paparikan-narasoma

Original on Archive.org

Front and Back Covers

Image on Archive.org

Leaf 1

Image on Archive.org

[ ᭑ 1B] ᭑᭞ ᭚᭜᭚ᬒᬁᬅᬯᬶᬖ᭄ᬦᬵᬫᬲ᭄ᬢᬸ᭚ᬢᭂᬫ᭄ᬩᬂᬥᬂᬥᬂᬳᬶᬤᬗ᭄ᬤᬶᬂᬫᬸᬭᬸᬰ᭄ᬫᬕᭂᬦ᭄ᬤᬶᬂ᭞ᬫᬗᭂᬦ᭄ᬤᬶᬗᬂ᭞ᬲᬢ᭄ᬯᬵᬳᬸᬮᬶᬚᬯ᭞ᬓᬩᬢᭂᬓ᭄ᬧᬗ᭄ᬓᬄᬫᬦᬳᬾ᭞ᬫᬓᭂᬫ᭄ᬩᬸᬮᬦ᭄ᬩᭂᬮᭀᬕ᭄ᬳᬚᬸᬫ᭄ ᬫᬳᬶᬦ᭄ᬤᬵᬕᬶᬦ᭄ᬤᬵᬧᬗᬯᬶ᭞ᬦᬸᬮᬤ᭄ᬲᬂᬓᬯᬶᬦᬵᬕᬭ᭞ᬲᬂᬘ᭄ᬢᬾᬂᬓᬵᬮᬗᬹᬦ᭄᭞ᬧᬰ᭄ᬘᬢ᭄ᬭᬶᬂᬢᬢ᭄ᬯᬅᬓ᭄ᬱᬭ᭞ᬚᬧᬵᬫᬸᬤᬺ᭞ᬯᬶᬪᬸᬳᬶᬂᬢᬢ᭄ᬯᬲᬫᬺᬢ᭄ᬢᬶ᭞ᬧᬸᬢᬸᬲᬶᬂᬯᬾᬤ᭄ᬥᬧᬭᬵᬕ᭟ᬯᬦ᭄ᬢᬄᬳᬶᬤᬳᬃ ᬦ᭄ᬮᬵᬖᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬫᬓᬵᬮᬶᬗ᭄ᬕ᭞ᬮᬶᬗ᭄ᬕᬬᬂᬭᬶᬂᬫᬦᬄ᭞ᬳᬗ᭄ᬕᬾᬦ᭄ᬘᬶᬭᬶᬲᬸᬪᬓ᭄ᬢᬶᬦᬾ᭞ᬲᬶᬤ᭄ᬥᬲᬫᬢᬺᬓᬵᬢᬸᬃ᭞ᬫᬗ᭄ᬤᬵᬳᬶᬤᬫᬗ᭄ᬕ᭄ᬬᬂᬳ᭄ᬬᬗᬶᬦ᭄᭞ᬗᬶᬘᬾᬦ᭄ᬯᬶᬲᬶᬓ᭄ᬉᬢ᭄ᬢᬫ᭞ᬉᬢ᭄ᬢᬫᬦ᭄ᬧᬶ ᬢᬸᬤᬸᬄᬫ᭄ᬦᬸᬤᬸᬳᬂᬫᬗ᭄ᬤᬓᬲ᭄ᬤ᭄ᬥᬦ᭄᭞ᬲᬶᬤ᭄ᬥᬢᬶᬢ᭄ᬬᬂ᭞ᬢᬶᬢ᭄ᬬᬂᬯᬦ᭄ᬢᬄᬫᬼᬤ᭄ᬗᬶᬭᬶᬂ᭞ᬗᬶ᭠ᬭᬶᬂᬚᬸᬭᬸᬜᬤ᭄ᬲᬤ᭄ᬧᬤ᭄ᬥ᭟ᬚᬦ᭄ᬢᭂᬦ᭄ᬧᬶᬲᬦ᭄ᬧᬘᬂᬓᬕᬸᬬᭀᬦᬶᬦ᭄᭞ᬭᬾᬄᬓᬢᬸᬦᬦ᭄᭞ᬭᬶᬂᬧᬲᬂ᭠ [ ᭒ 2A] ᬅᬓ᭄ᬱᬭ᭞ᬫᬓᬫᬶᬯᬄᬓᬭᬸᬖᬦᬾ᭞ᬢᬩᬸᬄᬲᬸᬕᬮ᭄ᬜᬮᬫᬸᬢ᭄᭞ᬲᭀᬓ᭄ᬗᭂᬢᭀᬳᬶᬦ᭄ᬢᬜ᭄ᬚᭂᬓ᭄ᬳᬢᬶ᭞ᬤᭂᬫᭂᬦ᭄ᬫᬦᬳᬾᬢᬸᬳᬸᬢᬂ᭞ᬦᬶᬓᬾᬦ᭄ᬫᬵᬤᬦ᭄ᬗᭂᬤᬸᬂ᭞ᬗᭂᬤᬾᬂᬗᭂᬤᭀᬗᭂᬤᬶᬂᬗᭂᬤᬂ᭞ ᬲᭀᬓ᭄ᬫᬵᬋᬗᬵᬂ᭞ᬩᬸᬤᬸᬳᬾᬩᬓᬢ᭄ᬳᬸᬮᬸᬭᬶᬦ᭄᭞ᬓᬸᬧᬶᬂᬓᬶᬫᬦᬾᬳᬋᬧᬂ᭟ᬯᬾᬦᬵᬢᭂᬦ᭄ᬭᬢᬸᬓᬢᬸᬘᬧ᭄ᬫᬳᬵᬰᬓ᭄ᬢᬶ᭞ᬢᬹᬃᬯᬶᬪᬯᬵ᭞ᬭᬶᬂᬚᬕᬢ᭄ᬫᬤ᭄ᬭᬵᬓ᭞ᬋᬲ᭄ᬢᬄᬚᬶᬫ᭄ᬩᬃᬦᬵᬕᬭᬦᬾ ᬋᬡᭂᬲ᭄ᬭᬫ᭄ᬬᬓᬳ᭄ᬬᬸᬦ᭄ᬳ᭄ᬬᬸᬦ᭄᭞ᬢᬦ᭄‌ᬓᬶᬭᬗᬦ᭄ᬲᬦ᭄ᬥᬂᬩᬸᬓ᭄ᬢᬶ᭞ᬫᬮᬶᬂᬢᬦ᭄ᬯᬦᬶᬮᬸᬫ᭄ᬬᬢ᭄᭞ᬧᬤᬫᬵᬫ᭄ᬩᭂᬓᬸᬥ᭄᭞ᬯᬶᬭᬾᬄᬲᬫᬶᬓᬢᬶᬢᬶᬲᬦ᭄᭞ᬳᬦ᭄ᬢᬸᬓ᭄ᬪᬯ᭞ᬯᬶᬪᬯᬵᬦ᭄ᬲᬂᬦᬵᬭᬧᬢᬶ᭞ ᬗᬃᬤ᭄ᬥᬶᬓ᭄ᬭᬳᬬ᭄ᬯᬦ᭄ᬚᬕᬢ᭄᭟ᬧᬸᬭᬶᬫᬸᬜ᭄ᬚᬢ᭄‌ᬩᬜ᭄ᬘᬶᬗᬄᬫᬵᬜ᭄ᬘᬓ᭄ᬲᬚᬶ᭞ᬫᬧᬵᬦ᭄ᬢᬬ᭠ᬦ᭄᭞ᬓᭀᬭᬶᬳᬕᬸᬂᬗᬸᬗᬂ᭞ᬫᬗᬶᬗ᭄ᬕᬶᬮ᭄‌ᬍᬫ᭄ᬩᬸᬳᬕᬸᬗᬾ᭞ᬫᬧ᭄ᬭᬤ᭄ᬥᬫᬘᬯᬶᬮᬸᬳᬸᬂ᭞ᬧᬧᬵᬢ᭄ᬭ

Auto-transliteration

[ 1 1B] 1 // • // oṁawighnāmastu // tĕmbangdhangdhanghidangdingmuruśmagĕnding, mangĕndingang, satwāhulijawa, kabatĕkpangkaḥmanahe, makĕmbulanbĕlog'hajum mahindāgindāpangawi, nuladsangkawināgara, sangctengkālangūn, paścatringtatwa'akṣara, japāmudr̥ĕ, wibhuhingtatwasamr̥ĕtti, putusingweddhaparāga. wantaḥhidahar̀ nlāghantityangmangkin, makālingga, linggayangringmanaḥ, hanggencirisubhaktine, siddhasamatr̥ĕkātur̀, mangdāhidamanggyanghyangin, ngicenwisikuttama, uttamanpi tuduḥmnuduhangmangdakasddhan, siddhatityang, tityangwantaḥml̥ĕdngiring, ngi‐ringjuruñadsadpaddha. jantĕnpisanpacangkaguyonin, reḥkatunan, ringpasang‐ [ 2 2A] akṣara, makamiwaḥkarughane, tabuḥsugalñalamut, sokngĕtohintañjĕk'hati, dĕmĕnmanahetuhutang, nikenmādanngĕdung, ngĕdengngĕdongĕdingngĕdang, sokmār̥ĕngāng, buduhebakat'hulurin, kupingkimanehar̥ĕpang. wenātĕnratukatucapmahāśakti, tūr̀wibhawā, ringjagatmadrāka, r̥ĕstaḥjimbar̀nāgarane r̥ĕṇĕsramyakahyunhyun, tankirangansandhangbukti, malingtanwanilumyat, padamāmbĕkudh, wireḥsamikatitisan, hantukbhawa, wibhawānsangnārapati, ngar̀ddhikrahaywanjagat. purimuñjatbañcingaḥmāñcaksaji, mapāntaya‐n, korihagungngungang, manginggill̥ĕmbuhagunge, mapraddhamacawiluhung, papātra

Leaf 2

Image on Archive.org

`[ ᭒ 2B] ᭒᭞ᬲᬦ᭄ᬢᬸᬳᬸᬯ᭄ᬭᬯᬶᬢ᭄᭞ᬓᬢᬄᬬᬦ᭄ᬧᬘᬂᬢᬸᬘᬧᬂ᭞ᬢᬶᬗ᭄ᬓᬄᬭᬢᬸᬯᬶᬪᬸᬄ᭞ᬲᬸᬩᬵᬮᬚᬦᬵᬦᬸᬭᬵᬕ᭞ᬜᬦ᭄ᬤᬂᬢᬸᬮᬤ᭄᭞ᬢᬶᬗ᭄ᬓᬳᬾᬦ᭄ᬤᭂᬃᬦᬵᬕᬭᬶ᭞ᬳᬶᬤᬰ᭄ᬭᬶᬫᬵᬤ᭄ᬭᬵᬤᬶᬦᬵᬣ᭟ ᬰ᭄ᬭᬷᬫᬤ᭄ᬭᬓᬫᬤ᭄ᬯᬾᬧᬸᬢ᭄ᬭᬓᬓᬵᬮᬶᬄ᭞ᬳᬶᬲ᭄ᬢ᭄ᬭᬶᬮᬦᬂ᭞ᬩᬕᬸᬲ᭄‌ᬚᭂᬕᬾᬕ᭄ᬗᬬᬂ᭞ᬦᬾᬤᬸᬳᬸᬭᬦ᭄ᬧᭂᬲᬾᬗᬦᬾ ᭞ᬲᬂᬦᬵᬭᬲᭀᬫᬓᬯᬸᬯᬸᬲ᭄᭞ᬩᬕᬸᬲ᭄‌ᬢᭀᬂᬢᬤᬦᬦ᭄ᬤᬶᬗᬶᬦ᭄᭞ᬢ᭄ᬬᬂ ᬲ᭄ᬫᬭᬤᬶᬍᬫᬄ᭞ᬲᬶᬂᬲᭀᬮᬳᬂᬧᬗᬸᬲ᭄᭞ᬫᬗᬯᬾᬳᬲᬶᬂᬗᬢᭀᬦᬂ᭞ᬩᬸᬤᬸᬄᬳᬸᬬᬂ᭞ᬳᬸᬬᬂᬩᬶᬗᬸᬂᬮᬶᬂᬧᬮᬶᬂ᭞ᬧᬮᬶᬂᬳᭂᬗ᭄ᬲᬧ᭄‌ᬢᭂᬓᬾᬦ᭄ᬳᬯᬓ᭄᭟ᬦᬾᬦᬾᬳᬶᬲ᭄ᬢ᭄ᬭᬶᬫᬧᬭᬩ᭄ᬤ᭄ᬬᬄ ᬫᬤ᭄ᬭᬶ᭞ᬚ᭄ᬕᬾᬕ᭄ᬗᬬᬂ᭞ᬬᬦᬧᬃᬡ᭄ᬦᬲᬯᬗᬂ᭞ᬲᬗ᭄ᬳ᭄ᬬᬂᬭᬢᬶᬄᬧᬜ᭄ᬚ᭄ᬭᭀᬯᬤᬶᬦᬾ᭞ᬳ᭠ᬯᬦᬦ᭄ᬲᬫᬶᬦᬸᬗ᭄ᬓᬸᬮ᭄‌᭞ᬳᬲᬶᬂᬘᬧ᭄ᬢᬗ᭄ᬳ᭄ᬬᬸᬦ᭄ᬳ᭄ᬬᬸᬦᬶᬦ᭄᭞ᬜᬸᬄᬤᬖ᭄ᬢᬵᬲᬫᬶᬳᬳᬲ᭄᭞ᬫᬶ [ ᭓ 3A] ᬦᬩ᭄ᬫᬗᬮᬫ᭄ᬧᬸᬲ᭄᭞ᬮᬫ᭄ᬧᬸᬲ᭄‌ᬭᬾᬄᬤᬾᬯᬾᬓ᭄ᬓᬲᭀᬭᬦ᭄᭞ᬫᬢᬦ᭄ᬤᬶᬗᬦ᭄᭞ᬭᬶᬂᬦᬸᬭᭀᬚᬕ᭄ᬫᬸᬄᬭᬸᬧᬶᬢ᭄᭞ᬳᬦᬸᬢ᭄ᬭᬶᬂᬫᬥ᭄ᬬᬦᬾᬍᬗ᭄ᬓ᭄ᬬᬂ᭟ᬭᬫ᭄ᬩᬸᬢ᭄‌ᬤᭂᬫ᭄ᬤᭂᬫ᭄‌ᬗᬲᭀᬃᬭᬂᬕᬸ ᬍᬫᬾᬓᬗᬶᬤ᭄᭞ᬗ᭄ᬫᬸᬳᬸᬚᬦ᭄᭞ᬘᬃᬫ᭄ᬫᬕᬥᬶᬂᬜᬮᬂ᭞ᬗᬮᬾᬮᬫ᭄ᬓᬤᬶᬳ᭄ᬫᬵᬲᬾ᭞ᬗᬯᬤᬂ᭠ᬳᬶᬲᬵᬦ᭄ᬥᬢ᭄ᬮᬬᬸ᭞ᬍᬍᬄᬫᬦᬶᬗ᭄ᬕᬮᬶᬦ᭄ᬲᬵᬭᬷ᭞ᬗ᭄ᬮᬮᬸᬗᬸᬮᬸᬗᬂᬳᬯᬓ᭄᭞ᬗ᭄ᬭᬲᬤᬾᬯᬾᬓ᭄ᬮᬘᬹᬃ᭞ ᬢᭀᬂᬲᬶᬤ᭄ᬥᬫᬳᬦ᭄ᬫᬢᬗᬄ᭞ᬭᬶᬂᬲᬂᬤ᭄ᬬᬄ᭞ᬤ᭄ᬬᬲ᭄ᬢᬸᬦ᭄ᬭᬶᬂᬮ᭄ᬧᬦᬶᬂᬯ᭄ᬢᬶᬲ᭄᭞ᬢᬦ᭄ᬜᬦ᭄ᬤᬂᬧᬘᬂᬳᬋᬧᬂ᭞ᬬᬦᬶᬂᬧᬃᬖ᭄ᬦᬯᬃᬖ᭄ᬦᬦ᭄ᬳᬶᬤᬲᬂᬓᬮᬶᬄᬗᬃᬤ᭄ᬥᬶᬳᬶᬬᬂ᭞ᬬᬤᬶᬦ᭄ᬲᬵᬫ᭄ᬧᬸᬦ᭄ᬜᬤ᭄ᬥ᭞ᬢᬍᬃᬓᬸᬗ᭄ᬕᬸᬯᬓ᭄ᬭᬕ᭄ᬕ᭠ ᬤᬾ᭞ᬳᬯᭀᬂᬯᬦ᭄ᬢᬄᬤᬶᬓᬵᬬᬸᬦ᭄᭞ᬢᬦ᭄ᬲᬶᬤ᭄ᬥᬗᬭᬶᬢᬶᬧ᭄ᬫᬮᬶᬄ᭞ᬭᬾᬄᬫᬸᬮᬵᬳᬶᬫᬦᬸᬱ᭞ᬳᬸᬫᬄᬭᬕ᭄ᬕᬮᬸᬮᬸᬢ᭄᭞ᬦᬗᬶᬂᬫᬯᬶᬓᬦ᭄ᬯᬶᬓᬦᬦ᭄᭞ᬫᬗᬫ᭄ᬧᬶᬳᬂ᭞ᬦᬶᬓᬾᬦ᭄ᬦᬾᬧᬢᬸᬢ᭄ᬫᬃᬕ᭄ᬕᬶᬦᬶ᭠

Auto-transliteration

`[ 2 2B] 2 santuhuwrawit, kataḥyanpacangtucapang, tingkaḥratuwibhuḥ, subālajanānurāga, ñandangtulad, tingkahendĕr̀nāgari, hidaśrimādrādinātha. śrīmadrakamadweputrakakāliḥ, histrilanang, bagusjĕgegngayang, neduhuranpĕsengane , sangnārasomakawuwus, bagustongtadanandingin, tyang smaradil̥ĕmaḥ, singsolahangpangus, mangawehasingngatonang, buduḥhuyang, huyangbingunglingpaling, palinghĕngsaptĕkenhawak. nenehistrimaparabdyaḥ madri, jgegngayang, yanapar̀ṇnasawangang, sanghyangratiḥpañjrowadine, ha‐wanansaminungkul, hasingcaptanghyunhyunin, ñuḥdaghtāsamihahas, mi [ 3 3A] nabmangalampus, lampusreḥdewekkasoran, matandingan, ringnurojagmuḥrupit, hanutringmadhyanel̥ĕngkyang. rambutdĕmdĕmngasor̀ranggu l̥ĕmekangid, ngmuhujan, car̀mmagadhingñalang, ngalelamkadihmāse, ngawadang‐hisāndhatlayu, l̥ĕl̥ĕḥmaninggalinsārī, nglalungulunganghawak, ngrasadeweklacūr̀, tongsiddhamahanmatangaḥ, ringsangdyaḥ, dyastunringlpaningwtis, tanñandangpacanghar̥ĕpang, yaningpar̀ghnawar̀ghnanhidasangkaliḥngar̀ddhihiyang, yadinsāmpunñaddha, tal̥ĕr̀kungguwakragga‐ de, hawongwantaḥdikāyun, tansiddhangaritipmaliḥ, reḥmulāhimanuṣa, humaḥraggalulut, nangingmawikanwikanan, mangampihang, nikennepatutmar̀ggini‐

