gaguritan-sewagati

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑᭟ ᭚ᬑᬁᬅᬯᬶᬖ᭄ᬦᬫᬲ᭄ᬢᬸ᭟᭜᭟ᬧᬸᬄᬲᬶᬦᭀᬫ᭄᭟᭜᭟ᬳᬦᬓᬯᬃᬱᬦᬶᬭ᭞ᬧ᭄ᬭᬚᬸᬭᬶᬢᬦᭀᬫᬧᭂᬓᬶ᭠ᬓ᭄᭞ᬮᬮᬶᬗ᭄ᬲᬾᬬᬦ᭄ᬪᬝᬭᬇᬰ᭄ᬯᬭ᭞ᬧᭂᬓᬶᬓᬦᬸᬮᬸᬲ᭄ᬢᬦ᭄ᬧᬢᬦ᭄ᬤᬶᬂ᭞ᬯᬶᬤᬕ᭄ᬟᬜᬓ᭄ᬭᬯᬃᬢ᭄ᬢᬶ᭞ᬧᭀᬮᬳᬾᬢᬦ᭄ᬲᬶᬤ᭄ᬟᬮ ᬓᬸ᭞ᬅᬕᬫᬧᬺᬢᬫᬾᬂᬰᬵᬲ᭄ᬢ᭄ᬭ᭞ᬫᬦᬶᬦ᭄ᬤᬶᬳᬂᬰᬵᬲ᭄ᬢ᭄ᬭᬳᬚᬷ᭞ᬢᬸᬳᬸᬩᬕᬸᬲ᭄ᬫᬯᬲ᭄ᬢᬳᬶᬭᬵᬢ᭄ᬦᬲ᭄ᬫᬭ᭟᭜᭟ᬫᬕ᭄ᬦᬄᬤᬶᬧᬸᬱ᭄ᬧᬦᬵᬕᬭ᭞ᬧᬸᬢ᭄ᬭᬦᬶᬭᬗ᭄ᬤᬲᬫᬫ᭄ᬧᬶᬃ᭞ᬭᬹᬧᬳᬦᬹᬢ᭄ᬢᭂᬓᬾᬦ᭄ᬢᬦ᭄ᬤᬂ᭞ᬲᭂᬫᬸᬦᬾᬫᭂᬗ᭄ᬕᭂᬧᬺᬲ᭄ᬧᬢᬶ᭞ᬲᬶᬮᬶᬬᬸᬦ᭄ᬧᬭᬳᬶ ᬲ᭄ᬢ᭄ᬭᬷ᭞ᬘᭂᬦᬶᬓ᭄ᬓᭂᬮᬶᬄᬧᬥᬗᬸᬤᬸᬄ᭞ᬗᬧ᭄ᬢ᭄ᬬᬂᬳᬶᬭᬵᬢ᭄ᬦᬲ᭄ᬫᬭ᭞ᬓᬃᬫ᭄ᬫᬦᬾᬤᬾᬭᬾᬂᬓᬧᬗ᭄ᬕᬶᬄ᭞ᬳᭂᬦᬸᬳᬗ᭄ᬮᬸᬤᬾᬤᬾᬭᬾᬂ᭠ᬤᬦᬾᬫᬭᬩ᭄ᬬᬦ᭄᭟᭜᭟ᬓᭀᬘᬧᬦᬶᬭᬵᬢ᭄ᬦᬲ᭄ᬫᬭ᭞ᬮᬸᬗ᭄ᬳᬫᬗᬢᬸᬭᬂᬪᬓ᭄ᬢᬶ᭞ᬓᬕᬸᬦᬸᬂᬭᬫ᭄ᬩᬸᬢ᭄ᬦᬕ᭞ᬲᬵᬫ᭄ᬧᬸᬦ᭄ᬧᬸᬧᬸ ᬢ᭄ᬬᬫᬩᬺᬲᬶᬄ᭞ᬫᬯᬲ᭄ᬢ᭄ᬭᬬᬓᬮᬫᬭᬶ᭞ᬫᬲᬩᬸᬓ᭄ᬕ᭄ᬭᬶᬂᬲᬶᬂᬳᬮᬸᬲ᭄᭞ᬫᬳᬸᬤᭂᬂᬲᬸᬢ᭄ᬭᬧᭂᬝᬓ᭄᭞ᬫᬲᬧᬸᬢ᭄ᬲᬸᬢ᭄ᬭᬫᬘᬯᬶ᭞ᬢᬸᬳᬸᬩᬕᬲ᭄᭞ᬜᬸᬗ᭄ᬓᭂᬮᬶᬢ᭄ᬤᬦ᭄ᬢᬩᬩᬜ᭄ᬘᬶᬳᬦ᭄᭟᭜᭟ᬫᬲᭂᬓᬃᬬᬘᬦ᭄ᬤᬶᬲᬭ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ [᭒ 2A] ᬓᬓᬦ᭄ᬢᬾᬦᬦᬾᬗᬶᬭᬶᬗᬂ᭞ᬘ᭄ᬭᬶᬓ᭄ᬓᭂᬮᬶᬄᬲᬫᬶᬗᬶᬭᬶᬂ᭞ᬤᬦᬾᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬲᬫᬶᬳᬦᬦᬾᬧᬥᬘᬸᬫ᭄ᬧᬸ᭞ᬦᬾᬦᬾᬢᬦ᭄ᬤ᭄ᬭᬸᬄᬫᬦᬓᭀᬦᬂ᭞ᬯᭀᬂᬧᬸᬦᬧᬚᬦ᭄ᬢᭀᬲ᭄ᬩᬶᬩᬶ᭞ᬢᬸᬫ᭄ᬩᬾᬦ᭄ᬢᭂᬧᬸᬓ᭄ᬭᬸᬧᬦᬾᬩᬗ᭄ᬓᬶᬢ᭄ᬲᬺᬗ᭄ᬕᬭ᭟᭜᭟ᬳᭂᬦ᭄ᬢᭀ᭠ ᬳᬦᬓ᭄ᬢᬸᬳᬸᬫᭂᬮᬄ᭞ᬲᬧᬭᬶᬧᭀᬮᬳᬾᬳᬲ᭄ᬭᬶ᭞ᬳᬦᬾᬓᬢᬓᭀᬦᬶᬦᬗᬸᬘᬧ᭄᭞ᬬᬾᬦ᭄ᬜᬳᬶᬢ᭄ᬯᬭᬳᬸᬦᬶᬂ᭞ᬧᬸᬢ᭄ᬭᬦᬶᬭᬗ᭄ᬤᬲᬸᬫᬫ᭄ᬧᬶᬂ᭞ᬤᬦᬾᬗᬦ᭄ᬤᬶᬓᬬᬂᬓᬕᬸᬦᬸᬂ᭞ᬫᬢᬸᬭᬦ᭄ᬓᬭᬫ᭄ᬩᬸᬢ᭄ᬦᬕ᭞ᬤᬦᬾᬫᬗᬢᬸᬭᬂᬪᬓ᭄ᬢᬶ᭞ᬯ᭄ᬬᬓ᭄ᬢᬶᬩᬶ ᬩᬶᬬᬦ᭄ᬓᬾᬢᭀᬢᬶᬢ᭄ᬬᬂᬫᬢᬸᬭᬦ᭄᭟᭜᭟ᬳᬲᬶᬂᬓᬧᭂᬦ᭄ᬤᬓ᭄ᬫ᭄ᬭᬲᬳᭀᬲᬄ᭞ᬓᬲ᭄ᬫᬭᬦ᭄ᬫᬲᭂᬫᬸᬭᬸᬦ᭄ᬢᬶᬓ᭄᭞ᬳᬶᬭᬵᬢ᭄ᬦᬲ᭄ᬫᬭᬢᬦ᭄ᬕᬶᬂᬕᬂ᭞ᬫᬚᬮᬦ᭄ᬫᬗᬮᬂᬫᬃᬕ᭄ᬕᬶ᭞ᬢᬦ᭄ᬓᭀᬘᬧᬦ᭄ᬬᬭᬶᬂᬫᬃᬕ᭄ᬕᬶ᭞ᬫᬗᬮᬾᬭᬂᬮᬫ᭄ᬧᬄᬳᬶᬧᬸᬦ᭄‌᭞ᬧᬭᬤ ᬳᬚᬦᬶᬓᭀᬘᬧᬦ᭄᭞ᬲᬓᬢᬄᬳᬶᬲ᭄ᬢ᭄ᬭᬷᬫᬩᬺᬲᬶᬄ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬧᬥᬗᭀᬜᬂᬗᭀᬜᬂᬧᬬᬲ᭄᭟᭜᭟ᬲᬕᬺᬳᬦ᭄‌ᬬᬫᬚᬮᬦ᭄᭞ᬢ᭄ᬭᬸᬡᬫᬶᬯᬄᬧᬭᬳᬶᬲ᭄ᬢ᭄ᬭᬷ᭞ᬘ᭄ᬭᬶᬓ᭄ᬓᭂᬮᬶᬄᬩᬮᬸᬩᬚᬂ᭞ᬓᭂᬢᭀᬕ᭄ᬧ

Auto-transliteration

[1 1B] 1. // oṅġawighnamastu \\•\\ puḥsinom \\•\\ hanakawar̀ṣanira, prajuritanomapĕki‐k, lalingseyanbhaṭara'iśwara, pĕkikanulustanpatanding, widagḍañakrawar̀tti, polahetansidḍala ku, agamapr̥ĕtamengśāstra, manindihangśāstrahajī, tuhubagusmawastahirātnasmara \\•\\ magnaḥdipuṣpanāgara, putranirangdasamampir̀, rūpahanūttĕkentandang, sĕmunemĕnggĕpr̥ĕspati, siliyunparahi strī, cĕnikkĕliḥpadhanguduḥ, ngaptyanghirātnasmara, kar̀mmanederengkapanggiḥ, hĕnuhangludedereng‐danemarabyan \\•\\ kocapanirātnasmara, lunghamangaturangbhakti, kagunungrambutnaga, sāmpunpupu tyamabr̥ĕsiḥ, mawastrayakalamari, masabukgringsinghalus, mahudĕngsutrapĕṭak, masaputsutramacawi, tuhubagas, ñungkĕlitdantababañcihan \\•\\ masĕkar̀yacandisara, tumulirarismamar̀ggi, [2 2A] kakantenanengiringang, crikkĕliḥsamingiring, danesāmpunmamar̀ggi, samihananepadhacumpu, nenetandruḥmanakonang, wongpunapajantosbibi, tumbentĕpukrupanebangkitsr̥ĕnggara \\•\\ hĕnto‐ hanaktuhumĕlaḥ, saparipolahehasri, hanekatakoninangucap, yenñahitwarahuning, putranirangdasumamping, danengandikayangkagunung, maturankarambutnaga, danemangaturangbhakti, wyaktibi biyanketotityangmaturan \\•\\ hasingkapĕndakmrasahosaḥ, kasmaranmasĕmuruntik, hirātnasmaratan'ginggang, majalanmangalangmar̀ggi, tankocapanyaringmar̀ggi, mangaleranglampaḥhipun, parada hajanikocapan, sakataḥhistrīmabr̥ĕsiḥ, sāmpunpuput, padhangoñangngoñangpayas \\•\\ sagr̥ĕhanyamajalan, truṇamiwaḥparahistrī, crikkĕliḥbalubajang, kĕtogpa

