gaguritan-pitara-windusara

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᭚ᬑᬁᬅᬯᬶᬖ᭄ᬦᬫᬲ᭄ᬢᬸ᭞ᬧᬸᬄᬧᬗ᭄ᬓᬸᬃ᭟ᬧᬗ᭄ᬓᬸᬃᬳᬶᬲᭂᬂᬫᬄᬩᬳᬂ᭞ᬳᬸᬮᬢ᭄ᬭᬶᬭᬶᬄᬧᬗ᭄ᬓᬄᬫᬓᬶᬢᬫᬫᬭᬶᬓ᭄᭞ᬳᬤᬲᬢ᭄ᬯᬳᬶᬮᬸ᭞ᬓᬶᬧᬶᬢᬭᬯᬶᬦ᭄ᬤᬸᬰᬭ᭞ ᬫᬵᬓᬕᬸᬭᬶᬢ᭄᭞ᬤᬸᬫᬤᬓ᭄ᬲᬶᬤ᭄ᬥᬫᬗ᭄ᬮᬗ᭄ᬓᬸᬂ᭞ᬯᬲ᭄ᬢᬸᬢᬦ᭄ᬓᬢᬫᬾᬂᬢᬸᬢᬸᬮᬄ᭞ᬢᬓ᭄ᬓᭂᬤᭀᬲᬳ᭄ᬬᬂᬯᬶᬤ᭄ᬥᬶ᭞ᬓᭀᬘᬧ᭄ᬦᬾᬫᬸᬗ᭄ᬕᬄᬭᬶᬂᬰᬲ᭄ᬢ᭄ᬭᬍᬯᬶᬄ ᬧᬗᭂᬦ᭄ᬢᬲ᭄ᬧᬧᬦᬾᬲᬫᬶ᭞ᬧᬗ᭄ᬮᬸᬓᬢᬦ᭄‌ᬲᬃᬯ᭄ᬯᬍᬢᬸᬄᬓᬮᬯᬦ᭄ᬧᬧᬤ᭄ᬭᬸᬳᬓ᭞ᬫᬢ᭄ᬫᬳᬦ᭄᭞ᬓᬂᬳᬢ᭄ᬫᬫᬫᬗ᭄ᬕᬶᬄᬳᬬᬸ᭞ᬫᭀᬮᬶᬄᬍᬯᬶᬳᬶᬂ ᬓᬲᬤ᭄ᬬᬦ᭄᭞ᬯᬲ᭄ᬢᬸᬧᬭᬶᬧᬸᬃᬡ᭄ᬦᬚᬢᬶ᭟ᬫᬫᬢ᭄ᬫᬳᬦ᭄‌ᬯᬶᬥ᭄ᬬᬤᬭ᭞ᬯᬶᬥ᭄ᬬᬤᬭᬶᬭᬶᬂᬰᬶᬯᬮᭀᬓᬳᬲᬶᬗ᭄ᬕᬶᬄ᭞ᬳᬧᬺᬢᬶᬲ᭄ᬢᬫᬭᬶᬕ᭄ᬫᬾᬭᬸ᭞ᬕᬭᬦ᭄ᬫᬾᬭᬸ [᭒ 2A] ᬧᬤ᭄ᬫᬲᬦ᭞ᬳᭀᬦ᭄ᬤᬃᬳᬦ᭄ᬤᬶᬃ᭞ᬭᬶᬂᬧᬸᬘᬓᬶᬂᬲᬕᬮᬶᬓᬸᬃ᭞ᬓᬾᬢᭀᬓᬳᬸᬘᬧ᭄ᬭᬶᬂᬰᬲ᭄ᬢ᭄ᬭ᭞ᬓᭀᬘᬧᬦ᭄‌ᬪᬝᬭᬫᬗ᭄ᬓᬶᬦ᭄᭞ᬭᬶᬂᬫᬸᬦ᭄ᬤᬸᬓ᭄‌ᬓᭀᬘᬧᬦ᭄ᬳᬶᬤᬳ᭄ᬬᬂᬰᬶᬯ᭞ᬧ ᬧᬓᬳ᭄ᬬᬸᬦ᭄ᬦᬸᬢᬸᬲ᭄ᬲᬓᬜ᭄ᬘᬦ᭄‌ᬪᬸᬧᬢᬶ᭞ᬗᬸᬮᬢᬶᬫᬡᬶᬦ᭄‌ᬧᬸᬦᬶᬓᬸ᭞ᬳᬭᬦ᭄ᬫᬡᬶᬓ᭄‌ᬯᬶᬦ᭄ᬤᬸᬰᬭ᭞ᬬᬾᬦ᭄ᬓᭀᬘᬧᬦ᭄᭞ᬭᬶᬂᬫᬸᬦ᭄ᬤᬸᬓ᭄‌ᬓᬾᬮᬲᬕᬸᬦᬸᬂ᭞ᬕ᭄ᬮᬶᬲ᭄ᬳᬶ ᬢᬸᬗ᭄ᬕᬮ᭄ᬢᬸᬗ᭄ᬕᬮ᭄ᬳᬭᬦ᭄ᬬ᭞ᬦᬣᬘᬾᬤᬶ᭞ᬫᬕᬤᬓᬲᬶᬭᬚᬾᬓᬸ᭞ᬫ᭄ᬯᬄᬭᬶᬂᬭᬢᬸᬳᬯᬗ᭄ᬕ᭞ᬯᬶᬭᬢᬧᬜ᭄ᬘᬮᬧᬢᬶ᭟ᬢᬦ᭄ᬳᬤᭀᬄᬲᬂᬧ᭄ᬭᬪᬸᬫᬤ᭄ᬭ᭞ᬕᬚᬄ

Auto-transliteration

[1 1B] 1 // oṅġawighnamastu, puḥpangkur̀. pangkur̀hisĕngmaḥbahang, hulatririḥpangkaḥmakitamamarik, hadasatwahilu, kipitarawinduśara, mākagurit, dumadaksiddhamanglangkung, wastutankatamengtutulaḥ, takkĕdosahyangwiddhi, kocapnemunggaḥringśastral̥ĕwiḥ pangĕntaspapanesami, panglukatansar̀wwal̥ĕtuḥkalawanpapadruhaka, matmahan, kanghatmamamanggiḥhayu, moliḥl̥ĕwihing kasadyan, wastuparipur̀ṇnajati. mamatmahanwidhyadara, widhyadariringśiwalokahasinggiḥ, hapr̥ĕtistamarigmeru, garanmeru [2 2A] padmasana, hondar̀handir̀, ringpucakingsagalikur̀, ketokahucapringśastra, kocapanbhaṭaramangkin, ringmundukkocapanhidahyangśiwa, pa pakahyunnutussakañcanbhupati, ngulatimaṇinpuniku, haranmaṇikwinduśara, yenkocapan, ringmundukkelasagunung, glishi tunggaltunggalharanya, nathacedi, magadakasirajeku, mwaḥringratuhawangga, wiratapañcalapati. tanhadoḥsangprabhumadra, gajaḥ

Leaf 2

Image on Archive.org

[᭒ 2B] ᭒ ᬯᬬᬂᬫᬶᬯᬄᬭᬢᬸᬤ᭄ᬯᬭᬯᬢᬶ᭞ᬭᬢᬸᬳᬶᬦ᭄ᬤ᭄ᬭᬧ᭄ᬭᬲ᭄ᬢᬾᬓᬸ᭞ᬓᭀᬘᬧᬦ᭄ᬤᬂᬳ᭄ᬬᬂᬦᬭ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬕ᭄ᬩ᭄ᬭᬢᬯᬃᬱᬚᬸᬫᬸᬚᬸᬕ᭄᭞ᬓᬧᬗ᭄ᬕᬶᬄᬲᬯ ᬢᭂᬓ᭄‌ᬦᬣ᭞ᬫᬓᬸᬫ᭄ᬧᬸᬮ᭄ᬲᬫᬶᬫᬮᬶᬗ᭄ᬕᬶᬄ᭟ᬯᬘᬦᬦ᭄ᬳᬶᬤᬦᬾᬤᬩ᭄ᬤᬩ᭄᭞ᬤᬸᬄᬲᬓᬾᬳᬶᬂᬯᬢᭂᬓ᭄ᬭᬢᬸ᭞ᬫᬳᬯᬶᬦᬦ᭄ᬩᬧᬭᬯᬸᬄ᭞ᬤᬶᬦᬶᬤᬶᬩ᭄ᬭᬢ ᬯᬃᬱ᭞ᬲᬓᬶᬂᬓᬭᬳᬦ᭄᭞ᬲᬶᬦᬸᬳᬸᬦ᭄‌ᬪᬝᬭᬕᬸᬃ᭞ᬓᬦ᭄ᬤᬶᬓᬬᬂᬫᬦ᭄ᬤᬯᬸᬳᬂ᭞ᬭᬶᬂᬳᬶᬭᬢᬸ᭞ᬲᬋᬕ᭄ᬲᬫᬶ᭟ᬩ᭄ᬘᬶᬓᬂᬳᬸᬕᬶᬫᬶᬋᬗᬂ᭞ᬭᬢᬸᬲᬫᬶᬓᬦ᭄ᬤᬶ ᬓᬬᬂᬫᬦᬸᬮᬢᬶ᭞ᬫᬡᬶᬓ᭄ᬯᬶᬦ᭄ᬤᬸᬰᬭ᭞ᬭᬶᬂᬫᬸᬜ᭄ᬘᬸᬓ᭄ᬕᬸᬦᬸᬂᬓᬾᬮᬲ᭞ᬕ᭄ᬦᬄᬜᬦᬾ᭞ᬭᬢᬸᬓᬦ᭄ᬤᬶᬓᬬᬂᬗ᭄ᬭᬸᬭᬸᬄ᭞ᬳᬶᬲᬧᬲᬶᬭᬜᬶᬤ᭄ᬥᬬᬂ᭞ᬗᬸᬮ [᭓ 3A] ᬢᬶᬳᬶᬧᬸᬦ᭄ᬳᬶᬫᬡᬶᬓ᭄᭟ᬓᬮᬸᬕ᭄ᬭᬭᬢᬸᬦᬶᬂᬚᬕᬢ᭄᭞ᬫᬦᬸᬭᬸᬦᬂᬭᬢᬸᬭᬢᬸᬦᬶᬂᬪᬸᬧᬢᬶ᭞ᬲᬢᬸᬳᬸᬓ᭄‌ᬦᬺᬳᬂᬭᬢᬸ᭞ᬢᬸᬭᬶᬦ᭄ᬢᬢᬦ᭄ᬲᬧᬲᬧ᭞ᬭᬶᬂᬓ ᬤᬶᬩ᭄ᬬᬦ᭄᭞ᬓᬲ᭄ᬯᬾᬘᬦ᭄ᬲᬂᬳ᭄ᬬᬂᬲᬶᬦᬸᬳᬸᬦ᭄᭞ᬮᬸᬧᬸᬢ᭄ᬭᬶᬂᬧᬧᬘᬸᬦ᭄ᬢᬓ᭞ᬮᬸᬧᬸᬢᬶᬂᬲᬃᬯ᭄ᬯᬗᬯᬾᬲᬶ᭞ᬬᬦ᭄ᬫᬜ᭄ᬘᬶᬂᬭᬶᬦ᭄ᬬᬫ᭄‌ᬳᬮᭀᬓ᭞ᬓᬯᬄᬘᬦ᭄ᬤ᭄ᬭᬕᭀᬫᬸᬓᬢᬢ ᬦ᭄ᬓᬧᬗ᭄ᬕᬶᬄ᭞ᬯᬲ᭄ᬢᬸᬭᬢᬸᬓᬂᬲᬶᬦᬸᬗ᭄ᬲᬸᬂ᭞ᬧᬭᬶᬧᬸᬃᬡ᭄ᬦᬧᬶᬦ᭄ᬭᬲ᭄ᬢᬶᬲ᭄ᬢ᭞ᬫᬭᬶᬂᬫᬾᬭᬸ᭞ᬚᭀᬂᬕ᭄ᬭᬶᬂᬲᬮᬓᬓᬲᬸᬗ᭄ᬲᬸᬂ᭞ᬫᬮᬶᬗ᭄ᬕᬶᬄᬭᬶᬂᬧᬤ᭄ᬫᬲᬦ᭞ᬰᬶᬯᬮᭀᬓ ᬳᬦ᭄ᬤᬃᬳᬶᬦ᭄ᬤᭂᬃ᭟ᬢᬸᬫ᭄ᬧᬂᬲᬗᬮᬶᬓᬸᬃᬳᬶᬓ᭞ᬓᬾᬢᭀᬭᬯᬸᬫᬗ᭄ᬤᬯ᭄ᬓᬦ᭄ᬲᬋᬂᬲᬫᬶ᭞ᬫᬮᬶᬄᬳᬶᬗ᭄ᬕᬶᬄᬭᬢᬸ᭞ᬲᬢ᭄ᬧᬢ᭄ᬫᬃᬕ᭄ᬕᬦᬾᬧᬸᬦᬶᬓ᭞ᬧᬜᬸᬚᬸ

Auto-transliteration

[2 2B] 2 wayangmiwaḥratudwarawati, ratuhindraprasteku, kocapandanghyangnara, sampunprapti, rigbratawar̀ṣajumujug, kapanggiḥsawa tĕknatha, makumpulsamimalinggiḥ. wacananhidanedabdab, duḥsakehingwatĕkratu, mahawinanbaparawuḥ, dinidibrata war̀ṣa, sakingkarahan, sinuhunbhaṭaragur̀, kandikayangmandawuhang, ringhiratu, sar̥ĕgsami. bcikanghugimir̥ĕngang, ratusamikandi kayangmanulati, maṇikwinduśara, ringmuñcukgunungkelasa, gnaḥñane, ratukandikayangngruruḥ, hisapasirañiddhayang, ngula [3 3A] tihipunhimaṇik. kalugraratuningjagat, manurunangraturatuningbhupati, satuhuknr̥ĕhangratu, turintatansapasapa, ringka dibyan, kaswecansanghyangsinuhun, luputringpapacuntaka, luputingsar̀wwangawesi, yanmañcingrinyamhaloka, kawaḥcandragomukatata nkapanggiḥ, wasturatukangsinungsung, paripur̀ṇnapinrastista, maringmeru, jonggringsalakakasungsung, malinggiḥringpadmasana, śiwaloka handar̀hindĕr̀. tumpangsangalikur̀hika, ketorawumangdawkansar̥ĕngsami, maliḥhinggiḥratu, satpatmar̀gganepunika, pañuju

