gaguritan-rasutama

Original on Archive.org

Front and Back Covers

Image on Archive.org

Leaf 1

Image on Archive.org

[᭑ 1B] ᭑ ᬲ᭄ᬫᬭᬦ᭄ᬥᬦ ᭚᭜᭚ᬒᬁᬅᬯᬶᬖ᭄ᬦᬀᬳᬲ᭄ᬢᬸ᭚᭜᭚ᬕᬕᬸᬭᬶᬢᬦ᭄‌ᬭᬰᬹᬢ᭄ᬢᬫ᭚ᬧᬸᬧᬸᬄᬲ᭄ᬫᬭᬦ᭄ᬥᬦ᭟᭑᭟ᬳᬶᬓᬯᬶᬰ᭄ᬯᬭᬗ᭄ᬭᬜ᭄ᬘᬦᬶ᭞ᬫᭂᬢᬶᬓ᭄ᬘᬭᬶᬢᬉ ᬢ᭄ᬢᬫ᭞ᬲᬓᬶᬂᬢᬸᬢᬹᬃᬧᬗᬫ᭄ᬩᬶᬮᬾ᭞ᬧᬶᬦᬓᬧᬓᬾᬮᬶᬂᬫᬦᬄ᭞ᬫᬗᬾᬱ᭄ᬝᬶᬓᬭᬳᬬ᭄ᬯᬦ᭄᭞ᬳᬶᬦᬶᬓᭂᬢ᭄ᬳᬦᬭᬶᬂᬓᬶᬤᬸᬂ᭞ᬲᬶᬧᬢᬶᬂᬅᬕᬫᬢᬷᬃᬣ᭟᭒᭟ᬧᬸᬦᬶᬓ ᬲᬦᬾᬓᬕᬸᬭᬶᬢ᭄᭞ᬲᬂᬧ᭄ᬭᬪᬸᬭᬶᬂᬍᬫᬄᬲᬸᬭᬢ᭄᭞ᬫᬧᬸᬢ᭄ᬭᬳᬶᬤᬢᬢᬶ᭠ᬕ᭞ᬫᬶᬚᬶᬮ᭄ᬲᬓᬶᬂᬇᬩᬸᬢᬸᬗ᭄ᬕᬮ᭄᭞ᬲᬫᬶᬮᬦᬂᬧᬧᬢᬸᬳᬦ᭄᭞ᬯᬃᬡ᭄ᬦᬲᬫᬶᬮᬶ᭠ ᬦ᭄ᬢᬂᬩᬕᬸᬲ᭄᭞ᬓᬭᬶᬳᬮᬶᬢ᭄ᬓᬢᬶᬗ᭄ᬕᬮᬦ᭄᭟᭓᭟ᬓᭀᬘᬧ᭄ᬲᬦᬾᬧᬶᬦᬶᬄᬓᬾᬮᬶᬄ᭞ᬫᬵᬤᬦ᭄‌ᬲᬂᬩᬜ᭄ᬚ᭄ᬭᬤᬵᬦ᭞ᬲᬂᬓᬯᬷᬰ᭄ᬯᬭᬳᬭᬶᬦᬾ᭞ᬓᬂᬳᬸᬭᬸ [᭒ 2A] ᬚᬸᬭᬱᬸᬢ᭄ᬢᬫ᭞ᬭᬹᬧᬦᬾᬓᬤᬶᬳ᭄ᬬᬂᬲ᭄ᬫᬭ᭞ᬧ᭄ᬭᬚ᭄ᬜᬦ᭄‌ᬥ᭄ᬬᬵᬢ᭄ᬫᬶᬓᬭᬶᬂᬓᬳ᭄ᬬᬸᬦ᭄᭞ᬳᬲᬶᬳᬶᬂᬯᭀᬂᬚᬦᬧᬵᬤ᭟᭔᭟ᬲᬂᬓᬯᬷᬰ᭄ᬯᬭᬮᬶᬂᬦ᭄ᬬᬵᬭᬶᬲ᭄᭞ᬤᬸᬄᬳᬤᬶ ᬲᬂᬭᬰᬹᬢ᭄ᬢᬫ᭞ᬫᬳᬶᬢᬾᬧᬳᭂᬓᬂᬋᬓᭀ᭞ᬤᬶᬦᬶᬫᬮᬸᬫᬭᬭᬱᬦ᭄᭞ᬫᬶᬯᬄᬩ᭄ᬮᬶᬩᬚ᭄ᬭᬤᬵᬦ᭞ᬳᭂᬦ᭄ᬢᭀᬤᬶᬢᬸᬗᬸᬤᬗᬸᬬᬸᬓ᭄᭞ᬧᬶᬋᬗᬂᬲᬶᬄᬳᬢᬹᬃᬢᬶᬢ᭄ᬬᬂ ᭟᭕᭟ᬩᭂᬮᬶᬳᬤᬶᬩᬸᬓᬚᬦᬶ᭞ᬩᬚ᭄ᬭᬥᬦᬭᬰᬸᬢ᭄ᬢᬫ᭞ᬳᭂᬤᬧᬢᬶᬘᬘᭂᬮᭀᬤᭀᬄ᭞ᬦᬸᬯᬸᬓᬶᬦ᭄ᬳᬶᬦ᭄ᬤ᭄ᬭᬶᬬᬦ᭄ᬫᬦᬄ᭞ᬭᬕᬧᬸᬲᬸᬄᬓᬢᬶᬗ᭄ᬕᬮᬦ᭄᭞ᬢᬸᬯᬸᬦ᭄ᬢᬦᬄ ᬫᭂᬦᬾᬓ᭄ᬲᬸᬯᬸᬂ᭞ᬳᬶᬜᬾᬦ᭄ᬳᬦᬓᬾᬫᬫᬦᬂ᭟᭖᭟ᬳᭂᬤᬲᬸᬯᬸᬤ᭄‌ᬫᬮᬚᬳᬶᬦ᭄᭞ᬳᬦᬾᬫᬗᭂᬦ᭄ᬢᬶᬓᬂᬕᬸᬡ᭞ᬢᬸᬢᬹᬃᬩᭂᬮᬶᬦᬾᬋᬱᭂᬧᬂ᭞ᬳᬶᬗᭂᬃᬳᬶ᭠

Auto-transliteration

[1 1B] 1 smarandhana // • // oṁawighnaṃhastu // • // gaguritanraśūttama // pupuḥsmarandhana. 1. hikawiśwarangrañcani, mĕtikcarita'u ttama, sakingtutūr̀pangambile, pinakapakelingmanaḥ, mangeṣṭikarahaywan, hinikĕt'hanaringkidung, sipatingagamatīr̀tha. 2. punika sanekagurit, sangprabhuringl̥ĕmaḥsurat, maputrahidatati‐ga, mijilsakingibutunggal, samilanangpapatuhan, war̀ṇnasamili‐ ntangbagus, karihalitkatinggalan. 3. kocapsanepiniḥkeliḥ, mādansangbañjradāna, sangkawīśwaraharine, kanghuru [2 2A] jurasyuttama, rūpanekadihyangsmara, prajñandhyātmikaringkahyun, hasihingwongjanapāda. 4. sangkawīśwaralingnyāris, duḥhadi sangraśūttama, mahitepahĕkangr̥ĕko, dinimalumararaṣan, miwaḥblibajradāna, hĕntoditungudanguyuk, pir̥ĕngangsiḥhatūr̀tityang . 5. bĕlihadibukajani, bajradhanaraśuttama, hĕdapaticacĕlodoḥ, nuwukinhindriyanmanaḥ, ragapusuḥkatinggalan, tuwuntanaḥ mĕneksuwung, hiñenhanakemamanang. 6. hĕdasuwudmalajahin, hanemangĕntikangguṇa, tutūr̀bĕliner̥ĕsyĕpang, hingĕr̀hi‐

Leaf 2

Image on Archive.org

[᭒ 2B] ᭒ ᬗᭂᬭᬂᬤᬶᬫᬦᬄ᭞ᬩᬶᬮᬶᬄᬳᬤᬬᬓᬲᬥ᭄ᬬᬦ᭄᭞ᬳᬶᬘ᭄ᬙᬦ᭄ᬳᬶᬤᬲᬂᬳ᭄ᬬᬂᬢᬸᬤᬸᬄ᭞ᬫᬗᬶᬘ᭄ᬙᬾᬦᬶᬦ᭄ᬧᬜᬸᬧᬢᬦ᭄᭟᭗᭟ᬯ᭄ᬓᬲ᭄‌ᬬᬦ᭄ᬫᬮᬶᬄᬤᬸᬫᬤᬶ᭞ᬫᬵ ᬗ᭄ᬤᬢᬦ᭄ᬦᭂᬫᬸᬲᬗ᭄ᬲᬭ᭞ᬳᬸᬮᬶᬚᬦᬶᬩᬦ᭄ᬗᬾᬱ᭄ᬝ᭄ᬬᬂ᭞ᬲᭀᬢᬦᬶᬂᬤᬦᬶᬫᬵᬦᬸᬱ᭞ᬧᭂᬤᬲᬂᬳᬧᬗᬢᬯᬂ᭞ᬓᬶᬚᬵᬧᬦᬗ᭄ᬓᬦᬾᬤᬸᬫᬸᬦ᭄᭞ᬧᬘᬂᬓᬶᬚᬫᬗᬸ ᬗ᭄ᬲᬶᬬᬂ᭟᭑᭟ᬧᬸᬦᬶᬓᬯᬦ᭄ᬢᬄᬓᬳᬾᬱ᭄ᬝᬶ᭞ᬬᬤ᭄ᬬᬦ᭄ᬲᬭᬸᬧᬦᬶᬂᬚᬦ᭄ᬫᬵ᭞ᬢᬦ᭄ᬥᬷᬦᬳᬸᬦ᭄ᬢᭂᬂᬓᬳ᭄ᬬᬸᬦᬾ᭞ᬧᬗᬧ᭄ᬢᬶᬦᬾᬫᬲᬶᬄᬢᬸᬗ᭄ᬕᬮ᭄᭞ᬗᬸᬗ᭄ᬲᬶᬫᬭᬶᬂᬰᬸᬦ᭄ᬬᬵᬫᬺ ᬢ᭄ᬢ᭞ᬬᬤ᭄ᬬᬦ᭄ᬲᬂᬧᬵᬡ᭄ᬥᬶᬢᬧᬸᬢᬸᬲ᭄᭞ᬬᬤ᭄ᬬᬦ᭄ᬭᬶᬂᬯᭀᬂᬲᬩᬭᬂ᭟᭙᭟ᬦᬗ᭄ᬳᬶᬂᬲᭂᬗ᭄ᬓᬵᬬᬦ᭄ᬗᬾᬮᬶᬗᬶᬦ᭄᭞ᬭᬾᬄᬚᬵᬢᬶᬮᬶᬦ᭄ᬢᬂᬉᬢ᭄ᬢᬫ᭞ᬲᬭᬸᬧᬶᬗᬶᬢ᭄‌ᬬᬫᬳᬾ [᭓ 3A] ᬤᬾᬂ᭞ᬓᬤᬶᬮᬯᬕᬾᬭᬶᬂᬫᭂᬓ᭞ᬓᬤᬶᬫᬶᬜᬓ᭄ᬭᬶᬂᬳᭂᬫ᭄ᬧᭂᬳᬦ᭄᭞ᬓᬤᬶᬳᬧᬶᬚ᭄ᬭᭀᬦᬶᬂᬢᬭᬸ᭞ᬭᬾᬄᬫᬭᬕᬳᬦᬵᬦᭀᬭ᭟᭑᭐᭟ᬳᬦᬦᬾᬭᬶᬂᬲᬦᬾ ᬚᬵᬢᬶ᭞ᬦᭀᬭᬦᬾᬬᬦ᭄ᬫᬭᬶᬂᬦᭀᬭ᭞ᬓᬭᬕ᭄ᬓᬶᬭᬶᬕ᭄‌ᬓᬲᬂᬓᬾᬲᬾᬃ᭞ᬧᬫᬸᬢᭂᬭᬾᬮᬗ᭄ᬓᬸᬂᬓ᭄ᬭᬲ᭄᭞ᬳᬓᬶᬥᬶᬓ᭄‌ᬬᬤᬤᬶᬓᬝᬵᬄ᭞ᬲᬫᬶᬳᬶᬯᬂᬲᬫᬶᬧᬵᬢᬹᬢ᭄ ᭞ᬫᬶᬗᬸᬗᬂᬫᬦᬄᬓᬢᬸᬦᬦ᭄᭟᭑᭑᭟ᬦ᭄ᬭᬗᬂᬫᬦᬄᬲᬸᬚᬵᬢᬶ᭞ᬧᬜ᭄ᬚᬂᬬᬦ᭄ᬲᬫᬶᬢᬸᬢᬸᬭᬂ᭞ᬳᬓᬶᬤᬶᬓ᭄‌ᬬᬦ᭄ᬭᬶᬗ᭄ᬓᭂᬲ᭄ᬋᬓᭀ᭞ᬬᬦ᭄ᬚᬸᬚᬸᬄᬲᬬᬦ᭄ᬗᭂᬚᭀᬳᬂ ᭞ᬬᬦ᭄ᬧᭂᬤᬲᬶᬦ᭄ᬲᬬᬦ᭄ᬳᬶᬮᬂ᭞ᬬᬦ᭄ᬕᬫᭂᬮ᭄‌ᬬᬲᬬᬦ᭄ᬲᬸᬯᬸᬂ᭞ᬬᬦ᭄ᬲᭂᬩᭂ᭠ᬢᬂᬲᬬᬦ᭄ᬧᬸᬲᬂ᭟᭑᭒᭟ᬬᬦ᭄ᬓᬵᬗᭂᬦᬂᬲᬬᬦ᭄ᬲᭂᬤᬶᬄ᭞ᬬᬦ᭄ᬚᭂᬚᭂᬳᬂᬲᬬᬦ᭄ᬫᬭ

Auto-transliteration

[2 2B] 2 ngĕrangdimanaḥ, biliḥhadayakasadhyan, hicchanhidasanghyangtuduḥ, mangiccheninpañupatan. 7. wkasyanmaliḥdumadi, mā ngdatannĕmusangsara, hulijanibanngeṣṭyang, sotaningdanimānuṣa, pĕdasanghapangatawang, kijāpanangkanedumun, pacangkijamangu ngsiyang. 1. punikawantaḥkaheṣṭi, yadyansarupaningjanmā, tandhīnahuntĕngkahyune, pangaptinemasiḥtunggal, ngungsimaringśunyāmr̥ĕ tta, yadyansangpāṇdhitaputus, yadyanringwongsabarang. 9. nanghingsĕngkāyanngelingin, reḥjātilintanguttama, sarupingityamahe [3 3A] deng, kadilawageringmĕka, kadimiñakringhĕmpĕhan, kadihapijroningtaru, reḥmaragahanānora. 10. hananeringsane jāti, noraneyanmaringnora, karagkirigkasangkeser̀, pamutĕrelangkungkras, hakidhikyadadikaṭāḥ, samihiwangsamipātūt , mingungangmanaḥkatunan. 11. nrangangmanaḥsujāti, pañjangyansamituturang, hakidikyanringkĕsr̥ĕko, yanjujuḥsayanngĕjohang , yanpĕdasinsayanhilang, yan'gamĕlyasayansuwung, yansĕbĕ‐tangsayanpusang. 12. yankāngĕnangsayansĕdiḥ, yanjĕjĕhangsayanmara

