kala-purana

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᬭᬵ᭐ᬭᬵᬒᬁᬅᬯᬶᬖ᭄ᬦᬫᬲ᭄ᬢᬸᬭᬵ᭐ᬭᬵᬇᬢᬶᬓᬵᬮᬧᬸᬭᬡ᭞ᬫᬵᬓᬧᬸᬃᬯ᭄ᬯᬓᬲᬂᬳ᭄ᬬᬂᬰᬶᬯᬭᬶᬂᬰ᭄ᬯᬂᬕ᭄ᬕᬯᬮᭀᬓ᭞ᬓᬯᬸᬯᬸ ᬲᭂᬦ᭄ᬪᬝᬵᬭᬰᬶᬯ᭞ᬳᬦᬧᬸᬢ᭄ᬭᬦᬶᬭᬓᬵᬮᬶᬄᬲᬶᬓᬶᬮᬓᬶᬮᬓᬶ᭞ᬓᬂᬧᬦᬸᬯᬲᬂᬳ᭄ᬬᬂᬓᬵᬮ᭞ᬓᬂᬤᬶᬢᬧ᭄ᬦᬶᬂᬭᬵᬓ᭄ᬱᬲᬯᬃᬡ᭄ᬦᬦᬶ ᬭ᭞ᬓᬗᬭᬶᬲᬂᬳ᭄ᬬᬂᬧᬜ᭄ᬘᬓᬸᬫᬭᬗᬭᬦᬶᬭ᭞ᬓᬭᬶᬭᬭᬾ᭞ᬳᬧᭂᬓᬶᬓ᭄ᬯᬃᬡ᭄ᬦᬦᬶᬭ᭞ᬲᬶᬭᬪᬝᬵᬭᬓᬵᬮᬤᬸᬓ᭄ᬫᬶᬚᬶᬮ᭄ ᬲᬸᬦ᭄ᬥ᭄ᬬᬯᬾᬮ᭞ᬭᬶᬤᬶᬦ᭞ᬯᬺᬱ᭄ᬧᬢᬶ᭞ᬧᭀᬦ᭄᭞ᬯᬭᬯᬬᬂ᭞ᬲᬂᬳ᭄ᬬᬂᬧᬜ᭄ᬘᬓᬸᬫᬭᬤᬸᬓ᭄ᬫᬶᬚᬶᬮ᭄ᬧᭂᬲᭂᬓ᭄ᬧ᭄ᬭᬪᬢ [᭒ 2A] ᬭᬶᬂᬤᬶᬦ᭞ᬲᬦᬶᬰ᭄ᬘᬭ᭞ᬓ᭄ᬮᬶᬯᭀᬦ᭄᭞ᬯᬭᬯᬬᬂ᭟ᬲᬂᬳ᭄ᬬᬂᬓᬵᬮᬫᬢᬧᬭᬶᬂᬲᭂᬫᬲ᭄ᬢᬦᬦᬶᬭ᭟ᬑᬓᬭᬭᬾᬲᬂᬳ᭄ᬬᬂᬧᬜ᭄ᬘᬓᬸᬫᬭ ᬓᬭᬶᬳᬦᬾᬂᬰ᭄ᬯᬂᬕ᭄ᬕ᭞ᬳᬶᬦᬶᬗᬸᬤᬾᬬᬬᬳᬶᬭᬪᬝᬭᬰᬶᬯ᭟ᬫᬗ᭄ᬓᬾᬢᬸᬘᬧᬲᬵᬫ᭄ᬧᬸᬦ᭄ᬳᬮᬸᬳᬸᬃᬲᬂᬳ᭄ᬬᬂᬓᬵᬮ᭞ᬯᬶᬦᬾᬄᬦᬸᬕ᭄ᬭ ᬳᬤᬾᬳ᭄ᬬᬂᬓᬲᬸᬳᬸᬦ᭄ᬓᬶᬤᬸᬮ᭄᭞ᬯᭂᬦᬂᬳᬦᬤᬄᬯ᭄ᬯᬂ᭞ᬲ᭠ᬯᬶᬚᬶᬮᬶᬂᬯᬭᬯᬬᬂ᭞ᬲᬮ᭄ᬯᬶᬭᬶᬂᬯ᭄ᬯᬂᬮᬸᬫᬓᬸᬢᭂᬗᬄᬗ᭄ᬭᬾᬩᭂᬦᭂ᭞ᬫ᭄ᬯᬂ᭠ ᬯ᭄ᬯᬂᬮᬸᬫᬓᬸᬭᬶᬂᬲᬦ᭄ᬥ᭄ᬬᬯᬾᬮ᭞ᬫᬗ᭄ᬓᬦᬧᬦᬸᬕ᭄ᬭᬕᬦᬶᬭᬲᬂᬳ᭄ᬬᬂᬓᬲᬸᬳᬸᬦ᭄ᬓᬶᬤᬸᬮ᭄᭟ᬤᬤᬶᬫᬾᬗᭂᬢ᭄ᬓᬪᬝᬵᬭᬓᬵᬮ᭞ᬭᬶᬂᬓ

Auto-transliteration

[1 1B] rā0rā'ōmawighnamasturā0rā'itikālapuraṇa, mākapurwwakasanghyangśiwaringśwangggawaloka, kawuwu sĕnbaṭāraśiwa, hanaputranirakālihsikilakilaki, kangpanuwasanghyangkāla, kangditapningrākṣasawarṇnani ra, kangarisanghyangpañcakumarangaranira, karirare, hapĕkikwarṇnanira, sirabaṭārakāladukmijil sundhyawela, ridina, wrĕṣpati, pon, warawayang, sanghyangpañcakumaradukmijilpĕsĕkprabata [2 2A] ringdina, saniścara, kliwon, warawayang. sanghyangkālamataparingsĕmastananira. okararesanghyangpañcakumara karihanengśwanggga, hiningudeyayahirabaṭaraśiwa. mangketucapasāmpunhaluhursanghyangkāla, winehnugra hadehyangkasuhunkidul, wĕnanghanadahwwang, sa‐wijilingwarawayang, salwiringwwanglumakutĕngahngrebĕnĕ, mwang‐ wwanglumakuringsandhyawela, mangkanapanugraganirasanghyangkasuhunkidul. dadimengĕtkabaṭārakāla, ringka

Leaf 2

Image on Archive.org

[᭒ 2B] ᬥᬃᬫ᭄ᬫᬦᬶᬭ᭞ᬳᬧᬦ᭄ᬳᬦᬳᬭᬶᬦᬶᬭᬧᬋᬂᬫᬶᬚᬶᬮ᭄ᬭᬶᬂᬯᬸᬓᬸᬯᬭᬯᬬᬂ᭞ᬯᭂᬦᬂᬧᬶᬦᬓᬕᬤᬄᬦᬶᬭ᭞ᬳᬧᬦ᭄ᬲᬂᬳ᭄ᬬᬂᬧᬜ᭄ᬘᬓᬸᬫ ᬭᬳᬯᭂᬢᭀᬦ᭄‌ᬯᬸᬓᬸᬯᬭᬯᬬᬂ᭞ᬭᬶᬂᬤᬶᬤ᭞ᬘᬦᬶᬰ᭄ᬘᬭᬓ᭄ᬮᬶᬯᭀᬦ᭄᭟ᬬᬳᬶᬓᬤᬾᬦᬶᬭᬲᬂᬳ᭄ᬬᬂᬓᬵᬮ᭞ᬫᬦᬗ᭄ᬓᬶᬮᬶᬬᬬ ᬳᬶᬭᬪᬝᬭᬭᬕᬸᬭᬸ᭞ᬲᬳᭂᬓᬦᬶᬭᬾᬂᬰ᭄ᬯᬃᬕ᭄ᬕ᭞ᬧ᭄ᬭᬡᬫ᭄ᬬᬳᬵᬦᭂᬫ᭄ᬩᬄᬳᬶᬚᭃᬗᬶᬭᬪᬝᬭᬰᬶᬯ᭞ᬫᭀᬚᬃᬪᬝᬭᬰᬶᬯ ᬭᬶᬲᬸᬳᬦᬶᬭ᭞ᬥᬸᬄᬳᬦᬓ᭄ᬓᬸᬳ᭄ᬬᬂᬓᬵᬮ᭞ᬩᬮᬾᬓᬫᬬᬗᬦ᭄ᬢᭂᬓᬦ᭄ᬢᬭᬶᬂᬭᬫᬬᬩᬩᬶᬸᬧ᭞ᬳᬧᬭᬦ᭄ᬧ᭄ᬭᬬᭀᬚ [᭓ 3A] ᬦᬦ᭄ᬢ᭞ᬤᬓ᭄ᬯᬭᬄᬭᬶᬩᬧᬦ᭄ᬢ᭞ᬫᬦᬯᬶᬄᬯᬦ᭄ᬢᭂᬦ᭄ᬧᬫᬶᬲᬶᬦ᭄ᬢᬭᬶᬓᬫᬶ᭟ᬓᬶᬂᬲᬂᬳ᭄ᬬᬂᬓᬵᬮ᭞ᬲᬶᬗ᭄ᬕᬶᬄᬤᭀᬦᬶᬂᬧᬤ᭄ᬕᬢᬓᬵᬮᬳᬦᬓ᭄ᬢᬥ ᬢᭂᬂ᭞ᬳᬸᬮᬸᬦᬫᬶᬦ᭄ᬢᬢᬤᬳᬦ᭄ᬭᬶᬚᭃᬂᬪᬝᬭ᭞ᬓᬲᬶᬧᬲᬸᬗᬶᬭᬲᬂᬳ᭄ᬬᬂᬓᬲᬸᬳᬸᬦ᭄ᬓᬶᬤᬸᬮ᭄ᬭᬶᬧᬶᬤᬓᬗ᭄ᬳᬸᬮᬸᬦ᭄᭞ᬫᬦᬯᬯᭂᬭᬸᬳᬾᬚᭃ᭠ ᬪᬝᬭ᭞ᬳᬦᭂᬤᬓᬂᬭᬭᬾᬲᬶᬧᬜ᭄ᬘᬓᬸᬫᬭ᭞ᬳᬭᬶᬦᬶᬗ᭄ᬳᬸ᭠ᬮᬸᬦ᭄᭞ᬢᬶᬦᬤᬄᬫᬫᬶ᭞ᬳᬧᬦ᭄ᬯᭂᬢᬸᬦ᭄ᬬᬲᬗᬯᭂᬢᭀᬦ᭄ᬭᬶᬂᬢᬸᬫ᭄ᬧᭂ ᬓ᭄ᬯᬬᬂ᭞ᬯ᭄ᬯᬗᬯᭂᬢᭀᬦ᭄ᬫᬭᬾᬂᬯᬸᬓᬸᬯᬭᬯᬬᬂ᭞ᬧᬶᬦᬓ᭠ᬮᬦᬫᬫᬶ᭞ᬫᬗ᭄ᬓᬦᬮᬶᬂᬲᬂᬳ᭄ᬬᬂᬓᬵᬮ᭟ᬲᬸᬫᬯᬸᬃᬪᬝᬭᬰᬶᬯᬵ᭞

Auto-transliteration

[2 2B] dharmmanira, hapanhanahariniraparĕngmijilringwukuwarawayang, wĕnangpinakagadahnira, hapansanghyangpañcakuma rahawĕtonwukuwarawayang, ringdida, caniścarakliwon. yahikadenirasanghyangkāla, manangkiliyaya hirabaṭararaguru, sahĕkanirengśwargga, praṇamyahānĕmbahhijöngirabaṭaraśiwa, mojarbaṭaraśiwa risuhanira, dhuhhanakkuhyangkāla, balekamayangantĕkantaringramayabab̶pa, haparanprayoja [3 3A] nanta, dakwarahribapanta, manawihwantĕnpamisintarikami. kingsanghyangkāla, singgihdoningpadgatakālahanaktadha tĕng, hulunamintatadahanrijöngbaṭara, kasipasungirasanghyangkasuhunkidulripidakanghulun, manawawĕruhejö‐ baṭara, hanĕdakangraresipañcakumara, harininghu‐lun, tinadahmami, hapanwĕtunyasangawĕtonringtumpĕ kwayang, wwangawĕtonmarengwukuwarawayang, pinaka‐lanamami, mangkanalingsanghyangkāla. sumawurbaṭaraśiwā,

