gaguritan-nilacandra-b

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭛᭜᭛ᬒᬁᬅᬯᬶᬖ᭄ᬦᬫᬲ᭄ᬢᬸ᭛᭜᭛ᬧᬸᬧᬸᬄᬲᬶᬦᭀᬫ᭄᭟᭜᭟ᬲᬶᬦᭀᬫ᭄ᬫᬗ᭄ᬕᬮᬭᬶᬂᬲᭂᬫ᭄ᬩᬄ᭞ᬭᬶᬂᬳᬶᬤᬳ᭄ᬬᬂᬲᬭᬲ᭄ᬯᬢᬶ᭞ᬲᬂᬫᬭᬕᬓᬯ᭄ᬭᬸᬳᬦ᭄᭞ᬗᬸᬯᬸᬩ᭄ᬲᬤᬕᬶᬗᬶᬂᬪᬸᬫᬶ᭞ᬢᬶᬢ᭄ᬬᬂᬯᬦ᭄ᬢᬄᬗᬪᬓ᭄ᬢᬶ᭞ᬘᭀᬓᭀᬃ ᬳᬶᬤᬾᬯᬓᬲᬸᬂᬲᬸᬂ᭞ᬲᬚ᭄ᬭᭀᬦᬶᬂᬫᬕᬯᬾᬕᬶᬢ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬗᬸᬪᬓ᭄ᬢᬶ᭞ᬦᬾᬓᬢᬸᬚᬸ᭞ᬭᬳᬬᬸᬲᬋᬂᬲᬫᬶᬬᬦ᭄᭟᭜᭟ᬫᬚᭃᬂᬭᬶᬂᬲᬂᬓᬯᬶᬰ᭄ᬯᬭ᭞ᬦᬸᬦᬲ᭄ᬮᬸᬕ᭄ᬭᬫᬢᬸᬃᬲᬶᬲᬶᬧ᭄᭞ᬫᬦᬯᬶᬢᬶᬢ᭄ᬬᬂᬧ᭄ᬭᬲᬗ᭄ᬖ᭞ᬗᬸ ᬭᬶᬢ᭄ᬧᬓᬃᬤ᭄ᬥᬶᬦ᭄ᬲᬂᬍᬯᬶᬄ᭞ᬧᭀᬗᬄᬫᬶᬮᬸᬫᬶᬢᬸᬳᬸᬢᬶᬦ᭄᭞ᬢᬦ᭄ᬫ᭄ᬭᬲᬭᬶᬂᬫᬸᬥᬧᬸᬗ᭄ᬕᬸᬂ᭞ᬲᬶᬦᬄᬤᬤᭀᬲ᭄ᬓᬓᭂᬤᬾᬓᬦ᭄᭞ᬫᬶᬯᬄᬧᬘᬂᬓᬘᬘᬤᬶᬦ᭄᭞ᬓᬗ᭄ᬕᬾᬦ᭄ᬕᬸᬭᬸ᭞ᬳᬶᬦ᭄ᬤᬶᬓᬾᬳᬲᬧᬸᬦᬶᬓ᭟᭜᭟ᬓᬢᬸ ᬢᬸᬭᬦ᭄ᬦᬶᬮᬘᬦ᭄ᬤ᭄ᬭ᭞ᬲᬦᬾᬓᬸᬗ᭄ᬕᬸᬳᬂᬭᬶᬂᬕᬸᬭᬶᬢ᭄᭞ᬗᬫ᭄ᬩᬶᬮ᭄ᬳᬤᭂᬕᬤᭂᬕ᭄ᬲᬢ᭄ᬬ᭞ᬧᬹᬃᬯ᭄ᬯᬵᬕᬫᬰᬰᬡᬾᬓᬶ᭞ᬓᬶᬭᬂᬮᬗ᭄ᬓᬸᬂᬫᬓᬵᬲᬫᬶ᭞ᬦᬾᬫᬸᬗ᭄ᬕᬸᬄᬭᬶᬂᬤᬕᬶᬂᬓᬶᬤᬸᬂ᭞ᬢᬸᬢᬸᬃᬪᬝᬵᬭᬩᬸᬤ᭄ᬥ᭞ᬲᬦᬾᬗᬸᬧᬋ [᭒ 2A] ᭒ ᬗ᭄ᬕᬫᬮᬶᬄᬮᬾᬤᬂᬳᬲᬸᬂ᭞ᬳᬶᬤᬵᬤᬦᬾᬗᬫ᭄ᬧᬸᬭᬬᬂ᭟᭜᭟ᬧᬸᬧᬸᬄᬤᬸᬃᬫ᭄ᬫ᭟᭜᭟ᬘᬭᬶᬢᬬᬂᬦᬾᬫᬗ᭄ᬓᬶᬦ᭄ᬲᬂᬤᬸᬫ᭄ᬪᬚᬬ᭞ᬳᬕᬸᬂᬭᬶᬂᬦᬕᬭᬧᬦ᭄ᬤᬶ᭞ᬫᬧᬸᬢ᭄ᬭᬲᬦᬸᬗ᭄ᬕᬮ᭄᭞ᬗᬭᬦ᭄ᬲᬂᬓᬸᬜ᭄ᬚᬭᬓᬃᬡ᭄ᬦ᭞ᬢᬸᬃᬲᬵᬫ᭄ᬧᬸᬦ᭄ ᬧᬸᬧᬸᬢᬶᬂᬓᬶᬃᬢ᭄ᬢᬶ᭞ᬧᭀᬮᬶᬄᬮᬸᬕ᭄ᬭᬳᬵ᭞ᬳ᭄ᬬᬂᬯᬿᬭᭀᬘᬡᬜ᭄ᬯᬾᬘ᭄ᬙᬦᬶᬦ᭄᭟᭜᭟ᬭᬶᬂᬲᬵᬫ᭄ᬧᬸᬦᬾᬳᬶᬤᬧᭀᬮᬶᬄᬧᬦᬸᬕ᭄ᬭᬳᬦ᭄᭞ᬭᬭᬶᬲ᭄ᬳᬶᬤᬗᬯᬶᬓᭀᬦᬶᬦ᭄᭞ᬫᬕᭂᬦ᭄ᬢᭀᬲ᭄ᬧᭂᬲᬾᬗᬦ᭄᭞ᬪᬕᬯᬵ ᬦ᭄ᬳᬦ᭄ᬤᬲᬶᬗ᭄ᬳᬵ᭞ᬧᭂᬲᬾᬗᬦ᭄ᬳᬶᬤᬲᬂᬋᬱᬶ᭞ᬤᬳᬢᬶᬂᬧ᭄ᬭᬚ᭄ᬜᬦ᭄᭞ᬩᬸᬤ᭄ᬥᬧᬓ᭄ᬱᬓᬮᬓᭀᬦᬶᬦ᭄᭟᭜᭟ᬲᬦᬾᬫᬗ᭄ᬓᬶᬦ᭄ᬳᬤᬗ᭄ᬯᬗᬸᬦᬂᬧᬰ᭄ᬭᬫᬦ᭄᭞ᬭᬶᬂᬕᬶᬭᬶᬯᬦᬫᬮᬶᬗ᭄ᬕᬶᬄ᭞ᬲᬶᬤ᭄ᬥᬶᬫᬦ᭄ᬢ᭄ᬭᬳᬶᬤ᭞ᬯᭂᬦᬂᬫᬦ᭄ᬢᬸᬓᬾᬂ ᬰᬸᬦ᭄ᬬᬢᬵ᭞ᬳᬧᬦ᭄ᬯᬸᬲ᭄ᬧᬸᬢᬸᬲᬶᬗᬚᬶ᭞ᬚ᭄ᬜᬡᬲᬸᬤ᭄ᬥ᭞ᬯᬓ᭄ᬩᬚ᭄ᬭᬲᬶᬭᬲᬂᬋᬱᬶ᭟᭜᭟ᬯᬾᬦ᭄ᬢᭂᬦ᭄ᬫᬮᬶᬄᬳᬶᬤᬲᬂᬧᬹᬃᬡ᭄ᬦᬯᬶᬚᬬᬵ᭞ᬫᬶᬗ᭄ᬲᬶᬓᬶᬦ᭄ᬳᬶᬤᬲᬂᬋᬱᬶ᭞ᬧᬸᬢ᭄ᬭᬦ᭄ᬲᬂᬉᬢ᭄ᬢᬭ᭞ᬭᬢᬸᬦᬶᬂᬫᬭᬚᬤᬾ

Auto-transliteration

[1 1B] 1 /// • /// oṁawighnamastu /// • /// pupuḥsinom \\•\\ sinommanggalaringsĕmbaḥ, ringhidahyangsaraswati, sangmaragakawruhan, nguwubsadagingingbhumi, tityangwantaḥngabhakti, cokor̀ hidewakasungsung, sajroningmagawegita, hanggentityangpangubhakti, nekatuju, rahayusar̥ĕngsamiyan \\•\\ majöngringsangkawiśwara, nunaslugramatur̀sisip, manawitityangprasanggha, ngu ritpakar̀ddhinsangl̥ĕwiḥ, pongaḥmilumituhutin, tanmrasaringmudhapunggung, sinaḥdadoskakĕdekan, miwaḥpacangkacacadin, kanggen'guru, hindikehasapunika \\•\\ katu turannilacandra, sanekungguhangringgurit, ngambilhadĕgadĕgsatya, pūr̀wwāgamaśaśaṇeki, kiranglangkungmakāsami, nemungguḥringdagingkidung, tutur̀bhaṭārabuddha, sanengupar̥ĕ [2 2A] 2 nggamaliḥledanghasung, hidādanengampurayang \\•\\ pupuḥdur̀mma \\•\\ caritayangnemangkinsangdumbhajaya, hagungringnagarapandi, maputrasanunggal, ngaransangkuñjarakar̀ṇna, tur̀sāmpun puputingkir̀tti, poliḥlugrahā, hyangwairocaṇañwecchanin \\•\\ ringsāmpunehidapoliḥpanugrahan, rarishidangawikonin, magĕntospĕsengan, bhagawā nhandasinghā, pĕsenganhidasangr̥ĕsyi, dahatingprajñan, buddhapakṣakalakonin \\•\\ sanemangkinhadangwangunangpaśraman, ringgiriwanamalinggiḥ, siddhimantrahida, wĕnangmantukeng śunyatā, hapanwusputusingaji, jñaṇasuddha, wakbajrasirasangr̥ĕsyi \\•\\ wentĕnmaliḥhidasangpūr̀ṇnawijayā, mingsikinhidasangr̥ĕsyi, putransanguttara, ratuningmarajade

Leaf 2

Image on Archive.org

[᭒ 2B] ᭒ ᬰ᭞ᬯᬯᬶᬤᬗᬦ᭄ᬓᬾᬦ᭄ᬤ᭄ᬭᬦ᭄ᬬᬸᬓ᭄ᬢᬶ᭞ᬯᬸᬲ᭄ᬫᬤᭂᬕ᭄ᬦᬵᬣ᭞ᬲᬂᬧᬹᬃᬡ᭄ᬦᬚᬶᬯᬧᬶᬦᬸᬚᬶ᭟᭜᭟ᬫᬪᬶᬱᬾᬓᬲᬂᬦᬵᬣᬰ᭄ᬭᬶᬦᬷᬮᬘᬦ᭄ᬤ᭄ᬭ᭞ᬧ᭄ᬭᬪᬸᬯᬶᬪᬸᬄᬫᬸᬢᭂᬃᬪᬸᬫᬶ᭞ᬓᬚᬦᬵᬦᬸᬭᬕ᭞ᬮ᭄ᬯᬶᬃᬓᬤᬶᬲᬂᬳ᭄ᬬᬂᬇᬦ᭄ᬤ᭄ᬭ᭞ᬫᬧᬶᬘ᭄ᬙᬵᬲᬩᭂᬄᬗᭂ ᬢᬶᬲᬶᬦ᭄᭞ᬲ᭄ᬯᬥᬃᬫ᭄ᬫᬦᬶᬂᬦᬵᬣ᭞ᬕᬶᬦᭂᬕᭃᬤᬾᬰ᭄ᬭᬷᬦᬺᬧᬢᬶ᭟᭜᭟ᬩᬸᬤ᭄ᬥᬧᬓ᭄ᬱᬕᬶᬦᭂᬮᬃᬲᬂᬦᬶᬮᬘᬦ᭄ᬤ᭄ᬭ᭞ᬧᬕᭂᬄᬓᬸᬓᬸᬄᬗᬮᬓᭀᬦᬶ᭞ᬘᬢᬸᬃᬧᬭᬶᬫᬶᬢ᭞ᬗᬲ᭄ᬢᬯᬳ᭄ᬬᬂᬯᬿᬭᭀᬘᬡ᭞ᬢᭂᬍᬩ᭄ᬭᬳ ᬬ᭄ᬯᬂᬕᬸᬫᬶ᭞ᬲᬬᬂᬭᬶᬂᬧᬜ᭄ᬚᬓ᭄᭞ᬧᬜ᭄ᬚᬓᬾᬲᬫᬶᬲᬸᬪᬓ᭄ᬢᬶ᭟᭜᭟ᬲᬦᬾᬤᬸᬫᬸᬦ᭄ᬲᬂᬦᬵᬣᬰ᭄ᬭᬷᬦᬷᬮᬵᬘᬦ᭄ᬤ᭄ᬭ᭞ᬲᬤᬸᬭᬸᬂᬳᬶᬤᬗᬦᬸᬢᬶᬦ᭄᭞ᬕᬕᭂᬮᬭᬦ᭄ᬩᬸᬤ᭄ᬥ᭞ᬓᬮᬶᬧᬸᬢ᭄ᬭᬚᬄᬢᬫᬄ᭞ᬧᬜ᭄ᬘᭀᬦ᭄ᬤ᭄ᬭᬶᬬᬦᬾᬫᬫᬹᬃᬢ᭄ᬢᬶ᭞᭠ ᬫᬶᬯᬄᬢ᭄ᬭᬶᬫᬮ᭞ᬱᬤ᭄ᬭᬶᬧᬸᬫᬸᬲᬸᬄᬰᬓ᭄ᬢᬶ᭟᭜᭟ᬤᬾᬦᬶᬂᬯᬾᬦ᭄ᬢᭂᬦ᭄ᬧᬲ᭄ᬯᬾᬘ᭄ᬙᬦ᭄ᬳ᭄ᬬᬂᬯᬿᬭᭀᬘᬡ᭞ᬲᬳᬦᬦᬶᬂᬫᬸᬲᬸᬄᬰᬓ᭄ᬢᬶ᭞ᬭᬶᬂᬳᬗ᭄ᬕᬰᬭᬷᬭ᭞ᬲᬵᬫ᭄ᬧᬸᬦ᭄ᬲᬶᬤ᭄ᬥᬓᬓᬲᭀᬭᬂ᭞ᬢᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬫᬍ [᭓ 3A] ᭓ ᬚᬶᬢ᭄᭞ᬳᬶᬩᬸᬤ᭄ᬥᬶᬲᬢ᭄ᬯᬫ᭄᭞ᬢᬸᬫ᭄ᬩᬄᬫᬲᭂᬳᭂᬦ᭄ᬧ᭄ᬭᬫᬗ᭄ᬓᬶᬦ᭄᭟᭜᭟ᬘᬢᬸᬃᬫᬃᬕ᭄ᬕᬢᬍᬃᬲᬫ᭄ᬧᬸᬦ᭄ᬓᬲᬶᬤ᭄ᬥᬬᬂ᭞ᬥᬃᬫ᭄ᬫᬳᬃᬣᬓᬫᬢᬾᬓᬶ᭞ᬫᭀᬓ᭄ᬱᬦᬾᬧᬸᬦᬶᬓᬵ᭞ᬤᬾᬦᬶᬂᬰ᭄ᬭᬷᬦᬶᬮᬘᬦ᭄ᬤ᭄ᬭ᭞ᬢᭂᬍᬩ᭄ᬓᬸᬓᬸᬄᬫᬗᬫᭀᬗᬶᬦ᭄᭞ᬘᬢᬸᬃᬧ᭄ᬭ ᬫᬶᬢ᭞ᬭᬶᬂᬩᬸᬤ᭄ᬥᬧᬓ᭄ᬱᬮᬶᬦᭂᬯᬶᬄ᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬢᬦ᭄ᬲᬦ᭄ᬤᬂᬫᬮᬶᬄᬩᬯᭀᬲᬂ᭞ᬲᬧᬗᬤᭂᬕ᭄‌ᬰ᭄ᬭᬷᬪᬹᬧᬢᬶ᭞ᬚᬕᬢᬾᬓᬺᬢ᭄ᬢᬭᬳᬃᬚ᭄ᬚ᭞ᬲᬂᬧ᭄ᬭᬪᬸᬓᬮᬶᬦ᭄ᬢᬂᬳᬲᬶᬄ᭞ᬧᬜ᭄ᬚᬓᬾᬲᬫᬶᬲᬸᬪᬓ᭄ᬢᬶ᭞ᬢᬦ᭄ᬓᬸ᭠ ᬭᬂᬧᬗᬦ᭄‌ᬫ᭄ᬯᬂᬓᬶᬦᬸᬫ᭄᭞ᬲᬓᬶᬂᬧᬲ᭄ᬯᬾᬘ᭄ᬙᬦ᭄ᬲᬂᬦᬵᬣ᭞ᬳᬫ᭄ᬭᬶᬄᬲᬸᬓᬺᬢ᭄ᬢᬦᬶᬂᬪᬸᬫᬶ᭞ᬤᭂᬕ᭄ᬤᭂᬕ᭄ᬮᬡ᭄ᬥᬸᬄ᭞ᬲᬚᭂᬩᬕ᭄ᬦᬭᬚᬤᬾᬰ᭟᭜᭟ᬧᬫᭂᬤᬮ᭄ᬧᬸᬭᬶᬦᬾᬫᬃᬧ᭄ᬧᬢ᭄᭞ᬩᭂᬦ᭄ᬢᬮᬦᬾᬫᬸᬭᬸᬩ᭄ᬗᭂᬦ᭄ᬤᬶᬄ᭞ᬫᬤᬕᬶᬂᬳᭂᬫᬲ᭄ᬲᬲᭀᬘ ᬦ᭄᭞ᬢᭀᬕᭀᬕᬾᬗᬧᬶᬢ᭄ᬤᬶᬲᬫ᭄ᬧᬶᬂ᭞ᬫᬮᬓᬃᬩᬢᬸᬫᬸᬓᬶ᭞ᬫᬮᬫ᭄ᬧᬳᬦ᭄ᬢᭂᬓᬳᬦᬹᬢ᭄᭞ᬧᬢᬶᬲ᭄‌ᬲᬸᬩᬮᬶᬲᬸᬕ᭄ᬭᬶᬯᬵ᭞ᬫᬬᬸᬥᬢᬦ᭄ᬧᬧᬓᬾᬭᬶᬂ᭞ᬤᬸᬓᬾᬤᬗᬸ᭞ᬗᬋᬩᬸᬢᬶᬦ᭄ᬤᬾᬯᬶᬢᬭ᭟᭜᭟ᬫᬮᬶᬄᬧᬸᬦᬶᬓ

Auto-transliteration

[2 2B] 2 śa, wawidangankendranyukti, wusmadĕgnātha, sangpūr̀ṇnajiwapinuji \\•\\ mabhisyekasangnāthaśrinīlacandra, prabhuwibhuḥmutĕr̀bhumi, kajanānuraga, lwir̀kadisanghyangindra, mapicchāsabĕḥngĕ tisin, swadhar̀mmaningnātha, ginĕgödeśrīnr̥ĕpati \\•\\ buddhapakṣaginĕlar̀sangnilacandra, pagĕḥkukuḥngalakoni, catur̀parimita, ngastawahyangwairocaṇa, tĕl̥ĕbraha ywanggumi, sayangringpañjak, pañjakesamisubhakti \\•\\ sanedumunsangnāthaśrīnīlācandra, sadurunghidanganutin, gagĕlaranbuddha, kaliputrajaḥtamaḥ, pañcondriyanemamūr̀tti, ‐ miwaḥtrimala, ṣadripumusuḥśakti \\•\\ deningwentĕnpaswecchanhyangwairocaṇa, sahananingmusuḥśakti, ringhanggaśarīra, sāmpunsiddhakakasorang, tanwentĕnpurunmal̥ĕ [3 3A] 3 jit, hibuddhisatwam, tumbaḥmasĕhĕnpramangkin \\•\\ catur̀mar̀ggatal̥ĕr̀sampunkasiddhayang, dhar̀mmahar̀thakamateki, mokṣanepunikā, deningśrīnilacandra, tĕl̥ĕbkukuḥmangamongin, catur̀pra mita, ringbuddhapakṣalinĕwiḥ \\•\\ pupuḥsinom \\•\\ tansandangmaliḥbawosang, sapangadĕgśrībhūpati, jagatekr̥ĕttarahar̀jja, sangprabhukalintanghasiḥ, pañjakesamisubhakti, tanku‐ rangpanganmwangkinum, sakingpaswecchansangnātha, hamriḥsukr̥ĕttaningbhumi, dĕgdĕglaṇdhuḥ, sajĕbagnarajadeśa \\•\\ pamĕdalpurinemar̀ppat, bĕntalanemurubngĕndiḥ, madaginghĕmassasoca n, togogengapitdisamping, malakar̀batumuki, malampahantĕkahanūt, patissubalisugriwā, mayudhatanpapakering, dukedangu, ngar̥ĕbutindewitara \\•\\ maliḥpunika

Leaf 3

Image on Archive.org

[᭓ 3B] ᭓ ᬤᬸᬳᬸᬭᬦ᭄᭞ᬢᬍᬃᬢᭀᬕᭀᬕ᭄ᬩᬢᬸᬫᬸᬓᬶᬃ᭞ᬫᬶᬦᬩ᭄ᬭᬫᬮᬓ᭄ᬱ᭄ᬫᬡ᭞ᬲᬦᬾᬫᬫᬸᬯᬢᬂᬓᬦ᭄ᬢᬶ᭞ᬫᬓ᭄ᬢᬕᬡ᭄ᬥᬾᬯᬘᬸᬫᬯᬶᬲ᭄᭞ᬢᭀᬕᭀᬕ᭄ᬳᬦᭀᬫᬦᬾᬧᬗᬸᬲ᭄᭞ᬧ᭄ᬭᬡᬫ᭄ᬬᬗᬢᬸᬭᬂᬲᭂᬫ᭄ᬩᬄ᭞ᬗᬢᬸᬭᬶᬦ᭄ᬲᬂᬭᬫᬕᭂᬮᬶᬲ᭄᭞ᬫ ᬗ᭄ᬤᬓᬬᬸᬦ᭄᭞ᬳᬶᬤᬦᬸᬮᬸᬂᬲᬂᬲᬸᬕ᭄ᬭᬶᬯᬵ᭟᭜᭟ᬤᬶᬚᬩᬢᭂᬗᬄᬩᬯᭀᬲᬂ᭞ᬢᭂᬮᬕᬦᬾᬩᬶᬮᬂᬲᬫ᭄ᬧᬶᬂ᭞ᬓᬳᬶᬍᬳᬶᬦ᭄ᬳᬦ᭄ᬢᬸᬓ᭄ᬲᭂᬓᬃ᭞ᬢᭀᬕᭀᬕᬾᬗᬶᬢᭂᬃᬤᬶᬲᬶᬲᬶ᭞ᬢᬸᬜ᭄ᬚᬸᬗᬾᬫᬜ᭄ᬘᬯᬃᬡ᭄ᬦᬶ᭞ᬳᬤᬩᬭᬓ᭄ᬓᬸᬦᬶᬂᬪᬶᬭᬸ ᬩᬮᬾᬩᬸᬦ᭄ᬤᭂᬭᬾᬤᬶᬢᭂᬗᬄ᭞ᬫᬧᬬᬲ᭄ᬫᬧ᭄ᬭᬥᬫᬸᬓᬶᬃ᭞ᬗᭂᬦ᭄ᬤᬶᬄᬫᬸᬭᬸᬩ᭄᭞ᬲᬯᬂᬓᬤᬶᬩᬮᬾᬳᭂᬫᬲ᭄᭟᭜᭟ᬳᬫᬸᬦ᭄ᬢᭀᬫᬮᬸᬫᬯᭀᬲᬂ᭞ᬧᬸᬭᬶᬦ᭄ᬳᬶᬤᬰ᭄ᬭᬷᬦᬺᬧᬢᬶ᭞ᬩᭂᬘᬶᬓᬾᬓᬮᬶᬦ᭄ᬢᬂᬮᬶᬦ᭄ᬢᬂ᭞ᬚᬕᬢ᭄ᬲ᭄ᬯᬃᬕ᭄ᬕᬬᬦ᭄ᬳᬸ ᬧᬫᬶ᭞ᬓᬲᬸᬩ᭄ᬢᬦ᭄ᬯᬾᬦ᭄ᬢᭂᬦ᭄ᬦᬦ᭄ᬤᬶᬗᬶᬦ᭄᭞ᬲᬂᬧ᭄ᬭᬪᬸᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬗᬯᬾᬦ᭄ᬢᭂᬦᬂᬧᬦᬗ᭄ᬓᬶᬮᬦ᭄᭞ᬫᬦᬯᬸᬳᬶᬦ᭄ᬢᬦ᭄ᬤᬫᬦ᭄ᬢ᭄ᬭᬶ᭞ᬧᬭᬧᬸᬭᬸᬱᬦᬾᬭᬶᬂᬦᬭᬚᬤᬾᬰ᭟᭜᭟ᬧᭂᬧᭂᬓᬶᬓᬂᬧᬦᬗ᭄ᬓᬶᬮᬦ᭄᭞ᬩᬳᬸ [᭔ 4A] ᭔ ᬤᬦ᭄ᬥᬢᬡ᭄ᬥᬫᬦ᭄ᬢ᭄ᬭᬶ᭞ᬲᬓᭂᬭᬄᬧᬭᬧᬸᬭᬸᬱ᭞ᬪᬸᬚᬗ᭄ᬕᬫᬶᬯᬄᬲᬂᬋᬱᬶ᭞ᬲᬫᬶᬫᬗᬦᬸᬢᬶᬦ᭄ᬮᬶᬗ᭄ᬕᬶᬄ᭞ᬢᬸᬫᬸᬮᬶᬫᭂᬤᬮ᭄ᬲᬂᬧ᭄ᬭᬪᬸ᭞ᬓᬕ᭄ᬬᬢ᭄ᬲᬤᬕᬶᬂᬧᬲᬾᬪᬦ᭄᭞ᬜᬓᬸᬧᬂᬢᬗᬦ᭄ᬗᬜ᭄ᬚᬮᬶ᭞ᬭᬶᬂᬲᬂᬧ᭄ᬭᬪᬸ᭞ᬳᬶ ᬤᬓᬮᬶᬦ᭄ᬢᬂᬕᬃᬚ᭄ᬚᬶᬢ᭟᭜᭟ᬯᬸᬲ᭄ᬫᬮᬶᬗ᭄ᬕᬶᬄᬳᬩ᭄ᬭᬶᬬᬸᬓᬦ᭄᭞ᬩᬳᬸᬤᬡ᭄ᬥᬢᬡ᭄ᬥᬫᬦ᭄ᬢ᭄ᬭᬶ᭞ᬢᬸᬫᬸᬮᬶᬳᬶᬤᬲᬂᬓᬢᭀᬂ᭞ᬭᬶᬂᬲᬶᬗ᭄ᬳᬵᬰᬡᬫᬮᬶᬗ᭄ᬕᬶᬄ᭞ᬓᬲᬦ᭄ᬤᬶᬗᬶᬦ᭄ᬧ᭄ᬭᬫᬶᬰ᭄ᬯᬭᬶ᭞ᬧᭂᬧᭂᬓ᭄ᬳᬸᬧᬘᬭᬲᬫ᭄ᬧᬸᬦ᭄᭞ᬲᬸᬢᬾᬚ ᬫᬓᭂᬩ᭄ᬬᬄᬕᬮᬂ᭞ᬤᬾᬦᬶᬂᬪᬸᬱᬡᬦᬾᬍᬯᬶᬄ᭞ᬗᭂᬦ᭄ᬤᬶᬄᬫᬸᬭᬸᬩ᭄᭞ᬫᬡᬶᬓ᭄ᬫᬸᬢ᭄ᬬᬳᬭᬦᬾᬫᬸᬦ᭄ᬢᬩ᭄᭟᭜᭟ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓᬵ᭞ᬯᬘᬡᬦᬾᬜᬸᬜᬸᬃᬫᬦᬶᬲ᭄᭞ᬧᬫᬦ᭄ᬧᬢᬶᬄᬩᬳᬸᬤᬡ᭄ᬥ᭞ᬫᬶᬯᬄᬧ᭄ᬭᬯᬶᬭ ᬦᬾᬲᬫᬶ᭞ᬓᬾᬦ᭄ᬓᬾᬦ᭄ᬩᬦ᭄ᬫᬦᬶᬭᬚᬦᬶ᭞ᬰᬰᬡᬦᬾᬤᬤᬶᬳᬕᬸᬂ᭞ᬧᬘᬂᬫᬦᬩ᭄ᬤᬩᬂᬧᬜ᭄ᬚᬓ᭄᭞ᬲ᭄ᬯᬥᬃᬫ᭄ᬫᬦ᭄ᬲᬂᬭᬢᬸᬮᬸᬯᬶᬄ᭞ᬳᭂᬦ᭄ᬢᭀᬧᬢᬸᬢ᭄᭞ᬳᬢᬸᬭᬂᬢᭂᬓᬾᬦ᭄ᬫᬦᬶᬭ᭟᭜᭟ᬧᬸᬧᬸᬢ᭄ᬲᬂᬦᬵᬣ

Auto-transliteration

[3 3B] 3 duhuran, tal̥ĕr̀togogbatumukir̀, minabramalakṣmaṇa, sanemamuwatangkanti, maktagaṇdhewacumawis, togog'hanomanepangus, praṇamyangaturangsĕmbaḥ, ngaturinsangramagĕlis, ma ngdakayun, hidanulungsangsugriwā \\•\\ dijabatĕngaḥbawosang, tĕlaganebilangsamping, kahil̥ĕhinhantuksĕkar̀, togogengitĕr̀disisi, tuñjungemañcawar̀ṇni, hadabarakkuningbhiru balebundĕreditĕngaḥ, mapayasmapradhamukir̀, ngĕndiḥmurub, sawangkadibalehĕmas \\•\\ hamuntomalumawosang, purinhidaśrīnr̥ĕpati, bĕcikekalintanglintang, jagatswar̀ggayanhu pami, kasubtanwentĕnnandingin, sangprabhumangkinkawuwus, ngawentĕnangpanangkilan, manawuhintandamantri, parapuruṣaneringnarajadeśa \\•\\ pĕpĕkikangpanangkilan, bahu [4 4A] 4 dandhataṇdhamantri, sakĕraḥparapuruṣa, bhujanggamiwaḥsangr̥ĕsyi, samimanganutinlinggiḥ, tumulimĕdalsangprabhu, kagyatsadagingpasebhan, ñakupangtanganngañjali, ringsangprabhu, hi dakalintanggar̀jjita \\•\\ wusmalinggiḥhabriyukan, bahudaṇdhataṇdhamantri, tumulihidasangkatong, ringsinghāśaṇamalinggiḥ, kasandinginpramiśwari, pĕpĕk'hupacarasampun, suteja makĕbyaḥgalang, deningbhuṣaṇanel̥ĕwiḥ, ngĕndiḥmurub, maṇikmutyaharanemuntab \\•\\ sangnāthararisngandikā, wacaṇaneñuñur̀manis, pamanpatiḥbahudaṇdha, miwaḥprawira nesami, kenkenbanmanirajani, śaśaṇanedadihagung, pacangmanabdabangpañjak, swadhar̀mmansangratuluwiḥ, hĕntopatut, haturangtĕkenmanira \\•\\ puputsangnātha

