satwa-i-durma

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭛᭜᭛ᬒᬁᬯᬶᬖ᭄ᬦᬫᬲ᭄ᬢᬸᬦᬫᬰᬶᬥ᭄ᬬᬀ᭛᭜᭛ᬲᬢ᭄ᬯᬵᬳᬶᬤᬹᬃᬫ᭄ᬫ᭛᭜᭛ᬓᬘᬭᬶᬢᬋᬓᭀᬤᬶᬲᬶᬗ᭄ᬳᬧᬜ᭄ᬚᬭᭀᬦ᭄‌‌ᬯᬯᭂᬗ᭄ᬓᭀᬦ᭄ᬯᬦᭀᬓᭂᬮᬶᬂ᭞ᬳᬤᬳᬦᬓ᭄‌‌ᬫ᭄ᬯᬦᬶᬩᬕᬸᬲ᭄ᬫᬳᬤᬦ᭄ᬳᬶᬭᬵᬚᬧᬮ᭞ᬕᬕᬶᬡ᭄ᬦᬦᬾᬲ᭠ ᬳᬶᬲᬳᬶᬫᬩᭀᬭᭀᬲ᭄‌‌ᬓᬳᬮᬲ᭄ᬳᬮᬲᬾᬗᬮᬶᬄᬲᬃᬯ᭄ᬯᬩᬸᬭᭀᬦ᭄᭟ᬫᬳᬶᬍᬳᬦ᭄ᬧᬚᬮᬦ᭄ᬦᬾᬜ᭄ᬮᬸᬓ᭄ᬱᬸᬓ᭄ᬤᬶᬢ᭄ᬗᬄᬳᬮᬲᬾ᭞ᬫᬲᬶᬄᬢᬸᬲᬶᬂᬦᭂᬧᬸᬓᬶᬦ᭄ᬩᬸᬭᭀᬦ᭄᭞ᬗᬦ᭄ᬢᬶᬲᬸᬩᬩᬚᭂᬕ᭄‌‌ᬲᬗ᭄ᬳ᭄ᬬᬂᬲᬹᬃᬬ᭄ᬬ᭟ᬓᬘᬭᬶᬢᬲᬸᬩᬲᬄ ᬳᬸᬮᬶᬳᬮᬲᬾ᭞ᬰᬕᬾᬢ᭄ᬦᭂᬧᬸᬓᬶᬦ᭄ᬳᬶᬬᬢᬫᬦ᭄᭞ᬦᬗ᭄ᬳᬶᬂᬢᬫᬦᬾᬢᭀᬢᭀᬦᬦ᭄‌‌ᬲᬸᬯᬸᬂ᭞ᬢᬸᬲᬶᬂᬳ᭠ᬤᬳᬦᬓ᭄ᬳᬦᬾᬦᭀᬗᭀᬲᬶᬦ᭄᭟ᬳᬶᬭᬵᬚᬧᬮᬩᭂᬗᭀᬂᬗᬢᭀᬦᬂᬢᬫᬦᬾᬢᭀᬢᭀᬦᬦ᭄᭞ᬩᬳᬦ᭄ᬫᬓᭂᬚᬂᬩᬸ ᬗᬦᬾᬫᬧᬸᬡ᭄ᬥᬸᬄᬲᬃᬯ᭄ᬯᬳᬦᬾᬫᭂᬮᬄ᭞ᬢᬸᬃᬫᬶᬳᬶᬓ᭄ᬳᬫ᭄ᬩᬸᬦ᭄ᬦᬾ᭟ᬤᬸᬮᬸᬭᬶᬦ᭄ᬤᬶᬢᬫᬦᬾᬳᭂᬦ᭄ᬢᭀᬳᬤᬧᬜ᭄ᬘᭀᬭᬦ᭄‌‌ᬳᬦᬾᬬᬾᬄᬦᬾᬳ᭄ᬦᬶᬂᬧᬶᬲᬦ᭄᭞ᬧᬓ᭄ᬭᬶᬢᬶᬲᬦ᭄ᬜᬦᬾᬢᬦ᭄ᬩᬶᬦᬲᬓᬤᬶᬫᬡᬶᬓᬾᬲᬫ᭄ᬩᭂᬳᬂ᭟ᬤᬶᬢᭂᬗᬄᬢ᭄ᬮᬕᬦᬾᬳᭂᬦ᭄ᬢᭀ [᭒ 2A] ᭒ ᬳᬤᬩᬸᬗ᭄ᬳᬢᬸᬜ᭄ᬚᬸᬂᬲ᭄ᬥᭂᬂᬦᭂᬤᭂᬗᬓᭂᬫ᭄ᬩᬂᬦᬾ᭞ᬤᬶᬲᬶᬲᬶᬦ᭄ᬜᬦᬾᬫᬧᬕᭂᬳᬦ᭄‌ᬲᬃᬯ᭄ᬯᬲᬭᬷᬳᬦᬾᬗᬮᬸᬩ᭄ᬳᬮᬸᬩ᭄ᬩᭀᬦ᭄ᬦᬾ᭟ᬳᬲᬦ᭄ᬩᬸᬗᬦᬾᬤᬶᬢᬸᬫᬓᬘᬓᬦ᭄᭞ᬲᬶᬂᬚᬵᬩᬓᬢ᭄ᬩᬳᬦ᭄‌‌ᬫ᭄ᬢᬾᬓᬶᬦ᭄ᬩᬳᬦ᭄ᬮᬶᬬᬸᬦ᭄ᬧᬸᬜᬦ᭄ᬩᬸᬗᬦᬾ᭟ᬮᬶᬬᬸ ᬧᭂᬲᬦ᭄‌‌ᬬᬦ᭄ᬘᬭᬶᬢᬬᬂᬩ᭄ᬯᬢ᭄ᬓᬫᭂᬮᬳᬦ᭄ᬦᬾ᭞ᬫᬓᭂᬚᬂᬲᬃᬯ᭄ᬯᬳᬾᬦ᭄ᬤᬄ᭞ᬳᬲᬶᬂᬘᬶᬗᬓ᭄ᬫᬓᭂᬚᬂᬗᬸᬮᬗᬸᬦᬶ᭠ᬦ᭄᭟ᬤᬤ᭄ᬬᬦ᭄ᬜᬳᬶᬭᬵᬚᬧᬮᬕᬃᬚ᭄ᬚᬶᬢᬧᭂᬲᬦ᭄ᬓᭂᬦᭂᬄᬦᬾᬗᬢᭀᬦᬂᬢᬫᬦᬾᬮᬶᬗ᭄ᬕᬄᬧᭂᬲᬦ᭄‌‌ᬩ᭄ᬯᬶᬦ᭄ᬤᬍᬫ᭄‌‌ᬢᬸᬃᬧᬜ᭄ᬘᭀᬭᬦᬾ ᬫᬬᬾᬄᬳᭂᬦᬶᬂ᭞ᬳᬧᬩᬸᬯᬶᬦ᭄ᬧᬸᬜᬦ᭄ᬩᬸᬗᬦᬾ᭟ᬤᬶᬢᬸᬫᬭᬾᬭᬾᬦ᭄‌‌ᬳᬶᬬᬤᬶᬩᬢᬦ᭄ᬧᬸᬜᬦ᭄ᬢᬶᬕᬭᭀᬦᬾᬤᬶᬲᬫ᭄ᬧᬶᬂᬢ᭄ᬮᬕᬦᬾ᭞ᬲᬃᬯ᭄ᬯᬶᬗ᭄ᬮᬶᬂᬮᬶᬂᬳᬶᬲᬶᬦ᭄ᬢᬫᬦᬾᬫᬓᭂᬚᬂ᭟ᬢᭀᬦ᭄ᬤᬾᬦ᭄ᬳᬶᬲᬶᬲ᭄ᬧ᭄ᬮᬸᬄᬦᬾ᭞ᬓᬕᬾᬢ᭄ᬳᬤᬳᬦᬓ᭄ᬮᬸᬄᬩᬚᬂ᭠ ᬩᬚᬂᬧᬶᬢᬸᬂᬤᬶᬭᬶ᭞ᬳᬬᬸᬳᬦᭀᬫ᭄‌‌ᬳᬲᬶᬂᬲᭀᬮᬳᬗᬫᬓᭂᬚᬂᬳᬬᬸ᭟ᬳᬧᬓᬤᬾᬦ᭄ᬮᭂᬕᬦ᭄ᬜᭂᬢ᭄ᬦᬾ᭞ᬭᬲᬩᬸᬗᬄᬢᬦ᭄ᬧᬗᬗ᭄ᬕᭀᬩᭂᬢᭂᬓ᭄ᬢᬦ᭄ᬧᬦᭂᬤᬵ᭞ᬗᬢᭀᬦᬂᬳᬦᬓᬾᬮᬸᬄᬧᬶᬢᬸᬂᬤᬶᬭᬶᬢᭀᬢᭀᬦᬦ᭄‌‌ᬢᬢᬶᬗ᭄ᬓᬳ

Auto-transliteration

[1 1B] 1 /// • /// oṁwighnamastunamaśidhyaṃ /// • /// satwāhidūr̀mma /// • /// kacaritar̥ĕkodisinghapañjaronwawĕngkonwanokĕling, hadahanakmwanibagusmahadanhirājapala, gagiṇnanesa‐ hisahimaboroskahalashalasengaliḥsar̀wwaburon. mahil̥ĕhanpajalanneñluksyukditngaḥhalase, masiḥtusingnĕpukinburon, ngantisubabajĕgsanghyangsūr̀yya. kacaritasubasaḥ hulihalase, śagetnĕpukinhiyataman, nanghingtamanetotonansuwung, tusingha‐dahanak'hanenongosin. hirājapalabĕngongngatonangtamanetotonan, bahanmakĕjangbu nganemapuṇdhuḥsar̀wwahanemĕlaḥ, tur̀mihik'hambunne. dulurinditamanehĕntohadapañcoranhaneyeḥnehningpisan, pakritisanñanetanbinasakadimaṇikesambĕhang. ditĕngaḥtlaganehĕnto [2 2A] 2 hadabunghatuñjungsdhĕngnĕdĕngakĕmbangne, disisinñanemapagĕhansar̀wwasarīhanengalub'halubbonne. hasanbunganeditumakacakan, singjābakatbahanmtekinbahanliyunpuñanbungane. liyu pĕsanyancaritayangbwatkamĕlahanne, makĕjangsar̀wwahendaḥ, hasingcingakmakĕjangngulanguni‐n. dadyanñahirājapalagar̀jjitapĕsankĕnĕḥnengatonangtamanelinggaḥpĕsanbwindal̥ĕmtur̀pañcorane mayeḥhĕning, hapabuwinpuñanbungane. ditumarerenhiyadibatanpuñantigaronedisampingtlagane, sar̀wwinglinglinghisintamanemakĕjang. tondenhisispluḥne, kaget'hadahanakluḥbajang‐ bajangpitungdiri, hayuhanomhasingsolahangamakĕjanghayu. hapakadenlĕganñĕtne, rasabungaḥtanpanganggobĕtĕktanpanĕdā, ngatonanghanakeluḥpitungdiritotonantatingkaha

Leaf 2

Image on Archive.org

[᭒ 2B] ᭒ ᬦ᭄ᬜᬦᬾᬤᬶᬢᬫᬦ᭄᭞ᬳᬤᬗᭂᬧᬶᬓ᭄ᬩᬸᬗᬮᬳᬸᬢ᭄ᬗᬤᭂᬓᬶᬦ᭄᭞ᬳᬤᬗᭂᬫ᭄ᬩᬸᬲ᭄ᬓᭂᬮᬫ᭄ᬩᬶᬮᬓᬃᬫᬲᬶᬭᬫ᭄ᬓᬢ᭄ᬮᬕᬦᬾ᭞ᬫ᭄ᬯᬄᬳᬤᬫᬳᬭᬲ᭄ᬳᬭᬲ᭄‌‌‌‌ᬢᬸᬃᬳᬤᬲᬮᬶᬂᬢᬶᬫ᭄ᬧᬸᬕ᭄ᬳᬚᬶᬩᬸᬗ᭞ᬧ᭄ᬭᬚᬦᬶᬳᬶᬮᬂᬓᭂᬜᭂᬮ᭄ᬦᬾ᭟ᬬᬦ᭄ᬳᬸᬧᬫᬶᬬᬂ ᬳᬦᬓᬾᬮᬸᬄᬧᬶᬢᬸᬂᬤᬶᬭᬶᬳᭂᬦ᭄ᬢᭀ᭞ᬢᬦ᭄ᬩᬶᬦᬲᬓᬤᬶᬳᬶᬲᬤ᭄ᬧᬤᬵ᭞ᬫᬗᬶᬲᭂᬧ᭄ᬲᬭᬶ᭟ᬳᬶᬭᬵᬚᬧ᭠ᬮᬢᬦ᭄ᬫᬭᬶᬗᬯᬲ᭄‌‌ᬗ᭄ᬮᬶᬂᬮᬶᬂᬲᬃᬯ᭄ᬯᬶᬜᬶᬗᬶᬤᬂᬤᬾᬯᬾᬓ᭄ᬤᬶᬩᬢᬦ᭄ᬧᬸᬜᬦ᭄ᬧᬸᬥᬓᬾ᭞ᬳᬧᬂᬳᭂᬤᬳᬦᬓ᭄ᬢᬳᬸᬤᬾᬯᬾ᭠ ᬓ᭄ᬦᬾᬗᬶᬦ᭄ᬢᬶᬧ᭄ᬤᬶᬢᬸ᭟ᬓᬜ᭄ᬘᬶᬢ᭄ᬲᬸᬩᬫᬓᭂᬮᬸᬗᬯᬲ᭄ᬗᭂᬮᬶᬂᬮᬶᬂᬤᬶᬢᬸᬜᭀᬗ᭄ᬓᭀᬓ᭄᭞ᬫᬭᬯᬶᬤ᭄ᬬᬵᬥᬭᬶᬦᬾᬢᭀᬢᭀᬦᬦ᭄ᬫᬓᬶᬦ᭄ᬓᬶᬦᬦ᭄ᬫᬲᬶᬭᬫ᭄᭞ᬳᬤᬫᬭᬗᭂᬫ᭄ᬩᬸᬲ᭄‌‌ᬪᬹᬱᬡ᭞ᬳᬤᬳᭂᬦᬸᬫᬗᬶᬲᭂᬧ᭄ᬱ᭄ᬓᬃᬫ᭄ᬯᬄᬲᬸᬩᬳᬤᬢᭂᬥᬸᬦ᭄ᬳᬗᬸ ᬫ᭄ᬩᬂᬳᬗᬶᬤᭂᬭᬶᬦ᭄ᬢᭂᬮᬕ᭟ᬦᬗ᭄ᬳᬶᬂᬓᬾᬯᬶᬤ᭄ᬬᬵᬥᬭᬶᬦᬾᬧᬶᬢᬸᬂᬲᬶᬓᬶᬳᭂᬦ᭄ᬢᭀ᭞ᬢᬦ᭄ᬦᬳᬦ᭄ᬧᭂᬲᬦ᭄ᬮᬓᬃᬫᬫ᭠ᬗ᭄ᬕᬸᬄᬩᬜ᭄ᬘᬦ᭞ᬢᬦ᭄ᬫᬭᬶᬫᬳᬾᬦᭂᬂᬳᬾᬦᭂᬗᬦ᭄ᬫᬲᬶᬭᬫ᭄‌‌ᬫ᭄ᬯᬄᬫᬳᬶᬤᭂᬃᬳᬶᬤᭂᬭᬦ᭄ᬳᬗᬸᬫ᭄ᬩᬂᬤᬶᬢᭂᬮᬕᬦᬾᬲᬮᬶᬂᬩᬸᬭᬸ᭟ᬤᬾ [᭓ 3A] ᭓ ᬦᬶᬂᬯᬶᬤ᭄ᬬᬵᬥᬭᬶᬦᬾᬳᭂᬦ᭄ᬢᭀᬕᬃᬕᬶᬢᬧᭂᬲᬦ᭄ᬓᬬᬸᬦ᭄ᬦᬾᬤᬶᬢ᭄ᬮᬕᬦᬾᬫᬘᬡ᭄ᬥ᭞ᬲᬶᬂᬚᬳᬾᬮᬶᬂᬢᭂᬓᬾᬦ᭄ᬳᬧᬦ᭄ᬳᬧᬦ᭄᭟ᬤᬶᬢᬸᬮᬯᬸᬢ᭄ᬳᬶᬭᬵᬚᬧᬮᬗᬫᬭᬬᬂᬓᬢᭀᬗᭀᬲ᭄ᬯᬢᭂᬓ᭄ᬯᬶᬤ᭄ᬬᬥᬭᬶᬦᬾᬗᭂᬦᬳᬂᬪᬹᬱᬡ᭞ᬢᬸᬃᬜ᭄ᬮᬶᬩ᭄ᬱᬶᬩ᭄ᬧᬚᬮᬦ᭄ᬜ ᬦᬾᬲᬤᬳᬮᭀᬦ᭄᭞ᬳᬕᬾᬫᬲᬶᬗᬶᬤᬦ᭄ᬤᬶᬩᬢᬦ᭄ᬧᬸᬥᬓᬾ᭟ᬳᬸᬮᬶᬤᬶᬢᬸᬩᬳᬦᬗᬾᬓᬤᬬᬫᬫᬮᬶᬂᬓ᭄ᬮᬫ᭄ᬩᬶᬦ᭄ᬲᬂᬳᬦᭀᬫ᭄᭞ᬢᬸᬃᬜᬶᬗᬶᬤᬂᬤᬾᬯᬾᬓ᭄ᬦᬾ᭞ᬳᬧᬂᬳᭂᬤᬓᬦ᭄ᬢᬶᬢᬯᬗ᭟ᬤᬤ᭄ᬬᬦ᭄ᬜᬲᬶᬤᬩᬳᬦᬫᬫᬮᬶᬂᬓ᭄ᬮᬫ᭄ᬩᬶᬦᬾᬳᭂ ᬦ᭄ᬢᭀ᭞ᬓᬶᬮᬶᬢᬩᬳᬦ᭄ᬚᭀᬯᬦ᭄ᬤᬯᬵ᭞ᬮᬳᬸᬢ᭄ᬗᬾᬗ᭄ᬕᭂᬮᬂᬩᬸᬗ᭄ᬲᭂᬮᬵᬳᭂᬗ᭄ᬓᭂᬩᬗ᭟ᬤᬾᬦᬶᬂᬲᬸᬩᬫᬳᬶᬲᬶᬳᬶ᭠ᬥᭂᬧ᭄ᬜᬳᬶᬭᬵᬚᬧᬮ᭞ᬢᬸᬫᬸᬮᬶᬳᬶᬬᬩᬗᬸᬦ᭄ᬳᬸᬮᬶᬤᬶᬢᬸᬫᬓᬶᬍᬲᬦ᭄᭞ᬫᬚᬮᬦ᭄ᬓᭀᬧᬢ᭄ᬮᬦ᭄‌‌ᬲᬫ᭄ᬩᬶᬮᬗᬕᭂᬡ᭄ᬥᬂᬕᭂᬡ᭄ᬥᬶᬂ᭞ᬫᬧᬶᬫᬧᬶ ᬢ᭄ᬯᬭᬢ᭄ᬯᬭᬢᬳᬸᬳᬸᬡ᭄ᬥᬸᬓ᭄ᬯᬢᭂᬓ᭄ᬯᬶᬤ᭄ᬬᬥᬭᬶᬦᬾᬫᬲᬶᬭᬫ᭄ᬤᬶᬢᬸ᭟ᬤᬤ᭄ᬬᬦ᭄ᬜᬯᬢᭂᬓ᭄ᬯᬶᬤ᭄ᬬᬥᬭᬶᬦᬾᬫᬶᬋᬗᬂᬳᬦᬓ᭄ᬕᭂᬡ᭄ᬥᬂᬕᭂᬡ᭄ᬥᬶᬂᬤᬶᬲᬫ᭄ᬧᬶᬂᬢ᭄ᬮᬕᬦᬾ᭞ᬫᬘᬶᬗᬓᬦ᭄ᬓᬗᬶᬦ᭄ᬢᬸᬲᬶᬂᬳᬤᬳᬦᬓ᭄᭞ᬓᬯᬸᬄᬫᬲᬶᬄᬢᭀᬲᬶᬂᬳᬤ᭞ᬗᬶᬤᭂᬃᬪᬸᬯᬦᬫᬘᬶᬗᬓ᭠

Auto-transliteration

[2 2B] 2 nñaneditaman, hadangĕpikbungalahutngadĕkin, hadangĕmbuskĕlambilakar̀masiramkatlagane, mwaḥhadamaharasharastur̀hadasalingtimpug'hajibunga, prajanihilangkĕñĕlne. yanhupamiyang hanakeluḥpitungdirihĕnto, tanbinasakadihisadpadā, mangisĕpsari. hirājapa‐latanmaringawasnglinglingsar̀wwiñingidangdewekdibatanpuñanpudhake, hapanghĕdahanaktahudewe‐ knengintipditu. kañcitsubamakĕlungawasngĕlinglingdituñongkok, marawidyādharinetotonanmakinkinanmasiram, hadamarangĕmbusbhūṣaṇa, hadahĕnumangisĕpṣkar̀mwaḥsubahadatĕdhunhangu mbanghangidĕrintĕlaga. nanghingkewidyādharinepitungsikihĕnto, tannahanpĕsanlakar̀mama‐ngguḥbañcana, tanmarimahenĕnghenĕnganmasirammwaḥmahidĕr̀hidĕranhangumbangditĕlaganesalingburu. de [3 3A] 3 ningwidyādharinehĕntogar̀gitapĕsankayunneditlaganemacaṇdha, singjahelingtĕkenhapanhapan. ditulawut'hirājapalangamarayangkatongoswatĕkwidyadharinengĕnahangbhūṣaṇa, tur̀ñlibsyibpajalanña nesadahalon, hagemasingidandibatanpudhake. huliditubahanangekadayamamalingklambinsanghanom, tur̀ñingidangdewekne, hapanghĕdakantitawanga. dadyanñasidabahanamamalingklambinehĕ nto, kilitabahanjowandawā, lahutngenggĕlangbungsĕlāhĕngkĕbanga. deningsubamahisihi‐dhĕpñahirājapala, tumulihiyabangunhuliditumakil̥ĕsan, majalankopatlansambilangagĕṇdhanggĕṇdhing, mapimapi twaratwaratahuhuṇdhukwatĕkwidyadharinemasiramditu. dadyanñawatĕkwidyadharinemir̥ĕnganghanakgĕṇdhanggĕṇdhingdisampingtlagane, macingakankangintusinghadahanak, kawuḥmasiḥtosinghada, ngidĕr̀bhuwanamacingaka‐

