usana-bali-04

Original on Archive.org

Front and Back Covers

Image on Archive.org

Leaf 1

Image on Archive.org

[ ᭑ 1B] ᭑᭞ ᭚᭜᭚ᬒᬁᬅᬯᬶᬖ᭄ᬦᬵᬫᬲ᭄ᬢᬸ᭚᭜᭚ᬇᬢᬶᬢᬸᬢᬸᬃᬉᬰᬵᬦᬩᬮᬶ᭞ᬘᬶᬦᬭᬶᬢᬦᭂᬦ᭄ᬢᬶᬗ᭄ᬓᬳᬶᬂᬩᬮᬶ᭞ᬳᬦᬕᬸ ᬦᬸᬂᬘᬢᬹᬃᬨᬮ᭞ᬗ᭞ᬢᬶᬗ᭄ᬓᬳᬶᬂᬕᬸᬦᬸᬗᬶᬓᬵᬳᬫᬫ᭄ᬓᬧᬢ᭄᭞ᬭᬶᬂᬧᬹᬃᬯ᭄ᬯᬕᬸᬦᬸᬂᬮᬫ᭄ᬧᬸᬬᬂ᭞ᬗ᭞ᬧᬗᬲ᭄ᬣᬦᬦᬶᬭᬵ ᬪᬝᬵᬭᬕ᭄ᬦᬚᬬ᭞ᬭᬶᬂᬧᬰ᭄ᬘᬶᬫᬕᬸᬦᬸᬂᬩᬭᬢᬦ᭄᭞ᬗ᭞ᬧᬗᬲ᭄ᬣᬦᬦᬶᬭᬪᬢᬭᬯᬢᬸᬓᬭᬸ᭞ᬭᬶᬂᬉᬢ᭄ᬢᬭᬕᬸ ᬦᬸᬂᬫᬗᬸ᭞ᬗ᭞ᬧᬗᬲ᭄ᬣᬦᬦᬶᬭᬳ᭄ᬬᬂᬤᬵᬦᬯᬵ᭞ᬭᬶᬂᬤᬓ᭄ᬱᬶᬡᬕᬸᬦᬸᬂᬳᬡ᭄ᬥᬓᬰ᭞ᬗ᭞ᬧᬗᬲ᭄ᬣᬦᬦᬶᬭᬳ᭄ᬬᬂᬭᬸ [ ᭒ 2A] ᬗ᭄ᬕᬸ᭞ᬫᬓᬮᬶᬗ᭄ᬕᬳᬗᬃᬘᬦᬩᬮ᭄ᬬᬦ᭄᭞ᬓᬢᬓ᭄ᬱᭀᬦ᭄᭞ᬫᬓᬵᬤᬶᬧᬫᬗ᭄ᬓᬸ᭞ᬉᬧ᭄ᬢᬶᬦᬶᬭᬲᬗᬢᬧᬳ᭄ᬬᬂ᭞ᬭᬶᬂᬫ ᬚᬧᬳᬶᬢ᭄᭞ᬫᬭᬭᬶᬂᬩᬮᬶ᭞ᬳᬫᬗᬸᬦᬢᬧ᭞ᬭᬶᬂᬕᬸᬦᬸᬂᬍᬫ᭄ᬧᬸᬬᬂ᭞ᬭᬶᬂᬧᬗᬾᬢᬦᬶᬂᬩᬮᬶ᭞ᬳᬦ᭄ᬤᬤᬶᬤᬾ᭠ ᬯᬭᬶᬂᬫᬥ᭄ᬬᬦᬶᬂᬩᬮᬶ᭞ᬳᬓᬳ᭄ᬬᬗᬧᬗᬤᬓ᭄ᬢ᭄ᬬᬦ᭄ᬧᬭᬧᬸᬗ᭄ᬕᬯᬵᬭᬶᬂᬩᬮᬶ᭞ᬳᬦᬭᬶᬂᬤᬾᬰᬩᬲᬓᬶᬄ ᭞ᬫᬓᬧᬗᬸᬮᬸᬦᬶᬂᬕᬾᬮ᭄ᬕᬾᬮ᭄᭞ᬅᬗᬃᬘ᭄ᬘᬦᬭᬶᬂᬩᬲᬓᬶᬄ᭞ᬳᬧᬭᬶᬦᬵᬫᬳᬫᬗ᭄ᬓᬸᬓᬸᬮ᭄ᬧᬸᬢᬶᬄ᭞ᬯᬶᬢᬾ

Auto-transliteration

[ 1 1B] 1 // • // oṁawighnāmastu // • // ititutur̀uśānabali, cinaritanĕntingkahingbali, hanagu nungcatūr̀phala, nga, tingkahinggunungikāhamamkapat, ringpūr̀wwagununglampuyang, nga, pangasthananirā bhaṭāragnajaya, ringpaścimagunungbaratan, nga, pangasthananirabhatarawatukaru, ringuttaragu nungmangu, nga, pangasthananirahyangdānawā, ringdaksyiṇagununghaṇdhakaśa, nga, pangasthananirahyangru [ 2 2A] nggu, makalinggahangar̀canabalyan, kataksyon, makādipamangku, uptinirasangatapahyang, ringma japahit, mararingbali, hamangunatapa, ringgunungl̥ĕmpuyang, ringpangetaningbali, handadide‐ waringmadhyaningbali, hakahyangapangadaktyanparapunggawāringbali, hanaringdeśabasakiḥ , makapanguluninggelgel, angar̀ccanaringbasakiḥ, haparināmahamangkukulputiḥ, wite

Leaf 2

Image on Archive.org

[ ᭒ 2B] ᭒᭞ ᬳ᭄ᬓᬾᬂᬫᬚᬧᬳᬶᬢ᭄᭞ᬫᬭᬫᬭᬶᬂᬩᬮᬶ᭞ᬢ᭄ᬓᬵᬭᬶᬂᬓᬳ᭄ᬬᬦ᭄ᬩᬲᬓᬶᬄ᭞ᬯ᭄ᬭᬸᬄᬢᬶᬗ᭄ᬓᬳᬶᬂᬩ᭄ᬭᬢ᭞ᬳᬫᬗᬸᬦᬲᬶ ᬭᬩ᭄ᬭᬢᬭᬶᬂᬓᬳ᭄ᬬᬗᬦ᭄᭞ᬫᬦ᭄ᬤᬾᬯᬵᬰ᭄ᬭᬬᬵᬲᬶᬭᬭᬶᬂᬓᬳ᭄ᬬᬗᬦ᭄᭞ᬳᬗᬭᬓᭂᬦ᭄ᬪᬓ᭄ᬢᬶᬭᬶᬂᬓᬳ᭄ᬬᬗ ᬦ᭄᭞ᬲᬃᬯ᭄ᬯᬰᬸᬘᬶ᭞ᬲᬦᬗ᭄ᬓᭂᬦ᭄ᬧᬹᬃᬡ᭄ᬦᬫᬫ᭄ᬯᬂᬢᬶᬍᬫ᭄᭞ᬲᬸᬯᬾᬤᬾᬦᬶᬭᬲᬫᬗ᭄ᬓᬦ᭞ᬳᬯ᭄ᬬᬵᬢᬭᬢᬶᬕᬂᬢᭂ ᬫ᭄ᬯᬂ᭞ᬳᬦᬸᬮᬶᬳᬦᬢᭀᬬᬓᬶᬤᬸᬮᬶᬂᬩᬲᬓᬶᬄ᭞ᬲᬶᬡ᭄ᬥᬸᬳᬭᬦᬶᬂᬢᭀᬬ᭞ᬧᬲᬰᬸᬘᬾᬦ᭄ᬲᬶᬭᬓᬸᬮ᭄ᬧᬸ [ ᭓ 3A] ᬢᬶᬄ᭞ᬩᬜᬸᬪᬕᬦ᭄ᬧᬸᬭᬸᬲ᭄ᬪᬝᬵᬭ᭞ᬯ᭄ᬦᬂᬗ᭄ᬕᬾᬦ᭄ᬢᭀᬬᬦ᭄ᬯᭀᬂᬫᬢ᭞ᬨᬮᬦ᭄ᬜᬢᬦ᭄ᬳᬦᬲᬸᬓᬺᬢ᭞ᬫ᭄ᬯᬂᬯ᭄ᬦᬂ ᬗ᭄ᬕᬾᬦ᭄ᬢᭀᬬᬢᬸᬓᬸᬮᬸᬄ᭞ᬫᬸᬯᬄᬲᬶᬭᬓᬸᬮ᭄ᬧᬸᬢᬶᬄ᭞ᬳᬫ᭄ᬩᭂᬓ᭄ᬲᬵᬥᬸ᭞ᬳᬢᬸᬢᬸᬭᬶᬂᬓᬥᬃᬫ᭄ᬫᬦ᭄᭞ᬯ᭄ᬭᬸᬄᬭᬶᬂᬢᬶᬗ᭄ᬓ ᬳᬶᬂᬤᬾᬯᬫ᭄ᬯᬂᬫᬵᬦᬸᬱ᭞ᬫᬦᬸᬭᬸᬦᬓᭂᬦ᭄ᬪᬝᬵᬭ᭞ᬫᬲᬵᬥᬦᬩᬦ᭄ᬢᭂᬦ᭄᭞ᬳᬲᭂᬧ᭄‌ᬫ᭄ᬯᬂᬲᬃᬯ᭄ᬯᬯᬯᬗᬶ᭞ᬫ᭄ᬭᬶᬓ᭄ᬲᬸᬫᬶ ᬭᬶᬢ᭄᭞ᬳᬫ᭄ᬩᬸᬦᬾᬫ᭄ᬜᬦ᭄ᬫᬚᬕᬯᬸ᭞ᬓᬸᬓᬸᬲᬾᬧᬶᬦᬓᬧᬗᬸᬦ᭄ᬤᬂᬤᬾᬯ᭞ᬲᬗ᭄ᬓᬦᬶᬂᬓᬗ᭄ᬕᬾᬫ᭄ᬜᬦ᭄ᬫᬚᬕᬯᬸᬲᬦ᭄ᬤ

Auto-transliteration

[ 2 2B] 2 hkengmajapahit, maramaringbali, tkāringkahyanbasakiḥ, wruḥtingkahingbrata, hamangunasi rabrataringkahyangan, mandewāśrayāsiraringkahyangan, hangarakĕnbhaktiringkahyanga n, sar̀wwaśuci, sanangkĕnpūr̀ṇnamamwangtil̥ĕm, suwedenirasamangkana, hawyātaratigangtĕ mwang, hanulihanatoyakidulingbasakiḥ, siṇdhuharaningtoya, pasaśucensirakulpu [ 3 3A] tiḥ, bañubhaganpurusbhaṭāra, wnangnggentoyanwongmata, phalanñatanhanasukr̥ĕta, mwangwnang nggentoyatukuluḥ, muwaḥsirakulputiḥ, hambĕksādhu, hatuturingkadhar̀mman, wruḥringtingka hingdewamwangmānuṣa, manurunakĕnbhaṭāra, masādhanabantĕn, hasĕpmwangsar̀wwawawangi, mriksumi rit, hambunemñanmajagawu, kukusepinakapangundangdewa, sangkaningkanggemñanmajagawusanda