Leaf 4

Image on Archive.org

[᭔ 4B] ᭔ ᬗᬦ᭄ᬤᬶᬓᬵ᭞ᬲᬓᭂᬭᬄᬲᬦᬾᬫᬦᬗ᭄ᬓᬶᬮ᭄᭞ᬩᭂᬗᭀᬂᬢᬸᬃᬳᭂᬗ᭄ᬲᭂᬓ᭄ᬩᭂᬮ᭄ᬩᭂᬮᬦ᭄᭞ᬧᬫᬦ᭄ᬯᬺᬤ᭄ᬥᬫᬢᬸᬃᬕᭂᬮᬶᬲ᭄᭞ᬗᬋᬧᬂᬫᬗᬜ᭄ᬚᬮᬶ᭞ᬲᬶᬗ᭄ᬕᬶᬄᬳᬫ᭄ᬧᬸᬭᬲᬂᬧ᭄ᬭᬪᬸ᭞ᬫᬦᬯᬶᬢᬶᬢ᭄ᬬᬂᬧ᭄ᬭᬲᬗ᭄ᬖ᭞ᬫᬢᬸᬃᬭᬶᬂᬘᭀᬓᭀᬭᬶᬕᬸ ᬲ᭄ᬢᬶ᭞ᬩᭀᬬᬧᬢᬸᬢ᭄᭞ᬗᬦ᭄ᬤᬶᬓᬳᬲᬧᬸᬦᬶᬓ᭟᭜᭟ᬭᬾᬳᬶᬭᬢᬸᬮᬶᬦ᭄ᬢᬂᬧ᭄ᬭᬚ᭄ᬜᬦ᭄᭞ᬯᬶᬰᬾᬱᬢᬸᬃᬲᬸᬤ᭄ᬥᬩᬸᬤ᭄ᬥᬶ᭞ᬢᭂᬍᬩ᭄ᬭᬶᬂᬰᬵᬲ᭄ᬢ᭄ᬭᬅᬕᬫ᭞ᬢᬦ᭄ᬲᬦ᭄ᬤᬂᬓᬬᬸᬦᬶᬦ᭄ᬫᬮᬶᬄ᭞ᬧᬜ᭄ᬚᬓᬾᬲᬫᬶᬲᬸᬪᬓ᭄ᬢᬶ᭞ᬚᬕ ᬢ᭄ᬢᬺᬧ᭄ᬢᬶᬕᭂᬫᬸᬄᬮᬡ᭄ᬥᬸᬄ᭞ᬓᬾᬫᬯᭀᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬤ᭄ᬯᬦᬶᬂᬳᬶᬭᬢᬸᬦᬾᬭᬶᬳᬶᬦ᭄᭞ᬦᬳᭂᬦ᭄ᬭᬯᬸᬄ᭞ᬓᬚᬕᬢ᭄ᬲ᭄ᬯᬃᬕ᭄ᬕᬦᬵᬭᬓ᭟᭜᭟ᬬᬦ᭄ᬓᬧᬢᬸᬢ᭄ᬳᬢᬸᬃᬢᬶᬢ᭄ᬬᬂ᭞ᬗᬶᬭᬶᬂᬯᬗᬸᬦᬂᬳᬶᬭᬶᬓᬶ᭞ᬭᬶᬂᬚᬕᬢ᭄ᬢᬾ ᬓᭀᬳᬶᬤᬾᬯ᭞ᬧᬧᬶᬦ᭄ᬤᬲ᭄ᬯᬃᬕ᭄ᬕᬦᬾᬍᬯᬶᬄ᭞ᬧᬧᬶᬦ᭄ᬤᬦ᭄ᬦ᭄ᬭᬓᬦᬾᬫᬮᬶᬄ᭞ᬧᬸᬦᬶᬓᬳᬗ᭄ᬕᬾᬦ᭄ᬲᬲᬸᬮᬸᬄ᭞ᬓᬯᬸᬮᬦ᭄ᬘᭀᬓᭀᬃᬳᬶᬤᬾᬯ᭞ᬫᬗ᭄ᬤᬲᬶᬤ᭄ᬥᬳᬶᬧᬸᬦ᭄ᬳᬸᬦᬶᬂ᭞ᬳᬮᬳᬬᬸ᭞ᬲᬦᬾᬳᭂᬜ᭄ᬘᬾᬦ᭄ᬧᬢᬸ᭠ [᭕ 5A] ᭕ ᬢ᭄ᬢᬸᬮᬤ᭄᭟᭜᭟ᬬᬦ᭄ᬲᬫ᭄ᬧᬸᬦ᭄ᬧᭀᬮᬶᬄᬗᬦ᭄ᬢᭂᬦᬂ᭞ᬧᬧᬶᬦ᭄ᬤᬦ᭄ᬦ᭄ᬭᬓᬫᬦᬯᬶ᭞ᬳᬚ᭄ᬭᬶᬄᬫᬮᬓ᭄ᬱᬡᬓᬯᭀᬦ᭄᭞ᬭᬾᬄᬫᬨᬮᬦᬾᬦ᭄ᬢᭂᬦ᭄ᬩᭂᬘᬶᬓ᭄᭞ᬢᬦ᭄ᬓᬶᬤᬶᬓᬦ᭄ᬦᬦ᭄ᬤᬂᬲᬓᬶᬢ᭄᭞ᬘᬶᬓ᭄ᬭᬩᬮᬦᬾᬫᬗᭂᬧᬸᬂ᭞ᬓᬮᬶᬄᬧᬧᬶ᭠ ᬦ᭄ᬤᬦ᭄ᬲ᭄ᬯᬃᬕ᭄ᬕ᭞ᬦᬸᬤᬸᬢ᭄ᬫᬮᬓ᭄ᬱᬡᬩᭂᬘᬶᬓ᭄᭞ᬲᭀᬮᬳᬬᬸ᭞ᬗᬯᬶᬦᬂᬫᬗ᭄ᬕᬸᬄᬓᬲᬸᬓᬦ᭄᭟᭜᭟᭠ᬧᬧᬶᬦ᭄ᬤᬦᬾᬫᬓᬭ᭄ᬯ᭞ᬧᬸᬦᬶᬓᬯᬮᬸᬬᬘᬺᬫᬶ᭞ᬲᬲᬸᬮᬸᬄᬤᬕᬶᬗᬕᬫ᭞ᬦᬸᬦ᭄ᬢᬸᬦ᭄ᬫᬮᬓ᭄ᬱᬡᬩᭂᬘᬶᬓ᭄᭞ᬳᬗ᭄ᬕᬾᬦ᭄ᬚ ᬮᬭᬦ᭄ᬫᬢᬶᬢᬶᬲ᭄᭞ᬚᬕᬢᬾᬫᬗ᭄ᬤᬭᬳᬬᬸ᭞ᬧᬥᬵᬗᬦᬸᬢᬶᬦ᭄ᬲ᭄ᬯᬥᬃᬫ᭄ᬫ᭞ᬢᬦ᭄ᬯᬾᬦ᭄ᬢᭂᬦ᭄ᬘᭀᬭᬪᬬᬵᬤᬶ᭞ᬲᬶᬦᬄᬧᬗ᭄ᬕᬸᬄ᭞ᬲᬸᬓᬲᬓᬮᬦᬶᬲ᭄ᬓᬮ᭟᭜᭟ᬧᬸᬧᬸᬢ᭄ᬳᬢᬸᬃᬧᬢᬶᬄᬯᬺᬤ᭄ᬥ᭞ᬗᬦ᭄ᬤᬶᬓᬰ᭄ᬭᬷᬦᬭᬧᬢᬶ᭞ᬲᬚᬵ ᬩᬸᬓᬳᬢᬸᬃᬧᬫᬦ᭄᭞ᬍᬕᬫᬦᬶᬭᬫᬶᬳᬃᬱᬶ᭞ᬧᬭᬧᬢᬶᬄᬓᬢᬭᬾᬓᬶᬦ᭄᭞ᬓᬾᬦ᭄ᬓᬾᬦ᭄ᬧᬫᬦ᭄ᬫᬶᬦᬩ᭄ᬳᬤᬸᬂ᭞ᬩᬸᬓᬳᬢᬸᬃᬧᬫᬦ᭄ᬯᬺᬤ᭄ᬥ᭞ᬧᬭᬧᬢᬶᬳᬾᬗᬪᬓ᭄ᬢᬶ᭞ᬲᬳᬸᬃᬫᬦᬸᬓ᭄᭞ᬲᬫᬶᬧᬥᬫᬫᬢᬸᬢᬂ᭟᭜᭟

Auto-transliteration

[4 4B] 4 ngandikā, sakĕraḥsanemanangkil, bĕngongtur̀hĕngsĕkbĕlbĕlan, pamanwr̥ĕddhamatur̀gĕlis, ngar̥ĕpangmangañjali, singgiḥhampurasangprabhu, manawitityangprasanggha, matur̀ringcokorigu sti, boyapatut, ngandikahasapunika \\•\\ rehiratulintangprajñan, wiśeṣatur̀suddhabuddhi, tĕl̥ĕbringśāstra'agama, tansandangkayuninmaliḥ, pañjakesamisubhakti, jaga ttr̥ĕptigĕmuḥlaṇdhuḥ, kemawonpinunastityang, dwaninghiratunerihin, nahĕnrawuḥ, kajagatswar̀gganāraka \\•\\ yankapatut'hatur̀tityang, ngiringwangunanghiriki, ringjagatte kohidewa, papindaswar̀gganel̥ĕwiḥ, papindannrakanemaliḥ, punikahanggensasuluḥ, kawulancokor̀hidewa, mangdasiddhahipunhuning, halahayu, sanehĕñcenpatu‐ [5 5A] 5 ttulad \\•\\ yansampunpoliḥngantĕnang, papindannrakamanawi, hajriḥmalakṣaṇakawon, reḥmaphalanentĕnbĕcik, tankidikannandangsakit, cikrabalanemangĕpung, kaliḥpapi‐ ndanswar̀gga, nudutmalakṣaṇabĕcik, solahayu, ngawinangmangguḥkasukan \\•\\ ‐papindanemakarwa, punikawaluyacr̥ĕmi, sasuluḥdagingagama, nuntunmalakṣaṇabĕcik, hanggenja laranmatitis, jagatemangdarahayu, padhānganutinswadhar̀mma, tanwentĕncorabhayādi, sinaḥpangguḥ, sukasakalaniskala \\•\\ puput'hatur̀patiḥwr̥ĕddha, ngandikaśrīnarapati, sajā bukahatur̀paman, l̥ĕgamaniramihar̀syi, parapatiḥkatarekin, kenkenpamanminab'hadung, bukahatur̀pamanwr̥ĕddha, parapatihengabhakti, sahur̀manuk, samipadhamamatutang \\•\\

Leaf 5

Image on Archive.org

[᭕ 5B] ᭕ ᭟ᬳᬶᬗ᭄ᬓᬸᬧ᭄ᬤᬕᬶᬂᬩᬩᬯᭀᬲᬦ᭄᭞ᬧᬘᬂᬓᬯᬗᬸᬦ᭄ᬤᬶᬕᭂᬮᬶᬲ᭄᭞ᬕᭂᬦᬄᬗᬯᬗᬸᬦ᭄ᬧᬧᬶᬦ᭄ᬤᬦ᭄᭞ᬚᬩ᭠ᬦ᭄ᬧᬸᬭᬶᬓᭂᬮᭀᬤ᭄ᬓᬗᬶᬦ᭄᭞ᬧᬧᬶᬦ᭄ᬤᬦ᭄ᬦ᭄ᬭᬓᬓ᭄ᬯᬗᬸᬦᬶᬦ᭄᭞ᬓᭀᬘᬧ᭄ᬧᬸᬭᬶᬦ᭄ᬤᬲᬂᬧ᭄ᬭᬪᬸ᭞ᬓᬗ᭄ᬕᭂᬄᬧᬧᬶᬦ᭄ᬤᬦ᭄ᬲ᭄ᬯᬃ᭠ ᬕ᭄ᬕ᭞ᬧᬘᬂᬓᬸᬧᬋᬗ᭄ᬕᬫᬮᬶᬄ᭞ᬫᬗ᭄ᬤᬳᬦᬸᬢ᭄᭞ᬧᬢᭂᬄᬭᬶᬂᬚᬕᬢ᭄ᬲ᭄ᬯᬃᬕ᭄ᬕᬦ᭄᭟᭜᭟ᬲᬦᬾᬧᬘᬂᬫᬗᭀᬋᬕᬂ᭞ᬯᬯᬗᬸᬦᬦ᭄‌ᬰ᭄ᬭᬷᬦᬺᬧᬢᬶ᭞ᬧᬭᬧᬢᬶᬳᬾᬲᬫᬶᬬᬦ᭄᭞ᬓᬳᬩᬶᬄᬢᬸᬓᬂᬉᬡ᭄ᬥᬕᬶ᭞ᬯᬤ᭄ᬯᬦᬾᬧᬘᬂ ᬗᬬᬳᬶᬦ᭄᭞ᬢ᭄ᬭᬸᬡᬢ᭄ᬭᬸᬡᬶᬦᬾᬧᬫᬸᬘᬸᬓ᭄᭞ᬲᬋᬂᬫᬗᬢᬸᬭᬂᬳᬬᬄ᭞ᬳᬶᬗ᭄ᬓᬸᬧ᭄ᬩᬩᬯᭀᬲᬾᬩᭂᬘᬶᬓ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬶᬦ᭄ᬤᬶᬓ᭄ᬧᬤᬸᬫ᭄ᬤᬸᬫᬦ᭄ᬓᬃᬬ᭄ᬬ᭟᭜᭟ᬧᬸᬧᬸᬢ᭄ᬤᬕᬶᬂᬧᬦᬗ᭄ᬓᬶᬮᬦ᭄᭞ᬲᬫ᭄ᬧᬸᬦ᭄ᬢᬚᭂᬕ᭄ᬲᬂᬳ᭄ᬬᬂ ᬭᬯᬶ᭞ᬓᬚᭂᬭᭀᬧᬸᬭᬲᬂᬓᬢᭀᬂ᭞ᬧᬭᬧᬗᬩᬶᬄᬫᬗᬶᬭᬶᬂ᭞ᬩᬳᬸᬢᬶᬸᬤᬡ᭄ᬥᬢᬡ᭄ᬥᬫᬦ᭄ᬢ᭄ᬭᬶ᭞ᬳᬩ᭄ᬭᬶᬬᬸᬓᬦ᭄ᬲᬫᬶᬫᬦ᭄ᬢᬸᬓ᭄᭞ᬗᬸᬗ᭄ᬲᬶᬓᬭᬂᬓᬧᬢᬶᬬᬦ᭄᭞ᬮᬶᬗ᭄ᬕᬶᬄᬤᬦᬾᬕᬸᬲ᭄ᬢᬶᬧᬢᬶᬄ᭞ᬲᬫ᭄ᬧᬸᬦ᭄ᬭᬯᬸᬄ᭞ [᭖ 6A] ᭖ ᬫᬭᬶᬂᬚᭂᬭᭀᬲᭀᬯᬂᬲᭀᬯᬂ᭟᭜᭟ᬘᬭᬶᬢᬬᬂᬧᬢᬶᬄᬯᬺᬤ᭄ᬥ᭞ᬢᬍᬃᬲᬫ᭄ᬧᬸᬦ᭄ᬤᬦᬾᬧ᭄ᬭᬧ᭄ᬢᬶ᭞ᬭᬩᬶᬦ᭄ᬤᬦᬾᬲᬤᬳᬾᬳᬾᬜ᭄ᬘᭀᬮ᭄᭞ᬜᬧᬫᬤᬸᬮᬸᬭᬦ᭄ᬓᭂᬜᬶᬂ᭞ᬫᬮᬶᬗ᭄ᬕᬶᬄᬤᬸᬫᬸᬦ᭄ᬩᭂᬮᬶ᭞ᬢᬶᬢ᭄ᬬᬂᬓᬧ᭄ᬯᬋᬕᬦ᭄ᬤᬸᬫᬸ ᬦ᭄᭞ᬓᬦ᭄ᬢᬸᬦ᭄ᬦᬩ᭄ᬤᬩᬂᬲᭀᬤᬬᬦ᭄᭞ᬫᬮᬶᬗ᭄ᬕᬶᬄᬳᬶᬕᬸᬲ᭄ᬢᬶᬧᬢᬶᬄ᭞ᬲᬕᬾᬢ᭄ᬭᬯᬸᬄ᭞ᬭᬩᬶᬦᬾᬫᬓ᭄ᬢᬳᬚᭂᬗᬦ᭄᭟᭜᭟ᬲᬂᬓᬮᬶᬄᬳᬸᬲᬦ᭄ᬫᬚᭂᬗᬦ᭄᭞ᬭᬩᬶᬦ᭄ᬤᬦᬾᬕᬸᬲ᭄ᬢᬶᬧᬢᬶᬄ᭞ᬢᬸᬫᬸᬮᬶᬫᬳᬢᬸᬃᬳᬮᭀᬦ᭄᭞ᬫᬶᬦᬩ᭄ᬯᬾ ᬦ᭄ᬢᭂᬦ᭄ᬩᬯᭀᬲ᭄ᬧᬶᬗᬶᬢ᭄᭞ᬳᬯᬶᬦᬦ᭄ᬓᬦ᭄ᬢᭀᬲ᭄ᬢᭂᬗᬳᬶ᭞ᬧᬦᬗ᭄ᬓᬶᬮᬦᬾᬳᬶᬯᬳᬸ᭞ᬧᬫᬦ᭄ᬯᬺᬤ᭄ᬥᬫᬗᬦ᭄ᬤᬶᬓ᭞ᬲᬚᬩᬸᬓᬭᬯᭀᬲᬤᬶ᭞ᬤᬲᬂᬧ᭄ᬭᬪᬸ᭞ᬧᬘᬂᬗᬯᬗᬸᬦ᭄ᬧᬧᬶᬦ᭄ᬤᬦ᭄᭟᭜᭟ᬧᬧᬶᬦ᭄ᬤᬦ᭄ᬚᬕᬢ᭄ᬲ᭄ᬯᬃᬕ᭄ᬕ᭞ᬜᬢ᭄ᬯ᭠ ᬬᬂᬳᬢ᭄ᬫᬦᬾᬲᬫᬶ᭞ᬲᬦᬾᬫᬗ᭄ᬕᬸᬳᬂᬓᬲᬸᬓᬦ᭄᭞ᬨᬮᬦ᭄ᬧᬓᬃᬤ᭄ᬥᬶᬦᬾᬩᭂᬘᬶᬓ᭄᭞ᬲᬗ᭄ᬓᬦᬶᬂᬢᭂᬍᬩ᭄ᬗᬦᬸᬢᬶᬦ᭄᭞ᬲᭀᬮᬳᬾᬲᬦᬾᬭᬳᬬᬸ᭞ᬢᭂᬍᬩ᭄ᬫᬤᬦᬧᬸᬦ᭄ᬬ᭞ᬪᬓ᭄ᬢᬶᬭᬶᬂᬳᬶᬤᬳ᭄ᬬᬂᬯᬶᬥᬶ᭞ᬲᭀᬮ

Auto-transliteration

[5 5B] 5 . hingkupdagingbabawosan, pacangkawangundigĕlis, gĕnaḥngawangunpapindan, jaba‐npurikĕlodkangin, papindannrakakwangunin, kocappurindasangprabhu, kanggĕḥpapindanswar̀‐ gga, pacangkupar̥ĕnggamaliḥ, mangdahanut, patĕḥringjagatswar̀ggan \\•\\ sanepacangmangor̥ĕgang, wawangunanśrīnr̥ĕpati, parapatihesamiyan, kahabiḥtukanguṇdhagi, wadwanepacang ngayahin, truṇatruṇinepamucuk, sar̥ĕngmangaturanghayaḥ, hingkupbabawosebĕcik, sampunpuput, hindikpadumdumankar̀yya \\•\\ puputdagingpanangkilan, sampuntajĕgsanghyang rawi, kajĕropurasangkatong, parapangabiḥmangiring, bahut̶daṇdhataṇdhamantri, habriyukansamimantuk, ngungsikarangkapatiyan, linggiḥdanegustipatiḥ, sampunrawuḥ, [6 6A] 6 maringjĕrosowangsowang \\•\\ caritayangpatiḥwr̥ĕddha, tal̥ĕr̀sampundaneprapti, rabindanesadaheheñcol, ñapamadulurankĕñing, malinggiḥdumunbĕli, tityangkapwar̥ĕgandumu n, kantunnabdabangsodayan, malinggiḥhigustipatiḥ, sagetrawuḥ, rabinemaktahajĕngan \\•\\ sangkaliḥhusanmajĕngan, rabindanegustipatiḥ, tumulimahatur̀halon, minabwe ntĕnbawospingit, hawinankantostĕngahi, panangkilanehiwahu, pamanwr̥ĕddhamangandika, sajabukarawosadi, dasangprabhu, pacangngawangunpapindan \\•\\ papindanjagatswar̀gga, ñatwa‐ yanghatmanesami, sanemangguhangkasukan, phalanpakar̀ddhinebĕcik, sangkaningtĕl̥ĕbnganutin, solahesanerahayu, tĕl̥ĕbmadanapunya, bhaktiringhidahyangwidhi, sola

Leaf 6

Image on Archive.org

[᭖ 6] ᭖ ᬳᬦᬹᬢ᭄᭞ᬗᬦᬹᬢᬶᬦ᭄ᬤᬕᬶᬂᬅᬕᬫ᭟᭜᭟ᬧᬧᬶᬦ᭄ᬤᬦ᭄ᬚᬕᬢ᭄ᬦᬭᬓ᭞ᬲᬗᭂᬢ᭄ᬧᬶᬲᬦ᭄ᬗᬚᬚ᭄ᬭᬶᬳᬶᬦ᭄᭞᭠ᬲᬮ᭄ᬯᬶᬃᬳᬢ᭄ᬫᬦᬾᬓᬲᬲᬃ᭞ᬓᬤᬸᬄᬓᬶᬢᬦ᭄ᬓᬲᬓᬶᬢᬶᬦ᭄᭞ᬲᬢᬢᬲᭂᬤᬶᬄᬓᬶᬂᬓᬶᬂ᭞ᬮᬭᬭᭀᬕᬦᬾᬫᬤᬸ ᬕ᭄ᬤᬸᬕ᭄᭞ᬨᬮᬦ᭄ᬧᬓᬃᬤ᭄ᬥᬶᬦᬾᬘᭀᬭᬄ᭞ᬫᬗᬯᬶᬦᬂᬳᬦᬓ᭄ᬲᬓᬶᬢ᭄᭞ᬢ᭄ᬯᬭᬩᬸᬯᬸᬂ᭞ᬲᬓᬶᬢᬾᬩᬓᬢ᭄ᬢᭂᬫᭀᬓᬂ᭟᭜᭟ᬓᬾᬢᭀᬤᬕᬶᬂᬧᬲᬫᬸᬯᬦ᭄᭞ᬧᬘᬂᬓᬯᬗᬸᬦ᭄ᬤᬶᬕᭂᬮᬶᬲ᭄᭞ᬭᬩᬶᬦ᭄ᬤᬦᬾᬫ᭠ ᬮᬶᬄᬦᬶᬫ᭄ᬩᬮ᭄᭞ᬳᬫ᭄ᬧᬸᬭᬫᬭᬸᬧᬫᭂᬮᬶᬤ᭄᭞ᬬᬦ᭄ᬢᬦ᭄ᬫᬗᬯᬶᬦᬂᬲᬶᬲᬶᬧ᭄᭞ᬦᬶᬓᬳᬶᬦ᭄ᬢᬶᬢ᭄ᬬᬂᬳᬶᬧᬸᬗ᭄ᬕᬸᬂ᭞ᬦᬸᬮ᭄ᬬᬦ᭄ᬩᭂᬮᬶᬗᬦ᭄ᬤᬶᬓᬬᬂ᭞ᬳᬶᬦ᭄ᬤᬶᬓ᭄ᬫᬤᬦᬦᬾᬩᭂᬘᬶᬓ᭄᭞ᬬᬦ᭄ᬲᬂᬮᬘᬸᬃ᭞ᬲᬧᬸᬦᬧᬶᬬᬂᬫᬤᬵᬦ᭟᭜᭟ ᬤᬾᬦᬶᬂᬧᭀᬮᬶᬳᬲᬫ᭄ᬩᭂᬓᬦ᭄᭞ᬬᬤ᭄ᬬᬦ᭄ᬫᬓᬃᬬ᭄ᬬᬫᬧᬸᬕ᭄ᬮᬶᬂ᭞ᬗᬮᬶᬄᬩᬮᬂᬗᬩᬳᬮᬸᬢᬦ᭄᭞ᬓᬤᬶᬲᬲᭀᬗ᭄ᬕᬦᬾᬭᬶᬳᬶᬦ᭄᭞ᬯᬯᬸᬧᭀᬮᬶᬳᬲᬶᬓᬶ᭞ᬩᬮᬗᬾᬲᬫ᭄ᬧᬸᬦ᭄ᬓᬢᬸᬦᬸ᭞ᬲᬧᬸᬦᬶᬓᬬᬦᬶᬢᬶᬯ [᭗ 7A] ᭗ ᬲ᭄᭞ᬲᬶᬦᬄᬪᬶᬦᬭᬶᬂᬲᬂᬲᬸᬕᬶᬄ᭞ᬗᭂᬮᬄᬮᬶᬬᬸ᭞ᬳᬾᬮᬄᬬᬦ᭄ᬫᬤᬦᬤᬵᬦ᭟᭜᭟ᬕᬸᬲ᭄ᬢᬶᬧᬢᬶᬄᬫᬗᬦ᭄ᬤᬶᬓᬵ᭞ᬗᬸᬤᬓᬾᬢᭀᬩᬳᬦᬶᬤ᭞ᬲᬶᬦᬄᬧᬦᬫ᭄ᬧᬾᬦᬾᬳᬶᬯᬂ᭞ᬜᭂᬗ᭄ᬕᬸᬳᬂᬤᬵᬦᬦᬾᬍᬯᬶᬄ᭞ᬳᬸ ᬮ᭄ᬬᬦ᭄ᬮᬶᬬᬸᬳᭂᬫᬲ᭄ᬧᬶᬧᬶᬲ᭄᭞ᬬᬦ᭄ᬢᬦ᭄ᬫᬦᬹᬢ᭄ᬳᬶᬦ᭄ᬤᬶᬓᬶᬧᬸᬦ᭄᭞ᬬᬦ᭄ᬢᬦ᭄ᬲᬗ᭄ᬓᬦᬶᬂᬮᬰ᭄ᬘᬃᬬ᭄ᬬ᭞ᬢ᭄ᬯᬭᬧᭀᬮᬶᬄᬨᬮᬩᭂᬘᬶᬓ᭄᭞ᬭᬾᬄᬢᬦ᭄ᬫᬦᬹᬢ᭄᭞ᬳᬶᬦ᭄ᬤᬶᬓᬾᬦᬶᬯᬓᬂᬤᬦ᭟᭜᭟ᬬᬤ᭄ᬬᬲ᭄ᬢᬸᬦ᭄ᬳᬦᬓᬾᬢᬶᬯᬲ᭄᭞᭠ ᬲᬶᬤ᭄ᬥᬫᬤᬦᬬᬾᬄᬧᬸᬢᬶᬄ᭞ᬫᬋᬧ᭄ᬭᬶᬂᬳᬦᬓᬾᬩᭂᬤᬓ᭄᭞ᬲᬤ᭄ᬬᬬᬦ᭄ᬫᬤᬦᬦᬲᬶ᭞ᬲᬗ᭄ᬓᬦᬶᬂᬩᬦᬶᬜᭂᬧᬶᬄ᭞ᬓᬤᬦᬬᬂᬭᬶᬂᬲᬂᬲᭂᬤᬸᬓ᭄᭞ᬫᭀᬮᬶᬳᬂᬨᬮᬉᬢ᭄ᬢᬫ᭞ᬧᬢᬸᬄᬭᬶᬂᬳᬦᬓᬾᬲᬸᬕᬶᬄ᭞ᬦᬸᬚᬸ ᬕᭂᬫᬸᬄ᭞ᬮᬰ᭄ᬘᬃᬬ᭄ᬬᬫᬤᬦᬳᭂᬫᬲ᭄᭟᭜᭟ᬧᬢᬸᬄᬨᬮᬦ᭄ᬜᬦᬾᬯᭂᬓᬲ᭄᭞ᬚᬕᬢ᭄ᬲ᭄ᬯᬃᬕ᭄ᬕᬓᬧᬸᬧᭀᬦᬶᬦ᭄᭞ᬬᬤ᭄ᬬᬲ᭄ᬢᬸᬦ᭄ᬫᬤᬵᬦᬩᭀᬩᭀᬓ᭄᭞ᬭᬶᬂᬲᬂᬧᭂᬢᭂᬗᬦ᭄ᬭᬶᬂᬫᬃᬕ᭄ᬕᬶ᭞ᬫᬤᬵᬦᬤᬯᬸᬦ᭄ᬫᬮᬶᬄ᭞ᬲᬦᬾᬤᬤᭀ

Auto-transliteration

[6 6] 6 hanūt, nganūtindagingagama \\•\\ papindanjagatnaraka, sangĕtpisanngajajrihin, ‐salwir̀hatmanekasasar̀, kaduḥkitankasakitin, satatasĕdiḥkingking, lararoganemadu gdug, phalanpakar̀ddhinecoraḥ, mangawinanghanaksakit, twarabuwung, sakitebakattĕmokang \\•\\ ketodagingpasamuwan, pacangkawangundigĕlis, rabindanema‐ liḥnimbal, hampuramarupamĕlid, yantanmangawinangsisip, nikahintityanghipunggung, nulyanbĕlingandikayang, hindikmadananebĕcik, yansanglacur̀, sapunapiyangmadāna \\•\\ deningpolihasambĕkan, yadyanmakar̀yyamapugling, ngaliḥbalangngabahalutan, kadisasongganerihin, wawupolihasiki, balangesampunkatunu, sapunikayanitiwa [7 7A] 7 s, sinaḥbhinaringsangsugiḥ, ngĕlaḥliyu, helaḥyanmadanadāna \\•\\ gustipatiḥmangandikā, ngudaketobahanida, sinaḥpanampenehiwang, ñĕngguhangdānanel̥ĕwiḥ, hu lyanliyuhĕmaspipis, yantanmanūt'hindikipun, yantansangkaninglaścar̀yya, twarapoliḥphalabĕcik, reḥtanmanūt, hindikeniwakangdana \\•\\ yadyastunhanaketiwas, ‐ siddhamadanayeḥputiḥ, mar̥ĕpringhanakebĕdak, sadyayanmadananasi, sangkaningbaniñĕpiḥ, kadanayangringsangsĕduk, molihangphala'uttama, patuḥringhanakesugiḥ, nuju gĕmuḥ, laścar̀yyamadanahĕmas \\•\\ patuḥphalanñanewĕkas, jagatswar̀ggakapuponin, yadyastunmadānabobok, ringsangpĕtĕnganringmar̀ggi, madānadawunmaliḥ, sanedado

