Difference between revisions of "kakawin-negara-kertagama-c"

This page has been accessed 17,395 times.
From Palm Leaf Wiki
(Leaf 42)
(Leaf 11)
Line 255: Line 255:
 
ᬲᬓ᭄ᬯᬾᬄᬲᬂᬧᬭᬫᬦ᭄ᬢ᭄ᬭ᭄ᬬᬫᬜ᭄ᬘᬦᬵᬕᬭᭀᬫᬸᬗ᭄ᬕ᭄ᬯᬶᬂᬧᬓᬸᬯ᭄ᬯᬦ᭄ᬓᬩᬄ᭞ᬫ᭄ᬯᬂᬲᬂᬥ᭄ᬬᬓ᭄ᬱᬧᬲᬗ᭄ᬕᬸᬄᬳᬵᬦ᭄‌ᬭᬲᬶᬓᬲᬂᬯᬗ᭄ᬰᬵᬥᬶᬭᬵᬚᭀᬫᬋᬓ᭞᭠ᬢᬦ᭄ᬧᬄᬲᬕ᭄ᬳᬸᬧᬧᬢ᭄ᬢ᭄ᬬᬦᬶᬦ᭄ᬤᬶᬢᬥᬗᬵᬰ᭄ᬘᬵᬃᬬ᭄ᬬᭀᬢ᭄ᬢᬭᬵᬦᭀᬧᬫ᭞ᬰᬿᬯᬵᬧᬜ᭄ᬚᬶᬫᬧᬵᬜ᭄ᬚᬶᬲᬵᬦ᭄ᬢᬭᬯᬶᬤᬕ᭄ᬥᬗᬵᬕᬫᬯ᭄ᬭᬸᬄᬓᬯᬷ᭛ ᭜ ᭛ᬦ᭄ᬤᬵ
 
ᬲᬓ᭄ᬯᬾᬄᬲᬂᬧᬭᬫᬦ᭄ᬢ᭄ᬭ᭄ᬬᬫᬜ᭄ᬘᬦᬵᬕᬭᭀᬫᬸᬗ᭄ᬕ᭄ᬯᬶᬂᬧᬓᬸᬯ᭄ᬯᬦ᭄ᬓᬩᬄ᭞ᬫ᭄ᬯᬂᬲᬂᬥ᭄ᬬᬓ᭄ᬱᬧᬲᬗ᭄ᬕᬸᬄᬳᬵᬦ᭄‌ᬭᬲᬶᬓᬲᬂᬯᬗ᭄ᬰᬵᬥᬶᬭᬵᬚᭀᬫᬋᬓ᭞᭠ᬢᬦ᭄ᬧᬄᬲᬕ᭄ᬳᬸᬧᬧᬢ᭄ᬢ᭄ᬬᬦᬶᬦ᭄ᬤᬶᬢᬥᬗᬵᬰ᭄ᬘᬵᬃᬬ᭄ᬬᭀᬢ᭄ᬢᬭᬵᬦᭀᬧᬫ᭞ᬰᬿᬯᬵᬧᬜ᭄ᬚᬶᬫᬧᬵᬜ᭄ᬚᬶᬲᬵᬦ᭄ᬢᬭᬯᬶᬤᬕ᭄ᬥᬗᬵᬕᬫᬯ᭄ᬭᬸᬄᬓᬯᬷ᭛ ᭜ ᭛ᬦ᭄ᬤᬵ
 
ᬦ᭄ᬫᬸᬓ᭄ᬬᬥᬶᬧᬢᬶᬂᬧᬓᬸᬯ᭄ᬯᬦᬧᬕᭃᬄᬲᬗᬵᬃᬬ᭄ᬬᬰᬹᬭᬵᬥᬶᬓᬵᬭ᭞ᬲᬓ᭄ᬯᬾᬄᬦᬶᬂᬚᬚᬳᬦ᭄‌ᬲᬓᬾᬧᬢᬸᬓᬗᬦ᭄‌ᬲᬵᬫ᭄ᬧᬸᬦ᭄ᬥᬢᬂᬢᬦ᭄ᬫᬲᭀᬯᬾ᭞ᬓᬧ᭄ᬯᬵᬲ᭄ᬭᬂᬫᬳᬢᬸᬃᬳᬢᬸᬃᬧᬥᬵᬲᬶᬦᬸᬗᬦ᭄ᬯᬲ᭄ᬢ᭄ᬭᬩᬸᬤ᭄ᬥᬶᬜᬢᬸᬱ᭄ᬝᬵ᭞ᬢᬸᬱ᭄ᬝᬦ᭄ᬬᬵᬗ᭄ᬤᬦᬶᬢᬸᬱ᭄ᬝᬭᬶᬦᬺᬧᬢᬶ
 
ᬦ᭄ᬫᬸᬓ᭄ᬬᬥᬶᬧᬢᬶᬂᬧᬓᬸᬯ᭄ᬯᬦᬧᬕᭃᬄᬲᬗᬵᬃᬬ᭄ᬬᬰᬹᬭᬵᬥᬶᬓᬵᬭ᭞ᬲᬓ᭄ᬯᬾᬄᬦᬶᬂᬚᬚᬳᬦ᭄‌ᬲᬓᬾᬧᬢᬸᬓᬗᬦ᭄‌ᬲᬵᬫ᭄ᬧᬸᬦ᭄ᬥᬢᬂᬢᬦ᭄ᬫᬲᭀᬯᬾ᭞ᬓᬧ᭄ᬯᬵᬲ᭄ᬭᬂᬫᬳᬢᬸᬃᬳᬢᬸᬃᬧᬥᬵᬲᬶᬦᬸᬗᬦ᭄ᬯᬲ᭄ᬢ᭄ᬭᬩᬸᬤ᭄ᬥᬶᬜᬢᬸᬱ᭄ᬝᬵ᭞ᬢᬸᬱ᭄ᬝᬦ᭄ᬬᬵᬗ᭄ᬤᬦᬶᬢᬸᬱ᭄ᬝᬭᬶᬦᬺᬧᬢᬶ
 +
ᬬ᭄ᬬᬦᬦ᭄ᬗᬄᬲᬗ᭄ᬓᬾᬬᬸᬚᬸᬂᬦᬶᬂᬲᬫᬸᬤ᭄ᬭ᭞ᬰ᭄ᬫᭁᬦᬶᬓᬦᬾᬓᬓᬶᬓᬶᬲ᭄ᬢᬶᬦᬧ᭄ᬦᬢ
 
</transcription>
 
</transcription>
  

Revision as of 10:05, 28 July 2019

Original on Archive.org

Front and Back Covers

kakawin-negara-kertagama-c 0.jpeg

Image on Archive.org

Leaf 1

kakawin-negara-kertagama-c 1.jpeg

Image on Archive.org

[᭑ 1B] ᭑᭞ ᭛ ᭐ ᭛ ᬅᬯᬶᬖ᭄ᬦᬫᬵᬲ᭄ᬢᬸ ᭛ ᭐​​ ᭛ ᬒᬁᬦᬵᬣᬵᬬᬦᬫᭀᬲ᭄ᬢᬸᬢᬾᬲᬢᬸᬢᬶᬦᬶᬗᬢ᭄ᬧᬤᬭᬶᬧᬤᬪᬝᬵᬭᬦᬶᬢ᭄ᬬᬰ᭞ ᬲᬂᬲᬹᬓ᭄ᬱ᭄ᬫᬾᬂᬢ᭄ᬮᭂᬗᬶᬂᬲᬫᬵᬥᬶᬰᬷᬯᬩᬸᬤ᭄ᬥᬲᬶᬭᬱᬓᬮᬦᬶᬱ᭄ᬓᬮᬵᬢ᭄ᬫᬓᬵ᭞ ᬲᬂᬰ᭄ᬭᬷᬧᬃᬯ᭄ᬯᬢᬦᬵᬣᬦᬵᬣᬦᬶᬗᬦᬵᬣᬦᬶᬭᬢᬧᬢᬶᬦᬶᬂᬚᬕᬢ᭄ᬧᬢᬶ᭞ ᬲᬂᬳ᭄ᬬᬂᬦᬶᬗ᭄ᬳ᭄ᬬᬂᬗᬶᬦᬶᬱ᭄ᬝ᭄ᬬ ᬘᬶᬦ᭄ᬢ᭄ᬬᬦᬶᬗᬘᬶᬦ᭄ᬢ᭄ᬬᬳᬦᬵᬯᬬᬢ᭄ᬫᬄᬦᬶᬭᬾᬂᬚᬕᬢ᭄᭛ᬩ᭄ᬬᬵᬧᬶᬩ᭄ᬬᬵᬧᬓᬲᬃᬯ᭄ᬯᬢᬢ᭄ᬯᬕᬢᬦᬶᬕᬸᬡᬲᬶᬭᬭᬶᬗᬧᬓ᭄ᬱᬯᬾᬱ᭄ᬡᬯ᭞ᬭᬶᬂᬬᭀᬕᬷᬰ᭄ᬯᬭᬧᭀᬭᬸᬱᭂᬂᬓᬧ᭄ᬧᬶᬮᬚᬫ᭄ᬪᬮᬲᬓᬮᬲᬶᬭᬵᬦ᭄​ᬳ᭄ᬬᬗᬶᬂᬥᬦ᭞ᬰ᭄ᬭᬷᬯᬵᬕᬷᬦ᭄ᬤ᭄ᬭᬲᬶᬭᬵᬦ᭄ᬳ᭄ᬬᬗᬶᬂᬲᬓᬮᬰᬵᬲ᭄ᬢ᭄ᬭᬫᬦᬲᬶᬚᬲᬶᬭᬾᬲ᭄ᬫᬭᬵᬕ᭄ᬫ᭞ᬭᬶᬂᬯᬶ᭠ ᬯᬶᬖ᭄ᬦᭀᬢ᭄ᬲᬭᬦᬧ᭄ᬭᬬᭀᬕᬬᬫᬭᬵᬚᬲᬶᬭᬫᬓᬨᬮᬚᬕᬤ᭄ᬥᬶᬢ᭛ᬦᬵᬳᬦ᭄ᬤᭀᬦᬶᬗᬸᬫᬲ᭄ᬢᬸᬢᬶᬧᬤᬦᬶᬭᬵᬳ᭄ᬬᬸᬦᬸᬫᬶᬓᭂᬢᬚᬢᬾᬦᬭᬾᬰ᭄ᬯᬭ᭞ᬲᬂᬰ᭄ᬭᬷᬦᬵᬣᬭᬶᬯᬶᬮ᭄ᬯᬢᬶᬓ᭄ᬢᬳᬚᬶᬭᬵᬚᬲᬦᬕᬭᬯᬶᬰᬾᬱᬪᬹᬧᬢᬶ᭞ᬲᬓ᭄ᬱᬢ᭄‌ᬚᬦ᭄ᬫᬪᬝᬵᬭᬦᬵᬣᬲᬶᬭᬦᬗ᭄ᬳᬶᬮᬗᬓᭂᬦᬶᬓᬮᬗ᭄ᬓᬦᬶᬂᬧ᭄ᬭᬚᬵ᭞ᬳᭂ ᬦ᭄ᬢ᭄ᬬᬂᬪᬹᬫᬶᬚᬯᬵᬢᬶᬪᬓ᭄ᬢᬶᬫᬦᬸᬓᬸᬮᬢᬸᬫᬸᬮᬸᬬᬶᬢ᭄ᬓᬾᬂᬤᬶᬕᬦ᭄ᬢᬭ᭛ᬭᬶᬂᬰᬵᬓᬢ᭄ᬢᬸᬃᬰᬭᬾᬦᬭᬓ᭄ᬯᬭᬶᬯᬶᬚᬶᬮ᭄‌ᬦᬺᬧᬢᬶᬢ᭄ᬮᬲᬶᬦᬲ᭄ᬢ᭄ᬯᬓᭂᬦ᭄‌ᬧ᭄ᬭᬪᬹ᭞ᬅᬦ᭄‌ᬕᬃᬩ᭄ᬪᬾᬰ᭄ᬯᬭᬦᬵᬣᬭᬶᬂᬓᬳᬸᬭᬶᬧᬦ᭄‌ᬯᬶᬳᬕᬦᬶᬭᬦᬫᬵᬦᬸᬱᬵᬦ᭄ᬪᬸᬢ᭞ᬮᬶᬡ᭄ᬟᬸᬂᬪᬹᬫᬶᬓ᭄ᬢᬸᬕ᭄ᬳᬸᬤᬦ᭄ᬳᬯᬸᬕᭂᬋᬳ᭄ᬓᬶᬮᬢᬯᬶᬍᬢᬦᬶᬂᬦᬪᬲ᭄ᬢᬮ᭞ᬕᬸᬦ᭄ᬢᬸᬃᬢ᭄ᬢᬂᬳᬶᬫ [᭒ 2A] ᬯᬵᬦ᭄‌ᬭᬶᬓᬵᬫ᭄ᬧᬸᬤᬦᬦᬂᬓᬸᬚᬦᬓᬸᬳᬓᬫᬵᬢᬶᬢᬦ᭄ᬧᬕᬧ᭄᭛ᬦᬵᬳᬦ᭄‌ᬳᬶᬗᬤᬶᬭᬵᬪᬝᬵᬭᬕᬶᬭᬶᬦᬵᬣᬲᬓᬮᬫᬢ᭄ᬫᬄᬧ᭄ᬭᬪᬹᬢ᭄ᬢᬫ᭞ᬦᬮ᭄ᬯᬶᬃᬲᬵᬤᬵᬳᭂᬕᬶᬭᬾᬓ᭄ᬦᬂᬲᬬᬯᬪᬹᬫᬶᬲᬯᬢ᭄ᬮᬸᬓᬸᬫᬸᬗ᭄ᬓᬸᬮᬵᬤᬭ᭞ᬯᬶᬧ᭄ᬭᬓ᭄ᬱᬢ᭄ᬭᬯᬿᬰ᭄ᬬᬰᬸᬤ᭄ᬭᬘᬢᬹᬭᬰ᭄ᬭᬫᬲᬫᬦᬶᬧᬸᬡᬾᬂᬲᬫᬵᬳᬶᬢᬵ᭞ᬳᭂᬦ᭄ᬢ᭄ᬬᬂᬤᬸᬃᬚ᭄ᬚᬦᬫᬃᬬ᭄ᬬᬩᬸ᭠ ᬤ᭄ᬥᬶᬓᬮᬓᬾᬯᬮᬫᬢᬓᬸᬢᬶᬯᬶᬃᬬ᭄ᬬᬲᬂᬧ᭄ᬭᬪᬹ᭛ ᭜ ᭛ᬦ᭄ᬤᬦ᭄​ᬲᬂᬰ᭄ᬭᬷᬭᬵᬚᬧᬢ᭄ᬦᬷᬧ᭄ᬭᬓᬰᬶᬢᬲᬶᬭᬫᬵᬢᬵᬫᬳᬵᬰ᭄ᬭᬷᬦᬭᬾᬦ᭄ᬤ᭄ᬭ᭞ᬲᬂᬮ᭄ᬯᬶᬃᬧᬵᬯᬓ᭄᭠ᬪᬝᬭᬶᬧᬭᬫᬪᬕᬯᬢᬶᬘᬢ᭄ᬭᬦᬶᬗ᭄ᬭᬵᬢ᭄‌ᬯᬶᬰᬾᬱ᭞ᬉᬢ᭄ᬲᬳᬾᬂᬬᭀᬕᬩᬸᬤ᭄ᬥᬲᬭᬡᬕᬶᬦᭃᬗᬶᬭᬵᬦ᭄‌ᬲᬶᬯᬭᬶᬯᬺᬤ᭄ᬥᬫᬳᬸᬡ᭄ᬟᬶ᭞ᬭᬶᬂᬰᬵᬓᬤᬺᬱ᭄ᬝᬶᬲᬵᬧ᭄ᬢᬵᬭᬸ᭠ ᬡᬓᬮᬳᬦᬶᬭᬵᬦ᭄‌ᬫᭀᬓ᭄ᬢᬫᬸᬗ᭄ᬲᬶᬢ᭄ᬓᬩᬸᬤ᭄ᬥᬦ᭄᭛ᬬ᭄ᬬᬃᬦ᭄ᬢᬸᬓ᭄‌ᬰ᭄ᬭᬷᬭᬵᬚᬧᬢ᭄ᬦᬷᬚᬶᬦᬧᬤᬓᬯ᭄ᬓᬲ᭄‌ᬤᬸᬄᬓᬶᬢᬗ᭄ᬭᬵᬢ᭄ᬩ᭄ᬬᬫᭀᬳ᭞ᬬ᭄ᬬᬵᬃᬤᭂᬕ᭄​ᬰ᭄ᬭᬷᬦᬵᬣᬫᬸᬗ᭄ᬕ᭄ᬯᬶᬂᬫᬛᬧᬳᬶᬢᬸᬫᬸᬮᬸᬬ᭄‌ᬢᬸᬱ᭄ᬝᬵᬫᬗ᭄ᬕᭃᬂᬓᬪᬓ᭄ᬢᬶᬦ᭄᭞ᬭᬾᬡᬰ᭄ᬭᬷᬦᬵᬣᬲᬂᬰ᭄ᬭᬷᬢ᭄ᬭᬶᬪᬹᬯᬦᬚᬶᬯᬬᭀᬢ᭄ᬢᬸᬗ᭄ᬕᬤᬾᬯᬶᬕᬸᬫᬦ᭄ᬢᬶ᭞ᬫᬸᬗ᭄ᬕ᭄ᬯᬶᬂᬭᬵᬚ᭄ᬬᬾᬭᬶᬓᬂᬚᬷᬯ ᬦᬧᬸᬭᬲᬶᬭᬢᬵᬫ᭄ᬯᬂᬫ᭄ᬯᬗᬶᬰ᭄ᬭᬷᬦᬭᬾᬦ᭄ᬤ᭄ᬭ᭛ ᭜ ᭛ᬢᭂᬓ᭄ᬯᬦ᭄ᬪᬓ᭄ᬢᬶᬲᬶᬭᬵᬦ᭄ᬫᬓᬾᬩᬸᬭᬶᬲᬶᬭᬰ᭄ᬭᬷᬭᬵᬚᬧᬢ᭄ᬦᬷᬰ᭄ᬭᬭᬶ᭞ᬲᬢ᭄ᬬᬵᬪᬸᬢ᭄‌ᬩ᭄ᬭᬢᬧᬓ᭄ᬱᬲᭀᬕᬢᬫᬲᬂᬲ᭄ᬓᬵᬭᬾᬤᬕᬦ᭄ᬲᬂᬧ᭄ᬚᬄ᭞ᬢᬦ᭄ᬲᬄᬰ᭄ᬭᬷᬓᬺᬢᬯᬃᬤ᭄ᬥᬦᬾᬰ᭄ᬯᬭᬧᬶᬢᬵᬤᬾᬰ᭄ᬭᬷᬦᬭᬾᬦ᭄ᬤ᭄ᬭᬵᬥᬶᬧ᭄᭞ᬲᬾᬤᬫ᭄ᬧᬢ᭄ᬬᬧᬕᭂᬄᬲᬶᬭᬾᬂᬲᬸᬕᬢᬫᬵᬃᬕ᭄ᬕᬗ᭄ᬤᬾᬲᬸᬓᬦᬶᬂᬚᬕᬢ᭄᭛

