gaguritan-putra-sasana-01

Original on Archive.org

Front and Back Covers

Image on Archive.org

[PERPUSTAKAAN KTR.DOKBUD BALI PROP. BALI G/XVIII/12/DOKBUD Judul: Gaguritan Putra Sasana Panj. 35 cm, Lb. 3,5 cm, Jml. 88 lb Asal: Desa Pidpid, Abang, Kr. asem. [᭑ 1 A] Judul: Gaguritan Putra Sasana Panj. 35 cm, Lb. 3,5 cm, Jml. 88 lb Asal: Desa Pidpid, Abang, Kr. asem.

Auto-transliteration

[PERPUSTAKAAN KTR.DOKBUD BALI PROP. BALI G/XVIII/12/DOKBUD Judul: Gaguritan Putra Sasana Panj. 35 cm, Lb. 3,5 cm, Jml. 88 lb Asal: Desa Pidpid, Abang, Kr. asem. [1 1 A] Judul: Gaguritan Putra Sasana Panj. 35 cm, Lb. 3,5 cm, Jml. 88 lb Asal: Desa Pidpid, Abang, Kr. asem.

Leaf 1

Image on Archive.org

[᭑1B] ᭑ ᭛᭜᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭛᭜᭛ᬇᬢᬶᬕᬕᬸᬭᬶᬢᬦ᭄‌ᬧᬸᬢ᭄ᬭᬰᬰᬡ᭛ᬧᬸᬧᬸᬄᬥᬹᬃᬫ᭄ᬫ᭛ᬥᬹᬃᬫ᭄ᬫᬗ᭄ᬕᬮᬵᬳᬗ᭄ᬕᭀᬦ᭄ᬧᬦᭂᬫ᭄ᬩᬗᬓ᭄ᬱᬫ ᭞ᬭᬶᬂᬳᬶᬤᬤᬦᬾ ᬲᬫᬶ᭞ᬲᬂᬲᬸᬥᬶᬫᬯᭀᬲᬂ᭞ᬰᬲ᭄ᬢ᭄ᬭᬦ᭄ᬢᬶᬢ᭄ᬬᬂᬢᬸᬦᬧᬲᬂ᭞ᬢᬦ᭄ᬗᬢᬸᬢᬶᬦ᭄ᬧᬸᬧᬸᬄᬕᭂᬡ᭄ᬥᬶᬂ᭞ᬲᬓᬶᬂᬫᬓ᭄ᬱᬬᬂᬳᬶᬩ᭄ᬮᭀᬕ᭄ᬫᬧᬶᬭᬶᬭᬶᬄ᭛ᬦᬸᬚᬸᬤᬶᬦ ᬋᬤᬶᬢᬾᬯᬕᬾᬓᬸᬦᬶᬗᬦ᭄᭞ᬰᬰᬶᬄᬓ᭄ᬱᬗᬦ᭄ᬫᭀᬦᬶᬦ᭄᭞ᬧᬦᬗ᭄ᬕᬮ᭄ᬧᬹᬃᬡ᭄ᬦᬫ᭞ᬫᬶᬯᬄᬭᬄᬓᬧᬶᬂᬢᬶᬕ᭞ᬢᭂᬗ᭄ᬕᭂᬓ᭄ᬦᭂᬫ᭄ᬓᬯᬲ᭄ᬢᬦᬶᬦ᭄᭞ᬢᬸᬃᬇᬰᬓᬦ᭄ᬜ ᬲ᭄ᬬᬩᬗ᭄ᬲᬶᬢ᭄‌ᬦᭂᬫ᭄ᬤᬰᬓᬢ᭄ᬭᬶ᭛ᬧᬗ᭄ᬭᬶᬋᬦᬾᬓᬢᬶᬩᬢ᭄ᬓᬾᬦ᭄ᬳᬶᬧ᭄ᬬᬦᬓ᭄᭞ᬲᬶᬜᬲᬕᬾᬢ᭄ᬧᬜ᭄ᬚᬂᬳᬸᬭᬶᬧ᭄᭞ᬢᬸᬢᬸᬕ᭄ᬓᬦ᭄ᬢᬶᬯᬬᬄ᭞ᬤᬸᬫᬤᬓ᭄ᬓᬲ᭄ᬯᬾ [᭒2A] ᬘᬦᬦ᭄᭞ᬳᬦ᭄ᬢᬸᬓ᭄ᬳᬶᬤᬲᬂᬳ᭄ᬬᬂᬯᬶᬥᬶ᭞ᬢᭂᬍᬩ᭄ᬭᬶᬂᬲᬢ᭄ᬯ᭞ᬳᬶᬗᭂᬢ᭄‌ᬢ᭄ᬓᬾᬦᬵᬢᬢᬩᬮᬶ᭛ᬥᬸᬄᬘ᭄ᬦᬶᬂᬧ᭄ᬬᬦᬓ᭄ᬩᬧᬫᬓᭂᬚᬂ᭞ᬘᬳᬶᬜᬳᬶᬫᬳᬶᬤᬶᬦᬶ᭞ᬩᬧᬫᬧᬶᬯᬭᬄ᭞ ᬳᬶᬗᭂᬢ᭄ᬩᬧᬦᬾᬫᬧ᭄ᬬᬦᬓ᭄᭞ᬢᭀᬂᬲᬶᬥ᭄ᬳᬩᬦ᭄ᬫᬢᬫᬳᬶᬦ᭄᭞ᬩᬳᬦ᭄ᬪᬭᬡ᭞ᬯᬶᬭᬾᬄᬩᬧᬮᬶᬯᬢ᭄ᬫᬶᬲ᭄ᬓᬶᬦ᭄᭛ᬳᬫ᭄ᬧᬸᬭᬬᬂᬘ᭄ᬦᬶᬂᬉᬕᬶᬗᬫ᭄ᬧᬸᬭᬬᬂ᭞ ᬫᬭᬭᬵᬫᬩᬸᬓᬚᬦᬶ᭞ᬢᬶᬯᬲᬓᬮᬶᬯᬢ᭄᭞ᬢᬸᬦᬪᬵᬯᬢᬸᬦᬓᬬ᭞ᬓᬸᬭᬂᬫᬦᬄᬢᬦ᭄ᬧᬓᬾᬃᬢᬶ᭞ᬲᬓᬾᬯᬮᬩᬧ᭞ᬫ᭄ᬳᬫᬳᬶᬦ᭄ᬩᬳᬦ᭄ᬫᬸᬜᬶ᭛ᬦᬗ᭄ᬳᬶᬂ ᬫᬸᬜᬶᬦ᭄ᬩᬧᬳᬦ᭄ᬢᬸᬓ᭄‌ᬦᬸᬮᬤ᭄᭞ᬭᬶᬂᬳᬶᬤᬲᬂᬍᬯᬶᬄᬗᬸᬦᬶ᭞ᬲᬦᬾᬫᬸᬗ᭄ᬕᬸᬄᬭᬶᬂᬮᭀᬦ᭄ᬢᬃ᭞ᬳᭂᬦ᭄ᬢᭀᬤᬤᬶᬤᬸᬤᬸᬓ᭄ᬩᬧ᭞ᬅᬗ᭄ᬳᬶᬂᬩᬧᬤᬸᬳᬸᬚᬢᬶ᭞ᬢᬢᬲ᭄ᬫᬦᬯᬂ

Auto-transliteration

[11B] 1 /// • /// oṁawighnamāstu /// • /// itigaguritanputraśaśaṇa /// pupuḥdhūr̀mma /// dhūr̀mmanggalāhanggonpanĕmbangakṣama , ringhidadane sami, sangsudhimawosang, śastrantityangtunapasang, tanngatutinpupuḥgĕṇdhing, sakingmakṣayanghiblogmapiririḥ /// nujudina r̥ĕditewagekuningan, śaśiḥkṣanganmonin, pananggalpūr̀ṇnama, miwaḥraḥkapingtiga, tĕnggĕknĕmkawastanin, tur̀iśakanña syabangsitnĕmdaśakatri /// pangrir̥ĕnekatibatkenhipyanak, siñasagetpañjanghurip, tutugkantiwayaḥ, dumadakkaswe [22A] canan, hantuk'hidasanghyangwidhi, tĕl̥ĕbringsatwa, hingĕttkenātatabali /// dhuḥcningpyanakbapamakĕjang, cahiñahimahidini, bapamapiwaraḥ, hingĕtbapanemapyanak, tongsidhhabanmatamahin, bahanbharaṇa, wireḥbapaliwatmiskin /// hampurayangcningugingampurayang, mararāmabukajani, tiwasakaliwat, tunabhāwatunakaya, kurangmanaḥtanpaker̀ti, sakewalabapa, mhamahinbahanmuñi /// nanghing muñinbapahantuknulad, ringhidasangl̥ĕwiḥnguni, sanemungguḥringlontar̀, hĕntodadidudukbapa, anghingbapaduhujati, tatasmanawang

Leaf 2

Image on Archive.org

[᭒ 2B] ᭒ ᬳ᭄ᬦᬸᬗᬯᬕ᭄ᬗᬭᬩᬳᬶᬦ᭄᭛ᬳᬶᬤᬓᭀᬘᬧ᭄‌ᬭᬢᬸᬢᬸᬃᬧᬸᬢ᭄ᬭᬰᬰᬡ᭞ᬢᬶᬗ᭄ᬓᬄᬤᬤᬶᬧ᭄ᬬᬦᬓ᭄ᬚᬢᬶ᭞ᬧᬢᬸᬢᬾᬗᬶᬭᬶᬗᬂ᭞ᬲᬧᬶᬢᬸᬤᬸᬄᬲᬂᬭᬵᬫ᭞ᬲᭀᬮᬄ ᬳᬶᬭᬭᬫᬚᬢᬶ᭞ᬢᬸᬃᬦᬾᬦᬾᬫᭂᬮᬄᬫᭂᬮᬄ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬫᬦᬲᬭᬶᬦ᭄᭛ᬳᬶᬭᬵᬭᬫᬢᬦ᭄ᬲᬄᬗᬸᬢ᭄ᬱᬳᬬᬂᬧᬶᬲᬦ᭄᭞ᬢᭂᬍᬩ᭄ᬫᬸᬭᬸᬓᬶᬦᬾᬩ᭄ᬘᬶ ᬓ᭄᭞ᬫᬸᬭᬸᬓᬶᬦ᭄ᬲᬸᬰᬶᬮ᭞ᬫᬶᬯᬄᬰᬶᬮᬦᬶᬂᬓᬥᬃᬫ᭄ᬫᬦ᭄᭞ᬗᬯᬾᬘᭀᬦ᭄ᬢᭀᬫᬓᬘᬺᬫᬶ᭞ᬳᬗ᭄ᬕᭀᬦᬢᬸᬮᬤ᭄ᬳᬶᬘ᭄ᬦᬶᬂ᭛ᬗᭂᬢᬸᬢ᭄ᬳᬬᬸᬯᬶᬭᬾᬄᬳᬬᬸᬦᬾ ᬫ ᬓ᭄ᬭᬡ᭞ᬧᬘᬂᬦᬸᬗ᭄ᬓᬧ᭄ᬲ᭄ᬯᬃᬕ᭄ᬕᬍᬯᬶᬄ᭞ᬳᬤᬩ᭄ᬯᬶᬦ᭄ᬢᬸᬢᬸᬭᬂ᭞ᬲᬮ᭄ᬯᬶᬃᬲᭀᬮᬳᬾ ᬲᬲᬃ᭞ᬲᬶᬦᬄᬧᬮᬦ᭄ᬜᬦᬾᬬᬸᬓ᭄ᬢᬶ᭞ᬳᬸᬮᬸᬂᬤᬶᬓᬯᬄ᭞ᬓᬾᬢᭀᬲᬢ᭄ᬯᬦ᭄ᬜᬦᬾ [᭓ 3A] ᬚᬢᬶ᭛ᬫᬓ᭄ᬭᬦᬜᬩᬧᬲᬭᬢ᭄ᬫᬶᬢᭂᬍᬩᬂ᭞ᬳᬸᬢ᭄ᬲᬳᬫᬸᬭᬸᬓ᭄ᬲᬳᬶ᭞ᬳᬸᬚᬃᬲᬂᬯᬶᬤᬕ᭄ᬥ᭞ᬫᬓᬤᬶᬲᬂᬧᬡ᭄ᬥᬶᬢ᭞ᬯᬘᬡᬦᬾ ᬲᬃᬯ᭄ᬯᬚᬢᬶ᭞ᬢᬸᬢᬸᬃᬫᬶᬥᬃᬢ᭄ᬣᬬᬂ᭞ ᬳᬱ᭄ᬯᬤᬰᬧᬃᬯ᭄ᬯᬍᬯᬶᬄ᭛ᬓᬭᬶᬓᬲᬂᬢᬸᬃᬢᬸᬃᬲᬭᬶᬲᬭᬶᬦᬶᬂᬧᬃᬯ᭄ᬯ᭞ᬧᬸᬦᬶᬓᬲᬫ᭄ᬧᬸᬦ᭄ᬬᬕ᭄ᬮᬶᬓ᭄᭞ᬩᬧᬫᬦᬵᬩᬳᬂ᭞ᬳᬶᬗᭂᬢ᭄ᬩᬧᬮᬗᬄᬮᬗᬄ᭞ᬭᬫ᭄ᬩᬂᬩᬧᬲ ᬲᬳᬶᬲᬳᬶ᭞ᬓᬾᬦᬵᬳᬾ ᬲᬢ᭄ᬯᬜ᭞ᬓᬢᬶᬩᬭᬶᬂᬯ᭄ᬯᬂᬧᬯᬾᬲ᭄ᬢ᭄ᬭᬶ᭛ᬬᬦᬸᬫᬤᬶᬧ᭄ᬬᬦᬓ᭄ᬮᬸᬄᬉᬢ᭄ᬢᬫᬜ᭞ᬲᬢ᭄ᬬᬫᬕᬸᬭᬸᬮᬓᬶ᭞ᬢ᭄ᬯᬭᬩᬦᬶᬯᬶᬯᬮ᭄᭞ᬭᬶᬂᬧᬶᬢᬸ ᬤᬸᬄᬓᬸᬋᬦᬦ᭄᭞ᬧᬢᬶᬩ᭄ᬭᬢᬧᬶᬦᬶᬄᬍᬯᬶᬄ᭞ᬫᬗ᭄ᬕᬸᬳᬂᬲ᭄ᬯᬃᬕ᭄ᬕ᭞ᬫᬮᬦ᭄ᬳᬯᬓ᭄ᬳᬜᬸᬤ᭄ᬲᬫᬶ᭛ᬬᬦᬶᬂᬮᬲ᭄ᬬᬧᬕᭂᬄᬫᬦᭀᬗᭀᬲ᭄ᬤᬶᬚᬸᬫᬄ᭞ᬫᬗᬬᬳᬶᬦ᭄‌ᬬᬬ