Leaf 7

Image on Archive.org

[᭗ 7B] ᭗ ᬲᬗ᭄ᬕᬾᬦ᭄ᬢᭂᬤᬸᬂ᭞ᬭᬶᬂᬲᬂᬲᬩᭂᬳᬦ᭄ᬭᬶᬂᬚᬮᬦ᭄᭞ᬧᭀᬮᬶᬄᬨᬮᬫᬉᬢ᭄ᬢᬫᬶ᭞ᬢᭀᬓᬢᬶᬭᬸ᭞ᬓᬬᬂᬚᬦᬶᬓᬫᬗ᭄ᬕᭂᬳᬂ᭟᭜᭟ᬳᬯᬦᬦ᭄ᬜᬳᬤᬧᬸᬡ᭄ᬬ᭞ᬭᬶᬂᬳᬚᭂᬂᬧᬭᬲᬸᬮᬶᬗ᭄ᬕᬶᬄ᭞ᬓᬵᬮᬦᬶᬂᬳᬶᬤᬫᬧᬹᬚᬵ᭞᭠ ᬧᬹᬡ᭄ᬬᬦᬾᬳᭂᬦ᭄ᬢᭀᬓᬧᬸᬚᬶ᭞ᬩᭀᬩᭀᬓᬾᬫᬕᭂᬦ᭄ᬢᭀᬲᬶᬦ᭄᭞ᬳᬦ᭄ᬢᬸᬓ᭄ᬲᬸᬮᬸᬄᬤᬫᬃᬮᬫ᭄ᬧᬸ᭞ᬓᬶᬦᬸᬘᬧ᭄ᬤᬦᬉᬢ᭄ᬢᬫ᭞ᬤᬯᬸᬦᬾᬧᬬᬸᬂᬗᭂᬦ᭄ᬢᭀᬲᬶᬦ᭄᭞ᬲᭂᬭᬶᬂᬧᬗ᭄ᬕᬸᬄ᭞ᬓᬭᬸᬦ᭄ᬢᬸᬢᬶᬦᬾᬲᬶᬬᭀᬲ᭠ ᬦ᭄᭟᭜᭟ᬧᬸᬧᬸᬄᬕᬶᬦᬥ᭟᭜᭟ᬕᬶᬦᬥᬳᬗ᭄ᬕᭀᬦ᭄‌ᬗ᭄ᬮᬦ᭄ᬢᬸᬭᬂ᭞ᬳᬶᬦ᭄ᬤᬶᬓ᭄ᬫᬤᬵᬦᬯᬮᬶᬦᬶᬦ᭄᭞ᬦᬾᬫᬤᬵᬦ᭄ᬳᬪᬬᬤᬦ᭞ᬫᬚᬮᬭᬦ᭄ᬧᭀᬮᬶᬳᬬᬸ᭞ᬲᭂᬫᬶᬢᬦᬾᬦᬸᬤᬸᬢ᭄ᬫᬦᬄ᭞ᬭᬯᭀᬲ᭄ᬩᭂᬘᬶᬓ᭄᭞ᬗᬯᬾᬍ ᬕᬳᬦᬓ᭄ᬓᬢᬄ᭟᭜᭟ᬢᬦ᭄ᬗᬃᬤ᭄ᬥᬶᬦᬶᬦ᭄ᬚᭂᬚᭂᬄᬳᬦᬓ᭄᭞ᬢᬦ᭄ᬗᬃᬤ᭄ᬥᬶᬦᬶᬦ᭄ᬲᬓᬶᬢ᭄ᬳᬢᬶ᭞ᬳᭀᬮᬲᬲᬶᬄᬢᬺᬱ᭄ᬡᬵᬲᬬᬂ᭞ᬳᭂᬦ᭄ᬢᭀᬧᬤᬵᬦᬬᬂᬮᬸᬳᬸᬂ᭞ᬢ᭄ᬯᬭᬫᬲᬤᬦᬩ᭄ᬭᬡ᭞ᬬᬤᬶᬦ᭄ᬫᬶᬲ᭄ᬓᬶᬦ᭄᭞ᬲᬶᬤ᭄ᬥᬧᬘᬂ [᭘ 8A] ᭘ ᬗ᭄ᬮᬓ᭄ᬱᬡᬬᬂ᭟᭜᭟ᬤᬵᬳᬶᬚᬸᬫ᭄ᬭᬲᬓᬦ᭄ᬤᬧᬦ᭄᭞ᬬᬤᬶᬦ᭄ᬧᬤᬦᬦᬾᬓᬶᬤᬶᬓ᭄᭞ᬬᬦ᭄ᬫᬸᬮᬧᬲᬚᬵᬢᬶᬯᬲ᭄᭞ᬪᬶᬲᬜᭂᬦ᭄ᬫᬨᬮᬳᬕᬸᬂ᭞ᬩᬦ᭄ᬤᬶᬂᬭᬶᬂᬳᬦᬓᬾᬗᭂᬮᬄ᭞ᬳᭂᬫᬲ᭄ᬧᬶᬧᬶᬲ᭄᭞ᬓᬳᬗ᭄ᬕᬾᬦ᭄ᬫᬤ ᬦᬧᬸᬡ᭄ᬬ᭟᭜᭟ᬳᬤᬲᬢ᭄ᬯᬦ᭄ᬜᬦᬾᬓᭀᬘᬧ᭄᭞ᬧ᭄ᬭᬪᬸᬫᬕᬥᬦᬾᬭᬶᬳᬶᬦ᭄᭞ᬳᬾᬩᭂ᭠ᬓᬶᬂᬭᬵᬚᬪᬭᬡ᭞ᬓᬲᬸᬩ᭄ᬳᬶᬤᬜᭂᬦᭂᬂᬳᬕᬸᬂ᭞ᬲᬢᬢᬗᬬᭀᬫᬶᬦ᭄ᬧᬜ᭄ᬚᬓ᭄᭞ᬧᬜ᭄ᬚᬓ᭄ᬪᬓ᭄ᬢᬶ᭞ᬚᬕ ᬢᬾᬓᬺᬢ᭄ᬢᬭᬳᬃᬚ᭄ᬚ᭟᭜᭟ᬓᬵᬮᬧᬹᬃᬡ᭄ᬦᬫᬓᬤᬰ᭞ᬓᬩᬯᭀᬲ᭄ᬭᬳᬶᬦᬩᭂᬘᬶᬓ᭄᭞ᬓᭀᬘᬧ᭄ᬳᬶᬤᬲᬂᬳ᭄ᬬᬂᬩᬸᬤ᭄ᬥ᭞ᬗᬮᬮᬦᬳᬶᬤᬢᭂᬤᬸᬦ᭄᭞ᬭᬯᬸᬄᬭᬶᬂᬚᬕᬢ᭄ᬫᬕᬥ᭞ᬓᬳᬸᬦᬶᬗᬶᬦ᭄᭞ᬳ ᬦ᭄ᬢᬸᬓ᭄ᬲᬂᬧ᭄ᬭᬪᬸᬫᬕᬥ᭟᭜᭟ᬲᬂᬧ᭄ᬭᬪᬸᬭᬭᬶᬲ᭄ᬫᬫᭂᬦ᭄ᬤᬓ᭄᭞ᬲᬳᬵᬓᬢᬸᬭᬶᬦ᭄ᬓᬧᬸᬭᬶ᭞ᬲᬂᬳ᭄ᬬᬂᬩᬸᬤ᭄ᬥᬢ᭄ᬯᬭᬢᬸᬮᬓ᭄᭞ᬓᬤᬶᬳᬗᬃᬱᬦ᭄ᬲᬂᬧ᭄ᬭᬪᬸ᭞ᬧᬭᬪᬶᬓ᭄ᬱᬸᬦᬾᬗᬶᬭᬶᬗᬂ᭞ᬓᬚ᭄ᬭᭀᬧᬸᬭᬶ᭞ᬲ

Auto-transliteration

[7 7B] 7 sanggentĕdung, ringsangsabĕhanringjalan, poliḥphalama'uttami, tokatiru, kayangjanikamanggĕhang \\•\\ hawananñahadapuṇya, ringhajĕngparasulinggiḥ, kālaninghidamapūjā, ‐ pūṇyanehĕntokapuji, bobokemagĕntosin, hantuksuluḥdamar̀lampu, kinucapdana'uttama, dawunepayungngĕntosin, sĕringpangguḥ, karuntutinesiyosa‐ n \\•\\ pupuḥginadha \\•\\ ginadhahanggonnglanturang, hindikmadānawalinin, nemadānhabhayadana, majalaranpolihayu, sĕmitanenudutmanaḥ, rawosbĕcik, ngawel̥ĕ gahanakkataḥ \\•\\ tanngar̀ddhininjĕjĕḥhanak, tanngar̀ddhininsakit'hati, holasasiḥtr̥ĕṣṇāsayang, hĕntopadānayangluhung, twaramasadanabraṇa, yadinmiskin, siddhapacang [8 8A] 8 nglakṣaṇayang \\•\\ dāhijumrasakandapan, yadinpadananekidik, yanmulapasajātiwas, bhisañĕnmaphalahagung, bandingringhanakengĕlaḥ, hĕmaspipis, kahanggenmada napuṇya \\•\\ hadasatwanñanekocap, prabhumagadhanerihin, hebĕ‐kingrājabharaṇa, kasub'hidañĕnĕnghagung, satatangayominpañjak, pañjakbhakti, jaga tekr̥ĕttarahar̀jja \\•\\ kālapūr̀ṇnamakadaśa, kabawosrahinabĕcik, kocap'hidasanghyangbuddha, ngalalanahidatĕdun, rawuḥringjagatmagadha, kahuningin, ha ntuksangprabhumagadha \\•\\ sangprabhurarismamĕndak, sahākaturinkapuri, sanghyangbuddhatwaratulak, kadihangar̀ṣansangprabhu, parabhiksyunengiringang, kajropuri, sa

Leaf 8

Image on Archive.org

[᭘ 8B] ᭘ ᬫ᭄ᬧᬸᬦ᭄ᬭᬯᬸᬄᬭᬶᬂᬧᬸᬭᬶᬬᬦ᭄᭟᭜᭟ᬧᭂᬧᭂᬓᬶᬓᬂᬉᬧᬘᬵᬭ᭞ᬧᬜᬫ᭄ᬩ᭄ᬭᬫᬯᬸᬲ᭄ᬘᬸᬫᬯᬶᬲ᭄᭞ᬧᬩᬺᬲᬶᬳᬵᬦ᭄ᬯᬚᬶᬓ᭄ᬘᭀᬓᭀᬃ᭞ᬧᬸᬧᬸᬢ᭄ᬲᭀᬧᬘᬵᬭᬲᬫ᭄ᬧᬸᬦ᭄᭞ᬫᬮᬶᬗ᭄ᬕᬶᬄᬳᬶᬤᬳ᭄ᬬᬂᬩᬸᬤ᭄ᬥ᭞ᬓᬲᬦ᭄ᬤᬶᬗᬶᬦ᭄᭞ ᬳᬦ᭄ᬢᬸᬓ᭄ᬲᬂᬧ᭄ᬭᬪᬸᬫᬕᬥ᭟᭜᭟ᬕᭂᬮᬶᬲ᭄ᬓᬢᬸᬭᬦ᭄ᬗᬬᬸᬦᬂ᭞ᬲᬃᬯ᭄ᬯᬩᭀᬕᬫᬗᬾᬦᬓᬶᬦ᭄᭞ᬲᬵᬫ᭄ᬧᬸᬦ᭄ᬳᬸᬲᬦ᭄ᬗᬭᬬᬸᬦᬂ᭞ᬲᬂᬳ᭄ᬬᬂᬩᬸᬤ᭄ᬥᬮᬾᬤᬂᬳᬲᬸᬂ᭞ᬗᬶᬘ᭄ᬙᬾᬦᬶᬦ᭄ᬥᬃᬫ᭄ᬫᬯᬘᬦ᭞ᬮᬶᬗᬶᬗᬚᬶ᭞ᬲᬹᬓ᭄ᬱ᭄ᬫᬦᬶᬂ ᬥᬃᬫ᭄ᬫᬧᬤ᭟᭜᭟ᬧᬸᬧᬸᬢ᭄ᬳᬶᬤᬫᬯᬘᬦ᭞ᬲᬂᬧ᭄ᬭᬪᬸᬫᬕᬥᬕᭂᬮᬶᬲ᭄᭞ᬳᬶᬤᬫᬗᬢᬸᬭᬂᬧᬹᬡ᭄ᬬ᭞᭠ᬳᭂᬫᬲ᭄ᬫᬡᬶᬓ᭄ᬯᬲ᭄ᬢ᭄ᬭᬓᬫ᭄ᬧᬸᬄ᭞ᬭᬶᬂᬳᬶᬤᬪᬝᬵᬭᬩᬸᬤ᭄ᬥ᭞ᬧᬸᬧᬸᬢ᭄ᬲᬫᬶ᭞ᬲᬂᬳ᭄ᬬᬂᬩᬸᬤ᭄ᬥᬭᬭᬶᬲ᭄ᬓᬾᬲᬄ᭟᭜᭟ᬓ ᬢᬄᬲᬦᬾᬫᬗᬶᬭᬶᬗᬂ᭞ᬲᬫ᭄ᬧᬸᬦ᭄ᬫᭂᬤᬮ᭄ᬲᬓᬶᬂᬧᬸᬭᬶ᭞ᬓᭀᬘᬧ᭄ᬭᬯᬸᬄᬭᬶᬂᬧᬲᬾᬪᬦ᭄᭞ᬲᬂᬧ᭄ᬭᬪᬸᬫᬯᬮᬶᬫᬦ᭄ᬢᬸᬓ᭄᭞ᬧᬭᬧᬢᬶᬳᬾᬗᬶᬭᬶᬗᬂ᭞ᬓᬚ᭄ᬭᭀᬧᬸᬭᬶ᭞ᬢᬦ᭄ᬘ᭄ᬭᬶᬢᬳᬶᬤᬘᬶᬸᬲᬂᬦᬵᬣ᭟᭜᭟ᬲᬂ [᭙ 9A] ᭙ ᬳ᭄ᬬᬂᬩᬸᬤ᭄ᬥᬘᬭᬶᬢᬬᬂ᭞ᬲᬫ᭄ᬧᬸᬦ᭄ᬤᭀᬳᬶᬤᬫᬫᬃᬕ᭄ᬕᬶ᭞ᬢᬦ᭄ᬫᬭᬶᬫᬯᬭᬄᬯᬭᬄ᭞ᬭᬶᬂᬰᬶᬱ᭄ᬬᬦᬾᬧᬭᬵᬪᬶᬓ᭄ᬱᬸ᭞ᬗᬦ᭄ᬤᬶᬓᬬᬂᬧᬦᬸᬫᬤ᭄ᬬᬦ᭄᭞ᬤᬤᭀᬲ᭄ᬚᬢ᭄ᬫᬶ᭞ᬉᬢ᭄ᬧ᭄ᬢᬶᬲ᭄ᬣᬶᬢᬶᬧ᭄ᬭᬮᬷᬡ᭟᭜᭟ᬳᬤᬩᬸᬯᬶᬦ᭄ᬘᬭᬶᬢᬬᬂ᭞ᬚ ᬢ᭄ᬫᬳᬸᬩᬸᬄᬢᬸᬭᬶᬂᬫᬶᬲ᭄ᬓᬶᬦ᭄᭞ᬩᬳᬸᬫᬭᬢ᭄ᬭᬸᬡᬩᬸᬗ᭞ᬕᭀᬩᬦ᭄ᬜᬦᬾᬲᬤᬩᬕᬸᬲ᭄᭞ᬕᬕᬶᬡᬦ᭄ᬜᬗᬤᭂᬧ᭄ᬲᬳᬂ᭞ᬲᬳᬶᬲᬳᬶ᭞ᬓᬳᬗ᭄ᬕᬾᬦ᭄ᬧᬗᬸᬧᬚᬶᬯ᭟᭜᭟ᬫᬢᬸᬮᬓ᭄ᬳᬸᬮᬶᬤᬶᬧᬲᬃ᭞ᬫᬤᬩ᭄ᬤᬩᬦ᭄ᬧᬘᬂ ᬫᬸᬮᬶᬄ᭞ᬗᬸᬗ᭄ᬲᬶᬕᭂᬦᬄᬜᬦᬾᬫᭀᬦ᭄ᬤᭀᬓ᭄᭞ᬲᬂᬳ᭄ᬬᬂᬩᬸᬤ᭄ᬥᬬᬓᬘᬸᬦ᭄ᬤᬸᬓ᭄᭞ᬯᭂᬢᬸᬫᬦᬄᬜᬫᬧᬹᬡ᭄ᬬ᭞ᬲᬓᬶᬂᬳᬭᬶᬲ᭄᭞ᬲᬗ᭄ᬓᬦᬶᬂᬫᬦᬄᬮᬰ᭄ᬘᬃᬬ᭄ᬬ᭟᭜᭟ᬳᬶᬗᭂᬢ᭄‌ᬬᬗᬩᬩᬩ᭄ᬮᬜ᭄ᬚᬦ᭄᭞ᬲᬲ ᬗᬦᬦ᭄ᬫᬶᬯᬄᬦᬲᬶ᭞ᬲᬦᬾᬓᬢᬸᬫ᭄ᬩᬲ᭄ᬭᬶᬂᬧᬲᬃ᭞ᬧ᭄ᬭᬡᬫ᭄ᬬᬭᬭᬶᬲ᭄ᬳᬸᬫᬢᬸᬃ᭞ᬳᬶᬗ᭄ᬕᬶᬄᬭᬢᬸᬲᬂᬳ᭄ᬬᬂᬩᬸᬤ᭄ᬥ᭞ᬤᬸᬭᬸᬲᬓ᭄ᬱᬶ᭞ᬢᬶᬢ᭄ᬬᬂᬫᬗᬢᬸᬭᬂᬧᬹᬡ᭄ᬬ᭟᭜᭟ᬢᬸᬫᬸᬮᬶᬳᬶᬧᬸᬦ᭄ᬗᬢᬸᬭᬂ᭞ᬲᬗᬦᬦ᭄ᬳᬚᭂᬗᬦ᭄ᬲᬫᬶ᭞

Auto-transliteration

[8 8B] 8 mpunrawuḥringpuriyan \\•\\ pĕpĕkikangupacāra, pañambramawuscumawis, pabr̥ĕsihānwajikcokor̀, puputsopacārasampun, malinggiḥhidahyangbuddha, kasandingin, hantuksangprabhumagadha \\•\\ gĕliskaturanngayunang, sar̀wwabogamangenakin, sāmpunhusanngarayunang, sanghyangbuddhaledanghasung, ngicchenindhar̀mmawacana, lingingaji, sūkṣmaning dhar̀mmapada \\•\\ puput'hidamawacana, sangprabhumagadhagĕlis, hidamangaturangpūṇya, ‐hĕmasmaṇikwastrakampuḥ, ringhidabhaṭārabuddha, puputsami, sanghyangbuddharariskesaḥ \\•\\ ka taḥsanemangiringang, sampunmĕdalsakingpuri, kocaprawuḥringpasebhan, sangprabhumawalimantuk, parapatihengiringang, kajropuri, tancritahidac̶sangnātha \\•\\ sang [9 9A] 9 hyangbuddhacaritayang, sampundohidamamar̀ggi, tanmarimawaraḥwaraḥ, ringśiṣyaneparābhiksyu, ngandikayangpanumadyan, dadosjatmi, utptisthitipralīṇa \\•\\ hadabuwincaritayang, ja tmahubuḥturingmiskin, bahumaratruṇabunga, gobanñanesadabagus, gagiṇanñangadĕpsahang, sahisahi, kahanggenpangupajiwa \\•\\ matulak'hulidipasar̀, madabdabanpacang muliḥ, ngungsigĕnaḥñanemondok, sanghyangbuddhayakacunduk, wĕtumanaḥñamapūṇya, sakingharis, sangkaningmanaḥlaścar̀yya \\•\\ hingĕtyangababablañjan, sasa ngananmiwaḥnasi, sanekatumbasringpasar̀, praṇamyararishumatur̀, hinggiḥratusanghyangbuddha, durusaksyi, tityangmangaturangpūṇya \\•\\ tumulihipunngaturang, sangananhajĕngansami,

Leaf 9

Image on Archive.org

[᭙ 9B] ᭙ ᬩᭂᬘᬶᬓ᭄ᬢᬸᬃᬫᬓᬧᬸᬢ᭄ᬳᭂᬤᭀᬦ᭄᭞ᬭᬶᬂᬲᬫ᭄ᬧᬸᬦ᭄ᬧᬹᬡ᭄ᬬᬦᬾᬓᬢᬸᬃ᭞ᬓᭂᬢᬸᬕ᭄ᬮᬶᬦᬸᬄᬫᬕᬾᬜ᭄ᬚᭀᬗᬦ᭄᭞ᬓᬶᬮᬧ᭄ᬢᬢᬶᬢ᭄᭞ᬫᬤᬸᬮᬸᬭᬦ᭄ᬲᬩᭂᬄᬲᭂᬓᬃ᭟᭜᭟ᬘᬶᬭᬶᬧᬹᬡ᭄ᬬᬦᬾᬉᬢ᭄ᬢᬫ᭞ᬓᬢᬸᬃᬭᬶᬂᬲᬂᬫ᭄ᬭᬕᬲᬸᬘᬶ᭞ᬓᭀᬘᬧ ᬦ᭄ᬧ᭄ᬭᬪᬸᬫᬕᬥ᭞ᬢᬦ᭄ᬤᬸᬫᬤᬾᬳᬶᬤᬭᬯᬸᬄ᭞ᬢᬗ᭄ᬓᬶᬮ᭄ᬭᬶᬂᬳᬶᬤᬳ᭄ᬬᬂᬩᬸᬤ᭄ᬥ᭞ᬫᬗ᭄ᬤᬳᬸᬦᬶᬂ᭞ᬤᬾᬦᬶᬂᬧ᭄ᬭᬪᬯᬦᬾᬢᬯᬄ᭟᭜᭟ᬗᬦ᭄ᬤᬶᬓᬵᬧ᭄ᬭᬪᬸᬫᬕᬥ᭞ᬭᬢᬸᬲᬂᬳ᭄ᬬᬂᬚᬶᬦᬫᬹᬃᬢ᭄ᬢᬶ᭞ᬢᬶᬢ᭄ᬬᬂᬫᬭᬹᬧᬓᬾᬫᭂᬗ ᬦ᭄᭞ᬳᬶᬦ᭄ᬤᬶᬧ᭄ᬭᬪᬯᬦᬾᬯᬳᬸ᭞ᬤᬸᬭᬸᬲ᭄ᬦᬶᬓᬬᬂᬭᬶᬂᬢᬶᬢ᭄ᬬᬂ᭞ᬲᬧᬸᬦᬧᬶ᭞ᬳᬶᬦ᭄ᬤᬶᬓᬾᬳᬲᬧᬸᬦᬶᬓᬵ᭟᭜᭟ᬫᭂᬦᭂᬂᬳᬶᬤᬲᬂᬳ᭄ᬬᬂᬩᬸᬤ᭄ᬥ᭞ᬲ᭄ᬯᬥᬃᬫ᭄ᬫᬦ᭄ᬲᬂᬫ᭄ᬭᬕᬲᬸᬘᬶ᭞ᬢᬸᬫᬸᬮᬶᬗᬦ᭄ᬤᬶᬓᬳᬮᭀᬦ᭄᭞ᬲᬧᬸᬦᬶ ᬓᬶᬤᬾᬯᬧ᭄ᬭᬪᬸ᭞ᬳᬯᬶᬦᬦ᭄‌ᬯᬾᬦ᭄ᬢᭂᬦ᭄ᬧ᭄ᬭᬪᬵᬯ᭞ᬓᬤᬶᬫᬗ᭄ᬓᬶᬦ᭄᭞ᬲᬗ᭄ᬓᬦᬶᬂᬧᬹᬡ᭄ᬬᬉᬢ᭄ᬢᬫ᭟᭜᭟ᬧᬸᬦᬶᬓᬶᬲᬦᬾᬳᬶᬦᬸᬦ᭄ᬬᬦ᭄᭞ᬚᬢ᭄ᬫᬳᬸᬩᬸᬄᬢᬸᬭᬶᬂᬫᬶᬲ᭄ᬓᬶᬦ᭄᭞ᬓᬃᬬ᭄ᬬᬦᬶᬧᬸᬦ᭄ᬗᬤᭀᬮ᭄ᬲ [᭑᭐ 10A] ᭑᭐ ᬳᬂ᭞ᬮᬰ᭄ᬘᬃᬬ᭄ᬬᬲᬗ᭄ᬓᬦᬶᬂᬚᬸᬚᬸᬃ᭞ᬫᬗᬢᬸᬭᬂᬤᬵᬦᬧᬸᬡ᭄ᬬᬵ᭞ᬫᬓᬲᬫᬶ᭞ᬧᬶᬓᭀᬮᬶᬳᬾᬗᬤᭀᬮ᭄ᬲᬳᬂ᭟᭜᭟ᬢᭂᬧᭂᬢ᭄ᬳᬶᬦ᭄ᬤᬶᬓ᭄ᬜᬫᬤᬵᬦ᭞ᬯᭂᬢᬸᬧ᭄ᬭᬪᬵᬯᬗᬗᭀᬩᬶᬦ᭄᭞ᬤᬸᬭᬸᬂᬧᬸᬧᬸᬢ᭄ᬫᬗᬦ᭄ᬤᬶᬓᬵ᭞ᬲᬂᬳ᭄ᬬᬂᬇᬦ᭄ᬤ᭄ᬭᬳᬶ ᬤᬭᬯᬸᬄ᭞ᬚᬕ᭄ᬯᬾᬦ᭄ᬢᭂᬦ᭄ᬭᬶᬂᬳᬚᭃᬗᬶᬤ᭞ᬲᬋᬂᬲᬫᬶ᭞ᬧ᭄ᬭᬡᬫ᭄ᬬᬗᬢᬸᬭᬂᬲᭂᬫ᭄ᬩᬄ᭟᭜᭟ᬗᬦ᭄ᬤᬶᬓᬧ᭄ᬭᬪᬸᬫᬕᬥ᭞ᬭᬢᬸᬲᬂᬳ᭄ᬬᬂᬚᬶᬦᬫᬹᬃᬢ᭄ᬢᬶ᭞ᬤᬯᭂᬕ᭄ᬢᬶᬢ᭄ᬬᬗᬾᬫᬧᬹᬡ᭄ᬬ᭞ᬢᬦ᭄ᬯᬾᬦ᭄ᬢᭂᬦ᭄ᬧ᭄ᬭᬘᬶᬭᬶᬦᬶᬧᬸᬦ᭄᭞ᬤᬸᬓ᭄ᬗᬢᬸ ᬭᬂᬉᬧᬪᭀᬕ᭞ᬳᭂᬫᬲ᭄ᬫᬡᬶᬓ᭄᭞ᬪᭀᬬᬓᬾᬧᬹᬡ᭄ᬬᬉᬢ᭄ᬢᬫ᭟᭜᭟ᬲᬂᬳ᭄ᬬᬂᬩᬸᬤ᭄ᬥᬫᬗᬦ᭄ᬤᬶᬓ᭞ᬳᬶᬗ᭄ᬕᬶᬄᬤᬾᬯᬲᬂᬦᬺᬧᬢᬶ᭞ᬫᬸᬂᬧᬸᬂᬳᬶᬤᬲᬂᬳ᭄ᬬᬂᬇᬦ᭄ᬤ᭄ᬭ᭞ᬲᬦᬾᬫᬗ᭄ᬓᬶᬦᬶᬤᬭᬯᬸᬄ᭞ᬫᬗ᭄ᬤᬳᬶᬤᬗᬦ᭄ᬤᬶ ᬓᬬᬂ᭞ᬗᬶᬭᬶᬂᬫᬗ᭄ᬓᬶᬦ᭄᭞ᬯᬘᬦᬦᬶᬤᬧ᭄ᬬᬃᬱᬬᬂ᭟᭜᭟ᬲᬂᬳ᭄ᬬᬂᬇᬦ᭄ᬤ᭄ᬭᬫᬗᬦ᭄ᬤᬶᬓᬵ᭞ᬤᬾᬯᬲᬂᬳ᭄ᬬᬂᬚᬶᬦᬫᬹᬃᬢ᭄ᬢᬶ᭞ᬤᬾᬯᬲᬂᬧ᭄ᬭᬪᬸᬫᬕᬥ᭞ᬫᬓᬫᬶᬯᬄᬧᬭᬪᬶᬓ᭄ᬱᬸ᭞ᬬᬸᬓ᭄ᬢᬶᬯᬘᬦᬦ᭄ᬳ᭄ᬬᬂᬩᬸᬤ᭄ᬥ᭞ᬓᬤᬶᬦᬸᬦᬶ

Auto-transliteration

[9 9B] 9 bĕciktur̀makaput'hĕdon, ringsampunpūṇyanekatur̀, kĕtuglinuḥmageñjongan, kilaptatit, maduluransabĕḥsĕkar̀ \\•\\ ciripūṇyane'uttama, katur̀ringsangmragasuci, kocapa nprabhumagadha, tandumadehidarawuḥ, tangkilringhidahyangbuddha, mangdahuning, deningprabhawanetawaḥ \\•\\ ngandikāprabhumagadha, ratusanghyangjinamūr̀tti, tityangmarūpakemĕnga n, hindiprabhawanewahu, durusnikayangringtityang, sapunapi, hindikehasapunikā \\•\\ mĕnĕnghidasanghyangbuddha, swadhar̀mmansangmragasuci, tumulingandikahalon, sapuni kidewaprabhu, hawinanwentĕnprabhāwa, kadimangkin, sangkaningpūṇya'uttama \\•\\ punikisanehinunyan, jatmahubuḥturingmiskin, kar̀yyanipunngadolsa [10 10A] 10 hang, laścar̀yyasangkaningjujur̀, mangaturangdānapuṇyā, makasami, pikolihengadolsahang \\•\\ tĕpĕt'hindikñamadāna, wĕtuprabhāwangangobin, durungpuputmangandikā, sanghyangindrahi darawuḥ, jagwentĕnringhajöngida, sar̥ĕngsami, praṇamyangaturangsĕmbaḥ \\•\\ ngandikaprabhumagadha, ratusanghyangjinamūr̀tti, dawĕgtityangemapūṇya, tanwentĕnpracirinipun, dukngatu rangupabhoga, hĕmasmaṇik, bhoyakepūṇya'uttama \\•\\ sanghyangbuddhamangandika, hinggiḥdewasangnr̥ĕpati, mungpunghidasanghyangindra, sanemangkinidarawuḥ, mangdahidangandi kayang, ngiringmangkin, wacananidapyar̀ṣayang \\•\\ sanghyangindramangandikā, dewasanghyangjinamūr̀tti, dewasangprabhumagadha, makamiwaḥparabhiksyu, yuktiwacananhyangbuddha, kadinuni