Leaf 3

Image on Archive.org

[᭓ 3B] ᭓ ᬮᬄᬬᬢᬢᬦᬓ᭄ᬓᬸᬳ᭄ᬬᬂᬓᬵᬮ᭞ᬓᬵᬬᬮᬶᬂᬫᬸᬭᬶᬓᬫᬶ᭞ᬳᬸᬮᬸᬦ᭄ᬦᬸᬕ᭄ᬭᬳ᭞ᬫᭂᬦᬾᬳᬦᬧᬲᬵᬫᬬᬗ᭄ᬓᬸᬭᬶᬓᬶᬳᬮᬓᬶ᭞ᬮᬫᬓᬦᬾᬓᬶ ᬢᬳᬫᬗ᭄ᬕᬶᬄᬳᬬᬸᬓᬢᭂᬓᬾᬂᬚᭂᬫᬄ᭞ᬓᬶᬢᬢᬦ᭄ᬯᭂᬦᬂᬳᬦᬬᬄᬯ᭄ᬯᬂᬬᬦ᭄ᬤᬸᬭᬸᬂᬳᬧᬸᬧᬓ᭄᭞ᬓᬸᬦᬂᬫᬗ᭄ᬓᬾᬳᬭᬶᬦ᭄ᬢ᭞ᬲᬶᬧᬜ᭄ᬘᬓᬸᬫᬭ ᬤᬸᬭᬸᬂᬳᬧᬸᬯᭀᬯᬓ᭄᭞ᬳᬬ᭄ᬯᬓᬶᬢᬳᬦᬥᬄ᭞ᬳᬦ᭄ᬢᬾᬓᬓᭂᬦᬭᬸᬫᬸᬳᬦ᭄᭞ᬫᬗ᭄ᬓᬦᬓᬶᬂᬪᬝᬭᬰᬶᬯ᭞ᬫᬶᬲᬶᬗ᭄ᬕᬶᬄᬲᬂᬳ᭄ᬬᬂᬓᬵᬮ ᭞ᬫᬦᭂᬫ᭄ᬩᬄᬳᬫ᭄ᬯᬶᬢ᭄ᬭᬶᬧᬥᬪᬝᬭᬰᬶᬯ᭞ᬮᬶᬂᬪᬝᬭ᭞ᬭᬵᬳᬬᬸᬢᬵᬦᬓ᭄ᬓᬸᬬᬦ᭄ᬫᬗ᭄ᬓᬦ᭟ᬳᬶᬓᬶᬗᬓᭂᬦᬳᬶᬓᬱᬲᬓ᭠ [᭔ 4A] ᬋᬂ᭞ᬯᬢᬵᬭᬯᭀᬦ᭄ᬢᭂᬦ᭄ᬮᬶᬫᬂᬢᬳᬸᬦ᭄᭞ᬫᬾᬗᭂᬢ᭄ᬪᬝᬭᬓᬵᬮᬭᬶᬲᬫᬬ᭞ᬳᬸᬫᭂᬤᭂᬓ᭄ᬫᬸᬯᬄ᭞ᬭᬶᬂᬚᭃᬪᬝᬭᬕᬸᬭᬸ᭞ᬫᬸᬯᬄᬕᬫᬶᬦ᭄ᬢ ᬲᬦᬓᬾᬲᬂᬧᬜ᭄ᬘᬓᬸᬫᬭ᭟ᬮᬶᬂᬪᬝᬭ᭞ᬳᬦᬧᬢᬗ᭄ᬕᭂᬄᬳᬫᬶᬭᬶᬓᬶᬢᬳᬦᬓ᭄ᬓᬸ᭞ᬫᬮᬶᬄᬳᬓᬚᭂᬂ᭞ᬳᬦ᭄ᬢ᭄ᬬᬓᭂᬦᬤᬾᬦ᭄ᬢ᭞ᬮᬶᬂ᭠ ᬲᬂᬳ᭄ᬬᬂᬓᬵᬮ᭞ᬳᬦᬓ᭄ᬧᬤᬸᬓᬪᬝᬭᬳᬦᬸᬳᬸᬦ᭄᭞ᬫᬸᬯᬄᬳᬫ᭄ᬯᬶᬢ᭄ᬲᬂᬳ᭄ᬬᬂᬓᬵᬮ᭞ᬫᬸᬯᬄᬭᬶᬯᬾᬰ᭄ᬫᬦᬶᬭᬍᬦᬶ᭟ᬳᬸᬘᬧ᭠ ᬪᬝᬭᬰᬶᬯ᭞ᬕᬫᭂᬘᬶᬓᬧᬸᬢ᭄ᬭᬦᬶᬭ᭞ᬲᬂᬧᬜ᭄ᬘᬓᬸᬫᬵᬭ᭞ᬫᬶᬦᬲ᭄ᬢ᭄ᬯᬦ᭄ᬤᬾᬪᬝᬭᬕᬸᬭᬸ᭞ᬮᬦ᭄ᬯᭂᬦᬗᬕᬸᬮ᭞ᬓᬾᬯᬮ

Auto-transliteration

[3 3B] 3 lahyatatanakkuhyangkāla, kāyalingmurikami, hulunnugraha, mĕnehanapasāmayangkurikihalaki, lamakaneki tahamanggihhayukatĕkengjĕmah, kitatanwĕnanghanayahwwangyandurunghapupak, kunangmangkeharinta, sipañcakumara durunghapuwowak, haywakitahanadhah, hantekakĕnarumuhan, mangkanakingbaṭaraśiwa, misinggihsanghyangkāla , manĕmbahhamwitripadhabaṭaraśiwa, lingbaṭara, rāhayutānakkuyanmangkana. hikingakĕnahikaṣasaka‐ [4 4A] rĕng, watārawontĕnlimangtahun, mengĕtbaṭarakālarisamaya, humĕdĕkmuwah, ringjöbaṭaraguru, muwahgaminta sanakesangpañcakumara. lingbaṭara, hanapatanggĕhhamirikitahanakku, malihhakajĕng, hantyakĕnadenta, ling‐ sanghyangkāla, hanakpadukabaṭarahanuhun, muwahhamwitsanghyangkāla, muwahriweśmaniralĕni. hucapa‐ baṭaraśiwa, gamĕcikaputranira, sangpañcakumāra, minastwandebaṭaraguru, lanwĕnangagula, kewala

Leaf 4

Image on Archive.org

[᭔ 4B] ᭔ ᬭᬭᬾᬚᬸᬕ᭟ᬢᬸᬘᬧᬳᬸᬯᬸᬲ᭄ᬦ᭄ᬬᬲᬓᬚᭂᬂ᭞ᬫᬸᬯᬄᬤᬢᭂᬂᬪᬝᬭᬭᬓᬵᬮ᭞ᬫᬦᬗ᭄ᬓᬶᬮᬶᬪᬝᬭᬕᬸᬭᬸ᭞ᬳᬫᬶᬦ᭄ᬢᬲᬂᬳ᭄ᬬᬂᬧᬜ᭄ᬘᬓᬸᬫ ᬭᬢᬶᬦᬤᬳᬶᬭᬫᬗ᭄ᬓᬾ᭞ᬮᬶᬂᬪᬝᬭ᭞ᬓᬵᬬᬾᬓᬶᬫᬗ᭄ᬓᬾᬓᬶᬢᬳᬦᬓ᭄ᬓᬸ᭞ᬳᬧᬦ᭄ᬬᬯᬶᬚᬶᬮ᭄ᬭᬶᬂᬤᬶᬦ᭞ᬘᬦᬶᬰ᭄ᬘᬭ᭞ᬓ᭄ᬮᬶᬯᭀᬦ᭄ ᬯᬸᬓᬸᬯᬬᬂ᭞ᬩᭂᬘᬶᬓᬦᬳᬶᬭᬶᬓᬓᬶᬢᬵᬦᬤᬄᬲᬂᬧᬜ᭄ᬘᬓᬸᬫᬭ᭞ᬫᬗ᭄ᬓᬦᬮᬶᬂᬪᬝᬭᬰᬶᬯ᭞ᬳᬫᬶᬦ᭄ᬢᬸᬳᬸᬲᬂᬳ᭄ᬬᬂᬓᬵᬮ ᬳᬦᭂᬫ᭄ᬩᬮᬫ᭄ᬯᬶᬢ᭄ᬫᬦ᭄ᬢᬸᬓᬾᬂᬲ᭄ᬣᬦᬦᬶᬭᬗᬸᬦᬶ᭟ᬢᬸᬘᬧ᭠ᬪᬝᬭᬰᬶᬯ᭞ᬳᬲᬸᬂᬯᬵᬘᬦᬭᬶᬧᬸᬕ᭄ᬭᬦᬶᬭ᭞ᬓᬫᬸᬂᬳᬦᬓ᭄ᬓᬸ [᭕ 5A] ᬲᬂᬧᬜ᭄ᬘᬓᬸᬯᬭ᭞ᬢᬦᬸᬭᬸᬂᬓᬶᬢᬫᬗ᭄ᬓᬾ᭞ᬬᬶᬦᬘᬄᬤᬾᬓᬓᬦ᭄ᬳᬲᬂᬳ᭄ᬬᬂᬓᬵᬮ᭞ᬭᬶᬮᭂᬓᬦᬶᬂᬤᬶᬦ᭞ᬘᬦᬶᬰ᭄ᬘᬭ᭞ᬓ᭄ᬮᬶᬯᭀᬦ᭄᭞ᬯ ᬬᬂ᭞ᬓᬸᬦᬂᬫᬗ᭄ᬓᬾᬳᬦᬧᬗᬸᬧᬳᬸᬯᬗ᭄ᬓᬸ᭞ᬧᬫᬳᬬᬸᬰᬭᬷᬭᬦ᭄ᬢ᭞ᬯᭂᬦᬂᬢᬶᬦᬸᬮᬃᬭᬶᬯ᭄ᬭᬂᬭᬶᬂᬫᬺᬘᬧᬤ᭞ᬓᬕᭂᬓᬾᬦᬾᬂᬤᭂᬮᬳ᭞ᬫᬗ᭄ᬓᬾ ᬳᬦᬫᬫᬶᬭᬸᬫᭂᬗᭃᬯᬺᬢ᭄ᬣᬲᬚᬢᬶ᭞ᬳᬦᬭᬓ᭄ᬯᬭᬢᬸᬍᬯᬶᬄᬭᬶᬂᬳᬥ᭄ᬬᬧᬤ᭞ᬫᬓᬗᬭᬦ᭄ᬧ᭄ᬭᬪᬸᬫᬬᬵᬰᬸᬭ᭞ᬭᬢᬸᬚᬸᬫᭂ᭠ ᬦᭂᬂᬭᬶᬂᬓᬺᬢᬦᬵᬕᬭ᭞ᬫᬭᬗ᭄ᬓᬓᬶᬢᬳᬦᬓ᭄ᬓᬸ᭞ᬦ᭄ᬥᬵᬫᭂᬓᬸᬮᬓᬶᬢ᭞ᬳᬫᬶᬦ᭄ᬢᬰ᭄ᬭᬡᬭᬶᬲᬶᬭ᭞ᬫᬓᬧᬗᬶᬍᬗᬸ

Auto-transliteration

[4 4B] 4 rarejuga. tucapahuwusnyasakajĕng, muwahdatĕngbaṭararakāla, manangkilibaṭaraguru, hamintasanghyangpañcakuma ratinadahiramangke, lingbaṭara, kāyekimangkekitahanakku, hapanyawijilringdina, caniścara, kliwon wukuwayang, bĕcikanahirikakitānadahsangpañcakumara, mangkanalingbaṭaraśiwa, hamintuhusanghyangkāla hanĕmbalamwitmantukengsthananiranguni. tucapa‐baṭaraśiwa, hasungwācanaripugranira, kamunghanakku [5 5A] sangpañcakuwara, tanurungkitamangke, yinacahdekakanhasanghyangkāla, rilĕkaningdina, caniścara, kliwon, wa yang, kunangmangkehanapangupahuwangku, pamahayuśarīranta, wĕnangtinularriwrangringmrĕcapada, kagĕkenengdĕlaha, mangke hanamamirumĕngöwrĕtthasajati, hanarakwaratulĕwihringhadhyapada, makangaranprabhumayāśura, ratujumĕ‐ nĕngringkrĕtanāgara, marangkakitahanakku, ndhāmĕkulakita, hamintaśraṇarisira, makapangilĕngu

Leaf 5

Image on Archive.org

[᭕ 5B] ᭕ ᬭᬶᬧ᭄ᬢ᭞ᬳᬧᬦ᭄ᬓᬓᬦ᭄ᬳᬓ᭄ᬬᬂᬓᬵᬮ᭞ᬫᬮᬶᬄᬢᬶᬕᬂᬤᬶᬦᬫᬗ᭄ᬓᬾ᭞ᬭᬶᬂᬘᬦᬶᬰ᭄ᬘᬭ᭞ᬓ᭄ᬮᬶᬯᭀᬦ᭄᭞ᬯᬬᬂ᭞ᬮᬋᬧᬦᬥᬄᬰᬭᬷᬭᬦ᭄ᬢ᭞ᬮᬄ ᬳᬕᬾᬓᬶᬢᬢᬸᬫᬸᬦ᭄ᬫᬭᬾᬂᬫᬺᬘᬧᬤ᭞ᬳᬗᬸᬮᬢᬶᬭᬢᬸᬭᬶᬂᬓᬺᬢᬦᬵᬕᬭ᭟ᬦᭂᬢᭂᬂᬯᬶᬦᬲ᭄ᬢ᭄ᬯᬦ᭄ᬢᬲᬂᬧᬜ᭄ᬘᬓᬸᬫᬭ᭞ᬅ ᬮᬕᬾᬓᬶᬢᬢᬸᬫᬸᬭᬸᬦ᭄ᬫᬭᬾᬂᬫᬺᬘᬧᬤ᭞ᬳᬗᬸᬮᬢᬶᬭᬢᬸᬭᬶᬂᬓᬺᬢᬦᬵᬕᬭ᭟ᬦᭂᬳᭂᬂᬯᬶᬪᬲ᭄ᬢ᭄ᬯᬦ᭄ᬢᬲᬂᬧᬜ᭄ᬘᬓᬸᬫᬭ᭞ᬫᬶᬦ᭄ᬢᬃᬢᬸ ᬭᬸᬦ᭄ᬭᬶᬂᬫᬥ᭄ᬬᬧᬤ᭞ᬤᬸᬧᬸᬦᬸᬗᬾᬂᬪᬸᬫᬶᬓᬺᬢᬦᬵᬕᬭ᭞ᬚᬸᬯᬸᬚᬸᬕᬾᬂᬧᬸᬭᬲᬂᬧ᭄ᬭᬪᬸᬫᬬᬵᬰᬸᬭ᭞ᬲᭂᬥᭂᬂᬕᬶᬦᬗ᭄ᬓᬶ [᭖ 6A] ᬮᬶᬂᬩᬳᬸᬤᬦ᭄ᬥᬦᬶᬭᬓᬩᬾᬄ᭟ᬢᬤᬦᬵᬦ᭄ᬢᬭ᭞ᬥᬢᭂᬂᬲᬂᬳ᭄ᬬᬂᬧᬜ᭄ᬘᬓᬸᬫᬭ᭞ᬫᬓᬶᬤᬸᬧᬸᬲᬸᬫᬸᬗ᭄ᬓᭂᬫᬶᬧᬗ᭄ᬓ᭄ᬯᬦᬶᬭᬲᬂᬧ᭄ᬭᬪᬸ᭞ᬓᬓᬕ᭄ᬯ ᬢ᭄ᬲᬂᬦᬵᬣᬫᬬᬵᬰᬸᬭ᭞ᬳᬕ᭄ᬬᬳᬢᬜᬭᬶᬲᬂᬯᬯᬸᬧ᭄ᬭᬵᬧ᭄ᬢ᭞ᬮᬶᬂᬦᬶᬭ᭞ᬇᬳᬧᬭᬦ᭄ᬓᬶᬢᬯᭀᬂᬭᬭᬾᬢᭂᬓᬲᬸᬫᬸᬗ᭄ᬓᭂᬫᬶᬓᬶᬲᬲ᭄ᬯᬗ᭄ᬓᬸ ᭞ᬲᬳᬵᬢᬯᬦ᭄ᬮᬯᬦ᭄ᬢᬗᬶᬲ᭄᭞ᬮᬄᬯᬭᬳᬓᭂᬦ᭟ᬫᭀᬚᬃᬲᬂᬭᬭᬾᬘᬶᬮᬶ᭞ᬲᬶᬗ᭄ᬕᬶᬄᬩᬧᬧ᭄ᬭᬪᬸᬫᬬᬵᬰᬸᬭ᭞ᬳᬸᬮᬸᬦ᭄ᬳᬦᬓ᭄ᬪᬝ ᬭᬰᬶᬯ᭞ᬫᬓᬗᬭᬦ᭄ᬲᬶᬧᬜ᭄ᬘᬓᬸᬫᬭ᭞ᬢᬦ᭄ᬳᬦᬯᬦᬾᬄᬤᭀᬦ᭄ᬫᬫᬶᬥᬢᭂᬂ᭞ᬳᬫᬶᬦ᭄ᬢᬰ᭄ᬭᬬᬕᬗᬶᬍᬦ᭄ᬭᬶᬚᭃᬫᬳᬭᬵ᭠