Leaf 3

Image on Archive.org

[᭓ 3B] ᭓ ᬲ᭄᭞ᬬᬦ᭄ᬢᬫ᭄ᬩᭂᬢᬂᬲᬬᬦ᭄ᬩᭂᬮᭀᬕ᭄᭞ᬬᬦ᭄ᬮᬷᬮᬬᬂᬲᬬᬦ᭄ᬧᬹᬃᬡ᭄ᬦ᭞ᬬᬦ᭄ᬩᬦᬶᬬᬂᬲᬬᬦ᭄ᬕᬦ᭄ᬢᬃ᭞ᬬᬦ᭄ᬮᬗ᭄ᬕᭂᬗᬂᬲᬬᬦ᭄ᬓᬸᬓᬸᬄ᭞ᬬᬦ᭄ᬳᭂᬮᬲᬂᬲᬬᬦ᭄ᬕᬦ᭄ᬢᬲ᭄᭟᭑ ᭓᭟ᬦᬵᬗ᭄ᬳᬶᬂᬳᬦᬓᬾᬲᬸᬚᬵᬢᬶ᭞ᬯ᭄ᬭᬸᬄᬭᬶᬂᬭᬱᬉᬢ᭄ᬢᬫ᭞ᬢ᭄ᬯᬭᬢᬸᬬᬸᬄᬯᬗᬶᬜ᭄ᬘᭂᬭᬾ᭞ᬧᬧᬶᬦᭂᬳᬾᬚᬮᬦ᭄ᬫᬸᬮ᭞ᬕᬮᬗᬦ᭄‌ᬢ᭄ᬓᬾᬦᬶᬂᬍᬫᬄ᭞ᬭᬱᬯᬶᬭ ᬱᬦᬾᬭᬶᬂᬓᬳ᭄ᬬᬸᬦ᭄᭞ᬢ᭄ᬯᬭᬩᬶᬗᬸᬂᬫᬗᭂᬮᬶᬗᬂ᭟᭑᭔᭟ᬤᬾᬦᬶᬂᬧᬗᭀᬤᬦᬾᬮ᭄ᬯᬶᬄ᭞ᬱᬤ᭄ᬭᬶᬋᬦᬾᬭᬶᬂᬭᬕ᭞ᬦᬾᬲᬳᬶᬗᭂᬩ᭄ᬭᬕ᭄ᬫᬦᬳᬾ᭞ᬫᬫᬸᬭᬸᬲᬵᬥ᭄ᬬ ᬉᬢ᭄ᬢᬫ᭞ᬫᬦᬸᬤᬸᬳᬂᬓᬲᬗ᭄ᬲᬭᬦ᭄᭞ᬗᬶᬮᬗᬂᬮᬓ᭄ᬱᬡᬧᬵᬢᬹᬢ᭄᭞ᬧᬸᬦᬶᬓᬫᬗ᭄ᬤᬯᬵᬲᬧᬤ᭟᭑᭕᭟ᬳᬶᬭᬰᬹᬢ᭄ᬢᬫᬜᬯᬸᬭᬶᬦ᭄᭞ᬯᬘᬦᬦ᭄ [᭔ 4A] ᬩ᭄ᬮᬶᬢᬦ᭄ᬲᬶᬫ᭄ᬧᬂ᭞ᬤᬸᬭᬸᬲᬂᬇᬘ᭄ᬙᬦᬾᬫᬗ᭄ᬓᬾ᭞ᬫᬯᬭᬯᬭᬄᬭᬶᬂᬢᬶᬢ᭄ᬬᬂ᭞ᬤᬾᬦᬶᬂᬢᬶᬢ᭄ᬬᬂᬤᬸᬭᬸᬂᬧᭂᬤᬲ᭄᭞ᬧᬸᬦᬧᬶᬤᬤᬶᬱᬤ᭄ᬭᬶᬧᬸ᭞ᬗᬯᬾᬲᬗ᭄ᬲᬭᬦᬶᬂᬫᬦᬄ᭟᭑ ᭖᭟ᬳᬮᬲ᭄ᬬᬯᬯᬸᬳᬲᬶᬓᬶ᭞ᬓᬮᬶᬄᬦᬶᬤ᭄ᬭᬢᬶᬕᬪᬵᬬ᭞ᬭᬶᬂᬓᬧᬶᬂᬳᭂ᭠ᬫ᭄ᬧᬢ᭄‌ᬢᬺᬱ᭄ᬡᬵᬦᬾ᭞ᬧᬶᬂᬮᬶᬫᬧᬸᬓᬭᬵᬕ᭞ᬧᬸᬧᬸᬢᬾᬫᬯᬵᬱ᭄ᬝᬳᭂᬱᬤ᭄᭞ᬤ᭄ᬯᬾᬰᬓ ᬧᬶᬂᬳᭂᬦᭂᬫ᭄ᬳᬶᬧᬸᬦ᭄᭞ᬧᬸᬦᬶᬓᬫᬸᬲᬸᬄᬲᬓᬮ᭟᭑᭗᭟ᬲᬫᬶᬗᬗ᭄ᬕᬾᬦ᭄ᬕᬸᬡᬍᬯᬶᬄ᭞ᬧᬗᬶᬯᬵᬫᬶᬯᬄᬧᬶᬯᭀᬮᬲ᭄᭞ᬓᬫᭀᬓ᭄ᬱᬦᬼᬯᬶᬄᬳᬶᬭᬶᬩᬾ᭞ᬲᬸᬚᬵ ᬢᬶᬦᬾᬦᭀᬭᬢ᭄ᬭᬂ᭞ᬳᬸᬮᬳᬾᬫᬶᬮᬸᬫᬩ᭄ᬭᬢ᭞ᬫᬦᬶᬭᬸᬲᬂᬯᬶᬓᬸᬧᬸᬢᬸ᭠ᬲ᭄᭞ᬲᬸᬫᬶᬗ᭄ᬓᬶᬦ᭄‌ᬗᬯᬾᬲᬗ᭄ᬲᬭ᭟᭑᭘᭟ᬧᬦᬸᬚᬸᬦᬾᬤᬸᬭᬸᬂᬩᭂᬘᬶᬓ᭄᭞

Auto-transliteration

[3 3B] 3 s, yantambĕtangsayanbĕlog, yanlīlayangsayanpūr̀ṇna, yanbaniyangsayan'gantar̀, yanlanggĕngangsayankukuḥ, yanhĕlasangsayan'gantas. 1 3. nānghinghanakesujāti, wruḥringraṣa'uttama, twaratuyuḥwangiñcĕre, papinĕhejalanmula, galangantkeningl̥ĕmaḥ, raṣawira ṣaneringkahyun, twarabingungmangĕlingang. 14. deningpangodanelwiḥ, ṣadrir̥ĕneringraga, nesahingĕbragmanahe, mamurusādhya uttama, manuduhangkasangsaran, ngilanganglakṣaṇapātūt, punikamangdawāsapada. 15. hiraśūttamañawurin, wacanan [4 4A] blitansimpang, durusangicchanemangke, mawarawaraḥringtityang, deningtityangdurungpĕdas, punapidadiṣadripu, ngawesangsaraningmanaḥ. 1 6. halasyawawuhasiki, kaliḥnidratigabhāya, ringkapinghĕ‐mpattr̥ĕṣṇāne, pinglimapukarāga, puputemawāṣṭahĕṣad, dweśaka pinghĕnĕmhipun, punikamusuḥsakala. 17. saminganggen'guṇal̥ĕwiḥ, pangiwāmiwaḥpiwolas, kamokṣanl̥ĕwiḥhiribe, sujā tinenoratrang, hulahemilumabrata, manirusangwikuputu‐s, sumingkinngawesangsara. 18. panujunedurungbĕcik,

Leaf 4

Image on Archive.org

[᭔ 4B] ᭔ ᬧᬫᬸᬓᬸᬮᬾᬓᬭᬶᬗᬯᬕ᭄᭞ᬭᬾᬄᬲᬭᬸᬳᬓᬾᬄᬳᬶᬭᬶᬩᬾ᭞ᬓᬝᬵᬄᬫᬸᬲᬸᬄᬘᬭᬭ᭄ᬯᬂ᭞ᬭᬸᬯᬗᬾᬫᬧᬶᬡ᭄ᬥᬧᬶᬡ᭄ᬥᬵ᭞ᬲᬲᭀᬮᬳᬦ᭄‌ᬘᬭᬫᬸᬲᬸᬄ᭞ᬳᬸᬚᬃ ᬭᬾᬬᬲᬫᬃᬧᬶᬲᬦ᭄᭟᭑᭙᭟ᬳᭂᬦ᭄ᬢᭀᬜᬦ᭄ᬤᬂᬧᭂᬮᬚᬳᬶᬦ᭄᭞ᬫᬫᬢᬶᬰᬢ᭄ᬭᬸᬭᬶᬂᬭᬕ᭞ᬳᬤᬲᬜ᭄ᬚᬢᬉᬢ᭄ᬢᬫ᭞ᬧᬷᬘ᭄ᬙᬦ᭄ᬳᬶᬤᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬗᬭᬦ᭄ᬧᬰᬸ ᬧᬢᬶᬰᬵᬲ᭄ᬢ᭄ᬭᬵ᭞ᬧᬗᬼᬩᬸᬭᬦᬶᬂᬱᬤ᭄ᬭᬶᬧᬹ᭞ᬧᬗᭂᬲᭂᬗᬦ᭄‌ᬢ᭄ᬭᬶᬪᬸᬯᬦ᭟᭒᭐᭟ᬧᬸᬦᬶᬓᬲᬜ᭄ᬚᬢᬢᬍᬯᬶᬄ᭞ᬫᬯᬶᬰᬾᬱᬦᬾᬭᬶᬂᬭᬵᬕ᭞ᬦᬵᬗ᭄ᬳᬶᬂᬯᬗ᭄ᬲᬶᬢ᭄ᬜᬦᬾᬋᬓᬾ ᭞ᬗᬕᭂᬫ᭄ᬧᬶᬘ᭄ᬙᬦ᭄ᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬳ᭄ᬤᬳᬫ᭄ᬧᬄᬢ᭄ᬓᬾᬦ᭄‌ᬳᬯᬓ᭄᭞ᬫᬲᬫᬵᬥᬶᬳᬧᬂᬢᬸᬳᬸ᭞ᬲᬵᬓ᭄ᬯᬾᬳᬶᬂᬰᬢ᭄ᬭᬸᬧ᭄ᬭᬡᬵᬢ᭟᭒᭑᭟ᬤᬹᬱ᭄ᬝᬤᬹᬃᬚ᭄ᬚ᭠ [᭕ 5A] ᬦᬦᬾᬯ᭄ᬥᬶ᭞ᬲᬃᬯ᭄ᬯᬯᬶᬱ᭄ᬬᬦᬾᬧᬸᬦᬄ᭞ᬲᬃᬯ᭄ᬯᬕᬮᬓ᭄ᬧᬭᬶᬧᬹᬃᬡ᭞ᬫᬢ᭄ᬫᬄ᭠ᬳᬲᬶᬄᬤᬤᬶᬓᬥᬂ᭞ᬲᬓᬶᬂᬅᬃᬥᬦᬶᬂᬲᬜ᭄ᬚᬢ᭞ᬬᬦ᭄ᬮᬗ᭄ᬕᭂᬂᬲᬫᬵᬥᬶᬦᬶᬧᬸᬦ᭄᭞ᬓᬶ ᬦᬲᬶᬳᬦᬶᬂᬳ᭄ᬬᬂᬢᬶᬢᬄ᭟᭒᭒᭟ᬲᬶᬥᬲᬧᬭᬦᬶᬂᬓᬵᬱ᭄ᬢᬶ᭞ᬢᭂᬕᬸᬄᬳᬦᬦ᭄ᬤᬂᬯᬶᬓ᭄ᬭᬫ᭞ᬢᬸᬗ᭄ᬕᬤᬾᬯᬧᬭᬕᬦᬾ᭞ᬓᬾᬢᭀᬲᬶᬧᬢᬶᬂᬉᬢ᭄ᬢᬫ᭞ᬮᬶᬭᬶᬲ᭄ᬫᬵᬯ ᬓᬓᬸᬶᬢᬶᬗ᭄ᬳᬮᬦ᭄᭞ᬧᬸᬦᬶᬓᬧᬶᬦᬓᬢᬸᬂᬢᬸᬂ᭞ᬲᬵᬜ᭄ᬚᬢᬰᬵᬲ᭄ᬢ᭄ᬭᬉᬢ᭄ᬢᬵᬫ᭟᭒᭓᭟ᬫᬸᬗ᭄ᬕᬸᬄᬭᬶᬂᬢᬸᬂᬢᬸᬂᬲᬸᬚᬵᬢᬶ᭞ᬫᬓᬲᬸᬮᬸᬄᬳᬶᬓᬧ᭄ᬭᬪᬵᬳᬮᬳᬬᬸ ᬲᬫᬶᬓᬢᭀᬦ᭄᭞ᬲᬓᬶᬂᬅᬚ᭄ᬜᬵᬦᬦᬶᬂᬰᬸᬓ᭄ᬮᬵ᭞ᬲᬂᬳ᭄ᬬᬂᬫᬦᬶᬦ᭄ᬧᬥᬦᬶᬭ᭞ᬤᬾᬦ᭄ᬓᬢᭀᬦ᭄ᬢᭀᬦ᭄‌ᬤᬾᬦ᭄ᬧᬯᬲ᭄ᬢᬸ᭞ᬬᬦ᭄ᬧᬸᬢᬸᬲ᭄‌ᬲᬫᬵᬥᬶᬦᬶᬭ᭟

Auto-transliteration

[4 4B] 4 pamukulekaringawag, reḥsaruhakeḥhiribe, kaṭāḥmusuḥcararwang, ruwangemapiṇdhapiṇdhā, sasolahancaramusuḥ, hujar̀ reyasamar̀pisan. 19. hĕntoñandangpĕlajahin, mamatiśatruringraga, hadasañjata'uttama, pīcchanhidasanghyangtunggal, ngaranpaśu patiśāstrā, pangl̥ĕburaningṣadripū, pangĕsĕngantribhuwana. 20. punikasañjatatal̥ĕwiḥ, mawiśeṣaneringrāga, nānghingwangsitñaner̥ĕke , ngagĕmpicchansanghyangtunggal, hdahampaḥtkenhawak, masamādhihapangtuhu, sākwehingśatrupraṇāta. 21. dūṣṭadūr̀jja‐ [5 5A] nanewdhi, sar̀wwawiṣyanepunaḥ, sar̀wwagalakparipūr̀ṇa, matmaḥ‐hasiḥdadikadhang, sakingar̀dhaningsañjata, yanlanggĕngsamādhinipun, ki nasihaninghyangtitaḥ. 22. sidhasaparaningkāṣti, tĕguḥhanandangwikrama, tunggadewaparagane, ketosipatinguttama, lirismāwa kakuitinghalan, punikapinakatungtung, sāñjataśāstra'uttāma. 23. mungguḥringtungtungsujāti, makasuluḥhikaprabhāhalahayu samikaton, sakingajñānaningśuklā, sanghyangmaninpadhanira, denkatontondenpawastu, yanputussamādhinira.

Leaf 5

Image on Archive.org

[᭕ 5B] ᭕ ᬰᬶᬦᭀᬫ᭄ ᭒᭔᭟ᬤᬲᬭᬶᬦ᭄ᬬᭀᬕᬲᬫᬵᬥᬶᬢᬸᬂᬢᬸᬗᬶᬂᬥᬃᬫ᭄ᬫᬮᬓ᭄ᬱᬡᬵ᭞ᬳᬸᬦ᭄ᬢᭂᬗᬾᬫᬗᬾᬃᬣ᭄ᬬᬂᬭᬕ᭞ᬳᬶᬭᬰᬸᬢ᭄ᬢᬫᬳᬗᬸᬘᬧ᭄᭞ᬳᬓᬶᬤᬶᬓ᭄ᬢᬦ᭄ᬯᬾᬦ᭄ᬢᭂᬦ᭄ᬲᬶᬗ᭄ᬲᬮ᭄᭞ ᬯᬘᬦᬦ᭄ᬩᭂᬮᬶᬦᬾᬧᬸᬢᬸᬲ᭄᭞ᬫᬢᬸᬗ᭄ᬓᭂᬤ᭄ᬢᬸᬢᬹᬃᬉᬢ᭄ᬢᬫ᭟᭒᭕᭟ᬤᬸᬭᬸᬲᬂᬇᬘ᭄ᬙᬦᬾᬫᬗ᭄ᬓᬶᬦ᭄᭞ᬫᬲᬫᬵᬥᬶᬦᬾᬭᬶᬂᬢᬶᬢ᭄ᬬᬂ᭞ᬤᬾᬦᬶᬂᬢᬶᬢ᭄ᬬᬂᬮᬶᬦ᭄ᬢᬂᬩ᭄ᬮᭀᬕ᭄᭞ ᬤᬾᬭᬾᬂᬢᬢᬲ᭄ᬭᬶᬂᬓᬮᬶᬗᬦ᭄᭞ᬓᭀᬮᬸᬩ᭄ᬢᬶᬢ᭄ᬬᬂᬗᬾᬓᬮᬶᬦ᭄ᬢᬂ᭞ᬜᬹᬓ᭄ᬱ᭄ᬫᬬᬂᬭᬱᬦᬶᬂᬢᬸᬢᬹᬃ᭟ᬬᬦ᭄ᬳᬶᬯᬂᬲᬶᬦᬵᬫ᭄ᬧᬹᬭ[strike]ᬬᬂ᭟᭜᭚ᬧᬸᬧᬸᬄᬰ᭄ᬭᬷᬦᬵᬣ᭞ ᭚᭑᭟ᬕᭂᬦ᭄ᬢᭀᬲᬶᬦ᭄ᬫᬗ᭄ᬓᬶᬦ᭄ᬫᬢᭂᬫ᭄ᬩᬂ᭞ᬰ᭄ᬭᬷᬦᬵᬣᬳᬗ᭄ᬕᬾᬦ᭄‌ᬜᬫ᭄ᬩᬸᬗᬶᬦ᭄᭞ᬦᬸᬢᬸᬕᬂᬢᬸᬢᬹᬃᬧᬸᬦᬶᬓ᭞ᬦᬾᬩᬯᬸᬳᬸᬘᬧᬂᬩ᭄ᬮᬶ᭞ᬢᬶᬗ᭄ᬓᬳᬾᬦᬗᬸᬦ᭄ᬲᬫᬥᬶ᭞ᬫᬶᬲᬵ [᭖ 6A] ᬥ᭄ᬬᬫᬭᬕᬧᬸᬢᬸᬲ᭄᭞ᬧᬸᬦᬶᬓᬫᬗ᭄ᬓᬶᬦ᭄‌ᬢᬸᬢᬹᬭᬂ᭞ᬤᬾᬦᬶᬂᬩ᭄ᬮᬶᬲᬵᬫ᭄ᬧᬸᬦ᭄ᬳᬸᬦᬶᬂ᭞ᬲᬸᬩᬧᬸᬢᬸᬲ᭄᭞ᬲᬲᬳᬶᬫᬶᬜ᭄ᬘᭂᬭᬰᬵᬲ᭄ᬢ᭄ᬭᬵ᭟᭒᭟ᬳᬶᬓᬯᬷᬰ᭄ᬯᬭᬳᬗᬸᬘ ᬧ᭄᭞ᬲᬚᬩᬸᬓᬓᬾᬢᭀᬳᬤᬶ᭞ᬤᭀᬂᬚᬩ᭄ᬮᬶᬜᬸᬫ᭄ᬩᬗᬂᬳᬯᬓ᭄᭞ᬚᬦᬶᬩᭂᬮᬶᬫᬗᭀᬭᬳᬶᬦ᭄᭞ᬢᬶᬗ᭄ᬓᬳᬾᬦᬗᬋᬦ᭄ᬲᬫᬵᬥᬶ᭞ᬳᬤᬤᬶᬰᬵᬲ᭄ᬢ᭄ᬭᬦᬾᬫᬸ ᬗ᭄ᬕᬸᬄ᭞ᬫᬗ᭄ᬤᬤᬲᬭᬶᬦ᭄ᬩᬵᬦ᭄‌ᬓᭂᬤᬲ᭄᭞ᬲᬵᬃᬯ᭄ᬯᬳᬮᬸᬲ᭄ᬮᬸᬭᬸᬲ᭄ᬳᬢᬶ᭞ᬲᬓᬾᬂᬮᬸᬭᬸᬲ᭄᭞ᬳᬦ᭄ᬢᬸᬓ᭄ᬫᬶᬜ᭄ᬘᭂᬭᬂᬧᬶᬢᬸᬗᬦ᭄᭟᭓᭟ᬧᬶᬢᬸᬗᬦᬾᬳᭂᬤᬗᬯᬕ᭄᭞ᬢᬸ ᬚᬸᬯᬂᬫᬦᬳᬾᬳ᭄ᬦᬶᬂ᭞ᬫᬓᬢᬸᬂᬢᬸᬗᬶᬂᬧᬗ᭄ᬭᬱ᭞ᬭᬱᬦᬾᬚ᭄ᬭᭀᬦᬶᬂᬳᬢᬶ᭞ᬦᬵᬗ᭄ᬳᬶᬂᬧᬦ᭄ᬢᭂᬲᬂᬗᬾᬮᬶᬗᬶᬦ᭄᭞ᬲᬓᬾᬂᬧᬦ᭄ᬢᭂᬲ᭄‌ᬫᬗ᭄ᬕᭂᬄᬧᬵᬢᬹᬢ᭄᭞ᬲᬓᬾᬂᬧᬵᬢᬹᬢ᭄ᬫ