Leaf 3

Image on Archive.org

[᭓ 3B] ᭓ ᬭᬾ᭞ᬓᬕᬸᬦᬸᬂᬓᬾᬮᬲᬳᬶᬓᬸ᭞ᬳᬸᬦᬶᬗᬂᬲᬫ᭄ᬬᬦ᭄᭞ᬩᬘᬓᬦ᭄ᬜᬯᬶᬚᬶᬯᬶᬚᬶ᭟ᬬᬾᬦᬵᬳᬶᬂᬫᬦᬶᬜ᭄ᬘᬧ᭄ᬲᬕᬭ᭞ᬲᬳᬚᬸᬓᬸᬂᬧ᭄ᬭᬳᬸᬯᬸᬦᬶᬓ ᬓᬾᬦᬵᬕᬶᬦ᭄᭞ᬮᬶᬫᭀᬮᬲ᭄ᬭᬳᬶᬦᬭᬯᬸᬄ᭞ᬭᬶᬂᬕ᭄ᬦᬳᬾᬓᬲᬭᬢᬂ᭞ᬧᬶᬂᬓᬮᬶᬳᬾ᭞ᬫᬦᬸᬳᬸᬢᬂᬫᬃᬕ᭄ᬕᬳᬕᬸᬂ᭞ᬫᬃᬕ᭄ᬕᬦᭂᬫᬲ᭄ᬬᬦ᭄ᬤᬦ᭞ᬫᬓ᭄ᬭᬾᬢ ᬕᭀᬢᬓᬓᬾᬦᬵᬕᬶᬦ᭄᭟ᬢ᭄ᬮᬸᬮᬲ᭄ᬤᬶᬦᬲᬫ᭄ᬧᬸᬦ᭄ᬦᬧᬓ᭄᭞ᬧᬶᬂᬢᬶᬕᬦᬾᬤᬾᬲᬭᬳᬶᬦᬫᬫᬃᬕ᭄ᬕᬶ᭞ᬢ᭄ᬯᬄᬧᬫᬃᬕ᭄ᬕᬶᬦᬾᬧᬢᬸᬢᬸ᭞ᬫᬓᬸᬤᬫ᭄ᬯᬄᬫᬕᬚᬄ᭞ ᬢᭀᬮᬶᬗ᭄ᬕᬶᬳᬶᬦ᭄᭞ᬓᬧᬶᬂᬧᬢ᭄ᬫᬃᬕ᭄ᬕᬧᬸᬦᬶᬓᬸ᭞ᬫᬃᬕ᭄ᬕ᭄ᬬᬦ᭄ᬧᬶᬢᬸᬂᬭᬳᬶᬦ᭞ᬗᬫᬃᬕ᭄ᬕᬶᬦᬶᬦ᭄ᬭᬸᬭᬸᬂᬘᬸᬧᬶᬢ᭄᭞ᬫᬮᬶᬄᬓᬮᬶᬦ᭄ᬢᬗᬦ᭄ᬲᭂᬗ᭄ᬓ᭞ᬫᬃᬕ᭄ᬕᬲᬸᬦᬸᬢ᭄ᬳ [᭔ 4A] ᬦ᭄ᬓᬾᬗᬶᬦ᭄ᬫᬓᬸᬤᬳᬲ᭄ᬢᬶ᭞ᬫᬤᬸᬃᬕ᭄ᬕᬫᬫᬃᬕ᭄ᬕᬳ᭄ᬓᬸᬮᬸᬭᬶᬦ᭄ᬳᬓᬾᬄᬗᬭᬸᬩᬾᬤ᭞ᬫᬜᬦ᭄ᬢᬸᬮᬶ᭞ᬳᬓᬾᬄᬫᬺᬕᬭᭀᬢᬧᬲᬸ᭞ᬫᬓᬫᬶᬯᬄᬩᬯᬶ ᬳᬮᬲ᭄᭞ᬕᬮᬓ᭄ᬜᬦᬾᬢᬦ᭄ᬲᬶᬦᬶᬧᬶ᭟ᬲᬫ᭄ᬧᬸᬦᬶᬓᬧᬯᬘᬦᬦ᭄‌ᬳᬶᬤᬋᬱᬶᬦᬭᬤᬫᬫᬶᬤᬃᬣᬳᬶᬦ᭄᭞ᬫᬸᬓ᭄ᬱᬄᬭᬭᬶᬲ᭄ᬳᬶᬤᬫᬦ᭄ᬢᬸᬓ ᭄᭞ᬧᬫᬃᬕ᭄ᬕᬶᬦᬾᬢᬦ᭄ᬓᭀᬘᬧᬦ᭄᭞ᬓᭀᬘᬧ᭄ᬫᬗ᭄ᬓᬶᬦ᭄᭞ᬲᬓᬢᬳᬶᬂᬧᬭᬭᬢᬸ᭞ᬲᬫᬶᬫᬫᬶᬮᬶᬦ᭄ᬫᬃᬕ᭄ᬕ᭞ᬫᬃᬕ᭄ᬕᬦᬾᬳᬕᬸᬂᬢᬸᬃᬭᬤᬶᬦ᭄᭟ᬓᭀᬘᬧ᭄ᬦ ᬣᬭᬶᬂᬳᬲ᭄ᬢᬶᬦ᭞ᬲᬳᬓᬤᬂᬫᬫᬃᬕ᭄ᬕᬶᬭᬶᬂᬚᬮᬦᬶᬤᬶ᭞ᬲᬫᬶᬗᬮᬶᬗ᭄ᬕᬶᬳᬶᬧ᭄ᬭᬳᬸ᭞ᬓᭀᬘᬧ᭄ᬧ᭄ᬭᬳᬸᬭᬶᬂᬯᬶᬭᬢ᭞ᬓᬲᬶᬧᬢᬶ᭞ᬫᬤ᭄ᬭᬧᬜ᭄ᬘᬮᬫᬓᬸᬫ᭄ᬧᬸ

Auto-transliteration

[3 3B] 3 re, kagunungkelasahiku, huningangsamyan, bacakanñawijiwiji. yenāhingmaniñcapsagara, sahajukungprahuwunika kenāgin, limolasrahinarawuḥ, ringgnahekasaratang, pingkalihe, manuhutangmar̀ggahagung, mar̀gganĕmasyandana, makreta gotakakenāgin. tlulasdinasampunnapak, pingtiganedesarahinamamar̀ggi, twaḥpamar̀gginepatutu, makudamwaḥmagajaḥ, tolinggihin, kapingpatmar̀ggapuniku, mar̀ggyanpitungrahina, ngamar̀ggininrurungcupit, maliḥkalintangansĕngka, mar̀ggasunut'ha [4 4A] nkenginmakudahasti, madur̀ggamamar̀ggahkulurinhakeḥngarubeda, mañantuli, hakeḥmr̥ĕgarotapasu, makamiwaḥbawi halas, galakñanetansinipi. sampunikapawacananhidar̥ĕsyinaradamamidar̀thahin, mukṣaḥrarishidamantuka , pamar̀gginetankocapan, kocapmangkin, sakatahingpararatu, samimamilinmar̀gga, mar̀gganehagungtur̀radin. kocapna tharinghastina, sahakadangmamar̀ggiringjalanidi, samingalinggihiprahu, kocapprahuringwirata, kasipati, madrapañcalamakumpu

Leaf 4

Image on Archive.org

[᭔ 4B] ᭔ ᬮ᭄᭞ᬲᬫᬶᬮᬶᬗ᭄ᬕᬶᬳᬶᬦ᭄ᬭᬣ᭞ᬫᬦᬸᬢ᭄ᬫᬃᬕ᭄ᬕᬕᬸᬂᬳᬭᬤᬶᬦ᭄᭟ᬫᬃᬕ᭄ᬕ᭄ᬬᬦ᭄‌ᬢ᭄ᬮᬸᬮᬦ᭄ᬭᬳᬶᬦ᭞ᬓᭀᬘᬧ᭄ᬫᬮᬶᬄᬲᬂᬧ᭄ᬭᬪᬸᬭᬶᬂᬯᬗ᭄ᬕᬧᬢᬶ᭞ᬲᬂᬲᬶᬲᬸᬧᬮᬧ᭄ᬭᬪᬸ ᬫ᭄ᬯᬄᬲᬶᬭᬂᬚᬭᬲᬦ᭄ᬤ᭞ᬲᬫᬶᬳᬶᬤ᭞ᬫᬓᬸᬤᬬᬦ᭄ᬳᬶᬤᬳᬲ᭄ᬬᬸ᭞ᬯᬾᬦ᭄ᬢᭂᬦ᭄ᬫᬧᬲᬶᬗ᭄ᬕᬶᬳᬦ᭄ᬕᬚᬄ᭞ᬫᬃᬕ᭄ᬕᬬᬦ᭄ᬳᬤᬰᬯᬳᬶ᭟ᬫᬮᬶᬄᬲᬂᬧᬜ᭄ᬘᬧᬡ᭄ᬥᬯ᭞ᬫ ᬲᬋᬗᬦ᭄‌ᬦᬣᬓᬺᬱ᭄ᬡᬳᬭᬶᬫᬸᬃᬢ᭄ᬢᬶ᭞ᬲᬫᬶᬧᬫᬃᬕ᭄ᬕᬶᬦᬾᬜᬸᬦᬸᬢ᭄᭞ᬲᬧᬶᬢᬦ᭄ᬫᬧᬲᬶᬗ᭄ᬕᬶᬳᬦ᭄᭞ᬤᬾᬦᬵᬳᬶᬂᬤᬳᬢ᭄᭞ᬲᭂᬗ᭄ᬓᬫᬃᬕ᭄ᬕᬶᬦᬾᬧᬸᬦᬶᬓᬸ᭞ ᬧᬫᬃᬕ᭄ᬕᬶᬦᬾᬓᭀᬘᬧᬦ᭄᭞ᬲᬫ᭄ᬬᬦ᭄ᬯᬢᭂᬓ᭄ᬦᬺᬧᬢᬶ᭟ᬓᭀᬘᬧ᭄ᬳᬶᬤᬲᬂᬧᬡ᭄ᬥᬯ᭞ᬲᬋᬂᬳᬶᬤᬲᬂᬧ᭄ᬭᬪᬸᬭᬶᬂᬤ᭄ᬯᬭᬯᬢᬶ᭞ᬧᬫᬃᬕ᭄ᬕᬶᬦ᭄ᬳᬶᬤᬦᬾᬢ᭄ᬭᬸᬲ [᭕ 5A] ᭄᭞ᬯᬸᬲ᭄ᬳᭀᬮ᭄ᬳ᭄ᬓᬮᬶᬄᬭᬳᬶᬦ᭞ᬫᬫᬗ᭄ᬕᬶᬳᬶᬦ᭄᭞ᬢᭂᬕᬮᬦ᭄ᬩᬃᬓᬤᬸᬮᬸ᭞ᬳᬓᬾᬄᬳᬢ᭄ᬫᬓᬘᬶᬗᬓᬦ᭄᭞ᬮ᭄ᬯᬶᬃᬧᬗᬮᬸᬓᬳᬓ᭄ᬱᬶ᭞ᬲᬫ᭄ᬬ ᬦ᭄‌ᬗᭂᬢᬓᬂᬓᬸᬤ᭞ᬓᬧᭀᬦ᭄ᬤᭀᬗᬶᬦ᭄ᬩᬢᬸᬓᬬᬸᬢ᭄ᬯᬭᬓᬶᬓᬶᬢ᭄᭞ᬢᬦ᭄ᬓᬯᬾᬳᬶᬦ᭄ᬧᬗᬦ᭄ᬓᬶᬦᬸᬫ᭄᭞ᬢᬦ᭄ᬓᬲᬸᬓᬾᬦ᭄ᬫᬭᬭ᭄ᬬᬦ᭄᭞ᬍᬫᬄ ᬯ᭄ᬗᬶ᭞ᬓᬸᬤᬦᬾᬲᬸᬫᬶᬗ᭄ᬓᬶᬦ᭄ᬓᬸᬭᬸᬲᬳᬦ᭄ᬢᬸᬓᬦ᭄ᬩᭂᬤᬓ᭄ᬮᬬᬄ᭞ᬫᬗ᭄ᬲᭂᬄ᭞ᬳᬗ᭄ᬲᭂᬳᬦ᭄ᬫᬫᬃᬕ᭄ᬕᬶ᭟ᬯᬳᬸᬳᬶᬧᬸᬦ᭄ᬓᬤᬶᬭᬦ᭄ᬤᬢ᭄᭞ᬓᬮᬦ᭄ᬢᬶᬕᬦ᭄ᬢᬸ ᬓ᭄ᬘᭂᬫᭂᬢᬶᬩᭂᬲᬶ᭞ᬕ᭄ᬢᬶᬄᬜᬦᬾᬫᬦᬫ᭄ᬩᬸᬭᬸᬲ᭄᭞ᬫᬮᬾᬄᬮᬾᬄᬲᬓᬶᬂᬳᬯᬓ᭄ᬦ᭄ᬬ᭞ᬢᬸᬃᬢᬦ᭄ᬫᬭᬶ᭞ᬓᬲᬓᬶᬦᬦ᭄ᬧᬗᬶᬢᬸᬂ᭞ᬲᬂᬧᬜ᭄ᬘᬧᬜ᭄ᬘᬶᬂᬩ᭄ᬥ

Auto-transliteration

[4 4B] 4 l, samilinggihinratha, manutmar̀ggagungharadin. mar̀ggyantlulanrahina, kocapmaliḥsangprabhuringwanggapati, sangsisupalaprabhu mwaḥsirangjarasanda, samihida, makudayanhidahasyu, wentĕnmapasinggihan'gajaḥ, mar̀ggayanhadaśawahi. maliḥsangpañcapaṇdhawa, ma sar̥ĕngannathakr̥ĕṣṇaharimur̀tti, samipamar̀ggineñunut, sapitanmapasinggihan, denāhingdahat, sĕngkamar̀gginepuniku, pamar̀gginekocapan, samyanwatĕknr̥ĕpati. kocap'hidasangpaṇdhawa, sar̥ĕnghidasangprabhuringdwarawati, pamar̀gginhidanetrusa [5 5A] , wusholhkaliḥrahina, mamanggihin, tĕgalanbar̀kadulu, hakeḥhatmakacingakan, lwir̀pangalukahaksyi, samya nngĕtakangkuda, kapondonginbatukayutwarakikit, tankawehinpangankinum, tankasukenmararyan, l̥ĕmaḥ wngi, kudanesumingkinkurusahantukanbĕdaklayaḥ, mangsĕḥ, hangsĕhanmamar̀ggi. wahuhipunkadirandat, kalantigantu kcĕmĕtibĕsi, gtiḥñanemanamburus, maleḥleḥsakinghawaknya, tur̀tanmari, kasakinanpangitung, sangpañcapañcingbdha

