ᬳᬧᬗᭂᬮᬄᬲᬃᬯ᭄ᬯᬩᬭᬡᬲᬸᬕᬶᬄ᭞ᬳᭂᬫᬲ᭄ᬧᬶᬧᬶᬲ᭄ᬭ ᬢ᭄ᬦᬯᬥᬸ᭞ᬲᬲᭀᬘᬦ᭄ᬭᬢ᭄ᬦᬫᬬ᭞ᬲᬓ᭄ᬱᬢ᭄ᬓᬶᬮᬢ᭄ᬧᬥᬦ᭄ᬬᬢᬦ᭄ᬮᬦᬫᬸᬗ᭄ᬕᬸᬄ᭞ᬲᬓᭂᬥᬧ᭄ᬳ᭄ᬬᬩᬶᬱᬳᬶᬮᬂ᭞ᬫᬗ᭄ᬕᬯᬾᬮᬭᬦᬶᬂᬳᬢᬶ᭟ᬓᬩᬶᬱᬦᬾᬚ᭄ᬯᬳᬸᬮᬳᬂ᭞ᬩ᭄ᬯᬢᬂᬳᬮᬶᬄ ᬲᬶᬫ᭄ᬧᭂᬦ᭄ᬲᬚ᭄ᬭᭀᬦᬶᬂᬳᬢᬶ᭞ᬤᬲᬭᬶᬦ᭄ᬩᬦ᭄ᬩᬸᬤ᭄ᬥᬶᬳᬬᬸ᭞ᬲᬸᬢᭂᬃᬩᬦ᭄ᬕᬸᬡᬤᬶᬓ᭞ᬲᬺᬕ᭄ᬩᬳᬦ᭄ᬳᬶᬥᭂᬧ᭄ᬳᬬᬸᬘᭂᬢᬾᬂᬢᬸᬢᬸᬃ᭞ᬦ᭄ᬢᭀᬫᬳᬯᬓᬲᬸᬕᬶᬳᬦ᭄᭞ᬮ᭄ᬯᬶᬃᬲᬶᬭᬦ᭄ᬤᬬᬂᬦᬦ᭄ᬤᬶᬦᬶ᭟

Auto-transliteration

[6 6B] 6 nebwinhadapatūtgaweninsatutuk, satingkahingmanewakā, ringhidasangguruhadi. mangdesahisahimatuhang, mangatpadalwir̀ñungsungsanghyangwiddhi, tanpasaḥsaparanlaku, ngaturangwasuḥpada, yawijapadhyār̀ggamuwaḥtoyarahup, makadisarikusukā, dulurindr̥ĕddhasrabhakti. yanhadapanuduhida, hĕdhāpisancahibanimiwalin, henggalangmajalanlawut, turutpangutushida, mulaketotingkaheniwitengguru, tatasmanamusobhagyā, tankoluging tatwāhaji. ntomahawinantatas, pamadhatamaśāstranetamengr̥ĕddhi, malarapansaḥningguru, nambĕhinkahottaman, mahawinanmangdesuśrusyāniwyaguru, [7 7A] maphaladhar̀mmakamokṣan, wahyadhyatmikapuponin. hapangsiddhanawur̀hutang, manustasangmalaningbibihaji, twarabakatbanmangitung, sukaningramareṇa, hapangsiddhasubasahiṣṭiningkayun, mashatmajadibyaguṇa, kahastawādeningbhumi. hdhājahijungamlĕdang, hapangĕlaḥsar̀wwabaraṇasugiḥ, hĕmaspipisra tnawadhu, sasocanratnamaya, sakṣatkilatpadhanyatanlanamungguḥ, sakĕdhap'hyabiṣahilang, manggawelaraninghati. kabiṣanejwahulahang, bwatanghaliḥ simpĕnsajroninghati, dasarinbanbuddhihayu, sutĕr̀ban'guṇadika, sr̥ĕgbahanhidhĕp'hayucĕtengtutur̀, ntomahawakasugihan, lwir̀sirandayangnandini.

