gaguritan-padem-warak

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭚᭜᭚ᬧᬸᬧᬸᬄᬲᬶᬦᭀᬫ᭄᭚᭜᭚ᬳᬤᬚᬦᬶᬓᬘᬭᬶᬢ᭞ᬧᬦ᭄ᬤᬸᬤᭀᬂᬲᬸᬩᬗᬯᬶᬓᭀᬦᬶᬦ᭄᭞ᬧᬗ᭄ᬭᬱᬦᬾᬧᬢᬶᬓᭀᬦᭀᬮ᭄᭞ᬢ᭄ᬯᬭᬦᬯᬂᬩ᭄ᬦᭂᬄᬧ᭄ᬮᬶᬄ᭞ᬧᬮᬶᬂᬤᬤᬶᬫᬗ᭄ᬕᬸᬭᬶᬢ᭄᭞ᬮᬶᬗ᭄ᬕᬶᬄᬳᬶᬤ ᬳᬶᬤᬾᬯᬵᬕᬸᬂ᭞ᬢᬶᬕᬫᬯᬗᬸᬦ᭄ᬓᬵᬃᬬ᭄ᬬᬩᬵᬮᬶᬕ᭄ᬬᬵᬗ᭄ᬕᭀᬚ᭄ᬦᬂᬕᬸᬫᬶ᭞ᬲᬫᬶᬭᬯᬸᬄᬚᬕᬢ᭄ᬩᬵᬮᬶᬦᬾᬫᬗᬬᬄ᭟ᬳᬗ᭄ᬳᬶᬂᬚᬯᬦᬶᬂᬢᬩᬦᬦ᭄᭞ᬳᬦᬓ᭄‌ᬤ᭄ᬫᭂᬦ᭄ᬫᬦᬶᬤᭀᬗᬶᬦ᭄᭞ᬳᬯᬓ᭄ᬫᬸᬮᬲᭂᬦ᭄ᬤᬶᬦ᭄ᬧ ᬯᭀᬦ᭄᭞ᬗᬶᬭᬶᬂᬲᬓᬶᬂᬫᬚᬧᬳᬶᬢ᭄᭞ᬫᬓ᭄ᬭᬡᬩᬸᬓᬚᬦᬶ᭞ᬗ᭄ᬮᬄᬧᬜ᭄ᬚᬓ᭄ᬮᬶᬯᬢᬸᬳᬕᬸᬂ᭞᭠ᬦ᭄ᬢᭀᬤᬶᬚᬚ᭄ᬫᬓ᭄ᬕᭀᬕᭀ᭞ᬳᬧᬦ᭄ᬤᬸᬯᬾᬥᬍᬫ᭄ᬲᬫᬶ᭞ᬩᬯᬸᬳᬕᬸᬂ᭞ᬳᭂᬗ᭄ᬲᬧ᭄ᬭᬶᬂᬧᬮᬮᬯᬲᬦ᭄᭞᭠ ᬭᬾᬭᬾᬦᬂᬫᬮᬸᬜᬭᬶᬢ᭞ᬳᬦᬓ᭄ᬢᬦᬶᬕᬸᬫᬶᬭᬶᬲᬶᬦ᭄᭞ᬜᬓᬓᬾᬦᬾᬜᬓᬓᬾᬢᭀ᭞ᬜᬾᬜ᭄ᬚᬦᬯᬂᬤᬶᬲᬲᬳᬶ᭞ᬗᬸᬤ᭄ᬬᬂᬤᬢᬧᬢᬹᬳᬸᬢᬶᬦ᭄᭞ᬜᬓᬦᭀᬧᬾᬂᬜᬓᬗᬫ᭄ᬩᬸᬄ᭞ᬓᬵ [᭒ 2A] ᬗ᭄ᬕᭀᬢᬾᬮ᭄ᬬᬂᬫᬦᬄ᭞ᬫᬢᬶᬳᬶᬩᬳᬶᬤᬸᬧ᭄ᬓᬳᬶ᭞ᬗ᭄ᬕᬶᬲᬶᬩᬮᬸᬂ᭞ᬓᬸᬤ᭄ᬬᬂᬢᬦᬶᬦ᭄ᬤᬫ᭄ᬧᭂᬄᬤᬫᬃ᭟᭠ᬉᬘᬧᬜ᭄ᬚᬤ᭄ᬫᬦᬾᬗᬬᬄ᭞ᬩᬸᬓᬜᬯᬦᬾᬗᬩᬩᬶᬦ᭄᭞ᬫᬲᬶᬬᬸᬭᬦ᭄ᬢ᭄ᬯᬭᬦᭀᬗᭀᬲ᭄᭞ᬢ᭄ᬯᬭᬗᬶ ᬢᬗᬶᬢᬸᬂᬲᬓᬶᬢ᭄᭞ᬮᬓ᭄ᬱᬡᬲᬫᬶᬕᬢᬶ᭞ᬮᬶᬦ᭄ᬢᬗ᭄ᬕᬢᬶᬲᬫᬶᬧᬸᬧᬸᬢ᭄᭞ᬗᬚᬂᬩᬢᬸᬫᬶᬯᬄᬧᬭᬲ᭄᭞ᬧᬸᬜᬦ᭄ᬜᬸᬄᬩᬸᬯᬄᬢᬶᬬᬶᬂ᭞ᬲᬃᬯ᭄ᬯᬶᬧᬸᬧᬸᬢ᭄᭞ᬧᬬᬚ᭄ᬜᬦᬾᬓᬤᬶᬲ᭄ᬯᬃᬕ᭄ᬕᬦ᭄᭟ᬢᬾᬫ᭄ᬩᭀᬓ᭄ᬜ᭠ ᬦᬾᬫᬳᬶᬍᬳᬦ᭄᭞ᬧᬭᬲ᭄ᬢᬸᬲᬦᬾᬫᬲ᭄ᬮᬶᬓ᭄᭞ᬉᬮᬶᬓᬚᬫ᭄ᬩᬾᬢᬾᬮ᭄‌ᬓ᭄ᬮᭀᬤ᭄᭞ᬉᬮᬶᬓᬯᬸᬄᬫ᭄ᬩᬾᬢᬾᬮ᭄ᬓᬗᬶᬦ᭄᭞ᬩᬜ᭄ᬘᬶᬗᬄᬫᬵᬜ᭄ᬘᬓ᭄ᬲᬚᬶ᭞ᬧᬭᬲ᭄ᬫᬘᬭᬗ᭄ᬘᬗᬮᬸᬲ᭄᭞ᬫᬜᬦ᭄ᬤᬶᬂᬘ ᬡ᭄ᬟᬶᬩᭂᬦ᭄ᬢᬃ᭞ᬅᬮᬸᬦᬮᬸᬦᬾᬓᬓᬮᬶᬄ᭞ᬲᬫᬶᬮᬸᬳᬸᬂ᭞ᬢ᭄ᬭᬕ᭄ᬢᬕᬾᬳᬮᬄᬲᬶᬧᬢ᭄᭟ᬢᬸᬯᬶᬜᬦ᭄ᬤᬂᬓᬕᬯᭀᬓᬂ᭞ᬧᬳᬶᬦ᭄ᬤᬶᬓ᭄ᬜᬗᭀᬜᬂᬩ᭄ᬘᬶᬓ᭄᭞ᬩᬮᬾᬦ᭄ᬜᬦᬾᬢ᭄ᬯᬭᬭᬯᭀᬲ᭄᭞ᬧ᭠

Auto-transliteration

[1 1B] // • // pupuḥsinom // • // hadajanikacarita, pandudongsubangawikonin, pangraṣanepatikonol, twaranawangbnĕḥpliḥ, palingdadimanggurit, linggiḥhida hidewāgung, tigamawangunkār̀yyabāligyānggojnanggumi, samirawuḥjagatbālinemangayaḥ. hanghingjawaningtabanan, hanakdmĕnmanidongin, hawakmulasĕndinpa won, ngiringsakingmajapahit, makraṇabukajani, nglaḥpañjakliwatuhagung, ‐ntodijajmakgogo, hapanduwedhal̥ĕmsami, bawuhagung, hĕngsapringpalalawasan, ‐ rerenangmaluñarita, hanaktanigumirisin, ñakakeneñakaketo, ñeñjanawangdisasahi, ngudyangdatapatūhutin, ñakanopengñakangambuḥ, kā [2 2A] nggotelyangmanaḥ, matihibahidupkahi, nggisibalung, kudyangtanindampĕḥdamar̀. ‐ucapañjadmanengayaḥ, bukañawanengababin, masiyurantwaranongos, twarangi tangitungsakit, lakṣaṇasamigati, lintanggatisamipuput, ngajangbatumiwaḥparas, puñanñuḥbuwaḥtiying, sar̀wwipuput, payajñanekadiswar̀ggan. tembokña‐ nemahil̥ĕhan, parastusanemaslik, ulikajambetelklod, ulikawuḥmbetelkangin, bañcingaḥmāñcaksaji, parasmacarangcangalus, mañandingca ṇḍibĕntar̀, alunalunekakaliḥ, samiluhung, tragtagehalaḥsipat. tuwiñandangkagawokang, pahindikñangoñangbcik, balenñanetwararawos, pa‐

