gaguritan-rangda-kasihan-02

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᬑᬁᬅᬯᬶᬖ᭄ᬦᬫᬲ᭄ᬢᬸ᭚ᬧᬸᬧᬸᬄᬤᬹᬃᬫ᭄ᬫ᭚ᬲᬧᬸᬦᬶᬓᬶᬯᬾᬦ᭄ᬢᭂᬦ᭄ᬓᬢᬸᬢᬸᬭᬦ᭄ᬲᬢ᭄ᬯ᭞ᬢᬍᬃᬫᬳᬸᬢᬫᬍᬯᬶᬄ᭞ᬫᬶᬚᬶᬮᬶᬂᬅᬓ᭄ᬱᬭ᭞ᬓᭀᬘᬧ᭄ᬳᬶᬭᬗ᭄ᬤᬓᬲᬶᬳᬦ᭄᭞ ᬫᬧ᭄ᬬᬦᬓ᭄ᬳᬶᬲ᭄ᬢ᭄ᬭᬶᬓᬓᬮᬶᬄ᭞ᬮᬶᬲ᭄ᬢᬸᬳᬬᬸᬳᬃᬚ᭄ᬚ᭞ᬢᬦ᭄ᬩᬶᬦᬓᬤᬶᬤᬤᬭᬶ᭟ᬓᬂᬧᬫᬬᬸᬦ᭄ᬧᭂᬲᬾᬗᬦᬶᬭᬦᬶᬲᭀᬓ᭞ᬳᬭᬶᬦᬶᬭᬦᬶᬚᭂᬫ᭄ᬧᬶᬭᬶᬂ᭞ᬧᬤᬯᬶ ᬘᬓ᭄ᬱᬡ᭞ᬳᬲ᭄ᬢᬶᬢᬶᬭᬶᬂᬭᬕ᭞ᬧᬹᬃᬡ᭄ᬦᬫᬢᬶᬍᬫᬩᬺᬱᬶᬄ᭞ᬗᬢᬸᬭᬂᬘᬦᬂ᭞ᬗᬲ᭄ᬢᬯᬲᬗ᭄ᬳ᭄ᬬᬂᬯᬶᬤ᭄ᬥᬶ᭟ᬲᬧᬸᬦᬶᬓᬲᭀᬢᬦᬶᬂᬳᬶᬲ᭄ᬢ᭄ᬭᬶᬳᬸᬢᬫ᭞ᬢᬦ᭄ᬓᭂᬦᬶ ᬘᬘᬤᬶᬦ᭄ᬫᬮᬶᬄ᭞ᬳᬦᬸᬢᬶᬂᬫᬜᬫ᭞ᬦᬸᬢ᭄‌ᬲᬾᬮᭀᬳᬦ᭄ᬧᬮᬓ᭄ᬯᬦ᭄᭞ᬫᬓᬤᬶᬪᬓ᭄ᬢᬶᬭᬶᬂᬩᬶᬩᬶ᭞ᬳᬲ᭄ᬢᬶᬢᬶᬭᬶᬂᬳ᭄ᬬᬂ᭞ᬯ᭄ᬬᬓ᭄ᬢᬶᬲᬤ᭄ᬬᭀᬢ᭄ᬓᬭᬦ᭄ᬢᬶ᭟ [᭒ 2A] ᬓᬘᬭᬶᬢᬧ᭄ᬭᬬᬢᬗ᭄ᬓᬶᬮ᭄‌ᬭᬶᬗᬶᬩ᭄ᬬᬂ᭞ᬧᬸᬦᬶᬓᬲᬗᬬᬸᬍᬯᬶᬄ᭞ᬦ᭄ᬤᬦ᭄ᬲᬧ᭄ᬭᬧ᭄ᬢᬦᬶᬭ᭞ᬢᬸᬃᬳᬦᭂᬫ᭄ᬩᬳᬶᬂᬩ᭄ᬬᬂ᭞ᬲᬂᬲᬶᬦᭂᬫ᭄ᬩᬄᬳᬲ᭄ᬫᬸᬳᬲᬶᬄ᭞ᬳᬫ᭄ᬓᬸᬮ᭄ᬓᬦ᭄ᬢ ᭞ᬳᬸᬤᬸᬄᬦᬦᬓ᭄ᬲᬂᬓᬮᬶᬄ᭟ᬢᬦ᭄ᬲᬶᬧᬶᬭᬋᬦᬦ᭄ᬫᬾᬫᬾᬫᬗᬦ᭄ᬢᭂᬦᬂ᭞ᬲᬭᬯᬸᬄᬳᬶᬤᬾᬯᬓᬮᬶᬄ᭞ᬭᬲᬢᬦᬶᬂᬚᬕᬢ᭄᭞ᬮ᭄ᬯᬶᬃᬓᬤᬶᬭᬶᬂᬲ᭄ᬯᬧ᭄ᬦ᭞ ᬫᬗ᭄ᬕᬓ᭄ᬧᬳᭂᬓᬂᬤᬶᬦᬶ᭞ᬫᬮᬶᬄᬳᬦᭂᬫ᭄ᬩᬄᬧᬸᬦᬶᬓᬲᬗᬬᬸᬓᬮᬶᬄ᭟ᬲᬵᬫ᭄ᬧᬸᬦ᭄ᬩᬶᬩᬶᬲᬄᬲᬓᬶᬂᬧᬮᬶᬗ᭄ᬕᬳᬦ᭄᭞ᬫᬲᬤᬾᬯᬾᬓ᭄ᬢᬶᬢ᭄ᬬᬂᬓᬮᬶᬄ ᭞ᬢᬸᬫᬸᬮᬶᬮᬸᬗ᭄ᬕᬸᬳ᭞ᬲᬵᬫ᭄ᬧᬸᬦ᭄ᬫᬸᬗ᭄ᬕ᭄ᬯᬶᬲᬬᬦ᭞ᬧᬸᬦᬶᬓᬲᬂᬢᬶᬕᬂᬲᬶᬓᬶ᭞ᬳᬶᬩ᭄ᬬᬂᬗᬦ᭄ᬤᬶᬓ᭞ᬤᬸᬄᬫᬲ᭄ᬓᬸᬓᬮᬶᬄᬤᬶᬭᬶ᭟ᬳᬫ᭄ᬧᬸᬭᬦᬧ

Auto-transliteration

[1 1B] 1 oṅġawighnamastu // pupuḥdūr̀mma // sapunikiwentĕnkatuturansatwa, tal̥ĕr̀mahutamal̥ĕwiḥ, mijilingakṣara, kocap'hirangdakasihan, mapyanak'histrikakaliḥ, listuhayuhar̀jja, tanbinakadidadari. kangpamayunpĕsenganiranisoka, hariniranijĕmpiring, padawi cakṣaṇa, hastitiringraga, pūr̀ṇnamatil̥ĕmabr̥ĕsyiḥ, ngaturangcanang, ngastawasanghyangwiddhi. sapunikasotaninghistrihutama, tankĕni cacadinmaliḥ, hanutingmañama, nutselohanpalakwan, makadibhaktiringbibi, hastitiringhyang, wyaktisadyotkaranti. [2 2A] kacaritaprayatangkilringibyang, punikasangayul̥ĕwiḥ, ndansapraptanira, tur̀hanĕmbahingbyang, sangsinĕmbaḥhasmuhasiḥ, hamkulkanta , huduḥnanaksangkaliḥ. tansipirar̥ĕnanmememangantĕnang, sarawuḥhidewakaliḥ, rasataningjagat, lwir̀kadiringswapna, manggakpahĕkangdini, maliḥhanĕmbaḥpunikasangayukaliḥ. sāmpunbibisaḥsakingpalinggahan, masadewektityangkaliḥ , tumulilungguha, sāmpunmunggwisayana, punikasangtigangsiki, hibyangngandika, duḥmaskukaliḥdiri. hampuranapa

Leaf 2

Image on Archive.org

[᭒ 2B] ᭒ ᬧᬦ᭄ᬤᬩᬕ᭄ᬬᬦᬶᬗᬯᬓ᭄᭞ᬕᬸᬭᬸᬦ᭄ᬳᬶᬤᬾᬯᬦᬾᬦᬶᬗ᭄ᬕᬮᬶᬦ᭄᭞ᬳᬸᬩᬸᬄᬧᬤᬤ᭄ᬯᬦᬦ᭄᭞ᬫᬓᬤᬶᬢ᭄ᬯᬭᬫᬓ᭄ᬚᬂ᭞ᬢᬸᬳᬸᬦ᭄ᬢᬦᬄᬫ᭄ᬦᬾᬓ᭄ᬮᬗᬶᬢ᭄᭞ᬍᬩᬶᬄᬲᬗ᭄ᬲᬭ᭞ᬳᬶ ᬲᬸᬧᬾᬲᬫᬮᬦ᭄ᬫᬢᬶ᭟ᬭᬲᬢᬦ᭄ᬓᬢᬸᬢᬸᬕᬦ᭄‌ᬫᬾᬫᬾᬫᬧ᭄ᬬᬦᬓ᭄᭞ᬮᬯᬦ᭄ᬳᬶᬤᬾᬯᬓᬮᬶᬄ᭞ᬳᬧᬦ᭄ᬲᬩᬜᬦ᭄ᬤᬂ᭞ᬳᬤᬲᬶᬧ᭄ᬢᬦᬶᬂᬳᬯᬓ᭄᭞ᬭᬶᬯᬸ ᬮᬦ᭄ᬓᬭᭀᬳᬫ᭄ᬮᬲᬶᬦ᭄᭞ᬦᬸᬢᬸᬕ᭄ᬳᬶᬩᬧ᭞ᬳᬧᬦ᭄ᬢ᭄ᬯᬭᬳᬤᬗᬶᬭᬶᬂ᭟ᬲᭀᬓ᭄ᬕᬤᬧᬩᭂᬲᭂᬦ᭄‌ᬫᬾᬫᬾᬭᬶᬂᬳᬶᬤᬾᬯ᭞ᬓᬮᬳᬶᬦ᭄ᬫᬾᬫᬾᬫᬢᬶ᭞ ᬮᬓ᭄ᬱᬡᬦᬾᬤᬩ᭄ᬤᬩᬂ᭞ᬧᭀᬮᬳᬶᬂᬳᬶᬲ᭄ᬢ᭄ᬭᬶᬳᬸᬢᬫ᭞ᬧᬕᭂᬳᬂᬤᬾᬯᬕᬸᬕᭀᬦᬶᬦ᭄᭞ᬳ᭄ᬤᬫᬳᬂᬳᭀᬩᬄ᭞ᬲᬗ᭄ᬳ᭄ᬬᬂᬳᬬᬸᬦᬂᬳᬶᬦᬶᬲ᭄ᬢᬶ᭟ [᭓ 3A] ᬢᬦ᭄ᬲᬧᬶᬭᬦᬤᬶᬦ᭄ᬲᬗ᭄ᬳ᭄ᬬᬂᬢᬶᬢᬄ᭞ᬢᬦ᭄ᬤᬯᬾᬄᬲᬸᬓᬘ᭄ᬦᬶᬂ᭞ᬳ᭄ᬤᬫᬲᭂᬮ᭄ᬲᭂᬮᬦ᭄᭞ᬫᬸᬮᬲᬶᬧᬢᬶᬂᬲᬭᬶᬭ᭞ᬚ᭄ᬮᬾᬫ᭄ᬮᬄᬦᭀᬭᬍᬧᬶᬄ᭞ᬲᬂᬢᬶᬦᬸ ᬢᬸᬭᬦ᭄᭞ᬦᬤᬸᬓᬭᬫᬶᬗ᭄ᬲᬶᬗ᭄ᬕᬶᬄ᭟ᬫ᭄ᬦᭂᬂᬩᬶᬩᬶᬲᬵᬫ᭄ᬧᬸᬦ᭄ᬫᬫᬜ᭄ᬚᬗᬂ᭞ᬯᬦ᭄ᬢᬄᬧᬗᬤᬸᬦ᭄‌ᬯᬶᬤ᭄ᬥᬶ᭞ᬢ᭄ᬯᬶᬢᬦ᭄ᬧᬩ᭄ᬭᬢ᭞ᬳᬦ᭄ᬢᬸᬓ᭄ᬧᬗᬲ᭄ᬢᬸᬢᬶᬲᬗ᭄ᬳ᭄ᬬᬂ᭞ᬳ ᬳᬸᬭᬸᬕ᭄ᬢᬸᬢᬸᬃᬲᬬᬸᬓ᭄ᬢᬶ᭞ᬦᬶᬓᬶᬨᬮᬦ᭄ᬬ᭞ᬳᬫᬗ᭄ᬕᬶᬄᬫᬸᬥᬫᬶᬲ᭄ᬓᬶᬦ᭄᭟ᬦᬶᬚᭂᬫ᭄ᬧᬶᬭᬶᬂᬓ᭄ᬜᭂᬫ᭄‌ᬤᬦᬾᬢᬸᬃᬳᬗᬸᬘᬧ᭄᭞ᬤᬢᬩᬕ᭄ᬩᬕᬂᬫᬮᬶᬄ᭞ᬫᬸᬮᬢᬦᬶᬩᬕ᭄ᬬ ᬢᬸᬫ᭄ᬩᬸᬳᬾᬢ᭄ᬯᬄᬗᬯᬕ᭄᭞ᬰᬰᬶᬄᬚᬾᬱ᭄ᬝᬓᬚᭂᬂᬕᬶᬕᬶᬲ᭄᭞ᬓ᭄ᬭᬡᬲᬗ᭄ᬲᬭ᭞ᬰ᭄ᬭᬶᬫᬺᬤᬸᬳᬦᬸᬤᬸᬳᬶᬦ᭄᭟ᬲᬶᬤᬫᬯᬓ᭄ᬫᬓᬘᬭᬸᬦᬶᬂᬩᬸᬯᬦ