Leaf 7

Image on Archive.org

[᭗ 7B] ᭗ ᬓᭀᬢ᭄ᬢᬫᬦᬶᬂᬲᬂᬳ᭄ᬬᬂᬰᬲ᭄ᬢ᭄ᬭ᭞ᬢ᭄ᬯᬭᬮᬾᬦᬦ᭄ᬧᬦᬗ᭄ᬓᬜᬦᬾᬚᬢᬶ᭞ᬳᬯᬶᬦᬦ᭄ᬲᬭᬢᬂᬲᬸᬭᬸᬤ᭄᭞ᬭᬶᬂᬲᬂᬫᬳᬵᬧᬡ᭄ᬥᬶᬢ᭞ᬧᬓᬾᬥᭂᬧᬦ᭄ᬰᬵᬲ᭄ᬢ᭄ᬭᬦᬾᬯᭂᬓᬲᬶᬂᬍᬗᬸᬢ᭄᭞ ᬧᬶᬜ᭄ᬘᭂᬭᬂᬧᬲᬸᬓ᭄ᬯᭂᬢ᭄ᬯ᭞ᬳᬶᬥᭂᬧᬂᬤᬤᬶᬳ᭄ᬬᬂᬲᬫᬶ᭟ᬲᬮ᭄ᬯᬶᬭᬶᬂᬫᬮᬢ᭄ᬭᬬ᭞ᬧᭂᬥᬲ᭄ᬓᬮᬄᬩᬦ᭄ᬓᬰᬓ᭄ᬢ᭄ᬬᬦ᭄ᬳ᭄ᬬᬂᬳᬚᬶ᭞ᬳᬱ᭄ᬝᬵᬤᬸᬱ᭄ᬝᬋᬡᬦᬸᬗ᭄ᬓᬸᬮ᭄᭞ᬢ᭄ᬯᬭᬩᬦᬶᬫᬢᬗᬄ᭞ᬦᬾ ᬕᬶᬦᭂᬗᬂᬲᭀᬮᬳᬾᬗᬮᬶᬄᬭᬳᬬᬸ᭞ᬳᬮᬦᬶᬂᬘᬶᬢ᭄ᬢᬢᬶᬗ᭄ᬕᬮᬂ᭞ᬳᬬᬸᬦ᭄ᬳᬶᬥᭂᬧᬾᬫᬗᭂᬦ᭄ᬢᬶ᭚᭜᭚ᬯᬾᬦ᭄ᬢᭂᬦ᭄ᬧᬸᬢ᭄ᬭᬫᬸᬥᬧᬸᬗ᭄ᬕᬸᬂ᭞ᬕᬸᬭᬸᬜᬮᬶᬢᬶᬂᬭᬶᬭᬶᬄ᭞ᬤᬶᬩ᭄ᬬᬕᬸᬡᬲᬸᬰᬶ ᬮᬵᬯᬵᬦ᭄᭞ᬳᬤᬧᬸᬢ᭄ᬭᬘᭂᬢᬾᬂᬳᬚᬶ᭞ᬘᬾᬱ᭄ᬝᬓᬭᬓᬯᬶᬧ᭄ᬭᬚ᭄ᬜᬦ᭄᭞ᬕᬸᬭᬸᬜᬫᬸᬥᬓᬲ᭄ᬬᬲᬶᬄ᭟ᬮᬦ᭄ᬳᬤᬫᬸᬮᬢᭀᬲ᭄ᬚᬸᬕᬸᬮ᭄᭞ᬳᬸᬮᬶᬂᬓᬯᬶᬢᬜᬗᬸᬦᬶ᭞ᬮᬾᬦ᭄ᬧᬸᬢ᭄ᬭᬧᬸᬭᬸ [᭘ 8A] ᬱᭀᬢ᭄ᬢᬫ᭞ᬯᬕ᭄ᬯᬶᬫᬬᬢᬹᬃᬧ᭄ᬭᬚᬸᬭᬶᬢ᭄᭞ᬳᬸᬮᬶᬂᬓᬯᬶᬢᬵᬜᬧ᭄ᬭᬚ᭄ᬜᬦ᭄᭞ᬯᬶᬘᬓ᭄ᬱᬡᬘᭂᬢᬾᬂᬳᬚᬶ᭟ᬳᬓᬾᬢᭀᬘᬘᬓᬦ᭄ᬳᬶᬧᬸᬦ᭄᭞ᬧ᭄ᬭᬢ᭄ᬬᬾᬓᬦᬶᬂᬲᬸᬢᬫᬶᬚᬶᬮ᭄᭞ᬳᬶᬗᭂᬃᬳᬶᬗᭂᬃ ᬳᬧᬂᬫᭂᬮᬄ᭞ᬲᬶᬗᬶᬢᬂᬤᬶᬚ᭄ᬭᭀᬦᬶᬂᬳᬢᬶ᭞ᬳᭂᬦ᭄ᬢᭀᬦᬾᬧᬲᬮ᭄ᬓᬧᬶᬂᬭ᭄ᬯ᭞ᬫᬸᬯᬄᬧᬫᭂᬓᬲ᭄ᬧᬢᬹᬢ᭄ᬳᬶᬭᬶᬂ᭟ᬓᬮᬶᬄᬫᬗ᭄ᬤᬾᬘᬳᬶᬢᬯᬸ᭞ᬲᬢᬶᬗ᭄ᬓᬳᬾᬫᬦᬸᬫᬤᬶ᭞ᬲᬤᬸᬓᬾᬦᬸᬚ᭄ᬭᭀᬦᬶᬂ ᬕᬃᬩ᭄ᬪ᭞ᬮᬶᬯᬢ᭄ᬩᬦ᭄ᬢᬳᬶᬜᬓᬶᬢᬶᬦ᭄᭞ᬳᬶᬫᬾᬫᬾᬓᬩᬬᬩᬬ᭞ᬫᬕᬦ᭄ᬢᬸᬂᬳᭂᬩᭀᬓ᭄ᬳᬓᬢᬶᬄ᭟ᬧᭂᬮᬶᬳᬓᭂᬧᭂᬢᬦ᭄ᬮᬘᬸᬃ᭞ᬳᬸᬭᬶᬧ᭄ᬫᬫᬾᬦᬾᬗᭂᬫᬲᬶᬦ᭄᭞ᬭᬾᬄᬯᭂᬓᬲᬶᬂᬓ᭠ ᬤᬹᬃᬕ᭄ᬕᬫ᭞ᬳᬶᬫᬾᬫᬾᬗᬤᬬᬂᬘᬳᬶ᭞ᬢ᭄ᬯᬭᬓᭂᬦᬤᬯᬶᬦᬶᬮᬂ᭞ᬢᬸᬯᬶᬸᬄᬬᬸᬄᬳᬶᬫᬾᬫᬾᬫᬺᬢᬾᬦᬶᬦ᭄᭟ᬳᬕᬸᬫᬶᬳᬧᬳᬶᬸᬲᬶᬳᬕᬸᬦᬸᬂ᭞ᬳᬸᬢᬗᬾᬭᬶᬂᬩᬩᬳᬚᬶ᭞ᬳᬶᬫᬾᬫᬾᬫᬫ᭄ᬗᬳᬂ