Leaf 3

Image on Archive.org

[᭓ 3B] ᭓ ᬦ᭄ᬫᬲᬶᬄᬓᭀᬲᬶᬂᬳᬤᬚᬦ᭄ᬫᬵ᭞ᬓᬧᬶᬋᬂᬲ᭄ᬯᬭᬤᭀᬕᬾᬦ᭄᭟ᬤᬶᬢᬸᬯᬢᭂᬓ᭄ᬯᬶᬤ᭄ᬬᬥᬭᬶᬦᬾᬓᬕ᭄ᬬᬢ᭄ᬧᭂᬲᬦ᭄᭞ᬓᬧᬸᬧᬸᬗᬦ᭄ᬧᬢᬶᬢᭀᬫ᭄ᬧ᭄ᬮᭀᬓ᭄ᬫᬮᬳᬶᬩ᭄‌‌ᬳᬕᬾᬳᬤᬗ᭄ᬭᬗ᭄ᬲᬸᬓ᭄ᬪᬹᬱᬡ᭟ᬩᬳᬦ᭄ᬫᬲᬾᬧᬦ᭄ᬱᬾᬧᬦᬾᬩᭂᬲ᭄ᬱᬗᭂᬢ᭄᭞ᬤᬤᬶᬢ᭄ᬯᬭᬓᬃ ᬯ᭄ᬯᬦ᭄ᬓᬃᬯ᭄ᬯᬦ᭄‌‌ᬪᬹᬱᬡᬦᬾᬫ᭄ᬯᬄᬕ᭄ᬮᬸᬂ᭞ᬓᬕᬾᬢ᭄ᬗᭂᬦᬄᬳᬦᬓᬾᬫ᭄ᬯᬦᬶᬢᭀᬢᭀᬦᬦ᭄ᬱᬤᬢᬦ᭄ᬭᬸᬗᬸ᭞ᬳᬕᬾᬯᬢᭂᬓ᭄ᬯᬶᬤ᭄ᬬᬥᬭᬶᬦᬾᬫ᭄ᬮᭂᬲᬢ᭄ᬫᬫ᭄ᬩᬸᬃᬓᬳᬫ᭄ᬩᬭᬵᬦᬾᬢᬦ᭄ᬧᬢᭀᬮᬶᬳᬦ᭄᭟ᬳᬦᬾᬳᬤᬶᬭᬶᬓᬢᬶᬗ᭄ᬕᬮ᭄᭞ᬯᬶᬭᬾᬄᬓ᭄ᬮᬫ᭄ᬩᬶᬦᬾᬳᬶᬮᬂ᭞ᬳᬮᬶᬳ ᬮᬶᬳᬶᬦᬢᬸᬲᬶᬂᬢᭂᬧᬸᬓᬶᬦ᭟ᬤᬾᬦᬶᬂᬫᬓ᭄ᬮᭀᬩᬳᬦᬗᬮᬶᬳᬶᬦ᭄ᬫᬲᬶᬄᬢᬸᬲᬶᬂᬢᭂᬧᬸᬓᬶᬦ᭞ᬮᬦ᭄ᬢᬲ᭄ᬳᬶᬤᬫᬢᬓᬾ᭠ᬦ᭄ᬢᭂᬓᬾᬦ᭄ᬳᬶᬭᬵᬚᬧᬮ᭞ᬲᬃᬯ᭄ᬯᬶᬫᬗᭀᬮᬲᬂᬳᬢᬶ᭞ᬗᬲᬶᬳᬲᬶᬄᬩᬦ᭄ᬩᬦ᭄ᬳᬮᬸᬲ᭄ᬧᬗᬦ᭄ᬤᬶᬓᬦᬾᬮ᭄ᬯᬶᬃᬫᬥᬸᬚᬸᬭᬸᬄ᭞ᬤᬹᬄᬚ᭄ᬭᭀᬲᬂᬩᬕᬸ ᬲ᭄᭞ᬦ᭄ᬤᬯᭂᬕᬂᬧᬶᬲᬦ᭄ᬢ᭄ᬬᬂᬫᬢᬸᬃᬧᬢᬓᬾᬦ᭄‌‌ᬭᬶᬂᬚ᭄ᬭᭀᬦᬾᬫᬗ᭄ᬤᬵᬲᬫ᭄ᬧᬸᬦ᭄‌‌ᬚ᭄ᬭᭀᬦᬾᬢᬦ᭄ᬤ᭄ᬭᬸᬄᬭᬶᬂᬢ᭄ᬬᬂ᭞ᬳᬦ᭄ᬢᬸᬓ᭄ᬢ᭄ᬬᬂ᭠ᬓᬶᬘᬮᬦ᭄ᬓᬮᬫ᭄ᬩᬶ᭞ᬧᬸᬦᬧᬶᬚ᭄ᬭᭀᬦᬾᬦᬸᬤᬸᬓ᭄‌‌ᬓ᭄ᬮᬫ᭄ᬩᬶᬦ᭄ᬢ᭄ᬬᬗᬾᬳᬶᬭᬶᬓᬶ᭞ᬬᬦ᭄ᬯᬦ᭄ᬢᬄᬚ᭄ᬭᭀᬦᬾᬲᬦᬾᬗᭂᬦ᭄ᬬᬂ᭞ᬢ᭄ᬬᬂᬫᬧᬶᬤᬯᭂᬕ᭄ᬧᬶᬲᬦ᭄ᬭᬶᬂ [᭔ 4A] ᭔ ᬚ᭄ᬭᭀᬦᬾ᭞ᬫᬗ᭄ᬤᬵᬳᬶᬘᬳᬸᬕᬶᬚ᭄ᬭᭀᬦᬾᬗᬶᬘᬾᬦ᭄ᬦᭂᬩᬸᬲ᭄᭞ᬳᬫᬸᬦᬧᬶᬚᬵᬚ᭄ᬭᭀᬦᬾᬓᬬᬸᬦ᭄ᬫᬢᭂᬩᬸᬲᬂᬭᬶᬂᬢ᭄ᬬᬂ᭞ᬚᬕᬶᬢ᭄ᬬᬂᬦᬸᬢᬸᬕ᭄ᬓᬾᬯᬦ᭄ᬢᭂᬦ᭄ᬳᬓ᭄ᬯᬾᬄᬳᬶᬧᬸᬦ᭄᭟ᬫᬲᬳᬸᬃᬳᬶᬭᬵᬚᬧᬮ᭞ᬲ᭄ᬯᬭᬦ᭄ᬦᬾᬲᬤᬩᬦ᭄ᬩᬦ᭄ᬢᬸᬃᬫᬗᭀᬮᬲᬂᬳᬢᬶ᭞ᬓᬲᭀᬃᬳᬶᬕᬸᬮᬤ᭄ᬭᬯᬵ ᭟ᬳᬶᬗ᭄ᬕᬶᬄᬢᬶᬢ᭄ᬬᬂᬲᬦᬾᬗᭂᬦ᭄ᬬᬂᬤ᭄ᬭᬸᬯᬾᬦ᭄ᬳᬶᬤᬾᬯᬦᬾᬧᬸᬦᬶᬓᬵ᭞ᬬᬦ᭄ᬧᬘᬂᬫᬢᭂᬩᬸᬲᬂ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄ᬗᬢᬸᬭᬂᬭᬶᬂᬳᬶᬤᬾᬯ᭞ᬦᬗ᭄ᬳᬶᬂᬬᬦ᭄ᬲᬫ᭄ᬧᬸᬦ᭄ᬓᭂᬤᬕᬶᬗᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬗᬾ᭞ᬳᬶᬭᬶᬓᬢᬶᬢ᭄ᬬᬂᬚᬕᬶᬗᬢᬸᬭᬂᬤ᭄ᬭᬸᬯᬾᬦ᭄ᬳᬶᬤᬾᬯᬦᬾᬧᬸᬦᬶᬓᬵ᭟ᬩᬸᬯᬶ᭠ ᬦ᭄ᬳᬶᬤᬗᬦ᭄ᬤᬶᬓ᭞ᬧᬶᬦᬸᬦᬲ᭄ᬳᬲᬧᬸᬦᬧᬶᬲᬦᬾᬓᬤᬕᬶᬗᬦ᭄ᬓᬬᬸᬦ᭄‌‌ᬚ᭄ᬭᭀᬦᬾ᭞ᬳᬶᬦ᭄ᬤᬬᬂᬢ᭄ᬭᬗᬂᬫᬗ᭄ᬤᬵᬢ᭄ᬬᬂᬳᬸᬦᬶᬂ᭟ᬫᬢᬸᬃᬳᬶᬭᬵᬚᬧᬮ᭞ᬘᬸᬢᭂᬢ᭄ᬳᬢᬸᬃᬢᬶᬢ᭄ᬬᬂᬭᬶᬂᬳᬶᬤᬾᬯ᭞ᬬᬦ᭄ᬓᬧᭀᬳᬶᬤᬾᬯᬲ᭄ᬯᬾᬘᬗᬗ᭄ᬕᬾᬦ᭄ᬢᬶᬢ᭄ᬬᬂᬲᬲᬯᬶᬢ᭄ᬭᬬᬦ᭄‌‌ᬚᬦ᭄ᬫᬵᬮᬘᬸᬃᬫ᭠ ᬮᬶᬄᬦᬶᬱ᭄ᬝᬵᬤᬫ᭞ᬢ᭄ᬬᬶᬢ᭄ᬬᬂᬦᬸᬦᬲ᭄ᬫᬲᬯᬶᬢ᭄ᬭᬬᬦ᭄ᬭᬶᬂᬳᬶᬤᬾᬯᬲᬦᬾᬫᬗ᭄ᬓᬶᬦ᭄᭟ᬗᬦ᭄ᬤᬶᬓᬳᬶᬯᬶᬤ᭄ᬬᬥᬭᬶ᭟ᬳᭀᬤᭀᬂᬓᬾᬢᭀᬧᬗᭂᬤᬶᬳᬦ᭄‌‌ᬚ᭄ᬭᭀᬦᬾᬭᬶᬂᬢ᭄ᬬᬂ᭟ᬬᬦ᭄ᬲᬫ᭄ᬧᬸᬦ᭄ᬫᬲ᭄ᬳᬶᬦ᭄ᬢᭂᬦ᭄‌‌ᬲᬦᬾᬲᬃᬯ᭄ᬯᬫᬸᬮᬾᬓᬬᬸᬦᬂᬚ᭄ᬭᭀᬦᬾᬭᬶᬂᬢ᭄ᬬᬂ

Auto-transliteration

[3 3B] 3 nmasiḥkosinghadajanmā, kapir̥ĕngswaradogen. dituwatĕkwidyadharinekagyatpĕsan, kapupunganpatitomplokmalahib'hagehadangrangsukbhūṣaṇa. bahanmasepansyepanebĕsṣangĕt, daditwarakar̀ wwankar̀wwanbhūṣaṇanemwaḥglung, kagetngĕnaḥhanakemwanitotonanṣadatanrungu, hagewatĕkwidyadharinemlĕsatmambur̀kahambarānetanpatolihan. hanehadirikatinggal, wireḥklambinehilang, haliha lihinatusingtĕpukina. deningmaklobahanangalihinmasiḥtusingtĕpukina, lantashidamatake‐ntĕkenhirājapala, sar̀wwimangolasanghati, ngasihasiḥbanbanhaluspangandikanelwir̀madhujuruḥ, dūḥjrosangbagu s, ndawĕgangpisantyangmatur̀patakenringjronemangdāsampunjronetandruḥringtyang, hantuktyang‐kicalankalambi, punapijronenudukklambintyangehiriki, yanwantaḥjronesanengĕnyang, tyangmapidawĕgpisanring [4 4A] 4 jrone, mangdāhicahugijronengicennĕbus, hamunapijājronekayunmatĕbusangringtyang, jagityangnutugkewantĕnhakweḥhipun. masahur̀hirājapala, swarannesadabanbantur̀mangolasanghati, kasor̀higuladrawā . hinggiḥtityangsanengĕnyangdruwenhidewanepunikā, yanpacangmatĕbusang, tityangtanwentĕnpisanngaturangringhidewa, nanghingyansampunkĕdaginganpinunastityange, hirikatityangjagingaturangdruwenhidewanepunikā. buwi‐ nhidangandika, pinunashasapunapisanekadagingankayunjrone, hindayangtrangangmangdātyanghuning. matur̀hirājapala, cutĕt'hatur̀tityangringhidewa, yankapohidewaswecanganggentityangsasawitrayanjanmālacur̀ma‐ liḥniṣṭādama, tyityangnunasmasawitrayanringhidewasanemangkin. ngandikahiwidyadhari. hodongketopangĕdihanjroneringtyang. yansampunmashintĕnsanesar̀wwamulekayunangjroneringtyang

Leaf 4

Image on Archive.org

[᭔ 4B] ᭔ ᬫᬲᬧᬸᬭᬸᬦ᭄ᬢ᭄ᬬᬂᬢᭂᬫ᭄ᬧᬮ᭄ᬭᬶᬂᬧᬓᬬᬸᬦᬦ᭄᭞ᬚᬦ᭄ᬢᭂᬦ᭄ᬧᬶᬲᬦ᭄ᬢ᭄ᬬᬂᬦᬕᬶᬗᬶᬦ᭄᭟ᬲᬚᬯᬶᬦᬶᬂᬧᬸᬦᬶᬓ᭞ᬢ᭄ᬬᬂᬦ᭄ᬤᬯᭂᬕᬂᬧᬶᬲᬦ᭄ᬭᬶᬂᬚ᭄ᬭᭀᬦᬾᬲᬫ᭄ᬧᬸᬦᬂᬧᬶᬲᬦ᭄ᬗ᭄ᬭᬯᭀᬲᬗ᭞ᬢ᭄ᬬᬂᬫᬫᬶᬦ᭄ᬤᬄᬲᬧᬶᬲᬦ᭄ᬭᬶᬂᬚ᭄ᬭᭀᬦᬾ᭞ᬬᬦ᭄ᬲᬫ᭄ᬧᬸᬦ᭄ᬮ᭄ᬬᬦᬦ᭄᭞ᬢ᭄ᬬᬂᬲᬸ ᬓᬓᬧᬤᬃᬯ᭄ᬯ᭟ᬫᬭᬓᬾᬢᭀᬧᬗᬦ᭄ᬤᬶᬓᬦ᭄ᬯᬶᬤ᭄ᬬᬥᬭᬶᬦᬾ᭞ᬩᬸᬯᬶᬦ᭄ᬗᬯᬯᬦᬶᬦ᭄ᬫᬢᬸᬃᬲᬶᬲᬶᬧ᭄‌‌ᬕᭂᬂᬋᬡᬲᬶᬦᬫ᭄ᬧᬸᬭ᭞ᬦ᭄ᬤᬯᭂᬕᬂᬦᬸᬦᬲ᭄ᬳᬶᬘᬧᬶᬲᬦ᭄᭞ᬲᬃᬯ᭄ᬯᬶᬫᬗᭂᬫ᭄ᬩᭂᬂᬗᭂᬫ᭄ᬩᭂᬂᬬᬾᬄᬧᬦᭀᬦ᭄᭞ᬧᬶᬦᬸᬦᬲ᭄ᬳᬶᬭᬵᬚᬧᬮᬦᬾ᭟ᬳᬶᬗ᭄ᬕᬶᬄᬭᬢᬸᬫᬵ᭠ ᬲ᭄ᬳᬢ᭄ᬫᬵᬚᬶᬯᬦ᭄ᬢᬶᬢ᭄ᬬᬗᬾᬳᬶᬤᬾᬯ᭞ᬩᭀᬬᬚᬫᬲ᭄ᬳᬶᬦ᭄ᬢᭂᬦ᭄ᬲᬦᬾᬲᬃᬯ᭄ᬯᬫᬸᬮᬾᬧᬫᬶᬢᬂᬢᬶᬢ᭄ᬬᬂᬧᬸᬦᬶᬓ᭞ᬦᬗᬶᬂᬓ᭄ᬥᭂᬄᬧᬶᬦᬸᬦᬲ᭄ᬢᬶᬢ᭄ᬬᬗᬾ᭞ᬳᬶᬗ᭄ᬕᬶᬄᬧᬸᬦᬶᬓᬫᬡᬶᬓ᭄ᬫᬚᬮᬦ᭄᭞ᬲᬦᬾᬯᬶᬘᬓ᭄ᬱᬡᬢᬸᬃᬧ᭄ᬭᬚ᭄ᬜᬵᬦ᭄᭞ᬲᬸᬓᬯᬶᬃᬬ᭄ᬬᬫᬫᬗ᭄ᬕᬸᬄᬓᬧ᭄ᬭᬪᭀ ᬦ᭄᭞ᬲᬦ᭄ᬤᬶᬗᬸᬘᬧ᭄ᬲᬶᬤ᭄ᬥᬶᬫᬸᬜᬶ᭟ᬲᬫᬮᬶᬄᬓᬶᬦᬲᬶᬳᬦ᭄ᬤᬾᬦᬶᬂᬚᬕᬢ᭄᭞ᬭᬹᬧᬧ᭄ᬓᬶᬓ᭄ᬳᬜᬓ᭄ᬭᬯᬃᬢ᭄ᬢᬶᬢᬸᬃᬲ᭄ᬩᭂᬂᬳᬍ᭠ᬧ᭄‌‌ᬩᬸᬤ᭄ᬥᬶᬥᬃᬫ᭄ᬫ᭞ᬧᬸᬦᬶᬓᬲᬦᬾᬧᬫᬶᬢᬂᬢᬶᬢ᭄ᬬᬂ᭞ᬢᬫ᭄ᬧᬲᬸᬳᬸᬦ᭄ᬧ᭄ᬢᭂᬂᬍᬫᬄᬧᬳᬶᬘᬦ᭄ᬳᬶᬤᬾᬯᬦᬾ᭟ᬤᬾᬦᬶᬂᬓᬾᬢᭀᬓᭂᬤᭂᬄᬧᭂ [᭕ 5A] ᭕ ᬲᬦ᭄ᬧᬶᬦᬸᬦᬲ᭄ᬦᬾᬳᬶᬭᬵᬚᬧᬮ᭞ᬳᬶᬯᬶᬤ᭄ᬬᬥᬭᬶᬓᬫᭂᬫᭂᬕᬦ᭄ᬧᬶᬲᬦ᭄ᬜᬯᬸᬭᬶᬦ᭄ᬳᬢᬸᬃᬦᬾᬩᬸᬓᬓᬾᬢᭀ᭞ᬢᬸᬫᬸᬮᬶᬳᬶᬤᬫᬰᬩ᭄ᬤᬳᬭᬶᬲ᭄᭟ᬤᬹᬄᬤᬾᬯᬯᭀᬂᬳᬩᬕᬸᬲ᭄᭞ᬩᭂᬲ᭄ᬓᬮᬶᬯᬢ᭄ᬧᭂᬲᬦ᭄ᬯᭂᬯᬶᬤᬶᬳᬦ᭄ᬳᬶᬤᬾᬯᬦᬾᬢ᭄ᬓᬾᬦᬶᬂᬢ᭄ᬬᬂ᭞ᬳ ᬦᬾᬢ᭄ᬯᬭᬧᬢᬸᬢ᭄‌‌ᬧᬢᬸᬢᬂᬳᬶᬤᬾᬯ᭟ᬧᬸᬦᬧᬶᬳᬶᬤᬾᬯᬤᬾᬭᬾᬂᬫᬤ᭄ᬭᬸᬯᬾᬭᬩᬶ᭟ᬬᬦ᭄ᬯᬦ᭄ᬢᬄᬢᬸᬳᬸᬤᬾᬭᬾᬂᬫᬭᬩᬶ᭞ᬢ᭄ᬬᬂᬦᬕᬶᬗᬶᬦ᭄ᬧᬗᭂᬤᬶᬳᬦ᭄ᬳᬶᬤᬾᬯᬦᬾ᭞ᬦᬗᬶᬂᬳᬩᭀᬲ᭄ᬩᭀᬲ᭄ᬓᬾᬯᬦ᭄ᬢᭂᬦ᭄᭞ᬬᬾᬦᬶᬂᬯᬾᬦ᭄ᬢᭂᬦ᭄ᬳᬦᬓ᭄ᬳᬦᬶᬸᬮᬶᬢ᭄ᬮᬦᬂᬳ ᬤᬶᬭᬶ᭞ᬢ᭄ᬬᬂᬫᬧᬫᬶᬢ᭄ᬩᬸᬤᬮ᭄ᬓᬇᬦ᭄ᬤ᭄ᬭᬮᭀᬓ᭟ᬫᬢᬸᬃᬳᬶᬭᬵᬚᬧᬮ᭟ᬳᬶᬗ᭄ᬕᬶᬄᬤᬾᬯᬲᬂᬳᬬᬸ᭞ᬢᬶᬢ᭄ᬬᬂᬤᬸᬭᬸᬂᬧᬶᬲ᭠ᬦ᭄ᬫᬤ᭄ᬭᬸᬯᬾᬓᬸᬋᬡᬦ᭄᭞ᬬᬦ᭄ᬳᬶᬤᬾᬯᬢᬦ᭄ᬳᬶᬘᬭᬶᬂᬤᬾᬯᬾᬓ᭄ᬢᬶᬢ᭄ᬬᬗᬾᬯᭀᬂᬓᬯ᭄ᬮᬲ᭄ᬳᬃᬱ᭞ᬧᬸᬦᬧᬶᬤᬤᭀᬲ᭄ᬢᬶᬢ᭄ᬬᬗᬾᬫᬜᬤ᭄ᬫᬵ᭞ᬢ᭠ ᬦᬸᬭᬸᬗᭂᬦ᭄ᬢᬶᬢ᭄ᬬᬂᬧᬤᭂᬫ᭄ᬢᬦ᭄ᬧᬦᭂᬤᬵ᭟ᬳᬶᬗ᭄ᬕᬶᬄᬳᬦ᭄ᬢᬸᬓ᭄ᬲᬫ᭄ᬧᬸᬦ᭄ᬮᬶᬦ᭄ᬢᬂᬲ᭄ᬯᬾᬘᬦ᭄ᬳᬶᬤᬾᬯᬦᬾᬭᬶᬂᬢᬶᬢ᭄ᬬᬂ᭞ᬢᬍᬃᬢᬶ᭠ᬢ᭄ᬬᬂᬢᬦ᭄ᬧᬸᬭᬸᬦ᭄ᬫᬢᬸᬃᬭᬶᬂᬳᬶᬤᬾᬯ᭞ᬫᬗ᭄ᬤᬵᬲᬫ᭄ᬧᬸᬦ᭄ᬢᬶᬢ᭄ᬬᬂᬓᬲᭂᬗ᭄ᬕᬸᬄᬢᬦ᭄ᬤ᭄ᬭᬸᬄᬭᬶᬂᬳᬶᬤᬾᬯᬳᬶᬭᬶᬂᬢᬶᬢ᭄ᬬᬂᬳᬶᬭᬶᬓᬶ᭟ᬳᬶᬗ᭄ᬕᬶᬄᬢᬶᬢ᭄ᬬᬂᬦᬸᬦ᭠

Auto-transliteration

[4 4B] 4 masapuruntyangtĕmpalringpakayunan, jantĕnpisantyangnagingin. sajawiningpunika, tyangndawĕgangpisanringjronesampunangpisanngrawosanga, tyangmamindaḥsapisanringjrone, yansampunlyanan, tyangsu kakapadar̀wwa. maraketopangandikanwidyadharine, buwinngawawaninmatur̀sisipgĕngr̥ĕṇasinampura, ndawĕgangnunashicapisan, sar̀wwimangĕmbĕngngĕmbĕngyeḥpanon, pinunashirājapalane. hinggiḥratumā‐ shatmājiwantityangehidewa, boyajamashintĕnsanesar̀wwamulepamitangtityangpunika, nangingkdhĕḥpinunastityange, hinggiḥpunikamaṇikmajalan, sanewicakṣaṇatur̀prajñān, sukawir̀yyamamangguḥkaprabho n, sandingucapsiddhimuñi. samaliḥkinasihandeningjagat, rūpapkik'hañakrawar̀ttitur̀sbĕnghal̥ĕ‐pbuddhidhar̀mma, punikasanepamitangtityang, tampasuhunptĕngl̥ĕmaḥpahicanhidewane. deningketokĕdĕḥpĕ [5 5A] 5 sanpinunasnehirājapala, hiwidyadharikamĕmĕganpisanñawurinhatur̀nebukaketo, tumulihidamaśabdaharis. dūḥdewawonghabagus, bĕskaliwatpĕsanwĕwidihanhidewanetkeningtyang, ha netwarapatutpatutanghidewa. punapihidewaderengmadruwerabi. yanwantaḥtuhuderengmarabi, tyangnaginginpangĕdihanhidewane, nanginghabosboskewantĕn, yeningwentĕnhanak'han̶litlanangha diri, tyangmapamitbudalka'indraloka. matur̀hirājapala. hinggiḥdewasanghayu, tityangdurungpisa‐nmadruwekur̥ĕṇan, yanhidewatanhicaringdewektityangewongkawlashar̀ṣa, punapidadostityangemañadmā, ta‐ nurungĕntityangpadĕmtanpanĕdā. hinggiḥhantuksampunlintangswecanhidewaneringtityang, tal̥ĕr̀ti‐tyangtanpurunmatur̀ringhidewa, mangdāsampuntityangkasĕngguḥtandruḥringhidewahiringtityanghiriki. hinggiḥtityangnuna‐

