View source for tutur-dangdang-bang-bungalan

{{Entry
|Title=tutur-dangdang-bang-bungalan
|Url=https://archive.org/details/tutur-dangdang-bang-bungalan
|Script=Bali
}}
==== Description ====
===== Bahasa Indonesia =====
===== English =====
==== Front and Back Covers ====
{{EntryImage
|EntryID=tutur-dangdang-bang-bungalan
|Title=0
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n0/mode/1up
|LocalFileName=tutur-dangdang-bang-bungalan_0.jpeg
}}

<transcription>

</transcription>
==== Leaf 1 ====
{{EntryImage
|EntryID=tutur-dangdang-bang-bungalan
|Title=1
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n1/mode/1up
|LocalFileName=tutur-dangdang-bang-bungalan_1.jpeg
}}

<transcription>
[᭑ 1B]
᭚᭜᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚᭜᭚ᬦᬫᬦᬲ᭄ᬢᬸᬧ᭄ᬭᬶᬣᬶᬯᬶᬯᬵᬳ᭄ᬬᬾ᭞ᬢᬦ᭄ᬫᬢ᭄ᬭᬢᬄᬧ᭄ᬭᬓᬶᬃᬢ᭄ᬢᬶᬢᬄ᭞ᬅᬳ
ᬗ᭄ᬓᬭᬢᬢᬲ᭄ᬢᬾᬚ᭞ᬩᬵᬬᬸᬩᬸᬤ᭄ᬥᬶᬢᬸᬯᬳ᭄ᬬᬓᬾ᭚ᬅ᭞ᬯᬵᬳ᭄ᬬᬦᬶᬂᬫᬦᬄ᭞ᬧ᭄ᬭᬣᬶᬯᬶᬯᬵᬳ᭄ᬬᬦᬶᬂᬢᬦ᭄ᬫᬢ᭄ᬭ
ᬳᬧᬄ᭞ᬯᬵᬳ᭄ᬬᬦᬶᬗᬳᬗ᭄ᬓᬭ᭞ᬢᬾᬚ᭞ᬯᬳ᭄ᬬᬦᬶᬂᬩᬸᬥᬶ᭞ᬩᬵᬬᬸ᭚ᬅᬩ᭄ᬬᬓ᭄ᬢᬓᬯᬰᬢ᭄ᬬᬸᬓ᭄ᬢᬄ᭞ᬤ
ᬰᬧᬶᬡ᭄ᬥᬲᬫᬸᬤ᭄ᬪᬯᬄ᭞ᬤᬰᬾᬦ᭄ᬤ᭄ᬭᬶᬬᬦᬶᬢᬢ᭄ᬯᬦᬶ᭞ᬧᬜ᭄ᬚᬪᬹᬢᬢ᭄ᬫᬲᬫ᭄ᬪᬯᬄ᭚ᬓ᭞ᬇᬓᬂᬫᬦᬄ᭞ᬢᬦ᭄ᬫ

[᭒ 2A]
ᬢ᭄ᬭ᭞ᬅᬳᬗ᭄ᬓᬭ᭞ᬅᬩ᭄ᬬᬓ᭄ᬢ᭞ᬧ᭄ᬭᬥᬦᬕᬸᬡᬇᬓᬵᬓᬮᬶᬫ᭞ᬮᬶᬂᬲᬂᬳ᭄ᬬᬂᬗᬚᬶ᭞ᬇᬓᬂᬧ᭄ᬭᬥᬦᬕᬸᬡ᭞ᬫᬢ᭄ᬫ
ᬳᬦ᭄ᬫᬬᬵᬭᬹᬧ᭞ᬫᬓᬵᬯᬓ᭄ᬧᬯᬓ᭄ᬧᬜ᭄ᬘᬫᬳᬵᬪᬹᬢ᭞ᬫᬢ᭄ᬫᬸᬮᬵᬯᬦ᭄ᬧᬜ᭄ᬘᬢᬦ᭄ᬫᬢ᭄ᬭ᭞ᬳᬾᬢᬸᬦ᭄ᬬᬦ᭄ᬤᬤᬶᬤᬰᬾ
ᬦ᭄ᬤ᭄ᬭᬶᬬ᭚ᬦ᭄ᬤ᭄ᬬᬵᬢᬂᬲᬶᬦᬗ᭄ᬕᬸᬄᬧᬜ᭄ᬘᬢᬦ᭄ᬫᬢ᭄ᬭ᭞ᬗ᭞᭠ᬮ᭄ᬯᬶᬃᬦ᭄ᬬ᭞ᬕᬡ᭄ᬥᬢᬦ᭄ᬫᬢ᭄ᬭ᭞ᬭᬱᬢᬦ᭄ᬫᬢ᭄ᬭ᭞ᬭᬹᬧᬢᬦ᭄ᬫᬢ᭄ᬭ᭞
ᬲ᭄ᬧᬃᬰ᭄ᬰᬢᬦ᭄ᬫᬢ᭄ᬭ᭞ᬰᬩ᭄ᬥᬢᬦ᭄ᬫᬢ᭄ᬭ᭞ᬮᬶᬫᬓ᭄ᬯᬾᬄᬦ᭄ᬬ᭞ᬬᬢᬧᬜ᭄ᬘᬢᬦ᭄ᬫᬢ᭄ᬭ᭞ᬗ᭞ᬇᬓᬵᬲᬶᬦᬗ᭄ᬕᬸᬄᬳᬥ᭄ᬬ
</transcription><transliteration>[1 1B]
 // • // oṁawighnamastu // • // namanastuprithiwiwāhye, tanmatrataḥprakir̀ttitaḥ, aha
ngkaratatasteja, bāyubuddhituwahyake // a, wāhyaningmanaḥ, prathiwiwāhyaningtanmatra
hapaḥ, wāhyaningahangkara, teja, wahyaningbudhi, bāyu // abyaktakawaśatyuktaḥ, da
śapiṇdhasamudbhawaḥ, daśendriyanitatwani, pañjabhūtatmasambhawaḥ // ka, ikangmanaḥ, tanma

[2 2A]
tra, ahangkara, abyakta, pradhanaguṇa'ikākalima, lingsanghyangngaji, ikangpradhanaguṇa, matma
hanmayārūpa, makāwakpawakpañcamahābhūta, matmulāwanpañcatanmatra, hetunyandadidaśe
ndriya // ndyātangsinangguḥpañcatanmatra, nga, ‐lwir̀nya, gaṇdhatanmatra, raṣatanmatra, rūpatanmatra, 
spar̀śśatanmatra, śabdhatanmatra, limakweḥnya, yatapañcatanmatra, nga, ikāsinangguḥhadhya</transliteration>

==== Leaf 2 ====
{{EntryImage
|EntryID=tutur-dangdang-bang-bungalan
|Title=2
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n2/mode/1up
|LocalFileName=tutur-dangdang-bang-bungalan_2.jpeg
}}

<transcription>
[᭒ 2B]
᭒
ᬢ᭄ᬫᬾᬦ᭄ᬤ᭄ᬭᬶᬬ᭞ᬮᬶᬂᬲᬂᬬᭀᬕᬶᬰ᭄ᬯᬭ᭞ᬲᬶᬦᬳᬬᬳᬦ᭄ᬢᬬᬤᬾᬦᬶᬂᬧᬜ᭄ᬘᬫᬳᬵᬪᬹᬢ᭞ᬦ᭄ᬤ᭄ᬬᬂᬧᬜ᭄ᬘᬫᬳᬵᬪᬹ᭠
ᬢ᭞ᬗ᭞ᬧᬺᬣᬶᬯᬶ᭞ᬢᬾᬚ᭞ᬩᬵᬬᬸ᭞ᬆᬓᬰ᭞ᬫᬢᬂᬦ᭄ᬬᬦ᭄‌ᬮᬶᬂᬦᬶᬂᬰᬵᬲ᭄ᬢ᭄ᬭ᭞ᬦ᭄ᬬᬂᬰ᭄ᬮᭀᬓᬵᬦ᭄ᬬᬋᬗᭂᬦ᭄
᭚ᬕᬡ᭄ᬥᬢᬦ᭄ᬫᬢ᭄ᬭᬢᭀᬄᬪᬹᬫᬶᬄ᭞ᬭᬱᬢᬦ᭄ᬫᬢ᭄ᬭᬢᭀᬄᬚᬮᬀ᭞ᬭᬹᬧᬢᬦ᭄ᬫᬢ᭄ᬭᬢᭀᬄᬢᬾᬚ᭞ᬲ᭄ᬧᬃᬰ᭄ᬰ
ᬢᬦ᭄ᬫᬢ᭄ᬭᬢᭀᬄᬦᬶᬮᬄ᭚ᬰᬩ᭄ᬥᬢᬦ᭄ᬫᬢ᭄ᬭᬢᭀᬄᬪ᭄ᬬᭀᬫᬄ᭞ᬧᬜ᭄ᬘᬪᬸᬢᬇᬢᬶᬲ᭄ᬫᬺᬢᬄ᭚᭞ᬓ᭞ᬕᬸᬡ

[᭓ 3A]
ᬫᬶᬂᬧ᭄ᬭᬣᬶᬯᬶ᭞ᬕᬡ᭄ᬥᬢᬫᬢ᭄ᬭ᭞ᬕᬸᬡᬦᬶᬂᬳᬧᬄ᭞ᬭᬱᬢᬦ᭄ᬫᬢ᭄ᬭ᭞ᬕᬸᬡᬦᬶᬂᬢᬾᬚ᭞ᬭᬹᬧᬢᬦ᭄ᬫᬢ᭄ᬭ᭞ᬕᬸᬡᬦᬶᬂ
ᬩᬵᬬᬸ᭞ᬲ᭄ᬧᬃᬰ᭄ᬰᬢᬦ᭄ᬫᬢ᭄ᬭ᭞ᬕᬸᬡᬦᬶᬗᬓᬰᬵ᭞ᬰᬩ᭄ᬥᬢᬦ᭄ᬫᬢ᭄ᬭ᭞ᬭᬶᬂᬕᬸᬡᬦᬶᬂᬘᬗ᭄ᬓᭂᬫ᭄᭞ᬫᬢᬂᬦ᭄ᬬᬦ᭄‌ᬭᬓᭂᬢ᭄ᬦ᭄ᬬ
᭚ᬇᬓᬂᬕᬡ᭄ᬥᬢᬦ᭄ᬫᬢ᭄ᬭ᭞ᬤᬤᬶᬇᬭᬸᬂ᭞ᬤᬸᬶᬤᬸᬶᬳᬸᬶ᭠ᬮᬶᬢ᭄᭞ᬇᬓᬂᬭᬱᬢᬦ᭄ᬫᬢ᭄ᬭ᭞ᬤᬤᬶᬳᬶᬮᬢ᭄᭞ᬇᬓᬂᬭᬹ
ᬧᬵᬢᬦ᭄ᬫᬢ᭄ᬭ᭞ᬤᬤᬶᬫᬢ᭞ᬇᬓᬂᬲ᭄ᬧᬃᬰ᭄ᬰᬢᬦ᭄ᬫᬢ᭄ᬭ᭞ᬤᬤᬶᬓᬸᬮᬶᬢ᭄᭞ᬇᬓᬂᬰᬩ᭄ᬥᬢᬦ᭄ᬫᬢ᭄ᬭ᭞ᬤᬤᬶᬘᬗ᭄ᬓᭂᬫ᭄᭚
</transcription><transliteration>[2 2B]
2
tmendriya, lingsangyogiśwara, sinahayahantayadeningpañcamahābhūta, ndyangpañcamahābhū‐
ta, nga, pr̥ĕthiwi, teja, bāyu, ākaśa, matangnyanlingningśāstra, nyangślokānyar̥ĕngĕn
 // gaṇdhatanmatratoḥbhūmiḥ, raṣatanmatratoḥjalaṃ, rūpatanmatratoḥteja, spar̀śśa
tanmatratoḥnilaḥ // śabdhatanmatratoḥbhyomaḥ, pañcabhuta'itismr̥ĕtaḥ // , ka, guṇa

[3 3A]
mingprathiwi, gaṇdhatamatra, guṇaninghapaḥ, raṣatanmatra, guṇaningteja, rūpatanmatra, guṇaning
bāyu, spar̀śśatanmatra, guṇaningakaśā, śabdhatanmatra, ringguṇaningcangkĕm, matangnyanrakĕtnya
 // ikanggaṇdhatanmatra, dadi'irung, duiduihui‐lit, ikangraṣatanmatra, dadihilat, ikangrū
pātanmatra, dadimata, ikangspar̀śśatanmatra, dadikulit, ikangśabdhatanmatra, dadicangkĕm // </transliteration>

==== Leaf 3 ====
{{EntryImage
|EntryID=tutur-dangdang-bang-bungalan
|Title=3
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n3/mode/1up
|LocalFileName=tutur-dangdang-bang-bungalan_3.jpeg
}}

<transcription>
[᭓ 3B]
᭓
ᬏᬢᭂᬧᬜ᭄ᬘᬕᬸᬡᬀᬧ᭄ᬭᭀᬢᬫ᭄᭞ᬯᬵᬳ᭄ᬬᬾᬦ᭄ᬤ᭄ᬭᬶᬬᭀᬧᬶᬲᬚ᭄ᬜᬓᬄ᭞ᬯᬵᬕᬘᬶᬓᬃᬫ᭄ᬫᬲᬲ᭄ᬣᬧ᭄ᬬ᭞ᬇᬓᬶᬯᬵᬳ᭄ᬬ
ᬫ᭄ᬧ᭄ᬭᬓᬶᬃᬢ᭄ᬢᬶᬢᬫ᭄᭚ᬇᬓᬵᬳᬶᬦᬚᬭᬓᭂᬦ᭄‌ᬯᬵᬳ᭄ᬬᬾᬦ᭄ᬤ᭄ᬭᬶᬬ᭞ᬉᬫ᭄ᬢᬸᬲᬗ᭄ᬓᬾᬂᬕᬸᬡᬦᬶᬂᬧᬜ᭄ᬘᬫᬳᬵᬪᬸᬢ᭞᭠
ᬦ᭄ᬤ᭄ᬬᬢᬂᬲᬶᬦᬗ᭄ᬕᬸᬄᬯᬵᬳ᭄ᬬᬾᬦ᭄ᬤ᭄ᬭᬶᬬᬯᬵᬳ᭄ᬬᬦ᭄ᬬᬗ᭄ᬓᬾᬭᬶᬂᬰᬭᬷᬭ᭞ᬮ᭄ᬯᬶᬃᬦ᭄ᬬ᭞ᬯᬓ᭄᭞ᬧᬡᬶ᭞ᬧᬤ᭞ᬧᬬᬸ᭞ᬉᬧᬵ
ᬲ᭄ᬢ᭞ᬯᬓ᭄᭞ᬗ᭞ᬰᬩ᭄ᬥ᭞ᬳᬮᬦ᭄ᬬᬫᭀᬚᬃ᭞ᬧᬵᬡᬶ᭞ᬯᬗᬦ᭄᭞ᬳᬮᬦ᭄ᬬᬕ᭄ᬭᬳᬶ᭞ᬧᬤ᭞ᬗ᭞ᬲᬸᬓᬸ᭞ᬳ

[᭔ 4A]
ᬮᬦ᭄ᬬᬫᬫᬜ᭄ᬘᬮ᭄᭞ᬧᬬᬸ᭞ᬗ᭞ᬲᬶᬮᬶᬢ᭄᭞ᬳᬮᬦ᭄ᬬᬫᬫ᭄ᬯᬓ᭄᭞ᬉᬧᬲ᭄ᬢ᭞ᬗ᭞ᬧ᭄ᬮᬢ᭄᭞ᬕᬯᬾᬦ᭄ᬬᬫᬗᬸᬬᬸᬳᬶ᭞
ᬫᬫᬼᬘᬶᬂ᭞ᬫᬦ᭄ᬤᬸᬯᬶᬮ᭄᭞ᬦᬳᬦ᭄ᬳᬮᬦ᭄ᬬ᭞ᬫᬓᬤᭀᬦ᭄ᬫᬕᬯᬾᬧᬵᬧ᭞ᬇᬓᬸᬢᬓᬩᬾᬄ᭞ᬬᬦ᭄ᬲᬮᬄᬓ᭄ᬭ
ᬫᬦ᭄ᬬ᭚ᬦ᭄ᬬᬵᬂᬩᬸᬤ᭄ᬥᬶᬦ᭄ᬤ᭄ᬭᬶᬬ᭞ᬗ᭞ᬮ᭄ᬯᬶᬃᬦ᭄ᬬ᭞ᬢ᭄ᬯᬓᬶᬦ᭄ᬤ᭄ᬭᬶᬬ᭞ᬘᬓ᭄ᬱ᭄ᬯᬶᬦ᭄ᬤ᭄ᬭᬶᬬ᭞ᬕ᭄ᬭᬡᬾᬦ᭄ᬤ᭄ᬭᬶᬬ᭞ᬰ᭄ᬭᭀᬢᬾᬦ᭄ᬤ᭄ᬭᬶᬬ᭞
ᬚᬶᬳ᭄ᬯᬾᬦ᭄ᬤ᭄ᬭᬶᬬ᭞ᬇᬓᬵᬮᬶᬫᬓ᭄ᬯᬾᬄᬦ᭄ᬬ᭞ᬦ᭄ᬬᬂᬳᬵᬮᬦᬶᬂᬰ᭄ᬭᭀᬢᬾᬦ᭄ᬤ᭄ᬭᬶᬬ᭞ᬅᬮ᭄ᬫᭂᬄᬬᬦ᭄ᬓᬸᬭᬗᬭᬶᬂᬧᬗᬺ
</transcription><transliteration>[3 3B]
3
etĕpañcaguṇaṃprotam, wāhyendriyopisajñakaḥ, wāgacikar̀mmasasthapya, ikiwāhya
mprakir̀ttitam // ikāhinajarakĕnwāhyendriya, umtusangkengguṇaningpañcamahābhuta, ‐
ndyatangsinangguḥwāhyendriyawāhyanyangkeringśarīra, lwir̀nya, wak, paṇi, pada, payu, upā
sta, wak, nga, śabdha, halanyamojar̀, pāṇi, wangan, halanyagrahi, pada, nga, suku, ha

[4 4A]
lanyamamañcal, payu, nga, silit, halanyamamwak, upasta, nga, plat, gawenyamanguyuhi, 
maml̥ĕcing, manduwil, nahanhalanya, makadonmagawepāpa, ikutakabeḥ, yansalaḥkra
manya // nyāngbuddhindriya, nga, lwir̀nya, twakindriya, cakṣwindriya, graṇendriya, śrotendriya, 
jihwendriya, ikālimakweḥnya, nyanghālaningśrotendriya, almĕḥyankurangaringpangr̥ĕ</transliteration>

==== Leaf 4 ====
{{EntryImage
|EntryID=tutur-dangdang-bang-bungalan
|Title=4
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n4/mode/1up
|LocalFileName=tutur-dangdang-bang-bungalan_4.jpeg
}}

<transcription>
[᭔ 4B]
᭔
ᬗᭃ᭞ᬰᬩ᭄ᬥᬳᬮᬳᬬᬸ᭟ᬳᬮᬦᬶᬂᬕ᭄ᬭᬡᬾᬦ᭄ᬤ᭄ᬭᬶᬬ᭞ᬳ᭄ᬮ᭄ᬫᭂᬄᬬᬦ᭄ᬧᬗᬫ᭄ᬩᬸᬗᬭᬶᬂᬬᭀᬕ᭄ᬬᬢᬦ᭄‌ᬬᭀᬕ᭄ᬬ
᭞ᬬᬳᬮᬦ᭄ᬬ᭞ᬳᬮᬦᬶᬂᬘᬓ᭄ᬱ᭄ᬯᬶᬦ᭄ᬤ᭄ᬭᬶᬬ᭞ᬳᬮ᭄ᬫᭂᬄᬬᬦ᭄ᬢᬦ᭄ᬫᬸᬮᬢᬭᬶᬂᬯᬲ᭄ᬢᬸᬭᬳᬬᬸ᭞ᬳᬮᬦᬶᬂᬢ᭄ᬯᬓᬶ
ᬦ᭄ᬤ᭄ᬭᬶᬬ᭞ᬳᬮ᭄ᬫᭂᬄᬓᬧᬸᬭᬸᬕᬭᬶᬗᬓᬲᬧ᭄‌ᬫ᭄ᬯᬵᬂᬗᬳᬢᭂᬮ᭄᭞ᬳᬮᬦᬶᬂᬚᬶᬯᬾᬦ᭄ᬤ᭄ᬭᬶᬬ᭞ᬳᬮ᭄ᬫᭂᬄᬭᬸᬫᬱ
ᬦᬦᬭᬶᬂᬦᭀᬭᬳᬾᬦᬓ᭄᭟ᬫᬢᬗ᭄ᬬᬦᬶᬓᬳᬵᬥ᭄ᬬᬢ᭄ᬫᬾᬦ᭄ᬤ᭄ᬭᬶᬬᬓ᭄ᬯᬾᬄᬦ᭄ᬬᬮᬶᬫ᭞ᬇᬓᬂᬯᬵᬳ᭄ᬬᬾᬦ᭄ᬤ᭄ᬭᬶᬬ

[᭕ 5A]
ᬲ᭄ᬯᬾᬄᬦ᭄ᬬᬮᬶᬫ᭞ᬦ᭄ᬤᬓ᭄ᬫᬢ᭄ᬫᬸᬇᬓᬓᬮᬶᬄ᭞ᬬᬢᬲᬶᬦᬗ᭄ᬕᬄᬤᬰᬾᬦ᭄ᬤ᭄ᬭᬶᬬ᭞ᬫᬧᬢᬤᭀᬦ᭄ᬬᬳᬶᬦᬦᬓᬦ᭄ᬤᬾ
ᬪᬝᬭ᭞ᬫᬓᬵᬤᭀᬦ᭄ᬓᬪᬸᬓ᭄ᬢ᭄ᬬᬦᬶᬂᬭᬵᬢ᭄ᬓᬩᬾᬄ᭞ᬤᭀᬦᬶᬭ᭞ᬧᬶᬦᬓᬲᬥᬦᬲᬂᬳ᭄ᬬᬂᬢᬸᬫᬶᬗ᭄ᬳᬮᬳᬮᬳ
ᬬᬸᬦᬶᬂᬭᬢ᭄᭞ᬦᬶᬫᬶᬢ᭄ᬢᬦᬶᬭᬢᬦ᭄ᬓᬢᭀᬦ᭄᭞ᬫᬓᬵᬧᬭᬡᬂᬰᬶᬯᬳᬓ᭄ᬢ᭞ᬕᬸᬫᬯᬾᬍᬢᬸᬳᬶᬗᬶᬦ᭄ᬤ᭄ᬭᬶᬬᬳ
ᬦᬭᬶᬂᬲᬃᬯ᭄ᬯᬚᬦ᭄ᬫ᭞ᬫ᭄ᬯᬂᬫᬦᬸᬱᬵᬤᬶ᭚ᬇᬢᬶᬯᬶᬤᬰᬾᬦ᭄ᬤ᭄ᬭᬶᬬᬢᬢ᭄ᬯ᭚᭜᭚ᬓ᭄ᬭᭀᬥᬮᭀᬪᬰ᭄ᬘᬫᭀᬳᬰ᭄ᬘ
</transcription><transliteration>[4 4B]
4
ngö, śabdhahalahayu. halaninggraṇendriya, hlmĕḥyanpangambungaringyogyatanyogya
, yahalanya, halaningcakṣwindriya, halmĕḥyantanmulataringwasturahayu, halaningtwaki
ndriya, halmĕḥkapurugaringakasapmwāngngahatĕl, halaningjiwendriya, halmĕḥrumaṣa
nanaringnorahenak. matangyanikahādhyatmendriyakweḥnyalima, ikangwāhyendriya

[5 5A]
sweḥnyalima, ndakmatmu'ikakaliḥ, yatasinanggaḥdaśendriya, mapatadonyahinanakande
bhaṭara, makādonkabhuktyaningrātkabeḥ, donira, pinakasadhanasanghyangtuminghalahalaha
yuningrat, nimittaniratankaton, makāparaṇangśiwahakta, gumawel̥ĕtuhingindriyaha
naringsar̀wwajanma, mwangmanusyādi // itiwidaśendriyatatwa // • // krodhalobhaścamohaśca</transliteration>

==== Leaf 5 ====
{{EntryImage
|EntryID=tutur-dangdang-bang-bungalan
|Title=5
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n5/mode/1up
|LocalFileName=tutur-dangdang-bang-bungalan_5.jpeg
}}

<transcription>
[᭕ 5B]
᭕
᭞ᬭᬵᬕᬤ᭄ᬯᬾᬱᬫᬢᬶᬲ᭄ᬫᬺᬢᬶᬄ᭞ᬲᬂᬲ᭄ᬣᬶᬢᬄᬭᬶᬫᬸᬯᬄᬲᬃᬯ᭄ᬯᬾ᭞ᬲ᭄ᬯᬰᬭᬷᬭᬾᬢᬸᬧᬜ᭄ᬘᬫᬄ᭚ᬓ᭞ᬇᬓᬂᬰᬢ᭄ᬭᬸ
ᬫᬸᬗ᭄ᬯᬶᬂᬰᬭᬷᬭ᭞ᬮᬶᬫᬓ᭄ᬯᬾᬄᬦ᭄ᬬ᭞ᬓ᭄ᬭᭀᬥ᭞ᬗ᭞ᬇᬓᬂᬩᬸᬤ᭄ᬥᬶᬩ᭄ᬯ[strike]ᬢ᭄᭞ᬲᬺᬗᭂᬦ᭄ᬢᬦ᭄ᬧᬓᬭᬡ᭟ᬮᭀᬪ᭞ᬗ᭞
ᬇᬓᬂᬩᬸᬤ᭄ᬥᬶᬫᬳ᭄ᬬᬸᬦᬶᬂᬤᬺᬯ᭄ᬬᬦᬶᬂᬮ᭄ᬬᬦ᭄᭞ᬢᬦᬓ᭄ᬥᬶᬓᬶᬦᬮᬧ᭄ᬜ᭞ᬳᬢ᭄ᬳᭂᬃᬓᬸᬳᬶᬭᬭᬶᬂᬤᬺᬩ᭄ᬬᬦ᭄ᬬᬧᬶᬦᬶᬦ᭄ᬢᬢᬢ
ᬦ᭄ᬧᬯᬾᬄ᭟ᬫᭀᬳ᭞ᬗ᭞ᬇᬓᬂᬩᬸᬤ᭄ᬥᬶᬩ᭄ᬯᬢ᭄ᬧᬸᬢᭂᬓ᭄ᬳᬢᬶ᭞ᬧ᭄ᬢᭂᬂᬢᬦ᭄ᬧᬤᭀᬦ᭄ᬭᬵᬢ᭄᭟ᬭᬕ᭞ᬗ᭞ᬇᬓᬂᬩᬸᬥᬶᬳ