Auto-transliteration

[7 7B] 7 kottamaningsanghyangśastra, twaralenanpanangkañanejati, hawinansaratangsurud, ringsangmahāpaṇdhita, pakedhĕpanśāstranewĕkasingl̥ĕngut, piñcĕrangpasukwĕtwa, hidhĕpangdadihyangsami. salwiringmalatraya, pĕdhaskalaḥbankaśaktyanhyanghaji, haṣṭāduṣṭar̥ĕṇanungkul, twarabanimatangaḥ, ne ginĕngangsolahengaliḥrahayu, halaningcittatinggalang, hayunhidhĕpemangĕnti // • // wentĕnputramudhapunggung, guruñalitingririḥ, dibyaguṇasuśi lāwān, hadaputracĕtenghaji, ceṣṭakarakawiprajñan, guruñamudhakasyasiḥ. lanhadamulatosjugul, hulingkawitañanguni, lenputrapuru [8 8A] syottama, wagwimayatūr̀prajurit, hulingkawitāñaprajñan, wicakṣaṇacĕtenghaji. haketocacakanhipun, pratyekaningsutamijil, hingĕr̀hingĕr̀ hapangmĕlaḥ, singitangdijroninghati, hĕntonepasalkapingrwa, muwaḥpamĕkaspatūt'hiring. kaliḥmangdecahitawu, satingkahemanumadi, sadukenujroning gar̀bbha, liwatbantahiñakitin, himemekabayabaya, magantunghĕbok'hakatiḥ. pĕlihakĕpĕtanlacur̀, huripmamenengĕmasin, reḥwĕkasingka‐ dūr̀ggama, himemengadayangcahi, twarakĕnadawinilang, tuw̶ḥyuḥhimememr̥ĕtenin. hagumihapah̶sihagunung, hutangeringbabahaji, himememamngahang