Leaf 2

kakawin-negara-kertagama-c 2.jpeg

Image on Archive.org

[᭒ 2B] ᭒᭞ ᬦ᭄ᬤᬦ᭄‌ᬰ᭄ᬭᬷᬪᬹᬧᬢᬶᬲᬂᬧᬶᬢᬵᬦᬺᬧᬢᬶᬫᬸᬗ᭄ᬕ᭄ᬯᬶᬂᬲᬶᬗ᭄ᬳᬲᬵᬃᬬ᭄ᬬᬧᬕᭂᬄ᭞ᬲᬵᬓ᭄ᬱᬵᬢ᭄‌ᬳ᭄ᬬᬂᬯᬭᬭᬢ᭄ᬦᬲᬫ᭄ᬪᬯᬲᬶᬭᬵᬦ᭄ᬫᬵᬗ᭄ᬕᭂᬄᬧᬭᬵᬃᬢ᭄ᬢᬂᬚᬕᬢ᭄᭞ᬥᬶᬭᭀᬢ᭄ᬲᬵᬳᬲᬶᬭᬾᬓᬤᬺᬤ᭄ᬥ᭄ᬬᬦᬶᬓᬦᬂᬭᬵᬢ᭄‌ᬲᬢ᭄ᬬᬪᬓ᭄ᬢ᭄ᬬᬾᬳᬚᬶ᭞ᬮᬕ᭄ᬬᬵᬗ᭄ᬕᭂᬕ᭄ᬯᬦᬶᬓᬃᬬ᭄ᬬᬲᬳᬦᬓᬵᬥ᭄ᬬᬓ᭄ᬱᬵᬢᬶᬤᬓ᭄ᬱᬾᬂᬦᬬ᭛ ᭜ ᭛ᬫᬸᬯᬳᬶᬩᬸᬳᬚᬶᬲᬂᬦᬭᬾᬦ᭄ᬤ᭄ᬭᬵᬦᬸ ᬚᬵᬤᬾᬳᬚᬶᬚᬶᬯᬦ᭞ᬧ᭄ᬭᬓᬰᬶᬢᬳᬚᬶᬭᬵᬚᬤᬾᬯᬷᬫᬳᬵᬭᬵᬚᬲᬵᬦᬶᬦ᭄ᬤᬶᬢ᭞ᬲᬶᬭᬢᬲᬶᬦᬶᬯᬶᬭᬶᬂᬤᬵᬳᬦᭀᬧᬫᬾᬂᬧᬭᬶᬂᬲᬤ᭄ᬕᬸᬡ᭞ᬲᬫᬲᬓᬮᬯᬦ᭄ᬳᬚᬶᬚᬶᬯᬦᬮ᭄ᬯᬶᬃᬲᬸᬤᬾᬯ᭄ᬬᬵᬧᬮᬶᬄ᭛ᬧ᭄ᬭᬶᬬᬳᬚᬶᬲᬗᬸᬫᬸᬗ᭄ᬕ᭄ᬯᬶᬂᬯᭂᬗ᭄ᬓᭂᬃᬩᬗᬸᬦ᭄ᬳ᭄ᬬᬗᬸᬧᬾᬦ᭄ᬤ᭄ᬭᬵᬦᬸᬭᬸᬦ᭄᭞ᬦᬺᬧᬢᬶᬯᬶᬚᬬᬭᬵᬚᬲᬵᬓᭀᬧᬫᬾᬂᬧᬭᬫᬚ᭄ᬜᭀᬢ᭄ᬢᬫ᭞ᬲᬫᬲᬫᬓᬮᬯᬦ᭄‌ᬦᬺᬧᬢᬶᬲᬶᬗ᭄ᬳᬲᬵᬃᬬ᭄ᬬᬓᬯᬓ᭄ᬱᬧᬕᭂᬄ᭞ᬲᬶᬭᬯᬶᬳᬶᬓᬦᬶᬳᬬ᭄ᬯᬦᬶᬂᬣᬵᬦᬶᬬᬵᬯᬢ᭄‌ᬲᬪᬹᬫᬶᬚᬯ᭛ ᭜ ᭛ᬯ᭄ᬯᬦ᭄ᬢᭂᬦ᭄ᬢᬵᬭᬶᬳᬚᬶ᭠ᬭᬶᬯᬶᬮ᭄ᬯᬢᬶᬓ᭄ᬢᬭᬵᬚ᭄ᬜᬶ᭞ᬲᬗ᭄ᬫᬸᬫᬸᬗ᭄ᬕ᭄ᬯᬶᬂᬮᬲᭂᬫᬦᬸᬭᬕᬭᬶᬗ᭄ᬓᬳᬬ᭄ᬯᬦ᭄᭞ᬧᬸᬢ᭄ᬭᬷᬰ᭄ᬭᬷᬦᬭᬧᬢᬶᬭᬶᬂᬤᬳᬵᬧ᭄ᬭᬓᬵᬰ᭞ᬲᬂᬰ᭄ᬭᬷᬭᬵᬚᬲᬤᬸᬳᬶᬢᬾᬦ᭄ᬤᬸᬤᬾᬯ᭄ᬬᬦᬶᬦ᭄ᬤ᭄ᬬ᭛ᬦ᭄ᬤᬦ᭄‌ᬰ᭄ᬭᬷᬯᬃᬤ᭄ᬥᬦ ᬤᬸᬳᬶᬢᬾᬰ᭄ᬯᬭᬷᬧᬫᬸᬗ᭄ᬲᬸ᭞ᬭᬵᬚᬷᬫᬸᬗ᭄ᬕ᭄ᬯᬶᬂᬧᬚᬗᬦᭀᬧᬫᬾᬂᬭᬭᬲ᭄ᬭᬸᬫ᭄᭞ᬧᬸᬢ᭄ᬭᬷᬰ᭄ᬭᬷᬦᬺᬧᬢᬶᬭᬶᬚᬷᬯᬦᬧ᭄ᬭᬓᬵᬰ᭞ᬅᬦ᭄​ᬲᬵᬓ᭄ᬱᬵᬢᬦᬸᬚᬢ᭄ᬓᬧ᭄ᬦᬶᬭᬂᬦ᭠ᬭᬾᬦ᭄ᬤ᭄ᬭᬵ᭛ ᭜ ᭛ᬧᬾᬦᬦ᭄‌ᬰ᭄ᬭᬷᬦᬭᬦᬵᬣᬓᬧ᭄ᬯᬢᬳᬸᬯᬸᬲ᭄‌ᬮᬩ᭄ᬥᬪᬶᬱᬾᬓᬧ᭄ᬭᬪᬹ᭞ᬲᬂᬦᬵᬣᬾᬂᬫᬢᬳᬸᬦ᭄‌ᬧ᭄ᬭᬶᬬᬦᬺᬧᬢᬶᬲᬗ᭄ᬭᬵᬚ᭄ᬬᬾᬂᬮᬲᭂᬫ᭄‌ᬲᬸᬰ᭄ᬭᬫ᭞ᬲᬂᬰ᭄ᬭᬷᬭᬵᬚ᭠ [᭓ 3A] ᬲᬯᬃᬤ᭄ᬥᬦᬧ᭄ᬭᬰᬰᬶᬢᬾᬂᬭᬹᬧᬵᬥᬶᬯᬶᬚ᭄ᬜᬾᬂᬦᬬ᭞ᬢᬦ᭄ᬲᬾᬦ᭄ᬤᬳᬲ᭄ᬫᬭᬧᬶᬗ᭄ᬕᬮᬵᬧᬢᭂᬫᬸᬲᬂᬦᬵᬣᬾᬦᬍᬫ᭄ᬦᬶᬂᬚᬕᬢ᭄᭛ᬲᬂᬦᬵᬣᭂᬂᬧᬕᬸᬳᬦ᭄‌ᬧ᭄ᬭᬶ᭠ᬬᬦᬺᬧᬢᬶᬲᬂᬭᬵᬚᬷᬧ᭄ᬭᬢᬶᬱ᭄ᬝᬾᬂᬧ᭄ᬚᬂ᭞ᬓ᭄ᬬᬵᬢᬷᬰ᭄ᬭᬷᬦᬺᬧᬢᬶᬲᬶᬗ᭄ᬳᬯᬃᬤ᭄ᬥᬦᬲᬸᬭᬹᬧᬵᬦ᭄ᬯᬫ᭄‌ᬲᬸᬰᬶᬮᬵᬧᬕᭂᬄ᭞ᬅᬰ᭄ᬭ᭄ᬬᬵᬯᬃᬡ᭄ᬦᬫᬦᬓ᭄ᬓᬸᬫᬭᬲᬳᬤᬾᬯᬶᬥᬵᬧᬧᬗ᭄ᬕᬶᬄ᭠ᬦᬶᬭ᭞ᬪᬓ᭄ᬢᬷᬚᭃᬂᬳᬚᬶᬧᬵᬲᬶᬳᬯ᭄ᬯᬗᬦᬓᬗ᭄ᬤᬾᬢᬸᬱ᭄ᬝᬦᬶᬦᬵᬕᬭ᭛ᬢᭂᬓ᭄ᬯᬦ᭄‌ᬯᬺᬤ᭄ᬥ᭄ᬬᬯ᭄ᬓᬾᬦᬭᬾᬦ᭄ᬤ᭄ᬭᬵᬲᬂᬗᬸᬫᬸᬗ᭄ᬕ᭄ᬯᬶᬂᬯᬶᬭᬪᬹᬫ᭄ᬬᬂᬥᬶᬭᬶ᭞ᬲᬂᬰ᭄ᬭᬷᬦᬵᬕᬭᬯᬃᬤ᭄ᬥᬦᬶᬧ᭄ᬭᬢᬷᬕᬭᬵᬚᬷᬓᬵᬦ᭄ᬬᬓᬵᬦᭀᬧᬫ᭄᭞ᬦ᭄ᬤᬦ᭄ᬭᬦ᭄ᬢᭂᬦ᭄ᬳᬚᬶᬭᬵᬚᬭᬢ᭄ᬯᬶᬂᬫᬢᬭᬫ᭄‌ᬮ᭄ᬯᬶᬃᬳ᭄ᬬᬂᬓᬸᬫᬵᬕᬵᬦᬸᬭᬸᬦ᭄᭞ᬲᬂᬰ᭄ᬭᬷᬯᬶᬓ᭄ᬭᬫᬯᬤ᭄ᬥᬦᬾᬰ᭄ᬯᬭᬧᬦᬶᬗ᭄ᬓᬄᬰ᭄ᬭᬷᬦᬭᬾᬦ᭄ᬤ᭄ᬭᬵ ᬥᬶᬧ᭛ᬯᬸᬗ᭄ᬲᬸᬰ᭄ᬭᬷᬦᬺᬧᬢᬶᬧᬚᬂᬲᬶᬦᬶᬯᬶᬫᬸᬂᬗ᭄ᬕ᭄ᬯᬶᬂᬧᬯ᭄ᬯᬦᬯ᭄ᬯᬦᬧᬸᬭᬷ᭞ᬭᬵᬚᬷᬰ᭄ᬭᬷᬲᬸᬭᬯᬃᬤ᭄ᬥᬦᬶᬦ᭄ᬯᬫᬶᬭᬯᬵᬮᬮ᭄ᬯᬶᬃᬳᬚᭂᬂᬦᬶᬂᬢᬸᬮᬶᬲ᭄᭞ᬲᬓ᭄ᬯᬾᬄᬰ᭄ᬭᬷᬬᬯᬭᬵᬚᬲᬧᬥᬫᬤᬸᬤ᭄ᬯᬦ᭄ᬦᬕᬭᬵᬢᬸᬗ᭄ᬕᬮᬦ᭄᭞ᬏᬓᬲ᭄ᬣᬵᬦᬭᬶᬯᬶᬮ᭄ᬯᬢᬶᬓ᭄ᬢᬫᬗᬶᬲᬧ᭄ᬯᬷᬲᬂᬦᬭᬾᬦ᭄ᬤ᭄ᬭᬵᬥᬶᬧ᭛ ᭜ ᭛ᬯᬃᬡ᭄ᬦᬦ᭄‌ᬰ᭄ᬭᬷᬦᬭᬦᬵᬣᬓᬲ᭄ᬢᬯᬦᬶᬭᬦ᭄ᬤᬦᬓᬭᬲ ᬫᬤᬶᬕ᭄ᬚᬬᬧ᭄ᬭᬪᬹ᭞ᬪ᭄ᬭᬱ᭄ᬝᬂᬰᬢ᭄ᬭᬸᬩᬗᬸᬦ᭄ᬢᬫᬶᬥ᭄ᬭᬲᬳᬦᬾᬪᬹᬯᬦᬭᬶᬦᬯᬲᬦ᭄ᬦᬭᬾᬰ᭄ᬯᬭ᭞ᬢᬸᬱ᭄ᬝᬵᬲᬚ᭄ᬚᬦᬧᬗᬚᬫᬫᬶᬓᬦᬗ᭄ᬓᬸᬚᬦᬓᬸᬫᬸᬤᬲᬢ᭄ᬬᬲᬢ᭄ᬯᬶᬓᬵ᭞ᬲ᭄ᬣᬶᬢ᭄ᬬᬂᬖ᭄ᬭᬵᬫᬲᬪᬹᬫ᭄ᬬᬯᬾᬄᬥᬦᬩᬗᬸᬦ᭄‌ᬚᬮᬳᬶᬦᬢᬸᬭᬓᭂᬦ᭄ᬬᬲᬓ᭄ᬭᬫ᭛ᬮ᭄ᬯᬶᬃᬲᬂᬳ᭄ᬬᬂᬰᬢᬫᬦ᭄ᬬᬸᬫᬗ᭄ᬳᬸᬤᬦᬶᬭᬵᬢ᭄‌ᬳᬚᬶᬢᬸᬫᬸᬮᬓᬶᬤᬸᬄᬓᬦᬶᬂᬧ᭄ᬭᬚᬵ᭞᭠