Leaf 2

Image on Archive.org

[᭒ 2B] ᭒ ᬕᬫ᭄ᬩᬸᬳᬦ᭄ᬩᭂᬘᬶᬓ᭄ᬩᭂᬘᬶᬓ᭄᭞ᬕᬕᬭᬧᬦᬾᬩ᭄ᬮᬶᬕ᭄᭞ᬓᬓᬸᬧᬓᬦ᭄ᬮᬸᬳᬸᬂᬮᬸᬳᬸᬂ᭞ᬩᬮᬾᬩᬸᬦ᭄ᬤᭂᬭᬾᬓᭂᬫ᭄ᬩᬃ᭞ᬢ᭄ᬕᭂᬄᬫᬗᬸᬗ᭄ᬓᬸᬮᬶᬦ᭄ᬫᬃᬕ᭄ᬕᬶ᭞ᬢ᭄ᬯᬄᬚᬮᬸᬳᬸᬂ᭞ᬧᬧᬦ᭄ᬢᭂᬲᬾᬫ᭄ᬦᬾᬓ᭄ᬕᬫ᭄ᬩᬃ᭟ᬍᬯᬶᬄᬦᬢᬭᬶᬂᬧᬬ᭠ ᬚ᭄ᬜᬦ᭄᭞ᬩ᭄ᬬᬲ᭄ᬫᬮᬾᬮᬧᬓᬸᬭᬶᬦᬶᬂ᭞ᬜᬵᬓ᭄ᬳᬮᬸᬲ᭄ᬚᭂᬓ᭄ᬚᭂᬓ᭄ᬮᭀᬜᭀᬄ᭞ᬢ᭄ᬯᬭᬳᬤᬦᬸᬧᬶᬮᬶᬳᬶᬦ᭄᭞ᬲᬶᬂᬚᬮᬦ᭄‌ᬦ᭄ᬕᬓ᭄ᬩᭂᬘᬶᬓ᭄᭞ᬢᬢᬭᬶᬗᬾᬗᭀᬜᬂᬮᬸᬳᬸᬂ᭞ᬲᬫᬶᬜᬦ᭄ᬤᬂᬕᬯᭀᬓᬂ ᭞ᬲᬦᬾᬓᬢᭀᬦ᭄ᬳᬯᬲ᭄ᬲᬫᬶ᭞ᬮᬶᬯᬢ᭄ᬮᬸᬳᬸᬂ᭞ᬗᬲᭀᬭᬂᬦᬾᬓᬢᭀᬦ᭄ᬫᭂᬮᬄ᭟ᬧᬗ᭄ᬕᬸᬗᬦ᭄ᬗᭂᬦᬄᬢᬶᬗ᭄ᬕᬃ᭞ᬗᬗ᭄ᬕᭀᬳᬗ᭄ᬕᬾᬲᬃᬯ᭄ᬯᬧᬸᬢᬶᬄ᭞ᬕ᭄ᬠᬾᬢ᭄ᬕᭂᬄᬳᬶᬗᬬᭀᬭᬬᭀᬃ᭞ᬫᬭᬳᬩ᭄ᬩᬵ ᬦ᭄ᬭᬾᬦ᭄ᬢᬮ᭄ᬧᬸᬢᬶᬄ᭞ᬉᬮᬶᬚᭀᬄᬓᬢᭀᬦ᭄ᬩᭂᬘᬶᬓ᭄᭞ᬲᬯᬗᬦᬾᬫᬶᬭᬶᬧ᭄ᬕᬸᬦᬸᬂ᭞ᬓᭀᬜ᭄ᬚᬦᬾᬓᬕᬸᬍᬫᬦ᭄᭞ᬫᬓ᭄ᬭᬓ᭄ᬫᬸᬜᬶᬦ᭄ᬲᬸᬦ᭄ᬤᬭᬶ᭞ᬧᬕᬭᬶᬬᬸᬂ᭞ᬫᬸᬯᬸᬕ᭄ᬫᬲᬯᬂᬳᬫ᭄ᬧᬸᬳᬦ᭄᭟ᬓᬝ [᭓ 3A] ᬢᬶᬢᬦ᭄ᬩᬳᬦ᭄ᬢᬾᬚᬦ᭄᭞ᬩᬸᬓᬸᬭᬾᬲᬫᬶᬫᬗᭂᬦ᭄ᬤᬶᬄ᭞ᬧᬓᬭᬜᬩ᭄ᬧᬓᬮᬾᬜ᭄ᬘᬾᬓ᭄᭞᭠ᬫ᭄ᬓᬦ᭄ᬜᬦᬾᬫᬜᬸᬦ᭄ᬤᬭᬶᬦ᭄᭞ᬕᬮᬶᬂᬫᬮᬶᬮᬂᬳ᭄ᬦᬶᬂ᭞ᬲᬯᬂᬩᬶᬦ᭄ᬢᬂᬫᬧᬸᬦ᭄ᬤᬸᬄ᭞ᬦᬾᬕ᭄ᬟᬾᬫᬗᬜ᭄ᬘᬾᬭᭀᬂ ᭞ᬓᬤᬶᬩᬸᬮᬦ᭄ᬫᬦ᭄ᬤᬤᬭᬶᬦ᭄᭞ᬩᬯᬸᬢᬸᬫ᭄ᬩᬸᬄᬉᬮᬶᬤᬶᬕᬸᬦᬸᬂᬓᬾᬮᬰ᭟ᬧᬦ᭄ᬢᭂᬲ᭄ᬜᬦ᭄ᬤᬶᬂᬲᬗ᭄ᬕᬃᬢᬯᬂ᭞ᬩᬢᬮᬮᭀᬬᬗᬦ᭄ᬧᬲ᭄ᬢᬶ᭞ᬢ᭄ᬕᭂᬄᬫᬗᬶᬮᬶᬮᬦ᭄ᬓᬢᭀᬦ᭄᭞ᬓᬤᬶᬫᬾᬖᬩᬳᬦ᭄ᬳᬗᬶᬦ᭄᭞ᬳ᭠ ᬧᬦ᭄ᬳᬸᬯᬸᬲ᭄ᬓᬧᬳ᭄ᬬᬲᬶᬦ᭄᭞ᬫᬋᬋᬗ᭄ᬕᬦ᭄ᬧᬶᬲᬂᬳᬫ᭄ᬩᬸ᭞ᬗᬋᬧᬶᬦ᭄ᬧᬫᬶᬬᭀᬲᬦ᭄᭞ᬢ᭄ᬕᭂᬄᬫᬮᬮᬸᬳᬸᬃᬧᬢᬶᬄ᭞ᬲᬫᬶᬮᬸᬳᬸᬂ᭞ᬓᬤᬶᬮᬗᬶᬢ᭄ᬓᬕᬸᬍᬫᬦ᭄᭟ᬫᬮᬶᬄᬤᬶᬫᬃᬕ᭄ᬕᬦᬾᬢ᭄ᬮᬄ᭞ᬩᬦ᭄ᬢᬃᬫᬭᬭ᭠ ᬢᬲᬫᬶ᭞ᬉᬮᬶᬓᬚᬜᭀᬮᭀᬂᬓ᭄ᬮᭀᬤ᭄᭞ᬉᬮᬶᬓᬯᬸᬄᬜᭀᬮᭀᬂᬓᬗᬶᬦ᭄᭞ᬚᬦ᭄ᬫᬚᬦ᭄ᬫᬦᬾᬩᭂᬓ᭄ᬤᬶᬫᬃᬕ᭄ᬕᬶ᭞ᬧᬭᬭᬢᬸᬲᬫᬶᬭᬯᬸᬄ᭞ᬯᬢᭂᬓ᭄ᬤᬗᬦ᭄ᬳᭂᬫᬲ᭄᭞ᬧᬕᬸᬮᬾᬤᬄᬲᬶᬂᬳᬶᬯᬲᬶᬦ᭄᭞

Auto-transliteration

[2 2B] 2 gambuhanbĕcikbĕcik, gagarapaneblig, kakupakanluhungluhung, balebundĕrekĕmbar̀, tgĕḥmangungkulinmar̀ggi, twaḥjaluhung, papantĕsemnekgambar̀. l̥ĕwiḥnataringpaya‐ jñan, byasmalelapakurining, ñāk'halusjĕkjĕkloñoḥ, twarahadanupilihin, singjalann'gakbĕcik, tataringengoñangluhung, samiñandanggawokang , sanekatonhawassami, liwatluhung, ngasorangnekatonmĕlaḥ. panggunganngĕnaḥtinggar̀, nganggohanggesar̀wwaputiḥ, gḍhetgĕḥhingayorayor̀, marahabbā nrentalputiḥ, ulijoḥkatonbĕcik, sawanganemiripgunung, koñjanekagul̥ĕman, makrakmuñinsundari, pagariyung, muwugmasawanghampuhan. kaṭa [3 3A] titanbahantejan, bukuresamimangĕndiḥ, pakarañabpakaleñcek, ‐mkanñanemañundarin, galingmalilanghning, sawangbintangmapunduḥ, negḍemangañcerong , kadibulanmandadarin, bawutumbuḥulidigunungkelaśa. pantĕsñandingsanggar̀tawang, batalaloyanganpasti, tgĕḥmangililankaton, kadimeghabahanhangin, ha‐ panhuwuskapahyasin, mar̥ĕr̥ĕngganpisanghambu, ngar̥ĕpinpamiyosan, tgĕḥmalaluhur̀patiḥ, samiluhung, kadilangitkagul̥ĕman. maliḥdimar̀gganetlaḥ, bantar̀marara‐ tasami, ulikajañolongklod, ulikawuḥñolongkangin, janmajanmanebĕkdimar̀ggi, pararatusamirawuḥ, watĕkdanganhĕmas, paguledaḥsinghiwasin,