Leaf 8

Image on Archive.org

[᭘ 8B] ᭘ ᬳᬯᬓ᭄᭞ᬕᭂᬢᬶᬄᬤᬕᬶᬂᬫᬶᬯᬄᬓᬸᬮᬶᬢ᭄᭞ᬳᬶᬩᬧᬫᬫ᭄ᬩᬳᬂᬚᬚᬄ᭞ᬧ᭄ᬭᬡᬩᬬᬸ᭠ᬮᬦᬶᬂᬳᬸᬭᬶᬧ᭄᭟ᬫᬸᬮᬓᬳᬸᬘᬧ᭄ᬤᬶᬢᬸᬢᬸᬃ᭞ᬢ᭄ᬯᬭᬤᬤᬶᬧᬶᬯᬮ᭄ᬘᬳᬶ᭞ᬫᬓᬤᬶᬩᬦᬶᬮᬗ᭄ᬳᬦ᭞ ᬧᬂᬧᬂᬢᭂᬓᬾᬦ᭄ᬩᬶᬩᬶᬳᬚᬶ᭞ᬬᬦ᭄ᬢ᭄ᬯᬄᬘᬳᬶᬩᬦᬶᬧᬶᬯᬮ᭄᭞ᬢ᭄ᬯᬭᬧᬦᬓᬳᬤᬦᬶ᭠ᬦ᭄᭟ᬮ᭄ᬯᬶᬃᬓᬬᬸᬳᬶᬂᬲᬾᬢ᭄ᬭᬳᬕᬸᬂ᭞ᬯᭂᬓᬲ᭄ᬮᭂᬢᬸᬄᬜᬦᬾᬘᬳᬶ᭞ᬳᬩᭀᬢ᭄ᬧᬶᬲᬦ᭄ᬧᬘᬂᬲᬸᬧᬢ᭄ ᭞ᬬᬦ᭄ᬢᬦ᭄ᬯᬶᬓᬸᬲᬶᬤ᭄ᬥᬶᬰᬓ᭄ᬢᬶ᭞ᬬᭀᬕᬶᬰ᭄ᬯᬭᬫᬳᬃᬤ᭄ᬥᬶᬓ᭞ᬢᬦ᭄ᬓᬢᬸᬦᬦ᭄ᬢᬢ᭄ᬯᬳᬚᬶ᭟ᬬᬦ᭄ᬧᬸᬢ᭄ᬭᬫᬾᬗᭂᬢᬶᬂᬢᬸᬢᬸᬃ᭞ᬲᬸᬰ᭄ᬭᬸᬱᬭᬶᬂᬩᬶᬩᬶᬳᬚᬶ᭞ᬢᬢᬲ᭄ᬫᬗ᭄ᬕᬶᬄᬓᬳᬾᬰ᭄ᬯᬃᬬ᭄ᬬᬦ᭄᭞ᬯᭂᬓᬲᬶᬳᬂ ᬭᬾᬡᬳᬚᬶ᭞ᬢ᭄ᬯᬭᬳᬤᬫᬗᬲᭀᬭᬂ᭞ᬨᬮᬦᬶᬂᬫᬧᬸᬢ᭄ᬭᬍᬯᬶᬄ᭟ᬭᬸᬫᭂᬲᭂᬧ᭄ᬯᬭᬳᬶᬂᬕᬸᬭᬸ᭞ᬯᬶᬘᬓ᭄ᬱᬡᬵᬢᬹᬃᬧ᭄ᬭᬚᬸᬭᬶᬢ᭄᭞ᬯᬶᬤᬕ᭄ᬥᬗᬾᬦᬓᬶᬦ᭄ᬘᬶᬢ᭄ᬢ᭞ᬲᬧᬗᬸᬢᬸᬲ᭄ᬩᬶᬩᬶᬳᬚᬶ᭞ [᭙ 9A] ᬧᬥᬓ᭄ᬭᬗ᭄ᬲᬸᬓ᭄ᬮᬶᬦᬓ᭄ᬱᬡᬦ᭄᭞ᬢᬦ᭄ᬧᬶᬗᬶᬢᬸᬂᬪᬬᬯᬶᬱ᭄ᬝᬶ᭟ᬲᬸᬰᬶᬮᬵᬥᬃᬫ᭄ᬫᬢᬸᬃᬧᬸᬢᬸᬲ᭄᭞ᬯ᭄ᬭᬸᬄᬭᬶᬂᬫᬸᬮᬦᬶᬂᬤᬤᬶ᭞ᬚᬶᬯᬵᬓ᭄ᬱᬭᬵᬯᬾᬤ᭄ᬥᬧ᭄ᬭᬕ᭞ᬦᬶᬢ᭄ᬬᬵᬱᬫᬸᬚᬗᬲ᭄ᬢᬸᬢᬶ ᬗᬃᬘ᭄ᬘᬡᬳ᭄ᬬᬂᬤᬶᬯᬵᬗ᭄ᬓᬭ᭞ᬫᬓᬤᬶᬳ᭄ᬬᬂᬕᬶᬭᬶᬧᬢᬶ᭟ᬥᬵᬫ᭄ᬧᬢᬶᬲᬂᬳ᭄ᬬᬂᬕᬸᬭᬸ᭞ᬮᬶᬦᬶᬗ᭄ᬕᬭᬶᬂᬧᬤ᭄ᬫᬲᬭᬶ᭞ᬧᬦᬸᬱ᭄ᬧᬭᬶᬂᬲᬓᬩ᭄ᬯᬢᬦ᭄᭞ᬳᬶᬦᬵᬃᬬᬩᬂᬚ᭄ᬜᬡᬵᬲᬦ᭄ᬥᬶ᭞ᬲᬶᬦᬶᬫ᭄ᬧᭂ ᬦᬾᬂᬭᬶᬂᬧ᭄ᬭᬮᬶᬡᬵ᭞ᬲ᭄ᬫᬭᬦ᭄ᬤᬦᬦᬾᬫᬗᬶᬦ᭄ᬢᬶ᭚᭜᭚ᬓᬾᬢᭀᬰᬰᬦᬾᬍᬯᬶᬄ᭞ᬢᬶᬗ᭄ᬓᬄᬪᬓ᭄ᬢᬶᬭᬶᬂᬓᬯᬶᬢᬦ᭄᭞ᬲᬓᬵᬮᬦᬶᬲ᭄ᬓᬮᬓᬢᭀᬦ᭄᭞ᬓᬲᬸᬓᬦᬾᬧᬘᬂᬢᬫ ᭞ᬘᬳᬶᬫᬳᬯᬓ᭄ᬫᬺᬢ᭄ᬢ᭞ᬨᬮᬦ᭄ᬬᬵᬚ᭄ᬜᬦᬾᬧᬶᬂᬲᬢᬸᬲ᭄᭞ᬧᭂᬥᬲ᭄ᬘᬳᬶᬫᬗᬲᭀᬭᬂ᭟ᬬᬤᬶᬦ᭄ᬳᬶᬩᬧᬦᬸᬳᬸᬭᬶᬧ᭄᭞ᬲᬸᬩᬫ᭄ᬭᬱᬵᬤᬶᬲ᭄ᬯᬃᬕ᭄ᬕᬦ᭄᭞ᬫᬫᬸᬧᭀᬦᬶᬦ᭄ᬓᬭᬳᬬᭀᬦ᭄᭞ᬲ