Leaf 3

Image on Archive.org

[ ᭓ 3B] ᭓᭞ ᬦ᭞ᬧᬗᬯᬓᬦ᭄ᬪᬝᬵᬭ᭞ᬫ᭄ᬜᬦ᭄ᬧᬗᬭᬦ᭄ᬪᬝᬵᬭᬰᬶᬯ᭞ᬫᬚᬕᬯᬸᬳᬧᬗᬦ᭄ᬪᬝᬵᬭᬲᬤᬵᬰᬶᬯ᭞ᬘᬦ᭄ᬤ ᬦᬳᬧᬗᬭᬦ᭄ᬪᬝᬵᬭᬧᬭᬫᬰᬶᬯ᭞ᬦᬗ᭄ᬳᬶᬂᬳᬲᬫᬬᬪᬝᬵᬭᬢᬸᬫᬸᬭᬸᬦ᭄᭞ᬫᬭᬶᬂᬫᬺᬘᬧᬤ᭞ᬲᬦᬗ᭄ᬓᭂ ᬦ᭄ᬳᭀᬤᬮᬦ᭄᭞ᬧᬹᬃᬡ᭄ᬦᬫᬦᬶᬂᬓᬃᬢ᭄ᬢᬶᬓᬫ᭄ᬯᬂᬭᬶᬂᬢᬶᬍᬫ᭄᭞ᬯᭀᬥᬮᬦ᭄ᬪᬝᬵᬭᬢ᭄ᬭᬶᬕᬸᬡ᭞ᬗ᭞ᬇᬓᬵᬢᬫᬓ ᬳᬸᬭᬶᬧᬶᬂᬪᬸᬯᬦᬲᬶᬭ᭞ᬲᬂᬳ᭄ᬬᬂᬢᬶᬕᬰᬓ᭄ᬢᬶ᭞ᬗ᭞ᬫᬓᬰᬓ᭄ᬢᬾᬦᬶᬂᬪᬸᬯᬦ᭞ᬪᬝᬵᬭᬕᬸᬭᬸᬲᬶᬭ᭞ᬳᬸᬫ [ ᭔ 4A] ᬯᬓ᭄‌ᬦᬯᬤᬾᬯᬢ᭞ᬬᬦ᭄ᬪᬝᬵᬭᬲᬸᬫᬳᬸᬭᬶᬂᬯᬯᬮᬾᬦ᭄᭞ᬳᬶᬤᬳᬦᬶᬮᬶᬄᬢᬳᬸᬮᬦ᭄ᬭᬶᬂᬫᬦᬸᬱ᭞ ᬓᬭᬡᬦᬶᬂᬳᬦᬯᬯᬮᬾᬦ᭄ᬭᬶᬂᬫᬺᬘᬧᬤ᭞ᬤᬾᬯᬢᬧᬭᬕᬦ᭄᭞ᬗ᭞ᬅᬧᬦ᭄ᬉᬢ᭄ᬢᬫ᭞ᬮᬕᬶᬓᬵᬗ᭄ᬕᬾ ᬤᬾᬦ᭄ᬲᬂᬭᬢᬸᬭᬶᬂᬩᬮᬶ᭞ᬳᬦ᭄ᬥᬵᬓᬰᬓ᭄ᬢᬾᬦᬾ᭞ᬲ᭄ᬥᭂᬓ᭄ᬪᬝᬵᬭᬲᬸᬓᬳᬓᬭᬫᬾᬦ᭄ᬭᬶᬂᬫᬺᬘᬧᬤ᭞ᬫ᭄ᬯᬂᬫᬕ ᬯᬾᬓᬳᬾᬪᬸᬳᬦᬶᬂᬩᬸᬯᬦ᭞ᬳᬫᬸᬭᬄᬓᬂᬲᬃᬯ᭄ᬯᬢᬶᬦᬸᬓᬸ᭞ᬫ᭄ᬯᬂᬲᬃᬯ᭄ᬯᬢᬡ᭄ᬥᬸᬃ᭞ᬫᬮᬶᬗ᭄ᬲᬾᬫᬭᬶᬂᬅᬃᬘ᭄ᬘᬵ᭟

Auto-transliteration

[ 3 3B] 3 na, pangawakanbhaṭāra, mñanpangaranbhaṭāraśiwa, majagawuhapanganbhaṭārasadāśiwa, canda nahapangaranbhaṭāraparamaśiwa, nanghinghasamayabhaṭāratumurun, maringmr̥ĕcapada, sanangkĕ nhodalan, pūr̀ṇnamaningkar̀ttikamwangringtil̥ĕm, wodhalanbhaṭāratriguṇa, nga, ikātamaka huripingbhuwanasira, sanghyangtigaśakti, nga, makaśakteningbhuwana, bhaṭāragurusira, huma [ 4 4A] waknawadewata, yanbhaṭārasumahuringwawalen, hidahaniliḥtahulanringmanuṣa, karaṇaninghanawawalenringmr̥ĕcapada, dewataparagan, nga, apanuttama, lagikāngge densangraturingbali, handhākaśaktene, sdhĕkbhaṭārasukahakaramenringmr̥ĕcapada, mwangmaga wekahebhuhaningbuwana, hamuraḥkangsar̀wwatinuku, mwangsar̀wwataṇdhur̀, malingsemaringar̀ccā.

Leaf 4

Image on Archive.org

[ ᭔ 4B] ᭔᭞ ᬲᬶᬦᬸᬗ᭄ᬲᬸᬂᬤᬾᬦᬶᬂᬯᭀᬂᬲᬤᬾᬰᬤᬾᬰ᭞ᬫᬮᬶᬗ᭄ᬲᬾᬫᬭᬶᬂᬢᬓ᭄ᬱᬸ᭞ᬫᬲᬾᬭᭀᬦ᭄ᬲᬾᬭᭀᬦ᭄ᬭᬶᬂᬢᬳᬸ ᬮᬦ᭄᭞ᬪᬝᬵᬭᬫᭀᬦᬭᬶᬂᬲᬗ᭄ᬕᬃ᭞ᬲᬶᬦᭂᬫ᭄ᬩᬄᬤᬾᬦᬶᬂᬯᭀᬂᬳᬓᬾᬄ᭞ᬇᬓᬭᬫᬾᬤᬾᬦᬶᬂᬲᬸᬭᬓ᭄᭞ ᬤᬾᬦᬶᬂᬳᬘᬶᬳᬘᬶᬯ᭄ᬥᬮᬦᬶᬪᬝᬵᬭ᭞ᬗ᭞ᬇᬘ᭄ᬙᬵᬪᬝᬵᬭᬢᬸᬫᬸᬭᬸᬦ᭄ᬫᬭᬶᬂᬚᭀᬮᬶ᭞ᬫᬳᬦ᭄ᬤᬵᬫᬗ᭄ᬬᬵᬱ ᬲᬶᬦᬸᬗ᭄ᬕᬶᬤᬾᬦᬶᬂᬚᬦ᭄ᬫ᭞ᬢᬸᬫᬸᬭᬸᬦ᭄ᬫᬭᬶᬂᬚᬦ᭄ᬫᬯ᭄ᬥᬶᬢᬸᬳᬸᬰᬓ᭄ᬢᬶ᭞ᬫᬗ᭄ᬓᬦᬇᬘ᭄ᬙᬵᬦᬶᬭᬪᬝᬵᬭ᭞ᬫᬗ᭄ᬓᬦᬓ [ ᭕ 5A] ᬯᬵᬳ᭄ᬬᬦ᭄ᬳᬶᬘ᭄ᬙᬦ᭄ᬳᬶᬤᬓᬢᭀᬦ᭄ᬭᬶᬂᬫᬺᬘᬧᬤ᭞ᬲᬸᬓᬲᬶᬭᬓᬸᬮ᭄ᬧᬸᬢᬶᬄ᭞ᬫᬯᬲ᭄ᬢᬸᬕᬶᬄᬳᬶᬳᭂᬦ᭄᭞ᬧᬢᬶ ᬲᬫ᭄ᬩᬸᬢ᭄ᬧᬢᬶᬩᬩᬶᬢ᭄ᬓᬢᬓ᭄ᬱᭀᬦ᭄᭞ᬲ᭄ᬫᬗ᭄ᬕᬸᬢᬶᬲᬳᬦᬶᬭᬲᬗ᭄ᬓᬸᬮ᭄ᬧᬸᬢᬶᬄ᭚ᬧᬸᬓᬸᬮᬸᬦ᭄ᬫᬗ᭄ᬓᬶᬦ᭄ᬫᬵᬦᬸᬱ ᬦ᭄ᬳᬶᬤᬳᬦ᭄ᬥᬵᬳᬗᬢᬸᬭᬶᬦ᭄ᬧᬤᬸᬓᬪᬝᬵᬭᬵᬢᬸᬫᬸᬭᬸᬦ᭄᭞ᬫᬓᬧᬗᬸᬦ᭄ᬤᬂᬪᬝᬵᬭᬳ᭄ᬬᬂᬤᬾᬯᬵᬗ᭄ᬕ ᬡ᭞ᬫᬍᬚᬕ᭄ᬳᬫᭀᬭᬶᬂᬓᬸᬓᬸᬲ᭄᭞ᬫ᭄ᬜᬦ᭄ᬫᬚᬕᬯᬸᬘᬦ᭄ᬤᬦ᭞ᬧᬗᬸᬦ᭄ᬤᬂᬧᬭᬪᬝᬵᬭ᭞ᬢᬸᬫᭂᬥᬸᬦ᭄ᬧᬭᬪᬝᬵ

Auto-transliteration

[ 4 4B] 4 sinungsungdeningwongsadeśadeśa, malingsemaringtaksyu, maseronseronringtahu lan, bhaṭāramonaringsanggar̀, sinĕmbaḥdeningwonghakeḥ, ikaramedeningsurak, deninghacihaciwdhalanibhaṭāra, nga, icchābhaṭāratumurunmaringjoli, mahandāmangyāṣa sinunggideningjanma, tumurunmaringjanmawdhituhuśakti, mangkana'icchānirabhaṭāra, mangkanaka [ 5 5A] wāhyanhicchanhidakatonringmr̥ĕcapada, sukasirakulputiḥ, mawastugiḥhihĕn, pati sambutpatibabitkataksyon, smanggutisahanirasangkulputiḥ // pukulunmangkinmānuṣa nhidahandhāhangaturinpadukabhaṭārātumurun, makapangundangbhaṭārahyangdewāngga ṇa, mal̥ĕjag'hamoringkukus, mñanmajagawucandana, pangundangparabhaṭāra, tumĕdhunparabhaṭā

Leaf 5

Image on Archive.org

[ ᭕ 5B] ᭕᭞ ᬭᬭᬶᬂᬓᬳ᭄ᬬᬗᬦ᭄᭞ᬳᬶᬗᬶᬭᬶᬂᬤᬾᬦᬶᬂᬤᬾᬯᬳᬲᬦᬓᬧᬸᬢᬸ᭞ᬫ᭄ᬯᬂᬯᬶᬤᬥᬭᬯᬶᬤᬥᬭᬶᬫᬗᬾᬢ ᬦ᭄ᬭᬶᬂᬧᬲᬫ᭄ᬯᬦ᭄᭞ᬢ᭄ᬓᬵᬲᬓᬶᬂᬓᬸᬮᭀᬦ᭄᭞ᬳᬧᬸᬧᬸᬮ᭄ᬭᬶᬂᬧᬲᬫ᭄ᬯᬦ᭄᭞ᬢ᭄ᬓᬲᬓᬶᬂᬮᭀᬃᬫᬧᬸᬧᬸᬮ᭄ᬭᬶᬂᬧᬲᬫ᭄ᬯᬦ᭄ ᭞ᬭᬶᬂᬢ᭄ᬗᬄ᭞ᬭᬯᬸᬄᬤᬕᬸᬭᬸᬤᬾᬯᬭᬶᬂᬓᬬᬗᬵᬦ᭄ᬰᬓ᭄ᬢᬶ᭞ᬧᬥᬵᬓᬢᬸᬭᬦ᭄ᬤᬾᬦᬶᬂᬫᬦᬸᬱ᭞ᬧᬥᬵᬳᬫᬸᬓ᭄ᬢᬶ ᬩᬦ᭄ᬢᭂᬦ᭄‌ᬰᬸᬘᬶᬭᬶᬂᬓᬬᬸᬗᬦ᭄ᬰᬓ᭄ᬢᬶ᭞ᬧᬸᬓᬸᬮᬸᬦ᭄‌ᬰᬺᬥᬄᬪᬝᬵᬭᬫᬸᬜ᭄ᬘᬃᬳᬦᬢᬶᬃᬣᬓᬫᬡ᭄ᬥᬮᬸ᭞ᬉᬢ᭄ᬧ᭄ᬢᬶ [ ᭖ 6A] ᬪᬝᬵᬭᬗ᭄ᬕ᭞ᬯᬶᬦᬥᬳᬦ᭄ᬓᬸᬡ᭄ᬥᬶᬫᬡᬶᬓ᭄᭞ᬲᬶᬦᬶᬭᬢᬦ᭄ᬫᬸᬜ᭄ᬘᬃᬫᬸᬜ᭄ᬘ᭄ᬭᬢ᭄᭞ᬳᬗᬶᬮᬗᬦᬦᬲᬫᬸᬮᬦᬶᬂ ᬫᬵᬦᬸᬱᬵ᭞ᬓ᭄ᬦᬾᬦᬵᬕ᭄ᬕᬧᬦᬶᬭᬤᬾᬯᬫᬦᬸᬱᬯᬶᬰᬾᬱ᭞ᬓᬲᬸᬧᬢ᭄ᬤᬾᬦᬶᬂᬢᬶᬃᬣᬦ᭄ᬪᬝᬵᬭ᭞ᬫᬸᬓ᭄ᬱᬵᬳᬶᬮᬂᬮᬭ ᬭᭀᬕᬧᬵᬢᬓᬦᬶᬂᬚᬦ᭄ᬫᬫᬵᬦᬸᬱ᭞ᬯᬸᬲ᭄ᬢᬸᬧᬸᬦᬄᬳᬶ᭠ᬮᬂᬲᬶᬤ᭄ᬥᬶᬭᬲ᭄ᬢᬸ᭚ᬲᬫᬗ᭄ᬓᬦᬲᬳᬦᬶᬭᬲᬗ᭄ᬓᬸᬮ᭄ᬧᬸᬢᬶᬄ᭞ᬭᬶᬂ ᬓᬳ᭄ᬬᬗᬦ᭄᭞ᬓᬧᬶᬋᬗᬶᬦ᭄ᬤᬾᬦᬶᬭᬪᬝᬵᬭᬧᬰᬸᬧᬢᬶᬭᬶᬂᬚᬫ᭄ᬪᬸᬥᬶᬧ᭞ᬭᬶᬂᬓᬳ᭄ᬬᬗᬦᬶᬭᬭᬶᬂᬕᬸᬦᬸᬂᬫᬳᬵ