Auto-transliteration

[5 5B] 5 ripta, hapankakanhakyangkāla, malihtigangdinamangke, ringcaniścara, kliwon, wayang, larĕpanadhahśarīranta, lah hagekitatumunmarengmrĕcapada, hangulatiraturingkrĕtanāgara. nĕtĕngwinastwantasangpañcakumara, a lagekitatumurunmarengmrĕcapada, hangulatiraturingkrĕtanāgara. nĕhĕngwibastwantasangpañcakumara, mintartu runringmadhyapada, dupunungengbhumikrĕtanāgara, juwujugengpurasangprabhumayāśura, sĕdhĕngginangki [6 6A] lingbahudandhanirakabeh. tadanāntara, dhatĕngsanghyangpañcakumara, makidupusumungkĕmipangkwanirasangprabhu, kakagwa tsangnāthamayāśura, hagyahatañarisangwawuprāpta, lingnira, ihaparankitawongraretĕkasumungkĕmikisaswangku , sahātawanlawantangis, lahwarahakĕna. mojarsangrarecili, singgihbapaprabhumayāśura, hulunhanakbaṭa raśiwa, makangaransipañcakumara, tanhanawanehdonmamidhatĕng, hamintaśrayagangilĕnrijömaharā‐

Leaf 6

Image on Archive.org

[᭖ 6B] ᭖ ᬚ᭞ᬲᬯᬾᬢ᭄ᬦᬶᬂᬳᬦᬓᬓᬗ᭄ᬓᬸᬲᬦᬓ᭄ᬫᬢᬸᬳ᭞ᬯᬶᬦᬾᬄᬦᬸᬕ᭄ᬭᬳᬭᬶᬂᬲᬂᬳ᭄ᬬᬂᬲᬶᬦᬸᬳᬸᬦ᭄ᬓᬶᬤᬸᬮ᭄᭞ᬲᬶᬦᬸᬂᬦᬸᬕ᭄ᬭᬳᬵᬫᬗᭂᬦ᭄‌ᬯ᭄ᬯᬂ᭞ᬳᬲᬶᬂᬳᬯᭂ ᬢᭀᬦ᭄ᬯ᭄‌ᬯᬸᬓᬸᬯᬭᬯᬬᬂ᭞ᬯᭂᬦᬂᬢᬶᬦᬤᬄᬤᬾᬲᬂᬳ᭄ᬬᬂᬓᬵᬮ᭞ᬳᬸᬮᬸᬦ᭄ᬳᬯᭂᬢᭀᬦ᭄ᬭᬶᬂᬤᬶᬦ᭞ᬲᬦᬶᬰ᭄ᬘᬭᬓ᭄ᬮᬶᬯᭀᬦ᭄‌ᬯᬬᬂ᭞ᬯ ᬢᬶᬓᬤᭀᬦ᭄ᬯᬵᬦᬓ᭄ᬢᬧ᭄ᬭᬵᬧ᭄ᬢ᭞ᬳᬫᬶᬦ᭄ᬢᬰ᭄ᬭᬬᬫᬗᬶᬮᬾᬦ᭄᭞ᬭᬶᬚᭃᬰ᭄ᬭᬶᬦᬭᬦᬵᬣ᭞ᬮᬫᬓᬦᬾᬓᬭᬶᬳᬗᭂᬲᬂ᭞ᬫᬗ᭄ᬓᬦᬵ ᬮᬶᬂᬲᬂᬧᬜ᭄ᬘᬓᬸᬫᬭ᭟ᬉᬥᬸᬄᬳᬦᬓ᭄ᬓᬸᬲᬂᬧᬜ᭄ᬘᬓᬸᬫᬭ᭞ᬬᬦ᭄ᬫᬗ᭄ᬓᬦ᭞ᬓᬫᬶᬳᬗᬶᬮᬾᬓᭂᬦᬓᬶᬢ᭟ᬳᬶᬭᬶ [᭗ 7A] ᬓᬢᬲᬂᬧᬭᬫᬦ᭄ᬢ᭄ᬭᬶᬓᬮᬾᬄ᭞ᬓᬧ᭄ᬯᬲᬸᬫᬸᬗ᭄ᬲᬸᬂᬲᬥᬢᭂᬂᬲᬂᬧᬜ᭄ᬘᬓᬸᬫᬭ᭞ᬧᬥᬢᬯᭂᬮᬲ᭄ᬭᬶᬲᬶᬭ᭟ᬫᭀᬚᬃᬲᬂᬧ᭄ᬭᬪᬸᬫᬬᬰᬸ ᬭ᭞ᬥᬸᬄᬫᬵᬲ᭄ᬓᬸᬲᬂᬧᬜ᭄ᬘᬓᬸᬫᬭ᭞ᬳᬬ᭄ᬯᬲᬗ᭄ᬰᬬ᭞ᬇᬗ᭄ᬓᬾᬳᬗᬶᬮᬾᬦ᭄ᬭᬶᬓᬤᬢ᭄ᬯᬦ᭄ᬫᬫᬶ᭞ᬫᬸᬦ᭄ᬓᬭᬶᬳᬕᭂᬲᬂ᭞ᬬᬾᬦᬶᬲᬶᬫᬬᬵ ᬰᬸᬭ᭞ᬫᬗ᭄ᬓᬾᬓᬫᬶᬫᬓᭀᬦ᭄ᬭᬶᬂᬢᬦ᭄ᬥᬫᬦ᭄ᬢ᭄ᬭᬶᬓᬩᬾᬄ᭞ᬳᬗᬢᬕ᭄ᬧ᭄ᬯᬾᬓᬂᬧᬾᬓᬬᭀᬥ᭞ᬧ᭄ᬭᬲᬫᬭᬩ᭄ᬥᬂᬲᬜ᭄ᬚᬢ᭞᭠ ᬓᬶᬢᬤᬭᬦ᭄ᬫᬭᬳᬾᬂᬤᬍᬫ᭄ᬧᬸᬭᬶ᭞ᬧ᭄ᬭᬬᭀᬥᬫᬫᬶᬫᬗᭂᬫᬶᬢ᭄ᬓᬶᬢᬾᬂᬬᬯ᭞ᬢᬸᬫᬦ᭄ᬥᬗᬶᬲᬥᬢᭂᬂᬲᬂᬳ᭄ᬬᬂᬓᬵᬮ᭞

Auto-transliteration

[6 6B] 6 ja, sawetninghanakakangkusanakmatuha, winehnugraharingsanghyangsinuhunkidul, sinungnugrahāmangĕnwwang, hasinghawĕ tonwwukuwarawayang, wĕnangtinadahdesanghyangkāla, hulunhawĕtonringdina, saniścarakliwonwayang, wa tikadonwānaktaprāpta, hamintaśrayamangilen, rijöśrinaranātha, lamakanekarihangĕsang, mangkanā lingsangpañcakumara. udhuhhanakkusangpañcakumara, yanmangkana, kamihangilekĕnakita. hiri [7 7A] katasangparamantrikaleh, kapwasumungsungsadhatĕngsangpañcakumara, padhatawĕlasrisira. mojarsangprabhumayaśu ra, dhuhmāskusangpañcakumara, haywasangśaya, ingkehangilenrikadatwanmami, munkarihagĕsang, yenisimayā śura, mangkekamimakonringtandhamantrikabeh, hangatagpwekangpekayodha, prasamarabdhangsañjata, ‐ kitadaranmarahengdalĕmpuri, prayodhamamimangĕmitkitengyawa, tumandhangisadhatĕngsanghyangkāla,

Leaf 7

Image on Archive.org

[᭗ 7B] ᭗ ᬳᬋᬧ᭄ᬫᬫᬶᬳᬫᬕᬸᬢ᭄ᬓᬲᬶᬗ᭄ᬳᬵᬯᬶᬓ᭄ᬭᬫᬦᬾᬲᬂᬳ᭄ᬬᬂᬓᬵᬮ᭞ᬫᬗ᭄ᬓᬦᬮᬶᬂᬳᬶᬭᬲᬂᬧ᭄ᬭᬪᬸ᭞ᬢᬦ᭄ᬤ᭄ᬯᬢᬶᬦ᭄ᬲᬂᬧᬜ᭄ᬘᬓᬸᬫᬭ᭞ᬫ ᬭᬳᬾᬂᬚ᭄ᬭᭀᬓᬤᬢ᭄ᬯᬦ᭄᭞ᬳᭂᬦᭂᬗᬓᭂᬦ᭟ᬢᬦ᭄ᬥ᭄ᬯᬓᬶᬦᭀᬦ᭄ᬕᬾᬲᬂᬧ᭄ᬭᬪᬸ᭞ᬳᬦᬩᭂᬄᬢᭂᬢᭂᬕ᭄ᬳᬕᬸᬂ᭞ᬲᬳᬭᬩ᭄ᬥᬂᬲᬜ᭄ᬚᬢ᭞ᬓᬶ ᬦᭀᬦᬗᬶᬤᭂᬭᬶᬧᬸᬭᬶᬲᬂᬧ᭄ᬭᬪᬸ᭞ᬓᬶᬦᭀᬦ᭄ᬳᬫᬕᬸᬢ᭄ᬲᬢᭂᬓᬦᬶᬭᬲᬂᬳ᭄ᬬᬂᬓᬮ᭟ᬫᬗ᭄ᬓᬾᬲᬵᬫ᭄ᬧᬸᬦᬶᬭᬲᬂᬧᬜ᭄ᬘᬓᬸᬫᬭ᭞ ᬳᬗᬶᬮᬾᬦ᭄ᬭᬶᬂᬓᬤᬢ᭄ᬯᬦᬶᬭᬲᬂᬧ᭄ᬭᬪᬸᬫᬬᬵᬰᬸᬭ᭟ᬢᬸᬘᬧᬫᬸᬯᬄᬪᬝᬭᬓᬵᬮ᭞ᬳᬧᬦ᭄ᬢᭂᬓᬲᬫᬬᬲᬗ᭄ᬓᬾᬢᬦᬶ [᭘ 8A] ᬭᬗᬸᬦᬶ᭞ᬭᬶᬢᭂᬓᬦᬶᬂᬤᬶᬦ᭞ᬘᬦᬶᬰ᭄ᬘᬭ᭞ᬓ᭄ᬮᬶᬯᭀᬦ᭄᭞ᬯᬬᬂ᭞ᬮᬸᬫᬭᬶᬲ᭄ᬲᬂᬳ᭄ᬬᬂᬓᬵᬮ᭞ᬫᬦᬗ᭄ᬓᬶᬮᬶᬪᬝᬭᬕᬸᬭᬸ᭞ᬳᬸᬫᬸᬗ᭄ᬯᬓᭂᬦ᭄ᬯ ᬦᭂᬂᬲᬗ᭄ᬓᬾᬢᬦᬶᬭᬗᬸᬦᬶ᭟ᬮᬶᬂᬪᬝᬭᬰᬶᬯ᭞ᬮᬄᬫᬾᬗᭂᬳ᭄ᬓᬫᬷᬲᭀᬪᬬᬗ᭄ᬓᬸᬓᬶᬢᬮᬓᬶ᭞ᬫᬗ᭄ᬓᬾᬓᬫᬶᬳᬲᬸᬂᬦᬸᬕ᭄ᬭᬳ᭞ᬓᬵ ᬬᬧᬫᬸᬕᬸᬦ᭄ᬢᬭᬶᬓᬫᬶ᭞ᬳᬦᬤᬄᬲᬂᬧᬜ᭄ᬘᬓᬸᬫᬭ᭞ᬮᬄᬭᬸᬭᬸᬳᭂᬦ᭄‌ᬤᬾᬦ᭄ᬢ᭞ᬳᬧᬦ᭄ᬬᬦᬸᬫᬶᬗ᭄ᬕᬢ᭄ᬲᬗ᭄ᬓᬾᬂᬰ᭄ᬯᬂᬕ᭄ᬕ᭞ᬫ ᬦᬯᬕᬸᬭᬸᬦ᭄ᬫᬭᬾᬂᬫᬺᬘᬧᬤ᭞ᬇᬭᬶᬓᬪᬓ᭄ᬱᬓ᭄ᬢ᭞ᬳᬧᬦᬭᬫᬶᬄᬳᬦᬭᬶᬂᬰ᭄ᬯᬃᬕ᭄ᬕ᭞ᬬᬦ᭄ᬓᬶᬢᬇᬗ᭄ᬓᬾᬳᬫᬗᬦ᭄‌ᬯ᭄ᬯᬂ᭞