Leaf 5

Image on Archive.org

[᭕ 5B] ᭕ ᬲᬂᬲᬧᬲᬶᬭᬪᬶᬱᬾᬓᬦ᭄ᬳᬶᬤᬾᬯᬦᬾ᭞ᬫᬗ᭄ᬤᬵᬩᭂᬘᬶᬓ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬢᬸᬃᬭᬶᬂᬳᬶᬤᬾᬯ᭟ᬗᬦ᭄ᬤᬶᬓᬳᬶᬯᬶᬤ᭄ᬬᬥᬭᬶ᭞᭠ᬳᬶᬗ᭄ᬕᬶᬄᬮᬫᬸᬦ᭄ᬩᭂᬮᬶᬢᬸᬲᬶᬂᬦᬯᬂ᭞ᬢ᭄ᬬᬂᬲᬫ᭄ᬧᬸᬦ᭄‌‌ᬲᬦᬾᬫᬳᬤᬦ᭄ᬦᬷᬲᬸᬮᬲᬶᬄ᭞ᬲᬫ᭄ᬧᬸᬦ᭄ᬳᬶᬤᬾᬯᬲᬸᬫᬗ᭄ᬰᬬᬭᬶᬂᬢ᭄ᬬᬂ᭞ᬚᬢᬶᬲᬓᬶᬂᬦᬶᬃ ᬫ᭄ᬫᬮᬢᬦ᭄ᬧᬢᬍᬢᭂᬄᬫᬦᬄᬢ᭄ᬬᬗᬾᬦᬕᬶᬗᬶᬦ᭄ᬧᬗᭂᬤᬶᬳᬦ᭄ᬳᬶᬤᭂᬧ᭄‌‌ᬩ᭄ᬮᬶᬦᬾᬓᬾᬢᭀ᭟ᬦᬗ᭄ᬳᬶᬂᬬᬾᬦᬶᬂᬩ᭄ᬮᬶᬲᬸᬓᬗᭀᬤᬮᬂᬓ᭄ᬮᬫ᭄ᬩᬶᬦ᭄ᬢ᭄ᬬᬗᬾᬲᬦᬾᬤᬸᬤᬸᬓ᭄ᬩᭂᬮᬶᬧᬸᬦᬶᬓᬵ᭟ᬫᬭᬓᬾᬢᭀᬧᬗᬦ᭄ᬤᬶᬓᬦ᭄ᬜᬦᬾᬦᬶᬲᬸᬮᬲᬶᬄ᭞ᬳᬧᬓᬤᬾᬦ᭄ᬳᬾᬕᬃᬓᭂᬦᭂᬄᬦᬾ᭞ ᬭᬲᬫᭂᬦᬂᬳᬓ᭄ᬝᬶ᭞ᬢᬸᬃᬋᬡᬧᭂᬲᬦ᭄ᬳᬶᬤᭂᬧ᭄ᬦᬾᬳᬶᬭᬵᬚᬧᬮ᭞ᬭᬾᬄᬫᬳᬦ᭄ᬭᬩᬶᬯᬶᬤ᭄ᬬᬥᬭᬶᬲᬦᬾᬓᬮᬶᬯᬢ᭄ᬮᭂᬯᬶᬄ᭠ᬢᬸᬲᬶᬂᬳᬤᬗᬲᭀᬭᬂᬤᬶᬫᬥ᭄ᬬᬧᬤᬵ᭞ᬯᬃᬡ᭄ᬦᬦᬾᬳᬬᬸᬳᬦᭀᬫ᭄ᬢᬸᬲᬶᬂᬲ᭄ᬥᭂᬂᬘᬾᬤ᭞ᬲᬓ᭄ᬱᬢ᭄ᬲᬗ᭄ᬳ᭄ᬬᬂᬭᬢᬶᬄᬯᬳᬸᬫᬶᬚᬶᬮ᭄ᬲᬓᬶᬂᬢᬶᬫᬸᬃ᭟ᬤᬶ ᬢᬸᬮᬳᬸᬢ᭄ᬓᬮᬫ᭄ᬩᬶᬪᬹᬱᬡᬦᬾᬓᬳᬢᬸᬭᬂᬧ᭄ᬭᬚᬦᬶ᭚᭜᭚ᬓᬘ᭄ᬭᬶᬢᬚᬦᬶᬓᬾᬦ᭄ᬱᬸᬮᬲᬶᬄᬲᬸᬩᬳᬗ᭄ᬕᬾᬦᬭᬩᬶᬩᬳᬦ᭄ᬳᬶᬭᬵᬚᬧᬮ᭞ᬢᬸᬃᬲᬸᬩᬧᬤᬫᬲᬮᬶᬦ᭄ᬩᬱ᭞ᬩᬸᬓᬢᬶᬢᬄᬳᬦᬓᬾᬫᬓᬸᬋᬦᬦ᭄ᬤᬶᬚᬩᬬᬦ᭄᭞ᬳᬓᬾᬢᭀᬧᬳᬶᬦ᭄ᬤᬶᬓᬦ᭄ᬜᬤᬶ [᭖ 6A] ᭖ ᬢᭂᬗᬄᬳᬮᬲᬾᬳᬮᬓᬶᬭᬩᬶ᭟ᬢᬦ᭄ᬓᭀᬘᬧ᭄ᬓᬕᬾᬢ᭄ᬲᬸᬩᬫᬓ᭄ᬮᭀᬤᬶᬢᭂᬗᬄᬳᬮᬲᬾᬕᬸᬫᭂᬦ᭄ᬢᭀᬲ᭄ᬩᬸᬤᬮ᭄ᬓᬲᬶᬗᬧᬜ᭄ᬚᬭᭀᬦ᭄᭞ᬤᬤᬶᬳᬶᬭᬵᬚᬧᬮ᭞ᬜᬩ᭄ᬭᬦ᭄ᬤᬶᬦᬕᬯᬾᬦ᭄ᬜᬫᬩᬸᬭᬸᬫᬳᬶᬤᭂᬃᬳᬶᬤᭂᬭᬦ᭄ᬤᬶᬢ᭄ᬗᬳᬶᬂᬳᬮᬲ᭄᭞ᬬᬦ᭄ᬳᬫᬸ ᬦ᭄ᬳᬧᬓᬧᭀᬫᬓ᭄ᬮᭀᬦᬾᬤᬶᬢ᭄ᬗᬄᬯᬦᬵᬤ᭄ᬭᬶ᭞ᬓᬦ᭄ᬢᬶᬓᬾᬦ᭄ᬱᬸᬮᬲᬶᬄᬗᬺᬫ᭄ᬧᬶᬦᬶ᭞ᬓᬲᬸᬯᬾᬦ᭄ᬲᬸᬯᬾᬦ᭄ᬳᬕᭃᬂᬩᭀᬩᭀᬢᬦ᭄ᬦᬾ᭞ᬲᬯᬢᬭᬳᬤᬚᭂᬦᭂᬂᬲᬸᬩᬧᬶᬢᬸᬂᬯᬸᬮᬦ᭄᭞ᬫᬓ᭄ᬭᬸᬡᬭᬩᬶᬦᬾᬢᭂᬓᬾᬦ᭄ᬳᬶᬭᬵᬚᬧᬮ᭟ᬳᬶᬗ᭄ᬕᬶᬄᬩ᭄ᬮᬶᬳ᭠ ᬲᬧᬸᬦᬧᬶᬧᬯᬶᬮᬗᬦ᭄ᬩᭂᬮᬶᬦᬾᬫᬗ᭄ᬓᬶᬦ᭄᭞ᬭᬾᬄᬲᬫ᭄ᬧᬸᬦ᭄ᬮᬫᬶᬳᬶᬭᬶᬓᬶᬫᬕ᭄ᬦᬄᬭᬶᬂᬧᬦ᭄ᬢᬭᬦᬶᬂᬯᬦᬵᬤ᭄ᬭᬶ᭞ᬗᬶᬭᬶᬂᬚᬲᬫ᭄ᬧᬸᬦ᭄ᬩᭂᬮᬶᬩᬸᬤᬮ᭄ᬓᬲᬶᬗᬧᬜ᭄ᬚᬭᭀᬦ᭄᭞ᬢᬦ᭄ᬧᬧ᭄ᬯᬭᬧᬶᬲᬦ᭄ᬕᬯᬾᬦ᭄ᬩᭂᬮᬶᬦᬾᬗᬮᬲ᭄ᬫᬩᭂᬩᬸᬭᬸᬳᬶᬭᬶᬓᬶᬢ᭠ ᬦ᭄ᬧᭀᬮᬶᬄᬩᬸᬭᭀᬦ᭄ᬳᬦᬂᬳᬲᬶᬓᬶ᭟ᬫᬭᬳᬓᬾᬢᭀᬧᬗᬦ᭄ᬤᬶᬓᬦ᭄ᬭᬩᬶᬦᬾ᭞ᬳᬶᬭᬵᬚᬧᬮᬓᬫᭂᬫᭂᬕᬦ᭄ᬧᭂᬲᬦ᭄ᬜᬳᬸᬭᬶᬦ᭄᭞ᬦᬳᬦ᭄ᬧᭂᬲᬦ᭄ᬢᭂᬓᬾᬦ᭄ᬭᬕᬳᬶᬯᬂ᭞ᬩᬓᬢ᭄ᬳᬮᬫᬾᬦᬬᬂᬧᬶᬲᬦ᭄ᬓᬬᬸᬦ᭄ᬭᬩᬶᬦᬾ᭞ᬮᬯᬸᬢ᭄ᬫᬢᬸᬃᬲᬶᬲᬶᬧ᭄᭞

Auto-transliteration

[5 5B] 5 sangsapasirabhisyekanhidewane, mangdābĕcik'hantuktityangmatur̀ringhidewa. ngandikahiwidyadhari, ‐hinggiḥlamunbĕlitusingnawang, tyangsampunsanemahadannīsulasiḥ, sampunhidewasumangśayaringtyang, jatisakingnir̀ mmalatanpatal̥ĕtĕḥmanaḥtyangenaginginpangĕdihanhidĕpblineketo. nanghingyeningblisukangodalangklambintyangesanedudukbĕlipunikā. maraketopangandikanñanenisulasiḥ, hapakadenhegar̀kĕnĕḥne, rasamĕnanghakṭi, tur̀r̥ĕṇapĕsanhidĕpnehirājapala, reḥmahanrabiwidyadharisanekaliwatlĕwiḥ‐tusinghadangasorangdimadhyapadā, war̀ṇnanehayuhanomtusingsdhĕngceda, sakṣatsanghyangratiḥwahumijilsakingtimur̀. di tulahutkalambibhūṣaṇanekahaturangprajani // • // kacritajanikensyulasiḥsubahanggenarabibahanhirājapala, tur̀subapadamasalinbaṣa, bukatitaḥhanakemakur̥ĕnandijabayan, haketopahindikanñadi [6 6A] 6 tĕngaḥhalasehalakirabi. tankocapkagetsubamakloditĕngaḥhalasegumĕntosbudalkasingapañjaron, dadihirājapala, ñabrandinagawenñamaburumahidĕr̀hidĕranditngahinghalas, yanhamu nhapakapomakloneditngaḥwanādri, kantikensyulasiḥngr̥ĕmpini, kasuwensuwenhagöngbobotanne, sawatarahadajĕnĕngsubapitungwulan, makruṇarabinetĕkenhirājapala. hinggiḥbliha‐ sapunapipawilanganbĕlinemangkin, reḥsampunlamihirikimagnaḥringpantaraningwanādri, ngiringjasampunbĕlibudalkasingapañjaron, tanpapwarapisan'gawenbĕlinengalasmabĕburuhirikita‐ npoliḥburonhananghasiki. marahaketopangandikanrabine, hirājapalakamĕmĕganpĕsanñahurin, nahanpĕsantĕkenragahiwang, bakat'halamenayangpisankayunrabine, lawutmatur̀sisip,

Leaf 6

Image on Archive.org

[᭖ 6B] ᭖ ᬳᬶᬗ᭄ᬕᬶᬄᬭᬢᬸᬫᬲ᭄ᬫᬓᬚᬶᬯᬦ᭄ᬢᬶᬢ᭄ᬬᬗᬾᬳᬶᬤᬾᬯᬲᬂᬳᬬᬸ᭞ᬲᬫ᭄ᬧᬸᬦᬂᬧᬶᬲᬦ᭄ᬳᬶᬤᬾᬯᬓᬮᬶᬦ᭄ᬢᬂᬩᭂᬦ᭄ᬥᬸ᭠ᬭᬶᬂᬲᬶᬓ᭄ᬬᬦ᭄ᬢᬶᬢ᭄ᬬᬗᬾ᭞ᬢᬶᬢ᭄ᬬᬂᬦᬸᬦᬲ᭄ᬕᭂᬂᬋᬡᬲᬶᬦᬫ᭄ᬧᬸᬭᬳᬦ᭄ᬢᬸᬓ᭄ᬓᬫᭀᬫᭀᬳᬦ᭄ᬢᬶᬢ᭄ᬬᬗᬾᬗᬶᬭᬶᬂᬧᬓᬬᬸᬦ᭄ᬳᬶᬤᬾᬯ᭞ᬫᬗ᭄ᬤᬵ ᬲᬫ᭄ᬧᬸᬦ᭄ᬳᬶᬤᬾᬯᬩᬗᭂᬢ᭄ᬫᬲᭂᬮ᭄ᬲᭂᬮᬦ᭄᭟ᬗᬶᬭᬶᬂᬲᬫ᭄ᬧᬸᬦ᭄ᬩᬸᬤᬮ᭄ᬓᬲᬶᬗᬧᬜ᭄ᬚᬭᭀᬦ᭄ᬲᬦᬾᬫᬗ᭄ᬓᬶᬦ᭄᭞ᬲᬫ᭄ᬧᬸᬦᬂᬗ᭄ᬭᬯᭀᬲ᭄ᬳᬲᬧᬸᬦᬶᬓᬫᬮᬶᬄ᭞ᬲᬸᬳᬸᬤ᭄ᬓᬾᬢᭀ᭞ᬮᬦ᭄ᬢᬲ᭄ᬱᬂᬓᬭᭀᬫᬫᬃᬕ᭄ᬕᬶᬮᬦᬂᬳᬶᬲ᭄ᬢ᭄ᬭᬶᬩᬸᬤᬮ᭄‌‌ᬗᬸᬗ᭄ᬲᬶᬓᬲᬶᬗᬧ᭠ ᬜ᭄ᬚᬭᭀᬦ᭄᭟ᬕ᭄ᬮᬶᬲᬶᬂᬲᬢ᭄ᬯᬵᬓᬕᬾᬢ᭄ᬲᬸᬩᬦᬧᬓ᭄ᬤᬶᬢᬸ᭞ᬲᬶᬕ᭄ᬳᬸᬫᬄᬳᬶᬭᬵᬚᬧᬮᬦᬾ᭟ᬳᬧᬓᬤᬾᬦ᭄ᬕᬃ᭠ᬕᬶᬢᬦ᭄ᬓᬬᬸᬦ᭄ᬭᬩᬶᬦᬾ᭞ᬭᬲᬳᬫ᭄ᬩᬸᬮ᭄ᬫᭂᬦᬂᬳᬓᭂᬢᬶᬲᭂᬦᭂᬂᬓᬬᬸᬦ᭄ᬦᬾ᭟ᬤᬶᬢᬸᬮᬳᬸᬢ᭄ᬫᬦᬸᬳᬸᬭᬂᬩᬳᬦ᭄ᬲᬸᬩᬢᬸᬢᬸᬕ᭄ᬳᬸᬮᬦ ᬦ᭄ᬦᬾᬭᬭᬾᬦᬾᬭᬶᬂᬚ᭄ᬭᭀᬯᭂᬢᭂᬂ᭞ᬭᬲᬜᬦᬦ᭄ᬭᬲᬫᬦᬶᬭᬭᬾᬦᬾᬫᬶᬚᬶᬮ᭄᭟ᬦᬸᬚᬸᬤᬶᬦᬫ᭄ᬯᬄᬤᬯᬸᬄᬫᭂᬮᬄ᭞ᬢᬦ᭄ᬦᬳᬦ᭄ᬢᭂᬓᬾᬦᬶᬂᬲᬓᬶᬢ᭄᭞ᬓᬕᬾᬢ᭄ᬫᬶᬚᬶᬮ᭄ᬭᬭᬾᬦᬾᬢᬸᬃᬫᬧ᭄ᬭᬪᬯᬳᬸᬚᬦ᭄ᬳᬗᬶᬦ᭄᭞ᬢᬾᬚᬕᬸᬮᬶᬂᬮᬦ᭄ᬢᬾᬚᬓᬸᬯᬸᬂᬫᬤᬸᬮᬸᬭᬦ᭄ [᭗ 7A] ᭗ ᬓ᭄ᬭᬸᬕ᭄ᬕᭂᬦ᭄ᬢᭂᬃᬧᬢᭂᬃᬫᬳᬶᬍᬳᬦ᭄ᬜᬢᬸᬃᬤᬾᬰ᭞ᬩᬸᬯᬶᬦ᭄ᬋᬫ᭄ᬋᬫ᭄‌‌ᬲᬗ᭄ᬳ᭄ᬬᬂᬯᬸᬮᬦ᭄᭟ᬳᬸᬚᬦ᭄ᬩᬸᬗᬢᬦ᭄ᬧᬧᭂᬕᬢᬦ᭄‌‌ᬳᬸᬮᬶᬳᬫ᭄ᬩᬭᬦᬾ᭞ᬕᬸᬫᬸᬭᬸᬄᬋᬓᬾᬲ᭄ᬯᬭᬦ᭄ᬮᬗᬶᬢᬾ᭞ᬓᬶᬮᬢ᭄ᬢᬝᬶᬢᬾᬫᬘᬡ᭄ᬥᬩᭂᬤᬸᬳᬸᬃ᭟ᬤᬾᬦᬶᬂᬓᬾᬢᭀ᭞ᬮᬶᬬᬸ ᬧᬤᬳᬦᬓᬾᬧᬩᬶᬲᬶᬓ᭄᭞ᬘ᭄ᬭᬶᬓ᭄ᬓᭂᬮᬶᬄᬮᬸᬄᬫ᭄ᬯᬦᬶ᭞ᬩᬚᬂᬢ᭄ᬭᬸᬡ᭞ᬳᬕᬸᬂᬫ᭄ᬯᬄᬳᬮᬶᬢ᭄᭞ᬩ᭄ᬯᬢ᭄ᬧ᭄ᬭᬪᬯᬦᬾ᭠ᬩᬸᬓᬓᬾᬢᭀ᭟ᬫᬸᬜᬶᬦ᭄ᬦᬾ᭞ᬓᬾᬦ᭄ᬓᬾᬦ᭄ᬲᬶᬄᬧ᭄ᬭᬪᬯᬦ᭄ᬕᬸᬫᬶᬦᬾᬢᬾᬦᬾᬦᬦ᭄ᬤᬤᬶᬩᬸᬓᬓᬾᬦᬾ᭞ᬘᬶᬭᬶᬫ᭄ᬮᬄᬳᬧᬘᬶᬭᬶᬚ᭄ᬮᬾ ᭟ᬳᬦᬓᬾᬮᬶᬗ᭄ᬲᬶᬃᬮᬶᬗ᭄ᬲᬶᬃᬫᬲᬳᬸᬢ᭄᭞ᬦᬾᬲᬸᬩᬘᬶᬭᬶᬦ᭄ᬕᬸᬫᬶᬦᬾᬫᭂᬮᬄ᭞ᬧ᭄ᬭᬪᬯᬦ᭄ᬲᬂᬦᬵᬣᬭᬢᬸᬳᬦᬾᬮ᭄ᬯᬶᬄ᭞ᬬᬦ᭄ᬢ᭄ᬬᬂᬦᬓᭂᬄ᭞ᬳᬲᬶᬂᬢᬶᬦᬸᬓᬸᬲᬃᬯ᭄ᬯᬫᬸᬭᬄ᭞ᬲᬶᬂᬢᬶᬦᬦ᭄ᬤᬸᬃᬲᬃᬯ᭄ᬯᬦᬤᬶ᭞ᬮᬶᬬᬸᬧᭂᬲᬦ᭄ᬬᬜ᭄ᬘᬭᬶᬢᬬᬂᬘᬶᬭᬶᬦ᭄ᬕᬸᬫᬶᬦᬾ ᬢᭀᬢᭀᬦᬦ᭄᭞ᬩᬳᬦ᭄ᬫᬓᭂᬚᬂᬲᬃᬯ᭄ᬯᬫᭂᬮᬄᬳᬦᬾᬮᬓᬃᬓᬧᬗ᭄ᬕᬸᬄ᭟ᬬᬦ᭄ᬫᬸᬗ᭄ᬕ᭄ᬯᬶᬂᬳᬶᬤᭂᬧ᭄‌‌ᬳᬶᬭᬵᬚᬧᬮᬦᬾᬲᬸᬩᬢ᭄ᬯᬭᬜᬦ᭄ᬤᬂᬭᬯᭀᬲᬂ᭞ᬤᬺᬲᬓ᭄ᬱᬢ᭄ᬓᬭᬸᬩᬸᬳᬦ᭄ᬕᬸᬦᬸᬂᬫᭂᬜᬦ᭄᭞ᬓ᭄ᬭᭀᬩᬦ᭄ᬩᬳᬦ᭄ᬲᭂᬕᬭᬫᬥᬸ᭞ᬩᬳᬦ᭄ᬯᬃᬡ᭄ᬦᬦ᭄ᬳᬦ

Auto-transliteration

[6 6B] 6 hinggiḥratumasmakajiwantityangehidewasanghayu, sampunangpisanhidewakalintangbĕndhu‐ringsikyantityange, tityangnunasgĕngr̥ĕṇasinampurahantukkamomohantityangengiringpakayunhidewa, mangdā sampunhidewabangĕtmasĕlsĕlan. ngiringsampunbudalkasingapañjaronsanemangkin, sampunangngrawoshasapunikamaliḥ, suhudketo, lantasṣangkaromamar̀ggilananghistribudalngungsikasingapa‐ ñjaron. glisingsatwākagetsubanapakditu, sig'humaḥhirājapalane. hapakaden'gar̀‐gitankayunrabine, rasahambulmĕnanghakĕtisĕnĕngkayunne. ditulahutmanuhurangbahansubatutug'hulana nnerareneringjrowĕtĕng, rasañananrasamanirarenemijil. nujudinamwaḥdawuḥmĕlaḥ, tannahantĕkeningsakit, kagetmijilrarenetur̀maprabhawahujanhangin, tejagulinglantejakuwungmaduluran [7 7A] 7 kruggĕntĕr̀patĕr̀mahil̥ĕhanñatur̀deśa, buwinr̥ĕmr̥ĕmsanghyangwulan. hujanbungatanpapĕgatanhulihambarane, gumuruḥr̥ĕkeswaranlangite, kilattaṭitemacaṇdhabĕduhur̀. deningketo, liyu padahanakepabisik, crikkĕliḥluḥmwani, bajangtruṇa, hagungmwaḥhalit, bwatprabhawane‐bukaketo. muñinne, kenkensiḥprabhawan'guminetenenandadibukakene, cirimlaḥhapacirijle . hanakelingsir̀lingsir̀masahut, nesubacirin'guminemĕlaḥ, prabhawansangnātharatuhanelwiḥ, yantyangnakĕḥ, hasingtinukusar̀wwamuraḥ, singtinandur̀sar̀wwanadi, liyupĕsanyañcaritayangcirin'gumine totonan, bahanmakĕjangsar̀wwamĕlaḥhanelakar̀kapangguḥ. yanmunggwinghidĕp'hirājapalanesubatwarañandangrawosang, dr̥ĕsakṣatkarubuhan'gunungmĕñan, krobanbahansĕgaramadhu, bahanwar̀ṇnanhana

