gaguritan-cilinaya-01

Original on Archive.org

Front and Back Covers

Image on Archive.org

[᭑ 1A] G/VI/ 11 Cilinaya 2

Auto-transliteration

[1 1A] G/VI/ 11 Cilinaya 2

Leaf 1

Image on Archive.org

[ ᭑ 1B] ᭑᭞ ᭚᭜᭚ᬅᬯᬶᬖ᭄ᬦᬫᬵᬲ᭄ᬢᬸ᭚᭜᭚ᬘᬶᬮᬶᬦᬬ᭚᭜᭚ᬧᬸᬄᬲᬶᬦᭀᬫ᭄᭟᭑᭟ᬳᬤᬋᬓᭀᬳᭀᬭᬳᬦ᭄ᬲᬢ᭄ᬯ᭞ᬓᬳᬸᬘᬧ᭄ᬳᬶᬤᬲᬂᬳᬚᬶ᭞ᬦᬵᬣᬭᬢᬸ ᬭᬶᬂᬤᬳᬵ᭞ᬯᬷᬃᬬ᭄ᬬᬢ᭄ᬓᬾᬂᬧ᭄ᬭᬫᬾᬰ᭄ᬯᬭᬶ᭞ᬳᬦᬧᬸᬢ᭄ᬭᬶᬦᬾᬲᬯᬶᬚᬶ᭞ᬳᬶᬲ᭄ᬢ᭄ᬭᬷᬮᬶᬦ᭄ᬢᬂᬮᬶᬲ᭄ᬢ᭄ᬬᬵᬬᬸ᭞ᬲᬂᬧ᭄ᬭᬪᬸᬧ᭄ᬭᬫᬾᬰ᭄ᬯᬃᬬ᭄ᬬ᭞ᬮᬶᬦ᭄ᬢᬂᬮᬾᬤᬗᬾᬫᬗᬓ᭄ᬱᬶ᭞ᬧᬸᬢ᭄ᬭᬶᬳᬬᬸ᭞ ᬩᬸᬫᬭᬫᬧᬶᬗ᭄ᬕᭂᬲ᭄ᬫᬵᬲ᭄᭟᭒᭟ᬢᬦ᭄ᬓᭀᬘᬧ᭄ᬳᬶᬤᬲᬂᬦᬵᬣ᭞ᬓᬯᬸᬯᬸᬲ᭄ᬳᬭᬶᬭᬓ᭄ᬭ᭄ᬬᬦ᭄ᬧᬢᬶᬄ᭞ᬦᬫ᭄ᬧᬾᬦᬶᬦ᭄ᬓᬳ᭄ᬬᬸᬦ᭄ᬲᬂᬦᬵᬣ᭞ᬰ᭄ᬭᬷᬓᬸᬤᬦᬶᬮᭀᬃᬱᬍᬯᬶᬄ᭞ᬓᬸᬫ ᬦ᭄ᬤᭂᬮᬶᬂᬦᬺᬧᬢᬶ᭞ᬓᬵᬮᬶᬄᬯᬶᬘᬓ᭄ᬱᬡᬵᬦᬸᬮᬸᬲ᭄᭞ᬢᬸᬭᬶᬂᬅᬲ᭄ᬢᬓᭀᬰᬮ᭞ᬢ᭄ᬫᬭᬳᬤᬫᬦᬦ᭄ᬤᬶᬗᬶᬦ᭄᭞ᬜᬦ᭄ᬤᬂᬓᬲᬸᬩ᭄᭞ᬓᬮᭀᬓᬦ᭄ᬢᬭᬭᬶᬂᬚᬕᬢ᭄᭟ [ ᭒ 2A] ᭓᭟ᬓᬶᬧᬢᬶᬄᬓᬸᬤᬦᬶᬮᬵᬃᬱ᭞ᬗ᭄ᬮᬄᬧ᭄ᬬᬦᬓ᭄‌ᬮᬸᬄᬳᬤᬶᬭᬶ᭞ᬲᬼᬫ᭄‌ᬲᬼᬫ᭄ᬳᬤᭂᬕ᭄‌ᬕᬗ᭄ᬕᬲ᭄᭞ᬜᭀᬜᭀᬦᬾᬩᬮᬶᬕᭀᬮᬫ᭄ᬩᬶᬄ᭞ᬩᭀᬓ᭄ᬩᬭᬓ᭄ᬕᬶᬜ᭄ᬘᭂᬂ ᬕᬸᬭᬶᬄ᭞ᬩᬢᬶᬲ᭄ᬢᬸᬮ᭄ᬬᬢᬶᬬᬶᬂᬧ᭄ᬢᬸᬂ᭞ᬢᬸᬃᬓᬓᬄᬓᬘᬶᬘᬶᬗᬦ᭄‌ᬓᬗ᭄ᬕᬾᬦ᭄ᬭᬩᬶᬰ᭄ᬭᬷᬦᬺᬧᬢᬶ᭞ᬕᬸᬲ᭄ᬢᬶᬮᬶᬓᬸ᭞ᬫᬸᬜᬶᬕ᭄ᬥᬾᬢᬸᬭᬶᬂᬲᬭᬕ᭄᭟᭔᭟ᬧᬭᬩ᭄ᬦᬶᬮᬶ ᬫ᭄ᬩᬸᬃᬢᬦ᭄ᬧᭀᬭᬢ᭄᭞ᬤᬤᬶᬭᬩᬶᬢᬦ᭄ᬧᬳᬚᬶ᭞ᬲᬶᬂᬚᬮᬦ᭄‌‌ᬚᬮᬦ᭄ᬫᬕ᭄ᬦᬄ᭞ᬚᬸᬭᬸᬳᬸᬮᬶᬕ᭄ᬳᭀᬤᬓ᭄ᬲᬳᬶ᭞ᬧᬗᬬᬄᬧ᭄ᬭᬫᬾᬰ᭄ᬯᬭᬶ᭞ᬓᬵᬮᬶᬄᬮᬦ᭄ᬳᬶᬤ ᬲᬂᬧ᭄ᬭᬪᬸ᭞ᬚᬸᬭᬸᬫᬗᬫ᭄ᬩᬶᬮᬂᬢᭀᬬ᭞ᬍᬫᬄᬧ᭄ᬢᭂᬂᬲᬳᬶᬲ᭄ᬥᬶᬄ᭞ᬭᬭᬶᬲ᭄ᬫᬦ᭄ᬢᬸᬓ᭄᭞ᬦᬕᬶᬄᬕᬸᬡᬭᬶᬂᬭᬭᬵᬫ᭟᭕᭟ᬳᬶᬓᬸᬤᬦᬶᬮᬵᬱᬳᬾᬭᬂ᭞ᬢ᭄ᬓᬵᬧ᭄ᬬᬦᬓᬾ

Auto-transliteration

[ 1 1B] 1 // • // awighnamāstu // • // cilinaya // • // puḥsinom. 1. hadar̥ĕkohorahansatwa, kahucap'hidasanghaji, nātharatu ringdahā, wīr̀yyatkengprameśwari, hanaputrinesawiji, histrīlintanglistyāyu, sangprabhuprameśwar̀yya, lintangledangemangaksyi, putrihayu, bumaramapinggĕsmās. 2. tankocap'hidasangnātha, kawuwusharirakryanpatiḥ, nampeninkahyunsangnātha, śrīkudanilor̀ṣal̥ĕwiḥ, kuma ndĕlingnr̥ĕpati, kāliḥwicakṣaṇānulus, turingastakośala, tmarahadamanandingin, ñandangkasub, kalokantararingjagat. [ 2 2A] 3. kipatiḥkudanilār̀ṣa, nglaḥpyanakluḥhadiri, sl̥ĕmsl̥ĕmhadĕgganggas, ñoñonebaligolambiḥ, bokbarakgiñcĕng guriḥ, batistulyatiyingptung, tur̀kakaḥkacicingankanggenrabiśrīnr̥ĕpati, gustiliku, muñigdheturingsarag. 4. parabnili mbur̀tanporat, dadirabitanpahaji, singjalanjalanmagnaḥ, juruhulig'hodaksahi, pangayaḥprameśwari, kāliḥlanhida sangprabhu, jurumangambilangtoya, l̥ĕmaḥptĕngsahisdhiḥ, rarismantuk, nagiḥguṇaringrarāma. 5. hikudanilāṣaherang, tkāpyanake

Leaf 2

Image on Archive.org

[ ᭒ 2B] ᭒᭞ ᬫᬗ᭄ᬮᬶᬂ᭞ᬭᬭᬶᬲ᭄ᬓᬭᬗ᭄ᬲᬸᬓᬶᬦ᭄ᬕᬸᬡ᭞ᬕᬸᬡᬲᭀᬭᭀᬄᬍᬯᬶᬄᬍᬯᬶᬄ᭞ᬤᬶᬫᬢᬦᬶᬭᬗ᭄ᬲᬸᬂᬲᬭᬶ᭞ᬤᬶᬳᬯᬓ᭄ᬦᬶᬩᬗ᭄ᬓᬸᬂᬩᬸᬤᬸᬄ᭞ᬤᬶᬮᬶᬫᬓᬶᬚᬭᬶᬂᬧᬸᬱ᭄ᬧ᭞ᬤᬶᬩᬶ ᬩᬶᬄᬓᬶᬢᬸᬂᬢᬗᬶᬲ᭄᭞ᬦᬾᬭᬶᬂᬭᬫ᭄ᬩᬸᬢ᭄᭞ᬧᬗᬋᬧ᭄ᬦᬶᬚᬭᬦ᭄ᬕᬸᬬᬂ᭟᭖᭟ᬤᬶᬢᬶᬦ᭄ᬤᬓᬦ᭄ᬲᬸᬮᬫᬦᬓ᭄᭞ᬤᬶᬢᬬᬸᬗᬦ᭄ᬕᬥᬸᬂᬫᬮᬢᬶ᭞ᬤᬶᬓᬫ᭄ᬩᭂᬦ᭄ᬦᬶᬲᬸᬓ ᬩ᭄ᬭᬢ᭄᭞ᬤᬶᬢᬧᬶᬄᬧᬦᬸᬗ᭄ᬓᬸᬮ᭄‌ᬪᬹᬫᬶ᭞ᬤᬶᬫᬸᬜᬶᬦᬶᬳᬫ᭄ᬩᬃᬲᬭᬶ᭞ᬕᬸᬡᬧᬸᬍᬢᬾᬭᬶᬂᬲᬩᬸᬓ᭄᭞ᬭᬶᬂᬲ᭄ᬮᬾᬦ᭄ᬤᬂᬕᬸᬡᬓ᭄ᬭᬫ᭞ᬤᬶᬩᬸᬮᬂᬦᬵᬕᬲᬓ᭄ᬯᬶᬢ᭄᭞ᬦᬾ ᬭᬶᬂᬘᬸᬗᬸᬄ᭞ᬕᬸᬡᬧᬦ᭄ᬭᬂᬳᬸᬧᬲ᭄ᬫᬦ᭄ᬤᬃ᭟᭗᭟ᬫᬦᬸᬗ᭄ᬲᬂᬓᬳ᭄ᬬᬸᬦ᭄ᬲᬂᬦᬵᬣ᭞ᬫᬜᬶᬗᬓ᭄ᬦᬶᬮᬶᬫ᭄ᬩᬸᬃᬧᬮᬶᬂ᭞ᬓᬮᬶᬧᬸᬢᬦ᭄ᬓᬳ᭄ᬬᬸᬦ᭄ᬳᬶᬤ᭞ᬮ᭄ᬫᬄᬮ᭄ᬫᭂᬂᬮᬶᬗ᭄ᬮᬸᬂᬧᬮᬶᬂ᭞ [ ᭓ 3A] ᬲᬫ᭄ᬩ᭄ᬭᬄᬭᬩᬶᬦᬾᬲᬫᬶ᭞ᬲᬂᬦᬵᬣᬢᬦ᭄ᬓᬧᬶᬭᬸᬗᬸ᭞ᬓᬮᬶᬧᬸᬢ᭄ᬳᬦ᭄ᬢᬸᬓ᭄ᬢᬦ᭄ᬧᭀᬭᬢ᭄᭞ᬢᬸᬃᬧᬸᬢ᭄ᬭᬶᬦᬾᬓᬭᬶᬳᬮᬶᬢ᭄᭞ᬭᬵᬤᬾᬦ᭄ᬕᬮᬸᬄᬫᬬᬸᬰᬢᬶᬰᬶᬸᬂ ᬕᬂᬳᭀᬤᬮᬦ᭄᭟᭘᭟ᬩᬮᬶᬓᬶᬦ᭄‌ᬩ᭄ᬯᬶᬦ᭄ᬳᬸᬘᬧᬂ᭞ᬦᬶᬮᬶᬫ᭄ᬩᬸᬃᬫᬯᬸᬯᬸᬄᬪᬗ᭄ᬕᬶ᭞ᬳᬦ᭄ᬤᭂᬮ᭄ᬩᬵᬦ᭄ᬤᬾᬯᬾᬓ᭄ᬲᬬᬂ᭞ᬢ᭄ᬯᬭᬗᬶᬢᬂᬗᬶᬢᬸᬂᬫᬸᬜᬶ᭞ᬫᬥᬸᬦᬾ ᬫᬓ᭄ᬚᬂᬓᬫ᭄ᬧᬶᬄ᭞ᬲᬯᬢᬭᬳᬤᬲᬢᬸᬲ᭄᭞ᬫᬓᬵᬤᬶᬦᬾᬧ᭄ᬭᬫᬷᬰ᭄ᬯᬃᬬ᭄ᬬ᭞ᬢ᭄ᬯᬭᬩᬦᬶᬫᬗᬸᬭᬶᬲᬶᬓ᭄᭞ᬲᬧᬢᬸᬤᬸᬄ᭞ᬓᬵᬮᬶᬄᬓᬳᬲᬳᬶᬦ᭄ᬪᬱ᭟᭙᭟ ᬦᬶᬮᬶᬂᬓᬸᬲᬸᬫᬶᬗ᭄ᬓᬶᬦ᭄ᬩᬶᬗᬄ᭞ᬢ᭄ᬯᬭᬫᬗᬶᬢᬸᬂᬗᬶᬢᬸᬂᬫᬸᬜᬶ᭞ᬭᬾᬄᬫᬗᬸᬮᬄᬳᬲᬓ᭄ᬱᬡᬦ᭄᭞ᬢ᭄ᬯᬭᬫᬗᬶᬢᬸᬂᬩ᭄ᬯᬶᬦ᭄ᬫᬦᬶ᭞ᬬᬦ᭄‌ᬦ᭄ᬕᬓ᭄ᬢᬦ᭄ᬲᬄᬜᬦ᭄ᬤᬶᬂ᭞ᬲᬂᬧ᭄ᬭ

Auto-transliteration

[ 2 2B] 2 mangling, rariskarangsukin'guṇa, guṇasoroḥl̥ĕwiḥl̥ĕwiḥ, dimatanirangsungsari, dihawaknibangkungbuduḥ, dilimakijaringpuṣpa, dibi biḥkitungtangis, neringrambut, pangar̥ĕpnijaran'guyang. 6. ditindakansulamanak, ditayungan'gadhungmalati, dikambĕnnisuka brat, ditapiḥpanungkulbhūmi, dimuñinihambar̀sari, guṇapul̥ĕteringsabuk, ringslendangguṇakrama, dibulangnāgasakwit, ne ringcunguḥ, guṇapanranghupasmandar̀. 7. manungsangkahyunsangnātha, mañingaknilimbur̀paling, kaliputankahyunhida, lmaḥlmĕnglinglungpaling, [ 3 3A] sambraḥrabinesami, sangnāthatankapirungu, kaliput'hantuktanporat, tur̀putrinekarihalit, rāden'galuḥmayuśatiś̶ng ganghodalan. 8. balikinbwinhucapang, nilimbur̀mawuwuḥbhanggi, handĕlbāndeweksayang, twarangitangngitungmuñi, madhune makjangkampiḥ, sawatarahadasatus, makādinepramīśwar̀yya, twarabanimangurisik, sapatuduḥ, kāliḥkahasahinbhaṣa. 9. nilingkusumingkinbingaḥ, twaramangitungngitungmuñi, reḥmangulaḥhasakṣaṇan, twaramangitungbwinmani, yann'gaktansaḥñanding, sangpra

Leaf 3

Image on Archive.org

[ ᭓ 3B] ᭓᭞ ᬪᬸᬫᬗᬸᬭᬸᬢ᭄ᬳᬸᬭᬸᬢ᭄‌ᬮᬯᬸᬢ᭄ᬫᬜ᭄ᬭᬶᬢ᭄ᬲᬭᬕ᭄᭞ᬗ᭄ᬓᬾᬦ᭄ᬳᬶᬩᬲᭀᬭᭀᬄᬘᬶᬘᬶᬂ᭞ᬫᬳᬶᬫᬮᬸ᭞ᬧᬳᭂᬓᬶᬦ᭄‌ᬚ᭄ᬯᬓᬸᬤᬓᭀᬮ᭟᭑᭐᭟ᬲᬓ᭄ᬭᬄᬭᬩᬶᬦᬾ ᬧᬕ᭄ᬭᬤᬩ᭄᭞ᬫᬓᬵᬤᬶᬦᬾᬧ᭄ᬭᬫᬷᬰ᭄ᬯᬭᬶ᭞ᬫᬓ᭄ᬚᬂᬧᬥᬫᬜᬕ᭄ᬚᬕ᭄᭞ᬦᬶᬮᬶᬫ᭄ᬩᬸᬃᬜ᭄ᬭᬶᬢ᭄ᬫᬫᬸᬜᬶ᭞ᬦᬾᬳᬶᬩᬵᬧᬥᬤᬶᬦᬶ᭞ᬳ᭄ᬤᬳᬶᬩᬧᬘᬂᬫᬯᬗ᭄ᬲᬸᬮ᭄᭞ ᬫᬦᬸᬮᬓᬶᬦ᭄ᬫᬸᬜᬶᬦ᭄ᬓᭀᬮ᭞ᬫᬕᬯᬾ ᬳᭀᬤᬓ᭄ᬦᬶᬰᬾᬭᬶ᭞ᬫᬯᬄᬮᬫᬸᬭᬸᬤ᭄᭞ᬓᬶᬢᬧᬥᬚ᭄ᬯᬳᬶᬗᭂᬢᬂ᭟᭑᭑᭟ᬲᬂᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓ᭞ᬫᬗᬸᬘ ᬧ᭄ᬢᬸᬃᬳᬧᬲᬶᬳᬶᬦ᭄᭞ᬫ᭄ᬦᭂᬂᬳᬕᬸᬂᬯᬸᬲᬦ᭄ᬫᭂᬗ᭄ᬕᬄ᭞ᬢᬶᬢ᭄ᬬᬂᬧᬘᬂᬫᬗᬸᬯᬾᬮᬶᬦ᭄᭞ᬬᬾᬦᬶᬂᬳᬶᬧᬸᬦ᭄ᬧᬘᬂᬩᬦᬶ᭞ᬧᬶᬯᬮ᭄‌ᬢ᭄ᬓᬾᬦ᭄ᬓᬳ᭄ᬬᬸᬦ᭄ᬳᬕᬸᬂ᭞ᬢᬦ᭄ᬲᬄᬮᬯᬸ [ ᭔ 4A] ᬢ᭄ᬓᬤᬦᬦ᭄ᬤᬦ᭄᭞ᬫᬳᬶᬫᬺᬫ᭄ᬳᬕᬸᬂᬳᬶᬲ᭄ᬢ᭄ᬭᬷ᭞ᬢᬦ᭄ᬓᬯᬸᬯᬸᬲ᭄᭞ᬦᬶᬮᬶᬫ᭄ᬩᬸᬃᬫᬯᬸᬯᬸᬄᬪᬕ᭄ᬕ᭟᭑᭒᭟ᬧ᭄ᬢᭂᬂᬮ᭄ᬫᬄᬫᬓ᭄ᬦᭂᬳᬦ᭄᭞ᬫᬗ᭄ᬤᬦᬾ ᬳᬶᬤᬧ᭄ᬭᬫᬷᬰ᭄ᬯᬭᬶ᭞ᬲᬶᬤ᭄ᬥᬫᬗ᭄ᬫᬲᬶ ᬦ᭄ᬭᬸᬲᬓ᭄᭞ᬓᬾ ᬢᬳᬶᬥᭂᬧᬾᬲᬳᬶ᭞ᬬᬦᬶᬂᬢ᭄ᬯᬭᬲᬶᬤ᭄ᬥᬫᬢᬶ᭞ᬢ᭄ᬯᬭᬩᭂᬦᬯᬘᬂᬩᬸᬯᬸᬂ᭞ᬳᬶᬥᭂᬧᬾᬓᬮᬭᬮᬭᬦ᭄᭞ᬲᬳᬶᬤᬸᬧᬾᬲᬓᬶᬢ᭄ᬳᬢᬶ᭞ᬩᬵ ᬦᬾᬩ᭄ᬓᬸᬂ᭞ᬢ᭄ᬯᬭᬬᬫᬗ᭄ᬮᬄᬧ᭄ᬬᬦᬓ᭄᭟᭑᭓᭟ᬭᬭᬶᬲ᭄ᬫᬵ ᬢᬸᬃᬭᬲᬂᬦᬵᬣ᭞ᬫᬗᬸᬲ᭄‌ᬩᬵᬦ᭄ᬜᬫᭂᬲ᭄ᬯᬂᬫᬸᬜᬶ᭞ᬫᬋᬋᬲ᭄ᬫᬢ᭄᭞ᬤᬸᬄᬭᬢᬸᬤᬾᬯᬲᬂᬳᬚᬶ᭞ ᬧᬶᬋᬗᬂᬭᬢᬸᬫᬗ᭄ᬓᬶᬦ᭄᭞ᬗ᭄ᬳᬶᬂᬲᬵᬫᬵᬧᬸᬦᬂᬭᬢᬸᬩᭂᬦ᭄ᬤᬸ᭞ᬦᬶᬲᭀᬭᬷᬗ᭄ᬕᬶᬄ᭞ᬕᭂᬤᬶᬬᬂ᭞ᬢᬹᬢᬶᬂᬧ᭄ᬬᬦᬓ᭄ᬦᬾᬦᬸᬘ᭄ᬦᬶᬓ᭄᭞ᬚᭂᬕ᭄ᬚᭂᬕ᭄ᬭᬭᬸᬂ᭞ᬕ᭄ᬦᬳᬂᬓᬸᬤᬭᬶᬗᬮᬲ᭄᭟

Auto-transliteration

[ 3 3B] 3 bhumangurut'hurutlawutmañritsarag, ngkenhibasoroḥcicing, mahimalu, pahĕkinjwakudakola. 10. sakraḥrabine pagradab, makādinepramīśwari, makjangpadhamañagjag, nilimbur̀ñritmamuñi, nehibāpadhadini, hdahibapacangmawangsul, manulakinmuñinkola, magawe hodakniśeri, mawaḥlamurud, kitapadhajwahingĕtang. 11. sangprabhuhalonngandika, manguca ptur̀hapasihin, mnĕnghagungwusanmĕnggaḥ, tityangpacangmanguwelin, yeninghipunpacangbani, piwaltkenkahyunhagung, tansaḥlawu [ 4 4A] tkadanandan, mahimr̥ĕmhagunghistrī, tankawuwus, nilimbur̀mawuwuḥbhagga. 12. ptĕnglmaḥmaknĕhan, mangdane hidapramīśwari, siddhamangmasi nrusak, ke tahidhĕpesahi, yaningtwarasiddhamati, twarabĕnawacangbuwung, hidhĕpekalaralaran, sahidupesakit'hati, bā nebkung, twarayamanglaḥpyanak. 13. rarismā tur̀rasangnātha, mangusbānñamĕswangmuñi, mar̥ĕr̥ĕsmat, duḥratudewasanghaji, pir̥ĕngangratumangkin, nghingsāmāpunangratubĕndu, nisorīnggiḥ, gĕdiyang, tūtingpyanaknenucnik, jĕgjĕgrarung, gnahangkudaringalas.

Leaf 4

Image on Archive.org

[ ᭔ 4B] ᭔᭞ ᭑᭔᭟ᬲᬫ᭄ᬩᬶᬮᬂᬗ᭄ᬮᬶᬂᬲᬶᬕ᭄ᬲᬶᬕᬦ᭄᭞ᬦ᭄ᬓᭂᬧ᭄ᬫᬢᬢᬸᬄᬳᬓᬶᬂ᭞ᬲᬂᬦᬵᬣᬮᬯᬸᬢ᭄ᬫᬕᬾᬩ᭄ᬭᬲ᭄᭞ᬓᬢᬸᬭᬶᬂᬧ᭄ᬭᬫᬷᬰ᭄ᬯᬭᬶ᭞ᬚᬕ᭄ᬗᬫ᭄ᬩᬶᬮ᭄‌ᬮᬯᬸᬢ᭄ᬦᬶᬕ᭄ᬢᬶᬕ᭄᭞ᬫᬦᬶᬜ᭄ᬚ ᬦ᭄ᬲᬳᬫᬦᬜ᭄ᬚᬸᬂ᭞ᬧ᭄ᬭᬫᬷᬲ᭄ᬯᬭᬶᬓᬦ᭄ᬢᬓ᭞ᬳᬶᬭᬸᬗᬾᬫ᭄ᬢᬸᬕ᭄ᬢᬶᬄ᭞ᬩᬩᬓ᭄‌ᬩ᭄ᬮᬸᬃᬲᬂᬦᬵᬣᬮ᭄ᬬᬸᬗᬶᬲᬶᬬᬂ᭟᭑᭕᭟ᬩᬗ᭄ᬕ᭄ᬭᬲ᭄ᬲᬂᬦᬵ ᬣᬗᬦ᭄ᬤᬶᬓ᭞ᬓᬳᬤᬂᬚ ᬳᬸᬮᬶᬤᬶᬦᬶ᭞ᬤᬶᬢ᭄ᬗᬄᬳᬮᬲᬾᬓᬸᬢᬂ᭞ᬤᬧᭂᬲᬦ᭄ᬩᬵᬗᬫᬸᬮᬶᬄ᭞ᬩᬋᬗᬂᬧ᭄ᬬᬦᬓ᭄ᬦᬾᬘ᭄ᬦᬶᬓ᭄᭞ᬤᬶᬳᬮᬲ᭄ᬕᬯᬾᬦᬂᬓᬸᬩᬸ᭞ᬳᬓᬾᬢᭀᬧᬗᬦ᭄ᬤᬶᬓ᭞ᬲᬂ ᬧ᭄ᬭᬪᬸᬭᬭᬶᬲ᭄ᬦᬶᬗ᭄ᬕᬮᬶᬦ᭄᭞ᬢᬦ᭄ᬲᬄᬜᬸᬚᬸᬃᬦᬶᬮᬶᬓᬸᬭᬭᬶᬲ᭄ᬓᬳᬭᬲ᭄᭟᭑᭖᭟ᬳ᭄ᬦᭂᬂᬲᬂᬧ᭄ᬭᬪᬸᬓᬳᬸᬘᬧ᭄᭞ᬓᭀᬘᬧ᭄ᬳᬶᬤᬧ᭄ᬭᬫᬶᬰ᭄ᬯᬭᬶ᭞ᬤᬶᬦᬢᬭᬾ [ ᭕ 5A] ᬫᬧᬸᬮᬶᬲᬄ᭞ᬭᬕᬩᬩᬓ᭄ᬫᬜ᭄ᬚᬸᬲ᭄‌ᬕ᭄ᬢᬶᬄ᭞ᬧᬯᭀᬗᬦ᭄ᬫᬗᬺᬦ᭄ᬢᭂᬩᬶᬦ᭄᭞ᬧᬥᬗ᭄ᬮᬶᬂᬫᬲᬼᬕᬸᬓ᭄᭞ᬫᬗᬢᬸᬭᬂᬢᭀᬬᬲᬶᬭᬫ᭄᭞ᬳᬤᬫᬦᬸᬮ᭄ᬢᬸᬮᬶᬦ᭄‌ᬕ᭄ᬢᬶᬄ᭞ ᬳᬤᬕᬸᬧᬸᬄ᭞ᬳᬤᬗᭀᬮᬾᬲᬶᬦ᭄‌ᬘᬦ᭄ᬥᬦ᭟᭑᭗᭟ᬳᬚᬳᬦ᭄ᬳᬾᬮᬶᬂᬭᬶᬂᬯᬸᬢ᭄ᬭ᭞ᬓᬳᭂᬫ᭄ᬩᬦ᭄ᬓᬧᬧᬲᬶᬳᬶᬦ᭄᭞ᬳ᭄ᬤᬢᬦ᭄ᬤ᭄ᬭᬸᬄᬫᬡᬶᬓ᭄ᬲᬬᬂ᭞ᬗ᭄ᬮᬄᬫᬾᬫᬾ ᬓᬲ᭄ᬬᬮᬶᬄ᭞ᬤᬭᬶᬤ᭄ᬭᬩᬸᬓᬚᬦᬶ᭞ᬓᬢᬸᬦ᭄ᬤᬸᬂᬳᬦ᭄ᬢᬸᬓ᭄ᬲᬂᬧ᭄ᬭᬪᬸ᭞ᬫᬓᬸᬢᬂᬢ᭄ᬗᬳᬶᬗᬮᬲ᭄᭞ᬤᬾᬯᬥᬸᬳᬢ᭄ᬫᬚᬫᬫᬶ᭞ᬳ᭄ᬦᬸᬥᬫᬸᬄ᭞ᬫᬶᬮᬸᬫᬦᭂᬫ᭄ᬯᬂᬤᬸᬄᬲᬶ ᬢ᭟᭑᭘᭟ᬦᬗᬶᬲ᭄ᬫᬧᬲᬶᬳᬶᬦ᭄ᬧᬸᬢ᭄ᬭ᭞ᬳᬦ᭄ᬤᬭᬸᬂᬮᬫ᭄ᬧᬳᬾ ᬫᬗ᭄ᬓᬶᬦ᭄᭞ᬫᬸᬗ᭄ᬕᬄᬕᬸᬦᬸᬂᬫᬜ᭄ᬚᬶᬂᬳᬮᬲ᭄᭞ᬯᬾᬦ᭄ᬢᭂᬦ᭄ᬲᬢᬓ᭄ᬫᬜᬋᬗᬶᬦ᭄᭞ᬘ᭄ᬭᬶᬓ᭄

Auto-transliteration

[ 4 4B] 4 14. sambilangnglingsigsigan, nkĕpmatatuḥhaking, sangnāthalawutmagebras, katuringpramīśwari, jagngambillawutnigtig, maniñja nsahamanañjung, pramīswarikantaka, hirungemtugtiḥ, babakblur̀sangnāthalyungisiyang. 15. banggrassangnā thangandika, kahadangja hulidini, ditngaḥhalasekutang, dapĕsanbāngamuliḥ, bar̥ĕngangpyanaknecnik, dihalasgawenangkubu, haketopangandika, sang prabhurarisninggalin, tansaḥñujur̀nilikurariskaharas. 16. hnĕngsangprabhukahucap, kocap'hidapramiśwari, dinatare [ 5 5A] mapulisaḥ, ragababakmañjusgtiḥ, pawonganmangr̥ĕntĕbin, padhanglingmasl̥ĕguk, mangaturangtoyasiram, hadamanultulin'gtiḥ, hadagupuḥ, hadangolesincandhana. 17. hajahanhelingringwutra, kahĕmbankapapasihin, hdatandruḥmaṇiksayang, nglaḥmeme kasyaliḥ, daridrabukajani, katundunghantuksangprabhu, makutangtngahingalas, dewadhuhatmajamami, hnudhamuḥ, milumanĕmwangduḥsi ta. 18. nangismapasihinputra, handarunglampahe mangkin, munggaḥgunungmañjinghalas, wentĕnsatakmañar̥ĕngin, crik

Leaf 5

Image on Archive.org

[ ᭕ 5B] ᭕᭞ ᬓ᭄ᬮᬶᬄᬮᬸᬄᬫ᭄ᬯᬦᬶ᭞ᬧᬥᬗ᭄ᬮᬶᬂᬧᬕ᭄ᬮᬸᬃ᭞ᬫᬓ᭄ᬚᬂᬫᬜᭂᬮ᭄ᬲᭂᬮᬂ᭞ᬦᬶᬮᬶᬓᬸᬮᬦ᭄‌ᬰ᭄ᬭᬷᬦᬺᬧᬢᬶ᭞ᬩᬲ᭄ᬓᬤᬸᬭᬸᬲ᭄᭞ᬳ᭄ᬮᬄᬲᬢ᭄ᬓᬾᬦᬶᬂᬧᬸᬢ᭄ᬭ᭟᭑᭙᭟ᬳᬓᬾᬢᭀᬧ ᬓ᭄ᬭᬶᬫᬓ᭄ᬩᬮ᭞ᬓᬳᬸᬘᬧ᭄‌ᬧ᭄ᬭᬫᬾᬰ᭄ᬯᬭᬶ᭞ᬫᬜᬸᬲᬸᬧ᭄‌ᬢ᭄ᬗᬳᬶᬂᬳᬮᬲ᭄᭞ᬫᬾᬄᬲᬸᬭᬸᬧ᭄‌ᬳ᭄ᬬᬂᬭᬢᬶᬄᬭᬰ᭄ᬫᬶ᭞ᬢᬥᬳᬲᬶᬳᬾᬫᬗᭂᬗ᭄ᬓᬶᬓ᭄᭞ᬫᬶᬮᬸᬲ᭄ᬥᬶᬄᬦᬕᬶᬄ ᬦᬸᬢᬸᬕ᭄᭞ᬳᬶᬤᬳᬤᬾᬦ᭄ᬤᬾᬯ᭄ᬬ᭞ᬓᬾᬓᬾ ᬭᬾᬭᬫᬾᬫᬫᬸᬜᬶ᭞ᬧᬦ᭄ᬢᭂᬲ᭄ᬳᬦᬹᬢ᭄᭞ᬫᬓ᭄ᬭᬸᬬᬸᬓ᭄ᬳᬢᬸᬃᬫᬜᬧ᭟᭒᭐᭟ᬓ᭄ᬤᬶᬲᬾᬭᬫᬾᬫᬩ᭄ᬭ᭄ᬬᬓ᭄᭞ᬫᬶᬮᬸ ᬫᬶᬢᬸᬢᬸᬭᬶᬦ᭄‌ᬲ᭄ᬥᬶᬄ᭞ᬓᬗᭂᬦ᭄ᬭᬶᬂᬲᬂᬯᬳᬸᬧ᭄ᬭᬵᬧ᭄ᬢ᭞ᬕᭂᬋᬳᬾᬫᬦ᭄ᬤ᭄ᬭᬫᬫᬸᬜᬶ᭞ᬩᬲ᭄ᬮᬦ᭄ᬢᬂᬬᬦᬶᬂᬓᬯᬶ᭞ᬧᬸᬗ᭄ᬕᭂᬮᬂᬯᬸᬲ᭄ᬳᬶᬤᬭᬯᬸᬄ᭞ᬭᬶᬂᬳᬾᬫᬓᬸᬢᬂ᭞ᬓᬸ [ ᭖ 6A] ᬩᬸᬲᬵᬫ᭄ᬧᬸᬦ᭄ᬓᬓᬃᬬ᭄ᬬᬦᬶᬦ᭄᭞ᬭᬶᬯᬸᬲ᭄ᬧᬸᬧᬸᬢ᭄᭞ᬳᬶᬓᬯᬸᬮᬲᬫᬶᬩᬸᬤᬮ᭄᭟᭒᭑᭟ᬲᬭᬯᬸᬳᬾᬲᬫᬶᬚᬸᬫᬄ᭞ᬧᬋᬓ᭄ᬭᬶᬂᬲᬂᬧ᭄ᬭᬪᬸᬫᬗ᭄ᬓᬶᬦ᭄᭞ᬗᬢᬸ ᬭᬂᬲᬧᬭᬶᬓᬦ᭄ᬤᬸ᭞ᬳᬶᬮᬶᬓᬸᬳᬾᬕᬃᬭᬶᬂᬳᬢᬶ᭞ᬧᬓ᭄ᬦᭂᬳᬾᬤᬶᬳᬢᬶ᭞ᬦᬄᬤᬸᬫᬤᬓ᭄ᬳᬧᬂᬮᬫ᭄ᬧᬸᬲ᭄᭞ᬳᬭᬸᬄᬍᬕᬓᬸᬤᬓᭀᬮ᭞ᬬᬦᬶᬂᬳᬶᬲᭀᬭᬶ ᬬᬫᬢᬶ᭞ᬢ᭄ᬯᬭᬓᬾ ᬗ᭄ᬕᬸᬄ᭞ᬲᬓᬶᬢᬓᬵ ᬋᬧ᭄ᬓᬲᬶᬤ᭄ᬥ᭛᭜᭛ᬕᬶᬦᬤ᭟᭑᭟ᬧᬭᬫᬶᬰ᭄ᬯᬭᬷᬓᭀᬘᬧᬦ᭄᭞ᬗᬶᬭᬶᬂᬧᬸᬢ᭄ᬭᬳ᭄ᬦᬸᬳᬮᬶᬢ᭄᭞ᬚᬸᬫ᭄ᬦᭂᬓ᭄ᬳᬶᬤᬭᬶᬗ ᬮᬲ᭄᭞ᬮ᭄ᬫᬄᬧ᭄ᬢᭂᬂᬲᬳᬶᬲᬸᬗ᭄ᬲᬸᬢ᭄᭞ᬫᬜᭂᬮ᭄ᬲᭂᬮᬂᬧᬸᬮᬓᬺᬢ᭞ᬲᬳᬶᬲᬳᬶ᭞ᬫᬕᬍᬂᬕᬍᬂᬬᬾᬄᬫᬢ᭟᭒᭟ᬓᬲ᭄ᬯᬾᬦ᭄ᬳᬶᬤᬭᬶᬗᬮᬲ᭄᭞ᬲᬋᬂᬧᬸᬢ᭄ᬭ

Auto-transliteration

[ 5 5B] 5 kliḥluḥmwani, padhanglingpaglur̀, makjangmañĕlsĕlang, nilikulanśrīnr̥ĕpati, baskadurus, hlaḥsatkeningputra. 19. haketopa krimakbala, kahucapprameśwari, mañusuptngahinghalas, meḥsurup'hyangratiḥraśmi, tadhahasihemangĕngkik, milusdhiḥnagiḥ nutug, hidahadendewya, keke reramemamuñi, pantĕshanūt, makruyuk'hatur̀mañapa. 20. kdiseramemabryak, milu mituturinsdhiḥ, kangĕnringsangwahuprāpta, gĕr̥ĕhemandramamuñi, baslantangyaningkawi, punggĕlangwushidarawuḥ, ringhemakutang, ku [ 6 6A] busāmpunkakar̀yyanin, riwuspuput, hikawulasamibudal. 21. sarawuhesamijumaḥ, par̥ĕkringsangprabhumangkin, ngatu rangsaparikandu, hilikuhegar̀ringhati, paknĕhedihati, naḥdumadak'hapanglampus, haruḥl̥ĕgakudakola, yaninghisori yamati, twarake ngguḥ, sakitakā r̥ĕpkasiddha /// • /// ginada. 1. paramiśwarīkocapan, ngiringputrahnuhalit, jumnĕk'hidaringa las, lmaḥptĕngsahisungsut, mañĕlsĕlangpulakr̥ĕta, sahisahi, magal̥ĕnggal̥ĕngyeḥmata. 2. kaswenhidaringalas, sar̥ĕngputra