[᭖ 6A]
ᬋᬧᬶᬲᬃᬯ᭄ᬯᬯᬲ᭄ᬢᬸᬭᬳᬬᬸ᭟ᬤ᭄ᬯᬾᬱ᭞ᬗ᭞ᬇᬓᬂᬩᬸᬤ᭄ᬥᬶᬳᬾᬮᬶᬓᬶᬂᬲᬫᬦ᭄ᬬᬚᬦ᭄ᬫ᭞ᬇᬭᬶᬓᬂᬤᭀᬱᬫᬸᬯᬄᬢ
ᬦ᭄ᬧᬤᭀᬱᬓᬸᬦᭂᬂ᭚ᬦᬶᬳᬦ᭄‌ᬮ᭄ᬯᬶᬭᬶᬂᬧᬜ᭄ᬘᬰᬢ᭄ᬭᬸᬭᬶᬗᬯᬓ᭄᭞ᬭᬶᬯ᭄ᬓᬲᬦ᭄ᬧᬯᬸᬯᬸᬄᬬᬲᬲᬗ᭞ᬳᬾᬢᬸᬦ᭄ᬬ
ᬦ᭄ᬤᬤᬶᬘᬢᬹᬃᬤᬰᬰᬢ᭄ᬭᬸ᭞ᬧᬢ᭄ᬩᭂᬮᬲ᭄ᬤᬤᬶᬦ᭄ᬬ᭞ᬦ᭄ᬤ᭄ᬬᬢ᭞ᬋᬗᭃᬰ᭄ᬮᬾᬓᬦ᭄ᬬ᭟ᬓᬮᬸᬱᬤᬹᬃᬢ᭄ᬢᬫᬹᬃᬢ᭄ᬯᬀ᭞ᬓ᭄ᬭᬸᬭ
ᬦᬶᬦ᭄ᬤᬦᬥᬫ᭄ᬪᬰ᭄ᬘ᭞ᬫᬶᬱ᭄ᬬᬵᬇᬃᬱ᭄ᬬᬰ᭄ᬘᬳᬶᬗ᭄ᬲᬰ᭄ᬘ᭞ᬲᬯ᭄ᬯᬾᬲᬜ᭄ᬘᬘᬢᬸᬃᬤᬰᬄ᭚᭞ᬓ᭞ᬇᬓᬂᬳᬾᬢᬸᬦ᭄ᬬᬫᬯᭂ
</transcription><transliteration>[5 5B]
5
, rāgadweṣamatismr̥ĕtiḥ, sangsthitaḥrimuwaḥsar̀wwe, swaśarīretupañcamaḥ // ka, ikangśatru
mungwingśarīra, limakweḥnya, krodha, nga, ikangbuddhibwa[strike]t, sr̥ĕngĕntanpakaraṇa. lobha, nga, 
ikangbuddhimahyuningdr̥ĕwyaninglyan, tanakdhikinalapña, hat'hĕr̀kuhiraringdr̥ĕbyanyapinintatata
npaweḥ. moha, nga, ikangbuddhibwatputĕk'hati, ptĕngtanpadonrāt. raga, nga, ikangbudhiha

[6 6A]
r̥ĕpisar̀wwawasturahayu. dweṣa, nga, ikangbuddhihelikingsamanyajanma, irikangdoṣamuwaḥta
npadoṣakunĕng // nihanlwiringpañcaśatruringawak, riwkasanpawuwuḥyasasanga, hetunya
ndadicatūr̀daśaśatru, patbĕlasdadinya, ndyata, r̥ĕngöślekanya. kaluṣadūr̀ttamūr̀twaṃ, krura
nindanadhambhaśca, miṣyā'ir̀ṣyaścahingsaśca, sawwesañcacatur̀daśaḥ // , ka, ikanghetunyamawĕ</transliteration>

==== Leaf 6 ====
{{EntryImage
|EntryID=tutur-dangdang-bang-bungalan
|Title=6
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n6/mode/1up
|LocalFileName=tutur-dangdang-bang-bungalan_6.jpeg
}}

<transcription>
[᭖ 6B]
ᬯᭂᬄ᭞ᬤᬤᬶᬧᬢ᭄ᬩᭂᬮᬲ᭄᭞ᬲᬲᬗᬤᬤᬶᬧᬢᬫ᭄ᬩᭂᬄᬦ᭄ᬬ᭞ᬦ᭄ᬤ᭄ᬬᬂᬲᬲᬗ᭞ᬮ᭄ᬯᬶᬃᬦ᭄ᬬ᭞ᬓᬮᬸᬱ᭞ᬗ᭞ᬳᬮ᭄ᬫᭂᬄᬭᬶᬲᬕ
ᬯᬾᬦᬶᬂᬯᭀᬂ᭞ᬳᬶᬦᬓᭀᬧᬚᬷᬧᬦ᭄ᬬ᭞ᬩᭀᬢ᭄ᬘᭀᬮᭀᬂ᭟ᬤᬹᬃᬢ᭄ᬢ᭞ᬗ᭞ᬩ᭄ᬯᬢ᭄ᬧᬶᬰᬸᬦᬓᭂᬦ᭄ᬧᬥᬦ᭄ᬬᬚᬦ᭄ᬫ᭟ᬫᬹᬃᬓ᭄ᬓ
᭞ᬗ᭞ᬢᬦ᭄ᬯ᭄ᬭᬸᬄᬩ᭄ᬯᬢᬶᬂᬓᬧᬶᬳᬸᬢᬗᬦ᭄᭞ᬳᬫᬶᬂᬭ᭄ᬯᬚᬸᬕᬧᬵᬧᬦᬶᬓᬳ᭄ᬬᬸᬦ᭄ᬬ᭟ᬓ᭄ᬭᬸᬭ᭞ᬗ᭞ᬩ᭄ᬯᬢ᭄ᬢᬦ᭄ᬲᭀᬫ᭄ᬬᬳᬸ
ᬮᬢ᭄ᬦ᭄ᬬ᭞ᬳᬩᬸᬢᭂᬂᬉᬮᬄᬭᬶᬲᬂᬲᬵᬥᬸ᭟ᬦᬶᬦ᭄ᬤ᭞ᬗ᭞ᬧᬭᬢᬶᬦ᭄ᬤᬭᬶᬧᬥᬦ᭄ᬬᬚᬦ᭄ᬫ᭟ᬥᬫ᭄ᬪ᭞ᬗ᭞ᬳᬮ᭄ᬫᭂᬄᬓᬸ

[᭗ 7A]
ᬭᬗᬫᬗᬦᬗᬗ᭄ᬕᭀ᭟ᬫᬶᬢ᭄ᬬ᭞ᬗ᭞ᬮᬶᬜᭀᬓ᭄᭞ᬳᬲᬶᬂᬯᬸᬯᬸᬲ᭄ᬦ᭄ᬬ᭟ᬇᬃᬱ᭄ᬬ᭞ᬗ᭞ᬫᬾᬮᬶᬓ᭄ᬢᬸᬫᭀᬦᬶᬂᬲᬫᬲᬫ
ᬦ᭄ᬬᬦ᭄ᬤᬤᬶ᭟ᬳᬶᬗ᭄ᬲ᭞ᬗ᭞ᬩ᭄ᬯᬢ᭄ᬳᬫᭂᬢ᭄ᬬᬦᬶᬧᬥᬦ᭄ᬬᬚᬦ᭄ᬫ᭞ᬲᬸᬤᭀᬱᬮᬵᬯᬦ᭄ᬦᬶᬃᬱ᭟ᬬᬾᬓᬵᬕ᭄ᬦᭂᬧ᭄ᬦ᭄ᬬᬧᬢ᭄ᬗᭂᬮ
ᬲ᭄᭚ᬬᬾᬓᬶᬕ᭄ᬦᭂᬧ᭄ᬦ᭄ᬬᬧᬢ᭄ᬗᭂᬮᬲ᭄᭚ᬲ᭄ᬢ᭄ᬭᬷᬧᬵᬡᬰᬓ᭄ᬢᬤ᭄ᬬᬸᬢᬢ᭄ᬯᬫ᭄᭞ᬫᬺᬕᬬᬯᬦᬰᬓ᭄ᬢᬣᬵ᭞ᬦᬶᬤ᭄ᬭᬕᬶᬂᬭᬶᬕᬶᬳᬵᬰᬹᬦ᭄ᬬ
᭞ᬅᬲᬦᬜ᭄ᬚᬮᬰᬓ᭄ᬢᬣᬵ᭚ᬓ᭞ᬲ᭄ᬢ᭄ᬭᬶᬰᬓ᭄ᬢ᭞ᬗ᭞ᬚ᭄ᬜᭂᬓᬶᬂᬲᬗ᭄ᬕᬫ᭟ᬧᬵᬡᬰᬓ᭄ᬢ᭞ᬗ᭞ᬚ᭄ᬦᭂᬓᬾᬗᬶᬦᬸᬫ᭄᭟
</transcription><transliteration>[6 6B]
wĕḥ, dadipatbĕlas, sasangadadipatambĕḥnya, ndyangsasanga, lwir̀nya, kaluṣa, nga, halmĕḥrisaga
weningwong, hinakopajīpanya, botcolong. dūr̀tta, nga, bwatpiśunakĕnpadhanyajanma. mūr̀kka
, nga, tanwruḥbwatingkapihutangan, hamingrwajugapāpanikahyunya. krura, nga, bwattansomyahu
latnya, habutĕngulaḥrisangsādhu. ninda, nga, paratindaripadhanyajanma. dhambha, nga, halmĕḥku

[7 7A]
rangamangananganggo. mitya, nga, liñok, hasingwuwusnya. ir̀ṣya, nga, meliktumoningsamasama
nyandadi. hingsa, nga, bwat'hamĕtyanipadhanyajanma, sudoṣalāwannir̀ṣa. yekāgnĕpnyapatngĕla
s // yekignĕpnyapatngĕlas // strīpāṇaśaktadyutatwam, mr̥ĕgayawanaśaktathā, nidragingrigihāśūnya
, asanañjalaśaktathā // ka, striśakta, nga, jñĕkingsanggama. pāṇaśakta, nga, jnĕkenginum. </transliteration>

==== Leaf 7 ====
{{EntryImage
|EntryID=tutur-dangdang-bang-bungalan
|Title=7
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n7/mode/1up
|LocalFileName=tutur-dangdang-bang-bungalan_7.jpeg
}}

<transcription>
[᭗ 7B]
᭗
ᬤ᭄ᬬᬸᬢᬰᬓ᭄ᬢ᭞ᬗ᭞ᬚ᭄ᬦᭂᬓᬶᬂᬢᭀᬄᬢᭀᬳᬦ᭄᭞ᬫᬺᬕᬰᬓ᭄ᬢ᭞ᬗ᭞ᬬᬚ᭄ᬦᭂᬓᬶᬂᬳᬩᬸᬭᬸ᭟ᬳᬯᬕ᭄ᬯᬦ᭞ᬗ᭞ᬚ᭄ᬦᭂ
ᬓᬶᬂᬳᬗᬸᬡ᭄ᬥᬂᬢᭀᬦ᭄ᬢᭀᬦᬦ᭄᭟ᬦᬶᬤ᭄ᬭ᭞ᬗ᭞ᬚ᭄ᬦᭂᬓᬶᬂᬢᬸᬭᬸ᭟ᬕᬶᬭᬶᬰᬓ᭄ᬢ᭞ᬗ᭞ᬚ᭄ᬦᭂᬓᬾᬂᬮᬗᭂᬦᬶᬂᬕᬸᬦᬸᬂ᭟ᬰᬶᬳ
ᬰᬓ᭄ᬢ᭞ᬗ᭞ᬚ᭄ᬦᭂᬓᬫ᭄ᬗᬫ᭄ᬗᬶᬂᬕᬸᬳ᭟ᬰᬹᬦ᭄ᬬᬰᬓ᭄ᬢ᭞ᬗ᭞᭠ᬚ᭄ᬦᭂᬓ᭄ᬳᬫ᭄ᬗᬫ᭄ᬗᬶᬂᬢᬫᬦᬲᬶᬫ᭄ᬧᬃ᭟ᬅᬲᬦ᭞ᬗ᭞ᬚ᭄ᬦᭂᬓᬶᬂᬳᬫᬗᬵ
ᬦ᭄ᬲᬸᬭᬱ᭞ᬚᬮᬰᬓ᭄ᬢ᭞ᬗ᭞ᬚ᭄ᬦᭂᬓᬶᬂᬳᬫ᭄ᬗᬫ᭄ᬗᬶᬂᬲᭂᬜ᭄ᬚᬂ᭞ᬧᬜ᭄ᬘᬸᬭᬦ᭄᭞ᬢᬮᬕ᭞ᬦᬥᬶ᭞ᬦᬃᬫ᭄ᬫᬥ᭞ᬕᬗ᭄ᬕ᭞ᬲᬭ

[᭘ 8A]
ᬬᬸ᭞ᬲᬵᬕᬭ᭞ᬲᬶᬦᬫ᭄ᬩᬶᬦ᭄ᬬᬦ᭄ᬧᬗᬮᬧᬳᬶᬓ᭄ᬮ᭄ᬯᬄ᭞ᬲᬵᬕᬭ᭞ᬲᬮ᭄ᬯᬶᬭᬶᬂᬓᬮ᭄ᬗᭂᬗᬦ᭄ᬬᬭᬶᬦᬭᬄ᭞ᬬᬲᬶᬦᬗ᭄ᬕᬸᬄ
ᬰᬢ᭄ᬭᬸᬲᬂᬧᬡ᭄ᬥᬶᬢ᭞ᬫᬓᬵᬤᬶᬰᬢ᭄ᬭᬸᬲᬂᬬᭀᬕᬷᬰ᭄ᬯᬭ᭞ᬲᬮ᭄ᬯᬶᬭᬶᬂᬯᬶᬱᬬᬦᬶᬂᬫᬵᬦᬸᬱ᭞ᬆᬧᬦ᭄ᬦᬶᬓᬵᬓᬩᬾᬄᬫ
ᬬᬵᬢᬢ᭄ᬯ᭞ᬗ᭞ᬭᬶᬂᬫᬬᬵᬢᬢ᭄ᬯᬉᬗ᭄ᬕ᭄ᬯᬦ᭄ᬪᬝᬵᬭᬫᬲᬶᬮᬸᬫᬦ᭄᭞ᬏᬦᬓᬦᬶᬂᬯᬶᬱᬬᬦ᭄ᬬ᭞ᬲᬤᭀᬦ᭄ᬬᬳᬶᬦ
ᬦᬓᭂᬦ᭄ᬤᬾᬪᬝᬵᬭ᭞ᬇᬓᬂᬭᬢ᭄‌ᬓ᭄ᬮᬶᬃᬢᬢ᭄ᬯᬦ᭄ᬬ᭞ᬇᬓᬂᬲᬃᬯ᭄ᬯᬯᬶᬱᬬᬯᬬᬢᬢ᭄ᬯᬦ᭄ᬬ᭞ᬇᬓᬂᬚᬦ᭄ᬫᬲᬗ
</transcription><transliteration>[7 7B]
7
dyutaśakta, nga, jnĕkingtoḥtohan, mr̥ĕgaśakta, nga, yajnĕkinghaburu. hawagwana, nga, jnĕ
kinghanguṇdhangtontonan. nidra, nga, jnĕkingturu. giriśakta, nga, jnĕkenglangĕninggunung. śiha
śakta, nga, jnĕkamngamngingguha. śūnyaśakta, nga, ‐jnĕk'hamngamngingtamanasimpar̀. asana, nga, jnĕkinghamangā
nsuraṣa, jalaśakta, nga, jnĕkinghamngamngingsĕñjang, pañcuran, talaga, nadhi, nar̀mmadha, gangga, sara

[8 8A]
yu, sāgara, sinambinyanpangalapahiklwaḥ, sāgara, salwiringkalngĕnganyarinaraḥ, yasinangguḥ
śatrusangpaṇdhita, makādiśatrusangyogīśwara, salwiringwiṣayaningmānuṣa, āpannikākabeḥma
yātatwa, nga, ringmayātatwa'unggwanbhaṭāramasiluman, enakaningwiṣayanya, sadonyahina
nakĕndebhaṭāra, ikangratklir̀tatwanya, ikangsar̀wwawiṣayawayatatwanya, ikangjanmasanga</transliteration>

==== Leaf 8 ====
{{EntryImage
|EntryID=tutur-dangdang-bang-bungalan
|Title=8
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n8/mode/1up
|LocalFileName=tutur-dangdang-bang-bungalan_8.jpeg
}}

<transcription>
[᭘ 8B]
᭘
ᬦᭀᬦ᭄ᬢᭀᬦ᭄ᬢᬢ᭄ᬯᬦ᭄ᬬ᭞ᬪᬝᬵᬭᬲᬶᬭᬫᬂᬯᬬᬂᬢᬢ᭄ᬯᬦᬶᬭ᭞ᬫᬢᬗ᭄ᬬᬦᬶᬭ᭞ᬫᬢᬗ᭄ᬬᬦᬶᬓᬂᬯᬬᬂᬫᬬᬢᬢ᭄ᬯᬗᬭᬦᬶᬓ
᭞ᬲᬂᬲᬶᬧ᭄ᬢᬦᬶᬂᬳᬦᬯᬬᬂ᭚᭜᭚ᬫᬸᬯᬄᬋᬗᭃᬦ᭄ᬢᬂᬰ᭄ᬭᬸᬢᬶᬦ᭄ᬬ᭚ᬪᬹᬬᬀᬲᬗ᭄ᬓᬸᬮᬭᬹᬧᬰᬶᬮᬯᬶᬦᬯᬰ᭄ᬭᬷ
ᬫᬦ᭄ᬢᬧᬲ᭄ᬯᬀᬧᬸᬫᬦ᭄᭞ᬯᬶᬤ᭄ᬥ᭄ᬬᬵᬧᬵᬭᬕᬫᬾᬥᬯᬶᬰᬸᬪᬫᬢᬶᬄᬧᬹᬡ᭄ᬬᬵᬓ᭄ᬱᬫᬵᬥᬾᬃᬬ᭄ᬬᬵᬯᬦ᭄᭞ᬢ᭄ᬬᬵᬕᬶᬦᬵ
ᬕ᭄ᬬᬲᬸᬓᬶᬤᬦᬶᬓᬺᬢᬬᬰᭀᬥᬃᬫ᭄ᬫᭀᬲᬸᬭᬓ᭄ᬱᬲᬓᬄ᭞ᬬᭀᬕᬶᬦᬶᬲ᭄ᬓᬮᬚᬦ᭄ᬫᬦᬶᬢ᭄ᬭᬶᬲᬫᬬᬢ᭄

[᭙ 9A]
ᬇᬰ᭄ᬰᬵᬮᬬᬯ᭄ᬬᬵᬋᬬᬾ᭚ᬓ᭞ᬅᬃᬣᬦᬶᬓᬂᬰ᭄ᬮᭀᬓ᭞ᬮ᭄ᬯᬶᬭᬶᬭᬲᬗᬋᬧ᭄‌ᬥᬃᬫ᭄ᬫᬭᬳᬬᬸ᭞ᬮ᭄ᬯᬶᬭᬦᬶᬓᬗᬸᬮᬄ
ᬭᬳᬬᬸᬕᬶᬦᬯᬾ᭞ᬦ᭄ᬤ᭄ᬬᬢᬳᬸᬮᬳᬓ᭄ᬦ᭞ᬤᬵᬦᬧᬹᬡ᭄ᬬ᭞ᬩᬸᬤ᭄ᬥᬶᬭᬳᬬᬸ᭞ᬫᬓᬵᬤᬶᬬᬜᬶᬭᬯ᭄ᬭᬸᬄᬭᬶᬂᬬᭀᬕ
ᬪ᭄ᬬᬵᬱ᭞ᬆᬧᬦᬶᬓᬂᬬᭀᬕᬳᬕᬸᬂᬧᬮᬦ᭄ᬬ᭞ᬬᬤ᭄ᬬᬲ᭄ᬢᬸᬦ᭄ᬢᬦ᭄ᬓᬧᬗ᭄ᬕᬶᬄᬇᬓᬂᬓᬫᭀᬓ᭄ᬱᬦ᭄ᬤᬾᬦᬶᬭ᭞ᬫᬓᬦᬶᬫᬶᬢ᭄ᬢ
ᬧᭂᬲ᭄ᬦᬶᬂᬬᭀᬕᬦᬶᬭ᭞ᬓᬸᬭᬂᬍᬓᬲ᭄᭞ᬫᬦ᭄ᬤᬧᬗᬯ᭄ᬭᬸ᭠ᬳᬶᬭ᭞ᬢᬝᬵᬧᬶᬦ᭄ᬬᬦ᭄‌ᬢᬦ᭄ᬤᬤᬶᬲᬶᬭᬢᬶᬩᬾᬂᬦᬭ
</transcription><transliteration>[8 8B]
8
nontontatwanya, bhaṭārasiramangwayangtatwanira, matangyanira, matangyanikangwayangmayatatwangaranika
, sangsiptaninghanawayang // • // muwaḥr̥ĕngöntangśrutinya // bhūyaṃsangkularūpaśilawinawaśrī
mantapaswaṃpuman, widdhyāpāragamedhawiśubhamatiḥpūṇyākṣamādher̀yyāwan, tyāginā
gyasukidanikr̥ĕtayaśodhar̀mmosurakṣasakaḥ, yoginiskalajanmanitrisamayat

[9 9A]
iśśālayawyār̥ĕye // ka, ar̀thanikangśloka, lwirirasangar̥ĕpdhar̀mmarahayu, lwiranikangulaḥ
rahayuginawe, ndyatahulahakna, dānapūṇya, buddhirahayu, makādiyañirawruḥringyoga
bhyāṣa, āpanikangyogahagungpalanya, yadyastuntankapanggiḥikangkamokṣandenira, makanimitta
pĕsningyoganira, kurangl̥ĕkas, mandapangawru‐hira, taṭāpinyantandadisiratibengnara</transliteration>

==== Leaf 9 ====
{{EntryImage
|EntryID=tutur-dangdang-bang-bungalan
|Title=9
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n9/mode/1up
|LocalFileName=tutur-dangdang-bang-bungalan_9.jpeg
}}

<transcription>
[᭙ 9B]
᭙
ᬓ᭟ᬓᬜ᭄ᬘᬶᬢ᭄ᬧᬮᬀᬫᬯᬵᬧ᭄ᬦᬸᬬᬢ᭄᭟ᬳᬾᬢᬸᬦᬶᬭᬬᬧᬦ᭄ᬫᬸᬧᬮᬫᬓ᭄ᬥᬶᬓ᭄᭞ᬦ᭄ᬤ᭄ᬬᬢᬗᬶᬦᬭᬦᬦ᭄ᬧᬮ
ᬫᬓ᭄ᬥᬶᬓ᭄᭞ᬗ᭞ᬲᬶᬭᬲᬂᬫᬭᬸᬳᬸᬃᬢᬸᬮᬦᬶᬭ᭞ᬲᬶᬭᬲᬂᬓᬶᬦᬳᬦᬦᬶᬂᬭᬹᬧᬮᬶᬢᬸᬳᬬᬸ᭞ᬲᬶᬭᬲᬂᬓᬶᬦᬳ
ᬦᬦᬶᬂᬯᬶᬪᬵᬯᬰ᭄ᬭᬶᬫᬦ᭄᭞ᬗ᭞ᬲᬂᬧᬫ᭄ᬕᬢ᭄ᬲᬸᬕᬶᬄᬫᬲ᭄‌ᬧᬶᬭᬓ᭄᭞ᬫᬓᬵᬤᬶᬲᬂᬧ᭄ᬭᬪᬸᬭᬶᬂᬭᬵᬢ᭄᭞ᬲᬶᬭᬲᬂᬧᬸᬭᬸᬱ᭞
ᬧᬶᬦᬡ᭄ᬥᬶᬢ᭟ᬲᬶᬭᬲᬂᬯᬶᬤ᭄ᬥ᭄ᬬᬵᬧᬭᬕ᭞ᬗ᭞ᬲᬂᬯ᭄ᬭᬸᬄᬫᬗᬚᬶᬰᬵᬲ᭄ᬢ᭄ᬭᬵᬕᬫ᭞ᬢᬃᬓ᭄ᬓᬓᬵᬭᬢ᭟ᬲᬶᬭᬲᬂᬫᬓᬵ

[᭑᭐ 10A]
ᬫ᭄ᬩᭂᬓ᭄ᬫᬾᬥᬯᬶ᭞ᬗ᭞ᬲᬂᬯ᭄ᬭᬸᬳᬶᬂᬲᭀᬃᬧᬗᬍᬯᬶᬄᬦᬶᬂᬚᬦ᭄ᬫᬫᬵᬦᬸᬱ᭟ᬰᬸᬪᬫᬢᬶᬄ᭞ᬗ᭞ᬲᬶᬭᬲᬂᬭᬳᬬᬸᬭᬶᬂ᭠
ᬩᬸᬤ᭄ᬥᬶ᭟ᬧᬹᬡ᭄ᬬ᭞ᬗ᭞ᬲᬶᬭᬲᬂᬫᬤᬦᬢᬦ᭄ᬳᬦᬭᬱᬦᬶᬂᬳᬢᬶ᭞ᬲ᭄ᬯᬾᬰ᭄ᬘᬓᬾᬯᬮ᭟ᬲᬶᬭᬲᬂᬓ᭄ᬱᬫ᭞ᬗ᭞ᬇ
ᬓᬵᬗᬫ᭄ᬩᭂᬓᬵᬲᬶᬄᬓᬾᬯᬮ᭞ᬢᬦᬦᬕᬼᬗᬶᬭ᭟ᬥᬾᬃᬬ᭄ᬬᬯᬦ᭄᭞ᬗ᭞ᬲᬶᬭᬲᬂᬢᬦ᭄ᬤᬸᬳ᭄ᬓᬭᬶᬢ᭄ᬓᬦᬶᬂᬮᬭ᭞ᬥᬶᬭ
ᬓᬾᬯᬮ᭞ᬆᬧᬦ᭄ᬕᭂᬦᬶᬂᬥᬭᬡᬭᬶᬲᬶᬭ᭞ᬢ᭄ᬬᬵᬕᬀ᭞ᬗ᭞ᬲᬶᬭᬲᬂᬢᬦᬢᬓᬸᬢ᭄‌ᬭᬶᬢ᭄ᬓᬵᬦᬶᬂᬧᬢᬶ᭞ᬪᬕ᭄ᬬ᭞
</transcription><transliteration>[9 9B]
9
ka. kañcitpalaṃmawāpnuyat. hetunirayapanmupalamakdhik, ndyatanginarananpala
makdhik, nga, sirasangmaruhur̀tulanira, sirasangkinahananingrūpalituhayu, sirasangkinaha
naningwibhāwaśriman, nga, sangpamgatsugiḥmaspirak, makādisangprabhuringrāt, sirasangpuruṣa, 
pinaṇdhita. sirasangwiddhyāparaga, nga, sangwruḥmangajiśāstrāgama, tar̀kkakārata. sirasangmakā

[10 10A]
mbĕkmedhawi, nga, sangwruhingsor̀pangal̥ĕwiḥningjanmamānuṣa. śubhamatiḥ, nga, sirasangrahayuring‐
buddhi. pūṇya, nga, sirasangmadanatanhanaraṣaninghati, sweścakewala. sirasangkṣama, nga, i
kāngambĕkāsiḥkewala, tananagl̥ĕngira. dher̀yyawan, nga, sirasangtanduhkaritkaninglara, dhira
kewala, āpan'gĕningdharaṇarisira, tyāgaṃ, nga, sirasangtanatakutritkāningpati, bhagya, </transliteration>

==== Leaf 10 ====
{{EntryImage
|EntryID=tutur-dangdang-bang-bungalan
|Title=10
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n10/mode/1up
|LocalFileName=tutur-dangdang-bang-bungalan_10.jpeg
}}