Leaf 2

Image on Archive.org

[᭒ 2B] ᭒᭟ᬭᬤᬾᬰᬦᬾᬲᬫᬶ᭞ᬓᭀᬘᬧᬦᬶᬲᬾᬯᬫᬭᬶ᭞ᬢᬦ᭄ᬮ᭄ᬬᬦᬶᬲᬾᬫᬭᬲᬦ᭄ᬢᬸᬦ᭄᭞ᬳᬶᬲᬾᬯᬕᬢᬶᬓᭀᬘᬧᬦ᭄᭞ᬧᬸᬦᬶᬓᬤᬾᬭᬾᬂᬫᬫᬃᬕ᭄ᬕᬶ᭞ᬯᬸᬲ᭄ᬫᬢᬫ᭄ᬩᬸᬦ᭄ᬓᬓᬦ᭄ᬢᬾᬦᬦᬾᬗᬦ᭄ᬢ᭄ᬬᬂ᭟᭜᭟ᬳᬶᬲᬾᬯᬫᬭᬶᬓᭀᬘ ᬧᬦ᭄᭞ᬫᬗᬮᬶᬄᬳᬶᬲᬾᬯᬕᬢᬶ᭞ᬓᭂᬢᬸᬢ᭄ᬕᭂᬮᬶᬲᬂᬓᬾᬫ᭄ᬬᬬᬶᬸᬂᬲ᭞ᬫᬃᬕ᭄ᬕᬶᬫᬗᬢᬸᬭᬂᬪᬓ᭄ᬢᬶ᭞ᬳᬦᬓ᭄ᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬳᬶᬲᬾᬯᬕᬢᬶᬳᬫᬸᬯᬸᬲ᭄᭞ᬳᬦ᭄ᬢᭀᬲ᭄ᬤᬾᬦ᭄ᬢᬶᬢ᭄ᬬᬂᬫᬫ᭄ᬧᬶᬕᬦ᭄᭞ᬢᬸᬫᬸᬮᬶᬮᬯᬸᬢ᭄ᬫᬲᬸᬭᬶ᭞ᬕ᭄ᬮᬸᬂᬳᬕᬸᬂᬓ᭠ ᬢᭀᬦ᭄ᬜᬦ᭄ᬤᬶᬂᬧᬸᬲᬸᬂᬦ᭄ᬬ᭟᭜᭟ᬫᬯᬲ᭄ᬢ᭄ᬭᬲᬸᬢ᭄ᬭᬫᬩᬶᬓᬲ᭄᭞ᬫᬧᭂᬢᭂᬢ᭄ᬲᬸᬢ᭄ᬭᬓᬸᬦᬶᬂ᭞ᬫᬲᬶᬜ᭄ᬚᬂᬧᬶᬢᭀᬕ᭄ᬱᬲᬸᬢ᭄ᬭ᭞ᬫᬳᬦ᭄ᬢᬶᬂᬕ᭄ᬭᬶᬂᬲᬶᬂᬭᬶᬗ᭄ᬕᬶᬢ᭄᭞ᬫᬲᬸᬮᬫ᭄‌ᬬᬫᬘᬯᬶ᭞ᬫᬩ᭄ᬮᭂᬗ᭄ᬓᭂᬃᬩᬸᬗ᭄ᬳᬦ᭄ᬢᬸᬜ᭄ᬚᬸᬂ᭞ᬫᬲᭂᬓᬃᬓᭂᬫ᭄ᬩᬂᬮᬶᬃ ᬕᬶᬮᭀ᭞ᬫᬲᬸᬫ᭄ᬲᬸᬫ᭄ᬘᬫ᭄ᬧᬓᬧᬸᬢᬶᬄ᭞ᬢᬸᬳᬸᬬᬸᬫᬲᭂᬗ᭄ᬓᬂᬮᭀᬦ᭄ᬢᬭᬾᬧᭂᬝᬓ᭄᭟᭜᭟ᬳᬶᬲᬾᬯᬕᬢᬶᬳᬫᬸᬯᬸᬲ᭞ᬲᬧᬲᬶᬭᬲᬋᬂᬫᬗ᭄ᬓᬶᬦ᭄᭞ᬦᬾᬦᬾᬧᬘᬂᬳᬚᬓ᭄ᬮᬸᬯᬲ᭄᭞ᬳᬶᬲᬾᬯᬫᬭᬶᬜᬯᬸ [᭓ 3A] ᬭᬶᬦ᭄᭞ᬤᬶᬯᬂᬓᬢᬄᬫᬗᬦ᭄ᬢᬶ᭞ᬘ᭄ᬭᬶᬓ᭄ᬓᭂᬮᬶᬄᬬᬫᬢᬫ᭄ᬩᬸᬦ᭄᭞ᬳᬗᭀᬩ᭄ᬗᬦ᭄ᬢᭀᬲ᭄ᬜᬳᬶᬤᭀᬕᬾ᭠ᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬤᬶᬧᬢᬫ᭄ᬩᬸᬦᬦᬾᬤᬶᬯᬂ᭟᭜᭟ᬳᬶᬲᬾᬯᬫᬭᬶᬫᬗᬸᬘᬧ᭄᭞ ᬧ᭄ᬬᬓᬂᬜᬳᬶᬫᬜᬫ᭄ᬧᬶᬂ᭞ᬥᬥᬭᬶᬲᬸᬧ᭄ᬭᬪᬢᭂᬓ᭞ᬤᬦᬾᬳᬢᬸᬭᬶᬦ᭄ᬫᬭᬢᬶᬦ᭄᭞ᬳᬢᭂᬳᬂᬳᬚᬓ᭄ᬲᬫᬶ᭞ᬓᬕᬾᬢ᭄ᬫᬩ᭄ᬭᬶᬬᬓ᭄ᬕᬸᬫᬸᬬᬸ᭞ᬳᬶᬲᬾᬯᬕᬢᬶᬳᬗᬸᬘᬧ᭄᭞ᬤᬫᬫᬾᬮᬕ᭄ᬓᬸᬤᬫᬫᬃᬕ᭄ᬕᬶ᭞ᬳᬦᬓ᭄ᬮ᭄ᬬᬸᬳᬾᬤ᭠ ᬍᬫ᭄ᬓᬸᬤᬦᭀᬢᬦᬓ᭄᭟᭜᭟ᬢᬸᬫᬸᬮᬶᬮᬯᬸᬢ᭄ᬫᬚᬮᬦ᭄᭞ᬕᬸᬫᬶᬯᬂᬢᬾᬚᬦᬾᬳᭂᬦ᭄ᬤᬶᬄ᭞ᬓᬤᬶᬰᬰᬗ᭄ᬓᬦ᭄ᬧᬹᬃᬡ᭄ᬦᬫ᭞ᬮ᭄ᬯᬶᬃᬳᬦ᭄ᬤᬭᬸᬂᬓᬢᭀᬦᭂᬦ᭄ᬤᬶᬄ᭞ᬓᬮᬗᭃᬦᬶᬂᬧᬲᬃᬉᬓᬶᬃ᭞ᬲᬶᬂᬓᬧᭂᬦ᭄ᬤᬓ᭄ᬧᬥᬍᬲᬸ᭞ᬜᬾ᭠ ᬦ᭄ᬲᬬᬂᬩᬸᬓᬤᬾᬯ᭞ᬢᬦ᭄ᬮ᭄ᬬᬦᬶᬲᬳ᭄ᬬᬂᬭᬢᬶᬄ᭞ᬳᬶᬤᬢᬸᬭᬸᬦ᭄᭞ᬫᬮᬶᬗ᭄ᬕᬤᬤᬶᬫᬵᬦᬸᬱ᭟᭜᭟ᬫᬫᬃᬕ᭄ᬕᬶᬳᬶᬤᬗᬚᬦᬂ᭞ᬳᬶᬲᬾᬯᬕᬢᬶᬫᬭᬢᬶᬦ᭄᭞ᬓᬓᬦ᭄ᬢᬾᬦᬦᬾᬗᬶᬭᬶᬗᬂ᭞ᬢᬦ᭄ᬧᬾᬦ᭄ᬤᬄᬓᬤᬶᬥᬥ

Auto-transliteration

[2 2B] 2. radeśanesami, kocapanisewamari, tanlyanisemarasantun, hisewagatikocapan, punikaderengmamar̀ggi, wusmatambunkakantenanengantyang \\•\\ hisewamarikoca pan, mangaliḥhisewagati, kĕtutgĕlisangkemyay̶ngsa, mar̀ggimangaturangbhakti, hanaksāmpunmamar̀ggi, hisewagatihamuwus, hantosdentityangmampigan, tumulilawutmasuri, glunghagungka‐ tonñandingpusungnya \\•\\ mawastrasutramabikas, mapĕtĕtsutrakuning, masiñjangpitogṣasutra, mahantinggringsingringgit, masulamyamacawi, mablĕngkĕr̀bunghantuñjung, masĕkar̀kĕmbanglir̀ gilo, masumsumcampakaputiḥ, tuhuyumasĕngkanglontarepĕṭak \\•\\ hisewagatihamuwusa, sapasirasar̥ĕngmangkin, nenepacanghajakluwas, hisewamariñawu [3 3A] rin, diwangkataḥmanganti, crikkĕliḥyamatambun, hangobngantosñahidoge‐n, tumulirarismamar̀ggi, sāmpunrawuḥdipatambunanediwang \\•\\ hisewamarimangucap, pyakangñahimañamping, dhadharisuprabhatĕka, danehaturinmaratin, hatĕhanghajaksami, kagetmabriyakgumuyu, hisewagatihangucap, damamelagkudamamar̀ggi, hanaklyuheda‐ l̥ĕmkudanotanak \\•\\ tumulilawutmajalan, gumiwangtejanehĕndiḥ, kadiśaśangkanpūr̀ṇnama, lwir̀handarungkatonĕndiḥ, kalangöningpasar̀ukir̀, singkapĕndakpadhal̥ĕsu, ñe‐ nsayangbukadewa, tanlyanisahyangratiḥ, hidaturun, malinggadadimānuṣa \\•\\ mamar̀ggihidangajanang, hisewagatimaratin, kakantenanengiringang, tanpendaḥkadidhadha