Leaf 3

kakawin-negara-kertagama-c 3.jpeg

Image on Archive.org

[᭓ 3B] ᭓᭞ ᬮ᭄ᬯᬶᬃᬳ᭄ᬬᬂᬧᬶᬢᬺᬧᬢᬶᬓᬥᬡ᭄ᬟᬦᬶᬗᬦᬵᬃᬬ᭄ᬬᬩᬭᬸᬡᬭᬶᬓᬢᬫ᭄ᬯᬦᬶᬂᬥᬦ᭞ᬮ᭄ᬯᬶᬃᬦᬶᬂᬳ᭄ᬬᬂᬩᬵᬬᬸᬲᬶᬭᬵᬦ᭄ᬢᬫᬾᬂᬲᬓᬮᬮᭀᬓᬫᬓᬰᬭᬡᬤᬹᬢᬦᬶ᭠ᬢ᭄ᬬᬰ᭞ᬮ᭄ᬯᬶᬃᬧᬺᬣ᭄ᬯᬶᬭᬶᬓᬭᬓ᭄ᬱᬦᬶᬂᬧᬸᬭᬓᬢᭀᬦᬦᬶᬭᬓᬤᬶᬪᬝᬵᬭᬘᬦ᭄ᬤ᭄ᬭᬫᬵ᭛ᬭᬶᬂᬯᬃᬡ᭄ᬦᬓᬺᬢᬶᬓᬵᬫᬤᭂᬯᬲᬫᬓᬮᬵᬦᬸᬭᬸᬦᬸᬫᬸᬮᬢᬶᬭᬵᬫ᭄ᬬᬦᬶᬗ᭄ᬧᬸᬭᬷ᭞ᬲᬓ᭄ᬯᬾᬄᬲᬂᬧᬭᬧᬸᬢ᭄ᬭᬷᬓᬵᬤᬶᬓᬯᬥᬸᬳᬚᬶᬓᬤᬶᬧᬯᬶᬪᬚ᭄ᬬᬦᬶᬂᬭᬢᬶᬄ᭞ᬦ᭄ᬤᬦ᭄ᬲᬂᬰ᭄ᬭᬷᬧᬭᬫᬾᬰ᭄ᬯᬭᬷᬲ᭄ᬯᬤᬸᬳᬶᬢᬵᬦᬺᬧᬢᬶᬯᬶᬚᬬᬭᬵᬚᬲᭀᬢ᭄ᬢᬫ᭞ᬫᬸᬓ᭄ᬬᬵᬯᬃᬡ᭄ᬦᬲᬸᬲᬸᬫ᭄ᬦᬤᬾᬯ᭄ᬬᬦᬸᬧᬫᬾᬗ᭄ᬳᬬᬸᬢᬸᬳᬸᬲᬯᬯᬾᬦᬭᬾᬰ᭄ᬯᬭ᭛ᬢᭂᬓ᭄ᬯᬦ᭄‌ᬯᬺᬤ᭄ᬥᬶᬲᬶᬭᬵᬦ᭄‌ᬧᬓᬵᬦ᭄ᬓᬶᬲᬶᬭᬗᭂᬦᬺᬧᬢᬶᬓᬸᬲᬸᬫᬯᬃᬤ᭄ᬥᬦᬷᬰ᭄ᬯᬭᬷ᭞ᬭᬵᬚᬶᬭᬵᬚᬓᬸᬫᬵᬃᬬ᭄ᬬ᭠ ᬦᬶᬦ᭄ᬤ᭄ᬬᬲᬶᬦᬶᬯᬶᬧᬸᬭᬭᬶᬓᬩᬮᬦᬸᬢᬫᬾᬂᬭᬭᬲ᭄᭞ᬲᬂᬰ᭄ᬭᬷᬯᬶᬓ᭄ᬭᬫᬯᬃᬤ᭄ᬥᬦᬾᬦ᭄ᬤ᭄ᬭᬲᬦᬶᬭᬸᬓ᭄ᬢ᭄ᬬᬦᬶᬭᬧᬗᬸᬘᬧᬶᬂᬲᬦᬵᬕᬭ᭞ᬲᬵᬓ᭄ᬱᬢ᭄ᬤᬾᬯᬢᬤᬾᬯᬢᬶᬲᬶᬭᬦᬢᭂᬫ᭄ᬯᬳ᭄ᬮᬫᬦᬸᬓᬦᬶᬢ᭄ᬯᬲᬶᬂᬚᬕᬢ᭄᭛ ᭜ ᭛ᬯᬃᬡ᭄ᬦᬦ᭄ᬢᬶᬗᬓᬳᬶᬓᬂᬧᬭᬵᬤ᭄ᬪᬸᬢᬓᬸᬣᬦ᭄ᬬᬩᬢᬩᬗᬸᬫᬶᬦᭂᬃᬫ᭄ᬫᬓᬦ᭄ᬤᭂᬮᬭᬸᬳᬸᬭ᭄᭞ᬓᬸᬮ᭄ᬯᬦ᭄‌ᬥᬶᬤ᭄ᬯᬸᬭᬯ ᬓ᭄ᬢ᭄ᬭᬫᬗ᭄ᬳᬋᬧᬓᭂᬦ᭄ᬮᬩᬸᬳᬕᭂᬗᬶᬢ᭄ᬗᬄᬯᬢᬾᬤ᭄ᬭᬦᬤᬍᬫ᭄᭞ᬩ᭄ᬭᬵᬳ᭄ᬫᬵᬲ᭄ᬣᬵᬦᬧᬢᬸᬗ᭄ᬕᬮᬦ᭄ᬧᬣᬦᬶᬩᬸᬤ᭄ᬥᬶᬚᬚᬭᬶᬦᬧᬶᬓᬧ᭄ᬯᬲᭃᬢ᭄ᬘᬭᬘᬭ᭞ᬗ᭄ᬓᬵᬢᭀᬗ᭄ᬕ᭄ᬯᬦ᭄ᬧᬭᬢᬡ᭄ᬟᬢᬦ᭄ᬧ᭄ᬕᬢᬕᬦ᭄ᬢᬶᬓᬸᬫᭂᬫᬶᬢᬶᬓᬭᬓ᭄ᬱᬦᬶᬂᬧᬸᬭᬲᬪᬵ᭛ᬮᭀᬢ᭄ᬢᬂᬕᭀᬧᬸᬭᬰᭀᬪᬶᬢᬪᬶᬦᬯᬓᭀᬦ᭄ᬢᭂᬦᬶᬓᬯ᭄ᬲᬳᬶᬭᬶᬦᬹᬧᬓᬵᬧᬭᬶᬫᬶᬢᬵ᭞᭠ [᭔ 4A] ᬯᬾᬢᬦ᭄‌ᬲᬡ᭄ᬟᬶᬗᬶᬓᬵᬃᬚ᭄ᬚᬧᬗ᭄ᬕᬸᬗᬭᬸᬳᬸᬭ᭄​ᬧᬢᬶᬕᬦᬶᬓᬩᬶᬦᬚ᭄ᬭᬮᬾᬧᬫᬧᬸᬢᬶᬄ᭞ᬓᬵᬦ᭄ᬦᬄᬮᭀᬃᬓᬶᬤᬸᬮᬶᬧ᭄ᬓᭂᬦ᭄‌ᬭᬓᭂᬢᬶᬓᬂᬬᬰᬯ᭄ᬓᬲᬶᬗ᭠ᬧᬜ᭄ᬚᬗᬤ᭄ᬪᬸᬢᬤᬳᬵᬢ᭄᭞ᬅᬗ᭄ᬕᭂᬦ᭄‌ᬘᬿᬢ᭄ᬭᬧᬳᭃᬫᬦᬶᬂᬩᬮᬲᬫᬸᬳᬓᬶᬤᬹᬮᬶᬓᬘᬢᬸᬲ᭄ᬧᬣᬵᬳ᭄ᬬᬗᬳᬍᬧ᭄᭛ᬅᬮ᭄ᬯᬵᬕᬶᬫ᭄ᬩᬭᬶᬓᬂᬯᬗᬸᬦ᭄ᬢᬸᬭᬦ᭄ᬳᬕᬸᬃᬤ᭄ᬤᬶᬰᬷ᭠ ᬯᬢᬗᬦᬶᬓᬵᬯᬶᬢᬵᬦᬭᬶᬢ᭄ᬗᬄ᭞ᬮᭀᬃᬢ᭄ᬢᬂᬯᬾᬰ᭄ᬫᬧᬦᬗ᭄ᬓᬶᬮᬦ᭄ᬧᬭᬪᬹᬚᬗ᭄ᬕᬓᬶᬫᬸᬢᬧᬭᬫᬦ᭄ᬢ᭄ᬭ᭄ᬬᬮᬶᬗ᭄ᬕᬶᬳᬧᬸᬧᬸᬮ᭄᭞ᬯᬾᬢᬦ᭄‌ᬗ᭄ᬕ᭄ᬯᬦ᭄ᬧᬭᬰᬾᬯᬜᬾᬤ᭄ᬥᬫᬯᬶᬯᬵᬤᬫᬸᬘᬧᬚᬶᬲᬳᭀᬧᬓᬵᬭᬯ᭄ᬓᬶᬲᭃᬓ᭄᭞ᬧ᭄ᬭᬵᬬᬰ᭄ᬘᬶᬢ᭄ᬢᬭᬶᬓᬵᬮᬦᬶᬂᬕ᭄ᬭᬳᬡᬨᬮ᭄ᬕᬸᬡᬫᬓᬨᬮᬳᬬ᭄ᬯᬦᬶᬂᬫᬪᬹᬯᬦ᭛ᬓᬵᬦ᭄ᬦᬄᬯᬾᬢᬦᬶ᭠ ᬓᬂᬧᬳᭀᬫᬦᬚᬚᬃᬢ᭄ᬢᬶᬕᬢᬶᬕᬭᬶᬢ᭄ᬗᬄᬓᬰᬿᬯᬦᬭᬸᬳᬸᬭ᭄᭞ᬗ᭄ᬕ᭄ᬯᬦ᭄ᬲᬂᬯᬶᬧ᭄ᬭᬓᬶᬤᬸᬮ᭄ᬧᬤᬵᬳᭀᬢ᭄ᬢᬫᬲᬸᬲᬸᬦ᭄‌ᬩᬭᬢᬶᬦᬢᬭᬶᬓᬵᬩᬢᬸᬃᬧᬢᬯᬸᬭᬦ᭄᭞ᬗ᭄ᬕ᭄ᬯᬦ᭄‌ᬲᬂᬲᭀᬕᬢᬮᭀᬃᬲᬸᬲᬸᬦ᭄ᬢᬶᬕᬢᬶᬓᬂᬯᬗᬸᬦᬦᬶᬧᬸᬘᬓᬵᬃᬚ᭄ᬚᬫᭀᬓᬶᬭᬸᬦᬶᬭᬦ᭄᭞ᬓᬧ᭄ᬯᬵᬗ᭄ᬚ᭄ᬭᬄᬭᬘᬦᬦ᭄ᬬᬳᭀᬯᬸᬲ᭄ᬧᬧᬶᬦᬭᬦ᭄‌ᬦᬺᬧᬢᬶᬲᬢᬢᬬᬦ᭄ᬳᬓᭀᬫᬫ ᬧᬸᬧᬸᬮ᭄᭛ᬗ᭄ᬓᬵᬦᬾᬂᬚ᭄ᬭᭀᬓᬶᬤᬸᬮᬶᬂᬯᬗᬸᬦ᭄ᬢᬸᬭᬳ᭄ᬮᬢ᭄‌ᬧᬮᬯᬗᬦᬶᬓᬦᬧᬰᬾᬯᬦᬕᬣᬵ᭞ᬯᬾᬰ᭄ᬫᬵᬃᬚ᭄ᬚᬵᬚᬚᬭᬗ᭄ᬳᬧᬶᬢ᭄ᬳᬯᬦᬗᬸᬮ᭄ᬯᬦᬶᬢ᭄ᬗ᭠ᬳᬶᬓᬢᬜ᭄ᬚᬸᬗᬂᬚ᭄ᬭᬳᬲ᭄ᬓᬭ᭄᭞ᬦ᭄ᬤᬄᬓᬸᬮ᭄ᬯᬦ᭄‌ᬫᬳ᭄ᬮᬢ᭄ᬫᬸᬯᬄᬦᬶᬤᬸᬮᬶᬧᬗ᭄ᬕᬸᬂᬗᬶᬓ᭄ᬩᬮᬬᬦᬾᬓᬫᬾᬤ᭄ᬭᬦᬶᬢ᭄ᬧᬶ᭞ᬅᬃᬤ᭄ᬥᬵᬮ᭄ᬯᬵᬭᬶᬢ᭄ᬗᬄᬦᬢᬃᬦᬶᬓᬦᬫᬡ᭄ᬟᬧᬧᬲᬢᬦᬰ

Leaf 4

kakawin-negara-kertagama-c 4.jpeg

Image on Archive.org

[᭠ 4B] ᭔᭞ ᬗ᭄ᬓ᭄ᬬᬮᭀᬢᬭᬳᬦ᭄᭛ᬭᬷᬚ᭄ᬭᭀᬦ᭄ᬬᬾᬓᬶᬫᬸᬯᬄᬧᬰᬾᬯᬦᬓᬶᬤᬸᬮ᭄‌ᬤᬸᬤᬸᬕᬗᬸᬲᬶᬯᬶᬚᬶᬮ᭄ᬓᬯᬶᬂᬭ᭄ᬯᬭᬶᬤᬼᬫ᭄᭞ᬭᬶᬗ᭄ᬓᬄᬦ᭄ᬬᬾᬓᬶᬢᬶᬦᬸᬫ᭄ᬧᬢᬸᬫ᭄ᬧᬫᬳ᭄ᬮᬢ᭄ᬧᬮᬯᬗᬦᬶᬓᬦᬂᬲᬧᬡ᭄ᬝᬢᬶᬦᬶᬗ᭄ᬓᬄ᭞ᬓᬧ᭄ᬯᬯ᭄ᬯᬾᬰ᭄ᬫᬲᬸᬩᬤ᭄ᬥᬯᬢ᭄ᬯᬦᬶᬓᬮᬾᬦ᭄‌ᬲᬓᬩᬮᬩᬕᬸᬲᬸᬓ᭄ᬦ᭄ᬬᬢᬓ᭄ᬧᬘᬘᬤᬦ᭄᭞ᬲᭂᬓ᭄ᬤᬾᬦᬶᬂᬩᬮᬳᬚ᭄ᬬᬦ᭠ ᬗ᭄ᬓᬶᬮᬕᬶᬮᬶᬭ᭄​ᬫᬓ᭄ᬫᬶᬢᬦᬸᬫᬧᬾᬓ᭄ᬱᬯᬵᬭᬫᬢᬸᬢᬸᬭ᭄᭛ ᭜ ᭛ᬦᬳᬦ᭄ᬮ᭄ᬯᬶᬃᬦ᭄ᬬᬂᬫᬦᬗ᭄ᬓᬶᬮ᭄ᬧᬗᬮᬲᬦᬶᬗᬭᬦ᭄‌ᬓ᭄ᬯᬾᬄᬦ᭄ᬬᬢᬓ᭄ᬧᬧ᭄ᬭᬫᬵᬡ᭞ᬭᬓ᭄ᬧᬮ᭄ᬯᬶᬃᬦ᭄ᬬᬸᬕᬥᬶᬂᬚᬗ᭄ᬕᬮᬓᬘᬶᬭᬶᬲ᭄ᬥᬄᬧᬗ᭄ᬮᬭᬗ᭄ᬭᬵᬚᬤᭂᬯᬷ᭞ᬯᬿᬰᬗ᭄ᬓᬵᬯ᭄ᬯᬂᬧᬦᬾᬯ᭄ᬯᬦ᭄‌ᬓᬺᬢᬧᬸᬭᬲᬶᬦ᭄ᬮᬶᬃᬫ᭄ᬯᬂᬚᬬᬾᬂᬧ᭄ᬭᬂᬭᬬᬵᬕᭃᬂ᭞ᬅᬗ᭄ᬭᬾᬬᭀᬓ᭄ᬓᬬ᭄ᬯᬧᬸᬯ᭄ᬯᬂᬚᬮᬥᬶᬫ ᬲᬸᬭᬸᬳᬦ᭄ᬲᬵᬫᬚᬵᬥᬶᬧ᭄ᬭᬓᬶᬡ᭄ᬦ᭛ᬦᬳᬦ᭄ᬢᬵᬥᬶᬦ᭄ᬬᬫᬸᬗ᭄ᬕ᭄ᬯᬶᬂᬯᬢᬗᬦᬮᬸᬦᬮᬸᬦ᭄ᬢᬦ᭄‌ᬧ᭄ᬕᬢ᭄ᬮᭀᬢ᭄ᬫᬕᬦ᭄ᬢᬶ᭞ᬢᬡ᭄ᬟᬫ᭄ᬯᬂᬕᬸᬲ᭄ᬢᬶᬯᬤ᭄ᬯᬵᬳᬚᬶᬫᬸᬯ᭠ᬳᬶᬓᬗᬫ᭄ᬯᬂᬢᬸᬳᬦ᭄‌ᬢᬶᬂᬬᬯᬵᬩᬧ᭄᭞ᬫᬸᬓ᭄ᬬᬂᬫᬸᬗ᭄ᬕ᭄ᬯᬶᬂᬯᬶᬚᬶᬮ᭄‌ᬧᬶᬓᬮᬶᬳᬥᬶᬓᬪᬬᬗ᭄ᬓᬵᬃᬬ᭄ᬬᬧᬶᬦ᭄ᬢᬵᬧᬸᬧᬸᬮ᭄᭞ᬮᭀᬃᬦᬶᬂᬤ᭄ᬯᬵᬭᬾᬤᬍᬫ᭄‌ᬗ᭄ᬕ᭄ᬯᬦ᭄ᬬᬓᬶᬤᬸᬮᬶᬓᬧᬭᬓ᭄ᬱ ᬢ᭄ᬭᬶᬬᬫ᭄ᬯᬂᬪᬹᬚᬗ᭄ᬕᬵ᭛ᬗ᭄ᬓᬵᬦᬾᬂᬜᬬᬩ᭄‌ᬭᬶᬧᬰ᭄ᬘᬶᬫᬫᬶᬤᭂᬭᬸᬫᬵᬭᬾᬂᬫᬺᬢ᭄ᬬᬸᬤᬾᬰᬬᬰᬵᬓ᭄ᬯᬾᬄ᭞ᬲᬃᬲᭃᬓ᭄ᬤᬾᬲᬂᬲᬸᬫᬦ᭄ᬢ᭄ᬭ᭄ᬬᬵᬫᬯᬧᬶᬦᬶᬢᬸᬳᬭᬶᬂᬯᬶᬭᬤᬺᬢ᭄ᬬᬵᬦ᭄ᬧᬦᬗ᭄ᬓᬶᬮ᭄᭞ᬅᬦ᭄ᬬᬢ᭄ᬓᬦ᭄ᬦᬄᬓᬶᬤᬸᬮ᭄‌ᬧᬵᬦ᭄ᬢᬭᬦᬶᬓᬮᬯᬗᬦ᭄‌ᬫᬡ᭄ᬟᬧᬫ᭄ᬯᬂᬕᬺᬳᬵᬓ᭄ᬯᬾᬄ᭞ᬲᬃᬲᭂᬓ᭄ᬤᬾᬪᬺᬢ᭄ᬬᬲᬰ᭄ᬭᬷᬦᬺᬧᬢᬶᬭᬶᬧᬕᬸᬳᬦ᭄ᬦᬷᬢ᭄ᬬᬓᬵᬮᬦ᭄ᬧᬰᬾ [᭕ 5A] ᬯ᭛ ᭜ ᭛ᬗ᭄ᬓᬵᬦᬾᬂᬚ᭄ᬭᭀᬦᬶᬂᬯᬶᬚᬶᬮ᭄ᬧᬶᬂᬓᬮᬶᬳᬋᬚᬦᬢᬃᬦ᭄ᬬᬵᬭᬢᬵᬮ᭄ᬯᬵᬭᬶᬰᭀᬪ᭞ᬲᭃᬓ᭄‌ᬯᬾᬰ᭄ᬫᬫ᭄ᬯᬂᬯᬶᬢᬵᬦᬵᬪᬶᬦᬯᬧᬧᬸᬧᬸᬮ᭄‌ᬲᬗ᭄ᬫᬦᬗ᭄ᬓᬶᬮ᭄ᬫᬭᬾᬂᬚ᭄ᬭᭀ᭞ᬯᬾᬢᬦ᭄ᬢᬾᬓᬂᬕᬺᬳᬵᬦᭀᬧᬫᬯᬗᬸᬦᬦᬶᬓᬵᬰ᭄ᬭ᭄ᬬᬭᬸᬳᬸᬲᭀᬃᬧᬘᬭ᭞ᬗ᭄ᬕ᭄ᬯᬦ᭄‌ᬰ᭄ᬭᬷᬦᬵᬣᬦ᭄ᬧᬯᬾᬄᬰᬾᬯᬭᬶᬗᬸᬫᬋᬓᬸᬫᬸᬗ᭄ᬕ᭄ᬯᬶᬂᬯᬶᬢᬦᬵᬧ᭄ᬭ ᬫᬾᬬ᭛ ᭜ ᭛ᬯᬃᬡ᭄ᬦᬦ᭄‌ᬯᬃᬡ᭄ᬦᬦᬶᬲᬂᬫᬦᬗ᭄ᬓᬶᬮᬶᬭᬶᬓᬂᬯᬶᬢᬵᬦᬵᬲᬢᬢᬵ᭞ᬫᬦ᭄ᬢ᭄ᬭᬶᬯᬺᬤ᭄ᬥᬧᬭᬵᬃᬬ᭄ᬬᬮᬾᬦ᭄ᬧᬭᬧᬲᬗ᭄ᬕᬸᬳᬦ᭄‌ᬲᬓᬧᬋᬓ᭄᭞ᬫ᭄ᬯᬂᬲᬂᬧᬜ᭄ᬘᬭᬶᬯᬶᬮ᭄ᬯᬢᬶᬓ᭄ᬢᬫᬧᬕᭂᬄᬤ᭄ᬫᬸᬂᬓᬦᬸᬭᬸᬳᬵᬦ᭄᭞ᬢᬦ᭄ᬲᬄᬭᬗ᭄ᬕᬢᬸᬫᭂᬗ᭄ᬕᬸᬗᬸᬢ᭄ᬢᬫᬦᬶᬲᬂᬫᬋᬮ᭄‌ᬯ᭄ᬓᬶᬧ᭄ᬦᬸᬄ᭛ᬢ᭄ᬯᬾᬄᬦᬶᬂᬯᬾᬰᬧᬸᬭᬷᬓᬫᬦ᭄ᬢ᭄ᬬᬦᬶᬗᬫᬵᬢ᭄ᬬᬭᬶᬂᬲᬦᬵᬕᬭ᭞ ᬤᭀᬦᬶᬂᬪᬵᬱᬧᬭᬵᬧᬢᬶᬄᬧᬵᬭᬤ᭄ᬫᬸᬂᬲᬓᬮᬦᬧᬸᬧᬸᬮ᭄᭞ᬅᬗ᭄ᬳᬶᬂᬲᬂᬚᬸᬭᬸᬦᬶᬂᬯᬢᭂᬓ᭄‌ᬧᬗᬮᬲᬦ᭄‌ᬫᬳᬶᬗᬦᬧᬕᭃᬄ᭞ᬧᬜ᭄ᬘᬵᬓ᭄ᬯᬾᬄᬦᬶᬭᬫᬦ᭄ᬢ᭄ᬭ᭄ᬬᬦᬶᬦ᭄ᬤᬶᬢᬭᬸᬫᬓ᭄ᬱᬓᬵᬃᬬ᭄ᬬᬭᬶᬤᬍᬫ᭄᭛ᬦ᭄ᬤᬦ᭄‌ᬲᬂᬓ᭄ᬱᬢ᭄ᬭᬶᬬᬍᬦ᭄ᬪᬸᬚᬗ᭄ᬕᬋᬱᬶᬧ᭄ᬭᬬᬧ᭄ᬯᬦᬸᬫᬋᬓ᭄᭞ᬗ᭄ᬓᬵᬦᬾᬕᭂᬩ᭄ᬦᬶᬗᬰᭀᬓᬫᬸᬗ᭄ᬕ᭄ᬯᬶᬂᬳᬶᬭᬶᬗᬶᬂᬯᬶᬢᬵᬦᬵᬫᬗᬤᭂ ᬕ᭄᭞ᬥᬃᬫ᭄ᬫᬥ᭄ᬬᬓ᭄ᬱᬓᬮᬶᬄᬮᬯᬦ᭄‌ᬲᬗᬸᬧᬧᬢ᭄ᬢᬶᬲᬧ᭄ᬢᬤᬸᬮᬸᬭ᭄᭞ᬲᬂᬢᬸᬳ᭄ᬯᬵᬃᬬ᭄ᬬᬮ᭄ᬓᬲ᭄ᬦᬶᬭᬵᬦ᭄‌ᬧᬗᬭᬦᬵᬃᬬ᭄ᬬᬬᬸᬓ᭄ᬢᬶᬲᬢᬶᬭᬸᬦ᭄᭛ ᭜ ᭛ᬦᬵᬮ᭄ᬯᬶᬃᬲᬂᬫᬋᬓᬶᬂᬯᬶᬢᬵᬦᬧᬶᬦᬦᬾᬓᬤᬍᬫᬶᬦᬧᬶᬭᬶᬦᬗ᭄ᬕᬰᭀᬪᬶᬢᬵ᭞ᬭᬶᬂᬚ᭄ᬭᭀᬧᬹᬃᬯ᭄ᬯᬲᬓᬾᬯᬶᬚᬶᬮ᭄‌ᬧᬶᬲᬦᬤᭀᬄᬧᬶᬦᬶᬗᬶᬭᬶᬓᬂᬗᬸᬫᬜ᭄ᬚᬶᬗᬾᬤᬍᬫ᭄᭞