Leaf 7

Image on Archive.org

[᭗ 7B] ᭗ ᬓᬾᬳᬮᬶᬢ᭄ᬩᬕᬸᬲ᭄ᬳᬳᬾᬂ᭞ᬧᬫᬸᬮᬸᬦᬾᬮᬸᬫ᭄ᬮᬸᬫ᭄ᬕᬥᬶᬂᬩᬸᬓᬫᬵᬲᬾᬲᬶᬦᬗ᭄ᬮᬶᬂ᭞ᬯᬮᬸᬬᬲᬗ᭄ᬳ᭄ᬬᬂᬲ᭄ᬫᬭᬵᬜᬮᬦ᭄ᬢ᭠ᬭ᭚᭜᭚ᬓᬘ᭄ᬭᬶᬢᬦᬾᬚᬦᬶᬲᬸᬩᬧᭂᬢᭂᬂᬲᬸᬭᬸᬧ᭄ᬲᬗ᭄ᬳ᭄ᬬᬂᬪᬱ᭄ᬓᬭ᭞ᬳᬶᬭᬭᬾᬲᬶᬋᬧ᭄‌‌ᬓᬳᬧᬶᬢ᭄ᬩᬳᬦ᭄ᬓᬾᬦ᭄ᬱᬸᬮᬲᬶᬄᬢᭂᬓᬾᬦ᭄ᬳᬶᬭᬵ ᬚᬧᬮ᭞ᬗᬦ᭄ᬢᭀᬲ᭄ᬫᬓᬧᭂᬢᭂᬂᬢᬸᬲᬶᬂᬤᬤᬶᬤᬤᬶᬧᬸᬍᬲ᭄᭞ᬜᬧ᭄ᬜᬧ᭄ᬳᬸᬬᬂᬫᬓᬍᬫᬄ᭞ᬓᬩᬢᭂᬓ᭄ᬩᬳᬦ᭄ᬓᭂᬦ᭄ᬤᭂᬮ᭄ᬦᬾᬢ᭄ᬯᬭᬮᬲ᭄‌‌ᬦᬶᬗ᭄ᬕᬮᬶᬦ᭄ᬳᬶᬭᬭᬾᬧᬸᬍᬲ᭄᭟ᬤᬶᬲᬸᬩᬦᬾᬢ᭄ᬗᬄᬍᬫᭂᬂᬕ᭄ᬥᬾ᭞ᬲᬸᬩᬧᬤᬳᬦᬓᬾᬲᭂᬧᬶ᭞ᬢᬸᬲᬶᬂᬦᬶᬗᭂᬄᬫᬸᬜᬶ ᬳᬧᬲᬵᬦᬾᬫᬘ᭄ᬮᭂᬓᬶᬲᬦ᭄᭞ᬳᬶᬭᬵᬚᬧᬮᬢᭂᬗ᭄ᬓᭂᬚᬸᬢ᭄ᬗᬢᭀᬦᬂᬰᬶᬭᬄᬳᬦᬓᬾᬳᬮᬶᬢ᭄᭞ᬳᭂᬦ᭄ᬤᬶᬄᬫᬸᬭᬸᬩ᭄ᬓᬤᬶᬳᬧᬶᬦᬾ᭞ᬳᬗᬭᬩ᭄ᬳᬭᬩ᭄᭞ᬓᬫᭂᬫᭂᬕᬦ᭄ᬮᬳᬸᬢ᭄ᬩᭂᬗᭀᬂᬢᬸᬲᬶᬂᬩᬶᬲᬗᭀᬫᭀᬂ᭟ᬲᬸᬩᬫᬢᬸᬧ᭄ᬢᬸᬧ᭄ᬳᬶᬤᭂᬧ᭄ᬦᬾᬳᬶ ᬭᬵᬚᬧᬮ᭞ᬮᬦ᭄ᬢᬲ᭄ᬫᬢᬓᬾᬦ᭄‌‌ᬲᬃᬯ᭄ᬯᬶᬚᭂᬚᭂᬄᬢᭂᬓᬾᬦ᭄ᬭᬩᬶᬦ᭄ᬦᬾᬓᬾᬦ᭄ᬱᬸᬮᬲᬶᬄ᭟ᬫᬸᬜᬶᬦ᭄ᬦᬾ᭞ᬤᬹᬄᬤᬾᬯᬭᬢᬸᬫᬲ᭄ᬩᬶᬬᬂᬳᬶᬘᭂᬦᬶᬗᬾ᭞ᬧᬸᬦᬧᬶᬧᬸᬦᬶᬓᬫᬓᬦ᭄ᬢᭂᬦ᭄ᬤᬶᬤᬶᬳᬸᬃᬳᬦᬓᬾᬳᬮᬶᬢ᭄‌‌ᬳᭂᬦ᭄ᬤᬶᬄᬫᬸᬭᬸᬩ᭄ᬳᬗᬭᬩ᭄ᬳᬭᬩ᭄ [᭘ 8A] ᭘ ᬲᬓᬤᬶᬕᭂᬦᬶᬦᬾ᭞ᬢᭂᬂᬓᭂᬚᬸᬢ᭄ᬧᬶᬲᬦ᭄ᬫᬦᬄᬢᬶᬢ᭄ᬬᬗᬾᬗᬢᭀᬦᬂᬧᬸᬦᬶᬓᬵ᭟ᬲᬸᬫᬳᬸᬃᬭᬩᬶᬦᬾ᭠ᬓᬾᬦ᭄ᬱᬸᬮᬲᬶᬄ᭟ᬳᬶᬗ᭄ᬕᬶᬄᬩ᭄ᬮᬶᬲᬫ᭄ᬧᬸᬦᬂᬩ᭄ᬮᬶᬢᬦ᭄ᬤ᭄ᬭᬸᬄ᭞ᬧᬸᬦᬶᬓᬲᬫ᭄ᬧᬸᬦ᭄ᬧᬺᬪᬯᬦ᭄ᬳᬦᬓᬾᬳᬮᬶᬢ᭄‌‌ᬘᬶᬭᬶᬚᬕᬶᬫᬫᬗ᭄ᬕᬶᬄ ᬍᬯᬶᬄ᭟ᬓᬧᬶᬂᬓᬮᬶᬄᬚᬕᬢᬾᬕ᭄ᬮᬶᬲ᭄ᬳᬫᬗ᭄ᬕᬸᬄᬭᬳᬃᬚ᭄ᬚ᭞ᬫᬓᬫᬶᬯᬄᬩᬾᬜ᭄ᬚᬂᬧᬸᬗ᭄ᬓᬸᬃᬧᬘᬂᬗᬯᭂᬗ᭄ᬓᬸᬭᬵᬢ᭄᭞ᬧᬸᬦᬶᬓᬳᬯᬶᬦᬦ᭄ᬦᬾᬫᬗ᭄ᬓᬶᬦ᭄ᬫᬓᬦ᭄ᬢᭂᬦ᭄ᬫᬶᬗᭂᬮ᭄‌‌ᬘᬬᬦᬾᬓᬤᬶᬕᭂᬦᬶᬦᬾᬳᬗᬭᬩ᭄ᬭᬶᬂᬧᬩᬳᬦ᭄ᬳᬦᬓᬾᬳᬮᬶᬢ᭄ᬧᬸᬦᬶᬓ᭟᭠ ᬫᬭᬳᬓᬾᬢᭀᬭᬩᬶᬦᬾᬦ᭄ᬭᬗᬂᬧᬗᬦ᭄ᬤᬶᬓ᭞ᬳᬶᬭᬵᬚᬧᬮᬫᬯᬸᬯᬸᬄᬯᬸᬯᬸᬄᬋᬡᬦ᭄ᬳᬶᬤᭂᬧ᭄ᬦᬾ᭞ᬢᬺᬱ᭄ᬡᬵᬲᬶᬄᬫᬭᬩᬶᬓᬾᬦ᭄ᬱᬸᬮᬲᬶᬄᬓᬧᬶᬂᬓᬮᬶᬄᬫᬳᭀᬓ᭞ᬲᬸᬩᬢᭀᬲᬶᬂᬲ᭄ᬥᭂᬂᬭᬯᭀᬲᬂᬫᬮᬶᬄ᭞ᬬᬤ᭄ᬬᬦ᭄‌‌ᬭᬩᬶᬦ᭄ᬦᬾᬓᬾᬦ᭄ᬱᬸ ᬮᬲᬶᬄᬫᬲᬶᬄᬩᬸᬓᬓᬾᬢᭀᬚ᭄ᬯ᭚᭜᭚ᬕ᭄ᬮᬶᬲᬶᬂᬘ᭄ᬭᬶᬢᬓᭀᬘᬧ᭄‌‌ᬯ᭄ᬓᬦᬾᬲᬸᬩᬫᬬᬸᬰᬧᬶᬢᬸᬂᬳᭀᬢᭀᬦ᭄᭞ᬯᬃᬡ᭄ᬦᬦ᭄ᬜᬦᬾᬲᬬᬦ᭄ᬗᬾᬤᬦᬶᬦ᭄᭞ᬢᬸᬃᬧᬫᬸᬮᬸᬦᬾᬮᬸᬫ᭄ᬮᬸᬫ᭄ᬕᬥᬶᬂᬩᬸᬓᬫᬲᬾᬲᬶᬦᬗ᭄ᬮᬶᬂ᭞ᬩᬸᬯᬶᬦ᭄ᬮᬗ᭄ᬲᬶᬂᬮᬜ᭄ᬚᬃᬧᬗᬤᭂ

Auto-transliteration

[7 7B] 7 kehalitbagushaheng, pamulunelumlumgadhingbukamāsesinangling, waluyasanghyangsmarāñalanta‐ra // • // kacritanejanisubapĕtĕngsurupsanghyangbhaṣkara, hiraresir̥ĕpkahapitbahankensyulasiḥtĕkenhirā japala, ngantosmakapĕtĕngtusingdadidadipul̥ĕs, ñapñap'huyangmakal̥ĕmaḥ, kabatĕkbahankĕndĕlnetwaralasninggalinhirarepul̥ĕs. disubanetngaḥl̥ĕmĕnggdhe, subapadahanakesĕpi, tusingningĕḥmuñi hapasānemaclĕkisan, hirājapalatĕngkĕjutngatonangśiraḥhanakehalit, hĕndiḥmurubkadihapine, hangarab'harab, kamĕmĕganlahutbĕngongtusingbisangomong. subamatuptup'hidĕpnehi rājapala, lantasmatakensar̀wwijĕjĕḥtĕkenrabinnekensyulasiḥ. muñinne, dūḥdewaratumasbiyanghicĕninge, punapipunikamakantĕndidihur̀hanakehalit'hĕndiḥmurub'hangarab'harab [8 8A] 8 sakadigĕnine, tĕngkĕjutpisanmanaḥtityangengatonangpunikā. sumahur̀rabine‐kensyulasiḥ. hinggiḥblisampunangblitandruḥ, punikasampunpr̥ĕbhawanhanakehalitcirijagimamanggiḥ l̥ĕwiḥ. kapingkaliḥjagateglishamangguḥrahar̀jja, makamiwaḥbeñjangpungkur̀pacangngawĕngkurāt, punikahawinannemangkinmakantĕnmingĕlcayanekadigĕninehangarabringpabahanhanakehalitpunika. ‐ marahaketorabinenrangangpangandika, hirājapalamawuwuḥwuwuḥr̥ĕṇanhidĕpne, tr̥ĕṣṇāsiḥmarabikensyulasiḥkapingkaliḥmahoka, subatosingsdhĕngrawosangmaliḥ, yadyanrabinnekensyu lasiḥmasiḥbukaketojwa // • // glisingcritakocapwkanesubamayuśapitunghoton, war̀ṇnanñanesayanngedanin, tur̀pamulunelumlumgadhingbukamasesinangling, buwinlangsinglañjar̀pangadĕ

Leaf 8

Image on Archive.org

[᭘ 8B] ᭘ ᬕᬾ᭟ᬬᬦ᭄ᬳᬗᬸᬘᬧ᭄ᬳᬸᬘᬧ᭄᭞ᬓ᭄ᬫᬶᬓᬦ᭄ᬩᬶᬩᬶᬄᬜᬦᬾᬫᬦᬶᬲ᭄‌‌ᬲᬤᬩᬦ᭄ᬩᬦ᭄ᬧᬗᬦ᭄ᬤᬶᬓᬦᬾ᭞ᬓᬲᭀᬃᬳᬶᬫᬥᬸᬚᬸᬭᬸᬄ᭞ᬳᬲᬶᬂᬓᭂᬫᬶᬓᬗᬫᬓᭂᬚᬂᬗ᭄ᬭᬦᬬᬂᬳᬦᬓ᭄ᬳᬲᬶᬄ᭟ᬳᬧᬩᬸᬯᬶᬦ᭄‌‌ᬬᬦ᭄ᬫᬓᭂᬜᬸᬂᬫᬦᬶᬲ᭄ᬫᬗᬾᬤᬦᬶᬦ᭄᭞ᬭ᭠ ᬫ᭄ᬩᬸᬢᬾᬲ᭄ᬮᭂᬫ᭄ᬢᬸᬃᬲᬫᬄ᭞ᬫ᭄ᬯᬄᬧᬮ᭄ᬬᬢᬾᬕᬮᬓ᭄ᬫᬦᬢᬾᬦᬶᬦ᭄ᬳᬢᬶ᭞ᬳᭂᬦ᭄ᬢᭀᬫᬗ᭄ᬭᬦᬬᬂᬳᬦᬓ᭄ᬳᬸᬮᬗᬸᬦ᭄᭞ᬩᬸᬯᬶᬦ᭄‌‌ᬬᬦ᭄ᬧᬃᬡ᭄ᬦᬬᬂᬳᬮᬶᬲᬾᬢᬚᭂᬧ᭄ᬜᬸᬭᬭᬶᬢ᭄᭞ᬢᬦ᭄ᬧᬾᬦ᭄ᬤᬄᬩᬸᬮᬦ᭄ᬢᬗ᭄ᬕᬮ᭄ᬧᬶᬂᬭᭀ᭟ᬚ᭄ᬭᬶᬚᬶᬦᬾᬮᬸᬭᬸᬲ᭄ᬫᬗᬜ᭄ᬘᬦ᭄᭠ ᬢᬸᬃᬩ᭄ᬢᭂᬓᬦ᭄ᬩᬢᬶᬲᬾᬫᬫᬸᬤᬓ᭄᭟ᬤᬶᬲᬸᬩᬦᬾᬫ᭄ᬮᬚᬄᬗᬶᬦᬂ᭞ᬮᬫ᭄ᬩᬾᬦᬾᬩᬭᬓ᭄ᬜᬸᬫᬗᬄ᭞ᬳᬸᬦ᭄ᬢᬸᬧᬸᬢᬶᬄᬫᬤᬦ᭄ᬢᬵ᭞ᬢ᭄ᬯᬄᬲᬚᬳᬰ᭄ᬭᬶᬳᬦᬓᬾᬧᬤᬗᬢᭀᬦᬂ᭞ᬫᬶᬲᬶᬧᭂᬲᬦ᭄ᬧᬶᬦᬸᬦᬲ᭄ᬦᬾᬳᬶᬭᬵᬚᬧᬮᬓᬾᬦ᭄ᬱᬸᬮᬲᬶᬄᬫᬧᬸ᭠ ᬢ᭄ᬭᬮᬦᬂᬳᬤᬶᬭᬶ᭞ᬳᬦᬾᬢᬸᬲᬶᬂᬲ᭄ᬥᭂᬂᬘᬾᬤᬩ᭄ᬯᬢ᭄ᬓᬫᭂᬮᬳᬦ᭄ᬦᬾᬤᬶᬚᬕᬢᬾᬢᬾᬦᬾᬦᬦ᭄᭚᭜᭚ᬤᬾᬦᬶᬂᬓᬾᬦ᭄ᬱᬸᬮᬲᬶᬄᬳᬾᬮᬶᬂᬢ᭄ᬓᬾᬦᬶᬂᬧᬲᬸᬪᬬ᭞ᬢᬸᬃᬲᬸᬩᬢᬸᬢᬸᬕ᭄ᬲᭂᬗ᭄ᬓᭂᬃᬦᬾᬤᬶᬢᬸ᭞ᬮᬳᬸᬢ᭄ᬳᬗᬸᬘᬧ᭄ᬳᬮᭀᬦ᭄᭟ᬤᬸᬄᬩ᭄ᬮᬶ [᭙ 9A] ᭙ ᬭᬵᬚᬧᬮ᭞ᬯᬶᬭᬾᬄᬲᬫ᭄ᬧᬸᬦ᭄ᬮᬗ᭄ᬓᬸᬂᬭᬶᬂᬳᬸᬪᬬ᭞ᬓᬧᬶᬂᬓᬮᬶᬄᬧᬗᭂᬤᬶᬳᬦ᭄ᬩᭂᬮᬶᬦᬾᬲᬫ᭄ᬧᬸᬦ᭄ᬓᬤᬕᬶᬗᬶᬦ᭄᭞ᬲᬦᬾᬫᬗ᭄ᬓᬶᬦ᭄ᬢ᭄ᬬᬂᬗᬮᬳᬶᬦ᭄ᬩᭂᬮᬶᬓᬓᬾᬦ᭄ᬤ᭄ᬭᬦ᭄᭞ᬩᭂᬘᬶᬓ᭄ᬩᭂᬘᬶᬓ᭄ᬩᭂᬮᬶᬳᬶᬭᬶᬓᬶᬲᬋᬂᬳᭀᬓᬦᬾᬫᬗ᭄ᬤᬵᬲᬫ᭄ᬧᬸᬦ᭄‌‌ᬲᬸᬗ᭄ᬲᬸᬢ᭄ᬓ᭠ ᬬᬸᬦ᭄᭞ᬯᬦ᭄ᬢᬄᬳᬫᬸᬦᬶᬓᬳᬸᬢᬂᬢ᭄ᬬᬗᬾᬭᬶᬂᬩ᭄ᬮᬶ᭟ᬦᬗ᭄ᬳᬶᬂᬢ᭄ᬬᬂᬢᬦ᭄ᬲᬸᬭᬸᬤ᭄ᬲᬸᬭᬸᬤ᭄‌‌ᬦᬸᬦᬲᬂᬭᬶᬂᬳᬶᬤᬲᬗ᭄ᬳ᭄ᬬᬂᬯᬶᬥᬶᬯᬰᬵᬲᬓᬶᬂᬓᬾᬦ᭄ᬤ᭄ᬭᬦ᭄᭞ᬫᬗ᭄ᬤᬵᬩ᭄ᬮᬶᬳᬫᬗ᭄ᬕᬸᬄᬭᬳᬃᬚ᭄ᬚᬲᬋᬂᬳᭀᬓᬦᬾᬲᬮᬫᬶᬮᬫᬶᬜ᭞ᬳᬲᬶᬂᬜᭂᬢᬂᬩ᭄ᬮᬶᬳᬧᬂᬕ᭄ᬮᬶᬲ᭄ᬓᬤᬕᬶᬗ ᬦ᭄᭞ᬢᬦ᭄ᬩᬶᬦᬲᬓᬤᬶᬫᬤ᭄ᬭᬸᬯᬾᬫᬡᬶᬓ᭄ᬱᬓ᭄ᬘᬧ᭄᭟ᬫᬭᬳᬓᬾᬢᭀᬧᬗᬦ᭄ᬤᬶᬓᬦᬾᬓᬾᬦ᭄ᬱᬸᬮᬲᬶᬄ᭞ᬧ᭄ᬭᬚ᭠ᬦᬶᬗᭂᬫ᭄ᬩᭂᬂᬬᬾᬄᬧᬦᬶᬗ᭄ᬳᬮᬦᬾᬳᬶᬭᬵᬚᬧᬮ᭞ᬢᬸᬲᬶᬂᬤᬤᬶᬩᬳᬦᬗ᭄ᬮᬶᬮᬬᬂᬳᬶᬩᬸᬓ᭄ᬦᬾ᭞ᬮᬳᬸᬢ᭄ᬫᬓ᭄ᬭᬸᬡ᭟ᬤᬹᬄᬭᬢᬸᬫᬵ ᬲ᭄ᬤᬾᬯᬦ᭄ᬢᬶᬢ᭄ᬬᬗᬾᬳᬶᬤᬾᬯ᭞ᬤᬤᭀᬲ᭄ᬮᬲ᭄ᬧᬶᬲᬦ᭄ᬳᬶᬤᬾᬯᬦᬶᬗ᭄ᬕᬮ᭄ᬢᬶᬢ᭄ᬬᬂ᭞ᬧᬸᬦᬧᬶᬢᬦ᭄ᬯᬾᬦ᭄ᬢᭂᬦ᭄ᬳᬾᬮᬶᬂᬭᬶᬂᬧᬸᬢ᭄ᬭᬵᬦᬾᬓᬦ᭄ᬢᬸᬦ᭄ᬳᬮᬶᬢ᭄᭞ᬤᬸᬭᬸᬂᬳᬸᬦᬶᬂᬭᬶᬂᬧᬸᬦᬧᬧᬸᬦᬧᬶ᭟ᬧᬸᬦᬧᬶᬧᬘᬂᬤᬤᭀᬲ᭄ᬳᭀᬓᬦᬾᬢᬶᬗ᭄ᬕᬮ᭄ᬳᬶᬤᬾᬯᬩᬸᬤᬮ᭄᭞ᬲᭂᬓ᭄ᬱᭂᬓ᭄ᬧᬶ᭠

Auto-transliteration

[8 8B] 8 ge. yanhangucap'hucap, kmikanbibiḥñanemanissadabanbanpangandikane, kasor̀himadhujuruḥ, hasingkĕmikangamakĕjangngranayanghanak'hasiḥ. hapabuwinyanmakĕñungmanismangedanin, ra‐ mbuteslĕmtur̀samaḥ, mwaḥpalyategalakmanateninhati, hĕntomangranayanghanak'hulangun, buwinyanpar̀ṇnayanghalisetajĕpñurarit, tanpendaḥbulantanggalpingro. jrijinelurusmangañcan‐ tur̀btĕkanbatisemamudak. disubanemlajaḥnginang, lambenebarakñumangaḥ, huntuputiḥmadantā, twaḥsajahaśrihanakepadangatonang, misipĕsanpinunasnehirājapalakensyulasiḥmapu‐ tralananghadiri, hanetusingsdhĕngcedabwatkamĕlahannedijagatetenenan // • // deningkensyulasiḥhelingtkeningpasubhaya, tur̀subatutugsĕngkĕr̀neditu, lahut'hangucap'halon. duḥbli [9 9A] 9 rājapala, wireḥsampunlangkungringhubhaya, kapingkaliḥpangĕdihanbĕlinesampunkadagingin, sanemangkintyangngalahinbĕlikakendran, bĕcikbĕcikbĕlihirikisar̥ĕnghokanemangdāsampunsungsutka‐ yun, wantaḥhamunikahutangtyangeringbli. nanghingtyangtansurudsurudnunasangringhidasanghyangwidhiwaśāsakingkendran, mangdāblihamangguḥrahar̀jjasar̥ĕnghokanesalamilamiña, hasingñĕtangblihapanggliskadaginga n, tanbinasakadimadruwemaṇikṣakcap. marahaketopangandikanekensyulasiḥ, praja‐ningĕmbĕngyeḥpaninghalanehirājapala, tusingdadibahananglilayanghibukne, lahutmakruṇa. dūḥratumā sdewantityangehidewa, dadoslaspisanhidewaninggaltityang, punapitanwentĕnhelingringputrānekantunhalit, durunghuningringpunapapunapi. punapipacangdadoshokanetinggalhidewabudal, sĕksyĕkpi‐

Leaf 9

Image on Archive.org

[᭙ 9B] ᭙ ᬲᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᭂᬫᬦᬳᬂ᭞ᬳᬦ᭄ᬢᬸᬓ᭄ᬦᬶᬱ᭄ᬝᬦ᭄ᬢᬶᬢ᭄ᬬᬗᬾᬤᬤᭀᬲ᭄ᬚᬦ᭄ᬫᬵ᭞ᬭᬲᬢᬦ᭄ᬯᬾᬦ᭄ᬢᭂᬦ᭄ᬜᬶᬤᬬᬂᬗᭂᬯᬾᬳᬶᬦ᭄ᬧᬸᬢ᭄ᬭᬦᬾᬲᬗᬸ᭞ᬢᬦ᭄ᬳᬸᬭᬸᬗᬦ᭄ᬢᬶᬢ᭄ᬬᬂᬫᬫᬗ᭄ᬕᬸᬄᬧᬵᬧᬦ᭄ᬭᬓᬲᬋᬂᬧᬸᬢ᭄ᬭᬦ᭄ᬳᬶᬤᬾᬯ᭟ᬤᬾᬦᬶᬂᬳᬲᬧᬸᬦᬶᬓ᭞ᬳᬦ᭄ᬢᬸᬓ᭄ᬫᬫᬸᬂᬢᬶᬢ᭄ᬬᬗᬾ ᬗ᭄ᬮᬶᬦ᭄ᬢᬂ᭞ᬢᬦ᭄ᬳᬸᬦᬶᬂᬗᬺᬋᬳᬂᬧᬸᬢ᭄ᬭᬦᬾᬲᬗᬸ᭞ᬯᬦ᭄ᬢᬄᬗᬸᬮᬸᬭᬶᬦ᭄ᬫᬦᬄᬢᬶᬢ᭄ᬬᬗᬾᬫᬩᬸᬭᬸᬫᬲᬸᬲᬸᬧᬦ᭄ᬤᬶᬧᬦ᭄ᬢᬭᬦᬶᬂᬯᬦᬵᬤ᭄ᬭᬶ᭞ᬧ᭄ᬢᭂᬂᬍᬫᬄᬢᬦ᭄ᬳᬾᬮᬶᬂᬭᬶᬂᬳᬸᬫᬄ᭞ᬓᬧᬶᬂᬓᬮᬶᬄᬧᬸᬢ᭄ᬭᬦᬾᬓᬭᬶᬳᬮᬶᬢ᭄᭞ᬧᬸᬦᬶᬓᬲ᭄ᬭᬶᬂᬲ᭄ᬭᬶᬂᬢᬶᬗ᭄ᬕᬮ᭄ᬢᬶᬢ᭄ᬬᬂᬗᬮᬲ᭄᭟᭜ ᭟ᬫᬲᬳᬸᬃᬓᬾᬦ᭄ᬱᬸᬮᬲᬶᬄ᭞ᬳᬶᬄᬩ᭄ᬮᬶ᭞ᬗᬸᬤᬮᬶᬜᭀᬓ᭄ᬩᭂᬮᬶᬢ᭄ᬓᬾᬦ᭄ᬧᬲᬸᬪᬬ᭞ᬳᭂᬤᬩᭂᬲ᭄ᬱᬗᭂᬢ᭄ᬧᬶᬲᬦ᭄ᬩᭂᬮᬶᬗ᭄ᬮᬦ᭄ᬢᬸᬤᬶᬦ᭄ᬧᬚᬮᬦ᭄ᬢ᭄ᬬᬗᬾᬩᬸᬤᬮ᭄᭞ᬳᬧᬂᬳᭂᬤᬳᬾᬗ᭄ᬕᬮᬦ᭄ᬢ᭄ᬬᬂᬓᬳᬗᭂᬳᬦ᭄ᬗᬚᬓ᭄ᬩᭂᬮᬶ᭞ᬳᬧᬂᬲᬸᬓᬫᬲᬶᬄᬩᬸᬓᬩ᭄ᬮᬶᬦᬶᬗ᭄ᬤᬶ ᬗᬶᬦ᭄‌‌ᬚᬾᬓ᭄ᬢ᭄ᬬᬗᬾᬢ᭄ᬓᬾᬦ᭄ᬯᬢᭂᬓ᭄ᬯᬶᬤ᭄ᬬᬥᬭᬶᬦᬾᬤᬶᬓᬾᬦ᭄ᬤ᭄ᬭᬦ᭄᭟ᬬᬦ᭄ᬳᭂᬦ᭄ᬢᭀᬢᬯᬗᬳᬸᬡ᭄ᬥᬸᬓ᭄ᬢ᭄ᬬᬗᬾᬳᬓᬾᬦᬾ᭞ᬧᭂᬤᬲ᭄ᬢ᭄ᬬᬂᬢᬸᬲᬶᬂᬳᬚᬓᬫᬲᬶᬤᬶᬓᬵᬭ᭟ᬦᬗ᭄ᬳᬶᬂᬬᬤ᭄ᬬᬦ᭄ᬳᬲᬧᬸᬦᬶᬓᬵ᭞ᬢ᭄ᬬᬂᬢᬸᬲᬶᬂᬗᬫᬦᬳᬂᬓᬤᭀᬂᬲᬸᬩᬫᬸᬜᬶᬦ᭄ᬢ᭄ᬬᬗᬾᬮᬩᬸᬄ [᭑᭐ 10A] ᭑᭐ ᬢᬸᬲᬶᬂᬧᭂᬲᬦ᭄ᬢ᭄ᬬᬂᬮᬓᬃᬫᬮᬶᬧᭂᬢᬦ᭄ᬩᬸᬯᬶᬦ᭄ᬫᬳᬶ᭟ᬳᬶᬗ᭄ᬕᬶᬄᬢ᭄ᬬᬂᬦᬶᬗ᭄ᬕᬮ᭄ᬩᭂᬮᬶᬓᬮᬶᬄᬳᭀᬓᬦᬾ᭞ᬢ᭄ᬬᬂᬫ᭄ᬩᭂᬓᭂᬮᬶ᭠ᬩ᭄ᬮᬶᬳᭀᬫᭀᬂᬳᬩᬸᬓᬸ᭞ᬳᬧᬂᬳᬤᬳᬗ᭄ᬕᭀᬦ᭄ᬩᭂᬮᬶᬲᭂᬲᬫ᭄ᬩᬢᬦ᭄‌‌ᬫ᭄ᬯᬄᬢᭂᬫᭀᬦ᭄ᬢᭂᬫᭀᬦ᭄᭞ᬩ᭄ᬯᬢ᭄‌ᬳᭀᬓᬦ᭄ᬩᭂᬮᬶᬦᬾᬢᬾᬦᬾ᭠ ᬦᬦ᭄‌‌ᬳᬤᬦᬶᬦ᭄ᬢ᭄ᬬᬂᬳᬶᬤᬹᬃᬫ᭞ᬓᭂᬦᬩ᭄ᬮᬶᬗᬃᬢ᭄ᬬᬂᬧᬶᬢᬸᬤᬸᬄᬩᬸᬓᬓᬾᬢᭀ᭞ᬳᬢᬸᬃᬢ᭄ᬬᬗᬾ᭟ᬲᬸᬳᬸᬤ᭄ᬗᬦ᭄ᬤᬶᬓᬓᬾᬢᭀ᭞ᬮᬦ᭄ᬢᬲ᭄ᬓᬾᬦ᭄ᬱᬸᬮᬲᬶᬄᬫᭂᬲᬢ᭄ᬳᬸᬫᬶᬩᭂᬃᬫᬫ᭄ᬩᬸᬃᬓᬳᬫ᭄ᬩᬭᬦᬾᬩᬸᬤᬮ᭄ᬓᬓᬾᬦ᭄ᬤ᭄ᬭᬦ᭄ᬢᬦ᭄ᬧᬦᭀᬮᬶᬄᬓᬳᬸᬭᬶ᭟ᬳᬶᬭᬵᬚᬧᬮ ᬩᭂᬗᭀᬂᬮᬶᬯᬢᬶᬂᬗᬸᬦ᭄ᬗᬸᬦ᭄᭞ᬳᭂᬗ᭄ᬲᭂᬓ᭄ᬫᬧᬗᭂᬦᬦ᭄‌‌ᬢ᭄ᬯᬭᬫ᭄ᬮᬄᬫ᭄ᬮᬄᬓᭂᬦᭂᬄ᭞ᬩᬳᬦ᭄ᬓᬢᬶᬗ᭄ᬕᬮᬦ᭄ᬭᬩᬶᬦᬾ᭟ᬤᬾᬦᬶᬂ᭠ᬳᬶᬗᭂᬢ᭄ᬢᭂᬓᬾᬦ᭄ᬳᬶᬩᬦᬾᬮᬘᬸᬃᬗᬚᬓ᭄ᬧ᭄ᬬᬦᬓ᭄ᬳᬤᬶᬭᬶ᭞ᬮᬦ᭄ᬢᬲ᭄ᬳᬕᬾᬳᬶᬬᬫᬢᬸᬢᬸᬃᬢᬸᬢᬸᬃᬢᭂᬓᬾᬦ᭄ᬧ᭄ᬬᬦᬓ᭄ᬦᬾᬳᬶᬤᬹᬃᬫ᭞ᬓᬾ ᬦᬾᬫᬸᬜᬶᬦ᭄ᬦᬾ᭟ᬳᬶᬄᬘ᭄ᬦᬶᬂᬤᬹᬃᬫ᭞ᬧ᭄ᬬᬦᬓ᭄ᬩᬧᬧᬮᬶᬂᬓᭂᬮᬶᬳ᭞ᬢᬸᬫ᭄ᬩᬸᬄᬘᬳᬶᬦᬾᬩᭂᬲ᭄ᬓᬯ᭄ᬮᬲᬲᬶᬄ᭞ᬳᭂᬦᬸᬘ᭄ᬭᬶᬓ᭄ᬓᬢᬶᬗ᭄ᬕᬮᬦ᭄ᬳᬶᬩ᭄ᬬᬂᬘᬳᬶᬦᬾ᭞ᬓᭂᬦᬘᬳᬶᬚᬸᬫᬄᬳᬧᬂᬫ᭄ᬮᬄ᭞ᬓ᭄ᬭᬦᬩᬧᬗᬮᬳᬶᬜ᭄ᬘᬳᬶᬮ᭄ᬯᬲ᭄ᬓᬕᬸᬦᬸᬂᬳᬮᬲ᭄ᬦᬗᬸᬦ᭄ᬓᬾᬃᬢᬶ᭞ᬧᬳᬶᬤᭂᬧ