Auto-transliteration

[5 5B] 5 śinom 24. dasarinyogasamādhitungtungingdhar̀mmalakṣaṇā, huntĕngemanger̀thyangraga, hiraśuttamahangucap, hakidiktanwentĕnsingsal, wacananbĕlineputus, matungkĕdtutūr̀uttama. 25. durusangicchanemangkin, masamādhineringtityang, deningtityanglintangblog, derengtatasringkalingan, kolubtityangngekalintang, ñūkṣmayangraṣaningtutūr̀. yanhiwangsināmpūra[strike]yang. • // pupuḥśrīnātha, // 1. gĕntosinmangkinmatĕmbang, śrīnāthahanggenñambungin, nutugangtutūr̀punika, nebawuhucapangbli, tingkahenangunsamadhi, misā [6 6A] dhyamaragaputus, punikamangkintutūrang, deningblisāmpunhuning, subaputus, sasahimiñcĕraśāstrā. 2. hikawīśwarahanguca p, sajabukaketohadi, dongjabliñumbanganghawak, janibĕlimangorahin, tingkahenangar̥ĕnsamādhi, hadadiśāstranemu ngguḥ, mangdadasarinbānkĕdas, sār̀wwahaluslurushati, sakenglurus, hantukmiñcĕrangpitungan. 3. pitunganehĕdangawag, tu juwangmanahehning, makatungtungingpangraṣa, raṣanejroninghati, nānghingpantĕsangngelingin, sakengpantĕsmanggĕḥpātūt, sakengpātūtma

Leaf 6

Image on Archive.org

[᭖ 6A] ᭖ ᬗ᭄ᬕᬶᬄᬯ᭄ᬦᬂ᭞ᬜᬸᬫᬸᬦᬶᬦ᭄ᬫᬦᬳᬾᬳᭂᬦᬶᬂ᭞ᬳᭂᬦᬶᬂᬳᬶᬓᬸ᭞ᬗᬯᭂᬢ᭄ᬯᬂᬩᬾᬢᬾᬮ᭄‌ᬢᬶᬗ᭄ᬳᬮᬾᬲᬸᬚᬵᬢᬶᬘ᭄ᬮᬂ᭞ᬳᭂᬦ᭄ᬢᭀᬤᬤᬶᬩᬸᬮᬓ᭄ᬩᬮᬶᬓ᭄᭞ᬲᬸᬚᬵ ᬢᬶᬦᬾᬦ᭄ᬫᬸᬕ᭄ᬮᬂ᭞ᬫᬲᬶᬄᬲᭂᬗ᭄ᬓᬩᬵᬦ᭄ᬗᬶᬗᭂᬢᬶᬦ᭄᭞ᬲᬶᬧᬢᬶᬂᬭᬕᬦᬾᬚᬵᬢᬶ᭞ᬲᬸᬩᬧᬥᬤᬶᬢᬸ᭞ᬮᬫᬸᬦ᭄ᬩᬶᬱᬫᬦᬸᬗ᭄ᬕᬮᬂ᭞ᬧᬢ᭄ᬫᬸᬦᬶᬂᬧᬢᬶᬉᬭᬶᬧ᭄᭞ᬳᬸᬮᬶᬤᬶᬢᬸ᭞᭠ ᬯᭂᬢᬸᬬᬭᬱᬦᬶᬂᬢᬶᬸᬗ᭄ᬕᬶᬸᬮ᭄[strike]ᬢᬶᬗ᭄ᬳᬮ᭄᭟᭕᭟ᬧᬗᬯᬲᬾᬫᬗ᭄ᬤᬢ᭄ᬭᬂ᭞ᬦ᭄ᬭᬯᬂᬫᬦᬳᬾᬳᭂᬦᬶᬂ᭞ᬳᭂᬦᬶᬗᬾᬲᬸᬚᬵᬢᬶᬫᬹᬮ᭄ᬬ᭞ᬧᬸᬦᬶᬓᬯᬦ᭄ᬢᬄᬧᬢᬶᬢᬶᬲ᭄᭞ᬦᬵᬗ᭄ᬳᬶᬂᬩᭂ ᬘᬶᬓᬂᬗᬾᬮᬶᬗᬶᬦ᭄᭞ᬩᬸᬓᬧᬸᬢᬶᬄᬧᬸᬢᬶᬄᬮ᭄ᬬᬸ᭞ᬲᬵᬫ᭄ᬧᬸᬦᬂᬓᬲᬫᬭᬦ᭄᭞ᬬᬦ᭄ᬲᬫᬃᬭᬱᬦᬾᬓᬭᬶ᭞ᬳᭂᬤᬦ᭄ᬤᬾᬦ᭄ᬗᬸᬕᬸ᭞ᬓᬭᬶᬓᬢ᭄ᬓᭂᬧ᭄‌ᬩᬵᬦ᭄‌ᬲᬾᬢᬦ᭄ [᭗ 7A] ᭟᭖᭟ᬲᬸᬚᬢᬶᬦᬾᬦᭀᬭᬤᬤ᭄ᬯ᭞ᬤᬶᬲᬸᬩᬦᬾᬫᬵᬯᬓ᭄ᬳᭂᬦᬶᬂ᭞ᬳᬮᬳᬬᬸᬦᭀᬭᬲᬫᬃ᭞ᬳᬲᬶᬂᬤᬮᬶᬄᬬᬲᬸᬚᬵᬢᬶ᭞ᬤᬮᬶᬄᬓᬗᬶᬦ᭄ᬚᬵᬢᬶᬓᬗᬶᬦ᭄᭞ᬤ ᬮᬶᬄᬓᬯᬸᬄᬚᬵᬢᬶᬓᬯᬸᬄ᭞ᬬᬦ᭄ᬤᬮᬶᬄᬘᬘᬤ᭄‌ᬬᬘᬘᬤ᭄᭞ᬬᬦᬼᬯᬶᬳᬂᬮᬶᬦ᭄ᬢᬂᬍᬯᬶᬄ᭞ᬬᬦᬶᬂᬚᬸᬚᬸᬄ᭞ᬧᬳᭂᬓ᭄ᬢᬸᬯᬭᬩᬓᬢ᭄‌ᬚ᭄ᬫᬓ᭄᭟᭗᭟ᬤᬾᬦᬶᬂᬫᬸ ᬮᬮᬶᬦ᭄ᬢᬂᬲᭂᬗ᭄ᬓᬵ᭞ᬫᬗᬮᬶᬄᬫᬦᬳᬾᬳ᭄ᬦᬶᬂ᭞ᬓᬾᬯᭂᬄᬧᬘᬂᬫᬕᬸᬭ᭄ᬯᬂ᭞ᬬᬦ᭄ᬭᬸᬭᬸᬄᬩᭀᬬᬓᬧᬗ᭄ᬕᬶᬄ᭞ᬭᬱᬢᭂᬕᭂᬳᬦ᭄ᬭᬶᬂᬮᬗᬶᬢ᭄᭞ᬳᭂᬚᭀᬄᬬᬦᬶᬂᬧᬘᬂᬚᬸᬚᬸᬄ᭞ ᬬᬤ᭄ᬬᬦ᭄ᬳᬓᬾᬄᬕᬕ᭄ᬮᬭᬦ᭄᭞ᬚᭀᬄᬧᬭᬧᬘᬂᬓᬧᬗ᭄ᬕᬶᬄ᭞ᬢᬸᬲᬶᬂᬩᬸᬯᬸᬂ᭞ᬦᬾᬫᭂᬡ᭄ᬥᬧ᭄ᬫᭂᬡ᭄ᬥᬧ᭄‌ᬫᬓᬢᬂ᭟᭘᭟ᬚᬦᬶᬩ᭄ᬮᬶᬜᬭᬶᬢᬬᬂ᭞ᬢᬶᬗ᭄ᬓᬳᬾᬫ

Auto-transliteration

[6 6A] 6 nggiḥwnang, ñumuninmanahehĕning, hĕninghiku, ngawĕtwangbeteltinghalesujāticlang, hĕntodadibulakbalik, sujā tinenmuglang, masiḥsĕngkabānngingĕtin, sipatingraganejāti, subapadhaditu, lamunbiṣamanunggalang, patmuningpati'urip, huliditu, ‐ wĕtuyaraṣaningt̶ngg̶l[strike]tinghal. 5. pangawasemangdatrang, nrawangmanahehĕning, hĕningesujātimūlya, punikawantaḥpatitis, nānghingbĕ cikangngelingin, bukaputiḥputiḥlyu, sāmpunangkasamaran, yansamar̀raṣanekari, hĕdandenngugu, karikatkĕpbānsetan [7 7A] . 6. sujatinenoradadwa, disubanemāwak'hĕning, halahayunorasamar̀, hasingdaliḥyasujāti, daliḥkanginjātikangin, da liḥkawuḥjātikawuḥ, yandaliḥcacadyacacad, yanl̥ĕwihanglintangl̥ĕwiḥ, yaningjujuḥ, pahĕktuwarabakatjmak. 7. deningmu lalintangsĕngkā, mangaliḥmanahehning, kewĕḥpacangmagurwang, yanruruḥboyakapanggiḥ, raṣatĕgĕhanringlangit, hĕjoḥyaningpacangjujuḥ, yadyanhakeḥgaglaran, joḥparapacangkapanggiḥ, tusingbuwung, nemĕṇdhapmĕṇdhapmakatang. 8. janibliñaritayang, tingkahema

Leaf 7

Image on Archive.org

[᭗ 7B] ᭗ ᬗᬮᬶᬄᬳᭂᬦᬶᬂ᭞ᬳ᭄ᬦᬶᬗᬾᬲᬸᬚᬢᬶᬫᬸᬮ᭄ᬬ᭞ᬳᬧᬂᬲᬶᬤ᭄ᬥᬵᬬᬓᬧᬗ᭄ᬕᬶᬄ᭞ᬩᭂᬮᬶᬫᬢᬸᬚᬸᬳᬶᬦ᭄ᬫᬃᬕ᭄ᬕᬶ᭞ᬦᬵᬗ᭄ᬳᬶᬂᬩᭂᬘᬶᬓᬂᬫᬦᬸᬯᬸᬓ᭄᭞ᬧᭂᬤᬲᬂᬳᬧᬗᬢᬯᬂ᭞ᬲ᭄ᬮ ᬦᬶᬂᬭᬵᬳᬶᬦᬯ᭄ᬗᬶ᭞ᬫᬵᬧᬦ᭄ᬤᬶᬢᬸ᭞ᬓ᭄ᬦᭂᬄᬳᬤᬶᬦᬾᬦᬸᬲᬶᬗ᭄ᬲᬮ᭄᭟᭙᭟ᬲᬦᬾᬪᭀᬬᬓᬤᬾᬦ᭄ᬲᬚ᭞ᬲᬦᬾᬢᬸᬳᬸᬓᬤᬾᬦ᭄ᬢᬸᬲᬶᬂ᭞ᬢ᭄ᬯᬶᬕᭂᬮᬄᬢ᭄ᬯᬭᬢ᭠ ᬯᬂ᭞ᬓᬩᬢᭂᬓ᭄ᬫᬦᬳᬾᬧᬮᬶᬂ᭞ᬢ᭄ᬯᬭᬩᬶᬲᬫᬗᬶᬗᭂᬢᬶᬦ᭄᭞ᬩᬵᬦ᭄ᬕᭀᬩᬦᬾᬮᬶᬦ᭄ᬢᬂᬲᬭᬸ᭞ᬧᬫᬹᬃᬢ᭄ᬢᬶᬦᬶᬂᬭᬚᬄᬢᬫᬄ᭞ᬫᬗ᭄ᬭᬸᬪᬾᬤᬚ᭄ᬭᭀᬦᬶᬂᬳᬢᬶ ᭞ᬗᬯᬾᬮᬶᬗ᭄ᬮᬸᬂ᭞ᬓ᭄ᬭᬡᬬᬢᭀᬂᬲᬶᬤ᭄ᬥᬢᬯᬂ᭟᭑᭐᭟ᬤᬩ᭄ᬤᬩᬂᬫ᭠ᬮᬸᬤᬩ᭄ᬤᬩᬂ᭞ᬫᬸᬧᬸᬂᬭᬕᬦᬾᬦᬸᬘ᭄ᬦᬶᬓ᭄᭞ᬫᬮᬚᬄᬦᬶᬗ᭄ᬓᬳᬂᬳᬯᬓ᭄᭞᭠ᬫ [᭘ 8A] ᬥᬃᬫ᭄ᬫᬧᬵᬢᬹᬢᬾᬕᬸᬕᭀᬦᬶᬦ᭄᭞ᬳᭂᬤᬵᬧᬢᬶᬳᬶᬭᬶ[strike/]ᬧ[/strike]ᬳᬢᬶ᭞ᬤᬸᬍᬕ᭄ᬢᭂᬓᬾᬦ᭄ᬳᬦᬓ᭄ᬮᬘᬸᬃ᭞ᬳ᭄ᬥᬩᭀᬗ᭄ᬕᬦ᭄‌ᬢ᭄ᬓᬾᬦ᭄ᬳᬯᬓ᭄᭞ᬮᬕᬸᬢᬾᬓᬳᬸᬘᬧ᭄ᬭᬶᬭᬶᬄ ᭞ᬳᭂᬲᬸᬫ᭄ᬩᬸᬂ᭞ᬫᬗᬸᬗ᭄ᬕᬸᬮᬂᬳᬯᬓ᭄ᬩᬶᬲ᭟᭑᭑᭟ᬢᬶᬭᬸᬢᬶᬭ᭄ᬯᬂᬫᬢᬶᬗ᭄ᬓᬄ᭞ᬤᬶᬭᬕᬕᬮᬶᬄᬕᬮᬶᬳᬶᬦ᭄᭞ᬕᭀᬩᬦᬾᬫᬮᬸᬧᭂᬤᬲᬂ᭞ᬫᭂᬓᬳᬗ᭄ᬕᭀᬦ᭄ᬫᬜᬸ ᬮᬸᬳᬶᬦ᭄᭞ᬤᬶᬢᬸᬲᬸᬩᬲᬶᬦᬄᬕᬢᬶ᭞ᬕᭀᬩᬓᬲᬃᬢ᭄ᬯᬶᬩᬕᬸᬲ᭄᭞ᬤᬶᬫᭂᬓᬦᬾᬬᬵᬫᬮᬯᬢ᭄᭞ᬲᭀᬮᬳᬾᬫᬮᬶᬄᬲᬸᬮᬸᬳᬶᬦ᭄᭞ᬳᬮᬳᬬᬸ᭞ ᬢᬸᬢᬹᬃᬳᬗ᭄ᬕᭀᬦ᭄ᬫᬜᬶᬦᬳᬂ᭟᭑᭒᭟ᬫᬹᬮᬢᭀᬂᬤᬤᬶᬧᬲᬳᬂ᭞ᬤᬶᬭᬕᬦᬾᬢᭀᬫᬢᬶᬦ᭄ᬤᬶᬄ᭞ᬩ᭄ᬓᭂᬮᬾᬦᬸᬫᬥᬶᬚᬦ᭄ᬫᬵ᭞ᬲᬸᬓᬤᬸᬓᬮᬭᬧ

