gaguritan-galang-apadhang

Original on Archive.org

Front and Back Covers

Image on Archive.org

PERPUSTAKAAN KTR. DOKBUD BALI PROP. BALI G/VII/3/DOKBUD Judul : GAGURITAN GALANG APADHANG. Panj. 45 cm. Leb. 3,5 cm. Jml. 8/9 lb. Asal : Desa Mantring, Petak, Gianyar. [᭑ 1A] Judul : GAGURITAN GALANG APADHANG. Panj. 45 cm. Leb. 3,5 cm. Jml. 8/9 lb. Asal : Desa Mantring, Petak, Gianyar.

Auto-transliteration

PERPUSTAKAAN KTR. DOKBUD BALI PROP. BALI G/VII/3/DOKBUD Judul : GAGURITAN GALANG APADHANG. Panj. 45 cm. Leb. 3,5 cm. Jml. 8/9 lb. Asal : Desa Mantring, Petak, Gianyar. [1 1A] Judul : GAGURITAN GALANG APADHANG. Panj. 45 cm. Leb. 3,5 cm. Jml. 8/9 lb. Asal : Desa Mantring, Petak, Gianyar.

Leaf 1

Image on Archive.org

[᭑ 1B] ᭑ ᭚᭐᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚ᬓᬤᬶᬳᬶᬤᬲᬂᬳ᭄ᬬᬂᬲᬹᬃᬬ᭄ᬬ᭞ᬲᬢᬢᬫᭂᬤᬮ᭄ᬗᬭᬜ᭄ᬚᬶᬂ᭞ᬍᬫᬄᬧᭂᬢᭂᬂᬲᬮᬶᬂᬢᬶᬫ᭄ᬩᬮ᭄᭞ᬰᬰᬶᬳᬾᬫᬲᬶᬄᬗᬶᬦᬹᬢᬶᬦ᭄᭞ᬳᬶᬘᬮ᭄ᬧᬦᭂᬲ᭄ᬓᬲᬫ᭄ᬩᬸᬗᬶᬦ᭄᭞ᬳᬦ᭄ᬢᬸᬓ᭄ᬲᬩᭂᬄᬩ᭄ᬮᬩᬸᬃᬕᭂᬦ᭄ᬢᬸᬄ᭞ᬧᬫᬃᬕ᭄ᬕᬶᬦ᭄ᬤᬯᬸᬳᬾᬤᬩ᭄ᬤᬩ᭄᭞ᬢᬦ᭄ᬤᬤᭀᬲ᭄ᬢᬯᬄᬳᬓᬶᬤᬶᬓ᭄᭞ᬦᬾᬧᬸ ᬦᬶᬓᬸ᭞ᬳᬭᬂᬲᬦᬾᬫᬗ᭄ᬭᬲᬬᬂ᭟ᬳᬸᬭᬶᬧ᭄ᬢᬍᬃᬲᬧᬸᬦᬶᬓ᭞ᬓᬤᬶᬘᬓ᭄ᬭᬦᬶᬂᬧᬤᬢᬶ᭞ᬲᬓᬤᬶᬢᭀᬬᬦ᭄ᬲᬵᬕᬭ᭞ᬲᬢᬢᬳᬶᬧᬸᬦ᭄ᬫᬩᬤᬶᬂ᭞ᬲᬫ᭄ᬧᬸᬦ᭄ᬫᭂᬩᭂᬢ᭄ᬳᬳᬤ᭄ᬫᬮᬶᬄ᭞ᬲᭂᬩᭂᬢ᭄ᬮᬶᬬᬂᬲᬮᬶᬂᬲᬫ᭄ᬩᬸᬂ᭞ᬭᬶᬂᬤᬾᬯᬾᬓᬾᬬᬸᬓ᭄ᬢᬶᬢᬸᬗ᭄ᬕᬶᬮ᭄᭞ᬩᬾᬜ᭄ᬚᬂᬧᬸᬗ᭄ᬓᬸᬃ᭞ᬫᬗ᭄ᬤᬾᬦᬾᬢᬦ᭄ᬓᬧᬸᬧᬸᬗᬦ᭄᭟ ᬬᬸᬰᬦᬾᬲᬬᬦ᭄ᬗᬸᬋᬤᬂ᭞ᬭᬕᬭᬾᬬᭀᬤ᭄ᬓᭂᬦᬶᬕᭂᬭᬶᬂ᭞ᬳᬸᬦ᭄ᬢᬸᬕᭀᬬᬄᬧᬘᭂᬮᭀᬫ᭄ᬧᭀᬂ᭞ᬲᬶᬸᬭᬫ᭄ᬩᬸᬢᬾᬲᬫ᭄ᬧᬸᬦ᭄ᬫᬫᬸᬢᬶᬄ᭞ᬧᬜᬶᬗᬓᬦ᭄ᬲᬫ᭄ᬧᬸᬦ᭄ᬧᬶᬲ᭄ᬧᬶᬲ᭄᭞ᬧᭂᬘᬾᬳᬦ᭄ᬢᬸᬃᬲ᭄ᬭᬬᬂᬲ᭄ᬭᬸᬬᬸᬂ᭞ᬓᬸᬧᬶᬗᬾᬢᬦ᭄ᬫᬤᬶᬗᭂᬳᬂ᭞ᬳᬗ᭄ᬓᬶᬳᬦᬾᬤᬳᬲ᭄ᬤᬶᬳᬶᬲ᭄᭞ᬫᬲᬶᬄᬳᭂᬦᬸ᭞ᬫᬗᭂᬍᬤᬂ ᬳᬧᬂᬩᬕ᭄ᬬ᭟ᬲᬓᬦ᭄ᬢᬸᬦᬾᬫᬳᬶᬭᬶᬧ᭞ᬚᬶᬯᬭᬶᬂᬭᬕᬦᬾᬢᬸᬗ᭄ᬕᬶᬮ᭄᭞ᬲᬓᬦ᭄ᬢᬸᬦ᭄ᬜᭂᬦᭂᬂᬧᬸᬦᬶᬓ᭞ᬓᬸᬮᬯᬃᬕ᭄ᬕᬧᬤᬳᬲᬶᬄ᭞ᬦᬧᬶᬫᬮᬶᬄᬬᬦᬶᬂᬲᬸᬕᬶᬄ᭞ᬮᬶᬬᬸᬩ᭄ᬭᬬᬦᬾᬫᬗ᭄ᬮᬮᬸᬜᬸᬄ᭞ᬫᬧᬶᬫᬧᬶᬗᬺᬤᬦᬬᬂ᭞ᬫᬗ᭄ᬤᬾᬦ᭄ᬭᬳᬬᬸᬦᬾᬓᬧᬗ᭄ᬕᬶᬄ᭞ᬦᬾᬧᬸᬦᬶᬓᬸ᭞ᬭᬶᬂ [᭒ 2A] ᬭᬶᬂᬚᬕᬢᬾᬲᬫ᭄ᬧᬸᬦ᭄ᬓᭂᬢᬄ᭟ᬦᬗ᭄ᬳᬶᬂᬬᬦᬶᬂᬲᬫ᭄ᬧᬸᬦ᭄ᬭᭀᬕ᭞ᬳᬗ᭄ᬓᬶᬳᬦᬾᬦᬾᬦ᭄ᬢᭂᬦ᭄ᬓᬭᬶ᭞ᬧᬸᬦᬶᬓᬓᬩᬯᭀᬲ᭄‌ᬲᬾᬤ᭞ᬢᬦ᭄ᬯᬾᬦ᭄ᬢᭂᬦ᭄ᬕᬸᬡᬦᬾᬫᬮᬶᬄ᭞ᬲᬫᬶᬬᬧᬤᬫᬩᬤᬶᬂ᭞ᬧᬶᬢᬺᬱ᭄ᬡᬦᬾᬤᬤᬶᬢᬓᬸᬢ᭄᭞ᬦᬧᬶᬫᬮᬶᬄᬜᬫᬩ᭄ᬭᬬ᭞ᬭᬩᬶᬦᬾᬢᬍᬃᬗᬚ᭄ᬭᭀᬳᬶᬦ᭄᭞ᬭᬾᬄᬧᬸᬦᬶᬓᬸ᭞ ᬦᬧᬶᬦᬾᬧᬢᬹᬢ᭄ᬲᬭᬢᬂ᭟ᬬᬦᬶᬂᬲᬫ᭄ᬧᬸᬦ᭄ᬲᬳᬸᬦᬶᬗ᭞ᬤᬕᬶᬂᬳᬶᬤᬸᬧᬾᬲᬸᬚᬢᬶ᭞ᬗᬾᬦ᭄ᬤᬄᬧᬾᬮᬕ᭄‌ᬬᬦ᭄ᬭᬯᭀᬲᬂ᭞ᬲᬢᬢᬦᬾᬦ᭄ᬢᭂᬦ᭄ᬗᬶᬦᬹᬢᬶᬦ᭄᭞ᬲᬸᬩᬤᬶᬢᬸᬦᬕᬶᬄᬤᬶᬦᬶ᭞ᬲᬸᬩᬓᬾᬦᬾᬤᭀᬢ᭄ᬧᬸᬦᬶᬓᬸ᭞ᬫᬲᬶᬄᬢᭀᬦ᭄ᬤᬾᬦ᭄‌ᬫ᭄ᬭᬲᬩᬕ᭄ᬬ᭞ᬯᬶᬭᬾᬄᬢᬦ᭄ᬳᬸᬦᬶᬂᬲᬸᬚᬢᬶ᭞ ᬗᭂᬫ᭄ᬧᬸᬳᬶᬤᬸᬧ᭄᭞ᬧᬢᬸᬢ᭄ᬭᬲᬬᬂᬤᬶᬭᬕ᭟ᬬᬦ᭄‌ᬬᬓ᭄ᬢᬶᬲᬫ᭄ᬧᬸᬦ᭄‌ᬗ᭄ᬭᬲᬬᬂ᭞ᬲᬓᬦ᭄ᬢᬸᬦ᭄ᬫᬬᬸᬰᬳᬮᬶᬢ᭄᭞ᬢᭂᬮᬄᬳᬗ᭄ᬕᭀᬦ᭄ᬫᬧ᭄ᬮᬮ᭄ᬬᬦᬦ᭄᭞ᬤᬳᬢ᭄ᬭᬸᬡᬲᬕᬾᬢ᭄ᬦᬫ᭄ᬧᬶ᭞ᬳᬶᬭᬶᬓᬫᬮᬶᬄᬫᬕᬸᬮᬶᬲ᭄᭞ᬦᬫ᭄ᬢᬫᬶᬦ᭄ᬲᭂᬫᬭᬤᬸᬤᬸ᭞ᬳᬶᬢᭂᬧ᭄ᬗᬶᬢᬸᬗᬂᬕᬕᬾᬮᬦ᭄᭞ ᬧᬂᬮᬶᬬᬸᬩᬓᬢ᭄‌ᬘᬶᬧ᭄ᬘᬶᬧᬶᬦ᭄᭞ᬧᬂᬓᬲᬸᬫ᭄ᬩᬸᬂ᭞ᬓᬕᬸᬕᬸᬤᬶᬫᬺᬘᬧᬤ᭟ᬢᬦ᭄‌ᬫ᭄ᬭᬲᬲᬕᬾᬢᬦ᭄ᬢᬸᬯ᭞ᬢᬸᬯᬸᬄᬢᭀᬂᬤᬤᬶᬓᭂᬮᬶᬤᬶᬦ᭄᭞ᬢᬸᬯᬢᬸᬯᬸᬄᬮᬶᬬᬸᬧ᭄ᬬᬦᬓ᭄᭞ᬲᬕᬾᬢ᭄ᬲᬸᬩᬓᬧᬧᬕᬶᬦ᭄᭞ᬫᬗ᭄ᬤᬾᬦᬾᬫᬢᬓᬶᬢᬓᬶ᭞ᬗᬫ᭄ᬧᬶᬮᬂᬢᬶᬗ᭄ᬓᬳᬾ