Auto-transliteration

[9 9B] 9 sanhantuktityangngĕmanahang, hantukniṣṭantityangedadosjanmā, rasatanwentĕnñidayangngĕwehinputranesangu, tanhurungantityangmamangguḥpāpanrakasar̥ĕngputranhidewa. deninghasapunika, hantukmamungtityange nglintang, tanhuningngr̥ĕr̥ĕhangputranesangu, wantaḥngulurinmanaḥtityangemaburumasusupandipantaraningwanādri, ptĕngl̥ĕmaḥtanhelingringhumaḥ, kapingkaliḥputranekarihalit, punikasringsringtinggaltityangngalas. • . masahur̀kensyulasiḥ, hiḥbli, ngudaliñokbĕlitkenpasubhaya, hĕdabĕsṣangĕtpisanbĕlinglantudinpajalantyangebudal, hapanghĕdahenggalantyangkahangĕhanngajakbĕli, hapangsukamasiḥbukabliningdi nginjektyangetkenwatĕkwidyadharinedikendran. yanhĕntotawangahuṇdhuktyangehakene, pĕdastyangtusinghajakamasidikāra. nanghingyadyanhasapunikā, tyangtusingngamanahangkadongsubamuñintyangelabuḥ [10 10A] 10 tusingpĕsantyanglakar̀malipĕtanbuwinmahi. hinggiḥtyangninggalbĕlikaliḥhokane, tyangmbĕkĕli‐blihomonghabuku, hapanghadahanggonbĕlisĕsambatanmwaḥtĕmontĕmon, bwat'hokanbĕlinetene‐ nanhadanintyanghidūr̀ma, kĕnablingar̀tyangpituduḥbukaketo, hatur̀tyange. suhudngandikaketo, lantaskensyulasiḥmĕsat'humibĕr̀mambur̀kahambaranebudalkakendrantanpanoliḥkahuri. hirājapala bĕngongliwatingngunngun, hĕngsĕkmapangĕnantwaramlaḥmlaḥkĕnĕḥ, bahankatinggalanrabine. dening‐hingĕttĕkenhibanelacur̀ngajakpyanak'hadiri, lantashagehiyamatutur̀tutur̀tĕkenpyanaknehidūr̀ma, ke nemuñinne. hiḥcningdūr̀ma, pyanakbapapalingkĕliha, tumbuḥcahinebĕskawlasasiḥ, hĕnucrikkatinggalanhibyangcahine, kĕnacahijumaḥhapangmlaḥ, kranabapangalahiñcahilwaskagununghalasnangunker̀ti, pahidĕpa

Leaf 10

Image on Archive.org

[᭑᭐ 10B] ᭑᭐ ᬦ᭄ᬳᬧᬩᬧᬦᬶᬗ᭄ᬕᬮᬶᬦ᭄ᬫᬢᬶᬩᬸᬓᬘᭂᬦᬶᬂ᭟ᬦᬄᬦᬾᬳᭂᬦᬸᬳᬤᬕ᭄ᬮᬄᬩᬧᬢᭂᬓᬾᬦᬶᬂᬘᭂᬦᬶᬂ᭞ᬘᬭᬶᬓ᭄‌‌ᬫ᭄ᬯᬄᬢ᭄ᬕᬮ᭄‌‌ᬯ᭄ᬬᬤᬶᬦ᭄ᬳᬩ᭄ᬬᬦ᭄᭞ᬩᬸᬯᬶᬦ᭄ᬢᭂᬓᬾᬦᬶᬂᬩᬭᬂᬩᬭᬂ᭞ᬦᬗ᭄ᬳᬶᬂᬓᬾᬧᬤᬫᬓᬶᬤᬶᬓ᭄᭞ᬓᭂᬦᬘᬳᬶᬗᬸᬦᬶᬗᬶᬦ᭄ᬳᬧᬂ ᬫ᭄ᬮᬄ᭞ᬚᭂᬫᭂᬢᬂᬧᬶᬲᬦ᭄ᬳᬶᬩᬜ᭄ᬘᬳᬶᬦᬾᬫᬕᬯᬾ᭞ᬳᭂᬤᬗᬯᬾᬦᬂᬳᬶᬩᬳᬸᬢᬂ᭞ᬳᬫᬸᬜ᭄ᬘᬾᬦ᭄ᬳᬤᬳᬫᭀᬦ᭄ᬢᭀᬤᬳᬃ᭞ᬧᬢᬶᬍᬲᬂᬧᭂᬲᬦ᭄ᬳᬶᬩᬜ᭄ᬘᬳᬶᬦᬾᬮᬘᬸᬃᬢᬸᬫ᭄ᬩᬸᬄᬢᬦ᭄ᬧᬫᬾᬫᬾ᭟ᬩ᭄ᬯᬶᬦᬾᬧ᭄ᬮᬚᬳᬂᬧᭂᬲᬦ᭄ᬳᬶᬩᬦ᭄ᬘᭂᬦᬶᬗᬾ ᬫᬢᬶᬗ᭄ᬓᬄᬳᬦᬾᬫ᭄ᬮᬄ᭟ᬮ᭄ᬯᬶᬭᬾᬗᭀᬫᭀᬂ᭞ᬫᬲ᭄ᬩᭂᬂ᭞ᬫᬲᬯᬶᬢ᭄ᬭ᭞ᬫᬚᬮᬦ᭄᭞ᬫ᭄ᬯᬄᬳᬦᬾᬲᬃᬯ᭄ᬯᬫᬳᬤᬦ᭄ᬳᬬᬸᬳᬸᬘᬧᬦ᭄ᬳᬦᬓᬾ᭟ᬩᬸᬯᬶᬦ᭄ᬲᭂᬫᬳᬸᬮᬢᬾᬚᭂᬚᭂᬭᬂᬢᬸᬃᬓᭂᬫᬶᬓᬦ᭄ᬩᬶᬩᬶᬳᬾᬳᬦᬾᬫᬦᬶᬲ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬗᬮ ᬧ᭄ᬧᬶᬢᬺᬱ᭄ᬡᬦ᭄ᬳᬦᬓ᭄᭞ᬢ᭄ᬓᬾᬦᬶᬂᬘᬳᬶ᭟ᬳᭂᬤᬘᬳᬶᬫᬕᬸᬕᭀᬦᬶᬦ᭄ᬫᬫᬤᬢ᭄ᬫᬫᭀᬢᭀᬄᬫᬗᬸᬢᬂᬗᬸᬢᬂᬫ᭄ᬯᬄᬫᬳᬶᬦᬸᬫᬶᬦᬸᬫᬦ᭄ᬳᬦᬾᬗ᭄ᬭᬡᬬᬂᬤᬤᬶᬧᬸᬜᬄ᭞ᬭᬾᬄᬳᭂᬦ᭄ᬢᭀᬫᬓᭂᬚᬂᬲᬃᬯ᭄ᬯᬚ᭄ᬮᬾᬧᬦᬤᬶᬦ᭄ᬦᬾ᭟ᬳᭂᬤᬘᬳᬶᬗᬤᬸᬤᬬᬍᬗᬶᬢ᭄᭞ᬓᭂ [᭑᭑ 11A] ᭑᭑ ᬦᬲᭀᬮᬳᬾᬳᬧᬂᬫ᭄ᬮᬄ᭞ᬫᬩᬜ᭄ᬚᬃᬫ᭄ᬯᬄᬫᬧᬶᬲᬕ᭞ᬳᭂᬤᬧᭂᬲᬦ᭄ᬫᬗᬸᬕᭀᬦᬶᬦ᭄ᬭᬸᬲᬶᬢ᭄‌‌ᬢ᭄ᬓᬾᬦᬶᬂᬢᬶᬫ᭄ᬧᬮ᭄᭟ᬓᭂᬦᬘᬳᬶᬳᬲ᭄ᬢᬶᬢᬶᬢ᭄ᬓᬾᬦᬶᬂᬳ᭄ᬬᬂ᭞ᬪᬓ᭄ᬢᬶᬗᬬᬄᬢ᭄ᬓᬾᬦ᭄ᬕᬸᬲ᭄ᬢᬶᬦᬾ᭞ᬳᬶᬤᬗᬸᬮᬳᬂᬧᬶᬭᬦ᭄ᬢᬶ᭞ᬳᬲᬶᬄᬫᬜᬫᬩ᭄ᬭᬬᬵ᭞ᬳᭂᬦ᭄ᬢᭀᬫᬶᬦ ᬓᬤᬶᬳᬗ᭄ᬕᬾᬦ᭄ᬮᬶᬫᬩᬢᬶᬲ᭄᭞ᬲᬶᬂᬜᬓᬕᬾᬢ᭄ᬦᬸᬚᬸᬘᬳᬶᬗᬭᬧ᭄ᬕᬕᬳᬾᬦ᭄ᬤᬶᬩᬜ᭄ᬚᬃᬫ᭄ᬯᬄᬤᬶᬧᬶᬲᬕ᭞ᬳᭂᬤᬫᭂᬲᬸᬫᬸᬮᬶᬳᬶᬦ᭄᭞ᬲᭂᬓᭂᬦᬂᬧᭂᬲᬦ᭄ᬫᬕᬭᬧᬦ᭄ᬤᬶᬢᬸᬳᬧᬩᬸᬯᬶᬦ᭄ᬚᬸᬫᬄ᭟ᬧᬾᬢ᭄ᬳᬤᬳᬦᬓ᭄ᬓᬸᬫᬢᬺᬱ᭄ᬡᬵᬲᬸᬓᬳᭀᬮᬲ᭄ᬢᭂᬓᬾᬦᬶᬂᬘᬳᬶᬳᭂ ᬦ᭄ᬢᭀᬳᭂᬤᬧᭂᬲᬜ᭄ᬘᬳᬶᬗᭂᬗ᭄ᬲᬧᬶᬦ᭄᭞ᬲᬲᬶᬤᬲᬶᬤᬬᬦ᭄ᬩᬳᬜ᭄ᬘᬳᬶ᭞ᬳᬧᬂᬧᬲᬶᬮᬶᬄᬢᬺᬱ᭄ᬡᬦ᭄ᬳᬦᬓᬾᬩᬸᬓ᭠ᬓᬾᬢᭀ᭟ᬬᬦ᭄ᬢ᭄ᬯᬭᬲᬶᬤᬩᬳᬦ᭄ᬗᬸᬦ᭄ᬢᬲᬂᬍᬕᬦ᭄ᬳᬦᬓᬾ᭞ᬓᭂᬦᬳᬶᬗᭂᬢᬂᬧᭂᬲᬦ᭄ᬤᬶᬳᬢᬶ᭞ᬫ᭄ᬯᬄᬳᭀᬫᭀᬂᬳᬤᬬᬂᬳᬦᬾ᭠ ᬜᭂᬜᭂᬃᬫᬦᬶᬲ᭄᭞ᬯᬶᬭᬾᬄᬳᭂᬦ᭄ᬢᭀᬫᬓᬩ᭄ᬯᬢ᭄ᬦᬾᬳᬗ᭄ᬕᭀᬦ᭄ᬦᬲᬭᬶᬦ᭄‌‌ᬍᬕᬦ᭄ᬳᬦᬓᬾ᭞ᬫᬗ᭄ᬤᬾᬲᬸᬩᬦ᭠ᬦ᭄ᬳᬶᬬᬓᬧᭀᬓ᭄ᬦᬺᬱ᭄ᬡᬳᬶᬦ᭄ᬳᬸᬓᬸᬤᬜ᭄ᬘᬳᬶᬦᬾ᭟ᬬᬾᬦ᭄ᬳᬤᬳᬦᬓ᭄ᬫᬓᭂᬦᭂᬄᬗᬯᬾᬚ᭄ᬮᬾᬫ᭄ᬯᬄᬗᬯᬾᬚ᭄ᬗᬄᬢᭂᬓᬾᬜ᭄ᬘᬳᬶ᭞ᬲᬲᬶ᭠

Auto-transliteration

[10 10B] 10 nhapabapaninggalinmatibukacĕning. naḥnehĕnuhadaglaḥbapatĕkeningcĕning, carikmwaḥtgalwyadinhabyan, buwintĕkeningbarangbarang, nanghingkepadamakidik, kĕnacahinguninginhapang mlaḥ, jĕmĕtangpisanhibañcahinemagawe, hĕdangawenanghibahutang, hamuñcenhadahamontodahar̀, patil̥ĕsangpĕsanhibañcahinelacur̀tumbuḥtanpameme. bwineplajahangpĕsanhibancĕninge matingkaḥhanemlaḥ. lwirengomong, masbĕng, masawitra, majalan, mwaḥhanesar̀wwamahadanhayuhucapanhanake. buwinsĕmahulatejĕjĕrangtur̀kĕmikanbibihehanemanis, hĕntohanggonngala ppitr̥ĕṣṇanhanak, tkeningcahi. hĕdacahimagugoninmamadatmamotoḥmangutangngutangmwaḥmahinuminumanhanengraṇayangdadipuñaḥ, reḥhĕntomakĕjangsar̀wwajlepanadinne. hĕdacahingadudayal̥ĕngit, kĕ [11 11A] 11 nasolahehapangmlaḥ, mabañjar̀mwaḥmapisaga, hĕdapĕsanmangugoninrusittkeningtimpal. kĕnacahihastititkeninghyang, bhaktingayaḥtken'gustine, hidangulahangpiranti, hasiḥmañamabrayā, hĕntomina kadihanggenlimabatis, singñakagetnujucahingarapgagahendibañjar̀mwaḥdipisaga, hĕdamĕsumulihin, sĕkĕnangpĕsanmagarapandituhapabuwinjumaḥ. pet'hadahanakkumatr̥ĕṣṇāsukaholastĕkeningcahihĕ ntohĕdapĕsañcahingĕngsapin, sasidasidayanbahañcahi, hapangpasiliḥtr̥ĕṣṇanhanakebuka‐keto. yantwarasidabahannguntasangl̥ĕganhanake, kĕnahingĕtangpĕsandihati, mwaḥhomonghadayanghane‐ ñĕñĕr̀manis, wireḥhĕntomakabwatnehanggonnasarinl̥ĕganhanake, mangdesubana‐nhiyakapoknr̥ĕṣṇahinhukudañcahine. yenhadahanakmakĕnĕḥngawejlemwaḥngawejngaḥtĕkeñcahi, sasi‐

Leaf 11

Image on Archive.org

[᭑᭑ 11B] ᭑᭑ ᬤᬲᬶᬤᬬᬦ᭄ᬩᬳᬜ᭄ᬘᬳᬶ᭞ᬳᭂᬤᬧᬶᬲᬦ᭄ᬯᬍᬲᬫᬲᬢᬦ᭄ᬯᬶᬓᬦ᭄ᬳᬶᬤᬲᬗ᭄ᬳ᭄ᬬᬂᬯᬶᬥᬶᬯᬰᬳᬦᬾᬮᬓᬃᬗᬯᬍᬲᬂᬫ᭄ᬯᬄᬜᬶᬲᬶᬧᬂᬤᬾᬯᬾᬓ᭄ᬦᬾ᭟ᬳᭂᬤᬫᭀᬓᬓ᭄ᬫᬺᬓᬓ᭄ᬫᬓᬸᬫᬩᬶᬲ᭞ᬢᬸᬯᬶᬲᬚᬘᬳᬶᬭᬶᬭᬶᬄᬢᬳᬸᬢ᭄ᬓᬾᬦ᭄ᬤᬬ᭞ᬯᬶᬘᬓ᭄ᬱᬡ ᬢᬸᬃᬧ᭄ᬭᬚ᭄ᬜᬦ᭄᭞ᬲᬸᬓᬩᬸᬗᬄᬢᬦ᭄ᬤᬂᬍᬯᬶᬄᬩᬸᬯᬶᬦ᭄ᬓᬗ᭄ᬕᭀᬯᬂᬩᬜ᭄ᬚᬃ᭞ᬩ᭄ᬭᬬᬫᬶᬢ᭄ᬭᬫ᭄ᬯᬄᬕᬸᬲ᭄ᬢᬶᬳᬲᬶᬄ᭟ᬳᭂᬤ᭠ᬤ᭄ᬫᭂᬜ᭄ᬘᬳᬶᬜᬸᬂᬜ᭄ᬚᬸᬂᬗᬂᬳᬦ᭄ᬦᬓ᭄᭞ᬓ᭄ᬭᬡᬳᬦᬓᬾᬓᬳᬚᬸᬫ᭄ᬳᬚᬸᬫ᭄᭞ᬭᬸᬫᬲᬢ᭄ᬮᭀᬮᭀᬳᬶᬦᬳᬚᬶᬫᬥᬸᬚᬸᬭᬸᬄ᭞ᬲᬓᬶ᭠ ᬢ᭄ᬩᬲᬗᬾᬫᬲᬶᬄᬳᬶᬤᬾᬯᬾᬓ᭄ᬦᬳᬦᬂ᭟ᬳᬍᬧᬂᬧᭂᬲᬦ᭄ᬳᬶᬩᬦᬾᬫᬮ᭄ᬬᬢ᭄᭞ᬓ᭄ᬭᬦᬧᬮ᭄ᬬᬢᬾᬫᬓᬤᬵ᭠ᬤᬤᬶᬚ᭄ᬮᬾ᭞ᬩᬸᬯᬶᬦ᭄‌‌ᬬᬾᬦ᭄ᬫᬸᬜᬶᬦᬾᬧ᭄ᬮᬶᬄᬧᭂᬧᭂᬲ᭄ᬳᬗ᭄ᬕᭀᬦ᭄ᬤᭀᬰ᭟ᬬᬾᬦ᭄ᬩᬸᬗᬄᬧᬗᬗ᭄ᬕᭀᬦᬾᬲᬾᬄᬲᬾᬄᬲᬸᬫᭂᬮᬾᬄ᭞ᬫᬲᬶᬄ ᬮ᭄ᬬᬸᬓᭂᬦᭂᬄᬳᬦᬓᬾᬳᬶᬭᬶ᭞ᬗᭂᬦ᭄ᬢᬶᬓᬂᬓᭂᬦᭂᬄᬳᬶᬤᬸᬱ᭄ᬝ᭞ᬦᬾᬢᬦ᭄ᬫᬭᬶᬩᬓᬮ᭄ᬗᭂᬧᬾᬢ᭄ᬲᬶᬮᬶᬩ᭄᭞ᬫᬗ᭄ᬤᬾᬲᬶᬤᬩᬳᬦᬜᬶᬂᬲᬾᬬᬂᬳᬶᬩᬦ᭄ᬘᬳᬶᬦᬾ᭟ᬬᬢ᭄ᬦᬳᬶᬦ᭄ᬧᭂᬲᬦ᭄ᬳᬶᬩᬜ᭄ᬘᬳᬶᬦᬾᬦᬶᬗ᭄ᬓᬳᬂᬳᬯᬓ᭄᭞ᬭᬾᬄᬕᬸᬫᬶᬦᬾᬚ᭠ [᭑᭒ 12A] ᭑᭒ ᬦᬶᬲᬸᬩᬫᬲᬮᬶᬦ᭄᭟ᬳᭂᬤᬤ᭄ᬫᭂᬦ᭄ᬗᬸᬕᬸᬧᬶᬲᬸᬦᬦ᭄ᬳᬦᬓ᭄᭞ᬓ᭄ᬭᬦᬫᬸᬲᬸᬳᬾᬫᬓᬸᬫᬭᭀᬯᬂ᭞ᬭᭀᬯᬗᬾᬮᬓᬃᬗᬫᬸᬲᬸᬳᬶᬦ᭄᭞ᬳᬶᬫᬸᬲᬸᬄᬮᬓᬃᬢᬸᬲᬶᬂᬲᬸᬳᬸᬤ᭄ᬲᬸᬳᬸᬤ᭄ᬫᬗᬸᬭᬶᬲᬶᬓ᭄᭞ᬗᬯᬾᬚ᭄ᬮᬾ᭞ᬫᬫᬶᬧᬶᬢᬂᬗᬮᬶᬄᬳᬯᬦᬦ᭄ ᬲ᭄ᬮᬾᬓ᭟ᬳᬦᬓᬾᬮᬓᬃᬓᬾᬢᭀ᭞ᬧᬢᬸᬢ᭄ᬥᬃᬫ᭄ᬫᬳᬗ᭄ᬕᭀᬦ᭄ᬦᬲᬭᬶᬦ᭄᭟ᬩᬸᬯᬶᬦᬬᬾᬦᬶᬂᬓᬩᬜ᭄ᬘᬶᬗᬄᬳᬧᬂ᭠ᬩᬶᬲᬢᬗᬃᬘᬳᬶᬫᬳᬶᬮᬶᬤᬦ᭄᭞ᬳᬦ᭄ᬢᭂᬂᬳᬦ᭄ᬢᭂᬗᬶᬦ᭄ᬳᬶᬩᬦᬾᬦᬗ᭄ᬓᬶᬮ᭄ᬓᬧᬸᬭᬶ᭞ᬳᬧᬂᬦᬯᬂᬢ᭄ᬓᬾᬦ᭄ᬧ᭄ᬭᬢᬶᬗ᭄ᬓᬄᬲᬩᬾᬂᬧᬸᬭᬶ᭟ᬦᬗ᭄ᬳᬶᬂ ᬓᬾᬲᭂᬗ᭄ᬓᬵᬧᭂᬲᬦ᭄ᬳᬦᬓᬾᬲᬸᬫᬩᬾᬂᬩᬜ᭄ᬘᬶᬗᬄ᭞ᬦᬕᬶᬄᬫᬢᬶᬗ᭄ᬓᬄᬳᬧᬂᬧᬲ᭄ᬢᬶ᭞ᬳᬍᬧ᭄ᬧᬮ᭄ᬬᬢᬾᬢᬸᬲᬶᬂᬤ‌᭠ᬤᬶᬢᬦ᭄ᬤᬂ᭞ᬳᭂᬦ᭄ᬢᭀᬫᬓᭂᬚᬂᬦᬕᬶᬄᬫ᭄ᬮᬳᬂᬜᬶᬤ᭄ᬭ᭟ᬳᭂᬤᬋᬗᬲ᭄ᬫᬫᬸᬜᬶᬫ᭄ᬯᬄᬗᬤᬸᬮ᭄ᬬᬢ᭄᭞ᬓ᭄ᬭᬦᬧᬮ᭄ᬬᬢᬾᬮᬓᬃᬤᬤᬶᬤᭀᬰ᭠ ᬬᬾᬦ᭄ᬧᬮ᭄ᬬᬢᬾᬮᬾᬤᬧ᭄‌‌ᬮᬶᬬᬸᬧᭂᬲᬦ᭄ᬧ᭄ᬮᬶᬄᬦᬾ᭞ᬓ᭄ᬭᬦᬤᬶᬢᬸᬮᬶᬬᬸᬤ᭄ᬭᬸᬯᬾᬦ᭄ᬳᬦᬓᬾᬳᬕᬸᬂ᭞ᬳᬦᬾᬢᬸᬫ᭄ᬩᬾᬦ᭄ᬳᬚᬶᬦᬂᬘᬳᬶᬫᬓᬤᬗᬾᬤᬦᬶᬦ᭄᭟ᬬᬾᬦᬶᬂᬳᬦᬓᬾᬳᬕᬸᬂᬲ᭄ᬥᭂᬓ᭄ᬫᬮᬶᬗ᭄ᬕᬶᬄᬤᬶᬩᬜ᭄ᬘᬶᬗᬄ᭞ᬓᬳᬶᬭᬶᬂᬩᬳᬦ᭄ᬧᬭᬧᬸᬗ᭄ᬕ