Auto-transliteration

[7 7B] 7 harĕpmamihamagutkasinghāwikramanesanghyangkāla, mangkanalinghirasangprabhu, tandwatinsangpañcakumara, ma rahengjrokadatwan, hĕnĕngakĕna. tandhwakinon'gesangprabhu, hanabĕhtĕtĕg'hagung, saharabdhangsañjata, ki nonangidĕripurisangprabhu, kinonhamagutsatĕkanirasanghyangkala. mangkesāmpunirasangpañcakumara, hangilenringkadatwanirasangprabhumayāśura. tucapamuwahbaṭarakāla, hapantĕkasamayasangketani [8 8A] ranguni, ritĕkaningdina, caniścara, kliwon, wayang, lumarissanghyangkāla, manangkilibaṭaraguru, humungwakĕnwa nĕngsangketaniranguni. lingbaṭaraśiwa, lahmengĕhkamīsobayangkukitalaki, mangkekamihasungnugraha, kā yapamuguntarikami, hanadahsangpañcakumara, lahruruhĕndenta, hapanyanuminggatsangkengśwanggga, ma nawagurunmarengmrĕcapada, irikabakṣakta, hapanaramihhanaringśwargga, yankita'ingkehamanganwwang,

Leaf 8

Image on Archive.org

[᭘ 8B] ᭘ ᬫᬗ᭄ᬓᬦᬮᬶᬂᬪᬝᬭᬕᬸᬭᬸ᭟ᬤᬤ᭄ᬬᬳᬫᬶᬲᬶᬗ᭄ᬕᬶᬄᬲᬂᬳ᭄ᬬᬂᬓᬵᬮᬳᬦᭂᬫ᭄ᬩᬳᬫ᭄ᬯᬶᬢ᭄ᬭᬶᬚᭃᬂᬪᬝᬭᬕᬸᬭᬸ᭟ᬢᬸᬘᬧᬭᬶᬮᬫ᭄ᬧᬄᬲᬂᬳ᭄ᬬᬂ ᬓᬵᬮᬢᬸᬫᬸᬭᬸᬦ᭄ᬫᬭᬾᬫᬺᬘᬧᬤ᭞ᬇᬭᬶᬓᬪᬝᬭᬕᬸᬭᬸ᭞ᬫᬳᬗᭂᬦ᭄ᬓᬳᬬ᭄ᬯᬦᬶᬧᬸᬢ᭄ᬭᬦᬶᬭ᭞ᬳᬫᬲ᭄ᬢᬸᬤᬾᬦ᭄ᬬᬳᬫ ᬗ᭄ᬕᬶᬄᬓᬥᬶᬃᬖ᭄ᬕᬵᬬᬸᬰᬦ᭄᭟ᬢᬸᬘᬧᬭᬶᬥᬢᭂᬂᬲᬂᬳ᭄ᬬᬂᬓᬵᬮᬳᬦᬾᬂᬫᬥ᭄ᬬᬮᭀᬓ᭞ᬓᬳᬫ᭄ᬩᬸᬂᬳᬫ᭄ᬩᬸᬂᬦᬾᬲᬂᬧᬜ᭄ᬘᬓᬸᬫᬭ ᬳᬧᬦ᭄ᬳᬦᬂᬯᬶᬚᬬᬫᬮ᭞ᬫᬭᬯᭀᬦ᭄ᬢᭂᬦᬶᬂᬪᬸᬫᬶᬓᬺᬢᬦᬵᬕᬭ᭞ᬚᬸᬫᬸᬚᬸᬕ᭄ᬲᬶᬭᬗ᭄ᬓᬦ᭞ᬓᬧᬗ᭄ᬕᬶᬄᬧᬸᬦᬂᬯᭀᬂᬧᬥ [᭙ 9A] ᬲᬺᬕᭂᬧ᭄ᬳᬦᭂᬗᭂᬦ᭄ᬲᬜ᭄ᬚᬢ᭞ᬯᬯᬂᬳ᭄ᬬᬂᬓᬵᬮᬫᬢᬜᬭᬶᬓᬂᬢ᭄ᬯᬂᬳᬕᭂᬮᬃᬓᬩᬾᬄ᭞ᬪᭀᬓᬫᬸᬂᬫᬦᬸᬰᬓᬩᬾᬄ᭞ᬕᬗᬧ ᬤᭀᬦ᭄ᬢᬳᬫᬗᬸᬦᬕᭂᬮᬃ᭞ᬲᬗ᭄ᬓᭂᬧᬶᬂᬯᬭᬬᬸᬥ᭞ᬲᬳᬪᬸᬱᬡᬦᬶᬗᬧᭂᬭᬂ᭞ᬲᬗᬧᬰᬢ᭄ᬭᬸᬦ᭄ᬢ᭞ᬯᬭᬕᭂᬦ᭄ᬢᬵᬓᬸᬤᬾᬫᬸᬓ ᬩᬾᬄ᭞ᬮᬫᬓᬦᬾᬗᭀᬂᬯᭂᬭᬸᬳ᭞ᬫᬗ᭄ᬓᬦᬧᬢᬜᬲᬂᬳ᭄ᬬᬂᬓᬵᬮ᭟ᬫᭀᬚᬃᬲᬂᬓᬶᬦᬓ᭄ᬯᬦᬦ᭄᭞ᬓᬫᬶᬓᬶᬦᭀᬦ᭄ᬤᬾᬰ᭄ᬭᬶ ᬫᬳᬭᬵᬚ᭞ᬫᬗ᭄ᬮᬮᬦᬓᬫᬸᬂᬓᬵᬮ᭞ᬓᬶᬦᭀᬦᬫᭂ᭠ᬚᬳᬦᬓᬫᬸᬂ᭞ᬤᭀᬰᬦ᭄ᬢᬳᬦᬥᬄᬯ᭄ᬯᬂ᭟ᬲᬸᬫᬳᬸᬃᬲᬂᬳ᭄ᬬᬂ

Auto-transliteration

[8 8B] 8 mangkanalingbaṭaraguru. dadyahamisinggihsanghyangkālahanĕmbahamwitrijöngbaṭaraguru. tucaparilampahsanghyang kālatumurunmaremrĕcapada, irikabaṭaraguru, mahangĕnkahaywaniputranira, hamastudenyahama nggihkadhirghgāyuśan. tucaparidhatĕngsanghyangkālahanengmadhyaloka, kahambunghambungnesangpañcakumara hapanhanangwijayamala, marawontĕningbhumikrĕtanāgara, jumujugsirangkana, kapanggihpunangwongpadha [9 9A] srĕgĕp'hanĕngĕnsañjata, wawanghyangkālamatañarikangtwanghagĕlarkabeh, bhokamungmanuśakabeh, gangapa dontahamangunagĕlar, sangkĕpingwarayudha, sahabhuṣaṇaningapĕrang, sangapaśatrunta, waragĕntākudemuka beh, lamakanengongwĕruha, mangkanapatañasanghyangkāla. mojarsangkinakwanan, kamikinondeśri maharāja, manglalanakamungkāla, kinonamĕ‐jahanakamung, dośantahanadhahwwang. sumahursanghyang

Leaf 9

Image on Archive.org

[᭙ 9B] ᭙ ᬓᬵᬮ᭞ᬮᬗ᭄ᬕᬄᬳᬸᬚᬃᬫᬸᬓᬫᬸᬂᬫᬵᬦᬸᬰ᭞ᬯᬾᬳᬦᬲᬂᬧᬜ᭄ᬘᬓᬸᬫᬭ᭞ᬫᬸᬮᬢᬢᬤᬳᬦᬶᬗᭀᬂ᭞ᬳᬕᬯᬾᬧᬭᬦ᭄ᬕᬸᬫᭂᬕᭂᬢᬶ ᬲᬂᬧᬜ᭄ᬘᬓᬸᬫᬭ᭞ᬧᬸᬮᬪᬓ᭄ᬱᬦᬦᬶᬗᭀᬂ᭞ᬲᬯᬸᬃᬫᬦᬸᬓ᭄ᬓᬂᬧ᭄ᬭᬬᭀᬥᬓᬩᬾᬄ᭞ᬳᬄᬢᬦ᭄ᬧᬯᬾᬄᬗ᭄ᬗᬸᬮᬸᬦ᭄᭞ᬳᬶᬭᬶᬓ ᬓ᭄ᬭᭀᬥᬲᬂᬳ᭄ᬬᬂᬓᬵᬮ᭞ᬧᬶᬦᬸᬧᬸᬄᬧᬭᬬᭀᬥᬓᬩᬾᬄ᭞ᬭᬶᬦᭂᬩᬸᬢ᭄ᬲᬂᬳ᭄ᬬᬂᬓᬮ᭞ᬤᬾᬦᬶᬂᬧ᭄ᬭᬚᬸᬭᬶᬢᬾᬂᬓᬺᬢᬦᬵ ᬕᬭ᭞ᬢᬦ᭄ᬧᬗ᭄ᬭᬵᬢ᭄ᬲᭂᬗᬶᬢ᭄ᬲᬂᬳ᭄ᬬᬂᬓᬵᬮᬢᬶᬦᬶᬩᬦ᭄ᬯᬭᬲᬜ᭄ᬚᬢ᭞ᬫᬮᬬᬸᬯᬤ᭄ᬯᬓᬩᬾᬄ᭞ᬰᬾᬱᬦᬶᬂᬫᬵ᭠ [᭑᭐ 10A] ᬢᬶ᭞ᬮᬓ᭄ᬯᬾᬄᬕᬢᬯᬦ᭄ᬓᬦᬶᬦ᭄᭞ᬭᬶᬦᬸᬚᬓ᭄ᬤᬾᬲᬂᬳ᭄ᬬᬂᬓᬵᬮ᭞ᬢᬦ᭄ᬳᬦᬯᬦᬶᬫᬸᬮᬢ᭄᭞ᬗᬭᬦ᭄ᬬ᭞ᬳᬦᬳᬸᬫᬢᬸᬭᬶᬲᬂᬧ᭄ᬭ ᬪᬸ᭞ᬬ᭄ᬣᬃᬮᬄᬢᬂᬧᬾᬓᬬᬸᬥ᭞ᬳᬧᭂᬭᬂᬮᬯᬦ᭄ᬲᬂᬳ᭄ᬬᬂᬓᬵᬮ᭞ᬇᬭᬶᬓᬲᬂᬧ᭄ᬭᬪᬸᬫᬳᬵᬰᬸᬭ᭞ᬳᭂᬮᬶᬲ᭄ᬫᬦ᭄ᬢᬸᬓ᭄ᬲᬓᬶᬂᬯᬢ ᬗᬦ᭄᭞ᬫᬭᬳᬾᬤᬍᬫ᭄ᬧᬸᬭᬶ᭞ᬫᬯᬸᬯᬸᬲᬶᬲᬂᬧᬜ᭄ᬘᬓᬸᬫᬭ᭞ᬓᬶᬦᭀᬦᬗᬶᬮᬾᬦ᭄ᬲᬓᬳ᭄ᬬᬸᬦᬶᬭ᭞ᬫᭀᬚᬭᬓᭂ ᬤ᭄ᬯᬤ᭄ᬯᬦᬶᬭᬲᬵᬫ᭄ᬧᬸᬦᬮᬄ᭞ᬫᬸᬯᬄᬮᬶᬂᬲᬂᬧ᭄ᬭᬪᬸ᭞ᬭᬶᬲᬂᬧᬜ᭄ᬘᬓᬸᬫᬭ᭞ᬦ᭄ᬕᬄᬫᬗ᭄ᬓᬾᬗ᭄ᬕᬸᬮᬸᬦ᭄ᬫᬯ᭄ᬯᬢ᭄ᬧᭂᬚᬄ᭞ᬢᬸ

Auto-transliteration

[9 9B] 9 kāla, langgahhujarmukamungmānuśa, wehanasangpañcakumara, mulatatadahaningong, hagaweparan'gumĕgĕti sangpañcakumara, pulabakṣananingong, sawurmanukkangprayodhakabeh, hahtanpawehngngulun, hirika krodhasanghyangkāla, pinupuhparayodhakabeh, rinĕbutsanghyangkala, deningprajuritengkrĕtanā gara, tanpangrātsĕngitsanghyangkālatinibanwarasañjata, malayuwadwakabeh, śeṣaningmā‐ [10 10A] ti, lakwehgatawankanin, rinujakdesanghyangkāla, tanhanawanimulat, ngaranya, hanahumaturisangpra bhu, ytharlahtangpekayudha, hapĕranglawansanghyangkāla, irikasangprabhumahāśura, hĕlismantuksakingwata ngan, marahedalĕmpuri, mawuwusisangpañcakumara, kinonangilensakahyunira, mojarakĕ dwadwanirasāmpunalah, muwahlingsangprabhu, risangpañcakumara, n'gahmangkenggulunmawwatpĕjah, tu