Leaf 3

Image on Archive.org

[ ᭓ 3B] ᭓᭞ ᬦ᭄᭞ᬓᬮᬶᬄᬦᬾᬧᬘᬂᬫᬭᬶᬬᬂ᭟ᬗᬫᬭᬶᬬᬂᬧᬸᬦᬶᬓᬵᬯᬦ᭄ᬢᬄᬲᬸᬮᬶᬢ᭄᭞ᬳ᭄ᬬᬂᬲ᭄ᬫᬭᬵᬳᬶᬤᬢᬦ᭄ᬧᬭᬕ᭄ᬕᬵ᭞ᬫᬜᬸᬲᬸᬧ᭄ᬭᬶᬂᬪᬸᬯᬖᬦᬾ᭞ᬯᬶᬭᬾᬄᬓᬤᬕ᭄ᬥᬶᬤᬸᬫᬸᬦ᭄᭞ᬳᬦ᭄ᬢᬸᬓ᭄ᬲᬗ᭄ᬳ᭄ᬬᬂ ᬚᬕᬢᬧᬵᬢᬶ᭞ᬳᬯᬤᬦ᭄‌ᬫᬾᬯᭂᬄᬯᬮᬾᬗ᭄ᬓᬲ᭄᭞ᬲᬶᬦᬄᬧᬘᬂᬧᬗ᭄ᬕᬸᬄ᭞ᬬᬾᬦ᭄ᬲᬵᬫ᭄ᬧᬸᬦ᭄ᬫᬸᬮᬧᬦᬶᬢᬄ᭞ᬢᬄᬓᬢᬶᬢᬄ᭞ᬢᬶᬢᬳᬾᬧᬢᬸᬢ᭄ᬓᬢᬫ᭄ᬧᬶ᭞ᬬᬤᬶᬬᬦ᭄ᬪᬤᬹᬃᬫ᭄ᬫᬵᬗ᭄ᬕ ᬮᬦ᭄᭚᭜᭚ᬤᬹᬃᬫ᭄ᬫ᭚ᬤᬯᬸᬄᬓᬵᬮᬶᬄᬰ᭄ᬭᬷᬦᬵ[broke]ᬭᬦ᭄ᬤ᭄ᬭᬵᬲᬵᬫ᭄ᬧᬸᬦᬵᬬᬲ᭄᭞ᬧ᭄ᬭᬬᬧᬘᬂᬓᬢᬗ᭄ᬓᬶᬮ᭄᭞ᬭᬶᬂᬩᬮᬾᬧᬲᬾᬩᬦ᭄᭞ᬳᬢᬧ᭄ᬧ ᬭᬧᬸᬗ᭄ᬕᬯ᭄ᬯ᭞ᬯᬺᬗ᭄ᬓᭂᬮ᭄ᬧ᭄ᬭᬫᬦ᭄ᬢ᭄ᬭᬶᬲᬫᬶ᭞ᬧ᭄ᬭᬧᬢᬶᬄᬗᬫ᭄ᬧ᭄ᬬᬕ᭄᭞ᬲᬫᬶᬗᬾᬮᬶᬗᬶᬦ᭄ᬮᬶᬗ᭄ᬕᬶᬄ᭟ᬓᬫᬗ᭄ᬕᬮᬳᬶᬤᬧ᭄ᬭᬡ᭄ᬥᬩᬕᬯᬵᬦ᭄ᬢ᭞ᬧᬭᬲᬥᬵᬓᬵᬗᬶᬭᬶᬂ᭞ᬧ᭄ᬭᬤᬾᬦᬾᬯᬃᬡ᭄ᬦ [ ᭔ 4A] ᬬᬂ᭞ᬯᬮᬸᬬᬤᬶᬰ᭄ᬯᬃᬕ᭄ᬕᬦ᭄᭞ᬢᬗ᭄ᬓᬶᬮᬦᬾᬫᬸᬦ᭄ᬢᬩ᭄ᬳᬕ᭄ᬭᬶᬂ᭞ᬧᬭᬵᬤᬾᬯᬢ᭄ᬣ᭞ᬦᬗ᭄ᬓᬶᬮ᭄‌ᬳ᭄ᬬᬂᬲᬘᬶᬧᬵᬢᬶ᭟ᬦᬸᬧᬋᬗ᭄ᬕᬵᬳᬦ᭄ᬢᬸᬓ᭄ᬧᬗᬗ᭄ᬕᬾᬦᬾᬩᬸᬗᬄ᭞ᬩᭂᬃᬮ᭄ᬬᬦ᭄ᬯᬦ᭄ᬢᭂᬦᬾ᭠ ᬗᭂᬦ᭄ᬤᬶᬄ᭞ᬰᭀᬘᬫᬳᬸᬢ᭄ᬢᬫ᭞ᬯᬮᬸᬬᬓᬤᬶᬩᬶᬡ᭄ᬝᬂ᭞ᬤᬭᬫ᭄ᬤᬶᬓᬵᬮᬦᬶᬂᬯᭂᬗᬶ᭞ᬮ᭠ᬗᬶᬢᬾᬕᬮᬂ᭞ᬢᬦ᭄ᬯᬾᬦ᭄ᬢᭂᬦ᭄‌ᬫᬾᬖᬗ᭄ᬮᬫᬤᬶᬦ᭄᭟ᬲᬵᬫ᭄ᬧᬸᬦ᭄ᬦᬵᬧᬓ᭄‌ᬧᬦᬗ᭄ᬓᬶᬮᬦ᭄ᬳᬸ ᬧᬵᬘᬭ᭞ᬲᬺᬕᭂᬧ᭄ᬲᬧᬹᬮᬵᬧᬮᬶ᭞ᬭᬭᬶᬲ᭄ᬳᬶᬤᬓᭀᬤᬮ᭄᭞ᬢᬦ᭄ᬲᬄᬧ᭄ᬭᬫᬶᬰ᭄ᬯᬃᬬ᭄ᬬ᭞ᬧᬭᬳᬶᬜᬦᬾᬫᬗᬶᬭᬶᬂ᭞ᬯᬥᬲᬲ᭄ᬮᬶᬭᬦ᭄᭞ᬫᬗᬩᬢᬾᬧᬓᬾᬗᭂᬦ᭄ᬤᬶᬄ᭟ᬫᬫᬶ ᬧᬦ᭄ᬢᭂᬲ᭄ᬢᬬᬸᬗᬦᬾᬫᬕᬫ᭄ᬧᬭᬦ᭄᭞ᬍᬫᬸᬄᬗᬥᬸᬂᬫᬮᬢᬶ᭞ᬧᬚᬮᬦᬾᬩᬦ᭄ᬩᬦ᭄᭞ᬢᬶᬦ᭄ᬤᬓᬾᬫᬦᬶᬦ᭄ᬤᬓ᭄ᬕᬚᬄ᭞ᬭᬭᬲᬾᬢᬫᬾᬂᬭᬲᬨᬢᬶ᭞ᬜᬦ᭄ᬤᬂᬓᬢᬾᬫᬦ᭄᭞ᬫᬦ᭄ᬤᬤᬶᬧ

Auto-transliteration

[ 3 3B] 3 n, kaliḥnepacangmariyang. ngamariyangpunikāwantaḥsulit, hyangsmarāhidatanparaggā, mañusupringbhuwaghane, wireḥkadagdhidumun, hantuksanghyang jagatapāti, hawadanmewĕḥwalengkas, sinaḥpacangpangguḥ, yensāmpunmulapanitaḥ, taḥkatitaḥ, titahepatutkatampi, yadiyanbhadūr̀mmāngga lan // • // dūr̀mma // dawuḥkāliḥśrīnā[broke]randrāsāmpunāyas, prayapacangkatangkil, ringbalepaseban, hatappa rapunggawwa, wr̥ĕngkĕlpramantrisami, prapatiḥngampyag, samingelinginlinggiḥ. kamanggalahidapraṇdhabagawānta, parasadhākāngiring, pradenewar̀ṇna [ 4 4A] yang, waluyadiśwar̀ggan, tangkilanemuntab'hagring, parādewattha, nangkilhyangsacipāti. nupar̥ĕnggāhantukpanganggenebungaḥ, bĕr̀lyanwantĕne‐ ngĕndiḥ, śocamahuttama, waluyakadibiṇṭang, daramdikālaningwĕngi, la‐ngitegalang, tanwentĕnmeghanglamadin. sāmpunnāpakpanangkilanhu pācara, sr̥ĕgĕpsapūlāpali, rarishidakodal, tansaḥpramiśwar̀yya, parahiñanemangiring, wadhasasliran, mangabatepakengĕndiḥ. mami pantĕstayunganemagamparan, l̥ĕmuḥngadhungmalati, pajalanebanban, tindakemanindakgajaḥ, rarasetamengrasaphati, ñandangkateman, mandadipa

Leaf 4

Image on Archive.org

[ ᭔ 4B] ᭔᭞ ᬗᬬᬄᬧᬹᬭᬶ᭟ᬯᬾᬦ᭄ᬢᭂᬦ᭄ᬫᬓ᭄ᬢᬘᬾᬦᬂᬧᬘᬂᬧᬯᬶᬤᬹᬦ᭄᭞ᬯᬗ᭄ᬲᬸᬄᬧᬤ᭄ᬥᬢᬦ᭄ᬓᬭᬶ᭞ᬲᬫᬶᬫᬲᬰᭀᬘᬦ᭄᭞ᬢᬶᬗ᭄ᬓᬄᬭᬢᬸᬯᬶᬪᬯ᭞ᬢᬦ᭄ᬓᬶᬭᬗᬦ᭄ᬭᬵᬚᬧᬾᬡᬶ᭞ᬲᬩᬵᬮᬯᬶᬃ᭠ ᬬ᭄ᬬ᭞ᬓᬢ᭄ᬯᬗᬶᬂᬧᬭᬵᬳᬚᬶ᭟ᬲᬵᬫ᭄ᬧᬸᬦ᭄ᬦᬧᬓ᭄‌‌ᬰ᭄ᬭᬷᬭᬾᬦ᭄ᬤ᭄ᬭᬵᬭᬶᬂᬧᬲᬾᬪᬦ᭄᭞ᬗ᭄ᬭᬭᬶᬲ᭄ᬳᬶᬤᬫᬮᬶᬗ᭄ᬕᬶᬄ᭞ᬢᬗ᭄ᬓᬶᬮᬦᬾᬲᬫ᭄ᬬᬦ᭄᭞ᬗᬸᬦ᭄ᬢᬸᬓ᭄ᬫᬗ᭄ᬮᬸᬂᬳᬗ᭄ᬕ᭞ᬋᬧ᭄ᬤ᭄ᬬᬀᬢᬦ᭄ᬧᬸᬭᬸᬦ᭄ᬗᬸᬫᬶᬓ᭄ ᬲᬫᬶᬗᬢ᭄ᬧᬥ᭞ᬓᬤᬶᬚᬗ᭄ᬓ᭄ᬭᬶᬓᬾᬓᭂᬢᭂᬩᬶᬦ᭄᭟ᬭᬭᬶᬲ᭄ᬳᬶᬤᬰ᭄ᬭᬷᬫᬦ᭄ᬭᬵᬓᬫᬯᬦ᭄ᬤᬶᬓᬵ᭞ᬭᬶᬂᬩᬢᬸᬤᬩ᭄ᬤᬲᬫᬶ᭞ᬫᬶᬯᬄᬭᬶᬂᬧ᭄ᬭᬫᬾᬦᬓ᭄᭞ᬧᬶᬗᬚᭂᬂᬭᬶᬂᬧᬭᬡ᭄ᬥ᭞ᬯᬘᬡᬦ᭄‌ᬳᬶ᭠ ᬤᬦᬾᬮᬶᬡ᭄ᬥᬶ᭞ᬗᬢᬶᬄᬢᬹᬃᬩᬦ᭄ᬩᬦ᭄᭞ᬭᬾᬄᬯᬓ᭄ᬬᬦ᭄ᬲᬂᬭᬵᬢᬸᬮᬸᬯᬶᬄ᭟ᬳᬶᬗ᭄ᬕᬶᬄᬧ᭄ᬭᬡ᭄ᬤᬫᬹᬃᬤ᭄ᬥᬬᬂᬢᬶᬢ᭄ᬬᬂᬭᬶᬂᬫᬦᬄ᭞ᬫ᭄ᬭᬕᬫᬡᬶᬓ᭄‌ᬘᬸᬥᬫᬵᬡᬶ᭞ᬫᬶᬯᬄᬩᬳᬸᬥᬡ᭄ᬥ᭞ᬫ᭄ᬯᬂᬧ᭄ᬭ [ ᭕ 5A] ᬫᬾᬦᬓᬾᬫᬓᭂᬚᬂ᭞ᬓᬤᬾᬬᬦ᭄ᬦᬶᬭᬵᬦᬾᬲᬫᬶ᭞ᬲᬢᬢᬵᬜᬗ᭄ᬕ᭄ᬭ᭞ᬲᬧᬶᬢᬸᬤᬸᬄᬢᬦ᭄ᬕᬶᬗ᭄ᬰᬶᬃ᭟ᬲᬶᬗ᭄ᬕᬶᬄᬭᬢᬸᬧ᭄ᬭᬡ᭄ᬥᬧ᭄ᬭᬡ᭄ᬥᬲᬶᬦᬫ᭄ᬬᬦ᭄᭞ᬦᬾᬢᭀᬫᬲᬶᬄᬳᬶᬧᬢᬶᬄ᭞ᬧ᭄ᬭᬫᬦ᭄ᬢ᭄ᬭᬶ ᬫᬓᭂᬚᬂ᭞ᬲᬤᬕᬶᬂᬧᬦᬗ᭄ᬓᬶᬮᬦ᭄᭞ᬦᬾᬳᬤᬧᬢᬸᬢ᭄ᬳᬶᬢᬸᬗᬶᬦ᭄᭞ᬳᬶᬦ᭄ᬤᬶᬓ᭄ᬫᬩ᭄ᬯᬢ᭄‌ᬢᬶᬗ᭄ᬓᬄᬳᬘᬾᬫ᭄ᬪᬸᬧᬢᬶ᭟ᬯᬶᬭᬾᬄᬦᬶᬭᬲᬸᬩᬮᬫᬶᬫᬸᬦ᭄ᬥᭂᬃᬚᬕᬢ᭄᭞ᬤᬤᬶᬓ᭄ᬭᬱᬤᬶᬳᬢᬶ᭞ᬧᬢᬹ ᬢ᭄ᬲᬸᬩᬜᬤ᭄ᬥ᭞ᬜᬦ᭄ᬤᬂᬗᬸᬗ᭄ᬰᬶᬧᬰ᭄ᬭᬫᬦ᭄᭞ᬓᬕᬸᬦᬸᬂᬫᬦᬗᬸᬦ᭄‌ᬓᬶᬃᬢ᭄ᬢᬶ᭞ᬗᬾᬃᬢ᭄ᬢᬶᬬᬂ᭠ᬳᬯᬓ᭄᭞ᬳᬶᬦ᭄ᬤ᭄ᬭᬶᬬᬦᬾᬜᬦ᭄ᬤᬂᬢᭂᬧ᭄ᬢᭂᬧᬶᬦ᭄᭟ᬯᬳᬸᬲᬧᬸᬦᬶᬓᬵᬯᬓ᭄ᬬᬦ᭄ᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭᬵ ᭞ᬳᬶᬤᬧ᭄ᬭᬡ᭄ᬥᬫᬜᬯᬶᬲ᭄᭞ᬳᬶᬗ᭄ᬕᬶᬄᬰ᭄ᬭᬷᬫᬤ᭄ᬭᬵᬓ᭞ᬫᬓᬵᬘᬢ᭄ᬭᬦᬶᬂᬚᬕᬢ᭄᭞ᬯᬶᬤᬕ᭄ᬤᬫᬗ᭄ᬮᬸᬲ᭄ᬪᬸᬫᬶ᭞ᬤᬕᬶᬂᬳᬫ᭄ᬧᬸᬭ᭞ᬢᬶᬢ᭄ᬬᬂᬫᬵᬢᬹᬃᬧᬓᬾᬮᬶᬂ᭟ᬲᬕ᭄ᬦᬗᬶᬦᬶᬦ᭄ᬳᬶᬭᬢᬸᬦᬾᬲᬵᬫᬵᬧᬸᬦ᭄ᬚ᭠

Auto-transliteration

[ 4 4B] 4 ngayaḥpūri. wentĕnmaktacenangpacangpawidūn, wangsuḥpaddhatankari, samimasaśocan, tingkaḥratuwibhawa, tankiranganrājapeṇi, sabālawir̀‐ yya, katwangingparāhaji. sāmpunnapakśrīrendrāringpasebhan, ngrarishidamalinggiḥ, tangkilanesamyan, nguntukmanglunghangga, r̥ĕpdyaṃtanpurunngumik samingatpadha, kadijangkrikekĕtĕbin. rarishidaśrīmanrākamawandikā, ringbatudabdasami, miwaḥringpramenak, pingajĕngringparaṇdha, wacaṇanhi‐ daneliṇdhi, ngatiḥtūr̀banban, reḥwakyansangrātuluwiḥ. hinggiḥpraṇdamūr̀ddhayangtityangringmanaḥ, mragamaṇikcudhamāṇi, miwaḥbahudhaṇdha, mwangpra [ 5 5A] menakemakĕjang, kadeyannirānesami, satatāñanggra, sapituduḥtan'gingśir̀. singgiḥratupraṇdhapraṇdhasinamyan, netomasiḥhipatiḥ, pramantri makĕjang, sadagingpanangkilan, nehadapatut'hitungin, hindikmabwattingkaḥhacembhupati. wireḥnirasubalamimundhĕr̀jagat, dadikraṣadihati, patū tsubañaddha, ñandangngungśipaśraman, kagunungmanangunkir̀tti, nger̀ttiyang‐hawak, hindriyaneñandangtĕptĕpin. wahusapunikāwakyanhidaśrīnarendrā , hidapraṇdhamañawis, hinggiḥśrīmadrāka, makācatraningjagat, widagdamanglusbhumi, daginghampura, tityangmātūr̀pakeling. sagnangininhiratunesāmāpunja‐