Auto-transliteration

[1 1B] 1 // 0 // oṁawighnamastu // kadihidasanghyangsūr̀yya, satatamĕdalngarañjing, l̥ĕmaḥpĕtĕngsalingtimbal, śaśihemasiḥnginūtin, hicalpanĕskasambungin, hantuksabĕḥblabur̀gĕntuḥ, pamar̀ggindawuhedabdab, tandadostawaḥhakidik, nepu niku, harangsanemangrasayang. huriptal̥ĕr̀sapunika, kadicakraningpadati, sakaditoyansāgara, satatahipunmabading, sampunmĕbĕt'hahadmaliḥ, sĕbĕtliyangsalingsambung, ringdewekeyuktitunggil, beñjangpungkur̀, mangdenetankapupungan. yuśanesayanngur̥ĕdang, ragareyodkĕnigĕring, huntugoyaḥpacĕlompong, s̶rambutesampunmamutiḥ, pañingakansampunpispis, pĕcehantur̀srayangsruyung, kupingetanmadingĕhang, hangkihanedahasdihis, masiḥhĕnu, mangĕl̥ĕdang hapangbagya. sakantunemahiripa, jiwaringraganetunggil, sakantunñĕnĕngpunika, kulawar̀ggapadahasiḥ, napimaliḥyaningsugiḥ, liyubrayanemanglaluñuḥ, mapimapingr̥ĕdanayang, mangdenrahayunekapanggiḥ, nepuniku, ring [2 2A] ringjagatesampunkĕtaḥ. nanghingyaningsampunroga, hangkihanenentĕnkari, punikakabawosseda, tanwentĕn'guṇanemaliḥ, samiyapadamabading, pitr̥ĕṣṇanedaditakut, napimaliḥñamabraya, rabinetal̥ĕr̀ngajrohin, reḥpuniku, napinepatūtsaratang. yaningsampunsahuninga, daginghidupesujati, ngendaḥpelagyanrawosang, satatanentĕnnginūtin, subaditunagiḥdini, subakenedotpuniku, masiḥtondenmrasabagya, wireḥtanhuningsujati, ngĕmpuhidup, patutrasayangdiraga. yanyaktisampunngrasayang, sakantunmayuśahalit, tĕlaḥhanggonmaplalyanan, dahatruṇasagetnampi, hirikamaliḥmagulis, namtaminsĕmaradudu, hitĕpngitunganggagelan, pangliyubakatcipcipin, pangkasumbung, kagugudimr̥ĕcapada. tanmrasasagetantuwa, tuwuḥtongdadikĕlidin, tuwatuwuḥliyupyanak, sagetsubakapapagin, mangdenematakitaki, ngampilangtingkahe