Leaf 6

Image on Archive.org

[ ᭖ 6B] ᭖᭞ ᬳ᭄ᬦᬸᬳᬮᬶᬢ᭄᭞ᬲᬗᬸᬩ᭄ᬭᬲ᭄‌ᬢ᭄ᬮᬲ᭄ᬧᬶᬲᬦ᭄᭞ᬦᬗ᭄ᬳᬶᬂᬚᬶᬦᬄᬳᬶᬤᬳ᭄ᬦᬸᬢᭀᬂᬳᬤᬕ᭄ᬦᬄᬫᬩ᭄ᬮᬜ᭄ᬚ᭞ᬭᬵᬤᬾᬦ᭄ᬤᬾᬯᬶ᭞ᬦᬗᬶᬲ᭄ᬫᬦᬕᬶᬄᬭᬬᬸᬦᬦ᭄᭟᭓᭟ ᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬳᬗᬸᬘᬧ᭄᭞ᬧᬸᬢ᭄ᬭᬦᬾᬲᬳᬸᬧ᭄ᬓᬳᬩᬶᬦ᭄᭞ᬥᬸᬄᬫᬵᬲ᭄ᬫᬶᬭᬄᬳᬦᬓᬶᬗ᭄ᬯᬂ᭞ᬳᬤᬸᬄᬤᬾᬯᬳᬦᬓ᭄ᬕᬮᬸᬄ᭞ᬓᬸᬤ᭄ᬬᬂᬩ᭄ᬬᬂᬚᬸᬕᬳᬶᬤᬾᬯ᭞ᬤᬶ ᬚᬚᬦᬶ᭞ᬩ᭄ᬬᬂᬫᬗᬮᬶᬄᬳᬚᭂᬗᬦ᭄᭟᭔᭟ᬫᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬲᬯ᭄ᬯᬶᬗᭂᬫ᭄ᬩᬦ᭄ᬭᬤᬾᬦ᭄ᬤᬾᬯᬶ᭞ᬫᬗᬸᬤᬢᬶᬢ᭄ᬬᬂᬓᬭᬶᬬᬂ᭞ᬲᬸᬓᬬᬦ᭄ᬫᬗ᭄ᬫᬲᬶᬦ᭄ᬮᬫ᭄ᬧᬸ ᬲ᭄᭞ᬳᬶᬭᬶᬓᬶᬢᬶᬢ᭄ᬬᬂᬧᬸᬧᬸᬢᬂ᭞ᬕ᭄ᬮᬶᬲ᭄‌ᬕ᭄ᬮᬶᬲ᭄᭞ᬗᬸᬤᬢᬶᬢ᭄ᬬᬂᬮᬭᬮᬭ᭟᭕᭟ᬲᬫ᭄ᬩᬶᬮ᭄ᬫᬧᬲᬶᬳᬶᬦ᭄ᬧᬸᬢ᭄ᬭ᭞ᬲᬃᬯ᭄ᬯᬶᬗᭂᬫ᭄ᬩᭂᬂᬢᭀᬬᬦ᭄ᬳᬓ᭄ᬱᬶ᭞ᬤᬾ [ ᭗ 7A] ᬰᬚᭀᬄᬢ᭄ᬯᬭᬢᬯᬂ᭞ᬬᬤᬶᬦ᭄ᬧᬳᭂᬓ᭄‌ᬢ᭄ᬯᬭᬢᬳᬸ᭞ᬭᬵᬤᬾᬦᬵᬤᬾᬯᬶᬳᬮᬶᬢ᭄ᬋᬓᭀ᭞ᬢᬦ᭄ᬲᬄᬦᬗᬶᬲ᭄᭞ᬓᬢᬸᬗ᭄ᬓᬸᬮᬂᬳᬦ᭄ᬢᬸᬓ᭄‌ᬩ᭄ᬬᬂ᭟᭖᭟ᬓ ᬳᬮᬶᬳᬂᬩ᭄ᬯᬄᬓᬲ᭞ᬩ᭄ᬯᬄᬓᭂᬫ᭄‌ᬮᬦ᭄ᬍᬫ᭄ᬧᭂᬦᬶ᭞ᬓᬮᬯᬦ᭄ᬳᬸᬫ᭄ᬩᬶᬦ᭄ᬲᬫ᭄ᬯᬦ᭄᭞ᬓᬳᬶᬘ᭄ᬙᬾᬦ᭄ᬧᬸᬢ᭄ᬭᬦᬾᬤᬶᬢᬸ᭞ᬗᬚᭂᬗᬂᬲᬋᬂᬳᬶᬩ᭄ᬬᬂ᭞ᬲ᭄ᬥᬶᬄᬓᬶᬗ᭄ᬓᬶᬂ᭞ᬬᬾᬄ ᬘᬶᬗᬓᬾᬤᬺᬱ᭄‌ᬫ᭄ᬤᬮ᭄᭟᭗᭟ᬲᬤᬶᬦᬗᬮᬶᬄᬯᭀᬄᬯᭀᬄᬯᭀᬳᬦ᭄᭞ᬤᬸᬭᬾᬦ᭄ᬲᬮᬓ᭄ᬮᬦ᭄‌ᬘᬭᬸᬭᬶᬂ᭞ᬦᬗ᭄ᬓᬯᬦᬶᬮᬦ᭄ᬓᬮᬫ᭄ᬧ᭄ᬯᬓ᭄᭞ᬦ᭄ᬢᭀᬲᬶᬂᬓ᭄ᬯᬂᬨᬮ ᬤᬶᬢᬸ᭞ᬲᬩ᭄ᬭᬦ᭄ᬓᬾᬢᭀᬓᬭᬬᬸᬦᬂ᭞ᬧ᭄ᬭᬫᬾᬰ᭄ᬯᬭᬶ᭞ᬓᬮᬯᬦ᭄ᬭᬵᬳᬤᬾᬦ᭄ᬤᬾᬯ᭄ᬬ᭟᭘᭟ᬢᬶᬢᬄᬲᬂᬳ᭄ᬬᬂᬯᬶᬥᬶᬯᬰ᭞ᬢ᭄ᬯᬭᬓᭀᬤᬤᬶᬓ᭄ᬮᬶᬤᬶᬦ᭄᭞ᬧ ‌

Auto-transliteration

[ 6 6B] 6 hnuhalit, sangubrastlaspisan, nanghingjinaḥhidahnutonghadagnaḥmablañja, rādendewi, nangismanagiḥrayunan. 3. śripramiśwarihangucap, putranesahupkahabin, dhuḥmāsmiraḥhanakingwang, haduḥdewahanakgaluḥ, kudyangbyangjugahidewa, di jajani, byangmangaliḥhajĕngan. 4. manangismasasambatan, sawwingĕmbanradendewi, mangudatityangkariyang, sukayanmangmasinlampu s, hirikitityangpuputang, glisglis, ngudatityanglaralara. 5. sambilmapasihinputra, sar̀wwingĕmbĕngtoyanhaksyi, de [ 7 7A] śajoḥtwaratawang, yadinpahĕktwaratahu, rādenādewihalitr̥ĕko, tansaḥnangis, katungkulanghantukbyang. 6. ka halihangbwaḥkasa, bwaḥkĕmlanl̥ĕmpĕni, kalawanhumbinsamwan, kahicchenputraneditu, ngajĕngangsar̥ĕnghibyang, sdhiḥkingking, yeḥ cingakedr̥ĕṣmdal. 7. sadinangaliḥwoḥwoḥwohan, durensalaklancaruring, nangkawanilankalampwak, ntosingkwangphala ditu, sabranketokarayunang, prameśwari, kalawanrāhadendewya. 8. titaḥsanghyangwidhiwaśa, twarakodadiklidin, pa

Leaf 7

Image on Archive.org

[ ᭗ 7B] ᭗᭞ ᬭᬫᬶᬰ᭄ᬯᬭᬶᬓᬢ᭄ᬓᬵ ᬦ᭄‌ᬕ᭄ᬭᬶᬂᬫᬳᬯᬶᬦᬦ᭄ᬮᬫ᭄ᬧᬸᬲ᭄᭞ᬮᬬᭀᬦᬾᬢᬦ᭄ᬲᬄᬫᬧᬤᬃ᭞ᬭᬤᬾᬦ᭄ᬤᬾ ᬯᬶᬫᬬᬸᬱᬧᬶᬢᬸᬂᬳᭀᬤᬮᬦ᭄᭟᭙᭟ᬮᬬᭀᬦ᭄ ᬩ᭄ᬬᬗᬾᬓᬳᭀᬕᬄ᭞ᬲᬃᬯ᭄ᬯᬶᬦᬗᬶᬲ᭄ᬳᬤᬸᬄᬩᬶᬩᬶ᭞ᬳᬮ᭄ᬬᬂᬢᬶᬢ᭄ᬬᬂᬯᭀᬯᭀᬳᬦ᭄᭞ᬩᬲᬂᬢᬶᬢ᭄ᬬᬂᬲᬸᬩᬲ᭄ᬥᬸᬓ᭄᭞ᬗᬸᬤᬩᬶᬩᬶᬢᬦ᭄ᬗᬦ᭄ᬤᬶᬓ᭞ᬢᬸ ᬮᬸᬲ᭄ᬮᬮᬶ᭞ᬭᬳᬤᬾᬦ᭄ᬤᬾᬯᬶᬓᬦ᭄ᬢᬓᬵ᭟᭑᭐᭟ᬘᬫᬭᬦᬾᬫᬫᬸᬮᬶᬲᬄ᭞ᬫᬕᬸᬬᬂᬳᬫ᭄ᬧᬸᬳᬂᬳᬗᬶᬦ᭄᭞ᬳᬸᬮᬢ᭄ᬫᬶᬮᬸᬫᬜᭂᬤᬶᬳᬂ᭞ᬳᬶᬤᬲᬂᬗ᭄ᬫ ᬲᬶᬦ᭄ᬮᬫ᭄ᬧᬸᬲ᭄᭞ᬢᬥᬳᬲᬶᬳᬾᬫᬲ᭄ᬯ᭞ᬮ᭄ᬯᬶᬃᬓᬓᬯᬶᬦ᭄᭞ᬲᬂᬧᬸᬧᬸᬢ᭄ᬫᬗ᭄ᬕᬶᬄᬲ᭄ᬯᬃᬕ᭄ᬕ᭟᭑᭑᭟ᬩᬸᬭᭀᬦ᭄ᬳᬮᬲ᭄ᬧᬓ᭄ᬭᬾᬬᬓ᭄᭞ᬓᬗᭂᬦ᭄ᬭᬶᬂᬭᬳᬤᬾ [ ᭘ 8A] ᬦ᭄ᬤᬾᬯᬶ᭞ᬳ᭄ᬦᬸᬳᬮᬶᬢᬢᬶᬗ᭄ᬕᬮᬦ᭄᭞ᬢ᭄ᬯᬭᬓᭀᬳᬤᬫᬗ᭄ᬭᬸᬗᬸ᭞ᬮᬬᭀᬦᬾᬩ᭄ᬯᬶᬦ᭄ᬳᬸᬘᬧᬂ᭞ᬢ᭄ᬓᬵᬢᬶᬸᬗᬶᬸᬲᬶᬸᬳᬗᬶᬦ᭄᭞ᬫᬗᬫ᭄ᬧᭂᬳᬂᬲᬗ᭄ᬓᬦ᭄ᬫᭀᬓ᭄ᬱ᭟ ᭑᭒᭟ᬅᬢ᭄ᬫᬦ᭄ᬳᬶᬤᬧ᭄ᬭᬫᬾᬰ᭄ᬯᬃᬬ᭄ᬬ᭞ᬓᬳᬸᬘᬧ᭄ᬭᬯᬸᬄᬭᬶᬂᬲ᭄ᬯᬃᬕ᭄ᬕᬶ᭞ᬪᬝᬵᬭᬕᬸᬭᬸᬫᬗᬾᬫᬦ᭄᭞ᬲᬘᬶᬢ᭄ᬢᬓᬵᬋᬧ᭄ᬲᬮᬓᬸ᭞ᬢ᭄ᬯᬭᬢᬳᬾᬦ᭄ᬓᬧᬶᬯᬮ ᬦ᭄᭞ᬫᬸᬗ᭄ᬕᬶᬂᬲ᭄ᬯᬃᬕ᭄ᬕᬶ᭞ᬓᬳᬸᬘᬧ᭄ᬫᬗ᭄ᬓᬶᬦ᭄ᬭᬶᬗᬮᬲ᭄᭟᭑᭓᭟ᬭᬳᬤᬾᬦ᭄‌ᬤᬾᬯᬶᬓᬳᬸᬘᬧ᭄᭞ᬳᬚᬳᬦ᭄ᬫᬾᬮᬶᬂᬫᬦᬗᬶᬲ᭄᭞ᬜᬶᬗᬓ᭄ᬓᬸᬩᬸᬲᬸᬩᬳ᭄ᬜᬕ᭄᭞ ᬓᭂᬩᬸᬲᬦ᭄ᬳᬶᬤᬫᬦ᭄ᬤᬸᬯᬸᬄ᭞ᬢᭀᬂᬫᬫ᭄ᬧᬸᬄᬳᬶᬤᬳᬢᬗ᭄ᬳ᭄ᬬ᭞ᬓᬸᬭᬸᬲ᭄ᬤᬓᬶ᭞ᬓᬮᬸᬤ᭄‌ᬢ᭄ᬯᬭᬫᬗ᭄ᬭᬬᬸᬦᬦ᭄᭟᭑᭔᭟ᬯᬾᬦ᭄ᬢᭂᬦ᭄ᬫᬗ᭄ᬓᬶᬦ᭄ᬓᬘᬭᬶᬢ᭞ᬚᬤ᭄ᬫ

Auto-transliteration

[ 7 7B] 7 ramiśwarikatkā n'gringmahawinanlampus, layonetansaḥmapadar̀, radende wimayuṣapitunghodalan. 9. layon byangekahogaḥ, sar̀wwinangishaduḥbibi, halyangtityangwowohan, basangtityangsubasdhuk, ngudabibitanngandika, tu luslali, rahadendewikantakā. 10. camaranemamulisaḥ, maguyanghampuhanghangin, hulatmilumañĕdihang, hidasangngma sinlampus, tadhahasihemaswa, lwir̀kakawin, sangpuputmanggiḥswar̀gga. 11. buronhalaspakreyak, kangĕnringrahade [ 8 8A] ndewi, hnuhalitatinggalan, twarakohadamangrungu, layonebwinhucapang, tkāt̶n̶g̶s̶hangin, mangampĕhangsangkanmokṣa. 12. atmanhidaprameśwar̀yya, kahucaprawuḥringswar̀ggi, bhaṭāragurumangeman, sacittakār̥ĕpsalaku, twaratahenkapiwala n, munggingswar̀ggi, kahucapmangkinringalas. 13. rahadendewikahucap, hajahanmelingmanangis, ñingakkubusubahñag, kĕbusanhidamanduwuḥ, tongmampuḥhidahatanghya, kurusdaki, kaludtwaramangrayunan. 14. wentĕnmangkinkacarita, jadma

Leaf 8

Image on Archive.org

[ ᭘ 8B] ᭘᭞ ᬫᬤᬦ᭄ᬤᬸᬓᬸᬄᬳᬶᬲ᭄ᬢ᭄ᬭᬷ᭞ᬲ᭄ᬫᭂᬗᬦ᭄ᬫᬗᬮᬶᬄᬲᬳᬂ᭞ᬢᭀᬂᬳᬤᬲᬳᬂᬓᬧᬗ᭄ᬕᬸᬄ᭞ᬳᬫᬸᬭᬂᬫᬸᬭᬂᬫᬚᬮᬦ᭄᭞ᬤᬤᬶᬧᬮᬶᬂ᭞ᬤᬶᬢᬸᬤᬶᬢ᭄ᬗᬳᬶᬗᬮᬲ᭄᭟᭑᭕᭟ᬩᬸᬓ ᬢᬸᬤᬸᬄᬲᬂᬳ᭄ᬬᬂᬢᬶᬢᬄ᭞ᬭᬵᬄᬤᬦ᭄ᬤᬾᬯᬶᬳ᭄ᬦᬸᬳᬸᬭᬶᬧ᭄᭞ᬤᬶᬢᬦᬳᬾᬫᬧᬸᬮᬶᬲᬄ᭞ᬧᬶᬦᬄᬲᬸᬩᬮᬶᬦ᭄ᬢᬂᬓᬸᬭᬸ᭞ᬧ᭄ᬭᬫᬵᬡᬫᬓᬶᬭᬾᬦᬶᬗ᭄ᬓᬮ᭄᭞ᬓᬯᬶᬦᬃᬡ᭄ᬦᬶ᭞ᬦᬶ ᬤᬸᬓᬸᬄᬳᬶᬲ᭄ᬭᬶᬗᬢᭀᬦᬂ᭟᭑᭖᭟ᬦᬶᬤᬸᬓᬸᬄᬳᬶᬲ᭄ᬢ᭄ᬭᬶᬫᬓᭂᬲ᭄ᬬᬩ᭄᭞ᬓᬤᬾᬦ᭄ᬩᬗ᭄ᬓᬾᬦ᭄ᬳᬦᬓ᭄ᬘ᭄ᬭᬶᬓ᭄᭞ᬦᬶᬤᬸᬓᬸᬄᬬᬦᬍᬓ᭄ᬢᭂᬓᬂ᭞ᬓᬦ᭄ᬢᭂᬦᬭᬭᬾᬳ᭄ᬦᬸᬳᬶᬤᬸᬧ᭄ ᬦᬶᬤᬸᬓᬸᬄᬩ᭄ᬘᬢ᭄‌ᬗᬸᬮᬳᬂ᭞ᬫᬗᬸᬮᬶᬮᬶᬂ᭞ᬳ᭄ᬩᬄᬩᬗᬸᬦ᭄‌ᬲ᭄ᬗᬸᬮ᭄‌ᬲ᭄ᬗᬮ᭄᭟᭑᭗᭟ᬤ᭄ᬓᬄᬗᬗ᭄ᬲᬸᬃᬢᬸᬃᬩᭂᬮ᭄ᬩᭂᬮᬦ᭄᭞ᬳᬭᬵᬃᬬ᭄ᬬᬦ᭄ᬧᬶᬦᭂᬄᬭᬶᬂᬳᬢᬶ᭞ᬲᬶᬂᬳ [ ᭙ 9A] ᬬᬚᬦ᭄ᬫᬵᬧᬦ᭄ᬢᭀ᭞ᬳᬭᬄᬮᬮ᭄ᬯᬂᬢᭀᬤᬸᬤᬸᬓ᭄᭞ᬫᬗᭀᬮᬲᬶᬦ᭄ᬳᬦᬓ᭄ᬮᬭ᭞ᬧᬢ᭄ᬧᭂᬢᬶᬦ᭄᭞ᬩᬶᬮᬶᬄᬳᬤᬲ᭄ᬯᬾᬘ᭄ᬙᬵᬦ᭄ᬤᬾᬯ᭟᭑᭘᭟ᬦᬶᬤᬸᬓᬸᬄᬭᬭᬶᬲ ᬗᬸᬘᬧ᭄᭞ᬳᬶᬤᬜᬓ᭄ᬤᬸᬤᬸᬓ᭄ᬤᬸᬤᬸᬓ᭄ᬩᬶᬩᬶ᭞ᬳᬦᬓᬾᬘ᭄ᬭᬶᬓ᭄ᬫᬗ᭄ᬕᬸᬢᬦ᭄᭞ᬳᭂᬜ᭄ᬚᬸᬳᬦ᭄ᬢᬗᬦᬾᬓᬸᬭᬸᬲ᭄᭞ᬓᬶᬤᬸᬓᬸᬄᬫᬗᬫ᭄ᬩᬶᬮ᭄ᬢᬗᬦ᭄᭞ᬫᬗᭂᬤᭂᬢᬶᬦ᭄᭞ᬳ ᬦᬓᬾᬳᬮᬶᬢᬢᬗ᭄ᬳ᭄ᬬ᭟᭑᭙᭟ᬦᬶᬤᬸᬓᬸᬄᬜᬳᬸᬧ᭄‌ᬗᬾᬗ᭄ᬕᬮᬂ᭞ᬗᭂᬫ᭄ᬩᬦ᭄ᬳᬶᬤᬭᬵᬤᬾᬦ᭄ᬤᬾᬯᬶ᭞ᬢᬸᬫᬸᬮᬶᬓᬳᬸᬲᬧ᭄ᬳᬸᬲᬧ᭄᭞ᬗᬸᬮᬳᬂᬫᬚᬮᬦ᭄ᬕᬸᬧᬸᬄ ᬗᬦ᭄ᬢᬶᬗᬗ᭄ᬲᬸᬃᬲ᭄ᬗᬮ᭄‌ᬲ᭄ᬗᬮ᭄᭞ᬕ᭄ᬮᬶᬲ᭄ᬧ᭄ᬭᬵᬧ᭄ᬢᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬗᬸᬫᬄ᭟᭒᭐᭟ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬗᬸᬫᬄ᭞ᬭᬾᬧᭀᬢ᭄ᬓᬳᬮ᭄ᬬᬂᬦᬲᬶ᭞ᬓᬢᬶᬢᬶ

Auto-transliteration

[ 8 8B] 8 madandukuḥhistrī, smĕnganmangaliḥsahang, tonghadasahangkapangguḥ, hamurangmurangmajalan, dadipaling, dituditngahingalas. 15. buka tuduḥsanghyangtitaḥ, rāḥdandewihnuhurip, ditanahemapulisaḥ, pinaḥsubalintangkuru, pramāṇamakireningkal, kawinar̀ṇni, ni dukuḥhisringatonang. 16. nidukuḥhistrimakĕsyab, kadenbangkenhanakcrik, nidukuḥyanal̥ĕktĕkang, kantĕnararehnuhidup nidukuḥbcatngulahang, manguliling, hbaḥbangunsngulsngal. 17. dkaḥngangsur̀tur̀bĕlbĕlan, harār̀yyanpinĕḥringhati, singha [ 9 9A] yajanmāpanto, haraḥlalwangtoduduk, mangolasinhanaklara, patpĕtin, biliḥhadaswecchāndewa. 18. nidukuḥrarisa ngucap, hidañakdudukdudukbibi, hanakecrikmanggutan, hĕñjuhantanganekurus, kidukuḥmangambiltangan, mangĕdĕtin, ha nakehalitatanghya. 19. nidukuḥñahupngenggalang, ngĕmbanhidarādendewi, tumulikahusap'husap, ngulahangmajalan'gupuḥ ngantingangsur̀sngalsngal, glisprāpti, sāmpunrawuḥmaringumaḥ. 20. sāmpunrawuḥmaringumaḥ, repotkahalyangnasi, katiti

Leaf 9

Image on Archive.org

[ ᭙ 9B] ᭙᭞ ᬧ᭄ᬩᬳᬂᬫᬤᬳᬃ᭞ᬳᬦᬓᬾ ᬘ᭄ᬭᬶᬓ᭄ᬫᬜᭂᬓᬸᬮ᭄᭞ᬲᬵ ᬫ᭄ᬧᬸᬦ᭄ᬯᬸᬲᬦ᭄ᬫᬤᬳᬭᬦ᭄᭞ᬳᬦᬓᬾᬘ᭄ᬭᬶᬓ᭄᭞ᬢᬸᬫᬸᬮᬶᬭᬭᬶᬲ᭄ᬫᬳᭀᬤᬓ᭄᭟᭒᭑᭟ᬩᬸᬫᬭᬜᬓ᭄ ᬗᬸᬮᬶᬬᬄ᭞ᬫᬫᬸᬭᬸᬤ᭄ᬫᭀᬤᬓ᭄ᬲᬳᬶ᭞ᬲ᭄ᬫᭂᬗᬦ᭄ᬫᬲᬶᬭᬫ᭄ᬋᬓᭀ᭞ᬮᬶᬦ᭄ᬢᬂᬧᬭᬶᬓ᭄ᬱᬦᬶᬤᬸᬓᬸᬄ᭞ᬚᬦᬶᬲᬸᬩᬳᬶᬤᬩᬶᬦ᭄ᬢᬓ᭄᭞ᬭᬵᬤᬾᬦ᭄ᬤᬾᬯᬷ᭞ᬓᬤᬶᬲ᭄ᬓᬃ ᬢᬵᬦ᭄ᬤᬾᬦ᭄‌ᬓᭂᬫ᭄ᬩᬂ᭟᭒᭒᭟ᬦᬶᬤᬸᬓᬸᬄᬲᬸᬫᬗ᭄ᬓᬶᬦ᭄‌ᬫᬗᬚᬓ᭄ᬳᬦᬓᬾᬯᬶᬸᬘ᭄ᬭᬶᬓ᭄᭞ᬢ᭄ᬯᬭᬢᬳᬾᬦ᭄ᬓᬳ᭄ᬯᬾᬮᬶᬦ᭄᭞ᬫᬕᬯᬾᬤᬕᬗᬦ᭄ᬕᬸᬧᬸᬄ᭞ᬮᬶᬦ᭄ᬢᬂᬲᭂ ᬧᭂᬢ᭄ᬫᬕᬭᬧᬦ᭄᭞ᬲᬳᬶᬲᬳᬶ᭞ᬦᬶᬤᬸᬓᬸᬄᬗᬤᭂᬧ᭄ᬓᬧᬲᬃ᭟᭒᭓᭟ᬓᬲ᭄ᬯᬾᬦ᭄‌ᬦᬶᬤᬸᬓᬸᬄᬲᬥ᭄ᬬ᭞ᬲ᭄ᬓᬢ᭄‌ᬦᬸᬤᬸᬓ᭄ᬳᬦᬓ᭄‌ᬘ᭄ᬭᬶᬓ᭄᭞ᬧᬘᬂᬳᬫᬄᬢ᭄ᬯᬦᬶᬦ᭄ [ ᭑᭐ 10A] ᬳᬗ᭄ᬕᭀ᭞ᬲᬋᬂᬧ᭄ᬬᬦᬓᬾ ᬩᬵᬦ᭄ᬦᬸᬤᬸᬓ᭄᭞ᬢ᭄ᬯᬭᬓ᭄ᬯᬂᬫᬵᬲ᭄‌ᬲ᭄ᬮᬓ᭞ᬲᬸᬩᬲᬸᬕᬶᬄ᭞ᬦᬾᬚᬦᬶᬲᬸᬳᬸᬤ᭄ᬫᬤᬕᬂ᭟᭒᭔᭟ᬦᬸᬚᬸᬧᬹᬃᬡ᭄ᬦᬫᬦᬶᬂᬓᬧᬵᬢ᭄᭞ᬓᭀ ᬘᬧ᭄ᬳᬶᬤᬭᬵᬤᬾᬦ᭄ᬤᬾᬯᬷ᭞ᬫᬓᬓᬾᬭᬶᬫᬓᬸᬭᬫᬲ᭄᭞ᬫᬗᬾᬲ᭄ᬢᬶᬭᬳᬶᬦᬳᬬᬸ᭞ᬫᬗ᭄ᬭᬭᬶᬲ᭄ᬳᬶᬤᬫᬲᬶᬭᬫ᭄᭞ᬢᬸᬲ᭄ᬫᬰᬸᬘᬶ᭞ᬢᬸᬫᬸᬮᬶᬭᬭᬶᬲ᭄ᬫᬳ᭄ᬬ ᬲ᭄᭟᭒᭕᭟ᬕ᭄ᬮᬸᬂᬧᬳ᭄ᬬᬲ᭄ᬲᬤᬭᬡ᭞ᬯᬃᬡ᭄ᬦᬦᬾ ᬮ᭄ᬯᬶᬃᬰᬰᬶᬄᬫᬶᬚᬶᬮ᭄᭞ᬭᬶᬲ᭄ᬤᭂᬓ᭄ᬋᬃᬡ᭄ᬦᬫᬦᬶᬂᬓᬧᬵᬢ᭄᭞ᬮᬸᬫ᭄ᬮᬸᬫ᭄‌ᬜᬮᬂᬩᬸᬓᬕ᭄ᬭᬸᬲ᭄᭞ᬓᬤᬶᬕᬫ᭄ᬩᬃᬯ ᬯᬗᬸᬦᬦ᭄᭞ᬫᬗᬾᬤᬦᬶᬦ᭄᭞ᬚ᭄ᬕᬾᬕ᭄‌ᬢ᭄ᬯᬭᬳᬤᬧᬥ᭟᭒᭖᭟ᬦᬶᬤᬸᬓᬸᬄᬗ᭄ᬭᬭᬶᬂᬫᬦᬄ᭞ᬦᬸᬮ᭄ᬬᬵᬗᬸᬘᬧ᭄ᬫᬦᬓᭀᬦᬶᬦ᭄᭞ᬳ᭄ᬤᬳᬶᬤᬾᬯᬫᬗᬸ

Auto-transliteration

[ 9 9B] 9 pbahangmadahar̀, hanake crikmañĕkul, sā mpunwusanmadaharan, hanakecrik, tumulirarismahodak. 21. bumarañak nguliyaḥ, mamurudmodaksahi, smĕnganmasiramr̥ĕko, lintangparikṣanidukuḥ, janisubahidabintak, rādendewī, kadiskar̀ tāndenkĕmbang. 22. nidukuḥsumangkinmangajak'hanakew̶crik, twaratahenkahwelin, magawedagangan'gupuḥ, lintangsĕ pĕtmagarapan, sahisahi, nidukuḥngadĕpkapasar̀. 23. kaswennidukuḥsadhya, skatnuduk'hanakcrik, pacanghamaḥtwanin [ 10 10A] hanggo, sar̥ĕngpyanake bānnuduk, twarakwangmāsslaka, subasugiḥ, nejanisuhudmadagang. 24. nujupūr̀ṇnamaningkapāt, ko cap'hidarādendewī, makakerimakuramas, mangestirahinahayu, mangrarishidamasiram, tusmaśuci, tumulirarismahya s. 25. glungpahyassadaraṇa, war̀ṇnane lwir̀śaśiḥmijil, risdĕkr̥ĕr̀ṇnamaningkapāt, lumlumñalangbukagrus, kadigambar̀wa wangunan, mangedanin, jgegtwarahadapadha. 26. nidukuḥngraringmanaḥ, nulyāngucapmanakonin, hdahidewamangu

Leaf 10

Image on Archive.org

[ ᭑᭐ 10B] ᭑᭐᭞ ᬩ᭄ᬤ᭞ᬢ᭄ᬯᬶᬲᬚᬩᬶᬩᬶᬢ᭄ᬦ᭄ᬤᬸᬄ᭞ᬧᬸᬢ᭄ᬭᬶᬦ᭄ᬭᬢᬸᬦᬾᬤᬶᬚᬳ᭞ᬓᬸᬤᬕᬸᬲ᭄ᬢᬶ᭞ᬢᬸᬢᬸᬭᬂᬢ᭄ᬓᬾᬦᬶᬂᬢᬶᬢ᭄ᬬᬂ᭟᭒᭗᭟ᬦᬶᬤᬸᬓᬸᬄᬲᬶᬲᬶᬤ᭄ᬦᬓᭀᬦᬂ᭞ᬗᬦ᭄ᬤᬶᬓᬭᬳ ᬤᬾᬦ᭄ᬤᬾᬯᬷ᭞ᬦᬗ᭄ᬳᬶᬂᬳ᭄ᬤᬩᬶᬩᬶᬯᬾᬭ᭞ᬲᬗ᭄ᬲᬭᬦᬶᬭᬦᬾᬫᬸᬧᬸᬢ᭄᭞ᬳᬸᬮᬶᬩᬸᬫᬭᬫᬜ᭄ᬚᬦ᭄ᬫ᭞ᬓᬬᬂᬚᬦᬶ᭞ᬦᬶᬭᬫᬦᬦ᭄ᬤᬂᬤᬸᬄᬓᬶᬢ᭟᭒᭘᭟ᬳᬶᬭ ᬳᬶᬕᬮᬸᬄᬤᬶᬤᬳᬵ᭞ᬇᬦᬶᬲᬋᬂᬩ᭄ᬬᬂᬲᭀᬭᬶ᭞ᬓᬓᬸᬢᬂᬢ᭄ᬗᬳᬶᬗᬮᬲ᭄᭞ᬧᬕᬯᬾᬦ᭄ᬳᬶᬩᬶᬩᬶᬮᬶᬓᬸ᭞ᬳᬾᬮᬶᬂᬭᬶᬂᬩ᭄ᬬᬗᬾᬲᬾᬤ᭞ᬭᬭᬶᬲ᭄ᬦᬗᬶᬲ᭄᭞ ᬭᬵᬤᬾᬦ᭄ᬤᬾᬯᬷᬜᭂᬮ᭄ᬲᭂᬮ᭄ᬭᬵᬕ᭟᭒᭙᭟ᬦᬶᬤᬸᬓᬸᬄᬓᬗᭂᬦ᭄ᬦᬶᬗᭂᬳᬂ᭞ᬕᭂᬤᭂᬕ᭄ᬬᬩᬋᬂᬫᬗ᭄ᬓᬶᬦ᭄᭞ᬫᬫ᭄ᬓᬸᬮ᭄ᬭᬳᬤᬾᬦ᭄ᬤᬾᬯ᭄ᬬ᭞ᬤᬸᬄᬫᬵᬲ᭄ᬢᬶᬭᬄᬤᬾᬭᬢᬸ᭞ [ ᭑᭑ 11A] ᬗᬸᬤᬮᬮᬶᬲᬂᬦᬵ ᬣ᭞ᬳᬤᬸᬄᬕᬸᬲᬶ᭞ᬮᬲ᭄ᬗᬸᬢᬂᬘᭀᬓᭀᬭᬶᬤᬾᬯ᭟᭓᭐᭟ᬭᬳᬤᬾᬦ᭄ᬕᬮᬸᬄᬳᬗᬸᬘᬧ᭄᭞ᬭᬾᬄᬧᬜᬢ᭄ᬭᬶᬦ᭄ᬲᬂᬳ᭄ᬬᬂᬯᬶᬥᬶ᭞ᬳᬤᬳ ᬗ᭄ᬕᬾᬦ᭄ᬲᬲᬫ᭄ᬩᬢᬦ᭄᭞ᬉᬗ᭄ᬕᬸᬳᬂᬭᬶᬂᬓᬯᬶᬓᬶᬤᬸᬂ᭞ᬤᬤᬶᬧᬳᬸᬘᬧᬦ᭄‌ᬚᬕᬢ᭄᭞ᬓᬾ ᬢᭀᬩᬶᬩᬶ᭞ᬳ᭄ᬤᬲᬗᭂᬢ᭄ᬫᬦᬦ᭄ᬤ᭄ᬭᬸᬳᬂ᭟᭓᭑᭟ᬕᬦ᭄ᬢᬶᬕᬸᬫᬶᬦ᭄ᬢᬶ ᬢᬶᬦᬓ᭄ᬯᬦ᭄᭞ᬫᬾᬄᬲᬸᬫᬸᬭᬸᬧ᭄‌ᬳ᭄ᬬᬂᬢ᭄ᬭᬶᬭᬰ᭄ᬫᬶ᭞ᬳᬦᬯᬶᬦᬃᬱᬶᬢᬫᬸᬯᬄ᭞ᬭᬢᬸᬳᬕᬸᬂᬢᬸᬭᬶᬂᬯᬶᬪᬸᬄ᭞ᬭᬢᬸᬭᬶᬂᬚᬗ᭄ᬕᬮᬦᬵᬣ᭞ᬧ᭄ᬭᬫᬾᬰ᭄ᬯᬭᬷ᭞ᬳ ᬧᬸᬢ᭄ᬭᬮᬦᬂᬲᬦᬸᬗ᭄ᬕᬮ᭄᭟᭓᭒᭟ᬧ᭄ᬲᬾᬗᬦ᭄‌ᬚᬬᬲ᭄ᬫᬭ᭞ᬳᬦᭀᬫ᭄ᬯᬃᬡ᭄ᬦᬮᬶᬦ᭄ᬢᬂᬧ᭄ᬓᬶᬓ᭄᭞ᬢᬸᬮ᭄ᬬᬓᬤᬶᬲᬂᬳ᭄ᬬᬂᬲ᭄ᬫᬭ᭞ᬓᬾ ᬫᬦ᭄ᬭᬶᬂᬳᬶᬤᬲᬂᬧ᭄ᬭᬪᬸ᭞

Auto-transliteration

[ 10 10B] 10 bda, twisajabibitnduḥ, putrinratunedijaha, kudagusti, tuturangtkeningtityang. 27. nidukuḥsisidnakonang, ngandikaraha dendewī, nanghinghdabibiwera, sangsaraniranemuput, hulibumaramañjanma, kayangjani, niramanandangduḥkita. 28. hira higaluḥdidahā, inisar̥ĕngbyangsori, kakutangtngahingalas, pagawenhibibiliku, helingringbyangeseda, rarisnangis, rādendewīñĕlsĕlrāga. 29. nidukuḥkangĕnningĕhang, gĕdĕgyabar̥ĕngmangkin, mamkulrahadendewya, duḥmāstiraḥderatu, [ 11 11A] ngudalalisangnā tha, haduḥgusi, lasngutangcokoridewa. 30. rahaden'galuḥhangucap, reḥpañatrinsanghyangwidhi, hadaha nggensasambatan, ungguhangringkawikidung, dadipahucapanjagat, ke tobibi, hdasangĕtmanandruhang. 31. gantiguminti tinakwan, meḥsumurup'hyangtriraśmi, hanawinar̀syitamuwaḥ, ratuhagungturingwibhuḥ, raturingjanggalanātha, prameśwarī, ha putralanangsanunggal. 32. psenganjayasmara, hanomwar̀ṇnalintangpkik, tulyakadisanghyangsmara, ke manringhidasangprabhu,