Leaf 5

Image on Archive.org

[ ᭕ 5B] ᭕᭞ ᬕ᭄ᬭ᭞ᬲᬓᬵᬤᬶᬓᬳ᭄ᬬᬸᬦ᭄ᬳᬶᬕᬸᬲ᭄ᬢᬶ᭞ᬧᬘᬂᬦᬶᬗ᭄ᬕᬮ᭄ᬚᬕᬢ᭄᭞ᬗᬸᬗ᭄ᬰᬶᬓᬕᬸᬦᬸᬂᬳᬮᬲ᭄᭞ᬓᬓᬶᬰ᭄ᬭᬬᬰᬦᬾᬍᬯᬶᬄ᭞ᬜᬦ᭄ᬤᬂᬳᬧ᭄ᬢᬶᬬᬂ᭞ᬭᬾᬄᬭᬕᬲᬵᬫ᭄ᬧᬸᬦ᭄ᬮᬶᬗ᭄ᬰᬶᬃ᭟ᬯᬳᬸᬲᬧᬸᬦᬶᬓᬵ᭠ ᬳᬢᬹᬃᬳᬶᬤᬧ᭄ᬭᬡ᭄ᬥ᭞ᬧᬢᬶᬄᬫᬗ᭄ᬓᬸᬦᬵᬕᬭᬶ᭞ᬫᭂᬧᭂᬲ᭄ᬫᬵᬢᬹᬃᬜᬸᬫ᭄ᬩᬄ᭞ᬲᬶᬗ᭄ᬕᬶᬄᬭᬢᬸᬧ᭠ᬦᭂᬫ᭄ᬩᬳᬦ᭄᭞ᬲᬸᬂᬲᬸᬂᬢᬶᬢ᭄ᬬᬂᬤᬶᬦᬵᬮᬢ᭄ᬭᬶ᭞ᬢᬦ᭄ᬲᬓᬶᬂᬢᭂᬫ᭄ᬧᬮ᭄᭞ᬗᭂᬮᭀᬗᬶᬦ᭄ᬧᬜᬶᬢ᭄ᬦᬪ ᬓ᭄ᬢᬶ᭟ᬬᬦ᭄ᬢᬓᭀᬘᬧ᭄ᬳᬶᬤᬲᬂᬓᬬᬸᬦ᭄ᬫᬬᬰ᭞ᬬᬤ᭄ᬬᬦ᭄ᬫᬭᬶᬂᬦᬵᬕᬭᬶ᭞ᬬᬦ᭄ᬲᬵᬫ᭄ᬧᬸᬦ᭄ᬜᬶᬤ᭄ᬥᬬᬂ᭞ᬦᬸᬗ᭄ᬕᬮᬂᬳᬶᬢ᭄ᬭᬶᬓᬬ᭞ᬫᬭᬶᬰᬸᬤ᭄ᬥᬫᬗ᭄ᬤᬵᬧᬲ᭄ᬢᬶ᭞ᬓᭀᬘᬧ᭄ᬉᬢ᭄ᬢᬫ᭞ᬉᬢ᭄ᬢᬫᬦᬶᬂ ᬬᬰᬓᬶᬃᬢ᭄ᬢᬶ᭟ᬫᬮᬶᬄᬭᬢᬸᬲᬦᬾᬩᬗᭂᬢ᭄ᬮᬸᬗ᭄ᬲᬹᬃᬢᬶᬢ᭄ᬬᬂ᭞ᬭᬶᬂᬰ᭄ᬭᬷᬦᬕᬧᬢᬶ᭞ᬲᬶᬭᬧᬘᬂᬜᬦ᭄ᬤᬂ᭞ᬗᭂᬦ᭄ᬢᭀᬲᬶᬦ᭄ᬫᬥᭂᬕ᭄ᬦᬵᬣ᭞ᬬᬤᬶᬦ᭄ᬯᬾᬦᬵᬢᭂᬦ᭄ᬳᬶᬤᬫᬗ᭄ᬓᬶᬦ᭄᭞ᬲᬂᬦᬭᬲᭀᬫ᭞ᬯ᭠ [ ᭖ 6A] ᬳᬸᬫᬸᬗ᭄ᬕᬄᬢᬭᬸᬡᬶ᭟ᬓᬵᬮᬶᬄᬳᬶᬤᬤᬸᬭᬸᬂᬘ᭄ᬝᬦᬩ᭄ᬤᬩ᭄ᬚᬕᬢ᭄᭞ᬫᬮᬶᬄᬤᬸᬭᬸᬂᬫᬭᬩᬶ᭞ᬬᬤᬶᬦ᭄ᬯᬾᬦᬵᬢᭂᬦ᭄ᬢᬶᬢ᭄ᬬᬂ᭞ᬓᬳᬸᬮᬲᬶᬦᬫ᭄ᬬᬦ᭄᭞ᬓᬧᬶᬲᬭᬧᬘᬂᬗᬩᬶᬄ᭞ᬕᬸᬂᬳᬫ᭄ᬧᬸᬭᬬᬂ ᭞ᬭᬾᬄᬓᬢᬸᬦᬦ᭄ᬫᬦᬄᬲᬫᬶ᭟ᬯᬦ᭄ᬢᬄᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬢᬸᬯᬓᬸᬮᬶᬢ᭄ᬓᬄᬓᬄ᭞ᬳᭂᬩᭀᬓ᭄ᬳᬸᬩᬦ᭄ᬓᬸᬫᬶᬲ᭄ᬧᬸᬢᬶᬄ᭞ᬯᬮᬸᬬᬰᬺᬡ᭄ᬥ᭞ᬓᬸᬮᬶᬢ᭄ᬳᬶᬧᬸᬦ᭄ᬢᬦ᭄ᬓ᭄ᬭᬄ᭞ᬦᬗ᭄ᬳᬶᬂᬤᬕᬶᬗᬾᬳᬓᬶᬤᬶᬓ᭄᭞ᬧᬸ᭠ ᬦᬶᬓᬵᬧᬶᬲᬦ᭄᭞ᬤᬸᬭᬸᬲ᭄ᬳᬶᬭᬢᬸᬫᬶᬦᭂᬳᬶᬦ᭄᭟ᬯᬳᬸᬲᬧᬸᬦᬶᬓᬵᬳᬢᬹᬃᬫᬗ᭄ᬓᬸᬦᬵᬕᬭ᭞ᬢᬗ᭄ᬓᬶᬮᬦᬾᬚᬕ᭄ᬲᭂᬧᬶ᭞ᬗᬸᬦ᭄ᬢᬸᬓ᭄ᬫᬗᬢ᭄ᬧᬤ᭄ᬥ᭞ᬯᬮᬸᬬᬓᬤᬶᬳᬶᬳᬬᬫ᭄᭞ᬫᬕᭀᬘᬾᬓ᭄ᬩ ᬳᭀᬗᬾᬓᬦᬶᬦ᭄᭞ᬢᬦ᭄ᬧᬸᬭᬸᬦ᭄ᬦᬗᬄ᭞ᬫᬗ᭄ᬭᬱᬭᬱᬤᬶᬳᬢᬶ᭟ᬭᬭᬶᬲ᭄ᬳᬶᬤᬰ᭄ᬭᬶᬦᬭᬾᬦ᭄ᬤ᭄ᬭᬵᬫᬤ᭄ᬭᬓᬵᬭ᭞ᬗᬦ᭄ᬤᬶᬓᬵᬩᬦ᭄ᬩᬦ᭄ᬗᬢᬶᬄ᭞ᬫᬢᭂᬭᬸᬄᬲᬵᬃᬓ᭄ᬓᬵᬭ᭞ᬳᬸᬤᬸᬄᬧᬫᬦ᭄ᬫᬓᭂᬚᬂ᭞᭠

Auto-transliteration

[ 5 5B] 5 gra, sakādikahyunhigusti, pacangninggaljagat, ngungśikagununghalas, kakiśrayaśanel̥ĕwiḥ, ñandanghaptiyang, reḥragasāmpunlingśir̀. wahusapunikā‐ hatūr̀hidapraṇdha, patiḥmangkunāgari, mĕpĕsmātūr̀ñumbaḥ, singgiḥratupa‐nĕmbahan, sungsungtityangdinālatri, tansakingtĕmpal, ngĕlonginpañitnabha kti. yantakocap'hidasangkayunmayaśa, yadyanmaringnāgari, yansāmpunñiddhayang, nunggalanghitrikaya, mariśuddhamangdāpasti, kocaputtama, uttamaning yaśakir̀tti. maliḥratusanebangĕtlungsūr̀tityang, ringśrīnagapati, sirapacangñandang, ngĕntosinmadhĕgnātha, yadinwenātĕnhidamangkin, sangnarasoma, wa‐ [ 6 6A] humunggaḥtaruṇi. kāliḥhidadurungcṭanabdabjagat, maliḥdurungmarabi, yadinwenātĕntityang, kahulasinamyan, kapisarapacangngabiḥ, gunghampurayang , reḥkatunanmanaḥsami. wantaḥtityangsāmpuntuwakulitkaḥkaḥ, hĕbok'hubankumisputiḥ, waluyaśr̥ĕṇdha, kulit'hipuntankraḥ, nanghingdagingehakidik, pu‐ nikāpisan, durushiratuminĕhin. wahusapunikāhatūr̀mangkunāgara, tangkilanejagsĕpi, nguntukmangatpaddha, waluyakadihihayam, magocekba hongekanin, tanpurunnangaḥ, mangraṣaraṣadihati. rarishidaśrinarendrāmadrakāra, ngandikābanbanngatiḥ, matĕruḥsār̀kkāra, huduḥpamanmakĕjang, ‐

Leaf 6

Image on Archive.org

[ ᭖ 6B] ᭖᭞ ᬯᬸᬢᬶᬂᬧ᭄ᬭᬫᬾᬦᬓ᭄ᬧ᭄ᬭᬫᬦ᭄ᬢ᭄ᬭᬶ᭞ᬫᬓᬫᬗ᭄ᬕᬮ᭞ᬧ᭄ᬭᬡ᭄ᬥᬧ᭄ᬭᬡ᭄ᬥᬲᬋᬂᬲᬫᬶ᭟ᬲᬚᬓᬾᬢᭀᬩᬸᬓᬲᬢ᭄ᬯᬦᬾᬦᬾᬫᬭᬵ᭞ᬢᭀᬗᭀᬲᬾᬫᬬᬰᬓᬶᬃᬢ᭄ᬢᬶ᭞ᬬᬦᬶᬂᬤᬶᬦᬵᬕᬭ᭞ᬕᬕᭀᬤ ᬦᬾᬗᬮᬳᬂ᭞ᬩᬲ᭄ᬮᬶᬬᬸᬦᬶᬓᬾᬦ᭄ᬳᬶᬫ᭄ᬧᬲᬶᬦ᭄᭞ᬲᬗ᭄ᬓᬦ᭄ᬫᭂᬮᬳᬦ᭄‌ᬤᬶᬕᬸᬦᬸᬂᬗᬮᬶᬄᬲ᭄ᬧᬶ᭟ᬘᬸᬢᭂᬢ᭄ᬦᬶᬭᬲᬸᬩᬧ᭄ᬭᬕᬢ᭄ᬧᬳᬶᬢᬸᬗᬦ᭄᭞ᬢ᭄ᬯᬭᬤᬤᬶᬧᬶᬯᬮᬶᬦ᭄᭞ᬓᭂᬫᬵᬧᬫᬦ᭄ᬫᭂᬦ᭄ᬤᬓ᭄᭞ᬳᬶᬦ ᬦᬓ᭄‌ᬦᬵᬕᬭᬲᭀᬫ᭞ᬲᬂᬓᬸᬢᬸᬲ᭄ᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬦ᭄ᬯᬶᬦᬱᬢ᭄ᬣ᭞ᬲᬕᬾᬢ᭄ᬫᬮᬶᬄᬧ᭄ᬭᬧ᭄ᬢᬶ᭟ᬲᬂᬓᬳᬸᬢᬸᬲ᭄ᬫᬗᬶᬭᬶᬂᬲᬂᬦᬵᬭᬲᭀᬫ᭞ᬲᬳᬵᬗᬢᬸᬭᬂᬪᬓ᭄ᬢᬶ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵ᭞ᬫᬳᬶᬤᬾ ᬯᬧᬳᭂᬓᬂ᭞ᬲᬂᬓᬳᬃᬧᬾᬦ᭄ᬫᬋᬓ᭄‌ᬕᭂᬮᬶᬲ᭄᭞ᬳᬗ᭄ᬮᬸᬂᬳᬗ᭄ᬕ᭞ᬮ᭄ᬯᬶᬃᬲᬶᬤ᭄ᬯᬫ᭄ᬓᬲᬶᬮᬶᬃ᭚᭜᭚ᬲᬶᬦᭀᬫ᭄᭚ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬗᬸᬲᬧ᭄ᬳᬸᬲᬧ᭄ᬫᬧᬲᬶᬳᬶᬦ᭄᭞ᬤᬸᬄᬤᬾᬯ᭄ᬯ᭠ [ ᭗ 7A] ᬫᬵᬲ᭄ᬳᬢ᭄ᬫᬚᬶᬯ᭄ᬯ᭞ᬢᬸᬮ᭄ᬬᬢᬸᬜ᭄ᬚᬸᬂᬓᭂᬫ᭄ᬩᬂᬫᬶᬬᬶᬓ᭄᭞ᬢᬸᬮᬸᬲᬂᬤᬾᬯ᭄ᬯᬦᬾᬚᬦᬶ᭞᭄ᬧᬮᬭᬲᬸᬗ᭄ᬲᬸᬢ᭄᭞ᬳᬶᬤᬾᬯᬫᬓᬰᬭᬡ᭞ᬧ᭄ᬭᬮᬶᬡᬦ᭄ᬩᬧᬦᬾᬚᬦᬶ᭞ᬫᬸᬮᬧᬢᬸ ᬣᬶᬧᬦᬓ᭄‌ᬜᬸᬧᬢ᭄‌ᬳᬶᬩᬧ᭟ᬲᬗ᭄ᬓᬦ᭄ᬫᭂᬮᬳᬂᬫᬢᬶᬗ᭄ᬓᬄ᭞ᬧᬸᬢ᭄ᬭᬰᬰᬶᬡᬢ᭠ᬦᬸᬢᬶᬦ᭄᭞ᬤᬩᬦᬶᬓᬾᬦ᭄ᬳᬦᬓ᭄ᬢᬸᬢ᭄ᬯ᭞ᬢ᭄ᬯᬄᬜᬦ᭄ᬤᬂᬢᭀᬕᬸᬕᭀᬦᬶᬦ᭄᭞ᬧᬸᬭᬸᬓᬂᬭᬕ ᬦᬾᬲᬳᬶ᭞ᬳᬧᬂᬦᬯᬂᬢ᭄ᬓᬾᬦ᭄ᬤᬸᬦ᭄ᬤᬸᬦ᭄᭞ᬳᬸᬦ᭄ᬤᬸᬓᬾᬤᬤᬶᬫᬦᬸᬱ᭞ᬰᬲ᭄ᬢ᭄ᬭᬦᬾᬲᬳᬶᬢᭀᬕᬸᬮᬶᬓ᭄᭞ᬲᬶᬂᬚᬮᬘᬹᬃᬬᬾᬦ᭄ᬲᬸᬩᬵᬳᬦ᭄ᬢᭂᬂᬫᬮᬚᬄ᭟ᬳᬶᬤᬲᬗ᭄ᬳ᭄ᬬᬂᬲᬭᬰ᭄ᬯᬢ᭄ᬬᬵ᭞ᬯ ᬦ᭄ᬢᬄᬮᬶᬦ᭄ᬢᬂᬲ᭄ᬯᬾᬘᬘ᭄ᬦᬶᬂ᭞ᬬᬾᬦ᭄ᬳᬦ᭄ᬢᭂᬂᬩᬜᬫᬦᬄ᭞ᬢᬹᬃᬫ᭄ᬫᬦᬶᬂᬪᬓ᭄ᬢᬶᬫᬦᬶᬯᬶ᭞ᬳᬶᬤᬢᬦ᭄ᬯᬶᬓᬦ᭄ᬮᬮᬶ᭞ᬧᬘᬂᬗ᭄ᬯᬍᬲ᭄ᬩᬳᬦ᭄ᬯᭂᬭᬸᬄ᭞ᬢᬦ᭄ᬓᬬᬸᬦ᭄ᬫᬫᬶᬭᬵᬢ᭄ᬤᬦᬵ᭞ᬲᬶᬂᬪᬓ᭄ᬢᬶᬓᬯᬍᬲ᭄ᬲᬫᬶ

Auto-transliteration

[ 6 6B] 6 wutingpramenakpramantri, makamanggala, praṇdhapraṇdhasar̥ĕngsami. sajaketobukasatwanenemarā, tongosemayaśakir̀tti, yaningdināgara, gagoda nengalahang, basliyunikenhimpasin, sangkanmĕlahandigunungngaliḥspi. cutĕtnirasubapragatpahitungan, twaradadipiwalin, kĕmāpamanmĕndak, hina naknāgarasoma, sangkutusrarismamar̀ggi, tanwinaṣattha, sagetmaliḥprapti. sangkahutusmangiringsangnārasoma, sahāngaturangbhakti, sangprabhungandikā, mahide wapahĕkang, sangkahar̀penmar̥ĕkgĕlis, hanglunghangga, lwir̀sidwamkasilir̀ // • // sinom // sangprabhurarisngandikā, ngusap'husapmapasihin, duḥdewwa‐ [ 7 7A] māshatmajiwwa, tulyatuñjungkĕmbangmiyik, tulusangdewwanejani, palarasungsut, hidewamakaśaraṇa, praliṇanbapanejani, mulapatu thipanakñupat'hibapa. sangkanmĕlahangmatingkaḥ, putraśaśiṇata‐nutin, dabanikenhanaktutwa, twaḥñandangtogugonin, purukangraga nesahi, hapangnawangtkendundun, hundukedadimanuṣa, śastranesahitogulik, singjalacūr̀yensubāhantĕngmalajaḥ. hidasanghyangsaraśwatyā, wa ntaḥlintangswecacning, yenhantĕngbañamanaḥ, tūr̀mmaningbhaktimaniwi, hidatanwikanlali, pacangngwal̥ĕsbahanwĕruḥ, tankayunmamirātdanā, singbhaktikawal̥ĕssami