Auto-transliteration

[2 2B] 2 hnungawagngarabahin /// hidakocapratutur̀putraśaśaṇa, tingkaḥdadipyanakjati, patutengiringang, sapituduḥsangrāma, solaḥ hiraramajati, tur̀nenemĕlaḥmĕlaḥ, hĕntohanggonmanasarin /// hirāramatansaḥngutṣahayangpisan, tĕl̥ĕbmurukinebci k, murukinsuśila, miwaḥśilaningkadhar̀mman, ngawecontomakacr̥ĕmi, hanggonatulad'hicning /// ngĕtut'hayuwireḥhayune ma kraṇa, pacangnungkapswar̀ggal̥ĕwiḥ, hadabwintuturang, salwir̀solahe sasar̀, sinaḥpalanñaneyukti, hulungdikawaḥ, ketosatwanñane [3 3A] jati /// makranañabapasaratmitĕl̥ĕbang, hutsahamuruksahi, hujar̀sangwidagdha, makadisangpaṇdhita, wacaṇane sar̀wwajati, tutur̀midhar̀tthayang, haṣwadaśapar̀wwal̥ĕwiḥ /// karikasangtur̀tur̀sarisariningpar̀wwa, punikasampunyaglik, bapamanābahang, hingĕtbapalangaḥlangaḥ, rambangbapasa sahisahi, kenāhe satwaña, katibaringwwangpawestri /// yanumadipyanakluḥuttamaña, satyamagurulaki, twarabaniwiwal, ringpitu duḥkur̥ĕnan, patibratapiniḥl̥ĕwiḥ, mangguhangswar̀gga, malanhawak'hañudsami /// yaninglasyapagĕḥmanongosdijumaḥ, mangayahinyaya

Leaf 3

Image on Archive.org

[᭓ 3B] ᭓ ᬩᬶᬩᬶ᭞ᬢ᭄ᬯᬭᬫᬓᬸᬋᬦᬦ᭄᭞ᬧᬕᭂᬄᬫᬗᬫᭀᬗᬶᬦ᭄ᬳᬯᬓ᭄᭞ᬳᭂᬦ᭄ᬢᭀᬫᬤᬦ᭄‌ᬩ᭄ᬭᬢᬲᬸᬘᬶ᭞ᬤᬳᬢ᭄ᬉᬢ᭄ᬢᬫ᭞ᬳᬗ᭄ᬳᬶᬂᬲᬗ᭄ᬓᬵᬫᬗ᭄ᬮᬓᭀᬦᬶᬦ᭄᭞᭛ᬢᭂᬍ ᬩ᭄ᬜᬸᬚᬸᬃᬗᬲ᭄ᬢᬯᬲᬗ᭄ᬳ᭄ᬬᬗᬶᬂᬲᬢ᭄ᬬ᭞ᬲᬂᬫᬓᬤᬾᬯᬦᬶᬂᬯ᭄ᬗᬶ᭞ᬳᬶᬤᬫᬗ᭄ᬤᬗ᭄ᬭᬵᬓ᭄ᬱ᭞ᬲᬳᬶᬳᭂᬜ᭄ᬘᭂᬧᬂᬤᬶᬫᬦᬄ᭞ᬳᬶᬤ᭄‌ᬳᬲᬂᬳ᭄ᬬᬂᬭᬢ᭄ᬭᬶᬤᬾᬯᬶ᭞ᬤᬳᬢᬶᬂᬲ᭄ᬯᬾᬘ᭄ᬙ᭞ᬫ ᬦᬸᬮᬸᬂᬲᬂᬲᬢ᭄ᬬᬚᬢᬶ᭛ᬢ᭄ᬯᬭᬤᬤᬶᬫᬦᬄᬳᭀᬩᬄᬲᬫᬢ᭄ᬭ᭞ᬫᬗ᭄ᬤᬾᬳ᭄ᬦᬶᬂᬫᬓᭂᬍᬦᬶᬂ᭞ᬤᬶᬲᬚ᭄ᬭᭀᬦᬶᬂᬫᬦᬄ᭞ᬢ᭄ᬯᬭᬳᬶᬤᬓᬵᬲ᭄ᬫᬭᬦ᭄᭞ᬜᭂᬄᬢ᭄ᬓᬾᬦ᭄ᬳᬦᬓ᭄ ᬫ᭄ᬯᬦᬶ᭞ᬳᬦ᭄ᬢᭀᬲᬸᬩᬳᬶᬮᬂ᭞ᬳᭂᬦ᭄ᬢᭀᬫᬤᬦ᭄ᬳᬬᬸᬚᬢᬶ᭛ᬗᬶᬤᬶᬄᬳᭀᬮᬲ᭄ᬩᬧᬢ᭄ᬓᬾᬦ᭄‌ᬘ᭄ᬦᬶᬂᬫᬓᭂᬚᬂ᭞ᬧᬶᬢᭂᬍᬩᬂᬳᬸᬕᬶᬚᬦᬶ᭞ᬫᬳᬸᬭᬸᬓ᭄ᬫᬰᬵᬲ᭄ᬢ᭄ᬭ᭞ [᭔ 4A] ᬰᬲ᭄ᬢ᭄ᬭᬦᬾ ᬢ᭄ᬯᬄᬲᬯᬾᬦ᭄ᬰ᭄ᬯᬭ᭞ᬬᬦ᭄ᬢᬦ᭄ᬳᬤᬰᬭᬰ᭄ᬯᬢᬶ᭞ᬢᭀᬂᬳᬤ᭄‌ᬳᬰᬲ᭄ᬢ᭄ᬭ᭞ᬓᬾᬢᭀᬳᬸᬘᬧᬂᬅᬚᬶ᭛ᬲᬂᬯᬶᬤᬕ᭄ᬤᬫᬓᬧᬸᬢᬸᬲᬂᬲ᭄ᬯᬭ᭞ᬳᬶᬤᬗᬍᬗ᭄ᬓᬭᬲ ᬫᬶ᭞ᬲ᭄ᬯᬭᬓᬳᬤᬸᬗᬂ᭞ᬧᬧᬲᬶᬳᬶᬂᬲ᭄ᬯᬭ᭞ᬫᬭᬫᬤᬦ᭄ᬲᬗ᭄ᬳᬅᬚᬶ᭞ᬳᬦᬢᬵᬓᭀᬘᬧ᭄᭞ᬫᬓᬲᬸᬦ᭄ᬤᬃᬩ᭄ᬦᭂᬄᬧ᭄ᬮᬶᬄ᭛ᬲᬸᬦ᭄ᬤᬃᬕᬮᬂᬲᬗ᭄ᬳ᭄ᬬᬂᬅᬚᬶᬲᬢ᭄ᬱ ᬢ᭄ᬲᬹᬃᬬ᭄ᬬ᭞ᬗᬶᬮᬗᬂᬧ᭄ᬢᭂᬂᬤᬶᬕᬸᬫᬶ᭞ᬋᬗᬾ ᬤᬶᬫᬦᬄ᭞ᬫᬶᬯᬄᬋᬕᭂᬤᬾᬤᬶᬳᬯᬓ᭄᭞ᬳᭂᬦ᭄ᬢᭀᬚᬢᬶᬚ᭄ᬯᬲᬸᬦ᭄ᬤᬭᬶᬦ᭄᭞ᬫᬗ᭄ᬤᬾᬦᬾᬳᬶᬮᬂ᭞ᬲᬗ᭄ᬳᬂᬅᬚᬶᬫᬫᬺᬱᬶᬳᬶ ᬦ᭄᭛ᬲᬶᬦᬄᬧᬶᬲᬦ᭄‌ᬫᬺᬢᬦᬾ ᬫᬦ᭄ᬤᬤᬶᬯᬶᬱ᭄ᬬ᭞ᬯᬶᬱ᭄ᬬᬦᬾᬫᬺᬢᬤᬤᬶ᭞ᬓᬾᬢᭀᬦᬾ ᬓᬳᬸᬘᬧ᭄᭞ᬭᬶᬂᬲᬢ᭄ᬯᬦ᭄ᬩᬦᬾ ᬓᬸᬦ᭞ᬦ᭄ᬭᬸᬭᬸᬳᬶᬗᭂᬃᬳᬧᬂᬩ᭄ᬘᬶᬓ᭄

Auto-transliteration

[3 3B] 3 bibi, twaramakur̥ĕnan, pagĕḥmangamonginhawak, hĕntomadanbratasuci, dahatuttama, hanghingsangkāmanglakonin, /// tĕl̥ĕ bñujur̀ngastawasanghyangingsatya, sangmakadewaningwngi, hidamangdangrākṣa, sahihĕñcĕpangdimanaḥ, hid'hasanghyangratridewi, dahatingsweccha, ma nulungsangsatyajati /// twaradadimanaḥhobaḥsamatra, mangdehningmakĕl̥ĕning, disajroningmanaḥ, twarahidakāsmaran, ñĕḥtkenhanak mwani, hantosubahilang, hĕntomadanhayujati /// ngidiḥholasbapatkencningmakĕjang, pitĕl̥ĕbanghugijani, mahurukmaśāstra, [4 4A] śastrane twaḥsawenśwara, yantanhadaśaraśwati, tonghad'haśastra, ketohucapangaji /// sangwidagdamakaputusangswara, hidangal̥ĕngkarasa mi, swarakahadungang, papasihingswara, maramadansangha'aji, hanatākocap, makasundar̀bnĕḥpliḥ /// sundar̀galangsanghyangajisatṣa tsūr̀yya, ngilangangptĕngdigumi, r̥ĕnge dimanaḥ, miwaḥr̥ĕgĕdedihawak, hĕntojatijwasundarin, mangdenehilang, sanghangajimamr̥ĕsyihi n /// sinaḥpisanmr̥ĕtane mandadiwiṣya, wiṣyanemr̥ĕtadadi, ketone kahucap, ringsatwanbane kuna, nruruhingĕr̀hapangbcik

Leaf 4

Image on Archive.org

[᭔ 4B] ᭔ ᬢᬢᬲᬂᬧᬶᬲᬦ᭄᭞ᬢᭀᬗᭀᬲ᭄ᬜᬦᬾᬲᬮᬄᬢᬸᬗ᭄ᬕᬶᬮ᭄᭛ᬲᬂᬳ᭄ᬬᬂᬅᬚᬶᬫᬗᭀᬚᬭᬂᬲᭀᬮᬄᬤᬤ᭄ᬯ᭞ᬳᬮᬫᬓᬫᬶᬯᬄᬩ᭄ᬘᬶᬓ᭄᭞ᬦᬾᬤᬤ᭄ᬯᬢᭂ ᬢᭂᬲᬂ᭞ᬕᬸᬡᬦ᭄ᬜᬦᬾᬲᭀᬯᬂᬲᭀᬯᬂ᭞ᬯᬶᬭᬾᬄᬳᭂᬦ᭄ᬢᭀᬩᬸᬮᬓ᭄ᬩᬮᬶᬓ᭄᭞ᬬᬦ᭄ᬢ᭄ᬯᬭᬪᬶᬱ᭞ᬫᬗᬶᬗᭂᬢᬶᬦ᭄ᬩᭂᬘᬶᬓ᭄ᬩᭂᬘᬶᬓ᭄᭛ᬬᬦᬶᬂᬪᬶᬱᬫᬗᬶᬗᭂᬢᬶᬦ᭄ᬲᭀ ᬯᬂᬲᭀᬯᬂ᭞ᬳᬸᬗ᭄ᬕ᭄ᬯᬦ᭄ᬜᬦᬾᬫᬓᬲᬫᬶ᭞ᬦᬾᬳᬤᬤᬶᬚᬕᬢ᭄᭞ᬫᬶᬯᬄᬕᬸᬡᬦ᭄ᬜᬫᬓᭂᬚᬂ᭞ᬓᬺᬢᬚ᭄ᬜᬦᬓᬯᬲ᭄ᬢᬦᬶᬦ᭄᭞ᬢᭀᬂᬳᬤᬪᬬ᭞ᬲᬫᬮᬫ᭄ᬧᬄ ᬘ᭄ᬦᬶᬗᬾᬲᬫᬶ᭛ᬓᬳᬸᬘᬧᬂᬤᬶᬅᬚᬶᬰᬭᬲᬫᬸᬰ᭄ᬘᬬ᭞ᬲᬗ᭄ᬳ᭄ᬬᬂᬥᬃᬫ᭄ᬫᬫᬫᬸᬃᬯ᭄ᬯᬦᬶᬦ᭄᭞ᬫᬓᬧᬶᬡ᭄ᬥᬤᬲᬃ᭞ᬬᬦ᭄ᬢᬢᬲ᭄ᬭᬶᬂᬰᬶᬮᬥᬃᬫ᭄ᬫ᭞ᬲᬮ᭄ᬯᬶᬃᬇᬦ᭄ᬤ᭄ᬭᬫᬓᬲ [᭕ 5A] ᬫᬶᬢ᭄ᬯᬭᬜᭂᬗ᭄ᬓᬮ᭞ᬤᬶᬳᬯᬓᬾᬫᬓᬲᬫᬶ᭛ᬳᭂᬥᬵᬧᬶᬲᬦ᭄‌ᬘ᭄ᬦᬶᬂᬫᬜᭂᬮ᭄ᬲᭂᬮᬂᬳᬯᬓ᭄᭞ᬦᬸᬚᬸᬮᬘᬸᬭᬾᬓᬧᬗ᭄ᬕᬶᬄ᭞ᬳᭂᬤᬵᬫᬗᭂᬦ᭄ᬤᭂᬮᬂᬓᬮᬫᬗ᭄ᬕᬶᬄᬓ ᬲᬥ᭄ᬬᬦ᭄᭞ᬭᬶᬭᬾᬫᭂᬮᬓᬃᬫ᭄ᬭᬶᬳᬶᬦ᭄᭞ᬳᭂᬦ᭄ᬢᭀᬫᬓ᭄ᬭᬡ᭞ᬓᬡᬧᬸᬧᬸᬩᬸᬓᬚᬦᬶ᭛ᬕᬯᬾᬚᬦᬶᬭᬶᬯ᭄ᬓᬲ᭄ᬧᬘᬂᬓᬢᬫ᭞ᬳᬗ᭄ᬕᭀᬦ᭄ᬩᭂᬓᭂᬮ᭄ᬩᬸᬮᬓ᭄ᬩᬮᬶᬓ᭄᭞ᬬ ᬦ᭄ᬤᬤᬶᬳᬦ᭄ᬢᬓ᭞ᬓᬦᬶᬲ᭄ᬓᬮᬧᬘᬂᬳᬩ᭞ᬬᬤᬶᬢᬸᬧᬘᬂᬧᬸᬧᭀᬦᬶᬦ᭄᭞ᬕᬯᬾᬦᬾ ᬳᭀᬜᬂ᭞ᬩ᭄ᬯᬶᬦ᭄ᬩᭂᬓᭂᬮᬂᬦᬸᬫᬶᬢᬶᬲ᭄᭛ᬩ᭄ᬓᭂᬮ᭄ᬳᭂᬦ᭄ᬢᭀᬳ᭄ᬭᬗᬦᬾ ᬦ᭄ᬭᬚᬩ᭄ᬭ ᬡ᭄᭞ᬢ᭄ᬯᬄᬫᬓᬃᬤ᭄ᬤᬶᬦᬾ ᬚᬢᬶ᭞ᬳᬬᬸᬮᬯᬦ᭄ᬳᬮ᭞ᬬᬦ᭄ᬧᬕᬯᬾᬦᬾᬳᬮ᭞ᬳᬮᬵ ᬳᬸᬕᬶᬧᬘᬂᬧᬗ᭄ᬕᬶᬄᬓᬬᬂᬓᬯ᭄ᬓᬲ᭄᭞ᬩ᭄ᬓᭂᬮᬂᬓᬦ᭄ᬢᬶᬦᬸᬫᬶᬢᬶ