Auto-transliteration

[7 7B] 7 ngaliḥhĕning, hningesujatimulya, hapangsiddhāyakapanggiḥ, bĕlimatujuhinmar̀ggi, nānghingbĕcikangmanuwuk, pĕdasanghapangatawang, sla ningrāhinawngi, māpanditu, knĕḥhadinenusingsal. 9. sanebhoyakadensaja, sanetuhukadentusing, twigĕlaḥtwarata‐ wang, kabatĕkmanahepaling, twarabisamangingĕtin, bān'gobanelintangsaru, pamūr̀ttiningrajaḥtamaḥ, mangrubhedajroninghati , ngawelinglung, kraṇayatongsiddhatawang. 10. dabdabangma‐ludabdabang, mupungraganenucnik, malajaḥningkahanghawak, ‐ma [8 8A] dhar̀mmapātūtegugonin, hĕdāpatihiri[strike/]pa[/strike]hati, dul̥ĕgtĕkenhanaklacur̀, hdhabonggantkenhawak, lagutekahucapririḥ , hĕsumbung, mangunggulanghawakbisa. 11. tirutirwangmatingkaḥ, diragagaliḥgalihin, gobanemalupĕdasang, mĕkahanggonmañu luhin, ditusubasinaḥgati, gobakasar̀twibagus, dimĕkaneyāmalawat, solahemaliḥsuluhin, halahayu, tutūr̀hanggonmañinahang. 12. mūlatongdadipasahang, diraganetomatindiḥ, bkĕlenumadhijanmā, sukadukalarapa

Leaf 8

Image on Archive.org

[᭘ 8B] ᭘ ᬢᬶ᭞ᬦᬵᬗ᭄ᬳᬶᬂᬫᬗ᭄ᬤᬢ᭄ᬭᬂᬳᬸᬦᬶᬂ᭞ᬧᬦᬗ᭄ᬓᬦᬾᬧᬘᬂᬭᬯᬸᬄ᭞ᬲᬸᬮᬸᬄᬩᬳᬦ᭄ᬓᬤ᭄ᬬᬢ᭄ᬫᬶᬓᬦ᭄᭞ᬧ᭄ᬢᭂᬂᬍᬫᬄᬧᬮᬚᬳᬶᬦ᭄᭞ᬳ᭄ᬥᬜᬮᬶᬫᬸᬃ᭞ᬢᬸᬢᬹᬭᬾᬧ᭄ᬤᬲ᭄ ᬧᭂᬤᬲᬂ᭟᭑᭓᭟ᬤ᭄ᬬᬧᬶᬦ᭄‌ᬮ᭄ᬬᬸᬦᬫ᭄ᬧᬶᬂᬮᭀᬦ᭄ᬢᬃ᭞ᬫᬶᬯᬄᬓᬶᬢᬩ᭄‌ᬍᬯᬶᬄᬍᬯᬶᬄ᭞ᬮᬫᬸᬦ᭄‌ᬢ᭄ᬯᬭᬳᬤᬢᬯᬂ᭞ᬗᬶᬗᭂᬭᬂᬩᬲᬲᬲᬶᬫ᭄ᬩᬶᬂ᭞ᬫ᭄ᬮᬳᬦ᭄ᬲᭂᬧᭂ ᬮ᭄ᬳᬧᬂᬳᬶᬮᬶᬤ᭄᭞ᬮᬫᬸᬦ᭄‌ᬢ᭄ᬯᬭᬩᬶᬱᬫᭂᬮᬸᬢ᭄᭞ᬩᬱᬚᬯᬤᬷᬃᬖ᭄ᬕᬵᬧ᭄ᬮᬸᬢ᭄ᬣᬵ᭞ᬢᬢᬶᬕᬲᬗ᭄ᬓᬦᬶᬂᬚᬵᬢᬶ᭞ᬳᬦᬓ᭄‌ᬮ᭄ᬬᬸ᭞ᬜᬸᬗ᭄ᬓᭂᬫᬶᬦ᭄ᬳᬶᬥᭂᬧ᭄ᬳᬶᬥᭂᬧᬦ᭄ ᭟᭑᭔᭟ᬓᬾᬯᬮᬩᬶᬲᬫᬫᬘ᭞ᬲᬸᬩᬬᬫᬗᬗ᭄ᬓᭂᬦ᭄ᬭᬶᬭᬶᬄ᭞ᬘᬭᬵᬚᬦᬶᬲᬸᬩᬢᬯᬂ᭞ᬧ᭄ᬢᬦᬾᬲᬮᬾᬂ;ᬳᬶᬗ᭄ᬕᬾᬦᬶᬦ᭄᭞ᬓᬝᬵᬄᬫᬧᬶᬫᬧᬶᬳᬸᬦᬶᬂ᭞ᬩ [᭙ 9A] ᬦ᭄‌ᬮ᭄ᬬᬸᬦᬾᬦᬯᬂᬳᬸᬡ᭄ᬥᬸᬓ᭄᭞ᬓᬭᬶᬭ᭄ᬬᬦᬾᬤ᭄ᬫᭂᬦ᭄ᬗᭀᬃᬣ᭞ᬦᬵᬗ᭄ᬳᬶᬂᬢᭀᬂᬳᬤᬫᬪᬸᬓ᭄ᬢᬶ᭞ᬳ᭄ᬥᬵᬦ᭄ᬤᬾᬦ᭄‌ᬗᬸᬕᬸ᭞ᬫᬮᬄᬗᬤᬾᬦ᭄ᬳᬦᬓ᭄ᬩᬶᬲ᭟᭑᭕᭟ᬮᬶᬂᬮᬶᬂ ᬲᬓᬾᬂᬲᬲᭀᬮᬳᬦ᭄᭞ᬮᬫᬸᬦ᭄ᬚᬢᬶᬳᬦᬓ᭄ᬳᬸᬦᬶᬂ᭞ᬳᬶᬲᬶᬦᬶᬂᬰᬵᬲ᭄ᬢ᭄ᬭᬦᬾᬧᭀᬮᭀᬲ᭄᭞ᬦᬾᬚᬵᬢᬶᬧᬓᬃᬬ᭄ᬬᬦ᭄ᬯᬶᬥᬷ᭞ᬢ᭄ᬯᬭᬳ᭄ᬦᬸᬗᬗ᭄ᬕᭀᬦ᭄ᬫᬶᬭᬶᬩ᭄᭞ᬭ ᬲᬦᬾᬲᬸᬩᬭᬶᬂᬓᬳ᭄ᬬᬸᬦ᭄᭞ᬢᬶᬗ᭄ᬓᬄᬓᬤᬶᬩ᭄ᬮᭀᬕ᭄‌ᬧᭀᬮᭀᬲ᭄᭞ᬦᬵ᭠ᬗ᭄ᬳᬶᬂᬓᬾᬭᬶᬭᬶᬄᬲᬸᬚᬵᬢᬶ᭞ᬲᬸᬩᬧᬸᬢᬸᬲ᭄᭞ᬗᬗ᭄ᬕᬾᬥᬃᬫ᭄ᬫᬓᬥ᭄ᬬᬢ᭄ᬫᬶᬓᬦ᭄᭟᭑ ᭖᭟ᬮ᭄ᬬᬸᬳᬚᬓ᭄ᬗᬮᬶᬄᬥᬃᬫ᭄ᬫ᭞ᬫᬗᬸᬗ᭄ᬲᬶᬰ᭄ᬯᬃᬕᬦᬾᬍᬯᬶᬄ᭞ᬫᬗ᭄ᬭᬲᬸᬓ᭄‌ᬢᬸᬢᬹᬃᬓᬫᭀᬓ᭄ᬱᬦ᭄᭞ᬩ᭄ᬭᬳ᭄ᬫᬫᭀᬫ᭄ᬢᬄᬭᬚᬧᬾᬡᬷ᭞ᬫᬢᬶᬢᬶᬲ᭄ᬩᬳ

Auto-transliteration

[8 8B] 8 ti, nānghingmangdatranghuning, panangkanepacangrawuḥ, suluḥbahankadyatmikan, ptĕngl̥ĕmaḥpalajahin, hdhañalimur̀, tutūrepdas pĕdasang. 13. dyapinlyunampinglontar̀, miwaḥkitabl̥ĕwiḥl̥ĕwiḥ, lamuntwarahadatawang, ngingĕrangbasasasimbing, mlahansĕpĕ lhapanghilid, lamuntwarabiṣamĕlut, baṣajawadīr̀ghgāplutthā, tatigasangkaningjāti, hanaklyu, ñungkĕminhidhĕp'hidhĕpan . 14. kewalabisamamaca, subayamangangkĕnririḥ, carājanisubatawang, ptanesaleng;hinggenin, kaṭāḥmapimapihuning, ba [9 9A] nlyunenawanghuṇdhuk, kariryanedmĕnngor̀tha, nānghingtonghadamabhukti, hdhāndenngugu, malaḥngadenhanakbisa. 15. lingling sakengsasolahan, lamunjatihanak'huning, hisiningśāstranepolos, nejātipakar̀yyanwidhī, twarahnunganggonmirib, ra sanesubaringkahyun, tingkaḥkadiblogpolos, nā‐nghingkeririḥsujāti, subaputus, nganggedhar̀mmakadhyatmikan. 1 6. lyuhajakngaliḥdhar̀mma, mangungsiśwar̀ganel̥ĕwiḥ, mangrasuktutūr̀kamokṣan, brahmamomtaḥrajapeṇī, matitisbaha

Leaf 9

Image on Archive.org

[᭙ 9B] ᭙ ᬦ᭄ᬲᬸᬡ᭄ᬥᬭᬶ᭞ᬫ᭄ᬮᬬᬾᬦ᭄ᬲᬶᬤ᭄ᬥᬫᬦᬸᬯᬸᬓ᭄᭞ᬚᬮᬦ᭄ᬕᬦ᭄ᬢᬃᬢᬦᬲᬶᬫ᭄ᬧᬂ᭞ᬩ᭄ᬦᭂᬄᬓ᭄ᬮᭀᬤ᭄ᬳᬸᬮᬶᬤᬶᬦᬶ᭞ᬳᭂᬦ᭄ᬢᭀᬢᬸᬚᬸ᭞ᬦᬾᬫᬵᬤᬦ᭄‌ᬰ᭄ᬯᬃᬕ᭄ᬕᬥᬓ᭄ᬱᬶᬡᬵ᭟᭑ ᭗᭟ᬳᭂᬦ᭄ᬢᭀᬰ᭄ᬯᬃᬕ᭄ᬕᬧᬮᬶᬂᬫ᭄ᬮᬄ᭞ᬮ᭄ᬬᬸᬳᬚᬓ᭄ᬫᬗᬸᬮᬢᬶ᭞ᬫᬵᬧᬦ᭄ᬤᬶᬢᬸᬧᬮᬶᬂ᭠ᬢᬶᬗ᭄ᬕᬳᭂ᭞ᬫᬗᬯᬾᬦᬂᬍᬕᬦ᭄ᬳᬢᬶ᭞ᬳᬧᬦᬾᬲ᭄ᬫᬗᬶᬦ᭄‌ᬩᬸᬥᬶ᭞ᬲᬸᬩᬜᬶᬥᬬᬂᬲᬓᬵ᭠ ᬮ᭄ᬬᬸᬦ᭄᭞ᬲᬂᬳ᭄ᬬᬂᬩ᭄ᬭᬳ᭄ᬫᬫᬦᬸᬤᬸᬳᬂ᭞ᬗᬫᬺᬢᬦᬶᬦ᭄ᬲᬳᬶᬲᬳᬶ᭞ᬫᬹᬮᬤᬶᬢᬸ᭞ᬍᬕᬦᬾᬳᬚᬓ᭄ᬫᬓ᭄ᬚᬂ᭟᭑᭘᭟ᬓᬾᬢᭀᬲᬶᬧᬢᬶᬂᬉᬢ᭄ᬢᬫ᭞ᬗᬗ᭄ᬕᭀᬢᬸᬢᬹᬃᬰᬵ᭠ ᬲ᭄ᬢ᭄ᬭᬚᬵᬢᬶ᭞ᬢᬦ᭄ᬓᬭᬶᬓᭀᬮᬸᬕ᭄ᬧᬗ᭄ᬭᬲ᭞ᬳᬤᬶᬲ᭄ᬢᬦᬮᬦ᭄ᬲᬫᬺᬥᬸᬶᬢ᭄ᬢᬶ᭞ᬬᬤ᭄ᬬᬦ᭄ᬉᬢ᭄ᬧ᭄ᬢᬶᬲ᭄ᬢᬶᬢᬶ᭞ᬧ᭄ᬭᬮᬷᬡᬲᬵᬫ᭄ᬧᬸᬦ᭄ᬭᬶᬂᬓᬳ᭄ᬬᬸᬦ᭄᭞ᬯᬶᬲᬄᬫᬶᬯᬄ [᭑᭐ 10A] ᬅᬃᬥᬘᬦ᭄ᬤ᭄ᬭ᭞ᬯᬶᬡ᭄ᬥᬸᬦᬵᬥᬯᬸᬲ᭄ᬗᬭᬜ᭄ᬚᬶᬂ᭞ᬯᬶᬡ᭄ᬥᬸᬢᭂᬮᬸ᭞ᬦᬾᬤᬤ᭄ᬯᬲᬸᬩᬵᬫᬦᬸᬗ᭄ᬕᬮ᭄᭟᭑᭙᭟ᬢ᭄ᬭᬶᬯᬶᬡ᭄ᬥᬸᬲᬚ᭄ᬭᭀᬦᬶᬂᬦᬥ᭞ᬲᬸᬩᬫᬵᬯᬓ᭄ᬲᬹᬃᬬ᭄ᬬᬰᬰᬶᬄ ᭞ᬯᬶᬦ᭄ᬢᬂᬫᬶᬯᬄᬢ᭄ᬭᬗ᭄ᬕᬡᬵ᭞ᬮᬸᬯᬸᬃᬦ᭄ᬬᬯᬶᬦ᭄ᬢᬂᬢ᭄ᬭᬂᬫᬶᬡᬶ᭞ᬢ᭄ᬮᬲ᭄ᬲᬫᬶᬫᬗ᭄ᬭᬜ᭄ᬚᬶᬂ᭞ᬭᬶᬂᬯᬶᬡ᭄ᬥᬸᬰᬹᬜᬦᬾᬫᬲᬸᬓ᭄᭞ᬳᬧᬫᬵᬤᬦ᭄ᬯᬶᬡ᭄ᬥᬸᬱᬹᬜ᭞ᬲᬦᬾᬤᬶᬭᬕᬦᬾᬚ ᬢᬶᬳᭂᬗ᭄ᬓᬾᬧᬸᬦᬶᬓᬸ᭞ᬲᬸᬚᬵᬢᬶᬦᬶᬂᬲᬧ᭄ᬢᬰᬸᬦ᭄ᬬ᭟᭒᭐᭟ᬩᬸᬗ᭄ᬓᬄᬢᬸᬂᬢᬸᬂᬲᬵᬫ᭄ᬧᬸᬦ᭄ᬳᭂᬮᬲ᭄᭞ᬧᬲᬸᬓ᭄ᬯᭂᬢᬸᬲᬵᬫ᭄ᬧᬸᬦ᭄ᬦᬸᬗ᭄ᬕᬶᬮ᭄᭞ᬦᬾᬤᬤ᭄ᬯᬲᬸᬩᬫᬦᬸᬗ᭄ᬕᬮ᭄᭞ ᬧᬢᭂᬫᬸᬦᬶᬂᬲᬸᬤᬸᬓ᭄‌ᬰ᭄ᬯᬭᬶ᭞ᬲᬫᬶᬲᬵᬫ᭄ᬧᬸᬦ᭄‌ᬫᬗ᭄ᬭᬜ᭄ᬚᬶᬂ᭞ᬭᬶᬂᬯᬶᬦᬡ᭄ᬥᬸᬰᬹ᭠ᬦ᭄ᬬᬦᬾᬫᬲᬸᬓ᭄᭞ᬳᭂᬗ᭄ᬓᬾᬦ᭄ᬫᬵᬤᬦ᭄ᬯᬶᬡ᭄ᬥᬸᬰᬹᬦ᭄ᬬ᭞ᬤᬶᬲᬸᬯᬸᬂᬳᭂᬥᭂᬧᬾᬚᬵᬢᬶ᭞ᬲ