Leaf 7

Image on Archive.org

[ ᭗ 7B] ᭗᭞ ᬲᬦᬸᬦ᭄ᬳᬶᬤᬸᬧ᭄᭞ᬤ᭄ᬤᬫᭂᬤ᭄‌ᬫ᭄ᬮᬚᬳᬂᬳᬯᬓ᭄᭟ᬚᬦᬶᬳᬸᬦ᭄ᬢᭂᬂᬓ᭄ᬦᭂᬄᬩᬧ᭞ᬗᬮᬶᬳᬂᬳᬶᬤᬾᬯ᭄ᬯᬭᬩᬶ᭞ᬓᬾᬦᬾᬩᬧᬲᬸᬩᬢᬸᬯ᭄ᬯ᭞ᬓ᭄ᬫᬳᬶᬘ᭄ᬦᬶᬂᬦᬶᬮᬶᬓᬶᬦ᭄᭞ᬤᬶᬚᬳᬤᬭᬵᬚᬫᬸᬢ᭄ᬭᬶ᭞ᬳᬶ ᬤᬾᬯ᭄ᬯᬫᬶᬚᬶᬳᬶᬦ᭄ᬫᬮᬸ᭞ᬬᬤᬶᬦ᭄ᬕᬸᬫᬶᬦᬾᬲᬯᬢ᭄᭞ᬤᬶᬧᬜ᭄ᬘᬮᬫ᭄ᬯᬂᬤᬶᬘᬾᬤ᭄ᬥᬶ᭞ᬧᬭ᭠ᬳᬕᬸᬂᬲᬯᬯᭂᬗ᭄ᬓᭀᬦ᭄‌ᬩ᭄ᬭᬢ᭄ᬣᬯᬃᬱ᭟ᬲᬂᬦᬭᬲᭀᬫᬫᬦᬶᬫ᭄ᬩᬮ᭄᭞ᬲᬶᬗ᭄ᬕᬶᬄᬭᬢᬸᬩᬧᬳ ᬚᬶ᭞ᬲ᭄ᬯᬾᬘᬦ᭄ᬩᬧᬵᬦᬾᬭᬶᬂᬢᬶᬢ᭄ᬬᬂ᭞ᬲᬸᬳᬸᬦ᭄ᬢᭂᬕᭂᬦ᭄ᬢᬶᬢ᭄ᬬᬂᬲᬫᬶ᭞ᬢᬦ᭄ᬯᬾᬦ᭄ᬢᭂᬦ᭄‌ᬕᭂᬦᬳᬫᬮᬶᬄ᭞ᬩᭂᬓ᭄ᬭᬶᬂᬤᬾᬯᬾᬓ᭄ᬢᬶᬢ᭄ᬬᬂᬭᬢᬸ᭞ᬳᬸᬢᬗᬾᬭᬶᬂᬓᬯᬶᬢᬦ᭄᭞ᬓᬤᬶᬢᬓᬰᬧᬺᬯᬶᬯᬶ᭞᭠ ᬯᬦ᭄ᬢᬄᬧᬢᬹᬢ᭄᭞ᬚᬕᬦᬯᬹᬃᬓᬧ᭄ᬬᬸᬢᬗᬦ᭄᭟ᬓᬤᬶᬭᬱᬕᭂᬲᭂᬂᬢᬶᬢ᭄ᬬᬂ᭞ᬭᬶᬂᬢ᭄ᬮᬧ᭠ᬓᬦ᭄ᬮᬶᬫᬓᬮᬶᬄ᭞ᬢᬦ᭄ᬲᬶᬤ᭄ᬥᬢᬸᬲ᭄ᬢᬲ᭄ᬫᬳᬸᬢᬂ᭞ᬳᬸᬢᬗᬾᬭᬶᬂᬩᬧᬩᬶᬩᬶ᭞ᬢᭂᬧᭂᬗᬦᬾᬓᬤᬶᬫ᭠ [ ᭘ 8A] ᬗ᭄ᬓᬶᬦ᭄᭞ᬤᬸᬭᬸᬂᬗᬶᬭᬶᬂᬢᬶᬢ᭄ᬬᬂᬭᬢᬸ᭞ᬧᬘᬂᬫᬕᬺᬳᬱ᭄ᬝ᭞ᬭᬾᬄᬓᬦ᭄ᬢᬸᬦ᭄ᬫᬫᬦᬄᬳᬮᬶᬢ᭄᭞ᬳᬮᬶᬢ᭄ᬢᬸᬯᬸᬄ᭞ᬳᬮᬶᬢ᭄ᬤᬾᬯᬾᬓ᭄ᬳᬮᬶᬢ᭄ᬫᬦᬄ᭟ᬚᬩᬧᬧᬥᭂᬫ᭄‌ᬮᬸᬗ᭄ᬲᬹᬃᬢᬶᬢ᭄ᬬᬂ᭞ᬲᬭ ᬮᬾᬤᬂᬫᬫᬶᬂᬲᬶᬲᬶᬧ᭄᭞ᬧᬗ᭄ᬓ᭄ᬭᬾᬂᬢᬶᬢ᭄ᬬᬂᬭᬶᬂᬕᭂᬤᭀᬕᬦ᭄᭞ᬚᬕᬦᬾᬭᬳᬶᬦᬵᬯ᭄ᬗᬶ᭞ᬚᬳᬸᬫᬶᬦ᭄ᬓᬦ᭄ᬤᬶᬓ᭄ᬧᬸᬦ᭄ᬢᬸᬮᬶᬦ᭄᭞ᬤ᭄ᬬᬵᬲ᭄ᬢᬸᬦ᭄ᬫᬓᬧᬸᬢ᭄ᬩᬮᬢᬸᬂ᭞ᬕᬸᬫᬦ᭄ᬢᬶᬢᬦ᭄ᬧᬸᬭᬸᬦ᭄ᬧᬶᬯᬮ᭄᭞ᬓᬾ ᬯᬦ᭄ᬢᭂᬦ᭄ᬓᬦ᭄ᬢᬸᬦ᭄ᬫᬳᬸᬭᬶᬧ᭄᭞ᬦᬾᬦ᭄ᬢᭂᬦ᭄ᬧᬸᬭᬸᬦ᭄᭞ᬧᬘᬂᬯᬮ᭄ᬲᬧᬦᬶᬢᬄ᭟ᬰ᭄ᬭᬷᬫᬤ᭄ᬭᬓᬵᬕᭂᬮᬶᬲ᭄ᬦᬶᬫ᭄ᬩᬮ᭄᭞ᬗᬦ᭄ᬤᬶᬓᬵᬫᭂᬥᬸᬫᬫᬦᬶᬲ᭄᭞ᬳᬸᬥᬸᬄᬤᬾᬯᬧ᭄ᬬᬦᬓ᭄ᬩᬵᬧ᭞ᬗᬸᬤᬓᬾ ᬢᬵᬩᬳᬦ᭄ᬘᭂᬦᬶᬂ᭞ᬩᬲ᭄ᬮᬶᬬᬸᬳᬩᭂᬢ᭄ᬫᬢᬗ᭄ᬓᬶᬲ᭄᭞ᬢᭀᬤᬶᬚᬫᬗᬮᬶᬄᬢᬸᬦ᭄ᬤᬸᬓ᭄᭞ᬬᬾᬦᬶᬂᬘᭂᬦᬶᬂᬧᬘᬂᬢᬸᬮᬓ᭄᭞ᬢ᭄ᬓᬾᬦᬶᬂᬧᬗᬶᬤᬶᬄᬳᬚᬶ᭞ᬳ᭄ᬜᬾᬦ᭄ᬧᬢᬸᬢ᭄᭞ᬦᬾᬧᬘᬂᬳᬕᭂᬦᬂᬩᬵ

Auto-transliteration

[ 7 7B] 7 sanunhidup, ddamĕdmlajahanghawak. janihuntĕngknĕḥbapa, ngalihanghidewwarabi, kenebapasubatuwwa, kmahicningnilikin, dijahadarājamutri, hi dewwamijihinmalu, yadin'guminesawat, dipañcalamwangdiceddhi, para‐hagungsawawĕngkonbratthawar̀ṣa. sangnarasomamanimbal, singgiḥratubapaha ji, swecanbapāneringtityang, suhuntĕgĕntityangsami, tanwentĕn'gĕnahamaliḥ, bĕkringdewektityangratu, hutangeringkawitan, kaditakaśapr̥ĕwiwi, ‐ wantaḥpatūt, jaganawūr̀kapyutangan. kadiraṣagĕsĕngtityang, ringtlapa‐kanlimakaliḥ, tansiddhatustasmahutang, hutangeringbapabibi, tĕpĕnganekadima‐ [ 8 8A] ngkin, durungngiringtityangratu, pacangmagr̥ĕhaṣṭa, reḥkantunmamanaḥhalit, halittuwuḥ, halitdewek'halitmanaḥ. jabapapadhĕmlungsūr̀tityang, sara ledangmamingsisip, pangkrengtityangringgĕdogan, jaganerahināwngi, jahuminkandikpuntulin, dyāstunmakaputbalatung, gumantitanpurunpiwal, ke wantĕnkantunmahurip, nentĕnpurun, pacangwalsapanitaḥ. śrīmadrakāgĕlisnimbal, ngandikāmĕdhumamanis, hudhuḥdewapyanakbāpa, ngudake tābahancĕning, basliyuhabĕtmatangkis, todijamangaliḥtunduk, yeningcĕningpacangtulak, tkeningpangidiḥhaji, hñenpatut, nepacanghagĕnangbā

Leaf 8

Image on Archive.org

[ ᭘ 8B] ᭘᭞ ᬧ᭟ᬳᬶᬤᬾᬯ᭄ᬯᬘᬕ᭄ᬭᬂᬢᬵᬧ᭞ᬧᬘᬂᬫᬜᬸᬫᭂᬦ᭄ᬤᬶᬤᬶᬦᬶ᭞ᬫᬘᭂᬓᬶᬦ᭄ᬕᬸᬫᬶᬫᬤ᭄ᬭᬓ᭞ᬭᬄᬓ᭄ᬮᬶᬮᬶᬭᬦ᭄ᬳᬸᬮᬶᬗᬹᬦᬶ᭞ᬜᬾᬦ᭄ᬢᭀᬤᬾᬯ᭄ᬯᬳᬤᬩᬸᬯᬶᬦ᭄᭞ᬢ᭄ᬯᬄᬫᬵᬲ᭄ᬩᬵᬧᬳᬳᬸᬓᬸᬤ᭄᭞ᬧ ᬢᬸᬢ᭄ᬢᭀᬗᭀᬲ᭄ᬫᬗᬦ᭄ᬢᬸᬗᬂ᭞ᬉᬭᬶᬧ᭄ᬩᬧᬦᬾᬢᭀᬘ᭄ᬦᬶᬂ᭞ᬤᬫᬦᬸᬳᬸᬓ᭄᭞ᬩᬲ᭄ᬗᬸᬮᬸᬭᬶ᭠ᬦ᭄‌ᬤ᭄ᬫᭂᬦ᭄ᬳᬯᬓ᭄᭟ᬲᬂᬦᬭᬲᭀᬫᬫᬦᬶᬫ᭄ᬩᬮ᭄᭞ᬲᬶᬗ᭄ᬕᬶᬄᬭᬢᬸᬩᬵᬧᬳᬚᬶ᭞ᬳᬶᬤᬾᬦ᭄ᬢᬶᬢ᭄ᬬᬂ ᬦᬸᬦᬲ᭄ᬮᬸᬕ᭄ᬭ᭞ᬧᬘᬂᬓᬚᬩᬵᬦᬾᬫᬗ᭄ᬓᬶᬦ᭄᭞ᬫᬦᬯᬶᬲᬶᬤ᭄ᬥᬓᬧᬗ᭄ᬕᬶᬄ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂ᭠ᬧᬘᬂᬗᭂᬢᬸᬢ᭄᭞ᬗᬸᬩᭂᬃᬳᬶᬢᬗ᭄ᬕᬸᬦ᭄ᬫᬦᬄ᭞ᬤᬸᬫᬤᬓ᭄ᬳᬶᬘᬳ᭄ᬬᬂᬓᬯᬶ᭞ᬲᬶᬤᬫᬗ᭄ᬕᬸᬄ᭞ᬫᬗ᭄ᬕᬸᬳᬂᬤᬕᬶᬂ ᬯᬘᬡ᭟ᬰ᭄ᬭᬷᬫᬤ᭄ᬬᬳᬶᬘ᭄ᬙᬵᬮᬸᬕ᭄ᬭᬳ᭞ᬲᬂᬦᬵᬶᬸᬭᬵᬚᬧᬸᬢ᭄ᬭᬫᬧᬫᬶᬢ᭄᭞ᬗᭀᬚᭀᬕ᭄ᬩᬮᬾᬧᬢᬦ᭄ᬤᬓᬦ᭄᭞ᬳᬶᬭᬶᬓᬵᬳᬶᬤᬫᬮᬶᬗ᭄ᬕᬶᬄ᭞ᬲᬗᭀᬲᬗᭀᬗ᭄ᬮᬶᬮᬯᬶᬗ᭄ᬳᬶᬢ᭄᭞ᬓ [ ᭙ 9A] ᬬᬦᬾᬦ᭄ᬭᬯᬦ᭄ᬭᬸᬯᬸᬂ᭞ᬦᬸᬗ᭄ᬕ᭄ᬯᬦ᭄ᬓᬩ᭄ᬬᬧᬭᬦ᭄᭞ᬳᬾᬮᬶᬂᬭᬶᬂᬧᬗᬃᬫᬦ᭄ᬳᬚᬶ᭞ᬭᬭᬶᬲ᭄ᬫᬦ᭄ᬢᬸᬓ᭄‌᭞ᬓᬧᬫᬺᬫᬦ᭄‌ᬗᬸᬦᭂᬩ᭄ᬤ᭄ᬯᬵᬭ᭞ᬢᬗ᭄ᬓᬶᬮᬦᬾᬫᬮᬸᬯᬭᬦ᭄᭞ᬲᬂᬦᬵᬣᬩᬸᬤᬮ᭄ᬓᬧᬸᬭᬶ᭞ᬧᬺᬯᬵ ᬦ᭄ᬢ᭄ᬭᬶᬫᬶᬯᬄᬧ᭄ᬭᬫᬾᬦᬓ᭄᭞ᬯᬺᬫᬜ᭄ᬘᬳᬶᬜᬧᬧᬢᬶᬄ᭞ᬧ᭄ᬭᬡ᭄ᬤᬫᬶᬯᬄᬧ᭄ᬭᬫᬶᬰ᭄ᬯᬭᬶ᭞ᬲᬫᬶᬲᬵᬫ᭄ᬧᬸᬦ᭄ᬢᬸᬢ᭄ᬲᬤᬸᬮᬸᬃ᭞ᬫᬜᬸᬚᬸᬃᬧᬦᬸᬯᬦ᭄‌ᬲᭀᬯᬂ᭞ᬢᬦ᭄ᬳᬸᬘᬧᭂᬦ᭄ᬲᬵᬫ᭄ᬧᬸᬦ᭄ᬯᭂᬗᬶ᭞ᬢᭂᬗᬄ᭠ ᬤᬮᬸ᭞ᬲᬂᬭᬵᬚᬧᬸᬢ᭄ᬭᬳᬸᬘᬧᬂ᭟ᬳᭂᬫ᭄ᬧᭂᬢ᭄ᬲᭂᬓ᭄ᬱᭂᬓᬶᬂᬯᬺᬤ᭄ᬥᬬᬂ᭞ᬮᬶᬦ᭄ᬢᬂᬫᬶᬯᬄᬫᬫᬶ᭠ᬦᭂᬳᬶᬦ᭄᭞ᬯᬦ᭄ᬬᬦ᭄ᬳᬶᬤᬰ᭄ᬭᬶᬦᬭᬾᬦ᭄ᬤ᭄ᬭᬵ᭞ᬧᬘᬂᬜᭂᬩᬶᬢ᭄ᬦᬾᬓᬓᬮᬶᬄ᭞ᬕ᭄ᬭᬳᬱ᭄ᬝᬫ᭄ᬯᬂᬩ᭄ᬭᬳ᭄ᬫᬵ᭠ ᬘᬭᬶ᭞ᬗᬯᬦᬂᬓᬬᬸᬦᬾᬗᬸᬳᬸᬢ᭄᭞ᬓᭀᬲᭂᬓ᭄ᬢᬦ᭄ᬲᬶᬤ᭄ᬥᬲᬄᬲᬳᬂ᭞ᬭᬾᬄᬫᬸᬮᬵ᭠ᬲᬸᬚᬢᬶᬲᬸᬮᬶᬢ᭄᭞ᬬᬦ᭄ᬓᬮᬶᬧᬸᬢ᭄᭞ᬩᬳᬦ᭄ᬳᬶᬩᬸᬤ᭄ᬥᬶᬢᬺᬱ᭄ᬡᬵ᭟ᬤᬤᭀᬲ᭄ᬧᬸᬧᬸᬢ᭄ᬧᬓᬬᬸ

Auto-transliteration

[ 8 8B] 8 pa. hidewwacagrangtāpa, pacangmañumĕndidini, macĕkin'gumimadraka, raḥkliliranhulingūni, ñentodewwahadabuwin, twaḥmāsbāpahahukud, pa tuttongosmangantungang, uripbapanetocning, damanuhuk, basnguluri‐ndmĕnhawak. sangnarasomamanimbal, singgiḥratubāpahaji, hidentityang nunaslugra, pacangkajabānemangkin, manawisiddhakapanggiḥ, hantuktityang‐pacangngĕtut, ngubĕr̀hitanggunmanaḥ, dumadak'hicahyangkawi, sidamangguḥ, mangguhangdaging wacaṇa. śrīmadyahicchālugraha, sangnā̶rājaputramapamit, ngojogbalepatandakan, hirikāhidamalinggiḥ, sangosangonglilawinghit, ka [ 9 9A] yanenrawanruwung, nunggwankabyaparan, helingringpangar̀manhaji, rarismantuk, kapamr̥ĕmanngunĕbdwāra, tangkilanemaluwaran, sangnāthabudalkapuri, pr̥ĕwā ntrimiwaḥpramenak, wr̥ĕmañcahiñapapatiḥ, praṇdamiwaḥpramiśwari, samisāmpuntutsadulur̀, mañujur̀panuwansowang, tanhucapĕnsāmpunwĕngi, tĕngaḥ‐ dalu, sangrājaputrahucapang. hĕmpĕtsĕksyĕkingwr̥ĕddhayang, lintangmiwaḥmami‐nĕhin, wanyanhidaśrinarendrā, pacangñĕbitnekakaliḥ, grahaṣṭamwangbrahmā‐ cari, ngawanangkayunenguhut, kosĕktansiddhasaḥsahang, reḥmulā‐sujatisulit, yankaliput, bahanhibuddhitr̥ĕṣṇā. dadospuputpakayu