Leaf 10

Image on Archive.org

[᭑᭐ 10B] ᬫᬗ᭄ᬕᬸᬳᬶᬓᬶᬕ᭞ᬢᬸᬫᬦ᭄ᬥᬡᬶᬧᬫᬓ᭄ᬲᬂᬳ᭄ᬬᬂᬓᬵᬮ᭞ᬫᬸᬮᬶᬳᬾᬂᬯᬶᬭᬮᭀᬓ᭞ᬫᬗ᭄ᬓᬦᬧᬯᭂᬓᬲ᭄ᬲᬂᬧ᭄ᬭᬪᬸᬫᬬᬵᬓᬸᬭ᭞ ᬢᬸᬘᬧᬲᬂᬧ᭄ᬭᬪᬸ᭞ᬳᬢᬦ᭄ᬤᬶᬂᬓᬥᬭᬦ᭄ᬮᬯᬦ᭄ᬲᬂᬳ᭄ᬬᬂᬓᬵᬮᬜᭀᬭᭀᬓ᭄ᬢᬶᬜᭀᬭᭀᬓ᭄᭞ᬬᬦ᭄ᬧᬶᬭᬓᬸᬦᬂᬲᬸᬘᬾᬦᬶ ᬭᬵᬬᬸᬥ᭞ᬧᭂᬚᬄᬲᬂᬧ᭄ᬭᬪᬸᬢᬦ᭄ᬧᬰᬭ᭟ᬳᬦᬸᬮᬶᬳᬗ᭄ᬭᬜ᭄ᬕᬶᬂᬲᬂᬳ᭄ᬬᬂᬓᬵᬮᬭᬶᬚ᭄ᬭᭀᬦᬶᬓᬥᬢ᭄ᬯᬓ᭄᭞ᬭᬶᬦᬸᬭᬸᬲᬂᬧᬜ᭄ᬘ ᬓᬸᬫᬭ᭞ᬫᬲᭀᬯᬾᬦᭀᬭᬓᬧᬗ᭄ᬕᬸᬄ᭞ᬤᬤᬶ᭠ᬫ᭄ᬩᬸᬂᬤᬾᬦᬶᬭᬪᬝᬭᬓᬵᬮ᭞ᬯᬶᬚᬬᬫᬮᬦᬶᬭ᭞ᬘᬶᬳ᭄ᬦ᭠ [᭑᭑ 11A] ᬦᬶᬤᬾᬯᬢ᭞ᬢ᭄ᬤᬸᬃᬬ᭄ᬬᬦᬶᬲᬵᬫ᭄ᬧᬸᬦ᭄ᬫᬶᬚᬶᬮ᭄᭞ᬲᬂᬧᬜ᭄ᬘᬓᬸᬫᬭ᭞ᬩᬶᬦᬸᬭᬸᬦᬶᬭᬫᬸᬯᬄ᭞ᬤᬤᬶᬓᬧᬗ᭄ᬕᬶᬄᬭᬶᬂᬫᬃᬕ᭄ᬕᬳᬕᬸᬂ᭞ ᬳᬢᬯᬦ᭄ᬢᬗᬶᬲ᭄ᬲᬸᬫᬩ᭄ᬯᬾᬫ᭄ᬩᬾᬪᬝᬭ᭞ᬢᬦ᭄ᬥ᭄ᬬᬲᬶ᭠ᬦᬶᬓᭂᬧ᭄‌ᬤᬾᬪᬝᬭᬓᬵᬮ᭞ᬓᭂᬃᬳᬶᬦᭂᬮ᭞ᬳᬦ᭄ᬓᬢᬵᬓᭂ ᬓ᭟ᬳᬸᬘᬧᬪᬝᬭᬰᬶᬯ᭞ᬭᬸᬫᭂᬗᭃᬧᬲᬫ᭄ᬩᬢᬶᬧᬸᬢ᭄ᬭᬦᬶᬭ᭞ᬰᬶᬕ᭄ᬭᬢᬸᬫᬸᬭᬸᬦ᭄ᬧᬋᬂᬮᬵᬯᬦ᭄ᬪᬝᬭᬶᬰ᭄ᬭᬶ᭞ᬳᬡ᭄ᬮᬶ ᬗ᭄ᬕᬶᬳᬶᬍᬫ᭄ᬩᬸᬮᬦᬂᬲ᭄ᬯᬾᬕᬯᬃᬡ᭄ᬦ᭞ᬫᬶᬚᬶᬮ᭄ᬲᬓᬶᬂᬳᬫ᭄ᬩᬭ᭞ᬇᬭᬶᬓᬪᬝᬭᬕᬸᬭᬸ᭞ᬳᬫᬲ᭄ᬢᬸᬲᬂᬳ᭄ᬬᬂᬓᬵᬮ᭞

Auto-transliteration

[10 10B] mangguhikiga, tumandhaṇipamaksanghyangkāla, mulihengwiraloka, mangkanapawĕkassangprabhumayākura, tucapasangprabhu, hatandingkadharanlawansanghyangkālañoroktiñorok, yanpirakunangsuceni rāyudha, pĕjahsangprabhutanpaśara. hanulihangrañgingsanghyangkālarijronikadhatwak, rinurusangpañca kumara, masowenorakapangguh, dadi‐mbungdenirabaṭarakāla, wijayamalanira, cihna‐ [11 11A] nidewata, tduryyanisāmpunmijil, sangpañcakumara, binuruniramuwah, dadikapanggihringmarggahagung, hatawantangissumabwembebaṭara, tandhyasi‐nikĕpdebaṭarakāla, kĕrhinĕla, hankatākĕ ka. hucapabaṭaraśiwa, rumĕngöpasambatiputranira, śigratumurunparĕnglāwanbaṭariśri, haṇli nggihilĕmbulanangswegawarṇna, mijilsakinghambara, irikabaṭaraguru, hamastusanghyangkāla,

Leaf 11

Image on Archive.org

[᭑᭑ 11B] ᭑᭑ ᬮᬶᬂᬦᬶᬭᬳᬥ᭄ᬢᬸᬲᬂᬳ᭄ᬬᬂᬓᬵᬮᬳᬸᬫᬸᬳᬄ᭞ᬤᬸᬫᬍᬕ᭄ᬲᬂᬳ᭄ᬬᬂᬧᬜ᭄ᬘᬚᬸᬫᬭ᭞ᬫᬮᬬᬸᬢᬦ᭄ᬧᬫ᭄ᬧᬸᬢ ᬫ᭄ᬧᬸᬢᬦ᭄᭞ᬳᬶᬮᬂᬢᬦ᭄ᬧᬚᬫᬸᬖ᭞ᬓᬧᬗ᭄ᬕᬶᬄᬪᬝᬭᬰᬶᬯ᭞ᬮᬓᬵᬮᬶᬳᬩ᭄ᬮᬵᬯᬦ᭄ᬪᬝᬭᬭᬶᬰ᭄ᬭᬶ᭞ᬢᬦᬶᬢᬶᬳᬶᬍᬫ᭄ᬩᬸᬮᬦᬂ ᬲ᭄ᬯᬾᬢᬯᬃᬡ᭄ᬦ᭞ᬮᬸᬫᬓᬸᬢᭂᬗᬄᬗ᭄ᬯᬾᬩᭂᬦᭂ᭞ᬓᬫᬦ᭄ᬢ᭄ᬬᬦ᭄ᬓ᭄ᬭᭀᬥᬦᬶᬭᬲᬂᬳ᭄ᬬᬂᬓᬵᬮ᭞ᬳᬋᬧᬦᬥᬄᬩᬧᬾᬩᬸᬦᬶᬭ᭞ ᬳᬸᬫᬗᬂᬢᬸᬢᬸᬓ᭄ᬦᬶᬭᬓᬤᬶᬲᬶᬗ᭄ᬳᬵᬭᭀᬤ᭄ᬭ᭞ᬳᬦᬸᬮᬶᬫᭀᬚᬃᬲᬶᬭᬪᬝᬭᬰᬶᬯ᭞ᬮᬶᬂᬦᬶᬭ᭞ᬇᬄᬳᬚᬧ᭄ᬯᬓᬶᬢᬳ [᭑᭒ 12A] ᬦᬥᬄᬩᬧᬇᬩᬸᬦ᭄ᬢ᭟ᬳᬸᬚᬃᬲᬂᬳ᭄ᬬᬂᬓᬵᬮ᭞ᬥᬄᬲᬮᬄᬮᬫ᭄ᬧᬄᬧᬇᬩᬸᬗ᭄ᬓᬸ᭞ᬳᬲᬶᬂᬯ᭄ᬯᬂᬮᬸᬫᬓᬸᬮᬓᬸᬫᬰᬢᭂᬗᬄᬕ᭄ᬯᬾᬩᭂᬦᭂᬃ᭞ ᬯᭂᬦᬂᬳᬦᬓ᭄ᬢᬳᬦᬥᬄ᭞ᬲᬮ᭄ᬯᬂᬲᬮᬄᬮᬓᬸ᭞ᬬᬦᬦᬯ᭄ᬯᬂᬫᬫᬂᬕ᭄ᬕᬶᬫᬰᬲᬦ᭄ᬥᬾᬦᭀᬮ᭞ᬫᬗ᭄ᬓᬦᬧᬦᬸᬕ᭄ᬭᬳᬦᬶᬭᬲᬂᬳ᭄ᬬᬂ ᬓᬲᬸᬳᬸᬦ᭄ᬓᬶᬤᬸᬮ᭄᭞ᬳᬵᬧᬦᬶᬩᬸᬗ᭄ᬓᬸᬮᬸᬫᬓᬸᬫᬰᬢᭂᬗᬄᬗ᭄ᬯᬾᬩᭂᬦᭂ᭞ᬯᭂᬦᬂᬢᬶᬦᬥᬄᬫᬫᬶ᭞ᬫᬗ᭄ᬓᬦᬮᬶᬂᬲᬂᬳ᭄ᬬᬂᬓᬵᬮ᭞ ᬫᬯᬸᬯᬸᬲ᭄ᬪᬝᬭᬰᬶᬯ᭞ᬮᬄᬬᬯᭂᬦᬂᬓᬬᬮᬶᬂᬢ᭞ᬦᬵᬗ᭄ᬳᬶᬂᬬᬦ᭄ᬓᭂᬦᬤᬾᬦ᭄ᬢᬵᬜᭂᬧᬦᬶᬘᬘᬗ᭄ᬓ᭄ᬭᬶᬫᬦ᭄ᬫᬫᬶ᭞ᬫᬗ᭄ᬓᬾᬩᬧᬦ᭄ᬢᬵᬗ

Auto-transliteration

[11 11B] 11 lingnirahadhtusanghyangkālahumuhah, dumalĕgsanghyangpañcajumara, malayutanpamputa mputan, hilangtanpajamugha, kapanggihbaṭaraśiwa, lakālihablāwanbaṭarariśri, tanitihilĕmbulanang swetawarṇna, lumakutĕngahngwebĕnĕ, kamantyankrodhanirasanghyangkāla, harĕpanadhahbapebunira, humangangtutuknirakadisinghārodra, hanulimojarsirabaṭaraśiwa, lingnira, ihhajapwakitaha [12 12A] nadhahbapa'ibunta. hujarsanghyangkāla, dhahsalahlampahpa'ibungku, hasingwwanglumakulakumaśatĕngahgwebĕnĕr, wĕnanghanaktahanadhah, salwangsalahlaku, yananawwangmamangggimaśasandhenola, mangkanapanugrahanirasanghyang kasuhunkidul, hāpanibungkulumakumaśatĕngahngwebĕnĕ, wĕnangtinadhahmami, mangkanalingsanghyangkāla, mawuwusbaṭaraśiwa, lahyawĕnangkayalingta, nānghingyankĕnadentāñĕpanicacangkrimanmami, mangkebapantānga