Leaf 3

Image on Archive.org

[᭓ 3B] ᭓ ᬢ᭄ᬥᬸᬂᬳᬕᬸᬂ᭞ᬲᭀᬭᭀᬄᬫᬶᬭᬶᬗᬦ᭄ᬮᬮᬜ᭄ᬘᬂ᭟ᬧᬗᬶᬭᬶᬗᬾᬫᬕᬾᬚᭀᬦᬦ᭄᭞ᬫᭂᬫ᭄ᬩᬄᬓᬚ᭠ᬫᭂᬫ᭄ᬩᬄᬓᬗᬶᬦ᭄᭞ᬗ᭄ᬩᭂᬓᬶᬦ᭄ᬫᬃᬕ᭄ᬕᬦᬾᬦ᭄ᬤᬾᬮᭀ᭞ᬩᬸᬓᬜᬯᬦᬾᬗᬩᬩᬶᬦ᭄᭞ᬫᬾᬄᬢᭀᬂᬓᬸᬯᬂ ᬳᬓ᭄ᬢᬶ᭞ᬤᬶᬫᬃᬕ᭄ᬕᬦᬾᬲᬮᬶᬂᬢᬸᬳᬸᬓ᭄᭞ᬢᬦᬶᬃᬯ᭄ᬯᬜ᭄ᬚᬚᬮᬗᬦ᭄᭞ᬲᬮᬶᬂᬢᬸᬳᬸᬓ᭄ᬲᬮᬶᬂᬚ᭄ᬧᬶᬢ᭄᭞ᬗ᭄ᬯᬾᬮ᭄ᬳᬸᬬᬸᬢ᭄᭞ᬢ᭄ᬯᬭᬚᬳᬤᬗ᭄ᬭᬸᬗᬸᬯᬂ᭟ᬳᬓᬾᬄᬬᬜ᭄ᬘᬭᬶᬢᬬᬂ᭞ᬢᬸᬘᬧᭂᬦ᭄ᬍᬫ ᬳᬾᬫᬦᬶ᭞ᬘᭀᬓᭀᬃᬤ᭄ᬠᬢᬸᬫ᭄ᬩᬾᬫᬗ᭄ᬭᬯᭀᬲ᭄᭞ᬧᬭᬫᬾᬦᬓ᭄ᬓᬢᬄᬦᬗ᭄ᬓᬶᬮ᭄᭞ᬮᬯᬦ᭄ᬩ᭄ᬭᬵᬳ᭄ᬫᬡᬢᬫ᭄ᬯᬶ᭞ᬫ᭄ᬩᬯᭀᬲᬂᬯᬭᬓᬾᬢ᭄ᬕᬸᬄ᭞ᬲᬓᬶᬂᬳᬢᬹᬃᬯᬮᬡ᭄ᬟ᭞ᬢᭀᬓᬾᬦ᭄ᬓᬾᬦ᭄ᬩᬵ ᬳᬦ᭄ᬗᬶᬢᬸᬗᬶᬦ᭄᭞ᬦᬳᭂᬦ᭄ᬧᬤᬓᬓᬾᬯᭂᬳᬦ᭄᭟ᬯᬾᬦ᭄ᬢᭂᬦ᭄ᬭᬭᬶᬲ᭄ᬫᬫᬸᬗ᭄ᬕᬸᬳᬂ᭞ᬩ᭄ᬘᬶᬓ᭄ᬜᬦ᭄ᬤᬂᬉᬕᬶᬮᭀᬦᬶᬦ᭄᭞ᬳᬦ᭄ᬢᬸᬓ᭄ᬲᬫᬶᬦᬳᭂᬦ᭄ᬳᬩᭀᬢ᭄᭞ᬫ᭄ᬢᬂᬤᬶᬦᬬᬂᬧᬗ᭄ᬮᬶᬮᬶᬢ᭄᭞ᬫᬾᬄᬫᭀᬓ᭠ [᭔ 4A] ᬲᬶᬤ᭄ᬟᬦ᭄ᬫᬢᬶ᭞ᬳᬦ᭄ᬢᬸᬓ᭄ᬳᭀᬃᬢ᭄ᬣᬦᬾᬩᬵᬲ᭄ᬢᭂᬕᬸᬄ᭞ᬲᬓᬶᬂᬳᬢᬹᬃᬯᬮᬡ᭄ᬟ᭞ᬤᬾᬦᬶᬂᬳᬶᬧᬸᬦ᭄ᬢᬢᬲ᭄ᬳᬸᬦᬶᬂ᭞ᬜᬦ᭄ᬤᬂᬕᬸᬕᬸ᭞ᬳᬚ᭄ᬭᬶᬄᬲᬫᬶᬧᬘᬂᬦᬸᬗ᭄ᬓᬲᬂ᭟ᬬᬦ᭄ᬢᬸᬫ᭄ᬩᬓᬶᬦ᭄ᬩᭀᬬᬲᬶᬤ᭄ᬟ᭞ᬧᬥᬡ᭄ᬟᬭᬭᬶ᭠ ᬲ᭄ᬜᬯᬸᬭᬶᬦ᭄᭞ᬩᭀᬬᬢᬾᬯᬵᬱ᭄ᬝᬦᬶᬦ᭄ᬳᬩᭀᬢ᭄᭞ᬯᬾᬦ᭄ᬢᭂᬦ᭄ᬓᬯᬸᬮᬬᬾᬄᬜᬸᬮᬶᬂ᭞ᬓᬃᬱᬬᬂᬭᭀᬭᬲ᭄ᬤᬶᬭᬶ᭞ᬭᬶᬂᬳᬶᬤᬳᬦᬓ᭄ᬳᬶᬭᬢᬸ᭞ᬳᬶᬧᬸᬦ᭄‌ᬦ᭄ᬤᬶᬓᬬᬂᬫᬗ᭄ᬕᭀᬭᭀᬓ᭄᭞ᬓᬤᬩᬶᬓ ᬲ᭄ᬗᭀᬭᭀᬓ᭄ᬲᬫ᭄ᬧᬶ᭞ᬤᬾᬦᬶᬂᬳᬶᬧᬸᬦ᭄᭞ᬧᬵᬢᬹᬢ᭄‌ᬦ᭄ᬤᬶᬓᬬᬂᬫᬫᬾᬜ᭄ᬘᬂ᭟ᬓ᭄ᬤᬾᬓᬾᬫᬸ᭠ᬯᬸᬕ᭄ᬫᬩ᭄ᬭᬶᬬᬕ᭄᭞ᬢᭀᬳᬧᬳᬗ᭄ᬕᭀᬦᬮᬶᬦᬶᬦ᭄᭞ᬲᬕ᭄ᬟᬾᬗᬶᬗᬦᬂᬗ᭄ᬕᭀᬭᭀᬓ᭄᭞ᬦᬸᬦ᭄ᬤᬾ ᬦ᭄ᬩᬾᬜ᭄ᬘᬂᬘᬭᬲᬫ᭄ᬧᬶ᭞ᬕ᭄ᬟᬾᬦ᭄ᬜᬦᬾᬳᬶᬯᬲᬶᬦ᭄᭞ᬳᬫ᭄ᬩᬸᬮ᭄ᬫᬳᬶᬲᬢᬢ᭄ᬮᬸ᭞ᬳᬶᬘ᭄ᬙᬾᬦ᭄ᬢᬶᬢ᭄ᬬᬂᬩᬮᬸᬮᬂ᭞ᬩ᭄ᬮᬸᬮᬗᬦ᭄ᬓᭂᬩᭀᬳᬲᬶᬓᬶ᭞ᬳᬗ᭄ᬕᬾᬦ᭄ᬳᬶᬧᬸᬦ᭄᭞ᬫᬫ᭄ᬩᬾᬜ᭄ᬘᬂᬯᬭᬓ᭄ᬧᬸᬦᬶᬓ᭟ᬘᭀ᭠

Auto-transliteration

[3 3B] 3 tdhunghagung, soroḥmiringanlalañcang. pangiringemagejonan, mĕmbaḥkaja‐mĕmbaḥkangin, ngbĕkinmar̀gganendelo, bukañawanengababin, meḥtongkuwang hakti, dimar̀gganesalingtuhuk, tanir̀wwañjajalangan, salingtuhuksalingjpit, ngwelhuyut, twarajahadangrunguwang. hakeḥyañcaritayang, tucapĕnl̥ĕma hemani, cokor̀dḍhatumbemangrawos, paramenakkataḥnangkil, lawanbrāhmaṇatamwi, mbawosangwaraketguḥ, sakinghatūr̀walaṇḍa, tokenkenbā hanngitungin, nahĕnpadakakewĕhan. wentĕnrarismamungguhang, bcikñandangugilonin, hantuksaminahĕnhabot, mtangdinayangpanglilit, meḥmoka‐ [4 4A] sidḍanmati, hantuk'hor̀tthanebāstĕguḥ, sakinghatūr̀walaṇḍa, deninghipuntatashuning, ñandanggugu, hajriḥsamipacangnungkasang. yantumbakinboyasidḍa, padhaṇḍarari‐ sñawurin, boyatewāṣṭaninhabot, wentĕnkawulayeḥñuling, kar̀ṣayangrorasdiri, ringhidahanak'hiratu, hipunndikayangmanggorok, kadabika sngoroksampi, deninghipun, pātūtndikayangmameñcang. kdekemu‐wugmabriyag, tohapahanggonalinin, sagḍenginganangnggorok, nunde nbeñcangcarasampi, gḍenñanehiwasin, hambulmahisatatlu, hicchentityangbalulang, blulangankĕbohasiki, hanggenhipun, mambeñcangwarakpunika. co‐