Auto-transliteration

[2 2B] 2 pandabagyaningawak, gurunhidewaneninggalin, hubuḥpadadwanan, makaditwaramakjang, tuhuntanaḥmneklangit, l̥ĕbiḥsangsara, hi supesamalanmati. rasatankatutuganmememapyanak, lawanhidewakaliḥ, hapansabañandang, hadasiptaninghawak, riwu lankarohamlasin, nutug'hibapa, hapantwarahadangiring. sokgadapabĕsĕnmemeringhidewa, kalahinmememati, lakṣaṇanedabdabang, polahinghistrihutama, pagĕhangdewagugonin, hdamahanghobaḥ, sanghyanghayunanghinisti. [3 3A] tansapiranadinsanghyangtitaḥ, tandaweḥsukacning, hdamasĕlsĕlan, mulasipatingsarira, jlemlaḥnoral̥ĕpiḥ, sangtinu turan, nadukaramingsinggiḥ. mnĕngbibisāmpunmamañjangang, wantaḥpangadunwiddhi, twitanpabrata, hantukpangastutisanghyang, ha hurugtutur̀sayukti, nikiphalanya, hamanggiḥmudhamiskin. nijĕmpiringkñĕmdanetur̀hangucap, databagbagangmaliḥ, mulatanibagya tumbuhetwaḥngawag, śaśiḥjeṣṭakajĕnggigis, kraṇasangsara, śrimr̥ĕduhanuduhin. sidamawakmakacaruningbuwana

Leaf 3

Image on Archive.org

[᭓ 3B] ᭓ ᭞ᬳᬸᬘᬧ᭄‌ᬢ᭄ᬭᬸᬲᬶᬂᬲᬸᬦ᭄ᬤᬭᬶ᭞ᬧ᭄ᬭᬯᬦᬶᬂᬯᬭᬶᬕ᭞ᬳᬮᬳᬬᬸᬦᬶᬂᬧᬤᬸᬤᬸᬳ᭞ᬢᬶᬦᬸᬢ᭄ᬤᬾᬦᬶᬂᬚᬕᬢ᭄ᬲᬫᬶ᭞ᬢᬦ᭄ᬬᭀᬕ᭄ᬬᬢᬸᬮᬓ᭄᭞ᬯᬶᬭᬾᬄᬳᬶᬤᬲᬗ᭄ᬳ᭄ᬬᬂᬮᬶᬘᬶ ᬦ᭄᭟ᬩᬮᬶᬓᬦ᭄ᬬᬫᬗ᭄ᬓᬶᬦ᭄ᬩᬶᬩᬶᬫᬗ᭄ᬭᬲᬬᬂ᭞ᬢᬶᬢ᭄ᬬᬂᬗᬢᬸᬭᬂᬧᬓᬾᬮᬶᬂ᭞ᬳᬾᬱ᭄ᬝᬶᬬᬂᬭᬕ᭞ᬰᬸᬦ᭄ᬬᬦᬶᬃᬫ᭄ᬫᬮᬭᬕᬬᬂ᭞ᬲᬗ᭄ᬳ᭄ᬬᬂᬳᬬᬸᬓᬂᬳᬶᬦᬶᬱ᭄ᬝᬶ᭞ᬥᬃᬫ᭄ᬫ ᬮᬓ᭄ᬱᬡ᭞ᬨᬮᬧᬢᬸᬢ᭄ᬓᬧᬗ᭄ᬕᬶᬄ᭟ᬬᬦᬶᬂᬲᬵᬫ᭄ᬧᬸᬦ᭄‌ᬭᬲᬧᬢᬸᬢᬾᬫᬃᬕ᭄ᬬᬂ᭞ᬚᬯᬢ᭄ᬭᬯᬸᬄᬭᬶᬂᬓᬧᬢᬶᬦ᭄᭞ᬦᭀᬭᬫᬮᬶᬄᬭᬲ᭞ᬧᬶᬢᬭᬫ ᬗ᭄ᬕᬶᬄᬲᬤ᭄ᬬ᭞ᬢ᭄ᬓᬲ᭄ᬬᬦ᭄ᬫᬮᬶᬄᬦᬸᬫᬤᬶ᭞ᬓᬫᬺᬘᬧᬤ᭞ᬫᬗ᭄ᬤᬳᬫᬗ᭄ᬕᬶᬄ᭟ᬳᭂᬫ᭄ᬩᭀᬓ᭄ᬩᬶᬩᬶᬓ᭄ᬤᬶᬓᬂᬫᬜᭂᬮ᭄ᬲᭂᬮ᭄‌ᬭᬕ᭞ᬢᬶᬢ᭄ᬬᬂᬲᬫ᭄ᬧᬸ [᭔ 4A] ᬦ᭄‌ᬬᬸᬓ᭄ᬢᬶᬳᬸᬦᬶᬂ᭞ᬯᬦ᭄ᬢᬄᬢᬸᬢᬸᬭᬦ᭄ᬬ᭞ᬓᭀᬘᬧ᭄ᬫᬸᬗ᭄ᬕ᭄ᬯᬶᬂᬯᬭᬶᬕ᭞ᬫᬶᬯᬄᬧ᭄ᬭᬓᭂᬫ᭄ᬧᬦᬶᬂᬩᬸᬫᬶ᭞ᬫᬗ᭄ᬓᬶᬦ᭄ᬫᬬᭀᬕ᭞ᬲᬗ᭄ᬳ᭄ᬬᬂᬩ᭄ᬭᬳ᭄ᬫᬫᬗ᭄ᬭᬕᬦᬶᬦ᭄᭟ᬳᬦᬫᬗ᭄ᬓᬶᬦ᭄‌ᬬ ᬦ᭄ᬧᬢᬸᬢ᭄ᬧᬯᬸᬗᬸᬦ᭄ᬢᬶᬢ᭄ᬬᬂ᭞ᬲᬫ᭄ᬧᬸᬦᬂᬤᬤᭀᬲ᭄ᬓᬶᬂᬓᬶᬂ᭞ᬓᬯᬾᬦ᭄ᬢᭂᬦᬦ᭄ᬧᬕᭂᬳᬂ᭞ᬳᬦ᭄ᬢᬸᬓ᭄ᬗᬲ᭄ᬢᬶᬢ᭄ᬬᬂᬭᬕ᭞ᬲᬸᬦ᭄ᬬᬦᬶᬃᬫ᭄ᬫᬮᬦᬾᬳᬸᬗ᭄ᬲᬶ᭞ᬦᬶᬭᬗ᭄ᬤᬓᬲᬶᬳ ᬦ᭄᭞ᬓ᭄ᬜᭂᬫ᭄ᬢᬸᬫᬸᬮᬶᬜᬯᬸᬭᬶᬦ᭄᭟ᬦᬄᬬᬦᬓᬾᬢᭀᬓᭀᬚᬭᬦ᭄ᬬᬭᬶᬂᬰᬢ᭄ᬭ᭞ᬳᬶᬤᬾᬯᬢᬢᬲ᭄ᬳᬸᬦᬶᬂ᭞ᬫᬾᬫᬾᬓᬾᬦ᭄ᬓᬾᬦ᭄ᬩᬳᬦ᭄᭞ᬦᬶᬗ᭄ᬓᬳᬂᬳ ᬯᬓ᭄ᬢ᭄ᬯ᭞ᬳᬧᬦ᭄ᬫᬾᬫᬾᬳᬾᬗ᭄ᬕᬮ᭄ᬫᬢᬶ᭞ᬓᬶᬚᬳᬫ᭄ᬩᬳᬂ᭞ᬢᬦ᭄ᬯᬗ᭄ᬤᬾᬫᬾᬫᬾᬧᬮᬶᬂ᭟ᬫᬾᬫᬾᬩ᭄ᬮᭀᬕ᭄‌ᬢ᭄ᬯᬭᬦᬯᬂᬓᬢᬸᬢᬸᬭᬦ᭄᭞ᬧᬢᬸᬚᬸᬳᬶ

Auto-transliteration

[3 3B] 3 , hucaptrusingsundari, prawaningwariga, halahayuningpaduduha, tinutdeningjagatsami, tanyogyatulak, wireḥhidasanghyanglici n. balikanyamangkinbibimangrasayang, tityangngaturangpakeling, heṣṭiyangraga, śunyanir̀mmalaragayang, sanghyanghayukanghiniṣṭi, dhar̀mma lakṣaṇa, phalapatutkapanggiḥ. yaningsāmpunrasapatutemar̀gyang, jawatrawuḥringkapatin, noramaliḥrasa, pitarama nggiḥsadya, tkasyanmaliḥnumadi, kamr̥ĕcapada, mangdahamanggiḥ. hĕmbokbibikdikangmañĕlsĕlraga, tityangsampu [4 4A] nyuktihuning, wantaḥtuturanya, kocapmunggwingwariga, miwaḥprakĕmpaningbumi, mangkinmayoga, sanghyangbrahmamangraganin. hanamangkinya npatutpawunguntityang, sampunangdadoskingking, kawentĕnanpagĕhang, hantukngastityangraga, sunyanir̀mmalanehungsi, nirangdakasiha n, kñĕmtumuliñawurin. naḥyanaketokojaranyaringśatra, hidewatatashuning, memekenkenbahan, ningkahangha waktwa, hapanmemehenggalmati, kijahambahang, tanwangdememepaling. memeblogtwaranawangkatuturan, patujuhi

Leaf 4

Image on Archive.org

[᭔ 4B] ᭔ ᬦ᭄ᬫᬾᬫᬾᬚᬦᬶ᭞ᬦᬶᬲᭀᬓᬳᬗᬸᬘᬧ᭄᭞ᬕᬫ᭄ᬧᬂᬩᬶᬩᬶᬧᬸᬦᬶᬓ᭞ᬗᬯᬶᬮᬗᬂᬫᬃᬕ᭄ᬕᬶᬫᬢᬶ᭞ᬩ᭄ᬬᬦᬤᬓᬢᬄ᭞ᬢᬢᬶᬕᬭᬶᬂᬭᬕᬫᬮᬶᬗ᭄ᬕᬶᬄ᭟ᬰᬶᬯᬢᬶᬕ ᬤᬤᭀᬲ᭄‌ᬬᬬᬄᬳᬶᬩᬸᬭᬕ᭞ᬢ᭄ᬭᬶᬦᬤᬶᬲᬵᬫ᭄ᬧᬸᬦ᭄ᬳᭂᬦᬶᬂ᭞ᬢᬸᬗ᭄ᬕᬮ᭄ᬤᬤᭀᬲᬩ᭄ᬤ᭞ᬳᬶᬓᬂᬲᬩ᭄ᬤᬤᬤᭀᬲ᭄ᬳᬢ᭄ᬫ᭞ᬳᬢ᭄ᬫᬦᬾᬫᬦᬤᭀᬲ᭄ᬳᬗᬶᬦ᭄᭞ ᬫᬸᬮᬶᬄᬭᬶᬂᬲᬸᬦ᭄ᬬ᭞ᬫᬦᬤᭀᬲ᭄‌ᬰᬶᬯᬧᬢᬶ᭟ᬬᬦ᭄ᬫᬢᬶᬫᭀᬓ᭄ᬱᬳᬢ᭄ᬫᬦᬾᬭᬶᬂᬢᬳᬸᬮᬦ᭄᭞ᬳᬤᬫᬃᬕ᭄ᬕᬦᬾᬘ᭄ᬦᬶᬓ᭄᭞ᬫᬃᬕ᭄ᬕᬲᬲᬸᬦᬸᬢᬦ᭄᭞ᬩ᭄ᬦᭂᬂ ᬓᬗᬶᬦ᭄ᬤᬢᬦ᭄ᬲᬶᬫ᭄ᬧᬃ᭞ᬫᬦᬸᬯᬸᬢ᭄‌ᬲ᭄ᬮᬦᬶᬂᬩᬸᬓᬶᬢ᭄᭞ᬫᬃᬕ᭄ᬕᬳᬸᬢᬫ᭞ᬫᬃᬕ᭄ᬕᬦᬾᬳᬶᬭᬗ᭄ᬓᬲᬭᬶ᭟ᬩ᭄ᬬᭀᬫᬦ᭄ᬢᬭᬮᭀᬓᬢ᭄ᬭᬸᬲ᭄ [᭕ 5A] ᬢ᭄ᬓᬾᬂᬧᬢᬮ᭞ᬘᬢᬸᬃᬤᬶᬩ᭄ᬬᬫᬦ᭄ᬫᭀᬦᬶᬦ᭄᭞ᬓᬸᬓᬸᬲ᭄ᬢᬦ᭄ᬫᬭᬦᬦ᭄᭞ᬳᬤᭀᬄᬢ᭄ᬓᬦᬂᬓᬯᬄ᭞ᬭᬶᬂᬘᬢᬸᬃᬮᭀᬓᬳᬫᬸᬓ᭄ᬢᬶ᭞ᬬᬤᬾᬰᬦᬶᬭ᭞ᬧᬶᬢᬭᬫᬗ᭄ᬕᬶᬄᬚᬢᬶ᭟ ᬧᬢᬸᬢ᭄ᬳᬸᬗ᭄ᬕ᭄ᬯᬦ᭄ᬲᬂᬭᬢ᭄ᬦᬬᬸᬓᬢᬸᬳᬸᬭᬦ᭄᭞ᬳᬭᬂᬓᬂᬯᭀᬂᬳᬫᬗ᭄ᬕᬸᬄ᭞ᬳᬗᬶᬂᬓᬩ᭄ᬭᬢᬦ᭄ᬜ᭞ᬦᬶᬂᬳᬤ᭄ᬜᬦᬰᬸᬓ᭄ᬮ᭞ᬲᬫ᭄ᬧᬸᬦ᭄ᬩᬶᬩᬶᬩᬭᬶᬩᬭᬶ᭞ᬲᬗ᭄ᬓᬦᬶᬂ ᬧ᭄ᬢᬓ᭄᭞ᬦᬶᬚᭂᬫ᭄ᬧᬶᬭᬶᬂᬫᬜᬯᬸᬭᬶᬦ᭄᭟ᬩᬶᬩᬶᬳᭂᬫ᭄ᬩᭀᬓ᭄ᬱᬸᬓᭂᬄᬗᬯᬶᬮᬂᬦᬾᬰᬸᬓ᭄ᬮ᭞ᬭᬲᬦ᭄ᬬᬢᭀᬂᬓᬧᬗ᭄ᬕᬶᬄ᭞ᬤᬶᬚᬲᬦᬾᬰᬸᬓ᭄ᬮ᭞ᬋᬋᬄ ᬢ᭄ᬮᬸᬦ᭄ᬫᬭᬾᬂᬢᭀᬬ᭞ᬫᬶᬡᬳᬗᬸᬬᬸᬄᬳᬗᬶᬲᬶᬂ᭞ᬢᬦᬦᬰᬸᬓ᭄ᬮ᭞ᬬᬤᬶᬦ᭄ᬭᬶᬂᬢᬸᬜ᭄ᬚᬸᬂᬳᬮᬶᬄ᭟ᬲ᭄ᬓᬃᬢᬸᬜ᭄ᬚᬸᬂᬩᬶᬲᬧᬸᬲᬸᬄᬩᬶᬲᬓᭂᬫ᭄ᬩᬂ᭞ᬲ