Leaf 5

Image on Archive.org

[᭕ 5B] ᭕ ᬧᬜᬶᬗᬓ᭄᭞ᬓᬮᬗ᭄ᬓᬸᬂᬓᬯ᭄ᬮᬲ᭄ᬳᬲᬶᬄ᭟ᬲᬂᬩᬶᬫᬲᬾᬦᬗᬦ᭄ᬤᬶᬓ᭞ᬫᬦᬓᬾᬦᬶᬦ᭄ᬳᬦ᭄ᬢᬸᬓᬾᬢᬦ᭄ᬫᬗᬶᬢᬸᬗᬶᬦ᭄᭞ᬳᬶᬓᬸᬤᬓᬮᬶᬯᬦᬶᬸᬢ᭄ᬮᬬᬸ᭞ ᬳᬾᬄᬘᬳᬶᬧᬗᭂᬢᬓ᭄ᬓᬸᬤ᭞ᬢᬦ᭄ᬧᬦᭀᬮᬶᬄ᭞ᬓᬾᬦ᭄ᬓᬾᬦ᭄‌ᬓ᭄ᬭᬦᬤᬸᬓᬾᬫᬮᬸ᭞ᬲᬗ᭄ᬓᬦ᭄ᬘᬳᬶᬢᬦ᭄ᬧᬳᬶᬗᬦ᭄᭞ᬩᬳᬦ᭄ᬘᬳᬶᬫᬜᬓᬶᬢᬶᬦ ᭄᭟ᬫᬭᬓᬾᬚᬦᬶᬢᬸᬯᬸᬭᬂ᭞ᬓᬚᬸᬢᬾᬦ᭄ᬜᬳ᭄ᬤᬚ᭄ᬯᬫᬗᬸᬭᬗᬶᬦ᭄᭞ᬳᬶᬧᬗᭂᬢᬓ᭄ᬓᬸᬤᬫᬢᬸᬃ᭞ᬫᬩ᭄ᬭᬶᬬᬸᬓ᭄ᬲᬋᬂᬲᬫ᭄ᬬᬦ᭄᭞ᬳᬶᬗ᭄ᬕᬶᬄᬳᬶᬗ᭄ᬕᬶᬄ᭞ᬳᬶᬓᬸ ᬤᬲᬸᬚᬢᬶᬦ᭄ᬳᬶᬧᬸᬦ᭄᭞ᬳᬢ᭄ᬫᬦ᭄ᬲᬂᬤ᭄ᬫᭂᬦ᭄ᬫᬳᬸᬢᬂ᭞ᬢᬦ᭄ᬓᬢᬳᬸᬃᬗᬦ᭄ᬢᭀᬲ᭄ᬫᬢᬶ᭟ᬧᬶᬘᭂᬦ᭄ᬤᭂᬓ᭄ᬳᬶᬧᬸᬦ᭄ᬓᬩᬶᬭᬢ᭄᭞ᬦᬶᬓᬶᬢᬶᬢ᭄ᬬᬂᬳᬢ᭄ᬫᬦ᭄ᬲᬂᬓᬩᬶᬭᬢᬶ [᭖ 6A] ᬦ᭄᭞ᬦᬾᬫᬗ᭄ᬓᬶᬦ᭄ᬧᬤᬫᬘᭂᬧᬸᬓ᭄᭞ᬢᬸᬃᬲᬫ᭄ᬧᬸᬦ᭄ᬓᬮᬸᬕ᭄ᬭᬬᬦ᭄᭞ᬫᬬᬓᬶᬢᬶᬦ᭄᭞ᬲᬤᬸᬭᬸᬂᬳᬶᬧᬸᬦᬾᬦᬳᬸᬃ᭞ᬢᬦ᭄ᬯᭂᬦᬂᬤᬤᭀᬲ᭄ᬚᬤ᭄ᬫ᭞ᬓᬫᬺᬘᬧ ᬤᬫᬯᬮᬶ᭟ᬧᬲᭂᬗ᭄ᬓᭂᬭᬾᬲ᭄ᬬᬸᬢᬶᬢᬦ᭄᭞ᬲᬭᬸᬶᬲᬭᬶᬧᬸᬦ᭄ᬳᬸᬦᬶᬗᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬲᬂᬩᬶᬫᬳᬮᭀᬦ᭄ᬳᬫᬸᬯᬸᬲ᭄᭞ᬦᬄᬘᬳᬶᬳᬚᬓ᭄ᬫᬓᭂᬚᬂ᭞ ᬍᬯᬶᬄᬓᬸᬤ᭞ᬓᬧᬢᬸᬢ᭄ᬘᬳᬶᬫᬦᬸᬢᬸᬕ᭄᭞ᬫᬗᬶᬭᬶᬂᬲᬂᬧᬜ᭄ᬘᬧᬡ᭄ᬥᬯ᭞ᬫᬶᬯᬄᬧ᭄ᬭᬪᬸᬭᬧᬢᬶ᭞ᬳᬶᬭᬧᬘᬂᬗᬯᬶᬭᬗᬂ᭞ᬧᬫᬃᬕ᭄ᬕᬶᬦᬾ᭞ᬲᬂ ᬧᬡ᭄ᬥᬯᬭᬳᬶᬦᬤᬮᬸ᭞ᬳᬫᬃᬕ᭄ᬕᬶᬦᬾᬢᬦ᭄ᬭᬭ᭄ᬬᬦᬦ᭄᭞ᬲᬧᬜ᭄ᬚᬂᬧᬜ᭄ᬚᬸᬗᬶᬂᬫᬃᬕ᭄ᬕᬶ᭟ᬧᬫᬃᬕ᭄ᬕᬶᬦᬾᬲᬫ᭄ᬧᬸᬦ᭄ᬦᬸᬗ᭄ᬓᬧ᭄᭞ᬕᬸᬦᬸᬂᬕᬸᬦᬸᬂᬧᬭᬂᬭᬾᬚᬾᬂ

Auto-transliteration

[5 5B] 5 pañingak, kalangkungkawlashasiḥ. sangbimasenangandika, manakeninhantuketanmangitungin, hikudakaliwan̶tlayu, heḥcahipangĕtakkuda, tanpanoliḥ, kenkenkranadukemalu, sangkancahitanpahingan, bahancahimañakitina . marakejanituwurang, kajutenñahdajwamangurangin, hipangĕtakkudamatur̀, mabriyuksar̥ĕngsamyan, hinggiḥhinggiḥ, hiku dasujatinhipun, hatmansangdmĕnmahutang, tankatahur̀ngantosmati. picĕndĕk'hipunkabirat, nikitityanghatmansangkabirati [6 6A] n, nemangkinpadamacĕpuk, tur̀sampunkalugrayan, mayakitin, sadurunghipunenahur̀, tanwĕnangdadosjadma, kamr̥ĕcapa damawali. pasĕngkĕresyutitan, saruisaripunhuningangtityangnemangkin, sangbimahalonhamuwus, naḥcahihajakmakĕjang, l̥ĕwiḥkuda, kapatutcahimanutug, mangiringsangpañcapaṇdhawa, miwaḥprabhurapati, hirapacangngawirangang, pamar̀ggine, sang paṇdhawarahinadalu, hamar̀gginetanraryanan, sapañjangpañjungingmar̀ggi. pamar̀gginesampunnungkap, gununggunungparangrejeng

Leaf 6

Image on Archive.org

[᭗ 7B] ᭗ ᬓᬩᬢᬸᬩᬸᬮᬶᬢᬦ᭄ᬓᬤᬸᬮᬸ᭞ᬓᬧᬗ᭄ᬕᬶᬳᬶᬦ᭄ᬚᬤ᭄ᬫᬓᬢᬄ᭞ᬲᬫᬶᬗᬫᭀᬂ᭞ᬲᬧ᭄ᬭᬩᭀᬢᬶᬂᬳᬮᬸᬓᬸ᭞ᬫᬶᬯᬄᬓᬢᭂᬓᬧᬂ᭞ᬓᭂᬩᭀᬫᬳᬶᬲᬫ᭄ᬯᬂᬲᬫ᭄ᬧᬶ ᬧᬗ᭄ᬕᬶᬳᬶᬦ᭄᭟ᬭᬶᬂᬧᬭᬂᬭᬾᬚᬾᬗᬾᬳᬶᬓ᭞ᬫ᭄ᬯᬄᬭᬶᬂᬩᬢᬸᬭᬶᬂᬲᬸᬓᬸᬲᬸᬦᬸᬶᬂᬓᬸᬦᬶᬂᬳᬸᬓᬶᬃ᭞ᬲᬫᬶᬓᭂᬩᭀᬦᬾᬫᬓ᭄ᬬᬸᬤ᭄᭞ᬤᬾᬓᬂᬓᬢᭀᬲᬾᬓᬮᬶᬯᬢ᭄᭞ᬢᬸᬃᬢᬦ᭄ᬫᬭᬶ ᭞ᬓᬲᬓᬶᬢᬶᬦ᭄ᬤᬾᬯᬾᬓ᭄ᬳᬶᬧ᭄ᬦ᭄᭞ᬢᬦ᭄ᬧᬶᬲᬦ᭄ᬓᬭᬭ᭄ᬬᬦᬂ᭞ᬓᬧᭂᬘᬸᬢᬶᬦ᭄ᬩᬦ᭄ᬮᬮᬶᬧᬶ᭟ᬕ᭄ᬮᬶᬲ᭄ᬲᬂᬩᬬᬸᬳᬢ᭄ᬫᬚ᭞ᬫᬦ᭄ᬓᬾᬦᬶᬦ᭄ᬲᬂᬓᬯ᭄ᬬᬰᬰᬶᬄ᭞ ᬳᬶᬄᬘᬳᬶᬧᬤᬢᬦ᭄ᬗᬶᬢ᭄ᬗ᭄᭞ᬓᬲᬓᬶᬢᬦ᭄ᬲᬫ᭄ᬧᬶᬫᬶᬲ᭞ᬢ᭄ᬯᬄᬘᬳᬶ᭞ᬗᭀᬤᬕᬂᬦᭂᬓᬧᬂᬤᬶᬢᬸ᭞ᬩᬲ᭄ᬢᬦ᭄ᬧᭂᬲᬦ᭄ᬫᬜᬬᬗᬂ᭞ᬲᬫ᭄ᬧᬶᬓᭂᬩᭀ [᭘ 8A] ᬫᬫᭂᬮᬶᬢ᭄᭟ᬳᭂᬦ᭄ᬘᬾᬦ᭄ᬳᬦᬾᬫᬗᬯᬦᬂ᭞ᬲᬗ᭄ᬓᬦ᭄ᬘᬳᬶᬲᬢᬢ᭞ᬩᬸᬤ᭄ᬥᬶᬜᬓᬶᬢᬶᬦ᭄᭞ᬳᬶᬚᬸᬭᬸᬢ᭄ᬓᬧ᭄ᬫᬲᬳᬸᬂ᭞ᬧᬳ᭄ᬢᬸᬭᬾᬲᬤᬩᬂᬕ᭄ᬭᬲ᭄ ᭞ᬳᬄᬲᬂᬩᬶᬫ᭞ᬢᬦ᭄ᬧᬶᬲᬦ᭄ᬳᬶᬤᬓᬧᬢᬸᬢᬸ᭞ᬮᬶᬗᬸᬭᬶᬂᬓᬃᬤᬶᬯᭀᬂᬮ᭄ᬬᬦ᭄᭞ᬫᬓᬤᬶᬳᬶᬤᬗᬛᬶᬦ᭄᭟ᬤᬸᬓ᭄ᬲᬂᬩᬶᬫᬫᬫ᭄ᬬᬃᬱ᭞ᬳᬯᬸᬂᬳᬶᬧᬸ ᬦ᭄ᬲᬂᬫᬢ᭄ᬓᬧ᭄ᬢᬦ᭄ᬧᬲ᭄ᬭᬸᬢᬶ᭞ᬓᬤᬳᬢᬦ᭄ᬳᬶᬤᬩᭂᬦ᭄ᬤᬸ᭞ᬭᬭᬶᬲ᭄ᬲᬫᬶᬘᬶᬦᭂᬓ᭄ᬮᬦ᭄᭞ᬢᬸᬭᬶᬦ᭄ᬫᬮᬶᬄ᭞ᬓᬢᬓᬾᬦᬶᬦ᭄ᬓᬦ᭄ᬤᬦᬶᬧᬸᬦ᭄᭞ᬩᬳᬦ᭄‌ᬢ᭄ᬯ ᬭᬫᬜᬬᬗᬂ᭞ᬓᬮᬶᬯᬢ᭄ᬳᬶᬧᬸᬦ᭄ᬫᬶᬲᬓᬶᬢᬶᬦ᭄᭟ᬫᬳᬢᬸᬃᬲᬂᬓᬢᬓᬾᬦᬦ᭄᭞ᬳᬶᬗ᭄ᬕᬶᬄᬭᬢᬸᬳ᭄ᬬᬂᬫᬗᬸᬦᬶᬗᬬᬂᬳᬶᬦ᭄ᬤᬶᬓ᭄᭞ᬬᬦ᭄ᬫᬸᬗ᭄ᬕᬸ

Auto-transliteration

[7 7B] 7 kabatubulitankadulu, kapanggihinjadmakataḥ, samingamong, saprabotinghaluku, miwaḥkatĕkapang, kĕbomahisamwangsampi panggihin. ringparangrejengehika, mwaḥringbaturingsukusunuingkuninghukir̀, samikĕbonemakyud, dekangkatosekaliwat, tur̀tanmari , kasakitindewek'hipn, tanpisankararyanang, kapĕcutinbanlalipi. glissangbayuhatmaja, mankeninsangkawyaśaśiḥ, hiḥcahipadatanngitng, kasakitansampimisa, twaḥcahi, ngodagangnĕkapangditu, bastanpĕsanmañayangang, sampikĕbo [8 8A] mamĕlit. hĕncenhanemangawanang, sangkancahisatata, buddhiñakitin, hijurutkapmasahung, pahturesadabanggras , haḥsangbima, tanpisanhidakapatutu, linguringkar̀diwonglyan, makadihidangajhin. duksangbimamamyar̀ṣa, hawunghipu nsangmatkaptanpasruti, kadahatanhidabĕndu, rarissamicinĕklan, turinmaliḥ, katakeninkandanipun, bahantwa ramañayangang, kaliwat'hipunmisakitin. mahatur̀sangkatakenan, hinggiḥratuhyangmanguningayanghindik, yanmunggu

Leaf 7

Image on Archive.org

[᭗ 7B] ᭗ ᬳᬶᬂᬳᬶᬧᬸᬦ᭄ᬳᬶᬍᬫ᭄ᬩᬸ᭞ᬳᬶᬓ᭄ᬩᭀᬫᬶᬯᬄᬫᬳᬶᬲ᭞ᬬᬦ᭄ᬢᬶᬦ᭄ᬳᬶᬧᬸᬦ᭄᭞ᬳᬢ᭄ᬫᬲᬫ᭄ᬬᬦ᭄ᬧᬸᬦᬶᬓᬸ᭞ᬳᬶᬗ᭄ᬕᬶᬳᬦ᭄ᬲᬓᬤᬶᬢᬶᬢ᭄ᬬᬂ᭞ᬢᬍᬃᬳᬢ᭄ᬫ᭄ᬫᬲᬋᬂᬲᬫᬶ᭟ᬲᬤᬸ ᬦᬾᬭᬶᬂᬚᬦᬧᬤ᭞ᬧᬸᬦ᭄ᬳᬶᬓ᭄ᬩᭀᬫᬳᬶᬲᬓᬮᬯᬦ᭄ᬲᬫ᭄ᬧ᭄᭞ᬫᬦᬸᬱᬲᬸᬚᬢᬶᬦᬶᬧᬸᬦ᭄᭞ᬦᬗ᭄ᬳᬶᬂᬳᬶᬧᬸᬦ᭄ᬓᬮᬶᬗᬦ᭄ᬢᬗᬦ᭄᭞ᬫᬜᬓᬶᬢᬶᬦ᭄᭞ᬫᬗᬸᬤᬸ ᬳᬂᬢᬦ᭄ᬧᬲᬶᬓᬸᬢ᭄᭞ᬫᬮᬶᬄᬢᬦ᭄ᬳᬾᬮ᭄ᬗ᭄ᬭᬶᬂᬢᬺᬱ᭄ᬡᬦ᭄᭞ᬭᬶᬂᬓᬤᬂᬯᬃᬕ᭄ᬕᬦᬾ ᬲᬫᬶ᭟ᬬᬾᬦ᭄ᬩᬸᬯᬢ᭄ᬳᬶᬧᬸᬦ᭄ᬧᬸᬦᬶᬓ᭞ᬚᬦ᭄ᬫᬲᬸᬕᬶᬄᬲᬢᬢᬦᬕᬶᬄᬤ ᬲᬭᬶᬦ᭄᭞ᬬᬾᬦ᭄ᬳᬶᬯᬂᬳᬗᬦ᭄ᬳᬤᬯᬸᬄ᭞ᬧᬲ᭄ᬢᬶᬳᬶᬧᬸᬦ᭄ᬗᬧᬓ᭄ᬳᬧᬓ᭄‌ᬓ᭄ᬭᬸᬡᬤ᭄ᬤᬶᬮ᭄᭞ᬫᬢ᭄ᬩᬢᬂᬦᬾᬲᬫ᭄ᬧᬸᬦ᭄ᬮᬗ᭄ᬓᬸᬂ᭞ᬲ᭄ᬫᬳᬶᬲᬫᬶᬬᬗᬸᬩᬸᬭᬂ᭞ᬗ [᭘ 8A] ᬯᬶᬦᬂᬲᬓᬶᬢ᭄ᬳᬢᬶ᭟ᬭᬶᬓᬮᬧᬸᬦᬸᬶᬧᬸᬶᬦ᭄ᬫᬓᬃᬬ᭄ᬬ᭞ᬮᬶᬯᬢ᭄ᬳᬩᭀᬢ᭄ᬫᬗᬶᬗᬸᬓᬮᬶᬦ᭄ᬢᬂᬤ᭄ᬫᬶᬢ᭄᭞ᬢᬶᬢ᭄ᬬᬂᬓᬢᬸᬦ᭄ᬤᬾᬦ᭄‌ᬦᬾᬤᬸᬫᬸᬦ᭄᭞ᬩᬲ᭄ᬢᬦ᭄ᬧᬶᬲ ᬦ᭄ᬳᬶᬲᬶᬗᬂ᭞ᬲᬗ᭄ᬓᬦ᭄ᬫᬗ᭄ᬓᬶᬦ᭄᭞ᬲᬫ᭄ᬧᬸᬦᬾ᭞ᬧᬤᭂᬫ᭄ᬫᬘᭂᬧᬸᬓ᭄᭞ᬳᬶᬧᬸᬦ᭄ᬤᬤᭀᬲ᭄‌ᬲᬸᬓᬸᬫ᭄ᬧᬢ᭄᭞ᬓ᭄ᬩᭀᬫᬶᬲᬫ᭄ᬯᬄᬲᬫ᭄ᬧᬶ᭟ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬗ᭄ᬯᬍᬲᬂ᭞ ᬫᬜᬓᬶᬢᬶᬦ᭄‌ᬍᬢᭂᬳᬶᬧᬸᬦ᭄ᬩᬦᬶ᭞ᬜᬓᬶᬢᬶᬦ᭄ᬳ᭄ᬧᬸᬦ᭄ᬤᬶᬕᬸᬦᬸᬂ᭞ᬕᬦ᭄ᬢᬸᬗᬶᬦ᭄ᬢᬶᬢ᭄ᬬᬂᬢᬗ᭄ᬕᬮ᭞ᬲᬳᬶᬲᬳᬶ᭞ᬲ᭄ᬯᬾᬦᬶᬧᬸᬦ᭄ᬲ᭄ᬬᬸᬢᬳᬸᬦ᭄᭞ᬮᬭᬦᬾ ᬢᬦ᭄ᬯᭂᬦᬂᬲᬸᬧᬢ᭄᭞ᬢᬦ᭄ᬓᬾᬦᬵᬕᬶᬦ᭄ᬫᬦ᭄ᬤᬤᭀᬲ᭄ᬚᬤ᭄ᬫᬵ᭟ᬲᬂᬩᬶᬫᬦ᭄ᬫ᭄ᬩᬮ᭄ᬗᬦ᭄ᬤᬶᬓ᭞ᬦᬄᬢᭀᬘᬳᬶᬳᬚᬓ᭄ᬫᬓ᭄ᬚᬂᬦᬾ ᬚᬦᬶ᭞ᬫᬦᬶᬭᬲᬗ᭄ᬕᬸᬧ᭄ᬫᬦᬗ᭄ᬕᬸᬂ