Auto-transliteration

[8 8B] 8 hawak, gĕtiḥdagingmiwaḥkulit, hibapamambahangjajaḥ, praṇabayu‐laninghurip. mulakahucapditutur̀, twaradadipiwalcahi, makadibanilanghana, pangpangtĕkenbibihaji, yantwaḥcahibanipiwal, twarapanakahadani‐n. lwir̀kayuhingsetrahagung, wĕkaslĕtuḥñanecahi, habotpisanpacangsupat , yantanwikusiddhiśakti, yogiśwaramahar̀ddhika, tankatunantatwahaji. yanputramengĕtingtutur̀, suśruṣaringbibihaji, tatasmanggiḥkaheśwar̀yyan, wĕkasihang reṇahaji, twarahadamangasorang, phalaningmaputral̥ĕwiḥ. rumĕsĕpwarahingguru, wicakṣaṇātūr̀prajurit, widagdhangenakincitta, sapangutusbibihaji, [9 9A] padhakrangsuklinakṣaṇan, tanpingitungbhayawiṣṭi. suśilādhar̀mmatur̀putus, wruḥringmulaningdadi, jiwākṣarāweddhapraga, nityāṣamujangastuti ngar̀ccaṇahyangdiwāngkara, makadihyanggiripati. dhāmpatisanghyangguru, lininggaringpadmasari, panuṣparingsakabwatan, hinār̀yabangjñaṇāsandhi, sinimpĕ nengringpraliṇā, smarandananemanginti // • // ketośaśanel̥ĕwiḥ, tingkaḥbhaktiringkawitan, sakālaniskalakaton, kasukanepacangtama , cahimahawakmr̥ĕtta, phalanyājñanepingsatus, pĕdhascahimangasorang. yadinhibapanuhurip, subamrasyādiswar̀ggan, mamuponinkarahayon, sa

Leaf 9

Image on Archive.org

Leaf 10

Image on Archive.org

Leaf 11

Image on Archive.org

Leaf 12

Image on Archive.org

Leaf 13

Image on Archive.org

Leaf 14

Image on Archive.org

Leaf 15

Image on Archive.org

Leaf 16

Image on Archive.org

Leaf 17

Image on Archive.org

Leaf 18

Image on Archive.org