Leaf 5

kakawin-negara-kertagama-c 5.jpeg

Image on Archive.org

[᭕ 5B] ᭕᭞ ᬦ᭄ᬤᬦ᭄ᬲᬂᬰ᭄ᬭᬷᬦᬺᬧᬢᬶᬲᬶᬗ᭄ᬳᬯᬃᬤ᭄ᬥᬦᬓᬶᬤᬸᬮ᭄‌ᬲᬳᬬᬸᬕᬵᬮᬲᬧᬸᬢ᭄ᬭᬧᬸᬢ᭄ᬭᬶᬓᬵ᭞ᬮᭀᬃᬲᬂᬰ᭄ᬭᬷᬦᬺᬢᬯᬃᬤ᭄ᬥᬦᬾᬰ᭄ᬯᬭᬩᬗᬸᬦ᭄‌ᬫᬲᬸᬭᬧᬤᬢᬶᬕᬢᬂᬧᬸᬭᬵᬧᬸᬧᬸᬮ᭄᭞᭛ᬲᬓ᭄ᬯᬾᬄᬦᬶᬂᬕᬺᬳᬤ᭄ᬧ᭄ᬭᬢᬦ᭄ᬧᬰᬓᬫᭀᬓᬶᬭᬸᬓᬶᬭᬦᬧ᭄ᬦᬤ᭄‌ᬯᬶᬦᬃᬡ᭄ᬦᬦ᭞ᬫ᭄ᬯᬂᬢᬾᬓᬂᬩᬢᬸᬭᬰ᭄ᬫᬯᬶᬱ᭄ᬝᬓᬫᬶᬭᬄᬯᬶᬦ᭄ᬢᬸᬯ᭄ᬢᬸᬧᬶᬦᬶᬓ᭄‌ᬭᬶᬦᬹᬧᬓᬵ᭞ ᬜ᭄ᬚᬄᬢᬾᬓᬂᬯᬶᬚᬶᬮᬶᬂᬓᬸᬮᬵᬮᬧᬶᬦᬓᭀᬢ᭄ᬢᬫᬦᬶᬳᬢᭂᬧᬶᬓᬂᬕᬺᬳᬵᬥᬶᬓᬵ᭞ᬢᬜ᭄ᬚᬸᬂᬓᬾᬰᬭᬘᬵᬫ᭄ᬧᬓᬵᬤᬶᬦᬶᬓᬦᬂᬫᬦᬸᬲᬸᬯᬘᬭᬘᬭᬵᬜ᭄ᬚ᭄ᬭᬄᬳᬶᬂᬦᬢᬭ᭄᭛ ᭜ ᭛ᬯᬃᬡ᭄ᬦᬦ᭄ᬢᬶᬗ᭄ᬓᬳᬶᬓᬂᬧᬶᬓᬦ᭄ᬤᭂᬮᬢᬣᬵᬢᬹᬢ᭄ᬓᬡ᭄ᬝᬦᬶᬂᬦᬵᬕᬭ᭞ᬯᬾᬢᬦ᭄‌ᬲᬂᬤ᭄ᬯᬶᬚᬓᬿᬯᬫᬸᬓ᭄ᬬᬲᬶᬭᬥᬂᬳ᭄ᬬᬂᬜ᭄ᬭᬳ᭄ᬫᬭᬵᬚᬵᬥᬶᬓᬵ᭞ᬗ᭄ᬓᬵᬦᬾᬂ᭠ ᬤᬶᬓ᭄ᬱᬶᬡᬩᭀᬤ᭄ᬥᬫᬸᬓ᭄ᬬᬗᬦᬯᬸᬂᬲᬗ᭄ᬓᬵᬓᬋᬗ᭄ᬓᬦ᭄ᬦᬤᬷ᭞ᬓᬸᬮ᭄ᬯᬦ᭄‌ᬓ᭄ᬱᬢ᭄ᬭᬶᬬᬫᬦ᭄ᬢ᭄ᬭᬶᬧᬸᬗ᭄ᬕᬯᬲᬕᭀᬢ᭄ᬭᬰ᭄ᬭᬷᬦᬭᬾᬦ᭄ᬤ᭄ᬭᬵᬥᬶᬧ᭛ᬯᬾᬢᬦ᭄ᬤᬦ᭄ᬫᬳ᭄ᬮᬢ᭄᭠ᬍᬩᬸᬄᬧᬸᬭᬦᬭᬾᬦ᭄ᬤ᭄ᬭᬾᬂᬯᭂᬗ᭄ᬓᭂᬃᬭᬢ᭄ᬢ᭄ᬬᬵᬦ᭄ᬪᬸᬢᬵ᭞ᬲᬵᬓ᭄ᬱᬵᬢᬶᬦ᭄ᬤ᭄ᬭᬮᬯᬦ᭄‌ᬲᬘᬶᬦᬺᬧᬢᬶᬮᬯᬦ᭄ᬲᬂᬦᬭᬾᬦ᭄ᬤ᭄ᬭᬾᬂᬤᬳᬵ᭞ᬲᬂᬦᬵᬣᬾᬂᬫᬢᬳᬸᬦ᭄‌ᬦᬭᬾᬦ᭄ᬤ᭄ᬭᬵᬭᬶᬮᬲᭂᬫ᭄‌ᬫᬸᬗ᭄ᬕ᭄ᬯᬶᬂ᭠ ᬤᬍᬫ᭄ᬭᬦ᭄ᬓᬲᬳ᭄᭞ᬓᬦ᭄ᬦᬄᬤᬓ᭄ᬱᬶᬡᬢᬦ᭄ᬫᬤᭀᬄᬓᬫ᭄ᬕᭂᬢᬦ᭄‌ᬲᬂᬦᬵᬣᬰᭀᬪᬵᬳᬍᬧ᭄᭛ᬗ᭄ᬓᬵᬤᬾᬗᬹᬢ᭄ᬢᬭᬮᭀᬃᬲᬓᬾᬂᬧ᭄ᬓᭂᬦᬵᬕᭃᬂᬓᬸᬮ᭄ᬯᬳᬍᬧ᭄‌ᬰᭀᬪᬶᬢᬵ᭞ᬲᬂᬲᬵᬓ᭄ᬱᬵᬢᬭᬶᬤᭂᬦᬭᬾᬰ᭄ᬯᬭᬭᬶᬯᭂᬗ᭄ᬓᭂᬃᬲᬂᬫᬓᬸᬯ᭄ᬯᬵᬧᬕᭃᬄ᭞ᬲᬦ᭄ᬢ᭄ᬬᬵᬲᬶᬄᬭᬶᬦᬭᬾᬦ᭄ᬤ᭄ᬭᬵᬥᬷᬭᬦᬶᬧᬸᬡᬾᬂᬧᬦᬶᬢ᭄ᬬᬵᬧᬢᬶᬄᬭᬶᬗ᭄ᬤᬳᬵ᭞ᬓ᭄ᬬᬢᬶᬗ᭄ᬭᬵ [᭖ 6A] ᬢ᭄‌ᬫᬗᬭᬦ᭄‌ᬪᬝᬢᬦᬢᬧᬢ᭄ᬬᬵᬗ᭄ᬤᬾᬳᬍᬧ᭄ᬦᬶᬂᬧ᭄ᬭᬚᬵ᭛ᬯᬾᬢᬦ᭄ᬮᭀᬃᬓᬸᬯᬸᬲᬂᬕᬚᬄᬫᬤᬧᬢᬶᬄᬭᬶᬂᬢᬶᬓ᭄ᬢᬯᬶᬮ᭄ᬯᬵᬥᬶᬓᬵ᭞ᬫᬦ᭄ᬢ᭄ᬭᬶᬯᬷᬭᬯᬶᬘᬓ᭄ᬱᬡᬾᬂᬦᬬᬫᬢᬗ᭄ᬕ᭄ᬯᬦ᭄‌ᬫᬢ᭄ᬬᬪᬓ᭄ᬢ᭄ᬬᬧ᭄ᬭᬪᬹ᭞ᬯᬵᬕ᭄ᬫᬷᬯᬵᬓᬧᬤᬸᬲᬵᬃᬚ᭄ᬚᬯᭀᬫᬲᬫᬵᬥᬷᬳᭀᬢ᭄ᬲᬳᬢᬦ᭄ᬮᬵᬮᬦ᭄᭞ᬭᬚᬥ᭄ᬬᬓ᭄ᬱᬭᬸᬫᬓ᭄ᬱᬭᬶᬲ᭄ᬣᬶᬢᬶᬦ ᬭᬾᬦ᭄ᬤ᭄ᬭᬵᬦ᭄ᬘᬓ᭄ᬭᬯᬃᬢᬶᬂᬚᬕᬢ᭄᭛ᬦ᭄ᬤᬗ᭄ᬓᬵᬦᬾᬓᬶᬤᬸᬮᬶᬂᬧᬸᬭᬷᬓᬸᬯᬸᬓᬥᬃᬫ᭄ᬫᬵᬥ᭄ᬬᬓ᭄ᬱᬦᬃᬤ᭄ᬥᬵᬳᬍᬧ᭄᭞ᬯᬾᬢᬦ᭄‌ᬭᬓ᭄ᬯᬓᬰᬿᬯᬦᬹᬢ᭄ᬢᬫᬓᬩᭀᬤ᭄ᬥᬵᬓᬸᬮ᭄ᬯᬦ᭄ᬦᬰ᭄ᬭ᭄ᬬᬵᬢᬣᬵ᭞ᬢᬦ᭄ᬯᬃᬡ᭄ᬦᬦ᭄ᬓᬸᬯᬸᬲᬂᬲᬸᬫᬦ᭄ᬢ᭄ᬭ᭄ᬬᬥᬶᬓᬵᬮᬾᬦ᭄‌ᬫ᭄ᬯᬂᬲᬂᬧᬭᬓ᭄ᬱᬢ᭄ᬭᬶᬬᬵ᭞ᬤᬾᬦᬶᬂᬓ᭄ᬯᬾᬄᬦᬶᬭᬪᬾᬤᬭᬶᬲᬢᬸᬯᬸᬓᬸᬯ᭄ᬯᬵᬗ᭄ᬤᬾᬳᬍᬧ᭄ᬦᬶᬂᬧᬸᬭᬵ᭛ᬮ᭄ᬯᬶᬃ ᬘ᭄ᬘᬦ᭄ᬤ᭄ᬭᬵᬭᬸᬡᬢᬾᬓᬦᬂᬧᬸᬭᬭᬶᬢᬶᬓ᭄ᬢᬰ᭄ᬭᬷᬨᬮᬦᭀᬧᬫ᭞ᬢᬾᬚᬵᬗ᭄ᬕᭃᬄᬦᬶᬓᬦᬂᬓᬭᬲᬓᬸᬯᬸᬓᬸᬯ᭄ᬯᬓ᭄ᬯᬾᬄᬧᬤᬸᬤ᭄ᬯᬦ᭄ᬳᬍᬧ᭄᭞ᬮ᭄ᬯᬶᬃᬢ᭄ᬢᬵᬭᬵᬕ᭄ᬭᬳ᭠ᬢᬾᬓᬦᬂᬦᬵᬕᬭᬰᬾᬱᬦ᭄ᬦᬾᬓᬫᬸᬓ᭄ᬬᬂᬤᬳᬵ᭞ᬫ᭄ᬯᬂᬦᬹᬲᬱᬵᬦ᭄ᬢᬭᬲᬃᬯ᭄ᬯᬫᬡ᭄ᬟᬮᬶᬢᬵᬭᬵᬱ᭄ᬝ᭄ᬭᬵᬗᬰ᭄ᬭᬬᬵᬓ᭄ᬯᬾᬄᬫᬋᬓ᭄᭛ ᭜ ᭛ᬮ᭄ᬯᬶᬃᬦᬶᬂᬦᬹᬱᬧ᭄ᬭᬦᬹᬱᬧ᭄ᬭᬫᬸᬓᬲᬓᬳᬯ᭠ ᬢ᭄‌ᬓ᭄ᬱᭀᬡᬷᬭᬶᬫᬮᬬᬸ᭞ᬦᬂᬚᬵᬫ᭄ᬩᬶᬫ᭄ᬯᬂᬧᬮᬾᬫ᭄ᬩᬂᬓᬭᬶᬢᬗᬶᬢᭂᬩᬮᬾᬦ᭄‌ᬥᬃᬫ᭄ᬫᬵᬰ᭄ᬭᬬᬢᬸᬫᬹᬢ᭄᭞ᬓᬡ᭄ᬟᬳᬶᬫ᭄ᬓᬮ᭄ᬯᬲ᭄ᬫᬦᬂᬓᬩ᭄ᬯᬭᬶᬲᬶᬬᬓᬶᬋᬓᬵᬦ᭄‌ᬓᬵᬫ᭄ᬧᬃᬫ᭄ᬯᬗᬶᬧᬦᬾ᭞ᬓᬵᬫ᭄ᬧᬾᬳᬭ᭄ᬯᬵᬣᬯᬾᬫᬡ᭄ᬟᬳᬶᬮᬶᬗᬶᬢᬸᬫᬶᬳᬂᬧᬃᬮ᭄ᬮᬵᬓ᭄‌ᬫ᭄ᬯᬗᬶᬩᬭᬢ᭄᭛ᬳᬶᬮ᭄ᬯᬲ᭄ᬮᬵᬯᬦ᭄ᬲᬫᬸᬤ᭄ᬭᬫ᭄ᬯᬗᬶᬮᬫᬸᬭᬶᬩᬢᬦ᭄ᬮᬵᬫ᭄ᬧᬸᬂᬫ᭄ᬯ᭠