Auto-transliteration

[4 4B] 4 tatasangpisan, tongosñanesalaḥtunggil /// sanghyangajimangojarangsolaḥdadwa, halamakamiwaḥbcik, nedadwatĕ tĕsang, guṇanñanesowangsowang, wireḥhĕntobulakbalik, yantwarabhiṣa, mangingĕtinbĕcikbĕcik /// yaningbhiṣamangingĕtinso wangsowang, hunggwanñanemakasami, nehadadijagat, miwaḥguṇanñamakĕjang, kr̥ĕtajñanakawastanin, tonghadabhaya, samalampaḥ cningesami /// kahucapangdi'ajiśarasamuścaya, sanghyangdhar̀mmamamur̀wwanin, makapiṇdhadasar̀, yantatasringśiladhar̀mma, salwir̀indramakasa [5 5A] mitwarañĕngkala, dihawakemakasami /// hĕdhāpisancningmañĕlsĕlanghawak, nujulacurekapanggiḥ, hĕdāmangĕndĕlangkalamanggiḥka sadhyan, riremĕlakar̀mrihin, hĕntomakraṇa, kaṇapupubukajani /// gawejaniriwkaspacangkatama, hanggonbĕkĕlbulakbalik, ya ndadihantaka, kaniskalapacanghaba, yaditupacangpuponin, gawene hoñang, bwinbĕkĕlangnumitis /// bkĕlhĕntohrangane nrajabra ṇ, twaḥmakar̀ddine jati, hayulawanhala, yanpagawenehala, halā hugipacangpanggiḥkayangkawkas, bkĕlangkantinumiti

Leaf 5

Image on Archive.org

[᭕ 5B] ᭕ ᬲ᭄᭛ᬧᬮᬶᬂᬲᬥ᭄ᬬᬵᬫᭂᬦ᭄ᬢᬶᬓᬾ ᬤᬤᬶᬫᬦᬸᬱᬵ᭞ᬩᬡ᭄ᬤᬶᬂᬭᬶᬂᬲᬃᬯ᭄ᬯᬫᬳᬸᬭᬶᬧ᭄᭞ᬦᬾ ᬳᬤᬤᬶᬚᬕᬢ᭄᭞ᬫᬦᬸᬱᬵᬩᬶᬲᬗᬯᬾ ᬲᭀᬮᬄ᭞ᬲᭀᬮᬄᬳ ᬮᬫᬶᬯᬄᬩ᭄ᬘᬶᬓ᭄᭞ᬓᬾᬢᭀᬓ᭄ᬭᬡᬜ᭞ᬳᬶᬫᬦᬸᬱᬵᬧᬶᬦᬶᬄᬍᬯᬶᬄ᭛ᬢᭀᬳᬯᬦᬦ᭄‌ᬘ᭄ᬦᬶᬂᬧᬕᬯᬾᬦᬶᬦ᭄ᬧᬶᬲᬦ᭄᭞ᬲᭀᬮᬄᬳᬬᬸᬦᬾ ᬳᬮᬶᬄ ᭞ᬳᬬᬸᬦᬾ ᬫᬦᬦ᭄ᬤᬦ᭄᭞ᬦᬦ᭄ᬤᬦᬂᬓᬲ᭄ᬯᬃᬕ᭄ᬕᬦ᭄᭞ᬳᭂᬦ᭄ᬢᭀᬬᬢ᭄ᬯᬄᬢᬫᬍᬯᬶᬄ᭞ᬫᬸᬯᬄᬫᬗᭂᬦ᭄ᬢᬲ᭄᭞ᬗᭂᬦ᭄ᬢᬲ᭄ᬳᬶᬮᬓ᭄ᬱᬡᬧᬶᬮᬶᬄ᭛ᬳᭂᬥᬵᬗᬤᬾᬦ᭄ᬳᬶ ᬘ᭄ᬦᬶᬂᬫᬢᬸᬯᬸᬄᬧᬜ᭄ᬚᬂ᭞ᬮᬕᬸᬢᬾᬓᬢᬸᬗ᭄ᬕᬸᬦ᭄ᬳᬸᬭᬶᬧ᭄᭞ᬢᭀᬓᬤᬾᬦᬂᬮᬦ᭞ᬉᬭᬶᬧᬾ ᬤᬶᬰᬭᬶᬭ᭞ᬲᬗ᭄ᬳ᭄ᬬᬂᬉᬭᬶᬧ᭄ᬓᬤᬶᬥᬤᬶᬢ᭄᭞ᬳᬲᬓ᭄ᬱᬡᬵ [᭖ 6A] ᬧᬶᬲᬦ᭄᭞ᬫᬲᭂᬍᬤᬾᬢ᭄ᬭᬭᬶᬲ᭄ᬮᬶᬘᬶᬦ᭄᭛ᬳᬶᬫᬦᬸᬱᬵᬫᬶᬚᬶᬮ᭄ᬲᬓᬶᬂᬲᬗ᭄ᬳ᭄ᬬᬂᬩ᭄ᬭᬵᬳ᭄ᬫ᭞ᬢᬸᬭᬸᬦᬦ᭄ᬤᬾᬯᬢᬰᬓ᭄ᬢᬶ᭞ᬬᬦ᭄ᬯᬦ᭄ᬢᬄᬓᬲᬶᬤ᭄ᬤᬦ᭄᭞ᬳᬧᬂᬫᬸᬮᬶᬳᬶᬂᬓᬫᬸ ᬮᬦ᭄᭞ᬳᬧᬂᬳᭂᬥᬲᬸᬭᬸᬤ᭄ᬩᬸᬯᬶᬦ᭄᭞ᬫᬦᬤᬶᬢᬶᬃᬬ᭄ᬬᬓ᭄᭞ᬓ᭄ᬭᬡᬳᬶᬗᭂᬢ᭄‌ᬳᬧᬂᬧᬱ᭄ᬝᬶ᭛ᬳᭂᬥᬵᬧᬶᬲᬦ᭄ᬢ᭄ᬯᬭᬗᬸᬕᬸᬧᬮᬓᬃᬫ᭄ᬫ᭞ᬫᬶᬯᬄᬳᬸᬘᬧ᭄ᬲᬂᬳ᭄ᬬᬂᬅᬚᬶ᭞ ᬢᬸᬤᬸᬄᬲᬂᬧᬡ᭄ᬥᬶᬢ᭞ᬳᭂᬥᬵᬢᬸᬮᬓ᭄ᬭᬶᬂᬲ᭄ᬦᬕ᭄ᬧ᭄ᬭᬚ᭄ᬜᬦ᭄᭞ᬳᭂᬥᬵᬗᬯᬕ᭄ᬜᬯᬸᬭᬶᬦ᭄᭞ᬳᭂᬜᬾᬦ᭄‌ᬚᬦᬯᬂ᭞ᬤᬶᬲᬸᬩᬦᬾ ᬩᬜᬫᬢᬶ᭛ᬬᬦ᭄ᬳᬓᬾᬢᭀ ᬧᬲᬯᬸᬭᬾᬗᬯᬕᬯᬕ᭄᭞ᬲᬶᬦᬄᬫ᭄ᬩᬳᬦ᭄ᬓᬸᬘᬧ᭄ᬤᬓᬶ᭞ᬫᬸᬯᬄᬳᬶᬯᭂᬗᬶᬯᭂᬗᬦ᭄᭞ᬤᬳᬢ᭄‌ᬍᬢᬸᬳᬾ ᬓᬳᬸᬘᬧ᭄᭞ᬫᬳᬸᬗ᭄ᬕᬸᬄᬭᬶᬂᬲᬂᬳ᭄ᬬᬂᬅᬚᬶ᭞ᬳᭂᬦ᭄ᬢᭀ

Auto-transliteration

[5 5B] 5 s /// palingsadhyāmĕntike dadimanusyā, baṇdingringsar̀wwamahurip, ne hadadijagat, manusyābisangawe solaḥ, solaḥha lamiwaḥbcik, ketokraṇaña, himanusyāpiniḥl̥ĕwiḥ /// tohawanancningpagaweninpisan, solaḥhayune haliḥ , hayune manandan, nandanangkaswar̀ggan, hĕntoyatwaḥtamal̥ĕwiḥ, muwaḥmangĕntas, ngĕntashilakṣaṇapiliḥ /// hĕdhāngadenhi cningmatuwuḥpañjang, lagutekatunggunhurip, tokadenanglana, uripe diśarira, sanghyanguripkadidhadit, hasakṣaṇā [6 6A] pisan, masĕl̥ĕdetrarislicin /// himanusyāmijilsakingsanghyangbrāhma, turunandewataśakti, yanwantaḥkasiddan, hapangmulihingkamu lan, hapanghĕdhasurudbuwin, manaditir̀yyak, kraṇahingĕt'hapangpaṣṭi /// hĕdhāpisantwarangugupalakar̀mma, miwaḥhucapsanghyangaji, tuduḥsangpaṇdhita, hĕdhātulakringsnagprajñan, hĕdhāngawagñawurin, hĕñenjanawang, disubane bañamati /// yanhaketo pasawurengawagawag, sinaḥmbahankucapdaki, muwaḥhiwĕngiwĕngan, dahatl̥ĕtuhe kahucap, mahungguḥringsanghyangaji, hĕnto

Leaf 6

Image on Archive.org

[᭖ 6B] ᭖ ᬳᬶᬗᭂᬢᬂ᭞ᬫᬫᬸᬜᬶᬫᬲᬶᬄᬧᬶᬮᬶᬳᬶᬦ᭄᭛ᬳᬶᬫᬵᬦᬸᬱᬓᬮᬶᬗ᭄ᬕᬦᬦ᭄ᬭᬶᬂᬳ᭄ᬬᬂᬢᬶᬕ᭞ᬢᭂᬢᭂᬮᬸᬤᬰᬭᬳᬾᬚᬢᬶ᭞ᬳᬦ᭄ᬢᭀᬦᬾ ᬯᬶᬰᬾᬱ᭞ᬇᬥᭂᬧ᭄ᬩᬬᬸᬫᬸᬯᬄᬰᬩ᭄ᬥ᭞ ᬳᭂᬦ᭄ᬢᭀᬲᬸᬩᬫ᭄ᬭᬕᬉᬭᬶᬧ᭄᭞ᬬᬦᬶᬂᬫᬢᬶᬗ᭄ᬕᬮ᭄ᬩᬧᬘᬳᬶᬮᬓᬃᬫᬢᬶ᭛ᬬᬦᬲᬸᬩᬵᬲᬗ᭄ᬳ᭄ᬬᬂᬳᬵᬢ᭄ᬫᬳᬶᬤ᭄‌ᬳᬩᬸᬤᬮ᭄᭞ᬓᬳᬸᬘᬧᬂᬘ᭄ᬦᬶᬂᬫᬢᬶ᭞ᬩᬗ᭄ᬓᬾ ᬦᬾ ᬫᬓᬸᬢᬂ᭞ᬬᬲᬸᬩᬫᬯᬓ᭄ᬢᬦᬄ᭞ᬢᭂᬡ᭄ᬥᬲᬾᬓ᭄ᬘᭀᬲᬶᬦ᭄‌ᬘᬶᬘᬶᬂ᭞ᬢ᭄ᬯᬭᬫᬕᬸᬡ᭄᭞ᬦᬭᬸᬧᬦᭀᬭᬫᬅᬚᬶ᭛ᬓ᭄ᬭᬡᬜᬡ᭄ᬥᬵᬂᬲᬂᬳ᭄ᬬᬂᬳᬢ᭄ᬫᬵᬲᬬᬗᬂᬧᬶ ᬲᬦ᭄᭞ᬳᬧᬶᬓᬶᬦ᭄ᬤᬃᬰ᭄ᬰᬦᬳᬶᬦ᭄᭞ᬤᬰᬭᬶᬦ᭄ᬢᬢᬶᬕ᭞ᬩᬦ᭄‌ᬢ᭄ᬭᬶᬓᬬᬧᬭᬶᬲᬸᬤ᭄ᬥ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬫᬦᬲᬭᬶᬦ᭄᭞ᬫᬗ᭄ᬤᬾᬓᬲᬶᬤ᭄ᬥᬦ᭄᭞ᬲᬗ᭄ᬳ᭄ᬬᬂᬳᬬᬸ [᭗ 7A] ᬗᬮᬶᬗ᭄ᬕᬦᬶᬦ᭄᭛ᬓᭀᬘᬧ᭄ᬳᭂᬦ᭄ᬢᭀᬲᬂᬢ᭄ᬭᬶᬓᬬᬧᬭᬶᬰᬸᬤ᭄ᬥ᭞ᬳᬗ᭄ᬕᭀᬧᬗᬼᬩᬸᬭᬦ᭄ᬤᬓᬶ᭞ᬍᬢᬸᬳᬾᬤᬶᬳᬯᬓ᭄᭞ᬓ᭄ᬦᬵᬘ᭄ᬦᬶᬂᬫᬶᬢᭂᬢᭂᬲᬂ᭞ᬮᬓ᭄ᬱᬡᬳᬶᬦ᭄ᬳᬧᬂ ᬕᬶᬦ᭄ᬢᬶᬂ᭞ᬧ᭄ᬭᬥᬃᬢᬬᬂ᭞ᬳᬧᬂᬳᭂᬥᬵᬓᬦ᭄ᬢᬶᬓ᭄ᬚᬶᬮ᭄᭛ᬳᬶᬢ᭄ᬭᬶᬓᬬᬵᬧᬭᬶᬰᬸᬤ᭄ᬥᬓᬾᬦᬾᬓᭀᬘᬧ᭄᭞ᬳᬶᬤᭂᬧ᭄ᬳᬧᬂᬲᬳᬶᬳᭂᬦᬶᬂ᭞ᬳᬦᬸᬢᬓᬰᬵᬲ᭄ᬢ᭄ᬭ᭞ᬳᬶᬥᭂ ᬤᬺᬗ᭄ᬕᬶᬢ᭄ᬓᬾᬦ᭄ᬢᬶᬫ᭄ᬧᬮ᭄᭞ᬤ᭄ᬭᭀᬯᬓᬦᬾᬢᭀᬳᬶᬫ᭄ᬧᬲᬶᬦ᭄᭞ᬳᭂᬥᬵᬫᬗᬫ᭄ᬩᭂᬓᬂ᭞ᬦᬾᬦᬾᬫᬵᬥᬦᭀᬭᬚᬢᬶ᭛ᬓᬧᬶᬗ᭄ᬓᬮᬶᬄᬬᬦ᭄ᬫᬫᬜᬶ ᬳᬧᬂᬲ᭄ᬓᭂᬦ᭄᭞ᬫᬸᬜᬶᬕᬸᬬᬸᬦᬾ ᬢᬸᬦᬳᬶᬦ᭄᭞ᬳᭂᬥᬵᬧᬢᬶᬩᬗ᭄ᬕ᭄ᬭᬲ᭄᭞ᬳᭂᬥᬵᬩᭀᬩᬤ᭄ᬗᬭᬾᬘᬓ᭄᭞ᬳᬤ᭄ᬯᬵᬫᬶᬢ᭄ᬬᬦᬾ ᬓ᭄ᬮᬶᬤᬶᬦ᭄᭞ᬳᭂᬥᬵᬫᬶᬰᬸ