<transcription>
[᭑᭐ 10B]
᭑᭐
ᬗ᭞ᬲᬶᬭᬲᬗᬫᬗ᭄ᬕᬶᬄᬯᬲ᭄ᬢᬸᬧᬾᬮᬕᬶᬂᬭᬢ᭄᭟ᬲᬸᬓ᭞ᬗ᭞ᬲᬶᬭᬲᬂᬢᬦ᭄ᬓᬲᬸᬭᬸᬤᬦ᭄ᬲᬸᬓᬭᬶᬂᬭᬢ᭄᭟ᬥᬦᬶ᭞ᬗ᭞
ᬲᬶᬭᬲᬂᬲᬶᬕᬸᬄᬫᬵᬲ᭄‌ᬢᬦ᭄ᬳᬦᬦᬶᬮᬂ᭟ᬓᬺᬢ᭄ᬢᬬᬰ᭞ᬗ᭞ᬲᬶᬭᬲᬂᬗᬓᬶᬃᬢ᭄ᬢᬶᬳᬬᬸᬭᬶᬂᬭᬢ᭄᭟ᬥᬃᬫ᭄ᬫ᭞ᬗ᭞ᬲᬶᬭ
ᬲᬗᬫᬳᬬᬸᬭᬶᬂᬲᬃᬯ᭄ᬯᬭᬸᬲᬓ᭄᭞ᬳᬢᬸᬮᬸᬂᬯ᭄ᬯᬂᬓᬮᬭᬦ᭄᭟ᬲᬸᬭᬵᬓ᭄ᬱ᭞ᬗ᭞ᬲᬶᬭᬲᬂᬭᬸᬫᬓ᭄ᬱᬭᬶᬂᬲᬃᬯ᭄ᬯᬚᬦ᭄ᬫᬫ᭄ᬯᬂ
ᬲᬂᬧᬡ᭄ᬥᬶᬢ᭟ᬲᬓᭂᬄ᭞ᬗ᭞ᬲᬶᬭᬲᬂᬳᬦ᭄ᬥᬫᬶᬢ᭄ᬭᬭᬳᬬᬸᬩᬸᬤ᭄ᬥᬶᬦ᭄ᬬ᭟ᬇᬓᬵᬢᬯ᭄ᬯᬂᬫᬗ᭄ᬓᬦᬵᬫ᭄ᬩᭂᬓ᭄ᬦ᭄ᬬ᭞ᬢᬦ᭄ᬤᬤᬶᬦᬶᬂᬯ᭄ᬯᬂ

[᭑᭑ 11A]
ᬲᬫᬦ᭄ᬬᬚᬦ᭄ᬫ᭞ᬤᬸᬫᬤᬶᬇᬭᬶᬬ᭞ᬢ᭄ᬫᬳᬦᬶᬭᬲᬂᬬᭀᬕᬶᬰ᭄ᬯᬭᬬᬦ᭄ᬓᬸᬭᬂᬲᬫᬵᬥᬶᬦᬶᬭ᭞ᬲᬲᬃᬲᬥ᭄ᬬᬦᬶᬭᬫ
ᬭᬾᬂᬦᬫᭀᬓ᭄ᬱᬦ᭄᭞ᬧ᭄ᬚᬄᬧ᭄ᬯᬲᬶᬭ᭞ᬫᬢ᭄ᬫᬳᬦ᭄ᬢᬬᬚᬦ᭄ᬫ᭞ᬦ᭄ᬤᬦ᭄ᬳᬦᬤᬾᬤᬦᬶᬭ᭞ᬮᬵᬯᬦᬶᬓᬂᬯ᭄ᬯᬂᬲᬫᬦ᭄ᬬ᭞ᬫᬓᬵ
ᬦᬶᬫᬶᬢ᭄ᬢᬧᬢᬸᬗ᭄ᬕᬢᬸᬗ᭄ᬕᬮᬦᬶᬂᬰᬩ᭄ᬥᬦᬶᬂᬰ᭄ᬮᭀᬓ᭞ᬲᬮᬄᬲᬶᬓᬶᬦᬶᬗᬫ᭄ᬩᭂᬓ᭄᭞ᬇᬓᬂᬤᬤᬶᬯ᭄ᬯᬂᬧᬦ᭄ᬗᭂᬭᬦᬶᬓᬵ᭞ᬓᬸ
ᬦᬂᬬᬦ᭄ᬓᬗ᭄ᬕᬾᬓᬩᬾᬄ᭞ᬲᬭᬱᬦᬶᬂᬰ᭄ᬮᭀᬓᬯᬓ᭄ᬬ᭞ᬢᬦ᭄ᬯᬦ᭄ᬤ᭄ᬬᬇᬓᬂᬓᬬᭀᬕᬶᬰ᭄ᬯᬭᬦ᭄ᬓᬧᬗ᭄ᬕᬸᬄ᭞ᬅᬧᬵ
</transcription><transliteration>[10 10B]
10
nga, sirasangamanggiḥwastupelagingrat. suka, nga, sirasangtankasurudansukaringrat. dhani, nga, 
sirasangsiguḥmāstanhananilang. kr̥ĕttayaśa, nga, sirasangngakir̀ttihayuringrat. dhar̀mma, nga, sira
sangamahayuringsar̀wwarusak, hatulungwwangkalaran. surākṣa, nga, sirasangrumakṣaringsar̀wwajanmamwang
sangpaṇdhita. sakĕḥ, nga, sirasanghandhamitrarahayubuddhinya. ikātawwangmangkanāmbĕknya, tandadiningwwang

[11 11A]
samanyajanma, dumadi'iriya, tmahanirasangyogiśwarayankurangsamādhinira, sasar̀sadhyanirama
rengnamokṣan, pjaḥpwasira, matmahantayajanma, ndanhanadedanira, lāwanikangwwangsamanya, makā
nimittapatunggatunggalaningśabdhaningśloka, salaḥsikiningambĕk, ikangdadiwwangpanngĕranikā, ku
nangyankanggekabeḥ, saraṣaningślokawakya, tanwandya'ikangkayogiśwarankapangguḥ, apā</transliteration>

==== Leaf 11 ====
{{EntryImage
|EntryID=tutur-dangdang-bang-bungalan
|Title=11
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n11/mode/1up
|LocalFileName=tutur-dangdang-bang-bungalan_11.jpeg
}}

<transcription>
[᭑᭑ 11B]
᭑᭑
ᬦ᭄ᬫᬸᬯᬄᬫᬸᬯᬄᬩᬸᬤ᭄ᬥᬶᬧᬡ᭄ᬥᬶᬢ᭞ᬓᬾᬯᬮ᭄ᬬᬳᬗᬦ᭄ᬢ᭄ᬬᬓᭂᬦ᭄ᬢᬸᬭᬸᬗᬶᬂᬢᬲᬓ᭄‌ᬬᭀᬕᬦᬶᬭᬓᬂᬭᬶᬂᬗᬹᬦᬶ᭞ᬤᬤᬶ
ᬢᬓᬩᬼᬢᬶᬧᬗᬢ᭄ᬭᬲᬶᬭ᭞ᬬᬢᬫᬢᬗ᭄ᬬᬦ᭄ᬢᬸᬫᬸᬢᬸᬕᬓ᭄ᬦᬶᬂᬬᭀᬕᬦᬶᬭ᭞ᬇᬲ᭄ᬥᭂᬗᬶᬚᬦ᭄ᬫᬦᬶᬭᬢᬶᬓᬶᬫ
ᬗ᭄ᬓᬾ᭞ᬬᬦᬵᬕᬸᬂᬬᭀᬕᬦᬶᬭᬾᬗᬹᬦᬶ᭞ᬓᬩᬾᬄᬲᬭᬱᬦᬶᬂᬰ᭄ᬮᭀᬓᬓᬗ᭄ᬕᬾᬤᬾᬦᬶᬭ᭞ᬬᬦ᭄ᬓᬸᬭᬂ
ᬬᭀᬕᬦᬶᬭᬾᬗᬹᬦᬶ᭞ᬫᬢᬗ᭄ᬬᬦ᭄ᬲᬮᬄᬲᬶᬓᬶᬦᬶᬂᬰᬩ᭄ᬥᬦᬶᬂᬰ᭄ᬮᭀᬓᬧᬶᬦᬓᬵᬳᬫ᭄ᬩᭂᬓᬶᬭᬫᬗ᭄ᬓᬾ᭞ᬓᬸᬭᬂ

[᭑᭒ 12A]
ᬯᬶᬃᬬ᭄ᬬ᭞ᬓᬸᬭᬂᬓᬧᬡ᭄ᬥᬶᬢᬦ᭄᭞ᬫᬢᬗ᭄ᬬᬦᬢᬸᬢᬸᬭᬲᬶᬭ᭚ᬫᬸᬯᬄᬭᬶᬂᬬᭀᬕ᭞ᬭᬶᬂᬤᬵᬦ᭞ᬭᬶᬂᬥᬃᬫ᭄ᬫ᭞ᬭᬶᬂᬓᬥᬷ
ᬭᬦ᭄᭞ᬭᬶᬂᬧᬹᬡ᭄ᬬ᭞ᬲᬮᬄᬲᬶᬓᬶᬦᬶᬂᬧᬗᬯ᭄ᬭᬸᬄᬗᬹᬦᬶᬓᬢᬸᬢᬸᬭᬓ᭄ᬦᬳᬬ᭄ᬯᬮᬸᬧᬱᬭᬶᬂᬲᬂᬳ᭄ᬬᬂ᭞ᬳᬬ᭄ᬯᬦᬶᬦ᭄ᬤᬭᬶᬲᬂ
ᬲᬶᬦᬗ᭄ᬕᬸᬄᬧᬡ᭄ᬥᬶᬢ᭞ᬳᬬ᭄ᬯᬵᬦᬶᬦ᭄ᬤᬭᬶᬂᬲᬃᬯ᭄ᬯᬵᬕᬫᬲᬃᬯ᭄ᬯᬵᬰᬵᬲ᭄ᬢ᭄ᬭ᭞ᬫ᭄ᬯᬗᬶᬓᬂᬲᬶᬗ᭄ᬕᬸᬄᬲᬃᬯ᭄ᬯᬵᬓᬳ᭄ᬬᬗᬦ᭄᭞ᬅ
ᬧᬦᬶᬓᬵᬓᬧ᭄ᬭᬢᬶᬱ᭄ᬝᬦ᭄ᬪᬝᬵᬭᬢ᭄ᬓᬧ᭄ᬲᬂᬲᬶᬤ᭄ᬥᬧᬡ᭄ᬥᬶᬢᬗᬹᬦᬶ᭞ᬳᬬ᭄ᬯᬵᬧ᭄ᬭᬫᬥᬭᬶᬂᬢ᭄ᬭᬶᬲᬫᬬ᭞ᬢ᭄ᬭᬶᬲᬫᬬ᭞ᬗ᭞
</transcription><transliteration>[11 11B]
11
nmuwaḥmuwaḥbuddhipaṇdhita, kewalyahangantyakĕnturungingtasakyoganirakangringngūni, dadi
takabl̥ĕtipangatrasira, yatamatangyantumutugakningyoganira, isdhĕngijanmaniratikima
ngke, yanāgungyoganirengūni, kabeḥsaraṣaningślokakanggedenira, yankurang
yoganirengūni, matangyansalaḥsikiningśabdhaningślokapinakāhambĕkiramangke, kurang

[12 12A]
wir̀yya, kurangkapaṇdhitan, matangyanatuturasira // muwaḥringyoga, ringdāna, ringdhar̀mma, ringkadhī
ran, ringpūṇya, salaḥsikiningpangawruḥngūnikatuturaknahaywalupaṣaringsanghyang, haywanindarisang
sinangguḥpaṇdhita, haywānindaringsar̀wwāgamasar̀wwāśāstra, mwangikangsingguḥsar̀wwākahyangan, a
panikākapratiṣṭanbhaṭāratkapsangsiddhapaṇdhitangūni, haywāpramadharingtrisamaya, trisamaya, nga, </transliteration>

==== Leaf 12 ====
{{EntryImage
|EntryID=tutur-dangdang-bang-bungalan
|Title=12
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n12/mode/1up
|LocalFileName=tutur-dangdang-bang-bungalan_12.jpeg
}}

<transcription>
[᭑᭒ 12B]
᭑᭒
ᬲᬂᬯ᭄ᬭᬸᬄᬭᬶᬧᬫᬢ᭄ᬮᬸᬦᬶᬗᬚ᭄ᬜᬦ᭞ᬤᬸᬮᬸᬭᬦᬢ᭄ᬭᬶᬓᬬᬧᬭᬫᬃᬣ᭞ᬦ᭄ᬬᬦ᭄ᬢ᭄ᬭᬶᬓᬵᬬᬧᬭᬫᬃᬣ᭞ᬬᬦᬵᬲᬶᬄᬦᬶᬓ
ᬭᬶᬂᬲᬫᬦ᭄ᬬᬚᬦ᭄ᬫ᭞ᬓᬦᬶᬫᬶᬢ᭄ᬢᬦᬶᬗᬲᬶᬄᬢᬦ᭄ᬧᬓᬭᬡ᭞ᬬᬪᬓ᭄ᬢᬶᬭᬶᬂᬤᬾᬯ᭞ᬫᬓᬦᬶᬫᬶᬢ᭄ᬢᬪᬓ᭄ᬢᬶᬢ
ᬦ᭄ᬧᬓᬭᬡ᭞ᬓᬸᬦᬂᬇᬓᬂᬧᬫᬢ᭄ᬮᬸᬦᬶᬗᬚ᭄ᬜᬦ᭞ᬢᬦ᭄‌ᬯ᭄ᬦᬂᬯᬭᬳᬓ᭄ᬦ᭞ᬅᬧᬦ᭄‌ᬬᭀᬕᬦᬶᬂᬧᬭᬫ
ᬰᬹᬦ᭄ᬬ᭞ᬮᬶᬂᬲᬂᬲᬶᬤ᭄ᬥᬦ᭄ᬢ᭞ᬬᭀᬕᬦᬶᬂ*ᬧᬭᬫᬦᬾᬭᬢ᭄ᬭ᭄ᬬᬵ᭞ᬗ᭞ᬤᬾᬲᬂᬩᭀᬤ᭄ᬥ᭞ᬳᬦᬦ᭄ᬢᬧᬭ

[᭑᭓ 13A]
ᬫᬦᬦ᭄ᬤᬦ᭞ᬗ᭞ᬤᬾᬬᬂᬪᬾᬭᬯ᭞ᬦᬶᬲ᭄ᬓᬮᬯ᭄ᬓᬲ᭄ᬦᬶᬂᬧ᭄ᬭᬡᬫ᭄ᬬ᭞ᬲᬃᬯ᭄ᬯᬫᬦ᭄ᬢ᭄ᬭ᭞ᬲᬃᬯ᭄ᬯᬲ᭄ᬢᬸᬢᬶ᭚ᬇᬢᬶᬢ᭄ᬭᬶᬲᬫᬬᬚ᭄ᬜ
ᬦᬰᬵᬲ᭄ᬢ᭄ᬭᬫ᭄᭞ᬧᬭᬶᬲᬫᬧ᭄ᬢ᭚᭜᭚ᬢ᭄ᬮᬲ᭄᭐᭚ᬅᬯᬶᬖ᭄ᬦᬵᬫᬵᬲ᭄ᬢᬸ᭚᭜᭚ᬦᬶᬳᬦ᭄ᬧᬢᬓ᭄ᬯᬦ᭄ᬲᬂᬳ᭄ᬬᬵᬂ
ᬕᬡᬧᬢᬶᬭᬶᬪᬝᬵᬭᬕᬸᬭᬸ᭞ᬰᬩ᭄ᬥᬰᬹᬦ᭄ᬬ᭞ᬲᬓᬾᬂᬒᬁᬓᬭ᭞ᬯᬶᬚᬶᬮ᭄ᬯᬶᬡ᭄ᬥᬸ᭞ᬗ᭞ᬓᬤᬶᬳ᭄ᬩᬸᬦ᭄ᬳᬦᬭᬶᬂ
ᬗᬕ᭄ᬭᬦᬶᬂᬓᬸᬰ᭞ᬓᬲᭂᬦ᭄ᬯᬦ᭄ᬭᬯᬶᬫᬳ᭄ᬦᬶᬂ᭞ᬫᬬᬵᬮᬶᬢ᭄ᬦᬶᬭᬓᬤᬶᬥᬹᬫ᭞ᬤᬶᬧ᭄ᬢᬦᬶᬭᬳᬪ᭄ᬭᬵ᭞ᬅᬓᬭᬓ
</transcription><transliteration>[12 12B]
12
sangwruḥripamatluningajñana, duluranatrikayaparamar̀tha, nyantrikāyaparamar̀tha, yanāsiḥnika
ringsamanyajanma, kanimittaningasiḥtanpakaraṇa, yabhaktiringdewa, makanimittabhaktita
npakaraṇa, kunangikangpamatluningajñana, tanwnangwarahakna, apanyoganingparama
śūnya, lingsangsiddhanta, yoganing*paramaneratryā, nga, desangboddha, hanantapara

[13 13A]
manandana, nga, deyangbherawa, niskalawkasningpraṇamya, sar̀wwamantra, sar̀wwastuti // ititrisamayajña
naśāstram, parisamapta // • // tlas0 // awighnāmāstu // • // nihanpatakwansanghyāng
gaṇapatiribhaṭāraguru, śabdhaśūnya, sakengoṁkara, wijilwiṇdhu, nga, kadihbunhanaring
ngagraningkuśa, kasĕnwanrawimahning, mayālitnirakadidhūma, diptanirahabhrā, akaraka</transliteration>

==== Leaf 13 ====
{{EntryImage
|EntryID=tutur-dangdang-bang-bungalan
|Title=13
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n13/mode/1up
|LocalFileName=tutur-dangdang-bang-bungalan_13.jpeg
}}

<transcription>
[᭑᭓ 13B]
᭑᭓
ᬭ᭞ᬲᬓᬾᬂᬯᬶᬡ᭄ᬥᬸᬫᬢ᭄ᬫᬄᬧᬜ᭄ᬘᬤᬾᬯᬢ᭞ᬗ᭞ᬩ᭄ᬭᬳ᭄ᬫ᭞ᬯᬶᬱ᭄ᬡᬸ᭞ᬭᬹᬤ᭄ᬭ᭞ᬓᬫᬶ᭞ᬲᬂᬳ᭄ᬬᬂᬲᬤᬵᬰᬶᬯ᭞ᬫᬗ᭄ᬓ
ᬦᬫᬶᬚᬶᬮᬯᬵᬢ᭄ᬫ᭞ᬳᬦᬓᬸᬲᬂᬕᬡᬧᬢᬶ᭞ᬲᭀᬚᬃᬦᬶᬂᬕᬡ᭞ᬲᬫ᭄ᬩᬄᬦᬶᬢᬦᬬᬭᬲᬗ᭄ᬳᬸᬮᬸᬦ᭄᭞ᬢᬶᬦᬸ
ᬢᬸᬃᬫᬸᬯᬄᬧ᭄ᬭᬓᬵᬰᬦᬶᬂᬤᬸᬯᬦ᭚ᬇᬰ᭄ᬯᬭᭀᬭᭀᬘᬸᬶᬡᬸᬶᬣᬘ᭞ᬳᬦᬓᬸᬲᬂᬕᬡᬧᬢᬶ᭞ᬲᬗ᭄ᬓᬾᬂᬧᬜ᭄ᬘᬤᬾᬯᬢ᭄ᬫ
᭞ᬫᬶᬚᬶᬮ᭄ᬧᬜ᭄ᬘᬢᬦ᭄ᬫᬢ᭄ᬭ᭞ᬮ᭄ᬯᬶᬃᬦ᭄ᬬ᭞ᬲᬓᬾᬂᬩ᭄ᬭᬳ᭄ᬫᬵᬫᬶᬚᬶᬮ᭄ᬕᬡ᭄ᬥ᭞ᬲᬓᬾᬂᬯᬶᬱ᭄ᬡᬸᬫᬶᬚᬶᬮ᭄ᬭᬱ᭞ᬲᬓᬾᬂᬭᬸᬤ᭄ᬭᬫᬶ

[᭑᭔ 14A]
ᬚᬶᬮ᭄ᬭᬹᬧ᭞ᬲᬓᬾᬂᬓᬫᬶᬫᬶᬚᬶᬮ᭄‌ᬲ᭄ᬧᬃᬰ᭄ᬰ᭞ᬲᬗ᭄ᬓᬾᬂᬲᬂᬳ᭄ᬬᬂᬲᬤᬵᬰᬶᬯ᭞ᬫᬶᬚᬶᬮ᭄ᬰᬩ᭄ᬥ᭞ᬲᬓᬾᬂᬰᬩ᭄ᬥᬫᬶᬚᬶᬮ᭄᭠
ᬅᬓᬵᬰ᭞ᬯᬃᬡ᭄ᬦᬦᬶᬗᬓᬰ᭞ᬓᬤᬶᬰᬸᬤ᭄ᬥᬲ᭄ᬧᬝᬶᬓ᭟ᬲᬓᬾᬂᬲ᭄ᬧᬃᬰ᭄ᬰᬫᬶᬚᬶᬮ᭄ᬩᬵᬬᬸ᭞ᬰ᭄ᬯᬾᬢᬯᬃᬡ᭄ᬦᬦᬶᬭ᭟ᬲᬓᬾᬂ
ᬭᬹᬧᬫᬶᬚᬶᬮ᭄ᬢᬾᬚ᭞ᬭᬓ᭄ᬢᬯᬃᬡ᭄ᬦᬦᬶᬭ᭟ᬲᬓᬾᬂᬭᬱᬫᬶᬚᬶᬮ᭄ᬳᬧᬄ᭞ᬓᬺᬱ᭄ᬡᬯᬃᬡ᭄ᬦᬦᬶᬭ᭟ᬲᬓᬾᬂᬕᬡ᭄ᬥᬫᬶᬚᬶᬮ᭄
ᬧ᭄ᬭᬣᬶᬯᬶ᭟ᬧᬶᬢ᭄ᬢᬯᬃᬡ᭄ᬦᬦᬶᬭ᭞ᬮᬶᬢ᭄ᬳᬶᬭᬓᬤᬶᬥᬶᬧᬵ᭚ᬲᬓᬾᬂᬧ᭄ᬭᬣᬶᬯᬶᬫᬶᬚᬶᬮ᭄‌ᬪᬹᬫᬶ᭞ᬲᬓᬾᬗᬧᬄᬫᬶᬚᬶ᭠
</transcription><transliteration>[13 13B]
13
ra, sakengwiṇdhumatmaḥpañcadewata, nga, brahma, wiṣṇu, rūdra, kami, sanghyangsadāśiwa, mangka
namijilawātma, hanakusanggaṇapati, sojar̀ninggaṇa, sambaḥnitanayarasanghulun, tinu
tur̀muwaḥprakāśaningduwana // iśwarorocuiṇuithaca, hanakusanggaṇapati, sangkengpañcadewatma
, mijilpañcatanmatra, lwir̀nya, sakengbrahmāmijilgaṇdha, sakengwiṣṇumijilraṣa, sakengrudrami

[14 14A]
jilrūpa, sakengkamimijilspar̀śśa, sangkengsanghyangsadāśiwa, mijilśabdha, sakengśabdhamijil‐
akāśa, war̀ṇnaningakaśa, kadiśuddhaspaṭika. sakengspar̀śśamijilbāyu, śwetawar̀ṇnanira. sakeng
rūpamijilteja, raktawar̀ṇnanira. sakengraṣamijilhapaḥ, kr̥ĕṣṇawar̀ṇnanira. sakenggaṇdhamijil
prathiwi. pittawar̀ṇnanira, lit'hirakadidhipā // sakengprathiwimijilbhūmi, sakengapaḥmiji‐</transliteration>

==== Leaf 14 ====
{{EntryImage
|EntryID=tutur-dangdang-bang-bungalan
|Title=14
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n14/mode/1up
|LocalFileName=tutur-dangdang-bang-bungalan_14.jpeg
}}

<transcription>
[᭑᭔ 14B]
᭑᭔
ᬮ᭄‌ᬯ᭄ᬯᬾ᭞ᬬᬓᬾᬂᬢᬾᬚᬫᬶᬚᬶᬮ᭄ᬅᬤᬶᬢ᭄ᬬ᭞ᬘᬦ᭄ᬤ᭄ᬭ᭞ᬯᬶᬦ᭄ᬢᬂ᭟ᬲᬓᬾᬂᬩᬵᬬᬸᬫᬶᬚᬶᬮ᭄‌ᬳᬗᬶᬦ᭄᭞ᬲᬓᬾᬗᬓ
ᬱᬫᬶᬚᬶᬮ᭄ᬲ᭄ᬯᬭ᭟ᬫᬗ᭄ᬓᬦᬮ᭄ᬯᬶᬃᬦᬶᬂᬪᬸᬯᬦ᭞ᬳᬦᬓᬸᬲᬂᬕᬡᬧᬢᬶ᭞ᬲᬓᬾᬂᬤᬸᬯᬦᬫᬶᬚᬶᬮ᭄‌ᬢᬺᬡ᭞ᬢᬭᬸ᭞ᬮ
ᬣ᭞ᬕᬸᬮ᭄ᬫ᭞ᬚᬗ᭄ᬕᬫ᭞ᬧᬰᬸ᭞ᬧᬓ᭄ᬱᬶ᭞ᬫᬺᬕ᭞ᬅᬕ᭄ᬦᬶ᭞ᬫᬗ᭄ᬓᬦᬓᬯᬶᬚᬶᬮᬦᬶᬂᬲᬃᬯ᭄ᬯᬳᬦᬾᬂᬪᬸᬯᬦ᭚ᬲᭀᬚᬃ
ᬫᬸᬯᬄᬲᬂᬕᬡᬧᬢᬶᬫᬢᬓᬸᬦ᭄᭞ᬲᬫ᭄ᬩᬄᬦᬶᬂᬢᬦᬬᬭᬲᬗ᭄ᬳᬸᬮᬸᬦ᭄᭞ᬲᬫᬗ᭄ᬓᬦᬢ᭄ᬮᬲ᭄ᬓᬋᬗᭃᬯᬸᬯᬸᬲ᭄ᬧᬤ

[᭑᭕ 15A]
ᬭᬲᬗ᭄ᬳᬸᬮᬸᬦ᭄᭞ᬓᬯᬶᬚᬶᬮᬦᬶᬂᬪᬸᬯᬦ᭞ᬯᬶᬦᬭᬄᬫᬸᬯᬄᬢᬦᬬᬭᬲᬗ᭄ᬳᬸᬮᬸᬦ᭄᭞ᬓᬯᬶᬚᬶᬮᬦᬶᬂᬫᬦᬸᬱ᭄ᬬ
ᬫᬗ᭄ᬓᭀ᭞ᬇᬰ᭄ᬯᬭᭀᬯᬘ᭞ᬳᬦᬓᬸᬲᬂᬕᬡᬧᬢᬶ᭞ᬓᬶᬢᬫᬢᬜᬓᬯᬶᬚᬶᬮᬦᬶᬂᬫᬵᬦᬸᬱ᭄ᬬ᭞ᬧᬳᬶᬮᬵᬯ
ᬦ᭄ᬤᬾᬯ᭞ᬫ᭄ᬯᬂᬪᬸᬯᬦ᭞ᬳᬦᬦᬶᬂᬤᬾᬯᬳᬦᬦᬶᬂᬫᬦᬸᬱ᭄ᬬ᭞ᬅᬧᬦ᭄ᬓᬤᬶᬯᬶᬚᬶᬮᬦᬶᬂᬫᬦᬸᬱ᭄ᬬ᭞ᬫᬶᬚᬶᬮ᭄ᬲᬓᬾᬂᬩᬶ
ᬡ᭄ᬥᬸᬫᬹᬮᬧ᭄ᬭᬫᬑᬁᬓᬭ᭞ᬅᬧᬦ᭄ᬮ᭄ᬯᬶᬃᬦ᭄ᬬ᭞ᬩ᭄ᬭᬳ᭄ᬫᬵ᭞ᬯᬶᬱ᭄ᬡᬸᬫᬓᬃᬬ᭄ᬬᬰᬭᬷᬭ᭞ᬧ᭄ᬭᬣᬶᬯᬶᬫ᭄ᬯᬗᬧᬄ᭞ᬭᬸᬤ᭄ᬭᬫᬃᬬ᭄ᬬ
</transcription><transliteration>[14 14B]
14
lwwe, yakengtejamijiladitya, candra, wintang. sakengbāyumijilhangin, sakengaka
ṣamijilswara. mangkanalwir̀ningbhuwana, hanakusanggaṇapati, sakengduwanamijiltr̥ĕṇa, taru, la
tha, gulma, janggama, paśu, paksyi, mr̥ĕga, agni, mangkanakawijilaningsar̀wwahanengbhuwana // sojar̀
muwaḥsanggaṇapatimatakun, sambaḥningtanayarasanghulun, samangkanatlaskar̥ĕngöwuwuspada