Auto-transliteration

[ 5 5B] 5 raringkahyangan, hingiringdeningdewahasanakaputu, mwangwidadharawidadharimangeta nringpasamwan, tkāsakingkulon, hapupulringpasamwan, tkasakinglor̀mapupulringpasamwan , ringtngaḥ, rawuḥdagurudewaringkayangānśakti, padhākaturandeningmanuṣa, padhāhamukti bantĕnśuciringkayunganśakti, pukulunśr̥ĕdhaḥbhaṭāramuñcar̀hanatir̀thakamaṇdhalu, utpti [ 6 6A] bhaṭārangga, winadhahankuṇdhimaṇik, siniratanmuñcar̀muñcrat, hangilangananasamulaning mānusyā, knenāggapaniradewamanuṣawiśeṣa, kasupatdeningtir̀thanbhaṭāra, muksyāhilanglara rogapātakaningjanmamānuṣa, wustupunaḥhi‐langsiddhirastu // samangkanasahanirasangkulputiḥ, ring kahyangan, kapir̥ĕngindenirabhaṭārapaśupatiringjambhudhipa, ringkahyanganiraringgunungmahā

Leaf 6

Image on Archive.org

[ ᭖ 6B] ᭖᭞ ᬫᬾᬭᬸ᭞ᬲᬸᬫᬳᬸᬃᬪᬝᬵᬭᬧᬰᬸᬧᬢᬶᬭᬶᬂᬧᬸᬢ᭄ᬭᬦᬶᬭ᭞ᬳᬧᬗᬭᬦ᭄ᬧᬸᬢ᭄ᬭᬚᬬ᭞ᬮᬶᬂᬦᬶᬭ᭞ᬉᬥᬹᬳᬦᬓᬶ ᬗ᭄ᬳᬸᬮᬸᬦ᭄ᬲᬂᬧᬸᬢ᭄ᬭᬚᬬ᭞ᬩᬧᬳᬗᬸᬢᬸᬲᬶᬭᬫᬭᬶᬂᬩᬮᬶ᭞ᬫᬓᬧᬦᭂᬫ᭄ᬩᬳᬦ᭄ᬧᬭᬭᬢᬸᬭᬶᬂᬩᬮᬶ᭞ᬳᬚ ᬦ᭄ᬳᬭᬶᬦᬶᬭᬲᬂᬤᬾᬯᬶᬤᬦᬸᬄ᭞ᬳᬚᬮᬗ᭄ᬕᬦᬭᬶᬂᬪᬝᬵᬭ᭞ᬲᬂᬢᬩᬾᬬᬳᬗᬶᬭᬶᬂᬭᬦᬓ᭄ᬪᬝᬵᬭ᭞ᬲᬸᬫᬳᬸᬃᬤᬾ ᬯᬶᬤᬦᬸᬄ᭞ᬮᬶᬂᬦᬶᬭ᭞ᬉᬥᬸᬄᬲᬂᬢᬩᬾᬬᬭᬦᬓ᭄ᬪᬝᬵᬭ᭞ᬭᬦᬓ᭄ᬪᬝᬵᬭᬤᬾᬯᬶᬤᬦᬸᬄ᭞ᬓᬤᬶᬗᬓ᭄ᬱᬫᬭᬶᬂ [ ᭗ 7A] ᬪᬝᬵᬭ᭞ᬳᬕᬶᬮᬭᬦᬓ᭄ᬪᬝᬵᬭᬭᬶᬂᬚᭀᬂᬢ᭄ᬗᬳᬶᬂᬲᬫᬸᬤ᭄ᬭ᭞ᬳᬫ᭄ᬩᬚᭀᬫᬭᬶᬂᬩᬮᬶ᭞ᬫᬦᬯᬶᬓᬩᬚᭀ ᬭᬵᬦᬓ᭄ᬪᬝᬵᬭᬭᬶᬂᬲᬫᬸᬤ᭄ᬭ᭞ᬲᬸᬫᬳᬸᬃᬕᬸᬭᬸᬦᬶᬭ᭞ᬮᬶᬂᬦᬶᬭ᭞ᬉᬥᬸᬄᬦᬶᬦᬶᬤᬦᬸᬄ᭞ᬳᬚᬲᬶᬭᬮᬗ᭄ᬕᬡᬭᬶᬂ ᬪᬝᬵᬭ᭞ᬪᬝᬵᬭᬫᬫᬲᬂᬰᬧᬭᬶᬂᬚᭀᬂᬩᬚᭀᬭᬶᬂᬢ᭄ᬗᬳᬶᬂᬲᬫᬸᬤ᭄ᬭ᭞ᬲᬶᬗ᭄ᬕᬶᬄᬳᬗᬶᬭᬶᬂᬭᬦᬓ᭄ᬪᬝᬵᬭᬫᬭᬶᬂ ᬩᬮᬶ᭞ᬢᬸᬫᬸᬮᬶᬫᬫᬲᬂᬰᬧᬪᬝᬵᬭᬧᬰᬸᬧᬢᬶ᭞ᬭᬶᬂᬢᬸᬂᬢᬸᬗᬶᬂᬕᬸᬦᬸᬂᬫᬳᬵᬫᬾᬭᬸ᭞ᬭᬶᬂᬚᬫ᭄ᬪᬸᬥᬶᬧ᭞ᬲ

Auto-transliteration

[ 6 6B] 6 meru, sumahur̀bhaṭārapaśupatiringputranira, hapangaranputrajaya, lingnira, udhūhanaki nghulunsangputrajaya, bapahangutusiramaringbali, makapanĕmbahanpararaturingbali, haja nharinirasangdewidanuḥ, hajalangganaringbhaṭāra, sangtabeyahangiringranakbhaṭāra, sumahur̀de widanuḥ, lingnira, udhuḥsangtabeyaranakbhaṭāra, ranakbhaṭāradewidanuḥ, kadingakṣamaring [ 7 7A] bhaṭāra, hagilaranakbhaṭāraringjongtngahingsamudra, hambajomaringbali, manawikabajo rānakbhaṭāraringsamudra, sumahur̀gurunira, lingnira, udhuḥninidanuḥ, hajasiralanggaṇaring bhaṭāra, bhaṭāramamasangśaparingjongbajoringtngahingsamudra, singgiḥhangiringranakbhaṭāramaring bali, tumulimamasangśapabhaṭārapaśupati, ringtungtunginggunungmahāmeru, ringjambhudhipa, sa

Leaf 7

Image on Archive.org

[ ᭗ 7B] ᭗᭞ ᬳᬰᭀᬓ᭟ᬲ᭄ᬯᬕᬢᬚᭀᬂᬯᬲ᭄ᬢᬸᬓᬭᬀ᭞ᬭᬶᬫᬥ᭄ᬬᭀᬚᬮᬥᬶᬲᬯᬾᬢ᭄᭞ᬧᬭᬫ᭄ᬩᬚᭀᬫᬭᬶᬂᬤ ᬮᬀ᭞ᬓᬯᬲ᭄ᬢᬸᬤᬾᬦᬶᬂᬪᬝᬵᬭᬀ᭟ᬳᬲ᭄ᬢᬸᬲᬶᬭᬳᬦᬓᬶᬂᬪᬝᬵᬭᬲᬂᬧᬸᬢ᭄ᬭᬚᬬ᭞ᬫ᭄ᬯᬂᬤᬾᬯᬶᬤᬦᬸᬄ᭞ᬫ ᬭᬫᭀᬗ᭄ᬲᬶᬭᬭᬶᬂᬩᬮᬶᬚᬸᬫ᭄ᬦᭂᬂᬪᬝᬵᬭ᭞ᬳᬶᬗᬸᬍᬲᬦ᭄ᬤᬾᬦᬶᬂᬫᬸᬧᬸᬲᬶᬂᬯᭀᬄᬓᬮᬧᬵᬧᬶᬢᬓᬭᭀ᭞ᬓᬮ ᬯᬦ᭄ᬫᬦᬸᬓᬶᬢᬶᬭᬦ᭄ᬧ᭄ᬝᬓ᭄᭞ᬳᬗ᭄ᬮᬬᬂᬢᬶᬦᬹᬢᬫᬭᬶᬂᬩᬮᬶ᭞ᬢᬸᬫᬸᬭᬸᬦ᭄ᬲᬶᬭᬭᬶᬂᬓᬳ᭄ᬬᬗᬦ᭄᭞ᬲᬶᬭᬲᬂ [ ᭘ 8A] ᬭᬢᬸᬩᬮᬶᬭᬶᬂᬩᬲᬓᬶᬄ᭞ᬳᬶᬗᬫᭂᬃᬤᬾᬦᬶᬭᬧᬭᬪᬸᬚᬗ᭄ᬕ᭞ᬢᬶᬗ᭄ᬓᬄᬤᬾᬦᬶᬂᬳᬫ᭄ᬧᬾᬮ᭄ᬕᬥᬶᬂᬭᬶᬂᬓᬳ᭄ᬬᬵ ᬗᬦ᭄᭞ᬢ᭄ᬓᬦᬾᬧᬹᬃᬫᬾᬂᬓᬃᬢ᭄ᬢᬶᬓᬵᬭᬶᬂᬓᬳᬗᬦ᭄᭞ᬪᬝᬵᬭᬭᬶᬂᬯᬶᬗ᭄ᬓᬶᬂᬳᬲᬸᬂᬭᬵᬚᬕᬶᬭᬶᬇᬦ᭄ᬤ᭄ᬭᬧᬃᬯ᭄ᬯᬢ᭞ᬧᬶᬦ ᬓᬵᬮᬶᬗ᭄ᬕᬦᬶᬂᬪᬸᬯᬦᬭᬶᬂᬩᬮᬶ᭞ᬧᭀᬫᬲᬶᬭᬳᬦᬓ᭄ᬪᬝᬵᬭ᭞ᬳᬚᬮᬗ᭄ᬕᬦᬭᬶᬗ᭄ᬳᬸᬮᬸᬦ᭄᭞ᬲ᭄ᬫᬵ᭞ᬢᬜ᭄ᬘᬶᬦᬭᬶ ᬢᬦᭂᬦ᭄ᬪᬝᬵᬭᬭᬶᬗᬯᬦ᭄᭞ᬮᬸᬗ᭄ᬳᬵᬫᬭᬶᬂᬩᬮᬶ᭞ᬓᭀᬘᬧᬦᬶᬭᬓᬸᬮ᭄ᬧᬸᬢᬶᬄ᭞ᬳᬦᬭᬶᬂᬩᬮᬶ᭞ᬓᬳ᭄ᬬ

Auto-transliteration

[ 7 7B] 7 haśoka. swagatajongwastukaraṃ, rimadhyojaladhisawet, parambajomaringda laṃ, kawastudeningbhaṭāraṃ. hastusirahanakingbhaṭārasangputrajaya, mwangdewidanuḥ, ma ramongsiraringbalijumnĕngbhaṭāra, hingul̥ĕsandeningmupusingwoḥkalapāpitakaro, kala wanmanukitiranpṭak, hanglayangtinūtamaringbali, tumurunsiraringkahyangan, sirasang [ 8 8A] ratubaliringbasakiḥ, hingamĕr̀deniraparabhujangga, tingkaḥdeninghampelgadhingringkahyā ngan, tkanepūr̀mengkar̀ttikāringkahangan, bhaṭāraringwingkinghasungrājagiri'indrapar̀wwata, pina kālingganingbhuwanaringbali, pomasirahanakbhaṭāra, hajalangganaringhulun, smā, tañcinari tanĕnbhaṭāraringawan, lunghāmaringbali, kocapanirakulputiḥ, hanaringbali, kahya