Auto-transliteration

[6 6B] 6 hingĕtang, mamuñimasiḥpilihin /// himānuṣakalinggananringhyangtiga, tĕtĕludaśarahejati, hantone wiśeṣa, idhĕpbayumuwaḥśabdha, hĕntosubamraga'urip, yaningmatinggalbapacahilakar̀mati /// yanasubāsanghyanghātmahid'habudal, kahucapangcningmati, bangke ne makutang, yasubamawaktanaḥ, tĕṇdhasekcosincicing, twaramaguṇ, narupanorama'aji /// kraṇañaṇdhāngsanghyanghatmāsayangangpi san, hapikindar̀śśanahin, daśarintatiga, bantrikayaparisuddha, hĕntohanggonmanasarin, mangdekasiddhan, sanghyanghayu [7 7A] ngalingganin /// kocap'hĕntosangtrikayapariśuddha, hanggopangl̥ĕburandaki, l̥ĕtuhedihawak, knācningmitĕtĕsang, lakṣaṇahinhapang ginting, pradhar̀tayang, hapanghĕdhākantikjil /// hitrikayāpariśuddhakenekocap, hidĕp'hapangsahihĕning, hanutakaśāstra, hidhĕ dr̥ĕnggitkentimpal, drowakanetohimpasin, hĕdhāmangambĕkang, nenemādhanorajati /// kapingkaliḥyanmamañi hapangskĕn, muñiguyune tunahin, hĕdhāpatibanggras, hĕdhābobadngarecak, hadwāmityane klidin, hĕdhāmiśu

Leaf 7

Image on Archive.org

[᭗ 7B] ᭗ ᬦ᭞ᬳᭂᬥᬫᬫᬶᬲᬸᬄᬤᭂᬗ᭄ᬓᬓ᭄ᬤᭂᬗ᭄ᬓᬶᬓ᭄᭞᭛ᬓᬧᬶᬂᬢᬶᬕᬤᬶᬲᭀᬮᬄᬫᬲᬶᬄᬤᬩ᭄ᬤᬩᬂ᭞ᬦᬾ ᬦᬾ ᬳᬍᬧ᭄‌ᬧ᭄ᬮᬚᬳᬶᬦ᭄᭞ᬤᬶᬓᬵᬮᬦᬾ ᬦᭂᬕᬓ᭄᭞ᬬᬦᬸ ᬚᬸᬤᬶᬓᬸᬫ᭄ᬧᬸᬮᬦ᭄‌ᬰᬶᬮᬦᬾ ᬳᬧᬂᬳᬢᬶᬤᬶᬂ᭞ᬮᬶᬫᬘᬓᬸᬧᬂ᭞ᬧᬮ᭄ᬬᬢᬾ ᬳᬧᬂᬧᬱ᭄ᬝᬶ᭛ᬬᬦ᭄ᬫᬚᬮᬦ᭄ᬤ᭄ᬤᬵᬧᬶᬲᬦ᭄ᬗᬯᬾ ᬭᬭᬲ᭄᭞ᬫᬢᬬᬸᬗᬦ᭄ᬢᬸᬦᬳᬶ ᬦ᭄᭞ᬫᬶᬯᬄᬤᬶᬮᬜ᭄ᬘᬶᬗᬦ᭄᭞ᬋᬱᬶᬰᬰᬡᬗᬸᬘᬧᬂ᭞ᬳᭂᬥᬵᬦᬤ᭄ᬢᬤ᭄ᬳᭂᬥᬫᬳᬶᬤ᭄᭞ᬳᬦᭀᬮ᭄ᬢᭀᬮ᭄ᬢᬦᬄ᭞ᬲᬸᬩᬓ᭄ᬓᬫ᭄ᬧᬸᬳᬵᬢᬦ᭄ᬫᬭᬶ᭛ᬳ᭄ᬦᬸ ᬮ᭄ᬬᬸᬧᬶᬤᬩ᭄ᬤᬩᬾ ᬲᬦ ᬳᬾᬫᭂᬮᬄ᭞ᬩᬧᬘᭂᬡ᭄ᬥᭂᬢ᭄‌ᬢ᭄ᬓᬾᬦᬵᬳᬶᬂᬘ᭄ᬦᬶᬂ᭞ᬘ᭄ᬦᬶᬂᬜᬸᬫᭂᬓᭂᬦᬂ᭞ᬭᬶᬂᬳᬶᬤᬲᬂᬯᬶᬥᬕ᭄ᬥ᭞ᬳᬦ᭄ᬢᭂᬗᬂᬘ᭄ᬦᬶᬂᬫᬦᬗ᭄ᬓᬶᬮ᭄᭞ᬘ᭄ᬦᬶᬂᬦᬸᬦᬲᬂᬦᬾᬦᬾ [᭘ 8A] ᬫᬤᬦ᭄ᬳᬬᬸᬚᬢᬶ᭛ᬅᬗ᭄ᬳᬶᬂᬲᭂᬗ᭄ᬓᬵᬘ᭄ᬦᬶᬂᬗᬮᬶᬄᬧᬕᬸᬃᬯᬦ᭄᭞ᬦᬾ ᬫᬤᬦ᭄ᬕᬸᬭᬸᬚᬢᬶ᭞ᬩᬾᬮᬦᬶᬦ᭄ᬩᬦ᭄ᬲᭂᬫ᭄ᬩᬄ᭞ᬓ᭄ᬭᬡᬢᬢᬲᬂᬧᬶᬲᬦ᭄᭞ᬗᬮᬶᬄᬗᬮᬶᬄᬕᬸᬭᬸᬲ ᬦᬾ ᬍᬯᬶᬄ᭞ᬬᬦ᭄‌ᬢ᭄ᬯᬄᬢ᭄ᬯᬄᬓᬲᬶᬤ᭄ᬥᬦ᭄᭞ᬳᬧᬂᬘ᭄ᬦᬶᬂᬫᬩᬳᬦ᭄ᬳᬸᬕᬶ᭛ᬓᬾᬦᬾᬘ᭄ᬦᬶᬂᬚᬦᬶᬩᬸᬯᬶᬦ᭄‌ᬚ᭄ᬯᬧᬶᬋᬗᬂ᭞ᬳᬶᬦ᭄ᬤᬶᬓ᭄ᬫᬶᬢ᭄ᬭᬰᬢ᭄ᬭᬸᬰᬓ᭄ᬢᬶ᭞ᬢ᭄ᬯᬄᬢ᭄ᬯᬄᬤᬶᬦᬶᬤᬶᬳᬯᬓ᭄ ᬫᬸᬗ᭄ᬕᬸᬄᬭᬶᬂᬢᬢ᭄ᬯᬉᬢ᭄ᬢᬫ᭞ᬫᬗ᭄ᬭᬓ᭄ᬱᬵᬢᬗ᭄ᬳᬭᬶᬦ᭄ᬳᬸᬕᬶ᭞ᬫᭀᬄᬲᬸᬩᬲᬶᬦᬄ᭞ᬫᬶᬢ᭄ᬭᬰᬢ᭄ᬭᬸᬩᬸᬮᬓ᭄ᬩᬮᬶᬓ᭄᭛ᬬᬦᬶᬂᬮᬸᬫ᭄ᬩᬃᬳᬶᬥᭂᬧ᭄ᬜᬦᬾᬢᭀᬫᬓᭂᬚᬂ᭞ ᬫᬢᬘᬸᬗᬸᬄᬓᬃᬡ᭄ᬦᬩᬶᬩᬶᬄ᭞ᬲᬶᬮᬶᬢ᭄ᬩᬢᬶᬲ᭄ᬮᬶᬫ᭞ᬫᬶᬯᬄᬢ᭄ᬓᬦᬶᬂᬳᬧᬱ᭄ᬝ᭞ᬲᬶᬦᬄᬧᬘᬂᬧᬢᬶᬳᬫ᭄ᬩᬶᬮ᭄᭞ᬲᬸᬩᬬᬢᭂᬭᬂ᭞ᬫᬯᬓ᭄ᬫᬸᬲᬸᬄᬫᬓᬲᬫᬶ᭛ᬓ᭄ᬭ

Auto-transliteration

[7 7B] 7 na, hĕdhamamisuḥdĕngkakdĕngkik, /// kapingtigadisolaḥmasiḥdabdabang, ne ne hal̥ĕpplajahin, dikālane nĕgak, yanu judikumpulanśilane hapanghatiding, limacakupang, palyate hapangpaṣṭi /// yanmajalanddāpisanngawe raras, matayungantunahi n, miwaḥdilañcingan, r̥ĕsyiśaśaṇangucapang, hĕdhānadtad'hĕdhamahid, hanoltoltanaḥ, subakkampuhātanmari /// hnu lyupidabdabe sana hemĕlaḥ, bapacĕṇdhĕttkenāhingcning, cningñumĕkĕnang, ringhidasangwidhagdha, hantĕngangcningmanangkil, cningnunasangnene [8 8A] madanhayujati /// anghingsĕngkācningngaliḥpagur̀wan, ne madan'gurujati, belaninbansĕmbaḥ, kraṇatatasangpisan, ngaliḥngaliḥgurusa ne l̥ĕwiḥ, yantwaḥtwaḥkasiddhan, hapangcningmabahanhugi /// kenecningjanibuwinjwapir̥ĕngang, hindikmitraśatruśakti, twaḥtwaḥdinidihawak mungguḥringtatwa'uttama, mangraksyātangharinhugi, moḥsubasinaḥ, mitraśatrubulakbalik /// yaninglumbar̀hidhĕpñanetomakĕjang, matacunguḥkar̀ṇnabibiḥ, silitbatislima, miwaḥtkaninghapaṣṭa, sinaḥpacangpatihambil, subayatĕrang, mawakmusuḥmakasami /// kra

Leaf 8

Image on Archive.org

[᭘ 8B] ᭘ ᬡᬜᬡ᭄ᬥᬂᬳᭂᬦ᭄ᬢᭀᬓ᭄ᬫᬶᬢ᭄ᬳᬧᬂᬬᬢ᭄ᬦᬵ᭞ᬤᬰᬃᬢᬸᬢᬸᬭᬾᬳᬶᬢᬸᬦᬶ᭞ᬩᬧᬫᬶᬥᬃᬢ᭄ᬢᬬᬂ᭞ᬢ᭄ᬭᬶᬓᬬᬧᬭᬶᬰᬸᬤ᭄ᬥ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬫᬦᬰᬭᬶᬦ᭄᭞ᬯᬸᬯᬸᬳᬶᬦ᭄ᬩ ᬧ᭞ᬓᬳᬸᬘᬧ᭄ᬭᬶᬂᬲᭀᬃᬧᬸᬦᬶᬓᬶ᭛ᬬᬦ᭄ᬫᬓ᭄ᬫᬶᬢ᭄ᬩᬢᬶᬲ᭄ᬮᬶᬫᬫᬓᬧᬢ᭄ᬧᬢ᭄᭞ᬫᬢᬳᬸᬕᬶᬫᬭᬶᬓ᭄ᬱᬳᬶᬦ᭄᭞ᬳᬧᬂᬳᭂᬥᬗᬯᬕ᭄᭞ᬫᬜᭂᬫᬓ᭄ᬫᬢᬶᬦ᭄ᬤᬓᬦ᭄᭞ ᬘᭂᬮᬗᬂᬳᬸᬕᬶᬦᬶᬗ᭄ᬕᬮᬶᬦ᭄᭞ᬫᬗ᭄ᬤᬓᬲᬥ᭄ᬬᬦ᭄᭞ᬳᬧᬂᬳᭂᬥᬓᬦ᭄ᬢᬶᬧᭂᬮᬶᬄ᭛ᬗ᭄ᬭᬓ᭄ᬱᬩᬶᬩᬶᬄᬲᬶᬮᬶᬢ᭄ᬓᬢ᭄ᬓᬦᬶᬂᬧᬱ᭄ᬝ᭞ᬤᬺᬢᬶᬘᬶᬢ᭄ᬢᬳᬗ᭄ᬕᭀᬦ᭄ᬗᭂᬫᬶ ᬢ᭄᭞ᬇᬥᭂᬧ᭄ᬳᬧᬂᬚᬕ᭄ᬭ᭞ᬗᬺᬢ᭄‌ᬢ᭄ᬓᬦᬶᬂᬇᬦ᭄ᬤ᭄ᬭ᭄ᬬ᭞ᬇᬥᭂᬧᬾ ᬫᬓᭂᬚᬵᬂᬕᬶᬲᬶ᭞ᬦᭂᬕᬸᬮ᭄‌ᬦᭂᬓᭂᬓᬂ᭞ᬲᬓ᭄ᬱᬢ᭄ᬢᬮᬶᬳᬦ᭄ᬢᬾ ᬩᭂᬲᬶ᭛ᬫᬢᬓᭀᬧᬶᬂᬫᬲᬶᬄ [᭙ 9A] ᬳᬶᬫᬦᬄᬫᬗ᭄ᬭᬓ᭄ᬱ᭞ᬳᬶᬫᬦᬄᬢᬦ᭄ᬲᬄᬓᬕᬶᬲᬶ᭞ᬳᬦ᭄ᬢᬸᬓ᭄‌ᬰᬶᬮᬥᬃᬫ᭄ᬫ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬗᬶᬲᬶᬦ᭄ᬓᭂᬢᬂ᭞ᬳᬧᬂᬳᭂᬜᬓ᭄ᬧᬕᭂᬄᬦᬶᬦ᭄ᬤᬶᬄ᭞ᬬᬦ᭄‌ᬢ᭄ᬯᬄᬜᬶᬥ ᬬᬂ᭞ᬫᬭᬗᭂᬮᬄᬫᬶᬢ᭄ᬭᬰᬓ᭄ᬢᬶ᭛ᬚᬦᬶᬜᬡ᭄ᬥᬂᬲᬸᬩᬓᬶᬦ᭄ᬓᬶᬦᬂᬤᬶᬳᬯᬓ᭄᭞ᬫᬤᬦᬸᬦᬂᬬᬰᬓᬾᬃᬢ᭄ᬢᬶ᭞ᬤᬾᬦᬶᬂᬳᬯᬓ᭄‌ᬓ᭄ᬦ᭞ᬩᬳᬦ᭄ᬰᬸᬪᬰᬸᬪᬓᬃᬫ᭄ᬫ᭞ᬤᬤ᭄ᬯᬲᭀ ᬮᬳᬾᬗᬮᬶᬮᬶᬢ᭄᭞ᬓᬾᬯᭂᬄᬫ᭄ᬥᬲᬂ᭞ᬬᬦ᭄‌ᬢᬦ᭄ᬲᬓᬶᬂᬓᬸᬓᬸᬄᬚᬢᬶ᭛ᬰᬸᬪᬰᬸᬪᬵᬚᬦᬶᬩᬧᬫᬶᬢᭂᬕᭂᬲᬂ᭞ᬚ᭄ᬜᭂᬂᬢᭀᬡ᭄ᬥᬾᬦ᭄ᬘᭂᬦᬶᬂᬗᬺᬢ᭄ᬢᬶ᭞ᬰᬸᬪ ᬳᬬᬸᬓᭀᬘᬧ᭄᭞ᬳᬰᬸᬪᬢᬦ᭄ᬳᬬᬸᬓᭀᬘᬧ᭄᭞ᬢᭀᬧᭂᬥᬲᬂᬳᬧᬂᬧᬱ᭄ᬝᬶ᭞ᬤᬩ᭄ᬤᬩᬂᬧᬶᬲᬦ᭄᭞ᬲᭀᬮᬄᬳᬮᬳᬧᬂᬮᬶᬮᬶᬄ᭛ᬲᬓᬾ ᬯᬮᬵ