Leaf 4

Image on Archive.org

[᭔ 4B] ᭔ ᬓᭀᬃᬤ᭄ᬟᬲ᭄ᬦᭂᬂᬫᬋᬗᬂ᭞ᬳᬶᬘ᭄ᬙᬭᬭᬶᬲ᭄ᬫᬜᬯᬸᬭᬶᬦ᭄᭞ᬢᭀᬕᬫ᭄ᬧᬂᬫᬢᬄᬳᬩᭀᬢ᭄᭞᭠ᬢᭀᬤᬶᬚᬢᬶᬢ᭄ᬬᬂᬫᬗᬮᬶᬄ᭞ᬩ᭄ᬮᬸᬮᬂᬳᬶᬲᬚᬦᬶ᭞ᬳᬧᬂᬩ᭄ᬮᬸᬮᬗᬦ᭄ᬳᬯᬸᬓᬸᬤ᭄᭞ᬲᬶᬜᬓᬾᬮᬗ ᬦ᭄ᬧᬶᬦ᭄ᬤᭀ᭞ᬩ᭄ᬮᬸᬮᬂᬳᬶᬮᬂᬤᬤᬶᬢᬮᬶ᭞ᬯᬭᬓ᭄ᬳᬶᬤᬸᬧ᭄᭞ᬕᬯᬾᬦ᭄ᬢᬶᬢ᭄ᬬᬂᬢ᭄ᬯᬭᬲᬶᬤ᭄ᬟ᭟ᬯᬾ᭠ᬦ᭄ᬢᭂᬦ᭄ᬫᬫᬢᬹᬢᬂ᭞ᬢᬶᬓᭂᬮᬶᬦ᭄ᬭᭀᬭᬲ᭄ᬧᬶᬗ᭄ᬓᬮᬶᬄ᭞ᬫᬦᬯᬶᬢᬾᬳᬶᬧᬸᬦ᭄ᬳᬗᭀᬄ᭞ᬩᭀᬬᬚᬗᭂᬜ᭄ᬘ ᬦᬶᬦ᭄ᬲᬫ᭄ᬧᬶ᭞ᬩ᭄ᬘᬶᬓ᭄ᬦᬸᬦᬲ᭄ᬩᭂᬮᬡ᭄ᬝᬶᬓ᭄᭞ᬦᬾᬫᬧᬩᭀᬄᬢᬶᬬᬶᬂᬧ᭄ᬢᬸᬂ᭞ᬓᬤᬶᬫᬗ᭄ᬚᬸᬓ᭄ᬲᬫᭀᬂ᭞ᬩᬶᬮᬶᬄᬩᬶᬮᬶᬄᬲᬶᬤ᭄ᬟᬯ᭄ᬬᬓ᭄ᬢᬶ᭞ᬳᬦ᭄ᬢᬸᬓ᭄ᬩᬗᭂᬢ᭄᭞ᬧᬦᬸᬚᬄᬲᬗ᭄ᬓᬸᬢ᭄ᬧᬸᬦᬶᬓ᭟ᬳᬓᬾᬄᬫᬵᬢᬹᬃᬫ ᬫᬵᬢᬹᬢᬂ᭞ᬧᬸᬦᬶᬓᬉᬓᬸᬄᬫᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬗ᭄ᬭᬯᭀᬲᬂᬭᬭᬫᭀᬦ᭄᭞ᬗᬲ᭄ᬯᭂᬗᬶᬦ᭄ᬓ᭠ᬯᬸᬮᬩᬗ᭄ᬮᬶ᭞ᬦᬾᬯᬢᭂᬓ᭄ᬭᬶᬂᬩ᭄ᬮᬡ᭄ᬝᬶᬓ᭄᭞ᬯᬾᬦ᭄ᬢᬦ᭄ᬫᬫᬾᬬᬦᬶᬦ᭄ᬫᬵᬢᬹᬃ᭞ᬩ᭄ᬘᬶᬓ᭄ᬲᬸᬍᬤ᭄ᬩᬵᬦ᭄ᬮᬾᬮ᭞ [᭕ 5A] ᬕᬶᬤᬢ᭄ᬳᬶᬧᬸᬦᬾᬧᬢᬶᬢᬶᬲ᭄᭞ᬮᬾᬦ᭄ᬫᬲᬯᬸᬢ᭄᭞ᬤᬶᬫᬗ᭄ᬲᬸᬮ᭄ᬫᬶᬲᬾᬓᬸᬤ᭄ᬬᬂ᭟ᬓᬸᬤᬭᭀᬯᬂᬓᬩᬜ᭄ᬘᬭᬦ᭄᭞ᬩᬵᬦ᭄ᬢᭂᬩᭂᬗᬾᬩᬸᬓᬚᬦᬶ᭞ᬩ᭄ᬘᬶᬓ᭄ᬓᬵᬃᬬ᭄ᬬᬦᬂᬕ᭄ᬮᭀᬕᭀᬃ᭞ᬩᬮᬸᬗ᭄ᬩᬗᬂᬳ ᬧᬂᬩ᭄ᬘᬶᬓ᭄᭞ᬢᬗ᭄ᬓᭂᬩ᭄ᬳᬸᬫ᭄ᬧᬦᬶᬦ᭄ᬤᬸᬯᬶ᭞ᬭᬸᬧᬭᬸᬧᬲᬶᬤ᭄ᬟᬭᬢᬸ᭞ᬲᬧᬲᬶᬭᬧᬸᬭᬸᬦ᭄ᬫᬢᭀᬄ᭞ᬳᬗᬜ᭄ᬘᬦᬗᬾᬳᬲᬶᬓᬶ᭞ᬢᬶᬢ᭄ᬬᬂᬧᬸᬭᬸᬦ᭄᭞ᬫᬦᬶᬗ᭄ᬓᭂᬩᬂᬳᬶᬲᬶᬦ᭄ᬧᬩ᭄ᬯᬦ᭄᭟ᬯᬾᬦ᭄ᬢᭂᬦ᭄ᬫᬵᬢᬹᬃᬫ ᬜ᭄ᬚᬸᬭᬸᬗᬂ᭞ᬧᬸᬦᬶᬓᬜᬦ᭄ᬤᬂᬮᬶᬗ᭄ᬕᬶᬳᬶᬦ᭄᭞ᬓᬾᬯᬮᬧᬜ᭄ᬚᬂᬓᬾᬄᬩᬯᭀᬲ᭄᭞ᬘᭀᬓᭀᬃᬳᬶᬤᬾᬯᬦᬾᬫᬗ᭄ᬓᬶᬦ᭄᭞ᬓᬤᬶᬲᬂᬳ᭄ᬬᬂᬪᬰᬸᬓᬶᬄ᭞ᬓᬢᬗ᭄ᬓᬶᬮ᭄ᬩᬵᬦ᭄ᬦᬵᬕᬸᬲ᭄ᬬᬸ᭞ᬲᬫᬶᬗ᭠ ᬢᬹᬭᬂᬭᬯᭀᬲ᭄᭞ᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬮᬶᬗ᭄ᬕᬶᬳᬶᬦ᭄᭞ᬧᭀᬮᬶᬄᬫᬸᬳᬸᬕ᭄᭞ᬧᬗ᭄ᬭᬯᭀᬲᬾᬫᬩᬶᬳᭀᬗᬦ᭄᭟ᬧᬸᬦᬶᬓᬦᬧᬓ᭄ᬭᬶᬂᬰᬲ᭄ᬢ᭄ᬭ᭞ᬯᬵᬱ᭄ᬝᬦ᭄ᬧᬗ᭄ᬭᬯᭀᬲᬾᬫᬗ᭄ᬓᬶᬦ᭄᭞ᬰᬓ᭄ᬢᬶᬓ᭠

Auto-transliteration

[4 4B] 4 kor̀dḍasnĕngmar̥ĕngang, hicchararismañawurin, togampangmataḥhabot, ‐todijatityangmangaliḥ, blulanghisajani, hapangblulanganhawukud, siñakelanga npindo, blulanghilangdaditali, warak'hidup, gawentityangtwarasidḍa. we‐ntĕnmamatūtang, tikĕlinroraspingkaliḥ, manawitehipunhangoḥ, boyajangĕñca ninsampi, bciknunasbĕlaṇṭik, nemapaboḥtiyingptung, kadimangjuksamong, biliḥbiliḥsidḍawyakti, hantukbangĕt, panujaḥsangkutpunika. hakeḥmātūr̀ma mātūtang, punika'ukuḥmamar̀ggi, sāmpunngrawosangraramon, ngaswĕnginka‐wulabangli, newatĕkringblaṇṭik, wentanmameyaninmātūr̀, bciksul̥ĕdbānlela, [5 5A] gidat'hipunepatitis, lenmasawut, dimangsulmisekudyang. kudarowangkabañcaran, bāntĕbĕngebukajani, bcikkār̀yyanangglogor̀, balungbangangha pangbcik, tangkĕb'humpaninduwi, ruparupasidḍaratu, sapasirapurunmatoḥ, hangañcanangehasiki, tityangpurun, maningkĕbanghisinpabwan. wentĕnmātūr̀ma ñjurungang, punikañandanglinggihin, kewalapañjangkeḥbawos, cokor̀hidewanemangkin, kadisanghyangbhaśukiḥ, katangkilbānnāgusyu, saminga‐ tūrangrawos, tanwentĕnñandanglinggihin, poliḥmuhug, pangrawosemabihongan. punikanapakringśastra, wāṣṭanpangrawosemangkin, śaktika‐