Auto-transliteration

[9 9B] 9 nsuṇdhari, mlayensiddhamanuwuk, jalan'gantar̀tanasimpang, bnĕḥklod'hulidini, hĕntotuju, nemādanśwar̀ggadhaksyiṇā. 1 7. hĕntośwar̀ggapalingmlaḥ, lyuhajakmangulati, māpanditupaling‐tinggahĕ, mangawenangl̥ĕganhati, hapanesmanginbudhi, subañidhayangsakā‐ lyun, sanghyangbrahmamanuduhang, ngamr̥ĕtaninsahisahi, mūladitu, l̥ĕganehajakmakjang. 18. ketosipatinguttama, nganggotutūr̀śā‐ strajāti, tankarikolugpangrasa, hadistanalansamr̥ĕdhuitti, yadyanutptistiti, pralīṇasāmpunringkahyun, wisaḥmiwaḥ [10 10A] ar̀dhacandra, wiṇdhunādhawusngarañjing, wiṇdhutĕlu, nedadwasubāmanunggal. 19. triwiṇdhusajroningnadha, subamāwaksūr̀yyaśaśiḥ , wintangmiwaḥtranggaṇā, luwur̀nyawintangtrangmiṇi, tlassamimangrañjing, ringwiṇdhuśūñanemasuk, hapamādanwiṇdhusyūña, sanediraganeja tihĕngkepuniku, sujātiningsaptaśunya. 20. bungkaḥtungtungsāmpunhĕlas, pasukwĕtusāmpunnunggil, nedadwasubamanunggal, patĕmuningsudukśwari, samisāmpunmangrañjing, ringwinaṇdhuśū‐nyanemasuk, hĕngkenmādanwiṇdhuśūnya, disuwunghĕdhĕpejāti, sa

Leaf 10

Image on Archive.org

[᭑᭐ 10B] ᭑᭐ ᬗ᭄ᬓᬦ᭄ᬲᬸᬯᬸᬂ᭞ᬢ᭄ᬯᬭᬗ᭄ᬮᬄᬧᬯᬶᬮᬗᬦ᭄᭟᭒᭑᭟ᬳᭂᬦ᭄ᬢᭀᬫᬵᬤᬦ᭄‌ᬓᬰᬹᬦ᭄ᬬᬢᬦ᭄᭞ᬳᬓᬾᬢᭀᬳᬾᬮᬶᬗᬂᬲᬳᬶ᭞ᬬᬤ᭄ᬬᬧᬶᬦ᭄ᬳᬓᬾᬢᭀᬢᬯᬂ᭞ᬧᬺᬮᬷ ᬡᬳᬤᬶᬢᬦ᭄ᬳᬸᬦᬶᬂ᭞ᬳᬧᬦᬾᬧᬺᬮᬷᬡᬲᬳᬶ᭞ᬳᭂᬦ᭄ᬢᭀᬲᬸᬩᬳᬤᬤᬶ᭠ᬢᬸ᭞ᬲᬕᬾᬢ᭄ᬳᬤᬶᬲᬸᬩᬦᬯᬂ᭞ᬳᬶᬦ᭄ᬤᬬᬂᬯᬗ᭄ᬲᬶᬢᬂᬓᬶᬥᬶᬓ᭄᭞ᬳᭂᬤᬵᬚᬮ᭄ᬬᬸ᭞ ᬲᭀᬓ᭄ᬢᬸᬚᬸᬳᬶᬦ᭄ᬦᬾᬤᬶᬳᬯᬓ᭄᭟᭒᭒᭟ᬳᬶᬭᬰᬹᬢ᭄ᬢᬫᬳᬗᬸᬘᬧ᭄᭞ᬚᬢᬶᬢᬶᬢ᭄ᬬᬂᬤᬸᬭᬸᬂᬳᬸᬦᬶᬂ᭞ᬢᬶᬢ᭄ᬬᬂᬚᬸᬚᬸᬢ᭄ᬫᬦᬸᬦᬲᬂ᭞ᬳᬧᬂᬢᬶᬢ᭄ᬬᬂᬲᬸᬯᬸᬤ᭄ᬧᬮᬶᬂ᭞ᬢᬸᬢᬹᬃ ᬭᬶᬦ᭄ᬢᬶᬢ᭄ᬬᬂᬦᬾᬚᬵᬢᬶ᭞ᬢᬶᬢ᭄ᬬᬂᬫᬶᬲᬥ᭄ᬬᬫᬕᬸᬭᬸ᭞ᬦᬧᬸᬧᬵᬢᬹᬢ᭄ᬉᬧᬓᬭ᭞ᬦᬾᬓᬵᬢᬹᬃᬭᬶᬂᬭᬕᬦ᭄‌ᬩ᭄ᬮᬶ᭞ᬤᬾᬦᬸᬂᬮ᭄ᬬᬹ᭞ᬦᬾᬜᬦ᭄ᬤᬂᬢᬸᬦᬲᬂᬢᬶᬢ᭄ᬬᬂ᭟᭒ [᭑᭑ 11A] ᬕᬶᬡᬤ ᭓᭟ᬚᬦᬶᬩ᭄ᬮᬶᬫᬫᬦ᭄ᬢᭂᬲᬂ᭞ᬳᭂᬗ᭄ᬓᬾᬦ᭄‌ᬩ᭄ᬦᭂᬄᬳᭂᬗ᭄ᬓᬾᬦ᭄ᬧᭂᬮᬶᬄ᭞ᬢᬶᬢ᭄ᬬᬂᬩ᭄ᬮᭀᬕ᭄‌ᬢ᭄ᬯᬭᬦᬯᬂ᭞ᬫᬗᬶᬗᭂᬢᬶᬦ᭄ᬫᬮᬸᬓᬸᬭᬶ᭞ᬓᬾᬯᬮᬓᭀᬚᬭᬶᬂᬅᬚᬶ᭞ᬧᬗ᭄ᬕᬶᬄᬢᬶ ᬢ᭄ᬬᬂᬜᬦ᭄ᬢᬸᬂᬜᬦ᭄ᬢᬸᬂ᭞ᬢᬶᬢ᭄ᬬᬂᬓᬾᬯᬮᬗᭀᬦᬾᬓᬂ᭞ᬢ᭄ᬯᬭᬩᬶᬱᬫᬗ᭄ᬭᬲ᭠ᬦᬶᬦ᭄᭞ᬓᬤᬮᬸᬫᬸᬓ᭄᭞ᬓᬤᬶᬧᬘ᭄ᬭᬓᬾᬦᬾᬮᬶᬗᭂᬩᬂ᭟᭒᭔᭟ᬢ᭄ᬯᬭᬓᬭ᭄ᬯᬦ᭄ᬫᬲᬸ ᬮᬸᬭᬦ᭄᭞ᬫᬵᬤᬸᬓᬦ᭄ᬤᬤᬶᬳᬩᭂᬲᬶᬓ᭄᭞ᬳᬗᭂᬢ᭄ᬳᬗᭂᬢ᭄ᬳᬶᬲᬶᬦ᭄ᬤ᭄ᬭᭀᬂᬯᬬᬄ᭞ᬩᬱᬦ᭄‌ᬩ᭄ᬯᬢ᭄ᬲᬂᬯ᭄ᬯᬳᭂᬢᬶᬲ᭄᭞ᬢᭀᬂᬓ᭄ᬦᬩᬵᬦ᭄ᬗᬶᬗᭂᬢᬶᬦ᭄᭞ᬳᭂᬗ᭄ᬓᬾᬦ᭄ᬕᬩᬕ᭄‌ᬳᭂ ᬗ᭄ᬓᬾᬦ᭄ᬲᬯᬸᬧ᭄᭞ᬫᬗ᭄ᬓᬶᬦ᭄ᬩᭂᬮᬶᬫᬫᬵᬢᬹᬢᬂ᭞ᬫᬫᬶᬮᬶᬳᬶᬦ᭄ᬲᭂᬓᬩᭂᬲᬶ᭠ᬓ᭄᭞ᬳ᭄ᬥᬕᬸᬧᬸᬄ᭞ᬕᬶᬡᬤᬫᬗ᭄ᬓᬶᬦ᭄‌ᬗ᭄ᬮᬦ᭄ᬢᬸᬭᬂ᭚᭜᭚ᬧᬸᬄᬕᬶᬡ᭄ᬤᬵ᭟

Auto-transliteration

[10 10B] 10 ngkansuwung, twaranglaḥpawilangan. 21. hĕntomādankaśūnyatan, haketohelingangsahi, yadyapinhaketotawang, pr̥ĕlī ṇahaditanhuning, hapanepr̥ĕlīṇasahi, hĕntosubahadadi‐tu, saget'hadisubanawang, hindayangwangsitangkidhik, hĕdājalyu, soktujuhinnedihawak. 22. hiraśūttamahangucap, jatitityangdurunghuning, tityangjujutmanunasang, hapangtityangsuwudpaling, tutūr̀ rintityangnejāti, tityangmisadhyamaguru, napupātūtupakara, nekātūr̀ringraganbli, denunglyū, neñandangtunasangtityang. 2 [11 11A] giṇada 3. janiblimamantĕsang, hĕngkenbnĕḥhĕngkenpĕliḥ, tityangblogtwaranawang, mangingĕtinmalukuri, kewalakojaringaji, panggiḥti tyangñantungñantung, tityangkewalangonekang, twarabiṣamangrasa‐nin, kadalumuk, kadipacrakenelingĕbang. 24. twarakarwanmasu luran, mādukandadihabĕsik, hangĕt'hangĕt'hisindrongwayaḥ, baṣanbwatsangwwahĕtis, tongknabānngingĕtin, hĕngken'gabag'hĕ ngkensawup, mangkinbĕlimamātūtang, mamilihinsĕkabĕsi‐k, hdhagupuḥ, giṇadamangkinnglanturang // • // puḥgiṇdā.

Leaf 11

Image on Archive.org

[᭑᭑ 11B] ᭑᭑ ᭑᭟ᬕᭂᬦ᭄ᬢᭀᬲᬶᬦ᭄‌ᬚᬦᬶᬩᬵᬦ᭄ᬢᬶᬫ᭄ᬩᬂ᭞ᬕᬶᬦᬵᬤᬳᬗ᭄ᬕᭀᬦ᭄ᬜᬫ᭄ᬩᬸᬗᬶᬦ᭄᭞ᬳᬗ᭄ᬕᭀᬦ᭄ᬦᬸᬢᬸᬕᬂᬓᬭᬹᬡᬵ᭞ᬓᬾᬯᬮᬬᬵᬩᬶᬲᬫᬸᬧᬸᬄ᭞ᬫᬸᬜᬶᬩᬮᬷᬧᬧᭀᬮᭀᬲ ᬦ᭄᭞ᬦᬸᬮᬄᬜᬭᬶᬓ᭄᭞ᬳᬢᬹᬃᬢᬶᬢ᭄ᬬᬂᬢᬦ᭄ᬧᬧᬹᬃᬯ᭄ᬯ᭟᭒᭟ᬢᬶᬢ᭄ᬬᬂᬩᬦᬶᬓᬓ᭄ᬥᬾᬓᬂ᭞ᬇᬭᬶᬓᬶᬭᬶᬂᬳᬚᭂᬂᬩ᭄ᬮᬶ᭞ᬢᬶᬢ᭄ᬬᬂᬫᬵᬢᬹᬃᬗᬯᬕ᭄ᬳᬯᬕ᭄᭞ᬢᬦᬶᬓᬗᬶᬦ᭄ ᬢᬦᬶᬓᬯᬸᬄ᭞ᬫᬢᬸᬯᬹᬢᬶᬦ᭄‌ᬘᬭᬯᬶᬓᬦ᭄᭞ᬬᬾᬦᬶᬂᬧ᭄ᬮᬶᬄ᭞ᬳ᭄ᬤᬩᬗᭂᬢ᭄ᬫᬦᬸᬓᬬᬂ᭟᭓᭟ᬧᬸᬦᬶᬓᬢᬸᬦᬲᬂᬢᬶᬢ᭄ᬬᬂ᭞ᬯᬾᬦ᭄ᬢᭂᬦ᭄ᬓᬾᬩ᭄ᬮᬶᬫᬫᬗ᭄ᬕᬶᬄ᭞ᬢᬸ ᬢᬹᬃᬘᬢᬸᬃᬮᭀᬓᬨᬮ᭞ᬧᬜ᭄ᬘᬯᬶᬱᬮᬧᬸᬦᬶᬓᬸ᭞ᬫᬶᬯᬄᬫᬡᬶᬓ᭄ᬅᬱ᭄ᬝᬕᬶᬡᬵ᭞ᬯᬾᬦ᭄ᬢᭂᬦ᭄‌ᬫᬮᬶᬄ᭞ᬦᬾᬫᬵᬤᬦ᭄ᬫᬡᬷᬓ᭄ᬲᬓ᭄ᬘᬧ᭄᭟᭔᭟ [᭑᭒ 12A] ᬓᭀᬘᬧ᭄ᬢᭀᬂᬤᬤᬶᬩ᭄ᬮᬲᬂ᭞ᬫᬹᬮᬧᬶᬘ᭄ᬙᬦ᭄ᬲᬂᬳ᭄ᬬᬂᬯᬶᬥᬷ᭞ᬢᭂᬓᬦᬶᬂᬭᬵᬕᬯᬶᬰᬬ᭞ᬦᬗ᭄ᬳᬶᬂᬓᬾᬳᬧᬗᬧᬵᬢᬹᬢ᭄᭞ᬚᬦᬶᬩᬳᬦ᭄ᬫᬦᬶᬗ᭄ᬓᬳᬂ᭞ᬳᭂᬤ ᬕᬸᬜ᭄ᬘᬶᬄ᭞ᬧᭂᬤᬲᬂᬳᬧᬗᬢᬯᬂ᭟᭕᭟ᬩ᭄ᬯᬶᬦ᭄ᬳᭂᬦ᭄ᬢᭀᬜᬫᬦᬾᬧᬢ᭄‌ᬧᬢ᭄᭞ᬓᭀᬘᬧ᭄ᬩᬋᬂᬳᬚᬓ᭄ᬫᬶᬚᬶᬮ᭄᭞ᬫᬸᬗ᭄ᬕ᭄ᬯᬶᬂᬢᬸᬢᬹᬃᬓᬡ᭄ᬥᬵᬳᭂᬫ᭄ᬧᬢ᭄᭞ᬗᭂᬫ᭄ ᬧᬸᬭᬕᬦᬾᬲᬢᬸᬯᬸᬓ᭄᭞ᬢ᭄ᬯᬭᬩᬶᬲᬢᬳᬾᬦ᭄‌ᬩ᭄ᬮᬲ᭄᭞ᬓᬬᬂᬫᬢᬶ᭞ᬫᬲᬶᬄᬳᭂᬦ᭄ᬢᭀᬫᬦᬦ᭄ᬤᬦᬂ᭟᭖᭟ᬓᬾᬦ᭄ᬓᬾᬦ᭄ᬯᬗ᭄ᬲᬶᬢ᭄ᬜᬢᭀᬢᭀᬦᬦ᭄᭞ᬲᬸ ᬩᬢᬳᭂᬦ᭄ᬩᭂᬮᬶᬫᬗ᭄ᬕᬶᬄ᭞ᬫᬮᬫᬾᬗᬓ᭄ᬯᬶᬦ᭄ᬜᬫ᭞ᬗᬸᬤᬢ᭄ᬯᬭᬢ[strike/]ᬦ[/strike]ᬳᬾᬦ᭄᭞ᬤᭀᬂᬓᬾᬲᬮᬄᬧᬗᬃᬯ᭄ᬬᬦ᭄᭞ᬳᬸᬮᬢ᭄ᬜᬤᬶᬦ᭄᭞ᬩᭂᬮᬶ

Auto-transliteration

[11 11B] 11 1. gĕntosinjanibāntimbang, ginādahanggonñambungin, hanggonnutugangkarūṇā, kewalayābisamupuḥ, muñibalīpapolosa n, nulaḥñarik, hatūr̀tityangtanpapūr̀wwa. 2. tityangbanikakdhekang, irikiringhajĕngbli, tityangmātūr̀ngawag'hawag, tanikangin tanikawuḥ, matuwūtincarawikan, yeningpliḥ, hdabangĕtmanukayang. 3. punikatunasangtityang, wentĕnkeblimamanggiḥ, tu tūr̀catur̀lokaphala, pañcawiṣalapuniku, miwaḥmaṇikaṣṭagiṇā, wentĕnmaliḥ, nemādanmaṇīksakcap. 4. [12 12A] kocaptongdadiblasang, mūlapicchansanghyangwidhī, tĕkaningrāgawiśaya, nanghingkehapangapātūt, janibahanmaningkahang, hĕda guñciḥ, pĕdasanghapangatawang. 5. bwinhĕntoñamanepatpat, kocapbar̥ĕnghajakmijil, munggwingtutūr̀kaṇdhāhĕmpat, ngĕm puraganesatuwuk, twarabisatahenblas, kayangmati, masiḥhĕntomanandanang. 6. kenkenwangsitñatotonan, su batahĕnbĕlimanggiḥ, malamengakwinñama, ngudatwarata[strike/]na[/strike]hen, dongkesalaḥpangar̀wyan, hulatñadin, bĕli

