Gaguritan Warna Warni 02

Original on Archive.org

Description

Bahasa Indonesia

English

[᭒ 2B] ᭞᭒᭞ ᬢ᭄ᬭᬂᬲᬶᬦᬄᬭᬶᬂᬘᬳᬶ᭞ᬜᬾᬦ᭄ᬢᭀᬚᬢᬶᬦᬾᬘᬳᬶ᭞ᬲᬗ᭄ᬓᬦ᭄ᬩᬦᬶᬗᬓᬸᬳᬓᬸ᭞ᬫᬓᭂᬚᬂᬦᬕᬶᬄᬕᭂᬮᬳᬂ᭞᭠ᬜᬾᬦ᭄ᬲᬶᬄᬓᬓ᭄ᬯᬶᬦ᭄ᬘᬳᬶᬳᬶᬲᬶ᭞ᬳᬶᬲᬶᬦ᭄ᬲᬸᬫ᭄ᬲᬸᬫ᭄᭞ᬳᬶᬲᬶᬦ᭄ᬚ᭄ᬭᭀᬓᬸᬮᬶᬢ᭄ᬢᬸᬮᬂ᭟ᬲᬗ᭄ᬓᬦ᭄ᬘᬳᬶᬫᬭᬸᬧ᭠ ᬚᬤ᭄ᬫ᭞ᬳᬤᬦᭂᬂᬦᭂᬂᬩᬸᬓᬚᬦᬶ᭞ᬢᬸᬯᬄᬳᬚ᭄ᬜᬦᬗ᭄ᬭᬡᬬᬂ᭞ᬓ᭄ᬦᭂᬳᬾᬭᬸᬧᬬᬂᬘᬳᬶ᭞ᬢ᭄ᬯᬄᬳᬚ᭄ᬜᬦᬦᬾᬫᬓᬃᬤᬶ᭞ᬦᬾᬓ᭄ᬭᬡᬲᬗ᭄ᬓᬦ᭄ᬳᬶᬤᬸᬧ᭄᭞ᬳ᭄ᬤᬜᬦ᭄ᬫᬗᬸᬕᬸᬳᬢ᭄ᬫ᭞ᬦᬾᬫᬭᬸᬧᬩᬸᬓᬘᬳᬶ᭞ᬧᬂᬲᬶᬂᬩᬶ᭠ ᬗᬸᬂ᭞ᬧᬧᬓ᭄ᬳᬓᬸᬓᬤᬾᬦ᭄ᬭᬕ᭟ᬳ᭄ᬤᬘᬳᬶᬳᭂᬗ᭄ᬲᬧ᭄ᬭᬶᬂᬳᬯᬓ᭄᭞ᬳᬶᬗᭂᬢᬂᬤᬾᬯᬾᬓᬾᬲᬳᬶ᭞ᬳᬧᬂ᭠ᬭᬲᬗᭂᬦᬄᬫ᭄ᬮᬯᬢ᭄᭞ᬫᬢᬶᬗ᭄ᬓᬄᬤᬶᬫᬢᬦ᭄ᬘᬳᬶ᭞ᬳᬧᬂᬲᬶᬤᬩᬵᬫᬸᬶᬩᬸᬶᬮᬸᬶᬄ[strike/]᭞[/strike]ᬦ᭄ᬫᬩᬮᬶᬄ᭞ᬓᬤᬶᬮᬸᬯᬶ [᭓ 3A] ᬭᬾᬫᬢᬫ᭄ᬬᬸ᭞ᬲᬧ᭄ᬭᬢᬶᬗ᭄ᬓᬳᬾᬗᭂᬦᬄ᭞ᬚᭂᬮᬾᬦᬾᬩᬓᬢ᭄ᬮᬶᬂᬮᬶᬂ᭞ᬓᬾᬢᭀᬢᬸᬳᬸ᭞ᬘᬭᬦᬾᬫᭂᬦᭂᬳᬶ᭠ᬦ᭄ᬳᬯᬓ᭄᭟ᬬᬾᬦ᭄ᬲᬸᬩᬫᬓᭂᬚᬂᬲᬶᬦᬄ᭞ᬘᬘᬤᬼᬢᭂᬄᬚ᭄ᬮᬾᬦᬾᬲᬫᬶ᭞ᬚᬦᬶᬧᬢᬸᬢ᭄ᬬᬤᬩ᭄ᬤᬩᬂ᭞ᬕᬯᬾ᭠ ᬦᬶᬦ᭄ᬤᬾᬯᬾᬓ᭄ᬧᬤᬶᬤᬶ᭞ᬳᭂᬜ᭄ᬘᬾᬦ᭄ᬓᬸᬢᬂᬳᭂᬜ᭄ᬘᬾᬦ᭄ᬧᬸᬗ᭄ᬕᭂᬮᬶᬦ᭄᭞ᬳᭂᬜ᭄ᬘᬾᬦ᭄ᬢᬸᬜ᭄ᬚᭂᬮ᭄ᬳᬧᬂᬧᬸᬳᬸᬦ᭄᭞ᬳᭂᬜ᭄ᬘᬾᬦᬾᬧᬢᬸᬢ᭄ᬧᬸᬧ᭄ᬯᬵᬂ᭞ᬫᭂᬮᬳᬳᬂᬫᬶᬮᬶᬫᬶᬮᬶᬳᬶᬦ᭄᭞ᬧᬂᬲᬶᬂᬓᬧᬸᬲ᭄᭞ᬲᬸᬚᬢᬶᬦᬾᬲᬭᬸᬭᬶᬂᬫ᭄ᬮᬄ᭟ᬗ᭄ᬭᬓ᭄ᬱᬤᬾ ᬯᬾᬓ᭄ᬳᬧᬂᬫᭂᬮᬄ᭞ᬘᬭᬗᭂᬫ᭄ᬩᬦ᭄ᬳᬦᬓ᭄ᬘᭂᬭᬶᬓ᭄᭞ᬲᬮᬳᬂᬂᬦᬗ᭄ᬳᬶᬂᬲᬬᬗᬂ᭞ᬳ᭄ᬤᬜᬦ᭄ᬓᬮᬳᬶᬦ᭄ᬳᬾᬮᬶᬂ᭞ᬮᬕᬸᬢ᭄ᬲᬶᬤᬩᬵᬦ᭄ᬗᬸᬮᬸᬭᬶᬦ᭄᭞ᬘᬳᬶᬮᬯᬸᬢ᭄ᬗᬮᬶᬄᬳᬮᬸᬄ᭞ᬢᬓᬸᬢ᭄ᬫᬓᭂᬭᬲᬶᬦ᭄ᬳᬯᬓ᭄᭞ᬓᬤᬾᬦ᭄ᬘᬳᬶᬢᬺᬲ᭄ᬦᬚᬢᬶ᭞ᬗᬮᬶᬄ