Leaf 5

Image on Archive.org

[᭕ 5B] ᭕ ᬯᭀᬦ᭄ᬳᬦ᭄ᬢᬸᬓ᭄ᬭᬯᭀᬲ᭄᭞ᬫᬗ᭄ᬤᬓᬾᬯᬭᬓ᭄ᬳᬲᬶᬓᬶ᭞ᬓᬮᬶᬦ᭄ᬢᬂᬳᬶᬦᬰᬓ᭄ᬢᬶ᭞ᬯᬾᬦ᭄ᬢᭂᬦ᭄ᬭᬶᬂᬧᬃᬯ᭄ᬯᬉᬫᬸᬗ᭄ᬕᬸᬄ᭞ᬳᬶᬧᬸᬦ᭄ᬳᬶᬓᬵᬮᬬᬸᬳᬦ᭞ᬧᬸᬦᬶᬓᬭᬓ᭄ᬱᬲᬰᬓ᭄ᬢᬶ᭞ᬧᬥᭂᬫ᭄ᬳᬶᬧᬸᬦ᭄ᬉᬕᬶᬲᬫᬶ᭠ ᬳᬦ᭄ᬢᬸᬓ᭄ᬤᬬ᭟ᬇᬗᬦ᭄ᬓᬵᬃᬬ᭄ᬬᬦᬂᬩᬮᬸᬗ᭄ᬩᬂ᭞ᬩᭀᬬᬗᬦ᭄ᬢᭀᬲ᭄ᬓᬮᬶᬄᬯᬳᬶ᭞ᬧᬸᬧᬸᬢ᭄ᬭᬯᬸᬳᬶᬂᬕ᭄ᬮᭀᬕᭀᬃ᭞ᬯᬾᬦ᭄ᬢᭂᬦ᭄ᬫᬮᬶᬄᬫᬫ᭄ᬩᭀᬬᬳᬶᬦ᭄᭞ᬗᬸᬤ᭄ᬬᬂᬳᬩᭀᬢᬳᬮᬶᬄ᭞ᬕᬯᬾᬲᬶᬤ᭄ᬟᬳᬯ ᬓ᭄ᬳᬮᬸᬄ᭞ᬫᬗᬸᬤᬤᬢᬘᭀᬂᬘᭀᬂ᭞ᬢᭀᬂᬧ᭄ᬭᬕᬢ᭄ᬩᬵᬦ᭄ᬮᬶᬫᬂᬯᬳᬶ᭞ᬬᬾᬦ᭄ᬢᭀᬢᬸᬮᬸᬧ᭄᭞ᬉᬧᬲᬶᬦ᭄ᬲᬶᬤ᭄ᬟᬳᬤᬶᬦ᭟ᬘᭀᬓᭀᬃᬤ᭄ᬟᬭᬭᬶᬲ᭄ᬗᬦ᭄ᬤᬶᬓ᭞ᬩ᭄ᬦᬾᬄᬢᬸᬦ᭄ᬤᬾᬦ᭄᭞ᬗᬮᭀᬕᭀᬭᬶᬦ᭄ ᭞ᬚᬦᬶᬕᬯᬾᬦᬂᬕ᭄ᬮᭀᬕᭀᬃ᭞ᬩᬮᬸᬗ᭄ᬩᬂᬳᬦᬾᬳᬧᬶᬓᬶᬦ᭄᭞ᬚᬦᬶᬧ᭄ᬲᬸᬳᬶᬢᬸᬗᬶᬦ᭄᭞ᬳ᭠ᬚᬓ᭄ᬜᬫᬧᬥᬤᬶᬢᬸ᭞ᬳᭂᬗ᭄ᬓᬾᬦ᭄ᬢᭀᬫᬗ᭄ᬤᬾᬫ᭄ᬮᬄ᭞ᬲ᭄ᬟᭂᬂᬢᭀᬚᬮᬦᬂᬚᬦᬶ᭞ᬫᬗ᭄ᬤᬾᬮᬩᬸᬄ᭞ᬯᬭ ᭞ᬚᬦᬶᬕᬯᬾᬦᬂᬕ᭄ᬮᭀᬕᭀᬃ᭞ᬩᬮᬸᬗ᭄ᬩᬂᬳᬦᬾᬳᬧᬶᬓᬶᬦ᭄᭞ᬚᬦᬶᬧ᭄ᬲᬸᬳᬶᬢᬸᬗᬶᬘ᭄᭞ᬳ᭠ᬚᬓ᭄ᬜᬫᬧᬥᬤᬶᬢᬸ᭞ᬳᭂᬗ᭄ᬓᬾᬦ᭄ᬢᭀᬫᬗ᭄ᬤᬾᬫ᭄ᬮᬄ᭞ᬲ᭄ᬟᭂᬂᬢᭀᬚᬮᬦᬂᬚᬦᬶ᭞ᬫᬗ᭄ᬤᬾᬮᬩᬸᬄ᭞ᬯᬭ [᭖ 6A] ᬓᬾᬦᭂᬧᬾᬦ᭄ᬩᬮᬸᬗ᭄ᬩᬸᬂ᭟ᬧᬥᬡ᭄ᬟᬲᬫᬶᬫᬵᬢᬹᬢᬂ᭞ᬳᬶᬗ᭄ᬓᬸᬧ᭄ᬲᬫᬶᬧᬥᬗᬶᬭᬶᬂ᭞ᬲᬦᬾᬓᬤᬯᬸᬳᬦ᭄ᬳᬾᬜ᭄ᬘᭀᬂ᭞ᬫᬗᬋᬧᬂᬲᬫᬶᬕᬢᬶ᭞ᬢ᭄ᬯᬭᬳᬤᬓᬦ᭄ᬢᬶᬳᬮᬶᬄ᭞ᬚᬮ᭄ᬫᬦᬾᬧᬥᬭᬯᬸᬄ᭞ᬫ᭠ ᬗᬵᬃᬬ᭄ᬬᬦᬂᬩᬮᬸᬗ᭄ᬩᬂ᭞ᬧᬸᬧᬸᬢ᭄ᬭᬯᬸᬳᬶᬂᬫᬕᭂᬳᬶᬦ᭄᭞ᬮᬶᬦ᭄ᬢᬂᬓᬸᬓᬸᬄ᭞ᬫᬳᬧᭂᬲ᭄ᬢᬶᬬᬶᬂᬓᬢᬶ᭠ᬳᬦ᭄᭟ᬲᬵᬫ᭄ᬧᬸᬦ᭄ᬭᬯᬸᬳᬶᬂᬤᬾᬯᬰ᭞ᬫ᭄ᬢᬂᬤᬶᬦᬬᬂᬧᬗ᭄ᬮᬶᬮᬶᬢ᭄᭞ᬯᬭᬓᬾᬓ᭄ᬦᬶᬕ᭄ᬮᭀᬕᭀᬃ᭞ᬮ᭠ ᬩᬸᬄᬧᬥᭂᬫ᭄ᬓᬢᬸᬫ᭄ᬩᬓᬶᬦ᭄᭞ᬩᭀᬬᬚᬲᬯ᭄ᬬᬓ᭄ᬢᬶ᭞ᬓᬤᬶᬳᭀᬃᬢ᭄ᬣᬦᬾᬬᬢ᭄ᬕᬸᬄ᭞ᬢ᭄ᬮᬲ᭄ᬳᬸ᭠ᬲᬶᬸᬮᬫᬾᬫᬸᬗ᭄ᬕᬄ᭞ᬲᬫᬶᬓᬩᬓ᭄ᬢᬓᬰᬸᬘᬶ᭞ᬭᬭᬶᬲ᭄ᬦᬶᬫ᭄ᬩᬸᬂ᭞ᬲᬫᬶᬧᬥᬓᬳᬢᬹᬭᬦ᭄᭟ᬧᬥᬡ᭄ᬟ ᬲᬫᬶᬓᬵᬢᬹᬭᬦ᭄᭞ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬯᬾᬦ᭄ᬢᭂᬦ᭄ᬳᬚ᭄ᬭᬶᬄ᭞ᬳᬾᬮᬶᬂᬭᬸᬧᬦᬾᬓᬯᭀᬦ᭄᭞ᬦᬾᬧᬸᬭᬸᬦ᭄‌ᬗ᭄ᬭᬯᭀᬲᬂᬩ᭄ᬘᬶᬓ᭄᭞ᬢᬦ᭄ᬯᬾᬦ᭄ᬢᭂᬦ᭄ᬳᬸᬮᬫ᭄ᬲᬫᬶ᭞ᬭᬯᬸᬳᬶᬂᬚᬚᬢᬳᬶᬧᬸᬦ᭄᭞ᬢ᭄ᬓᬩ᭄ᬘᬶᬓ᭄ᬓᬭ᭠

Auto-transliteration

[5 5B] 5 wonhantukrawos, mangdakewarak'hasiki, kalintanghinaśakti, wentĕnringpar̀wwa'umungguḥ, hipunhikālayuhana, punikarakṣasaśakti, padhĕmhipunugisami‐ hantukdaya. ingankār̀yyanangbalungbang, boyangantoskaliḥwahi, puputrawuhingglogor̀, wentĕnmaliḥmamboyahin, ngudyanghabotahaliḥ, gawesidḍahawa k'haluḥ, mangudadatacongcong, tongpragatbānlimangwahi, yentotulup, upasinsidḍahadina. cokor̀dḍararisngandika, bneḥtunden, ngalogorin , janigawenangglogor̀, balungbanghanehapikin, janipsuhitungin, ha‐jakñamapadhaditu, hĕngkentomangdemlaḥ, sḍĕngtojalanangjani, mangdelabuḥ, wara , janigawenangglogor̀, balungbanghanehapikin, janipsuhitungic, ha‐jakñamapadhaditu, hĕngkentomangdemlaḥ, sḍĕngtojalanangjani, mangdelabuḥ, wara [6 6A] kenĕpenbalungbung. padhaṇḍasamimātūtang, hingkupsamipadhangiring, sanekadawuhanheñcong, mangar̥ĕpangsamigati, twarahadakantihaliḥ, jalmanepadharawuḥ, ma‐ ngār̀yyanangbalungbang, puputrawuhingmagĕhin, lintangkukuḥ, mahapĕstiyingkati‐han. sāmpunrawuhingdewaśa, mtangdinayangpanglilit, warakekniglogor̀, la‐ buḥpadhĕmkatumbakin, boyajasawyakti, kadihor̀tthaneyatguḥ, tlashu‐s̶lamemunggaḥ, samikabaktakaśuci, rarisnimbung, samipadhakahatūran. padhaṇḍa samikātūran, wentĕnpurunwentĕnhajriḥ, helingrupanekawon, nepurunngrawosangbcik, tanwentĕnhulamsami, rawuhingjajatahipun, tkabcikkara‐