Leaf 12

Image on Archive.org

[᭑᭒ 12B] ᭑᭒ ᬗᬤᬾᬦ᭄ᬥᬸᬢ[strike/]ᬢ[/strike]ᬧ᭄ᬧᬢ᭄᭟᭗᭟ᬳᬵᬄᬩᭀᬬᬳᭂᬦ᭄ᬢᭀᬲᬚ᭞ᬩᭀᬬᬳᭂᬦ᭄ᬢᭀᬗᭂᬫ᭄ᬧᬸᬳᬸᬭᬶᬧ᭄᭞ᬓᬾᬯᬮᬓ᭄ᬘᬧ᭄ᬭᬶᬂᬭᭀᬦ᭄ᬢᬮ᭄᭞ᬭᬕᬦᬾᬢᬼᬩ᭄ᬫᬗᬸᬕᬸ᭞ ᬤᬾᬦᬶᬂᬳᬦᬾᬓᬳᬸᬘᬧ᭄᭞ᬳᬯᬓ᭄ᬧᬮᬶᬂ᭞ᬫᬗᬸᬕᬸᬳᬶᬥᭂᬧ᭄ᬳᬶᬥᭂᬧᬦ᭄᭟᭘᭟ᬳ᭄ᬤᬲᬾᬧᬦ᭄ᬫᬗᭂᬦ᭄ᬤᭂᬮᬂ᭞ᬳᬮᬶᬄᬲᬫᬺᬢᬶᬦᬾᬚᬵᬢᬶ᭞ᬩᬸᬓ᭄ᬢᬶᬬᬂᬳᬲᬂᬲᬓ ᬮ᭞ᬤᭀᬄᬧᬭᬬᬢ᭄ᬯᬭᬢᭂᬧᬸᬓ᭄᭞ᬜᬫᬦᬾᬫᬸᬗ᭄ᬕᬸᬄᬭᬶᬂᬭᬕ᭞ᬫᬹᬮᬰᬓ᭄ᬢᬶ᭞ᬯᬶᬰᬾᬱᬫᬗ᭄ᬭᬓ᭄ᬱᬚᬷᬯ᭟᭙᭟ᬳᬤᬯᬗ᭄ᬲᬶᬢ᭄ᬓᬫᬶᬫᬶᬢᬦ᭄᭞ᬲᬵᬕᬭ ᬕᬸᬂᬢᬦ᭄ᬧᬢᭂᬧᬶ᭞ᬢᭀᬬᬦᬾᬲᬾᬦ᭄ᬤᭀᬓ᭄‌ᬩᬵᬦ᭄ᬢᭀᬬ᭞ᬓᬮᬯᬦ᭄‌ᬕᬮᬶᬳᬶᬂᬓᬗ᭄ᬓᬸᬂ᭞ᬫᬵᬮᬶᬄᬓᭀᬘᬧ᭄ᬯᬾᬦ᭄ᬢᭂᬦ᭄ᬭᭀᬦ᭄ᬢᬮ᭄᭞ᬢᬦ᭄ᬧᬢᬸᬮᬶᬲ᭄ [᭑᭓ 13A] ᭞ᬓᬾᬦ᭄ᬓᬾᬦ᭄ᬩᬳᬦ᭄ᬗᬫᬸᬜᬶᬬᬂ᭟᭑᭐᭟ᬤᬶᬚᬕ᭄ᬦᬳᬾᬢᭀᬢᭀᬦᬦ᭄᭞ᬳᭂᬦ᭄ᬢᭀᬋᬓᭀᬲᬦᬾᬮ᭄ᬯᬶᬄ᭞ᬰᬓ᭄ᬢᬶᬗᬾᬩᭂᬓ᭄ᬭᬶᬂᬚᬕᬢ᭄᭞ᬳᭂᬦ᭄ᬢᭀᬜᬦ᭄ᬤᬂᬲᭂᬫ᭄ᬩᬄᬲᬸᬯᬸᬦ᭄ ᭞ᬫᬵᬧᬦ᭄ᬳᭂᬦ᭄ᬢᭀᬧᬭᬕᬬᬦ᭄᭞ᬲᬂᬳ᭄ᬬᬂᬯᬶᬥᬷ᭞ᬳᬭᬂᬳᬦᬓᬾᬫᬦᬯᬂ᭞᭟᭑᭑᭟ᬫᬮᬶᬄᬦᬾᬢᬸᬦᬲᬂᬢᬶᬢ᭄ᬬᬂ᭞ᬜ᭄ᬫᬓ᭄ᬤᬸᬫᬃᬮᬯᬦ᭄‌ᬕ᭄ᬦᬶ᭞ᬜᬾᬦ᭄ᬤᭀᬓ᭄‌ᬢᭀᬬᬵ ᬩᬳᬦ᭄ᬢᭀᬬ᭞ᬫᬗᬮᬶᬄᬕᬶᬕᬶᬭᬶᬂᬧᬸᬗ᭄ᬮᬸ᭞ᬮᬦ᭄ᬳᬶᬲᬶᬦᬶᬂᬯᬸᬮᬸᬂᬩᬸᬗ᭄ᬩᬸᬂ᭞ᬧᬘᬂᬦᬧᬶ᭞ᬩᬶᬲᬗᬸᬘᬧᬂᬢᭀᬢᭀᬦᬦ᭄᭟᭑᭒᭟ᬓᬶᬚᬮᬓᬸᬫᬦᬸᬯᭂᬓᬂ᭞ᬤᬶᬓᬾ ᬦ᭄ᬓᬾᬦᬾᬧᬘᬂᬳᬧ᭄ᬢᬶ᭞ᬢᬶᬢ᭄ᬬᬂᬩ᭄ᬮᭀᬕ᭄‌ᬢ᭄ᬯᬭᬦᬯᬂ᭞ᬳᭂᬗ᭄ᬓᬾᬦ᭄ᬳᬦᬾᬜ᭠ᬦ᭄ᬤᬂᬕᬸᬕᬸ᭞ᬤᬾᬦᬶᬂᬓᭀᬘᬧ᭄ᬲᬫᬶᬕᬯᬂ᭞ᬢᬦ᭄ᬧᬪᬸᬓ᭄ᬢᬶ᭞ᬳᬶᬗᬸᬄᬢᬶᬢ᭄ᬬᬂᬗᬋᬲᭂ

Auto-transliteration

[12 12B] 12 ngadendhuta[strike/]ta[/strike]ppat. 7. hāḥboyahĕntosaja, boyahĕntongĕmpuhurip, kewalakcapringrontal, raganetl̥ĕbmangugu, deninghanekahucap, hawakpaling, manguguhidhĕp'hidhĕpan. 8. hdasepanmangĕndĕlang, haliḥsamr̥ĕtinejāti, buktiyanghasangsaka la, doḥparayatwaratĕpuk, ñamanemungguḥringraga, mūlaśakti, wiśeṣamangrakṣajīwa. 9. hadawangsitkamimitan, sāgara gungtanpatĕpi, toyanesendokbāntoya, kalawan'galihingkangkung, māliḥkocapwentĕnrontal, tanpatulis [13 13A] , kenkenbahanngamuñiyang. 10. dijagnahetotonan, hĕntor̥ĕkosanelwiḥ, śaktingebĕkringjagat, hĕntoñandangsĕmbaḥsuwun , māpanhĕntoparagayan, sanghyangwidhī, haranghanakemanawang, . 11. maliḥnetunasangtityang, ñmakdumar̀lawan'gni, ñendoktoyā bahantoya, mangaliḥgigiringpunglu, lanhisiningwulungbungbung, pacangnapi, bisangucapangtotonan. 12. kijalakumanuwĕkang, dike nkenepacanghapti, tityangblogtwaranawang, hĕngkenhaneña‐ndanggugu, deningkocapsamigawang, tanpabhukti, hinguḥtityangngar̥ĕsĕ

Leaf 13

Image on Archive.org

[᭑᭓ 13B] ᭑᭓ ᬧᬂ᭟᭑᭓᭟ᬫᬮᬶᬄᬯᬾᬦ᭄ᬢᭂᬦ᭄ᬓᭀᬘᬧ᭄ᬰᬲ᭄ᬢ᭄ᬭ᭞ᬳᬸᬘᬧᬦᬾᬫᬮᬶᬸᬲᬶᬄᬍᬯᬶᬄ᭞ᬤᬰᬵᬓ᭄ᬱᬭᬦᬾᬢᬸᬗ᭄ᬕᬮᬂ᭞ᬳᬧᬂᬬᬤᬤᬶᬗᬯᬶᬡ᭄ᬥᬸ᭞ᬓᬶᬚᬮᬓᬸᬫᬢᭂᬫ᭄ᬯᬂ᭞ᬲᬓ ᬩᭂᬲᬶᬓ᭄᭞ᬤᬰᬦᬾᬧᬂᬤᬤᬶᬢᬸᬗ᭄ᬕᬮ᭄᭟᭑᭔᭟ᬳᬶᬦ᭄ᬤᬬᬂᬲᬸᬭᬸᬧ᭄ᬲᬸᬭᬸᬧᬂ᭞ᬲᬸᬩᬤᬶᬭᬕᬦᬾᬤᬤᬶ᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬜᬶᬮᬸᬭᬂ᭞ᬳᬧᬂᬤᬤᬶᬤᬰᬩᬬᬸ ᭞ᬤᬰᬩᬬᬸᬦᬾᬢᬸᬗ᭄ᬕᬮᬂ᭞ᬤᬤᭀᬲ᭄ᬦᬧᬶ᭞ᬤᬶᬚᬕ᭄ᬦᬄᬦᬾᬫᬦᬸᬗ᭄ᬕᬮ᭄᭞᭟᭑᭕᭟ᬬᬦ᭄ᬲᬸᬩᬲᬶᬤ᭄ᬥᬫᬦᬸᬗ᭄ᬕᬮ᭄᭞ᬳᭂᬦ᭄ᬢᭀᬋᬓᭀᬫᬯᬓ᭄ᬲᬶᬤ᭄ᬥᬶ᭞ᬲᬶᬥᬸᬶᬲᬶᬥᬦᬶᬂ ᬅᬚ᭄ᬜᬦ᭞ᬭᬶᬂᬳᬢᬶᬲᬶᬭᬳᬸᬫᬸᬗ᭄ᬕᬸᬄ᭞ᬫᬓᬤᬲᬃᬓᬯ᭄ᬬᬵᬚ᭄ᬜᬦᬦ᭄᭞ᬫᬯᬓᬼᬯᬶᬄ᭞ᬗᭂᬲᭂᬂᬫᬮᬦᬶᬂᬰᬭᬷᬭ᭟᭑᭖᭟ᬫᬗᭂᬲᭂᬂᬩᬩᬳᬶᬭᬶᬗᬯᬓ᭄᭞ᬫᬶ [᭑᭔ 14A] ᬯᬄᬭᬶᬂᬧᬓᬸᬩᭀᬦ᭄ᬫᬮᬶᬄ᭞ᬰ᭄ᬭᬡᬢᭂᬫ᭄ᬩᬕᬫ᭄ᬭᬚᬄ᭞ᬒᬁᬓᬭᬤᬤ᭄ᬯᬲᬶᬫᬮᬸ᭞ᬮᬯᬦ᭄ᬒᬁᬓᬭᬲᬶᬦᬸᬗ᭄ᬕᬮ᭄᭞ᬯᬶᬡ᭄ᬥᬸᬢ᭄ᬭᬶ᭞ᬫᬚᬚᬃᬤᬸᬭᬶᬦ᭄ᬒᬁᬓᬵᬭ᭟ ᭑᭗᭟ᬫᬮᬶᬄᬩᬶᬲᬄᬫᬵᬃᬥᬘᬦ᭄ᬤ᭄ᬭ᭞ᬓᭂᬘᭂᬓ᭄ᬫᬸᬮᬸᬘᬦ᭄ᬤ᭄ᬭᬫᬮᬶᬄ᭞ᬢᬮᬾᬂᬫᬲᬶᬄᬫᬵᬃᬥᬘᬦ᭄ᬤ᭄ᬭ᭞ᬢᭂᬗ᭄ᬕᭂᬓ᭄ᬘᬬᬦᬾᬳᬩᬸᬗ᭄ᬓᬸᬮ᭄᭞ᬳᬶᬍᬳᬶᬦ᭄ᬩᬵᬦ᭄ᬅᬃᬥ᭄ᬥᬵ ᬘᬦ᭄ᬤ᭄ᬭ᭞ᬮᬯᬸᬢ᭄ᬩᬸᬦ᭄ᬢᬶᬮ᭄᭞ᬳᬗ᭄ᬕᭀᬦ᭄ᬧᬲᬶᬓ᭄ᬧᬦ᭄ᬳᬯᬓ᭄᭟᭑᭘᭟ᬫᬮᬶᬄᬳᬤᬧᬫᬜ᭄ᬘᬸᬢᬦ᭄᭞ᬩᬩᬳᬶᬦᬾᬲᬸᬩᬰᬓ᭄ᬢᬶ᭞ᬢ᭄ᬫᬸᬕᬶᬭᬶᬲᬓᬫᬸᬮᬵ ᬦ᭄᭞ᬩᬳᭂᬫ᭄ᬯᬭᬓ᭄‌ᬕ᭄ᬢᬶᬄᬳᬶᬧᬸᬦ᭄᭞ᬓᬢᬶᬄᬘᭂᬗ᭄ᬓᬾᬄᬫᬵᬯᭀᬃᬫ᭄ᬜᬦ᭄᭞ᬓᬼᬫ᭄ᬩᬓ᭄ᬓᬲ᭄ᬢᬸᬭᬶ᭞ᬩᬬᭂᬫ᭄‌ᬩ᭄ᬭᬳ᭄ᬫᬧᬗ᭄ᬮᬸᬓᬢᬦ᭄᭟᭑᭙᭟ᬓᬾᬦ᭄ᬓᬾ

Auto-transliteration

[13 13B] 13 pang. 13. maliḥwentĕnkocapśastra, hucapanemal̶siḥl̥ĕwiḥ, daśākṣaranetunggalang, hapangyadadingawiṇdhu, kijalakumatĕmwang, saka bĕsik, daśanepangdaditunggal. 14. hindayangsurupsurupang, subadiraganedadi, kenkenbahanmañilurang, hapangdadidaśabayu , daśabayunetunggalang, dadosnapi, dijagnaḥnemanunggal, . 15. yansubasiddhamanunggal, hĕntor̥ĕkomawaksiddhi, sidhuisidhaning ajñana, ringhatisirahumungguḥ, makadasar̀kawyājñanan, mawakl̥ĕwiḥ, ngĕsĕngmalaningśarīra. 16. mangĕsĕngbabahiringawak, mi [14 14A] waḥringpakubonmaliḥ, śraṇatĕmbagamrajaḥ, oṁkaradadwasimalu, lawanoṁkarasinunggal, wiṇdhutri, majajar̀durinoṁkāra. 17. maliḥbisaḥmār̀dhacandra, kĕcĕkmulucandramaliḥ, talengmasiḥmār̀dhacandra, tĕnggĕkcayanehabungkul, hil̥ĕhinbānar̀dhdhā candra, lawutbuntil, hanggonpasikpanhawak. 18. maliḥhadapamañcutan, babahinesubaśakti, tmugirisakamulā n, bahĕmwarakgtiḥhipun, katiḥcĕngkeḥmāwor̀mñan, kl̥ĕmbakkasturi, bayĕmbrahmapanglukatan. 19. kenke