Leaf 8

Image on Archive.org

[ ᭘ 8B] ᭘᭞ ᬗᬦ᭄ᬩᬲᬓᬶᬄ᭞ᬲᬦᬗ᭄ᬓᭂᬦ᭄‌ᬰᬰᬶᬄᬓᬃᬢ᭄ᬢᬶᬓᬢ᭄ᬭᬶᬬᭀᬤᬰᬶᬰᬸᬓ᭄ᬮᬵᬧᬓ᭄ᬱ᭞ᬲᬶᬭᬄ᭞᭙᭞ᬢᭂᬗ᭄ᬕᭂᬓ᭄᭞ ᭙᭞ᬕᬸᬡᬦᬶᬂᬫᬗ᭄ᬓᬸᬳᬾᬗᬾᬗᬦ᭄᭞ᬲᬶᬭᬫᬗ᭄ᬓᬸᬓᬸᬮ᭄ᬧᬸᬢᬶᬄᬢᬦ᭄ᬲᬄᬲᬶᬭᬫᬦ᭄ᬤᬾᬯᬰ᭄ᬭᬬ᭞ᬭᬶᬂᬓᬮ ᬗᬦ᭄ᬭᬢᬸ᭞ᬯᬸᬲᬸᬭᬸᬧ᭄ᬳ᭄ᬬᬂᬤᬶᬯᬵᬗ᭄ᬓᬭ᭞ᬓᬢᭀᬦ᭄ᬲᬂᬳ᭄ᬬᬂᬰᬰᬥᬭᬭᬶᬂᬯᬾᬢᬦ᭄᭞ᬢᬗ᭄ᬕᬮ᭄‌ᬢ᭄ᬭᬶᬬᭀᬤᬰᬶ ᭞ᬳᬫᬹᬃᬯ᭄ᬯᬬᬦ᭞ᬧ᭄ᬭᬣᬶᬯᬶᬚᬭᬫᬭᬡ᭞ᬓᬢᬓ᭄ᬱᭀᬦ᭄ᬲᬶᬭᬓᬸᬮ᭄ᬧᬸᬢᬶᬄᬭᬶᬂᬓᬬᬗᬦ᭄᭞ᬲᬲᬫ᭄ᬩᬢᬾ [ ᭙ 9A] ᬫᬲᬾᬭᭀᬲᬾᬭᭀ᭞ᬳᬧᬶᬡ᭄ᬥᬤᬾᬯᬳᬮᬶᬢ᭄‌ᬲ᭄ᬯᬭᬦᬾ᭞ᬭᬫᬾᬳᬕᬸᬬᭀᬦ᭄ᬕᬸᬬᭀᬦ᭄ᬭᬶᬂᬓᬬᬗᬦ᭄᭞ ᬲ᭄ᬫ᭞ᬲᬩ᭄ᬭᬦ᭄ᬤᬶᬦᬳᬮᬳᬾᬲᬶᬭᬲᬂᬫᬗ᭄ᬓᬸᬓᬸᬮ᭄ᬧᬸᬢᬶᬄᬭᬶᬂᬓᬬᬗᬦ᭄᭞ᬢ᭄ᬓᬵᬭᬶᬂᬧᬹᬃᬡ᭄ᬦᬫᬦᬶᬂᬓᬃᬢ᭄ᬢᬶᬓ᭞ᬭᬶᬂ ᬤᬶᬦ᭞ᬧ᭄ᬯ᭞ᬩᬸ᭞ᬯᬭᬢᭀᬮᬸ᭞ᬏᬜ᭄ᬚᬶᬂᬲᬶᬭᬲᬂᬓᬸᬮ᭄ᬧᬸᬢᬶᬄ᭞ᬯᬤᭀᬦ᭄ᬳᬦᬦᬧᬸᬄᬭᬶᬂᬓᬬᬗᬦ᭄᭞ᬲᬶ ᬭᬲᬂᬓᬸᬮ᭄ᬧᬸᬢᬶᬄᬮᬦᬂᬫᬭᬶᬂᬳᬸᬫᬄᬫᬓᬃᬬ᭄ᬬᬩᬦ᭄ᬢᭂᬦ᭄᭞ᬢᬶᬗ᭄ᬓᬄᬢᬶᬗ᭄ᬓᬳᬶᬂᬓᬬᬗᬦ᭄᭞ᬫᬾᬭᬸᬳᬚ

Auto-transliteration

[ 8 8B] 8 nganbasakiḥ, sanangkĕnśaśiḥkar̀ttikatriyodaśiśuklāpakṣa, siraḥ 9 tĕnggĕk, 9 guṇaningmangkuhengengan, siramangkukulputiḥtansaḥsiramandewaśraya, ringkala nganratu, wusurup'hyangdiwāngkara, katonsanghyangśaśadhararingwetan, tanggaltriyodaśi , hamūr̀wwayana, prathiwijaramaraṇa, kataksyonsirakulputiḥringkayangan, sasambate [ 9 9A] maserosero, hapiṇdhadewahalitswarane, ramehaguyon'guyonringkayangan, sma, sabrandinahalahesirasangmangkukulputiḥringkayangan, tkāringpūr̀ṇnamaningkar̀ttika, ring dina, pwa, bu, waratolu, eñjingsirasangkulputiḥ, wadonhananapuḥringkayangan, si rasangkulputiḥlanangmaringhumaḥmakar̀yyabantĕn, tingkaḥtingkahingkayangan, meruhaja

Leaf 9

Image on Archive.org

[ ᭙ 9B] ᭙᭞ ᬚᬭᬶᬂᬗᬸᬮᭀᬦᬶᬂᬧᬃᬬ᭄ᬬᬗᬦ᭄᭞ᬧᬃᬬ᭄ᬬᬗᬦ᭄ᬫᬜ᭄ᬚᬗᬦ᭄ᬲᬮ᭄ᬯᬂ᭞ᬧᬮᬶᬗ᭄ᬕᬶᬳᬦ᭄ᬤᬾᬯᬭᬶᬂᬫᬚᬧᬳᬶ ᬢ᭄᭞ᬧᬧ᭄ᬢᬾᬓᬦ᭄ᬲᬃᬯ᭄ᬯᬲ᭄ᬓᬭᬶᬂᬓᬬᬗᬦ᭄᭞ᬳᬦᬓᬩᬳᭂᬦ᭄ᬯᬶᬦᭀᬭᭀᬭᭀ᭞ᬯᬶᬦᬶᬍᬢᬦ᭄ᬕᬥᬸᬂᬓ ᬲ᭄ᬢᬸᬭᬶ᭞ᬯᬳᬸᬭᬸᬫᭂᬫ᭄ᬩᬾ᭞ᬢᬸᬫᬸᬮᬶᬧ᭄ᬭᬧ᭄ᬢᬵᬫᬦᬸᬓᬗ᭄ᬮᬬᬂᬲᬂᬫᬦᬸᬓᭀᬮᭀᬰ᭄ᬯᬾᬢ᭞ᬫᬢᬶᬗ᭄ᬕᬄᬭᬶᬂ ᬧᬂᬓᬶᬂᬢᬳᭂᬦ᭄ᬯᬶᬤᭀᬂᬧᬢᬭᭀᬭᭀᬲᭀᬯᬂ᭞ᬫᬦᬸᬓ᭄ᬳᬶᬓᬭᬭᬶᬲ᭄ᬫᬰᬩ᭄ᬥᬭᬶᬂᬢᬳᭂᬦ᭄ᬯᬶᬤᭀᬂ᭞ᬲ᭄ᬯᬭ [ ᭑᭐ 10A] ᬦᬾᬳᬗᬭᬶᬳᬭᬶᬄᬧᬶᬮᬶᬄᬫᬚᬃᬲᬮᬓᬶᬩᬶ᭞ᬫᬯᬸᬥᭂᬗᬦ᭄᭞ᬢᬸᬫᬸᬮᬶᬳᬦᬦᬧᬸᬄᬲᬶᬭᬓᬸᬮ᭄ᬧᬸᬢᬶᬄ ᬫᬭᬶᬂᬮᭀᬭᬶᬂᬧᬃᬬ᭄ᬬᬗᬦ᭄᭞ᬤᬤ᭄ᬬᬢᬸᬫᬸᬭᬸᬦ᭄ᬪᬝᬵᬭᬫᬓᬭᭀᬭᭀᬭᬶᬂᬧᬃᬬ᭄ᬬᬗᬦ᭄᭞ᬯᬸᬲᬶᬭᬓᬸᬮ᭄ᬧᬸᬢᬶᬄ ᬳᬦᬦᬧᬸᬄᬭᬶᬂᬓᬸᬮᭀᬦᬶᬂᬧᬃᬬ᭄ᬬᬗᬦ᭄᭞ᬲᬸᬦᬮᬧᬾᬤᬾᬦᬶᬭᬓᬸᬮ᭄ᬧᬸᬢᬶᬄ᭞ᬢᭀᬓ᭄ᬢᭀᬓᬦ᭄ᬳᬶᬓᬵᬫ

Auto-transliteration

[ 9 9B] 9 jaringnguloningpar̀yyangan, par̀yyanganmañjangansalwang, palinggihandewaringmajapahi t, paptekansar̀wwaskaringkayangan, hanakabahĕnwinororo, winil̥ĕtan'gadhungka sturi, wahurumĕmbe, tumulipraptāmanukanglayangsangmanukolośweta, matinggaḥring pangkingtahĕnwidongpatarorosowang, manuk'hikararismaśabdharingtahĕnwidong, swara [ 10 10A] nehangarihariḥpiliḥmajar̀salakibi, mawudhĕngan, tumulihananapuḥsirakulputiḥ maringloringpar̀yyangan, dadyatumurunbhaṭāramakarororingpar̀yyangan, wusirakulputiḥ hananapuḥringkuloningpar̀yyangan, sunalapedenirakulputiḥ, toktokanhikāma

Leaf 10

Image on Archive.org

[ ᭑᭐ 10B] ᭑᭐᭞ ᬓᬭᭀᬭᭀ᭞ᬮᬭᬶᬲ᭄ᬫᬰᬩ᭄ᬥᬲᬶᬭᬓᬸᬮ᭄ᬧᬸᬢᬶᬄ᭞ᬳᬶᬄᬲᬧᬳᬶᬓᬶᬯᭀᬂᬳᬜᬸᬓᬶᬢᬶᬧᬃᬬ᭄ᬬᬗᬦ᭄᭞ᬭᬶᬂᬳᭂᬦ᭄ᬤᬶ ᬢᬗ᭄ᬕᭀᬦᬾᬳᬲᬶᬮᬸᬫᬦ᭄᭞ᬮᬭᬾᬳᬚᬲᬶᬭᬳᬶᬃᬱ᭄ᬬᬭᬶᬗ᭄ᬳᬸᬮᬸᬦ᭄᭞ᬳᬚᬢᬲᬶᬭᬫᬾᬗ᭄ᬓᬾᬦᬾ᭞ ᬳᬜᬸᬓᭂᬢᬶᬳᬶᬂᬧᬃᬬ᭄ᬬᬗᬦ᭄᭞ᬢᬢᬦ᭄ᬯ᭄ᬭᬸᬄᬓᬭᭀᬲᬶᬭᬭᬶᬂᬧᬃᬬ᭄ᬬᬗᬦ᭄‌ᬤᬾᬯ᭞ᬲ᭄ᬫ᭞ᬩᬶᬦᬸᬜ᭄ᬘᬮ᭄ᬫᬭᬶᬂᬗᬸ ᬮᭀᬧ᭄ᬲᬳᬶᬦᬢᬧ᭄᭞ᬫᬯᬮᬶᬲᬶᬭᬫᬗᬶᬤᬸᬮ᭄᭞ᬳᬦᬦᬧᬸᬄ᭞ᬯᬸᬲ᭄ᬫᬭᬶᬂᬓᬶᬤᬸᬮ᭄᭞ᬫᬭᬶᬲᬶᬭᬭᬶᬂᬧᬃᬬ᭄ᬬ [ ᭑᭑ 11A] ᬗᬦ᭄᭞ᬓᬧᬗ᭄ᬕᬶᬄᬢᭀᬦ᭄ᬢᭀᬦᬦ᭄ᬬᬸᬄᬕᬥᬶᬂᬭᬶᬂᬧᬃᬬ᭄ᬬᬗᬦ᭄᭞ᬳᬶᬗᬮᬧ᭄ᬤᬾᬦᬶᬭᬲᬂᬓᬸᬮ᭄ᬧᬸᬢᬶᬄ᭞ᬮ ᬭᬶᬲ᭄ᬫᬰᬩ᭄ᬥ᭞ᬉᬥᬸᬄᬢᬫ᭄ᬧᬢ᭄ᬭᬧ᭄ᬓᬧᭀᬲᬶᬭᬭᬸᬘᬶᬳᬦᬭᬶᬗ᭄ᬓᬾᬦᬾ᭞ᬭᬶᬗᭂᬦ᭄ᬤᬶᬢᬗ᭄ᬕᭀᬦᬾᬳᬲᬶᬮᬸ ᬫᬦ᭄᭞ᬳᬚᬲᬶᬭᬢᬫᬶᬗ᭄ᬓᬾᬦᬾ᭞ᬢᬦ᭄ᬯ᭄ᬭᬸᬄᬓᬧᭀᬲᬶᬭᬭᬶᬂᬤᬾᬯ᭞ᬳᬶᬦᬸᬜ᭄ᬘᬮ᭄ᬢᭀᬓ᭄ᬢᭀᬓᬦ᭄ᬬᬸᬄᬳᬶᬲ ᬫᬭᬶᬂᬓᬶᬤᬸᬮ᭄᭞ᬫᬭᬲᬶᬭᬭᬶᬂᬓᬸᬮᭀᬦ᭄ᬳᬦᬦᬧᬸᬄ᭞ᬲᬂᬓᬸᬮ᭄ᬧᬸᬢᬶᬄᬯᬸᬲᬦ᭄ᬳᬦᬦᬧᬸᬄᬭᬶᬂᬓᬸᬮᭀᬦ᭄᭞ᬫ