Leaf 11

Image on Archive.org

[ ᭑᭑ 11B] ᭑᭑᭞ ᬓᬳᬶᬘ᭄ᬙᬾᬦ᭄ᬧᬋᬓᬦ᭄ᬓᬢᬄ᭞ᬩᬚᬂᬘ᭄ᬦᬶᬓ᭄᭞ᬢᬸᬃᬧᬥᬩᬕᬸᬲ᭄ᬫᬓ᭄ᬚᬂ᭟᭓᭓᭟ᬓᬸᬦᭂᬂᬰ᭄ᬭᬷᬚᬬᬲ᭄ᬫᬭ᭞ᬲ᭄ᬫᭂᬂᬯᬾᬦ᭄ᬢᭂᬦ᭄ᬤᬯᬸᬄᬓᬮᬶᬄ᭞ᬯᬶᬚᬶᬮ᭄ᬳᬶᬤᬓᬩ ᬜ᭄ᬘᬶᬗᬄ᭞ᬳᬯᬲ᭄ᬢ᭄ᬭᬧ᭄ᬭᬜ᭄ᬘᬶᬲ᭄ᬳᬮᬸᬲ᭄᭞ᬓᬯᬘᬕᬕᬮᬸᬂᬕᬤᬂ᭞ᬜᬸᬗ᭄ᬓᭂᬮᬶᬢ᭄‌ᬓ᭄ᬭᬶᬲ᭄᭞ᬮᬦ᭄ᬤᬾᬬᬦᬾᬓᬯᬭᬢ᭄ᬦ᭟᭓᭔᭟ᬳᬤᭂᬲ᭄ᬢᬃᬩᬢᬶᬓ᭄ᬫ ᬧ᭄ᬭᬤ᭞ᬳᬦᬹᬢ᭄‌ᬲ᭄ᬓᬃᬫ᭄ᬭᬶᬓ᭄ᬫᬶᬗᬶᬂ᭞ᬳᬓᬫ᭄ᬧᬸᬄᬧᬾᬃᬫ᭄ᬫᬲ᭄ᬳᬶᬚᭀ᭞ᬳᬮᬶᬳᬮᬶᬯᬶᬦ᭄ᬢᭂᬦ᭄ᬫᬸᬭᬸᬩ᭄᭞ᬓᬲᬸᬦᬭᬦ᭄ᬲᬂᬳ᭄ᬬᬗᬵᬃᬓ᭄ᬓ᭞ᬢ᭄ᬯᬶᬩ᭄ᬘᬶᬓ᭄᭞ᬫᬯᬸᬯᬸᬄ ᬩᬕᬸᬲ᭄ᬫᬍᬜᬤ᭄᭟᭓᭕᭟ᬢᬶᬦᬗ᭄ᬓᬶᬮᬶᬂᬢᬡ᭄ᬥᬭᬓ᭄ᬭ᭄ᬬᬦ᭄᭞ᬫᬶᬯᬄᬲᬶᬭᬭᬓ᭄ᬭ᭄ᬬᬦ᭄ᬧᬢᬶᬄ᭞ᬯᬢᭂᬓ᭄ᬋᬱᬶᬦᬾᬫᬗᬫ᭄ᬩ᭄ᬬᬃ᭞ᬳᬦᬹᬢ᭄‌ᬢᬾᬓᭀᬭᬾ [ ᭑᭒ 12A] ᬫᬧᬸᬦ᭄ᬤᬸᬄ᭞ᬳᬬᬢ᭄ᬮᬸᬗ᭄ᬳᬵᬳᬩᬩᬸᬃᬯᬦ᭄᭞ᬲᬓ᭄ᬭᬄᬘᬶᬘᬶᬂ᭞ᬳᬸᬬᬸᬢ᭄ᬧᬥᬧᬭᬾᬗ᭄ᬲᬂ᭟᭓᭖᭟ᬩᬦ᭄ᬤ᭄ᬭᬗᬦ᭄ᬫᬧᭀᬦ᭄ᬢᬂᬫᬵᬲ᭄᭞ᬧᬬᬸᬂᬓᭂᬫ᭄ᬩᬭᬾᬫᬗ ᬯᬶᬢ᭄᭞ᬫᬰᭀᬘᬫᬫ᭄ᬦᬸᬃᬫᬶᬭᬄ᭞ᬦᬾ ᬫᬗᬫᭀᬂᬩᬕᬸᬲ᭄ᬩᬕᬸᬲ᭄᭞ᬧᬢᬸᬄᬫᬳᬸᬦᭂᬂᬫᬧ᭄ᬭᬤ᭞ᬩᬚᬸᬧᬸᬢᬶᬄ᭞ᬳᬦᬹᬢ᭄ᬓᬜ᭄ᬘᬶᬂᬩᬵᬜ᭄ᬚᬶᬦᬃ᭟᭓᭗᭟ᬚ ᬭᬦᬾᬫᬗᬗ᭄ᬕᭀᬳᬗ᭄ᬕᭀ᭞ᬓᬫ᭄ᬧᬸᬄᬫᬵᬲᬵᬫᬳᬸᬓᬶᬃ᭞ᬲᬶᬦᭂᬫ᭄ᬩᬭᬦ᭄ᬦᬯᬭᬵᬢ᭄ᬦ᭞ᬘᬗ᭄ᬕᬄᬩ᭄ᬬᬲ᭄ᬳᬪ᭄ᬭᬫᬸᬭᬸᬩ᭄᭞ᬧᬧ᭄ᬢᬸᬢ᭄ᬫᬧᭀᬦ᭄ᬢᬂᬫᬵᬲᬵ᭞ᬫᬓᬸᬡ᭄ᬥᬵ ᬮᬶ᭞ᬳᬦᬹᬢ᭄ᬓᬫᬯᬦᬾᬩᬭᬓ᭄᭟᭓᭘᭟ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕ᭞ᬓᬸᬦᭂᬂᬲᬶᬭᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬢᬦ᭄ᬲᬄᬗᬮᬶᬗ᭄ᬕᬶᬳᬶᬦ᭄ᬓᬸᬤ᭞ᬢᬡ᭄ᬥᬭᬓ᭄ᬭ᭄ᬬᬦᬾᬭᬶᬂ

Auto-transliteration

[ 11 11B] 11 kahicchenpar̥ĕkankataḥ, bajangcnik, tur̀padhabagusmakjang. 33. kunĕngśrījayasmara, smĕngwentĕndawuḥkaliḥ, wijilhidakaba ñcingaḥ, hawastraprañcishalus, kawacagagalunggadang, ñungkĕlitkris, landeyanekawaratna. 34. hadĕstar̀batikma prada, hanūtskar̀mrikminging, hakampuḥper̀mmashijo, halihaliwintĕnmurub, kasunaransanghyangār̀kka, twibcik, mawuwuḥ bagusmal̥ĕñad. 35. tinangkilingtaṇdharakryan, miwaḥsirarakryanpatiḥ, watĕkr̥ĕsyinemangambyar̀, hanūttekore [ 12 12A] mapunduḥ, hayatlunghāhababur̀wan, sakraḥcicing, huyutpadhaparengsang. 36. bandranganmapontangmās, payungkĕmbaremanga wit, maśocamamnur̀miraḥ, ne mangamongbagusbagus, patuḥmahunĕngmaprada, bajuputiḥ, hanūtkañcingbāñjinar̀. 37. ja ranemanganggohanggo, kampuḥmāsāmahukir̀, sinĕmbarannawarātna, canggaḥbyashabhramurub, paptutmapontangmāsā, makuṇdhā li, hanūtkamawanebarak. 38. tumulirarismamār̀gga, kunĕngsirarādenmantri, tansaḥngalinggihinkuda, taṇdharakryanering

Leaf 12

Image on Archive.org

[ ᭑᭒ 12B] ᭑᭓᭞ ᬧᬸᬗ᭄ᬓᬸᬃ᭞ᬫᬓᬤᬶᬚᬸᬭᬸᬦᬾᬳᬢᬧ᭄᭞ᬦᬦ᭄ᬤᬦ᭄‌ᬘᬶᬘᬶᬂ᭞ᬭᬫᬾᬬᬫᬲᬲᬸᬭᬓᬦ᭄᭟᭓᭙᭟ᬯᭀᬂᬤᬾᬰᬦᬾᬧᬕᬺᬤᬩ᭄᭞ᬫᬩᬮᬶᬄᬤᬶᬯᬗᬦ᭄ᬲᬵ ᬫᬶ᭞ᬩᭂᬗᭀᬂᬬᬧᬥᬫᬜᭂᬩᬓ᭄᭞ᬢᬸᬫ᭄ᬩᬾᬦ᭄‌‌‌ᬗᭂᬦᭀᬢ᭄ᬕᬸᬲ᭄ᬢᬶᬭᬯᬸᬄ᭞ᬢᬸᬮ᭄ᬬᬓᬤᬶᬲᬂᬳ᭄ᬬᬂᬲ᭄ᬫᬭ᭞ᬢᬸᬳᬸᬩ᭄ᬘᬶᬓ᭄᭞ᬳᬗᬶᬫ᭄ᬩᬂᬭᬰ᭄ᬫᬶᬦᬶᬂᬯᬸᬮᬢ᭄᭟ ᭔᭐᭟ᬢᬦ᭄ᬓᭀᬘᬧ᭄ᬭᬶᬂᬚᬮᬦ᭄‌ᬚᬮᬦ᭄᭞ᬓᭀᬘᬧ᭄ᬳᬶᬤᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬲᬵᬫᬵᬧᬸᬦ᭄ᬭᬯᬸᬄᬫᬭᬶᬗᬮᬲ᭄᭞ᬓᬮᬄᬮᬦ᭄ᬳᬶᬚᬸᬭᬸᬩᬸᬭᬸ᭞ᬲᬫᬶᬫᬗᭂ ᬮᬾᬩᬶᬦ᭄ᬲᭀᬦ᭞ᬫᬲᬚᬭᬶᬂ᭞ᬢᬸᬭᬫᬾᬧᬥᬗᬦ᭄ᬤᬸᬧᬂ᭟᭔᭑᭟ᬲᬓ᭄ᬭᬄᬩᬸᬭᭀᬦᬾᬧᬩᬼᬲᬢ᭄᭞ᬓᬳᬸᬩᭂᬭᬶᬦ᭄ᬩᬳᬦ᭄‌ᬘᬶᬘᬶᬂ᭞ᬚᬸᬭᬸᬦᬾᬲᬸ [ ᭑᭓ 13A] ᭑᭓᭞ ᬓᬗᬦ᭄ᬤᬸᬧᬂ᭞ᬓᬶᬤᬂᬫᬜ᭄ᬚᬗᬦ᭄ᬮᬦ᭄ᬯᬶᬚᬸᬂ᭞ᬧᬥᬫᬢᬶᬧᬚᬸᬮᬾ ᬫ᭄ᬧᬂ᭞ᬦᬾᬦᬾᬳᬸᬭᬶᬧ᭄᭞ᬚᬭᬶᬂᬢᬫ᭄ᬧᬸᬲ᭄ᬫᬗᭂᬦᬬᬂ᭟᭔᭒᭟ᬮᬾᬤᬂᬧᬶᬲᬦ᭄ᬭᬵᬤᬾᬦ᭄ᬫ ᬦ᭄ᬢ᭄ᬭ᭄ᬬ᭞ᬜᬶᬗᬓ᭄ᬩᬸᬭᭀᬦ᭄ᬳᬓᬾᬄᬓ᭄ᬦᬶ᭞ᬲᬸᬫᬶᬗ᭄ᬓᬶᬦ᭄ᬳᬶᬤᬗᬶᬮᬓᬂ᭞ᬓᬮᬶᬄᬮᬦ᭄ᬳᬶᬚᬸᬭᬸᬩᬸᬭᬸ᭞ᬢ᭄ᬯᬭᬗᬶᬢᬸᬂᬩ᭄ᬤᬓ᭄ᬮᬬᬄ᭞ᬧ᭄ᬮᬸᬄᬧᬶᬤᬶᬢ᭄᭞ᬘᬶᬘᬶᬗᬾᬲᬸᬓ ᬫᬜᬓᬮ᭄᭟᭔᭓᭟ᬭᬾᬄᬧᬦ᭄ᬥᬶᬂᬰᬰᬶᬄᬓᬧᬮ᭄᭞ᬚᭂᬕ᭄ᬚᭂᬕ᭄ᬳᬶᬤᬲᬂᬳ᭄ᬬᬂᬭᬯᬶ᭞ᬓᭂᬩᬸᬲᬾᬫᬗᭂᬦ᭄ᬢᬓᭂᬦ᭄ᬢᬓ᭄᭞ᬳᬲᬸᬦᬾᬗ᭄ᬮᬓ᭄ᬫᬧᬸᬦ᭄ᬤᬸᬄ᭞ᬭᬳᬤ᭄ᬬ ᬦ᭄ᬫᬲᬶᬄᬫᬭᬃᬬ᭄ᬬᬦ᭄᭞ᬲᭀᬃᬯᬭᬶᬗᬶᬦ᭄᭞ᬗᬦ᭄ᬤᬶᬓᬤᬶᬦᬶᬫᬭᬃᬬ᭄ᬬᬦ᭄᭟᭔᭔᭟ᬭᬭᬶᬲ᭄ᬳᬶᬤᬫᬘᬶᬗᬓᬦ᭄᭞ᬳᬸᬫᬄᬦᬶᬤᬸᬓᬸᬄᬓᬳᬓ᭄ᬱᬶ᭞ᬭᬭᬶ

Auto-transliteration

[ 12 12B] 13 pungkur̀, makadijurunehatap, nandancicing, rameyamasasurakan. 39. wongdeśanepagr̥ĕdab, mabaliḥdiwangansā mi, bĕngongyapadhamañĕbak, tumbenngĕnotgustirawuḥ, tulyakadisanghyangsmara, tuhubcik, hangimbangraśminingwulat. 40. tankocapringjalanjalan, kocap'hidarādenmantri, sāmāpunrawuḥmaringalas, kalaḥlanhijuruburu, samimangĕ lebinsona, masajaring, turamepadhangandupang. 41. sakraḥburonepabl̥ĕsat, kahubĕrinbahancicing, jurunesu [ 13 13A] 13 kangandupang, kidangmañjanganlanwijung, padhamatipajule mpang, nenehurip, jaringtampusmangĕnayang. 42. ledangpisanrādenma ntrya, ñingakburonhakeḥkni, sumingkinhidangilakang, kaliḥlanhijuruburu, twarangitungbdaklayaḥ, pluḥpidit, cicingesuka mañakal. 43. reḥpandhingśaśiḥkapal, jĕgjĕg'hidasanghyangrawi, kĕbusemangĕntakĕntak, hasunenglakmapunduḥ, rahadya nmasiḥmarar̀yyan, sor̀waringin, ngandikadinimarar̀yyan. 44. rarishidamacingakan, humaḥnidukuḥkahaksyi, rari

Leaf 13

Image on Archive.org

[ ᭑᭓ 13B] ᭑᭓᭞ ᬲ᭄ᬳᬶᬤᬫᬗᬦ᭄ᬤᬶᬓ᭞ᬉᬤᬸᬄᬳᬶᬩᬚᬸᬭᬸᬩᬸᬭᬸ᭞ᬓᬳᬶᬓᬮᬶᬦ᭄ᬢᬗᬶᬂᬩᭂᬤᬓ᭄᭞ᬚᬮᬦ᭄‌ᬚᬦᬶ᭞ᬓᬳᬸᬫᬳᬾᬦᭀᬶᬸᬲᬶᬗ᭄ᬕᬶᬄ᭟᭔᭕᭟ᬤᬶᬢᬸᬢᭀ ᬗᭀᬲ᭄ᬗᬶᬤᬶᬄᬢᭀᬬ᭞ᬳᬶᬚᬸᬭᬸᬲᬸᬓᬫᬗᬶᬭᬶᬂ᭞ᬦᬶᬤᬸᬓᬸᬄᬲ᭄ᬥᭂᬓ᭄ᬫᬜᬓᬦ᭄᭞ᬭᬵᬤᬾᬦ᭄ᬕᬮᬸᬄᬰ᭄ᬤᭂᬓ᭄ᬦᬸᬦᬸᬦ᭄᭞ᬭᬯᬸᬄᬳᬶᬤᬭᬵᬤᬾᬦᬵᬫᬦ᭄ᬢ᭄ᬭᬶᬬ᭞ᬕᭂᬮᬸᬗ ᬓ᭄ᬱᬶ᭞ᬭᬵᬤᬾᬦ᭄ᬕᬮᬸᬄᬓᬤᬶᬯᬸᬮᬦ᭄᭟᭔᭖᭟ᬯᬃᬡ᭄ᬦᬦᬾᬫᬗᬬᬗᬬᬂ᭞ᬮᬸᬫ᭄ᬮᬸᬫ᭄ᬜᬮᬂᬧᬸᬢᬶᬄᬕᬥᬶᬂ᭞ᬭᬫ᭄ᬩᬸᬢ᭄ᬧᬜ᭄ᬚᬂᬫᬕᭀᬮᬾᬭᬦ᭄᭞ᬧᬳᬸᬢ᭄ᬮᬦ᭄ ᬚᬭᬶᬚᬶᬦᬸᬭᬸᬲ᭄᭞ᬫᬤ᭄ᬬᬦᬾᬳᬘ᭄ᬓᭂᬮ᭄ᬕᭀᬦ᭄ᬤ᭞ᬢᬸᬳᬸᬭᬯᬶᬢ᭄᭞ᬢ᭄ᬯᬭᬵᬤᬩᬓᬢ᭄ᬘᬾᬤ᭟᭔᭗᭟ᬭᬳᬤᬾᬦᬵᬫᬦ᭄ᬢ᭄ᬭᬶᬗᬦ᭄ᬤᬶᬓ᭞ᬭᬶᬂᬯᬢᭂᬓ᭄ᬚᬸᬭᬸᬦᬾᬲᬫᬶ᭞ [ ᭑᭔ 14A] ᬕᬯᭀᬓ᭄ᬲᬦ᭄ᬓᬳᬶᬗᭂᬢᭀᬦᬂ᭞ᬳᬦᬓᬾᬦ᭄ᬢᭀᬫᬦᬸᬦᬸᬦ᭄᭞ᬕᭀᬩᬦᬾᬓᬮᬶᬦ᭄ᬢᬂᬫ᭄ᬮᬄ᭞ᬲᬬᬂᬕᬢᬶ᭞ᬓᬢᬸᬫ᭄ᬩᬸᬳᬂᬢ᭄ᬗᬄᬳᬮᬲ᭄᭟᭔᭘᭟ᬦᬶᬤᬸ ᬓᬸᬄᬮᬯᬸᬢᭂᬲ᭄ᬯᬦ᭄᭞ᬕ᭄ᬮᬸᬗᭂᬦᭀᬢ᭄ᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬲᬃᬯ᭄ᬯᬶᬬᬳᬸᬫᬢᬸᬃᬳᬮᭀᬦ᭄᭞ᬳᬥᬸᬄᬭᬢᬸᬤᬾᬯᬳᬕᬸᬂ᭞ᬤᬸᬭᬸᬲᬂᬭᬢᬸᬤᬸᬭᬸᬲᬂ᭞ᬢᬶᬢ᭄ᬬᬂᬗᬶ ᬭᬶᬂ᭞ᬳᬶᬭᬶᬓᬶᬭᬢᬸᬳᬮᬶᬗ᭄ᬕ᭄ᬬ᭟᭔᭙᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬮᬶᬗ᭄ᬕ᭄ᬬ᭞ᬓᬮᬶᬄᬮᬦ᭄‌ᬚᬸᬭᬸᬦᬾᬲᬫᬶ᭞ᬦᬶᬤᬸᬓᬸᬄᬭᬾᬧᭀᬢ᭄ᬳᬢᬸᬭᬂ᭞ᬥᬄᬮᬦ᭄ᬮᬜ᭄ᬚ ᬭᬦ᭄ᬤᬶᬢᬸ᭞ᬫᬢᬢᬓᬦ᭄ᬩᭀᬓᭀᬃᬫᬵᬲ᭄᭞ᬲᬃᬯ᭄ᬯᬳᬮᬶᬫ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓ᭟᭔᭐᭟ᬳᬤᬸᬄᬩᬶᬩᬶᬤᬗᬸᬩ᭄ᬤ᭞ᬢᬦ᭄ᬤ᭄ᬭᬸᬄᬲᬚᬦᬶᬭᬚ

Auto-transliteration

[ 13 13B] 13 shidamangandika, uduḥhibajuruburu, kahikalintangingbĕdak, jalanjani, kahumaheno̶singgiḥ. 45. dituto ngosngidiḥtoya, hijurusukamangiring, nidukuḥsdhĕkmañakan, rāden'galuḥśdĕknunun, rawuḥhidarādenāmantriya, gĕlunga ksyi, rāden'galuḥkadiwulan. 46. war̀ṇnanemangayangayang, lumlumñalangputiḥgadhing, rambutpañjangmagoleran, pahutlan jarijinurus, madyanehackĕlgonda, tuhurawit, twarādabakatceda. 47. rahadenāmantringandika, ringwatĕkjurunesami, [ 14 14A] gawoksankahingĕtonang, hanakentomanunun, gobanekalintangmlaḥ, sayanggati, katumbuhangtngaḥhalas. 48. nidu kuḥlawutĕswan, glungĕnotrādenmantri, sar̀wwiyahumatur̀halon, hadhuḥratudewahagung, durusangratudurusang, tityangngi ring, hirikiratuhalinggya. 49. rahadenmantrihalinggya, kaliḥlanjurunesami, nidukuḥrepot'haturang, dhaḥlanlañja randitu, matatakanbokor̀mās, sar̀wwahalim, rahadenmantringandika. 40. haduḥbibidangubda, tandruḥsajaniraja

Leaf 14

Image on Archive.org

[ ᭑᭔ 14B] ᭑᭔᭞ ᬦᬶ᭞ᬳᭀᬭᬳᬂᬚᬢ᭄ᬓᬾᬦ᭄ᬦᬶᬭ᭞ᬳᬦᬓᬾᬦᬾᬦᬾᬫᬦᬸᬦᬸᬦ᭄᭞ᬦ᭄ᬢᭀᬢᬾᬳᬦᬓ᭄ᬧᬗᬾᬦ᭄ᬓᬾᬦᬦ᭄᭞ᬧᬸᬧᬸᬢᬼᬯᬶᬄ᭞ᬦ᭄ᬢᭀᬳᭀᬭᬳᬂᬢ᭄ᬓᬾᬦ᭄ᬦᬶᬭ᭟᭕᭑᭟ᬦᬶ ᬤᬸᬓᬸᬄᬭᬭᬶᬲ᭄ᬫᬗᬸᬘᬧ᭄᭞ᬫᬢᬸᬃᬭᬶᬂᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬧᬸᬦᬶᬓᬶᬧ᭄ᬬᬦᬓ᭄ᬢᬶᬢ᭄ᬬᬂ᭞ᬳᭀᬮᬶᬄᬢᬶᬢ᭄ᬬᬂᬭᬢᬸᬤᬸᬫᬸᬦ᭄᭞ᬫᬦᬸᬤᬸᬓ᭄ᬭᬶᬂᬢ᭄ᬗᬳᬮᬲ᭄᭞ᬓᬭᬶᬳ ᬮᬶᬢ᭄᭞ᬫᬯᬲ᭄ᬢᬦᬶᬘᬶᬮᬶᬦᬬ᭟᭕᭒᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭞ᬗᬯᬬᬵᬤᬸᬄᬓᬸᬤᬩᬶᬩᬶ᭞ᬬᬦᬶᬂᬩᬶᬩᬶᬲᬚᬲᬸᬓ᭞ᬳᬧᬂᬩᬶᬩᬶᬲᬓᬶᬂ ᬢᬸᬮᬸᬲ᭄᭞ᬦᬾᬧ᭄ᬬᬦᬓ᭄ᬩᬶᬩᬶᬦᬾᬋᬓᭀ᭞ᬦᬶᬭᬗᬶᬤᬶᬄ᭞ᬧᬘᬂᬳᬗ᭄ᬕᭀᬦᬶᬭᬲᭀᬫᬄ᭟᭕᭓᭟ᬦᬶᬤᬸᬓᬸᬄᬫᬢᬸᬃᬤᬯᭂᬕᬦ᭄᭞ᬢᬶᬢ᭄ᬬᬂᬢᬍᬃᬫᬧ᭄ᬬᬸ [ ᭑᭕ 15A] ᬦᬶᬂ᭞ᬭᬶᬓᬵᬮᬦᬸᬚᬸᬭᬳᬶᬦᬦ᭄᭞ᬳᬶᬧᬸᬦ᭄ᬓᬯᭀᬦ᭄ᬲᬓᬶᬢ᭄ᬩᬸᬤᬸᬄ᭞ᬫᬮᬮᬸᬂᬗᬜᬾᬢ᭄ᬲᬾᬢ᭄ᬯᬲ᭄ᬢ᭄ᬭ᭞ᬫᬗᬶᬫᬶᬓ᭄ᬫᬶᬓ᭄᭞ᬳᬶᬧᬸᬦ᭄ᬩᬸᬥᬸᬄ᭟᭕᭔᭟ᬭᬳ ᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓ᭞ᬳᬸᬤᬸᬄᬲᬚᬓᬾᬢᭀᬜᬳᬶ᭞ᬫᬳᬢᬸᬃᬦᬶᬘᬶᬮᬶᬦᬬ᭞ᬯ᭄ᬬᬓ᭄ᬢᬶᬲᬧᬸᬦᬶᬓᬭᬢᬸ᭞ᬩ᭄ᬘᬶᬓᬂᬭᬢᬸᬮᬶᬮᬬᬂ᭞ᬢᬶᬢ᭄ᬬᬂᬧᬫᬶ ᬢ᭄᭞ᬲᬾᬯᭀᬲᬦ᭄ᬭᬢᬸᬳᬃᬱᬬᬂ᭟᭕᭕᭟ᬲᬸᬫᬶᬗ᭄ᬓᬶᬦ᭄ᬭᬳᬤᬾᬦᬵᬫᬢ᭄ᬭ᭄ᬬ᭞ᬭᬸᬲᬓ᭄ᬓᬳ᭄ᬬᬸᬦᬾᬫ᭄ᬬᬃᬱ᭞ᬳᬢᬸᬭᬾᬦᬶᬘᬶᬮᬶᬦᬬ᭞ᬢᭀᬂᬤᬤᬶᬢᬸᬗ᭄ᬓᬲᬂᬤᬶ ᬢᬸ᭞ᬮᬯᬸᬢ᭄ᬓᬲᬳᬸᬧ᭄ᬓᬳᬭᬲ᭄᭞ᬢᬸᬃᬓᬳᬩᬶᬦ᭄᭞ᬧᬧᬲᬶᬳᬶᬦ᭄‌ᬫ᭄ᬮᬤ᭄ᬧ᭄ᬭᬵᬡ᭟᭕᭖᭟ᬉᬤᬸᬄᬜᬳᬶᬘᬶᬮᬶᬦᬬ᭞ᬧᬤᬶᬗᭂᬳᬂᬫᬸᬜᬶᬦ᭄‌ᬩ᭄ᬮᬶ

Auto-transliteration

[ 14 14B] 14 ni, horahangjatkennira, hanakenenemanunun, ntotehanakpangenkenan, puputl̥ĕwiḥ, ntohorahangtkennira. 51. ni dukuḥrarismangucap, matur̀ringrahadenmantri, punikipyanaktityang, holiḥtityangratudumun, manudukringtngahalas, kariha lit, mawastanicilinaya. 52. rahadenmantrihangucap, ngawayāduḥkudabibi, yaningbibisajasuka, hapangbibisaking tulus, nepyanakbibiner̥ĕko, nirangidiḥ, pacanghanggonirasomaḥ. 53. nidukuḥmatur̀dawĕgan, tityangtal̥ĕr̀mapyu [ 15 15A] ning, rikālanujurahinan, hipunkawonsakitbuduḥ, malalungngañetsetwastra, mangimikmik, hipunbudhuḥ. 54. raha denmantringandika, huduḥsajaketoñahi, mahatur̀nicilinaya, wyaktisapunikaratu, bcikangratulilayang, tityangpami t, sewosanratuhar̀ṣayang. 55. sumingkinrahadenāmatrya, rusakkahyunemyar̀ṣa, haturenicilinaya, tongdaditungkasangdi tu, lawutkasahupkaharas, tur̀kahabin, papasihinmladprāṇa. 56. uduḥñahicilinaya, padingĕhangmuñinbli

Leaf 15

Image on Archive.org

[ ᭑᭕ 15B] ᭑᭕᭞ ᬚᬮᬦ᭄‌ᬚᬦᬶᬓᬓᭀᬭᬶᬧᬦ᭄᭞ᬫᬓᬤᬶᬳᬶᬩᬶᬩᬶᬤᬸᬓᬸᬄ᭞ᬩᬋᬂᬩ᭄ᬮᬶᬚ᭄ᬮᬾᬫ᭄ᬮᬄ᭞ᬧᬶᬢ᭄ᬯᬶᬫᬢᬶ᭞ᬳᬧᬂᬩ᭄ᬮᬶᬢ᭄ᬯᬭᬧᬲᬄ᭟᭕᭗᭟ᬘᬶᬮᬶᬦᬬᬢᬦ᭄ᬧ ᬗᬸᬘᬧ᭄᭞ᬓᬾᬯᬮᬳᬲ᭄ᬫᬸᬢᬗᬶᬲ᭄᭞ᬬᬾᬄᬢᬶᬗ᭄ᬕᬮᬾᬤᬺᬲ᭄‌ᬫ᭄ᬤᬮ᭄᭞ᬦᬶᬤᬸᬓᬸᬄᬳᬶᬲ᭄ᬢ᭄ᬭᬶᬳᬫᬸᬯᬸᬲ᭄᭞ᬢᬶᬢ᭄ᬬᬂᬗᬶᬭᬶᬂᬧᬓᬳ᭄ᬬᬸᬦᬦ᭄᭞ᬭᬵᬤᬾ ᬦ᭄ᬫᬦ᭄ᬢ᭄ᬭᬶ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭟᭕᭘᭟ᬢᬦ᭄ᬓᭀᬘᬧ᭄ᬭᬶᬂᬚᬮᬜ᭄ᬚᬮᬦ᭄᭞ᬫᬸᬄᬲᬸᬭᬸᬧ᭄ᬪᬝᬵᬭᬭᬯᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬢᬫᬦ᭄᭞ᬓᬢᭀᬦ᭄ᬩ ᬮᬾᬦᬾᬉᬫᬸᬭᬸᬩ᭄᭞ᬳᭂᬩᭂᬓ᭄ᬕᬾᬫ᭄ᬧᬾᬮ᭄ᬩᬦ᭄ᬧ᭄ᬭᬤ᭞ᬓᬢᭀᬦᬰ᭄ᬭᬶᬳᬦᬹᬢ᭄ᬩᬮᬾᬧᬗᬦ᭄ᬢᬾᬦᬦ᭄᭟᭕᭙᭟ᬓᬳᬶᬍᬳᬶᬦ᭄ᬲᬃᬯ᭄ᬯᬩᬸᬗ᭞ᬧᬳᬸᬢ᭄ᬮ [ ᭑᭖ 16A] ᬕᬫᬜᬦ᭄ᬤᬶᬂ᭞ᬢᬸᬃᬦ᭄ᬥᬶᬂᬩᬸᬗᬦᬾᬓᭂᬫ᭄ᬩᬂ᭞ᬢᬫ᭄ᬩᬸᬮᬶᬮᬶᬗᬦ᭄ᬫᬗᬺᬩᬸᬢ᭄᭞ᬗᬭᬶᬬᭂᬂᬫᬸᬜᬶᬦᬾᬲᬯᬢ᭄᭞ᬫ᭄ᬭᬶᬓ᭄ᬫᬶᬗᬶᬂ᭞ᬳᬦᬹᬢ᭄ᬳᬢᬸᬃᬧᬜᬫ᭄ᬩ᭄ᬭᬫ᭟᭖᭐᭟ ᬤᬫᬃᬩᬸᬮᬦᬾ ᬫᬗ᭄ᬭᬜᬄ᭞ᬫᬲᬸᬦᬭᬦ᭄ᬫᬸᬭᬸᬩ᭄‌ᬗᭂᬦ᭄ᬤᬶᬄ᭞ᬲᬵᬫᬵᬧᬸᬦ᭄ᬯᬾᬦᬵᬢᭂᬦ᭄ᬤᬯᬸᬄᬢᬶᬕ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬯᬸᬯᬸᬲ᭄᭞ᬲᬵᬫᬵᬧᬸᬦ᭄ᬫᬸᬗ᭄ᬕᬄᬓᬧᬫᬺ ᬫᬦ᭄᭞ᬗᬭᬶᬳᬭᬶᬄ᭞ᬗᬭᬸᬫ᭄ᬭᬸᬫ᭄ᬳᬫ᭄ᬮᬤ᭄ᬧ᭄ᬭᬵᬡ᭚᭜᭚ᬓᬸᬫᬫ᭄ᬩᬂ᭟᭑᭟ᬭᬢᬸᬩᬸᬮᬦ᭄ᬧᬶᬋᬗᬂᬭᬢᬸᬳᬃᬱᬦᬶᬦ᭄᭞ᬳᬢᬸᬃᬳᬶᬓᬮᬭᬦ᭄᭞ ᬢᭀᬂᬤᬤᬶᬩᬵᬦ᭄‌ᬗᭂᬋᬢ᭄ᬩᬸᬤ᭄ᬥᬶ᭞ᬳᬭᬸᬄᬢᬸᬮᬤᬂᬧᬶᬘ᭄ᬙᬦ᭄ᬜ᭟᭒᭟ᬩᬲ᭄ᬓᬍᬩᬶᬄᬩᬵᬦ᭄ᬳᬶᬭᬢᬸᬜᬓᬶᬢᬶᬦ᭄᭞ᬢᭀᬂᬤᬤᬶᬧᬹᬃᬡ᭄ᬦᬬᬂ᭞ᬲᬭ᭄ᬯᬂᬲᬸ

Auto-transliteration

[ 15 15B] 15 jalanjanikakoripan, makadihibibidukuḥ, bar̥ĕngblijlemlaḥ, pitwimati, hapangblitwarapasaḥ. 57. cilinayatanpa ngucap, kewalahasmutangis, yeḥtinggaledr̥ĕsmdal, nidukuḥhistrihamuwus, tityangngiringpakahyunan, rāde nmantri, tumulirarismamar̀gga. 58. tankocapringjalañjalan, muḥsurupbhaṭārarawi, sāmpunrawuḥmaringtaman, katonba lene'umurub, hĕbĕkgempelbanprada, katonaśrihanūtbalepangantenan. 59. kahil̥ĕhinsar̀wwabunga, pahutla [ 16 16A] gamañanding, tur̀ndhingbunganekĕmbang, tambulilinganmangr̥ĕbut, ngariyĕngmuñinesawat, mrikminging, hanūt'hatur̀pañambrama. 60. damar̀bulane mangrañaḥ, masunaranmurubngĕndiḥ, sāmāpunwenātĕndawuḥtiga, rahadenmantrikawuwus, sāmāpunmunggaḥkapamr̥ĕ man, ngarihariḥ, ngarumrumhamladprāṇa // • // kumambang. 1. ratubulanpir̥ĕngangratuhar̀ṣanin, hatur̀hikalaran, tongdadibānngĕr̥ĕtbuddhi, haruḥtuladangpicchanña. 2. baskal̥ĕbiḥbānhiratuñakitin, tongdadipūr̀ṇnayang, sarwangsu

Leaf 16

Image on Archive.org

[ ᭑᭖ 16B] ᭑᭖᭞ ᬫᬶᬗ᭄ᬓᬶᬦ᭄ᬧᬮᬶᬂ᭞ᬧᬮᬶᬂᬢᭀᬤᬶᬢᬸᬗ᭄ᬓᬲᬂ᭟᭓᭟ᬳᬸᬧᬫᬶᬦ᭄ᬜᬢᬶᬢ᭄ᬬᬂᬳᬶᬱᬤ᭄ᬧᬵᬤᬲ᭄ᬥᬶᬄ᭞ᬲᬸᬯᬾᬓᬧ᭄ᬢᭂᬗᬦ᭄᭞ᬢ᭄ᬓᬵᬩᬸᬮᬦᬾᬗᬮᬗᬶᬦ᭄᭞ᬤᬶᬢᬸᬢ ᬢ᭄ᬬᬂᬫᬗ᭄ᬕᬶᬄᬍᬕ᭟᭕᭟ᬬᬦ᭄ᬲᬯᬗᬦ᭄ᬳᬶᬭᬢᬸᬤᬶᬳᬫ᭄ᬧᬾᬮ᭄ᬕᬥᬶᬂ᭞ᬢᬶᬢ᭄ᬬᬂᬢ᭄ᬯᬭᬧᬲᬄ᭞ᬲᬗ᭄ᬕᬮᬗᬶᬢ᭄‌ᬫ᭄ᬭᬶᬓ᭄ᬫᬶᬗᬶᬂ᭞ᬗᬮᬶᬮᬶᬢ᭄‌ᬢᬶᬢ᭄ᬬᬂᬫᬸᬮᬶᬲᬄ᭟ ᭕᭟ᬦᬄᬓᬾ ᬢᭀᬧᬶᬢᬸᬮᬸᬲ᭄ᬭᬢᬸᬮᬶᬗ᭄ᬕᬶᬳᬶᬦ᭄᭞ᬲᬃᬯ᭄ᬯᬶᬗᬭᬲᬭᬲ᭄᭞ᬳᬭᬸᬄᬢᬸᬮᬸᬲ᭄ᬓᬕᬸᬂᬗ᭄ᬕᬶᬄ᭞ᬓᬾᬯᭂᬭᬦ᭄ᬦᬶᬘᬶᬮᬶᬦᬬ᭟᭖᭟ᬓᬧ᭄ᬭᬧᭂᬓᬶᬦ᭄ ᬕᬶᬦᬸᬕᬄᬲᬃᬯ᭄ᬯᬶᬓᬦᬶᬮᬶᬢ᭄᭞ᬲᬵᬫ᭄ᬧᬸᬦᬯᭀᬃᬲ᭄ᬫᬭ᭞ᬓᬧᬢᬶᬭᬳᬤᬾᬦ᭄ᬤᬾᬯᬶ᭞ᬍᬲᬸᬭᬲᬢᬦ᭄ᬧᬚᬷᬯ᭟᭗᭟ᬭᬵᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬕᬄᬲᬃᬯ᭄ᬯᬶᬗ [ ᭑᭗ 17A] ᬲᬶᬳᬶᬦ᭄᭞ᬳᬤᬸᬄᬳᬢ᭄ᬫᬚᬶᬯ᭞ᬳ᭄ᬮᬲᬦ᭄ᬭᬢᬸᬦᬶᬗ᭄ᬕᬮᬶᬦ᭄᭞ᬓᬾᬦᬾᬢᬶᬢ᭄ᬬᬂᬓᬚᬦ᭄ᬢᬓ᭟᭘᭟ᬓᬕᬸᬬᬗᬶᬦ᭄ᬭᬤᬾᬦ᭄ᬤᬾᬯᬶᬢᬦ᭄ᬳᬾᬮᬶᬂ᭞ᬳᬤᬧ᭄ᬢᬂᬚ ᬫ᭄᭞ᬚᬷᬯᬦᬾ ᬭᬲᬦᬶᬗ᭄ᬕᬮᬶᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬾᬯᭂᬳᬦ᭄᭟᭙᭟ᬲᬃᬯ᭄ᬯᬶᬓᬭᬗ᭄ᬓᬸᬮ᭄‌ᬢᬦ᭄ᬲᬄᬮᬯᬸᬢ᭄ᬓᬫᬦ᭄ᬢ᭄ᬭᬳᬶᬦ᭄᭞ᬯᬶᬚᬬᬓᬸᬲᬸᬫ᭞ ᬢᭀᬓᬳᬸᬘᬧ᭄ᬫᬦ᭄ᬢ᭄ᬭᬲᬶᬤ᭄ᬥᬶ᭞ᬧᬗᬭᬤᬦ᭄ᬲᬂᬳ᭄ᬬᬗᬢ᭄ᬫᬵ᭟᭑᭐᭟ᬢᭀᬦ᭄ᬤᬾᬦ᭄ᬧ᭄ᬕᬢ᭄ᬫᬦ᭄ᬢ᭄ᬭᬦᬾᬲᬕᬾᬢ᭄ᬗᬮᬶᬮᬶᬃ᭞ᬲᬃᬯ᭄ᬯᬶᬗᬭᬲᬭᬲ᭄᭞ᬭᬵᬤᬾᬦ᭄ᬫᬦ᭄ᬢ᭄ᬭᬶ ᬗᬲᬶᬳᬶᬦ᭄᭞ᬳᬤᬸᬄᬓᬓᬸᬂᬳᬢ᭄ᬫᬚᬷᬯ᭟᭑᭑᭟ᬬᬦᬶᬂᬓᬕᬸᬂᬧᬬᬸᬫᬗ᭄ᬫᬲᬶᬦ᭄ᬫᬢᬶ᭞ᬢᬶᬢ᭄ᬬᬂᬫᬶᬮᬸᬧ᭄ᬚᬄ᭞ᬲᬾᬧᬵ‌ᬍᬕᬳᬾᬗ᭄ᬕᬮᬦ᭄ᬫᬢᬶ᭞ᬓᬳ