Auto-transliteration

[7 7B] 7 hinghipunhil̥ĕmbu, hikbomiwaḥmahisa, yantinhipun, hatmasamyanpuniku, hinggihansakaditityang, tal̥ĕr̀hatmmasar̥ĕngsami. sadu neringjanapada, punhikbomahisakalawansamp, manuṣasujatinipun, nanghinghipunkalingantangan, mañakitin, mangudu hangtanpasikut, maliḥtanhelngringtr̥ĕṣṇan, ringkadangwar̀ggane sami. yenbuwat'hipunpunika, janmasugiḥsatatanagiḥda sarin, yenhiwanghanganhadawuḥ, pastihipunngapak'hapakkruṇaddil, matbatangnesampunlangkung, smahisamiyanguburang, nga [8 8A] winangsakit'hati. rikalapunuipuinmakar̀yya, liwat'habotmangingukalintangdmit, tityangkatundennedumun, bastanpisa nhisingang, sangkanmangkin, sampune, padĕmmacĕpuk, hipundadossukumpat, kbomisamwaḥsampi. mangkintityangmangwal̥ĕsang, mañakitinl̥ĕtĕhipunbani, ñakitinhpundigunung, gantungintityangtanggala, sahisahi, swenipunsyutahun, larane tanwĕnangsupat, tankenāginmandadosjadmā. sangbimanmbalngandika, naḥtocahihajakmakjangne jani, manirasanggupmananggung

Leaf 8

Image on Archive.org

[᭘ 8B] ᭘ ᭞ᬲᬓᬢᬄᬓᬢᬄᬳᬸᬯᬂᬜ᭞ᬓᬭᬦᬘᬳᬶ᭞ᬧᬢᬸᬢᬸᬘᬳᬶᬫᬦᬸᬢᬸᬕ᭄᭞ᬗᬶᬭᬸᬶᬗᬂᬲᬓᬤᬂᬦᬶᬭ᭞ᬓᬢ᭄ᬓᬦᬶᬦ᭄‌ᬓ᭄ᬩᭀᬲᬫ᭄ᬧᬶ᭟ᬲᬂᬳᬢ᭄ᬫᬫ ᬢᬸᬃᬲᬫ᭄ᬬᬦ᭄᭞ᬢᬸᬃᬫᬗᬶᬭᬶᬂᬲᬧᬜ᭄ᬚᬂᬧᬜ᭄ᬚᬗᬶᬂᬫᬃᬕ᭄ᬕᬶ᭞ᬳᬢ᭄ᬫᬦᬾᬫᬋᬭᭀᬤ᭄ᬦᬸᬢᬸᬕ᭄᭞ᬓᬢ᭄ᬓᬦᬶᬂᬲᬫ᭄ᬧᬶᬚᬭᬦ᭄᭞ᬢᬦ᭄ᬤᭀᬄᬧᬸᬦᬂ᭞ᬓ᭄ᬩᭀᬫᬳᬶᬲ ᬦᬾᬢᬸᬫᬸᬢ᭄᭞ᬧᬫᬃᬕ᭄ᬕᬶᬦᬾᬢᬦ᭄ᬭᬭ᭄ᬬᬦᬦ᭄᭞ᬗᬮᬦ᭄ᬢᬸᬃᬭᬳᬶᬦᬯ᭄ᬗᬶ᭟ᬕ᭄ᬮᬶᬲ᭄ᬫᬕᭂᬦ᭄ᬢᭀᬲ᭄ᬭᬳᬶᬦ᭞ᬧᬫᬃᬕ᭄ᬕᬶᬦᬾ ᬲᬫ᭄ᬧᬸᬦ᭄ᬳᭀᬮᬶᬄᬢᬶᬕᬂᬯᬳᬶ᭞ ᬫᬫᬗ᭄ᬕᬶᬳᬶᬦ᭄ᬳᬮᬲ᭄ᬳᬕᬸᬂᬫ᭄‌ᬳᭂᬢ᭄ᬫᬳᬶᬍᬄᬳᬶᬍᬳᬦ᭄᭞ᬢᬸᬃᬓᬳᬓ᭄ᬱᬶ᭞ᬭᬶᬂᬲ᭄ᬮᬦᬶᬂᬳᬮᬲ᭄ᬳᬶᬓᬸ᭞ᬩᬗ᭄ᬓᬸᬂᬩ᭄ᬯᬂᬮᬶᬯᬢ᭄ᬕᬮᬓ᭄᭞ᬳᬲᬶᬂᬩᬸᬭᭀᬦ᭄ᬓᬧ [᭙ 9A] ᬧᬭᬦᬶᬦ᭄᭟ᬳᬶᬲᬶᬦ᭄ᬳᬮᬲᬾᬧᬢ᭄ᬮᬬᬂ᭞ᬚᭂᬚᭂᬄᬢᬓᬸᬢ᭄ᬩᬦ᭄‌ᬩ᭄ᬯᬗᬾᬢᬶᬤᭀᬂᬕᬶᬕᬶᬲ᭄᭞ᬳᬦᬾᬧᬳᭂᬓ᭄ᬓᬢᬸᬢᬸᬕ᭄᭞ᬗᬮᬾᬭᬂᬫ᭄ᬯᬂᬗᬮᭀᬤᬂ᭞ ᬓᬯᬸᬄᬓᬗᬶᬂ᭞ᬓᬳᬶᬦ᭄ᬢ᭄ᬮ᭄ᬳᬶᬦ᭄ᬢᬶᬮ᭄ᬫᬦᬸᬢᬸᬕ᭄᭞ᬗᬍᬫᭂᬲᬶᬦ᭄ᬫᬗᬶᬤᬶᬄᬯᭂᬮᬲ᭄᭞ᬫᬗ᭄ᬤᬾᬦᬾ ᬮᬸᬓᬦᬸᬗ᭄ᬕᬗᬶᬦ᭄᭟ᬤᬾᬦᬶᬂᬢᬦ᭄ᬧᬶᬲᬦ᭄ᬜᬶᬤ ᬬᬂ᭞ᬫᬦᬳᭂᬦᬂᬲ᭄ᬫᬭᬕᬫᬦᬾᬗᭂᬩᭂᬓᬶᬦ᭄᭞ᬳᬶᬩᬗ᭄ᬓᬸᬂᬯᬂᬯᬸᬲ᭄ᬭᬯᬸᬄ᭞ᬭᬶᬂᬳᬃᬱᬦ᭄ᬧᬜ᭄ᬘᬧᬡ᭄ᬥᬯ᭞ᬗᭀᬮᬲ᭄ᬳᬲᬶᬄ᭞ᬧᬶᬢᭀᬯᬶᬳᬶᬩᬗ᭄ᬓᬸᬂ ᬩᬸᬤᬸᬄ᭞ᬩᬕᬦ᭄ᬬᬕᬶᬦ᭄ᬭᬫᬸᬲᬦ᭄᭞ᬓᬳᬢᬸᬭᬶᬦ᭄ᬦᬸᬭᭀᬦᬶᬦ᭄᭟ᬲᬃᬯ᭄ᬯᬶᬳ᭄ᬧᬸᬦ᭄ᬫᬗᭀᬲᭀᬤᬂ᭞ᬫᬭᬶᬂᬳᬶᬲ᭄ᬫᬫᬦᬸᬦᬲ᭄ᬓ᭄ᬭᬶᬤᬓᬭ

Auto-transliteration

[8 8B] 8 , sakataḥkataḥhuwangña, karanacahi, patutucahimanutug, ngiruingangsakadangnira, katkaninkbosampi. sanghatmama tur̀samyan, tur̀mangiringsapañjangpañjangingmar̀ggi, hatmanemar̥ĕrodnutug, katkaningsampijaran, tandoḥpunang, kbomahisa netumut, pamar̀gginetanraryanan, ngalantur̀rahinawngi. glismagĕntosrahina, pamar̀ggine sampunholiḥtigangwahi, mamanggihinhalashagungmhĕtmahil̥ĕḥhil̥ĕhan, tur̀kahaksyi, ringslaninghalashiku, bangkungbwangliwatgalak, hasingburonkapa [9 9A] paranin. hisinhalasepatlayang, jĕjĕḥtakutbanbwangetidonggigis, hanepahĕkkatutug, ngalerangmwangngalodang, kawuḥkanging, kahintlhintilmanutug, ngal̥ĕmĕsinmangidiḥwĕlas, mangdene lukanunggangin. deningtanpisanñida yang, manahĕnangsmaragamanengĕbĕkin, hibangkungwangwusrawuḥ, ringhar̀ṣanpañcapaṇdhawa, ngolashasiḥ, pitowihibangkung buduḥ, baganyaginramusan, kahaturinnuronin. sar̀wwihpunmangosodang, maringhismamanunaskridakara

Leaf 9

Image on Archive.org

[᭙ 9B] ᭙ ᬲ᭄ᬫᬶᬦ᭄᭞ᬢᬸᬮᬾᬦᬵᬲᭀᬮᬳᬶᬂᬯᭀᬂᬮᬸᬘᬸ᭞ᬜᬸᬦ᭄ᬤᭂᬮ᭄ᬓᬮᬶᬯᬢ᭄ᬧᭀᬗᬄ᭞ᬤᬶᬢᬸᬢᬸᬲᬂᬩᬶᬫ᭞ᬓᬮᬗ᭄ᬓᬸᬂᬩᬳᬦ᭄ᬩᭂᬦ᭄ᬤᬸ᭞ᬮᬶᬧᬸᬢ᭄‌ᬓᬾᬫ ᬤ᭄ᬳᬶᬤᬜᬶᬗᬓ᭄᭞ᬓᬘᬦ᭄ᬤᬓ᭄ᬭᬭᬶᬲ᭄ᬓᬧᬦ᭄ᬢᬶᬕ᭄᭞ᬭᬶᬂᬩᬳᬸᬦᬾᬓᬢᬶᬕ᭄ᬢᬶᬕ᭄᭞ᬓᬳᬶᬫ᭄ᬩᬸᬳᬶᬦ᭄ᬓᬕᬶᬢᬶᬓ᭄ᬩᬦ᭄ᬕᬤᬩ᭄ᬲᬶ᭞ᬤᬾᬯᬾᬓ᭄‌ᬳᬶᬧᬸ ᬦ᭄‌ᬤᭂᬓ᭄ᬤᭂᬓ᭄‌ᬋᬫᬸᬓ᭄᭞ᬭᬶᬲᬯᬸᬲᬾᬓᬢᬶᬕ᭄ᬢᬶᬕᬂ᭞ᬳᬗ᭄ᬳᬶᬂᬩᭀᬬ᭞ᬜᬶᬤ᭄ᬥᬬᬂᬧᬤᭂᬫ᭄ᬳᬶᬩᬗ᭄ᬓᬸᬂ᭞ᬓᬾᬯᬮᬦᬦ᭄ᬤᬂᬲᬗ᭄ᬲᬭ᭞ᬫᬲᬲᬫ᭄ᬩᬢᬦ᭄ᬫ ᬜ᭄ᬭᬶᬢ᭄᭞ᬳᬢᬸᬃᬳᬶᬧᬸᬦ᭄ᬓᬤᬶᬚᬤ᭄ᬫ᭞ᬗᭀᬮᬲ᭄ᬳᬲᬶᬄᬦᬸᬦᬲ᭄ᬳᬫ᭄ᬧᬸᬭᬫᬗᭂᬮᬶᬂ᭞ᬳᬤᬸᬄᬭᬢᬸᬲᬶᬦᬸᬳᬸᬦ᭄᭞ᬳᬫ᭄ᬧᬸᬭᬦᬳᬸᬕᬶᬢᬶᬢ᭄ᬬᬂ᭞ᬓᬳᬶᬯᬗ [᭑᭐ 10A] ᬦ᭄᭞ᬢᬶᬢ᭄ᬬᬗᬾᬲᬓᬤᬶᬯᬳᬸ᭞ᬲᬂᬩᬶᬫᬕ᭄ᬮᬶᬲ᭄ᬗᬦ᭄ᬤᬶᬓ᭞ᬲᬃᬯ᭄ᬯᬶᬳᬶᬤᬫᬦᬓᬾᬦᬶᬦ᭄᭞ᬓᬾᬦ᭄ᬓᬾᬦ᭄ᬓᬦ᭄ᬤᬦ᭄ᬜᬦᬾᬲᬸᬩ᭞ᬲᬗ᭄ᬓᬦ᭄ᬤᬤᬶᬩᬗ᭄ᬓᬸᬂᬩ᭄ᬯᬂᬩᬸᬓ ᬚᬦᬶ᭞ᬢᬸᬢᬸᬭᬂᬓᬚᬢᬾᬦ᭄ᬳᬶᬧᬸᬦ᭄᭞ᬳ᭄ᬤᬢ᭄ᬓᬍᬩᬶᬄᬓ᭄ᬯᬂ᭞ᬳᬶᬲᬸᬓᬭᬶ᭞ᬳᬮᭀᬦ᭄‌ᬳᭀᬮᬶᬄᬳᬶᬧᬸᬦ᭄ᬫᬢᬸᬃ᭞ᬳᬶᬗ᭄ᬕᬶᬄᬭᬢᬸᬧ᭄ᬬᬃᬱᬬᬂ᭞ᬳᬢᬸᬃᬢᬶᬢ᭄ᬬᬗᬾ ᬲᬸᬚᬢᬶ᭟ᬲᬤᬸᬓᬾ ᬭᬶᬂᬫᬺᬘᬧᬤ᭞ᬤᬸᬓᬶᬂᬗᬸᬦᬶᬢᬶᬢ᭄ᬬᬂᬚᬤ᭄ᬫᬮᬸᬄᬚᬄᬮᬶᬃ᭞ᬤᬳᬢ᭄ᬮᭀᬩᬭᬶᬂᬯᭀᬃᬓᬓᬸᬂ᭞ᬢᬦ᭄ᬫᬗᬶᬢᬸᬂᬢ᭄ᬯᬩᬚᬂ᭞ᬢᬶᬯᬲ᭄ᬲᬸᬕᬶᬄ᭞ᬳ ᬚᬓ᭄ᬳᬚᬓ᭄ᬢᬶᬢ᭄ᬬᬂᬫᬢ᭄ᬫᬸ᭞ᬳᬦ᭄ᬗᬶᬢᬸᬗᬂᬧ᭄ᬢᭂᬂᬍᬫᬄ᭞ᬢᬸᬃᬢᬦ᭄ᬗᬶᬢᬸᬂᬲᬶᬓᬶᬓᬮᬶᬄ᭟ᬲᬳᬶᬢᬶᬢ᭄ᬬᬂᬗᬧᬸᬲ᭄ᬲᭀᬫᬄ᭞ᬫᬗ᭄ᬤᬾᬦ᭄ᬳᬶᬧᬸᬦ᭄ᬓᬲᬸᬓᬾᬦ᭄ᬢᬶᬢ᭄ᬬᬂᬫᬕ᭄ᬤᬶ