Leaf 14

Image on Archive.org

[᭑᭔ 14B] ᭑᭔ ᬦ᭄ᬤᬕᬶᬂᬜᬢᭀᬢᭀᬦᬦ᭄᭞ᬩ᭄ᬮᬶᬫᬶᬦᬩ᭄ᬲᬵᬫ᭄ᬧᬸᬦ᭄ᬳᬸᬦᬶᬂ᭞ᬚᬵᬢᬶᬬᬂᬓᬸᬤᬵᬭᬶᬂᬢᬶᬢ᭄ᬬᬂ᭞ᬳᬧᬂᬢᬶᬢ᭄ᬬᬂᬲᬋᬂᬯ᭄ᬭᬸᬄ᭞ᬳᬶᬓᬯᬷᬰ᭄ᬯᬭᬳᬗᬸᬘᬧ᭄᭞ᬦᬄᬢᭀᬳᬤᬶ ᭞ᬩ᭄ᬮᬶᬫᬗ᭄ᬕᬶᬢᬸᬢᬹᬃᬭᬦ᭄ᬜᬵ᭟᭒᭐᭟ᬚᬦᬶᬕᬸᬫᬶᬲᬸᬩᬧᬸᬦᬄ᭞ᬓᬮᬶᬲᬗ᭄ᬳᬭᬦᬾᬫᬫᬹᬃᬢ᭄ᬢᬶ᭞ᬫᬦ᭄ᬢ᭄ᬭᬉᬱᬤ᭄ᬥᬦᬾᬧᬸᬦᬄ᭞ᬚᬤ᭄ᬫᬵᬗᬓᬸᬰᬓ᭄ᬢᬶᬮ᭄ᬬᬸ᭞ᬬᬓᬾᬩ᭠ ᬮ᭄ᬬᬦ᭄ᬗᬓᬸᬩᬮ᭄ᬬᬦ᭄᭞ᬗᬗ᭄ᬓᭂᬦ᭄ᬰᬓ᭄ᬢᬶ᭞ᬗᬮᬳᬂᬳᬸᬘᬧᬦ᭄‌ᬰᬲ᭄ᬢ᭄ᬭᬵ᭟᭒᭑᭟ᬫᬦ᭄ᬢ᭄ᬭᬢᭀᬂᬳᬤᬫᬯᬶᬱ᭄ᬬ᭞ᬲᬶᬥᬶᬦᬾᬲᬸᬩᬫᬲᬮᬶᬦ᭄᭞ᬫᬢᬶᬗ᭄ᬕᬮ᭄ᬲᬓᬶᬂᬉᬱ᭄ᬥᬵ ᭞ᬭᬶᬂᬯᬶᬱ᭄ᬬᬚᬦᬶᬫᬧᬸᬡ᭄ᬥᬸᬄ᭞ᬲᬗ᭄ᬓᬦ᭄‌ᬮ᭄ᬬᬸᬳᬦᬓ᭄ᬩᬶᬱ᭞ᬗᬯᬾᬕ᭄ᬭᬶᬂ᭞ᬮ᭄ᬬᬸᬦᬦ᭄ᬲᬓᬶᬢ᭄ᬓᬯᬶᬱ᭄ᬬᬦ᭄᭟᭒᭒᭟ᬳᬶᬭᬰᬹᬢ᭄ᬢᬫᬫᬜᬗ᭄ᬓᬮ᭄᭞ᬢᬾᬢᬾᬄᬩᬵ [᭑᭕ 15A] ᬦ᭄‌ᬩᭂᬮᬶᬫᬫᬸᬜᬶ᭞ᬳᬶᬗᬸᬄᬢᬶᬢ᭄ᬬᬂᬫᬤᬶᬗᭂᬳᬂ᭞ᬩᬲ᭄‌ᬮ᭄ᬬᬸᬩᬳᬦ᭄ᬩᭂᬮᬶᬦᬸᬢᬸᬃ᭞ᬤᬾᬦᬶᬂᬩ᭄ᬮᬶᬲᬸᬩᬧ᭄ᬭᬚ᭄ᬜᬦ᭄᭞ᬢᬢᬲ᭄ᬳᬸᬦᬶᬂ᭞ᬢ᭄ᬓᬾᬦ᭄ᬲᬳᬶᬲᬶᬦᬶᬂᬭᬵᬕ᭟᭒ ᭓᭟ᬢᬶᬢ᭄ᬬᬂᬓᬶᬥᬶᬓ᭄ᬫᬦᬸᬦᬲᬂ᭞ᬳᭂᬗ᭄ᬓᬾᬦ᭄ᬚᬵᬦᬶᬫᬵᬤᬦ᭄ᬳᬢᬶ᭞ᬤᬤᬶᬮ᭄ᬬᬸᬩᬵᬦ᭄ᬗᬸᬘᬧᬂ᭞ᬳᬢᬶᬕᬮᬂᬳᬢᬶᬲᭂᬫ᭄ᬧᬸᬦᬸᬶᬕ᭄᭞ᬳᬢᬶᬇᬩᬸᬓ᭄‌ᬳᬢᬶᬚᭂᬦᬂ᭞ ᬳᬢᬶᬳᭂᬢᬶᬲ᭄᭞ᬳᬢᬶᬕ᭄ᬥᭂᬕ᭄‌ᬳᬢᬶᬮ᭄ᬬᬂ᭟᭒᭔᭟ᬫᬮᬶᬄᬢᬸᬢᬸᬂᬳᬢᬶᬓᭀᬘᬧ᭄᭞ᬚᬵᬢᬶᬢᬶᬢ᭄ᬬᬂᬤᬸᬭᬸᬂᬳᬸᬦᬶᬂ᭞ᬳᭂᬗ᭄ᬓᬾᬦ᭄ᬫᬵᬤᬦ᭄ᬢᬸᬂᬢᬸᬂᬢᬶᬗ᭄ᬳᬮ᭄᭞ᬳᭂᬗ᭄ᬓᬾᬦ᭄ᬫ ᬤᬦ᭄ᬢᬸᬂᬢᬸᬂᬭᬫ᭄ᬩᬸᬢ᭄᭞ᬫᬶᬯᬄᬕᬫ᭄ᬩᬸᬭᬗ᭄ᬮᬬᬂ᭞ᬦᬾᬲᬸᬚᬵᬢᬶ᭞ᬫᬲᬶᬄᬢᬶᬢ᭄ᬬᬂᬤᬸᬭᬸᬂᬧᭂᬤᬲ᭄᭟᭒᭕᭟ᬳᭂᬗ᭄ᬓᬾᬦ᭄‌ᬬᬚᬵᬢᬶᬫᬵᬦᬸᬱᬵ᭞ᬭᬕᬰ᭠

Auto-transliteration

[14 14B] 14 ndagingñatotonan, bliminabsāmpunhuning, jātiyangkudāringtityang, hapangtityangsar̥ĕngwruḥ, hikawīśwarahangucap, naḥtohadi , blimanggitutūr̀ranñā. 20. janigumisubapunaḥ, kalisangharanemamūr̀tti, mantra'uṣaddhanepunaḥ, jadmāngakuśaktilyu, yakeba‐ lyanngakubalyan, ngangkĕnśakti, ngalahanghucapanśastrā. 21. mantratonghadamawiṣya, sidhinesubamasalin, matinggalsakinguṣdhā , ringwiṣyajanimapuṇdhuḥ, sangkanlyuhanakbiṣa, ngawegring, lyunansakitkawiṣyan. 22. hiraśūttamamañangkal, teteḥbā [15 15A] nbĕlimamuñi, hinguḥtityangmadingĕhang, baslyubahanbĕlinutur̀, deningblisubaprajñan, tatashuning, tkensahisiningrāga. 2 3. tityangkidhikmanunasang, hĕngkenjānimādanhati, dadilyubānngucapang, hatigalanghatisĕmpunuig, hati'ibuk'hatijĕnang, hatihĕtis, hatigdhĕg'hatilyang. 24. maliḥtutunghatikocap, jātitityangdurunghuning, hĕngkenmādantungtungtinghal, hĕngkenma dantungtungrambut, miwaḥgamburanglayang, nesujāti, masiḥtityangdurungpĕdas. 25. hĕngkenyajātimānusyā, ragaśa‐

Leaf 15

Image on Archive.org

[᭑᭕ 15B] ᭑᭕ ᬭᬷᬭᬦᬾᬚᬵᬢᬶ᭞ᬳᭂᬗ᭄ᬓᬾᬦ᭄ᬫᬵᬤᬦ᭄ᬫᬾᬫᬾᬩᬧᬵ᭞ᬳᬳᭀᬯᬦᬾᬬᬤᬤᬶᬩᬬᬸ᭞ᬤᬶᬚᬳᭂᬦ᭄ᬢᭀᬫᬢᭂᬫ᭄ᬯᬂ᭞ᬫᬗ᭄ᬤᬦᬸᬗ᭄ᬕᬶᬮ᭄᭞ᬳᬧᬤᬤᬶᬫᬵᬯᬓ᭄ᬳᬢ᭄ᬫᬵ᭟᭒᭖᭟ ᬫᬮᬶᬄᬦᬾᬢᬸᬦᬲᬂᬢᬶᬢ᭄ᬬᬂ᭞ᬤᬾᬯᬪᬸᬢᬦᬾᬲᬸᬚᬵᬢᬶ᭞ᬓᭀᬘᬧ᭄ᬢᬸᬗ᭄ᬕᬮ᭄ᬧᬕ᭄ᬦᬄᬜ᭞ᬪᬹᬢᬤᬾᬯᬧᬥᬤᬶᬢᬸ᭞ᬬᬦ᭄ᬧᬸᬦᬧᬶᬧᬩ᭄ᬮᬢ᭄ᬜᬵ᭞ᬓ᭄ᬭᬡᬲᭂ ᬗ᭄ᬓᬶᬮ᭄᭞ᬫᬗᬮᬶᬄᬦᬾᬚᬵᬢᬶᬤᬾᬯ᭟᭒᭗᭟ᬓᬤᬶᬯᬶᬱ᭄ᬬᬮᬵᬯ᭠ᬦ᭄ᬳᬫᬺᬢ᭄ᬢ᭞ᬢᭀᬗᭀᬲ᭄ᬜᬫᬲᬶᬄᬳᬩᭂᬲᬶᬓ᭄᭞ᬅᬫᬺᬢ᭄ᬢᬦᬾᬳᬶᬍᬳᬶᬦ᭄ᬯᬶᬱ᭄ᬬ᭞ᬲ ᬗ᭄ᬓᬦ᭄ᬲᭂᬗ᭄ᬓᬩᬵᬦ᭄ᬗᬭᬸᬭᬸᬄ᭞ᬳᬶᬓᬯᭀᬰ᭄ᬯᬭᬳᬗᬸᬘᬧ᭄᭞ᬓᬾᬦᬾᬳ᭠ᬤᬶ᭞ᬩ᭄ᬮᬶᬚᬦᬶᬫᬦᬸᬢᬸᬭᬂ᭟᭒᭘᭟ᬤᬸᬍᬕ᭄ᬳᬢᬶᬫᬵᬯᬓ᭄ᬯᬶᬱ᭄ᬬ᭞ᬅᬫᬺᬢ᭄ᬢᬦᬾᬫ᭠ [᭑᭖ 16A] ᬦᬳᬾᬳ᭄ᬦᬶᬂ᭞ᬤᬰᬾᬦ᭄ᬤ᭄ᬭᬶᬬᬤᬤᬶᬪᬹᬢ᭞ᬤᬾᬯᬭᬶᬂᬫᬦᬳᬾᬲᬸᬯᬸᬂ᭞ᬕ᭄ᬢᬶᬄᬳᬮᬶᬗ᭄ᬕᬦᬶᬂᬪᬹᬝᬵ᭞ᬲᬵᬭᬷᬦ᭄ᬕᭂᬢᬶᬄ᭞ᬧᬮᬶᬂᬕᬦ᭄ᬤᬾᬯᬉᬢ᭄ᬢᬫ᭟᭒᭙᭟ᬳᭂᬦ᭄ᬢᭀ ᬤᬤᬶᬫᬾᬫᬾᬩᬧ᭞ᬫᬮᬶᬗ᭄ᬕᬭᬶᬂᬦᬾᬢ᭄ᬭᬓᬮᬶᬄ᭞ᬧᬸᬦᬶᬓᬚᬦᬶᬢᭂᬫ᭄ᬯᬂ᭞ᬳᬶᬩᬧᬫᬭᬕᬩᬜᬸ᭞ᬳᬶᬫᬾᬫᬾᬚᬦᬶᬓᭀᬘᬧᬦ᭄᭞ᬫᬵᬯᬓ᭄ᬕᭂᬦᬶ᭞ᬢᬸᬗ᭄ᬕ ᬮᬂᬚ᭄ᬭᭀᬦᬶᬂᬢᬶᬗ᭄ᬳᬮ᭄᭟᭓᭐᭟ᬳᬶᬭᬰᬹᬢ᭄ᬢᬫᬜᬸᬚᬸᬢᬂ᭞ᬲᬸᬩᬢᬳᬾᬦ᭄ᬩᭂᬮᬶᬫᬗ᭄ᬕᬶᬄ᭞ᬧᬸᬦᬶᬓᬚᬦᬶᬢᭂᬫ᭄ᬯᬂ᭞ᬳᬶᬩᬧᬫᬭᬕᬩᬜᬸ᭞ᬳᬶᬫᬾᬫᬾᬕ᭄ᬦᬶᬫᬗᬭ ᬩ᭄᭞ᬤᬶᬚᬧᬗ᭄ᬕᬶᬄ᭞ᬲᬗ᭄ᬓᬦ᭄‌ᬩᬶᬱᬫᬗᬸᬘᬧᬂ᭟᭓᭑᭟ᬢ᭄ᬭᬂᬩᬵᬦ᭄ᬩᭂᬮᬶ᭠ᬦᬸᬢᬸᬭᬂ᭞ᬅᬫᬺᬢᬦᬾᬭᬶᬂᬫᬦᬳᬾᬳ᭄ᬦᬶᬂ᭞ᬤᬸᬍᬕ᭄ᬳᬢᬶᬫᬵᬯᬓ᭄ᬯᬶᬱ᭄ᬬ᭞ᬤᬾᬯᬭᬶᬂᬫ᭠

Auto-transliteration

[15 15B] 15 rīranejāti, hĕngkenmādanmemebapā, hahowaneyadadibayu, dijahĕntomatĕmwang, mangdanunggil, hapadadimāwak'hatmā. 26. maliḥnetunasangtityang, dewabhutanesujāti, kocaptunggalpagnaḥña, bhūtadewapadhaditu, yanpunapipablatñā, kraṇasĕ ngkil, mangaliḥnejātidewa. 27. kadiwiṣyalāwa‐nhamr̥ĕtta, tongosñamasiḥhabĕsik, amr̥ĕttanehil̥ĕhinwiṣya, sa ngkansĕngkabānngaruruḥ, hikawośwarahangucap, keneha‐di, blijanimanuturang. 28. dul̥ĕg'hatimāwakwiṣya, amr̥ĕttanema‐ [16 16A] nahehning, daśendriyadadibhūta, dewaringmanahesuwung, gtiḥhalingganingbhūṭā, sārīn'gĕtiḥ, palinggandewa'uttama. 29. hĕnto dadimemebapa, malinggaringnetrakaliḥ, punikajanitĕmwang, hibapamaragabañu, himemejanikocapan, māwakgĕni, tungga langjroningtinghal. 30. hiraśūttamañujutang, subatahenbĕlimanggiḥ, punikajanitĕmwang, hibapamaragabañu, himemegnimangara b, dijapanggiḥ, sangkanbiṣamangucapang. 31. trangbānbĕli‐nuturang, amr̥ĕtaneringmanahehning, dul̥ĕg'hatimāwakwiṣya, dewaringma‐

Leaf 16

Image on Archive.org

[᭑᭖ 16B] ᭑᭖ ᬦᬳᬾᬲᬸᬯᬸᬂ᭞ᬕ᭄ᬢᬶᬄᬧᬮᬶᬗ᭄ᬕᬦᬶᬂᬪᬹᬣ᭞ᬢᬶᬢ᭄ᬬᬂᬗᬶᬭᬶᬂ᭞ᬫᬹᬮᬯᬾᬦ᭄ᬢᭂᬦ᭄‌ᬢᬸᬢᬹᬭᬦ᭄ᬜᬵ᭟᭓᭒᭟ᬕᬫ᭄ᬧᬂᬩᬵᬦ᭄ᬩᭂᬮᬶᬫᬧ᭄ᬢᬵ᭞ᬭᬶᬂᬢᬸᬢᬹᬭᬾᬩ᭄ᬮᬶᬗᬮᬶᬄ᭞ᬳᬗ᭄ᬕᭀᬦ᭄ᬫᬫᭀ ᬕ᭄ᬩᭀᬕᬶᬦ᭄ᬢᬶᬢ᭄ᬬᬂ᭞ᬫᬲᬜᬓ᭄ᬢᬶᬢ᭄ᬬᬂᬫᬗᬸᬕᬸ᭞ᬩᭀᬕ᭄ᬩᭀᬕ᭄‌ᬩ᭄ᬮᬶᬦᬾᬓᬮᬶᬦ᭄ᬢᬂ᭞ᬤᭂᬫᭂᬦ᭄ᬗᬸᬫᬶᬓ᭄᭞ᬗᬼᬧᬸᬕᬂᬳᬶᬲᬶᬦ᭄ᬧᬩ᭄ᬯᬦ᭄᭟᭓᭓᭟ᬧᬸᬦᬶᬓᬢᬸᬦᬲᬂᬢᬶᬢ᭄ᬬᬂ ᬫᬫᬢᬩ᭄ᬮᬶᬓᬓᬮᬶᬄ᭞ᬤᬤᬶᬧᬢᬸᬄᬩᬵᬦ᭄ᬫᬮ᭄ᬬᬢ᭄᭞ᬓᬸᬧᬶᬂᬩ᭄ᬮᬶᬫᬲᬶᬄᬧᬢᬸᬄ᭞ᬬᬦ᭄ᬧᬸᬦᬧᬶᬦᬾᬗᬋᬗᭃ᭞ᬫᬲᬶᬄᬢᬸᬗ᭄ᬕᬶᬮ᭄᭞ᬦᬾᬓᬾᬩᭀᬢ᭄ᬮᬯᬦ᭄ᬢᭂᬗᬯ ᬦ᭄᭟᭓᭔᭟ᬲᬫᬶᬩ᭄ᬮᬶᬫᬜᭀᬮᬳᬂ᭞ᬤᬾᬦᬶᬂᬩ᭄ᬮᬶᬲᬵᬫ᭄ᬧᬸᬦ᭄ᬳᬸᬦᬶᬂ᭞ᬜᬸᬭᬸᬯᭀᬯᬂᬤᬾᬯᬭᬶᬂᬳᬯᬓ᭄᭞ᬲᬸᬩᬦᬯᬂᬧᬲᬸᬓ᭄ᬯᭂᬢᬸ᭞ᬳᬶᬦ᭄ᬤᬬᬂᬧᬵᬚᬭᬶᬦ᭄ᬢᬶᬢ᭄ᬬᬂ᭞ [᭑᭗ 17A] ᬦᬾᬲᬸᬚᬵᬢᬶ᭞ᬲᬵᬫ᭄ᬧᬸᬦᬂᬩᭂᬮᬶᬫᬓᭂᬩᬂ᭟᭓᭕᭟ᬚᬸᬫᬄᬢᬶᬢ᭄ᬬᬂᬯᬾᬦ᭄ᬢᭂᬦ᭄ᬮᭀᬦ᭄ᬢᬃ᭞ᬳᬸᬘᬧᬦᬾᬍᬯᬶᬄ᭞ᬲᬵᬫ᭄ᬧᬸᬦ᭄ᬲᬫᬶᬲᬲ᭄ᬮᬶᬓᬦ᭄᭞ᬧᬗᬶᬯᬉᬱ ᬤ᭄ᬥᬵᬢᭂᬦᬸᬂ᭞ᬫᬶᬯᬄᬢᬸᬢᬹᬃᬓᬧᬸᬢᬸᬲᬦ᭄᭞ᬥᬃᬫ᭄ᬫᬚᬵᬢᬶ᭞ᬲᬫᬮᬶᬄᬢᬸᬢᬹᬃᬓᬫᭀᬓ᭄ᬱᬦ᭄᭟᭓᭖᭟ᬳᬶᬮ᭄ᬫᬸᬩᬢᬶᬦ᭄ᬫᬶᬯᬄᬳᬶᬮᬫ᭄᭞ᬯᬾᬦ᭄ᬢᭂᬦ᭄ᬢᬶᬕᬂᬤᬰᬚᬶᬮᬶ᭠ ᬤ᭄᭞ᬧᬸᬦᬶᬓᬳᬫ᭄ᬩᬶᬮ᭄ᬲᬫ᭄ᬬᬦ᭄᭞ᬮᬫᬸᬦ᭄ᬩᭂᬮᬶᬤᭂᬫᭂᬦ᭄ᬦᬸᬢᬸᬃ᭞ᬦᬾᬚᬵᬢᬶᬫᬵᬤᬦ᭄ᬪᬝᬵᬭ᭞ᬳᬦᬓᬼᬯᬶᬄ᭞ᬰᬓ᭄ᬢᬶᬦᬾᬗᭂᬩᭂᬓᬶᬦ᭄‌ᬚᬕᬢ᭄᭟᭓᭗᭟ᬳ᭠ ᬦᬓ᭄ᬜᬶᬗᬓ᭄ᬢᬦ᭄ᬧᬦᬾᬢ᭄ᬭ᭞ᬢ᭄ᬯᬭᬫᬘᬗ᭄ᬓᭂᬫ᭄‌ᬫᬫᬸᬜᬶ᭞ᬫᬶᬋᬂᬳᬶᬤᬢ᭠ᬦ᭄ᬧᬓᬃᬡ᭄ᬦᬵ᭞ᬬᬦ᭄ᬮᬸᬫᬓᬸᬢᬦ᭄ᬧᬲᬸᬓᬸ᭞ᬢᬦ᭄ᬧᬳᬶᬭᬹᬂᬩᬶᬱᬵᬗᬸᬗᬲ᭄᭞ᬩᬶᬲ