Auto-transliteration

[8 8B] 8 ṇañaṇdhanghĕntokmit'hapangyatnā, daśar̀tuturehituni, bapamidhar̀ttayang, trikayapariśuddha, hĕntohanggonmanaśarin, wuwuhinba pa, kahucapringsor̀puniki /// yanmakmitbatislimamakapatpat, matahugimarikṣahin, hapanghĕdhangawag, mañĕmakmatindakan, cĕlanganghugininggalin, mangdakasadhyan, hapanghĕdhakantipĕliḥ /// ngrakṣabibiḥsilitkatkaningpaṣṭa, dr̥ĕticittahanggonngĕmi t, idhĕp'hapangjagra, ngr̥ĕttkaningindrya, idhĕpe makĕjānggisi, nĕgulnĕkĕkang, sakṣattalihante bĕsi /// matakopingmasiḥ [9 9A] himanaḥmangrakṣa, himanaḥtansaḥkagisi, hantukśiladhar̀mma, hĕntohanggonngisinkĕtang, hapanghĕñakpagĕḥnindiḥ, yantwaḥñidha yang, marangĕlaḥmitraśakti /// janiñaṇdhangsubakinkinangdihawak, madanunangyaśaker̀tti, deninghawakkna, bahanśubhaśubhakar̀mma, dadwaso lahengalilit, kewĕḥmdhasang, yantansakingkukuḥjati /// śubhaśubhājanibapamitĕgĕsang, jñĕngtoṇdhencĕningngr̥ĕtti, śubha hayukocap, haśubhatanhayukocap, topĕdhasanghapangpaṣṭi, dabdabangpisan, solaḥhalahapangliliḥ /// sake walā

Leaf 9

Image on Archive.org

[᭙ 9B] ᭙ ᬳᬧᬂᬘ᭄ᬦᬶᬂᬳᬶᬗᭂᬢ᭄ᬧᬶᬲᬦ᭄᭞ᬭᬶᬂᬓᭂᬘᬧᬶᬂᬅᬚᬶ᭞ᬩᬭᬢ᭄ᬯᬭᬮᬦ᭞ᬲᬦᬾ ᬦᭀᬗᭀᬲ᭄ᬤᬶᬳᬯᬓ᭄᭞ᬕᭀᬩᬩᬕᬸᬲ᭄ᬧᬸᬢᬶᬄᬧᬶᬧᬶᬲ᭄᭞ᬳᭂᬥᬗᭂᬡ᭄ᬥᭂᬮᬂ ᭞ᬩᬦ᭄ᬘᭂᬦᬶᬗᬾᬲᬸᬕᬶᬄᬧᬶᬧᬶᬲ᭄᭛ᬬᬦᬶᬂᬲᬚᬵᬘ᭄ᬦᬶᬂᬳᬶᬗᭂᬢ᭄‌ᬢ᭄ᬓᬾᬦ᭄ᬳᬯᬓ᭄᭞ᬩᬶᬱᬵᬗᬶᬗᭂᬃᬲᬦᬾ ᬚᬢᬶ᭞ᬫᬶᬯᬄᬦᬾ ᬢᬦ᭄ᬮᬦ᭞ᬦᬾ ᬦᭀᬗ᭄ᬳᭀᬲ᭄ᬤᬶᬰᬭᬶ ᬭ᭞ᬲᬶᬦᬄᬘ᭄ᬦᬶᬂᬜᬓ᭄ᬫᬓᬶᬦ᭄ᬓᬶᬦ᭄᭞ᬕᬯᬾ ᬓᬥᬃᬫ᭄ᬫᬦ᭄᭞ᬗᬫᬢ᭄ᬬᬂᬲᭀᬮᬄᬧ᭄ᬮᬶᬄ᭞᭛ᬳᬮᬳᬬᬸᬲᬶᬮᬃᬲᬶᬮᬸᬃᬢᭀᬲᬢᬢ᭞ᬳᬶᬳᬬᬸᬲᬕᬾᬢ᭄ᬮᬶᬮᬶᬄ ᭞ᬲᬂᬳᬮᬗᬮᬳᬂ᭞ᬲᬕᬾᬢ᭄ᬲᬂᬳᬮᬓᬮᬄ᭞ᬫᬸᬮᬵ ᬢ᭄ᬯᬄᬧᬍᬗ᭄ᬕᭂᬦ᭄ᬢᬶ᭞ᬳᭂᬦ᭄ᬢᭀᬲᭂᬓᭂᬦᬂ᭞ᬳᬧᬂᬩ᭄ᬦᭂᬂᬦᬾ ᬦᬾ ᬍᬯᬶᬄ᭛ᬦᬾ ᬳᬩᭂᬲᬶᬓ᭄ᬤᬤᬶᬘ᭄ᬦᬶᬂ [᭑᭐ 10A] ᬳᬲ᭄ᬢᬶᬢᬶᬬᬂ᭞ᬦᬾᬦᬾᬫᬤᬦ᭄ᬳᬬᬸᬚᬢᬶ᭞ᬳᭂᬦ᭄ᬢᭀᬚ᭄ᬯᬚᬸᬚᬸᬭᬂ᭞ᬳᬧᬂᬳᭂᬥᬓᬲᬗ᭄ᬲᬭᬦ᭄᭞ᬳᬸᬮᬶᬳᬶᬥᬸᬧ᭄ᬓᬬᬂᬫᬢᬶ᭞ᬓᬢᬶᬩ᭄ᬭᬳᬮ᭞ᬓᬢᭂᬢᭂᬄᬩᬦ᭄ᬳᬬᬸ ᬚᬢᬶ᭛ᬬᬦᬶᬂᬮᬘᬸᬃᬩᬧᬫᬗ᭄ᬮᬄᬲᭂᬦ᭄ᬢᬦ᭞ᬢ᭄ᬯᬭᬩᬶᬱᬗᬶᬤᭂᬧ᭄ᬫᬸᬜᬶ᭞ᬘ᭄ᬦᬶᬂᬳᬚᬓ᭄ᬫᬓᭂᬚᬂ᭞ᬢᬸᬗ᭄ᬓᬲ᭄ᬢᭂᬓᬾᬦ᭄ᬫᬸᬜᬶᬦ᭄ᬩᬧ᭞ᬢᬦ᭄ᬳᬸᬭᬸᬂᬮᬘᬸᬃᬓᬧᬗ᭄ᬕᬶᬄ᭞ᬢ᭄ᬯᬭ ᬜᬮᬦᬂ᭞ᬳᬶᬦ᭄ᬤᬶᬓ᭄ᬓᬥᬃᬫ᭄ᬫᬦᬾ ᬍᬯᬶᬄ᭛ᬓᬧᬶᬗ᭄ᬓᬮᬶᬄᬓ᭄ᬬᬸᬲ᭄‌ᬢ᭄ᬯᬭᬩᬶᬱᬕᬗ᭄ᬲᬃ᭞ᬭᬚᬄᬢᬫᬄᬫᬜᬸᬲᬸᬧᬶᬦ᭄᭞ᬳᬤᬩ᭄ᬯᬶᬦ᭄ᬢ᭄ᬭᬶᬫᬮ᭞ᬮᭀᬩᭀᬫᭀ ᬳᬵᬫᬸᬃᬓ᭄ᬓ᭞ᬗᬯᬾᬍᬢᬸᬄᬳᬯᬓ᭄ᬲᬳᬶ᭞ᬳᬶᬫᬮᬵ ᬢᬶᬕ᭞ᬫᬦᬓᬸᬫᬦᬓ᭄ᬩᬸᬯᬶᬦ᭄᭛ᬫᬯᬓ᭄ᬫᬸᬲᬸᬄᬰᬓ᭄ᬢᬶᬤᬳᬢᬶᬂᬯᬶᬰᬾᬱ᭞ᬫᬸᬯᬸᬄᬫᬯᬓ᭄‌ᬯᬺᬤ᭄ᬥᬶ

Auto-transliteration

[9 9B] 9 hapangcninghingĕtpisan, ringkĕcapingaji, baratwaralana, sane nongosdihawak, gobabagusputiḥpipis, hĕdhangĕṇdhĕlang , bancĕningesugiḥpipis /// yaningsajācninghingĕttkenhawak, bisyāngingĕr̀sane jati, miwaḥne tanlana, ne nonghosdiśari ra, sinaḥcningñakmakinkin, gawe kadhar̀mman, ngamatyangsolaḥpliḥ, /// halahayusilar̀silur̀tosatata, hihayusagetliliḥ , sanghalangalahang, sagetsanghalakalaḥ, mulā twaḥpal̥ĕnggĕnti, hĕntosĕkĕnang, hapangbnĕngne ne l̥ĕwiḥ /// ne habĕsikdadicning [10 10A] hastitiyang, nenemadanhayujati, hĕntojwajujurang, hapanghĕdhakasangsaran, hulihidhupkayangmati, katibrahala, katĕtĕḥbanhayu jati /// yaninglacur̀bapamanglaḥsĕntana, twarabiṣangidĕpmuñi, cninghajakmakĕjang, tungkastĕkenmuñinbapa, tanhurunglacur̀kapanggiḥ, twara ñalanang, hindikkadhar̀mmane l̥ĕwiḥ /// kapingkaliḥkyustwarabiṣagangsar̀, rajaḥtamaḥmañusupin, hadabwintrimala, lobomo hāmur̀kka, ngawel̥ĕtuḥhawaksahi, himalā tiga, manakumanakbuwin /// mawakmusuḥśaktidahatingwiśeṣa, muwuḥmawakwr̥ĕddhi

Leaf 10

Image on Archive.org

[᭑᭐ 10B] ᭑᭐ ᭞ᬓ᭄ᬭᭀᬥᬭᬵᬕᬥ᭄ᬯᬾᬱ᭞ᬤᬶᬲᬸᬩᬦᬾ ᬮᬮᬶᬫ᭞ᬲᬸᬩᬯᬶᬪᬸᬄᬤᬳᬢ᭄ᬰᬓ᭄ᬢᬶ᭞ᬩᬸᬯᬶᬦᬸᬫᬦᬓ᭄᭞ᬫᬯᬸᬯᬸᬄᬪᬶᬦᬱ᭄ᬫ᭄ᬬᬤᬶᬭᬶ᭛ᬤᬹᬃᬢ᭄ᬢᬦᬶᬡ᭄ᬥᬢ᭄ᬯᬫᬸᬃᬓ᭄ᬓ᭄ᬓᬓ᭄ᬭᬸᬭᬵ ᬓᬮᬸᬱ᭞ᬤᬫ᭄ᬥᬫᬶᬢ᭄ᬬᬳᬶᬃᬬ᭄ᬬᬫᬮᬶᬄ᭞ᬇᬗ᭄ᬰᬦᬾ ᬓᬯᬸᬦ᭄ᬢᬢ᭄᭞ᬫᬫᬸᬃᬢ᭄ᬢᬶᬧᬢ᭄‌ᬩ᭄ᬮᬲ᭄ᬯᬃᬡ᭄ᬦ᭞ᬳᭂᬦ᭄ᬢᭀᬫᬸᬲᬸᬄᬤᬳᬢ᭄ᬰᬓ᭄ᬢᬶ᭞ᬦᭀᬗᭀᬲ᭄ᬤᬶᬳᬯᬓ᭄᭞ᬳᭂᬦ᭄ᬢᭀᬓᬸᬤ᭄ᬬᬵᬂ᭞ ᬫᬗ᭄ᬮᬶᬤᬶᬦ᭄᭞᭛ᬳᬧᬳᬗ᭄ᬕᭀᬦ᭄ᬦᬗ᭄ᬓᬶᬲ᭄ᬳᬧᬂᬲᬶᬤ᭄ᬥᬓᬦ᭄ᬤᬧ᭄᭞ᬫᬸᬲᬸᬳᬾ ᬦᬾᬦᬾ ᬰᬓ᭄ᬢᬶ᭞ᬤᬾᬦᬶᬂᬮ᭄ᬬᬸᬫᬗᬮ᭞ᬤᬶᬦᬶᬤᬶᬫᬥ᭄ᬬᬧᬤ᭞ᬇᬦ᭄ᬤ᭄ᬭᬶᬬᬦᬾ ᬫ ᬜᬸᬲᬸᬧᬶᬦ᭄᭞ᬳᭂᬦ᭄ᬢᭀᬫᬓ᭄ᬭᬡ᭞ᬫᬧ᭄ᬭᬂᬲᬳᬶᬮᬶᬮᬶᬄ᭛ᬦᬾ ᬳᬤᬲᬜ᭄ᬚᬢᬳᬗ᭄ᬕᭀᬦ᭄ᬫᬗ᭄ᬮᬯᬦ᭄᭞ᬮᬸᬗ᭄ᬲᬸᬭᬶᬂᬲᬂᬯᬶᬓᬸᬰᬓ᭄ᬢᬶ᭞ᬲᬜ᭄ᬚᬢᬉᬢ᭄ᬢ [᭑᭑ 11A] ᬫ᭞ᬫᬚᬚᬸᬮᬸᬓᬃᬫ᭄ᬫᬧᬢ᭞ᬲᬶᬦᬄᬧᬘᬂᬓᬳᬶᬘᬾᬦᬶᬦ᭄᭞ᬢᬸᬯᬄᬳᬤᬰ᭞ᬫᬩᬦ᭄ᬢᬂᬢ᭄ᬭᬶᬓᬬᬘᬦ᭄ᬤᬶ᭛ᬳᬸᬮᬶᬫᬦᬄᬫᬶᬚᬶᬮ᭄ᬲᬜ᭄ᬚᬢᬢᬢᬶ ᬕ᭞ᬧᬢ᭄ᬧᬢ᭄ᬧᭂᬲᬸᬳᬸᬮᬶᬫᬸᬜᬶ᭞ᬢᬢᭂᬮᬸᬢᭀᬯᬸᬮᬶᬲᭀᬮᬄ᭞ᬦᬾ ᬚᬦᬶᬘᬘᬓᬦ᭄ᬜ᭞ᬚᬗ᭄ᬓᭂᬧ᭄ᬳᬤᬰᬯᬶᬮᬗᬶᬦ᭄᭞ᬳᬧᬗᬲᬶᬦᬄ᭞ᬧᬶᬤᬃᬢ᭄ᬢᬦ᭄ᬜ ᬦᬾ ᬲᬫᬶ᭛ᬲᬓᬶᬂᬫᬦᬄᬲᬜ᭄ᬚᬢᬦᬾ ᬓᬾᬦᬾ ᬓᭀᬘᬧ᭄᭞ᬳᭂᬤᬵᬫᭂᬍᬤ᭄ᬫᬶᬯᬄᬤᬺᬗ᭄ᬕᬶ᭞ᬢ᭄ᬓᬾᬦ᭄ᬕᭂᬮᬄᬳᬦᬓ᭄᭞ᬳᭂᬥᬓ᭄ᬭᭀᬥ ᬚ᭄ᬭᭀᬦᬶᬂᬫᬦᬄ᭞ᬳᬶᬥᬧᬶᬲᬦ᭄ᬫᬫᭀᬬᬦᬶᬦ᭄᭞ᬳᬶᬧᬮᬓᬃᬫ᭄ᬫ᭞ᬳᬲᬶᬂᬕᬯᬾᬧᬲᬂᬪᬸᬓ᭄ᬢᬶ᭛ᬲᬓᬶᬂᬫᬸᬜᬶᬲᬜ᭄ᬚᬢᬦᬾ ᬫᬮᬶᬄᬧᬢ᭄ᬧᬢ᭄᭞ᬳᭂ