Leaf 3

Image on Archive.org

[᭓ 3B] ᭓᭟ ᬭᬶ᭞ᬢᬦ᭄ᬓᭀᬘᬧᬦ᭄ᬤᬶᬫᬃᬕ᭄ᬕᬶ᭞ᬭᬯᬸᬄᬤᬶᬮᬯᬗᬦᬕᬸᬂ᭞ᬤᬶᬓᬬᬗᬦᬾᬧᬸᬦᬶᬓ᭞ᬮ᭄ᬬᬸᬳᬦᬓ᭄ᬘ᭄ᬭᬶᬓ᭄ᬓᭂᬮᬶᬄ᭞ᬲᬕᬾᬢ᭄ᬭᬯᬸᬄᬳᬶᬲᬾᬯᬕᬢᬶᬫᬓ᭄ᬮᬧ᭄᭟᭜᭟ᬳᬤᬧᬶᬢᬦ᭄ᬤ᭄ᬭᬸᬄᬳᬗᬸᬘᬧ᭄᭞ᬲᬧᬲᬶᬭᬳᭂᬦ᭄ᬢᭀᬘ ᬳᬶ᭞ᬭᬹᬧᬦᬾᬓᬤᬶᬲᬸᬧ᭄ᬭᬪ᭞ᬬᬾᬦ᭄ᬩᬓᬢ᭄ᬩᬳᬦ᭄ᬗᬸᬧᬤᬶ᭞ᬢ᭄ᬯᬭᬫᬗᬶᬢᬸᬂᬧᬢᬶ᭞ᬬᬤᬶᬦ᭄ᬜᬍᬫᬳᬶᬂᬧᬶᬢᬸ᭞ᬬᬾᬦᬶᬤᬲᬵᬫ᭄ᬧᬸᬦᬶᬘ᭞ᬳᬧᬂᬢᬶᬢ᭄ᬬᬂᬫᬜ᭄ᬚᬓᬸᬕᬶ᭞ᬮᬫᬸᬦ᭄ᬲᬵᬫ᭄ᬧᬸᬦ᭄᭞ᬳᬶᬘᬤᬦᬾᬫᬜ᭄ᬚᬓᬂᬢᬶᬢ᭄ᬬᬂ᭟ ᭐᭟ᬦᬾᬩᬲ᭄ᬓᬲ᭄ᬫᬭᬦᬗᬸᬘᬧ᭄᭞ᬫᬭᬶᬓᬶᬤᬾᬯᬫᬲᬸᬗ᭄ᬕᬶ᭞ᬢᭀᬂᬧᬦ᭄ᬢᭂᬲᬶᬤᬾᬯᬫᬚᬮᬦ᭄᭞ᬳᬲᬶᬂᬲᬶᬗᬮ᭄ᬲᬗ᭄ᬓᭀᬮᬩᬶᬦ᭄᭞ᬫᬃᬫᬜᬶᬗᬮ᭄ᬫᬜᬸᬗ᭄ᬕᬶ᭞ᬘᬤᬗᬶᬦ᭄ᬩᬦ᭄ᬕᬮᬂᬓᬲᬸᬃ᭞ᬧᭂᬢᭂᬗᬾᬜᬶᬢᬂᬤᬫᬃ᭞ᬤᬶᬓ ᬲᬸᬭᬾᬮᬶᬂᬮᬶᬂᬘᬦ᭄ᬤᬳᬶᬦ᭄᭞ᬤᬦᬾᬫᬶᬦᬓᬤᬾᬯᬦᬶᬂᬧᬕᬸᬮᬶᬗᬦ᭄᭟᭜᭟ᬳᬶᬲᬾᬯᬕᬢᬶᬢᬦ᭄ᬕᬶᬗ᭄ᬕᬂ᭞ᬫᬚᬮᬦ᭄ᬫᬜᭂᬮᬂᬫᬃᬕ᭄ᬕᬶ᭞ᬓᬓᬦ᭄ᬢᬾᬦᬦᬾᬗᬶᬭᬶᬗᬂ᭞ᬳᬶᬲᬾᬯᬫᬭᬳᬗᬶᬭᬶᬂ᭞ᬢᬦ᭄ᬮ᭄ᬬᬦᬶᬲᬾᬯᬫᬭᬶ᭞ᬢ [᭔ 4A] ᬦ᭄ᬲᬄᬲᬋᬂᬢᬢ᭄ᬮᬸ᭞ᬫᬫᬋᬓᬶᬤᬪᬝᬭ᭞ᬕᬕᬫᭂᬮᬦ᭄ᬫᬗᬺᬋᬗᬶᬄ᭞ᬕᭂᬦ᭄ᬤᬾᬃᬘᬮᬸᬂᬮᬦ᭄ᬲᭂᬫᬃᬧᬕᬸᬮᬶᬗᬦ᭄᭟᭜᭟ᬫᬶᬯᬄᬕᭀᬂᬲᬓᬢᬶᬳᬦ᭄᭞ᬘᬸᬫᬂᬓᬶᬭᬂᬫᬗᬺᬋᬗᬶᬄ᭞ᬳᬶᬭᬵᬢ᭄ᬦᬲ᭄ᬫᬭᬓᭀᬘᬧᬦ᭄᭞ ᬤᬦᬾᬜᭂᬓᬢᬶᬫᬭᬢᬶᬦ᭄᭞ᬧᬭᬤᬳᬗᬢᬸᬭᬂᬪᬓ᭄ᬢᬶ᭞ᬯᬸᬲᬦ᭄ᬫᬪᬓ᭄ᬢᬶᬫᬓᬶᬤᬸᬂ᭞ᬦᬸᬭᬸᬦᬂᬳᬶᬤᬪᬝᬭ᭞ᬓᭀᬘᬧᬦᬶᬲᬾᬯᬕᬢᬶ᭞ᬬᬫᬓᬶᬤᬸᬂᬯᬃᬕ᭄ᬕᬲᬭᬶᬦᬾᬓᬯᭂᬤᬮ᭄᭟᭜᭟ᬲᬋᬂᬭᬶᬂᬳᬶᬲᬾᬯᬫ᭄ᬩᬭ ᭞ᬢᬦᬶᬯᬂᬳᬶᬲᬾᬯᬫ᭄ᬩᬭᬶ᭞ᬫᬓᬶᬤᬸᬂᬯᬸᬢ᭄ᬦᬸᬯᬸᬢᬂ᭞ᬳᬶᬲᬾᬯᬕᬢᬶᬫᬭᬢᬶᬦ᭄᭞ᬲ᭄ᬯᬭᬦᬾᬫᬗᬺᬋᬗᬶᬄ᭞ᬍᬂᬍᬂᬲᬦ᭄ᬢᭂᬃᬫᬦᬶᬲ᭄ᬜᬸᬜᬸᬃ᭞ᬫᬭᬶᬦ᭄ᬕᭂᬦ᭄ᬤᬾᬃᬢᬢᬗᬶᬲᬦ᭄᭞ᬢᬸᬳᬸᬫᬗᭀᬮᬲᬂᬳᬢᬶ᭞ᬬᬢᬗ᭄ᬓᭂᬚᬸᬢ᭄᭞ ᬳᬶᬭᬵᬢ᭄ᬦᬲ᭄ᬫᬭᬫᬶᬋᬗᬂ᭟᭜᭟ᬩᬦ᭄ᬲ᭄ᬯᬭᬦᬾᬍᬂᬍᬂᬩᬦ᭄ᬩᬦ᭄᭞ᬓᬤᬶᬫᬥᬸᬫᬯᭀᬃᬕᭂᬦ᭄ᬤᬶᬲ᭄᭞ᬳᬶᬭᬵᬢ᭄ᬦᬲ᭄ᬫᬭᬫᬶᬋᬗᬂ᭞ᬫᬦᭂᬲᭂᬓ᭄ᬮᬯᬸᬢ᭄ᬫᬩᬮᬶᬄ᭞ᬓᬢᭀᬦ᭄ᬢᬾᬚᬦᬾᬗᭂᬦ᭄ᬤᬶᬄ᭞ᬳᬶᬲᬾᬯᬕᬢᬶᬓᬤᬸᬮᬸ᭞ᬤᬤᬶ

Auto-transliteration

[3 3B] 3. ri, tankocapandimar̀ggi, rawuḥdilawanganagung, dikayanganepunika, lyuhanakcrikkĕliḥ, sagetrawuḥhisewagatimaklap \\•\\ hadapitandruḥhangucap, sapasirahĕntoca hi, rūpanekadisuprabha, yenbakatbahanngupadi, twaramangitungpati, yadinñal̥ĕmahingpitu, yenidasāmpunica, hapangtityangmañjakugi, lamunsāmpun, hicadanemañjakangtityang. 0. nebaskasmaranangucap, marikidewamasunggi, tongpantĕsidewamajalan, hasingsingalsangkolabin, mar̀mañingalmañunggi, cadanginban'galangkasur̀, pĕtĕngeñitangdamar̀, dika surelinglingcandahin, daneminakadewaningpagulingan \\•\\ hisewagatitan'ginggang, majalanmañĕlangmar̀ggi, kakantenanengiringang, hisewamarahangiring, tanlyanisewamari, ta [4 4A] nsaḥsar̥ĕngtatlu, mamar̥ĕkidabhaṭara, gagamĕlanmangr̥ĕr̥ĕngiḥ, gĕnder̀calunglansĕmar̀pagulingan \\•\\ miwaḥgongsakatihan, cumangkirangmangr̥ĕr̥ĕngiḥ, hirātnasmarakocapan, daneñĕkatimaratin, paradahangaturangbhakti, wusanmabhaktimakidung, nurunanghidabhaṭara, kocapanisewagati, yamakidungwar̀ggasarinekawĕdal \\•\\ sar̥ĕngringhisewambara , taniwanghisewambari, makidungwutnuwutang, hisewagatimaratin, swaranemangr̥ĕr̥ĕngiḥ, l̥ĕngl̥ĕngsantĕr̀manisñuñur̀, marin'gĕnder̀tatangisan, tuhumangolasanghati, yatangkĕjut, hirātnasmaramir̥ĕngang \\•\\ banswaranel̥ĕngl̥ĕngbanban, kadimadhumawor̀gĕndis, hirātnasmaramir̥ĕngang, manĕsĕklawutmabaliḥ, katontejanengĕndiḥ, hisewagatikadulu, dadi