Auto-transliteration

[11 11B] 11 dasidayanbahañcahi, hĕdapisanwal̥ĕsamasatanwikanhidasanghyangwidhiwaśahanelakar̀ngawal̥ĕsangmwaḥñisipangdewekne. hĕdamokakmr̥ĕkakmakumabisa, tuwisajacahiririḥtahutkendaya, wicakṣaṇa tur̀prajñan, sukabungaḥtandangl̥ĕwiḥbuwinkanggowangbañjar̀, brayamitramwaḥgustihasiḥ. hĕda‐dmĕñcahiñungñjungnganghannak, kraṇahanakekahajumhajum, rumasatlolohinahajimadhujuruḥ, saki‐ tbasangemasiḥhideweknahanang. hal̥ĕpangpĕsanhibanemalyat, kranapalyatemakadā‐dadijle, buwinyenmuñinepliḥpĕpĕshanggondośa. yenbungaḥpanganggoneseḥseḥsumĕleḥ, masiḥ lyukĕnĕḥhanakehiri, ngĕntikangkĕnĕḥhiduṣṭa, netanmaribakalngĕpetsilib, mangdesidabahanañingseyanghibancahine. yatnahinpĕsanhibañcahineningkahanghawak, reḥgumineja‐ [12 12A] 12 nisubamasalin. hĕdadmĕnngugupisunanhanak, kranamusuhemakumarowang, rowangelakar̀ngamusuhin, himusuḥlakar̀tusingsuhudsuhudmangurisik, ngawejle, mamipitangngaliḥhawanan sleka. hanakelakar̀keto, patutdhar̀mmahanggonnasarin. buwinayeningkabañcingaḥhapang‐bisatangar̀cahimahilidan, hantĕnghantĕnginhibanenangkilkapuri, hapangnawangtkenpratingkaḥsabengpuri. nanghing kesĕngkāpĕsanhanakesumabengbañcingaḥ, nagiḥmatingkaḥhapangpasti, hal̥ĕppalyatetusingda‐ditandang, hĕntomakĕjangnagiḥmlahangñidra. hĕdar̥ĕngasmamuñimwaḥngadulyat, kranapalyatelakar̀dadidośa‐ yenpalyateledapliyupĕsanpliḥne, kranadituliyudruwenhanakehagung, hanetumbenhajinangcahimakadangedanin. yeninghanakehagungsdhĕkmalinggiḥdibañcingaḥ, kahiringbahanparapungga

Leaf 12

Image on Archive.org

[᭑᭒ 12B] ᭑᭒ ᬯᬦᬾᬫᬓᭂᬚᬂ᭞ᬤᬶᬢᬸᬧᭂᬤᬲ᭄ᬘᬳᬶᬲᭂᬗ᭄ᬓᬵᬫᬳᬸᬮᬢ᭄‌‌ᬫ᭄ᬯᬂᬫᬢᬶᬗ᭄ᬓᬄ᭞ᬳᭂᬦ᭄ᬢᭀᬓ᭄ᬭᬦᬦᬾᬲᬢᭀᬦ᭄ᬤᬾᬦ᭄ᬦᬾ᭠ᬓᭂᬦᬘᬳᬶᬗᬯᬲ᭄ᬗᬸᬮᬶᬂᬮᬶᬂᬳᬸᬮᬶᬚᭀᬄᬢᭀᬗᭀᬲᬾᬳᬦᬾᬮᬓᬃᬳᬸᬗ᭄ᬱᬶᬜ᭄ᬘᬳᬶᬫᬦᬗ᭄ᬓᬶᬮ᭄᭟ᬲᬶᬂᬜᬓᬕᬾᬢ᭄ᬳᬤᬳᬦ ᬓ᭄ᬲᬶᬗ᭄ᬕᬶᬄᬬᬤᬶᬦ᭄ᬳᬸᬢ᭄ᬢᬫᬯᬗ᭄ᬰᬵ᭞ᬮ᭄ᬯᬶᬭᬾᬩ᭄ᬭᬳ᭄ᬫᬵᬡ᭞ᬓ᭄ᬱᬢ᭄ᬭᬶᬬᬫ᭄ᬯᬂᬯᬾᬱ᭄ᬬ᭞ᬳᭂᬦ᭄ᬢᭀᬢᬢᬲᬂᬧᭂᬲᬦ᭄᭞ᬳᭂᬤᬫᬮᬸᬗᬸᬮᭀᬦᬶᬦ᭄ᬢᭂᬕᬓ᭄᭟ᬳᬍᬧᬂᬳᬶᬩᬦᬾᬗᬤᬸᬲᬲᭂᬗᬦ᭄᭞ᬫ᭄ᬯᬄᬗᭀᬫᭀᬂᬳᭂᬤᬜᬮᬄᬧᬭ᭞ᬢ ᬢᬭᬂᬧᭂᬲᬦ᭄ᬩᭂᬲᬶᬓ᭄ᬩᭂᬲᬶᬓ᭄᭟ᬧᬾᬢ᭄ᬳᬤᬳᬦᬓ᭄ᬗᬗ᭄ᬕᭀᬩᬸᬗᬄ᭞ᬳᭂᬤᬫᬮᬸᬗᬤᬾᬦ᭄ᬳᬦᬓ᭄ᬫᬾᬦᬓ᭄᭞ᬬᬤ᭄ᬬᬦ᭄ᬳᬤᬗᬗ᭄ᬕᭀᬤᭂᬓᬶᬮ᭄᭞ᬳᭂᬤᬜᬸᬕᬃᬫᭂᬲᬸᬯᬂᬫᬸᬜᬶ᭞ᬢᬓᬾᬦᬂᬫᬮᬸᬳᬧᬂᬢᭂᬭᬂ᭞ᬳᬧᬂᬳᭂᬤᬫ ᬗᬫᬂᬚᬮᬦᬾᬳᭂᬦ᭄ᬢᭀᬳᬦᬓ᭄ᬫᬾᬦᬓ᭄ᬲᬶᬗ᭄ᬕᬶᬄ᭞ᬳᬧᬂᬲᬸᬩᬦᬜ᭄ᬘᬳᬶᬓᬩᬶᬮ᭄ᬩᬶᬮ᭄᭟ᬮᬫᬸᬦ᭄ᬳᬤᬧᬗ᭄ᬭᬯᭀᬲ᭄ᬳᬶᬤᬳᬦᬓᬾᬳᬕᬸᬂ᭞ᬳᬧᬂᬧᬲ᭄ᬢᬶᬘᬳᬶᬗᬶᬗᭂᬃ᭞ᬳᭂᬤᬗ᭄ᬮᬾᬦᬂᬳᬸᬮᬢ᭄᭞ᬧᬧᬓ᭄ᬳᬦᬓᬾᬮ᭄ᬬᬢᬶᬦ᭄᭞᭠ [᭑᭓ 13A] ᭑᭓ ᬳᭂᬤᬗᬸᬦ᭄ᬢᬸᬮ᭄ᬦᬸᬮᬶᬲ᭄ᬢᬦᬄ᭞ᬭᬾᬄᬳᭂᬦ᭄ᬢᭀᬓᭀᬚᬭᬦᬲᬮᬄᬢᬫ᭄ᬧᬶ᭟ᬬᬦ᭄ᬳᬤᬭᬯᭀᬲ᭄ᬧᬧᬶᬗᬶᬢᬦ᭄‌‌ᬩᬓᬢ᭄ᬤᬶᬗᭂᬄᬘᬳᬶ᭞ᬳᭂᬤᬘᬳᬶᬯᬾᬭᬯᬾᬭ᭞ᬲᬶᬫ᭄ᬧᭂᬦ᭄ᬧᭂᬲᬦ᭄ᬤᬶᬓᭂᬦᭂᬄᬘᬳᬶᬦᬾᬳᬗ᭄ᬕᭀᬦ᭄ᬓᬓ᭄ᬫᬶᬢᬦ᭄᭞ᬭᬾᬄ ᬳᭂᬦ᭄ᬢᭀᬲᭂᬥᭂᬂᬧᭂᬲᬦ᭄ᬢᭀᬳᬶᬦ᭄ᬩᬳᬦ᭄ᬳᬸᬭᬶᬧ᭄᭟ᬳᭂᬤᬧᭂᬲᬦ᭄ᬤᭂᬫᭂᬦ᭄ᬗᬸᬭᬸᬳᬭ᭞ᬳᬦᬾᬢᬦᬶᬳᬤᬳᬤᬬᬂ᭠ᬘᬳᬶ᭞ᬳᭂᬦ᭄ᬢᭀᬩᬶᬩᬶᬳᬾᬮᬓᬃᬗᭂᬫᬲᬶᬦ᭄᭞ᬳᬧᬩᬸᬯᬶᬦ᭄ᬫᬢᬦᬾᬗᭂᬦᭀᬢ᭄ᬫᭂᬤᬲᬂ᭞ᬳᭂᬤᬍᬓᬳᬗᬢᭂᬓᬾᬦ᭄ᬳᬦᬓ᭄ᬮᬾ ᬦ᭄᭞ᬲᬶᬫ᭄ᬧᭂᬦ᭄ᬧᬢᬸᬢ᭄ᬤᬶᬳᬢᬶ᭞ᬳᬧᬂᬳᭂᬤᬮᬶᬬᬸᬳᬦᬓᬾᬦᬯᬂ᭞ᬤᬤᬶᬮᬶᬬᬸᬳᬦᬓᬾᬗᬫᬸᬲᬶᬳᬶ᭠ᬜ᭄ᬘᬳᬶ᭟ᬓ᭄ᬭᬦᬳᬦᬓᬾᬤᭂᬫᭂᬦ᭄ᬗᬤᬸᬳᬤ᭞ᬮᬶᬬᬸᬲᬦ᭄ᬫᬫᬢᬤᬶᬩᬸᬗᬸᬢ᭄ᬦᬾ᭞ᬲᬾᬧᬦᬦ᭄ᬫᬢᬦᬾᬧᭂᬤᬲ᭄᭞ᬳᬾᬗ᭄ᬕᬮ ᬦ᭄ᬩᬸᬗᬸᬢ᭄ᬦᬾᬳᬦᬾᬲᬳᬸᬢ᭄ᬲᬳᬸᬢ᭄᭟ᬲᬗ᭄ᬓᬦ᭄ᬳᬭᬂᬳᬦᬓᬾᬢᬢᬳᬸᬢᭂᬓᬾᬦ᭄ᬢᬸᬢᬸᬃᬚᬢᬶ᭞ᬳᬧᬓᭀᬤᭂᬫᭂᬦᬾᬢᬸᬳᬸᬓᬶᬦ᭄ᬢᬭᬫᭂᬮᬄ᭞ᬓᬮᬶᬂᬓᬾᬚ᭄ᬮᬾᬦᬾᬢᬸᬳᬸᬓᬶᬦ᭄ᬤᬤᬶᬫ᭄ᬮᬄ᭞ᬳᬦᬾᬫ᭄ᬮᬄᬭᬲᬢᬸᬳᬸᬓᬶᬦ᭄ᬫᬲᬶᬄᬦᭂᬧᬸᬓᬶᬦ᭄ᬳ

Auto-transliteration

[12 12B] 12 wanemakĕjang, ditupĕdascahisĕngkāmahulatmwangmatingkaḥ, hĕntokrananesatondenne‐kĕnacahingawasngulinglinghulijoḥtongosehanelakar̀hungsyiñcahimanangkil. singñakaget'hadahana ksinggiḥyadinhuttamawangśā, lwirebrahmāṇa, kṣatriyamwangweṣya, hĕntotatasangpĕsan, hĕdamalungulonintĕgak. hal̥ĕpanghibanengadusasĕngan, mwaḥngomonghĕdañalaḥpara, ta tarangpĕsanbĕsikbĕsik. pet'hadahanaknganggobungaḥ, hĕdamalungadenhanakmenak, yadyanhadanganggodĕkil, hĕdañugar̀mĕsuwangmuñi, takenangmaluhapangtĕrang, hapanghĕdama ngamangjalanehĕntohanakmenaksinggiḥ, hapangsubanañcahikabilbil. lamunhadapangrawoshidahanakehagung, hapangpasticahingingĕr̀, hĕdanglenanghulat, papak'hanakelyatin, ‐ [13 13A] 13 hĕdanguntulnulistanaḥ, reḥhĕntokojaranasalaḥtampi. yanhadarawospapingitanbakatdingĕḥcahi, hĕdacahiwerawera, simpĕnpĕsandikĕnĕḥcahinehanggonkakmitan, reḥ hĕntosĕdhĕngpĕsantohinbahanhurip. hĕdapĕsandĕmĕnnguruhara, hanetanihadahadayang‐cahi, hĕntobibihelakar̀ngĕmasin, hapabuwinmatanengĕnotmĕdasang, hĕdal̥ĕkahangatĕkenhanakle n, simpĕnpatutdihati, hapanghĕdaliyuhanakenawang, dadiliyuhanakengamusihi‐ñcahi. kranahanakedĕmĕnngaduhada, liyusanmamatadibungutne, sepananmatanepĕdas, henggala nbungutnehanesahutsahut. sangkanharanghanaketatahutĕkentutur̀jati, hapakodĕmĕnetuhukintaramĕlaḥ, kalingkejlenetuhukindadimlaḥ, hanemlaḥrasatuhukinmasiḥnĕpukinha

Leaf 13

Image on Archive.org

[᭑᭓ 13B] ᭑᭓ ᬦᬾᬚ᭄ᬮᬾ᭟ᬳᬧᬓ᭄ᬭᬦᬓᬾᬢᭀ᭞ᬩᬳᬦ᭄ᬮᬶᬧ᭄ᬬᬢᭂᬓᬾᬦ᭄ᬧᬶᬢᬸᬢᬸᬃᬳᬦᬓᬾᬢ᭄ᬯᬵ᭞ᬩᬸᬯᬶᬦᬮᬗ᭄ᬕᬧ᭄ᬢᭂ᭠ᬓᬾᬦ᭄ᬧᬕᬸᬭ᭄ᬯᬦ᭄᭞ᬳᭂᬦ᭄ᬢᭀᬫᬳᬤᬦ᭄ᬢᬸᬮᬄᬳᬶᬤᬸᬧ᭄᭞ᬚ᭄ᬮᬾᬧᭂᬲᬦ᭄ᬢᬸᬲᬶᬂᬜᬦ᭄ᬤᬂᬳᬗ᭄ᬕᭀᬦ᭄ᬩᬶᬦᬶᬳᬦ᭄᭞ᬧᭂᬤᬲ᭄ᬮᬶᬬᬸᬳᬦᬾᬮᬓᬃᬭᬸᬲ᭠ ᬓ᭟ᬓᬾᬢᭀᬘᬳᬶᬳᬧᬂᬢᬳᬸ᭟ᬳᬦᬓ᭄ᬢ᭄ᬯᬄᬓᭂᬢᬶᬮ᭄ᬳᬦᬓᬾᬤᬤᬶᬚ᭄ᬮᬫᬵ᭞ᬲᬮ᭄ᬯᬶᬭᬶᬂᬕᬕᬳᬾᬦ᭄ᬧᬢᬸᬢ᭄ᬧᭂᬲᬦ᭄ᬧ᭄ᬮᬚᬳᬶᬦ᭄᭞ᬳᬧᬩᬸᬯᬶᬦ᭄ᬧᬶᬢᬸᬢᬸᬭᬾᬳᬦᬾᬫ᭄ᬮᬄᬲᭂᬤᭂᬂᬧᭂᬲᬦ᭄ᬳᬮᬶᬄ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬧᬗᬶᬓᭂᬢ᭄ᬳᬶᬤᭂᬧᬾᬫᭀᬫᭀ᭟ᬢ᭄ᬯᬄᬓᬾ ᬢᭀᬢᬶᬗ᭄ᬓᬄᬳᬦᬓᬾᬤᬤᬶᬚᬮ᭄ᬫᬵ᭞ᬲᬮ᭄ᬯᬶᬭᬶᬂᬕᬕᬳᬾᬦ᭄ᬧᬢᬸᬢ᭄ᬧᭂᬲᬦ᭄ᬧ᭄ᬮᬚᬳᬶᬦ᭄᭞ᬳᬧᬩᬸᬯᬶᬦ᭄ᬧᬶᬢᬸᬢᬸ᭠ᬭᬾᬳᬦᬾᬫᭂᬮᬄᬲ᭄ᬥᭂᬂᬧᭂᬲᬦ᭄ᬳᬮᬶᬄ᭞ᬓᬾᬯᭂᬄᬧᭂᬲᬦ᭄ᬗᬮᬶᬄᬓᬲᬸᬓᬦ᭄᭞ᬭᬲᬧᬶᬂᬓ᭄ᬝᬶᬢᬸᬭᬸᬦᬸᬫᬶᬢᬶᬲ᭄ᬓᬫᬺᬘ᭄ᬙᬧᬤᬫᬬᬤ᭄ᬫᬵ᭞ᬢᭀᬦ᭄ᬤᬾ ᬦ᭄ᬫᬲᬶᬄᬮᬓᬃᬦᭂᬧᬸᬓᬶᬦ᭄ᬳᬦᬾᬪᬕ᭄ᬬ᭞ᬓ᭄ᬭᬡᬚ᭄ᬮᬾᬦᬾᬢᬸᬲᬶᬂᬧᭂᬲᬦ᭄ᬤᬤᬶᬓ᭄ᬮᬶᬤᬶᬦ᭄᭟ᬩᬸᬯᬶᬦ᭄‌‌ᬬᬜ᭄ᬘᬳᬶᬗᭂᬮᬄᬳᬦᬾᬲᬃᬯ᭄ᬯᬳᬾᬦ᭄ᬤᬄᬧᬾᬮᬕ᭄‌‌ᬫᬵᬲ᭄ᬳᬶᬦ᭄ᬢᭂᬦ᭄ᬲᬃᬯ᭄ᬯᬫᬸᬮᬾ᭞ᬮᬫᬸᬦ᭄ᬧ᭄ᬮᬶᬄᬩᬳᬦ᭄ᬦᬶᬢᬳᬂ᭞ᬧᭂᬤᬲ᭄ᬳᬾᬗ᭄ᬕᬮ᭄ᬳᬶᬮᬂᬫᬢᬶᬗ᭄ᬕᬮ᭄ᬳᬸᬮᬶᬤᬾ [᭑᭔ 14A] ᭑᭔ ᬯᬾᬓ᭄ᬘᬳᬶᬦᬾ᭟ᬦᬄᬓ᭄ᬭᬦᬓᬾᬢᭀ᭞ᬩᬧᬫ᭄ᬮᬶᬤ᭄ᬧᭂᬲᬦ᭄ᬗᬚᬳᬶᬦ᭄‌‌ᬫ᭄ᬯᬄᬫᬶᬢᬸᬢᬸᬭᬶᬦ᭄ᬩᬸᬓᬘᭂᬦᬶᬂ᭞ᬳᬧᬂᬲᬸᬓᬩᬸᬓᬘᭂᬦᬶᬂᬗᬗ᭄ᬕᭀᬓᬩ᭄ᬮᭀᬕᬦ᭄ᬩᬧᬦᬾ᭞ᬭᬾᬄᬩᬧᬫ᭄ᬮᬶᬤ᭄ᬢᭂᬓᬾᬦᬶᬂᬘᭂᬦᬶᬂ᭞ᬳᬧᬂᬲᬸᬩᬦᬦ᭄ᬩᬸᬓᬘᭂᬦᬶᬂᬤᬶᬫᬦᬶᬧ᭄ᬯᬦᬾ ᬫᬲᭂᬮ᭄ᬲᭂᬮᬦ᭄᭟ᬲᬳᭂᬦᬸᬦ᭄ᬩᬧᬦᬾᬳᬶᬤᬸᬧ᭄‌‌ᬫ᭄ᬯᬄᬲᬳᭂᬦᬸᬜ᭄ᬘᬳᬶᬦᬾᬘ᭄ᬭᬶᬓ᭄᭞ᬲ᭄ᬮᭂᬕᬂᬧᭂᬲᬦ᭄ᬳᬶᬩᬦᬾ᭠ᬫ᭄ᬮᬚᬄ᭞ᬰᬲ᭄ᬢ᭄ᬭᬦᬾᬕᬸᬮᬶᬓ᭄ᬧ᭄ᬢᭂᬂᬍᬫᬄ᭞ᬳᭂᬦ᭄ᬢᭀᬳᬦ᭄ᬤᬾᬬᬂᬫᬾᬫᬾᬩᬧ᭞ᬢᬓᭀᬦᬶᬦ᭄ᬢᬸᬢᬸᬃ᭞ᬲᬢ᭄ᬯᬫ᭄ᬯᬄᬲᬃᬯ᭄ᬯᬓᬡ᭄ᬥᬦ᭄ᬳᬯ ᬓᬾᬤᬸᬫᬥᬶᬤᬤᬶᬚᬮ᭄ᬫᬤᬶᬫᬺᬘ᭄ᬘᬧᬤ᭟ᬳᬧᬳᬯᬦᬦᬾᬦᭂᬫᬸᬚ᭄ᬮᬾᬫᭂᬮᬄ᭞ᬳᭂᬦ᭄ᬢᭀᬧᬢᬸᬢ᭄ᬢᬢᬲᬂ᭠ᬧᭂᬲᬦ᭄᭞ᬳᬧᬂᬲᬸᬩᬦᬜ᭄ᬘᬳᬶᬢ᭄ᬯᬭᬢᬳᬸᬢ᭄ᬓᬾᬦ᭄ᬳᬯᬓ᭄᭞ᬭᬾᬚ᭄ᬮᬾᬫᭂᬮᬾᬧᭂᬲᬸᬳᬸᬮᬶᬤᬾᬯᬾᬓᬾ᭟ᬦᬄᬓᬾᬢᭀᬩ᭠ ᬧᬦᬸᬢᬸᬭᬶᬦ᭄ᬳᬧᬂᬘᬳᬶᬦᬯᬂ᭞ᬓᭂᬦᬘᬳᬶᬗᬶᬗᭂᬢᬂᬧᭂᬲᬦ᭄ᬧᬶᬢᬸᬢᬸᬃᬩᬧᬦᬾᬳᬦᬾᬲᬸᬩ᭚᭜᭚ᬦᬾᬚᬦᬶᬩᬧᬗᬮᬳᬶᬜ᭄ᬘᬳᬶᬮ᭄ᬯᬲ᭄ᬓᬕᬸᬦᬸᬂᬳᬮᬲ᭄ᬦᬗᬸᬦ᭄ᬓᬾᬃᬢ᭄ᬢᬶ᭞ᬩᬸᬓᬘᭂᬦᬶᬂᬫᬲᬶᬄᬦᬸᬦᬲᬂᬧ᭄ᬢᭂᬂᬍᬫᬄᬭᬶᬂᬳᬶᬤᬲᬗ᭄ᬳ᭄ᬬᬂᬯᬶᬥᬶ