Leaf 10

Image on Archive.org

[᭑᭐ 10B] ᭑᭐ ᭞ᬫᬦᬹᬢ᭄ᬭᬶᬂᬉᬘᬧᬶᬂᬅᬕᬫ᭟᭜᭟ᬳᬦᬾᬢᬓᭀᬦᬂᬳᬶᬤᬾᬯᬵ᭞ᬳᬤᬧ᭄ᬭᬪᬵᬯᬧ᭄ᬭᬘᬶᬭᬶ᭞ᬲᬗ᭄ᬓᬦᬶᬂᬧᬸᬡ᭄ᬬᬉᬢ᭄ᬢᬫ᭞ᬳᬢᬸᬭᬦ᭄ᬳᬶᬧᬸᬦ᭄ᬳᬶᬳᬸᬩᬸᬄ᭞ᬮᬲ᭄ᬗᬢᬸᬭᬂᬫᬓᬲᬫ᭄ᬬᬦ᭄᭞ᬲᬓᬶᬂᬳᬭᬶᬲ᭄᭞ᬧᬶᬓᭀᬮᬶ᭠ ᬳᬾᬗᬤᭀᬮ᭄ᬲᬳᬂ᭟᭜᭟ᬦᬵᬗ᭄ᬳᬶᬂᬧᬹᬡ᭄ᬬᬦ᭄ᬦᬭᬦᬵᬣ᭞ᬫᬸᬮᬾᬫᬸᬮᬾᬳᭂᬫᬲ᭄ᬫᬡᬶᬓ᭄᭞ᬫᬤᬸᬮᬸᬭᬦ᭄ᬳᬸᬧᬪᭀᬕ᭞ᬤᬸᬭᬸᬂᬉᬢ᭄ᬢᬫᬓᬲᭂᬗ᭄ᬕᬸᬄ᭞ᬬᬦ᭄ᬳᬦᬹᬢᬂᬭᬶᬂᬧᬤ᭄ᬯᬾᬬᬦ᭄᭞ᬲᬂᬦᬺᬧᬢᬶ᭞ᬩᭀᬩᭀ ᬢ᭄ᬳᬶᬧᬸᬦᬾᬳᬦ᭄ᬤᬧᬦ᭄᭟᭜᭟ᬧ᭄ᬭᬪᬸᬫᬕᬥᬫᬜᭂᬫ᭄ᬩᬄ᭞ᬫᬢᬸᬃᬭᬶᬂᬲᬂᬲᬘᬶᬧᬢᬶ᭞ᬤᬸᬭᬸᬲᬂᬦᬶᬓᬳᬶᬦ᭄ᬢᬶᬢ᭄ᬬᬂ᭞ᬧᬸᬡ᭄ᬬᬦᬾᬫᬨᬮᬳᬕᬸᬂ᭞ᬲᬂᬳ᭄ᬬᬂᬇᬦ᭄ᬤ᭄ᬭᬫᬗᬦ᭄ᬤᬶᬓᬵ᭞ᬓᬾᬦᬾᬘᭂᬦᬶᬂ᭞ᬩᬧᬚᬦᬶᬫᬦᬸᬢᬸᬭᬂ ᭟᭜᭟ᬤᬵᬦᬧᬹᬡ᭄ᬬᬫᬶᬯᬄᬬᬚ᭄ᬜᬵ᭞ᬢ᭄ᬯᬭᬗᬘᭂᬧᬂᬧᬫᭂᬭᬶ᭞ᬢᭂᬧᭂᬢ᭄ᬳᬶᬦ᭄ᬤᬶᬓᬾᬫᬤᬵᬦ᭞ᬦᬾᬓᬾᬢᭀᬫᬧᬮᬳᬕᬸᬂ᭞ᬦᬵᬗ᭄ᬳᬶᬂᬬᬦ᭄ᬫᬤᬵᬦᬧᬹᬡ᭄ᬬ᭞ᬳᬤᬧᭂᬭᬶᬄ᭞ᬧᭀᬘᭀᬮ᭄‌ᬢ᭄ᬯᬭᬚᬫ [᭑᭑ 11A] ᭑᭑ ᬨᬮ᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬤᬾᬯᬲᬂᬧ᭄ᬭᬪᬸᬫᬕᬥ᭞ᬧᬶᬬᬃᬱᬬᬂᬩᬧᬫᬶᬢᬸᬢᬸᬭᬶᬦ᭄ᬘᭂᬦᬶᬂ᭞ᬳᬤᬲᬢ᭄ᬯᬦ᭄ᬜᬦᬾᬤᬸᬫᬸᬦ᭄᭞ᬳᬦᬓ᭄ᬫᬤᬵᬦᬧᬹᬡ᭄ᬬ᭞ᬢᬦ᭄ᬧᬫᭂᬭᬶᬄᬫᬶᬓᭀᬮᬶᬳᬂᬨᬮᬳᬕᬸᬂ᭞ᬳ ᬤᬦᬾᬧᭀᬘᭀᬮ᭄ᬫᬤᬵᬦ᭞ᬲᬗ᭄ᬓᬦᬶᬂᬲᬗᭂᬢ᭄ᬧᬫᭂᬭᬶᬄ᭟᭜᭟ᬓᭀᬘᬧ᭄ᬲᬂᬋᬱᬶᬓᬭᬸᬡ᭞ᬦᬗᬸᬦ᭄ᬢᬧᬭᬶᬂᬧᬰ᭄ᬭᬫᬦ᭄ᬫᬳᬵᬕᬶᬭᬶ᭞ᬓᬲᬸᬩ᭄ᬧᬰ᭄ᬭᬫᬦ᭄ᬲᬗᭂᬫ᭄ᬧᬸ᭞ᬓᭀᬧᬋᬗ᭄ᬕᬲᬃᬯ᭄ᬯᬲᭂᬓᬃ᭞ᬢᭀ ᬳᬯᬦᬦ᭄‌ᬭᬶᬂᬧᬰ᭄ᬭᬫᬦ᭄ᬫ᭄ᬭᬶᬓᬭᬸᬫ᭄᭞ᬓᬵᬮᬦᬶᬂᬳᬸᬲᬦ᭄ᬫᬧᬹᬚ᭞ᬲᬕᬾᬢ᭄ᬭᬯᬸᬄᬚᬢ᭄ᬫᬫ᭄ᬯᬦᬶ᭟᭜᭟ᬧᬚᬮᬦᬾᬲᬤᬩᬦ᭄ᬩᬦ᭄᭞ᬫᬕ᭄ᬭᬾᬕᭀᬢᬦ᭄ᬦᬶᬓᬸᬮ᭄ᬓᬰᬾᬮᬲᬯᬶ᭞ᬜᬤ᭄ᬬᬓᬢᬸᬭᬶᬂᬲᬗᭂᬫ᭄ᬧᬸ᭞ ᬧ᭄ᬭᬡᬫ᭄ᬬᬫᬢᬸᬃᬳᬦᭂᬫ᭄ᬩᬄ᭞ᬳᬫ᭄ᬧᬸᬭᬬᬂᬢᬶᬢ᭄ᬬᬂᬓᬯᬸᬮᬦ᭄ᬳᬶᬭᬢᬸ᭞ᬜᬤ᭄ᬬᬗᬢᬸᬭᬂᬧᬸᬦᬶᬬ᭞ᬓᬰᬾᬮᬯᬦ᭄ᬢᬳᬓᬶᬤᬶᬓ᭄᭟᭜᭟ᬲᬂᬋᬱᬶᬳᬶᬤᬗᬦ᭄ᬤᬶᬓ᭞ᬦᬄᬮᬯᬸᬢᬂᬦᭂᬕᬓ᭄ᬫᬮᬸᬧᬫ

Auto-transliteration

[10 10B] 10 , manūtringucapingagama \\•\\ hanetakonanghidewā, hadaprabhāwapraciri, sangkaningpuṇya'uttama, haturanhipunhihubuḥ, lasngaturangmakasamyan, sakingharis, pikoli‐ hengadolsahang \\•\\ nānghingpūṇyannaranātha, mulemulehĕmasmaṇik, maduluranhupabhoga, durunguttamakasĕngguḥ, yanhanūtangringpadweyan, sangnr̥ĕpati, bobo t'hipunehandapan \\•\\ prabhumagadhamañĕmbaḥ, matur̀ringsangsacipati, durusangnikahintityang, puṇyanemaphalahagung, sanghyangindramangandikā, kenecĕning, bapajanimanuturang \\•\\ dānapūṇyamiwaḥyajñā, twarangacĕpangpamĕri, tĕpĕt'hindikemadāna, neketomapalahagung, nānghingyanmadānapūṇya, hadapĕriḥ, pocoltwarajama [11 11A] 11 phala \\•\\ pupuḥpangkur̀ \\•\\ dewasangprabhumagadha, piyar̀ṣayangbapamituturincĕning, hadasatwanñanedumun, hanakmadānapūṇya, tanpamĕriḥmikolihangphalahagung, ha danepocolmadāna, sangkaningsangĕtpamĕriḥ \\•\\ kocapsangr̥ĕsyikaruṇa, nanguntaparingpaśramanmahāgiri, kasubpaśramansangĕmpu, kopar̥ĕnggasar̀wwasĕkar̀, to hawananringpaśramanmrikarum, kālaninghusanmapūja, sagetrawuḥjatmamwani \\•\\ pajalanesadabanban, magregotannikulkaśelasawi, ñadyakaturingsangĕmpu, praṇamyamatur̀hanĕmbaḥ, hampurayangtityangkawulanhiratu, ñadyangaturangpuniya, kaśelawantahakidik \\•\\ sangr̥ĕsyihidangandika, naḥlawutangnĕgakmalupama

Leaf 11

Image on Archive.org

[᭑᭑ 11B] ᭑᭑ ᬦ᭄ᬤᬶᬦᬶ᭞ᬳᭂᬗ᭄ᬲᬧ᭄ᬩᬧᬩᬸᬓᬢᬦ᭄ᬤ᭄ᬭᬸᬄ᭞ᬢᭂᬓᬾᬦᬶᬂᬳᬤᬦ᭄ᬧᬫᬦ᭄᭞ᬭᬭᬶᬲ᭄ᬫᬢᬸᬃᬢᬶᬢ᭄ᬬᬂᬧᬸᬦᬶᬓᬶᬧᬦ᭄ᬢᬳᬸᬦ᭄᭞ᬫᭀᬦ᭄ᬤᭀᬓ᭄ᬳᬶᬭᬶᬓᬶᬩᬮᬾᬭᬦ᭄᭞ᬦᬦ᭄ᬤᬸᬢᭂᬕᬮᬦ᭄ᬳᬓᬶᬤᬶᬓ᭄᭟᭜᭟ᬲᬂᬋᬱᬶᬳᬶᬤᬗᬦ᭄ᬤᬶᬓ᭞ᬳᬶ ᬤᬳᬶᬲ᭄ᬢ᭄ᬭᬶᬳᬶᬦ᭄ᬤᬬᬂᬤᬸᬫᬸᬦ᭄ᬫᭂᬭᬶᬓᬶ᭞ᬧᬸᬦᬶᬓᬶᬳᬶᬧᬸᬦ᭄ᬧᬦ᭄ᬢᬳᬸᬦ᭄᭞ᬳᬶᬧᬸᬦ᭄ᬗᬢᬸᬭᬂᬓᬰᬾᬮ᭞ᬲᭂᬥᭂᬂᬩᭂᬘᬶᬓ᭄ᬓᬫ᭄ᬩᬶᬗᬾᬳᬶᬘ᭄ᬙᬾᬦᬶᬦ᭄ᬤᬶᬸᬫᬶᬸᬦ᭄‌ᬳᬶᬧᬸᬦ᭄᭞ᬩᬦ᭄ᬤᬶᬗᬂᬭᬶᬂᬧᬰ᭄ᬭᬫᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬲ ᬦᬾᬗᬶᬗᭀᬦᬶᬦ᭄᭟᭜᭟ᬓᬫ᭄ᬩᬶᬗᬾᬲᬫ᭄ᬧᬸᬦ᭄ᬓᬧᬶᬘ᭄ᬙᬵ᭞ᬭᬶᬂᬧᬦ᭄ᬢᬳᬸᬦ᭄ᬲᬸᬫᬗ᭄ᬕᬸᬧ᭄ᬧᬘᬂᬗᬸᬩᬸᬳᬶᬦ᭄᭞ᬧᬦ᭄ᬢᬳᬸᬦ᭄ᬫᬧᬫᬶᬢ᭄ᬫᬦ᭄ᬢᬸᬓ᭄᭞ᬭᬯᬸᬄᬭᬶᬂᬢᭂᬗᬄᬚᬮᬦ᭄᭞ᬫᬚᬗ᭄ᬕᭂᬮᬦ᭄ᬧᬦ᭄ᬲᭂᬗ᭄ᬓ᭄ᬭᬸᬕ᭄ᬲᬕᬾᬢ᭄ᬓ ᬘᬸᬦ᭄ᬤᬸᬓ᭄᭞ᬚᬸᬚᬸᬢ᭄ᬧᬦ᭄ᬲᭂᬗ᭄ᬓ᭄ᬭᬸᬕ᭄ᬦᬓᭀᬦᬂ᭞ᬳᬶᬦ᭄ᬤᬶᬓᬾᬫᭀᬮᬶᬳᬂᬓᬫ᭄ᬩᬶᬂ᭟᭜᭟ᬧᬦ᭄ᬢᬳᬸᬦ᭄ᬮᬦ᭄ᬢᬲ᭄ᬜᬢ᭄ᬯᬬᬂ᭞ᬲᬧᬶᬤᬩ᭄ᬤᬩ᭄ᬳᬯᬶᬦᬦᬾᬓᬶᬘ᭄ᬙᬾᬦ᭄ᬓᬫ᭄ᬩᬶᬂ᭞ᬲᬓᬶᬂᬧᬳᬶᬘ᭄ᬙᬦ᭄ᬲᬗᭂᬫ᭄ᬧᬸ᭞ᬯᬶᬢ᭄ᬲᬓᬶᬂᬗᬢᬸ [᭑᭒ 12A] ᭑᭒ ᬭᬂᬧᬹᬡ᭄ᬬ᭞ᬮᬦ᭄ᬢᬲ᭄ᬩᭂᬗᭀᬂᬤᭂᬓᬲ᭄ᬤᭂᬓᭂᬲ᭄ᬬᬧᬦ᭄ᬲᭂᬗ᭄ᬓ᭄ᬭᬸᬕ᭄᭞ᬯᭂᬢᬸᬫᬦᬄᬜᬫᬧᬸᬡ᭄ᬬ᭞ᬲᬗ᭄ᬓᬦᬶᬂᬩᬗᭂ᭠ᬢ᭄ᬧᬫᭂᬭᬶᬄ᭟᭜᭟ᬓᭂᬳᭂᬗᬦ᭄ᬜᬚ᭄ᬭᭀᬦᬶᬂᬫᬦᬄ᭞ᬩᬸᬯᬶᬦ᭄ᬫᬦᬶᬤᬾᬯᬾᬓᬾᬧᬘᬂᬢᬗ᭄ᬓᬶᬮ᭄᭞ᬗᬢᬸᬭᬂᬤᬸᬭᬾᬦ᭄‌ᬫ᭄ᬯᬂ ᬩᬶᬬᬸ᭞ᬫ᭄ᬯᬄᬤᬸᬮᬸᬭᬶᬦ᭄ᬩᭂᬭᬲ᭄ᬓᭂᬢᬦ᭄᭞ᬲᬶᬦᬄᬧᬶᬲᬦ᭄ᬓᭂᬩᭀᬧᬳᬶᬘ᭄ᬙᬦ᭄ᬲᬗᭂᬫ᭄ᬧᬸ᭞ᬓᬩᬢᭂᬓ᭄ᬫᬦᬄ᭠ᬅᬗ᭄ᬓᬭ᭞ᬮᭀᬪᬗᬘᭂᬧᬂᬧᬶᬓᭀᬮᬶᬄ᭟᭜᭟ᬘ᭄ᬭᬶᬢᬬᬂᬫᬦᬶᬲᭂᬫᭂᬗᬦ᭄᭞ᬳᭂᬦᬸᬭᬸᬧᬸᬢ᭄ᬧᬦ᭄ᬲᭂᬗ᭄ᬓ᭄ᬭᬸᬕ᭄ᬲᬸᬩᬵ ᬢᬗ᭄ᬓᬶᬮ᭄᭞ᬲᭀᬫᬄᬜᬦᬾᬩᬋᬂᬦᬸᬢᬸᬕ᭄᭞ᬜᬸᬳᬸᬦ᭄ᬤᬸᬭᬾᬦ᭄ᬫᬶᬯᬄᬧᬶᬲᬂ᭞ᬩᬳᬲ᭄ᬓᭂᬢᬦ᭄ᬧᬦ᭄ᬲᭂᬗ᭄ᬓ᭄ᬭᬸᬕ᭄ᬳᬦᬾᬫᬦᬶᬓᬸᬮ᭄᭞ᬧᬚᬮᬦᬾᬕᬕᬗ᭄ᬲᬭᬦ᭄᭞ᬳᬗ᭄ᬓ᭄ᬬᬦ᭄ᬗᬗ᭄ᬲᬸᬃᬧᭂᬮᬸᬄᬧᬶᬤᬶᬢ᭄᭟᭜᭟ᬲᬸᬩᬦᬧᬵ ᬓ᭄ᬤᬶᬧᬰ᭄ᬭᬫᬦ᭄᭞ᬲᭂᬥᭂᬂᬩᭂᬘᬶᬓ᭄ᬲᬂᬋᬱᬶᬳᬶᬤᬫᬮᬶᬗ᭄ᬕᬶᬄ᭞ᬫᬗᬦ᭄ᬤᬶᬓᬫᬦᬶᬲ᭄ᬜᬸᬜᬸᬃ᭞ᬢᬸᬫ᭄ᬩᬾᬦ᭄ᬧᬫᬦ᭄ᬓᬧᬰ᭄ᬭᬫᬦ᭄᭞ᬮᬯᬸᬢᬂᬦᭂᬕᬓ᭄ᬧᬦ᭄ᬲᭂᬗ᭄ᬓ᭄ᬭᬸᬕ᭄ᬦᬸᬮᬶᬳᬸᬫᬢᬸᬃ᭞ᬫᬗᬢᬸᬭᬂᬯᭀᬄᬯᭀᬳᬦ᭄᭞ᬭᬯᬶᬂ

Auto-transliteration

[11 11B] 11 ndini, hĕngsapbapabukatandruḥ, tĕkeninghadanpaman, rarismatur̀tityangpunikipantahun, mondok'hirikibaleran, nandutĕgalanhakidik \\•\\ sangr̥ĕsyihidangandika, hi dahistrihindayangdumunmĕriki, punikihipunpantahun, hipunngaturangkaśela, sĕdhĕngbĕcikkambingehicchenind̶m̶nhipun, bandingangringpaśraman, tanwentĕnsa nengingonin \\•\\ kambingesampunkapicchā, ringpantahunsumangguppacangngubuhin, pantahunmapamitmantuk, rawuḥringtĕngaḥjalan, majanggĕlanpansĕngkrugsagetka cunduk, jujutpansĕngkrugnakonang, hindikemolihangkambing \\•\\ pantahunlantasñatwayang, sapidabdab'hawinanekicchenkambing, sakingpahicchansangĕmpu, witsakingngatu [12 12A] 12 rangpūṇya, lantasbĕngongdĕkasdĕkĕsyapansĕngkrug, wĕtumanaḥñamapuṇya, sangkaningbangĕ‐tpamĕriḥ \\•\\ kĕhĕnganñajroningmanaḥ, buwinmanidewekepacangtangkil, ngaturangdurenmwang biyu, mwaḥdulurinbĕraskĕtan, sinaḥpisankĕbopahicchansangĕmpu, kabatĕkmanaḥ‐angkara, lobhangacĕpangpikoliḥ \\•\\ critayangmanisĕmĕngan, hĕnuruputpansĕngkrugsubā tangkil, somaḥñanebar̥ĕngnutug, ñuhundurenmiwaḥpisang, bahaskĕtanpansĕngkrug'hanemanikul, pajalanegagangsaran, hangkyanngangsur̀pĕluḥpidit \\•\\ subanapā kdipaśraman, sĕdhĕngbĕciksangr̥ĕsyihidamalinggiḥ, mangandikamanisñuñur̀, tumbenpamankapaśraman, lawutangnĕgakpansĕngkrugnulihumatur̀, mangaturangwoḥwohan, rawing

Leaf 12

Image on Archive.org

[᭑᭒ 12B] ᭑᭒ ᬩᭂᬭᬲ᭄ᬓᭂᬢᬦ᭄ᬲᬫᬶ᭟᭜᭟ᬲᬂᬋᬱᬶᬳᬶᬤᬗᬦ᭄ᬤᬶᬓ᭞ᬘᬸᬢᭂᬢ᭄ᬜᬦᬾᬧᬹᬦ᭄ᬬᬦ᭄ᬧᬫᬦ᭄ᬩᬧᬗᬶᬤᬶᬄ᭞ᬦᬾᬳᬤᬓᬰᬾᬮᬧ᭄ᬭᬸᬳᬸ᭞ᬮᬯᬸᬢᬂᬧᬫᬦ᭄ᬜᬸᬯᬂ᭞ᬭᬾᬄᬢᬦᬤᬮᬾᬦᬦ᭄ᬲᬚᬩᬧᬸᬦᬶᬓᬸ᭞ᬧᬂᬳᬤᬳᬗ᭄ᬕᭀ ᬦ᭄ᬕᬧ᭄ᬕᬧᬦ᭄᭞ᬦᬄᬮᬯᬸᬢᬂᬳᬩᬫᬸᬮᬶᬄ᭟᭜᭟ᬧᬦ᭄ᬲᭂᬗ᭄ᬓ᭄ᬭᬸᬕ᭄ᬳᭂᬗ᭄ᬲᭂᬓ᭄ᬩᭂᬮ᭄ᬩᭂᬮᬦ᭄᭞ᬤᬳᬲ᭄ᬤᬶᬳᬶᬲ᭄ᬗᭂᬘᬄᬧᭂᬲᬸᬧ᭄ᬮᬸᬄᬧᬶᬤᬶᬢ᭄᭞ᬩᭂᬗᭀᬂᬢ᭄ᬯᬭᬗᭂᬮᬄᬲᬳᬸᬢ᭄᭞ᬗᬸᬦ᭄ᬢᬸᬓ᭄ᬳᬶᬬᬫᬧᬗᭂᬦᬦ᭄᭞ᬢ᭄ᬯᬭᬩᭂᬦᭂᬄ ᬬᬦ᭄ᬧᬹᬡ᭄ᬬᬦᬾᬚᬦᬶᬮᬸᬗ᭄ᬲᬸᬃ᭞ᬓᭂᬳᭂᬗᬦ᭄ᬜᬦᬾᬭᬶᬂᬫᬦᬄ᭞ᬫᬧᬫᬶᬢ᭄ᬩᬸᬤᬮ᭄ᬜᬮᬶᬩ᭄ᬲᬶᬩ᭄᭟᭜᭟ᬧᬸᬧᬸᬢ᭄ᬳ᭄ᬬᬗᬶᬦ᭄ᬤ᭄ᬭᬗᬦ᭄ᬤᬶᬓᬵ᭞ᬧᬭᬋᬱᬶᬧ᭄ᬭᬪᬸᬫᬕᬥᬧ᭄ᬭᬫᬗ᭄ᬓᬶᬦ᭄᭞ᬮᬾᬤᬂᬓᬬᬸᬦᬾᬧᬫᬸᬧᬸᬢ᭄᭞ᬓ ᬤᬶᬓᬲᬶᬭᬢᬶᬦ᭄ᬳᬫᬺᬢ᭞ᬮᬸᬯᬶᬃᬮᬗᬶᬢ᭄ᬲᬦᬾᬓᬮᬶᬧᬸᬢ᭄ᬳᬫᬸᬩᬸ᭞ᬭᬯᬸᬳᬗᬶᬦᬾᬗᬫ᭄ᬧᭂᬳᬂ᭞ᬕᬮᬂᬢᬦ᭄ᬯᬾᬦ᭄ᬢᭂᬦ᭄ᬦᬯᭂᬗᬶᬦ᭄᭟᭜᭟ᬲᬧᬸᬦᬶᬓᬧᬫᬦ᭄ᬯᬺᬤ᭄ᬥ᭞ᬫᬦᬸᬢᬸᬭᬂᬤᬕᬶᬂᬲᬢ᭄ᬯᬦᬾᬗᬸᬦᬶ᭞ [᭑᭓ 13A] ᭑᭓ ᬳᬓ᭄ᬱᬫᬬᬂᬩᭂᬮᬶᬦᬸᬢᬸᬃ᭞ᬩᬸᬓᬘᬭᬸᬓ᭄ᬘᬸᬓ᭄ᬧᬸᬜᬄ᭞ᬩᬸᬗᬸᬢ᭄ᬢᬸᬯᬧᭂᬲᬸᬫᬸᬜᬶᬧᬢᬶᬓᬘᬸᬄ᭞ᬲᬢ᭄ᬯᬢ᭄ᬯᬭᬫᬳᬶᬦ᭄ᬤ᭞ᬓᬩᬶᬲᬬᬦ᭄ᬩᬳᬦ᭄ᬗᭀᬧᬶᬂ᭟᭜᭟ᬭᬩᬶᬦ᭄ᬤᬦᬾᬕᭂᬮᬶᬲ᭄ᬦᬶᬫ᭄ᬩᬮ᭄᭞ᬩᭂᬘᬶᬓ᭄ᬧᬶᬲᬦ᭄ᬧᬸᬦᬶ ᬓᬲᬢ᭄ᬯᬦᬾᬗᬸᬦᬶ᭞ᬗᬶᬭᬶᬗ᭄ᬓᬾᬧᬸᬧᬸᬢᬂᬤᬸᬫᬸᬦ᭄᭞ᬩᬾᬜ᭄ᬚᬗᬦ᭄ᬫᬮᬶᬄᬮᬦ᭄ᬢᬸᬭᬂ᭞ᬲᬫ᭄ᬧᬸᬦ᭄ᬲᭀᬭᬾᬲᬂᬳ᭄ᬬᬂᬲᬸᬃᬬ᭄ᬬᬳᬬᬢ᭄ᬲᬸᬭᬸᬧ᭄᭞ᬢᬶᬢ᭄ᬬᬂᬓᬦ᭄ᬢᬸᬦ᭄ᬗᭂᬜ᭄ᬚᬶᬢ᭄ᬤᬫᬃ᭞ᬫᬗ᭄ᬤᬕᬮᬗᬦ᭄ᬳᬓᬶᬤᬶᬓ᭄᭟᭜᭟ ᬧᬸᬧᬸᬄᬤᬸᬃᬫ᭄ᬫᬵ᭟᭜᭟ᬫᬕᬺᬤᭂᬕᬦ᭄ᬚᬕᬢᬾᬭᬶᬂᬦᬵᬭᬚᬤᬾᬰ᭞ᬯᬤ᭄ᬯᬦᬾᬮᬸᬄᬫ᭄ᬯᬦᬶ᭞ᬫᬗᬢᬸᬭᬂᬳᬬᬄ᭞ᬳᬸᬦ᭄ᬤᬕᬶᬲᬗ᭄ᬕᬶᬂᬫ᭄ᬯᬂᬢᬸᬓᬂ᭞ᬲᬺᬕᭂᬧ᭄ᬧ᭄ᬭᬩᭀᬢ᭄ᬘᬸᬫᬯᬶᬲ᭄᭞ᬓᬦ᭄ᬢᬸᬦ᭄ᬜᬦ᭄ᬢᭀᬲᬂ᭞ᬧᬗ ᬦ᭄ᬤᬶᬓᬦ᭄ᬕᬸᬲ᭄ᬢᬶᬧᬢᬶᬄ᭟᭜᭟ᬧᬭᬧᬢᬶᬄᬲᬦᬾᬫᬗᭀᬋᬕᬂᬓᬃᬬ᭄ᬬ᭞ᬯᬤ᭄ᬯᬦᬾᬓᭂᬧᬄᬓᬮᬶᬄ᭞ᬲᬦᬾᬳᬩᬕᬶᬬᬦ᭄᭞ᬫᬓᬃᬬ᭄ᬬᬭᬶᬂᬧᬸᬭᬶᬬᬦ᭄᭞ᬳᬬᬢ᭄ᬧᬘᬂᬫᬗᬃᬬ᭄ᬬᬦᬶᬦ᭄᭞ᬧᬧᬶᬦ᭄ᬤᬦ᭄

Auto-transliteration

[12 12B] 12 bĕraskĕtansami \\•\\ sangr̥ĕsyihidangandika, cutĕtñanepūnyanpamanbapangidiḥ, nehadakaśelapruhu, lawutangpamanñuwang, reḥtanadalenansajabapuniku, panghadahanggo n'gapgapan, naḥlawutanghabamuliḥ \\•\\ pansĕngkrug'hĕngsĕkbĕlbĕlan, dahasdihisngĕcaḥpĕsupluḥpidit, bĕngongtwarangĕlaḥsahut, nguntuk'hiyamapangĕnan, twarabĕnĕḥ yanpūṇyanejanilungsur̀, kĕhĕnganñaneringmanaḥ, mapamitbudalñalibsib \\•\\ puput'hyangindrangandikā, parar̥ĕsyiprabhumagadhapramangkin, ledangkayunepamuput, ka dikasiratinhamr̥ĕta, luwir̀langitsanekaliput'hamubu, rawuhanginengampĕhang, galangtanwentĕnnawĕngin \\•\\ sapunikapamanwr̥ĕddha, manuturangdagingsatwanenguni, [13 13A] 13 hakṣamayangbĕlinutur̀, bukacarukcukpuñaḥ, bunguttuwapĕsumuñipatikacuḥ, satwatwaramahinda, kabisayanbahanngoping \\•\\ rabindanegĕlisnimbal, bĕcikpisanpuni kasatwanenguni, ngiringkepuputangdumun, beñjanganmaliḥlanturang, sampunsoresanghyangsur̀yyahayatsurup, tityangkantunngĕñjitdamar̀, mangdagalanganhakidik \\•\\ pupuḥdur̀mmā \\•\\ magr̥ĕdĕganjagateringnārajadeśa, wadwaneluḥmwani, mangaturanghayaḥ, hundagisanggingmwangtukang, sr̥ĕgĕpprabotcumawis, kantunñantosang, panga ndikan'gustipatiḥ \\•\\ parapatiḥsanemangor̥ĕgangkar̀yya, wadwanekĕpaḥkaliḥ, sanehabagiyan, makar̀yyaringpuriyan, hayatpacangmangar̀yyanin, papindan