Leaf 9

Image on Archive.org

[ ᭙ 9B] ᭙᭞ ᬦᬦ᭄᭞ᬢᬸᬦ᭄ᬲᬶᬤ᭄ᬥᬓᬳᬦ᭄ᬤᭂᬕ᭄ᬫᬮᬶᬄ᭞ᬧᬘᬂᬫᬦᬶᬗ᭄ᬕᬮ᭄ᬦᬵᬕᬭ᭞ᬬᬤ᭄ᬬᬦ᭄ᬫᬗ᭄ᬮᭀᬗᬶᬦ᭄ᬲᬪᬓ᭄ᬢᬶ᭞ᬫᬭᬶᬂᬳᬶᬤᬲᬂᬫᬗᬃᬤ᭄ᬥᬶ᭞ᬢᬦ᭄ᬫᬗᬶᬢᬸᬂᬳᬶᬯᬂᬧᬢᬸᬢ᭄᭞ᬫᬗ᭄ᬭᬭᬶᬲ᭄ᬳᬶᬤᬓᬚᬩ᭞ᬫᬜᬶᬮᬶᬩ᭄ᬢ᭠ ᬦ᭄ᬯᬾᬦ᭄ᬢᭂᬦ᭄ᬗᬶᬭᬶᬂ᭞ᬓᬤᬶᬢᬸᬤᬸᬄᬧᬓ᭄ᬫᬶᬢᬾᬓᬍᬍᬧᬦ᭄᭟ᬫᬫᬃᬕ᭄ᬕᬶᬢᬦ᭄ᬧᬳᬶᬭᬶᬗᬦ᭄᭞ᬮᬸᬤᬶᬦ᭄ᬧᭂᬢᭂᬂᬢᬦ᭄ᬧᬲᬸᬦ᭄ᬤᬶᬄ᭞ᬳᬸᬚᬦ᭄ᬗᬭᬶᬩᬶᬲ᭄ᬦᬤᬓᬂ᭞ᬢᬢᬶᬢᬾᬫᬲᬼᬤᬾᬢ᭄ᬢᬶᬢᬶᬃ᭞ᬫᬶᬭᬶᬩ᭄᭠ ᬬᬫᬗᬸᬦ᭄ᬤᬶᬳᬶᬦ᭄᭞ᬳᬶᬤᬲᬂᬮᬸᬗ᭄ᬳᬫᬜᬸᬲᬸᬧ᭄᭞ᬕ᭄ᬋᬳᬾᬫᬫᬸᬜᬶᬲᬯᬢ᭄᭞ᬩᬋᬂᬗᬯᬭᬗᬶᬦ᭄‌ᬲ᭄ᬤᬶᬄ᭞ᬢᬦ᭄ᬓᬯᬸᬯᬸᬲ᭄ᬧᬫᬵᬃᬕ᭄ᬕᬶᬦᬾᬲᬵᬫ᭄ᬧᬸᬦ᭄ᬲᬯᬢ᭄᭟ᬗ᭄ᬮᬶᬦ᭄ᬢᬂᬧᬜᭂᬩᭂᬄᬦᬵ ᬕᬭ᭞ᬲᬕᬾᬢᬵᬓᭂᬤᬶᬲᬾᬫᬫᬸᬜᬶ᭞ᬫᬸᬜᬶᬳ᭄ᬦᬬᬂᬢᬢᬲ᭄ᬢᬦᬄ᭞ᬳᬶᬓᬾᬓᬾᬃᬭᬭᬶᬲ᭄ᬦᬫ᭄ᬩᬸᬗᬶᬦ᭄᭞ᬫᬶᬦᬩ᭄ᬳᬶᬧᬸᬦ᭄ᬫᬗᬢᬸᬭᬶᬦ᭄᭞ᬳᬶᬤᬲᬂᬮᬸᬗ᭄ᬳᬵᬫᬜᬸᬦᬸᬢ᭄᭞ᬫᬦᬸᬦᬲ᭄ᬗ᭄ᬤᬫ᭄ᬭᬃᬬ᭄ᬬ [ ᭑᭐ 10A] ᬦ᭄᭞ᬭᬾᬄᬲᬵᬫ᭄ᬧᬸᬦᬼᬲᬸᬫᬫᬵᬃᬕ᭄ᬕᬶ᭞ᬤᬸᬭᬸᬲ᭄ᬭᬢᬸ᭞ᬳᬶᬭᬶᬓᬶᬚᬫᬲᬦ᭄ᬤᭂᬓᬦ᭄᭟ᬬᬦ᭄ᬭᬢᬸᬓᬬᬸᬦ᭄ᬫᬲᬶᬭᬫ᭄᭞ᬦᬶᬓᬶᬯᬾᬦ᭄ᬢᭂᬦ᭄ᬢᭀᬬᬳ᭄ᬦᬶᬂ᭞ᬕᭂᬦᬄᬜᬦᬾᬫᬩᬸᬮᬓᬦ᭄᭞ᬢᬭᬸᬘᬦ᭄ᬤᬦ ᬫᬜᬦ᭄ᬤᬶᬂ᭞ᬯᬶᬢ᭄ᬲᭂᬓᬃᬫᬶᬳᬶᬓ᭄ᬫᬶᬳᬶᬓ᭄᭞ᬭᬶᬂᬲᬵᬫ᭄ᬧᬶᬂᬳᬶᬧᬸᬦ᭄ᬯᬶᬢ᭄ᬧᬦ᭄ᬢᬸᬦ᭄᭞ᬫᬮᬶᬄᬩᬢᬸᬧᬸᬢᬶᬄᬤᬫ᭄ᬧᬃ᭞ᬕ᭄ᬦᬄᬳᬶᬭᬢᬸᬫᬮᬶᬗ᭄ᬕᬶᬄ᭞ᬢᬭᬸᬳᭂᬢᬸᬄ᭞ᬕᭂᬦᬄᬫᬜᬗ᭄ᬲᬂᬪᬸᬱᬡ᭞ᬧᬓ᭄ᬱᬶᬳᭂ ᬧᬶᬗᬾᬳᬶᬭᬶᬓᬵ᭞ᬚᬗᬶᬄᬲ᭄ᬯᬦᬾᬫᬓᬼᬜ᭄ᬘᬶᬂ᭞ᬳᬗ᭄ᬕᬾᬦ᭄ᬭᬢᬸᬗᬮᬶᬮᬬᬬᬂ᭞ᬧᬓᬬᬸᬦ᭄ᬤᬸᬯᬾᬦᬾᬯᬶᬗ᭄ᬳᬶᬢ᭄᭞ᬦᬯᬶᬲᬶᬤ᭄ᬥᬲᬧᬸᬄᬲᬫᬶ᭞ᬲᬮᬸᬯᬶᬃᬋᬕᭂᬤᬾᬍᬩᬹᬃ᭞ᬭᬶᬂᬚ᭄ᬭᭀᬫᬶᬯᬄᬭᬶᬂᬚ ᬩ᭞ᬭᬾᬄᬢᭀᬬᬓᬮᬶᬦ᭄ᬢᬂᬍᬯᬶᬄ᭞ᬤ᭄ᬯᬦᬶᬂᬧᬶᬢᬸ᭞ᬧᬘᬫ᭄ᬧᬸᬄᬢᭀᬬᬳᬦᬓᬦᬲᬂᬓᬳᬦ᭄ᬤᭂᬕ᭄ᬫᬚᬤᭂᬗᬦ᭄᭞ᬗᬭᬭᬶᬲ᭄ᬢᭂᬤᬸᬦᬦ᭄ᬓᬗᬶᬦ᭄᭞ᬫᬃᬕ᭄ᬕᬶᬭᬸᬗ᭄ᬓᬳᭂᬩᭂᬢ᭄ᬧᬶᬲᬦ᭄᭞

Auto-transliteration

[ 9 9B] 9 nan, tunsiddhakahandĕgmaliḥ, pacangmaninggalnāgara, yadyanmanglonginsabhakti, maringhidasangmangar̀ddhi, tanmangitunghiwangpatut, mangrarishidakajaba, mañilibta‐ nwentĕnngiring, kadituduḥpakmitekal̥ĕl̥ĕpan. mamar̀ggitanpahiringan, ludinpĕtĕngtanpasundiḥ, hujanngaribisnadakang, tatitemasl̥ĕdettitir̀, mirib‐ yamangundihin, hidasanglunghamañusup, gr̥ĕhemamuñisawat, bar̥ĕngngawaranginsdiḥ, tankawuwuspamār̀gginesāmpunsawat. nglintangpañĕbĕḥnā gara, sagetākĕdisemamuñi, muñihnayangtatastanaḥ, hikeker̀rarisnambungin, minab'hipunmangaturin, hidasanglunghāmañunut, manunasngdamrar̀yya [ 10 10A] n, reḥsāmpunl̥ĕsumamār̀ggi, durusratu, hirikijamasandĕkan. yanratukayunmasiram, nikiwentĕntoyahning, gĕnaḥñanemabulakan, tarucandana mañanding, witsĕkar̀mihikmihik, ringsāmpinghipunwitpantun, maliḥbatuputiḥdampar̀, gnaḥhiratumalinggiḥ, taruhĕtuḥ, gĕnaḥmañangsangbhuṣaṇa, paksyihĕ pingehirikā, jangiḥswanemakl̥ĕñcing, hanggenratungalilayayang, pakayunduwenewinghit, nawisiddhasapuḥsami, saluwir̀r̥ĕgĕdel̥ĕbūr̀, ringjromiwaḥringja ba, reḥtoyakalintangl̥ĕwiḥ, dwaningpitu, pacampuḥtoyahanakanasangkahandĕgmajadĕngan, ngararistĕdunankangin, mar̀ggirungkahĕbĕtpisan,

Leaf 10

Image on Archive.org

[ ᭑᭐ 10B] ᭑᭐᭞ ᬮᬸᬤᬶᬜ᭄ᬘᬸᬧᭂᬓ᭄ᬫᬮᬶᬄᬩᭂᬮᬶᬕ᭄᭞ᬳᬯᬦᬦ᭄ᬲᬂᬫᬫᬃᬕ᭄ᬕᬶ᭞ᬩᭀᬬᬤᬤᭀᬲ᭄ᬧᬘᬂᬲᬶ᭠ᬲᬸ᭞ᬧ᭄ᬭᬩᭀᬢᬾᬯᬸᬫᬸᬦ᭄ᬢ᭄ᬭᬕ᭄ᬬᬬᬂ᭞ᬭᬾᬄᬗᭂᬦ᭄ᬢᬲᬶᬦ᭄ᬫᬃᬕ᭄ᬕᬶᬲ᭄ᬭᬶᬧᬶᬢ᭄᭞ᬬᬦᬶᬂᬲᬶᬲᬸ᭞ᬤᭀ᭠ ᬬᬸᬦ᭄ᬲᭂᬗ᭄ᬓᬮᬧᬸᬗ᭄ᬓᬸᬭᬦ᭄᭚᭜᭚ᬧᬗ᭄ᬓᬸᬃ᭚ᬢᬦ᭄ᬘᬭᬶᬢ᭄ᬣᬯᬸᬲ᭄ᬫᬲᬶᬭᬫ᭄᭞ᬲᬵᬫ᭄ᬧᬸᬦ᭄ᬕᬮᬂᬲᬹᬃᬬ᭄ᬬᬦᬾᬤᬯᬸᬄᬓᬮᬶᬄ᭞ᬗᬭᬲ᭄ᬫᬮᬶᬄᬮᬸᬫᬓᬸ᭞ᬍᬲᬸᬦᬾᬓᬤᬶ᭠ ᬲᬧᬸᬢᬂ᭞ᬫᬓᬵᬯᬦᬦ᭄ᬧᬫᬃᬕ᭄ᬕᬶᬦᬾ ᬫᬓᬮᬸᬭᬸᬂ᭞ᬚ᭄ᬭᬶᬄᬧᬘᬂᬓᬢᬺᬕ᭄ᬢᭂᬕᬦ᭄᭞ᬭᬶᬂᬳᬶᬤᬲᬂᬦᬭᬧᬢᬶ᭟ᬢᬦ᭄ᬘᬭᬶᬢ᭄ᬣᬫᬭᬾᬂᬳᬯᬦ᭄᭞ᬦᬸᬳᬸᬢ᭄ᬳᬮᬲ᭄‌ᬳᭂᬩᭂᬢ᭄ᬫᬤᬹᬃᬕ᭄ᬕᬫᬭᬸᬲᬶᬢ᭄ ᭞ᬕᬸᬦᬸᬂᬭᬾᬚᬾᬂᬲᬶᬮᬓ᭄ᬱᬶᬮᬸᬓ᭄᭞ᬧᬗ᭄ᬓᬸᬂᬢᬸᬓᬤ᭄ᬓᭂᬦ᭄ᬢᬲᬦ᭄᭞ᬢᬦ᭄ᬓᬲᬶᬗᬸᬤᬹᬃᬕ᭄ᬕᬫ᭄ᬫᬦᬶᬂᬳᬮᬸᬲ᭄ᬲᭂᬫ᭄ᬧᭂᬢ᭄᭞ᬲᬕᬾᬢ᭄ᬲᬵᬫ᭄ᬧᬸᬦ᭄ᬧᬕᬦ᭄ᬢᭀᬲᬦ᭄᭞ᬲᬹᬃᬬ᭄ᬬᬦᬾᬲᬾᬂᬓᬳᬸᬄᬲᬶ [ ᭑᭑ 11A] ᬗᬶᬤ᭄᭟ᬫ᭄ᬭᬲᬭᬶᬂᬭᬵᬕᬓᬍᬲ᭄ᬯᬦ᭄᭞ᬭᬭᬶᬲ᭄ᬳᬶᬤᬫᬲᬶᬦ᭄ᬤᬸᬓᬦ᭄ᬫᬗᭂᬢᬶᬲ᭄᭞ᬭᬶᬂᬩᭀᬗ᭄ᬓᭀᬮ᭄ᬳᭂᬧᭀᬢᬾᬤᬬᬸᬄ᭞ᬦᬾᬦ᭄ᬤᭂᬂᬫᬯᭀᬄᬲᬫᬄ᭞ᬫᬲᬸᬫᬾᬦ᭄ᬤᬾᬄ᭞ᬲᬵᬃᬯ᭄ᬯᬶᬳᬶᬤ ᬫᭂᬘᬶᬓ᭄ᬲᬸᬓᬸ᭞ᬭᬾᬄᬢᭂᬫ᭄ᬩᬾᬫᬫᬃᬕ᭄ᬕᬶᬲᬯᬢ᭄᭞ᬗᬯᬦᬂᬕᭂᬫ᭄ᬧᭀᬃᬢᬦ᭄ᬲᬶᬧᬶ᭟ᬓᬬᬸᬦᬾᬫᬦ᭄ᬤ᭄ᬯᬧᬭᬵ᭞ᬧᬧᬶᬦᭂᬳᬾᬳᬲᬶᬕᬃᬧᬘᬂᬫ᭄ᬯᬮᬶ᭞ᬳᬲᬶᬕᬃᬧᬘᬂᬓᬕᬸᬦᬸᬂ᭞ᬓᬬᬸᬦ᭄ ᬫ᭄ᬮᬚᬳᬂᬭᬕ᭞ᬲᬕᬾᬢ᭄ᬳᬸᬮᬸᬂᬩᬸᬯᬄᬳᭂᬧᭀᬳᬾᬳᬩᬸᬗ᭄ᬓᬸᬮ᭄᭞ᬩᬳᬸᬫᬭᬗᬸ᭠ᬫᭂᬦ᭄ᬤᬲᬂ᭞ᬤ᭄ᬬᬵᬚᭂᬂᬳᬶᬤᬦᬾᬗᬮᬶᬮᬶᬓ᭄᭟ᬫᬳᬶᬭᬶᬩ᭄ᬳᬶᬳᭂᬧᭀᬄᬦᬯᬂᬢ᭄ᬓᬾᬦ᭄ᬳᬶᬤᬍ ᬧᬸᬘᬯᬢ᭄ᬫᬫᬃᬕ᭄ᬕᬶ᭞ᬫᭂᬦᬾᬓ᭄ᬕᬸᬦᬸᬂᬢᬸᬳᬸᬦ᭄ᬧᬗ᭄ᬓᬸᬂ᭞ᬫᬵᬯᬦᬦ᭄‌ᬬᬗᬾᬗ᭄ᬕᬮᬂ᭞ᬯᬗᬢᬸᬭᬂᬳᬯᬓ᭄ᬫᬗ᭄ᬤᬾᬦᬾᬓᬳᬸᬬᬸᬦ᭄᭞ᬲᬶᬤ᭄ᬥᬢᬗ᭄ᬕᬾᬢᬫ᭄ᬩᬳᬲᬢ᭄᭞ᬲᬂᬦᬭᬲᭀᬫᬫᬗ᭠

Auto-transliteration

[ 10 10B] 10 ludiñcupĕkmaliḥbĕlig, hawanansangmamar̀ggi, boyadadospacangsi‐su, prabotewumuntragyayang, reḥngĕntasinmar̀ggisripit, yaningsisu, do‐ yunsĕngkalapungkuran // • // pangkur̀ // tancaritthawusmasiram, sāmpun'galangsūr̀yyanedawuḥkaliḥ, ngarasmaliḥlumaku, l̥ĕsunekadi‐ saputang, makāwananpamar̀ggine makalurung, jriḥpacangkatr̥ĕgtĕgan, ringhidasangnarapati. tancaritthamarenghawan, nuhut'halashĕbĕtmadūr̀ggamarusit , gunungrejengsilaksyiluk, pangkungtukadkĕntasan, tankasingudūr̀ggammaninghalussĕmpĕt, sagetsāmpunpagantosan, sūr̀yyanesengkahuḥsi [ 11 11A] ngid. mrasaringrāgakal̥ĕswan, rarishidamasindukanmangĕtis, ringbongkolhĕpotedayuḥ, nendĕngmawoḥsamaḥ, masumendeḥ, sār̀wwihida mĕciksuku, reḥtĕmbemamar̀ggisawat, ngawananggĕmpor̀tansipi. kayunemandwaparā, papinĕhehasigar̀pacangmwali, hasigar̀pacangkagunung, kayun mlajahangraga, saget'hulungbuwaḥhĕpohehabungkul, bahumarangu‐mĕndasang, dyājĕnghidanengalilik. mahirib'hihĕpoḥnawangtkenhidal̥ĕ pucawatmamar̀ggi, mĕnekgunungtuhunpangkung, māwananyangenggalang, wangaturanghawakmangdenekahuyun, siddhatanggetambahasat, sangnarasomamanga‐