Auto-transliteration

[9 9B] 9 smin, tulenāsolahingwonglucu, ñundĕlkaliwatpongaḥ, ditutusangbima, kalangkungbahanbĕndu, liputkema d'hidañingak, kacandakrariskapantig, ringbahunekatigtig, kahimbuhinkagitikban'gadabsi, dewek'hipu ndĕkdĕkr̥ĕmuk, risawusekatigtigang, hanghingboya, ñiddhayangpadĕmhibangkung, kewalanandangsangsara, masasambatanma ñrit, hatur̀hipunkadijadma, ngolashasiḥnunashampuramangĕling, haduḥratusinuhun, hampuranahugitityang, kahiwanga [10 10A] n, tityangesakadiwahu, sangbimaglisngandika, sar̀wwihidamanakenin, kenkenkandanñanesuba, sangkandadibangkungbwangbuka jani, tuturangkajatenhipun, hdatkal̥ĕbiḥkwang, hisukari, halonholiḥhipunmatur̀, hinggiḥratupyar̀ṣayang, hatur̀tityange sujati. saduke ringmr̥ĕcapada, dukingngunitityangjadmaluḥjaḥlir̀, dahatlobaringwor̀kakung, tanmangitungtwabajang, tiwassugiḥ, ha jak'hajaktityangmatmu, hanngitungangptĕngl̥ĕmaḥ, tur̀tanngitungsikikaliḥ. sahitityangngapussomaḥ, mangdenhipunkasukentityangmagdi

Leaf 10

Image on Archive.org

[᭑᭐ 10B] ᭑᭐ ᭞ᬗᬮᬶᬄᬧᬫᬶᬢ᭄ᬭᬫᬜᬭᬸ᭞ᬲ᭄ᬯᬾᬬᬦ᭄ᬢᬸᬓ᭄ᬢᬶᬢ᭄ᬬᬂᬗᭀᬮᬄ᭞ᬲᬫ᭄ᬧᬸᬦ᭄ᬫᬤᭂᬫ᭄᭞ᬢᬶᬢ᭄ᬬᬂᬦ᭄ᬫᬸᬧᬧᬦᬾ᭞ᬓᬮᬶᬦ᭄ᬢᬂᬮᬶᬦ᭄ᬢᬂ᭞ᬫᬦᬤᭀᬲ᭄ᬲᬸᬓᬭᬶᬚᬄᬮᬶᬂ᭟ᬢᬶᬢ᭄ᬬᬂᬦᬸ ᬦᬲ᭄ᬲᬲᬸᬧᬢᬦ᭄᭞ᬫᬗ᭄ᬤᬾᬳᬸᬲᬦ᭄ᬫᬦᬤᭀᬲ᭄ᬲᬸᬓᬭᬶᬚᬄᬮᬶᬂ᭞ᬲᬂᬩᬶᬫᬳᬲ᭄ᬭᬸᬲᬸᬫᬳᬸᬃ᭞ᬦᬄᬦᬶᬭᬲᬗ᭄ᬕᬸᬧ᭄ᬫᬗᬸᬭᬸᬯᬢ᭄᭞ᬳᬗ᭄ᬳᬶᬂᬜᬳᬶ᭞ᬳᬧᬂᬓᬺᬂ ᬜᬳᬶᬦᬸᬢᬸᬕ᭄᭞ᬲᬧᬜ᭄ᬚᬂᬧᬜ᭄ᬘᬡᬶᬂᬳᬯᬦ᭄᭞ᬲᬲᬸᬓᬭᬶᬫᬫᬶᬲᬶᬗ᭄ᬕᬄ᭞ᬭᬶᬲᬫ᭄ᬧᬸᬦ᭄ᬲᬫᬶᬫᬫᬃᬕ᭄ᬕ᭞ᬤᬸᬭᬸᬂᬳᬤᭀᬄᬭᬭᬶᬲ᭄ᬳᬶᬤᬫᬜᬶᬗᬓᬶᬦ᭄᭞ᬘᬾ ᬮᬾᬦᬵᬕ᭄ᬩᬸᬢᬸᬳᬦ᭄ᬓᬧᬗ᭄ᬕᬸᬄ᭞ᬕᬮᬓᬾᬩᬶᬦᬩᬶᬦ᭞ᬲᬶᬭᬂᬩᬶᬫ᭞ᬜᬶᬗᬓ᭄ᬳᬶᬘᬾᬮᬾᬂᬤᬸᬫᬮᬸᬂ᭞ᬫᬫ᭄ᬩᬸᬭᬸᬲᬢᭀᬭᬶᬂᬳᬮᬲ᭄᭞ᬳᬲᬶᬂᬢ᭄ᬧᬸ [᭑᭑ 11A] ᬓ᭄ᬓᬢᬸᬗ᭄ᬕᬗᬶᬦ᭄᭞ᬧᬸᬦᬶᬓᬳᬢ᭄ᬫᬦᬶᬂᬚᬤ᭄ᬫ᭞ᬦᬾᬗᬸᬮᬸᬭᬶᬦ᭄ᬗᬸᬮᬸᬭᬶᬦ᭄ᬤᭂᬫᭂᬦᬾᬭᬶᬂᬳᬦᬓ᭄ᬳᬶᬲ᭄ᬢ᭄ᬭᬶ᭞ᬢᬦ᭄ᬓᬗ᭄ᬕᭀᬤᬤ᭄ᬯᬢ᭄ᬮᬸ᭞ᬚᬦᬶᬓᬾᬦᬾᬢ᭄ᬫᬳᬦ᭄ᬜ᭞ᬤ ᬤᬶᬩᬯᬶ᭞ᬢᭀᬂᬲᬸᬳᬸᬦ᭄ᬤᬤᬶᬓᬳᬸᬂ᭞ᬫᬶᬤᭂᬃᬫᬭᬶᬂᬳᬮᬲ᭄ᬯᬬᬄ᭞ᬓᬾᬢᭀᬓᬳᬸᬘᬧ᭄ᬭᬶᬂᬳᬚᬶ᭟ᬫᬮᬶᬄᬳᬶᬤᬫᬓᬸᬢᬸᬕᬂ᭞ᬫᬸᬶᬧᬫᬃᬕ᭄ᬕᬶᬦᬾᬓᬧ ᬗ᭄ᬕᬶᬄᬲᬂᬘᬩᭀᬮᬗ᭄ᬓᬶᬓ᭄᭞ᬕᬯᬾᬦ᭄ᬜᬦᬾᬢᬦ᭄ᬲᬸᬳᬸᬤ᭄ᬲᬸᬳᬸᬤ᭄᭞ᬮᬸᬶᬗ᭄ᬮᬦ᭄ᬤᬓ᭄ᬫᬓᬃᬬ᭄ᬬᬕᭀᬯᬢᬦ᭄ᬲᬶᬦᬶᬧᬶ᭞ᬓᬤᬍᬫᬄᬗᬵᬯᬳᬶ ᬓᬸ᭞ᬧᬸᬦᬶᬓᬳᬢ᭄ᬫᬦᬶᬂᬯ᭄ᬯᬂ᭞ᬤᬸᬃᬚ᭄ᬚᬦᬫᬦ᭄ᬤᬸᬱ᭄ᬝᬲᬳᬶ᭟ᬓᬳᬗ᭄ᬕᬾᬦ᭄ᬧᬗᬸᬧᬚᬶᬯ᭞ᬲᬳᬶᬲᬳᬶᬓᬾᬢᭀᬢᬸᬢᬸᬭᬦ᭄ᬜᬢ᭄ᬯᬶ᭞ᬲᬗ᭄ᬓᬦ᭄ᬫᬗ᭄ᬮᬦ᭄ᬤᬓ᭄ᬫ

Auto-transliteration

[10 10B] 10 , ngaliḥpamitramañaru, sweyantuktityangngolaḥ, sampunmadĕm, tityangnmupapane, kalintanglintang, manadossukarijaḥling. tityangnu nassasupatan, mangdehusanmanadossukarijaḥling, sangbimahasrusumahur̀, naḥnirasanggupmanguruwat, hanghingñahi, hapangkr̥ĕng ñahinutug, sapañjangpañcaṇinghawan, sasukarimamisinggaḥ, risampunsamimamar̀gga, durunghadoḥrarishidamañingakin, ce lenāgbutuhankapangguḥ, galakebinabina, sirangbima, ñingak'hicelengdumalung, mamburusatoringhalas, hasingtpu [11 11A] kkatunggangin, punikahatmaningjadma, nengulurinngulurindĕmĕneringhanak'histri, tankanggodadwatlu, janikenetmahanña, da dibawi, tongsuhundadikahung, midĕr̀maringhalaswayaḥ, ketokahucapringhaji. maliḥhidamakutugang, muipamar̀gginekapa nggiḥsangcabolangkik, gawenñanetansuhudsuhud, luinglandakmakar̀yyagowatansinipi, kadal̥ĕmaḥngāwahi ku, punikahatmaningwwang, dur̀jjanamanduṣṭasahi. kahanggenpangupajiwa, sahisahiketotuturanñatwi, sangkanmanglandakma

Leaf 11

Image on Archive.org

[᭑᭑ 11B] ᭑᭑ ᬗᬳᬸᬂ᭞ᬫᭀᬗ᭄ᬧᬾᬂᬳᬸᬫᬄᬳᬦᬓ᭄ᬮ᭄ᬬᬦ᭄᭞ᬳᬦ᭄ᬫᬫᬶᬮᬶᬄᬧᬧᬗᬦᬦ᭄ᬲᬸᬘᬶᬍᬢᬸᬄ᭞ᬳᬲᬶᬂᬓᬧᬗ᭄ᬕᬶᬄᬓᬢᬤᬄ᭞ᬘᬭᬶᬓᬦ᭄ᬫᬲᬶᬄᬓᬪᬸᬓ᭄ᬢᬶ᭟ ᬲᬗ᭄ᬓᬦ᭄ᬜᬫᬦ᭄ᬫᬸᬲᬲᬃ᭞ᬓᬸᬤᬂᬢᬳᬸᬦ᭄ᬤᬤᬶᬲᬫ᭄ᬩᬸᬓᬳᬸᬭᬳᬓᬶᬂ᭞ᬘᬫ᭄ᬭᬩ᭄ᬭᬕ᭄ᬳᬭᬦ᭄ᬳᬶᬓᬸ᭞ᬳᬦ᭄ᬭᬸᬲ᭄ᬫᬮᬶᬄᬫᬫᬃᬕ᭄ᬕ᭞ᬫᬫᬗ᭄ᬕᬶᬳᬶᬦ᭄᭞ᬯ᭄ᬬᬕ᭄ᬭ ᬭᭀᬤ᭄ᬭᬓᬧᬗ᭄ᬕᬸᬄ᭞ᬫᬗ᭄ᬤᬂᬭᬶᬂᬚᬮᬦ᭄᭞ᬬᬾᬦ᭄ᬢᬸᬢᬸᬭᬦ᭄ᬜᬦᬾᬗᬸᬦᬶ᭟ᬚᬸᬭᬸᬳᬧᬸᬲ᭄ᬳᬧᬸᬲ᭄‌ᬢᭂᬫ᭄ᬧᬮ᭄᭞ᬲᬳᬶᬲᬳᬶᬦᬕᬶᬄᬧᬾᬦ᭄ᬤᬄᬧᬶᬧᬶ ᬲ᭄᭞ᬓᬾᬢᭀᬕᬯᬾᬦ᭄ᬜᬲᬢᬳᬸᬦ᭄᭞ᬓᭂᬫᬫᬳᬶᬫᬳᬗ᭄ᬓᬸᬳᬦ᭄᭞ᬬᬾᬦ᭄ᬢᬸᬢᬸᬭᬾ᭞ᬳᬢ᭄ᬫᬦ᭄ᬲᬂᬤ᭄ᬫᭂᬦ᭄ᬫᬗᬧᬸᬲ᭄᭞ᬕᬯᬾᬦ᭄ᬜᬫᬦᬗ᭄ᬕᬧ᭄ᬳᬸᬧᬄ᭞ [᭑᭒ 12A] ᬗᬫᬢ᭄ᬬᬂᬚᬦ᭄ᬫᬢ᭄ᬯᬶ᭞ᬢᬦ᭄ᬧᬶᬲᬦ᭄ᬫᬤᬕᬶᬂᬤᭀᬲ᭞ᬚᬦᬶᬢ᭄ᬫᬸᬦᬭᬓᬦᬾᬢᬶᬤᭀᬂᬕᬶᬕᬶᬲ᭄᭞ᬲᬂᬩᬶᬫᬫᬮᬶᬄᬳᬫᬗ᭄ᬕᬸᬄ᭞ᬲᬓᬤᬶᬢᬶᬓᭂᬄᬓᬘᬶᬗᬓ ᭄᭞ᬕᬸᬮᬓ᭄ᬕᬸᬮᬶᬓ᭄᭞ᬮᬮᬶᬦ᭄ᬢᬄᬓ᭄ᬚᬮᬢᬶᬓᬮᬸᬂ᭞ᬳᬢ᭄ᬫᬦ᭄ᬲᬂᬤ᭄ᬫᭂᬦ᭄ᬦ᭄ᬫᬸᬢ᭄ᬭᬦᬂ᭞ᬮᬶᬯᬢ᭄ᬕᭂᬫᭂᬲ᭄ᬫᬕᬶᬳᬶᬦ᭄᭞ᬧᬸᬢ᭄ᬭᬦᬾᬢ᭄ᬯᬭᬓᬶᬓᬶᬢᬦ᭄᭞ᬲᬗ᭄ᬓᬦ᭄ᬚᬦᬶᬤᬤᬶ ᬚᬸᬭᬸᬳᬶᬲᭂᬧ᭄ᬕᭂᬢᬶᬄ᭞ᬲᬂᬩᬶᬫᬫᬫᬮᬶᬄᬮᬸᬫᬓᬸ᭞ᬢᬸᬃᬫᬮᬶᬄᬳᬶᬤᬫᬜᬶᬗᬓ᭄᭞ᬲᬂᬲᬸᬩ᭄ᬭᬶᬦᬄ᭞ᬳᬶᬗ᭄ᬕᬶᬄᬳᬸᬍᬃᬳᬭᬦᬶᬧᬸᬦ᭄᭞ᬳᬕᭂᬗᬾᬓᬤᬶᬓᭂᬢᬸᬗᬦ᭄᭞ᬫᬜ ᬮᬦᬂᬢᬗ᭄ᬓᬄᬲᬳᬶ᭟ᬧᬸᬦᬶᬓᬳᬢ᭄ᬫᬦᬶᬂᬚᬤ᭄ᬫ᭞ᬕᭂᬕᭂᬢ᭄ᬤᭂᬫᬶᬢ᭄ᬮᬶᬗᬸᬭᬶᬂᬧᬦᬓ᭄‌ᬫᬶᬲ᭄ᬓᬶᬦ᭄᭞ᬲᬗ᭄ᬓᬦ᭄ᬚᬦᬶᬓᬢᭂᬫ᭄ᬯᬂᬦᬭᬓᬓᬾ᭞ᬢ᭄ᬯᬭᬓᬃᬯᬦ᭄ᬓᬸᬤᬂ