Auto-transliteration

[13 13B] 13 nejle. hapakranaketo, bahanlipyatĕkenpitutur̀hanaketwā, buwinalanggaptĕ‐kenpagurwan, hĕntomahadantulaḥhidup, jlepĕsantusingñandanghanggonbinihan, pĕdasliyuhanelakar̀rusa‐ ka. ketocahihapangtahu. hanaktwaḥkĕtilhanakedadijlamā, salwiringgagahenpatutpĕsanplajahin, hapabuwinpituturehanemlaḥsĕdĕngpĕsanhaliḥ, hĕntohanggonpangikĕt'hidĕpemomo. twaḥke totingkaḥhanakedadijalmā, salwiringgagahenpatutpĕsanplajahin, hapabuwinpitutu‐rehanemĕlaḥsdhĕngpĕsanhaliḥ, kewĕḥpĕsanngaliḥkasukan, rasapingkṭiturunumitiskamr̥ĕcchapadamayadmā, tonde nmasiḥlakar̀nĕpukinhanebhagya, kraṇajlenetusingpĕsandadiklidin. buwinyañcahingĕlaḥhanesar̀wwahendaḥpelagmāshintĕnsar̀wwamule, lamunpliḥbahannitahang, pĕdashenggalhilangmatinggalhulide [14 14A] 14 wekcahine. naḥkranaketo, bapamlidpĕsanngajahinmwaḥmituturinbukacĕning, hapangsukabukacĕningnganggokabloganbapane, reḥbapamlidtĕkeningcĕning, hapangsubananbukacĕningdimanipwane masĕlsĕlan. sahĕnunbapanehidupmwaḥsahĕnuñcahinecrik, slĕgangpĕsanhibane‐mlajaḥ, śastranegulikptĕngl̥ĕmaḥ, hĕntohandeyangmemebapa, takonintutur̀, satwamwaḥsar̀wwakaṇdhanhawa kedumadhidadijalmadimr̥ĕccapada. hapahawananenĕmujlemĕlaḥ, hĕntopatuttatasang‐pĕsan, hapangsubanañcahitwaratahutkenhawak, rejlemĕlepĕsuhulideweke. naḥketoba‐ panuturinhapangcahinawang, kĕnacahingingĕtangpĕsanpitutur̀bapanehanesuba // • // nejanibapangalahiñcahilwaskagununghalasnangunker̀tti, bukacĕningmasiḥnunasangptĕngl̥ĕmaḥringhidasanghyangwidhi

Leaf 14

Image on Archive.org

[᭑᭔ 14B] ᭑᭔ ᬯᬲᬳᬧᬂᬭᬳᬬᬸᬧᬚᬮᬦ᭄ᬩᬧᬦᬾ᭞ᬳᬧᬳᬦᬾᬓ᭄ᬦᭂᬳᬂᬩᬧᬳᬧᬂᬳᬾᬗ᭄ᬕᬮ᭄ᬓᬤᬕᬶᬗᬦ᭄᭞ᬢᬸᬃᬳ᭠ᬕᬾᬩᬧᬢᭂᬓᬳᬸᬮᬶᬫᬬᬰ᭟ᬲᬗ᭄ᬓᬦ᭄ᬩᬧᬫᭂᬮᬶᬤ᭄᭞ᬓ᭄ᬯᬢ᭄ᬫᬲᭂᬫ᭄ᬩᬤᬵ᭞ᬩᬳᬦ᭄ᬢᬺᬱ᭄ᬡᬦ᭄ᬩᬧᬦᬾᬫᬧ᭄ᬬᬦᬓ᭄ᬢᭂᬓᬾᬦᬶᬂᬘᬳᬶ ᭞ᬦᬗᬶᬂᬓᬾᬢᬺᬱ᭄ᬡᬦ᭄ᬩᬧᬦᬾᬢᭂᬓᬾᬦᬶᬂᬘᭂᬦᬶᬂ᭞ᬢ᭄ᬯᬄᬫᬭᬸᬧᬫᬸᬜᬶᬤᭀᬕᬾᬦ᭄᭞ᬳᬧᬂᬳᭂᬤᬩᬸᬓᬘᭂ᭠ᬦᬶᬂᬲᬮᬄᬢᬫ᭄ᬧᬶ᭞ᬩ᭄ᬯᬢ᭄ᬮᬘᬸᬃᬩᬧᬦᬾᬢ᭄ᬯᬭᬗ᭄ᬮᬄᬧᬤᬕᬶᬗᬦ᭄᭟ᬳᬧᬂᬲᬸᬓᬘᭂᬦᬶᬂᬦᬫ᭞ᬭᬲᬭᬲᬬᬂᬧᭂᬲᬦ᭄ᬤᬶᬳᬢᬶ ᭞ᬲᬶᬂᬜᬚ᭄ᬮᬾᬢᬸᬢᬸᬃᬩᬧᬦᬾ᭞ᬢ᭄ᬯᬄᬳᬤᬧᬗ᭄ᬓᬸᬂᬧᬳᭂᬓ᭄ᬚᬮᬦ᭄ᬓᬸᬢᬂ᭞ᬬᬦ᭄ᬭᬳᬬᬸᬧᬸᬧᭀᬦᬶᬦ᭄᭟ᬢ᭄ᬯᬄᬩ᭄ᬮᭀ᭠ᬕ᭄ᬩᬧᬳᬗ᭄ᬕᭀᬜ᭄ᬘᬳᬶᬭᬭᬫ᭞ᬢ᭄ᬯᬢᬸᬫᬸᬮᬶᬘ᭄ᬭᬶᬓ᭄᭞ᬲᭀᬓ᭄ᬫᬓ᭄ᬭᬸᬡᬳᬦᬾᬢ᭄ᬯᬭᬢᬯᬂᬢᬯᬂᬢᬸᬢᬸᬭᬂᬩᬧ᭟ᬦᬄᬩ᭄ᬯᬢ᭄ᬳᭂᬦ᭄ᬢᭀᬳ᭠ ᬧᬂᬲᬸᬓᬩᬸᬓᬘᭂᬦᬶᬂᬫᬫᬶᬤᬾᬦᬶᬦ᭄᭞ᬩᬧᬗᬶᬤᬶᬄᬧᬗᬓ᭄ᬱᬫᬧᭂᬲᬦ᭄ᬫᬓᬧᭂᬮᬶᬄᬢᬸᬢᬸᬃᬩᬧᬦᬾᬲᬸ᭠ᬩᬢᭂᬓᬾᬦᬶᬂᬘᭂᬦᬶᬂ᭞ᬲᬶᬂᬜᬩᬧᬲᬤ᭄ᬬᬫᬧ᭄ᬬᬦᬓ᭄᭞ᬤᬸᬫᬤᬓ᭄ᬳᬧᬂᬳᬾᬗ᭄ᬕᬮ᭄‌‌ᬘ᭄ᬦᬶᬂᬭᬶᬭᬶᬄᬢᬳᬸᬢᭂᬓᬾᬦ᭄ᬤᬬ᭞ᬫᬰᬶᬮᬳ [᭑᭕ 15A] ᭑᭕ ᬦᬾᬳᬬᬸ᭞ᬥᬃᬫ᭄ᬫᬲᬥᬸᬢᬦ᭄ᬓᬶᬭᬂᬯᬶᬯᬾᬓᬢᬸᬃᬯ᭄ᬭᬸᬄᬭᬶᬂᬰᬲ᭄ᬢ᭄ᬭᬳᬚᬶ᭞ᬩ᭄ᬯᬶᬦ᭄ᬫᬫᬗ᭄ᬕᬸᬄᬲᬸᬓᬯᬶᬃᬬ᭄ᬬ᭞ᬲᬶᬤ᭄ᬥᬶᬗᬸᬘᬧ᭄ᬲᬦ᭄ᬤᬶᬫᬸᬜᬶ᭞ᬳᭂᬦ᭄ᬢᭀᬢ᭄ᬯᬄᬳᬦᬾᬳᬫᬾᬦᬫᬾᬦ᭄ᬩᬧ᭞ᬧᬶᬦᬓᬮᬪᬵᬦ᭄ᬩᬧᬮ᭄ᬯᬲ᭄ᬦᬗᬸᬦ᭄ᬓᬾᬃᬢ᭄ᬢᬶ᭟ᬳᬶᬄᬘ᭄ᬦᬶᬂ᭞ᬩᬧᬳᭂᬗ᭄ᬲᬧ᭄ᬕᬢᬶ᭠ ᬦᬸᬢᬸᬭᬶᬦ᭄‌‌ᬘ᭄ᬦᬶᬂᬩᬸᬯᬶᬦ᭄ᬳᬩᭂᬤᬶᬓ᭄᭞ᬲᬶᬂᬜᬓᬕᬾᬢ᭄ᬘᭂᬦᬶᬂᬧᭂᬧᭂᬲ᭄ᬫᬧᬭᬸᬫ᭄ᬳᬚᬓ᭄‌‌ᬮ᭄ᬬᬸᬯ᭄ᬬᬤᬶᬦ᭄ᬫᬳᬶᬭᬶᬂᬳᬶᬭᬶᬗ᭠ᬦ᭄ᬫᬧᬸᬦ᭄ᬤᬸᬄᬳᭀᬫᭀᬗᬾᬲᬮᬶᬂᬢᬫ᭄ᬩᬸᬗᬶᬦ᭄‌‌ᬢᬦᬶᬓᬗᬶᬦ᭄ᬢᬦᬶᬓᬳᬸᬄ᭞ᬲᬶᬂᬜᬳᬤᬢᬶᬫ᭄ᬧᬮ᭄‌‌ᬯ᭄ᬬᬤᬶᬦ᭄ᬢᬸᬢᬸᬢᬦ᭄ᬘᭂᬦᬶᬗᬾᬧ᭄ᬮᬶᬄᬩᬳ ᬦᬗᭀᬫᭀᬂ᭞ᬯ᭄ᬬᬤᬶᬦ᭄ᬫᬢᬶᬢᬄᬤᬶᬲ᭄ᬥᭂᬓ᭄ᬳᬦᬓᬾᬮ᭄ᬬᬸᬫᬧᬭᬸᬫ᭄᭞ᬳᭂᬤᬧᬢᬶᬜᭂᬗᬾᬓ᭄ᬢᬶᬫ᭄ᬧᬮ᭄ᬤᬶᬢᬸ᭞ᬓᬤᭀᬂᬲᬸᬩᬧ᭄ᬮᬶᬄᬩᬳᬦᬫᬢᬶᬢᬄᬫ᭄ᬯᬄᬗᭀᬫᭀᬂ᭞ᬤᭂᬧᬂᬳᬶᬬᬓᬾᬢᭀ᭞ᬬᬦ᭄ᬲᬗᭂᬢ᭄ᬗᬾᬤᬍᬫ᭄ᬘᭂᬦᬶᬗᬾᬢᭂᬓᬾᬦ᭄ᬳᬶᬬ᭞ᬓᭂᬦᬳᬾᬗ᭄ᬕᭂᬮᬂ ᬯᬗ᭄ᬲᬶᬢᬶᬦ᭄ᬳᬧᬂᬲᬭ᭄ᬯᬦ᭄ᬳᬦᬓᬾᬧᬤᬦᬯᬂᬳᬸᬦ᭄ᬤᬸᬓ᭄ᬦᬾᬓᬾᬢᭀ᭟ᬬᬦ᭄ᬧᬤᬾᬬᬢᬸᬲᬶᬂᬦᬯᬂᬯᬗ᭄ᬲᬶᬢ᭄᭞ᬤᬶᬫᬸᬮᬶᬄᬦᬾᬫᬸᬜᬶᬦ᭄ᬧᬤᬤ᭄ᬯᬵᬦᬦ᭄᭞ᬳᬧᬩ᭄ᬯᬶᬦ᭄ᬓᬾᬢᭀᬲᬩᬶᬮᬂᬳᬶᬘᬂᬗᬚᬓ᭄᭞ᬳᬶᬘᬂᬗᬾᬤᬍᬫ᭄ᬕᬢᬶᬢ᭄ᬓᬾᬦ᭄ᬳᬦᬓᬾᬮ᭄ᬬᬸᬩ᭄ᬯ

Auto-transliteration

[14 14B] 14 wasahapangrahayupajalanbapane, hapahaneknĕhangbapahapanghenggalkadagingan, tur̀ha‐gebapatĕkahulimayaśa. sangkanbapamĕlid, kwatmasĕmbadā, bahantr̥ĕṣṇanbapanemapyanaktĕkeningcahi , nangingketr̥ĕṣṇanbapanetĕkeningcĕning, twaḥmarupamuñidogen, hapanghĕdabukacĕ‐ningsalaḥtampi, bwatlacur̀bapanetwaranglaḥpadagingan. hapangsukacĕningnama, rasarasayangpĕsandihati , singñajletutur̀bapane, twaḥhadapangkungpahĕkjalankutang, yanrahayupuponin. twaḥblo‐gbapahanggoñcahirarama, twatumulicrik, sokmakruṇahanetwaratawangtawangtuturangbapa. naḥbwat'hĕntoha‐ pangsukabukacĕningmamidenin, bapangidiḥpangakṣamapĕsanmakapĕliḥtutur̀bapanesu‐batĕkeningcĕning, singñabapasadyamapyanak, dumadak'hapanghenggalcningririḥtahutĕkendaya, maśilaha [15 15A] 15 nehayu, dhar̀mmasadhutankirangwiwekatur̀wruḥringśastrahaji, bwinmamangguḥsukawir̀yya, siddhingucapsandimuñi, hĕntotwaḥhanehamenamenbapa, pinakalabhānbapalwasnangunker̀tti. hiḥcning, bapahĕngsapgati‐ nuturincningbuwinhabĕdik, singñakagetcĕningpĕpĕsmaparumhajaklyuwyadinmahiringhiringa‐nmapunduḥhomongesalingtambungintanikangintanikahuḥ, singñahadatimpalwyadintututancĕningepliḥbaha nangomong, wyadinmatitaḥdisdhĕk'hanakelyumaparum, hĕdapatiñĕngektimpalditu, kadongsubapliḥbahanamatitaḥmwaḥngomong, dĕpanghiyaketo, yansangĕtngedal̥ĕmcĕningetĕkenhiya, kĕnahenggĕlang wangsitinhapangsarwanhanakepadanawanghundukneketo. yanpadeyatusingnawangwangsit, dimuliḥnemuñinpadadwānan, hapabwinketosabilanghicangngajak, hicangngedal̥ĕmgatitkenhanakelyubwa

Leaf 15

Image on Archive.org

[᭑᭕ 15B] ᭑᭕ ᬢ᭄ᬢᬶᬢᬄᬘᬳᬶᬦᬾᬢᬸᬲᬶᬂᬩ᭄ᬦᭂᬄ᭟ᬳᬓᬾᬢᭀᬧᬢᬸᬢᬾᬩᬳᬦ᭄ᬗᬫᬸᬜᬶᬦᬶᬦ᭄ᬩᬸᬓᬬ᭟ᬦᬄᬬᬦ᭄ᬢᬸᬲᬶᬂᬚ᭄ᬯᬭᬶᬓᬶ᭠ᬫᬸᬤ᭄ᬜᬫ᭄ᬩᬤᬳᬶᬦ᭄᭞ᬩᬳᬦ᭄ᬘᭂᬓᬓ᭄ᬱᬮᬳᬾ᭞ᬲᬸᬭᬢ᭄ᬲᬲᬶᬗᬶᬤᬦ᭄ᬢᬶᬢᬶᬧᬶᬦ᭄ᬩᬸᬓᬳᬶᬬ᭞ᬳᬧᬂᬍᬕᬸᬢ᭄ᬯᬭᬢᬳᬸᬫᬸᬜᬶᬦ᭄ᬲᬸ ᬭᬢᬾᬓᬾᬢᭀ᭟ᬤᬤ᭄ᬬᬦ᭄ᬜᬧᬶᬢᬸᬯᬶᬳᬦᬓ᭄ᬭᬶᬭᬶᬄ᭞ᬳᬓᬾᬢᭀᬧᬗ᭄ᬮᬾᬫᬾᬓ᭄ᬲᬸᬭᬢᬾ᭞ᬧᭂᬤᬲ᭄ᬳᬶᬬᬗ᭄ᬭᬲᬭᬲᬦᬳᭂᬦ᭄ᬢᭂᬓᬾᬦ᭄ᬤᬾᬯᬾᬓᬧ᭄ᬮᬶᬄ᭞ᬫᬾᬄᬧ᭄ᬭᬚᬦᬶᬳᬶᬬᬗᬯᬍᬲ᭄ᬳᬚᬶᬲᬸᬭᬢ᭄᭟ᬬᬤ᭄ᬬᬦ᭄ᬢᬦ᭄ᬧᬲᬸᬭᬢ᭄᭞ᬤᬾᬯᬾᬓ᭄ᬦᬾᬢᭂᬓᬓᭂᬫ᭠ ᬗᬶᬤᬶᬄᬓᬧ᭄ᬮᬶᬳᬦᬾᬩ᭄ᬯᬢ᭄ᬧ᭄ᬮᬶᬄᬩᬳᬦᬫᬢᬶᬢᬄᬫ᭄ᬯᬄᬗᭀᬫᭀᬂᬤᬶᬢᬸ᭟ᬦᬄᬬᬦ᭄ᬳᬓᬾᬢᭀᬩᬳᬦ᭄ᬗᬫᬸ᭠ᬜᬶᬦᬶᬦ᭄᭞ᬢᬸᬲᬶᬂᬓᬾᬲᬹᬓ᭄ᬱ᭄ᬫᬧᭂᬲᬦ᭄ᬓᭂᬦᭂᬳᬾ᭞ᬲᬸᬓᬩᬸᬓᬘᬳᬶᬗᬚᬳᬶᬦ᭄ᬳᬶᬬ᭟ᬫᭂᬦ᭄‌‌ᬩᬸᬓᬬᬓᬾᬦ᭄ᬓᬾᬦ᭄ᬮᬶᬬᬂᬓᭂᬦᭂᬄᬦᬾᬳ᭠ ᬚᬳᬶᬦ᭄ᬳᬦᬾᬫ᭄ᬮᬄ᭞ᬫᬾᬄᬫᬾᬳᬦ᭄ᬤᬶᬧᬩᬳᬦᬾᬧᭂᬚᬗᬍᬕᬦ᭄ᬘᬳᬶᬦᬾᬓᬾᬢᭀ᭟ᬦᬗ᭄ᬳᬶᬂᬬᬦ᭄‌‌ᬧᬓ᭄ᬱᬚᭂᬗᬾᬓ᭄ᬫᬸᬯᬄᬚᭂᬗᬳᬶᬦ᭄ᬓᭂᬦᭂᬄᬦᬾᬤᬶᬳᬋᬧ᭄ᬳᬦᬓᬾᬮ᭄ᬬᬸ᭞ᬢᬸᬲᬶᬂᬓᬾᬫᬲᬶᬄᬲᬓᬶᬢ᭄ᬩᬲᬂᬦᬾᬲᬢᬸᬯᬸᬓ᭄᭞ᬚᬮᬦᬾᬢ᭄ᬯᬭᬲᬳᬸᬢᬶᬦ᭠ [᭑᭖ 16A] ᭑᭖ ᬳᭀᬫᭀᬗᬾᬓᬾᬢᭀ᭞ᬢᬸᬲᬶᬂᬚᬳᬤᬳᬧ᭟ᬳᬧᬓ᭄ᬭᬦᬢᬸᬲᬶᬂᬜᬓ᭄ᬫᬲᬳᬸᬢ᭄᭞ᬩᬳᬦ᭄ᬗᬾᬤᬍᬫ᭄ᬳᬶᬬᬲᬸᬩᬢᬳᬸᬩ᭄ᬯᬢ᭄ᬧᬳᬸᬦ᭄ᬤᬸᬓᬦᬾᬫᬧᬭᬹᬫ᭄᭞ᬩ᭄ᬯᬶᬦᬾᬦᬸᬬᬫᬢᭂᬫ᭄ᬧᬶᬮᬂᬤᬾᬯᬾᬓ᭄ᬦᬾᬗᭂᬫ᭄ᬧᬶ᭞ᬮᬓᬃᬦᬲᬭᬶᬦ᭄ᬓᭂᬦᭂᬄᬳᬦᬓᬾ᭠ ᬧᬤᬤᬶᬢᬸ᭟ᬩ᭄ᬯᬶᬦ᭄ᬦᬾᬢᬓᬸᬢ᭄ᬳᬶᬬᬫᬳᬦ᭄ᬦᬫᬚ᭄ᬮᬾ᭞ᬳᭀᬭᬳᬗᬚᬦ᭄ᬫᬵᬢᬦ᭄ᬧᬢᬸᬢᬸᬃ᭞ᬢᬸᬲᬶᬂᬦᬯᬂᬳᬢᬸᬭᬦ᭄‌‌ᬚ᭄ᬮᬾᬓᬦ᭄ᬢᭂᬓᬾᬦ᭄ᬳᬦᬓ᭄ᬳᬸᬮᬶᬧᬤᬸᬤᬸᬲᬸᬦᬦ᭄᭟ᬦᬄᬧ᭄ᬭᬕᬢᬂᬲᬸᬩ᭞ᬢ᭄ᬯᬄᬳᬫ᭄ᬩᬸᬮ᭄ᬢᭀᬩᬧᬫᬧᬗ᭄ᬭᬲᬢᭂᬓᬾᬦᬶᬂᬘᭂᬦᬶᬂ᭞ᬦᬾᬚᬦᬶ ᬩᬧᬮ᭄ᬯᬲ᭄ᬓᬕᬸᬦᬸᬂᬳᬮᬲ᭄ᬦᬗᬸᬦ᭄ᬓᬾᬃᬢ᭄ᬢᬶ᭞ᬩ᭄ᬯᬢ᭄‌‌ᬗ᭄ᬬᬲᬬᬂᬩᬸᬓᬳᬸᬓᬸᬤᬦ᭄ᬘᭂᬦᬶᬗᬾ᭞ᬫ᭄ᬯᬄᬤᬾᬯᬾᬓ᭄ᬩᬧᬦᬾ᭟ᬲᬸᬳᬸᬤ᭄ᬗᭀᬫᭀᬂᬓᬾᬢᭀ᭞ᬮᬳᬸᬢ᭄ᬳᬶᬭᬵᬚᬧᬮᬫᬚᬮᬦ᭄᭟ᬳᬶᬤᬸᬃᬫᬮᬳᬸᬢ᭄ᬫᬘ᭄ᬩᬸᬃᬜᬸᬫ᭄ᬩᬄᬩᬧᬦᬾᬢᬸᬃᬬᬾᬄᬧᬦᬶᬗ᭄ᬳᬮᬦᬾᬗᭂᬫ᭄ᬩᭂᬂᬗᭂ᭠ ᬫ᭄ᬩᭂᬂᬧᬓᬢᬾᬮ᭄ᬢᬾᬮ᭄᭞ᬓᬗᭂᬦ᭄ᬩᬦ᭄ᬤᬾᬯᬾᬓ᭄ᬦᬾᬮᬘᬸᬃᬳᬸᬩᬸᬄᬫᬾᬫᬾᬩᬧ᭞ᬩ᭄ᬯᬶᬦ᭄ᬮᬸᬤᬶᬦ᭄ᬢᬦ᭄ᬧᬜᬫᬩ᭄ᬭᬬ᭞ᬮᬸᬤᬶᬦ᭄ᬢᬦᬶᬫᬫ᭄ᬧᬸᬄᬗᬸᬤ᭄ᬬᬂ᭞ᬩᬸᬤᬶᬫᬢᬓᭀᬦ᭄‌‌ᬜᬾᬦ᭄ᬢᬓᭀᬦᬶᬦ᭄᭞ᬫ᭄ᬭᬲᬭᬲᬢ᭄ᬯᬭᬜᬶᬤᬬᬂᬗᬶᬜ᭄ᬘᬶᬧᬂᬢᬸᬢᬸᬃᬳᬶᬩᬧᬦᬾᬳᬦᬾ

Auto-transliteration

[15 15B] 15 ttitaḥcahinetusingbnĕḥ. haketopatutebahanngamuñininbukaya. naḥyantusingjwariki‐mudñambadahin, bahancĕkakṣalahe, suratsasingidantitipinbukahiya, hapangl̥ĕgutwaratahumuñinsu rateketo. dadyanñapituwihanakririḥ, haketopanglemeksurate, pĕdashiyangrasarasanahĕntĕkendewekapliḥ, meḥprajanihiyangawal̥ĕshajisurat. yadyantanpasurat, deweknetĕkakĕma‐ ngidiḥkaplihanebwatpliḥbahanamatitaḥmwaḥngomongditu. naḥyanhaketobahanngamu‐ñinin, tusingkesūkṣmapĕsankĕnĕhe, sukabukacahingajahinhiya. mĕnbukayakenkenliyangkĕnĕḥneha‐ jahinhanemlaḥ, meḥmehandipabahanepĕjangal̥ĕgancahineketo. nanghingyanpakṣajĕngekmuwaḥjĕngahinkĕnĕḥnedihar̥ĕp'hanakelyu, tusingkemasiḥsakitbasangnesatuwuk, jalanetwarasahutina‐ [16 16A] 16 homongeketo, tusingjahadahapa. hapakranatusingñakmasahut, bahanngedal̥ĕmhiyasubatahubwatpahundukanemaparūm, bwinenuyamatĕmpilangdeweknengĕmpi, lakar̀nasarinkĕnĕḥhanake‐ padaditu. bwinnetakut'hiyamahannamajle, horahangajanmātanpatutur̀, tusingnawanghaturanjlekantĕkenhanak'hulipadudusunan. naḥpragatangsuba, twaḥhambultobapamapangrasatĕkeningcĕning, nejani bapalwaskagununghalasnangunker̀tti, bwatngyasayangbukahukudancĕninge, mwaḥdewekbapane. suhudngomongketo, lahut'hirājapalamajalan. hidur̀malahutmacbur̀ñumbaḥbapanetur̀yeḥpaninghalanengĕmbĕngngĕ‐ mbĕngpakateltel, kangĕnbandeweknelacur̀hubuḥmemebapa, bwinludintanpañamabraya, ludintanimampuḥngudyang, budimatakonñentakonin, mrasarasatwarañidayangngiñcipangtutur̀hibapanehane