Leaf 11

Image on Archive.org

[ ᭑᭑ 11B] ᭑᭑᭞ ᬫ᭄ᬩᬶᬮ᭄᭟ᬳᭂᬧᭀᬳᬾᬭᬭᬶᬲ᭄ᬓᬳᬸᬲᬧ᭄᭞ᬢᬹᬃᬓᬵᬬᬸᬦᬂᬭᬱᬦᬾᬜᭂᬜᭂᬃᬫᬦᬶᬲ᭄᭞ᬗᬲᭀᬭᬂᬢᬶᬫᬥᬸᬚᬸᬭᬸᬄ᭞ᬯᬶᬭᬾᬄᬳᬲᬢᬾᬓᬮᬶᬦ᭄ᬢᬂ᭞ᬦᬾᬦᬾᬫᬲᭂᬫ᭄‌ᬤᬤᬶᬬ ᬫᬭᬱᬜᬸᬜᬹᬃ᭞ᬲᬤᬸᬭᬸᬂᬢ᭄ᬮᬲ᭄ᬳᬲᬶᬕᬃ᭞ᬚᬕ᭄ᬳᬸᬮᬸᬂᬫᬮᬶᬄᬳᬲᬶᬓᬶ᭟ᬭᬭᬶᬲ᭄ᬳᬶᬤᬫᬗ᭄ᬮᬶᬲᬂ᭞ᬫᬗᬬᬸᬦᬂᬳᭂᬧᭀᬳᬾᬦᬾᬳᬲᬶᬓᬶ᭞ᬦᬶᬓᬵᬲᬦᬾᬢᬳᬸᬳᬸᬮᬸᬂ᭞ᬓᬳᬫ᭄ᬩᬶᬮ᭄ᬓᬩᭂᬘᬶᬓᬂ᭞ ᬓᬢᬸᬭᬾᬓ᭄ᬱᬢᬦ᭄ᬯᬾᬦ᭄ᬢᭂᬦ᭄ᬫᬢᬫ᭄ᬧᬓ᭄‌ᬩ᭄ᬭᬸᬤ᭄᭞ᬤᬤᭀᬲ᭄ᬫᬭᬱᬓᬾᬫᭂᬗᬦ᭄᭞ᬓᬤᬶᬯᬾᬦ᭄ᬢᭂᬦ᭄ᬫᬗᭂᬦ᭄ᬢᬸᬗᬶᬦ᭄᭟ᬯᬳᬸᬳᬶᬤᬫᬢᭀᬮᬶᬳᬦ᭄᭞ᬲᬕᬾᬢ᭄ᬓᬦ᭄ᬢᭂᬦ᭄ᬳᬦᬓ᭄ᬳᬶᬲ᭄ᬢ᭄ᬭᬶᬮᬸᬯᬶᬄ ᭞ᬫᬳᬶᬮᬶᬤᬦ᭄ᬳᭂᬯᬶᬢ᭄ᬢᬭᬸ᭞ᬢᬦ᭄ᬲᬫᬾᬂᬲᬫᬾᬂᬫᬦᬸᬱ᭞ᬬᬦ᭄ᬧᬃᬡ᭄ᬦᬬᬂᬳ᭄ᬬᬂᬕᬶᬭᬶᬯᬬᬸᬫᬦᬸᬭᬸᬦ᭄᭞ᬦᬸᬭᬸᬦᬶᬦ᭄ᬲᬂᬓᬲᬸᬗ᭄ᬓᬦᬦ᭄᭞ᬲᬸᬗ᭄ᬓᬦ᭄ᬳᬶᬗᬸᬄᬩᬶᬗᬸᬂᬧᬮᬶᬂ᭟ᬭᬭᬶᬲ᭄ᬫᬧᬧᬲ᭄ᬘᬘᬶᬗ [ ᭑᭒ 12A] ᬓ᭄᭞ᬲᬫᬶᬓ᭄ᬦᬶᬧᬦᬄᬳ᭄ᬬᬂᬫᬬᬦᬰᬓ᭄ᬢᬶ᭞ᬦᬾᬫᬰ᭄ᬭᬡᬧᬸᬲᬸᬄᬢᬸᬜ᭄ᬚᬸᬂ᭞ᬗᬯᬦᬂᬩᬸᬤᬸᬄᬳᬸᬬᬂ᭞ᬯᬳᬸᬳᬬᬢ᭄ᬲᬂᬦᬭᬲᭀᬫᬫᬳᬢᬹᬃ᭞ᬦᬓᬾᬦᬶᬦ᭄ᬲᬂᬳᬬᬸᬤ᭄ᬬᬄ᭞ᬲ᭠ ᬕᬾᬢᬦ᭄ᬲᬵᬫ᭄ᬧᬸᬦ᭄ᬢᬦ᭄ᬓᬭᬶ᭟ᬳᬶᬘᬮᬾᬢᬦ᭄ᬧᬚᬸᬫᬕ᭞ᬫᬓᬵᬯᬶᬦᬦ᭄‌ᬳᬶᬤᬳᬾᬫᭂᬂᬭᬶᬂᬋᬤ᭄ᬤᬶ᭞ᬫᬫᬶᬦᭂᬄᬭᬕᬳᬢᬸᬭᬸ᭞ᬲᬓᬤᬶᬜᬸᬫ᭄ᬧᭂᬦᬵ᭞ᬗᬸᬲᬧ᭄ᬤ᭄ᬭᬶᬬ᭞ᬫᬗ᭄ᬓᬶᬦ᭄ᬲᬵ ᬫ᭄ᬧᬸᬦ᭄ᬓᬧᬓᬵᬬᬸᬦ᭄᭞ᬩᭀᬬᬚᬢᬶᬤᬜᬸᬫ᭄ᬧᭂᬦᬵ᭞ᬚᬢᬶᬫᬗ᭄ᬕᬶᬄᬳᬦᬓ᭄ᬳᬶᬲ᭄ᬢ᭄ᬭᬶ᭟ᬤᬤᭀᬲ᭄ᬧᬸᬧᬸᬢ᭄ᬧᬓᬬᬸᬦᬦ᭄᭞ᬧᬘᬂᬗᭂᬢᬸᬢ᭄‌ᬳᬶᬲ᭄ᬢ᭄ᬭᬶᬫᬬᬦᬾᬫᬗ᭄ᬓᬶᬦ᭄᭞ᬲᬮᬫ᭄ᬧᬄᬲ ᬮᬓᬸᬦᬶᬧᬸᬦ᭄᭞ᬳᬯᬦᬦ᭄ᬲᬂᬦᬳᬕᬭᬲᭀᬫ᭞ᬫᬜᭂᬮᬓ᭄ᬱᬓ᭄᭞ᬳᬲᬶᬂᬗᬋᬫ᭄ᬩᬸᬦ᭄ᬲᬮᬸᬓ᭄ᬱᬸᬓ᭄᭞ᬤᬳᬸᬤᬾᬩᬸᬮᬓ᭄ᬩᬮᬶᬓᬂ᭞ᬳᬲᬶᬂᬢᭂᬩᭂᬢ᭄ᬓᬳᬸᬗ᭄ᬓᬩᬶᬦ᭄᭟ᬢᬍᬃᬦᬾᬦ᭄ᬢᭂᬦ᭄ᬓ᭠

Auto-transliteration

[ 11 11B] 11 mbil. hĕpoherariskahusap, tūr̀kāyunangraṣaneñĕñĕr̀manis, ngasorangtimadhujuruḥ, wireḥhasatekalintang, nenemasĕmdadiya maraṣañuñūr̀, sadurungtlashasigar̀, jag'hulungmaliḥhasiki. rarishidamanglisang, mangayunanghĕpohenehasiki, nikāsanetahuhulung, kahambilkabĕcikang, katurekṣatanwentĕnmatampakbrud, dadosmaraṣakemĕngan, kadiwentĕnmangĕntungin. wahuhidamatolihan, sagetkantĕnhanak'histriluwiḥ , mahilidanhĕwittaru, tansamengsamengmanuṣa, yanpar̀ṇnayanghyanggiriwayumanurun, nuruninsangkasungkanan, sungkanhinguḥbingungpaling. rarismapapascacinga [ 12 12A] k, samiknipanaḥhyangmayanaśakti, nemaśraṇapusuḥtuñjung, ngawanangbuduḥhuyang, wahuhayatsangnarasomamahatūr̀, nakeninsanghayudyaḥ, sa‐ getansāmpuntankari. hicaletanpajumaga, makāwinanhidahemĕngringr̥ĕddi, maminĕḥragahaturu, sakadiñumpĕnā, ngusapdriya, mangkinsā mpunkapakāyun, boyajatidañumpĕnā, jatimanggiḥhanak'histri. dadospuputpakayunan, pacangngĕtut'histrimayanemangkin, salampaḥsa lakunipun, hawanansangnahagarasoma, mañĕlakṣak, hasingngar̥ĕmbunsaluksyuk, dahudebulakbalikang, hasingtĕbĕtkahungkabin. tal̥ĕr̀nentĕnka‐

Leaf 12

Image on Archive.org

[ ᭑᭒ 12B] ᭑᭒᭞ ᬧᬗ᭄ᬕᬸᬳᬂ᭞ᬫᬗᬯᬦᬂᬳᬶᬤᬦᬸᬮᬫᬾᬲᭂᬤᬶᬄ᭞ᬤᬸᬄᬤᬾᬯ᭄ᬯᬫᬵᬲ᭄‌ᬭᬵᬢ᭄ᬦᬵᬳᬬᬸ᭞ᬳᬸᬭᬶᬧ᭄ᬢᬶᬢ᭄ᬬᬂᬳᬶᬫᬶᬭᬄ᭞ᬤᬤᭀᬲ᭄ᬳᭂᬮᬲ᭄‌ᬫᬦᬶᬗ᭄ᬕᬮᬶᬦ᭄ᬳᬶᬓᬯ᭄ᬮᬲ᭄ᬳ᭄ᬬᬸᬦ᭄᭞ᬢᬦ᭄ᬫᬤ᭄ᬯᬾᬓ᭠ ᬬᬸᬦ᭄ᬳᭀᬮᬲ᭄᭞ᬮᬲ᭄ᬬᬳᬶᬤᬾᬯ᭄ᬯᬦᬶᬗ᭄ᬕᬮᬶᬦ᭄᭟ᬤᬤᭀᬲ᭄ᬳᬶᬤᬫᬚᬤᭂᬗᬦ᭄᭞ᬳᬸᬲᬦ᭄‌ᬜ᭄ᬮᬓ᭄ᬱᬓ᭄‌ᬭᬾᬄᬲᬵᬫ᭄ᬧᬸᬦ᭄ᬢᬦ᭄ᬯᬾᬦ᭄ᬢᭂᬦ᭄ᬓᬭᬶ᭞ᬓᬧᬃᬡ᭄ᬦᬭᬭᬶᬲ᭄ᬭᬶᬂᬓᬳ᭄ᬬᬸᬦ᭄᭞ᬦᬾᬚᬍ᭠ ᬫᬓᬾᬦ᭄ᬓᬾᬦᬦ᭄᭞ᬧᬤᬶᬤᬶᬬᬦ᭄‌ᬦᭀᬗᭀᬲ᭄ᬤᬶᬳᬮᬲᬾᬲᭂᬫ᭄ᬧᬸᬢ᭄᭞ᬚ᭄ᬜᭂᬯᬧᬦᬓᬦ᭄ᬢᭀᬜ᭞ᬳᬸᬮᬶᬲ᭄ᬩᭂᬂᬫᬶᬭᬶᬩ᭄‌ᬳ᭄ᬚᬶᬫ᭄᭟ᬤᬶᬕᬦ᭄ᬢᬶᬦ᭄ᬳᬯᬓᬾᬲᬤ᭄ᬬ᭞ᬯᬶᬤ᭄ᬬᬤᬭᬶᬳᬸᬮᬶ᭠ ᬰ᭄ᬯᬃᬕ᭄ᬕᬦ᭄ᬦᬸᬭᭀᬦᬶᬦ᭄᭞ᬬᬾᬦᬶᬂᬲᬶᬤ᭄ᬤᬓᬢ᭄ᬭᬸᬭᬸᬄ᭞ᬮᬲ᭄ᬬᬬᬢᬗ᭄ᬕᭀᬦ᭄ᬲᭀᬫᬄᬚᬦᬶᬓᬸᬤ᭄ᬬᬂᬩᬬᬸᬦᬾᬲᬸᬫᬶᬗ᭄ᬳᬶᬦ᭄ᬳᬶᬗᬸᬄ᭞ᬓᬾᬦ᭄ᬓᬾᬦᬂᬩᬳᬦ᭄ᬫᬤᬬ᭞ᬳᬯᬓᬾᬩᬸᬤᬸᬄᬧ᭠ [ ᭑᭓ 13A] ᬤᬶᬤᬶ᭟ᬬᬦ᭄ᬓᬓᬾᬦᬾᬲᬚᬢᬶᬢ᭄ᬬᬂ᭞ᬢ᭄ᬯᬭᬓᭀᬩᭂᬃᬧᬘᬂᬳᬶᬤᬸᬧ᭄ᬳᬯᬳᬶ᭞ᬳᬧᬓᬾᬩ᭄ᬯᬶᬦ᭄ᬳᬢᬳᬸᬦ᭄᭞ᬲᬶᬭᬓᭀᬮᬓᬃᬓᭀᬤᬕ᭄᭞ᬦᬦ᭄ᬤᬂᬭᬶᬫᬂᬩᬲ᭄ᬓᬮ᭄ᬩᬶᬄᬭᬢᬸᬳᬬᬸ᭞ᬗᭂᬮᬧᬶ ᬦ᭄ᬲᬓᬯᬶᬢᬶᬢ᭄ᬬᬂ᭞ᬯᬮᬸᬬᬲᬼᬤᬾᬢᬦ᭄ᬢᬢᬶᬢ᭄᭟ᬇᬭᬶᬓᬵᬲᬂᬦᬭᬲᭀᬫ᭞ᬯᬲᬸᬲᬸ᭠ᬧᬦ᭄‌ᬗᬫᬸᬭᬂᬫᬸᬭᬂᬫᬃᬕ᭄ᬕᬶ᭞ᬲᬫ᭄ᬩᬶᬮᬂᬦᬸᬮᬫᬾᬲᬸᬳᬸᬂ᭞ᬲᬕᬾᬢᬦ᭄‌ᬯᬾᬦ᭄ᬢᭂᬦ᭄ᬧ᭄ᬭᬧ᭄ᬢᬵ᭞ᬳ᭠ ᬦᬓ᭄ᬮᬦᬂᬫᬲᭂᬗ᭄ᬓᬸᬳᬸᬩ᭄ᬲᬢᬶᬄᬍᬩᬸᬂ᭞ᬓᭀᬘᬧ᭄ᬲᬶᬱ᭄ᬬᬦᬶᬂᬧᬰ᭄ᬭᬫᬦ᭄᭞ᬫᬳᬢᬹᬃᬫᬵᬃᬤ᭄ᬤᬯᬫᬦᬶᬲ᭄᭟ᬲᬶᬗ᭄ᬕᬶᬄᬭᬢᬸᬭᬵᬚᬧᬸᬢ᭄ᬭ᭞ᬳᭀᬓᬦ᭄ᬳᬕᬸᬂᬫᬲ᭄ᬤᬺᬓᬵᬭᬳᬶᬕᬸᬲ᭄ᬢᬶ᭞ᬲᬵᬫ᭄ᬧᬸᬦᬂᬲ᭠ ᬮᬶᬢ᭄ᬭᬶᬂᬓᬵᬬᬸᬦ᭄᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬳᬸᬦᬶᬗ᭞ᬲᬫᬃᬕ᭄ᬕᬦ᭄ᬳᬶᬭᬢᬸᬭᬯᬸᬄᬓᬕᬸᬦᬸᬂ᭞ᬮᬲ᭄ᬬᬫᬦᬶᬗ᭄ᬕᬮ᭄ᬦᬵᬕᬭ᭞ᬤᬸᬭᬸᬲ᭄ᬳᬶᬭᬢᬸᬫᬫᬵᬃᬕ᭄ᬕᬶ᭟ᬦᬶᬓᬶᬯᬃᬕ᭄ᬕᬶᬦᬾᬗᬮᬾᬭᬂ᭞ᬤᬸᬭᬸᬲ᭄ᬢᬸᬳᬸᬢ᭄

Auto-transliteration

[ 12 12B] 12 pangguhang, mangawananghidanulamesĕdiḥ, duḥdewwamāsrātnāhayu, huriptityanghimiraḥ, dadoshĕlasmaninggalinhikawlashyun, tanmadweka‐ yunholas, lasyahidewwaninggalin. dadoshidamajadĕngan, husanñlakṣakreḥsāmpuntanwentĕnkari, kapar̀ṇnararisringkahyun, nejal̥ĕ‐ makenkenan, padidiyannongosdihalasesĕmput, jñĕwapanakantoña, hulisbĕngmirib'hjim. digantinhawakesadya, widyadarihuli‐ śwar̀ggannuronin, yeningsiddakatruruḥ, lasyayatanggonsomaḥjanikudyangbayunesuminghinhinguḥ, kenkenangbahanmadaya, hawakebuduḥpa‐ [ 13 13A] didi. yankakenesajatityang, twarakobĕr̀pacanghidup'hawahi, hapakebwinhatahun, sirakolakar̀kodag, nandangrimangbaskalbiḥratuhayu, ngĕlapi nsakawitityang, waluyasl̥ĕdetantatit. irikāsangnarasoma, wasusu‐panngamurangmurangmar̀ggi, sambilangnulamesuhung, sagetanwentĕnpraptā, ha‐ naklanangmasĕngkuhubsatiḥl̥ĕbung, kocapsiṣyaningpaśraman, mahatūr̀mār̀ddawamanis. singgiḥraturājaputra, hokanhagungmasdr̥ĕkārahigusti, sāmpunangsa‐ litringkāyun, tityangsāmpunhuninga, samar̀gganhiraturawuḥkagunung, lasyamaninggalnāgara, durushiratumamār̀ggi. nikiwar̀gginengalerang, durustuhut