Auto-transliteration

[ 10 10B] 10 karoro, larismaśabdhasirakulputiḥ, hiḥsapahikiwonghañukitipar̀yyangan, ringhĕndi tanggonehasiluman, larehajasirahir̀ṣyaringhulun, hajatasiramengkene, hañukĕtihingpar̀yyangan, tatanwruḥkarosiraringpar̀yyangandewa, sma, binuñcalmaringngu lopsahinatap, mawalisiramangidul, hananapuḥ, wusmaringkidul, marisiraringpar̀yya [ 11 11A] ngan, kapanggiḥtontonanyuḥgadhingringpar̀yyangan, hingalapdenirasangkulputiḥ, la rismaśabdha, udhuḥtampatrapkaposirarucihanaringkene, ringĕnditanggonehasilu man, hajasiratamingkene, tanwruḥkaposiraringdewa, hinuñcaltoktokanyuḥhisa maringkidul, marasiraringkulonhananapuḥ, sangkulputiḥwusanhananapuḥringkulon, ma

Leaf 11

Image on Archive.org

[ ᭑᭑ 11B] ᭑᭑᭞ ᬭᬲᬶᬭᬶᬂᬧᬃᬬ᭄ᬬᬗᬦ᭄᭞ᬫᬮᬶᬄᬢᭀᬓ᭄ᬢᭀᬓᬦ᭄ᬬᬸᬄᬕᬥᬶᬂᬭᬶᬂᬧᬃᬬ᭄ᬬᬗᬦ᭄᭞ᬳᬶᬦᬮᬧᬦ᭄ᬤᬾᬦᬶᬭᬲᬂᬓᬸ ᬮ᭄ᬧᬸᬢᬶᬄ᭞ᬢᭀᬓ᭄ᬢᭀᬓᬦ᭄ᬬᬸᬄᬕᬥᬶᬂᬳᬶᬓ᭞ᬲ᭄ᬫ᭞ᬫᬰᬩ᭄ᬥᬲᬶᬭᬓᬸᬮ᭄ᬧᬸᬢᬶᬄ᭞ᬳᬥᬸᬄᬯᭀᬂᬧᬭᬦ᭄ᬢᬫᬭᬶ ᬗ᭄ᬓᬾᬦᬾ᭞ᬳᬭᬸᬘᬶᬢᬦ᭄ᬧᬢᬸᬢᬸᬃᬦᬶᬭ᭞ᬳᬦᬭᬶᬂᬧᬃᬬ᭄ᬬᬗᬦ᭄᭞ᬧᬭᬦ᭄ᬭᬸᬧᬢᬓᬶᬢᬚᬦᬳᬦᬭᬶᬂᬗ᭄ᬓᬾ ᬦᬾ᭞ᬮᬶᬯᬢ᭄ᬭᬸᬘᬶᬦᬾ᭞ᬩᬶᬦᬸᬜ᭄ᬘᬮ᭄ᬫᬭᬶᬂᬓᬸᬮᭀᬦ᭄‌ᬮᬭᬶᬲᬶᬭᬫᬗᬾᬢᬦ᭄᭞ᬲᬂᬓᬸᬮ᭄ᬧᬸᬢᬶᬄ᭞ᬤᬵᬦ [ ᭑᭒ 12A] ᬧ᭄ᬭᬬᬢ᭄ᬦ᭞ᬰᬶᬖ᭄ᬭᬵᬫᬗᬮᭀᬃᬫᬭᬢᬸᬫᬫ᭞ᬢ᭄ᬓᬲᬶᬭᬭᬶᬂᬢᭀᬓ᭄ᬢᭀᬓᬦ᭄ᬬᬸᬄᬕᬥᬶᬂ᭞ᬓᬕ᭄ᬬᬢ᭄ᬧᬓᬮ ᬧ᭄ᬮᬧ᭄‌ᬯᭀᬭᬭᬾᬓᬢᭀᬦᬭᬶᬂᬧᬃᬬ᭄ᬬᬗᬦ᭄᭞ᬢᬸᬫᬸᬮᬶᬢᬶᬦᬸᬢᬸᬢᬦ᭄ᬤᬾᬦᬶᬭᬲᬂᬓᬸᬮ᭄ᬧᬸᬢᬶᬄ᭞ᬫ ᬭᬶᬂᬧᬃᬬ᭄ᬬᬗᬦ᭄᭞ᬓᬧᬗ᭄ᬕᬶᬄᬯᭀᬂᬭᬭᬾᬭᭀᬭᭀ᭞ᬲᬮᬓᬶᬩᬶ᭞ᬢ᭄ᬳᭂᬃᬫᬰᬩ᭄ᬥᬲᬶᬭᬲᬂᬓᬸᬮ᭄ᬧᬸᬢᬶᬄ᭞ᬕᬶ ᬕᬶᬳᭂᬦ᭄ᬫᬲᬾᬭᭀᬦ᭄ᬲᬾᬭᭀᬦ᭄ᬧᬗᬸᬘᬧᬾᬢᬓ᭄ᬱᭀᬦ᭄᭞ᬉᬚᬭᬾᬳᬶᬄᬤᬾᬤᬾᬯᭂᬮ᭄᭞ᬧ᭄ᬯ

Auto-transliteration

[ 11 11B] 11 rasiringpar̀yyangan, maliḥtoktokanyuḥgadhingringpar̀yyangan, hinalapandenirasangku lputiḥ, toktokanyuḥgadhinghika, sma, maśabdhasirakulputiḥ, hadhuḥwongparantamari ngkene, harucitanpatutur̀nira, hanaringpar̀yyangan, paranrupatakitajanahanaringngke ne, liwatrucine, binuñcalmaringkulonlarisiramangetan, sangkulputiḥ, dāna [ 12 12A] prayatna, śighrāmangalor̀maratumama, tkasiraringtoktokanyuḥgadhing, kagyatpakala plapworarekatonaringpar̀yyangan, tumulitinututandenirasangkulputiḥ, ma ringpar̀yyangan, kapanggiḥwongrareroro, salakibi, t'hĕr̀maśabdhasirasangkulputiḥ, gi gihĕnmaseronseronpangucapetaksyon, ujarehiḥdedewĕl, pwa

Leaf 12

Image on Archive.org

[ ᭑᭒ 12B] ᭑᭒᭞ ᬩᭀᬢᬾ᭞ᬘᭀᬭᬘᭀᬭᬾᬲᬶᬓᬶᬢᬫᬭᬭᬶᬗ᭄ᬓᬾᬦᬾ᭞ᬭᬸᬘᬶᬓᬧᭀᬲᬶᬭᬭᬶᬗᬹᬦᬶᬳᬜᬸᬓᭂᬢᬶ ᬭᬶᬂᬧᬃᬬ᭄ᬬᬗᬦ᭄᭞ᬢᬸᬯᬶᬲᬶᬭᬢᬦ᭄ᬧᬢᬸᬢᬸᬃ᭞ᬢᬸᬳᬸᬢᬓᬶᬢᬢᭀᬜᬦ᭄ᬳᬮᬲ᭄᭞ᬢᬦᬾᬮᬶᬄᬢᬓᬶᬢᬵ ᬯᬭᬄᬯᬭᬄᬓᬬᬸᬓ᭄ᬢᬶᬦ᭄᭞ᬯᬭᬳᭂᬦ᭄ᬢᬳᬓᬸᬳᬭᬦ᭄ᬓᬶᬢ᭞ᬲᬸᬫᬳᬸᬃᬪᬝᬵᬭᬭᬶᬲᬂᬓᬸᬮ᭄ᬧᬸᬢᬶᬄ᭞ᬉ ᬥᬸᬄᬲᬶᬭᬲᬂᬓᬸᬮ᭄ᬧᬸᬢᬶᬄ᭞ᬳᬓᬸᬪᬝᬵᬭᬫᬭᬾᬦᬵᬕ᭄ᬓᬶᬢᬲᬂᬓᬸᬮ᭄ᬧᬸᬢᬶᬄ᭞ᬳᬚᬓᬶᬢᬮᬗ᭄ᬕᬦᬭᬶᬂᬳᬓᬸ᭞ [ ᭑᭓ 13A] ᬳᬓᬸᬧᬸᬢ᭄ᬭᬦ᭄ᬪᬝᬵᬭᬧᬰᬸᬧᬢᬶᬭᬶᬂᬕᬶᬭᬶᬫᬳᬵᬫᬾᬭᬸ᭞ᬳᬶᬗᬦ᭄ᬤᬶᬓᬤᬾᬦᬶᬂᬪᬝᬵᬭᬧᬰᬸᬧᬢᬶᬫᬭᬶᬂ ᬩᬮᬶ᭞ᬭᬶᬂᬓᬳ᭄ᬬᬗᬦ᭄ᬭᬢᬸᬩᬮᬶ᭞ᬳᬓᬸᬫᬓᬮᬶᬗ᭄ᬕᬦᬶᬂᬪᬸᬯᬦᬓᬩᬾᬄᬳᬦᬭᬶᬂᬩᬮᬶ᭞ᬳᬭᬦ᭄ᬳᬓᬸ ᬪᬝᬵᬭᬫᬳᬵᬤᬾᬯ᭞ᬳᬭᬶᬦ᭄ᬳᬓᬸᬫᬳᬭᬦ᭄ᬪᬝᬵᬭᬶᬤᬦᬸᬄ᭞ᬲ᭄ᬫ᭞ᬍᬂᬍᬂᬢ᭄ᬯᬲᬶᬭᬲᬂᬓᬸᬮ᭄ᬧᬸᬢᬶᬄ᭞ᬳᬗ᭄ᬭᬸᬗᬸ ᬉᬚᬭᬶᬭᬪᬝᬵᬭ᭞ᬳᬦᬗᬶᬲᬶᬭᬓᬸᬮ᭄ᬧᬸᬢᬶᬄ᭞ᬫᬲᬾᬭᭀᬦ᭄ᬲᬭᭀᬦ᭄᭞ᬲᬲᬫ᭄ᬩᬢᬾᬤᬾᬯᬭᬢᬸ᭞

Auto-transliteration

[ 12 12B] 12 bote, coracoresikitamararingkene, rucikaposiraringūnihañukĕti ringpar̀yyangan, tuwisiratanpatutur̀, tuhutakitatoñanhalas, taneliḥtakitā waraḥwaraḥkayuktin, warahĕntahakuharankita, sumahur̀bhaṭārarisangkulputiḥ, u dhuḥsirasangkulputiḥ, hakubhaṭāramarenāgkitasangkulputiḥ, hajakitalangganaringhaku, [ 13 13A] hakuputranbhaṭārapaśupatiringgirimahāmeru, hingandikadeningbhaṭārapaśupatimaring bali, ringkahyanganratubali, hakumakalingganingbhuwanakabeḥhanaringbali, haranhaku bhaṭāramahādewa, harinhakumaharanbhaṭāridanuḥ, sma, l̥ĕngl̥ĕngtwasirasangkulputiḥ, hangrungu ujarirabhaṭāra, hanangisirakulputiḥ, maseronsaron, sasambatedewaratu,