Leaf 16

Image on Archive.org

[᭑᭖ 16B] ᭑᭖ ᬚᬢᬶ᭞ᬦᬗ᭄ᬳᬶᬂᬓᬾᬲᬲᬶᬤᬲᬶᬤᬬᬦ᭄ᬩᬳᬦ᭄ᬫᬓ᭄ᬱᬓ᭄ᬦᭂᬳᬾᬧ᭄ᬢᭂᬂᬍᬫᬄ᭞ᬳᬧᬂᬜᬶᬤᬬᬂᬚᬗᬶᬜ᭄ᬘᭂᬧᬂᬢᬸᬢᬸᬭᬾ᭠ᬳᬦᬾᬤᬳᬢ᭄ᬳᬸᬢ᭄ᬢᬫ᭚᭜᭚ᬓᬘ᭄ᬭᬶᬢᬚᬦᬶᬧᬚᬮᬦ᭄ᬦᬾᬳᬶᬭᬵᬚᬧᬮ᭞ᬲᬸᬩᬦᬧᬓ᭄ᬤᬶᬧᬦ᭄ᬢᬭᬦᬶᬂᬳᬮᬲᬾ᭞ᬓᬕᬾᬢ᭄ ᬦᭂᬧᬸᬓᬶᬦ᭄ᬧᬸᬜᬦ᭄ᬓ᭄ᬭᭀᬬᬕ᭄ᬥᬾᬧᭂᬲᬦ᭄᭞ᬤᭀᬦ᭄ᬦᬾᬳᭂᬫ᭄ᬩᭂᬦ᭄᭞ᬩᬗ᭄ᬲᬶᬂᬦᬾᬧᬲᬸᬭᬦ᭄ᬢᬶᬂ᭞ᬧᬦ᭄ᬢᭂᬲ᭄ᬧᭂᬲᬦ᭄᭠ᬢ᭄ᬗᭂᬢ᭄ᬢᭀᬗᭀᬲ᭄ᬳᬦᬓ᭄ᬫᬢᬧᬤᬶᬢᬸ᭟ᬮᬳᬸᬢ᭄ᬤᬶᬢᬸᬳᬶᬬᬫᬭᬾᬭᬾᬦ᭄᭞ᬫᬓᬶᬦ᭄ᬓᬶᬦ᭄ᬫᬰᬶᬮᬢᬶᬤᬶᬂᬗ᭄ᬭᬦᬰᬶᬓ᭞ᬫᬫᬸᬲ᭄ᬢᬶᬫᬋᬧ᭄ᬓᬗᬶ ᬦ᭄᭞ᬩᬳᬦ᭄ᬗᬺᬕᭂᬧᬂᬬᭀᬕᬲ᭄ᬫᬥᬶ᭞ᬚᬧᬫᬦ᭄ᬢ᭄ᬭᬦᬾᬫᬓ᭄ᬚᬂᬓᬯ᭄ᬤᬃ᭞ᬢᬸᬃᬰᬶᬯᬮᭀᬓᬦᬾᬫᬲᬶᬄᬓᬳᬶᬲ᭄ᬢᬶ᭞ᬦᬸ᭠ᬗ᭄ᬕᬮᬂᬩᬬᬸᬰᬩ᭄ᬤᬳᬶᬥᭂᬧ᭄᭟ᬬᬦ᭄ᬓᬸᬤᬂᬢᬶᬩᬦ᭄ᬫᬓ᭄ᬮᭀᬦ᭄ᬦᬾᬳᬶᬭᬵᬚᬧᬮᬦᬗᬸᬦ᭄ᬓᬶᬃᬢ᭄ᬢᬶᬤᬶᬢᬸ᭞ᬢᬸᬲᬶᬂᬧᭂᬲᬦ᭄ᬫᬓ᭄ᬮᬶᬲᬶᬓ᭄ᬮᬶᬲᬶᬓᬦ᭄ ᬩᬦ᭄‌‌ᬍᬕᬦᬾᬗᬶᬦᭂᬳᬂᬬᭀᬕᬲ᭄ᬫᬥᬶ᭟᭜᭟ᬢᬦᬸᬘᬧᬦ᭄ᬦᬾᬚᬦᬶ᭞ᬓᬘ᭄ᬭᬶᬢᬳᬶᬤᬸᬃᬫᬳ᭄ᬦᬸᬚᬸᬫᬄᬦᬾᬧᬤᬶᬤᬶᬳᬶᬦᬓᬯ᭄ᬮᬲᬲᬶᬄ᭞ᬩᬳᬦ᭄ᬓᬗᭂᬦ᭄ᬢᭂᬓᬾᬦ᭄ᬳᬶᬩᬦᬾᬮᬘᬸᬃ᭞ᬳᬸᬩᬸᬄᬫᬾᬫᬾᬢᬶᬗ᭄ᬕᬮ᭄ᬩᬧᬗᬮᬲ᭄ᬦᬗᬸᬦ᭄ᬓᬾᬃᬢ᭄ᬢᬶ᭟ᬩ᭄ᬯᬶᬦᬾᬢᬸᬲᬶᬂᬳᭂ [᭑᭗ 17A] ᭑᭗ ᬗ᭄ᬲᬧ᭄ᬳᭂᬂᬲᬧ᭄‌‌ᬢ᭄ᬓᬾᬦ᭄ᬧᬶᬢᬸᬢᬸᬃᬩᬧᬦᬾ᭞ᬭᬲᬫᬓᭂᬮᬧ᭄ᬓᭂᬮᬧ᭄ᬤᬶᬫᬢ᭞ᬫᬕᬦ᭄ᬢᬸᬂᬕᬦ᭄ᬢᬸᬂᬤᬶᬳᬢᬶ᭞ᬮᬶᬮᬬᬂᬢᭀᬂᬤᬤᬶᬮᬶᬮᬵ᭞ᬮᬶᬧᬸᬭᬂᬳᬶᬥᭂᬧᬾᬲᬸᬫᬶᬗ᭄ᬓᬶᬦ᭄ᬧᬮᬶᬂ᭞ᬭᬲᬩᬸᬓᬕ᭄ᬥᬳᬾᬧᬦ᭄ᬢᬶᬕᬂ᭞ᬜᬕ᭄ᬢᭀᬂᬲᬶᬤᬩᬦ᭄ᬦᬸᬧ᭄ᬢᬸᬧᬂᬳᬶᬩᬸᬓ᭄ᬓᭂᬦᭂᬳᬾ ᭞ᬮ᭄ᬬᬸᬧᭂᬲᬦ᭄‌‌ᬬᬜ᭄ᬘᬭᬶᬢᬬᬂᬩ᭄ᬯᬢ᭄ᬓᬲ᭄ᬥᬶᬳᬦᬾᬳᬦᬓᬾᬓᬢᬶᬗ᭄ᬕᬮ᭄‌‌ᬬᬬᬄᬭᬾᬦᬮᬦ᭄ᬧᬕᬸᬭ᭄ᬯᬦ᭄᭟᭜᭟ᬤᬾᬦᬶᬂᬫᬓ᭄ᬮᭀᬩᬳᬦᬩᬸᬓᬓᬾᬢᭀ᭞ᬤᬤᬶᬫ᭄ᬢᬸᬳᬶᬥᭂᬧ᭄ᬦᬾᬗᬶᬭᬾᬬᬂᬤᬾᬯᬾᬓ᭄ᬮᬓᬃᬪᬓ᭄ᬢᬶᬢ᭄ᬓᬾᬦ᭄ᬳ᭄ᬬᬂ᭞ᬜᬮᬦᬂᬧᬶᬢᬸᬢᬸᬃᬩ ᬧᬦ᭄ᬦᬾᬳᬦᬾᬲᬸᬩ᭟ᬮ᭄ᬯᬶᬭᬾ᭞ᬫᬧᬶᬲᬕ᭞ᬫᬩᬜ᭄ᬚᬃ᭞ᬫᬜᬫᬩ᭄ᬭᬬ᭞ᬫᬲᬯᬶᬢ᭄ᬭ᭞ᬫ᭄ᬯᬄᬳᬦᬾᬗᭂᬦ᭄ᬢᬶᬓᬂᬓᭂᬦᭂᬄᬜᬫᬩ᭄ᬭᬬᬦᬾᬳᬦᬾᬳᬬᬸ᭞ᬳᭂᬦ᭄ᬢᭀᬧᭂᬲᬦ᭄ᬳᬦᬾᬓᬭᬶᬜ᭄ᬘᬶᬓᬂᬧ᭄ᬢᭂᬂᬍᬫᬄ᭞ᬳᬧᬂᬳᭂᬤᬗᬦ᭄ᬢᬶᬫᬳᬦ᭄ᬳᭀᬫᭀᬂᬍᬢᭂᬄᬳᬦᬂ᭠ ᬳᬩᬸᬓᬸ᭞ᬳᬸᬮᬶᬳᬶᬤᬸᬧ᭄‌‌ᬲᬫ᭄ᬧᬾᬫᬢᬶ᭞ᬳᬓᬾᬢᭀᬧᭂᬲᬦ᭄ᬧᬶᬦᬸᬦᬲ᭄ᬦᬾ᭟ᬩ᭄ᬯᬶᬦ᭄ᬦᬾᬳᬶᬬᬩᬶᬲᬧᭂᬲ᭠ᬦ᭄ᬗᬮᬧ᭄ᬧᬶᬢᬺᬱ᭄ᬡᬦ᭄ᬳᬦᬓ᭄᭞ᬮᬶᬬᬸᬳᬦᬓᬾᬧᬤᬜᬸᬫ᭄ᬩᬸᬗᬂ᭞ᬩᬳᬦ᭄ᬓᬘ᭄ᬭᬶᬓᬦᬾᬩᬶᬲᬫᬢᬶᬢᬄ᭞ᬲᬾᬩᭂᬢ᭄ᬗᬮᬧ᭄ᬗᬭᬧ᭄ᬲ

Auto-transliteration

[16 16B] 16 jati, nanghingkesasidasidayanbahanmakṣaknĕheptĕngl̥ĕmaḥ, hapangñidayangjangiñcĕpangtuture‐hanedahat'huttama // • // kacritajanipajalannehirājapala, subanapakdipantaraninghalase, kaget nĕpukinpuñankroyagdhepĕsan, donnehĕmbĕn, bangsingnepasuranting, pantĕspĕsan‐tngĕttongoshanakmatapaditu. lahutdituhiyamareren, makinkinmaśilatidingngranaśika, mamustimar̥ĕpkangi n, bahanngr̥ĕgĕpangyogasmadhi, japamantranemakjangkawdar̀, tur̀śiwalokanemasiḥkahisti, nu‐nggalangbayuśabdahidhĕp. yankudangtibanmaklonnehirājapalanangunkir̀ttiditu, tusingpĕsanmaklisiklisikan banl̥ĕganenginĕhangyogasmadhi \\•\\ tanucapannejani, kacritahidur̀mahnujumaḥnepadidihinakawlasasiḥ, bahankangĕntĕkenhibanelacur̀, hubuḥmemetinggalbapangalasnangunker̀tti. bwinetusinghĕ [17 17A] 17 ngsap'hĕngsaptkenpitutur̀bapane, rasamakĕlapkĕlapdimata, magantunggantungdihati, lilayangtongdadililā, lipuranghidhĕpesumingkinpaling, rasabukagdhahepantigang, ñagtongsidabannuptupanghibukkĕnĕhe , lyupĕsanyañcaritayangbwatkasdhihanehanakekatinggalyayaḥrenalanpagurwan \\•\\ deningmaklobahanabukaketo, dadimtuhidhĕpnengireyangdeweklakar̀bhaktitkenhyang, ñalanangpitutur̀ba pannehanesuba. lwire, mapisaga, mabañjar̀, mañamabraya, masawitra, mwaḥhanengĕntikangkĕnĕḥñamabrayanehanehayu, hĕntopĕsanhanekariñcikangptĕngl̥ĕmaḥ, hapanghĕdangantimahanhomongl̥ĕtĕḥhanang‐ habuku, hulihidupsampemati, haketopĕsanpinunasne. bwinnehiyabisapĕsa‐nngalappitr̥ĕṣṇanhanak, liyuhanakepadañumbungang, bahankacrikanebisamatitaḥ, sebĕtngalapngarapsa

Leaf 17

Image on Archive.org

[᭑᭗ 17B] ᭑᭗ ᬮ᭄ᬯᬶᬭᬶᬂᬓᬃᬬ᭄ᬬ᭞ᬢᬸᬃᬭᬶᬭᬶᬄᬫᬢᬓᭀᬦ᭄ᬢᬓᭀᬦ᭄᭟ᬢᬸᬲᬶᬂᬗᭂᬫᬃᬳᬶᬬᬫ᭄ᬮᬚᬄᬗᬮᬶᬄᬤᬬ᭞ᬰᬵᬲ᭄ᬢ᭄ᬭᬦᬾᬲᬳᬶᬲ᭠ᬳᬶᬕᬸᬮᬶᬓ᭞ᬳᬸᬧᬫᬬᬗᬫᬾᬫᬾᬩᬧᬦ᭄ᬦᬾ᭞ᬚᬮᬦ᭄ᬢᭀᬗᭀᬲ᭄ᬫᬢᬓᭀᬦ᭄ᬲᬳᬶᬲᬳᬶᬧ᭄ᬢᭂᬂᬫ᭄ᬯᬄᬍᬫᬄ᭟ᬧᬶᬢᬸᬢᬸᬭᬾᬳᬗ᭄ᬕᭀ᭠ ᬦᬦ᭄ᬕᬸᬮ᭄ᬓᭂᬦᭂᬄᬦᬾ᭞ᬳᬧᬂᬳᭂᬤᬭᬚᬄᬢᬫᬳᬾᬫᬫᬹᬃᬢ᭄ᬢᬶ᭞ᬚ᭄ᬮᬾᬦᬾᬳᬧᬂᬳᬾᬗ᭄ᬕᬮ᭄ᬓᬲᬸᬧᬢ᭄ᬩᬳᬦ᭄ᬫᭂᬮᬄ᭟᭠ᬳᬓᬾᬢᭀᬤᭀᬕᬾᬦ᭄ᬕᬕᬸᬮᬓ᭄ᬦᬾᬜᬩ᭄ᬭᬦ᭄ᬤᬶᬦᬳᬶᬤᬸᬃᬫ᭄ᬫᬤᬶᬧᬲᬭᬾᬬᬦ᭄ᬦᬾ᭞ᬢ᭄ᬯᬭᬲᬸᬳᬸᬤ᭄ᬲᬸᬳᬸᬤ᭄ᬮᬓᬃᬫᬓᬾᬃᬢ᭄ᬢᬶᬳᬦᬾ ᬫ᭄ᬮᬄ᭞ᬮᬓᬃᬗᬶᬮᬗᬂᬦᬾᬲᬃᬯ᭄ᬯᬍᬢᭂᬄ᭚᭜᭚ᬲᬸᬩᬋᬓᭀᬫᬓ᭄ᬮᭀᬧᭂᬲᬦ᭄ᬗᬶᬜ᭄ᬘᭂᬧᬂᬧᬶᬢᬸᬢᬸᬃᬩᬧᬦᬾ᭞᭠ᬤᬶᬢᬸᬳᬶᬬᬫᬭᬳᬦ᭄ᬢᭂᬂᬫᬮᬮᬶᬓᬩᬜ᭄ᬘᬶᬗᬄ᭞ᬢᬗ᭄ᬓᬶᬮ᭄ᬭᬶᬂᬳᬶᬤᬳᬦᬓᬾᬳᬕᬸᬂᬤᬶᬯᬦᭀᬓ᭄ᬮᬶᬂ᭟ᬤᬾᬦᬶᬂᬧᭂᬧᭂᬲ᭄ᬧᭂᬲᬦ᭄ᬳᬶᬬ ᬓᬩᬜ᭄ᬘᬶᬗᬄ᭞ᬢᬫᬳᬩᭂᬢ᭄ᬦᬾᬦᬗ᭄ᬓᬶᬮ᭄‌‌ᬢ᭄ᬓᬾᬦ᭄ᬳᬶᬤᬳᬦᬓᬾᬳᬕᬸᬂ᭞ᬤᬤ᭄ᬬᬦ᭄ᬜᬧᬭᬧᬸᬗ᭄ᬕᬯᬢᬡ᭄ᬥᬫᬦ᭄ᬢ᭄ᬭᬶᬦᬾᬫ᭄ᬯᬄᬳᬶᬤᬳᬦᬓᬾᬳᬕᬸᬂᬧᬤᬳᬸᬦᬶᬂ᭞ᬢᬸᬃᬲᬬᬗᬗᬧᭂᬲᬦ᭄ᬳᬶᬤᬸᬃᬫ᭞ᬩ᭄ᬯᬢ᭄ᬓᬘ᭄ᬭᬶᬓᬦᬾᬭᬶᬭᬶᬄᬫᬰᬶᬮ᭞ᬯᬶᬘᬓ᭄ᬱ [᭑᭘ 18A] ᭑᭘ ᬡᬢᬸᬃᬧ᭄ᬭᬚ᭄ᬜᬦ᭄ᬢᬸᬲᬶᬂᬓ᭄ᬯᬂᬓ᭄ᬯᬂᬤᬬ᭟ᬲᬲᬸᬩᬦᬾᬳᬦ᭄ᬢᭂᬲ᭄ᬜᬸᬂᬓ᭄ᬮᬶᬢ᭄᭞ᬫᬯᬸᬯᬸᬄᬯᬸᬯᬸᬄᬳᬸᬮᬗᬸᬦ᭄ᬳᬦᬓᬾᬗᬢᭀᬦᬂ᭞ᬳᬤᭂᬕ᭄ᬜᬦᬾᬮᬗ᭄ᬲᬶᬂᬮᬜ᭄ᬚᬃ᭞ᬧᬫᬸᬮᬸᬦᬾᬕᬥᬶᬂᬜᬮᬂ᭞ᬢᬸᬃᬭᬕᬦᬾᬗ᭄ᬯᬭᬗ᭄ᬓᬵ᭞ᬳᬲᬶᬂᬲᭀᬮᬳᬗᬫ᭄ᬯᬄᬳᬸᬘᬧᬗᬫ ᬓᭂᬚᬂᬓᬸᬫᬳᬲᬶᬄᬓᬸᬫᬮᬸᬮᬸᬢ᭄᭞ᬩ᭄ᬯᬢ᭄ᬩᬕᬸᬲ᭄ᬦᬾᬢᬦ᭄ᬧᬢᬦ᭄ᬤᬶᬂ᭞ᬭᬲᬓᬲᭀᬃᬲᬗ᭄ᬳ᭄ᬬᬂᬲ᭄ᬫᬭ᭟ᬮᬸᬄᬫ᭄ᬯᬦᬶᬤᭂᬳᬢ᭄ᬭᬸᬦᬦᬾᬫᬓᭂᬚᬂᬓᬲ᭄ᬫᬵᬭᬦ᭄ᬗᬢᭀᬦᬂᬳᬶᬤᬸᬃᬫ᭟ᬲ᭄ᬥᭂᬓ᭄ᬤᬶᬦᬳᬦᬸᬳᬶᬤᬸᬃᬫ᭄ᬫᬮ᭄ᬯᬲ᭄ᬓᬳᬮᬲ᭄ᬕᬸᬦᬸᬗᬾᬗ᭄ᬭᬸᬭᬸᬄᬩᬧᬦ᭄ᬦᬾᬦᬗᬸᬦ᭄ᬓᬾᬃ ᬢ᭄ᬢᬶ᭞ᬓᬕᬾᬢ᭄ᬦᭂᬓᭂᬤ᭄ᬤᬶᬢᬸᬮᬳᬸᬢ᭄ᬦᭂᬧᬸᬓᬶᬦ᭄ᬭᬓ᭄ᬱᬲᬢ᭄ᬮᬸᬂᬤᬶᬭᬶ᭞ᬳᬦᬾᬳᬤᬶᬭᬶᬮᬸᬄ᭞ᬫᬳᬤᬦ᭄ᬳᬶᬤᬸᬃᬕ᭄ᬕᬤᬾ᭠ᬦᬶᬂ᭞ᬳᬦᬾᬤ᭄ᬯᬂᬤᬶᬭᬶᬫ᭄ᬯᬦᬶ᭞ᬫᬳᬤᬦ᭄ᬳᬶᬓᬵᬮᬤᬺᬫ᭄ᬪᬢ᭄ᬓᬾᬦ᭄ᬳᬶᬓᬮᬫᬸᬓ᭟ᬫᬓᬢᬢ᭄ᬮᬸᬰᬓ᭄ᬢᬶᬰᬓ᭄ᬢᬶᬢᬸᬃᬕᬮᬓ᭄ᬕᬮᬓ᭄᭞ᬢᬸᬲᬶᬂ ᬲᬸᬳᬸᬤ᭄ᬲᬸᬳᬸᬤ᭄ᬗᬯᬾᬚ᭄ᬮᬾᬫ᭄ᬯᬄᬗᬸᬲᬓᬲᬶᬓ᭄ᬯᬢᭂᬓ᭄ᬢᬧᬦᬾ᭟ᬳᭂᬦ᭄ᬢᭀᬫᬓᬰᬢ᭄ᬭᬸᬦ᭄ᬳᬶᬲᬶᬦ᭄ᬳᬮᬲᬾᬫᬓ᭄ᬚᬂᬫ᭄ᬯᬄᬲᬃᬯ᭄ᬯᬢᬧᬦᬾ᭞ᬲᬳᬶᬲᬳᬶᬫᬳᬶᬤᭂᬃᬳᬶᬤᭂᬭᬦ᭄ᬤᬶᬢ᭄ᬗᬄᬳᬮᬲᬾᬗᬮᬶᬄᬢᬢᬥᬳᬦ᭄ᬳᬶᬭᬵᬓ᭄ᬱᬲᬫ᭄ᬯᬦᬶᬢᭀᬢᭀᬦᬦ᭄᭟ᬳᬶᬭᬵ

Auto-transliteration

[17 17B] 17 lwiringkar̀yya, tur̀ririḥmatakontakon. tusingngĕmar̀hiyamlajaḥngaliḥdaya, śāstranesahisa‐higulika, hupamayangamemebapanne, jalantongosmatakonsahisahiptĕngmwaḥl̥ĕmaḥ. pituturehanggo‐ nan'gulkĕnĕḥne, hapanghĕdarajaḥtamahemamūr̀tti, jlenehapanghenggalkasupatbahanmĕlaḥ. ‐haketodogen'gagulakneñabrandinahidur̀mmadipasareyanne, twarasuhudsuhudlakar̀maker̀ttihane mlaḥ, lakar̀ngilangangnesar̀wwal̥ĕtĕḥ // • // subar̥ĕkomaklopĕsanngiñcĕpangpitutur̀bapane, ‐dituhiyamarahantĕngmalalikabañcingaḥ, tangkilringhidahanakehagungdiwanokling. deningpĕpĕspĕsanhiya kabañcingaḥ, tamahabĕtnenangkiltkenhidahanakehagung, dadyanñaparapunggawataṇdhamantrinemwaḥhidahanakehagungpadahuning, tur̀sayangangapĕsanhidur̀ma, bwatkacrikaneririḥmaśila, wicakṣa [18 18A] 18 ṇatur̀prajñantusingkwangkwangdaya. sasubanehantĕsñungklit, mawuwuḥwuwuḥhulangunhanakengatonang, hadĕgñanelangsinglañjar̀, pamulunegadhingñalang, tur̀raganengwarangkā, hasingsolahangamwaḥhucapangama kĕjangkumahasiḥkumalulut, bwatbagusnetanpatanding, rasakasor̀sanghyangsmara. luḥmwanidĕhatrunanemakĕjangkasmāranngatonanghidur̀ma. sdhĕkdinahanuhidur̀mmalwaskahalasgunungengruruḥbapannenangunker̀ tti, kagetnĕkĕdditulahutnĕpukinrakṣasatlungdiri, hanehadiriluḥ, mahadanhidur̀ggade‐ning, hanedwangdirimwani, mahadanhikāladr̥ĕmbhatkenhikalamuka. makatatluśaktiśaktitur̀galakgalak, tusing suhudsuhudngawejlemwaḥngusakasikwatĕktapane. hĕntomakaśatrunhisinhalasemakjangmwaḥsar̀wwatapane, sahisahimahidĕr̀hidĕranditngaḥhalasengaliḥtatadhahanhirākṣasamwanitotonan. hirā

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org

Leaf 67

Image on Archive.org

Leaf 68

Image on Archive.org

Leaf 69

Image on Archive.org

Leaf 70

Image on Archive.org

Leaf 71

Image on Archive.org

Leaf 72

Image on Archive.org

Leaf 73

Image on Archive.org

Leaf 74

Image on Archive.org