Auto-transliteration

[4 4B] 4 nmemejani, nisokahangucap, gampangbibipunika, ngawilangangmar̀ggimati, byanadakataḥ, tatigaringragamalinggiḥ. śiwatiga dadosyayaḥhiburaga, trinadisāmpunhĕning, tunggaldadosabda, hikangsabdadadoshatma, hatmanemanadoshangin, muliḥringsunya, manadosśiwapati. yanmatimokṣahatmaneringtahulan, hadamar̀gganecnik, mar̀ggasasunutan, bnĕng kangindatansimpar̀, manuwutslaningbukit, mar̀ggahutama, mar̀gganehirangkasari. byomantaralokatrus [5 5A] tkengpatala, catur̀dibyamanmonin, kukustanmaranan, hadoḥtkanangkawaḥ, ringcatur̀lokahamukti, yadeśanira, pitaramanggiḥjati. patut'hunggwansangratnayukatuhuran, harangkangwonghamangguḥ, hangingkabratanña, ninghadñanaśukla, sampunbibibaribari, sangkaning ptak, nijĕmpiringmañawurin. bibihĕmboksyukĕḥngawilangneśukla, rasanyatongkapanggiḥ, dijasaneśukla, r̥ĕr̥ĕḥ tlunmarengtoya, miṇahanguyuḥhangising, tananaśukla, yadinringtuñjunghaliḥ. skar̀tuñjungbisapusuḥbisakĕmbang, sa

Leaf 5

Image on Archive.org

[᭕ 5B] ᭕ ᬤ᭄ᬧᬤᬫᬗᬶᬲᭂᬧ᭄ᬲᬭᬷ᭞ᬫᬗ᭄ᬓᬧᬫᬦᬶᬭ᭞ᬓᬭᬡᬓᭀᬭᬦᬰᬸᬓ᭄ᬮ᭞ᬬᬦᬺᬋᬄᬭᬶᬂᬩᬸᬮᬦ᭄ᬫᬮᬶᬄ᭞ᬫᬶᬦᬲᬤᬲ᭄ᬬ᭞ᬳᬦ᭄ᬢᬸᬓ᭄ᬳᬶᬤᬲᬂᬫᬳᬵ ᬋᬲᬶ᭟ᬩᬸᬮᬦ᭄ᬧᬹᬃᬡ᭄ᬦᬫᬧᬶᬦᬗᬦ᭄‌ᬤᬾᬦᬶᬂᬭᬳᬸᬓᬮ᭞ᬳᬶᬗᭂᬍᬤ᭄ᬓᬯᬗ᭄ᬲᬸᬮᬶᬦ᭄᭞ᬓ᭄ᬭᬡᬦᭀᬭᬰᬸᬓ᭄ᬮ᭞ᬳᬶᬗ᭄ᬕᬶᬄᬬᬦ᭄ᬭᬶᬂᬧᬡ᭄ᬥᬶᬢ᭞ᬮᬭᬦᬶᬭ ᬫᬭᬾᬗᬸᬦᬶ᭞ᬧᬲᬸᬲᬸᬤᬸᬓᬦ᭄᭞ᬭᬶᬂᬕᬶᬤᬢ᭄ᬧᬢᬦ᭄ᬬᬚᬢᬶ᭟ᬲᬕᬾᬢ᭄ᬤᭀᬭᬶᬲᬕᬾᬢ᭄ᬤᬸᬫᬸᬦ᭄ᬫᬸᬓᬫ᭄ᬩᬮ᭞ᬓ᭄ᬭᬫᬦ᭄ᬬᬦᭀᬭᬲᬸᬘᬶ᭞ᬳᬶᬗ᭄ᬕᬶᬄ ᬓᭀᬘᬧᬦ᭄ᬬ᭞ᬦᬾᬫᬓ᭄ᬢᬓᬂᬧᬯᬶᬢ᭄ᬭ᭞ᬓᬤᬶᬯᬶᬡ᭄ᬥᬸᬲᬫ᭄ᬧᬸᬦ᭄‌ᬮᬶᬘᬶᬦ᭄᭞ᬲᬶᬲ᭄ᬬᬦᬶᬂᬲᬸᬓ᭄ᬮ᭞ᬫᬭᬕᬢᬦ᭄ᬧᬩᬢᬶᬲ᭄᭟ᬩᬶᬲᬗᬫ᭄ᬩᬶᬮ᭄ [᭖ 6A] ᬢᬦ᭄ᬧᬢᬗᬦ᭄‌ᬯ᭄ᬢᬸᬭᬳᬲ᭄ᬬ᭞ᬫᬗᬺᬗᬢᬦ᭄ᬧᬓᬸᬧᬶᬂ᭞ᬜᬶᬗᬓ᭄ᬢᬦ᭄ᬧᬦᬾᬢ᭄ᬭ᭞ᬫᬫᬗᬦ᭄ᬢᬦ᭄ᬧᬫᬸᬓ᭞ᬢᬦ᭄ᬧᬕ᭄ᬭᬡᬩᬶᬲᬗᬲᬶᬂ᭞ᬲᬶᬲᬦᬶᬂᬰᬸᬓ᭄ᬮ᭞ᬳᬶᬦᬂ ᬰᬸᬓ᭄ᬮᬫᬭᬶᬂᬯᬶᬤ᭄ᬥᬶ᭟ᬲᬤᬲᬶᬤᬶᬅᬤ᭄ᬜᬦᬦᬶᬂᬫᬭᬶᬂᬰᬸᬦ᭄ᬬ᭞ᬧᬶᬢᬭᬫᬗ᭄ᬕᬶᬄᬳ᭄ᬦᬶᬂ᭞ᬓ᭄ᬜᭂᬫ᭄ᬦᬶᬲᭀᬓᬗᬸᬲᬧ᭄᭞ᬳᬗᭀᬩ᭄ᬳᭂᬫ᭄ᬩᭀᬓ᭄ᬫᬶᬋᬗᬂ᭞ᬲᬚᬳ ᬤᬶᬮᬶᬗᬶᬂᬳᬚᬶ᭞ᬰᬸᬓ᭄ᬬᬢᬦ᭄ᬧᬫᬬ᭞ᬉᬢᬫᬫᬗ᭄ᬕᬶᬄᬳ᭄ᬦᬶᬂ᭟ᬤᭀᬂᬮᬯᬸᬢᬂᬜᬳᬶᬫᬲᬶᬄᬓ᭄ᬦᭂᬳᬂ᭞ᬧᬫᬃᬕ᭄ᬕᬶᬦ᭄ᬳᬶᬩᬶᬚᬦᬶ᭞ᬳᬧᬂᬤᬩᬲ᭄ ᬲᬭᬢ᭄᭞ᬳᬦ᭄ᬢᬸᬓ᭄ᬤᬦᬾᬫᬫᬶᬦᭂᬳᬂ᭞ᬗ᭄ᬓᬾᬦ᭄ᬳᬶᬗᬦ᭄ᬳᭂᬦ᭄ᬢᭀᬳᬢᬸᬭᬶᬦ᭄᭞ᬓᬤᬶᬲᬲᭀᬗ᭄ᬕᬦ᭄᭞ᬢᭀᬂᬲᬶᬤᬩᬦ᭄‌ᬜᬸᬳᬸᬦ᭄ᬜᬗ᭄ᬓᬶᬮ᭄᭟

Auto-transliteration

[5 5B] 5 dpadamangisĕpsarī, mangkapamanira, karaṇakoranaśukla, yanr̥ĕr̥ĕḥringbulanmaliḥ, minasadasya, hantuk'hidasangmahā r̥ĕsi. bulanpūr̀ṇnamapinangandeningrahukala, hingĕl̥ĕdkawangsulin, kraṇanoraśukla, hinggiḥyanringpaṇdhita, laranira marenguni, pasusudukan, ringgidatpatanyajati. sagetdorisagetdumunmukambala, kramanyanorasuci, hinggiḥ kocapanya, nemaktakangpawitra, kadiwiṇdhusampunlicin, sisyaningsukla, maragatanpabatis. bisangambil [6 6A] tanpatanganwturahasya, mangr̥ĕngatanpakuping, ñingaktanpanetra, mamangantanpamuka, tanpagraṇabisangasing, sisaningśukla, hinang śuklamaringwiddhi. sadasidi'adñananingmaringśunya, pitaramanggiḥhning, kñĕmnisokangusap, hangob'hĕmbokmir̥ĕngang, sajaha dilinginghaji, śukyatanpamaya, utamamanggiḥhning. donglawutangñahimasiḥknĕhang, pamar̀gginhibijani, hapangdabas sarat, hantukdanemaminĕhang, ngkenhinganhĕntohaturin, kadisasonggan, tongsidabanñuhunñangkil.

Leaf 6

Image on Archive.org

[᭖ 6B] ᭖ ᬦᬶᬭᬗ᭄ᬤᬓᬲᬶᬳᬦ᭄ᬫᬲᬯᬸᬄᬦᬶᬫ᭄ᬩᬮ᭄᭞ᬤᬸᬄᬘ᭄ᬦᬶᬂᬫᬓᬓᬮᬶᬄ᭞ᬲᬂᬮ᭄ᬯᬶᬃᬭᬢᬶᬄᬓᭂᬫ᭄ᬩᬃ᭞ᬳ᭄ᬤᬳᭂᬫᭂᬤ᭄ᬫᬯᬯᬭᬄ᭞ᬳᬧᬦ᭄ᬫᬾᬫᬾᬫᬸᬥᬚᬢᬶ᭞ᬭᬲᬦᬶᬂ ᬫᬦᬄ᭞ᬢᬦ᭄ᬢᭂᬢᭂᬲ᭄ᬭᬶᬂᬢᬸᬢᬸᬃᬳᬚᬶ᭟ᬳᬧᬦ᭄ᬤᬾᬯᬫᬸᬮᬦᬶᬂᬫᬦᬤᬶᬚᬤ᭄ᬫ᭞ᬦᬶᬲᭀᬓᬫᬜᬯᬸᬭᬶᬦ᭄᭞ᬩᬶᬩᬶᬭᬶᬂᬢᬢ᭄ᬯᬦ᭄ᬜ᭞ᬫᬭᬾᬓᬓ ᬢᬸᬢᬸᬭᬦ᭄᭞ᬯᬾᬦ᭄ᬢᭂᬦ᭄ᬯᬶᬡ᭄ᬥᬬᬢ᭄ᬭᬶᬦᬤᬶ᭞ᬫᬭᬸᬧᬳᬩᬂ᭞ᬤᬤᬸᬓᬮᬯᬦ᭄ᬓᬸᬦᬶᬂ᭟ᬦᬾᬦᬾᬳᬩᬂᬫᬢᬳᬦ᭄‌ᬫᬾᬫᬾᬑᬁᬓᬭ᭞ᬲᭀ ᬦᬶᬢᬳᬭᬦ᭄ᬬᬚᬢᬶ᭞ᬲᬫᭂᬢᭀᬦ᭄ᬫᬾᬫᬾᬧᬢ᭄ᬧᬢ᭄᭞ᬧᬸᬦᬶᬓᬧᬧᬢ᭄ᬯᬦ᭄᭞ᬦᬶᬓᬲᬋᬂᬳᬚᬓ᭄ᬫᬶᬚᬶᬮ᭄᭞ᬫᬤᬦ᭄ᬳᬶᬧ᭄ᬭᬾᬢ᭞ᬳᬶᬩᬸ [᭗ 7A] ᬢᬓᬮᬤ᭄ᬗᭂᬦᬶᬦ᭄᭟ᬤᬤᬶᬘᬢᬸᬃᬮᭀᬓᬧᬮᬫᬯᬦ᭄ᬤᬾᬯ᭞ᬭᬶᬂᬲᬗ᭄ᬕᬃᬤᬍᬫ᭄ᬳᬯ᭄ᬓᬶᬲ᭄᭞ᬭᬶᬂᬍᬩᬸᬄᬩᬢᬸᬓ᭞ᬤᬤᭀᬲ᭄ᬫᬲᬭᬶᬭᬧᬢ᭄ᬧᬢ᭄᭞ᬕ᭄ᬦᬄᬦ᭄ᬬᬭᬶᬂ ᬓᬦᬦ᭄‌ᬓᬾᬭᬶ᭞ᬳᬋᬧ᭄ᬭᬶᬂᬳᬸᬦ᭄ᬢᬢ᭄᭞ᬧᬸᬦᬶᬓᬩᬶᬩᬶᬯᬲ᭄ᬢᬦᬶᬦ᭄᭟ᬲᬫ᭄ᬧᬸᬦ᭄ᬧᬢ᭄ᬧᬢ᭄‌ᬫᬧᬸᬦ᭄ᬤᬸᬄᬤᬤᬶᬲᬦᬸᬗ᭄ᬕᬮ᭄᭞ᬫᬳᬤᬦ᭄ᬳᬶᬤᬸᬓᬸᬄᬰᬓ᭄ᬢᬶ ᭞ᬢᬸᬦ᭄ᬤᬾᬦ᭄‌ᬗ᭄ᬭᬓ᭄ᬱᬚᬶᬯ᭞ᬳᬸᬭᬶᬧᬾᬢᬦ᭄ᬓᬭᭀᬲᬶᬳᬦ᭄᭞ᬤᬸᬲ᭄ᬢᬤᬹᬃᬚ᭄ᬚᬦᬦᬾᬯ᭄ᬤᬶ᭞ᬲᬢ᭄ᬭᬸᬳᬦᭂᬫ᭄ᬩᬄ᭞ᬯ᭄ᬢᬸᬮᬶᬧ᭄ᬬᬳᬗ᭄ᬕᬭᬦᬶᬦ᭄᭟ᬬᬦ᭄ᬧᬸᬦᬶ ᬓᬤᬤᭀᬲ᭄‌ᬕ᭄ᬭᬶᬂᬲᬮᬄᬩᬤ᭞ᬭᬶᬗᬯᬓᬗᬸᬲᬓ᭄ᬳᬲᬶᬓ᭄᭞ᬤᬤᭀᬲ᭄ᬧᬜ᭄ᬘᬾᬦ᭄ᬤ᭄ᬭᬶᬬ᭞ᬬᬦ᭄ᬧᬢᬸᬢ᭄ᬳᬦ᭄ᬢᬸᬓ᭄ᬦᬶᬗ᭄ᬓᬳᬂ᭞ᬯᬾᬳᬶᬦ᭄‌ᬫᬺᬢᬲᬳᬶ