Leaf 12

Image on Archive.org

[᭑᭒ 12B] ᭑᭒ ᬯᬶᬲ᭄ᬢᬭᬓᭂᬦ᭞ᬬᬦ᭄ᬓᭂᬦᬤᬾᬦ᭄ᬢ᭞ᬢᬥᬄᬩᬧᬇᬕᬸᬦ᭄ᬢ᭞ᬢᭂᬓᬦᬶᬂᬍᬫ᭄ᬩᬸᬦᬶᬗ᭄ᬡᬸᬮᬸᬦ᭄᭟ᬫᬶᬲᬶᬗ᭄ᬕᬶᬄᬲᬂᬳ᭄ᬬᬂᬓᬵᬮ᭞ᬮᬶᬂᬪᬝᬭᬰᬶᬯ᭞ ᬲ᭄ᬮᭀᬓᬵ᭞ᬳᬱ᭄ᬢᬧᬤᭀᬲᬲ᭄ᬢᬶᬓᬃᬦᭀ᭞ᬤ᭄ᬯᬶᬰᬺᬗ᭄ᬕᬶᬲᬧ᭄ᬢᬮᭀᬘᬦ᭞ᬘᬢᬸᬃᬪᬸᬚᬢ᭄ᬭᬶᬦᬪᬶᬦ᭄ᬘ᭞ᬏᬓᬪᬮᬤ᭄ᬯᬶᬧᬸᬭᬸᬰᬄ᭞ᬫ ᬲᬸᬯᬾᬪᬝᬭᬓᬵᬮ᭞ᬳᬸᬫᬗᭂᬦᬗᭂᬦ᭄ᬮᬸᬯᬶᬃᬦᬶᬂᬲᬧ᭄ᬢᬮᭀᬘᬦ᭞ᬢᬸᬦ᭄ᬯᭂᬭᬸᬄᬦ᭄ᬬᬭᬶᬲᭀᬘᬦᬶᬂᬓᬮ᭄ᬧᬶᬓᬓᬭᬲᬦᬸᬗ᭄ᬕ ᬮ᭄᭞ᬮ᭄ᬬᬦ᭄ᬲᬗ᭄ᬓᬾᬭᬶᬓ᭞ᬓᭂᬦᬤᬾᬦᬶᬭᬳᬜᭂᬧᬦᬶ᭞ᬢᬦ᭄ᬥᬸᬲ᭄ᬯᬾᬧᬶᬢᬸᬗ᭄ᬓᬲᬂᬳ᭄ᬬᬂᬓᬵᬮ᭞ᬮᬵᬯᬦ᭄ᬪᬝᬭᬰᬶᬯ᭞ᬳ᭠ [᭑᭓ 13A] ᬜᬧᬦᬶᬘᬘᬗ᭄ᬓ᭄ᬭᬶᬫᬦ᭄ᬲᬂᬩᬧ᭞ᬬᬦ᭄ᬳᬫᭂᬲᭂᬦ᭄ᬭᬶᬤᬍᬫ᭄ᬳᬢᬶᬲ᭄ᬯᬘᬶᬳ᭄ᬣᬪᬝᬭᬪᬝᬭᬶ᭞ᬭᬶᬓᬾᬫᭂᬗᬦ᭄ᬲᬂᬳ᭄ᬬᬂᬓᬵᬮ᭟ᬢᬦ᭄ᬤᬸ ᬫᬥᬾ᭞ᬲᬬᬦ᭄ᬮᬸᬫᬶᬗ᭄ᬲᬶᬃᬧᬮᬓᬸᬲᬂᬳ᭄ᬬᬂ᭞ᬯᬦ᭄ᬥᬾᬪᬝᬭ᭠ᬓᬵᬮᬫᬦᬥᬄᬪᬝᬭᬪᬝᬭᬶ᭞ᬳᬵᬧᬦ᭄ᬬᬳᬮᬄᬳᬘᬘ᭠ ᬗ᭄ᬓ᭄ᬭᬶᬫᬦ᭄ᬤᬾᬪᬝᬭᬰᬶᬯ᭞ᬫᬸᬂᬪᬝᬭᬪᬝᬭᬶᬫᬸᬮᬶᬄᬳᬂᬰᬶᬯᬧᬤᬫᬸᬯᬄ᭟ᬳᬸᬘᬧᬪᬝᬭᬓᬵᬮ᭞ᬫᬸᬯᬄᬮᬶᬦ ᬫ᭄ᬩᬸᬕᬦ᭄ᬥᬦᬾᬯᬶᬚᬬᬫᬮᬦᬶᬭᬲᬂᬧᬜ᭄ᬘᬓᬸᬫᬭ᭞ᬩᬶᬦᬸᬭᬸᬦᬶᬭᬫᬸᬯᬄ᭞ᬤᬤᬶᬳᬦᬯ᭄ᬯᬂᬳᬦᭂᬍᬲᬂᬮᬮᬂᬭᬶᬂᬦᬤᬷ᭞

Auto-transliteration

[12 12B] 12 wistarakĕna, yankĕnadenta, tadhahbapa'igunta, tĕkaninglĕmbuningṇulun. misinggihsanghyangkāla, lingbaṭaraśiwa, slokā, haṣtapadosastikarno, dwiśrĕnggisaptalocana, caturbhujatrinabhinca, ekabaladwipuruśah, ma suwebaṭarakāla, humangĕnangĕnluwirningsaptalocana, tunwĕruhnyarisocaningkalpikakarasanungga l, lyansangkerika, kĕnadenirahañĕpani, tandhuswepitungkasanghyangkāla, lāwanbaṭaraśiwa, ha‐ [13 13A] ñapanicacangkrimansangbapa, yanhamĕsĕnridalĕmhatiswacihthabaṭarabaṭari, rikemĕngansanghyangkāla. tandu madhe, sayanlumingsirpalakusanghyang, wandhebaṭara‐kālamanadhahbaṭarabaṭari, hāpanyahalahhacaca‐ ngkrimandebaṭaraśiwa, mungbaṭarabaṭarimulihhangśiwapadamuwah. hucapabaṭarakāla, muwahlina mbugandhanewijayamalanirasangpañcakumara, binuruniramuwah, dadihanawwanghanĕlĕsanglalangringnadī,

Leaf 13

Image on Archive.org

[᭑᭓ 13B] ᭑᭓ ᬓᬭᬶᬫᬩᬦ᭄ᬥᬓᬵᬮᬶᬄ᭞ᬓᬢᭀᬦ᭄ᬲᬂᬧᬜ᭄ᬘᬓᬸᬫᬭᬧ᭄ᬭᬶᬢᭂᬗᬳᬶᬗᬮᬮᬂ᭞ᬢᬦ᭄ᬥᬸᬲᬶᬦᬫ᭄ᬩᬸᬢᬶᬓᬂᬳᬮᬮᬂ᭞ᬮᬶᬦᬸᬓᬃᬤᬾᬦᬶᬭ᭞ ᬳᬸᬫᭂᬢ᭄ᬲᬂᬧᬜ᭄ᬘᬓᬸᬫᬭᬫᬸᬯᬄᬭᬶᬂᬤᭀᬄ᭞ᬓ᭄ᬭᭀᬥᬪᬝᬭᬓᬵᬮ᭞ᬯᬶᬦᬲ᭄ᬢᬸᬦᬶᬓᬂᬯ᭄ᬯᬂᬳᬦᭂᬍᬲᬶᬮᬮᬗᬢᬮᬶᬓᬵᬮᬶᬄ᭞ᬳᬸᬚ ᬭᬾ᭞ᬲ᭄ᬬᬧᬚ᭄ᬯᬗᭂᬜ᭄ᬘᭂᬩᬳᬮᬮᬂᬫᬢᬮᬶᬤᬸᬯ᭞ᬦᭀᬭᬦᬸᬘᬸᬮᬦ᭄ᬢᬮᬶᬤ᭄ᬬᬮᬕᬶᬲᬦᬸᬗ᭄ᬕᬮ᭄᭞ᬳᬲ᭄ᬢᬸᬯ᭄ᬯᬂᬫᬗ᭄ᬓᬦᬫ᭄ᬦᬾᬓᬢᭂ ᬓᬾᬂᬚᭂᬫᬄ᭞ᬢᬦ᭄ᬧᬯᬮᬶᬤᬤᬶᬚᬦ᭄ᬫᬫᬸᬯᬄ᭟ᬳᬶᬢᭂᬮᬲ᭄ᬫᬗ᭄ᬓᬦ᭞ᬫᬸᬯᬄᬩᬶᬦᬸᬭᬸᬲᬂᬧᬜ᭄ᬘᬓᬸᬫᬭ᭞ᬓᬢᭀᬗᭂᬧᭂ [᭑᭔ 14B] ᬧ᭄ᬭᬶᬲᭀᬭᬶᬂᬓᬮᬸᬫ᭄ᬧᬸ᭞ᬭᬶᬲᭀᬃᬦ᭄ᬬ᭞ᬳᬦᬳᬦ᭄ᬤᬪᬓᬶᬂ᭞ᬲᬳᬗᬶᬓᬧᬶᬦᭂᬲᭂᬮ᭄ᬢᬦᬶᬦᬸᬘᬸᬮᬦ᭄ᬢᬮᬶᬦ᭄ᬬ᭞ᬳᬶᬭᬶᬓᬲᬸᬫᬸᬭᬸᬧ᭄ᬲᬂᬧ ᬜ᭄ᬘᬓᬸᬫᬭᬳᬦᬸᬮᬶᬕᬶᬦᭀᬕᭀᬤᬾᬪᬝᬭᬓᬵᬮ᭞ᬤᬤᬶᬫ᭄ᬮᬾᬘᬲᬂᬧᬜ᭄ᬘᬓᬸᬫᬭ᭞ᬫᬸᬯᬄᬫᬮᬬᬸᬫᬭᬾᬂ ᬤᭀᬄ᭞ᬓ᭄ᬭᭀᬥᬲᬂᬳ᭄ᬬᬂᬓᬵᬮ᭞ᬢᬸᬃᬳᬫᬲ᭄ᬢᬸ᭞ᬜᬾᬦ᭄‌ᬚ᭄ᬯᬗᭂᬚᬂᬲᬳᬂᬩᭂᬢᬾᬦ᭄ᬢᬶᬦᭂᬗᬾ᭞ᬢ᭄ᬯᬭᬫ᭄ᬩᬸᬲᬶᬦᬢᬮᬶ ᬦᬾ᭞ᬳᬲ᭄ᬢᬸᬢᬦ᭄ᬳᬤᬶᬚᬦ᭄ᬫᬫᬸᬯᬄ᭟ᬫᬸᬯᬄᬓᬩᬸᬭᬸᬲᬂᬧᬜ᭄ᬘᬓᬸᬫᬭ᭞ᬓᬢᭀᬦ᭄ᬲᬸᬫᬸᬭᬸᬧ᭄ᬭᬶᬘᬗ᭄ᬓᭂᬫᬶᬂᬲ᭄ᬢᬦ᭄ᬤᬶᬮ

Auto-transliteration

[13 13B] 13 karimabandhakālih, katonsangpañcakumarapritĕngahingalalang, tandhusinambutikanghalalang, linukardenira, humĕtsangpañcakumaramuwahringdoh, krodhabaṭarakāla, winastunikangwwanghanĕlĕsilalangatalikālih, huja re, syapajwangĕñcĕbahalalangmataliduwa, noranuculantalidyalagisanunggal, hastuwwangmangkanamnekatĕ kengjĕmah, tanpawalidadijanmamuwah. hitĕlasmangkana, muwahbinurusangpañcakumara, katongĕpĕ [14 14B] prisoringkalumpu, risornya, hanahandabaking, sahangikapinĕsĕltaninuculantalinya, hirikasumurupsangpa ñcakumarahanuliginogodebaṭarakāla, dadimlecasangpañcakumara, muwahmalayumareng doh, krodhasanghyangkāla, turhamastu, ñenjwangĕjangsahangbĕtentinĕnge, twarambusinatali ne, hastutanhadijanmamuwah. muwahkaburusangpañcakumara, katonsumurupricangkĕmingstandila

Leaf 14

Image on Archive.org

[᭑᭔ 14B] ᭑᭔ ᭞ᬫᬸᬯᬄᬕᬶᬦᭀᬕᭀᬯᬾᬪᬝᬭᬓᬵᬮ᭞ᬤᬤᬶᬫᬮᬾᬘᬓᬭᬶᬭᬸᬦ᭄᭞ᬳᬵᬧᬦ᭄ᬦᭀᬭᬢᬶᬦᬸᬳᬸᬫᬦ᭄ᬭᬶᬭᬸᬦ᭄ᬬ᭞ᬓ᭄ᬭᭀᬤᬤ ᬪᬝᬭᬓᬵᬮ᭞ᬢᬸᬃᬳᬫᬲ᭄ᬢᬸ᭟ᬜᬾᬦ᭄‌ᬚ᭄ᬯᬫᬧᬸᬦ᭄ᬧᬸᬦ᭄‌ᬢ᭄ᬯᬭᬓᭂᬓᭂᬧᬶᬦ᭄ᬭᬶᬭᬸᬦ᭄ᬦᬾ᭞ᬯᬲ᭄ᬢᬸᬢᬦ᭄ᬧᬦ᭄ᬤᬤᬶᬚᬦ᭄ᬫᬫᬸᬯᬄ᭟ᬫ ᬗᬾᬳᬸᬘᬧᬲᬵᬫ᭄ᬧᬸᬦ᭄ᬲᬦ᭄ᬥᬾᬓᬵᬮ᭞ᬦᭀᬭᬓᬧᬗ᭄ᬕᬶᬄᬲᬂᬧᬜ᭄ᬘᬓᬸᬫᬭ᭞ᬩᬶᬦᬸᬭᬸᬤᬾᬦᬶᬭ᭟ᬤᬤᬶᬳᬦᬓᬧ ᬗ᭄ᬕᬶᬄ᭞ᬯ᭄ᬯᬂᬫᬢᬸᬓᬃᬮᬵᬯᬦ᭄ᬲᬦᬓ᭄ᬦ᭄ᬬ᭞ᬓᭂᬳᭂᬪᬶᬦᬓ᭄ᬱᬤᬾᬲᬂᬳ᭄ᬬᬂᬓᬵᬮ᭞ᬢᬸᬃᬯᬶᬦᬲ᭄ᬢᬸᬓᬂᬭᬵᬮ᭄᭞ᬲ᭄ᬬᬧᬚᬸᬕ [᭑᭕ 15A] ᬳᬶᬓᬂᬯ᭄ᬯᬂ᭞ᬫᬋᬩᬢ᭄ᬫᬰᬲᬦ᭄ᬥᬾᬓᬵᬮ᭞ᬯᭂᬦᬂᬬᬳᬶᬦᬯᬄᬤᬾᬦᬶᬜᬾᬂ᭞ᬫᬗ᭄ᬓᬦᬢᬦ᭄ᬢᬸᬪᬝᬭᬓᬵᬮ᭟ᬫᬸᬯᬄᬭᬶᬦᬸᬭᬸᬄᬲᬂ ᬧᬜ᭄ᬘᬓᬸᬫᬭ᭞ᬓᬢᭂᬓᬦ᭄ᬭᬢ᭄ᬭᬶᬫᬰᬭᬶᬂᬢᭂᬗᬄᬯᭂᬗᬶ᭞ᬳᬦᬯᭀᬂᬤᬮᬂᬳᬗ᭄ᬯᬬᬂ᭞ᬦᭂᬫᭀᬦᬶᬦ᭄‌ᬯᬸᬓᬸᬢᬸᬫ᭄ᬧᭂᬓ᭄ᬯᬬᬂ ᬲᬗᬦᬵᬫᬫ᭄ᬧᬸᬮᬾᬕᬾᬃᬗ᭄ᬯᬬᬂ᭞ᬲᬵᬫ᭄ᬧᬸᬦᬗᬋᬧᬦᬘᬬᬂᬘᬮᬚᬸᬭᬸᬋᬱᭂᬧ᭄ᬦ᭄ᬬ᭞ᬯᬸᬲ᭄ᬢᬶᬦᬩᭂᬄ᭞ᬲ᭄ᬯᬭᬦ᭄ᬬᬫᬦᬶᬲᬭᬸᬫ᭄᭟ ᬓᬜ᭄ᬘᬶᬢ᭄ᬤᬢᭂᬂᬪᬝᬭᬓᬵᬮ᭞ᬳᬫᬸᬭᬸᬲᬂᬧᬜ᭄ᬘᬓᬸᬫᬭ᭞ᬳᬦᬗᬶᬲ᭄ᬲᬂᬧᬜ᭄ᬘᬓᬸᬫᬭ᭞ᬳᬫᭂᬮᬲᬃᬱ᭞ᬗᬰ᭄ᬭ