Leaf 13

Image on Archive.org

[᭑᭓ 13B] ᭑᭓ ᬲ᭄ᬯᬃᬕ᭄ᬕᬦ᭄᭞ᬓᬳᬾᬦ᭄ᬢᭂᬃᬢᬸᬓᬂᬉᬡ᭄ᬥᬕᬶ᭟᭜᭟ᬦᬾᬳᬩᬕᬶᬓᬦ᭄ᬢᬸᬦ᭄ᬜᬦ᭄ᬢᭀᬲ᭄ᬭᬶᬂᬚᬩᬬᬦ᭄᭞ᬯᬾᬦ᭄ᬢᭂᬦ᭄ᬯᬦ᭄ᬢᬄᬲᬫᬲ᭄ᬤᬶᬭᬶ᭞ᬓᬳᬶᬘ᭄ᬙᬾᬦ᭄ᬧᬓᬃᬬ᭄ᬬᬦ᭄᭞ᬗᬯᬗᬸᬦ᭄ᬧᬧᬶᬦ᭄ᬤᬦ᭄ᬦ᭄ᬭᬓ᭞ᬧᬗᬾᬦ᭄ᬢᭂᬃᬢᬸᬓᬂᬉᬦ᭄ᬤᬕᬶ᭞ᬲᬫ᭄ᬧᬸᬦ᭄ᬲ ᬬᬕ᭞ᬭᬭᬶᬲ᭄ᬫᬓᬃᬬ᭄ᬬᬗᬯᬶᬢᬶᬦ᭄᭟᭜᭟ᬲᬂᬧ᭄ᬭᬪᬸᬲᬫ᭄ᬧᬸᬦ᭄ᬗᬶᬘ᭄ᬙᬾᬦ᭄ᬧᬧᭀᬮᬬᬦ᭄᭞ᬳᬶᬦ᭄ᬤᬶᬓ᭄ᬯᬯᬗᬸᬦᬦᬾᬲᬫᬶ᭞ᬫᬗ᭄ᬤᬦᬾᬦ᭄ᬢᭂᬦ᭄ᬮᬾᬫ᭄ᬧᬲ᭄᭞ᬓᬤᬶᬯᬘᬦᬦ᭄ᬳᬶᬤ᭞ᬧᬭᬧᬢᬶᬄᬧᬭᬫᬦ᭄ᬢ᭄ᬭᬶ᭞ᬲᬦᬾᬦᬸ ᬭᬾᬓ᭄ᬱ᭞ᬗᬾᬦ᭄ᬢᭂᬃᬧᬜ᭄ᬚᬓᬾᬲᬫᬶ᭟᭜᭟ᬕ᭄ᬮᬶᬲᬶᬂᬘ᭄ᬭᬶᬢᬯᬾᬦ᭄ᬢᭂᬦ᭄ᬫᬶᬦᬩ᭄ᬧᬶᬢᬸᬂᬩᬸᬮᬦ᭄᭞ᬯᬯᬗᬸ᭠ᬦᬦ᭄ᬧᬸᬧᬸᬢ᭄ᬲᬫᬶ᭞ᬲᬫ᭄ᬧᬸᬦ᭄ᬫᬦᬹᬢ᭄ᬧᬶᬲᬦ᭄᭞ᬓᬤᬶᬧᬗᬃᬱᬦ᭄ᬲᬂᬦᬵᬣ᭞ᬢᬦ᭄ᬲᬦ᭄ᬤᬂᬘᬾᬤᬦᬶᬦ᭄ᬫᬮᬶᬄ᭞ᬢᬸᬃ ᬓᬳᬦᬸᬢᬂ᭞ᬲᬦᬾᬧᬘᬂᬫᬗᭂᬦᬳᬶᬦ᭄᭟᭜᭟ᬭᬶᬂᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦ᭄ᬤᬸᬫᬸᬦ᭄ᬘᬭᬶᬢᬬᬂ᭞ᬦᬾᬩᬕᬸᬲ᭄ᬩᬕᬸᬲ᭄ᬓᬲᭂᬮᬶᬃ᭞ᬧᬶᬦᬓᬕᬦ᭄ᬤᬃᬯ᭄ᬯ᭞ᬳᬦᬾᬤᭂᬳᬚᭂᬕᬾᬕ᭄ᬗᬬᬂ᭞ᬳᭂᬦ᭄ᬢᭀᬯᬮᬸᬬᬤᬤᬭᬶ᭞ᬯᬾᬦ᭄ᬢᭂ [᭑᭔ 14A] ᭑᭔ ᬦ᭄ᬓᬮᬶᬄᬤᬰ᭞ᬮᬸᬄᬫ᭄ᬯᬦᬶᬫᬗᭂᬦᬳᬶᬦ᭄᭟᭜᭟ᬲᬧᬸᬦᬶᬓᬵᬢᬍᬃᬭᬶᬂᬧᬧᬶᬦ᭄ᬤᬦ᭄ᬦ᭄ᬭᬓ᭞ᬲᬦᬾᬫᬗᭂᬦᬳᬶᬦ᭄ᬓᬲᭂᬮᬶᬃ᭞ᬲᬦᬾᬕᭂᬤᬾᬤᬾᬧᬓ᭄᭞ᬫᬢᬕᭂᬤᬾᬓᬸᬮᬶᬢ᭄ᬩᬳᬕ᭄᭞ᬧᬢᬶᬲ᭄ᬓᬤᬶᬚᭀᬕᭀᬃᬫᬡᬶᬓ᭄᭞ᬫᬶ ᬯᬄᬦᬾᬮ᭄ᬯᬦᬦ᭄᭞ᬮ᭄ᬯᬶᬃᬘᬶᬓ᭄ᬭᬩᬮᬧᬤᬶᬗ᭄ᬓ᭄ᬭᬶᬓ᭄᭟᭜᭟ᬧᬓᬬᬸᬦᬦ᭄ᬲᬂᬧ᭄ᬭᬪᬸᬰ᭄ᬭᬷᬦᬶᬮᬘᬦᬤ᭄ᬭ᭞ᬧᬘᬂᬫᬢᬸᬃᬧᬶᬳᬸᬦᬶᬂ᭞ᬭᬶᬂᬲᬂᬬᬸᬥᬶᬱ᭄ᬝᬶᬭ᭞ᬧ᭄ᬭᬪᬸᬭᬶᬗᬲ᭄ᬢᬶᬦᬧᬸᬭ᭞ᬧᬶᬦᬲᬶᬳᬦ᭄ᬲᬓᬶᬂᬭᬶᬳᬶᬦ᭄᭞ᬲᬓᬶᬂᬳᬚᬶᬦᬶᬤ᭞ ᬦᬳᭂᬦ᭄ᬫᬋᬓᬦ᭄ᬭᬶᬳᬶᬦ᭄᭟᭜᭟ᬗᬦ᭄ᬤᬶᬓᬬᬂᬳᬸᬢᬸᬲᬦ᭄ᬫᬗ᭄ᬤᬫᬢᬸᬭ᭞ᬢᬗ᭄ᬓᬶᬮ᭄ᬓᬳᬲ᭄ᬢᬶᬦᬧᬸᬭᬶ᭞ᬫᬢᬸᬃᬭᬶᬂᬲᬂᬦᬵᬣ᭞ᬳᬶᬤᬲᬂᬥᬃᬫ᭄ᬫᬢᬦᬬ᭞ᬫᬗ᭄ᬤᬲ᭄ᬯᬾᬘ᭄ᬙᬵᬦᬶᬜ᭄ᬚᭀᬧᬸᬭᬶ᭞ᬦᬭᬚᬤᬾᬰ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬓᬓᬃᬬ᭄ᬬ ᬦᬶᬦ᭄᭟᭜᭟ᬘᬭᬶᬢᬬᬂᬳᬸᬢᬸᬲᬦ᭄ᬲᬫ᭄ᬧᬸᬦ᭄ᬫᬫᬃᬕ᭄ᬕ᭞ᬭᬯᬸᬄᬭᬶᬗᬲ᭄ᬢᬶᬦᬧᬸᬭᬶ᭞ᬳᬗᭀᬩ᭄ᬫᬗᬦ᭄ᬢᭂᬦᬂ᭞ᬧᬸᬭᬶᬦᬾᬭᬶᬗᬲ᭄ᬢᬶᬦ᭞ᬓᬤᬶᬚᬕᬢ᭄ᬲ᭄ᬯᬃᬕ᭄ᬕᬦ᭄ᬧᬢᬶᬲ᭄᭞ᬢᬦ᭄ᬯᬾᬦ᭄ᬢᭂᬦ᭄ᬓᬶᬭᬂ᭞ᬲᬫᬶᬩᭂᬘᬶᬓ᭄ᬗᬮᬾ᭠

Auto-transliteration

[13 13B] 13 swar̀ggan, kahentĕr̀tukanguṇdhagi \\•\\ nehabagikantunñantosringjabayan, wentĕnwantaḥsamasdiri, kahicchenpakar̀yyan, ngawangunpapindannraka, pangentĕr̀tukangundagi, sampunsa yaga, rarismakar̀yyangawitin \\•\\ sangprabhusampunngicchenpapolayan, hindikwawangunanesami, mangdanentĕnlempas, kadiwacananhida, parapatiḥparamantri, sanenu rekṣa, ngentĕr̀pañjakesami \\•\\ glisingcritawentĕnminabpitungbulan, wawangu‐nanpuputsami, sampunmanūtpisan, kadipangar̀ṣansangnātha, tansandangcedaninmaliḥ, tur̀ kahanutang, sanepacangmangĕnahin \\•\\ ringpapindanswar̀ggandumuncaritayang, nebagusbaguskasĕlir̀, pinakagandar̀wwa, hanedĕhajĕgegngayang, hĕntowaluyadadari, wentĕ [14 14A] 14 nkaliḥdaśa, luḥmwanimangĕnahin \\•\\ sapunikātal̥ĕr̀ringpapindannraka, sanemangĕnahinkasĕlir̀, sanegĕdedepak, matagĕdekulitbahag, patiskadijogor̀maṇik, mi waḥnelwanan, lwir̀cikrabalapadingkrik \\•\\ pakayunansangprabhuśrīnilacanadra, pacangmatur̀pihuning, ringsangyudhiṣṭira, prabhuringastinapura, pinasihansakingrihin, sakinghajinida, nahĕnmar̥ĕkanrihin \\•\\ ngandikayanghutusanmangdamatura, tangkilkahastinapuri, matur̀ringsangnātha, hidasangdhar̀mmatanaya, mangdaswecchāniñjopuri, narajadeśa, sampunpuputkakar̀yya nin \\•\\ caritayanghutusansampunmamar̀gga, rawuḥringastinapuri, hangobmangantĕnang, purineringastina, kadijagatswar̀gganpatis, tanwentĕnkirang, samibĕcikngale‐

Leaf 14

Image on Archive.org

[᭑᭔ 14B] ᭑᭔ ᬤᬗᬶᬦ᭄᭟᭜᭟ᬢᬦ᭄ᬤᬸᬫᬤᬾᬢᬗ᭄ᬓᬶᬮ᭄ᬭᬶᬂᬳᬶᬤᬲᬂᬦᬵᬣ᭞ᬲᬫ᭄ᬧᬸᬦ᭄ᬓᬳᬢᬸᬭᬂᬲᬫᬶ᭞ᬲᬤᬕᬶᬂᬧᬶᬦᬸᬦᬲ᭄᭞ᬳᬶᬤᬲᬂᬦᬶᬮᬘᬦ᭄ᬤ᭄ᬭ᭞ᬲᬂᬥᬃᬫ᭄ᬫᬳᬶᬤᬦᬕᬶᬗᬶᬦ᭄᭞ᬲᬗ᭄ᬓᬦᬶᬂᬮᬾᬤᬂ᭞ᬧᬘᬂᬭᬯᬸᬄᬫᬦᬶᬜ᭄ᬚᭀᬯᬶᬦ᭄᭟᭜ ᭟ᬓᬳᬾᬮᬶᬗᬂᬳᬶᬤᬲᬂᬦᬶᬮᬘᬦ᭄ᬤ᭄ᬭ᭞ᬲᬓᬶᬂᬪᬓ᭄ᬢᬶᬢᬸᬢᬸᬢᬲᬶᬄ᭞ᬦᬳᭂᬦ᭄ᬦᬸᬦᬲ᭄ᬳᬚᬄ᭞ᬭᬶᬂᬳᬶᬤᬲᬂᬥᬃᬫ᭄ᬫᬲᬸᬢ᭞ᬫᬲᬯᬶᬢ᭄ᬭᬲᬓᬶᬗᬮᬶᬢ᭄᭞ᬢᬦ᭄ᬦᬳᭂᬦ᭄ᬧᬮᬲ᭄᭞ᬬᬤᬶᬦ᭄ᬤᭀᬄᬓᬤᬶᬫᬗ᭄ᬓᬶᬦ᭄᭟᭜᭟ᬲᬫ᭄ᬧᬸᬦ᭄ᬧᬸ ᬧᬸᬢ᭄ᬳᬢᬸᬃᬳᬶᬧᬸᬦ᭄ᬳᬶᬳᬸᬢᬸᬲᬦ᭄᭞ᬢᬸᬫᬸᬮᬶᬫᬧᬫᬶᬢ᭄ᬕᭂᬮᬶᬲ᭄᭞ᬧ᭄ᬭᬧ᭄ᬢᬳᬸᬫᬢᬸᬭ᭞ᬭᬶᬂᬳᬶᬤᬲᬂᬦᬶᬮᬘᬦ᭄ᬤ᭄ᬭ᭞ᬓᬮᬶᬦ᭄ᬢᬂᬕᬃᬚ᭄ᬚᬶᬢᬾᬗᬢᬶ᭞ᬲᬬᬕᬜᬕ᭄ᬭ᭞ᬲᬧᬗ᭄ᬭᬯᬸᬄᬰ᭄ᬭᬷᬦᬺᬧᬢᬶ᭟᭜᭟ᬲᬫᬮᬶᬳᬵ ᬳᬶᬤᬲᬫ᭄ᬧᬸᬦ᭄ᬗᬦ᭄ᬤᬶᬓᬬᬂ᭞ᬭᬶᬂᬯᬤ᭄ᬯᬦᬾᬲᬋᬂᬲᬫᬶ᭞ᬲᬬᬕᬫᬫᭂᬦ᭄ᬤᬓ᭄᭞ᬳᬶᬤᬲᬂᬥᬃᬫ᭄ᬫᬵᬲᬸᬢ᭞ᬧᬾᬜ᭄ᬚᭀᬃᬓᬓᭀᬩᬾᬃᬢᬦ᭄ᬫᬭᬶ᭞ᬲᬫ᭄ᬧᬸᬦ᭄ᬫᬩᬜ᭄ᬚᬄ᭞ᬫᬬᬲᬶᬦ᭄ᬲᬧᬜ᭄ᬚᬂᬫᬃᬕ᭄ᬕᬶ᭟᭜᭟ᬲ [᭑᭕ 15A] ᭑᭕ ᬕᬾᬢ᭄ᬭᬯᬸᬄᬳᬸᬢᬸᬲᬦ᭄ᬲᬓᬶᬗᬲ᭄ᬢᬶᬦ᭞ᬫᬢᬸᬃᬭᬶᬂᬲᬂᬦᬭᬧᬢᬶ᭞ᬳᬶᬦ᭄ᬤᬶᬓ᭄ᬲᬂᬧᬡ᭄ᬥᬸᬲᬸᬢ᭞ᬭᬯᬸᬄᬭᬶᬂᬦᬭᬚᬤᬾᬰ᭞ᬲᬂᬦᬶᬮᬘᬦ᭄ᬤ᭄ᬭᬤᬶᬕᭂᬮᬶᬲ᭄᭞ᬳᬶᬤᬦᬩ᭄ᬤᬩᬂ᭞ᬧᬘᬂᬫᭂᬦ᭄ᬤᬓ᭄ᬰ᭄ᬭᬷᬪᬹᬧᬢᬶ᭟᭜᭟ᬳᬾᬩᭂᬓ᭄ᬚᭂᬚᭂᬮ᭄ᬯ ᬤ᭄ᬯᬦᬾᬲᬫ᭄ᬧᬸᬦ᭄ᬜᬦ᭄ᬢᭀᬲᬂ᭞ᬲᬓᬶᬂᬧᬲᬃᬭᬯᬸᬄᬓᬧᬸᬭᬶ᭞ᬭᬶᬂᬧᬶᬗ᭄ᬕᬶᬭᬶᬂᬚᬮᬦ᭄᭞ᬫᬩᬜ᭄ᬚᬄᬓᬤᬶᬯᬬᬂ᭞ᬓᬵᬮᬦᬶᬂᬲᭂᬤᭂᬓ᭄ᬓᬢᬗ᭄ᬓᬶᬮ᭄᭞ᬦᬾᬯᬮᬸᬬᬤᬫᬃ᭞ᬲᬹᬃᬬ᭄ᬬᬦᬾᬫᬜᬸᬦᬭᬶᬦ᭄᭟᭜᭟ᬢᬦ᭄ᬓᬳᬾᬢᬂᬧᬦᭂ ᬲᬾᬫᬗᭂᬦ᭄ᬢᬓᭂᬦ᭄ᬢᬓ᭄᭞ᬗᬯᬾᬳᭀᬗ᭄ᬓᭂᬩ᭄ᬧᭂᬮᬸᬄᬧᬶᬤᬶᬢ᭄᭞ᬢ᭄ᬯᬭᬓᬮᬶᬗᬸᬯᬂ᭞ᬫᬜᬦ᭄ᬢᭀᬲᬂᬲᬂᬡ᭄ᬥᬯᬵ᭞ᬦᬤᬓᬗᬶᬦᬾᬗᬲᬶᬃᬲᬶᬃ᭞ᬢᬾᬚᬦ᭄ᬳ᭄ᬬᬂᬲᬹᬃᬬ᭄ᬬ᭞ᬓᬤᬶᬳᭂᬦ᭄ᬤᬸᬳᬦ᭄ᬳᬓᬶᬤᬶᬓ᭄᭟᭜᭟ᬬᬦᬶ ᬦᬩᬂᬘᬶᬭᬶᬦᬶᬤᬲᬂᬧᬡ᭄ᬥᬯ᭞ᬲᬫ᭄ᬧᬸᬦ᭄ᬭᬯᬸᬄᬤᬶᬕᭂᬮᬶᬲ᭄᭞ᬧᬫᬸᬘᬸᬓ᭄ᬧ᭄ᬭᬯᬶᬭ᭞ᬲᬦᬾᬗ᭠ᬮᬶᬗ᭄ᬕᬶᬳᬶᬦ᭄ᬓ᭄ᬭᬾᬢ᭞ᬓᬓᭀᬩᬾᬭᬾᬫᬓᬘᬶᬭᬶ᭞ᬧᬭᬧᬸᬭᬸᬱ᭞ᬲᬓᬶᬗᬲ᭄ᬢᬶᬦᬧᬸᬭᬶ᭟᭜᭟ᬬᬦᬶᬂᬯᬶᬮᬂᬫᬶᬦ

Auto-transliteration

[14 14B] 14 dangin \\•\\ tandumadetangkilringhidasangnātha, sampunkahaturangsami, sadagingpinunas, hidasangnilacandra, sangdhar̀mmahidanagingin, sangkaningledang, pacangrawuḥmaniñjowin. • . kahelinganghidasangnilacandra, sakingbhaktitututasiḥ, nahĕnnunashajaḥ, ringhidasangdhar̀mmasuta, masawitrasakingalit, tannahĕnpalas, yadindoḥkadimangkin \\•\\ sampunpu put'hatur̀hipunhihutusan, tumulimapamitgĕlis, praptahumatura, ringhidasangnilacandra, kalintanggar̀jjitengati, sayagañagra, sapangrawuḥśrīnr̥ĕpati \\•\\ samalihā hidasampunngandikayang, ringwadwanesar̥ĕngsami, sayagamamĕndak, hidasangdhar̀mmāsuta, peñjor̀kakober̀tanmari, sampunmabañjaḥ, mayasinsapañjangmar̀ggi \\•\\ sa [15 15A] 15 getrawuḥhutusansakingastina, matur̀ringsangnarapati, hindiksangpaṇdhusuta, rawuḥringnarajadeśa, sangnilacandradigĕlis, hidanabdabang, pacangmĕndakśrībhūpati \\•\\ hebĕkjĕjĕlwa dwanesampunñantosang, sakingpasar̀rawuḥkapuri, ringpinggiringjalan, mabañjaḥkadiwayang, kālaningsĕdĕkkatangkil, newaluyadamar̀, sūr̀yyanemañunarin \\•\\ tankahetangpanĕ semangĕntakĕntak, ngawehongkĕbpĕluḥpidit, twarakalinguwang, mañantosangsangṇdhawā, nadakanginengasir̀sir̀, tejanhyangsūr̀yya, kadihĕnduhanhakidik \\•\\ yani nabangcirinidasangpaṇdhawa, sampunrawuḥdigĕlis, pamucukprawira, sanenga‐linggihinkreta, kakoberemakaciri, parapuruṣa, sakingastinapuri \\•\\ yaningwilangmina

Leaf 15

Image on Archive.org

[᭑᭕ 15B] ᭑᭕ ᬩ᭄ᬯᬾᬦ᭄ᬢᭂᬦ᭄ᬲᬋᬂᬲᬢᬓ᭄᭞ᬧᬭᬧᬸᬭᬸᬱᬦᬾᬗᬶᬭᬶᬂ᭞ᬧᬫᬸᬘᬸᬓ᭄ᬮᬸᬫᬫ᭄ᬧᬄ᭞ᬲᬫᬶᬗ᭄ᬮᬶᬗ᭄ᬕᬶᬳᬶᬦ᭄ᬓ᭄ᬭᬾᬢ᭞ᬭᬭᬶᬲ᭄ᬯᬾᬦ᭄ᬢᭂᬦ᭄ᬓ᭄ᬭᬾᬢᬫᬡᬶᬓ᭄᭞ᬫᬧᬚᭂᬂᬧᭂᬢᬓ᭄᭞ᬲᬂᬬᬸᬥᬶᬱ᭄ᬝᬶᬭᬗ᭄ᬮᬶᬗ᭄ᬕᬶᬳᬶᬦ᭄᭟᭜᭟ᬤ᭄ᬬᬄᬤ᭄ᬭᬸᬧᬤᬶ ᬲᬦᬾᬫᬜᬋᬗᬶᬦ᭄ᬳᬶᬤ᭞ᬦᬓᬸᬮᬲᬤᬾᬯᬫᬮᬶᬄ᭞ᬦᬵᬗ᭄ᬳᬶᬂᬲᬂᬨᬮ᭄ᬕᬸᬡ᭞ᬲᬋᬂᬲᬂᬯᬺᬓᭀᬥᬭ᭞ᬭᬶᬂᬓ᭄ᬭᬾᬢᬦᬾᬲᬋᬂᬓᬮᬶᬄ᭞ᬫᬓᭀᬩᬾᬃᬩᬭᬓ᭄᭞ᬫᬕᬫ᭄ᬩᬃᬅᬦᭀᬫᬦ᭄ᬦᭂᬗ᭄ᬓᬶᬓ᭄᭟᭜ ᭟ᬧᬶᬦᬶᬳᬸᬗ᭄ᬓᬸᬃᬯᬾᬦ᭄ᬢᭂᬦ᭄ᬫᬮᬶᬄᬲᬋᬂᬲᬢᬓ᭄᭞ᬧᬭᬧᬸᬭᬸᬱᬧᬗᬩᬶᬄ᭞ᬗᬮᬶᬗ᭄ᬕᬶᬳᬶᬦ᭄ᬓᬸᬤ᭞ᬲᬺᬕᭂᬧ᭄ᬲᬃᬯ᭄ᬯᬲᬜ᭄ᬚᬢ᭞ᬫᬓ᭄ᬢᬢᬸᬫ᭄ᬩᬓ᭄ᬜᬸᬗ᭄ᬓ᭄ᬮᬶᬢ᭄ᬓ᭄ᬭᬶᬲ᭄᭞ᬲᬬᬕᬗᭂᬩᬕ᭄᭞ᬬᬦ᭄ᬯᬾᬦ᭄ᬢᭂᬦ᭄ᬫᭂᬲᭂᬄᬭᬶᬂᬫᬃᬕ᭄ᬕᬶ᭟᭜᭟ᬓᬘ ᬭᬶᬢᬭᬯᬸᬄᬭᬶᬂᬦᬭᬚᬤᬾᬰ᭞ᬕᭀᬂᬢᬫ᭄ᬩᬸᬃᬫᬲ᭄ᬯᬭᬢᬶᬢᬶ᭞ᬫᭂᬦ᭄ᬤᬓ᭄ᬲᬂᬧᬡ᭄ᬥᬯ᭞ᬳᬶᬤᬲᬂᬦᬶᬮᬘᬦ᭄ᬤ᭄ᬭ᭞ᬭᬭᬶᬲ᭄ᬗᬢᬸᬭᬶᬦ᭄ᬫᬮᬶᬗ᭄ᬕᬶᬄ᭞ᬭᬶᬂᬧᬦᬗ᭄ᬓᬶᬮᬦ᭄᭞ᬧᬭᬧᬸᬭᬸᬱᬦᬾᬲᬫᬶ᭟᭜᭟ᬲᬂᬧᬡ᭄ᬥᬯ [᭑᭖ 16A] ᭑᭖ ᬓᬢᬸᬭᬶᬦ᭄ᬭᬶᬂᬚ᭄ᬭᭀᬧᬸᬭ᭞ᬫᬓᬫᬶᬯᬄᬤ᭄ᬬᬄᬤ᭄ᬭᭀᬧᬤᬶ᭞ᬓᬢᬸᬭᬦ᭄ᬧᬜᬫ᭄ᬩ᭄ᬭᬫ᭞ᬲᬮ᭄ᬯᬶᬃᬪᭀᬕᬧᬪᭀᬕ᭞ᬲᬫᬶᬧᬥᬫᬗᬾᬦᬓᬶᬦ᭄᭞ᬳᬢᬸᬭᬦ᭄ᬳᬶᬤ᭞ᬲᬂᬦᬶᬮᬘᬦ᭄ᬤ᭄ᬭᬪᬸᬧᬢᬶ᭟᭜᭟ ᬧᬸᬧᬸᬄᬲᬶᬦᭀᬫ᭄᭟᭜᭟ᬭᬶᬂᬲᬫ᭄ᬧᬸᬦᬾᬲᬫᬶᬦᬧᬓ᭄᭞ᬧᬭᬧᬸᬭᬸᬱᬦᬾᬲᬫᬶ᭞ᬓᬵᬢᬸᬭᬦ᭄‌ᬲᭂᬤᬄᬮᬜ᭄ᬚᬭᬦ᭄᭞ᬯᬾᬤᬂᬲᬗᬦᬦ᭄ᬢᬦ᭄ᬫᬭᬶ᭞ᬲᬦᬾᬗᬬᬳᬶᬦ᭄ᬓᬲᭂᬮᬶᬃ᭞ᬩᬚᬂᬩᬚᬂᬕᭂ ᬕᬾᬕ᭄ᬩᬕᬸᬲ᭄᭞ᬕᭂᬮᬶᬲ᭄ᬓᬢᬸᬭᬦ᭄ᬳᬚᭂᬗᬦ᭄᭞ᬧᬶᬤᬩ᭄ᬤᬩ᭄ᬓᬤᬶᬭᬶᬂᬧᬸᬭᬶ᭞ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬫᬚᭂᬗᬦᬾᬫᬓᭂᬫ᭄ᬩᬸᬮᬦ᭄᭟᭜᭟ᬲᬶᬬᭀᬲ᭄ᬳᬤᬲᬂᬧᬡ᭄ᬥᬯ᭞ᬓᬵᬢᬸᬭᬦ᭄ᬭᬶᬂᬚ᭄ᬭᭀᬧᬸᬭᬶ᭞ᬲᬫ᭄ᬧᬸᬦ᭄ᬓ ᬢᬸᬭᬦ᭄ᬗᬬᬸᬦᬂ᭞ᬧᬭᬭᬩᬶᬦᬾᬫᬗᬶᬭᬶᬂ᭞ᬲᬂᬦᬶᬮᬘᬦ᭄ᬤ᭄ᬭᬜᬋᬗᬶᬦ᭄᭞ᬧᬸᬧᬸᬢ᭄ᬲᭀᬧᬘᬭᬲᬫ᭄ᬧᬸᬦ᭄᭞ᬦᬾᬫᬗ᭄ᬓᬶᬦ᭄ᬲᬂᬬᬸᬥᬶᬱ᭄ᬝᬶᬭ᭞ᬫᬧᬓᬬᬸᬦ᭄ᬫᬗ᭄ᬤᬳᬸᬦᬶᬂ᭞ᬭᬶᬂᬧᬯᬗᬸᬦ᭄‌ᬧᬧᬶ

Auto-transliteration

[15 15B] 15 bwentĕnsar̥ĕngsatak, parapuruṣanengiring, pamucuklumampaḥ, saminglinggihinkreta, rariswentĕnkretamaṇik, mapajĕngpĕtak, sangyudhiṣṭiranglinggihin \\•\\ dyaḥdrupadi sanemañar̥ĕnginhida, nakulasadewamaliḥ, nānghingsangphalguṇa, sar̥ĕngsangwr̥ĕkodhara, ringkretanesar̥ĕngkaliḥ, makober̀barak, magambar̀anomannĕngkik. • . pinihungkur̀wentĕnmaliḥsar̥ĕngsatak, parapuruṣapangabiḥ, ngalinggihinkuda, sr̥ĕgĕpsar̀wwasañjata, maktatumbakñungklitkris, sayagangĕbag, yanwentĕnmĕsĕḥringmar̀ggi \\•\\ kaca ritarawuḥringnarajadeśa, gongtambur̀maswaratiti, mĕndaksangpaṇdhawa, hidasangnilacandra, rarisngaturinmalinggiḥ, ringpanangkilan, parapuruṣanesami \\•\\ sangpaṇdhawa [16 16A] 16 katurinringjropura, makamiwaḥdyaḥdropadi, katuranpañambrama, salwir̀bhogapabhoga, samipadhamangenakin, haturanhida, sangnilacandrabhupati \\•\\ pupuḥsinom \\•\\ ringsampunesaminapak, parapuruṣanesami, kāturansĕdaḥlañjaran, wedangsanganantanmari, sanengayahinkasĕlir̀, bajangbajanggĕ gegbagus, gĕliskaturanhajĕngan, pidabdabkadiringpuri, sampunpuput, majĕnganemakĕmbulan \\•\\ siyoshadasangpaṇdhawa, kāturanringjropuri, sampunka turanngayunang, pararabinemangiring, sangnilacandrañar̥ĕngin, puputsopacarasampun, nemangkinsangyudhiṣṭira, mapakayunmangdahuning, ringpawangunpapi

Leaf 16

Image on Archive.org

[᭑᭖ 16B] ᭑᭖ ᬦ᭄ᬤᬦ᭄ᬲ᭄ᬯᬃᬕ᭄ᬕᬦᬵᬭᬓ᭟᭜᭟ᬲᬂᬬᬸᬥᬶᬱ᭄ᬝᬶᬭᬗᬦ᭄ᬤᬶᬓᬵ᭞ᬤᬾᬯᬵᬲᬂᬘᬦ᭄ᬤ᭄ᬭᬪᬹᬧᬢᬶ᭞ᬫᬦᬶᬭᬧᬘᬂᬦ᭠ᬢᬲᬂ᭞ᬧᬯᬗᬸᬦ᭄ᬧᬸᬭᬶᬦᬾᬤᬶᬦᬶ᭞ᬤᬾᬦᬶᬂᬲᬸᬩᬧᬸᬧᬸᬢ᭄ᬲᬫᬶ᭞ᬲ᭄ᬯᬃᬕ᭄ᬕᬦ᭄ᬭᬓᬦᬾᬓᬢᬶᬭᬸ᭞ᬳᬸᬫᬢᬸᬃ ᬲᬂᬦᬶᬮᬘᬦ᭄ᬤ᭄ᬭ᭞ᬢᬶᬢ᭄ᬬᬂᬗᬶᬭᬶᬗᬂᬦᬺᬧᬢᬶ᭞ᬢᬸᬭᬶᬂᬲᬫ᭄ᬧᬸᬦ᭄᭞ᬫᬢᬗᬶᬳᬬᬢ᭄ᬫᬫᬃᬕ᭄ᬕ᭟᭜᭟ᬧᬗᬚᭃᬂᬲᬂᬥᬃᬫ᭄ᬫᬵᬢ᭄ᬫᬚ᭞ᬲᬂᬦᬶᬮᬘᬦ᭄ᬤ᭄ᬭᬫᬗᬩᬶᬄ᭞ᬧᬫᬃᬕ᭄ᬕᬶᬦᬾᬲᬤᬳᬮᭀᬦ᭄᭞ᬤ᭄ᬬᬄᬤ᭄ᬭᭀ ᬧᬤᬶᬓᬲᬋᬗᬶᬦ᭄᭞ᬳᭀᬮᬶᬄᬧᬭᬭᬩᬶᬲᬫᬶ᭞ᬭᬩᬶᬦ᭄ᬦᬶᬮᬘᬦ᭄ᬤ᭄ᬭᬧ᭄ᬭᬪᬸ᭞ᬲᬂᬪᬶᬫᬫᬸᬯᬄᬅᬃᬚ᭄ᬚᬸᬡ᭞ᬦᬵᬓᬸᬮᬲᬤᬾᬯᬫᬮᬶᬄ᭞ᬧᬶᬦᬶᬄᬳᬸᬗ᭄ᬓᬸᬃ᭞ᬯᬤ᭄ᬯᬫᬓ᭄ᬢᬧᬘᬦᬗᬦ᭄᭟᭜᭟ᬧᬫᬃᬕ᭄ᬕᬶᬦᬾ ᬗ᭄ᬮᭀᬤ᭄ᬓᬗᬶᬦᬂ᭞ᬧᬧᬶᬦ᭄ᬤᬦ᭄ᬦ᭄ᬭᬓᬳᬸᬗ᭄ᬲᬶ᭞ᬦᬾᬦ᭄ᬢᭂᬦᭂᬤᭀᬄᬲᬓᬶᬂᬧᬸᬭ᭞ᬤᬶᬕᭂᬮᬶᬲ᭄ᬬᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬢᬭᬸᬓᭂᬧᬸᬳᬾᬓᬓᬮᬶᬄ᭞ᬲᬢ᭄ᬯᬮᬸᬬᬓᭀᬭᬶᬳᬕᬸᬂ᭞ᬢᭂᬕᭂᬄᬗᬋᬲ᭄ᬋᬲᬶᬦ᭄ᬫᬦᬄ᭞ [᭑᭗ 17A] ᭑᭗ ᬫᬗᬧᬶᬢ᭄ᬭᬶᬂᬧᬶᬗ᭄ᬕᬶᬃᬫᬃᬕ᭄ᬕᬶ᭞ᬩᭂᬢᬾᬦᬶᬧᬸᬦ᭄᭞ᬯᬾᬦ᭄ᬢᭂᬦ᭄ᬢᭀᬕᭀᬕ᭄ᬫᬓᭂᬫ᭄ᬩᬭᬦ᭄᭟᭜᭟ᬧᬢᬶᬲ᭄ᬓᬤᬶᬲᬂᬲᬸᬭᬵᬢ᭄ᬫ᭞ᬦᬾᬜᬦ᭄ᬤᬓ᭄ᬭᬶᬂᬢ᭄ᬗᬳᬶᬂᬫᬃᬕ᭄ᬕᬶ᭞ᬲᬦᬾᬫᬦᬸᬭᬾᬓ᭄ᬱᬳᬢ᭄ᬫ᭞ᬲᬃᬯ᭄ᬯᬶᬫᬗᭂᬩᬢᬂᬧᬶᬧᬶᬮ᭄᭞ ᬧᬸᬦᬶᬓᬫᬮᬶᬳᬲᬶᬓᬶ᭞ᬢᭀᬕᭀᬕᬾᬫᬗᬗ᭄ᬕᬃᬧᭂᬦ᭄ᬢᬸᬂ᭞ᬦᭂᬗ᭄ᬓᬶᬓ᭄ᬓᬮᬶᬦ᭄ᬢᬂᬯᬶᬭᭀᬱ᭞ᬯᬮᬸᬬᬲᬂᬚᭀᬕᭀᬃᬫᬡᬶᬓ᭄᭞ᬦᬾᬢᬦ᭄ᬲᬸᬭᬸᬤ᭄᭞ᬫᬶᬤᭂᬡ᭄ᬥᬳᬢ᭄ᬫᬓᬲᬲᬃ᭟᭜᭟ᬧᬸᬧᬸᬳᬤ᭄ᬭᬶ᭟᭜᭟ᬢᬦ᭄ᬤᬸ ᬫᬤᬾᬭᬭᬶᬲ᭄ᬯᬾᬦ᭄ᬢᭂᬦ᭄ᬭᬯᬸᬄ᭞ᬧᬕᭂᬩᬕ᭄ᬦ᭄ᬭᬓᬦᬾ᭞ᬯᬤ᭄ᬯᬦᬾᬲᬦᬾᬫᬗᭂᬫᬶᬢ᭄᭞ᬯᬾᬦ᭄ᬢᭂᬦ᭄ᬫᬶᬦᬩ᭄ᬲᬋᬂᬧᬶᬢᬸ᭞ᬲᬺᬕᭂᬧ᭄ᬫᬓ᭄ᬢᬲᬜ᭄ᬚᬢᬦᬾ᭞ᬓᭂᬭᬶᬲ᭄ᬕᭀᬮᭀᬓ᭄ᬧᭂᬥᬂᬳᭂᬮᬸ᭞ᬧᬢᬶᬲ᭄ᬓᬤᬶᬘᬶᬓ᭄ᬭᬩᬮ᭞ᬗᭂᬩᬕ᭄ ᬧᬧᬶᬦ᭄ᬤᬦ᭄ᬦᬵᬭᬓ᭟᭜᭟ᬫᬢᬩᬭᬓ᭄ᬳᬯᬓ᭄ᬜᬦᬾᬲᭂᬩᬸᬄ᭞ᬢᭂᬭᬲ᭄ᬜᬦᬾᬍᬗᬃ᭞ᬳᬤᬦᬾᬫᬳᭂᬩᭀᬓ᭄ᬩᭂᬭᬶᬢ᭄᭞ᬧᬚᬮᬦᬾᬲ᭄ᬭᬬᬂᬲ᭄ᬭᬸᬬᬸᬂ᭞ᬫᬸᬜᬶᬦ᭄ᬜᬦᬾᬧᬢᬶᬓᬘᬸᬄ᭞ᬲᬓᬾᬂᬧᬸᬜᬄᬫᬲ