Auto-transliteration

[6 6B] 6 nirangdakasihanmasawuḥnimbal, duḥcningmakakaliḥ, sanglwir̀ratiḥkĕmbar̀, hdahĕmĕdmawawaraḥ, hapanmememudhajati, rasaning manaḥ, tantĕtĕsringtutur̀haji. hapandewamulaningmanadijadma, nisokamañawurin, bibiringtatwanña, marekaka tuturan, wentĕnwiṇdhayatrinadi, marupahabang, dadukalawankuning. nenehabangmatahanmeme'oṅġkara, so nitaharanyajati, samĕtonmemepatpat, punikapapatwan, nikasar̥ĕnghajakmijil, madanhipreta, hibu [7 7A] takaladngĕnin. dadicatur̀lokapalamawandewa, ringsanggar̀dal̥ĕmhawkis, ringl̥ĕbuḥbatuka, dadosmasarirapatpat, gnaḥnyaring kanankeri, har̥ĕpringhuntat, punikabibiwastanin. sampunpatpatmapunduḥdadisanunggal, mahadanhidukuḥśakti , tundenngrakṣajiwa, huripetankarosihan, dustadūr̀jjananewdi, satruhanĕmbaḥ, wtulipyahanggaranin. yanpuni kadadosgringsalaḥbada, ringawakangusak'hasik, dadospañcendriya, yanpatut'hantukningkahang, wehinmr̥ĕtasahi

Leaf 7

Image on Archive.org

[᭗ 7B] ᭗ ᬲᬳᬶ᭞ᬯ᭄ᬢᬸᬬᬢ᭄ᬭᬰ᭄ᬡ᭞ᬲᬶᬮᬸᬗ᭄ᬮᬸᬂᬧᬢᬶᬳᬸᬭᬶᬧ᭄᭟ᬲᬧᬸᬦᬶᬓᬓᬦ᭄ᬤᬦ᭄ᬜᬤᬤᭀᬲ᭄ᬫᬦᬸᬲ᭞ᬤᬸᬓᬸᬳᬾᬲᬦᬾᬳᬸᬦᬶᬂ᭞ᬚ᭄ᬭᭀᬦᬶᬂᬧ᭄ᬭᬫᬰᬸᬦ᭄ᬬ᭞ᬦᬶᬓᬰᬓ᭄ᬢᬶᬭᬶᬂᬭᬕ ᭞ᬢ᭄ᬭᬸᬲ᭄ᬫᬭᬶᬂᬦᬾᬢ᭄ᬭᬗᭂᬦ᭄ᬤᬶᬄ᭞ᬲᬓ᭄ᬢᬶᬫᬦᬸᬲ᭞ᬧᬯᬶᬦ᭄ᬢᭂᬦᬂᬲᬓ᭄ᬢᬶᬬᬸᬓ᭄ᬢᬶ᭟ᬲᬧᬸᬦᬶᬓᬯᬦ᭄ᬢᬄᬩᬶᬩᬶᬓᬢᬸᬢᬸᬭᬦ᭄ᬜ᭞ᬬᬦ᭄ᬯᬦ᭄ᬢᬄᬲᬸᬓᬩᬶᬩᬶ᭞ᬳᬦ᭄ᬢᬸᬓ᭄ᬗᬭ ᬕᬬᬂ᭞ᬫᬗ᭄ᬓᬶᬦ᭄ᬳᬶᬭᬗ᭄ᬤᬓᬲᬶᬳᬦ᭄᭞ᬳᬮᬸᬲ᭄ᬧᬲᬯᬸᬭᬾᬫᬦᬶᬲ᭄᭞ᬳᬤᬸᬄᬫᬲ᭄ᬫᬶᬭᬄ᭞ᬓᬧᬾᬗᬶᬦ᭄‌ᬫᬾᬫᬾᬫᬶᬭᬕᬶ᭟ᬦ᭄ᬤᬢᬦ᭄ᬲᬶᬫ᭄ᬧᬂᬓ ᬤᬶᬧᬶᬢᬸᬢᬸᬃᬳᬶᬤᬾᬯ᭞ᬫᬮᬶᬄᬫᬾᬫᬾᬦᬸᬢᬸᬭᬶᬦ᭄᭞ᬫᬾᬫᬾᬢ᭄ᬯᬶᬫᬸᬤ᭞ᬢᬦᬶᬦᬯᬂᬧᬚᬕᬢᬦ᭄᭞ᬦᬄᬋᬦᬬᬂᬫᬮᬶᬄᬘ᭄ᬦᬶᬂ᭞ [᭘ 8A] ᬳᬧᬂᬬᬢᬶᬗ᭄ᬮᬲ᭄᭞ᬳᬧᬦᬾᬫᬮᬸᬳᬸᬗ᭄ᬲᬶ᭟ᬳᬚᬓ᭄ᬤᬤ᭄ᬯᬗᬸᬭᬸᬓ᭄‌ᬫᬾᬫᬾᬳᬧᬂᬢᬢᬲ᭄᭞ᬳ᭄ᬤᬩ᭄ᬯᬶᬦ᭄ᬫᬗᬸᬮᬶᬢᬶᬦ᭄᭞ᬲ᭄ᬓᭂᬦᬂᬧᭂᬤᬲᬂ᭞ᬦᬶᬲᭀᬓᬕ᭄ᬮᬶᬲ᭄ ᬫᭀᬚᬃ᭞ᬕᬫ᭄ᬧᬂᬩᬶᬩᬶᬫᬗ᭄ᬤᬭᬶᬭᬶᬄ᭞ᬳᬸᬦᬶᬂᬲᬤᬶᬦ᭞ᬯᬾᬦ᭄ᬢᭂᬦ᭄‌ᬢ᭄ᬯᬄᬧᬗᬶᬥᭂᬧ᭄ᬳᬢᬶ᭟ᬳᬶᬗ᭄ᬕᬶᬄᬩ᭄ᬯᬢᬂᬲᬤ᭄ᬬᬦᬾᬦᬾᬦᬾᬓᬸᬦ᭞ᬳᬯᬶᬦᬦ᭄ᬢᬫ ᬬᬂᬫᬗ᭄ᬓᬶᬦ᭄᭞ᬘᬸᬘᬸᬤ᭄ᬤᬤᬶᬘᬘᬤ᭄᭞ᬦᬶᬓᬲᬢᬢᬫᬫᬾᬤ᭞ᬓᬾᬦᬾᬲᬮᬄᬓᬾᬢᭀᬧ᭄ᬮᬶᬄ᭞ᬢᬸᬮᬶᬲᬾᬮᬯᬲ᭄᭞ᬫᬕ᭄ᬦᬄᬭᬶᬂᬯᬸᬗ᭄ᬓ ᬓ᭄ᬩᬢᬶᬲ᭄᭟ᬗᬯᬾᬤᬾᬯᬤᬤᬶᬓᬮᬓᬢᬯᬸᬭᬕ᭄᭞ᬕ᭄ᬲᬄᬲᬫᬶᬜᬓᬶᬢᬶᬦ᭄᭞ᬫᬧᬶᬮᬸᬕ᭄‌ᬭᬶᬂᬭᬕ᭞ᬧᬢ᭄ᬫᬸᬦᬶᬂᬧᬸᬚᬤᬾᬯ᭞ᬧᬸᬦᬶᬓ

Auto-transliteration

[7 7B] 7 sahi, wtuyatraśṇa, silunglungpatihurip. sapunikakandanñadadosmanusa, dukuhesanehuning, jroningpramaśunya, nikaśaktiringraga , trusmaringnetrangĕndiḥ, saktimanusa, pawintĕnangsaktiyukti. sapunikawantaḥbibikatuturanña, yanwantaḥsukabibi, hantukngara gayang, mangkinhirangdakasihan, haluspasawuremanis, haduḥmasmiraḥ, kapenginmememiragi. ndatansimpangka dipitutur̀hidewa, maliḥmemenuturin, memetwimuda, taninawangpajagatan, naḥr̥ĕnayangmaliḥcning, [8 8A] hapangyatinglas, hapanemaluhungsi. hajakdadwangurukmemehapangtatas, hdabwinmangulitin, skĕnangpĕdasang, nisokaglis mojar̀, gampangbibimangdaririḥ, huningsadina, wentĕntwaḥpangidhĕp'hati. hinggiḥbwatangsadyanenenekuna, hawinantama yangmangkin, cucuddadicacad, nikasatatamameda, kenesalaḥketopliḥ, tuliselawas, magnaḥringwungka kbatis. ngawedewadadikalakatawurag, gsaḥsamiñakitin, mapilugringraga, patmuningpujadewa, punika

Leaf 8

Image on Archive.org

[᭘ 8B] ᭘ ᬧᬶᬦᭂᬳᬶᬦ᭄ᬫᬮᬶᬄ᭞ᬬᬦ᭄ᬲᬫ᭄ᬧᬸᬦ᭄ᬜᬦ᭄ᬤᬂ᭞ᬓᬯᬾᬦ᭄ᬢᭂᬦᬦ᭄ᬫᬗ᭄ᬤᬧᬲ᭄ᬢᬶ᭟ᬧᬩ᭄ᬮᬶᬩᬸᬭᬦ᭄ᬧᬗᬦ᭄ᬓᬶᬦᬸᬫ᭄‌ᬭᬚᬄᬢᬫᬄ᭞ᬳᬸᬧᬤ᭄ᬭᬯᬫᬓᬵᬤᬶ᭞ᬫᬹᬃ ᬓ᭄ᬓᬤᬲᬾᬦ᭄ᬤ᭄ᬭᬶᬬ᭞ᬍᬩᬸᬋᬦ᭄ᬳᬦᬾᬂᬦᬩ᭄ᬬ᭞ᬕ᭄ᬦᬶᬭᭀᬫᬗ᭄ᬲᭂᬂᬤᬤᬶ᭞ᬢ᭄ᬫᬳᬦ᭄ᬫᬾᬕ᭞ᬭᬶᬂᬕᭀᬳᬕᬮᬧᬲᬸᬓ᭄ᬦᬾᬓᬶ᭟ᬲᬧᬸᬦᬶᬓᬧᬶᬤ ᬕᬶᬂᬜᬧᬸᬦᬶᬓ᭞ᬜᬳᬶᬓᬾᬦᬶᬚᭂᬫ᭄ᬧᬶᬭᬶᬂ᭞ᬫᬲᬶᬄᬢᭀᬓ᭄ᬦᭂᬳᬂ᭞ᬳᭂᬫ᭄ᬩᭀᬓ᭄ᬢ᭄ᬯᬄᬫᬸᬦ᭄ᬢᭀ᭞ᬧᬗ᭄ᬭᬲᬦ᭄ᬳᭂᬫ᭄ᬩᭀᬓ᭄ᬳᬶᬤᭂᬧ᭄ᬚᬢᬶ᭞ᬜᬳᬶᬗᬢᬸ ᬭᬂᬧᬶᬢᬸᬤᬸᬄᬭᬶᬂᬳᬶᬩᬶᬩᬶ᭟ᬦᬶᬚᭂᬫ᭄ᬧᬶᬭᬶᬂᬫᬦᬶᬫ᭄ᬩᬮ᭄ᬳᬮᭀᬦ᭄ᬳᬗᬸᬘᬧ᭄᭞ᬳᬶᬗ᭄ᬕᬶᬄᬳᭂᬫ᭄ᬩᭀᬓ᭄ᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬦᬶᬓᬬᬂᬳᭂᬫ᭄ᬩᭀᬓ᭄᭞ᬫᬶ [᭙ 9A] ᬢᬸᬤᬸᬳᬶᬦ᭄ᬳᬶᬩ᭄ᬬᬂ᭞ᬲᬧᬸᬦᬶᬓᬢᬶᬢ᭄ᬬᬂᬗᬶᬭᬶᬂ᭞ᬯᬾᬦ᭄ᬢᭂᬦ᭄ᬭᬶᬂᬫᬦᬄ᭞ᬬᬫᬓᬧᬦᬸᬗ᭄ᬳᬸᬦ᭄ᬩᬓ᭄ᬢᬶ᭟ᬗᬶᬂᬳᬫ᭄ᬧᬸᬭᬫᬗᬢᬸᬭᬂᬳᬸᬘᬧ᭄᭞ᬢᬦ᭄ᬓᭂᬦ ᬢᬸᬮᬄᬘᬭᬶᬓ᭄᭞ᬢᬸᬫᬶᬩᬾᬂᬲᬭᬶᬭ᭞ᬮ᭄ᬯᬶᬃᬦᬲᬶᬓᬶᬦ᭄ᬲᬕᬭ᭞ᬫᬾᬫᬾᬦ᭄ᬜᬫᬾᬲᭂᬫ᭄ᬜᬯᬸᬭᬶᬦ᭄᭞ᬤᬸᬄᬳᬢ᭄ᬫᬚᬶᬯ᭞ᬋᬤᬬᬂᬦᬸᬢᬸᬭᬶᬦ᭄ᬩᬶᬩᬶ᭟ ᬓᬾᬦᭂᬲᬸᬩᬦ᭄‌ᬫᬾᬫᬾᬫᬫᬗ᭄ᬕᬶᬄᬲᬗ᭄ᬲᬭ᭞ᬧᬶᬢ᭄ᬭᬦ᭄ᬫᬾᬫᬾᬦᬾᬘ᭄ᬦᬶᬂ᭞ᬢ᭄ᬓᬾᬂᬚᬮᬦ᭄ᬚᬮᬦ᭄᭞ᬧᬦ᭄ᬲᭂᬗ᭄ᬓᬦᬾᬗᬮᬶᬯᬢ᭄᭞ᬦᬶᬚᭂᬫ᭄ᬧᬶᬭᬶᬂᬳ ᬯᭀᬢ᭄ᬲᬭᬶ᭞ᬲᬦᬶᬓᬦᬶᬩ᭄ᬬᬂ᭞ᬦᬸᬦᬲ᭄ᬮᬸᬕ᭄ᬭᬢᬶᬢ᭄ᬬᬂᬭᬶᬳᬶᬦ᭄᭟ᬳᭂᬫ᭄ᬩᭀᬓ᭄ᬩᬶᬩᬶᬧᬸᬲ᭄ᬢᬓᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂ᭞ᬧᬸᬦᬶᬓᬓᬮᬶᬦ᭄ᬢᬂᬧᬶᬗᬶᬢ᭄᭞ᬫᬶᬯᬄ