Leaf 13

Image on Archive.org

[ ᭑᭓ 13B] ᭑᭓᭞ ᬲᬸᬫᬳᬸᬃᬪᬝᬵᬭ᭞ᬲᬂᬓᬸᬮ᭄ᬧᬸᬢᬶᬄ᭞ᬳᬫᬾᬢᬦᬲᬃᬯ᭄ᬯᬰᬸᬘᬶ᭞ᬳᬓᬸᬫᬗ᭄ᬳᬾᬃᬗ᭄ᬓᬦᬯ᭄ᬯᬂ᭞ᬳᬚᬓᬶᬢᬯᬮᬂ ᬤᬾᬬᬭᬶᬂᬳᬓᬸ᭞ᬳᬚᬓᬶᬢᬯᬭᬄᬯᬭᬄ᭞ᬫᬦᬯᬵᬯᭀᬂᬲᭂᬩᭂᬮ᭄ᬳᬗ᭄ᬭᬸᬗᬸ᭞ᬧᬸᬦᬳᬓᬸ᭞ᬢᬸᬫᬸᬮᬶᬳᬦᭂ ᬫ᭄ᬩᬄᬲᬶᬭᬗ᭄ᬓᬸᬮ᭄ᬧᬸᬢᬶᬄᬭᬶᬂᬚᭂᬂᬪᬝᬵᬭ᭞ᬤᬤ᭄ᬬᬵᬫᬮᬬ᭄ᬯᬵᬕ᭄ᬮᬶᬲ᭄ᬫᬭᬶᬂᬳᬸᬫᬳᬾ᭞ᬓᬶᬦ᭄ᬕᭂᬮ᭄ᬲᬸᬫᬸᬫ᭄ᬩᬸᬭᬢ᭄‌ᬧᬯ ᬭᬳᬾᬳᬚᭂᬚᭂᬧᬦ᭄᭞ᬭᬶᬂᬲᬶᬭᬲᬂᬓᬸᬮ᭄ᬧᬸᬢᬶᬄᬮᬦᬂ᭞ᬲᬶᬭᬢᬂᬓᬸᬮ᭄ᬧᬸᬢᬶᬄᬮᬦᬂᬲ᭄ᬥᬂᬳᬓᬃᬬ᭄ᬬᬢᬦ᭄ᬤᬶᬂᬩᬦ᭄ᬢᭂ [ ᭑᭔ 14A] ᬦ᭄᭞ᬓᬂᬯᬤᭀᬦ᭄ᬕᬶᬲᬸ᭞ᬳᬢᬓᭀᬦ᭄ᬳᬶᬓᬂᬮᬦᬂ᭞ᬳᬗᬧᬲᬶᬭᬳᬭᬶᬳᬧᬶᬡ᭄ᬥᬕᬶᬲᬸ᭞ᬲᬢᭂᬫ᭄ᬩᬾᬦᭀ ᬭᬫᬾᬗ᭄ᬓᬾᬦᬾ᭞ᬲᬸᬫᬳᬸᬃᬲᬂᬯᬤᭀᬦ᭄ᬳᬚᭂᬚᭂᬧᬦ᭄᭞ᬮᬶᬂᬦᬶᬭ᭞ᬉᬥᬸᬄᬓᬓᬳᬚᬯᬾᬭ᭞ᬫᬦᬯᬶᬢ᭄ᬓ ᬳᭂᬦ᭄ᬪᬝᬵᬭᬭᬶᬂᬓᬳ᭄ᬬᬗᬦ᭄‌ᬭᭀᬭᭀᬲᬮᬓᬶᬲ᭄ᬢ᭄ᬭᬶ᭞ᬢᬦ᭄ᬯ᭄ᬭᬸᬄᬲᬗ᭄ᬓᬦᬾᬥᬢᭂᬂ᭞ᬫᬦᬶᬭᬓᬯᭂᬯᭂᬕᬦ᭄᭞ ᬕ᭄ᬮᬶᬲᬦᬩᬦ᭄ᬢᭂᬦ᭄᭞ᬫᬦᬶᬭᬵᬫ᭄ᬪᬓ᭄ᬢᬳᬩᬳᬩᬄᬲᬃᬯ᭄ᬯᬰᬸᬘᬶᬭᬶᬂᬓᬳ᭄ᬬᬗᬦ᭄᭞ᬧᬗᬾᬭᬦ᭄ᬧᬋᬂᬭᬶᬂᬫᬦᬶ

Auto-transliteration

[ 13 13B] 13 sumahur̀bhaṭāra, sangkulputiḥ, hametanasar̀wwaśuci, hakumangher̀ngkanawwang, hajakitawalang deyaringhaku, hajakitawaraḥwaraḥ, manawāwongsĕbĕlhangrungu, punahaku, tumulihanĕ mbaḥsirangkulputiḥringjĕngbhaṭāra, dadyāmalaywāglismaringhumahe, kin'gĕlsumumburatpawa rahehajĕjĕpan, ringsirasangkulputiḥlanang, siratangkulputiḥlanangsdhanghakar̀yyatandingbantĕ [ 14 14A] n, kangwadon'gisu, hatakonhikanglanang, hangapasiraharihapiṇdhagisu, satĕmbeno ramengkene, sumahur̀sangwadonhajĕjĕpan, lingnira, udhuḥkakahajawera, manawitka hĕnbhaṭāraringkahyanganrorosalakistri, tanwruḥsangkanedhatĕng, manirakawĕwĕgan, glisanabantĕn, manirāmbhaktahabahabaḥsar̀wwaśuciringkahyangan, pangeranpar̥ĕngringmani

Leaf 14

Image on Archive.org

[ ᭑᭔ 14B] ᭑᭔᭞ ᬭ᭞ᬣᭂᬃᬳᬕ᭄ᬮᬶᬲᬶᬭᬮᬸᬫᬫ᭄ᬧᬄ᭞ᬧ᭄ᬭᬧ᭄ᬢᬭᬶᬂᬓᬳ᭄ᬬᬗᬦ᭄᭞ᬲᬶᬭᬓᬸᬮ᭄ᬧᬸᬢᬶᬄᬮᬦᬂᬯᬤᭀᬦ᭄᭞ᬧᬥᬦᭂᬫ᭄ᬩᬄ ᬭᬶᬂᬚᭂᬂᬪᬝᬵᬭ᭞ᬮᬭᬶᬲ᭄ᬫᬫᬲᬂᬳᬩᬳᬩᬄᬭᬶᬂᬧᬃᬬ᭄ᬬᬗᬦ᭄᭞ᬮᬯᬦ᭄ᬩᬦ᭄ᬢᭂᬦ᭄᭞ᬯᬸᬲ᭄ᬢᭂᬢᭂᬧ᭄ᬳᬶᬓᬂᬩᬦ᭄ᬢᭂᬦ᭄᭞ ᬫᬰᬶᬯᬓᬭᬸᬡᬢᬪᬝᬵᬭ᭞ᬫᬭᬳ᭄ᬦᬶᬂᬳ᭄ᬦᬶᬗᬶᬭ᭞ᬤᬤ᭄ᬬᬫᬲᬮᬶᬦ᭄ᬪᬝᬵᬭᬭᬹᬧ᭞ᬓᬬᬳᬭᬹᬧᬪᬝᬵᬭᬢᬸᬯᬶ᭞ ᬳᬩᬕᬸᬲ᭄ᬭᬸᬧᬦᬶᬭ᭞ᬢᬸᬯᬶᬳ᭄ᬬᬗᬲ᭄ᬫᬭ᭞ᬳ᭄ᬬᬂᬳᬶᬲ᭄ᬢ᭄ᬭᬶᬢᬸᬯᬶᬲ᭄ᬫᬭᬭᬢᬶᬄ᭞ᬫ᭄ᬭᬶᬓ᭄ᬲᬸᬫᬶᬭᬶᬢ᭄ᬳᬫ᭄ᬩᬸᬦᬶᬭ᭞ᬫ᭄ᬯᬂᬮᬾᬧ [ ᭑᭕ 15A] ᬍᬗᭃᬯᬗᬶ᭞ᬳᬯᭀᬃᬮᬯᬦ᭄ᬓᬸᬓᬸᬲᬶᬂᬫ᭄ᬜᬦ᭄ᬫᬚᬕᬯᬸᬘᬦ᭄ᬤᬦ᭞ᬓᬋᬗᬵᭂᬧᬹᬚᬫᬦ᭄ᬢ᭄ᬭᬰ᭄ᬮᭀᬓ᭞ᬖᭂᬡ᭄ᬝᬧᬜ᭄ᬚ ᬬᬚᬬᬭᬶᬂᬢᬯᬂ᭞ᬢᬶᬢᬶᬃᬫᬦᭂᬫ᭄ᬩᬄᬲᬶᬭᬓᬸᬮ᭄ᬧᬸᬢᬶᬄ᭞ᬢᬸᬫᬸᬮᬶᬤᭂᬫ᭄ᬤᭂᬫ᭄‌ᬭᬶᬂᬓᬳ᭄ᬬᬗᬦ᭄᭞ᬓ᭄ᬢᬸᬕ᭄ᬮᬶᬡ᭄ᬥᬸᬕᭂᬦ᭄ᬢᭂᬃ ᬧᬢᭂᬃᬭᬶᬬᬢ᭄ᬭᬶᬬᬸᬢ᭄᭞ᬢ᭄ᬥᬸᬦ᭄ᬪᬝᬵᬭᬦᬯᬤᬾᬯᬢ᭞ᬳᬫᬋᬧᭂᬓ᭄ᬳᬗ᭄ᬫᬶᬢ᭄ᬪᬝᬵᬭᬫᬳᬵᬤᬾᬯᬄᬲᬯᬸ᭠ ᬮᬦ᭄ᬧᬶᬢᬸᬂᬤᬶᬦ᭞ᬢ᭄ᬓᬵᬭᬶᬂᬫᬃᬕ᭄ᬕᬶᬰᬶᬭ᭞ᬢᬦ᭄ᬤ᭄ᬯᬪᬵᬝᬵᬭᬧᬰᬸᬧᬢᬶᬳᬗᬸᬧᬓ᭄ᬢᬸᬂᬢᬸᬗᬶᬂᬕᬸᬦᬸᬂᬫᬳᬵᬫᬾ

Auto-transliteration

[ 14 14B] 14 ra, thĕr̀haglisiralumampaḥ, praptaringkahyangan, sirakulputiḥlanangwadon, padhanĕmbaḥ ringjĕngbhaṭāra, larismamasanghabahabaḥringpar̀yyangan, lawanbantĕn, wustĕtĕp'hikangbantĕn, maśiwakaruṇatabhaṭāra, marahninghningira, dadyamasalinbhaṭārarūpa, kayaharūpabhaṭāratuwi, habagusrupanira, tuwihyangasmara, hyanghistrituwismararatiḥ, mriksumirit'hambunira, mwanglepa [ 15 15A] l̥ĕngöwangi, hawor̀lawankukusingmñanmajagawucandana, kar̥ĕngāĕpūjamantraśloka, ghĕṇṭapañja yajayaringtawang, titir̀manĕmbaḥsirakulputiḥ, tumulidĕmdĕmringkahyangan, ktugliṇdhugĕntĕr̀ patĕr̀riyatriyut, tdhunbhaṭāranawadewata, hamar̥ĕpĕk'hangmitbhaṭāramahādewaḥsawu‐ lanpitungdina, tkāringmar̀ggiśira, tandwabhāṭārapaśupatihangupaktungtunginggunungmahāme