Auto-transliteration

[16 16B] 16 ndanswar̀gganāraka \\•\\ sangyudhiṣṭirangandikā, dewāsangcandrabhūpati, manirapacangna‐tasang, pawangunpurinedini, deningsubapuputsami, swar̀gganrakanekatiru, humatur̀ sangnilacandra, tityangngiringangnr̥ĕpati, turingsampun, matangihayatmamar̀gga \\•\\ pangajöngsangdhar̀mmātmaja, sangnilacandramangabiḥ, pamar̀gginesadahalon, dyaḥdro padikasar̥ĕngin, holiḥpararabisami, rabinnilacandraprabhu, sangbhimamuwaḥar̀jjuṇa, nākulasadewamaliḥ, piniḥhungkur̀, wadwamaktapacanangan \\•\\ pamar̀ggine nglodkanginang, papindannrakahungsi, nentĕnĕdoḥsakingpura, digĕlisyasampunprapti, tarukĕpuhekakaliḥ, satwaluyakorihagung, tĕgĕḥngar̥ĕsr̥ĕsinmanaḥ, [17 17A] 17 mangapitringpinggir̀mar̀ggi, bĕtenipun, wentĕntogogmakĕmbaran \\•\\ patiskadisangsurātma, neñandakringtngahingmar̀ggi, sanemanurekṣahatma, sar̀wwimangĕbatangpipil, punikamalihasiki, togogemanganggar̀pĕntung, nĕngkikkalintangwiroṣa, waluyasangjogor̀maṇik, netansurud, midĕṇdhahatmakasasar̀ \\•\\ pupuhadri \\•\\ tandu maderariswentĕnrawuḥ, pagĕbagnrakane, wadwanesanemangĕmit, wentĕnminabsar̥ĕngpitu, sr̥ĕgĕpmaktasañjatane, kĕrisgolokpĕdhanghĕlu, patiskadicikrabala, ngĕbag papindannāraka \\•\\ matabarak'hawakñanesĕbuḥ, tĕrasñanel̥ĕngar̀, hadanemahĕbokbĕrit, pajalanesrayangsruyung, muñinñanepatikacuḥ, sakengpuñaḥmasa

Leaf 17

Image on Archive.org

[᭑᭗ 17B] ᭑᭗ ᬤᬾᬕᬦ᭄᭞ᬫᬗᬸᬮᬸᬭᬶᬦ᭄ᬧᬗᬦ᭄ᬓᬶᬦᬸᬫ᭄᭞ᬢᬸᬫᬸᬮᬶᬫᬢᬸᬃᬳᬜᭂᬫ᭄ᬩᬄ᭞ᬭᬶᬂᬳᬶᬤᬲᬂᬦᬶᬮᬘᬦ᭄ᬤ᭄ᬭᬵ᭟᭜᭟ᬲᬶᬗ᭄ᬕᬶᬄᬭᬢᬸᬲᬂᬘᬦ᭄ᬤ᭄ᬭᬧ᭄ᬭᬪᬸ᭞ᬫᬶᬦᬩ᭄ᬓᬤᬶᬢᭂᬫ᭄ᬩᬾ᭞ᬲᬧᬲᬶᬭᬫᬜᬋᬗᬶᬦ᭄᭞ᬲᬂᬘᬦ᭄ᬤ᭄ᬭᬭᬭᬶᬲ᭄ᬫᬯᬸᬯᬸᬲ᭄ ᭞ᬗᬸᬤᬧᬫᬦ᭄ᬩᬸᬓᬢᬦ᭄ᬤ᭄ᬭᬸᬄ᭞ᬢᭂᬓᬾᬦ᭄ᬳᬶᬤᬲᬂᬧᬡ᭄ᬥᬯ᭞ᬦᬵᬩᬾᬦ᭄ᬫᬦᬶᬭᬳᬶᬫᬮᬸ᭞ᬓᬬᬸᬦ᭄ᬳᬶᬤᬧᬘᬂᬦᬢᬲ᭄᭞ᬧᬧᬶᬦ᭄ᬤᬦ᭄ᬚᬕᬢ᭄ᬦᬭᬓᬵ᭟᭜᭟ᬧᬕᭂᬩᬕᬾᬧ᭄ᬭᬡᬫ᭄ᬬᬳᬸᬫᬢᬸᬃ᭞ᬅᬫ᭄ᬧᬸᬭᬦᭂᬦ᭄ᬫᬗ᭄ᬓᬾ ᭞ᬲᭂᬫ᭄ᬩᬳᬶᬗ᭄ᬯᬂᬦᬶᬱ᭄ᬝᬩᬸᬤ᭄ᬥᬶ᭞ᬬᬦ᭄ᬯᬾᬦ᭄ᬢᭂᬦᬵᬃᬱᬦᬶᬭᬢᬸ᭞ᬦᬶᬜ᭄ᬚᭀᬧᬧᬶᬦ᭄ᬤᬦ᭄ᬧᬸᬦᬶᬓᬸ᭞ᬢᬶᬢ᭄ᬬᬂᬜᬤ᭄ᬬᬫᬗᬶᬭᬶᬗᬂ᭞ᬢᬸᬫᬸᬮᬶᬭᬭᬶᬲ᭄ᬮᬸᬫᬓᬸ᭞ᬳᬚᬳᬦ᭄ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬭᬶᬂᬕᭂᬦᬄᬧᬧᬶᬦ᭄ᬤᬦ᭄ᬦ᭄ᬭᬓᬵ ᭟᭜᭟ᬯᬾᬦ᭄ᬢᭂᬦᬾᬫᬗ᭄ᬓᬶᬦ᭄ᬓᬧᬗ᭄ᬕᬸᬄ᭞ᬧᬧᬶᬦ᭄ᬤᬦ᭄ᬳᬢ᭄ᬫᬦᬾ᭞ᬢᭂᬭᬲ᭄ᬜᬦᬾᬓᬕᬺᬕᬚᬶ᭞ᬜ᭄ᬭᬾᬢ᭄ᬘᬾᬢ᭄ᬕᭂᬢᬶᬄᬜᬦᬾᬧᭂᬲᬸ᭞ᬤ᭄ᬬᬄᬤ᭄ᬭᭀᬧᬤᬶᬭᬭᬶᬲ᭄ᬫᬢᬸᬃ᭞ᬥᬸᬄᬩᭂᬮᬶᬲᬂᬥᬃᬫ᭄ᬫᬲᬸᬢ᭞ᬲᬧᬸᬦᬧᬶᬲᭀ᭠ [᭑᭘ 18A] ᭑᭘ ᬮᬳᬶᬧᬸᬦ᭄᭞ᬤᬯᭂᬕᬾᬭᬶᬂᬫᬤ᭄ᬬᬧᬤ᭞ᬳᬯᬶᬦᬦ᭄ᬳᬲᬧᬸᬦᬶᬓ᭟᭜᭟ᬰ᭄ᬭᬷᬥᬃᬫ᭄ᬫᬵᬢ᭄ᬫᬚᬫᬗ᭄ᬓᬶᬦ᭄ᬫᬯᬸᬯᬸᬲ᭄᭞ᬓᬾᬦᬾᬯᬶᬯᬶᬮᬦᬾ᭞ᬤᬸᬓ᭄ᬜᬦᬾᬫᬳᬸᬭᬶᬧ᭄ᬭᬶᬳᬶᬦ᭄᭞ᬳᬮ᭄ᬧᬓᬭᬶᬂᬬᬬᬳᬶᬩᬸ᭞ᬢᭀ ᬳᬯᬦᬦ᭄ᬢᬸᬮᬳᬶᬤᬸᬧ᭄᭞ᬚᬦᬶᬦᬦ᭄ᬤᬗᬶᬦ᭄ᬲᬓᬶᬢᬾ᭞ᬪᬸᬝᬵᬫᬸᬦ᭄ᬤᬃᬫᬦ᭄ᬤᬶᬃᬗᭂᬚᬸᬓ᭄᭞ᬲᬓᬜ᭄ᬘᬦ᭄ᬳᬢ᭄ᬫᬤ᭄ᬭᭀᬳᬓᬵ᭞ᬮᬗ᭄ᬕᬦᬭᬶᬂᬳᬦᬓ᭄ᬢᬸᬯ᭟᭜᭟ᬦᬾᬧᬧᬶᬦ᭄ᬤᬦ᭄ᬳᬢ᭄ᬫᬦᬾᬫᬫᬦ᭄ᬤᬸᬂ᭞ᬲᬢᬢᬫᬫᬾ ᬕᬮ᭄᭞ᬕᭂᬫᭂᬲ᭄ᬢᬸᬃᬫᬫᬢᬶᬫᬢᬶ᭞ᬤᬶᬚᬫ᭄ᬩᬗᬦᬾᬓᬍᬩᬸ᭞ᬓᬩᭀᬃᬩᭀᬃᬕᭂᬦᬶᬦᬾᬫᬸᬭᬸᬩ᭄᭞ᬓᬲᬓᬶᬢᬦ᭄ᬳᭂᬗ᭄ᬓᬓᭂᬗ᭄ᬓᬓ᭄᭞ᬢᭀᬂᬲᬶᬤ᭄ᬥᬫᬦᬦ᭄ᬤᬂᬓᭂᬩᬸᬲ᭄᭞ᬓᬯᬄᬘᬫ᭄ᬪ᭄ᬭᬕᭀᬄᬫᬸᬓᬦᬾ ᭞ᬨᬮᬦ᭄ᬧᭀᬮᬄᬜᬦᬾᬘᭀᬭᬄ᭟᭜᭟ᬤ᭄ᬬᬄᬤ᭄ᬭᭀᬧᬤᬶᬧ᭄ᬭᬡᬫ᭄ᬬᬫᬢᬸᬃ᭞ᬳᬶᬓᬶ᭠ᬧᬧᬶᬦ᭄ᬤᬦᬾ᭞ᬲᭂᬤᬶᬄᬢᬶᬢ᭄ᬬᬂᬫᬗᬶᬯᬲᬶᬦ᭄᭞ᬤᬾᬯᬾᬓ᭄ᬜᬦᬾᬤᭂᬓ᭄ᬤᭂᬓ᭄ᬋᬫᬸᬓ᭄᭞ᬓᬢᭂᬓ᭄ᬢᭂᬓ᭄ᬢᬸᬭᬶᬂ

Auto-transliteration

[17 17B] 17 degan, mangulurinpangankinum, tumulimatur̀hañĕmbaḥ, ringhidasangnilacandrā \\•\\ singgiḥratusangcandraprabhu, minabkaditĕmbe, sapasiramañar̥ĕngin, sangcandrararismawuwus , ngudapamanbukatandruḥ, tĕkenhidasangpaṇdhawa, nābenmanirahimalu, kayunhidapacangnatas, papindanjagatnarakā \\•\\ pagĕbagepraṇamyahumatur̀, ampuranĕnmangke , sĕmbahingwangniṣṭabuddhi, yanwentĕnār̀ṣaniratu, niñjopapindanpuniku, tityangñadyamangiringang, tumulirarislumaku, hajahansampunpraptā, ringgĕnaḥpapindannrakā \\•\\ wentĕnemangkinkapangguḥ, papindanhatmane, tĕrasñanekagr̥ĕgaji, ñretcetgĕtiḥñanepĕsu, dyaḥdropadirarismatur̀, dhuḥbĕlisangdhar̀mmasuta, sapunapiso‐ [18 18A] 18 lahipun, dawĕgeringmadyapada, hawinanhasapunika \\•\\ śrīdhar̀mmātmajamangkinmawuwus, kenewiwilane, dukñanemahuriprihin, halpakaringyayahibu, to hawanantulahidup, janinandanginsakite, bhuṭāmundar̀mandir̀ngĕjuk, sakañcanhatmadrohakā, langganaringhanaktuwa \\•\\ nepapindanhatmanemamandung, satatamame gal, gĕmĕstur̀mamatimati, dijambanganekal̥ĕbu, kabor̀bor̀gĕninemurub, kasakitanhĕngkakĕngkak, tongsiddhamanandangkĕbus, kawaḥcambhragoḥmukane , phalanpolaḥñanecoraḥ \\•\\ dyaḥdropadipraṇamyamatur̀, hiki‐papindane, sĕdiḥtityangmangiwasin, dewekñanedĕkdĕkr̥ĕmuk, katĕktĕkturing

Leaf 18

Image on Archive.org

[᭑᭘ 18B] ᭑᭘ ᬓᬲᬸᬤᬸᬓ᭄᭞ᬢᬦ᭄ᬓᭂᬦᬶᬪᬶᬮᬂᬢᬢᬸᬦᬾ᭞ᬕᭂᬢᬶᬄᬜᬦᬾᬤᭂᬋᬲ᭄ᬧᭂᬲᬸ᭞ᬲᬧᬸᬦᬧᬶᬢᬸᬢᬸᬭᬦ᭄ᬜ᭞ᬫᬗ᭄ᬕᬸᬳᬂᬳᬲᬧᬸᬦᬶᬓ᭟᭜᭟ᬫᬮᬶᬄᬧᬧᬶᬦ᭄ᬤᬦ᭄ᬚᬦ᭄ᬫᬫ᭄ᬯᬦᬶᬮᬸᬄ᭞ᬓᬩᭀᬃᬩᭀᬃᬧ᭄ᬭᬡ ᬦᬾ᭞ᬫᬸᬮᬶᬲᬄᬦᬳᬦᬂᬲᬓᬶᬢ᭄᭞ᬲᬧᬸᬦᬧᬶᬲᭀᬮᬳᬶᬧᬸᬦ᭄᭞ᬭᬶᬂᬫᬥ᭄ᬬᬧᬤᬦᬾᬤᬸᬫᬸᬦ᭄᭞ᬲᬧᬸᬦᬶᬓᬧᬢᬓᬾᬦᬾ᭞ᬰ᭄ᬭᬷᬥᬃᬫ᭄ᬫᬵᬢ᭄ᬫᬚᬫᬯᬸᬯᬸᬲ᭄᭞ᬫᭂᬮᬳᬂᬳᬤᬶᬫᬶᬋᬗᬂ᭞ᬩᭂᬮᬶᬚ ᬦᬫᬦᬸᬢᬸᬭᬂ᭟᭜᭟ᬫᬦᬹᬢ᭄ᬧᬢᬓᭀᬦ᭄ᬳᬤᬶᬦᬾᬯᬯᬸ᭞ᬳᬶᬦ᭄ᬤᬶᬓ᭄ᬧᬧᬶᬦ᭄ᬤᬦᬾ᭞ᬦᬾᬤᭂᬓ᭄ᬤᭂᬓ᭄ᬫᬦᬦ᭄ᬤᬂᬓᬦᬶᬦ᭄᭞ᬓᬢᭂᬓ᭄ᬢᭂᬓ᭄ᬫᬶᬯᬄᬓᬲᬸᬤᬸᬓ᭄᭞ᬲᭀᬮᬄᬚᬤ᭄ᬫᬦᬾᬧᬸᬦᬶᬓᬸ᭞ᬫᬮᬸᬘᭀᬭᬄ ᬮᬓ᭄ᬱᬡᬦᬾ᭞ᬫᬶᬰᬸᬡᬲᬳᬶᬫᬗᬧᬸᬲ᭄᭞ᬢ᭄ᬯᬭᬗᭂᬮᬄᬳᬭᬶᬫ᭄ᬪᬯ᭞ᬮᬓ᭄ᬱᬡᬦᬾᬳᬶᬫ᭄ᬲᬓᬃᬫ᭄ᬫ᭟᭜᭟ᬫᬮᬶᬄᬧᬧᬶᬦ᭄ᬤᬦᬾᬧᬸᬦᬶᬓᬸ᭞ᬓᬩᭀᬃᬩᭀᬃᬧ᭄ᬭᬡᬦᬾ᭞ᬲᭀᬮᬄᬜ [᭑᭙ 19A] ᭑᭙ ᬦᬾᬲᬦᬾᬗᬸᬦᬶ᭞ᬲᬢᬢᬫᬓᬓᬭᬸᬄ᭞ᬗᬸᬮᬸᬭᬶᬦ᭄ᬲᬫᬭᬤᬸᬤᬸ᭞ᬚᬦᬶᬦᬳᬦᬂᬲᬓᬶᬢᬾ᭞ᬭᬾᬄᬲᬢᬢᬗᬯᬾᬩᬸᬳᬸᬢ᭄᭞ᬗᬯᬾᬢᬸᬗ᭄ᬓᬲ᭄ᬤᬶᬧᬓᬸᬋᬦᬦ᭄᭞ᬲᬳᬶᬗᬶᬦ᭄ᬢᬶᬧ᭄ᬲᭀᬮᬄᬢᬶᬫ᭄ᬧ ᬮ᭄᭟᭜᭟ᬲᬓᬜ᭄ᬘᬦᬶᬂᬲᭀᬮᬄᬢᬦ᭄ᬭᬳᬬᬸ᭞ᬫᬨᬮᬦᬭᬓᬵ᭞ᬓᬾᬢᭀᬘᬸᬢᭂᬢ᭄ᬜᬦᬾᬳᬤᬶ᭞ᬫᬓᭂᬚᬂᬤᬶᬦᬶᬳᬸᬫᬸᬗ᭄ᬕᬸᬄ᭞ᬭᬶᬂᬧᬧᬶᬦ᭄ᬤᬦᬾᬓᬯᬗᬸᬦ᭄᭞ᬫᬢᭂᬳᬶᬦ᭄ᬦ᭄ᬭᬓᬮᭀᬓᬦᬾ ᭞ᬰ᭄ᬭᬷᬦᬶᬮᬘᬦ᭄ᬤ᭄ᬭᬫᬯᬸᬯᬸᬲ᭄᭞ᬭᬢᬸᬲᬂᬥᬃᬫ᭄ᬫᬵᬢ᭄ᬫᬚ᭞ᬗᬶᬭᬶᬂᬤᬸᬫᬸᬦ᭄ᬫᬲᬦ᭄ᬤᭂᬓᬦ᭄᭟᭜᭟ᬗᬶᬭᬶᬂᬳᬶᬭᬶᬓᬤᬸᬫᬸᬦ᭄ᬫᬮᬸᬗ᭄ᬕᬸᬄ᭞ᬯᬾᬦ᭄ᬢᭂᬦ᭄ᬯᬯᬗᬸᬦᬦ᭄᭞ᬯᬯᬸᬧᬸᬧᬸᬢ᭄ᬓᬓᬃᬤ᭄ᬥᬶᬦᬶᬦ᭄᭞ᬧᬧᬶᬦ᭄ᬤᬦ᭄ᬧᬸᬭᬶᬓᬲᭂᬗ᭄ᬕᬸᬄ᭞ ᬧᬸᬭᬶᬦ᭄ᬳ᭄ᬬᬂᬬᬫᬧᬸᬦᬶᬓᬸ᭞ᬗᬶᬭᬶᬂᬳᬶᬭᬶᬓᬫᬭᬵᬃᬬ᭄ᬬᬦ᭄᭞ᬢᬸᬫᬸᬮᬶᬭᬭᬶᬲ᭄ᬮᬸᬫᬕ᭄ᬕᬶᬸᬓᬸ᭞ᬫᬩ᭄ᬭᬶᬬᬸᬓ᭄ᬲᬋᬂᬫᬫᬃᬕ᭄ᬕ᭞ᬳᬚᬳᬦ᭄ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭟᭜᭟ᬯᬾᬦ᭄ᬢᭂᬦ᭄ᬳᬃᬘ᭄ᬙᬳᬶᬭᬶᬓᬓᬧᬗ᭄ᬕᬸᬄ᭞ᬧᬢᬶᬲ᭄

Auto-transliteration

[18 18B] 18 kasuduk, tankĕnibhilangtatune, gĕtiḥñanedĕr̥ĕspĕsu, sapunapituturanña, mangguhanghasapunika \\•\\ maliḥpapindanjanmamwaniluḥ, kabor̀bor̀praṇa ne, mulisaḥnahanangsakit, sapunapisolahipun, ringmadhyapadanedumun, sapunikapatakene, śrīdhar̀mmātmajamawuwus, mĕlahanghadimir̥ĕngang, bĕlija namanuturang \\•\\ manūtpatakonhadinewawu, hindikpapindane, nedĕkdĕkmanandangkanin, katĕktĕkmiwaḥkasuduk, solaḥjadmanepuniku, malucoraḥ lakṣaṇane, miśuṇasahimangapus, twarangĕlaḥharimbhawa, lakṣaṇanehimsakar̀mma \\•\\ maliḥpapindanepuniku, kabor̀bor̀praṇane, solaḥña [19 19A] 19 nesanenguni, satatamakakaruḥ, ngulurinsamaradudu, janinahanangsakite, reḥsatatangawebuhut, ngawetungkasdipakur̥ĕnan, sahingintipsolaḥtimpa l \\•\\ sakañcaningsolaḥtanrahayu, maphalanarakā, ketocutĕtñanehadi, makĕjangdinihumungguḥ, ringpapindanekawangun, matĕhinnrakalokane , śrīnilacandramawuwus, ratusangdhar̀mmātmaja, ngiringdumunmasandĕkan \\•\\ ngiringhirikadumunmalungguḥ, wentĕnwawangunan, wawupuputkakar̀ddhinin, papindanpurikasĕngguḥ, purinhyangyamapuniku, ngiringhirikamarār̀yyan, tumulirarislumagg̶ku, mabriyuksar̥ĕngmamar̀gga, hajahansampunpraptā \\•\\ wentĕnhar̀cchahirikakapangguḥ, patis

Leaf 19

Image on Archive.org

[᭑᭙ 19B] ᭑᭙ ᬲᬂᬳ᭄ᬬᬂᬬᬫ᭞ᬭᬶᬂᬲᬶᬗ᭄ᬳᬵᬰᬡᬫᬮᬶᬗ᭄ᬕᬶᬄ᭞ᬢᭀᬕᭀᬕ᭄ᬲᬸᬭᬢ᭄ᬫᬦᬾᬗᬸᬦ᭄ᬢᬸᬓ᭄᭞ᬫᬶᬦᬩ᭄ᬓᭂᬜ᭄ᬚᭂᬓᬦ᭄ᬳᬸᬫᬢᬸᬃ᭞ᬧᬢ᭄ᬧᬢ᭄ᬫᬭᬾᬭᭀᬤ᭄ᬢᭀᬕᭀᬕᬾ᭞ᬚᭀᬕᭀᬃᬫᬡᬶᬧᬶᬦᬶᬄᬫᬮᬸ᭞ᬤᬶᬫᬮᬸᬦ᭄ᬢᭀᬕᭀ ᬕ᭄ᬳ᭄ᬬᬂᬬᬫ᭞ᬪᬸᬝᬵᬕᭂᬭᬶᬂᬪᬸᬝᬵᬫᬬᬵ᭟᭜᭟ᬲᬂᬧᬡ᭄ᬥᬯᬦᬾᬫᬗ᭄ᬓᬶᬦ᭄ᬫᬮᬸᬗ᭄ᬕᬸᬄ᭞ᬕᬮᬂᬲᬸᬢᬾᬚᬦᬾ᭞ᬳᬦ᭄ᬢᬸᬓ᭄ᬪᬸᬱᬡᬦᬾᬍᬯᬶᬄ᭞ᬮ᭄ᬯᬶᬃᬧᬜ᭄ᬘᬤᬾᬯᬢᬢᬸᬭᬸᬦ᭄᭞ᬳᬧ᭄ᬲᬭᬵᬧ᭄ᬲᬭᬶᬫᬶᬮᬸ᭞ ᬫᬗᬶᬭᬶᬗᬂᬲᬓᬶᬂᬲ᭄ᬯᬃᬕ᭄ᬕᬦ᭄᭞ᬧᬘᬂᬗᬮᬂᬮᬗᬸᬮᬗᬸᬦ᭄᭞ᬲᬧᬸᬦᬶᬓᬬᬦᬸᬧᬫ᭞ᬳᬶᬦ᭄ᬤᬶᬓ᭄ᬳᬶᬤᬲᬂᬧᬡ᭄ᬥᬯ᭟᭜᭟ᬰ᭄ᬭᬷᬥᬃᬫ᭄ᬫᬵᬢ᭄ᬫᬚᬫᬯᬸᬯᬸᬲ᭄᭞ᬜᬸᬜᬸᬃᬯᬘᬦᬦᬾ᭞ᬤᬾᬯᬲᬂᬘᬦ᭄ᬤ᭄ᬭᬪᬸᬧᬢᬶ᭞ ᬳᬗᭀᬩ᭄ᬫᬦᬶᬭᬳᬦ᭄ᬤᬸᬮᬸ᭞ᬧᬧᬶᬦ᭄ᬤᬦ᭄‌ᬬᬫᬦᬾᬮᬸᬳᬸᬂ᭞ᬚᬦᬶᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦᬾ᭞ᬳᬧᬂᬫᬲᬶᬄᬧᬥᬢᭂᬧᬸᬓ᭄᭞ᬳᬸᬫᬢᬸᬃᬲᬂᬦᬶᬮᬘᬦ᭄ᬤ᭄ᬭ᭞ᬢᬶᬢ᭄ᬬᬂᬗᬶᬭᬶᬗᬂᬳᬶᬤᬾᬯ᭟᭜᭟ᬲᬶᬦᬋᬗᬦ᭄ᬧᬫᬃ [᭒᭐ 20A] ᭒᭐ ᬕ᭄ᬕᬶᬦᬾᬳᬤᬸᬮᬸᬃ᭞ᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦᬾ᭞ᬦᬾᬫᬗ᭄ᬓᬶᬦ᭄ᬧᬘᬂᬓᬳᬸᬗ᭄ᬲᬶ᭞ᬳᭂᬦ᭄ᬢᬾᬭᬦ᭄ᬲᬸᬃᬬ᭄ᬬᬦᬾᬤᬯᬸᬄ᭞ᬢᬯᭂᬗᬶᬦ᭄ᬳᬦ᭄ᬢᬸᬓ᭄ᬳᬫᬸᬩᬸ᭞ᬳᬮᭀᬦ᭄ᬗᬲᬶᬃᬲᬶᬃᬳᬗᬶᬦᬾ᭞ᬫᬗᭂᬦ᭄ᬢᬶᬓᬂᬮᬾᬤᬂᬓᬬᬸᬦ᭄᭞ᬳᬶᬤ ᬲᬂᬲᭂᬤᭂᬓ᭄ᬫᬫᬃᬕ᭄ᬕ᭞ᬫᬗᬸᬗ᭄ᬲᬶᬗᬚᬓᬗᬶᬦᬂ᭟᭜᭟ᬲᬕᬾᬢ᭄ᬓᬢᭀᬦ᭄ᬧᬫᭂᬤᬮᬾᬜᬢᬸᬃ᭞ᬗᭂᬦ᭄ᬤᬶᬄᬩᭂᬦ᭄ᬢᬮᬦᬾ᭞ᬲᬢ᭄ᬯᬮᬸᬬᬕᬸᬦᬸᬂᬕᭂᬦᬶ᭞ᬲᬲᭀᬘᬦᬾᬗᭂᬦ᭄ᬤᬶᬄᬫᬸᬭᬸᬩ᭄᭞ᬭᬶᬂᬧᬸᬘᬓᬶᬂᬓᭀᬭᬶᬳ ᬕᬸ᭞ᬫᬶᬫ᭄ᬧᬸᬕᬦ᭄ᬳᬫ᭄ᬩᬸᬦ᭄ᬲᭂᬓᬭᬾ᭞ᬓᬤᬶᬜᬫ᭄ᬩ᭄ᬭᬫᬲᬂᬭᬯᬸᬄ᭞ᬗᬢᬸᬭᬶᬦ᭄ᬓᬚ᭄ᬭᭀᬧᬸᬭ᭞ᬕᭂᬦᬄᬧᬧᬶᬦ᭄ᬤᬦᬶᬂᬲ᭄ᬯᬃᬕ᭄ᬕᬦ᭄᭟᭜᭟ᬲᬲᬫ᭄ᬧᬸᬦᬾᬧᬡ᭄ᬥᬯᬭᬯᬸᬄ᭞ᬭᬶᬂᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦᬾ᭞ᬳᬗᭀᬩ᭄ᬧᬶᬲᬦ᭄ᬫᬜᬶᬗᬓᬶ ᬦ᭄᭞ᬧᬯᬗᬸᬦᬦ᭄ᬲᬫᬶᬳᬦᬹᬢ᭄᭞ᬓᬤᬶᬚᬕᬢ᭄ᬲ᭄ᬯᬃᬕ᭄ᬕᬦ᭄ᬧᬢᬸᬄ᭞ᬲᬧᬸᬦᬶᬓᬧᬧᬶᬦᭂᬳᬾ᭞ᬰ᭄ᬭᬷᬦᬶᬮᬘᬦ᭄ᬤ᭄ᬭᬳᬸᬫᬢᬸᬃ᭞ᬲᬶᬗ᭄ᬕᬶᬄᬭᬢᬸᬲᬂᬧᬡ᭄ᬥᬯ᭞ᬗᬶᬭᬶᬂᬫᬮᬶᬗ᭄ᬕᬶᬄᬳᬶᬭᬶᬓ᭟᭜᭟ᬓᬢᬄᬯᬯᬗᬸᬦᬦᬾ