Auto-transliteration

[11 11B] 11 ngahung, mongpenghumaḥhanaklyan, hanmamiliḥpapanganansucil̥ĕtuḥ, hasingkapanggiḥkatadaḥ, carikanmasiḥkabhukti. sangkanñamanmusasar̀, kudangtahundadisambukahurahaking, camrabrag'haranhiku, hanrusmaliḥmamar̀gga, mamanggihin, wyagra rodrakapangguḥ, mangdangringjalan, yentuturanñanenguni. juruhapushapustĕmpal, sahisahinagiḥpendaḥpipi s, ketogawenñasatahun, kĕmamahimahangkuhan, yentuture, hatmansangdmĕnmangapus, gawenñamananggap'hupaḥ, [12 12A] ngamatyangjanmatwi, tanpisanmadagingdosa, janitmunarakanetidonggigis, sangbimamaliḥhamangguḥ, sakaditikĕḥkacingaka , gulakgulik, lalintaḥkjalatikalung, hatmansangdmĕnnmutranang, liwatgĕmĕsmagihin, putranetwarakikitan, sangkanjanidadi juruhisĕpgĕtiḥ, sangbimamamaliḥlumaku, tur̀maliḥhidamañingak, sangsubrinaḥ, hinggiḥhul̥ĕr̀haranipun, hagĕngekadikĕtungan, maña lanangtangkaḥsahi. punikahatmaningjadma, gĕgĕtdĕmitlinguringpanakmiskin, sangkanjanikatĕmwangnarakake, twarakar̀wankudang

Leaf 12

Image on Archive.org

[᭑᭒ 12B] ᭑᭒ ᬢᬳᬸᬦ᭄᭞ᬲᬂᬩᬶᬫᬫᬮᬶᬄᬫᬫᬃᬕ᭄ᬕ᭞ᬢᬸᬓᬤ᭄ᬤᬍᬫ᭄ᬓᬧᬗ᭄ᬕᬶᬳᬶᬦ᭄᭟ᬯᬳᬸᬢᭂᬤᬸᬦ᭄ᬭᬶᬂᬮ᭄ᬯᬄ᭞ᬫᬘᭂᬍᬩᬦ᭄ᬘᭀᬓᭀᬃᬳᬶᬤᬫᬓᬓᬮᬶᬄ᭞ᬳᬶᬩ᭄ᬯᬬᬳᬲ᭄ᬭᬸᬫ ᬜᬳᬸᬧ᭄᭞ᬲᬂᬩᬶᬫᬕ᭄ᬮᬶᬲ᭄ᬓᬲᬭᬧ᭄᭞ᬓ᭄ᬭᭀᬥᬕ᭄ᬮᬶᬲ᭄᭞ᬫᬭᬸᬓᭂᬢ᭄‌ᬢ᭄ᬗᬳᬶᬂᬭᬦᬸ᭞ᬳᬶᬩ᭄ᬯᬬᬯᬲ᭄ᬢᬸᬓᬲᭀᬭᬦ᭄᭞ᬦᬸᬦᬲ᭄ᬳᬶᬘᬗᬲᬶᬄᬳᬲᬶᬄ᭟ᬲᬃᬯ᭄ᬯᬶᬳᬶᬧᬸ ᬦ᭄ᬗᬸᬦᬶᬗᬬᬂ᭞ᬤᬸᬓᬶᬂᬗᬸᬦᬶᬤᬸᬓ᭄ᬓᬭᬶᬫᬗ᭄ᬤᬤᭀᬲ᭄ᬚᬤ᭄ᬫᬵ᭞ᬓᬮᬶᬦ᭄ᬢᬂᬤᬸᬃᬰᬶᬮᬦᬶᬧᬸᬦ᭄᭞ᬫᬫᬾᬕᬮ᭄ᬫᬶᬯᬄᬫᬫᬳᬓ᭄᭞ᬲ᭄ᬬᬂᬭᬢ᭄ᬭᬶ᭞ᬦᬾᬫᬗ᭄ᬓᬶᬦ᭄ᬧᬤᭂᬫᬾᬭᬯᬸᬄ᭞ ᬳᬢ᭄ᬫᬦᬾᬤᬤᭀᬲ᭄‌ᬩ᭄ᬯᬬ᭞ᬫᬢᬸᬗ᭄ᬕᬭᬶᬂᬢᬸᬓᬤ᭄ᬲᬳᬶ᭟ᬲᬂᬩᬶᬫᬳᬮᭀᬦ᭄ᬗᬦ᭄ᬤᬶᬓ᭞ᬓᬾᬦᬾᬘᬳᬶᬳᬶᬤᬫᬢᬸᬢᬸᬭᬶᬦ᭄ᬚᬦᬶᬤᬾᬦᬶᬂᬲᬲᬭᬾᬓᬮᬗ᭄ᬓᬸᬂ [᭑᭓ 13A] ᭞ᬲᬳᬶᬧᬢᬸᬢᬸᬦᬸᬢᬸᬕ᭄ᬳᬶᬭ᭞ᬫᬦᬶᬧ᭄ᬯᬦ᭄᭞ᬳᬤᬢᬺᬱ᭄ᬡᬦᬶᬭᬢᬸᬳᬸ᭞ᬫᬦᬶᬭᬲᬗ᭄ᬕᬸᬧ᭄ᬫᬗ᭄ᬭᬸᬯᬢ᭄᭞ᬳᬶᬩ᭄ᬯᬬᬫᬫᬶᬲᬶᬗ᭄ᬕᬶᬄ᭞ᬲᬂᬩᬶᬫᬕ᭄ᬮᬶᬲ᭄ᬗᬮᬶᬢᬂ᭞ᬤᬸᬭᬸᬂ ᬳᬤᭀᬄᬓᬕᬾᬢ᭄ᬳᬶᬤᬫᬫᬗ᭄ᬕᬶᬳᬶᬦ᭄᭞ᬲᬸᬦ᭄ᬤᭂᬮ᭄ᬩᭀᬮᭀᬂᬧᬳᬶᬓᬧ᭄ᬮᬸᬕ᭄᭞ᬭᬭᬾᬕᬾᬓ᭄ᬳᬜ᭄ᬚᬳᬜ᭄ᬚ᭞ᬳᬢ᭄ᬫᬦ᭄ᬲᬂ᭞ᬳᬸᬗ᭄ᬕᬤᬸᬄ᭞ᬘᭂᬢᬶᬓ᭄ᬳᬗᬭᬘᬸᬦ᭄᭞ᬢᬸ ᬩᬓᬮᬯᬦ᭄ᬳᬸᬧᬲ᭄᭞ᬢᭀᬂᬲᬸᬳᬸᬤ᭄ᬗᬤᬸᬄᬫᬜᭂᬢᬶᬓ᭄᭞ᬲᬂᬯᬺᬓᭀᬥᬭᬗᬦ᭄ᬤᬶᬓ᭞ᬓᬾᬦᬾᬲᬸᬩᬳᬢ᭄ᬫᬦ᭄ᬲᬂᬤ᭄ᬫᭂᬦ᭄ᬫᬜᭂᬢᬶᬓ᭄᭞ᬓᬮᬶᬯᬢ᭄ᬲᬲᬭᬾ ᬓᬢᭂᬧᬸᬓ᭄᭞ᬘᬳᬶᬘᬸᬶᬳᬸᬶᬜᬳᬶᬧᬤᬶᬗᭂᬳᬂ᭞ᬦᬄᬦᬾᬚᬦᬶ᭞ᬓᬺᬗᬂᬚᬦᬶᬧᬫᬦᬸᬢᬸᬕ᭄᭞ᬦᬶᬭᬦᬸᬦᬲᬂᬲᬂᬧᬗ᭄ᬭᬸᬯᬢ᭄᭞ᬢ᭄ᬓᬾᬦ᭄ᬲᬂᬬᭀᬕ᭄ᬬᬧᬺ

Auto-transliteration

[12 12B] 12 tahun, sangbimamaliḥmamar̀gga, tukaddal̥ĕmkapanggihin. wahutĕdunringlwaḥ, macĕl̥ĕbancokor̀hidamakakaliḥ, hibwayahasruma ñahup, sangbimagliskasarap, krodhaglis, marukĕttngahingranu, hibwayawastukasoran, nunashicangasiḥhasiḥ. sar̀wwihipu nnguningayang, dukingngunidukkarimangdadosjadmā, kalintangdur̀śilanipun, mamegalmiwaḥmamahak, syangratri, nemangkinpadĕmerawuḥ, hatmanedadosbwaya, matunggaringtukadsahi. sangbimahalonngandika, kenecahihidamatuturinjanideningsasarekalangkung [13 13A] , sahipatutunutug'hira, manipwan, hadatr̥ĕṣṇaniratuhu, manirasanggupmangruwat, hibwayamamisinggiḥ, sangbimaglisngalitang, durung hadoḥkaget'hidamamanggihin, sundĕlbolongpahikaplug, raregek'hañjahañja, hatmansang, hunggaduḥ, cĕtik'hangaracun, tu bakalawanhupas, tongsuhudngaduḥmañĕtik, sangwr̥ĕkodharangandika, kenesubahatmansangdmĕnmañĕtik, kaliwatsasare katĕpuk, cahicuihuiñahipadingĕhang, naḥnejani, kr̥ĕngangjanipamanutug, niranunasangsangpangruwat, tkensangyogyapr̥ĕ

Leaf 13

Image on Archive.org

[᭑᭓ 13B] ᭑᭓ ᬮᬶᬳᬶᬦ᭄᭞ᬢᬦ᭄ᬲᬸᬯᬾᬧᬜ᭄ᬘᬧᬡ᭄ᬥᬯ᭞ᬲᬋᬂᬳᬶᬤᬦᬣᬓᬺᬱ᭄ᬡᬳᬭᬶᬫᬸᬃᬣᬶ᭞ᬲᬂᬳᬗ᭄ᬓᬸᬲ᭄ᬧᬭᬦᬦ᭄ᬤᬸᬤᬸᬳ᭄ᬯᬳ᭄ᬯᬭᬭᬗᬸᬢᬦ᭄᭞ᬳᬸᬗ᭄ᬓᬓ᭄ᬳᬸᬗ᭄ᬓᬶᬓ ᭄᭞ᬲᬫ᭄ᬬᬦ᭄ᬫᬗᬕᭂᬫ᭄ᬩᬸᬮᬸᬄ᭞ᬯᬾᬦ᭄ᬢᭂᬦ᭄ᬗᬫᭂᬮ᭄ᬓᬬᬸᬘᬭᬂ᭞ᬓᬗ᭄ᬕᬾᬦ᭄ᬢᬢ᭄ᬓᭂᬦ᭄ᬫᬫᬃᬕ᭄ᬕᬶ᭟ᬧᬸᬦᬶᬓᬳᬢ᭄ᬫᬓᬲᬲᬃ᭞ᬳᬢ᭄ᬫᬢ᭄ᬳᬶᬤᬕ᭄ᬤᬾᬫ᭄ᬯᬄᬲᭂᬗ᭄ᬕᬸᬳᬸ᭞ᬲᬦᬾ ᬗᬮᬶᬜᭀᬢᬸᬃᬓᬸᬤᬸ᭞ᬓᬬᬸᬦᬾᬲᬢᬢᬮᭀᬪ᭞ᬢ᭄ᬯᬭᬳᬾᬮᬶᬂ᭞ᬯ᭄ᬓᬲᬦ᭄ᬧᬘᬂᬫᬦ᭄ᬫᬸ᭞ᬤᬤᬶᬳ᭄ᬯᬭᬭᬗᬸᬢᬦ᭄᭞ᬧᬓᭂᬓᭂᬳᬦ᭄ᬳᬸᬗ᭄ᬓᬓ᭄ᬳᬓ᭄᭞ ᬯ᭄ᬓᬲᬦ᭄‌ᬬᬦ᭄ᬲᬸᬳᬸᬦ᭄ᬓᬲᬲᬃ᭞ᬓᬢᬸᬭᬸᬦᬂᬓᬚᬦᬮᭀᬓᬫᬯᬮᬶ᭞ᬢᭀᬫᬲᬶᬲᬲᬭᬾᬢᭂᬧᬸᬓ᭄᭞ᬳᬧᬦ᭄ᬤᬸᬓ᭄ᬳᬸᬭᬶᬧᬾᬲᬸᬩ᭞ᬓᬤᬶᬩᬶᬦᬶᬄ [᭑᭔ 14A] ᭞ᬤᬾᬦᬶᬂᬓᬾᬢᭀᬦᬾ ᬓᬢᬚᬸᬓ᭄᭞ᬧ᭄ᬤᬲᬬᬾᬓᬾᬢᭀᬢᭂᬫ᭄ᬯᬂ᭞ᬓᬾᬢᭀᬓᬳᬸᬘᬧ᭄ᬭᬶᬂᬳᬚ᭄᭟ᬲᬂᬧᬡ᭄ᬥᬯᬫᬦᬸᬢᬸᬕᬂ᭞ᬧᬫᬃᬕ᭄ᬕᬶᬦᬾᬲᬂᬩᬶᬫᬳᬶᬤ ᬜᬶᬗᬓᬶᬦ᭄᭞ᬭᬓ᭄ᬱᬲᬫᬜᬸᬳᬸᬦ᭄ᬕᬸᬦᬸᬂ᭞ᬗᬸᬭᬓ᭄ᬳᬭᬶᬓ᭄‌ᬬᬫᬗ᭄ᬭᬓ᭄᭞ᬳᬲᬶᬂᬳᬲᬶᬂ᭞ᬦᭂᬧᬸᬓᬶᬦ᭄ᬮᬯᬸᬢ᭄ᬫᬦᬶᬫ᭄ᬧᬸᬕ᭄᭞ᬳᬦ᭄ᬢᬸᬓᬶᬂᬩᬢᬸᬩᬸᬮᬶᬢᬦ᭄᭞ᬫ ᬗ᭄ᬭᬶᬓ᭄ᬓᬮᬶᬯᬵᬢ᭄ᬲᬓᬶᬢ᭄᭟ᬢ᭄ᬯᬭᬲᬸᬳᬸᬤ᭄ᬧ᭄ᬢᭂᬂᬮ᭄ᬫᬄ᭞ᬜᬸᬳᬸᬦ᭄ᬕᬸᬦᬸᬂ᭞ᬢᭀᬂᬤᬸᬕᬦᬳᬦᬂᬲᬓᬶᬢ᭄᭞ᬫᬜ᭄ᬭᬶᬢ᭄ᬮᬯᬸᬢ᭄ᬫᬗ᭄ᬮᬶᬂ᭞ᬲᬃᬯ᭄ᬯᬶᬳᬶᬧᬸᬦ᭄ᬫᬲᬫ᭄ᬩᬢ ᬦ᭄᭞ᬤᭀᬂᬳᭀᬮᬲᬶᬦ᭄᭞ᬳᬧᬂᬲᬸᬯᬸᬤ᭄ᬜᬸᬳᬸᬦ᭄ᬕᬸᬦᬸᬂ᭞ᬢ᭄ᬯᬭᬗᬮᬶᬗ᭄ᬯᬂ᭞ᬳᬲᬶᬂᬧᬳᭂᬓ᭄ᬫᬜᭂᬗᬶᬲᬶᬦ᭄᭞ᬧᬸᬦᬶᬓᬳᬢ᭄ᬫᬓᬲᬲᬃ᭞ᬤᬸᬓᬶᬂᬗᬸ