[15 15A]
rasanghulun, kawijilaningbhuwana, winaraḥmuwaḥtanayarasanghulun, kawijilaningmanuṣya
mangko, iśwarowaca, hanakusanggaṇapati, kitamatañakawijilaningmānuṣya, pahilāwa
ndewa, mwangbhuwana, hananingdewahananingmanuṣya, apankadiwijilaningmanuṣya, mijilsakengbi
ṇdhumūlaprama'oṅġkara, apanlwir̀nya, brahmā, wiṣṇumakar̀yyaśarīra, prathiwimwangapaḥ, rudramar̀yya</transliteration>

==== Leaf 15 ====
{{EntryImage
|EntryID=tutur-dangdang-bang-bungalan
|Title=15
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n15/mode/1up
|LocalFileName=tutur-dangdang-bang-bungalan_15.jpeg
}}

<transcription>
[᭑᭕ 15B]
᭑᭕
ᬫᬦᭀᬦ᭄ᬢᬂᬓᬶᬦᬃᬬ᭄ᬬ᭞ᬢᬾᬚᬗ᭄ᬳᬸᬮᬸᬦ᭄ᬳᬓᬃᬬ᭄ᬬᬉᬰ᭄ᬯᬲ᭞ᬓᬂᬰᬹᬦ᭄ᬬᬬᬓᬓᬶᬕᬡᬧᬢᬶ᭞ᬲ᭄ᬧᬃᬰ᭄ᬰᬲᬂᬳ᭄ᬬᬂᬲᬤ
ᬰᬶᬯᬫᬓᬃᬬ᭄ᬬᬲ᭄ᬯᬭ᭞ᬓᬂᬓᬶᬦᬃᬬ᭄ᬬ᭞ᬆᬓᬰ᭞ᬫᬗ᭄ᬓᬦᬫᬢ᭄ᬫᬳᬦ᭄ᬚᬦ᭄ᬫ᭞ᬮ᭄ᬯᬶᬃᬦ᭄ᬬ᭞ᬳᬦᬓᬸᬲᬂᬕᬡᬧᬢᬶ᭟
ᬕᬡᬲᭀᬚᬃ᭞ᬲᬫ᭄ᬩᬄᬦᬶᬂᬢᬦᬬᬭᬲᬗ᭄ᬳᬸᬮᬸᬦ᭄᭞ᬲᬫ᭄ᬧᬸᬦ᭄ᬓᬕ᭄ᬭᬳᬧᬯᬭᬄᬪᬝᬵᬭ᭞ᬯᬶᬦᬭᬄᬫᬸᬯᬄᬢᬦ
ᬬᬭᬲᬗ᭄ᬳᬸᬮᬸᬦ᭄᭞ᬲ᭄ᬣᬦᬦᬶᬂᬤᬾᬯᬵᬢ᭄ᬫᬭᬶᬂᬰᬭᬷᬭ᭞ᬫ᭄ᬯᬂᬭᬶᬂᬪᬸᬯᬦ᭟ᬉᬯᬘ᭞ᬓᬓᬶ᭟᭟᭟ᬕᬡᬧᬢᬶ᭞ᬲ᭄ᬣᬦᬦᬶᬂ

[᭑᭖ 16A]
ᬤᬾᬯᬵᬢ᭄ᬫ᭞ᬤᬾᬦᬶᬭᬢᬓ᭄ᬯᬦᬓᭂᬦ᭄᭞ᬳᬦᬭᬶᬂᬪᬸᬯᬦ᭞ᬳᬦᬭᬶᬂᬚᬦ᭄ᬫ᭞ᬳᬶᬬᬪᬸᬯᬦ᭞ᬳᬶᬬᬚᬦ᭄ᬫ᭞ᬅ
ᬧᬮ᭄ᬯᬶᬃᬦ᭄ᬬ᭞ᬬᬦ᭄ᬭᬶᬂᬪᬸᬯᬦ᭞ᬩ᭄ᬭᬳ᭄ᬫᬵᬫᬓᬳ᭄ᬬᬗᬦ᭄ᬭᬶᬂᬥᬓ᭄ᬱᬶᬡ᭞ᬫᬵᬗ᭄ᬭᬓ᭄ᬱᬪᬸᬫᬶ᭞ᬯᬶᬱ᭄ᬡᬸᬫᬗᬲ᭄ᬣᬦᬭᬶᬗᬹᬢ᭄ᬢ
ᬭ᭞ᬫᬵᬗ᭄ᬭᬓ᭄ᬱᬚᬮ᭞ᬭᬸᬤ᭄ᬭᬫᬗᬲ᭄ᬣᬦᬭᬶᬂᬧᬘᬶᬫ᭞ᬲᬹᬃᬬ᭄᭟ᬯᬶᬦ᭄ᬢᬂᬓᬂᬭᬶᬦᬓ᭄ᬱᬦᬶᬭ᭞ᬗ᭄ᬳᬸᬮᬸᬦ᭄ᬫᬗᬲ᭄ᬣᬦᬭᬶᬂᬧᬹᬃᬯ᭄ᬯ
᭞ᬫᬵᬗ᭄ᬭᬓ᭄ᬱᬩᬵᬬᬸ᭞ᬲᬂᬳ᭄ᬬᬂᬲᬤᬵᬰᬶᬯ᭞ᬫᬲ᭄ᬣᬦᬭᬶᬂᬫᬥ᭄ᬬ᭞ᬓᬂᬭᬶᬦᬓ᭄ᬱᬦᬶᬭᬅᬓᬰ᭞ᬫᬸᬯᬄᬬᬦ᭄ᬭᬶᬂᬫᬵ
</transcription><transliteration>[15 15B]
15
manontangkinar̀yya, tejanghulunhakar̀yya'uśwasa, kangśūnyayakakigaṇapati, spar̀śśasanghyangsada
śiwamakar̀yyaswara, kangkinar̀yya, ākaśa, mangkanamatmahanjanma, lwir̀nya, hanakusanggaṇapati. 
gaṇasojar̀, sambaḥningtanayarasanghulun, sampunkagrahapawaraḥbhaṭāra, winaraḥmuwaḥtana
yarasanghulun, sthananingdewātmaringśarīra, mwangringbhuwana. uwaca, kaki. . . gaṇapati, sthananing

[16 16A]
dewātma, deniratakwanakĕn, hanaringbhuwana, hanaringjanma, hiyabhuwana, hiyajanma, a
palwir̀nya, yanringbhuwana, brahmāmakahyanganringdhaksyiṇa, māngrakṣabhumi, wiṣṇumangasthanaringūtta
ra, māngrakṣajala, rudramangasthanaringpacima, sūr̀y. wintangkangrinakṣanira, nghulunmangasthanaringpūr̀wwa
, māngrakṣabāyu, sanghyangsadāśiwa, masthanaringmadhya, kangrinakṣanira'akaśa, muwaḥyanringmā</transliteration>

==== Leaf 16 ====
{{EntryImage
|EntryID=tutur-dangdang-bang-bungalan
|Title=16
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n16/mode/1up
|LocalFileName=tutur-dangdang-bang-bungalan_16.jpeg
}}

<transcription>
[᭑᭖ 16B]
᭑᭖
ᬦᬸᬱ᭄ᬬᬵᬩ᭄ᬭᬳ᭄ᬫᬵᬫᬗᬲ᭄ᬣᬦᬭᬶᬂᬫᬹᬮᬥᬭ᭞ᬫᬗ᭄ᬭᬓ᭄ᬱᬭᬕ᭞ᬫᬩᬩᬳᬦ᭄ᬭᬶᬗᬶᬭᬸᬂ᭞ᬫ[strike]ᬗᬸᬮᬳᬓᭂᬦ᭄ᬕᬡ᭄ᬥ᭞
ᬯᬶᬱ᭄ᬡᬸᬫᬗᬲ᭄ᬣᬦᬭᬶᬂᬤᬕᬶᬂ᭞ᬫᬗ᭄ᬭᬓ᭄ᬱᬲᬃᬯ᭄ᬯᬲᬦ᭄ᬤᬶᬦᬶᬂᬰᬭᬷᬭ᭞ᬫᬩᬩᬳᬦ᭄ᬭᬶᬂᬚᬶᬳ᭄ᬯ᭞ᬫᬗᬸᬮᬳᬓᭂᬦ᭄ᬭᬱ
᭟ᬭᬸᬤ᭄ᬭᬫᬗᬲ᭄ᬣᬦᬭᬶᬗᬢᬶ᭞ᬫᬕᬯᬾᬚᬕ᭄ᬭ᭞ᬫᬩᬩᬳᬦ᭄ᬭᬶᬂᬗᬓ᭄ᬱᬶ᭞ᬫᬗᬸᬮᬳᬓᭂᬦ᭄ᬳᬶᬥᭂᬧ᭄᭟ᬓᬫᬶᬫᬵ
ᬗᬲ᭄ᬣᬦᬭᬶᬂᬓᬡ᭄ᬝ᭞ᬫᬕᬯᬾᬢᬸᬭᬸ᭞ᬫᬩᬳᬦ᭄ᬭᬶᬂᬢᬸᬢᬸᬓ᭄᭞ᬫᬗᬸᬮᬳᬓᭂᬦ᭄ᬰᬩ᭄ᬥ᭟ᬲᬂᬳ᭄ᬬᬂᬲᬤᬵᬰᬶᬯ

[᭑᭗ 17A]
ᬫᬓᬳ᭄ᬬᬗᬦ᭄ᬭᬶᬂᬚᬶᬳ᭄ᬬᬵᬕ᭄ᬭ᭞ᬫᬕᬯᬾᬲᬃᬯ᭄ᬯᬚ᭄ᬜᬦ᭞ᬫᬩᬩᬳᬦ᭄ᬭᬶᬂᬲᬃᬯ᭄ᬯᬲᬦ᭄ᬤᬶᬦᬶᬂᬰᬭᬷᬭ᭞ᬫᬗᬸᬮᬳᬓᭂᬦ᭄ᬲ᭄ᬯᬭ
᭞ᬫᬗ᭄ᬕᬯᬾᬧᬢᬶᬳᬸᬭᬶᬧ᭄᭞ᬫᬗ᭄ᬓᬦᬮ᭄ᬯᬶᬃᬦᬶᬂᬤᬾᬯᬵᬢ᭄ᬫᬫᬢ᭄ᬫᬳᬦ᭄ᬚᬦ᭄ᬫ᭞ᬳᬦᬓᬸᬲᬂᬕᬡᬧᬢᬶ᭟ᬲᭀᬚᬃᬦᬶᬂ
ᬕᬡᬫᬢᬓ᭄ᬯᬦ᭄ᬫᬸᬯᬄ᭞ᬲᬫ᭄ᬩᬄᬦᬶᬂᬢᬦᬬᬧᬤᬭᬲᬗ᭄ᬳᬸᬮᬸᬦ᭄᭞ᬧᬸᬦᬧᬓᬂᬲᬶᬦᭂᬗ᭄ᬕ᭄ᬯᬫᬹᬮᬥᬭ᭞ᬦᬵᬪᬶ᭞᭠
ᬳᬢᬶ᭞ᬓᬡ᭄ᬝ᭞ᬚᬶᬳ᭄ᬯᬕ᭄ᬭ᭞ᬧᬢᬸᬗ᭄ᬕᬮ᭄ᬢᬸᬗ᭄ᬕᬮᬦᬶᬧᬸᬦ᭄ᬯᬶᬦᬭᬄᬢᬦᬬᬭᬲᬗ᭄ᬳᬸᬮᬸᬦ᭄᭟ᬇᬰ᭄ᬯᬭᭀᬯᬘᬵ᭞
</transcription><transliteration>[16 16B]
16
nuṣyābrahmāmangasthanaringmūladhara, mangrakṣaraga, mababahanringirung, ma[strike]ngulahakĕn'gaṇdha, 
wiṣṇumangasthanaringdaging, mangrakṣasar̀wwasandiningśarīra, mababahanringjihwa, mangulahakĕnraṣa
. rudramangasthanaringati, magawejagra, mababahanringngaksyi, mangulahakĕnhidhĕp. kamimā
ngasthanaringkaṇṭa, magaweturu, mabahanringtutuk, mangulahakĕnśabdha. sanghyangsadāśiwa

[17 17A]
makahyanganringjihyāgra, magawesar̀wwajñana, mababahanringsar̀wwasandiningśarīra, mangulahakĕnswara
, manggawepatihurip, mangkanalwir̀ningdewātmamatmahanjanma, hanakusanggaṇapati. sojar̀ning
gaṇamatakwanmuwaḥ, sambaḥningtanayapadarasanghulun, punapakangsinĕnggwamūladhara, nābhi, ‐
hati, kaṇṭa, jihwagra, patunggaltunggalanipunwinaraḥtanayarasanghulun. iśwarowacā, </transliteration>

==== Leaf 17 ====
{{EntryImage
|EntryID=tutur-dangdang-bang-bungalan
|Title=17
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n17/mode/1up
|LocalFileName=tutur-dangdang-bang-bungalan_17.jpeg
}}

<transcription>
[᭑᭗ 17B]
ᬤᬯᬵᬢ᭄ᬫ᭞ᬤᬾᬦᬶᬭᬢᬓ᭄ᬯᬦᬓᭂᬦ᭄᭞ᬳᬦᬭᬶᬂᬪᬸᬯᬦ᭞ᬳᬦᬭᬶᬂᬚᬦ᭄ᬫ᭞ᬳᬶᬬᬳᬪᬸᬯᬦ᭞ᬳᬶᬬᬚᬦ᭄ᬫ᭞ᬅ
ᬧᬮ᭄ᬯᬶᬃᬦ᭄ᬬ᭞ᬬᬦ᭄ᬭᬶᬂᬪᬸᬯᬦ᭞ᬩ᭄ᬭᬳ᭄ᬫᬵᬦᬓᬳ᭄ᬬᬗᬦ᭄ᬭᬶᬂᬥᬓ᭄ᬱᬶᬡ᭞ᬫᬵᬗ᭄ᬭᬓ᭄ᬱᬪᬹᬫᬶ᭞ᬯᬶᬱ᭄ᬡᬸᬫᬗᬲ᭄ᬣᬦᬭᬶᬗᬹᬢ᭄ᬢ
ᬭ᭞ᬫᬵᬗ᭄ᬭᬓ᭄ᬱᬚᬮ᭞ᬭᬸᬤ᭄ᬭᬫᬗᬲ᭄ᬣᬦᬭᬶᬂᬧᬘᬶᬫ᭞ᬲᬹᬃᬬ᭄ᬬᬯᬶᬦ᭄ᬢᬂᬓᬂᬭᬶᬦᬓ᭄ᬱᬦᬶᬭ᭞ᬗ᭄ᬳᬸᬮᬸᬦ᭄ᬫᬗᬲ᭄ᬣᬦᬭᬶᬂᬧᬹᬃᬯ᭄ᬯ
᭞ᬫᬵᬗ᭄ᬭᬓ᭄ᬱᬩᬵᬬᬸ᭞ᬲᬂᬳ᭄ᬬᬂᬲᬤᬵᬰᬶᬯ᭞ᬫᬲ᭄ᬣᬦᬭᬶᬂᬫᬥ᭄ᬬ᭞ᬓᬂᬭᬶᬦᬓ᭄ᬱᬦᬶᬭᬅᬓᬰ᭞ᬫᬸᬯᬄᬬᬦ᭄ᬭᬶᬂᬫᬵ

[᭑᭘ 18A]
ᬳ᭄ᬬᬵᬕ᭄ᬭ᭞ᬫᬫᭂᬧᭂᬓᬶᬲᬧ᭄ᬢᬤ᭄ᬯᬭ᭟ᬲᬓᬾᬂᬓᬡ᭄ᬝᬦᬲᬸᬓ᭄᭞ᬲᬓᬾᬂᬳᬢᬶ᭞ᬫᬫᭂᬧᭂᬓᬶᬰᬭᬷᬭᬓᬩᬾᬄ᭞ᬫᬗ᭄ᬓᬦ
ᬦᬮ᭄ᬯᬶᬃᬦ᭄ᬬᬭᬶᬂᬫᬹᬮᬥᬭ᭞ᬓᬓᬶᬲᬂᬕᬡᬧᬢᬶ᭟᭠ᬮᬸᬕᬸᬭᬶᬂᬫᬹᬮᬥᬭ᭞ᬦᬵᬤᬶ᭞ᬗ᭞ᬅᬳᬼᬢ᭄‌ᬭ᭄ᬯᬯ᭄ᬮᬲᬗ᭄ᬕᬸ
ᬮᬶ᭞ᬯᬃᬡ᭄ᬦᬦ᭄ᬬᬓᬤᬶᬲ᭄ᬓᬃᬯᬭᬢᬾᬮᬯᭃ᭞᭑᭐᭞ᬭᬶᬚ᭄ᬭᭀᬦ᭄ᬬᬓᬤᬶᬲᬹᬃᬬ᭄ᬬᬯᬵᬳᬸᬫᬶᬚᬶᬮ᭄᭞ᬭᬶᬚ᭄ᬭᭀᬦ᭄ᬬᬫᬸᬯᬄ
᭞ᬅᬫᬺᬢ᭄ᬢ᭞ᬗ᭞ᬆᬧᬦ᭄ᬦᬵᬪᬶᬳᬦᬓᬸᬲᬂᬕᬡᬧᬢᬶ᭞ᬧᬗ᭄ᬕᬦ᭄ᬢᬸᬗᬦᬶᬂᬳᬸᬲᬸᬲ᭄‌ᬫ᭄ᬯᬂᬧᬗᬸᬭᬶᬢᬦ᭄᭞ᬭᬶᬮᬸᬳᬸ
</transcription><transliteration>[17 17B]
dawātma, deniratakwanakĕn, hanaringbhuwana, hanaringjanma, hiyahabhuwana, hiyajanma, a
palwir̀nya, yanringbhuwana, brahmānakahyanganringdhaksyiṇa, māngrakṣabhūmi, wiṣṇumangasthanaringūtta
ra, māngrakṣajala, rudramangasthanaringpacima, sūr̀yyawintangkangrinakṣanira, nghulunmangasthanaringpūr̀wwa
, māngrakṣabāyu, sanghyangsadāśiwa, masthanaringmadhya, kangrinakṣanira'akaśa, muwaḥyanringmā

[18 18A]
hyāgra, mamĕpĕkisaptadwara. sakengkaṇṭanasuk, sakenghati, mamĕpĕkiśarīrakabeḥ, mangkana
nalwir̀nyaringmūladhara, kakisanggaṇapati. ‐luguringmūladhara, nādi, nga, ahl̥ĕtrwawlasanggu
li, war̀ṇnanyakadiskar̀waratelawö 10 rijronyakadisūr̀yyawāhumijil, rijronyamuwaḥ
, amr̥ĕtta, nga, āpannābhihanakusanggaṇapati, panggantunganinghususmwangpanguritan, riluhu</transliteration>

==== Leaf 18 ====
{{EntryImage
|EntryID=tutur-dangdang-bang-bungalan
|Title=18
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n18/mode/1up
|LocalFileName=tutur-dangdang-bang-bungalan_18.jpeg
}}

<transcription>
[᭑᭘ 18B]
᭑᭘
ᬭᬶᬂᬦᬵᬪᬶ᭞ᬳᬢᬶ᭞ᬳᬼᬢ᭄ᬅᬱ᭄ᬝᬕᬸᬮᬶ᭞ᬧᬃᬡ᭄ᬦᬦ᭄ᬬᬓᬤᬶᬢᬸᬜ᭄ᬚᬸᬂᬩᬂ᭞ᬮᬯᭃ᭞᭓᭑᭞ᬮᬶᬦᬶᬧᬸᬢ᭄ᬤᬾᬦᬶᬗᬕ᭄ᬦᬶ
᭞ᬚ᭄ᬭᭀᬦᬶᬗᬕ᭄ᬦᬶᬲᬹᬃᬬ᭄ᬬ᭞ᬭᬶᬚ᭄ᬭᭀᬦᬶᬂᬲᬹᬃᬬ᭄ᬬ᭞ᬘᬦ᭄ᬤ᭄ᬭ᭞ᬚ᭄ᬭᭀᬦᬶᬂᬘᬦ᭄ᬤ᭄ᬭ᭞ᬰᬹᬓ᭄ᬮ᭞ᬯᬃᬡ᭄ᬦᬓᬤᬶᬯᬶᬦ᭄ᬢᬂ᭞ᬭᬶᬚ᭄ᬭᭀᬦᬶᬂ
ᬰᬸᬓ᭄ᬮᬵ᭞ᬧ᭄ᬭᬡᬩᬵᬬᬸ᭞ᬗ᭞ᬭᬶᬂᬚ᭄ᬭᭀᬦᬶᬂᬧ᭄ᬭᬡᬩᬵᬬᬸ᭞ᬧ᭄ᬭᬡᬮᬶᬗ᭄ᬕ᭞ᬭᬶᬂᬳᬢᬶᬳᬼᬢ᭄‌ᬭ᭄ᬯᬯ᭄ᬮᬲᬗ᭄ᬕᬸᬮᬶ᭞ᬓᬡ᭄ᬝᬯᬃ
ᬡ᭄ᬦᬓᬤᬶᬢᬸᬜ᭄ᬚᬸᬂᬰ᭄ᬯᬾᬢᬮᬯᭃ᭞᭑᭐᭞ᬭᬶᬚ᭄ᬭᭀᬦ᭄ᬬᬓᬤᬶᬳᬶᬦ᭄ᬢᭂᬦ᭄᭞ᬭᬶᬮᬸᬳᬸᬭᬶᬂᬓᬡ᭄ᬝ᭞ᬳᬼᬢ᭄‌ᬭ᭄ᬯᬯ᭄ᬮ

[᭑᭙ 19A]
ᬲᬗ᭄ᬕᬸᬮᬶ᭞ᬚᬶᬳ᭄ᬯᬵᬕ᭄ᬭ᭞ᬯᬃᬡ᭄ᬦᬓᬤᬶᬢᬸᬜ᭄ᬚᬸᬂᬓᬸᬘᬸᬧ᭄ᬧᬜ᭄ᬘᬯᬃᬡ᭄ᬦ᭞ᬭᬶᬚ᭄ᬭᭀᬦᬶᬓᬩᬶᬡ᭄ᬥᬸᬰᬭᬫᬡᬶᬓ᭄᭞
ᬰᬸᬤ᭄ᬥᬲ᭄ᬧᬝᬶᬓ᭞ᬰᬹᬦ᭄ᬬᬦᬶᬃᬩ᭄ᬪᬡ᭞ᬫᬗ᭄ᬓᬦᬮ᭄ᬯᬶᬃᬦᬶᬂᬧᬜ᭄ᬘᬯᬃᬡ᭄ᬦ᭞ᬗ᭞ᬳᬦᬓᬸᬲᬂᬕᬡᬧᬢᬶ᭟ᬲᭀᬚᬵᬃ
ᬦᬶᬂᬕᬡᬫᬢᬓ᭄ᬯᬦ᭄ᬫᬸᬯᬄ᭞ᬧᬸᬓᬸᬮᬸᬦ᭄ᬳᬢ᭄ᬬᬦ᭄ᬢᬧᬯᬭᬄᬧᬵᬤᬪᬝᬭ᭞ᬢᬸᬮᬸᬲᬓ᭄ᬦᬧᬯᬭᬄᬪᬝᬭ᭞ᬳ
ᬗᬧᬤᬾᬦ᭄ᬬᬳᬸᬫᬶᬚᬶᬮᬓᭂᬦ᭄ᬲᬫᬚᬦ᭄ᬫ᭞ᬓᬮᬦᬶᬂᬫᬲᬗ᭄ᬕᬫ᭞ᬇᬰ᭄ᬯᬭᭀᬯᬘ᭞ᬮᬶᬂᬪᬝᬭ᭞ᬐᬳ
</transcription><transliteration>[18 18B]
18
ringnābhi, hati, hl̥ĕtaṣṭaguli, par̀ṇnanyakadituñjungbang, lawö 31 liniputdeningagni
, jroningagnisūr̀yya, rijroningsūr̀yya, candra, jroningcandra, śūkla, war̀ṇnakadiwintang, rijroning
śuklā, praṇabāyu, nga, ringjroningpraṇabāyu, praṇalingga, ringhatihl̥ĕtrwawlasangguli, kaṇṭawar̀
ṇnakadituñjungśwetalawö 10 rijronyakadihintĕn, riluhuringkaṇṭa, hl̥ĕtrwawla

[19 19A]
sangguli, jihwāgra, war̀ṇnakadituñjungkucuppañcawar̀ṇna, rijronikabiṇdhuśaramaṇik, 
śuddhaspaṭika, śūnyanir̀bbhaṇa, mangkanalwir̀ningpañcawar̀ṇna, nga, hanakusanggaṇapati. sojār̀
ninggaṇamatakwanmuwaḥ, pukulunhatyantapawaraḥpādabhaṭara, tulusaknapawaraḥbhaṭara, ha
ngapadenyahumijilakĕnsamajanma, kalaningmasanggama, iśwarowaca, lingbhaṭara, aiha</transliteration>

==== Leaf 19 ====
{{EntryImage
|EntryID=tutur-dangdang-bang-bungalan
|Title=19
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n19/mode/1up
|LocalFileName=tutur-dangdang-bang-bungalan_19.jpeg
}}