Auto-transliteration

[14 14B] 14 , muwahginogowebaṭarakāla, dadimalecakarirun, hāpannoratinuhumanrirunya, krodada baṭarakāla, turhamastu. ñenjwamapunpuntwarakĕkĕpinrirunne, wastutanpandadijanmamuwah. ma ngehucapasāmpunsandhekāla, norakapanggihsangpañcakumara, binurudenira. dadihanakapa nggih, wwangmatukarlāwansanaknya, kĕhĕbhinakṣadesanghyangkāla, turwinastukangrāl, syapajuga [15 15A] hikangwwang, marĕbatmaśasandhekāla, wĕnangyahinawahdeniñeng, mangkanatantubaṭarakāla. muwahrinuruhsang pañcakumara, katĕkanratrimaśaringtĕngahwĕngi, hanawongdalanghangwayang, nĕmoninwukutumpĕkwayang sanganāmampulegerngwayang, sāmpunangarĕpanacayangcalajururĕsyĕpnya, wustinabĕh, swaranyamanisarum. kañcitdatĕngbaṭarakāla, hamurusangpañcakumara, hanangissangpañcakumara, hamĕlasarṣa, ngaśra

Leaf 15

Image on Archive.org

[᭑᭕ 15B] ᭑᭕ ᬬᬵᬫᬶᬦ᭄ᬢᬉᬭᬶᬧ᭄᭞ᬍᬲ᭄ᬲᬸᬫᬸᬗ᭄ᬓᭂᬫ᭄ᬭᬶᬧᬦ᭄ᬓ᭄ᬯᬦᬶᬂᬲᬂᬥᬮᬂ᭞ᬤᬤᬶᬓᬕ᭄ᬬᬢ᭄‌ᬫ᭄ᬧᬸᬮᬾᬕᬾᬃ᭞ᬢᬸᬃᬳᬗ᭄ᬮᬶᬂ᭞ᬥᬸᬄᬲ᭄ᬬᬧᬤᬾᬯᬓᬸᬫᬸᬧ ᬩ᭄ᬭᬶᬂᬓᬶᬲᬧ᭄ᬯᬓ᭄ᬓᬸᬦᬾ᭟ᬮᬶᬂᬲᬂᬢᬶᬦᬜᬦ᭄᭞ᬳᬸᬮᬸᬦ᭄ᬫᬗᬭᬦ᭄ᬲᬂᬧᬜ᭄ᬘᬓᬸᬫᬭ᭞ᬳᬦᬓ᭄ᬦᬶᬭᬪᬝᬭᬕᬸᬭᬸ᭞ᬳᬫᬶᬦ᭄ᬢᬉᬭᬶᬧ᭄ᬭᬶᬲᬂ ᬧᬗᭂᬫ᭄ᬧᬸᬦ᭄᭞ᬗ᭄ᬳᬸᬮᬸᬦ᭄ᬫᬬᬢᬶᬦᬥᬄᬤᬾᬓᬓᬦᬶᬗ᭄ᬳᬸᬮᬸᬦ᭄ᬪᬝᬭᬓᬵᬮ᭞ᬲᬶᬦᬸᬂᬦᬸᬕ᭄ᬭᬳᬭᬶᬲᬂᬳ᭄ᬬᬂᬓᬲᬸᬳᬸᬦ᭄ᬓᬶᬤᬸᬮ᭄᭞ ᬲᬮ᭄ᬯᬶᬭᬶᬯ᭄ᬯᬂᬮᬢᭂᬢᭀᬦ᭄ᬭᬶᬯᬸᬓᬸᬯᬭᬯᬬᬂ᭞ᬗ᭄ᬳᬸᬮᬸᬦ᭄ᬫ᭠ᬢᬸᬭᬶᬂᬤᬶᬦ᭞ᬘᬦᬶᬰ᭄ᬘᬭ᭞ᬓ᭄ᬮᬶᬯᭀᬦ᭄᭞ᬯᬭᬯᬬᬂ᭞ᬬᬢᬶᬓᬧ [᭑᭖ 16A] ᬗᬰ᭄ᬭᬬᬫᬫᬶᬭᬶᬲᬂᬧᬗᭂᬫ᭄ᬧ᭄ᬯᬦ᭄᭟ᬳᬗ᭄ᬮᬶᬂᬫ᭄ᬧᬸᬮᬾᬕᬾᬃ᭞ᬥᬸᬄᬫᬵᬲ᭄ᬓᬸᬳᬯᭂᬮᬲᬓᬸᬭᬶᬓᬶᬢ᭞ᬳᬸᬮᬸᬦ᭄ᬫᬗᬶᬮ᭄ᬯᬦᭂᬦ᭄ᬓᬶᬢ᭞ᬲᬶᬦ ᬫ᭄ᬩᬸᬢ᭄ᬲᬂᬧᬜ᭄ᬘᬓᬸᬫᬭ᭞ᬲᬶᬦᬸᬭᬸᬧᬓᭂᬦ᭄ᬭᬶᬂᬮ᭄ᬬᬗᬶᬂᬧ᭠ᬮᬯᬳᬶᬂᬋᬤᭂᬧ᭄᭞ᬋᬤᭂᬧ᭄᭞ᬗ᭞ᬕᭂᬦ᭄ᬤᬾᬃ᭟ᬢᬦ᭄ᬓᭀᬘᬧᬦ᭄‌ᬫ᭄ᬧᬸ ᬮᬾᬕᬾᬃᬫᬸᬯᬄᬗ᭄ᬯᬬᬂ᭞ᬳᬦᬸᬳᬸᬕᬓᭂᬦ᭄ᬧᬮᬓ᭄ᬯᬦᬶᬂᬘᬭᬶᬢᬗᬦᬶ᭟ᬲᭂᬥᭂᬂᬭᬵᬫ᭄ᬬᬦᬶᬓᬂᬯᬬᬂ᭞ᬚᬳ᭄ᬥᬕᭂᬂᬲᬂ ᬳ᭄ᬬᬂᬓᬵᬮ᭞ᬚᬸᬫᬸᬚᬸᬕ᭄ᬫᬭᬶᬂᬡᬦ᭄ᬢᭂᬦ᭄᭞ᬤᬳᬢ᭄ᬮᬧᬯᬼᬓᬂ᭞ᬢᬦ᭄ᬥᬸᬪᬦᬓ᭄ᬱᬲᬦ᭄ᬮᬦᬶᬂᬩᬩᬗ᭄ᬓᬶᬢ᭄ᬓᬩᬾᬄ᭞ᬳᭂ

Auto-transliteration

[15 15B] 15 yāminta'urip, lĕssumungkĕmripankwaningsangdhalang, dadikagyatmpuleger, turhangling, dhuhsyapadewakumupa bringkisapwakkune. lingsangtinañan, hulunmangaransangpañcakumara, hanaknirabaṭaraguru, haminta'uriprisang pangĕmpun, nghulunmayatinadhahdekakaninghulunbaṭarakāla, sinungnugraharisanghyangkasuhunkidul, salwiriwwanglatĕtonriwukuwarawayang, nghulunma‐turingdina, caniścara, kliwon, warawayang, yatikapa [16 16A] ngaśrayamamirisangpangĕmpwan. hanglingmpuleger, dhuhmāskuhawĕlasakurikita, hulunmangilwanĕnkita, sina mbutsangpañcakumara, sinurupakĕnringlyangingpa‐lawahingrĕdĕp, rĕdĕp, nga, gĕnder. tankocapanmpu legermuwahngwayang, hanuhugakĕnpalakwaningcaritangani. sĕdhĕngrāmyanikangwayang, jahdhagĕngsang hyangkāla, jumujugmaringṇantĕn, dahatlapawlĕkang, tandhubanakṣasanlaningbabangkitkabeh, hĕ

Leaf 16

Image on Archive.org

[᭑᭖ 16B] ᭑᭖ ᬦ᭄ᬢᬶᬢᬦ᭄ᬧᬰᬾᬱᬤᬾᬦᬶᬭ᭞ᬯᬶᬤ᭄ᬥᬶᬯᬥᬦᬦᬶᬂᬗ᭄ᬯᬬᬂ᭞ᬤᬤᬶᬓᬳᬯᬸᬭᬳ᭄ᬲᬂᬳᬗ᭄ᬯᬶᬤᬸ᭞ᬫ᭄ᬯᬂᬚᬸᬭᬸᬦᬶᬂᬫᬺᬤᬗ᭄ᬕ᭞ᬢᭂᬓᬦᬶᬂᬘ᭄ᬯᬂ ᬮᬦᭀᬦ᭄ᬢᭀᬦ᭄᭞ᬧᬥᬳᬦ᭄ᬤᬸᬮᬸᬯᬃᬡ᭄ᬦᬦᬶᬭᬲᬂᬳ᭄ᬬᬂ᭠ᬓᬵᬮ᭞ᬓᬤᬶᬢ᭄ᬭᬧ᭄ᬦᬶᬂᬭᬵᬓ᭄ᬱᬲᬵᬗᬯᬢᬭ᭞ᬇᬋᬂᬯᬃᬡ᭄ᬦᬦ᭄ᬬ᭞ ᬩᬵᬂᬭᬫ᭄ᬩᬸᬢ᭄ᬦ᭄ᬬ᭞ᬫᬸᬭᬶᬭᬶᬂᬳᬯ᭄ᬭᬸᬢ᭄ᬯ᭄ᬭᬸᬢᬦ᭄᭞ᬲᭀᬘᬓ᭄ᬬᬮ᭄ᬯᬶᬃᬢᬾᬚᬦᬶᬂᬯᬶᬦ᭄ᬢᬂᬢᬸᬫᬫ᭄ᬩᬕ᭞ᬳᬕᭃᬂᬳᬭᬸᬳᬸᬃᬧᬗᬤᭂ᭠ ᬕ᭄ᬦ᭄ᬬ᭞ᬳᬫᬬᬫᬬᬚᬢᬶᬲᬶᬭ᭟ᬫᭀᬚᬃᬫ᭄ᬧᬸᬮᬾᬕᬾᬃᬳᬕᬯᬾᬧᬭᬦ᭄ᬧᬤᬸᬓᬪᬝᬭᬓᬵᬮ᭞ᬚᬕ᭄ᬡ [᭑᭗ 17A] ᬫᬗᬦ᭄ᬧᬩᬦ᭄ᬢᭂᬦᬶᬗ᭄ᬲᬸᬦ᭄᭞ᬗᬸᬦᬶᬯᬾᬄᬤᬸᬭᬸᬂᬳᬸᬯᬸᬲᬦ᭄ᬫᬦᬶᬭᬳᬗ᭄ᬯᬬᬂ᭞ᬭᬶᬂᬦ᭄ᬥᬶᬫᬫᬶᬗᬫᬾᬢ᭄ᬯᬶᬤ᭄ᬥᬶᬯᬶᬥᬦᬫᬸᬯᬄ᭟ ᬮᬶᬂᬪᬝᬭᬓᬵᬮ᭞ᬯᬾᬳᭂᬦ᭄ᬢᬥᬳᬦ᭄ᬫᬫᬶᬲᬂᬧᬜ᭄ᬘᬓᬸᬫ᭞ᬳᬵᬦᬦ᭄ᬓᬶᬢᬳᬸᬫᬸᬗᬸᬧᬦᭂᬦ᭄ᬭᬶᬗ᭄ᬓᬾ᭞ᬬᬤᭀᬦᬶᬗ᭄ᬳᬸ ᬮᬸᬦᬸᬫᬗᬦ᭄ᬧᬕᬦ᭄ᬢᭂᬦ᭄ᬢ᭞ᬓᬫᬸᬯᭀᬂᬤᬮᬲᬮᬄ᭞ᬲᬯᬸᬃᬫ᭄ᬧᬸᬮᬾᬕᬾᬃᬦ᭄ᬤᬶᬢᬦᬯᭀᬂᬫᬯᬾᬄ᭞ᬬᬦ᭄ᬳᬸᬭᬸᬂᬳ᭠ ᬦᬧᬫᬶᬦ᭄ᬢ᭞ᬰᬢ᭄ᬭᬸᬦ᭄ᬢᬲᬂᬧᬜ᭄ᬘᬓᬸᬫᬭ᭞ᬗᬰᬬᬾᬃᬉᬭᬶᬧ᭄ᬭᬶᬓᬫᬶ᭞ᬬᬦ᭄ᬳᬦᬧᬫᬶᬦ᭄ᬢᬦ᭄ᬢᬭᬸᬫᬸᬦ᭄᭞ᬯᭂ᭠