Leaf 13

Image on Archive.org

[ ᭑᭓ 13B] ᭑᭓᭞ ᬢᬦᬤᭀᬄᬲᬓᬶᬂᬳᬶᬭᬶᬓᬶ᭞ᬫᬦᬯᬶᬢᬲᬶᬤ᭄ᬤᬧᬗ᭄ᬕᬸᬄ᭞ᬲᬓᬵᬤᬶᬦᬾᬳᬧ᭄ᬢᬶᬬᬂ᭞ᬲᬕᬾᬢ᭄ᬳᬶᬘᬮ᭄‌ᬲᬂᬲ᭄ᬯᬾᬘ᭄ᬙᬵᬗᬶᬘᬾᬦ᭄ᬧᬶᬢᬸᬤᬸᬄ᭞ᬘᬶᬭᬶᬫᬗ᭄ᬕᬸᬄᬓᬲᬸᬩᬕ᭄ᬬᬦ᭄᭞ᬢᬦ᭄ᬥ᭄ᬭᬶᬢ᭄ᬣᬕᭂᬮᬶᬲ᭄ᬫᬫᬵᬃ ᬕ᭄ᬕᬶ᭟ᬭᬵᬃᬬ᭄ᬬᬦᬶᬂᬤᬸᬫᬸᬦ᭄‌ᬜ᭄ᬭᬶᬢ᭄ᬣᬬᬂ᭞ᬭᬶᬂᬕᬮᬲᬾᬓᬫᬤᬺᬓᬵᬭᬤᬾᬫᬗ᭄ᬓᬶᬦ᭄᭞᭠ᬲᬂᬧ᭄ᬭᬪᬸᬓᬮᬶᬦ᭄ᬢᬂᬲᬸᬂᬲᬸᬢ᭄᭞ᬢᬦ᭄ᬓᬾᬦᬓ᭄ᬫᬗ᭄ᬭᬲᬸᬤᬂ᭞ᬧᬭᬳᬶᬜᬧᬗᬬᬳᬾᬲᬫᬶᬲᭂᬦ᭄ᬤᬸ᭞ᬧ᭄ᬭ ᬫᬾᬦᬓ᭄ᬫᬶᬯᬄᬧ᭄ᬭᬫᬜ᭄ᬘ᭞ᬧᬧᬢᬶᬄᬲᬫᬶᬫᬗᬩᬶᬄ᭟ᬳᬶᬤᬧ᭄ᬭᬡ᭄ᬥᬩᬕᬯᬵᬦ᭄ᬢ᭞ᬢ᭠ᬍᬃᬢᬦ᭄ᬲᬄᬭᬶᬂᬮᬶᬗ᭄ᬕᬶᬄᬰ᭄ᬭᬷᬦ᭄ᬤ᭄ᬭᬵᬧᬢᬶ᭞ᬢᬦ᭄ᬫᬭᬶᬳᬶᬤᬗᬮᬶᬧᬹᬃ᭞ᬳᬦ᭄ᬢᬸᬓ᭄ᬓᭂᬘᬧ᭄ᬳᬓ᭄ᬱᬭ᭞ ᬫᬓᬯᬶᬸᬫᬶᬯᬄᬓᬓᬯᬶᬦ᭄ᬫᬸᬯᬂᬫᬓᬶᬤᬸᬂ᭞ᬓᬮᬶᬄᬫᬫᬯᭀᬲ᭄ᬧ᭄ᬭᬯ᭄ᬯ᭞ᬩᬲᬂᬲᬶᬤ᭄ᬥᬫᬗ᭄ᬮᬾᬤᬗᬶᬦ᭄᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬲᬶᬗ᭄ᬕᬶᬄᬧ᭄ᬭᬡ᭄ᬥᬤᬸᬭᬸᬲ᭄ᬦᬾᬫᬗ᭄ᬓᬶᬦ᭄ᬧᬶᬦᭂᬳᬶ [ ᭑᭔ 14A] ᬦ᭄᭞ᬦᬧᬶᬯᬮ᭄ᬢᬶᬢ᭄ᬬᬂᬓᬦ᭄ᬢᬸᬦ᭄᭞ᬗᬶᬚᬵᭂᬂᬭᬶᬂᬫᬥ᭄ᬬᬧᬤ᭄ᬤ᭞ᬭᬾᬄᬳᬶᬘ᭄ᬦᬶᬂᬧᬸᬢᬸ᭠ᬦ᭄ᬧ᭄ᬭᬡ᭄ᬥᬦᬾᬦ᭄ᬢᭂᬦ᭄ᬓᬦ᭄ᬢᬸᬦ᭄᭞ᬲᬶᬭᬯᬦ᭄ᬢᬄᬦᬾᬘᬕ᭄ᬭᬂ᭞ᬜᬸᬫᭂᬦ᭄ᬤᬶᬢᬶᬢ᭄ᬬᬂᬳᬶᬭᬶᬓᬶ᭟ᬳᬶ ᬤᬧ᭄ᬭᬡ᭄ᬤᬫᬕᬯᬵᬦ᭄ᬢ᭞ᬦᬶᬫ᭄ᬩᬮ᭄ᬳᬢᬹᬃᬧ᭄ᬭᬡᬫ᭄ᬬᬩᬦ᭄ᬩᬦ᭄ᬗᬢᬶᬄ᭞ᬲᬶᬗ᭄ᬕᬶᬄᬭᬢᬸᬰ᭄ᬭᬷᬧᬓᬸᬮᬸᬦ᭄᭞ᬳᬫ᭄ᬧᬸᬭᬭᬢᬸᬢᬶᬢ᭄ᬬᬂ᭞ᬓᬤᬸᬓ᭄ᬢᬸᬢ᭄ᬯᬤᬸᬭᬸᬦᬾᬯᬦ᭄ᬢᬄᬓᬤᬸᬭᬸᬲ᭄᭞ᬧᬸᬭᬸᬦ᭄ᬫᬧᬸ ᬗᬸᬲᬫᬢ᭄ᬭ᭞ᬭᬶᬚᭂᬂᬰ᭄ᬭᬷᬦᬭᬧᬢᬶ᭟ᬬᬦ᭄ᬓᬗ᭄ᬓᬢ᭄ᬧᬗ᭄ᬮᬸᬂᬲᬸᬃᬢᬶᬢ᭄ᬬᬂ᭞ᬘᭀᬓᭀᬭᬢᬸᬲᬵᬫ᭄ᬧᬸᬦ᭄ᬮᬲ᭄ᬩᬗᭂᬢ᭄ᬫᬶᬦᭂᬳᬶᬦ᭄᭞ᬧᬸᬢ᭄ᬭᬤᬸᬯᬾᬦᬾᬤᬾᬯᬵᬕᬸᬂ᭞ᬳᬶᬤᬲᬂᬦᬭᬲᭀᬫ᭞ ᬬᬦ᭄ᬓᬫᬦᬄ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬾᬳᬶᬚᬸᬕᬸᬮ᭄᭞ᬩᭀᬬᬮᬫᬶᬧᬘᬂᬳᬶᬘᬮ᭄᭞ᬬᬦ᭄ᬢᬦ᭄ᬩᬶᬜ᭄ᬚᬸᬮ᭄ᬲᬗ᭄ᬳ᭄ᬬᬂᬯᬶᬤ᭄ᬥᬶᬦᬗ᭄ᬳᬶᬂᬲᬵᬫ᭄ᬧᬸᬦ᭄ᬕ᭄ᬬᬦ᭄ᬧᬦᬶᬢᬄ᭞ᬢᬄᬓᬢᬶᬢᬄᬲᬧᬲᬶᬭ᭠

Auto-transliteration

[ 13 13B] 13 tanadoḥsakinghiriki, manawitasiddapangguḥ, sakādinehaptiyang, saget'hicalsangswecchāngicenpituduḥ, cirimangguḥkasubagyan, tandhritthagĕlismamār̀ ggi. rār̀yyaningdumunñritthayang, ringgalasekamadr̥ĕkārademangkin, ‐sangprabhukalintangsungsut, tankenakmangrasudang, parahiñapangayahesamisĕndu, pra menakmiwaḥpramañca, papatiḥsamimangabiḥ. hidapraṇdhabagawānta, ta‐l̥ĕr̀tansaḥringlinggiḥśrīndrāpati, tanmarihidangalipūr̀, hantukkĕcap'hakṣara, makaw̶miwaḥkakawinmuwangmakidung, kaliḥmamawosprawwa, basangsiddhamangledangin. sangprabhurarisngandikā, singgiḥpraṇdhadurusnemangkinpinĕhi [ 14 14A] n, napiwaltityangkantun, ngijāĕngringmadhyapadda, reḥhicningputu‐npraṇdhanentĕnkantun, sirawantaḥnecagrang, ñumĕnditityanghiriki. hi dapraṇdamagawānta, nimbalhatūr̀praṇamyabanbanngatiḥ, singgiḥratuśrīpakulun, hampuraratutityang, kaduktutwadurunewantaḥkadurus, purunmapu ngusamatra, rijĕngśrīnarapati. yankangkatpanglungsur̀tityang, cokoratusāmpunlasbangĕtminĕhin, putraduwenedewāgung, hidasangnarasoma, yankamanaḥ, hantuktityangngehijugul, boyalamipacanghical, yantanbiñjulsanghyangwiddhinanghingsāmpun'gyanpanitaḥ, taḥkatitaḥsapasira‐

Leaf 14

Image on Archive.org

[ ᭑᭔ 14B] ᭑᭔᭞ ᬧᬘᬂᬳᬸᬦᬶᬂ᭞ᬫᬗᬶᬧᬲᬶᬦ᭄ᬲᬗ᭄ᬳ᭄ᬬᬂᬢᬸᬤᬸᬄ᭞ᬦᬸᬤᬸᬳᬂᬢᬶᬫᬦᬸᬱᬵ᭞ᬓᬤᬶᬳᬶᬤᬲᬗ᭄ᬳ᭄ᬬᬂᬲᬹᬃᬬ᭄ᬬᬕᬦ᭄ᬢᭀᬲ᭄ᬲᬸᬭᬸᬧ᭄᭞ᬲᬶᬭᬦᬾᬲᬶᬤ᭄ᬥᬗᬦ᭄ᬤᭂᬕᬂ᭞ᬫᬗ᭄ᬤᬩᬚᭂᬕ᭄ᬳᬶᬤᬫᬮᬶᬄ ᭟ᬓᬾᬯᬦ᭄ᬢᭂᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬳᬸᬢ᭄ᬲᬳᬬᬂᬳᬶᬤ᭄ᬤᬦᬾᬫᬗ᭄ᬓᬶᬦ᭄ᬋᬋᬳᬶᬦ᭄᭞ᬫᬗ᭄ᬤᬵᬲᬵᬫ᭄ᬧᬸᬦ᭄ᬦᬸᬤᬸᬄᬳᬸᬕᬸᬕ᭄᭞ᬲᬵᬫ᭄ᬧᬸᬦ᭄ᬳᬶᬘᬮ᭄ᬩᬗ᭄ᬕᬬᬂ᭞ᬯᬦ᭄ᬢᬄᬫᬹᬮᬵᬳᬸᬢ᭄ᬲᬳ᭠ ᬳᬗ᭄ᬕᬾᬦ᭄ᬧᬶᬢᬸᬮᬸᬂ᭞ᬫᬦᬸᬮᬸᬗᬶᬦ᭄ᬲᬗ᭄ᬳ᭄ᬬᬂᬢᬶᬢᬄ᭞ᬢᬶᬢᬳᬾᬧᬢᬸᬢ᭄ᬓᬢᬫ᭄ᬧᬶ᭟ᬲᬧᬸᬦᬶᬓᬵ ᬳᬢᬹᬃᬳᬶᬤ᭞ᬰ᭄ᬭᬷᬦᬭᬾᬦ᭄ᬤ᭄ᬭᬵᬗᬦ᭄ᬤᬶᬓᬵᬦᬶᬫ᭄ᬩᬮ᭄ᬫᬗ᭄ᬓᬶᬦ᭄᭞ᬳᬶᬗ᭄ᬕᬶᬄᬭᬢᬸᬧ᭄ᬭ ᬡ᭄ᬥᬳᬕᬸᬂ᭞ᬢᬶᬢ᭄ᬬᬂᬮᬶᬦ᭄ᬢᬂᬲᬹᬓ᭄ᬱ᭄ᬫ᭞ᬭᬶᬂᬧᬶᬢ᭄ᬓᭂᬢ᭄ᬧᬸᬦᬶᬓᬵᬧ᭄ᬭᬡ᭄ᬥᬦᬾᬯᬳᬸ᭞ᬤᬕᬶᬂ᭠ᬫᬉᬢ᭄ᬢᬫᬧᬶᬲᬦ᭄᭞ᬲᬶᬤ᭄ᬥᬗ᭄ᬮᬶᬧᬹᬃᬫᬦᬄᬲ᭄ᬤᬶᬄ᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓᬵ᭞ᬓ᭄ᬫᬵᬧᬯᬦ᭄‌ᬦ [ ᭑᭕ 15A] ᬭᬸᬕ᭄ᬢᬸᬕ᭄‌ᬗᭂᬢᬸᬢ᭄ᬳᬶᬘᭂᬦᬶᬂ᭞ᬲᬧᬭᬧᬭᬦᬶᬂᬮᬓᬸ᭞ᬫᬯᬦᭂᬂᬧᬶᬢᬸᬩᬸᬮᬦ᭄᭞ᬬᬦ᭄ᬲᬶᬂᬲᬶᬤ᭄ᬥᬩᬸᬯᬶᬦ᭄ᬢᭀᬧᬫᬦ᭄ᬫᬯᬦ᭄ᬢᬸᬦ᭄‌ᬚ᭄ᬦᭂᬂᬫᬸᬮᬲᬸᬩᬵᬢᬶᬢᬄ᭞ᬓᬤᬶᬮᬶᬂᬲᬂᬫᬳᬵᬬᬢᬶ᭟ ᬲᬂᬓᬳᬸᬢᬸᬲ᭄ᬫᬵᬢᬹᬃᬜᬸᬫ᭄ᬩᬄ᭞ᬲᬧᬦᬶᬢᬄᬓᬳᬸᬮᬵᬲᬤ᭄ᬬᬫᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬭᬢᬸᬯᬮᬂᬓᬬᬸᬦ᭄᭞ᬬᬦ᭄ᬯᬾᬦ᭄ᬢᭂᬦ᭄ᬤᬸᬭᬵᬢ᭄ᬫᬓᬵ᭞ᬲᬦᬾᬗᬶᬯᬢ᭄᭞ᬧᬸᬢ᭄ᬭᬦ᭄ᬳᬶᬭᬢᬸᬤᬾᬯᬵᬕᬸᬂ᭞ᬜ ᬤ᭄ᬬᬢᬶᬢ᭄ᬬᬂᬫᬤᬤᬕᬦ᭄᭞ᬫᬗᬬᬄᬦᬮᬗᬶᬦ᭄ᬳᬸᬭᬶᬧ᭄᭟ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕ᭞ᬲᬂᬓᬢᬶᬢᬄᬲᬺᬕᭂᬧ᭄ᬲᬗᬹᬲᬶᬓᭂᬧ᭄ᬭᬶᬂᬫᬵᬃᬕ᭄ᬕᬶ᭞ᬲᬂᬧ᭄ᬭᬪᬹᬫᬮ᭄ᬯᬭᬦ᭄ᬲᬵᬫ᭄ᬧᬸᬦ᭄᭞ᬗ᭄ᬭᬜ᭄ᬚᬶᬂᬓ᭠ ᬧᬸᬭᬶᬬᬦ᭄᭞ᬢᬦ᭄ᬘᬭᬶᬢ᭄ᬣᬭᬶᬂᬕᬸᬦᬸᬂᬫᬮᬶᬄᬯᬶᬦᬸᬯᬸᬲ᭄᭞ᬯᬾᬦ᭄ᬢᭂᬦ᭄ᬧᬰ᭄ᬭᬫᬦ᭄‌ᬉᬢ᭄ᬢᬫ᭞ᬅᬃᬕ᭄ᬕᬩ᭄ᬮᬄᬗᬭᬦᬾᬓᬶ᭟ᬧᬰ᭄ᬭᬫᬦ᭄ᬓᬮᬶᬦ᭄ᬢᬂᬭᬵᬫ᭄ᬬ᭞ᬋᬖᭂᬲ᭄‌ᬚᬶᬫ᭄ᬩᬃ᭠

Auto-transliteration

[ 14 14B] 14 pacanghuning, mangipasinsanghyangtuduḥ, nuduhangtimanusyā, kadihidasanghyangsūr̀yyagantossurup, siranesiddhangandĕgang, mangdabajĕg'hidamaliḥ . kewantĕnpinunastityang, hutsahayanghiddanemangkinr̥ĕr̥ĕhin, mangdāsāmpunnuduḥhugug, sāmpunhicalbanggayang, wantaḥmūlāhutsaha‐ hanggenpitulung, manulunginsanghyangtitaḥ, titahepatutkatampi. sapunikā hatūr̀hida, śrīnarendrāngandikānimbalmangkin, hinggiḥratupra ṇdhahagung, tityanglintangsūkṣma, ringpitkĕtpunikāpraṇdhanewahu, daging‐ma'uttamapisan, siddhanglipūr̀manaḥsdiḥ. sangprabhūrarisngandikā, kmāpawanna [ 15 15A] rugtugngĕtut'hicĕning, saparaparaninglaku, mawanĕngpitubulan, yansingsiddhabuwintopamanmawantunjnĕngmulasubātitaḥ, kadilingsangmahāyati. sangkahutusmātūr̀ñumbaḥ, sapanitaḥkahulāsadyamangiring, sāmpunratuwalangkayun, yanwentĕndurātmakā, sanengiwat, putranhiratudewāgung, ña dyatityangmadadagan, mangayaḥnalanginhurip. tumulirarismamār̀gga, sangkatitaḥsr̥ĕgĕpsangūsikĕpringmār̀ggi, sangprabhūmalwaransāmpun, ngrañjingka‐ puriyan, tancarittharinggunungmaliḥwinuwus, wentĕnpaśramanuttama, ar̀ggablaḥngaraneki. paśramankalintangrāmya, r̥ĕghĕsjimbar̀‐