<transcription>
[᭑᭙ 19B]
᭑᭙
ᬦᬓᬸᬲᬂᬕᬡᬧᬢᬶ᭞ᬤᬾᬭᬵᬦᭂᬗ᭄ᬕ᭄ᬯᬳᬦᬚᬦ᭄ᬫᬳᬫᬶᬚᬶᬮᬓᭂᬦ᭄ᬲᬫᬚᬦ᭄ᬫ᭞ᬢᬦ᭄ᬫᬗ᭄ᬓᬦ᭞ᬓᬾᬯᬮᬵ
ᬧᬶᬦᬓᬲᬥᬦ᭞ᬢᬗᬓᬃᬬ᭄ᬬᬯᬶᬚᬶᬮᬶᬂᬲᬗ᭄ᬕᬫ᭞᭠ᬲᬓᬾᬂᬚᬹᬧᬲᬹᬓ᭄ᬱ᭄ᬫᬵᬬᬤᭀᬦ᭄ᬬᬵᬢ᭄ᬫᬓᬂᬰᬸᬓ᭄ᬮᬵᬯᬃᬡ᭄ᬦᬦ᭄ᬬ
ᬓᬤᬶᬫᬡᬶᬓ᭄‌ᬰᬸᬤ᭄ᬥᬲ᭄ᬧᬝᬶᬓᬵ᭞ᬫᬶᬚᬶᬮ᭄ᬲᬓᬾᬗᬗ᭄ᬕᬧ᭄ᬭᬥᬦ᭞ᬫ᭞ᬯᬶᬦᬶᬚᬶᬮᬓᭂᬦ᭄ᬤᬾᬦᬶᬂᬒᬁᬓᬭᬫ
ᬧᬸᬧᬸᬮᬶᬂᬫᬹᬮᬥᬭ᭞ᬢᬦ᭄ᬤ᭄ᬯᬵ᭞ᬫᬶᬚᬶᬮ᭄ᬲᬓᬾᬂᬫᬹᬮᬥᬭ᭞ᬫᬧᬸᬧᬸᬮᬶᬂᬰᬸᬓ᭄ᬮᬵᬲ᭄ᬯᬦᬶᬢ᭞ᬢᬶᬦᬹᬢ᭄ᬧᬫᬮᬶᬄ

[᭒᭐ 20A]
ᬦᬶᬂᬒᬁᬓᬵᬭ᭞ᬫ᭄ᬯᬂᬭᬹᬧᬲᬫᬧᬮᬶᬄ᭞ᬢᬸᬫᬹᬢ᭄ᬓᬓᬤᬸᬢ᭄ᬫᬭᬾᬂᬕᬃᬩ᭄ᬪᬦᬶᬩᬶᬩᬸᬦ᭄ᬬ᭞ᬩᬵᬂᬳᬦᬳᬸᬗ᭄ᬕ᭄ᬯᬦᬫᬧᬶ
ᬮᬶᬄᬅᬓ᭄ᬭᬢ᭄ᬢᬶ᭞ᬇᬗ᭄ᬓᬦᬳᬸᬗ᭄ᬕ᭄ᬯᬦ᭄ᬬᬫᬧᬡ᭄ᬥᬓᬺᬢᬶ᭞ᬳᬦᬓᬸᬲᬂᬕᬡᬧᬢᬶ᭞ᬅᬧᬦᬶᬓᬯᬃᬡ᭄ᬦᬦᬶᬂᬲᬯᬃᬡ᭄ᬦᬦᬶᬂᬰᬸ
ᬓ᭄ᬮᬵᬰ᭄ᬯᬦᬶᬢ᭞ᬮᬶᬦᬶᬧᬸᬢ᭄ᬤᬾᬦᬶᬂᬒᬁᬓᬭ᭞ᬭᬶᬂᬫᬥ᭄ᬬᬵᬲᬹᬓ᭄ᬱ᭄ᬫᬭᬹᬧᬵᬕᬯᬾ᭞ᬲᬓᭂᬂᬒᬁᬓᬭᬫᬗ᭄ᬮᬫ᭄ᬧᬳᬓᭂᬦ᭄
᭞ᬮ᭄ᬯᬶᬃᬦᬶᬂᬧᬓᬃᬬ᭄ᬬᬢ᭄ᬫᬳᬦ᭄ᬬ᭞ᬲᬯᬸᬮᬦ᭄ᬫᬢ᭄ᬫᬄᬯᬾᬋᬄ᭞ᬓᬵᬮᬶᬄᬯᬸᬮᬦ᭄ᬢᬂᬧᭂᬋᬄ᭞ᬫᬢ᭄ᬫᬄᬓᬤᬶᬧ᭄ᬳᬦ᭄ᬓᬶᬦ᭄ᬮᬵᬯᬵᬃ
</transcription><transliteration>[19 19B]
19
nakusanggaṇapati, derānĕnggwahanajanmahamijilakĕnsamajanma, tanmangkana, kewalā
pinakasadhana, tangakar̀yyawijilingsanggama, ‐sakengjūpasūkṣmāyadonyātmakangśuklāwar̀ṇnanya
kadimaṇikśuddhaspaṭikā, mijilsakenganggapradhana, ma, winijilakĕndeningoṁkarama
pupulingmūladhara, tandwā, mijilsakengmūladhara, mapupulingśuklāswanita, tinūtpamaliḥ

[20 20A]
ningoṁkāra, mwangrūpasamapaliḥ, tumūtkakadutmarenggar̀bbhanibibunya, bānghanahunggwanamapi
liḥakratti, ingkanahunggwanyamapaṇdhakr̥ĕti, hanakusanggaṇapati, apanikawar̀ṇnaningsawar̀ṇnaningśu
klāśwanita, liniputdeningoṁkara, ringmadhyāsūkṣmarūpāgawe, sakĕngoṁkaramanglampahakĕn
, lwir̀ningpakar̀yyatmahanya, sawulanmatmaḥwer̥ĕḥ, kāliḥwulantangpĕr̥ĕḥ, matmaḥkadip'hankinlāwār̀</transliteration>

==== Leaf 20 ====
{{EntryImage
|EntryID=tutur-dangdang-bang-bungalan
|Title=20
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n20/mode/1up
|LocalFileName=tutur-dangdang-bang-bungalan_20.jpeg
}}

<transcription>
[᭒᭐ 20B]
᭒᭐
ᬡ᭄ᬦᬦ᭄ᬬ᭞ᬢᬶᬕᬂᬯᬸᬮᬦᬶᬓᬂᬧ᭄ᬳᬦ᭄᭞ᬫᬢ᭄ᬫᬳᬦ᭄ᬮ᭄ᬯᬶᬃᬳᬵᬦ᭄ᬢᬶᬕᬢᬸᬗ᭄ᬕᬮ᭄᭞ᬯᬃᬡ᭄ᬦᬭᬲ᭄ᬢᬫᬢ᭄ᬫᬄᬭᬄ᭞ᬧᬢᬂᬯᬸᬮ
ᬦᬶᬓᬵᬗᬡ᭄ᬥᬫᬢ᭄ᬫᬄᬰᬶᬯᬮᬶᬗ᭄ᬕ᭞ᬕᭀᬭᭀᬯᭀᬂᬫᬭᬶᬂᬫᬥ᭄ᬬ᭞ᬓᬶᬦᬳᬦᬦ᭄ᬤᬾᬦᬶᬂᬒᬁᬓᬭ᭞ᬫ᭄ᬯᬂᬲᬹᬓ᭄ᬱ᭄ᬫ᭞
ᬭᬹᬧ᭞ᬮᬶᬫᬂᬯᬸᬦ᭄ᬢᬂᬰᬶᬯᬮᬶᬗ᭄ᬕᬵᬫᬢ᭄ᬫᬄᬫᬬᬭᬾᬓ᭞ᬦᭂᬫ᭄ᬯᬸᬮᬦ᭄ᬢᬂᬭᬾᬓᬫᬢ᭄ᬫᬄᬕᬡᬶ᭞ᬧᬶᬢᬸᬂᬯᬸᬮᬦᬶ
ᬓᬂᬕᬡᬶ᭞ᬫᬳᬢ᭄ᬫᬄᬓᬤᬶᬳᬦᬓᬦᬓᬦ᭄ᬕᬥᬶᬂ᭞ᬯᭀᬮᬸᬯᬸᬮᬦ᭄ᬢᬶᬓᬫᬶᬚᬶᬮ᭄ᬉᬰ᭄ᬯᬵᬲᬲᬓᬾᬂᬑᬁᬓᬭ᭞

[᭒᭑ 21A]
ᬧᬋᬂᬯᬶᬚᬶᬮᬶᬂᬩᬮᬸᬂ᭞ᬓᬸᬓᬸᬭᬫ᭄ᬩᬸᬢ᭄‌ᬯᬸᬮᬸ᭞ᬲᬧᬸᬮᬸᬄᬦ᭄ᬬᬕ᭄ᬦᭂᬧ᭄‌ᬬᭀᬕᬦ᭄ᬬ᭞ᬢᬦ᭄ᬤ᭄ᬯᬵᬫᬶᬚᬶᬮ᭄ᬲᬓᬾᬂ
ᬕᬃᬩ᭄ᬪᬦᬶᬂᬳᬶᬩᬸᬦ᭄ᬬ᭞ᬫᬗ᭄ᬓᬦᬮ᭄ᬯᬶᬃᬦ᭄ᬬ᭞ᬳᬦᬓᬸᬲᬂᬕᬡᬧᬢᬶ᭞ᬲᭀᬚᬃᬦᬶᬂᬕᬡᬫᬢᬓ᭄ᬯᬦ᭄ᬫᬸᬯᬄᬭᬶᬪᬝᬭ
᭞ᬲᬫ᭄ᬩᬄᬦᬶᬢᬦᬬᬭᬲᬗ᭄ᬳᬸᬮᬸᬦ᭄᭞ᬢᬸᬮᬸᬲᬦᬧᬯᬭᬄᬪᬝᬭ᭞ᬯᬶᬦᬭᬄᬓᬗᬗᬸᬭᬶᬧᬶᬇᬓᬂᬚᬦ᭄ᬫᬓᬵ
ᬮᬦᬶᬂᬳᬦᬾᬂᬕᬃᬩ᭄ᬪᬥᬢ᭄ᬗᬾᬂᬢᬸᬳᬦ᭄ᬬ᭟ᬇᬰ᭄ᬯᬭᭀᬯᬘ᭞ᬮᬶᬂᬪᬝᬵᬭ᭞ᬐᬳᬦᬓᬸᬲᬂᬩᬡᬧᬢᬶ᭞ᬳ
</transcription><transliteration>[20 20B]
20
ṇnanya, tigangwulanikangp'han, matmahanlwir̀hāntigatunggal, war̀ṇnarastamatmaḥraḥ, patangwula
nikāngaṇdhamatmaḥśiwalingga, gorowongmaringmadhya, kinahanandeningoṁkara, mwangsūkṣma, 
rūpa, limangwuntangśiwalinggāmatmaḥmayareka, nĕmwulantangrekamatmaḥgaṇi, pitungwulani
kanggaṇi, mahatmaḥkadihanakanakan'gadhing, woluwulantikamijiluśwāsasakengoṅġkara, 

[21 21A]
par̥ĕngwijilingbalung, kukurambutwulu, sapuluḥnyagnĕpyoganya, tandwāmijilsakeng
gar̀bbhaninghibunya, mangkanalwir̀nya, hanakusanggaṇapati, sojar̀ninggaṇamatakwanmuwaḥribhaṭara
, sambaḥnitanayarasanghulun, tulusanapawaraḥbhaṭara, winaraḥkanganguripi'ikangjanmakā
laninghanenggar̀bbhadhatngengtuhanya. iśwarowaca, lingbhaṭāra, aihanakusangbaṇapati, ha</transliteration>

==== Leaf 21 ====
{{EntryImage
|EntryID=tutur-dangdang-bang-bungalan
|Title=21
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n21/mode/1up
|LocalFileName=tutur-dangdang-bang-bungalan_21.jpeg
}}

<transcription>
[᭒᭑ 21B]
᭒᭑
ᬬ᭄ᬯᬲᬗ᭄ᬰᬬᬓᬶᬢᬫᬳ᭄ᬬᬸᬦ᭄ᬯ᭄ᬭᬸᬳ᭞ᬋᬗᭃ᭞ᬯᬸᬯᬸᬲ᭄ᬓᬫᬶᬳᬦᬓᬸᬲᬂᬕᬡᬧᬢᬶ᭞ᬓᬵᬮᬦᬶᬂᬳᬯᬚ᭄ᬰᬶᬯᬵᬮᬶ
ᬗ᭄ᬕ᭞ᬰᬶᬯ᭞ᬗ᭞ᬒᬁᬓᬭ᭞ᬮᬶᬗ᭄ᬕ᭞ᬗ᭞ᬰᬸᬓ᭄ᬮᬰ᭄ᬯᬦᬶᬢ᭞ᬲᬫᬦᬧᬓᬾᬢ᭄ᬧᬚᬳᬶᬢ᭄‌ᬰᬶᬯᬮᬵᬯᬦ᭄ᬮᬶ
ᬗ᭄ᬕ᭞ᬫᬯᭀᬃᬢᬦ᭄ᬫᬯᭀᬃ᭞ᬧᬶᬦᬓᬳᬸᬭᬶᬧ᭄ᬦ᭄ᬬᬲᬹᬓ᭄ᬱ᭄ᬫᬭᬹᬧ᭞ᬭᬯᬸᬄᬭᬶᬂᬲᬧᬸᬮᬸᬄᬯᬸᬮᬦ᭄ᬬ᭞ᬰᬹᬦ᭄ᬬᬫᬗᬸᬭᬶ
ᬧᬶ᭞ᬓᬵᬮᬦᬶᬂᬯᬶᬚᬶᬮ᭄ᬦ᭄ᬬᬰᬹᬦ᭄ᬬ᭞ᬦᬶᬃᬩ᭄ᬪᬡᬫᬗᬸᬭᬶᬧᬶ᭞ᬯ᭄ᬭᬸᬄᬫᬦᬫ᭄ᬩᬢ᭄ᬩᬧᬾᬩᬸ᭞ᬳᬶᬮᬂᬦᬶᬃᬩ᭄ᬪᬡᬫᬶᬚᬶᬮ᭄

[᭒᭒ 22A]
ᬚᬶᬯᬫᬗᬸᬭᬶᬧᬶ᭞ᬲᬫ᭄ᬧᬸᬦᬶᬂᬢᬸᬳ᭞ᬳᬶᬮᬂᬢᬂᬚᬶᬯ᭞ᬫᬶᬚᬶᬮᬢ᭄ᬫ᭞ᬫᬗ᭄ᬓᬦᬳᬸᬭᬶᬧ᭄᭞ᬗ᭞ᬳᬦᬓᬸᬲᬂᬕ
ᬡᬧᬢᬶ᭟ᬲᬫ᭄ᬩᬄᬦᬶᬢᬦᬬᬭᬲᬗ᭄ᬳᬸᬮᬸᬦ᭄᭞ᬬᬦᬶᬓᬂᬳᬶᬓᬂᬳᬸᬭᬶᬧ᭄᭞ᬳᭂᬦ᭄ᬤᬶᬧᬭᬦ᭄ᬬ᭞ᬯᬶᬦᬭᬄᬢᬦ
ᬬᬭᬲᬗ᭄ᬳᬸᬮᬸᬦ᭄᭞ᬇᬰ᭄ᬯᬭᬯᬄᬢᬬᬫᬸᬯᬄ᭞ᬮᬶᬂᬪᬝᬭᬾᬰ᭄ᬯᬭ᭞ᬉᬥᬹᬳᬦᬓᬸᬲᬂᬕᬡᬧᬢᬶ᭞ᬅᬢ᭄ᬯ
ᬦ᭄ᬢᬧᬢᬦ᭄ᬯᬦ᭄ᬢᬭᬶᬓᬫᬶ᭞ᬳᬮᬸᬳᬸᬃᬢᬦ᭄ᬧᬳᬶᬗᬦ᭄᭞ᬅᬚ᭄ᬭᭀᬢᬦ᭄ᬧᬢᬸᬢᬸᬕᬦ᭄ᬓᬂᬤᬾᬫᬸᬢᬓ᭄ᬯᬦᬓ᭄ᬦᬶᬂᬕᬸ
</transcription><transliteration>[21 21B]
21
ywasangśayakitamahyunwruha, r̥ĕngö, wuwuskamihanakusanggaṇapati, kālaninghawajśiwāli
ngga, śiwa, nga, oṁkara, lingga, nga, śuklaśwanita, samanapaketpajahitśiwalāwanli
ngga, mawor̀tanmawor̀, pinakahuripnyasūkṣmarūpa, rawuḥringsapuluḥwulanya, śūnyamanguri
pi, kālaningwijilnyaśūnya, nir̀bbhaṇamanguripi, wruḥmanambatbapebu, hilangnir̀bbhaṇamijil

[22 22A]
jiwamanguripi, sampuningtuha, hilangtangjiwa, mijilatma, mangkanahurip, nga, hanakusangga
ṇapati. sambaḥnitanayarasanghulun, yanikanghikanghurip, hĕndiparanya, winaraḥtana
yarasanghulun, iśwarawaḥtayamuwaḥ, lingbhaṭareśwara, udhūhanakusanggaṇapati, atwa
ntapatanwantarikami, haluhur̀tanpahingan, ajrotanpatutugankangdemutakwanakninggu</transliteration>

==== Leaf 22 ====
{{EntryImage
|EntryID=tutur-dangdang-bang-bungalan
|Title=22
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n22/mode/1up
|LocalFileName=tutur-dangdang-bang-bungalan_22.jpeg
}}

<transcription>
[᭒᭒ 22B]
᭒᭒
ᬡ᭞ᬬᬦᬦᬦᬶᬭ᭞ᬤᬾᬦᬾᬦᬓ᭄ᬤᭂᬦ᭄ᬢᬫᬗ᭄ᬭᬱᬦᬶᬬᬦ᭄ᬓᬫᬶᬫᬯᬭᬳᬲᬭᬹᬧᬫᬦ᭄ᬢᬸᬓ᭄ᬫᬭᬾᬂᬲᬂᬳ᭄ᬬᬂᬜ
ᬫᬸᬢ᭄‌ᬫ᭄ᬗᭂᬂ᭞ᬲ᭄ᬣᬦᬦᬶᬭᬭᬶᬗᬕ᭄ᬭᬦᬶᬗᬓᬵᬰ᭞ᬲᬂ᭠ᬳ᭄ᬬᬂᬜᬫᬸᬢ᭄‌ᬫ᭄ᬗᭂᬂ᭞ᬳᬶᬮᬂᬦᬶᬂᬰᬹᬦ᭄ᬬᬫᬦ᭄ᬢᬸᬓ᭄ᬫᬭᬾᬂᬲᬹ
ᬓ᭄ᬱ᭄ᬫᬭᬹᬧ᭞ᬳᬶᬮᬂᬦᬶᬂᬦᬶᬃᬩ᭄ᬪᬡᬫᬦ᭄ᬢᬸᬓ᭄ᬫᬭᬾᬂᬰᬹᬦ᭄ᬬ᭞ᬳᬶᬮᬂᬦᬶᬂᬚᬶᬯ᭞ᬫᬦ᭄ᬢᬸᬓ᭄ᬫᬭᬾᬂᬦᬶᬃᬩ᭄ᬪᬡ᭞ᬫᬗ᭄ᬓᬦᬓᬵ
ᬳᬶᬮᬗᬦ᭄ᬬ᭞ᬳᬦᬓᬸᬲᬂᬕᬡᬧᬢᬶ᭟ᬲᬫ᭄ᬩᬄᬦᬶᬂᬢᬦᬬᬭᬱᬗ᭄ᬳᬸᬮᬸᬦ᭄᭞ᬳᭂᬦ᭄ᬤᬶᬳᬸᬦ᭄ᬬᬗ᭄ᬕ᭄ᬯᬦ᭞ᬭᬶ

[᭒᭓ 23A]
ᬰᬹᬦ᭄ᬬᬳᬕ᭄ᬭᬦᬶᬗᬓᬵᬰ᭞ᬲ᭄ᬣᬦᬦᬶᬭᬲᬂᬳ᭄ᬬᬂᬜᬫᬸᬢ᭄‌ᬫ᭄ᬗᭂᬂ᭟ᬇᬰ᭄ᬯᬭᭀᬯᬘ᭞ᬮᬶᬂᬪᬝᬭ᭞ᬮᬶᬂᬪᬝ
ᬭ᭞ᬐᬳᬦᬓᬸᬲᬂᬕᬡᬧᬢᬶ᭞ᬓᬳᬦᬦᬶᬭᬢᬦ᭄ᬳᬦᬾᬂᬰᬭᬷᬭ᭞ᬢᬦ᭄ᬳᬦᬾᬂᬪᬸᬯᬦ᭞ᬅᬤᭀᬄ
ᬢᬦ᭄ᬧᬳᬷᬗᬦ᭄ᬓᬮᬯᬦ᭄ᬰᬭᬷᬭ᭞ᬳᬧᬋᬓ᭄ᬢᬦ᭄ᬧᬳᬼᬢᬦ᭄‌ᬭᬶᬂᬰᬭᬷᬭ᭞ᬫᬯᬾᬄᬢᬗ᭄ᬳᬶᬮᬯᬦ᭄ᬢᬸᬭᬸ᭞ᬫᬗ᭄ᬓ
ᬩᬓᬳᬦᬦᬶᬭᬲᬂᬳ᭄ᬬᬂᬜᬫᬸᬢ᭄‌ᬫ᭄ᬗᭂᬂ᭞ᬳᬦᬓᬸᬲᬂᬕᬡᬧᬢᬶ᭟ᬇᬢᬶᬰ᭄ᬯᬭᭀᬯᬘ᭞ᬕᬡᬧᬢᬶᬫ
</transcription><transliteration>[22 22B]
22
ṇa, yanananira, denenakdĕntamangraṣaniyankamimawarahasarūpamantukmarengsanghyangña
mutmngĕng, sthananiraringagraningakāśa, sang‐hyangñamutmngĕng, hilangningśūnyamantukmarengsū
kṣmarūpa, hilangningnir̀bbhaṇamantukmarengśūnya, hilangningjiwa, mantukmarengnir̀bbhaṇa, mangkanakā
hilanganya, hanakusanggaṇapati. sambaḥningtanayaraṣanghulun, hĕndihunyanggwana, ri

[23 23A]
śūnyahagraningakāśa, sthananirasanghyangñamutmngĕng. iśwarowaca, lingbhaṭara, lingbhaṭa
ra, aihanakusanggaṇapati, kahananiratanhanengśarīra, tanhanengbhuwana, adoḥ
tanpahīngankalawanśarīra, hapar̥ĕktanpahl̥ĕtanringśarīra, maweḥtanghilawanturu, mangka
bakahananirasanghyangñamutmngĕng, hanakusanggaṇapati. itiśwarowaca, gaṇapatima</transliteration>

==== Leaf 23 ====
{{EntryImage
|EntryID=tutur-dangdang-bang-bungalan
|Title=23
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n23/mode/1up
|LocalFileName=tutur-dangdang-bang-bungalan_23.jpeg
}}

<transcription>
[᭒᭓ 23B]
ᬢᬓ᭄ᬯᬦ᭄᭚᭜᭚᭐᭚᭜᭚ᬅᬯᬶᬖ᭄ᬦᬵᬫᬲ᭄ᬢᬸ᭚᭜᭚ᬳᬦᬲᬶᬭᬭᬢᬸᬯᬸᬯᬸᬲᭂᬦ᭄ᬲᬂᬯᬵᬮᬓᬋ
ᬱᬶᬚ᭄ᬜᬦ᭞ᬲᬂᬫᬢᬧᬭᬶᬂᬭᬚ᭄ᬬ᭞ᬲᬂᬫᬳ᭄ᬬᬸᬦ᭄ᬢᬸᬫᬶᬗ᭄ᬕᬮᬓ᭄ᬦᬧ᭄ᬭᬬᭀᬚᬦᬦᬶᬂᬲᬸᬓᬯᬵᬳ᭄ᬬ᭞ᬲᬂᬓᬸᬫᬶᬦ᭄ᬓᬶ
ᬦ᭄ᬯᬮᬸᬬᬭᬶᬂᬚᬢᬶᬦᬶᬃᬫ᭄ᬫᬮᬰᬹᬦ᭄ᬬᬢᬸᬗ᭄ᬕᭂᬂ᭞ᬓᬶᬦᬫᬲᬗᬧᬢ᭄ᬭᬥᬂᬥᬂᬩᬂᬩᬸᬗᬮᬦ᭄᭞ᬲᬗᬧᬭᬩ᭄ᬢ
ᬦ᭄ᬮᬾᬦ᭄᭞ᬳᬦᬢᬵᬦᬓ᭄ᬦᬶᬭᬚᬮᬸᬚᬮᬸ᭞ᬲᬂᬫᬓᬲᬶᬃᬓᬲᬶᬃᬫᬘᬦᬗᬸᬤᬕ᭄᭞ᬳᬦᭀᬫ᭄ᬮᬶᬲ᭄ᬢᬸᬳᬬᬸ

[᭒᭔ 24A]
᭞ᬲᬶᬭᬢᬫᬓᬗᬭᬦ᭄ᬲᬂᬲᬧ᭄ᬢᬢᬶ᭞ᬲᬶᬭᬢᬉᬫᬡ᭄ᬥᭂᬫᬦᭂᬫ᭄ᬩᬄᬭᬶᬂᬲᬗᬤ᭄ᬬᬩᬧ᭞ᬢᬸᬫᬓ᭄ᬯᬦᬓᭂᬦ᭄ᬲᬧ᭄ᬭᬬᭀ
ᬚᬦᬦᬶᬂᬳᬚᬶᬲᬳᬚᬶ᭞ᬧᬶᬲᬦᬶᬗᬹᬫ᭄ᬯᬂᬗᬭᬦᬶᬗᬚᬶ᭞ᬢ᭄ᬮᬲ᭄ᬓᬭᬸᬳᬸᬦ᭄ᬧ᭄ᬭᬬᭀᬚᬦᬦᬶᬭᬲᬂᬯᬶᬓᬸ᭞ᬬᬢᬶ
ᬓᬢᬶᬦᬓ᭄ᬯᬦᬓᭂᬦᬶᬭᬲᬂᬲᬧ᭄ᬢᬢᬶ᭞ᬭᬶᬲᬶᬭᬲᬂᬬᬬᬄ᭞ᬲᬗᬧᬭᬩ᭄ᬢᬦ᭄ᬮᬾᬦ᭄᭚ᬉᬥᬸᬄᬢᬗᬦ᭄ᬢᬗᬦ᭄
ᬧᬦᭂᬫ᭄ᬩᬳᬶᬗ᭄ᬲᬸᬦ᭄ᬲᬧ᭄ᬢᬢᬶ᭞ᬭᬶᬍᬩᬹᬢᬮᬫ᭄ᬧᬓᬦᬶᬭᬧ᭄ᬯᬗ᭄ᬓᬸᬮᬸᬦ᭄᭞ᬳᬢᬥᬳᬯᬸᬦ᭄ᬯᬸᬦᬦᬶᬧᬸᬦ᭄
</transcription><transliteration>[23 23B]
takwan // • // 0 // • // awighnāmastu // • // hanasiraratuwuwusĕnsangwālakar̥ĕ
syijñana, sangmataparingrajya, sangmahyuntuminggalaknaprayojananingsukawāhya, sangkuminki
nwaluyaringjatinir̀mmalaśūnyatunggĕng, kinamasangapatradhangdhangbangbungalan, sangaparabta
nlen, hanatānaknirajalujalu, sangmakasir̀kasir̀macanangudag, hanomlistuhayu

[24 24A]
, siratamakangaransangsaptati, sirata'umaṇdhĕmanĕmbaḥringsangadyabapa, tumakwanakĕnsaprayo
jananinghajisahaji, pisaningūmwangngaraningaji, tlaskaruhunprayojananirasangwiku, yati
katinakwanakĕnirasangsaptati, risirasangyayaḥ, sangaparabtanlen // udhuḥtangantangan
panĕmbahingsunsaptati, ril̥ĕbūtalampakanirapwangkulun, hatadhahawunwunanipun</transliteration>

==== Leaf 24 ====
{{EntryImage
|EntryID=tutur-dangdang-bang-bungalan
|Title=24
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n24/mode/1up
|LocalFileName=tutur-dangdang-bang-bungalan_24.jpeg
}}