Leaf 6

Image on Archive.org

[᭖ 6B] ᭖ ᬯᭀᬲ᭄᭞ᬫᬸᬮᬸᬓ᭄ᬮᬕᭂᬲ᭄ᬮᬶᬯᬢ᭄ᬩᭂᬘᬶᬓ᭄᭞ᬬᬦ᭄ᬓᬯᬶᬚᬸᬂ᭞ᬩᭀᬬᬓᬾᬫᬳᬶᬲᬩᭀᬬ᭟ᬲᬵᬫ᭄ᬧᬸᬦ᭄ᬲᬧᬸᬢᬶᬂᬘᬭᬶᬢ᭞ᬚᬦ᭄ᬫᬦᬾᬗᬬᬄᬓᬧᬸᬭᬶ᭞ᬫᬾᬦᬓ᭄ᬢᬦᬶᬧᬥᬳᬯᭀᬃ᭞ᬤᬸᬓ᭄ᬲᬵᬫ᭄ᬧᬸ ᬦ᭄ᬢᭂᬥᬸᬦ᭄ᬧᬗ᭄ᬮᬶᬮᬶᬢ᭄᭞ᬘᬯᬶᬲᬦ᭄ᬧᬥᬲᬫᬶ᭞ᬚᬶᬦᬄᬧᬸᬱ᭄ᬧᬢᬶᬕᬗᬢᬸᬲ᭄᭞ᬢ᭄ᬓᬭᬶᬂᬧᬗᬚᬸᬫ᭠ᬦ᭄᭞ᬲᬫᬶᬯᬾᬦ᭄ᬢᭂᬦ᭄ᬫᬦᬓᬾᬦᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬧᬗᬚᬸᬫᬾᬥᬯᬸᬄᬢᬶᬕ᭟ᬥᬯᬸᬄᬓᬮᬶᬄᬲᬵ ᬫ᭄ᬧᬸᬦ᭄ᬳᬸᬲᬦ᭄᭞ᬗᬚᬸᬫ᭄ᬧᬗᬶᬭᬶᬗᬾᬲᬫᬶ᭞ᬭᬭᬶᬲ᭄ᬫᬫᬃᬕ᭄ᬕᬶᬫᬭᬾᬭᭀᬤ᭄᭞ᬫᬚᭂᬫ᭄ᬧᬦᬗᭀᬜᬂᬩ᭄ᬘᬶᬓ᭄᭞ᬫᬧᬚᬂᬫᬓᬓᬯᬶᬦ᭄᭞ᬫᬸᬳᬸᬕ᭄ᬤᬶᬉᬭᬶᬤᬶᬫᬮᬸ᭞ᬢ᭄ᬓᬦᬾᬭᬶᬂᬧᬬᬚ᭄ᬜᬦ᭄᭞ᬧᬸᬱ᭄ᬧ ᬦᬾᬤᬶᬳᬚᭂᬫᬗᬦ᭄ᬢᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬢ᭄ᬥᬸᬦ᭄ᬫᬍᬃᬫᬚᬫ᭄ᬧᬦ᭟ᬢ᭄ᬥᬸᬂᬳᬕᬸᬗᬾᬫᬦᬭ᭠ᬫ᭄᭞ᬉᬧᬋᬗ᭄ᬕᬦ᭄ᬜᬦᬾᬩ᭄ᬘᬶᬓ᭄‌ᬩ᭄ᬘᬶᬓ᭄᭞ᬓᬓᬯᬶᬦ᭄ᬭᬫᬾᬫᬗᭀᬳᭀ᭞ᬭᬭᬶᬲ᭄ᬫᬜᭀᬭᭀᬄ᭠ [᭗ 7A] ᬧᬫᬃᬕ᭄ᬕᬶ᭞ᬲᬦᬾᬬᭀᬕ᭄ᬬᬤᬶᬉᬭᬶ᭞ᬓᬮᬶᬄᬦᬾᬜᬦ᭄ᬤᬂᬤᬶᬫᬮᬸ᭞ᬲ᭄ᬓᬳᬾᬫᬳᬶᬍᬳᬦ᭄᭞ᬉᬮᬶᬓ᭄ᬮᭀᬤ᭄ᬫᬗ᭄ᬭᬶᬳᬶᬦᬶᬦ᭄᭞ᬉᬮᬶᬓᬯᬸᬄ᭞ᬜᬸᬦ᭄ᬤᬸᬮ᭄ᬫᬗ᭄ᬭᬭᬶᬲ᭄ᬫᬫᬃᬕ᭄ᬕ᭟ᬢ᭄ᬓᭂᬲ᭄ᬢᭂᬓᬦᬶᬂᬳᬶᬭᬶᬗᬦ᭄᭞ ᬧᬸᬱ᭄ᬧᬦᬾᬤᬶᬳᬚᭂᬂᬫᬫᬃᬕ᭄ᬕᬶ᭞ᬫᬓᬦ᭄ᬤᬫᬲᭀᬭᭀᬄᬲᭀᬭᭀᬄ᭞ᬲᬵᬫ᭄ᬧᬸᬦ᭄ᬫᬳᬶᬍ᭠ᬳᬦ᭄ᬲᬫᬶ᭞ᬫᬲᭂᬓ᭄ᬲᭂᬓ᭄ᬫᬤᬸᬩᬢᬶᬲ᭄᭞ᬍᬫ᭄ᬩᬸᬦᬾᬫᬚᬮᬦ᭄ᬫᬮᬸ᭞ᬲᬵᬫ᭄ᬧᬸᬦ᭄ᬫᬳᬗ᭄ᬕᭀᬳᬗ᭄ᬕᭀ ᭞ᬫᬦᬤᬓ᭄ᬋᬗᬲ᭄ᬫᬦᬶᬗ᭄ᬓ᭄ᬭᬶᬓ᭄᭞ᬧᬢᬶᬢᬸᬳᬸᬦ᭄᭞ᬮᬸᬄᬮᬸᬳᬾᬫᬩ᭄ᬬᬬᬸᬳᬦ᭄᭟ᬦᬾᬦᬦ᭄ᬤᬦ᭄ᬜᬳᬸᬧ᭄ᬗᬾᬗ᭄ᬕᬮᬂ᭞ᬤᬶᬲᬸᬩᬦᬾᬓᬳᬸᬯᬾᬮᬶᬦ᭄᭞ᬫᬗᬸᬲᬧ᭄ᬫᬗ᭄ᬩᭀᬄᬳ᭄ᬩᭀᬄ᭞ᬤᬤᬶᬩᬸ᭠ ᬓᬜ᭄ᬭᬦ᭄ᬢᬳᬶᬦ᭄᭞ᬧᬗᬗ᭄ᬕᭀᬦ᭄ᬜᬦᬾᬩ᭄ᬘᬶᬓ᭄᭞ᬫᬓᬫ᭄ᬩᭂᬦ᭄ᬳᬢᬸᬳᬢᬸ᭞ᬢᬮᬶᬦ᭄ᬜᬦᬾᬫᬧᭀᬦ᭄ᬢᬂ᭞ᬲ᭄ᬮᬓᬲ᭄ᬮᬢ᭄ᬳᬸᬫᬸᬱ᭄ᬝᬶ᭞ᬫᬶᬯᬄᬢᬦ᭄ᬤᬸᬓ᭄᭞ᬳᬦᬾᬫᬲᬗ᭄ᬮᬸᬧ᭄ᬩᬵᬦ᭄ᬫᬲ᭄᭟ᬧᬳᬶᬍᬳᬾ

Auto-transliteration

[6 6B] 6 wos, muluklagĕsliwatbĕcik, yankawijung, boyakemahisaboya. sāmpunsaputingcarita, janmanengayaḥkapuri, menaktanipadhahawor̀, duksāmpu ntĕdhunpanglilit, cawisanpadhasami, jinaḥpuṣpatigangatus, tkaringpangajuma‐n, samiwentĕnmanakeni, sāmpunpuput, pangajumedhawuḥtiga. dhawuḥkaliḥsā mpunhusan, ngajumpangiringesami, rarismamar̀ggimarerod, majĕmpanangoñangbcik, mapajangmakakawin, muhugdi'uridimalu, tkaneringpayajñan, puṣpa nedihajĕmanganti, sāmpunpuput, tdhunmal̥ĕr̀majampana. tdhunghagungemanara‐m, upar̥ĕngganñanebcikbcik, kakawinramemangoho, rarismañoroḥ‐ [7 7A] pamar̀ggi, saneyogyadi'uri, kaliḥneñandangdimalu, skahemahil̥ĕhan, uliklodmangrihinin, ulikawuḥ, ñundulmangrarismamar̀gga. tkĕstĕkaninghiringan, puṣpanedihajĕngmamar̀ggi, makandamasoroḥsoroḥ, sāmpunmahil̥ĕ‐hansami, masĕksĕkmadubatis, l̥ĕmbunemajalanmalu, sāmpunmahanggohanggo , manadakr̥ĕngasmaningkrik, patituhun, luḥluhemabyayuhan. nenandanñahupngenggalang, disubanekahuwelin, mangusapmangboḥhboḥ, dadibu‐ kañrantahin, panganggonñanebcik, makambĕnhatuhatu, talinñanemapontang, slakaslat'humuṣṭi, miwaḥtanduk, hanemasanglupbānmas. pahil̥ĕhe