Auto-transliteration

[ 16 16B] 16 mingkinpaling, palingtoditungkasang. 3. hupaminñatityanghiṣadpādasdhiḥ, suwekaptĕngan, tkābulanengalangin, dituta tyangmanggiḥl̥ĕga. 5. yansawanganhiratudihampelgadhing, tityangtwarapasaḥ, sanggalangitmrikminging, ngalilittityangmulisaḥ. 5. naḥke topitulusratulinggihin, sar̀wwingarasaras, haruḥtuluskagungnggiḥ, kewĕrannicilinaya. 6. kaprapĕkin ginugaḥsar̀wwikanilit, sāmpunawor̀smara, kapatirahadendewi, l̥ĕsurasatanpajīwa. 7. rādenmantrihangugaḥsar̀wwinga [ 17 17A] sihin, haduḥhatmajiwa, hlasanratuninggalin, kenetityangkajantaka. 8. kaguyanginradendewitanheling, hadaptangja m, jīwane rasaninggalin, rahadenmantrikewĕhan. 9. sar̀wwikarangkultansaḥlawutkamantrahin, wijayakusuma, tokahucapmantrasiddhi, pangaradansanghyangatmā. 10. tondenpgatmantranesagetngalilir̀, sar̀wwingarasaras, rādenmantri ngasihin, haduḥkakunghatmajīwa. 11. yaningkagungpayumangmasinmati, tityangmilupjaḥ, sepāl̥ĕgahenggalanmati, kaha

Leaf 17

Image on Archive.org

[ ᭑᭗ 17B] ᭑᭗᭞ ᬩᬶᬦ᭄ᬦᬶᬘᬶᬮᬶᬦᬬ᭟᭑᭒᭟ᬲᬃᬯ᭄ᬯᬶᬗᬸᬘᬧ᭄ᬳᬢᬸᬭᬾᬥᬸᬄᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬳᬭᬸᬄᬫ᭄ᬧᭂᬂᬧᬶᬲᬦ᭄‌ᬗ᭄ᬕᬶᬄᬲᬸᬳᬸᬤ᭄ᬓᬸᬤᬫᬗᬸᬫᬶᬓ᭄᭞ᬢᭀᬂᬫᬫ᭄ᬧᬸᬄᬢᬶᬢ᭄ᬬᬂ ᬦᬶᬗᭂᬳᬂ᭟᭑᭓᭟ᬳᬸᬧᬫᬶᬦ᭄ᬜᬳᬶᬭᬢᬸᬗᬭᬸᬫ᭄ᬭᬸᬫ᭄ᬲᬦ᭄ᬤᬶ᭞ᬫᬧᬲᬶᬳᬶᬦ᭄ᬢᬸᬫ᭄ᬩᬮ᭄᭞ᬢᭀᬂᬩᬶᬲᬳᬶᬧᬸᬦ᭄‌ᬦᬶᬫ᭄ᬧᬮᬶᬦ᭄᭞ᬘᬤᬶᬓ᭄ᬕᬮᬶᬃᬜᬾᬦ᭄‌ᬗᬺᬲᭂ ᬧᬂ᭟᭑᭔᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧᬫ᭄ᬮᬲᬲᬶᬄ᭞ᬓᬵ ᬕᬸᬂᬲᬸᬳᬸᬤ᭄ᬫᭂᬗ᭄ᬕᬄ᭞ᬢᬶᬢ᭄ᬬᬂᬢᬳᬸᬢ᭄ᬓᬦ᭄ᬲᬶᬲᬶᬧ᭄᭞ᬓ᭄ᬭᭀᬥᬦᬶᬘᬶᬮᬶᬦᬬ᭟᭑᭕᭟ᬲᬃᬯ᭄ᬯᬶ ᬦᬶᬜ᭄ᬚᬓ᭄ᬓᬕᬲ᭄ᬕᬲ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬫᬲᬶᬄᬢ᭄ᬯᬭᬢᬾᬮᬕ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬲᬶᬳᬶᬦ᭄᭞ᬧᬗᬸᬘᬧᬾ ᬳᬫ᭄ᬮᬤ᭄ᬧ᭄ᬭᬵᬡ᭚᭜᭚ᬲᬶᬦᭀᬫ᭄᭟᭑᭟ [ ᭑᭘ 18A] ᬩᬗᭂᬢᬂᬭᬢᬸᬩᬗᭂᬢᬂ᭞ᬢᬶᬢ᭄ᬬᬂᬢ᭄ᬯᬭᬦᬶᬗ᭄ᬕᬮ᭄ᬪᬓ᭄ᬢᬶ᭞ᬳᬶᬭᬢᬸᬫᬦᬳᬂᬢᬶᬢ᭄ᬬᬂ᭞ᬳᬫ᭄ᬩᬸᬮ᭄‌ᬳ᭄ᬦᬵᬲᬾᬳᬕᬸᬫᬶ᭞ᬫᬶᬭᬳᬤᬶᬳᬧᬸᬭᬶ᭞ᬳᬫ᭄ᬩᬸᬮ᭄ᬭᬢ᭄ᬦ ᬦᬾᬳᬕᬸᬦᬸᬂ᭞ᬤᬶᬚᬩ᭄ᬯᬶᬦ᭄ᬳᬮᬶᬳᬂ᭞ᬭᬵᬚᬧᬸᬢ᭄ᬭᬶᬫᬦᬦ᭄ᬤᬶᬗᬶᬦ᭄᭞ᬬᬤᬶᬦ᭄ᬭᬸᬭᬸᬄ᭞ᬩᬢᬦ᭄ᬮᬗᬶᬢ᭄ᬤᬸᬳᬸᬃᬢᬦᬄ᭟᭒᭟ᬲᬧᬳᬸᬢ᭄ᬓᬢᭀᬦ᭄ᬲᬯᬗ ᬦ᭄᭞ᬢᭀᬂᬳᬤᬓᬯᭀᬲᬦ᭄ᬢᬡ᭄ᬥᬶᬂ᭞ᬧᬦ᭄ᬢᭂᬲ᭄ᬫᬓᬘᬦ᭄ᬤ᭄ᬭᬓᬦ᭄ᬢ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬲᬶᬦᬡ᭄ᬥᬶᬂ᭞ᬢᬸᬃᬳᬦᬸᬢ᭄ᬫᬧᬲᬶᬳᬶᬦ᭄᭞ᬧᬗ᭄ᬭᬸᬫ᭄ᬭᬸᬫᬾ ᬫᬸᬮᬸᬓ᭄ᬋᬫ᭄ᬧᬸᬄ ᭞ᬜᬶᬲᬬᬂᬓᬫᬦᬶᬲᬦ᭄᭞ᬧᬳᬸᬢ᭄‌ᬚᬗ᭄ᬕᬮᬓᬥᬶᬭᬶ᭞ᬧᬶᬲᬄᬫᬥᬸ᭞ᬳᬦᬸᬢᬂᬫᬳᭀᬫ᭄ᬩᬓ᭄ᬓᬶᬮᬂ᭟᭓᭟ᬮᬶᬦ᭄ᬢᬂᬚᬦ᭄ᬢ᭄ᬯᬄᬘᬭᬶᬢᬬᬂ᭞ᬯᬾᬦ᭄ᬢᭂ

Auto-transliteration

[ 17 17B] 17 binnicilinaya. 12. sar̀wwingucap'haturedhuḥrādenmantri, haruḥmpĕngpisannggiḥsuhudkudamangumik, tongmampuḥtityang ningĕhang. 13. hupaminñahiratungarumrumsandi, mapasihintumbal, tongbisahipunnimpalin, cadikgalir̀ñenngr̥ĕsĕ pang. 14. rahadenmantrihangucapamlasasiḥ, kā gungsuhudmĕnggaḥ, tityangtahutkansisip, krodhanicilinaya. 15. sar̀wwi niñjakkagasgasrahadenmantri, masiḥtwaratelag, rahadenmantringasihin, pangucape hamladprāṇa // • // sinom. 1. [ 18 18A] bangĕtangratubangĕtang, tityangtwaraninggalbhakti, hiratumanahangtityang, hambulhnāsehagumi, mirahadihapuri, hambulratna nehagunung, dijabwinhalihang, rājaputrimanandingin, yadinruruḥ, batanlangitduhur̀tanaḥ. 2. sapahutkatonsawanga n, tonghadakawosantaṇdhing, pantĕsmakacandrakanta, rahadenmantrisinaṇdhing, tur̀hanutmapasihin, pangrumrume mulukr̥ĕmpuḥ , ñisayangkamanisan, pahutjanggalakadhiri, pisaḥmadhu, hanutangmahombakkilang. 3. lintangjantwaḥcaritayang, wentĕ

Leaf 18

Image on Archive.org

[ ᭑᭘ 18B] ᭑᭘᭞ ᬦ᭄‌ᬳᬶᬗᬦ᭄ᬢᬶᬕᬂᬰᬰᬶᬄ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬲᬳᬭᬲ᭄᭞ᬳᬶᬂᬢᬫᬦ᭄ᬢᬶᬢᬶᬧ᭄ᬳᬸᬫᬸᬗ᭄ᬕ᭄ᬯᬶᬂ᭞ᬢᬦ᭄ᬤ᭄ᬯᬗ᭄ᬕᬃᬩ᭄ᬪᬶᬦᬶ᭞ᬳᬢᬸᬢ᭄ᬰᬰᬶᬳᬦᬾᬫ᭄ᬢᬸ᭞ᬧᬸᬢ᭄ᬭᬮᬦᬂᬲᬦᬸᬗ᭄ᬕᬮ᭄᭞ ᬯᬃᬡ᭄ᬦᬦᬾᬓᬮᬶᬦ᭄ᬢᬂᬧ᭄ᬓᬶᬓ᭄᭞ᬲ᭄ᬬᬂᬤᬮᬸ᭞ᬓᬳᬾ ᬫᬦ᭄ᬩᬳᬦ᭄ᬳᬚᬶᬩ᭄ᬬᬂ᭟᭔᭟ᬤᬯᬸᬄᬓᬮᬶᬄᬲᬵᬫᬵᬧᬸᬦᬳ᭄ᬬᬲ᭄᭞ᬓᬸᬦᭂᬂᬲᬶᬭᬧ᭄ᬭᬪᬸᬮᬶᬗ᭄ᬲᬶᬃ᭞ᬢᬶᬦᬗ᭄ᬓᬶ ᬮ᭄ᬫᬸᬗ᭄ᬕ᭄ᬯᬶᬂᬩᬜ᭄ᬘᬶᬗᬄᬧ᭄ᬦᬸᬄᬚᭂᬚᭂᬮ᭄ᬢᬡ᭄ᬥᬫᬦ᭄ᬢ᭄ᬭᬶ᭞ᬫᬓᬤᬶᬯᬢᭂᬓ᭄ᬋᬱᬶ᭞ᬢᬦ᭄ᬓᬲᬄᬭᬓ᭄ᬭ᭄ᬬᬦ᭄ᬢᬸᬫᭂᬗ᭄ᬕᬸᬂ᭞ᬓᬤ᭄ᬫᬸᬂᬓᬦᬸᬭᬸᬳᬦ᭄᭞ᬳᬢᬧ᭄ᬧ᭄ᬭᬲᬫᬳᬮᬶᬗ᭄ᬕᬶᬄ᭞ ᬫᬸᬗ᭄ᬕ᭄ᬯᬶᬂᬩᬢᬹᬃ᭞ᬲᬂᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓ᭟᭕᭟ᬫᬄᬢᬾᬧᬥᬓ᭄ᬦᭂᬳᬂ᭞ᬧᬢᬸᬢ᭄ᬮᬘᬸᬃᬦᬶᬭᬚᬦᬶ᭞ᬓᭀᬘᬧ᭄ᬬᬳᬶᬳᬦᬓ᭄ᬫᬦ᭄ᬢ᭄ᬭ᭄ᬬ᭞ᬤᬶᬢᬫᬦ᭄ᬳᬗᬺᬧ᭄ᬚᬦᬶ᭞ [ ᭑᭙ 19A] ᬲᬶᬂᬢᬳᬾᬦ᭄ᬫᬸᬮᬶᬄᬫᬸᬮᬶᬄ᭞ᬓᬮᬶᬄᬬᬤᬶᬢᬸᬫᬗᬸᬓᬸ᭞ᬩᬩᬾᬤᬦ᭄ᬓᬸᬢᬸᬦ᭄ᬳᬮᬲ᭄᭞ᬤᬸᬤᬸᬓᬦ᭄ᬦᬶᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬩᬲ᭄ᬓᬤᬸᬭᬸᬲ᭄᭞ᬮᬘᬸᬃᬦᬶᬭᬗ᭄ᬮᬄ ᬧ᭄ᬬᬦᬓ᭄᭟᭖᭟ᬢᭀᬂᬓᬕᬸᬕᬸᬗᬮᬶᬄᬲᭀᬫᬄ᭞ᬓᬮᬸᬤ᭄ᬫᬳᬦ᭄ᬲᭀᬫᬄᬯᬶᬮ᭄᭞ᬩᬲ᭄ᬫᬗ᭄ᬕᬯᬾᬳᬸᬧᭂᬢ᭄ᬚᬕᬢ᭄᭞ᬬᬦᬶᬂᬓ᭄ᬦᭂᬄᬦᬶᬭᬚᬦᬶ᭞ᬬᬳᬶᬦ ᬦᬓ᭄ᬫᬦ᭄ᬢ᭄ᬭᬶ᭞ᬓᬶᬤ᭄ᬫᬂᬓᭂᬫᭀᬫᬗᬧᬸᬲ᭄᭞ᬓᬮᬶᬄᬦᬾ ᬩᬳᬂᬲᬸᬭᬢ᭄᭞ᬳᬧᬂᬫᬳᬦ᭄ᬓᬶᬤᬂᬧᬸᬢᬶᬄ᭞ᬦᬾᬦᬾᬳ᭄ᬮᬸᬄ᭞ᬓᬧᬢᬶᬄᬓᭂᬫᭀᬫᬗ᭄ᬭᬸᬲᬓ᭄᭟᭗᭟ ᬳ᭄ᬚᭀᬳᬂᬢᭀᬗᭀᬲ᭄ᬫᬗ᭄ᬭᬸᬲᬓ᭄᭞ᬤᬶᬲᬶᬲᬶᬦ᭄ᬪᬗᬯᬦᬾᬓᬗᬶᬦ᭄᭞ᬫᬳᬤᬓ᭄ᬤᬶᬧᬦ᭄ᬤᬦ᭄ᬲᭂᬓᬃ᭞ᬲᬂᬤᬶᬦᬵᬃᬣᬦ᭄ᬳᬯᭀᬢ᭄ᬲᬭᬶ᭞ᬢᬦ᭄ᬤ᭄ᬯᬮᬸᬫᬫ᭄ᬧᬄ

Auto-transliteration

[ 18 18B] 18 nhingantigangśaśiḥ, rādenmantrisaharas, hingtamantitip'humunggwing, tandwanggar̀bbhini, hatutśaśihanemtu, putralanangsanunggal, war̀ṇnanekalintangpkik, syangdalu, kahe manbahanhajibyang. 4. dawuḥkaliḥsāmāpunahyas, kunĕngsiraprabhulingsir̀, tinangki lmunggwingbañcingaḥpnuḥjĕjĕltaṇdhamantri, makadiwatĕkr̥ĕsyi, tankasaḥrakryantumĕnggung, kadmungkanuruhan, hatapprasamahalinggiḥ, munggwingbatūr̀, sangprabhuhalonngandika. 5. maḥtepadhaknĕhang, patutlacur̀nirajani, kocapyahihanakmantrya, ditamanhangr̥ĕpjani, [ 19 19A] singtahenmuliḥmuliḥ, kaliḥyaditumanguku, babedankutunhalas, dudukannidukuḥhistri, baskadurus, lacur̀niranglaḥ pyanak. 6. tongkagugungaliḥsomaḥ, kaludmahansomaḥwil, basmanggawehupĕtjagat, yaningknĕḥnirajani, yahina nakmantri, kidmangkĕmomangapus, kaliḥne bahangsurat, hapangmahankidangputiḥ, nenehluḥ, kapatiḥkĕmomangrusak. 7. hjohangtongosmangrusak, disisinbhangawanekangin, mahadakdipandansĕkar̀, sangdinār̀thanhawotsari, tandwalumampaḥ

Leaf 19

Image on Archive.org

[ ᭑᭙ 19B] ᭑᭙᭞ ᬕ᭄ᬮᬶᬲ᭄᭞ᬳᬦ᭄ᬤᬸᬭᬸᬂᬮᬫ᭄ᬧᬳᬾᬲᬵᬫ᭄ᬧᬸᬦ᭄᭞ᬓᬶᬤ᭄ᬫᬸᬂᬧ᭄ᬭᬵᬧ᭄ᬢᬾᬂᬢᬫᬦ᭄᭞ᬓᬢᭀᬦ᭄ᬲᬶᬭᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬗᬸᬓᬸᬢᬸᬓᬸᬢ᭄᭞ᬧᬸᬢ᭄ᬭᬮᬦ᭄ᬳᬶᬘᬶᬮᬶᬦᬬ᭟᭘᭟ ᬓᬶᬤ᭄ᬫᬂᬫᬢᬸᬃᬯᭀᬢ᭄ᬲᭂᬓᬃ᭞ᬲᬫ᭄ᬩᬶᬮ᭄ᬗᬢᬸᬭᬂᬢᬸᬮᬶᬲ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬦᬭᬶᬫ᭞ᬓᬧᬯᭀᬲ᭄ᬭᬶᬂᬚ᭄ᬭᭀᬦᬶᬂᬳᬺᬤ᭄ᬥᬶ᭞ᬯᬸᬲ᭄ᬭᬸᬫᭂᬲᭂᬧᬾ ᬗᬢᬶ᭞ᬲᬃᬯ᭄ᬯᬶᬫ ᬗᬦ᭄ᬤᬶᬓᬳᬮᬸᬲ᭄᭞ᬥᬸᬄᬜᬳᬶᬘᬶᬮᬶᬦᬬ᭞ᬧᬤᬶᬗᭂᬳᬂᬫᬸᬜᬶᬦ᭄‌ᬩ᭄ᬮᬶ᭞ᬤᬶᬦᬶᬳᭂᬫ᭄ᬧᬸ᭞ᬳᬶᬘ᭄ᬦᬶᬂᬳᬧᬗᬫ᭄ᬮᬄ᭟᭙᭟ᬩ᭄ᬮᬶᬚᬦᬶᬧᬘᬂᬮ᭄ᬯᬲ᭄᭞ᬓᬳᬸ ᬢᬸᬃᬩᬳᬦ᭄ᬩᬧᬳᬚᬶ᭞ᬓᬳᬮᬲ᭄ᬫᬗᬮᬶᬄᬓᬶᬤᬂ᭞ᬳᬧᬂᬫᬳᬦ᭄ᬓᬶᬤᬂᬧᬸᬢᬶᬄ᭞ᬧᬶᬲᬺᬂᬩᬧᬳᬚᬶ᭞ᬩᬋᬂᬦᬾᬳᬶᬩᬧᬤ᭄ᬫᬸᬂ᭞ᬫᬢᬸᬃᬦᬶᬘᬶᬮᬶᬦᬬ᭞ [ ᭒᭐ 20A] ᬢᬶᬢ᭄ᬬᬂᬯᬦ᭄ᬢᬄᬢ᭄ᬮᬲ᭄ᬲᬳᬶᬭᬶᬂ᭞ᬲᬧᬶᬢᬸᬥᬸᬄ᭞ᬢᬶᬢ᭄ᬬᬂᬗᬶᬭᬶᬂᬧᬓᬳ᭄ᬬᬸᬦᬦ᭄᭟᭑᭐᭟ᬫᬗ᭄ᬤᬓᬾᬲᬓᬶᬂᬓᬢᬶᬢᬄ᭞ᬳᬦ᭄ᬢᬸᬓ᭄ᬳᬶᬤᬧ᭄ᬭᬪᬸᬮᬶᬗ᭄ᬲᬶᬃ᭞ ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬸᬭᬸᬦ᭄ᬧᬶᬯᬮ᭄᭞ᬓᬸᬦᭂᬂᬲᬶᬭᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬓᬶᬤ᭄ᬫᬸᬂᬢᬦ᭄ᬲᬄᬗᬶᬭᬶᬂ᭞ᬓᬮᬶᬄᬮᬦ᭄ᬳᬶᬚᬸᬭᬸᬩᬸᬭᬸ᭞ᬢᬦ᭄ᬓᭀᬘᬧ᭄ᬳᬦᬾᬗᬮᬲ᭄᭞ᬓ ᬯᬸᬯᬸᬲᬶᬭᬓ᭄ᬭ᭄ᬬᬦ᭄ᬧᬢᬶᬄ᭞ᬓᬗᬶᬦᬸᬢᬸᬲ᭄᭞ᬗᬭᬸᬲᬓ᭄ᬦᬶᬘᬶᬮᬶᬦᬬ᭟᭑᭑᭟ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬢᬫᬦ᭄᭞ᬓᬶᬧᬢᬶᬄᬦᬩ᭄ᬤᬳᬭᬶᬲ᭄᭞ᬳᬸᬤᬸᬄ ᬜᬳᬶᬘᬶᬮᬶᬦᬬ᭞ᬧᬤᬶᬗᭂᬳᬂᬫᬸᬜᬶᬦ᭄‌ᬩ᭄ᬮᬶ᭞ᬢ᭄ᬓᬵᬦ᭄‌ᬩ᭄ᬮᬶᬦᬾᬫᬳᬶ᭞ᬲᬓᬶᬂᬲᬫᬵᬥ᭄ᬬᬓᬳᬸᬢᬸᬲ᭄᭞ᬩᬳᬦ᭄ᬳᬶᬤᬲᬂᬦᬵᬣ᭞ᬅᬧᬂᬓᬲᬶᬤ᭄ᬥ

Auto-transliteration

[ 19 19B] 19 glis, handurunglampahesāmpun, kidmungprāptengtaman, katonsirarādenmantri, ngukutukut, putralanhicilinaya. 8. kidmangmatur̀wotsĕkar̀, sambilngaturangtulis, rahadenmantrinarima, kapawosringjroninghr̥ĕddhi, wusrumĕsĕpe ngati, sar̀wwima ngandikahalus, dhuḥñahicilinaya, padingĕhangmuñinbli, dinihĕmpu, hicninghapangamlaḥ. 9. blijanipacanglwas, kahu tur̀bahanbapahaji, kahalasmangaliḥkidang, hapangmahankidangputiḥ, pisr̥ĕngbapahaji, bar̥ĕngnehibapadmung, matur̀nicilinaya, [ 20 20A] tityangwantaḥtlassahiring, sapitudhuḥ, tityangngiringpakahyunan. 10. mangdakesakingkatitaḥ, hantuk'hidaprabhulingsir̀, tityangnentĕnpurunpiwal, kunĕngsirarādenmantri, kidmungtansaḥngiring, kaliḥlanhijuruburu, tankocap'hanengalas, ka wuwusirakryanpatiḥ, kanginutus, ngarusaknicilinaya. 11. sāmpunrawuḥringtaman, kipatiḥnabdaharis, huduḥ ñahicilinaya, padingĕhangmuñinbli, tkānblinemahi, sakingsamādhyakahutus, bahanhidasangnātha, apangkasiddha

Leaf 20

Image on Archive.org

[ ᭒᭐ 20B] ᭒᭐᭞ ᬦ᭄‌ᬚ᭄ᬯᬜᬳᬶ᭞ᬲᬶᬤ᭄ᬥᬮᬫ᭄ᬧᬸᬲ᭄᭞ᬫᬓᬸᬢᬂᬤᬶᬢᬫᬦ᭄‌ᬲ᭄ᬓᬃ᭟᭑᭒᭟ᬫᬲᬳᬸᬢ᭄ᬦᬶᬘᬶᬮᬶᬦᬬ᭞ᬫᬸᬜᬶᬦᬾᬳᬭᬹᬫ᭄ᬳᬫᬦᬶᬲ᭄᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬘᬂ ᬢᬸᬮᬓ᭄᭞ᬭᬶᬂᬓᬳ᭄ᬬᬸᬦ᭄ᬳᬶᬤᬲᬂᬳᬚᬶ᭞ᬓᬾᬯᬦ᭄ᬢᭂᬦ᭄ᬧᬗᬦ᭄ᬤᬶᬓᬳᬶᬦ᭄᭞ᬲᬶᬲᬶᬧ᭄ᬢᬶᬢ᭄ᬬᬂᬭᬶᬂᬲᬂᬧ᭄ᬭᬪᬸ᭞ᬫᬗ᭄ᬤᬢᬶᬢ᭄ᬬᬂᬲᬳᬸᬦᬶᬗ᭞ᬓᬶᬧᬢᬶᬄᬫᬲᬳᬸ ᬢ᭄ᬦᭂᬗ᭄ᬓᬶᬓ᭄᭞ᬳᬶᬚᬸᬳᬶᬚᬸ᭞ᬳ᭄ᬤᬜᬳᬶᬮ᭄ᬬᬸᬧ᭄ᬢ᭟᭑᭓᭟ᬦᬶᬘᬶᬮᬶᬦᬬᬳᬗᬸᬘᬧ᭄᭞ᬗ᭄ᬕᬶᬄᬬᬾᬦᬵᬳᬶᬂᬓᬾᬦ᭄ᬢᭂᬦ᭄ᬕᬸᬲ᭄ᬢᬶ᭞ᬳᬦ᭄ᬢᭀᬲ᭄‌ᬚ᭄ᬯᬓᬸᬤᬢᬶᬢ᭄ᬬᬂ᭞ᬕᬸᬫᭂ ᬦ᭄ᬢᭀᬲ᭄ᬲᬸᬯᬸᬤ᭄ᬫᬲᬶᬲᬶᬕ᭄᭞ᬫᬢ᭄ᬮᬄᬫᬭᬭᬤᬶᬦ᭄᭞ᬓᬶᬧᬢᬶᬄᬩᬗ᭄ᬭᬲᬫᬸᬯᬸᬲ᭄᭞ᬦᬄᬓ᭄ᬫᭀᬳᬾ ᬗ᭄ᬕᬮᬾᬗ᭄ᬕᬮ᭄᭞ᬩ᭄ᬮᬶᬤᬶᬦᬶᬫᬮᬸᬗᬦ᭄ᬢᬶ᭞ᬢᬦ᭄ᬓᬯᬸ [ ᭒᭑ 21A] ᬯᬸᬲ᭄᭞ᬘᬶᬮᬶᬦᬬᬳᬢᬢ᭄ᬮᬄ᭚᭜᭚ᬤ᭄ᬫᬸᬂ᭟᭑᭟ᬲᬵᬫᬵᬧᬸᬦ᭄‌ᬢ᭄ᬮᬄᬫᬭᬭᬤᬶᬦ᭄᭞ᬘᬶᬮᬶᬦᬬ᭞ᬜᬸᬭᬢ᭄ᬓᭀᬘᬧᬾᬳᬮᬸᬲ᭄᭞ᬲᬸᬭᬢ᭄ᬧ᭄ᬭᬬᬓ ᬢᬸᬃ᭞ᬭᬶᬂᬳᬶᬤᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬤᬕᬶᬂᬫᬶᬤᬃᬣᬬᬂ᭞ᬭᬶᬂᬓᬡ᭄ᬥᬦ᭄ᬢᬶᬢ᭄ᬬᬗᬾᬮᬫ᭄ᬧᬸᬲ᭄᭞ᬲᬓᬾᬂᬳᬶᬤᬲᬂᬦᬵᬣ᭞ᬫᬗᬸᬢᬸᬲ᭄ᬭᬓ᭄ᬭ᭄ᬬᬦ᭄ᬧᬢᬶᬄ᭞ᬫᬳ ᬤᬦ᭄ᬤᬶᬧᬦ᭄ᬤᬦ᭄‌ᬲ᭄ᬓᬃ᭞ᬤᬶᬢᬸᬢᭀᬗᭀᬲ᭄ᬢᬶᬢ᭄ᬬᬗᬾᬮᬫ᭄ᬧᬸᬲ᭄᭟᭒᭟ᬓᬮᬶᬄᬳᬧᬂᬓᬵᬕᬸᬂᬳᬾᬮᬶᬂᬢ᭄ᬓᬾᬦ᭄ᬧᬦᬓ᭄᭞ᬩᬵᬦ᭄ᬢᬸᬫ᭄ᬩᬸᬄᬜᬦᬾᬮᬘᬸᬃ᭞ ᬳ᭄ᬦᬸᬘ᭄ᬦᬶᬓ᭄‌ᬳᬸᬩᬸᬄ᭞ᬫᬾᬫᬾᬦᬾ ᬫᬗᬮᬳᬶᬦ᭄ᬫᬢᬶ᭞ᬫᬢᬶᬦ᭄ᬜᬓᬤᬤᬓ᭄᭞ᬲᭂᬫᬮᬶᬄᬳᬶᬩᬶᬩᬶᬤᬸᬓᬸᬄ᭞ᬤᬾᬯᬵᬕᬸᬂᬳ᭄ᬤᬳᭂᬗ᭄ᬲᬧ᭄᭞ᬢᬶᬢ᭄ᬬᬂ

Auto-transliteration

[ 20 20B] 20 njwañahi, siddhalampus, makutangditamanskar̀. 12. masahutnicilinaya, muñineharūmhamanis, tityangnentĕnpacang tulak, ringkahyunhidasanghaji, kewantĕnpangandikahin, sisiptityangringsangprabhu, mangdatityangsahuninga, kipatiḥmasahu tnĕngkik, hijuhiju, hdañahilyupta. 13. nicilinayahangucap, nggiḥyenāhingkentĕn'gusti, hantosjwakudatityang, gumĕ ntossuwudmasisig, matlaḥmararadin, kipatiḥbangrasamuwus, naḥkmohe nggalenggal, blidinimalunganti, tankawu [ 21 21A] wus, cilinayahatatlaḥ // • // dmung. 1. sāmāpuntlaḥmararadin, cilinaya, ñuratkocapehalus, suratprayaka tur̀, ringhidarahadenmantri, dagingmidar̀thayang, ringkaṇdhantityangelampus, sakenghidasangnātha, mangutusrakryanpatiḥ, maha dandipandanskar̀, ditutongostityangelampus. 2. kaliḥhapangkāgunghelingtkenpanak, bāntumbuḥñanelacur̀, hnucnik'hubuḥ, memene mangalahinmati, matinñakadadak, sĕmaliḥhibibidukuḥ, dewāgunghdahĕngsap, tityang

Leaf 21

Image on Archive.org

[ ᭒᭑ 21B] ᭒᭑᭞ ᬓᬧᬶᬳᬸᬢᬗᬦ᭄ᬳᬸᬭᬶᬧ᭄᭞ᬧᬶᬋᬂᬓᬵᬕᬸᬂᬧᬶᬋᬗᬂ᭞ᬳᬧᬂᬓᬵᬕᬸᬂᬦᬾᬫᬗ᭄ᬓᬶᬦ᭄ᬢᬳᬸ᭟᭓᭟ᬢᬶᬢ᭄ᬬᬂᬫᬫᬶᬲᬦ᭄ᬭᬶᬂᬩ᭄ᬮᬶ᭞ᬓᬯ᭄ᬬᬓ᭄ᬢ᭄ᬬᬦ᭄ᬜ᭞ᬳᬶᬕᬮᬸᬄᬤᬳᬵᬮ ᬘᬸᬃ᭞ᬳᬸᬮᬶᬳ᭄ᬦᬸᬤᬫᬸᬄ᭞ᬓᬬᬂᬢ᭄ᬯᬵᬫᬦᭂᬧᬸᬓᬶᬦ᭄᭞ᬳᬶᬥᬸᬧ᭄‌ᬕ᭄ᬮᬕ᭄ᬮ᭞ᬧᬕᬯᬾᬦ᭄ᬳᬶᬩᬶᬩᬶᬮᬶᬓᬸ᭞ᬚᬦᬶᬧᬫᬸᬧᬸᬢ᭞ᬢᬶᬢ᭄ᬬᬂᬧᬬᬸᬫᬗ᭄ᬫᬲᬶᬦ᭄᭞ᬭᬶ ᬯ᭄ᬓᬲ᭄ᬢᬶᬢ᭄ᬬᬂᬦᬸᬢᬸᬕᬂ᭞ᬫᬗᬯᬸᬮᬭᬶᬂᬩ᭄ᬮᬶᬳᬕᬸᬂ᭟᭔᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬳᬶᬤᬦᬸᬮᬶᬲ᭄‌ᬗᬫ᭄ᬩᬶᬮ᭄ᬧᬸᬢ᭄ᬭ᭞ᬫᬦᬗᬶᬲ᭄‌ᬗ᭄ᬓᬸᬢ᭄ᬳᬸᬓᬸᬢ᭄᭞ᬩᬲ᭄ᬓᬤᬸᬭᬸ ᬲ᭄ᬮᬘᬸᬃ᭞ᬳᬶᬤᬾᬯᬦᬸᬫᬤᬶᬤᬶᬦᬶ᭞ᬳ᭄ᬦᬸᬘ᭄ᬭᬶᬓ᭄ᬓᬢ᭄ᬓᬵᬦ᭄‌ᬤᬸᬄᬓᬶᬢᬳᬶᬫᬾᬫᬾᬮᬘᬸᬃ᭞ᬩᬧᬢᭀᬂᬫᬦᬯᬂ᭞ᬳᬧᬂᬓᬵᬕᬸᬂᬳᬮᬶᬢ᭄᭞ᬫᬦᬶᬧ᭄ᬯᬦ᭄ [ ᭒᭒ 22A] ᬗ᭄ᬕᬶᬄᬓᬾᬃᬢ᭄ᬢᬶᬬᬂ᭞ᬳᬧᬂᬓᬵᬕᬸᬂᬫᬦ᭄ᬫᬸᬳᬬᬸ᭟᭕᭟ᬦᬶᬤᬸᬓᬸᬄᬩᬯᬸᬫᬶᬭᬕᬶ᭞ᬫᬗᬸᬭᬭᬧ᭄᭞ᬗ᭄ᬮᬶᬂᬫᬫ᭄ᬓᬸᬮ᭄ᬲᬸᬓᬸ᭞ᬤᬸᬄᬭᬢᬸᬤᬾᬯᬵᬕᬸᬂ᭞ᬳ᭄ᬮᬲ ᬦ᭄ᬭᬢᬸᬦᬶᬗ᭄ᬕᬮᬶᬦ᭄᭞ᬧᬸᬢ᭄ᬭᬳ᭄ᬦᬸᬩᬭᬓ᭄᭞ᬳᬭᬸᬄᬓᬸᬤ᭄ᬬᬂᬢᬶᬢ᭄ᬬᬂᬭᬢᬸ᭞ᬳᬶᬕᬮᬸᬄᬳᬗᬸᬘᬧ᭄᭞ᬳᬭᬸᬄᬫ᭄ᬦᭂᬂᬓᬸᬤᬩᬶᬩᬶ᭞ᬭᬾᬄᬲᬓᬾᬂᬓ ᬳ᭄ᬬᬸᬦ᭄ᬲᬂᬦᬵᬣ᭞ᬬᭀᬕ᭄ᬬᬗᬫᬢ᭄ᬬᬦᬶᬂᬧᬢᬸᬢ᭄᭟᭖᭟ᬓᬶᬧᬢᬶᬄᬓ᭄ᬭᭀᬥᬫᬜ᭄ᬚ᭄ᬭᬶᬢ᭄᭞ᬫᬓ᭄ᬮᭀᬧᬶᬲᬦ᭄᭞ᬳᬾᬗ᭄ᬕᬮᬂᬓᬸᬤᬧᭂᬲᬸ᭞ᬓᬾᬦᬾ ᬲᬸᬩᬢ᭄ᬤᬸᬄ᭞ᬫᬾᬄᬲᬸᬭᬸᬧ᭄ᬪᬝᬵᬭᬭᬯᬶ᭞ᬳᬶᬕᬮᬸᬄᬳᬗᬸᬘᬧ᭄᭞ᬳᬤᬸᬄᬕᬸᬲ᭄ᬢᬶᬳᬦ᭄ᬳᭀᬲ᭄ᬤᬸᬫᬸᬦ᭄᭞ᬫᬮᬶᬳᬓᭂᬚᭂᬧ᭄ᬧᬶᬲᬦ᭄᭞ᬢᬶᬢ᭄ᬬᬂᬓᬭᬶ

Auto-transliteration

[ 21 21B] 21 kapihutanganhurip, pir̥ĕngkāgungpir̥ĕngang, hapangkāgungnemangkintahu. 3. tityangmamisanringbli, kawyaktyanña, higaluḥdahāla cur̀, hulihnudamuḥ, kayangtwāmanĕpukin, hidhupglagla, pagawenhibibiliku, janipamuputa, tityangpayumangmasin, ri wkastityangnutugang, mangawularingblihagung. 4. sāmpunpuput'hidanulisngambilputra, manangisngkut'hukut, baskaduru slacur̀, hidewanumadidini, hnucrikkatkānduḥkitahimemelacur̀, bapatongmanawang, hapangkāgunghalit, manipwan [ 22 22A] nggiḥker̀ttiyang, hapangkāgungmanmuhayu. 5. nidukuḥbawumiragi, mangurarap, nglingmamkulsuku, duḥratudewāgung, hlasa nratuninggalin, putrahnubarak, haruḥkudyangtityangratu, higaluḥhangucap, haruḥmnĕngkudabibi, reḥsakengka hyunsangnātha, yogyangamatyaningpatut. 6. kipatiḥkrodhamañjrit, maklopisan, henggalangkudapĕsu, kene subatduḥ, meḥsurupbhaṭārarawi, higaluḥhangucap, haduḥgustihanhosdumun, malihakĕjĕppisan, tityangkari