Leaf 4

Image on Archive.org

[᭔ 4B] ᭔᭟ ᬬᬫᬧᬧᬦ᭄ᬮᬶᬬᬢ᭄᭞ᬳᬶᬲᬾᬯᬕᬢᬶᬫᬦᭀᬮᬶᬄ᭞ᬫᬢᬲᬸᬃᬬ᭄ᬬᬲᬓᬤᬶᬲᬦ᭄ᬤᭂᬃᬓᬶᬮᬧ᭄᭟᭜᭟ᬮᬮᬶᬓᬬᬸᬦᬾᬳᬫᬘ᭞ᬓᭂᬦᭂᬳᬾᬤᬤᬶᬳᬩᭂᬲᬶᬓ᭄᭞ᬳᬶᬭᬵᬢ᭄ᬦᬲ᭄ᬫᬭᬢᬦᬶᬯᬂ᭞ᬫᬕᬦ᭄ᬢᬸᬂᬕᬦ᭄ᬢᬸᬂᬤᬶᬳᬢᬶ᭞ᬍᬗᭂᬄᬳᬶᬤᭂᬧᬾᬧᬮᬶᬂ ᭞ᬩᬸᬓᬓᭂᬦᬭᬸᬚᬓ᭄ᬕᬥᬸᬂ᭞ᬍᬂᬍᬂᬩᬸᬗᭂᬂᬫᬩ᭄ᬮᬶᬗᭂᬭᬦ᭄᭞ᬭᬭᬶᬲ᭄ᬫᬮᬶᬗ᭄ᬕᬶᬄᬓᬲᬶᬲᬶ᭞ᬫᬗᬯᬸᬓᬶᬦ᭄ᬫᬶᬲᬦᬾᬳᬶᬲᬾᬯᬫ᭄ᬩᬭ᭟᭜᭟ᬳᬶᬭᬵᬢ᭄ᬦᬲᬫᬭᬬᬳᭀᬲᬄ᭞ᬓᬲ᭄ᬫᬭᬦ᭄ᬭᬧᬸᬄᬧᬮᬶᬂ᭞ᬍᬗᭂᬄᬩᬸᬓᬓᭂᬦᬳᬸᬧᬲ᭄᭞ᬳᬶᬲᬾᬯᬕᬢᬶ ᬫᬦᭂᬲᬶᬦ᭄᭞ᬢᬦ᭄ᬲᬄᬲᬸᬫᭀᬮᭀᬧᬶᬂᬮᬶᬭᬶᬂ᭞ᬭᬲᬜᬓᬢᭂᬧᬸᬓ᭄ᬤᬶᬢᬸ᭞ᬮᬷᬮᬬᬂᬢᭀᬂᬤᬤᬶᬮᬷᬮ᭞ᬗᭂ᭠ᬫ᭄ᬩᭂᬂᬬᬾᬄᬢᬶᬗ᭄ᬳᬮᬾᬗᭂᬮᬶᬂ᭞ᬩᬸᬓᬲᬸᬤᬸᬓ᭄᭞ᬭᬲᬢ᭄ᬯᬭᬢᬦ᭄ᬧᬚᬶᬯ᭟᭜᭟ᬳᬥᬸᬄᬤᬾᬯᬪᬬᬳᭀᬲᬄ᭞ᬲᬧᭀ ᬮᬳᬾᬗᬸᬦ᭄ᬗᬸᬦ᭄ᬲᭂᬤᬶᬄ᭞ᬳᬸᬧᬫᬦᬾᬳᬶᬫᬶᬭᬄᬤᬾᬯ᭞ᬮ᭄ᬯᬶᬃᬳᬦ᭄ᬤᬭᬸᬂᬓᬢᭀᬦ᭄ᬳᭂᬦ᭄ᬤᬶᬄ᭞ᬳᬶᬲᬾᬯᬕᬢᬶᬫᬗ᭄ᬭᬦ᭄ᬢᬸᬦᬶᬦ᭄᭞ᬤᬶᬓᭂᬦᭂᬄᬬᬫᬕᬦ᭄ᬢᬸᬂ᭞ᬳᭂᬗ᭄ᬲᬧ᭄ᬳᭂᬗ᭄ᬲᬧᬂᬤᬶᬫᬢ᭞ᬫᬲᬶᬄᬫᬕᬦ᭄ᬢᬸᬂᬤᬶᬳᬢᬶ᭞ᬢᬦ᭄ᬓᬮᬶᬗᬸ᭞ᬲᬓᬢᬄᬩᬮᬶᬩᬮ᭄ᬬ [᭕ 5A] ᬦ᭄᭟᭜᭟ᬚᬦᬶᬤᬭᬢᬦᬾᬓᭀᬘᬧ᭄᭞ᬪᬝᬭᬦᬾᬲᬫᬶᬗ᭄ᬭᬗ᭄ᬲᬸᬓᬶᬦ᭄᭞ᬲᬫᬶᬧᬥᬓᬮᬶᬗ᭄ᬲᬾᬦᬦ᭄᭞ᬳᬤᬫᬜ᭄ᬭᬶᬢ᭄ᬧᬚ᭄ᬭᬶᬢ᭄᭞ᬳᬤᬫᬗᬶᬕᭂᬮ᭄ᬧᬤᬶᬗ᭄ᬓ᭄ᬭᬶᬓ᭄᭞ᬮᬾᬦ᭄ᬫᬕᬳᬂᬘᭂᬕᬂᬘᭂᬕᬸᬂ᭞ᬓᬭᬗ᭄ᬲᬸᬓᬦ᭄ᬩᬦ᭄ᬫᬘᬦ᭄᭞ ᬲᭀᬮᬳᬾᬗᬺᬲᬶᬦ᭄ᬳᬢᬶ᭞ᬫᬓᬓᬶᬧᬸ᭞ᬫᬕᬸᬬᬂᬬᬫᬕᬾᬲ᭄ᬕᬾᬲᬦ᭄᭟᭜᭟ᬳᬤᬫᬗᬸᬋᬓ᭄ᬧᬤᬶᬗ᭄ᬓᭂᬮᬓ᭄᭞ᬧᬓᬮᬾᬫ᭄ᬮᬾᬫ᭄ᬗᬗ᭄ᬕᬃᬓ᭄ᬭᬶᬲ᭄᭞ᬫᬗᬸᬋᬓ᭄‌ᬬᬚᬶᬩ᭄ᬭᬕ᭄ᬚᬶᬩ᭄ᬭᬕ᭄᭞ᬲᬸᬃᬬ᭄ᬬᬓᬾᬫᬯᬦ᭄ᬢᬶᬯᬦ᭄ᬢᬶ᭞ᬳᬤᬮᬾᬦ᭄ᬫᬜᬸᬃᬬ᭄ᬬᬓᬶᬦ᭄᭞ ᬳᬤᬗᬸᬋᬓ᭄ᬳᬗ᭄ᬕᬸᬢ᭄ᬳᬗ᭄ᬕᬸᬢ᭄᭞ᬭᭀᬯᬂᬜᬦᬾᬫᬜᬸᬃᬬ᭄ᬬᬓᬂ᭞ᬧᬓ᭄ᬭᬯᬸᬓ᭄ᬧᬥᬧᬶᬸᬂᬧᬓ᭄ᬭᬳᬶᬓ᭄᭞ᬘᬸᬭᬸᬢ᭄ᬘᬸᬭᬸᬢ᭄᭞ᬧᬥᬬᬫᬭᬸᬬᬸᬭᬸᬬ᭄ᬯᬦ᭄᭟᭜᭟ᬚᬦᬶᬲᬵᬫ᭄ᬧᬸᬦ᭄ᬫᬗ᭄ᬮᭂᬩᬭᬂ᭞ᬧ᭄ᬭᬲᬶᬤ᭄ᬟᬓᬃᬬ᭄ᬬᬦᬾᬚᬦᬶ᭞ᬤᬭᬢᬦᬾᬲᬵᬫ᭄ᬧᬸ᭠ ᬦᬸᬲᬦ᭄᭞ᬯᭀᬂᬫᬦᭀᬦ᭄ᬢᭀᬦ᭄ᬧᬥᬫᬸᬮᬶᬄ᭞ᬫ᭄ᬯᬄᬦᬾᬗᬢᬸᬭᬂᬪᬓ᭄ᬢᬶ᭞ᬲᬫᬶᬬᬫᬦ᭄ᬢᬸᬓ᭄ᬲᬤᬸᬮᬸᬃ᭞ᬳᬶ᭠ᬲᬾᬯᬕᬢᬶᬓᭀᬘᬧᬦ᭄᭞ᬲᬋᬂᬫᬶᬲᬦᬾᬓᬓᬮᬶᬄ᭞ᬲᬫᬶᬫᬦ᭄ᬢᬸᬓ᭄᭞ᬭᬶᬸᬂᬳᬶᬭᬵᬢ᭄ᬦᬲ᭄ᬫᬭᬓᭀᬘᬧᬦ᭄᭟᭜᭟

Auto-transliteration

[4 4B] 4. yamapapanliyat, hisewagatimanoliḥ, matasur̀yyasakadisandĕr̀kilap \\•\\ lalikayunehamaca, kĕnĕhedadihabĕsik, hirātnasmarataniwang, magantunggantungdihati, l̥ĕngĕḥhidĕpepaling , bukakĕnarujakgadhung, l̥ĕngl̥ĕngbungĕngmablingĕran, rarismalinggiḥkasisi, mangawukinmisanehisewambara \\•\\ hirātnasamarayahosaḥ, kasmaranrapuḥpaling, l̥ĕngĕḥbukakĕnahupas, hisewagati manĕsin, tansaḥsumolopingliring, rasañakatĕpukditu, līlayangtongdadilīla, ngĕ‐mbĕngyeḥtinghalengĕling, bukasuduk, rasatwaratanpajiwa \\•\\ hadhuḥdewabhayahosaḥ, sapo lahengunngunsĕdiḥ, hupamanehimiraḥdewa, lwir̀handarungkatonhĕndiḥ, hisewagatimangrantunin, dikĕnĕḥyamagantung, hĕngsap'hĕngsapangdimata, masiḥmagantungdihati, tankalingu, sakataḥbalibalya [5 5A] n \\•\\ janidaratanekocap, bhaṭaranesamingrangsukin, samipadhakalingsenan, hadamañritpajrit, hadamangigĕlpadingkrik, lenmagahangcĕgangcĕgung, karangsukanbanmacan, solahengr̥ĕsinhati, makakipu, maguyangyamagesgesan \\•\\ hadamangur̥ĕkpadingkĕlak, pakalemlemnganggar̀kris, mangur̥ĕkyajibragjibrag, sur̀yyakemawantiwanti, hadalenmañur̀yyakin, hadangur̥ĕk'hanggut'hanggut, rowangñanemañur̀yyakang, pakrawukpadhap̶ngpakrahik, curutcurut, padhayamaruyuruywan \\•\\ janisāmpunmanglĕbarang, prasidḍakar̀yyanejani, daratanesāmpu‐ nusan, wongmanontonpadhamuliḥ, mwaḥnengaturangbhakti, samiyamantuksadulur̀, hi‐sewagatikocapan, sar̥ĕngmisanekakaliḥ, samimantuk, r̶nghirātnasmarakocapan \\•\\