<transcription>
[᭒᭔ 24B]
᭒᭔
ᬲᬧ᭄ᬢᬢᬶ᭞ᬅᬳ᭄ᬬᬸᬦ᭄ᬯᬭᬳᭂᬦ᭄ᬭᬶᬓᬮᬶᬗᬦᬶᬗᬾᬬᭀᬧᬤᬾᬰ᭞ᬮᬵᬯᬦ᭄ᬧ᭄ᬭᬬᭀᬚᬦᬦᬶᬂᬳᬚᬶᬲᬳ
ᬚᬶ᭞ᬢ᭄ᬮᬲ᭄ᬓᬭᬸᬳᬸᬦ᭄ᬲᬓ᭄ᬯᬾᬄᬦᬶᬂᬲᬥ᭄ᬬᬵᬧᬓ᭄ᬱᬲᬂᬯᬶᬓᬸ᭞ᬫᬭᬧ᭄ᬯᬦ᭄ᬳᬶᬮᬗᬲᬗ᭄ᬰᬬᬦᬶᬂᬲᬶᬭᬵᬦᬓ᭄ᬦᬶᬭ᭞ᬫ᭄ᬯᬂᬯᬶ
ᬲᬮ᭄ᬧᬲᬦ᭄ᬤᬾᬳ᭞ᬫᬗ᭄ᬓᬦᬮᬶᬂᬲᬂᬲᬧ᭄ᬢᬢᬶ᭞ᬢ᭄ᬳᭂᬭᬸᬫᭂᬡ᭄ᬥᭂᬓ᭄ᬫᬦᭂᬫ᭄ᬩᬄᬭᬶᬧᬤᬦᬶᬭᬲᬂᬬᬬᬄ᭚ᬲᬸᬫᬳᬸᬃ᭠
ᬲᬂᬗᬧᬭᬩ᭄ᬢᬦ᭄ᬮᬾᬦ᭄᭞ᬅᬉᬫᬵᬦᬓᬸᬲᬂᬲ᭄ᬧ᭄ᬢᬢᬶ᭞ᬅᬮᬸᬧᬓᬫᬶ᭞ᬢᬸᬢᬸᬋᬦ᭄ᬓᬫᬶᬤᬾᬦ᭄ᬢᬦᬓᬸ᭞ᬓᬭᬸᬳᬸ

[᭒᭕ 25A]
ᬦᬦ᭄ᬧ᭄ᬭᬬᭀᬚᬦ᭞ᬭᬶᬧᬢᬓ᭄ᬯᬦ᭄ᬢ᭞ᬧᬾᬓᬦᬾᬓᬦ᭄ᬲᬂᬳ᭄ᬬᬂᬥᬃᬫ᭄ᬫᬭᬶᬓᬫᬶ᭞ᬧᬶᬲᬦᬶᬗᬹᬦ᭄ᬧ᭄ᬭᬬᭀᬚᬦ
ᬦᬶᬗᬚᬶᬲᬳᬚᬶ᭞ᬫ᭄ᬯᬂᬭᬶᬗᬾᬬᭀᬧᬤᬾᬰ᭞ᬢ᭄ᬮᬲ᭄ᬓᬭᬸᬳᬸᬦ᭄ᬲᬗ᭄ᬓ᭄ᬯᭂᬄᬲᬥ᭄ᬬᬧᬓ᭄ᬱᬲᬂᬯᬶᬓᬸ᭞ᬧᬳᬾᬦᬓ᭄ᬤᬾ
ᬦ᭄ᬢᬫᬗᬺᬗᭂ᭞ᬰᬩ᭄ᬥᬫᬫᬶᬲᬂᬲᬧ᭄ᬢᬢᬶ᭞᭚ᬤ᭄ᬯᬶᬢᬷᬬᬾᬧᬓ᭄ᬱᬬᬾᬢ᭄ᬪᬶᬓ᭄ᬱᬸ᭞ᬩᬸᬤ᭄ᬥᬬᬾᬦᬦᬶᬭᬵᬰ᭄ᬭᬬᬀ᭞ᬩᬸᬤ᭄ᬥ
ᬬᬾᬩᬵᬬᬸᬶᬳᬸᬪᬯᬲᬀ᭞ᬓ᭄ᬭᬶᬬᬪᬾᬤᬾᬧ᭄ᬭᬓᬶᬃᬢ᭄ᬢᬶᬢᬄ᭚ᬓᬮᬶᬗᬦ᭄ᬬ᭞ᬲᬂᬲᬧ᭄ᬢᬢᬶ᭞ᬭ᭄ᬯᬵᬧᬓ᭄ᬱᬯᬶᬓᬸ᭞ᬗ
</transcription><transliteration>[24 24B]
24
saptati, ahyunwarahĕnrikalinganingeyopadeśa, lāwanprayojananinghajisaha
ji, tlaskaruhunsakweḥningsadhyāpakṣasangwiku, marapwanhilangasangśayaningsirānaknira, mwangwi
salpasandeha, mangkanalingsangsaptati, t'hĕrumĕṇdhĕkmanĕmbaḥripadanirasangyayaḥ // sumahur̀‐
sangngaparabtanlen, a'umānakusangsptati, alupakami, tutur̥ĕnkamidentanaku, karuhu

[25 25A]
nanprayojana, ripatakwanta, pekanekansanghyangdhar̀mmarikami, pisaningūnprayojana
ningajisahaji, mwangringeyopadeśa, tlaskaruhunsangkwĕḥsadhyapakṣasangwiku, pahenakde
ntamangr̥ĕngĕ, śabdhamamisangsaptati,  // dwitīyepakṣayetbhiksyu, buddhayenanirāśrayaṃ, buddha
yebāyuihubhawasaṃ, kriyabhedeprakir̀ttitaḥ // kalinganya, sangsaptati, rwāpakṣawiku, nga</transliteration>

==== Leaf 25 ====
{{EntryImage
|EntryID=tutur-dangdang-bang-bungalan
|Title=25
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n25/mode/1up
|LocalFileName=tutur-dangdang-bang-bungalan_25.jpeg
}}

<transcription>
[᭒᭕ 25B]
᭒᭕
᭞ᬮ᭄ᬯᬶᬃᬦ᭄ᬬ᭞ᬓᬩᬸᬤ᭄ᬥᬬᬦ᭄᭞ᬮᬵᬯᬦ᭄ᬓᬦᬶᬭᬰ᭄ᬭᬬᬦ᭄᭞ᬇᬓᬂᬓᬩᬸᬤ᭄ᬥᬬᬦ᭄ᬧᬓ᭄ᬱ᭞ᬬᬢᬶᬓᬫᬕᬯᬾᬪ᭄ᬭᬦ᭄ᬢ
ᬦᬶᬂᬢᬸᬫᬶᬗ᭄ᬳᬮ᭄᭞ᬭᬶᬓ᭄ᬯᬾᬄᬦᬶᬂᬪᬯᬦ᭄ᬬᬮᬵᬯᬦᬸᬮᬄᬦ᭄ᬬ᭞ᬫᬧᬮᬾᬦᬦᬶᬓᬵᬳᬮᬦ᭄ᬬ᭞ᬢᬦ᭄ᬓᬶᬦᬯ᭄ᬭᬸᬳ
ᬦ᭄ᬓ᭄ᬯᬾᬄᬦᬶᬂᬪᬵᬯᬦᬸᬮᬄ᭞ᬬᬢᬪᬵᬯᬦ᭄ᬬ᭞ᬧᬢᬶᬩᬭᬡᬂ᭞ᬧᬢᬶᬗ᭄ᬩᬋᬡᭀᬂ᭞ᬰᬩ᭄ᬥᬦ᭄ᬬᬧᬢᬶᬂᬧᭂᬋ
ᬲᬾᬢ᭄᭞ᬧᬢᬶᬂᬧᭂᬋᬲᭀᬢ᭄᭞ᬧᬢᬶᬧᬭᬦ᭄ᬧᬭᬦᬶ᭞ᬧᬢᬶᬲᬸᬲᬸᬧ᭄ᬲᬸᬲᬸᬧᬶ᭞ᬬᬢᬶᬓᬫᬕᬯᬾᬪ᭄ᬭᬦ᭄ᬢ

[᭒᭖ 26B]
ᬦᬶᬂᬢᬸᬫᬶᬗ᭄ᬳᬮ᭄᭞ᬭᬶᬓ᭄ᬯᬾᬄᬦᬶᬂᬪᬯᬦ᭄ᬬᬮᬵᬯᬦᬸᬮᬄᬦ᭄ᬬ᭞ᬫᬧᬮᬾᬦᬦ᭄ᬇᬓᬵᬮ᭄ᬯᬶᬃᬦ᭄ᬬ᭞ᬓᬩᬸᬤ᭄ᬥᬬᬦᬶ
ᬓ᭞ᬓᬩᬸᬤ᭄ᬥ[strike]ᬬᬦ᭄ᬗᬭᬦ᭄ᬬ᭞ᬳᬗᬦᬓᭂᬦ᭄᭞ᬩᬵᬂ᭞ᬧᬸᬢᬶᬄ᭞ᬳᬷᬋᬂ᭞ᬓᬸᬦᬶᬂ᭞ᬪᬶᬭᬸ᭞ᬳᬶᬚᭀ᭞ᬤᬤᬸ᭞
ᬚᬶᬗ᭄ᬕ᭞ᬤᬾᬲᬂᬕᬸᬭᬸ᭞ᬳᬫᬭᬳᬶᬭᬶᬂᬰᬶᬱ᭄ᬬᬦᬶᬭ᭞ᬓᬩᬸᬤ᭄ᬥᬬᬦᬶᬓ᭞ᬓᬤᬸᬗ᭄ᬓᬧᬦᬶᬂᬧ᭄ᬭᬬᭀᬚᬦᬭᬶᬂᬦᬶ
ᬲ᭄ᬓᬮ᭞ᬫᬗ᭄ᬓᬶᬦ᭄ᬲᬗ᭄ᬰᬬᬲᬂᬰᬶᬱ᭄ᬬ᭞ᬅᬧᬦᬶᬓᬂᬓᬩᬸᬤ᭄ᬥᬬᬦ᭄‌ᬯᬶᬦᬭᬳᬓᭂᬦᬶᬭ᭞ᬚ᭄ᬜᬦᬓᬩᬸᬤ᭄ᬥᬬᬦ᭄ᬗ
</transcription><transliteration>[25 25B]
25
, lwir̀nya, kabuddhayan, lāwankaniraśrayan, ikangkabuddhayanpakṣa, yatikamagawebhranta
ningtuminghal, rikweḥningbhawanyalāwanulaḥnya, mapalenanikāhalanya, tankinawruha
nkweḥningbhāwanulaḥ, yatabhāwanya, patibaraṇang, patingbar̥ĕṇong, śabdhanyapatingpĕr̥ĕ
set, patingpĕr̥ĕsot, patiparanparani, patisusupsusupi, yatikamagawebhranta

[26 26B]
ningtuminghal, rikweḥningbhawanyalāwanulaḥnya, mapalenanikālwir̀nya, kabuddhayani
ka, kabuddha[strike]yanngaranya, hanganakĕn, bāng, putiḥ, hīr̥ĕng, kuning, bhiru, hijo, dadu, 
jingga, desangguru, hamarahiringśiṣyanira, kabuddhayanika, kadungkapaningprayojanaringni
skala, mangkinsangśayasangśiṣya, apanikangkabuddhayanwinarahakĕnira, jñanakabuddhayannga</transliteration>

==== Leaf 26 ====
{{EntryImage
|EntryID=tutur-dangdang-bang-bungalan
|Title=26
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n26/mode/1up
|LocalFileName=tutur-dangdang-bang-bungalan_26.jpeg
}}

<transcription>
[᭒᭖ 26A]
᭒᭕
ᬭᬦ᭄ᬬ᭞ᬚ᭄ᬜᬦᬓᬧᬲᬸᬓᬶᬂᬰᬸᬪᬵᬰᬸᬪᬧ᭄ᬭᬯᬺᬢ᭄ᬢᬶ᭞᭠ᬳᬦᬢᬧᬓ᭄ᬱᬯᬦᬾᬄ᭞ᬫᬳᬵᬲᬵᬥᬓᬗᬭᬦ᭄ᬬ᭞ᬫ
ᬪᬾᬭᬯᬫᬭᬾᬂᬰ᭄ᬫᬯᬢᭂᬲ᭄᭞ᬫᬫᬗᬦ᭄ᬓᬸᬦᬧ᭞ᬭᬸᬥᬶᬭᬫᬗ᭄ᬰ᭞ᬭᬵᬚᬫᬗ᭄ᬰᬍᬫ᭄ᬩᬸ᭞ᬓᬺᬯᬓ᭄᭞ᬓᬭᬸᬂ᭞
ᬉᬮᬵᬲᬯᬄ᭞ᬫᭀᬂ᭞ᬕᬚᬄ᭞ᬯᬭᬓ᭄᭞ᬲᬧᬦᬶᬲ᭄ᬓᬭᬦᬶᬂᬲᬢ᭄ᬯᬵᬧᬃᬯ᭄ᬯᬢᬧᬶᬦᬗᬦᬶᬭ᭞ᬲᬶᬤ᭄ᬥᬳᬢᬭ
ᬓ᭄ᬯᬤᬾᬦ᭄ᬬᬵᬫᬗᬦᬶᬓ᭞ᬅᬤᬾᬇᬓᬵ᭞ᬓᬩᬸᬤ᭄ᬥᬬᬦᬶᬓ᭞ᬫᬸᬯᬄᬲᬂᬫᬗ᭄ᬕᭂᬂ᭞ᬩ᭄ᬭᬦ᭄ᬢᬲᬶᬤ᭄ᬥᬦ᭄ᬢᬧᬓ᭄ᬱ᭞

[᭒᭗ 27A]
ᬦᬶᬢ᭄ᬬᬫᬩ᭄ᬭᬢ᭞ᬓᬩᬸᬤ᭄ᬥᬬᬦᬶᬓᬵ᭞ᬳᬦᬢᬧᬓ᭄ᬱᬯᬦᬾᬄ᭞ᬳᭀᬫᬬᬚ᭄ᬜᬗᬭᬦ᭄ᬬ᭞ᬓᬧᬹᬚ
ᬦ᭄ᬲᬂᬳ᭄ᬬᬂᬰᬶᬯᬵᬕ᭄ᬦᬶ᭞ᬫᬶᬜᬓ᭄᭞ᬧ᭄ᬳᬦ᭄᭞ᬫᬥᬸ᭞ᬍᬗ᭞ᬳᬸᬬᬸᬳᬶᬂᬍᬫ᭄ᬩᬸ᭞ᬬᬧᬜ᭄ᬘᬕᬯ᭄ᬬᬗᬭᬦ᭄ᬬᬵ᭞
ᬫ᭄ᬯᬂᬲᬃᬯ᭄ᬯᬯᬶᬚ᭞ᬲᬃᬯ᭄ᬯᬧᬮ᭞ᬮᬵᬯᬦ᭄ᬲᬫᬶᬢ᭄ᬲᬧ᭄ᬭᬓᬵᬭ᭞ᬧᬶᬦᬹᬚᬵᬓᭂᬦ᭄ᬭᬶᬲᬂᬳ᭄ᬬᬂᬰᬶᬯᬵᬕ᭄ᬦᬶᬭᬶᬂᬓᬸᬡ᭄ᬥ᭞ᬓ
ᬩᬸᬤ᭄ᬥᬬᬦᬶᬓ᭞ᬳᬦᬢᬧᬓ᭄ᬱᬯᬦᬾᬄ᭞ᬏᬲᬸᬓ᭄᭞ᬢ᭄ᬗᬗᬾ᭞ᬲᭀᬭᬾ᭞ᬫᬰᬸᬘᬶᬮᬓ᭄ᬱᬡᬵ᭞
</transcription><transliteration>[26 26A]
25
ranya, jñanakapasukingśubhāśubhaprawr̥ĕtti, ‐hanatapakṣawaneḥ, mahāsādhakangaranya, ma
bherawamarengśmawatĕs, mamangankunapa, rudhiramangśa, rājamangśal̥ĕmbu, kr̥ĕwak, karung, 
ulāsawaḥ, mong, gajaḥ, warak, sapaniskaraningsatwāpar̀wwatapinanganira, siddhahatara
kwadenyāmanganika, ade'ikā, kabuddhayanika, muwaḥsangmanggĕng, brantasiddhantapakṣa, 

[27 27A]
nityamabrata, kabuddhayanikā, hanatapakṣawaneḥ, homayajñangaranya, kapūja
nsanghyangśiwāgni, miñak, p'han, madhu, l̥ĕnga, huyuhingl̥ĕmbu, yapañcagawyangaranyā, 
mwangsar̀wwawija, sar̀wwapala, lāwansamitsaprakāra, pinūjākĕnrisanghyangśiwāgniringkuṇdha, ka
buddhayanika, hanatapakṣawaneḥ, esuk, tngange, sore, maśucilakṣaṇā, </transliteration>

==== Leaf 27 ====
{{EntryImage
|EntryID=tutur-dangdang-bang-bungalan
|Title=27
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n27/mode/1up
|LocalFileName=tutur-dangdang-bang-bungalan_27.jpeg
}}

<transcription>
[᭒᭗ 27B]
᭒᭗
ᬢ᭄ᬭᬶᬲᬥ᭄ᬬ᭞ᬗ᭞ᬫ᭄ᬯᬂᬯᬦᬾᬄ᭞ᬫᬪᬰ᭄ᬫ᭞ᬫᬫᬦ᭄ᬢ᭄ᬭᬢᬶᬕ᭞ᬅ᭞ᬉ᭞ᬫ᭞ᬇᬦᬸᬦ᭄ᬬᬓᭂᬦ᭄᭞ᬬᬢ᭄ᬭᬶᬦᬶᬓ᭞ᬲᬦ᭄ᬤᬶ
ᬓᬧᬢᬶᬦ᭄᭞ᬗ᭞ᬓᬩᬸᬤ᭄ᬥᬬᬦᬶᬓᬵ᭞ᬳᬦᬢᬯᬦᬾᬄ᭞ᬇᬓᬂᬫᬫᬗᬦ᭄ᬫᬗᭂᬫ᭄ᬩᬂ᭞ᬫᬗᬸᬮᬶᬢ᭄᭞ᬫᬫ
ᬗᬦ᭄ᬫᬾᬯᬓ᭄ᬳᬸᬬᬳᬋᬂ᭞ᬫᬫᬗᬦ᭄ᬫᬫᬦ᭄ᬢ᭄ᬭᬫᬸᬤ᭄ᬭ᭞ᬓᬩᬸᬤ᭄ᬥᬬᬦᬶᬓ᭞ᬳᬦᬢᬧᬓ᭄ᬱᬫᬸᬯᬄ᭞ᬉᬢ᭄ᬧ᭄ᬢᬶᬓᬚ
ᬦ᭄ᬫ᭞ᬗ᭞ᬇᬓᬂᬫᬦᬄᬫᬗᬮ᭄ᬧᬦᬭᬶᬯᬶᬱᬬᬦ᭄ᬬ᭞ᬧᬢ᭄ᬫᬸᬦᬶᬂᬰᬸᬓ᭄ᬮᬵᬰ᭄ᬯᬦᬶᬢ᭞ᬇᬓᬵᬢᬶᬦᬾᬳᬦ᭄ᬓᬸᬫ

[᭒᭘ 28A]
ᬦᬓ᭞ᬓᬩᬸᬤ᭄ᬥᬬᬦᬶᬓ᭞ᬉᬢ᭄ᬢᬫᬓᬚᬦ᭄ᬫᬦᬶᬓᬵ᭞ᬅᬚ᭄ᬜᬦ᭞ᬗ᭞ᬰᬭᬷᬭᬳᬯᬓᬶᬂᬲᬸᬧ᭄ᬦᬮᬓ᭄ᬱ
ᬡ᭞ᬇᬓᬵᬗᬫᬶᬰᬾᬱᬓᭂᬦ᭄ᬳᬶᬧ᭄ᬬᬦ᭄᭞ᬓᬩᬸᬤ᭄ᬥᬬᬦᬶᬓᬵ᭞ᬬᭀᬕᬦ᭄ᬢ᭞ᬗ᭞ᬚ᭄ᬜᬦᬓᬾᬓᭂᬢ᭄‌ᬤᬾ
ᬦ᭄ᬬᬲᬵᬫᬥᬶ᭞ᬓᬩᬸᬤ᭄ᬥᬬᬦᬶᬓ᭞ᬅᬦᬹᬢ᭄ᬢᬭᬧᬤ᭞ᬗ᭞ᬚ᭄ᬜᬦᬳᬕᭂᬗᬥᬵᬦ᭞ᬧᬹᬡ᭄ᬬ᭞ᬉᬫᬋ
ᬧ᭄ᬳᬋᬧ᭄ᬳᭀᬮᬶᬳᬦᬶᬂᬥᬦ᭄ᬬᬭᬶᬂᬦᬶᬲ᭄ᬓᬮ᭞ᬓᬵᬩᬸᬤ᭄ᬥᬬᬦᬶᬓ᭞ᬓᬩᬸᬤ᭄ᬥᬬᬚ᭄ᬜᬦ᭞ᬗ᭞ᬇᬓᬵᬂ
</transcription><transliteration>[27 27B]
27
trisadhya, nga, mwangwaneḥ, mabhaśma, mamantratiga, a, u, ma, inunyakĕn, yatrinika, sandi
kapatin, nga, kabuddhayanikā, hanatawaneḥ, ikangmamanganmangĕmbang, mangulit, mama
nganmewak'huyahar̥ĕng, mamanganmamantramudra, kabuddhayanika, hanatapakṣamuwaḥ, utptikaja
nma, nga, ikangmanaḥmangalpanariwiṣayanya, patmuningśuklāśwanita, ikātinehankuma

[28 28A]
naka, kabuddhayanika, uttamakajanmanikā, ajñana, nga, śarīrahawakingsupnalakṣa
ṇa, ikāngamiśeṣakĕnhipyan, kabuddhayanikā, yoganta, nga, jñanakekĕtde
nyasāmadhi, kabuddhayanika, anūttarapada, nga, jñanahagĕngadhāna, pūṇya, umar̥ĕ
p'har̥ĕp'holihaningdhanyaringniskala, kābuddhayanika, kabuddhayajñana, nga, ikāng</transliteration>

==== Leaf 28 ====
{{EntryImage
|EntryID=tutur-dangdang-bang-bungalan
|Title=28
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n28/mode/1up
|LocalFileName=tutur-dangdang-bang-bungalan_28.jpeg
}}

<transcription>
[᭒᭘ 28B]
᭒᭘
ᬫᬗᬓᬸᬓᬧ᭄ᬭᬪᬸᬦ᭄᭞ᬓᬩᬸᬤ᭄ᬥᬬᬦᬶᬓ᭞ᬦᬶᬩ᭄ᬪᬡᬮᬬ᭞ᬗ᭞ᬳᬗ᭄ᬳᬾᬭᬶᬂᬳᬮᬲ᭄᭞ᬲᬸᬫᬡ᭄ᬥᬭᬶᬂ᭠
ᬓᬬᬸ᭞ᬲᬹᬓ᭄ᬱ᭄ᬫᬲᬸᬫᬥ᭄ᬬᬧᬵᬯᬓ᭄ᬪᬝᬵᬭ᭞ᬓᬩᬸᬤ᭄ᬥᬬᬦᬶᬓᬵ᭞ᬦᬶᬳᬦ᭄ᬢᬂᬯᬶᬱᬬᬮᬗ᭄ᬕᬸᬓᬶᬂᬓᬰᬓ᭄ᬢᬶᬦ᭄
ᬦ᭄ᬬᬳᬮᬳᬬᬸ᭞ᬦ᭄ᬤᬦ᭄ᬮᬶᬂᬦ᭄ᬬ᭞ᬤᬤᬶᬤᬾᬯ᭞ᬤᬤᬶᬪᬝᬵᬭ᭞ᬇᬓᬶᬫᬗ᭄ᬓᭀᬪᬝᬵᬭᬭᬶᬦᬓᬮᬶᬂᬦ᭄ᬬ᭞ᬓ

[᭒᭙ 29A]
ᬩᬸᬤ᭄ᬥᬬᬦᬶᬓ᭞ᬅᬦᬷᬮᬵᬢ᭄ᬫᬓ᭞ᬗ᭞ᬳᬫᬶᬰᬾᬱᬓᭂᬦ᭄ᬩᬵᬬᬸ᭞ᬓᬩᬸᬤ᭄ᬥᬬᬦᬶᬓᬵ᭞ᬫᬬᬵᬢ᭄ᬫᬚ᭞
ᬗ᭞ᬚ᭄ᬜᬦᬫᬶᬰᬾᬱᬓᭂᬦ᭄‌ᬰᬹᬦ᭄ᬬᬢᬬ᭞ᬫ᭄ᬯᬂᬧᬭᬫᬃᬣ᭞ᬓᬩᬸᬤ᭄ᬥᬬᬦᬶᬓ᭞ᬳᬭᬦ᭄ᬬᬓᬩᬾᬄ᭞ᬫᬗ᭄ᬓᬦ
ᬮᬶᬂᬦᬶᬭᬲᬗᬧᬢ᭄ᬭᬥᬂᬥᬂᬩᬂᬩᬸᬗᬮᬦ᭄᭞ᬫᬯᬭᬄᬭ᭄ᬬᬵᬦᬓ᭄ᬦᬶᬭ᭚ᬲᬸᬫᬳᬸᬃᬲᬂᬲᬧ᭄ᬢᬢᬶ᭞ᬉᬯᬲ᭞ᬮᬶᬂᬦᬶ
ᬭ᭞ᬧᬦᬫ᭄ᬩᬄᬲᬶᬭᬵᬦᬓᬶᬭᬧ᭄ᬯᬗ᭄ᬓᬸᬮᬸᬦ᭄᭞ᬧᬸᬦᬧᬧ᭄ᬯᬦ᭄ᬓᬸᬮᬸᬦ᭄ᬓᬂᬢᬦ᭄ᬓᬩᬸᬤ᭄ᬥᬬᬦ᭄᭞ᬇᬓᬂᬢᬦ᭄ᬯᬮᬸᬬ᭄‌ᬯ
</transcription><transliteration>[28 28B]
28
mangakukaprabhun, kabuddhayanika, nibbhaṇalaya, nga, hangheringhalas, sumaṇdharing‐
kayu, sūkṣmasumadhyapāwakbhaṭāra, kabuddhayanikā, nihantangwiṣayalanggukingkaśaktin
nyahalahayu, ndanlingnya, dadidewa, dadibhaṭāra, ikimangkobhaṭārarinakalingnya, ka

[29 29A]
buddhayanika, anīlātmaka, nga, hamiśeṣakĕnbāyu, kabuddhayanikā, mayātmaja, 
nga, jñanamiśeṣakĕnśūnyataya, mwangparamar̀tha, kabuddhayanika, haranyakabeḥ, mangkana
lingnirasangapatradhangdhangbangbungalan, mawaraḥryānaknira // sumahur̀sangsaptati, uwasa, lingni
ra, panambaḥsirānakirapwangkulun, punapapwankulunkangtankabuddhayan, ikangtanwaluywa</transliteration>

==== Leaf 29 ====
{{EntryImage
|EntryID=tutur-dangdang-bang-bungalan
|Title=29
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n29/mode/1up
|LocalFileName=tutur-dangdang-bang-bungalan_29.jpeg
}}