Leaf 22

Image on Archive.org

[ ᭒᭒ 22B] ᭒᭒᭞ ᬫᬲᬸᬲ᭄ᬯᬶᬦ᭄᭞ᬳᬶᬘ᭄ᬦᬶᬂᬓᬭᬶᬓᬲᬢᬦ᭄᭞ᬫ᭄ᬭᬄᬫ᭄ᬭᬸᬄᬕᬶᬦᬤᬦᭂᬫ᭄ᬩᬸᬂ᭚᭜᭚ᬕᬶᬦᬤ᭟᭑᭟ᬯ᭄ᬚᬶᬮ᭄ᬳᬶᬤᬗᭂᬫ᭄ᬩᬦ᭄ᬧᬸᬢ᭄ᬭ᭞ᬢᭀᬂᬕᬦ᭄ᬢᬲ᭄ᬳᬶᬤᬫᬫᬃᬕ᭄ᬕᬶ᭞ ᬲᬫ᭄ᬩᬶᬮ᭄ᬦᬗᬶᬲ᭄ᬫᬗᬦ᭄ᬤᬶᬓ᭞ᬚᬦᬶᬩ᭄ᬬᬂᬧᬫᬶᬢ᭄ᬮᬫ᭄ᬧᬸᬲ᭄᭞ᬓᬭᬶᬳᬶᬤᬾᬯᬗᬭᬕ᭞ᬳᬸᬥᬸᬄᬘ᭄ᬦᬶᬂ᭞ᬤᬶᬦᬶᬫᬦᬸᬦᬲ᭄ᬮᬸᬗ᭄ᬲᬸᬭᬦ᭄᭟᭒᭟ᬘ᭄ᬦᬶᬂᬦᬸᬢᬸ ᬕᬂᬗᬯᬸᬮ᭞ᬩ᭄ᬬᬂᬦᬾᬚᬦᬶᬫᬧᬫᬶᬢ᭄᭞ᬳᬶᬤᬦᬶᬫᬫᬋᬓᬦ᭄᭞ᬳᬸᬤᬸᬄᬤᬾᬯᬘ᭄ᬦᬶᬂᬩᬕᬸᬲ᭄᭞ᬫᬲᬸᬲᬸᬤᬾᬯᬯᬋᬕᬂ᭞ᬤᬶᬚᬩ᭄ᬯᬶᬦ᭄᭞ᬗ ᬮᬶᬄᬲᬸᬲᬸᬫᬦᬶᬧ᭄ᬯᬦ᭄᭟᭓᭟ᬦᬾ ᬚᬦᬶᬳᬶᬤᬾᬯᬩ᭄ᬮᬲ᭄᭞ᬬᬦ᭄‌ᬘ᭄ᬦᬶᬂᬦᬸᬢᬸᬕᬂᬳᬸᬭᬶᬧ᭄᭞ᬳᬾ ᬮᬶᬗᬂᬤᭀᬂᬲᬓᬶᬂᬩ᭄ᬬᬂ᭞ᬳ᭄ᬮᬲ᭄ᬦᬶᬗ᭄ᬕᬮᬶᬦ᭄ᬳᬶᬭᬢᬸ᭞ᬓᬾ [ ᭒᭓ 23A] ᬢᭀᬘ᭄ᬦᬶᬂᬳ᭄ᬤᬳᭂᬗ᭄ᬲᬧ᭄᭞ᬩ᭄ᬬᬂᬧᬫᬶᬢ᭄᭞ᬦᬶᬤᬸᬓᬸᬄᬳᬶᬲ᭄ᬢ᭄ᬭᬷᬫᬗᭂᬫ᭄ᬩᬦ᭄᭟᭔᭟ᬫᬗ᭄ᬮᬶᬂᬫᬲᬲᬫ᭄ᬩᬢᬦ᭄᭞ᬳᬥᬸᬄᬭᬢᬸᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬮᬮᬶᬲᬦ᭄ᬳᬶᬭᬢᬸ ᬮᬸᬗ᭄ᬳᬵ ᭞ᬗᬾᬦᬓᬶᬦ᭄ᬓᬳ᭄ᬬᬸᬦ᭄ᬫᬩᬸᬭᬸ᭞ᬢᭀᬂᬳᬾ ᬮᬶᬂᬢ᭄ᬓᬾᬦᬶᬂᬧᬸᬢ᭄ᬭ᭞ᬳ᭄ᬦᬸᬳᬮᬶᬢ᭄᭞ᬧᬘᬂᬫᬦᬶᬗ᭄ᬕᬮ᭄ᬳᬶᬤᬾᬯ᭟᭕᭟ᬤᬶᬚᬳᬶᬭᬢᬸᬫᬕ᭄ᬦᬄ᭞ᬢᬸᬮᬓ᭄ᬫ ᬦ᭄ᬢᬸᬓ᭄‌ᬕ᭄ᬮᬶᬲ᭄᭞ᬘᬶᬗᬓ᭄ᬢᬶᬢ᭄ᬬᬂᬓᬲᬗ᭄ᬲᬭᬦ᭄᭞ᬫᬗᬶᬭᬶᬂᬳᬦᬓ᭄ᬳᬶᬭᬢᬸ᭞ᬩ᭄ᬬᬗᬾᬫᬓᬸᬭᬾᬦᬶᬗ᭄ᬕᬮ᭄᭞ᬩᬲ᭄ᬓᬍᬩᬶᬄ᭞ᬯᬶᬥᬶᬦᬾᬳᬲᬸᬂᬧᬶᬤᬸ ᬓ᭟᭖᭟ᬭᬵᬤᬾᬦ᭄ᬕᬮᬸᬄᬫᭂᬲᬾᬄᬯᬲ᭄ᬢ᭄ᬭ᭞ᬧᬗᬗ᭄ᬕᭀᬦᬾᬲᬃᬯ᭄ᬯᬧᬸᬢᬶᬄ᭞ᬓᬶᬧᬢᬶᬄᬲᬸᬫᬶᬗ᭄ᬓᬶᬦ᭄ᬕᬯᭀᬓ᭄᭞ᬗᬢᭀᬦᬂᬯᬃᬡ᭄ᬦᬦᬾᬳᬬᬸ᭞ᬘᬬᬦᬾ

Auto-transliteration

[ 22 22B] 22 masuswin, hicningkarikasatan, mraḥmruḥginadanĕmbung // • // ginada. 1. wjilhidangĕmbanputra, tonggantashidamamar̀ggi, sambilnangismangandika, janibyangpamitlampus, karihidewangaraga, hudhuḥcning, dinimanunaslungsuran. 2. cningnutu gangngawula, byangnejanimapamit, hidanimamar̥ĕkan, huduḥdewacningbagus, masusudewawar̥ĕgang, dijabwin, nga liḥsusumanipwan. 3. ne janihidewablas, yancningnutuganghurip, he lingangdongsakingbyang, hlasninggalinhiratu, ke [ 23 23A] tocninghdahĕngsap, byangpamit, nidukuḥhistrīmangĕmban. 4. manglingmasasambatan, hadhuḥraturādenmantri, lalisanhiratu lunghā , ngenakinkahyunmaburu, tonghe lingtkeningputra, hnuhalit, pacangmaninggalhidewa. 5. dijahiratumagnaḥ, tulakma ntukglis, cingaktityangkasangsaran, mangiringhanak'hiratu, byangemakureninggal, baskal̥ĕbiḥ, widhinehasungpidu ka. 6. rāden'galuḥmĕseḥwastra, panganggonesar̀wwaputiḥ, kipatiḥsumingkin'gawok, ngatonangwar̀ṇnanehayu, cayane

Leaf 23

Image on Archive.org

[ ᭒᭓ 23B] ᭒᭓᭞ ᬓᬪᬶᬦᬪᬶᬦ᭞ᬕ᭄ᬢᬃᬫᬦᬶᬲ᭄᭞ᬘᬶᬮᬶᬦᬬᬳᬰ᭄ᬭᬸᬗᬸᬘᬧ᭄᭟᭗᭟ᬥᬸᬄᬫᬫᬦ᭄ᬦᬶᬓᬶᬧᬶᬋᬗᬂ᭞ᬳᬢᬸᬃᬢᬶᬢ᭄ᬬᬗᬾᬳᬃᬱᬦᬶᬦ᭄᭞ᬤᬶᬦᬶᬚ᭄ᬯᬫᬢ᭄ᬬᬂᬢᬶ ᬢ᭄ᬬᬂ᭞ᬳᬧᬂᬮᬲ᭄ᬬᬧᬶᬲᬦ᭄ᬮᬫ᭄ᬧᬸᬲ᭄᭞ᬩᬓᬮ᭄ᬦᬧᬶᬚ᭄ᬯᬳᭂᬚᭀᬳᬂ᭞ᬬᬤᬶᬦ᭄ᬳᬶᬭᬶᬤ᭄᭞ᬧᬫᬸᬧᬸᬢᬾᬫᬲᬶᬄᬧ᭄ᬚᬄ᭟᭘᭟ᬳᬶᬧᬢᬶᬄᬰ᭄ᬭᬸᬳᬗᬸᬘᬧ᭄᭞ᬗᬸ ᬤᬓᬾᬢᭀᬩᬳᬦ᭄ᬜᬳᬶ᭞ᬳ᭄ᬤᬗᬮ᭄ᬬᬸᬦᬂᬓ᭄ᬭᬸᬡ᭞ᬩᬧᬢ᭄ᬯᬭᬦᬯᬂᬉᬦ᭄ᬤᬸᬓ᭄᭞ᬚᬵᬢᬶᬲᬓᬶᬂᬧᬓᬳ᭄ᬬᬸᬦᬦ᭄᭞ᬰ᭄ᬭᬶᬪᬹᬧᬢᬶ᭞ᬕ᭄ᬮᬶᬲ᭄‌ᬕ᭄ᬮᬶᬲ᭄‌ᬚ᭄ᬯᬫᬚᬮ ᬦ᭄᭟᭙᭟ᬘᬶᬮᬶᬦᬬᬭᬭᬶᬲ᭄‌ᬫ᭄ᬤᬮ᭄᭞ᬫᬜᬶᬗᬮ᭄ᬧᬸᬢ᭄ᬭᬦᬾᬳᬮᬶᬢ᭄᭞ᬦᬸᬮᬶᬳᬕ᭄ᬮᬶᬲ᭄ᬗᬸᬘᬧ᭄᭞ᬧᬫᬦ᭄‌ᬚᬮᬦ᭄ᬓᬾ ᬮᬸᬫᬓᬸ᭞ᬓᬶᬧᬢᬶᬄᬲᬳᬸᬢᬾ [ ᭒᭔ 24A] ᬩᬗ᭄ᬕ᭄ᬭᬲ᭄᭞ᬦᬄᬫᬫᬃᬕ᭄ᬕᬶ᭞ᬢᬸᬫᬸᬮᬶᬭᬭᬶᬲ᭄ᬫᬚᬮᬦ᭄᭟᭑᭐᭟ᬳᬦ᭄ᬤᬭᬸᬂᬫᬃᬕ᭄ᬕᬓᬮᬭᭀᬦ᭄᭞ᬢᬦᬸᬘᬧᭂᬦ᭄ᬭᬶᬂᬫᬃᬕ᭄ᬕᬶ᭞ᬲᬓᬢᬳᬶᬂᬯᭀᬂᬫᬜᬶᬗᬓ᭄᭞ ᬳᬥᬫᬗᬸᬧᭂᬢ᭄ᬲᬂᬧ᭄ᬭᬪᬸ᭞ᬳ᭄ᬮᬲ᭄‌ᬮᬮᬶᬲᬦ᭄ᬲᬂᬦᬵᬣ᭞ᬩᬲ᭄ᬓᬍᬩᬶᬄ᭞ᬓᬾᬢᭀᬧᬥᬫᬤᭂᬳᭂᬧᬦ᭄᭟᭑᭑᭟ᬭᬯᬸᬄᬭᬶᬂᬢ᭄ᬗᬳᬶᬂᬳᬮᬲ᭄᭞ᬓᬶ ᬧᬢᬶᬄᬧᬶᬦᭂᬳᬶᬂᬳᬢᬶ᭞ᬤᬶᬦᬶᬚᬓᬸᬤᬫᬢᬶᬬᬂ᭞ᬓᬶᬧᬢᬶᬄᬦᬸᬮᬶᬳᬜᬸᬤᬸᬓ᭄᭞ᬭᬵᬤᬾᬦ᭄ᬤᬾᬯᬶᬢᬦ᭄ᬓᬦᬶᬦ᭄᭞ᬓ᭄ᬭᬶᬲ᭄‌ᬧ᭄ᬮᬶᬢ᭄᭞ᬓᬶᬧᬢᬶᬄᬫᬭ ᬲᬾᬂᬘᬶᬢ᭄ᬢ᭟᭑᭒᭟ᬘᬶᬮᬶᬦᬬᬵᬰ᭄ᬭᬸᬳᬗᬸᬘᬧ᭄᭞ᬲ᭄ᬫᬸᬳᬾᬭᬂᬲᬃᬯ᭄ᬯᬶᬭᬸᬦ᭄ᬢᬶᬓ᭄᭞ᬗᬸᬤᬧᬫᬦ᭄‌ᬩᬸᬓᬓᬾ ᬢᭀ᭞ᬤᬤᬶᬧᬫᬦ᭄ᬲᬸᬯᬸᬤ᭄ᬜᬸᬤᬸᬓ᭄᭞

Auto-transliteration

[ 23 23B] 23 kabhinabhina, gtar̀manis, cilinayahaśrungucap. 7. dhuḥmamannikipir̥ĕngang, hatur̀tityangehar̀ṣanin, dinijwamatyangti tyang, hapanglasyapisanlampus, bakalnapijwahĕjohang, yadinhirid, pamuputemasiḥpjaḥ. 8. hipatiḥśruhangucap, ngu daketobahanñahi, hdangalyunangkruṇa, bapatwaranawangunduk, jātisakingpakahyunan, śribhūpati, glisglisjwamajala n. 9. cilinayararismdal, mañingalputranehalit, nulihaglisngucap, pamanjalanke lumaku, kipatiḥsahute [ 24 24A] banggras, naḥmamar̀ggi, tumulirarismajalan. 10. handarungmar̀ggakalaron, tanucapĕnringmar̀ggi, sakatahingwongmañingak, hadhamangupĕtsangprabhu, hlaslalisansangnātha, baskal̥ĕbiḥ, ketopadhamadĕhĕpan. 11. rawuḥringtngahinghalas, ki patiḥpinĕhinghati, dinijakudamatiyang, kipatiḥnulihañuduk, rādendewitankanin, krisplit, kipatiḥmara sengcitta. 12. cilinayāśruhangucap, smuherangsar̀wwiruntik, ngudapamanbukake to, dadipamansuwudñuduk,

Leaf 24

Image on Archive.org

[ ᭒᭔ 24B] ᭒᭔᭞ ᬢ᭄ᬯᬭᬓᬾᬫᬦᬯᬂᬚ᭄ᬗᬄ᭞ᬧᬫᬦ᭄ᬧᬢᬶᬄ᭞ᬳᬧᬢᭀᬩ᭄ᬯᬶᬦ᭄ᬳᬦ᭄ᬢᭀᬲᬂ᭟᭑᭓᭟ᬦᬾᬧᬢᬶᬄᬓᬶᬱ᭄ᬝᬦᬶᬃᬕᬸᬡ᭞ᬓᬳᬸᬢᬸᬲ᭄ᬳᬦ᭄ᬢᬸᬓ᭄‌ᬪᬹᬧᬢᬶ᭞ᬢ᭄ᬯᬭᬢᬸᬫᬶ ᬢᬶᬲᬦ᭄‌ᬚᬦ᭄ᬫ᭞ᬰᬸᬤ᭄ᬭᬯᬗ᭄ᬰᬢᬦ᭄ᬧᬶᬢᬸᬢᬸᬃ᭞ᬳᭂᬦ᭄ᬢᬶᬧ᭄ᬓᬯᬳᬾᬫᬜ᭄ᬚᬦ᭄ᬫ᭞ᬤᬤᬶᬧᬢᬶᬄ᭞ᬲᬗ᭄ᬓᬦ᭄‌ᬢ᭄ᬯᬭᬫᬜᬶᬤ᭄ᬥᬬᬂ᭟᭑᭔᭟ᬓᬶᬧᬢᬶᬄᬢ᭄ᬯᬭᬗᬺᬲᭂ ᬧᬂ᭞ᬓᬤᬶᬭᬲᬦᬶᬂᬯᭀᬂᬢᬸᬮᬶ᭞ᬢᬸᬫᬸᬮᬶᬭᬭᬶᬲ᭄ᬫᬭᬵᬃᬬ᭄ᬬᬦ᭄᭞ᬳᬦ᭄ᬤᬭᬸᬂᬮᬫ᭄ᬧᬳᬾᬜᬸᬚᬸᬃ᭞ᬫᬦᬸᬚᬸᬭᬶᬂᬧᬦ᭄ᬤᬦ᭄‌ᬲ᭄ᬓᬃ᭞ᬢᬦ᭄ᬤᬸᬧ᭄ᬭᬵᬧ᭄ᬢᬶ᭞ᬭᬳᬤᬾᬦ᭄ᬕᬮᬸᬄ ᬳᬭᬵᬃᬬ᭄ᬬᬦ᭄᭟᭑᭕᭟ᬲᬫ᭄ᬩᬶᬮ᭄ᬫᬧᬲᬶᬳᬶᬦ᭄ᬧᬸᬢ᭄ᬭ᭞ᬥᬸᬄᬤᬾᬯᬫᬵᬲ᭄ᬫᬾᬫᬾᬘ᭄ᬦᬶᬂ᭞ᬓᬢᬸᬗ᭄ᬕᬮᬶᬦᬶᬓᬤᬾᬯ᭞ᬳ᭄ᬦᬸᬘ᭄ᬦᬶᬓ᭄ᬩᬋᬂᬮᬫ᭄ᬧᬸᬲ᭄᭞ᬩᬲ᭄ᬢᬸᬮᬸ [ ᭒᭕ 25A] ᬲ᭄ᬯᬶᬥᬶᬦᬾᬤᬸᬓ᭞ᬲᬃᬯ᭄ᬯᬶᬦᬗᬶᬲ᭄᭞ᬓᬳᬸᬓᬸᬢ᭄ᬓᬳᬸᬭᬲᬭᬲ᭄᭟᭑᭖᭟ᬦᬶᬤᬸᬓᬸᬄᬭᬭᬶᬲᬗᬸᬘᬧ᭄᭞ᬲᬶᬕ᭄ᬲᬶᬕᬦ᭄ᬫᬲᬶᬄᬫᬗ᭄ᬮᬶᬂ᭞ᬢᬶᬢ᭄ᬬᬂᬗᬶᬭᬶᬂᬩᬋᬂᬧ᭄ᬚᬄ ᭞ᬳᬧᬧ᭄ᬯᬭᬦ᭄ᬢᬶᬢ᭄ᬬᬂᬳᬶᬥᬸᬧ᭄᭞ᬬᬤᬶᬦ᭄ᬢᬶᬩᬵᬫᬭᬶᬂᬓᬯᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬲᬸᬓᬓᬫᬢᬸᬗ᭄ᬕᬮᬦ᭄ᬩᬂᬩᬂ᭟᭑᭗᭟ᬳᬶᬧᬢᬶᬄᬭᬸᬫᬲᬾᬂᬘᬶᬢ᭄ᬢ᭞ᬦᬸᬮᬶᬗᬸ ᬘᬧ᭄ᬫᬦᬓᭀᬦᬶᬦ᭄᭞ᬩᬧᬲᬚᬢᬦ᭄ᬤ᭄ᬭᬸᬄᬋᬓᭀ᭞ᬯᬗ᭄ᬰᬳᬧᬦᬾᬧᬶᬢᬸᬳᬸ᭞ᬤᬶᬚᬧ᭄ᬭᬤᬾᬰᬦᬾᬲᬫ᭄ᬩᬢ᭄᭞ᬳᬸᬥᬸᬄᬜᬳᬶ᭞ᬢᬸᬢᬸᬭᬂᬢ᭄ᬓᬾᬦᬶᬂᬩᬧ᭟ ᭑᭘᭟ᬳ᭄ᬤᬧᬶᬲᬦ᭄ᬜᬳᬶᬗᬸᬩ᭄ᬤ᭞ᬩᬧᬫᬗᭀᬭᬳᬂᬚᬦᬶ᭞ᬯᬘᬦᬦ᭄ᬳᬶᬤᬲᬂᬦᬵᬣ᭞ᬬᬦᬶᬂᬜᬓ᭄ᬜᬳᬶᬗᬓᬸ᭞ᬧ᭄ᬤᬲ᭄‌ᬩᬸᬳᬸᬂᬜᬳᬶᬧ᭄ᬚᬄ᭞ᬓᬾᬢᭀᬚᬵ

Auto-transliteration

[ 24 24B] 24 twarakemanawangjngaḥ, pamanpatiḥ, hapatobwinhantosang. 13. nepatiḥkiṣṭanir̀guṇa, kahutushantukbhūpati, twaratumi tisanjanma, śudrawangśatanpitutur̀, hĕntipkawahemañjanma, dadipatiḥ, sangkantwaramañiddhayang. 14. kipatiḥtwarangr̥ĕsĕ pang, kadirasaningwongtuli, tumulirarismarār̀yyan, handarunglampaheñujur̀, manujuringpandanskar̀, tanduprāpti, rahaden'galuḥ harār̀yyan. 15. sambilmapasihinputra, dhuḥdewamāsmemecning, katunggalinikadewa, hnucnikbar̥ĕnglampus, bastulu [ 25 25A] swidhineduka, sar̀wwinangis, kahukutkahurasaras. 16. nidukuḥrarisangucap, sigsiganmasiḥmangling, tityangngiringbar̥ĕngpjaḥ , hapapwarantityanghidhup, yadintibāmaringkawaḥ, tityangngiring, sukakamatunggalanbangbang. 17. hipatiḥrumasengcitta, nulingu capmanakonin, bapasajatandruḥr̥ĕko, wangśahapanepituhu, dijapradeśanesambat, hudhuḥñahi, tuturangtkeningbapa. 18. hdapisanñahingubda, bapamangorahangjani, wacananhidasangnātha, yaningñakñahingaku, pdasbuhungñahipjaḥ, ketojā

Leaf 25

Image on Archive.org

[ ᭒᭕ 25B] ᭒᭕᭞ ᬢᬶ᭞ᬳᬸᬥᬸᬄᬜᬳᬶᬘᬶᬮᬶᬦᬬ᭟᭑᭙᭟ᬦᬶᬘᬶᬮᬶᬦᬬᬳᬗᬸᬘᬧ᭄᭞ᬫᬫᬦ᭄ᬦᬾᬦ᭄ᬢᭂᬦ᭄ᬢᬶᬢ᭄ᬬᬂᬳᬸᬦᬶᬂ᭞ᬭᬶᬂᬯᬗ᭄ᬰᬦ᭄ᬢᬶᬢ᭄ᬬᬂᬋᬓᭀ᭞ᬮᬮᬶᬭᬶᬂᬤᬾᬰᬦᬾᬲᬵᬫ᭄ᬧᬸ ᬦ᭄᭞ᬢᬶᬢ᭄ᬬᬂᬚᬦ᭄ᬫᬮᬶᬦ᭄ᬢᬂᬮᬭ᭞ᬲᬓᬾᬂᬳᬮᬶᬢ᭄᭞ᬳᬾᬮᬶᬂᬫᬕ᭄ᬦᬄᬭᬶᬂᬗᬮᬲ᭄᭟᭒᭐᭟ᬳᬶᬧᬢᬶᬄᬩᬗ᭄ᬕ᭄ᬭᬲ᭄ᬳᬗᬸᬘᬧ᭄᭞ᬬᬦ᭄‌ᬢ᭄ᬯᬄᬓᬾᬢᭀᬩᬳᬦ᭄ᬜᬳᬶ᭞ ᬳᬧᬂᬧᬕᭂᬄᬜᬳᬶᬋᬓᭀ᭞ᬩᬧᬚᬦᬶᬧᬘᬂᬜᬸᬤᬸᬓ᭄᭞ᬫᬢᬸᬃᬦᬶᬘᬶᬮᬶᬦᬬ᭞ᬩᬧᬧᬢᬶᬄ᭞ᬧᬸᬦᬶᬓᬦᬾ ᬢᬸᬦᬲ᭄ᬢᬶᬢ᭄ᬬᬂ᭟᭒᭑᭟ᬫᬗᬺᬕᭂᬧ᭄ᬦᬶᬘᬶ ᬮᬶᬦᬬ᭞ᬫᬗ᭄ᬭᬡᬲᬶᬓᬫᬫᬸᬱ᭄ᬝᬶ᭞ᬗᬸᬧ᭄ᬢᬶᬲᬂᬳ᭄ᬬᬂᬓᬍᬧᬲᬦ᭄᭞ᬤᬰᬩᬵᬬᬸᬲᬵᬫᬵᬧᬸᬦ᭄ᬫᬸᬗ᭄ᬕᬸᬄ᭞ᬧᬫ᭄ᬭᬮᬷᬡᬵᬦ᭄ᬲᬂᬳ᭄ᬬᬗᬵᬢ᭄ᬫ᭞ᬫᬢ᭄ᬭᬍᬯᬶᬄ᭞ᬗᬲ᭄ᬢᬸᬢᬶ [ ᭒᭖ 26A] ᬇᬦ᭄ᬤ᭄ᬭᬪᬯᬦ᭟᭒᭒᭟ᬲᬵᬫᬵᬧᬸᬦ᭄ᬧᬸᬧᬸᬢ᭄‌ᬗᬸᬧ᭄ᬢᬶᬬᬂ᭞ᬫᬶᬤᭂᬃᬪᬸᬯᬦᬵᬫᬢᬸᬃᬪᬓ᭄ᬢᬶ᭞ᬲᬵᬫᬵᬧᬸᬦ᭄ᬧᬸᬧᬸᬢ᭄ᬲᬧ᭄ᬭᬢᬶᬗ᭄ᬓᬄ᭞ᬳᬦᬸᬮᬶᬕ᭄ᬮᬶᬕ᭄ᬲᬫᬸᬯᬸᬲ᭄᭞ᬲᬶᬭᬧ ᬘᬂᬜᬸᬤᬸᬓ᭄ᬢᬶᬢ᭄ᬬᬂ᭞ᬕ᭄ᬮᬶᬲ᭄‌ᬕ᭄ᬮᬶᬲ᭄᭞ᬢᬫ᭄ᬧᭂᬓᬶᬦ᭄‌ᬚᬓᬸᬤᬢᬶᬢ᭄ᬬᬂ᭟᭒᭓᭟ᬓᬶᬧᬢᬶᬄᬫᬦᭂᬲᭂᬓ᭄ᬳᬾ ᬗ᭄ᬕᬮ᭄᭞ᬧᬸᬢ᭄ᬭᬦᬾᬩ᭄ᬮᬲᬂᬜᬳᬶ᭞ᬲᬸᬫᬳᬸᬃᬦᬶᬘᬶ ᬮᬶᬦᬬ᭞ᬯ᭄ᬬᬤᬶᬦ᭄ᬳᬶᬤᬲᬋᬂᬮᬫ᭄ᬧᬸᬲ᭄᭞ᬧᬶᬢ᭄ᬯᬶᬓᬭᬶᬳᬸᬭᬶᬧ᭄᭞ᬫᬗ᭄ᬤᬓᬭᬶ᭞ᬫᬲᬸᬲᬸᬭᬶᬂᬢᬶᬢ᭄ᬬᬂᬧ᭄ᬚᬄ᭟᭒᭔᭟ᬓᬶᬧᬢᬶᬄᬯᬸᬢ᭄ᬫᬜᬕ᭄ᬚᬕ᭄᭞ᬲᬃᬯ᭄ᬯᬶ ᬗᬸᬦᬸᬲ᭄ᬗᬕᭂᬫ᭄‌ᬓ᭄ᬭᬶᬲ᭄᭞ᬦᬶᬘᬶᬮᬶᬦᬬᬢᬸᬫᬶᬗ᭄ᬳᬮ᭄᭞ᬲ᭄ᬩᭂᬂᬩᬶᬗᬃᬓ᭄ᬜᬸᬂᬓ᭄ᬜᬸᬂ᭞ᬗᭂᬫ᭄ᬩᬸᬲ᭄‌ᬩᬸᬗ᭄ᬓᬸᬲ᭄ᬲᬃᬯ᭄ᬯᬶᬗᬸᬘᬧ᭄᭞ᬧᬫᬦ᭄ᬧᬢᬶᬄ᭞ᬦᬶᬓᬶᬩᬸᬗ᭄ᬓᬸᬂᬦᬶᬭᬚ᭄ᬯᬂ᭟

Auto-transliteration

[ 25 25B] 25 ti, hudhuḥñahicilinaya. 19. nicilinayahangucap, mamannentĕntityanghuning, ringwangśantityangr̥ĕko, laliringdeśanesāmpu n, tityangjanmalintanglara, sakenghalit, helingmagnaḥringngalas. 20. hipatiḥbanggrashangucap, yantwaḥketobahanñahi, hapangpagĕḥñahir̥ĕko, bapajanipacangñuduk, matur̀nicilinaya, bapapatiḥ, punikane tunastityang. 21. mangr̥ĕgĕpnici linaya, mangraṇasikamamuṣṭi, nguptisanghyangkal̥ĕpasan, daśabāyusāmāpunmungguḥ, pamralīṇānsanghyangātma, matral̥ĕwiḥ, ngastuti [ 26 26A] indrabhawana. 22. sāmāpunpuputnguptiyang, midĕr̀bhuwanāmatur̀bhakti, sāmāpunpuputsapratingkaḥ, hanuligligsamuwus, sirapa cangñuduktityang, glisglis, tampĕkinjakudatityang. 23. kipatiḥmanĕsĕk'he nggal, putraneblasangñahi, sumahur̀nici linaya, wyadinhidasar̥ĕnglampus, pitwikarihurip, mangdakari, masusuringtityangpjaḥ. 24. kipatiḥwutmañagjag, sar̀wwi ngunusngagĕmkris, nicilinayatuminghal, sbĕngbingar̀kñungkñung, ngĕmbusbungkussar̀wwingucap, pamanpatiḥ, nikibungkungnirajwang.

Leaf 26

Image on Archive.org

[ ᭒᭖ 26B] ᭒᭖᭞ ᭒᭕᭟ᬕᬜ᭄ᬚᬭᬦᬶᬭᬭᬶᬂᬧᬫᬦ᭄᭞ᬳᬶᬧᬢᬶᬄᬓᬭᬶᬫᬲᬶᬫ᭄ᬲᬶᬫ᭄᭞ᬗᬗ᭄ᬕᬃᬓ᭄ᬭᬶᬲ᭄‌ᬲᬃᬯ᭄ᬯᬶᬗᬸᬘᬧ᭄᭞ᬘᬶᬮᬶᬦᬬᬦᬾᬤᬸᬮᬸ᭞ᬧ᭄ᬤᬲᬂᬜᬳᬶᬧ᭄ᬤᬲᬂ᭞ᬳᬧᬂᬧ ᬲ᭄ᬢᬶ᭞ᬫᬲᬳᬸᬃᬦᬶᬘᬶᬮᬶᬦᬬ᭟᭒᭖᭟ᬭᬶᬂᬫᬸᬜ᭄ᬘᬸᬓ᭄‌ᬳᭀᬗ᭄ᬓᬵᬭᬦᬸᬗ᭄ᬕᬮ᭄᭞ᬮᬶᬗ᭄ᬕᬶᬄᬲᬂᬳ᭄ᬬᬂᬧᬰᬸᬧᬢᬶ᭞ᬭᬳᬶᬓᬭᭀᬲᬹᬃᬬ᭄ᬬᬘᬦ᭄ᬤ᭄ᬭ᭞ᬧᬗᬯᬓ᭄ᬓᬵᬮ ᬫᬺᬢ᭄ᬬᬸ᭞ᬚᬮᬭᬦ᭄ᬲᬗᬵᬢ᭄ᬫᬦᬶᬗ᭄ᬕᬮ᭄᭞ᬯ᭄ᬓᬲ᭄ᬫᬸᬮᬶᬄ᭞ᬫᬗ᭄ᬤᬤᬶᬓ᭄ᬱᬢ᭄ᬭ᭄ᬬᬯᬗ᭄ᬰ᭟᭒᭗᭟ᬓᬶᬧᬢᬶᬄᬓ᭄ᬭᭀᬥᬦᬶᬗᭂᬳᬂ᭞ᬲᬃᬯ᭄ᬯᬶᬜᬸᬤᬸᬓ᭄ᬭᬵᬤᬾᬦ᭄ᬤᬾᬯᬶ᭞ᬲ ᬧᬶᬲᬦ᭄ᬫᬯᬦᬦ᭄ᬭᬸᬲᬓ᭄᭞ᬢᬭᬓᬾᬓᬦ᭄ᬢᬶᬧᬶᬂᬢ᭄ᬮᬸ᭞ᬤᬤᬭᬸᬥᬶᬭᬦᬾᬫᬸᬜ᭄ᬘᬃ᭞ᬫ᭄ᬭᬶᬓ᭄ᬲᬸᬫᬶᬭᬶᬢ᭄᭞ᬫᬶᬬᬶᬓᬾᬗᭂᬩᭂᬓᬶᬦ᭄ᬳᬮᬲ᭄᭟᭒᭘᭟ᬮᬬᭀᬦᬾ [ ᭒᭗ 27A] ᬳ᭄ᬩᬄᬦᬸᬗ᭄ᬓᬬᬓ᭄᭞ᬫᬗ᭄ᬮᬮᬬᬓ᭄ᬫᬸᬮᭀᬦ᭄ᬓᬗᬶᬦ᭄᭞ᬲᬃᬯ᭄ᬯᬶᬓᬦ᭄ᬢᬸᬦ᭄‌ᬗᭂᬫ᭄ᬩᬦ᭄ᬧᬸᬢ᭄ᬭ᭞ᬭᬭᬾᬢᬦ᭄ᬲᬄᬫᬲᬸᬲᬸ᭞ᬘᬶᬮᬶᬦᬬᬲᬵᬫ᭄ᬧᬸᬦ᭄ᬮᬷᬡ᭞ᬤᬸᬓᬸᬄᬳᬶ ᬲ᭄ᬢ᭄ᬭᬷ᭞ᬫᬗ᭄ᬮᬶᬂᬬᬫᬗᬸᬭᬭᬧ᭄᭟᭒᭙᭟ᬓᬶᬧᬢᬶᬄᬲᬵᬫ᭄ᬧᬸᬦ᭄ᬫᬦᬶᬗ᭄ᬕᬮ᭄᭞ᬓᬢᭀᬦ᭄ᬧ᭄ᬭᬪᬵᬯᬦ᭄ᬲᬂᬮᬮᬶᬲ᭄᭞ᬓᬮᬶᬦ᭄ᬢᬂᬫᬗ᭄ᬕᬯᬾᬳᬗᭀᬩ᭄᭞ᬢᬾ ᬚᬗᬤᭂᬕ᭄ᬓᬸᬯᬸᬂᬓᬸᬯᬸᬂ᭞ᬲᬹᬃᬬ᭄ᬬᬓᭂᬫ᭄ᬩᬃᬫᬓᬮᬗᬦ᭄᭞ᬭᬶᬭᬶᬲ᭄ᬳᬮᬶᬢ᭄᭞ᬓᬶᬮᬧ᭄ᬢᬝᬶᬢ᭄ᬫᬲᬶᬫ᭄ᬩᬭᬦ᭄᭚᭜᭚ᬲ᭄ᬫᬭᬦ᭄ᬤᬦ᭟᭑᭟ᬕᭂᬋᬳᬾᬜ᭄ᬭᬶᬢ᭄ᬫ ᬫᬸᬜᬶ᭞ᬫᬶᬭᬶᬩ᭄‌ᬳ᭄ᬮᬶᬂᬫᬜ᭄ᬤᬶᬳᬂ᭞ᬳᬸᬚᬦ᭄ᬭᬵᬚᬫᬲ᭄ᬭᬶᬬᭀᬓ᭄᭞ᬓᬢᭀᬦ᭄ᬫᬶᬭᬶᬩ᭄ᬢᭀᬬᬦ᭄ᬢᬶᬗ᭄ᬳᬮ᭄᭞ᬳᬓᬾᬢᭀᬬᬦ᭄ᬲᬯᬗᬂ᭞ᬓᬳᬸᬘᬧ᭄

Auto-transliteration

[ 26 26B] 26 25. gañjaraniraringpaman, hipatiḥkarimasimsim, nganggar̀krissar̀wwingucap, cilinayanedulu, pdasangñahipdasang, hapangpa sti, masahur̀nicilinaya. 26. ringmuñcuk'hongkāranunggal, linggiḥsanghyangpaśupati, rahikarosūr̀yyacandra, pangawakkāla mr̥ĕtyu, jalaransangātmaninggal, wkasmuliḥ, mangdadikṣatryawangśa. 27. kipatiḥkrodhaningĕhang, sar̀wwiñudukrādendewi, sa pisanmawananrusak, tarakekantipingtlu, dadarudhiranemuñcar̀, mriksumirit, miyikengĕbĕkinhalas. 28. layone [ 27 27A] hbaḥnungkayak, manglalayakmulonkangin, sar̀wwikantunngĕmbanputra, raretansaḥmasusu, cilinayasāmpunlīṇa, dukuḥhi strī, manglingyamangurarap. 29. kipatiḥsāmpunmaninggal, katonprabhāwansanglalis, kalintangmanggawehangob, te jangadĕgkuwungkuwung, sūr̀yyakĕmbar̀makalangan, ririshalit, kilaptaṭitmasimbaran // • // smarandana. 1. gĕr̥ĕheñritma muñi, mirib'hlingmañdihang, hujanrājamasriyok, katonmiribtoyantinghal, haketoyansawangang, kahucap

Leaf 27

Image on Archive.org

[ ᭒᭗ 27B] ᭒᭗᭞ ᬦᬶᬳᬶᬲ᭄ᬢ᭄ᬭᬶᬤᬸᬓᬸᬄ᭞ᬗ᭄ᬮᬶᬂᬬᬫᬲᬲᬫ᭄ᬩᬢᬦ᭄᭟᭒᭟ᬕᬸᬭᬸᬳᬚᬶᬩ᭄ᬬᬂᬲᬸᬭᬷ᭞ᬘᬶᬗᬓᬾᬧᬸᬢ᭄ᬭᬦᬾᬤᬾᬯ᭞ᬤᬶᬳᬮᬲ᭄ᬦᬦ᭄ᬤᬂᬓᬮᬭᭀᬦ᭄᭞ᬩᬲ᭄ᬓᬤᬸᬭᬸ ᬲ᭄ᬚᬳᬶᬤᬾᬯ᭞ᬢᬦ᭄ᬳᬾᬮᬶᬂᬢ᭄ᬓᬾᬦ᭄ᬧᬸᬢ᭄ᬭ᭞ᬳᬚᬶᬦᬾ ᬮ᭄ᬯᬲ᭄ᬫᬩᬸᬭᬸ᭞ᬩ᭄ᬬᬗᬾᬦᬶᬗ᭄ᬕᬮᬶᬦ᭄ᬲᬾᬤ᭟᭓᭟ᬲᬫ᭄ᬩᬶᬮ᭄‌ᬗ᭄ᬮᬶᬂᬫᬧᬲᬶᬳᬶᬦ᭄᭞ᬳᬦᬓᬾᬳᬮᬶᬢ᭄ ᬓᬳᭂᬫ᭄ᬩᬦ᭄᭞ᬤᬸᬄᬤᬾᬯᬳ᭄ᬦᬸᬓᬭᬭᬾᬦ᭄᭞ᬫᬲᬶᬄᬫᬦ᭄ᬫᬸᬲᬗ᭄ᬲᬭ᭞ᬤᭀᬂᬳᬧᬍᬫ᭄ᬧᬶᬃᬳᬶᬤ᭞ᬩᬲ᭄‌ᬍᬩᬶᬄᬓᬸᬤᬭᬢᬸ᭞ᬯᬶᬥᬶᬦᬾᬳᬶᬘ᭄ᬙᬧᬶᬤᬸ ᬓ᭟᭔᭟ᬭᬵᬤᬾᬦ᭄ᬫᬦ᭄ᬢ᭄ᬭᬶᬳᬮᬶᬢ᭄ᬦᬗᬶᬲ᭄᭞ᬦᬶᬤᬸᬓᬸᬄᬳᬶᬲ᭄ᬢ᭄ᬭᬶᬫᬗᭂᬫ᭄ᬩᬦ᭄᭞ᬲᬫ᭄ᬩᬶᬮ᭄‌‌ᬗ᭄ᬮᬶᬂᬕ᭄ᬭᭀᬂᬕ᭄ᬭᭀᬂ᭞ᬤ᭄ᬓᬄᬗᭂᬦ᭄ᬢᬄᬲ᭄ᬗᬮ᭄‌ᬲ᭄ᬗᬮ᭄᭞ᬲᬫ᭄ᬩᬶᬮ᭄ᬗᬮᬶᬄᬯᭀᬄ [ ᭒᭘ 28A] ᬯᭀᬳᬦ᭄᭞ᬳᬢᬸᬭᬶᬦ᭄ᬭᬭᬾᬦᬾ ᬓᬬᬸᬦ᭄᭞ᬮᬬᭀᬦᬾᬚᬦᬶᬳᬸᬘᬧᬂ᭟᭕᭟ᬦ᭄ᬤᬶᬲᬾᬭᬫᬾᬧᬘ᭄ᬭᬸᬯᬶᬢ᭄᭞ᬢ᭄ᬓᬵᬫᬗᬩᬬᬂᬩᬸᬗ᭞ᬫᬓᬭᬸᬭᬸᬩᬶᬂ ᬮᬬᭀᬦᬾ᭞ᬫᬧᬤᬃᬤᬶᬢ᭄ᬗᬄᬳᬮᬲ᭄᭞ᬲᬸᬫᬶᬗ᭄ᬓᬶᬦ᭄ᬓᬢᭀᬦ᭄‌ᬫ᭄ᬮᬄ᭞ᬩᭀᬦᬾᬫᬶᬬᬶᬓ᭄ᬫᬗᬮᬸᬩ᭄᭞ᬓᬢᭀᬦ᭄ᬫᬶᬭᬶᬩᬕᬸᬦᬸᬂᬩᬸᬗ᭟᭖᭟ᬧ᭄ᬢᭂᬂᬮ᭄ᬫᬄᬓᬾᬢᭀ ᬲᬳᬶ᭞ᬳᬤᬲᬸᬩᬤᬶᬰᬤᬶᬦ᭞ᬮ᭄ᬮᬬᭀᬦᬾᬢ᭄ᬯᬭᬓᬦᬧ᭞ᬧᬸᬢᬶᬄᬕᬤᬶᬂᬫᬗ᭄ᬮᬮᬬᬓ᭄᭞ᬯᬃᬡ᭄ᬦᬳᬦᬩᬩᬸᬭ᭄ᬯ᭞ᬮᬘᬸᬃᬢ᭄ᬯᬭᬫᬩᬳᬦ᭄᭞