Auto-transliteration

[13 13B] 13 lihin, tansuwepañcapaṇdhawa, sar̥ĕnghidanathakr̥ĕṣṇaharimur̀thi, sanghangkusparananduduhwahwararangutan, hungkak'hungkika , samyanmangagĕmbuluḥ, wentĕnngamĕlkayucarang, kanggentatkĕnmamar̀ggi. punikahatmakasasar̀, hatmat'hidagdemwaḥsĕngguhu, sane ngaliñotur̀kudu, kayunesatatalobha, twaraheling, wkasanpacangmanmu, dadihwararangutan, pakĕkĕhanhungkak'hak, wkasanyansuhunkasasar̀, katurunangkajanalokamawali, tomasisasaretĕpuk, hapanduk'huripesuba, kadibiniḥ [14 14A] , deningketone katajuk, pdasayeketotĕmwang, ketokahucapringhaj. sangpaṇdhawamanutugang, pamar̀gginesangbimahida ñingakin, rakṣasamañuhun'gunung, ngurak'harikyamangrak, hasinghasing, nĕpukinlawutmanimpug, hantukingbatubulitan, ma ngrikkaliwātsakit. twarasuhudptĕnglmaḥ, ñuhun'gunung, tongduganahanangsakit, mañritlawutmangling, sar̀wwihipunmasambata n, dongholasin, hapangsuwudñuhun'gunung, twarangalingwang, hasingpahĕkmañĕngisin, punikahatmakasasar̀, dukingngu

Leaf 14

Image on Archive.org

[᭑᭔ 14B] ᭑᭔ ᬦᬶᬤᬤᬶᬧᬸᬗ᭄ᬕᬯᬦᬺᬧᬢᬶ᭞ᬗᬤᬸᬄᬓᬸᬤᬸᬮᭀᬪᬧᬸᬗ᭄ᬕᬸᬂ᭞ᬫ᭄ᬯᬄᬤ᭄ᬫᭂᬦ᭄ᬦᬫ᭄ᬧᬶᬦ᭄‌ᬧᬾᬦ᭄ᬤᬄ᭞ᬫᬗᬫ᭄ᬩᬶᬮᬶᬦ᭄᭞ᬤ᭄ᬭᬸᬯᬾᬦ᭄ᬧᬜ᭄ᬚᬓ᭄ᬲᬤᬮ᭄ᬬᬸ᭞ᬢᬸᬭᬶ ᬦ᭄ᬫᬫᬦᭂᬲᬶᬦ᭄‌ᬧᬜ᭄ᬚᬓ᭄᭞ᬓᬸᬋᬦᬦ᭄ᬧᬜ᭄ᬚᬓ᭄ᬓᬳᬫ᭄ᬩᬶᬮ᭄᭟ᬢᬸᬃᬓᬺᬂᬫᬗᬤᭀᬮ᭄ᬧᬜ᭄ᬚᬓ᭄᭞ᬮᬸᬄᬫ᭄ᬯᬦᬶᬓᬾᬢᭀᬲᬲᬭᬾᬓᬧᬗ᭄ᬕᬸᬄ᭞ᬮᬯᬲ᭄ᬜ ᬦᬾ ᬲ᭄ᬬᬸᬢᬳᬸᬦ᭄᭞ᬮᬭᬦᬾᬢᬦ᭄ᬯᭂᬦᬂᬮᬸᬧᬸᬢ᭄᭞ᬧᬦᬤᬶᬦᬾ᭞ᬭᬓ᭄ᬱᬲᬫᬜᬸᬳᬸᬦ᭄ᬕᬸᬦᬸᬂᬧ᭄ᬢᭂᬂᬮ᭄ᬫᬄᬓᬲᬓᬶᬢᬦ᭄᭞ᬢᭀᬂᬳᬤᬢᬶᬫ᭄ᬧᬮ᭄‌ᬗᭀ ᬮᬲᬶᬦ᭄᭟ᬓᭀᬘᬧ᭄ᬳᬫᬦᬾᬓᬲᬲᬃ᭞ᬦᬾᬓᬧᬗ᭄ᬕᬶᬄᬳᭀᬮᬶᬄᬲᬂᬧᬡ᭄ᬥᬯᬗᬸᬦᬶ᭞ᬲᬫᬶᬧᬤᬢᬓᬸᬢ᭄ᬧᬸᬗ᭄ᬓᬸᬃ᭞ᬗᬶᬭᬂᬲᬂᬧᬡ᭄ᬥᬯ᭞ᬢᬦ᭄ᬓᭀᬘᬧ [᭑᭕ 15A] ᬦ᭄᭞ᬧᬫᬃᬕ᭄ᬕᬶᬦ᭄ᬳᬶᬤᬦᬾᬢ᭄ᬭᬸᬲ᭄᭞ᬗᬸᬗ᭄ᬲᬶᬭᬶᬂᬕᬸᬦᬸᬂᬓᬾᬮᬲ᭞ᬳ᭄ᬦᭂᬂᬧᭀᬮᬳᬾᬓᬭᬶᬳᬶᬦ᭄᭟ᬓᭀᬘᬧ᭄ᬲᬂᬲᬢᬓᭀᬭᬯ᭞ᬲᬋᬂᬫ᭄ᬯᬂᬲᬂᬯᬢᭂᬓ᭄ ᬦᬸᬧᬮᬓ᭞ᬭᬯᬸᬄᬭᬶᬂᬲᬸᬓᬸᬦᬶᬂᬕᬸᬦᬸᬂ᭞ᬫᬳᬭᬦ᭄ᬕᬸᬦᬸᬂᬓᬾᬮᬲ᭞ᬫᬳᬶᬍᬳᬦ᭄᭞ᬲᬓᬢᬳᬶᬂᬧᬭᬭᬢᬸ᭞ᬤᬤᬶᬓᬦ᭄ᬤᭂᬕ᭄ᬮᬫ᭄ᬧᬳᬶᬭ᭞ᬕ ᬯᭀᬓ᭄ᬳᬶᬤᬫᬜᬶᬗᬓᬶᬦ᭄᭞ᬧᬸᬜ᭄ᬘᬓᬶᬂᬕᬸᬦᬸᬂᬓᬾᬮᬲ᭞ᬗᭂᬦ᭄ᬤᬶᬄᬫᬸᬭᬸᬩ᭄‌ᬓᬳᬶᬍᬳᬶᬦ᭄‌ᬤᬾᬦᬶᬂᬕ᭄ᬦᬶ᭞ᬳᭂᬦ᭄ᬤᬶᬳᬦ᭄ᬜᬦᬾᬫᬦ᭄ᬭᬸᬲ᭄᭞ᬲᬓ᭄ᬱ ᬢ᭄ᬭᬯᬸᬄᬭᬶᬂᬳᬫ᭄ᬩᬭ᭞ᬫᬳᬶᬍᬳᬦ᭄᭞ᬳᬯᬶᬦᬦ᭄ᬲᬂᬯᬢᭂᬓ᭄ᬭᬢᬸ᭞ᬫᬶᬢᬳᭂᬦ᭄ᬢᬦ᭄ᬜᬶᬤ᭄ᬥᬬᬂ᭞ᬭᬾᬄᬓ᭄ᬯᬾᬦ᭄ᬢᭂᬦᬦ᭄ᬫᬃᬕ᭄ᬕᬫᬮᬶᬄ᭞ᬤᬤᬶᬧ

Auto-transliteration

[14 14B] 14 nidadipunggawanr̥ĕpati, ngaduḥkudulobhapunggung, mwaḥdmĕnnampinpendaḥ, mangambilin, druwenpañjaksadalyu, turi nmamanĕsinpañjak, kur̥ĕnanpañjakkahambil. tur̀kr̥ĕngmangadolpañjak, luḥmwaniketosasarekapangguḥ, lawasña ne syutahun, laranetanwĕnangluput, panadine, rakṣasamañuhun'gunungptĕnglmaḥkasakitan, tonghadatimpalngo lasin. kocap'hamanekasasar̀, nekapanggiḥholiḥsangpaṇdhawanguni, samipadatakutpungkur̀, ngirangsangpaṇdhawa, tankocapa [15 15A] n, pamar̀gginhidanetrus, ngungsiringgunungkelasa, hnĕngpolahekarihin. kocapsangsatakorawa, sar̥ĕngmwangsangwatĕk nupalaka, rawuḥringsukuninggunung, maharan'gunungkelasa, mahil̥ĕhan, sakatahingpararatu, dadikandĕglampahira, ga wok'hidamañingakin, puñcakinggunungkelasa, ngĕndiḥmurubkahil̥ĕhindeninggni, hĕndihanñanemanrus, sakṣa trawuḥringhambara, mahil̥ĕhan, hawinansangwatĕkratu, mitahĕntanñiddhayang, reḥkwentĕnanmar̀ggamaliḥ, dadipa

Leaf 15

Image on Archive.org

[᭑᭕ 15B] ᭑᭕ ᬤᬧᬚᬗ᭄ᬕᭂᬮᬦ᭄᭞ᬢᬸᬃᬫᬗ᭄ᬭᬭᬶᬲ᭄ᬫᬓᬃᬬ᭄ᬬᬧᭀᬦ᭄ᬤᭀᬓ᭄ᬳᬭᬤᬶ᭞ᬯᬮᬸᬬᬦᬾᬧᬸᬭᬶᬮᬸᬳᬸᬃ᭞ᬧᬤᬫᬲᬾᬚᬾᬲᬾᬚᬾᬦᬦ᭄᭞ᬳᬦᬸᬃᬮᬶᬗ᭄ᬕᬶᬄ᭞ᬧᬸ ᬗ᭄ᬕᬯᬫ᭄ᬯᬄᬧᬭᬭᬢᬸ᭞ᬫᬓᬫᬶᬯᬄᬫᬦ᭄ᬢ᭄ᬭᬶᬯᬶᬭ᭞ᬧᬓᬦ᭄ᬢᭂᬦᬦ᭄ᬜᬳᬗ᭄ᬭᬯ᭄ᬢ᭄᭟ᬲᬫᬶᬫᬮᬾᬤᬂᬮᬾᬤᬗᬦ᭄᭞ᬩᭀᬯᬪᬸᬓ᭄ᬢᬶᬫᬢᬢᬬᬸᬩᬦ᭄ᬢᬦ᭄ᬫᬭᬶ ᭞ᬭᬶᬂᬓᬃᬬ᭄ᬬᬲᬬᬦ᭄ᬢᬦ᭄ᬮᬶᬗᬸ᭞ᬧᬳᬚ᭄ᬜᬳᬶᬤᬪᬝᬭ᭞ᬚᬕᬢ᭄ᬧᬢᬶ᭞ᬓᬤᬶᬦᬾᬲᬫ᭄ᬧ᭄ᬦ᭄‌ᬓᬤᬯᬸᬄ᭞ᬳᭀᬮᬶᬄᬪᬕ᭄ᬯᬦ᭄‌ᬦᬭᬤ᭞ᬲᬫ᭄ᬬᬦ᭄ᬢ ᬦ᭄ᬓᬮᬶᬗᬦᬶᬦ᭄᭞ᬦᬾᬦᬾᬫᬗ᭄ᬓᬶᬦ᭄‌ᬓᬘᬭᬶᬬ᭞ᬲᬂᬧᬡ᭄ᬥᬯᬲᬋᬂᬧ᭄ᬭᬪᬸᬳᬭᬶᬫᬸᬃᬣᬶ᭞ᬕ᭄ᬮᬶᬲ᭄ᬫᬗ᭄ᬓᬶᬦ᭄ᬲᬫ᭄ᬧᬸᬭᬯᬸᬄ᭞ᬭᬶᬲᬸᬓᬸᬦ᭄ᬕᬸᬦᬸᬂᬓᬾᬮᬲ᭞ᬢᬸᬃ [᭑᭖ 16A] ᬓᬳᬶᬃᬂ᭞ᬲᬓᬜ᭄ᬘᬦ᭄ᬳᬢ᭄ᬫᬦ᭄ᬧᬸᬦᬶᬓᬸ᭞ᬫᬓᬤᬶᬜᬲᬫ᭄ᬧᬶᬚᬭᬦ᭄᭞ᬫᬳᬶᬲᬓ᭄ᬩᭀᬢᬦ᭄ᬓᬭᬶ᭟ᬢᬦ᭄ᬫᬤᭀᬄᬳᬶᬘᬫ᭄ᬩ᭄ᬭᬩ᭄ᬭᬕ᭄᭞ᬫᬺᬕᬭᭀᬢᬲᬸ ᬓᬭᬫ᭄ᬯᬂᬲᬸᬓᬭᬶ᭞ᬭᬋᬕᬾᬓ᭄ᬮᬦ᭄ᬳᬜ᭄ᬚᬸᬧᬸᬧᬸ᭞ᬲᬸᬦ᭄ᬤᭂᬮ᭄ᬩᭀᬮᭀᬂᬮᬦ᭄‌ᬩ᭄ᬯᬬ᭞ᬲᬫᬮᬶᬳᬾ᭞ᬮᬮᬶᬦ᭄ᬢᬄᬜᬸᬮᬢᬶᬓᬮᬸᬂ᭞ᬳᬸᬍᬤ᭄ᬫᬓᬤᬶᬓᭂᬢᬸᬗ ᬦ᭄᭞ᬭᬓ᭄ᬱᬲᬫᬜᬸᬳᬸᬦ᭄ᬩᬸᬓᬶᬢ᭄᭟ᬳ᭄ᬬᬳ᭄ᬬᬭᬭᬗᬢᬦ᭄‌ᬢᬦᬓᬦ᭄ᬢᬦ᭄ᬲᬫ᭄ᬬᬦ᭄ᬧᬤᬫᬗᬶᬭᬶᬂ᭞ᬧᬫᬃᬕ᭄ᬕᬶᬦ᭄ᬳᬶᬤᬦᬾᬦ᭄ᬭᬸᬲ᭄᭞ᬕ᭄ᬮᬶᬲ᭄ᬭᬭᬶᬲ᭄ᬳᬶᬤᬫᬸᬗ᭄ᬕᬄ ᭞ᬭᬶᬤᬲ᭄ᬭᬯᬸᬄ᭞ᬳᬦᬭᬂᬫᬤ᭄ᬬᬦᬶᬂᬕᬸᬦᬸᬂ᭞ᬓᬧᬗ᭄ᬕᬶᬮ᭄ᬳᬶᬤᬫᬫᬃᬕ᭄ᬕ᭞ᬭᬶᬯᬳᬸᬳᬶᬤᬜᬶᬗᬓᬸᬦ᭄᭞ᬓᬢᭀᬦ᭄ᬳᬧᬶᬫᬳᬶᬍᬳᬦ᭄᭞ᬫᬗᬶᬍᬳᬶᬦ᭄ᬩ

Auto-transliteration

[15 15B] 15 dapajanggĕlan, tur̀mangrarismakar̀yyapondok'haradi, waluyanepuriluhur̀, padamasejesejenan, hanur̀linggiḥ, pu nggawamwaḥpararatu, makamiwaḥmantriwira, pakantĕnanñahangrawt. samimaledangledangan, bowabhuktimatatayubantanmari , ringkar̀yyasayantanlingu, pahajñahidabhaṭara, jagatpati, kadinesampnkadawuḥ, holiḥbhagwannarada, samyanta nkalinganin, nenemangkinkacariya, sangpaṇdhawasar̥ĕngprabhuharimur̀thi, glismangkinsampurawuḥ, risukun'gunungkelasa, tur̀ [16 16A] kahir̀ng, sakañcanhatmanpuniku, makadiñasampijaran, mahisakbotankari. tanmadoḥhicambrabrag, mr̥ĕgarotasu karamwangsukari, rar̥ĕgeklanhañjupupu, sundĕlbolonglanbwaya, samalihe, lalintaḥñulatikalung, hul̥ĕdmakadikĕtunga n, rakṣasamañuhunbukit. hyahyararangatantanakantansamyanpadamangiring, pamar̀gginhidanenrus, glisrarishidamunggaḥ , ridasrawuḥ, hanarangmadyaninggunung, kapanggilhidamamar̀gga, riwahuhidañingakun, katonhapimahil̥ĕhan, mangil̥ĕhinba