Auto-transliteration

[16 16B] 16 ntitanpaśeṣadenira, widdhiwadhananingngwayang, dadikahawurahsanghangwidu, mwangjuruningmrĕdangga, tĕkaningcwang lanonton, padhahanduluwarṇnanirasanghyang‐kāla, kaditrapningrākṣasāngawatara, irĕngwarṇnanya, bāngrambutnya, muriringhawrutwrutan, socakyalwirtejaningwintangtumambaga, hagöngharuhurpangadĕ‐ gnya, hamayamayajatisira. mojarmpulegerhagaweparanpadukabaṭarakāla, jagṇa [17 17A] manganpabantĕningsun, nguniwehdurunghuwusanmanirahangwayang, ringndhimamingametwiddhiwidhanamuwah. lingbaṭarakāla, wehĕntadhahanmamisangpañcakuma, hānankitahumungupanĕnringke, yadoninghu lunumanganpagantĕnta, kamuwongdalasalah, sawurmpulegernditanawongmaweh, yanhurungha‐ napaminta, śatruntasangpañcakumara, ngaśayer'uriprikami, yanhanapamintantarumun, wĕ‐

Leaf 17

Image on Archive.org

[᭑᭗ 17B] ᭑᭗ ᬦᬂᬓᬫᬶᬧᬯᬾᬄᬢᬦ᭄ᬧᬯᬾᬄ᭞ᬳᬵᬧᬦ᭄ᬢᬸᬭᬸᬂᬳᬦᬧᬫᬶᬦ᭄ᬢᬦ᭄ᬢᬭᬶᬓᬫᬶ᭞ᬚᬕ᭄ᬪᬓ᭄ᬱᬲᬩᬦ᭄ᬢᭂᬦᬶᬂᬗ᭄ᬳᬸᬮᬸᬦ?᭞ᬪᬝᬭ ᬓᬵᬮᬲᬮᬄ᭞ᬬᬦ᭄ᬲᬸᬮᬸᬳᬶᬦ᭄ᬭᬶᬂᬥᬃᬫ᭄ᬫᬰᬲ᭄ᬢ᭄ᬭ᭞ᬧᬫᬸᬢᬸᬲᬶᬭᬪᬝᬭᬫᬦᬸᬗᬸᬦᬶ᭞ᬧᬲᬶᬮᬶᬳᬦ᭄ᬧᬩᬦ᭄ᬢᭂᬦᬶᬂᬗ᭄ᬳᬸᬮᬸ ᬦ᭄ᬫᬗ᭄ᬓᬾ᭞ᬪᬝᬭᬓᬵᬮᬮᬓᬳᭂᬳᬦ᭄ᬤᬾᬦᬶᬂᬗ᭄ᬳᬸᬮᬸᬦ᭄᭞ᬓᬗᬩᭂᬘᬶᬓ᭄ᬭᬗ᭄ᬓᬾ᭞ᬧᬤᬸᬓᬪᬝᬭᬳᬲᬸᬂᬦᬸᬕ᭄ᬭᬳᬭᬶᬧᬶᬦᬓᬗ᭄ᬳᬸᬮᬸᬦ᭄᭞ ᬧᬓᭂᬦᬦᬶᬂᬚᬕᬢ᭄ᬓᬩᬾᬄ᭞ᬤᬾᬦ᭄ᬬᬯᭂᬭᬸᬳ᭞ᬧᬲᬫ᭄ᬧ᭄ᬭᬶᬢᬶᬦᬶᬗ᭄ᬳᬸᬮᬸᬦ᭄ᬓᬮᬯᬦ᭄ᬓᬶᬢ᭞ᬫᭂᬦᬾᬧᬸᬃᬯ᭄ᬯᬓᬦ᭄ᬬ᭞ᬯ᭄ᬯᬂᬳᬦᬯᬸᬃᬳᬸ [᭑᭘ 18A] ᬯᬂᬭᬶᬓᬶᬢ᭞ᬲᬮᬦ᭄ᬮᬦᬶᬂᬧᬩᬗ᭄ᬓᬶᬢ᭄‌ᬤᬾᬦᬕᭂᬦᭂᬧ᭄᭞ᬲᬮ᭄ᬯᬶᬭᬶᬂᬯ᭄ᬯᬂᬳᬯᭂᬢᭀᬦ᭄ᬭᬶᬂᬯᬸᬓᬸᬯᬭᬯᬬᬂ᭞ᬫᬃᬭ᭄ᬬᬓᬶᬢᬢᬫᬦᬥᬢᬶ ᬭᬶᬬ᭞ᬬᬦ᭄ᬢᬦ᭄ᬬᬫᬦᬯᬸᬃᬳᬸᬢᬂᬳᬸᬢᬂᬭᬶᬓᬶᬢ᭞ᬲᬓᬳ᭄ᬬᬦ᭄ᬢᬪᬝᬭᬓᬵᬮ᭞ᬫᬓᬦᬶᬫ᭄ᬫᬶᬢ᭞ᬲᬦᬓ᭄ᬢᬲᬂᬧᬜ᭄ᬘᬓᬸᬫᬭ᭞ᬓᬲ᭠ ᬫ᭄ᬧᬸᬃᬡ᭄ᬦᬤᬾᬪᬝᬭᬓᬵᬮ᭞ᬓᬯᭂᬭᬸᬳᬦᬤᬾᬦᬶᬂᬯ᭄ᬯᬂᬓᬩᬾᬄ᭞ᬳᬸᬗ᭄ᬕ᭄ᬯᬓᬶᬦ᭄ᬭᬶᬂᬋᬋᬧᬶᬦᬸᬕ᭄ᬭᬳᬦ᭄ᬢᬭᬶᬗ᭄ᬳᬸᬮᬸᬦ᭄᭞ᬓᬯᭂᬭᬸ᭠ ᬳᬦᬤᬾᬦᬶᬂᬯ᭄ᬯᬂᬓᬩᬾᬄᬕᭂᬓᬾᬤᭂᬮᬢ᭞ᬯᭂᬤᬭᬦ᭄ᬓᬸᬲᬦᬓ᭄ᬢᬲᬧᬜ᭄ᬘᬓᬸᬫᬭ᭞ᬳᬬ᭄ᬯᬰᬸᬫ᭟ᬯᬶᬤᭂᬢ᭄ᬯᬓᭂᬦ᭄ᬲᬂᬧᬜ᭄ᬘ

Auto-transliteration

[17 17B] 17 nangkamipawehtanpaweh, hāpanturunghanapamintantarikami, jagbakṣasabantĕningnghuluna?, baṭara kālasalah, yansuluhinringdharmmaśastra, pamutusirabaṭaramanunguni, pasilihanpabantĕningnghulu nmangke, baṭarakālalakahĕhandeningnghulun, kangabĕcikrangke, padukabaṭarahasungnugraharipinakanghulun, pakĕnaningjagatkabeh, denyawĕruha, pasampritininghulunkalawankita, mĕnepurwwakanya, wwanghanawurhu [18 18A] wangrikita, salanlaningpabangkitdenagĕnĕp, salwiringwwanghawĕtonringwukuwarawayang, marryakitatamanadhati riya, yantanyamanawurhutanghutangrikita, sakahyantabaṭarakāla, makanimmita, sanaktasangpañcakumara, kasa‐ mpurṇnadebaṭarakāla, kawĕruhanadeningwwangkabeh, hunggwakinringrĕrĕpinugrahantaringhulun, kawĕru‐ hanadeningwwangkabehgĕkedĕlata, wĕdarankusanaktasapañcakumara, haywaśuma. widĕtwakĕnsangpañca

Leaf 18

Image on Archive.org

[᭑᭘ 18B] ᭑᭘ ᬓᬸᬫᬭᬤᬾᬫ᭄ᬧᬸᬮᬾᬕᬾᬃ᭟ᬇᬭᬶᬓᬲᭀᬫ᭄ᬬᬳᬢᬶᬦᬶᬭᬪᬝᬭᬓᬵᬮ᭞ᬲᬸᬓᬢᬦ᭄ᬪᬓ᭄ᬱᬲᬂᬧᬜ᭄ᬘᬓᬸᬫᬭ᭟ᬲᬵᬫ᭄ᬧᬸᬦ᭄ᬓᬋᬗᭃ ᬲᭀᬚᬭᬶᬭᬫ᭄ᬧᬸᬮᬾᬕᬾᬃ᭞ᬲᬗ᭄ᬓᬾᬚ᭄ᬭᭀᬦᬶᬂᬢᬲᬯᬄ᭞᭠ᬯᭂᬦᬂᬫᬓᬧᬓᬺᬢᬶᬦᬶᬂᬚᬕᬢ᭄᭞ᬫᬰᬶᬳᬾᬂᬰᬶᬭᬦᬶᬭ᭞ᬫᬸᬃᬲᬂᬧ ᬜ᭄ᬘᬓᬸᬫᬭᬦ᭄ᬢᬸᬓᬾᬂᬰ᭄ᬯᬃᬕ᭄ᬕᬮᭀᬓ᭞ᬓᬵᬭᬶᬫ᭄ᬧᬸᬮᬾᬕᬳᬾᬃᬳᬗᬸᬘᬧᬸᬘᬧ᭄ᬮᬵᬯᬦ᭄ᬪᬝᬭᬓᬵᬮ᭟ᬥᬸᬄᬩᬧᬯᭀᬂ ᬳᬫᬗ᭄ᬓᬸᬥᬮᬂ᭞ᬯᬶᬥᬸᬗᬭᬦ᭄ᬳᬯᬦᬾᬄ᭞ᬓᬯᭂᬭᬸᬳᬦᬤᬾᬦᬶᬂᬯ᭄ᬯᬂ᭞ᬓᬲᬸᬕᬸᬮᬦ᭄ᬢᬫᬗ᭄ᬓᬸᬥᬮᬂᬗᬭᬦ᭄ᬢ᭞ᬓᬺᬢᬵᬓᬸᬭᬕᬾ [᭑᭙ 19A] ᬓᬶᬭᬶᬂᬭᬵᬢ᭄᭞ᬫᬳᬩᬸᬤ᭄ᬥᬶᬫᬾᬢ᭄ᬭᬶᬓᬭᬸᬡᬲ᭄ᬯᬪᬯᬦ᭄ᬢᬭᬶᬭᬵᬢ᭄ᬓᬩᬾᬄ᭞ᬫᬓᬧᬸᬃᬯ᭄ᬯᬓᬲᬦᬓ᭄ᬫᬫᬶ᭞ᬲᬫ᭄ᬧ᭄ᬭᬶᬢᬦ᭄ᬢᬭᬶᬗ᭄ᬳᬸᬮᬸᬦ᭄᭞ᬫᬶ ᬲᬶᬗ᭄ᬕᬶᬄᬫᬫᬶᬲᬯᬸᬯᬸᬲ᭄ᬢ᭞ᬧᬕᭂᬳᬓᭂᬦᬓᭂᬢᬳᬫᬗ᭄ᬓᬸᬥᬃᬫ᭄ᬫᬧᬯᬬᬗᬦ᭄᭞ᬦᬶᬢ᭄ᬬᬰᬫᬾᬗᭂᬢᬓᬶᬢᬭᬶᬓᬫᬶ᭞ᬯᭂᬦᬂᬓᬶᬢᬵ ᬦᬩᬵᬓᭂᬦ᭄ᬧᬗ᭄ᬮᬸᬓᬢᬦᬶᬭᬫ᭄ᬧᬸᬮᬾᬕᬾᬃᬓᬢᭂᬓᬢᭂᬓᬾᬂᬚᭂᬫᬄ᭞ᬇᬢᬶᬧᬗᬩᬦ᭄ᬢᭂᬦ᭄ᬬᬦᬶᬫ᭄ᬫᬶᬢᬦ᭄ᬬᬓᬤᬶᬤᬗᬸ᭞ᬳᬸᬘ ᬧᬲᬂᬧᬜ᭄ᬘᬓᬸᬫᬭ᭞ᬯᬮᬸᬦ᭄ᬬᬫᬸᬃᬫᬦ᭄ᬢᬸᬓᬾᬂᬰ᭄ᬯᬃᬕ᭄ᬕ᭟ᬲᬥᬢᭂᬗᬄᬭᬂᬳᬓᬱ᭞ᬯᬶᬦᬧᬕ᭄ᬤᬾᬦᬶᬂᬩᬧᬇᬩᬸᬦᬶᬭ᭞ᬳᬦᬸᬗ᭄ᬕᬂ᭠

Auto-transliteration

[18 18B] 18 kumaradempuleger. irikasomyahatinirabaṭarakāla, sukatanbakṣasangpañcakumara. sāmpunkarĕngö sojarirampuleger, sangkejroningtasawah, ‐wĕnangmakapakrĕtiningjagat, maśihengśiranira, mursangpa ñcakumarantukengśwarggaloka, kārimpulegaherhangucapucaplāwanbaṭarakāla. dhuhbapawong hamangkudhalang, widhungaranhawaneh, kawĕruhanadeningwwang, kasugulantamangkudhalangngaranta, krĕtākurage [19 19A] kiringrāt, mahabuddhimetrikaruṇaswabawantarirātkabeh, makapurwwakasanakmami, sampritantaringhulun, mi singgihmamisawuwusta, pagĕhakĕnakĕtahamangkudharmmapawayangan, nityaśamengĕtakitarikami, wĕnangkitā nabākĕnpanglukatanirampulegerkatĕkatĕkengjĕmah, itipangabantĕnyanimmitanyakadidangu, huca pasangpañcakumara, walunyamurmantukengśwargga. sadhatĕngahranghakaṣa, winapagdeningbapa'ibunira, hanunggang‐

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org