Leaf 7

Image on Archive.org

[᭗ 7B] ᭗ ᬦ᭄ᬫᬸᬕ᭄ᬮᬂ᭞ᬭᬱᬢᬦ᭄ᬓᭂᬦᬳᬶᬗᭂᬢᬶᬦ᭄᭞ᬦᬾᬫᬮᬸᬬᬫᬶᬭᬶᬩ᭄ᬩᭀᬗ᭄ᬓᭀᬮ᭄᭞ᬬᬾᬦ᭄ᬤᭂᬢᭀᬳᬗ᭄ᬕᭀᬦ᭄ᬦᬸᬗ᭄ᬕᬸᬮᬶᬦ᭄᭞ᬳᬶᬤᬲᬂᬫᬸᬢᭂᬃᬩᬵᬮᬶ᭞ᬓᬳᬶᬭᬶᬂᬩᬵᬦ᭄ᬫᬜ᭄ᬘᬳᬕᬸᬂ᭞ᬩᬥᬸᬗᬾᬤᬾᬭᬾᬂᬢ᭄ᬓ᭞᭠ ᬩᬸᬫᬭᬓᬯᬺᬢ᭄ᬢᬫᬗ᭄ᬓᬶᬦ᭄᭞ᬯᬳᬸᬭᬯᬸᬄ᭞ᬧᬗᬶᬭᬶᬗᬾᬫᬕ᭄ᬚᭂᬦᬦ᭄᭟ᬚᬗ᭄ᬕᭂᬮ᭄ᬓᬭᬶᬗᬯᬲ᭄ᬧᬤ᭞ᬩ᭄ᬤᬶᬮᬾᬗ᭄ᬩᭂᬓᬶᬦ᭄ᬫᬃᬕ᭄ᬕᬶ᭞ᬫᬓᬦ᭄ᬤᬫᬲᭀᬭᭀᬄᬲᭀᬭᭀᬄ᭞ᬳᬢᬧ᭄ᬲᬫᬶᬫᬵᬋᬧ᭄ᬓᬗᬶᬦ᭄᭞᭠ ᬯᬢᭂᬓ᭄ᬓᬯᬸᬳᬾᬲᬫᬶ᭞ᬩ᭄ᬤᬶᬮ᭄ᬓᬭᬗᬲᭂᬫ᭄ᬧᬢᬸᬄ᭞ᬦᬾᬓᬗᬶᬦ᭄ᬲᬶᬗ᭄ᬳᬭᬵᬃᬚ᭞ᬓᬤᬶᬢᬶᬫ᭄ᬩᬂᬳ᭠ᬢᭂᬧ᭄ᬲᬫᬶ᭞ᬢ᭄ᬮᬲ᭄ᬲᬵᬫ᭄ᬧᬸᬦ᭄᭞ᬓᬭᬶᬗᬦ᭄ᬢᭀᬲ᭄ᬤᬥᬯᬸᬳᬦ᭄᭟ᬤᬦᬾᬕᬸᬲ᭄ᬢᬶᬕ᭄ᬟᬾᬳᭀᬓ᭞ᬢ᭠ ᬦ᭄ᬲᬗᭂᬄᬭᬭᬶᬲ᭄ᬫᬫᬃᬕ᭄ᬕᬶ᭞ᬧᬦ᭄ᬫᬸᬮᬓᬳ᭄ᬬᬸᬦᬾᬚᭀᬮᭀᬢ᭄᭞ᬓᬢ᭄ᬗᬄᬫᬦ᭄ᬤᬸᬯᬓ᭄ᬩᭂᬤᬶᬮ᭄᭞᭠ᬢᬦ᭄ᬤᬸᬫᬤᬾᬫᬫᬸᬜᬶ᭞ᬳᬶᬢᬦ᭄ᬓᬾᬩᭂᬃᬲᬕᬾᬢ᭄ᬗᭂᬫ᭄ᬩᬸᬢ᭄᭞ᬦᬾᬩ᭄ᬢᬾᬦᬦ᭄ᬫᬦᬶᬫ᭄ᬩᬮ᭄᭞ᬫᬤᬾᬦ᭄ᬤᬸ᭠ [᭘ 8A] ᬢ᭄ᬲᬮᬶᬂᬲᬯᬸᬭᬶᬦ᭄᭞ᬧᬥᬩᬸᬮᬸᬲ᭄᭞ᬫᬶᬭᬶᬩ᭄ᬤᬾᬰᬲᬵᬫ᭄ᬧᬸᬦ᭄ᬓᬮᬄ᭟ᬫᬸᬜᬶᬦ᭄ᬩᭂᬤᬶᬮᬾᬫᬦᬶᬫ᭄ᬩᬮ᭄᭞ᬫᬩ᭄ᬭᬶᬬᬸᬓ᭄ᬭᬫᬾᬫᬫᬸᬜᬶ᭞ᬓᬤᬶᬕ᭄ᬮᬕᬄᬓᬢᬸᬦ᭄ᬯᬦ᭄᭞ᬮᬾᬦ᭄ᬫᬸᬜᬶᬦ᭄ᬮᬾᬮᬦᬾᬢᬭᬶᬓ᭄᭞ ᬮᬶᬯᬢ᭄ᬗᭂᬲ᭄ᬬᬩᬗ᭄ᬦᬢᬶ᭞ᬫ᭄ᬭᬶᬬᭂᬫᬾᬘ᭄ᬧᬕ᭄‌ᬘ᭄ᬧᬸᬕ᭄᭞ᬫᬶᬭᬶᬩ᭄ᬓᬶᬮᬧ᭄ᬫᬘᬦ᭄ᬤ᭞ᬫᬕᬸᬍᬫ᭄ᬩᬵᬦ᭄ᬳᬦ᭄ᬤᬸᬲ᭄ᬩᭂᬤᬶᬮ᭄᭞ᬓᬤᬶᬉᬯᬸᬕ᭄‌ᬓ᭄ᬮᬸᬂᬓᬸᬗᬾᬳᬲᬓ᭄ᬱᬡ᭟ᬫᬗ᭄ᬓᬶᬦ᭄ᬕᬸᬲ᭄ᬢᬶᬕ᭄ᬟᬾᬳᭀᬓ᭞ᬓᬮᬶᬧᬸᬢ᭄ᬩᬵᬦ᭄ᬳᬦ᭄ᬤᬸ ᬲ᭄ᬩᭂᬤᬶᬮ᭄᭞ᬓᬶᬧᬓᬶᬧᭂᬓ᭄ᬓᬤᬶᬩᬭᭀᬂ᭞ᬳᬧᬦ᭄ᬢ᭄ᬯᬄᬫᬸᬮᬧᬺᬚᬸᬭᬶᬢ᭄᭞ᬤᬾᬭᬾᬂᬳᭂᬦ᭄ᬤᬾᬦ᭄ᬢᬳᬾᬦ᭄‌ᬧᬶᬬᬶᬤ᭄᭞ᬫᬸᬮᬲ᭄ᬦᭂᬂᬮᬶᬧᬸᬢ᭄ᬳᬦ᭄ᬤᬸᬲ᭄᭞ᬢᭀᬮᬶᬄᬧᬜ᭄ᬚᬓᬾᬳᬶᬮᬂ᭞ᬧᬚᭂᬗᬾᬓᬸᬘᬸᬧ᭄ᬤᬶᬉᬭᬶ᭞ᬢ᭄ᬯᬄ ᬮᬸᬳᬸᬂ᭞ᬓᬤᬤᬾᬦ᭄ᬳᬦᬓ᭄‌ᬉᬢ᭄ᬢᬫ᭟ᬧᬗᬶᬭᬶᬗᬾᬲᬫᬶᬗᬭᬤ᭄᭞ᬜ᭄ᬚᬗ᭄ᬓᬺᬂᬕᬭᬵᬃᬬ᭄ᬬᬦ᭄ᬤᬶ᭠ᬉᬭᬶ᭞ᬢᬓᬸᬢ᭄ᬩᬵᬦ᭄ᬳᬦ᭄ᬤᬸᬲᬾᬮᬶᬫ᭄ᬩᬓ᭄᭞ᬢ᭄ᬯᬭᬳᬤᬓᬢᭀᬦ᭄ᬫᬃᬕ᭄ᬕᬶ᭞ᬢ᭄ᬯᬭᬓᬢᭀᬦ᭄ᬜᬂᬳ᭄ᬲᬶᬂ᭞ᬓᬧᬶᬂ᭠

Auto-transliteration

[7 7B] 7 nmuglang, raṣatankĕnahingĕtin, nemaluyamiribbongkol, yendĕtohanggonnunggulin, hidasangmutĕr̀bāli, kahiringbānmañcahagung, badhungederengtka, ‐ bumarakawr̥ĕttamangkin, wahurawuḥ, pangiringemagjĕnan. janggĕlkaringawaspada, bdilengbĕkinmar̀ggi, makandamasoroḥsoroḥ, hatapsamimār̥ĕpkangin, ‐ watĕkkawuhesami, bdilkarangasĕmpatuḥ, nekanginsingharār̀ja, kaditimbangha‐tĕpsami, tlassāmpun, karingantosdadhawuhan. danegustigḍ'̔ehoka, ta‐ nsangĕḥrarismamar̀ggi, panmulakahyunejolot, katngaḥmanduwakbĕdil, ‐tandumademamuñi, hitankebĕr̀sagetngĕmbut, nebtenanmanimbal, madendu‐ [8 8A] tsalingsawurin, padhabulus, miribdeśasāmpunkalaḥ. muñinbĕdilemanimbal, mabriyukramemamuñi, kadiglagaḥkatunwan, lenmuñinlelanetarik, liwatngĕsyabangnati, mriyĕmecpagcpug, miribkilapmacanda, magul̥ĕmbānhandusbĕdil, kadi'uwugklungkungehasakṣaṇa. mangkin'gustigḍ'̔ehoka, kaliputbānhandu sbĕdil, kipakipĕkkadibarong, hapantwaḥmulapr̥ĕjurit, derenghĕndentahenpiyid, mulasnĕngliput'handus, toliḥpañjakehilang, pajĕngekucupdi'uri, twaḥ luhung, kadadenhanakuttama. pangiringesamingarad, ñjangkr̥ĕnggarār̀yyandi‐uri, takutbānhanduselimbak, twarahadakatonmar̀ggi, twarakatonñanghsing, kaping‐