Leaf 5

Image on Archive.org

[᭕ 5B] ᭕᭟ ᬳᬶᬭᬵᬢ᭄ᬦᬲ᭄ᬫᬭᬦᬮᬶᬫ᭄ᬩᬂ᭞ᬫᬚᬮᬦ᭄ᬫᬦᬸᬢᬸᬕᬸᬭᬶ᭞ᬤᬤᬶᬬᬩᬸᬓᬳᬢᭂᬳᬂ᭞ᬤᬳᬦᬾᬫᬦᭀᬮᬶᬄᬓᬸᬭᬶ᭞ᬳᬶᬭᬵᬢ᭄ᬦᬲ᭄ᬫᬭᬗᭂᬚᭂᬧᬶᬦ᭄᭞ᬳᬶᬓ᭄ᬢᬸᬢ᭄ᬫᬲᭂᬫᬸᬓᭂᬜᬸᬂ᭞ᬢᬭᬸᬡᬦᬾᬲᬸᬲ᭄ᬬᬄᬩᬸᬬᬃ᭞ᬓᭂᬦᭂᬳᬾᬲᬸᬫᬗ᭄ᬓᬶᬦ᭄ᬧᬮᬶᬂ ᭞ᬲᬸᬩᬘᬮᬸᬄ᭞ᬓᬾᬯᬮᬤᬾᬭᬾᬂᬲᭀᬘᬧᬦ᭄᭟᭜᭟ᬫᬲᬲᭂᬦ᭄ᬤᭀᬦ᭄ᬭᬶᬂᬭᭀᬢᬗ᭞ᬮᬗᬶᬢᬾᬘᬳᬶᬘᬶᬗᬓᬶᬦ᭄᭞ᬳᭂᬦᬶᬂᬢᬦ᭄ᬧᬢ᭄ᬮᭂᬢᭂᬄᬫᬾᬖ᭞ᬓᬓ᭄ᬮᬶᬓᬾᬗᬲᬶᬳᬲᬶᬄ᭞ᬩᭂᬤᬓ᭄ᬫᬩᬸᬤ᭄ᬟᬶᬯᬭᬶᬄ᭞ᬤᬶᬚᬫᬗᬮᬶᬄᬚᬯᬸᬄ ᭞ᬤᬸᬫᬤᬓ᭄ᬚᬓᬸᬤᬳᬸᬚᬦ᭄᭞ᬓᬗᭂᬦ᭄ᬲᬦ᭄ᬩᭂᬮᬶᬦᬶᬗᬮᬶᬦ᭄᭞ᬫᬶᬮᬸᬲᬸᬗ᭄ᬲᬸᬢ᭄᭞ᬩᬓᬢᬦ᭄ᬓᭂᬦᬳᬶᬦ᭄ᬧᬶᬓᬢ᭄᭟᭜᭟ᬓᬓᬦ᭄ᬢᬾᬦᬦᬾᬳᬗᬸᬘᬧ᭄᭞ᬤᬸᬓᬧᬦ᭄ᬲᬶᬄᬧᬘᬂᬧᬶᬸᬮᬶᬸᬄᬧᭂᬮᬶᬄ᭞ᬬᬾᬦ᭄ᬧᬢᬹᬢ᭄ᬩᬦ᭄ᬫᬓᬢᬶ ᬦ᭞ᬧᬘᭂᬂᬘᭂᬗᬶᬦ᭄ᬕᭂᬮᬢᬶᬓ᭄ᬧᬸᬢᬶᬄ᭞ᬫᬸᬮᬭᬢᬸᬦᬶᬂᬧᬓ᭄ᬱᬶ᭞ᬳᬶᬭᬵᬢ᭄ᬦᬲ᭄ᬫᬭᬲᬸᬫᬯᬸᬃ᭞ᬳᬗ᭄ᬳᬶᬂᬧᬘᭂᬂᬘᭂᬗᬾᬦᬶᬱ᭄ᬝ᭞ᬕ᭄ᬮᬢᬶᬓ᭄ᬧᬸᬢᬶᬄᬢᬦ᭄ᬧᬧ᭄ᬮᬶᬓ᭄᭞ᬫᬫᬶᬓᬢᬶᬦ᭄ᬕᭂᬮᬢᬶᬓ᭄ᬩᬸᬗ᭄ᬳᬳᬸᬮᬶᬤᬶᬓᬾᬦ᭄ᬤ᭄ᬭᬦ᭄᭟᭟᭜᭟ᬳᬶᬓ᭄ᬢᬸᬢ᭄ᬢ [᭖ 6A] ᬳᬸᬭᬶᬂᬲᬶᬧ᭄ᬢ᭞ᬲᬶᬧ᭄ᬢ᭞ᬲᭂᬫᬸᬦᬾᬩᬸᬓᬲᭂᬫᬸᬦᬶᬦ᭄᭞ᬳᬗᬸᬘᬧ᭄ᬢᭂᬓᬾᬦ᭄ᬭᭀᬯᬗ᭞ᬧᬦᭂᬲᬾᬫ᭄ᬩᭀᬢ᭄ᬯᬭᬕᬶᬕᬶᬲ᭄᭞ᬫᬧᬦ᭄ᬰᬰᬶᬄᬓᬧᬢ᭄‌ᬯ᭄ᬬᬓ᭄ᬢᬶ᭞ᬓᬓ᭄ᬮᬶᬓᬾᬗᬮᬸᬧᬮᬸᬧ᭄᭞ᬫᬸᬜᬶᬦᬾᬗᭀᬮᬲᬂᬫᬦᬄ᭞ᬳᬸᬮᬢ᭄ᬬᬫᬩᬸᬤ᭄ᬟᬶᬯᬭᬶᬄ ᭞ᬢᬓᬸᬢ᭄ᬢᬸᬬᬸᬄ᭞ᬫᬚᬮᬦ᭄ᬭᬶᬓᬢ᭄ᬩᬦ᭄ᬤᬬ᭟᭜᭟ᬬᬾᬦ᭄ᬢᬸᬢᬸᬕᬂᬫᬚᬮᬦ᭄᭞ᬢ᭄ᬯᬄᬬᬓᬢᭀᬦ᭄ᬢᭀᬬᬦᬾᬳᭂᬦᬶᬂ᭞ᬳᬶᬲᬾᬯᬫᬭᬳᬗᬸᬘᬧ᭄᭞ᬳᬶᬲᬾᬯᬫᬭᬶᬜᬯᬸᬭᬶᬦ᭄᭞ᬫᬓᬤᬶᬗᬮᬧ᭄ᬲᬭᬶ᭞ᬲᭂᬧᬓ᭄ᬓᬶᬚᭂᬫ᭠ ᬗ᭄ᬕᬾᬦ᭄ᬜᬸᬓ᭄ᬘᬸᬓ᭄᭞ᬓᬢᬶᬓᬾᬳᬶᬮᬶᬤᬶᬦ᭄ᬤᭀᬦ᭞ᬩᬳᭀᬗᬾᬲᬶᬕᭂᬓ᭄ᬫᬗ᭄ᬮᬶᬂᬮᬶᬂ᭞ᬕ᭄ᬮᬕᬃᬧᭂᬮᬸᬓ᭄᭞ᬬᬾ᭠ᬦ᭄ᬧᭂᬦᬾᬓᬶᬦ᭄ᬢ᭄ᬯᬄᬬᬩᬓᬢ᭄᭟᭜᭟ᬧᬥᬢᬳᬸᬢᭂᬓᬾᬦ᭄ᬲᬶᬧ᭄ᬢ᭞ᬲᭂᬫᬸᬦᬾᬩᬸᬓᬲᭂᬫᬸᬦᬶᬦ᭄᭞ᬓᭂᬦᭂᬄᬜᬦᬾ ᬧᬥᬧᬸᬲᬂ᭞ᬭᬶᬸᬂᬳᬶᬭᬵᬢ᭄ᬦᬲ᭄ᬫᬭᬦᬸᬢᬸᬢᬶᬦ᭄᭞ᬳᬶᬲᬾᬯᬕᬢᬶᬫᬦᭀᬮᬶᬄ᭞ᬫᬾᬲᭂᬫ᭄‌ᬬᬫᬲᭂᬫᬸᬓᭂᬜᬸᬂ᭞ᬢᬭᬸᬡᬦᬾᬲᬸᬲ᭄ᬬᬓ᭄ᬩᬸᬬᬃ᭞ᬗᬦ᭄ᬲᬦ᭄ᬧᬳᬓ᭄‌ᬬᬫᬫᬃᬕ᭄ᬕᬶ᭞ᬫᬲᬶᬄᬳᭂᬦᬸ᭞ᬓᭂᬦᭂᬳᬾᬢᬓᬸᬢ᭄ᬢᬓᬸᬢᬦ᭄᭟

Auto-transliteration

[5 5B] 5. hirātnasmaranalimbang, majalanmanutuguri, dadiyabukahatĕhang, dahanemanoliḥkuri, hirātnasmarangĕjĕpin, hiktutmasĕmukĕñung, taruṇanesusyaḥbuyar̀, kĕnĕhesumangkinpaling , subacaluḥ, kewaladerengsocapan \\•\\ masasĕndonringrotanga, langitecahicingakin, hĕningtanpatlĕtĕḥmegha, kaklikengasihasiḥ, bĕdakmabudḍiwariḥ, dijamangaliḥjawuḥ , dumadakjakudahujan, kangĕnsanbĕliningalin, milusungsut, bakatankĕnahinpikat \\•\\ kakantenanehangucap, dukapansiḥpacangp̶l̶ḥpĕliḥ, yenpatūtbanmakati na, pacĕngcĕngin'gĕlatikputiḥ, mularatuningpaksyi, hirātnasmarasumawur̀, hanghingpacĕngcĕngeniṣṭa, glatikputiḥtanpaplik, mamikatin'gĕlatikbunghahulidikendran. \\•\\ hiktutta [6 6A] huringsipta, sipta, sĕmunebukasĕmunin, hangucaptĕkenrowanga, panĕsembotwaragigis, mapanśaśiḥkapatwyakti, kaklikengalupalup, muñinengolasangmanaḥ, hulatyamabudḍiwariḥ , takuttuyuḥ, majalanrikatbandaya \\•\\ yentutugangmajalan, twaḥyakatontoyanehĕning, hisewamarahangucap, hisewamariñawurin, makadingalapsari, sĕpakkijĕma‐ nggenñukcuk, katikehilidindona, bahongesigĕkmanglingling, glagar̀pĕluk, ye‐npĕnekintwaḥyabakat \\•\\ padhatahutĕkensipta, sĕmunebukasĕmunin, kĕnĕḥñane padhapusang, r̶nghirātnasmaranututin, hisewagatimanoliḥ, mesĕmyamasĕmukĕñung, taruṇanesusyakbuyar̀, ngansanpahakyamamar̀ggi, masiḥhĕnu, kĕnĕhetakuttakutan.