<transcription>
[᭒᭙ 29B]
᭒᭙
ᬮᬸᬬ᭄‌ᬪᬯᬘᬓ᭄ᬭᬓᬭᬶᬓᬧ᭄ᬯᬗ᭄ᬓᬸᬮᬸᬦ᭄᭞ᬫᬗ᭄ᬓᬦᬮᬶᬂᬲᬂᬫᬲᬦᬗᬸᬤᬕ᭄᭞ᬲᬸᬫᬳᬸᬃᬲᬂᬬᬬᬄ᭞ᬮᬶᬂᬦᬶᬭ᭚
ᬲᬶᬗ᭄ᬕᬶᬄᬰᬩ᭄ᬥᬦᬶᬢᬦᬬᬗ᭄ᬓᬸ᭞ᬯᬮᬸᬬ᭄‌ᬯᬮᬸᬬ᭄‌ᬪᬯᬘᬓ᭄ᬭᬇᬓ᭞ᬅᬧᬦ᭄ᬳᬦᬳᬶᬦᬶᬱ᭄ᬝᬶᬦᬶᬭᬭᬶᬂᬚ᭄ᬜᬦᬦᬶ
ᬭ᭞ᬢᬦ᭄ᬓᬢᭀᬮᬶᬄᬓᬂᬓᬦᬶᬭᬵᬭᬬᬚ᭄ᬜᬦᬦ᭄᭞ᬅᬧᬦ᭄ᬓᬢᬸᬱ᭄ᬝᬶᬤᬤᬶᬦ᭄ᬬ᭞ᬅᬧᬦ᭄ᬓᬧᬲᬸᬓᬶᬂᬫᬗᬓᬸᬫᬯ
ᬓᬵᬚ᭄ᬜᬦ᭞ᬯᬶᬦᬮᬶᬂᬦ᭄ᬬᬢᬦ᭄ᬳᬦᬢᬢ᭄ᬯᬯᬶᬰᬾᬱ᭞ᬮᬾᬦᬲᬗ᭄ᬓᬾᬭᬶᬓ᭞ᬫᬢᬗ᭄ᬬᬦᬓ᭄ᬯᬾᬄᬓᬂᬧ

[᭓᭐ 30A]
ᬓ᭄ᬱᬫᬗ᭄ᬓᬦ᭞ᬯᬮᬸᬬ᭄‌ᬯᬮᬸᬬ᭄‌ᬚᬸᬕᬲᬫᬗ᭄ᬓᬦ᭞ᬫᬗ᭄ᬓᬦᬮᬶᬂᬲᬗᬧᬢ᭄ᬭᬥᬂᬥᬂᬩᬵᬂᬩᬸᬗᬮᬦ᭄᭞ᬫᬭᬄ
ᬭ᭄ᬬᬵᬦᬓ᭄ᬦᬶᬭ᭞ᬫᬢᬓ᭄ᬯᬦ᭄ᬫᬸᬯᬄᬲᬂᬲᬧ᭄ᬢᬢᬶᬭᬶᬲᬂᬬᬬᬄ᭞ᬮᬶᬂᬦᬶᬭ᭚ᬫᬧᬧ᭄ᬯᬗ᭄ᬓᬸᬮᬸᬦ᭄᭞ᬓᬧᬗ᭄ᬕᬶᬳᬦᬶᬓᬵᬂ
ᬢᬢ᭄ᬯᬯᬶᬰᬾᬱ᭞ᬫ᭄ᬯᬂᬧᬸᬢᬸᬲᬶᬂᬓᬯᬶᬓᬸᬦ᭄ᬤᬾᬦᬶᬭᬲᬂᬧᬡ᭄ᬥᬶᬢ᭞ᬫᬧᬮ᭄ᬓᬲᬶᬭ᭞ᬫ᭄ᬯᬂᬫᬧᬉᬮᬳᬶᬭ᭞ᬫᬧᬧᬗ᭄ᬮᬶ
ᬗ᭄ᬕᬦᬾᬲᬶᬭ᭞ᬓᬯ᭄ᬭᬸᬳᬦ᭞ᬓᬵᬲᬶᬳᬦᬧᬸᬦ᭄ᬲᬧ᭄ᬢᬢᬶ᭞ᬯᬭᬳᭂᬦ᭄ᬭᬶᬓᬮᬶᬗᬦᬶᬗᬚᬶ᭞ᬫᬗ᭄ᬓᬦᬮᬶᬂᬲᬂᬫᬘ
</transcription><transliteration>[29 29B]
29
luybhawacakrakarikapwangkulun, mangkanalingsangmasanangudag, sumahur̀sangyayaḥ, lingnira // 
singgiḥśabdhanitanayangku, waluywaluybhawacakra'ika, apanhanahiniṣṭiniraringjñanani
ra, tankatoliḥkangkanirārayajñanan, apankatuṣṭidadinya, apankapasukingmangakumawa
kājñana, winalingnyatanhanatatwawiśeṣa, lenasangkerika, matangyanakweḥkangpa

[30 30A]
kṣamangkana, waluywaluyjugasamangkana, mangkanalingsangapatradhangdhangbāngbungalan, maraḥ
ryānaknira, matakwanmuwaḥsangsaptatirisangyayaḥ, lingnira // mapapwangkulun, kapanggihanikāng
tatwawiśeṣa, mwangputusingkawikundenirasangpaṇdhita, mapalkasira, mwangmapa'ulahira, mapapangli
ngganesira, kawruhana, kāsihanapunsaptati, warahĕnrikalinganingaji, mangkanalingsangmaca</transliteration>

==== Leaf 30 ====
{{EntryImage
|EntryID=tutur-dangdang-bang-bungalan
|Title=30
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n30/mode/1up
|LocalFileName=tutur-dangdang-bang-bungalan_30.jpeg
}}

<transcription>
[᭓᭐ 30B]
᭓᭐
ᬦᬗᬸᬤᬕ᭄᭞ᬲᬸᬫᬳᬸᬃᬲᬂᬬᬬᬄ᭞ᬮᬶᬂᬦᬶᬭ᭞ᬋᬗᭃᬦ᭄‌ᬰ᭄ᬮᭀᬓᬦ᭄ᬬ᭟ᬦᬄᬲᬶᬤ᭄ᬥᬶᬦᬄᬰᬓ᭄ᬢᬶᬜ᭄ᬘᬾ[strike/]ᬢ[/strike]ᬯᬢ᭄᭞
ᬫᬦᬯᬶᬚ᭄ᬜᬦᬫᭀᬳᬶᬢᬀ᭞ᬓᬥᬶᬭᬀᬦᬜ᭄ᬘᬰᬹᬭᬜ᭄ᬘ᭞ᬦᬰᬸᬓ᭄ᬮᬶᬦᬜ᭄ᬘᬦᬶᬕ᭄ᬭᬳᬄ᭟ᬓᬮᬶᬗᬦ᭄ᬬ᭞ᬳᬦ
ᬓᬸᬲᬂᬲᬧ᭄ᬢᬢᬶ᭞ᬅᬧᬤᬾᬦᬶᬭᬫᬦ᭄ᬗᭂᬭᬲᬂᬢᬸᬳᬸᬯᬶᬓᬸᬗᬭᬦᬶᬭ᭞ᬅᬧᬦ᭄ᬢᬦ᭄ᬳᬦᬧᬦ᭄ᬗᭂᬭᬦᬶᬭ᭞ᬦᬲᬶᬤ᭄ᬥ᭞ᬗ
᭞ᬢᬦᬶᬓᬂᬲᬶᬤ᭄ᬥᬶᬧᬦ᭄ᬗᭂᬭᬦ᭄ᬬᬲᬂᬢᬸᬳᬸᬯᬶᬓᬸ᭟ᬦᬰᬓ᭄ᬢᬶ᭞ᬗ᭞ᬢᬦᬶᬓᬂᬓᬰᬓ᭄ᬢᬶᬦ᭄‌ᬧᬦ᭄ᬗᭂᬭᬦ᭄ᬬᬲᬂᬢᬸᬳᬸ

[᭓᭑ 31A]
ᬯᬶᬓᬸ᭟ᬫᬦᬯᬶᬚ᭄ᬜᬦ᭞ᬗ᭞ᬢᬦᬶᬓᬂᬓᬧ᭄ᬭᬚ᭄ᬜᬦᬦ᭄᭞ᬧᬦ᭄ᬗᭂᬭᬦᬶᬭᬲᬂᬢᬸᬳᬸᬯᬶᬓᬸ᭟ᬫᭀᬳᬶᬢᬀ᭞ᬗ᭞ᬢ
ᬦᬶᬓᬗᬧᬸᬗ᭄ᬕᬸᬂ᭞ᬧᬦ᭄ᬗᭂᬭᬦᬶᬭᬲᬂᬢᬸᬳᬸᬯᬶᬓᬸ᭟ᬦᬥᬷᬭᬀ᭞[strike/]ᬯ[/strike]ᬗ᭞ᬢᬦᬶᬓᬂᬓᬥᬷᬭᬓ᭄ᬱᬦ᭄ᬗᭂᬭᬦᬶᬭᬲᬂᬢᬸᬳᬸ
ᬯᬶᬓᬸ᭟ᬦᬰᬹᬭᬜ᭄ᬘ᭞ᬗ᭞ᬢᬦᬶᬓᬂᬓᬰᬹᬭᬦ᭄ᬱᬦ᭄ᬗᭂᬭᬦ᭄ᬢᬲᬂᬢᬸᬳᬸᬯᬶᬓᬸ᭞ᬦᬰᬸᬓ᭄ᬮᬶ᭞ᬗ᭞ᬢᬦᬶᬓᬂᬢᬦ᭄ᬧ
ᬭᬩᬶᬧᬦ᭄ᬗᭂᬭᬦ᭄ᬢᬲᬂᬢᬸᬳᬸᬯᬶᬓᬸ᭟ᬦᬜ᭄ᬘᬦᬶᬕ᭄ᬭᬳ᭞ᬗ᭞ᬢᬦᬶᬓᬂᬳᬭᬩᬶᬧᬦ᭄ᬗᭂᬭᬦ᭄ᬢᬲᬂᬢᬸᬳᬸᬯᬶᬓᬸ᭟
</transcription><transliteration>[30 30B]
30
nangudag, sumahur̀sangyayaḥ, lingnira, r̥ĕngönślokanya. naḥsiddhinaḥśaktiñce[strike/]ta[/strike]wat, 
manawijñanamohitaṃ, kadhiraṃnañcaśūrañca, naśuklinañcanigrahaḥ. kalinganya, hana
kusangsaptati, apadeniramanngĕrasangtuhuwikungaranira, apantanhanapanngĕranira, nasiddha, nga
, tanikangsiddhipanngĕranyasangtuhuwiku. naśakti, nga, tanikangkaśaktinpanngĕranyasangtuhu

[31 31A]
wiku. manawijñana, nga, tanikangkaprajñanan, panngĕranirasangtuhuwiku. mohitaṃ, nga, ta
nikangapunggung, panngĕranirasangtuhuwiku. nadhīraṃ, [strike/]wa[/strike]nga, tanikangkadhīrakṣanngĕranirasangtuhu
wiku. naśūrañca, nga, tanikangkaśūranṣanngĕrantasangtuhuwiku, naśukli, nga, tanikangtanpa
rabipanngĕrantasangtuhuwiku. nañcanigraha, nga, tanikangharabipanngĕrantasangtuhuwiku. </transliteration>

==== Leaf 31 ====
{{EntryImage
|EntryID=tutur-dangdang-bang-bungalan
|Title=31
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n31/mode/1up
|LocalFileName=tutur-dangdang-bang-bungalan_31.jpeg
}}

<transcription>
[᭓᭑ 31B]
᭓᭑
ᬓᬮᬶᬗᬦ᭄ᬬᬯᬸᬯᬸᬲ᭄ᬫᬫᬶᬲᬂᬲᬧ᭄ᬢᬢᬶ᭞ᬤᬹᬃᬮ᭄ᬮᬪ᭞ᬗ᭞ᬏᬯᭂᬄᬢᬸᬤᬸᬳᭂᬦ᭄ᬲᬂᬳᬸᬯᬸᬲ᭄ᬫᬦ᭄ᬗᬭᬦ᭄ᬬ᭞ᬫᬗ᭄ᬓᬦᬮᬶᬂ
ᬲᬂᬬᬬᬄ᭞ᬫᬢᬓ᭄ᬯᬦ᭄ᬫᬸᬯᬄᬲᬂᬲᬧ᭄ᬢᬢᬶ᭞ᬢ᭄ᬳᭂᬭᬵᬦᭂᬫ᭄ᬩᬄᬭᬶᬧᬵᬤᬦᬶᬭᬲᬂᬬᬬᬄ᭞ᬮᬶᬂᬦᬶᬭ᭞ᬫᬗ᭄ᬓᬶᬦ᭄ᬳᬾᬫᭂᬂᬫ
ᬦᬳᬶᬧᬸᬦ᭄ᬲᬧ᭄ᬢᬢᬶ᭞ᬭᬸᬫ᭄ᬗᭃᬯᬸᬯᬸᬲ᭄ᬦᬶᬂᬍᬩᬹᬢᬮᬫ᭄ᬧᬓᬦᬶᬭᬧ᭄ᬫᬗ᭄ᬓᬸᬮᬸᬦ᭄᭞ᬫᬧᬧ᭄ᬫᬤᬾᬦᬶᬂᬫ[strike]ᬢᬸᬤᬸᬳᬾᬂᬲᬶ
ᬭᬲᬂᬢᬸᬳᬸᬯᬶᬓᬸ᭞ᬢᬦᬶᬓᬂᬳᭀᬫᬳ᭄ᬦᬶᬂ᭞ᬢᬦᬶᬓᬂᬰᬓ᭄ᬢᬶᬪᬓ᭄ᬢᬶ᭞ᬢᬦᬶᬓᬂᬤᬹᬭᬤᬃᬰ᭄ᬰᬡ᭞ᬢᬦᬶᬓᬂᬤᬹ

[᭓᭒ 32A]
ᬭᬰ᭄ᬭᬯᬡ᭞ᬢᬦᬶᬓᬂᬤᬹᬭᬲᬃᬯ᭄ᬯᬚ᭄ᬜᬦ᭞ᬢᬦᬶᬓᬂᬳᬚᬮᬦ᭄ᬢᬭ᭞ᬢᬦᬶᬓᬂᬗᬫ᭄ᬩᬭᬫᬃᬕ᭄ᬕ᭞ᬢᬦᬶᬓᬵᬗᬤᬺ
ᬰ᭄ᬬᬤᬺᬰ᭄ᬬ᭞ᬢᬦᬶᬓᬵᬗᬭᭀᬧᬾᬬ᭞ᬇᬓᬂᬢᬸ᭠ᬳᬸᬓᬂᬲᭂᬗ᭄ᬕᬸᬦᭂᬦ᭄ᬯᬶᬓᬸᬧ᭄ᬯᬗ᭄ᬓᬸᬮᬸᬦ᭄᭞ᬫᬗ᭄ᬓᬦᬮᬶᬂᬲᬂᬲᬧ᭄ᬢᬢᬶ᭞
ᬲᬸᬫᬳᬸᬃᬲᬂᬬᬬᬄ᭞ᬲᬗᬧᬭᬩ᭄ᬢᬦ᭄ᬮᬾᬦ᭄᭞ᬮᬶᬂᬦᬶᬭ᭞ᬧᬭᬦ᭄ᬬᬗᬾᬦ᭄ᬤᬳᬦᬶᬭᬬᬦ᭄ᬢᬢᭂᬦ᭄᭞ᬫᬧᬦ᭄ᬢᬦ᭄
ᬧᬧ᭄ᬭᬬᭀᬕ᭞ᬇᬓᬂᬚ᭄ᬜᬦᬢᬶᬕᬤᬾᬦᬶᬭ᭞ᬗ᭄ᬓᬵᬦᬢᬶᬕᬗᬭᬦ᭄ᬬ᭞ᬇᬓᬂᬩᬵᬬᬸᬰᬩ᭄ᬥᬳᬶᬥᭂᬧ᭄᭞
</transcription><transliteration>[31 31B]
31
kalinganyawuwusmamisangsaptati, dūr̀llabha, nga, ewĕḥtuduhĕnsanghuwusmanngaranya, mangkanaling
sangyayaḥ, matakwanmuwaḥsangsaptati, t'hĕrānĕmbaḥripādanirasangyayaḥ, lingnira, mangkinhemĕngma
nahipunsaptati, rumngöwuwusningl̥ĕbūtalampakanirapmangkulun, mapapmadeningma[strike]tuduhengsi
rasangtuhuwiku, tanikanghomahning, tanikangśaktibhakti, tanikangdūradar̀śśaṇa, tanikangdū

[32 32A]
raśrawaṇa, tanikangdūrasar̀wwajñana, tanikanghajalantara, tanikangngambaramar̀gga, tanikāngadr̥ĕ
śyadr̥ĕśya, tanikāngaropeya, ikangtu‐hukangsĕnggunĕnwikupwangkulun, mangkanalingsangsaptati, 
sumahur̀sangyayaḥ, sangaparabtanlen, lingnira, paranyangendahanirayantatĕn, mapantan
paprayoga, ikangjñanatigadenira, ngkānatigangaranya, ikangbāyuśabdhahidhĕp, </transliteration>

==== Leaf 32 ====
{{EntryImage
|EntryID=tutur-dangdang-bang-bungalan
|Title=32
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n32/mode/1up
|LocalFileName=tutur-dangdang-bang-bungalan_32.jpeg
}}

<transcription>
[᭓᭒ 32B]
᭓᭒
ᬫᬭᬶᬧ᭄ᬯᬯᬶᬦᬶᬰᬾᬱᬓᭂᬦ᭄ᬤᬾᬦᬶᬭᬲᬂᬢᬸᬳᬸᬯᬶᬓᬸ᭞ᬅᬧᬦ᭄ᬢᬦ᭄ᬯᬶᬰᬾᬱᬬ᭞ᬓᬶᬦᬃᬬ᭄ᬬᬧ᭄ᬯᬬᬤᬾᬲᬂᬬᭀᬕᬷ
ᬰ᭄ᬯᬭ᭞ᬇᬓᬂᬢᬶᬕᬚ᭄ᬜᬦ᭞ᬬᬢᬫᬶᬚᬶᬮᬓᭂᬦ᭄‌ᬰᬸᬪᬵᬰᬸᬪᬲ᭄ᬢᬯᬭᬶᬂᬚᬕᬢ᭄᭞ᬬᬢᬓᬬᭀᬕᬷᬰ᭄ᬯ
ᬭᬦ᭄ᬧᬦᭂᬗ᭄ᬕᬳᬶᬓᬾᬂᬮᭀᬓᬭᬶᬲᬶᬭ᭞ᬬᬢᬓᬤᬸᬳᬸᬂᬇᬓᬲᬂᬬᭀᬕᬶᬰ᭄ᬯᬭ᭞ᬤᬾᬦᬶᬂᬮᭀᬓᬵ᭞
ᬓᬿᬰ᭄ᬯᬃᬬ᭄ᬬᬵᬦ᭄ᬗᬭᬦ᭄ᬬ᭞ᬓᬯᬰᬧ᭄ᬯᬤᬾᬦᬶᬭᬫᬳᬰᬓ᭄ᬢᬶᬚ᭄ᬜᬵᬦᬦᬶᬭ᭞ᬫ᭄ᬢᬸᬢᬾᬓᬂᬓᬲᬶᬤ᭄ᬥ᭄ᬬᬦᬶᬭ᭞ᬅᬧᬦᬶᬓᬂ

[᭓᭓ 33A]
ᬢᬶᬕᬚ᭄ᬜᬦᬧᬶᬦᬓᬰᬓ᭄ᬢᬶᬦᬶᬭ᭞ᬮᬸᬫᬓ᭄ᬱᬡᬧ᭄ᬭᬬᭀᬕᬧ᭄ᬭᬓᬺᬢ᭄ᬢᬶ᭞ᬳᬦᬢᬲᬤᬵᬗ᭄ᬓᬬᭀᬕᬗᬭᬦ᭄ᬬ᭞
ᬦᭂᬫ᭄ᬓ᭄ᬯᬾᬄᬦᬶᬓᬂᬬᭀᬕ᭞ᬧᬢᬸᬗ᭄ᬕᬮᬦᬶᬂᬗᬭᬦ᭄ᬬ᭞ᬥᬵᬭᬓᬬᭀᬕ᭞ᬧᬢ᭄ᬬᬳᬭᬬᭀᬕ᭞ᬲᬫᬵᬥᬶ
ᬬᭀᬕ᭞ᬧ᭄ᬭᬡᬬᬫᬬᭀᬕ᭞ᬢᬃᬓ᭄ᬓᬬᭀᬕ᭟ᬥᬵᬭᬓᬵᬬᭀᬕ᭞ᬗ᭞ᬇᬓᬂᬘᬾᬢ᭄ᬢᬦᬾᬦ᭄ᬤ᭄ᬭᬶᬬ᭞
ᬢᬦ᭄ᬯᬶᬦᬾᬄᬧ᭄ᬯᬭᬶᬂᬯᬶᬱᬬᬦ᭄ᬬ᭞ᬓᬾᬯᬮᬵᬥᬶᬦᬭᬡᬓᬶᬜ᭄ᬚᬸᬕ᭞ᬫᬭᬶᬧ᭄ᬯᬘᬸᬫᬾᬢ᭄ᬢᬦᬾᬭᬶᬂᬯᬶᬱᬬᬦ᭄ᬬᬵ᭞
</transcription><transliteration>[32 32B]
32
maripwawiniśeṣakĕndenirasangtuhuwiku, apantanwiśeṣaya, kinar̀yyapwayadesangyogī
śwara, ikangtigajñana, yatamijilakĕnśubhāśubhastawaringjagat, yatakayogīśwa
ranpanĕnggahikenglokarisira, yatakaduhungikasangyogiśwara, deninglokā, 
kaiśwar̀yyānngaranya, kawaśapwadeniramahaśaktijñānanira, mtutekangkasiddhyanira, apanikang

[33 33A]
tigajñanapinakaśaktinira, lumakṣaṇaprayogaprakr̥ĕtti, hanatasadāngkayogangaranya, 
nĕmkweḥnikangyoga, patunggalaningngaranya, dhārakayoga, patyaharayoga, samādhi
yoga, praṇayamayoga, tar̀kkayoga. dhārakāyoga, nga, ikangcettanendriya, 
tanwineḥpwaringwiṣayanya, kewalādhinaraṇakiñjuga, maripwacumettaneringwiṣayanyā, </transliteration>

==== Leaf 33 ====
{{EntryImage
|EntryID=tutur-dangdang-bang-bungalan
|Title=33
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n33/mode/1up
|LocalFileName=tutur-dangdang-bang-bungalan_33.jpeg
}}

<transcription>
[᭓᭓ 33B]
᭓᭓
ᬓᬢ᭄ᬫᬸᬢᬭᬱᬦᬶᬗᬢᬸᬭᬸᬢᬦ᭄ᬧᬗᬶᬧᬶᬤᬾᬦ᭄ᬬ᭟ᬧᬢ᭄ᬬᬳᬭᬬᭀᬕ᭞ᬗ᭞ᬇᬓᬂᬭᬱᬾᬦ᭄ᬤ᭄ᬭᬶᬬ᭞ᬢᬦ᭄ᬯᬶ
ᬦᬾᬄᬳᬕᭂᬗᬭᬶᬯᬶᬱᬬ᭄ᬯᬦ᭄ᬬ᭞ᬇᬦᬺᬢᬶᬭᬲᬤᬵᬦᬶᬢ᭄ᬬ᭞ᬯᬶᬦᭀᬗᬶᬭᬭᬶᬂᬓᬦᬶᬲ᭄ᬫᬺᬢᬶᬦ᭄᭞ᬬᬢᬤᬤᬶ
ᬧᬋᬕ᭄ᬢᬦ᭄ᬧᬫᬗᬦ᭄ᬓᬧᬸᬳᬭᬤᬾᬦ᭄ᬬ᭟ᬲᬫᬥᬀᬬᭀᬕᬗᬭᬦ᭄ᬬ᭞ᬇᬓᬂᬭᬵᬚᬾᬦ᭄ᬤ᭄ᬭᬶᬬ᭞ᬮᬶᬢ᭄ᬦ᭄ᬬᬩᬶᬓ᭄ᬬᬂᬧᬭ
ᬓᭂᬦᬶᬂᬪᬸᬯᬦ᭞ᬫᬫᬸᬳᬭᬓᬫᬳᬢ᭄ᬫ᭄ᬬᬵᬦ᭄‌ᬤᭀᬦ᭄ᬬ᭟ᬧ᭄ᬭᬡᬬᬫᬬᭀᬕᬗᬭᬦ᭄ᬬ᭞ᬩᬵᬬᬸᬳᬶᬦᬸᬮ

[᭓᭔ 34A]
ᬳᬸᬮᬄ᭞ᬓᬶᬦᬾᬮᬶᬗᬓᭂᬦ᭄ᬧᬲᬸᬓ᭄‌ᬯ᭄ᬢᬸᬦ᭄ᬬᬚᬸᬕ᭞ᬫ᭄ᬯᬂᬭᬶᬓᬧ᭄ᬢᭂᬗᬦᬶᬂᬩᬵᬬᬸ᭞ᬬᬢᬫᬫᬸᬳᬭᬓᬬᭀᬯ
ᬦᬦᬶᬂᬰᬭᬷᬭᬓᬧᬸᬳᬭᬤᭀᬦ᭄ᬬ᭟ᬥ᭄ᬬᬵᬦᬬᭀᬕ᭞ᬗᬭᬦ᭄ᬬ᭞ᬓᬧᬵᬬ᭄ᬯᬦᬶᬂᬢᬸᬢᬸᬃᬮᬗ᭄ᬕᭂᬂ᭞ᬫᬳ᭄ᬦᬶᬂᬓᬧᬸ
ᬳᬭᬤᬾᬦ᭄ᬬ᭟ᬢᬃᬓ᭄ᬓᬢᬬᭀᬕ᭞ᬗ᭞ᬬᬢᬫᬫᬸᬳᬭᬓᬧ᭄ᬭᬚ᭄ᬜᬦᬦᬶᬂᬫᬗᬪ᭄ᬬᬵᬱᬬᭀᬕ᭟ᬬᬢᬶᬓ
ᬬᭀᬕᬦᭂᬫ᭄ᬫᬫᬮᬾᬦᬦ᭄᭞ᬬᬢᬶᬓᬓᬦᬶᬱᬫᬥ᭄ᬬᬵᬫᭀᬢ᭄ᬢᬫ᭞ᬓᬦᬶᬱ᭄ᬝᬗᬭᬦ᭄ᬬ᭞ᬯ᭄ᬯᬂᬫᬬᭀᬕ
</transcription><transliteration>[33 33B]
33
katmutaraṣaningaturutanpangipidenya. patyaharayoga, nga, ikangrasyendriya, tanwi
neḥhagĕngariwiṣaywanya, inr̥ĕtirasadānitya, winongiraringkanismr̥ĕtin, yatadadi
par̥ĕgtanpamangankapuharadenya. samadhaṃyogangaranya, ikangrājendriya, litnyabikyangpara
kĕningbhuwana, mamuharakamahatmyāndonya. praṇayamayogangaranya, bāyuhinula

[34 34A]
hulaḥ, kinelingakĕnpasukwtunyajuga, mwangrikaptĕnganingbāyu, yatamamuharakayowa
naningśarīrakapuharadonya. dhyānayoga, ngaranya, kapāywaningtutur̀langgĕng, mahningkapu
haradenya. tar̀kkatayoga, nga, yatamamuharakaprajñananingmangabhyāṣayoga. yatika
yoganĕmmamalenan, yatikakaniṣamadhyāmottama, kaniṣṭangaranya, wwangmayoga</transliteration>