Leaf 16

Image on Archive.org

[᭑᭖ 16B] ᬗ᭄ᬓ᭄ᬬᬂᬕᬸᬦᬸᬦᬾᬸᬶᬗᬫᬗᭂᬦ᭄ᬤᬶᬄ᭞ᬓᬤᬶᬭᬯᬸᬄᬭᬶᬂᬳᬫ᭄ᬩᬭ᭞ᬓ᭄ᬭᬡᬳᬶᬤ᭞ᬓᬾᬧ᭄ᬗᬦ᭄ᬳᬶᬤᬫᬓᬳ᭄ᬬᬸᬦ᭄᭞ᬳᬦ᭄ᬢᬸᬓ᭄ᬢᬦ᭄ᬳᬸᬦᬶᬕ᭄ᬭᬶᬂᬫᬃᬕ᭄ᬕᬶ᭞ᬫᬃᬕ᭄ᬕᬦᬾᬧᬘᬂᬗᬸᬗ᭄ᬕᬳᬶ ᬦ᭄᭞ᬯᬲ᭄ᬢᬸᬳᬶᬤᬫᬚᬗ᭄ᬕᭂᬮᬦ᭄᭞ᬲᬋᬂᬲᬫᬶᬧᬡ᭄ᬥᬯᬮᬦ᭄‌ᬤ᭄ᬯᬭᬯᬢᬶ᭞ᬳᬢ᭄ᬫᬦᬾ ᬕ᭄ᬮᬶᬲ᭄ᬫᬳᬢᬸᬃ᭞ᬳᬶᬧᬸᬦ᭄ᬳᬶᬓᬸᬤᬧᭀᬦ᭄ᬤᭀᬗᬦ᭄᭞ᬲᬚᬸᬭᬸᬦᬾ᭞ᬳᬶᬧᬗᭂᬢ ᬓ᭄ᬢᬍᬃᬫᬢᬸᬃ᭞ᬳᬶᬗ᭄ᬕᬶᬄᬭᬢᬸᬧᬦᭂᬫ᭄ᬩᬳᬦ᭄᭞ᬭᬢᬸᬲᬂᬧᬡ᭄ᬦ᭄ᬥᬯᬍᬯᬶᬄ᭞ᬫᬶᬯᬄᬭᬢᬸᬧ᭄ᬭᬪᬸᬓ᭄ᬭ᭄ᬱ᭄ᬡ᭞ᬫᬗ᭄ᬤᬧᬢᬸᬢᬸᬢᬶᬢ᭄ᬬᬂᬧ᭄ᬮᬂᬲᬋᬂᬲᬫᬶ᭞ᬭᬶᬂᬕ᭄ᬦᬶᬦᬾᬲ᭄ᬥᭂᬂᬫᬸᬭᬸ ᬩ᭄᭞ᬲᬢ᭄ᬢᬶᬢ᭄ᬬᬂᬫᬓᬲᬤᬦ᭞ᬫᬗ᭄ᬤᬲᬶᬤ᭄ᬥ᭞ᬳᬶᬭᬢᬸᬯᬘᬂᬗᬮᬗ᭄ᬓᬸᬂᬫᬗ᭄ᬤᬭᬢᬸᬤᬤᭀᬲ᭄ᬫᬸᬗ᭄ᬕᬄ᭞ᬓᬫᬸᬜ᭄ᬘᬸᬓ᭄ᬕᬸᬦᬸᬂᬧᬸᬦᬶᬓᬶ᭟ᬘᭂᬦ᭄ᬤᭂᬓᬶᬧᬸᬦ᭄ᬓᬤᬶ [᭑᭗ 17A] ᬢᬶᬢ᭄ᬬᬂ᭞ᬢᬶᬢ᭄ᬬᬂᬦᬳᬸᬃᬧᬶᬓᬸᬢᬂᬭᬶᬂᬦᬺᬧᬢᬶᬫᬗ᭄ᬤᬳᬸᬲᬦ᭄ᬢᬶᬢ᭄ᬬᬂᬫᬸᬤᬤᭀᬲ᭄ᬳᬢ᭄ᬫᬓᬲᬓᬶᬢᬦ᭄᭞ᬕ᭄ᬮᬶᬲ᭄ᬳᬶᬤᬲᬕ᭄ᬓᬺᬱ᭄ᬡᬫᬫᬸᬶᬯᬗ᭄ᬲᬶᬢ᭄ᬳᬶᬚᬸᬭᬶᬂᬳᬶ ᬤᬲᬂᬯᬺᬓᭀᬥᬭ᭞ᬲᬂᬩᬶᬫᬫᬧᬗᬤᭂᬕ᭄ᬕᭂᬮᬶᬲ᭄‌ᬓᬳᬫ᭄ᬩᬶᬮᬸᬓᬾᬳᬶᬂᬕᬸᬤ᭞ᬓᬢᬶᬯᬓᬂᬭᬶᬂᬳᬸᬭᬸᬩ᭄ᬲᬂᬳᬕ᭄ᬦᬶ᭞ᬓᬸᬤᬦᬾᬯᬸᬲ᭄ᬢᭂᬮᬲ᭄ᬧᬸᬳᬸᬦ᭄᭞ ᬭᬯᬸᬳᬶᬂᬚᬸᬃᬧᬗᭂᬢᬓ᭄᭞ᬢᬍᬃᬓᬮᬸᬶᬭᬶ᭞ᬲᬂᬳ᭄ᬬᬂᬳᬸᬯᬲᬦ᭄ᬫᬸᬭᬸᬩ᭄᭞ᬫᬢᬸᬃᬲᬂᬓ᭄ᬩᭀᬫᬳᬶᬲ᭞ᬲᬂᬓᬮᬶᬄᬳᬶᬧᬸᬦ᭄ᬳ᭄ᬲᬫ᭄ᬧᬶ᭞ᬳᬶᬗ᭄ᬕᬶᬄᬭᬢᬸᬲᬂ ᬧᬡ᭄ᬥᬯ᭞ᬩ᭄ᬘᬶᬓ᭄ᬢᬶᬢ᭄ᬬᬂᬘᭂᬍᬧᬂᬳᬶᬭᬶᬓᬲᬫᬶ᭞ᬭᬶᬂᬕ᭄ᬦᬶᬦᬾᬲ᭄ᬤᭂᬂᬫᬸᬭᬸᬩ᭄᭞ᬫᬗ᭄ᬤᬾᬦ᭄ᬕᭂᬮᬶᬲ᭄ᬢᬶᬢ᭄ᬬᬂᬮᬸᬓᬢ᭄᭞ᬧᬢᬓᬦᬾ᭞ᬫᬮᬶᬳᬶᬧᬸᬦ᭄ᬳᬶᬗ᭄ᬕᬶᬄᬭᬢᬸ᭞ᬫ

Auto-transliteration

[16 16B] ngkyanggununeuingamangĕndiḥ, kadirawuḥringhambara, kraṇahida, kepnganhidamakahyun, hantuktanhunigringmar̀ggi, mar̀gganepacangngunggahi n, wastuhidamajanggĕlan, sar̥ĕngsamipaṇdhawalandwarawati, hatmane glismahatur̀, hipunhikudapondongan, sajurune, hipangĕta ktal̥ĕr̀matur̀, hinggiḥratupanĕmbahan, ratusangpaṇndhawal̥ĕwiḥ, miwaḥratuprabhukrṣṇa, mangdapatututityangplangsar̥ĕngsami, ringgninesdhĕngmuru b, sattityangmakasadana, mangdasiddha, hiratuwacangngalangkungmangdaratudadosmunggaḥ, kamuñcukgunungpuniki. cĕndĕkipunkadi [17 17A] tityang, tityangnahur̀pikutangringnr̥ĕpatimangdahusantityangmudadoshatmakasakitan, glishidasagkr̥ĕṣṇamamuiwangsit'hijuringhi dasangwr̥ĕkodhara, sangbimamapangadĕggĕliskahambilukehingguda, katiwakangringhurubsanghagni, kudanewustĕlaspuhun, rawuhingjur̀pangĕtak, tal̥ĕr̀kaluiri, sanghyanghuwasanmurub, matur̀sangkbomahisa, sangkaliḥhipunhsampi, hinggiḥratusang paṇdhawa, bciktityangcĕl̥ĕpanghirikasami, ringgninesdĕngmurub, mangden'gĕlistityanglukat, patakane, malihipunhinggiḥratu, ma

Leaf 17

Image on Archive.org

[᭑᭗ 17B] ᭑᭗ ᬗ᭄ᬤᬾᬦ᭄ᬭᬢᬸᬕ᭄ᬮᬶᬲ᭄ᬦᬶᬜ᭄ᬘᬧ᭄᭞ᬗᬮᬶᬦ᭄ᬢᬗᬶᬦ᭄ᬲᬂᬳ᭄ᬬᬂᬳᬕ᭄ᬦᬶ᭟ᬫᬺᬕᬲᬢᭀᬦᬾᬗᬸᬦᬶᬗᬬᬂ᭞ᬲᬶᬦᬫ᭄ᬬᬦ᭄ᬫᬗ᭄ᬤᬓᬧᬸᬮᬂᬭᬶᬂᬕ᭄ᬦᬶ᭞ᬲᬂᬯᬺᬓᭀᬥᬭᬳᬲᬸᬂ ᭞ᬢᬸᬫᬸᬮᬶᬭᬭᬶᬲ᭄ᬓᬧᬸᬮᬂ᭞ᬳᬶᬭᬭᬾᬕᬾᬓ᭄᭞ᬲᬸᬦ᭄ᬤᭂᬮ᭄ᬩᭀᬮᭀᬂᬫ᭄ᬯᬂᬳᬶᬧᬸᬦ᭄᭞ᬳᬜ᭄ᬘᬳᬜ᭄ᬘᬘᬫ᭄ᬩ᭄ᬭᬩ᭄ᬭᬕ᭄᭞ᬮᬮᬶᬦ᭄ᬢᬄᬫ᭄ᬯᬄᬜᬸᬮᬢᬶ᭞ᬳ᭄ᬯᬳ᭄ᬯᬭ ᬭᬗᬸᬢᬦ᭄᭞ᬲᬂᬲᬸᬩ᭄ᬭᬓᬄᬭᬓ᭄ᬱᬲᬫᬜᬸᬗ᭄ᬕᬶᬩᬸᬓᬸᬢ᭄᭞ᬳᬶᬩ᭄ᬯᬬᬢᬫᬓᬦ᭄ᬢᬦ᭄᭞ᬲᬫ᭄ᬬᬦ᭄ᬲᬫ᭄ᬧᬸᬦ᭄ᬓᬧᬸᬮᬂ᭞ᬭᬶᬂᬳ᭄ᬬᬂᬳᬕ᭄ᬦᬶ᭞ᬕ᭄ᬲᭂᬂᬲᬓᬢᬄ ᬧᬸᬦᬶᬓᬸ᭞ᬳ᭄ᬬᬂᬕ᭄ᬦᬶᬫᬭᬶᬤᬸᬫᬶᬮᬄ᭞ᬫᬯᬲᬦᬲᬶᬋᬧ᭄ᬲᬸᬫᬸᬶᬧᬶ᭟ᬕ᭄ᬮᬶᬲ᭄ᬲᬂᬧᬜ᭄ᬘᬧᬡ᭄ᬥᬯ᭞ᬫᬜᬶᬗᬓᬶᬦ᭄‌ᬲᬃᬯ᭄ᬯᬢ᭄ᬫᬦᬾᬯᬸᬲ᭄ᬩᬲ᭄ᬫᬶ᭞ᬲᬓ᭄ᬱᬢ᭄ᬓᬤᬶ [᭑᭘ 18A] ᬢᬶᬢᬶᬮᬸᬮᬸᬄ᭞ᬳᬶᬭᬶᬓᬲᬂᬧ᭄ᬭᬪᬸᬓᬺᬱ᭄ᬡ᭞ᬗᬯᬗ᭄ᬲᬶᬢ᭄᭞ᬬᬾᬦ᭄ᬢᬶᬢᬶᬧᬸᬦᬶᬓᬧᬢᬸᬢᬸ᭞ᬫᬃᬕ᭄ᬕᬶᬦ᭄ᬧᬘᬂᬗᬮᬶᬦ᭄ᬢᬂ᭞ᬕ᭄ᬮᬶᬲᬂᬧᬡ᭄ᬥᬯᬲᬫᬶ᭟ᬗᬮᬶᬦ᭄ᬢᬗᬶᬦ᭄ᬢᬶ ᬢᬶᬳᬶᬓ᭞ᬲᬫᬶᬫᬸᬗ᭄ᬕᬄᬫᬗᬸᬗ᭄ᬲᬶᬧᬸᬘᬓᬶᬂᬕᬶᬭᬶ᭞ᬧᬫᬃᬕ᭄ᬕᬶᬦ᭄ᬳᬶᬤᬢᬦ᭄ᬲᬦ᭄ᬢᬸᬮ᭄᭞ᬯᬲ᭄ᬢᬸᬫᬗ᭄ᬓᬶᬦ᭄ᬓᬘᬶᬗᬓᬦ᭄᭞ᬭᬶᬲᬓᬾᬳᬶᬂ᭞ᬧᬸᬗ᭄ᬕᬯᬫᬶᬯᬄᬧᬭᬭ ᬢᬸ᭞ᬦᬾᬫᬓᬃᬬ᭄ᬬᬧᬲᬗ᭄ᬕ᭄ᬭᬳᬦ᭄᭞ᬭᬶᬲᬸᬓᬸᬲᬸᬓᬸᬦᬶᬂᬩᬸᬓᬶᬢ᭄᭟ᬲᬫᬶᬫᬭᬶᬳᬶᬦ᭄ᬭᬶᬳᬶᬦᬦ᭄᭞ᬧᬫᬃᬕ᭄ᬕᬶᬦᬾᬫᬗ᭄ᬤᬾᬧᭀᬮᬶᬄᬫᬗ᭄ᬭᬶᬳᬶᬦ᭄᭞ᬫᬫᬃᬕ᭄ᬕᬶᬭ ᬯᬸᬄᬭᬶᬂᬫᬸᬜ᭄ᬘᬸᬓ᭄᭞ᬗ᭄ᬭᬶᬳᬶᬦᬶᬦ᭄ᬲᬂᬧᬡ᭄ᬥᬯ᭞ᬳᬗ᭄ᬳᬶᬂᬲᬫᬶ᭞ᬓᬬᬸᬦᬾᬧᬤᬳᬸᬮᬗᬸᬦ᭄᭞ᬭᬲᬓᬤᬶᬢᬦᬶᬂᬭᬢ᭄᭞ᬧᬫᬃᬕ᭄ᬕᬶᬦᬾᬳᬶᬤᬧᬮᬶᬂ᭟ᬯᬾᬦ᭄ᬢᭂ

Auto-transliteration

[17 17B] 17 ngdenratuglisniñcap, ngalintanginsanghyanghagni. mr̥ĕgasatonenguningayang, sinamyanmangdakapulangringgni, sangwr̥ĕkodharahasung , tumulirariskapulang, hiraregek, sundĕlbolongmwanghipun, hañcahañcacambrabrag, lalintaḥmwaḥñulati, hwahwara rangutan, sangsubrakaḥrakṣasamañunggibukut, hibwayatamakantan, samyansampunkapulang, ringhyanghagni, gsĕngsakataḥ puniku, hyanggnimaridumilaḥ, mawasanasir̥ĕpsumuipi. glissangpañcapaṇdhawa, mañingakinsar̀wwatmanewusbasmi, sakṣatkadi [18 18A] titiluluḥ, hirikasangprabhukr̥ĕṣṇa, ngawangsit, yentitipunikapatutu, mar̀gginpacangngalintang, glisangpaṇdhawasami. ngalintanginti tihika, samimunggaḥmangungsipucakinggiri, pamar̀gginhidatansantul, wastumangkinkacingakan, risakehing, punggawamiwaḥparara tu, nemakar̀yyapasanggrahan, risukusukuningbukit. samimarihinrihinan, pamar̀gginemangdepoliḥmangrihin, mamar̀ggira wuḥringmuñcuk, ngrihininsangpaṇdhawa, hanghingsami, kayunepadahulangun, rasakaditaningrat, pamar̀gginehidapaling. wentĕ

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org