Leaf 8

Image on Archive.org

[᭘ 8B] ᭘ ᬳᬫ᭄ᬧᭂᬂᬫᬦᬄᬩᬶᬗᬸᬂ᭞ᬫᬢᬮ᭄ᬬᬢᬂᬩᬸᬢ᭞ᬢᭀᬓ᭄ᬭᬡᬢᬓᬸᬢᬍᬫᬕ᭄ᬤᬶ᭞ᬮᬶᬯᬢ᭄ᬳᬶᬩᬸᬓ᭄᭞ᬗ᭄ᬦᭂᬳᬂᬕᬸᬲ᭄ᬢᬶᬦᬾᬳᬶᬮᬂ᭟ᬉᬘᬧᬂᬦᬾᬭᬶᬂᬧᬬᬚ᭄ᬜᬦ᭄᭞ᬧᬸᬱ᭄ᬧᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬲᬫᬶ᭞ᬧᬥᬫᬗᬾᬮᬶᬗᬶ᭠ ᬦ᭄ᬢᭀᬗᭀᬲ᭄᭞ᬩᬓᬸᬃᬲᬫᬶᬗᭀᬜᬂᬩ᭄ᬘᬶᬓ᭄᭞ᬧᬸᬱ᭄ᬧᬦᬾᬗᬮᬶᬓᬮᬶᬓ᭄᭞ᬫᬲᬯᬂᬫᬶᬭᬶᬩ᭄ᬫᬓ᭄ᬩᬸᬃ᭞ᬫ᭄ᬮᭂᬘᬢ᭄ᬓᬲ᭄ᬯᬃᬕ᭄ᬕᬦ᭄᭞ᬧᬦ᭄ᬢᭂᬲ᭄ᬗᬗ᭄ᬕᭀᬲᬃᬯ᭄ᬯᬫᬡᬶᬓ᭄᭞ᬜᬦ᭄ᬤᬂᬲᬸᬗ᭄ᬲᬸᬂ᭞ᬳᬗ᭄ᬕᭀᬦ᭄ᬳᬃᬘ᭄ᬘᬧᬚ᭄ᬦᭂ᭠ ᬗᬦ᭄᭟ᬩᬩᬦ᭄ᬢᭂᬦ᭄ᬲᬫᬶᬯᬸᬲ᭄ᬫᬸᬗ᭄ᬕᬄ᭞ᬧᬸᬧᬸᬢ᭄ᬢᭂᬓᬦᬶᬂᬧᬗᬶᬭᬶᬂ᭞ᬫᬚᬚᬃᬲᬵᬫ᭄ᬧᬸᬦ᭄ᬫᬲᭀᬭᭀᬄ᭞ᬳᬧᬦ᭄ᬢᬸᬓᬂᬯᬢᬶᬦ᭄ᬯᬢᬶᬦ᭄᭞ᬦᬶᬗ᭄ᬓᬳᬂᬩᬦ᭄ᬢᭂᬦ᭄‌ᬰᬸᬘᬶ᭞ᬧᬥᬢ᭄ᬯᬭᬓᬦ᭄ᬢᬶᬢᬸᬥᬸᬄ᭞ᬫᬗ᭄ᬩᭂᬓᬶᬦ᭄ᬕᬭᬸ᭠ ᬕ᭞ᬲᭀᬭᭀᬄᬦᬾᬦᬾᬩ᭄ᬘᬶᬓ᭄‌ᬩ᭄ᬘᬶᬓ᭄᭞ᬲᬫᬶᬧᬸᬧᬸᬢ᭄᭞ᬓᬲᬶᬭᬢᬦ᭄ᬳᬦ᭄ᬢᬸᬓ᭄‌ᬫ᭄ᬧᭂᬳᬦ᭄᭟ᬧᬥᬡ᭄ᬟᬢᬶᬕᬫᬯᬾᬤ᭄ᬟ᭞ᬯᬢᭂᬓ᭄ᬧᬶᬦᬶᬢᬸᬯᬾᬂᬮᬶᬗ᭄ᬕᬶᬄ᭞ᬲᬵᬫ᭄ᬧᬸᬦ᭄ᬫᬗ᭄ᬭᬗ᭄ᬲᬸᬓ᭄ᬧᬗᬗ᭄ᬕᭀ᭞ᬓ [᭙ 9A] ᬫ᭄ᬧᬸᬄᬯᬵᬲ᭄ᬢ᭄ᬭᬲᬃᬯ᭄ᬯᬧᬸᬢᬶᬄ᭞ᬲ᭄ᬮᬶᬫ᭄ᬧᭂᬢ᭄ᬫᬕᬦᬶᬢ᭄ᬭᬶ᭞ᬫᬳᬦ᭄ᬢᬶᬗᬦ᭄ᬢᬶᬂᬫᬓ᭄ᬢᬸ᭞ᬲᬵᬫ᭄ᬧᬸᬦ᭄ᬫᬓᬾᬱᬪ᭄ᬭᬵᬡ᭞ᬳᬯᭀᬃᬮᬯᬦ᭄ᬘᬸᬥᬫᬡᬶ᭞ᬲᬓ᭄ᬱᬢ᭄ᬯᬶᬓᬸ᭞ᬭᬯᬸᬄᬲᬓᬶᬂᬩ᭄ᬭᬵᬳ᭄ᬫᬮᭀᬓ᭟ᬤᬾᬭᬾᬂᬗᬯᬶᬚᬶᬮᬂᬯᬾ ᬤ᭄ᬟ᭞ᬫ᭄ᬮᭂᬂᬫᬵᬋᬧ᭄ᬓᬗᬶᬦ᭄᭞ᬫᬦᬸᬚᬸᬦᬾᬓᬢᭀᬦ᭄ᬩᭀᬮᭀᬂ᭞ᬢ᭄ᬮᬲ᭄ᬲᬶᬦᬫ᭄ᬬᬦ᭄ᬫᬓᬜ᭄ᬘᬶᬂ᭞ᬲᬵᬫ᭄ᬧᬸᬦ᭄ᬫᬳᬯᬓ᭄‌ᬲ᭄ᬧᬶ᭞ᬤᬰᬾᬦ᭄ᬤ᭄ᬭᬶᬬᬦᬾᬫᬦᬸᬗ᭄ᬓᬸᬮ᭄᭞ᬲᬶᬤ᭄ᬟᬫᬳᬯᬓ᭄ᬩᭀᬮᭀᬂ᭞ᬧᬥᬓᬲᬶᬫ᭄ᬧᭂ ᬦᬂᬲᬫᬶ᭞ᬫᬸᬮᬶᬄᬧᬢᬸᬄ᭞ᬧᬦᬸᬚᬸᬦᬾᬓᬢᭀᬦ᭄ᬬ᭟ᬭᬭᬶᬲ᭄ᬫᬗᬸᬜ᭄ᬘᬭᬂᬯᬾᬤ᭄ᬟ᭞ᬢᬸᬯᬶᬢ᭄ᬯᬄᬯᬶᬓᬸᬦᬵᬕᬭᬶ᭞ᬧᬢᬗᬦ᭄ᬳᬍᬧ᭄‌ᬗ᭄ᬕᭂᬮᭀᬄ᭞ᬜᬦ᭄ᬤᬂᬢᬸᬮᬤ᭄ᬳᬚᬓ᭄ᬲᬫᬶ᭞ᬯᬶᬭᬫᬦᬾᬩ᭄ᬘᬶᬓ᭄᭞᭠ ᬤᬩ᭄ᬤᬩ᭄ᬩᬫ᭄ᬩᬦ᭄ᬳᬮᬸᬲ᭄‌ᬍᬫᬸᬄ᭞ᬓᬤᬶᬕ᭄ᬋᬳᬶᬗ᭄ᬓᬧᬢ᭄᭞ᬜᬦ᭄ᬤᬂᬫᬯᭀᬭᬶᬂᬳ᭄ᬬᬂᬯᬶᬥ᭞ᬓ᭠ᬤᬶᬲᬵᬦ᭄ᬢᬸᬦ᭄᭞ᬳᬮᬸᬲ᭄ᬓᬢᬶᬩᬦᬦ᭄ᬳᬸᬤᬦ᭄᭟ᬦᬾᬫᬫᬯᭀᬲ᭄ᬭᬭᬶᬲ᭄ᬦᬶᬫ᭄ᬩᬮ᭄᭞ᬘᭀᬓᭀᬃᬤ᭄ᬟᬩ᭄ᬢᬾ

Auto-transliteration

[8 8B] 8 hampĕngmanaḥbingung, matalyatangbuta, tokraṇatakutal̥ĕmagdi, liwat'hibuk, ngnĕhanggustinehilang. ucapangneringpayajñan, puṣpasāmpunmunggaḥsami, padhamangelingi‐ ntongos, bakur̀samingoñangbcik, puṣpanengalikalik, masawangmiribmakbur̀, mlĕcatkaswar̀ggan, pantĕsnganggosar̀wwamaṇik, ñandangsungsung, hanggonhar̀ccapajnĕ‐ ngan. babantĕnsamiwusmunggaḥ, puputtĕkaningpangiring, majajar̀sāmpunmasoroḥ, hapantukangwatinwatin, ningkahangbantĕnśuci, padhatwarakantitudhuḥ, mangbĕkin'garu‐ ga, soroḥnenebcikbcik, samipuput, kasiratanhantukmpĕhan. padhaṇḍatigamawedḍa, watĕkpinituwenglinggiḥ, sāmpunmangrangsukpanganggo, ka [9 9A] mpuḥwāstrasar̀wwaputiḥ, slimpĕtmaganitri, mahantingantingmaktu, sāmpunmakeṣabhrāṇa, hawor̀lawancudhamaṇi, sakṣatwiku, rawuḥsakingbrāhmaloka. derengngawijilangwe dḍa, mlĕngmār̥ĕpkangin, manujunekatonbolong, tlassinamyanmakañcing, sāmpunmahawakspi, daśendriyanemanungkul, sidḍamahawakbolong, padhakasimpĕ nangsami, muliḥpatuḥ, panujunekatonya. rarismanguñcarangwedḍa, tuwitwaḥwikunāgari, patanganhal̥ĕpnggĕloḥ, ñandangtulad'hajaksami, wiramanebcik, ‐ dabdabbambanhalusl̥ĕmuḥ, kadigr̥ĕhingkapat, ñandangmaworinghyangwidha, ka‐disāntun, haluskatibananhudan. nemamawosrarisnimbal, cokor̀dḍabte

Leaf 9

Image on Archive.org

Leaf 10

Image on Archive.org

Leaf 11

Image on Archive.org

Leaf 12

Image on Archive.org

Leaf 13

Image on Archive.org

Leaf 14

Image on Archive.org

Leaf 15

Image on Archive.org

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org