Auto-transliteration

[8 8B] 8 pinĕhinmaliḥ, yansampunñandang, kawentĕnanmangdapasti. pabliburanpangankinumrajaḥtamaḥ, hupadrawamakādi, mūr̀ kkadasendriya, l̥ĕbur̥ĕnhanengnabya, gniromangsĕngdadi, tmahanmega, ringgohagalapasukneki. sapunikapida gingñapunika, ñahikenijĕmpiring, masiḥtoknĕhang, hĕmboktwaḥmunto, pangrasanhĕmbok'hidĕpjati, ñahingatu rangpituduḥringhibibi. nijĕmpiringmanimbalhalonhangucap, hinggiḥhĕmbokkadimangkin, tityangnikayanghĕmbok, mi [9 9A] tuduhinhibyang, sapunikatityangngiring, wentĕnringmanaḥ, yamakapanunghunbakti. nginghampuramangaturanghucap, tankĕna tulaḥcarik, tumibengsarira, lwir̀nasikinsagara, memenñamesĕmñawurin, duḥhatmajiwa, r̥ĕdayangnuturinbibi. kenĕsubanmememamanggiḥsangsara, pitranmemenecning, tkengjalanjalan, pansĕngkanengaliwat, nijĕmpiringha wotsari, sanikanibyang, nunaslugratityangrihin. hĕmbokbibipustakapanggihintityang, punikakalintangpingit, miwaḥ

Leaf 9

Image on Archive.org

[᭙ 9B] ᭙ ᬓᬢᬸᬢᬸᬭᬦ᭄᭞ᬗᬭᬦ᭄ᬲᬂᬅᬚᬶᬢᬶᬸᬫᬶᬸ᭞ᬢᬭᬶᬫ᭞ᬲᬸᬓ᭄ᬱ᭄ᬫᬦᬶᬂᬚ᭄ᬜᬦᬲᬶᬤ᭄ᬤᬶ᭞ᬕᭂᬦ᭄ᬢᭀᬲᬶᬦ᭄ᬢᬤᬄ᭞ᬲᬶᬦᭀᬫᬾᬳᬗ᭄ᬕᬾᬦ᭄ᬦᭂᬫ᭄ᬩᬗᬶᬦ᭄᭚ᬧᬸ ᬧᬸᬄᬲᬶᬦᭀᬫ᭄᭚ᬤᬲᬭᬶᬦ᭄ᬳᬦ᭄ᬢᬸᬓ᭄ᬧᬗ᭄ᬭᬲ᭞ᬦᬯᬲᬗᬦᬾᬧᬶᬦᬮᬶᬄ᭞ᬤ᭄ᬧᬸᬓ᭄ᬤᭂᬧᬸᬓ᭄ᬬᬧᬸᬦ᭄ᬤᬸᬳᬂ᭞ᬲᬶᬦᬶᬫ᭄ᬧᭂᬦ᭄ᬫᬮᬶᬄᬕᬮᬶᬳᬶᬦ᭄᭞ᬦᬯᬧᬜ᭄ᬘ ᬬᬫᬦᬤᬶ᭞ᬧᬜ᭄ᬘᬓ᭄ᬱᬭᬯ᭄ᬢᬸᬦᬶᬧᬸᬦ᭄᭞ᬤᬤᬶᬘᬢᬸᬃᬅᬓ᭄ᬱᬭ᭞ᬢ᭄ᬭᬶᬅᬓ᭄ᬱᬭᬬᬫᬦᬤᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬫᬢ᭄ᬫᬳᬦ᭄‌ᬭ᭄ᬯᬩᬶᬦᬾᬤ ᭟ᬧᬯᬓᬦ᭄ᬬᬩᬸᬢᬤᬾᬯ᭞ᬚᬸᬫ᭄ᬦᭂᬂᬬᬧᬢᬶᬳᬸᬭᬶᬧ᭄᭞ᬫᬯ᭄ᬢᬸᬑᬁᬓᬭᬭᭀᬭᭀ᭞ᬜᬸᬗ᭄ᬲᬂᬫᬗᬤᭂᬕ᭄ᬭᬶᬂᬩᬸᬫᬶ᭞ᬩ᭄ᬭᬳ᭄ᬫᬯᬶ [᭑᭐ 10A] ᬱ᭄ᬡᬸᬫᬗ᭄ᬭᬕᬦᬶᬦ᭄᭞ᬫᬸᬮᬶᬄᬫᬭᬶᬂᬬᬬᬄᬳᬶᬩᬸ᭞ᬫᬦᬤᬶᬯᬡ᭄ᬥᬸᬢᬸᬗ᭄ᬕᬮ᭄᭞ᬢᬦ᭄ᬧᬳᬯᬓ᭄ᬢᬦ᭄ᬧᬩᬸᬫᬶ᭞ᬫ᭄ᬭᬕᬓᬸᬓᬸᬲ᭄᭞ᬫᬸᬮᬶᬄᬫᬭᬶᬂᬲᬸᬲᬸᬫ᭄ᬦ᭟ᬲᬶ ᬫ᭄ᬧᭂᬦ᭄ᬭᬶᬂᬕ᭄ᬯᬕᬮᬕᬮ᭞ᬤᬤᬶᬳᬃᬤ᭄ᬥᬦᬭᬾᬰ᭄ᬯᬭᬶ᭞ᬭᭀᬭᬾᬫᬢᬸᬗ᭄ᬕᬮᬦ᭄ᬧᬸᬮᭀ᭞ᬤᬶᬢᬸᬓᬳᬶᬗᬦᬾᬗᭂᬦ᭄ᬤᬶᬄ᭞ᬫᬡᬶᬓ᭄ᬯᬶᬦ᭄ᬢᭂᬦ᭄ᬧᬓᬸᬭᬶᬦᬶᬂ᭞ᬘ ᬘᬢᬸᬦᬶᬂᬯ᭄ᬯᬂᬳᬕᬸᬭᬸ᭞ᬲᬂᬩᬺᬳ᭄ᬫᬡᬫ᭄ᬯᬂᬲᬶᬲ᭄ᬬ᭞ᬲᬶᬤᬕᬸᬭᬸᬫᬸᬓ᭄ᬢᬶᬍᬯᬶᬄ᭞ᬯ᭄ᬦᬂᬲᬸᬯᬸᬤ᭄᭞ᬪᬓ᭄ᬢᬶᬩᬦ᭄ᬫᬦᬄᬉᬢᬫ᭟ᬫᬮᬶᬄᬯᬾᬦ᭄ᬢᭂᬦ᭄‌ᬓᬂᬲᬸᬫ᭄ᬦ᭞ ᬑᬁᬓᬭᬲᬶᬦᬶᬫ᭄ᬧᭂᬦ᭄ᬫᬭᬶᬂ᭞ᬳᬤ᭄ᬜᬦᬢᬸᬗ᭄ᬢᬸᬗᬶᬂᬳᭂᬫᬲ᭄᭞ᬫᬸᬮᬶᬄᬫᬭᬶᬂᬳᬢᬶᬫᬦᬶᬲ᭄᭞ᬭᬶᬂᬮᬸᬳᬸᬃᬢᬮᬸᬫᬭᬶᬲ᭄᭞ᬳᬯᬦᬾᬭᬶᬂᬤᬸᬬᬸᬂᬓᬸᬭᬸᬂ᭞ᬦ᭄ᬬᬸ

Auto-transliteration

[9 9B] 9 katuturan, ngaransangajit̶m̶, tarima, sukṣmaningjñanasiddi, gĕntosintadaḥ, sinomehanggennĕmbangin // pu puḥsinom // dasarinhantukpangrasa, nawasanganepinaliḥ, dpukdĕpukyapunduhang, sinimpĕnmaliḥgalihin, nawapañca yamanadi, pañcakṣarawtunipun, dadicatur̀akṣara, tri'akṣarayamanadi, sāmpunpuput, matmahanrwabineda . pawakanyabutadewa, jumnĕngyapatihurip, mawtu'oṅġkararoro, ñungsangmangadĕgringbumi, brahmawi [10 10A] ṣṇumangraganin, muliḥmaringyayaḥhibu, manadiwaṇdhutunggal, tanpahawaktanpabumi, mragakukus, muliḥmaringsusumna. si mpĕnringgwagalagala, dadihar̀ddhanareśwari, rorematunggalanpulo, ditukahinganengĕndiḥ, maṇikwintĕnpakurining, ca catuningwwanghaguru, sangbr̥ĕhmaṇamwangsisya, sidagurumuktil̥ĕwiḥ, wnangsuwud, bhaktibanmanaḥutama. maliḥwentĕnkangsumna, oṅġkarasinimpĕnmaring, hadñanatungtunginghĕmas, muliḥmaringhatimanis, ringluhur̀talumaris, hawaneringduyungkurung, nyu

Leaf 10

Image on Archive.org

[᭑᭐ 10B] ᭑᭐ ᬲᬾᬭᬶᬂᬯᬶᬡ᭄ᬥᬸᬦᬦ᭞ᬢᬸᬃᬓᬢᬼᬗᬶᬂᬢᬫᬦ᭄ᬲᬭᬶ᭞ᬳᬲᬶᬮᬸᬫᬦ᭄᭞ᬫᬸᬗ᭄ᬕᬸᬄᬭᬶᬂᬕᬶᬮᬶᬗᬦ᭄ᬳᭂᬫᬲ᭄᭟ᬦᬤᬯᬶᬮᬮᬓᬦᬓ᭞ᬧᬦ᭄ᬢᬭᬦᬶᬂᬘᬓ᭄ᬭᬩᬸᬫᬶ᭞ ᬦᬾᬗᭀᬋᬕᬶᬦ᭄ᬳᬬᬸᬳᬦᭀᬫ᭄᭞ᬧᬺᬢᬜ᭄ᬘᬮᬳᬭᬦ᭄ᬬᬩᬶᬩᬶ᭞ᬳᬫᭀᬓ᭄ᬱᬗᬸᬗ᭄ᬲᬶᬳᬗᬶᬦ᭄᭞ᬫᬃᬕ᭄ᬕᬲ᭄ᬭᬶᬧᬶᬢ᭄‌ᬭᬸᬧᬶᬢ᭄ᬓᬶᬮᬸᬓ᭄᭞ᬫᬓᬯᬦ᭄ ᬳ᭄ᬬᬸᬦ᭄ᬬᬢ᭄ᬓ᭞ᬲ᭄ᬫᬭᬩᬯᬦᬓᬧᬗ᭄ᬕᬶᬄ᭞ᬓᬬᬤᬗᬸ᭞ᬫᬸᬮᬶᬄᬲᬶᬭᬓᬤᬶᬚ᭄ᬦᬃ᭟ᬳᬶᬓᬍᬯᬶᬳᬶᬂᬲᬭᬶᬭ᭞ᬉᬢᬫᬦᬶᬂᬲᬗ᭄ᬳ᭄ᬬᬂᬳᬚᬶ᭞ᬢ᭄ᬭᬶᬦᬤᬶᬓᭀ ᬘᬧᬦᬺᬓᭀ᭞ᬭᬕᬫᬶᬯᬄᬚᬚᬄᬩᬶᬩᬶ᭞ᬧᬸᬦᬶᬓᬲᬫᬶᬍᬯᬶᬄ᭞ᬫᬳᬢᬸᬭᬶᬂᬩᬸᬫᬶᬲᬸᬯᬸᬂ᭞ᬧᬦ᭄ᬢᬭᬦᬶᬂᬳ᭄ᬬᬂᬲᬸᬦ᭄ᬬᬢ᭞ᬳᬦ [᭑᭑ 11A] ᬤᬶᬫᬦᬸᬲᬰᬓ᭄ᬢᬶ᭞ᬳᭂᬦ᭄ᬤᬶᬄᬫᬸᬭᬸᬩ᭄᭞ᬭᬳᬶᬦᬢ᭄ᬓᬯᬸᬮᬦᬦ᭄᭟ᬲᬧᬸᬦᬶᬓᬢᬶᬗ᭄ᬓᬄᬚᬤ᭄ᬫ᭞ᬢᬦ᭄ᬲᬶᬫ᭄ᬧᬗᬶᬂᬢᬸᬳᬧᬢᬶ᭞ᬫᬶᬯᬄᬲᬸᬓᬤᬸᬄᬓᬋᬓᭀ᭞ ᬳᬧᬦ᭄ᬲᭀᬢᬦᬶᬂᬫᬳᬸᬭᬶᬧ᭄᭞ᬢᬦ᭄ᬯᬦᬾᬄᬓᬂᬧᬶᬦᬸᬚᬶ᭞ᬭᬶᬂᬚᬕᬢ᭄‌ᬲᬫᬭᬳᬶᬓᬸ᭞ᬬᬦ᭄ᬫᬦᭀᬦ᭄ᬫᬗ᭄ᬮᬬᬢ᭞ᬢᬦ᭄ᬧᬲᬾᬲᬳᬦ᭄ᬧᬢ᭄ᬧᬶ᭞ᬫᬲᬶᬮᬸᬫ ᬦ᭄‌ᬭᬶᬂᬢᬯᬂᬫᬯ᭄ᬢᬸᬧᬤᬂ᭟ᬬᬦ᭄ᬯᭀᬂᬢᬦ᭄‌ᬯ᭄ᬭᬸᬳᬶᬂᬲᬭᬶᬭ᭞ᬲᬫᬮᬯᬦ᭄ᬲᬢᭀᬩᬶᬩᬶ᭞ᬩᬶᬦᬦ᭄ᬜᬳᬫᬗᬦ᭄‌ᬲᭂᬕ᭞ᬳᬕᬸᬂᬤᬦ᭄ᬤᬦ᭄ᬳᬶᬧᬸᬦ᭄ᬩᬶᬩᬶ᭞ᬬ ᬦ᭄‌ᬯ᭄ᬭᬸᬄᬭᬶᬂᬉᬢᬫᬚᬢᬶ᭞ᬧᬧᬦ᭄ᬭᬓᬭᬶᬤᬍᬩᬸᬃ᭞ᬲᬮ᭄ᬯᬶᬭᬶᬂᬤᭀᬲᬦᬾᬳᬶᬮᬂ᭞ᬲᬶᬤᬳᬫᭀᬭᬶᬂᬳ᭄ᬬᬂᬯᬤ᭄ᬥᬶ᭞ᬮᬶᬦ᭄ᬢᬂᬳᬬᬸ᭞ᬳᬭᬂᬯᭀᬂ