==== Leaf 34 ====
{{EntryImage
|EntryID=tutur-dangdang-bang-bungalan
|Title=34
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n34/mode/1up
|LocalFileName=tutur-dangdang-bang-bungalan_34.jpeg
}}

<transcription>
[᭓᭔ 34B]
᭓᭔
ᬢᬦ᭄ᬯ᭄ᬭᬸᬄᬭᬶᬂᬓᬯᬶᬰᬾᬱᬦ᭄ᬬ᭞ᬓᬦᬶᬱ᭄ᬝᬇᬓ᭞ᬫᬥ᭄ᬬᬫᬗᬭᬦ᭄ᬬ᭞ᬲᬂᬫᬳ᭄ᬬᬸᬦᬶᬂᬰᬸᬪᬵᬰᬸᬪᬲ᭄ᬢᬯᬭᬶᬂᬚᬕᬢ᭄
᭞ᬫ᭄ᬯᬂᬥᬵᬦᬧᬹᬡ᭄ᬬ᭞ᬪᭀᬕ᭞ᬧᬭᬶᬪᭀᬕ᭞ᬉᬧᬪᭀᬕ᭞ᬓᬩᬾᬄᬫᬥ᭄ᬬᬫᬇᬓ᭟ᬉᬢ᭄ᬢᬫ᭞ᬗ᭞ᬲᬂᬯ᭄ᬭᬸᬄ
ᬭᬶᬂᬓᬯᬶᬰᬾᬱᬦᬶᬂᬬᭀᬕ᭞ᬲᬤᬵᬦᬶᬢ᭄ᬬ᭞ᬢᬦ᭄ᬓᬢ᭄ᬗᭂᬃᬤᬾᬦᬶᬂᬭᬵᬢ᭄᭞ᬅᬯᬶᬢᬫᬳᬵᬰᬭᬷᬭᬢᬲᬶᬭ
᭞ᬮᬸᬧᬸᬢᬶᬂᬭᬹᬧᬯᬃᬡ᭄ᬦᬢᬲᬶᬭ᭞ᬢᬬᬯᬶᬢ᭄᭞ᬮᬸᬧᬸᬢᬲᬶᬭᬲᬓᬾᬂᬢᬬᬦᬶᬂᬢᬬ᭞ᬮᬶᬯᬢ᭄ᬲᬓᬾᬂᬓ

[᭓᭕ 35A]
᭓᭖
ᬢᬸᬫᬶᬗ᭄ᬳᬮ᭄᭞ᬤ᭄ᬯᬵᬭᬦᬶᬂᬧᬦᭀᬦ᭄ᬢᬓᬵᬮᬶᬄᬇᬓ᭞ᬧᬭᬦ᭄ᬧ᭄ᬯᬧᬶᬦᬓᬧᬦᭀᬦ᭄᭞ᬦ᭄ᬬᬵᬧᬦ᭄ᬢᬳ
ᬦ᭄ᬓ᭄ᬯᬮᬶᬗᬦ᭄ᬢ᭞ᬳᬦᬫᬡᬶᬓ᭄ᬲ[strike]ᬚ᭄ᬚᬧᬭᬶᬧᬸᬭᬓ᭞ᬗ᭞ᬇᬓᬂᬇᬥᭂᬧ᭄᭞ᬬᬢᬧᬶᬦᬓᬧᬦᭀᬦ᭄ᬢ
ᬭᬶᬂᬫᬢᬢ᭄ᬗᭂᬦ᭄᭞ᬫᬡᬶᬓ᭄ᬱᬓᬵᬃᬚ᭄ᬚᬦᬸᬂᬯᬶᬥᬶ᭞ᬗ᭞ᬇᬓᬂᬢᬸᬢᬸᬃ᭞ᬬᬢᬧᬶᬦᬓᬵᬧᬦᭀᬦ᭄ᬢᬭᬶᬂᬫᬢᬓᬶ
ᬯᭃ᭞ᬯ᭄ᬬᬓ᭄ᬢᬷᬦ᭄ᬬ᭞ᬇᬓᬂᬕᭀᬮᬓᬓᬵᬮᬶᬄᬬᬦ᭄ᬢᬦ᭄ᬧᬦᭀᬦ᭄᭞ᬭᬶᬓᬵᬮᬦ᭄ᬢᬬᬦᬢᬸᬭᬸ᭞ᬫᬺᬫ᭄
</transcription><transliteration>[34 34B]
34
tanwruḥringkawiśeṣanya, kaniṣṭa'ika, madhyamangaranya, sangmahyuningśubhāśubhastawaringjagat
, mwangdhānapūṇya, bhoga, paribhoga, upabhoga, kabeḥmadhyama'ika. uttama, nga, sangwruḥ
ringkawiśeṣaningyoga, sadānitya, tankatngĕr̀deningrāt, awitamahāśarīratasira
, luputingrūpawar̀ṇnatasira, tayawit, luputasirasakengtayaningtaya, liwatsakengka

[35 35A]
36
tuminghal, dwāraningpanontakāliḥika, paranpwapinakapanon, nyāpantaha
nkwalinganta, hanamaṇiksa[strike]jjaparipuraka, nga, ikangidhĕp, yatapinakapanonta
ringmatatngĕn, maṇikṣakār̀jjanungwidhi, nga, ikangtutur̀, yatapinakāpanontaringmataki
wö, wyaktīnya, ikanggolakakāliḥyantanpanon, rikālantayanaturu, mr̥ĕm</transliteration>

==== Leaf 35 ====
{{EntryImage
|EntryID=tutur-dangdang-bang-bungalan
|Title=35
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n35/mode/1up
|LocalFileName=tutur-dangdang-bang-bungalan_35.jpeg
}}

<transcription>
[᭓᭕ 35B]
ᬬᬄ᭞ᬮᬶᬂᬦᬶᬭ᭞ᬧᬭᬦᬶᬓᬶᬓᬢᭀᬦ᭄ᬤᬾᬲᬂᬲᬧ᭄ᬢᬢᬶ᭞ᬓᬫ᭄ᬩᬂᬢᬸᬜ᭄ᬚᬸᬂᬧᬸᬢᬶᬄᬧᬸᬦᬶᬓ᭞ᬅᬤᬾᬇᬓᬵᬦᬓᬸ᭞
ᬰᬩ᭄ᬥᬦ᭄ᬢᬚᬸᬕᬇᬓᬵᬫᬦᭂᬗ᭄ᬕᬸᬄᬓᬫ᭄ᬩᬂᬢᬸᬜ᭄ᬚᬸᬂᬧᬸᬢᬶᬄ᭞ᬧᬭᬦ᭄ᬧᬦᭀᬦ᭄ᬢᬇᬓ᭞ᬧᬭᬦ᭄ᬢᬶᬦᭀᬦ᭄ᬢᬇ
ᬓ᭞ᬧᬭᬦ᭄ᬢᬶᬓᬂᬫᬦᭀᬦ᭄᭞ᬲᬸᬫᬳᬸᬃᬲᬂᬲᬧ᭄ᬢᬢᬶ᭞ᬇᬓᬂᬕᭀᬮᬓᬵᬓᬮᬶᬄᬲᬶᬓᬶ᭞ᬫᬦᭀᬦ᭄ᬧ᭄ᬯᬭᬹ
ᬧᬯᬃᬡ᭄ᬦᬧ᭄ᬯᬗ᭄ᬓᬸᬮᬸᬦ᭄᭞ᬲᬸᬫᬳᬸᬃᬲᬂᬬᬬᬄ᭞ᬮᬶᬗᬶᬭ᭞ᬢᬳᬢᬦᬶᬓᬂᬕᭀᬮᬓᬵᬓᬮᬶᬄᬲᬶᬓᬶᬓᬵᬂ

[᭓᭖ 36A]
᭓᭕
ᬮᬶᬂᬦᬶᬭ᭞ᬫᬧᬧ᭄ᬯᬤᬾᬦᬶᬭᬲᬂᬯᬶᬓᬸᬲᬂᬳᬸᬯᬸᬲ᭄ᬓᬺᬢᬲᬫᬬ᭞ᬢᬦ᭄ᬧᬬᭀᬕ᭞ᬢᬦ᭄ᬧᬲᬫᬥᬶ᭞ᬢᬵ
ᬦ᭄ᬧᬚᬧ᭞ᬢᬦ᭄ᬧᬫᬦ᭄ᬢ᭄ᬭ᭞ᬢᬦ᭄ᬧᬢᬧ᭞ᬢᬦ᭄ᬧᬵᬩ᭄ᬭᬢ᭞ᬢᬦ᭄ᬧᬫᬸᬤ᭄ᬭ᭞ᬢᬦ᭄ᬧᬓᬮ᭄ᬬ᭞ᬢᬦ᭄ᬧᬢ
ᬯᬸᬃ᭞ᬢᬦ᭄ᬧᬪᬱ᭄ᬫ᭞ᬢᬦ᭄ᬧᬕᬯᬾᬳᬮ᭞ᬢᬦ᭄ᬧᬕᬯᬾᬳᬬᬸ᭞ᬫᬧᬧ᭄ᬯᬤᬾᬦᬶᬭᬕᬸᬫᬾᬳᬓᭂᬦ᭄
ᬚ᭄ᬜᬵᬦᬶᬭ᭞ᬧᬭᬳᭂᬦ᭄‌ᬭᬵᬦᬓᬶᬭ᭞ᬇᬓᬂᬢᬢ᭄ᬯᬚ᭄ᬜᬦᬫᬗ᭄ᬓᬦ᭞ᬫᬗ᭄ᬓᬦᬮᬶᬂᬲᬂᬲᬧ᭄ᬢᬢᬶ᭞ᬲᬸᬫᬳᬸᬃᬲᬂᬬ
</transcription><transliteration>[35 35B]
yaḥ, lingnira, paranikikatondesangsaptati, kambangtuñjungputiḥpunika, ade'ikānaku, 
śabdhantajuga'ikāmanĕngguḥkambangtuñjungputiḥ, paranpanonta'ika, parantinonta'i
ka, parantikangmanon, sumahur̀sangsaptati, ikanggolakākaliḥsiki, manonpwarū
pawar̀ṇnapwangkulun, sumahur̀sangyayaḥ, lingira, tahatanikanggolakākaliḥsikikāng

[36 36A]
35
lingnira, mapapwadenirasangwikusanghuwuskr̥ĕtasamaya, tanpayoga, tanpasamadhi, tā
npajapa, tanpamantra, tanpatapa, tanpābrata, tanpamudra, tanpakalya, tanpata
wur̀, tanpabhaṣma, tanpagawehala, tanpagawehayu, mapapwadeniragumehakĕn
jñānira, parahĕnrānakira, ikangtatwajñanamangkana, mangkanalingsangsaptati, sumahur̀sangya</transliteration>

==== Leaf 36 ====
{{EntryImage
|EntryID=tutur-dangdang-bang-bungalan
|Title=36
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n36/mode/1up
|LocalFileName=tutur-dangdang-bang-bungalan_36.jpeg
}}

<transcription>
[᭓᭖ 36B]
᭓᭖
ᬦᬶᬭᬰ᭄ᬭᬬᬦ᭄᭞ᬬᬉᬢ᭄ᬢᬫᬬᭀᬕ᭞ᬗ᭞ᬫᬗ᭄ᬓᬦᬮᬶᬂᬲᬗᬧᬭᬩ᭄ᬢᬦ᭄ᬮᬾᬦ᭄᭞ᬫᬭᬄᬭ᭄ᬬᬵᬦᬓ᭄ᬦᬶᬭ᭞ᬫ
ᬢᬓ᭄ᬯᬦ᭄ᬫᬸᬯᬄᬲᬂᬲᬧ᭄ᬢᬢᬶ᭞ᬮᬶᬂᬦᬶᬭ᭞ᬫᬧᬓᬭᬶᬓᬂᬬᭀᬕ᭞ᬢᬦ᭄ᬧᬗ᭄ᬤᬤ᭄ᬬᬓᬶᬦ᭄ᬓᬵᬦᬶᬭᬵᬰ᭄ᬭᬬᬦ᭄᭞ᬢᬦ᭄
ᬧᬫᬗ᭄ᬕᬶᬄᬓᬲᬶᬤ᭄ᬥ᭄ᬬᬦ᭄ᬓᬭᬶᬓᬲᬂᬫᬗ᭄ᬕᭂᬂᬬᭀᬕᬧ᭄ᬯᬗ᭄ᬓᬸᬮᬸᬦ᭄᭟ᬫᬗ᭄ᬓᬦᬮᬶᬂᬲᬂᬫᬘᬦᬗᬸᬤᬕ᭄᭞ᬲᬸᬫᬳᬸᬃᬲᬂ
ᬬᬬᬄ᭞ᬮᬶᬂᬦᬶᬭ᭞ᬬᬦᬢᬶᬰᬬᬤᬾᬦᬶᬭᬳᬬᭀᬕ᭞ᬲᬶᬤ᭄ᬥᬇᬓᬵ᭞ᬫᬢᬓ᭄ᬯᬦ᭄ᬲᬂᬲᬧ᭄ᬢᬢᬶᬫᬸᬯᬄ᭞

[᭓᭗ 37A]
᭓᭗
ᬇᬓᬂᬕᭀᬮᬓᬦ᭄ᬢᬓᬵᬮᬶᬄ᭞ᬢᬦ᭄ᬧᬦᭀᬦ᭄ᬓᬶᬢᬭᬹᬧᬯᬃᬡ᭄ᬦ᭞ᬦ᭄ᬤᬄᬯ᭄ᬬᬓ᭄ᬢᬶᬦ᭄ᬬᬇᬓᬂᬢᬸᬢᬸᬃᬇᬥᭂᬧ᭄᭞ᬬ
ᬦ᭄ᬧᬶᬦᬓᬵᬧᬦᭀᬦ᭄᭞ᬤᬺᬯ᭄ᬬᬦᬶᬂᬲᬂᬫᬦᭀᬦ᭄ᬳᬶᬓ᭞ᬬᬢᬓᬭᬡᬦᬶᬂᬲᬂᬯᬶᬓᬸ᭞ᬲᬂᬳᬸᬯᬸᬲ᭄ᬫᬦ᭄᭞ᬢᬦ᭄ᬳ
ᬦᬯᬶᬦᬶᬰᬾᬱᬓᭂᬦᬶᬭ᭞ᬅᬧᬦ᭄ᬓᬤᬺᬯ᭄ᬬᬇᬓᬂᬩᬵᬬᬸ᭞ᬰᬩ᭄ᬥ᭞ᬇᬥᭂᬧ᭄᭞ᬫ᭄ᬯᬂᬢᬸᬢᬸᬃ᭞ᬤᬾᬦᬶᬭᬲᬂᬫ
ᬦᭀᬦ᭄᭞ᬬᬢᬫᬢᬗ᭄ᬬᬦ᭄ᬢᬦ᭄ᬯᬶᬦᬶᬰᬾᬱᬓᭂᬦᬶᬭᬇᬓᬵ᭞ᬫᬢᬓ᭄ᬯᬦ᭄ᬫᬸᬯᬸᬄᬲᬂᬲᬧ᭄ᬢᬢᬶ᭞ᬮᬶᬂᬦᬶᬭ᭞ᬫᬧᬭᬶ
</transcription><transliteration>[36 36B]
36
niraśrayan, ya'uttamayoga, nga, mangkanalingsangaparabtanlen, maraḥryānaknira, ma
takwanmuwaḥsangsaptati, lingnira, mapakarikangyoga, tanpangdadyakinkānirāśrayan, tan
pamanggiḥkasiddhyankarikasangmanggĕngyogapwangkulun. mangkanalingsangmacanangudag, sumahur̀sang
yayaḥ, lingnira, yanatiśayadenirahayoga, siddha'ikā, matakwansangsaptatimuwaḥ, 

[37 37A]
37
ikanggolakantakāliḥ, tanpanonkitarūpawar̀ṇna, ndaḥwyaktinya'ikangtutur̀idhĕp, ya
npinakāpanon, dr̥ĕwyaningsangmanonhika, yatakaraṇaningsangwiku, sanghuwusman, tanha
nawiniśeṣakĕnira, apankadr̥ĕwya'ikangbāyu, śabdha, idhĕp, mwangtutur̀, denirasangma
non, yatamatangyantanwiniśeṣakĕnira'ikā, matakwanmuwuḥsangsaptati, lingnira, mapari</transliteration>

==== Leaf 37 ====
{{EntryImage
|EntryID=tutur-dangdang-bang-bungalan
|Title=37
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n37/mode/1up
|LocalFileName=tutur-dangdang-bang-bungalan_37.jpeg
}}

<transcription>
[᭓᭗ 37B]
᭓᭗
ᬓᬂᬩᬵᬬᬸ᭞ᬲᬯᬶᬚᬶᬭᬶᬓᬓ᭄ᬯᬾᬄᬦ᭄ᬬ᭞ᬲᬸᬫᬳᬸᬃᬲᬂᬬᬬᬄ᭞ᬢᬸᬳᬸᬢᬸᬗ᭄ᬕᬮᬶᬓᬂᬩᬵᬬᬸ᭞ᬦ᭄ᬤᬦᬤᬸᬤ᭄ᬯᬦ᭄ᬧ᭄ᬭ
ᬡᬄᬦ᭄ᬬ᭞ᬫ᭄ᬯᬂᬉᬮᬄᬦ᭄ᬬ᭞ᬳᬦᬧᬜ᭄ᬘᬩᬵᬬᬸ᭞ᬗ᭞ᬮ᭄ᬯᬶᬃᬦ᭄ᬬ᭞ᬧ᭄ᬭᬡ᭞ᬅᬧᬡ᭞ᬲᬫᬡ᭞ᬉᬥᬵᬦ᭞ᬩ᭄ᬬᬵᬦ
᭟ᬩᬵᬬᬸᬧ᭄ᬭᬡ᭞ᬗ᭞ᬇᬓᬂᬩᬵᬬᬸᬫ᭄ᬢᬸᬲᬓᬶᬂᬮᬾᬗᬶᬂᬧᬸᬧᬸᬲᬸᬄ᭞ᬇᬓᬂᬫᬲᬸᬓ᭄‌‌ᬫ᭄ᬢᬸᬭᬶᬗᬶᬭᬸᬂ᭞ᬳᬸᬭᬶᬧ᭄ᬤᬾᬦ᭄ᬕᬯ
ᬬᬓᭂᬦ᭄᭟ᬩᬵᬬᬸᬅᬧᬵᬡ᭞ᬗ᭞ᬇᬓᬂᬩᬵᬬᬸᬫᬸᬗ᭄ᬕᬸᬄᬭᬶᬂᬧᭀᬬᬸᬳᭀᬬᬸᬳᬦ᭄᭞ᬕᬯᬾᬦ᭄ᬬᬫᬗᬶᬲᬶᬂ

[᭓᭘ 38A]
᭓᭘
ᬫᬗᭂᬬᭂᬄ᭞ᬳᬲᬗ᭄ᬕᬫ᭞ᬫᬗᭂᬦ᭄ᬢᬸᬢ᭄‌‌ᬯᬶᬱᬬᬦ᭄ᬬ᭟ᬩᬵᬬᬸᬅᬫᬵᬡ᭞ᬗ᭞ᬇᬓᬂᬩᬵᬬᬸᬳᬸᬫᬸᬗ᭄ᬕᬸᬄᬭᬶᬂᬳᬢᬶ᭞᭠
ᬓ᭄ᬢᭂᬓ᭄ᬢᭂᬕ᭄‌‌ᬯ᭄ᬤᬶᬫᬭᬲ᭄ᬤᬾᬦ᭄ᬕᬯᬬᬓᭂᬦ᭄᭟ᬩᬵᬬᬸᬉᬥᬵᬦ᭞ᬗ᭞ᬇᬓᬂᬩᬵᬬᬸᬫᬸᬗ᭄ᬕᬸᬄᬭᬶᬂᬯᬸᬦ᭄ᬯᬸᬦᬦ᭄᭞ᬓ᭄ᬥᬧ᭄ᬭᬶᬂ
ᬫᬢ᭞ᬓ᭄ᬮᬩ᭄ᬦᬶᬗᬮᬶᬲ᭄᭞ᬓᬮᬯᬦ᭄ᬳᬦᬸᬯᬸᬳᬓᭂᬦ᭄ᬓᬾᬰ᭟ᬩᬵᬬᬸᬩ᭄ᬬᬵᬦ᭞ᬗ᭞ᬇᬓᬂᬩᬵᬬᬸᬫᬸᬗ᭄ᬕᬸᬄᬭᬶᬂ
ᬲᬃᬯ᭄ᬯᬲᬦ᭄ᬤᬶᬦᬶᬂᬰᬭᬷᬭ᭞ᬕᬯᬾᬦ᭄ᬬᬫᬗ᭄ᬮᬓ᭄ᬯᬓᭂᬦ᭄ᬫᬵᬮᬶᬫ᭄ᬩᬾᬓᭂᬦ᭄ᬰᬭᬷᬭ᭞ᬫᬗ᭄ᬮᬸᬗ᭄ᬲᬸᬭᬓᭂᬦ᭄ᬓᬬᭀᬯᬦᬦᬶᬂ᭠
</transcription><transliteration>[37 37B]
37
kangbāyu, sawijirikakweḥnya, sumahur̀sangyayaḥ, tuhutunggalikangbāyu, ndanadudwanpra
ṇaḥnya, mwangulaḥnya, hanapañcabāyu, nga, lwir̀nya, praṇa, apaṇa, samaṇa, udhāna, byāna
. bāyupraṇa, nga, ikangbāyumtusakinglengingpupusuḥ, ikangmasukmturingirung, huripden'gawa
yakĕn. bāyu'apāṇa, nga, ikangbāyumungguḥringpoyuhoyuhan, gawenyamangising

[38 38A]
38
mangĕyĕḥ, hasanggama, mangĕntutwiṣayanya. bāyu'amāṇa, nga, ikangbāyuhumungguḥringhati, ‐
ktĕktĕgwdimarasden'gawayakĕn. bāyu'udhāna, nga, ikangbāyumungguḥringwunwunan, kdhapring
mata, klabningalis, kalawanhanuwuhakĕnkeśa. bāyubyāna, nga, ikangbāyumungguḥring
sar̀wwasandiningśarīra, gawenyamanglakwakĕnmālimbekĕnśarīra, manglungsurakĕnkayowananing‐</transliteration>

==== Leaf 38 ====
{{EntryImage
|EntryID=tutur-dangdang-bang-bungalan
|Title=38
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n38/mode/1up
|LocalFileName=tutur-dangdang-bang-bungalan_38.jpeg
}}

<transcription>

</transcription>
==== Leaf 39 ====
{{EntryImage
|EntryID=tutur-dangdang-bang-bungalan
|Title=39
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n39/mode/1up
|LocalFileName=tutur-dangdang-bang-bungalan_39.jpeg
}}

<transcription>

</transcription>
==== Leaf 40 ====
{{EntryImage
|EntryID=tutur-dangdang-bang-bungalan
|Title=40
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n40/mode/1up
|LocalFileName=tutur-dangdang-bang-bungalan_40.jpeg
}}

<transcription>

</transcription>
==== Leaf 41 ====
{{EntryImage
|EntryID=tutur-dangdang-bang-bungalan
|Title=41
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n41/mode/1up
|LocalFileName=tutur-dangdang-bang-bungalan_41.jpeg
}}

<transcription>

</transcription>
==== Leaf 42 ====
{{EntryImage
|EntryID=tutur-dangdang-bang-bungalan
|Title=42
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n42/mode/1up
|LocalFileName=tutur-dangdang-bang-bungalan_42.jpeg
}}

<transcription>

</transcription>
==== Leaf 43 ====
{{EntryImage
|EntryID=tutur-dangdang-bang-bungalan
|Title=43
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n43/mode/1up
|LocalFileName=tutur-dangdang-bang-bungalan_43.jpeg
}}

<transcription>

</transcription>
==== Leaf 44 ====
{{EntryImage
|EntryID=tutur-dangdang-bang-bungalan
|Title=44
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n44/mode/1up
|LocalFileName=tutur-dangdang-bang-bungalan_44.jpeg
}}

<transcription>

</transcription>
==== Leaf 45 ====
{{EntryImage
|EntryID=tutur-dangdang-bang-bungalan
|Title=45
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n45/mode/1up
|LocalFileName=tutur-dangdang-bang-bungalan_45.jpeg
}}

<transcription>

</transcription>
==== Leaf 46 ====
{{EntryImage
|EntryID=tutur-dangdang-bang-bungalan
|Title=46
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n46/mode/1up
|LocalFileName=tutur-dangdang-bang-bungalan_46.jpeg
}}

<transcription>

</transcription>
==== Leaf 47 ====
{{EntryImage
|EntryID=tutur-dangdang-bang-bungalan
|Title=47
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n47/mode/1up
|LocalFileName=tutur-dangdang-bang-bungalan_47.jpeg
}}

<transcription>

</transcription>
==== Leaf 48 ====
{{EntryImage
|EntryID=tutur-dangdang-bang-bungalan
|Title=48
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n48/mode/1up
|LocalFileName=tutur-dangdang-bang-bungalan_48.jpeg
}}

<transcription>

</transcription>
==== Leaf 49 ====
{{EntryImage
|EntryID=tutur-dangdang-bang-bungalan
|Title=49
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n49/mode/1up
|LocalFileName=tutur-dangdang-bang-bungalan_49.jpeg
}}

<transcription>

</transcription>
==== Leaf 50 ====
{{EntryImage
|EntryID=tutur-dangdang-bang-bungalan
|Title=50
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n50/mode/1up
|LocalFileName=tutur-dangdang-bang-bungalan_50.jpeg
}}

<transcription>

</transcription>
==== Leaf 51 ====
{{EntryImage
|EntryID=tutur-dangdang-bang-bungalan
|Title=51
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n51/mode/1up
|LocalFileName=tutur-dangdang-bang-bungalan_51.jpeg
}}

<transcription>

</transcription>
==== Leaf 52 ====
{{EntryImage
|EntryID=tutur-dangdang-bang-bungalan
|Title=52
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n52/mode/1up
|LocalFileName=tutur-dangdang-bang-bungalan_52.jpeg
}}

<transcription>

</transcription>
==== Leaf 53 ====
{{EntryImage
|EntryID=tutur-dangdang-bang-bungalan
|Title=53
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n53/mode/1up
|LocalFileName=tutur-dangdang-bang-bungalan_53.jpeg
}}

<transcription>

</transcription>
==== Leaf 54 ====
{{EntryImage
|EntryID=tutur-dangdang-bang-bungalan
|Title=54
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n54/mode/1up
|LocalFileName=tutur-dangdang-bang-bungalan_54.jpeg
}}

<transcription>

</transcription>
==== Leaf 55 ====
{{EntryImage
|EntryID=tutur-dangdang-bang-bungalan
|Title=55
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n55/mode/1up
|LocalFileName=tutur-dangdang-bang-bungalan_55.jpeg
}}

<transcription>

</transcription>
==== Leaf 56 ====
{{EntryImage
|EntryID=tutur-dangdang-bang-bungalan
|Title=56
|FullSize=5616x3744
|ImageBrowse=https://archive.org/stream/tutur-dangdang-bang-bungalan/tutur-dangdang-bang-bungalan-450ppi#page/n56/mode/1up
|LocalFileName=tutur-dangdang-bang-bungalan_56.jpeg
}}

<transcription>

</transcription>

[[Category:Balinese]]