Auto-transliteration

[2 2B] 2 trangsinaḥringcahi, ñentojatinecahi, sangkanbaningakuhaku, makĕjangnagiḥgĕlahang, ‐ñensiḥkakwincahihisi, hisinsumsum, hisinjrokulittulang. sangkancahimarupa‐ jadma, hadanĕngnĕngbukajani, tuwaḥhajñanangraṇayang, knĕherupayangcahi, twaḥhajñananemakar̀di, nekraṇasangkanhidup, hdañanmanguguhatma, nemarupabukacahi, pangsingbi‐ ngung, papak'hakukadenraga. hdacahihĕngsapringhawak, hingĕtangdewekesahi, hapang‐rasangĕnaḥmlawat, matingkaḥdimatancahi, hapangsidabāmuibuiluiḥ[strike/], [/strike]nmabaliḥ, kadiluwi [3 3A] rematamyu, sapratingkahengĕnaḥ, jĕlenebakatlingling, ketotuhu, caranemĕnĕhi‐nhawak. yensubamakĕjangsinaḥ, cacadl̥ĕtĕḥjlenesami, janipatutyadabdabang, gawe‐ nindewekpadidi, hĕñcenkutanghĕñcenpunggĕlin, hĕñcentuñjĕlhapangpuhun, hĕñcenepatutpupwāng, mĕlahahangmilimilihin, pangsingkapus, sujatinesaruringmlaḥ. ngrakṣade wek'hapangmĕlaḥ, carangĕmbanhanakcĕrik, salahangngnanghingsayangang, hdañankalahinheling, lagutsidabānngulurin, cahilawutngaliḥhaluḥ, takutmakĕrasinhawak, kadencahitr̥ĕsnajati, ngaliḥ