Leaf 15

Image on Archive.org

[ ᭑᭕ 15B] ᬓᬦ᭄ᬢᭂᬦ᭄ᬩᭂᬘᬶᬓ᭄‌ᬗᬸᬦ᭄ᬳ᭄ᬬᬸᬦᬶᬦ᭄᭞ᬯᬶᬢ᭄ᬲᭂᬓᬃᬫᬢᬸᬭᬸᬢ᭄ᬢᬸᬭᬸᬢ᭄᭞ᬳᬗ᭄ᬰᭀᬓᬵᬫ᭄ᬯᬂᬦᬵᬕᬧᬸᬱᭀᬯ᭞ᬳᬗ᭄ᬕᬾᬦ᭄ᬩᬸᬮᬦ᭄‌ᬓᬜᬾᬭᬶᬜᬦ᭄ᬤᬶᬂᬳᬶᬫᭂᬦᬸᬄ᭞ᬢᬸᬜ᭄ᬚᬸᬂᬢᬸᬢᬹᬃᬜᬦ᭄ᬤᬶᬂ ᬫ᭄ᬭᬓ᭄᭞ᬧᬸᬘᬸᬓ᭄ᬩᬵᬂᬥᬥᬸᬮᬦ᭄ᬧᬸᬢᬶᬄ᭟ᬲᬫᬶᬧᬥᬵᬫ᭄ᬤᭂᬂᬦ᭄ᬤᭂᬂᬫᭂᬓᬃ᭞ᬫᬗᬯᬦᬂᬢᬫ᭄ᬩᬸᬮᬶᬮᬶᬗᬦᬾᬧᬮᬶᬂ᭞ᬭᬾᬄᬲᬵᬭᬷᬦ᭄ᬩᬸᬗᬦᬾᬮᬶᬬᬸ᭞ᬧᬬᬸᬢᬸᬬᬸᬄᬫᬗᬶᬫ᭄ᬩᬂ᭞ᬫᬳᬶᬍᬳ ᬦ᭄ᬢᭀᬂᬫᬳᬦ᭄ᬫᬗᬶᬲᭂᬧ᭄ᬫᬥᬸ᭞ᬫᬓ᭄ᬚᬂᬓᬓᬤᬾᬦ᭄ᬫᭂᬮᬄ᭞ᬢᬶᬫ᭄ᬧᬮᬾᬦᬓᬢ᭄ᬋᬩᬸᬢᬶᬦ᭄᭟ᬓ᭄ᬭᬡᬧᬰ᭄ᬭᬫᬦᬾᬳᬸᬫ᭄ᬬᬂ᭞ᬫᬸᬜᬶᬦ᭄ᬜᬦᬾᬗᬭᬶᬬᭂᬂᬫᬫᬦ᭄ᬤᬸᬗᬶᬦ᭄᭞ᬧᬭᬰᬶᬱ᭄ᬬ ᬦᬾᬫᬳᬸᬭᬸᬓ᭄᭞ᬫᬰ᭄ᬭᬸᬢᬶᬫᬜ᭄ᬮᭀᬓᬵ᭞ᬩᬮᬂᬳᬸᬫᬸᬂᬫᬜ᭄ᬭᬶᬢ᭄ᬫᬸᬜᬶᬫᬘ᭄ᬗᬸᬂ᭞ᬫᬫᬭᬸᬗᬶᬦ᭄ᬫᬸᬜᬶᬦ᭄ᬕᭂᬡ᭄ᬝ᭞ᬫᬼᬤ᭄ᬫᬦᬦ᭄ᬤᬶᬗᬂᬫᬸᬜᬶ᭟ᬓᬓᬬᭀᬦᬦᬾᬗᬺᬫ᭄ᬧᬬᬓ᭄᭞ᬓᬬᬸᬳᬜ᭄ᬘ [ ᭑᭖ 16A] ᬓ᭄ᬩᬳᬶᬗᬶᬦ᭄ᬮᬦ᭄ᬓᬫᭀᬦᬶᬂ᭞ᬫᬜᬦ᭄ᬥᬶᬂᬧᬸᬜᬦ᭄ᬢᬫ᭄ᬩᬸᬮᬸ᭞ᬫᬚᬕᬳᬸᬘᬦ᭄ᬤᬦᬵ᭞ᬧᬶᬮᬰᬦᬾᬦᭂᬲᭂᬓ᭄ᬳᬶᬢᬗ᭄ᬕᬸᬮᬶᬓ᭄ᬢᬹᬃ᭞ᬗᬯᬾᬦᬂᬋᬩᭂᬲ᭄ᬧᬰ᭄ᬭᬫᬦ᭄᭞ᬮᬶᬬᬸᬓ᭄ᬤᬶᬲᬾᬦᭀᬗᭀᬲᬶᬦ᭄ ᬭᬫᬾᬫᬫᬸᬜᬶᬗᬸᬘᬾᬓ᭄ᬘᭂᬓ᭄᭞ᬲᬮᬶᬂᬢᬶᬫ᭄ᬩᬮ᭄‌ᬤᬶᬘᬭᬂᬓᬬᬸᬦᬾᬗᭂᬢᬶᬲ᭄᭞ᬫᬢ᭠ᬢᬶᬫ᭄ᬩᬮᬦ᭄ᬧᬳᬸᬢ᭄᭞ᬫᬶᬭᬶᬩ᭄ᬫᬢᬢᬸᬮᬤᬦ᭄᭞ᬦᬸᬮᬤ᭄ᬳᬶᬤᬲᬂᬢᬧᬫᬗᬸᬮᬶᬓ᭄ᬢᬸᬢᬹᬃ᭞ᬢᬸᬢᬹᬭᬶᬂ ᬢᬢ᭄ᬯᬳᬕᬫ᭞ᬫᬦᬵᬯᬯᬾᬤ᭄ᬥᬲᬫᬺᬢ᭄ᬢᬶ᭟ᬲᬂᬫᬓᬵᬕᬸᬭᬸᬧᬰ᭄ᬭᬫᬦ᭄᭞ᬫᬧᬸᬱ᭄ᬧᬢ᭄ᬣᬫᬳᬵᬋᬱᬶᬩᬕᬲ᭄ᬧᬢᬶ᭞ᬳᬶᬤᬲᬦᬾᬓᬲᬸᬩ᭄‌ᬯᬶᬪᬹᬄ᭞ᬧᬰ᭄ᬘᬢᬶᬂᬘᬢᬹᬃᬯᬾᬤ᭄ᬥ᭞᭠ ᬓᬳᬚ᭄ᬜᬡᬦ᭄‌ᬯᬓ᭄ᬩᬚ᭄ᬭᬢᬸᬃᬤᬶᬩ᭄ᬬᬵᬘᬓ᭄ᬱᬸ᭞ᬜᬦ᭄ᬤᬂᬓᬵᬗ᭄ᬕᬾᬦ᭄ᬕᬸᬭᬸᬮᭀᬓ᭞ᬳᬦ᭄ᬢᬸᬓ᭄ᬲᬂᬓᬬᬸᬦ᭄ᬦᬃᬫ᭄ᬫᬳᬶᬦ᭄᭟ᬫᬧᬸᬢ᭄ᬭᬳᬶᬤᬲᬦᬸᬗ᭄ᬕᬮ᭄᭞ᬫᬧᭂᬲᬾᬗᬦ᭄‌ᬳᬶᬤᬤ᭄ᬬᬄ

Auto-transliteration

[ 15 15B] kantĕnbĕcikngunhyunin, witsĕkar̀maturutturut, hangśokāmwangnāgapusyowa, hanggenbulankañeriñandinghimĕnuḥ, tuñjungtutūr̀ñanding mrak, pucukbāngdhadhulanputiḥ. samipadhāmdĕngndĕngmĕkar̀, mangawanangtambulilinganepaling, reḥsārīnbunganeliyu, payutuyuḥmangimbang, mahil̥ĕha ntongmahanmangisĕpmadhu, makjangkakadenmĕlaḥ, timpalenakatr̥ĕbutin. kraṇapaśramanehumyang, muñinñanengariyĕngmamandungin, paraśiṣya nemahuruk, maśrutimañlokā, balanghumungmañritmuñimacngung, mamarunginmuñin'gĕṇṭa, ml̥ĕdmanandingangmuñi. kakayonanengr̥ĕmpayak, kayuhañca [ 16 16A] kbahinginlankamoning, mañandhingpuñantambulu, majagahucandanā, pilaśanenĕsĕk'hitangguliktūr̀, ngawenangr̥ĕbĕspaśraman, liyukdisenongosin ramemamuñingucekcĕk, salingtimbaldicarangkayunengĕtis, mata‐timbalanpahut, miribmatatuladan, nulad'hidasangtapamanguliktutūr̀, tutūring tatwahagama, manāwaweddhasamr̥ĕtti. sangmakāgurupaśraman, mapuṣpatthamahār̥ĕsyibagaspati, hidasanekasubwibhūḥ, paścatingcatūr̀weddha, ‐ kahajñaṇanwakbajratur̀dibyācaksyu, ñandangkānggen'guruloka, hantuksangkayunnar̀mmahin. maputrahidasanunggal, mapĕsenganhidadyaḥ

Leaf 16

Image on Archive.org

[ ᭑᭖ 16B] ᭑᭖᭞ ᬧᬹᬚᬯᬢᬶ᭞ᬲᬢ᭄ᬬᬪᬓ᭄ᬢᬶᬭᬶᬂᬲᬂᬕᬸᬭᬸ᭞ᬜᬦ᭄ᬤᬂᬳᬗ᭄ᬕᬾᬦ᭄ᬢᬢᬸᬮᬤᬦ᭄᭞ᬦᬾᬦ᭄ᬢᭂᬦ᭄ᬧᬦ᭄ᬢᭂᬲ᭄ᬧᬘᬂᬘᬾᬤ᭄ᬥᬭᬶᬂᬓᬳ᭄ᬬᬸᬦ᭄ᬳ᭄ᬬᬸᬦ᭄᭞ᬳᬶᬤᬪᬕᬯᬵᬦ᭄‌ᬘ᭄ᬭᬶᬢ᭄ᬣᬬᬂ᭞ᬭᬶᬓᬵᬮᬳᬶ ᬤᬓᬢᬗ᭄ᬓᬶᬮ᭄᭟ᬳᬦ᭄ᬢᬸᬓ᭄ᬢᬧᬶᬢᬧᬲᬫ᭄ᬬᬦ᭄᭞ᬗᬸᬦᬶᬢᬬᬂᬳᬶᬦ᭄ᬤᬶᬓ᭄‌ᬓᬓᭂᬘᬧ᭄ᬳᬚᬶ᭞ᬢᬶᬗ᭄ᬓᬳᬾᬫᬧᬸᬢ᭄ᬭᬕᬸᬭᬸ᭞ᬫᬗ᭄ᬤᬫᬦᬸᬢᬶᬦ᭄ᬰᬰᬡ᭞ᬲᬫᬶᬮᬾᬤᬂ᭞ᬰᬶᬱ᭄ᬬᬕᬸᬭᬸᬗᬸᬮᬶᬓ᭄ᬢᬸ᭠ ᬢᬹᬃ᭞ᬯᬶᬭᬾᬄᬳᬶᬤᬯᬕ᭄ᬫᬶᬫᬵᬬ᭞ᬲᬾᬗᭂᬄᬭᬶᬂᬢᬢ᭄ᬯᬦᬶᬂᬳᬚᬶ᭟ᬲᬂᬦᬭᬲᭀᬫᬘ᭄ᬭᬶ᭠ᬢ᭄ᬣᬬᬂ᭞ᬭᬶᬂᬫᬃᬕ᭄ᬕᬶᬦᬾᬲᬗᭀᬲᬗᭀᬢᭀᬮᬄᬢᭀᬮᬶᬄ᭞ᬓᬬᬸᬦᬾᬫᬩᬕᬶᬢᭂᬮᬸ ᬳᬲᬶᬓᬶᬭᬶᬂᬦᬵᬕᬭ᭞ᬦᬾᬳᬲᬶᬓᬶᬯᬾᬦ᭄ᬢᭂᬦ᭄ᬫᬭᬶᬂᬲᬗᬬᬸ᭞ᬲᬦᬾᬫᬮᬶᬄᬳᬲᬶᬓᬶᬬᬦ᭄᭞ᬭᬶᬂᬕ᭄ᬦᬳᬾᬧᬘᬂᬳᬸᬗ᭄ᬰᬶ᭟ᬫᬫᬃᬕ᭄ᬕᬶᬲᬫ᭄ᬩᬶᬮ᭄ᬫᬜᬯᬂ᭞ᬓᬍᬩᬸᬢᬦ᭄ᬤᬮᬲ᭄ᬕᬸᬦᬸᬗᬾᬳ [ ᭑᭗ 17A] ᬰ᭄ᬭᬶ᭞ᬲᬕᬾᬢ᭄ᬓᬕ᭄ᬬᬢ᭄ᬳᬦ᭄ᬤᬸᬮᬸ᭞ᬯᬾᬦ᭄ᬢᭂᬦ᭄ᬓᬘᬶᬗᬓ᭄ᬧᬰ᭄ᬭᬫᬦ᭄᭞ᬋᬡᭂᬲ᭄ᬩᬸᬗᬄᬯᬶᬢᬸᬯᭂᬓᬃᬫᬦ᭄ᬤᭂᬂᬲᬵᬦ᭄ᬢᬸᬦ᭄᭞ᬲᬓᬶᬂᬳᭂᬤᭀᬄᬲᬵᬫ᭄ᬧᬸᬦ᭄ᬢᬶᬗ᭄ᬕᬃ᭞ᬭᬭᬶᬲ᭄ᬗᬗ᭄ᬲᭂᬳᬂᬫᬫᬵᬃᬕ᭄ᬕᬶ᭟ᬲᬵᬫ᭄ᬧᬸ ᬦ᭄ᬭᬯᬸᬄᬭᬶᬂᬚᬩᬬᬦ᭄᭞ᬧᬰ᭄ᬭᬫᬦᬾᬫᬗ᭄ᬭᬭᬶᬲ᭄ᬳᬶᬤᬗ᭄ᬭᬜ᭄ᬚᬶᬂ᭞ᬓᬦ᭄ᬥᬸᬕᬶᬯᬾᬦ᭄ᬢᭂᬦ᭄ᬫᬘᬸ᭠ᬦ᭄ᬥᬸᬓ᭄᭞ᬰᬶᬱ᭄ᬬᬦ᭄ᬳᬶᬤᬪᬕᬯᬵᬦ᭄᭞ᬫᬗᬦ᭄ᬤᬶᬓᬵᬲᬓᬶᬂᬧᬶᬤᬾᬯᬩᬕᬸᬲ᭄᭞ᬚᬕᬓᬶᬚ᭠ ᬧᬓᬬᬸᬦᬦ᭄᭞ᬤᬸᬭᬸᬲ᭄ᬦᬶᬓᬬᬂᬦᬾᬫᬗ᭄ᬓᬶᬦ᭄᭟ᬲᬂᬓᬲᬧᬕᭂᬮᬶᬲ᭄ᬦᬶᬫ᭄ᬩᬮ᭄᭞ᬫᬫᬶᬤᬵᬃ᭠ᬣᬫᬗᬸᬦᬶᬗᬬᬂᬕ᭄ᬮᬶᬲ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬧ᭄ᬭᬡ᭄ᬥᬳᬕᬸᬂ᭞ᬤᬕᬶᬂᬦᬸᬦᬲ᭄ᬳᬫ᭄ᬧᬸᬭ᭞ᬢᬦ᭄ᬧᬯᭂ ᬓᬲ᭄ᬢᬗ᭄ᬓᬶᬮ᭄ᬢᬶᬢ᭄ᬬᬂᬭᬶᬳᬶᬭᬢᬸ᭞ᬲ᭄ᬯᬾᬘᬳᬸᬕᬶᬗᬫ᭄ᬧᬸᬭᬬᬂ᭞ᬢ᭄ᬭᬶᬓᬵᬬᬦ᭄ᬢᬶᬢ᭄ᬬᬗᬾᬲ᭠ᬫᬶ᭟ᬢᬶᬢ᭄ᬬᬂᬯᬦ᭄ᬢᬄᬭᬵᬚᬧᬸᬢ᭄ᬭ᭞ᬲᬓᬶᬂᬚᬕᬢ᭄ᬫᬤ᭄ᬭᬓᬭᬫᬦᬗ᭄ᬓᬶᬮ᭄᭞ᬕᬸᬫᬦ᭄ᬢᬶᬫᬦᬄᬫ

Auto-transliteration

[ 16 16B] 16 pūjawati, satyabhaktiringsangguru, ñandanghanggentatuladan, nentĕnpantĕspacangceddharingkahyunhyun, hidabhagawāncritthayang, rikālahi dakatangkil. hantuktapitapasamyan, ngunitayanghindikkakĕcap'haji, tingkahemaputraguru, mangdamanutinśaśaṇa, samiledang, śiṣyagurunguliktu‐ tūr̀, wireḥhidawagmimāya, sengĕḥringtatwaninghaji. sangnarasomacri‐tthayang, ringmar̀gginesangosangotolaḥtoliḥ, kayunemabagitĕlu hasikiringnāgara, nehasikiwentĕnmaringsangayu, sanemaliḥhasikiyan, ringgnahepacanghungśi. mamar̀ggisambilmañawang, kal̥ĕbutandalasgunungeha [ 17 17A] śri, sagetkagyat'handulu, wentĕnkacingakpaśraman, r̥ĕṇĕsbungaḥwituwĕkar̀mandĕngsāntun, sakinghĕdoḥsāmpuntinggar̀, rarisngangsĕhangmamār̀ggi. sāmpu nrawuḥringjabayan, paśramanemangrarishidangrañjing, kandhugiwentĕnmacu‐ndhuk, śiṣyanhidabhagawān, mangandikāsakingpidewabagus, jagakija‐ pakayunan, durusnikayangnemangkin. sangkasapagĕlisnimbal, mamidār̀‐thamanguningayangglis, hinggiḥtityangpraṇdhahagung, dagingnunashampura, tanpawĕ kastangkiltityangrihiratu, swecahugingampurayang, trikāyantityangesa‐mi. tityangwantaḥrājaputra, sakingjagatmadrakaramanangkil, gumantimanaḥma

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org