Leaf 15

Image on Archive.org

[ ᭑᭕ 15B] ᭑᭕᭞ ᬭᬸᬧᬶᬂᬭᭀᬲᭀᬯᬂ᭞ᬓᬾᬭᬶᬓᬮᬯᬦ᭄ᬢᭂᬗᭂᬦ᭄᭞ᬕᬶᬦᬯᬫᬭᬶᬂᬩᬮᬶ᭞ᬳᬦᬕᬸᬦᬸᬂᬳᬕᬸᬂᬭᬶᬂᬩᬮᬶ᭞ᬫᬸ ᬯᬄᬕᬸᬦᬸᬂᬩᬢᬹᬃ᭞ᬕᬸᬦᬸᬂᬳᬕᬸᬂᬳᬶᬓ᭞ᬓᬥᬢᭀᬦ᭄ᬪᬝᬵᬭᬫᬳᬵᬤᬾᬯ᭞ᬕᬸᬦᬸᬂᬢᬹᬃᬳᬶᬓ᭞ ᬓᬥᬢᭀᬦ᭄ᬪᬝᬵᬭᬶᬤᬦᬸᬄ᭞ᬧᬥᬵᬚᬸᬫ᭄ᬦᭂᬂᬰᬓ᭄ᬢᬶᬪᬝᬵᬭᬶ᭞ᬓᬲᬶᬯᬶᬤᬾᬦᬶᬂᬭᬢᬸᬭᬶᬂᬩᬮᬶ᭞ ᬲᬶᬭᬓᬸᬮ᭄ᬧᬸᬢᬶᬄᬧᬸᬦᬶᬓᬧᬫᬗ᭄ᬓᬸᬭᬶᬂᬩᬲᬓᬶᬄ᭞ᬓᬺᬢᬳᬶᬓᬂᬪᬸᬯᬦᬭᬶᬂᬩᬮᬶ᭞ᬳᬦᬸᬮᬶᬢ᭄ᬥᬸᬦ᭄ᬲᬶ [ ᭑᭖ 16A] ᬭᬲᬂᬫ᭄ᬧᬸᬓᬸᬢᬸᬭᬦ᭄ᬭᬶᬂᬫᬚᬧᬳᬶᬢ᭄᭞ᬳᬗ᭄ᬕᬯᬾᬧ᭄ᬭᬤᬾᬰᬭᬶᬂᬩᬮᬶ᭞ᬓᬢᬸᬮᬃᬧ᭄ᬭᬤᬾᬰᬲᬓᬶᬂᬫ ᬚᬧᬳᬶᬢ᭄᭞ᬫᬕᬯᬾᬩᬩᬡ᭄ᬥᬸᬗᬦ᭄᭞ᬕᬕᬤᬸᬳᬦ᭄‌ᬭᬶᬂᬧᬥᬵᬧ᭄ᬭᬤᬾᬰ᭞ᬲᬂᬭᬢᬸᬭᬶᬂᬩᬮᬶ᭞ ᬓᬂᬫᬸᬗ᭄ᬕᬄᬭᬶᬂᬭᬵᬚᬧᬸᬭᬡ᭞ᬭᬶᬂᬧ᭄ᬭᬰᬵᬱ᭄ᬝᬶᬳᬘᬶᬳᬘᬶᬳᬦᬶᬂᬤᬾᬰ᭞ᬲᬦᬗ᭄ᬓᭂᬦ᭄‌ᬯ᭄ᬥᬦ᭄ᬪᬝᬵᬭ᭞ᬲ᭄ᬫᬵ᭞ ᬭᬶᬂᬘᬢᬹᬃᬚᬦ᭄ᬫ᭞ᬫᬓᬡ᭄ᬥᬓᬡ᭄ᬥᬧᬓ᭄ᬦᬦ᭄‌ᬓ᭄ᬦᬦᬾᬫ᭄ᬯᬂᬳᬦᬮᬧᬸᬮᬸᬢᬦᬾᬳᬭᬶᬂᬤᬾᬰ᭞ᬢᬦᬦᬵ

Auto-transliteration

[ 15 15B] 15 rupingrosowang, kerikalawantĕngĕn, ginawamaringbali, hanagununghagungringbali, mu waḥgunungbatūr̀, gununghagunghika, kadhatonbhaṭāramahādewa, gunungtūr̀hika, kadhatonbhaṭāridanuḥ, padhājumnĕngśaktibhaṭāri, kasiwideningraturingbali, sirakulputiḥpunikapamangkuringbasakiḥ, kr̥ĕtahikangbhuwanaringbali, hanulitdhunsi [ 16 16A] rasangmpukuturanringmajapahit, hanggawepradeśaringbali, katular̀pradeśasakingma japahit, magawebabaṇdhungan, gagaduhanringpadhāpradeśa, sangraturingbali, kangmunggaḥringrājapuraṇa, ringpraśāṣṭihacihacihaningdeśa, sanangkĕnwdhanbhaṭāra, smā, ringcatūr̀janma, makaṇdhakaṇdhapaknanknanemwanghanalapulutaneharingdeśa, tananā

Leaf 16

Image on Archive.org

[ ᭑᭖ 16B] ᭑᭖᭞ ᬫ᭄ᬕᬢ᭄ᬳᬘᬶᬳᬘᬶᬳᬦᬶᬂᬤᬾᬰ᭞ᬬᬦ᭄ᬢᬸᬦᬳᬘᬶᬳᬘᬶᬳᬦᬶᬂᬫᬓᬤᬢ᭄ᬭᬂᬓᬂᬦᬕᬭ᭞ᬲ᭄ᬫ᭞ᬳᬸᬢ᭄ᬧ ᬢᬶᬭᬫᬤᬾᬰ᭞ᬳᬦᬶᬢᬶᬳᬶᬂᬓ᭄ᬭᬫᬦᬶᬂᬫᬤ?᭞ᬫ᭄ᬯᬂᬓ᭄ᬭᬫᬦᬶᬂᬳᬸᬮᬄᬓᬭᬂᬓᬓ᭄ᬦᬦᬶᬂᬤᬾᬰᬤᬾ ᬰ᭞ᬭᬶᬂᬭᬚᬧᬸᬭᬡ᭞ᬲ᭄ᬫ᭞ᬓ᭄ᬭᬫᬦᬶᬂᬩᬮᬶᬯᬸᬲ᭄ᬓᬘᬢ᭄ᬭᬶᬲᬭᬱᬦᬶᬂᬭᬚᬧᬸᬭᬡ᭞ᬧᬫᬳᬚᭂᬂᬲᬶᬭ ᬫ᭄ᬧᬸᬓᬸᬢᬸᬭᬦ᭄ᬭᬶᬂᬫᬚᬧᬳᬶᬢ᭄᭞ᬯᬸᬲ᭄ᬓᬰᬧᬤᬾᬦᬶᬂᬪᬕᬯᬦ᭄ᬓᬸᬢᬸᬭᬦ᭄᭞ᬓᬳᬢᬸᬭᬶᬂᬪᬝᬵᬭ᭞ [ ᭑᭗ 17A] ᬲᬶᬂᬢᬦ᭄ᬳᬦᬹᬢ᭄ᬓ᭄ᬭᬫᬦᬾᬫᬸᬗ᭄ᬕᬸᬄᬭᬶᬂᬭᬚᬧᬸᬭᬡ᭞ᬯᭀᬂᬩᬮᬶᬳᬶᬓ᭞ᬓ᭄ᬦᬉᬧᬤ᭄ᬭᬯᬦᬶᬂᬪᬝᬵᬭ᭞ᬲᬓᬶᬂ ᬓᬤᬾᬯᬢᬦ᭄᭞ᬯᬸᬲ᭄ᬢᬸᬢᬦ᭄ᬤᬤᬶᬚᬦ᭄ᬫᬳᬶᬓᬵ᭞ᬢ᭄ᬳᭂᬃᬗᬦ᭄ᬤᬶᬓᬵᬲᬂᬭᬢᬸᬩᬮᬶ᭞ᬳᬦᬗᬸᬦ᭄ᬫᬾᬭᬸᬭᬶᬂᬩ ᬲᬓᬶᬄ᭞ᬢᬦ᭄ᬤ᭄ᬯᬧᬸᬧᬸᬢ᭄ᬳᬶᬓᬂᬫᬾᬭᬸ᭞ᬓᬢᬶᬭᬸᬓᬵᬳ᭄ᬬᬗᬦᬾᬭᬶᬂᬫᬚᬧᬳᬶᬢ᭄᭞ᬤᬤ᭄ᬬᬓᬺᬢᬳᬶᬓᬂᬧ ᬦᬕᬭᬾᬂᬩᬮᬶ᭞ᬢᬦ᭄ᬧᬘᭂᬗᬶᬮᬦ᭄ᬓᬮᬯᬦ᭄ᬭᭀᬯᬂ᭞ᬏᬪᬸᬄᬕᬯᬾᬦᬾᬫᬓᬭᬫᬾᬦ᭄ᬭᬫᬾᬦ᭄᭞

Auto-transliteration

[ 16 16B] 16 mgat'hacihacihaningdeśa, yantunahacihacihaningmakadatrangkangnagara, sma, hutpa tiramadeśa, hanitihingkramaningmada?, mwangkramaninghulaḥkarangkaknaningdeśade śa, ringrajapuraṇa, sma, kramaningbaliwuskacatrisaraṣaningrajapuraṇa, pamahajĕngsira mpukuturanringmajapahit, wuskaśapadeningbhagawankuturan, kahaturingbhaṭāra, [ 17 17A] singtanhanūtkramanemungguḥringrajapuraṇa, wongbalihika, kna'upadrawaningbhaṭāra, saking kadewatan, wustutandadijanmahikā, t'hĕr̀ngandikāsangratubali, hanangunmeruringba sakiḥ, tandwapuput'hikangmeru, katirukāhyanganeringmajapahit, dadyakr̥ĕtahikangpa nagarengbali, tanpacĕngilankalawanrowang, ebhuḥgawenemakaramenramen,

Leaf 17

Image on Archive.org

[ ᭑᭗ 17B] ᭑᭗᭞ ᬲ᭄ᬫᬵ᭞ᬳᬸᬮᬳᬶᬭᬯᭀᬂᬩᬮᬶ᭞ᬧᬶᬭᬮᬯᬲᬶᬭ᭞᭗᭞ᬧᬫᬸᬢᭂᬭᬦ᭄᭞ᬦᬶᬫᬶᬢ᭄ᬢᬦᬾᬚᬸᬫ᭄ᬦᭂᬂᬭᬢᬸᬭᬶᬂᬩ ᬮᬶ᭞ᬲᬂᬭᬢᬸᬚᬬᬩᬗᬸᬲ᭄᭞ᬭᬸᬫᬸᬳᬸᬦ᭄ᬭᬶᬂᬩᬮᬶ᭞ᬳᬧᬫᬸᬢᭂᬭᬦ᭄᭞ᬧ᭄ᬕᬢ᭄ᬫᬗ᭄ᬓᬦ᭞ᬭᬢᬸᬤᬾ ᬢ᭄ᬬᬚᬸᬫ᭄ᬦᭂᬂᬭᬶᬂᬩᬮᬶᬗ᭄ᬓᬂ᭞ᬯᬸᬲ᭄ᬫᬗ᭄ᬓᬦ᭞ᬭᬢᬸᬫᬬᬤᬦᬯ᭞ᬚᬸᬫ᭄ᬦᭂᬂᬭᬶᬂᬪᬾᬤᬳᬸᬮᬸ᭞ᬯᬸᬲ᭄ᬫᬗ᭄ᬓᬦ᭞ ᬚᬸᬫ᭄ᬦᭂᬂᬭᬢᬸᬘᬶᬦᬗ᭄ᬭᭀᬓ᭄᭞ᬯᬸᬲ᭄ᬫᬗ᭄ᬓᬦ᭞ᬚᬸᬫ᭄ᬦᭂᬂᬭᬢᬸᬲᬫ᭄ᬧ᭄ᬮᬗᬦ᭄᭞ᬯᬸᬲ᭄ᬫᬗ᭄ᬓᬦ᭞ᬚᬸᬫ᭄ᬦᭂᬂᬭᬢᬸ᭞ [ ᭑᭘ 18A] ᬳᬾᬗ᭄ᬕᭀᬂ᭞ᬯᬸᬲ᭄ᬫᬗ᭄ᬓᬦ᭞ᬚᬸᬫ᭄ᬦᭂᬂᬭᬢᬸᬭᬶᬂᬲ᭄ᬕᬦᬶᬂ᭞ᬲᬫᬗ᭄ᬓᬦᬮ᭄ᬯᬶᬃᬦ᭄ᬬᬭᬢᬸ᭚᭜᭚ᬳᬦᬫᬮᬶᬄ ᬓᭀᬘᬧᬵᬲᬂᬭᬢᬸᬩᬮᬶ᭞ᬚᬸᬫ᭄ᬦᭂᬂᬭᬶᬂᬪᬾᬤᬵᬳᬸᬮᬸ᭞ᬲᬂᬫᬬᬤᬵᬦᬯ᭞ᬗ᭞ᬳᬦᬢᬵᬦᬓᬶᬂᬪ ᬝᬵᬭᬢᬸᬯᬶ᭞ᬳᬦ᭄ᬢ᭄ᬬᬦ᭄ᬢᬰᬓ᭄ᬢᬶᬦᬶᬭᬚᬸᬫ᭄ᬦᭂᬂᬭᬢᬸᬭᬶᬂᬪᬾᬤᬳᬸᬮᬸ᭞ᬳᬩᬮᬲᬶᬭ᭞᭗᭞ᬓ᭄ᬝᬶ᭞ᬢᬶᬗ᭄ᬓ ᬳᬶᬂᬩᬮ᭞ᬯᭀᬂᬲᬸᬦᬦ᭄ᬢᬭ᭞ᬲᬲᬓ᭄᭞ᬲᬫ᭄ᬪᬯ᭞ᬩᭀᬕᬶᬲ᭄᭞ᬫᬓᬲᬃ᭞ᬫᬥᬸᬭ᭞ᬩᬮᬗ᭄ᬩ