Auto-transliteration

[ 27 27B] 27 nihistridukuḥ, nglingyamasasambatan. 2. guruhajibyangsurī, cingakeputranedewa, dihalasnandangkalaron, baskaduru sjahidewa, tanhelingtkenputra, hajine lwasmaburu, byangeninggalinseda. 3. sambilnglingmapasihin, hanakehalit kahĕmban, duḥdewahnukararen, masiḥmanmusangsara, donghapal̥ĕmpir̀hida, basl̥ĕbiḥkudaratu, widhinehicchapidu ka. 4. rādenmantrihalitnangis, nidukuḥhistrimangĕmban, sambilnglinggronggrong, dkaḥngĕntaḥsngalsngal, sambilngaliḥwoḥ [ 28 28A] wohan, haturinrarene kayun, layonejanihucapang. 5. ndiseramepacruwit, tkāmangabayangbunga, makarurubing layone, mapadar̀ditngaḥhalas, sumingkinkatonmlaḥ, bonemiyikmangalub, katonmiribagunungbunga. 6. ptĕnglmaḥketo sahi, hadasubadiśadina, llayonetwarakanapa, putiḥgadingmanglalayak, war̀ṇnahanababurwa, lacur̀twaramabahan,

Leaf 28

Image on Archive.org

[ ᭒᭘ 28B] ᭒᭘᭞ ᬓᬮᬶᬂᬓᬾᬓᬶᬤᬂᬓᬢ᭄ᬧᬸᬓ᭄᭞ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓ᭟᭘᭄‌ᬳᬤᬸᬄᬳᬶᬩᬚᬸᬭᬸᬲᬫᬶ᭞ᬚᬮᬜ᭄ᬚᬦᬶᬲᬸᬩᬢᬸᬮᬓ᭄᭞ᬫᬢᬸᬃᬭᬶᬂᬳᬶᬤᬲᬂᬓᬳᭀᬂ᭞ᬭᬾᬄ ᬓᬶᬤᬗᬾᬢ᭄ᬯᬭᬩᬓᬢ᭄᭞ᬳᬶᬚᬸᬳᬸᬫᬢᬸᬭ᭞ᬢᬶᬢ᭄ᬬᬂᬲᬦ᭄ᬤᬶᬓᬵ ᬦ᭄ᬳᬶᬭᬢᬸ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬓᬤᬸᬃᬫ᭄ᬫᬶᬢᬦ᭄᭚᭜᭚ᬤᬹᬃᬫ᭄ᬫᬵ ᭟᭑᭟ᬩ᭄ᬯᬶᬦ᭄ᬢᬶᬫ᭄ᬩᬮ᭄‌ᬩ ᬮᬶᬓᬶᬦ᭄ᬫᬢᭂᬫ᭄ᬩᬂᬤᬹᬃᬫ᭄ᬫᬵ᭞ᬧᬫᬃᬕ᭄ᬕᬶᬦ᭄ᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬢᬸᬮᬓ᭄ᬲᬓᬾᬗᬮᬲ᭄᭞ᬲᬳᬚᬸᬭᬸᬲᬫ᭄ᬬᬦ᭄᭞ᬳᬦ᭄ᬤᬭᬸᬂᬮᬫ᭄ᬧᬳᬾᬕ᭄ᬮᬶᬲ᭄᭞ᬳᬦᬸᬗ᭄ᬕᬂᬓᬸᬤ᭞ᬤᬸᬃᬫ᭄ᬫᬶ ᬢᬳᬦᬾᬂᬫᬵᬃᬕ᭄ᬕᬶ᭟᭒᭟ᬢ᭄ᬓᬵᬕᭀᬯᬓ᭄ᬫᬜᬦ᭄ᬤᭂᬃᬭᬳᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬲᬳᬗᬸᬢᬳᬂᬕ᭄ᬢᬶᬄ᭞ᬫᬫᬸᬜᬶᬫᬗᭀᬭᬓ᭄᭞ᬓᬸᬤᬮᬩᬸᬄᬦᬸᬗ᭄ᬓᬬᬓ᭄᭞ᬓ [ ᭒᭙ 29A] ᬗ᭄ᬕᭂᬓ᭄ᬳᬶᬤᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬲᬳᬯᬘᬦ᭞ᬲᬗ᭄ᬓᬮᬓᬾᬦ᭄ᬓᬾᬜ᭄ᬚᬦᬶ᭟᭓᭟ᬲᬳᬸᬃᬫᬦᬸᬓ᭄ᬧᬗᬶᬭᬶᬂᬲᬋᬂᬲᬫ᭄ᬬᬦ᭄᭞ᬦᬸᬦᬲ᭄ᬭᬢᬸᬕ᭄ᬮᬶᬲᬶᬦ᭄᭞ᬫᬦᬯᬶ ᬭᬶᬂᬧᬸᬭ᭞ᬓᬤᬶᬭᬹᬧᬲᬸᬗ᭄ᬓᬯ᭞ᬳᬦᬸᬮᬶᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬕ᭄ᬮᬶᬲ᭄‌ᬫᬫᬃᬕ᭄ᬕ᭞ᬢᬦ᭄ᬓᭀᬘᬧ᭄ᬳᬦᬾᬂᬫᬃᬕ᭄ᬕᬶ᭟᭔᭟ᬕ᭄ᬮᬶᬲ᭄ᬭᬯᬸᬄᬳᬶᬤᬭᬶᬂᬚ᭄ᬭᭀᬦᬶᬂᬢᬫᬦ᭄᭞ ᬓᬗ᭄ᬕᭂᬓ᭄ᬳᬶᬤᬫᬗᬓ᭄ᬱᬶ᭞ᬲᬸᬯᬸᬂᬫᬗᬮᬸᬦ᭄ᬢᬂ᭞ᬳᬫᬸᬂᬧᬦᬸᬗ᭄ᬓᬸᬦ᭄ᬢᬫᬦ᭄᭞ᬭᬯᬸᬄᬫᬗᬢᬸᬭᬂᬢᬸᬮᬶᬲ᭄᭞ᬲᬳᬵᬢᬸᬃᬲᭂᬫ᭄ᬩᬄ᭞ᬭᬢᬸᬭᬵᬤᬾᬦ᭄ᬫᬦ᭄ᬢ᭄ᬭᬶ᭟᭕᭟ ᬢᬶᬢ᭄ᬬᬂᬦ᭄ᬤᬯᭂᬕ᭄ᬫᬢᬸᬃᬲᬶᬲᬶᬧ᭄ᬗᬦ᭄ᬤᬶᬓᬬᬂ᭞ᬦᬗ᭄ᬳᬶᬂᬢᬦ᭄ᬯᬾᬦ᭄ᬢᭂᬦ᭄ᬳᬸᬦᬶᬂ᭞ᬭᬶᬂᬲᬧᬭᬶᬓᬦ᭄ᬤ᭞ᬢᬳᬸᬳᬶᬭᬢᬸᬦᬶᬗ᭄ᬕᬮ᭄᭞ᬚᬕ᭄‌ᬚᬕ᭄ᬭᬯᬸᬄᬕᬸᬲ᭄ᬢᬶᬧᬢᬶᬄ᭞ᬲ

Auto-transliteration

[ 28 28B] 28 kalingkekidangkatpuk, rarishidamangandika. 8haduḥhibajurusami, jalañjanisubatulak, matur̀ringhidasangkahong, reḥ kidangetwarabakat, hijuhumatura, tityangsandikā nhiratu, rādenmantrikadur̀mmitan // • // dūr̀mmā . 1. bwintimbalba likinmatĕmbangdūr̀mmā, pamar̀gginrādenmantri, tulaksakengalas, sahajurusamyan, handarunglampaheglis, hanunggangkuda, dur̀mmi tahanengmār̀ggi. 2. tkāgowakmañandĕr̀rahadenmantrya, sahangutahanggtiḥ, mamuñimangorak, kudalabuḥnungkayak, ka [ 29 29A] nggĕk'hidarādenmantri, sahawacana, sangkalakenkeñjani. 3. sahur̀manukpangiringsar̥ĕngsamyan, nunasratuglisin, manawi ringpura, kadirūpasungkawa, hanulirahadenmantri, glismamar̀gga, tankocap'hanengmar̀ggi. 4. glisrawuḥhidaringjroningtaman, kanggĕk'hidamangaksyi, suwungmangaluntang, hamungpanungkuntaman, rawuḥmangaturangtulis, sahātur̀sĕmbaḥ, raturādenmantri. 5. tityangndawĕgmatur̀sisipngandikayang, nanghingtanwentĕnhuning, ringsaparikanda, tahuhiratuninggal, jagjagrawuḥgustipatiḥ, sa

Leaf 29

Image on Archive.org

[ ᭒᭙ 29B] ᭒᭙᭞ ᬓᬾᬂᬳᬸᬢᬸᬲᬦ᭄᭞ᬳᬶᬤᬲᬂᬧ᭄ᬭᬪᬸᬮᬶᬗ᭄ᬲᬶᬃ᭟᭖᭟ᬓᬦ᭄ᬤᬶᬓᬬᬂᬗ᭄ᬭᬸᬲᬓ᭄ᬭᬳᬤᬾᬦ᭄ᬤᬾᬯ᭄ᬬ᭞ᬫᬓᬤᬶᬤᬾᬯᬵᬕᬸᬗᬮᬶᬢ᭄᭞ᬓᬦ᭄ᬢᭂᬦ᭄‌ᬕ᭄ᬦᬄᬭᬸᬲᬓ᭄᭞ ᬫᬯᬲ᭄ᬢᬧᬦ᭄ᬤᬦ᭄‌ᬲ᭄ᬓᬃ᭞ᬲᬶᬲᬶᬦ᭄ᬪᬗᬯᬦᬾ ᬓᬗᬶᬦ᭄᭞ᬢ᭄ᬮᬲ᭄ᬓᬢᬸᬭᬂ᭞ᬲᬳᬳᬸᬦᬶᬦᬶᬂᬢᬸᬮᬶᬲ᭄᭟᭗᭟ᬭᬵᬤᬾᬦ᭄ᬫᬦ᭄ᬢ᭄ᬭᬶᬧ᭄ᬤᬲ᭄ᬳᬶᬫᬫᬶᬋᬗᬂ᭞ᬫᬓᬤᬶᬲ᭄ᬯᬭ ᬦ᭄ᬢᬸᬮᬶᬲ᭄᭞ᬋᬲᭂᬧ᭄ᬫᬸᬗ᭄ᬕ᭄ᬯᬶᬂᬳᬶᬤ᭞ᬫ᭄ᬦᭂᬂᬩ᭄ᬗᭀᬂᬓᬫ᭄ᬧᬼᬕᬦ᭄᭞ᬢᭀᬬᬦ᭄ᬳᬓ᭄ᬱᬶᬦᬾᬤᬺᬲ᭄ᬫᬶᬚᬶᬮ᭄᭞ᬭᬭᬶᬲ᭄ᬗᬦ᭄ᬤᬶᬓᬩᬶᬄᬳᬶᬩᬧᬥᬤᬶᬦᬶ᭟᭘᭟ᬓ᭄ᬫᬧᬋ ᬓ᭄ᬳᬢᬸᬭᬂᬢ᭄ᬓᬾᬦ᭄ᬲᬂᬦᬵᬣ᭞ᬳᬢᬸᬭᬂᬓᬳᬶᬚᬦᬶ᭞ᬫᬧᬫᬶᬢ᭄ᬲᬧᬶᬲᬦ᭄᭞ᬳᬓᬾᬢᭀᬦᬄᬳᬶᬩᭂᬢᬂ᭞ᬳᬦᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬧᬸᬦ᭄ᬢᬓᬃᬣᬮ᭞ [ ᭓᭐ 30A] ᬫᬫ᭄ᬓᬸᬮ᭄ᬭᬵᬤᬾᬦ᭄ᬫᬦ᭄ᬢ᭄ᬭᬶ᭟᭙᭟ᬭᬢᬸᬤᬾᬯᬵᬕᬸᬂᬳᬾᬮᬶᬗᬂᬓᬸᬤᬳᬾᬮᬶᬗᬂ᭞ᬤᬾᬯᬵᬕᬸᬂᬢᬦ᭄ᬜᬯᬸᬭᬶᬦ᭄᭞ᬚᬕ᭄ᬭᬭᬶᬲ᭄ᬫᬫᬵᬃᬕ᭄ᬕ᭞ᬳᬶᬧᬸᬦ᭄ᬢᬮᬦ᭄‌ᬓᬃᬣᬮ᭞ ᬢᬦ᭄ᬓᬾᬲᬄᬮᬓᬸᬦᬾᬗᬶᬭᬶᬂ᭞ᬩᬢᭂᬓᬶᬂᬢᬺᬱ᭄ᬡ᭞ᬢᬦ᭄ᬓᭀᬘᬧ᭄ᬳᬦᬾᬂᬫᬃᬕ᭄ᬕᬶ᭟᭑᭐᭟ᬲᬵᬫ᭄ᬧᬸᬦ᭄ᬭᬯᬸᬄᬤᬾᬯᬵᬕᬸᬂᬭᬶᬂᬧᬦ᭄ᬤᬦ᭄‌ᬲ᭄ᬓᬃ᭞ᬓᬧᬗ᭄ᬕᬶᬄᬤᬸᬓᬸᬄᬳᬶᬲ᭄ᬢ᭄ᬭᬶ᭞ ᬗ᭄ᬮᬶᬂᬫᬲᬲᬫ᭄ᬩᬢᬦ᭄᭞ᬦ᭄ᬤᬸᬮᬫᬾᬭᬵᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬓᬮᬶᬄᬳᬶᬤᬤᬾᬯᬕᬸᬂᬳᬶᬲ᭄ᬢ᭄ᬭᬷ᭞ᬲᬫ᭄ᬩᬶᬮ᭄ᬫᬗᭂᬫ᭄ᬩᬦ᭄᭞ᬤᬾᬯᬵᬕᬸᬂᬧᬸᬢ᭄ᬭᬳᬮᬶᬢ᭄᭟᭑᭑᭟ᬭᬵᬤᬾ ᬦ᭄ᬫᬦ᭄ᬢ᭄ᬭᬶᬦᬗᬶᬲ᭄‌ᬲᬃᬯ᭄ᬯᬶᬗᬦ᭄ᬤᬶᬓ᭞ᬤᬸᬄᬩᬶᬩᬶᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬤᬶᬚᬭᬵᬤᬾᬦ᭄ᬤᬾᬯ᭄ᬬ᭞ᬲᬫ᭄ᬩᬶᬮ᭄ᬫᬗᬫ᭄ᬩᬶᬮ᭄ᬫᬗᬫ᭄ᬩᬶᬮ᭄ᬧᬸᬢ᭄ᬭ᭞ᬦᬶᬤᬸᬓᬸᬄᬫᬢᬸᬃᬫᬗ᭄ᬮᬶᬂ᭞ᬲᬵᬫᬵᬧᬸᬦ᭄ᬤᬾᬯᬵ

Auto-transliteration

[ 29 29B] 29 kenghutusan, hidasangprabhulingsir̀. 6. kandikayangngrusakrahadendewya, makadidewāgungalit, kantĕn'gnaḥrusak, mawastapandanskar̀, sisinbhangawane kangin, tlaskaturang, sahahuniningtulis. 7. rādenmantripdashimamir̥ĕngang, makadiswara ntulis, r̥ĕsĕpmunggwinghida, mnĕngbngongkampl̥ĕgan, toyanhaksyinedr̥ĕsmijil, rarisngandikabiḥhibapadhadini. 8. kmapar̥ĕ k'haturangtkensangnātha, haturangkahijani, mapamitsapisan, haketonaḥhibĕtang, hanulirarismamar̀ggi, puntakar̀thala, [ 30 30A] mamkulrādenmantri. 9. ratudewāgunghelingangkudahelingang, dewāgungtanñawurin, jagrarismamār̀gga, hipuntalankar̀thala, tankesaḥlakunengiring, batĕkingtr̥ĕṣṇa, tankocap'hanengmar̀ggi. 10. sāmpunrawuḥdewāgungringpandanskar̀, kapanggiḥdukuḥhistri, nglingmasasambatan, ndulamerādenmantrya, kaliḥhidadewagunghistrī, sambilmangĕmban, dewāgungputrahalit. 11. rāde nmantrinangissar̀wwingandika, duḥbibidukuḥhistri, dijarādendewya, sambilmangambilmangambilputra, nidukuḥmatur̀mangling, sāmāpundewā

Leaf 30

Image on Archive.org

[ ᭓᭐ 30B] ᭓᭐᭞ ᬢ᭞ᬮᬬᭀᬦᬾᬭᬭᬶᬲ᭄ᬓᬳᬓ᭄ᬱᬶ᭟᭑᭒᭟ᬲᬫ᭄ᬩᬶᬮ᭄‌ᬗᬸᬕᬄᬮᬬᭀᬦᬾᬩᬸᬤᬂᬩᬤᬶᬗᬂ᭞ᬫᬦᬗᬶᬲ᭄ᬓᬕᬸᬬᬗᬶᬦ᭄᭞ᬢᬸᬃᬫᬲᬲᬫ᭄ᬩᬢᬦ᭄᭞ᬤᬸᬄᬭ ᬢᬸᬅᬢ᭄ᬫᬚᬷᬯ᭞ᬳ᭄ᬮᬲᬦ᭄ᬭᬢᬸᬦᬶᬗ᭄ᬕᬮᬶᬦ᭄᭞ᬢᬶᬢ᭄ᬬᬂᬲᬗ᭄ᬲᬭ᭞ᬓᬵᬮᬶᬄᬳᬦᬓᬾᬘ᭄ᬭᬶᬓ᭄᭟᭑᭓᭟ᬲᬫ᭄ᬩᬶᬮ᭄‌ᬗᬶᬦᭂᬂᬫᬦ᭄ᬢ᭄ᬭᬲᬂᬳ᭄ᬬᬂᬓᬍᬧᬲ᭄᭞ᬲ ᬳᬢᬢ᭄ᬳᬲ᭄ᬢᬸᬲᬶᬤ᭄ᬥᬶ᭞ᬲᬂᬧᬶᬢᬭᬫᭀᬓ᭄ᬱ᭞ᬦ᭄ᬤᬾᬯᬢᬭᬵᬤᬾᬦ᭄ᬫᬦ᭄ᬢ᭄ᬭ᭞ᬅᬢ᭄ᬫᬦᬾᬭᬯᬸᬄᬭᬶᬂᬲ᭄ᬯᬃᬕ᭄ᬕᬶ᭞ᬲᬵᬫᬵᬧᬸᬦ᭄ᬓᬧᭂᬦ᭄ᬤᬓ᭄᭞ᬳᬦ᭄ᬢᬸᬓ᭄ᬲᬂᬯᬶᬥ᭄ᬬᬥᬭᬷ᭟ ᭑᭔᭟ᬦᬶᬦᬶᬤᬸᬓᬸᬄᬳᬶᬲ᭄ᬢ᭄ᬭᬶᬕ᭄ᬮᬸᬫᬗᭂᬢᭀᬦᬂ᭞ᬲᬸᬫᬶᬗ᭄ᬓᬶᬦ᭄ᬫᬗᬸᬮᬶᬮᬶᬂ᭞ᬚ᭄ᬭᬶᬢ᭄‌ᬗᬭᬤᬭᬤ᭄᭞ᬤᬸᬄᬢᬸᬮᬸᬲ᭄‌ᬚ᭄ᬯᬳᬶᬤᬾᬯ᭞ᬮᬮᬶᬲᬦ᭄ᬢᬸᬮᬸᬲ᭄ᬢᬦᬾᬮᬶᬂ᭞ [ ᭓᭑ 31A] ᬫᬗᬸᬢᬂᬧᬸᬢ᭄ᬭ᭞ᬓᬬᬂᬓᬧᬸᬗ᭄ᬓᬸᬃᬳᬶᬭᬶᬂ᭚᭜᭚ᬧᬗ᭄ᬓᬸᬃ᭟᭑᭟ᬧᬗ᭄ᬓᬸᬃᬳᬗ᭄ᬕᬾᬦ᭄ᬜᬭᬶᬢᬬᬂ᭞ᬲᬂᬳ᭄ᬬᬗᬢ᭄ᬫᬵᬯᬸᬲ᭄ᬭᬯᬸᬄᬳᬦᬾᬂᬲ᭄ᬯᬃᬕ᭄ᬕᬶ᭞ᬳᬸᬫᬢᬸᬃᬭᬳᬤᬾᬦ᭄ᬕ ᬮᬸᬄ᭞ᬤᬸᬄᬩ᭄ᬮᬶᬭᬵᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬗᬸᬤᬳᬗ᭄ᬮᬲ᭄ᬓᬳ᭄ᬬᬸᬦᬾᬫᬭᬶᬓᬶᬭᬯᬸᬄ᭞ᬳᬶᬘ᭄ᬦᬶᬂᬓᬸᬢᬂᬤᬶᬳᬶᬮᬲ᭄᭞ᬲᬸᬫᬳᬸᬃᬭᬳᬤᬾᬦᬵᬫᬦ᭄ᬢ᭄ᬭᬷ᭟᭒᭟ᬤᬸᬄᬳᬤᬶᬅᬢ᭄ᬫ ᬚᬶᬯᬶᬢ᭞ᬤᬕᬶᬂᬩ᭄ᬮᬶᬦ᭄ᬤᬯᭂᬕᬂᬫᬢᬸᬃᬲᬶᬲᬶᬧ᭄᭞ᬓᬤᬸᬭᬸᬲ᭄‌ᬩ᭄ᬮᬶᬢᭀᬂᬫᬫ᭄ᬧᬸᬄ᭞ᬫᬦᬤᬶᬗᬶᬦ᭄ᬲᬗ᭄ᬰᬭ᭞ᬫ᭄ᬮᬄᬜᬳᬧᬂᬩᬋᬂᬧᬶᬲᬦ᭄ᬮᬫ᭄ᬧᬸᬲ᭄᭞ᬲᬗ᭄ᬓ ᬜ᭄ᬚᬦᬶᬓᬳᬸᬤᬸᬳᬂ᭞ᬢᬶᬢ᭄ᬬᬂᬧᬋᬓ᭄ᬫᬳᬶᬦᬗ᭄ᬓᬶᬮ᭄᭟᭓᭟ᬭᬵᬤᬾᬦ᭄ᬕᬮᬸᬄᬳᬸᬫᬢᬸᬭ᭞ᬳᬭᬸᬄᬩ᭄ᬮᬶᬤᭀᬂᬗᬶᬭᬶᬂᬓᬾᬫᬮᬮᬶ᭞ᬮ᭄ᬯᬲ᭄ᬫᬗ᭄ᬮᬂᬮᬂᬯᬸᬮᬗᬸ

Auto-transliteration

[ 30 30B] 30 ta, layonerariskahaksyi. 12. sambilngugaḥlayonebudangbadingang, manangiskaguyangin, tur̀masasambatan, duḥra tu'atmajīwa, hlasanratuninggalin, tityangsangsara, kāliḥhanakecrik. 13. sambilnginĕngmantrasanghyangkal̥ĕpas, sa hatat'hastusiddhi, sangpitaramokṣa, ndewatarādenmantra, atmanerawuḥringswar̀ggi, sāmāpunkapĕndak, hantuksangwidhyadharī. 14. ninidukuḥhistriglumangĕtonang, sumingkinmanguliling, jritngaradarad, duḥtulusjwahidewa, lalisantulustaneling, [ 31 31A] mangutangputra, kayangkapungkur̀hiring // • // pangkur̀. 1. pangkur̀hanggenñaritayang, sanghyangatmāwusrawuḥhanengswar̀ggi, humatur̀rahaden'ga luḥ, duḥblirādenmantrya, ngudahanglaskahyunemarikirawuḥ, hicningkutangdihilas, sumahur̀rahadenāmantrī. 2. duḥhadi'atma jiwita, dagingblindawĕgangmatur̀sisip, kadurusblitongmampuḥ, manadinginsangśara, mlaḥñahapangbar̥ĕngpisanlampus, sangka ñjanikahuduhang, tityangpar̥ĕkmahinangkil. 3. rāden'galuḥhumatura, haruḥblidongngiringkemalali, lwasmanglanglangwulangu

Leaf 31

Image on Archive.org

[ ᭓᭑ 31B] ᭓᭑᭞ ᬦ᭄᭞ᬳᬶᬭᬶᬓᬶᬯᬾᬦ᭄ᬢᭂᬦ᭄ᬢᬸᬓᬤ᭄᭞ᬲᬸᬭᬦᬤᬶᬯᬲ᭄ᬢᬦ᭄ᬢᬸᬓᬤ᭄‌ᬯ᭄ᬬᬓ᭄ᬢᬶᬳᬦᬹᬢ᭄᭞ᬫᬹᬮᬧᬲᬪᬵᬦ᭄‌ᬕᬦ᭄ᬥᬃᬯ᭄ᬯ᭞ᬦᬶᬃᬫ᭄ᬫᬮᬧᬯᬶᬢ᭄ᬭᬳ᭄ᬦᬶᬂ᭟᭔᭟ᬭᬵᬤᬾᬦ᭄ᬫᬦ᭄ᬢ᭄ᬭᬶ ᬫᬗᬶᬭᬶᬗᬂ᭞ᬦᬸᬮ᭄ᬬᬓᬾᬲᬄᬫᬓᬭᭀᬮᬦᬂᬳᬶᬲ᭄ᬢ᭄ᬢ᭄ᬭᬶ᭞ᬳᬦ᭄ᬤᬭᬸᬂᬮᬫ᭄ᬧᬳᬾᬲᬫ᭄ᬧᬸᬦ᭄᭞ᬢᬦ᭄ᬓᬸᬭᬂᬧᬭᬭᬲᬦ᭄᭞ᬧᬦ᭄ᬢᭂᬲ᭄‌ᬜᬦ᭄ᬤᬂᬚᬗ᭄ᬕᬮᬓᬥᬶᬭᬶ ᬳᬦᬹᬢ᭄᭞ᬯᬸᬲ᭄ᬳᬤᭀᬳᬶᬂᬮᬫ᭄ᬧᬳᬶᬭ᭞ᬧ᭄ᬭᬵᬧ᭄ᬢᬾᬂᬫᬭᬶᬂᬲᬸᬭᬦᬵᬤᬶ᭟᭕᭟ᬲᬮ᭄ᬯᬶᬭᬶᬂᬩᬸᬗᬦᬾᬓᭂᬫ᭄ᬩᬂ᭞ᬳᬗᬶᬦ᭄ᬳᬭᬶᬲ᭄‌ᬜᭂᬧᬸᬓᬂᬩᭀᬦᬾᬫᬶᬬᬶᬓ᭄᭞ ᬫᬮᬸᬫ᭄ᬧᬸᬗᬦ᭄ᬫᬦᭂᬫ᭄ᬧᬸᬄᬘᬸᬗᬸᬄ᭞ᬲᬸᬦ᭄ᬥᬭᬶᬓ᭄ᬭᬓ᭄᭞ᬮ᭄ᬯᬶᬃᬓᬓᬯᬶᬦ᭄ᬲᬂᬧᬸᬢᬸᬲ᭄‌ᬦ᭄ᬫᬸᬳᬬᬸ᭞ᬳᬓᬾᬢᭀᬩᬳᬦ᭄‌ᬗᬸᬘᬧᬂ᭞ᬓᬮᬗ᭄ᬯᬦ᭄‌ᬳᬶᬤ [ ᭓᭒ 32A] ᬲᬂᬓᬮᬶᬄ᭟᭖᭟ᬓᬢᭀᬦ᭄ᬧᬜ᭄ᬘᭀᬭᬦᬾᬫ᭄ᬮᬄ᭞ᬧᬦ᭄ᬢᭂᬲ᭄ᬳᬦᬹᬢ᭄‌ᬢ᭄ᬮᬵᬕᬦᬾ ᬫᬜᬦ᭄ᬤᬶᬂ᭞ᬬᬾᬳᬾ ᬧᬯᬶᬢ᭄ᬭᬳᬭᬹᬫ᭄᭞ᬢᬸᬜ᭄ᬚᬸᬗᬾᬫᬗᬺᬫ᭄ᬧᬬᬓ᭄ ᭞ᬧᬕ᭄ᬭᬶᬬᭂᬂᬢᬫ᭄ᬩᬸᬮᬶᬮᬶᬗᬦ᭄ᬫᬗᬺᬩᬸᬢ᭄᭞ᬫᬳᬶᬭᬶᬩ᭄ᬳᬸᬮᬢ᭄‌ᬗᭂᬦ᭄ᬤᭂᬳᬂ᭞ᬭᬯᬸᬄᬲᬂᬳ᭄ᬬᬂᬲ᭄ᬫᬭᬭᬢᬶᬄ᭟᭗᭟ᬳᬓᬾᬢᭀᬩᬳᬦ᭄ᬗᬸᬘᬧᬂ᭞ᬓᬫ᭄ᬮᬳ ᬦ᭄ᬤᬶᬢᬫᬦ᭄‌ᬲᬸᬭᬦᬵᬤᬶ᭞ᬭᬳᬤᬾᬦ᭄ᬕᬮᬸᬄᬳᬸᬫᬢᬸᬃ᭞ᬥᬸᬄᬭᬢᬸᬭᬵᬤᬾᬦ᭄ᬫᬦ᭄ᬢ᭄ᬭᬶᬬ᭞ᬦᬸᬦᬲ᭄‌ᬩ᭄ᬮᬶᬫᬲᬶᬭᬫ᭄ᬳᬶᬭᬶᬓᬶᬳᬦᬹᬢ᭄᭞ᬭᬳᬤᬾᬦ᭄ᬦᬸᬮᬶᬫᬲᬶ ᬭᬫ᭄᭞ᬯᬸᬲᬤ᭄ᬬᬸᬲ᭄ᬲᬋᬂᬓᬮᬶᬄ᭟᭘᭟ᬢᬸᬫᬸᬮᬶᬫᬗᬮᬧ᭄‌ᬲ᭄ᬓᬃ᭞ᬫᬢ᭄ᬭᬗ᭄ᬕᬡᬲᬗᬢ᭄ᬫᬵᬮᬦᬂᬳᬶᬲ᭄ᬢ᭄ᬭᬶ᭞ᬧᬋᬓ᭄ᬭᬶᬂᬪᬝᬵᬭᬕᬸᬭᬸ᭞ᬤᬸᬄᬳᬤᬶᬚᬮ

Auto-transliteration

[ 31 31B] 31 n, hirikiwentĕntukad, suranadiwastantukadwyaktihanūt, mūlapasabhān'gandhar̀wwa, nir̀mmalapawitrahning. 4. rādenmantri mangiringang, nulyakesaḥmakarolananghisttri, handarunglampahesampun, tankurangpararasan, pantĕsñandangjanggalakadhiri hanūt, wushadohinglampahira, prāptengmaringsuranādi. 5. salwiringbunganekĕmbang, hanginharisñĕpukangbonemiyik, malumpunganmanĕmpuḥcunguḥ, sundharikrak, lwir̀kakawinsangputusnmuhayu, haketobahanngucapang, kalangwanhida [ 32 32A] sangkaliḥ. 6. katonpañcoranemlaḥ, pantĕshanūttlāgane mañanding, yehe pawitraharūm, tuñjungemangr̥ĕmpayak , pagriyĕngtambulilinganmangr̥ĕbut, mahirib'hulatngĕndĕhang, rawuḥsanghyangsmararatiḥ. 7. haketobahanngucapang, kamlaha nditamansuranādi, rahaden'galuḥhumatur̀, dhuḥraturādenmantriya, nunasblimasiramhirikihanūt, rahadennulimasi ram, wusadyussar̥ĕngkaliḥ. 8. tumulimangalapskar̀, matranggaṇasangatmālananghistri, par̥ĕkringbhaṭāraguru, duḥhadijala

Leaf 32

Image on Archive.org

[ ᭓᭒ 32B] ᭓᭒᭞ ᬦ᭄ᬢᬸᬮᬓ᭄᭞ᬫᬦ᭄ᬤᬯᭂᬕᬂᬧᬫᬶᬢ᭄ᬓᬾᬦ᭄ᬲᬂᬳ᭄ᬬᬂᬕᬸᬭᬸ᭞ᬧᬤᬍᬫ᭄‌ᬳᬶᬘ᭄ᬦᬶᬂᬓᬸᬢᬂ᭞ᬫᬓᬤᬶᬦᬶᬤᬸᬓᬸᬄᬳᬶᬲ᭄ᬢ᭄ᬭᬶ᭟᭙᭟ᬭᬳᬤᬾᬦ᭄ᬤᬾᬯᬶᬢᬦ᭄ᬢᬸᬮᬓ᭄᭞ᬦᬸᬮ᭄ᬬ ᬓᬾᬲᬄᬫᬓᬭᭀᬦ᭄ᬮᬦᬂᬳᬶᬲ᭄ᬢ᭄ᬭᬶ᭞ᬧᬋᬓ᭄ᬭᬶᬂᬪᬝᬵᬭᬕᬸᬭᬸ᭞ᬫᬳᬢᬸᬃᬲᬳᬲᭂᬫ᭄ᬩᬄ᭞ᬤᬸᬄᬳᬫ᭄ᬧᬸᬭᬭᬢᬸᬢᬶᬢ᭄ᬬᬂᬲᬂᬳ᭄ᬬᬂᬕᬸᬭᬸ᭞ᬧᬫᬶᬢ᭄ᬫᬦ᭄ᬢᬸᬓ᭄ᬓᬓᭀ ᬭᬶᬧᬦ᭄᭞ᬪᬝᬵᬭᬳᬦᬩ᭄ᬤᬳᬭᬶᬲ᭄᭟᭑᭐᭟ᬤᬸᬄᬤᬾᬯᬫᬦᬶᬭᬵᬮᬸᬕ᭄ᬭ᭞ᬳ᭄ᬦᬾᬩᬸᬗᬲᬗ᭄ᬯᬂᬘᬳᬶᬫᬸᬮᬶᬄ᭞ᬫᬓᬧᬦ᭄ᬭᬗᬶᬂᬮᬸᬫᬓᬸ᭞ᬳᬦᬸ ᬮᬶᬯᬸᬲ᭄ᬓᬢᬗ᭄ᬕᬧ᭄᭞ᬲᬳᬸᬃᬲᭂᬫ᭄ᬩᬄᬲᬂᬓᬮᬶᬄᬦᬸᬮᬶᬦᬸᬫᬓᬸ᭞ᬢᬦ᭄ᬓᬵᬘᬧ᭄ᬳᬦᬭᬶᬂᬤᬮᬦ᭄᭞ᬭᬶᬗᬮᬲ᭄ᬦᬸᬮᬶᬯᬶᬦᬃᬡ᭄ᬦᬶ᭟᭑᭑᭟ᬦᬶᬤᬸᬓᬸᬄᬕ᭄ᬮᬸᬫ [ ᭓᭓ 33A] ᬮᬶᬳᬢ᭄᭞ᬚᬕ᭄‌ᬢᬮᬸᬬᬚ᭄ᬜᭂᬂᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬓᬮᬶᬄᬮᬦ᭄ᬭᬵᬤᬾᬦ᭄ᬕᬮᬸᬄ᭞ᬲᬳᬗ᭄ᬮᬶᬂᬫᬢᬸᬭ᭞ᬳᬤᬸᬄᬭᬢᬸᬲᬤ᭄ᬬᬓᬾᬳᬶᬭᬢᬸᬭᬯᬸᬄ᭞ᬲᬂᬓ ᬮᬶᬄᬫᬗᬫ᭄ᬩᬶᬮ᭄ᬧᬸᬢ᭄ᬭ᭞ᬗᬦ᭄ᬤᬶᬓᬵ ᬤᬸᬄᬲᬤ᭄ᬬᬩᬶᬩᬶ᭟᭑᭒᭟ᬩᬶᬮᬶᬄᬳᬤᬲ᭄ᬯᬾᬘ᭄ᬙᬦᬶᬂᬳ᭄ᬬᬂ᭞ᬳᬶᬘ᭄ᬙᬮᬸᬕ᭄ᬭᬲᬗ᭄ᬓᬦᬶᬂᬢ᭄ᬬᬂᬳᬸᬭᬶᬧ᭄᭞ᬓᬦ᭄ᬤᬸᬕᬶᬲᬶᬤ᭄ᬥ ᬓᬢ᭄ᬧᬸᬓ᭄᭞ᬢ᭄ᬓᬾᬦ᭄ᬳᬶᬦᬦᬓ᭄ᬫᬦ᭄ᬢ᭄ᬭ᭄ᬬ᭞ᬲᬃᬯ᭄ᬯᬶᬦᬗᬶᬲ᭄‌ᬳᭀᬓᬦᬾᬓᬳᬸᬓᬸᬢ᭄ᬳᬸᬓᬸᬢ᭄᭞ᬳᬫ᭄ᬧᬸᬭᬬᬂᬩᬧᬩ᭄ᬬᬂ᭞ᬓᬤᬸᬭᬸᬲ᭄ᬗᬮᬳᬶᬦ᭄ᬫᬢᬶ᭟᭑᭓᭟ ᬧᬶᬮᬶᬄᬚᬦᬶᬓᬲᬫ᭄ᬧᬸᬭ᭞ᬦᬄᬤᬸᬫᬤᬓ᭄ᬓᬲᬶᬤ᭄ᬥᬦ᭄ᬩᬸᬓᬚᬦᬶ᭞ᬓᬢᬸᬮᬸᬲ᭄‌ᬦ᭄ᬫᬸᬭᬳᬬᬸ᭞ᬳᬶᬤᬾᬯᬩᬋᬂᬩᬧ᭞ᬓᬮᬶᬄᬩ᭄ᬬᬂᬫᬓᬤᬶᬦᬶᬩᬶ

Auto-transliteration

[ 32 32B] 32 ntulak, mandawĕgangpamitkensanghyangguru, padal̥ĕmhicningkutang, makadinidukuḥhistri. 9. rahadendewitantulak, nulya kesaḥmakaronlananghistri, par̥ĕkringbhaṭāraguru, mahatur̀sahasĕmbaḥ, duḥhampuraratutityangsanghyangguru, pamitmantukkako ripan, bhaṭārahanabdaharis. 10. duḥdewamanirālugra, hnebungasangwangcahimuliḥ, makapanranginglumaku, hanu liwuskatanggap, sahur̀sĕmbaḥsangkaliḥnulinumaku, tankācap'hanaringdalan, ringalasnuliwinar̀ṇni. 11. nidukuḥgluma [ 33 33A] lihat, jagtaluyajñĕngrahadenmantri, kaliḥlanrāden'galuḥ, sahanglingmatura, haduḥratusadyakehiraturawuḥ, sangka liḥmangambilputra, ngandikā duḥsadyabibi. 12. biliḥhadaswecchaninghyang, hicchalugrasangkaningtyanghurip, kandugisiddha katpuk, tkenhinanakmantrya, sar̀wwinangishokanekahukut'hukut, hampurayangbapabyang, kadurusngalahinmati. 13. piliḥjanikasampura, naḥdumadakkasiddhanbukajani, katulusnmurahayu, hidewabar̥ĕngbapa, kaliḥbyangmakadinibi