Auto-transliteration

[10 10B] 10 , krodharāgadhweṣa, disubane lalima, subawibhuḥdahatśakti, buwinumanak, mawuwuḥbhinaṣmyadiri /// dūr̀ttaniṇdhatwamur̀kkkakrurā kaluṣa, damdhamityahir̀yyamaliḥ, ingśane kawuntat, mamur̀ttipatblaswar̀ṇna, hĕntomusuḥdahatśakti, nongosdihawak, hĕntokudyāng, manglidin, /// hapahanggonnangkishapangsiddhakandap, musuhe nene śakti, deninglyumangala, dinidimadhyapada, indriyane ma ñusupin, hĕntomakraṇa, maprangsahililiḥ /// ne hadasañjatahanggonmanglawan, lungsuringsangwikuśakti, sañjata'utta [11 11A] ma, majajulukar̀mmapata, sinaḥpacangkahicenin, tuwaḥhadaśa, mabantangtrikayacandi /// hulimanaḥmijilsañjatatati ga, patpatpĕsuhulimuñi, tatĕlutowulisolaḥ, ne janicacakanña, jangkĕp'hadaśawilangin, hapangasinaḥ, pidar̀ttanña ne sami /// sakingmanaḥsañjatane kene kocap, hĕdāmĕl̥ĕdmiwaḥdr̥ĕnggi, tken'gĕlaḥhanak, hĕdhakrodha jroningmanaḥ, hidhapisanmamoyanin, hipalakar̀mma, hasinggawepasangbhukti /// sakingmuñisañjatane maliḥpatpat, hĕ

Leaf 11

Image on Archive.org

[᭑᭑ 11B] ᭑᭑ ᬥᬵᬗᬯᬾᬫᬸᬜᬶᬤᭂᬓᬶᬮ᭄᭞ᬳᭂᬥᬧᬶᬲᬦ᭄ᬫᬫᬶᬰᬸᬦ᭞ᬳᭂᬥᬫᭀᬩᬤ᭄‌ᬢ᭄ᬓᬾᬦ᭄ᬫᬸᬜᬶ᭞ᬳᭂᬦ᭄ᬢᭀᬫᬓᭂᬚᬂ᭞ᬧᬶᬬᭂᬃᬳᬸᬕᬶᬳᬧᬂᬫᬢᬶ᭛ᬤᬶᬮᬓ᭄ᬱᬡᬫᬶ ᬚᬶᬮ᭄ᬲᬜ᭄ᬚᬢᬵᬢᬢᬶᬕ᭞ᬳᭂᬥᬫᬫᬢᬶᬫᬢᬶ᭞ᬳᭂᬥᬗᭀᬤᬕ᭄ᬳᭀᬤᬕ᭄ᬚᬸᬯᬂᬲᬓᬶᬂᬧ᭄ᬭᬓᭀᬱ᭞ᬲᭀᬮᬄᬧ᭄ᬭᬥᬭᬢᬸᬦᬳᬶᬦ᭄᭞ᬘᬸᬓᬸᬧ᭄ᬳᬤ ᬰ᭞ᬇᬦ᭄ᬤ᭄ᬭᬶᬬᬦᬾ ᬫᬫᭀᬢᭀᬗᬶᬦ᭄᭛ᬬᬦᬶᬂᬲᬶᬤ᭄ᬥᬳᭂᬦ᭄ᬢᭀᬩᬳᬦ᭄‌ᬗᬫᬢ᭄ᬬᬂ᭞ᬲᬸᬩᬫᬤᬦ᭄ᬳᬯᬓ᭄ᬰᬓ᭄ᬢᬶ᭞ᬫᬸᬱ᭄ᬝᬶᬢᬭᬶᬫᬩᬧ᭞ᬢ᭄ᬓᬾᬦᬵᬳᬶᬂᬓᬤᬂᬫᬶ ᬢ᭄ᬭ᭞ᬫᬓᬤᬶᬭᬶᬂᬲᬹᬃᬬ᭄ᬬᬕᬸᬱ᭄ᬝᬶ᭞ᬓᬾᬢᭀᬓᬶᬦᬸᬘᬧ᭄᭞ᬫᬸᬗ᭄ᬕᬸᬄᬭᬶᬂᬓᭂᬘᬧᬶᬂᬅᬚᬶ᭛ᬦᬾᬳᬤᬲᬜ᭄ᬚᬢᬩᬶᬦ᭄ᬭᭀᬭᬲ᭄ᬧᬲᬮ᭄᭞ᬓ᭄ᬦᬘ᭄ᬦᬶᬂᬦᬾᬦᬾ [᭑᭒ 12A] ᬚᬦᬶ᭞ᬗᬮᬸᬗ᭄ᬲᬸᬃᬭᬶᬂᬲᬂᬧᬡ᭄ᬥᬶᬢ᭞ᬚᬦᬶᬩᬧᬫᬶᬥᬃᬢ᭄ᬢᬬᬂ᭞ᬧᬶᬋᬗᬂᬚᬳᬧᬂᬗᬢᬶᬄ᭞ᬳᭂᬥᬢᬸᬮᬾᬫᬦ᭄᭞ᬘ᭄ᬦᬶᬂᬫᬶᬋᬗᬂᬦᬾ ᬚᬦᬶ.᭛ᬳᬶᬥᬃᬫ᭄ᬫᬲᬢ᭄ᬬ᭞ᬫᬸᬯᬄ ᬢᬧᬤᬫᬢ᭄ᬲᬭᬶᬢ᭄ᬯ᭞ᬢᬶᬢᬶᬓ᭄ᬱᬬᬚ᭄ᬜᬤᬺᬢᬶ᭞ᬳᬦᬲᬸᬓ᭄ᬱ᭄ᬫ᭞ᬳᭂᬭᬶᬄᬫᬓᬫᬶᬯᬄᬤᬫ᭞ᬦᬾᬦᬾᬢᬢᭂᬮᬸᬓᬸᬫ᭄ᬧᬸᬮᬂᬚᬦᬶ᭞ᬳᬶᬥᬃᬫ᭄ᬫᬲᬢ᭄ᬬ᭞ᬫᬶᬯᬄ ᬢᬧᬫᬶᬦᬓᬤᬶ᭛ᬦᬾ ᬦᬾ ᬢᬢᭂᬮᬸᬳᬦ᭄ᬢᭀᬲᬸᬩᬫᬯᬓ᭄ᬢᬧ᭞ᬢ᭄ᬕᭂᬲᬂᬳᬶᬢᬧᬩ᭄ᬯᬶᬦ᭄᭞ᬫᬦᬲᬶᬂᬰᬭᬶᬭ᭞ᬢ᭄ᬯᬄᬗᬺᬢ᭄ᬩᬸᬤ᭄ᬥᬶᬫᬼᬤ᭄᭞ᬇᬦ᭄ᬤ᭄ᬭᬶᬬᬦᬾ ᬫ ᬫᭀᬢᭀᬗᬶᬦ᭄᭞ᬓᬾᬢᭀᬓᬶᬦᬸᬘᬧ᭄᭞ᬢᭀᬲᬸᬩᬤᬤᬶᬳᬩᭂᬲᬶᬓ᭄᭛ᬢ᭄ᬕᭂᬲ᭄ᬳᬫᬳᬸᬧᬲᬫᬄᬫᬦᬄᬕᬮᬂᬫᬢ᭄ᬲᬭᬶᬢ᭄ᬯᬦᬾ ᬫᬮᬶᬄ᭞ᬢ

Auto-transliteration

[11 11B] 11 dhāngawemuñidĕkil, hĕdhapisanmamiśuna, hĕdhamobadtkenmuñi, hĕntomakĕjang, piyĕr̀hugihapangmati /// dilakṣaṇami jilsañjatātatiga, hĕdhamamatimati, hĕdhangodag'hodagjuwangsakingprakoṣa, solaḥpradharatunahin, cukup'hada śa, indriyane mamotongin /// yaningsiddhahĕntobahanngamatyang, subamadanhawakśakti, muṣṭitarimabapa, tkenāhingkadangmi tra, makadiringsūr̀yyaguṣṭi, ketokinucap, mungguḥringkĕcapingaji /// nehadasañjatabinroraspasal, knacningnene [12 12A] jani, ngalungsur̀ringsangpaṇdhita, janibapamidhar̀ttayang, pir̥ĕngangjahapangngatiḥ, hĕdhatuleman, cningmir̥ĕngangne jani. /// hidhar̀mmasatya, muwaḥ tapadamatsaritwa, titikṣayajñadr̥ĕti, hanasukṣma, hĕriḥmakamiwaḥdama, nenetatĕlukumpulangjani, hidhar̀mmasatya, miwaḥ tapaminakadi /// ne ne tatĕluhantosubamawaktapa, tgĕsanghitapabwin, manasingśarira, twaḥngr̥ĕtbuddhiml̥ĕd, indriyane ma motongin, ketokinucap, tosubadadihabĕsik /// tgĕshamahupasamaḥmanaḥgalangmatsaritwane maliḥ, ta

Leaf 12

Image on Archive.org

᭑᭒ 12B] ᭑᭒ ᬦ᭄ᬓᬢᬫᬦ᭄ᬳᬶᬃᬱ᭄ᬬ᭞ᬬᬦᬶᬂᬳ᭄ᬭᬶᬄᬩᬶᬱᬚᭂᬗᬄ᭞ᬦᬾ ᬦᬾ ᬧᬢᬸᬢ᭄‌ᬚᭂᬗᬳᬂᬢᬶᬦ᭄ᬤᬶᬄ᭞ᬫᬶᬯᬄᬢᬶᬢᬶᬓ᭄ᬱ᭞ᬢᬦ᭄ᬯᭂᬦᬂᬓ᭄ᬭᭀᬥᬓ᭄ᬭᭀᬥᬳᬶᬦ᭄᭛ᬳᬦᬲᬹᬬᬢ᭄ᬯᬭᬤ ᬤᬶᬫᬫᬶᬤᭀᬱ᭞ᬬᬦ᭄ᬢᭀᬦ᭄ᬤᬾᬦ᭄‌ᬚᬦ᭄ᬢᭂᬦ᭄ᬧᭂᬮᬶᬄ᭞ᬬᬚ᭄ᬜᬧᬶᬢ᭄ᬕᭂᬲᬂ᭞ᬢᬵᬦ᭄ᬲᬄᬧᬕᭂᬄᬫᬯᬾᬥ᭞ᬤᬦᬩᬭᬾᬲ᭄ᬢᬦ᭄ᬲᬶᬦᬶᬧᬶ᭞ᬤᬺᬢᬶᬦᬾ ᬓᭀᬘᬧ᭄᭞ᬮᬗ᭄ᬕᭂᬂᬫ ᬳ᭄ᬦᬶᬂᬳ᭄ᬦᬶᬂᬲᬳᬶ᭛ᬳᬶᬓ᭄ᬱᬫᬵᬓ᭄ᬮᬦ᭄ᬭᬶᬂᬲᬸᬓᬫᬶᬯᬄᬤᬸᬳ᭄ᬓ᭞ᬓ᭄ᬮᬦᬦ᭄ᬤᬂᬧᬦᬲ᭄ᬕᬢᬶ᭞ᬢ᭄ᬯᬭᬩᬶᬱᬦᬸᬮᬓ᭄᭞ᬳᬲᬮ᭄‌ᬢ᭄ᬓᬓᬢ᭄ᬭᬶᬫ᭞ᬬᬤᬶᬦ᭄ᬧᬦᬲ᭄‌ᬬᬤᬶᬦ᭄ᬳᭂᬢᬶᬲ᭄᭞ ᬢ᭄ᬯᬄᬳᬓᬾᬢᭀ᭞ᬲᬜ᭄ᬚᬢᬦ᭄ᬲᬂᬯᬶᬓᬸᬰᬓ᭄ᬢᬶ᭛ᬬᬦᬶᬂᬘ᭄ᬦᬶᬂᬲᬸᬩᬗᭂᬫ᭄ᬩᬢ᭄‌ᬬᬸᬥ᭞ᬲᬜ᭄ᬚᬢᬦᬾᬳᭂᬦ᭄ᬢᭀᬳᬮᬶᬄ᭞ᬢᬸᬦᬲ᭄ᬤᬯ᭄ᬕᬂ᭞ᬮᬸᬗ᭄ᬲᬸᬭᬶᬂᬲᬂᬧᬡ᭄ᬥᬶᬢ᭞ [᭑᭓ 13A] ᬦᬗ᭄ᬳᬶᬂᬢᬾᬧᬶᬮᬶᬄᬧᬶᬮᬶᬳᬶᬦ᭄᭞ᬤᬾᬦᬶᬂᬓᬲᬭᬢ᭄᭞ᬲᬜ᭄ᬚᬢᬦᬾ ᬫᬓᬲᬫᬶ᭛ᬓ᭄ᬭᬡᬩᬧᬵᬫᬶᬥᬃᬢᬬᬂᬭᬶᬂᬳᬶᬭᬦᬓ᭄᭞ᬯᬶᬭᬾᬄᬲᭂᬗ᭄ᬓᬢᬦ᭄ᬲᬶᬦᬶᬧᬶ᭞ᬳᬶ ᬤᬤᬦᬾ ᬲᬶᬦᬫ᭄ᬬᬦ᭄᭞ᬧᬘᬂᬫᬫᭀᬗᬶᬦ᭄ᬇᬦ᭄ᬤ᭄ᬭᬶᬬ᭞ᬯᬶᬓᬸᬧᬡ᭄ᬥᬶᬢᬦᬾ ᬲᬫᬶ᭞ᬫᬕᬸᬚᭂᬗᬦ᭞ᬭᬫᬾ ᬫᬧ᭄ᬭᬂᬲᬮᬶᬂᬲᬩᬶᬢ᭄᭛ᬫᬗ᭄ᬓᬶᬦ᭄ᬓᬾᬦᬾ ᬘ᭄ᬦᬶᬂᬫᬓᬫᬶᬯᬄ ᬩᬧ᭞ᬢᬸᬦᬲᬂᬫᬓᬲᬫᬶ᭞ᬢᭀᬂᬜᬦ᭄ᬤᬂᬢᬸᬢᬸᬭᬂ᭞ᬦᬗ᭄ᬳᬶᬂᬢᬾᬤᬳᬢᬶᬂᬲᬥ᭄ᬬ᭞ᬫᭂᬦ᭄ᬢᬶᬓ᭄ᬤᬤᬶᬚᬦ᭄ᬫᬚᬦᬶ᭞ᬳᬸᬭᬶᬧᬶᬓᬸᬯᬢ᭄᭞ᬳᬗ᭄ᬕᭀᬦ᭄ᬭᬡᬗᬮᬶᬄ ᬩ᭄ᬘᬶᬓ᭄᭛ᬳᬧᬂᬳᭂᬥᬵᬦᬶᬃᬕ᭄ᬕᬯᬾ ᬫᬢᬶᬫᬚᬦ᭄ᬫ᭞ᬬᬦ᭄ᬢ᭄ᬯᬭᬗᬃᬤ᭄ᬤᬶᬦᬾ ᬩ᭄ᬘᬶᬓ᭄᭞ᬤᬤᬶᬲᬫᬧᬶᬲᬦ᭄᭞ᬢ᭄ᬓᬾᬦᬵᬲᬢᭀᬦᬾ ᬤᬶᬳᬮᬲ᭄᭞ᬩᬶᬦ