Leaf 6

kakawin-negara-kertagama-c 6.jpeg

Image on Archive.org

[᭖ 6B] ᭖᭞ ᬗᬶᬩᬭᬸᬲ᭄᭞ᬬᬾᬓᬵᬥᬶᬦ᭄ᬬᬂᬯᬢᭂᬓ᭄‌ᬪᬹᬫᬶᬫᬮᬳᬸᬲᬢᬦᬄᬓᬧ᭄ᬯᬵᬫᬢᭂᬳᬦᬹᬢ᭄᭞ᬮᬾᬦ᭄ᬢᬾᬓᬂᬦᬹᬱᬢᬜ᭄ᬚᬸᬂᬦᬵᬕᬭᬭᬶᬓᬧᬸᬳᬲ᭄ᬮᬯᬦ᭄ᬭᬶᬓᬭᬶᬗᬵᬦ᭄᭞ᬲᬵᬫ᭄ᬧᬶᬢ᭄‌ᬫ᭄ᬯᬂᬓᬸᬣᬮᬶᬗ᭄ᬕᬫ᭄ᬯᬗᬶᬓᬸᬝᬯᬭᬶᬗᬶᬦ᭄‌ᬲᬫ᭄ᬩᬲ᭄ᬫ᭄ᬯᬗᬶᬮᬯᬾ᭛ ᭜ ᭛ᬢᬥᬂᬥᬗᬦᬶᬮᬡ᭄ᬟᬮᬾᬦ᭄ᬭᬶᬲᬫ᭄ᬥᬂᬢᬶᬋᬫ᭄ᬕᬦ᭄ᬓᬲᬄ᭞ᬭᬶᬲᬾᬥᬸᬗᬸᬭᬸᬦᬾ᭠ ᬭᬶᬓᬮ᭄ᬓᬲᬮᬸᬥᬸᬂᬭᬶᬲᭀᬮᭀᬢ᭄‌ᬧᬭᬶᬲ᭄᭞ᬩᬭᬶᬢ᭄ᬯᬶᬲᬯᬓᬸᬫᬸᬯᬄᬭᬶᬢᬩᬮᬸᬂᬭᬶᬢᬸᬜ᭄ᬚᬸᬂᬓᬸᬢᬾ᭞ᬮᬯᬦ᭄ᬭᬶᬫᬮᬦᭀᬫᬓᬧ᭄ᬭᬫᬸᬓᬢᬭᬶᬢᬜ᭄ᬚᬸᬂᬧᬸᬭᬶ᭛ᬇᬓᬂᬲᬓᬳᬯᬦ᭄‌ᬧᬳᬂᬧ᭄ᬭᬫᬸᬓᬢᬂᬳᬸᬚᬸᬂᬫᬾᬤᬶᬦᬶ᭞ᬭᬶᬍᬗ᭄ᬓᬲᬸᬓᬮᬾᬦ᭄ᬭᬶᬲᬾᬫ᭄ᬯᬗᬶᬓᬮᬦ᭄ᬢᭂᬦᬶᬢ᭄ᬭᬶᬗ᭄ᬕᬦᭀ᭞ᬦᬰᭀᬧᬓᬫᬸᬯᬃᬥᬸᬗᬸᬦ᭄ᬭᬶᬢᬸᬫᬲᬶᬓ᭄‌ᬭᬶᬲᬂᬳ᭄ᬬᬂᬳᬸ ᬚᬸᬂ᭞ᬓ᭄ᬮᬂᬓᭂᬥᬚ᭄ᬭᬾᬭᬶᬓᬜ᭄ᬚᬧᬶᬦᬶᬭᬵᬦ᭄‌ᬲᬦᬸᬱᬧᬸᬧᬸᬮ᭄᭛ᬲᬯᬾᬢᬦᬶᬓᬦᬂᬢᬦᬄᬚᬯᬫᬸᬯᬄᬬᬯᬃᬡ᭄ᬦᬦᭂᬦ᭄᭞ᬭᬶᬩᬮ᭄ᬮᬶᬫᬓᬫᬸᬓ᭄ᬬᬢᬂᬩᬥᬳᬸᬮᬸᬫ᭄ᬯᬗᬶᬮ᭄ᬯᬵᬕᬚᬄ᭞ᬕᬸᬭᬸᬦ᭄ᬫᬓᬫᬸᬓᬲᬸᬓᬸᬦ᭄‌ᬭᬶᬢᬮᬶᬯᬂᬭᬶᬥᭀᬫ᭄ᬧᭀᬲᬧᬶ᭞ᬭᬶᬲᬂᬳ᭄ᬬᬂᬗᬧᬶᬪᬷᬫᬰᭂᬭᬦᬶᬳᬸᬢᬦ᭄ᬓᬥᬮ᭄ᬬᬵᬧᬸᬧᬸᬮ᭄᭛ᬫᬸᬯᬄᬢᬗᬶᬕᬸᬭᬸᬦ᭄ᬲᬦᬹᬱ᭠ ᬫᬗᬭᬦ᭄ᬭᬶᬮᭀᬫ᭄ᬩᭀᬓ᭄ᬫᬶᬭᬄ᭞ᬮᬯᬦ᭄ᬢᬶᬓᬗᬶᬲᬵᬓ᭄ᬱᬓᬵᬤᬶᬦᬶᬓᬮᬸᬓᬳᬚ᭄ᬬᬦ᭄ᬓᬩᬾᬳ᭄᭞ᬫᬸᬯᬄᬢᬦᬳᬶᬩᬵᬦ᭄ᬢᬬᬦ᭄ᬧ᭄ᬭᬫᬸᬓᬩᬵᬦ᭄ᬢᬬᬦ᭄ᬮᬾ᭠ᬦ᭄‌ᬮᬸᬯᬸᬓ᭄᭞ᬢ᭄ᬓᭂᬗᬸᬥᬫᬓᬢ᭄ᬭᬬᬵᬤᬶᬦᬶᬓᬦᬂᬲᬦᬹᬱᬵᬧᬸᬧᬸᬮ᭄᭛ᬇᬢᬂᬲᬓᬲᬦᬹᬱᬫᬓᬲᬃᬩᬸᬢᬸᬦ᭄‌ᬩᬗ᭄ᬕᬯᬷ᭞ᬓᬸᬦᬶᬃᬕ᭄ᬕᬮᬶᬬᬉᬫ᭄ᬯᬗᬶᬲᬮᬬᬲᬹᬫ᭄ᬩᬲᭀᬮᭀᬢ᭄ [᭗ 7A] ᬫᬸᬅᬭ᭄᭞ᬫᬸᬯᬄᬢᬶᬓᬗᬶᬯᬡ᭄ᬟᬦᬫ᭄ᬩ᭄ᬯᬦᬵᬣᬧᬫᬮᭀᬓᭀᬯ᭄ᬯᬦᬶᬦ᭄᭞ᬭᬶᬲᬾᬭᬦᬶᬢᬶᬫᬹᬃᬫᬓᬵᬤᬶᬦᬶᬗᬗᬾᬓᬦᬹᬱᬵᬢᬸᬢᬸᬭ᭄᭛ ᭜ ᭛ᬦᬵᬳᬦ᭄‌ᬮ᭄ᬯᬶᬃᬦᬶᬂᬤᬾᬰᬵᬦ᭄ᬢᬭᬓᬘᬬᬤᬾᬰ᭄ᬭᬷᬦᬭᬧᬢᬶ᭞ᬢᬸᬳᬸᬦ᭄‌ᬢᬂᬲ᭄ᬬᬗ᭄ᬓᬵᬬᭀᬥ᭄ᬬᬧᬸᬭᬓᬶᬫᬸᬢᬂᬥᬃᬫ᭄ᬫᬵᬦᬵᬕᬭᬷ᭞ᬫᬭᬹᬢ᭄ᬫᬫ᭄ᬯᬭᬶᬂᬭᬵᬚᬧᬸᬭᬗᬸᬦᬶᬯᬾᬄᬲᬶ᭠᭞ ᬗ᭄ᬳᬦᬕᬭᬷ᭞ᬭᬶᬘᬵᬫ᭄ᬧᬓᬵᬫ᭄ᬩᭀᬚᬵᬦ᭄ᬬᬢᬶᬬᬯᬦᬫᬶᬢ᭄ᬭᬾᬓᬲᬢᬢᬵ᭛ᬓᬸᬦᬂᬢᬾᬓᬂᬦᬸᬱᬫᬥᬸᬭᬢᬢᬵᬦᬶᬂᬮ᭄ᬯᬶᬂᬧᬭᬧᬸᬭᬷ᭞ᬭᬶᬤᬾᬜᬵᬦ᭄ᬢᬸᬗ᭄ᬕᬮ᭄‌ᬫᬂᬬᬯᬥᬭᬡᬶᬭᬓ᭄ᬯᬾᬓᬦᬤᬗᬹ᭞ᬲᬫᬸᬤ᭄ᬭᬦᬗ᭄ᬕᬸᬂᬪᬹᬫᬶᬓ᭄ᬢᬓᬓᬓᬮᬦ᭄ᬬᬓᬋᬗᭃ᭞ᬢᭂᬯᭂᬦ᭄ᬦ᭄ᬬᬦ᭄ᬤᬜᬵᬧᬵᬦ᭄ᬢᬭᬲᬲᬶᬓᬶᬢᬢ᭄ᬯᬦ᭄ᬬᬢᬦᬤᭀᬄ᭛ᬳᬸᬯᬸᬲ᭄‌ᬭᬩ᭄ᬥᬂ ᬤ᭄ᬯᬷᬧᬵᬦ᭄ᬢᬭᬲᬸᬫᬶᬯᬶᬭᬶᬰ᭄ᬭᬷᬦᬭᬧᬢᬶ᭞ᬧᬥᬵᬲ᭄ᬣᬶᬢ᭄ᬬᬯ᭄ᬯᬢ᭄ᬧᬵᬳᬸᬥᬫᬯᬶᬚᬶᬮᬗ᭄ᬓᭂᬦ᭄‌ᬧ᭄ᬭᬢᬶᬫᬲ᭞ᬲᬓᬾᬓᭀᬢ᭄ᬲᬵᬳᬦ᭄‌ᬲᬂᬧ᭄ᬭᬪᬹᬭᬶᬲᬓᬳᬬ᭄ᬯᬦ᭄ᬬᬦᬶᬦᬶᬯᭃ᭞ᬪᬹᬚᬗ᭄ᬕᬫ᭄ᬯᬂᬫᬦ᭄ᬢ᭄ᬭᬷᬦᬸᬢᬸᬲᬸᬫᬳᬮᭀᬢ᭄‌ᬧᬢ᭄ᬢᬶᬲᬢᬢᬵ᭛ ᭜ ᭛ᬓ᭄ᬭᬫᬦᬶᬓᬲᬂᬪᬹᬚᬗ᭄ᬕᬦᬸᬫᬭᬾᬂᬤᬶᬕᬦ᭄ᬢᬭᬤᬗᬹ᭞ᬳᬶᬦᬶᬮᬳᬶᬮᬵᬦ᭄‌ᬲ᭄ᬯᬓᬵᬃᬬ᭄ᬬᬚ ᬕᬤᭀᬦᬢᬦ᭄ᬲ᭄ᬯᬗᬮᬳᬵ᭞ᬯ᭄ᬦᬗᬶᬓᬬᬦ᭄‌ᬧᬓᭀᬦ᭄‌ᬦᬺᬧᬢᬶᬲᬶᬂᬧᬭᬵᬦᬢᬓᬸᬦᬂ᭞ᬫᬕᭂᬳᬓ᭄ᬦᬰᬶᬯᬕᬫᬨᬮᬦ᭄ᬬᬢᬦ᭄‌ᬧᬦᬤᬭ᭛ᬓᬸᬦᬗᬶᬓᬲᬂᬪᬹᬚᬗ᭄ᬕᬲᬸᬕᬢᬩ᭄ᬭᬢᬾᬓᬶᬓᬋᬗᭃ᭞ᬅᬯᬶᬢᬸᬯᬶᬦᬚᬳᬚ᭄ᬬᬢᬦᬲᬶᬂᬲᬧᬭᬦᬦ᭄ᬢᬶᬓᬵ᭞ᬳᬶᬦᬶᬮᬳᬶᬮᬲᬓᬸᬮ᭄ᬯᬦᬶᬓᬦᬂᬢᬦᬄᬚᬯᬓᬩᬾᬄ᭞ᬢᬬ

Leaf 7

kakawin-negara-kertagama-c 7.jpeg

Image on Archive.org

[᭗ 7B] ᭗᭞ ᬭᬶᬗᬸᬲᬵᬦᬩᭀᬤ᭄ᬥᬫᬭᬭᬓ᭄ᬯᬲᬫ᭄ᬪᬯᬢᬶᬦᬹᬢ᭄᭛ᬢᬸᬳᬸᬦᬶᬓᬦᬂᬤᬶᬕᬦ᭄ᬢᬭᬲᬯᬾᬢᬦᬶᬂᬬᬯᬥᬭ᭞ᬇᬕᬸᬭᬸᬦᬶᬜᬮᬶᬫᬸᬓ᭄ᬬᬓᬯ᭄ᬦᬂᬧᬭᬵᬦᬦ᭄ᬢᬶᬓᬵ᭞ᬲᬫᬵᬬᬦᬶᬭᬂᬫᬳᬵᬫᬸᬦᬶᬪᬭᬥᬭᬓ᭄ᬯᬢᬫᬧᬕᭂᬄ᭞ᬮᬯᬦᬶᬓᬲᬂᬫᬸᬦᬶᬦ᭄ᬤ᭄ᬭᬓᬸᬢᬸᬭᬦ᭄‌ᬧ᭄ᬭᬓᬵᬰᬢᬋᬗᭃ᭛ᬓᬭᬡᬦᬶᬲᬂᬪᬹᬚᬗ᭄ᬕᬢᬶᬦᬶᬢᬄᬭᬶᬮᬓ᭄ᬯᬭᬲᬶᬓ᭞ ᬇᬓᬗᬶᬦᬸᬢᬸᬲᬗᬸᬮ᭄ᬯᬦᬗᬯᬾᬢᬦᬓ᭄ᬭᬫᬳᬸᬯᬸᬲ᭄᭞ᬲᬚᬶᬲᬚᬶᬦᬶᬂᬮᬸᬫᬓ᭄ᬯᬓ᭄ᬦᬶᬲᬵᬚᬲᬂᬦᬭᬧᬢᬷ᭞ᬲᬯᬶᬓᬸᬲᬤᬵᬬᬦᬵᬗᬸᬚᬭᬯᬾᬄᬋᬲᭂᬧᬶᬗᬸᬫᬸᬮᬢ᭄᭛ᬇᬭᬶᬓᬢᬗᬦ᭄ᬬᬪᬹᬫᬶᬲᬓᬳᭂᬫ᭄ᬩᬦᬶᬂᬬᬯᬧᬸᬭᬷ᭞ᬅᬫᬢᭂᬳᬶᬲᬵᬚᬲᬂᬦᬺᬧᬢᬶᬓᬮ᭄ᬯᬲᬢ᭄ᬬᬭᬶᬗᬸᬮᬄ᭞ᬧᬶᬢᬸᬯᬶᬲᬶᬗᬵᬚᬮᬗ᭄ᬖ᭄ᬬᬦᬤᬶᬦᭀᬦ᭄‌ᬯᬶᬰᬶᬃᬖ᭄ᬦᬲ᭠ ᬳᬦ᭞ᬢ᭄ᬓᬯᬶᬓᬦᬂᬯᬢᭂᬓ᭄‌ᬚᬮᬥᬶᬫᬦ᭄ᬢ᭄ᬭ᭄ᬬᬦᬾᬓᬲᬸᬬᬰ᭛ ᭜ ᭛ᬲᬫ᭄ᬧᬸᬦ᭄‌ᬭᬦ᭄ᬥᬕᭂᬄᬦ᭄ᬬᬤᭂᬕ᭄‌ᬦᬺᬧᬢᬶᬭᬶᬬᬯᬥᬭᬡᬶᬚᬬᬾᬂᬤᬶᬕᬦ᭄ᬢᬭ᭞ᬗ᭄ᬓᬵᬦᬾᬂᬰ᭄ᬭᬷᬨᬮᬢᬶᬓ᭄ᬢᬦᬵᬕᬭᬲᬶᬭᬵᬦ᭄‌ᬲᬶᬦᬶᬯᬶᬫᬸᬮᬳᬓᭂᬦ᭄‌ᬚᬕᬤ᭄ᬥᬶᬢᬵ᭞ᬓᬶᬃᬡ᭄ᬦᬓᬂᬬᬰᬓᬷᬃᬢ᭄ᬢᬶᬥᬃᬫ᭄ᬫᬕᬶᬦᬯᬾᬦᬶᬭᬦᬦᬸᬓᬦᬶᬩᬸᬤ᭄ᬥᬶᬦᬶᬂᬧᬭ᭞ᬫᬦ᭄ᬢ᭄ᬭᬷᬯᬶᬧ᭄ᬭᬪᬹᬚᬗ᭄ᬕᬲᬗ᭄ᬲᬫᬯᬶᬦᬾᬄᬯᬶᬪᬯᬢᬸᬫᬸᬢᬓᬷᬃᬢ᭄ᬢᬶᬭᬶᬂᬚᬕᬢ᭄᭛ᬕᭃᬂᬦᬶᬂᬯᬶᬃᬬ᭄ᬬᬯᬶᬪᬹᬢᬶᬓᬕ᭄ᬭᬳᬢ᭄ᬓᬧ᭄‌ᬦᬺᬧᬢᬶᬢᬸᬳᬸᬢᬳᬹᬢ᭄ᬢᬫᬧ᭄ᬭᬪᬹ᭞ᬮᬷᬮᬵᬦᭀᬭᬓᬲᬗ᭄ᬰᬬᬵᬦᬶᬭᬦᬦᬫ᭄ᬢᬫᬶᬲᬸᬓᬲᬓᬳᬵᬃᬱᬦᬶᬂᬫᬦᬄ᭞ᬓᬵᬜᬵᬲᬶᬭᬳᬚᭃᬭᬶᬚᬗ᭄ᬕᬮᬮᬯᬦ᭄‌ᬭᬶᬓᬥᬶᬭᬶᬧᬶᬦᬶᬮᬶᬄᬲᬲᬫ᭄ᬪᬯ᭞ᬅᬲ᭄ᬢᬵ᭠ [᭘ 8A] ᬫ᭄ᬢᬂᬓᬳᬜᬂᬲᬓᬾᬧᬭᬧᬸᬭᬵᬲᬶᬗᬋᬚᬯᬶᬦᬯᬾᬤᬍᬫ᭄ᬧᬸᬭᬶ᭛ᬲᬮ᭄ᬯᬵᬦᬶᬂᬬᬯᬪ᭄ᬤᬫᬶᬩᬸᬮ᭄ᬬᬦᬕᬭᬷᬲᬲᬶᬓᬶᬭᬶᬧᬗᬤᭂᬕ᭄‌ᬦᬭᬵᬥᬶᬧᬵ᭞ᬫᬾᬯ᭄ᬯᬶᬯ᭄ᬯᬂᬚᬦᬤᬾᬰᬢᬸᬮ᭄ᬬᬓᬸᬯᬸᬦᬶᬂᬩᬮᬫᬗᬶᬥᭂᬭᬶᬓᬡ᭄ᬝᬦᬶᬂᬧᬸᬭᬷ᭞ᬲᬂᬮ᭄ᬯᬶᬃᬦᬶᬂᬧᬭᬓᬸᬱᬵᬢᬸᬮ᭄‌ᬦᬶᬓᬣᬵᬦᬶᬯᬶᬱᬬᬯᬶᬦᬳᬲᬸᬓᬾᬦᬭᬶᬲ᭄᭞ᬮ᭄ᬯᬶᬭᬹᬤ᭄ᬬᬦᬢᬶᬓᬂᬯ᭠ ᬦᬵᬤ᭄ᬭᬶᬲᬳᬦᬜᬚᬶᬦᬚᬃᬳᬶᬭᬢᬦ᭄ᬧᬦᬗ᭄ᬰᬬ᭛ᬩᬵᬃᬬ᭄ᬬᬦ᭄‌ᬱᬵᬲᬭᬶᬲᬵᬫ᭄ᬧᬸᬦᬶᬂᬰᬶᬰᬶᬭᬶᬓᬵᬮᬲᬶᬭᬫᬓᬲᬳᬲ᭄ᬫᬘᬂᬓ᭄ᬭᬫ᭞ᬯᬦ᭄ᬢᭂᬦ᭄‌ᬣᬵᬦ᭄ᬬᬗᬭᬦ᭄‌ᬭᬶᬲᬶᬫᬓᬶᬤᬸᬮᬶᬚᬮᬕᬶᬭᬶᬫᬗᬯᬾᬦᬸᬶᬕᬦᬶᬂᬧᬸᬭᬵ᭞ᬭᬵᬫ᭄ᬬᬵᬧᬦ᭄‌ᬧᬧᬸᬦ᭄ᬦᬕ᭄ᬬᬦᬶᬂᬚᬕᬢᬶᬓᬵᬮᬦᬶᬂᬲᬯᬸᬗᬶᬓᬫᭀᬖᬢᬦ᭄ᬧ᭄ᬕᬢ᭄᭞ᬫ᭄ᬯᬂᬯᬾᬯᬾᬧᬶᬓᬢ᭠ ᬦ᭄‌ᬭᬶᬘᬡ᭄ᬟᬶᬮᬶᬫᬳᭀᬢ᭄ᬧᬭᬧᬭᬦᬶᬭᬢᬸᬱ᭄ᬝᬮᬵᬮᬦ᭛ᬬᬦ᭄ᬢᬦ᭄ᬫᬗ᭄ᬓᬫᬭᬾᬂᬨᬮᬄᬫᬋᬓᬶᬚᭃᬳ᭄ᬬᬗᬘᬮᬧᬢᬶᬪᬓ᭄ᬢᬶᬲᬵᬤᬭ᭞ᬧᬦ᭄ᬢᭂᬲ᭄᭠ᬬᬦ᭄ᬧᬦᬸᬮᬸᬲ᭄ᬥᬢᭂᬂᬭᬶᬩᬮᬶᬢᬃᬫ᭄ᬯᬗᬶᬚᬶᬫᬸᬭᬶᬰᬶᬮᬵᬳ᭄ᬭᬶᬢᬮ᭄ᬗᭃᬂ᭞ᬫᬸᬓ᭄ᬬᬂᬧᭀᬮᬫᬦᬶᬂᬤᬳᬾᬓᬸᬯᬸᬭᬶᬮᬶᬗ᭄ᬕᬫᬭᬩᬗᬸᬦᬶᬓᬮᬦᬾᬦᬸᬲᬷ᭞ᬬᬦ᭄‌ᬭᬶᬂᬚᬗ᭄ᬕᬮᬮᭀᬢ᭄ᬲ ᬪᬵᬦᬺᬧᬢᬶᬭᬶᬂᬲᬸᬭᬪᬬᬧᬦᬸᬮᬸᬲ᭄ᬫᬭᬾᬩᬸᬯᬸᬫ᭄᭛ᬭᬶᬗ᭄ᬰᬵᬓᬵᬓ᭄ᬱᬢᬶᬲᬹᬃᬬ᭄ᬬᬲᬂᬧ᭄ᬭᬪᬹᬫᬳᬲ᭄‌ᬭᬶᬧᬚᬗᬶᬦᬶᬭᬶᬗᬶᬂᬲᬦᬵᬕᬭ᭞ᬬ᭄ᬬᬫᬵᬲᬶᬭᬫᬮᬾᬲᭂᬫᬳᬯᬦᬷᬢᬷᬭᬦᬶᬂᬧᬲᬶᬭ᭄᭞ᬭᬶᬤ᭄ᬯᬵᬭᬵᬤ᭄ᬯᬶᬧᬦᬾᬦ᭄ᬤᬸᬧᬍᬗᭂᬗᭂᬳᬶᬭᬾᬗ᭄ᬚᬮᬥᬶᬓᬶᬤᬸᬮᬢᬹᬢ᭄ᬯᬦᬵᬮᬭᬶᬲ᭄᭞ᬗ᭄ᬓᬵᬦᬾᬂᬮᭀᬥᬬᬮᬾᬦ᭄ᬢᭂᬢᭃᬭᬶᬲᬶ