Leaf 33

Image on Archive.org

[ ᭓᭓ 33B] ᭓᭓᭞ ᬩᬶᬤᬸᬓᬸᬄ᭞ᬦᬄᬓᬾᬢᭀᬤᬾᬯᬋᬡᬬᬂ᭞ᬲᬶᬦᭀᬫᬶᬂᬳᬗ᭄ᬕᭀᬦ᭄ᬧᬲᬮᬶᬢ᭄᭚᭜᭚ᬲᬶᬦᭀᬫ᭄᭟᭑᭟ᬳᬓᬾᬢᭀᬲᬾᬳᬶᬤᬳᬸᬘᬧᬂ᭞ᬳᬚᬶ ᬩ᭄ᬬᬂᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬫᬦᬗᬶᬲ᭄ᬤᬶᬢ᭄ᬗᬄᬳᬮᬲ᭄᭞ᬗᬦ᭄ᬤᬶᬓᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬤᬸᬄᬳᬤᬶᬫᬵᬲ᭄ᬓᬸᬤᬾᬯᬶ᭞ᬚᬮᬦ᭄‌ᬚᬦᬶᬳᬤᬶᬫᬦ᭄ᬢᬸᬓ᭄᭞ᬓᬮᬶᬄᬳᬶᬦᬦ ᬓ᭄ᬫᬦ᭄ᬢ᭄ᬭ᭄ᬬ᭞ᬓᬮᬶᬄᬩᬶᬩᬶᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬫᬶᬮᬶᬄᬳᬕᬸᬂ᭞ᬳᬫᭂᬗ᭄ᬓᬸᬕᬸᬫᬶᬓᭀᬭᬶᬧᬦ᭄᭟᭒᭟ᬫ᭄ᬦᭂᬂᬲᬫᬶᬢᬦ᭄ᬧᬗᬸᬘᬧ᭄᭞ᬳᬦᬸᬮᬶᬮᬓᬸᬦᬾᬕ᭄ᬮᬶᬲ᭄᭞ᬲ ᬫ᭄ᬧᬸᬦ᭄ᬭᬯᬸᬄᬭᬶᬂᬓᭀᬭᬶᬧᬦ᭄᭞ᬩᭂᬓ᭄ᬚᭂᬚᭂᬮ᭄ᬢᬦ᭄ᬤᬫᬦ᭄ᬢ᭄ᬭᬶ᭞ᬫᬦᬗ᭄ᬓᬶᬮ᭄‌ᬰ᭄ᬭᬷᬪᬹᬧᬢᬶ᭞ᬓᬕ᭄ᬬᬢ᭄ᬧ᭄ᬭᬲᬫᬳᬦ᭄ᬤᬸᬮᬸ᭞ᬭᬯᬸᬄᬤᬾᬯᬵᬕᬸᬂᬧᬸᬢ᭄ᬭ᭞ᬓᬮᬶᬄ [ ᭓᭔ 34A] ᬧᬸᬢ᭄ᬭᬮᬯᬦ᭄ᬩᬶᬩᬶ᭞ᬦᬶᬦᬶᬤᬸᬓᬸᬕ᭄᭞ᬧᬫᬸᬘᬸᬓ᭄ᬫᬗᭂᬫ᭄ᬩᬦ᭄ᬧᬸᬢ᭄ᬭ᭟᭓᭟ᬧ᭄ᬭᬫᬦ᭄ᬢ᭄ᬭᬶᬓᬕ᭄ᬬᬢ᭄ᬦᭂᬤᬸᬦᬂ᭞ᬲᬋᬂᬲᬫᬶᬫᬢᬸᬃᬪᬓ᭄ᬢᬶ᭞ᬫᬓᬤᬶᬳᬶᬤᬲᬂ ᬦᬵᬣ᭞ᬗᬦ᭄ᬤᬶᬓᬳᬭᬹᬫ᭄ᬫᬫᬦᬶᬲ᭄᭞ᬤᬸᬄᬘᬳᬶᬳᬶᬦᬦᬓ᭄ᬫᬦ᭄ᬢ᭄ᬭᬶ᭞ᬢᬦ᭄ᬤ᭄ᬭᬸᬄᬲᬚᬦᬶᬭᬓᬕᬸᬂ᭞ᬚᬸᬚᬸᬢ᭄ᬫᬩᬸᬤ᭄ᬥᬶᬦᬯᬂ᭞ᬜᬾᬦ᭄ᬤᬦᬾ ᬯᭀᬂᬧᬯᬾᬲ᭄ᬢ᭄ᬭᬶ᭞ᬮᬶᬯ ᬢ᭄ᬳᬬᬸ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬦᬾᬫᬵᬩᬄ᭟᭔᭟ᬤᬕᬶᬂᬢᬶᬢ᭄ᬬᬂᬫᬦ᭄ᬤᬯᭂᬕᬂ᭞ᬕᬸᬂᬋᬡᬫᬳᬢᬸᬃᬲᬶᬲᬶᬧ᭄᭞ᬓᬤᬶᬓᬲᬾᬧ᭄‌ᬗᬸᬦᬶᬗᬬᬂ᭞ᬧᬸᬦᬶᬓᬶᬯ᭄ᬬᬓ᭄ᬢᬶ ᬳᬶᬳᬤᬶ᭞ᬳᬶᬕᬮᬸᬄᬤᬳᬵᬚᬢᬶ᭞ᬢ᭄ᬮᬲ᭄ᬓᬧᬶᬤᬵᬃᬣᬓᬢᬸᬃ᭞ᬳᬦᬸᬮᬶᬤᬾᬲᬂᬦᬵ ᬣ᭞ᬗᭂᬮᬸᬢ᭄‌ᬗᬸᬓᬸᬢ᭄ᬲᬫ᭄ᬩᬶᬮ᭄ᬦᬗᬶᬲ᭄᭞ᬦᬸᬮ᭄ᬬᬳᬸᬫᬸᬂ᭞ᬢ

Auto-transliteration

[ 33 33B] 33 bidukuḥ, naḥketodewar̥ĕṇayang, sinominghanggonpasalit // • // sinom. 1. haketosehidahucapang, haji byangdukuḥhistri, manangisditngaḥhalas, ngandikarahadenmantri, duḥhadimāskudewi, jalanjanihadimantuk, kaliḥhinana kmantrya, kaliḥbibidukuḥhistri, miliḥhagung, hamĕngkugumikoripan. 2. mnĕngsamitanpangucap, hanulilakuneglis, sa mpunrawuḥringkoripan, bĕkjĕjĕltandamantri, manangkilśrībhūpati, kagyatprasamahandulu, rawuḥdewāgungputra, kaliḥ [ 34 34A] putralawanbibi, ninidukug, pamucukmangĕmbanputra. 3. pramantrikagyatnĕdunang, sar̥ĕngsamimatur̀bhakti, makadihidasang nātha, ngandikaharūmmamanis, duḥcahihinanakmantri, tandruḥsajanirakagung, jujutmabuddhinawang, ñendane wongpawestri, liwa t'hayu, rahadenmantrihanemābaḥ. 4. dagingtityangmandawĕgang, gungr̥ĕṇamahatur̀sisip, kadikasepnguningayang, punikiwyakti hihadi, higaluḥdahājati, tlaskapidār̀thakatur̀, hanulidesangnā tha, ngĕlutngukutsambilnangis, nulyahumung, ta

Leaf 34

Image on Archive.org

[ ᭓᭔ 34B] ᭓᭔᭞ ᬗᬶᬲᬾᬲᬚ᭄ᬭᭀᬦᬶᬂᬧᬸᬭ᭟᭕᭟ᬳᬮᭀᬦ᭄ᬲᬶᬧ᭄ᬭᬪᬸᬗᬦ᭄ᬤᬶᬓ᭞ᬳᬥᬸᬄᬘᬳᬶᬧᬢᬶᬄᬲᬫᬶ᭞ᬮᬯᬸᬢᬂᬧᬥᬓ᭄ᬦᭂᬳᬂ᭞ᬳᬶᬥᭂᬧ᭄ᬦᬶᬭᬦᬾᬦᬾᬚᬦᬶ᭞ᬫ ᬪᬶᬱᬾᬓᬦᬦᬓ᭄ᬫᬦ᭄ᬢ᭄ᬭᬶ᭞ᬓᬮᬶᬄᬬᬳᬶᬦᬦᬓ᭄ᬕᬮᬸᬄ᭞ᬫᬜ᭄ᬦᭂᬂᬧ᭄ᬭᬫᬾᬰ᭄ᬯᬃᬬ᭄ᬬ᭞ᬫᬓᬵᬤᬶᬘᬸᬘᬸᬦᬾᬘ᭄ᬭᬶᬓ᭄᭞ᬳᬧᬂᬫᬦᬹᬢ᭄᭞ᬲᬢᬶᬗ᭄ᬓᬳᬶᬂᬭᬵᬚ ᬧᬸᬢ᭄ᬭ᭟᭖᭟ᬓᬮᬶᬄᬦᬾᬳᬶᬤ᭄ᬫᬸᬂᬤ᭄ᬫᬂ᭞ᬘᬳᬶᬮ᭄ᬯᬲ᭄ᬩᬸᬓᬚᬦᬶ᭞ᬦᬸᬳᬸᬃᬲᬂᬧ᭄ᬭᬪᬸᬤᬶᬤᬳᬵ᭞ᬫᬓᬤᬶᬲᬤᬕᬶᬂᬧᬸᬭᬶ᭞ᬫᬗ᭄ᬤᬾᬦ᭄ᬜᬭᬯᬸᬄᬳᬸᬕᬶ᭞ᬦᬶᬜ᭄ᬚᭀ gᬳᬯᬾᬦ᭄ᬦᬦᬓ᭄‌ᬩᬕᬸᬲ᭄᭞ᬧ᭄ᬭᬤᬢᬬᬂᬗᬢᬸᬭᬂ᭞ᬲᬧᬭᬶᬓᬦ᭄ᬤᬜᬲᬫᬶ᭞ᬧᬂᬤᬢᬦ᭄ᬤ᭄ᬭᬸᬄ᭞ᬲᬂᬧ᭄ᬭᬪᬸᬢ᭄ᬓᬾᬦᬶᬂᬧᬸᬢ᭄ᬭ᭟᭗᭟ᬲᬸᬫ᭄ᬓᭂᬦ᭄ᬤᬶᬦᬦᬶᬂ [ ᭓᭕ 35A] ᬓᬃᬬ᭄ᬬ᭞ᬩ᭄ᬯᬶᬦ᭄ᬳᬩᬸᬮᬦ᭄ᬳᬸᬮᬶᬂᬚᬦᬶ᭞ᬦᬸᬚᬸᬧᬹᬃᬡ᭄ᬦᬫᬦᬶᬂᬓᬧᬢ᭄᭞ᬧᬦ᭄ᬥᭂᬂᬳᬶᬓᭂᬫ᭄ᬩᬂᬫᬶᬬᬶᬓ᭄᭞ᬲᬂᬓᬶᬦᭀᬦ᭄ᬦᬸᬮ᭄ᬬᬵᬕ᭄ᬮᬶᬲ᭄᭞ᬳᬦ᭄ᬤᬭᬸᬂᬮᬫ᭄ᬧᬳᬾᬜᬸ ᬚᬸᬃ᭞ᬯᬸᬲ᭄ᬭᬯᬸᬄᬫᬭᬶᬂᬤᬳᬵ ᭞ᬲᬳᬶᬦ᭄ᬤᬶᬓ᭄ᬓᬤᬃᬣᬲᬫᬶ᭞ᬦᬸᬗ᭄ᬕ᭄ᬯᬶᬂᬳᬬᬸᬦ᭄᭞ᬢᬶᬦᬗ᭄ᬓᬶᬮᬶᬂᬢᬡ᭄ᬥᬭᬓ᭄ᬭ᭄ᬬᬦ᭄᭟᭘᭟ᬲᬂᬧ᭄ᬭᬪᬸᬓᬕ᭄ᬬᬢ᭄ᬫᬶᬋᬗᬂ᭞ᬗᬦ᭄ᬤᬶᬓ ᬳᬤᬸᬮᬸᬃᬢᬗᬶᬲ᭄᭞ᬦᬾᬘᬳᬶᬫᬦ᭄ᬢ᭄ᬭᬶᬲᬶᬦᬫ᭄ᬬᬦ᭄᭞ᬮᬯᬸᬢᬂᬫᬲᬶᬄᬓ᭄ᬦᭂᬳᬶᬦ᭄᭞ᬓᬮᬶᬄᬧᬥᬦᬯᬸᬳᬶᬦ᭄᭞ᬲᬩᬮᬦᬾᬳᬧᬂᬢᬳᬸ᭞ᬢ᭄ᬓᬾᬦᬶᬂ ᬤᬕᬶᬂᬓᬃᬬ᭄ᬬ᭞ᬮᬯᬸᬢᬂᬘᬳᬶᬗᬶᬢᬸᬗᬶᬦ᭄᭞ᬫᬗ᭄ᬤᬘᬸᬓᬸᬧ᭄᭞ᬳᬧᬂᬳ᭄ᬤᬓᬤᬸᬃᬫ᭄ᬫᬶᬢᬵᬦ᭄᭚᭜᭚ᬤᬹᬃᬫ᭄ᬫ᭟᭑᭟ᬤᬸᬃᬫ᭄ᬫᬗ᭄ᬕᬮᬳ᭄ᬦᭂᬂᬲᬂᬧ᭄ᬭᬪᬸᬤᬶᬤ

Auto-transliteration

[ 34 34B] 34 ngisesajroningpura. 5. halonsiprabhungandika, hadhuḥcahipatiḥsami, lawutangpadhaknĕhang, hidhĕpniranenejani, ma bhisyekananakmantri, kaliḥyahinanakgaluḥ, mañnĕngprameśwar̀yya, makādicucunecrik, hapangmanūt, satingkahingrāja putra. 6. kaliḥnehidmungdmang, cahilwasbukajani, nuhur̀sangprabhudidahā, makadisadagingpuri, mangdenñarawuḥhugi, niñjo ghawennanakbagus, pradatayangngaturang, saparikandañasami, pangdatandruḥ, sangprabhutkeningputra. 7. sumkĕndinaning [ 35 35A] kar̀yya, bwinhabulanhulingjani, nujupūr̀ṇnamaningkapat, pandhĕnghikĕmbangmiyik, sangkinonnulyāglis, handarunglampaheñu jur̀, wusrawuḥmaringdahā , sahindikkadar̀thasami, nunggwinghayun, tinangkilingtaṇdharakryan. 8. sangprabhukagyatmir̥ĕngang, ngandika hadulur̀tangis, necahimantrisinamyan, lawutangmasiḥknĕhin, kaliḥpadhanawuhin, sabalanehapangtahu, tkening dagingkar̀yya, lawutangcahingitungin, mangdacukup, hapanghdakadur̀mmitān // • // dūr̀mma. 1. dur̀mmanggalahnĕngsangprabhudida

Leaf 35

Image on Archive.org

[ ᭓᭕ 35B] ᭓᭕᭞ ᬳᬵ᭞ᬭᬶᬂᬓᭀᬭᬶᬧᬦ᭄ᬯᬶᬦᬃᬡ᭄ᬦᬶ᭞ᬢᬫ᭄ᬧᭂᬓ᭄ᬤᬶᬦᬦ᭄ᬓᬃᬬ᭄ᬬ᭞ᬩᬮᬾᬲᬵᬫ᭄ᬧᬸᬦᬳ᭄ᬬᬲ᭄᭞ᬯᬯᬭᬸᬂᬗᬫ᭄ᬧᬶᬂᬘᬸᬫᬯᬶᬲ᭄᭞ᬫᬳᬗ᭄ᬕᭀᬳᬗ᭄ᬕᭀᬲᬓ᭄ᬭᬄᬲᬸᬢ᭄ᬭ ᬦᬾᬳᬮᬶᬫ᭄᭟᭒᭟ᬓᬮᬶᬄᬕ᭄ᬦᬄᬳᭀᬫᬧ᭄ᬬᬚ᭄ᬜᬦ᭄‌ᬯᬸᬲ᭄ᬘᬸᬫᬤᬂ᭞ᬢᬦ᭄ᬓᬸᬭᬂᬋᬗ᭄ᬕᬳᬰ᭄ᬭᬷ᭞ᬧᬹᬡ᭄ᬬᬯᬸᬲ᭄ᬲᬗ᭄ᬕ᭄ᬭᬳ᭞ᬳᬦᬹᬢᬶᬂᬲᭀᬯᬂᬲᭀᬯᬂ᭞ᬢᬦ᭄ᬓᬸᬭᬂ ᬤᬦᬦᬺᬧᬢᬶ᭞ᬧᬸᬭᬶᬄᬦᬶᬂᬯᬶᬃᬬ᭄ᬬ᭞ᬢᬦ᭄ᬓᭀᬦᬶᬂᬮᬢ᭄ᬭᬶᬳᬾᬜ᭄ᬚᬶᬂ᭟᭓᭟ᬓᭀᬘᬧ᭄ᬫᬮᬶᬄᬢᬶᬕᬂᬤᬶᬦᬤᬶᬦᬦ᭄ᬓᬃᬬ᭄ᬬ᭞ᬲᬂᬧ᭄ᬭᬪᬸᬧ᭄ᬭᬵᬧ᭄ᬢᬶ᭞ᬲᬳᬤᬕᬶᬂᬧᬸᬭ᭞ ᬲᬓ᭄ᬭᬄᬚᬕᬢ᭄ᬤᬳᬵ᭞ᬫᬸᬂᬦᬶᬮᬶᬫ᭄ᬩᬸᬃᬦ᭄ᬤᬢᬦ᭄ᬧ᭄ᬭᬵᬧ᭄ᬢᬶ᭞ᬓᬮᬶᬄᬰ᭄ᬭᬷᬭᬵᬓ᭄ᬭ᭄ᬬᬦ᭄᭞ᬓᬸᬤᬦᬶᬮᬵᬃᬱᬧᬢᬶᬄ᭟᭔᭟ᬭᬾᬄᬓᬢᬶᬢᬄᬫᬓ᭄ᬫᬶᬢ᭄ᬭᬶᬂᬧᬸᬭᬶᬤᬳ᭟ [ ᭓᭖ 36A] ᬳᬯᬦᬦ᭄‌ᬦ᭄ᬤᬢᬦ᭄ᬗᬶᬭᬶᬂ᭞ᬳ᭄ᬦᭂᬗᬦ᭄ᬭᬶᬂᬤᬳᬵ᭞ᬭᬶᬂᬓᭀᬭᬶᬧᬦ᭄ᬯᬶᬦᬵᬃᬡ᭄ᬦ᭞ᬚᬦ᭄ᬫᬦᬾᬢᬦ᭄ᬓᭀᬢᬶᬓᭀᬢᬶ᭞ᬲᬩ᭄ᬭᬦ᭄ᬫᬗᭂᬦᬄ᭞ᬭᬶᬂᬳᬶᬤᬰ᭄ᬭᬷᬪᬹᬧᬢᬶ ᭟᭕᭟ᬳᭂᬫ᭄ᬧᭂᬢ᭄ᬚᭂᬚᭂᬮ᭄‌ᬚᬤ᭄ᬫᬦᬾᬫᬸᬗ᭄ᬕ᭄ᬯᬶᬂᬩᬜ᭄ᬘᬶᬗᬄ᭞ᬘ᭄ᬭᬶᬓ᭄‌ᬓ᭄ᬮᬶᬄᬮᬸᬄᬫ᭄ᬯᬦᬶ᭞ᬕᭀᬂᬫᬕ᭄ᬭᬸᬤᬸᬕᬦ᭄᭞ᬮᬾᬦ᭄‌ᬲ᭄ᬫᬭᬧᬕᬸᬮᬶᬗᬦ᭄᭞ᬩᬮᬶᬄ ᬩᬮᬶᬳᬦ᭄ᬫᬳᬶᬦ᭄ᬤᬶ᭞ᬲᬳᬳᬤᬦ᭄ᬜ᭞ᬳᬯᭀᬭᬶᬦ᭄ᬫᬸᬜᬶᬦ᭄‌ᬩ᭄ᬤᬶᬮ᭄᭟᭖᭟ᬧᬭᬯᬶᬓᬸᬮᬦᬂᬳᬶᬲ᭄ᬢ᭄ᬭᬶᬲᬫᬶᬧ᭄ᬭᬵᬧ᭄ᬢ᭞ᬗᬭᬜ᭄ᬚᬶᬂᬭᬭᬶᬲ᭄ᬓᬧᬸᬭᬶ᭞ ᬧᬳᬓ᭄ᬭᬶᬂᬲᬂᬦᬵᬣ᭞ᬲᬫᬶᬓᬢᬸᬭᬦ᭄ᬧᬹᬡ᭄ᬬ᭞ᬧᬤᬡ᭄ᬥᬲᬫᬶᬗᬚᭂᬗᬶᬦ᭄᭞ᬭᬭᬶᬲ᭄ᬫᬫᬹᬚᬵ᭞ᬗᬸᬜ᭄ᬘᬭᬂᬫᬦ᭄ᬢ᭄ᬭᬍᬯᬶᬄ᭟᭗᭟ᬢᬦ᭄ᬓᭀᬦᬶᬗᬂ

Auto-transliteration

[ 35 35B] 35 hā, ringkoripanwinar̀ṇni, tampĕkdinankar̀yya, balesāmpunahyas, wawarungngampingcumawis, mahanggohanggosakraḥsutra nehalim. 2. kaliḥgnaḥhomapyajñanwuscumadang, tankurangr̥ĕnggahaśrī, pūṇyawussanggraha, hanūtingsowangsowang, tankurang dananr̥ĕpati, puriḥningwir̀yya, tankoninglatriheñjing. 3. kocapmaliḥtigangdinadinankar̀yya, sangprabhuprāpti, sahadagingpura, sakraḥjagatdahā, mungnilimbur̀ndatanprāpti, kaliḥśrīrākryan, kudanilār̀ṣapatiḥ. 4. reḥkatitaḥmakmitringpuridaha. [ 36 36A] hawananndatanngiring, hnĕnganringdahā, ringkoripanwinār̀ṇna, janmanetankotikoti, sabranmangĕnaḥ, ringhidaśrībhūpati . 5. hĕmpĕtjĕjĕljadmanemunggwingbañcingaḥ, crikkliḥluḥmwani, gongmagrudugan, lensmarapagulingan, baliḥ balihanmahindi, sahahadanña, haworinmuñinbdil. 6. parawikulananghistrisamiprāpta, ngarañjingrariskapuri, pahakringsangnātha, samikaturanpūṇya, padaṇdhasamingajĕngin, rarismamūjā, nguñcarangmantral̥ĕwiḥ. 7. tankoningang

Leaf 36

Image on Archive.org

[ ᭓᭖ 36B] ᭓᭖᭞ ᬮᬢ᭄ᬭᬶᬏᬜ᭄ᬚᬶᬂᬰ᭄ᬭᬷᬦᬭᬾᬦ᭄ᬤ᭄ᬭ᭞ᬤᬶᬦᬦ᭄ᬓᬃᬬ᭄ᬬᬯᬸᬲ᭄ᬧ᭄ᬭᬵᬧ᭄ᬢᬶ᭞ᬓᬢᭀᬦ᭄ᬓᬵᬤ᭄ᬪᬸᬢᬾᬂᬭᬵᬢ᭄᭞ᬚᬤ᭄ᬫᬦᬾᬧᬲ᭄ᬮᬶᬬᬸᬭᬦ᭄᭞ᬤᬸᬮᬸᬭᬶᬦ᭄ᬢᬩᭂᬳᬦ᭄ᬫᬸᬦᬶ᭞ᬩ ᬮᬶᬩᬮᬶᬳᬦ᭄᭞ᬢᬦ᭄ᬢᬾᬮᬕ᭄ᬫᬗᬺᬦ᭄ᬢᭂᬩᬶᬦ᭄᭟᭘᭟ᬤᬯᬸᬄᬓᬮᬶᬄᬫᬶᬚᬶᬮ᭄ᬲᬶᬭᬭᬵᬤᬾᬦ᭄ᬫᬦ᭄ᬢ᭄ᬭ᭞ᬳᬓᬫ᭄ᬧᬸᬄᬤᬤᬸᬗᭂᬦ᭄ᬤᬶᬄ᭞ᬕᬾᬫ᭄ᬧᬾᬮ᭄ᬩᬵ ᬦ᭄ᬧ᭄ᬭᬤ᭞ᬕ᭄ᬮᬸᬂᬲᬶᬦᭂᬫ᭄ᬩᬃᬫᬶᬭᬄ᭞ᬳᬶᬦ᭄ᬢᭂᬦ᭄‌ᬩᭂᬃᬮ᭄ᬬᬦᬾᬜᬦ᭄ᬤᬶᬂ᭞ᬳᬩᬸᬮᬂᬲᬸᬢ᭄ᬭ᭞ᬢᬗᬶᬫᬋᬦᬮᬶᬫ᭄᭟᭙᭟ᬳᬦᬹᬢ᭄‌ᬜᬸᬂᬓ᭄ᬮᬶᬢ᭄‌ᬓ᭄ᬭᬶᬲ᭄ᬫᬳᭀ ᬭᬗ᭄ᬓᬚᬫ᭄ᬧ᭄ᬭᬂ᭞ᬧᬾᬮᬾᬢᬾᬫᬶᬭᬶᬩ᭄ᬢᬸᬦ᭄ᬤᬶᬓ᭄᭞ᬯᬶᬚᬶᬮᬶᬂᬩ᭄ᬮᬂᬫ᭄ᬩᬗᬦ᭄᭞ᬲᬧᬳᬸᬢ᭄ᬭᬶᬂᬮᬡ᭄ᬤᬾᬬᬦ᭄᭞ᬢᭀᬕᭀᬕ᭄‌ᬫᬵᬲ᭄ᬭᬢ᭄ᬦᬫᬬᬗᭂᬦ᭄ᬤᬶᬄ᭞ [ ᭓᭗ 37A] ᬓᬯᭀᬦ᭄‌ᬗ᭄ᬭᬜᬩ᭄᭞ᬓᬲᬸᬦ᭄ᬤᬭᬦ᭄ᬲᬂᬳ᭄ᬬᬂᬭᬯᬶ᭟᭑᭐᭟ᬫᬓᬯᬘᬫᬓᬯᬢ᭄ᬳᬦ᭄ᬢᬸᬓ᭄ᬫᬵᬲ᭄,ᬓᬜ᭄ᬘᬶᬂᬫᬲᭀᬘᬗᭂᬦ᭄ᬤᬶᬄ᭞ᬳᬦᬹᬢ᭄‌ᬩᬶᬦ᭄ᬢᬂᬩᭂ ᬲᬃ᭞ᬯᬲ᭄ᬢ᭄ᬭᬕᬕᬸᬮᬸᬂᬕᬤᬂ᭞ᬫᬢᬗ᭄ᬕᬸᬫᬧ᭄ᬭᬤᬗᭂᬦ᭄ᬤᬶᬄ᭞ᬫᬲᬲ᭄ᬮᬸᬢ᭄ᬫᬶᬭᬄ᭞ᬲᬶᬦᭂᬫ᭄ᬩᬃᬳᬶᬦ᭄ᬢᭂᬦ᭄‌ᬍᬯᬶᬄ᭟᭑᭑᭟ᬧᬳᬸᬢ᭄‌ᬜᬦ᭄ᬤᬶᬂᬤᬾᬯᬵᬕᬸᬂᬳᬶᬲ᭄ᬢ᭄ᬭᬶ ᬤᬳᬵ᭞ᬯᬲ᭄ᬢ᭄ᬭᬤᬤᬸᬫᬗᭂᬦ᭄ᬤᬶᬄ᭞ᬕᬾᬫ᭄ᬧᬾᬮ᭄ᬫᬧ᭄ᬭᬤ᭞ᬓᬯᬘᬕᬤᬂᬗ᭄ᬭᬜᬩ᭄᭞ᬩᬶᬦ᭄ᬢᬂᬩᭂᬲᬭᬾᬫᬗᬧᬶᬢ᭄᭞ᬫᬳᬾᬫ᭄ᬧᬳᬾᬫᬵᬧᬃ᭞ᬛᬃᬕᬶ ᬮᬫᬵᬲ᭄ᬧᬓ᭄ᬭᬶᬲᬶᬂ᭟᭑᭒᭟ᬳᬦᬹᬢ᭄ᬲᬭᬶᬯᬶᬦ᭄ᬢᭂᬦ᭄ᬫᬡᬶᬓ᭄ᬮᬦ᭄‌ᬩᭂᬃᬮ᭄ᬬᬦ᭄᭞ᬲᬸᬫᬶᬗ᭄ᬓᬶᬦ᭄ᬢᭀᬦᬰ᭄ᬭᬶ᭞ᬧᬳᬢ᭄‌ᬬᬦ᭄ᬲᬯᬗᬂ᭞ᬫᬳᬶᬭᬶᬩ᭄ᬲᬂᬳ᭄ᬬᬂ

Auto-transliteration

[ 36 36B] 36 latri'eñjingśrīnarendra, dinankar̀yyawusprāpti, katonkādbhutengrāt, jadmanepasliyuran, dulurintabĕhanmuni, ba libalihan, tantelagmangr̥ĕntĕbin. 8. dawuḥkaliḥmijilsirarādenmantra, hakampuḥdadungĕndiḥ, gempelbā nprada, glungsinĕmbar̀miraḥ, hintĕnbĕr̀lyaneñanding, habulangsutra, tangimar̥ĕnalim. 9. hanūtñungklitkrismaho rangkajamprang, peletemiribtundik, wijilingblangmbangan, sapahutringlaṇdeyan, togogmāsratnamayangĕndiḥ, [ 37 37A] kawonngrañab, kasundaransanghyangrawi. 10. makawacamakawat'hantukmās,kañcingmasocangĕndiḥ, hanūtbintangbĕ sar̀, wastragagulunggadang, matanggumapradangĕndiḥ, masaslutmiraḥ, sinĕmbar̀hintĕnl̥ĕwiḥ. 11. pahutñandingdewāgunghistri dahā, wastradadumangĕndiḥ, gempelmaprada, kawacagadangngrañab, bintangbĕsaremangapit, mahempahemāpar̀, jhar̀gi lamāspakrising. 12. hanūtsariwintĕnmaṇiklanbĕr̀lyan, sumingkintonaśri, pahatyansawangang, mahiribsanghyang

Leaf 37

Image on Archive.org

[ ᭓᭗ 37B] ᭓᭗᭞ ᬲ᭄ᬫᬭ᭞ᬫᬜᬦ᭄ᬤᬶᬂᬪᬝᬵᬭᬶᬭᬢᬶᬄ᭞ᬓᬵᬮᬧᬸᬃᬡ᭄ᬦᬫ᭞ᬓᬢᭀᬦ᭄ᬲᬸᬢᬾᬚᬍᬯᬶᬄ᭟᭑᭓᭟ᬩ᭄ᬗᭀᬂᬩ᭄ᬗᬲ᭄ᬲᬳᬦᬦᬶᬂᬯ᭄ᬯᬗᬸᬫᬸᬮᬢ᭄᭞ᬫᬗ᭄ᬕᬯᬾᬳᬢᬶᬧ ᬮᬶᬂ᭞ᬢᬸᬢ᭄ᬧᬯᬶᬚᬶᬮ᭄ᬳᬶᬤ᭞ᬲᬂᬧ᭄ᬭᬪᬸᬮᬶᬗ᭄ᬲᬶᬃᬓᬭ᭄ᬯ᭞ᬳᬶᬂᬲᬶᬗ᭄ᬳᬵᬲᬦᬉᬫᬸᬗ᭄ᬕ᭄ᬯᬶᬂ᭞ᬲ᭄ᬣᬵᬦᬧ᭄ᬭᬤᬶᬧ᭄ᬢ᭞ᬲᭂᬲᭂᬓ᭄ᬧ᭄ᬭᬫᬦ᭄ᬢ᭄ᬭᬶᬦᬗ᭄ᬓᬶᬮ᭄᭟᭑᭔᭟ᬓᬢᭀᬦ᭄ᬫᬸᬭᬸᬩ᭄ ᬬᬦ᭄ᬲᬯᬗᬂᬕᬸᬦᬸᬂᬩᬸᬗ᭞ᬳᬍᬧ᭄ᬲᬸᬢᬾᬚᬲᬰ᭄ᬭᬷ᭞ᬧᬭᬯᬶᬓᬸᬳᬢᬧ᭄᭞ᬢᬦ᭄ᬓᬸᬭᬂᬥᬦᬧᬹᬡ᭄ᬬ᭞ᬭᬶᬂᬧᬬᬚ᭄ᬜᬦ᭄‌ᬢᭂᬢᭂᬧ᭄ᬳᬸᬫᬸᬗ᭄ᬕ᭄ᬯᬶᬂ᭞ᬧᬯᬓᬫᬸᬦ᭄ᬢ ᬩ᭄᭞ᬫᬸᬭᬸᬩ᭄ᬳᬗᬸᬩᬭᬩᬶᬃ᭟᭑᭕᭟ᬭᬭᬶᬲ᭄ᬫᬸᬗ᭄ᬕᬄᬲᬂᬋᬱᬶᬳᬦᬾᬦᬵᬕ᭄ᬧᬗ᭄ᬕᬸᬗᬦ᭄᭞ᬗᬸᬜ᭄ᬘᬭᬂᬯᬾᬥᬍᬯᬶᬄ᭞ᬫᬦ᭄ᬢ᭄ᬭᬚᬬᬚᬬ᭞ᬲᬳᬳᭀᬗ᭄ᬓᬭᬫ [ ᭓᭘ 38A] ᬦ᭄ᬢ᭄ᬭ᭞ᬧᬗ᭄ᬭᬥᬦᬲ᭄ᬫᬭᬭᬢᬶᬄ᭞ᬫᬸᬗ᭄ᬕ᭄ᬯᬶᬂᬧᬳᭀᬫᬦ᭄᭞ᬗ᭄ᬭᬥᬦᬲᬂᬳ᭄ᬬᬗᬕ᭄ᬦᬶ᭟᭑᭖᭟ᬳᬢ᭄ᬭᬶᬳᬸᬫᬸᬂᬲ᭄ᬯᬭᬦᬶᬂᬩᬮᬓᭀᬭᬶᬧᬦ᭄᭞ᬭᬶᬓᬢᭀᬦ᭄ ᬲᬂᬲᬶᬦᬶᬯᬶ᭞ᬳᬶᬤᬤᬾᬯᬵᬕᬸᬂᬧᬸᬢ᭄ᬭ᭞ᬕᬸᬫᬦ᭄ᬢᬶᬦᬵᬣᬦᬶᬂᬭᬵᬢ᭄᭞ᬕᬸᬃᬡ᭄ᬦᬶᬢᬂᬢᬩᬸᬳᬦ᭄ᬫᬸᬦᬶ᭞ᬳᬦᬾᬂᬩᬜ᭄ᬘᬶᬗᬄ᭞ᬲᬸᬧ᭄ᬦᬸᬄᬳᬗᬶᬩᭂᬓᬶ᭟᭑᭗᭟ ᬓᬮᬶᬄᬳᬶᬤᬤᬾᬯᬵᬕᬸᬂᬳᬮᬶᬢ᭄‌ᬯᬸᬲ᭄ᬧᬶᬦᬹᬚ᭞ᬓᬚᬬᬚᬬᬤᬾᬦᬶᬂᬯᬶᬓᬸᬰᬶᬯᬩᬸᬤ᭄ᬥ᭞ᬯᬸᬲ᭄ᬧᬸᬧᬸᬢ᭄ᬲᬶᬤ᭄ᬥᬓᬃᬬ᭄ᬬ᭞ᬳᬃᬱᬵᬫ᭄ᬩᭂᬓ᭄ᬳᬶᬤᬲᬂᬳ ᬚᬶ᭞ᬲᬂᬦᬵᬣᬯᬺᬤ᭄ᬥ᭞ᬤᬾᬦᬶᬂᬯᬸᬲ᭄ᬲᬶᬤ᭄ᬥᬾᬂᬓᬵᬧ᭄ᬢᬶ᭟᭑᭘᭟ᬭᬶᬯᬸᬲ᭄ᬧᬸᬧᬸᬢ᭄‌ᬓᬃᬬ᭄ᬬᬦᬾᬳᬶᬯᬤ᭄ᬯᬩᬮ᭞ᬲᬵᬫᬵᬧᬸᬦ᭄ᬫᬧᬫᬶᬢ᭄ᬲᬫᬶ᭞ᬓᬮᬶᬄᬧᬤ

Auto-transliteration

[ 37 37B] 37 smara, mañandingbhaṭāriratiḥ, kālapur̀ṇnama, katonsutejal̥ĕwiḥ. 13. bngongbngassahananingwwangumulat, manggawehatipa ling, tutpawijilhida, sangprabhulingsir̀karwa, hingsinghāsana'umunggwing, sthānapradipta, sĕsĕkpramantrinangkil. 14. katonmurub yansawanganggunungbunga, hal̥ĕpsutejasaśrī, parawikuhatap, tankurangdhanapūṇya, ringpayajñantĕtĕp'humunggwing, pawakamunta b, murub'hangubarabir̀. 15. rarismunggaḥsangr̥ĕsyihanenāgpanggungan, nguñcarangwedhal̥ĕwiḥ, mantrajayajaya, sahahongkarama [ 38 38A] ntra, pangradhanasmararatiḥ, munggwingpahoman, ngradhanasanghyangagni. 16. hatrihumungswaraningbalakoripan, rikaton sangsiniwi, hidadewāgungputra, gumantināthaningrāt, gur̀ṇnitangtabuhanmuni, hanengbañcingaḥ, supnuḥhangibĕki. 17. kaliḥhidadewāgunghalitwuspinūja, kajayajayadeningwikuśiwabuddha, wuspuputsiddhakar̀yya, har̀syāmbĕk'hidasangha ji, sangnāthawr̥ĕddha, deningwussiddhengkāpti. 18. riwuspuputkar̀yyanehiwadwabala, sāmāpunmapamitsami, kaliḥpada