Auto-transliteration

[10 10B] 10 seringwiṇdhunana, tur̀katl̥ĕngingtamansari, hasiluman, mungguḥringgilinganhĕmas. nadawilalakanaka, pantaraningcakrabumi, nengor̥ĕginhayuhanom, pr̥ĕtañcalaharanyabibi, hamokṣangungsihangin, mar̀ggasripitrupitkiluk, makawan hyunyatka, smarabawanakapanggiḥ, kayadangu, muliḥsirakadijnar̀. hikal̥ĕwihingsarira, utamaningsanghyanghaji, trinadiko capanr̥ĕko, ragamiwaḥjajaḥbibi, punikasamil̥ĕwiḥ, mahaturingbumisuwung, pantaraninghyangsunyata, hana [11 11A] dimanusaśakti, hĕndiḥmurub, rahinatkawulanan. sapunikatingkaḥjadma, tansimpangingtuhapati, miwaḥsukaduḥkar̥ĕko, hapansotaningmahurip, tanwaneḥkangpinuji, ringjagatsamarahiku, yanmanonmanglayata, tanpasesahanpatpi, masiluma nringtawangmawtupadang. yanwongtanwruhingsarira, samalawansatobibi, binanñahamangansĕga, hagungdandanhipunbibi, ya nwruḥringutamajati, papanrakaridal̥ĕbur̀, salwiringdosanehilang, sidahamoringhyangwaddhi, lintanghayu, harangwong

Leaf 11

Image on Archive.org

[᭑᭑ 11B] ᭑᭑ ᬯ᭄ᬭᬸᬳᬶᬂᬲᬭᬶᬭ᭞ᬳᬸᬧᬫᬦᬶᬂᬯᭀᬂᬳᬦᬶᬤ᭄ᬭ᭞ᬭᬶᬲ᭄ᬤᭂᬗᬶᬂᬫᬢᬳᬭᬶᬧ᭄᭞ᬫᭂᬲᬢ᭄ᬭᬶᬂᬢᬼᬗᬶᬂᬢᬯᬂ᭞ᬦ᭄ᬤᬶᬮᬸᬧᬳᬸᬫᬾᬗᭂᬢ᭄ᬩᬶᬩᬶ᭞ᬦ᭄ᬤᬶᬗᬶᬧᬶᬦᭀᬭᬗᬶᬧᬶ᭞ᬤᬶ ᬚᬳᬧᭂᬃᬡ᭄ᬦᬳᬾᬳᬶᬧᬸᬦ᭄᭞ᬭᬶᬂᬳᬯᬓ᭄ᬢᬦ᭄ᬧᬯᬓ᭄᭞ᬳᬶᬭᬶᬓᬕ᭄ᬦᬳᬾᬩᬶᬩᬶ᭞ᬚᬢᬶᬦᬶᬧᬸᬦ᭄᭞ᬭᭀᬭᭀᬯ᭄ᬯᬂᬢᬦ᭄ᬳᬦᬯ᭄ᬭᬸᬳ᭟ᬓᬤᬶᬯᭀᬂᬳᬗ ᬤᬸᬭᬲ᭞ᬭᬲᬦᬶᬂᬯᭀᬂᬮᬦᬂᬳᬶᬲ᭄ᬢ᭄ᬭᬶ᭞ᬤᬶᬚᬧᬘᬫ᭄ᬧᬸᬳᬾᬋᬓᭀ᭞ᬳᬦᬭᬶᬂᬕᬃᬯ᭄ᬯᬦᬾᬩᬶᬩᬶ᭞ᬯᬾᬦ᭄ᬢᭂᬦ᭄ᬧᬸᬮᭀᬭᬢ᭄ᬦᬵᬤᬶ᭞ᬕ᭄ᬦᬄᬜᬯ᭄ᬓᬲᬶᬂ ᬓᬬᬸᬦ᭄᭞ᬲᬶᬦᬶᬭᬫᬶᬂᬢᬶᬃᬢ᭄ᬢᬵᬫᬺᬢ᭞ᬧᬭᭀᬓᬦᬶᬂᬲᬗ᭄ᬳ᭄ᬬᬂᬳᬕ᭄ᬦᬶ᭞ᬤᬤᬶᬓᬸᬓᬸᬲ᭄᭞ᬫᬸᬮᬶᬄᬫᬭᬶᬂᬲᬸᬲᬸᬫ᭄ᬦ᭟ᬧᬗᬼᬩᬸᬭᬦ᭄‌ᬩᬸᬢᬧᬧ᭞ [᭑᭒ 12A] ᬧᬗᬜᬸᬤᬦ᭄ᬫᬦᬄᬯᬶᬗᬶᬢ᭄᭞ᬫᬜᬧᬸᬳᬂᬲᬮᬄᬮᬓᭀᬦ᭄᭞ᬤᬾᬯᬧᬯᬓᬦ᭄ᬬᬳᭂᬦᬶᬂ᭞ᬉᬢᬫᬦᬶᬂᬲᬗ᭄ᬳ᭄ᬬᬂᬳᬚᬶ᭞ᬬᬦ᭄ᬢᬦ᭄ᬲᬗ᭄ᬓᬾᬂᬋᬲᭂᬧ᭄ᬧᬸ ᬢᬸᬲ᭄᭞ᬲᬫ᭄ᬧᬸᬦ᭄‌ᬢᬕᭂᬫ᭄ᬩᬕᭂᬫ᭄ᬩ᭞ᬲᬫ᭄ᬧᬸᬦ᭄ᬮᬶᬧ᭄ᬬᬲᬭᬶᬲᬭᬶ᭞ᬳᬧᬦ᭄ᬳᬶᬤᬸᬧ᭄᭞ᬓᭀᬭᬮᬦᬭᬶᬂᬲᬭᬶᬭ᭟ᬯᬾᬦ᭄ᬢᭂᬦ᭄ᬫᬮᬶᬄᬳᬾᬮᬶᬗᬂᬧᬶᬲ ᬦ᭄᭞ᬯᬢ᭄ᬫᬸᬦᬶᬂᬳ᭄ᬬᬂᬢ᭄ᬭᬶᬰᬓ᭄ᬢᬶ᭞ᬫᬭᬶᬂᬘᬶᬦ᭄ᬢ᭄ᬬᬧ᭄ᬭᬫᬰᬸᬦ᭄ᬬ᭞ᬰᬶᬯᬲᬤᬰᬶᬯᬫᬹᬃᬢ᭄ᬢᬶ᭞ᬧ᭄ᬭᬫᬰᬶᬯᬳᬶᬦᬸᬗ᭄ᬲᬶ᭞ᬩᬬᬸᬲᬩ᭄ᬤᬳᬶᬥᭂᬧ᭄ᬧᬸᬢᬸᬲ᭄ ᭞ᬦᬸᬗ᭄ᬕᬮ᭄ᬤᬤᬶᬅᬤ᭄ᬜᬦ᭞ᬫᬭᬭᬶᬂᬩᬶᬢᭀᬭᬂᬫᬡᬶᬓ᭄᭞ᬧᬤᬸᬮᬸᬭᬶᬂ᭞ᬰᬸᬦ᭄ᬬᬕᬶᬸᬕᬫ᭄ᬩᬸᬭᬗᬮᬬᬂ᭟ᬓᬸᬫᬸᬤᬓᬺᬱ᭄ᬡᬧᬶᬦᬸᬚᬶᬦ᭄ᬬ᭞ᬫᬸᬧ

Auto-transliteration

[11 11B] 11 wruhingsarira, hupamaningwonghanidra, risdĕngingmataharip, mĕsatringtl̥ĕngingtawang, ndilupahumengĕtbibi, ndingipinorangipi, di jahapĕr̀ṇnahehipun, ringhawaktanpawak, hirikagnahebibi, jatinipun, rorowwangtanhanawruha. kadiwonghanga durasa, rasaningwonglananghistri, dijapacampuher̥ĕko, hanaringgar̀wwanebibi, wentĕnpuloratnādi, gnaḥñawkasing kayun, siniramingtir̀ttāmr̥ĕta, parokaningsanghyanghagni, dadikukus, muliḥmaringsusumna. pangl̥ĕburanbutapapa, [12 12A] pangañudanmanaḥwingit, mañapuhangsalaḥlakon, dewapawakanyahĕning, utamaningsanghyanghaji, yantansangkengr̥ĕsĕppu tus, sampuntagĕmbagĕmba, sampunlipyasarisari, hapanhidup, koralanaringsarira. wentĕnmaliḥhelingangpisa n, watmuninghyangtriśakti, maringcintyapramaśunya, śiwasadaśiwamūr̀tti, pramaśiwahinungsi, bayusabdahidhĕpputus , nunggaldadi'adñana, mararingbitorangmaṇik, paduluring, śunyag̶gamburangalayang. kumudakr̥ĕṣṇapinujinya, mupa

Leaf 12

Image on Archive.org

[᭑᭒ 12B] ᭑᭒ ᬦᬶᬂᬢᬸᬭᬸᬫ᭄ᬯᬂᬫᬢᬗᬶ᭞ᬳᬦᬶᬦ᭄ᬤᬮᬬᬸᬋᬓᭀ᭞ᬬᬤᬶᬦ᭄ᬲ᭄ᬯᬃᬕ᭄ᬕᬩᬧᬩᬶᬩᬶ᭞ᬧᬢᬶᬓᬮᬯᬦᬸᬭᬶᬧ᭄᭞ᬲᬗ᭄ᬳ᭄ᬬᬂᬑᬁᬓᬵᬭᬫᬸᬗ᭄ᬕᬄ᭞ᬧᬲᬫ᭄ᬯᬦᬶᬂᬲᬹᬃᬬ᭄ᬬᬘ ᬡ᭄ᬥ᭄ᬭ᭞ᬫᬸᬮᬦᬶᬂᬲᭂᬫ᭄ᬩᬄᬳᬸᬢ᭄ᬧ᭄ᬢ᭞ᬯᬶᬡ᭄ᬥᬸᬳᬕᬸᬂ᭞ᬳᬸᬫᬸᬗ᭄ᬕᬸᬄᬤ᭄ᬯᬤᬲᬕᬸᬮ᭟ᬓᬾᬯᬮᬬᬢ᭄ᬦᬗᬶᬭᬶᬗᬂ᭞ᬤᬾᬦᬶᬂᬲᬗ᭄ᬳ᭄ᬬᬂᬳᬚᬶᬫᬦ᭄ᬤᬶ᭞ᬤ᭄ᬧᬸᬓ᭄ᬤᭂᬧᬸᬓᬂ ᬤᬸᬫᬸᬦᬂ᭞ᬓ᭄ᬦᬶᬲᬫ᭄ᬧᬸᬦ᭄ᬲᬮᬄᬮᬶᬗ᭄ᬕᬶᬄ᭞ᬦᬶᬓᬳᬾᬮᬶᬗᬂᬩᬶᬩᬶ᭞ᬲᬮᬶᬗ᭄ᬕᬶᬄᬤᬍᬫ᭄ᬧᬸᬦᬶᬓᬸ᭞ᬧᬲᬫ᭄ᬯᬦᬶᬂᬳ᭄ᬬᬂᬢ᭄ᬭᬶᬦᬤ᭄ᬬ᭞ᬢᬶᬕᬧᬸᬚᬶᬢᬶᬕ ᬮᬶᬗ᭄ᬕᬶᬄ᭞ᬲᬶᬤᬧᬸᬧᬸᬢ᭄‌ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬶᬤᬃᬢᬬᬂ᭞ᬯᬸᬲ᭄ᬧᬸᬢᬸᬲ᭄ᬧᬫᬸᬚᬶᬲᬫ᭄ᬬᬦ᭄᭞ᬧᬗ᭄ᬭᬾᬓᬤᬸᬫᬤᬶᬳᬸᬭᬶᬧ᭄᭞ᬚᬶᬯᬦ᭄‌ᬲᬗ᭄ᬳ᭄ᬬᬂ [᭑᭓ 13A] ᬦᬯᬲᬗ᭞ᬫᬗ᭄ᬤᬲᬶᬤᬯ᭄ᬢᬸᬳᭂᬦ᭄ᬤᬶᬄ᭞ᬳᬧᬦ᭄ᬫᬕᬶᬯᬩᬶᬩᬶ᭞ᬭᬶᬂᬳᬶᬤᬳ᭄ᬬᬂᬢᬶᬕᬫᬸᬭᬸᬩ᭄᭞ᬤᬾᬦᬶᬂᬲᬫ᭄ᬧᬸᬦ᭄ᬧᬤᬜᬶᬯ᭞ᬭᬶᬂᬳᬶᬤᬪᬝᬵᬭᬯᬶᬤ᭄ᬥᬶ᭞ ᬲᬶᬤᬧᬸᬧᬸᬢ᭄᭞ᬳᬲᬸᬂᬦᬸᬕ᭄ᬭᬳᬅᬤ᭄ᬜᬦ᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬧᬯᬶᬮᬗᬦ᭄᭞ᬧᬧᭂᬢᬾᬓᬦ᭄ᬲᬫ᭄ᬧᬸᬦ᭄ᬧᬲ᭄ᬢᬶ᭞ᬤᬲᬭᬶᬦ᭄ᬳᬦ᭄ᬢᬸᬓ᭄ᬮᬓ᭄ᬱᬡ᭞ᬭᬶᬂᬳ᭄ᬬ ᬓᬫᬸᬮᬦ᭄ᬩᬩᬓ᭄ᬢᬶ᭞ᬤᬶᬢᬸᬳᬶᬤᬳᬲ᭄ᬢᬶᬢᬶ᭞ᬫᬗ᭄ᬤᬾᬦ᭄ᬬᬫᬦᬤᬶᬧᬸᬢᬸᬲ᭄᭞ᬳᬶᬭᬶᬓᬫᬗᬲ᭄ᬭᬬ᭞ᬫᬗ᭄ᬤᬾᬦᬾᬘ᭄ᬤᬂᬓᬧᬗ᭄ᬕᬶᬄ᭞ᬲᬫ᭄ᬧᬸᬦ᭄ᬗᬧᬸᬂᬓ ᬤᬾᬦ᭄ᬓᭂᬦ᭄ᬤᭂᬮ᭄‌ᬧᬯᬶᬮᬗᬦ᭄᭞ᬲᬧᬸᬦᬶᬓᬧᬶᬤᬕᬶᬗᬦ᭄᭞ᬬᬦ᭄‌ᬲᬫ᭄ᬧᬸᬦ᭄ᬧᬕᭂᬳᬶᬂᬓᬾᬢ᭄ᬢᬶ᭞ᬫᬲᬢ᭄ᬯᬭᬬᬓᬲᬶᬤᬦ᭄᭞ᬓᬤᬶᬧᬗᬾᬲ᭄ᬢᬶᬦᬶᬂ