Leaf 2

Image on Archive.org

[᭒ 2B] ᭒ ᬳᬤᬸᬧ᭄᭞ᬧᬸᬦᬶᬓᬩᭂᬓᭂᬮᬂᬲᬾᬤ᭞ᬯᬶᬭᬾᬄᬲᬶᬂᬤᬤᬶᬮᬾᬫ᭄ᬧᬲᬶᬦ᭄᭞ᬭᬾᬄᬧᬸᬦᬶᬓᬸ᭞ᬲᬢ᭄ᬫᬓᬜᬫᬦᬶᬱ᭄ᬓᬮ᭟ᬢᭂᬕᬭᬂᬬᬢᬍᬓ᭄ᬢᭂᬓᬂ᭞ᬩᭂᬓᭂᬮ᭄ᬤᬶᬲᬸᬩᬦᬾᬫᬢᬶ᭞ᬩᭀᬬᬳᬃᬣᬭᬵᬚᬩ᭄ᬭᬡ᭞ᬯᬦ᭄ᬢᬄᬮᬫ᭄ᬧᬳᬾᬧᬤᬶᬤᬶ᭞ᬮᬫ᭄ᬧᬳᬾᬳᬦᬾᬲᬸᬚ ᬢᬶ᭞ᬲᬚ᭄ᬭᭀᬦᬶᬂᬫᬗ᭄ᬭᬓ᭄ᬱᬳᬶᬤᬸᬧ᭄᭞ᬧᬢᬸᬢ᭄‌ᬗᬸᬕᭀᬦᬶᬦ᭄ᬓᬥᬃᬫ᭄ᬫᬦ᭄᭞ᬫᬬᬚ᭄ᬜᬫ᭄ᬯᬂᬲᬸᬩᬓ᭄ᬢᬶ᭞ᬯᬶᬭᬾᬄᬇᬓᬸ᭞ᬩᭂᬓᭂᬮ᭄ᬲᬦᬾᬫᬳᬸᬢ᭄ᬢᬫ᭟ᬬᬦᬶᬂᬢᭂᬍᬩ᭄ᬭᬶᬂᬓᬥᬃᬫ᭄ᬫᬦ᭄᭞ᬫᬬᬚ᭄ᬜᬫᬶᬯᬄᬲᬸᬩᬓ᭄ᬢᬶ᭞ᬗᬯᬘᬾᬦ᭄‌ᬰᬵᬲ᭄ᬢ᭄ᬭᬦᬾᬳᬸᬢ᭄ᬢᬫ᭞ᬦᬸᬦᬲ᭄ᬩᬜᬸᬦ᭄ᬘᭀ ᬓᭀᬃᬯᬶᬥᬷ᭞ᬫᬗᬱ᭄ᬝᬶᬢᬶᬲᬳᬶᬲᬳᬶ᭞ᬳᬦ᭄ᬢᬸᬓ᭄‌ᬯᬾᬤᬕᭂᬦ᭄ᬤᬶᬂᬓᬶᬤᬸᬂ᭞ᬤ᭄ᬬᬲ᭄ᬢᬸᬳᬦ᭄ᬢᬸᬓ᭄ᬧᬧᭀᬚᭀᬮᬦ᭄᭞ᬲᬶᬦᬄᬳᬲᬸᬂᬲᬂᬳ᭄ᬬᬂᬯᬶᬥᬷ᭞ᬬᬦᬶᬂᬮᬫ᭄ᬧᬸᬲ᭄᭞ᬫᬗ᭄ᬕᬶᬳᬶᬦ᭄ᬕᬮᬂᬳᬧᬤᬂ᭟ᬬᬦ᭄‌ᬲᬚᬗ᭄ᬬᬲᬬᬂᬭᬕ᭞ᬳᬸᬮᬶᬳᬶᬤᬸᬧ᭄ᬓᬬᬂᬫᬢᬶ᭞ᬧᬢ᭄ᬧᬢ᭄ᬦᬾᬧᬢᬸ ᬢ᭄‌ᬕᬶᬦᭂᬗᬂ᭞ᬗᬶᬭᬶᬂᬩᬘᬓ᭄‌ᬲᬶᬓᬶᬲᬶᬓᬶ᭞ᬳᬧᬶᬲᬦ᭄ᬫᬗ᭄ᬤᬾᬦ᭄ᬲᬸᬚᬢᬶ᭞ᬫ᭄ᬮᬚᬄᬲᬓᬦ᭄ᬢᬸᬦᬾᬳᬶᬤᬸᬧ᭄᭞ᬧᬶᬂᬓᬮᬶᬄᬲᭂᬍᬕ᭄ᬫᬓᬃᬬ᭄ᬬ᭞ᬧᬶᬂᬢᬶᬕᬫᬬᬚ᭄ᬜᬢᬸᬯᬶ᭞ᬧᬶᬂᬧᬢ᭄ᬳᬶᬓᬸ᭞ᬲᬸᬩᬓ᭄ᬢᬶᬫᬗ᭄ᬤᬾᬦ᭄ᬲᬢᬢ᭟ᬓᬃᬬ᭄ᬬᬩᬓ᭄ᬢᬶᬫᬶᬯᬄᬬᬚ᭄ᬜ᭞ᬧ᭄ᬮᬚᬳᬦ᭄ᬳ [᭓ 3A] ᬗ᭄ᬕᬾᬦ᭄‌ᬦᬲᬭᬶᬦ᭄᭞ᬳᬸᬮᬶᬘᭂᬦᬶᬓ᭄ᬓᬬᬂᬢᬸᬯ᭞ᬭᬕᬦᬾᬚᬸᬯᬧᭂᬤᬲᬶᬦ᭄᭞ᬲᬶᬭᬳᬶᬭᬕᬧᬸᬦᬶᬓᬶ᭞ᬲᬓᬶᬂᬦᬧᬶᬓᬯᬶᬢ᭄ᬳᬶᬧᬸᬦ᭄᭞ᬫᬸᬗ᭄ᬕ᭄ᬯᬶᬂᬲᬶᬭᬫᬾᬫᬾᬩᬧ᭞ᬤᬶᬚᬕᭂᬦᬳᬾᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬢᬸᬳᬸ᭞ᬲᬾᬩᭂᬢ᭄ᬭᬶᬂᬳᬗ᭄ᬕᬰᬭᬷᬭ᭟ᬬᬦ᭄ᬢᬦ᭄ᬫᬗ᭄ᬭᬲᬭᬶᬂᬭᬕ᭞ᬢᬦ᭄ᬳᬸ ᬦᬶᬗᬶᬦ᭄‌ᬦᬾᬲᬸᬚᬢᬶ᭞ᬧᬸᬦᬶᬓᬓᬩᬯᭀᬲ᭄ᬩᭂᬮᭀᬕ᭄᭞ᬓᭂᬦᭂᬄᬲᬢᬢᬳᬸᬮᬸᬭᬶᬦ᭄᭞ᬩᬸᬓᬫᬫᬜ᭄ᬚᬓᬶᬦ᭄ᬳᬗᬶᬦ᭄᭞ᬲᬢᬢᬬᬲ᭄ᬭᬬᬂᬲ᭄ᬭᬸᬬᬸᬂ᭞ᬲᬾᬦ᭄ᬤᬾᬄᬫᬳᬶᬳᭂᬩᬄᬓᭂᬫ᭞ᬩᬂᬩᬗᬾᬩᬓᬢ᭄ᬘᭂᬩᬸᬭᬶᬦ᭄᭞ᬲᬫ᭄ᬧᬸᬦ᭄ᬮᬩᬸᬄ᭞ᬭᬶᬲ᭄ᬩᬗᬸᬦ᭄ᬓᬧᬸᬧᬸᬗᬦ᭄᭟ᬬᬦ᭄ᬓᭂᬦᭂᬄ ᬲᬳᬶᬢᬸᬳᬸᬢᬂ᭞ᬲᬸᬓᭂᬄᬩᬓᬢ᭄‌ᬦᬾᬲᬸᬚᬢᬶ᭞ᬳᬦᬾᬢᬶᬤᭀᬂᬓᬤᬾᬦ᭄ᬲᬚ᭞ᬦᬾᬲᬚᬩᬓᬢ᭄ᬘᬘᬤᬶᬦ᭄᭞ᬢᬸᬭᬶᬂᬩᭂᬘᬢ᭄ᬘᬭᬳᬗᬶᬦ᭄᭞ᬲᬕᬾᬢ᭄ᬤᬶᬦᬶᬲᬕᬾᬢ᭄ᬤᬶᬢᬸ᭞ᬬᬦᬶᬂᬳᬸᬩᭂᬃᬫᬗᭂᬚᭀᬳᬂ᭞ᬲᬫ᭄ᬧᬸᬦ᭄ᬳᭂᬤᭀᬄᬭᬯᬸᬄᬫᬮᬶᬄ᭞ᬫᭂᬢᬸᬩᬶᬗᬸᬂ᭞ᬯᬶ ᬭᬾᬄᬢᬦ᭄ᬲᬶᬤᬭᬲᬬᬂ᭟ᬭᬶᬓᬵᬮᬦᬶᬂᬫᬘᬘᬶᬗᬓ᭄᭞ᬭᬶᬂᬲᬂᬮᬶᬲ᭄ᬢᬸᬳᬬᬸᬍᬯᬶᬄ᭞ᬲᬕᬾᬢ᭄ᬲᬵᬫ᭄ᬧᬸᬦ᭄ᬓᬮᬶᬧᬸᬢᬦ᭄᭞ᬲ᭄ᬫᬭᬦᬾᬗᬭᬩ᭄ᬗᭂᬦ᭄ᬤᬶᬄ᭞ᬫᬓᬶᬢᬗᬸᬢ᭄ᬕᬸᬢ᭄ᬜᬶᬧ᭄ᬘᬶᬧᬶᬦ᭄᭞ᬧᬸᬦᬶᬓᬲᬵᬫ᭄ᬧᬸᬦ᭄ᬓᬮᬶᬭᬸ᭞ᬯᬶᬭᬾᬄᬧᬧᬶᬦᭂᬳᬾᬳᭀᬩᬄ᭞ᬩᬾᬤᬾᬂ