Leaf 8

kakawin-negara-kertagama-c 8.jpeg

Image on Archive.org

[᭘ 8B] ᭘᭞ ᬥᭂᬫᬦ᭄‌ᬚᬶᬦᬚᬳᬶᬭᬮᬗᭃᬦ᭄ᬬᬬᬾᬦᬶᬢᬸᬂ᭛ᬦ᭄ᬤᬵᬦ᭄‌ᬭᬶᬂᬰᬵᬓᬰᬰᬗ᭄ᬓᬦᬵᬕᬭᬯᬶᬪᬤ᭄ᬭᬧᬥᬫᬲᬭᬶᬢᬵᬫ᭄ᬩ᭄ᬯᬗᬶᬂᬯᬸᬮᬦ᭄᭞ᬲᬂᬰ᭄ᬭᬷᬭᬵᬚᬲᬦᬵᬕᬭᬵᬦ᭄ᬫᬳᬲᬳᬲ᭄‌ᬭᬶᬮᬫᬚᬗᬗᬶᬢᬸᬂᬲᬓᬾᬦ᭄ᬤ᭄ᬭᬶᬬᬦ᭄᭞ᬲᬓ᭄ᬯᬾᬄᬰ᭄ᬭᬷᬬᬯᬭᬵᬚᬲᬧ᭄ᬭᬶᬬᬫᬸᬯᬄᬢᬸᬫᬸᬢᬶᬳᬚᬶᬲᬪᬺᬢ᭄ᬬᬯᬵᬳᬦ᭞ᬫᬦ᭄ᬢ᭄ᬭᬷᬢᬡ᭄ᬟᬲᬯᬶᬮ᭄ᬯᬢᬶᬓ᭄ᬢᬗᬸᬦᬶᬯᬾᬄ ᬯᬳᬶᬓᬸᬳᬚᬶᬓᬯᬶᬭᬵᬚ᭄ᬬᬫᬂᬤᬸᬮᬸᬭ᭄᭛ᬗ᭄ᬓᬵᬦ᭄ᬢᬾᬓᬶᬂᬫᬧᬭᬩ᭄‌ᬧ᭄ᬭᬧᬜ᭄ᬘᬢᬸᬫᬸᬢᬂᬍᬗᭂᬗᬭᬶᬗᬶᬚᭃᬂᬦᬭᬾᬰ᭄ᬯᬭ᭞ᬢᬦ᭄ᬮᬾᬦ᭄‌ᬲᬗ᭄ᬓᬯᬶᬧᬸᬢ᭄ᬭᬲᬗ᭄ᬓᬯᬶᬲᬫᬾᬦᬓᬤᬶᬦᬸᬮᬸᬭᬦᬵᬦ᭄ᬫᬢᬾᬂᬫᬗᭃ᭞ᬥᬃᬫ᭄ᬫᬵᬥ᭄ᬬᬓ᭄ᬱᬓᬲᭀᬕᬢᬦ᭄‌ᬲᬶᬭᬢ᭄ᬓᬧ᭄ᬓᬭᬧᬭᬶᬲᬸᬫᬶᬮᬶᬄᬭᬶᬲᬂᬬᬬᬳ᭄᭞ᬲᬓ᭄ᬯᬾᬄᬲᬂᬯᬶᬓᬸᬩᭀᬤ᭄ᬥᬫᬂᬚᬸᬯᬸᬧᬥᬵᬗ ᬢᬸᬢᬸᬭᬓᭂᬦᬸᬮᬄᬦᬶᬭᬾᬂᬤᬗᬹ᭛ᬦ᭄ᬤᬵᬦ᭄ᬢᬶᬗ᭄ᬓᬄᬭᬓᬯᬶᬦ᭄ᬫᬋᬓ᭄‌ᬭᬶᬳᬚᬶᬤᬸᬕ᭄‌ᬭᬭᬬᬢᬸᬢᬸᬢᬰᬾᬯᬢᬦ᭄ᬲᬮᬄ᭞ᬧᬶᬦ᭄ᬭᬶᬄᬦ᭄ᬬᬾᬳᬢᬶᬭᬓ᭄ᬯᬫᬶ᭠ᬮ᭄ᬯᬲᬧᬭᬵᬧᬢᬶᬦᬫᬮᬃᬓᬲᬦ᭄ᬫᬢᬵ᭞ᬗ᭄ᬳᬶᬂᬢᬧ᭄ᬯᬦ᭄‌ᬯ᭄ᬭᬸᬳᬵᬧᬾᬢ᭄ᬮᬗᭃᬧᬶᬲᬦᬶᬗᬸᬦ᭄‌ᬢᭂᬢᭂᬲᬫᬫᬶᬦ᭄ᬢᬕᬷᬢᬭᬶᬂᬬᬬᬄ᭞ᬦᬵᬳᬾᬢᬸᬦ᭄ᬬᬓᬫᬃᬡ᭄ᬦᬤᬾᬰᬲᬓᬫᬃ ᬕ᭄ᬕᬵᬗᬭᬦᬶᬓᬭᬶᬦᬶᬜ᭄ᬘᬶᬢᬹᬢ᭄ᬳᬯᬦ᭄᭛ᬢᬵᬫ᭄ᬩᬾᬦᬶᬂᬓᬳᬯᬦ᭄‌ᬯᬶᬦᬵᬃᬡ᭄ᬦᬭᬶᬚᬧᬦ᭄‌ᬓᬸᬝᬶᬓᬸᬝᬶᬳᬦᬘᬡ᭄ᬥᬶᬲᬵᬓ᭄‌ᬋᬩᬄ᭞ᬯᬾᬢᬦ᭄ᬢᬂᬢᭂ᭠ᬩᬸᬧᬵᬡ᭄ᬟᬯᬦ᭄ᬭᬶᬤᬮᬸᬯᬂᬩᬩᬮᬫᬸᬯᬄᬳᬶᬓᬜ᭄ᬘᬶᬢᬦ᭄ᬫᬤᭀᬄ᭞ᬮᬾᬦ᭄ᬢᬾᬓᬂᬓᬸᬝᬶᬭᬵᬢ᭄ᬦᬧᬗ᭄ᬓᬚᬫᬸᬯᬄᬓᬸᬝᬶᬳᬚᬶᬓᬸᬢᬶᬧᬗ᭄ᬓᬚᬵᬤᬸᬮᬸᬭ᭄᭞ᬧᬜ᭄ᬚ᭄ᬭᬓ᭄ᬫᬡ᭄ᬟᬮ᭠ [᭙ 9A] ᬮᬾᬦ᭄‌ᬭᬶᬧᭀᬗᬶᬗᬶᬚᬶᬗᬦ᭄‌ᬓᬸᬯᬸᬳᬜᬭᬶᬲᬫᬶᬧᬦᬶᬗ᭄ᬳᬯᬦ᭄᭛ᬧ᭄ᬭᬵᬧ᭄ᬢᬾᬂᬥᬃᬫ᭄ᬫᬭᬶᬂᬧᬜ᭄ᬘᬰᬵᬭᬢᬸᬫᬸᬮᬸᬬ᭄‌ᬥᬢ᭄ᬗᬶᬓᬧᬸᬮᬸᬗᬦ᭄ᬲᬶᬭᬵᬫᬶᬮ᭄᭞ᬦ᭄ᬤᬵᬦ᭄ᬮᬫ᭄ᬧᬄᬭᬓᬯᬶᬮᬸᬫᬵᬃᬬ᭄ᬬᬫ᭄ᬕᬶᬮᬶᬂᬯᬭᬸᬭᬶᬕᭂᬭᬷᬗᬷᬢᬷᬭᬢᬦ᭄ᬫᬤᭀᬄ᭞ᬅᬗ᭄ᬕᬵᬗ᭄ᬕᭂᬄᬦ᭄ᬬᬢ᭄ᬓᬧ᭄‌ᬪᬝᬭᬓᬹᬝᬶᬭᬶᬂᬲᬸᬭᬬᬧᬕᭂᬄᬫᬭᬘᬶᬦᬵᬃᬘ᭄ᬙᬓᭂᬦ᭄᭞ᬗ᭄ᬳᬶᬂᬭᬓᬯᬦ᭄ᬓᬲ᭄ᬮᬂ ᬢᬸᬭᬸᬂᬫᬸᬮᬶᬳᬵᬫᭀᬖᬫᬢᬸᬢᬸᬭᬢᬶᬫᬵᬫ᭄ᬪ᭄ᬭᬫᬾᬂᬫᬜᭂ᭛ ᭜ ᭛ᬬ᭄ᬬᬗ᭄ᬓᬢ᭄‌ᬰ᭄ᬭᬷᬦᬵᬣᬲᬓᬾᬗ᭄ᬓᬧᬸᬮᬸᬗᬦᬶᬓᬦᬂᬭᬵᬚᬪᬺᬬᬸᬯᬗᬶᬭᬶᬂᬲᭃ᭠ᬓ᭄᭞ᬲᬮ᭄ᬯᬦᬶᬂᬭᬵᬚᬫᬵᬃᬕ᭄ᬕᬵᬧᬭᬶᬫᬶᬢᬳᬶᬩ᭄ᬓᬦ᭄‌ᬲ᭄ᬬᬦ᭄ᬤᬦᭀᬫ᭄ᬯᬢ᭄ᬫᬢᬵᬫ᭄ᬩᬓ᭄᭞ᬯ᭄ᬯᬂᬦᬶᬂᬯ᭄ᬯᬂᬧᬾᬓᬦᬶᬂᬧᬾᬓᬢ᭄ᬓᬲᬳᬧᬤᬵᬢᬷᬳᬋᬧ᭄‌ᬫ᭄ᬯᬂᬭᬶᬯᬸᬦ᭄ᬢᬢ᭄᭞ᬤᬹᬤ᭄ᬯᬂᬯᬤ᭄ᬯᬵᬥᬭ᭠ ᬢ᭄‌ᬲᭂᬄᬕᬶᬭᬶᬫᬶᬲᭂᬦᬫᭂᬥᬧ᭄‌ᬫ᭄ᬯᬂᬕᬚᬵᬰ᭄ᬯᬵᬤᬶᬓᬷᬃᬡ᭄ᬦ᭛ᬦᬶᬲ᭄ᬢᬦ᭄ᬬᬵᬰᬗ᭄ᬓ᭄ᬬᬢᬂᬲᬬᬵᬦ᭄ᬤᬦᬫᬧᬯᬶᬮᬗᬦ᭄ᬤᬾᬦᬶᬘᬶᬳ᭄ᬦᬦ᭄ᬬᬪᬾᬤ᭞ᬢᭂᬓ᭄ᬯᬦ᭄ᬮᬵᬫ᭄ᬧᬄ᭠ᬦᬶᬓᬵᬧᬡ᭄ᬝᬢᬸᬮᬶᬲᬷᬓᬤᬸᬤᬹᬭᬶᬲᬂᬫᬦ᭄ᬢ᭄ᬭᬷᬲᬫᬦ᭄ᬢ᭄ᬭᬶ᭞ᬭᬓ᭄ᬭ᭄ᬬᬦ᭄ᬲᬂᬫᬦ᭄ᬢ᭄ᬭᬶᬫᬸᬓ᭄ᬬᬵᬧᬢᬶᬳᬶᬫᬛᬧᬳᬶᬢ᭄‌ᬲᬂᬧ᭄ᬭᬡᬮᬾᬂᬗ᭄ᬓᬥᬢ᭄ᬯᬦ᭄᭞ᬧᬶᬦ᭄ᬢᭂᬦ᭄‌ᬫᬵᬯᬦ᭄ᬰᬢᬲ᭄ᬬᬦ᭄ᬤᬦᬧᬸ᭠ ᬮᬸᬧᬸᬮᬸᬳᬦ᭄ᬢᬾᬓᬶᬘᬶᬳ᭄ᬦᬦ᭄ᬬᬦᬾᬓᬵ᭛ᬲᬂᬰ᭄ᬭᬷᬦᬵᬣᬾᬂᬧᬚᬂᬓ᭄ᬯᬾᬄᬦᬶᬭᬣᬦᬶᬭᬧᬥᬵᬲᬶᬳ᭄ᬦᬦᬶᬂᬤᬶᬯᬰᬰ᭄ᬭᬷ᭞ᬦ᭄ᬤᬵᬦ᭄‌ᬰ᭄ᬭᬷᬦᬵᬣᬾᬂᬮᬲᭂᬫ᭄᭠ᬲᭃᬓ᭄‌ᬭᬣᬦᬶᬭᬫᬢᬸᬮᬶᬲ᭄‌ᬦᬦ᭄ᬤᬓᬰ᭄ᬯᬾᬢᬰᭀᬪᬵ᭞ᬲᬂᬰ᭄ᬭᬷᬦᬵᬣᬾᬂᬤᬳᬘᬶᬳ᭄ᬦᬲᬤᬳᬵᬓᬸᬲᬸᬫᬲ᭄ᬬᬦ᭄ᬤᬦᬵᬪ᭄ᬭᬵᬢᬸᬮᬶᬲ᭄ᬫᬲ᭄᭞ᬫᬸᬓ᭄ᬬᬂᬰ᭄ᬭᬷᬚᬷᬯᬦᬾᬦ᭄ᬤ᭄ᬭᬵᬫᬓᬝᬵ