Leaf 6

Image on Archive.org

[᭖ 6B] ᭖᭟ ᭐᭟ᬚᬦᬶᬭᬸᬭᬸᬗᬾᬫᬘᬗ᭄ᬕᬄ᭞ᬧᬮᬶᬄᬓᬯᬸᬄᬧᬮᬶᬄᬓᬗᬶᬦ᭄᭞ᬳᬶᬲᬾᬯᬕᬢᬶᬗᬯᬗᬂᬫᬃᬕ᭄ᬕᬶᬦᬾᬦᭀᬮᬄᬦᭀᬮᬶᬄ᭞ᬳᬶᬭᬵᬢ᭄ᬦᬲ᭄ᬫᬭᬬᬓᬦ᭄ᬢᬸᬦ᭄᭞ᬢ᭄ᬯᬭᬕᬦ᭄ᬢᬲ᭄ᬕᬦ᭄ᬢᬲ᭄ᬫᬦ᭄ᬢᬸᬓ᭄᭞ᬓᬬᬸᬦ᭄ᬤᬦᬾᬲᬸᬲ᭄ᬬᬄᬩᬸᬬᬃ᭞ᬢᬸᬫᬸ ᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬲᬋᬂᬮ᭄ᬬᬸ᭞ᬓᬓᬦ᭄ᬢᬾᬦᬦᬾᬗᬶᬭᬶᬗᬂ᭟᭜᭟ᬚᬦᬶᬲᬸᬩᬢᭂᬓᭂᬤ᭄ᬚᬸᬫᬄ᭞ᬩ᭄ᬬᬂᬤᬦᬾᬫᬜᬧᬢᬶᬦ᭄᭞ᬭᬯᬸᬄᬲᬚᬕᬸᬲ᭄ᬢᬶᬫᬵᬲ᭄ᬫᬶᬭᬄ᭞ᬳᬶᬭᬵᬢ᭄ᬦᬲ᭄ᬫᬭᬜᬯᬸᬭᬶᬦ᭄᭞ᬳᬶᬗ᭄ᬕᬶᬄᬭᬯᬸᬄᬢᬶᬢ᭄ᬬᬂᬩᬶᬩᬶ᭞ᬳᬸᬤᭂᬗᬾ ᬧᬚᭂᬂᬤᬶᬤᬸᬳᬸᬃ᭞ᬲᬧᬸᬢ᭄ᬓᬤᬸᬢᬦᬾᬧᭂᬚᬂ᭞ᬫᬲᬮᬶᬦ᭄ᬯᬲ᭄ᬢ᭄ᬭᬧᬸᬢᬶᬄ᭞ᬯᬸᬲ᭄ᬫᬗᬶᬦᬂᬕᬤᬕᬸᬬᬂᬫᬸᬮᬶᬲᬄ᭟᭜᭟ᬕᬺᬩ᭄ᬬᬕ᭄ᬕᬺᬩ᭄ᬬᬸᬕ᭄ᬤᬶᬧᬤᭂᬫᬦ᭄᭞ᬢᬸᬫᬶᬦ᭄ᬤᬦᬾᬜᬕ᭄ᬚᬕᬶᬦ᭄᭞ᬤᬸᬄᬓᬸᬦᬧᬕᬸᬲ᭄ᬢᬶᬫᬵᬲ᭄ᬫᬶᬭᬄ᭞ᬳᬶᬭᬵᬢ᭄ᬦᬲ᭄ᬫᬭᬜ ᬯᬸᬭᬶᬦ᭄᭞ᬳᬭᬸᬄᬫᬵᬢᬶᬢᬶᬢ᭄ᬬᬂᬚᬦᬶ᭞ᬬᬦ᭄ᬢᬦ᭄ᬓᬢᭂᬧᬸᬓ᭄ᬭᬶᬂᬲᬂᬳᬬᬸ᭞ᬢᬦ᭄ᬯᬗ᭄ᬕᬾᬢᬶᬢ᭄ᬬᬂᬧᭂᬚᬄ᭞ᬚᬦᬶᬫᬦᬸᬯᬸᬓᬶᬦ᭄ᬩᬸᬤ᭄ᬟᬶ᭞ᬮᬫᬸᬦ᭄ᬲᬵᬫ᭄ᬧᬸᬦ᭄᭞ᬳᬶᬘᬤᬦᬾᬫᬜᬾᬤᬬᬂ᭟᭜᭟ᬮᬫᬸᬦ᭄ᬲᬋᬂᬲᬧᬶᬲᬦᬦ᭄᭞ᬳᬳᭀ [᭗ 7A] ᬭᬦ᭄ᬢᬶᬢ᭄ᬬᬗᬾᬫᬵᬢᬶ᭞ᬤᬢᬶᬂᬳᬶᬤᬸᬧ᭄ᬢ᭄ᬯᬭᬫᭂᬮᬄ᭞ᬲᬸᬓᬬᬦ᭄ᬢ᭄ᬯᬄᬢᬶᬢ᭄ᬬᬂᬫᬵᬢᬶ᭞ᬢᭀᬂᬢᬳᬾᬦ᭄ᬫᬫᬗ᭄ᬕᬶᬳᬶᬦ᭄᭞ᬓᬮᬗᭃᬦᬦᬓᬾᬳᬶᬤᬸᬧ᭄᭞ᬫᬓᬭᭀᬦᬦ᭄ᬤᬶᬧᬫᬺᬫᬦ᭄᭞ᬭᬶᬂᬤᬦᬾᬲᬂᬳᬬᬸᬮᬸᬯᬶᬄ᭞ᬢᬸ ᬮᬸᬲ᭄ᬧᬬᬸ᭞ᬢᬶᬢ᭄ᬬᬂᬲᭂᬤᬶᬄᬭᬶᬂᬳᬶᬫᬶᬭᬄ᭟᭜᭟ᬮᬶᬗ᭄ᬕᬄᬤᬾᬰᬢᬯᬂᬢᬶᬢ᭄ᬬᬂ᭞ᬩᬸᬓᬢ᭄ᬯᬭᬫᬫᬗ᭄ᬕᬶᬳᬶᬦ᭄᭞ᬯᬃᬡ᭄ᬦᬦᬾᬓᬤᬶᬳᬶᬫᬶᬭᬄ᭞ᬳᬸᬮᬢᬾᬫᬲᬯᬂᬓᬸᬦᬶᬂ᭞ᬓᬤ᭄ᬬᬦ᭄ᬫᬲᬸᬫ᭄ᬩ᭄ᬭᬂᬲᬫ᭄ᬩ᭄ᬭᬶᬂ᭞ᬫᬭᬸᬕ᭄ᬭᬸᬕᬦ᭄ᬫᬲᬶᬄᬳᬬᬸ᭞ᬬ ᬦᬶᬓᭂᬤᬾᬓ᭄ᬓᭂᬜᬸᬂᬤᭀᬕᬾᬦ᭄᭞ᬲᬸᬩᬜᬦ᭄ᬤᬂᬢᭀᬳᬶᬦ᭄ᬫᬵᬢᬶ᭞ᬓᬤᬶᬚᬸᬭᬸᬄ᭞ᬫᬭᬢᬸᬲ᭄ᬩᬦ᭄ᬕᬸᬮᬫᬗ᭄ᬕᬮ᭟᭜᭟ᬳᬗ᭄ᬳᬶᬂᬓᬮᬶᬦ᭄ᬢᬗᬦ᭄ᬲᭂᬗ᭄ᬓ᭞ᬢᬸᬫ᭄ᬩᬓ᭄ᬢᬸᬮᬸᬧᬾᬫᬗᭂᬫᬶᬢ᭄᭞ᬦᬤ᭄ᬬᬦ᭄ᬫᬲᬸᬗ᭄ᬕᬓᬤᬸᬢᬦ᭄᭞ᬢᬶᬢ᭄ᬬᬂ ᬲᬸᬓᬗᬍᬩᭀᬦᬶᬦ᭄᭞ᬢ᭄ᬯᬭᬕᬶᬗ᭄ᬲᬶᬃᬢᬶᬢ᭄ᬬᬂᬫᬵᬢ᭞ᬦᬤ᭄ᬬᬦ᭄ᬭᬶᬂᬓᬯᬄᬓᬍᬩᬸᬃ᭞ᬤ᭄ᬬᬲ᭄ᬢᬸᬭᬶᬂᬢᬶᬢᬶᬕᭀᬗ᭄ᬳᬂ᭞ᬢ᭄ᬯᬂᬗᬮᬗᬮᬂᬢᬚᬶ᭞ᬢᬶᬢ᭄ᬬᬂᬦᬸᬳᬸᬢ᭄᭞ᬓᬯᬶᬱ᭄ᬡᬸᬪᬯᬦᬮᭀᬓ᭟᭜᭟ᬳᬕᬸᬂᬲᬶᬄᬳᬶᬦᬸᬦᬲ᭄ᬢᬶ᭠

Auto-transliteration

[6 6B] 6. 0. janirurungemacanggaḥ, paliḥkawuḥpaliḥkangin, hisewagatingawangangmar̀gginenolaḥnoliḥ, hirātnasmarayakantun, twaragantasgantasmantuk, kayundanesusyaḥbuyar̀, tumu lirarismamar̀ggi, sar̥ĕnglyu, kakantenanengiringang \\•\\ janisubatĕkĕdjumaḥ, byangdanemañapatin, rawuḥsajagustimāsmiraḥ, hirātnasmarañawurin, hinggiḥrawuḥtityangbibi, hudĕnge pajĕngdiduhur̀, saputkadutanepĕjang, masalinwastraputiḥ, wusmanginanggadaguyangmulisaḥ \\•\\ gr̥ĕbyaggr̥ĕbyugdipadĕman, tumindaneñagjagin, duḥkunapagustimāsmiraḥ, hirātnasmaraña wurin, haruḥmātitityangjani, yantankatĕpukringsanghayu, tanwanggetityangpĕjaḥ, janimanuwukinbudḍi, lamunsāmpun, hicadanemañedayang \\•\\ lamunsar̥ĕngsapisanan, haho [7 7A] rantityangemāti, datinghiduptwaramĕlaḥ, sukayantwaḥtityangmāti, tongtahenmamanggihin, kalangönanakehidup, makaronandipamr̥ĕman, ringdanesanghayuluwiḥ, tu luspayu, tityangsĕdiḥringhimiraḥ \\•\\ linggaḥdeśatawangtityang, bukatwaramamanggihin, war̀ṇnanekadihimiraḥ, hulatemasawangkuning, kadyanmasumbrangsambring, marugruganmasiḥhayu, ya nikĕdekkĕñungdogen, subañandangtohinmāti, kadijuruḥ, maratusban'gulamanggala \\•\\ hanghingkalintangansĕngka, tumbaktulupemangĕmit, nadyanmasunggakadutan, tityang sukangal̥ĕbonin, twaragingsir̀tityangmāta, nadyanringkawaḥkal̥ĕbur̀, dyasturingtitigonghang, twangngalangalangtaji, tityangnuhut, kawiṣṇubhawanaloka \\•\\ hagungsiḥhinunasti‐