Auto-transliteration

[2 2B] 2 hadup, punikabĕkĕlangseda, wireḥsingdadilempasin, reḥpuniku, satmakañamaniṣkala. tĕgarangyatal̥ĕktĕkang, bĕkĕldisubanemati, boyahar̀tharājabraṇa, wantaḥlampahepadidi, lampahehanesuja ti, sajroningmangrakṣahidup, patutngugoninkadhar̀mman, mayajñamwangsubakti, wireḥiku, bĕkĕlsanemahuttama. yaningtĕl̥ĕbringkadhar̀mman, mayajñamiwaḥsubakti, ngawacenśāstranehuttama, nunasbañunco kor̀widhī, mangaṣṭitisahisahi, hantukwedagĕndingkidung, dyastuhantukpapojolan, sinaḥhasungsanghyangwidhī, yaninglampus, manggihin'galanghapadang. yansajangyasayangraga, hulihidupkayangmati, patpatnepatu tginĕngang, ngiringbacaksikisiki, hapisanmangdensujati, mlajaḥsakantunehidup, pingkaliḥsĕl̥ĕgmakar̀yya, pingtigamayajñatuwi, pingpat'hiku, subaktimangdensatata. kar̀yyabaktimiwaḥyajña, plajahanha [3 3A] nggennasarin, hulicĕnikkayangtuwa, raganejuwapĕdasin, sirahiragapuniki, sakingnapikawit'hipun, munggwingsiramemebapa, dijagĕnahenemangkin, mangdatuhu, sebĕtringhanggaśarīra. yantanmangrasaringraga, tanhu ninginnesujati, punikakabawosbĕlog, kĕnĕḥsatatahulurin, bukamamañjakinhangin, satatayasrayangsruyung, sendeḥmahihĕbaḥkĕma, bangbangebakatcĕburin, sampunlabuḥ, risbangunkapupungan. yankĕnĕḥ sahituhutang, sukĕḥbakatnesujati, hanetidongkadensaja, nesajabakatcacadin, turingbĕcatcarahangin, sagetdinisagetditu, yaninghubĕr̀mangĕjohang, sampunhĕdoḥrawuḥmaliḥ, mĕtubingung, wi reḥtansidarasayang. rikālaningmacacingak, ringsanglistuhayul̥ĕwiḥ, sagetsāmpunkaliputan, smaranengarabngĕndiḥ, makitangutgutñipcipin, punikasāmpunkaliru, wireḥpapinĕhehobaḥ, bedeng