Auto-transliteration

[16 16B] 16 nahesuwung, gtiḥpalingganingbhūtha, tityangngiring, mūlawentĕntutūranñā. 32. gampangbānbĕlimaptā, ringtutūreblingaliḥ, hanggonmamo gbogintityang, masañaktityangmangugu, bogbogblinekalintang, dĕmĕnngumik, ngl̥ĕpuganghisinpabwan. 33. punikatunasangtityang mamatablikakaliḥ, dadipatuḥbānmalyat, kupingblimasiḥpatuḥ, yanpunapinengar̥ĕngö, masiḥtunggil, nekebotlawantĕngawa n. 34. samiblimañolahang, deningblisāmpunhuning, ñuruwowangdewaringhawak, subanawangpasukwĕtu, hindayangpājarintityang, [17 17A] nesujāti, sāmpunangbĕlimakĕbang. 35. jumaḥtityangwentĕnlontar̀, hucapanel̥ĕwiḥ, sāmpunsamisaslikan, pangiwa'uṣa ddhātĕnung, miwaḥtutūr̀kaputusan, dhar̀mmajāti, samaliḥtutūr̀kamokṣan. 36. hilmubatinmiwaḥhilam, wentĕntigangdaśajili‐ d, punikahambilsamyan, lamunbĕlidĕmĕnnutur̀, nejātimādanbhaṭāra, hanakl̥ĕwiḥ, śaktinengĕbĕkinjagat. 37. ha‐ nakñingaktanpanetra, twaramacangkĕmmamuñi, mir̥ĕnghidata‐npakar̀ṇnā, yanlumakutanpasuku, tanpahirūngbisyāngungas, bisa

Leaf 17

Image on Archive.org

[᭑᭗ 17B] ᭑᭗ ᬗᬫ᭄ᬩᬶᬮ᭄᭞ᬢ᭄ᬯᬭᬳᬶᬤᬗᬗ᭄ᬕᬾᬢᬗᬦ᭄᭞᭓᭘᭟ᬲᬗ᭄ᬓᬦ᭄ᬩᬶᬲᬫᬗᬸᬘᬧᬂ᭞ᬭᬕᬓᬢᬶᬢᬄᬩᬵᬦ᭄ᬯᬶᬥᬷ᭞ᬳᬶᬤᬸᬧᬾᬯᬶᬥᬷᬦᬶᬢᬳᬂ᭞ᬗᬸᬤᬢ᭄ᬯᬭᬢᬳᬾᬦ᭄ᬢᭂᬧᬸᬓ᭄᭞ ᬓᬾᬯᬮᬗᬗ᭄ᬕᭀᬧᬦᬃᬓ᭄ᬓᬦ᭄᭞ᬫᬶᬭᬶᬩ᭄ᬫᬶᬭᬶᬩ᭄᭞ᬤᬶᬭᬕᬳᬶᬤᬫᬕ᭄ᬦᬄ᭟᭠᭓᭙᭟ᬮᬫᬸᬦ᭄ᬓᬭᬶᬢᬢᬃᬓ᭄ᬓᬬᬦ᭄᭞ᬳᭂᬦ᭄ᬤᬾᬦ᭄ᬫᬮᬸᬫᬜᬸᬗ᭄ᬓᭂᬫᬶᬦ᭄᭞ᬓᭀᬘᬧ᭄ᬯᬶᬥᬷ᭠ ᬫ᭄ᬭᬕᬢᬸᬗ᭄ᬕᬮ᭄᭞ᬗᬸᬤᬮ᭄ᬬᬸᬳᬚᬓ᭄ᬳᬶᬤᬸᬧ᭄᭞ᬲᬗ᭄ᬓᬦ᭄ᬳᬤᬚ᭄ᬮᬾᬫᭂᬮᬄ᭞ᬢᬶᬯᬲ᭄ᬲᬸᬕᬶᬄ᭞ᬫᬲᬶᬄᬯᬶᬥᬷᬦᬾᬗᬤᬓᬂ᭟᭔᭐᭟ᬓᬾᬢᭀᬩᬵᬦ᭄ᬩᭂᬮᬶᬗᬸᬘᬧᬂ᭞ᬦ ᬗ᭄ᬳᬶᬂᬢᭀᬂᬚᬵᬢᬶᬓᬧᬗ᭄ᬕᬶᬄ᭞ᬳᬶᬘᬂᬩᭂᬮᬶᬢᬸᬭᬂᬢᬶᬢ᭄ᬬᬂ᭞ᬦᬮᬶᬄᬳᬦᬓ᭄ᬢ᭄ᬯᬭᬢᭂᬧᬸᬓ᭄᭞ᬲᬮᬶᬂᬯᬶᬥᬷᬤᬮᬶᬄᬘᬘᬤ᭄᭞ᬢ᭄ᬯᬭᬧᭂᬥᬶᬄ᭞ᬬᬦ᭄‌ᬩᭂᬮᬶᬫᬓ᭄ᬭ [᭑᭘ 18A] ᬡᬥᬸᬓᬵ᭟᭔᭑᭟ᬮᬫᬸᬦ᭄ᬩᭂᬮᬶᬢᬸᬳᬸᬩᬶᬲ᭞ᬳᬮᬶᬄᬲᬓᬮᬦᬾᬚᬵᬢᬶ᭞ᬳᬦᬦᬾᬓᬮᬯᬦ᭄ᬦᭀᬭ᭞ᬯᬶᬥᬷᬦᬾᬤᬶᬚᬫᬮᬸᬗ᭄ᬕᬸᬄ᭞ᬧᭂᬤᬲᬂᬳᬧᬗᬢᬯᬂ᭞ ᬦᬾᬲᬸᬚᬵᬢᬶ᭞ᬳᭂᬤᬵᬗᬸᬕᬸᬳᬶᬥᬾᬧ᭄ᬳᬶᬥᭂᬧᬦ᭄᭟᭔᭒᭟ᬩ᭄ᬮᬶᬫᬯᬸᬓ᭄ᬧᭂᬢᬤ᭄ᬯᬂ᭞ᬤ᭄ᬫᭂᬦ᭄ᬳᬚᬸᬫ᭄‌ᬗᬗ᭄ᬓᭂᬦ᭄ᬭᬶᬭᬶᬄ᭞ᬩᬦᬶᬲᬸᬫ᭄ᬩᬂᬢᭂᬓᬾᬦ᭄ᬳᬯᬓ᭄᭞ᬓᬩᬶᬲᬦᬾᬗ᭄ᬭ ᬱᬗᬸᬗ᭄ᬕᬸᬮ᭄᭞ᬢᬸᬯᬭᬫᬦᭀᬮᬶᬄᬳᬯᬓ᭄᭞ᬓᬓᭂᬤᬾᬓᬶᬦ᭄᭞ᬰᬓ᭄ᬢᬶᬦᬾᬗᬗ᭄ᬕᭀᬳᬶᬧ᭄ᬬᬦ᭄᭟᭔᭓᭟ᬮᬫᬹᬦ᭄ᬩᭂᬮᬶᬗᬸᬕᬸᬳᬶᬧ᭄ᬬᬦ᭄᭞ᬤᬶᬦᬶᬮ᭄ᬬᬸᬳᬦᬓ᭄ ᬰᬓ᭄ᬢᬶ᭞ᬬᬤ᭄ᬬᬦ᭄‌ᬚᬦ᭄ᬫᬵᬢᬦ᭄ᬧᬰᬵᬲ᭄ᬢ᭄ᬭ᭞ᬩᬶᬲᬬᬗᬶᬧᬶᬫᬓᭂᬩᬸᬃ᭞ᬭᬱᬫᬳᬶᬩᭂᬃᬳᬶᬩᭂᬭᬦ᭄᭞ᬦᬵᬗ᭄ᬳᬶᬂᬗᬶᬧᬶ᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬜᬶᬭᬶᬬᬂ᭟᭔᭔᭟ᬩ᭄ᬮᬶ

Auto-transliteration

[17 17B] 17 ngambil, twarahidanganggetangan 38. sangkanbisamangucapang, ragakatitaḥbānwidhī, hidupewidhīnitahang, ngudatwaratahentĕpuk, kewalanganggopanar̀kkan, miribmirib, diragahidamagnaḥ. ‐39. lamunkaritatar̀kkayan, hĕndenmalumañungkĕmin, kocapwidhī‐ mragatunggal, ngudalyuhajak'hidup, sangkanhadajlemĕlaḥ, tiwassugiḥ, masiḥwidhīnengadakang. 40. ketobānbĕlingucapang, na nghingtongjātikapanggiḥ, hicangbĕliturangtityang, naliḥhanaktwaratĕpuk, salingwidhīdaliḥcacad, twarapĕdhiḥ, yanbĕlimakra [18 18A] ṇadhukā. 41. lamunbĕlituhubisa, haliḥsakalanejāti, hananekalawannora, widhīnedijamalungguḥ, pĕdasanghapangatawang, nesujāti, hĕdānguguhidhep'hidhĕpan. 42. blimawukpĕtadwang, dmĕnhajumngangkĕnririḥ, banisumbangtĕkenhawak, kabisanengra ṣangunggul, tuwaramanoliḥhawak, kakĕdekin, śaktinenganggohipyan. 43. lamūnbĕlinguguhipyan, dinilyuhanak śakti, yadyanjanmātanpaśāstra, bisayangipimakĕbur̀, raṣamahibĕr̀hibĕran, nānghingngipi, kenkenbahanmañiriyang. 44. bli

Leaf 18

Image on Archive.org

[᭑᭘ 18B] ᭑᭘ ᬮ᭄ᬬᬸᬦᬯᬂᬫᬦ᭄ᬢ᭄ᬭ᭞ᬳᬶᬦ᭄ᬤᬬᬂᬳᬜ᭄ᬘᭂᬗᬂᬓᬶᬥᬶᬓ᭄᭞ᬳᬧᬦᬾᬧᬵᬯᬓᬶᬂᬫᬦ᭄ᬢ᭄ᬭ᭞ᬳᬸᬮᬶᬤᬶᬚᬯ᭄ᬢᬸᬦ᭄ᬳᬶᬧᬸᬦ᭄᭞ᬳᭂᬜᬾᬦ᭄ᬲᬦᬾᬗᬫᬦ᭄ᬢ᭄ᬭᬬᬂ᭞ᬳᭂᬜᬾᬦ᭄ᬲᬶᬥᬷ᭞ᬳᭂ ᬜᬾᬦ᭄ᬦᬾᬫᬓᬤᬘᬫ᭄ᬧᬄ᭟᭔᭕᭟ᬮᬫᬸᬦ᭄ᬢᭀᬂᬢᬯᬂᬢᭀᬢᭀᬦ᭠ᬦ᭄᭞ᬦ᭄ᬤᬾᬦ᭄ᬫᬮᬸᬗᬗ᭄ᬓᭂᬦ᭄‌ᬰᬓ᭄ᬢᬶ᭞ᬓᬩᬶᬲᬦᬾᬦᬸᬫᬗᬯᬕ᭄᭞ᬭᬕᬦᬾᬳᬾᬗ᭄ᬕᬮ ᬦ᭄ᬳᬚᬸᬫ᭄᭞ᬓᬤᬶᬪᬸᬢᬢᬸᬫ᭄ᬩᬾᬦ᭄‌ᬓᭂᬤᬢ᭄᭞ᬚᬤ᭄ᬫᬧᬮᬶᬂ᭞ᬢ᭄ᬯᬭᬦᬯᬂᬧᬚᬕᬢᬦ᭄᭟᭔᭖᭟ᬳᬶᬓᬯᬷᬰ᭄ᬯᬭᬩᭂᬮ᭄ᬩᭂᬮᬦ᭄᭞ᬳᭂᬗ᭄ᬲᭂᬓ᭄ᬢᭀᬂᬤᬤᬶᬫᬫᬸᬜᬶ᭞᭠ ᬫᬦ᭄ᬤᭂᬂᬫᬦ᭄ᬤᭂᬂᬍᬗᬓ᭄ᬮᭂᬗᭀᬓ᭄᭞ᬓᬩᬶᬮᬶᬩᬶᬮᬶᬫᬲᬯᬸᬢ᭄᭞ᬩ᭄ᬮᬶᬗᬶ᭠ᬤᬶᬄᬧᬗᬫ᭄ᬧᬹᬭ᭞ᬢᭂᬓᬾᬦ᭄ᬳᬤᬶ᭞ᬢᬸᬢᬸᬕᬂᬢᬺᬱ᭄ᬡᬦᬾᬫᬜᬫ᭟᭔᭗᭟ᬩᭂᬮᬶ᭠ [19A]

Auto-transliteration

[18 18B] 18 lyunawangmantra, hindayanghañcĕngangkidhik, hapanepāwakingmantra, hulidijawtunhipun, hĕñensanengamantrayang, hĕñensidhī, hĕ ñennemakadacampaḥ. 45. lamuntongtawangtotona‐n, ndenmalungangkĕnśakti, kabisanenumangawag, raganehenggala nhajum, kadibhutatumbenkĕdat, jadmapaling, twaranawangpajagatan. 46. hikawīśwarabĕlbĕlan, hĕngsĕktongdadimamuñi, ‐ mandĕngmandĕngl̥ĕngaklĕngok, kabilibilimasawut, blingi‐diḥpangampūra, tĕkenhadi, tutugangtr̥ĕṣṇanemañama. 47. bĕli‐ [19A]

Leaf 19

Image on Archive.org

Leaf 20

Image on Archive.org

Leaf 21

Image on Archive.org

Leaf 22

Image on Archive.org

Leaf 23

Image on Archive.org

Leaf 24

Image on Archive.org

Leaf 25

Image on Archive.org

Leaf 26

Image on Archive.org

Leaf 27

Image on Archive.org

Leaf 28

Image on Archive.org

Leaf 29

Image on Archive.org

Leaf 30

Image on Archive.org

Leaf 31

Image on Archive.org

Leaf 32

Image on Archive.org

Leaf 33

Image on Archive.org

Leaf 34

Image on Archive.org

Leaf 35

Image on Archive.org

Leaf 36

Image on Archive.org