Leaf 7

Image on Archive.org

[᭗ 7B] ᭗᭟ ᬢ᭄ᬬᬂ᭞ᬤᬶᬲᬵᬫ᭄ᬧᬸᬦ᭄ᬢᬶᬢ᭄ᬬᬗᬾᬫᬵᬢᬶ᭞ᬕᬸᬮᬸᬂᬢᬶᬢ᭄ᬬᬂᬩᬦ᭄ᬓᭂᬤᬧᬦ᭄᭞ᬳᬸᬗ᭄ᬕᬳᬂᬓᬩᬮᬾᬫᬡᬶᬓ᭄᭞ᬭᬸᬭᬸᬩᬶᬦ᭄ᬲᬶᬜ᭄ᬚᬗᬾᬕᬸᬲ᭄ᬢᬶ᭞ᬮᬸᬗ᭄ᬲᬸᬭᬦ᭄ᬯᬲ᭄ᬢ᭄ᬭᬦᬾᬳᬭᬹᬫ᭄᭞ᬫᭀᬦ᭄ᬫᭀᬦᬶᬦ᭄ᬢᬶᬢ᭄ᬬᬂᬤᬾᬯ᭞ᬩᬳᬦ᭄ᬲᭂᬧᬳᬶᬕᬶᬸᬂᬲ᭄ᬢᬶᬸᬂ᭞ ᬫᬶᬭᬳᬾᬕᬸᬲ᭄ᬢᬶ᭞ᬧᬶᬮᬶᬄᬳᬶᬘᬢᬶᬢ᭄ᬬᬂᬯᬸᬲᬦ᭄ᬦᭂᬫᬸᬮᬭ᭟᭜᭟ᬫᬮᬶᬄᬯᬾᬦ᭄ᬢᭂᬦ᭄ᬧᬶᬦᬸᬦᬲ᭄ᬢᬶᬢ᭄ᬬ᭞ᬤᬶᬲᬵᬫ᭄ᬧᬸᬦ᭄ᬢᬶᬢ᭄ᬬᬗᬾᬫᬵᬢᬶ᭞ᬓᬸᬢᬂᬢᬶᬢ᭄ᬬᬂᬫᬭᬶᬂᬰᬾᬢ᭄ᬭ᭞ᬚᬗ᭄ᬓᭂᬧᬂᬧ᭄ᬭᬢᬾᬓᬫᬵᬢᬶ᭞ᬢᬗᬶᬲᬶᬦ᭄ᬩᬦ᭄ᬓᬶᬤᬸᬂᬓᬓᬯᬶᬦ᭄ ᭞ᬧᭂᬢᭂᬂᬍᬫᬄᬢᬶᬢ᭄ᬬᬂᬍᬲᬸ᭞ᬢᭀᬂᬤᬤᬶᬩᬳᬦ᭄ᬢᬶᬢ᭄ᬬᬂ᭞ᬓᬳᬦᬂᬲᬓᬶᬢᬾᬚᬦᬶ᭞ᬩᬸᬓᬍᬩᬸᬃ᭞ᬭᬲᬓᬤᬶᬢᬦ᭄ᬧᬚᬶᬯ᭟᭜᭟ᬮᬷᬮᬬᬂᬢᭀᬂᬤᬤᬶᬮᬷᬮ᭞ᬓᬤᭀᬂᬜᬸᬲᬸᬧ᭄ᬤᬶᬳᬢᬶ᭞ᬤᭀᬂᬘᬶᬗᬓ᭄ᬢᬶᬢ᭄ᬬᬂᬤᬾ ᬯ᭞ᬦᬳᬦᬂᬮᬭᬦᬾᬫᬗ᭄ᬓᬶᬦ᭄᭞ᬫᬕᬍᬂᬩᬦ᭄ᬳᬢᬶᬲᭂᬤᬶᬄ᭞ᬲᬸᬮᬸᬓ᭄ᬢᬶᬢ᭄ᬬᬂᬭᬶᬂᬳᬶᬭᬢᬸ᭞ᬧᬫᬸᬜᬶᬦ᭄ᬩᭀᬦ᭄ᬤᭀᬮᬾᬤᬾᬯ᭞ᬦᭀᬢ᭄ᬢᬶᬢ᭄ᬬᬂᬳᬶᬫᬶᬭᬄᬲᬳᬶ᭞ᬢᬸᬫ᭄ᬩᬓ᭄ᬕᭂᬲᬸᬂ᭞ᬳᬸᬮᬶᬂᬳᬶᬮᬸᬩᬦ᭄ᬗᬸᬧᬬ᭟᭜᭟ᬢᬸᬫᬶᬦ᭄ᬢᬭᬸᬡᬦᬾᬗᬸ᭠ [᭘ 8A] ᬘᬧ᭄᭞ᬫᬵᬲᬶᬫᬾᬫᬾᬘᬳᬶᬕᬸᬲ᭄ᬢᬶ᭞ᬳᭀᬭᬳᬶᬦ᭄ᬚᬓᬸᬤᬢᬶᬢ᭄ᬬᬂ᭞ᬳᬧᬦ᭄ᬧᬶᬲᬦ᭄ᬢᬶᬢ᭄ᬬᬂᬳᬸᬦᬶᬂ᭞ᬤᭂᬧᬂᬫᬾᬫᬾᬫᬮᬸᬫᬵᬢᬶ᭞ᬳᬶᬭᬵᬢ᭄ᬦᬲ᭄ᬫᬭᬲᬸᬫᬯᬸᬃ᭞ᬥᬥᬭᬷᬫᬶᬦ᭄ᬤᬫᬵᬦᬸᬱ᭞ᬫᬯᬱ᭄ᬝᬳᬶᬲᬾᬯᬕᬢᬶ᭞ᬳᬶ ᬩᬶᬢᭂᬧᬸᬓ᭄᭞ᬭᬹᬧᬦᬾᬓᬤᬶᬳ᭄ᬬᬂᬓᬾᬦ᭄ᬤ᭄ᬭᬦ᭄᭟᭜᭟ᬢᬸᬫᬶᬦ᭄ᬢᬭᬸᬡᬦᬾᬗᬸᬘᬧ᭄᭞ᬓᬭᬶᬕᬸᬲ᭄ᬢᬶᬩ᭄ᬬᬂᬧᬫᬶᬢ᭄᭞ᬩ᭄ᬬᬂᬮ᭄ᬯᬲ᭄ᬫᬜᭂᬋᬧᬂ᭞ᬳᬶᬭᬵᬢ᭄ᬦᬲ᭄ᬫᬭᬜᬯᬸᬭᬶᬦ᭄᭞ᬫᬕᭂᬦᬄᬤᬶᬢᬸᬜ᭄ᬚᬸᬂᬲᬭᬷ᭞ᬢᬸᬫᬶᬦ᭄ᬢᬭᬸᬡᬦᬾ ᬲᬸᬫᬯᬸᬃ᭞ᬲᬶᬂᬜᬗᭂᬮᬄᬕᬕᬾᬮᬦ᭄᭞ᬳᭂᬦ᭄ᬢᭀᬦᬾᬲᬺᬧᬂᬫᬗ᭄ᬓᬶᬦ᭄᭞ᬬᬓ᭄ᬢᬶᬕᬸᬲ᭄ᬢᬶᬲᬵᬫ᭄ᬧᬸᬦ᭄ᬤᬦᬾᬗᭂᬮᬄᬕᬕᬾᬮᬦ᭄᭟᭜᭟ᬫᬯᬱ᭄ᬝᬳᬶᬫᬸᬤᬮᬭ᭞ᬭᬹᬧᬩᭀᬤᭀᬩ᭄ᬯᬶᬦ᭄ᬤᭂᬓᬶᬮ᭄᭞ᬧᬭᬕᬸᬲ᭄ᬢᬶᬳᬸᬮᬶᬓ ᬯᬳ᭄᭞ᬫᬶᬸᬂᬩ᭄ᬬᬂᬕᬸᬭᬸᬦ᭄ᬤᬦᬾᬦᬫ᭄ᬧᬶ᭞ᬳᬶᬲᬾᬯᬕᬢᬶᬫᬯᬦᬶᬦ᭄᭞ᬳᭂᬦᬸᬤᬦᬾᬢ᭄ᬯᬭᬓᬬᬸᬦ᭄᭞ᬳᬶᬭᬵᬢ᭄ᬦᬲ᭄ᬫᬭᬳᬗᬸᬘᬧ᭄᭞ᬤ᭄ᬬᬲ᭄ᬢᬸᬳᬚᬶᬓᭂᬢᬶᬩᭂᬮᬶ᭞ᬲᬵᬫ᭄ᬧᬸᬦᬶᬩᬸᬓ᭄᭞ᬫᬾᬫᬾᬩᬳᬦ᭄ᬓᬸᬭᬂᬚᬶᬦᬄ᭟᭜᭟

Auto-transliteration

[7 7B] 7. tyang, disāmpuntityangemāti, gulungtityangbankĕdapan, hunggahangkabalemaṇik, rurubinsiñjangegusti, lungsuranwastraneharūm, monmonintityangdewa, bahansĕpahig̶ngst̶ng, mirahegusti, piliḥhicatityangwusannĕmulara \\•\\ maliḥwentĕnpinunastitya, disāmpuntityangemāti, kutangtityangmaringśetra, jangkĕpangpratekamāti, tangisinbankidungkakawin , pĕtĕngl̥ĕmaḥtityangl̥ĕsu, tongdadibahantityang, kahanangsakitejani, bukal̥ĕbur̀, rasakaditanpajiwa \\•\\ līlayangtongdadilīla, kadongñusupdihati, dongcingaktityangde wa, nahananglaranemangkin, magal̥ĕngbanhatisĕdiḥ, suluktityangringhiratu, pamuñinbondoledewa, nottityanghimiraḥsahi, tumbakgĕsung, hulinghilubanngupaya \\•\\ tumintaruṇanengu‐ [8 8A] cap, māsimemecahigusti, horahinjakudatityang, hapanpisantityanghuning, dĕpangmememalumāti, hirātnasmarasumawur̀, dhadharīmindamānuṣa, mawaṣṭahisewagati, hi bitĕpuk, rūpanekadihyangkendran \\•\\ tumintaruṇanengucap, karigustibyangpamit, byanglwasmañĕr̥ĕpang, hirātnasmarañawurin, magĕnaḥdituñjungsarī, tumintaruṇane sumawur̀, singñangĕlaḥgagelan, hĕntonesr̥ĕpangmangkin, yaktigustisāmpundanengĕlaḥgagelan \\•\\ mawaṣṭahimudalara, rūpabodobwindĕkil, paragustihulika wah, m̶ngbyanggurundanenampi, hisewagatimawanin, hĕnudanetwarakayun, hirātnasmarahangucap, dyastuhajikĕtibĕli, sāmpunibuk, memebahankurangjinaḥ \\•\\