Leaf 3

Image on Archive.org

[᭓ 3B] ᭓ ᬓᭂᬫᬩᬾᬤᬾᬂᬫᬳᬶ᭞ᬓᬦ᭄ᬢᬶᬢᬸᬬᬸᬄ᭞ᬯᬮᬸᬬᬳᬲᬸᬓᬲᬗ᭟ᬭᬶᬓᬵᬮᬦᬶᬂᬓᬲ᭄ᬫᬭᬦ᭄᭞ᬩᭂᬮᭀᬕᬾᬲᬫ᭄ᬧᬸᬦ᭄ᬫᬫᬹᬃᬢ᭄ᬢᬶ᭞ᬢᭂᬕᬭᬂᬗᬹᬍᬳᬂ᭞ᬫᬭᬶᬂᬭᬕᬦᬾᬧᬤᬶᬤᬶ᭞ᬲᬦᬾᬓᬫᭂᬍᬤᬂᬚᬢᬶ᭞ᬭᬶᬂᬭᬕᬯᬾᬦ᭄ᬢᭂᬦ᭄ᬲᬢᬸᬯᬸᬄ᭞ᬩᬮᬸᬂᬓᬸᬮᬶᬢ᭄ᬕᭂᬢᬶᬄ ᬳᬯᬸᬢ᭄᭞ᬫᬸᬮᬸᬓ᭄ᬳᬶᬲᬶᬳᭂᬜ᭄ᬘᭂᬄᬩᬘᬶᬦ᭄᭞ᬦᬾᬦ᭄ᬢᭂᬦ᭄ᬭᬸᬗᬸ᭞ᬳᬶᬭᬕᬲᬳᬶᬳᬧᬸᬲ᭟ᬭᬶᬳᬦ᭄ᬢᬸᬓ᭄ᬳᬲᬧᬸᬦᬶᬓ᭞ᬯᬸᬲᬦ᭄ᬫᬗ᭄ᬓᬶᬦ᭄ᬳᬸᬬᬂᬧᬮᬶᬂ᭞ᬫᬜ᭄ᬚᬓᬶᬦ᭄ᬳᬶᬍᬕᬦ᭄ᬫᬦᬄ᭞ᬳᬦᬾᬚᬢᬶᬳᬤᬤᬶᬦᬶ᭞ᬳᬦᬾᬤᬶᬢᬸᬤᬸᬭᬸᬂᬧᬲ᭄ᬢᬶ᭞ᬬᬦᬶᬂᬚᬢᬶᬲᬫ᭄ᬧᬸᬦ᭄‌ᬯᭂᬭᬸᬄ᭞ ᬯᭂᬭᬸᬄᬭᬶᬂᬭᬵᬕᬰᬭᬷᬭ᭞ᬫᬦᬹᬢ᭄ᬮᬶᬗᬶᬂᬲᬂᬳ᭄ᬬᬂᬳᬚᬶ᭞ᬬᬦᬶᬂᬯᭂᬭᬸᬄ᭞ᬧᬸᬦᬶᬓᬲᬫ᭄ᬧᬸᬦ᭄ᬳᬸᬢ᭄ᬢᬫ᭟ᬬᬦᬶᬂᬚᬢᬶᬗᬫᭂᬍᬤᬂ᭞ᬳᬸᬢ᭄ᬢᬫᬦᬶᬂᬭᬲᬚᬢᬶ᭞ᬧ᭄ᬮᬧᬦᬶᬦ᭄ᬩᬵᬦ᭄ᬫᬢᬶᬗ᭄ᬓᬄ᭞ᬤᬫᬫᭀᬓᬄᬫᬧᬶᬭᬶᬭᬶᬄ᭞ᬲᬢᬢᬗᬸᬮᬸᬭᬶᬦ᭄‌ᬩᬸᬤ᭄ᬥᬶ᭞ᬓ ᬮᬶᬧᬸᬢ᭄ᬲᭂᬫᬭᬤᬸᬤᬸ᭞ᬥᬃᬫ᭄ᬫᬦᬾᬳᭂᬦ᭄ᬢᭀᬲᬭᬢᬂ᭞ᬫᬗ᭄ᬤᬾᬦ᭄ᬳᬸᬦᬶᬂᬓᬯᭀᬦ᭄ᬩᭂᬘᬶᬓ᭄᭞ᬳᬶᬯᬂᬧᬢᬸᬢ᭄᭞ᬧᭂᬭᬶᬳᬂᬳᬧᬗᬢᬯᬂ᭟ᬧᬢᬸᬢ᭄ᬲᬸᬓ᭄ᬱ᭄ᬫᬬᬂᬧᬶᬲᬦ᭄᭞ᬦᬧᬶᬚᬲᬦᬾᬧᬸᬧᭀᬦᬶᬦ᭄᭞ᬫᬤᬲᬃᬳᬦ᭄ᬢᬸᬓ᭄ᬓᬤᬃᬫ᭄ᬫᬦ᭄᭞ᬦᬾᬕᬶᬦᭂᬗᬂ [᭔ 4A] ᬲᬓᬾᬂᬗᬸᬦᬶ᭞ᬯᬶᬭᬾᬄᬲᬶᬂᬤᬤᬶᬓᭂᬮᬶᬤᬶᬦ᭄᭞ᬳᬧᬧᬸᬮᬓᬾᬢᭀᬧᬸᬧᬸ᭞ᬓᬵᬃᬫ᭄ᬫᬧᬮᬦᬾᬢᬦ᭄‌ᬮᬾᬫ᭄ᬧᬲ᭄᭞ᬫᬵᬦᬹᬢ᭄ᬮᬶᬗᬶᬂᬲᬂᬳ᭄ᬬᬂᬳᬚᬶ᭞ᬥᬃᬫ᭄ᬫᬲᬥᬸ᭞ᬮᬫ᭄ᬧᬳᬾᬳᬦᬾᬳᬸᬢ᭄ᬢᬫ᭟ᬬᬦᬶᬂᬲᬚᬗᬫᭂᬍᬤᬂ᭞ᬦᬾᬫᬤᬦ᭄ᬭᬲᬲᬸᬚᬢᬶ᭞ᬳᭂᬤᬮᭀᬩᬄᬗᭂᬫ᭄ᬧᬸᬭ ᬕ᭞ᬗᭂᬤᭀᬢᬂᬳᬧᬗᬲᬸᬕᬶᬄ᭞ᬫᬫ᭄ᬭᬶᬳᬂᬩ᭄ᬭᬬᬓᬦ᭄ᬢᬶ᭞ᬤᬲᬭᬶᬦ᭄ᬩᬵᬦ᭄ᬗᬸᬮᬸᬓ᭄ᬳᬸᬮᬸᬓ᭄᭞ᬢᬶᬗ᭄ᬓᬳᬾᬢ᭄ᬯᬭᬧᬲᬚ᭞ᬫᭀᬫᭀᬦᬾᬩᬓᬢ᭄ᬳᬸᬮᬸᬭᬶᬦ᭄᭞ᬗᬤᬸᬕ᭄ᬳᬤᬸᬕ᭄᭞ᬫ᭄ᬭᬲᬢᬸᬲᬶᬂᬓ᭄ᬯᬗᬦ᭄ᬳᬧ᭟ᬭᬶᬂᬲᬫ᭄ᬧᬸᬦ᭄ᬜᬫ᭄ᬭᬲᬶᬤ᭄ᬥᬬᬂ᭞ᬗ᭄ᬭᬲᬬᬂᬳᬦᬾᬲᬸᬚᬢᬶ᭞ᬲᬦᬾᬓᬩᬯᭀᬲᬂᬩᬕ᭄ᬬ᭞ᬫᬓᬤᬶ ᬜᬶᬗᬓᬶᬦ᭄ᬢᬢᬶᬢ᭄᭞ᬢᬦ᭄ᬓᬭᬲᬯᬾᬦ᭄ᬢᭂᬦ᭄‌ᬤ᭄ᬭᬶᬓᬶ᭞ᬲᬢᬢᬓᬭᬲᬤᬶᬢᬸ᭞ᬕᭂᬦᬄᬩᬕ᭄ᬬᬦᬾᬧᬸᬦᬶᬓ᭞ᬤᬳᬢ᭄ᬲᭂᬗ᭄ᬓᬩᬵᬦ᭄‌ᬗᬾᬮᬶᬗᬶᬦ᭄᭞ᬚᬢᬶᬢᬸᬳᬸ᭞ᬬᬦ᭄ᬲᬫ᭄ᬧᬸᬦ᭄‌ᬗ᭄ᬭᬲᬬᬂᬩᬕ᭄ᬬ᭟ᬕᭂᬦᬄᬩᬕ᭄ᬬᬦᬾᬧᬸᬦᬶᬓ᭞ᬩᭀᬬᬭᬶᬂᬳᬃᬣᬫᬲ᭄ᬫᬦᬶᬓ᭄᭞ᬦᬾᬦ᭄ᬢᭂᬦ᭄ᬭᬶᬂᬭᬵᬚᬩ᭄ᬭᬡ᭞ ᬯᬦ᭄ᬢᬄᬭᬶᬂᬭᬕᬧᬤᬶᬤᬶ᭞ᬬᬦᬶᬂᬲᬫ᭄ᬧᬸᬦ᭄‌ᬬᬸᬓ᭄ᬢᬶᬳᬸᬦᬶᬂ᭞ᬗ᭄ᬭᬲᬬᬂᬭᬕᬦᬾᬳᬶᬤᬸᬧ᭄᭞ᬳᬶᬤᬸᬧᬾᬤᬤᬶᬫᬵᬦᬸᬱ᭞ᬲᬫ᭄ᬧᬸᬦ᭄ᬩᬕ᭄ᬬᬓᬯᬵᬱ᭄ᬝᬦᬶᬦ᭄᭞ᬬᬦᬶᬂᬯᭂᬭᬸᬄ᭞ᬓᬢᬢ᭄ᬯᬦ᭄ᬚᬢ᭄ᬫᬳᬸᬢ᭄ᬢᬫ᭟ᬲᬳᬦᬦᬶᬂᬫᬚᭂᬍᬕᬦ᭄᭞ᬦᬾᬭᬶᬂᬚᬕᬢᬾᬧᬸᬦᬶᬓᬶ᭞ᬫᬗ᭄ᬤᬾᬦ᭄ᬧᬢᭂᬄ

Auto-transliteration

[3 3B] 3 kĕmabedengmahi, kantituyuḥ, waluyahasukasanga. rikālaningkasmaran, bĕlogesampunmamūr̀tti, tĕgarangngūl̥ĕhang, maringraganepadidi, sanekamĕl̥ĕdangjati, ringragawentĕnsatuwuḥ, balungkulitgĕtiḥ hawut, muluk'hisihĕñcĕḥbacin, nentĕnrungu, hiragasahihapusa. rihantuk'hasapunika, wusanmangkinhuyangpaling, mañjakinhil̥ĕganmanaḥ, hanejatihadadini, haneditudurungpasti, yaningjatisampunwĕruḥ, wĕruḥringrāgaśarīra, manūtlingingsanghyanghaji, yaningwĕruḥ, punikasampunhuttama. yaningjatingamĕl̥ĕdang, huttamaningrasajati, plapaninbānmatingkaḥ, damamokaḥmapiririḥ, satatangulurinbuddhi, ka liputsĕmaradudu, dhar̀mmanehĕntosaratang, mangdenhuningkawonbĕcik, hiwangpatut, pĕrihanghapangatawang. patutsukṣmayangpisan, napijasanepuponin, madasar̀hantukkadar̀mman, neginĕngang [4 4A] sakengnguni, wireḥsingdadikĕlidin, hapapulaketopupu, kār̀mmapalanetanlempas, mānūtlingingsanghyanghaji, dhar̀mmasadhu, lampahehanehuttama. yaningsajangamĕl̥ĕdang, nemadanrasasujati, hĕdalobaḥngĕmpura ga, ngĕdotanghapangasugiḥ, mamrihangbrayakanti, dasarinbānnguluk'huluk, tingkahetwarapasaja, momonebakat'hulurin, ngadug'hadug, mrasatusingkwanganhapa. ringsampunñamrasiddhayang, ngrasayanghanesujati, sanekabawosangbagya, makadi ñingakintatit, tankarasawentĕndriki, satatakarasaditu, gĕnaḥbagyanepunika, dahatsĕngkabānngelingin, jatituhu, yansampunngrasayangbagya. gĕnaḥbagyanepunika, boyaringhar̀thamasmanik, nentĕnringrājabraṇa, wantaḥringragapadidi, yaningsampunyuktihuning, ngrasayangraganehidup, hidupedadimānuṣa, sampunbagyakawāṣṭanin, yaningwĕruḥ, katatwanjatmahuttama. sahananingmajĕl̥ĕgan, neringjagatepuniki, mangdenpatĕḥ