Auto-transliteration

[19 19B] 19 sanghyangyama, ringsinghāśaṇamalinggiḥ, togogsuratmanenguntuk, minabkĕñjĕkanhumatur̀, patpatmarerodtogoge, jogor̀maṇipiniḥmalu, dimaluntogo g'hyangyama, bhuṭāgĕringbhuṭāmayā \\•\\ sangpaṇdhawanemangkinmalungguḥ, galangsutejane, hantukbhuṣaṇanel̥ĕwiḥ, lwir̀pañcadewataturun, hapsarāpsarimilu, mangiringangsakingswar̀ggan, pacangngalanglangulangun, sapunikayanupama, hindik'hidasangpaṇdhawa \\•\\ śrīdhar̀mmātmajamawuwus, ñuñur̀wacanane, dewasangcandrabhupati, hangobmanirahandulu, papindanyamaneluhung, janipapindanswar̀ggane, hapangmasiḥpadhatĕpuk, humatur̀sangnilacandra, tityangngiringanghidewa \\•\\ sinar̥ĕnganpamar̀ [20 20A] 20 gginehadulur̀, papindanswar̀ggane, nemangkinpacangkahungsi, hĕnteransur̀yyanedawuḥ, tawĕnginhantuk'hamubu, halonngasir̀sir̀hangine, mangĕntikangledangkayun, hida sangsĕdĕkmamar̀gga, mangungsingajakanginang \\•\\ sagetkatonpamĕdaleñatur̀, ngĕndiḥbĕntalane, satwaluyagununggĕni, sasocanengĕndiḥmurub, ringpucakingkoriha gu, mimpuganhambunsĕkare, kadiñambramasangrawuḥ, ngaturinkajropura, gĕnaḥpapindaningswar̀ggan \\•\\ sasampunepaṇdhawarawuḥ, ringpindanswar̀ggane, hangobpisanmañingaki n, pawangunansamihanūt, kadijagatswar̀gganpatuḥ, sapunikapapinĕhe, śrīnilacandrahumatur̀, singgiḥratusangpaṇdhawa, ngiringmalinggiḥhirika \\•\\ kataḥwawangunane

Leaf 20

Image on Archive.org

[᭒᭐ 20B] ᭒᭐ ᬓᬧᬗ᭄ᬕᬸᬄ᭞ᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦᬾ᭞ᬲᬫᬶᬩᭂᬘᬶᬓ᭄ᬗᬸᬮᬗᬸᬦᬶᬦ᭄᭞ᬧᬗᬬᬳᬾᬚᭂᬕᬾᬕ᭄ᬩᬕᬸᬲ᭄᭞ᬓᬤᬶᬯᬶᬤ᭄ᬬᬤᬭᬶᬢᬸᬭᬸᬦ᭄᭞ᬫᬶᬯᬄᬓᬤᬶᬯᬶᬤ᭄ᬬᬥᬭ᭞ᬫᬫᭂᬦ᭄ᬤᬓ᭄ᬲᬂᬯᬯᬸᬭᬯᬸᬄ᭞ᬧ᭄ᬭᬡᬫ᭄ᬬᬗᬢᬸᬭᬂᬲᭂᬫ᭄ᬩᬄ᭞ᬗ ᬢᬸᬭᬶᬦ᭄ᬫᬮᬶᬗ᭄ᬕᬶᬄᬮᬶᬗ᭄ᬕᬶᬳᬦ᭄᭟᭜᭟ᬲᬂᬧᬡ᭄ᬥᬯᬲᬶᬦᬋᬗᬦ᭄ᬫᬮᬸᬗ᭄ᬕᬸᬄ᭞ᬭᬶᬂᬲᬶᬗ᭄ᬳᬵᬰᬡᬦᬾ᭞ᬰ᭄ᬭᬷᬦᬶᬮᬘᬦ᭄ᬤ᭄ᬭᬜᬋᬗᬶᬦ᭄᭞ᬲᬂᬥᬃᬫ᭄ᬫᬯᬗ᭄ᬰᬫᬯᬸᬯᬸᬲ᭄᭞ᬥᬹᬄᬤᬾᬯᬲᬂᬘᬦ᭄ᬤ᭄ᬭᬧ᭄ᬭᬪᬸ᭞ᬳᬗᭀᬩ᭄ᬓᬬᬸᬦ᭄ᬫᬦᬶᬭᬦᬾ ᭞ᬯᬯᬗᬸᬦᬦ᭄‌ᬤᬾᬯᬧ᭄ᬭᬪᬸ᭞ᬫᬢᭂᬳᬶᬦ᭄ᬚᬕᬢ᭄ᬲ᭄ᬯᬃᬕ᭄ᬕᬦ᭄᭞ᬉᬢ᭄ᬢᬫᬢᬦ᭄ᬧᬢᬦ᭄ᬤᬶᬗᬦ᭄᭟᭜᭟ᬤᬤᬶᬚᬤ᭄ᬫᬲᬚ᭄ᬭᭀᬦᬶᬂᬦᬸᬳᬶᬤᬸᬧ᭄᭞ᬤᬤ᭄ᬯᬧᬶᬤᬩ᭄ᬤᬩᬾ᭞ᬳᬮᬳᬬᬸᬢ᭄ᬯᬭᬍᬯᬶᬄ᭞ᬳᭂᬦ᭄ᬢᭀᬦᬾᬫ᭄ᬩᬳᬗᬶ ᬦ᭄ᬭᬸᬭᬸᬂ᭞ᬭᬸᬭᬸᬂᬳᬮᬭᬸᬭᬸᬂᬳᬬᬸ᭞ᬲᬓᬜ᭄ᬘᬦ᭄ᬲᭀᬮᬳᬾᬳᬮ᭞ᬭᬶᬂᬦ᭄ᬭᬓᬮᭀᬓᬬᬦᭂᬧᬸᬲ᭄᭞ᬲᭀᬮᬳᬾᬳᬦᬾᬲᬸᬰᬷᬮ᭞ᬗᭀᬚᭀᬕᬂᬓᬚᬕᬢ᭄ᬲ᭄ᬯᬃᬕ᭄ᬕ᭟᭜᭟ᬤ᭄ᬯᬦᬶᬂᬓᬾᬢᭀᬲᬭᬢᬂᬲᭀᬮ [᭒᭑ 21A] ᭒᭑ ᬳᬾᬳᬬᬸ᭞ᬭᬸᬭᬸᬗᬾᬉᬢ᭄ᬢᬫ᭞ᬫᭀᬮᬶᬳᬂᬲᬸᬯᬃᬕ᭄ᬕᬍᬯᬶᬄ᭞ᬳᬶᬤᬲᬂᬧᬡ᭄ᬥᬶᬢᬲᬥᬸ᭞ᬲᬦ᭄ᬤᬂᬢᬸᬮᬤ᭄‌ᬲᬦ᭄ᬤᬂᬢᬶᬭᬸ᭞ᬲᬧᬯᬭᬄᬅᬕᬫᬦᬾ᭞ᬋᬲᭂᬧᬂᬦ᭄ᬢᭀᬳᬗ᭄ᬕᭀᬲᬸᬮᬸᬄ᭞ᬲᬚᭂᬭᭀᬦᬶᬂᬫᬮᬓ᭄ᬱᬡ᭞ᬲᬳᬶ ᬗᬘᭂᬧ᭄ᬓᬭᬳᬬ᭄ᬯᬦ᭄᭟᭜᭟ᬬᬦᬶᬂᬲᬸᬩᬳᬘᭂᬧᬦ᭄ᬓᭂᬦᭂᬳᬾᬳᬬᬸ᭞ᬲᬶᬦᬄᬩᬩᬯᭀᬲᬾ᭞ᬳᬦᬾᬭᬳᬬᬸᬳᬸᬫᬶᬚᬶᬮ᭄᭞ᬫᬶᬚᬶᬮ᭄ᬮᬓ᭄ᬱᬡᬦᬾᬳᬬᬸ᭞ᬲᬓᬶᬂᬫᬦᬳᬾᬭᬳᬬᬸ᭞ᬓᬩᬯᭀᬲ᭄ᬳᭂᬦ᭄ᬢᭀᬫ ᬦᬳᬾ᭞ᬯᬶᬯᬳᬦ᭄ᬲᬮ᭄ᬯᬶᬃᬳᬸᬦ᭄ᬤᬸᬓ᭄᭞ᬫᬦᬳᬾᬧᬶᬢᭂᬢ᭄ᬲᬭᬢᬂ᭞ᬦᬄᬓᬾᬢᭀᬤᬾᬯᬳᬾᬮᬶᬗᬂ᭟᭜᭟ᬧᬸᬧᬸᬄᬕᬶᬦᬦ᭄ᬢᬶ᭟᭜᭟ᬫᬶᬦᬩ᭄ᬢᬦ᭄ᬧ᭄ᬭᬲᬶᬤ᭄ᬥᬧᬸᬧᬸᬢ᭄᭞ᬬᬦ᭄ᬧᬘᬂᬩᬯᭀᬲᬂᬫᬮᬶᬄ᭞ᬳᬶᬦ᭄ᬤᬶᬓ᭄ᬧᬧᬶ ᬦ᭄ᬤᬦ᭄ᬲᬸᬯᬃᬕ᭄ᬕᬦ᭄᭞ᬲᬃᬯ᭄ᬯᬍᬯᬶᬄᬗᬸᬮᬗᬸᬦᬶᬦ᭄᭞ᬧᬯᬗᬸᬦ᭄ᬲᬂᬦᬶᬮᬘᬦ᭄ᬤ᭄ᬭ᭞ᬳᬕᬸᬂᬭᬶᬂᬦᬵᬭᬚᬧᬸᬭᬶ᭟᭜᭟ᬕ᭄ᬮᬶᬲᬶᬂᬘ᭄ᬭᬶᬢᬲᬫ᭄ᬧᬸᬦ᭄ᬫᬦ᭄ᬢᬸᬓ᭄᭞ᬳᬶᬤᬲᬂᬧᬡ᭄ᬥᬯᬲᬫᬶ᭞ᬯᬾᬦ᭄ᬢᭂᬦ᭄ᬫᬮᬶᬄᬘᬭᬶᬢᬬᬂ᭞ᬭᬶᬂᬦᬵᬕᬭ

Auto-transliteration

[20 20B] 20 kapangguḥ, papindanswar̀ggane, samibĕcikngulangunin, pangayahejĕgegbagus, kadiwidyadariturun, miwaḥkadiwidyadhara, mamĕndaksangwawurawuḥ, praṇamyangaturangsĕmbaḥ, nga turinmalinggiḥlinggihan \\•\\ sangpaṇdhawasinar̥ĕnganmalungguḥ, ringsinghāśaṇane, śrīnilacandrañar̥ĕngin, sangdhar̀mmawangśamawuwus, dhūḥdewasangcandraprabhu, hangobkayunmanirane , wawangunandewaprabhu, matĕhinjagatswar̀ggan, uttamatanpatandingan \\•\\ dadijadmasajroningnuhidup, dadwapidabdabe, halahayutwaral̥ĕwiḥ, hĕntonembahangi nrurung, rurunghalarurunghayu, sakañcansolahehala, ringnrakalokayanĕpus, solahehanesuśīla, ngojogangkajagatswar̀gga \\•\\ dwaningketosaratangsola [21 21A] 21 hehayu, rurunge'uttama, molihangsuwar̀ggal̥ĕwiḥ, hidasangpaṇdhitasadhu, sandangtuladsandangtiru, sapawaraḥagamane, r̥ĕsĕpangntohanggosuluḥ, sajĕroningmalakṣaṇa, sahi ngacĕpkarahaywan \\•\\ yaningsubahacĕpankĕnĕhehayu, sinaḥbabawose, hanerahayuhumijil, mijillakṣaṇanehayu, sakingmanaherahayu, kabawoshĕntoma nahe, wiwahansalwir̀hunduk, manahepitĕtsaratang, naḥketodewahelingang \\•\\ pupuḥginanti \\•\\ minabtanprasiddhapuput, yanpacangbawosangmaliḥ, hindikpapi ndansuwar̀ggan, sar̀wwal̥ĕwiḥngulangunin, pawangunsangnilacandra, hagungringnārajapuri \\•\\ glisingcritasampunmantuk, hidasangpaṇdhawasami, wentĕnmaliḥcaritayang, ringnāgara

Leaf 21

Image on Archive.org

[᭒᭑ 21B] ᭒᭑ ᬤ᭄ᬯᬭᬯᬢᬶ᭞ᬰ᭄ᬭᬷᬓᬺᬱ᭄ᬡᬵᬫ᭄ᬯᬂᬩᬮᬤᬾᬯᬵ᭞ᬲᬦᬾᬚᬸᬫᭂᬦᭂᬂᬪᬹᬧᬢᬶ᭟᭜᭟ᬚᬕᬢ᭄ᬳᬶᬤᬢᬺᬧ᭄ᬢᬶᬮᬡ᭄ᬥᬸᬄ᭞ᬜᬮᬦ᭄ᬢᬭᬯᬶᬱ᭄ᬡᬸᬫᬹᬃᬢ᭄ᬢᬶ᭞ᬢᬦ᭄ᬫᬋᬦ᭄ᬗᭂᬢᬶᬲᬶᬦ᭄ᬚᬕᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬘᭀᬭᬪᬬᬵᬤᬶ᭞ᬲᬧᬫᬤᭂᬕ᭄ᬦᬭᬦᬵ ᬣ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸᬤᬲᬂᬓᬮᬶᬄ᭟᭜᭟ᬯᬦ᭄ᬢᬄᬲᬓᬶᬂᬭᬶᬳᬶᬦ᭄ᬓᬲᬸᬩ᭄᭞ᬓᬩᭂᬘᬶᬓᬦ᭄ᬤ᭄ᬯᬭᬯᬢᬶ᭞ᬧᬸᬭᬶᬦ᭄ᬳᬶᬤᬦᬭᬦᬵᬣ᭞ᬢᬦ᭄ᬲᬦ᭄ᬤᬂᬩᬯᭀᬲᬂᬫᬮᬶᬄ᭞ᬭᬲᬫᬗᬲᭀᬭᬂᬲ᭄ᬯᬃᬕ᭄ᬕᬦ᭄᭞ᬧᬸᬭᬶᬦᬾᬭᬶᬂᬤ᭄ᬯᬭᬯᬢᬶ᭠ ᭟᭜᭟ᬲᬂᬦᬵᬣᬳᬶᬤᬫᬗᬸᬢᬸᬲ᭄᭞ᬲᬂᬓᬺᬢ᭄ᬢᬯᬃᬫ᭄ᬫᬲᬢ᭄ᬬᬓᬶ᭞ᬫᬗ᭄ᬤᬦᬢᬲ᭄ᬧᬦᬕᬭ᭞ᬲᬯᬯᭂᬗ᭄ᬓᭀᬦ᭄‌ᬤ᭄ᬯᬭᬯᬢᬶ᭞ᬲᬂᬓᬮᬶᬄᬢᬦ᭄ᬯᬾᬦ᭄ᬢᭂᬦ᭄ᬢᬸᬮᬓ᭄᭞ᬤᬶᬕᭂᬮᬶᬲ᭄ᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭟᭜᭟ᬬᬦ᭄ᬳᬓᬸᬤᬂᬤᬶᬦᬲᬫ᭄ᬧᬸ ᬦ᭄᭞ᬲᬂᬓᬵᬮᬶᬄᬦᬢᬲ᭄ᬦᬕᬭᬶ᭞ᬓᬮᬸᬦ᭄ᬢᬮᬸᬦ᭄ᬢᬫᬫᬃᬕ᭄ᬕ᭞ᬫᬃᬕ᭄ᬕᬶᬦᬾᬤᬳᬢ᭄ᬲᬭᬶᬧᬶᬢ᭄᭞ᬗᬮᬶᬦ᭄ᬢᬗᬶᬦ᭄ᬧᬗ᭄ᬓᬸᬂᬚᬸᬭᬂ᭞ᬳᬮᬲ᭄ᬯᬬᬄᬫᬤᬸᬃᬕ᭄ᬕᬫᬶ᭟᭜᭟ᬢᬦ᭄ᬤᬸᬫᬤᬾᬲᬕᬾᬢ᭄ᬭᬯᬸᬄ᭞ᬭᬶᬂᬦᬵᬭᬚ [᭒᭒ 22A] ᭒᭒ ᬤᬾᬰᬫᬗ᭄ᬓᬶᬦ᭄᭞ᬯᬾᬦ᭄ᬢᭂᬦ᭄ᬳᭀᬃᬣᬶᬓᬧᬶᬳᬃᬱ᭞ᬳᬶᬤᬲᬂᬘᬦ᭄ᬤ᭄ᬭᬪᬸᬧᬢᬶ᭞ᬧᬸᬭᬶᬦ᭄ᬳᬶᬤᬦᬾᬓᬮᭀᬓ᭄ᬢᬄ᭞ᬫᬢᭂᬳᬶᬦ᭄ᬲ᭄ᬯᬃᬕ᭄ᬕᬦᬾᬍᬯᬶᬄ᭟᭜᭟ᬧᬧᬶᬦ᭄ᬤᬦ᭄ᬦ᭄ᬭᬓᬓᬯᬗᬸᬦ᭄᭞ᬧᬸᬭᬶᬦ᭄ᬲᬂᬬᬫᬤᬶᬧᬢᬶ ᭞ᬧ᭄ᬭᬲᬶᬤ᭄ᬥᬲᬫ᭄ᬧᬸᬦ᭄ᬓᬢᬸᬮᬤ᭄᭞ᬲᬧᬸᬦᬶᬓᬤᬕᬶᬂᬳᭀᬃᬣᬶ᭞ᬧᬓᬬᬸᬦ᭄ᬳᬶᬤᬲᬂᬓᬭ᭄ᬯ᭞ᬫᬸᬓ᭄ᬢᬶᬬᬂᬲᬤᬕᬶᬂᬳᭀᬃᬣᬶ᭟᭜᭟ᬲᬂᬓᬺᬢ᭄ᬢᬯᬃᬫ᭄ᬫᬦ᭄ᬫᬯᬸᬯᬸᬲ᭄᭞ᬤᬾᬯᬲᬂᬯᬷᬭᬲᬢ᭄ᬬᬓᬶ᭞ᬚᬮᬦᬾᬚᬦᬶᬢᬢ ᬲᬂ᭞ᬧᬯᬗᬸᬦ᭄ᬲᬂᬦᬭᬧᬢᬶ᭞ᬲᬂᬓᬮᬶᬄᬲᬫ᭄ᬧᬸᬦ᭄ᬫᬫᬃᬕ᭄ᬕ᭞ᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬓᬳᬸᬗ᭄ᬲᬶ᭟᭜᭟ᬧᬕᭂᬩᬕ᭄ᬧᬸᬭᬶᬫᬯᬸᬯᬸᬲ᭄᭞ᬥᬹᬄᬤᬾᬯᬲᬂᬯᬯᬸᬧ᭄ᬭᬧ᭄ᬢᬶ᭞ᬲᬶᬭᬧᭂᬲᬾᬗᬦ᭄ᬳᬶᬤᬾᬯ᭞ᬦᬧᬶᬢᬢᬸᬚᭀᬦᬾᬫ᭄ᬭᬶ ᬓᬶ᭞ᬲᬓᬶᬂᬤᬶᬚᬧᬦᬵᬕᬭ᭞ᬲ᭄ᬯᬾᬘ᭄ᬙᬵᬭᬯᬸᬄᬓᬤᬶᬫᬗ᭄ᬓᬶᬦ᭄᭟᭜᭟ᬧᬸᬧᬸᬢ᭄ᬓᬤᬃᬢ᭄ᬢᬬᬂᬲᬫ᭄ᬧᬸᬦ᭄᭞ᬳᭀᬮᬶᬳᬶᬤᬲᬂᬲᬢ᭄ᬬᬓᬶ᭞ᬯᬦ᭄ᬢᬄᬳᬶᬤᬫᬦᬢᬲᬂ᭞ᬧᬯᬗᬸᬦ᭄ᬲᬂᬦᬭᬧᬢᬶ᭞ᬧᬧᬶ

Auto-transliteration

[21 21B] 21 dwarawati, śrīkr̥ĕṣṇāmwangbaladewā, sanejumĕnĕngbhūpati \\•\\ jagat'hidatr̥ĕptilaṇdhuḥ, ñalantarawiṣṇumūr̀tti, tanmar̥ĕnngĕtisinjagat, tanwentĕncorabhayādi, sapamadĕgnaranā tha, brahmāwiṣṇudasangkaliḥ \\•\\ wantaḥsakingrihinkasub, kabĕcikandwarawati, purinhidanaranātha, tansandangbawosangmaliḥ, rasamangasorangswar̀ggan, purineringdwarawati‐ \\•\\ sangnāthahidamangutus, sangkr̥ĕttawar̀mmasatyaki, mangdanataspanagara, sawawĕngkondwarawati, sangkaliḥtanwentĕntulak, digĕlissampunmamar̀ggi \\•\\ yanhakudangdinasampu n, sangkāliḥnatasnagari, kaluntaluntamamar̀gga, mar̀gginedahatsaripit, ngalintanginpangkungjurang, halaswayaḥmadur̀ggami \\•\\ tandumadesagetrawuḥ, ringnāraja [22 22A] 22 deśamangkin, wentĕnhor̀thikapihar̀ṣa, hidasangcandrabhupati, purinhidanekaloktaḥ, matĕhinswar̀gganel̥ĕwiḥ \\•\\ papindannrakakawangun, purinsangyamadipati , prasiddhasampunkatulad, sapunikadaginghor̀thi, pakayunhidasangkarwa, muktiyangsadaginghor̀thi \\•\\ sangkr̥ĕttawar̀mmanmawuwus, dewasangwīrasatyaki, jalanejanitata sang, pawangunsangnarapati, sangkaliḥsampunmamar̀gga, papindanswar̀ggakahungsi \\•\\ pagĕbagpurimawuwus, dhūḥdewasangwawuprapti, sirapĕsenganhidewa, napitatujonemri ki, sakingdijapanāgara, swecchārawuḥkadimangkin \\•\\ puputkadar̀ttayangsampun, holihidasangsatyaki, wantaḥhidamanatasang, pawangunsangnarapati, papi

Leaf 22

Image on Archive.org

[᭒᭒ 22B] ᭒᭒ ᬦ᭄ᬤᬦ᭄ᬲ᭄ᬯᬃᬕ᭄ᬕᬦᬵᬭᬓ᭞ᬢᬸᬫᬸᬮᬶᬭᬭᬶᬲ᭄ᬗᬭᬜ᭄ᬚᬶᬂ᭟᭜᭟ᬳᬗᭀᬩ᭄ᬓᬬᬸᬦᬾᬓᬮᬗ᭄ᬓᬸᬂ᭞ᬜᬶᬗᬓᬶᬦ᭄‌ᬲᬤᬕᬶᬂᬧᬸᬭᬶ᭞ᬯᬯᬗᬸᬦ᭄ᬰ᭄ᬭᬷᬦᬶᬮᬘᬦ᭄ᬤ᭄ᬭ᭞ᬓᬤᬶᬚᬕᬢ᭄ᬲ᭄ᬯᬃᬕ᭄ᬕᬧᬢᬶᬲ᭄᭞ᬧᬸᬧᬸᬢ᭄ᬲᬂᬓᬮᬶᬄᬦᬢᬲᬂ᭞᭠ ᬦᬶᬜ᭄ᬚᭀᬧᬶᬦ᭄ᬤᬦ᭄ᬦ᭄ᬭᬓᬕᭂᬮᬶᬲ᭄᭟᭜᭟ᬢᬦ᭄ᬤᬸᬫᬤᬾᬲᬫ᭄ᬧᬸᬦ᭄ᬭᬯᬸᬄ᭞ᬯᬾᬦ᭄ᬢᭂᬦ᭄ᬧᬗ᭄ᬕᬶᬄᬚᬸᬭᬸᬓᭂᬫᬶᬢ᭄᭞ᬩᬩᬯᭀᬲ᭄ᬜᬲᬤᬩᬗ᭄ᬕ᭄ᬭᬲ᭄᭞ᬳᭂᬜᬾᬦ᭄ᬘᬳᬶᬢᭂᬓᬫᬳᬶ᭞ᬲᬂᬲᬢ᭄ᬬᬓᬶᬕᭂ ᬮᬶᬲ᭄ᬦᬶᬫ᭄ᬩᬮ᭄᭞ᬕᭂᬮᬄᬯᬦ᭄ᬢᬄᬫᬳᬵᬧᬢᬶᬄ᭟᭜᭟ᬧᬢᬶᬳᬶᬤᬦᬾᬲᬂᬧ᭄ᬭᬪᬸ᭞ᬰ᭄ᬭᬷᬓᬺᬱ᭄ᬡᬭᬶᬂᬤ᭄ᬯᬭᬯᬢᬶ᭞ᬲᬗ᭄ᬓᬦᬶᬂᬫᭂᬍᬤ᭄ᬫᬦᬶᬜ᭄ᬚᭀ᭞ᬧᬧᬶᬦ᭄ᬤᬦ᭄ᬦ᭄ᬭᬓᬦᬾᬤᬶᬦᬶ᭞ᬧᬓᭂᬫᬶᬢᬾᬫᬢᬸᬃᬦᬶᬫ᭄ᬩ ᬮ᭄᭞ᬳᬫ᭄ᬧᬸᬭᬓᬳᬸᬮᬕᬸᬲ᭄ᬢᬶ᭟᭜᭟ᬧ᭄ᬭᬲᬗ᭄ᬕᬓᬮᬗ᭄ᬲᭀᬢ᭄ᬫᬢᬸᬃ᭞ᬫᬸᬮᬚᬢᬶᬦᬾᬦ᭄ᬢᭂᬦ᭄ᬳᬸᬦᬶᬂ᭞ᬬᬦᬶᬂᬬᬸᬓ᭄ᬢᬶᬲᬧᬸᬦᬶᬓ᭞ᬢᬶᬢ᭄ᬬᬂᬗᬶᬭᬶᬗᬂᬳᬶᬕᬸᬲ᭄ᬢᬶ᭞ᬧᬘᬂᬫᬦᬶᬜ᭄ᬚᭀᬧᬧᬶᬦ᭄ᬤᬦ᭄᭞ᬫ᭄ᬯᬂ [᭒᭓ 23A] ᭒᭓ ᬧᬸᬭᬶᬦ᭄‌‌ᬬᬫᬤᬶᬧᬢᬶ᭟᭜᭟ᬲᬂᬓᬮᬶᬄᬲᬫ᭄ᬧᬸᬦ᭄ᬮᬸᬫᬓᬸ᭞ᬧᬓᭂᬫᬶᬢᬾᬫᬜᬋᬗᬶᬦ᭄᭞ᬜᬶᬗᬓᬶᬦ᭄ᬲᬮ᭄ᬯᬶᬃᬧᬧᬶᬦ᭄ᬤᬦ᭄᭞ᬲᬫ᭄ᬧᬸᬦ᭄ᬓᬢᬸᬭᬾᬓ᭄ᬱᬲᬫᬶ᭞ᬲᬫ᭄ᬧᬸᬦ᭄ᬲᬸᬭᬸᬧ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬫᬢᬸ ᬮᬓ᭄ᬓᬤ᭄ᬯᬭᬯᬢᬶ᭟᭜᭟ᬧᬸᬧᬸᬄᬤᬸᬃᬫ᭄ᬫ᭟᭜᭟ᬕᬕᬜ᭄ᬘᬗᬦ᭄ᬧᬫᬃᬕ᭄ᬕᬶᬦ᭄ᬲᬂᬓᬮᬶᬄᬩᬸᬤᬮ᭄᭞ᬭᬳᬶᬦᬯᭂᬗᬶᬫᬫᬃᬕ᭄ᬕᬶ᭞ᬢᬦ᭄ᬓᭀᬘᬧ᭄ᬭᬶᬂᬚᬮᬦ᭄᭞ᬲᬕᬾᬢ᭄ᬲᬫ᭄ᬧᬸᬦ᭄ᬧᬲᭂᬫᭂᬗᬦ᭄᭞ᬲᬂᬳ᭄ᬬᬂᬲᬹᬃ ᬬ᭄ᬬᬳᬬᬢ᭄ᬫᬶᬚᬶᬮ᭄᭞ᬫᬲᭂᬫᬸᬩᬳᬩ᭄᭞ᬓᬦ᭄ᬢᭂᬦ᭄ᬭᬶᬂᬓᭂᬮᭀᬤ᭄ᬓᬗᬶᬦ᭄᭟᭜᭟ᬲ᭄ᬯᬭᬦ᭄ᬧᬓ᭄ᬱᬶᬦᬾᬳᬸᬬᬸᬢ᭄ᬢᬦ᭄ᬧᬧᭂᬕᬢᬦ᭄᭞ᬭᬫ᭄ᬬᬲᬮᬶᬂᬢᬫ᭄ᬩᬸᬗᬶᬦ᭄᭞ᬩᬸᬘᬶᬘᬦᬾᬗᬜ᭄ᬘᬂ᭞ᬘᬭᬸᬓ᭄ᬘᬸᬓᬾᬗᬸᬭᬾᬘᬓ᭄᭞᭠ ᬳᬶᬓᬾᬓᬾᬃᬫᬶᬮᬸᬜᬳᬸᬢᬶᬦ᭄᭞ᬲᬓᬤᬶᬕᬶᬭᬂ᭞ᬫᭂᬦ᭄ᬤᬓ᭄ᬲᬂᬳ᭄ᬬᬂᬲᬹᬃᬬ᭄ᬬᬫᬶᬚᬶᬮ᭄᭟᭜᭟ᬓᬢᬓ᭄ᬤᭀᬗ᭄ᬓᬂᬫᬶᬮᬸᬢᭀᬂᬤᬤᬶᬓᬲᭀᬭᬦ᭄᭞ᬗᭀᬗ᭄ᬓᬾᬓ᭄ᬤᬶᬧᬗ᭄ᬓᬸᬗᬾᬢᬶᬢᬶᬃ᭞ᬳᬸᬬᬸᬢ᭄ᬳᬸᬮᬾᬂᬢᬶᬫ᭄ᬩᬵ

Auto-transliteration

[22 22B] 22 ndanswar̀gganāraka, tumulirarisngarañjing \\•\\ hangobkayunekalangkung, ñingakinsadagingpuri, wawangunśrīnilacandra, kadijagatswar̀ggapatis, puputsangkaliḥnatasang, ‐ niñjopindannrakagĕlis \\•\\ tandumadesampunrawuḥ, wentĕnpanggiḥjurukĕmit, babawosñasadabanggras, hĕñencahitĕkamahi, sangsatyakigĕ lisnimbal, gĕlaḥwantaḥmahāpatiḥ \\•\\ patihidanesangprabhu, śrīkr̥ĕṣṇaringdwarawati, sangkaningmĕl̥ĕdmaniñjo, papindannrakanedini, pakĕmitematur̀nimba l, hampurakahulagusti \\•\\ prasanggakalangsotmatur̀, mulajatinentĕnhuning, yaningyuktisapunika, tityangngiringanghigusti, pacangmaniñjopapindan, mwang [23 23A] 23 purinyamadipati \\•\\ sangkaliḥsampunlumaku, pakĕmitemañar̥ĕngin, ñingakinsalwir̀papindan, sampunkaturekṣasami, sampunsurupsanghyangsūr̀yya, matu lakkadwarawati \\•\\ pupuḥdur̀mma \\•\\ gagañcanganpamar̀gginsangkaliḥbudal, rahinawĕngimamar̀ggi, tankocapringjalan, sagetsampunpasĕmĕngan, sanghyangsūr̀ yyahayatmijil, masĕmubahab, kantĕnringkĕlodkangin \\•\\ swaranpaksyinehuyuttanpapĕgatan, ramyasalingtambungin, bucicanengañcang, carukcukengurecak, ‐ hikeker̀miluñahutin, sakadigirang, mĕndaksanghyangsūr̀yyamijil \\•\\ katakdongkangmilutongdadikasoran, ngongkekdipangkungetitir̀, huyut'hulengtimbā