Leaf 9

kakawin-negara-kertagama-c 9.jpeg

Image on Archive.org

[᭙ 9B] ᭙᭞ ᬲᬫᬲᬫᬘᬶᬳ᭄ᬦᬮᭀᬪᬾᬂᬍᬯᬶᬄᬲᭃᬦ᭄᭛ᬦ᭄ᬤᬦ᭄‌ᬲᬂᬰ᭄ᬭᬷᬢᬶᬓ᭄ᬢᬯᬶᬮ᭄ᬯᬧ᭄ᬭᬪᬹᬲᬓᬝᬦᬶᬭᬵᬰᬗ᭄ᬓ᭄ᬬᬘᬶᬳ᭄ᬦᬦ᭄ᬬᬯᬶᬮ᭄ᬯᬵ᭞ᬕ᭄ᬭᬶᬂᬗ᭄ᬲᬶᬂᬮᬾᬪᬾᬂᬍ᭠ᬯᬶᬄᬮᬵᬓᬧᬥᬢᬶᬦ᭄ᬦᬸᬮᬶᬲᬶᬂᬫᬵᬲ᭄ᬓᬚᬂᬦ᭄ᬬᬵᬦ᭄ᬭᬶᬦᭂᬗ᭄ᬕᬵ᭞ᬲᬮ᭄ᬯᬶᬃᬦᬶᬂᬧᬸᬗ᭄ᬕᬯᬵᬫ᭄ᬯᬢ᭄‌ᬩᬶᬦᬶᬳᬚᬶᬗᬸᬦᬶᬯᬾᬄᬇᬰ᭄ᬯᬭᬷᬰ᭄ᬭᬷᬲᬸᬤᬾᬯᬷ᭞ᬲᬓ᭄ᬯᬾᬄᬦᬶᬂᬧᬾᬓᬪᬵᬃᬬ᭄ᬬᬲᬓᬝᬵ ᬦᬶᬓᬵᬲᬶᬦᬂᬧᬗ᭄ᬕᬋᬧ᭄ᬦᬶᬂᬲᬧᬡ᭄ᬝ᭛ᬫᬸᬗ᭄ᬕ᭄ᬯᬶᬂᬧᬸᬦ᭄ᬢᬢ᭄‌ᬭᬣᬰ᭄ᬭᬷᬦᬺᬧᬢᬶᬭᬶᬦᬘᬦᬂᬲ᭄ᬯᬃᬡ᭄ᬦᬭᬵᬢ᭄ᬦᬧ᭄ᬭᬤᬷᬧ᭄ᬢ᭞ᬅᬦ᭄ᬬᬵᬢ᭄‌ᬮ᭄ᬯᬶᬃᬦ᭄ᬬᬢᬧᬶᬂᬚᬫ᭄ᬧᬦ᭠ᬲᬕᬮᬫᬯᬵᬮ᭄ᬯᬵᬳᬸᬮᬧ᭄‌ᬲᭃᬂᬦ᭄ᬬᬮᬸᬫ᭄ᬯ᭞ᬓᬶᬃᬡ᭄ᬦᬾᬂᬯᬤᬵᬗᬶᬭᬶᬂᬚᬗ᭄ᬕᬮᬓᬳᬶᬭᬶᬲ᭄ᬥᬄᬧᬂᬮᬭᬂᬲᭃᬓ᭄ᬫᬭᬫ᭄ᬧᬓ᭄᭞ᬆᬲ᭄ᬢᬫ᭄ᬢᬾᬓᬂᬪᬬᬂᬓᬵᬃᬬ᭄ᬬᬫᬯᬫᬯ᭠ ᬤᬸᬤᬹᬂᬪ᭄ᬭᬢ᭄ᬬᬫᬸᬗ᭄ᬕ᭄ᬯᬶᬂᬕᬚᬵᬰ᭄ᬯ᭛ᬦ᭄ᬤᬄᬧ᭄ᬭᬵᬧ᭄ᬢᬾᬂᬧᬜ᭄ᬘᬸᬭᬦ᭄‌ᬫᬸᬗ᭄ᬓᬸᬭᬢᬶᬓᬶᬮᬭᬶᬦᬶᬂᬲ᭄ᬬᬦ᭄ᬤᬦᬾᬜ᭄ᬚᬶᬂᬫᬭᬵᬃᬬ᭄ᬬᬦ᭄᭞ᬮᬫ᭄ᬧᬄᬦᬶᬂᬓᬯ᭄ᬬᬦᬶᬫ᭄ᬧᬂᬲᬸᬫᭂᬧᭂᬭᬶᬲᬯᬸᬗᬵᬦ᭄‌ᬫᬗ᭄ᬮᬯᬤ᭄‌ᬯᬦ᭄ᬥᬸᬯᬃᬕ᭄ᬕᬵ᭞ᬮᬶᬗ᭄ᬲᬶᬃᬦᬶᬂᬲᬸᬃᬬ᭄ᬬᬫᬗ᭄ᬓᬢᬋᬗᬶᬭᬶᬳᬮᬶᬯᬢ᭄‌ᬰ᭄ᬭᬷᬦᬭᬾᬦ᭄ᬤ᭄ᬭᬵᬦ᭄ᬮᬫᬫ᭄ᬧᬄ᭞ᬭᬹᬢ᭄ᬫᬵᬃᬕ᭄ᬕᬵᬫᬹᬃᬯ᭄ᬯᬰᬶᬖ᭄ᬭᬵᬦ᭄ᬥᬢ᭄ᬗᬷ ᬯᬢᬸᬓᬶᬓᬾᬦ᭄‌ᬭᬶᬫᬢᬜ᭄ᬚᬸᬂᬫᬭᬵᬃᬬ᭄ᬬᬦ᭄᭛ᬤᬾᬰᬲᬶᬫ᭄ᬧᬃᬓ᭄ᬓᬩᭀᬤ᭄ᬥᬦ᭄ᬓᬧᬋᬓᬶᬢ᭄ᬧᬶᬦᬶᬂᬫᬵᬃᬕ᭄ᬕᬵᬓᬬ᭄ᬯᬦ᭄ᬬᬧᭀᬃᬬ᭄ᬬᬂ᭞ᬧ᭄ᬭᬢ᭄ᬬᬾᬓᬦ᭄ᬬᬾᬕ᭠ᬮᬗ᭄ᬕᬂᬫᬸᬯᬳᬶᬓᬗᬶᬩᬥᬸᬂᬢᬦ᭄ᬫᬤᭀᬄᬫ᭄ᬯᬂᬩᬭᬸᬂᬩᬸᬂ᭞ᬢᬦ᭄ᬓᬵᬃᬬ᭄ᬬᬗᬾᬃᬫ᭄ᬫᬡᬶᬓ᭄‌ᬢᭀᬯᬶᬓᬯᬶᬰᬬᬭᬶᬬᬵᬦᬢ᭄ᬭᬬᬵᬗ᭄ᬕᭂᬄᬦ᭄ᬬᬫᬾᬗᭃᬢ᭄᭞ᬲᬂᬥᬃᬫ᭄ᬫᬵᬥ᭄ᬬᬓ᭄ᬱᬰᬶᬖ᭄ᬭ [᭑᭐ 10A] ᬦ᭄‌ᬲᬶᬦᬶᬕᭂᬳᬦᬶᬓᬭᬶᬂᬪᭀᬚᬦᬵᬧᬵᬦᬢᬸᬱ᭄ᬝ᭛ᬲᬵᬫ᭄ᬧᬸᬦ᭄‌ᬧ᭄ᬭᬵᬧ᭄ᬢᬾᬓᬸᬮᬸᬃᬫ᭄ᬯᬂᬩᬢᬗᬶᬕᬗᬦᬲᭂᬫ᭄‌ᬢᬾᬓᬶᬮᬫ᭄ᬧᬄᬦᬭᬾᬦ᭄ᬤ᭄ᬭᬵ᭞ᬢᬶ᭠ᬲ᭄ᬢᬶᬲ᭄‌ᬳ᭄ᬬᬂᬲᬹᬃᬬ᭄ᬬᬧᬶᬦ᭄ᬢᭂᬦ᭄‌ᬖᬝᬶᬢᬧᬶᬢᬸᬲᬶᬋᬫ᭄ᬓᬵᬫᬸᬓᬦ᭄ᬲᬗ᭄ᬳᬸᬩᬯ᭄ᬭᬵ᭞ᬲ᭄ᬓᬦ᭄ᬥᬵᬯᬵᬭᬾᬢ᭄ᬗᬄᬦᬶᬂᬳᬭᬳᬭᬤᬶᬦᬸᬦᬸᬂᬰ᭄ᬭᬷᬦᬭᬾᬦ᭄ᬤ᭄ᬭᬓᬫᬦ᭄ᬢ᭄ᬬᬦ᭄᭞ ᬧ᭄ᬭᬵᬧ᭄ᬢᬵᬂᬯ᭄ᬬᬵᬧᬵᬭᬲᬵᬫ᭄ᬧᬸᬦ᭄‌ᬧᬦᬥᬳᬶᬭᬫᬦᬸᬫ᭄‌ᬲ᭄ᬣᬵᬦᬢᬾᬓᬶᬂᬯ᭄ᬯᬗᬓ᭄ᬯᬾᬄ᭛ ᭜ ᭛ᬏᬜ᭄ᬚᬶᬂᬬ᭄ᬬᬃᬗ᭄ᬓᬢᬶᬭᬂᬦᬭᬾᬦ᭄ᬤ᭄ᬭᬵᬥᬢ᭄ᬗᬗ᭄ᬳᬶᬦᭂᬧᬶᬪᬬᬮᬗᬵᬢᬶᬕᬂᬓᬸᬍᬫ᭄᭞ᬲᬄᬲᬗ᭄ᬓᬾᬭᬶᬓᬢᬂᬓᭂᬤᬸᬤᬯᬭᬫᬾᬚᬦᬧᬤᬓᬳᬮᬶᬦ᭄ᬢᬗᬦ᭄ᬳᬸᬯᬸᬲ᭄᭞ᬭᬶᬂᬮᬫ᭄ᬧᭂᬲ᭄‌ᬭᬶᬢᬶᬫᭂᬲ᭄ᬫᬸᬯᬄᬓᬸᬝᬶᬭᬶᬧᭀᬕᬭᬓᬳ᭄ᬦ᭠ ᬍᬩᬸᬄᬦᬶᬓᬕᭂᬢ᭄᭞ᬫ᭄ᬯᬂᬭᬶᬗ᭄ᬫᬡ᭄ᬟᬮᬳᬫ᭄ᬩᬸᬮᬸᬢ᭄ᬭᬬᬢ᭄ᬓᬾᬥᬥᬧᬤᬸᬮᬸᬭᬶᬓᬂᬭᬯᬵᬮᬭᬶᬲ᭄᭛ᬯ᭄ᬯᬦ᭄ᬢᭂᬦ᭄‌ᬥᬃᬫ᭄ᬫᬵᬓᬲᭀᬕᬢᬦ᭄‌ᬧ᭄ᬭᬓᬵᬰᬶᬢᬾᬫᬤᬓᬭᬶᬧᬸᬭᬓᬲ᭄ᬢᬯᬾᬂᬮᬗᭃ᭞ᬲᬷᬫᬵᬦᬸᬕ᭄ᬭᬳᬪᬹᬧᬢᬶᬲᬗᬧᬢᬶᬄᬕᬚᬫᬤᬭᬘᬡᬦ᭄ᬬᬦᬸᬢ᭄ᬢᬫ᭞+ᬅᬫᬹᬃᬯ᭄ᬯᬳ᭄ᬦᬸᬢᬹᬢ᭄‌ᬳ᭄ᬦᬶᬭᬢᬵᬭᬢᬵᬦᬶᬓ᭠ ᬫᬳ᭄ᬦᭂᬢ᭄ᬢᬶᬫ᭄ᬩᬮᬳᬶᬂᬭᬣ᭞ᬅᬭᬵᬃᬬ᭄ᬬᬦᬶᬲᬫᬷᬧᬦᬶᬂᬢᬮᬕᬲᭂᬄᬰᬭᬲᬶᬚᬢᬭᬢᬾᬧᬥᬲ᭄ᬓᬭ᭄᭞ᬚ᭄ᬦᭂᬓ᭄ᬫᬶᬳᬢᬶᬧᭀᬲᬶᬓᬶᬂᬳᬓᬭᬭᬶᬂᬯ᭄ᬯᬬ᭠ᬳ᭄ᬦᬶᬗᬶᬤᬍᬫ᭄ᬦ᭄ᬬᬯᬲ᭄ᬧᬤ᭛ᬦ᭄ᬤᬢᬦ᭄ᬯᬶᬲᬭᬶᬢᬦ᭄ᬓᬮᬗ᭄ᬯᬦᬷᬓᬦᬂᬭᬡᬸᬫᬲᬸᬭᬯᬸᬬᬦ᭄ᬮᬯᬦ᭄ᬢᬲᬶᬓ᭄᭞ᬭᬶᬬᬗ᭄ᬓᬢᬶᬭᬲᬄᬘᬢᬶᬭᬶᬯ᭄ᬰᬶᬭᬶᬕᬸᬦ᭄ᬢᬸᬭᬲ᭄ᬦᭂᬢᬷᬲᬫᬷᬧᬦᬶᬂᬳ