Leaf 4

Image on Archive.org

[᭔ 4B] ᭔ ᬓᬭᬲᬬᬂ᭞ᬬᬤᬶᬦ᭄ᬓᬯᭀᬦ᭄‌ᬬᬤᬶᬦ᭄ᬩᭂᬘᬶᬓ᭄᭞ᬤ᭄ᬬᬲ᭄ᬢᬸᬳᬕᬸᬂᬤ᭄ᬬᬲ᭄ᬢᬸᬳᬮᬶᬢ᭄᭞ᬫᬗ᭄ᬤᬾᬦ᭄ᬓᬭᬲᬬᬂᬧᬢᬸᬄ᭞ᬧᬢᭂᬄᬲᬦᬾᬫᬗᬤᬓᬂ᭞ᬯᬦ᭄ᬢᬄᬳᬶᬤᬲᬂᬳ᭄ᬬᬂᬯᬶᬥᬷ᭞ᬦᬾᬧᬸᬦᬶᬓᬸ᭞ᬓᬯᬵᬱ᭄ᬝᬦᬶᬦ᭄‌ᬯᬸᬲ᭄ᬲᬸᬓ᭄ᬱ᭄ᬫ᭟ᬦᬧᬶᬚᬲᬦᬾᬓᬘᬶᬗᬓ᭄᭞ᬧᬢᭂᬄ ᬳᬦ᭄ᬢᬸᬓ᭄ᬗᬭᬦᬶᬦ᭄᭞ᬧᬸᬦᬧᬶᬓᬯᭀᬦ᭄ᬩᭂᬘᬶᬓ᭄ᬜ᭞ᬬᬤᬶᬦ᭄ᬘᬦᬶᬓ᭄‌ᬬᬤᬶᬦ᭄ᬓᭂᬮᬶᬄ᭞ᬤ᭄ᬬᬲ᭄ᬢᬸᬢᬶᬯᬲ᭄ᬤ᭄ᬬᬲ᭄ᬢᬸᬲᬸᬕᬶᬄ᭞ᬲᬫ᭄ᬧᬸᬦᬂᬚᬲᬮᬄᬲᬸᬭᬸᬧ᭄᭞ᬘᭂᬦᬶᬓ᭄ᬓᭂᬮᬶᬄᬢᬸᬯᬩᬚᬂ᭞ᬲᬸᬕᬶᬄᬢᬶᬯᬲ᭄ᬓᬯᭀᬦ᭄ᬩᭂᬘᬶᬓ᭄᭞ᬦᬾᬧᬸᬦᬶᬓᬸ᭞ᬯᬦ᭄ᬢᬄᬳ᭄ᬬᬂᬢᬶᬢᬄᬗ᭄ᬯᬲᬬᬂ᭟ ᬬᬦᬶᬂᬚᬢᬶᬗᬫᭂᬍᬤᬂ᭞ᬲᬦ᭄ᬢᭀᬲᬇᬤᭂᬧᬾᬚᬢᬶ᭞ᬲᬫ᭄ᬧᬸᬦᬂᬫᬩᬶᬦᬩᬶᬦ᭞ᬭᬶᬂᬧᬗ᭄ᬭᬲᬦᬾᬧᬤᬶᬤᬶ᭞ᬢᬦᬄᬫᬲ᭄ᬫᬶᬭᬄᬫᬡᬶᬓ᭄᭞ᬲᭂᬮᬓᬓᬬᬸᬮᬦ᭄ᬩᬢᬸ᭞ᬫᬗ᭄ᬤᬾᬦ᭄ᬧᬢᬸᬄᬩᬦ᭄ᬗ᭄ᬭᬲᬬᬂ᭞ᬲᬫ᭄ᬧᬸᬦᬂᬫᬧᬶᬮᬶᬄᬧᬶᬮᬶᬄ᭞ᬭᬾᬄᬧᬸᬦᬶᬓᬸ᭞ᬧᬓᬃᬤ᭄ᬤᬶ ᬦ᭄ᬳᬶᬤᬳ᭄ᬬᬂᬢᬸᬗ᭄ᬕᬮ᭄᭟ᬫᬲᬦ᭄ᬧᬦᭂᬲ᭄ᬫᬲᬦ᭄ᬳᬸᬚᬦ᭄᭞ᬧᬢᭂᬂᬍᬫᬄᬓᬯᭀᬦ᭄ᬩᭂᬘᬶᬓ᭄᭞ᬚᬕᬢ᭄ᬤᭂᬕ᭄ᬤᭂᬕ᭄ᬳᬭᬸᬳᬭ᭞ᬲᬢᬢᬲᬮᬶᬂᬕᭂᬦ᭄ᬢᬶᬦᬶᬦ᭄᭞ᬦᬶᬓᬢᬦ᭄ᬤᬤᭀᬓᬶᬸᬲ᭄ᬓᭂᬮᬶᬤᬶᬦ᭄᭞ᬚᬕᬢᬾᬬᬘᬭᬕᬸᬬᬸ᭞ᬦᬵᬗ᭄ᬳᬶᬂᬓᬾᬲᬫ᭄ᬧᬸᬦᬂᬳᭀᬩᬄ᭞ [᭕ 5A] ᬗᭂᬫ᭄ᬧᬸᬭᬕᬦᬾᬧᬤᬶᬤᬶ᭞ᬳᬧᬂᬧᬢᬸᬢ᭄᭞ᬫᬗ᭄ᬤᬾᬦᬾᬩᬓᬢ᭄ᬭᬲᬬᬂ᭟ᬤ᭄ᬯᬦᬶᬂᬳᬲᬧᬸᬦᬶᬓ᭞ᬤᬕᬶᬂᬚᬕᬢᬾᬲᬸᬚᬢᬶ᭞ᬚᬢᬶᬬᬦ᭄ᬲᬫ᭄ᬧᬸᬦ᭄ᬓᬭᬲ᭞ᬫᬭᬶᬂᬫ᭄ᬭᬘᬧᬤᬧᬸᬦᬶᬓᬶ᭞ᬲᬫ᭄ᬧᬸᬦᬂᬳᬶᬭᬶᬳᬢᬶ᭞ᬩᬩᬾᬓᬶᬭᬶᬂᬳᬦᬓ᭄ᬮᬘᬸᬃ᭞ᬫᬫᭀᬓᬓ᭄ᬳ ᬦ᭄ᬤᭂᬮ᭄ᬭᬶᬂᬳᬯᬓ᭄᭞ᬮᬕᬸᬢᬾᬓᬳᬸᬘᬧ᭄ᬭᬶᬭᬶᬄ᭞ᬢᬸᬃᬓᬲᬸᬫ᭄ᬩᬸᬂ᭞ᬳᬶᬤᬸᬧᬾᬲᬶᬂᬓ᭄ᬯᬗᬦ᭄ᬳᬧ᭟ᬳᭂᬤᬫᬜᬸᬫ᭄ᬩᬸᬗᬂᬭᬕ᭞ᬢᬳᬸᬢᭂᬓᬾᬦ᭄ᬳᬯᬓ᭄ᬭᬶᬭᬶᬄ᭞ᬮᬶᬬᬸᬗᭂᬮᬄᬳᬃᬣᬩ᭄ᬭᬡ᭞ᬳᬗ᭄ᬕᬾᬦ᭄ᬗᭂᬗ᭄ᬓᬶᬕᬶᬦ᭄ᬳᬦᬓ᭄ᬕᬸᬤᬶᬕ᭄᭞ᬭᬲᬢ᭄ᬯᬭᬮᬓᬃᬫᬢᬶ᭞ᬚᬢᬶ ᬦ᭄ᬜᬢᬦ᭄ᬲᬧᬸᬦᬶᬓᬸ᭞ᬘᭂᬭᬶᬓ᭄ᬓᭂᬮᬶᬄᬢᬸᬯᬩᬚᬂ᭞ᬢᬶᬢᬄᬢᬸᬯᬸᬄᬧᬢᬶᬳᬸᬭᬶᬧ᭄᭞ᬯᬶᬭᬾᬄᬳᬶᬓᬸ᭞ᬤᬕᬶᬂᬳᬶᬤᬸᬧᬾᬫᬗ᭄ᬚᬦ᭄ᬫ᭟ᬳᬶᬤᬸᬧᬾᬫᬦᬤᬶᬚᬦ᭄ᬫ᭞ᬢᭀᬂᬲᬶᬤᬩᬳᬦ᭄ᬗᭂᬮᬶᬤᬶᬦ᭄᭞ᬘᭂᬦᬶᬓ᭄‌ᬓᭂᬮᬶᬄᬢᬸᬯᬩᬚᬂ᭞ᬲᬸᬩᬢᬸᬯᬗ ᬦ᭄ᬢ᭄ᬬᬂᬫᬢᬶ᭞ᬦᬵᬗ᭄ᬳᬶᬂᬲᬢᭀᬦ᭄ᬤᬾᬦᬾᬫᬢᬶ᭞ᬫᬢᬓᬶᬢᬓᬶᬚᬫᬮᬸ᭞ᬫᬗ᭄ᬤᬾᬦᬾᬕᬮᬂᬳᬧᬤᬂ᭞ᬧᬫᬃᬕ᭄ᬕᬶᬦᬾᬜᬸᬚᬸᬃᬫᬢᬶ᭞ᬧᬂᬭᬳᬬᬸ᭞ᬧᬺᬢᬶᬲᭂᬦ᭄ᬢᬦᬯᭂᬓᬲᬦ᭄᭟ᬗᬫᭂᬍᬤᬂᬦᬾᬧᬸᬦᬶᬓ᭞ᬧ᭄ᬮᬚᬳᬦ᭄ᬳᬗ᭄ᬕᬾᬦ᭄ᬦᬲᬭᬶᬦ᭄᭞