Leaf 8

Image on Archive.org

[᭘ 8B] ᭘᭟ ᬓᬓᬦ᭄ᬢᬾᬦᬦᬾᬳᬗᬸᬘᬧ᭄᭞ᬫᬓᭂᬚᬂᬧᬥᬜᬗ᭄ᬕᬸᬧᬶᬦ᭄᭞ᬤ᭄ᬯᬂᬮᬓ᭄ᬱᬍᬩᬓ᭄ᬲᭂᬧᭂᬳ᭞ᬳᬮᬓ᭄ᬱᬮᬦ᭄ᬮᬶᬫᬂᬢᬮᬶ᭞ᬫᬓᭂᬚᬂᬧᬥᬜᬗ᭄ᬕᬸᬧᬶᬦ᭄᭞ᬓᬤ᭄ᬬᬦ᭄ᬗᭂᬚᬸᬓ᭄ᬢᬶᬢ᭄ᬬᬂᬧᬸᬭᬸᬦ᭄᭞ᬢᬶᬢ᭄ᬬᬂᬜᬦ᭄ᬤᬂᬧᬧᬸᬘᬸᬓᬂ᭞ᬓᬤ᭄ᬬᬦ᭄ᬫᬵᬢᬶ᭠ ᬢᬶᬢ᭄ᬬᬂᬗᬶᬭᬶᬂ᭞ᬮᬫᬸᬦ᭄ᬲᬵᬫ᭄ᬧᬸᬦ᭄᭞ᬲᬋᬂᬢᭂᬓᬾᬦ᭄ᬩᭂᬮᬶᬜᭀᬫᬦ᭄᭟᭜᭟ᬢᬸᬫᬸᬮᬶᬮᬯᬸᬢ᭄ᬫᬚᬮᬦ᭄᭞ᬢᬦ᭄ᬓᭀᬘᬧᬦ᭄‌ᬬᬤᬶᬫᬃᬕ᭄ᬕᬶ᭞ᬭᬯᬸᬄᬬᬤᬶᬢᬸᬜ᭄ᬚᬸᬂᬲᭂᬓᬃ᭞ᬫᬲᬲᬺᬧ᭄ᬢᭂᬓᬾᬦ᭄ᬯᬃᬕ᭄ᬕᬶ᭞ᬫᬶᬲᬦᬾᬫᬜᬧᬢᬶᬦ᭄᭞ᬳᬸᬮᬶᬤᬶᬚ ᬳᭂᬫ᭄ᬩᭀᬓ᭄ᬩᬯᬸ᭞ᬳᬶᬭᬵᬗ᭄ᬤᬭᬭᬶᬲᬗᬸᬘᬧ᭄᭞ᬳᭂᬫ᭄ᬩᭀᬓ᭄ᬫᬳᬶᬗᬮᬶᬄᬜᬳᬶ᭞ᬭᬭᬶᬲ᭄ᬕᬶᬲᬸᬫᬶᬲᬦᬾᬗᬮ᭄ᬬᬂᬧᬩ᭄ᬯᬦ᭄᭟᭜᭟ᬫᬮᬶᬗ᭄ᬕᬶᬄᬳᭂᬫ᭄ᬩᭀᬓ᭄ᬭᬭᬶᬲᬂ᭞ᬤᬸᬭᬸᬲᬂᬜᭂᬥᬄᬦᬾᬫᬗ᭄ᬓᬶᬦ᭄᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦᬶᬜᭀᬫᬦ᭄᭞ᬯᬸ ᬲᬦ᭄ᬗᬶᬦᬂᬫᬓᬓᬮᬶᬄ᭞ᬳᭂᬫ᭄ᬩᭀᬓ᭄ᬫᬢᬓᭀᬦ᭄ᬦᬾᬚᬦᬶ᭞ᬤᬸᬭᬸᬂᬧᬸᬧᬸᬢ᭄ᬭᬭᬶᬲ᭄ᬓᬢᬸᬃ᭞ᬤᬦᬾᬚᬸᬫᬄᬧᬤᬶᬤ᭄ᬬ᭠ᬦ᭄᭞ᬳᬶᬲᬾᬯᬕᬢᬶᬬᬓᬭᬶ᭞ᬳᭂᬦᬸᬳᬦᬸᬳᬗ᭄ᬮᬸ᭞ᬳᬗ᭄ᬳᬶᬂᬤᬦᬾᬗ᭄ᬮᬄᬕᬕᬾᬮᬦ᭄᭟᭜᭟ᬧ᭄ᬬᬦᬓ᭄ᬜᬳᬶᬦᬾᬳᬶᬜᭀᬫ [᭙ 9A] ᬦ᭄᭞ᬫᬦᬸᬦ᭄ᬤᬾᬦ᭄ᬳᬫ᭄ᬩᭀᬓ᭄ᬫᬭᬶᬓᬶ᭞ᬳᬧᬂᬜᬳᬶᬤᬸᬭᬸᬲᬶᬘ᭞ᬫᭂᬢᬳᬶᬦᬶᬲᬾᬯᬕᬢᬶ᭞ᬫᬶᬲᬦᬾᬫᬜᬯᬸᬢᬶᬦ᭄᭞ᬲᬦ᭄ᬤᬶᬓᬦ᭄ᬩᭀᬓ᭄ᬢᬶᬢ᭄ᬬᬂᬗᬶᬭᬶᬂ᭞ᬬᬾᬦ᭄ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬲᭂᬗ᭄ᬓ᭞ᬤᬦᬾᬗᬦ᭄ᬢ᭄ᬬᬂᬫᬩᬸᬜ᭄ᬘᬶᬂ᭞ᬩ᭄ᬯᬶᬦ᭄ᬧᬧᬶᬢᬸ᭞ᬳᬶᬫᬸ ᬤᬮᬭᬫᬜᬸᬯᬂ᭟᭜᭟ᬢᬸᬫᬶᬦ᭄ᬢᬭᬸᬡᬦᬾᬳᬗᬸᬘᬧ᭄᭞ᬢ᭄ᬯᬶᬓᬾᬢᭀᬢ᭄ᬯᬄᬢᭂᬕᬭᬶᬦ᭄᭞ᬳᭂᬫ᭄ᬩᭀᬓ᭄ᬜᬩᬢ᭄ᬲᭂᬮᬢ᭄ᬢᬾᬫ᭄ᬩᭀᬓ᭄᭞ᬧᬶᬮᬶᬄᬳᬤᬧᬳᬶᬘᬦ᭄ᬯᬂᬥᬶ᭞ᬳᬶᬜᭀᬫᬦ᭄ᬲᬸᬫᬯᬸᬃᬳᬭᬶᬲ᭄᭞ᬤᬸᬭᬸᬲᬂᬩ᭄ᬬᬂᬫᬗ᭄ᬮᬯᬸᬢ᭄᭞ᬢᬸᬫᬶᬦ᭄ᬢᬭᬸᬡ ᬦᬾᬗᬸᬘᬧ᭄᭞ᬳᭂᬫ᭄ᬩᭀᬓ᭄ᬫᬧᬫᬶᬢ᭄ᬭᬶᬂᬜᬳᬶ᭞ᬢᬸᬃᬮᬸᬫᬓᬸ᭞ᬭᬯᬸᬄᬭᬶᬸᬂᬬᬤᬶᬢᬸᬜ᭄ᬚᬸᬂᬲᭂᬓᬃ᭟᭜᭟ᬤᬶ᭠ᬢᬗᬦᬶᬤᬸᬓᬸᬄᬳᭂᬫᬵᬲ᭄᭞ᬳᬶᬭᬗ᭄ᬤᬭᬭᬶᬲ᭄ᬫᬫᬃᬕ᭄ᬕᬶ᭞ᬫᬗ᭄ᬮᬯᬸᬢ᭄ᬤᬦᬾᬫᬸᬮ᭄ᬬᬦ᭄᭞ᬩᬸᬓᬧᬶᬢᬸᬤᬸᬳᬶᬂᬯᬶᬥᬶ᭞ᬓᬕᬾ᭠ ᬢᬶᬭᬗ᭄ᬤᬧ᭄ᬭᬧ᭄ᬢᬶ᭞ᬳᬶᬓᭂᬢᬸᬢ᭄ᬓᬕ᭄ᬬᬢᬦ᭄ᬤᬸᬮᬸ᭞ᬩ᭄ᬬᬗᬾᬳᬸᬮᬶᬓᬗᬶᬦᬦ᭄᭞ᬳᬶᬭᬗ᭄ᬤᬓᬢᬸᬭᬦ᭄ᬫᬮᬶᬗ᭄ᬕᬶᬄ᭞ᬭᬭᬶᬲ᭄ᬢᭂᬤᬸᬦ᭄᭞ᬳᬶᬓᭂᬢᬸᬢ᭄ᬫᬗᬮᬶᬄᬘᬦᬂ᭟᭜᭟ᬯᬸᬲᬦ᭄ᬤᬦᬾᬗᬮᬶᬄᬘᬦᬂ᭞ᬤᬸᬭᬸᬲ᭄ᬓᬾᬩ᭄ᬬᬂᬦᬾᬫᬗ᭄ᬓᬶᬦ᭄᭞ᬤᬸ

Auto-transliteration

[8 8B] 8. kakantenanehangucap, makĕjangpadhañanggupin, dwanglakṣal̥ĕbaksĕpĕha, halakṣalanlimangtali, makĕjangpadhañanggupin, kadyanngĕjuktityangpurun, tityangñandangpapucukang, kadyanmāti‐ tityangngiring, lamunsāmpun, sar̥ĕngtĕkenbĕliñoman \\•\\ tumulilawutmajalan, tankocapanyadimar̀ggi, rawuḥyadituñjungsĕkar̀, masasr̥ĕptĕkenwar̀ggi, misanemañapatin, hulidija hĕmbokbawu, hirāngdararisangucap, hĕmbokmahingaliḥñahi, rarisgisumisanengalyangpabwan \\•\\ malinggiḥhĕmbokrarisang, durusangñĕdhaḥnemangkin, hinggiḥsandikaniñoman, wu sannginangmakakaliḥ, hĕmbokmatakonnejani, durungpuputrariskatur̀, danejumaḥpadidya‐n, hisewagatiyakari, hĕnuhanuhanglu, hanghingdanenglaḥgagelan \\•\\ pyanakñahinehiñoma [9 9A] n, manundenhambokmariki, hapangñahidurusica, mĕtahinisewagati, misanemañawutin, sandikanboktityangngiring, yenmangkinsāmpunsĕngka, danengantyangmabuñcing, bwinpapitu, himu dalaramañuwang \\•\\ tumintaruṇanehangucap, twiketotwaḥtĕgarin, hĕmbokñabatsĕlattembok, piliḥhadapahicanwangdhi, hiñomansumawur̀haris, durusangbyangmanglawut, tumintaruṇa nengucap, hĕmbokmapamitringñahi, tur̀lumaku, rawuḥr̶ngyadituñjungsĕkar̀ \\•\\ di‐tanganidukuḥhĕmās, hirangdararismamar̀ggi, manglawutdanemulyan, bukapituduhingwidhi, kage‐ tirangdaprapti, hikĕtutkagyatandulu, byangehulikanginan, hirangdakaturanmalinggiḥ, raristĕdun, hikĕtutmangaliḥcanang \\•\\ wusandanengaliḥcanang, duruskebyangnemangkin, du

Leaf 9

Image on Archive.org

Leaf 10

Image on Archive.org

Leaf 11

Image on Archive.org

Leaf 12

Image on Archive.org

Leaf 13

Image on Archive.org

Leaf 14

Image on Archive.org

Leaf 15

Image on Archive.org

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org