Auto-transliteration

[ 17 17B] 17 smā, hulahirawongbali, piralawasira 7 pamutĕran, nimittanejumnĕngraturingba li, sangratujayabangus, rumuhunringbali, hapamutĕran, pgatmangkana, ratude tyajumnĕngringbalingkang, wusmangkana, ratumayadanawa, jumnĕngringbhedahulu, wusmangkana, jumnĕngratucinangrok, wusmangkana, jumnĕngratusamplangan, wusmangkana, jumnĕngratu, [ 18 18A] henggong, wusmangkana, jumnĕngraturingsganing, samangkanalwir̀nyaratu // • // hanamaliḥ kocapāsangratubali, jumnĕngringbhedāhulu, sangmayadānawa, nga, hanatānakingbha ṭāratuwi, hantyantaśaktinirajumnĕngraturingbhedahulu, habalasira 7 kṭi, tingka hingbala, wongsunantara, sasak, sambhawa, bogis, makasar̀, madhura, balangba

Leaf 18

Image on Archive.org

[ ᭑᭘ 18B] ᭑᭘᭞ ᬗᬦ᭄᭞ᬤ᭄ᬯᬦᬶᬂᬳᬩᬮ᭞᭗᭞ᬓ᭄ᬝᬶ᭞ᬯᬾᬢ᭄ᬦᬶᬂᬮᭀᬪᬳᬗ᭄ᬓᬭ᭞ᬫᬹᬃᬓ᭄ᬓᬤᬹᬃᬰᬷᬮ᭞ᬢᬦ᭄ᬳᬦᬯ᭄ᬯᬂᬰ ᬓ᭄ᬢᬶᬓᬬᬲᬶᬭ᭞ᬭᬕᬤᬾᬯᬓ᭄ᬚᬸᬕᬰᬓ᭄ᬢᬶ᭞ᬢ᭄ᬳᭂᬃᬧ᭄ᬕᬢ᭄ᬳᬘᬶᬳᬘᬶᬓ᭄ᬭᬫᬦᬶᬂᬪᬝᬵᬭᬭᬶᬂᬩᬮᬶ᭞ᬢᬦ᭄ᬳᬦ ᬤᬾᬯ᭞ᬭᬕᬤᬾᬯᬾᬓ᭄ᬚᬸᬕᬤᬾᬯ᭞ᬳᬦᬸᬮᬶ᭠ᬓᬶᬭᬶᬲ᭄ᬳᬶᬓᬂᬧᬦᬕᬭᬭᬶᬂᬩᬮᬶ᭞ᬳᬧᬦ᭄ᬧ᭄ᬕᬢ᭄ᬳᬘᬶᬳᬘᬶ ᬦ᭄ᬪᬝᬵᬭᬭᬶᬂᬮᬮᬶ᭞ᬧ᭄ᬕᬢ᭄ᬫᬩ᭄ᬭᬢᬳᬗᬚᬶᬭᬶᬂᬩᬮᬶ᭞ᬲᬯᬢᬭᬳᬶᬗᬦᬾ᭞ᬲᬤᬰᬯᬃᬱ᭞ᬳᬦᬸᬮᬶ᭠ [ ᭑᭙ 19A] ᬢ᭄ᬥᬸᬦ᭄ᬪᬝᬵᬭᬭᬶᬂᬓᬳ᭄ᬬᬗᬦ᭄ᬪᬝᬵᬭ᭞ᬯᬯᬮᬾᬦ᭄‌ᬫ᭄ᬯᬂᬧᬫᬗ᭄ᬓᬸ᭞ᬧᬥᬵᬫᬢᬸᬜᬂᬭᬶᬂᬩᬲᬓᬶᬄ᭞ᬮᬭᬶᬲ᭄ᬢᬸᬦ᭄ᬥᬸᬦ᭄ᬪ ᬝᬵᬭᬫᬳᬵᬤᬾᬯ᭞ᬫ᭄ᬯᬂᬪᬝᬵᬭᬶᬤᬾᬯᬶᬤᬦᬸᬄ᭞ᬧᬥᬭᬶᬂᬩᬲᬓᬶᬄ᭞ᬧᬥᬵᬫᬦᬗᬶᬲ᭄ᬫᬳᬦ᭄ᬤᭂᬗᬦ᭄᭞ᬧ ᬥᬫᬮᬶᬗ᭄ᬲᬾᬭᬶᬂᬯᬯᬮᬾᬦ᭄᭞ᬲᬫᬶᬳᬲ᭄ᬓᭂᬮ᭄ᬳᬢᬶᬭᬶᬂᬲᬂᬭᬢᬸᬫᬬᬤᬦᬯᬭᬶᬂᬪᬾᬤᬳᬸᬮᬸ᭞ᬲᬓ᭄ᬯᬾᬄᬪᬝᬵ ᬭᬢᬸᬫ᭄ᬥᬸᬦ᭄ᬭᬶᬂᬯᬯᬮᬾᬦ᭄᭞ᬧᬥᬳᬦᬗᬶᬲ᭄ᬳᬦᭂᬲᭂᬮ᭄ᬭᬕ᭞ᬲᬸᬫᬳᬸᬃᬪᬝᬵᬭᬫᬳᬵᬤᬾᬯ᭞ᬭᬶᬂᬧᬥᬪᬝᬵ

Auto-transliteration

[ 18 18B] 18 ngan, dwaninghabala 7 kṭi, wetninglobhahangkara, mūr̀kkadūr̀śīla, tanhanawwangśa ktikayasira, ragadewakjugaśakti, t'hĕr̀pgat'hacihacikramaningbhaṭāraringbali, tanhana dewa, ragadewekjugadewa, hanuli‐kirishikangpanagararingbali, hapanpgat'hacihaci nbhaṭāraringlali, pgatmabratahangajiringbali, sawatarahingane, sadaśawar̀ṣa, hanuli‐ [ 19 19A] tdhunbhaṭāraringkahyanganbhaṭāra, wawalenmwangpamangku, padhāmatuñangringbasakiḥ, laristundhunbha ṭāramahādewa, mwangbhaṭāridewidanuḥ, padharingbasakiḥ, padhāmanangismahandĕngan, pa dhamalingseringwawalen, samihaskĕlhatiringsangratumayadanawaringbhedahulu, sakweḥbhaṭā ratumdhunringwawalen, padhahanangishanĕsĕlraga, sumahur̀bhaṭāramahādewa, ringpadhabhaṭā

Leaf 19

Image on Archive.org

[ ᭑᭙ 19B] ᭑᭙᭞ ᬭ᭞ᬲᬫ᭄ᬬᬵᬳᬕᬸᬦᭂᬫ᭄ᬕᬸᬦᭂᬫ᭄᭞ᬳᬗ᭄ᬭᬯᭀᬲ᭄ᬓᬘᬶᬭᬶᬲᬦᬶᬂᬪᬸᬯᬦᬭᬶᬂᬩᬮᬶ᭞ᬓᬳ᭄ᬬᬸᬦᬶᬭᬪᬝᬵᬭᬫᬳ ᬤᬾᬯ᭞ᬫᬦ᭄ᬢᬸᬓᬚᬯ᭞ᬭᬶᬂᬕᬸᬦᬸᬂᬫᬳᬵᬫᬾᬭᬸ᭞ᬫᬢᬸᬭᬶᬂᬪᬝᬵᬭᬧᬰᬸᬧᬢᬶ᭞ᬳᬦᬸᬦᬲ᭄ᬓᬧ᭄ᬚᬳᬦᬾᬭ ᬢᬸᬫᬬᬤᬦᬯᬭᬶᬂᬪᬾᬤᬳᬸᬮᬸ᭞ᬅᬧᬦ᭄ᬳᬜ᭄ᬚᭂᬦᭂᬂᬭᬢᬸᬢᬦ᭄ᬲᬭᬾᬄᬭᬶᬂᬩᬮᬶ᭞ᬳᬫᬸᬭᬸᬕ᭄‌ᬰᬧᬪᬝᬵᬭ ᭞ᬳᬦᬸᬮᬶᬲᬫᬶᬳᬗᬶᬭᬶᬂᬧᬭᬪᬝᬵᬭᬳᬦᬭᬶᬂᬩᬮᬶ᭞ᬮᬸᬗ᭄ᬳᬵᬫᬭᬶᬂᬲᬩ᭄ᬭᬂᬚᬯᬚᬫ᭄ᬪᬸᬥᬶᬧ᭞ᬭᬶᬂᬰᬰᬶᬄᬓᬃᬢ᭄ᬢᬶ [ ᭒᭐ 20A] ᬓᬫᬲ᭞ᬰᬸᬓ᭄ᬮᬵᬧᬓ᭄ᬱᬵᬭᬶᬂᬤᬰᬫᬶ᭞ᬰᬓ᭄ᬢᬶᬦᬶᬂᬪᬝᬵᬭ᭞ᬳᬧ᭄ᬭᬪᬵᬯᬕᭂᬦ᭄ᬢᭂᬃᬧᬢᭂᬃᬳᬮᬶᬲ᭄ᬬᬸᬲ᭄᭞ᬧ᭄ᬭᬢᬤ᭠ ᬧᬵᬭᬫᬳᬵᬤᬾᬯᬭᬶᬂᬲᬩ᭄ᬭᬂᬚᬫ᭄ᬪᬸᬥᬶᬧ᭞ᬭᬶᬂᬕᬸᬦᬸᬂᬫᬳᬵᬫᬾᬭᬸ᭞ᬤᬤ᭄ᬬᬢ᭄ᬓᬕ᭄ᬬᬢ᭄ᬪᬝᬵᬭᬧᬰᬸᬧᬢᬶ᭞ᬭᬶᬂᬕᬸᬦᬸᬂ ᬫᬳᬵᬫᬾᬭᬸ᭞ᬰ᭄ᬮᭀᬓ᭚ᬓᬕ᭄ᬬᬢ᭄ᬓᭀᬭᬵᬦᬓ᭄ᬪᬢᬭᬀ᭞ᬧᬃᬬ᭄ᬬᬂᬓᬃᬬ᭄ᬬᭀᬦᬶᬂᬪᬝᬵᬭᬀ᭞ᬧᬸᬢ᭄ᬭᬚᬬᬀᬭᬶᬂᬪᬝᬵ ᬭᬀ᭞ᬳᬢᬸᬭᬾᬩᬮᬶᬢᬦ᭄ᬧ᭄ᬭᬡᬀ᭟ᬤᬤ᭄ᬬᬲᬸᬫᬳᬸᬃᬪᬝᬵᬧᬰᬸᬧᬢᬶᬭᬶᬂᬳᬦᬓᬶᬭ᭞ᬉᬥᬸᬄᬳᬦᬓᬶᬗ᭄ᬳᬸᬮᬸᬦ᭄ᬤ

Auto-transliteration

[ 19 19B] 19 ra, samyāhagunĕmgunĕm, hangrawoskacirisaningbhuwanaringbali, kahyunirabhaṭāramaha dewa, mantukajawa, ringgunungmahāmeru, maturingbhaṭārapaśupati, hanunaskapjahanera tumayadanawaringbhedahulu, apanhañjĕnĕngratutansareḥringbali, hamurugśapabhaṭāra , hanulisamihangiringparabhaṭārahanaringbali, lunghāmaringsabrangjawajambhudhipa, ringśaśiḥkar̀tti [ 20 20A] kamasa, śuklāpaksyāringdaśami, śaktiningbhaṭāra, haprabhāwagĕntĕr̀patĕr̀halisyus, pratada‐ pāramahādewaringsabrangjambhudhipa, ringgunungmahāmeru, dadyatkagyatbhaṭārapaśupati, ringgunung mahāmeru, śloka // kagyatkorānakbhataraṃ, par̀yyangkar̀yyoningbhaṭāraṃ, putrajayaṃringbhaṭā raṃ, haturebalitanpraṇaṃ. dadyasumahur̀bhaṭāpaśupatiringhanakira, udhuḥhanakinghulunda

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org