Auto-transliteration

[4 4B] 4 karasayang, yadinkawonyadinbĕcik, dyastuhagungdyastuhalit, mangdenkarasayangpatuḥ, patĕḥsanemangadakang, wantaḥhidasanghyangwidhī, nepuniku, kawāṣṭaninwussukṣma. napijasanekacingak, patĕḥ hantukngaranin, punapikawonbĕcikña, yadincanikyadinkĕliḥ, dyastutiwasdyastusugiḥ, sampunangjasalaḥsurup, cĕnikkĕliḥtuwabajang, sugiḥtiwaskawonbĕcik, nepuniku, wantaḥhyangtitaḥngwasayang. yaningjatingamĕl̥ĕdang, santosa'idĕpejati, sampunangmabinabina, ringpangrasanepadidi, tanaḥmasmiraḥmaṇik, sĕlakakayulanbatu, mangdenpatuḥbanngrasayang, sampunangmapiliḥpiliḥ, reḥpuniku, pakar̀ddi nhidahyangtunggal. masanpanĕsmasanhujan, patĕngl̥ĕmaḥkawonbĕcik, jagatdĕgdĕg'haruhara, satatasalinggĕntinin, nikatandadok̶skĕlidin, jagateyacaraguyu, nānghingkesampunanghobaḥ, [5 5A] ngĕmpuraganepadidi, hapangpatut, mangdenebakatrasayang. dwaninghasapunika, dagingjagatesujati, jatiyansampunkarasa, maringmracapadapuniki, sampunanghirihati, babekiringhanaklacur̀, mamokak'ha ndĕlringhawak, lagutekahucapririḥ, tur̀kasumbung, hidupesingkwanganhapa. hĕdamañumbungangraga, tahutĕkenhawakririḥ, liyungĕlaḥhar̀thabraṇa, hanggenngĕngkiginhanakgudig, rasatwaralakar̀mati, jati nñatansapuniku, cĕrikkĕliḥtuwabajang, titaḥtuwuḥpatihurip, wireḥhiku, daginghidupemangjanma. hidupemanadijanma, tongsidabahanngĕlidin, cĕnikkĕliḥtuwabajang, subatuwanga ntyangmati, nānghingsatondenemati, matakitakijamalu, mangdenegalanghapadang, pamar̀ggineñujur̀mati, pangrahayu, pr̥ĕtisĕntanawĕkasan. ngamĕl̥ĕdangnepunika, plajahanhanggennasarin,