Auto-transliteration

[12 12B] 12 ningturumwangmatangi, hanindalayur̥ĕko, yadinswar̀ggabapabibi, patikalawanurip, sanghyangoṅġkāramunggaḥ, pasamwaningsūr̀yyaca ṇdhra, mulaningsĕmbaḥhutpta, wiṇdhuhagung, humungguḥdwadasagula. kewalayatnangiringang, deningsanghyanghajimandi, dpukdĕpukang dumunang, knisampunsalaḥlinggiḥ, nikahelingangbibi, salinggiḥdal̥ĕmpuniku, pasamwaninghyangtrinadya, tigapujitiga linggiḥ, sidapuput'hantuktityangmidar̀tayang, wusputuspamujisamyan, pangrekadumadihurip, jiwansanghyang [13 13A] nawasanga, mangdasidawtuhĕndiḥ, hapanmagiwabibi, ringhidahyangtigamurub, deningsampunpadañiwa, ringhidabhaṭārawiddhi, sidapuput, hasungnugraha'adñana. sampunpuputpawilangan, papĕtekansampunpasti, dasarinhantuklakṣaṇa, ringhya kamulanbabakti, dituhidahastiti, mangdenyamanadiputus, hirikamangasraya, mangdenecdangkapanggiḥ, sampunngapungka denkĕndĕlpawilangan, sapunikapidagingan, yansampunpagĕhingketti, masatwarayakasidan, kadipangestining

Leaf 13

Image on Archive.org

[᭑᭓ 13B] ᭑᭓ ᬳᬢᬶ᭞ᬫᬾᬫᬾᬦ᭄ᬜᬦᬾᬲ᭄ᬫᬶᬢᬭᬶᬲ᭄᭞ᬮᬦ᭄ᬢᬸᬭᬂᬤᬾᬯᬫᬦᬸᬢᬸᬃ᭞ᬦᬶᬚᭂᬫ᭄ᬧᬶᬭᬶᬂᬳᬯᭀᬢ᭄ᬲᬶᬦᭀᬫ᭄᭞ᬢᬶᬢ᭄ᬬᬂᬫᬶᬤᬃᬢᬬᬂᬫᬮᬶᬄ᭞ᬫᬗ᭄ᬤᬢᬸᬫᬸᬲ᭄᭞ ᬧᬶᬮᬶᬄᬢᬸᬢᬸᬭᬾᬉᬢᬫ᭟ᬦᬶᬓᬫᬮᬶᬄᬬᬦ᭄‌ᬋᬲᭂᬧᬂ᭞ᬧᬯ᭄ᬢᬸᬦᬶᬂᬲᬗ᭄ᬳ᭄ᬬᬂᬕ᭄ᬦᬶ᭞ᬓ᭄ᬦᬶᬲᬫ᭄ᬧᬸᬦ᭄ᬲᬮᬄᬕᭂᬦᬄ᭞ᬭᬶᬂᬳᬗ᭄ᬕᬲᬭᬶᬭᬩᬶᬩᬶ᭞ᬕ᭄ᬦᬶᬲᬭᬦ᭄ᬤᬸᬭᬶᬂᬦᬩᬶ᭞ ᬧᬸᬦᬶᬓᬳᬭᬤ᭄‌ᬭᬸᬫᬸᬯᬸᬦ᭄᭞ᬧᬶᬲᬯᬬᬂᬭᬶᬂᬳ᭄ᬬᬂᬩ᭄ᬭᬳ᭄ᬫ᭞ᬕ᭄ᬦᬶᬦᬾᬫᬦᬤᭀᬲ᭄ᬳᭂᬦ᭄ᬤᬶᬄ᭞ᬬᬦᬶᬂᬧᬸᬢᬸᬲ᭄᭞ᬳᬧᬦ᭄ᬭᬶᬂᬢᬸᬗ᭄ᬢᬸᬗᬶᬂᬧᬲ᭄ᬢ᭟ᬕ᭄ᬦᬶᬳᬩᬂᬭᬶᬂᬯᬺᬤᬬ ᭞ᬪᬝᬵᬭᬩ᭄ᬭᬳ᭄ᬫᬗ᭄ᬭᬕᬦᬶᬦ᭄᭞ᬋᬤᬦᬳᬦ᭄ᬢᬸᬓ᭄‌ᬚ᭄ᬜᬦ᭞ᬭᬶᬂᬳᬫ᭄ᬧ᭄ᬭᬸᬧᬲᬶᬯᬦ᭄ᬳᬶᬓᬶ᭞ᬩᬝᬵᬭᬯᬶᬲ᭄ᬦᬸᬗ᭄ᬭᬕᬦᬶᬦ᭄᭞ᬳᬯᬶᬦᬦ᭄ᬬᬤᬤᭀᬲ᭄ᬫᬸᬭᬸᬩ᭄᭞ [᭑᭔ 14A] ᬤᬶᬮᬄᬢᬾᬚᬦ᭄ᬜᬦᬾᬳᬩᬂ᭞ᬳᬗᬭᬢ᭄‌ᬗᭂᬩᭂᬓᬶᬦ᭄ᬕᬸᬫᬶ᭞ᬫᬧᬫᬸᬢᬸᬲ᭄᭞ᬧᬗᬼᬧᬲ᭄ᬢᬸᬜ᭄ᬚᬸᬗᬾᬧᬸᬚ᭟ᬧᬸᬦᬶᬓᬶᬫᬮᬶᬄᬳᬾᬮᬶᬗᬂ᭞ᬕ᭄ᬦᬶᬓᬺᬱ᭄ᬡᬦᬶᬓᬩᬶᬩᬶ᭞ᬭᬶᬂᬳ ᬫ᭄ᬧ᭄ᬭᬸᬦᬕᬭᬦ᭄ᬳᬶᬤ᭞ᬭᬸᬧᬘ᭄ᬫᭂᬂᬤᬤᬶᬳᭂᬦᬶᬂ᭞ᬫᬚᬶᬯᬳ᭄ᬬᬂᬇᬰ᭄ᬯᬭᬚᬢᬶ᭞ᬭᬶᬂᬢᬼᬗᬶᬂᬳᬸᬦ᭄ᬢᭂᬓ᭄ᬳᬶᬓᬸ᭞ᬧᬲᬫ᭄ᬯᬦᬶᬂᬲᬗ᭄ᬳ᭄ᬬᬂᬰᬶᬯ᭞ᬢᬦᬸᬗ᭄ᬕᬮ᭄‌ᬤᬤᬶᬲᬯᬶᬚᬶ᭞ᬲᬫ᭄ᬧᬸ ᬦ᭄ᬧᬸᬢᬸᬲ᭄‌ᬫᬭᬕᬘ᭄ᬫᭂᬗᬶᬂᬦᬾᬢ᭄ᬭ᭟ᬳ᭄ᬬᬂᬰᬶᬯᬳᬶᬤᬋᬕᭂᬧᬂ᭞ᬭᬶᬂᬢᬼᬗᬶᬂᬳᬸᬦ᭄ᬢᭂᬓ᭄ᬩᬶᬩᬶ᭞ᬳᬢᬸᬭᬶᬦ᭄ᬓᬚᬩᬫ᭄ᬤᬮ᭄᭞ᬫᬗ᭄ᬤᬾᬦ᭄ᬬᬫᬘᬶᬳ᭄ᬦᬳᭂᬦ᭄ᬤᬶᬄ᭞ᬫᬗᬲ᭄ᬢ ᬯᬳᬗᬶᬦ᭄ᬳᬭᬶᬲ᭄᭞ᬚᬮᬭᬶᬦ᭄ᬧᬕᭂᬳᬶᬂᬓᬬᬸᬦ᭄᭞ᬢᬶᬮᬶᬗᬂᬲᬫ᭄ᬧᬸᬦᬂᬳᭀᬩᬄ᭞ᬳᬾᬲ᭄ᬢᬶᬓᬃᬬ᭄ᬬᬓᬂᬳᬶᬦᬸᬗ᭄ᬲᬶ᭞ᬲᬫ᭄ᬧᬸᬦ᭄ᬧᬸᬢᬸᬲ᭄᭞ᬲᬫᬃᬕ᭄ᬕ

Auto-transliteration

[13 13B] 13 hati, memenñanesmitaris, lanturangdewamanutur̀, nijĕmpiringhawotsinom, tityangmidar̀tayangmaliḥ, mangdatumus, piliḥtuture'utama. nikamaliḥyanr̥ĕsĕpang, pawtuningsanghyanggni, knisampunsalaḥgĕnaḥ, ringhanggasarirabibi, gnisaranduringnabi, punikaharadrumuwun, pisawayangringhyangbrahma, gninemanadoshĕndiḥ, yaningputus, hapanringtungtungingpasta. gnihabangringwr̥ĕdaya , bhaṭārabrahmangraganin, r̥ĕdanahantukjñana, ringhamprupasiwanhiki, baṭārawisnungraganin, hawinanyadadosmurub, [14 14A] dilaḥtejanñanehabang, hangaratngĕbĕkin'gumi, mapamutus, pangl̥ĕpastuñjungepuja. punikimaliḥhelingang, gnikr̥ĕṣṇanikabibi, ringha mprunagaranhida, rupacmĕngdadihĕning, majiwahyangiśwarajati, ringtl̥ĕnginghuntĕk'hiku, pasamwaningsanghyangśiwa, tanunggaldadisawiji, sampu nputusmaragacmĕngingnetra. hyangśiwahidar̥ĕgĕpang, ringtl̥ĕnginghuntĕkbibi, haturinkajabamdal, mangdenyamacihnahĕndiḥ, mangasta wahanginharis, jalarinpagĕhingkayun, tilingangsampunanghobaḥ, hestikar̀yyakanghinungsi, sampunputus, samar̀gga