Leaf 10

kakawin-negara-kertagama-c 10.jpeg

Image on Archive.org

[᭑᭐ 10B] ᭑᭐᭞ ᬯᬦ᭄᭞ᬓᬲᭀᬕᬢᬦᬶᬩᬚ᭄ᬭᬵᬓᬵᬗ᭄ᬰᬭᬶᬢᬮᬥ᭄ᬯᬚᬢ᭄ᬮᬲᬧᬕᭂᬄᬘᬶᬦᬃᬘ᭄ᬘᬵᬓᭂᬦ᭄᭞ᬤᬸᬮᬸᬃᬦ᭄ᬬᬭᬶᬧᬢᬸᬜ᭄ᬚᬸᬗᬦ᭄‌ᬓᬲ᭄ᬮᬗᬶᬩᬮᬢᬸᬭᬸᬗᬸᬫᬸᬮᬶᬄᬫᬭᬾᬗ᭄ᬓᬸᬝᬶ᭛ᬬᬢᬾᬓᬳᬶᬦᬮᬶᬦ᭄ᬢᬗᬦ᭄‌ᬫᬸᬯᬳᬫᬹᬃᬯ᭄ᬯᬫᬢᬸᬢᬮᬲᬶᬢᬷᬭᬦᬶᬂᬧᬲᬶᬭ᭄᭞ᬅᬭᬵᬃᬬ᭄ᬬᬵᬳᬦᬶᬭᬶᬓᬂᬧᬮᬸᬫ᭄ᬩ᭄ᬯᬦᬩᬸᬭᬸᬓ᭄ᬱᬡ᭄ᬮᬸᬫᬭᬶᬲᬶᬮᬶᬗ᭄ᬲᬶ᭠ ᬭᬶᬂᬭᬯᬶ᭞ᬪᬯᬶᬱ᭄ᬬᬳᬶᬮᬶᬦ᭄ᬢᬗᬶᬂᬮ᭄ᬯᬳᬶᬂᬭᬩᬸᬢ᭄‌ᬮᬯᬗᬦᬸᬚᬸᬲᬸᬭᬸᬤ᭄ᬦᬶᬂᬗᬫ᭄ᬧᬸᬳᬦ᭄᭞ᬮᬸᬭᬄᬦᬶᬩᬮᬢᬾᬭ᭄​ᬮᬶᬦᬓ᭄ᬯᬦᬶᬭᬮᬵᬮᬦᬫᬫᭂᬕᬶᬮᬷᬢᬷᬭᬦᬶᬂᬧᬲᬶᬭ᭄᭛ᬭᬶᬗᭂᬜ᭄ᬚᬶᬗᬳᬯᬦ᭄ᬓᬸᬦᬶᬃᬩᬲᬶᬦᬶᬲᬵᬓ᭄ᬱᬡᬥᬢ᭄ᬗᬶᬲᬥᬂᬲᬶᬭᬵᬫ᭄ᬕᬶᬮ᭄᭞ᬧᬶᬭᬂᬯ᭄ᬗᬳᬶᬓᬸᬦᭂᬂᬮᬯᬲ᭄ᬦᬶᬭᬚ᭄ᬦᭂᬓ᭄‌ᬫᬫ᭄ᬗᬫ᭄ᬗᬶᬲᬭᬫ᭄ᬧ᭄ᬯᬦᬂᬍ᭠ ᬗᭃᬂ᭞ᬭᬶᬲᬕ᭄ᬦᬶᬭᬯᬯᬂᬢ᭄ᬓᬾᬓᬸᬝᬩᬘᭀᬓ᭄‌ᬦᬭᬫᬢᬶᬦᬯᬶᬮᬵᬰᬭᬶᬂᬧᬲᬶᬭ᭄᭞ᬚ᭄ᬦᭂᬓ᭄ᬮᬸᬫᬶᬳᬢᬶᬂᬓᬭᬗ᭄ᬓᬶᬦᬲᬸᬢᬶᬂᬬ᭄ᬬᬃᬓᬲᬶᬭᬲᬶᬭᬢᬦ᭄ᬳᬶᬭᬶᬚᬯᬸᬄ᭛ᬢᬸᬳᬸᬦ᭄ᬭᬓᬯᬶᬢᬦ᭄ᬫᬭᬾᬓᬸᬝᬩᬘᭀᬓ᭄‌ᬤᬸᬫᬤᬓᬦᬸᬢᬶᬲᬶᬫ᭄ᬧᬗᬶᬂᬳᬯᬦ᭄᭞ᬅᬗᬹᬢ᭄ᬢᬫᬭᬲᬓᬾᬲᬥᬾᬂᬫᬳᬯᬦᬶᬂᬩᬮᬸᬗᬦᬸᬚᬸᬭᬶᬢᬹ ᬫ᭄ᬩᬸᬮᬾᬦ᭄ᬳᬩᭂᬢ᭄᭞ᬫᬸᬯᬄᬭᬶᬕᬮᬕᬄᬭᬶᬢᬦ᭄ᬧᬳᬶᬗᬗᬵᬦ᭄ᬢ᭄ᬬᬫ᭄ᬕᬶᬮᬶᬋᬡᭂᬲᬧ᭄ᬢ᭄ᬬᬦᬗ᭄ᬓᬶᬮᬵ᭞ᬅᬫᭀᬖᬵᬓᬧᬧᬮ᭄‌ᬦᬭᬾᬦ᭄ᬤ᭄ᬭᬵᬫᬳᬯ᭠ᬦ᭄ᬚᬬᬓᬺᬢᬭᬶᬯᬦᬕ᭄ᬭᬶᬬᬵᬮᬭᬶᬲ᭄᭛ ᭜ ᭛ᬭᬶᬥᭀᬦᬶᬩᭂᬡ᭄ᬝᭀᬧᬸᬭᬸᬳᬦ᭄ᬮᬯᬦ᭄ᬩᬘᭂᬓ᭄᭞ᬧᬓᬶᬰᬚᬶᬫ᭄ᬯᬂᬧᬙᬗᬦ᭄‌ᬲ᭄ᬘᬂ᭞ᬭᬶᬚᬵᬢᬶᬕᬸᬫ᭄ᬮᬃᬓ᭄ᬓᬯᬳᬵᬦ᭄ᬰᬶᬮᬵ [᭑᭑ 11A] ᬩᬗᭀ᭞ᬅᬗᬸᬢ᭄ᬢᬭᬾᬂᬤᬾᬯᬭᬫᬾᬢ᭄ᬓᬾᬥᬸᬓᬸᬦ᭄᭛ᬫᬸᬯᬄᬮᬸᬫᬵᬫ᭄ᬧᬄᬥᬢ᭄ᬗᬶᬂᬧᬓᬵᬫ᭄ᬩᬗᬦ᭄᭞ᬭᬶᬓᬵᬫ᭄ᬕᬶᬮ᭄‌ᬲᬂᬧ᭄ᬭᬪᬹᬲᬵᬓ᭄ᬱᬡᬵᬦ᭄ᬮᬓᬸ᭞ᬥᬢᬂᬢᬗ᭄ᬲᬶᬮ᭄‌ᬯ᭄ᬯᬶᬢᬦᬶᬂᬮᬸᬭᬄᬥᬬ᭞ᬮᬶᬦᬓ᭄ᬯᬦᬕ᭄ᬮᬶᬲ᭄‌ᬥᬢ᭄ᬗᬶᬂᬚᬸᬭᬂᬥᬍᬫ᭄᭛ᬇᬓᬂᬯᬳᬦ᭄ᬤᬸᬕ᭄ᬫᬗᬮᭀᬃᬲᬓᬾᬂᬢᬲᬶᬓ᭄᭞ᬭᬶᬲᬦ᭄ᬤᭂᬗᬦ᭄ᬤᭂᬦᬶᬓᬤᬸᬃ ᬕ᭄ᬕᬵᬫᬵᬭᬸᬧᭃᬓ᭄᭞ᬮᬸᬫᬸᬦ᭄ᬚᬯᬸᬄᬲᭂᬗ᭄ᬓᬦᬶᬓᬵᬦ᭄ᬧᬥᬵᬍᬬᭃ᭞ᬅᬦᬾᬓᬢᬂᬲ᭄ᬬᬵᬦ᭄ᬤᬦᬲᬓ᭄‌ᬲᬶᬮᬶᬄᬧᬕᬸᬢ᭄᭛ ᭜ ᭛ᬢᬸᬳᬸᬦ᭄ᬫᬕ᭄ᬮᬶᬲ᭄᭠ᬤᬸᬕ᭄‌ᬭᬶᬂᬧᬮᬬᬗᬦᬯᬃᬡ᭄ᬦᬵᬮᬬᬗᬤᭀᬄ᭞ᬭᬶᬩᬵᬂᬓᭀᬂᬓᭀᬗᬂᬢᬂᬯᬭᬦᬫᬫ᭄ᬕᬶᬮ᭄‌ᬰᬷᬖ᭄ᬭᬮᬸᬫᬭᬶᬲ᭄᭞ᬧᬥᬵᬫ᭄ᬭᬶᬄᬧ᭄ᬭᬵᬧ᭄ᬢᬭᬶᬂᬰᬭᬡᬭᬶᬓᬦᬂᬯ᭄ᬯᬂᬫᬰ ᬭᬡ᭞ᬯᬦᬾᬄᬰᬷᬖ᭄ᬭᬧ᭄ᬭᬵᬧ᭄ᬢᬾᬂᬲᬸᬭᬪᬱᬭᬩᬵᬤ᭄ᬦᬶᬂᬯ᭄ᬯᬗᬗᬳᬶᬭᬶᬂ᭛ᬲᬶᬋᬧ᭄ᬦᬶᬂᬗ᭄ᬯᬿᬫᬦ᭄ᬤᬵᬮᬗᬮᬗᬶᬢ᭄ᬢᬵᬦ᭄ᬬᬾᬗᬮᬗᬮᬂ᭞ᬭᬶᬘᬡ᭄ᬟ᭄ᬬᬵᬦ᭄ᬤᭂᬕ᭄ᬦ᭄ᬬᬵᬡ᭄ᬟᬳᭂᬮ᭄‌ᬲᬧᬶᬦᬶᬓᬯᬦᬾᬄᬧᬸᬄᬩᭂᬲᬸᬭᬗᬾᬮ᭄᭞ᬪᬯᬷᬱ᭄ᬬᬵᬬᬵᬦᬵᬗᬹᬢ᭄ᬢᬭᬬᬦᬗ᭄ᬤᬾᬰᬓᬳᬯᬦ᭄᭞ᬧᬥᬵᬰ᭄ᬯᬵᬗ᭄ᬓᬢ᭄ᬦ᭄ᬬᬵᬳ᭄ᬬᬵᬢᬓᬶᬢᬵᬓᬶᬢ᭄ᬓᬵᬭᬶᬧᬢᬸᬓ᭠ ᬗᬦ᭄᭛ ᭜ ᭛ᬢᬗᬾᬄᬬᬦ᭄ᬘᬭᬶᬢᬦ᭄‌ᬧ᭄ᬭᬢᬶᬗ᭄ᬓᬳᬶᬓᬦᬂᬲ᭄ᬯᬪᬺᬢ᭄ᬬᬫᬦ᭄ᬢ᭄ᬭ᭄ᬬᬤᬸᬮᬸᬭ᭄᭞ᬯᬃᬡ᭄ᬦᬦ᭄ᬢᬾᬓᬶᬥᬢᬂᬦᬶᬭᬾᬧᬢᬸᬓᬗᬦ᭄‌ᬲᬂᬰ᭄ᬭᬷᬦᬭᬾᬦ᭄ᬤ᭄ᬭᬵᬧᬸᬧᬸᬮ᭄᭞ᬗ᭄ᬓᬵᬦᬾᬂᬲᬵᬕᬭᬢᬷᬭᬓᬸᬮ᭄ᬯᬦᬶᬓᬵᬦᬂᬢᬵᬮᬵᬓᬺᬧᬮ᭄ᬯᬵᬭᬢᬵ᭞ᬮᭀᬃᬧᬃᬡ᭄ᬦᬄᬦ᭄ᬬᬲᬓᬾᬂᬧᬓᬸᬯ᭄ᬯᬦᬶᬭᬶᬓᬵᬗ᭄ᬕ᭄ᬯᬦ᭄‌ᬰ᭄ᬭᬷᬦᬭᬾᬦ᭄ᬤ᭄ᬭᬵᬫ᭄ᬕᬶᬮ᭄᭛

Leaf 11

kakawin-negara-kertagama-c 11.jpeg

Image on Archive.org

᭑᭑᭞ ᬲᬓ᭄ᬯᬾᬄᬲᬂᬧᬭᬫᬦ᭄ᬢ᭄ᬭ᭄ᬬᬫᬜ᭄ᬘᬦᬵᬕᬭᭀᬫᬸᬗ᭄ᬕ᭄ᬯᬶᬂᬧᬓᬸᬯ᭄ᬯᬦ᭄ᬓᬩᬄ᭞ᬫ᭄ᬯᬂᬲᬂᬥ᭄ᬬᬓ᭄ᬱᬧᬲᬗ᭄ᬕᬸᬄᬳᬵᬦ᭄‌ᬭᬲᬶᬓᬲᬂᬯᬗ᭄ᬰᬵᬥᬶᬭᬵᬚᭀᬫᬋᬓ᭞᭠ᬢᬦ᭄ᬧᬄᬲᬕ᭄ᬳᬸᬧᬧᬢ᭄ᬢ᭄ᬬᬦᬶᬦ᭄ᬤᬶᬢᬥᬗᬵᬰ᭄ᬘᬵᬃᬬ᭄ᬬᭀᬢ᭄ᬢᬭᬵᬦᭀᬧᬫ᭞ᬰᬿᬯᬵᬧᬜ᭄ᬚᬶᬫᬧᬵᬜ᭄ᬚᬶᬲᬵᬦ᭄ᬢᬭᬯᬶᬤᬕ᭄ᬥᬗᬵᬕᬫᬯ᭄ᬭᬸᬄᬓᬯᬷ᭛ ᭜ ᭛ᬦ᭄ᬤᬵ ᬦ᭄ᬫᬸᬓ᭄ᬬᬥᬶᬧᬢᬶᬂᬧᬓᬸᬯ᭄ᬯᬦᬧᬕᭃᬄᬲᬗᬵᬃᬬ᭄ᬬᬰᬹᬭᬵᬥᬶᬓᬵᬭ᭞ᬲᬓ᭄ᬯᬾᬄᬦᬶᬂᬚᬚᬳᬦ᭄‌ᬲᬓᬾᬧᬢᬸᬓᬗᬦ᭄‌ᬲᬵᬫ᭄ᬧᬸᬦ᭄ᬥᬢᬂᬢᬦ᭄ᬫᬲᭀᬯᬾ᭞ᬓᬧ᭄ᬯᬵᬲ᭄ᬭᬂᬫᬳᬢᬸᬃᬳᬢᬸᬃᬧᬥᬵᬲᬶᬦᬸᬗᬦ᭄ᬯᬲ᭄ᬢ᭄ᬭᬩᬸᬤ᭄ᬥᬶᬜᬢᬸᬱ᭄ᬝᬵ᭞ᬢᬸᬱ᭄ᬝᬦ᭄ᬬᬵᬗ᭄ᬤᬦᬶᬢᬸᬱ᭄ᬝᬭᬶᬦᬺᬧᬢᬶ ᬬ᭄ᬬᬦᬦ᭄ᬗᬄᬲᬗ᭄ᬓᬾᬬᬸᬚᬸᬂᬦᬶᬂᬲᬫᬸᬤ᭄ᬭ᭞ᬰ᭄ᬫᭁᬦᬶᬓᬦᬾᬓᬓᬶᬓᬶᬲ᭄ᬢᬶᬦᬧ᭄ᬦᬢ

Leaf 12

kakawin-negara-kertagama-c 12.jpeg

Image on Archive.org

Leaf 13

kakawin-negara-kertagama-c 13.jpeg

Image on Archive.org

Leaf 14

kakawin-negara-kertagama-c 14.jpeg

Image on Archive.org

Leaf 15

kakawin-negara-kertagama-c 15.jpeg

Image on Archive.org

Leaf 16

kakawin-negara-kertagama-c 16.jpeg

Image on Archive.org

Leaf 17

kakawin-negara-kertagama-c 17.jpeg

Image on Archive.org

Leaf 18

kakawin-negara-kertagama-c 18.jpeg

Image on Archive.org

Leaf 19

kakawin-negara-kertagama-c 19.jpeg

Image on Archive.org

Leaf 20

kakawin-negara-kertagama-c 20.jpeg

Image on Archive.org

Leaf 21

kakawin-negara-kertagama-c 21.jpeg

Image on Archive.org

Leaf 22

kakawin-negara-kertagama-c 22.jpeg

Image on Archive.org

Leaf 23

kakawin-negara-kertagama-c 23.jpeg

Image on Archive.org

Leaf 24

kakawin-negara-kertagama-c 24.jpeg

Image on Archive.org

Leaf 25

kakawin-negara-kertagama-c 25.jpeg

Image on Archive.org

Leaf 26

kakawin-negara-kertagama-c 26.jpeg

Image on Archive.org

Leaf 27

kakawin-negara-kertagama-c 27.jpeg

Image on Archive.org

Leaf 28

kakawin-negara-kertagama-c 28.jpeg

Image on Archive.org

Leaf 29

kakawin-negara-kertagama-c 29.jpeg

Image on Archive.org

Leaf 30

kakawin-negara-kertagama-c 30.jpeg

Image on Archive.org

Leaf 31

kakawin-negara-kertagama-c 31.jpeg

Image on Archive.org

Leaf 32

kakawin-negara-kertagama-c 32.jpeg

Image on Archive.org

Leaf 33

kakawin-negara-kertagama-c 33.jpeg

Image on Archive.org

Leaf 34

kakawin-negara-kertagama-c 34.jpeg

Image on Archive.org

Leaf 35

kakawin-negara-kertagama-c 35.jpeg

Image on Archive.org

Leaf 36

kakawin-negara-kertagama-c 36.jpeg

Image on Archive.org

Leaf 37

kakawin-negara-kertagama-c 37.jpeg

Image on Archive.org

Leaf 38

kakawin-negara-kertagama-c 38.jpeg

Image on Archive.org

Leaf 39

kakawin-negara-kertagama-c 39.jpeg

Image on Archive.org

Leaf 40

kakawin-negara-kertagama-c 40.jpeg

Image on Archive.org

Leaf 41

kakawin-negara-kertagama-c 41.jpeg

Image on Archive.org

Leaf 42

kakawin-negara-kertagama-c 42.jpeg

Image on Archive.org

[᭔᭓ 43] ᬭᬩ᭄‌ᬯᬶᬦᬵᬤᬦᬢᬧᬩ᭄ᬭᬢᬓᬺᬢᬚᬸᬕᬭᬶᬦᭂᬳᭂᬧ᭄᭞ᬫᬿᬢ᭄ᬭ᭄ᬬᬵᬲᬶᬳᬶᬂᬗᬮᬸᬮᬸᬢᬸᬯᬾᬓ᭄ᬱᬭᬶᬂᬳᬸᬯᬸᬲᬯᬃᬲᬶᬳᬭᬶᬭᬶᬲᬶᬗᬸᬮᬄ᭞ᬢ᭄ᬬᬵᬕᭂᬲᬸᬓᬯᬶᬪᬯᬬᬢᬦ᭄ᬓᬢᭂᬫ᭄ᬯᬲᬓᬳᬦᬦᬶᬓᬦᬸᬓᬦᬶᬲᬨᬮᬵ᭞ᬢᬵᬢᬦ᭄‌ᬳᬸᬦᬶᬗᬫᬶᬬᬢᬶᬲᭀᬮᬳᬶᬂᬧᬭᬯᬶᬦᬵᬤᬘᬶᬦᬮᬭᬶᬦᬶᬤᬍᬫ᭄ ᭛ ᭜ ᭛ ᬇᬢᬶᬦᬵᬕᬭᬓᬺᬢᬵᬕᬫᬲᬫᬵᬧ᭄ᬢᬵ᭞ᬲᬗ᭄ᬓᬣᬰ᭄ᬭᬷᬫᬳᬵᬭᬵᬚᬯᬶᬮ᭄ᬯᬵᬢᬶᬓ᭄ᬢ᭞ᬢ᭄ᬓᭂᬂᬦᬸᬱᬧ᭄ᬭᬦᬸᬱᬵᬓᬘᬬᬾᬂᬲᬶᬭ᭞ᬫᬓᬵᬤᬶᬩᬵᬮᬶᬭᬚ᭄ᬬᬧ᭄ᬭᬢᬶᬲ᭄ᬢᬵᬗ᭄ᬓᬦ᭞ᬫᬓᬦᬶᬫᬶᬢᬂᬲᬗ᭄ᬳ᭄ᬬᬂᬧ᭄ᬭᬰᬵᬲ᭄ᬢᬶᬯᬰᬷᬢᬵ᭞ᬢ᭄ᬓᭂᬂᬬᬯᬤ᭄ᬯᬷᬧᬲᬫᬦ᭄ᬢᬵ᭛ ᭜ ᭛ᬲᬫᬗ᭄ᬓᬦᬢ᭄ᬮᬲ᭄‌ᬢᬶᬦᬸᬮᬃᬢ᭄ᬓᬵ ᬧ᭄‌ᬦᬶᬭᬵᬃᬣᬧᬫᬵᬲᬄ᭞ᬗ᭄ᬓᬦᬾᬂᬓᬜ᭄ᬘᬡᬲ᭄ᬣᬵᬦ᭞ᬳᬶᬂᬧᬸᬮᬶᬦᬩᬵᬮᬷ᭞ᬭᬶᬂᬝᬦᬶᬧ᭄ᬭᬤᬾᬰᬓᬯ᭄ᬬᬵᬦ᭄‌ᬭᬶᬂᬯᬾᬢᬵᬦᬶᬂᬢᬮᬕᬤ᭄ᬯᬵᬚ᭞ᬲ᭄ᬥᭂ᭠ᬗᬶᬂᬢᬶᬦᬗ᭄ᬕᬸᬂᬭᬷᬧᬸ᭞ᬓᬸᬭᬂᬓᬯᭀᬢ᭄ᬦ᭄ᬬᬓᬧᬬᬸᬗᬵᬤᬾᬲᬂᬮᭀᬢᬵᬢᬷᬰᬺᬤ᭄ᬥᬫᬵᬘ᭄ᬘ᭞ᬳᬵᬧᬦ᭄‌ᬢᬦ᭄ᬢᬫᬾᬂᬕᬸᬭᬸᬮᬖᬸᬧᬲᬜᬦ᭄᭞ᬳᬓ᭄ᬯᬾᬄᬧ᭄ᬭᬪᬾᬥᬵ᭠ ᬦ᭄ᬬᬵ᭞ᬓᬾᬯᬮ᭄ᬬᬫᬶᬮ᭄ᬯᬫᬢ᭄ᬭᬂᬦᬸᬭᬵᬢ᭄᭞ᬭᬶᬂᬤᬶᬦᬵ᭞ᬉ᭞ᬯᬺ᭞ᬓᬶᬭᬗ᭄ᬕᬵᬧᬳᬂ᭞ᬓᬃᬢ᭄ᬢᬶᬓᬫᬵᬲᬦᬶᬂᬧᬦᬶᬍᬫᬦ᭄᭞ᬇᬰᬵᬓ᭞ᬧᬓ᭄ᬱᬗᬺᬗᭃᬖᬡᬤᬾᬯ᭞᭑᭖᭖᭒᭞ᬲᬫᬦᬓᭀᬯᬶᬲᬦ᭄ᬬᬲᬶᬦᬸᬭᬵᬢ᭄᭞ᬓᬵᬫ᭄ᬧᬸᬭᬳᬤ᭄ᬬᬦᬶᬭᬲᬂᬫᬦᭂᬫ᭄ᬯᬂᬤ᭄ᬮᬵᬳᬫᬓᬤᬶᬲᬗᬫᬵᬘ᭄ᬘ᭞ᬤᬸᬫᬤ᭄ᬬᬓ᭄ᬦᬂᬓᬤᬶᬃᬖ

Leaf 43

kakawin-negara-kertagama-c 43.jpeg

Image on Archive.org

Leaf 44

kakawin-negara-kertagama-c 44.jpeg

Image on Archive.org