Auto-transliteration

12 12B] 12 nkatamanhir̀ṣya, yaninghriḥbiṣajĕngaḥ, ne ne patutjĕngahangtindiḥ, miwaḥtitikṣa, tanwĕnangkrodhakrodhahin /// hanasūyatwarada dimamidoṣa, yantondenjantĕnpĕliḥ, yajñapitgĕsang, tānsaḥpagĕḥmawedha, danabarestansinipi, dr̥ĕtine kocap, langgĕngma hninghningsahi /// hikṣamāklanringsukamiwaḥduhka, klanandangpanasgati, twarabiṣanulak, hasaltkakatrima, yadinpanasyadinhĕtis, twaḥhaketo, sañjatansangwikuśakti /// yaningcningsubangĕmbatyudha, sañjatanehĕntohaliḥ, tunasdawgang, lungsuringsangpaṇdhita, [13 13A] nanghingtepiliḥpilihin, deningkasarat, sañjatane makasami /// kraṇabapāmidhar̀tayangringhiranak, wireḥsĕngkatansinipi, hi dadane sinamyan, pacangmamonginindriya, wikupaṇdhitane sami, magujĕngana, rame maprangsalingsabit /// mangkinkene cningmakamiwaḥ bapa, tunasangmakasami, tongñandangtuturang, nanghingtedahatingsadhya, mĕntikdadijanmajani, huripikuwat, hanggonraṇangaliḥ bcik /// hapanghĕdhānir̀ggawe matimajanma, yantwarangar̀ddine bcik, dadisamapisan, tkenāsatone dihalas, bina

Leaf 13

Image on Archive.org

[᭑᭓ 13B] ᭑᭓ ᬦᬾ ᬫᬥᬳᬃᬦᬲᬶ᭞ᬦᬄᬓᬾᬢᭀᬦᬦᬓ᭄᭞ᬓᬸᬯᬢᬂᬳᬸᬕᬶᬦᬾᬚᬦᬶ᭛ᬬᬤᬶᬦ᭄‌ᬩ᭄ᬮᭀᬕ᭄ᬤᬲᬭᬶᬦ᭄ᬩᬦ᭄‌ᬩᬸᬤ᭄ᬥᬶᬧᬕᭂᬄ᭞ᬳᬶᬥᭂᬧᬾ ᬳᬧᬂᬢᬶᬮᬶᬂ ᭞ᬩᬸᬓᬲᬲᭀᬗ᭄ᬕᬦ᭄᭞ᬲᬳᬶᬦᬫ᭄ᬩᬦᬶᬂᬩ᭄ᬦᭂᬂ᭞ᬩᬶᬮᬂᬳᬯᬳᬶᬳᬓᬢᬶᬄ᭞ᬮᬫᬶᬮᬫᬶᬜ᭞ᬤᬤᬶᬓᬫ᭄ᬩᭂᬦ᭄ᬳ᭄ᬬᬳᬩᭂᬲᬶᬓ᭄᭛ᬓᬾᬦᬾ ᬩᬳᬦ᭄ᬗᬸᬧᬫ᭄ᬬᬂᬗ ᬮᬶᬄᬥᬃᬫ᭄ᬫ᭞ᬓᬤ᭄ᬬᬵᬗ᭄ᬕᬦᬶᬂᬳᬶᬲᬫ᭄ᬧᬶ᭞ᬫᬗᭂᬤᭂᬂᬢᬗ᭄ᬕᬮ᭞ᬩᬳᭀᬂᬜᬦᬾᬫᬶᬲᬶᬬᬸᬕ᭞ᬫᬳᬶᬍᬄᬤᬶᬢᬦᬄᬘᬭᬶᬓ᭄᭞ᬦᬸᬳᬸᬢ᭄ᬓᬤᭀᬗᬦ᭄᭞ᬜ ᬫ᭄ᬩᬾᬢ᭄ᬧᬥᬂᬬᬳᬜᬫ᭄ᬩᬶᬮ᭄᭛ᬢ᭄ᬯᬄᬳᬓᬾᬢᭀᬢᬶᬗ᭄ᬓᬳᬶᬂᬤᬤᬶᬫᬦᬸᬱᬵ᭞ᬘ᭄ᬦᬶᬂᬗᬮᬶᬄᬥᬃᬫ᭄ᬫᬚᬢᬶ᭞ᬫᬶᬯᬄᬗᬮᬶᬄᬤᬳᬃ᭞ᬧᬢᬸᬢᬾ ᬩ᭄ᬯᬢᬂᬧᬶᬲᬦ᭄᭞ [᭑᭔ 14A] ᬯᬶᬭᬾᬄᬲᬗᬸᬩᭂᬓᭂᬮ᭄ᬫᬢᬶ᭞ᬫᬶᬯᬄᬫᬜᬤ᭄ᬫ᭞ᬫᬩ᭄ᬓᭂᬮ᭄‌ᬮᬓ᭄ᬱᬡᬩ᭄ᬘᬶᬓ᭄᭛ᬓᬤᬶᬲᬫ᭄ᬧᬶᬗᬫᬄᬧᬤᬂᬳᬩᭂᬢᭂᬓᬦ᭄᭞ᬢᬦᬳᬾ ᬦᬾᬢ᭄ᬓᬧᬶᬦ᭄᭞ᬧᬘᬂ ᬩ᭄ᬓᭂᬮ᭄ᬯᭂᬓᬲ᭄᭞ᬳᬚᬓ᭄ᬮ᭄ᬬᬸᬓᬗᬫ᭄ᬭᬢᬬᬂ᭞ᬩᬩᭀᬭᭀᬦ᭄ᬫᬦᬸᬱᬵᬯᬶᬥᬶ᭞ᬢᭀᬫᬜᬸᬓᬬᬂ᭞ᬓᬾᬢᭀᬳᬸᬧᬫᬶᬜᬘ᭄ᬦᬶᬂ᭛ᬳᬾᬯᭂᬄᬧᬶᬲᬦ᭄ᬧᬘᬂᬫᬫ᭄ᬕ ᬢ᭄ᬳᬶᬦ᭄ᬤ᭄ᬭᬶᬬ᭞ᬩᬧᬢᭀᬲᬶᬂᬫᬫ᭄ᬩᭀᬬᬦᬶᬦ᭄᭞ᬯᬶᬭᬾᬄᬲᬓᬶᬂᬳᬶᬦ᭄ᬤ᭄ᬭᬶᬬ᭞ᬢᭀᬗᭀᬲ᭄ᬩᬧᬫᬗᬃᬤ᭄ᬥᬶᬬ᭞ᬦᬗ᭄ᬳᬶᬂᬘ᭄ᬦᬶᬂᬩᬸᬓᬚᬦᬶ᭞ᬲᬭᬢᬂᬧᬶᬲᬦ᭄᭞ᬥᬃᬫ᭄ᬫᬮᬵ ᬓ᭄ᬱᬡᬦᬾ ᬩ᭄ᬘᬶᬓ᭄᭛ᬲᬓᬾᬯᬮᬘ᭄ᬦᬶᬂᬳᭂᬥᬵᬓᬦ᭄ᬢᬳᭂᬗ᭄ᬲᬧ᭄᭞ᬳᬶᬓᬵᬥᬃᬫ᭄ᬫᬦᬾ ᬘ᭄ᬦᬶᬂ᭞ᬤᬶᬳᬶᬥᭂᬧ᭄ᬮᬶᬗ᭄ᬕᬬᬂ᭞ᬬᬤᬶᬦ᭄ᬢᭀᬦ᭄ᬤᬾᬦ᭄ᬫᬜᬶᬤᬬᬂ᭞ᬘ᭄ᬦᬶᬂᬧᬘᬂ

Auto-transliteration

[13 13B] 13 ne madhahar̀nasi, naḥketonanak, kuwatanghuginejani /// yadinblogdasarinbanbuddhipagĕḥ, hidhĕpe hapangtiling , bukasasonggan, sahinambaningbnĕng, bilanghawahihakatiḥ, lamilamiña, dadikambĕnhyahabĕsik /// kene bahanngupamyangnga liḥdhar̀mma, kadyāngganinghisampi, mangĕdĕngtanggala, bahongñanemisiyuga, mahil̥ĕḥditanaḥcarik, nuhutkadongan, ña mbetpadhangyahañambil /// twaḥhaketotingkahingdadimanusyā, cningngaliḥdhar̀mmajati, miwaḥngaliḥdahar̀, patute bwatangpisan, [14 14A] wireḥsangubĕkĕlmati, miwaḥmañadma, mabkĕllakṣaṇabcik /// kadisampingamaḥpadanghabĕtĕkan, tanahe netkapin, pacang bkĕlwĕkas, hajaklyukangamratayang, baboronmanusyāwidhi, tomañukayang, ketohupamiñacning /// hewĕḥpisanpacangmamga t'hindriya, bapatosingmamboyanin, wireḥsakinghindriya, tongosbapamangar̀ddhiya, nanghingcningbukajani, saratangpisan, dhar̀mmalā kṣaṇane bcik /// sakewalacninghĕdhākantahĕngsap, hikādhar̀mmane cning, dihidhĕplinggayang, yadintondenmañidayang, cningpacang

Leaf 14

Image on Archive.org

[᭑᭔ 14 B] ᭑᭔ ᬫᬜᬮᬶᬦᬶᬦ᭄᭞ᬩ᭄ᬬᬲᬬᬂᬧᬶᬲᬦ᭄᭞ᬢ᭄ᬕᬭᬂᬚᬮᬦ᭄ᬚᬮᬦᬶᬦ᭄᭛ᬳᬲᬶᬂᬕᬯᬾᬫᬸᬮᬵᬓᬮᬄᬩᬳᬦ᭄ᬩ᭄ᬬᬱ᭞ᬳᭂᬦ᭄ᬢᭀᬓ᭄ᬭᬡᬘ᭄ᬦᬶᬂᬚᬦᬶ᭞ᬳᭂᬥᬳᭂᬫᭂᬤ᭄ᬫᬮ ᬚᬄ᭞ᬫᬸᬗ᭄ᬧᬸᬂᬘ᭄ᬦᬶᬂᬳ᭄ᬦᬸᬓ᭄ᬯᬢ᭄᭞ᬉᬭᬶᬧ᭄ᬢᬦᬦ᭄ᬓᭂᬦᬾᬦᬵᬕ᭄ᬧᬶᬦᬱ᭄ᬝᬶ᭞ᬳᬧᬗᬵᬳᭂᬥᬘ᭄ᬦᬶᬂᬜᭂᬮ᭄ᬲᭂᬮ᭄ᬓᬮ᭄ᬫᬢᬶ᭛ᬇᬦ᭄ᬤ᭄ᬭᬶᬬᬦᬾᬘ᭄ᬦᬶᬂᬳᬸᬮᬶᬘ᭄ᬦᬶᬂᬓᬜ᭄ᬚᬂᬢ᭄ᬯ᭞ᬢᭀᬂᬲᬶᬤ᭄ᬥᬩᬦ᭄ ᬫᭀᬢᭀᬗᬶᬦ᭄᭞ᬓᬦ᭄ᬢᬶᬓᬬᬂᬧ᭄ᬚᬄ᭞ᬓᬦ᭄ᬢᭀᬲ᭄ᬓᬗ᭄ᬕᬾ ᬲᬲᭀᬗ᭄ᬕᬦ᭄᭞ᬭᬶᬂᬪᬕᬯᬦ᭄ᬯᬭᬭᬸᬘᬶ᭞ᬳᬶᬓᬸᬮᬸᬓ᭄ᬧ᭄ᬚᬄ᭞ᬗᬸᬢ᭄ᬕᬸᬢ᭄ᬩᬮᬸᬂᬢᬦ᭄ᬧᬳᬶᬲᬶ᭛ᬳᬸᬧ ᬫᬶᬜᬓᬤᬶᬓᬸᬮᬸᬓ᭄ᬢᬸᬯ᭞ᬲᬂᬢᬸᬦᬫᬗᬺᬢ᭄ᬩᬸᬤ᭄ᬥᬶ᭞ᬗᬸᬮᬄᬫᬜᬮᬦᬂ᭞ᬳᬶᬦ᭄ᬤ᭄ᬭᬶᬬᬦᬾ ᬗᬯᬕ᭄ᬗᬯᬕ᭄᭞ᬜᬓᬩ᭄ᬦᭂᬄᬜᬓᬧ᭄ᬮᬶᬄ᭞ᬲᬓᬫᬓᬫ᭞ᬢ᭄ᬯᬭᬗᬶ [᭑᭕ 15 A] ᬢᬸᬂᬧᭀᬘᭀᬮ᭄ᬩᬢᬶ᭞᭛ᬗᬮᬶᬄᬓᬦ᭄ᬢᬶᬫᬸᬮᬲᭂᬗ᭄ᬓᬵᬓᬢᬸᬢᬸᬭᬂ᭞ᬓᬤᬶᬫᬸᬗ᭄ᬕᬸᬄᬭᬶᬂᬧᬗᬯᬶ᭞ᬓᬓᬯᬶᬬᬦ᭄ᬳᬶᬤ᭞ᬰᬓ᭄ᬢᬶᬢᬮᬕᬦᬾ ᬓᬸᬦ᭞ᬜᬢ᭄ᬯᬬᬂᬦᬶᬤ᭄ᬬᬄ ᬢᬦ᭄ᬢ᭄ᬭᬶ᭞ᬳᬶᬓᬸᬤᬂᬳᬶᬫ᭄ᬩ᭞ᬳᬮᬬᬸᬩᬳᬦ᭄ᬓᬦ᭄ᬢᬶ᭛ᬓ᭄ᬭᬡᬜᬡ᭄ᬥᬂᬘ᭄ᬦᬶᬂᬚᬦᬶᬢᬗᬃᬧᬶᬲᬦ᭄᭞ᬗᬮᬶᬄᬮᬓᬃᬳᬗ᭄ᬕᭀᬦ᭄ᬓᬦ᭄ᬢᬶ᭞ᬳᭂᬥᬫᬗᬸᬮᬳᬂ᭞ᬲᭀᬓ᭄ᬜᬮ ᬦᬂᬓᬧᬶᬢᬺᬱ᭄ᬡᬦ᭄᭞ᬬᬤᬶᬦᬫ᭄ᬧᬶᬢᬺᬱ᭄ᬡᬪᬓ᭄ᬢᬶ᭞ᬲᬫ᭄ᬧᬸᬦᬂᬧᬶᬲᬦ᭄᭞ᬭᬶᬂᬳᬶᬘᭀᬭᬄᬫᬸᬃᬓ᭄ᬓᬘᬸᬓᬶᬮ᭄᭛ᬬᬦ᭄ᬓᬲᬶᬤ᭄ᬥᬦ᭄ᬧ᭄ᬭᬶᬬᬂᬳᬸᬕᬶᬲᬂᬯᬶᬤᬕ᭄ᬤ᭞ᬳᬶᬤᬜ ᬦ᭄ᬤᬂᬳᬶᬭᬶᬂᬲᬳᬶ᭞ᬫᬖᭀᬱ᭄ᬝᬶᬯᬶᬭᬱ᭞ᬳᬗ᭄ᬕᬾᬦ᭄ᬓᬦ᭄ᬢᬶᬲᬢᬢ᭞ᬦᬗ᭄ᬳᬶᬂᬘ᭄ᬦᬶᬂᬳᬧᬂᬧᬱ᭄ᬝᬶ᭞ᬳᬦᬸᬢᬂᬩᬶᬓᬲ᭄᭞ᬳᬧᬂᬮᬾᬤᬂᬲᬂᬓᬢᬗ᭄ᬓᬶᬮᬶᬦ᭄᭛ᬳᬗᭀ