Leaf 5

Image on Archive.org

[᭕ 5B] ᭕ ᬳᬸᬮᬶᬘᭂᬦᬶᬓ᭄ᬓᬬᬂᬢᬸᬯ᭞ᬓᬥᬃᬫ᭄ᬫᬦᬾᬳᬗ᭄ᬕᬾᬦ᭄ᬓᬦ᭄ᬢᬶ᭞ᬫᬬᬚ᭄ᬜᬫ᭄ᬯᬂᬲᬸᬩᬓ᭄ᬢᬶ᭞ᬫᬓᬃᬬ᭄ᬬᬚᬲᬮᬶᬂᬢᬸᬮᬸᬂ᭞ᬲᬫᬗ᭄ᬤᬾᬦ᭄ᬜᬲᬶᬤ᭄ᬥᬓᬃᬬ᭄ᬬ᭞ᬗᭂᬫ᭄ᬧᬸᬳᬶᬤᬸᬧᬾᬲᬸᬚᬢᬶ᭞ᬥᬃᬫ᭄ᬫᬲᬥᬸ᭞ᬕᬶᬦᭂᬗᬂᬓᬬᬂᬓᬯᭂᬓᬲ᭄᭟ᬘᭂᬦᬶᬓ᭄ᬓᭂᬮᬶᬄᬢᬸᬯᬩᬚᬂ᭞ᬢᬸᬢᬸ ᬭᬾᬧᬢᬸᬢ᭄ᬧᬶᬮᬶᬳᬶᬦ᭄᭞ᬳᬦᬾᬧᬢᬹᬢ᭄‌ᬚᬸᬯᬚᬮᬦᬂ᭞ᬦᬾᬧᭂᬮᬶᬄᬧᬢᬹᬢ᭄ᬓᭂᬮᬶᬤᬶᬦ᭄᭞ᬩᭂᬦᭂᬄᬧᭂᬮᬶᬳᬾᬧᬂᬧᬲ᭄ᬢᬶ᭞ᬲᬶᬤᬓᬭᬲᬲᬢᬸᬯᬸᬓ᭄᭞ᬲᬶᬦᭀᬫ᭄ᬫᬗ᭄ᬓᬶᬦ᭄ᬓᬢᬶᬫ᭄ᬩᬮᬂ᭞ᬕᬶᬦᬵᬤᬳᬗ᭄ᬕᬾᬦ᭄ᬗᭂᬦ᭄ᬢᭀᬲᬶᬦ᭄᭞ᬫᬗ᭄ᬤᬾᬦ᭄ᬮᬦ᭄ᬢᬸᬃ᭞ᬓᬢᬸ ᬢᬸᬭᬦᬾᬓᬾᬓᭂᬢᬂ᭟᭐᭟ᬬᬦ᭄ᬚᬢᬶᬲᬫ᭄ᬧᬸᬦ᭄ᬓᬭᬲ᭞ᬤᬕᬶᬂᬳᬶᬤᬸᬧᬾᬲᬸᬚᬢᬶ᭞ᬦᬾᬓᬩᬯᭀᬲ᭄‌ᬗᬾᬦ᭄ᬤᬄᬧᬾᬮᬕ᭄᭞ᬦᬵᬗ᭄ᬳᬶᬂᬲᬫ᭄ᬧᬸᬦᬂᬓᬮᬶᬭᬸ᭞ᬦᬧᬶᬦᬾᬧᬢᬸᬢ᭄ᬲᬭᬢᬂ᭞ᬳᭂᬦ᭄ᬢᭀᬕᬸᬮᬶᬲ᭄᭞ᬓᬦ᭄ᬢᬶᬧᬂᬩᬓᬢ᭄ᬭᬲᬬᬂ᭟ ᬢᬶᬗ᭄ᬓᬳᬾᬳᬦᬾᬳᬸᬢ᭄ᬢᬫ᭞ᬓᬥᬃᬫ᭄ᬫᬦᬾᬳᬗ᭄ᬕᬾᬦ᭄ᬓᬦ᭄ᬢᬶ᭞ᬦᬾᬫᬸᬗ᭄ᬕᬄᬫᬭᬶᬂᬆᬓ᭄ᬱᬭ᭞ᬧᬢᬹᬢ᭄ᬋᬲᭂᬧᬂᬲᬢᬸᬯᬸᬓ᭄᭞ᬲᬯᬶᬭᬾᬄᬰᬵᬲ᭄ᬢ᭄ᬭᬧᬸᬦᬶᬓ᭞ᬫᬓᬓᬦ᭄ᬢᬶ᭞ᬤᬤᬶᬢᬓᬾᬦᬶᬦ᭄ᬲᬢᬢ᭟ᬰᬵᬲ᭄ᬢ᭄ᬭᬦᬾᬤᬳᬢ᭄ᬳᬸᬢ᭄ᬢᬫ᭞ [᭖ 6A] ᬲᬂᬳ᭄ᬬᬂᬭ᭄ᬯᬪᬶᬦᬾᬤᬚᬢᬶ᭞ᬓᬩᬯᭀᬲ᭄ᬳ᭄ᬬᬂᬳᬤᬸᬫᬸᬓ᭞ᬫᬯᬶᬰᬾᬱᬓᭀᬘᬧ᭄ᬳᬶᬓᬸ᭞ᬧᬭᬕᬵᬦ᭄ᬳᬧᬶᬮᬦ᭄ᬢᭀᬬ᭞ᬫᬳᬸᬢ᭄ᬢᬫᬶ᭞ᬗᬍᬩᬸᬃᬫᬮᬭᬶᬂᬭᬵᬕ᭟ᬰᬵᬲ᭄ᬢ᭄ᬭᬯᭂᬦᬂᬳᬗ᭄ᬕᬾᬦ᭄ᬜᬸᬧᬢ᭄᭞ᬫᬮᬭᬶᬂᬭᬵᬕᬧᬤᬶᬤᬶ᭞ᬫᬯᬵᬱ᭄ᬝᬸᬕᬮᬂᬳᬧᬤᬂ᭞ᬍᬢᬸᬄᬮᬦ᭄ᬫᬮᬦᬾᬍᬩᬸᬃ᭞ᬳᭂᬦᬶᬂ ᬳᬥᭂᬧᬾᬲᬢᬢ᭞ᬯ᭄ᬬᬤᬶᬦ᭄ᬰᬸᬘᬷ᭞ᬰᬸᬘᬷᬧᬭᬕᬬᬦ᭄‌ᬲᬸᬓ᭄ᬮ᭟ᬲᬸᬓ᭄ᬮᬦᬾᬫᬭᬕᬲᬸᬓ᭄ᬱ᭄ᬫ᭞ᬲᬸᬓ᭄ᬱ᭄ᬫᬳᬘᬶᬦ᭄ᬢ᭄ᬬᬲᬸᬚᬢᬶ᭞ᬓᬄᬳᭂᬦ᭄ᬢᭀᬧᬢᬸᬢ᭄ᬲᬭᬢᬂ᭞ᬧᭂᬭᬶᬳᬂᬳᬗ᭄ᬕᬾᬦ᭄ᬧᬶᬓᬸᬓᬸᬄ᭞ᬤᬲᬭᬶᬦ᭄ᬤᬬᬳᬸᬧᬬ᭞ᬫᬲᬭᬡᬢᬫ᭄ᬯᬧᬗᬲᬶᬄ᭞ᬫᬲᬭᬡᬢᬶ ᬕᬂᬯᬃᬡ᭄ᬦ᭟ᬦᬾᬓᬩᬗᬾᬲ᭄ᬢᬶᬕᬂᬯᬃᬡ᭄ᬦ᭞ᬭᬯᭀᬲ᭄ᬢᬶᬗ᭄ᬓᬄᬫ᭄ᬯᬂᬩᬸᬤ᭄ᬥᬶ᭞ᬲᬦᬾᬯᬸᬲ᭄ᬓᬧᬭᬶᬰᬸᬤ᭄ᬥ᭞ᬫᬮᬍᬢᬸᬳᬾᬓᬍᬩᬸᬃ᭞ᬬᬦ᭄ᬚᬢᬶᬲᬫ᭄ᬧᬸᬦ᭄ᬓᬲᬸᬧᬢ᭄᭞ᬤᬤᭀᬲ᭄ᬫᬗ᭄ᬓᬶᬦ᭄᭞ᬢ᭄ᬭᬶᬓᬬᬧᬭᬶᬰᬸᬤ᭄ᬥ᭟ᬲᬸᬓ᭄ᬱ᭄ᬫᬦᬾᬧᬢᬸᬢ᭄ᬲᬭᬢᬂ᭞ᬳ᭄ᬬᬂᬲᬸᬓ᭄ᬱ᭄ᬫᬳᬶ ᬤᬧᬶᬦᬸᬚᬶ᭞ᬳᬶᬜ᭄ᬘᭂᬧᬂᬢᭂᬫᬸᬦᬶᬂᬬᭀᬕ᭞ᬆᬚ᭄ᬜᬦᬦᬾᬚᬢᬶᬲᬥᬸ᭞ᬳᬶᬭᬶᬓᬳᬶᬤᬳ᭄ᬬᬂᬰᬶᬯ᭞ᬦᬾᬫᬮᬶᬗ᭄ᬕᬶᬄ᭞ᬓ᭄ᬭᬡᬦᬾᬧᬢᬸᬢ᭄ᬲᬭᬢᬂ᭟ᬬᬦ᭄‌ᬗ᭄ᬮᬓ᭄ᬱᬡᬬᬂᬧᬸᬚ᭞ᬤᬲᬭᬶᬦ᭄ᬩᬵᬦ᭄ᬩᬸᬤ᭄ᬥᬶᬳᭂᬦᬶᬂ᭞ᬲᬯᬶᬭᬾᬄᬦᬶᬃᬕᬯᬾᬧᬶᬲᬦ᭄᭞

Auto-transliteration

[5 5B] 5 hulicĕnikkayangtuwa, kadhar̀mmanehanggenkanti, mayajñamwangsubakti, makar̀yyajasalingtulung, samangdenñasiddhakar̀yya, ngĕmpuhidupesujati, dhar̀mmasadhu, ginĕngangkayangkawĕkas. cĕnikkĕliḥtuwabajang, tutu repatutpilihin, hanepatūtjuwajalanang, nepĕliḥpatūtkĕlidin, bĕnĕḥpĕlihepangpasti, sidakarasasatuwuk, sinommangkinkatimbalang, ginādahanggenngĕntosin, mangdenlantur̀, katu turanekekĕtang. 0. yanjatisampunkarasa, daginghidupesujati, nekabawosngendaḥpelag, nānghingsampunangkaliru, napinepatutsaratang, hĕntogulis, kantipangbakatrasayang. tingkahehanehuttama, kadhar̀mmanehanggenkanti, nemunggaḥmaringākṣara, patūtr̥ĕsĕpangsatuwuk, sawireḥśāstrapunika, makakanti, daditakeninsatata. śāstranedahat'huttama, [6 6A] sanghyangrwabhinedajati, kabawoshyanghadumuka, mawiśeṣakocap'hiku, paragānhapilantoya, mahuttami, ngal̥ĕbur̀malaringrāga. śāstrawĕnanghanggenñupat, malaringrāgapadidi, mawāṣṭugalanghapadang, l̥ĕtuḥlanmalanel̥ĕbur̀, hĕning hadhĕpesatata, wyadinśucī, śucīparagayansukla. suklanemaragasukṣma, sukṣmahacintyasujati, kaḥhĕntopatutsaratang, pĕrihanghanggenpikukuḥ, dasarindayahupaya, masaraṇatamwapangasiḥ, masaraṇati gangwar̀ṇna. nekabangestigangwar̀ṇna, rawostingkaḥmwangbuddhi, sanewuskapariśuddha, malal̥ĕtuhekal̥ĕbur̀, yanjatisampunkasupat, dadosmangkin, trikayapariśuddha. sukṣmanepatutsaratang, hyangsukṣmahi dapinuji, hiñcĕpangtĕmuningyoga, ājñananejatisadhu, hirikahidahyangśiwa, nemalinggiḥ, kraṇanepatutsaratang. yannglakṣaṇayangpuja, dasarinbānbuddhihĕning, sawireḥnir̀gawepisan,

Leaf 6

Image on Archive.org

Leaf 7

Image on Archive.org

Leaf 8

Image on Archive.org

Leaf 9

Image on Archive.org

Leaf 10

Image on Archive.org