Leaf 23

Image on Archive.org

[᭒᭓ 23B] ᭒᭓ ᬮ᭄᭞ᬮ᭄ᬯᬶᬃᬲ᭄ᬯᬭᬦ᭄ᬢᬢᬩᬸᬳᬦ᭄᭞ᬳᬶᬳᭂᬗ᭄ᬕᬸᬂᬫᬶᬮᬸᬗᭂᬫ᭄ᬧᬸᬮᬶᬦ᭄᭞ᬚᬗ᭄ᬓ᭄ᬭᬶᬓ᭄‌‌ᬫ᭄ᬯᬂᬩᬮᬂ᭞ᬫᬶᬮᬸ᭠ᬩᬋᬂᬗᬭᬫᬾᬦᬶᬦ᭄᭟᭜᭟ᬕ᭄ᬮᬶᬲᬶᬂᬘ᭄ᬭᬶᬢᬲᬂᬲᬢ᭄ᬬᬓᬶᬓᬺᬢ᭄ᬢᬯᬃᬫ᭄ᬫᬦ᭄᭞ᬭᬯᬸᬄᬭᬶᬂᬤ᭄ᬯᬭᬯᬢᬶ᭞ᬲᭂᬥᭂᬂᬩᭂᬘᬶ ᬓ᭄ᬧᬶᬲᬦ᭄᭞ᬳᬶᬤᬲᬂᬦᬵᬣᬓᬺᬱ᭄ᬡᬵ᭞ᬓᭂᬜ᭄ᬚᭂᬓᬦ᭄ᬳᬶᬤᬓᬢᬗ᭄ᬓᬶᬮ᭄᭞ᬧᬭᬧᬸᬭᬸᬱᬵ᭞ᬧᬭᬬᬸᬥᬢᬡ᭄ᬥᬫᬦ᭄ᬢ᭄ᬭᬶ᭟᭜᭟ᬰ᭄ᬭᬷᬓᬺᬱ᭄ᬡᬲᬋᬂᬰ᭄ᬭᬷᬩᬮᬤᬾᬯ᭞ᬭᬶᬂᬲᬶᬗ᭄ᬳᬵᬰᬡᬫᬮᬶᬗ᭄ᬕᬶᬄ᭞ᬲᬫ᭄ᬧᬸᬦ᭄ᬲᬫᬶ᭠ ᬦᬧᬓ᭄᭞ᬢᬡ᭄ᬥᬫᬦ᭄ᬢ᭄ᬭᬶᬩᬳᬸᬤᬡ᭄ᬥ᭞ᬓᬕ᭄ᬬᬢ᭄ᬳᬶᬤᬜᬶᬗᬓᬶᬦ᭄᭞ᬲᬂᬓᬺᬢ᭄ᬢᬯᬃᬫ᭄ᬫ᭞ᬭᬯᬸᬄᬲᬋᬂᬲᬂᬲᬢ᭄ᬬᬓᬶ᭟᭜᭟ᬭᬭᬶᬲ᭄ᬫᬢᬸᬃᬲᬲᬫ᭄ᬧᬸᬦ᭄ᬗᬢᬸᬭᬂᬲᭂᬫ᭄ᬩᬄ᭞ᬲᬶᬗ᭄ᬕᬶᬄᬭᬢᬸᬰ᭄ᬭᬷᬦᬺᬧᬢᬶ᭞ᬤᬕᬶᬂᬳᬫ᭄ᬧᬸᬭ ᬬᬂ᭞ᬭᬯᬸᬄᬢᬶᬢ᭄ᬬᬂᬓᬤᬶᬓᬤᬢ᭄᭞ᬲᬸᬯᬾᬫᬦᬢᬲ᭄ᬦᬕᬭᬶ᭞ᬤᬾᬦᬶᬂᬧᭀᬮᬶᬄᬲᬶᬫ᭄ᬧᬂ᭞ᬭᬶᬂᬦᬭᬚᬤᬾᬰᬦᬕᬭᬶ᭟᭜᭟ᬬᬦᬶᬂᬩᬸᬯᬢ᭄ᬦᬕᬭᬦ᭄ᬘᭀᬓᭀᬃᬳᬶᬤᬾᬯ᭞ᬕᭂᬫᬸᬄᬮᬡ᭄ᬥᬸᬄᬮᬶ [᭒᭔ 24A] ᭒᭔ ᬦ᭄ᬢᬂᬢᬺᬧ᭄ᬢᬶ᭞ᬦᬾᬦ᭄ᬢᭂᬦ᭄ᬧᬸᬭᬸᬦ᭄ᬧᬶᬯᬮ᭄᭞ᬧᬭᬭᬢᬸᬦᬾᬲᬫ᭄ᬬᬦ᭄᭞ᬢᬶᬦ᭄ᬤᬶᬄᬭᬶᬂᬘᭀᬓᭀᬭᬶᬕᬸᬲ᭄ᬢᬶ᭞ᬓᬦ᭄ᬢᬸᬦ᭄ᬗᬫᬗ᭄ᬕᭂᬳᬂ᭞ᬫᬧᬗᬸᬮᬸᬤ᭄ᬯᬭᬯᬢᬶ᭟᭜᭟ᬲᬓᬾᬯᬦ᭄ᬢᭂᬦ᭄ᬭᬢᬸᬭᬶᬂᬦᬭᬚᬤᬾᬰ᭞ᬯᬯᭂᬗ᭄ᬓᭀᬦ᭄ᬳᬲ᭄ᬢᬶ ᬦᬧᬸᬭᬷ᭞ᬳᬗᭀᬩ᭄ᬭᬢᬸᬢᬶᬢ᭄ᬬᬂ᭞ᬧᬸᬭᬶᬦᬾᬭᬶᬂᬦ᭄ᬭᬚᬤᬾᬰ᭞ᬫᬢᭂᬳᬶᬦ᭄ᬲ᭄ᬯᬃᬕ᭄ᬕᬦᬾᬍᬯᬶᬄ᭞ᬢ᭠ᬦ᭄ᬧᬢᬦ᭄ᬤᬶᬗᬦ᭄᭞ᬓᬤᬶᬚᬕᬢ᭄ᬲ᭄ᬯᬃᬕ᭄ᬕᬧᬢᬶᬲ᭄᭟᭜᭟ᬦᬾᬦ᭄ᬢᭂᬦ᭄ᬲᬶᬤ᭄ᬤᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬗᬢᬸᬭᬂ᭞ᬯ ᬯᬗᬸᬦᬦ᭄ᬲᬫᬶᬩᭂᬘᬶᬓ᭄᭞ᬲᬚᬩᬧᬸᬦᬶᬓ᭞ᬢᬍᬃᬗᬯᬗᬸᬦ᭄ᬧᬧᬶᬦ᭄ᬤᬦ᭄᭞ᬚᬕᬢ᭄ᬦ᭄ᬭᬓᬓᬧᬢᭂᬳᬶᬦ᭄᭞ᬧᬸᬭᬶᬦ᭄ᬳ᭄ᬬᬂᬬᬫ᭞ᬓᬮᬶᬦ᭄ᬢᬂᬗᬕᬯᭀᬓᬶᬦ᭄᭟᭜᭟ᬧᬸᬦᬶᬓᬵᬳᬢᬸᬃᬲᬂᬓᬺᬢ᭄ᬢᬯᬃᬫ᭄ᬫ᭞ᬲᬂᬯᬶᬭ ᬲᬢ᭄ᬬᬓᬶ᭞ᬲᬋᬂᬫᬫᬢᬸᬢᬂ᭞ᬳᬢᬸᬃᬲᬂᬓᬺᬢ᭄ᬢᬯᬃᬫ᭄ᬫ᭞ᬰ᭄ᬭᬷᬓᬺᬱ᭄ᬡᬵᬤᬸᬄᬦᬢᬦ᭄ᬲᬶᬧᬶ᭞ᬓᬩᬯᭀᬲ᭄ᬧ᭄ᬮᬂᬧᬂ᭞ᬗᬮᬶᬫ᭄ᬧᬤᬶᬦ᭄ᬤ᭄ᬯᬭᬯᬢᬶ᭟᭜᭟ᬲᬫᬮᬶᬳᬧᬸᬭᬸᬦ᭄ᬫᬤᬫᬤᬤᬾᬯ᭞ᬳᬶᬮᬳᬶᬮᬢ᭄ᬯ

Auto-transliteration

[23 23B] 23 l, lwir̀swarantatabuhan, hihĕnggungmilungĕmpulin, jangkrikmwangbalang, milu‐bar̥ĕngngaramenin \\•\\ glisingcritasangsatyakikr̥ĕttawar̀mman, rawuḥringdwarawati, sĕdhĕngbĕci kpisan, hidasangnāthakr̥ĕṣṇā, kĕñjĕkanhidakatangkil, parapurusyā, parayudhataṇdhamantri \\•\\ śrīkr̥ĕṣṇasar̥ĕngśrībaladewa, ringsinghāśaṇamalinggiḥ, sampunsami‐ napak, taṇdhamantribahudaṇdha, kagyat'hidañingakin, sangkr̥ĕttawar̀mma, rawuḥsar̥ĕngsangsatyaki \\•\\ rarismatur̀sasampunngaturangsĕmbaḥ, singgiḥratuśrīnr̥ĕpati, daginghampura yang, rawuḥtityangkadikadat, suwemanatasnagari, deningpoliḥsimpang, ringnarajadeśanagari \\•\\ yaningbuwatnagarancokor̀hidewa, gĕmuḥlaṇdhuḥli [24 24A] 24 ntangtr̥ĕpti, nentĕnpurunpiwal, pararatunesamyan, tindiḥringcokorigusti, kantunngamanggĕhang, mapanguludwarawati \\•\\ sakewantĕnraturingnarajadeśa, wawĕngkonhasti napurī, hangobratutityang, purineringnrajadeśa, matĕhinswar̀gganel̥ĕwiḥ, ta‐npatandingan, kadijagatswar̀ggapatis \\•\\ nentĕnsiddahantuktityangmangaturang, wa wangunansamibĕcik, sajabapunika, tal̥ĕr̀ngawangunpapindan, jagatnrakakapatĕhin, purinhyangyama, kalintangngagawokin \\•\\ punikāhatur̀sangkr̥ĕttawar̀mma, sangwira satyaki, sar̥ĕngmamatutang, hatur̀sangkr̥ĕttawar̀mma, śrīkr̥ĕṣṇāduḥnatansipi, kabawosplangpang, ngalimpadindwarawati \\•\\ samalihapurunmadamadadewa, hilahilatwa

Leaf 24

Image on Archive.org

[᭒᭔ 24B] ᭒᭔ ᬭᬩᭂᬘᬶᬓ᭄᭞ᬯᬮᬸᬬᬓᬦ᭄ᬤᬧᬂ᭞ᬧᬸᬭᬶᬦᬾᬭᬶᬂᬤ᭄ᬯᬭᬯᬢ᭄ᬬ᭞ᬓᬯᬶᬃᬬ᭄ᬬᬦ᭄ᬲᬂᬦᬭᬧᬢᬶ᭞ᬳᬯᬶᬦᬦ᭄ᬳᬶᬤ᭞ᬓ᭄ᬭᭀᬥᬫᬸᬦ᭄ᬢᬩ᭄ᬓᬤᬶᬕᭂᬦᬶ᭟᭜᭟ᬢᬸᬃᬗᬦ᭄ᬤᬶᬓᬓᬓᬵᬲᬂᬳᬮᬥᬭ᭞ᬭᬭᬶᬲᬂᬤᬩ᭄ᬤᬩᬂᬕᭂᬮᬶ ᬲ᭄᭞ᬧᬘᬂᬦᬗᬸᬦ᭄ᬬᬸᬥ᭞ᬗᬮᬸᬭᬸᬕ᭄ᬲᬂᬦᬶᬮᬘᬦ᭄ᬤ᭄ᬭ᭞ᬧᬭᬧᬢᬶᬄᬲᬾᬦᬧᬢᬶ᭞ᬫᬗ᭄ᬤᬲᬬᬕ᭞ᬲᬧᬶᬤᬩ᭄ᬤᬩ᭄ᬗᭂᬦ᭄ᬤᭀᬦ᭄ᬚᬸᬭᬶᬢ᭄᭟᭜᭟ᬢᬦᬲᬸᬯᬾᬧᬭᬧᬢᬶᬄᬫ᭄ᬯᬂᬧ᭄ᬭᬯᬶᬭ᭞ᬫᬓᬫᬶᬯᬄᬲᬾᬦ ᬧᬢᬶ᭞ᬲᬺᬕᭂᬧ᭄ᬤ᭄ᬯᬭᬬᬸᬥ᭞ᬯᬤ᭄ᬯᬦᬾᬢᬦ᭄ᬓᭂᬦᬶᬯᬶᬮᬂ᭞ᬕᬚᬄᬓᬸᬤᬯᬸᬲ᭄ᬘᬸᬫᬯᬶᬲ᭄᭞ᬫᬸᬯᬄᬩᬩᭂᬓᭂᬮᬦ᭄᭞ᬓ᭄ᬭᬾᬢᬲᬫ᭄ᬧᬸᬦ᭄ᬓᬧᬬᬲᬶᬦ᭄᭟᭜᭟ᬫᬩ᭄ᬬᬬᬸᬯᬦ᭄ᬲ᭄ᬯᬭᬦ᭄ᬓᬸᬮ᭄ᬓᬸᬮ᭄ᬢᬢᬩᬸ᭠ ᬳᬦ᭄᭞ᬓᬤᬶᬓᭂᬭᬸᬕᬾᬭᬶᬂᬮᬗᬶᬢ᭄᭞ᬫᬗᭂᬚᭂᬭᬂᬚᬕᬢ᭄᭞ᬳᬸᬬᬸᬢ᭄ᬢᬦ᭄ᬧᬧᭂᬕᬢᬦ᭄᭞ᬲ᭄ᬯᬭᬦ᭄ᬲᭀᬫ᭄ᬧ᭄ᬭᬾᬢᬾᬫᬜᭂᬭᬶᬢ᭄᭞ᬗᬯᬾᬕᬃᬕ᭄ᬕᬶᬢ᭞ᬲᬂᬧᬸᬭᬸᬱᬗᭂᬦ᭄ᬤᭀᬦ᭄ᬚᬸᬭᬶᬢ᭄᭟ [᭒᭕ 25A] ᭒᭕ ᭜᭟ᬢᬦ᭄ᬘ᭄ᬭᬶᬢᬬᬂᬧᬫᬃᬕ᭄ᬕᬶᬦ᭄ᬲᬂᬬᬤᬸᬓᬸᬮ᭞ᬲᬫ᭄ᬧᬸᬦ᭄ᬫᬫᬃᬕ᭄ᬕᬶᬕᭂᬮᬶᬲ᭄᭞ᬦᬾᬫᬗ᭄ᬓᬶᬦ᭄ᬘ᭄ᬭᬶᬢᬬᬂ᭞ᬲᬂᬓᬺᬱ᭄ᬡᬵᬩᬮᬤᬾᬯᬵ᭞ᬧᬫᬃᬕ᭄ᬕᬶᬦᬾᬗᬭᬶᬳᬶᬦᬶᬦ᭄᭞ᬳᬶᬤᬲᬂᬓᬭ᭄ᬯ᭞ᬗᬮᬶᬗ᭄ᬕᬶᬳᬶᬦ᭄ᬓ᭄ᬭᬾᬢᬫ ᬡᬶᬓ᭄᭟᭜᭟ᬬᬢᬓᭀᬘᬧ᭄‌‌ᬓ᭄ᬭᬾᬢᬧᬳᬶᬘ᭄ᬙᬦ᭄ᬳ᭄ᬬᬂᬇᬦ᭄ᬤ᭄ᬭ᭞ᬓᬸᬤᬦ᭄ᬜᬦᬾᬧᭂᬢᬂᬲᬶᬓᬶ᭞ᬦᬾᬫᬩᬸᬮᬸᬳᬶᬋᬂ᭞ᬫᬯᬲ᭄ᬢᬲᬶᬯᬮᬳᬓ᭞ᬲᬶᬩᬭᬧᬸᬱ᭄ᬧᬩᬭᬓ᭄ᬗᭂᬦ᭄ᬤᬶᬄ᭞ᬓᬸᬦᬶᬂᬓᬶᬓᬸᬓᬦ᭄ᬢ᭞ᬓᬲᬾᬦ᭄ᬬᬫᬳᬸᬮᬸ ᬧᬸᬢᬶᬄ᭟᭜᭟ᬓᬪᬶᬦᬯᬓᬲᬸᬩ᭄ᬰᬓ᭄ᬢᬶᬫᬯᬶᬰᬾᬱ᭞ᬮ᭄ᬯᬶᬃᬓᬸᬤᬲᬫ᭄ᬪᬶᬭᬡᬶ᭞ᬯᬮᬸᬬᬫᬓᭂᬩᭂᬃ᭞ᬩᭂᬘᬢ᭄ᬢᬦ᭄ᬧᬢᬦ᭄ᬤᬶᬗᬦ᭄᭞ᬧᬓᬬᬸᬦᬦ᭄ᬰ᭄ᬭᬶᬦᬺᬧᬢᬶ᭞ᬩᬮᬤᬾᬯᬓᬺᬱ᭄ᬡᬵ᭞ᬲᬶᬫ᭄ᬧᬂᬓᬳᬲ᭄ᬢᬶᬦᬧᬸᬭᬶ᭟᭜᭟ ᬩᭀᬬᬮᬶᬬᬦ᭄ᬳᬶᬤᬧᬘᬂᬫᬫᬯᭀᬲᬂ᭞ᬭᬶᬂᬲᬂᬥᬃᬫ᭄ᬫᬪᬹᬧᬢᬶ᭞ᬧᬘᬂᬦᬗᬸᬦ᭄ᬬᬸᬥ᭞ᬗᭂᬩᬸᬕ᭄ᬲᬂᬦᬶᬮᬘᬦ᭄ᬤ᭄ᬭ᭞ᬭᬯᬸᬄᬭᬶᬂᬳᬲ᭄ᬢᬶᬦᬧᬸᬭᬶ᭞ᬳᬶᬤᬲᬂᬓᬺᬱ᭄ᬡᬵ᭞ᬗᬭᬜ᭄ᬚᬶᬂᬓᬚᭂᬭᭀᬧᬸᬭᬶ᭟᭜᭟ᬲᬂᬧᬡ᭄ᬥᬯᬕᭂᬮᬶ

Auto-transliteration

[24 24B] 24 rabĕcik, waluyakandapang, purineringdwarawatya, kawir̀yyansangnarapati, hawinanhida, krodhamuntabkadigĕni \\•\\ tur̀ngandikakakāsanghaladhara, rarisangdabdabanggĕli s, pacangnangunyudha, ngalurugsangnilacandra, parapatiḥsenapati, mangdasayaga, sapidabdabngĕndonjurit \\•\\ tanasuweparapatiḥmwangprawira, makamiwaḥsena pati, sr̥ĕgĕpdwarayudha, wadwanetankĕniwilang, gajaḥkudawuscumawis, muwaḥbabĕkĕlan, kretasampunkapayasin \\•\\ mabyayuwanswarankulkultatabu‐ han, kadikĕrugeringlangit, mangĕjĕrangjagat, huyuttanpapĕgatan, swaransompretemañĕrit, ngawegar̀ggita, sangpuruṣangĕndonjurit. [25 25A] 25 •. tancritayangpamar̀gginsangyadukula, sampunmamar̀ggigĕlis, nemangkincritayang, sangkr̥ĕṣṇābaladewā, pamar̀gginengarihinin, hidasangkarwa, ngalinggihinkretama ṇik \\•\\ yatakocapkretapahicchanhyangindra, kudanñanepĕtangsiki, nemabuluhir̥ĕng, mawastasiwalahaka, sibarapuṣpabarakngĕndiḥ, kuningkikukanta, kasenyamahulu putiḥ \\•\\ kabhinawakasubśaktimawiśeṣa, lwir̀kudasambhiraṇi, waluyamakĕbĕr̀, bĕcattanpatandingan, pakayunanśrinr̥ĕpati, baladewakr̥ĕṣṇā, simpangkahastinapuri \\•\\ boyaliyanhidapacangmamawosang, ringsangdhar̀mmabhūpati, pacangnangunyudha, ngĕbugsangnilacandra, rawuḥringhastinapuri, hidasangkr̥ĕṣṇā, ngarañjingkajĕropuri \\•\\ sangpaṇdhawagĕli

Leaf 25

Image on Archive.org

[᭒᭕ 25B] ᭒᭕ ᬲ᭄ᬢᭂᬤᬸᬦ᭄ᬫᬜᬫ᭄ᬩ᭄ᬭᬫ᭞ᬲᬫ᭄ᬧᬸᬦ᭄ᬓᬢᬸᬭᬶᬦ᭄ᬫᬮᬶᬗ᭄ᬕᬶᬄ᭞ᬤᬲᬂᬧ᭄ᬭᬪᬸᬓᬺᬱ᭄ᬡᬵ᭞ᬲᬋᬂᬲᬂᬳᬮᬥᬭ᭞ᬰ᭄ᬭᬷᬥᬃᬫ᭄ᬫᬯᬗ᭄ᬰᬜᬦ᭄ᬤᬶᬗᬶᬦ᭄᭞ᬭᬭᬶᬲ᭄ᬗᬦ᭄ᬤᬶᬓᬵ᭞ᬳᬶᬤᬲᬂᬳᬭᬶᬫᬹᬃᬢ᭄ᬢᬶ᭟᭜᭟ᬲᬶᬗ᭄ᬕᬶᬄᬓᬓᬲᬂᬦᬵᬣᬰ᭄ᬭᬷᬥᬃᬫ᭄ᬫᬲᬸᬢ᭞ᬢᬢᬸᬚᭀ ᬦ᭄ᬳᬶᬤᬦᬾᬫ᭄ᬭᬶᬓᬶ᭞ᬫᬢᬸᬃᬭᬶᬂᬳᬶᬤᬾᬯ᭞ᬫᬗ᭄ᬤᬳᬶᬤᬳᬸᬦᬶᬗ᭞ᬧᬘᬂᬗᭂᬩᬸᬕ᭄ᬫᬸᬲᬸᬄᬰᬓ᭄ᬢᬶ᭞ᬲᬂᬦᬶᬮᬘᬦ᭄ᬤ᭄ᬭ᭞ᬧ᭄ᬭᬪᬸᬩᬗ᭄ᬕᬮᬶᬦ᭄ᬢᬂᬤᬺᬗ᭄ᬕᬶ᭟᭜᭟ᬮᬗ᭄ᬲᭀᬢ᭄ᬧᬸᬭᬸᬦ᭄ᬫᬫᬤᬫᬤᬤᬾᬯᬢ᭞ᬗᬦ᭄ᬤᬧᬂᬯᬶᬪᬯᬦ᭄ᬩᭂᬮᬶ᭞ ᬫᬗᬦ᭄ᬤᬧᬂᬢᬶᬢ᭄ᬬᬂ᭞ᬧᬸᬦᬶᬓᬫᬗᬯᬶᬦᬂ᭞ᬧᬘᬂᬕᭂᬩᬸᬕ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬫᬢᬦ᭄ᬤᬶᬂᬬᬸᬥ᭞ᬫᭂᬍᬤ᭄ᬜᭂᬦ᭄ᬢᭀᬓᬂᬓᬰᬓ᭄ᬢᬶᬦ᭄᭟᭜᭟ᬲᬧᬸᬦᬶᬓᬵᬯᬘᬦᬦ᭄ᬳᬶᬤᬲᬂᬓᬺᬱ᭄ᬡᬵ᭞ᬰ᭄ᬭᬷᬥᬃᬫ᭄ᬫᬢᬦᬬᬕᭂᬮᬶᬲ᭄᭞ᬫᬗᬦ᭄ᬤᬶᬓᬩᬦ᭄ᬩ ᬦ᭄᭞ᬬᬦ᭄ᬓᬾᬢᭀᬩᬯᭀᬲ᭄ᬳᬶᬤᬾᬯ᭞ᬓᬾᬯᭂᬄᬩᬦ᭄ᬩᭂᬮᬶᬜᬳᬸᬢᬶᬦ᭄᭞ᬳᬶᬤᬬᬂᬳᬾᬮᬶᬗᬂ᭞ᬩᭂᬘᬶᬓᬂᬫᬶᬓᬬᬸᬦᬶᬦ᭄᭟᭜᭟ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬓᬶᬯᬗᬦ᭄ᬲᬂᬦᬶᬮᬘᬦ᭄ᬤ᭄ᬭ᭞ᬫᬦ᭄ᬢᬸᬓᬾᬭᬶᬂᬭᬕ [᭒᭖ 26A] ᭒᭖ ᬦ᭄ᬳᬤᬶ᭞ᬫᬗᭂᬮᬭᬂᬥᬃᬫ᭄ᬫ᭞ᬳᬶᬤᬯᬦ᭄ᬢᬄᬜᬾᬯᬓ᭞ᬳᬗ᭄ᬕᬾᬦ᭄ᬩᭂᬮᬶᬲᬾᬦᬧᬢᬶ᭞ᬳᬶᬯᬂᬓᬤᬶᬢᬶᬢ᭄ᬬᬂ᭞ᬬᬦ᭄ᬗᬶᬭᬶᬗᬂᬓᬬᬸᬦ᭄ᬩᭂᬮᬶ᭟᭜᭟ᬜᭂᬮᬕ᭄ᬫᬢᬸᬃᬲᬂᬧᬃᬣᬲᬳᬵᬧ᭄ᬭᬡᬫ᭄ᬬ᭞ᬲᬶᬗ᭄ᬕᬶᬄᬰ᭄ᬭᬷᬳᬭᬶᬫᬸᬃ ᬢ᭄ᬢᬷ᭞ᬬᬦ᭄ᬫᬦᬳᬂᬢᬶᬢ᭄ᬬᬂ᭞ᬯᬦ᭄ᬢᬄᬓᬧᬢᬸᬢ᭄ᬧᬶᬲᬦ᭄᭞ᬓᬤᬶᬯᬘᬦᬦ᭄ᬳᬶᬩᭂᬮᬶ᭞ᬲᬂᬥᬃᬫ᭄ᬫᬲᬸᬢ᭞ᬩᭀᬬᬚᬢᬶᬢ᭄ᬬᬂᬗᬶᬮᭀᬦᬶᬦ᭄᭟᭜᭟ᬬᬤ᭄ᬬᬦ᭄ᬯᬾᬦ᭄ᬢᭂᬦ᭄ᬧᬯᬗᬸᬦ᭄ᬲᬂᬦᬶᬮᬘᬦ᭄ᬤ᭄ᬭ᭞ᬲᬫ᭄ᬧᬸᬦ᭄ᬫᬢᬸᬃᬧᬶᬳᬸᬦᬶᬂ᭞ᬭᬶᬂ ᬲᬂᬥᬃᬫ᭄ᬫᬲᬸᬢᬵ᭞ᬜᭂᬮᬕ᭄ᬫᬮᬶᬄᬲᬂᬪᬷᬫ᭞ᬥᬹᬄᬩᭂᬮᬶᬲᬂᬳᬭᬶᬫᬸᬃᬢ᭄ᬢᬶ᭞ᬩ᭄ᬮᬶᬫ᭄ᬭᬕᬧ᭄ᬭᬚ᭄ᬜᬦ᭄᭞ᬮᬯᬸᬢᬂᬲᬓᬬᬸᬦ᭄ᬩᭂᬮᬶ᭟᭜᭟ᬫᬗᬦ᭄ᬤᬶᬓᬲᬶᬸᬳᬶᬤᬲᬂᬧ᭄ᬭᬪᬸᬓᬺᬱ᭄ᬡ᭞ᬬᬦᬓᬾᬢᭀᬓᬬᬸᬦ᭄ᬩᭂᬮᬶ᭞ᬢᬶᬢ᭄ᬬᬂᬧᬫᬶ ᬢ᭄ᬩᬸᬤᬮ᭄᭞ᬜᭂᬦ᭄ᬢᭀᬓᬂᬓᬧᬸᬭᬸᬱᬦ᭄᭞ᬫᬗᬋᬧᬶᬦ᭄ᬫᬸᬲᬸᬄᬰᬓ᭄ᬢᬷ᭞ᬭᬭᬶᬲ᭄ᬫᬤᬩ᭄ᬤᬩᬦ᭄᭞ᬫᭂᬤᬮ᭄ᬓᬚᬩᬕᭂᬮᬶᬲ᭄᭟᭜᭟ᬲᬲᬫ᭄ᬧᬸᬦᬾᬲᬂᬓᬺᬱ᭄ᬡᬩᬮᬤᬾᬯ᭞ᬫᬧᬫᬶᬢ᭄ᬲᬓᬶᬂᬚ᭄ᬭᭀᬧᬸᬭ᭞ᬳᬶ᭠

Auto-transliteration

[25 25B] 25 stĕdunmañambrama, sampunkaturinmalinggiḥ, dasangprabhukr̥ĕṣṇā, sar̥ĕngsanghaladhara, śrīdhar̀mmawangśañandingin, rarisngandikā, hidasangharimūr̀tti \\•\\ singgiḥkakasangnāthaśrīdhar̀mmasuta, tatujo nhidanemriki, matur̀ringhidewa, mangdahidahuninga, pacangngĕbugmusuḥśakti, sangnilacandra, prabhubanggalintangdr̥ĕnggi \\•\\ langsotpurunmamadamadadewata, ngandapangwibhawanbĕli, mangandapangtityang, punikamangawinang, pacanggĕbugtityangmangkin, matandingyudha, mĕl̥ĕdñĕntokangkaśaktin \\•\\ sapunikāwacananhidasangkr̥ĕṣṇā, śrīdhar̀mmatanayagĕlis, mangandikabanba n, yanketobawoshidewa, kewĕḥbanbĕliñahutin, hidayanghelingang, bĕcikangmikayunin \\•\\ nentĕnwentĕnkiwangansangnilacandra, mantukeringraga [26 26A] 26 nhadi, mangĕlarangdhar̀mma, hidawantaḥñewaka, hanggenbĕlisenapati, hiwangkaditityang, yanngiringangkayunbĕli \\•\\ ñĕlagmatur̀sangpar̀thasahāpraṇamya, singgiḥśrīharimur̀ ttī, yanmanahangtityang, wantaḥkapatutpisan, kadiwacananhibĕli, sangdhar̀mmasuta, boyajatityangngilonin \\•\\ yadyanwentĕnpawangunsangnilacandra, sampunmatur̀pihuning, ring sangdhar̀mmasutā, ñĕlagmaliḥsangbhīma, dhūḥbĕlisangharimur̀tti, blimragaprajñan, lawutangsakayunbĕli \\•\\ mangandikas̶hidasangprabhukr̥ĕṣṇa, yanaketokayunbĕli, tityangpami tbudal, ñĕntokangkapuruṣan, mangar̥ĕpinmusuḥśaktī, rarismadabdaban, mĕdalkajabagĕlis \\•\\ sasampunesangkr̥ĕṣṇabaladewa, mapamitsakingjropura, hi‐

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org