Auto-transliteration

[14 14 B] 14 mañalinin, byasayangpisan, tgarangjalanjalanin /// hasinggawemulākalaḥbahanbyaṣa, hĕntokraṇacningjani, hĕdhahĕmĕdmala jaḥ, mungpungcninghnukwat, uriptanankĕnenāgpinaṣṭi, hapangāhĕdhacningñĕlsĕlkalmati /// indriyanecninghulicningkañjangtwa, tongsiddhaban motongin, kantikayangpjaḥ, kantoskangge sasonggan, ringbhagawanwararuci, hikulukpjaḥ, ngutgutbalungtanpahisi /// hupa miñakadikuluktuwa, sangtunamangr̥ĕtbuddhi, ngulaḥmañalanang, hindriyane ngawagngawag, ñakabnĕḥñakapliḥ, sakamakama, twarangi [15 15 A] tungpocolbati, /// ngaliḥkantimulasĕngkākatuturang, kadimungguḥringpangawi, kakawiyanhida, śaktitalagane kuna, ñatwayangnidyaḥ tantri, hikudanghimba, halayubahankanti /// kraṇañaṇdhangcningjanitangar̀pisan, ngaliḥlakar̀hanggonkanti, hĕdhamangulahang, sokñala nangkapitr̥ĕṣṇan, yadinampitr̥ĕṣṇabhakti, sampunangpisan, ringhicoraḥmur̀kkacukil /// yankasiddhanpriyanghugisangwidagda, hidaña ndanghiringsahi, maghoṣṭiwiraṣa, hanggenkantisatata, nanghingcninghapangpaṣṭi, hanutangbikas, hapangledangsangkatangkilin /// hango

Leaf 15

Image on Archive.org

[᭑᭕ 15 B] ᭑᭕ ᬩ᭄ᬧᬶᬲᬦ᭄ᬚᬦᬶᬩᬧᬫᬗᭂᬦ᭄ᬢᭂᬦᬂ᭞ᬧᬶᬲᬭᬢᬾ ᬲᬋᬂᬲᬫᬶ᭞ᬗᬮᬶᬄᬭᬚᬩ᭄ᬭᬡ᭞ᬳᬤᬳᬸᬮᬶᬫᬤᬕᬗᬦ᭄᭞ᬫ᭄ᬮᬬᬃᬫᬶᬯᬄᬓᬘᬭᬶᬓ᭄᭞ᬢ᭄ᬯᬭᬗᬶᬢᬸᬗᬂ᭞ᬢᬸ ᬬᬸᬳᬾ ᬫᬧᬸᬦ᭄ᬢᬂᬧᬦ᭄ᬢᬶᬂ᭛ᬤᬶᬲᬸᬩᬦᬾ ᬘᭂᬦᬶᬂᬗᭂᬮᬄᬩ᭄ᬭᬡᬓᬢᬄ᭞ᬲᬸᬓᬘ᭄ᬦᬶᬂᬫᬤᬦ᭄ᬲᬸᬕᬶᬄ᭞ᬤᬶᬢᬸᬓᬾᬯᭂᬄᬳᬮᬶᬯᬢ᭄᭞ᬫᬗ᭄ᬤᬕᬶᬦ᭄ᬭᬚᬩ᭄ᬭᬡ᭞ᬓᬾᬦ᭄ᬓᬾᬦ᭄ᬩ ᬦ᭄ᬫᬥᬬᬚᬦᬶ᭞ᬬᬦᬶᬂᬘ᭄ᬦᬶᬂᬩᬶᬱ᭞ᬳᬗ᭄ᬕᭀᬓᬦ᭄ᬢᬶᬫᬓᬲᬫᬶ᭛ᬬᬦ᭄ᬳᬶᬩ᭄ᬭᬡᬲᬬᬂᬧᬶᬲᬦ᭄ᬢᬦ᭄ᬧᬕᬸᬡ᭞ᬤᬶᬲᬸᬩᬦᬾ ᬘ᭄ᬦᬶᬂᬫᬢᬶ᭞ᬫᬧᬸᬦ᭄ᬤᬸᬄᬤᬶᬚᬸᬫᬄᬢᭀ ᬫᬤᬦ᭄ᬕᭂᬮᬄᬓᬸᬢᬂ᭞ᬢᬦᬸᬭᬸᬗᬦ᭄ᬲᭂᬥᬶᬄᬓᬶᬗ᭄ᬓᬶᬂ᭞ᬧᬬᬸᬫᬢᬮᬂ᭞ᬘ᭄ᬦᬶᬂᬫᬸᬮᬶᬄᬧᬤᬶᬤᬶᬳᬶ᭛ᬘ᭄ᬦᬶᬂᬮ᭄ᬬᬸᬗᭂᬮᬄᬩ᭄ᬭᬡᬤᬶᬚᬸᬫᬄ᭞ᬲᬦ᭄ᬢᬦᬦᬾᬫᬗᬺ [᭑᭖ 16 A] ᬩᬸᬢᬶᬦ᭄᭞ᬲᬳᬶᬫᬳᬶᬬᭂᬕᬦ᭄᭞ᬘ᭄ᬦᬶᬂᬩ᭄ᬮᭀᬕᬾᬓᬮᬶᬯᬢ᭄᭞ᬩ᭄ᬭᬡᬳᬗ᭄ᬕᭀᬦ᭄ᬫᬦᬫᬳᬶᬦ᭄᭞ᬧᬬᬸᬫᬶᬩᬸᬓᬦ᭄᭞ᬫᬕᭂᬚᭂᬕᬦ᭄ᬲᬳᬶᬲᬳᬶ᭞᭛ᬳᬶᬲᬦ᭄ᬢ ᬦᬲᬳᬶᬲᬳᬶᬫᬳᬸᬬᬸᬢᬦ᭄᭞ᬤᬶᬲᬸᬩᬦᬾ ᬘ᭄ᬦᬶᬂᬫᬢᬶ᭞ᬫᬗ᭄ᬤᬸᬫ᭄ᬓᬲᬸᬕᬶᬳᬦ᭄᭞ᬢ᭄ᬯᬭᬳᬶᬗᭂᬢᬂᬲᬸᬫᬢ᭄ᬭ᭞ᬢ᭄ᬓᬾᬦᬵᬲᬾᬤᬦ᭄ᬜᬦᬾ ᬲᬫᬶ᭞ᬦᬾ ᬓᬳᬶᬗᭂᬢᬂ ᭞ᬫᬗᬸᬮᬸᬭᬶᬦ᭄ᬳᬶᬦ᭄ᬤ᭄ᬭ᭄ᬬᬲᬳᬶ᭛ᬓ᭄ᬭᬡᬲᭂᬗ᭄ᬓᬫᬗᭂᬧᬄᬳᬶᬭᬵᬚᬩ᭄ᬭᬡ᭞ᬧᬢᬸᬢ᭄ᬓᭂᬧᬄᬢ᭄ᬮᬸᬘ᭄ᬦᬶᬂ᭞ᬳᬩᬕᬶᬳᭀᬥᬳᬃ᭞ᬫᬗᬚᬓ᭄ᬧ᭄ᬬᬦᬓ᭄‌ᬲᭀᬫᬄ ᬳᬗ᭄ᬕᭀᬫᬤᬦᬳᬩᬕᬶ᭞ᬫᬶᬯᬄᬫᬧᬹᬡ᭄ᬬ᭞ᬲᬧᭂᬮᬂᬩᬸᬢᬶᬢᬶᬢ᭄ᬳᬩᬕᬶ᭛ᬲᬸᬩᬮ᭄ᬬᬸᬬᬩᭂᬕᭂᬳᬦ᭄ᬭᬚᬩ᭄ᬭᬡ᭞ᬳᬶᬩ᭄ᬭᬡᬧᬯᬓᬦ᭄ᬢᬢᬶᬢ᭄

Auto-transliteration

[15 15 B] 15 bpisanjanibapamangĕntĕnang, pisarate sar̥ĕngsami, ngaliḥrajabraṇa, hadahulimadagangan, mlayar̀miwaḥkacarik, twarangitungang, tu yuhe mapuntangpanting /// disubane cĕningngĕlaḥbraṇakataḥ, sukacningmadansugiḥ, ditukewĕḥhaliwat, mangdaginrajabraṇa, kenkenba nmadhayajani, yaningcningbiṣa, hanggokantimakasami /// yanhibraṇasayangpisantanpaguṇa, disubane cningmati, mapunduḥdijumaḥto madan'gĕlaḥkutang, tanurungansĕdhiḥkingking, payumatalang, cningmuliḥpadidihi /// cninglyungĕlaḥbraṇadijumaḥ, santananemangr̥ĕ [16 16 A] butin, sahimahiyĕgan, cningblogekaliwat, braṇahanggonmanamahin, payumibukan, magĕjĕgansahisahi, /// hisanta nasahisahimahuyutan, disubane cningmati, mangdumkasugihan, twarahingĕtangsumatra, tkenāsedanñane sami, ne kahingĕtang , mangulurinhindryasahi /// kraṇasĕngkamangĕpaḥhirājabraṇa, patutkĕpaḥtlucning, habagihodhahar̀, mangajakpyanaksomaḥ hanggomadanahabagi, miwaḥmapūṇya, sapĕlangbutitit'habagi /// subalyuyabĕgĕhanrajabraṇa, hibraṇapawakantatit

Leaf 16

Image on Archive.org

[᭑᭖ 16 B] ᭑᭖ [᭑᭗ 17 A]

Auto-transliteration

[16 16 B] 16 [17 17 A]

Leaf 17

Image on Archive.org

[᭑᭗ 17 B] ᭑᭗ [᭑᭘ 18 A]

Auto-transliteration

[17 17 B] 17 [18 18 A]

Leaf 18

Image on Archive.org

[᭑᭘ 18 B] ᭑᭘ [᭑᭙ 19 A]

Auto-transliteration

[18 18 B] 18 [19 19 A]

Leaf 19

Image on Archive.org

[᭑᭙ 19 B] ᭑᭙ [᭒᭐ 20 A]

Auto-transliteration

[19 19 B] 19 [20 20 A]

Leaf 20

Image on Archive.org

[᭒᭐ 20 B] ᭒᭐ [᭒᭑ 21 A]

Auto-transliteration

[20 20 B] 20 [21 21 A]

Leaf 21

Image on Archive.org

[᭒᭑ 21 B] ᭒᭑ [᭒᭒ 22 A]

Auto-transliteration

[21 21 B] 21 [22 22 A]

Leaf 22

Image on Archive.org

[᭒᭒ 22 B] ᭒᭒ [᭒᭓ 23 A]

Auto-transliteration

[22 22 B] 22 [23 23 A]

Leaf 23

Image on Archive.org

[᭒᭓ 23 B] ᭒᭓ [᭒᭔ 24 A]

Auto-transliteration

[23 23 B] 23 [24 24 A]

Leaf 24

Image on Archive.org

[᭒᭔ 24 B] ᭒᭔ [᭒᭕ 25 A]

Auto-transliteration

[24 24 B] 24 [25 25 A]

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org

Leaf 37

Image on Archive.org

Leaf 38

Image on Archive.org

Leaf 39

Image on Archive.org

Leaf 40

Image on Archive.org

Leaf 41

Image on Archive.org

Leaf 42

Image on Archive.org

Leaf 43

Image on Archive.org

Leaf 44

Image on Archive.org

Leaf 45

Image on Archive.org

Leaf 46

Image on Archive.org

Leaf 47

Image on Archive.org

Leaf 48

Image on Archive.org

Leaf 49

Image on Archive.org

Leaf 50

Image on Archive.org

Leaf 51

Image on Archive.org

Leaf 52

Image on Archive.org

Leaf 53

Image on Archive.org

Leaf 54

Image on Archive.org

Leaf 55

Image on Archive.org

Leaf 56

Image on Archive.org

Leaf 57

Image on Archive.org

Leaf 58

Image on Archive.org

Leaf 59

Image on Archive.org

Leaf 60

Image on Archive.org

Leaf 61

Image on Archive.org

Leaf 62

Image on Archive.org

Leaf 63

Image on Archive.org

Leaf 64

Image on Archive.org

Leaf 65

Image on Archive.org

Leaf 66

Image on Archive.org

Leaf 67

Image on Archive.org

Leaf 68

Image on Archive.org

Leaf 69

Image on Archive.org

Leaf 70

Image on Archive.org

Leaf 71

Image on Archive.org

Leaf 72

Image on Archive.org

Leaf 73

Image on Archive.org

Leaf 74

Image on Archive.org

Leaf 75

Image on Archive.org

Leaf 76

Image on Archive.org

Leaf 77

Image on Archive.org

Leaf 78

Image on Archive.org

Leaf 79

Image on Archive.org

Leaf 80

Image on Archive.org

Leaf 81

Image on Archive.org

Leaf 82

Image on Archive.org

Leaf 83

Image on Archive.org

Leaf 84

Image on Archive.org

Leaf 85

Image on Archive.org

Leaf 86

Image on Archive.org

Leaf 87

Image on Archive.org

Leaf 88

Image on Archive.org

Leaf 89

Image on Archive.org

Leaf 90

Image on Archive.org