Leaf 38

Image on Archive.org

[ ᭓᭘ 38B] ᭓᭘᭞ ᬡ᭄ᬥᬲᬫ᭄ᬬᬦ᭄᭞ᬫᬦ᭄ᬢᬸᬓ᭄ᬳᬤᬸᬮᬸᬃᬧᬸᬡ᭄ᬬ᭞ᬢᬦ᭄ᬓᬾᬢᬂᬮᬓᬸᬦᬾᬲᬫᬶ᭞ᬭᬶᬂᬤᬳᬵᬫᬸᬯᬄ᭞ᬦᬶᬮᬶᬫ᭄ᬩᬸᬃᬯᬶᬦᬃᬡ᭄ᬦᬶ᭟᭑᭙᭟ᬤᬾᬦᬶᬂᬢᬸᬢᬸᬕ᭄‌ᬕᬸᬡᬦᬾᬲᬵ ᬫ᭄ᬧᬸᬦ᭄ᬫᬍᬘᬢ᭄᭞ᬯᬮᬸᬬᬓᬤᬶᬭᬶᬳᬶᬦ᭄᭞ᬲ᭄ᬥᬶᬄᬫᬲᭂᬮ᭄ᬲᭂᬮᬦ᭄᭞ᬭᬾᬄᬳᬾᬮᬶᬂᬭᬶᬂᬮᬓ᭄ᬱᬡ᭞ᬳᬶᬭᬶᬳᬶᬃᬱ᭄ᬬᬦᬾᬳᬸᬮᬸᬭᬶᬦ᭄᭞ᬫᬫᬦ᭄ᬢᬶᬂᬳᬯᬓ᭄᭞ ᬓᬲ᭄ᬫᬭᬦ᭄ᬫᬜᬸᬲᬸᬧᬶᬦ᭄᭚᭜᭚ᬲ᭄ᬫᬭᬦ᭄ᬤᬦ᭟᭑᭟ᬳᬶᬮᬶᬫ᭄ᬩᬸᬃᬢᬢᬦ᭄ᬯᬶᬦᬃᬡ᭄ᬦᬶ᭞ᬯᬶᬦᬃᬡ᭄ᬦᬲᬂᬧ᭄ᬭᬪᬸᬤᬳᬵ᭞ᬳᬾᬮᬶᬂᬭᬶᬂᬮᬷᬡᬦ᭄ᬭᬩᬶᬦᬾ᭞ᬫᬓᬸ ᬢᬂᬢ᭄ᬗᬳᬶᬂᬳᬮᬲ᭄᭞ᬲ᭄ᬥᬶᬄᬓᬮᬭᬦ᭄ᬮᬭᬦ᭄᭞ᬲᬓᬶᬂᬧᬕᬯᬾᬦ᭄ᬳᬶᬮᬶᬫ᭄ᬩᬸᬃ᭞ᬓᬩᬵᬗᬦ᭄‌ᬰ᭄ᬭᬷᬦᬭᬦᬵᬣ᭟᭒᭟ᬲᬫ᭄ᬩᬶᬮ᭄ᬦᬗᬶᬲ᭄ᬳᬶᬤᬜ᭄ᬭᬶᬢ᭄᭞ᬗᬦ᭄ᬤᬶ [ ᭓᭙ 39A] ᬓᬥᬸᬄᬦᬦᬓ᭄ᬧᬸᬢ᭄ᬭ᭞ᬓᬮᬶᬄᬦᬾᬳᬶᬧᬢᬶᬄᬓᬢᭀᬂ᭞ᬓ᭄ᬫᬵᬚᬦᬶᬚ᭄ᬯᬫᬚᬮᬦ᭄᭞ᬫᬢ᭄ᬬᬂᬳᬶᬮᬶᬫ᭄ᬩᬸᬃᬓᬯᬄ᭞ᬓᬸᬢᬶᬂᬦᬦᬗᬾᬦ᭄ᬢᭀᬳᬶᬜ᭄ᬘᬸᬓ᭄᭞ᬲᬮᬄ ᬦᬾᬫᬳᬗᬶᬦ᭄ᬕᬸᬡ᭟᭓᭟ᬓᬮᬶᬄᬜᬳᬶᬦᬦᬓ᭄ᬤᬾᬯᬶ᭞ᬦᬄᬩᬧᬫᬗᬓᬸᬲᬮᬄ᭞ᬭᬾᬄᬩᬧᬓᬤᬸᬂᬓᬮᭀᬜ᭄ᬚᭀᬓ᭄᭞ᬫᬗᬸᬢᬂᬳᬶᬤᬤᬶᬳ ᬮᬲ᭄᭞ᬓᬮᬶᬄᬮᬦ᭄ᬳᬶᬩᬸᬦ᭄ᬳᬶᬤ᭞ᬲᬓᬶᬂᬧᬕᬯᬾᬦ᭄ᬳᬶᬮᬶᬫ᭄ᬩᬸᬃ᭞ᬦᬄᬚᬦᬶᬩᬧᬫᬶᬗ᭄ᬲᬮᬄ᭟᭔᭟ᬭᬵᬤᬾᬦ᭄ᬤᬾᬯᬶᬫᬦᬗᬶᬲ᭄᭞ᬳᬾᬮᬶᬂᬭᬶᬂᬳᬶᬩᬸᬦᬾᬧ᭄ᬚᬄ᭞ ᬢᭀᬬᬦ᭄ᬳᬓ᭄ᬱᬶᬦᬾᬧᬢ᭄ᬭᬾᬩᬾᬲ᭄᭞ᬫᬳᬢᬸᬃᬭᬢᬸᬲᬂᬦᬵᬣ᭞ᬲᬵᬫᬵᬧᬸᬦ᭄‌ᬚ᭄ᬯᬫᬜ᭄ᬚᬗᬦ᭄᭞ᬭᬾᬄᬢᬶᬢᬳᬶᬂᬲᬂᬳ᭄ᬬᬂᬢᬸᬤᬸᬄ᭞ᬯᬾᬦ᭄ᬢᭂᬦ᭄ᬳᬗ᭄ᬕᬾᬦ᭄‌ᬳᬸ

Auto-transliteration

[ 38 38B] 38 ṇdhasamyan, mantuk'hadulur̀puṇya, tanketanglakunesami, ringdahāmuwaḥ, nilimbur̀winar̀ṇni. 19. deningtutugguṇanesā mpunmal̥ĕcat, waluyakadirihin, sdhiḥmasĕlsĕlan, reḥhelingringlakṣaṇa, hirihir̀ṣyanehulurin, mamantinghawak, kasmaranmañusupin // • // smarandana. 1. hilimbur̀tatanwinar̀ṇni, winar̀ṇnasangprabhudahā, helingringlīṇanrabine, maku tangtngahinghalas, sdhiḥkalaranlaran, sakingpagawenhilimbur̀, kabānganśrīnaranātha. 2. sambilnangishidañrit, ngandi [ 39 39A] kadhuḥnanakputra, kaliḥnehipatiḥkatong, kmājanijwamajalan, matyanghilimbur̀kawaḥ, kutingnanangentohiñcuk, salaḥ nemahangin'guṇa. 3. kaliḥñahinanakdewi, naḥbapamangakusalaḥ, reḥbapakadungkaloñjok, mangutanghidadiha las, kaliḥlanhibunhida, sakingpagawenhilimbur̀, naḥjanibapamingsalaḥ. 4. rādendewimanangis, helingringhibunepjaḥ, toyanhaksyinepatrebes, mahatur̀ratusangnātha, sāmāpunjwamañjangan, reḥtitahingsanghyangtuduḥ, wentĕnhanggenhu

Leaf 39

Image on Archive.org

[ ᭓᭙ 39B] ᭓᭙᭞ ᬘᬧᬸᬘᬧᬦ᭄᭟᭕᭟ᬓᬶᬧᬢᬶᬄᬫᬘᭂᬩᬸᬃᬕ᭄ᬮᬶᬲ᭄᭞ᬜᭂᬫ᭄ᬩᬄᬭᬳᬤᬾᬦ᭄ᬫᬦ᭄ᬢ᭄ᬭᬶᬬ᭞ᬭᬶᬂᬩᬜ᭄ᬘᬶᬗᬄᬳᬰ᭄ᬭᬸᬕᬾᬕᬾᬃ᭞ᬓᬸᬮ᭄ᬓᬸᬮᬾᬩᬸᬮᬸᬲ᭄ᬓᬢ᭄ᬧᬓ᭄᭞ᬚ ᬤ᭄ᬫᬦᬾᬫᬢ᭄ᬭᬬᬸᬳᬦ᭄᭞ᬲᬳᬲᬶᬓᭂᬧ᭄ᬲᬫᬶᬢ᭄ᬥᬸᬦ᭄᭞ᬲᭀᬫ᭄ᬧ᭄ᬭᬾᬢ᭄ᬫᬸᬦᬶᬳᬭᬸᬭᬳᬦ᭄᭟᭖᭟ᬭᬶᬂᬩᬜ᭄ᬘᬶᬗᬄᬓᬶᬲᭂᬮ᭄ᬢᬶᬢᬶᬧ᭄᭞ᬯᬤ᭄ᬯᬦᬾᬲᬳᬲ ᬜ᭄ᬚᬢ᭞ᬓ᭄ᬭᬶᬲ᭄ᬢᬸᬫ᭄ᬩᬓ᭄‌ᬮᬯᬦ᭄ᬧᬶᬲ᭄ᬢᭀᬮ᭄᭞ᬲᬸᬮᬶᬕᬶᬩ᭄ᬤᬶᬮ᭄‌ᬚᭂᬃᬡ᭄ᬦᬢ᭄᭞ᬧᬥᬲᭀᬯᬂᬲᭀᬯᬂᬧ᭄ᬭᬩ᭄ᬓᭂᬮ᭄‌ᬓ᭄ᬮᬶᬳᬦ᭄ᬢᬸᬫᬹᬢ᭄᭞ᬓᬶᬧᬢᬶᬄᬜᬦ᭄ᬢᭀᬲ᭄ ᬭᬳᬤ᭄ᬬᬦ᭄᭟᭗᭟ᬯᬶᬚᬶᬮ᭄ᬲᬶᬭᬰ᭄ᬭᬷᬪᬸᬧᬢᬶ᭞ᬓᬢᭀᬦ᭄ᬫᬸᬭᬸᬩ᭄‌ᬳᬶᬩ᭄ᬫᬵᬲᬦ᭄᭞ᬧᬮᬶᬗ᭄ᬕᬶᬳᬦ᭄ᬓᬸᬤᬚᬕᭀ᭞ᬲᬼᬫ᭄‌ᬜᬮᬂᬜᬳᬜ᭄ᬚᬯ᭞ᬧ [ ᭔᭐ 40A] ᬗᬗ᭄ᬕᭀᬲᬫᬶᬳ᭄ᬫᬵᬲ᭄᭞ᬭᬳᬤ᭄ᬬᬦ᭄‌ᬦᬸᬮ᭄ᬬᬮᬸᬫᬓᬸ᭞ᬭᬶᬦᬸᬗ᭄ᬓᬸᬮᬶᬂᬥ᭄ᬯᬚᬳᬩᬂ᭟᭘᭟ᬧᬬᬸᬂᬓᭂᬫ᭄ᬩᬭᬾ ᬫᬭᬧᬶᬢ᭄᭞ᬫᬸᬯᬸᬕ᭄ᬳᬢ᭄ᬭᬶᬳᬦᬾᬂᬳᬯᬦ᭄᭞ᬭ ᬲᬩ᭄ᬮᬄᬧᬢᬮᬦᬾ ᭞ᬮ᭄ᬯᬶᬃᬭᬸᬩᬸᬄᬓᬗᬵᬓᬰ᭞ᬫᬾᬄᬧ᭄ᬭᬵᬧ᭄ᬢᬢ᭄ᬧᬶᬦ᭄ᬤᬵᬳᬵ᭞ᬰ᭄ᬭᬷᬓᬸᬤᬦᬶᬮᬭᬦ᭄ᬮᬶᬫ᭄ᬩᬸᬃ᭞ᬓᬕ᭄ᬬᬢ᭄ᬭᬸᬫᭂᬗ᭄ᬯᬾᬂᬲᬸᬭᬓ᭄᭟᭙᭟ᬭᬸᬫᬲᬭᬲᬳᬾ ᬗᬢᬶ᭞ᬩᬬᬦ᭄ᬢᬓᬫᬾᬳᬵᬧ᭄ᬭᬵᬧ᭄ᬢ᭞ᬲᬃᬯ᭄ᬯᬶᬗ᭄ᬮᬶᬂᬕ᭄ᬭᭀᬂᬕ᭄ᬭᭀᬂ᭞ᬓᬕᬾᬢ᭄ᬳᬸᬫᬸᬂᬭᬶᬂᬩᬜ᭄ᬘᬶᬗᬄ᭞ᬲᬶᬓᭂᬧ᭄ᬳᬚᬚᬃᬚᬚᬃ᭞ᬲᬓ᭄ᬭᬄᬩᬮᬯᬸᬲ᭄ᬳᬸᬫᬲᬸᬓ᭄᭞ᬓᬩᬦ᭄ᬥᬓᬸ ᬤᬦᬶᬮᬵᬃᬱ᭟᭑᭐᭟ᬫᬩ᭄ᬭᬶᬕᬸᬩ᭄ᬭᬶᬕᬸᬫᬢᬮᬶ᭞ᬦᬶᬮᬶᬫ᭄ᬩᬸᬃᬗ᭄ᬮᬶᬂᬫᬕᬸᬬᬂ᭞ᬢᬸᬫᬸᬮᬶᬮᬯᬸᬢ᭄ᬓᬳᭀᬭᭀᬲ᭄᭞ᬩᬩᬓ᭄‌ᬩ᭄ᬮᬸᬃᬓ᭄ᬭᬓ᭄‌ᬓ᭄ᬭᬓ᭄᭞ᬢᭀᬂᬳᬤ

Auto-transliteration

[ 39 39B] 39 capucapan. 5. kipatiḥmacĕbur̀glis, ñĕmbaḥrahadenmantriya, ringbañcingaḥhaśrugeger̀, kulkulebuluskatpak, ja dmanematrayuhan, sahasikĕpsamitdhun, sompretmuniharurahan. 6. ringbañcingaḥkisĕltitip, wadwanesahasa ñjata, kristumbaklawanpistol, suligibdiljĕr̀ṇnat, padhasowangsowangprabkĕlklihantumūt, kipatiḥñantos rahadyan. 7. wijilsiraśrībhupati, katonmurub'hibmāsan, palinggihankudajago, sl̥ĕmñalangñahañjawa, pa [ 40 40A] nganggosamihmās, rahadyannulyalumaku, rinungkulingdhwajahabang. 8. payungkĕmbare marapit, muwug'hatrihanenghawan, ra sablaḥpatalane , lwir̀rubuḥkangākaśa, meḥprāptatpindāhā, śrīkudanilaranlimbur̀, kagyatrumĕngwengsurak. 9. rumasarasahe ngati, bayantakamehāprāpta, sar̀wwinglinggronggrong, kaget'humungringbañcingaḥ, sikĕp'hajajar̀jajar̀, sakraḥbalawushumasuk, kabandhaku danilār̀ṣa. 10. mabrigubrigumatali, nilimbur̀nglingmaguyang, tumulilawutkahoros, babakblur̀krakkrak, tonghada

Leaf 40

Image on Archive.org

[ ᭔᭐ 40B] ᭔᭐᭞ ᬫᬗᬮᬶᬗ᭄ᬯᬂ᭞ᬨᬮᬦᬶᬂᬳᬶᬲ᭄ᬢ᭄ᬭᬶᬦ᭄ᬫᬜᬸᬲᬸᬧ᭄᭞ᬓᬩᬓ᭄ᬢᬭᬯᬸᬄᬭᬶᬂᬲᬾᬢ᭄ᬭ᭟᭑᭑᭟ᬳᬯᬓᬾᬫᬓᬧᬸᬢ᭄‌ᬕ᭄ᬢᬶᬄ᭞ᬳᬦᬹᬢ᭄ᬳᬶᬧᬢᬶᬄᬦᬶᬮᬵᬃᬱ᭞ᬕ᭄ᬢᬶᬳᬾᬩᬍ ᬲ᭄ᬧᬢ᭄ᬭᬾᬩᬾᬲ᭄᭞ᬢᬸᬫᬸᬮᬶᬭᬭᬶᬲ᭄ᬓᬓᭂᬜ᭄ᬘᬂ᭞ᬧᬕ᭄ᬭᬸᬂᬳᬭᬩᬭᬩ᭄᭞ᬓᬢ᭄ᬕᬸᬮ᭄ᬭᬶᬂᬧᬸᬜᬦ᭄‌ᬓ᭄ᬧᬸᬄ᭞ᬓ᭄ᬩᬸᬲ᭄‌ᬩᬳᬂᬫᬫᬸᬮᬗ᭄ᬲᬃ᭟᭑᭒᭟ᬧ᭄ᬢᭂᬂᬍᬫᬄᬲ ᬳᬶᬜ᭄ᬚ᭄ᬭᬶᬢ᭄᭞ᬫᬢᬶᬦᬾᬜᬕ᭄ᬧᬢ᭄ᬮᬤ᭄ᬢᬤ᭄᭞ᬢ᭄ᬓᬕᭀᬯᬓᬾᬫᬜᭀᬓ᭄ᬘᭀᬓ᭄᭞ᬧ᭄ᬗᬶᬢᬾᬗ᭄ᬩᭂᬓᬶᬦ᭄‌ᬢ᭄ᬕᬮ᭄᭞ᬦᬄᬳᬓᬾᬢᭀᬳᬘᬧᬂ᭞ᬲᬗ᭄ᬲᬭᬦ᭄ᬫ ᬢᬶᬦ᭄‌ᬦᬶᬮᬶᬫ᭄ᬩᬸᬃ᭞ᬓᬮᬶᬄᬓᬶᬧᬢᬶᬄᬦᬶᬮᬵᬃᬱ᭟᭑᭓᭟ᬳᬶᬤᬾᬯᬵᬕᬸᬂᬧᬸᬢ᭄ᬭᬪᬹᬧᬢᬶ᭞ᬯᬸᬲ᭄ᬢᬸᬮᬓ᭄ᬫᬭᬶᬂᬓᭀᬭᬶᬧᬦ᭄᭞ᬓᬮᬯᬦ᭄ᬓᬶᬧᬢᬶᬄᬓᬯᭀ [ ᭔᭑ 41A] ᬢ᭄᭞ᬓᬮᬶᬄᬩᬮᬦᬾᬧ᭄ᬭᬲᬫ᭄ᬬ᭞ᬧᬥᬗᬸᬗ᭄ᬲᬶᬓᬸᬯᬸᬦ᭄ᬬᬲᭀᬯᬂ᭞ᬯᬶᬦᬃᬡ᭄ᬦᬲᬂᬫᬤᭂᬕ᭄ᬭᬢᬸ᭞ᬯᬶᬪᬸᬄᬢᬦ᭄ᬓᬸᬭᬂᬩ᭄ᬭᬡ᭟᭑᭔᭟ᬓᬸᬦᭂᬂᬧ᭄ᬭᬪᬸᬦᬳᬵᬮᬶ ᬗ᭄ᬲᬶᬃ᭞ᬯᬸᬲ᭄ᬢᬸᬮᬓ᭄ᬫᬭᬶᬂᬦᬕᬭ᭞ᬲᬳᬧᬗᬶᬭᬶᬂᬗᬾᬕᭀᬗ᭄ᬲᭀᬃ᭞ᬧ᭄ᬭᬧ᭄ᬢᬫᬭᬶᬂᬚᬕᬢ᭄ᬤᬳᬵ᭞ᬢᬍᬃᬢᬦ᭄ᬓᬸᬭᬂᬩ᭄ᬭᬡ᭞ᬤᬳᬵᬓᭀᬭᬶᬧᬦ᭄ᬳᬸᬢᬸᬲ᭄ᬮᬦ᭄ᬤᬸᬄ᭞ᬲ ᬮ᭄ᬯᬶᬭᬶᬂᬢᬶᬦᬸᬓᬸᬫᬸᬭᬄ᭟᭑᭕᭟ᬲᬶᬂᬘᬼᬓᬂᬧᬥᬫᭂᬦ᭄ᬢᬶᬓ᭄᭞ᬓᬮᬶᬄᬧᬫᬸᬧᭀᬦ᭄ᬭᬶᬂᬲᬯᬄ᭞ᬳᬶᬫᬮᬶᬂᬫᬵᬫ᭄ᬩᭂᬓ᭄‌ᬓᬲᬥᭀᬦ᭄᭞ᬤᬸᬃᬰᬶᬮᬤᬤᬶᬲᬸᬰᬶᬮ᭞ ᬲᬲᬸᬓᬢ᭄ᬫᬵᬤᭂᬕ᭄ᬳᬶᬤᬳᬶᬤᬾᬯᬵᬕᬸᬂᬧᬸᬢ᭄ᬭᬲᬵᬥᬸ᭞ᬦᬵᬣᬦᬶᬂᬪᬹᬫᬶᬓᭀᬭᬶᬧᬦ᭄᭚᭜᭚ᬲᬶᬦᭀᬫ᭄᭟᭑᭟ᬧᬹᬃᬡ᭄ᬦᬬᬂᬳᬶᬓᬂᬳ᭄ᬬᬸᬦ᭄‌ᬚᬕ

Auto-transliteration

[ 40 40B] 40 mangalingwang, phalaninghistrinmañusup, kabaktarawuḥringsetra. 11. hawakemakaputgtiḥ, hanūt'hipatiḥnilār̀ṣa, gtihebal̥ĕ spatrebes, tumulirariskakĕñcang, pagrungharabarab, katgulringpuñankpuḥ, kbusbahangmamulangsar̀. 12. ptĕngl̥ĕmaḥsa hiñjrit, matineñagpatladtad, tkagowakemañokcok, pngitengbĕkintgal, naḥhaketohacapang, sangsaranma tinnilimbur̀, kaliḥkipatiḥnilār̀ṣa. 13. hidewāgungputrabhūpati, wustulakmaringkoripan, kalawankipatiḥkawo [ 41 41A] t, kaliḥbalaneprasamya, padhangungsikuwunyasowang, winar̀ṇnasangmadĕgratu, wibhuḥtankurangbraṇa. 14. kunĕngprabhunahāli ngsir̀, wustulakmaringnagara, sahapangiringngegongsor̀, praptamaringjagatdahā, tal̥ĕr̀tankurangbraṇa, dahākoripanhutuslanduḥ, sa lwiringtinukumuraḥ. 15. singcl̥ĕkangpadhamĕntik, kaliḥpamuponringsawaḥ, himalingmāmbĕkkasadhon, dur̀śiladadisuśila, sasukatmādĕg'hidahidewāgungputrasādhu, nāthaningbhūmikoripan // • // sinom. 1. pūr̀ṇnayanghikanghyunjaga

Leaf 41

Image on Archive.org

[ ᭔᭑ 41B] ᭔᭑᭞ ᬢ᭄᭞ᬳᬶᬤᬾᬯᬵᬕᬸᬂᬳᬮᬶᬢ᭄‌ᬯᬶᬦᬃᬡ᭄ᬦᬶ᭞ᬫᬬᬸᬰᬳᬤᬰᬢᭂᬫ᭄ᬯᬂ᭞ᬳᬦᭀᬫᬶᬭᬮᬶᬦ᭄ᬢᬂᬧ᭄ᬓᬶᬓ᭄᭞ᬯᬮᬸᬬᬰ᭄ᬭᬷᬦᬺᬧᬢᬶ᭞ᬲᬂᬦᬵᬣᬯᬺᬤ᭄ᬥᬓᬮᬗ᭄ᬓᬸᬂ᭞ᬗᬾ ᬫᬦ᭄ᬲᬶᬭᬾᬂᬧᭀᬢ᭄ᬭᬓ᭞ᬓᬮᬶᬄᬬᬬᬄᬳᬶᬩᬸᬲᬫᬶ᭞ᬮᬶᬦ᭄ᬢᬂᬳᬲᬸᬂ᭞ᬗᬭᬦ᭄‌ᬰ᭄ᬭᬷᬚᬬᬵᬦ᭄ᬢᬓ᭟᭒᭟ᬓᬸᬦᭂᬂᬰ᭄ᬭᬷᬚᬬᬵᬦ᭄ᬢᬓ᭞ᬓᬶᬦᬾᬦᬶᬂᬤᬳᬵᬲᬶ ᬦᬶᬯᬶ᭞ᬕᬸᬫᬦ᭄ᬢᬶᬳᬗᬤᬾᬕ᭄ᬦᬵᬣ᭞ᬲᬂᬤᬶᬦᬃᬣᬵᬦᬯᭀᬢ᭄ᬲᬭᬶ᭞ᬦᬸᬮ᭄ᬬᬮᬸᬫᬫ᭄ᬧᬳᬕ᭄ᬮᬶᬲ᭄᭞ᬳᬶᬦᬶᬭᬶᬗᬶᬂᬧᬭᬯᬥᬹ᭞ᬢᬦ᭄ᬯᬃᬡ᭄ᬦᬳᬦᬾᬂᬳᬯᬦ᭄᭞ ᬯᬲ᭄ᬧ᭄ᬭᬵᬧ᭄ᬢᬭᬶᬂᬤᬳᬵᬦᬕᬭᬶ᭞ᬮᬶᬦ᭄ᬢᬂᬳᬳ᭄ᬬᬸᬦ᭄᭞ᬲᬂᬧ᭄ᬭᬪᬸᬯᬺᬤ᭄ᬥᬳᬚ᭄ᬜᬵᬦ᭟᭓᭟ᬤᬸᬄᬘᬳᬶᬚᬬᬦ᭄ᬢᬓ᭞ᬤᬶᬦᬶᬘᬳᬶᬫᬗᭂᬦ᭄ᬢᬶᬦᬶᬦ᭄᭞ᬦᬶᬭᬲ᭄ᬥᭂᬂ [ ᭔᭒ 42A] ᬜᬮᬸᬓ᭄‌ᬢ᭄ᬯ᭞ᬓᬮᬶᬄᬲᬳᬦᬦ᭄ᬜᬤᬶᬦᬶ᭞ᬘᬳᬶᬗᬯᬾᬰᬲᬫᬶ᭞ᬳᬶᬤᬾᬯᬵᬕᬸᬂᬳᬮᬶᬢ᭄ᬳᬸᬫᬢᬸᬃ᭞ᬧᬸᬧᬸᬢ᭄ᬮᬾᬤᬂᬧᬓᬳ᭄ᬬᬸᬦᬦ᭄᭞ᬢᬶᬢ᭄ᬬᬂᬧᬶᬢ᭄ᬮᬲ᭄ᬲᬳᬶ ᬭᬶᬂ᭞ᬲᬓᬾᬯᬦ᭄ᬢᭂᬦ᭄᭞ᬲ᭄ᬯᬾᬘ᭄ᬙᬵᬕᬸᬂᬋᬡᬳᬫ᭄ᬧᬸᬭ᭟᭔᭟ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬓᬩ᭄ᬬᬓ᭄ᬢᬬᬂ᭞ᬭᬶᬂᬯᬯᭂᬗ᭄ᬓᭀᬦ᭄ᬤᬳᬵᬦᬕᬭᬶ᭞ᬳᬶᬤᬾᬯᬵᬕᬸᬂᬚᬬᬦ᭄ᬢᬓ᭞ᬕᬸ ᬫᬦ᭄ᬢᬶᬫᬤᭂᬕ᭄‌ᬦᬺᬧᬢᬶ᭞ᬮᬶᬦ᭄ᬢᬂᬮᬦ᭄ᬤᬸᬳᬾᬂᬪᬹᬫᬶ᭞ᬢᬦ᭄ᬓᬶᬭᬗᭀᬭᬦᬾᬂᬦᬕᬦ᭄ᬢᬸᬦ᭄᭞ᬧᬸᬧᬸᬢ᭄ᬓᬢᬸᬦᬦ᭄ᬫᬦᬄ᭞ᬓᬾᬯᬦ᭄ᬢᭂᬦ᭄ᬫᬸᬧᬸᬄᬧᬯᭀᬲᬶᬦ᭄᭞ᬲᬶᬤ᭄ᬥᬵᬗ᭄ᬮᬶ ᬧᬸᬃ᭞ᬧᬹᬃᬡ᭄ᬦᬳᬶᬂᬩᬸᬤ᭄ᬥᬶᬤᬹᬃᬫ᭄ᬫᬶᬢ᭚᭜᭚ᬤᬹᬃᬫ᭄ᬫ᭟᭑᭟ᬤᬹᬃᬫ᭄ᬫᬶᬢᬾᬂᬭᬵᬢ᭄‌ᬤᬸᬄᬋᬡᬵᬕᬸᬗᬫ᭄ᬧᬸᬭ᭞ᬳᬶᬢᬫ᭄ᬩᭂᬢ᭄ᬫᬩᭂᬢ᭄ᬭᬶᬭᬶᬄ᭞ᬫᬶᬮᬸᬫᬓᬓᬯ᭄ᬬᬦ᭄᭞

Auto-transliteration

[ 41 41B] 41 t, hidewāgunghalitwinar̀ṇni, mayuśahadaśatĕmwang, hanomiralintangpkik, waluyaśrīnr̥ĕpati, sangnāthawr̥ĕddhakalangkung, nge mansirengpotraka, kaliḥyayaḥhibusami, lintanghasung, ngaranśrījayāntaka. 2. kunĕngśrījayāntaka, kineningdahāsi niwi, gumantihangadegnātha, sangdinar̀thānawotsari, nulyalumampahaglis, hiniringingparawadhū, tanwar̀ṇnahanenghawan, wasprāptaringdahānagari, lintanghahyun, sangprabhuwr̥ĕddhahajñāna. 3. duḥcahijayantaka, dinicahimangĕntinin, nirasdhĕng [ 42 42A] ñaluktwa, kaliḥsahananñadini, cahingaweśasami, hidewāgunghalit'humatur̀, puputledangpakahyunan, tityangpitlassahi ring, sakewantĕn, swecchāgungr̥ĕṇahampura. 4. puputsāmpunkabyaktayang, ringwawĕngkondahānagari, hidewāgungjayantaka, gu mantimadĕgnr̥ĕpati, lintanglanduhengbhūmi, tankirangoranengnagantun, puputkatunanmanaḥ, kewantĕnmupuḥpawosin, siddhāngli pur̀, pūr̀ṇnahingbuddhidūr̀mmita // • // dūr̀mma. 1. dūr̀mmitengrātduḥr̥ĕṇāgungampura, hitambĕtmabĕtririḥ, milumakakawyan,

Leaf 42

Image on Archive.org

[ ᭔᭒ 42B] ᭔᭒᭞ ᬗᬶᬦ᭄ᬤᬭᬂᬧᬶᬮᬶᬄᬲᬶᬤ᭄ᬥ᭞ᬲᬢ᭄ᬳᬗ᭄ᬕᭀᬦ᭄ᬧᬭᬾᬮᬶᬗᬾᬮᬶᬂ᭞ᬲᬢ᭄ᬯᬢᬸᬧ᭄ᬢᬸᬧᬦ᭄᭞ᬓᬾᬯᬮᬲᬶᬤ᭄ᬥᬜᬭᬶᬓ᭄᭟᭒᭟ᬳᬧᬂᬳᬤᬓᬶᬤᬸᬗᬂᬳᬗ᭄ᬕᭀᬦ᭄ᬦᬸᬗ᭄ᬓᬸ ᬮᬂ᭞ᬮᬬᬄᬩᬲᬗᬾᬧᬶᬮᬶᬄᬬᬤᬤᬶᬲᬭ᭄ᬯᬦ᭄᭞ᬫᬗ᭄ᬤᬾᬢ᭄ᬯᬭᬓᬘᬶᬬ᭄ᬬᬦ᭄᭞ᬢ᭄ᬯᬭᬜᬓᬦ᭄ᬗᬫᬄᬳᬸᬩᬶ᭞ᬩᬸᬮᬶᬄᬩᬸᬮᬶᬳᬦ᭄᭞ᬢᬶᬫ᭄ᬧᬮᬂᬚᬸᬓᬸ ᬢ᭄ᬮᬶᬓ᭄ᬮᬶᬓ᭄᭟᭓᭟ᬳᬦ᭄ᬢᬸᬓ᭄ᬢᬶᬢ᭄ᬬᬂᬓᬶᬅᬃᬬ᭄ᬬᬧᬸᬭᬸᬱᬾᬗᬦ᭄ᬢᭂᬦ᭄᭞ᬳᬲᬧᬦᬼᬄᬦᬶᬭᬾᬓᬶ᭞ᬯᬶᬰ᭄ᬫᬳᬦᬾᬂᬦ᭄ᬯᬸᬫᬸᬤ᭞ᬓᬸᬝᬶᬳᬾᬂᬳᬫ᭄ᬮᬦᬵᬕᬭ᭞ᬧᬺᬡᬳᬶᬂᬓᬸ ᬮ᭄ᬯᬦᬶᬂᬧᬸᬭᬶ᭞ᬮᭀᬃᬦᬶᬂᬓ᭄ᬱᬾᬢ᭄ᬭ᭞ᬩ᭄ᬭᬵᬳ᭄ᬫᬵᬗ᭄ᬰᬳᬦᬾᬂᬗᬹᬦᬶ᭟᭔᭟ᬫᬗ᭄ᬕᭂᬄᬓᬶᬤᬸᬮ᭄ᬳᬦᬾᬂᬩᬜ᭄ᬚᬃᬧᬓᬦ᭄ᬤᭂᬮᬦ᭄᭞ᬯᬾᬢᬦᬶᬂᬓᬮᬾᬃᬧᬸᬭᬶ᭞ᬤᬸᬓ᭄ᬧᬸᬧᬸᬢ᭄ [ ᭔᭓ 43A] ᬲᬶᬦᬸᬭᬵᬢ᭄᭞ᬭᬶᬂᬤᬶᬦᬯᬺᬱ᭄ᬧᬢ᭄ᬬ᭞ᬧ᭄ᬯᭀᬦ᭄‌ᬉᬬᬾᬯᬸᬓᬸᬧᬲ᭄ᬢᬶ᭞ᬢᬗ᭄ᬕᬮ᭄ᬯᬮᬦ᭄ᬤ᭞ᬦᭂᬫ᭄ᬮᬶᬓᬸᬃᬫᬋᬢ᭄‌ᬰᬰᬶᬄ᭟᭕᭟ᬢᬳᬸᬦ᭄ᬲ᭄ᬬᬩᬗ᭄ᬲᬶᬢ᭄‌ᬲᬢᬸ ᬱ᭄ᬝᬶᬕᬂᬤᬰ᭞ᬲᬦᬸᬗ᭄ᬕᬮ᭄ᬢᬗ᭄ᬕᬸᬦᬾ ᬓᬶ᭞ᬯᬾᬦ᭄ᬢᭂᬦ᭄ᬧᬸᬓᬸᬮ᭄ᬢᬶᬕ᭞ᬢᬸᬭᬄᬓᬮᬶᬓ᭄ᬯᬮᬦ᭄ᬤ᭞ᬓᬮᬦᬶᬂᬲᬩᭂᬄᬗᬭᬶᬧᬶᬲ᭄᭞ᬰᬵᬲ᭄ᬢ᭄ᬭᬮ᭄ᬯᬶᬃᬘᬓᬃᬫᬦᬸᬓ᭄ᬮᬶᬦ᭄ᬢ ᬗᬶᬂᬲᬶᬢ᭄ᬲᬶᬢ᭄᭚᭜᭚ᬧᬸᬦᬶᬓᬶᬕᬕᬸᬭᬶᬢᬦ᭄‌ᬘᬶᬮᬶᬦᬬ᭞ᬓᬢ᭄ᬥᬸᬦ᭄ᬲᬓᬶᬂᬮᭀᬦ᭄ᬢᬃᬤᬺᬯᬾᬦ᭄ᬉᬦᬶᬧᬾᬃᬱᬶᬢᬲ᭄‌ᬤ᭄ᬯᬶᬚᬾᬦ᭄ᬤ᭄ᬭᬤᬾᬦ᭄ᬧᬲᬃ᭟ᬧᬸᬧᬸ ᬢ᭄‌ᬲᬶᬦᬸᬭᬵᬢ᭄‌ᬭᬶᬂᬭᬳᬶᬦ᭞ᬰᬦᬶᬰ᭄ᬘᬭᬉᬫᬦᬶᬲ᭄᭞ᬯᬭᬧᬸᬚᬸᬢ᭄᭞ᬓᬮᬦᬶᬂᬢᬶᬍᬫ᭄‌ᬰᬰᬶᬄᬓᬢᬶᬕ᭞ᬭᬄ᭞᭓᭞ᬢᭂᬗ᭄ᬕᭂᬓ᭄᭞᭑᭒᭞ᬇ

Auto-transliteration

[ 42 42B] 42 ngindarangpiliḥsiddha, sat'hanggonparelingeling, satwatuptupan, kewalasiddhañarik. 2. hapanghadakidunganghanggonnungku lang, layaḥbasangepiliḥyadadisarwan, mangdetwarakaciyyan, twarañakanngamaḥhubi, buliḥbulihan, timpalangjuku tliklik. 3. hantuktityangki'ar̀yyapurusyengantĕn, hasapanl̥ĕḥnireki, wiśmahanengnwumuda, kuṭihenghamlanāgara, pr̥ĕṇahingku lwaningpuri, lor̀ningksyetra, brāhmāngśahanengngūni. 4. manggĕḥkidulhanengbañjar̀pakandĕlan, wetaningkaler̀puri, dukpuput [ 43 43A] sinurāt, ringdinawr̥ĕṣpatya, pwonuyewukupasti, tanggalwalanda, nĕmlikur̀mar̥ĕtśaśiḥ. 5. tahunsyabangsitsatu ṣṭigangdaśa, sanunggaltanggune ki, wentĕnpukultiga, turaḥkalikwalanda, kalaningsabĕḥngaripis, śāstralwir̀cakar̀manuklinta ngingsitsit // • // punikigaguritancilinaya, katdhunsakinglontar̀dr̥ĕwenuniper̀syitasdwijendradenpasar̀. pupu tsinurātringrahina, śaniścara'umanis, warapujut, kalaningtil̥ĕmśaśiḥkatiga, raḥ 3 tĕnggĕk 12 i

Leaf 43

Image on Archive.org

[ ᭔᭓ 43B] ᬰᬓ᭞᭑᭙᭑᭑᭟ᬳᬦ᭄ᬢᬸᬓ᭄‌ᬓ᭄ᬢᬸᬢ᭄‌ᬲᬸᬤᬃᬰᬡ᭞ᬲᬓᬶᬂᬩᬜ᭄ᬚᬃᬢᬳᬶᬦ᭄ᬲ᭄ᬬᬢ᭄‌ᬤᬾᬦ᭄ᬧᬲᬃ᭛᭜᭛ᬓ᭄ᬱᬫᬵᬓ᭄ᬦᬯᬶᬭᬹᬧᬦᬶᬗᬵᬓ᭄ᬱᬭᬾ ᬓᬶ᭞ᬳᬧᬦ᭄ᬓᬭᬶᬯᬶᬫᬹᬥ᭞ᬓ᭄ᬯᬾᬄᬳᬷᬦᬦ᭄ᬬ᭞ᬫᭀᬖᬲᬗᬘᬘᬸᬦ᭄ᬥ᭄ᬬᬗᬫ᭄ᬧᬸᬦᬦ᭛᭜᭛ᬒᬁᬳᬬᬸᬯᬺᬤ᭄ᬥᬶᬬᬱᭀᬯᬺᬤ᭄ᬥᬶ᭞ᬯᬺᬤ᭄ᬥᬶᬧ᭄ᬭᬚ᭄ᬜᬵ ᬲᬸᬓᬰ᭄ᬭ᭄ᬬᬀ᭞ᬥᬃᬫ᭄ᬫᬲᬦ᭄ᬢᬦᬯᬺᬤ᭄ᬥᬶᬰ᭄ᬘ᭞ᬰᬦ᭄ᬢᬸᬢᬾᬲᬧ᭄ᬢᬯᬺᬤ᭄ᬥᬬᬄ᭛᭜᭛ᬢᬗ᭄ᬕᬮ᭄‌ᬫᬲᬾᬳᬶ᭞ᬢᬶᬕᬧᬸᬮᬸᬄᬲᭂᬧ᭄ᬢᬾᬫ᭄ᬩᭂᬃᬲᭂᬭᬶᬩᬸᬲᭂ ᬫ᭄ᬩᬶᬮᬦ᭄ᬭᬢᬸᬲ᭄‌ᬤ᭄ᬮᬧᬦ᭄ᬧᬸᬮᬸᬄᬲᭂᬫ᭄ᬩᬶᬮᬦ᭄᭛᭜᭛

Auto-transliteration

[ 43 43B] śaka 1911. hantukktutsudar̀śaṇa, sakingbañjar̀tahinsyatdenpasar̀ /// • /// kṣamāknawirūpaningākṣare ki, hapankariwimūdha, kweḥhīnanya, moghasangacacundhyangampunana /// • /// oṁhayuwr̥ĕddhiyasyowr̥ĕddhi, wr̥ĕddhiprajñā sukaśryaṃ, dhar̀mmasantanawr̥ĕddhiśca, śantutesaptawr̥ĕddhayaḥ /// • /// tanggalmasehi, tigapuluḥsĕptembĕr̀sĕribusĕ mbilanratusdlapanpuluḥsĕmbilan /// • ///

Leaf 44

Image on Archive.org