Leaf 14

Image on Archive.org

[᭑᭔ 14B] ᭑᭔ ᬫᬃᬕᬦ᭄ᬬᬫ᭄ᬤᬮ᭄᭟ᬧᬸᬦᬶᬓᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂ᭞ᬫᬸᬗ᭄ᬕ᭄ᬯᬶᬂᬓᬮᬶᬗᬦᬶᬂᬳᬚᬶ᭞ᬲᬸᬮᬸᬳᬶᬦ᭄ᬫᬸᬗ᭄ᬕ᭄ᬯᬶᬂᬅᬤ᭄ᬜᬦ᭞ᬫᬾᬫᬾᬦ᭄ᬜᬲᬯᬸᬭᬾᬳᬭᬶᬲ᭄᭞ᬤᬸᬄᬚᬶᬯᬦ᭄ᬳᬶᬗ᭄ᬲᬸᬦ᭄ᬩᬶᬩᬶ᭞ ᬢᬦ᭄ᬲᬶᬱᬶᬫᬳᬵᬩᬭᬾᬂᬮᬓᬸ᭞ᬫᬃᬕ᭄ᬕᬶᬯ᭄ᬓᬲᬶᬂᬲᬸᬓ᭄ᬱ᭄ᬫ᭞ᬦᬷᬲᭀᬓᬓ᭄ᬜᭂᬫ᭄ᬜᬯᬸᬭᬶᬦ᭄᭞ᬜᬳᬶᬳᭂᬮᬸᬄ᭞ᬩᭂᬗᭀᬂᬳᭂᬫ᭄ᬩᭀᬓ᭄ᬫᬤᬶᬗᭂᬳᬂ᭟ᬘᬘᬓᬦ᭄‌ᬕ᭄ᬦᬶᬦᬾ ᬳᭂᬦ᭄ᬢᭀ᭞ᬪᬝᬵᬭᬳ᭄ᬬᬂᬢᬶᬕᬰᬓ᭄ᬢᬶ᭞ᬲᬫᬶᬧᬤᬗᬯᬶᬚᬶᬮᬂ᭞ᬫᬤᬸᬤ᭄ᬯᬦ᭄ᬤᬸᬤ᭄ᬯᬦ᭄ᬧᬫᬃᬕ᭄ᬕᬶ᭞ᬤ᭄ᬫᭂᬦ᭄ᬳᭂᬫ᭄ᬩᭀᬓ᭄ᬫᬶᬭᬕᬶ᭞ᬢᬸᬢᬸᬭᬶᬦ᭄ᬳᭂᬫ᭄ᬩᭀᬓ᭄ᬓᬸᬤᬳᭂᬮᬸᬄ᭞ ᬚ᭄ᬗᭂᬃᬦᬶᬚᭂᬫ᭄ᬧᬶᬭᬶᬂᬦᬶᬗᭂᬳᬂ᭞ᬢᬸᬳᬸᬢ᭄ᬯᬄᬲᬮᬶᬢ᭄ᬢᬫ᭄ᬧᬶ᭞ᬦ᭄ᬳᭂᬃᬫᬸᬯᬸᬲ᭄᭞ᬳᬮᭀᬦ᭄ᬤᬦᬾᬫᬲᬫᬶᬢ᭟ᬓᬤᬶᬧᬫᬶᬤᬦ᭄ᬳᭂᬫ᭄ᬩᭀᬓ᭄ᬭᬶᬂᬢᬶᬢ᭄ᬬᬂ᭞ᬲᬂᬳᬋ [᭑᭕ 15A] ᬧ᭄‌ᬯᬶᬲᬾᬲᬰᬓ᭄ᬢᬶ᭞ᬢᬸᬢᬸᬃᬧᬗᬶᬯᬧᬸᬦᬶᬓ᭞ᬦ᭄ᬮᬸᬄᬳᬗ᭄ᬮᬾᬬᬓ᭄ᬳᬦᬾᬲ᭄ᬢᬶ᭞ᬳᬶᬭᬶᬓᬕ᭄ᬦᬄᬜᬲᬫᬶ᭞ᬳᬮᬳᬬᬸᬲᬫ᭄ᬧᬸᬦ᭄ᬫᬸᬗ᭄ᬕᬸᬄ᭞ᬤᬲᬭᬶᬦ᭄ᬧᬕᭂᬄᬮ ᬓ᭄ᬱᬡ᭞ᬗᬃᬘᬦᬳ᭄ᬬᬂᬪᬕᬯᬢᬶ᭞ᬫᬭᬶᬂᬲᬸᬗ᭄ᬓᬸᬩ᭄᭞ᬳᬧᬦ᭄ᬳᬶᬤᬗᬯᬶᬲᬾᬲ᭟ᬲᬓᬮ᭄ᬯᬶᬭᬶᬂᬩᬩᬸᬢᬦ᭄᭞ᬫᬓᬤᬶᬳ᭄ᬬᬂᬧ᭄ᬭᬚᬧᬢᬶ᭞ᬦᬶᬲᭀ ᬓᬓ᭄ᬤᭂᬄᬜᬸᬚᬸᬢᬂ᭞ᬳᭂᬫ᭄ᬩᭀᬓ᭄‌ᬫᬼᬤ᭄ᬳᬫᬶᬭᬕᬶ᭞ᬦᬶᬚᭂᬫ᭄ᬧᬶᬭᬶᬂᬓ᭄ᬜᭂᬫ᭄‌ᬜᬯᬸᬭᬶᬦ᭄᭞ᬢᬦ᭄‌ᬯ᭄ᬭᬸᬄᬮᬓᬸᬦ᭄ᬬᬳᬶᬓᬸ᭞ᬬᬦ᭄ᬳᭂᬫ᭄ᬩᭀᬓ᭄‌ᬓ᭄ᬤᭂᬄ ᬗᬃᬲᬬᬂ᭞ᬧᬸᬗ᭄ᬓᬸᬭᬦ᭄ᬢᬶᬢ᭄ᬬᬂᬜᬯᬸᬭᬶᬦ᭄᭞ᬳᭂᬫ᭄ᬩᭀᬓ᭄ᬳᬬᬸ᭞ᬓᬤᬶᬧᬸᬦᬶᬓᬶᬧᬸᬧᬸᬢᬂ᭟ᬇᬢᬶᬕᬕᬸᬭᬶᬢᬦ᭄‌ᬰᬶᬯᬢᬶᬕ᭞ᬧᬸᬧᬸᬢ᭄᭟᭚

Auto-transliteration

[14 14B] 14 mar̀ganyamdal. punikapanggihintityang, munggwingkalinganinghaji, suluhinmunggwingadñana, memenñasawureharis, duḥjiwanhingsunbibi, tansisyimahābarenglaku, mar̀ggiwkasingsukṣma, nīsokakñĕmñawurin, ñahihĕluḥ, bĕngonghĕmbokmadingĕhang. cacakan'gnine hĕnto, bhaṭārahyangtigaśakti, samipadangawijilang, madudwandudwanpamar̀ggi, dmĕnhĕmbokmiragi, tuturinhĕmbokkudahĕluḥ, jngĕr̀nijĕmpiringningĕhang, tuhutwaḥsalittampi, nhĕr̀muwus, halondanemasamita. kadipamidanhĕmbokringtityang, sanghar̥ĕ [15 15A] pwisesaśakti, tutur̀pangiwapunika, nluḥhangleyak'hanesti, hirikagnaḥñasami, halahayusampunmungguḥ, dasarinpagĕḥla kṣaṇa, ngar̀canahyangbhagawati, maringsungkub, hapanhidangawisesa. sakalwiringbabutan, makadihyangprajapati, niso kakdĕḥñujutang, hĕmbokml̥ĕd'hamiragi, nijĕmpiringkñĕmñawurin, tanwruḥlakunyahiku, yanhĕmbokkdĕḥ ngar̀sayang, pungkurantityangñawurin, hĕmbok'hayu, kadipunikipuputang. itigaguritanśiwatiga, puput. //

Leaf 15

Image on Archive.org

[᭑᭕ 15B] ᭑᭕ ᬭᬳᬶᬦ᭞ᬩᬸᬤ᭞ᬯᬕᬾ᭞ᬫᭂᬦᬳᬶᬮ᭄᭞ᬰᬰᬶᬄᬓᬧᬢ᭄ᬇᬰᬓ᭞᭑᭙᭑᭘᭞ᬢᬗ᭄ᬕᬮ᭄᭞᭑᭖᭞ᬳᭀᬓ᭄ᬢᭀᬩᭂᬃ᭞᭑᭙᭙᭖᭞ᬓᬲᬸᬭᬢ᭄᭚ ᬳᭀᬮᬶᬄᬳᬶᬓ᭄ᬢᬸᬢ᭄‌ᬭᬸᬫ᭟ᬚᬰ᭄ᬭᬷ᭞ᬓ᭄ᬱᬫᬓ᭄ᬦᬗ᭄ᬯᬂᬫᬹᬥᬳᬮ᭄ᬧᬰᬵᬲ᭄ᬢ᭄ᬭ᭟ᬲᬶᬦᭀᬫ᭄᭚ᬤᬯᭂᬕ᭄ᬤᬶᬦᬯ᭄ᬭᬲ᭄ᬧᬢ᭄ᬬ᭞ᬧᬜ᭄ᬘᬯᬭᬦᬾᬦᭂᬫᭀᬦᬶᬦ᭄᭞ ᬲᬤ᭄ᬯᬭᬦᬾᬳᬭ᭄ᬬᬂᬳᬶᬓ᭞ᬳᬲ᭄ᬢᬯᬭᬩ᭄ᬭᬳ᭄ᬫᬯ᭄ᬬᬓ᭄ᬢᬶ᭞ᬳᬸᬓᬸᬦᬾᬬᬾᬦᭂᬫᭀᬦᬶᬦ᭄᭞ᬰᬰᬶᬄᬓᬲᬦᬾᬫᬦᬸᬚᬸ᭞ᬧᬗ᭄ᬮᭀᬗᬾᬦᬸᬚᬸᬭ᭄ᬯ᭞ᬳᭂᬦ᭄ᬢᭀᬤᬶᬦ ᬲᬸᬩᬤᬤᬶ᭞ᬤᬸᬓ᭄ᬧᬸᬦᬶᬓᬸ᭞ᬲᬹᬃᬬ᭄ᬬᬕᬺᬳᬤᬳᬸᬄᬮᬶᬫ᭟ᬯᬾᬦ᭄ᬢᭂᬦ᭄‌ᬋᬓᭀᬢᬸᬢᬸᬭᬦ᭄ᬦ᭄ᬬ᭞ᬲᬋᬂᬤᬤ᭄ᬯᬮᬦᬂᬳᬶᬲ᭄ᬢ᭄ᬭᬶ᭞ᬲᬵᬫ᭄ᬧᬸᬦᬺᬓᭀᬫᬧᬸᬜᬦ᭄᭞ [᭑᭖ 16A] ᬲᬦᬾᬮᬦᬂᬫᬧᬧᬲᬶᬄ᭞ᬅᬗ᭄ᬕᬭᬳᬶᬓᬓᬧᬸᬚᬶ᭞ᬲᬦᬾᬳᬶᬲ᭄ᬢ᭄ᬭᬶᬯᬲ᭄ᬢᬦᬶᬧᬸᬦ᭄᭞ᬅᬄᬓᬭᬬᬧᬸᬦᬶᬓ᭞ᬫᬤ᭄ᬯᬾᬧ᭄ᬬᬦᬓ᭄ᬓᬓᬮᬶᬄ᭞ᬩᬕᬸᬲ᭄ᬩᬕᬸᬲ᭄᭞ ᬦᬾᬤᬸᬯᬸᬭᬦ᭄ᬫᬧᭂᬲᬾᬗᬦ᭄᭟ᬧᬸᬦᬶᬓᬳᬶᬕᬕᬓ᭄ᬢᬸᬭᬲ᭄᭞ᬩ᭄ᬮᭀᬕ᭄ᬢᬸᬳᬸᬕᭂᬢᬧ᭄ᬫᬮᬶᬄ᭞ᬦᬾᬳᬮᬶᬢᬦ᭄ᬫᬧᭂᬲᬾᬗᬦ᭄᭞ᬳᬶᬚᬧᬢᬸᬯᬦ᭄ᬓᬧᬸᬚᬶ᭞ᬩᬕᬸᬲ᭄ ᬢ᭄ᬯᬭᬤᬦᬦ᭄ᬤᬶᬗᬶᬦ᭄᭞ᬧ᭄ᬭᬚ᭄ᬜᬦ᭄ᬯᬶᬘᬓ᭄ᬱᬡᬧᬸᬢᬸᬲ᭄᭞ᬯᬶᬩᬯᬯᬕᭂᬤ᭄‌ᬭᬶᬂᬰᬲ᭄ᬢ᭄ᬭ᭞ᬜᬦ᭄ᬤᬂᬲᬸᬓ᭄ᬱ᭄ᬫᬬᬂᬕᬸᬫᬶ᭞ᬧᬲᬸᬓ᭄ᬯᭂᬢᬸ᭞ᬳᬶᬦ᭄ᬤᬬᬂᬳᬶᬜ᭄ᬘᭂᬭᬶᬂᬫᬦᬄ ᭟ᬳᬶᬕᬕᬓ᭄ᬢᬭᬸᬲ᭄ᬓᬳᬸᬘᬧ᭄᭞ᬧᬗᬓ᭄ᬱᬶᬦᬾᬦᬶᬓᬸᬚᬢᬶ᭞ᬢᬸᬭᬲ᭄‌ᬭᬲᬦᬾᬧᬸᬦᬶᬓ᭞ᬧᬗᬓ᭄ᬱᬶᬦ᭄ᬳᬶᬗᬮᬾᬓᬮᬶᬄ᭞ᬚᬧᬗᬭᬦ᭄ᬫᬦ᭄ᬢ᭄ᬭᬚᬢᬶ᭞

Auto-transliteration

[15 15B] 15 rahina, buda, wage, mĕnahil, śaśiḥkapatiśaka 1918 tanggal 16 hoktobĕr̀ 1996 kasurat // holiḥhiktutruma. jaśrī, kṣamaknangwangmūdhahalpaśāstra. sinom // dawĕgdinawraspatya, pañcawaranenĕmonin, sadwaraneharyanghika, hastawarabrahmawyakti, hukuneyenĕmonin, śaśiḥkasanemanuju, panglongenujurwa, hĕntodina subadadi, dukpuniku, sūr̀yyagr̥ĕhadahuḥlima. wentĕnr̥ĕkotuturannya, sar̥ĕngdadwalananghistri, sāmpunr̥ĕkomapuñan, [16 16A] sanelanangmapapasiḥ, anggarahikakapuji, sanehistriwastanipun, aḥkarayapunika, madwepyanakkakaliḥ, bagusbagus, neduwuranmapĕsengan. punikahigagakturas, blogtuhugĕtapmaliḥ, nehalitanmapĕsengan, hijapatuwankapuji, bagus twaradanandingin, prajñanwicakṣaṇaputus, wibawawagĕdringśastra, ñandangsukṣmayanggumi, pasukwĕtu, hindayanghiñcĕringmanaḥ . higagaktaruskahucap, pangaksyinenikujati, turasrasanepunika, pangaksyinhingalekaliḥ, japangaranmantrajati,

Leaf 16

Image on Archive.org

Leaf 17

Image on Archive.org

Leaf 18

Image on Archive.org

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org